Post: #1
Title: السبت عطلة رسمية بالخرطوم ابتداءاً من الاسبوع القادم
Author: فدوى الشريف
Date: 01-03-2008, 08:27 AM
Quote: الخرطوم - اخر لحظة
ولاية الخرطوم تقرر تقليص أيام العمل في الاسبوع الى خمسة
تبدأ ولاية الخرطوم اعتباراً من السبت بعد غد عطلة اليومين في الاسبوع ، بحيث تكون العطلة الجمعة والسبت في رئاسة الولاية والاجهزة التابعة لها. وعلمت اخر لحظة من مصادر واسعة الاطلاع برئاسة الولاية ان مجلس وزراء حكومة الولاية اصدر قراراً في اجتماعه الدوري امس يقضي بأن تكون أيام العمل خمسة أيام في الاسبوع مع زيادة ساعة واحدة لدوام العمل اليومي, وذكرت المصادر أن الحكومة الاتحادية تدرس الان امكانية تقليص أيام العمل في الاسبوع الى خمسة أيام وأنها ستقيم تجربة الولاية توطئة لتطبيقها على كافة المؤسسات الحكومية. |
|
Post: #2
Title: Re: السبت عطلة رسمية بالخرطوم ابتداءاً من الاسبوع القادم
Author: ود الباوقة
Date: 01-03-2008, 10:01 AM
Parent: #1
الاخت فدوى ..
جعلها الله عطلة خير وبركة ..
ود الباوقة
|
Post: #3
Title: Re: السبت عطلة رسمية بالخرطوم ابتداءاً من الاسبوع القادم
Author: عبداللطيف خليل محمد على
Date: 01-03-2008, 10:18 AM
Parent: #2
يعني الجماعة لما كانوا بشتغلوا 6 ايام في الاسبوع أنجزوا شنو لحد ما عايزين ينقصوها لـ 5 ؟
|
Post: #4
Title: Re: السبت عطلة رسمية بالخرطوم ابتداءاً من الاسبوع القادم
Author: الطاهر عثمان
Date: 01-03-2008, 11:00 AM
Parent: #1
اخشى ان تصبح: خميس وجمعة وسبت
|
Post: #5
Title: Re: السبت عطلة رسمية بالخرطوم ابتداءاً من الاسبوع القادم
Author: أبو ساندرا
Date: 01-03-2008, 11:13 AM
Parent: #1
خلاص أعلنوا يهوديتهم؟
العقبى الإحتفال بيوم كيبور
المجد لسلطة الحاخامات
|
Post: #6
Title: Re: السبت عطلة رسمية بالخرطوم ابتداءاً من الاسبوع القادم
Author: doma
Date: 01-03-2008, 11:17 AM
Parent: #5
حظ الاخوه المسيحيون
تلاته يوم اجازه
|
Post: #7
Title: Re: السبت عطلة رسمية بالخرطوم ابتداءاً من الاسبوع القادم
Author: yasir Abdelgadir
Date: 01-03-2008, 11:36 AM
Parent: #6
ود الباوقة سلامات وكل سنة وانت طيب
Quote: جعلها الله عطلة خير وبركة ..
ود الباوقة |
رحلتوا للسودان ...ولا شنو؟
|
Post: #8
Title: Re: السبت عطلة رسمية بالخرطوم ابتداءاً من الاسبوع القادم
Author: أبو ساندرا
Date: 01-03-2008, 11:39 AM
Parent: #1
Quote: حظ الاخوه المسيحيون
تلاته يوم اجازه |
ظريفة ولذيذة والله
|
Post: #9
Title: Re: السبت عطلة رسمية بالخرطوم ابتداءاً من الاسبوع القادم
Author: اسعد الريفى
Date: 01-03-2008, 11:40 AM
Parent: #1
| Quote: في رئاسة الولاية والاجهزة التابعة لها |
| Quote: وذكرت المصادر أن الحكومة الاتحادية تدرس الان امكانية تقليص أيام العمل في الاسبوع الى خمسة أيام وأنها ستقيم تجربة الولاية |
|
Post: #10
Title: Re: السبت عطلة رسمية بالخرطوم ابتداءاً من الاسبوع القادم
Author: Adam Omer
Date: 01-03-2008, 12:27 PM
Parent: #9
Quote: خلاص أعلنوا يهوديتهم؟
العقبى الإحتفال بيوم كيبور
المجد لسلطة الحاخامات |
الاخ ابو ساندرا صباحك سعيد
ربما اكتمل بنا دولة التوجة الحضارى
|
Post: #11
Title: Re: السبت عطلة رسمية بالخرطوم ابتداءاً من الاسبوع القادم
Author: Yassir7anna
Date: 01-03-2008, 12:36 PM
Parent: #1
العزيزة دومة
مبارك عليك العام الجديد
اولا: حظ الاخوه المسيحيين، لأنه الاخوة اسم مجرور بالاضافة الى حظ فطالما ان المسيحيين تابعة للأخوة فهي كذلك مجرورة، هذا والله اعلم
ثانياً: الحسادة العليك شنو؟  ما تخلي الناس تاجز لو الله اداهم، عقبالنا نحن ان شاء الله
وشكرا ليك اخت فدوى
واجازة هنيئة ان شاء الله
|
Post: #12
Title: Re: السبت عطلة رسمية بالخرطوم ابتداءاً من الاسبوع القادم
Author: عمرو كمال ابراهيم
Date: 01-03-2008, 12:53 PM
Parent: #11
| Quote: اولا: حظ الاخوه المسيحيين، لأنه الاخوة اسم مجرور بالاضافة الى حظ فطالما ان المسيحيين تابعة للأخوة فهي كذلك مجرورة، |
سنةجديدة سعيدة
تحياتى لى دومة... كنت مرتب مع ازهرى انو نجى سوا للسلام وللأسف اسباب خاصة منعتنى... نشوفك زيارتك الجاية
|
Post: #13
Title: Re: السبت عطلة رسمية بالخرطوم ابتداءاً من الاسبوع القادم
Author: Fadl Karrar
Date: 01-03-2008, 01:18 PM
Parent: #12
لسة في ناس مساكين فى حتة المشروع الحضاري؟؟؟؟
يا أخوانا عبود دا بالغ عديل كدا
|
Post: #14
Title: Re: السبت عطلة رسمية بالخرطوم ابتداءاً من الاسبوع القادم
Author: عماد شمت
Date: 01-03-2008, 01:59 PM
Parent: #13
واكتمل السلام اسلام يهود مسيحيه
اه السودان فيهو بوذيين ..ديل يومهم متين ؟؟؟؟
عشان الاسبوع كله يكون عطلة !!!!!
ده ما التشبة بالغرب طيب ....تحضرنا !!!
|
Post: #15
Title: Re: السبت عطلة رسمية بالخرطوم ابتداءاً من الاسبوع القادم
Author: Alshafea Ibrahim
Date: 01-03-2008, 05:43 PM
Parent: #1
حقوا ما يشتغلوا خالص ... كشف حسابهم .. بالسالب... لن ولم أجد أكذب واسوأ من هؤلاء القتلة اللصوص . عاوزين يقللوا المصاريف حلوة دي .. بس لو أي واحد منهم تنازل عن 5% من مما سرقه وأختلسه خلال العشرين عام نشيد مدن جامعية ومستشفيات في كل مدنية لإيواء فقراء الطالبات والطلبة .. أو نعيد الحياة ل (50%) من مشروع الجزيرة - الله لا يبارك في فيهم ..
الشفيع
|
Post: #16
Title: Re: السبت عطلة رسمية بالخرطوم ابتداءاً من الاسبوع القادم
Author: JOK BIONG
Date: 01-03-2008, 05:57 PM
Parent: #15
عطلة السبت !!!
الكيزان غيروا دينهم الي اليهودية!!!
السبت عطلة دينية ورسمية في اسرائيل....
مرحبا بالكيزان في اليهودية...
جوك بيونق
تل أبيب
|
Post: #17
Title: Re: السبت عطلة رسمية بالخرطوم ابتداءاً من الاسبوع القادم
Author: mayada kamal
Date: 01-03-2008, 06:50 PM
Parent: #16
يعني الناس اشتغلت ست ايام عملت شنو؟؟؟؟؟؟؟؟؟؟؟؟؟؟؟؟؟؟
قالوا كدي نجرب كدا
بس ان شاء الله يعجب السودانيين
اصلهم نقاقين
لا كدا عاجب ولا كدا عاجب
بس ان شاء الله يبطلوا النقة ويستجموا
بعد دا حقوا السودانيين يتعودوا على الويك ايند
يمشوا يقضوا بعرفوا وين ووين
والله ننتظر ونري ما سيجري
ياربي الناس حيتغير ثقافتها القديمة
ولا يشوفوا ليهم نقة تانية
|
Post: #18
Title: Re: السبت عطلة رسمية بالخرطوم ابتداءاً من الاسبوع القادم
Author: دينا خالد
Date: 01-03-2008, 08:09 PM
Parent: #1
المتداخلون !
كمان تعال قول لى مجروره وجارينها انا مخصوص ختيتها كدا
لا قدامها لا وراها !!!!!
Quote: يمشوا يقضوا بعرفوا وين ووين
والله ننتظر ونري ما سيجري
|
هم اصلو دايرين يقرضو نص سكان العاصمة بحوادث الحركة !!
لو قامو مشو وين ووين دى ،،، سنرى عقب كل ويك اند
10 شاحنات مقلوبة
15 بص متصادم مع 30 عربة صغيرة
150 رقشة قالبة الهوبة
23 هايس متدردق عبر الارصفة
48 حافلة ركاب توفوا كل من فيها فى طرق مدنى ،، شندى ، كوستى
الابيض ، كسلا، والدويم !!!!!!!!
ولا عزاء لاصحاب العطلات
|
Post: #19
Title: Re: السبت عطلة رسمية بالخرطوم ابتداءاً من الاسبوع القادم
Author: amir jabir
Date: 01-03-2008, 08:12 PM
Parent: #18
تانى
|
Post: #20
Title: Re: السبت عطلة رسمية بالخرطوم ابتداءاً من الاسبوع القادم
Author: jini
Date: 01-03-2008, 10:59 PM
Parent: #1
Quote: الاخت فدوى ..
جعلها الله عطلة خير وبركة ..
ود الباوقة |
هلا هلا ود الباوقة السعودى!
ايجازة يومين فى الاسبوع!
من دقنو وافتلو!
زيادة مرتب بتخفيض النفقات على حساب الانتاج! ما تصدق الساعة الزيادة حيطلعوا فى المواعيد القديمة!
اها والمدارس طبعا على حساب الرياضيات والانجليزى!
لان حصص الدين والعربى ستبقى على حالها!
ويطلع الواحد من مرحلة الاساس بحسب باصابعينهو زى ناسك المعجب بيهم!
بلد مسخرة!
جنى
|
Post: #21
Title: Re: السبت عطلة رسمية بالخرطوم ابتداءاً من الاسبوع القادم
Author: Tragie Mustafa
Date: 01-04-2008, 06:32 AM
Parent: #20
غايتو يا جني الله يخلي لينا لسانك الطويل ده
وتضحكنا كمان وكمان:
Quote:
زيادة مرتب بتخفيض النفقات على حساب الانتاج! ما تصدق الساعة الزيادة حيطلعوا فى المواعيد القديمة!
اها والمدارس طبعا على حساب الرياضيات والانجليزى!
لان حصص الدين والعربى ستبقى على حالها!
ويطلع الواحد من مرحلة الاساس بحسب باصابعينهو زى ناسك المعجب بيهم!بلد مسخرة!
|
|
Post: #22
Title: Re: السبت عطلة رسمية بالخرطوم ابتداءاً من الاسبوع القادم
Author: فدوى الشريف
Date: 01-05-2008, 10:33 AM
Parent: #1
تحياتي وشكراً للتعليق.
| Quote: خلاص أعلنوا يهوديتهم؟ |
في اعتقادي ان اختيار أي يوم للعطلة يجب أن يكون مع الجمعة يوم العطلة الكلاسيكية. اذاً سيكون اما الخميس أو السبت. واختيار يوم السبت ربما لأن السبت كثير من الشركات الان في السودان تتخذه عطلة ، ثم أن السبت والاحد في أوربا والكثير من بلدان العالم أيام عطل.
ما دامت الجمعة (عيدنا الاسبوعي) لم يمس فلا أرى ضرر في أي يوم من أيام الله الاخرى أن تخصص للعطلة وليس لمناسبة احتفالية.
|
Post: #23
Title: Re: السبت عطلة رسمية بالخرطوم ابتداءاً من الاسبوع القادم
Author: Hisham Ibrahim
Date: 01-05-2008, 12:27 PM
Parent: #22
ألا لعنة الله على الظالمين !!!!
للحصول على أكبر وقت لمباشرة أعمالهم الخاصة وشركاتهم، وإدارة أموالهم الحرام!!!
لا بارك الله فيهم ولا غــــــز فيهم بركة !!!
هشام
|
Post: #24
Title: Re: السبت عطلة رسمية بالخرطوم ابتداءاً من الاسبوع القادم
Author: الزبير صالح الزبير
Date: 01-05-2008, 01:17 PM
Parent: #1
| Quote: لما دامت الجمعة (عيدنا الاسبوعي) لم يمس فلا أرى ضرر في أي يوم من أيام الله الاخرى أن تخصص للعطلة وليس مناسبة احتفالية |
القرار أعتقد صائب لأسباب كتيرة منها تخفيض النفقات الحكومية ، منح أرباب الأسر وقت أطول لتقضيتة مع أبنائهم وأسرهم ، تقليل مصروفات الأفراد بتقليل نفقات التحرك للعمل ومصروفات الأبناء المرتبطة باليوم الدراسي ، تقليل الزحام بالعاصمة يوم الإجازة الإضافية ، مواكبة المؤسسات المالية من بنوك وصرافات لإجازات المؤسسات المناظرة لها في بقية دول العالم
هكذا أري.
|
Post: #25
Title: Re: السبت عطلة رسمية بالخرطوم ابتداءاً من الاسبوع القادم
Author: السر عبدالله
Date: 01-05-2008, 01:29 PM
Parent: #24
يا اخوى يا الطاهر .. هو بالفعل ثلاثة ايام عطلة لان يوم الخميس يوم ادارى وما فيهو شغل
وبعدين يا ابو ساندرا عطلة المسيحيين اربعة ايام .. يوم الخميس وهو اليوم الادارى ويومى الجمعة والسبت .. على حسب القر ار الجديد ويوم الاحد عطلتهم الرسمية
ودقى يا مزيكة
|
Post: #26
Title: Re: السبت عطلة رسمية بالخرطوم ابتداءاً من الاسبوع القادم
Author: Deng
Date: 01-05-2008, 02:29 PM
Parent: #1
فدوى الشريف.
كل سنة وأنتي طيبة.
شايف الكيزان بحاولو يلحقوا بركب التعامل في اسواق النقد العالمية(الاسواق العالمية لا تعمل يومي السبت والاحد). أنتو يا كيزان محل ما في أموال بنلقاكم,
والله بقت ظاهرة عديل يا فدوة.
دينق.
|
Post: #27
Title: Re: السبت عطلة رسمية بالخرطوم ابتداءاً من الاسبوع القادم
Author: Nazar Yousif
Date: 01-06-2008, 11:10 AM
Parent: #26
الأخت فدوى
عقبال ساعة البكور
حديث المدينة
العطلة الأسبوعية.. يومان..!!
عثمان ميرغني
كُتب في: 2007-12-22
[email protected]
مؤقتاً.. سيتمتع السودانيون بعطلة يومين في الأسبوع ابتداءً من هذا الأسبوع ولمدة ثلاث أسابيع قادمة.. الثلاثاء القادم 2 ديسمبر هي عطلة عيد الميلاد (الكريسماس).. الثلاثاء التي تليها يوم 1 يناير عطلة عيد الاستقلال (وليس رأس السنة كما يخطئ البعض).. والثلاثاء التي تليها يوم 8 يناير عيد رأس السنة الهجرية..
أليست هذه مناسبة لإعادة النظر في جعل عطلة نهاية الاسبوع يومين بدلاً من يوم واحد.. فتصبح الجمعة والسبت.. كما حدث في تجربة سابقة في بداية التسعينيات..
الدوام الرسمي للعمل حالياً يبدأ من الساعة السابعة والنصف صباحاً حتى الثانية والنصف.. حوالى سبع ساعات.. وهو أقل من الدوام المتعارف عليه في معظم الدول.. وهو (8) ساعات.. فإذا مددنا ساعات العمل الرسمي لتكون بداية الدوام بين الساعة السابعة والنصف إلى الساعة الثامنة والنصف صباحاً.. حسب ظروف كل منشأة.. لينتهي العمل بين الساعة الثالثة والنصف إلى الرابعة والنصف مساء.. فإننا عملياً نحقق نفس ساعات العمل الأسبوعية في خمسة أيام.. ولا حاجة إلى ستة أيام عمل.. ويحق بالتالي التمتع بعطلة أسبوعية قدرها يومان كاملان..
الأمر لا يحتاج إلى كثير (تنظير).. فالتجربة سبق العمل بها.. وتراجعت عنها الحكومة بينما استمرت بعض الشركات الخاصة والأعمال على نظام عطلة اليومين.. ومن هذه المؤسسات مجموعة النفيدي الشهيرة.. أحد أنجح المؤسسات السودانية الخاصة.. فقد ذكر لي السيد أمين النفيدي أنهم منذ أن أعلنت الحكومة عطلة اليومين .. التزموا بها ولم يتراجعوا عنها حتى اللحظة بعد أن أدركوا فوائدها العملية.. فعلاوة على أن العاملين يوفرون وقتهم وجهدهم ومالهم بالعمل لخمسة أيام.. فإن الاجتماعيات الكاسحة عند السودانيين تجد متسعاً لها في يومي العطلة بعيداً عن أيام العمل الرسمية.. وحتى سكان الولايات البعيدة يمكنهم التمتع بالسفر الى ذويهم.. بدلاً عن اقتطاع أيام السفر عنوة واقتداراً من أيام العمل الرسمية..
وإذا وضعنا في الاعتبار أن الموظف أو العامل يهدر وقتاً مقدراً من عمره في الحركة اليومية من البيت إلى العمل وبالعكس.. وربما تصل متوسط الساعات في اليوم الواحد إلى أكثر من ثلاث ساعات.. فإن توفير يوم عمل يوفر للموظف زمنه وطاقته وماله من المواصلات..
والأحرى قبل تطبيق هذه التجربة.. استعادة التوقيت الدولي الطبيعي للسودان.. استعادة الساعة الضائعة في ما سمي بتجربة (البكور).. فالقضية ليست في التلاعب بعقارب الساعة، بل في احترام الزمن من حيث هو.. واتقان الاستفادة منه خلال ساعات الدوام الرسمي.. عادة في دواوين الحكومة.. لا يعمل الموظف ولو عمل عشر ساعات في اليوم. لأن النظام الرويتني للعمل لا يحاسب متخلفاً ولا يقدر متقدماً في عمله.. فيصبح لسان حال الموظف (اللوم والشكر.. واحد على......).
وفي كل الأحوال التعويل ليس على الحكومة وحدها.. الأفضل أن يكون القطاع الخاص مبادراً وسبّاقاً.. وليت الشركات والأعمال الخاصة تحتذي بـ(مجموعة النفيدي) وتجرّب نظام العطلة يومي الجمعة والسبت..
الأمر يحتاج إلى (خيال) جريء.. وروح شجاعة لا تخشى الجديد.. وقبلهما إحسان التوكل على الله.. فأنا موقن أن معظم القرارات السديدة ينقصها دائماً إحسان التوكل على الله..
|
Post: #28
Title: Re: السبت عطلة رسمية بالخرطوم ابتداءاً من الاسبوع القادم
Author: فدوى الشريف
Date: 01-07-2008, 07:56 AM
Parent: #1
تطبيق عطلة اليومين في كل البلاد
أقر مجلس الوزراء رسمياً تعميم عطلة السبت على جميع الولايات اعتباراً من يوم 26 الجاري لتجرب فترة ستة أشهر.
|
|