Post: #1
Title: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 12-31-2007, 02:56 PM
كل سنه وجميع البورداب
بألف خير 000
ولكم مني الاماني المترفه
والفال الزين
وانشاء الله السنه الجاية تكون المناكفات هدت شوية000
شوية بس لأن البورد زاتو بدون مناكفات برضو ما لذيذ 000 ولاشنو؟؟
طيب نرجع لي موضوع البوست
طبعا الغيرة هي ملح الحياة بين الازواج
وتزداد عندما تكون زوجة البوردابي غير بوردابيه
او ماعندها علاقه بالكمبيوتر والنت
او العكس طبعا
يلا ضربة البداية
واحد بوردابي زميلنا اسمه محمد (بٍس )
قال مرة كانوا زعلانين هو والمره
قام لبس الجلابيه والعمه وطلع
قام الوليه سألته ماشي وين
قال ليها ماشي امدرمان
قالت ليه بتتأخر
قال ليها ما عارف
قام قالت ليهو
انشاءالله زميلاتك النضيفات والسمحات ديك يتصلن
علشان اطلع ليهم عيوب الدنيا كلها اختها فيك !!!!!
يلا دي البدايه ومنتظرين مشاركاتكم
|
Post: #2
Title: Re: بوست عيدية 000طرائف زوجات البورداب 00او العكس!!!!
Author: ادريس خليفة علم الهدي
Date: 12-31-2007, 03:06 PM
Parent: #1
طارق تجي ولا نجي ؟؟
|
Post: #30
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 10:58 PM
Parent: #2
الحبيب الو الدرس
انا عارفك ماخد راحتك
لأنك بتخش من المكتب
لكن بعد ده خاتي خط رجه
افو 00000000يا شيخ العرب
اجدادك كان بعرسو من سبعه ولي فوق!!!!!
اناما يتاع مشاكل 00000 لكن 00000؟؟؟؟؟
|
Post: #3
Title: Re: بوست عيدية 000طرائف زوجات البورداب 00او العكس!!!!
Author: عمر الفاروق
Date: 12-31-2007, 03:29 PM
Parent: #1
زوجة بوردابي إسمو هناي لقت في قميصو ورقة مكتوب فيها تبيان ورقم ..
سألتو قالت ليهو ده شنو ؟؟
قال ليها ده إسم الحصان الكنت براهن عليهو في نادي الفروسية في دبي ..
زولتنا سكتت ومشت ..
بعد كم يوم زولنا بيقرا في الجريدة مرتو جات جرّت ليك منّو الجريدة وقالت ليهو :
الحصان عايزك في التلفون ..
|
Post: #4
Title: Re: بوست عيدية 000طرائف زوجات البورداب 00او العكس!!!!
Author: على محمد على بشير
Date: 12-31-2007, 04:41 PM
Parent: #3
Quote: زوجة بوردابي إسمو هناي لقت في قميصو ورقة مكتوب فيها تبيان ورقم ..
سألتو قالت ليهو ده شنو ؟؟
قال ليها ده إسم الحصان الكنت براهن عليهو في نادي الفروسية في دبي ..
زولتنا سكتت ومشت ..
بعد كم يوم زولنا بيقرا في الجريدة مرتو جات جرّت ليك منّو الجريدة وقالت ليهو :
الحصان عايزك في التلفون .. |
قويه لكن
والله يا ود الفاروق لو ما تبيان بتى عمرها خمسه شهور
كان دخلت معاك فى حته ضيقه
|
Post: #5
Title: Re: بوست عيدية 000طرائف زوجات البورداب 00او العكس!!!!
Author: ابو جهينة
Date: 01-01-2008, 09:12 AM
Parent: #4
طارق
بجيك راجع
|
Post: #6
Title: Re: بوست عيدية 000طرائف زوجات البورداب 00او العكس!!!!
Author: james
Date: 01-01-2008, 09:44 AM
Parent: #5
بوست مبتكر... تهانينا
|
Post: #7
Title: Re: بوست عيدية 000طرائف زوجات البورداب 00او العكس!!!!
Author: Salah Waspa
Date: 01-01-2008, 10:21 AM
Parent: #6
طارق إزيك وعام سعيد خالي من الغيرة
تعرف البوست ده حيبقى حقل ألغام بس !!
يامنجي من المهالك في ناس كده لابدين ساااكت ويتاوقو
في إنتظار النشامى أحكوا أحكوا ما تخافوا ممكن بالأحرف الأولى
عمر الفاروق قطعت مصارينا لكن باقيلك الزول بعيد من حوشنا ?
في الإنتظار
واسبه
|
Post: #8
Title: Re: بوست عيدية 000طرائف زوجات البورداب 00او العكس!!!!
Author: معتز القريش
Date: 01-01-2008, 10:52 AM
Parent: #7
Quote: زوجة بوردابي إسمو هناي لقت في قميصو ورقة مكتوب فيها تبيان ورقم ..
سألتو قالت ليهو ده شنو ؟؟
قال ليها ده إسم الحصان الكنت براهن عليهو في نادي الفروسية في دبي ..
زولتنا سكتت ومشت ..
بعد كم يوم زولنا بيقرا في الجريدة مرتو جات جرّت ليك منّو الجريدة وقالت ليهو :
الحصان عايزك في التلفون .. |
ههههههههههه ههههههههههه هههههههههه
الحمد لله دا ما أنا
|
Post: #10
Title: Re: بوست عيدية 000طرائف زوجات البورداب 00او العكس!!!!
Author: tmbis
Date: 01-01-2008, 11:08 AM
Parent: #8
Quote: انشاءالله زميلاتك النضيفات والسمحات ديك يتصلن
علشان اطلع ليهم عيوب الدنيا كلها اختها فيك !!!!! |
.. | Quote: الحصان عايزك في التلفون .. |
...
أعلن مقاطعتي لهذا البوست ..
لكن يسرني:
أن اشتغل دور مراقب داخلي .. يعني زي ما تقولو كدا .. اشمها شم وافهمه طائرة ..
يعني لو أي واحد من الجماعة بتاعننا البورداب ديل عايز يتحذلق .. ويستهبل بي تبيان ويرميها في الحصان .. انا بفتو طوالي ..
طوالي بذيع اسمو .. اصلو ما عندي عطلــة ..
يللا يا شبــاب حركوا لينا المسالة دي .. الدنيا اول سنة .. البدوهو فيكم الكرت الأحمر .. والله أخوانكم معتصم وتمبس .. رقبتهم سداده .. على شرط الواحد يجيب معاهو بطانيتو .. والبجي مطقطق .. ومفلق .. ودمو سائح يجيب معاهو أورنيك تمنية .. بنخلص ليهو حقــو ..
|
Post: #28
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 10:50 PM
Parent: #3
الجميل عمر الفاروق
يلا انت تقوم تسفر المره
وتتشرح في ناس المريخ وناس تمبس
وناس الفروسيه ديل
لكن ليك يوم بتتعصر
|
Post: #9
Title: Re: بوست عيدية 000طرائف زوجات البورداب 00او العكس!!!!
Author: عمر الفاروق
Date: 01-01-2008, 11:08 AM
Parent: #1
أبو علوة :
تبيان بتك غزال ياخ ..ويا غزال الحي يا غزال يا غزال ..
بس كدي أقعد معاها وشوفا ما تكون مجكسة البوردابي زولنا ده وإنت ما جايب خبر..
باقي شفع الزمن ده نجيضين وعايزين يضمنو مستقبلهم بدري
وبالله من ضمن بوساتك المليون لي تبيان أديها واحدة وقول ليها دي من عمو عمر..
تخريمة :
يا قريش والله انا قلت نادي الفروسية في دبي منعاً للفتنة لكن النادي ده ممكن عاااااادي يكون في الدوحة
|
Post: #11
Title: Re: بوست عيدية 000طرائف زوجات البورداب 00او العكس!!!!
Author: عمر الفاروق
Date: 01-01-2008, 11:16 AM
Parent: #1
| Quote: والله أخوانكم معتصم وتمبس .. رقبتهم سداده .. على شرط الواحد يجيب معاهو بطانيتو .. |
اب سن واب سنين ..
ياخ الواحد يجي داخل عندكم التقول داخل لي الفكي دامزين ..
ريحة البخور وحريق اللبان ما يدّيك الدرب ..
مدد يا شيخ تمبس مدد..
وروروووووووووك ورورووووووووك.. يا علا ..
وروروووووووووك بنجيبو بي العرورووووووق ..يا علا
وجايااااااك جايييا يا علا ..جاياك جايا أفتو معاك يا علا ..
تخريمة :
تبيان الحصان ده ما شرط تقبضو مرتك بس ..يعني عااااادي واحد يكون ما معرس ومجكس ليهو كم حصان على حمار على غزال على ثعلب والجنينة تجوط ..
أعمل حسابك ما يتشابه عليك البقر
|
Post: #12
Title: Re: بوست عيدية 000طرائف زوجات البورداب 00او العكس!!!!
Author: محمود بكر
Date: 01-01-2008, 11:17 AM
Parent: #1
الحبيب طارق
بوست جميل مع بداية السنة الجديدة
نبدا بابتسامة
حلوة ياعمر الفاروق
اخر سطر
انا في انتظار ناس كتار لكن خايفين
والكلام ليك يا المطير عينيك
|
Post: #14
Title: Re: بوست عيدية 000طرائف زوجات البورداب 00او العكس!!!!
Author: ابو جهينة
Date: 01-01-2008, 12:14 PM
Parent: #12
تمبس
Quote: يعني لو أي واحد من الجماعة بتاعننا البورداب ديل عايز يتحذلق .. ويستهبل بي تبيان ويرميها في الحصان .. انا بفتو طوالي ..
طوالي بذيع اسمو .. اصلو ما عندي عطلــة .. |
فِتْ يا زول .. راجي شنو يا تامبا ؟
لأنو في ناس كتار من كترة ما رموها في الحصان .. الحصان ضهرو إنفدس
|
Post: #13
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-01-2008, 12:04 PM
Parent: #1
كل سنه والناس حلوه وبتضحك
عام جديد وعمر مديد
وابتسامه دائمه
في واحد بوردابي اسموهاشم (بس)
قام ولده نسه الفطور في البيت
قامت المره رسلته للود في المدرسه
عشان يودي الفطور
بعد ما مشى للمدرسه ورجع
اصحاب ولدو قالوا ليه ده اخوك الكبير الجاب ليك الفطور ده
فقال ليهم لا ده ابوي
وعندما رجع البيت حكى لي امه حكاية اخوه الجاب ليه الفطور ده
فقام قالت ليه امه
اوعك تكلم ابوك!!!!!
|
Post: #15
Title: Re: بوست عيدية 000طرائف زوجات البورداب 00او العكس!!!!
Author: ادريس خليفة علم الهدي
Date: 01-01-2008, 12:54 PM
Parent: #13
*
|
Post: #16
Title: Re: بوست عيدية 000طرائف زوجات البورداب 00او العكس!!!!
Author: Mohamed Abdelgaleel
Date: 01-01-2008, 12:55 PM
Parent: #13
| Quote: اوعك تكلم ابوك!!!!! |
وكلمو والله ما كلمو؟
عام جديد تصبح فيه العلاقات الزوجية ودية
ويتراجع الخوف وتزداد الثقة .. (فليس
بالخبز وحده يحيا الإنسان)
|
Post: #17
Title: Re: بوست عيدية 000طرائف زوجات البورداب 00او العكس!!!!
Author: د.محمد حسن
Date: 01-01-2008, 01:00 PM
Parent: #1
انا محمد
ومن امدرمان
وتلفوني مقطوع
وما بمشي السبق
وما بلبس جبة وعلامية
|
Post: #31
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 11:02 PM
Parent: #17
د محمد حسن معقوله بس
نور بيتنا وما تدينا ولا واحدة عيدية
الحقنا بي عيديه بي سرعه
قبل المولد
والعرس!!!!!!
|
Post: #18
Title: Re: بوست عيدية 000طرائف زوجات البورداب 00او العكس!!!!
Author: محمد عبد الماجد الصايم
Date: 01-01-2008, 03:33 PM
Parent: #1
| Quote: الحصان عايزك في التلفون .. |
مــــــــبـــــالـــــ غ ـــــــــة لكن
أها .. اللي بعدو
_________
طارق نقد إزيك
|
Post: #19
Title: Re: بوست عيدية 000طرائف زوجات البورداب 00او العكس!!!!
Author: abdulhalim altilib
Date: 01-01-2008, 03:47 PM
Parent: #18
الأخ طارق ،
تحياتي وعيد سعيد ،
وجعل الله كل أيامك أعياداً
وأفراحا ، وغرس في دواخلك
البسمة والفرحة مثلما فعلتها
بهذا البوست اللذيذالرايق ،
بس كان تعمل تنويه :
(العزابة يمتنعون) ؟!
تخريمة :
أخي د. محمد
عيد سعيد وكل سنة
وإنت طيب و(شجاع )
وكاد المريب يقول خذوني ،
أو (الحرامي في راسو ريشه)
Quote: انا محمد
ومن امدرمان
وتلفوني مقطوع
وما بمشي السبق
وما بلبس جبة وعلامية |
و .. ما بعرف معتز قريش ! لووووووول .. !
مودتي ،
( ليمو )
|
Post: #20
Title: Re: بوست عيدية 000طرائف زوجات البورداب 00او العكس!!!!
Author: محمد سنى دفع الله
Date: 01-01-2008, 06:37 PM
Parent: #19
انا اسمي محمد
لكن ما قاعد امشي السبق
ويحب الحصين
خاصة الحصين الكينية
وبعدين الحصين العربية
وبعدين بحب ابو الحصين
زاتوووو
وما بخاف من اي شي
مستقل وبقوم سداري
وبشوت ضفاري
وبقول اي كلام زي الكلام ده
لمن اكون قايم من النوم
|
Post: #21
Title: Re: بوست عيدية 000طرائف زوجات البورداب 00او العكس!!!!
Author: Salah Waspa
Date: 01-01-2008, 10:41 PM
Parent: #20
Quote: اصحاب ولدو قالوا ليه ده اخوك الكبير الجاب ليك الفطور ده
فقال ليهم لا ده ابوي |
تعرف يا طارق المواقف دي بتغليهم غلي أسمع دي :
مرة مشيت مع بتي عشان صورة أشعة فقامت الممرضة وهي تخاطبني قالت
Mr mohamed you can come and the wife can sit here
عندها وضحت ليها إنو دي بتي ما زوجتي فتلعثمت وإعتذرت بلطف
لما سمعت أم العيال الحكاية قالت بكون بتكلموا مع الجنبو ما معاه
مع ملاحظة يا جماعة بتي ما باين عليها كبيرة خالص خالص والحدق
يفهم ( الحتة دي عشان أم العيال بجاي واللبيب ب...)
راجعين
صلاح واسبه
|
Post: #29
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 10:54 PM
Parent: #20
العزيز محمد السني
حضورك فقط يضفي روح الدعابه والبهجه للبوست
نتمنى كلامك ده ما يكون لمن تقوم من النوم بس
الرجال ماتوا في كرري!!!!
|
Post: #22
Title: Re: بوست عيدية 000طرائف زوجات البورداب 00او العكس!!!!
Author: عمر الفاروق
Date: 01-02-2008, 06:19 AM
Parent: #1
السني يا ود دفع الله :
Quote: ويحب الحصين
خاصة الحصين الكينية
وبعدين الحصين العربية
وبعدين بحب ابو الحصين
زاتوووو
وما بخاف من اي شي |
كضاااااااااااااااااااااب كضااااااااب يا السني يمين كضاب ..
الكلام ده قولوا لي زول ما إندو هدييييدة ..
شفنااااااك يا اخوي وحضرناااااك لمن المدام كانت معاك ولمن سألناك عن الحصين نكرتها حطب وقلت انا والله كارو ما بعرف أسوقو ..
غايتو لي جي لي جاي قلت ممكن أحب الفيران ولو بالغت كدايس لكن حصين دي ؟
يطرشنا ويعمي جيرانا كان قلتها ...
تخريمة :
يوم الجمعة في سبق في نادي الفروسية في السوق الشعبي ..اها ترشح ياتو حصان؟
|
Post: #23
Title: Re: بوست عيدية 000طرائف زوجات البورداب 00او العكس!!!!
Author: ادريس خليفة علم الهدي
Date: 01-06-2008, 01:12 PM
Parent: #22
|
Post: #24
Title: Re: بوست عيدية 000طرائف زوجات البورداب 00او العكس!!!!
Author: مصدق مصطفى حسين
Date: 01-06-2008, 02:22 PM
Parent: #1
أناّّّ إسمى مكتووب ؟؟ّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّ؟؟
طيّب .....
|
Post: #25
Title: Re: بوست عيدية 000طرائف زوجات البورداب 00او العكس!!!!
Author: ادريس خليفة علم الهدي
Date: 01-13-2008, 12:39 PM
Parent: #24
|
Post: #32
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 11:07 PM
Parent: #24
المبدع مصدق مصطفى
تعرف انت اهم زول في البورد ده
(طبعا ده رأي شخصي)
لكن دائما حضورك مميز
لك الود والاماني المترفه
|
Post: #26
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-13-2008, 03:34 PM
Parent: #1
| Quote: لما سمعت أم العيال الحكاية قالت بكون بتكلموا مع الجنبو ما معاه |
شفت الحريم ديل كيف بفهمو اكتر مننا!!!!!
|
Post: #27
Title: Re: بوست عيدية 000طرائف زوجات البورداب 00او العكس!!!!
Author: ismeil abbas
Date: 01-13-2008, 07:57 PM
Parent: #1
الحبيب/طارق نقد..
بوست جميل .كويس إنك فتحتو وخلينا نفتو ولا شافنى لا شفتو...
شذى بنتى فى الجامعة ألحت على للذهاب معها لتعرفنى على زميلاتهاككل بنت بأباها تفتخر...
طبعآ الصباح قمت أتلبس وأم شذى عارفه أنا ماشى وين..وكغير عادتها لم تتحرك ولم تجهز لى أى شىء
أمشى به....حسيت بريحة غيرة خفيفة..عالجت الوضع قلت ليها رايك شنو تمشى معانا..نطت وأيدت وقالت والله فكرة جميلة ونجيب معانا أكل جاهز للبقية.....
مودتى........
إسماعيل محمد احمد عباس........
|
Post: #33
Title: Re: بوست عيدية 000طرائف زوجات البورداب 00او العكس!!!!
Author: ismeil abbas
Date: 01-16-2008, 09:12 PM
Parent: #1
فوق
|
Post: #34
Title: Re: بوست عيدية 000طرائف زوجات البورداب 00او العكس!!!!
Author: أبو ساندرا
Date: 01-17-2008, 09:13 AM
Parent: #1
زوجتنا الأخت رشيدة واحدة من ظرفاء البلاد المغمورين
عندها ألذ وألطف تعليق
وسربااااعة من الدرجة الأولى
مجننا ولدنا وزميلنا في البورد طارق المكي بالمشاوير والتكاليف
وكل مرة تقول : الله يخللي لي طارق ولدي الما ولدتو
قلت ليها : ايوة طارق مابيقصر لكن شايف في كلامك رنة أسى
فلو عايزة ولد أنا ممكن أمشي أقعد مع كمال*
يوريني درب الأولاد بي وين
ونجي بعد داك نشترك في ولادة ولد
أخدت ليها صنة
بعد كم يوم وأنا جالس في الكمبيوتر وفاتح الصفحة الصفراء
جات وضعت لي شاي وعطرها النفاذ دخل في خياشيمي
بعد نص ساعة عملت قهوة وجات وكان عطرها أقوى من المرة الأولى
ثم تسكعت بجواري كم مرة كده وهي تقول : لسه مع ضرتي دي ؟
هي مسمية الكمبيوتر بالضرة
في نهاية المطاف زهجت وقالت :
والله انت شكلك كده ح تجيب الولد من الضرة دي
|
Post: #35
Title: Re: بوست عيدية 000طرائف زوجات البورداب 00او العكس!!!!
Author: ادريس خليفة علم الهدي
Date: 01-20-2008, 11:05 AM
Parent: #34
*
|
Post: #36
Title: Re: بوست عيدية 000طرائف زوجات البورداب 00او العكس!!!!
Author: خالدة البدوي
Date: 01-20-2008, 11:33 AM
Parent: #1
طارق
في داعي للتنبيش 
بس صدقني
يكون الزوج بوردابي اخف من
الزوجة بوردابية عشان بتكون
تعبانة جنس تعب تجتهد عشان
حاجاتها كلها تكون تمام وما
تخلي الراجل يتزمر ..
لكن الزوجة معاها حق مع الدوامات
الكتيرة دي وكمان يجي في البيت
يداوم مع النت ،،،
كل سنة وانتم طيبين
|
Post: #37
Title: Re: بوست عيدية 000طرائف زوجات البورداب 00او العكس!!!!
Author: طارق عبد اللطيف نقد
Date: 01-20-2008, 03:44 PM
Parent: #1
حبيبنا ابو ساندرا
في نهاية المطاف زهجت وقالت :
والله انت شكلك كده ح تجيب الولد من الضرة دي
ههههههههههههههههههههههههههههههههههههههههههههههههه
وطبعاما جا الولد
ولا حته من الضرة
|
|
