Post: #1 Title: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:20 AM Parent: #0
أحبائي أعضاء وقراء سسودانيز أون لاين يسعد صباحكم أو مساءكم حسب التوقيت المحلي عندكم مع اعتذاري
لخلف موعد يوم الجمعة لظروف خارجة عن الإرادة .. الكمبيوتر بتاعي في البيت حلف ستين يمين ما يشتغل
عشان عايزة أكتب عن ظاهرة زواج السودانين من أجانب وبما أنه أجنبي فقد عرف أن الموضوع يخصه مش
قالو بيعرف كل شيء ؟ ما علينا رغم أنكم وحشتوني جدا خلال الأربعة وعشرين ساعة الماضية سأكتب الوضوع
غصبا عنه وعن اللي خلفوه وعن اللي سموه ماكنتوش كمان !!
عندما كان عمر إبني البكر 15 عاما فاجأني بالقول وبلا مناسبة : ماما أنا مش هأتزوج سودانية !!
ليه يا حبيبي وما لهن السودانيات بنات زي العسل ودمهم شربات !! NO MUM IT IS IDIOT IDEA سجمي
يا ولدي البخليها فكرة معتوهة شنو ؟ دي آخرتها يعني ؟ ياماما !LISTEN TO ME PLS أها وبعدين ؟
السودانية يا ماما عايزة فرح ما حصل وعايزة دهب وتياب وعزومة كبيرة وكل يوم تقول عايزة تروح بيت
ماما أ وناس خالتي أوأختي أما الأجنبية IS V SIMPLE عايزة تعيش وبس وما بتعرف غير بيتها وأولادها .
وبعدين يا ماما أوعك تقولي عايزة تجيبي في الحفلة الكابلي ولا صلاح إبن الDESERT أها وعايز تجيب
منو يا روح أمك ؟ عايزة كريج ديفيد , وشاكيرا .. ماري كاري أو بريتني اسبيرز !! غايتو ديل القدرت
أحفظهم والباقي ما عرفتو طبعا كتير مني ولا ما كدي ؟
هذا الحوار لم يمر علي مرور الكرام بل بدأت أسأل نفسي هل الزواج من سودانية أصبح بالفعل فكرة
مزعجة لهذه الدرجة ؟ وما هي الأسباب التي تدفع بشبابنا من الجنسين إلى الزواج من جنسيات أخرى ؟
خصوصا وأن هذه الظاهرة قد بدأت تتفشى بصورة كبيرة في السودان وفي الإمارات حيث تزوجت بنت خالي
وإبنة خالتها من هولنديين منذ زمن طويل وبرغم أن زواج الفنانة القديرة تحية زروق من أستاذنا في
الجامعة باتريس ماري كان حدث إلا أن زيجات البنات من أجانب توالت ما جعلني أسأل بعضهن فكانت
الإجابة كالآتي : الرجل السوداني ودود قبل الزواج جاف لدرجة التصحر بعد الزواج .. كسول .. لا مبالي
غير طموح .. غير جاد .. إلخ معقول كل هذه الصفات موجودة في الرجل السوداني ؟ أيضا سألت الشباب
المتزوجين من أجنبيات فكانت الإجابةهكذا: المرأة السودانية تختلف في كثير من الأشياء عن الأجنبية
تهتم بنفسها قبل الزواج وتهملها بعد الزواج مباشرة .. أهتماماتها هامشية دهب وتياب وعدة .. لا تعرف
كيف ومتى تناقش زوجها .. سطحية .. إلخ
بالرغم من نجاح كل الزيجات التي أعرفها و انصهار هؤلاء الأجانب بصورة مذهلة في المجتمعات السودانية
إلا أن الموضوع يحتاج إلى وقفة وخير مثال لهذا الأنصهار زوج بنت صديقتي المجري الذي يتصرف وكأنه
سوداني من أصقاع السودان النائية لا يدخل غرفته قبل أن يسلم على والدة زوجته في رأسها وأزواج
بنات صديقاتي الأمريكيين أحدهم يسافر كل شهرين لمدني ومرات يجيب معاه والد زوجته التي تحضر
الماجستير في أمريكا لأنه زي ما بقول FEEL LONELY أما الأمريكي التاني فشوف عيني قبل أسبوع عشان
يحضر زواج شقيقة زوجته من إيطالي وكان واقف في الباب بستقبل في المعازيم ولمن شافني سلم علي
بحرارة عشان اتذكر إني حضرت عرسه و زوجة إبن عمي البولندية التي تعيش في السودان منذ مدة وهي آخر
حنة والذي منه شايلة القفة ماشة تجيب اللحمة والخضار ورغم أن أبنتها الكبرى في الجامعة ومع ذلك
ما زالت خايفة تجي واحدة سودانية تخطفو منها أما زوج إبنة قريبي الشيكي فدة والله فات الكبار
والقدره في الإنصهار عمة وطاقية وملفح وصلاة جمعة في المسجد ومشي للمقابر إلخ ولله في خلقه شئون !!
صحيح الزواج قسمة ونصيب فضلا عن ذلك فهو قرار شخصي له ظروف خاصة ولكن لابد من وقفة في هذا الموضوع
ومناقشته بصورة جادة علنا نصل إلى سبب واضح ووجيه قد يكون بالفعل هروب من واقع الزواج السوداني
الذي أصبح يقصم الظهر ويتسبب في عنوسة العديد من الفتيات .
خارج النص : الطيب شيقوق : شكرا على سؤالك عني كلك ذوق تئبر ألبي .
عادل سمير : تصحبك السلامة ألف مبروك تخرج إبنك من جامعة الشارقة .
Post: #2 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-12-2008, 09:36 AM Parent: #1
عطوفة العسل كل يومك خير
قالوا واحد سوداني عرّس ليهو لبنانية وجابو ليهم بنية رهيييبة والبنية كبرت وبقت عروس .. جاها ودعمها (وداخوهو) قال ليهو : يا عمي انا داير اعرس بتّك دي وزيتنا يبقى في بيتنا. قال ليهو زيتنا في بيتنا يا ابن الكلب زيت حار انشاء الله يدفّق في راسك المزعمط ده ،انعل ابوك لأبو اهلك نحن نصلّح انت جاي تبوّظ تااااني!!
امشي يا ود البنت دي دايره ود خالتها !!
Post: #4 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:44 AM Parent: #2
الأمير !!!
مودة بلا حدود ,,,
لكن ما ضحكتني لامن وقعت من الكرسي ,, هسة ود عمها دة مش بالغ !! الراجل ينضف وهو يجي يوسخ ؟؟
شكرا على الاستجابة السريعة كلك ذوق ..
Post: #5 Title: Re: قسمة ونصيب أم هروب من الواقع ؟؟ Author: محمد الأمين موسى Date: 01-12-2008, 09:49 AM Parent: #2
Post: #9 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:52 AM Parent: #5
حمودي !!!
كوفي حنان دة ما هو المطلع حنان الأولاد والبنات ذاتهم !!!
خليها قسمة وطرح وخوف من المجهول !!!
Post: #12 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:03 AM
عارف يا محمد إنه كوفي حنان ذاته متزوج فرنسية !!!
Post: #3 Title: Re: قسمة ونصيب أم هروب من الواقع ؟؟ Author: ابو جهينة Date: 01-12-2008, 09:39 AM Parent: #1
الأخت عواطف
تحياتي
بلا شك الأمر لا يخرج عن إطار ( القسمة و النصيب ) ... أقولها عن تجربة ..فقد كنت متزوجا من مصرية ( رحمها الله ) .. ساقتْني إليها رحلة القدر و القسمة و النصيب دونما سابق تخطيط ...
و لكن يكمن سؤال كبير .. السوداني المتزوج من أجنبية .. هل يستقر مع زوجته و أبنائه في بلده ؟ أم في بلد زوجته ؟ لو إستقر في بلده فإن مسألة زياراتها لأهلها و مجاملتها لهم و زيارة أهلها لها في مختلف المناسبات تجعل من الأمر شيئاً محيراً ... و هناك تجارب لزيجات دخلتْ في محك و منعطف خطير عند هذه النقطة بالذات ..
و السودانية المتزوجة من غير سوداني أيضاً تتجاذبها عدة منعطفات أهمها رغبتها في أن يكون أولادها على الأقل على إرتباط مع أهلها و أبناء جلدتها ( هذا إن رضيتْ بالإستقرار في بلد زوجها ) ..
أحد أقربائي متزوج من يوغسلافية .. أنجبا بنتأ و ولدا .. ثم إختلفا في بلد الإستقرار .. ثم أدى الإختلاف للطلاق .. و لا زال البنت و الولد ( مشلهتين بين البلدين ) .. و بين إخوتهم من أبيهم .. و من إخوتهم من أمهم التي تزوجت أيضا بعد طلاقها ...
تبقى نقطة مهمة : الزواج هو الزواج .. مادام يقوم على أسس الإختيار السليم و الإقتناع التام بين الطرفين .. لأن الهوية تتداعى أركانها عندما يتم الإقتناع بالآخر ... و ينتفي السؤال عن البلد و أحياناً عن الدين و عن خلفياتها أيضاً ...
خاتمة :
الأمر في بداياته عادي كأي زواج ... و لكن نهاياته معقدة بعض الشيء مالم يتم التخطيط له بكل صدق و تجرد دون الغرق في عسل البدايات ...و لا بد من الإتفاق على كل التفاصيل التي تخص الإستقرار النهائي و خصوصا مسألة السكن و تعليم الأولاد و المجتمع الذي سينخرطون فيه.
دمت
Post: #6 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:50 AM Parent: #3
أبو جهينة !!!
كالعادة فعندك الخبر اليقين ,, بالفعل الزواج قرار شخصي ولكن لابد من دراسته بصورة عقلانية تتضمن
رؤية مستقبلية وبعد نظر , وبالرغم من أن زواج السودانيين من بعضهم قد لا يكون ناجحا في بعض
الأحوال إلا أن المشاكل التي تفضلت بذكرها لن تحدث لوجود الطرفين في بلد واحد وبيئة مشتركة
وقد حدثت مشاكل كثير من هذا النوع أدت إلى اختطاف الاجانب لأبنائهم بدعم وتخطيط من سفاراتهم عموما
نتمنى التوفيق لبناتنا وأبنائنا,, شكرا للمشاركة ..
Post: #14 Title: Re: قسمة ونصيب أم هروب من الواقع ؟؟ Author: مجاهد عبد الرحمن Date: 01-12-2008, 10:10 AM Parent: #6
الغالية أم مجاهد لك الود والإحترام تعرفي يا أستاذة فعلاً والله الزواج من بعض السودانيات يجلب لك كل التعس رأيت الكثير من الزملاء والأصدقاء ممن تزوج من سودانية فمنهم من تعس حتى النخاع ومنهم من يصارع المرارات بسبب صلة القربى وخوفاً من خراب الأسر ... وهذه النماذج كثيرة خصوصاً ممن يدعين التعليم ... لأنهن يعتقدن أن التعليم هو الهملة والإنطلاقة تحت مسمى الحريات والحقوق ... جاهلات بأن التعليم هو وسيلة لتهذيب النفس وتقويم الشخصية للوصول إلى المستوى الذي يرتضيه ربها ومجتمعها ... ورأيت من تزوج من أجنبية محترمة متفهمة ملتزمة بتعاليم دينها وهم في غاية السعادة ... عليه أؤيد الزواج من السودانية الملتزمة ذات الأصل الطيب أو الأجنبيةالواعية ... تفادياً للشروخ والعذاب ... لي عودة
Post: #23 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:50 AM Parent: #14
الإبن الحبيب مجاهد !!!
ودي ,,,
كلامك صاح 100% وبرضة نفس الحكاية البنات بيقولن زواجهن من السودانيين كان غلطة عمرهن أها الحكاية
دي يحلوها كيف ؟ بتصدق الأجانب لما يسلموا بلتزموا إلتزام عجيب أول حاجة يعملها الواحدة بيمشي
الحج وبعدين عينك ما تشوف الا النور صلاة وصيام مرة في واحدة سودانية أمها يوغسلافية وقع منها
الحجاب أثناء حفل خطوبة أخوها قامت جارية جوة وقعدت تبكي وقالت ربنا حيحاسبني تصور ؟؟؟
Post: #7 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-12-2008, 09:51 AM Parent: #1
خلّي الود يا عواطف ياخد راحتو وما يغلط غلطة ابوهو !!
Quote: الرجل السوداني ودود قبل الزواج جاف لدرجة التصحر بعد الزواج ..
وهن ذاتن كان دايرات اليمشن يعرسن عشان ما يغلطن غلطات امّاتن ..
Post: #10 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:54 AM Parent: #7
بيني وبينك من شدة الجفاف والتصحر لامن فتنا الصحراء الكبرى بي غادي !!!
غلطة الشاطر بألف ,,,
Post: #8 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 09:51 AM Parent: #1
الاستاذة عواطف
حمد الله بالسلامة على العودة
Quote: أحبائي أعضاء وقراء سسودانيز أون لاين يسعد صباحكم أو مساءكم حسب التوقيت المحلي عندكم مع اعتذاري
لخلف موعد يوم الجمعة لظروف خارجة عن الإرادة .. الكمبيوتر بتاعي في البيت حلف ستين يمين ما يشتغل
عشان عايزة أكتب عن ظاهرة زواج السودانين من أجانب وبما أنه أجنبي فقد عرف أن الموضوع يخصه مش
قالو بيعرف كل شيء ؟ ما علينا رغم أنكم وحشتوني جدا خلال الأربعة وعشرين ساعة الماضية سأكتب الوضوع
غصبا عنه وعن اللي خلفوه وعن اللي سموه ماكنتوش كمان !!
عندما كان عمر إبني البكر 15 عاما فاجأني بالقول وبلا مناسبة : ماما أنا مش هأتزوج سودانية !!
ليه يا حبيبي وما لهن السودانيات بنات زي العسل ودمهم شربات !! NO MUM IT IS IDIOT IDEA سجمي
يا ولدي البخليها فكرة معتوهة شنو ؟ دي آخرتها يعني ؟ ياماما !LISTEN TO ME PLS أها وبعدين ؟
السودانية يا ماما عايزة فرح ما حصل وعايزة دهب وتياب وعزومة كبيرة وكل يوم تقول عايزة تروح بيت
ماما أ وناس خالتي أوأختي أما الأجنبية IS V SIMPLE عايزة تعيش وبس وما بتعرف غير بيتها وأولادها .
وبعدين يا ماما أوعك تقولي عايزة تجيبي في الحفلة الكابلي ولا صلاح إبن الDESERT أها وعايز تجيب
منو يا روح أمك ؟ عايزة كريج ديفيد , وشاكيرا .. ماري كاري أو بريتني اسبيرز !! غايتو ديل القدرت
أحفظهم والباقي ما عرفتو طبعا كتير مني ولا ما كدي ؟
هذا الحوار لم يمر علي مرور الكرام بل بدأت أسأل نفسي هل الزواج من سودانية أصبح بالفعل فكرة
مزعجة لهذه الدرجة ؟ وما هي الأسباب التي تدفع بشبابنا من الجنسين إلى الزواج من جنسيات أخرى ؟
خصوصا وأن هذه الظاهرة قد بدأت تتفشى بصورة كبيرة في السودان وفي الإمارات حيث تزوجت بنت خالي
وإبنة خالتها من هولنديين منذ زمن طويل وبرغم أن زواج الفنانة القديرة تحية زروق من أستاذنا في
الجامعة باتريس ماري كان حدث إلا أن زيجات البنات من أجانب توالت ما جعلني أسأل بعضهن فكانت
الإجابة كالآتي : الرجل السوداني ودود قبل الزواج جاف لدرجة التصحر بعد الزواج .. كسول .. لا مبالي
غير طموح .. غير جاد .. إلخ معقول كل هذه الصفات موجودة في الرجل السوداني ؟ أيضا سألت الشباب
المتزوجين من أجنبيات فكانت الإجابةهكذا: المرأة السودانية تختلف في كثير من الأشياء عن الأجنبية
تهتم بنفسها قبل الزواج وتهملها بعد الزواج مباشرة .. أهتماماتها هامشية دهب وتياب وعدة .. لا تعرف
كيف ومتى تناقش زوجها .. سطحية .. إلخ
بالرغم من نجاح كل الزيجات التي أعرفها و انصهار هؤلاء الأجانب بصورة مذهلة في المجتمعات السودانية
إلا أن الموضوع يحتاج إلى وقفة وخير مثال لهذا الأنصهار زوج بنت صديقتي المجري الذي يتصرف وكأنه
سوداني من أصقاع السودان النائية لا يدخل غرفته قبل أن يسلم على والدة زوجته في رأسها وأزواج
بنات صديقاتي الأمريكيين أحدهم يسافر كل شهرين لمدني ومرات يجيب معاه والد زوجته التي تحضر
الماجستير في أمريكا لأنه زي ما بقول FEEL LONELY أما الأمريكي التاني فشوف عيني قبل أسبوع عشان
يحضر زواج شقيقة زوجته من إيطالي وكان واقف في الباب بستقبل في المعازيم ولمن شافني سلم علي
بحرارة عشان اتذكر إني حضرت عرسه و زوجة إبن عمي البولندية التي تعيش في السودان منذ مدة وهي آخر
حنة والذي منه شايلة القفة ماشة تجيب اللحمة والخضار ورغم أن أبنتها الكبرى في الجامعة ومع ذلك
ما زالت خايفة تجي واحدة سودانية تخطفو منها أما زوج إبنة قريبي الشيكي فدة والله فات الكبار
والقدره في الإنصهار عمة وطاقية وملفح وصلاة جمعة في المسجد ومشي للمقابر إلخ ولله في خلقه شئون !!
صحيح الزواج قسمة ونصيب فضلا عن ذلك فهو قرار شخصي له ظروف خاصة ولكن لابد من وقفة في هذا الموضوع
ومناقشته بصورة جادة علنا نصل إلى سبب واضح ووجيه قد يكون بالفعل هروب من واقع الزواج السوداني
الذي أصبح يقصم الظهر ويتسبب في عنوسة العديد من الفتيات .
ده يا عواطف موضوع كتاب عديل واقترح عليك تجميع كل مداخلات الاعضاء الموضوعية لتكون جزءا من هذا المشروع .
كنت بالامس في محادثة مع الاخ خالد محجوب المنسي المتزوج من ميجرية وذكر لى ان زوجته سافرت لاهله في شندي عدة مرات - وقال عندما النهار يسخن بنفرش ليها تحت شجرة اللبخ الظليلة وده مش كفاية اخواتو بيكونن واقفات ديدبان بالخرطوش يرشن ليها في جسمها عشان يبردن الحر .
والله يا عواطف مهما سيقت الاسباب والمبررات فان زواج الاجنيات ملئ بالاسقاطات سواء على مستوى التعامل بين الزوجين او الاطفال الذين سيترنحون بين هويات فاقدة التجانس .
Post: #11 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 09:57 AM Parent: #8
ودشيقوق !!!
مودتي ,,,
كلامك صاح بس ميزة الأجانب أو الأجنبيات على وجه الخصوص إنهم بيعشوا في أي جو ومهما كانت الظروف
ودي حاجة تحير رغم سلبيات الزواج منهم عموما في انتظار الآراء الأخرى أما زوجة خالد محجوب المنسي
دي عفيت منها ربنا يديها العافية بس نقول ليها شنو ؟ ياهو دة السودان !!!
Post: #13 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 10:10 AM Parent: #11
Quote: بس ميزة الأجانب أو الأجنبيات على وجه الخصوص إنهم بيعشوا في أي جو ومهما كانت الظروف
عواطف
تحياتي لك مثنى وثلاث ورباع
هسع دحين الرطاني ده غير واحدة سامية دى البتحملو منو ؟
Post: #15 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 10:11 AM Parent: #11
Quote: بس ميزة الأجانب أو الأجنبيات على وجه الخصوص إنهم بيعشوا في أي جو ومهما كانت الظروف
عواطف
تحياتي لك مثنى وثلاث ورباع
هسع دحين الرطاني ده غير واحدة زى زوجتو سامية دى منو الاجنبية البتتحملو ؟
Post: #18 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:16 AM Parent: #15
ود شيقوق !!!
كلك ذوق ,,,
الرطاني دة على فكرة أجمل زول بس مواعيد شغله ودواماته الطويلة ما حدش بستحملها غير سامية ربنا
يطول عمرها وعمره ويديها الصحة والعافية ,,,
Post: #16 Title: Re: قسمة ونصيب أم هروب من الواقع ؟؟ Author: baha eassa Date: 01-12-2008, 10:13 AM Parent: #11
اختي العزيزة عواطف .. .. تحية طيبة .. ..
انتظرنا طلتك امس حتي منتصف الليل .. حمدا لله علي السلامة .. .. اما هذا الموضوع الهام جدا للوصول الي عمق المجتمع واهم عضلة فيه فسوف ادخل فيه لاحقا .. تحياتي
بهاء//
Post: #19 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:18 AM Parent: #16
بهاء !!!
يا صاحب الحضور الرائع والبهاء ...
شكرا على طلتك البهية معليش عاذراك شايفاك فانح خط نار بي غادي معليش ربنا يعينك !!!
Post: #17 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-12-2008, 10:13 AM Parent: #1
الموضوع كبييييييييييييييير يا عواطف وعشان ما نخش في تشابكات كتيرة وجدل انا كل شوية كده بدخل ليك بي قفشة ونخلي الجد و (الموضوعية) زي ما قال شيقوق :
Quote: ده يا عواطف موضوع كتاب عديل واقترح عليك تجميع كل مداخلات الاعضاء الموضوعية لتكون جزءا من هذا المشروع .
نحن خلونا (تي بويز) وكل مرة نجيب ليكم فنجان قهوة كده عشان مزاجكم ينظبط وتكتبوا بي مزاج وتحلّوا المعضلة دي!
Post: #20 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:19 AM Parent: #17
إنت تي بوي ولما تجيب القهوة واحدة حلوة زي سلمى صبحي يقولو عليها شنو ؟؟
Post: #21 Title: Re: قسمة ونصيب أم هروب من الواقع ؟؟ Author: أم سهى Date: 01-12-2008, 10:21 AM Parent: #1
Quote: وقال عندما النهار يسخن بنفرش ليها تحت شجرة اللبخ الظليلة وده مش كفاية اخواتو بيكونن واقفات ديدبان بالخرطوش يرشن ليها في جسمها عشان يبردن الحر .
وهن المسكينات ذنبهم شنو؟؟ هو يعرس وهن مشنطات واقفين يبردو فيها؟؟ محن عواطف كل سنة وانتي طيبة بجيك بي مهلة ده موضوع طويل وباين كله صعب لكن ما تقولي لي هن يبردو ليها في الحر؟؟ وهن البريح كرعيهم شنو من الوقفة؟؟؟
محن
Post: #22 Title: Re: قسمة ونصيب أم هروب من الواقع ؟؟ Author: محمد الأمين موسى Date: 01-12-2008, 10:36 AM Parent: #21
الفاضلة عواطف.. خليكي من موضوع الأبناء وبلد الاستقرار.. صديق سوداني تزوج بمغربية.. اضطر أن يشتري مسجلين في البيت هي بتشغل الموسيقى الشعبية وتستمتع بالفنانة نجاة عتابو: "شوفي غيرو راكي غير تابعاه شوفي غيرو العزار عطا الله!" وأخونا بغادي في الصالة مشغل :حتى الطير رحل خلاني" و"حني علي أنا يا تتي!".. صديق مغربي آخر لما ليه في هولندية بأمستردام ووقع فيها لكشرة شديدة: الإسلام وما أدراك ما الإسلام.. والصلاة تنهي عن الفحشاء والمنكر.. الزولة اقتنعت بالإسلام فأسلت وتزوجت به! منعتو من شراب البيرة لأنها حرام! بتصحيه أربعة صباحا لصلاة الفجر... شبكتو ليك حلال حرام حلال حرام.. لحدي ما كره نفسو! وهلم قلة.
Post: #25 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:54 AM Parent: #22
حمودي !!!
يديك العافية ضحتني بجد والله أبق معنا ,,,
Post: #24 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 10:52 AM Parent: #21
أم سهى !!!
محن ساكت ؟؟؟
ربنا يرجع ليك البنيات الحلوات إنشاء الله !!
Post: #26 Title: Re: قسمة ونصيب أم هروب من الواقع ؟؟ Author: abubakr Date: 01-12-2008, 11:09 AM Parent: #1
يا عواطف تحياتي .. هذه حالة او ظاهرة موجودة حتي في السودان القديم ( ما قبل الاغتراب الحاشد في العقود الثلاث الماضية ) وكانت النسبة قليلة جدا و توافق نسبة المهاجريين او المغتربيين واليوم هي كذلك نسبة قليلة مقارنة بالحشود المهاجرة او المغتربة .. في السابق لم تكن كل الاسرة بافرادها تغترب او تهاجر ولذا انحصرت الحالة في المبتعثيين للدراسة او العمل او افراد اضطرتهم ظروف قسرية في ان يكونو في الخارج لفترات ربما طالت ..بوجود اسر كاملة اما اغتربت او قامت في الاغتراب اي تزوج الاب والام في الاغتراب ورزقوا بانجال تعلمو وكبروا في اغتراب وتعايشت مع اجناس اخري كثيرة فان ازدياد الاعداد المتزوجة من غير السودانية او السوداني في هذه الحالة وارد ...السودان بتشكيلته الاجتماعية الحالية هو تمازج لاعراق كانت موجودة او مع اعراق توافدت وجعلت من السودان موطنا لها ...ان يعلل المغترب او المهاجر زواجه بالكلفة المادية والاجتماعية في السودان هو فقط لتبرير خروجه من حلقة اجتماعية هي السائدة وسواء كانت هذه التكلفة موجودة او لا توجد فانه سيتزوج من الخارج .. انها قناعات شخصية تواجدت دائما وسط كل الفئات المهاجرة من اوطانها الي بلاد اخري ...
Post: #27 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 11:16 AM Parent: #26
أخونا العزيز أبوبكر !!!
والله مشتاقين ,,,
لينا زمن من تلغرافاتك التي تحتوي على ما قل ودل وبالفعل الزواج مسألة شخصية مهما كانت المبررات
وقد لا يحتاج إلى تبرير طالما هو قناعة شخصية ولكن الخوف من التداعيات التي تحدث بعد الزواج إضافة
إلى ذلك فالسودانيين الذين يعيشون في الغربة من الصعب أن يتزوج بسودانية إذا لم يتعود على قضاء
بعض من الوقت في السودان وينطبق الأمر على البنات أيضا .. شكرا أبوبكر بركة الجيت ,,,
Post: #29 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 11:26 AM Parent: #26
امير الجمري يا ود لذيذ كيفك
Quote: نحن خلونا (تي بويز) وكل مرة نجيب ليكم فنجان قهوة كده عشان مزاجكم ينظبط وتكتبوا بي مزاج وتحلّوا المعضلة دي!
انا الغريبة كنت خايف يجي واحد ناطى لي في حلقي يقول لي ( خليك جادى يا شيقوق لانو الموضوع مش موضوع هظار وضحك )
عفو عليك يا الجمري خليني معاك برضو مراسلة ادى الكتّاب الفنجان بأدب عشان يبدعوا في الكتابة بس ما يشكروا لينا الاجنبيات .
هسع عليك ربك لفحة توب عواطف ده مش تساوى شرق آسيا كلها؟.
هيييييييييييع نحن الساس ونحن الراس
Post: #28 Title: Re: قسمة ونصيب أم هروب من الواقع ؟؟ Author: abubakr Date: 01-12-2008, 11:23 AM Parent: #1
Quote: إلى ذلك فالسودانيين الذين يعيشون في الغربة من الصعب أن يتزوج بسودانية إذا لم يتعود على قضاء
بعض من الوقت في السودان وينطبق الأمر على البنات أيضا ..
هنالك من الجنسيين من ولد وعاش مغتربا وتزوج من سوداني او سودانيه من نفس الشاكلة او الوضع ...من الصعب تحديد مثلا من سيتزوج ابناؤك او بناتي وهم علاقتهم بالسودان شفاهية لاسباب وظروف كثيرة ولكن الاحظ ان هذه الاجيال وفي زمن كثرت فيه الجهوية والبحث عن الجذور اكثر اصرارا علي سودانيتهن/سودانيتهم ...ليس بالضرورة تواجدا ماديا في السودان لجعل الزواج السوداني السوداني مرغوبا لديهم ....
Post: #30 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 11:28 AM Parent: #28
لا أختلف معك في الرأي ولكن بحكم معايشتي للسودانيين في الخارج لاحظت أن هذه الظاهرة متفشية هناك
أماالزواج من أجنبيات أو سودانيات ولدن وعشن في المهحر لأنهن يحملن نفس الثقافة ,, تسلم !!!
Post: #31 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 11:36 AM Parent: #30
Quote: هنالك من الجنسيين من ولد وعاش مغتربا وتزوج من سوداني او سودانيه من نفس الشاكلة او الوضع ...من الصعب تحديد مثلا من سيتزوج ابناؤك او بناتي وهم علاقتهم بالسودان شفاهية لاسباب وظروف كثيرة ولكن الاحظ ان هذه الاجيال وفي زمن كثرت فيه الجهوية والبحث عن الجذور اكثر اصرارا علي سودانيتهن/سودانيتهم ...ليس بالضرورة تواجدا ماديا في السودان لجعل الزواج السوداني السوداني مرغوبا لديهم ....
I believe the issue is very subjective
To me it depends upon the circumstances of each case
اها لقيتيني كيف؟
حقو تقفلي بوستيك على كده وخلاص
Post: #32 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 11:45 AM Parent: #31
سعادة المستشار طوالي عمل JUSTFICATION للموضوع !!!
Post: #33 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 11:55 AM Parent: #32
Quote: سعادة المستشار طوالي عمل JUSTFICATION للموضوع !!!
هو نحن فاضين لصراع حضارات داخل بيوتنا يا العواطف
من الصباح تجلس جنب بت عمك تقلى ليك القهوة وتشممك المقلاية وانت منبطح حاكر كراع في كراع وتعاين للسقف فوووووووووق وتقوم تقول ليها ناوليني الحقة دييييييييك من الشباك - تقوم بمهلة وتفتح ليك الحقة وهي منتكية وتقول ليك خودك سفة وبراها تسكّر الحقة وتتف ليها السفة تحت سريرها وتقوم بالمكشاشة تضاير سفتك ومبسوووووووووووووطة لانو ود عمها متكيف جنبها .
تخيلوا نوعيتنا دى بتتحملها اجنبية يا العواطف؟ ولا نلبس ليهن لباس غير؟
Post: #35 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 12:02 PM Parent: #33
غايتو الله يدي أم عبدالله العافية !!!
Post: #34 Title: Re: قسمة ونصيب أم هروب من الواقع ؟؟ Author: سيف الدين مصطفى كرار Date: 01-12-2008, 11:57 AM Parent: #1
سلامات
فعلا موضوع كبير, لكن يعتمد على نواحى سيكلوجية وايدلوجية وثقافية للشخص الى يود
الارتباط باجنبية,لان حساب معامل الارتباط العاطفى يجب ان يكون دقيقا عسى مؤشر
البيانى فى اتجاة الهبوط, ويتوقف على ترتيب الرجل فى سلم اسرتة, مثلا اذا كان اول
الاخوان فهذا لة مسؤلياتة الاسرية يفضل الزواج من بلدة ايضا المراة لها نفس الاحساس
الا فى حالة تقديم تنازلات اليمة .اليس كذلك ؟
ليس هروبا من واقع !! حسب ظروف الشخص الاجتماعية
اعتقد ذلك..
المهم احسن حاجة استمعى لاغنية الربيع للفنان فريد الاطرش
هدية منى.
Post: #36 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-12-2008, 12:03 PM Parent: #34
سيف ما تتحرك من هنا ماشة مشوار سريع وبجيك راجعة ربنا يسعدك !!!
Post: #61 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 07:48 AM Parent: #36
الأخ الحبيب سيف !!!
مودتي ,,,
أولا آسفة على الشرة الطويلة وعريضة دي ولك العتبى حتى ترضى !!
ثانيا مثلما ذكرت يا بعد عمري المسألة قناعة شخصية وبرضه قسمة ونصيب ولكن قبل اتخاذ أي خطوة قبل
دراستها من جميع النواحي حتى لا يندم الشخص بعد فوات الأوان , لاسيما وأن هذه الخطوة ستطون لها عدة
تبعات وأطفال وغيره ,, شكرا على الهدية الجميلة كلك ذوق ,,
Post: #37 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 12:04 PM Parent: #34
انا الليلة بكتب اى حاجة في راسي في البوست اللذيذ ده . جاك في حلمة ولا شنو يا عواطف؟
Post: #38 Title: Re: قسمة ونصيب أم هروب من الواقع ؟؟ Author: احمد معتصم الطيب Date: 01-12-2008, 12:56 PM Parent: #37
ألأستاذة عوأطف
لقد كتب عن نفس الموضوع ولكن كانت المقصودة البنت أوكانت المقصودة الفتاة وليس الفتاء على حسب المصححين.ولكن الهجوم كان عنيفآ من الجنس الناعم وقالو هذا قذف عديل كدا . ولم يناقش الموضوع بالصورة المطلوبة وقد يكون السبب عدم الخبرة الكافية لشخصي الضعيف أو للهجوم العنيف قد منعنى من مواصلة البوست..
الموضوع
Re: لماذا تقبل الفتاء السودانية بزواج الأجنبي?!
Post: #64 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 08:15 AM Parent: #38
أخي العزيز أحمد !!!
محبتي ,,,
أولا أشكرك جزيل الشكر على العبور وعلى طرح لهذا الموضوع الهام من قبل ما يدل على سعة أفقك وفيما
يتعلق بالهجوم الذي تعرضت له أرجو أن لا تهتم في المستقبل بأي نوع من الهجوم طالما أنت مقتنع بطرحك
لاسيم وأن هناك أناس تخصصوا في الهجوم وهدفهم الأساسي أن يفقد الكاتب الثقة في نفسه وفي قدرته على
النقاش ولا تقل شخصي الضعيف فأنت يا عزيزي قوي بإرادتك وبقدرتك على الكتابة أما مسألة قبول الفتاة
بالزواج من أجنبي فللبعض اسباب يراها مقنعة وإن كانت غير مقنعة بالنسبة لنا شكرا حمادة كن معنا
فنحن بحاجة إلى وجودك هنا ,,,
Post: #39 Title: Re: قسمة ونصيب أم هروب من الواقع ؟؟ Author: Mohamed Kheir Date: 01-12-2008, 01:14 PM Parent: #37
عواطف سلامات زي ما عودتينا اسلوبك دايما لذيذ و سلس غايتو الزول البيسف ويتف لي بت عمو السفة تحت السرير دة احسن منو الاجنبي لكن ابو البت الامها لبنانية ما عندو حق يشوكش ود اخو... اسع يعني ياسين دة موش ولد برضو ما برضي انو يسوي سوات ابوهو!! دايري الجد عليك امان الله من اسع الجكس اب عيونا زرق ميت موت من الجرسة! غايتو لما نشوف مودتي ابو ياسين
Post: #66 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 08:20 AM Parent: #39
أبو يس !!!
سلامات وشكرا على الكلمات الطيبات ,,,
والله أبوسفة دة فعلا بطفش الجكس وبخليهن يجروا على الأجانب يعني سفة ومعاها مقشاشة يا اخي الناس
دلوقت مع الهوفر قال آل مقشاشة أل !!! الجكس أبو عيون زرقا دة الله يكون في عون ساكت !!!
Post: #62 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 07:49 AM Parent: #37
هو أنا بنوم لغاية ما أحلم !!!
Post: #40 Title: Re: قسمة ونصيب أم هروب من الواقع ؟؟ Author: wd al geran Date: 01-12-2008, 01:21 PM Parent: #1
اها النقول ليكي النضم العديل .. (والكلام بي صيغة المُذكّر واعني به النوعين)
العايز يتزوّج اجنبية عن محبة وإقتناع وإحساس تام بالندية الكاملة، يا سِتي حُباً وكرامة .. والزواج قِسمة ونصيب .. ولا يُحرِّم .. ما احل .. وإنتي ماشة
اهان .. والعايز كمان يتزوج اجنبية عشان عِندو عُقدة نقص او عشان يحسِّن نسلو بي إنو يجيب ليهو اولاد او بنات بيض، لا نملك إلا ان نقِف في هذه الحالة بعيداً ونسأل الله َ ان يُشفيه ويُزيل عنه الإحساس بالدونية ويُعيد اليه إنسانيته كاملة غير منقوصة.
وبعدين الشغلة ديك (الزواج اعني) بعد اسبوع واحد بس احمر/ ابيض/اسود/بنفسجي ببقى كلو زي بعضو .. والقِصة بتبقى حلة مُلاح وعُشرة طيبة ما اكتر .. وفي دي بقى .. البني آدم وحظو .. ولو بِقى مُعرِس الجِن الاحمر ذاتو.
Post: #41 Title: Re: قسمة ونصيب أم هروب من الواقع ؟؟ Author: salma subhi Date: 01-12-2008, 01:39 PM Parent: #40
عطوفة العسل مشتاقين كتيييييييير
Quote: السودانية يا ماما عايزة فرح ما حصل وعايزة دهب وتياب وعزومة كبيرة
عطوفة طمني ولدك الحكاية بقت ما كده....العريس بقى يجيب بعض الأهل لانوا طبعاً الموضوع في راسو خطوبة....ولما بسم الله يبدوا يقولوا احنا جايين...ما بكونا لحقوا يقولوا نخطب....يكون المأذون عقد ....والزغاريد والخبيز كمان يلقوه جاااااااااهز في الشيّاله.... وأهل العريس في حالة ( شوك ) لحظي !!! لحين ادراك ماهية ما حدث !
حاجة غريبة هو المأذون ده قاعد ورا الستارة ولا تحت الحيطة بس ولا شنو !!!
وأكيد الموضوع قسمة ونصيب وكمان حكاية الهروب من الواقع دي حقيقة بيلجأ ليها الكثير لأسباب كثيرة ذكر منها الكثير هنا...
ونتمنى في النهاية اختيار موفق للجميع.....
Post: #68 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 08:56 AM Parent: #41
سلوم يا الخاتية اللوم !!!
محبة بلا حدود يا غالية قلت لي يعني من الليلة ننوم قفا أربعة أولاد نتمنى فيهم منى غايتو أنا من
الليلة حأعمل ليكم هندية عديل كدة ومش خبيز و شيالة وبس كمان حأطالب بالدوطة يعني حأخلي العروس
تدفع المهر كمان !!
قلتي لي أتقول المأزون قاعد تحت الحيطة ؟ دة تحت السرير يا حبيبة وبعدين أولاد الزمن دة الزوغة
عندهم عادية عشان كدة أمهات البنات بقن ما بلعبن أمسك لي وأقطع ليك مش قالو العرس شطارة بنات
وفلاحة أمهات ؟؟؟
Post: #67 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 08:38 AM Parent: #40
ودالجيران !!!
سلام كتير ما شوية مع الشكر على المرور الجميل ,,,
بالفعل الواضح ما فاضح وكلامك كله في محله وزي ما بقولو لا يفتى ومالك في المدينة أما حكاية الزواج
بعد أسبوع وأن كل الأمور تكون زي بعضها دي بتتوقف على أشياء كثيرة وبتختلف حلة الملاح أيضا من
بريستو لحلة عادية جدا ,, عموما شكرا على المرور الجميل ,,,
Post: #42 Title: Re: قسمة ونصيب أم هروب من الواقع ؟؟ Author: sama7 Date: 01-12-2008, 01:47 PM Parent: #1
أستاذة عواطف
افتقدت البوست والله فى مرور سريع
يا ستى الدنيا حظوظ يا تصيب يا تخيب
والعرس قسمة ونصيب
كان من سودانى كان غيره بس الواحد\ة يمكن يفقد كتير لكن البفقده دا بكون فى الأول نسبة لأن الحياة الزوجية الشايفها حوله ما زى حقته
لكن بعد فترة بتعود
بس المصيبة كلها والخوفت الناس من جنس دا فى الناس العملت العمايل دى للحصول على إقامات فى بلاد تمنح الإقامة بهذه الطريقة
غير كدا ماشى الحال
والله مشتاقين
سماح
Post: #69 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:00 AM Parent: #42
سموح الحلوة !!!
برضه مشتاقين ,,,
والله يا سماح الحكاية بقت عجيبة ومعقدة هل هي قسمة ونصيب ولا مصلحة عشان الجواز ولا حب حقيقي الله
ورسوله أعلم عموما يا ست نتمنى ليك كل خير وسعادة وفي انتظار عودتك .
Post: #43 Title: Re: قسمة ونصيب أم هروب من الواقع ؟؟ Author: Hadia Mohamed Date: 01-12-2008, 02:00 PM Parent: #1
عواطف صباحك خير
ما ناوية أقوم بدرى ولكن صحتنى صفارة أنزار حريق وتانى النوم صعب ولأنى شليقة دخلت سودانيز اونلاين ومتعودة أقراء ليك ومن الشلاقة فتحت البوست ولأن الموضوع بخصنى بشكل شخصى كان لابد ادخل وخاصة أن بنتى مصبحانى وممسيانى ما بعرس سودانى وما بعرس سودانى وبينى وبينك اول مرة أعرف أنى متخلفة قدر دة ومن هسى شايلة الهم بتى عملت ليها عيد ميلاد ولمت ليك كل المدرسة وأنا من خوفى بقيت كل واحد تقول لى سلمى علية اسلم واتمعن بخبث يا ربى دة المعنى بيه النقاش , المهم يا عواطف قبال أرجع ليك عايزة أعرف بس الكلام دة هظار منك ولا قناعة منك لانه أستفزانى من جوة وبرجع ليك تانى لو فضل البوست بنفس السماحة الفيه ألا كان وصلت هنا زعابيب أبليس يانى الروحى أوله بى من الانترنيت.
ياهو دة قولك نختة ونرجع ليك تانى أن باقى من العمر بقية
Quote: لكن ما ضحكتني لامن وقعت من الكرسي ,, هسة ود عمها دة مش بالغ !! الراجل ينضف وهو يجي يوسخ ؟؟
Post: #44 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 02:41 PM Parent: #43
Quote: غايتو الله يدي أم عبدالله العافية !!!
طوالي وديتيها على انا ولام عبد الله .
لا لا حاشانا والله بس ياهو دا السودان .
Post: #45 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-12-2008, 05:57 PM Parent: #44
الأخت الفاضلة عواطف تحية طيبة وسلام
انتِ كما أنت تنبشين دوماً في سلة المهملات وتتطلعين بموضوع كان يجب أن يكون في أعلى الطاولة لمعالجته. الزواج عموماً قسمة ونصيب وبرضو القسمة تفوت أحلى البنوت لا الغائب عاد لا لحقّن خيلهن في اللفا
وربنا عندما خلق وقدر لنا نصفنا الآخر لا مفك منه يلتقيك ودونما تشعر في آخر لفا وانت داخل البيت ونظرة ثم بسمة ثم موعد ثم قصة ثم زواج وأولاد.
أعجبتني مداخلة الحبيب ابوجهينة فيها تجربة من خاض وليس في البر.
برجع ليك ولي الزول الشايل حالي دا ودشيقوق
Post: #46 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 06:03 PM Parent: #45
Post: #47 Title: Re: قسمة ونصيب أم هروب من الواقع ؟؟ Author: محمد مختار جعفر Date: 01-12-2008, 06:50 PM Parent: #46
عندما يحاصرك أحدهم فى نقاش وتريد إفهامه أن الموضوع لايحتمل التأويل أو التخمين ، يقولك يا أخى اسمع ( الله ده شافوه بالعين والله عرفوه بالعقل ) تقول ليه طيب عرفوه بالعقل ..
ومن حتة العقل دى بقول فعلا الأجنبيات ديل فالحات بالحيل فى كيفية المحافظة على الراجل مع العلم أنى ما من أنصار الزواج من أجنبيات أبدا أبدا .. ( دقه قديمه مش ؟؟ ) لأنو حتى لو تعلمت الدخان والحنة والكبرته ياجماعة ما بتكون زى الأصل ... أها الأصل ده بحدثكم فيهو ، لأنو الحكاية ما تجهيز وتعديل بما يتوافق ، ولكن الحكاية فى الونسة الدقاقه والكلام داك البعرفو الرجال الذى هو ربما جزء من الآية الكريمه ( لتسكنوا إليها ) ( وجعلنا لكم من أنفسكم أزواجا لتسكنوا اليها ) صدق الله العظيم لقد رأيت بعينى بعضا من المتزوجين من أجنبيات ولا حظوا كلمة ( بعضا ) والبعض جزء من الكل عشان مافى واحد يقول لى قلت كلنا ، لاحظت كيف يحنون ويميلون عند رؤية التوب وللابس التوب كسودانية أصيلة غير معدلة أو على وزن بمواصفات خليجية أى بمواصفات سودانية ، ومهما تظاهروأ أو كانوا فعلا سعداء ، ولكن الطعم السودانى بره !! وياشباب أسمعو كلام عمكم المابتزوج سودانية الرماده دى ......... وخليتك بعافيه ياعواطف والله يستر من الهبايب ... كلو من بوستك ده .. وتحيتى ...
محمد مختار جعفر
Post: #48 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-12-2008, 09:24 PM Parent: #47
Quote: ( لتسكنوا إليها ) ( وجعلنا لكم من أنفسكم أزواجا لتسكنوا اليها ) صدق الله العظيم
الأخ الحبيب / محمد مختار تحياتي طيبة وسلاااام السكون لا تحجزه أو تقف دونه لغة فالسكون للزوجة كزوجة عندي كلام كتير في هذا الموضوع وسف يكون في وقته براحة براحة أنا خائض في النهر وليس في البر
Post: #49 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 09:58 PM Parent: #48
Quote: أنا خائض في النهر وليس في البر
انت غرقان لاضنيك يا ود المنسي كدى شوف لصاحبك واحدة خليهو يمرق من الدنيا وسقطها
Post: #50 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-12-2008, 10:09 PM Parent: #49
Quote: أنا قلت أنا خائض في النهر وليس في البر
قال ود شيقوق
انت غرقان لاضنيك يا ود المنسي كدى شوف لصاحبك واحدة خليهو يمرق من الدنيا وسقطها
يا عواطف امسكي الزووووول دا مني
تعرف يا ودشيقوق قال لي أبن عمتي. وهو رجل دوماً قوله حِكم الزواج من سوانية لابد أن تكون شديد وممييز ... لان أنواع البنات ثلاثة
* واحده تتعلق فوق كتفك وتجرك لي ورا تجيبك الواطا
* واحده بتمشي معاك الحجل بالرجل ودي وسط وجيدة
* واحدة بتجرك من يدك وتمشي بيك ودا المرام والمطلوبة ولكن الوصول إليها صعب شائك
Post: #51 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-12-2008, 10:18 PM Parent: #50
Quote: يا عواطف امسكي الزووووول دا مني
هي اكان بتمسك بتفك ليها بوست زى ده في الهواء هييييييييييييع عطاش الحلة عافي منك السهريج بخة واحدة بس
Post: #52 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-12-2008, 10:38 PM Parent: #51
Quote: هي اكان بتمسك بتفك ليها بوست زى ده في الهواء هييييييييييييع عطاش الحلة عافي منك السهريج بخة واحدة بس
يا عوااااااااااااااطف هوي أصحي وخلي النوم تعالي أمسكي الزوووووول دا العريبي دا بجيب أجلي أنادي ليك ابوبكر ؟؟؟
Post: #84 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 11:57 AM Parent: #47
حمادة !!!
سلامات ,,,
والله الليلة طلعت من هدومك عديل كدة مرة تقول الأجنبيات فالحات بمسكن الرجال ومرة تقول السودانيات
هم الأصل حنة وكبريت وعلى الأصل دور ياخي كدة مخولت الأولاد خليتهم ما عارفين سودانية ولا أجنبية ؟
بعدين الونسة الدقاقة دي أو ال PILLOW CHAT زي ما بقولو الخواجات عايزة ليها طقوس مش كدة يعني
نفهم من كدة إنه خالد المنسي ما عنده ونسة دقاقة ؟؟
أما حكاية التوب وسيد التوب دي خليها لأبوعركي البخيت اللي قال ما لاقاني أجمل منه .. شكرا على
طلتك البهية ومهما تكون دقة قديمة برضة ما نستغناش !!!
Post: #73 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:25 AM Parent: #45
خلودي !!!
تحية كبيرة ليك ولأم أولادك اللي خلت أخواتك يقيفن على رجل واحدة يهببن ليها والله عافي منها وربنا
يسعدكم طالما ‘نتو متفقين وبتحبوا بعض أما ودشيقوق دة فقول ليه بنحب بعض مالك بينا .. بنحب بعض
والحب مقسوم لينا .. شكرا على هالطلة الحلوة وفي انتظار عودتك ...
Post: #72 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:17 AM Parent: #44
الطيب !!!
يسعد صباحك ,,,
Post: #71 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:10 AM Parent: #43
الجميلة هادية !!!
سلام ليك ولي بتك الحلوة مع أطيب الأمنيات لها بابن حلال يسر البال ,,,
شكرا على طلتك الحلوة والتي تؤكد سماحة نفسك وسمو أخلاقك وقد أحسست ذلك من كلماتك النقية أما فيما
يتعلق بالكود والكلام الفيه والله يا هدهد أنا بهظر وبس يعني أنا القدامك دي البياض كتلني ؟ لكن دي
نكتة بحكوها عن واحد من الأخوان الجنوبيين وأصبحت سايرة كان صاح كان كضب عموما نأسف إذا شعرت
بأي نوع من التمييز ولكن الحق يقال مجرد حكي ليس إلا .. في انتظار شلاقتك الجميلة ... ولسة في العمر
الكثير يابعد عمري ,,,
Post: #53 Title: Re: قسمة ونصيب أم هروب من الواقع ؟؟ Author: عبد الناصر الخطيب Date: 01-12-2008, 11:03 PM Parent: #1
Quote: صحيح الزواج قسمة ونصيب فضلا عن ذلك فهو قرار شخصي له ظروف خاصة ولكن لابد من وقفة في هذا الموضوع
ومناقشته بصورة جادة علنا نصل إلى سبب واضح ووجيه قد يكون بالفعل هروب من واقع الزواج السوداني
أتفق معك في في البداية إن الزواج قسمة ونصيب وخيار شخصي محض ( غير قابل للتدخل ) إلا من باب الرأي( الاستشاري ) الذي قد يؤخذ به أو يترك !!!! دون أن( يفسد ) للود وصلة القربي أو ... الصداقة ( قضية ) وده لخيارات ( الرجل ) على الاقل ... لاني ما بتصور وأحد يمكن ( يرهن ) قراروا في أختيار( شريكة حياتوا ) أو يسمح بالتدخل فيهوا ..... ( ببساطة دي حياتوا ) وهو المعني بيها أولا وأخيرا ....
واختلف معك في أنه ( هروب ) من وأقع الزواج السوداني ( صعب ) المنال لمادياتوا المرتفعة في السودان أناس يتزوجون بالفاتحة وهم في منتهي السعادة والرضا ,,, لان المقياس المادي ( مختلف ) ولا أتفاق واضح حوله في ( الزواج السوداني )
مهما تعثر الوضع المادي ربنا ببارك و ( الخير بتمه ) .......
لو في أقتناع و توافق ورغبة بين الطرفين حياتهم حتستمر مستقرة وهادئة بغض النظر هم من جنسية وأحدة ولا كل واحد منهم من بلد بالعكس أختلاف ( الثقافات ) ممكن يثري تجربتهم أكتر .. وبأكد أنو الزواج من ( سودانية ) ما هو الضمان ( للسوداني ) عشان زواجوا ( ينجح ) لانها بتبقي حاجات خاضعة لظروف ومقايس مختلفة ....
الحنين لزوجة سودانية ليست قاعده لدي من يتزوجون بغير سودانية يمكن أن تكون متزوج من سودانية أو غيرها وتفكر بأخري ... ودي مشكلة متعلقة بالرجل نفسوا وليس ( بجنسية) زوجتوا ... في الوضع الطبيعي حيكون كل أهتمامك وتركيزك مع ( زوجتك ) وده الشي الاساسي عشان تكون ( مستقر ) ومركز اهتماماتك في الحاجات البتدعم أستقرارك وحياتك (الزوجية) و( العملية) ... دون التفكير في (الحنن ) و (التياب ) ... ماظن الحياة بمشغولياته وهمومه بتدي الواحد الدرجة دي من الترف الفكري
على كل الرضـــا بالمقسوم .... ( عبـــــادة )
_____________________________________________________________________________________ وقد أعود ولك خالص التقدير ,,,
Post: #74 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:32 AM Parent: #53
عبودي !!!
يسعد صباحك ,,,
عجبتني مداخلتك جدا وكأنها طبخت على نار هادئة لما فيها من عقلانية واتزان أما حكاية عدم تدخل
الآخرين في مسألة القسمة والنصيب دي فيها قولان إذ لايزال الكثيرون يتدخلون في مسألة الأختيار سواء
كان الراغب في الزواج رجل أو إمرأة يعني مثلا في واحد حب بنت من الأبيض ولما كلم أهله قامت القيامة
وقالو ليه يعني عايزنا كلما حصل بكا ولا عرس ولا مرض نمشي ونهاجر للأبيض مستحي !! حدك العاصمة
المثلثة فقط ,, تصور يا ناصر ترك حبيبته عشان كلام أهله مش حاجة محزنة بالله ؟ شكر على طلتك الجميلة
Post: #54 Title: Re: قسمة ونصيب أم هروب من الواقع ؟؟ Author: Dania Elmaki Date: 01-13-2008, 05:47 AM Parent: #1
غايتو الزول البيسف ويتف لي بت عمو السفة تحت السرير دة احسن منو البوره, او ممكن يعرس واحده من نفس بيئته, ولد جيراننا عرس و في الكوشه صاحبه اداه سيجاره, العروس قال ليه سجمي يا خليفه انت بتدخن؟؟ قال ليها و بثف و بثكر كمان.
Post: #55 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 06:09 AM Parent: #54
Dania
صباحك
Quote: ولد جيراننا عرس و في الكوشه صاحبه اداه سيجاره, العروس قال ليه سجمي يا خليفه انت بتدخن؟؟ قال ليها و بثف و بثكر كمان.
ده وين في حي النصر ولا الحلة الجديدة ام الرديف او المرابيع ؟ واكيد ده اكل فول عمي الزين
تحياتي
Post: #75 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:39 AM Parent: #54
دندون !!!
عثل والله ,,,
قلت لي أخير البورة من أبو سفة ؟؟ أمانة ما وقع راجل !!!
Post: #56 Title: Re: قسمة ونصيب أم هروب من الواقع ؟؟ Author: sama7 Date: 01-13-2008, 06:49 AM Parent: #1
صباح الخير
لوووووووووووووووول بالغت يا دانيا
Quote: غايتو الزول البيسف ويتف لي بت عمو السفة تحت السرير دة احسن منو البوره, او ممكن يعرس واحده من نفس بيئته, ولد جيراننا عرس و في الكوشه صاحبه اداه سيجاره, العروس قال ليه سجمي يا خليفه انت بتدخن؟؟ قال ليها و بثف و بثكر كمان.
غايتو كان الجماعة التانين ديل فيهم حسنة ياها ضمان ما بسفو
يا جماعة سيريسلى والله السفة دى حاجة بس كان عرفتا البسفو ديل راسهم فيه شنو
بس الزوجة السودانية مهذبة وبتستحمل وبتشوفا عيب تعلق لكن من جوة بتكون مهرية هرى ومحرجة من الناس
مودتى
سماح
Post: #57 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 06:56 AM Parent: #56
الاخت الاستاذة عواطف
صباحك خير
نقلا عن مركز الاخبار أمان
الزواج من أجنبيات.. كابوس اجتماعي - 8- 2007 - 16: 1 (نشرها: ش.ع) تحقيق مني إبراهيم
الظروف الاقتصادية و الترف وأرتفاع المهور أهم الأسباب
الشباب: أدي إلي تفاقم مشكلة العنوسة وينتهي بالطلاق
مشاكل اجتماعية وقانونية عديدة تخلفها ظاهرة زواج العرب من أجنبيات والأسباب متعددة بل متعارضة أيضا من الترف الشديد والرغبة في الزواج من امرأة جميلة حتي لو تكلف ذلك مئات الالاف من الريالات.. إلي الظروف الاقتصادية الطاحنة وانتشار البطالة بين هؤلاء الشباب الذين يجدون في الزواج صفقة رابحة تحقق لهم العديد من الاحلام التي تراود فكرهم كان يحصل علي جنسية أخري تحقق لهم بعض طموح الشباب المنبهر بالغرب علي الدوام، ويجني بعض الاموال فيقيم مشروعا يدر له دخلا ويبني مسكنا مادام حلم به.
هكذا صار الزواج من أجنبية هو نوع من أنواع السعي للرزق احيانا ونوع من الترف الاجتماعي في احيان أخري والقليل من أسباب هذا الزواج ترجع إلي رغبة الشباب في الهروب من ظروفهم الحياتية الصعبة اذ يعيش الكثير من هؤلاء الشباب بين سند ان احتياجاته الفسيولوجية ومطرقة العادات والتقاليد التي تقف حائلا دون تحقيق الزواج بسهولة فالشاب بلا عمل أو وظيفة وعجلة الحياة تدور فيتقدم به السن دون ان يحقق ما يريد.
كثيرة هي المشكلات المترتبة علي الزواج المختلط او ما يسمي بالزواج من اجنبيات ومنها الاقتصادية والقانونية فالعلاقة الزوجية بين عربي وفرنسية او امريكية او انجليزية هي علاقة بين هويتين مختلفتين تثير مشاكل قانونية عدة كثيرا ما تؤدي الي الاصصدام والنزاع نتيجة اختلاف تربية ودين وتقاليد وعادات كل من الزوجين فعقد الزواج في الاسلام يعتبر ميثاق ترابط وتماسكاً شرعياً بين رجل وامرأة علي وجه البقاء.
حسب إحدي الباحثات المعنيات بظاهرة الزواج المختلط اما عقد الزواج في القانون الوضعي الاوروبي فهو ميثاق ترابط وتعاقد مدني هدفه انشاء اسرة واهم الفوارق بين العقدين الشرعي والوضعي التي تؤدي الي تصادم واختلاف الزوجين هو حرص الزوج العرب او الخليجي علي قيادة الاسرة طبقا لعادات وموروثات وقوانين بلده وذلك في الوقت الذي تصر فيه زوجته الاجنبية علي ان تكون هذه المسئولية مشتركة بينهما وما يتبع ذلك من عدم امكانية ضمان تربية الابناء وتنشئتهم تنشئة اسلامية تحافظ علي مقومات هويتهم الوطنية وتأثير هؤلاء الابناء بالحياة الغربية المتسمة بالاباحية والبعد عن الاخلاق الاسلامية وازدواج ولاء الابناء لوطن ابيهم وجنسية امهم.
وقد شهد العديد من الدول الخليجية العديد من الصراعات والنزاعات القضائية وغير القضائية بين ازواج عرب وزوجات اجنبيات ولعل قيام احد الازواج المصريين بخطف عدد من السياح الالمان واحتجازهم بمدينة الاقصر قبل اكثر من عامين بهدف الضغط علي الخارجية الالمانية لاعادة ابنائه له بعد ان اختطفتهم زوجته الالمانية هو دليل علي تفاقهم تلك المشكلات الناتجة عن الزواج المختلط بين العرب واجنبيات.
يتحدث البعض ان زواج الاجنبيات من العرب اصبح نمطا من انماط السياحة وهو ما يمكن ان يطلق عليه السياحة الجنسية بل ان بعض الزوجات في الدول العربية يشجعن ازواجهن علي الزواج من اجنبيات لتحسين مستوي معيشتهم او لارضاء ازواجهن ومنعهن من الزواج من عربيات من نفس بلدهن.
ولان العارف بالحياة يدرك أن بعض أشكال هذا الزواج تتجه الي الترف رغم توفر بدائل ممكنة بينما يذهب آخر الي وصفه بالضرورة في ظل بعض الاحتياجات والاسباب.
سديسة أ: تقول كامراة خليجية اري ان الزواج من اجنبية سواء عربية او غربية او غيرها يخلف وراءه العديد من المشاكل الاجتماعية لانه يخلف ابناء يكون انتماؤهم ضعيفاً جدا للوطن وهذا ما واجهته وعرفته بصفة شخصية.
أم رائد: الزواج في الخارج احيانا يكون ضرورة لبعض الناس، لان المهور والتكاليف هناك ارخص مما بالداخل والبعض الآخر يمارس ذلك كنوع من الهواية والترف.
عبدالله. س: أري أن من الظلم ان نصف الزواج سواء من الداخل أو الخارج بصفة الترف وكلمة زواج اكبر من ان توصف بهذه الصفة والزواج من الخارج ليس فيه أي حج أو نوع من الترف خاصة إذا كان الزواج من المجتمعات التي تربطنا معها الكثير من العادات والقيم الاجتماعية والاسلام وعلي سبيل المثال المجتمع الخليجي المتفق مع بعضه البعض في الكثير من القيم والعادات وقرابة المكان والزمان ولا ابالغ ان قلت قرابة النسب أيضا إذا أنا من أشد المؤيدين لكلمة الزواج بصفتها المطلقة دون أي وصف سواء من الداخل أو الخارج.
خالد. ك يقول: اعتقد ان عملية منع الزواج من الخارج تعطل عموم الشباب من الزواج ففي الخليج يصعب الزواج بسبب غلاء المهور كما ان لكل انسان الحرية في أن يتزوج من أي مكان يريده وهذا الأمر متاح في كل العالم وليس ممنوعا.
بدر عمران يقول: اعتقد انه ضروري بسبب انخفاض المهور في الخارج واغلبية الشباب في الخليج دخلهم لا يسمح لهم بدفع المهور المرتفة في الداخل كما ان الزوجة الاجنبية يمكن ان تعيش مع شخص دخله الفا ريال وتحسن التصرف في هذا المبلغ البسيط ليكفي مصاريف البيت.
حنان راضي تري أن الزواج من الخارج لا يعتبر ترفاً إلا إذا كان من البلاد الغربية المتحضرة مثل أمريكا وبريطانيا وفرنسا وغيرها.. أما إذا كان من الدول القريبة لنا فلا بأس به لكي يحصن الشاب نفسه.
ندي شاهر تؤكد أنه في بعض الأحيان يكون الزواج من الخارج ترفاً بقصد المجاهرة أو التجربة، ومن ثم يأتي الطلاق كنتيجة حتمية لهذا التصرف، وفي بعض الأحيان يكون ضرورة لأن الشاب أحيانا يكون لظروف خاصة مضطراً للزواج من الخارج لأسباب كثيرة منها المال.
محمد المري يقول: تلك الظاهرة تمثل كابوساً زاد من حجم العنوسة في بلادنا، والدعوة لمنع الزواج من الخارج ليس حلا ولكن الأمر يحتاج إلي زيادة الوعي بمخاطر تلك الزيجات التي لا تدوم كثيراً بسبب تعارض العادات والتقاليد.
يقول الأستاذ عماد علي إن الزواج من أجنبيات خطأ جسيم في حق الإنسان والمجتمع فلماذا يلجأ الشاب للزواج من فتاة من غير بلده ولا عاداته ولا تقاليده كيف سيتفاهم معها كيف سيجبرها علي الاهتمام والمحافظة علي تقاليدنا الشرقية الأصيلة؟ وإذا رفضت أن تنصاع لأوامره ما هو الحل وقتها؟، وكثيراً ما يكون ضحية هذا الزواج هم أطفال أبرياء ليس لهم دخل بطريقة زواج أبيهم من أمهم ونجد صعوبة بالغة لاثبات نسب هؤلاء الأطفال، وقد يتسبب هذا بسوء الحالة النفسية للأطفال ورفضهم الوجود في هذا المجتمع بصحبة الأب أو الأم وقرأت فيما سبق عن رجل تزوج من مقيمة بدون تصريح وقد وعدها بالحصول علي موافقة رسمية بعد الزواج ولكنه لم يف بوعده وأثمر هذا الزواج عن ابنتين وتمادي الزوج في علاج الخطأ بالخطأ وذلك فيما قام باضافة الطفلتين في بطاقته العائلية علي أنهما من زوجته الأولي لتكشف الزوجة الأجنبية ذلك الخطأ وتشكو الزوج الذي تم توقيفه بتهمة التزوير ولازالت القضية متداولة في المحكمة حتي الآن.
فلماذا لم يحسب هذا الزوج مساويء زواجه من أجنبية قبل اندفاعه لهذا الزواج بدون تفكير أو أنه بمعني أدق فكر في نفسه فقط وظلم الابنتين وأعتقد إذا كبرت الابنتين لن يسامحوا الأب أبدا.
وتقول السيدة عزة جلال: تنتشر ظاهرة الزواج من أجنبيات في بعض دول الخليج بسبب الثراء والغني الفاحش لرجال الخليج مما يجذب السيدات الأجنبيات من جنسيات مختلفة، فالأجنبيات يذهبن لدول الخليج للعمل وجني الأموال وغالبا تكون الأجنبية بمفردها دون عائلتها فيسهل لها التعرف بمنتهي الحرية واتخاذ ما تشاء من قرارات، وعندما تصادف الرجل الخليجي وتصل العلاقة بينهم للزواج وترحب الأجنبية بذلكك لأنها تجد في هذا الرجل حماية مادية ومعنوية ولا تفكر في المساويء من وراء هذا الزواج لأن السيدة الأجنبية لا يهمها أي عادات أو تقاليد وإذا أنجبت باستطاعتها أن تلقي بابنها أو ابنتها في الشارع إذا حدث مكروه بينها وبين زوجها أو إذا طلقت ولكن الرجل الخليجي العربي الأصيل يظل ضميره يوقظه ويوجعه بسبب الأطفال الذين انجبهم وكيف سيربيهم وإذا كان الرجل سبق وتزوج من امرأة من نفس بلده فكيف سيواجهها بهؤلاء الأطفال وهل ستقبل زوجته تربيتهم في بيتها أم سينتهي بهم المطاف بالمعيشة في دار أيتام بعيدا عن الأب والأم.
وأرجو أن توضع قوانين صارمة للزواج من أجنبيات حتي نحد من هذه الظاهرة التي أصبحت تتوغل في مجتمعنا بشكل كبير جداً.
السيدة إجلال تقول: إن الرجل العربي يتحمل تكاليف باهظة بسبب زواجه من أجنبية وكان باستطاعته توفير هذه المبالغ إذا تزوج من بنت بلده. فالزوجة الأجنبية ليست بغبية فهي تطلب عدة مطالب لتضمن بها حقوقها قبل الزواج وبعده وتصر علي هذه المطالب لإتمام الزواج. ويخضع الزوج العربي لمطالبها لرغبته في إنجاح هذا الزواج. ولا يدري هذا الزوج ان ارتباطه بفتاة من غير بلده لن ينجح علي مستوي كل المقاييس، وانه بذلك يتسبب في انتشار العنوسة في بلده، فإذا لم يتزوج الرجل من نفس دولته سيزداد عدد الفتيات العانسات في الدولة.
وتكمل إجلال: قد يكون الدافع وراء زواج الرجل من أجنبية السفر للخارج فمعظم الشباب أدمنوا الإنترنت ويجلسون أمامه بالساعات ويستطيع الشاب أن يتعرف علي أجنبية بمنتهي السهولة ويبني في مخيلته قصة حب وتغريه الأجنبية بمزايا السفر للخارج والعيش في بلد أجنبي ونحن كعرب مازالت عندنا عقدة الخواجة ويرغب البعض منا في الخروج من عربيته. فينساق الشاب نحو الفتاة الأجنبية ويسافر معها وتنتهي القصة بما لا يُحمد عقباه وبما لا يتوقعه.
ومن أجل معرفة الرأي القانوني حول هذا النوع من الزواج وكيفية وضع الآليات الكفيلة بالقضاء عليه يتحدث هنا المحامي والمستشار القانوني زهير أحمد مفتي والذي أوضح ان هناك أسباباً تؤدي إلي هذا النوع من الزواج العشوائي منها غلاء المهور في مجتمعنا وارتفاع تكاليف الزواج حيث من المتعارف عليه في أغلب الأوساط الخليجية أن أهل العروس دائماً يقومون بتحميل كاهل العريس بطلبات كثيرة من أثاث وذهب وخلافه مما يجعل البعض يرتكبون خطأ الزواج بدون تصاريح.
وتابع المستشار مفتي ان الجهات المتخصصة تشدد في الشروط اللازمة لمنح تصريح الزواج من أجنبية وذلك لأسباب كثيرة لها أهميتها فهي من ناحية تعمل علي المحافظة علي النسل وعدم اختلاط الأنساب للمحافظة علي تقاليدنا.
ومن ناحية أخري لو فتح الباب علي مصاريعه لمنح تصاريح الزواج من أجنبيات فقد يؤدي ذلك إلي عدم زواج الفتاة الخليجية بسبب غلاء المهور والحلول المقترحة تكمن في إبداء المرونة من أولياء أمور الفتيات والتيسير علي الشباب لإكمال نصف دينهم حتي لا يفكر الواحد منهم في الارتباط بزوجة أجنبية وقيام أئمة المساجد والخطباء بضرورة توعية الشباب من فائدة وأهمية الزواج من المرأة العربية لما فيه من الحفاظ علي كيان المجتمع والعائلة الخليجية والحفاظ علي تقاليدنا والتوجيه بضرورة توفير فرص العمل للشباب حتي يتمكنوا من توفير أدني مقومات الحياة له ولأسرته.
وعلي صعيد آخر أشار المستشار القانوني علاء يماني إلي أن الزواج من دون تصريح هو زواج ليس معترفاً به أمام المؤسسات في الدولة لكنه في الواقع يعد زواجاً شرعياً ما دام اتبع الطرق الشرعية في الإعلان عن الزواج.
واستطرد أن هذا النوع من الزواج من الصعوبة الشعور فيه بالاستقرار الاجتماعي والنفسي رغم انه لا يستعط الحقوق الشرعية المشتملة علي الحضانة والنفقة والميراث. وهذا الزواج قد تعقبه بعض المشاكل التي يذهب ضحيتها الابناء في حالة عدم اثبات نسبهم وإنكار الطرف الآخر له خاصة إذا تم الزواج بعيداً عن الناس.
Post: #58 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 07:01 AM Parent: #57
ود المنسي
Quote: يا عوااااااااااااااطف هوي أصحي وخلي النوم تعالي أمسكي الزوووووول دا العريبي دا بجيب أجلي أنادي ليك ابوبكر ؟؟؟
اكان ديل فزعك وطاتك اصبحت مقالات عواطف بجيب الهواء لكل الناس والرطاني بهناك يغني على ليلاه لا يهمه الجمل ولا الجمالي ؟؟؟؟؟؟
Post: #59 Title: Re: قسمة ونصيب أم هروب من الواقع ؟؟ Author: سيد محمد احمد سيدنا Date: 01-13-2008, 07:26 AM Parent: #58
الاخت عواطف
صباحك خير
لنا رأى شاهد عيان عن الاختيار بين السودانيه والاجنبيه
بس الان نتابع عشان ما يكون كلام هردبيس وينتهى وفى النهاية
تضعى بصماتك من التلخيص ويمكن تعدلى بعض المفاهيم للطرفين
وبتمنى منك فى مداخلاتك للردود ان لا تصححى او تغلطى لانك
صاحبة المكان والتلخيص النهائى سيكون افضل .
مودتى لك وتحياتــــــى
ســـــــــيد
Post: #78 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:47 AM Parent: #59
الأخ العزيز سيد !!!
مودة بلا حدود ,,,
والله الكلام الهردبيس مرات كتيرة بيكون مليان عشان كدة لازم نستمع ليه !!!
طلباتك أوامر يا سيد الكل ,,,
Post: #94 Title: Re: قسمة ونصيب أم هروب من الواقع ؟؟ Author: سيد محمد احمد سيدنا Date: 01-13-2008, 02:25 PM Parent: #78
الاخت العزيزة عواطف ادريس
Quote:
الأخ العزيز سيد !!!
مودة بلا حدود ,,,
والله الكلام الهردبيس مرات كتيرة بيكون مليان عشان كدة لازم نستمع ليه !!!
طلباتك أوامر يا سيد الكل ,,,
شكرا على كل كلمه تخطيها وانا من الشغوفين ببوستاتك لما تتلمسه
من قضايا حقيقية وقصدى من الهردبيس من يكتبون فقط دون اخذ المواضيع
بجديتها وانا لا اخالف ان بعضها بالصدفه تعطى معنى يستفاد منه لكننا
نهتم بالرأى والاختصاص ان وجد او نوع اوعينة من اكتوى باحد الامرين .
ولا يأمر عليك عدو وانا عاوزك تخرجى بنقاط تصحح المفاهيم فى الحالتين
وتكون مؤثره لخطوات المقبلين على احد الافكار .
تستاهلين ان تكونى نجمة البورد لسخانة المواضيع وحثاثيتها بعض الاحيان
لان فيها فوائد واحمد الله انك لا تغرسين رأسك فى الرمال فى المواضيع الشائكة.
تحياتــــــــى
ســـــــــــيد
Post: #63 Title: Re: قسمة ونصيب أم هروب من الواقع ؟؟ Author: كمال الدين بخيت اسماعيل Date: 01-13-2008, 08:13 AM Parent: #58
عطوفه العزيزه..... جيت اتاوق بس.... اي تعليق هنا ممكن يجيب ليهو حزام ناسف وكدا....نحتفظ بحق الرد في الوقت والمكان .......... تشكرين يا عطوفه..
Post: #79 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:50 AM Parent: #63
كيمو !!!
سلامات ,,,
طلتك مهما كان نوعة مكان ترحيب ,,, ليك وحشة !!!
تبرى وتستبرى من الحزام الناسف ,,, إنشاء الله عدوينك ...
Post: #77 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:45 AM Parent: #57
لوووووووووول !!!
شكرا يا الطيب الله لا جاب يوم شكرك ,,,
Post: #76 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:43 AM Parent: #56
سماح !!!
لوووووووول ,,,
بيني وبينك السفة ظاهرة غير حضارية لكن يبدو لي ود شيقوق بيهظر ولا موكدي ؟؟؟
Post: #60 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-13-2008, 07:28 AM Parent: #1
يا شباب كيفكم معليش .. البن الجبناهو جديد لقيناهو مقشوش الوليّة البنشتري منها بتخلط معاهو (مواد محرّمة) حا نفصح عنها في حينها واسي حا نخليها في السر عشان ما اي واحد تحصل ليهو حاجة يجي يتسلبط فينا .. بس بنصحكم باجراء الفحص قبل الزواج .. لأنو البن ده جبناهو من واحدة راجلها عايز يعرّس فيها (واحدة اجنبية) وقالت دايرة تنتقم من الرجال قلنا ليها يا مرة انتي جنيتي المكان البيشربوا فيهو القهوة دي اغلبه حريم .. قالت لينا هن ما ياهن ذاتن حريم المكاتب ديل البعرسن رجال الحريم خليهن هن ذاتن اليشربن عشان (..... ينشف) .. وتاني يخلن مقابضة رجال الحريم ديل.
Quote: انا الغريبة كنت خايف يجي واحد ناطى لي في حلقي يقول لي ( خليك جادى يا شيقوق لانو الموضوع مش موضوع هظار وضحك )
هو في ابداع من غير هظار وضحك يا شيقوق لآزم الواحد يكون مبسوط ومروّق عشان يقدر يبدع .. عليك الله في واحد زهجان بقدر يعمل اي حاجة!!
Quote: عفو عليك يا الجمري خليني معاك برضو مراسلة ادى الكتّاب الفنجان بأدب عشان يبدعوا في الكتابة بس ما يشكروا لينا الاجنبيات .
ما عليك والله اخوك فنان جداً في شيل صينية القهوة وحياتك تعرف اشيل الصينية بي تلاتة اصابع وبعدين معاها لفّة بي رجل واحدة والتانية في الجو .
Quote: هسع عليك ربك لفحة توب عواطف ده مش تساوى شرق آسيا كلها؟.
وغربها والامريكتين وأورووووووبّا .. افريقيا ما دايرين .. لأننا عايزين ننضّف !! وللا شنو يا عواطف.
Post: #65 Title: Re: قسمة ونصيب أم هروب من الواقع ؟؟ Author: الفاتح يسن Date: 01-13-2008, 08:19 AM Parent: #60
الاخت عواطف ازيك بصراحة الحكاية قسمة ونصيب وجمع وطرح لكنو حلومر وبراي سويتا في نفسي قلبي الحبا ماواعي كما التزاوج والتصاهر بين القبائل خرجنا الى عوالم اوسع الهجرة والاغتراب وعوامل اخرى تسلمي كمبيوتري عصلج لانو الموضوع كامل الدسم وتسلمي
Post: #70 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 09:07 AM Parent: #65
ود الجمري
انت عسل عديل كده كنت فين الزمن ده كلو سبحان الله والحمد لله كل يوم مكتشفين درر ولآلي في هذه المساحة الاسفيرية
Quote: هو في ابداع من غير هظار وضحك يا شيقوق لآزم الواحد يكون مبسوط ومروّق عشان يقدر يبدع .. عليك الله في واحد زهجان بقدر يعمل اي حاجة!!
احسنت
Quote: ما عليك والله اخوك فنان جداً في شيل صينية القهوة وحياتك تعرف اشيل الصينية بي تلاتة اصابع وبعدين معاها لفّة بي رجل واحدة والتانية في الجو .
ولازم تكون معاها ابتسامة خفة روح مستصحبة بقليل من الكبرياء
Quote: وغربها والامريكتين وأورووووووبّا .. افريقيا ما دايرين .. لأننا عايزين ننضّف !! وللا شنو يا عواطف.
افريقيا الحبيبة مالك عليها يا الجمري اخوى ات ما شايف تكيّة رقبة عواطف دى قريبة لناس نقستي الامهرية .
هيييييييع
لقيتني كيف ؟
Post: #81 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 09:57 AM Parent: #70
Quote: يبدو لي ود شيقوق بيهظر ولا موكدي ؟؟؟
بهظر كيف يعني يا عواطف .
انا سألت واحدة قلت ليها زوجك كيف بسف؟
قالت لى حلاوتو لما يكون جالس في الهباب جنبي وانا بسوى ليهو في القهوة ويقوم يحك نواصيهو ويتناول الحقة بمزاج ويقول لي دحين نحن اتعشينا؟
قالت لي ده احلى لى من الظريف الجوّال .
هيييييييييييع
امانة ما حب الناس مذاهب يا سماح اختي والسعادة مسألة نسبية ولا ايش؟
Post: #83 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 10:20 AM Parent: #81
عاد يالطيب يا ودامي لا بسألك لا بناقشك !!!
Post: #82 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 10:02 AM Parent: #65
الأخ الحبيب الفاتح !!!
أسعدتني مداخلتك ربنا يفتح عليك أما حكاية قلبك الحب ما واعي دي ما أنت براك الدنيا كلها بتكون
ما واعية في لحطات الحب وبعدين تروح السكرة وتجي الفكرة .. شكرا على المرور الجميل ,,
Post: #80 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 09:56 AM Parent: #60
أموري !!!
مساك سعيد ,,,
أنسى حكاية النضافة دي ممكن تجيب الهوا والله لونا دة أحسن منو مافي ( مناي بالخدرة وزيتونة لو
شفتو القمر البرقص في عيونة!!!
Post: #86 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-13-2008, 12:21 PM Parent: #80
عواطف كيف حالك والله الزواج دا حاجة بسيطة جداً لو إتبعنا إحساسنا الصادق بعيد عن كل ماديات الحياة.وعرفنا لما تزوجنا ؟ ماهي الزوجة وماذا أريد منها ؟؟ وماهو دور الرجل تجاه أسرته ( الزوجة والأولاد ) ؟؟ كيف أكون سعيد في أسرتي ؟؟ كيف نجعل الحب هو عمود البيت ؟؟ وكيف وكيف ؟ وكل الموصفات التي يتمناها( الرجل ) أو تتمناها ( المرأة ) في شريك الحياة ظاهرة وزي عين الشمش وما بتندسّا. التصويب علي الهدف قد لا يصيب عادة ألا من نياش شديد زي أمير الجمري . فلذا الأختيار لابد أن يكون على نار هادئة شديد. دارسة عن بعد ودراسة عن قرب. كل إنسان يمكن أن يصنع السعادة لو أراد فقط لازم تكون القناعة قبلها ... الاستماع بأنتباه للشريك هو شرارة قداحة السعادة فهو الذي يجلب الطمأنينة والسكون.
Post: #88 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 12:36 PM Parent: #86
خلودي !!!
لا فض فوك ,,,
ربنا يهنيك !!!
Post: #85 Title: Re: قسمة ونصيب أم هروب من الواقع ؟؟ Author: sama7 Date: 01-13-2008, 12:04 PM Parent: #1
ازيكم يا الناس الحلوين
شيقوق
Quote: امانة ما حب الناس مذاهب يا سماح اختي والسعادة مسألة نسبية ولا ايش؟
زولتك دى دايرة بس تريح بالها وبتكون جربت الطرق التانية ما نفع قالت أخير تتأقلم بالمناسبة دى نظريتى فى الحياة برضو بحاول أتكيف مع ما حولى وا بنق واشكى من أنه غريب على بس ما للدرجة دى
Quote: افريقيا ما دايرين
عاد كيف بس أنا لو كنت راجل كان عرست أربعة حبشيات ياخ ديل أحلى ناس وللا أقول ليك 3 وواحدة مغربية برضك يعنى لوووووووووووووووول
مودتى
سماح
Post: #87 Title: Re: قسمة ونصيب أم هروب من الواقع ؟؟ Author: هاشم أحمد خلف الله Date: 01-13-2008, 12:27 PM Parent: #85
عطووووووووووووووفة
مشتاقين والله انا غايتو إتزوجت بت خالتي وجبتها السعودية ( طرد ) يعني لم ازعل منها بقول ليها جيتي براك !!! ولم اكون مبسوط منها اقول ليها عافي منك جيتي قاطع بحور ومعاك بخور لزول محروم
تخريمة :-
هو في شنو ؟؟ ما خلاس عرفنا قسمتنا ونصيبنا يا عطوفة
Post: #89 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-13-2008, 12:41 PM Parent: #87
هشومي !!!
ربنا يسعدك ,, أمانة ما حريف غايتو بت خالتك دي الله يكون في عونها ساعات كدي يمكن تقول يا ريتني
لو إتزوجت أحنبي !!! هاهاها !!!
Post: #90 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 12:41 PM Parent: #87
عواطف ما تزعلي لو زعلت انا برحل لبوستات ما طل فيها خيال !!!!!!!!!!!!!!!
سماح
Quote: زولتك دى دايرة بس تريح بالها وبتكون جربت الطرق التانية ما نفع قالت أخير تتأقلم
ميكافيلية يعني ؟ انتهازية يعني؟ حبوكانية يعني؟ ولا استسلامية تقصدي؟
مش قد تكون فيه من الصفات التانية ما يجعلها تنظر اليه بعين الرضا يا سماح؟
Post: #91 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-13-2008, 12:55 PM Parent: #90
Post: #104 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 07:04 AM Parent: #90
ما تزعل .. إنت ما تزعل ..
لو غلكت مرة عليك ..
بن شيقوق يحق لك ما لا يحق لغيرك !!!
Post: #92 Title: Re: قسمة ونصيب أم هروب من الواقع ؟؟ Author: sudania2000 Date: 01-13-2008, 01:06 PM Parent: #87
السلام عليكم
تحياتي واحترامي
أعجبني هذا القول والتحية للكاتب : الأمر في بداياته عادي كأي زواج ... و لكن نهاياته معقدة بعض الشيء مالم يتم التخطيط له بكل صدق و تجرد دون الغرق في عسل البدايات ...و لا بد من الإتفاق على كل التفاصيل التي تخص الإستقرار النهائي و خصوصا مسألة السكن و تعليم الأولاد و المجتمع الذي سينخرطون فيه.
وأنا بشوف رأي بعض البنات بفضلوا الاجنبي برضو لانو راقي وظريف وبحترم المرأة و ... و ... وما عندها رهق اجتماعي و نسابة وبكيات وخبيز العيد ......الخ و...برضو قسمة ونصيب
بس أجمل غنية بنحب من بلدنا .. سودانية تهوي عاشق ود بلد ..... ولا للأجانب
Post: #105 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 07:09 AM Parent: #92
وعليكم السلام !!!
شكرا على المرور وعلى ثنائك على الكاتب ..
كلنا نتمنى أن يكون زيتنا في بيتنا ولكن في بعض الأحيان تأتي الرياح بما لاتشتهي السفن فقد يتزوج
الشاب من أجنبية لأسباب خارجة عن إرادته وقد يحدث الشيء نفسه مع الفتاة ومع ذلك فعلا بنحب من بلدنا
ما برة البلد !!!
Post: #93 Title: Re: قسمة ونصيب أم هروب من الواقع ؟؟ Author: sama7 Date: 01-13-2008, 01:09 PM Parent: #1
يا ود شيقوق
Quote: ميكافيلية يعني ؟ انتهازية يعني؟ حبوكانية يعني؟ ولا استسلامية تقصدي؟
مش قد تكون فيه من الصفات التانية ما يجعلها تنظر اليه بعين الرضا يا سماح؟
حسى أنا قلت ما بسف يعنى راجل وبسف يعنى ما راجل انا ما جبت سيرة لتقييمه لأنه أكيد باقى صفاته التانية كويسة ما ممكن تكون باقى الصفات سيئة وبسف كمان دى مصيبة شنو دى ودى تعسش معاه ليه أصلا أنا بالتأقلم دى قصدى نظرت للباقى واتجاهلت موضوع السفة وحسبتها زى الما حاصلة بعدين يمكن بكيفها لما راسه يكون مظبوط مين عارف على قولك حب الناس مذاهب بس تااااااااااانى بقول جوا جوا بتقول كان ظبطه بسكرة كام أخير من الهباب دا لوووووووووووووووول
أهم حاجة انت ما تزعل أنا شايفة الموضوع مضايقك إذا الموضوع شخصى وانت عارف بشخصى دى قاصدة شنو يبقى أحلى ناس البسفو ديل أها كدا كيف ؟؟؟؟؟؟؟؟؟؟؟
مودتى
سماح
Post: #95 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 03:21 PM Parent: #93
سموحة
Quote: أها كدا كيف ؟؟؟؟؟؟؟؟؟؟؟
كده عسل عدييييييييييل كده تاني ما تزيدي الله يكفيك شر البسفوا عندما تتملكهم الخرمة ويتلفتوا بجاى وبجاى ويلقوا ليك الحقة فاضية .
سماح شوفي نحن بنتحدث عن الزواج بالاجنبيات اوع تعملي لينا مواضيع انصرافية سفان وغيرو انت لو بتحاسبي حاسبي السفوا اموال البترول ديلاك .
بضحك معاك ما تزعلي
Post: #96 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-13-2008, 03:31 PM Parent: #95
Quote: البوست بقى زي نعاج البطانة مشتوح
ده كلو من سماح انت شايف مسكت ليها دريب وعلقت فيهو لكن اديها صبره انا براحة براحة بدودرها ليكم عشان تجي في ال right track وتعلق ليكم في زواج الاجنبيات
Post: #98 Title: Re: قسمة ونصيب أم هروب من الواقع ؟؟ Author: abubakr Date: 01-13-2008, 08:21 PM Parent: #95
Quote: كده عسل عدييييييييييل كده تاني ما تزيدي الله يكفيك شر البسفوا عندما تتملكهم الخرمة ويتلفتوا بجاى وبجاى ويلقوا ليك الحقة فاضية .
العرريب جدو ود شيثقوق انت بتاع مشاكل .. انا اولة امس خليت البوست دة عال العال رجعت لقيتك فيهو مخرمج وجايب سفة والبسفو ؟؟ دة كلام دة .. الموضوع زواج وانت قلبتو سعوط .. ياعجوز بالله اطلع من هنا .. زمااااانك في الثانوي كان عندنا مدرس معروف بصرامته وكان بسف (دة في الستينات ) ولكن بالدس وكان جنو البسفو ومرة شاف من الطابق الاول سطح مليان سفة وتمباك وقرف قام نادي الهو بيعرفهم يسفو وقال ليهم "بالله شوفو القرف دة .. انت كيف بتختو في خشمكم ؟ "..اها جنس حالة ....المهم في الموضوع انو انت بقميصك الاسود دة والتور الضبحتو خارج الجزارة مخالفا القوانين البيطرية وتحذيرات ال WHO وحفيدك البيلعب بكورة منفسة ونهرك الجاف وقروانة الطحنية بتاعة دكان عمك الوزعتو محتوياتوا علي بنوت الحلة وتيمس عمك المغرز في النهر الجاف وحتك في حفلات زيدان باااالله اطلع من هنا .....
Post: #106 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 07:14 AM Parent: #93
سماح !!!
والله إنت عسولة جدا وغير شكل كمان !!! طبعا غير شكل دي معناها ممتاز باللهجات العربية العجيبة ديك!
بكسر الكاف وليس بفتحها ,,,
Post: #109 Title: Re: قسمة ونصيب أم هروب من الواقع ؟؟ Author: maawia dawood Date: 01-14-2008, 08:03 AM Parent: #106
الاخت عواطف
السلام عليكم
غايتو ده موضوع اي زول بنظر ليه بزاويته البعرفها
لكن نحن في السودان عايزين امراة
زي ما قالت حبوبتي
يا بنتي راجل لو ما ناداك ما تمشي تلحقي
وكورة ام قعر تحت سريره ختي
الوسخ قدام بابه ما تكبيه
وجارتك المودر من قاموسك اشطبيه
اه
اه
اه
Post: #117 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 12:11 PM Parent: #109
الأخ الحبيب معاوية !!!
مودتي ,,,
والله ضحكتني بالجد وذكرتني أغنية الله والنبي كلام راجل أسمعا !!!
يديك العافية يا معاوية بتصدق في واحدة صاحبتي قالت أصلها ما بتعرس راجل هين لازم كان دخل ينخاف
وكان مرق ينشاف وتقول ليك الراجل كان ما نهر وشخط وخلاك تجي جارية توبك نصو فوق راسك والنص التاني
في الواطة يبقى ما راجل أها رايك شنو في جنس دة ؟؟؟
Post: #150 Title: Re: قسمة ونصيب أم هروب من الواقع ؟؟ Author: maawia dawood Date: 01-15-2008, 01:02 PM Parent: #117
الاخت عواطف
السلام عليكم
احكي ليك حكاية
عن العرس ومنو الافضل
بت المدينة ولا بت القرية
وهذه تنطبق عليها
الاختيار من الاجنبي
مرة واحدة من المدينة عرسها واحد من القرية
وبعدين حبوبتها وصتها
اعملي ليه العين الحمرة
يعني اعملي فيه سرج واركبي
ودي كان زمن شهر العسل في البيت
وبعدين العريس و العروس دخلوا الغرفة
العريس سال عروسته كباية موية
والعروس عشان توريه العين الحمراء
قالت لعريسها قوم اشرب براك
فما كان من العريس
الا ضربها كف صاموتي
وصرخت العروس
وجفلوا من بالخارج وبدوا يسفسرون
فردت لهم الحبوبة
خلوها البت دايرة تركب وقعت
Post: #190 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-19-2008, 10:37 AM Parent: #150
معاوية !!!
تحياتي ,,
أولا آسفة ما شفت المداخلة الظريفة دي بتصدق ضحكت بصورة ما عادية على العين الحمرا اللي وقعت
صاحبتها من السرج , طبعا حكاية الوصايا دي قاعد تعمل مشاكل كثيرة جدا عشان كدة كله واحدة تعمل
حسب فهمها ولا شنو رايك ,, شكرا معاوية أبق معنا ,,
Post: #97 Title: Re: قسمة ونصيب أم هروب من الواقع ؟؟ Author: ماجدة عوض خوجلى Date: 01-13-2008, 05:11 PM Parent: #1
عطوف حبيبى مشتاااقين غايتو انا عن نفسى ولدى محل مايقبل انا معاه وان ترك لى الخيار بالتاكيد سودانيه لكن بالتاكيد الزواج قبل كل شى قسمة ونصيب الاقدار هى التى تحدد القسمه والنصيب انا افضل السودانيه يعنى لاسباب كتيرة مرات بستغرب لمن اسمع انو الاجانب بيحترمو نسائهم وانهم بيعرفو يتعاملو معاهم .. وانو السودانى بعد الزواج بيتغير والحياة بتكون عبارة عن صحراء ، للحقيقة احنا ماممكن نعمم لانو برضو فى المقابل فى رجال مابيتغيرو قبل الزواج وبعد الزواج واحد وده وكلامى ده بينطبق على الاتنين السودانى والسودانيه ، لكن فى المقايل برضو حكاية انو الاجنبى بيعرف يتعامل مع الزوج او العكس ... برضو ده كلام خطا التعميم فيه وانا بقول الكلام عن تجربه وبحكم وجودى لااكثر من 15 سنه فى UK وجاورتهم فى السكن وتعاملت معهم عن قرب زاملتهم فى دورب مختلفة ، يعنى اقدر ازعم انى بعرفم على بعد اقل من 20 متر من مكان سكنى يوجد مبنى كبير جدا فيه اكثر اربعين شقه تم تخصيصها من قبل السلطات للزوجات البيتعرضو للضرب من ازواجهميقوم بحماية السكن الشرطة بس فى البرو الانا ساكنه فيه عدة ابنيه ذيو يعنى بيدسوهم فيه منهم وفى ذى المبنى ده وبالمناسبه الظاهرة بتاعت المعاملة السيئه دى بتحصل من المتعلمين وانصاف المتعلمين وحتى الاغنياء والمشهورين يعنى .. غير كده للحقيقه السودانى او السودانيه عندهم احترام للاسر وبيعملو حساب لعلاقه ولكبار الاسرة من الجهتين غير كده الضرب ده افتكر انو مابيحصل الافى حالات نادرة شديد وغير كده بعرف انا سودانيات كانو متزوجين بسودانيين وانفصلو عنهمواتزوجو بااجانب كانت المحصله طفل والمحظوظه فيهم ماعندها وزيجه فاشله لا اعتبارات كتيرة ومن اهمها اكتشاف حقيقة الاجنبى واختلاف القيم وحاجات كتيرة كلها بتوصل الى الفشل صحيح فى زيجه او اتنين نجحو لكن الفشل كان هو الاغلب وفى الاول والنهاية برضو هو قسمه ونصيب ...
تسلمى عطوف كتير
Post: #99 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-13-2008, 09:18 PM Parent: #97
دا الطفش الكثرين لكن أنا ما طيشت من دا بس كان قسمة ونصيب ودون تخطيط
Post: #100 Title: Re: قسمة ونصيب أم هروب من الواقع ؟؟ Author: أحمد الشايقي Date: 01-13-2008, 10:16 PM Parent: #99
Quote: المرأة السودانية تختلف في كثير من الأشياء عن الأجنبية
تهتم بنفسها قبل الزواج وتهملها بعد الزواج مباشرة .. أهتماماتها هامشية دهب وتياب وعدة .. لا تعرف
كيف ومتى تناقش زوجها .. سطحية .. إلخ
والله بصراحـة , صحيح يا عطوف
تحياتي
أحمـد
Post: #101 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 05:30 AM Parent: #100
Quote: اطلع من هنا .....
شفتو الحسادة كيف ؟ عايز يطرني من البوست العسل ده .
يا جدو حنبك شنو ؟ انتو ما عندكم سوبرماركت ؟؟ يعني هسع الجماعة الفي البوست دة لو جني من جنياتم او واحدة او احد فيهم من جيل السبعينات والتمنينات و ما فوق يشرحو ليهم"حنبك " كيف ؟؟ ياخي الوالي-قراقوش- قطع كل الشدر وانت تقول "حنبك "؟ اها يشوفو وين ؟؟؟ ما بشان كدة ان قت ليك اطلع من هنا ....وبعدين انت ما علموك ياعربي يا عرريب "الطنضب" دة عربي ؟؟؟
Post: #136 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:17 AM Parent: #101
ود شيقوق !!!
سلامات ,,,
يا فالق يا مفلوق موهيك ؟؟؟
Post: #102 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 05:36 AM Parent: #100
Quote: اطلع من هنا .....
شفتو الحسادة كيف ؟ عايز يطرني من البوست العسل ده .
حنبك الطنضب هو ثمر السروب والسروب نوع من الاشجار ينمو باطراف القرى زمان . وبعد القطع العشوائي والجائر وما نتج عنه من خلل بيئي وانعدام الحنبك بحثنا عن البديل المناسب لهذه الثمار وعند مجيئي للخليج وجدت ان العنب هو اقرب الثمار للحنبك وربما يتساوى الاثنان في القيمة الغذائية غير ان العنب قد وجد نصيبه الاعلامي اما الحنبك فلا يعرفه حاليا الا اولاد الهامش .
Post: #135 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:14 AM Parent: #100
حمادة !!!
مودة .. وتقدير اليوم المطر عامل فينا عميل الجماعة فرحانين يصورو ساكت أصلو المطرة عندهم حاجة
غريبة وتانية خالص مش زينا !!
و ماتنساش يا أحمد أن الرجل السوداني أيضا كذلك إلى ما بعدو أليس كذلك !!!
Post: #115 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 11:58 AM Parent: #99
خلودي !!!
عادالطفشان والطششان يكونو كيف ؟؟
Post: #116 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 12:04 PM Parent: #99
خلودي !!!
عادالطفشان والطششان يكونو كيف ؟؟
Post: #121 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-14-2008, 12:58 PM Parent: #97
ماجي !!!
والله مشتاقين ,,,
سعدت بهذه المداخلة الجميلة وطبعا زي ما قلت الفشل غير مرهون بجنسية معينة ولكن قد يحدث في أرقى
المجتمعات ولكن القسمة والنصيب يلعبان دورا كبيرا في المجاح والفشل و الزواج أيضا عموما زي ما
حكيتي السودانيون يحترمون النسب وبقدرون مثلما يفعل بعض الأجانب وليس كلهم طبعا الناس اللي طبايعهم
زي طبايعنا عموما مهما قلنا برضه هو قرار شخصي ويكفينا شرف رمي الحجر في المياه الراكدة .. شكرا
ماجي اتصلي !!
Post: #156 Title: Re: قسمة ونصيب أم هروب من الواقع ؟؟ Author: maawia dawood Date: 01-16-2008, 07:43 AM Parent: #121
up
up
Post: #158 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-16-2008, 09:14 AM Parent: #156
معاوية !!!
شكرا ,, ربنا يسعدك ,,,
Post: #107 Title: Re: قسمة ونصيب أم هروب من الواقع ؟؟ Author: د.محمد حسن Date: 01-14-2008, 07:15 AM Parent: #1
جيتك يا عواطف
لي كم يوم بتاوق
هسي بت ادريس دي يلولو ليها الكلام والا يجيبوه عديل
العم شابك ود اخوهو يا ود غتي قدحك يا ود غتي قدحك لامن دبسه في بته اها ايوم ماشي في السوق معاه حرمه وعنه لاقاه صاحب ليه زمن طويل ما اتقابله سلم عليه وعرفه بي زوجته واتلخموا في الونسة والسؤال ، بعد شوية الصاحب قال ليه يا خي ما عرفتني بالراجل ، اخونا قال ليه آخ نسيت والله، ده ابو القدح
قسمة وترباس
Post: #137 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:20 AM Parent: #107
أهلا يا دكتووووووووور !!!
مالك عايز تجيب لي روحك الهوا ؟؟ أخير تتاوق وبس !!!
طبعا في قصص كتيرة من النوع دة وربنا يستر ...
Post: #108 Title: Re: قسمة ونصيب أم هروب من الواقع ؟؟ Author: abubakr Date: 01-14-2008, 07:50 AM Parent: #1
Quote: حنبك الطنضب هو ثمر السروب والسروب نوع من الاشجار ينمو باطراف القرى زمان . وبعد القطع العشوائي والجائر وما نتج عنه من خلل بيئي وانعدام الحنبك بحثنا عن البديل المناسب لهذه الثمار وعند مجيئي للخليج وجدت ان العنب هو اقرب الثمار للحنبك وربما يتساوى الاثنان في القيمة الغذائية غير ان العنب قد وجد نصيبه الاعلامي اما الحنبك فلا يعرفه حاليا الا اولاد الهامش .
بالمناسبة في اسوواق الفاكهة والخضار في شرق اسيا في حاجات كتيرة التقول الحنبك ذاتوووو ... اها انتو تقلعو الشدر البيجيب الحنبك والناس تعرض حنبكم في الاسواق ..انت جففتو الانهار ما تودرو الحنبك ؟؟؟ قال عنب قال ؟؟؟
Post: #110 Title: Re: قسمة ونصيب أم هروب من الواقع ؟؟ Author: مجدي عبدالرحيم فضل Date: 01-14-2008, 08:11 AM Parent: #108
الأستاذة عواطف إدريس إسماعيل
صبحك الله بالخير
نأسف للدخول المتأخر ولكن ماجعلني أهرب هو ذا
Quote: قسمة ونصيب أم هروب من الواقع ؟؟
وأقول أن عمر أبن الخمس عشر ربيع رأي مالم يرأه الناضجين ودعي عمر وماأختارليس الخياربالقلب وبل بالعقل يختار ذو اللَب
وغريزة الأنسان السليمة تختار بالعقل قبل القلب في موضع الهوي ودعوا عقله بماأختار والقلب.
بنرجع للموضوع كبير وعميق وشايك الدروب ونرجو لمن سلك أن يهدينا التجربة بشقيها السلبي قبل الإيجابي
،،،،أبوقصى،،،،
Post: #142 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 11:36 AM Parent: #110
الهارب أبوقصي !!!
سلامات ,,,
بصراحة افتقدناك وقلنا يمكن في إجازة من المنبر ولكن الحمد لله طليت زي هلال رمضان .. تعرف يا أبوقصي
أبو خمستاشر سنة عنده جنس قصصو حكايات عجيبة مرة كنت بعمل في مفروكة بامية وأخوه الصغير أربعة
سنوات واقف جنبي تحت البوتجاز قلت ليه أبعد الحلة دي بتنقلب ليك فوق راسك وتروح في حق الله قام أبو
خمستاشر كان عمره عشر قال لي الآخرة خير له من الأولى ,, طبعا زعلت وشخطت فيه وقلت ليه إنت قاعد
بي وراه تسوي شنو؟ قال لي أنا لسة ما قريت الجامعة قلت ليه يعني هو هسة في أوكسفورد تصور ؟؟ تقول
لي قال في أولاد صغار الزمن دة ؟
Post: #138 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:22 AM Parent: #108
يا باش مهندس .. يديك العافية !!!
ضحكت لمن قلت بس !!!
Post: #111 Title: Re: قسمة ونصيب أم هروب من الواقع ؟؟ Author: محمَّد زين الشفيع أحمد Date: 01-14-2008, 08:16 AM Parent: #1
الأُختُ الرَّاقيةُ / عواطف إدريس إسماعيل ..
لكِ كلُّ الصَّباحاتِ
النديَّة ،
الزَّواجُ في اعتقادي اختياري ،
طالَما امتلكَ الواحدُ منَّا
القدرةَ العقليَّةَ التَّامَّة
لكينونةِ المفردةِ وتداعياتِها
المُستقبليَّة وبعينٍ أكثرِ اتساعاً وشفافيةً
ورؤيةً بما يختبيءُ خلفها من
سلبيَّاتٍ وإيجابيَّاتْ ،
فالزِّيجةُ حتَّى وإنْ كانتْ سودانيَّةً
خالصةً لها من العُيُوبِ مَا لها من
المحاسنُ ، والزيجةُ بينَ طرفينِ مختلفيْ
الجغرافيةِ والبلدِ أيضاً لها من العُيُوبِ
ما يَشينُها كما لها من المحاسنِ ما يُجَمِّلُها ،
وإنْ كانتْ تحمِلُ في طيَّاتِها كثيراً من الصِّراعْ ،
فأحدُ أخوالي مُتزوِّجٌ من مصريَّةٍ وبناتُهما الآنَ بالجامعاتِ ،
ولا شيءَ يَشُوبُ ويعتري حياتَهما خلا ما يَشُوبُ أيَّ أُسرةٍ
سُودانيَّةٍ خالصةِ الطرفينْ ، فيما أسماهُ كثيرٌ من النَّاسِ تفَكُّهاً
وتَظَرُّفَـاً بفاكهةِ الحياةِ الزَّوجيَّة ،
ولي خالٌ آخر كانَ مُتزوِّجاً من " كويْتيَّة "
لكنَّهما انفصلا قبلَ أنْ تتوفَّى هيَ عنه
أيامُ دُخُولِ العراقِ الكويت ...
ولقدْ شارفتُ أنْ أخوضَ غِمَارَ هذهِ التَّجْربة من
كاتبةٍ سُعُوديَّةٍ لكنَّ كفَّةَ بنتِ خالي كانتْ
أرجَحَ وأعقلَ في تقديري ..
* * نداءٌ داخليّ :
( لكنَّني أرى أنَّ هُناكَ شخصاً ما بداخلي دائماً يَقُولُ لي :
" أنَّ بنتَ بلدِكَ هيَ الأفضلُ .. وأراهُ أيضاً يقول لي :
لقد صدقَ ود شيقوق بما أتى وزعَمْ .. فلهُ منِّي التَّحيَّة " ) .
وعسَاكِ بخيْرْ ..
أخُوكِ دَوْمَاً / محمَّد زين ...
Post: #139 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:27 AM Parent: #111
الأخ الحبيب محمد زين !!!
يا زين ما قلت .. مداخلتك تؤكد أن تجاربك الحياتية غنية و زاخرة وتدل على سعة أفق وبعد نظر كبير
عموما ليس لدي إضافة أقولها فكما يقلون في الخليج كفيت ووفيت ويديك إنت وبت خالك العافية ويجعله
عامر !!!
شكرا على طلتك الأنيقة ..
Post: #112 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-14-2008, 09:09 AM Parent: #1
زيكم يا حلوين معليش اليومين الفاتن ديل انا كنت مزكّم ضربتني الزيفة كلو منكم ومن غسيل الفناجين. اسي شلاليفي منملات من كترة اكل البرتكان .. ونخري ماشات وحالتي بالبلاء .. وطبعاً خليت ود شيقوق يجبلكم القهوة والظاهر عليهو حا يضايقني في اكل عيشي لأنو شايف الكتابات خطيرة معناتو القهوة مظبوطة ومدنكلة .. هووووي يا جنا ابعد كدي من التكل ده وخليني النشوف شغلي النخرين جبتلن الفكسي .. اها ما قلتو لي انشاء الله قهوة الولية ما غلّطت على زول فيكم ولا فيكن وانت يا حريم اعملن حسابكن والله المرة دي حاقدة عليكن بالحيل وقالت لازم تنتقم من واحدة فيكن عشان تكون عبرة للباقيات : واخدت ليها تنهيدة وقالت (ختافات الرجال ديل)
ود عمي اللذيذ خالد المنسي احلى سوداني من شندي وعرّس ليهو مجرية ووداها البلدوبراها بعد داك بقت تجي وتخلي خالد هناك .. وعندي ود عمي الله يرحمو يوسف الجمري اتزوج سويسرية من زمان واولادو اسي كباااار وهم ولد (امير) وبت (عيشة) وزوجتو كمارغريت جات السودان زمان لمّن ركبت الحمارة في شندي ومشت جنينة عمي محمد وضربت الجوافة والمنقة من الشجرة مباشرة وكادت تجن من روعة المشهد .
Quote: أنسى حكاية النضافة دي ممكن تجيب الهوا والله لونا دة أحسن منو مافي ( مناي بالخدرة وزيتونة لو
شفتو القمر البرقص في عيونة!!!
هوا شنو يا عطوف البجيبوا لينا الكلام ده انا بتكلم عن السودان كلّو (شمال شرق غرب جنوب وسط) .
وسماح قالت الحبش ديل احلى ناس : والله يا سماح احلى ناس لينا نحن . اها يا شباب القهوة كيف اوعة تقولوا لي حقت ود شيقوق احلى .. الزول ده بكون خاتّي ليكم فيها مصيبة يخليكم بعد شوية تلولوو وكلو واحد يمسك نخرتو ويفكها وتقولوا آآآآآآآآآخ شيقوق وينو شيقوق وينو !! قهوتو بي سرعة قهوتو بي سرعة .. والله تقولوا كده الا تاني اجيب ليكم قهوة فلانة ديك.
Post: #140 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:35 AM Parent: #112
Post: #113 Title: Re: قسمة ونصيب أم هروب من الواقع ؟؟ Author: sama7 Date: 01-14-2008, 11:04 AM Parent: #1
السلااااااااام عليكم
شيقا (دا دلع لشيقوق)
فوضت أمرى لله
Quote: سماح شوفي نحن بنتحدث عن الزواج بالاجنبيات اوع تعملي لينا مواضيع انصرافية سفان وغيرو انت لو بتحاسبي حاسبي السفوا اموال البترول ديلاك .
Quote: ده كلو من سماح انت شايف مسكت ليها دريب وعلقت فيهو لكن اديها صبره انا براحة براحة بدودرها ليكم عشان تجي في ال right track وتعلق ليكم في زواج الاجنبيات
انت يا شيقا لو مزودها شوية قول لينا والله انت شكلك عايز زول يترجم ليك (زواج الأجانب) مرقتنا من السعوط للحنبك ولسه
نجيب لينا واحد عريبى تانى يترجما ليك لكن أظنكم بتقولو ( عرس المو بنات البلد. عرس ديلاك البيض العويناتن ملونات)
لوووووووووووووووول اها كدا فهمتها
Quote: يا جدو حنبك شنو ؟ انتو ما عندكم سوبرماركت ؟؟ يعني هسع الجماعة الفي البوست دة لو جني من جنياتم او واحدة او احد فيهم من جيل السبعينات والتمنينات و ما فوق يشرحو ليهم"حنبك " كيف ؟؟ ياخي الوالي-قراقوش- قطع كل الشدر وانت تقول "حنبك "؟ اها يشوفو وين ؟؟؟ ما بشان كدة ان قت ليك اطلع من هنا ....وبعدين انت ما علموك ياعربي يا عرريب "الطنضب" دة عربي ؟؟؟
أوعى يكون بعد الدرس الفوق داك كله ما اسمها طنضب
استاذة عطوفة
والله انت العسل ومواضيعك عسل وناسك عسل وقهوتك (قهوة امير طبعا ما ناس .........) عسل برضو
اها انا كنت جاية اتكلم عن زواج الأجانب لكن بكلام شيقوق راسى لف زى لفة راسه لما ال ........ يلعب بيه
مودتى
سماح
Post: #118 Title: Re: قسمة ونصيب أم هروب من الواقع ؟؟ Author: abubakr Date: 01-14-2008, 12:12 PM Parent: #113
Quote: وقال سيد(نا) ابوبكر سيد احمد
لا حولا ... خليتيني زي السمبرية اقبل يمين ويسار واشوف وينو "سيد(نا)" .. اها بربري وسيدنا ... دي كيف ؟؟؟ وخسوسا و الرسالة جاية من السما السابعة .. قت يمكن وفكرت اسوي لي حولية واخلي جدو يحت حتا يملي النهر الجاف موية ..
Quote: (عدل بواسطة sama7 on 14-01-2008, 10:13 ص)
اها يابتي اسمك شوفي مكتوب كيف ؟ السما السابعة ( اها بسبب ال encoding ال h اتكتب 7 )
Post: #143 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 11:48 AM Parent: #113
ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
Post: #114 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-14-2008, 11:35 AM Parent: #1
Quote: والله انت العسل ومواضيعك عسل وناسك عسل وقهوتك (قهوة امير طبعا ما ناس .........) عسل برضو
تسلمي يا سماح .. الله يجبر بخاطرك انا كنت خايف شيقا يكون كتر من (.....) في قهوتو لكن كده طمنتيني.
Quote: اها انا كنت جاية اتكلم عن زواج الأجانب لكن بكلام شيقوق راسى لف زى لفة راسه لما ال ........ يلعب بيه
اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك من غير سبب والجو طرااااوة والعتود ده مالو بنطط جنب امو كده فرحان زيّي هاهاها والله لااكين .
اركزي يا سماح وخليك مع القهوة الاصلية الخالية من المواد الحافظة والمواد المسرطنة والمواد البتقرّف من الرجال (دي حقت الولية اياها) قالت والله اخليهن تاني الواحدة لو شافت ليها راجل زي البتشم ريحة المطبخ وهي بتتوحم.. طوال تتوّع!!
Post: #119 Title: Re: قسمة ونصيب أم هروب من الواقع ؟؟ Author: خالدة البدوي Date: 01-14-2008, 12:15 PM Parent: #1
توفي الحبيبة
كل الاشواق
عندي ولدي ذي ولدك ده قال ما عاوز سودانية
ولمن أعمل حاجات السودانيات ديك يقول لي
ماما اتقطي ببطانيتي عشان الريحه تجي فيها
اقول ليه اهـ عاد ده ببقى الاثنين ما بتلمن
يقول لي بعلمها ،، باقي إليك ببقى مع حالتن
دي
برجعلك للنقاش الوقت بس ،،
دمتي وعميق ودي ،،،
Post: #141 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-15-2008, 08:46 AM Parent: #119
د. خالدة !!!
معزتي يا غالية مع حبي وتقديري ,,,
سعيدة بمرورك اللطيف وابنك اللذيذ ربنا يحفظه ويخليه ليك يا رب وتسعدي بيه وتشوفي جديده كان
سودانية كان أجنبية أصلو أولاد الزمن دة صعب إنك تتحكمي فيهم ولا شنو رايك ؟؟ بس قولي ليه يا
حبيبي صاحب بالين كداب !!!
Post: #120 Title: Re: قسمة ونصيب أم هروب من الواقع ؟؟ Author: abubakr Date: 01-14-2008, 12:20 PM Parent: #1
Quote: شيقا (دا دلع لشيقوق)
فوضت أمرى لله
في ذمتك اب قميصا اسود دة بيدلع ؟؟؟؟ تدخلن نفسكن في مشاكل سااااي ؟؟؟ احسن تقولي "المتصدع" بدل "شقا"
Post: #122 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 03:49 PM Parent: #120
Quote: والله انت العسل ومواضيعك عسل وناسك عسل وقهوتك (قهوة امير طبعا ما ناس .........) عسل برضو
وحياتك انت العسل بي شمعو ( تعرفي الشمع؟)
عواطف
شفت بوستاتك بقت زى برم الطلح ( يعني زهرية الطلح يا ناس البندر) ما برك ( برك يعني بتلّب ) فيها الا النحل والفراشات المفرهدة زى سموحة اللذيذة .
Quote: اها انا كنت جاية اتكلم عن زواج الأجانب لكن بكلام شيقوق راسى لف زى لفة راسه لما ال ........ يلعب بيه
تااااااااااااااااااااااااااااااااااااااني شكيتك على الله تشركي وتحاحي ساااااااااااى .
Post: #123 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 03:58 PM Parent: #122
عواطف
Quote: اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك
خصمتك بالله دى ود الجمري ده شبّال ظرييييييييييف خليهو يزيد ويطفش لينا سماح الجات متلحاني بلا سبب دى .
الرطانــــــــــــــــــــــــــــــــــــي
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟
Post: #168 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-17-2008, 08:17 AM Parent: #122
ود شيقوق !!!
والله محنك ما محن برمة طلح مرة واحدة !!!
Post: #124 Title: Re: قسمة ونصيب أم هروب من الواقع ؟؟ Author: abubakr Date: 01-14-2008, 04:11 PM Parent: #1
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟
انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟
Post: #126 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-14-2008, 08:05 PM Parent: #124
[
Quote: B]ود عمي اللذيذ خالد المنسي احلى سوداني من شندي وعرّس ليهو مجرية ووداها البلدوبراها بعد داك بقت تجي وتخلي خالد هناك .. وعندي ود عمي الله يرحمو يوسف الجمري اتزوج سويسرية من زمان واولادو اسي كباااار وهم ولد (امير) وبت (عيشة) وزوجتو كمارغريت جات السودان زمان لمّن ركبت الحمارة في شندي ومشت جنينة عمي محمد وضربت الجوافة والمنقة من الشجرة مباشرة وكادت تجن من روعة المشهد .
عواطف الفاضلة كيفنّك عليك الله اسمحي أشوف وليد عمي دا باقي مشتهي بالحيل ومشتهي ونستو البتشد الحيل وتعدل الميل
كيفنك يا أمير الجميل اللذيذ تعرف كنت مرة في سويسرا وألتقيت بالحبيب عليه رحمة من الله تنزل عليه .. تعرف يوسف رجل يتعامل مع أهله بنفس طريقته في شندي ومع أنه طال به الغياب من شندي وطول شديد منذ 1962 فقط في العطلات .. زوجته صارت تتحدث مثله .. مرة كنا في منزل محمد عتيق زوج منى مريغني طه فقال لها مراقريت نمشي بعد دا قالت لي : قوم أمشي براك .. قام قال ليها يا زولا قومي وضربها ضربة حنية ردت لي : هي تقوم قومة أمي عيشة ديك أمشي براك.
والله يا عواطف عندي حكاوي كثيرة وجميلة عن التجربة الجميلة في حياتي لكن خايف من العريبي دا ود شيقوق شكيتو علي الله وكمان بدور يعمل علاقات وع وليد عمي أمير الجمري لكن ببعدو منو العريبي دا.
Post: #125 Title: Re: قسمة ونصيب أم هروب من الواقع ؟؟ Author: abubakr Date: 01-14-2008, 07:57 PM Parent: #1
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟
انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟
Post: #127 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 09:07 PM Parent: #125
Quote: انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟
انت يا سيدنا
هيييييييييييع لاعبين عليك سااااااااااى في بربري سيدنا؟
Post: #128 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-14-2008, 09:11 PM Parent: #127
ود المنسي
Quote: والله يا عواطف عندي حكاوي كثيرة وجميلة عن التجربة الجميلة في حياتي لكن خايف من العريبي دا ود شيقوق شكيتو علي الله وكمان بدور يعمل علاقات وع وليد عمي أمير الجمري لكن ببعدو منو العريبي دا.
عودك في ود الجمري عود ................ز
Post: #129 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-14-2008, 09:59 PM Parent: #128
عودك في ود الجمري عود ......
قولها أفصح بها كان .....
Post: #130 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 05:18 AM Parent: #129
Quote: قولها أفصح بها كان .....
بخاف اطفّر الحمام ولا شنو يا مطموس ؟
Post: #131 Title: Re: قسمة ونصيب أم هروب من الواقع ؟؟ Author: sama7 Date: 01-15-2008, 07:10 AM Parent: #1
سلام لأحلى ناس
سيد(نا) ابى بكر
Quote: لا حولا ... خليتيني زي السمبرية اقبل يمين ويسار واشوف وينو "سيد(نا)" .. اها بربري وسيدنا ... دي كيف ؟؟؟ وخسوسا و الرسالة جاية من السما السابعة .. قت يمكن وفكرت اسوي لي حولية واخلي جدو يحت حتا يملي النهر الجاف موية ..
سيدنا ما بتجى إلا لما يكون بربرى :-) خصوصا لما تكون جاية من سماح لووول.. شيقا
Quote: تااااااااااااااااااااااااااااااااااااااني شكيتك على الله تشركي وتحاحي ساااااااااااى
هاهاها شاكينى انا مالى اشكى روحك من البتسويه فيها
Quote: خصمتك بالله دى ود الجمري ده شبّال ظرييييييييييف خليهو يزيد ويطفش لينا سماح الجات متلحاني بلا سبب دى .
الرطانــــــــــــــــــــــــــــــــــــي
مرة سموحة عسل ومرة داير تطفشها شكلو راسك شارعه ما اتجاه واحد مرة يلف يمين ومرة شمال هااااااااااى بعدين مالهم الرطانة: انا دنقلاوية وصحى ما برطن لكن بديت الرطانة جديدة بس ما لاقية زول اتكلمها معاه مقدر الجبته دا من بوست جزيرة بدين العرفت انه حبوبتى أصلا منها
Quote: هيييييييييييع لاعبين عليك سااااااااااى في بربري سيدنا؟
ى ما لذتها هنا هو سيدنا دا إلا يكون سيد فى ................ تمها انت
امير
Quote: اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك من غير سبب والجو طرااااوة والعتود ده مالو بنطط جنب امو كده فرحان زيّي هاهاها والله لااكين .
الليلة ليك انت يا امير دا شيقا يادوب قال س ف ه ما جبنا سيرة الحاجات ديك اللونها green وبتجيب لينا ناس ال ..... وللا يكون شيقا اجازة السودان دى لسة ماثرة فيه هاهاهاها بععيد عنك شكلو كدا
خالدة البدوى
Quote: اقول ليه اهـ عاد ده ببقى الاثنين ما بتلمن
يقول لي بعلمها ،، باقي إليك ببقى مع حالتن
دي
وما تقولى سودانيات كتير خلو الحاجات دى بقوا يقولو لا لا احسن حاجات victoria secrets وال body splashes خلاص خليها تنفع التانين
استاذة عواطف الناس دى خوفوك وللا شنو بيتى ما ظاهرة
مودتى
سماح
Post: #132 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 07:50 AM Parent: #131
Quote: ى ما لذتها هنا هو سيدنا دا إلا يكون سيد فى ................ تمها انت
يمكن المشروع الحضاري يا سماح اختى او يا سماح اخوى ؟
Post: #195 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-20-2008, 06:44 AM Parent: #131
سماح !!!
صباح ,,,
قلنا نصبح عليك ,,,
Post: #133 Title: Re: قسمة ونصيب أم هروب من الواقع ؟؟ Author: sama7 Date: 01-15-2008, 08:01 AM Parent: #1
شيقا
لا والله حرام عليك بالغت فى اخوى دى هاهاها وللا عشان جبنا سيرة البحر بعدين بروفايلى دا لى 6 سنين ما دخلته من يوم ما سجلت فى البورد وخلاص بعدين الوداك هناك شنو بتبحت عايز تسأل من شنو يا جدو لوووووووووووووول
مودتى
سماح
Post: #134 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 08:07 AM Parent: #133
Quote: بعدين الوداك هناك شنو بتبحت عايز تسأل من شنو يا جدو لوووووووووووووول
عايز ادبّل عندك راي يا سماح او سيدي سماح ؟
Post: #144 Title: Re: قسمة ونصيب أم هروب من الواقع ؟؟ Author: امير عوض الجمري Date: 01-15-2008, 12:00 PM Parent: #1
والله يا عواطف انتي البعد عمري وبرضو عمري وقبل عمري وجنب عمري ولله يا عواطف كلمة بعد عمري دي طاعمة طعم .
وما عليك ود شيقوق خلاص اديناهو (خلو شرقرق) تاني ما بقدر يهوّي بي جاي .. وبعدين انا مسنود بالسمّوحة على وزن الصبوحة يعني شياقيقو ده موضوعو انتهى .. عرس اولاد اهلي من الاجنبيات عاجبني بالحيل لكن اظنّي انا شربت القهوة الفيهاالـ (.....) البتاع البخلي الزول يصنقر جنب بيت الجماعة واوروبا كلها بشوفه في مربع 27
Post: #145 Title: Re: قسمة ونصيب أم هروب من الواقع ؟؟ Author: abubakr Date: 01-15-2008, 12:02 PM Parent: #1
Quote: عايز ادبّل عندك راي يا سماح او سيدي سماح ؟
جدو ودر عدييل ...يسوبيك شنو وانت في ارذل العمر ..انت قايل قميصك الاسود دة بيعمل ليك ديسكاونت في عمرك.. انت ما قالت ليك دنفلاوية؟ يعني تبع حوليتنا شن مودييك للبروفايل بتاعها وهسع ناس جزيرة بدين هنا كتار لو لمو فيك بطيرو باقي الفضل في قرعتك دي ... ياجدو لووول ...
Post: #146 Title: Re: قسمة ونصيب أم هروب من الواقع ؟؟ Author: abubakr Date: 01-15-2008, 12:02 PM Parent: #1
Post: #148 Title: Re: قسمة ونصيب أم هروب من الواقع ؟؟ Author: sama7 Date: 01-15-2008, 12:31 PM Parent: #146
Quote: جدو ودر عدييل ...يسوبيك شنو وانت في ارذل العمر ..انت قايل قميصك الاسود دة بيعمل ليك ديسكاونت في عمرك.. انت ما قالت ليك دنفلاوية؟ يعني تبع حوليتنا شت مودييك للبروفايل بتاعها وهسع ناس جزيرة بدين هنا كتار لو لمو فيك بطيرو باقي الفضل في قرعتك دي ... ياجدو لووول ...
ينصر دينك دا الكلام انا واخوى على ابن عمى وانا وابن عمى على الغريب
thanx :-)
مودتى السماء السابعة سماح
Post: #147 Title: Re: قسمة ونصيب أم هروب من الواقع ؟؟ Author: sama7 Date: 01-15-2008, 12:16 PM Parent: #1
حصلتها سريع قبل ما اتفهم غلط
فتكم بعافية
سماح
Post: #149 Title: Re: قسمة ونصيب أم هروب من الواقع ؟؟ Author: abubakr Date: 01-15-2008, 12:41 PM Parent: #1
Quote: السماء السابعة سماح
انا كمان سيد(نا) دى دخلت في مزاجي .. اشمعني ؟؟ ما اعمل لي حولية والم الرطان كلهم وادودر بي جدوو لووووول .. اكتب حجبات تخليهو يساسق ساااي
Post: #151 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 02:51 PM Parent: #149
ود الجمري
Quote: وبعدين انا مسنود بالسمّوحة على وزن الصبوحة يعني شياقيقو ده موضوعو انتهى ..
نوعك ده ياهو البخرت مننا الجكسويات في الجامعة ويخلي الواحد فينا يتلفت يمين وشمال زى السورو .
اول مرة اعرف في خرت اسفيري للجكسويات
الله يجازي محنك يا ود الجمري الهمباتي
Post: #152 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 03:08 PM Parent: #151
سماح
Quote: انا واخي على ابن عمي وانا ابن عمي على الغريب
ده فذعك ؟ خمي وصري
Quote: جدو ودر عدييل ...يسوبيك شنو وانت في ارذل العمر ..انت قايل قميصك الاسود دة بيعمل ليك ديسكاونت في عمرك.. انت ما قالت ليك دنفلاوية؟ يعني تبع حوليتنا شن مودييك للبروفايل بتاعها وهسع ناس جزيرة بدين هنا كتار لو لمو فيك بطيرو باقي الفضل في قرعتك دي ... ياجدو لووول ...
عيييييييييييييك انت طولت من السودان طولة ولسع تفتكر شرطا يكون لبيس من هيئة التدريس يا اخي ابشرك اوع سامية تسمعني والله بقينا حلوين حلاة ومؤشرنا ارتفع فووووووووق كمان عزل عديل كده مش يا عواطف ؟
Post: #154 Title: Re: قسمة ونصيب أم هروب من الواقع ؟؟ Author: abubakr Date: 01-15-2008, 06:40 PM Parent: #152
Quote: ده فذعك ؟ خمي وصري
اها فارس بني عبس ؟؟ ات ما سمعت برماة الحدق الرجعو جيوش العرريب محوليين كل واحد بعين واحدة ... خليك من قريبتي دي .. انا قت ليك ناس بدين دييل خليك بعيد منهم ..اشهدو يا جماعة .....
Quote: يا اخي ابشرك اوع سامية تسمعني والله بقينا حلوين حلاة ومؤشرنا ارتفع فووووووووق كمان عزل عديل كده مش يا عواطف ؟
يا ظلوط اوع تقع من حبل الغسيل تكسر رقبتك .. اصحي الديوك اذنت الصبح وخلصت وانت نايم علي حبل الغسيل تحلم
Post: #153 Title: Re: قسمة ونصيب أم هروب من الواقع ؟؟ Author: ismeil abbas Date: 01-15-2008, 06:16 PM Parent: #1
ألأخت/عواطف
كيف حالك ويالجمال بوستاتك كالعادة.....
قال الله تعالى:ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون .صدق الله العظيم..
فقوله: «أن خلق لكم من أنفسكم أزواجا لتسكنوا إليها» أي خلق لأجلكم - أو لينفعكم - من جنسكم قرائن و ذلك أن كل واحد من الرجل و المرأة مجهز بجهاز التناسل تجهيزا يتم فعله بمقارنة الآخر و يتم بمجموعهما أمر التوالد و التناسل فكل واحد منهما ناقص في نفسه مفتقر إلى الآخر و يحصل من المجموع واحد تام له أن يلد و ينسل، و لهذا النقص و الافتقار يتحرك الواحد منهما إلى الآخر حتى إذا اتصل به سكن إليه لأن كل ناقص مشتاق إلى كماله و كل مفتقر مائل إلى ما يزيل فقره و هذا هو الشبق المودع في كل من هذين القرينين.
و قوله: «و جعل بينكم مودة و رحمة» المودة كأنها الحب الظاهر أثره في مقام العمل فنسبة المودة إلى الحب كنسبة الخضوع الظاهر أثره في مقام العمل إلى الخشوع الذي هو نوع تأثر نفساني عن العظمة و الكبرياء.
و الرحمة نوع تأثر نفساني عن مشاهدة حرمان المحروم عن الكمال و حاجته إلى رفع نقيصته يدعو الراحم إلى إنجائه من الحرمان و رفع نقصه.
و من أجل موارد المودة و الرحمة المجتمع المنزلي فإن الزوجين يتلازمان بالمودة و المحبة و هما معا و خاصة الزوجة يرحمان الصغار من الأولاد لما يريان ضعفهم و عجزهم عن القيام بواجب العمل لرفع الحوائج الحيوية فيقومان بواجب العمل في حفظهم و حراستهم و تغذيتهم و كسوتهم و إيوائهم و تربيتهم و لو لا هذه الرحمة لانقطع النسل و لم يعش النوع قط.
و نظير هذه المودة و الرحمة مشهود في المجتمع الكبير المدني بين أفراد المجتمع فالواحد منهم يأنس بغيره بالمودة و يرحم المساكين و العجزة و الضعفاء الذين لا يستطيعون القيام بواجبات الحياة.
و المراد بالمودة و الرحمة في الآية الأوليان على ما يعطيه مناسبة السياق أو الأخيرتان على ما يعطيه إطلاق الآية.
و قوله: «لآيات لقوم يتفكرون» لأنهم إذا تفكروا في الأصول التكوينية التي يبعث الإنسان إلى عقد المجتمع من الذكورة و الأنوثة الداعيتين إلى الاجتماع المنزلي و المودة و الرحمة الباعثتين على الاجتماع المدني ثم ما يترتب على هذا الاجتماع من بقاء النوع و استكمال الإنسان في حياتيه الدنيا و الأخرى عثروا من عجائب الآيات الإلهية في تدبير أمر هذا النوع على ما يبهر به عقولهم و تدهش به أحلامهم.
هذا من تفسير الميزان فى القرآن(المنقب القرأنى). الموضوع قسمة ونصيب فقط..ووين نهرب من قسمتنا..وما فى هروب من الواقع..والواقع واقع غصبآ عنى وغصبآ عنك وعن كل الكائنات الحية فى أمر الزواج..نحن لنا السعى فقط وألأجتهاد..
وأود أن أقول و أوأكد على أن كل زبجة لابد أن تتوفر فيها ألأتى بغض النظر الجنسية لأستمراريتهابسعادة:
:
التراضى
الحب:
ألآحترام:
لكن بينى وبينك:أحلى من بت بلدى مافى..وأعيب على الذين يقولون أن الرجل السودانى لايحترم المرأة.
هن فى حدقات عيونا..ونحميهم بى أرواحنا وسيوفنا..
ديل عزنا ومجدنا حد شوفنا..
مودتى..إسماعيل محمد احمد عباس........
Post: #155 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-15-2008, 09:56 PM Parent: #153
Quote: خليك من قريبتي دي .. انا قت ليك ناس بدين دييل خليك بعيد منهم ..اشهدو يا جماعة
انت بتتلصق مالك هي دنقلاوية وما بتعرف ترطن ومش من حلفا من بدين البدنة ال ............
Post: #157 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-16-2008, 09:11 AM Parent: #155
Quote: انا كمان سيد(نا) دى دخلت في مزاجي .. اشمعني ؟؟ ما اعمل لي حولية والم الرطان كلهم وادودر بي جدوو لووووول .. اكتب حجبات تخليهو يساسق ساااي
انت يا الرطاني حتصير زى الهندى الكنت انا مغشوش فيهو بصلي وراهو التراويح على مدار الشهر وعندما اعجبتني تلاوته في نهاية الشهر اقدمت عليه لزوم الثناء عليه وكنت فاكرو عربي . قلت ليهو ما شاء الله والله تلاوتك ممتعة فرد على قائلا:
What are you saying
اخوك صلاتو طلعت شيح في ريح وعرف زولك اكان مرق شبر واحد من القرآن ما بعرف سجمو في اللغة العربية زيك كده .
وين الحالم سبانا - ود المنسي ؟
Post: #159 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-16-2008, 09:20 AM Parent: #157
ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
لكن قدري مكتوب من زمان يا العواطف اسوى شنو مكسور الجناح
ما تكلمي سموحة بالكلام ده بتنشبك فيني معاها فلان داك القال قريبها
Post: #163 Title: Re: قسمة ونصيب أم هروب من الواقع ؟؟ Author: abubakr Date: 01-16-2008, 12:35 PM Parent: #155
Quote: انت بتتلصق مالك هي دنقلاوية وما بتعرف ترطن ومش من حلفا من بدين البدنة ال ............
بدين دي وين ؟؟اها تلتربع البرابرة الفي المنبر دة يامن بدين يا عندهم عرق في بدين ؟؟ يعني بدين دي ما جنب النهر الجاف ؟؟شن مودييك لهناك ... انا بتكلم مع بتنا قريبتناالنوبية وانت عرريب ساااي وبقميص اسود .....
Post: #160 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-16-2008, 09:23 AM Parent: #153
سمعة !!!
كيفك يا جدو ؟ ولله مشتاقين ,,,
أسهبت فأصبت الهدف كالعادة فلك منا كل شكر وتقدير وزي ما قلت بنت البلد مافيش زيها لكن إذا توفر
التراض .. الحب .. الاحترام نقول اللهم لا أعتراض في حكمك أما حكاية عدم احترام السوداني لزوجته
فدي حالات نادرة جدا ولكن أغلبية النساء يجمعن على أن الرجل السوداني تنطفيء عنده جذوة الحب بعد
سنة أولى حب مباشرة أليس كذلك ؟
Post: #161 Title: Re: قسمة ونصيب أم هروب من الواقع ؟؟ Author: ismeil abbas Date: 01-16-2008, 09:51 AM Parent: #1
ألأخت/عواطف..
شكرآ على ألأطراء...عجبنى أخونا الطيب شيقوق أبو العرسان بمداخلاته الحلوة اللطيفة والتى جعلت
للبوست رونقآ بهى...
قلتى:فدي حالات نادرة جدا ولكن أغلبية النساء يجمعن على أن الرجل السوداني تنطفيء عنده جذوة الحب بعد
أن جذوة الحب سوف تكون متقدة بنفس القوة.(ودوام الحال من المحال).
ثانيآ زوج وزوجة أضيف لهم أولاد ومسئولية..أكيد سوف يحصل إنشغال بألأطفال ولو جزئى وهنا تحس بالنقصان من ألأهتمام..ولكن ستظل جذوة الحب متقدة ويجب عليها أن تعى هى ألأخرى ذلك.
إيقاء جذوة الحب متقدة مسئولية الطرفين لاتنطفىء من جهة واحدة إلا إذا حاول هذا الطرف صب الماء البارد عليها.. الهبابة:أداة فلكلورية لجعل النار متقدة..يجب على الطرفين حملها ومتى ما حسوا بأن جذوة حبهم بدأت تخبو يوقدوها مرة أخرى..بأستعمال الكلمات اللطيفة والهداية فى المناسبات.وتغير المناخ المحيط أحيانآ بالرحلات والسفر إذا الحال ميسور... ربنايجعل جميع أسرنا جذوة حبهم متقدة..
مودتى..
إسماعيل محمد احمد عباس.........
Post: #162 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-16-2008, 11:11 AM Parent: #161
الاخ اسماعيل الجميل
كيفك وكتر خيرك
Quote: شكرآ على ألأطراء...عجبنى أخونا الطيب شيقوق أبو العرسان بمداخلاته الحلوة اللطيفة والتى جعلت
للبوست رونقآ بهى...
يا اخي البوست ده اصلو رونقه صار بهي باميرتو وحادي ركبه الاستاذة المناضلة والمكافحة عطوفيييييي والتي ما توانت لحظة في الكتابة عن الاحاسيس والمشاعر للجنسين بمختلف اعمارهم وبمختلف سحاناتهم وبمختلف الوان الطيف السياسي :
عجبيييييييييييي فقد اسمعت بوستاتها حتى الناطقين بغيرها ؟؟؟؟؟؟؟؟؟؟
عواطف :
Quote: تنتهي مظاهر الحب بعد عام من الزواج
عام شنو والله انا من الاسبوع الاول فقط و حظى اني كنت متزوج وطالب في الثانوي والجامعة عشان كده كنت بحسب ليك الباقي كم يوم من الاجازة وكنت مرجع للطلاب في معرفة ايام الاجازات بس اول طالب بيرجع للمدرسة بعد الاجازة هو انا الكاشف القدمك ده .
Post: #165 Title: Re: قسمة ونصيب أم هروب من الواقع ؟؟ Author: ابوبكر يوسف إبراهيم Date: 01-16-2008, 01:18 PM Parent: #162
الأخت عواطف سلام على روحك الطيبة
الزواج التي تتحدثين عنه هو ما يسمى بالزواج المختلط وهو نوعان: 1) مسلم أو مسلمة يتزاوجا ولكن من غير جنسه.
2) أما الشق الثاني فيتفرع إلى قسمين:
أ) مسلم يتزوج من غير المسلمة ( كتابية). مسلمة تتزوج من غير المسلم(كتابي)وهذا حدث كثيراً في دول الغرب
الزواج ليس قضاء شهوة أو وطر إنما هو حياة وأسرة وأجيال قادمة وإنتماء للأرض والأوطان والتمسك بالتقاليد أمر مستحب ..ومن تزوج بغير بنت بيئته عليه الإجابة على هذا السؤال: ماذا لونال أبناء هذا السوداني جنسية بلد الأم؟
نعم أؤمن بالحب ولكن ربما أن التمسك بالهوية والإنتماء أمر مرغوب فيهما ولكن ليس لدرجة التعصب لأن الزواج قدري فإن لم يرده الله لا يتم لأنه مثل الموت وكذلك مثل عدم إختيارنا لوالدينا أو أسمائنا هذه خير الادلة .. ولكن كل التجارب الناجحة تدل على أن الزواج من نفس البيئة هو الأصل وأن الزواج المختلط هو الإستثناء وتعقيداته كثيرة خاصة عندما تصل البنات سن الرشد في الغرب وتبدأ مرحلة الإستقلالية التي تتعارض مع بيئة وتقاليد الأب. وأيضاً في حالات الطلاق والمواريث والحضانة .. إلخ وأماالإحترام بين الزوجين فهو وليد الحب والتفاهم..وأهلنا زمان قالوا ( يا ولدي غطي ماعونك أحسن مما تغطي ماعون غيرك)
Post: #175 Title: Re: قسمة ونصيب أم هروب من الواقع ؟؟ Author: abubakr Date: 01-17-2008, 10:58 AM Parent: #165
عزيزي ابوبكر
Quote: وهذا حدث كثيراً في دول الغرب
وكثير الحدوث في الشرق عند الهنود وبعض مسلمي ومسلمات الشرق الاقصي وجنوب شرق اسيا
Post: #164 Title: Re: قسمة ونصيب أم هروب من الواقع ؟؟ Author: abubakr Date: 01-16-2008, 01:09 PM Parent: #1
Quote: أن الرجل السوداني تنطفيء عنده جذوة الحب بعد
سنة أولى حب مباشرة أليس كذلك ؟
ليس كذلك ؟؟ الحب كعمر الانسان يبدء طفلا متبسما صبوحا ويكبر ويصير صبيا مراهقا ثم شابامتطلعا ثم كهلا متبصرا ثم عجوزا ينظر الي كل ذلك الذي مضي قانعا به ... ان نتوقع حرارة الشباب عند الكهولة فامر وان بدي للبعض متاحا الا انه خلط في الادوار قلكل عمر دور ولكل دور نجاحاته واخفاقاته وما الدنيا الا نجاحات واخفاقات
Post: #166 Title: Re: قسمة ونصيب أم هروب من الواقع ؟؟ Author: sama7 Date: 01-16-2008, 01:27 PM Parent: #1
وين يا أحلى ناس والله وحشتونا بس اليوم دا ان شاء الله يعدى على خير
شيقا
Quote: ده فذعك ؟ خمي وصري
هيييييييى يا شيقا فزعى مية مية انت قايلو عريبى ساى بقول الروب ويمسك جلابيته بسنونه ويقوم جارى
Quote: عيييييييييييييك انت طولت من السودان طولة ولسع تفتكر شرطا يكون لبيس من هيئة التدريس
عاد كان خلوا اى شئ لبيس دى مستحيل يتنازلو عنها بعدين الجايب تامشاكل شنو غير (بلا بكلامكم انتو) الاولاد اللبيسين
Quote: عام شنو والله انا من الاسبوع الاول فقط و حظى اني كنت متزوج وطالب في الثانوي والجامعة عشان كده كنت بحسب ليك الباقي كم يوم من الاجازة وكنت مرجع للطلاب في معرفة ايام الاجازات بس اول طالب بيرجع للمدرسة بعد الاجازة هو انا الكاشف القدمك ده .
لكن الكلام دا ادانك ادانة شديييييييييدة معناها مافى حاجة تخليها توريك السايد التانى عشان ترجع آخر واحد هاهاها
استاذة عطوفة
Quote: ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
ياهو الزواج البرجعه بدرى من الإجازة ويخليه .......... بعد ما شاب لووووول
سيدنا يا قريبى
Quote: بدين دي وين ؟؟اها تلتربع البرابرة الفي المنبر دة يامن بدين يا عندهم عرق في بدين ؟؟ يعني بدين دي ما جنب النهر الجاف ؟؟شن مودييك لهناك ... انا بتكلم مع بتنا قريبتناالنوبية وانت عرريب ساااي وبقميص اسود .....
احنا نعمل لينا حلف ضد العروب بعدين كلها فترة بسيطة وابقى برطن اصلو السودان دا حق الرطانة بمختلف لغاتهم ولهجاتم اى زول بتكلم عربى بس يشوف روحه جاى من وين ويفرتق
اسماعيل عباس
Quote: ويجب عليها أن تعى هى ألأخرى ذلك
دى أصعب حتة هى كان وعت للحتة دى هو هين زمان فى بوست ينتهى الحب بانتهاء مراسم الزواج قلنا كدا بس شايفة الزمن دا بقى زبط رجع زى زمن الحبوبات الواحدة الزمن دا تقول ليها أولادك وللا راجلك تقول طبعا هو الاولاد يطيرو هاهاها ما زى الناس الفى النص بين الجيلين الطفشو الناس من العرس.. ما قاصدة زول
الزمن دا زواج الاجانب زى السودانية بالضبط نشأة السودانية ما بتختلف كتير عن الأجنبية دا غير (السودانية الأجنبية)
مودتى
سماح
Post: #167 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-17-2008, 07:16 AM Parent: #166
شيقا
Quote: هيييييييى يا شيقا فزعى مية مية انت قايلو عريبى ساى بقول الروب ويمسك جلابيته بسنونه ويقوم جارى
هيييييييييييييييييييع نحن الساس ونحن الراس يا بت الناس
Quote: عاد كان خلوا اى شئ لبيس دى مستحيل يتنازلو عنها بعدين الجايب تامشاكل شنو غير (بلا بكلامكم انتو) الاولاد اللبيسين
تبدلت المعايير وصار رجل المرة حلووووووووووووو حلاة irrespective of any negative side of him
هييييييييييييييييع تقولي شنو تقولي منو؟
Quote: لكن الكلام دا ادانك ادانة شديييييييييدة معناها مافى حاجة تخليها توريك السايد التانى عشان ترجع آخر واحد هاهاها
السايد التاني فيهو شنو لووووووووووووووووووول وروني سريع يمكن ضيعت سنييييييييييييين يا سموحة
Quote: ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
Quote: ياهو الزواج البرجعه بدرى من الإجازة ويخليه .......... بعد ما شاب لووووول
يخليهو يتاتي بال ............. يعني؟
Post: #172 Title: Re: قسمة ونصيب أم هروب من الواقع ؟؟ Author: abubakr Date: 01-17-2008, 10:01 AM Parent: #166
Quote: احنا نعمل لينا حلف ضد العروب بعدين كلها فترة بسيطة وابقى برطن اصلو السودان دا حق الرطانة بمختلف لغاتهم ولهجاتم اى زول بتكلم عربى بس يشوف روحه جاى من وين ويفرتق
يا قريبتي الحلف حاصل .. اها البيتكلمو عربي مقابل ارطانة بانواعها كام يعني من كام مليار بني ادم الناطقيين بها لا يتجاوزو الميتيين مليون.. اها بيعملو زحمة سااااي طنطنة ....
Post: #169 Title: Re: قسمة ونصيب أم هروب من الواقع ؟؟ Author: sama7 Date: 01-17-2008, 08:27 AM Parent: #1
good morning
dear Abubakr Yusif
Quote: مسلمة تتزوج من غير المسلم(كتابي)وهذا حدث كثيراً في دول الغرب
plz try to find another name for this, we as muslims do not call it MARRIAGE
Regards
Sama7
Post: #170 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-17-2008, 08:57 AM Parent: #169
Quote: plz try to find another name for this, we as muslims do not call it MARRIAGE
Sama7
Shariaa wise yes BUT Marriage can generally be defined as:
The union of a man and a woman ,to the exclusion of all others , voluntarily entered into for life Related links
او
The union of a man and a woman as husband and wife, which becomes the foundation for a home and family
However,in Conflict of Laws, the issue of marriage has assumed increasing public policy significance in a world of increasing multi-ethnic, multi-cultural community existence
هييييييييييييييع سموحة الراقية شديييييييييييييييد وفاهمة اللعبة زييييييييييييييين
Post: #171 Title: Re: قسمة ونصيب أم هروب من الواقع ؟؟ Author: sama7 Date: 01-17-2008, 09:53 AM Parent: #1
Quote: Marriage can generally be defined as
dear sheega
thanx for the clarification but when i commented on what abubakr yusif said, i did not mean the general definition i was talking about marriage in islam sorry for changing the course of the topic
i will be back inshalla take care
sama7
Post: #173 Title: Re: قسمة ونصيب أم هروب من الواقع ؟؟ Author: abubakr Date: 01-17-2008, 10:03 AM Parent: #1
Quote: انت يا سيدنا ابو بكر خليك متابع من بعيد شوفني كيف اطلع ليك الدرر واللآلي من هذه البنية العبقرية
شايفاك ماشى كويس يا شيقا برضو بتقول سيدنا هاهاها انت بس ادينى فرصة وتشوف درر عمرك ما شفتهاش
يا جماعة لو جينا للموضوع الاساسى خلونى ازرزركم شوية خصوصا انى فى مرحلة ما قبل الوقوع فى موضوع البوست هاهاها
يمكن يكون السبب بحثا عن ال love & romance ما معروف يكون شنو
people say The unrealistic expectations that young people have is what often contributes to the failure of their relationship
لكن let me ask all of u
ممكن الواحد\ة يحس بالخجل to express his/her feelings to his/her partner?b
بصراحة البقتل العلاقات فى اعتقادى الخجل والرجل السودانى بقول المرأة خجولة وهى بتقول عليه نفس الشئ
انتو رايكم شنو؟؟؟؟؟؟؟
مودتى
سماح
Post: #178 Title: Re: قسمة ونصيب أم هروب من الواقع ؟؟ Author: ابوبكر يوسف إبراهيم Date: 01-17-2008, 12:36 PM Parent: #176
الأخت الحبيبة عواطف سلام على روحك الطيبة
من الذي نصحك بالكتابة في موضوع شائك .. ربما الحس الصحفي ولذلك تحمليني وكذا القراء ولا يعيل صبركم لأن الموضوع هام .. وهام للغاية وكان عندكم الوقت أقروا فمداخلتي ضافية .. وسلام على أرواحكم الصبورة.
تعني بالزواج المختلط، زواج المسلم أو المسلمة من أجنبي أو أجنبية أو المسلم من مسلمة ولكنها من بلدٍ أخر. هناك من يراه فاشل أو مرشح للفشل وهناك من يرى عكس ذلك.
*ما هو الزواج؟ الزواج هو تفاهم متبادل وانتقاء روحي ونفسي وإنساني بين الزوج والزوجة وهو مبني على هذا الأساس، المهم أن يكون هناك انتقاء في القيم الاجتماعية والإنسانية بين الرجل والمرأة إذا وجدت هذه العوامل سيكون ناجحاً، كما أننا لا ننفي كون الرجل والمرأة من نفس البيئة عامل مهم في عملية الانتقاء.
*وطبيعة العلاقة الزوجية هي معقدة جداً، وفي حالة وجود اختلاف في اللغة والدين والعادات الدينية والثقافية تزداد هذه العلاقة تعقيداً. وهناك من يقول أن الطريقة الوحيدة التي ينجح فيها الزواج المختلط نجاحاً تاماً هو أن يقدم أحد الطرفين تنازلات واسعة عن مساحة من وجدانه بالطبع هذا رأي خاص ولا يعبر عن الجميع ولكنه يؤخذ بنظر الاعتبار.
*أنواع الزواج وحالاته/ 1) زواج المصلحة: وهو معروف ويكون لأسباب عديدة منها الحصول على الجنسية أو الأقامة أو العمل أو المال وغيره... 2) الزواج الاضطراري: وهو زواج الطلبة أثناء فترة الدراسة لحالات وظروف معينة. 3) الزواج الناتج عن اقتناع بالطرف المقابل عقلاً وقلباً وهو الذي يكتب له الدوام. كما أن درجة الثقافة والتعليم مهمة في أن يكون هناك توافق بين الزوج والزوجة وهناك قواعد دقيقة في التعامل اليومي بين الزوج والزوجة والشعور بالاحترام المتبادل بينهم.
*مقارنة في المشاكل بين الأزواج الذين تزوجوا زواجاً مختلطاً وبين أبناء البلد الواحد هناك من يقول أن الزوجين الأجنبيين في النهاية يصلان إلى طريق فعلق لتراكم المشاكل المختلفة فيما بينهما ولكن في البدء علينا القول بأن الأساس في الزواج هو التلاقي في القيم الاجتماعية والإنسانية، المرأة المسلمة في الغالب يكون لديها وفاء كبير جداً للحياة الأسرية وتتلاءم بسهولة مع جميع الظروف ومن السهل أن تتكيف مع أي وضع لأنها تريد العيش وتسعى بجهدٍ كبير إلى استمرارية بيتها الأسري. ولكن هذا لا ينفي وجود مشاكل كثيرة بين الأزواج من نفس البلد قد لا تخرج هذه المشاكل إلى السطح ولكن الأجنبية وخاصةً في الدول الأوربية تطالب بحقوقها على الملأ كأن تذ*دور اللغة في الزواج؟ اللغة عامل مهم في الزواج، لأن فيها معاني ومفاهيم عميقة للكلمات متعلقة بالحضارة والتربية وتطبق اجتماعياً. هناك دراسات تبين أن المجتمع لا يسمع الحروف التي تقال ولكن يسمعها بمفهومه الحضاري والثقافي ودائماً يقال أن مشكلة المخاطبة بين المرأة والرجل تعود إلى التنشئة الاجتماعية لكلاهما. مهما أجاد الشخص اللغة الأجنبية ستبقى هناك مساحات خواء خالية، فهناك لغة المناجاة والوجدان والمشاعر التي ستظل بعيدة عنهم.
**يتصور البعض أن الأجنبية لها حقوق كثيرة أكثر من المسلمة وهذا ظلم كبير بحق المرأة المسلمة، وعليه فالزوج المسلم يقدم تنازلات للأجنبية في حين مع المسلمة لا يقدم أي شيء، فما السبب في هذه الظاهرة؟ في حالات كثيرة نكون نحن السبب في هذه الظاهرة عندما نكون محافظين تقليديين ولا نعطي المسلمة حقوقها وفي حالات كثيرة يكون السبب المثقفين والإعلاميين الذين يمسكون زمام الأمور في مجرى الصحافة والإعلام عندما يخلقون شعور للمسلم أن المرأة الأجنبية اقدر على تفهمه من المسلمة وذلك من خلال المثال والنموذج المعروض في المجلات والصحف للمرأة، نموذج المرأة الغربية بكافة مقاييسها، لذا عندما يراها المسلم فأنه سيتصور بأنها هي المطلوبة لهذا فهو يبدأ رحلة التنازلات. المهم على الأزواج أن يعيدوا النظر في الأمور ويحترموا زوجتهم المسلمة المثقفة، لأن المرأة المسلمة تعلمت وتثقفت وصارت اكثر دراية بالأمور ومطالبة بحقوقها، لذا على الأزواج أن يكونوا أكثر تفهماً لهذه الأمور وأن يعطوا المرأة حقوقها ويتفهموا شعورها اياً كانت مسلمة.
دور اللغة في الزواج؟ اللغة عامل مهم في الزواج، لأن فيها معاني ومفاهيم عميقة للكلمات متعلقة بالحضارة والتربية وتطبق اجتماعياً. هناك دراسات تبين أن المجتمع لا يسمع الحروف التي تقال ولكن يسمعها بمفهومه الحضاري والثقافي ودائماً يقال أن مشكلة المخاطبة بين المرأة والرجل تعود إلى التنشئة الاجتماعية لكلاهما. مهما أجاد الشخص اللغة الأجنبية ستبقى هناك مساحات خواء خالية، فهناك لغة المناجاة والوجدان والمشاعر التي ستظل بعيدة عنهم.
*نصيحة هامة لمن يقدم على الزواج المختلط/ أن يكون الشخص على دراية تامة لما يمكن أن يصل إليه وأن يكون هناك اتفاق مسبق على تربية الأطفال، كما أن الدين عامل مهم خصوصاً عندما يأتي الأطفال. على المسلم أيضاً أن يفهم هذه اللغة بأن الأولاد عادة يكونون أقرب إلى الأم والأم تكون لصيقة بأولادها لذا فمن الطبيعي أن يكون الأولاد أشبه بالأم وتكون لغة الأم هي السائدة وهي غير اللغة التي يتكلم بها وهذا أمر طبيعي.
ونصحتك يا عواطف تبعدي من عش الدبابير.. والسلام ختام
Post: #191 Title: Re: قسمة ونصيب أم هروب من الواقع ؟؟ Author: عواطف ادريس اسماعيل Date: 01-19-2008, 10:47 AM Parent: #178
أخي الحبيب أبوبكر !!!
يديك العافية ويبعدك عن عين خلقه !!!
مداخلتك الثرة في الحقيقة ليست مداخلة بل موضوع كامل في حد ذاته في الحقيقة كفيت وفيت وبكل شفافية
شرحت الموضوع بمبضع الجراح المقتدر فكانت مداخلتك غنية كعادتها فتحت أفاقا جديدة لمشكلة ظلت ضاربة
في الجذور وليس لي إضافة سوى القول لا يفتى و مالك في المدينة أما حكاية دخولي عش الدبابير فهي
مغامرة غير محسوبة ولكن لن أخاف من شيء طالما وراي رجالة يا سيد الرجالة !!
Post: #177 Title: Re: قسمة ونصيب أم هروب من الواقع ؟؟ Author: abubakr Date: 01-17-2008, 12:15 PM Parent: #1
Quote: بصراحة البقتل العلاقات فى اعتقادى الخجل والرجل السودانى بقول المرأة خجولة وهى بتقول عليه نفس الشئ
انتو رايكم شنو؟؟؟؟؟؟؟
سلام ياسماخ يابتي ..التعبير اللفظي المباشر عن المشاعر لسبب او اخر معدوم او قليل جدا في مجتمعاتنا ولذا تجدنا جميعا نحتمي بالغناء والشعر الغنائي الذي يعبر عن ذلك.. حتي التعبير عنه بين الاباء والامهات وابنائهم ينته بنهاية طفولتهم ...ربما في مداخلة اخري هنا تطرقنا لنفس الموضوع ...التعبير عن الحب ضروري واختلاف الوسيلة :لفظي او معنوي او من خلال عامل ثالث (هدية مثلا او حضور حفلة معا او نزهة سياحية ..الخ ) لا يذهب اهميته.. يجب ان نعبر عن الحب تماما كما نعبر عن الحزن والغضب ...التعبير عن الحب مكمل للعلاقة الزوجية او هو جزء اساسي فيه اما الوسيلة فتبقي رهينة ارث واسلوب حياة ...والتعبير عنه يجب ان يكون متبادلا بين الاثنين وليس من طرف واحد .....
عبري عن حبك لشريكك بالاسلوب الذي ترينه يوافقكما معا وهذا مهم
مودتي وتمنياتي لك دائما بحب كثير
Post: #179 Title: Re: قسمة ونصيب أم هروب من الواقع ؟؟ Author: sama7 Date: 01-17-2008, 01:25 PM Parent: #1
الليلة جننتكم جن وبرضو استاذتنا ما ظاهرة
يا عطوفة طمنينا عليك
ابوبكر يوسف
حصل لى لبس فى المداخلة شوية انت هنا بتقارن بين الزوجة المسلمة وما دون ذلك
امور يجب على الواحد انه يوعى ليها بس صراحة للمدى البعيد ما كويسة
يعنى البنات العرفناهم امهاتهم غير مسلمات الحاجة دى عملت ليهم اضطراب نفسى شديد خصوصا البتربو وينشئو فى السودان بوجود امهم غير المسلمة وبكونو على دراية بامور دينهم... مفروض الناس تفكر فى احساس الاولاد بامهم على المدى البعيد
اما البتتزوج غير المسلم دى ما أظنها فارفة معاها أصلا أو حتى هى بتعرف حاجة عن دينها
عزيزى سيدناواستاذنا
والله ردك يحمل الكثير الواضح المثير يا قريبى
يبقى المشكل فى التربية... الطفل البتربى على ابداء رأيه مختلف من الخجول وبشجعوه اهله على الخجل بمدحه كصفة حميدة
التعبير عن العواطف مهم
لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟
مثلا الواحد لما يحب تانى أو يعرف واحدة تانية ما بكون خجول معاها يعنى ليست صفة فيه (الخجل)
هل المتزوجون من اجانب\اجنبيات بعانو من نفس المشكلة؟
مودتى
سماح
Post: #180 Title: Re: قسمة ونصيب أم هروب من الواقع ؟؟ Author: abubakr Date: 01-17-2008, 01:43 PM Parent: #1
Quote: يبقى المشكل فى التربية... الطفل البتربى على ابداء رأيه مختلف من الخجول وبشجعوه اهله على الخجل بمدحه كصفة حميدة
التعبير عن العواطف مهم
اكييد التربية مهمة والمجتمع الموجود فيه الطفل برضو بيساهم
Quote: لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟
هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا.. المهمة مزدوجة وتحتاج الي تضافر بين الرجل والمراة للخروج من هذا المازق وارثه ...الاجيال الشابة والصغيرة مثلك هي التي يجب ان ترفع صوت الحب عاليا.. ليس هنالك في "الحب" عيب ..
Quote: مثلا الواحد لما يحب تانى أو يعرف واحدة تانية ما بكون خجول معاها يعنى ليست صفة فيه (الخجل)
ليس خجلا وانما كما اشرت اعلاه نظرة المجتمع الذكوري الي المراة هو السبب
Quote: هل المتزوجون من اجانب\اجنبيات بعانو من نفس المشكلة؟
ليست لي تجربة في ذلك لكن التعبير عن الحب يجب ان يكون بين طرفيين كما ذكرت في مداخلتي السابقة وكون الرجل ياتي مثلا مشبعا بارث وتقاليد مجتمع ذكوري فربما-ولدرجة اقل- تعاني الاجنبية من اعراض عدم التعبير المتبادل عن الحب علنا كما في مجتمعها الاصلي
Post: #181 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-17-2008, 08:52 PM Parent: #180
Quote: انتو رايكم شنو؟؟؟؟؟؟؟
عايزين نقول ليك وخجلانين اها رايك شنو؟
المسالة يا سماح مش خوف من جانب الرجل وانما هي محاذير - الرجل يفيض بالكثير والممتع ولكن...
Post: #182 Title: Re: قسمة ونصيب أم هروب من الواقع ؟؟ Author: خالد علي محجوب المنسي Date: 01-17-2008, 10:31 PM Parent: #181
Quote: هل المتزوجون من اجانب\اجنبيات بعانو من نفس المشكلة؟
نحمد الله لا بس هل يعاني منها المتزوجين من سودانيات ؟؟؟
Post: #183 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-18-2008, 05:56 AM Parent: #182
Quote:
Quote: لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟
Quote: هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا.. المهمة مزدوجة وتحتاج الي تضافر بين الرجل والمراة للخروج من هذا المازق وارثه ...الاجيال الشابة والصغيرة مثلك هي التي يجب ان ترفع صوت الحب عاليا.. ليس هنالك في "الحب" عيب ..
انت بتلت وبتعجن مالك خايف شنو شد حيلك واتماسك وقولها عدييييييييييييل كده
Quote: ملل لانها غير مشجعة
في تقديري الزوجة الفنانة ( الفن خشم بيوت) والمتجددة وخفيفة الظل لا يملها زوجها اطلاقا.
Post: #184 Title: Re: قسمة ونصيب أم هروب من الواقع ؟؟ Author: abubakr Date: 01-18-2008, 06:29 AM Parent: #181
Quote: عايزين نقول ليك وخجلانين اها رايك شنو؟
ياسماح العجائز زي جدو ودشيقوق هم السبب .يقولو الهوايل برة وجو لا ...
Post: #185 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-18-2008, 06:44 AM Parent: #184
Quote: ياسماح العجائز زي جدو ودشيقوق هم السبب .يقولو الهوايل برة وجو لا ...
هيييييييييييييييييييييييييييع والله انت زى ود الموية ما بتتمسك اصلك
انتو يا الرطاني دحين زمان في المناهج قروكم قصة ابو مركوب المراوغ مع اعاصير كل الاتجاهات؟
Post: #188 Title: Re: قسمة ونصيب أم هروب من الواقع ؟؟ Author: abdelkhalig elgamri Date: 01-19-2008, 10:12 AM Parent: #187
Quote: ود عمي اللذيذ خالد المنسي احلى سوداني من شندي وعرّس ليهو مجرية ووداها البلدوبراها بعد داك بقت تجي وتخلي خالد هناك .. وعندي ود عمي الله يرحمو يوسف الجمري اتزوج سويسرية من زمان واولادو اسي كباااار وهم ولد (امير) وبت (عيشة) وزوجتو مارغريت جات السودان زمان لمّن ركبت الحمارة في شندي ومشت جنينة عمي محمد وضربت الجوافة والمنقة من الشجرة مباشرة وكادت تجن من روعة المشهد .
Quote: تعرف كنت مرة في سويسرا وألتقيت بالحبيب عليه رحمة من الله تنزل عليه .. تعرف يوسف رجل يتعامل مع أهله بنفس طريقته في شندي ومع أنه طال به الغياب من شندي وطول شديد منذ 1962 فقط في العطلات .. زوجته صارت تتحدث مثله .. مرة كنا في منزل محمد عتيق زوج منى مريغني طه فقال لها مراقريت نمشي بعد دا قالت لي : قوم أمشي براك .. قام قال ليها يا زولا قومي وضربها ضربة حنية ردت لي : هي تقوم قومة أمي عيشة ديك أمشي براك
إبن عمى امير ,ابن عمى خالد
لكما التحية والتقدير
Post: #189 Title: Re: قسمة ونصيب أم هروب من الواقع ؟؟ Author: abubakr Date: 01-19-2008, 10:18 AM Parent: #187
Quote: انتو يا الرطاني دحين زمان في المناهج قروكم قصة ابو مركوب المراوغ مع اعاصير كل الاتجاهات؟
ما كنا بنحتاج ؟؟ نحن الرطان بنطلع متعلميين ؟؟؟؟
Post: #192 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-19-2008, 10:58 AM Parent: #189
Quote: ما كنا بنحتاج ؟؟ نحن الرطان بنطلع متعلميين ؟؟؟؟
حالتكم دى طالعين متعلمين؟
والله نستدرك ونرجع نقول آآآآآآآآآآآآآآآآآآآآى صاح لانو عملوا ليكم مطار خاص في بلدكم .
Post: #193 Title: Re: قسمة ونصيب أم هروب من الواقع ؟؟ Author: abubakr Date: 01-19-2008, 11:36 AM Parent: #1
Quote: والله نستدرك ونرجع نقول آآآآآآآآآآآآآآآآآآآآى صاح لانو عملوا ليكم مطار خاص في بلدكم .
مطار شنو .. ما طول عمرنا طايرين .. شفت ليك جماعة طايرين سوو ليهم مطار .. نحن برك بكان ما دايرين ...
Post: #194 Title: Re: قسمة ونصيب أم هروب من الواقع ؟؟ Author: الطيب شيقوق Date: 01-19-2008, 02:22 PM Parent: #193
Quote: .. نحن برك بكان ما دايرين ...
يا بخت البتركّوا عندهم انتو بي بركاويكم وعجوتكم
ممكن تركوا في دندرنا في الخريف يا سيدنا؟
Post: #196 Title: Re: قسمة ونصيب أم هروب من الواقع ؟؟ Author: sama7 Date: 01-20-2008, 08:37 AM Parent: #1
سيدنا
شيقا
خالد المنسى
شكرا على الرد
سيدنا
Quote: هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا
كدى جربو تختوها فى درجة أعلى والله كان قالت دايرة تنزل براها تقولو ليها حرم ما تنزلى مضيعين على روحكم جنس حب وجنس دلع لوووووووول
Quote: عايزين نقول ليك وخجلانين اها رايك شنو؟
كدى قول أنا بغمض أنا رأيى قلته فوق بس انت بارينى وتشوف
Quote: نحمد الله لا بس هل يعاني منها المتزوجين من سودانيات ؟؟؟
يا خالد خجل شيقا دا جاوب على سؤالك
Quote: انت بتلت وبتعجن مالك خايف شنو شد حيلك واتماسك وقولها عدييييييييييييل كده Quote: ملل لانها غير مشجعة
في تقديري الزوجة الفنانة ( الفن خشم بيوت) والمتجددة وخفيفة الظل لا يملها زوجها اطلاقا.
يا شيقا سيدنا دا شكلو بجامل فيك ساى أصلا هو باين عليه رومانسى جدا و ما بعانى من مشاكلك دى بعدين على قولك الزوجة المتجددة دى أهم حاجة
