Post: #1
Title: درفونه
Author: حامد بخيت الشريف
Date: 12-29-2007, 09:11 AM
درفونه:
حامد بخيت/ مارس 1990
(وددت أن ابدأ بالقديم اولاً)
درفونه يابت النويري شدني شوق اليك وهزني
في البعد تطريب البنية بالحسيس
تلك التي غزلت مشاعرها وتربلت الضفائر
ثم احسنت الغناء :
( الجارة عراقي بي زراره ... غرينيق انا سائله من دياره
الدنيا دي خاينه ماله فريع البان الشايل النواره )
اسمعنها يا صاحبي صدئت أذاني من سماع الراديو والنغم الحزين
هي حتحتت فينا الصبر واهدتنا في الغربة الثبات
اسمعنها يا صاحبي إذ ما يحرضني على عشق القرنفل أغنيات كنت انشدها بناصية الدليب .
ويعتريني العشق اذ كل البنات عنادل . وأنا تمام الشوق (للتويا )
(السمحة يا عسل الشقوق طاريها ... شديرة المنقة البشيل الجوز واسقيها
عيونها كهارب الخرتوم منو البطفيها ... كضب ابوريا كان حاكي الجمال الفيها)
قسماً بهذا الحسن أعتزم الرجوع .
واذا المطايا يحتملن مواجعي وبقية مما تناثر في دمي ، غنيت:
يابس باسرب جلدي ومهشم عضمي
متطرقع نعالي وديمه يابس خشمي
في بت الفريق دايماً مكمّل نضمي
يا بت البنادر ياخي روقي انجمي .
|
Post: #2
Title: Re: درفونه
Author: حامد بخيت الشريف
Date: 12-30-2007, 07:26 AM
Parent: #1
من امعواني بت حسين:
(الرهد البقوقي دباسه ....
عاجبني جميع قمريه وبلومه وناسه ...
الزول البعيدة اكتافة من خرّاسه ....
خلاني مجنوناً مطقع كاسه )
|
Post: #3
Title: Re: درفونه
Author: Hatim Yousif
Date: 12-30-2007, 07:38 AM
Parent: #2
ود الشريف .... مراحب ... وكل سنة وأنت طيب
تعرف أنا زول كيشة في نوعية الكلام ده ...
بس الكلام التحت ده عجبني جداً ...
Quote: الرهد البقوقي دباسه ....
عاجبني جميع قمريه وبلومه وناسه ...
الزول البعيدة اكتافة من خرّاسه ....
خلاني مجنوناً مطقع كاسه |
-
|
|