الطريق من دنقلا الى حفير مشو.. هل من احد؟

عيد سعيد للجميع وربنا يحقق الامانى.
بداية اسال ان كان هناك احد من منطقة حفير مشو.
وبعد ذلك فلنقف على حال المنطقه من حيث الخدمات والطريق سئ الصيت من دنقلا وحتى حفير مشو.
____________________________________
لغير الاعضاء اهلا بمشاركاتكم على موقعى [email protected]
ومعا من اجل نهضة المنطقه.

لا احتاج الى مصطلحات كى اتحدث عن نواقص الولايه الشماليه عموما ومنطقتى منطقة حفير مشو خاصه. ولكننى ولعدم جاهزيتى هذه الايام للكتابه اترك العناوين والاشارات ترسل ما اريده من مضامين واترك لذكاء القارى ان يقرا بوعيه ويجول بفكره لنتكاتف من اجل المنطقه.
وابناء حفير مشو فى كل مكان فى العالم والدناقله من اوائل الذين عرفوا السفر والترحال والاغتراب
فاذا كانت تلك الاسفار قد اكسبتهم النظره الناقده .... اذا كيف يحتملون تلك الاحوال؟!!!

معا من اجل نهضة حفير مشو.

سميح اندادي
سرن اقمندو ار
كل عام وانتم بخير عيد سعيد ومن العايدين
مشو بشمية شاهنتوود فضل مشاوي عثمان دياب سوركتي وحكومة
علنتوود بشمية سليمانتوود
نجمة مشو اي دووولل

آآآى حمزه كرقى آآج نل
انبتانى قنون.
مرحب بى ود البلد
عيدنا فى الحفير وكانت رحله ممتعه لغاية دنقلا المدينه
بس بعد داك الطريق يكرهك!!
والحاجه الكويسه انو المسافه ما طويله وممكن تتلحق بى شوية دعم ذاتى .
نحنا اصلا ما اعتمدنا فى يوم من الايام على حكومه او مسؤل لانو زنقة مرض ساكت ممكن تضيع روح لغاية ما يصلوا مستشفى دنقلا المدينه!!!

_____________________________________

قيادات من الحفير:
د. عبد الوهاب عثمان
بكرى حسن صالح
محمد ابراهيم نقد
جعفر محمد نميرى
نواصل بكم.















------

فوق
من اجل نهضة حفير مشو.

Quote: سميح اندادي سرن اقمندو ار كل عام وانتم بخير عيد سعيد ومن العايدين مشو بشمية شاهنتوود فضل مشاوي عثمان دياب سوركتي وحكومة علنتوود بشمية سليمانتوود نجمة مشو اي دووولل

خالي حمزاوي
كل سنة وأنت طيب بعد الزحمة

يا ربي أكون دخلت غلط؟؟؟

والله ما فهمت من حديثك ده غير (توود وحكومة وكم اسم كده

دايرين ترجمة على الشريط ولا قولوا بوست مغلق

الشايقي

فاوضني بلا زعل

الشايقى
كيفنك
يمكن الكلام عن حفير مشو بس الخير بطول الجميع
والعلاقه جيده جدا ما بين الدناقله والشايقيه
وفى اعتقادى الطمبور لعب دورا كبيرا فى هذا
بالاضافه الى كل تلك المسميات النوبيه فى منطقة الشايقيه

كل عام وانتم بخير
______________________
وماذلت انتظر مداخلات فى الموضوع الاساسى للبوست
اهلا بالاراء
وبالعمليين.

الشايقى
كيفنك
يمكن الكلام عن حفير مشو بس الخير بطول الجميع
والعلاقه جيده جدا ما بين الدناقله والشايقيه
وفى اعتقادى الطمبور لعب دورا كبيرا فى هذا
بالاضافه الى كل تلك المسميات النوبيه فى منطقة الشايقيه

كل عام وانتم بخير
______________________
وماذلت انتظر مداخلات فى الموضوع الاساسى للبوست
اهلا بالاراء
وبالعمليين.

اعلاه

فوق
من اجل نهضة حفير مشو.

فوق
من اجل نهضة حفير مشو.

مرحبا بك أخي سميح جمال والتحاياعبرك لآهلي في مشو والحفير كما ذكرهما المادح الجميل ودالماحي وكل عام وأنت بخير..

القضية يا سميح هي قضية كل الوطن ولن ينصلح حال أهلينا في
تلكم المناطق الا بزوال هذه الحكومة المجرمة، جابية الضرائب
والأتاوات وواضعة الشخص غير المناسب في المكان غير المناسب!

فوالينا همه الأول تشذيب دقنه والأصرار على مناداته
بالمهندس، وأبناء المنطقة من أمثال بكري حسن صالح
يعملون ليل نهار لفنائنا بالخزانات من دال الى كجبار خدمة
للأسياد المصريين.

نعم في الأمكان عمل شىء، لكن صدقني، دون أستئصال شأفة الأنقاذيين
التعساء، لن تشهد منطقتك نموا وهذه الطرق التي يذرون بها
الرماد في أعيننا، هي طرق تم تنفيذها بشركات الأنقاذيين
وكوادرهم. أنظر لطريق شريان الشمال الذي
شاخ قبل أوانه ثم عادوا وسفسفوا وسفهوا كل أمانينا
وعادت نفس الشركة الفاشلة لتضع طبقة اخرى على الطريق!

الحل يا سيدي واحد: ذهاب هذه الطغمة الفاجرة ومجىء
أناس يحترمون أرثنا وتأريخنا وتدخل مناطقنا في
عجلات التنمية المستدامة والى ذلك الحين، ستبقى
الحفير ومشو وكرمة وأرتقاشة كما خلقها الله يوم
ان خلق الأرض والسماوات. ستظل تندب حظها وتندب ابناءها
العاقين من ذوي النفوذ والسلطة!

شكرا لوطنيتك وغيرتك على وطننا الصغير ووفقك الله.

اخى زمراوى:
لك التحيه
صدقنى وان كان الحل المتكامل كما يعرفه الجميع هو ذهاب هذه الجماعه ولن اقول الحكومه لانها لم ترقى الى ذاك المسمى الا اننى اؤمن بان ذهاب هؤلاء لن يخلفه سوى الاسؤا منهم وذلك لحسابات واضحه .
لان السواد الاعظم من سياسيى السودان جاؤا صدفه وقدمتهم مواقف عابره!!
ولكن ما يهمنا هو كحد ادنى العلاج الذى يموت فى سبيل الوصول اليه الاف المرضى من الاطفال وكبار السن لوعورة الطريق القصير بين المنطقه والمدينه والتى ايضا لا ترقى الى مسمى مدينه لان العاصمه نفسها لا ترقى.
عذرا فما ذلت غير مهيى للكتابه.
واهلا بابناء البلد.

Quote: بداية اسال ان كان هناك احد من منطقة حفير مشو

من مشو ديم عباس وديم بوركج وديم عبد الله

اهلا بابناء البلد.

عيدك مبارك

الحلول الجزئية للمناطق لن تحل مشاكلنا لا في الشمال ولا في الغرب
بس الحفير ما شاء الله لس الناس صامد ونتظر
نحن مناطقنا فرغت من نفاخ النار ,,,,,,,,,,,,

ناس ناوا بنفعوا معاك ولا ننكشح ,,,

حبابك عمار
منى بو
نتمنى ان لا نتعامل مع الحلول الجزئيه لان الحل الكامل هو المستمر
فقط نطلب تكملة طريق يمكن ان يتم بالدعم الذاتى ليقودنا لنضال مستمر.

___________________________
لو انكشحته بخلى المنبر.

ويبيوووووا........ ار سى؟
ان بجيييد ارقنن نفييبومن؟

سميح
عنى من الحفير
لكنى ما شهدتها قط
مع ذلك معكم لاجل الحفير واهله

سلمى الجميله
من الحفير؟
بالغت!!
ياختى تعالى وبنديك (والى) ونكون اكدنا حضارتنا.
حبابك.
الحفير جميله جدا بى ترفعه.

Quote: الشايقى كيفنك يمكن الكلام عن حفير مشو بس الخير بطول الجميع والعلاقه جيده جدا ما بين الدناقله والشايقيه وفى اعتقادى الطمبور لعب دورا كبيرا فى هذا بالاضافه الى كل تلك المسميات النوبيه فى منطقة الشايقيه

سميح أخوي أقول ليك في الأول كل سنة وأنت طيب وشمالنا كله بخير

قبل الطمبور أصلاَ العلاقة علاقة دم والشايقية عندما نشأوا ككيان في هذه المنطقة (منحنى النيل) لم تكن فارغة أو خالية من السكان بل كانت منطقة نوبية ثم أمتزجت بالعنصر العربي القادم من بعيد ونتج عن تصاهرهم هذا الكيان المميز وكما ذكرت المسميات النوبية في كل مكان شاهد على ذلك حتى العادات والتقاليد تكاد تكون واحدة،،،
تعرف قريتنا أسمها الكنيسة، وقديماً سموها أيضاً دار النوبة كان بها كنيسه قبطية نوبية قديمة لم يبقى منها سوى أثار تظهر من حين لآخر عند حفر الآبار أو أساسات المنازل على شكل قوالب من الطوب الأحمر وبعض كسار لأواني فخارية.

نعود لحفير مشو:
لم أقم بزيارة الحفير ولكن من صلاتي بالكثير من أهل المنطقة جعلتني وكأني عشت هناك.

من أكثر أهل الحفير الذين عشت معهم المرحوم العم محمد علي عبدالرحمن وهو من جيل سودنة الوظائف بعد الإستقلال حيث عمل بعد تخرجه من كلية غردون التذكارية سابقاً وجامعة الخرطوم حالياً سنة 1953 ضابطاَ إدارياً حتى عهد نميري حيث كان من أوائل ضحايا الصالح العام (أبان تولي جعفر محمد علي بخيت وزارة الحكومات المحلية) وفي غمر ألغاء الإدارات الأهلية.
ألتقينا في عالم الأغتراب وعملنا سوياً لحوالي ست سنوات وكان لي نعم الصديق والعم رغم فارق السن حتى تقاعد في 88 واستمرت علاقتي به في أجازاتي بالسودان نقضي معظم الوقت سوياً.... إلى أن أنتقل إلى جوار ربه في 99 تقريباً، رحمه الله رحمة واسعة.

المعاناة التي تتكلم عنها تشمل كل الشمالية وقد عاني كل أهلنا خاصة في السفر زمن اللواري ومعضلة عبور أبو ضلوع والباجة،،، زمن كانت رحلة لا تزيد عن 350 إلى 400 كيلو تحتاج إلى ثلاثة أو أربعة أيام سواء كانت بالقطار ثم الباخرة أو اللواري وقد جربتها بالطريقين.

الآن تم إنشاء الطرق المسفلتة ولكنها سفلتة العدو قللت وقت الرحلة ولكن أهلكت البشر لسوء تصميمها ورداءة التنفيذ ما أدي إلى كثرة الحوادث المميتة.

كان الله في عون الجميع ....

واصلوا ومتابعين ومشاركين
والتحية لكل الأهل في الحفير وكل الشمالية

الشايقي

فاوضني بلا زعل

الشايقى
ماقلته هو ما اقصده
ولكن العتبى على المناخ الذى لا يمكن من الكتابه.
__________________
ويا حلات صبحا تكون انت المصبح.

الأخ سميح

سلام

أنا من قلب الحفير (كانيمار) الحلة التحت ، ساقية فضل فونج (جدي)
والقيادات الذكرتها فوق (أبناء عمومتي) عديل.
أقرّب ليك أكتر (سعيد وعثمان أبوجبل ) أعمامي.
ممكن نركب معاك وننزل في كانيمار ، أو ديم رضينة ؟؟ والا يفتح الله ؟؟

صلاح عبد الله
ياخى انت ما زولنا وقريبنا.. انا من الحفير وقوين وقرجه.
مهمنسنجى وحمادنجى. (جمال توده ويمانى ياسين)الاول والدى والثانى جدى من والدتى.
اهلا بك
ولننظر معا فى امر الطريق الوعر ويمكن ان يكون ذلك عبر الرابطه فقط الدعم من الداخل والخارج.
وياريت نقود المبادره دى.
كل شركات الطرق الان متمركزه فى دنقلا المدينه ويمكن تحريكهم بشكل او اخر.

آن نْدمي مني ُبورَوا

الأخ سميح جمال

التحية لكل أهل الشمال عموم والحفير ومشو نخصص التحية

الدير يترصف ويتعبد كتير جدا في الشمال وقديما طريق الشمال كان داعموا العون الذاتي ولكن رغم الداخل من أبناء المنطقة في التمويل
كانت هنالك جيوب مشرع للدخول فقط والخروج منها ممنوع حتي لو كانت المنطقة محتاجه ودي معضله من الصعب حلها وإلا أننا كأبناء
المنطقة لا نبخل عليها بشئ أوجدوا الآلية ونحن حاضرين نشمَر الساعد ونشُد الحيًل.
،،،،أبوقصى،،،،

ابو قصى
هذه مبادره منى وما ارجوه هو اقتراحاتكم فماذلت رغم الثلاثون عاما من عمرى لا اضاهى خبراتكم وتجاربكم ولكن يمكننى ان اكون تنفيذيا جيدا.
تعالوا نضع المقترحات ولن نفشل.
تحياتى

صباح الخير يا جميل ..

يا ريت الماعون يكبر شوية , لأنه الشغلانة ما الحفير و بس ..
على الأقل بعض الخدمات الأولية متوفرة في الحفير من مستشفى و بريد و مدرسة و و و و .
على مرمى حجر من حفير يبيت الناس على طوى احلامهم المرهقة .
و على مرمى وطن منهم ليس للناس الحق حتى في أن يحلموا .

أوافقك القول أن الطريق من دنقلا شمالا إلى كافة البلدات و ليس الحفير فقط , هو ضربٌ من العذابات ..
يستوي في ذلك شرق و غرب النيل ..
لكنه لا يتصدر الأولوية القصوى في قائمة الحقوق الواجب توفرها للمنطقة قياساً إلى خدمات أخرى منعدمة تماماً أو تكاد .
في ظني لو طلعنا من توب الجهة شوية و دخلنا في جبة الهم الوطني العام , البلد دي ما بتجيها عوجة .

** ثم نميري ما عندو علاقة بالحيل كدي بالحفير .. نحمدالله .



مودتي و تقديري .

عماد عبدالله
مواطن من الحفير .

يا عمده ازيك
يسعد صباحك
الهم الوطنى نتحد من اجله والنظره الخاصه للحفير ثق فى انها ستلهب حماس الاخرين لعمل التجربه.
جميعا نعرف ان الحل المتكامل لكل السودان مشروع جارى تنفيذه وهذه الجزئيه لا تحرم النضال الكبير .
انا شخصيا ازور الحفير فى العام مره اذا اتاحت الظروف ذلك.
ولكن الا تعتقد معى ان ذاك الطريق اذا اكتمل سيحرض ابناء المنطقه للحركه من اجل القضايا الاعمق والكبرى؟
والان تعال نتفق فى ان الطريق هذا مفيد لنا ولمن حولنا ولا مانع من مبادرات جديده كل على قدر طاقته.
وليكبر الماعون اذا استطعنا فتعال معا نحدد الاهداف.

Quote: مهمنسنجى وحمادنجى. (جمال توده ويمانى ياسين)الاول والدى والثانى جدى من والدتى. اهلا بك

سميح ياقريبي

اخو سامي جمال

عبدالله محي الدين نسيبك صديقي ورفيق دربي
اعتقد انو قبل سنوات طويلة قابلتك في الخرطوم في منزل حسن يس مع عبدالله محي الدين لو تتذكر


ايوب عبدالرحيم ابوصابر

سميح !!!

كل سنة وإنت زايد طيبة و سماحة .. طبعا السماحة دي تحتها مليون بند .. سماحة طبع .. سماحة شكل ..

سماحة أخلاق وهلم جرا ..

ممكن تاخد معاك راكب مزعج بتاع مشاكل وما عنده تذاكر وعايز ينزل بعد آخر محطة وما تنسى كما تجهز

ليه خمسة ساندوتش وعشرة زجاجات سيفن أب وأربعة كراسي جنب بعض لزوم النومة والشخرة والقليب أثناء

النوم ؟؟

الجميله جد: عواطف
اسم ربما يملكه كثيرون ولكن لا يحمل معناه الا الاديبات.
ولوجك الينا اكمل نواقص الطريق الذى ننشده.
فهل نسقط البوست ونكتفى؟
ولكننا نستمر لناخذ اضافاتك لمحمل التنفيذ فاهلا بمقترحاتك.

الجميله جد: عواطف
اسم ربما يملكه كثيرون ولكن لا يحمل معناه الا الاديبات.
ولوجك الينا اكمل نواقص الطريق الذى ننشده.
فهل نسقط البوست ونكتفى؟
ولكننا نستمر لناخذ اضافاتك لمحمل التنفيذ فاهلا بمقترحاتك.

ايوب ازيك
كل عام وانتم بخير
تحياتى لك وللاسره وكل الشباب بالسعوديه.
والتحيه لعبد الله وسامى( قول ليهم جابو اساميكم فى الانترنت عقبال التلفزيون)

يانا حفير مشو

السلام عليكم

والله انا حبوبتي من حفير مشو
لاكين جدى دبلاوى وانا ( made in tiwan )



معتصم عثمان عبدالحفيظ
الخرطوم - الشجرة

Maskag'jero wo Nuba nigo....
well i'm from Akkad...and i wish the highway street will be up to Halfa not only Hafeer ,Masho...
with my all respect to you all....
amer

اولا زولك الفى الصوره صديق الوالد و نحن ايضا من ارقين.
بعدين البوست يا بالرطانه يا حد ادنى بالعربى المكسر.
نتمنى ان يمتد الطريق الى حلفتنا وكل شمالنا .
بس الحتيتونه من دنقلا لى حفير مشو ممكن تتعمل بالهين .
تحياتى وامتداد من التواصل معك والجميع.

تعصيمه كيفك؟
انا من العزوزاب والشجره والحفير .. كده كيف؟
واهلين يا حبيب.

يا جماعة و ين ناس سعادة اللواء بكري حسن صالح و عبد الوهاب عثمان وزير المالية الأسبق و د صابر محمد حسن عراب مذبحة البنوك السودانية و
أسماعيل قرشي و حسن ساتي و عبد المطلب صالح مهناب مش ديل ناس حفير مشو
برضو..!! من رواد الأقتصاد التركيني..!!!!

كلهم جبهجية و متآمرين على الشعب السوداني قال حفير مشو قال..!!

ليه كده؟
ما برضو غير الكيزان مالين البلد؟
والشارع القاصدنو دخلوا شنو بى زعلتك دى؟
يا اخوى دايرن ناسنا يصلوا كويسين عشان نقدر نخت حد للحاصل.
ده منبر لكل الموضوعات هم عام او خاص!!!
يعنى ما المجلس الوطنى!!
_______________________________
هيه ناقصاك؟

العزيز سميح جمال

كومبو

يمكن ان يشاركك هذا الهم جميع ابناء المناطق الواقعة علي خط دنقلا مشو:

مراغة - كابتود - جرادة - الزورات - بنا - كويا - ....... - الحفير.

مع ودي

Quote: يا جماعة و ين ناس سعادة اللواء بكري حسن صالح و عبد الوهاب عثمان وزير المالية الأسبق و د صابر محمد حسن عراب مذبحة البنوك السودانية و أسماعيل قرشي و حسن ساتي و عبد المطلب صالح مهناب مش ديل ناس حفير مشو برضو..!! من رواد الأقتصاد التركيني..!!!! كلهم جبهجية و متآمرين على الشعب السوداني قال حفير مشو قال..!!

الاخ ملامح
تحياتى
هؤلاء جزء من العصابة الحاكمة ولا يمثلون الا انفسهم , ومثل عبد الوهاب عثمان الذى فاز فى انتخابات 1986 بنائب الدائرة , تانى يشمه قدحة ..
الاخ سميح
تحياتى
ما قاله الاخ ملامح هو عين الحقيقة , فقط نرد عليه بان هؤلاء لا يمثلوننا ونحن ايضا متضررين اشد ضرر من سياساتهم وسياسة حكومتهم ...

يا malamih

قلت :

Quote: يا جماعة و ين ناس سعادة اللواء بكري حسن صالح و عبد الوهاب عثمان وزير المالية الأسبق و د صابر محمد حسن عراب مذبحة البنوك السودانية و أسماعيل قرشي و حسن ساتي و عبد المطلب صالح مهناب مش ديل ناس حفير مشو برضو..!! من رواد الأقتصاد التركيني..!!!! كلهم جبهجية و متآمرين على الشعب السوداني قال حفير مشو قال..!!

لا يا باشا الجماعة ديل (ما كلهم من الحفير)
وطبعاً اقتصاد تركيني دي ( ما أدونا ليها)
أبصم بالعشرطاشر إنهم جبهجية و متآمرين على الشعب السوداني ..
حسع انت ناديت الناس ديل كلهم عشان يعملوا حاجة للحفير ؟؟؟؟ والله انت راجل طيب خلاص .
ومنو البيديهم فرصة زاتو عشان يعملوا حاجة؟؟؟؟

Quote: قال حفير مشو قال

ما نقول الحفير يعني ؟ والا شنو؟؟
إنت زعلان من جماعتك ديل ، والا من الحفير ؟؟
عندك مشكلة مع الناس الذكرتهم ديل ، مالك ومال حفير وما أدراك ما تركين ،ولعلمك فخورين بيهو جداً (التركين).
عليك الله ركّز لينا على جماعتك الفوق ديل ، وخلينا في الحفير ، والتركين، ناكلوا والا نليس بيهو الحيطة ، والا حتى نرصف بيهو الطريق ، خلينا ياخ.
والله انت زاتك تكون من النوع البيطلب التركين طلب عديل

الأخ خالد حاكم

سلام

قلت :

Quote: هؤلاء جزء من العصابة الحاكمة ولا يمثلون الا انفسهم

لا فض فوك يا فتى .
وكمان قلت :

Quote: ما قاله الاخ ملامح هو عين الحقيقة , فقط نرد عليه بان هؤلاء لا يمثلوننا ونحن ايضا متضررين اشد ضرر من سياساتهم وسياسة حكومتهم ...

لا والله ما قاله ليس عين الحقيقة ، عين الحقيقة ما قلته أنت ، هؤلاء لا يمثلون الا أنفسهم
قصة متضررين دي ، ما دايرة ليها درس عصر ، السودان كلو متضرر منهم ، بقت على الحفير (المسكينة دي) ؟؟؟؟؟؟؟
وبعدين نرد عليهو ليه ياخ ؟؟؟ يعني هو ما عارف ؟؟؟؟؟

هيّرو ..

يمكن ان يشاركك هذا الهم جميع ابناء المناطق الواقعة علي خط دنقلا مشو:

مراغة - كابتود - جرادة - الزورات - بنا - كويا - ....... - الحفير.

__________________________________________________________________
شكرا محمد عبد الفتاح
الاخوه المتداخلين والمتابعين هل يمكننا فتح بوست خاص عن تنفيذ الفكره وبرنامج للتنفيذ؟



فى انتظار مشاركاتكم.

صديقي النوبي العظيم سميح جمال

نطالب بتنمية مدننا لا اغراقها

نتمنى لكم الازدهار حتى و لو بالعون الذاتي

شكرا الحبيب اللطيف فيصل
لن تغرق ثانية
وانا نوبى كامل الدسم
ارقين السكوت الحفير.
وما قلته هو جل خطابى السياسى.
ولكن من خلال التخلخل فى المجتمع ومواعينه.
كده كيف.
نوور اودن دارى.

ياناس حفير مشو

السلام عليكم ورحمه الله وبركاته

ياسميح المفروض يسمو مدينه بالسعودية باسم حفير مشو

اكراما واجلالا لهم ( لانو الظاهر هم اول المناطق هجرة للسعودية )

ولا رايكم شنو ياناس الحفير

معتصم عثمان عبدالحفيظ
الخرطوم - الشجرة