الشاعر المتميز أزهري محمد علي في ليالي منتدى الحروف

نعم هو بي ذاتو
أزهري محمد علي

شاعرنا المتميز وأحد ملوك ساحة الشعر في هذا الزمان

أدعوكم أحبابي لنزفه معاً في إحدى ليالي منتدى الحروف نسخة الدوحة

المكان : مركز أصدقاء البيئة الدوحة
الزمان والوقت : الأربعاء 16 يناير 2008 الساعة 8 مساءً

ولجميع الأحباب الشعر يحتاج إلى السكينة والسمع والتأمل لذا نعتذر عن إمكانية قبول وجود أطفال

Quote: لذا نعتذر عن إمكانية قبول وجود أطفال

نحن زمان شن قلنا



عادل التجاني انتو الايام دي عايزين تجيبو لينا جلطه فنيه
ربنا يسامحكم

حاضرين يا عادل
ومرحب بالاستاذ ازهري والف مرحب بالشعر السمح

كي كي

مقعدك دائماً محجوز لك

فأنتم من يضيئ ساحة المنتدى

مرحبتين

العزيز محمد الطيب حسن

سلامتك من الجلطه

مسألة الأطفال دي حيرتنا لأن أخواتنا السيدات الراغبات في حضور مثل هذه الفعاليات يجدن أنفسهن مجبورات على إحضار أطفالهن وتكمن مشكلتنا في أن معظم هنالك أطفال (نجاضات) ومزعجين ويمارسون هذا الإزعاج والمشكله أن الأسرة ترى ذلك ولا تحرك ساكناً .
وبعض الاسر ترى أن الحضور (للتغير) وهذا يمكن أن يتم بالذهاب للكورنيش والأماكن العامة المفتوحة التي يحبها الأطفال

وعليه أكرر اعتذاري عن عدم ثبول إحضار الأطفال

ومرحب بيك يا أمير

يا اخوانا كده كتيييير !

ما بنتحمل الحاجات دي كلها مرة واحدة !

صحافة

إنت دق صدرك وتعال
وشكراً على تغطياتك الجميلة

عادل المبدع،،، لك التحية .....

ليظل مشعل الثقافة يضىء ليالى يناير فى دوحة العطاء...






حضور مبكر


ش

أ . شكري سليمان

شكراً على المرور الجميل
وسيبقى المشعل مضاءً بوجودكم ودعمكم
ولك مكانة في الذاكرة دائماً

ستضاف إلى أمسيات الدوحة المترعة بالشعر والأغاني

أبو ساندرا الحبيب

انت رقم عظيم في منظومة الدوحة وأمسياتنا
والدور جاي عليك في المنتدى فانت مطلوب

.

.

المهندس / معتصم الطاهر

تحياتي

انت مطلوب للمشاركة في إدارة هذه الأمسية يا حلو

زوقه مافي يا شاطر كفاية (الزوقه الأولى)

عادل التجاني

استاذ/ عادل
مساء الخير
بطريقة دي ....بسحروك .
جاهزيييييييييييييين ومن حسع في دوار المستشفي .
ولكل الطلبات والمهام......
بالله خليك كده دائما.
الدنيا برد ....اقعد اكسر ليك في التلج ...لامن تمسكني سقطة....مش جلطة محمد الطيب .....!
تسجيل حضورمبكر
هارون دياب

يا هرون

كسير تلجك ولا الشطة الخضراء بتاعة أخونا (ود الأمير)

أنت في القلب ومطلوب للتنظيم

عادل التجاني

عادل التجاني المرهف

والله العظيم مجهوداتك مقدرة وما تقدمه يدخل الفرح والسرور في النفس.

أبقاكم الله وأدام فضلكم

مع جزيل الشكر وعظيم التقدير

حسن

عادل للجميع
سلامات يازول يا شامل
شكراً على أزهري

طارق يا فنان

أهلاً بيك وخليك قريب

أنا أسميه يناير الابداع
بصراحة أنا قليبي رهيف
وما بستحمل الابداع دا كله كدا مرة واحدة

ود القريش
أهلاً بيك
يلا اتحرك مطلوب في التنظيم وجهز الكاميرا

المصيبه انو فى اطفال كبار , ديل يعملوا معاهم شنو !!!


شكــــــــــــــــرا يارائـــــــــــــع

شكرا عادل التجانى
وأهلا بصديق العمر أزهرى محمد على
اهلا بشاعر وضاحة ومشرع الحلم الفسيح
وابداكى من وين والعديد من الروائع

ود الأمير المره دي ما بقول ليك أعمل بنر

ولكن مؤكدالجماعه عايزين يعرفوا الصحبة دي بتستاهل التقدير ولا لا

أنا ما بعمل بنر وإنت لو عايز الشطة الخضراء ما تعملوا وبعدين نحن لسانا طويل

أ. كمال علي

شكراً على المرور
ومسألة الإزعاج الذي يصدر من الكراسي الخلفية له أسبابه
هنالك أشياء تتعلق بالصوت أحياناً
وهنالك أشياء تتعلق بالموضوع المطروح
وأشياء تتعلق بالمزاج
وهنالك من يأتي للقاء الأصحاب ولا يعطي الموضوع الأهمية وبالتالي لا يعير الناس اهتمام ولا تهتمه رغبتهم في الاستمتاع والمعرفة

ولكن اكتساب ثقافة الإنتباه يأتي ولو بالتدريج

إنت بس تعال بدري وأقعد قدام

Quote: ولجميع الأحباب الشعر يحتاج إلى السكينة والسمع والتأمل لذا نعتذر عن إمكانية قبول وجود أطفال

استاذى الجليل/ عادل التجانى

تحيه واحترام

نثمن ونقدر جهدك الخرافى فى تنظيم واقامة هذه الفعاليات الجميله التى تسعدنا كجاليه سودانيه وانت تتكبد المشاق من اجل التنظيم والاخراج والاستضافه. كما يسعدنا ان تستضيف الشاعر الاستاذ ازهرى محمد على ونؤكد حضورنا ونبشرك هذه المره (single)بدون نجاضات.

كدا تمام .. عشان اقدر الحق الفاتني
ما الامسية الاولى في نادي الغزال ما لحقتها كلها ...

غايتو الحمدلله موسم البيات الشتوي بتاعي خلص في فترة عامرة ..

تسلم يا عادل ..
حضوووور .. وزي ما قال ضحية "بدون نجاضات"

Quote: حضوووور .. وزي ما قال ضحية "بدون نجاضات

فوق @اصدقاء البيئة@ دوحة@ عادل التجاني الجميل

المهندس / كي كي

بدونك مسيخه

وعشان مره واحده تسكت لي الجماعه اللبالي بالك

أ . رندا حاتم

بدري شويه
مكانك شاغر
ومليون مراحب

ضحية الحبيب

صباحك خير

اشكرك على المرور
ومعذرة لكافة نجاضات الدوحة فهم أولادنا وحبايبنا بس اليوم دا حا نخليهم في البيت

مرحب بيك حا تنورنا

وكما قال احدهم

(جوعان اليكم ومتخم بالآخرين)

وجوع الشعر اصعب من جوع البطن
واظن أن الازهري سيسد فينا جوع الشعر وشهوته ويطرد عنا البرد بدفء قوله الي حين,
ومن ثم يعلن عن رحمانيته بيننا .




شكرا لمنتدى الحروف الذي يعمل جاهدا لتغير طعم الغربة فينا بتوفير المتاح
من الاحرف .
شكرا عادل التجاني
ولضيف المنتدى ما يرغب فيه بيننا.

فيصل عباس

تحياتي

شكراً على المرور

بس عايز أقول

(منتدى بدون جمهور = صفر)

فأنتم زينته ووقوده

الغالي أبو الزمل ود التجاني

أنا بي هناك راجيك ترحب بي وإنت أتاريك بي هنا عندك كل هذه الأخبار اللذيذة

الحكاية شنو يا خوانا الدوحة دي حيرتنا عديييييييييييل كده !!
إما نووووووووووووووم طويييييييييييييل

أو تخمة من الإبداع

جايييييييييييين لكن راجيك ترحب بي بي هناك ...

وأخيراً
عثمان دغيس

يا خوي بكري أبو بكر دا (طلعت ليهو في راسو أن يغذي هذا المنتدى بأحلى الأقلام) نحن قبيل شن قلنا بس بيني وبينك (كلام القصير ما بتسمع)

أنت مرحب بك دائماً ومن القلب وأنا آسف ما شفت بوست الترحيب وسأذهب إليه حالاً

ود التجانى الجميل ,

أقول ليك حاجه ,, المره دى مش منتدى حروف وبس !!!

دى حروف ضوئيه ياعادل .. وكلمات من نور باهر وزمن تانى !

أزهرى ده حاله من حالات تتويج هذا البلد وشعب هذا البلد ,

بأبهى وأزهى حروف الحب والخير والجمال !

لله درك يارجل .

العزيز الغالي مأمون

ولو ما كدا إنتوا بجيبوكم كيف
دخلتوا في بيات شتوي طويل وأخرجكم (أزهري)

أهلاً بيك مأمون ومن دخل منتدى الحروف فهو آمن

أحبابي الأعزاء

كما عودنا منتدى الحروف

ستكون هنالك طاولة مخصصة لقبول الإهداءات التذكارية لضيوف المنتدى

والذي أتمنى أن يكون ضيف شرفه الأستاذ / هاشم صديق فوجوده بيننا يرفع من مستوى التألق ونأمل أن تكون له مداخلات وآراء حول أشعار ضيف الليلة الأستاذ / أزهري محمد علي

ومن الآن أرجو أن يكون الجمهور عارفاً بشروط المنتدى

لأننا سنتناول فن أ . أزهري بالآراء النقدية يعني في سلخ بس خلوهو شويه خفيف يا جماعة

يعني باختصار ليست ليلة شعرية وبس
منتدى نخرج منه بقيمة أدبية

تحياتي

الأعزاء
اعضاء منتدى الحروف
التحيه لكم جميعآ

وانشاطكم الجميل
الأخ عادل التجاني
سأتصل بك اليوم لبعض النفاشات التي تخص الاعمال والنشاطات الثقافيه
مع مودتي
مهدي الأمين ( أسرة نادوس الثقافيه السودانيه - الأمارات )

الأخ العزيز / مهدي ود الأمين

تحياتي
واشكرك على التواصل الرائع بالهاتف والبريد الإلكتروني وكمان عبر هذا المنبر

نحن نسير نفس الخطى هنا وهناك

وكما قال الشاعر :
ايها الناس نحن من نفر عمّروا الأرض حيثما قطنوا

يد واحدة من أجل الزووول / هـ السوداني في أي زمان ومكان

مرحب بيك

الفنان المرهف عادل التجانى
بالرغم من ان درجة الحرارة الان سته درجات
و ان شتاء الدوحة هذه السنه قارص جدا
فانكم و هذه الكوكبة حولتم هذا الشتاء الى ربيع جميل
شكرا لك و شكرا لبورداب الدوحه
وشكرا لمنتدى الحروف

خالد ود العم سليمان

أنتم الدفء كله

حضورك يفرحنا

ومشاركاتك دائماً قويه
في انتظارك

بلا شك أننا نعيش أجمل أيامنا بالدوحة، في ضيافة هؤلاء الرائعين (هاشم، أزهري، فضيلي)، والاضافة الرائعة الصديقة الشاعرة د.ناهد، أنهم معا يعيدون ترتيب وجداننا،يغسلون مشاعرنا.

فشكرا للأصدقاء أعضاء منتدى الحروف، لمد أيام فرحنا، ورفده بلقاء آخر.

العزيز نادوس
وعبركم تحية خاصة للأخت د . ناهد
ويسعدنا جداً مشاركاتها الرائعة
ولها جلسة خاصة يسعدني تنظيمها بالتعاون معكم
مرحب نادوس الخير

شكرا منتدى الحروف على هذة الاستطافة الرائعة

فقط نرجو الحرص على المواعيد

العزيز معاوية
الروعة تأتي بمشاركاتك الجميلة وطلتك البهية

مرحب بيك يا عزيز
وبشأن المواعيد طبعاً إنت عارف أن المنتدى يحرص دائماً على استئناف نشاطه في الوقت المحدد ولو حضر شخص واحد
وإن كان هنالك مشكلة فهي البرد الشديد الذي يزور الدوحة هذه الايام مع الاساتذة (هاشم صديق - فضيلي جمّاع - أزهري محمد علي - د . ناهد) وأنا ما عارف مين فيهم أكل في الحله وجاب لينا المطر والبرد بي أولاده
عموماً فإننا حرصنا على أن تكون صالتنا دافئة

فووووووووووووووووووووووووووووووووووووووووووووووووووووووووووووووووووووووووووووووووووووووووق

شكرا يا عادل:
بعد اذن الاخوه في منتدي الحروف
سيتم في هذه الليله تكريم الاستاذ هاشم والاستاذ ازهري
من قبل الجاليه السودانيه بقطر ممثله في رئيس الجاليه واللجنه المنظمه
للاحتفال بالذكري 52 لاستقلال السودان

عمر يا بوب
أهلاً بيك وبأعضاء الجالية

وكما أعلنت أن هنالك طاولة كبيرة للإهداءات ولتكريم ضيوفنا الأفاضل يسرنا فعلاً أن يكون تكريم هؤلاء النجوم من خلال ليلة منتدى الحروف وكمان باسم الجالية

مراحب مراحب

ازهرى محمد على فوق انه شاعر مطبوع ، يجرى الشعر فى عروقه مجرى الدم وهو يستطيع ان ينسج على منوال الكلمات العاديه والبسيطه ثياب من حرير ، يتمتع بعذوبة فى الالفاظ والتراكيب والجمل وسلاسة مقاطع شعره تجعلك تندهش كيف يستطيع هذا الشخص ان يجمع خيوط نور الشمس فى يديه ، فوق ذلك فهو عالى التهذيب والرقه وهو مستمع جيد لمحدثه ويتمتع بسخرية وحس للفكاهه مبهر كما انه يتمتع ايضا بنبل فى التعامل مما حبب الناس فيه من كل الفئات مما جعله محبوب الشباب والطلاب فهو عندما يعتلى المنصه او المنبر ليلقى على المسامع قصائده يلتزم الجميع الصمت ويصبحون كلهم آذانا صاغيه ، فهو قد اعطى موهبة وملكة الشعر وينبغى له.

Quote: أنا ما بعمل بنر وإنت لو عايز الشطة الخضراء ما تعملوا وبعدين نحن لسانا طويل

سمعنا واطعنا

ود الأمير

تحياتي
والشطة الخضراء مسحوبة

الحبيب ود الزين

اشكرك على هذه الرسالةالهامة والتي تستحق أن تكون ترويسة بوست لحاله
وأشكرك ثانية لأنك تتمتع بنفس الخلق والجمال ولك كامل الاحترام
لك ولست بيتك ألف تحية فقد كان لك فضل حصولي على عضوية هذا المنبر

عادل

كانت ليله كالحلم !

الناس دى أكيد ما من هنا ! من حته تانيه , من مكانات تانيه , وعالم تانى !

الكلام ذاتو ما كلام نصاح ! غايتو ده ممكن يخلينى أتهور وأقول أنو الشعر بالفصحى فى
السودان ده مافى ليو أى داعى ! .. ياخى كلامنا العادى ده أتاريو سمح سماحه , وماأظن فى لغه
أثرى وأجمل وأرقى وأعمق من كده ! لا وكمان حاجه تانيه , دى أظنها قمة المعانى الوصلت لى كوكب الأرض
على الإطلاق ّ لاتقول لي إمرؤ القيس , ولا عنتره بن شداد ولا حتى المتنبى !

غايتو الحمدلله أنو زى أزهرى وهاشم ديل مننا ! وده بيؤكد عندى حاجه أنو الإنسان المبدع ده ماهو
إلا تتويج لى ناس لى بلد فى الزمان والمكان المعين ! ... الناس ديل تاريخنا وإرثنا وجمالنا وحاجاتنا كلها بتتمثل فى زول ! .... غايتو الحمدلله .

شكراً أزهرى محمد على .. شكراً هاشم صديق ... شكراً جالية قطر .. شكراً منتدى حروف النور .

شكراً عادل .. وجميع الحضور , الما الكانو إلا أزهرى وهاشم صديق .

أ . مأمون أبو الطيب
تحياتي

هذا الثراء من مكنون ثروات سوداننا العزيز
هذا الشاعر العظيم رضع من ثدي الوطن فارتوى من الظمأ
وها هو يسقينا بدوره جمالاً وألقاً وفنا

سعدنا بتواجدك أبو الطيب

روعة الأستاذ أزهري محمد علي ليس في كتابة الشعر فقط بل في استنطاق الحروف والكلمات.

هل لاحظتوا معي جمال الالقـــــــــــــــــــــــــــــــــــــــاء ؟؟

أ . حسن طه

كيفنك يا محترم

تعرف المشكلة حا تكون في هذا السؤال

يا ربي النوع دا في زيو كتير ؟؟
لأنو لو زيو مافي حا تكون مشكله كبيرة لمنتدى الحروف لأننا نطالبه بقوة أن يبحث عن التميز وأن يخطو إلى الأمام وهذا لن يتأتى إلا بمثل هؤلاء .

أزهري محمد علي (هامة شعرية) ضاربة معبرة ولها القدرة على دخول كل جخانين القلوب

نورتنا يا أبو الحسن

سلامات يا عادل للزول الرائع : أزهري.
كنتُ أتمنى أن أكون معكم للترحيب به.
لم ألتق به ولكن فُتِلنا في عقدٍ نضيد من المودةِ على يدِ صانع الحب الجميل: مصطفى سيد أحمد .
سلامٌ عليكم وعلى مصطفى في الخالدين.

العزيز مسعود

أحب تواصلك الجميل (بعيداً كنت أم قريب)
وهذه مشاركة اعتز يها

الأخوة المتداخلين

التحايا النواضر لكم جميعا وللعملاق ازهري

الليلة كانت فوق مستوى الإبداع

الحضور كان مشدوه بما يسمع وأنا منهم،،،،

بس ياخوانا عندي سؤال ، وقد طرحته على الستاذ أزهري لكن لم تشف إجابته غليلي ،،
والسبب في رأيي كان لأن مقدم الحلقة وعرابها لم يكمل له السؤال ولم يكن السؤال مما يمكن إجابته دون فهمه كاملاً

والسؤال كان وما يزال هو لييييييه الشعر في بلادي أصبح أو إنحصر في هذه ( النوعية ) حتى في مستوى وطريقة الإلقاء ؟؟؟

أظنكم فاهمني كوييييييس !!

تانيا أليس هنالك أنواع وضروب تانية من الشعر في السودان ؟
مقفى
تفعيلة - وأظن ما يتناوله شاعرنا هو يشبه هذا النوع مع بعض الجنوح ( المقصود ) إلى مفردات من العامية الموغلة وبعض من إقتباسات !!

لكني ومع كل ذلك وجدتني أنتبه بدهشة لما كنت أسمعه من موسيقى شعرية إنتظمت ما نظمه الأستاذ أزهري ..


متعك الله بالصحة والعافية،،، وأكثر ن أمثالكم،،،

دغيس
مع كل المحبة
أعدك بإيصال سؤالك اليوم ونهاراً لاستاذ أزهري محمد علي
ولمقدم الجلسة المهندس / معتصم الطاهر

صحافة
السيف أصدق إنباءً من الكتب

صورة معبرة جداً

الفنان المبدع عادل التيجاني ماشاء الله عليكم وربنا يحفظم
روحكم طيبة كطيبة ارضنا الطيبة وكرمكم فياض ككرم نيلنا الخالد
وسماحتكم فاقت كل وصف وخيال لذلك كان في معيتكم الف شاعر والف فنان
ودوحتكم أثبتت بما لا يدع مجال للشك إنها دوحة الإبداع والناس الجميلين
يا بختكم بشاعر الكلمة المعبرة الأستاذ الشاعر الشفيف أزهري محمد علي
ورجاء تبليغه تحياتي الشخصية وقول ليهو في زول هناك في الرياض مكتول
في قصائدك الجميلة .

مرة اخري لكم مني كل المني والتحايا المعطرة وحفظكم الله من العين .

العزيز هاشم خلف الله
تحياتي

أشكر لكم زيارتكم العزيزة .. وتحياتك ستصل للاستاذ / أزهري اليوم قبل الغد
مجددا نورت الصفحة