مفاوضات لإحتراف نجم الهلال المحبوب أحمد الريّح بالمريخ!

مدنيّة هذا الصباح*

كتب: خالد عثمان


تفيد مصادرنا أن مفاوضات يجري التحضير لها بغرض إحتراف نجم الهلال مطلوق الصراح أحمد الريّح بالمريخ في إطار حركة تنقلات وتسجيلات المشجعين. هذا وقد صرّح قطب المريخ غير المعروف خالد عثمان أن النجم المحبوب قد أبدي إستعداده للإحتراف بالمريخ وطلب منه إعطاء رقم هاتفه الجوّال لرئيس المريخ جمال الوالي بغرض التفاوض. إلا أن القطب الشاب أسرّ بأنّه يرغب في إجراء المفاوضات بنفسه وإهداء النجم المعروف للمريخ.

هذا ولم يخف القطب خالد إعجابه باداء أحمد الريّح في الموسم الماضي، وقال إنّه يمتاز بالهدوء وحسن المتابعة والمنطقيّة، وكلها اشياء نادرة في الوسط الرياضي هذه الأيام، وقال إنّه كان يعدّه بمثابة العدوّ العاقل. وكان النجم المحبوب أحمد الريح قد أدّي واحداً من أجمل مواسمه بالهلال مؤخّراً، رغم أنه لا زال هاوياً ولم يوقّع عقد إحتراف بعد.

من ناحية أخري لم يستبعد قطب المريخ أن يكون سبب رغبة أحمد في الإحتراف بالمريخ هو الإمتعاض من سوء ختام الهلال للموسم في العامين السابقين. وتقول شائعات غير مؤكّدة أن أحمد قد ضاق ذرعاً بمداعبات أصدقائه من أهل المريخ له كل عام بعد نهائي كأس السودان وحتّي المباراة التالية التي تجمع الهلال بالمريخ.

هذا ويذكر أن الهلال كان ينتظر أن يبادر النجم أحمد بإعادة تسجيل نفسه بنفسه، بل ودفع حافز إعادة التسجيل أيضاً، كما ظل النجم يفعل منذ إنضمامه للهلال! لكن هذه المرة يبدو أن أحمداً قد أعاد حساباته وربما رغب في تأمين مستقبل ابنائه ليلي وعليّ.

من ناحيّة أخري صرّح قطب المريخ خالد أن التصريحات التي نسبت للنجم أحمد بخصوص خداع المريخ لا تخيفه. وقال: اكتبوا علي لساني: كل هذا سيتبخّر بمجرّد أن يدخل أحمد مجتمع المريخ. بل إن زيارة واحدة للقلعة الحمراء ستجعله ينسي كل ماضيه بالهلال - بل ويتحسّر علي إضاعته لكل هذا الوقت بعيداً عن المريخ!

هذا وستشكّل هذه الصفقة حال إتمامها ضربة موجعة للهلال، وستكون حديث المنتديات لفترة قد تطول.

------------

* لهذا قصّة ربما تنشر قريباً!

تصريحات النجم أحمد التي أبدي فيها إستعداده للإحتراف بالمريخ:

بس عشان ما أكون كذّبت، الهلال ما كان مستنّي أحمد يعيد تسجيلو ولا حاجة ...

الزول براهو شليق ...

قطب المريخ يصرّح: أحمد ده "ولدنا"!



-----------

شايف أولادنا بي هناك بدو يكترو ...

حقّو بعد ده نرقّمهم: ولدنا ١، ولدنا ٢، ... وهكذا!

في إتصال هاتفي قبل لحظات: الشقيق الأكبر لأحمد يبارك إنتقاله ويعلن أنّه وكيله في المفاوضات ...

... المريخ فريق كبير وجماهيره عظيمة ويسعدني أن أكون محل اهتمام
القائمين على أمره،

لكن هذا الحديث سابق لأوانه، فتركيزي الآن منصب على غانا 2008،
وبعدها، لكل حادث حديث.

فقط أود أن أنفي ما ورد بصحيفة الصدى عن أني اجتمعت مع جمال
الوالي أو أي شخص آخر من إدارة المريخ، وسأقاضي هذه الصحيفة
التي تعمل على "تبويظ" علاقتي بجماهير الهلال.

Quote: في إتصال هاتفي قبل لحظات: الشقيق الأكبر لأحمد يبارك إنتقاله ويعلن أنّه وكيله في المفاوضات

مع احترامي وتقديري لمحمد عمر -شقيقي الأكبر- الذي سعى من قبل
لتسويقي مع مشجعي مدفعجية لندن "آرسنال" ، فإني أود تأكيد أني
متعاقد مع وكيل معتمد لدى الفيفا، وهو سوداني اسمه عباس الجيلي
بشير عباس، وكل المفاوضات يجب أن تتم بواسطته.

يازول بالغته ، مشجع ؛؛؛؛؛؛؛؛؛؛؛؛

نحن اسع منتظرين احمد يجينا من امريكا شايل ليه قروش كتااار * وبعدها يترشح لرئاسة الهلال ، انت تجي تقول مشجع ...... والله ليكم حق تسجلوا (بتاع زامبيا داك ) ....

احمد انت لم القروش ، وانا بتصل بالصحفيين الرياضيين (يطبلوا ليك ) ، بمافيهم مزمل وصاحبك طلحة .....

اقول ليك ، اسع لو احمد الريح بقي مريخابي ناس مزمل اول ناس بحاربوا عارف ليه ؟ لانو ح يقطع ليهم عيشهم ، وم ح يقدروا يكتبوا كذبهم اليوماتي ده تاني


بكل جدية ارشح احمد الريح كي يكون مدير ادارى الهلال (او تنفيذي) ، وهو منصب موجودفي كل الفرق العالمية ، ويكون مسئولا مسئولية كاملة عن النادي ، ومتابعة كل الاجراءات المتعلقة بالنادي ، وملم بالقوانين الرياضية ، ومطلع .....









--------------------------------------------------------------------------------------
* طبعا قروشوا لا غسيل اموال زي رئيس الهلال ، ولا قروش الشعب السوداني زي الوالي ، قروشوا بعرق جبينه ....

سلام يا أبوحميد،

حلوة حكاية مركّز في غانا دي ...

بعدين ياخ الصدي دي عاملة ليكم شنو؟ هسي في زول جاب سيرتها؟

قلت ليك (مدنيّة هذا الصباح) تقول لي الصدي!!!

بااااالغت ...

أها أرفع قضيّة في (مدنيّة هذا الصباح) لو بتقدر!

--------- ----- -

قلت لي د. محمّد كان عايز يسوّقك لآرسنال ...

ياخ عباس كيف، وهو وين بالمناسبة دي؟ هو وعثمان وكل الشباب الحلوين ديك؟

عليك الله سلّم عليهم كلهم

سلام يا رقم صفر (الشياطين ال١٣ كيف؟ )،

ياخ إنت ما عارف ولا شنو؟

نحن ما كمّلنا تسجيل اللاعبين المحلّيين والمحترفين، وسجّلنا مدرب أجنبي ذاتو كمان ...

فقلنا نجيب شويّة مشجّعين محترفين كمان!

شفت المقدرة دي كيف؟

بعدين ما ممكن مزمّل يكون براهو المغلبكم!


-----------

عارف للأسف أحمد لو مسك منصب إداري أو تنفيذي في الهلال صعب إنّو ينجح فيهو - ما لأنّو ما قدر المسؤوليّة؛ لكن لأنّو البيحصل في أنديتنا والطريقة البتتم بيها الإدارة ما بتنفع مع الزي أحمد

لو أحمد بقي رئيس الهلال، يبقي بالجد بخت الهلال ...