Post: #1
Title: ديل منو
Author: mohmmed said ahmed
Date: 01-15-2008, 06:11 AM
فى الامثال السودانية تورد اسماء لشخصيات نسائية ورجالية
الكثير من الاسماء غير معروفة
نسال العارفين يورونا الناس ديل منو وقصة الامثال شنو
مثلا
يقول ليك
لون زينب زينب صاحبة اللون الرهيب دى منو
يقول ليك
امات طه
طه دا منو وقصتو شنو
يقول ليك
قميص عامر
عامر منو
يقول ليك
مرض حامد
المرض معروف لكن حامد الجنى دا منو
يقول ليك
الشبل لولا براعة الشبل بندر
غايتو طشاش طشاش كدا اظنو لاعب كورة
يقول ليك
فراق الطريفى لى جملو
عرفنا المثل لكن الطريفى مقطوع الطارى دا منو
يقول ليك
مزنوق زنقة بت الكردى
يقول ليك
سكرة ينى
ينى دا صاحب بار فى امدرمان مش كدا
|
Post: #2
Title: Re: ديل منو
Author: maia
Date: 01-15-2008, 06:17 AM
Parent: #1
الاخ محمد سيد احمد
تحياتي
والله برضو بسمع بكتير من الامثال الفيها اسماء ونفسي اعرف الاسماء دي لمنو
يعني مثلا امات طه !! وامات دي ذاتها هل هي جمع امهات ولا ليها معنى تاني
مع انه لون زينب هو اللون البيجمع بين الاخضر والارزق ( اللبني )او بلغة اخرى هو التركواز
مع انه ما في واحدة لونها بيكون اخضر على لبني
لكن اكيد بيرمز لحاجة معينة
غايتو عندنا حاجات تمحن وتحير
ولذيذة جدا
|
Post: #3
Title: Re: ديل منو
Author: mohmmed said ahmed
Date: 01-15-2008, 06:22 AM
Parent: #2
لون زينب يجمع بين الاخضر والتركوازى
هسا دا لون زول ولا لون بلية
وامات ياها امهات مع الكسرة الشايقية اللذيذة
ودايرين اسماء اخرى من الامثال
وشكراmaia
|
Post: #4
Title: Re: ديل منو
Author: الشيخ إبراهيم الشيخ
Date: 01-15-2008, 06:35 AM
Parent: #3
محمد سيد احمد كيف اخبارك
مشتاقين ياخ انت العين ده
لقيت فيها شنو لابد كده
انا بعرف ليك الشبل بندر ده
كان بلعب في فريق الشاطي الامدرماني
واظن لاعبين مع الهلال واخدو 14 قون والله اعلم
وعمنا طه حمدتو عليه الرحمة كان هو مذيع
عبر الاذاعة السودانية وبندر ده كان صغيروني
وحارس مرمى الشاطي بعد المباراة خلصت بطاشر قون كده
المذيع قال لولا براعة الشبل بندر لمني الشاطي بهزيمة نكراء
(انكر من كده كيف ما عارف )
الباقي ده ننتظر معاك عشان نعرف
تحياتي لك والاسرة
|
Post: #5
Title: Re: ديل منو
Author: رأفت ميلاد
Date: 01-15-2008, 06:38 AM
Parent: #3
Quote: لون زينب يجمع بين الاخضر والتركوازى
هسا دا لون زول ولا لون بلية |
| Quote: وقديماً كانت الطواقى بيضاء للعجائز وحمراء للشباب . الى ان ادخلت زينب بت الاسطى اللون الزرعى وصار مرغوباً . وصار بابكر بدرى يقول للبنات سون لون زينب وعرف هذا اللون بلون زينب . |
.
Link شوقي بدري http://sudanyat.org/vb/showthread.php?t=7039
Sorry not to have aribic keyboard
come later
Regards mohmmed said ahmed
.
|
Post: #6
Title: Re: ديل منو
Author: mohmmed said ahmed
Date: 01-16-2008, 05:26 AM
Parent: #5
الشيخ اللاعب الحريف
كيفك
يازول العين ناشفا ما فيها اى نشاط ثقافى
لكن البركة فى لنا مهدى ويعقوب
شكرا على الشبل بندر الذى انقذ ببراعته فريقه من هزيمة اشر من النكراء
يا سلام
يارافت
معلومة تمام
يعنى اللون جا من الطواقى
هسا الطواقى فى البلد شى احمر وشى اصفر
نطلق عليها لون تيريزا اسوة بزينب
|
|