Post: #1
Title: عليكم الله أرحمونا .. بلا حزب أمة بلا لمة
Author: عز الدين بيلو
Date: 01-14-2008, 06:13 PM
بالله عشان ود الصادق المهدي بس خش جهاز الأمن ولا جهاز الاستخبارات
الناس هاجت وماجت
يعني هي خلاص وقعت في بشرى بس ولا شنو ؟؟؟
هو عليكم الله الصادق المهدي ذاتو ماالمؤسس والداعم الأول لحكومة الإنقاذ
قولوا لي كيف:
- يعني زول الناس انتخبتو.. وسلمتو حراسة الديمقراطية دي في البلد دي
حرسا بي شنو؟؟؟
- قاموا عشرين ولا تلاتين عسكري بس في 30 يونيو 1989 مسكوها من أقصاصها لأقصاها دون نقطة دم واحدة تراق حماية للديمقراطية التي يذرف عليها الصادق المهدي الدموع الآن
- يعني ليه ما يكون الصادق المهدي عمل زي العملة العملا عبد الله خليل
داك سلم الحكومة لعبود
والصادق المهدي سلما للبشير
أها قولوا لي الصادق المهدي خسر شنو من 89 لغاية الآن ؟؟
حيجي زول يقول لي: دخل السجن
يمين في ناس كتار خشو السجن في زمن الإنقاذ أكتر منو
وآخرهم صهره الترابي
حتقولوا لي: صادروا الدار
هههههههههههههههههههههههه
أها إن شاء الله بس هدوها
تقولوا لي أجبروه على الهجرة إلى أرتريا
بجيكم للكلام ده
|
Post: #2
Title: Re: عليكم الله أرحمونا .. بلا حزب أمة بلا لمة
Author: عبد العظيم احمد
Date: 01-14-2008, 06:16 PM
Parent: #1
زيتهم في بيتهم
|
Post: #3
Title: Re: عليكم الله أرحمونا .. بلا حزب أمة بلا لمة
Author: عز الدين بيلو
Date: 01-14-2008, 06:26 PM
Parent: #1
أها نجي لهجرة السيد الإمام.. من السودان لأرتريا
والتي حدثت أيام الزواج المشهور
ووقتها كانت الحدود السودانية الشرقية تشهد أشد القتال
فعليكم الله في زول عاقل يمكن أن يتخيل أنو السيد الصادق المهدي
يخرج من الخرطوم
إلى أسمرا
عبر الحدود الشرقية التي كانت مليئة بالحشود العسكرية
دون أن يوقفه أحد
وقد كان في ركب لا يمكن أن يمر دون أن يكتشف ؟؟
....
أها قلنا أنه استطاع أن يتخفى عن أعين رجال الأمن في الخرطوم
وأنه استطاع بما لديه من قوة خارقة - روحانية - أن يعمي أبصار الاستخبارات العسكرية عبى طول الحدود
...
أها طلع لي شنو ؟؟
مش عشان يسقط نظام الجبهة - زي ما بقول -
عمل شنو غير ما فتت ليك التجمع حتت حتت
ووقع اتفاقية جيبوتي
وجا راجع لحضن الوطن
رغم أنو لم يحقق ما وعد به
بل رجع حاله مثل حال من قيل فيه:
صغار في الذهاب وفي الإياب ......... أهذا كل شأنك يا (.............)
............
الحال من بعضو
فخلوا الحبيب (بشرى) في حالو
فالحال كله من بعضو
خربانة من كبارا 
|
Post: #4
Title: Re: عليكم الله أرحمونا .. بلا حزب أمة بلا لمة
Author: عز الدين بيلو
Date: 01-17-2008, 03:28 PM
Parent: #1
لكن
من
يقنع
قبيلة
النعام
|
|