Post: #1 Title: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-02-2008, 06:13 AM Parent: #0
مراكب الشوق للشاعر محمد الحسن شايلك معاي و ادفق بطيبة العيون وكتين أسير مشوار براي و اتاتي زي رمشاً حزين بكى الصباح واتمسى بحزنو المساء وابقى الوحيد زي بلبل فقد الجناح هاجر جناه على الصقيع كاس لبوادي مِشمِسة وارحل شواطئ الغربة مغلوب بالرياح وانحت حروف فوق الصخور و اتحسسا وابعث غناي مع كل آها و كل زفرة وكل ضحكة مونسة شان تمشي لعيونك تعيش وتونسا
واتخيلك وكتين اشوف أُماً تهبب لعروس وقت الزفاف و ترقصا وارحل بعيد فوق شعرها زي مركب نشوان مشى فوق موج و شلالات و آخر المطاف فوق شط حنان مهجور زمن راح واتنسى وزي ريس الساري الغريب غالَب ليالي الشوق على الساري إتكى ورش الدموع برعشة الغيم البكى ودس الانين فتق جراحات الحنين في الغربة باسة و وَشوَشا واتذكرك وكتين اشوف لارنجة تتحدى الرياح عِز السموم صدر الشتاء وتمد ظلالها على الهجير تفرح ....تفرِح الرياح و توسوِسا
Post: #2 Title: Re: حرام عليييييييييييييييك يا أبواللمين تعمل فينا كده Author: هاشم أحمد خلف الله Date: 01-02-2008, 06:24 AM Parent: #1
اختي الغالية نها إختيار جميل ورائع الأستاذ الفنان محمد الأمين رقم غنائي لا يمكن تجاوزه . دمتي لنا مبدعة وشفيفة يا نها .
Post: #3 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-02-2008, 06:57 AM Parent: #2
أخي الرائع هاشم أبو اللمين عبارة عن لؤلؤة ثمينة في بحر الإبداع السوداني وهرم فولاذي جبار يستحيل الإستهانة به...ومن وجهة نظري أعتقد أنه يستحق وبجدارة لقب الإمبراطور... دمت ودامت طلاتك البهية مودتي وتقديري الكبيرين
Post: #4 Title: Re: حرام عليييييييييييييييك يا أبواللمين تعمل فينا كده Author: معتصم دفع الله Date: 01-02-2008, 07:39 AM Parent: #1
نهى ازيك .. وعام سعيد عليك يا رب ..
مراكب الشوق دي من الأغنيات المحببة إلى قلبي وهي من كلمات الشاعر محمد حسن دكتور .. ويا ريت لو سمعتيها بالعود فيها دندنات عجيبة ترحلين معها زي مركب نشوان مشى .. في البيت الأخير في خطأ مطبعي ( وتمد ظلالها على الهجير تفرح .. تفرّح في الرياح وتوسوسا ) .. شكراً جميلاً يا نهى لأن الباشكاتب دا حالة في الغناء السوداني وهرم من أهراماته الضحمة ربنا يقويه ونشوفه بخير وعلى أحسن حال ..
تقديري ..
Post: #5 Title: Re: حرام عليييييييييييييييك يا أبواللمين تعمل فينا كده Author: مجدي عبدالرحيم فضل Date: 01-02-2008, 07:45 AM Parent: #4
العزيزة د.نها محسن
أحسنت إذ كان الخيار محمد حسن والتوقيع ريشة أبو الأمين
بالله
Quote: ودس الانين فتق جراحات الحنين في الغربة باسة و وَشوَش
في حنين وشوق ودفء أكتر من كده ومع مراكب الشوق نرحل لبلاد بعيدة ونوشوشا كان تعود رياح السنين ونسعد نشوف وجه الحبيبة فاتنه ومتحجبا.
،،،،أبوقصى،،،،
Post: #6 Title: Re: حرام عليييييييييييييييك يا أبواللمين تعمل فينا كده Author: نجوان Date: 01-02-2008, 08:37 AM Parent: #5
Quote: ومن وجهة نظري أعتقد أنه يستحق وبجدارة لقب الإمبراطور...
معليش يا نها.. بس إمبراطور .. وبجدارة دي.. تبع وردي!
____ تعرفي زمااان كان عندي صديقة من المقرّبات جدا .. وكانت وأسرتها.. من الموّلهين بمحمد الأمين.. يتنفسوا موسيقاه بدلا عن الأوكسجين...
وكانت أسرتي .. وما زالت .. تشعر بذات الشئ تجاه وردي.. كنّا لا نسمع محمد الأمين إلا عبر ما تمنحه الصدف.. وكذلك كان الحل بالنسبة لصديقتي وأسرتها.. مع غناء وردي..
سافرت صديقتي لدولة بعيدة.. أقصى الشرق.. وهاجرت أنا .. لأقصى الغرب.. وتقطّعت سبل التواصل بيننا..
وكبرنا.. وكبرت أحزاننا .. وراح كلام زمان... ونظرية الهلال والمريخ .. لا أعلم ان صارت هي تستمع لمحمّد وردي أم لا.. ولكني تعرّفت اكثر خلال السنوات على كنوز محمد الأمين الموسيقية.. وعلى محرابه الفني .. الذي يختلف عن وردي كثيرا.. لكنه ليس أقل عنه سحرا أو تفردا..
والآن الوجدان يحوي الهرمين.. جنبا الى جنب.. ضمن نخبة تزداد كل يوم ..
شكرا ليك.. على الأغنية.. وعلى إتاحتي الفرصة للتسكع في أروقة الذاكرة..
______ لك الود.. ولصديقتي مثله.. أينما كانت..
Post: #13 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 01:00 AM Parent: #6
الرائعة نجوان مشتاقين جدا والحمدلله الخلي وداللمين يجيبك لينا هنا ولو كنت عارفة كان نزلت ليه مليون أغنية محمد وردي بالنسبة لينا نحن الرطانة واجب يومي مثل الأكل والشرب والعمل وعشق فطري نتوارثه جيل وراء جيل ونولد به...وحتي لانردد بأنه قامة أو هرم لأنو حاجة مننا وفينا...ولكن أحيانا نتمرد علي هذا الواجبات اليومية ونبحث عن جديد لا يقل روعة ولايؤثر علي عشقنا القديم وهذا ماحدث مع محمد الأمين...لهذا ذكرت أنه الأمبراطور من وجهة نظري ..لاني لو ماقلت من وجهة نظري الليلة كانت أخدت علقة ربنا يجمعك علي صديقتك الرائعة عشان تقولي ليها نهي قالت ليك عايزين نعمل رابطة لعشاق الإمبراطور وأنا واثقة إنها حتوافق... تسلم لي إطلالتك ودامت افراحك
Post: #12 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 00:52 AM Parent: #5
الرائع الشفيف أخي أبو قصي شكرا علي إطلالتك الدايما بتسعدني وأنا سعيدة إنو الأغنية نالت إعجابك الأغنية دي معبرة جدا وفيها حنين وشوق مبالغين حنين للمحبوبة البتمثل الوطن وشوق ليها... وعندما يجتمع العملاقان محمد الحسن ومحمد الأمين فبالتأكيد حيخرجوا لينا برائعة تكاد تفوق الوصف...وهذا ماحدث في مراكب الشوق.. تسلم إنشاءالله ويديك ألف عافية
Post: #11 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 00:47 AM Parent: #4
أخي الرائع معتصم كل عام وأنت بخير ويديم عليك السعادة يارب مراكب الشوق فعلا أغنية جميلة وأبدع فيها الأستاذ محمد الحسن عندما خط تلك الأحاسيس وترجمها وأبدع فيها الإمبراطور بلحن يكاد يكون خلق لتلك الكلمات وهنا تكمن العبقرية.... واسفة علي الخطأ المطبعي الغير مقصود ربنا يطول لينا في عمر الإمبراطور ويديه الصحة والعافية وشكرا علي إطلالتك ودي هدية مني ليك مراكب الشوق بالعود
Post: #7 Title: Re: حرام عليييييييييييييييك يا أبواللمين تعمل فينا كده Author: abubakr Date: 01-02-2008, 11:01 AM Parent: #1
عامكم سعيد
كويس انك يا نها اثرتي موضوع كنت اود ان اتطرق اليه في مداحلتك الاخري الخاصة بالحقيبة وهي ان الحقيبة هي ماعون مفتوح لتراكمات الجيد والممتاز من الشعر الغنائي والغناء والاصوات والدليل انه بعد عقود تتفاوت بين الست والثلاث في عمرها ما زالت اغاني عثمان حسين واحمد المصطفي وسيد خليفة ووردي والباشكاتب والشفيع والكاشف والجابري وحسن عطية وابو داوود وعبدالدافع وصلاح محمد عيسي وعبيد الطيب وبن البادية وحمد الريح وخليل اسماعيل والعاقب والطيب عبدالله ومني الخير والفلاتية وصالح الضي والنعام وبادي و ومصطفي سيداحمد واسماء كتيرة غابت عن ذاكرتي الكهلة الان تحرك وجدان شابات وشباب اليوم فكما كان لتراكمات الممتاز والجيد عندما كان جيلي يافعا وصبيا وشابا هي التي حفظت في الحقيبة عندما اتو بها فارغة وما زالت تحرك وجداننا و من تلانا فالحقيبة اليوم تجمع كل ذلك المتراكم من الممتاز والجيد خلال العفود الستة الماضية وغدا سيضاف اليهامن منتوج اليوم وهكذا .....
-------- نجوان : عودت وجداني الا يصاب بالانحياز لصوت واحد وانما لكل الاصوات التي تحركه ورغم انو وردي من اندنا وامبراطور لكن امبراطوريات وممالك اخري تستقطب حيزا من وجداني ...
Post: #15 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 09:59 AM Parent: #7
أستاذنا الفاضل أبوبكر لا يطيب الحديث إلا بوجودك معانا...شكرا علي إطلالتك فعلا الفترة التي ظهر فيها كل أولئك الرائعون الذين تفضلت وذكرتهم ماهي إلا إمتداد لجيل العمالقة (جيل الحقيبة) وإن إختلفت طريقة التقديم بإختلاف الأجيال والثقافات والمفاهيم ....ولكن وسط كل ذاك الزخم من المتغيرات هناك ثابت واحد لم يتغير وهو الإبداع ..فقد قدموا وما زالوا يقدمون الروئع التي لطالما تغنينا بها وستتغني بها الأجيال القادمة وزي ماذكرت إنها موروثات غالية لا تقل نفاسةعن موروثات جيل الحقيبة... وطننا زاخر بالمبدعين الأفذاذ ..البعض عثر علي ضالته المنشودة وشق طريقه والبعض الاخر مازال يتلمس خطواته ليبدأ من حيث توقف هؤلاء ولكن يبقي الفيصل في أيهما الأجود...والبقاء دائما للأجود.. شكرا ليك كتير علي المداخلة وعلي فكرة محمد وردي هرم من أهرام الفن في السودان وزي ماقلت إنو بالرغم إنو من أندنا إلا إنو ده مابمنع أنو هنالك رائعون يستقطبون حيز لا يستهان به من وجداننا والرائع محمد الأمين واحد منهم...لكن انا خايفة الكلام ده يودينا التونج ويسحبوا مننا الجنسية النوبية...واللا شنو يا نجوان..
Post: #32 Title: Re: حرام عليييييييييييييييك يا أبواللمين تعمل فينا كده Author: نجوان Date: 01-04-2008, 05:10 PM Parent: #15
Quote: لكن انا خايفة الكلام ده يودينا التونج ويسحبوا مننا الجنسية النوبية...واللا شنو يا نجوان..
طيب يا نها .. والناس البتسمع وردي بالجد.. لكن ما نوبيين..وما من إنديكم.. بيحصل ليهم شنو؟
Post: #8 Title: Re: حرام عليييييييييييييييك يا أبواللمين تعمل فينا كده Author: عاطف عمر Date: 01-02-2008, 12:46 PM Parent: #1
رحم الله الأخ العزيز محمد الحسن دكتور أبا عاصم ذلك الحلفاوي الإنسان البهيج ، تزاملنا في العمل ، وتجاورنا في السكن فكان بسمة وكان طرفة وكان كلمة حلوة لعمري لم أر - في غربتنا - هذه حشداً أكبر من ذلك الحشد الذي تجمع في سويعات قليلة لتشييعه لمثواه الأخير . كلمات رقيقة رقة شاعرها عذبة عذوبة تعامله مع الناس ومع الأشياء ومحمد الأمين ذلك العملاق تتحول عنده الكلمات لعالم من السحر والنشوى اللامتناهية وبين هذا وذاك نعيش هذا الإبداع ونرشف شهده
أختي العزيزة د. نها كل عام وأنت ألقاً وجمالاً
_________________________
- رجاء زيارة بوست ( مايو .. والزمن الجميل ) ففي مداخلتي قبل الأخيرة إشارة أرجو إطلاعك عليها - عليك الله لو تكرمتي اشرحي لى في عجالة كيف الأبيات الشعرية ( تنسق ) في منتصف الصفحة مغروض فيها ضروري لأجل بوست أجهز حالياً في مادته .
" هسع عليك الله بكري لو رجع الماسنجر ما كان عفانا من ( التسول العلني ) دا ؟؟ "
ضيوف وعينا قوية
Post: #16 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 10:16 AM Parent: #8
أخي الرائع عاطف كل عام وأنت بخير علمت ومنذ الوهلة الأولي أن أغنية مراكب الشوق سوف تنال إعجابك ولم يخب ظني فها أنت تطل علينا وتعطر لنا سماء البوست كما أعتدنا منك... شكرا ليك كتيير وشكرا علي الكلمات الرائعة علي شاعرنا المبدع الراحل محمد الحسن..فرجل بالمواصفات التي تفضلت وذكرتها فقد كان دون شك إنسان مشبع بالروعة والشفافية والإنسانية البحتة...وقد كنت محظوظا إذ جمعتك الأيام والظروف بتلك الشخصية...رحمه الله بواسع رحمته بقدر ما أسعدنا وقدم لنا من روائع.. أما الإمبراطور محمد الأمين فأنا أشبهه بالساحر الذي يلمس المفردات بأنامله فتتحول إلا درر نفيسة من الالحان المدوزنةالخالدة..أو بمعني أصح وكأنه ينفخ الروح في ثنايا المفردات فتكاد تنطق من تلقاء نفسها.. شكرا ليك مرةتانية ومعليش إنشغلت بسبب ظروف الدراسة عن المنبر الايام الفاتت وما تابعت البوست بتاع مايو والزمن الجميل ...لكن إنشاءالله أنا معاكم من هذه اللحظة
تخريمة لتوسيط النص ما عليك ألا كتابته أولا ووضعه بين كلمتي [سنتر]والطريقةبتلقاها مشروحة في أكواد في أعلي الصفحة يعني تكتب [سنتر] النص [سنتر] لكن طبعا كلمة سنتر انت حاتكتبها بالانجليزي ونحن دائما تحت الأمر والطلب... لكن بيني وبينك باشمهندس بكري حيرنا عديييل كده في الماسنجر
Post: #9 Title: Re: حرام عليييييييييييييييك يا أبواللمين تعمل فينا كده Author: abubakr Date: 01-02-2008, 03:54 PM Parent: #1
فضلت ان اكتب بضع اسطر عن شاعر الاغنية : محمد حفيظة - محمد حسن محمد عثمان فقير "دكتور" من وادي حلفا جنوب -فارقة- والقرية 23 ...لم اكن قد اكملت عامي الاول في مدرسة وادي حلفا الاميرية وكنت قد تعارفت انا ودكتور .. كنت اقضي نهايات بعض الاسابيع عند خالتي وبقية اهلي في فارقة وتعرفت علي دكتور هناك وهو من بقية اهلي هناك وعندما التحق بالوسطي في العام التالي كنا قد اصبحنا اصدقاء نعود الي اوادي حلفا صباحات السبت الباكر علي اقدامنا احيانا حتي يمر بنا احد من القلايل الذين كانت لهم عربات مثل المرحوم المهندس حسن محمد طه او الاستاذ صالح سلطان فياخذتنا الي المدينة وايام كنا نعود علي اقدامنا ايام الخميس حبا في المشوار من المدينة الي عنقش فالسندة وشقيق وحبالله ومجراب ثم فارقة .. كانت بعض كيلومترات تاخذ ساعات .. ثم غرقت حلفا وتبعثرنا ولم نلتق الا في الخرطوم وكلانا خريج هو درس الكلية المهنية ولكنه مهتم بغير الهندسة من شعر وادب وانا مهندس معماري ولكن ليالينا بين الركابية وحي الصقور وميدان ابوجنزير ومعهد الموسيقي وكان في بداياته ومجلة الشباب واحيانا كعابي الي الشجرة بحثا عن فنان او شاعر او اغنية ثم مرة اخري تفرقت بنا السبل وذهب الي اليمن وبقيت انا سنتين ورحلت الي دبي ووجدته هناك وتابعنا ايامنا معا فتزوجنا وولدنا واخذتنا حياة عمل وغربة فصارت لقاءتنا تقل ثم صارت لقاءات مناسبات وووووووووووووفي ليلة حزينة لخميس في نهاية 2003 اتصل بي بن اخته محمد وببساطة "دكتور مات".. وهكذا انطوت صفحة ممتعة بعلاقة مع انسان كثير الحساسية مبدع شاعر فنان قسي عليه زمانه ورفقاءه وكثير من اسماء لشعراء اعلام اليوم ساهم دكتور في تقديمهم لمعارفه الكثيرين في الوسط الفني وهنا احي الدكتور عمر محمود خالد فلقد سمعته قبل شهور قليلة يتذكر دكتور ويشير الي انه اي دكتور كان له الفضل في مساعدته وتقديمه الس عالم الشعر والفن وبان دكتور احد قامات الشعر الغنائي السوداني ... لك الرحمة صديقي دكتور
Post: #10 Title: Re: حرام عليييييييييييييييك يا أبواللمين تعمل فينا كده Author: WAD ELGAALI#4 Date: 01-02-2008, 08:18 PM
as always noha graet choice and making my heart beat faster off the topic can I give your # to somebody dying to have it please send me your respond at hamda35at hotmail.com
Post: #18 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 10:33 AM Parent: #10
أخي الكريم ود الجعلي شكرا علي إطلالتك الجميلة وربنا يديك ألف عافية وبيني بينك وداللمين ده دايما بعمل فينا كده...لأني كل ما أستمع لواحدة من أغنياتو بحس إنو بنقلني لدنيا غير الدنيا وعالم غير العالم ..وكل أغنية عنده طابع مخنلف وتأثير مختلف عشان كده كل ماأسمع واحدة من روائعه بردد بيني وبين نفسي...(حرااااام عليك يأبواللمين ..ليه كده)ربنا يطول في عمره ويديه الصحة والعافية ويبدع لينا كده ألف سنة لقدام ... شكرا ليك مرة تانية
تخريمة إنت قاصد أرسل ليك الأغنية علي الايميل المرسل؟؟لاني عايزة أنزل لينكات الحفظ
Post: #17 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 10:27 AM
رحم الله الرائع الإنسان الحساس المبدع محمد الحسن دكتور..وكنا نتمني أن ينل حقه في حياته من التكريم ولكن هذا ديدن السودانيين الذين لا يذكرون مأثر المبدعين إلا بعد رحيلهم... هو شخص إستحق التكريم ولم ينله ...لهذا يجب علينا توثيق أعماله التي نالت الشهرة والتي لم تنلها وهذا أقل ما يجب تقديمه لهذا الرائع..لهذا نناشد جميع الأخوان في المنبر ....من يأنس في نفسه الإهتمام وعلي علم بالكثير أو القليل عن هذا المبدع ..فليثرينا به لنقدم له مالم نستطع تقديمه وهو بيننا... وشكرا مرة تانية أستاذ أبوبكر علي المعلومة المؤثرة عن حياة الشاعر
Post: #14 Title: Re: حرام عليييييييييييييييك يا أبواللمين تعمل فينا كده Author: Mohamed Omer Date: 01-03-2008, 01:52 AM Parent: #1
Post: #19 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-03-2008, 10:41 AM Parent: #14
أخي الكريم محمد عمر ياسلااااااااااااااااااااااااااااااااااااااااااااااااااام عليك يا مبدع إختيارك زي مابقولوا من بيت الكلاوي ..بتتعلم من الأيام قصيدة تفوق فيها الأستاذ فضل الله محمد علي نفسه من حيث الأحاسيس التي بثها فيها..والله بالغ فيها عديييل كده أما الإمبراطور فكالمعتاد نفخ فيها الروح لتخرج لنا مسربلة بثوب الروعة والجمال يحدوها لحن بنساب إلي القلوب دونما إستئذان..فأي قصيدة وأي لحن وأي أداء...هي حلقة مغلقة من الإبداع لايلج إليها أحد ولا يجرؤ علي التفكير في الدخول.. شكرا ليك كتير يارائع وربنا يديك ألف عافية
Post: #20 Title: Re: حرام عليييييييييييييييك يا أبواللمين تعمل فينا كده Author: سمندلاوى Date: 01-03-2008, 11:36 AM Parent: #1
الزولة الفنانة جدا نها, كل سنة وانت بالف خير الباشكتب فلتة جيل وعبقرى زمانه, يمتاز باذن موسيقية بحساسية عالية جدا, كانت مفخرة لى لانضمامى لكوكبته من المسيقيين وشرف ضخيم اعتز به واشكره ماحييت لانه بالاضافة الى دراستي الاكاديمية; حظيت بتطبيقها بمستوا تكنيكيا عال جدا وقد ابالغ ان قلت لك ان تكننيكى على الة الكمان نضج فى هذه الفترة فهو يمتاز بقوالب الحان صعبة جدا ولكنها عذبة خالص( لما تنضرب صاح).. محمد الامين موسيقيا مثقف جدا مدمن للكلاسيكية والموسيقي الشعبية الروسية, يعشق الادب الصوفى يبكيك اذا سمعته يمدح المصطفى (صلعم)او تلاوة القران, هميموحريص على التجويد الموسيقى والروحى على السواء. عزيزتى دائما الظروف الحياتية فى العالم الاول اصعب من عالمنا الثالث وهنا اتحدث عن الوقت فلو وجدت منه متسع, لضجت اركان سودانيز لايفائه حقه ولكن....... هو قمة متربعة فى العلالى. جميل الشكر على البوست الالق.. تحياتى- بكرى اوسلو ــــــــــــــــــــ اول حفلة لى معاهو كانت فى قاعة الصداقة اول اغنية كانت فيها الرائعة سوف يات
الرائع سمندلاوي أنا في غاية الفخر لتشريفك هذا البوست وخصوصا وانت من الموسيقيين الذين قادوا كل تلك الروائع الخالدة... محمد الأمين وكما قلت فلتة بل ومفخرة لكل سوداني وإختياره للمفردات وتلحينها بهذه الصورة الخرافية خير برهان علي ذلك... ربنا يطول في عمره ويديم عليه الصحة لانو بالنسبة لي أنا شخصيا الهواء الذي أستنشقه والمحراب المقدس الذي ألجأ إليه دوما... يديك ألف عافية مودتي
Quote: أبو اللمين عبارة عن لؤلؤة ثمينة في بحر الإبداع السوداني
بل هو الؤلؤوة الأثمن يا نها .
...ومن وجهة نظري أعتقد أنه يستحق وبجدارة لقب الإمبراطور... نعم هو امبراطور الغناء السوداني .
Quote: و اتاتي زي رمشاً حزين بكى الصباح واتمسى بحزنو المساء
والله نحن احسن ناس بنغني ونقول كلام حلو وبليغ في الدنيا دي.
Quote: واتخيلك وكتين اشوف أُماً تهبب لعروس وقت الزفاف و ترقصا
يا سلااااااااااااااااااااااااااااااااااااااااااااااااااااااااااااااااام
نها .. شكراً وفييييييييييييييييير بحجم هذا العملاق ود اللمين.
كتّري لينا من الروائع دي بالله عليك.
فنان عبقري .. ياخ ده زول عجيب .. عليك الله شوف نقرشة العود دي ماشة جنب تموجات باقي الآلات كيف!! والله زي الشلة الماشين في الطريق ومعاهم طفلة لطيفة ظريفة رشيقة بريئة بتنطط من ده لي ده ومرة تجري قدام ومرة ترجع وراهم .. والله ابو اللمين عظمة عظمة عظمة...
(بتتعلم من الأيام قصيدة تفوق فيها الأستاذ فضل الله محمد علي نفسه...) عفواً يا نها .. بتتعلم من الأيام من كلمات الشاعر الفذ اسحاق الحلنقي
الحب والظروف او (قلنا ما ممكن تسافر) هي رائعة الشاعر الصحفي الكبير فضل الله محمد وثلاثتهم عماااااااااااااااااااااااااااااالقة
Post: #22 Title: Re: حرام عليييييييييييييييك يا أبواللمين تعمل فينا كده Author: wesamm Date: 01-03-2008, 07:15 PM Parent: #21
أخي الرائع الشفيف أمير أولا أشكرك جدا وأنا في غاية السعادة أن أجد من يشاركني الرأي في أن الفنان محمد الأمين هو أمبراطور الفن السوداني بلا منازع... وفعلا نحن أحسن ناس بنكتب كلام جميل... يعني عندك مثلا رائعته وعد النوار لو وشوش صوت الريح في الباب .. يسبقنا الشوق قبل العينين
وعندك في الحب الظروف: الغريبة الساعة جنبك تبدو أقصر من دقيقة والدقيقة وإنت مافي مرة مابنقدر نطيقها دنيا بقربك يفرهد كل طائر يحيا فوقها وجنة من بعدك بيزبل كل مخصر فيها ناضر
وزاد الشجون: إدعينا وقلنا تاني ماحنشتاق في عمرنا وقبل ما تمر ليلة واحدة بحرارة الشوق غمرنا
والله نحن أحسن ناس بنغني بنكتب فعلا لكن الفرق في إنو الكلمات دي خلقت فقط ليتغني بها الإمبراطور وليس سواه... وأنا فعلا كنت قاصدة لمن قلت إنو الإمبراطور ممد الأمين زي الساحر الببث الروح في المفردات لتخرج بهذا السحر والروعة التي تدعوك للإنشداه... لقد قمت قبل شهور بعمل بوست توثيقي لجميع أغنيات الإمبراطور لكن شكلو إتأرشف..إنشاءالله سأواصل فيه بس همتكم معاي...
تخريمة: أمس لمن كنت برد علي الأستاذ محمد الذي تفضل وانزل لنا اغنية بتتعلم من الايام... كنت أستمع لأغنية زاد الشجون رائعة فضل الله محمدوهي أغنيتي المفضلة فأخطأت في ذكر الشاعر وبدلا من كتابة إسم الرائع إسحق الحلنقي كتبت فضل الله محمد...شكرا لتنبيهي شرفني حضورك كثيرا... مودتي
Post: #23 Title: Re: حرام عليييييييييييييييك يا أبواللمين تعمل فينا كده Author: معتصم دفع الله Date: 01-03-2008, 08:30 PM Parent: #1
شكراً يا نهى على الأغنية بالعود وأسعد الله أوقاتك بكل الخير .. كنا ومجموعة من الشباب أصحابي في بداية التسعينات وحين ظهور شريط أغنية مراكب الشوق نسمعها ونحفظها عن ظهر قلب ولا نملها أبداً وإرتبطت بذكريات كثيرة عندنا .. وها هو الأخ الحبيب عاطف عمر والحبيب الباشمهندس أبوبكر يحدثانا عن الراحل محمد حسن دكتور وهذه الأغنية الرائعة، نتمنى أن نكتب عن من تركوا لنا إرثاً فنياً لا يزال يعيش في دواخلنا ..
Quote: (بتتعلم من الأيام قصيدة تفوق فيها الأستاذ فضل الله محمد علي نفسه...) عفواً يا نها .. بتتعلم من الأيام من كلمات الشاعر الفذ اسحاق الحلنقي
شكراً يا أمير وتحياتي .. أغنية بتتعلم من الأيام للشاعر إسحق الحلنقي وزي ما بيقول إنو الأغنية دي كتبها في نصف ساعة وأعطاها لودالأمين حين كان ذاهب إلى لندن لإجراء عملية جراحية وكان أن طلب منه أغنية تقيه برد مدينة الضباب وتكون دفء له .. ويمكن لثنانية ودالأمين والأستاذ فضل الله محمد طغت على كثير من أغنياته لذلك تشابهت أغنياته مع كثير من أغنيات بقية الشعراء الذين كتبوا له .. والباشكاتب كان يتخير كلمات أغنياته بعناية وتظل حبيسة دواخله إلى أن يتحين الوقت المناسب وتكون نضجت فكرتها عنده ويخرجها لجمهوره ..
تحياتي للجميع هنا ..
Post: #27 Title: Re: حرام عليييييييييييييييك يا أبواللمين تعمل فينا كده Author: هاشم أحمد خلف الله Date: 01-03-2008, 09:28 PM Parent: #23
نهي شوفي انتي حلوة كيف , صنعتي الفرح في قلوب الكثيرين خليك قريب انا الأن جاهز ٌٌلإرسال صور أسرتي ( زاد الشجون ).
أخي الذي أفخر به دوما هاشم قمة الفرح هي وجودي بين أناس رائعين ومحبين للفرح والجمال من أمثالك يأأستاذنا الفاضل... ربنا يديك ألف عافية وأنا في إنتظار الصور علي أحر من الجمر... ربنا يخليهم ليك ويخليك ليهم ولينا عشان تزرع الفرح دائما في القلوب
أخي الرائع معتصم تحياتي المعروف عن عشاق محمد الأمين إن كل أغنيةليه مرتبطة عندهم بأيام معينة أو قصة معينة...عشان كده بتلقاهم برجعوا للأيام ديك كلما إستمعوا ليها والذكريات دي بتكون محفورة في الذاكرة للأبد..هل كلامي صاح ولا دي عنصرية مني فضل الله محمد, إسحق الحلنقي,محمد الحسن دتور,هاشم صديق,عمر محمود خالد وغيرهم من الشعراء الأفذاذ الذين تعامل معهم الإمبراطور أثروا وجداننا بروائع كانت وستظل بنفس الجودة ولها نفس التأثر في قلوبنا حيثما كنا ووقتما كنا...وأنا بصدد عمل بوست توثيقي لهم وأتمني أن أجد المساعدة منكم.... مودتي وتقديري الكبيرين...
تخريمة أمس وعندما كنت أخط شكري للأخ الكريم محمد الذي تفضل وأنزل أغنية بتتعلم من الأيام...كنت أستمع لزاد الشجون وهي أغنيتي المفضلة...لهذا ودونما أشعر كتبت إسم الشاعر فضل الله محمد بدلا عن اسحق الحلنقي...فأعذروني...لكن الزول ده طواااااااالي بعمل فيني كد وبخليني في نقطة غريبة مبهمة بين الشعور واللا شعور...
Post: #28 Title: Re: حرام عليييييييييييييييك يا أبواللمين تعمل فينا كده Author: Alsa7afa_30 Date: 01-03-2008, 11:23 PM Parent: #1
أستاذ أبوبكر عندما أقيم هذا التكريم ..كنت أجلس أمام شاشة التلفاز مسمرة وكانني لا انتمي لهذا العالم...وكأن عقارب الساعة توقفت عند أولئك الرائعين...كانت لحظة عظيمة,جبارة ,خالدة,نادرة لا أدري ولكني لا أجد الوصف المناسب..وعندما غن هذا الثنائي أإنية خوفي منك توقفت كل اللغات في العالم الا من تلك اللغة التي يرددونها... ربنا يخليهم لينا وهم فعلا أباطرة الفن في السودان لكن ده مابمنع إني بميل للأستاذ محمد الامين (ده كلام بيني وبينك)
Post: #34 Title: Re: حرام عليييييييييييييييك يا أبواللمين تعمل فينا كده Author: امير عوض الجمري Date: 01-05-2008, 08:19 AM Parent: #1
Quote: أخي الرائع الشفيف أمير أولا أشكرك جدا وأنا في غاية السعادة أن أجد من يشاركني الرأي في أن الفنان محمد الأمين هو أمبراطور الفن السوداني بلا منازع...
وكثر هم يا نها من يشاركونا هذا الرأي واي شخص ستمع للأستاذ يعرف انه يختلف عن بقية الفنانين ولذلك هو الامبراطور الامبراطور الامبراطور.
Quote: وفعلا نحن أحسن ناس بنكتب كلام جميل...
Quote: والله نحن أحسن ناس بنغني بنكتب فعلا لكن الفرق في إنو الكلمات دي خلقت فقط ليتغني بها الإمبراطور وليس سواه...
واضافة لوعد النوار وزاد الشجون اللتين ذكرتيهما تجدي كل روائع ود اللمين غنية بمفردات متفرّدة اولم تستمعين إلى رائعة هاشم صديق (كلام للحلوة)! والمقطع البقول: وقلت بس ياريتني ابقى همسة في حلم الأميرة أو سبايب في الضفيرة او عقيد في تبر جيداا او قليب في راحة اييداا يا زمان اسمعني واكتب البريده وريده سيدي وريدي سيداا الزمان لو حتى بالغ ما اظن في زول يعيداا
Quote: وأنا فعلا كنت قاصدة لمن قلت إنو الإمبراطور ممد الأمين زي الساحر الببث الروح في المفردات لتخرج بهذا السحر والروعة التي تدعوك للإنشداه...
ده ابلغ وادقّ تعبير وفعلاً انا وكل من يستمع لمحمد الأمين ينشده وحتى الموسيقيين الذين يعزفون من خلفه يتعجبون لهذه العبقرية الموسيقية .. فعلاً انت امبارطور يا ود اللمين .
وعلى فكرة يا نها كل اعراسنا كان الاستاذ احد طرفيها (حنة - زفاف) والحمد لله كثييييييييراً ان كان الامبراطور هو من زيّن ليلة حنتي في يوم 9/1/2000 .. شفتي الهنا الأنا فيهو ده يا هنا.
وطبعاً كل مداخلة بجيب معاك مقطع من احدى درر هذا العملاق.
أستاذ أمير تحياتي وإحترامي والله أنا حاسداك عدييييييييييل كده عشان ظفرت بكل تلك الفرص في إنك تلاقي الاستاذ محمد الامين وكمان يغني ليكم.. أجمل اللحظات تلك التي كنت أقضيها في الحفلات العامة وخاصة عندما يعزف علي العود كمقدمة لأغنية من أغنياته...فنبدأ نحن بالتنبؤ والتخمين(وعد النوار ..لالا الموعد لالالا أسمر) حتي يبدأ الغناء...ياسلام لا أدري ولكني أشعر وكما قلت سابقا أن الكلمات قد فصلت تفصيلا لتلائم محمد الامين وليس سواه... فمن غيره يمكن أن يغني: أقابلك وكلي حنية وأخاف من نظرتك لي وأخاف شوق العمر كلو يفاجئك يوم في عينيا ورا البسمات كتمت دموع بكيت من غير تحس بيا
وكلام زعل: بينى بينك شوق عمر لانام لا مدو انحسر بينى بينك لا الشعر قادر يقولو ولا الوتر وتقول هواي تستبعدو وتضحى بيهو وتفقدو
وعويناتك: أقول ليها عويناتك ديار وعدي مسوّرة بجدار صمتك عذابي معاك بريدك قبل ما أعرفك و لو بقدر ... أشيل من الزمن وقتي بموت في لحظة و أوهب ليك عقاب عمري
وسوف يأتي: عـــــــــــهدُهُ بالحب أيامٌ ستكثر و تطول ويح نفسي منك يا بدري إذا حان الأُفول قبل أن نحصد زرعا ماؤه قد كان دمعا وتباريحاً و شوقاً وصدوداً و أمل إنما قلبي عنيدٌ لا يبالي لا يمل
والكثير الكثير الذي لا أمل ترديده..ولو قدر لي أن أقضي بقية عمري وانا أسرد روائعه فلن أتواني... ربنا يديه ألف عافيه وشكرا ليك كتير
Post: #36 Title: Re: حرام عليييييييييييييييك يا أبواللمين تعمل فينا كده Author: محمد عثمان Date: 01-07-2008, 10:30 PM Parent: #1
مباااالغة..
البوست دا كان وين..؟؟؟؟
شكرا نها..
Post: #38 Title: Re: حرام عليييييييييييييييك يا أبواللمين تعمل فينا كده Author: Alsa7afa_30 Date: 01-07-2008, 11:27 PM Parent: #1
حمد لله على سلامة البوست ..
هو كان وين ؟؟
Post: #39 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-08-2008, 01:47 AM Parent: #38
والله البوست موجود بس انتو الماظاهرين تحياتي اخي حسام..وشكرا علي الاطلالة
Post: #40 Title: Re: حرام عليييييييييييييييك يا أبواللمين تعمل فينا كده Author: الملك Date: 01-08-2008, 06:34 AM Parent: #1
نهى .. صباح الخير بتوقيت الخرطوم
فى ليلة ,,راس السنة الماضية ذهبت ومجموعة من أًصدقائ مصرين على أن نبدأ عامنا..مع ود الأمين .. "وغنا محمد الأمين ..بالرغم من ظهور التعب عليه" ونجح فى إيصالنا إلى عالم آخر..يكيفنا نشوة ..لعام آخر
أخي الملك تحياتي وتقديري هذا هو محمد الامين يبدع ويملاء الساحات بصوته القوي رغم التعب والمرض..لهذا إستحق لقب الإمبراطور وبجدارة... شكرا ليك كتير وربنا يرجعوا لينا بألف سلامة..
Post: #42 Title: Re: حرام عليييييييييييييييك يا أبواللمين تعمل فينا كده Author: salma subhi Date: 01-09-2008, 07:52 PM Parent: #41
كل سنة وانت طيبة نهى....
التحية للفنان الأستاذ الموسيقار أبو اللمين....القامة الشامخة.... أطال الله في عمره وأمده بالصحة والعافية
تقديري
Post: #44 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-10-2008, 01:38 AM Parent: #42
أختي العسل سلمي كل سنة وإنت أروع طلتك أسعدتني ووجودك معانا شرفني شكرا ليك
Post: #43 Title: Re: حرام عليييييييييييييييك يا أبواللمين تعمل فينا كده Author: Mohamed Yousif Hamad Date: 01-10-2008, 00:37 AM Parent: #1
Thanx a lot f this gift
Post: #45 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-10-2008, 01:40 AM Parent: #43
أخي محمد يوسف تحياتي وتقديري الكبيرين لك مودتي
Post: #46 Title: Re: حرام عليييييييييييييييك يا أبواللمين تعمل فينا كده Author: Mohamed Yousif Hamad Date: 01-10-2008, 03:53 AM Parent: #45
شكرآ ليك اختنا نها. انا احب ابواللمين واحب اى زول يحب ابواللمين انشاءالله يكون احمد البلال الطيب..... عليك الله يا نهى نزلي اللنك بتاع الحفظ.
Post: #47 Title: Re: حرام عليييييييييييييييك يا أبواللمين تعمل فينا كده Author: Emad Abdulla Date: 01-10-2008, 04:03 AM Parent: #46
Post: #48 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-10-2008, 04:04 AM Parent: #46
أخي محمد يوسف والله لو عرفنا إنو أحمد البلال بحب ود اللمين إلا نخلي ليهو هاهاهاها محمد الامين عشق تجتمع فيه كل الفئات والعصور والأضداد...وهذا مايدعوا للفخر وتفضل لينك الحفظ مراكب الشوق http://www.2shared.com/file/2700329/e8de7ac9/___________.html
Post: #49 Title: Re: حرام عليييييييييييييييك يا أبواللمين تعمل فينا كده Author: د.نبراس Date: 01-10-2008, 04:23 AM Parent: #1
د. نها ,,
يسعد صباحك , بتوقيت الجمال ,,
اعترف ليك اني بكيت كتير وسط الجو الغريب ده ,, انا بتنفس محمد الامين ,, وحصلت لي حاجه هي من اجمل ما حصل لي طول حياتي ,, اسفه اني حأطول عليكي , لكن حأحكيها ,,
في بناير الماضي , في القاهره , يوم 28 بالتحديد , خدمني حظي على غير عادتو ,, وذهبت في زياره شخصيه لمنزل الاستاذ محمد الامين !! ويصدف انو عيد ميلادي يكون يوم 27 ,, فأعتبرتها فاتحة خير وسنه يظهر انها حتكون سعيده , وكانت الحمد لله !! فجأه لقيت نفسي وجها لوجه مع ذلك الرجل العملاق ,, وهو يتحرك ببساطه , مرتديا جلباب , ويقدم لينا بنفسو البارد !!
ألجمتني رهبة الموقف , ففقدت القدره على ,,, على اي شيء !! ما قدرت اتكلم ,, ولا اقعد ,, ولا حتى اجرؤ على اني ارفع عيني واعاين ليهو ,, مره مره كنت بسترق ليهو النظرات غير مصدقه !!
انسان هو اكثر من امبراطور ,, هو اسطوره ,, مرات بيخيل لي انها خيال من صنع القادر الكريم !!
على باب المنزل البسيط , يافطه كتب عليها : محمد الامين موسيقار ,,
وانا بقترح عليهو يغيرا ويكتب عليها : محمد الامين اسطوره ,, رغم انف الحياه ,,
!!!!!
الله يديهو العافيه ويطول لينا في عمره ,, كل سنه وانتي اجمل ,, وعفوا على الاطاله ....
نبراس هشام شيخ الدين ..
Post: #51 Title: Re: حرام عليييييييييييييييك يا أبواللمين تعمل فينا كده Author: WAD ELGAALI#4 Date: 01-10-2008, 05:13 PM Parent: #49
يا دكتوره صباح الخير تخريمه عملتى لى شنو فى موضوع صاحبى والله امسح الاميل بتاعى وجه مشلضم بت نا شيخ الدين جبريل مالو أبوك إختفا الايامات دى من البورد عليكى الله سلمى لى عليهو وقولى ليه مشتاقين
أخي ود الجعلي يسعد أيامك أنا كنت رديت عليك وسألتك إذا هو عايز الإيميل عشان أرسل ليه الأغنيات واللا لا...لكن إنت مارديت
تخريمة أنا نزلت رابط الحفظ ...فاذا عايزأغاني تانية أنا في الخدمة
Post: #56 Title: Re: حرام عليييييييييييييييك يا أبواللمين تعمل فينا كده Author: Mohamed Yousif Hamad Date: 01-12-2008, 03:35 AM Parent: #54
PLease Dr Nuha,i need every link u have for Abu allamin
Post: #57 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-12-2008, 08:31 AM Parent: #56
أخي الفاضل محمد يوسف تحياتي وتقديري غالي والطلب رخيص.... لقد قمت من قبل بعمل بوست بإسم(لكل عشاقك يأبو اللمين ) وقمت فيه بإنزال جميع أغنيات الإمبراطور ولكن للأسف إتأرشف.,وطلبت من الباشمهندس بكري إعادته لنا وأنا في إنتظاره...وحتي ذلك الحين أنا تحت أمرك في طلبات أي أغنية للإمبراطور عود أو اوركسترا... مودتي
أختي الجميلة نبراس أولا أنا في غاية السعادة لإطلالتك الرائعة وحلو حديثك وطيب كلمك... والله إتأثرت كتير بالموقف وحاسداك علي مقابلتك للإمبراطور... محمدالامين بالنسبة لي أيضا أكثر من الهواء الذي أتنفسه بل هو إكسير الحياة...عندما أراه في حفلاته العامة يقف شامخا ممسكا بعوده أشعر برهبة وقشعريرة تصيبني من رأسي وحتي أخمص قدمي..وحالما يبدأ العزف أشعر بخلو العالم من حولي إلاي وألاه..ودون أن أشعر تغرورق عيناي بدموع لا أدري كنهها..أهي دموع الفرح أم التأثر أم الفخر أم هي خليط من كل تلك الأشياء... تصدقي إني مرة صادفتو لكن من رهبة الموقف لم أستطع الكلام ولم أستطع أن أسلم عليه(شفتي الكبكبة) أسعدتنا كثيرا ونورت البوست ومرحب بيك في نادي عشاق محمد الامين
Post: #55 Title: Re: حرام عليييييييييييييييك يا أبواللمين تعمل فينا كده Author: WAD ELGAALI#4 Date: 01-11-2008, 11:02 PM Parent: #53
دكتورتنا الفنانه نها كيفك ياروعه أيوه داير لكن فى الاميل وجه خبيث مع ودى
Post: #58 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-12-2008, 08:38 AM Parent: #55
أخي الفاضل ود الجعلي يومك سعيد(صباح ومسا)
لقد قمت بإرسال إيميل علي الإيميل المرسل و في إنتظار طلبات الأغاني وأنا تحت الأمر...
Post: #63 Title: Re: حرام عليييييييييييييييك يا أبواللمين تعمل فينا كده Author: نها محسن أبورأس Date: 01-13-2008, 07:52 AM Parent: #1
زورق الألحان كلمات : فضل الله محمد
عابر طريق فايت نام فى العيون ارتاح عيون حبيى ديار تستقبل السواح بشوشة طول اليوم غرقانة فى الافراح ******* الاسود النشوان زورق من الالحان فوق البحار البيض سابح بلا ربان مكتوبه فوق سطحه قصة حياة انسان املاكه فى العالم ريشه و ضمير و كمان ******* عيون حبيى ديار ساحاتها حنية رسالة من الروح انشودة صوفية حكاية للاطفال او رقصة زنجية بيتين من الدوبيت فى ليلة صيفية ******** اجمل عيون عندك يا اجمل الحلوين نجدة غريق ومنار برجع التائهين لديارهم الطيبة طيبين و مرتاحين تائه انا و حيران رجعنى للعينين
