Post: #1 Title: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 04:01 AM
ليالي لقانا جميلة
... يا سلام
كل عام و انت بخير
و يهديها لكل من...
Post: #2 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Rawia Date: 12-30-2007, 04:18 AM Parent: #1
الحبيب الغـــــالي
كل سنة وانت بخير واولادك سعيدين ومتهنين مع امهم
انا محتارة من موضوع...... لي اذواقنا متشابهة في سماع الاغاني
احن الى امسيات استمعنا فيها سويا لجميل الالحان واتوق لها الدنيا لاهياني يا ثروت والمشاكل ابت.. ابت تمشي مني
اتطلع للعام الجديد واتمنى يجيب معاهو بوارق امل
بالمناسبة فاتحة two tabs للبوست عشان اسمع وارد ليك
عبد الكريم ماعرفتو منو لكن حظه بصديق مثلك يهدي له مثل هذا الدفق
انا بهديها لكل من يمر بهذا البوست ويتمتع بالاغنية الجميلة
Post: #3 Title: Re: لعناية الأخ عبد الكريم، الدنيا منى و احلام.. بصوت ابن البادية Author: عبدالكريم الامين احمد Date: 12-30-2007, 04:53 AM Parent: #2
هلا يا ثروت ومرحب براوية والف شكر يا ثروت علي صناعة الصباحات بهذا اللحن المدهش الذي اقتلع من براثن تطاير الدقون... ويا راوية البوست ده وراهو قصة لذيذة
Quote: اخ ثروت اولا سلام وثانيا ياسلام والف سلام علي هذه الاغنية الروعة.. وبعيدا عن خشلعة شيخ( قريش) دي احب ان اعبر عن شكري وتقديري وامتناني لهذا اللحن المدهش وبالله جرجر لينا الاغنية دي (بره) الشبكة بتاعة قريش دي (واعمل لينا في بوست) براااهو كده الخوف لو قلنا نتجدع ونتغزل في سيرة الذري هنا ممكن تجينا دقن طايرة وتعوقنا ساكت مع الخشلعة الدورت فينا دي
ماراي الشيخ الطقي في دلوكة صاحبة القريش وكان رد الاخ الجميل ثروت هو
Quote: الأخ عبد الكريم كل عام و انت بخير
على العين و الراس
و اليوم قبل الغد بإذن الله.
الدنيا منى و الاحلام يا سلام
عامك سعيد
وبذلك هبش ثروت وتر وضخ اجنجة تتيح التحليق في مدارت الذري (ابراهيم عوض) معبقة بصوت ود البادية في واحدة من احلي الاغاني السودانية التي تغسل الوجدان وبتخلي الزووول مسسسسسسسكين ويعاين بعيييييييد ويقرب يبقي (نقطة) الف شكر تاني يا ثروت وحتما ساعود اليك وبرواقة ونسافر في مدارت الدنيا مني واحلام وحتي ذلك الزمان لبنات الايكي الف سلام
Post: #4 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Rawia Date: 12-30-2007, 05:36 AM Parent: #3
Quote: والف شكر يا ثروت علي صناعة الصباحات بهذا اللحن المدهش الذي اقتلع من براثن تطاير الدقون... ويا راوية البوست ده وراهو قصة لذيذة
تمت الناقصة وكويس والله الطلع عبد الكريم انت
طبعا بعد دا لازم اعترف انا صراحة مابدخل البوستات كلها ولا بعرف الحاصل في معظمها وخاصة لما عناوينها تقول عن محتوياتها
لكن تعال نستمتع بما وهب لك
Post: #5 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 08:11 AM Parent: #4
راوية صديقة الزمن الجميل و ممتد مرورك سعد و وجودك مفرح و ظهورك مثلج للصدر{مع ناقص 30 دي كيف مثلج ما عارف} .. و إن تراكم عليَ الثلج
صلاح بن البادية و ما ادراك ما ابراهيم عوض
عامك سعيد و ايامك نواضر و ذكراك تلفح من نوافذ دفء و نغم احلى.. انت بمعيته لم تبهتي نفسك و لم تتقولي عليَ، حين قلت ما يجمعنا من لحن و نغم وافر و حاضر. اتذكرين "النغم"؟ يقول عبد الكريم الكابلي من لحن و اداء و كلمات لعوض أحمد خليفة: كيف يهون عندك خصامي و ترضى عن عيني تغيب وددت اهداك اياه. و لكن، برغمي تفشي الخبر و سبق عبد الكريم العزل.
تقبلي تحيات سلوى و الابناء اجمعين.
Post: #6 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 08:13 AM Parent: #4
عبد الكريم الفنان
الكلام ال Perfect
يوقفني كما وقف صاحبنا في العقبة
كلماتك محكمة حتى تحاكي اللؤم عند شاعر الشايقية المعتد فقال: كل زول فوق بلدو اليقول الا كلام بلدي فوق كل زول
لم تترك لي غير ليل بهيج و جليد ما وصل الارض و الا فاض ماء من دفء كلمات. و لسان عاجز.. اذداد تمتمة على تهتة حتى ضل طريق الكلمات عن شكر فإستبدله هجاء.
ويحك و ساقتلك بالنغم أذ اعلنته عليك
Post: #7 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 08:26 AM Parent: #6
يسمكم لنك الحفظ
حتى لو تقعدوا كدا للسنة الجاية
لاقيكم وين اديكم لنك الحفظ عشان تتفشوا؟ تلقوها عند الغافل
Post: #8 Title: Re: لعناية الأخ عبد الكريم، الدنيا منى و احلام.. بصوت ابن البادية Author: عبدالكريم الامين احمد Date: 12-30-2007, 08:42 AM Parent: #7
هلا يا ثروت ومرحب بينا في حضرة هذا اللحن السلس وجمر الحي مولع فينا وليعة الذين (ولعوا)... كان عندي صديقي اسمه النجمي (هكذا تقول فيروز) وخلفيه الرحباني تظلل المكان... كان النجمي الذي اسميته باخوس اله للجمال والصبوح واغاني ابراهيم عوض يدندن بها في مساءات الفيافي البعيدة ورزاز الامطار يهطل (طق طق طق)... والمخيلة تحمل ذكري المحبوبة..احلام الانطلاق وسطوة الزمن الزيف... واغاني عنيدة عربيدة المصير من قساك وهذا اللحن الدنيا مني واحلام نفس الكلمات وذات اللحن والتون... نردد اني اري في الخيال اني اشبهك اني اري في الحنين اني احبك اشعار جويدة خرائد سعاد الصباح وعشقيات نزار قباني وصبوح مترع بالاسي والحب والتمرد والتبغ... رحم الله ابراهيم عوض ولصديقي النجمي الذي يصنع رواية الحياة بين طرقات البندر وهو يجول بتكاسيه (التركي الصنع) طرقات وكراكير الخرطوم التي سكنها (الزيف) يصنع الحب ويضي الليالي بسيرة (الدنيا مني واحلام)..... يا سلاااام ويدندن بعود الذكريات..
Post: #9 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 09:01 AM Parent: #8
Quote: عبد الكريم ماعرفتو منو
يعني إلا يقولو ليك كيكي
رفعنا الكلفة خلاص .................................... تسلمي يا راوية هكذا جرى الدهر مستمسكا بالنوائب ارخي أذنيك إن كنت لا تعلمي.. و لا أظنك لا. الدنيا منى و احلام تغناها من نتمنىاه وافر الصحة و العمر المديد، لمن غرب ماديا باقيا فينا لحنا و صوتا و ذكرى. سائلين المولى له بالرحمة و المغفرة بقدر ما اعطى و اوفى. عامك افضل حتما
و يا سلام منى و احلام
Post: #10 Title: Re: لعناية الأخ عبد الكريم، الدنيا منى و احلام.. بصوت ابن البادية Author: نهلة عمر Date: 12-30-2007, 01:27 PM Parent: #1
يا سلام
يا سلام
يا سلام
شكرا اخ ثروت و اخ عبد الكريم
عليك الله لنك الحفظ
و الدنيا منى و احلام
Post: #11 Title: Re: لعناية الأخ عبد الكريم، الدنيا منى و احلام.. بصوت ابن البادية Author: عبدالكريم الامين احمد Date: 12-30-2007, 05:05 PM Parent: #10
سلام يا نهلة ونجي لمن المزاج الاتسحر ده يرجع تاني ونحلق معاكم ومع ثروت وراوية في النغم السمح ده
Post: #12 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-30-2007, 11:01 PM Parent: #11
الأخت نهلة طابت اوقاتك
و الله وصلات الحفظ كملت. فعملنا طلبية احتمال تاخد اسبوع اسبوعين او شهر زاتو.
دحين اصبري و انتظري معانا.
في زحمة النغم مع الاخ عبد الكريم و الاخت راوية.
كل عام و انت بخير
Post: #13 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Kabar Date: 12-30-2007, 11:34 PM Parent: #1
ثروت..حبابك يا صديق
طبعا نحن الهوام..من طائفة (نهديها لكل من..).., و هي باب من ابواب تكفين الميتات.. لكن مناسبة الواحد يفك اخرو..و برضك حلايب مصرية..
مجموعة.. ليه بتسأل عني تاني..ابقى ظالم (و دي غايتو نكون انا و انت بس جايبين خبرها..و الله اعلم)..الليلة شوفتك مستحيلة..متين القى روحي..دايما مساهر ليك..
ما يشدني لها انها مسجلة في حفلة..و اظنها كانت سنة 1988.. في امدرمان.. هذه المجموعة .. هي..my holy bible ..و ادين لها بحفظ توازني..
كل اخر ليل يا ثروت..و انا اجاهد المنظر.. شباك فاتح على داون تاون (و انت تعلم بهرجة الداون تاون في المدن الكندية يا صديقي).. اتأمل الإضاءة البعيدة الشفيفة..و في خاطري (يا دنيا جمالك مغري).. شفت الناس ديل كانوا شوافين كيف؟
المهم.. نحن لسع مع الكاسيت..و لديك نسخة (عارف الشريط ده بيكون عندك.. لكن برضك.. ليك نسخة.. ساي كده لوجه الجمال و الذوق)..
و دمت
كبر
Post: #14 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Abdel Aati Date: 12-31-2007, 00:48 AM Parent: #13
ثروت سوار الدهب ملاك الفن اخيرا في البورد
مرة جيتارات من الصحراء ومرة الدنيا غنا واحلام
شغل جميل
Post: #15 Title: Re: لعناية الأخ عبد الكريم، الدنيا منى و احلام.. بصوت ابن البادية Author: سلمى الشيخ سلامة Date: 12-31-2007, 00:52 AM Parent: #14
اتاريك ما براك ولهان بابن البادية لقيت لى رفيق يا ثروت هذا الفنان قيمة عالية وصوت لا يشيخ لك وله الحب
Post: #16 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-31-2007, 03:30 AM Parent: #15
الأخ عبد الكريم
Quote: المصير من قساك وهذا اللحن الدنيا مني واحلام نفس الكلمات وذات اللحن والتون... نردد اني اري في الخيال اني اشبهك اني اري في الحنين اني احبك اشعار جويدة خرائد سعاد الصباح وعشقيات نزار قباني وصبوح مترع بالاسي والحب والتمرد والتبغ...
من يدري يا ذا فربما التقينا في حفل ما من حفلات الراحل و من يدي ربما رقصنا في الدنيا منى و احلام الذكريات متوازية و بعضها متقاطع و إن كنا لا ندري استلم العتالة فانت الVIP بتاع البوست يا سلام
Post: #17 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-31-2007, 03:44 AM Parent: #16
استاذنا كبر
Quote: ثروت..حبابك يا صديق
طبعا نحن الهوام..من طائفة (نهديها لكل من..).., و هي باب من ابواب تكفين الميتات.. لكن مناسبة الواحد يفك اخرو..و برضك حلايب مصرية..
مجموعة.. ليه بتسأل عني تاني..ابقى ظالم (و دي غايتو نكون انا و انت بس جايبين خبرها..و الله اعلم)..الليلة شوفتك مستحيلة..متين القى روحي..دايما مساهر ليك..
ما يشدني لها انها مسجلة في حفلة..و اظنها كانت سنة 1988.. في امدرمان.. هذه المجموعة .. هي..my holy bible ..و ادين لها بحفظ توازني..
كل اخر ليل يا ثروت..و انا اجاهد المنظر.. شباك فاتح على داون تاون (و انت تعلم بهرجة الداون تاون في المدن الكندية يا صديقي).. اتأمل الإضاءة البعيدة الشفيفة..و في خاطري (يا دنيا جمالك مغري).. شفت الناس ديل كانوا شوافين كيف؟
المهم.. نحن لسع مع الكاسيت..و لديك نسخة (عارف الشريط ده بيكون عندك.. لكن برضك.. ليك نسخة.. ساي كده لوجه الجمال و الذوق)..
و دمت
كلنا من من تلك الطائفة فلا تحزن ناس ملح ساكت. يا جميل عندي نفس المشكلة. شريط و شريط كساهم الغبار و في انتظار التحويل الى الدجتال الذي اصبح لا انفكاك منه. المشكلة فقدت المسجل في الرحول و لا ادري كيف احصل على اخر.. اذ من الصعوبة العثور على تلك الآلة المتحفية. لكن رسل شريطك و عليك الامان نحولو و نرجعو ليك بإيميل.
كفاك الله شر الليل و اخره عندما يدلهم و يرخي سدوله و يتصبب ثلجا ممتزج بداون تاون و زحامه و صفرات الاسعاف و البوليس و المطفائ. سفونية مزعجة. و ان كان اراك لاجئ للدنيا جمالك مغري.. هل انت مقاوم جمالهاو لو انتزعته او سرقته من جوف ليل بارد؟. اتمناك السعادة في عامك الجديد و النجاح و دنياك منى و احلام و ليلاك جمال و زوق
يا سلام
Post: #18 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-31-2007, 08:13 AM Parent: #17
يا سلام يا عادل
نسوي شنو؟
تمبس و راكوبة سابو الغنا و سوها هلال مريخ
المنبر بقى ناشف، قلنا نبخرو شوية من الشواطين و الخفافيش و الفنبايرس و الزامبي السكنو فيه دا مرة فتاوي و مرة تكفير و مرة سخافات و توافه امور من عيون الكتب الصفراء.
استمتع بابراهيم عوض و صلاح بن البادية. اشحن روحك هنا المعركة طويلة. بدون فن و حب و جمال بتكون خسرانه.
بمناسبة الجيتارات ح يكون في جيتار خاص اليوم. راجعنا هناك بمناسبة رأس السنة.
و يا سلام كل عام و انت و الأسرة الكريمة بخير
Post: #19 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 12-31-2007, 08:22 AM Parent: #18
الاستاذة سلمى
Quote: اتاريك ما براك ولهان بابن البادية لقيت لى رفيق يا ثروت هذا الفنان قيمة عالية وصوت لا يشيخ لك وله الحب
و مرضان كمان
اختاري بين كلمة ليالي الصبر انت اغلى ليلة السبت نستقبل بيها العام الجديد. ما رأيك؟ الما بسمع صلاح بن البادية بكون فاتو الكتير. مرحب بالرفقة الرقيقة، رفقتك و النغم. لك و له الاماني الطيبات و كل عام و انت بخير و سنتك حلوة و مسطرة بالوداد و الحب
Post: #20 Title: Re: لعناية الأخ عبد الكريم، الدنيا منى و احلام.. بصوت ابن البادية Author: أحمد طراوه Date: 12-31-2007, 11:14 AM Parent: #1
.. ونحنا في المهجر كاليعاسيب يجذبها ضؤ مصابيح السودان .. مصابيح الغناء و الحرية
.. وكل إنشودة خفيفة فرحة و شفا للآلام
تقبل شكرنا الجزيل اخى ثروت
.. و لا أظن ان ( عبد الكريم ) يأبى ان نقاسمه الاستماع لاغنية ألإبحار في دنياوات الامانى و الاحلام ..
Post: #21 Title: Re: لعناية الأخ عبد الكريم، الدنيا منى و احلام.. بصوت ابن البادية Author: نهلة عمر Date: 12-31-2007, 01:03 PM Parent: #1
Quote: و الله وصلات الحفظ كملت. فعملنا طلبية احتمال تاخد اسبوع اسبوعين او شهر زاتو
سلامات اخ ثروت
لو جبت ليكم واحد تدفعوا كم
Post: #22 Title: Re: لعناية الأخ عبد الكريم، الدنيا منى و احلام.. بصوت ابن البادية Author: عبدالكريم الامين احمد Date: 12-31-2007, 01:41 PM Parent: #21
هلا وغلا يا ثروت عدنا وكل السعادة كون لحنك الجميل هذا قد اشاع البهجة والمسرة والمني والاحلام بين الجميع وفوووق
Post: #23 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 01-02-2008, 07:06 AM Parent: #22
الاخت نهلة سلامات
الوصلات دخلت مرحلة الأزمة و لا كيف؟ نشتري منك بمزيد من النغم تحاياي
Post: #24 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 01-02-2008, 07:13 AM Parent: #23
استاذنا طراوة
سادن الالحان
مرحبا بك في ربوع انت في مقدمة شيوخها.
و من غيركم يعطي للغربة وصلة و همزة بالوطن عبر جسر الفن الراتق للارواحنا بنسيج الطرب و الفن الاصيل.
شكرا للمرورك الكريم. و ما رأي عبد الكريم؟ اتراه مشاطر ام ضان ؟
Post: #26 Title: Re: لعناية الأخ عبد الكريم، الدنيا منى و احلام.. بصوت ابن البادية Author: عبدالكريم الامين احمد Date: 01-02-2008, 05:54 PM Parent: #24
Quote: و لا أظن ان ( عبد الكريم ) يأبى ان نقاسمه الاستماع لاغنية ألإبحار في دنياوات الامانى و الاحلام ..
وهل يطيب لنا فنا او استماع الي مثل هذا الالق وشيخ الفن الجميل وكاهنه (طراوة ليس معنا) كل التحية يا دكتور وحباب ثروت الذي حلق بنا في عوالم الفن الجميل والطرب الطاعم
Post: #25 Title: Re: لعناية الأخ عبد الكريم، الدنيا منى و احلام.. بصوت ابن البادية Author: حسن الجزولي Date: 01-02-2008, 10:30 AM Parent: #1
up
Post: #27 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 01-06-2008, 03:33 AM Parent: #25
شكرا حسن الجزولي للرفع
سكننا حب المعازف و صوت الغيان
يا سلام الدنيا منى و احلام
Post: #28 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Rawia Date: 01-08-2008, 04:16 AM Parent: #27
Post: #29 Title: Re: لعناية الأخ عبد الكريم، الدنيا منى و احلام.. بصوت ابن البادية Author: Rawia Date: 01-27-2008, 01:20 AM Parent: #28
Post: #30 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 01-27-2008, 07:48 AM Parent: #29
شكرا يا صديقة الزمن الجميل و ممتد على لنك الحفظ
ما قصرتي تب يديك العافية
امنياتنا للاخ عبد الكريم دوام اللحن و جمال النغم و طيب المقام غرب الاطلسي. و رده الله من حبائل غربة طالت بنا و استحكمت. فصرنا نجد وطننا في حلم اطلنطا الغارقة و بلوغ التمباكتو او باللحن تارة او كما يشتهي و كما يرى.
هل بالبوست و المداد بقية؟ إلتقينا على وطن ارجو الله ان لا على نفترق عليه. فقد وثقتنا الاوتار و شد عقدنا المغنى، اينما كنا و اينما سنكون. يصبح هو و انت على وطن متجبر غلاب يضعف امام هيبته بنوه، و حلم جميل مشتاه. و لابن البادية طول العمر و مد الفن و العطاء. و لفنانا الراحل إبراهيم عوض الرحمة و المغفرة و دوام الذكرى و خالص الوفاء. و مجدد التحية لكل من زار و لكل من أستمع. لكم جميعا محبتي
Post: #31 Title: Re: لعناية الأخ عبد الكريم، الدنيا منى و احلام.. بصوت ابن البادية Author: بكري الصايغ Date: 01-30-2008, 01:20 AM Parent: #1
فـوق، فـــوق، فـــــوق، والشـكر لـثـروت.
Post: #32 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 02-03-2008, 01:14 AM Parent: #31
الاخ بكري عد إذا لنادي العمال و سنة 1961 و إبراهيم عوض طابت أوقاتك
بالمناسبة نادي العمال احواله كيف؟ و ياريت و أنت المؤرخ تعطينا لمحة عن ذاك الصرح.
Post: #35 Title: Re: لعناية الأخ عبد الكريم، الدنيا منى و احلام.. بصوت ابن البادية Author: بكري الصايغ Date: 02-04-2008, 09:25 PM Parent: #1
الأخ الـحبيب الـحـبوب، ثروت سـوار الـدهـب،
تـحـيةالـود والأعـزاز، والشـكر الـعظـيم علي هـديتك القيـمة ( تسـجيل الأغنية بصـوت الراحل الفنان ابراهـيـم عـوض ) ولكـني اجـد صـعوبة فـي الـدخول اليـها.
طلبت مـنـي - ياسـيـدي - شـيئ مـن تاريـخ نادي العـمال بالـخرطوم الذي كان مـحل حـفلات الفنانييـن الكبار فـي ذلك الوقت مـن سـنوات الـخمسيـنيات والسـتينيات، وطـلبك علي العـيـن والرأس.
اولآ: _____ اشـهـر النوادي بالـخرطوم فـي سـنوات الـخمسـينيات والسـتينيات كانت: 1 - British Club 2 - النادي الأغريـقي، 3 - النادي الأرمـنـي، 4 - النادي الـمـصـري، 5 - النادي الـمصـري الثقافـي، 6 - النادي اللـبنانـي، 7 - النادي الكـاثوليكي، 8 - النادي السـوري، 9 - نادي ابـولـو،
وهـي نـوادي اجـتماعيـة تـخـص الجاليات وكان النادي السوري والأغريقي واللبناني من اكتـر النوادي مكـروهـة مـن غالبيـة السـودانييـن لانـها كانت تـمارس عـنـصـرية شـديدة ضد السـودانييـن اصـحـاب البلد وترفض عـضـويتهـم وقبولـهـم بـهـذه الـنوادي رغـم ان كل الاغاريق واللبنانييـن والسـورييـن كانوا وقـتـها قـد حـصـلوا علـي الـجـنسيـة السودانية بعـدالأسـتقلال!!!. اشـتهـر النادي الأغـريقـي وقـتهـا بانه نادي ( بتاع قـمار للصـفوة!!) ، ويقال- والعـهـدة عـلي الراوي - ان بعـض الوزراء وبـعض الكبار مـن رجـالات الـحكومة والاحـزاب كانوا مـن مـرتادي هذه الانـدية كل يوم خـميـس ويلعبون بـمبالغ طـائلة حـتـي صـباح الـجـمعة!!
الـBritish Club كان نادي مـنـضـبط ولـم تـحـوم اي انتقادات، وكان نادي ثقافي اجـتماعـي للبـريطانييـن فقـط وتـحـت اشـراف السفارة البـريـطانية.
النادي الـمصـري كان له نشاطـات اجـتماعيـةورياضـيـة وينظم دومـآ منافسات في السـباحـة بـحـكم انه كان نادي يـملك حـوض سـباحـة، كانت العـضوية مـقصـورة عـلي الـمـصـرييـن العاملييـن بالسـفارة الـمـصرية واعـضاء البعـثة التعـلـيمية الـمصـرية.
ثانيـآ: ___________ (الانـدية الرياضـيـة).
1 - نادي النيـل، 2 - النادي الأهـلي، 3 - نادي بري الاجـتمـاعـي الرياضـي.
اغـرب وضـعـية لنادي رياضـي سـوداني كانت وضـعـية وحـالة النادي الأهـلي بالـخرطوم فـي سـنوات الـخـمسينيات والسـتينيات.
فـبالرغـم مـن ان الفريق الاهـلي كان مـن فرق الـدرجـة الأولـي وله شـهـرة واسـعة مـحليآ وعربيـآ وله صـولات وجـولات في الـميادين الافريقيـة... واسـتطاع نادي الزمالك المصـري وان يضـم الـي صـفوفـه لاعـب النادي الاهـلي سـمـيـر مـحـمـد علي الذي لعـب طـويلآ بـمـصـر الا ان هـذا النادي السـوداني كان مـقـره فـي وسـط حـي العاهـرات بشـارع الأستبالية!!.
بل وكان جـار النادي ( الـحـيطة بالـحـيـطة !!) مـنـزل خـاص بنسـاء الليل وفـي الـواجـهة مـنـزل اخـر لـهـن!!. شارع يـموج بالـحركـة ليـلآ بلا توقـف برجـال طـالبـي الـمتعة من كـل صـنف وديـن والنادي يتـحـكر بلا خـجـل مكانه بارزة فـي هـذا الشارع وقـتـها!!. ثالثـآ: _________ (نـادي الـعـمال بالـخـرطـوم).
1 - عـلاقـتـي بـهـذا النادي بـدأت عام 1956 ومـباشـرة بـعـد الأسـتقلال حـيث كان ينـظم حـفلات مسائية بـمناسـبة الاسـتقلال وسـودنة الوظائـف. وكان عـلينا نـحـن اولاد الكشـافة القيام بعليات التنـظيـم وتـجـهيـزات مايلزم تـجـهـيـزه ورص الـمقاعد والعناية بالـمشروبات (ليـمون كركدي شـعيـر بزيانوس بيبـسي كوكا كوكا كـولا كـيتي كـولا سـينالكو شـاي بنعناع شـاي بلبـن!!) وكان سـعـر الـمشـروب البارد 3 قروش مـصـري والسـاخـن بـفريـنـي!!) طبعآ هـذا الكلام وقبل ظـهـور العملات الـوطنية.
2 - كان نادي العمال وقتـها يقـيـم حـفلاته بالفنانييـن الـمعروفييـن مثل الفنان الراحـل العطـبـراوي والراحـل حـسـن عـطية والراحـل ابراهـيـم الكاشـف والراحـل احـمدالـمصـطفي والفنان عـثمان حـسـيـن امـداللـه فـيعـمره ومـتعه بالصـحـة والعافية.
3 - كان يقـيـم ايـضآالندوات السـياسـية ويـحـضرها كبار رجـلات الـدولة ويناقشـون ويتبادلون الأراء مـع الأخـرييـن.
5 - كان هـذاالنادي وحـتـي فـي زمانات حـكم الاحـزاب ووجـود ديـمقراطيات لاينـعم براحـة الـهـدوء بسـبب مـضايقات وزارة الـداخليـة والتـي كانت تنـظر الـي النادي والقائـمييـن عـلي امـره علي انه مـصـدر قلاقل وبؤرة تـجـمع الشـيوعييـن والعمال اليسـارييـن الـمناهـضـييـن للوضـع الـحاكم.
6 - عـنـدما جـاءالفنان الراحـل ابراهـيـم عـوض فـي عام 1961 ليغـني بـمسرح نادي الـعمال كان عدد الـحـضور اكـثـر مـن 40 الف خـرطومـي!!!
7 - كـثيـرآ ماتعـرض النادي لـهجمات مـسلحـة من قبل الـمطرفييـن من رجال حـزب الأمة والاخـوان والذين كانوا يطلقون عـليه اسـم (موسـكوالـخـرطوم!!).
8 - عـلاقة نادي العمـال بالـحـزب الشـيوعـي قـوية ومتيـنة، وقـد حـصل كـثـير مـن اولاد العمال علي منـح دراسـية بالدول الاشـتـراكية ، وكان الـحزب الشيوعـي السـوداني يـحـصل علي مـنح كـثيـرة يـخـصص بعـضـها لنادي الـعمال.
9 - مع الاسـف لايـوجـد ثوثيـق كامل لتاريـخ نادي العمال بالـخرطوم وكل ماكتبتـه هـي بقايا ذكريات مازالت عالقـة بـذاكـرة ذلك الـزمن السـعيـد الذي لن يـجـود الزمان بـمثله!!
واخـيـرآ سـالـتـنـي ياثروت كـيف حـال النادي اليوم، واقول لك انـنـي ومـنـذ ان خـرجـت مـن السـودان عام 1985 ومازرتـه ولامـرة واحـدة، تـجـدني واحـول سـؤالك لـمن يعـرف!!
لك مـودتـي.
Post: #36 Title: Re: لعناية الأخ عبد الكريم، الدنيا منى و احلام.. بصوت ابن البادية Author: ثروت سوار الدهب Date: 02-06-2008, 00:57 AM Parent: #35
الاخ بكري الصايغ
اولا يؤسفني أنك لم تستطع إستماع الاغنية المفضلة لديك بصوت إبراهيم عوض. و لا ادري ما هو السبب بالضبط؟
ثانيا. لم تخذلني في جودك بالتاريخ و التوثيق. فلك كل الشكر. و لو اكون طماع شوية واسأل عن إمكانية بوست منفصل يتناول النوادي و تاريخها و موقعها في المجتمع السوداني و مصيرها الكئيب الان. إذا ان النوادي و كمناشط مدنية تتعارض مع أيدولوجية الردة الحضارية التى يتبناها النظام القائم. و كما اشرت يتبناها حزب رجعي طائفي متخلف كحزب الامة.
تحاياي
و ارجوك مواصلة
Post: #37 Title: Re: لعناية الأخ عبد الكريم، الدنيا منى و احلام.. بصوت ابن البادية Author: بكري الصايغ Date: 02-06-2008, 01:23 AM Parent: #1
