Post: #1
Title: عــلــي كــيــفـيــك !!!
Author: هاشم أحمد خلف الله
Date: 01-05-2008, 06:03 AM
Parent: #0
علي كيفيك نذوب زي شمعة ضواية
ولسه قلوبنا جارية وراك
علي كيفيك تغيب الشمس ...
وتبقي القمرة مالكة سماءك
علي كيفيك تصب المطرة
مؤسم ريد تقول أهواك
علي كيفيك يغني البلبل الصداح
وتتزين معاني غناك
علي كيفيك نهاجر ليك
ندور في مداك ونستناك
علي كيفيك تشع الدنيا تبسم نور
تقبِل بالفرح محياك
علي كيفيك تشيلي الريدة في جواك
ونحنا معاك ولا هماك
علي كيفيك نذرف الدمعة والأهات برغم رضاك
علي كيفيك تتفتح زهور الروض راضية سعيدة بلقياك
علي كيفيك تتدفق جداول الموية ترؤي خطاك
علي كيفيك يكون صيفك علي كيفيك
علي كيفيك تزيني بالفرح بيتك علي كيفك
علي كيفيك يكون كيفيك علي كيفيك
|
Post: #2
Title: Re: عــلــي كــيــفـيــك !!!
Author: سمية الحسن طلحة
Date: 01-05-2008, 06:58 AM
علي كيفيك نذوب زي شمعة ضواية
ولسه قلوبنا جارية وراك
علي كيفيك تغيب الشمس ...
وتبقي القمرة مالكة سماءك
علي كيفيك تصب المطرة
مؤسم ريد تقول أهواك
هاشم كيفك
يازول على كيفك
كلام هادي ورايق
تسلم أمرك وتتكل على الله وبس
تحياتي برضو على كيفك
|
Post: #6
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 08:51 AM
Parent: #2
Quote: هاشم كيفك
يازول على كيفك
كلام هادي ورايق
تسلم أمرك وتتكل على الله وبس
تحياتي برضو على كيفك |
الملكة تصوري القصيدة دي كتبتها
يوم امس الجمعة الصباح وفي المساء
قريتها للفنان مرزوق وقال خلاص لحنا
يعني قريب جداً تسمعوها هنا مغني .
|
Post: #3
Title: Re: عــلــي كــيــفـيــك !!!
Author: د.محمد حسن
Date: 01-05-2008, 07:55 AM
Quote: علي كيفيك تصب المطرة
مؤسم ريد تقول أهواك
|
وعلى كيفي
اشيل مسداري نص الليل
واقول يا بنية يا نمة
وعلى كيفي
اباري النيل
محل مايقيف ويتلم وعلى كيفي
بكل مخارج الكلمات
فصاح واعجام
اقول اهواك
وبس بي هواك اتسمى
|
Post: #9
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 10:58 AM
Parent: #3
Quote: وعلى كيفي
اشيل مسداري نص الليل
واقول يا بنية يا نمة
وعلى كيفي
اباري النيل
محل مايقيف ويتلم وعلى كيفي
بكل مخارج الكلمات
فصاح واعجام
اقول اهواك
وبس بي هواك اتسمى |
دكتورناأبو التومات صح لسانك يا جميل الدواخل انتا .
|
Post: #4
Title: Re: عــلــي كــيــفـيــك !!!
Author: ماجدة عوض خوجلى
Date: 01-05-2008, 08:03 AM
وانا برضو على كيفى
طالما اى زول الليله بقى على كيفو
هاشم اخبارك كلامك جميل شديد سلام لكل المعاك وتسلم يارب
محمد حسن
شايفاك انت برضو على كيفك الرياض الحاصل فيها شنو كلكم كده على كيفكم
التومات واختهم وامهم كيف تسلمو كلكم يارب
|
Post: #5
Title: Re: عــلــي كــيــفـيــك !!!
Author: ابو جهينة
Date: 01-05-2008, 08:26 AM
Parent: #4
هاشم
كيف واحد كفاية
فما بالك بعدة ( كيفــ )ات
|
Post: #7
Title: Re: عــلــي كــيــفـيــك !!!
Author: الفاتح الجنيد
Date: 01-05-2008, 08:59 AM
Parent: #5
هاشم
على كيفك بتكتب
وعلى كيفنا بنقراك
وعلى كيفو مرزوق يلحنك
ونحن نطرب ..
على كيفنا
تسلم ياجميل
|
Post: #12
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 11:55 AM
Parent: #7
Quote: هاشم
على كيفك بتكتب
وعلى كيفنا بنقراك
وعلى كيفو مرزوق يلحنك
ونحن نطرب ..
على كيفنا
تسلم ياجميل |
ود الجنيد تسلم علي المرور , لكن عايز اقول
ليك بعض المعلومات عن الفنان الأستاذ مرزوق
والله هذا الرجل يمتلك حِس فوق العادة ويا ريت
لو سمعتو وهو بغني أغاني الحقيبة ياخي والله
الولد ده مبدع بشكل غير عادي , وعلي فكرة انا
إكتشفت انو اخواننا الرطانة ديل عندهم ملكة في
الكتابة غير عادية قصص او رؤيات او شعر وحتي في الغناء وعندنا
في المنبر ده أمثلة كثيرة وهم او هن في غني عن
التعريف وشهادتي فيهم/ن مجروحة .
|
Post: #11
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 11:37 AM
Parent: #5
Quote: هاشم
كيف واحد كفاية
فما بالك بعدة ( كيفــ )ات |
 انت عارف يا ريس دي عاملة زي شنو !!
عارف الرسام او الدهان لمن يتبقي ليهو شوية
دهان ما برضي يكشحا في الآرض وبحاول يلاقي ليها
اي حتة يدهان فيها في اللوحة او في الجدار حتي
او بعض مرات لمن ترسم ليك لوحة وبدايتها تعجبك
وتحاول في نفس اللوحة تعمل إضافات وخيالك ما يسعفك
تروح تشخبط زيادة .
تخريمة :-
إنشاء الله ما تكون جرحتك
|
Post: #10
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 11:22 AM
Parent: #4
Quote: وانا برضو على كيفى
طالما اى زول الليله بقى على كيفو
هاشم اخبارك كلامك جميل شديد سلام لكل المعاك وتسلم يارب |
ماجدة الشفيفة تسلمي علي المرور وعلي التشجيع المتواصل
ربنا يسعدك ومن تحبي يارب .
|
Post: #8
Title: Re: عــلــي كــيــفـيــك !!!
Author: امير عوض الجمري
Date: 01-05-2008, 10:11 AM
Quote: علي كيفيك تشع الدنيا تبسم نور
تقبِل بالفرح محياك
علي كيفيك تشيلي الريدة في جواك
ونحنا معاك ولا هماك |
هشومي ابواحمد
من سنة 93 وانا اقول المنفّخ جضومك دي كده شنو؟!!
اتااريك انت مليان بالحاجات الجميلة دي
بالله عليك كل مرّة اتكرّع لينا حاجات بالسماحة و(الرقاد الرز ده)
تسلم يا جميييييييييييييييييييييييييييييييييييييييييييييييييل
|
Post: #13
Title: Re: عــلــي كــيــفـيــك !!!
Author: وصال عالم
Date: 01-05-2008, 12:09 PM
Parent: #8
بسم الله الرحمن الرحيم
أخي الشقيق هاشم
على كيفك !
علي كيفيك نهاجر ليك
ندور في مداك ونستناك
علي كيفيك تشع الدنيا تبسم نور
تقبِل بالفرح محياك !!
كلمات معبرة ... تجعل المرء يحبس أنفاسه حد الدهشة !!
بجيك صادة .. المزاج لسة ماراق !
وصال عالم
|
Post: #15
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 12:35 PM
Parent: #13
Quote: بسم الله الرحمن الرحيم
أخي الشقيق هاشم
على كيفك !
علي كيفيك نهاجر ليك
ندور في مداك ونستناك
علي كيفيك تشع الدنيا تبسم نور
تقبِل بالفرح محياك !!
كلمات معبرة ... تجعل المرء يحبس أنفاسه حد الدهشة !!
بجيك صادة .. المزاج لسة ماراق !
وصال عالم |
أختي الشقيقة وصال والله إفتقدت لقلمك الرائع الرصين
في هذا المنبر وإنشاء الله المزاج يروق وترجعي لينا
اكثر قوة واكثر نشاط ولا تجعلي الأشياء الأخري تؤثر عليك
فقد عرفتك قوية وصلبة ورقيقة في نفس الوقت ولا زلت اشعر
بالفخر والسعادة عند لقائي بكم في الخرطوم, لم تخطئي
حاستي تجاهك فقد وجدتك نعم الأخت والصديقة .
وصال كتاباتك هي متنفس لنا جميعاً في هذا المنبر فأرجوك
لا تحرمينا منها .
|
Post: #14
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 12:17 PM
Parent: #8
Quote: Quote: علي كيفيك تشع الدنيا تبسم نور
تقبِل بالفرح محياك
علي كيفيك تشيلي الريدة في جواك
ونحنا معاك ولا هماك
هشومي ابواحمد
من سنة 93 وانا اقول المنفّخ جضومك دي كده شنو؟!!
اتااريك انت مليان بالحاجات الجميلة دي
بالله عليك كل مرّة اتكرّع لينا حاجات بالسماحة و(الرقاد الرز ده)
تسلم يا جميييييييييييييييييييييييييييييييييييييييييييييييييل |
ابو عثمان يأخي والله الواحد خجلان منك حد الخوف !!
مشكور علي التشجيع وأنت أول من شجعني علي الكتابة
في هذا المنبر لك خالص التحايا والأشواق وللأسرة الكريمة
وإنشاء الله جاينكم قريباً .
|
Post: #27
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 07:00 PM
Parent: #8
آمير انا صغرت ليك صورتك ايه رايك فيها كده ؟؟ لو عجبتك احفظها ونزلها تاني علي البروفايل حقك
|
Post: #16
Title: Re: عــلــي كــيــفـيــك !!!
Author: محمد عثمان
Date: 01-05-2008, 01:18 PM
الشفيف...هااشم
ما اروعك وانت تمنحنا كل هذا الالق
الذى يحلق بنا بعيدا و يفتح لنا نوااافذ الاندهاااش...
لك الحب ايها الرائع الجميل..
|
Post: #17
Title: Re: عــلــي كــيــفـيــك !!!
Author: الطيب شيقوق
Date: 01-05-2008, 03:48 PM
Parent: #16
الاخ هاشم
على كيفك دى كيفتنى شديييييييد وقطعا هى من شعرك الخاص - انا جاى المنبر جديد لنج خليني امشى اعزى ليك الميتين واجي راجع ليك . الناس ديل لوامييييييين .
لك عميق مودتى
|
Post: #19
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 04:45 PM
Parent: #17
Quote: الاخ هاشم
على كيفك دى كيفتنى شديييييييد وقطعا هى من شعرك الخاص - انا جاى المنبر جديد لنج خليني امشى اعزى ليك الميتين واجي راجع ليك . الناس ديل لوامييييييين .
لك عميق مودتى |
مرة اخري حمداً لله علي سلامتك يا عريس مش احسن من ابو العرسان
اكيد القصيدة حقتي وبعدين علي كيفها هي مش علي كيفي انا ؟؟؟؟؟
غيب وتعال تلقانا في نفس المكان .
|
Post: #18
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 04:22 PM
Parent: #16
Quote: الشفيف...هااشم
ما اروعك وانت تمنحنا كل هذا الالق
الذى يحلق بنا بعيدا و يفتح لنا نوااافذ الاندهاااش...
لك الحب ايها الرائع الجميل.. |
الوجيه المبدع مهندس محمد عثمان حضورك وسام علي صدري
ولك من الحب ما يغمر الدنيا وما فيها .
|
Post: #20
Title: Re: عــلــي كــيــفـيــك !!!
Author: منى على الحسن
Date: 01-05-2008, 05:10 PM
المرهف هاشم
ما اجملك وانت تبهرنا بهذا الغناء
البديع في هذا النص
اتمنى ان يلقى حظو في التلحين والغناء
دومت دوما انت كالبلبل مغرد
|
Post: #21
Title: Re: عــلــي كــيــفـيــك !!!
Author: ابوبكر يوسف إبراهيم
Date: 01-05-2008, 05:19 PM
Parent: #20
الحبيب هاشم
سلام على روحك الطيبة
النفوس الشفيفة دوماً تحمل في جنباتها أفئدة رائعة تنضح برضابِ كأنها الفراشات الجميلة من رحيقها نروي نظمأ النفوس
وها أنت عودتنا متلهن على كرم العطاء .. دمت أخي ينبوعاً نرد إليه دوماً ..
|
Post: #25
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 06:33 PM
Parent: #21
Quote: الحبيب هاشم
سلام على روحك الطيبة
النفوس الشفيفة دوماً تحمل في جنباتها أفئدة رائعة تنضح برضابِ كأنها الفراشات الجميلة من رحيقها نروي نظمأ النفوس
وها أنت عودتنا متلهن على كرم العطاء .. دمت أخي ينبوعاً نرد إليه دوماً .. |
اخي وصديقي دكتور ابوبكر ما تنفك ان تقدم لنا النصح والأرشاد والتشجيع الدائم
ليس بمقدوري أن اضيف إلي ما كتبته في حقي ولكني أدعو لك بتمام الصحة والعافية
وربنا يمد في أيامك وتتحفنا من روائعك الخالدة . آمين يا رب العالمين .
|
Post: #24
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 06:21 PM
Parent: #20
Quote: المرهف هاشم
ما اجملك وانت تبهرنا بهذا الغناء
البديع في هذا النص
اتمنى ان يلقى حظو في التلحين والغناء
دومت دوما انت كالبلبل مغرد |
الأديبة القادمة بقوة مني سعدت جداً جداً بمداخلتك
فأنت شاعرة رقيقة إستطعت قراءتك بعمق وعليه آمل
مشاركاتك الشعرية بجانب كتابة الخواطر والقصص .
بالنسبة لهذه القصيدة أعتقد إنها محظوظة أن وجدت
لها ملحن ممتاز ومطرب درجة أولي الأ وهو الفنان
القدير مرزوق يوسف وقد سبق له ان لحن لي أغنية
( مين بشبهك ) و ( كيف ترضي مني تكون بعيد )
إضافة إلي تغنيه لكلماتي والحاني ( ما بعاتبك )
وقد تفضل الأخ معتصم دفع الله في إنزال العملين
حاولت ان أنزل أغنية مين بشبهك لكن هناك مشكلة
في التحميل من موقع سودانيز اون لاين المرة القادمة
إنشاء الله
|
Post: #22
Title: Re: عــلــي كــيــفـيــك !!!
Author: معتصم دفع الله
Date: 01-05-2008, 05:47 PM
يا هاشم ..
هو على كيفك ؟؟؟
تاني ما (تمرق) في جو زي بتاع الليلة دا 
أنا لي هسي زعلان من نفسي ..
أبقى طيب ..
|
Post: #30
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 07:59 PM
Parent: #22
Quote: يا هاشم ..
هو على كيفك ؟؟؟
تاني ما (تمرق) في جو زي بتاع الليلة دا
أنا لي هسي زعلان من نفسي ..
أبقى طيب ..
|
هو ما علي كيفي انا يا معتصم علي كيف الجو السمح !!
وبعدين والله قعاد المكتب ده إلا ينسيك الزواج ظاتووووو ؟
وانت طيب يا وجيه و يا زين شباب المنبر
|
Post: #23
Title: Re: عــلــي كــيــفـيــك !!!
Author: هند محمد
Date: 01-05-2008, 05:51 PM
شاعرنا هاشم ..دائماً احساسك جميل ومعبر ..
تسلم حروفك ..وتسلم ..
|
Post: #26
Title: Re: عــلــي كــيــفـيــك !!!
Author: مدثر محمد ادم
Date: 01-05-2008, 06:50 PM
Parent: #23
استاذنا الرائع هشام
سلامات وكيفك
ونشرب نكهة قهوة
حروفك
الطالعة من احساس
كيفك
وترسي سفن احزان
قلبنا علي
مراسي قيفك
بسمة حب
بتلمع برق شفايفك
مهدية لي ضيفك
وتسلم يا رايع حروفك
|
Post: #28
Title: Re: عــلــي كــيــفـيــك !!!
Author: الطيب شيقوق
Date: 01-05-2008, 07:03 PM
Parent: #26
| Quote: مرة اخري حمداً لله علي سلامتك يا عريس مش احسن من ابو العرسان |
السمح ما بقول الا الكلام السمح يطول عمرك وعليك ربك قولها لى تاني اصلي كايس السبب والسمحة ام ولدى خايفة بعد زواج ابنيها وقالت البحر الهائج ده بخرب ديارنا قلت ليها لا انت قدامك حجة لبيت الله ونوديك بيت هاشم ترتاحي فيهو وبعد ترجعي من الحج اخوك يعرس طوالى - انقر قالت لى شنو؟
............... انت وهاشم بتاعك ده .
|
Post: #38
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 08:59 PM
Parent: #28
Quote: السمح ما بقول الا الكلام السمح يطول عمرك وعليك ربك قولها لى تاني اصلي كايس السبب والسمحة ام ولدى خايفة بعد زواج ابنيها وقالت البحر الهائج ده بخرب ديارنا قلت ليها لا انت قدامك حجة لبيت الله ونوديك بيت هاشم ترتاحي فيهو وبعد ترجعي من الحج اخوك يعرس طوالى - انقر قالت لى شنو؟
............... انت وهاشم بتاعك ده . |
هي هي يا ود شيقوق ما تعملني شماعة المثل بيقول الفي قلبو حرقس براهو بيرقص
دحين يا اخوي ما تشبكني معاك وتخلي أم العرسان تزعل مني وتعمل مؤامرة مع أم أحمد
ونلاقي نفسنا نحن الإثنين اوت سايد واليومين دي براك عارف الشتاء شديد يعني
ننوم في الشارع ولا شنو ؟؟؟
|
Post: #36
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 08:46 PM
Parent: #26
Quote: استاذنا الرائع هشام
سلامات وكيفك
ونشرب نكهة قهوة
حروفك
الطالعة من احساس
كيفك
وترسي سفن احزان
قلبنا علي
مراسي قيفك
بسمة حب
بتلمع برق شفايفك
مهدية لي ضيفك
وتسلم يا رايع حروفك |
شاعرنا الجميل مدثر تسلم ويسلم ذوقك
أعجبتني كلماتك الرائعات مشكور علي المرور
|
Post: #33
Title: Re: عــلــي كــيــفـيــك !!!
Author: هاشم أحمد خلف الله
Date: 01-05-2008, 08:17 PM
Parent: #23
شاعرتنا الجميلة هند مرورك من هنا عطر المنبر
ولبس البوست فقط , كوني بخير ومنتظرين جديدك
حتي لو كان زواج 
|
Post: #29
Title: Re: عــلــي كــيــفـيــك !!!
Author: Alsa7afa_30
Date: 01-05-2008, 07:56 PM
يا سلام عليك ..
| Quote: يعني قريب جداً تسمعوها هنا مغني . |
سرييييع بالله ..
.
.
و برضو على كيفك ..
|
Post: #40
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 05:21 AM
Parent: #29
Quote: يا سلام عليك ..
Quote: يعني قريب جداً تسمعوها هنا مغني .
سرييييع بالله ..
.
.
و برضو على كيفك .. |
حسام الدين الجميل بإذن الله تسمعا في هذا المنبر الزم الصبر بس .
|
Post: #31
Title: Re: عــلــي كــيــفـيــك !!!
Author: emad altaib
Date: 01-05-2008, 08:09 PM
Quote: علي كيفيك نهاجر ليك
ندور في مداك ونستناك
علي كيفيك تشع الدنيا تبسم نور
تقبِل بالفرح محياك
علي كيفيك تشيلي الريدة في جواك
ونحنا معاك ولا هماك |
الاستاذ/ هاشم أحمد خلف الله لك كل التحايا المبجلة
كلمات فيها البساطه والاناقه وتسترسل في الوجدان دون نذاكر
اول مره ادخل في بوست لك لاني جديد ولكني كنت اتابع كتاباتك
لك كل الود ياجميل
|
Post: #32
Title: Re: عــلــي كــيــفـيــك !!!
Author: خالد علي محجوب المنسي
Date: 01-05-2008, 08:16 PM
Parent: #31
Quote: علي كيفيك نذرف الدمعة والأهات برغم رضاك
علي كيفيك تتفتح زهور الروض راضية سعيدة بلقياك
علي كيفيك تتدفق جداول الموية ترؤي خطاك
علي كيفيك يكون صيفك علي كيفيك
علي كيفيك تزيني بالفرح بيتك علي كيفك
علي كيفيك يكون كيفيك علي كيفيك |
الحبيب الفاضل / هاشم أحمد خلف الله
تحية طيبة وسلااااااام
كل سنة وانت طيب وعلي كيفك تقول أنها جات متأخرة أو تقبلها.
أعجبني هذا المقطع
علي كيفك يكون كيفك علي كيفك
لك تحياتي ومودتي وتقديري
خالد محجوب
|
Post: #43
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 10:41 AM
Parent: #32
Quote: الحبيب الفاضل / هاشم أحمد خلف الله
تحية طيبة وسلااااااام
كل سنة وانت طيب وعلي كيفك تقول أنها جات متأخرة أو تقبلها.
أعجبني هذا المقطع
علي كيفك يكون كيفك علي كيفك
لك تحياتي ومودتي وتقديري
خالد محجوب |
الحبيب ود المنسي مروك شرف عظيم جداً جداً لي
وكل سنة وانت طيب وكل من تحب .
| Quote: علي كيفك يكون كيفك علي كيفك |
انتا عارف يا خالد اخوي المقطع ده كان عندي
شوية دهان كملتو فيها .
|
Post: #41
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 06:23 AM
Parent: #31
Quote: الاستاذ/ هاشم أحمد خلف الله لك كل التحايا المبجلة
كلمات فيها البساطه والاناقه وتسترسل في الوجدان دون نذاكر
اول مره ادخل في بوست لك لاني جديد ولكني كنت اتابع كتاباتك
لك كل الود ياجميل |
اخي الحبيب عماد الطيب شرفني حضورك كثيراً واشكر لك لطفك
وطالما انت جديد ارحب بيك ترحيب حار جداً واتمني ان تشارك
معنا بأعمالك او حتي مقتطفات من مواضيع أعجبتك حتي يتسني
لنا مشاركتك وتكون إضافة جميلة لهذا المنبر .
|
Post: #34
Title: Re: عــلــي كــيــفـيــك !!!
Author: bushra suleiman
Date: 01-05-2008, 08:36 PM
ياهاشم ..
على كيفك ..
تعطر كل يوم .. ارواحنا بى حروفك
وتفتح شُرفه من دن الجمال معروشة بى قطوفك
...
كل ماقرأت لك شعرت بجمال روحك الفنانة.
|
Post: #45
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 12:14 PM
Parent: #34
Quote: ياهاشم ..
على كيفك ..
تعطر كل يوم .. ارواحنا بى حروفك
وتفتح شُرفه من دن الجمال معروشة بى قطوفك
...
كل ماقرأت لك شعرت بجمال روحك الفنانة. |
شاعرنا القامة اخي وصديقي بشري سليمان
علي كيفك يكون الكيف ... وكيف ما يكون كمان كيفك
وكيف الناس علي كيفك ... وكيف الكيف يتكيف من كيفك !!
أسعدني مرورك الكريم يا صافي النية وأعجبتني حروفك الندية .
|
Post: #35
Title: Re: عــلــي كــيــفـيــك !!!
Author: بله محمد الفاضل
Date: 01-05-2008, 08:38 PM
يبدو أنك لا زلت في ذات المدار
تهرق الأسى ولا تنال
لا تقف حيث أنت
اتبع فيض الروح، يدنو المراد
محبتي
|
Post: #37
Title: Re: عــلــي كــيــفـيــك !!!
Author: الطيب شيقوق
Date: 01-05-2008, 08:58 PM
Parent: #35
هييييييييييييع هشومي هبهان المنبر العام فوووووووووق غيرك المنبر خرابة
|
Post: #39
Title: Re: عــلــي كــيــفـيــك !!!
Author: الطيب شيقوق
Date: 01-05-2008, 09:30 PM
Parent: #37
Quote: واليومين دي براك عارف الشتاء شديد يعني
ننوم في الشارع ولا شنو ؟؟؟ |
هييييييييييييع بلا تعليق هشومى اخوى - اعلق ولا لا ؟
|
Post: #42
Title: Re: عــلــي كــيــفـيــك !!!
Author: الطيب شيقوق
Date: 01-06-2008, 09:55 AM
Parent: #39
ما تمشى بعيد هشومى البوست بحرروهو ( من الحر - بفتح الحاء وتسكين الراء) سيادو
|
Post: #44
Title: Re: عــلــي كــيــفـيــك !!!
Author: خالد علي محجوب المنسي
Date: 01-06-2008, 11:35 AM
Parent: #42
Quote: انتا عارف يا خالد اخوي المقطع ده كان عندي
شوية دهان كملتو فيها . |
هاشم الجميل
تحياتنا وسلامنا يغريك يا الزين
كتر الله من دِهاناتك حتى تغوص في كلاليب الأحساس وتترجمه قولاً جميلا
لك تحياتي ومودتي
خالد
|
Post: #49
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 03:33 PM
Parent: #44
Quote: هاشم الجميل
تحياتنا وسلامنا يغريك يا الزين
كتر الله من دِهاناتك حتى تغوص في كلاليب الأحساس وتترجمه قولاً جميلا
لك تحياتي ومودتي
خالد |
ود المنسي الله يمد في أيامك ويزيد في إحسانك ويعلو كمان شأنك
ياالزول السمح حالك وفي الواجب بيعرفوك جيرانك وحبانك
إنشاء الله مع وجود اللحن القصيدة شكلها حايكون حاجة تانية خالص
ولك مني ود بود وشوق بشوق .
|
Post: #47
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 02:15 PM
Parent: #39
Quote: Quote: واليومين دي براك عارف الشتاء شديد يعني
ننوم في الشارع ولا شنو ؟؟؟
هييييييييييييع بلا تعليق هشومى اخوى - اعلق ولا لا ؟ |
والله تعلق إلا يعلقوك من رقبتك ياخوي ألزم الدائمة
ووحدة الله وطولت اللسان مع النسوان بتودي في داهية !!!
|
Post: #46
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 01:03 PM
Parent: #35
Quote: يبدو أنك لا زلت في ذات المدار
تهرق الأسى ولا تنال
لا تقف حيث أنت
اتبع فيض الروح، يدنو المراد
محبتي |
الأديب القادم بقوة اخي بله محمد الفاضل
مرورك شرف عظيم لي وتاج يوضع علي راسي
مازلت في إنتظار أعمالك ولا تستعجل مشاركة
الأخرين لك لانك حتماً ستجبرهم علي متابعتك
ومشاركتك بفضل تمكنك من اللغة والكتابة
كن بخير يا بله .
|
Post: #48
Title: Re: عــلــي كــيــفـيــك !!!
Author: محمد على طه الملك
Date: 01-06-2008, 03:11 PM
Parent: #46
علي كيفك تسوي الدايره فينا براك ..
تقوم.. تقعد..
تشيل تكسر ..
منو البقدر يجافي رضاك ..
..
حزرتي عواطف لكن تقول شنو بس ؟
|
Post: #50
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 04:05 PM
Parent: #48
Quote: علي كيفك تسوي الدايره فينا براك ..
تقوم.. تقعد..
تشيل تكسر ..
منو البقدر يجافي رضاك ..
..
حزرتي عواطف لكن تقول شنو بس ؟
|
ود الملك والله في شوق شديد ليك
وعلي كيفك تتكلم عربي وعلي كيفك ترطن
وعلي كيفك تترافع وعلي كيفك تحكم
خليك قريب يا ملك وأسمع اللحن
من ولدكم الرطاني مرزوق يوسف
|
Post: #51
Title: Re: عــلــي كــيــفـيــك !!!
Author: خالد علي محجوب المنسي
Date: 01-06-2008, 04:13 PM
Parent: #50
| Quote: هييييييييييييع بلا تعليق هشومى اخوى - اعلق ولا لا ؟ |
ها زول ها يا هاشم
العريبي دا ما تدي الفي مرادو
العريبي لسانو متبري منو
|
Post: #52
Title: Re: عــلــي كــيــفـيــك !!!
Author: khaleel
Date: 01-06-2008, 04:18 PM
Parent: #51
هاشم
علي كيفك بتاعتك
اجمل من علي كيفك بتاعة عادل مسلم
علي كيفك تفوت علي كيفك تعال
وادخل براحات البيوت في العتمة او نصة نهار
|
Post: #54
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 05:57 PM
Parent: #52
Quote: هاشم
علي كيفك بتاعتك
اجمل من علي كيفك بتاعة عادل مسلم
علي كيفك تفوت علي كيفك تعال
وادخل براحات البيوت في العتمة او نصة نهار |
خليل اللذيذ أشكرك علي المداعبة الجميلة واشكر لك
حضورك الزاهي الجميل
علي كيفك نتوه في ظلمة الأيام
علي كيفك نبني من الرمل تذكار
علي كيفك نضيع نسبح مع التيار
علي كيفك نسافر نحنا دون طيار
|
Post: #53
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 05:46 PM
Parent: #51
Quote: ها زول ها يا هاشم
العريبي دا ما تدي الفي مرادو
العريبي لسانو متبري منو |
ود المنسي انتا عارف صاحبك العريبي ده الظاهر نسي نفسو
وقايل روحو لسه شباب واكيد شايف ليهو شوفه في عرس اولاده
وبشرك لابليس بالسبيبة , لكن قول ليهو تلقاها عند الغافل
والمرة مفتحة عيونة زي الفنجان وصاحية ليك !!! احسن ليك واخير ليك
تتلمة وما تعمل لينا فيها مذمة .
|
Post: #55
Title: Re: عــلــي كــيــفـيــك !!!
Author: abubakr
Date: 01-06-2008, 06:19 PM
| Quote: علي كيفيك يكون كيفيك علي كيفيك |
اها هاشم يعني عشان علي كيفو انا ما القي البوست دة الا يادوبك هسع ...
|
Post: #56
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 06:58 PM
Parent: #55
| Quote: اها هاشم يعني عشان علي كيفو انا ما القي البوست دة الا يادوبك هسع ... |
ولا يهمك يا خال وعلي كيفك تخش تقراء بيكيفك
ولو عايز تكون طربان بنسعد نحنا بيكفيك
ولو سافرت امدرمان وزرت حبيبة ليك زمان
وجيت راجع كمان قوام بنسعد جد تكون فرحان
|
Post: #58
Title: Re: عــلــي كــيــفـيــك !!!
Author: الطيب شيقوق
Date: 01-06-2008, 07:09 PM
Parent: #56
Quote: ود المنسي انتا عارف صاحبك العريبي ده الظاهر نسي نفسو
وقايل روحو لسه شباب واكيد شايف ليهو شوفه في عرس اولاده
وبشرك لابليس بالسبيبة , لكن قول ليهو تلقاها عند الغافل
والمرة مفتحة عيونة زي الفنجان وصاحية ليك !!! احسن ليك واخير ليك
تتلمة وما تعمل لينا فيها مذمة . |
هاشم
ود المنسي
تقطعوا ساى ما تخافوا الله لقيتونى غفلت من البوست لكن قلبتو ليكم حتة حتة ولقيت القطيعة الفوق دى .
بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب .
ويا ود المنسي شايف الرطاني اداكم طلة بجاي الايام دى بقى غالي بالحيل ربما كترت مشاغلو وربما في حد شاغلو.
|
Post: #61
Title: Re: عــلــي كــيــفـيــك !!!
Author: هاشم أحمد خلف الله
Date: 01-06-2008, 09:24 PM
Parent: #58
Quote: ود المنسي
تقطعوا ساى ما تخافوا الله لقيتونى غفلت من البوست لكن قلبتو ليكم حتة حتة ولقيت القطيعة الفوق دى .
بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب . |
بإلله عليك يا ود شيقوق ما قولتو نوبة بقيت تجيب ليك في حِجج
الكلام ده تقولوا لي زول ما عندو زوجة ياخوي كلنا بنهرش ونتهرش خلي
الطبق مستور والليلة دي بالذات البرد زايد حبتين إي والله .
|
Post: #59
Title: Re: عــلــي كــيــفـيــك !!!
Author: Khalid Saeed
Date: 01-06-2008, 07:15 PM
Parent: #56
Quote: علي كيفيك نذوب زي شمعة ضواية
ولسه قلوبنا جارية وراك |
حبيبنا هاشم الجميل ..
على كيفيك شقت نهراً في الدواخل ... لامست الوجدان ..
جعلتنا نتحسس القليب ... هل مازال به بعض الكيف ..
أصلوا قليبنا باقي ضعيف ..
وأهلنا قالوا الجري والذوبان
باتلقوا للقلبيب الولهــان ..
سلام حار يدفيك من البرد الشديد ده ..
أخوك/ الأرباب
|
Post: #64
Title: Re: عــلــي كــيــفـيــك !!!
Author: هاشم أحمد خلف الله
Date: 01-07-2008, 11:00 AM
Parent: #59
Quote: حبيبنا هاشم الجميل ..
على كيفيك شقت نهراً في الدواخل ... لامست الوجدان ..
جعلتنا نتحسس القليب ... هل مازال به بعض الكيف ..
أصلوا قليبنا باقي ضعيف ..
وأهلنا قالوا الجري والذوبان
باتلقوا للقلبيب الولهــان ..
سلام حار يدفيك من البرد الشديد ده ..
أخوك/ الأرباب |
ود الأرباب في الأول نقول حمداً لله علي سلامتك يا جميل
مرورك أثلج صدري وزاد من ثقتي بنفسي .
|
Post: #57
Title: Re: عــلــي كــيــفـيــك !!!
Author: abubakr
Date: 01-06-2008, 07:05 PM
| Quote: ما تمشى بعيد هشومى البوست بحرروهو ( من الحر - بفتح الحاء وتسكين الراء) سيادو |
اها ياجدو "العرريب" شغلوك محامي لغة عربية ؟؟؟
|
Post: #60
Title: Re: عــلــي كــيــفـيــك !!!
Author: الطيب شيقوق
Date: 01-06-2008, 08:25 PM
Parent: #57
| Quote: اها ياجدو "العرريب" شغلوك محامي لغة عربية ؟؟؟ |
الاخ هشومى نحن سعداء بان يكون بين ظهرانينا الباشمهندس الكبير ابو بكر سيد احمد ونامل ان يكون العام 2008 عاما يظهر تجليات الباشمهندس التقي وان يظهر لونية جديدة في تعامله معنا وان يعترف ويقر باننا مؤهلون للزواج مرة اخرى ويقر بان زواج الاولاد لا يقدح في صبينتنا وصلاحيتنا للزواج مثنى وثلاث ورباع .
هييييييييييييع ات قايل شايلين لينا حقيبة عقاقير سكري وضغط يا ارباب
|
Post: #62
Title: Re: عــلــي كــيــفـيــك !!!
Author: محمد على طه الملك
Date: 01-06-2008, 10:05 PM
Parent: #60
| Quote: هييييييييييييع ات قايل شايلين لينا حقيبة عقاقير سكري وضغط يا ارباب |
هوووي يا ود شيقوق ..
حسع أنا جيت جنبك ..
طيب ما لك ..
عايزها تكتب لي ( لا أري سببا للتدخل )..
..
حمد الله علي السلامة
وكل سنة أنت وأسرتك بألف خير ..
شايف بعد نفضت يديك من عرس الوليدات طالق قيدك وسارح علي كيفك
العقبا لينا .
|
Post: #63
Title: Re: عــلــي كــيــفـيــك !!!
Author: خالد علي محجوب المنسي
Date: 01-06-2008, 11:03 PM
Parent: #62
| Quote: بس عايزكم تعرفوا حاجة انا من زمان عايز اعرس وشوكشت واتشوكشت صحيح مشرك لابليس بالسبيبة آ هاشم لكن السمحة ام ولدى مشركة لي بالفلاتة عديييييل كده كلما عيني تقع في واحدة وابقى عليها طااااااااب تجيني لجّة كده تخليني اتراجع لكن في النهاية عرفت الشغلانية اتاريها كتابة والفلاتي مجاوزها بريق الضب العذب . |
يا هاشم قول للعريبي
علي كيفك أعزل وكيّس
وعلي كيفك شوكش
وعلس كيفك أترتع
بس العرس علي كيف المرأة
تعرف المرأة كاتبا عند رمالي والعمل في ضنب سحلية عذبّا مات عنها زوجها وحادا ما بتمرق يعني قدر ما يفتش ما بلقاها...
|
Post: #65
Title: Re: عــلــي كــيــفـيــك !!!
Author: هاشم أحمد خلف الله
Date: 01-07-2008, 11:21 AM
Parent: #63
Quote: هاشم قول للعريبي
علي كيفك أعزل وكيّس
وعلي كيفك شوكش
وعلس كيفك أترتع
بس العرس علي كيف المرأة
تعرف المرأة كاتبا عند رمالي والعمل في ضنب سحلية عذبّا مات عنها زوجها وحادا ما بتمرق يعني قدر ما يفتش ما بلقاها... |
ود المنسي صاحبك ده راسمالو حدرة واحدة من أم عيالو
|
Post: #66
Title: Re: عــلــي كــيــفـيــك !!!
Author: مجدي عبدالرحيم فضل
Date: 01-07-2008, 12:43 PM
Parent: #65
Quote: وتبقي القمرة مالكة سماءك
علي كيفيك تصب المطرة
مؤسم ريد تقول أهواك
علي كيفيك يغني البلبل الصداح
وتتزين معاني غناك
علي كيفيك نهاجر ليك
ندور في مداك ونستناك
علي كيفيك تشع الدنيا تبسم نور |
|
Post: #67
Title: Re: عــلــي كــيــفـيــك !!!
Author: هاشم أحمد خلف الله
Date: 01-07-2008, 01:17 PM
Parent: #66
شرفني حضورك كثيراً يا ابو قصي
ومبروك عليكم أحمد ويتربي في عزكم
ايه رايك في النيو لوك
إذا عجبتك ارفعها في ملفك شكلها صغير احلي !!
|
Post: #68
Title: Re: عــلــي كــيــفـيــك !!!
Author: نها محسن أبورأس
Date: 01-07-2008, 10:03 PM
علي كيفيك نذرف الدمعة والأهات برغم رضاك
علي كيفيك تتفتح زهور الروض راضية سعيدة بلقياك
علي كيفيك تتدفق جداول الموية ترؤي خطاك
ياسلااااااااااام عليك أخي الرائع هاشم
تحياتي وأشواقي
الايام الفاتت إتلخمت بظروف الدراسة مما حرمني من التمتع بهذا الجمال الذي لم أره الا الان...
دامت السعادة والافراح في حياتك وربنا يزيدك كمان وكمان
|
Post: #69
Title: Re: عــلــي كــيــفـيــك !!!
Author: هاشم أحمد خلف الله
Date: 01-08-2008, 06:34 AM
Parent: #68
Quote: كيفيك نذرف الدمعة والأهات برغم رضاك
علي كيفيك تتفتح زهور الروض راضية سعيدة بلقياك
علي كيفيك تتدفق جداول الموية ترؤي خطاك
ياسلااااااااااام عليك أخي الرائع هاشم
تحياتي وأشواقي
الايام الفاتت إتلخمت بظروف الدراسة مما حرمني من التمتع بهذا الجمال الذي لم أره الا الان...
دامت السعادة والافراح في حياتك وربنا يزيدك كمان وكمان |
اختي العزيزة الغالية نها والله فعلاً إفتقدناك في الأيام الفاتت
والدراسة أهم من الدردشة .
علي كيفيك تذاكري براك وتنور ليالي ٌدجاك
وتنجحي برضو بكييفك ونسعد نحنا بلقياك
|
Post: #70
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 07:30 AM
Parent: #69
ود المك
Quote: هوووي يا ود شيقوق ..
حسع أنا جيت جنبك ..
طيب ما لك ..
عايزها تكتب لي ( لا أري سببا للتدخل )..
..
حمد الله علي السلامة
وكل سنة أنت وأسرتك بألف خير ..
شايف بعد نفضت يديك من عرس الوليدات طالق قيدك وسارح علي كيفك
العقبا لينا . |
اها اخوى ظاهر انك قلبت على اهلك واديتني ضهرك وياني تاني البقول ليك لا ارى سببا للتدخل وبرضو بكون اكرمتك طالما لم تقم بينة ضدي تفضي لادانتي في حال عدم دحضها .
الاولاد يا هاشم سافروا مع زوجاتهم القاهرة وخلوني انا وام اولادي نتلفت وقت خلاص اتلفتت جاى وجاى وجاى قالت لي ايش رايك نمشى نعسل في اليونان - اخوك بقى راسو كبير من العريبية العرفت اليونان لكن استدركت وقلت ديل نسوان البندر خربن مرتي خلاص بدل تقول نمشى نعسل في سنار المدينة قالت اليونان وكمان مش اليونان ساى معاها جرة لسان زى نسوان حى الملازمين .
هييييييييييييع براي سويتها في نفسي
|
Post: #71
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 07:35 AM
Parent: #70
ود المنسي
| Quote: تعرف المرأة كاتبا عند رمالي والعمل في ضنب سحلية عذبّا مات عنها زوجها وحادا ما بتمرق يعني قدر ما يفتش ما بلقاها... |
اها انا عارف السبب لكن انت البضاعة الماسكاك بيها الكوسوفية دى شنو !!!!!!!!!!!
هييييييييييع عافي منها انشاء تكون علمتها القدلة بالقرمصيص من الحفرة للتبروقة!!!!!!!!!!!!!!!!!!!
|
Post: #72
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 07:39 AM
Parent: #71
| Quote: والليلة دي بالذات البرد زايد حبتين إي والله |
واكيد مؤشر سوق المال حيكون متقدم مجموعة نقاط ولا شنو يا هشومي ؟؟؟؟؟؟؟؟؟؟؟؟؟
|
Post: #73
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 07:43 AM
Parent: #72
Quote: ولا يهمك يا خال وعلي كيفك تخش تقراء بيكيفك
ولو عايز تكون طربان بنسعد نحنا بيكفيك
ولو سافرت امدرمان وزرت حبيبة ليك زمان
وجيت راجع كمان قوام بنسعد جد تكون فرحان |
ده كلو للرطاني يا هاشم ما تخاف الله انت
|
Post: #74
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 07:48 AM
Parent: #73
منى خوجلي
عواطف اسماعيل
سلمى صبحي
انعام حيمورة
انعام عبد الحفيظ
اشراقة حيمورة
اين هذه الكوكبة من هذا البوست الجميل
|
Post: #75
Title: Re: عــلــي كــيــفـيــك !!!
Author: الفاتح الجنيد
Date: 01-08-2008, 11:00 AM
Parent: #74
Quote: ود الجنيد تسلم علي المرور , لكن عايز اقول
ليك بعض المعلومات عن الفنان الأستاذ مرزوق
والله هذا الرجل يمتلك حِس فوق العادة ويا ريت
لو سمعتو وهو بغني أغاني الحقيبة ياخي والله
الولد ده مبدع بشكل غير عادي , وعلي فكرة انا
إكتشفت انو اخواننا الرطانة ديل عندهم ملكة في
الكتابة غير عادية قصص او رؤيات او شعر وحتي في الغناء وعندنا
في المنبر ده أمثلة كثيرة وهم او هن في غني عن
التعريف وشهادتي فيهم/ن مجروحة . |
إنت بتقول لى عن الرائع مرزوق
أنا عشت مع تقاطيع صوته المليان
لمدة ليلتين متواليتين
فى مناسبة إحتفاء الكوكبة الرائعة من بورداب الرياض بقدومنا
أنا وزوجتى سوما فى طريق عودتنا من رحلة عمرة
فى اول أغسطس من العام الماضى
هذا الفنان غير عادى
وما زال صوته يرن فى اذنى الى الآن
وعبرك انقل له تحية قوية وخاصة جدا
وبدون شك سيذكرنى ويذكر تلك الليالى
وتسلم يا وجيه ،،،
|
Post: #78
Title: Re: عــلــي كــيــفـيــك !!!
Author: هاشم أحمد خلف الله
Date: 01-08-2008, 12:19 PM
Parent: #75
Quote: إنت بتقول لى عن الرائع مرزوق
أنا عشت مع تقاطيع صوته المليان
لمدة ليلتين متواليتين
فى مناسبة إحتفاء الكوكبة الرائعة من بورداب الرياض بقدومنا
أنا وزوجتى سوما فى طريق عودتنا من رحلة عمرة
فى اول أغسطس من العام الماضى
هذا الفنان غير عادى
وما زال صوته يرن فى اذنى الى الآن
وعبرك انقل له تحية قوية وخاصة جدا
وبدون شك سيذكرنى ويذكر تلك الليالى
وتسلم يا وجيه ،،، |
يسلم ذوقك ويسلم سمعك يا شفيف
وإنشاء الله مرزوق يكون متابع معانا
ويتحفنا بروائعه المكنوزة
|
Post: #76
Title: Re: عــلــي كــيــفـيــك !!!
Author: هاشم أحمد خلف الله
Date: 01-08-2008, 11:20 AM
Parent: #72
| Quote: واكيد مؤشر سوق المال حيكون متقدم مجموعة نقاط ولا شنو يا هشومي ؟؟؟؟؟؟؟؟؟؟؟؟؟ |
NO COMMENT
|
Post: #77
Title: Re: عــلــي كــيــفـيــك !!!
Author: الطيب شيقوق
Date: 01-08-2008, 12:01 PM
Parent: #76
قلت اورطك لكن لقيتك لمّاح افضل ليك تلزم ال DEGNIFIED SILENCE وبس يا حبيبي
قال NO comment
|
Post: #79
Title: Re: عــلــي كــيــفـيــك !!!
Author: هاشم أحمد خلف الله
Date: 01-08-2008, 04:45 PM
Parent: #77
هـــذا هــو الـمـبـدع الـفـنـان مــرزوق مـحـمـود
|
Post: #86
Title: Re: عــلــي كــيــفـيــك !!!
Author: نها محسن أبورأس
Date: 01-10-2008, 03:45 AM
Parent: #69
أخي الرائع هاشم
علي كيفيك تذاكري براك وتنور ليالي ٌدجاك
وتنجحي برضو بكييفك ونسعد نحنا بلقياك
ليك علي أنجح مخصووووص عشان كلامك ده...
شفت الشعر بأثر في الناس كيف...
ربنا مايحرمنا من روائعك ويديك ألف عافية
|
Post: #80
Title: Re: عــلــي كــيــفـيــك !!!
Author: ismeil abbas
Date: 01-08-2008, 07:59 PM
أخى/هاشم..
كلمات جملت المنبر..أزهار
تلآلآت فى الدجى أنوار..
عبرت عن كثير من ألأسرار..
على كيفك حروف شكلت مسدار..
مودتى..
إسماعيل محمد احمد عباس........
|
Post: #81
Title: Re: عــلــي كــيــفـيــك !!!
Author: هاشم أحمد خلف الله
Date: 01-09-2008, 07:11 AM
Parent: #80
Quote: أخى/هاشم..
كلمات جملت المنبر..أزهار
تلآلآت فى الدجى أنوار..
عبرت عن كثير من ألأسرار..
على كيفك حروف شكلت مسدار..
مودتى..
إسماعيل محمد احمد عباس........ |
سمعة يا فنان حمداً لله علي عودتك من أرض الوطن بالسلامة
ومشكور علي المرور وعلي الدعم المعنوي الغير محدود .
|
Post: #82
Title: Re: عــلــي كــيــفـيــك !!!
Author: الطيب شيقوق
Date: 01-09-2008, 10:41 AM
Parent: #81
الليلة في حلقك لازم يكون في Comment ولو بواحدة من مسادير بت طلحة او مدائح ماجدة بت العوض
|
Post: #83
Title: Re: عــلــي كــيــفـيــك !!!
Author: salma subhi
Date: 01-09-2008, 12:35 PM
Parent: #82
أجمل ما في اللحظات التي نكون فيها في مطلق ومنتطلق خيالنا....
انها تأخذنا على كيفنا حيثما نريد ووقتما نريد....
تنقلب بعدها الموازين.....
ونرى سواد الليل بياض الفجر.....
والنجيمات قناديل تزين السماء....
تقديري أستاذ هاشم
|
Post: #85
Title: Re: عــلــي كــيــفـيــك !!!
Author: هاشم أحمد خلف الله
Date: 01-09-2008, 02:06 PM
Parent: #83
Quote: أجمل ما في اللحظات التي نكون فيها في مطلق ومنتطلق خيالنا....
انها تأخذنا على كيفنا حيثما نريد ووقتما نريد....
تنقلب بعدها الموازين.....
ونرى سواد الليل بياض الفجر.....
والنجيمات قناديل تزين السماء....
تقديري أستاذ هاشم |
أجمل اللحظات هي وجودك معنا اختي الغالية سلمي
بالجد إفتقدناك كثير وربنا ما يحرمنا منك ومن
قلمك الجاد الرصين ( الـمـخـيـف )
|
Post: #84
Title: Re: عــلــي كــيــفـيــك !!!
Author: هاشم أحمد خلف الله
Date: 01-09-2008, 01:13 PM
Parent: #82
| Quote: الليلة في حلقك لازم يكون في Comment ولو بواحدة من مسادير بت طلحة او مدائح ماجدة بت العوض |
ود شيقوق مالك علي يا زول كلما أدخل المنبر يجيني شغل يأخرني من الدخول
وعشان خاطر اختي الملكة سمية أجازف في المسادير
يا بت البلد كلماتي ما بخفيا
لا خائف من كفيل وإقامتي مالي بيها
في حب الوطن بكتب حد ما يطول واطيها
اصليِ ليهو بغني وكلماتي غاب شاديها
وعشان خاطر اختي الحاجية ماجدة خوجلي بجازف في المديح
طه الأمين الجاتو الرسالة صغير
ذاع إسمو صات بين الخلق حي إسمو
كل الناس تحبو وديمة عليهو يصلوا
شافع المسلمين يوم الحشر يتلموا
وبعتذر لاختي سمية ّإذا مسداري كان ضعيف ولاختي ماجدة لو مدحي فيو تكليف .
تخريمة :-
لكن يا ودشيقوق الفيك إتعرفت .
|
Post: #87
Title: Re: عــلــي كــيــفـيــك !!!
Author: الطيب شيقوق
Date: 01-10-2008, 05:40 AM
Parent: #84
هشومي
عجبني غناك بالحيل يا العشاء
| Quote: لكن يا ودشيقوق الفيك إتعرفت . |
سمحة ولا شينة ؟ ما تخليني اقبل عليك تاني اجيبك تتلولح من ...........
هييييييييييييييع
|
Post: #88
Title: Re: عــلــي كــيــفـيــك !!!
Author: مامون أحمد إبراهيم
Date: 01-10-2008, 06:24 AM
Parent: #87
وهكذا يطوع الجمال الحروف والكلمات ,
وتبفى على كيفك ياهاشم ! شىء جميل .
تسلم يا أنيق .
|
Post: #90
Title: Re: عــلــي كــيــفـيــك !!!
Author: هاشم أحمد خلف الله
Date: 01-10-2008, 03:28 PM
Parent: #88
Quote: وهكذا يطوع الجمال الحروف والكلمات ,
وتبفى على كيفك ياهاشم ! شىء جميل .
تسلم يا أنيق . |
مامون وينك يا رجل والله مشتاقين
يسلم ذوقك ويسلم فهمك يا جميل
وعلي كيفك تشرب شاي تشرب قهوة بكيفك
ونحنا معاك بالكلمات باالالحان وعلي كيفك
|
Post: #89
Title: Re: عــلــي كــيــفـيــك !!!
Author: هاشم أحمد خلف الله
Date: 01-10-2008, 10:56 AM
Parent: #87
Quote: سمحة ولا شينة ؟ ما تخليني اقبل عليك تاني اجيبك تتلولح من ...........
هييييييييييييييع |
بسم الله الرحمن الرحيم ود شيقوق مالك ؟؟
الهبشك ما ضراك !! السمحة شنو ؟؟ والشينة منو ؟؟؟
يا خوي اكان طايرة ليك شكلة احسن تبقي بعيد وتجر الشخيط
|
Post: #91
Title: Re: عــلــي كــيــفـيــك !!!
Author: الطيب شيقوق
Date: 01-10-2008, 05:11 PM
Parent: #89
هاشم
Quote: بسم الله الرحمن الرحيم ود شيقوق مالك ؟؟
الهبشك ما ضراك !! السمحة شنو ؟؟ والشينة منو ؟؟؟
يا خوي اكان طايرة ليك شكلة احسن تبقي بعيد وتجر الشخيط |
عفوا يا اخوى واللوم بجي بالغفلات . انا قايلك الرطاني
|
|
