احمد الريح نجم البورد الرياضي للعام 2007 هل من مثتي؟

لو كان الصحفيين الرياضيين في السودان
بيكتبو بنصف مصداقيه واحترافيه
وتجرد احمد الريح لاكدت لكم جازما بان الرياضه
في السودان تسير في تطور ملحوظ

الاخ عمر بوب

Quote: لو كان الصحفيين الرياضيين في السودان بيكتبو بنصف مصداقيه واحترافيه وتجرد احمد الريح لاكدت لكم جازما بان الرياضه في السودان تسير في تطور ملحوظ

تمام..اؤيد بشدة

شكرا محمد علي ادم

وشكرا حيدر حسن ميرغني

Quote: زول متزن لا يقول إلا الحق

دا كلام صحيح

Quote: والسياسي كمان

السياسي دا خليهو علي جنب...لانو الحاصل بيطمم البطن وكل الشعب السوداني ضائع بين مطرقة اليمين وسندان اليسار

ونحن بندخل البورد دا عشان نرفه عن نفسناشوية وماعندنا زمن نضيعو مع الناس الفاضية

يبقي خلينا مع رياضتنا دي احسن

وتحياتي

Quote: زول متزن لا يقول إلا الحق

نربع

(وست ولا حريق؟)

عفوا رقم صفر


الموضوع هو

Quote: ... قبل شهور، وتحديدا في يونيو الماضي، "التقطت" من الصحف اسم الوكيل الإنجليزي الذي مثل قودوين في تعاقده مع نادي عجمان. وبحثت عنه في قائمة وكلاء اللاعبين المعتمدين لدى الفيفا، فوجدته، واسمه David Currie. وجدت في موقع الFIFA بريده الإلكتروني وهاتفه المحمول، فلم أتردد -سعيا وراء الحقيقة- في مخاطبته برسالة عبر بريده الإلكتروني ووضعت له في الرسالة عنواني في أمريكا ورقم هاتفي المحمول. وهذا نص الرسالة "14/6/2007": .This e-mail is in regards to your Nigerian client, Ezeh Godwin, who is now a player of Al-Hilal" Some media sources are raising doubts about Godwin having two simultaneous contracts signed with both Al-Hilal and Ajman Football Club of United Arab Emirates; which breaks the rules of FIFA and threatens the future of Godwin as a professional player "?My question for you is: What’s you comment on these news طلب الرجل بعض الوقت للاتصال بمن أسماهم "my contact in Sudan" قبل أن يجيب على استفساري، ثم بعث لي برسالة أخرى فيها إجابة لم أعتبر أنها شافية "23/6/2007": .I am Godwin's legal agent and my position has been acknowledged by the club" .I have complained the SFA about the treatment of my player and there are number of issues that are outstanding .If the matter is not resolved within the immediate I intend to take the matter to FIFA "I do however wish Al Hilal and their passionate fans all success in their quest for the Champions League طلبت منه تحديد موعد يناسبه للرد على تساؤلاتي عبر الهاتف، فلم يمانع، لكنه ضرب موعدا لم يناسبني بسبب فرق التوقيت بين أمريكا وإنجلترا، ثم شغلتني الشواغل عن متابعة الأمر. كنت مهتما بمعرفة تأريخ توقيع قودوين لعجمان، ومعرفة ما الذي يعتبره "هو" حلا لهذا الأمر "كما عبر عنه باستعمال كلمة resolve"، ولربما أعدت مراسلته مرة أخرى. كنت أود نشر التفاصيل بمنتدى الهلال، لكني عدلت عن ذلك لأني لم أتابع الأمر. ____________________________

وهو من بوست

هل عاد شداد لمسلسل التشفي....أم أنه القانون



وهو ما لم يفعله اي صحفي سوداني

تحياتي لكل الاخوة ولي عودة بالتفصيل

الاخ محمدالصايم

Quote: نربع

ونخمس... ونسدس...كمان

تحياتي

الحبيب ياسر
كل عام وانت واحمد الريح والسودان وكل الرياضيين بالف خير

مثلت كتابات احمد الريح خلال 2007 ترياقا مضادا لكل الكتابات الهزيله من الطرفين هلالاب او مريخاب لما يمتاز به قلم احمد الريح من توخى للمصداقيه وبحث مضنى عن المعلومه الصحيحه لتقديم القراءه الصحيحه لللاحداث الرياضيه وخاصه فيما يتعلق بالهلال.

بحكم انتمائى للهلال العظيم كانت بوستات احمد وخاصه قيل لقاءات الهلال تعيننى كثيرا فى متابعه حبنا الكبير الهلال ومعرفه مستوى الفريق وحظوظه واحمد كان صادقا معنا فى تحليله ولم يقم ببيع الاوهام لنا كما يفعل الكثيرون لذلك اجد نفسى اثنى بشده.

تخريمه:
احمد الريح منتظرين بوستاتك حول السودان× زامبيا والسودان× الكميرون والسودان ×مصر

جلال ناصر

الاخ جلال ناصر

Quote: مثلت كتابات احمد الريح خلال 2007 ترياقا مضادا لكل الكتابات الهزيله من الطرفين هلالاب او مريخاب لما يمتاز به قلم احمد الريح من توخى للمصداقيه وبحث مضنى عن المعلومه الصحيحه لتقديم القراءه الصحيحه لللاحداث الرياضيه وخاصه فيما يتعلق بالهلال.

كلام صحيح ولم ارصد قلم واحد يتحري المصداقية....دا اول واحد من ناس الهلال...في انتظار اول قلم من المعسكر الاحمر

وكلو موثق
ماقي كلام ساكت
أطالب مزمل أبوالقاسم أن يناظره ويرد علي اتهامات أحمد والادله التي ساقها
علي عدم المصداقية و عدم الموضوعية... هل يجروء؟؟؟؟
وكلو موثق
لأحمد مؤنة قرن من المحبة
ولياسر مثلها

خالص خالص . .

صديقي كل سنة وانت طيب...وليك وحشة

Quote: وكلو موثق ماقي كلام ساكت

وكلو موثق..وبالدليل والبرهان

Quote: أطالب مزمل أبوالقاسم أن يناظره ويرد علي اتهامات أحمد والادله التي ساقها

يناظر بي شنو....بي عجبكو وكركبكو ..وسجم خشمكو

كدي اليحسن لغتو الاول

هو الشخص دا ذاتو شكلو بقي يعمل نسخ مما هو مكتوب في البورد...

شكرا ليكم شكر كتير "كلكم بلا فرز"، وفي الحقيقة التضارب غير العادي في ما تنقله صحفنا
الرياضية -مع التقدير لمجهودات كتابها الجادين- خلانا نفتش برانا عن المعلومات الصحيحة
من مصادرها... والبركة في google

وطبعا "الإشادة" بتزيد المسؤولية، ولذلك لا أعد بأكثر من الاجتهاد والمبدئية، فأما آرائي
فالاختلاف حولها يثري الجدل المثار، وأما صحة استنتاجاتي وفهمي فلا أجزم بهما.
________________________________

Quote: غايتو يا أبوحميد لو في تسجيلات مشجعين كان زماااااااان سجلتك للمريخ

القال ليك منو تسجيلات مشجعين مافي يا خالد عثمان؟

تلفوني عندك؛ عليك الله أديهو لى جمال الوالي. ووالله "أخدركم" لامن تصحو وتلقو الهلال
شال الممتاز للمرة العاشرة!

بس قول ليهو يديني "بدل دوري أبطال"... لأني حا أكتب عن الكونفدرالية

ثقافتي في الكورة متواضعة جدا كثقافتي في غيرها. أستطيع أن أقول و بكل ثقة لو أن كتابة الأخ أحمد في الرياضة كباقي كتاباته في المجالات الأخرى فهذا يعني ارتقاءا عاليا بمستوى الإعلام الرياضي. وفق الله الأخ أحمد الريح و سدد خطاه.

أصوت لود الريح كنجم للبوست رياضيا...فالرجل يدقق وينقب ويتحقق
ويرفد مشاركاته غالبا بمادةموثقة كتدعيم لما يكتب... ثم أنه يفهم في "الكورة"

لماذا غاب صوت المرأة المهتمه بالكورة عن هذا الترشيح.؟؟؟


يا اخوات يا كورنجيات قولن رايكن ولا تصمتوا
لا تتركوا اي مساحة للحرية وممارسة الحقوق و تغيبوا.




لم ادخل للتصويت بلا او نعم
وجدته لينك في مكان واستغربت غياب صوت المرأة
يلا يا ايمان ولنا مهدي و الهلالبيات و المريخابيات
تعالن قولن رايكن..كنت سعيدة ان اقرأ لكن تداخلتكن المعدودة.
لكنه مجال سعدت بنشاطن به.


مبروك لاحمد الريح اجماع الوسط الرياضي بالمنبر عليه.

الاستاذة تراجي

سلامات وكل سنة وانت طيبة

Quote: لماذا غاب صوت المرأة المهتمه بالكورة عن هذا الترشيح.؟؟؟ يا اخوات يا كورنجيات قولن رايكن ولا تصمتوا لا تتركوا اي مساحة للحرية وممارسة الحقوق و تغيبوا.

كل المساحة مفتوحة لك وللاخوات الكورنجيات والجندريات كمان...اها قصرت معاك

شكرا للمداخلة خفيفة الظل

الاخوة العوض و كمال عباس لكما التحية

سلامات
دخلت في كثير من المنتديات الرياضية وقرأت الكثير من الكتابات
لكن احمد الريح كتاباته مميزة وذات مصداقية عالية. هنئيا للهلال
بكاتب مثل احمد الريح

Quote: ... ببساطة ووضوح شديد: نحن هنا في منبر وسيلة التواصل فيه هي الكتابة، وأهم جوانبها "الأسلوب" الذي يأتي في ترتيب الأولويات قبل "الرأي". ولذلك يصعب على اعتبار أن محمد سليمان ومحمدين في ذات الخندق. هناك عدد كبير من المقالات التي "تـمـدح" محمد سليمان وأمثاله من أصحاب "القلوب الفظة" والتعميم المخل والعشوائية والتجني؛ لم يعتبر أحد أن "هذا العدد الكبير من المقالات" محاولة لتوسيع الشقة بين محمدين ومحمد سليمان "مثلا". لكن عندما يكتب مقال "واحد" يمدح فيه محمدين "وأمثاله من المتزنين" يسارع محمد سليمان "وأمثاله" لمهاجمة محمدين وانتقاد أسلوبه!! يبقى العيب في محمد سليمان "وأمثاله"؛ لأنهم لا يحتملون رأيا مخالفا ولا أسلوبا مغايرا لأسلوبهم. وأرجو أن يترك البعض "التلويح" بأن هدف هذا المقال والمعقبين فيه "دق إسفين" بين الطرفين "فهذا ضرب من محاسبة النوايا"، وعليهم أن ينصحوا الطرف "الغاضب" بأن تكون "روحه رياضية".

.......
يشهد الله كلام احمد الريح ده إختصر اللت والعجن والمغالطات الدائرة هنا
تاني تحية ليهو

الاخ حيدر حسن ميرغني

ماقلنا نحن حدنا العراضات ياخ...مالك داي تجيب لينا الهوي هنا..وتقوم داحس والغبراء

هي كلها ربع ساعة في اليوم بندخلها النت...خليها فرايحية

بعدين الترابي ونقد ذاتهم بقوا حبايب...اللت والعجن في شنو تاني


تحياتي

كل عام و إنتم بخير

اثني .... احمد امتعنا بمواضيعه و كان متابع جيد لهلالنا

تخريمه الحمد الله شطبو ابوبكر الشريف

ياسر

معليش يا أخوي

ناس السياسة ديل لو كانوا بيعرفو كورة كانت روحهم بقت رياضية

ماتخاف مابيدخلوا هنا تب دي شايفنها زي الترف المنبري على وزن الترف العقلي بتاعة الشيوعيين .... هسع حصل لقيت بشاشا مثلا فى بوست كورة







حا اسحب اللنك عشان الهوا مايجي

الأخ ياسـر ..
تحياتي ..

Quote: هل من مثتي؟

قبـل أن نثني أو ندين .. خلي Ahmed Alrayah أو إنت
يشـرح لينـا التاناقض دا ..
علما أن هذا التناقض كان في بوست واحد فقط !!!

Ahmed Alrayah كتـب الآتـي :



تابـع معاي .. لأنـو Ahmed Alrayah اسـتند في كلامو كلو على هزائم المريخ
وبداهو بهزيمة المريخ أمام الصافقص كما ترى ..
فاصبحت هذه الهزيمة الأساس الذي بنى عليه كلامه .. وحين ينهار الأساس ينهار
كل شئ ..
ثـم تحـدث عـن الخسارة الحمراء الفادحة كما ترى وأتى بها كتعليل لحديثه
والدليل قوله ( لأن الخسارة الحمراء كانت فادحة...الخ) ، فكتب :



إذا دعنا نرى ماذا فعل Ahmed Alrayah بهذا الأساس الذي بنى عليه
حديثه حين أحرجه أحد الأعضاء !! أنظـر :



بكـل بسـاطة نسف كل حديثه أعلاه !! ونفى أن يكون( للمقال ) ـ لو سلمنا جدلا أنه مقال ـ
علاقة بنتائج مباراتي المريخ في المغرب وتونس !!!

أشرح لي الكلام دا ياسر وبعد داك ح نفكر في مسألة التثنية والتصويت ..

محبتي .

حسين يوسف..مابديت هنا كويس .رجعت تااااني ...اصلو الطبع بغلب التطبع

بجيك باكر بي رواقة

=