Post: #1 Title: مهبة يا هو دي ياجماعة ..!!! (فيديو) Author: عبدالكريم الامين احمد Date: 12-31-2007, 07:56 PM
Post: #2 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 12-31-2007, 08:14 PM Parent: #1
Post: #3 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 05:51 PM Parent: #2
Post: #4 Title: Re: مهبة يا هو دي ياجماعة ..!!! (فيديو) Author: غباشي Date: 01-01-2008, 05:55 PM Parent: #1
كيكي يا صديقي العزيز كل عام و انت بألف و خير كل عام و انت أجمل كيكي كل عام و انت موفور الصحة و العافية و كل من تحب جعلها الله سنة بداية لخير كثير لك ...
Post: #5 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 05:58 PM Parent: #4
غباشي الجميل يقولون لو صبر القاتل لمات القبيل وقسما بالله وقبل خمسة دقائق قليلة كنت افكر جديا في بوست بعنوان (اين انت ياغباشي) وسبحان الله وكل سنة وانت موفور الجمال والقيم وسنة جميلة ايها المساح النبيل
Post: #6 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:04 PM Parent: #5
عملت يا غباشي سياحة جردية لتحليقات السنة السابقة وجيت جنب البوست ده لن ترتاح يا مساح..!! وبالجد حسيت انو كان شغل نضيف وفيهو معلومات موغلة في الجمال والفائدة وتحسرت لعدم استمراريته ولكن الغريق قدام وحتما سنحلق في مدارت المسح والمساحيين
Post: #7 Title: Re: مهبة يا هو دي ياجماعة ..!!! (فيديو) Author: Amira Elsheikh Date: 01-01-2008, 06:13 PM Parent: #6
كيكى يا امين ...
تحياتى.....
انشاءالله سنة سمينة ومليانة مهبة ومهبات ...
غايتو يا كيكى المحبة دى انامتكلة عليها الى ان تقوم الساعة...
اظر وايس بكون قاعدة ساى ..
Post: #9 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:16 PM Parent: #7
Post: #10 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:20 PM Parent: #9
هلا ا اميرة الامورة ويااخي تعالي ونوسو معاي والمهبة يا اميرة شيتا عجيب وبنقرش جوووه القلب ومحبة الناس الطاعمة الملانة دعاش ودهشة قصتها عجيبة وبالله كثري من جياتك وسجلي لي عربياتك
Post: #8 Title: Re: مهبة يا هو دي ياجماعة ..!!! (فيديو) Author: غباشي Date: 01-01-2008, 06:13 PM Parent: #1
أنا هنا يا عزيزي أعاني ما أعاني من ويلات الغربة و الطرق المسدودة أودع اصدقائي الواحد تلو الآخر و أنا ماذلت في موانئ الحزن تراكمت الأعياد و توالت المناسبات و بعدت المسافات ...
تسلم يا صديقي و القلوب شواهد ... حبيت أعيَد عليك .و أهنأك بالسنة الجديدة .. و نسبة لعدم وجود المسنجر الحكاية بقت صعبة و الإتصالات من هنا صعبة خالص ... لو ما كدة كنت لقيتني على الخط طوالي .... الدرشة بيجاي حاصلة و الزهج بلغ اعلى معدلاته بس ليلة راس السنة ازالت بعض من كثير شغال في المشروع و ربنا يعيننا عشان ننتهي عشان قلما اشارك ..... ورينا أخبارك و أمورك .... تحياتي و كل سنة و انت طيب [email protected]
Post: #11 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:24 PM Parent: #8
Quote: أنا هنا يا عزيزي أعاني ما أعاني من ويلات الغربة و الطرق المسدودة أودع اصدقائي الواحد تلو الآخر و أنا ماذلت في موانئ الحزن تراكمت الأعياد و توالت المناسبات و بعدت المسافات
كل الاشواق يا غباشي وقلوبنا معاك وانت في هذه الغربة البعيدة والبلد ام بردا كتحي ونتمني يا صديقي ان تحلق وتجضم لينا علوم المساحة دي وتشطفها من اولاد جون ديل شفطة من النوع ابوكديس ولا شك في ذلك.. والغربة صعبة يا غباشي والواحد يسافر بوجدانه في اليوم الف مرة ومرة لكل بقاع البلد (الوجدان شغال كمساري بس رايح وجاي) كل الود يا غبش وشكرا علي الايميل وح اعمل ليك اضافة ونتونس في الماسنجر الكرباوي بتاع (عمنا هوت ميل العجيب)
Post: #12 Title: Re: مهبة يا هو دي ياجماعة ..!!! (فيديو) Author: طارق جبريل Date: 01-01-2008, 06:26 PM Parent: #1
جينا نطل على (((المهبة)))) المدفقة هنا
Post: #13 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:28 PM Parent: #12
Quote: جينا نطل على (((المهبة)))) المدفقة هنا
هلا يا دكتور وحبابك في بكان المهبة وقلنا نبداء السنة الجديدة دي بالمهبة وعلي الارض السلام وتحياتي يا طارق
Post: #14 Title: Re: مهبة يا هو دي ياجماعة ..!!! (فيديو) Author: غباشي Date: 01-01-2008, 06:29 PM Parent: #1
Quote: عملت يا غباشي سياحة جردية لتحليقات السنة السابقة وجيت جنب البوست ده لن ترتاح يا مساح..!! وبالجد حسيت انو كان شغل نضيف وفيهو معلومات موغلة في الجمال والفائدة وتحسرت لعدم استمراريته ولكن الغريق قدام وحتما سنحلق في مدارت المسح والمساحيين
يا سلاااااام يا أستاذ البوست ده من أجمل مشاركاتي الكتبتها لأنو فكرتو كانت حلوة منك ... و ان شاء الله لنا عودة في ساحة من ساحات الـ Surveying المتعددة و تحت رعايتك برضو ....... تسلم يا هندسة و دي عشانك برضو
Post: #15 Title: Re: مهبة يا هو دي ياجماعة ..!!! (فيديو) Author: عبدالكريم الامين احمد Date: 01-01-2008, 06:38 PM Parent: #14
Quote: البوست ده من أجمل مشاركاتي الكتبتها لأنو فكرتو كانت حلوة منك ... و ان شاء الله لنا عودة في ساحة من ساحات الـ Surveying المتعددة و تحت رعايتك برضو ....... تسلم يا هندسة و دي عشانك برضو
تسلم يا غباشي وفعلا مشاركتك في ذلك البوست كانت تضج بالروعة والدقة والجمال وشغل نضيف نضافة جد وضروري يا غباشي نفكر لينا في بوست كبير وعريض عن هذه المساحة الجميلة ونساهم ومعنا اخريين هنا في تعريف الناس بهذه المهنة وتثقيفهم بها ورد الجميل... وفي انتظارك دوما يا غباشي ودي ليك ودي لدكتور طارق جبريل لاني ما اديتو وردتو
