وعلى نسق مهرجان صيف دبي كل أسبوع يشكل فعالية مختلفة يقوليك مثلا أسبوع الألعاب المائية و أسبوع الزهور و أسبوع العودة للمدارس ...إلخ يكون الموضوع او الثيم الرئيس للمهرجان هو الفعالية المعنية و مكان ما قبلت بتلقى الحنك نفسه الحكاية دي علاقتها شنو بالبورد؟ اعتدنا في البورد يكون في موضوع أو فكرة أو قضية أو حتى عبارة منتشرة في فترة زمنية معينة محل تقبل تلقاها اي بوست تهبشه من طرف - أو الأغلبية - تلقاها بتدور في هذا الفلك او بتتعرض ليه بشكل او آخر من أشهر الأسابيع المرت على البورد: أسبوع المسكوت عنه أسبوع انا أحب زوجتي أسبوع الحقوق المختلفة (النساء , المثليين ...إلخ) أسبوع الهندي عز الدين أسبوع إعلان المركز أسبوع توقف بيان أسبوع ثورة جني أسبوع تهكير الموقع أسبوع إيقاف المسنجر أسبوع مكنة شريط هاواي أسبوع العناوين المثيرة أسابيع الكورة وغيرها
نتمنى في العام القادم أن نشهد اسبوع العدالة و أسبوع تحقيق السلام في المهرجان
ود البشرى و كيكى سلامات و كل سنه و أنتو طيبين أيه رايك نقوم نعمل أسبوع المهندس هنا و يكون أحتلال كامل بدل الأسابيع المهببه الماره على البورد أصلو شايف المهندسين ديل مهمشين خالس و ما باقى ليهم الأ يطلعو ال tower و كل أسبوع و أنت بخير
تحياتي محمد على
Post: #13 Title: Re: أسابيع البورد Author: محمد البشرى الخضر Date: 01-02-2008, 09:59 AM Parent: #9
سلامات يا سلفر تصور إكتشفت إنو آخر اسبوع مهندس لما كنا في برالمة علوم البديناه في زمنا إتفرتق لو مذكر الله يجازي الكان السبب ماعارف المدير و لا الدين
لكن كيكي و خليل ما قصروا دوروا ليهم أسبوع كارب بي جاي (اليوم الحار ) حقو تسخنوه تاني يا كيكي
يا ود البشرى مالك نسيت اسبوع نسرين .. واللا هرشوك ..؟
أسبــــوع نســـرين اقترح إنو يكون ذكرى سنوية ويعملو لينا ايقونة بتاعت الجندي المجهول .. وفيها نصب تذكاري وقائمة شرف لكل اشهداء الأبرار .. حسب تخصصاتهم المهنية .. ودرجة الانكراشة.. وقتئذ
Post: #12 Title: Re: أسابيع البورد Author: Nasruddin Al Basheer Date: 01-02-2008, 09:27 AM Parent: #11
وخد عندك أسبوع مقتل الديبلوماسي الأمريكي في الخرطوم والذي ابتدأ بالأمس...
Post: #15 Title: Re: أسابيع البورد Author: محمد البشرى الخضر Date: 01-02-2008, 10:10 AM Parent: #12
نصر الدين يا عمك وكمان اسبوع الباقر العفيف اسبوع منصور خالد وعبدالله علي ابراهيم اسبوع أو اسابيع تجليات محمد فرح اسبوع الأمثال السرية اسبوع سودان فور أول
Post: #14 Title: Re: أسابيع البورد Author: محمد البشرى الخضر Date: 01-02-2008, 10:06 AM Parent: #11
غايتو يا تمبس يومن أسود الخلاك مشغول اليوم داك وما خشيت كبيت علبة علبتين جرسلين مع الجماعة ليك حق تتضرع
Quote: أسبوع تهكير الموقع
جبناها بي فوق فوق يا عمك
يلا شد حيلك خلص لينا اسبوع "خدرو" دا بسرعة خلينا نشوف حاجة غيرو
Quote: كيكي بالله ما تخمنا أسبوع قريش دا داير تفصيل أكتر اسبوع الملاية اسبوع سيف اسبوع الجمهوريين اسبوع الشيوعيين اسبوع انا ظلامي فنان اسبوع ما تقولوا ظلامي اسبوع خلاص قولوا ظلامي وانت ماشي
ولا تنسى اسبوع فصل الجنوب وحاليا فعاليات اسبوع الجندريات
على كدا أنا وتراجي لو اتخارجنا من هنا قطر منبركم بصفر من الصباح
Post: #16 Title: Re: أسابيع البورد Author: محمد البشرى الخضر Date: 01-02-2008, 10:20 AM Parent: #1
اسبوع باسويرد زمراوي اسبوع الجردل اسبوع ساعدونا بالإلتزام و البوستات الهادفة اسبوع أو اسابيع بوستات خليل للكبار فقط اسبوع استقيل أو اعلن توقفي و تتبعها نزولا على رغبة الجماهير خليناه اسبوع اسلوب الصدمة اسبوع تجميد الحركة الشعبية لمشاركتها في الحكومة اسبوع عودة الحركة الشعبية للمشاركة في الحكومة اسبوع إعلان الحكم على المتهمين بقتل محمد طه اسبوع ذكرى الشهيد محمود محمد طه اسبوع روضة الحاج وأجمل الأسابيع اسبوع غادة نوري
سلامات يا جندرية فتحتي باب الأسابيع الدايمة ودي زي القرية العالمية بعد نهاية المهرجان لسة أبوابها فاتحة من الأسابيع أو الفعاليات الدايمة اسبوع الفارغة والمقدودة كما تفضلتي اسبوع النضال (عموما) اسبوع فلان كوز وامنجي اسبوع هامش و جلابة اسبوع عضو جديد هل من مرحب اسبوع علان على بابك ينتظر يا بكري اسبوع خبر عاجل دا غير اسابيع المثقفاتية و الكلام الكبار كبار و مقعر
ود الصايم كيفك شايفك حتلت بي غادي بارك الله في من رحب و خف
Quote: أسبوع البوستات البقت تشتت ورا سريييييييع بعد (الفقيد) المسنجر
معاك حق والله الفقيد كان لا عب دور خطير وهاك ديل
أسبوع عضو جديد هل من مرحب أسبوع او اسابيع بقال اسبوع إختطاف الأطفال اسبوع باقان اموم اسبوع نجم البورد اسبوع يابكري رجع فلان اسبوع كشف السرقات الصحفية اسبوع كشف السرقات البوردية اسبوع حك الوهابية اسبوع سك الطائفية اسبوع الحزب الشيوعي اسبوع الجاليات (واشنطن , جدة ) اسبوع شركة أوكسنت
Post: #28 Title: Re: أسابيع البورد Author: الشيخ إبراهيم الشيخ Date: 01-03-2008, 09:10 PM Parent: #27
يا عمك سلامات
انشاء الله إسبوعك ما يجي
كفاية اسبوع حتوت واسبوع آية
عندي كانت شين زايدة شلتها مش حر
Post: #29 Title: Re: أسابيع البورد Author: محمد البشرى الخضر Date: 01-04-2008, 11:19 AM Parent: #28
ود الشيخ ياعمك
Quote: عندي كانت شين زايدة شلتها مش حر
بالحيل حر و جلابي كمان لكن وقت عدلت ما كان تبعد معاك النون من الشين هنا
Quote: انشاء الله إسبوعك ما يجي
وكدا ودا بذكرني اسبوع اصلاح الكتابة في المنبر اسبوع رد الحبشي على اصلاح الكتابة في المنبر اسبوع رد محسن خالد على رد الحبشي على اصلاح الكتابة في المنبر اسبوع تموليت اسبوع شبق نساء الشمال اسبوع نيل صاحب الشبق العضوية اسبوع وفاء الجاسم اسبوع دسكاونت المؤسسين (إنتهى بسرعة لعوامل الحذف و كدا) اسبوع المحكمة الجنائية الدولية اسبوع اوكامبو اسبوع كوشيب وهارون اسبوع مقاطعة الأولمبياد
دا من اسابيع الفعاليات الدايمة مع ابن عمه اسبوع الإدانة
Post: #31 Title: Re: أسابيع البورد Author: عاطف عمر Date: 01-04-2008, 11:59 AM Parent: #1
Quote: أسابيع البورد
Quote: من أشهر الأسابيع المرت على البورد: أسبوع المسكوت عنه أسبوع انا أحب زوجتي أسبوع الحقوق المختلفة (النساء , المثليين ...إلخ) أسبوع الهندي عز الدين أسبوع إعلان المركز أسبوع توقف بيان أسبوع ثورة جني أسبوع تهكير الموقع أسبوع إيقاف المسنجر أسبوع مكنة شريط هاواي أسبوع العناوين المثيرة أسابيع الكورة
أسابيع ود البشرى " ستة أسابيع على أرجح الروايات " تجلى فيها بمختلف البوستات فائقة الروقة
يا رجّال تتذكر ديل كلهم وتنسى اللي كان ماشي في النص اسبوع قناة الشروق اسبوع فوز اوباما (دة حاليا بجميع دور العرض) ــــــــــ من الاسابيع الدايمة: _اسبوع ضرب ليّ قبل كدة تلفون عشان كدة لازم اجامله _اسبوع تلفح ليك عبارة كاتبها زول في بوست وتعمل بيها بوست منفصل _اسبوع تستنى تشوف المتداخلين بيقولو شنو (تشوف مويتهم يعني) وتلم الافكار كلها وتكتبها بي اسلوبك وتقوم تصدّق انك جبتا التايهة
وكل سنة وانت بخير يا محمد البشرى (دي تهنئة ما تفتكرها اسبوع)
في اسبوع كده يا محمد بتاع حاجة ظريفة كده لي كم يوم بحاول اتذكرها (مرة بتجيني قطران- مرة جلسرين) واخيرا قبضت عليها اليوم انه اسبوع الجمكسين (ايوووه الجمكسين ود الاييييييه تور نفسي عشان الم فيهو)
Post: #49 Title: Re: أسابيع البورد Author: محمد البشرى الخضر Date: 01-05-2008, 09:14 AM Parent: #47
Quote: اسبوع هناية
شوشتا يا عمك حدد أكثر ياتو واحدة
Post: #48 Title: Re: أسابيع البورد Author: معروف حمدين Date: 01-05-2008, 09:14 AM Parent: #1
Quote: اسبوع هناية
قوية شديد !!!!
Post: #50 Title: Re: أسابيع البورد Author: محمد البشرى الخضر Date: 01-05-2008, 09:27 AM Parent: #1
أسبوع السايبات اسبوع القصائد اسابيع الكذبات الكبرى اسابيع الكذبات الصغرى اسابيع نقل الأعمدة الصحفية اسابيع لفح الأخبار غير المؤكدة اسابيع الشعراء و المتشاعرين و الغاوين اسابيع هلاك الباندودث اسابيع "توجد صوووووووور" اسابيع كدا ما انزل الله بها من سلطان واسابيع تانية خليها فسرك
Post: #51 Title: Re: أسابيع البورد Author: محمد فرح Date: 01-05-2008, 09:55 AM Parent: #50
Post: #56 Title: Re: أسابيع البورد Author: محمد البشرى الخضر Date: 01-05-2008, 10:44 AM Parent: #51
محمد فرح صاحب التجليات يا عمك دايما تصر على إدهاشي الأخيرة بتاعة الدبلوماسي قوية قلت لي طلعت علاقة شخصية كيب أب ذا قوود ويرك
وعشان خاطر جيتك دي أفصل ليك بعض أسابيعك وأهديك ليها
اسبوع فيديو ثوار دارفور و ندى القلعة اسبوع الإعتذار عن فيديو ثوار دارفور و ندى القلعة اسبوع زيارة اليوفي اسبوع ساركوزي الارنب اسابيعك مع الحركة الشعبية بصفة عامة اسبوع الإحفال بتصدير النفط لكن احييك عن افضل اسابيعك اسبوع صور السودان التاريخية
Post: #53 Title: Re: أسابيع البورد Author: فدوى الشريف Date: 01-05-2008, 10:24 AM Parent: #50
Quote: اسبوع الجردل اسبوع روضة الحاج
انا جيت اكتب الاسبوعين ديل (بالذات الأول كان الذ اسبوع) - ما شاءالله عليك - مراقب فطير
Post: #59 Title: Re: أسابيع البورد Author: محمد البشرى الخضر Date: 01-05-2008, 10:47 AM Parent: #53
Quote: انا جيت اكتب الاسبوعين ديل
فدوى يا هلا بيك ولا يهمك أكتبيهم تاني بس لو ما فيها إحراج ما تنسي تشيري لصاحب المقال عشان إنتي ما ناقصة وكدا
Post: #54 Title: Re: أسابيع البورد Author: فيصل نوبي Date: 01-05-2008, 10:28 AM Parent: #50
Quote: أسبوع السايبات
هو كان اسبوع بالله ياخ اخوكـ شافو يوم واحد و في رواية اخري سنة البوســـ(ط) بتاعكـ ما مقصر .. خليكـ مواصل بالله
__ شوشتا قلت لي إسبوع هناية !! إنت قاصد عشة ولا السماية
Post: #55 Title: Re: أسابيع البورد Author: عبدالكريم الامين احمد Date: 01-05-2008, 10:30 AM Parent: #54
اسبوع مكاجرة بورداب الدوحة عند نوبي واخريين
Post: #57 Title: Re: أسابيع الدوحة Author: فيصل نوبي Date: 01-05-2008, 10:45 AM Parent: #55
إسبوع اوكسنت إسبوع الشيراتون إسبوع الفور سيزونس إسبوع باب النعسة اسبوع كارفورد اسبوع رحلة العيد اسبوع ولادة بنت المسكتفي
__ أعلاه بعض من اسابيع بورداب الدوحة
Post: #58 Title: Re: أسابيع الدوحة Author: عبدالكريم الامين احمد Date: 01-05-2008, 10:46 AM Parent: #57
نوبي يا عمك بركة الشفناك طيب كان عارفين اسبوع السايبات دا بجيبك كنا ذكرناه أول واحد
---------------------------------
Quote: اسبوع المسجد الأقصى
فعلا يا عبودي دا كان من أقوى الأسابيع ما عارف نسيتو كيف أنا خلي بالك أسابيع ود فرح كلها مثيرة ومميزة
وهاك كمان أسبوع الإعتذار عن اسبوع المسجد الأقصى اسبوع او اسابيع منعم سليمان اسبوع مهند مامون اسبوع انتخابات اتحاد جامعة الخرطوم اسبوع تجميد اتحاد جامعة الخرطوم لرئيسته اسبوع ولاء صلاح اسبوع اكرام اسابيع حركات حق اسبوع مظاهرات السكر اسابيع طلحة التنظيرية
اسابيع الأرشفة وحاكتب في الموضوع ده بعد الارشفة وارشفة سعيدة ووووو اسبوع ميزة الانتماء لسودانيز اونلاين واسابيع من شهرتهم سودانيز اونلاين اسابيع المكتبات واعمل لي مكتبة اكن لك ....
ود الصايم لقيتك متابع بشدة خد اسبوع أو اسابيع خالد كودي اسابيع الحزب الليبرالي اسبوع قوائم الكيزان اسبوع قائمة ضحايا لإنقاذ اسبوع -او ساعات على الأصح - قائمة غريبة اسابيع محمد عمر الفكي (قطر و الشيعة و حماس) اسبوع شيخ الأمين اسبوع د.إشراقة مصطفى اسبوع وليد دارفور اسبوع افراح اسبوع محمد اسبوع يا ناس يا شر كفاية قر اسبوع اللي يحب النبي يزق اسابيع حكايات يا زول اسبوع هذه العناوين لا تليق ( أو شيء من هذا القبيل) اسابيع الأنا اسابيع عايز اشتهر بسرعة اسابيع * و Up و . و >>>>> , فوووووق اسابيع اليوتيوب اسابيع العربية نت اسابيع حرق الدم
Post: #72 Title: Re: أسابيع البورد Author: محمد عبد الماجد الصايم Date: 01-05-2008, 09:59 PM Parent: #1
سلامات يا طارق جبريل كيفك بلغ تحياتنا لحاتم ابراهيم و قوليه أنسى موضوع إيداهو دا وأظهر علينا
نهديك
اسبوع الطلبة و البت الشديدة اسابيع المدن والأحياء المختلفة اسابيع خريجي الجامعات و المدارس اسابيع الكبكبة و البكا الغير مبرر اسابيع البكا المبرر اسابيع الحبشي (محتاجة تفصيل لقدام) اسابيع أنا اديب و فنان اسابيع ما في زول بشاركني بوستاتي ليه؟ اسابيع عرفت ليه ما في زول بشاركك بوستاتك اسابيع حبيب نورة اسبوع محمد نور التشادي اسبوع اركب الحصان اسبوع انزل من الحصان اسبوع تاني تجي المولد حفيان اسابيع الزرزرة اسابيع عدم الموضوع اسابيع تم تهديدي وحياتي في خطر اسابيع كضاب و التهديد من خيالك اسبوع المفرق الخاص
وكدا
Post: #77 Title: Re: أسابيع البورد Author: محمد عبد الماجد الصايم Date: 01-07-2008, 10:36 PM Parent: #1
يا عــمــكــ
أمسك دي
Quote: شايفك حتلت بي غادي
وبعدين دي
Quote: ياربي محمد البشري عارفك بت جيرانهم؟؟؟
الأسبوع ظاااااااااتو انتهى
Post: #78 Title: Re: أسابيع البورد Author: محمد البشرى الخضر Date: 01-08-2008, 07:21 AM Parent: #77
ود الصايم ماوقع لي لكن بصفة عامة ماتضايق
Post: #79 Title: Re: أسابيع البورد Author: معروف حمدين Date: 01-08-2008, 07:30 AM Parent: #1
ودالبشري سلام .. هذا الاسبوع : مخصص للشبكني يخلصنـــي !!!!
Post: #80 Title: Re: أسابيع البورد Author: محمد البشرى الخضر Date: 01-08-2008, 07:38 AM Parent: #79
سهلة يا معروف أعمل ليك
Quote: إقرار بالخطأ
وخلاص
Post: #81 Title: Re: أسابيع البورد Author: محمد عبد الماجد الصايم Date: 01-08-2008, 01:02 PM Parent: #1
ود البشرى
Quote: ود الصايم ماوقع لي لكن بصفة عامة ماتضايق
ماني متضايق تب بالي وسييييع وصدري أوسع (8 ضلف)
كدي نشرح ليك
البوست المقصود محل (الحتلة) في الكوت الأول فيهو الكوت التاني
لكن صدقنى يافردة,,الحنك دا مفقود فى السودان ياخى انا فى اجازتى ,,لاحظت ان ناس الداخل بقو زى ناس لندن العواجيز خالص الناس مستعجلة ومتحركة بسرعة شديدة وتلفونات تضرب , ولو تابعت واحد منهم تلقاه مواعد ليه زول متاخر 3 ساعات,,
خلاص عندى ليك اسبوع كارب,,,ببتدا قبل اسبوع كاس افريقيا وانا مصر على انه اسبوع شنو ليك نسميه اسبوع مازدا
مشاركتى
اسبوع تاج السر و دكتور بله لكن قبله كان اسبوع ســــارة منصور واسابيع رودا مردة
Post: #116 Title: Re: أسابيع البورد Author: Ahmed Abdallah Date: 01-28-2008, 00:07 AM Parent: #100
اسبوع عزيزي القارئ اسبوع كاره ذاتو اسبوع تراجي في قناة العربية اسبوع بقال بشتم في الحكومة اسبوع بقال كروهوا بمنصب اسبوع بقال بشتم في الجلابة اسبوع بقال بيعتذر للجلابة
اسابيع منيلة بـ 60 نيلة ...
Post: #101 Title: Re: أسابيع البورد Author: محمد البشرى الخضر Date: 01-13-2008, 11:20 AM Parent: #1
اسبوع بشرى المهدي والأمن اسبوع شماتة محمد حامد جمعة اسبوع التكسير - الحقوق لنوبي اسبوع النقد الفني و كدا
Post: #102 Title: Re: أسابيع البورد Author: محمد البشرى الخضر Date: 01-13-2008, 11:57 AM Parent: #101
أسبوع محنة عضوية حزب الأمة بالبورد اسبوع التضامن مع عضوية حزب الأمة في محنتهم (مقترح) أسبوع الذكريات اسابيع الظهور اسبوع انا عضو جديد وشديد و نشيط اسابيع احتفالات الإستقلال بالدوحة اسابيع صور احتفالات الإستقلال بالدوحة اسابيع الشكل بعد إحتفالات الإستقلال بالدوحة اسبوع العصابة اسبوع هو دا حدو وين دا
اسبوع ما رأي الشيخ الطقي في ... اسبوع قدر ما ود البشرى سوّى نوبي ما هببو ليه
ــــــــ هنا ماعندي شي
Post: #118 Title: Re: أسابيع البورد Author: محمد البشرى الخضر Date: 01-28-2008, 07:30 AM Parent: #117
شيماء سلامات
Quote: اسبوع قدر ما ود البشرى سوّى نوبي ما هببو ليه
الحنقولو حنعيدو امرنا لله - نشرح لمن فاتهم الأمر الأخ نوبي يمر في محنة حاليا - الله يهون عليه ومكره في ابتعاده عن البورد لا بطل وذلك لعجزه عن الإتيان بموضوع يناسب الراو العامله لمداخلته العجيبة العظيمة الــ 9000 لمن يعرفون نوبي لم يبتعد هذا القدر عن البورد إلا ايام كان باسويرده محظور وحتى حينها لم يعجز عن (إستلاف) باسويردات آخرين للتعبير عن نفسه غيابه كل هذه الفترة يشي بنجاح حملة الفت واتيانها أكلها ونحن الآن بصدد إنجاح حملة التضامن بغرض عودة نوبي بأي شكل كان ومسح آثار حملة الفت وقع ليك امي
دا بيقع تحت بند (أسبوع كسير التلج) لكن ممكن نودي منه نسخة لأسبوع شوفوني أنا ود حريف أهم أسبوع يا ود البشرى: أسبوع فلان حرامي وعلان أكل قروش التبرعات أسبوع الصفحة الأولى على حسابي أسبوع شلناك غنا أسبوع شوت لي واشوت ليك أسبوع توجد صور
Post: #129 Title: Re: أسابيع البورد Author: محمد عبد الماجد الصايم Date: 01-29-2008, 03:16 PM Parent: #1
Quote: خلي بالك كبرنا
ياااااهو زي دي
إذن فالنبدأ بتبسيط المسائل لعمنا
Quote: أسبوع (يا سلام عليك يا (فلان) .. ده الشغل ولا بلاش)
وده زي ما قالت أختنا إشراقة بيندرج تحت بند (كسير التلج) وبالتالي لازم تلبس تقيل خسوسا إنو الجو اليومين ديل ما مضمون
والله ما فضل إلا أقول ليك أنو بين القوسين توجد كلمة (الموصلي)
Quote: أحسن من مسلسل صحبك لسع في الجزء الأول
ده المسلسل البقت جنازتو في عرض البحر عاوزه السُتره
فهمت ولا نشرح زيااااااادة؟؟؟
Post: #130 Title: Re: أسابيع البورد Author: محمد البشرى الخضر Date: 01-30-2008, 06:24 AM Parent: #1
بت المبارك
Quote: محمد البشرى مثالاً (وجه ميت من الضحك)
طيب ياخي ما كنتي تآزرينا بتحنيسة تحنيستين معاك و بتلقيهن قدام إن شاء الله يوم تحنيسك ما يجي
إشراقة حيمورة كيفك وين ما ظاهرة الأسابيع ما عندك لكن
ود عبد الماجد لا وقع لي تب بالجد كبرنا أما عن جنازة البحر دي فقصتها براها بنشوف ليها صاحب يسترها اصبر بس
Post: #131 Title: Re: أسابيع البورد Author: محمد البشرى الخضر Date: 02-02-2008, 10:11 AM Parent: #1
تتواصل الفعاليات
- اسبوع المرأة الجنوبية - اسبوع غشاء البكارة - اسبوع يا فلانـ/ـة وينك غايبـ/ـه - اسبوع جاوب على هذا السؤال - اسابيع الـيوتيوب - اسابيع الراكبين غلط - اسبوع العزابة - اسبوع عمك المسلمي - اسبوع انضمام الإتحاديين التجار للمؤتمر الوطني - اسبوع إنضمام بقية الإتحاديين للمؤتمر الوطني (coming soon) - اسبوع تمبس - اسبوع المعارضة التشادية - اسبوع البوست المحذوف - اسبوع منتخب البلابل الوطني
وكدا
Post: #132 Title: Re: أسابيع البورد Author: محمد البشرى الخضر Date: 02-04-2008, 08:41 AM Parent: #1
سؤال أسبوع تشاد دا انتهى ولا لسة؟
Post: #133 Title: Re: أسابيع البورد Author: محمد عبد الماجد الصايم Date: 02-04-2008, 09:24 AM Parent: #1