Post: #1
Title: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: Munir
Date: 01-13-2008, 01:12 AM
.. يرجي الجرقسـة الراجياهو ..
زيو وزي كولن باول وكوندي رئيسا !!! ..
أو بالله واحد يديه قرشه وخلوه ينزل المحطة الجاية ..
|
Post: #2
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: Ahmed Abdallah
Date: 01-13-2008, 03:01 AM
Parent: #1
منير ....
سلااام .......
انت يا خوي قايل البلد دي فيها ناس
عينة محمد سليمان وما شابهه .....
دي بلد بتحكمها مؤسسات و السياسات
كلها تدار بواسطة مؤسسات و نظم ...
يعني لو اوباما فاز ... ما حا يعمل زي محمد سليمان
ما بحلم يقعد في راس الجلابة في الخرطوم و يخلف
كراعه و يجوا اولاد الجلابة الزماااان يخدموهو !!!
فهم محمد سليمان للسياسة يا منير هنا ماموجود
هنا الامة عفاها الله منذ امد بعيد من امراض الحقد
و الكراهية ................
__________________________
منير ....
شد حيلك لمن محمد سليمان يدخل الخرطوم
دخول الغاتحيين !!! حالف الا يشغلك سواقوا الخاص
|
Post: #3
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: hajhamad
Date: 01-13-2008, 02:35 PM
Parent: #2
| Quote: أو بالله واحد يديه قرشه وخلوه ينزل المحطة الجاية .. |
يا منير يا أخوي أنا خايف يلزو من الباب و قرشو زاتو ما ياخدو.. أصلو هو راكب مشعلق في الباب من بره..
|
Post: #5
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: Munir
Date: 01-18-2008, 07:35 PM
Parent: #3
المحيرني يا الحاج إنو الزبون ـ زي قول كضلو  ـ مصدق إنه حيبقي رئيس امريكا !!!..
بالمناسبة أنا لي أيام ما متابع الأخبار ومعزول عزلآ تامآ و مسطح كمان .. وقالوا شهرآ ما عندك فيهو نفقة ما تعد أيامه .. أها الحصل شنو؟؟.. أوع يكون جورج بوش فاز تاني ؟؟  ..
|
Post: #4
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: Munir
Date: 01-18-2008, 07:26 PM
Parent: #2
الأخ أحمد عبدالله سلامات ..
يا خينا زولنا ده يرعي في غنم ابليس ساااي .. مساكك وعود بني صهيون وينط من سرج ويركب فوق سرج ..أها النشوف حصان أوباما ده لو ما أداهو الدلجة !!! ..
وهو حتي لو أوباما مشي لقدام حيتبني مواقف المتطرفين الكارهين للعرب والمسلمين عشان الجماعة يرضوا عنه .. يعني جريقيس جاهز أو تحت التمرين ..
واسمح لي اختلف معاك في أنو امريكا دولة مؤسسات .. أبدآ .. هي دولة لوبيهات والقوي ياكل الضعيف والغني يأكل الفقير .. وأراها تتدهور نحو الحكم الملكي وحكم العائلات !! .. لاحظ بوش الكبير ورث ابنه، وكلنتون ورث زوجته !!! ..
قصة أمورو بايظ ..
|
Post: #6
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: jini
Date: 01-18-2008, 09:39 PM
Parent: #4
| Quote: شابكننا أوباما .. أوباما !! .. خلوه يفوز لنري الجرقسة علي اصولها !! ....... |
محمد سليمان قنع من بوش لقاهو جلابى ساكت اربع سنين بكسر فى السنين الناس بكسروا فى الدقايق يطفش فى الكورة حام الخليج ومصر حتى بالغلط ما جاب سيرة ضارفور!
انا فى عبدالواحد المغفل الواحد!
الراقد ليها شنو!
شابكنى شعبى شعبى!
غاندى ونكروما ما قالوها!
جنى
|
Post: #7
Title: Re: شابكننا أوباما .. أوباما !! .. خلوه يفوز لنري الجرقسة علي اصولها !! .......
Author: Munir
Date: 01-20-2008, 03:34 AM
Parent: #6
| Quote: محمد سليمان قنع من بوش لقاهو جلابى ساكت اربع سنين بكسر فى السنين الناس بكسروا فى الدقايق يطفش فى الكورة حام الخليج ومصر حتى بالغلط ما جاب سيرة ضارفور! |
يكسر في السنين يكسر في الدقائق يكسر في التلج كله ما جايب مريسة تامزين !! غير إنه زايد الطين بلة ..
ودسليمان، ومن لف لفه، خليهم يتجاروا ما بين سراديق المنظمات وطرق أبواب أولاد جون وأولاد جون لغاية ما يلقوا طيارتهم طارت ..
وبالنسبة لعبدالواحد أظني رديت عليك في بوستك وقلت لك بأنه شاف أنو قبيلته ودارفور كلها مهددة بأن تصبح لقمة سائغة في فم ادريس دبي إذا سلم قياده لجلابة تشاد !!! .. قال ليك جلابة السودان ولا جلابة تشاد .. وزي ما شايف قالوا تحالف مع الجنجويد شخصيآ !!! .. يازول جنآ تعرفه ولا جنآ ما بتعرفه !! ..
|
|