Post: #1
Title: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 02:49 PM
Parent: #0
إلى زعيم الأمة الخالد إسماعيل الأزهري
التحية والتجلة لك ولكل الخالدين معك في الصفحة الوطنية والتهنئة في عيد الفداء عيد الإستقلال المجيد.
|
Post: #2
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 02:50 PM
Parent: #1
(1)
زعيم الأمة ألف ســلام
أبو الوطنية ألف ســلام
مرســل ليك بطاقة عيد
وجيلك كلو دون تحديــد
والحرية عيدها مجيـــد
ترفرف في السماء الأعلام
كفاحنا الليلة عيدو سـعيد
جهادك وكل رمز شهيــد
وتاريخنا القديم وجديــد
والذكرى المدى الأيــام
|
Post: #3
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 02:54 PM
Parent: #2
(2)
أبو الحرية ألف ســلام
وعندي رسالة ليك وكلام
رســالة روح وماها بريد
ودم شــرياني ماها وريد
ومعذور لو كلامها شــديد
موضوع شكوى ما إستسلام
ولو جـيت والزمن حيعـيد
كنت تلاقي مليون ســـيد
وبلدك ماشــي بي التهديد
وكلو ســجون وكلوا ظلام
تشـوف حكامنا زيد وعبيد
وكل حرامي مقطــوع أيد
ونوعاً ما بتعــرفو أكـيد
ووشــو أقبح من الإعدام
حفنة وفوق دماغها عميـد
تبهدل فينــا زي ما تريد
وكـل يوماً تزيد تشــديد
ولمو لنا (اليمن والشــام)
|
Post: #4
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:00 PM
Parent: #3
تلقى الناس بقت أقســـام
وبعدك طيرنــا هبهب قام
والأحزاب أصــابها فتور
والإثنيــــة لعبت دورد
والعســــكر ورانا تدور
وما ودونا لي قـــــدام
وخلونا العرب والفـــور
والأنواك مهاجمــة الجور
وشـمالنا وشــرقنا قبور
وباعوا لنا الحقيقة أوهــام
|
Post: #5
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:02 PM
Parent: #4
كل زول جُوّا زول محسور
وخاطر الناس صبح مكسور
والنيل كلو موت وجسـور
وكل حلال علينا حــرام
تلقى الناس حسابها كسـور
وكل إنسان صبح مأسـور
وبقى سودانا أكبر ســور
والناس جُوّا كالأيتـــام
|
Post: #6
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:04 PM
Parent: #5
وشوف حكمونا (أولاد سام)
وســـوا لنا النظام العام
حكم أب لحيــة والدلدول
وورونا البدع والهـــول
وشــفنا الأصلو ما معقول
وتوب الدين كسـى الإجرام
بإسـم الدين تصول وتجول
تلم زكواتنا قبل الحـــول
وتصغر والأماني تطــول
وتبني قصورها بي الأزلام
شــوف بلدك صبح مغلول
والجوع يعوي زي الغـول
ومليون أمنجي وبهلـــول
وطالت بي وراك أقــزام!!
|
Post: #7
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:06 PM
Parent: #6
ناس بي تنز من البــترول
وناس ممنوعة من القــول
والفقران صــبح مو زول
وماتت في الرؤى الأحـلام
|
Post: #8
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:08 PM
Parent: #7
(5)
ولو تحكي لك الأرقـــام
وكيف جربوعنا بقي أهرام
وكيف بلدك بقت منهـوبة
وكيف عسكرنا خربوا سوبا
ناس لا دايرة تخفي عيوبها
ولا همــاها رأياً عــام
وأهي الأيــام بقت مغلوبة
وأهو الإنسان صبح أعجوبة
وعابش كيف دي ما محسوبة
ومن يومو الرقد ما قـــام
بلدك يا الزعيم منكـــوبة
ناس وأزيارها في راكوبـة
وناس دخانها إنتاج (كوبـا)
وبي تأكّل كلابها حمـــام
ناس ضايعة وحقوق مسلوبة
وناس رايقة وملانة جيوبهـا
وأهي الحرية بقت أكـذوبة
ونهبوا الدنيا بي الإســلام!!
|
Post: #10
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:10 PM
Parent: #8
(6)
وأخيراً وفي رسـالتي ختام
شعبك لســـة عالي الهام
وصامدين برضو رغم الجوع
وعايشـــين في بلد مبيوع
وبرضنا ما لحســنا الكوع
ولا بننبـاع ولا بننســـام
ولسه لي مســـانا شموع
ولســـه في الكرم ينبوع
وصوتك لسه هو المسـموع
ما بنهـــتم لي اللمــلام
زراع لســه خير وضروع
وعمال لســه هادرة جموع
وطلاب خارجـة من الطوع
على الحريـة ما بتتـــلام
سـقط من أيدهم المشـروع
ويوم باكر من المدفـــوع
ونسمع بي المشــير مخلوع
وتســقط دولة الإعــلام!!
|
Post: #11
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:12 PM
Parent: #10
(7)
وألف تحية وألف ســـلام
من كل إتحــادي همــام
صامد لســـه زي ما كان
لا باع الوطــن لا خــان
وعاضي على القضـية بنان
وواعي ولا غفــل لا نـام
لا خـاف لا بيقولو جــبان
وزيك في القواســـي يبان
عـاقد عزمو والإيمـــان
يهد عســـكر على أصنام
ورايتك زاهيــة بي الألوان
ترفرف كـــل دور وأوان
وناديك بي العبق نشــوان
وما جفت وراك أقـــلام
وحزبك لســه هو العنوان
وحزبك لسه هو الســودان
ولي الحرية نحنا ضمــان
ومهمــا كانت الأحكــام
إبنك
بكري نعيم
1 / 1 / 2008
|
Post: #9
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: الجيلي التجاني جمعه
Date: 12-26-2007, 03:10 PM
Parent: #3
الاستاذة / نادية ...
كل سنة وانت بألف خير .. كل عام والشعب السوداني موفور الصحة والعافية .. مع الامنيات ان يكون قادم ايامه اجمل واحلى .. لشعبنا الابي في ذكرى الاستقلال والحرية وطن حدادي في السلام والديمقراطية والتنمية والسلام .. شعب محفوظ الكرامة والانسانية ..
ولأبوالوطنية الزعيم الخالد /اسماعيل الازهري .. اكاليل الورود والازاهير .. في ذكرى النصر والكرامة والاستقلال ..
وتعال يا ازهري شوف حالك بلدك واهلك ..
|
Post: #12
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 03:39 PM
Parent: #9
الجيلي التيجاني جمعة
| Quote: ولأبوالوطنية الزعيم الخالد /اسماعيل الازهري .. اكاليل الورود والازاهير .. في ذكرى النصر والكرامة والاستقلال |
وللوطن خالص الحب ..ولك الامنيات الطيبات جدا
|
Post: #13
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-26-2007, 09:25 PM
Parent: #12
اليوم نرفع رأية استقلالنا !!
|
Post: #14
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: اسعد الريفى
Date: 12-29-2007, 12:00 PM
Parent: #1
الاخت نادية
كل عام و انتى بخير
و الشكر لك و للاخ الصديق الشاعر بكرى النعيم ..
و له التحية حين يكتب بالنيابة عنا
لكم الود
|
Post: #17
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-29-2007, 02:00 PM
Parent: #14
الأخ أسعد الريفي
Quote: و الشكر لك و للاخ الصديق الشاعر بكرى النعيم ..
و له التحية حين يكتب بالنيابة عنا |
شكرا لك وللشاعر المطبوع الأخ بكري وهو متابع لكل مايكتب هنا ويقرأ كلماتك الطيبات عنه الأن ..
|
Post: #15
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: اسعد الريفى
Date: 12-29-2007, 12:14 PM
Parent: #1
الاخت نادية ..
فى ايام الاحتفال بالاستقلال
هذا الرجل .. بكرى النعيم .. وثق للحركة الوطنية بأشعاره ..منذ سنوات طويلة ..
و يملك فى ذاكرته و على اوراق المئات من القصائد التى كتبها .. بعض قادتنا الوطنيون ..
ليته يفرج عنها ..
|
Post: #16
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: gamal elsadig
Date: 12-29-2007, 12:59 PM
Parent: #15
.
الزعيم الخالد اسماعيل الازهري
ابتاه سلام وتحيه .....
ولك التحية نادية... وبمناسبة عيد الاستقلال كل عام وانت بخير
.
|
Post: #20
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-29-2007, 03:51 PM
Parent: #16
gamal elsadig
| Quote: ولك التحية نادية... وبمناسبة عيد الاستقلال كل عام وانت بخير |
ولك مثلها ملايين وكل لحظة والسودان بالف خير وسلامة يارب
|
Post: #19
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-29-2007, 03:12 PM
Parent: #15
Quote: فى ايام الاحتفال بالاستقلال
هذا الرجل .. بكرى النعيم .. وثق للحركة الوطنية بأشعاره ..منذ سنوات طويلة ..
و يملك فى ذاكرته و على اوراق المئات من القصائد التى كتبها .. بعض قادتنا الوطنيون ..
ليته يفرج عنها .. |
هو يقرأ حديثك هذا معي وان أعطاني هذه الأشعار نشرتها هنا في ذات هذه المساحة باذن الله ..
|
Post: #21
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: اسعد الريفى
Date: 12-29-2007, 07:02 PM
Parent: #19
الاخت نادية
و الاخ العزيز بكرى النعيم
فى انتظارك .. لتعطر لنا المساحات
و ما تبخل علينا يا بكرى و لو بتلفون !!
و شكرا يا نادية كثيرا على التواصل مع الحبيب بكرى ..
|
Post: #23
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-30-2007, 03:17 PM
Parent: #21
النبيل أسعد الريفي
| Quote: و ما تبخل علينا يا بكرى و لو بتلفون !! |
ان شاء الله يكون اتصل بيك يارب !!
|
Post: #25
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: اسعد الريفى
Date: 12-30-2007, 07:59 PM
Parent: #23
|
Post: #24
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-30-2007, 06:50 PM
Parent: #21
النبيل أسعد الريفي
| Quote: و ما تبخل علينا يا بكرى و لو بتلفون !! |
ان شاء الله يكون اتصل بيك يارب !!
|
Post: #18
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: kamal ali
Date: 12-29-2007, 02:24 PM
Parent: #1
يلدك يالزعيم منكـــوبه
ناس وازيارها فى راكوبه
وناس دخانها انتاج كوبا
وبتأكل كلابــا حمام
ناس ضائعه وحقوق مسلوبه
وناس رايقه وملانهاجيوبها
واهى الحريه بقت اكذوبه
ونهبوا الدنيا بالاســلام
روعة ودقه فى التوصيف يابكرى النعيم , ياخى وين انت ووين دواوينك ,
شكرا ناديه الفنانه المرهفه لاتاحتك الفرصه لنقرأ هذه القصيده البلسم ,
|
Post: #22
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادر الفضلى
Date: 12-29-2007, 10:01 PM
Parent: #18
الأعزاء
ناديه عثمان
بكرى النعيم
والمتداخلين والقراء
كل عام وأنتم بخير فى عيد الإستقلال
للزعيم الأزهرى التحايا والتقدير والإحترام
قاد بكل تجرد وبوعى النضال ضد المستعمر
كان نضالاُ وكفاحاً نبيلاً توجه برفع راية الحريه
رسالتنا للزعيم الأزهرى
نرجوا من الزعيم وهو صاحب الفكر والعقل الكبير
وصاحب القلب المسامح الكبير ..
أن يعفو ويغفر جحود شعب السودان
فالزعيم الذى قاد الأمة للإستقلال، ورافع العلم
مات معتقلاً فى السجن وهو شيخ فى السبعين
إنها جريمه قامت بها فئة قليلة مارقة عن آداب
وأعراف الشعب .. وكانت يد الشعب يومذاك مكتوفة
فالعفو .. العفو .. سنظل نذكرك يا زعيم ..
ونسأل الله أن ينعم عليك بالمغفرة والرحمة
وأن يسكنك الدرجات العلا من جنة الفردوس
مع النبيين والصديقيين والشهداء وحسن أولئك رفيقاً
ونساله تعالى أن يرحم إبن الزعيم .. محمد إسماعيل الأزهرى
|
Post: #28
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 01-01-2008, 08:18 PM
Parent: #22
نادر الفضلي
Quote: نرجوا من الزعيم وهو صاحب الفكر والعقل الكبير
وصاحب القلب المسامح الكبير ..
أن يعفو ويغفر جحود شعب السودان
فالزعيم الذى قاد الأمة للإستقلال، ورافع العلم
مات معتقلاً فى السجن وهو شيخ فى السبعين
إنها جريمه قامت بها فئة قليلة مارقة عن آداب
وأعراف الشعب .. وكانت يد الشعب يومذاك مكتوفة
فالعفو .. العفو .. سنظل نذكرك يا زعيم .. |
له الرحمة الواسعة وللوطن الخلود وللشعب التهاني المباركات بمناسبة أعياد الاستقلال..
|
Post: #26
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: نادية عثمان
Date: 12-31-2007, 07:29 PM
Parent: #18
kamal ali
| Quote: روعة ودقه فى التوصيف يابكرى النعيم , ياخى وين انت ووين دواوينك |
ومعك أسأل يابكري النعيم وين دواوينك؟!!
بكري شاعر له الكثير من القصائد الرائعة جدا نتمني أن نرأها مطبوعة ومحفوظة ..
|
Post: #27
Title: Re: رسالة عاجلة من بكري النعيم .. الي زعيم الأمة (الخالد) اسماعيل الأزهري هذا مضمونها !!!
Author: munswor almophtah
Date: 12-31-2007, 11:03 PM
Parent: #26
التحايا الخوالد للزعيم الرائد ولأبو الوطنيه الهمام المرحوم اسماعيل االأزهرى والتحايا والمجد لهذا الشعب الذى ثخنت جراح مآسيه وأهواله وأزداد هوله من وهدات المجهول و المعلوم القبيح الأمانى لهذا الشعب فى مطلع هذا العام والدعاء له بواقع يبعث فيه السعاده ويضمد جراح نزيفه الفادح والفاضح لصناعه وكل عام وكل أعضاء هذا المنبر بألف خير وكذا القراء
والتحيه لناديه والنعيم ولكل وطنى بلادى فى أى ركن فيها وأى ركن خارجها
وكل عام وكلكم بخير
منصور
|
|