Post: #1
Title: بكتب ليك
Author: أبو عبيدة البصاص
Date: 01-05-2008, 07:32 AM
.
.
.
رسالة لوم واستسماح
الى من زرع الالم جواي مسامحك وربنا يهنيك ... بكتب ليك من عمق الاسى الجواي .. ومن داخل جروح الروح ..يمكن تشفع الكلمات ويحن العمروا ماعرف الحنان والريد .. ويصفح عني لو اخفقت واتعديت ..لاني مسمى بالانسان ومقرون بالغلط والصاح ...الا الداير اقولو اليك بعرف غلطي من الصاح ..وعندي ضميري صاحي وحي وما بحمل عقاب اتنين ..عقابك انت قاسي شديد ..عقابك سبب الاحزان ...
بكتب ليك عشان ما يموت بين ايديكي بعدي انسان ...ولو صادفتي زول مجروح تداويهو بالحنان والريد ..تبقي البلسم المفقود وتمسحي للانام آهات .. اما جراحي خليها ما بتداوى تاني خلاص ..لانها في مكان حساس مقاصد الباب البجيب الريح .. هبت ريح على الجرح الصغير بكبر ويبقى جراح ..وكل مايزيد جرح جواي تكون آهاتي ذكراكي .. ويبقى لي النويح اسمك .. وماقادر اجاهر بيك .. واقول انتي العذاب اللي .. وفي ايديك هناي اكان ..الا خلاص بقيت فاقد الامل فيكي .. وعزاي كلمات بتطلع من دواخل الروح ..وتتبعثر على الاوراق .. وعهدي اليك ما اكتب حروف اسمك على الاوراق .. لانك آيه من آيات جمال الكون .. واسمك برضو غالي علي ..
.
.
ووووااااااا
ده بريدي
[email protected]
البصاص
|
Post: #2
Title: Re: بكتب ليك
Author: أبو عبيدة البصاص
Date: 01-05-2008, 07:36 AM
Parent: #1
.
.
.كاتب هذا النص
لايتحمل اي مسئوليه قانونيه
من جراء اي اضرار معنويه يمكن
ان تطال الاخرين
البصاص
|
Post: #3
Title: Re: بكتب ليك
Author: أميرة فاروق عبد العال
Date: 01-05-2008, 07:43 AM
Parent: #1
ويبقى التسامح..
ويبقى الصفح الجميل..
ومايقدر على المسامحة الا قلب كبير..
ولا تكبر القلوب إلا بقدرتها على الحب..
والحب السامي الراقي..
والقدرة على كتم الآلام والأحزان..
نص رائع يا استاذ..
تسلم..
|
Post: #4
Title: Re: بكتب ليك
Author: أبو عبيدة البصاص
Date: 01-05-2008, 01:26 PM
Parent: #3
نص بضم النون
شكراً جميلا
اميره فاروق على المرور ورفع البوست
|
Post: #5
Title: Re: بكتب ليك
Author: تماضر الخنساء حمزه
Date: 01-05-2008, 01:59 PM
Parent: #1
.
الكلام ده سمح شديد..
رسالة لوم واستسماح
الى من زرع الالم جواي
مسامحك وربنا يهنيك ...
بكتب ليك من عمق الاسى الجواي ..
ومن داخل جروح الروح ..
يمكن تشفع الكلمات
ويحن العمروا ماعرف الحنان والريد ..
ويصفح عني لو اخفقت واتعديت ..
لاني مسمى بالانسان ومقرون بالغلط والصاح ...
الا الداير اقولو اليك بعرف غلطي من الصاح ..
وعندي ضميري صاحي وحي وما بحمل عقاب اتنين ..
عقابك انت قاسي شديد ..عقابك سبب الاحزان ...
بكتب ليك عشان ما يموت بين ايديكي بعدي انسان ...
ولو صادفتي زول مجروح تداويهو بالحنان والريد ..
تبقي البلسم المفقود وتمسحي للانام آهات ..
اما جراحي خليها ما بتتداوى تاني خلاص ..
لانها في مكان حساس مقاصد الباب البجيب الريح ..
هبت ريح على الجرح الصغير بكبر ويبقى جراح ..
وكل مايزيد جرح جواي تكون آهاتي ذكراكي ..
ويبقى لي النويح اسمك .. وماقادر اجاهر بيك ..
واقول انتي العذاب اللي .. وفي ايديك هناي اكان ..
الا خلاص بقيت فاقد الامل فيكي .. وعزاي كلمات بتطلع من دواخل الروح ..
وتتبعثر على الاوراق ..
وعهدي اليك ما اكتب حروف اسمك على الاوراق ..
لانك آيه من آيات جمال الكون ..
واسمك برضو غالي علي
|
Post: #6
Title: Re: بكتب ليك
Author: الطاهر ساتي
Date: 01-05-2008, 02:37 PM
Parent: #5
خلى الجرسة وخليك زى ود سفلة
( ده الماالقلب البجرسو شوق
قلب بالصح ..)
عيدك سعيد وعامك أسعد
|
Post: #8
Title: Re: بكتب ليك
Author: أبو عبيدة البصاص
Date: 01-06-2008, 01:04 PM
Parent: #6
.
.
.
| Quote: عيدك سعيد وعامك أسعد |
الطاهر ساتي
سيدي العارف بالله قال
الما حبه في قلبو مافي الحبه
كم اسعدنا مرورك
البصاص
|
Post: #9
Title: Re: بكتب ليك
Author: أبو عبيدة البصاص
Date: 01-06-2008, 01:10 PM
Parent: #5
.
.
.
تماضر اختي
انا اكان رتبتها بي طريقتك دي
بكون بسوق اني شاعر ودي اصلو مامكن تكون
لكن شكراً على الترتيب البحدثنا
انه هناك شاعرة كاملة الدسم
كل عام وانتم بخير
البصاص
|
Post: #7
Title: Re: بكتب ليك
Author: البشير دفع الله
Date: 01-05-2008, 02:48 PM
Parent: #1
العزيز البصاص
جميل هذا النص
سعيد أن ألتقيك عبر هذه النافذة
|
Post: #10
Title: Re: بكتب ليك
Author: أبو عبيدة البصاص
Date: 01-06-2008, 01:14 PM
Parent: #7
.
.
.
البشير دفع الله
رفيقي في الزمن السمح
ان غبت عن العيون ففي حروفنا ابداً تكون
كم جميلاً ان نلتقيك في هذا الوطن السمح الشين
لك منا كل الود
|
|