خبرين .. بخمسة مليار جنيه .. بس !!

في صفقة تجاوزت الـ(5) مليارات جنيه .. بنك العمال يشتري المقر المؤجـر للبنك السعودي بالبلدية
في صفقة تجارية بنكية معتبرة

Quote: قام بنك العمال الوطني بشراء المقر الحالي للبنك السعودي السوداني بأكثر من 5 مليارات جنيه.

الجدير بالذكر أن المساحة المشتراة والمؤجرة للبنك السعودي - البلدية - مملوكة لعدد من الورثة، وتبلغ مساحتها 775 متراً مربعاً، وتطل على شارع «البلدية» وشارع «ابوسن».


تجاوزت (5) مليارات جنيه
ولاية شمال دارفور تتسلم اليوم متأخرات العاملين بالولاية
الفاشر : اس.ام.سي
تتسلم ولاية شمال دارفور صباح اليوم الأربعاء متأخرات العاملين بالولاية لثلاث سنوات حتى العام 2004م. وقال عبدالرحمن التجاني علي دينار رئيس اتحاد نقابة العاملين بولاية شمال دارفور ان لجنة سداد

Quote: متأخرات العاملين برئاسة المراجع العام ستصل الفاشر صباح اليوم لصرف متأخرات العاملين بالولاية والتي بلغت خمسة مليارات ومائتان وثمانون مليون جنيه، مشيرا الى ان هذا المبلغ يعتبر جملة متأخرات الثلاث سنوات الماضية مبينا

ان مجهودات النقابة ووزارة المالية وحكومة الولاية أسهمت كثيرا في إيصال المتأخرات للعاملين بالولاية. ووعد رئيس النقابة بحل كافة مشاكل العاملين بالدولة.
http://www.alwatansudan.com/index.php?type=3&id=147&bk=1

---------------------------------------
أما التعليق فلا يتجاوز :
تقولى منو .. تقولى لى شنو !!

اسعد الريفي
صباح المليارات

Quote: الجدير بالذكر أن المساحة المشتراة والمؤجرة للبنك السعودي - البلدية - مملوكة لعدد من الورثة، وتبلغ مساحتها 775 متراً مربعاً، وتطل على شارع «البلدية» وشارع «ابوسن».

اها يااخوي ....الورثة ديل ماعاوزين ليهم محاسب كده نص كم.... يقوم يعد ليهم القروش دي.....؟
يمكن نطلع لينا بي قرشين يتوبوا علينا من الغربة النحس دي ....!
دنيا حظووووووووووووووووووووووظ.....
ربنا ييزيدم .....ويدينا .
ارقد عافية
هارون دياب

اخونا هارون
.. تطلع ليك بقرشين ..
حليلك
..
بس أدعى معاى
الله يزيدهم
بس لانك محاسب ضليع و (كم كامل) تطلع كم بالدولار .. آسف باليورو
و ننتهز هذه الفرصة لنحى بنك (العمال)..

أسعد تحياتي وكل سنة وأنت طيب..

5000000000/775
يعني المتر المربع بأكثر من ثلاثة ألف دولار أمريكي

الموقع ده يكون في هوليود..

الود ..

مجاهد
كل عام و انت بالف خير
و لاحظوا انو .. بنك العمال يفعل ما لم تستطيع الحكومة المركزية ان تفعله لصرف متأخرات العاملين بولاية شمال دارفور

Quote: هذا المبلغ يعتبر جملة متأخرات الثلاث سنوات الماضية

أما هوليود .. فأن خدودها تحمر خجلا .. و تتوارى خلف اى ساتر ترابى عندما تدرك أن الاطلالة على شارع البلدية وشارع ابوسن.. أحسن من الاطلالة على كولمبيا و مترو جولدن ماير و من هم على شاكلتهم الامبريالية ..
و دى من الحاجات المفروض يكتب بعدها و قبلها ( Made In Sudan)

خبر .. خبر الزول وصل يا ناس !!!

خبر أيه يا جنا ؟؟ دة خبر فات الكبار والقدرو

و بهذه الاسعار نكون كدا الليلة عملنا .. 27 مليار ..لانو فى اخار ما بتكتب .. بتتقرى بس !!

الأخ الـحبيب الـحـبوب،
أسـعـدالريفي،

تـحـياتي الـطيبة،
خـمسـة مليار جـنيه يعنـي كم يـورو?

فـي سـودانا بتاع سـنوات الاربعينيات والـخمسينيات كان عـندنا (نادي الـعمال) و( الـطبقة العاملة ) و ( شـفيع العمال ) و ( اتـحادالعمال )
والعـطبـراوي رحـمه اللـه كان ( فنان العمـال ).

ولكن فـي سـودان الأنقاذ سـمعنا انو العـمالة الأجـنبيـة طـغت علي الوطنية وازاحـتها مـن التنافـس وعـمالنا الـمهرة اصـبـحوا يشـتغلوا (بالـمقطوعيـة!!) فـي ورش ومـصانع الأجانب!!!.

فـي سودان الأنقاذ ضـاعت الطبقة العاملة بـحـسب خـطة مرسـومة مـن الـحزب الـحاكم وحـتي لاتـشكل هـذه الطبقة العمالية في الـمستقبل نقابات واتحادات تفـرض عـلي الـحكومة اي مـطالب او حـقوق!!!، ويبـقي وضـع العمال
السودانييـن زي وضـــع الـعمال فـي دول الـخليـج!!!.

سـؤال جـانبـي،
بـنك الـعـمال ده سـيـدو مـنو?،
وعلـماني ولااسـلامـي?.

لك مـودتي.

استاذى بكى الصايغ
متعك الله بالعافية
و بمناسبة العافية
لا تزال فى الذاكرة بنك الادخار و بنك المزارع و الان يطفو بنك العمال ..

Quote: المقر الحالي للبنك السعودي السوداني

و ماذا لو كان مقره عطبرة أو الباقير
او المنطقة الصناعية بحرى فى مكان أى مصنع متهالك ..
ما المانع !!

إتحاد عمال السودان يشيد بمتانة العلاقات مع إتحاد عمال تركيا
التاريخ :2008-01-10
أكد الإتحاد العام لنقابات عمال السودان متانة العلاقات مع إتحاد عمال تركيا (حكش) والتي جاءت إمتدادا للعلاقات الراسخة والمتينة بين الشعبين السوداني والتركي. واشاد المهندس يوسف علي عبد الكريم الأمين العام للإتحاد العام لدي إستقباله موخرا وفد النقابة العامة لعمال المعادن والكهرباء التركية بمقر الإتحاد العام أشاد يوسف بالحركة النقابية التركية ووصفها بأنا حركة ذات تاريخ ناصع في كافة المحافل. وإستعرض يوسف تاريخ الحركة النقابية السودانية وهياكلها وكيفية إدارتها وأبان أن الإتحاد العام لنقابات عمال السودان ظل وعلي الدوام يعمل من أجل ترسيخ وتعزيز التواصل بين الشعوب

Quote: و لاحظوا انو .. بنك العمال يفعل ما لم تستطيع الحكومة المركزية ان تفعله لصرف متأخرات العاملين بولاية شمال دارفور

الحكومة تكون زعلانة من بنك العمال لانه كان مفروض يدفع المتاخرات للعاملين فى الولاية وهى تشترى الارض موش البنك بتاع العمال وهم عاملين فى الولاية!
والجنيه دا الجنيه الفيهو الف جنيه ولا جنيه واحد!
والقطعة دى فى بيفرلى هيلز ولا لوزان!
جنى

جنى
زعل شنو الله لا جاب بيناتهم زعل
دا براهو .. و دا .. براهو ..
و ليس بين الخيرين حساب ..

اسعد الريفي اسعد الله ايامك

دي إسعار البلدية هلز Baladia Hills سبحان الله بقدرة قادر متر الإرض فى شارع البلدية اصبح اغلي من متر الإرض فى الوول ستريت ياربي شارع الًبلدية مليان يورانيوم ولا بترول ما تستبعد الناس بتعمل الإبحاث و عارفين بلدنا احسن مننا و نحنا بنبيع ساي ؟؟؟

Quote: الجدير بالذكر أن المساحة المشتراة والمؤجرة للبنك السعودي - البلدية - مملوكة لعدد من الورثة، وتبلغ مساحتها 775 متراً مربعاً، وتطل على شارع «البلدية» وشارع «ابوسن».

التحية والتقدير أ. أسعد الريفي
سبق وسمعت أن أسعار الأراضي بالخرطوم أكثر من أسعار الأراضي بمكه المكرمة , ويبدو أنني سأصدق هذا الكلام , فهذا الرقم الفلكي 5.000.000.000 جنيه مقابل 775 متر , يعني سعر المتر المربع يساوي 6451612.90 جنيه , ولا أنا غلطان ؟

"سبق وسمعت أن أسعار الأراضي بالخرطوم أكثر من أسعار الأراضي بمكه المكرمة , ويبدو أنني سأصدق هذا الكلام , فهذا الرقم الفلكي 5.000.000.000 جنيه مقابل 775 متر , يعني سعر المتر المربع يساوي 6451612.90 جنيه , ولا أنا غلطان?".


..... واغـلي مـن اسـعار الأراضـي فـي برلـيـن!!!!