أنا ،،، بعتذر (قصيدة)

أنا بعتذر
،،،،،،،،
فى الريده بنُْْرُص القصائد ،،،
على حافة الليل الدفر ،
فى شان تبل النسمة أوجاع الحرف ،،،
وتسد فراغات الوتر ،
ياما الكلام قلناه ،،،
حتى الدمعة سالت ،،،
دوبت رحم الحجر ،
لما الشموع كانت بتضحك ،،،
والظلام يتوارى من وهج القمر ،
كنا بنحس طعم الوفاء ،،،
يسبح يصارع فى القدر ،،،
وانا فى رجاك ،،،
حاضن صفاك ،،،
أكتب غناكى وادندنو ،،،
على نغمة الناى الفتر ،
،،،،،،،،،
لو شفتى كيف الند بيتوجع ،،،
يهاجر فوق ،،،
يعطر شوق ،،،
يونس فى حبيبات المطر ،،،
لو شفتى إسمك كيف حفرناهو ،،،
ملاحم باكيه من تعب السفر ،،،
لو شفتى كيف شلناهو ،،،
من وهم الأمل ،،،
بين المآسى ،،،
والجراحات المدفَّنه ،،،
جووو أفراح الدهر ،،،
،،،،،،،،،،،
كان جيتى بى دربك براك ،،،
شايلاك أشواقى المعاك ،،،
وتسابقى أحزانى المدفَّقه فى البحر ،،،
وماكان جفاك ،،،
طاوع هواك ،،،
بى كلمة واحده ،،،
تقولى لى ،،،
أنا بعتذر ...
....
الفاتح الجنيد

ودالجنيد يا جميل

كل سنة وانت طيب
وكل عيد وانت والاسرة الكريمة بخير وعافية

جملا قلمك وشعرك والاحساس

وجميل كوني اول المتداخلين واثلج صدري برحابة نظمك

وابداع حرفك
يديك الف عافية وشكرا يا صديق

Quote: ودالجنيد يا جميل كل سنة وانت طيب وكل عيد وانت والاسرة الكريمة بخير وعافية جملا قلمك وشعرك والاحساس وجميل كوني اول المتداخلين واثلج صدري برحابة نظمك وابداع حرفك يديك الف عافية وشكرا يا صديق

الرجل ذو الحرف الانيق عبد الله وداعة

اليوم السعيد الليله جابك
أسعدنى شدييييد كونك أول المتداخلين
وسنه حلوة عليك يا الحبيب

لك الود كيمان ...

Quote: ياما الكلام قلناه ،،، حتى الدمعة سالت ،،، دوبت رحم الحجر ،

ياخي ده ماكان كلام هذا روح بشر .

Quote: لو شفتى كيف الند بيتوجع ،،، يهاجر فوق ،،، يعطر شوق ،،، يونس فى حبيبات المطر ،،،

رقة متناهية مع حبيبات المطر

Quote: وماكان جفاك ،،، طاوع هواك ،،، بى كلمة واحده ،،، تقولى لى ،،، أنا بعتذر ...

بدون تعليق .

ود الجنيد يسعد صباحك
وكل سنة وانت في احسن حال
تحياتي لاسرتك الكريمة

عزيزي الأستاذ الفاتح

كل سنة و إنت بألف خير

Quote: كان جيتى بى دربك براك ،،، شايلاك أشواقى المعاك ،،، وتسابقى أحزانى المدفَّقه فى البحر ،،، وماكان جفاك ،،، طاوع هواك ،،، بى كلمة واحده ،،، تقولى لى ،،، أنا بعتذر ...

أحسن بوصلة تهدي المحبوب .. هو الشوق ... تجيبو من وين هو في ...

تسلم يا جنيد

Quote: أحسن بوصلة تهدي المحبوب .. هو الشوق ... تجيبو من وين هو في ...

الرجل يحب ليسعد بالحياة .. والمرأة تحيا لتسعد بالحب ...
لازم ندور عليهو ،،، والا مش ؟؟

الحبيب ابو جهينة
جعل الله سنتك مليئة بالحب والامل ...
تسلم وتسلم كتييير ...

خلاصة الكلمة الشفيفة هاشم

أريت حالك زين ...
وكل سنة وانت وهى سمنة على عسل
جميل أن ارى حرفك ينمق حرفى ...
دم بعافية يا صديق ...

كلمات حنينة ورائعة ..

أستاذ الفاتح تسلم حروفك ويسلم احساسك الجميل ..

كل عام وانت بألف خير ..

Quote: كلمات حنينة ورائعة .. أستاذ الفاتح تسلم حروفك ويسلم احساسك الجميل .. كل عام وانت بألف خير ..

الشاعرة المرهفة هند

أكثر ما أسعدنى هو إحساسك بكلماتى
تشكرى ياستى على هذا الاطراء
وسنة أجمل كما تحبى أن تكون
ودى ومعزتى

ولماذا الاعتذار يا سيدى ؟
عموما هذه قصيدة من الشعر الغنائى
ولها ايقاع يؤهلها لان تكون اغنية
جميلة المذاق
حلوة الايقاع
فقط تنتظرر من يوفر لها لحنا يعادل جمال كلماتها

شكرا لانك تكتب شعرا جميلا

Quote: ولماذا الاعتذار يا سيدى ؟ عموما هذه قصيدة من الشعر الغنائى ولها ايقاع يؤهلها لان تكون اغنية جميلة المذاق حلوة الايقاع فقط تنتظرر من يوفر لها لحنا يعادل جمال كلماتها شكرا لانك تكتب شعرا جميلا

العزيزة سلمى

وشكرا لك أنتى لأنك أحسستى بكلماتى

ونظرتك لم تخب فالقصيدة بحوزة الفنان الجميل عصام محمد نور

Quote: فى الريده بنُْْرُص القصائد ،،، على حافة الليل الدفر ، ]

تاني يا ود الجنيد بعد الكلام ده
ما في اي تعليق

لو شفتى كيف الند بيتوجع ،،،
يهاجر فوق ،،،
يعطر شوق ،،،
يونس فى حبيبات المطر ،،،
لو شفتى إسمك كيف حفرناهو ،،،
ملاحم باكيه من تعب السفر ،،،
لو شفتى كيف شلناهو ،،،
من وهم الأمل ،،،
بين المآسى ،،،
والجراحات المدفَّنه ،،،
جووو أفراح الدهر ،،،

كل عام وانت بخير اخ الفاتح بالند عطرت ونثرت فينا حبيبات المطر..

كلام ذي النسمة

يطول عمرك مع العافيه ...

عزيزي شعر جمييل راااائع

سلمك الله ووفقك يا فاتح





صلاح واسبه