Post: #1
Title: يا نيل وضل ,,, الليل معاك
Author: عبدالله وداعه الامين
Date: 01-09-2008, 05:06 PM
انا وانتظار الليل معاك
بابين وضلفة نيل نشد
لو قالوا سرج الخوف بقع
جوانا يوم انقز سماك
وانا ما رميت ,
فريت لحاف النيل بقع
وتكلتا حس الليل وراك
يا مافي مالي الروح علي
ماعونك المليان فتر
لو شد حيل الهم وجاك
ما كان رجاك
مفضوح حنين النم وتر
مفتوح,,نقر نقّر لهاك
يا وطني ,, مالي الروح علي
ماليك ,,, يا وطنك براك
انا ما سقيت النيل محن
عبيت طمي الوديان شذاك
وجرحتا باقي الجتة ضل
تاكل جبيني علي نداك
انا ما بنيت جرفك محل
راجيك وطل شوفك شفاك
يا ماشي هاشي علي غناي
انا ما براي
تاوقت واستنيت رضاك
يوم بايع الجواي وشم
واستنى اخر الليل لماك
يا ليلي شن خلى الحزن
لي الموية والصحرا الهلاك؟
والعين مراية على السفر
والفيها هداهو العراك
يا غاشي ضل الريح ارح
لو قلتا بتغتغت عراك
ما غطى ايد الفرحة يوم
الفينا وانشلّت يداك
وانا وانتظار الليل نجم
واقفين علي بابك وراك
بابين وضلفة ود نشد
غربتنا والحزن المعاك
وانا ما رميت.
راجيكا ضل
يا ضلي مين الكان رماك؟
واقف
وانا الراجيك معاك
عبدالله وداعه الامين
لندن 09.01.2008
|
Post: #2
Title: Re: يا نيل وضل ,,, الليل معاك
Author: مبيوع
Date: 01-09-2008, 08:47 PM
Parent: #1
عبد الله ساحر الحروف
ما حا اقدر اقول غير
القصيده محجووووووزه للتلحين
ربنا يحفظك ياخ بقدر ما عذبتنى
واصبر لى
|
Post: #6
Title: Re: يا نيل وضل ,,, الليل معاك
Author: عبدالله وداعه الامين
Date: 01-11-2008, 10:16 AM
Parent: #2
Quote: عبد الله ساحر الحروف
ما حا اقدر اقول غير
القصيده محجووووووزه للتلحين
ربنا يحفظك ياخ بقدر ما عذبتنى
واصبر لى |
استاذي الجميل والانيق ياسر
اي سحر اتابط وانا مكبل بدهشتي بك وثقتك العالية في احرفي المتواضعة
حضورك وحده يكفي هنا ويجعلني سعيد بك وبمرورك الكريم
دوما جميلا وانيقا وترى الاشياء كلها كما قلبك تضج جمال
مودتي ومبتي اليك ايها الحبيب
وشكرا لمنحي جواز الاقامة عند حافة صوتك الدافىء وسحر نغمك
شكرا اخي ,,, ودع العذاب لنا فكلنا رفقة نتكىء بنواصي البعض
محبتي
|
Post: #3
Title: Re: يا نيل وضل ,,, الليل معاك
Author: العوض المسلمي
Date: 01-09-2008, 08:52 PM
Parent: #1
اخي عبد الله
لا اجد نفسي الا مصفقا بكلتا يدي
رائع
معبر
تصلح لاغنيه
مع ودي وتقديري
ابوتسابيح
|
Post: #4
Title: Re: يا نيل وضل ,,, الليل معاك
Author: عبدالله وداعه الامين
Date: 01-10-2008, 03:49 AM
Parent: #3
|
Post: #5
Title: Re: يا نيل وضل ,,, الليل معاك
Author: ابو جهينة
Date: 01-10-2008, 08:29 AM
Parent: #4
عبدالله
سلام مربع
طربتُ أيما طرب لهذا المنساب كما النيل ..
تسلم عزيزي
|
Post: #7
Title: Re: يا نيل وضل ,,, الليل معاك
Author: salma subhi
Date: 01-11-2008, 10:55 AM
Parent: #5
الأستاذ الفاضل عبدالله وداعة..
كل سنةوانت طيب
سلمت على هذا الإبداع الذي أظلنا بظله وسقانا من ماء النيل....
كل التقدير
|
|