الثعالب دائما تأكل ما تبقى من موائد الاسود/ هنيئا لكم ريكاردو

الجماعة بعد ما سجلو اثنين من مشاطيب الهلال
وكانو ساكين اكتر من لاعب بكشف الهلال من الذين اسموهم ب( اولادنا)
اها الدور جه على على المدرب و السبب عجيب جدا

أقرأو هذا الخبر عن المنقول عن الكابتن عدد الامس 2/1/08

Quote: للرد علي ضربة دوس سانتوس المريخ يفاجئ الهلال ويفاوض ريكاردو من اجل القيام برد الضربة القوية التي وجهها الهلال للمريخ بمفاوضته لمدربه البرازيلي الجديد دوس سانتوس واخضاع الهلال له بالتحول لقيادة تدريب الفريق خلال المرحلة المقبلة علي الرغم من المريخ اقترب من اكمال مفاوضاته مع البرازيلي دوس سناتوس واكد وصوله للخرطوم الا ان تدخل الهلال عرقل المفاوضات مع المريخ وابدي دوس سانتوس رغبته في تدريب الهلال . ازاء هذا الموقف من الهلال قام المريخ باجراء مفاوضات مكثفة طيلة اليومين الماضيين وذلك من اجل اقناع مدرب الهلال البرازيلي هيرون ريكاردو لقيادة تدريب المريخ خلال الفترة المقبلة . واكد مسؤول مريخي بان المريخ قدم عرضا خرافيا لريكاردو ليقود تدريب المريخ خلال المرحلة المقبلة.

ويا مريخاب ما تزعلوا منى
انا بكاويكم ساى
لكن عليكم الله انتو ذاتكم ما زعلانين من قصة بواقى الهلال دى؟

هشاااام المجمر ألفين سلاااام يا حبيبنا
إنتو البوديكم تهبشو شنب الأسد شنو ؟؟
الدنيا دي ضاقت عليكم ؟؟ إلا المدرب المتفق معاهو المريخ ؟؟
بتعرف التسويهو كريت في القرض ؟؟ بس ياهو زاااااتو

أنا طبعاً حااالف أرد ليكم من جريدتكم الزرقاء ( قووون ) بالتاريخ والتصوير كمان



شووووف نحن بنفاوض وإنتو بتخطفو .. أصلكم بتاعين إرهاب
شايف كيف اخلاق الصفوة ؟؟ عرفت الفرق بين المفاوضة والخطف ؟؟
وعرفت كيف قووون تفخر بأن الهلال خطف ؟؟ ساعدونا باللفظ

رغم قناعتي الكاملة أن أي شيء ( لاعب أو مدرب ) خدم الأزرق لن ينفع المريخ
عشان كده ما عاوز حاجة زي دي تجينا تكجنا نقوم نعقر نلحق أبو ( 77 ) سنة من غير بطولة

أنا أعتقد مدرسة المريخ التدريبية ستكون فرنسية .. والله أعلم
كامل المودة

Quote: رياضة: رداً على مفاوضة الهلال لسانتوس المريخ يفاوض هيرون ريكاردو أفادت المصادر ان إدارة المريخ شرعت في مفاوضة مدرب الهلال السابق هيرون ريكاردو وقد أتت الخطوة بعد يوم واحد من مفاوضة الهلال للمدرب البرازيلي دي سانتوس الذي ورد أسمه ضمن ترشيحات إدارة المريخ للمدربين الأجانب. وقد وجدت خطوة المريخ بمفاوضة ريكاردو أصداء مختلفة في الأوساط المريخية وقد قابلها الكثيرون بارتياح بالغ نسبة للنجاح الكبير الذي حققه المدرب البرازيلي مع نادي الهلال بالوصول به للدور نصف النهائي من بطولة أبطال أفريقيا بالإضافة لاحتفاظه بلقب الممتاز طيلة الفترة التي عمل فيها بالهلال بالإضافة إلى قيادته للفريق عربياً لنصف نهائي ابطال العرب الموسم قبل الماضي هذا فضلاً عن الخبرة الكبيرة التي جناها المدرب في الملاعب العربية والأفريقية خلال قيادته للهلال. ويصل الخرطوم يوم غدٍ الجمعة مدرب الهلال البرازيلي الجديد دي سانتوس للإشراف على تدريب فريق الكرة بعد الوصول الى اتفاق نهائي معه خلال اليومين الماضيين ويتواجد دي سانتوس حالياً بفرانكفورت الألمانية التي وصل اليها أمس من البرازيل في طريق حضوره الى الخرطوم والتي سيصلها عبر اللوفتهانزا.

ده نقلا عن المشاهير

يا ثابت

سلام

المشكلة انو مفاوضات المريخ مع دو سانتوس لم تنجح لانو الراجل كان خاتى عينو على الاسد

وبما ان الراجل معجب جدا بالاسد فقد قرر انو مافى داعى يواصل مفاوضات مع الثعالب

اها الاسد لمن عرف واتصل

الراجل طوالى وافق

يعنى مافى خطف ولا حاجة

الموضوع ده البيزعل فيهو شنو عشان تجروا وتفاوضوا ريكاردو؟

المشكلة انكم بتحبو البواقى

يا هندسه

اسعد الله اوقاتك بكل الخير

وللمره المليوون نقول ليكم انو المريخ لم يسجل لاعب مباشرة من الهلال
بل العكس هو الصحيح فالهلال سجل من المريخ مباشرة الكثير جدا من اللاعبين
واذا عندك حاله معروفه لتسجيل المريخ من الهلال مباشره ارجو ان توردها
لنا هنا مباشرة .. بدل اللولوه الانتا فيها دى

اما موضوع ريكاردو دا فانا اشك فيه تماما واعتقد انه مكايدات اعلاميه
ليس الا وان صدق فستكون كارثه لان ريكاردو ليس لديه ما يقدمه للمريخ
او للكره السودانيه عامه ومسيرته فى الهلال تقول ذلك

وانا استغرب لسكوتكم عن مفاوضة الهلال للمدرب دى سانتوس والذى قام المريخ
بمفاوضته لتدريب المريخ واذا بالهلال يتدخل ويحاول استقدامه لتدريب الهلال
رغم ان مفاوضات المريخ معه لم تنتهى الى الان
لماذا لم تستنكروا هذا الامر فى حينه ؟

Quote: وبما ان الراجل معجب جدا بالاسد فقد قرر انو مافى داعى يواصل مفاوضات مع الثعالب اها الاسد لمن عرف واتصل الراجل طوالى وافق يعنى مافى خطف ولا حاجة

هشاام بالغت والله
أول مرة أسمع بخطف المعجبين .. الخطف دائماً قسراً .. معناها مافي إعجاب
طيب ريكاردو القلتو فيهو العديل والزين البخليهو يفاوض المريخ شنو ؟؟
سانتوس مسكين جااي على عماهو ماعارف الأسد من الضبع
لكن ريكاردو عاش هنا كتير وعرف روحو وقع ليهو في ضبع .. عشان كده بفاوض الأسد

قلت مافي خطف ؟؟ يعني رمضان وصحيفتو كضابيييييييين ؟؟

غايتو غلبكم يا ناس الهلال ..
بي طريقتكم دي محمداكم تاني ( 77 ) عجااااف
إنتو بديتو خطف سانتوس وريكاردو قاااعد وسطكم
يعني إنتو البديتو .. إستحملوا يا هشااام
وبرضووو يااااااااارب المريخ ما يتعاقد مع ريكاردو
والله دي دعوة من جوووووة يا هشام .. زول غالبنو في آخر لقاء كيف نقبل بيهو ؟


المحبة الحمراء يا هشااااام

على محمد على بشير

تحياتى

انا كنت كويس ومنزل بوستات مفيدة

اها فى بوست الشباب داك

صدقت كلامك و رجعت لى ناس الكورة

ما لقيت احلى من مكاواتكم خاصة انو الموسم واقف عكس مواسم الكرة فى الدنيا كلها

والله ياعلى الاسبوع الفات شفت كورتين للارسنال وكورة لمانشستر مع وست هام

و قبلها شيلسى مع استون فيلا طلعت 4/4

قلت اتوب من الكرة السودانية خالص

بس المرض متمكن

Quote: وانا استغرب لسكوتكم عن مفاوضة الهلال للمدرب دى سانتوس والذى قام المريخ بمفاوضته لتدريب المريخ واذا بالهلال يتدخل ويحاول استقدامه لتدريب الهلال رغم ان مفاوضات المريخ معه لم تنتهى الى الان لماذا لم تستنكروا هذا الامر فى حينه ؟

يا زول قلنا ليك الراجل ما اتفق مع المريخ

شاف الاسد

وقرر ما يواصل المفاوضات

كدى األ لجنة المدربين بالمريخ حتلقى كلامى صاح

ثابت

سلام مرة اخرى

Quote: وبرضووو يااااااااارب المريخ ما يتعاقد مع ريكاردو

ما تخاف

الراجل قال مرتو ما دايرة تعيش فى سودان الصفوة اقصد السجم

Quote: * تمكن صلاح ادريس رئيس مجلس ادارة نادي الهلال من تحقيق خطوات مهمة في سبيل إنهاء الاتفاق مع المدرب البرازيلي دوس سانتوس لتولي تدريب الهلال في المرحلة المقبلة وأهمية هذه الخطوة تفرضها ضرورة وجود مدرب قبل انطلاق الفترة الاعدادية حتى يقف على مستويات اللاعبين وتقييم الموقف الفني للفريق قبل بداية الموسم الكروي.. وحسناً فعل الأرباب من خلال اختياره للمدرسة البرازيلية بعد أن وضع ريكاردو بصمات واضحة على الفريق الذي أصبح يلعب بنكهة برازيلية.. كما أن اللاعبين أنفسهم اعتادوا على النهج البرازيلي الذي يقوم على السهل الممتنع وسلاسة الأداء.. ننتظر في الأيام المقبلة الانتهاء من هذا الملف الذي بات هماً يؤرق منام الأهلة. * أمام لجنة تسجيلات الهلال أن تعيد النظر في المهاجم مدثر كاريكا بعد أن اصبحت الحاجة اليه ماسة بعد التعقيدات التي صاحبت قضية قودوين ومصير كلتشي ما يزال مجهولاً ومعتز كبير أصبح خارج الكشوفات، فان وجود أحمد عادل وزهير زكريا ومدثر كاريكا في المقدمة الهجومية يعتبر مكسباً كبيراً للهلال في الموسم القادم. لذلك أرى ضرورة تسجيل مدثر كاريكا بعد المستوى والتألق الذي ظهر به سواء مع فريقه نيل الحصاحيصا أو ضمن المنتخب الأولمبي الذي فاز بكأس سيكافا مؤخراً.. كما أن مدثر كاريكا ليس غريباً على الهلال وأهله. ومهما كانت الدوافع التي قادت الى شطبه الا أن اللاعب أكد جدارته بالعودة مجدداً لصفوف الهلال. فليذهب قودوين.. ويبقى الهلال! * الضجة التي أثارها قودوين لم يسبق لها مثيل في تاريخ الهلال.. وبعد أن أعلن الهلال عن استمراريته بدأ مسلسل آخر من المناورات والغموض الذي يقوده اللاعب بنفسه.. وهذا ما يؤسف له أن تظل الجماهير الهلالية تحبس أنفاسها مع مطلع كل صباح جديد في انتظار أخبار النيجيري قودوين. * الحقيقة أن هذه الأزمة تجاوزت اطارها الطبيعي.. فليذهب قودوين حيث اراد ولا أرى غضاضة في أن يصدر مجلس الهلال قراراً في هذا الشأن. * نعم قودوين موهبة لا ينكرها أحد ولكن ليس الهلال الذي يركض خلفه حتى ينال رضاه.. ولا ننسى أن الهلال هو الذي صنع قودوين ومنحه البريق والنجومية، وكان قبلها نسياً منسياً لا يعرفه أحد.. * الهلال لما يقارب الثمانين عاماً صنع نجوماً بوزن الذهب وخرج منه أفذاذ اللاعبين وظل الهلال مثل النهر متدفقاً.. بل حقق الهلال أعظم انجازاته في العامين 87 و92 بالوصول الى نهائي افريقيا دون محترفين أو مدربين أجانب.. فجميعهم من الوطنيين وحققوا أعظم الانتصارات أوصلته الى مراقي النجوم. * اطلقوا سبيل قودوين بعد أن اصبح هذا اللاعب أزمة تهدد استقرار الهلال.. فليذهب الى الوجهة التي اختارها.. وبالطبع فان خسارة الهلال أكبر اذا بقي اللاعب بصفوف الفريق مكرهاً.. حينها لن يجني الهلال من ورائه سوى الندم. * أكتب هذه الزاوية وما يزال مجلس ادارة الهلال مجتمعاً حول موضوع قودوين.. واتمنى صادقاً أن يُصدر المجلس قراراً باطلاق سراح اللاعب على حسب رغبته بدلاً من حرق الزمن والأعصاب في قضية باتت معالمها واضحة.

مقال لدسوقى بجريدة الكابتن