بورداب الخرطوم سامحو ني ..... انا اعتذر

التقيتكم وانا في حاله احباط عظيمه يعني الزوله اللاقتكم ديك اكيد ما هي مامه دومه
فالروح مثخنه بالجراح وما زالت . شاكره للمحبه والكرم الفياض و الاحتفاء الذي فاق تصوري واخرس لساني . خجلانه منكم شديد ولكم العتبي حتي ترضوا وخاصه ابنا ئي وبناتي الاتيه اسمائهم :


حسين يوسف, السمؤل بدر الدين, انعام حيموره ,ازهري عوض الكريم ,اشراقه حيموره ,محمد احمد , انعام عبد الحفيظ, محمد حسبو ,دوت مجاك , معتز احمد, فرح ,خالد ماسا, تبلدينا , عبد المنعم سليمان ودكتور انس لو ما تكون الذاكره تعبانه يا منعم وانت عارف السبب اصل الاحباط..
شكرا كثيرا لآل حيموره لاستضافتهم لنا بدارهم العامره وكل الشكر والتقدير
للفنانه المبدعه الراقيه الرقيقه اسرار بابكر
فقد حلقت بي في سموات الجمال رغم حزني الكثيف علي وطن يكتنفه الظلام والضياع
وشكرا لكل حسان سودانيز اون لاين فقد جملن الامسيه بحضورهن الباهي .
و شكرا لمن تكبدوا عناء الحضور لوداعي بمطار الخرطوم : ناهد علي , انعام حيموره ,السمؤل بدر الدين و الدكتوره نجاه محمود والتي لها كل الفضل في لقائي بالبورداب
. وشكرا لمن هاتفنني ناديه السر وممكونه .
وتحيه خاصه لابننا بكري ابو بكر وكل من التقيته بمكتبه من البورداب

فرصه الواحد يخش أول زول و يسلم على الخاله دومه
كل عام و أنت و الأسره بألف خير وأن شاء الله كانت أجازه سعيده فى السودان
أتمنى أن أرى كتاباتك التى يزدان بها المنبر و ما نتحرم منها تانى

تحياتى
محمد على

شاكره كتير وكل عام وانت ومن تحب بخير يا محمد علي

يغسي عليك يا دوما
يعني ما تطلينا الا لم ترجعي للمنافي المهببه دي؟؟؟؟
ما كان عايزين نوصيك وانت هناك؟؟؟؟
وما تقولي لي ما لاقيتي رندا حاتم العظيمه؟؟؟؟



يازوله بركه في شوفتك من جديد هنا واهلا وسهلا بك عائدة لمنفاك بسلام.
حدثينا ماذا وجدتي من جراحات هناك؟؟؟


بعدين لا شفتي ابراهيم بقال لا عاصم لا محمد حسين آدم لا احمد آمين لا خالد بحر
لا الباقر العفيف لا هميمه لا شاهين ؟؟؟!! غايتو انا شاهده عاصم كتب وقال
مرحب بالخاله دوما ونط ليه تبلدينا قال
ليه اوع تورينا وشك؟؟؟!!!!

واستغربت للرغبه في الاحتكار!!


ميري كريسماس لك يا سيدتي.

الاخت الحبيه تراجي مري كريسماس وكل عام وانت وحازم وسند بخير
مشتاقين والله اسكتي من حالتي العشتها لولا انعام حيموره والسمؤل بدر الدين كان المغسه فقعتني عدييل . الشباب ديل ما لاقيتهم وما عرفت طريق يوديني ليهم . رغم الظرو ف القاسيه التقيت بشباب يطمئنك انه البلد ما زالت بخير اول من هاتفني حسين يوسف وبعده ازهري عوض الكريم
ويقول لي لازم نقابلك يا دومه هذا المساء لاني مسافر بعد باكر الحج وكان اللقاء بكافتريا الزواده وكانت امسيه رائعه , زاد عمر كامل . زانها حضور السمؤل بدر الدين انعام حيموره اشراقه حيموره وتبلدينا يا سلام يا تراجي عليهم بنات بلدي وولاد بلدي .واتصلت علينا الرقيقه نهله عمر ووصلني السمؤل بالبنت اللطيفه مني عوض خوجلي من لندن . . امسيه مرت كالحلم ولكنها ستظل محفوره في الاعماق
ولو ما جيت من زي ديل كان وآ أسفي وا مآساتي وآ ذلي . ما لاقيت الابنا ء الذكرتيهم ديل وما عرفت الطريق البودي ليهم رغم اني سجلت زياره لمكتب بكري ابو بكر والتقيت بعدد من البورداب هناك . اللقاء التاني كان دعوه عشاء من الاخت دكتوره نجاه بالاسكلا وبرفقتها المحاميه الاستاذه محاسن الامين وكريمتها سمر برعي :
من الاسكلا وحلا وقام من البلد و لي دمعي للتياب بلا
التقيت فيها بكوكبه جميله من ابناء البورد , دوت مجاك , فرح , خالد ماسا معتز احمد وصديقه اللطيف وظريف محمد احمد وعايزين بكري يديه عضويه همتك معانا يا تراجي عشان نكتر كوم الجمال والجميليين بالبورد زول غايه في اللطف وخفه الدم غايتو انا حبيتو عديل كدا وعندي معاه صور جميله شديد بضحك فيها من الاعماق واكبر مفاجأه كان حضور محمد حسبو في اخر يومين لي بالسودان غايتو لو كان ما لاقيتو كان مت عديل كدا ناس تتحب بالجد . فضل زول واحد يا رب لو ما لاقيته ما اموت محسن خالد لك حبي حيثما تكون .
طبعا محمد حسبو وصل في اخر يومين لي والمهم شحدوا ليهم عربيه هو ومحمد احمد وجوني ( شكرا يا عاصم علي التوصيله ) دا سيد العربيه.
وكان معاي ضيوف مقيليين بس مرقت معاهم بسفنجتي وتوب الجارات ولا قلت لناس البيت انا طالعه مشيت معاهم اقرب مكان برضو كان الزواده ور غم انها لحظات قليله ما بلت الشوق لكنها كانت جميله شديد ضحكنا فيها كتير و نسينا الدنيا والفيها .الصور طلعت حلوه يا محمد احمد وحسبو بس رسلو لي ايميلاتكم .
يعني اسه كدا كويس يا بكري نفت شمارنا في البورد ؟؟!!!
مره تانيه يا تراجي ح احكي ليك عن بت حيموره انعا م المافي ليها مثيل . تراجي عليك الله انا مدبرسه اربعه اسابيع خليني شويه اشيل نفسي انت ما ممكن تعرفي الحاصل هناك الا تمشي وتشوفي بعينك . منعم سليمان صديق وجعي اسفه شديد اتمني انك تكون ما اخدت في خاطرك .

الخالة دومة كل سنة وانتي ومن تحبي بألف خير وعافية
والله العظيم نزلت إجازة في شهر 8 المنصرم وشعرت بإحباط
ليس له مثيل ولو لا بورداب الخرطوم لما كان لإجازتي طعم
وقد كتبت وقتها قصيدة بعنوان فقدت الذاكرة في السودان
وهذا نصها :_


فقدت الذاكرة في السودان
بقيت تائه بدون عنوان
وفي السودان بتبقي غريب
تشوف الناس عِلب الوان


فقد الذاكرة حقيقة تحير الإنسان
وفي السودان قدر محتوم
وخط مرسوم
وفي واقع حياتنا لزوم


وفي السودان تكابس انتا طول يومك
تساسق لرزق يومك
تنوم تصحي بهموك
ومهما حلمت في يومك
تكون هاني ورزقك زي مطر دافر
وبيتك بألاكل وافر !!
وأطفالك وست بيتك يناموا معاك في حضنك
يداعبوا بحنان شنبك
ويطلعوا ليك في ضهرك
ويتشابوا ويقولوا ليك
بابا هسع نحنا ما قدرك

وسيارتك ملانة بضاعة تتكدس
وصالونك كبير واسع
وبضيفانو يتمدد
وأعمالك كتيرة خلاص
وربحك منو تتبسم

وفجاءة وفي وسط حلمك يدق الباب
ويقولوا ليك في ناس في البيت راجنك
الجزار ... واللبان ... وصاحب الإيجار
وتمرق إنتا من بيتك زي أسد كاسر
لا خائق من صاحب إيجار ولا بُمبان
وتنهر بخشم مليان
اصِبروا شوية يا الحبان
باكر بيفرجا الرحمن

وتمشي عديل علي شغلك
تشاكل في جميع الناس
واللهِ معاك ما فرقت
لا ولداً صغير شافع معاك بيسلم
ولا راجل كبير شايب تقولوا يا عم
ولا بتعرف مُقبل وين !!
ولا بتعرف ترمش العين !!

وتركب إنتا في الحافلة معاك همك
معاك في الحافلة اصناف من جميع الناس
ناساً ... تبكي مغبونة
ناساً ... تحكي في همومة
ناساً ... بالحسرة ممكونة

ويوم ما تمشي للإعراس
تقول واللهِ أسعد ناس
تقول واللهِ محظوظين
رقيص ... وهجيج
موضات كيف ؟؟
ومكياج كيف ؟؟
وجه ابيض شعر أشقر ساق أخضر
ولو في لحظة غمضتا ! تقول دا حِلم
أظني اكون سافرت للبنان !!

وفي السودان ناس لا ضاقت المُرة
ولا زازت فردِ مرة
ولا بتعرف كمان تعرق
ولا بتعرف تصٌر الوش

يشيلو قروش من السودان
يوزعوا فيها في كل مكان
لا بيهتموا للتعبان ولا المرضان
ولا العائش دوام فقران
يحكموا الناس بإسم الدين
يقولوا للعلم تامين!!
ايه وفرتو للغائبين !!
شفطتو دمانا يا باردين
قلعتو حقوقنا حُمرة عين
بدون خدمات بدون تامين

سألت الواحد القهار
الأ نام ولا أكل الطعام
يدوقكم من عذابو كيمان كيمان
يشرد كل زول طغيان
ويعرف كيف نحنا بنعاني بعيد عن الاوطان !!
ويا واحد ويا رحمن تعود الفرحة للسودان

فقدت الذاكرة يا الحبان
بقيت في السكة اتلفت
شارع بيتنا اصبح وين ؟؟
وناس الحلة الكٌتار ومساخ وين قاعدين ؟؟

لا صبحية بيستنوا
ولا ضهرية بيهتموا
ولا عصرية بيتلموا
وفي الأسواق حاجة تحرق الأعصاب
لا تاجر معاك بصِدق وكل تجارتو بالشيكات
وفي بيتك تقول تتلم وما بتسلم
وكهربتك تشفط الدم
جـمـرة خبيثة سموها
وتدفع فيها دم قلبك
وما تفرح تقول كهربتي تضؤي البيت
وحات إسم الله تتبشتن وتشم الدم
وتلاجتك كمان تخرب !!
وتلفازك كمان يحرق !!

معليش ماما دومه أثقلت عليك كتير .

Quote: والله العظيم نزلت إجازة في شهر 8 المنصرم وشعرت بإحباط ليس له مثيل ولو لا بورداب الخرطوم لما كان لإجازتي طعم

الابن ا لغالي هاشم احمد خلف الله حبابك اسعدتني الطله و كل عام وانتم جميعا بخير . نفس الحاله العشتها انا وقصيدتك تعبر تماما عن الواقع والبركه في بورداب الخرطوم لهم مني كل المحبه والشكر الجزيل لما طوقوني به من محبه وكرم فياض

انتى بس يا دومة كونى .....

وخلى باقى الدنيا تتشكل عليك ....

حمد الله على السلامة ...وتبرى من الالم

جاتني البت الحديقه شكرا يا مفرحه
يا بلسم الروح يا شقيقه

دومة العزيزة .. جمدآ لله علي السلامة وكل سنة إنتي والأسرة بألف خير ..

شنو يا زولة النغمة المحبطة دي؟؟!!! ما تدبرسي بينا !! .. وأعلمي أن الدنيا بخير .. وحالة الدبرسة والقلق علي حال البلد دي ظلت عندنا كحالة مزمنة ولكن الواحد قدر يتغلب عليها عندما خت الرحمن في قلبه وتذكر أن الحاصل ده كله بتدبير رب العالمين !!.. يعني مهما تمردنا علي الواقع فياهو القدر الكاتبه إله الكون !!.. وما نحن وما جورج بوش وبوتين إلا ذرات في محيط الكون .. أمشي أعملي زوووم في قوقل إيرث وقدري حجمنا في الكرة الارضية ، ثم زووومي الكوكب كله في مدار الشمس وشوفي الشمس ذاتها قدر شنو في ظلمة الكون .. فالحكاية كلها أننا بضع جسيمات في كتلة لانهائية، وذوي أعمار متناهية في الصغر بالمقارنة مع اعمار النجوم اللانهائية البليونية .. وشوفي السبقونا في الحياة كم؟!! واللاحقون كم؟!! .. وأعلمي ما اصابك ما كان ليخطئك ولو صبر القاتل لمات المقتول !!.. وما دام الحكاية كلها في يدي لطيف خبير فدعي الايام تفعل ما تشاء وطبي نفسآ إذا حكم القضاء .. وفي الآخر المسئولية فردية .. وحقيقة أهو في الزمن الضائع اقتنعنا فعلآ إن الإنسان لفي خسر إلا الذين آمنوا وعملوا الصالحات وتواصوا بالحق وتواصو بالصبر !!! ..

Quote: وحالة الدبرسة والقلق علي حال البلد دي ظلت عندنا كحالة مزمنة ولكن الواحد قدر يتغلب عليها عندما خت الرحمن في قلبه وتذكر أن الحاصل ده كله بتدبير رب العالمين !!

منير العزيز كل عام وانت والاسره بخير شكرا علي الطله ووصفه التصبير دي من منطلق التسليم باقي ليك لو قلنا كل السوء من عنده ما بنكون ظلمناه . كل خرمجتنا وسوء افعالنا نرميها عليهو و ونقول دا ما قدره لينا ؟؟!!يعني براءه عديل لكل سفاح وظالم وحرامي
و دا بجرنا لسؤال تاني يعني يبقي ما في شئ بارادتنا واذا السوء من عنده فلما يحاسبنا ويعذبنا علي سوء اعمالنا ؟؟؟
اها شفت الحكايه دي انا في راسي ما دا خله لانه ادانا نعمه العقل عشان نتدبر ونكون مسئولين من اعمالنا . صدقني كل الحاصل من عند انفسنا . وبلدنا امره انتهي وبايدي ابنائه

حمدلله يا دومه علي سلامة الرجوع...
أكيد مجموعة الخرطوم الكانت نعاك طوالي مجموعه حلوه وطيبه..
وعمر اي انسان ما بيحتار وهم معاه..
وانتي بتستحقي كل خير وكل الحاجات الحلوه يا حلوه..
وخساره لا حضرتك ولا حضرت بيان ولا "اسرار+

كل سنه وانت واسرتك بألف خير..

دكتور مصطفي محمود يا شقيق كل عام وانت بخير
شاكره كتير للباقه الجميله دي

شكرا يا مني وشكرا كثيرا لمنال التي شرفتنا بحضورها البهي ويا ارض احفظي ما عليك عيني بارده . حقيقي فقدناك يا مني مره تانيه نبرمج زياره مع بعض في الشتاء .
ناس حلوين جدا بورداب الخرطوم واسرار بابكر رائعه ورقيقه وفنانه ومبدعه تتحب والله ليها مني كل الحب وعميق الامتنان لامتاعنا

بركة الوصلتي بالسلامة يا دوما..
كنتَ متشوقة ألاقيكِ لكن حالت ظروف كتيرة دون ذلك..
الجايات أكتر بإذن الله.
كل سنة و إنتي طيبة.

العزيزه ممكونه شكرا للمهاتفه
ما لي في الطيب كتير
اتمني ان تسمح الظروف في مره قادمه .
كوني بخير

أختنا الغالية دوما

الحمد لله على زيارة السودان.. سلامي للأبناء والأسرة..

السودان جميل بالجميلين ولكن القبيحين ديلك نعمل معاهم شنو؟؟

غدا تشرق الشمس وتزول الغمة..

ياسر

دكتور ياسر الحبيب كل عام انت والاخت الهام والابناء بخير وعافيه يسعدني مرورك
يسمع منك ويستجيب وتشرق الشمس من جديد

دوما

كل سنة وانتي طيبة


وانشاالله الجية الجاية ربنا يكتب لنا الشوفة

تخجل يا سجيمان ما بتجي تلا قي خالتك دومه ؟؟؟!!
انت فاضي لي من الدردقه
علي قول نجاه الله ينعل ميتين شناتي دي اسع كان كنت من الجكس كان رميت الفي ايدك وطنشت ام الخير وجيت

دوما كل سنة وأنت طيبة..
مالينا في الطيب نصيب.. لو كان.. كان مشينا عيدنا في السودان..وتشرفنا بمقابلتك..
تحياتي وما تطولي الغيبة..

سعدت البلاد والعباد بشوفتك يا خالة .

كل سنة وأنت طيبة .

والله يحفظك في الحل والترحال .

ابني الحبيب ولياب ما اسعدني بطلتك كل عام وانتم بخير وعافيه
بلغ ابنتي الغاليه مريم اجمل تحياتي . وربنا يحفظكم

كمال كرار مرحب بابن الزينين وانت والاسره وكل الاهل العزاز بالف خير

كل سنة وانت طيبة ياغالية(ضحية، وكريسماس)

أظل احدي المشتاقات لكي علي الدوام

محبتي وتقديري،، ،، ،،

العزيزة جدأ الاخت و الخالة دوما

كل عام و انت بخير ..و حمدأ لله علي سلامة العودة..

--------

حتي في حالات الغضب و الدبرسة
اسلوب دوماالساخر له طعم مميز و خاص ..

كوني بخير دائمأ ..

ابني الغالي جدا محمدين محمد اسحاق
تسلم انت من كل شر
انت عارف انا بريدك شديد والله متمنيه اشوفك
لو كنت في اوربا المين لاند بيكون اللقاء ساهل اتمني ذلك .
كون بكل الخير ايها الوريف

ناهد علي ابنتي الحبيه
شوقي ليكم اكتر
بلغي كل افراد الاسره الكريمه تحياتي
وبتمني لقياكم في وقت افضل

العزيزه دومه
او فلنقل الوالده دوما
كل سنه وانتي والاسره بالف خير
كما هو واضح انا من الاعضاء الجدد
ولكن
من خلال متابعتي للمنبر من فتره سابقه اكون عرفتك عنك شئ ما بطال
انك رائعه
محبوبه من الجميع
الكل ما يرجع ليك كلمه
يعني احترام من الجميع بدون فرز
واكيد زوله بالمواصفات دي تستحق كل تقدير واحترام ويسبق ذلك اعجاب بالشخصيه
وانا اقول كم سعدت بانضمامي الي هذه الكوكبه الرائعه
ومتمني لقاء يجمعني ببورداب الخرطوم لاني متواجد دوما هناك

وتقبلي تحياتي واحترامي

ابوتسابيح

أمي وأختي الحبيبة دومة

حمد لله على السلامة ياحبيبة وبركة الشفناك طيبة

لكن مالك شايلة الهم وشكلك محبط من حال البلد شدددديد كده ..مانمشي يعني ياغالية ولا شن الشورة أنا كنت ماشة الشهر الجاي ؟!!!

اهلا ندو يه اميره الحسان لا لا لازم تمشي البلد احلي ما فيها ناسها بتلقيهم هاشين باشين وجميليين بنات وابناء السودان ربنا ما حرمني منكم

ابني الحبيب ابو تسابيح ابهجتني مداخلتك كثير
تسعد ابامك يا وريف
ومرحب بيك في البورد بين اخواتك واخوانك .
بورداب الخرطوم اجدع ناس اكيد ح تلاقيهم في حفل عشاء سودانيزاولاين وعليك بالسمؤل بدر الدين او بت حيموره انعام . انا متمنيه الاقيكم السنه القادمه باذن الله

الأخت/ نادية كل سنة وأنت طيبة...

يا زولة أمشي طوالي.. لأنو بحري غير...

بحري طراوة

العزيزة الرائعة دوما
كل سنة و انت طيبةوحمد الله سلامةوصولك للبلاد البعيدة و انشاء الله لقيتى وليداتك على خير وتامين لامين .

حال البلدجدبحزن بس تأكدى اجمل الايام لم تاتى بعد.

عزيزتي الفاضـلة دومـا..

إذا قد سـافرتي .. دون أن نزداد بك سعادة ..
حسبنا الله ونعم الوكيل .. الله يسامحك يا إنعام !!
سافري عزيزتنا الرائعة وسـأظل دومـا أبحـث فـي جغــرافــيا اللــغة عـن
لغـة أمـوضـعك فـي حـناياهـا مـزيـدا مـن اللهفـة .. مـزيـدا مـن الحـب ..
مـزيـدا مـن الأشــواق والاحــترام ..
يا ايتها العظيمة المعانـدة لتضـاريس اللغـة .. المقـيمة فـي غيـاهـب الصـدر ..
سـافري ولكن ، إفصـحي لنـا عن وسائل تصلنـا بذاتك المتوهجـة ، حتى نمـتـد مـع
امتـداد الوطن الجميل، الذي يأخـذ فـي تفاصيلـه شـكل ابتسـامتـك ، وفي صفائه صفـاء
المـاء ، ورونقــك الداخلـي ..
عزيزتنا دوما ..
ايتهـا المبجلة المعانـدة ضـد الاقـامـة فـي أحضـان الوطن .. فعلتيهـا إذا .
وفعلهـا هـذا الـزمـن الـرمـاد أن يجعـل جغرافيا الوطن خالية من نبضك الجميل
وجعلـتينا نواجه هـذا الشـتاء الظـالـم بعيـدا عنـك !!
فعلتيهـا فينـا بـأن جعلتينـا نلعـن هـذا الـزمـن البخيـل الذي مـا أن جـاد لنـا
بـك حتـى اقتلعـك من عيوننـا ..
أيهـا الـمرأة الخـرافـية ..
كما المـلاذ الآمـن نحتمـي بـك ..
وكنت أطمئن روحي بحضورك .. بضحكتك وهي تـرن في مسـامعي .. بروائع الكلم يأتي منك ..
هكـذا تسـللنـي الأمل فـي كـل الأحايين بلقياك!!!

عزيزتي ..
نحـن مـا أقمنـا فـي محـراب الوطن إلا لنسـعد بمقدم مـن هم مثلك ..
ننتـظركـم دومـا لنمـارس معكـم الأفـراح والأشـواق والانتصـارات ،
وكـان ذلـك اقـوى إيمـاننـا بالوطـن وبكـم .
ينتـابنـي العطـف عليـك ، وأنـت هنـاك تعـانـي ويـلات الغـربـة والبعـد عـن
معشـوقك الأزلـي المقـدس ، وتقضـي وقتـا بعيـدا عنـه كـان مـن المفـرح أن
تقضيـه وأنـت متـوشـحة بغبار الوطن الرائع ، تهتـفين لـه :

فـوق .. فـوق .. سـودانـا فـوق .

وأن تـرفـعي يـدك ثـم تبسـطيهـا هاتفـة :

بالدم .. بالروح .. نفديك يا سـودان .

أمـا كـان لهـذا الـزمـن القبيـح أن يسـتقـيم لتبقـىن معنـا وتمـارسين حـلاوة
العيش فـي الوطـن العـظيـم !!؟؟؟

لـك الله ..
لـك الله والسـموات والأرض ..
لـك حبـي وتقديري ..

ابني الحبيب حسين يوسف كل عام وانت بخير وعافيه يا اصيل
انت بالذات انا خجلانه منك شديد وما عارفه اودي وشي منك وين . ما اظنك تقدر تتخيل مدي المي وغضبي من نفسي لاني فشلت تماما ان القاك او حتي اهاتفك .
اول شئ قررت اعمله اني اسعي لي موبايل
تانيا اتعلم اتعامل معاهو طبعا ما في زول ح يصدق اني ما بعرف صرفا ولا عدلا في التعامل مع تكنلوجيا الموباي
ل. ارجوك اغفر لي جهلي ابدا ما نسيتك يعلم الله هاتيت بدربك كتير بس ما عرفت ليك طريق . ارجوك سامحني

تسلمي يا تيسير كان لوجودكن في تلك الامسيه الجميله طعم خاص تحياتي لكل الكواكب المنيره الدكتوره المحتفي بها نجاه محمود دكتوره صفيه , نهله عمر , ملكه سبأ منال عوض خوجلي ,اسمهان , ريهان , نجلاء الماحي , انعام عبد الحفيظ شقيقتها ووالدتهن والده الابن محمد البشري ونجمه الحفل غاده نوري . شكرا يا غاده لحضورك ومشاركتك الرائعه لنا برضو تحياتي وشكري العميق لصديقتك يا انعام زوله رقيقه كالنسمه وللاسف ما حفظت اسمها لكين ملامحها وابتسامتها محفوره في ذاكرتي شديد . قولي لي الاسم يا انعام وبلغيها حبي الكثير ليها ولكل نجوم حيموره وا لجميلات الهام واشراقه وعلا وتيسيير الطيب سوار وحنانه لسه عندي معاها ونسه ما تمت بنتمها السنه الجايه لو ربنا هون .
ابنتي الحبيبه الرقيقه فاديه شكرا ليك كتير اشعاعات محبتك بتدفئ زمهرير غربتنا .اسعدني وجودك بيننا .

ود كرار سلامات وعيدك مبارك

Quote: يا زولة أمشي طوالي.. لأنو بحري غير... بحري طراوة

هي بحري انا خليتها قبل زي تسعة شهور طراوة فعلا لكن من كلام ماما دومة ده حاسة بي السودان كلو بقي سخاااااااانة شديد ..اكتر من العليهو ..ياربي في شنو أكعب من الحاصل ياحبيبة ؟

ماااااااااااااااااااما دووووووووووما ....

الف حمد لله على السلامة .. (طبعا دي للباصويرد) .. كل سنة وانتي طيبة ...وربنا يخليك ويخلي ليك اولادك ..


حقيقة سعدت جدا بطلتك من جديد .. تاني حمد لله على السلامة ..

والله أيام كانت بالنسبة لي حلووووووة وسعدت جدا جدا جدا بملاقاة امي وحبيبتي وصديقتي واختي ...

بس الوقت كان قصير جدا وياخ نحن البنعتزر .. وتأكدي بانو .. انتي تستاهلي أكتر من كدة بكتير بس كنا عاجزين ..ما قدرنا نقدم اكتر .. واهو ما قدرنا نجمعك بكل البورداب الفي الخرطوم .. لكن عرفنا الدرب والجايات ارحب ..

مودتي لك .. وبقول ليك ...





حزب البهجة والترحيب ... ماما دوما .. بيننا

دوما

و انت دائما كلك امل و فرحا رغم الجراح

و كل سنه و انت طيبه

يعني ما في طريقه نقابلك فيها؟

عليك الله ما دبرسي بينا

ان شاء الله الدربرسه فكت الان؟



و الله يخلي بورداب الخرطوم ما بقصروا خاصه ال حيموره و العقد الفريد

و الي ان نلتقي في الخرطوم

كل سنة وانت طيبة والمعاك كلهم بخير
وبركة الشفتي اهلك طيبين






منظرة منك اتصال ضروري جدا وفي اسرع فرصة ممكنة
للاهمية

راويه الحبيبه كل سنه وانت اجمل و هاك الايميل دا رسلي لي النمره فيهو
[email protected]

كل سنة وانتى طيبة يادومة
كان نفسى والله اكون هناك عشان امتع نفسى بجكاويك ووعيك

غايتو الصين دى عملتها فينا... من يوم رحلتى من عندنا هنا فى المانيتنا القريبة دى بقى الزول يشتاق لرنة التلفون والضحك... يا ختى سمعينا صوتك ولا رسلى التلفون


محبتى

الدكتوره اشراقه يا مشرقه كل عام وانت واحبابك بكل ا لخير
شفتي حظي كيف منيل ؟؟
الاسبوع الاول عديتو مرض
التاني كله البكيات عندي اختي الله يديها العافيه مما اصل بلقاها محضره لست بالماتوا اولا واكون عزيت بالتلفون برضوا تقول لازم امش بخشم الباب وابكي .
وصلت الدكتوره بيان في اخر اسبوع ولمتني في الحبان وعارفه زمن السودان الممحوق والله كان في خاطري زياره حواء زميلتنا بالبورد بس ظروفي القاسيه ما سمحت لي ولها العتبي حتي ترضي . ونستك بدورها وبشتاق ليها لكين فرق الزمن مبرجل علي حياتي . بتمني اسمع صوتك رسلي لي تلفونك علي نفس الايميل الاديتو راويه

وانت طيبه يا بت الاسيد
ما انتوا البتزرعوا الفرح
تعالوا كلكم نشد كتف الغناء الميل
.

الخــــــــــــالة الحبيبة دومــــــــــا

أدام الله عليك كل أنعامه من نعمة الصحة إلي ما لانهـــــــــــــــــــــــــــاية من كثير أنعامه

حمد ا علي سلامتك وكل عام وأنت تجملي لينا كل الأمكنه وكل الأزمنه بحضورك القوي بيننا

كم كنت أشتا ق أن نلتقي بالخرطوم وبوردابها الحلوين وهم الذين أدخلوا علي نفوسنا الرجوع

الي العاصم الحبيبة التي فارقناها لسنيين عديدة ومن أقوي أسباب العدول للعوده هم بورداب الخرطوم

ولك أن تسعدي بهم وهم يعطرون ويقدمون لك القليل من كثير ماقدمتي لنا عبر المنبر الأسفيري هذا

لك مني ومن أسرتي كامل الأمتنان والتقدير ما ما دومـــــــــــــــــا .

،،،،أبوقصى،،،،

ابني الحبيب ابو قصي
نضر الله ايامكم بكل ما هو جميل
احمده كثيرا علي نعمه حبكم لي فهو زادي وعتادي وكل ما املك في هذه الفانيه
وكل عام وانت واسرتك الجميله وكل الاحباب بخير وعافيه

نجي لي نعومه حيموره
البت المعجونه من طينه المحبه والعطاء من غير من او اذي
. تجيك متل ضو ء الصباح متل اريج فواح تفتح باب قلبك وتدخل وتتوهط .
تحس انك بتعرفها من زمان لا بتحس معاها بكلفه لا غربه .
انعام بتي انعام اختكم انعام صديقتكم انعام قبله المحتاج انعام شايله مفاتيح القلوب و هموم قضاء حوائج الناس .
انعام بسمه طفله وصلابه الماس .
يا بت الله يغطي عليك من عيني انا وعيون الناس .
يا رب تحفظها وتصونها في غدوها ورواحها في صحوها ومنامها
وتجعل كل ايامها افراحا وتسدد كل خطاها .
آمين

الخالة دوما ( مع انو قصة خالة دي ما واقعة لي ) .. كل سنة وانت طيبة ..

تزامن حضوركم الى الخرطوم مع غيابي عنها في رحلة عمل الى دبي وعلمت متأخراً جدا أنك في السودان وبحثت عنك واتصلت باشراقة حيمورة ومن بعدها انعام ثم د. نجاة وحزنت بعد علمي أنكم غادرتم ... وسنلتقي باذن الله ..ولك التحايا ..

الابن العزيز معتصم محمد صالح شكرا علي السؤال عنا
ما بتقصر والله لو كنت موجود بالتاكيد
اتمني ان نلقاك في سانحه اخري
الدكتوره نجاه ما زالت هناك ستغادر بعد غد
تصحبها السلامه في الحل والترحال

الصديقة، الأخت، الخالة دوما

عدتي منا وإلينا، فمرحبا، بكي...
كما تحتليم القلب، فقد وضعت الأبنوسة اسمك على قائمة من ستبحث عنهم، بل قد يكون ضمن أولويات رحلتها، وحتى بالأمس هاتفتني، لمساعدتها في ايجاد رقم هاتف الخالة دوما....ولكن يبدو أنه ليس لها في الطيب نصيب...
مع تمنياتي لكي ولعيال وأبوهم بدوام الصحة والعافية....

دومة العزيزة
سلامات وكل سنة وانتى طيبة وإنشاء الله لقيتى عقابك بخير..
سعدنا والله كثرا بلقياك..
ورغم قصر الزمن إلا أنه كان كافياً لنعرف معدنك الأصيل وأصلك الطيب
وخلقك الجميل..
نحن من نعتذر ولست أنت..لأننا ما أحتفينا بك كما نريد وكما ينبغى أن يكون..
ولكنه ظرفنا وإرادة الله..
عموما كان الله مد فى العمر حتما بمشيئته سنلتقى وعندها سنواصل ما إنقطع بيننا من حديث..
سعدت كثيرا بمهاتفتك وأتمنى أن لا ينقطع التواصل بيننا..

أما تلك الرائعة إنعام حيمورة فلن أضف شيئاً لما كتبتيه عنها

Quote: نجي لي نعومه حيموره البت المعجونه من طينه المحبه والعطاء من غير من او اذي . تجيك متل ضو ء الصباح متل اريج فواح تفتح باب قلبك وتدخل وتتوهط . تحس انك بتعرفها من زمان لا بتحس معاها بكلفه لا غربه . انعام بتي انعام اختكم انعام صديقتكم انعام قبله المحتاج انعام شايله مفاتيح القلوب و هموم قضاء حوائج الناس . انعام بسمه طفله وصلابه الماس . يا بت الله يغطي عليك من عيني انا وعيون الناس . يا رب تحفظها وتصونها في غدوها ورواحها في صحوها ومنامها وتجعل كل ايامها افراحا وتسدد كل خطاها . آمين

إنشاء الله يوم شكرها مايجىء..

كل سنة وجميعكم بخير
ولك ولها ولكل المارين/ات من هنا محبتى..

الابن الكريم ازهري
انت الخير والبركه
انا الاسعد بيكم والله ومعرفتكم كنز
وشاكره كتير لاحتفائكم بشخصي الضعيف .
بتشدوا الحيل يابنات وابناء السودان ربي يحفظكم

الابن الحبيب عبد الجليل والبت النخله
مشتاقه ليكم يعلم ربي
لكين دايما حظي عاثر سافرت وما لاقيت البنت النخله مخصم بالبينا لو ما رسلت لي تلفونها الموبايل بالسودان
ودا ايميلي بسراعك ما تتا خر وكل عام وانتم بخير وعافيه
ودامت محبتنا .
[email protected]

Quote: نجي لي نعومه حيموره البت المعجونه من طينه المحبه والعطاء من غير من او اذي . تجيك متل ضو ء الصباح متل اريج فواح تفتح باب قلبك وتدخل وتتوهط . تحس انك بتعرفها من زمان لا بتحس معاها بكلفه لا غربه . انعام بتي انعام اختكم انعام صديقتكم انعام قبله المحتاج انعام شايله مفاتيح القلوب و هموم قضاء حوائج الناس . انعام بسمه طفله وصلابه الماس . يا بت الله يغطي عليك من عيني انا وعيون الناس . يا رب تحفظها وتصونها في غدوها ورواحها في صحوها ومنامها وتجعل كل ايامها افراحا وتسدد كل خطاها . آمين

دومة العزيزة

كل سنةوانتي طيبة يارب
وتستاهلي اكثر من كدة

انعام بنية حيمورة دي درة من درر الزمان
دائما سباقة للخير و شيالة تقيلة .....
يارب تديها الفي مرادها ...

Quote: يارب تديها الفي مرادها ...

احمد عبد الله يا صديقي .. تسلم والفي مرادي اني اسعدكم باللحظات القليلة البنقضيقها مع بعض دي ..


والله عشان الحمى النزفية ما قدرنا نودي ماما دوما لقندهار والغباشة .. وهي هسى حافظة القصة كلها من طقطق للسلام عليكم ..

والله فاقدنك شديد .. جاي متين مسنجر ومافي اهة دا تلفوني 0914763741

مودتي لك ولماما دوما

Quote: نعام بنية حيمورة دي درة من درر الزمان دائما سباقة للخير و شيالة تقيلة ..... يارب تديها الفي مرادها ...

الابن العزيز احمد عبد الله والله ما قلت الا الحق واي كلام يتقال في حق انعام دي شويه عليها انا غايتوا لا لقيت مثيلها لاحجوني بيها
يديك نعيم الدنيا والاخري يا نعومه

Quote: يديك نعيم الدنيا والاخرة يا نعومه

يا سلام عليك يا ماما دومة .. وشكرا لهذه الاحاسيس النبيلة ..

اخجلتم تواضعونا

الحبيبة ماما دوما

اولا نحن المفترض نعتذر لانو الزيك بستحق اكتر بى كتيييييييييير

اى نعم هى دقائق معدودة قضيناها معا و لكنها تعنى لى الكثير و تعلمت فيها الكثير

يا هاشة يا باشة يا طيبة

اكرر اعتذارى لعدم حضورى عشاء الزوادة لظرف خارج عن ارادتى و لكن بتتعوض لى قدام ان كان فى العمر بقية

شكرا ماما دوما و شكرا للمنبر العرفنى بيك

نهله يا جميله يا رقيقه
انت ما قصرتي والله ابدا اتصلتي علينا في الزواده وتلفونك كان انيسنا
تخيلي عندي صوره وانا بتكلم فيها معاك ح ارسلها ليك وحضورك الطاغي في الحفل سرني وكحلت عينيي برؤيتك الحبيبه
كوني بخير يا طيبه واتمني و صالكن انت ورفيقاتك الحلوات علي الدوام .

خالتى دوما
كل سنة وانتي طيبة
اول حاجة والله كنت قايلك ماشة بعكازين
والشيب مالية راسك
على حس انه لقيت الجماعة هنا مما جيت شابكنك خالتنا دوما خالتنا دوما قايلك اكبر واحدة فى المنبر

لكن لقيتك لسه صغيرة

بس عقلك اكبر بكتير شديد
وطرحك جميل اكثر
كنت اتمنى ان يكون اللقاء اطول لاستفيد منك اكثر

ولكن الحي بلاقى
والى الملتقي مرة اخرى

اشكرك على اللحظات الجميلة التى قضيتها معكى ومع الدكتورة بيان

واتمنى ان نلتقي مجددا
وكل سنة وانتي طيبة
وكل سنة وانتى خالتنا

دوت ابني حبيبي ونور عيوني بحبك يا دوت
بحبكم يا عبق الارض وطيبتها وجمالها لما شفتك بالجد شفت املي في وطن جميل ومعافي
وطن يضمنا كلنا وتتكاتف فيه ايادينا عشان نبنيه ويكون حلمنا حقيقه
بحبك يا دوت . ما تنسوا الوصيه ابقوا عليها عشره .
افصلوا الدين عن الدوله ودا الطريق للوحده والمساواه والعدل . لازم تكون في كنيسه متل ما لازم يكون في مسجد ولازم ينطبع انجيل ويتوزع لمن يريد متل ما لازم ينطبع قرآن ويتوزع لمن يريد .
حريه الاعتقاد والتفكير وزهقا للتكفير وحجر الفكر باسم الكهنوت .

العزيزة ماما دوما
كل سنة و إنت بخير و عيدك مبارك إنت و الأسرة الكريمة و كل أعضاء المنبر و زائريه

ابني الحبيب خالد شاكره طلتك المفرحه
طولت منك يا خالد وانت دايما في الخاطر
اجمل امنياتي ليكم بمناسبه العيد والعام الجديد اعاده الله عليكنم بالخير والبركه

الاخت الفاضلة دوما ، كل سنة وانت واسرتك بخير ، وحمدلله على سلامتك ، هذا البوست من اشارات محبة الناس لك ، متعك الله بالصحة والعافية ، وحبب فيك خلقو ، اسف للوصول متاخر ، وذلك لاننى من قبل العيد لم انعم بيوم واحد اجازة مدورين على طول، ولكن الحمدلله على كل حال . اختى الفاضلة تستاهلى كل هذا الترحيب هم كرماء وانت تستاهلى .

الغالية العزيزة الأخت دوما

كل عام وانت وكل أفراد الأسرة بخير وعافية بمناسبة كل الأعياد المتتالية والمتوالية عيد الأضحى المبارك وعيد الميلاد وعيد الأستقلال المجيد والسنة الميلادية الجديدة وأعياد السلام 00 وألف حمد لله على السلامة بعودتك من السودان 00 لقد أصابك الإحباط ايتها الرائعة وانت تزورين الوطن 00 ولكن وجدتي في حناياه ما يخفف عنك الكثير 00

وهذا هو الوطن جميل بشعبه 00 هذا الشعب الصابر والمغلوب على أمره !!!!

كنت في خلال هذا العام في السودان ولقد أصبت بالتوهان غير أن هناك نفر يجملون لك هذا الوطن الجميل القارة 00 وتعود من التوهان ويزيلون عنك حتى الإحباط 00

وهذا هو الذي نحلم بيهو يوماتي 00
وطن شامخ حر ديمقراطي 00

لك محبتي وطاب لك المقام اينما حللتي 00 وكنت أتمنى أن أكون في السودان حتى اسعد بلقائك الذى لم أحظ به من قبل 00

ايتها الرائعة
وسيظل الحلم بلقائك 00 وليكن الوطن مكان اللقاء 000




مع مودتي 000

انعام حيمورة ياعسسسسسسسسل

ياخ والله من كلام حبيبتي دومة عنك اتمنيت اشوفك واعرفك اكتر وربنا يكتب لينا اللقاء يارب قولي اميييييييين..

اها وبالمناسبة دي ياخ الهدية بتاعتك بتاعة ياطير ياماشي لاهلنا ابت تفتح هناك ولما تفتح تقطع طوالي بتعرفي تجيبيها في بوست حبيبتي دومة ده واهي ماشية مع قصة البوست زاتو قلتي شنو ؟؟

ندووووووووية انتي العسل كلو والله ..

Quote: اها وبالمناسبة دي ياخ الهدية بتاعتك بتاعة ياطير ياماشي لاهلنا ابت تفتح هناك ولما تفتح تقطع طوالي بتعرفي تجيبيها في بوست حبيبتي دومة ده واهي ماشية مع قصة البوست زاتو قلتي شنو ؟؟

والله ضحكت ضحك من كلامك دا ..

بعدين انا ذاتي استغربت لي الاغنية دي ما قاعدة تظبط لكن ليك علي اليوم اظبتها وواديها ليك هناك ..

خلاص يبقى لازم تسامحيني كويس ؟؟

_______________________________________________
بعدين منو القال ليك نحن من اتلاقينا.. أذكرك .. في مرة كنا عاملين وداع لدكتور أحمد القاسم في شارع النيل .. وانتي جيتي هناك ..

ناعومي حبيبو

Quote: بعدين منو القال ليك نحن من اتلاقينا.. أذكرك .. في مرة كنا عاملين وداع لدكتور أحمد القاسم في شارع النيل .. وانتي جيتي هناك ..

سامحيني يابت أمي ده الزهايمر والخرف المبكر أظنو ..طيب ياخ كدي رسلي لي صورتك فى الايميل ينفع ؟!!

Quote: ولنجعل قلوبنا اوطانا آمنة لبعضنا البعض..هكذا اتمنى فهل هذا كثير ؟

لا والله !!!


جدا والله ..اهة ياطير كيف ماشة معاك ..

اخي العزيز الكريم تاج راسي وعزتي عثمان سيد احمد
كل عام انت والاسره بخير وعافيه
شاكره كتير ومقدره لمشاركتك لنا هذا الخيط
. نعم اخي عزه ناسو وجمالهم ترجعنا مهما بعدنا وسكنا اقاصي الدنيا صدقني لا غاب هو ولا غابوا عني هم ولو لحظه طوال العشرين سنه وانا بعيده عنهم شرقت وغربت والقلب مشدو د صوبه جته حايمه والروح هناك علي ضفاف نيله هايمه في شوارعه بين ناسوا في اسواقهم في زحمه مواصلاتهم في مستشفياتهم بين الفترانيين والعرقانيين والمرضانيين والمغلوبين والمسحوقين . واقفه بتحلم ومرات تضحك ومرات تبكي ومرات تثور ومرات تنكسر . في بدايه البوست دا كنت في حاله انكسار من الحسيته من اللمسته هناك ومن عجزي ومن قله حيلتي .
شفتهم كيف جوني يشدوا الحيل يعدلوا الميل ويطمئنوك انهم بخير وانت عارف وحاسي انهم بعانوا وانهم مطحونيين ومظلوميبن
. لكم التحيه والاجلال شعب السودان . عمالقه تتقلد امورهم الاقزام .

ابني العزيز هجو متي ما جئتنا حبيب وعزيز
اهلنا بقولوا الكلمه الطيبه بخور الباطن
والكلمه الطيبه كالشجره الطيبه
وشن حسناتنا غيرها ؟؟!!
. الله يقدرنا عليها ويقينا شر انفسنا والسنتنا . الم يقل النبي الكريم الدين المعامله . ويقول تعالي مخاطبا رسوله ( لو كنت فظا غليظ القلب لانفضوا من حولك ).
العيد مبارك عليكم وكل عام وانتم بخير وعافيه تحياتني للاسره الكريمه واجمل الامنيات لهم

دوما ..غايتو كل سنة وانتى طيبة

خالة !!تجى الخرطوم ..ما حانساها ليك.!!
لو كنتى نازلة فى المغتربين ...فدى الطامة الكبرى ..لانى شغال الايام دى فى الصافية
لو نازلة فى اى شبر فى الخرطوم كان وصلتكـــــ..


عرفتا بى جيتك ..بعد فوات الاوان


"كان الزول يلاقيك ما معروف فى الدنيا دى ..!!

الزول بعيش تانى وبلاقى ؟!! "

ابني الغالي نادر الملك وانت ومن تحب بكل الخير
اظنك طولت من البورد لانه بت حيموره دقت بوست اعلان بحضوري الخرطوم وتبلدينا استقبلني في المطار ونزلت بنفس المكان الجيتوني فيه زمان . بس نقول ا نها الاراده والمقدر لا بد يكون . اتمني لقياك في مره قادمه .
لو في العمر بقيه و الامور اتسهلت تاني بجيكم .
كون بخير وسلم علي الناس الصافيه .

بكري ابو بكر مالوا تلفونه دايما تيت تيت ا لحكايه شنو ؟؟؟!!
وبرضو ويقول لي مامه دومه انت ما بتريدني .

صاح ؟؟
هوي يا بكري ضربت ليك لما اصبعي اتبرا من الضرب وتلفونك معلق تيت تيت تاني اسوي شنو ؟؟

الاخت دومة
تحية طيبة
الحمدلله بسلامة العودة الي حيث البرد القارس
والليل الذي يبدأ قبل الخامسة والتحايا موصولة
لكل من معك وكل عام وانتم بخير.
يحيي

مرحب يحي وكل عام وانت ومن تحب بخير وعافيه
تسلم انت والمعاك لهم مني كل التحايا والاماني الطيبه
اي والله البرد قرص شديد لو كان في شويه رطوبه كان نزل الجليد
الطقس يجيب الدبرسه الا ناس سودانيزاولاين مدفينني بي حراره محبتهم
الله يعدلها عليك يا بكري ابو بكر محل ما تقبل

دوما ...

بكون طولتا ..المكان ما زى بقيت الأمكنة.!!

بتعرفى محطة الوقود جنوب على الشارع بجوارها أزاول العمل كل يوم ولمدة قد تستمر لعام آخر ...ربما إذن فى المرة القادمة
"ربنا ما قسم لينا"
..
..

كان عندى ليك جنس حكاوى..

أووه استاذة كومة
حمد الله على السلامة وكل سنة وانتي طيبة
طبعا انا مصرة على عدم ذكر ماما او خالة دومة لانك يا ختي صغيرة على خالتي او ماما على الاقل بالنسبة لي
سعدنا بيك وبحضورك بيننا وز ي ما قلتي البركة في البت العسل انعام حيمورة واسرتها.

صفية

صفصف والعسولات كل سنه وانتوا حلوين وفرحانيين . شكرا ليك يا صفيه عاد الزول ما بيابي السغره
بس البقنع هشام شيخ الدين منو ؟؟ اني ما مشلخه ولا شفت الترماج

Quote: تخيلي عندي صوره وانا بتكلم فيها معاك ح ارسلها ليك وحضورك الطاغي في الحفل سرني وكحلت عينيي برؤيتك الحبيبه

شكرا ماما دوما كلماتك بتطيب الخاطر المجروح و مستنيةالصورة حاخلى انعام ترسل ليكى ايميلى

و اكيد حضورك انتى و الدكتورة بيان هو الكان روح الحفلة و سبب اللمة الجميلة

شكرا ليكى يا طيبة يا ملكة

بركه يا دوما الشفتيهم كلهم تامين ولامين
ولكن باين احزان الوطن برضو طاغيه على فرحتك بلقائهم.

Quote: وصديقه اللطيف وظريف محمد احمد وعايزين بكري يديه عضويه همتك معانا يا تراجي عشان نكتر كوم الجمال والجميليين بالبورد زول غايه في اللطف وخفه الدم غايتو انا حبيتو عديل كدا وعندي معاه صور جميله شديد بضحك فيها من الاعماق

ويلا يا بكري يا غالي
عايزين عضويه لهذا المحمد احمد كان يعرف يضحكنا شويه هنا.






عارفه ساعات يا دوما اشفق على هذا الكيان بورداب الخرطوم
فقد صاروا مشغولين عن العطاء هنا باستقبال ووداع بقية اخوتهم البورداب.
ربنا يعينهم و التواصل جميل جدا...لكن البلد دي دايره دفره اكبر....وربنا يهون
وعسى ولعله عام 2008 يحمل شيئ من الخير لبلادنا.
بركه الرجعهت لاسرتك بالسلامه
ما شفتي بهاء بكري شفقنا كيفن بمرضته الاخيره في السودان.

دومة الجميلة
الشوق بحر ويا بختك بالزيارة و وحجة مبروكة للوطن الحبيب
المستحمي بالحمى والنزيف ..
تسلمي حبيبة

بت فاطنة

بت فا طنه يا شقيقه الروح مرحب بيك
ما تجي تزوري بلدنا دي يعني ما مشتاقه ليكم انا
اغشي الدكتوره سوقيها وتعالن كلها اربعه ساعات او اقل.
كل عام وانتم بخير

بعد إيه جاية تعتذري, بفيد مين إعتذارك يا ستنا ويا حبيبا إلى القلب عن بعد!!.
نسمع بل نتسامع همسا عن قدومك إلى البلاد, نفتح نفاجات الجيران ونسترق السمع علنا نحظى برؤية قلبية, ومن فرطت عجلتنا أفضينا الخبر !!.

ولم يمهلونى إنهالوا علي إتصالات قائلين: ما قلنا ليك ناس الانترنت ديل سحا حير وأشباح لادوما فيها ولا تراجي!?.


وتقطع بي سبل وصلك وخاب سعي لإدراك إبنك تمبس حتى ينجدني بتلفونك بالسودان ولكن هيهات هيهات أى بعد بعد!!!.

قالوا لى حاول! آخر كرت المحامية : الماحي. أيقظتها مبكرا وأنا بالمطار معتذرا لها ومتلهفا عنك, قالت: غادرت السودان?!!.

حبسوك, حجبوك, ضنوا بك على الناس , واروك خلف زجاج السيارات منعوك والأهم نسوك التسائل عنا!!.

إشراقة, ووداد. كانتا متلهفتان !!!.

إذن إتصلى لتنالى رقميهما!!!!

أنا ما مشتاق !!مش على كيفي?!!.

للحبيبات اشراقه ووداد خالص اعتذاري ولهن العتبي حتي يرضين وامنياتي لهن ولكل الاسره بعام جديد و سعيد . لو عرفت يا قاسم ولدي احوال البلد الاسمو الخرتوم واحوال الناس هناك لعذر تني . الاسبوع الاول انا لازمه سرير المرض .
الاسبوع التاني البكيات .
تصحي بدري تقول اليوم امرق اقضي المشوار دا واعمل كدا اليوم يروح كسور وبواقي .
تلقي دا نايم وانتظروا الفطور يطلع وناس تشرب الشاي ودا ما بعرف عايز يعمل شنو قبل يطلع غايتوا امنت انه الزمن هناك ممحوق .
تكون في الباب طالع يدق الباب زول يدخل عليك .معناه مشوارك اتلغي ويومك راح
اتذكر في احدي المرات واسال تبلدينا بعد ركبت في العربيه ودور متحركين جاء زول قاصدني نزلت من العربيه ورجعنا البيت وقعدنا زمن طويل لما في النهايه تبلدينا عديل كدا قال لي انا بمش اخليك .
غايتوا الا الزول يمش شهرين وتكون في يده عربيه سايقها براهو ويكون ساكن في مكان براه وعنوانه ما معروف
حتي يقدر يبرمج يومه وزيارته . غير كدا بيكون حاله مجهجه وفي النهايه تكون ملام . لكم العتبي حتي ترضون .
اها بحاول امش في الصيف لو الجنرال رضي . بتلفن ليك

طيب المرة دي بس نقول مشتاقين, وحمدالله بالعودة سالمة. يا ماما.

ابو القاسم حلاتن القريدات ديل

العزيزة دوما
تشرفت جدا بلقياك
خرج صديقي د.انس بانطباع جميل ورائع عن شخصيتك المحببة وافكارك النيرة ..
كل الامنيات بحياة جميلة تسعك وما تحملين من افكار ورؤي ..
مودتي
منعم

ابني العزيز منعم شكرا علي طلتك وتحياتي لدكتور انس وارجوك انقل ليه عميق اسفي واعتذاري
ما عارفه حاسه انك اخدت في خاطرك .
لك العتبي

ياهو السبب المنع الناس, تواصل ماما دوما. الزول الاسمو تبلدينا!, لكن معليش !!.
بعد الذى قلتيه نعذرك ونشكر الذين وجدوا سانحة لمقابلتك ولم يضنوا بوقتهم لك .
رغم الصعاب والمعوقات والامراض وتحية خاصة لآل حميراء .

Quote: ياهو السبب المنع الناس, تواصل ماما دوما. الزول الاسمو تبلدينا!, لكن معليش

كيف الكلام دا ؟؟
لا والله انا تبلدينا ما كان فاضي لي مشغول بمستشفي سرطان الاطفال ولم التقيه غير تلات مرات ولزمن قصير جدا
واي زول اتصل علي تلفونيا او طلب مقابلتي عملت المستحيل وقابلته ولو للحظات والله.

الاخ ابو القاسم ..

تحياتي لك .. 4 مرات اكتب رد يطير .. وصغرت ليك الصورة .. برضو تطير ..

اعمل حجمها 200 بالادوب فوتوشوب ..


ماما دوما دي كنز حقيقي

بركة بالشوفة يا جميل
غايتو أمومتك دي عاطفة ساي يا شابة، يا ملكة جمال، و شكرا على الصور.
و مُحسن كان ما شافك يموت بي مغصتو هو.

Quote: بركة بالشوفة يا جميل غايتو أمومتك دي عاطفة ساي يا شابة، يا ملكة جمال، و شكرا على الصور. و مُحسن كان ما شافك يموت بي مغصتو هو.

عاد انت ما بتخلي مسختك دي .

انا الحا اموت بمغستي يا محسن خالد انت ما بتسمعني مالك يا ولدي
يا محسسسسسسسسسسسسسسسسسسن والله انا قلبي مقبوض عليك يا محسن ياناس عليكم الله اي زول عارف محسن دا وين يقول ليهو امك دومه بتفتش عليك

الخالة دوما (بتحفظ بعد كلام محمد حسبو) و بأمانة أنا قلبي كان حاسي و قبل كدا قلت ليك حكاية خالة دي ما واقعة لي... المهم حمدا لله على السلامة و إن شاء الله تكوني لقيتي كل الأهل و الأحباب بخير. و وجدت الأسرة كذلك بخير بعد العودة. التحية لكل بورداب الخرطوم و للدكتورة بيان و تحية خاصة للأخت إنعام فهي تستحق ما قلتيه عنها و أكثر.
تولاك الله برعايته و حفظه في حلك و ترحالك.

Quote: لخالة دوما (بتحفظ بعد كلام محمد حسبو)

لوووووووووول يا العوض ولدي حسبو بضحك علي انت ما قريت كلام نعومه قالت دومه مش امنا وبس حبوبه كمان .
حسبو يسخر مني شغل مكاواه بس .
شاكره مرورك وكل عام وانت ومن تحب بخير

الرائعة الاستاذة زينب بت الفحل
سعيدين والله بي شوفتك واللحظات الجميلة التي جمعتنا واياك
وكنا نتمني الصبن قريبة متل مدني
تسلمي كتييييييييييييير

اووووووه السمؤل ولدي
حبابك يا الكريم عقابك
حبابك يا سمح الخصال
شيال تقيله وضوء قبيله
الله يغطئ عليك
ويحفظك من كل بلاء
آمين

العزيزه دوما
رغم قصر فتره لقائى بك لكن كانت ساعات رائعه
ربنا يمتعك بالصحه والعافيه

فرح يا ناثر الفرح
انا الاسعد والله بلقياكم
الاماني لكم جميعا بعام حافل بكل الخير والجمال الذي يماثل جمال انفسكم ا لطيبه
فقد عطرتم الامسيه
وكنتم نجومها اللامعه

يا ماما دومة .. نجاة سافرت امس والخرطوم بقت مسيخة من غيركم ..

اهة نقول حمد لله على السلامة

ترافقها السلامه الي الدوحه يا نعومه .
الخرطوم انتم من تجملونها وتنثرون الفرح في دروبها المغبره
وتحيلون كآبتها بهجه ونضاره .
الخرطوم بدونكم تصبح ما مدينه

دوما يا حبيبة..

عودا حميدا.. وإن شا الله كحًلتي عينيك بشوفة الأهل والحبًان..
أرسلت ليك التحايا مع إنعام حيمورة الهميمة..

وكل سنة وإنتي ووليداتك وأبوهم بخير

رجويه حبيبتنا كلنا
يا اخت الغلابه اينما حللتي
سند المظلوم وبقاسي
اتابع اشراقاتك و نجا حاتك وعظيم وقفاتك يا شامخه .
وصلني سلامك ولك مني كل الحب وصادق الموده
وكل عام وانت وخواتك والوالده بخير وعافيه

Malaria kills 4,000 people in Sudan each month

Quote: Malaria kills 4,000 people in Sudan each month

Follow the south African example fight mosquitos using DDT> . lift the ban on DDT usage a luxury our countries can't afford without having 4000 people killed by Malaria in Sudan alone

يا خالة ..
يعني مافي طريقة تجي السودان ونحن نكون فيهو ..
سلام كتاااار ..
ولك كل الأماني الحلوة ..


محبتي ..

Quote: بورداب الخرطوم سامحو ني ..... انا اعتذر

الخالة دومة .. فاتني أن أحي هذه الشجاعة في الاعتذار والرجوع للحق فضيلة ..

نعــــم لثقافة الإعتذار

Quote: نعــــم لثقافة الإعتذار

لول منير الاعتذاربنقدمه بس للناس الحلوين والناس الكعبين يبقالون سم

حمدالله على السلامة يا دوما سمعت بيك فى الخرطوم
لكن لم تتاح لى الفرصة للقائك
لكن المرة القادمة

واتمنى ان تكونى قضيت اجازة كويسة مع الاهل
وتكونى فهمتى حاجة من عاصمة(الرمل والتراب)ويقال (الاسمنت) هذه الايام

مرحب بيك يا احمد امين
والله ما فهمت شئ لكين ما تحسسته اذهلني
في ناس عندها كل شئ وناس فاقده كل شئ .

Quote: يا خالة .. يعني مافي طريقة تجي السودان ونحن نكون فيهو .. سلام كتاااار .. ولك كل الأماني الحلوة ..

اهلا معتصم زين الشباب في الف طريقه وريني زمن جيتتك يا حبيب ونبرمج لو في عمري بقيه .
واجمل المني بمناسبه راس السنه 2008

ماما دوما يا أحلى ماما

عارفه ققدر ما إتخيلت شكلك ما كنت قايلة ح تكوني بالحلاوة دي

بس المزعلني انو ما لقيت زمن كفاية معاك

وكان نفسي اتونس معاك كتيييييييييييير

إنتي انسانة جميلة من جواك ومليانة حاجات كتييييييرة حلوة

وبتمنى أقدر ألاقيك تاني

شكراً لصحبتي انعام حيمورة البت المافي منها إتنين

لأنها بتلاقينا بالدرر دائماً