Post: #1
Title: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: maman
Date: 01-05-2008, 11:36 PM
Parent: #0
الكتابة في البورد تذكرني بحكاية (بت بدس)... أنا من المعجبين غاية الاعجاب بالمقطوعات الموسيقية البدوية التي تعزف بالزمارة أو اللود كما سمعتها من بعض أهل بوادينا. والزمارة لمن لا يعرف هي آلة موسيقية عبارة عن ماسورة بها ثلاثة فتحات واحدة في مؤخرتها والفتحتين الأخريين في نهايتها وتفصل بينهما مسافة ثلاثة أو أربعة أصابع مضمومة تقريبا . ويجيد الرعاة في البوادي العزف عليها... وكل قطعة موسيقية لها قصة تحكى .. كنت في إحدى المرات استمع لأحدهم وهو يعزف ، وبعد الانتهاء من مقطوعة معينة قال لي: ( دي بت بدس) فسألته عن حكاية بت بدس فقال: بت بدس دي يا ولدي واحدة من بنات العرب .. كانت يتيمة الأم وما عندها خالات ولا عمات... ومن عادة سكان البوادي في مناسابات الأعراس أن تزغرد النساء كبيرات السن من الخالات والعمات لبناتهن عندما يرقصن في الدارة... ويبدو أن بت بدس نزلت في الدارة لترقص ولم تجد من يزغرد لها من الحاضرات... لكنها واصلت الرقص... وكانت ترقص وتزغرد بنفسها... وهكذا تعزف المقطوعة الموسيقية..
أتدرون لماذا سقت هذه الحكاية؟؟؟ الماعندو شلة في البورد ، إلا يكون زي (بت بديس)، يرفع بوستاتو براه ، يعني يرقص ويزغرد.
طلب : بالله ياشباب لو واحد عندو مقطوعات زمبارة ينزلا لينا عشان نسمعها ياريت ... وأخص الأخت الأديبة سمية الحسن طلحة لإنو أهل بادية البطانة هم الأبرع في هذا المضمار.
مامان
|
Post: #2
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: طارق جبريل
Date: 01-05-2008, 11:46 PM
Parent: #1
التحايا النواضر
|
Post: #3
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: maman
Date: 01-06-2008, 07:58 AM
Parent: #1
طارق جبريل
تحية
شكرا على المرور
مامان
|
Post: #4
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: ابو جهينة
Date: 01-06-2008, 08:09 AM
مامان
صباح الخير
نحو تكتل لـ (بت بدس)... بلا حدود
مودتي Forever
|
Post: #5
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Tayseer Elmobarak
Date: 01-06-2008, 11:08 AM
Parent: #1
أستاذ مامان .. لك التحية .. هذا ما خطر لي عند انضمامي للبورد (اصحابي و أصحابك) .. هناك الكثير من الكتابات الجميلة و التي لا تلقى حظها من المشاركة و النقاش بسبب هذه الظاهرة .. و نحن بهذا السلوك نكرس لمفهوم القبلية و العصبية و الجهوية بوعي منا أو بغير وعي .. لنتضامن مع بت بديس .............
|
Post: #6
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: maman
Date: 01-06-2008, 12:23 PM
Parent: #1
| Quote: نحو تكتل لـ (بت بدس)... بلا حدود |
| Quote: لنتضامن مع بت بديس |
أبو جهينة وتيسير
لكما التحية
معا مع بت بدس
مامان
|
Post: #7
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Muna Khugali
Date: 01-06-2008, 02:45 PM
Parent: #6
وانا كمان اساند بت بدس..
الشلليه في..
لكن برضه بت بدس ان ما بقت متواجده في البوكان ده مع الناس..الناس بس تفوت منها..
يعني لازم تشارك الناس في كتاباتهم..وهي ذاتها تكتب..
تجاملهم في افراحهم وأحزانهم..المجامله في الأحساس ضروريه..وكمان مبادلتهم النقاش مهمه جدا
غير كده وحاة اسم الله ان عزفت شنو داك..زول بيسمعها مافي..وان كان سمعوها..لا بقولولا غناك سمح
ولا غناك شين!
ما أصلو قالوا ده نادي اجتماعي ثقافي وبه بعض ادعاءات سياسيه..
بركه اللقيناك طيب..وكل سنه وانت طيب
|
Post: #8
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: mahmed alhassan
Date: 01-06-2008, 02:56 PM
Parent: #7
الاخ/عبد الرحمن
المايعرفك يجهلك
نحي بت بدس وزغارديها لوحدها
تحياتي
|
Post: #9
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Tumadir
Date: 01-06-2008, 03:14 PM
Parent: #1
معا من أجل بت بديس ......
معا من أجل بت بديس .......
وقيل فى رواية أخرى:
النقدة ....
مالك يا ود أمى ما أديب و رصين ومهذب وكلامك مرتب وأفكارك مسالمة ومساهماتك فكهة وجميلة ...
الما بخلى الناس يتداخلو معاك شنو؟
اها ده عربون "شلة" ...ولى قدام
|
Post: #10
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: الطاهر عثمان
Date: 01-06-2008, 03:48 PM
Parent: #1
مامان لك تحياتي وتقديري
هذه المشكلة عانى ويعاني منها كل من لم تصل مشاركاته لما فوق الالف وربما اكثر من ذلك
من اخر ما قرات في هذا الموضوع
الكتاب الماركة المسجلة والكتاب ناس قريعتي راحت
لك وافر الاحترام والتقدير
|
Post: #11
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: معتصم ود الجمام
Date: 01-06-2008, 03:59 PM
Parent: #10
الاستاذ مامان
اوافقك الراي ...
ولكن هناك ناس بدون شلل واظبوا على الكتابة المفيده
ووجدوا قرائهم ...
اتحفنا بمثل هذه الحكايات من البوادي ومن غيرها
لك الود
ما هي علاقتك باصدقائنا ال مامان الكانوا بالرصيرص
وسكنوا ام درمان الان ... ولديهم علاقه بال النجيب
وان كنت لك صله بال النجيب يمكن تكون قريبي لانهم اقربائي من بعيد
واسف اذا دخلتك في ( غلوتيه )
معتصم سيد احمد
|
Post: #12
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: أحمد الشايقي
Date: 01-06-2008, 04:26 PM
Parent: #1
عبد الرحمن سلامات
زمن يا صديقي في هذه الغربة الكؤود
طبعا بت بـدس دي ما حكاية شلـة وبـس
بت بدس دي حبوبتنا لــزم , ومافي كــلام معاها معاها
زمبارة الراعي (حرفتنا الأولى أيام الطفولة والغنم)
اللحن الوحيد الذي أجـدته فيهـا
(بنات الريــل ..... جـفـلـن ....)
(فــوق المقيـل .....جـفـلـن ....)
تعرف يا مامان,
كأنها دعــوة قديمـة مستجابـة ....
من يومنا دااااااك وهـن جافلات ... بوشـهـن...
والصيـد ناجــع
ليك التحيات
أحمـد الشايقي
|
Post: #13
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Sudany Agouz
Date: 01-06-2008, 04:39 PM
Parent: #1
الأستاذ مامان ..
حكاية بت بدس .. دى موجودة فى أى مكان فى زمنا الأغبر هذا ..
مش بس فى منبرنا هذا ..
يعنى لازم تتعلم فن .. ترفع وتشوت براك ..
وياما فى الأمثال قالوا ..
يابخت النجيب خالو ..
والما عندو ضهر ..
وناس قريعتى راحت .. حقهم راح ..
الخ .. الخ ..
يعنى كده .. لو ما بقينا زى حكاية بت دبس .. حنبقى زى حكاية بت دبرس ..
وفى النهاية يا أستاذ مامان .. نتمنى أن نشعر بالغير ..
ليتنا نعطى الموضوع الجيد حقه من الاهتمام ونساعد صاحبه بوضعه فى الصفحة
الأولى .. لكن المشكلة أيضا تتمركز فى العددية الهائلة من الكتاب ..
والى الأمام يااستاذ مامان .. ياقود مان .. يا انسان ..
ونتمنى أن تتكرر مداخلاتك الجميلة هذه ..
ولك دوما كل حب وتقدير ..
أخوك العجوز ..
أرنست
|
Post: #14
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: kamalabas
Date: 01-06-2008, 05:07 PM
Parent: #1
كتبت الاخت تماضر
Quote: مالك يا ود أمى ما أديب و رصين ومهذب وكلامك مرتب وأفكارك مسالمة ومساهماتك فكهة وجميلة ...
الما بخلى الناس يتداخلو معاك شنو؟
اها ده عربون "شلة" ...ولى قدام |
مامان من ذات السواقي التي أنجبت حسن الدبي والسر عثمان والشاعر علي
عبد القيوم.. والفنان عبود وعبد القيوم الشريف الخ
مامان كان واسطة عقد العصر الذهبي لأغنية الطمبور .....
وكان نغمة ومفردة تتكررت كثيرا في أغاني تلك الفترة حيث تباري
الشعراء في لحظات الشجن والهيام بالاستنجاد والاستغاثة- تحببا - بمامان
....مامان أديب ومثقف وناقد وفنان مبدع ومهتم وباحث في التراث أخذته الاكاديميات وظروف العمل والغربة
من فنه ولكنها لم تنتزعه من قلوب معجبيه أو تستطع محو
أسمه كعلامة مضئية في مسار نهضة كلمة وأغنية الطمبور
... كمال
|
Post: #15
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: فيصل محمد خليل
Date: 01-06-2008, 05:32 PM
Parent: #14
ياخوانا توقيعاتكم من اجل
بت بدس
ضد التهميش
|
Post: #16
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Al-Shaygi
Date: 01-06-2008, 05:48 PM
Parent: #1
زمبارة مــــامــــــان
مامان يا أخوي كان صبرت شوية ،،، بطاقة الدعوة الكت داير أرسله ليك لسه حبرها لين!!!
وهاك الطنقيحي دي
الشايقي
|
Post: #17
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: إسماعيل وراق
Date: 01-06-2008, 06:58 PM
Parent: #16
يا مامان أنت عايز تجمع قروش وكمان مشاركات يا أخي إبني بطل الطمع دا
أخبار فور إيفر شنو.. والله مقصرين معاها
يا جماعة الخير
هذا المامان رغم أنه خريج جامعة الخرطوم في عزها ومجدها إلا إنه تربالي وود بلد... وزي ما قال كمال عباس الزول دا لو مسك الربابة وبدأ العزف والله الإنس والوحوش يطربوا من روعة النغم.. إضافة إلى أنه باحث ومثقف حقيقي.
بس يا ماما علشان نتضامن مع بت بدس دي لازم تحكي لينا عن جدنا ود مبلول شاعر الحسانية المجهول.. والشال سيده وخلى حرم..
|
Post: #18
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Al-Shaygi
Date: 01-06-2008, 11:09 PM
Parent: #1
Quote: يا مامان أنت عايز تجمع قروش وكمان مشاركات يا أخي إبني بطل الطمع دا
أخبار فور إيفر شنو.. والله مقصرين معاها
يا جماعة الخير
هذا المامان رغم أنه خريج جامعة الخرطوم في عزها ومجدها إلا إنه تربالي وود بلد... وزي ما قال كمال عباس الزول دا لو مسك الربابة وبدأ العزف والله الإنس والوحوش يطربوا من روعة النغم.. إضافة إلى أنه باحث ومثقف حقيقي.
بس يا ماما علشان نتضامن مع بت بدس دي لازم تحكي لينا عن جدنا ود مبلول شاعر الحسانية المجهول.. والشال سيده وخلى حرم.. |
حبيبنا ود وراق الحساني الصاح
كان ما أخاف الكضب باقي لي بت بدس دي منكم ومامان عنده الخبر اليقين.
لكن فوريفر دي ما ظنيتك بتقدر عليها ،،، دي دايره زولاَ زي كدي وصاحبي مامان.
تقولي طمبور مامان ،،،، لأنك ما سمعت زمبارة مامان ودي عاد كان سمعتها تحن متل الناقه المودره جناها....
الشايقي
|
Post: #19
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: Saifeldin Gibreel
Date: 01-06-2008, 11:21 PM
Parent: #18
| Quote: يرفع ، يغني يرقص ويزغرد |
سلام.. يا مامان.. لتسجيل حضور
|
Post: #20
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: kamalabas
Date: 01-07-2008, 05:58 PM
Parent: #1
up
|
Post: #21
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: البشير دفع الله
Date: 01-08-2008, 08:57 AM
Parent: #1
مامان
صباح الخير
نحو تكتل لـ (بت بدس)... بلا حدود
مودتي Forever
|
Post: #22
Title: Re: الكتابة في البورد وحكاية (بت بدس)... كيف تثبت بوستك في الصفحة الأولى؟
Author: ismeil abbas
Date: 01-09-2008, 11:30 AM
Parent: #1
ألأخ/مامان
بت بدس..ندعمها نقويها..ولكن لابد من المجاملات أحيانآ...
تخيل بعض ألأعضاء بنظروا للكاتب.والبعض ألآخر لعنوان البوست......
هناك عنواين جذابة وفارغة............وده أسلوب التشويق تحصل القراْء أكثر من المتداخلين..
وهناك كتاب جدد دخلوا بقوة لهم كتابات جميلة وجيدة وذات فائدة.ولكنه عناوينهم تأخذ الطابع التقليدى..
ليس التسابق فى كيفية تثبيت البوست فى الصفحة ألأولى بل ...فى الطرح ذو الجدوى...
موضوعك جميل وشبيه لموضوع البشير دفع الله .....كتاب ماركة مسجلة وكتاب ناس قريعتى راحت....
إسماعيل محمد احمد عباس....
|
|