الجلابي الذي أحببت ..

مرة كدة قومي يا تراجي و أكتبي ليك بوست إسمو الزغاوي الذي ما عارف شنو كدة ..

و الليلة كدة و أنا ماشي لقيت ليك الكلام الخطير دا في البوست الخطير دا ..

دخول الزغاوة السودان

Quote: وبالأساس يبدو أنّ شعب الزغاوة قد إنطلقوا فى بادئ أمرهم من مناطق الشام الحاليّة شمالى الجزيرة العربيّة فى القرن الأول للهجرة/السابع الميلادى وإضطروا للنزوح تدريجياً صوب الغرب عابرين مصر إلى أن إنتشروا فى المناطق آنفة الذكر، وقد يكون ذلك سبب قيام بعض المؤرخين بنسبتهم إلى الطوارق. وعلى العموم يبدو أنَّ سلطنتهم تلك حول بحيرة تشاد قد أخذت تضعف تدريجياً مع نهاية القرن العاشر الميلادى حيث حلَّت محلها مملكة الكانم، وهم أبناء عمومة الزغاوة على أيّة حال، والتى تحولت إلى مملكة إسلامية عام 1085م كما أشار إليها الدكتور أحمد شلبى (موسوعة التاريخ الإسلامى والحضارة الإسلامية، مطبعة النهضة المصرية، القاهرة، 1975), وقد يشير ذلك إلى تسرب الإسلام إلى دارفور واللغة العربيّة منذ ذلك الوقت، أى قبل نزوح القبائل العربيّة التدريجى إليها. وتبعاً لذلك يبدو أنَّ الزغاوة قد أُضطروا للنزوح جنوباً من مناطق الواحات المصرية وفزَّان جنوبى ليبيا، وشرقاً من مناطق شمال بحيرة تشاد، نتيجة لتعرضهم للضغط من هجرات الطوارق والملثمين من شمالى أفريقيا، وهؤلاء هم الذين ساعدوا فى تأسيس مملكة الكانم، ليتركز الزغاوة بعدها نهائياً فى الجزء الشمالى الغربى من دارفور والأجزاء الشماليّة الشرقيّة من تشاد الحاليّة فى بداية القرن الثانى عشر الميلادى (تاريخ إبن خلدون، مؤسسة جمال للطباعة والنشر، بيروت)، ولما إستقروا فى تلك المناطق كونوا سلطنة تسمى سلطنة الزغاوة حيث وصفها التونسى بأنها كانت لها سلطان وكانت تشتمل على خلق لا يحصون كثرة.

و قوووم يا أنا ألفح ليك الكلام دا و كنكش فيهو ..
يعني محمد سليمان دا شابكنا ليك جلابة جلابة و تاري الراجل جلابي أصلي وداسيها ..
وكان مسكنا حتة أنطلقوا في بادئ أمرهم من مناطق الشام دي ما بعيد الأخو يطلع قريب نانسي عجرم و باسكال ..
فيا أيها الجلابي الذي دساها ..

غني لنا ..
هور يا أبو الهوارة ..

يا عصام دهب
كل عام وانت بخير





انت ماشي بعيد ليه ما محمد نور التشادي
قال لك مهمشي السودان هم جلابة تشاد
وكان يقصد زغاوة تشاد يشكون التهميش
في السودان وطالعين في راسنا في تشاد
وعاملين صفوة ومنشفين ريقنا




اها يا بركة عام 2008 ويبقوا صفوة في الخرطوم وبرضوا وينشفوا ريقنا
ولي انا طبعا لموضوع سيكون الامر يشابه المثل المصري ( ضرب الحبيب زي اكل الزبيب)
(مثل مصري قالته واحده ما قادره على راجلها المنشف ريقها)

غايتو ياتراجي تعبتي الليلة مع ود دهب

حيدر يا حنين ..
كيفك و أشبال التاميل ..

Quote: غايتو ياتراجي تعبتي الليلة مع ود دهب

ياخي تراجي دي فردة كويسة لكن مشكلتها أنها بتاعت دافوري .. ( ما دارفوري ) ..
لعبها خشن و بتشووت ضفاري .. و بتنط كنشاسا كمان ..
عشان كدة حألعب ليهاجناح فرفارة ..
مشوار مشوارين و عكسة كدة ..
بعد شوية حتقوم تصرجها براها في القوون ..
و يا الحارس الذي أحببت الله يعينك ..

يا تراجي ..
كل لحظة و إنتي و الوليدات و كل من تحبون بأتم صحة و عافية و خير و بركة ..

حأرجع ليك بي روااااقة كدة .. بعد ما أبل ريقي النشفوا أكل الزبيب دا ..

عصومي

كيف اخبار قائد حملة المهندسين الانتقامية

عووجي ..

Quote: كيف اخبار قائد حملة المهندسين الانتقامية

خليك من الغلاط و الكلام الما منو فايدة ، موضوع المهندسين دا كان فوضى صغيرونة كدة حسمها عسكري من أبو تلاتة شرايط .. و مافي زول قال بغم ..
السيد اللواء الآن مرابط بين جنوده على التخوم الغربية يا بتاع ألمانيا الغربية يا مناضلاتي انتا ..

الاخ الكريم عصام تشكر على ايراد البوست
من ناحية الزغاوة فيهم دم سامى او عربى اقرا كلامى ده

Quote: من ناحية انو الزغاوة فيهم دم عربى ما دايرة درس عصر لانو اى زول عندو معرفة بسيطة بعلم الاجناس بتتبين ليهو الملامح السامية المتمثلة فى السواد الخفيف والالف الناتئ والراس المرتفع والجبهة الضيقة المميزة للاقوام السامية لكن نسبة الاختلاط كم وكيف دى نتركها للمختصين دارفور باى حال من الاحوال ليست ارض الزغاوة ودخولهم لها متاخر

يعنى الاخوان نسبة الجلبنة فيهم ممكن تكون اعلى من الشماليين زاتهم

الاعزاء المرور
كل عام وجميعكم بخير
حيدر وماجد



يا جماعه مالكم على الحبايب ديل صباح الله بخيره...وحياتكم ده عشق عديل قايمين تهضربوا بيهم من الصباح.

Quote: يعنى الاخوان نسبة الجلبنة فيهم ممكن تكون اعلى من الشماليين زاتهم

الدماء العربيه لا تعني الجلبنه والا فلماذا انضم الرشايده لصفوف المهمشين.دي ناحيه.


اما الناحيه الثانيه
معلوم لاهل دارفور انه الزغاوة فيهم عروبه كثيره
وهذا ما يجعل عرب دارفور بذات المشاغبين منهم
يكرهونهم لانهم يعرفون اشتراكات الصفات بينهم
وثقافة انا واخوي على ابن عمي وانا ابن عمي على الغريب .




في مدينتنا هاملتون اطول شعر لسودانيه هو لشابة زغاويه اعرفها محجبه.
هذا من باب اذا جاين للفارغه.
والبارحه فقط ونحن في حفل هاملتون فرجت الاخ عضو البورد
حيدر قاسم على تربيزة تشاديات كانوا معنا
وقلت له بالله هل يمكن ان تفرزهم من اي شماليات او سودانيات المركز واكد ان لا.


يبقى يا جماعه
وليدات الزغاوة المعاكم ديل هم بيضحكوا عليكم لما بتتفاحصوا عن عروبة وزنوجه وكلام فارغ
لانهم ادرى بصفاتهم واهلهم وملامحهم...ولكن ماذا يفيدنا هذا من مفاهيم التهميش و الاقصاء
وانكار الحق بالوطن؟؟؟؟



ولماذا انكار الزغاوة؟؟؟؟؟وانكار انتمائهم للسودان؟؟؟؟
لانهم ادبوا السلطة ميدانينا وتنظيريا وتنظيميا!!


الزغاوة اعتز بهم لانهم اكثر من رفد ثورة الهامش بكوارد
فقد قدمت القبيلة خيرة شبابها فداء لدارفور.
مات الزغاوة باعداد غفيرة في ثورة دارفور.

مات البقية في موقف الضحايا ومات الزغاوة في موقف الدفاع وهنا الفرق.
ماتوا فرسان شبان زي الورد دفاعا عن الوطن و العرض ورفضا للظلم.


لذلك تخافهم الخرطوم وصفواتها
ولا يكفون عن الكتابة ليل نهار عنهم
ويصرفون الاموال الخرافيه للبحوث المفبركه عن تاريخهم
ومن اين جاءوا ومن اين ..الخ.


انا كسودانيه لا يهمني كل هذا
اعرف ان هنالك قبائل مشتركه كثيره حدوديه.
اعتقد الزغاوة وجودهم اثراء للوطن ونسيجه الاجتماعي
فهم ممن تسند قفاك بيهم.
لاجونا عجزة ولا شحادين منتجين ومبدعين وفرسان يملوا العين.


ما نسميه قبليه اراه اثراء لقيم فاضله
فمن لاخير فيه لاسرته لا خير فيه لقبيلته
ومن لا خير فيه لقبيلته لا خير فيه لاقليمه
ومن لاخير فيه لاقليمه لا خير فيه لقطره.


يبقى القبليه هي نور ونار
نور لو وظفناها جيدا ونارا لو احترقنا بها.



يعجبني في قبيلة الزغاوة انها لا تحب الخنوع
فخليل ابراهيم(الاسلامي) مثلا مهما ادعى المرونة لن تجده تحت شريف حرير (اليساري )مثلا.
و(مناوي)العسكري.... لن تجده يقبل بمحمد سليمان (المدني) مثلا...وهكذا....

وكل واحد قاعد سلطان زمانه فاين هي القبليه هنا؟؟؟؟
لم اسمع ايا من الزغاوة ارسل اشرطة مسجله بلغته لاهله يحرضهم على قبائل آخرى
بينما سمعتها من بعض القبائل الآخرى تحرض ضد الزغاوة بالتحديد....
لم يجرؤ للتحريض على اي قبيلة بالاسم ولكنهم تجرؤ على الزغاوة اخوتهم و المرابضين معهم في الميدان
و المتبرعين باموالهم لدعم الثورة و الفادين للثورة بخيرة شبابهم ..وستأتي الايام
ويخرج تاريخ الثورة موثق...وسيعلم الكذبة ماذا قدم الزغاوة للثورة
كم عدد الشهداء
ماهي مؤهلاتهم العلميه
اعمارهم
مناطق ميلادهم في السودان
تاريخ استشهادهم في دارفور

وقتها سيعرف القاصي و الداني الفرق بين الزغاوة و الآخرين
وهي ان التعليم لا يجعلهم متأخرين عن التصدي وقت الحاره
التعليم عندهم لا يعني الخنوع و لا التدجين وانما مزيد من التطور للتقدم الميداني.
بينما عني التعليم للبعض التنظير للبسطاء
ففي ثقافة الزغاوة التعليم يعني تقدم الصفوف
وانت ما راجل كان قعدته وراء.....


فمن احب يا اخي كان ما حبيت الزغاوة
ولمن اغني وننشد الاشعار ان ام ننشدها لفرسان مثلهم
ولمصلحة من نحرص على اقصاء قبيله بتشد الحيل زيهم كسودانين خلينا من كدارفورين؟؟؟



شكرا الزغاوة لا يعني باي حال زم الآخرين
ولكن التهجم عليهم وتأليب الآخرين عليهم يجعلني في خط الدفاع الاول عنهم.

عاشرتهم في مدينتي لم اعرفهم الا مثال للخلق الطيب تشادينهم وسودانينهم
مثال للترابط و التلاحم و التقوى ...لم اسمع بزغاوي متردد سجون ولا سكير عربيد متردد على الحانات
ولا متسكع ومنبطح راجي الولفير... كل مساجد مدينتنا تقدمهم في صفوف الترشيح و الانتخاب في لجانها النفيذيه
ويعلم الله انهم يرفضون ويوضحون انهم ليس بالمساجد لسلطة او لجاه وانما حبا وتزلفا لله سبحانه وتعالى.


فلو كانوا يحلمون بدولة الزغاوة الكبرى فان لهم اعدد متعلمه ومهاجرة قادرة تصنع اقوى لوبيات العالم قوة.
ليس على مستوى السودان فقط بل على مستوى العالم كما اوضحت.


اشهد لله انهم غير متكتلين وغير متعنصرين وانما بسطاء قروين لا يعرفون شيئ سوى قيمة العلم و الاجتهاد
ولكن البعض يحرص على حشرهم في كورنر القبليه و الجهويه....وشخصيا انا لو محلهم لاريتكم من نحن.

ولنعي في السودان خطورة هذا الحشر لهم فلن نكسر شوكتهم وكل ما هنالك سنجعلهم اكثر ترابطا وقوة
فالعزلة لا تفني احد ولو ممكن كانت افنت اليهود ولنا في التاريخ عبر الاحتواء و الانفتاح و القبول بالآخر هو الحل.


تم استعدائهم في تشاد فتوحد بعضهم فقط (الحاله وليس كلهم) وتمكنوا من الحكم .
فهل نرغب في تكرار الامر في السودان؟؟؟؟؟



اعلم تماما ان السودان ليس تشاد
ليس لوجود صفوة متمكنه تاريخيا وتنوع الصفوة نفسها
وانما لاختلاف التركيبه السياسه وتجذر الفكر السياس الممتد لفترة اطول من تشاد
ولكن ليس لمصلحة اي انسان حشر قبيلة كاملة في موقف الاستعداء.



في حرب الجنوب سمعت عن شراسة النوير في الحرب وعشقتها
وسمعت عن صمود الدينكا وعشقته ايضا و سمعت..وسمعت...الخ
الثقافات المحليه للقبائل المختلفه لها علاقة بالاداء الميداني.

وادعو الله الا تكمل ثقافة وقيم الصمود رجال الزغاو في ميادين الوقى
فمن مثلهم يجب ان تحبل النساء ويملان الارض رجالا وفرسان يشدوا الحيل.


و لي عودة وكل عام واحبتي الزغاوة بخير
وكل عام وكل منا (كشعب) فيه شيئا من قيم الزغاوة.


وبقية البوست برجع بحكي فيه عن سلبيات الزغاوة
وما اتمنى ان يجتنبوه حتى يصيروا افضل وما ينقدروا فعلا.
ولوقتها كونوا جميعا بخير.

يا عصام دهب و ماجد حسون .... أقيفوا ليكم علي رأي ....
ما معقولة يوم تطلعونا يهود ... و يوم تطلعونا عرب ....

( أي حاجة إلا حكاية جلابة دي )

فوق

Quote: انا كسودانيه لا يهمني كل هذا اعرف ان هنالك قبائل مشتركه كثيره حدوديه. اعتقد الزغاوة وجودهم اثراء للوطن ونسيجه الاجتماعي فهم ممن تسند قفاك بيهم. لاجونا عجزة ولا شحادين منتجين ومبدعين وفرسان يملوا العين.

شوفي جاي يا ستي يجوا شركاء في الوطن يتساون في الحقوق والواجبات والتعايش السلمي حبابهم عشره
يجوا عشان يقولوا ح نضطهدكم ونمرغ انوفكم في التراب كما يقول ابنهم محمد سليمان الا علي جثثنا
فرسان يملؤ عينك انت .
نحن عينا ما بيملاها غير التراب .

Quote: فرسان يملؤ عينك انت . نحن عينا ما بيملاها غير التراب .

فرسان دى مثنى فرس!
واحد يملا العين اليمين والتانى يملا العين اليسار!
جنى

دوما

Quote: شوفي جاي يا ستي يجوا شركاء في الوطن يتساون في الحقوق والواجبات والتعايش السلمي حبابهم عشره يجوا عشان يقولوا ح نضطهدكم ونمرغ انوفكم في التراب كما يقول ابنهم محمد سليمان الا علي جثثنا فرسان يملؤ عينك انت . نحن عينا ما بيملاها غير التراب .

يملا عينك التراب ولا عنو ما ملتها حاجة شايفه لهجتك بقت غريبه واكثر لؤما بعد عودتك من الخرطوم
خلاص مليتي بطاراياتك من حقد اهلك الجلابه؟؟؟؟مبروك عليك.


بس كلمة آخيرة ما تفرحي برجالات المنبر ده وبطولاته
نحن محل الراجل الجد وين بنعرفهم.
ما جلابتك ديل والله ما يصمدوا ساعة في حمي الوطيس.
وبتهددي منو بانه الا على جثثنا؟؟؟؟؟
وجثث الناس الملت الدنيا دي المسؤل منها منو؟؟؟؟؟

Quote: نحن محل الراجل الجد وين بنعرفهم. ما جلابتك ديل والله ما يصمدوا ساعة في حمي الوطيس. وبتهددي منو بانه الا على جثثنا؟؟؟؟؟

اسمعي يا حبيبتي كل زول عاجبو الساريهو
انت عاجبنك زغاوتك انا عاجبني جلابتي ما في زول احسن من زول .
انا ما هددت زول انا بس قلت تهديد محمد سليمان بانه يمتهن كرامتنا ويقوم يا ذلالنا الا علي جثثنا .
ولا انتوا عليكم غفور رحيم نحن علينا شديد العقاب ؟؟!!!!!
اصحوا اولا للغتكم وتصرفاتكم الرعناء استعديتم كل الجلابه عدا القله الباحثه عن تمجيدكم لهم ورضاءكم عليهم

Quote: خلاص مليتي بطاراياتك من حقد اهلك الجلابه؟؟؟؟

اهلي انا الجلابه حاقدين ؟؟ !!!!
والله انت عندك المحن ماشات ويردحن .

Mohamed Suleiman : Du hast ein psychologisches Verstaendnis einer Kuh . Don't take it as an insult . just something I noticed reading your writings on this board

Quote: يملا عينك التراب ولا عنو ما ملتها حاجة شايفه لهجتك بقت غريبه واكثر لؤما بعد عودتك من الخرطوم خلاص مليتي بطاراياتك من حقد اهلك الجلابه؟؟؟؟مبروك عليك.

تراجى لا تحملى الكلامى اكثر مما يحتمل!
كل ما اراه من مداخلات بينك وبين دوما اراها فى اطار مشاغب يضفى على بحيرة البورد الساكنة الراكدة جوا بهيجا من الاثارة والمتعة فى اطار اخوى جندرى محبب!
دايرين تعملوا شكل بشاكلكم الاتنين واخلى ليكم البورد!
الاتنين عندى معزة ليكم!
وبعرف طيبة تراجى لا علاقة لها بمداخلاتها فى البورد المشاغبة فقط!
تراجى رجاء خاص لا داعى لتحميل الامور ما لا تحتمل!
دومة اختى !
المهمش فى ذمة الجلابى!
جنى

لا يا جني انا موضوع الترابيلزم دا بتعامل معاه بجديه لاني بعرف عقباه شنو . هم عايزنها روندا اخري وانا ضد طريقتهم دي نحن سودانيين وبس تراجي بعيده ومحمد سليمان بعيد دايرين يدورها لينا حروب قبليه وعرقيه وهم في مآمن .
سامع اخبار كينيا بعد فوز كيباكي شنو؟؟؟ اصلوا الافارقه ما ناقصين ترسيخ التفكير القبلي لديهم
وهذا ما تمارسه تراجي وشلتها

Quote: لا يا جني انا موضوع الترابيلزم دا بتعامل معاه بجديه لاني بعرف عقباه شنو . هم عايزنها روندا اخري وانا ضد طريقتهم دي نحن سودانيين وبس تراجي بعيده ومحمد سليمان بعيد دايرين يدورها لينا حروب قبليه وعرقيه وهم في مآمن . سامع اخبار كينيا بعد فوز كيباكي شنو؟؟؟ اصلوا الافارقه ما ناقصين ترسيخ التفكير القبلي لديهم وهذا ما تمارسه تراجي وشلتها

عارف يا دوما والله انا ماعيزاك تضحكي الناس عليك
وحايتك ما هاينه علي يا دوما...
يا دوما روقي المنقه..اي قبلية انا التي انصارها؟؟؟؟
وكيف اناصر اي قبلية وانا انتمي للا قبيلة؟؟؟؟



انا يا دوما ارفض الاستهداف
وفكري في كم البوستات وتناول الطيب مصطفى وغيرهم لقبلية الزغاوة؟؟؟؟
كان اتوصلت لاحاجة ...لكنك رافضه تشوفي الحق.



كلمة آخيرة يا دوما اقول لك عشان تلحق نفسك بس
و الله لا اقولها لك فشخرة ولا غرور..ولكن ديعني اسالك
ما الذي يجعل ثلاث ارباع سياسي البورد الاصلين مش الجاين تسكع وونسه
يتصلون بي وينسقون معي ويحترمون راي؟؟؟؟؟
لماذا يا دوما لو كنت عنصريه كما تحاولي الترويج عني؟؟؟؟
لمصلحة من تفعلين ذلك يا دوما؟؟؟؟؟؟


فكري حتى لا تخسري البعض الذي لازال يحترمك
لانه مثل مداخلتك هذه هي التي تلقي بظلال عميق على عطائك عامة.



محمد سليمان شئت ام ابيت ينال احترام قطاع كبير جدا من الشمالين ايضا
يكرهونه او يحبونه ولكنهم يحترمونه.واعتقد هذا يكفيه.



الجمري كتب بوست عن الشايقيه دخلت الغالبيه عرضت في طنبورهم
من يسارهم ليمينهم.


شوفي ناس محمد سليمان بيتجالهوا بوستات زي دي كيف ولا بيشتغلوا بيها الشغله
عارفه لي؟؟؟لانهم عارفين عزهم وعارفين ان قضاياهم ليست مكاسب قبليه وانما
قضايا اكبر من كده عشان كده انا بحترم محمد سليمان جدا ومعظم ابناء الزغاوة هنا
لانهم ما بيجوا بصفارة ويفترقوا بصفارة.



دوما انت لا تعرفين عددهم هنا
ولو كانوا بعملوا زي حركاتك العمليتها لمنعم سليمان ديك ومطاردتك وترصدك له
كان كرهوك المنبر لكنهم رجال راكزين ومالين هدومهم وبيقروأ كويس جدا وناقشين
البورد ده جدا ان اند اوت.(وعلى فكرة منعم ليس منهم) .


عايزة تعادي محمد سليمان عادي محمد سليمان لكن
لكن ان تعادي كل قبيلة الزغاوة لان محمد سليمان ينحدر منها
فانت تظلمي نفسك قبل الآخرين.

Quote: ما معقولة يوم تطلعونا يهود ... و يوم تطلعونا عرب ....

عرب و لا يهود ما فرقت معاكم كتير ماهم اصلاً أولاد عم و زي ما قالت تراجي أنا و إبن عمي ..
المشكلة إنكم شابكين الناس جلابة .. جلابة و تاريكم أنتو جلابة لمن منقطنها ، و دي أسمها الفيك بدر بيهو و العليك أعمل ميت ..

Quote: أي حاجة إلا حكاية جلابة دي

حي أنا ..
يلا أرجعوا الشام بتاعتكم دي..

أختنا / تراجي .....

كلامك ده غير صحيح ..

Quote: تم استعدائهم في تشاد فتوحد بعضهم فقط (الحاله وليس كلهم) وتمكنوا من الحكم .

محمد نور أحمد قال دي إبادة جماعية من أقلية الزغاوة ضد التاما ... وده البوست ..
إبادة التاما في تشاد .. إعتقالات واسعة شملت سلطان دار تاما .. ووزير الدفاع يلجأ للسفارة الليبية

...
..
ياخي هم نفسهم عارفين الحاصل في تشاد ... وعشان كده كلهم عملوا رايحين من كلام / محمد نور ...
ولم يتجرأ واحد فيهم من الدخول في البوست غير / ضرار .. عشان يشتت الكورة .. بعد تقديم قوي منك ... ومحمد نور أسكته تماماً..
.. صاحب البوست من يومها أصبح من المغضوب عليهم ...

(من داخل البوس أعلاه )..

Quote: الزغاوة في تشاد لا يتجاوزون الـ 2 % من جملة سكان تشاد

وأنتي بتقولي ..

Quote: تم استعدائهم في تشاد فتوحد بعضهم فقط (الحاله وليس كلهم) وتمكنوا من الحكم . فهل نرغب في تكرار الامر في السودان؟؟؟؟؟

ياحليلكم ياجلابة السودان ... مفروض تتعلموا من جلابة تشاد(الزغاوة )

-
سؤالي ليك ... هل الجلبنة في تشاد .. إبادة بقية قبائل الأغلبية بيد جلابة تشاد .. مسموحة بل ومحببة .. والجلبنة في السودان من قبائل الأغلبية ..عقابها الموت والطرد من البلد ... ؟؟؟؟

________________
الإجابة مهم جداً ... لأني بكتب واللوري مستني في الشارع حسب أوامر / بقال ... وعلى ضؤ الإجابة إحتمال نتوجه نحو تشاد وننتمي للزغاوة ..

-

Quote: في حرب الجنوب سمعت عن شراسة النوير في الحرب وعشقتها وسمعت عن صمود الدينكا وعشقته ايضا و سمعت..وسمعت...الخ الثقافات المحليه للقبائل المختلفه لها علاقة بالاداء الميداني. وادعو الله الا تكمل ثقافة وقيم الصمود رجال الزغاو في ميادين الوقى فمن مثلهم يجب ان تحبل النساء ويملان الارض رجالا وفرسان يشدوا الحيل.

تراجي ضاربه لطبول الحرب متعطشه للدماء وهي تشيد بل توصي رجال الزغاوه بالصمود في ميادين الوغي.
يا زوله دي عقليه وين دي ؟؟؟
اين انت من دعوه السلام وثقافه التعايش السلمي بين الناس
والله كلامك دا كان ا خير منه تتقاعدي وتصومي عن الكلام

Quote: الاعزاء المرور

الأخت / الحركة / تراجي

Quote: يا جماعه مالكم على الحبايب ديل صباح الله بخيره...وحياتكم ده عشق عديل قايمين تهضربوا بيهم من الصباح.

ناسك ديل يا تراجي يكوركوا ليهم ما يجوا لما يجوهم يكوركوا حيرونا عديييل كدا

Quote: الدماء العربيه لا تعني الجلبنه والا فلماذا انضم الرشايده لصفوف المهمشين دي ناحيه ..

طيب الزرقة و الحمرة دي هلال مريخ و لَ شنو يا فردة ؟؟

Quote: معلوم لاهل دارفور انه الزغاوة فيهم عروبه كثيره وهذا ما يجعل عرب دارفور بذات المشاغبين منهم يكرهونهم لانهم يعرفون اشتراكات الصفات بينهم وثقافة انا واخوي على ابن عمي وانا ابن عمي على الغريب .

طيب لو دا السبب هسع ما قلتوا عرب دارفور انضموا للتمرد يعني ناس بتكره بعض عشان إشتراك الصفات البوديها تحارب مع بعض شنو ؟؟
و برجع ليك ..

أخي الفاضل / ماجد حسون ..
تحياتي و أشكرك على البحث المضني و التنوير المفيد دا ..
الموضوع الظاهر حيجر لكن بالله كان في فتيشك دا لقيت ليك أي حاجة بتقول إنو أهلنا الحلفاويين ديل جلابة و لَ شوام أغنج بيها و أعمل نايم !!

Quote: يعنى الاخوان نسبة الجلبنة فيهم ممكن تكون اعلى من الشماليين زاتهم

أنا قريت في كتاب إسمو ( الغرابة ) ما يفيد أن الشوايقة و الجعليين و الدناقلة أصلهم من غرب أفريقيايعني غرابة و كمان مهمشين ..
و معنى كدة كلامك عن إنو الزغاوة ديل شوام صاح لحدي ما هسع أنا قاعد أفكر أنو هيفاء وهبي دي بتبقى لمحمد سليمان شنو ؟؟

يا عصام دهب
زمان ابراهيم بقال جاب له مرجع طلع نوال الزغبي بت عمه
قاموا لك فيه ناس عمر الفاروق وناذر اظن خلوا يقوم جاري:

Quote: أنا قريت في كتاب إسمو ( الغرابة ) ما يفيد أن الشوايقة و الجعليين و الدناقلة أصلهم من غرب أفريقيايعني غرابة و كمان مهمشين .. و معنى كدة كلامك عن إنو الزغاوة ديل شوام صاح لحدي ما هسع أنا قاعد أفكر أنو هيفاء وهبي دي بتبقى لمحمد سليمان شنو ؟؟

اها النمشي نخلي بقال يجب نقارته
ويخلي بت عمه هيفاء وهبي تجي هنا وتهز لك على الوحدة ونص.


ويلا رقصني يا جدع

up

Mein Doma,

Wie geht est ihnen? Ich bin gut und sie?

دي حاجة كده من بيت الكلاوي... ونسيت الكثير جدا...

ما تورطيني ردي عليَ بالعربي..

مشتاقين عديل...

دانكا شون

Quote: لا يا جني انا موضوع الترابيلزم دا بتعامل معاه بجديه لاني بعرف عقباه شنو . هم عايزنها روندا اخري وانا ضد طريقتهم دي نحن سودانيين وبس تراجي بعيده ومحمد سليمان بعيد دايرين يدورها لينا حروب قبليه وعرقيه وهم في مآمن . سامع اخبار كينيا بعد فوز كيباكي شنو؟؟؟ اصلوا الافارقه ما ناقصين ترسيخ التفكير القبلي لديهم وهذا ما تمارسه تراجي وشلتها

دومة اخيتى
انا لم اقصد لب الموضوع وجوهره انما قصدت المكايدة ولغة الخطاب!
جنى

الاخ عصـــــــــــام دهب والاخوة والاخوات الذين ادلوا بدلوهم.

سلام عليكم ورحمة الله.


اليكم نكتة تحكى فى دارفور مفادها ( ان احد الزغاوة حل ضيفاً على اهل قرية من قرى دارفور و قدم نفسه اليهم على انه فقيه وعالم دين واخذ يفتى ويعظ اهل القرية واول ما اوصاهم به ان يفكوا عقال جمالهم و يتركوها تسرح من غير عقال لان الله سيعزبهم يوم القيامة ان هم فعلوا ذلك , وبعد هذا الوعظ والارشاد قام اهل القرية بما اوصوا به وحذروا منه حتى لا يطالهم عزاب اليوم الاخر وانتهز هو غفلة اهل القرية واذا به( يكاوش على كل هذه الثروة و يتخارج) ) مستغلاً ايمان ويقين هؤلاء المساكين.

وكل سنة والجميع بخير


سماعين

ههههههههههه بالاكتر يا كيمو الشوق مطر
وكل سنه وانت وكل الاحباب بخير وعافيه

غايتو اختنا تراجى دى اكتر واحدة فيها دماء قوقازززززية فى المنبر ده
0

ماجد حسون انت بقيت دراكولا و لا فحيص تفرز الدماء يمين شمال lool

Quote: ماجد حسون انت بقيت دراكولا و لا فحيص تفرز الدماء يمين شمال lool

شكرا نصار.نمنحه لقب فحيص المنبر

ماجد حسون

Quote: غايتو اختنا تراجى دى اكتر واحدة فيها دماء قوقازززززية فى المنبر ده

يازول كدي شاور ملاسي عمدة الحلب بالمنبر وسكرتيرته بت عجاج كان قبلوا بي اشاور اهلي
الزغاوة شوام السودان وبرجع لك.

انا ما عارفة الأخ ماجد حسون جاب الكلام ده من وين..
لكن المعروف ان الزغاوة هى احدى قبائل البربر الكبرى
وحتى اسمهم ( زغاوة) هو اسم بربرى ..فهناك كثير من قبائل البربر
فى شمال افريقيا ينتهى اسمها ب( الواو والتاء المربوطة)..

فلو عايزين نعرف اصل الزغاوة ولا جو من وين ..لازم نعرف أصول القبائل البربرية.

ام حازم
ياريت الواحد لو فحيص مع الملاريات الحايمة دى
بعدين بالمناسبة فى الدم زاتو فى حاجة اسمها نسبة التجلط بتحدد الناحية العرقية للناس

كل سنة وانتى طيبة

Quote: فمن مثلهم يجب ان تحبل النساء ويملان الارض رجالا وفرسان يشدوا الحيل.

تحية للزغاوة










ياتراجي .. دكين ودعمي وين

يا حيدر سلامات
قلت لي :

Quote: غايتو ياتراجي تعبتي الليلة مع ود دهب

باقي لك تعتبه ولا تعبته؟؟انا شايفاه هج ساب البوست؟؟؟؟

Quote: تحية للزغاوة

اجدع ناس.

Quote: ياتراجي .. دكين ودعمي وين

عارف يا حيدر دكين ود عمك ده لو لاقاني وجه لوجه..كان خليته لو سمع اسم تراجي يقوم جاري.

العزيز جني
كنت اتمنى ان تبصر دوما بخطأها تجاه نفسها قبل الآخرين
انا لن اشتم قبيلتها لاجل ان اختلفت معها مثلا
وتعلم صداقاتي مع الشايقية كثر بالمنبر هذا ده غير خارجه طبعا.
فان اخطأت دوما بحق ليس معنى ذلك ان الشايقيه اخطأوا
وان اخطأ خالد العبيد ليس معنى ذلك ان كل الجعليه اخطأوا بحقي
دوما صارت تظلب قبيله كاملة لعدائها مع محمد سليمان
فالتنتبه لنفسها ولترأف بتاريخها فهي لم تكن هكذا:

Quote: تراجى لا تحملى الكلامى اكثر مما يحتمل! كل ما اراه من مداخلات بينك وبين دوما اراها فى اطار مشاغب يضفى على بحيرة البورد الساكنة الراكدة جوا بهيجا من الاثارة والمتعة فى اطار اخوى جندرى محبب! دايرين تعملوا شكل بشاكلكم الاتنين واخلى ليكم البورد! الاتنين عندى معزة ليكم! وبعرف طيبة تراجى لا علاقة لها بمداخلاتها فى البورد المشاغبة فقط! تراجى رجاء خاص لا داعى لتحميل الامور ما لا تحتمل! دومة اختى ! المهمش فى ذمة الجلابى!جنى

يا سيدي لا تزعل ولا تخلي البورد ولا تذهب...صدقني انا حزينة لاجلها
فهذا الذي صارت تكتبه لا يشبه مواقفها السابقه.




و المهمش في ذمة الجلابي
يعني يا دوما جني بيقول لك المجنون في ذمة العاقل؟؟!!
بس قرض على دي يا جني لما ندخلكم باعشر كلكم

تراجي يا حبيبتي حكايه اني ازعل منك دي شيليها من راسك نهائي او اخد منك موقف
اديك علي راسك وتديني علي راسي
همنا مصلحه انسان الوطن المظلوم ومطحون ود اشر الدم وتاكدي ما عندي عداء شخصي مع اي منكم

Quote: عارف يا حيدر دكين ود عمك ده لو لاقاني وجه لوجه..كان خليته لو سمع اسم تراجي يقوم جاري.

ما ممكن.

الجدع ده مرشح لاعتلاء عرش المملكة الكوشية القادمة

هسع بنفتش ليهو فى 4 برينسيسات عشان يختار فيهن واحدة

يمكن نعمل تحالف مع دولة الزغاوة الكبرى وتكوني سفيرة نوايا حسنة





أنا سادن المعبد

وينك يا دكين

Quote: تراجي يا حبيبتي حكايه اني ازعل منك دي شيليها من راسك نهائي او اخد منك موقف اديك علي راسك وتديني علي راسي همنا مصلحه انسان الوطن المظلوم ومطحون ود اشر الدم وتاكدي ما عندي عداء شخصي مع اي منكم

عارفاك بتتقطعي ساي ولا يهمك الحال من بعضه,كوني بخير.

Quote: ويلا رقصني يا جدع

آخر الزمن بقيتي تعرفي ترقصي يا تراجي ... دا أنا كنت قايلك مناضلة من النوع أبو كديس!!!

يا أخي الزغاوة لو بقو جلابة ولا عرب ولا بربر دا ما بيحل مشكلة دارفور ولا مشكلة السودان الفرمالة دي. المشكلة كلكم نسبة الوطنية فيكم صفر في الميه.

أنا شخصت مشكلتكم بدري وريحت بالي.

Quote: المشكلة كلكم نسبة الوطنية فيكم صفر في الميه. أنا شخصت مشكلتكم بدري وريحت بالي.

محمد هارون سلام
ما قلته هو الحقيقه المره
لو في ذره وطنيه ما كان دا حالنا بعد 52 سنه استقلال

Quote: محمد هارون سلام ما قلته هو الحقيقه المره لو في ذره وطنيه ما كان دا حالنا بعد 52 سنه استقلال

شكرا لك يا دومة تكلمت حينما لاذ بالصمت المناضلين الأشاوس. كثير من الناس يسخرون مما نقول عن التضحية بكل غال ونفيس من أجل الوطن - والوطن فوق كل المصالح وكل الإنتماءات وكل الأحزاب ويعتبروننا مثاليون نعيش في كوكب آخر أو قاصرون لا نفهم في السياسة. بل كثير منهم ناصبونا العداء بلا سبب. يريدوننا أن نقول سمعاً وطاعةً يا سادتي الأفاضل فأنتم السادة ونحن العبيد.

صدقيني أنا رأيت بنات وأبناء الشعب الإريتري يدفعون قوت يومهم للمساهمة في بناء بلدهم التي يحبونها ولا يرضون أن يتطاول عليها أي شخص مهما كانت معزته عندهم.

إلى متى نرهن بلدنا للإنتماءات الحزبية أو العرقية فنهدر كل ثرواتنا وكل ما نحصل عليه بشق الأنفس في حروب لا تبقى ولا تذر.

أعذروني فأنا رجل مهووس بحب الوطن.

محمد هارون سلامات

Quote: آخر الزمن بقيتي تعرفي ترقصي يا تراجي ... دا أنا كنت قايلك مناضلة من النوع أبو كديس!!!

يازول نحن مناضلين موديل 2008 يعني بنرقص
وبنغني وبنبكي وبنشتاق وبنهجر ونشكي الهجر و اللوعه
وبنشوكوش وبنتشوكش كمان


يعني بشر عاديين وهنا يكمن سرنا

نبرأ يابا ونستبرأ من نوع السياسين ذو العواطف القصديريه.

Quote: يا أخي الزغاوة لو بقو جلابة ولا عرب ولا بربر دا ما بيحل مشكلة دارفور ولا مشكلة السودان الفرمالة دي. المشكلة كلكم نسبة الوطنية فيكم صفر في الميه.

يازول ده كلام كبار خلاص.....طلعتني صفر.....يا بخت السودان بيكم
انتو الفيكم نسبة الوطنيه 120%

Quote: أنا شخصت مشكلتكم بدري وريحت بالي.

اها يا مشخص زمانك D