Post: #1
Title: الاربع والخميس عطلة رسمية
Author: mayada kamal
Date: 01-06-2008, 11:50 AM
شباااااااااب سلام عليكم
اعلن مجلس الوزراء يومي الاربعاء والخميس عطلة رسمية على التوالي
لحدي هنا وما قلنا شئ
وتلقائيا الجمعة عطلة رسمية
وحيكون يوم السبت برضو عطلة رسمية كاول يوم عطلة من السبات اللي قالوا عليهن مافيهن شغل
هنيالكم 4 ايام عطلة وراء بعض
هذا الامر لفت انتباهي للعطلات الكتيرة اللي بنمر بيها في ايامنا
بعضها شرعي ومقبول به كعطلتي العيدين الفطر والاضحي للمسلمين واعياد ميلاد المسيح عليه السلام عند اخوانا المسيحين
وفي عطلات تانية نجر ساااااااااي من الجماعة الطيبين
زي اعياد السلام ؟؟؟
ووينوا السلام اللي قالوا دا؟؟؟.
أوتلك العطلات التي تمنح للموظفين اذا في مؤتمر حيعقد في الخرطوم او او اواو لزوم تخفيف الزحمة لمرور مواكبهم ليس الا.
ماهي الجدوي من كل هذه العطلات
وهل اقتصادنا المتعثر اصلا في حاجة الى كل هذا التعطيل في المؤسسات ودور العمل؟؟؟
|
Post: #2
Title: Re: الاربع والخميس عطلة رسمية
Author: ماجدة عوض خوجلى
Date: 01-06-2008, 12:06 PM
Parent: #1
شباااااااااب سلام عليكم
اعلن مجلس الوزراء يومي الاربعاء والخميس عطلة رسمية على التوالي
Quote: لحدي هنا وما قلنا شئ
وتلقائيا الجمعة عطلة رسمية
وحيكون يوم السبت برضو عطلة رسمية كاول يوم عطلة من السبات اللي قالوا عليهن مافيهن شغل
هنيالكم 4 ايام عطلة وراء بعض
هذا الامر لفت انتباهي للعطلات الكتيرة اللي بنمر بيها في ايامنا
بعضها شرعي ومقبول به كعطلتي العيدين الفطر والاضحي للمسلمين واعياد ميلاد المسيح عليه السلام عند اخوانا المسيحين
وفي عطلات تانية نجر ساااااااااي من الجماعة الطيبين
زي اعياد السلام ؟؟؟
ووينوا السلام اللي قالوا دا؟؟؟.
أوتلك العطلات التي تمنح للموظفين اذا في مؤتمر حيعقد في الخرطوم او او اواو لزوم تخفيف الزحمة لمرور مواكبهم ليس الا.
ماهي الجدوي من كل هذه العطلات
وهل اقتصادنا المتعثر اصلا في حاجة الى كل هذا التعطيل في المؤسسات ودور العمل؟؟؟ |
سلامات ميادة
طيب مش كان اسهل انهم يعلنو الاحد والاتنين والثلاثاء عمل ؟!!
|
Post: #5
Title: Re: الاربع والخميس عطلة رسمية
Author: mayada kamal
Date: 01-06-2008, 12:26 PM
Parent: #2
منى خوجلي يا اختي
كل سنة وانتي طيبة
بركة بوست العطلة اللي جابك لي
انا ملاحظة انك اول مرة تدخلي لي بوست
مرحب بيكي وشرفتي كتيييييييييير
شكرا على المرور
|
Post: #3
Title: Re: الاربع والخميس عطلة رسمية
Author: ملكة سبأ
Date: 01-06-2008, 12:12 PM
Parent: #1
ميادة اختي يعني اقتصادنا المتعثر دا جا علي اليومين ديل ؟!
اربع وخميس وجمعة ولو صدق السبت لينا نحن ناس الخرطوم تكون حاجة زي الورد
والشافنا في بطن القصواء ماكذّب 
خدي حبيبتي اعملي شوية نيو لوك لو عجبتك
لو عايزاني اعلمك الحركة دي في العطلة مابقدر
نووووووم بس ... ولا سفر
يوم الاحد الجااااي داك كان الله رجانا ممكن
|
Post: #6
Title: Re: الاربع والخميس عطلة رسمية
Author: mayada kamal
Date: 01-06-2008, 12:38 PM
Parent: #3
ملكة سبأ يا اختي
والله شرفتي البوست
مع انك اول مرة تدخلي علي
تسلمي على المرور
تخريمة
| Quote: خدي حبيبتي اعملي شوية نيو لوك لو عجبتك |
|
Post: #7
Title: Re: الاربع والخميس عطلة رسمية
Author: mayada kamal
Date: 01-06-2008, 12:49 PM
Parent: #3
Quote: يعني اقتصادنا المتعثر دا جا علي اليومين ديل ؟!
|
شفتي كيف في راي موافق مع كلامك مع انو انا شايفة انو من ناحية حسابية اي لحظة بنضيعها في اي شئ جانبي مثلا او ما عنده علاقة بالشغل في المكتب مثلا لو جمعنا الوقت اللي بنضيعه في فترة ما والله صدقيني بيعمل شئ فلاني.
وكمان كلامك ذكرني موقف حضرته في هايس كنا مستغلنه باتجاه الخرطوم قام بتاع الهايس اخذ لفة طويلة عشان يدخل موقف الاستاد قاموا الركاب كوركوا فيه
فرد عليه يعني لاحقين شنو وشغالين شنو انت قايلين روحكم وزراء
تخريمة
شكلك خرمانة اجازة
|
Post: #4
Title: Re: الاربع والخميس عطلة رسمية
Author: ملكة سبأ
Date: 01-06-2008, 12:24 PM
Parent: #1
دور الليلة لييه؟!
بكرة شنو ؟!
الأثنين ؟ ح اخدو إذن
الثلاثاء (دكوك)
الأربع والخميس زي ماقلتي
الجمعة الجامعة
السبت ان شاء الله مايجلي ويصدق مع انو فدوى الشريف ثبتتو رسمي ..
الأحد بنجي ان شاء الله عشان ماتدرعو انهيار إقتصاد دا فوقنا
|
Post: #8
Title: Re: الاربع والخميس عطلة رسمية
Author: ملكة سبأ
Date: 01-06-2008, 12:54 PM
Parent: #1
شرف الله قدرك
وانتي خرمتي مشيتي وين ؟
قصدت ممكن تبدلي الصورة في بروفايلك بالصورة الختيتا ليك دي
حاتطلع احلي
لو مغالطاني جربي
تجربي كيف ؟
بس انسخي الرابط دا وروحي البروفايل ختيهو
http://www.sudaneseonline.com/u/GetAttachment33.jpg
او ممكن تعملي ليها حفظ في جهازك ومن ثم ارفعيها تاني وإختاري الرابط الذي يصلح صورة للبروفايل مباشرة
|
Post: #11
Title: Re: الاربع والخميس عطلة رسمية
Author: mayada kamal
Date: 01-06-2008, 01:12 PM
Parent: #8
| Quote: وانتي خرمتي مشيتي وين |
انا لافة بين البوستات
Quote: حاتطلع احلي
لو مغالطاني جربي
تجربي كيف ؟ |
وحاغالط لي
اها رايك شنو في النيو لووك عملت بي نصيحتك
|
Post: #9
Title: Re: الاربع والخميس عطلة رسمية
Author: ماجدة عوض خوجلى
Date: 01-06-2008, 12:55 PM
Parent: #1
وانتى طيبة ميادة
بس كدى تعالى ورينى هسه المناسبة شنو تتلخبطى ...
اسم مكتوب بالعربى والتانى بالتنقليزى البيلخبط فيهم شنو حبيبه ...
Muna Khugali
ماجدة عوض خوجلى
|
Post: #14
Title: Re: الاربع والخميس عطلة رسمية
Author: mayada kamal
Date: 01-06-2008, 01:21 PM
Parent: #9
Quote: بس كدى تعالى ورينى هسه المناسبة شنو تتلخبطى ...
اسم مكتوب بالعربى والتانى بالتنقليزى البيلخبط فيهم شنو حبيبه ...
Muna Khugali
ماجدة عوض خوجلى |
ما تزعلي يا اختي
العتب على النظر
وكمان الخرف والكبر ملازمني اليومين دي
|
Post: #10
Title: Re: الاربع والخميس عطلة رسمية
Author: ملكة سبأ
Date: 01-06-2008, 01:08 PM
Parent: #1
وشكلي استغليت الوضع من هسة ودخلت في دور الإجازة
وإشتغلت شغلة تانية*
انا غياظة صحي ؟!
غايتو اخواتي لمن نمشي بيت ناس (اهلنا أو ومعارفنا طبعا) بيتغاظو مني لمن اقعد انظّر في حاجات الناس السرير دا كان تقبلوهو كدا واليونت دا جيبوهو بي جاي والفازة دي حاتكون هنا احلي والتلفزيون دا ما محلو
المهم في الموضوع ابو العيال ذاتو ضايااااار
___
* هاتي حق التعليمة (لو اخدتي بيها يعني)
|
Post: #12
Title: Re: الاربع والخميس عطلة رسمية
Author: mayada kamal
Date: 01-06-2008, 01:16 PM
Parent: #10
| Quote: هاتي حق التعليمة (لو اخدتي بيها يعني) |
يا حبوبة اربع ايام اجازة اديناكي حق النيو لوك مقدما
ها امشي كملي كل مشااااااااااويرك مقدما
|
Post: #13
Title: Re: الاربع والخميس عطلة رسمية
Author: ملكة سبأ
Date: 01-06-2008, 01:16 PM
Parent: #1
اها اخدتي بيها
فماتملحينا بالله ..
شفتي فايدة الإجازات والإحساس بيها والشعور بالعطلة والفضا
** ماجدة عوض خوجلي **
النبي مالك مابتسلمي على ولا بتباركي لي الأعياد دي كلها
اصبر لي بشوف لي يومين في الأيام المتبهلة دي واصلك بالدرب عديل
مشتاقون وكدا
|
Post: #15
Title: Re: الاربع والخميس عطلة رسمية
Author: mayada kamal
Date: 01-06-2008, 02:56 PM
Parent: #13
up
|
Post: #16
Title: Re: الاربع والخميس عطلة رسمية
Author: Deng
Date: 01-06-2008, 02:59 PM
Parent: #1
| Quote: يا حبوبة اربع ايام اجازة اديناكي حق النيو لوك مقدما |
ميادة كمال.
نيو لوك!!
هو أباوت نيو بوليتيكل افلياشن؟
How about new political affiliation?
دينق
|
Post: #17
Title: Re: الاربع والخميس عطلة رسمية
Author: mayada kamal
Date: 01-06-2008, 03:21 PM
Parent: #16
يا دينق يا حبوب
بوليتيكل ايفاليشن شنووووووو ياااااااخ
نحن اتخطينا المرحلة دي زمااااااااااااان
ولا داير لزوم تذكير
ولا نوريك اللحصل وانت في الاجازة
تخريمة
الا السمعتوا دا صحيح
انت كنت وين
في اجازة ولا ؟؟؟؟؟؟؟؟؟؟؟؟؟؟؟؟؟
|
Post: #18
Title: Re: الاربع والخميس عطلة رسمية
Author: محمد عثمان محمد طه
Date: 01-06-2008, 04:48 PM
Parent: #17
Quote: تخريمة
الا السمعتوا دا صحيح
انت كنت وين
في اجازة ولا ؟؟؟؟؟؟؟؟؟؟؟؟؟؟؟؟؟ |
الإستفهام ده بيجيب الظن
والظن بيجيب الشيطان والشيطان
بيجيب الوسواس والوسواس بيجيب
الدواس وانتي ماقدرو
يااختي الوضوح زيو مااااافي تسلمي Quote: ماهي الجدوي من كل هذه العطلات
وهل اقتصادنا المتعثر اصلا في حاجة الى كل هذا التعطيل في المؤسسات ودور العمل؟؟؟ |
ومنو القاليك ما فيهو فايدة للبلد اولا نبتدي من البيت يومين مافي
حق مواصلات لا فطور للشفع اسه ده ما وفر اها كهربت الحيكومة دي
يومين طافية اها وكمان بقت في فاتورة جديدة في المكاتب فاتورة النت
دي ما بتبني مدارس وله العجب بنزين الحيكومة وعربات الحيكومة في اليومين
ديل ما بطور افريقيا والعالم العربي اها لكن تقدر كيف ننفذ أبوي الله يرحمو
كان موظف حيكومة في حياتي دي ما شفت أمي يوم ركبت عربيتو اقصد عربية
الحيكومة ولايوم بالغلط العربية باتت جنب البيت
شفت موظفين زمااااان كيف
|
Post: #19
Title: Re: الاربع والخميس عطلة رسمية
Author: mayada kamal
Date: 01-06-2008, 05:14 PM
Parent: #18
الاخ محمد سلماااااااااااات
كا سنة وانت طيب
Quote: الإستفهام ده بيجيب الظن
والظن بيجيب الشيطان والشيطان
بيجيب الوسواس والوسواس بيجيب
الدواس وانتي ماقدرو
يااختي الوضوح زيو مااااافي تسلمي
|
كلامك صحيح
بس اعمل شنو لعمك دينق لافحني في اي حته
وبعدين انا كنت حلوة جدا معاه
رجع من العطلة عيدت عليه في البوست بتاعه
| Quote: شفت موظفين زمااااان كيف |
موظفين زماااااااان بس
موظفين زمان
وحكومة زمان
وعربات زمان
|
Post: #20
Title: Re: الاربع والخميس عطلة رسمية
Author: Deng
Date: 01-07-2008, 04:45 AM
Parent: #1
Quote: يا دينق يا حبوب
بوليتيكل ايفاليشن شنووووووو ياااااااخ
نحن اتخطينا المرحلة دي زمااااااااااااان
ولا داير لزوم تذكير
ولا نوريك اللحصل وانت في الاجازة |
شنو فرتكتي من الكيزان ولا شنوا؟
Quote: تخريمة
الا السمعتوا دا صحيح
انت كنت وين
في اجازة ولا ؟؟؟؟؟؟؟؟؟؟؟؟؟؟؟؟؟ |
يعني يا ميادة في الكريسماس ورأس السنة الجديدة ح أمشي وين يعني؟
كده خليك واضحة أكتر.
دينق.
|
Post: #21
Title: Re: الاربع والخميس عطلة رسمية
Author: Muna Khugali
Date: 01-07-2008, 05:14 AM
Parent: #20
معليش مكرر
|
Post: #22
Title: Re: الاربع والخميس عطلة رسمية
Author: Muna Khugali
Date: 01-07-2008, 05:14 AM
Parent: #20
ازيك يا مياده وكل سنه وانتي طيبه..
والسنه الجايه غالبا تسعدون او تتضايقون من الشغل يوم واحد بس في الأسبوع..
كلام محمد علي طه ده صحيح..لكن البلا راجي ناس البيت..
علي الرغم من قروش المواصلات المافي حقها ولا الفطور..لكن قعادهم في البيت بيكلف أكتر وبيأخر في الأنتاج علي فرض انه مدارسهم بتنتج أجيال متعلمه نص نص..
ويا ملكة سبأ..تخونك العشره والقعاد في القهاوي وزرزة المطار في مصر..
كدي النلومك لوم الصح..في شان شنو ما بتجي تباركي لي بوستاتي الجديده؟؟
ماعاجباتنك ولا ديكورهم ماهو سمح؟
ومياده بس تلوم..دحين اتي جيتيني هناك قبال ده؟
بختكم غايتو في الخرطوم..تاكلوا وتنوموا للعصر..تمغربو وتساهروا وتنوموا لي عشره الصباح!
نحنا ذاتنا نمشي ننوم بعد ده...
كل سنه وانتي طيبه يا مياده..ودي كانت أنا..مني ما سلمي
|
Post: #23
Title: Re: الاربع والخميس عطلة رسمية
Author: Muna Khugali
Date: 01-07-2008, 05:16 AM
Parent: #20
ازيك يا مياده وكل سنه وانتي طيبه..
والسنه الجايه غالبا تسعدون او تتضايقون من الشغل يوم واحد بس في الأسبوع..
كلام محمد علي طه ده صحيح..لكن البلا راجي ناس البيت..
علي الرغم من قروش المواصلات المافي حقها ولا الفطور..لكن قعادهم في البيت بيكلف أكتر وبيأخر في الأنتاج علي فرض انه مدارسهم بتنتج أجيال متعلمه نص نص..
ويا ملكة سبأ..تخونك العشره والقعاد في القهاوي وزرزة المطار في مصر..
كدي النلومك لوم الصح..في شان شنو ما بتجي تباركي لي بوستاتي الجديده؟؟
ماعاجباتنك ولا ديكورهم ماهو سمح؟
ومياده بس تلوم..دحين اتي جيتيني هناك قبال ده؟
بختكم غايتو في الخرطوم..تاكلوا وتنوموا للعصر..تمغربو وتساهروا وتنوموا لي عشره الصباح!
نحنا ذاتنا نمشي ننوم بعد ده...
كل سنه وانتي طيبه يا مياده..ودي كانت أنا..مني ما سلمي
|
Post: #24
Title: Re: الاربع والخميس عطلة رسمية
Author: mayada kamal
Date: 01-07-2008, 10:12 AM
Parent: #23
كيفنك يامني خوجلي
مرحب بيكي انتي وسلمي
Quote: قعادهم في البيت بيكلف أكتر وبيأخر في الأنتاج علي فرض انه مدارسهم بتنتج أجيال متعلمه نص نص../QUOTE]
والله كلامك صح
دا بيكلف شي وشويات
انا شخصيا بتجيني هستيريا لمن يعطلوا ويقعدوا في البيت
شفعنا والله شواطين عديييييييييل
عاملين زي الشفع البجوا من برهو ويلقوا البيوت هنا واسعة وشرحة وشئ سطوح وطالعين لي ونازلين ودايرين وسوي لينا
لووووووووووووووووووووووووووووووووووول
انا غايتو قاعدة افكر اعمل لي دريب شغل في العطلة
|
Post: #25
Title: Re: الاربع والخميس عطلة رسمية
Author: tmbis
Date: 01-07-2008, 10:51 AM
Parent: #24
| Quote: وبعدين الحركة بتاعت i can prtotect my women العملتها مع ميادة برضو قديمة لو أنا حركاتي قديمة وخليك متأكد مهما تعمل فأنا بعرف أنت ممكن تعني شنو بالنسبة لي ميادة وأهل ميادة !!... |
الأخت العزيزة ميادة كمال ..
اعلاه حديث توجه من احد الزملاء في هذا البوست أتحدى .. عمر علي + مرتضى جعفــر ..
متاسف لإقحامك فيه .. لكن زي ما شايفه الشخص دا كتب كلام شكلو غريب شوية
اتمنى زيارتك للبوست المعني .. لتوضيح ماذا يقصد هذا الشخص .. لانو زي الكلام الليهو علاقة بالاسر دا ما مكانو .. والبحاول يقحم الأسر بالطريقة دي .. مفترض ياخد على راسو .. ويردع باي شكل كان ..
فيما يتعلق بالشخص دا .. تم تعديهو على أخ وصديق عزيز هنا .. بمفردات غير كريمة في حقو والآن شايفو بيلمح لي كلام انا تحديدا ما فهمتو شنـو بالضبط المقصد ..
اتمنى زيارتك للبوست المعني .. عشان نشوف الزول دا قاصد شنو بالضبط ..
الكلام بتعلق بالبوست دا .. هشام هباني .. عمر علي .. تراجي
المعذرة لكل زوار هذا البوست . وللزميلة ميادة ... عن هذه المداخلة..
وفي انتظارك .. إذا تكرمتي ..
|
Post: #26
Title: Re: الاربع والخميس عطلة رسمية
Author: ملكة سبأ
Date: 01-07-2008, 12:49 PM
Parent: #23
Quote: ويا ملكة سبأ..تخونك العشره والقعاد في القهاوي وزرزة المطار في مصر..
كدي النلومك لوم الصح..في شان شنو ما بتجي تباركي لي بوستاتي الجديده؟؟
ماعاجباتنك ولا ديكورهم ماهو سمح؟ |
ودي أيام بتتنسي يامنوية؟
ايام لها إيقاع
وبركة الجات المناسبة عشان اقول ليك انو انتي وبوستاتك وناس تانيين وبوستاتهم من أقوى أسباب تواجدنا حتى الآن بهذا المكان ...
رغم انه مرات ربنا مابرفع قلمنا او كي بوردينا إلا ان معزتكم نحسها ونحسبكم قريبين جدا مننا
وكل سنة وانتي طيبة وزي ما انتي
|
Post: #27
Title: Re: الاربع والخميس عطلة رسمية
Author: ماجدة عوض خوجلى
Date: 01-07-2008, 02:34 PM
Parent: #1
تحياتى ميادة
اسمحى لى
Quote: ** ماجدة عوض خوجلي **
النبي مالك مابتسلمي على ولا بتباركي لي الأعياد دي كلها
اصبر لي بشوف لي يومين في الأيام المتبهلة دي واصلك بالدرب عديل
مشتاقون وكدا |
معقولة بس ياسبو انا اكون قاصدة مااسلم عليكى حبيبه عارفه ان رسلت كلامى الاخير
لميادة ومادخلت تانى الا هسه معليش حقك على كل سنه وانتى طيبة وبالف خير والامانى كلها محققة
وانشالله بركة سيدى الحسن الاجازة تبقى خمسة يوم فى الاسبوع من دون الجمعة اها قصرت معاكى
تسلمى حبيبتى كتير يارب
احنا ذاتنا مشتاقون كتير وبالاكتر
|
Post: #28
Title: Re: الاربع والخميس عطلة رسمية
Author: خالد حاكم
Date: 01-07-2008, 04:31 PM
Parent: #27
مياده .. مسكاقمى .. مينا مين دارى؟ قاجريمونوا؟ نايل ديوسوه؟
|
Post: #29
Title: Re: الاربع والخميس عطلة رسمية
Author: mayada kamal
Date: 01-07-2008, 04:39 PM
Parent: #28
والله تقول شنو يا عم
|
Post: #30
Title: Re: الاربع والخميس عطلة رسمية
Author: العوض المسلمي
Date: 01-07-2008, 06:55 PM
Parent: #1
مياده يا عزيزتي
الحكومه هنا عندها قناعه انه مافي شغل مستحق الجيش الجرار من الموظفين والعاملين
وجابت الموضوع من الاخر
يعني هي اصلا ما دافعه ليهم شئ يقابل احتياجاتهم المعيشيه
وكمان شغل ما عندهم
يعني اجازة السبت دي فرصه للراحه وتوفير للكهرباء والمياه التي في المكاتب
وبصراحه
حتي الاجازات عندنا تعلنها الامانه العامه لمجلس الوزراء وكان الامر جديد
حقو الاجازه تكون مبرمجه من اول السنه ومعروفه علي النتيجه
وكمان وينو هو السلام
ووينو الاستقلال
وشليل وين راح
شالو التمساح
مع مودتي واحترامي للجميع
ابوتسابيح
|
Post: #31
Title: Re: الاربع والخميس عطلة رسمية
Author: Deng
Date: 01-07-2008, 10:58 PM
Parent: #1
| Quote: بس اعمل شنو لعمك دينق |
ميادة كمال.
عمي الكباسة.
دينق.
|
|
|