دعـوة لقيام "كـوم" جـديـد فى المنبــر !

حتى الأن هناك عـدة أكوام، بينهـا co-relations ، مثل "ظلاميين ومستنيرين" جلابة وهامش
حكومة ومعارضة، عرب وزرقـة، إسلاميين وعلمانيين، مؤتمر وحركـة، هلال مريخ، (وهلم جـرا).

ومعظـم هـذه الكيمان عندهـا نفس البرامج.. وفى ذات الوقت، فهناك مجال منسى تماما.
هـو مجال التنميـة الإقتصاديـة والبيئيـة والصحيـة.. فلماذا لا نقيم كومـا جديدا فى
المنبـر، يدعو ويعمل من أجل تخطيط و تنفيـذ برامج عمليـة فى مجال التنميـة
الإقتصاديـة والصناعيـة والتجاريـة، والقيام بدراسات فى مجال حمايـة البيئـة والمجتمع.
كوم يبدأ فى هـذا المنبـر بالنقاش الجاد لبلورة الأراء، ثم يخلص نجيـا لإختيار
مشـاريـع محددة وعمليـة قابلة للتطبيق.

ما رأيكم دام فضلكم؟


ملحوظـة:
تم تعديل النص الأصلى لتوضيح غرض البوست، وكذلك حذفت بعـد العبارات التى جاءت
عفـوا ولم تكن ذات أهميـة.

يا ريش
رفعتو ليك
ليس بغرض التكويم
لكن درجت على زيارة الصفحات الخلفية
خاصة الصفحة رقم 9 وماعارف ليه
قد تكون بسبب البوكر
وبعمل فوق للبوستات التي لم تجد حظها في التناول والتداول

أبو سـاندرا،

ياخى أنا هسى من دقايق بس، ضربت ليك فى النمرتين.

القلوب شواهد
اضرب تاني

خمسميـة وخمسين واللا تمنمية وتمانين؟

ابو الريش سلامات

سجلني معاكم في الكوم دا

وأنا كمان..

سلامات أبو الريش وأبو ساندرا وعادل..

الاخ الفاضل

ابوريش

السلام عليكم

ارجو تسجيلى فى هذا الكوم

انتصار

بس لقيتو ... ده الكوووم البفتش ليهو زمن ..
احمدك واشكرك يارب ..

وشكرا لأبو الريش مفترع الكوم
وكل سنة وانت طيب


معاكم معكم

عادل عبد العاطى
رجاء عبد الحميـد العباسى
إنتصار محمـد صالح بشيــر
محمـد الجزولى
محمد عثمان سليمان



نعـم البدرو،

غايتو لو فيها ارباح 25 في الميه سجلونا

Quote: غايتو لو فيها ارباح 25 في الميه سجلونا

دومـة،
عيـد مبارك وكل عام وأنتم بخيـر..
انا جيت بكين مرتين فى غيابكم.. المرة الأولى سجلت بلاغ بالوصول، والتانية
كنت مزحوم جدا ورجعت تانى يوم.
ضربتو الخروف ورجعتـو موش كدا؟ غايتو الخرفان دى يوم تطالب بمساواتهـا مع
الخنازير فى السـودان، وتطبيق الشريعـة على الكل! أصلهـا اكتشفت أنها حقوقهـا
مهضومـة والخنازير تسرح وتمرح..
يا جماعـة دى ما "مزرعة الحيوانات" كلام مباشـر وبسيـط فقط لا يحتمل التأويل.

Quote: يا جماعـة دى ما "مزرعة الحيوانات" كلام مباشـر وبسيـط فقط لا يحتمل التأويل.

هههههههههههههههها
ابو الريش طبعا انت عارف اختك تأويل انيمل فارم دا بقع ليها في جرح .
ليها يوم الخنازير (وش معفرت من الحنق عليها )


تخريمه ( حقوق الملكيه الفكريه محفوط لرجاء العباسي )
ابدا ما عيدت هناك رجعت يوم 15 بكين اصلوا انا بؤمن انه لو اي زول دفع حق ضحيته لانقاذ حياه احد الضحايا البشريه بيكون افضل من تخمه اكل اللحوم وشراب الشربوت .

معاكم

Quote: Author: Abureesh مجال التنميـة الإقتصاديـة والبيئيـة والصحيـة.. فلماذا لا نقيم كومـا جديدا فى المنبـر، يدعو ويعمل من أجل تخطيط و تنفيـذ برامج عمليـة فى مجال التنميـة الإقتصاديـة والصناعيـة والتجاريـة، والقيام بدراسات فى مجال حمايـة البيئـة والمجتمع. كوم يبدأ فى هـذا المنبـر بالنقاش الجاد لبلورة الأراء، ثم يخلص نجيـا لإختيار مشـاريـع محددة وعمليـة قابلة للتطبيق.

اضف اليه مجال تقنية المعلومات ...
بيتخيلي الكوم دا البيفيد البلد وبيفيدنا كلنا ...
ونتفك من مضيعة وقتنا في الكلام الفاضي البنعمل فيه دا ...
تعرف أخي ابوريش أخوي الصغير بيدرس بجامعة بالسودان قال استفادو جدااا من بوست كان مرفوع هنابالبورد بيشرح على ما اظن لغة من لغات الكمبيوتر ..
انا قصدي نعمل حاجة بتفيد واكييد كتيرين بيتابعونا ...
رأي انا نكون عمليين أخي ابوريش ...
ويتفتح بوست للدراسات البيئية،اقتصادية ،تقنية المعلومات ....الخ ...
ونقدم دراسات لتنمية البلد ...
وفي رأي يعتبر هذا نقلة نوعية كبيرة جدااا ...
وممكن نستعين بخبراء سودانيين منتشرين في مختلف بقاع الارض ...
قبل فترة تم تكريم دكتور سوداني في مجال الجودة بابوظبي وكتبت عنه جريدة الخليج كاول عربي يأخذ شهادة عالمية في الجودة ....وسبحان الله البلد بعيدة عن الاستفادة من هم مثله..
سلام وتقبل تحياتي مرة أخرى ...

Quote: ابو الريش سلامات سجلني معاكم في الكوم دا

سلامات يا ابو الريش
بما ان الكيمان الذكرتها في الاول كلها اثنين اتنين
يعني الكوم و الكوم المضاد ليه ("ظلاميين ومستنيرين" جلابة وهامش
حكومة ومعارضة، الخ)
فانا سجلني عندك في الكوم المعارض لكومك ده
عشان الحكايه تسخن والعجاج يقوم و الكيمان تكبر
والنتجه حتما ستكون مواضيع و نقاشات مفيده
اه لقيت اقتراحي ده كيف؟

ابو الريش
صباح الخير

Quote: سلامات يا ابو الريش بما ان الكيمان الذكرتها في الاول كلها اثنين اتنين يعني الكوم و الكوم المضاد ليه ("ظلاميين ومستنيرين" جلابة وهامش حكومة ومعارضة، الخ) فانا سجلني عندك في الكوم المعارض لكومك ده عشان الحكايه تسخن والعجاج يقوم و الكيمان تكبر والنتجه حتما ستكون مواضيع و نقاشات مفيده اه لقيت اقتراحي ده كيف؟

طبعا كلكم راع وكلكم مسئول عن رعيته....فعليك الله..... وبما انوا المهندس عمر بوب ده راعينا...فارجو انك تحشرني معاه في الكوم بتاعة ....ومحل مايودينا ....يودينا.
صباحك ابيض
هارون دياب

استاذ ابو الريش سلام
والله هي الفكرة جميلة ، لكن لدي عدة اسئلة هل الكيمان اللي انت ذكرتها كانت في دعوة اصلا لتكوينها ، وهل كل الكيمان السابقة تخلو تماما من مضمون التنمية بكل ابعادها التي ذكرتها؟ في اعتقادي ان غالبية الكيمان السياسية والأيدولوجية وحتى الرياضية تحمل في مضمونها ما ذكرته هنا ولكن كل بطريقته. الكلام هذا سيقودنا استنتاج بمعنى اذا نجح مثل هذا الكوم فانه مؤشر جيد لتجمع اعضاء المنبر حول اهداف مشتركة رغم خلافاتهم فاكيد دي حيكون بداية الحد الادنى من الاجندة التي يمكن ان تلتف حولها كل الكيانات السياسية والايدولوجية شكرا ليك لهذه البادرة ونحاول نكون موجودين بايجابية حسب امكاناتنا المتواضعة.
صفية

Quote: استاذ ابو الريش سلام والله هي الفكرة جميلة ، لكن لدي عدة اسئلة هل الكيمان اللي انت ذكرتها كانت في دعوة اصلا لتكوينها ، وهل كل الكيمان السابقة تخلو تماما من مضمون التنمية بكل ابعادها التي ذكرتها؟ في اعتقادي ان غالبية الكيمان السياسية والأيدولوجية وحتى الرياضية تحمل في مضمونها ما ذكرته هنا ولكن كل بطريقته. الكلام هذا سيقودنا استنتاج بمعنى اذا نجح مثل هذا الكوم فانه مؤشر جيد لتجمع اعضاء المنبر حول اهداف مشتركة رغم خلافاتهم فاكيد دي حيكون بداية الحد الادنى من الاجندة التي يمكن ان تلتف حولها كل الكيانات السياسية والايدولوجية شكرا ليك لهذه البادرة ونحاول نكون موجودين بايجابية حسب امكاناتنا المتواضعة. صفية

التحية والتقدير ابو الريش
سجلني معاكم
التحية والتقدير Safia Mohamed

اثنى

من افيد ما قرأت في المنابر السودانيه ما كتبه بروفسير ود البلد واخرون في مجال التنميه البيئه والسياسه كمان . كانت حلقات كثيره جدا في سودان نت واعتقد هنا ايضا واخيرا انزوي بروفسير ود البلد ولم نعد نسمع عنه شيئا .

الأخ ابو ريش .. معاك و بنبصم بالعشرة.

الأخ أبوالريش تحياتى : مع أكيد تقديرى لوجهة نظرك وحماس المتداخلين إلا أننا كنا نريد المنبر ان يكون وطنا يسمو فوق مثل هذه الثنائيات و ( الكيمان ) والإستقطاب والإستقطاب المضاد . يطرح القضايا التى أقترحت أنت طرحها مثل ما يطرح من قضايا متنوعة متشعبة غيرها . إن مثل هذا النوع من الطرح ربما يكرس ثقافة التشطير والتشرذم بين أبناء الوطن الواحد وإنعكاس ذالك على مجمل الوطن ذاته .نحاول أن يكون طرحنا موضوعيا وقوميا قدر إستطاعتنا، بمثل هكذا طرح نستطيع أن نسو بما نكتب إلى الحد الذى يغمر مثل هذه الثنائيات و(الكيمان)حتى تتحول الى جفاء من الزبد يذهب ويبقى ماينفع الناس . ولك الود الذى لا يفسده إختلاف الرأى