Post: #1
Title: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-05-2008, 09:37 PM
Parent: #0
طبعا انا بقراء ليكى بلهفة والاخت سلمى الشيخ بلهفة تانيه , مجرد ما القى تعليقك فى بوست ما تظهر لى صورة سلمى واقوم اهيئ نفسى على لهفة سلمى عشان اقرا .. فجاءة تقوم تظهر لى صورتك وهكذا وده بيكلفنى كتير فى احساسى وتقوم بطاريتوه تبوظ
|
Post: #2
Title: Re: والله يا منى خوجلى صور بروفايلك مجننانى جن !!!!!!
Author: Al-Shaygi
Date: 01-05-2008, 09:45 PM
Quote: 05-01-2008, 08:37 م
خالد حاكم
.
تاريخ التسجيل: 25-08-2007
مجموع المشاركات: 517
والله يا منى خوجلى صور بروفايلك مجننانى جن !!!!!!
طبعا انا بقراء ليكى بلهفة والاخت سلمى الشيخ بلهفة تانيه , مجرد ما القى تعليقك فى بوست ما تظهر لى صورة سلمى واقوم اهيئ نفسى على لهفة سلمى عشان اقرا .. فجاءة تقوم تظهر لى صورتك وهكذا وده بيكلفنى كتير فى احساسى وتقوم بطاريتوه تبوظ
|
دي بسموها مراهقه متأخرة!!!!!!
شنو بقرا/ه ولا معزه وشغلتك غزل في الصور ما بين منى وسلمى تتوه العقول !!!!
وكلك حلو (مع الإعتذار لفرفوررررررررررررررررر)
الشايقي
|
Post: #5
Title: Re: والله يا منى خوجلى صور بروفايلك مجننانى جن !!!!!!
Author: احمد معتصم الطيب
Date: 01-05-2008, 10:11 PM
Parent: #2
ألأخ Al-Shaygi
عجوة معطونة بعسسل شايقي مركب مكنة رباطابي يا بعيد
مبالغة قلت لى( دي بسموها مراهقه متأخرة!!!!!!)
فاوضني بلا زعل ...الحقوق محفوظةلـAl-Shaygi
|
Post: #3
Title: Re: والله يا منى خوجلى صور بروفايلك مجننانى جن !!!!!!
Author: محمد عبد الماجد الصايم
Date: 01-05-2008, 09:50 PM
| Quote: دي بسموها مراهقه متأخرة!!!!!! |
دردقــــة في شكل ورده
|
Post: #4
Title: Re: والله يا منى خوجلى صور بروفايلك مجننانى جن !!!!!!
Author: محمد البشرى الخضر
Date: 01-05-2008, 09:56 PM
عاجبك كدة يا بكري
ما ترجع المسنجر ياخ
|
Post: #6
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-05-2008, 10:18 PM
Parent: #4
Quote: دي بسموها مراهقه متأخرة!!!!!!
شنو بقرا/ه ولا معزه وشغلتك غزل في الصور ما بين منى وسلمى تتوه العقول !!!!
وكلك حلو (مع الإعتذار لفرفوررررررررررررررررر)
الشايقي
|
الشايقى ... سلامات
ارجو ان لا تحمل كلامى اكثر مما يحتمل , وارجوك اقرا كلامى تانى بتركيز عشان تحاول تفهم انا بقصد شنو , ولو ما فهمته بحاول افهمو ليك بطريقة تانيه انشاء الله بالنوبيه...
اذا كل الاخوة هنا اجمعوا و فهموا مثلما انت فهمت بمن فيهم الاخت منى , سوف اقدم اعتذار علنى للجميع بمن فيهم الاخت منى وسوف اعمل بكل ما ترونه مناسبا ...
|
Post: #8
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-05-2008, 10:35 PM
Parent: #6
الشايقى ... سلا مات ,,,,,,,, انت برضو بقرا ليك بلهفة عشان ما تقول لى الكلام ده خاص بالعنصر النسائى وتمشى بعقلك بعيد!! مش انت براك ولا منى براها ولا سلمى براها بل كل الناس اللى بقرا ليهم هنا فى هذا المنبر كل واحد فيكم بقرا ليه باحساس مختلف عن التانى وبخيال مختلف عن التانى وهذا كل ما قصدته واذا اردت مزيدا من التوضيح برضو لا مانع ...
|
Post: #7
Title: Re: والله يا منى خوجلى صور بروفايلك مجننانى جن !!!!!!
Author: Muna Khugali
Date: 01-05-2008, 10:25 PM
Parent: #4
| Quote: طبعا انا بقراء ليكى بلهفة والاخت سلمى الشيخ بلهفة تانيه , مجرد ما القى تعليقك فى بوست ما تظهر لى صورة سلمى واقوم اهيئ نفسى على لهفة سلمى عشان اقرا .. فجاءة تقوم تظهر لى صورتك وهكذا وده بيكلفنى كتير فى احساسى وتقوم بطاريتوه تبوظ |
أزيك يا خالد وكيف حالك..
مش انت براك المجنناك..عارف انا أخلص كتابه وأمشي..
أجي راجعه تاني القي كلامي علي يمينه سلمي في البروفايل اتهجم...هي بسم الله..ده ماكلامي!
البوست العملنا ليه الصوره دي بوست امهات ..غربه وصمود..وهو بوست مشاركه بين سلمي وأنا..
وأهه محاولة تغيير..
كل سنه وانت طيب..وليك فتره ما جيت لحظه..
|
Post: #9
Title: Re: والله يا منى خوجلى صور بروفايلك مجننانى جن !!!!!!
Author: Muna Khugali
Date: 01-05-2008, 10:52 PM
Parent: #7
أخي حاكم..
ماتزعل نفسك والجماعه ديل ذاتهم عايزين يضحكوا ساكت..
انت راجل مالي مكانك وزميل وأخ عزيز جدا..وأسعد جدا عندما تساهم بكتاباتك في المنبر عامه وعندي خاصه..
وزي ماقلت ليك الصوره مجنناني أنا ذاتي..ومره فكرت انها امكن تلخبط الناس في القرايه لكن تاني فكرت..الناس هاتعرف بعد مجهود شويه الأسم..وبعد قرايه اختلاف كتابات سلمي من مني..
يعني نوع من التغيير شويه ولا شنو؟؟
وانا كنت عايزه ألخبطكم أكثر..كنت عايزه باس وورد واحد لسلمي ولي..نسميه سلمي ومني..
لكن حظنا كعب ما اتحصلنا عليه..
لك تقديري ومودتي الدائمه..
|
Post: #10
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-06-2008, 05:28 PM
Parent: #9
Quote: أخي حاكم..
ماتزعل نفسك والجماعه ديل ذاتهم عايزين يضحكوا ساكت..
انت راجل مالي مكانك وزميل وأخ عزيز جدا..وأسعد جدا عندما تساهم بكتاباتك في المنبر عامه وعندي خاصه..
وزي ماقلت ليك الصوره مجنناني أنا ذاتي..ومره فكرت انها امكن تلخبط الناس في القرايه لكن تاني فكرت..الناس هاتعرف بعد مجهود شويه الأسم..وبعد قرايه اختلاف كتابات سلمي من مني..
يعني نوع من التغيير شويه ولا شنو؟؟
وانا كنت عايزه ألخبطكم أكثر..كنت عايزه باس وورد واحد لسلمي ولي..نسميه سلمي ومني..
لكن حظنا كعب ما اتحصلنا عليه..
لك تقديري ومودتي الدائمه..
|
الاخت منى... سلامات
اولا شكرا ليك على فهمك للمقصد وتوضيحك....
اخونا الشايقى رغم انى حسيت بانو ماجادى فى كلامه ... لكن تلميح زى داك بيجهجهنى...
شكرا ليك كتير على حسن ظنك فينى وانشاء الله اكون عند حسن ظن الجميع ...
ولك خالص مودتى
خالد
|
Post: #11
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-06-2008, 05:32 PM
Parent: #10
الاخوة
احمد معتصم
محمد عبد الماجد
محمد البشرى
شكرا ليكم كتير على المرور من هنا...
|
Post: #12
Title: Re: والله يا منى خوجلى صور بروفايلك مجننانى جن !!!!!!
Author: Al-Shaygi
Date: 01-06-2008, 06:09 PM
Quote: الشايقى ... سلامات
ارجو ان لا تحمل كلامى اكثر مما يحتمل , وارجوك اقرا كلامى تانى بتركيز عشان تحاول تفهم انا بقصد شنو , ولو ما فهمته بحاول افهمو ليك بطريقة تانيه انشاء الله بالنوبيه...
اذا كل الاخوة هنا اجمعوا و فهموا مثلما انت فهمت بمن فيهم الاخت منى , سوف اقدم اعتذار علنى للجميع بمن فيهم الاخت منى وسوف اعمل بكل ما ترونه مناسبا ... |
ود حاكم يا أخوي زي ما قالت ليك أختنا وبت عمنا منى ...
ومالك داير تخنقنا أصلنا مخنوقين خلقه
والقول ليك أنا زاتي مجنناني الصورة .... أهه رأيك شنو...
بس .... برضه .... كلك حلو
تحياتي يا خالد
الشايقي
|
Post: #15
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-06-2008, 07:19 PM
Parent: #12
Quote: ود حاكم يا أخوي زي ما قالت ليك أختنا وبت عمنا منى ...
ومالك داير تخنقنا أصلنا مخنوقين خلقه
والقول ليك أنا زاتي مجنناني الصورة .... أهه رأيك شنو...
بس .... برضه .... كلك حلو
تحياتي يا خالد
الشايقي
|
الشايقى .. انت برضك حلو... لو خليت غتاتة اهلك ..
لك تحياتى
|
Post: #13
Title: Re: والله يا منى خوجلى صور بروفايلك مجننانى جن !!!!!!
Author: Hatim Salih
Date: 01-06-2008, 07:00 PM
يجازي محنك يالشايقي
ما جننت الزول جن
أنا ما قاصد 
|
Post: #14
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-06-2008, 07:12 PM
Parent: #13
حاتم صالح...
لا انت قاصد ونص !
مع تحياتى
|
Post: #16
Title: Re: والله يا منى خوجلى صور بروفايلك مجننانى جن !!!!!!
Author: Al-Shaygi
Date: 01-06-2008, 09:03 PM
Quote: الشايقى .. انت برضك حلو... لو خليت غتاتة اهلك ..
|
ود حاكم يا ود الخال
هو بلا الغتاته دي المحلينا شنو
ولا رأيك شنو
وبعدين يا خالد هي ست الصورة دي زاته ما بت عمي وبتكون غتيته برضها....!!!!!
لك المحبة والود
وبرضه فاوضني بلا زعل
وبحبك بلا زعل
الشايقي
|
Post: #17
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-07-2008, 02:10 AM
Parent: #16
Quote: ود حاكم يا ود الخال
هو بلا الغتاته دي المحلينا شنو
ولا رأيك شنو
وبعدين يا خالد هي ست الصورة دي زاته ما بت عمي وبتكون غتيته برضها....!!!!!
لك المحبة والود
وبرضه فاوضني بلا زعل
وبحبك بلا زعل
الشايقي
|
الشايقى ... سلامات ,,,,,,,,,,,,,,,, بالمناسبة اسرتى ال حاكم ذاتها عندها دم و لحم فى بلدكم ( دار الشايقية) بمعنى عندى شقيق جدى حاكم هاجر جنوبا من منطقة كرمة - بدين واسمه حامد وذلك تقريبا قبل قرنين من الان بسبب اختلاف نشب بينه وبين شقيقه حاكم تاركا وراءه كل شئ ونزل بدار الشايقية فى خور سمى باسمه فيما بعد ( خور حامد) وذلك فى منطقة المقل شرق كورتى وتزوج من شايقية وله اسرة كبيرة ممتدة مشهورة بالتجارة وفيما بعد اشتهروا بال كرار ( ال كرار بالمقل) وحاولوا كثيرا معنا فى تقوية اواصر الصلة فيما بيننا بالزواج ... وللاسف حتى تاريخه لم يحدث ذلك والعلاقة حتى الان بعض الافراد من الطرفين هنا وهناك يعرفون بعض , ولكن الغالبية العظمى مغيبه....!!!
|
Post: #18
Title: Re: والله يا منى خوجلى صور بروفايلك مجننانى جن !!!!!!
Author: Muna Khugali
Date: 01-07-2008, 03:12 AM
Parent: #17
| Quote: الشايقى ... سلامات ,,,,,,,,,,,,,,,, بالمناسبة اسرتى ال حاكم ذاتها عندها دم و لحم فى بلدكم ( دار الشايقية) بمعنى عندى شقيق جدى حاكم هاجر جنوبا من منطقة كرمة - بدين واسمه حامد وذلك تقريبا قبل قرنين من الان بسبب اختلاف نشب بينه وبين شقيقه حاكم تاركا وراءه كل شئ ونزل بدار الشايقية فى خور سمى باسمه فيما بعد ( خور حامد) وذلك فى منطقة المقل شرق كورتى وتزوج من شايقية وله اسرة كبيرة ممتدة مشهورة بالتجارة وفيما بعد اشتهروا بال كرار ( ال كرار بالمقل) وحاولوا كثيرا معنا فى تقوية اواصر الصلة فيما بيننا بالزواج ... وللاسف حتى تاريخه لم يحدث ذلك والعلاقة حتى الان بعض الافراد من الطرفين هنا وهناك يعرفون بعض , ولكن الغالبية العظمى مغيبه....!!! |
يا جماعه والله انا نفسي امشي المقل!
ناس امي ماشيين قريب..اتلاقوا كلهم في الخرطوم وماشيين الشماليه..واحدين أول مره من سنة 65..
وواحدين من آخر السبعينات..وغايتو الله يسهل..
انا مشيت الزومه والحزيمه ومروي والبركل ومقاشي وطبعا الكرو..وياربي وين تاني مشيت؟
بتذكر وأوريكم..
واسه ماشيه باذن الله في السنه دي..لكن خايفه أحتل بي هناك!
لازم يا خالد تحاول تلموهم علي بعض..
أما موضوع الغتاته ده..بس نخليه للشايقي ودعمي يونسنا بيه..
|
Post: #19
Title: Re: والله يا منى خوجلى صور بروفايلك مجننانى جن !!!!!!
Author: ناهد علي
Date: 01-07-2008, 07:34 AM
الاخ /خالد حاكم
تحية واحترم
عليك الله هي الفي الصورة دي مني خوجلي تصدق بالله ماعرفتها ... وبرضي اصابتني ركبة لكين قلت يازوله أي حاجة واردة اصل المنبر دة نهاية التجاني الماحي (سلمي ومني خوجلي في بروفايل واحد عندها معني بس يابت ياناهد ماتشوبري واقري من ساكت واتفكفكي المهم عندك البتين ديل كتاباتهم سمحة بالحيل ماعليك استفيدي مما يكتبوا وانسي الصور وكيف بعملوها مع اني والله نفسي اعرف ليك الصور والاغاني وكل المحدقات البعملوها دي بس العين بصيرة والايد قصيرة )....
تحياتي ومحبتي لمني وسلمي
|
Post: #20
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-07-2008, 11:09 AM
Parent: #19
Quote: لازم يا خالد تحاول تلموهم علي بعض..
|
يا منى اختى ما اظن والله الكلام ده يحصل بالشئ الشايفو ده وخاصة ظروف الحياة اللى اتغيرت والاجيال الجديدة اللى اتربت بثقافة جديدة ... وكلامى داك كان زمان ايام جيل الاربعينات والخمسينات .. لكن حسع ما فى اى جدية من اى طرف من الطرفين , واصلا ذاتو مافى اتصال وان وجد ما بالمستوى المطلوب ..!!
لك تحياتى
|
Post: #21
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-07-2008, 11:16 AM
Parent: #19
| Quote: المهم عندك البتين ديل كتاباتهم سمحة بالحيل ماعليك استفيدي مما يكتبوا وانسي الصور وكيف بعملوها مع اني |
الاخت ناهد على ... سلامات
فعلا كما قلتى البنتين نضميهن سمح ...
شكرا ليك على المرور من هنا..
مع خالص ودى
|
Post: #22
Title: Re: والله يا منى خوجلى صور بروفايلك مجننانى جن !!!!!!
Author: Muna Khugali
Date: 01-07-2008, 10:47 PM
Parent: #21
Quote: الاخ /خالد حاكم
تحية واحترم
عليك الله هي الفي الصورة دي مني خوجلي تصدق بالله ماعرفتها ... وبرضي اصابتني ركبة لكين قلت يازوله أي حاجة واردة اصل المنبر دة نهاية التجاني الماحي (سلمي ومني خوجلي في بروفايل واحد عندها معني بس يابت ياناهد ماتشوبري واقري من ساكت واتفكفكي المهم عندك البتين ديل كتاباتهم سمحة بالحيل ماعليك استفيدي مما يكتبوا وانسي الصور وكيف بعملوها مع اني والله نفسي اعرف ليك الصور والاغاني وكل المحدقات البعملوها دي بس العين بصيرة والايد قصيرة )....
تحياتي ومحبتي لمني وسلمي |
سلام يا ناهد..
اسه كل مازول يقول ملخبط تقوم علي شيطنتي واتكيف!
بس بيني وبينك الحاجه دي لو الناس فعلا ما انتبهت ممكن تعمل جوطات في الموضوعات!
وبعدين أظرف مكان في الدنيا دي مكان المجانين..
شاهدتي فيلك قديم بتاع جاك نيكيلسون اسمه طار فوق عش المجانين؟
والله انا لو شوفته مية مره بكون لسه عايزه اشوفه وأضحك..
وفي حاجه تانيه ممكن تضحكك..تخشي البوستات عشوائيا..والله مرات تلقي هناك كلام..
المجانين ذاته ما يعرفوه
.......
........
عايزه تعرفي الصوره بنعملها كيف؟؟
بنقعد ورا الكوميوتر رابطين كل صوره بخيط..
ومره نجر صورتي ومره صورة سلمي..
يعني زي فكرة الكرتون..
بس أهم حاجه عملية الجر دي..لو عرفتيها ما بتجيك عوجه..
لكي كل الحب ..
|
Post: #23
Title: Re: والله يا منى خوجلى صور بروفايلك مجننانى جن !!!!!!
Author: Muna Khugali
Date: 01-09-2008, 12:30 PM
Parent: #22
وبهذا يا خالد ويا شباب ..والي حين حالة أخري من "صنع الأرتباك" أغير صورة سلمي ومني بصورة منال خوجلي..
مع التحيات
|
Post: #24
Title: Re: والله يا منى خوجلى صور بروفايلك مجننانى جن !!!!!!
Author: خالد حاكم
Date: 01-09-2008, 05:32 PM
Parent: #23
Quote: منى ... سلامات
اخيرا اتعالجت من الزغللة ... ارجوك لا تكررها
شكرا ليك |
|
|