Post: #1
Title: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-27-2007, 03:28 PM
شذى باكورتى..زعلت من قصيدة كتبت فى بنت هندسة...وهى ثالثة حياة برية وعلوم أسماك..
بيطرة جامعة السودان.....
معليش وما بالأيد..أقدارنا قاسية شديد
حكمت عليك مظلوم محكوم عليك تأبيد
بالذمة ياقاضي ...اعدل وقول الحق .. أيه ذنبو لو بيحب وبالقسمة راضي سعيد؟؟
حكمت عليهو ظروف يلاقي ست الناس....رقة وجمال وأدب .... ضحكتها فرحة عيد
تدرس علوم اسماك في ثالثة برية
لا طب ولا انتاج.... برية بالتحديد
فايتة الجمال درجات .. زي نجمة فوق الكون.. للناس مداها بعيد
صاحبنا الزمن خانو.. لمن حبيبتو قست ..
حبت تشوف غيرو...زي نوع من التجديد
قالت ليه: من فضلك... لا طب ولا انتاج
ولا حتى تبقى معيد
احلامي لسه كتيييييييير.... في كل يوم بتزيد
وانت البديتو زمان.. انساهو من اليوم
وابداهو عمر جديد
وشوف قرايتك وين... وابعد خطاك بعيد
يمكن تكون ناجح... بدل ما كل مرة تعيد
صاحبنا جد احتار... في قسوة الأقدار
أدّاها كل الريد... وحكمت عليه تأبيد
***********
في الجلسة آخر يوم.. القاضي قال الحق :
برية أحلى قسم وبناتها احلى بنات
في الذوق فاتو الحد ..وفي الحشمة محتشمات
والرقة رقة ورد ..وفي الجوهر ...احلى صفات
*************
صاحبنا القبيل موجود ....سامع الكلام كلو
برية شافها حلم وبناتها اجمل تاج
دعيت المولى يحفظنا..... ولي غيرو مانحتاج
ويحفظ لينا برية.. .
بلا طب .....بلا انتاج
شـــذى اسماعيل
|
Post: #2
Title: Re: يا شعراء المنبر أدونى رايكم..يا أخليها توديها القمامة..
Author: fadlabi
Date: 12-27-2007, 04:13 PM
Parent: #1
جميلة و دمها خفيف
بس عشان الميزان يستقيم تمام التمام هاك تعديلاتي الطفيفة دي ي
و ربنا يخلي ليك الأمورة و يحفظها
معليش وما بالأيد..أقدارنا قاسية شديد
حكمت عليك مظلوم محكوم عليك تأبيد
بالذمة ياقاضي ...اعدل وقول الحق .. أيه ذنبو لو بيحب وبالقسمة راضي سعيد؟؟
حكمت عليهو ظروف يلاقي ست الناس....رقة وجمال وأدب .... و الضحكة فرحة عيد
تدرس علوم اسماك في ثالثة برية
لا طب ولا انتاج.... برية بالتحديد
فايتة الجمال درجات .. زي نجمة فوق الكون.. للناس مداها بعيد
زولنا الزمن خانو.. لمن حبيبتو قست ..
حبت تشوف غيرو...زي نوع من التجديد
قالت ليه: من فضلك... لا طب ولا انتاج
ولا حتى تبقى معيد
احلامي لسه كتيييييييير.... في كل يوم بتزيد
وانت البديتو زمان.. انساهو من اليوم
وابداهو عمر جديد
وشوف قرايتك وين... وابعد خطاك بعيد
يمكن تكون ناجح...و ما كل مرة تعيد
صاحبنا جد احتار... في قسوة الأقدار
أدّاها كل الريد... وحكمت عليه تأبيد
***********
في الجلسة آخر يوم.. القاضي قال الحق :
برية أحلى قسم وبناتها احلى بنات
في الذوق فاتو الحد ..وفي الحشمة محتشمات
والرقة رقة ورد ..وفي الجوهر ...احلى صفات
*************
زولنا القبيل موجود ....سامع الكلام كلو
برية شافها حلم وبناتها اجمل تاج
..المولى يحفظنا..... ولي غيرو مانحتاج
و يخلي برية.. .
بلا طب .....بلا انتاج
|
Post: #3
Title: Re: يا شعراء المنبر أدونى رايكم..يا أخليها توديها القمامة..
Author: Muna Khugali
Date: 12-27-2007, 05:23 PM
Parent: #2
ازيك يا اسماعيل..كل سنه وانت طيب..
وين انت مطول من البورد؟؟
ده سلام بس..لأني مابعرف في الشعر..
|
Post: #4
Title: Re: يا شعراء المنبر أدونى رايكم..يا أخليها توديها القمامة..
Author: هاشم أحمد خلف الله
Date: 12-28-2007, 09:04 AM
Parent: #3
يا سمعة كل سنة وانت طيب وكل الأهل
ابن الوز عوام ومبروك لبنتنا شذي هذا الإنتاج
انا شخصياً اجيز هذا النص والتعديل بعدين لو
اصلو كان في تعديل يستاهل .
تحياتي عبرك للشاعرة شذي ونطالب لها بعضوية .
|
Post: #5
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-28-2007, 01:43 PM
Parent: #4
السلام عليكم الاخت منى
انا بخير والايام دي معيد في السودان وقبل شوية كنت مع محمد عكاشة وببلغك السلام والاهل بخير تحياتي لك وللأسرة وتقبلي تحيات شذى
اسماعيل محمد احمد عباس
|
Post: #9
Title: Re: يا شعراء المنبر أدونى رايكم..يا أخليها توديها القمامة..
Author: Mahmoud Mustafa Mahmoud
Date: 12-28-2007, 03:33 PM
Parent: #2
أستاذ إسماعيل وشذوية بتنا والجميع
كل عام وأنتم بخير...
وشوف قرايتك وين... وابعد خطاك بعيد
يمكن تكون ناجح... موش كل مرة تعيد
أو بتعديل أستاذ فاضلابي بس بدون الواو الحمراء...برضو بتكون موزونة..
تحياتي والله أعلم
|
Post: #11
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-29-2007, 12:56 PM
Parent: #9
وشوف قرايتك وين... وابعد خطاك بعيد
يمكن تكون ناجح... موش كل مرة تعيد
ألأخ/محمود مصطفى
كل عام وأنت وألأسرة بخير........
كلامك وكلام أستاذ/فاضلابى..على العين والراس..........
شكرآ للمداخلة العطرة..
أسماعيل محمد أحمد عباس........
|
Post: #6
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-28-2007, 01:48 PM
Parent: #1
الأخ هاشم ///الشاعر
كل سنة وانت طيب وتحياتنا للأسرة والاهل هنا بخير
محمد عكاشة يبلغك السلام وشكرا للاشادة
اتبنى موضوع طلب العضوية لشذى
لك الود وتقبل تحيات الاسرة جميعا.وخاصة شذى
وتحياتي لعادل جبارة وعبدالله داش
خالص مودتي
اسماعيل محمد احمد عباس
|
Post: #7
Title: Re: يا شعراء المنبر أدونى رايكم..يا أخليها توديها القمامة..
Author: تماضر الخنساء حمزه
Date: 12-28-2007, 02:16 PM
Parent: #1
يعني إلا الشعراء؟؟
المتذوقين بقولوا ليك معبِّرة وفيها روح النكتة
شذوية دي شكلها بنوتة دمها خفيف
عاوزة أصاحبها أنا
|
Post: #8
Title: Re: يا شعراء المنبر أدونى رايكم..يا أخليها توديها القمامة..
Author: هاشم أحمد خلف الله
Date: 12-28-2007, 03:29 PM
Parent: #7
يا سمعة خروف العيد إشتريتو من وين ؟؟؟
قالوا جهة ..... رخيص إنشاء الله مشيت
كل سنة والجميع بخير , علي فكرة ما حضرت زواج
اولاد الطيب شيقوق ؟؟؟
|
Post: #10
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-29-2007, 12:50 PM
Parent: #8
العزيز/هاشم
أشتريتو من نفس المكان الوصفتو لى............
عبر ألأثير حضرت زواج أولاد الطيب شيقوق..وربنا يسعدهم..
مودتى..وتحياتى الخاصة لأمورتناشذى الصغيرة ولكل أفراد ألأسرة..
أسماعيل محمد أحمد عباس......
|
Post: #12
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 12-29-2007, 01:00 PM
Parent: #7
ألأخت/تماضر..
شكرآ على الطلة البهية..كيف حال ألأسرة.وكل عام وأنتى والجميع بخير وعافية.
شذوية دي شكلها بنوتة دمها خفيف
عاوزة أصاحبها أنا .............................خلاص ياستى هى ذاته مبسوطة لمعرفتك.
ونزداد شرف.........
أسماعيل محمد احمد عباس........
|
Post: #13
Title: Re: يا شعراء المنبر أدونى رايكم..يا أخليها توديها القمامة..
Author: د.محمد حسن
Date: 12-29-2007, 01:01 PM
Parent: #1
سمعة
اولا مشتاقين
تانيا كل سنة انت والاسرة بالف خير
تالتا : تتكسروا انتو ويكتبوا الشعر بناتكم
قصيدة دمها خفيف شديد
وما شبه القمايم
-
|
Post: #14
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 01-08-2008, 04:59 PM
Parent: #1
د/محمد حسن
يا لجمال الطلة البهية.......
سمعة
اولا مشتاقين
تانيا كل سنة انت والاسرة بالف خير
تالتا : تتكسروا انتو ويكتبوا الشعر بناتكم
قصيدة دمها خفيف شديد
وما شبه القمايم
ده كلامك الفوق يا د/محمد حسن......شكرآ على ألأطراء......ولما نحن نتكسر لازم واحد مننا يكتب..
يا بكاى..
مودتى.......إسماعيل محمد احمد عباس........
|
Post: #15
Title: Re: يا شعراء المنبر أدونى رايكم..يا أخليها توديها القمامة..
Author: هاشم أحمد خلف الله
Date: 01-08-2008, 05:18 PM
Parent: #14
حمداً لله علي سلامة الوصول يا سمعة
|
Post: #16
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 01-08-2008, 06:53 PM
Parent: #1
شكرآ ليك يا هاشم...
مودتى...............
إسماعيل محمد أحمد عباس...........
|
Post: #17
Title: Re: يا شعراء المنبر أدونى رايكم..يا أخليها توديها القمامة..
Author: البشير دفع الله
Date: 01-10-2008, 10:53 AM
Parent: #1
Quote: صاحبنا جد احتار... في قسوة الأقدار
أدّاها كل الريد... وحكمت عليه تأبيد |
رائع يا ابو الزهور
ابنتنا شذى
تبشر بمستقبل واعد
وليس بغريب
الشبل من ذاك الأسد
التحية والتقدير لدكتورة شذى و للأسرة الكريمة
|
Post: #18
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 01-10-2008, 12:04 PM
Parent: #1
البشير
إنت الرائع..وشكرآ على التشجيع.......
إسماعيل محمد احمد عباس......
|
Post: #19
Title: Re: يا شعراء المنبر أدونى رايكم..يا أخليها توديها القمامة..
Author: ابوبكر يوسف إبراهيم
Date: 01-10-2008, 02:38 PM
Parent: #18
أخي الحبيب اسماعيل
سلام عليك وعلى البرعمة الشذية وعلى روحيكما الطيبتين.. حتى عتاب برعمتك فيه الرقة والذوق فلا عابت ولا نابت ..قلبها بكر غض .. دعها تبحث عن الزهور الفواحة لترتشف من عبيرها.. دعها تسكب مشاعرها شعراً ربما تزيل به الران الذي إعتلى قلوب أعداء النور والتنوير والإبداع .. متعك الله بشذاها ومتعها بك روض تتنقل بين زهوره.. دمت ودامت
|
Post: #20
Title: Re: يا شعراء المنبر أدونى رايكم..يا أخليها توديها القمامة..
Author: ismeil abbas
Date: 01-10-2008, 03:21 PM
Parent: #1
د/أبوبكر
عطرت البوست عطر الله أيامك بالمسك والعنبر......
سوف تفرح شذى بهذا الكلام الطيب المشجع من عمها الرجل الطيب صاحب القلب الطيب....
متعك الله بالصحة والعافية........
دمت شمعة مضيئة لنا بأذن الله.....
إسماعيل محمد احمد عباس........
|
|