القبض على فتاة مخمورة تقود سيارة بشارع بوسط الخرطوم .. !!!

Quote: ألقت الشرطة في الحادية عشرة من مساء امس القبض على فتاة تقود سيارة هي في مخمورة وذلك إثر إصطدامها بسيارة أخرى بشارع المعونة ببحري. وتعود تفاصيل الحادثة الى قيام الفتاة بتخطي إحدى الإشارات عند إحدى التقاطعات بالشارع مما ادى الى اصطدامها بسيارة كانت تسير في الاتجاه الآخر ولكن لسوء حظ الفتاة فقد وقع الحادث بالقرب من عربة تتبع لشرطة النجدة والعمليات حيث هرعوا الى موقع الحادث والذي كان طفيفاً ولم يتأذى منه أحد إلا ان أحد رجال الشرطة وبخبرته لاحظ الفتاة وهي تترنح وتفوح منها رائحة الخمر فما كان منه إلا ان طلب منها مرافقته الى قسم الشرطة حيث استخرج لها أورنيك (8 جنائي) وحولت للطبيب الذي أثبت حالة السكر وتم ادخالها للحراسة لإستكمال إجراءات البلاغ. هذا وقد تنازل سائق العربة الأخرى المتضررة ورفض ان يفتح بلاغ بقسم شرطة المرور ضد الفتاة. إلا هذا التنازل لم يعفها من بلاغ السكر الذي تم فتحه في مواجهتها.

http://www.almshaheer.com/modules.php?name=News&file=article&sid=19799

الخمــرة دى موش منعوهـا فى الســـودان؟

Quote: الخمــرة دى موش منعوهـا فى الســـودان؟

officially .... yes

i hope she had a good drink
not a rubbish one at least when she get lashes by the sharee3a law she will not feel them lashes


PS is she Muslim or non Muslim
?????????????????
and so we will keep our Islamic state clean by lashing a woman

Quote: i hope she had a good drink

يا أبا الريش .. سلام عليك

Quote: الخمــرة دى موش منعوهـا فى الســـودان؟

Quote: officially .... yes

وزي ما قال ليك ولدنا ناذر ، منعوها (رسمياً) في السودان من سنة تلاتة وتمنين.
لكن رسمياً دي لم تتجاوز (قفل أبواب البارات) فقط. يعني أصبحت لا تباع في البارات.

الموضوع: حسن الترابي "والزندقة والردة والخروج عن الملة" ..

إباحته الخمر لمدة عام، بل لا يكون حد الخمر قانونا إلا إذا تحولت لعدوان:
----------------------------------------------------------------

( حلبيات ) المنتدى الاسلامي العام > > حسن الترابي :


04-27-2006

يقول الترابي في كتابه ((نظرات في الفقه السياسي)): 171:
(هكذا أرجوا أن يكون شأننا مع أهلنا المخمورين. كأننا عند سريان القانون سندخلهم في معتقل واسع يحول ما بينهم وبين الخمور في مظاهر الحياة العامة وتتاح لهم لعام كامل رخصة قانونية لتعاطي الحرام في خاصتهم حتى يهيئوا أنفسهم، ثم يقع الحظر وتجف الخمر)، وصدق الرسول صلى الله عليه وسلم إذ يقول: (ليكونن من أمتي أقوام يستحلون الحر والحرير والخمر والمعازف) رواه البخاري وأبو داود.

ثم ها هو الترابي اليوم يذهب إلى أبعد مما كتبه بالأمس:
--------------------------------------------------

وإني وإن كنت الأخير زمانُهُُُ
لآت بما لم تستطعه الأوائلُ
إذ يرى دستوريُّ الزمان -الآن- أن عقوبة شرب الخمر لا تكون قانونا إلا إذا اقترن بعدوان كما قال آخرا، وربما لن يكون أخيرا:
"الخمر لا تصبح أمر قانون إلا إذا تحولت لعدوان" الرأي العام السودانية (بتاريخ: 1/ 3/2006م ). وهذه حيلة منه لإبطال حد الخمر، لأن العدوان وحده جريمة، سواء كان المعتدي سكران حال اعتدائه أم لا.

الناس دي لو ختت الرحمن في قلبها
وركزت على منع القيادة تحت تاثير الخمر
بدلا عن الادعاء بانه الخمر من اساسه ممنوعه في السودان بيكون احسن.

واهو يستاهلوا ادعوا انه الخمر ممنوع لحد ما صاروا النساء سكيرات ايضا
في ظل المشروع الحضاري ...يتضح انه كل الممنوع مرغوب.

في كل البلاد الغربيه الخمور متاحه لم نسمع بسودانيه قبضت سكرانه
وفي ظل المشروع الحضاري التحدي بلغ اوجه ورغم الجلد والتشهير
الا انه بنات الشعب قالوها بالصوت العالي طظ.

إنبثاقة شطحاء أخري !!

سلام الاخ بكري الصائغ

يا اخي لا اب الترابي واعتقد انه مستهبل كبير

لكن رايه في الا يعاقب على الخمر الا اذا ارتبطت بعدوان معقول ففي اوروبا مثلا اذا قبض عليك وزوانت تقود سارة مخمورا - ولو لم ترتكب حادثا - تعاقب لان هذا عدوان وخطر على الاخرين؛ اما ان تشرب في بيتكم او مكان اخر ويجي جماعة يجلدوك فهذا ما لا يتفق لا مع الشريعة المدرسية ولا مع دواع العصر ..

ربنا يكون فى عون المواطنين
ناس تسوق سأأأأأأأأأأى كدة
لابد من الحزم فى الشوارع
أرواح ناس بتروح كل يوم من الاستهتار.

العبابير القوية دي لقيتيها وين يا بت الناس؟

لكن بس بالغتي في قيادة السيارة دي.


دينق .

Quote: الخمــرة دى موش منعوهـا فى الســـودان؟

ممنوعة على اللزيى وزيك

Quote: ذا وقد تنازل سائق العربة الأخرى المتضررة ورفض ان يفتح بلاغ بقسم شرطة المرور ضد الفتاة. إلا هذا التنازل لم يعفها من بلاغ السكر الذي تم فتحه في مواجهتها.

تلقاهم زعلانين زعل لمن دايرين يطرشقواعشان الراجل رفض يفتح بلاغ!
طيب يخلوها تمشى لى اهلها وتجى تتجلد التمانين سوط بتاعاتهم دى!
كيف يجمعون بين عقوبتين جلد وسجن! فى عقوبة حدية!
يعنى لازم جلد وسجن وفضيحة!
الله يفضحكم زى ما فضحتوا خلقو!
جنى

!!!!

Quote: ممنوعة على اللزيى وزيك

الخمر متاح في جميع أنحاء السودان .. بدءاً من البلدي (أبو حمار) وحتى المستورد الفاخر والذي يباع بطريقة شبه سرية بواسطة أجانب من دولة مجاورة ووسطاء سودانيين في شوارع معينة في العاصمة الخرطوم وتتراوح أثمانه حسب الصناعة والجودة ، وليلة رأس السنة ضبطت الشرطة أجانب يروجون للخمور بواسطة حافلة هايس وكان بحوزتهم ويسكي وكونياك وبيرة وجن !!

صنفرة :

لو ما متنا أكيد بنكون شقينا المقابر .!!

كلامك ده يا ناذر كلام زول مااااااااااااات عديييييل

يا عوض اخوي دي ما خمرة ده شـــــــــــربــوت بايت بس

Quote: لو ما متنا أكيد بنكون شقينا المقابر .!!

برضو أحسن من شق العرقي..

يا ناذر قالوا في إشاعة في مدني جماعة بيروجوا لخمور
أمريكية في أكياس نايلون..
كدي إتحقق لينا من الخبر دا وشوف الجماعة
ديل دسوا القزاز وين؟

زياد جعفر ..

Quote: كلامك ده يا ناذر كلام زول مااااااااااااات عديييييل

دا حالتي ما حكيت ليكم عن الأسعار والغش في نسب الكحول والخلط بي الزبيرتو و مركزات العطور بتاعت العطور ..

عزيز عيسى ...

Quote: يا ناذر قالوا في إشاعة في مدني جماعة بيروجوا لخمور أمريكية في أكياس نايلون.. كدي إتحقق لينا من الخبر دا وشوف الجماعة ديل دسوا القزاز وين؟

أولا هي ما أمريكية ..

هي يوغندية بتدخل عن طريق الجنوب ..
وهي عبوات أكياس نايلون من المصنع ..

متذكر عبوة لبن بطانة الزماان ديك ؟!!

بس هي نفسها بس الكيس شفاف وبتشوف من خلالو السائل العسلي الأرجواني .!!

وفي الخرطوم برضو موجود مش في مدني براها وعبوتا صغيرة جدا (نص لتر) !!

صنفرة :

نسأل الله السلامة ..!!!

الأخ ناذر سلامات

قلت السائل شفاف ولونو عسلي أرجواني ولكن ما وريتنا الطعم كيف؟
ياخي شهيتناليهو

الثقافة دي كلها جبتها من جريدة الدار عشان ما في زول يفهم غلط !!

من باب العلم بالشي ولا الجهل به !!

ناذر

سلامات..

Quote: من باب العلم بالشي ولا الجهل به !!

يارااجل.

سلام للجميع

المشكلة مافي المنع وكده المشكله ليه الناس اصبحت تتعاطه الخمور بكميات كبيره وكمان فتيات؟
والسبب هو الانقاذ

عوض عكاشا وضيوفه في البوست تحياتي

والله يا جماعة الخير هناك مثالية متناهية في البورد وكذا تلفاز الدولة الرسمي وعموم وسائطها الإعلامية من حيث رسم الصورة الوردية عن مجتمع السودان. لكن علي الواقع من يتطأ قدماة تراب الوطن والله يشوف حاجات بتجنن عديييييييل كدا. ولعلي في زيارتي الأخيرة رأيت بأم عيني بعد صلاة العشاء مباشرةً مخمور يخيط في الشارع العام والله لمن إتكيفت . ولا زول واحد عبره لحدي ما قرب يصدمني في تراب الله دي . لا عربية ولا هم يحزنون . لكنة مضي لحالة ولا أعلم هل وصل لدارة سالماً أم تماها في الطريق


بحيراوي

يا جماعة الخير شوية روقوا المنقة
دخلتوا لينا في انواع الشراب الممنوع اوفيشيالي
كدي وروني

العربية الداقشة ماركتها شنو؟

ده كلو من وائل

المشكلة انها تكون ماشة تجيب زيادة ...

Quote: استمعت محكمة الجمارك برئاسة مولانا محجوب عمر زروق لاقوال الشاكي والمتحري في قضية ضبط عصابة لترويج الخمور المستوردة بولاية الخرطوم كان تم القبض عليها في كمين لقوات مكافحة التهريب وبحوزتها (342) زجاجة ويسكي. وقال الشاكي لدى الإدلاء بأقواله للمحكمة بأن معلومات توفرت لهم بأن هناك أجانب يقومون بترويج الخمور المستوردة بسعر (55) ألف جنيه للزجاجة الواحدة وتم الدخول معهم في مبايعة وهمية لشراء (350) زجاجة نصب على أثرها الكمين وتم إحضارها بواسطة عربة (هايس) يقودها المتهم الثالث وتتبع لإحدى الشركات وقد لاذ المتهم بالفرار بعد إحساسه بوجود أفراد الشرطة ومن خلال التحري مع صاحب الشركة أفاد بانه لا علاقة له بالخمور وان السائق أخبرهم بسرقتها ودون بلاغ بقسم الدرجة الأولى. وقررت المحكمة ارسال عينة من الخمور للمعمل الجنائي لفحصها وحددت جلستها للإستماع لأقوال شهود الإتهام.

ياااااااا ناذر سلام عليكم ياخ ( وجه خبيث )

اراك قد استلمت البوست يارجل !!!!!!

استلام المتمكن ** المتفقه ** الواعى
ولسان حالك يقول اها براكم جيتونى فى حتتى !!
بس فلاحتهم يقبضو فى البنات ،،، وباقى الناس حاااااايمة
تتجدع بالبوستات ،،،
عادى ياخ وما تبيت معاك .. بايته مع غريب !!!!!!

Quote: ياااااااا ناذر سلام عليكم ياخ ( وجه خبيث ) اراك قد استلمت البوست يارجل !!!!!! استلام المتمكن ** المتفقه ** الواعى ولسان حالك يقول اها براكم جيتونى فى حتتى !! بس فلاحتهم يقبضو فى البنات ،،، وباقى الناس حاااااايمة تتجدع بالبوستات ،،، عادى ياخ وما تبيت معاك .. بايته مع غريب !!!!!!

ذكرتونا الصايع السكرجى ذهب الى احدى الاسر وهو محشش لخطبة ابنتهم فاشترطوا عليه الشقة والمهر فرد عليهم مافى مانع انتوا عليكم الجكس والسكر!
جنى

(ذكرتونا الصايع السكرجى ذهب الى احدى الاسر وهو محشش لخطبة ابنتهم فاشترطوا عليه الشقة والمهر فرد عليهم مافى مانع انتوا عليكم الجكس والسكر!)

لكن دى نكتة الفين وتمانية مافى بعدها
بالغت عديل يا جنى ضحكتن ولى زمن حزينة

على جنبه كده

يا عوض ياخوى انتو الرجال ديل ماقاعدين يسكروا ويطقشوا فى الناس لمن الزول يموت
جات على المسكينة دى؟
هسى ولافى زول مات
غايتو زى ما بقول المثل
المجانين كتار الا شقى الحال البقع فيهو القيد

فى آخر التسعينات نشر بحث اكاديمى فى احد الصحف بين ان 180 الف زجاجة عرقى توزع بالخرطوم يوميا

تخيلو كم يكون الرقم الآن

اها فى ال 180 الف بتاعت زمان نمسك لو كان حسع ممكن تحصل 400الف فى اليوم

99,99999% من شاربى هذه الخمور بالتاكيد رجال

ولمن نسمع عن نساء يقمن القعدات و يجلبن المغنين

كل الكلام ده سوات رجال

يعنى المرأة فى بلادى فى هذا المجال احسن و انقى من الرجال آلاف المرات

وربما تكون هذه الفتاة استثناء من كثيرات يشقين و يتعبن لكى يطعمن اسرهن وهن لايجدن ما يشترين به ملابس جديدة لانفسهن


اتقوا الله

جعفر سومي ..

Quote: قلت السائل شفاف ولونو عسلي أرجواني ولكن ما وريتنا الطعم كيف؟

أسأل الضاقو

سلامات يا دينا ...

Quote: استلام المتمكن ** المتفقه ** الواعى ولسان حالك يقول اها براكم جيتونى فى حتتى !!

طبعا واعي أمال إيه ؟!!

البلد دي وقعت وباظت
من ما(الككر) بقي يضربوهو الجكس البسوق عربات..

سلامات يا المجمر ...

Quote: فى آخر التسعينات نشر بحث اكاديمى فى احد الصحف بين ان 180 الف زجاجة عرقى توزع بالخرطوم يوميا تخيلو كم يكون الرقم الآن

وقبل عدة أشهر نشر بحث علمي قامت به إحدى المنظمات أظهر أن أرباح تدوير الخمور من بيع وترويج وشراء وتوزيع تبلغ في ولاية الخرطوم وحدها أكثر من ستة مليار جنيه يوميا ًً...!!

صنفرة :

ولك أن تتخيل عدد قنائن الفرح المعبأ مقارنة بالرقم أعلاه !!

Quote: الثقافة دي كلها جبتها من جريدة الدار عشان ما في زول يفهم غلط !!

"ويا دار ما دخلك شر"


دينق.

Quote: "ويا دار ما دخلك شر"

انت يا دينق اظنك سكرت من سيرت الخمرة الفي البوست ساااااااااااااااكت

مرات مرات بتكون الذ زول هنا

Quote: أسأل الضاقو

والما ضاقو يضوقو.


دينق.

ياناذر انت البتاع ده رخيص ولا غالي في السودان

(( من باب العلم بالشئ ))

.... ايام تـطبيق قوانيـن نـميـري سـنة 1984 قاموا ناس الأمـن باعتقال قسـيـس مـن داخـل كنيسـته بـتهمه حـيازته لـخمور داخل الكنيسـة، قام القسـيس وشـرح للقاضـي ان الـخمر حـلال شـربه فـي الـدين الـمسـيحـي وانه
كراهـب فـهو يسـتعمل الـخـمر فـي القـداس والتعـميـد وان السـيد الـمسـيـح عليـه السـلام قال "الـنبيذ دمـي". وطـبعآ القضـاة فـي زمـن
الـهوس مابعـرفوا الاتـطبيق تـطبيق مايرضـي الـحاكم، وامـرالقاضـي بـجـلد الراهـب الايطالـي. بـعـد جـلدالراهـب احـتـجت السفارات الأجـنبيـة
ونـددت بالـحكم.. وتـم ارسال مـذكرات احـتـجاج لنـميـري. نـمـيـري زهـج مـن احـتجاجات السـفراء فقال "واللـه اي سـفيـر يـحـتـج عـلي قـوانيـن سـبتمـبـر.. بـجـلدو!!".

Quote: من باب العلم بالشي ولا الجهل به !!

والشي بالشي وعند الله ما بروح شي.



دينق.

يا جماعة واحد يمعل اختبار سُكر لي دينق ده

Quote: قدت محكمة الجمارك أمس برئاسة القاضي محجوب عمر زروق أولى جلساتها لمحاكمة ثلاثة متهمين أجانب ضبطت بحوزتهم 342 زجاجة خمور مستوردة.واستمعت المحكمة أمس لأقوال المتحري محمد عبد الله محمد الذي أفاد أن الشاكي رقيب شرطة صلاح عبدالله من إدارة مكافحة التهريب أبلغ يفيد بأنه توفرت لديهم معلومات بأن هنالك أجانب يقومون بترويج الخمور المستوردة وبعد التأكد من المعلومة تحرك تيم من إدارة مكافحة التهريب شعبة المعلومات بواسطة مصدر لمكان المتهمين، وتمّ عمل مبايعة وهمية بين أفراد المكافحة والمتهمين، وتمّ الاتفاق على سعر الزجاجة بمبلغ 55 ألف جنيه، وجملة المبلغ 19 مليون و200 جنيه.وبعد احضار الكمية بعربة هايس يقودها المتهم الثالث وعند شعوره بأن المتعاملين معه أفراد شرطة فرّ هارباً وترك الخمور داخل العربة، وبمخاطبة إدارة المرور اتضح بأنها تتبع لشركة وأن صاحب الشركة ليست لديه علاقة بالخمور المذكورة. وأنّ المتهم أخبره بأن العربة سرقت منه فقام بفتح بلاغ بقسم شرطة امتداد الدرجة الأولى بسرقتها، وقال المتحري إن الخمور المضبوطة عبارة عن كونياك وجن حبشي. هذا وقد قررت المحمكة إرسال عينة من المعروضات للمعمل الجنائي لفحصها وحددت جلسة لسماع بقية شهود الاتهام.

http://www.alwatansudan.com/index.php?type=3&id=7685&bk=1

ضرب المؤخرة بعصا خيزران يشفي من الاكتئاب وإدمان الخمور!!
_____________________________________________________

دبي - العربية. نت.



يعتبر ضرب المؤخرة (المقعدة) بعصا خيزران أفضل طريقة لمعالجة مشاكل نفسية وجسدية كثيرة من بينها الاكتئاب والإدمان على المشروبات الكحولية، وذلك حسبما أعلن علماء روس مؤخرا من خلال أبحاث علمية مكثفة.

وأوضح العلماء التابعون لمعهد نوفوسيبريسك الطبي أن "ضرب المقعدة بعصا خيزران يؤدي إلى إطلاق المركبات الاندروفينية التي هي عبارة عن مواد كيماوية طبيعية تثير الشعور بالرضى والسعادة والحيوية، كما أنها تساهم في زيادة مستويات الهرمونات الجنسية وإلى تعزيز استجابة الجهاز المناعي".

وبحسب صحيفة "الرأي العام" الكويتية التي أوردت الخبر، فقد قال الباحثون الروس إن استثارة المركبات الاندروفينية بتلك الطريقة تساهم أيضا في تخفيف الاحتياج إلى المواد المخدرة، إلا أنها لا تؤدي في الوقت ذاته إلى الإدمان وهو ما يعني أنها تلعب دورا مهما في معالجة الإدمان والاكتئاب.

وأشار الدكتور سيرغيه سبيرانسكي إلى أن المريض الذي يعاني من مشكلة الاكتئاب أو الإدمان يحتاج إلى برنامج علاجي يتألف من 30 جلسة كحد أدنى و60 جلسة كحد أقصى، وهي الجلسات التي يتم خلالها ضربه 50 مرة بعصا خيزران على مؤخرته شريطة ألا يكون الضرب مبرحا.

::::::::::::::::::::::::::::

وكان رد الروس .. " برضـو حـنشـرب!!!".

Quote: يا جماعة واحد يمعل اختبار سُكر لي دينق ده

وليد.

أنت بتحندك في ناس السعودية العطشانين ديل ولا شنوا؟

الساعة الان عندي 8:45 صباحا وأنا في المكتب من الساعة سبعة.

يعني الشديد القوي ألقا وين بس؟

بالناسبة. الناس هنا بتدور من مساء الجمعة.



دينق.

Quote: يعني الشديد القوي ألقا وين بس؟

يعني ما بايتك معاك
ولا قرطعت لي كاس الصباح وانت ماشي الشغل نعنش بيك كده

سلامات محمد الطيب ...

Quote: ياناذر انت البتاع ده رخيص ولا غالي في السودان (( من باب العلم بالشئ ))

ممكن أفتيك طالما قلت من باب العلم بالشي (بالشي فقط ولا شي غير الشي) ...

والمعلومة منقولة من أحد المعارف (فردة في الحلة وكدا) !!

الخمور المستوردة يدخل معظمها عن طريق أثيوبيا وأشهرها الجن الحبشي والويسكي red lable و علب البيرة الهولندية حيث تسوق في الخرطوم بواسطة الأثيوبيين أنفسهم والذين يحضرون إليك حتى مكانك لتسليمك ما طلبته ..

زجاجة الجن الحبشي Asmra dry gin تكلف خمسين ألف جنيه (25 دولار) أما الويسكي فهو الاغلى حيث تكلف الزجاجة 140 ألف جنيه (سبعون دولاراً) !! والبيرة ال هيليكن تباع بالكرتونة وهي بسعر 250 ألف جنيه (125) دولار ..

هذا عن المستورد ..

أما البلدي والذي يسمى (أبو حمار) فهو منتشر في جميع الحارات وسهل الحصول عليه وتكلف الزجاجة (لمن نقول زجاجة فالمقصود قزازة بيبسي بلاستيكية فاضية عبوة 600 مل) !! ستة ألف جنيه في المتوسط قد تزيد أو تقل تبعاً لنوعية العرقي الموجود بداخلها (عرقي سوبا هو أشهر وأقوى أنواع العرقي ومرات القزازة بتكون أكتر من تسعة ألف جنيه) !! أما عرقي شمبات المرسى في المزارع فهو أرخص وأردأ الأنواع ويصنع من المولاص والعيش وليس من البلح الأصلي !!

صنفرة :

أقول قولي هذا من باب (العلم بالشي) كما طلب السائل خدمة مني في تنوير الأخوة الذين قضو أعواماً طويلة خارج الوطن وغير مواكبين لتطورات الامور وأسعار الامور فيه !!

نسأل الله السلامة !!

نقلت الموضوع الى أسفل.

نازر.

الكباية بقت بي كم؟



دينق.

ألف وخمسمية جنيه يا دينق ..

خمسة وسبعين سنت !!

Quote: يعني ما بايتك معاك ولا قرطعت لي كاس الصباح وانت ماشي الشغل نعنش بيك كده

وليد.

دي حالة متأخرة جدا لم أصل أليها بعد.


دينق

طيب يا دينق

الليلة عيد ميلادك ولا حاجة ؟
زادو ليك مرتبك ولا رقوك؟
جكست لي واحده شديدة وعرسك قرب ؟


يعني عاوز اعرف مالك الليلة ظريف كده ...
لمن قربت تبقى لي ما دينق ذاتو

بي كم قزازة البيرة عندكم بي هناك يا دينق ؟!!

شوف جمال الصورة دي :

بتخلي الزول يشعر بالراحة والإنتعاش بعد ما يستخدم البتاع الفيها ..



صنفرة :

حتى لا يساء الفهم ...

البتاع المقصود ليس ما ذهب إليه فهم الكثيرين منكم ..




















أنا قاصد كيس الصعوط !!!

عارفنك قاصد الصعود رأسا يا ابو النيذ

نازر.

كل المعلومات بتلقاها هنا في الموقع بتاع ولاية فرجينيا ده.

لأنو الخمور التقيلة في ولاية فرجينيا بتتحكم فيها سلطة الولاية نفسها.

http://www.abc.virginia.gov/

دينق.

Quote: أقول قولي هذا .. وإستغفر الله لي ولكم ولسائر المسلمين.

يا ناذر جملتك الفوق دي كان تتمها ذكرتني بنكتة واحد مولانا..
قالوا كان في واحد مولانا بيتحدث في خطبة الجمعة عن تحريم شرب الخمور
بأنواعها وفي أثناء الخطبة أشار الى المتعاطين الخمر بشراهة والظاهر
عليه كان متعطش شوية قائلا:
والذين يحتسون البيرا السااااااااقطة (مد كلمة الساقطة).

Quote: ستة ألف جنيه في المتوسط قد تزيد أو تقل تبعاً لنوعية العرقي الموجود بداخلها

لا حولالالالالالا يا ناذر ، متين غلت كده ؟؟ كانت أربعة (حبات) بس !!
(الجماعة) دخلوا السوق والا شنو ، غلوها كده؟

الزولة دى كان تشوف ليها زول يسوق ليها العربية بدل البهدلة لى. ولا يكون لطت لطة قوية جدا?

ان شاء الله يكون ما بشعوا بيها. لانها هى ما براها. السكر وغيره بقى على عينك يا تاجر. المشروع الحضارى الاسلامى فلس يا صاحبى.

تحياتى

Quote: والما ضاقو يضوقو. دينق.

طبعا انت
habitual
جنى

يا ناذر قدمت عرض مبالغة
دا غايتو شغل زول يا باحث يا لاحس lool
في مدراس جانا طالب جديد دخلنا معاهو في السؤال عن البلد و الحالة عموم
صاحبنا اخرج زفرة حرة
و اردفها بالقول:
ياخي غلا نار تصوروا قزازة العرقي بـ...
و العرقي السوبر دا حكايتو تاني
حتي ظننا انه لا قبل للسكاري علي البقاء احياءا

Quote: طبعا انت habitual جنى

جني.

نحن كده أنتو كيف؟



دينق.

سؤال مهم كمان...
البنت كانت شاربة ويسكي ام بيرة بس؟
البنت مسلمة ام غير مسلمة؟
علشان بعدين لو جيت الخرطوم ومعي ويسكي ما داير زول يسالني
من اهل التوجه الحضاري في الخمور...
تحية لرئيس بتاعنا عمر البشير لفتحه بارات بتاع ويسكي وحق
بتاع النسوان والبنات في شرب الخمر.
جوك

أخي ناذر
تحياتي ،

Quote: والمعلومة منقولة من أحد المعارف (فردة في الحلة وكدا) !!

ومنكم ومن (فرداتكم)ومن جريدة الدار نستفيد ونتعلم ،


وكما قال أخي دينق : ويا دار ما دخلك شر .



مودتي ،






( ليمو )

.

.
بدون تعليق ..
.

يا ناس السعودية.

الفي زجاجة عبد المحمود ده شاي ولا شئ تاني؟



دينق.

يا ناس السعودية.

Quote: الفي زجاجة عبد المحمود ده شاي ولا شئ تاني؟

أخي دينق ،

تحياتي ،

معقولة ما عرفتو ؟
دي ما (خمرة باخوس النقية)
لابسه بلوزتا الجديدة (لبتون) ؟!

والعهدة على أخينا
ناذر الخليفة من (الخرطوم !؟!!) ؟!


وفي رواية أخرى : ده شئ تاني ،
وارد جديد ، من (جنينة البلدية) ،
أو كما قال شيخنا د. عبدالمحمود !


مودتي لكما ،




( ليمو )

.
يا دينق؛ قلت:

Quote: أنت بتحندك في ناس السعودية العطشانين ديل ولا شنوا؟

ومنو القال ليك عطشانين؟
جرب دي ... ٍSaudi Champagne ... :

"وارد جديد" ... على قول ليمو ... بس بالحلال ...
وكل راس سنة (هجرية) وانتم بخير؛
Cheers
.

Quote: الخمر متاح في جميع أنحاء السودان .. بدءاً من البلدي (أبو حمار) وحتى المستورد الفاخر والذي يباع بطريقة شبه سرية بواسطة أجانب من دولة مجاورة ووسطاء سودانيين في شوارع معينة في العاصمة الخرطوم وتتراوح أثمانه حسب الصناعة والجودة ، وليلة رأس السنة ضبطت الشرطة أجانب يروجون للخمور بواسطة حافلة هايس وكان بحوزتهم ويسكي وكونياك وبيرة وجن !!

ناذر عنوانك بسرعة .. وكان القصة من باب الغلم شوف لى عنوان البت الفى الحراسة:D

Quote: طيب يا دينق الليلة عيد ميلادك ولا حاجة ؟ زادو ليك مرتبك ولا رقوك؟ جكست لي واحده شديدة وعرسك قرب ؟ يعني عاوز اعرف مالك الليلة ظريف كده ... لمن قربت تبقى لي ما دينق ذاتو

وليد.

يعني الواحد ما يعرف يتونس مع أخونا نازر ده ولا شنوا؟


دينق.

عندما قوانين سبتمبر سخنت ايام نميري ناس هناية بتاعين العرقي الورانا في
الديم كان عندهم غنمايه شديدة بيربطوا ليك في خرتاية شطورها كيس العرقي
وانت تمشي تفك الكيس بي طريقتك وتطلع الشجرة وبكرة تحاسب.

هاكم دي
جريدة الحكايات يوم 9 يناير بالخط العريض
طالبة (سكرانة) تثير الفوضي داخل حرم جامعي
الخبر دون تفاصيل
والله عجائب
من الجاني ومن الضحية

Quote: معقولة ما عرفتو ؟ دي ما (خمرة باخوس النقية) لابسه بلوزتا الجديدة (لبتون) ؟

أخونا التلب.

زي اللبتون ده بتباع في قهوة ولا في بار؟



دينق.

Quote: ومنو القال ليك عطشانين؟ جرب دي ... ٍSaudi Champagne ... :

أخونا عبد المحمود.

البوست ده بقى عاوز ليهو رجال هيئة عديل كده.

ويا ناس السعودية تشموا زبيرتو أقصد قدحة.


دينق.

برضو واحد ايام قوانين سبتمبر شال خرطوش الموية بتاع بيتهم ومشي ناس هناية
كبوليهو فيهو العرقي وبرضو ناس النظام العام قبضوهوا وجلدوهوا وصادروا منو
الخرطوش.

Quote: تعرف الخمر بأنها عصير العنب إذا اختمر أو كل مسكر مخامر للعقل والخمر من أقدم المواد التي تؤثر على المخ والتي عرفها الإنسان، وكان الناس في الأزمنة القديمة يستعملون الخمر كعلاج لبعض الأمراض.. وتنقسم المشروبات الكحولية إلى: - 1 مشروبات غير مقطرة: تعتبر البيرة والنبيذ من المشروبات الكحولية غير المقطرة وتحضر بتخمير مادة نشوية لمدد متفاوتة، عادة تحضر البيرة من بذور الشعير المنبت في الماء وتتراوح نسبة الأكحول الأثيلي فيها ما بين 4 - 12٪ أما النبيذ فيحضر من العنب وتتراوح نسبة الكحول الأثيلي فيه ما بين 10 - 18٪. 2- مشروبات مقطرة: من الأمثلة على المشروبات الكحولية المقطرة «المشروبات الروحية» الويسكي والفودكا وغيرها وتحضر هذه المشروبات عادة إما من الشعير أو العنب أو التمر بطريقة التخمير أولاً ثم تمر بعد ذلك بعمليات تخزين طويلة ثم التقطير وذلك من أجل رفع نسبة الكحول الأثيلي، وتحتوي الأنواع السابقة على نسبة كحولية ما بين 45 - 55٪ ويحوي الخمر بجانب الكحول نسبة من الماء وكذلك نسبة خفيفة جداً من الكحول المثيلي وشوائب تترسب عادة في الأوعية التي تخزن فيها الخمور. مصير الكحول في جسم الإنسان (الإيض): يمتص الكحول بسرعة عن طريق المعدة والامعاء الدقيقة بعد التعاطي عن طريق الفم ولكن يمكن أن يتأخر الامتصاص إذا كان في المعدة طعام. ينتشر الكحول بسرعة في جميع سوائل الجسم يتكسر الكحول في الكبد حيث يتحول إلى مادة تعرف باسم استيالدهايد ثم يحصل عملية أكسدة فيتحول إلى اسيتيت وثاني أكسيد الكربون. أكثر من 90٪ من الجرعة المعطاة تتكسر (تتأيض) ويفرز عن طريق الرئتين والبول واللعاب والعرق، ويستطيع الجسم أن يكسر ما بين 10 - 15 مل من الكحول خلال ساعة. يكون تركيز الكحول في الدم بعد التعاطي كما يلي: لو افترضنا أن أربعة أشخاص صائمين تناولوا الجرعات 15مل، 30 مل، 45مل، 60مل من الكحول 95٪ على التوالي لكان أعلى تركيز للكحول للشخص الأول ما بين 25 - 290 ميكروجراماً لكل ملي والثاني 180 -620 ميكروجراماً لكل ملي والثالث 420 - 860 ميكروجراماً لكل ملي والرابع 630 - 1120 ميكروجراماً لكل ملي في الدم وذلك في خلال 3 دقائق بالنسبة للأول و5 دقائق بالنسبة للثاني، 8 دقائق بالنسبة للثالث وساعة واحدة للأخير. ويكون تركيز المركب الناتج من التكسير هو اسيتالدهايد في الدم ل 0,5 جم لكل 1 كيلوجرام من الكحول هو 0,02- 0,06 وميكروجرام لكل ملي وذلك بعد 40 إلى 80 دقيقة من تعاطي الجرعة. ان الجرعة القاتلة من الكحول 50٪ حوالي 500 ملليلتر والتي تهضم بعد ساعة من التناول. وفي بريطانيا يكون ضد القانون قيادة السيارة لأي شخص تكون نسبة الكحول في الدم أكثر من 800 ميكروجرام لكل ملي أو 1070 ميكروجراماً لكل ملي في البول أو 35 ميكروجراماً لكل مل في النفس. تأثيرات الخمور على الإنسان: لا يقتصر أثر الخمور على مقدرة الإنسان على العمل ومقدار الجهد الذي يتحمله فحسب، بل يشمل تأثيرها كثيراً من أعضاء الجسم مثل المخ والأعصاب والقلب والجهاز الهضمي والكبد والعين، وتصيب الخمور هذه الأعضاء بإصابات قد تصل إلى حد تدهور الحالة الوظيفية لها وتدمير خلاياها، وينعكس إثر هذا التدهور على صحة الإنسان البدنية والنفسية مما يجعله غير قادر على العمل ويعتريه التعب والاعياء بعد بذل أقل مجهود، وقد يتحول المريض إلى إنسان عاجز عن الحركة لا يستطيع أداء أي عمل، بدنياً كان أو ذهنياً حيث يصبح ضحية الإدمان. ومدمن الخمر هو الإنسان الذي يتعاطى الخمر بكميات كبيرة وبصفة مستمرة حيث يستيقظ من نومه ولديه رغبة ملحة في تناول الخمر، فقد يتعاطاه قبل تناول طعام الافطار أو كبديل لطعام الافطار ويستمر في تعاطيها أثناء النهار والليل.