سهى وسارة... بنياتي متين العودة؟؟

سهى وسارة... حبيباتي
وجيعاتي ... زاد سهري ورصيد تعبي
رجيت رجعتكن تونسني
رجيت حركتكن... تطمني وتآنسني
حلاة سارة ... بسيمة سارة وعوينات سارة
تكاويني وتشاغلني
وقت ازعل ... تراضيني
يا سهوية يا راسية
حنينة والله.. وديعة ماقاسية

بعد ايامي يوماتي متين نتلم
متين ننجم
متين تبسم الدنيا على يزيل الهم

خلاص هانت .. اطمن روحي واتصبر
واقول يوم بكرة بالحيل بكون انضر
بكون اجمل


" شخبطات على جدار الشوق"

يا ام سهى

سلام

وكل سنة وانت طيبة

وقعتى قلبى

قلت سهى وسارة حصل ليهم شنو؟

السنة الفاتت لمن كانو فى السودان كتبت الآتى ولكنى لم انشره لتزايد الحنين على

Quote: سارة و سهى بنياتى وحشتنى ولعبتن بى تحياتى أضطرتنى ظروف إنتقالى للعمل بالدوحة لمفارقة بنتى سارة وسهى ولا أملك إلا أن أقول لهما كما قال شاعرنا العظيم محجوب شريف سلاما يا حمامتى السكنتن فى مساماتى سلاما ياغماماتى البتدنى إبتسامتى

ربنا يجمع شملكن يا أم سهى

ويرجع ليك سارة الضحاكة الكاواية عشان تكاويك زى ما بتكاوينى سارة حسع

ويرجع كمان سهى الراسية

آمين يارب العالمين

سُـــهى ... و ... ســارّة
وردتان جميلتان في منزلكم العامر
وردتان مزهرتان يرعاهما زهير وتسهر عليهم أم السهى
وردتان حملتا منكما كل شيء
الطيبة .. الأصالة .. والكرم .. والجمال .. والبسمة الدائمة
سهى وسارة .. مثلكما معطونتان في الكرم حتى أخر جذر
سهى وسـارة شجرتان أصلهما طيب وفرعهما في السماء
سهى وسـارة حديقتان ستؤتيان أكلهما طيباً بإذن الله
أدعو الله أن يمتعكما بثمرهما

حفظهما الله .. وفقهما الله .. وحفظك انتي وزهير لهما
تحياتي لك .. وللجميل زهير وللوردتين سهى وسارة

اقبال الحبيبة
تحياتي
شفتي الزمن؟!
شفتي الدنيا؟!!
تصدقي اياس السنة ماشي الثانوي العالي!
مشيت السودان لقيت بنت حنفي ونجلاء ماشاء الله
بس نجلاء الخالق الناطق!! لمن كانت في صباح!!

بقينا نغني علي وليداتنا
يا حليلنا فيها!!
كدي اديني راسك

مودة وشوق لي سلامك
بس اوعك تبكي وتتضاري مني زي المرة الفاتت

والله اقول ليك نرجع السودان لي وليدتنا الفي صباح

سلاما يا حمامتى السكنتن فى مساماتى
سلاما ياغماماتى البتدنى إبتسامتى

هشام المجمر شخصيا؟؟
لا انا سعيدة جدا والله بطلتك البهية
شفت الاسماء بتتشابه كيف؟
على فكرة انا برضو في رسالة منك قلت لي تقبلي سلام سهى وسارة
قلت يا ربي هشام ده عرف اسم بناتي من وين؟
شفت الغربة حارة كيف من بنياتنا؟؟؟
احيي
بالمناسبة نحن اهل وكدة
انا اختا لي مجتبى محسي
مع تحياتي لسهام وسهى وام سهى كمان

العزيز ثابت
وين انت يا نبيل مشتاقين والله
ياخي شكرا على عباراتك الجميلة
ما عارفة ارد عليها كيف؟؟؟
تسلم ودايرين الجية بي الدرب

خلودي
مشتاقييييين كيمان
بالله بلا استراليا بلا السعودية
مافي احلى من صباح ووليداتنا هناك والرندوك والقعدة في ضل الضحى مع عمك عبد الله
مشتاقين لسماع اخبارك
لكن انا حاسة بيك مدبرس شديد صاح؟؟ ولا انا غلطانة
انا غايتو بفهمك من عباراتك

الخال حمزاوي
شفت الكلمات دي حنينة كيف؟؟
شكرا على مرورك الجميل

اقبال

Quote: لكن انا حاسة بيك مدبرس شديد صاح؟؟ ولا انا غلطانة انا غايتو بفهمك من عباراتك

انت ما غلطانة


دمعاتي العراض

ام سهى العزيزة ..
شدة الشوق ليهم بقنك اكثر اندياحا مع اللغة..



ربنا يجمع الشمل يا ست الحريم..

طبعا حريم دي لو سمعتا (سهى) كانت فكتني بي الريموت في وشي..

Quote: وكل سنة وانت طيبة وقعتى قلبى قلت سهى وسارة حصل ليهم شنو؟ السنة الفاتت لمن كانو فى السودان كتبت الآتى ولكنى لم انشره لتزايد الحنين على

البلادة قسمة التابة!
تصدق يا ابو العيال اول مرة اعرف ام سهى هى ام العيال!
كل سنة وانتوا حلوينكم بالف الف خير ومتعكم الله بالصحة والعافية وادامكما عليهما!
غايتو يا جنى خيبتك خيبة!
تحياتى لكل احبابكم
جنى

جني يا جني
جني يا جني ما تشوت ضفاري
انت ما غلطان
تصدق تشابه اسماء
يعني انا وهشام كل زول عندو بنتين والاتنين اسمهم سهى وسارة

والبنات الاربعة في السودان
ونحن طافشين بي جاي
بس الله يلم الشمل

تحياتي
ود العبيد
كر علي مالك؟؟
قشقش دميعاتك ديل انت ما بتستاهلن
جيب اياس واخوانو وتعال الشرقية ولا السودان
اقول ليك احسن السودان
بالمناسبة عفاف عمر بتسال عليك وبتغريك السلام
هلا بيك دكينا الحبيب
الشوق غلاب يا دكين وانا بكاااااااية
عليك الله جنس سهى دي في زول بقدر على فراقها كان ما الجبر
تحياتي

Quote: اطمن روحي واتصبر واقول يوم بكرة بالحيل بكون انضر بكون اجمل

ودي يا إثبال ليست شخبطات علي جدار الشوق ولا يحزنون
بل هي نحت في جدار القلب
لهن الحب بنياتك يا إقبال
لهن المستقبل بأيامه السمحة
لهن ما إنتظرنهن كثيراً
والدهن الجميل
ياصديقتي

سلامي لأبو الزوز

Quote: سهى وسارة... حبيباتي وجيعاتي ... زاد سهري ورصيد تعبي رجيت رجعتكن تونسني رجيت حركتكن... تطمني وتآنسني حلاة سارة ... بسيمة سارة وعوينات سارة تكاويني وتشاغلني وقت ازعل ... تراضيني يا سهوية يا راسية حنينة والله.. وديعة ماقاسية بعد ايامي يوماتي متين نتلم متين ننجم متين تبسم الدنيا على يزيل الهم خلاص هانت .. اطمن روحي واتصبر واقول يوم بكرة بالحيل بكون انضر بكون اجمل " شخبطات على جدار الشوق"

يا سلام عليك يا أم سهي والله ذكرتيني الوالدة
الله يمد في اياما , علي فكرة هي شاعرة و عاملة
لكل واحد من أولادها أغنية خاصة به وملحنة كمان
ربنا إنشاء الله يجمعك ببناتك وتسعدي بيهم
قادر يا كريم , والمعايش جبارة والله
ربنا يرد غربتنا كلنا غانمين وبصحة جيدة .

يخليك ليهم ويخليهم ليك
وكلكم يخلي ليكم زهير
تحايا وود
معتصم

أم سهى يا أصيلة

Quote: حلاة سارة ... بسيمة سارة وعوينات سارة تكاويني وتشاغلني وقت ازعل ... تراضيني يا سهوية يا راسية حنينة والله.. وديعة ماقاسية

أعرف تماما ماذا تعني لم هاتان الزهرتان
ربنا يجمعك بهما و أنت و أبو سهى بخير
ربنا يقويك يا أم سهى

لكن بالله يا أم سهى براحة علينا
برانا ( كايسين ) السبب ...

Quote: سهى وسارة... حبيباتي وجيعاتي ... زاد سهري ورصيد تعبي رجيت رجعتكن تونسني رجيت حركتكن... تطمني وتآنسني حلاة سارة ... بسيمة سارة وعوينات سارة تكاويني وتشاغلني وقت ازعل ... تراضيني يا سهوية يا راسية حنينة والله.. وديعة ماقاسية بعد ايامي يوماتي متين نتلم متين ننجم متين تبسم الدنيا على يزيل الهم خلاص هانت .. اطمن روحي واتصبر واقول يوم بكرة بالحيل بكون انضر بكون اجمل " شخبطات على جدار الشوق"

الأخت العزيزة أقبال (أم سهى)

والله الكلمات جميلة وتبكي

كلنا بنعاني من نفس المشكلة، الإنقسام القصري.

بس الصبر مافي حل غيره

بس نمدد حبال الصبر كان ما تقوم تكمل علينا

خلينا نقرأ ليك وما تبقي بخيلة قدر ده كل ستة شهور تظهري يومين وتختفي.
خليها أشاء الله كل شهر.

الشايقي

www.forevermaman.com

فاوضني بلا زعل

الحبيب خضر
دي خربشات شوق جنن زولو عديل كدة
تعرف مرات بهيج بي الحنين وبلا مقدمات اجد نفسي قاعدة واكتب احيانا ادبرس واخليها واحيانا اتمها
الشوق غلاب يا خضر
يديك العافية

الاخ هاشم خلف الله
القومة للوالدة
شفت الحنية جوة الام دي ما بتعرفها الا ام ( بلا تحيز)
كثير من امهاتنا بتكون عندهم مخزون من الحنية لاولادهم وقادرات يعبرو عنه بالكلمات ذات القوافي لتصبح ابياتا ترددها كل ما هاج بهن الشوق للحبيب في اي ظرف خاص يمر به سوى كان سفر او ترقية او مرض
فلهن الاعزاز كله
معتصم ود الجمام
يا رب يا معتصم تنتهي هذه الفرقة الاجبارية والشتات ونتلم ويروق البال
( برضو منتظرنكم)

الغالي ابو جهينة
قلت لي كفاية برانا ما ناقصين؟
لكن وحاتك غلني عدييييل الصبر
كل ما اقول دي اخر سنة
تجي الظروف تكاويني

اها شوف دي

خلاص خليتها دمعاتي
وقلت اروق الاعصاب
عسى الاحباب يدقو الباب
يجيبو جواب من الاحباب يقولو الحال زين
بناتك في العيون قاعدين حدانا مع الزينين
خلاص نبقى في الترحاب ما اصلو الاجازة على الابواب

افتكر المود بكون احسن ولا كيف؟

الاخ الشايقي
انا ما بخيلة وبرضو لا اجيد كتابة الشعر لكن الشوق غلاب زي ما قلت
مع تحياتي وبرضو خلينا نشوفك في الشرقية ونتابع معاك مع ناس forever products والدور ده عاوزة ابقى موظفة عدييل فيها مع التفرغ الكامل ايه رايك؟
مودتي للاحباب ولبنيتك الفي السودن

Quote: الاخ الشايقي انا ما بخيلة وبرضو لا اجيد كتابة الشعر لكن الشوق غلاب زي ما قلت مع تحياتي وبرضو خلينا نشوفك في الشرقية ونتابع معاك مع ناس forever products والدور ده عاوزة ابقى موظفة عدييل فيها مع التفرغ الكامل ايه رايك؟ مودتي للاحباب ولبنيتك الفي السودن

والله يا أم سهى مصيبتي بقت مجلده
ما البنيه (ساره) براها ما لحقها محمد
وراحوا ساحبين الباقي وخلوني أباطي والنجم..

بخصوص Forever من زمان عارفك مؤهلة للنجاح فيها وبجدارة بس وقتها كنتي مشغولة شديد.

على كل إذا بقى عندك الإستعداد ممكن من الويك إند الجاي نكون أنا وصديقي مامان بالدمام ونعيد رحلاتنا المكوكيه للتعريف والتدريب.
بس شدي حيلك...
يا ربي الجوال القديم يا هو ولا أتغير؟؟؟


الشايقي

فاوضني بلا زعل

www.forevermaman.com

طنقح

الشايقي

فاوضني بلا زعل

الاعزاء مامان والشايقي

فهمت كلامكم وانا ما ناسية لكن انتظروني شوية بس تخلص الامتحانات واتفرغ ليكم تماما وانا جادة جدا وeagerاني اشتغل الشغل ده
وحننجح باذن الله
بس الصبر

آآآه ياأم سهى على فراق الوليدات

ربنا يغطيهم ويحفظهم وينور دربهم

وربنا يجيب سهى وسارة الحبيبات بالسلامة

تحياتى