Post: #1
Title: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 01:48 AM
Parent: #0
اقراوا هذا الخبر
عن السودانى
الخرطوم: (السوداني)
اعرب رئيس حزب الأمة القومى الإمام الصادق المهدي عن تعازيه لحزب الشعب الباكستاني فى مقتل رئيسة الوزراء السابقة لباكستان بي نظير بوتو. وكشف المهدي في بيان صحفي امس عن توجيهه خطابا الى بي نظير بوتو فى 24 اكتوبر الماضي ينصحها فيه باتخاذ تكتيكية معينة لتجنب المخاطر فى المرحلة الحالية فى باكستان باعتباره من معارفها ومن المهتمين بمستقبل الديمقراطية فى باكستان، وأضاف انه ربما كانت تفكر فى مثل هذا الاحتياط، لكنه اشار الى ان خصومها كانوا أسرع. ودعا المهدى السلطات الباكستانية لاجتثاث ظاهرة الاغتيالات السياسية ومعاقبة الجناة والإسراع بالخطى نحو التطبيع الديمقراطى، حاثا حزب الشعب الباكستانى لترتيب اوضاعه بالسرعة اللازمة للمشاركة البناءة فى التحول الديمقراطى.
تعليق
ياسيد الصادق نحن الفينا مكفينا ماتحصر نفسك فى مشاكل السودان وخليك من بناذير وحل مشاكل العالم
ياامام امبارح قتلوا كم طالب جامعى فى دارفور ..وتشاد تقصف قريه سودانيه ..والمساواه والعدل احتلوا بئر بترول
ولسه الجايات اكثر من الجايات
فانصح لينا ناس الانقاذ وباكستان دى بتحل مشاكله براها
السنجك
|
Post: #2
Title: Re: يالصادق المهدى نحن الفينا مكفينا !!!!!!!
Author: Tragie Mustafa
Date: 12-30-2007, 02:29 AM
Parent: #1
السنجك
كل عام وانت بخير....
وانت اظرف زول في المنبر ده يا السنجك.
لانك مركز دائما وصاحي دائما ومفتح دائما.
وبعدين ده عنوان زي العسل:
| Quote: يالصادق المهدى نحن الفينا مكفينا !!!!!!! |
عمنا رئيس الوزراء السابق ده راسه قوي يا السنجك ولا بيقتنع ولا حاجه.
ولو جيت سألته حسه هو ما قدر يربي بناته زي ما زو الفقار علي بورتو ربى ليه؟؟؟
وين يا الصادق القيادات الشابه الملتحمه مع الجماهير؟؟؟؟؟
وين الارادة البتحدى الموت؟؟؟؟
وين الكلام عن الفقراء وعن المسحوقين..وين نموذج القيادة الشابه البتدخل بيوت البسطاء
وتفترش البروشهم معهم.....فقد مات بعض انصاركم وسمتهم الحكومة (المرتزقه) للاسف لم نرى
لك صورة يا سيدي الامام وانت تعزي اي من اسرهم!!
|
Post: #3
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 02:41 AM
Parent: #2
ياتراجى
يامناضله لاتفتر
كل سنه وانتى بخير واولادك بخير والسنه الجايه السودان ديمقراطى وجميل
واذا كان الاحزاب بعد ان تولت السلطه لم تسعى حتى لتغيير الاسم من (مرتزقه ) الى اسم آخر يليق بهؤلاء الابطال فمابالك الان
الميرغنى نسى الاولاد الماتوا فى شرق السودان وبقى فى تعيين ولده مساعد رئيس جمهوريه
والصادق يحذر ف بنازير
زنقد والترابى ماعارفين بيعملوا فى شنو؟؟
وصدق محمود محمد طه شعب عملاق يقوده اقزام !!!
السنجك
|
Post: #4
Title: Re: يالصادق المهدى نحن الفينا مكفينا !!!!!!!
Author: Saifeldin Gibreel
Date: 12-30-2007, 03:03 AM
Parent: #3
| Quote: وكشف المهدي في بيان صحفي امس عن توجيهه خطابا الى بي نظير بوتو فى 24 اكتوبر الماضي ينصحها فيه باتخاذ تكتيكية معينة لتجنب المخاطر فى المرحلة الحالية فى باكستان باعتباره من معارفها ومن المهتمين بمستقبل الديمقراطية فى باكستان، وأضاف انه ربما كانت تفكر فى مثل هذا الاحتياط، لكنه اشار الى ان خصومها كانوا أسرع |
السنجك.... سلام.... السيد الصادق... لما جوهو قبل انقلاب الجبه بى يومين وقالو... ليهو الناس ديل ناوين على انقلاب... قال دى هضربت شيوعين.... هسع الكلام دى نقول عليهو شنو الفوق دة... قايتو احتمال تكون دى من كرامات الامام... لانو عيد ميلادو ربطوا بى عيد ميلاد المسيح.... بأعتبارها .. احدى الكرامات.. للسيد الامام... اخونا ناظم ابراهيم على فى بوست... قال لمن بنازير بوتو الجيش... رفع ليها مزكرة... قالت ليهم انتو .. قايلنى.. انا مهدى السودان... كناية لمزكرة الجيش الشهيرة......التى كتبها قواد الجيش فى ذلك الوقت.. بقيادة المرحوم الفريق فتحى احمد على..
|
Post: #5
Title: Re: يالصادق المهدى نحن الفينا مكفينا !!!!!!!
Author: SAMIR IBRAHIM
Date: 12-30-2007, 03:18 AM
Parent: #4
عمنا رئيس الوزراء السابق ده راسه قوي يا السنجك ولا بيقتنع ولا حاجه.
يا سلام عليك يا خاله تراجي ... ده كلام في الصميم ...
وبعدين جدنا الصادق المهدي ده ما كان ماسك الحكومه قبل كده .. ,,,,,, عمل للسودان شنو ؟؟؟؟؟ زمن الصادق المهدي حنفيات المويه قطعن ... والبلد بقت جافه ورغيف العيش الناس تقيف ليهو طوابير تسعه وعشره ساعات في اليوم .... وصفوف البنزين اصحاب العربات ينوموا باليوم واليومين في صف البنزين .. ..
لكن نصيحتو الرسلها لي ينازير بوتو دي كوم .. والراجيهو كوم ثاني ......
|
Post: #6
Title: Re: يالصادق المهدى نحن الفينا مكفينا !!!!!!!
Author: إسماعيل وراق
Date: 12-30-2007, 05:24 AM
Parent: #5
مناضلين أخر زمن
ما المشكلة إذا تقدم السيد الصادق المهدي بتعزية للشعب الباكستاني؟
وهل التعزية تتعارض مع مواقفه بالنسبة للمشاكل السودانية؟
.
.
يا عالم شوية منطق.
|
Post: #7
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 05:35 AM
Parent: #6
الاخون سمير وسيف ووراق
لكم الشكر على المشاركه
وحكاية قالت ليهم انتوا قايلينى مهدى السودان دى حلوه
وراق الحكايه فى انه الصادق مشغول بالعالم اكثر من السودان ياخى المسيريه والدينكا فى حرب وعشرا القتلى من الجانبين والمسيريه مركز نفوذ لحزب الامه اهه الصادق مجهوده شنو فى حل المشكله دى؟؟؟
الجنينه على وشك السقوط والغرب كله ملتهب دى كلها مناطق نفوذ لحزب الامه ..طيب الصادق تنبؤاته شنو لدارفور وللسودان خلينا من باكستان ...واحسن يحذر ناس الانقاذ وكل الاطراف للهاويه المتجه ليها السودان والا احسن يكتب فى الجوابات لبنازير يحذرها من اغتيالها الوقت البذله حتى فى كتابة الجواب مش اولى بيه السودان ...ياخوانا نحن فى مرحلة نكون او لانكون والصادق يحذر فى بنازير والميرغنى داير يرمموا ليه بيته !!!ياخى البيت يطير
السنجك
|
Post: #8
Title: Re: يالصادق المهدى نحن الفينا مكفينا !!!!!!!
Author: إسماعيل وراق
Date: 12-30-2007, 05:44 AM
Parent: #7
Quote: وراق الحكايه فى انه الصادق مشغول بالعالم اكثر من السودان ياخى المسيريه والدينكا فى حرب وعشرا القتلى من الجانبين والمسيريه مركز نفوذ لحزب الامه اهه الصادق مجهوده شنو فى حل المشكله دى؟؟؟
|
الأخ السنجك
كل عام وأنت بخير
هذا لا يتعارض مع ما يحدث بالداخل.. ولك أن تنظر إلى إخواننا الذين كتبوا بالمنبر عن إغتيال بنازير بوتو أو أولئك الذين يكتبون في قضيايا عربية وإسلامية وأفريقية هل نتهمهم بالبعد عن مشاكل السودان.. الإجابة عندي لا..
الشئ الأخر.. السيد الصادق شخص له علاقات ممتدة مع كثير من رؤساء وأحزاب العالم العربي والإسلامي والأفريقي والغربي.. ما المشكلة إذا كتب خطاب تعزية أو شكر في مناسبة ما.. أعتقد لا مشكلة.
|
Post: #9
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 05:53 AM
Parent: #8
ياوراق
وكل سنه وانتطيب كمان والسنه الجايه السودانى ديمقراطى وحر
لكن ياوراق ياخوى اذا انت بيتك قايمه فيه حريقه وانبوبة البوتجاز على وشك الانفجار فى هذا الحريق لتطيح بكل شىء حتى بك انت فى لحظات زى دى تمشى للجيران الولعت النار فيهم وتقول ليهم انا حذرتكم ؟؟ والا تبقى قصاد نارك دى وبكل جهدك ووقتك وفكرك تحاول ان تطفيها ؟؟؟
مع تحياتى
السنجك
|
Post: #10
Title: Re: يالصادق المهدى نحن الفينا مكفينا !!!!!!!
Author: إسماعيل وراق
Date: 12-30-2007, 05:58 AM
Parent: #9
Quote: لكن ياوراق ياخوى اذا انت بيتك قايمه فيه حريقه وانبوبة البوتجاز على وشك الانفجار فى هذا الحريق لتطيح بكل شىء حتى بك انت فى لحظات زى دى تمشى للجيران الولعت النار فيهم وتقول ليهم انا حذرتكم ؟؟ والا تبقى قصاد نارك دى وبكل جهدك ووقتك وفكرك تحاول ان تطفيها ؟؟؟
مع تحياتى
|
تعرف يا السنجك.. دا الفرق بين تفكير الصادق المهدي وبعض الساسة.. يا أخي كما أسلفت الرجل لا يتعاطي السياسة بمفهوم رزق اليوم باليوم..
أتفق معك حول أولويات العمل السياسي لكن للرجل حزب ومؤسسات مهمومة بالمشكل السوداني بشكل يومي.
السنجك
بالله أدي الرابط دا طلة
مع إطلالة العام الجديد.. عقلنة الخطاب المعارض بالمنبر
التعديل: لزوم إدراج الرابط
|
Post: #11
Title: Re: يالصادق المهدى نحن الفينا مكفينا !!!!!!!
Author: حمزاوي
Date: 12-30-2007, 06:09 AM
Parent: #1
الهجوم على قادة الأحزاب إفلاس سياسي
|
Post: #12
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 06:30 AM
Parent: #11
بااخوان
وراق وحمزاوى
العقلنه فى شنو ؟اسع الطلع من العقلانيه منو؟
نحن لم نسىء لاحد وانما البعض هو الاساء ووصف نقدنا بانه افلاس يساسى
واين هو الهجوم على القاده؟ هل النصيحه هجوم ؟
يااخوانا انتوا ديمقراطيين كيف ؟اذا كنتوا كلمة الحق فى وجه زعيمكم ماتقبلوها ؟
طيب فرقكم من ناس الجبهه شنو ؟اذا انتوا برضوا تتضايقوا من النقد ؟انتوا حقو ترحبوا بالنقد وتتعاملوا معاه بصوره مقبوله لتثبتوا انكم ديمقراطيين وخير من ناس الانقاذ
السنجك
|
Post: #13
Title: Re: يالصادق المهدى نحن الفينا مكفينا !!!!!!!
Author: emad altaib
Date: 12-30-2007, 09:38 AM
Parent: #1
الحبيب /السنجك
كل عام وانت بالف خير
التعذيه منا لرئيسه الوزرا الباكستانيه بنظير بوتو في بوستك الجميل
ومن حق الصادق المهدي ان يعذي فيها .. وكل الذين ماتوا شهداء الديمقطرايه نحن
نعذي فيهم انفسنا..فالديمقراطيه هي للشعب والشعب هو الذي يحمها..
ودمت بود
|
Post: #14
Title: Re: يالصادق المهدى نحن الفينا مكفينا !!!!!!!
Author: محمد حسن العمدة
Date: 12-30-2007, 11:06 AM
Parent: #13
ده بوست غريب جدا والمشاركة فيهو من قبل تراجي اغرب مما توقعت !!
الهم الديمقراطي المشترك بل والهم الانساني عامة فيما يخص قضايا الديمقراطية وحقوق الانسان بتحتم على كل ديمقراطي حر التفاعل مع الشان الانساني اينما وجد في باكستان او اذربيجان او السكا .. الشعوب عبارة عن تجارب تتلاقى او تتقارب او تتباعد وبعضها يتلاقح التجارب الانسانية عامة منذ بداية التاريخ هي اهتمام مشترك لكل شعوب العالم لا اريد ان ادخل في بديهات من شاكلة ان العالم صار قرية وان ما يدور في اي منطقة يجد صدى في مناطق اخرى ..
تحديدا في حالة تناقضات تراجي مصطفى بل احسست بان تراجي تشارك من اجل المشاركة فقط لا من اجل مبادي بعينها ونهج بعينه .. فكيف لتراجي التي تناضل من ارض كندا وامريكا وتطلب المؤازرة لقضيتها من كل منظمات الدنيا الداعمة لقضايا حقوق الانسان والانسانية ان تستنكر على الامام الصادق المهدي انفعاله لحادثة اغتيال بنازير بوتو بل تراجي نفسها اعلنت عن حزنها وعبرت عن ذلك في الكثير من البوستات التي انفعلت باغتيال بنازير ليس من اجل بوتو وحدها بل من اجل الانسانية ومحاربة الفكر الارهابي السلفي المنكفي الذي تشير اليه اصابع الاتهام في ارتكاب العنف .. من اجل هذا انفعل الكثيرون من محبي الحرية والديمقراطية والسلام وسينفعلون غدا من اجل اخرون لان المعركة بين الخير والشر لا تزال قائمة ..
اذا كان كل العالم ينفعل معنا في همومنا وقضايانا فهل نحن قوم متحجرون لا ينفعلون بقضايا الاخرين ؟؟؟؟؟؟؟؟؟؟؟؟؟
يا اخي من باب رد الجميل بس ما من حق الاخرين ان ننفعل معهم ؟؟
وهل الحزن على بوتو هذه المراة العظيمة المحبة للديمقراطية العاشقة للانسانية المحاربة للشمولية والعسكرية يعني عدم الاهتمام ولا التفاعل مع قضايانا الداخلية ؟؟
يا سيدي هل نعيش نحن في عالم اخر غير هذا العالم ؟؟
من قال لك ان حزب الامة او رئيسه او امام الانصار لا يتفاعل ولم يتفاعل مع قضايا وهموم شعبه ؟؟ هي المسالة مزاج فقط ؟؟ لكاتب سكت دهرا ونطق كفرا ؟؟
متى تكون لدينا مسئولية تجاه ما نكتب ؟؟
يجب ان نحترم انفسنا لكي يحترمنا الاخرون يا حبيب
|
Post: #15
Title: Re: يالصادق المهدى نحن الفينا مكفينا !!!!!!!
Author: waw
Date: 12-30-2007, 11:51 AM
Parent: #14
الواجب علي كل عاشق للحرية والحكم الرشيد ان يحزن لاغتيال بنازير بوتو.....فقد
عملت علي استعادة الاحتكام لرأي الشعب واختارت الطريق الاصعب لم تهادن العسكر ..
انظر حولك اكوام من الساسة الذين يلعقون حزاء السلطة....
اللهم ارحمها واغفر لها .........
|
Post: #16
Title: Re: يالصادق المهدى نحن الفينا مكفينا !!!!!!!
Author: معتصم مصطفي الجبلابي
Date: 12-30-2007, 04:00 PM
Parent: #15
لقد إمتلأت عيناي بالدمع وانا اطالع خبر إغتيال بناظير بوتو
ليس لبشاعة العملية فحسب بل لانه إغتيال لانسانةنزرت نفسها لشعبها
وللحرية وهذا ديدن هذه الاسرة التى قدمت اكثر من اربعة اشخاص قربانا
لقضيتهم ...التعاطف مع بوتو ليس لانها مسلمة اوغيره لكنها إنسانة
وهبت حياتها من اجل شعبها وهى للذين ينادون بمساوات المراءة بالرجل
تعتبر مشعلا يفتخر به
لقد ادان كل العالم حادثة إغتيال بناظير بوتو وكل الرؤساء في مقدمتهم
بوش فلماذا تصادرون هذا الحق من الصادق الذي تربطه علاقة ببوتو
ثم هل لم يتحدث الصادق عن انسان السودان وفقره ومشكلة دارفور وغيرها
من قضايا السودان المختلفة بل من هو اكثر حديثا عنها منه
ثم اخيرا المبلوعة اكثر تضامن الصادق مع بناظير والشعب الباكستانى
ام المطالبة بالتضامن والتطبيع مع إسرائيل التى تغتال الاطفال والنساء
والابرياء العزل.. مالكم كيف تحكمون
السؤال المطروح ليس موقف الصادق من مقتل بناظير فهو شخص حر فيما يقول
سوي كان من منطلق شخص او رئيس حزب او شخصية عامة السؤال انتم موقفكم شنو
هل تؤيدون مثل هذه الافعال
ثم آخرا من القال لكم ان نشاط الحزب ينصر في جغرافية وجوده
مع ودى
|
Post: #18
Title: Re: يالصادق المهدى نحن الفينا مكفينا !!!!!!!
Author: Abdelrahman Elegeil
Date: 12-30-2007, 04:12 PM
Parent: #17
| Quote: تحديدا في حالة تناقضات تراجي مصطفى بل احسست بان تراجي تشارك من اجل المشاركة فقط لا من اجل مبادي بعينها ونهج بعينه |
الحبيب العمدة لو عايز تظهر البس اصفر
لكن في المنبر دا ما عليك الا تتعلق بجلابية الصادق المهدي
|
Post: #19
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-30-2007, 08:00 PM
Parent: #18
فوق
السنجك
|
Post: #20
Title: Re: يالصادق المهدى نحن الفينا مكفينا !!!!!!!
Author: محمد حسن العمدة
Date: 12-30-2007, 08:00 PM
Parent: #18
Quote:
الحبيب العمدة لو عايز تظهر البس اصفر |
الحبيب العجيل
سلام
والله الا كده يا حبيب
تعرف .. بالامس عند اعلان اغتيال بنظير بوتو وتدفق البوستات من عشاق الديمقراطية والحرية وحزنهم على فقدان هذه المراة العظيمة وجدت تراجي من ضمن المفجوعين المنادين بتعرية وتصفية منسوبي الهوس الديني وهزيمتهم لم اندهش لان هذا هو الموقف المطلوب
تفاجاة اليوم تماما وانا اراها تركب موجة ( السنجك ) الغير مسئولة والمستنكرة لتنعية الامام المهدي لموت بنيظير بوتو !! ده موش شي يجنن يا حبيب ؟؟
وحق للحبيب وراق ان يكتب مع إطلالة العام الجديد.. عقلنة الخطاب المعارض بالمنبر
|
Post: #21
Title: Re: يالصادق المهدى نحن الفينا مكفينا !!!!!!!
Author: Abdel Aati
Date: 12-31-2007, 02:10 AM
Parent: #20
لا والله انصار الصادق شايفهم متفسحين هنا ..
يا السنجك الصادق لمن عمل مشكلتو مع المحجوب عشان يسلموه رئاسة الوزارة والناس قالوا ليهو انتظر 3 شهور؛ قال ليهم ما بنتظر .. في 3 شهور بحل مشاكل السودن؛ وفي 3 شهور البعدا بحل مشااكل افريقيا؛ وفقي 3 لشهور البعدا بحل مشاكل العالم ..
طبعا حتى اليوم ما حلا اي مشكلة؛ خليهو يمشي يحل عننا وان شاء الله يحل مشكلة باكستان
مع التعزية للشعب الباكستاني في هذا الفقد.
|
Post: #22
Title: Re: يالصادق المهدى نحن الفينا مكفينا !!!!!!!
Author: السنجك
Date: 12-31-2007, 05:17 AM
Parent: #21
ياعبد العاطى ياخوى
الصادق المهدى قدر يحل مشاكل بيت المهدى لحدى مايحل مشاكل العالم ؟؟
اسع ولاول مره فى امامين الامام احمد المهدى والامام الصادق !!!
وهناك اكثر من ثلاثه احزاب حزب امه وكل حزب فيه واحد من ناس المهدى !!!!!
فاليركز الصادق فى حل خلافات حوش المهدى اولا ثم يتجه لحل خلافات حزب الامه ثانيا
اما التنبؤ بمقتل بناذير وتحذيرها ..والحوار بين الاديان دا ماعارف اسميه شنو؟؟؟؟
السنجك
|
Post: #23
Title: Re: يالصادق المهدى نحن الفينا مكفينا !!!!!!!
Author: السنجك
Date: 01-01-2008, 07:26 AM
Parent: #22
فوق
السنجك
|
Post: #24
Title: ومن يجرؤ؟!
Author: lana mahdi
Date: 01-01-2008, 09:12 AM
Parent: #21
| Quote: لا والله انصار الصادق شايفهم متفسحين هنا .. |
ومن يمنعنا؟؟!!!!!!!!!!!!!!!!!
بتتكلم يا عادل و كأنو يوجد مخلوق يجرؤ على منعنا من إنو(نتفسح) هنا أو في أي مكان في المنبر بل في سائر الدنيا العريضة دي
حسة لو كترتا بقول ليك البلد بلدنا و نحنا سيادها
بعدين يا حبيب أنحنا أنصار الله و أحباب الإمام المهدي دة عشان إنتا سياسي و الآيدنتتي الغلط بتفرق معاك
كل سنة و أنت و السنجك بألف خير و عام مليء بالمشاكسات بإذن الله
|
Post: #25
Title: Re: ومن يجرؤ؟!
Author: معتصم مصطفي الجبلابي
Date: 01-01-2008, 09:29 AM
Parent: #24
الاخت لنا بدون وجوه ضاحكة البلد بلدنا
كان بالنضال وكان بي كترة العدد
فإذا كان كل 3 عملو ليهم حزب ويطلعو للناس في راسهم
امال نحن نعمل ايه نتفسح ذى ماعايزين وسحبة ساي مابنديها ليهم
مع تحياتى
|
Post: #26
Title: Re: ومن يجرؤ؟!
Author: نيازي مصطفى
Date: 01-01-2008, 10:10 AM
Parent: #25
من حق الامام الصادق ان يكتب وان يقول ما يريد
قالت تراجي منتقده لماذا لم يربي لنا بناته كبنازير ؟
الغريبة ان الصادق بناته تربن وسط الشعب ودرسن مع الشعب
وعندما نادى منادي اسمرا خرج معظم ابنائه وحملوا البندقيه
فما وجه المقارنه هنا ؟
للاسف البعض يستخدم هذا المنبر للاستقطاب والبعض يستخدمه للظهور
والبعض يسئ للمعارضة اكثر من ان يفيدهاان كان بالاراء المثيرة للجدل
او بالاراء المتقلبة والمتناغضة. عليه اللعنة النضال ان
كان بهذه الطريقة. ارحمونا بقى.
نعم يا حبيب افضل خطاب لمحاورة هولاء خطاب البلد بلدنا ونحن اسيادها
وتبني خطاب
الا لا يجهلن احد علينا فنجهل فوق جهل الجاهلينا
والله اكبر ولله الحمد
-------------
|
Post: #27
Title: Re: يالصادق المهدى نحن الفينا مكفينا !!!!!!!
Author: مهدى الصادق السيد
Date: 01-01-2008, 11:27 AM
Parent: #1
هناك فرق بين النقد والاستهداف
فى ناس فى الدنيا دى بيكهروا الناس لله فلله
انتوا السناجكه ديل زمان كان عندهم شنو مع المستعمر ومن بعد عداوتهم اصبحت مستمرة لجميع الانصار وال المهدى تحديدا .......
الشغلة ما السودان ولا الجبهة ولا المؤتمر الوطنى الشغلة متجزرة ليس الا ............
يا ودالعمده وياوراق وبقية الاخوان ما تتعبوا روحكم فى الفاضى دبل فى الفيها .....
تخريمة
ياتراجى يجب ان يكون ردك الا يخرج من صلب الموضوع ومافى داعى للخروج عن النص قال مناضلين من وين كندا والله نضال اخر زمن
|
Post: #29
Title: Re: يالصادق المهدى نحن الفينا مكفينا !!!!!!!
Author: Abdelrahman Elegeil
Date: 01-01-2008, 03:22 PM
Parent: #28
| Quote: لا والله انصار الصادق شايفهم متفسحين هنا .. |
الاخ عادل ما شاء الله تبارك الله انت سويت لك انصار ينصروا لك بالحق وبالباطل مبارينك من بوست لبوست والذي يرشك باللبن يرشوه بالدم
نعم انا انصاري الصادق
والذي ياكله الاسد اخير من الذي تاكله الضبعة
|
|