شيوعي قديم

شيوعي قديم,,,مصطلح قديم

الشيوعي القديم

ولاء ... ومنتظر يبقي لواء

مكدب في انا شيوعي قديم من زمن حفروا البحر

سؤال

ياسعادة اللواء القديم حصل استقطبت ليك عضو ..جديد
الجواب... وين مع الكيزان دول ياباشا

سؤال... سعادتك

شعار اسقاط الكيزان عندو سقف زمني

الجواب ..منتظرين الامريكان يتدخلوا...بعد يطلعوا من العراق وافغانستان
الامريكان ولا الروس سعادتك
الامريكان يا افندي انت بعدين انا دكتور انت فاهم ولا ما فاهم..بعدين تاني امشي اقرأ النظرية اللينينة الماركسية الغورباتوشوفية في المنظور الماركسي الرأسمالي الجامد,,,ح تلقي فقرة سيطرة الكيزان علي السودان.. وهروب الرفاق الي الولايات المتحدة الامريكية والنضال من هنالك من واشنطن تحت شعار لا للحكومة الامبريالية السودانية ولا لسيطرة القطب الواحد..واعداد برنامج واضح للانتخابات القادمة.. برنامج يلبي طموحات الطبقة الكادحة من خلال برنامج هجرة منظم للدول الاشتراكية والجيفارية
وعودة العسكر الي سكناهم..سعادتك سكناتهم...نعم..نعم

سعادتك اقصد يادكتور

دارفور... رأي الحزب شنو
الاجابة ..نفس رأي الحركة الشعبية قبل رحيل غرنغ...نفس التكتيك
الانتخابات بادكتور
الاجابة..ح نكتسح الانتخابات يافردة
وبعدين

ينصرف سعادتو

لبكره

وهذا البوست

لا أدري (سيدوا) داير يقول شنو ؟

إضافةً لأنو الشيوعيين بايخين مثلاً وما بستحمو وما بشرب شاي لبن
وما بلبسو الا بناطلين جينز وما وما وما


شوف ياخينا :

الحزب الشيوعي السوداني يظل حزب عريق له تاريخه وإسهاماته
يبقي الحزب الشيوعي السوداني خالداً بدماء شهدائه الماتو
الموت الدوغري في زنازين الوجيع .
يبقي الحزب الشيوعي السوداني من صميم ضهر الشعب السوداني
لا غورباتشوفي لا سمج رماد.. يبقي الحزب الشيوعي قاعد
ومالي الفجة بإسهاماته وبنضالاته وبكونه وسط الجماهير
لاقاعد (في مقهي أو مكتب أو أو أو )


هوذا الحزب الشيوعي السوداني .


وإتلم يهز ليك يانوراي
يادرقة وسيف
ياحصناً كيف
من شر الصيف
والشتاء ضاراي

(حميد)


كما ننوه بأننا
لن نتداخل هنا حتي لو (طقيت راسك بالمنبر)