سودانيز اون لاين.......زى الفريك ما يحبش شريك...!!!

Post: #1
Title: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 09:01 AM

أخواتى وأخوتى كل عام وأنتم بخير..

عيد أضحى سعيد
وميلاد مجيد
وسنة جديدة سعيدة باذن الله..

والعفو والعافية.

اما بعد..

أشكو اليكم هذا السودانيز اون لاين..
فقد حجزنى فى قمقمه..
وأسرنى فى سجنه
وافقدنى صداقاتى واجتماعياتى ،
وعطل على أعمالى ودراساتى
وأفسد على خلواتى وعباداتى..
وبشتنى ..وعولقنى..ومرضنى
وأصابنى بألام فى الظهر والعنق
وغصة فى الحلق
وحول فى العينين
وفلس فى الجيبين
وصرة فى الجبين
وسمعة وشهرة وسط العالمين
النصاح والمجانين
الصالحين والطالحين
المخلصين والمغرضين
الانقاذيين والمعارضين
الزينين والشينين
العديلين والمعولقين

فهل تعرفون طبيبا يشفينى من أدمانه
الذى بشتن على احوالى؟؟

فكل ما ابتعدت عنه أعود اليه
صاغرة..
أما لهذا الادمان من نهاية يا ربى..

Post: #2
Title: Re: سودانيز اون لاين.......زى الفريك ما يحبش شريك...!!!
Author: Emad Abdulla
Date: 12-24-2007, 09:14 AM
Parent: #1

كمون أسود يا آمنة .

ختي معاهو شوية سنمكة .
و تاخديهم سفوفة على الريق .

.. الكمدة بالرمدة .

Post: #4
Title: Re: سودانيز اون لاين.......زى الفريك ما يحبش شريك...!!!
Author: HAYDER GASIM
Date: 12-24-2007, 09:22 AM
Parent: #2

أمونة ... كيفنك,

أنا هنا ليس لتوصيف العلاج,
لكن ... لمشاركتك الشكوى من
ذات الداء ... ون أعتقد أن حالتي
{ خفيفة } مقارنة بمن تعدوا السقوف
العشرة ألفية ... أو ... يجاورونها.

إتخيلي يا آمنة ... ضعفت رغبتي فى
{ الكتاب } وهو صديقي التاريخي بفعل
من هذا الإسفير الضاري.

... الله إستر

وكوني بخير

Post: #5
Title: Re: سودانيز اون لاين.......زى الفريك ما يحبش شريك...!!!
Author: saadeldin abdelrahman
Date: 12-24-2007, 09:23 AM
Parent: #2

دي للدسنتاريا يا عماد.
---------

عليكي بالقرض و اللالوب
القرض بخور و اللالوب حبة بعد كل 3 بوست
بالمناسبة كان عندنا زميل هنا اسمه قرض
الله يطراه بالخير كان معالج الزملاء/ات كلهم.

Post: #37
Title: Re: سودانيز اون لاين.......زى الفريك ما يحبش شريك...!!!
Author: doma
Date: 12-26-2007, 05:46 PM
Parent: #2

Quote: ختي معاهو شوية سنمكة .
و تاخديهم سفوفة على الريق .

.. الكمدة بالرمدة .

لي يا عماد كدا انت زعلان من امونه دي ولا شنو ؟؟!! دي سفوفه تجيب خبرها عاجلا .
امونه اتتخرجي بالكمون واياك والسنمكه

Post: #3
Title: Re: سودانيز اون لاين.......زى الفريك ما يحبش شريك...!!!
Author: ALGARADABI
Date: 12-24-2007, 09:17 AM
Parent: #1

آمنة مختار
كل سنة وانتي طيبة
وانشاالله السنة الجاية الصف بعد سواكن يصل محمد قول
وانشاالله ماتشفي من أدمانك ده

Post: #6
Title: Re: سودانيز اون لاين.......زى الفريك ما يحبش شريك...!!!
Author: tmbis
Date: 12-24-2007, 09:30 AM
Parent: #3

Quote: وبشتنى ..وعولقنى..ومرضنى

يا امـــونة:
بريه إنت من البشتنة والعولقه والمرض ..
لي عدونك إن شاء الله ..

فريك شنـو ياخ ..
قولي مخبازة .. يا أم جنقــر .. يا قدو قدو .. يا حرجـــل .. يا اي حاجة من الحاجات الطاعمه دي ..

ـــــــــــــــــــــــ

Post: #7
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 09:31 AM
Parent: #1

الاديب ..
ذو الحرف الطاعم..
والمخيلة الأطعم( عمدة)
قلت لى:
Quote: كمون أسود يا آمنة .

ختي معاهو شوية سنمكة .
و تاخديهم سفوفة على الريق .

.. الكمدة بالرمدة .

قلت لى كمدة بالرمدة..لا باللهى
دى وصفة فشنك ساكت..
كان صحى كمدة بالرمدة كان نفعت معاك.

ما انت مهيت ومبيت هنا

Post: #8
Title: Re: سودانيز اون لاين.......زى الفريك ما يحبش شريك...!!!
Author: معتصم دفع الله
Date: 12-24-2007, 09:35 AM
Parent: #1

عليك ببخور التيمان ..

كل سنة وأنتِ طيبة يا آمنة ..

Post: #9
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 09:54 AM
Parent: #1

أستاذنا حيدر قاسم:
Quote: أنا هنا ليس لتوصيف العلاج,
لكن ... لمشاركتك الشكوى من
ذات الداء ...

( رب ورقاء هتوف فى الضحى
ذات شجو صدحت فى فنن
ذكرت الفا ودهرا سالفا
فبكت حزنا فهاجت حزنى
فبكائى ربما أرقها
وبكاها ربما أرقنى
ولقد تشكو فما افهما
ولقد أشكو فما تفهمنى
غير أنى بالجوى أعرفها
وهى أيضا بالجوى تعرفنى)
الحال من بعضه يا أخى..
فهموم الوطن هى ما يدفعنا للمرابضة هنا..
( أتمنى أن لا أكون قد نسيت بيتا أو لخبطت كلمة فى الأبيات أعلاه فالذاكرة صارت خربة)

Quote: إتخيلي يا آمنة ... ضعفت رغبتي فى
{ الكتاب } وهو صديقي التاريخي بفعل
من هذا الإسفير الضاري.

... الله إستر

فعلا والله ..ربك يستر..
انا حتى الجرايد بقت بجيبها وبلقى نفسى نسيتها
لمن الأخبار تبقى قديمة..

لكن مع ذلك رائحة وطعم الورق شئ مختلف..
ولن يعوض عن متعة الكتاب ولا حتى مليون أسفير..
وأحيى صديقى الكتاب من هذا المقام.

Post: #10
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 10:05 AM
Parent: #1

الأخ العزيز القرضابى..كل سنة وانت وجميع افراد أسرتك الكريمة بخير..
Quote: وانشاالله ماتشفي من أدمانك ده

حرام عليك ياخ..
والله العظيم انا هسه بكتب ورقبتى بتوجعنى من البحلقة..
ياخ الأسافير دى تطير عيشتها.

انت عارف فى الصيف جاتنى واحدة صحبتى لقتنى حاضنة الكومبيوتر زى الجدادة..
وبتهرب من كل المشاوير والواجبات..ومعتزلة الناس وحالتى بالبلا..
شالت الكومبيوتر وأهدتوا الى واحد طالب..
حتى أتفرغ للفسحة معهم.

حالة صعبة..
ياخ سمعنا بالادمان ..لكن أول مرة نجربوا..

هسه الله يقدرنى على البوست ده..
لو زغت منو وقمت جارية ما تزعلوا

Post: #11
Title: Re: سودانيز اون لاين.......زى الفريك ما يحبش شريك...!!!
Author: هاشم أحمد خلف الله
Date: 12-24-2007, 10:22 AM
Parent: #1

Quote: أخواتى وأخوتى كل عام وأنتم بخير..

عيد أضحى سعيد
وميلاد مجيد
وسنة جديدة سعيدة باذن الله..

والعفو والعافية.

اما بعد..

أشكو اليكم هذا السودانيز اون لاين..
فقد حجزنى فى قمقمه..
وأسرنى فى سجنه
وافقدنى صداقاتى واجتماعياتى ،
وعطل على أعمالى ودراساتى
وأفسد على خلواتى وعباداتى..
وبشتنى ..وعولقنى..ومرضنى
وأصابنى بألام فى الظهر والعنق
وغصة فى الحلق
وحول فى العينين
وفلس فى الجيبين
وصرة فى الجبين
وسمعة وشهرة وسط العالمين
النصاح والمجانين
الصالحين والطالحين
المخلصين والمغرضين
الانقاذيين والمعارضين
الزينين والشينين
العديلين والمعولقين

فهل تعرفون طبيبا يشفينى من أدمانه
الذى بشتن على احوالى؟؟

فكل ما ابتعدت عنه أعود اليه
صاغرة..
أما لهذا الادمان من نهاية يا ربى..

امونة كيفنك وكل سنة وانتي طيبة وبصحة جيدة
انتي عارفة يا امنه كأنك تتكلمي بلساني والله .
وعليه نطالب المهندس بكري ابوبكر توفير مهدئات
من الأدمان وإلا .... نرجع تاني للإدمان

Post: #14
Title: Re: سودانيز اون لاين.......زى الفريك ما يحبش شريك...!!!
Author: Elawad Eltayeb
Date: 12-24-2007, 01:06 PM
Parent: #11

أمسحي الشاشة بالخل الطبيعي الممزوج مع زيت الزيتون البكر ونقطتين من عسل النحل

وأنقعي الماوس في زيت حبة البركة 3 غطسات

أنثري قليلاً من الزعفران على الكيبورد ثم أمسحية بزيت الورد

بخري البروسسر ببخور التيمان

كل ذلك والإنترنت موصل والموقع مفتوح على المنبر العام

هذا لمدة ثلاثة أيام متواصلة.. وإذا زرتِ الخور تبدأين من جديد.

Post: #12
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 12:33 PM
Parent: #1

Quote: عليكي بالقرض و اللالوب
القرض بخور و اللالوب حبة بعد كل 3 بوست

أخونا سعد الدين..
انت زااااتك قرض

Post: #13
Title: Re: سودانيز اون لاين.......زى الفريك ما يحبش شريك...!!!
Author: نجوان
Date: 12-24-2007, 12:52 PM
Parent: #12

Quote: أخواتى وأخوتى كل عام وأنتم بخير..

عيد أضحى سعيد
وميلاد مجيد
وسنة جديدة سعيدة باذن الله..
كل سنة وانت بألف خير يا آمنة..

_____
(معليش .. بس انشالله ما تكوني راجية نصيحة مفيدة هنا...
الكل في نفس طاجن الفريك ده)..

Post: #15
Title: Re: سودانيز اون لاين.......زى الفريك ما يحبش شريك...!!!
Author: عاطف عمر
Date: 12-24-2007, 01:17 PM
Parent: #1

Quote: أشكو اليكم هذا السودانيز اون لاين..
فقد حجزنى فى قمقمه..
وأسرنى فى سجنه
وافقدنى صداقاتى واجتماعياتى ،
وعطل على أعمالى ودراساتى
وأفسد على خلواتى وعباداتى..
وبشتنى ..وعولقنى..ومرضنى
وأصابنى بألام فى الظهر والعنق
وغصة فى الحلق
وحول فى العينين
وفلس فى الجيبين
وصرة فى الجبين
وسمعة وشهرة وسط العالمين
النصاح والمجانين
الصالحين والطالحين
المخلصين والمغرضين
الانقاذيين والمعارضين
الزينين والشينين
العديلين والمعولقين

فهل تعرفون طبيبا يشفينى من أدمانه
الذى بشتن على احوالى؟؟

فكل ما ابتعدت عنه أعود اليه
صاغرة..
أما لهذا الادمان من نهاية يا ربى..

لعمري لم أقرأ مدحاً لموقع أبلغ من هذا
لو لم يفعل هذا الموقع أكثر من تجميعنا إخوة وأخوات لكفاه

مشتاقون آمنة مختار

بيني وبينك
الحال من بعضو
ربما بدرجة أكبر
والصابرات روابح

Post: #16
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 01:48 PM
Parent: #1

أخونا فى الله تأبط شرا..اقصد تمبس ابو وردتين حمر
Quote: فريك شنـو ياخ ..
قولي مخبازة .. يا أم جنقــر .. يا قدو قدو .. يا حرجـــل .. يا اي حاجة من الحاجات الطاعمه دي ..

الفريك جه فى المثل المصرى..
وانا عندى غرام بالأمثال المصرية ..فهى بليغة جدا
زى أمثالنا السودانية..
وتعبر لك عن كثير من المعانى فى جمل بليغة..
عصارة خبرات أمة.

بعدين يا زول انت قايل بتكتل قلبى بالورد الأحمر دا..؟
مغيوظة منك شديد ..بس ما فاضية ليك هسه

Post: #17
Title: Re: سودانيز اون لاين.......زى الفريك ما يحبش شريك...!!!
Author: سلمى الشيخ سلامة
Date: 12-24-2007, 01:55 PM
Parent: #16

ما قلتى الا الحق
لكن
المرقة ساهلة
الغى الاشتراك فى النت
اقطعى التلفون
امشى بيتكم ياخ
ماكلنا بقينا زيك

لك حبى وكل عام انتى بخير

Post: #18
Title: Re: سودانيز اون لاين.......زى الفريك ما يحبش شريك...!!!
Author: tmbis
Date: 12-24-2007, 02:08 PM
Parent: #16

Quote: بعدين يا زول انت قايل بتكتل قلبى بالورد الأحمر دا..؟
مغيوظة منك شديد .. بس ما فاضية ليك هسه
.. اقول ليك حاجة يا ادروتــه:؟
كان الأحمر دا ما كتل.. بجيب ليك الأبيض .
الأبيض ما كتل ... بجيب ليك أحمر وابيض مع بعض في باقـة واحده ..
بلاي يا أدروتــه زول يجيبو ليهو في ورد انقليزي أحمر وابيض .. يجيب ليك سيرة الموت ..؟
دي عذبني وتفنن ذاته البقولوهــا.. ؟؟
اسمعي:
كان عايزه تخلي البورد دا طريقك زراعي تكوني ريحتينا زاتو من تفتيش الورد الأحمر والأبيض ..ومن كل يوم آمنة جات .. أمنه ما جات أمنه .. إلخ
البوست دا انا قاعد ليهو ..
رايك شنـو في الحاجة دي .. الواحد بطل ديسكات جوكية ليهو فترة لكن الليلة حاسي إنو نفسياتي كويسة.

Post: #19
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-24-2007, 07:57 PM
Parent: #1

Quote: عليك ببخور التيمان ..

كل سنة وأنتِ طيبة يا آمنة ..

حسب ظى بخور التيمان للعين والحسد ما للادمان..

وكل سنة وانت طيب أخى معتصم .

Post: #20
Title: Re: سودانيز اون لاين.......زى الفريك ما يحبش شريك...!!!
Author: Adil Osman
Date: 12-24-2007, 10:07 PM
Parent: #1

امنة مختار
كل سنة وانتى طيبة ومتابعة سودانيز وغيره من المنابر والقراءات.
بالمناسبة اسمك فيه حاجة عجيبة. زى كأنك حتصيرى شخصية معروفة ومؤثرة فى الحياة السودانية.
والناس يبنوا مدرسة يسموها مدرسة امنة مختار للعلوم السياسية.
أو مستشفى امنة مختار لامراض النساء والولادة.
أو جائزة امنة مختار لأفضل كتاب بقلم فتاة من شرق السودان.. وهكذا..

ما هو الفريك؟ لم اسمع به من قبل. مع اننى سودانى مطلع على الحياة السودانية.

Post: #21
Title: Re: سودانيز اون لاين.......زى الفريك ما يحبش شريك...!!!
Author: نادر السوداني
Date: 12-24-2007, 10:58 PM
Parent: #20

اميرة الشرق سلام //
اتفق معك سودانيز اون لاين اصبحت شئ مهم لكل سوداني الشتات
ومن خلالك ادعو كل الاقلام الصامتة ان تعود كسابق عهدها داعمة للدمقراطية
اللتي نجتمع حولة مائدتها لتصحيح وتجويد معطياتنا الفكرية المستنيرة لما لها
من خير لوحدة الوطن الحبيب وكرامة شعبة الصابر المقلوب علي امرة....................مع فائق تقديري

Post: #22
Title: Re: سودانيز اون لاين.......زى الفريك ما يحبش شريك...!!!
Author: b_bakkar
Date: 12-25-2007, 00:08 AM
Parent: #21

العزيزة آمنة مختار
كل عام وأنت بألف بخير
إذا كانت حالتك فعلا كما تصفين، فإنها حالة خطيرة وعايزة علاج عاجل
وأنا ما شايف ليك إلا واحد من ثلاثة علاجات:

الأول: نكلم أهلك يشوفوا ليك Chaperon (يعني "وصيفة"، بشرط تكون حازمة جدا، أو "مرافق" من أهلك، بشرط يكون فيه دم الأرتيقة أكثر من دم الحضارمة ليحددأو تحدد لك ساعة واحدة في اليوم على سودانيزأونلاين، ثم يقلل المدة لتكون ساعة كل يومين، ثم مرتين في الأسبوعين، وهكذا حتى تقلعي تماما..

بهذه المناسبة، لا تستنكري مسألة شابرون هذه، فبي نظير بوتو، التي درست في الولايات المتحدة، كان معها وصيفة حازمة، وأظن حرس كمان، إنت كفاك الوصيفة بس أو المرافق

تذكرت مسألة بي نظير بوتو والشابرون هذه (أكيد كلمة شابرون أحسن وقعا من كلمة مرافق)، البارحة، عندما كانت بنتاي الاثنتان 21 و 16 تريدان الذهاب إلى "المول" لمقابلة صديقة إحداهن، فمنعتهن أمهن، وكن مستنكرات ذلك،ويتساءلن لم يكون أخوهن الولد حرا وهن مقيدات؟

فقصصتُ عليهن حوارا مماثلا جرى بين Hulk Gogan*، وإبنته.حوار طريف ولكن لا داعي لسرده هنا. وقلت لهن: تعرفن أحسن حاجة تصبرن شوية لما أقدر أجيب ليكن "شابرون"، واحد من أخوالكن أو أعمامكن من السودان يباريكن...أو وصيفة حازمة، بعد داك أُمّكّن حا تمطئن عليكن

العلاج الثاني هو أن تشغلي نفسك بحاجة أكثر جدوى خارج المنبر وهناك خيارات كثيرة منها مثلا:

أن تصبحي ناشطة في الحزب الشيوعي أو حزب المؤتمر الشعبي، أو تعملي ليك منظمة إنسانية، أو على أضعف الإيمان تنضمي لي حركة حق، فهي مسؤولياتها ما كتيرة، لكن بضمن ليك أنها ستعطيك ما يساعدك على الخلاص من الإدمان

العلاج الثالث، وهو أجداها ولكن يبدو أنك جربتيه وما نفع معاك، هو الإنشغال بدارستك لإكمالها سريعا وبنجاح، والبحث عن وسائل لتزجية الوقت أقل ضررا من سودانيزأونلاين، كأن تتمشي ساعتين على كورنيش النيل، أو تمارسي اليوغا بانتظام، بالإضافة إلى صلواتك الخمس

هذا، والله هو النافع والشافي

_______________________________________

ملحوظة:

هناك دواء رابع معروف في كل الدنيا، ولكن يبدو أنه بدأ يفقد مفعوله، ولا أنصحك به لأني أرى أناسا كثيرين يشكون من أعراضه الجانبية الكثيرة المزعجة والمؤلمة جدا في كثير من الأحيان، فيفضلون البقاء بدون دواء، أو إدمان سوادنيزأونلاين وما شابه من مؤثرات عقلية

* هوقن مصارع مشهور كان محبوبا على نطاق واسع وسط الصبيان والشباب في الثمانينات والتسعينات،ولا يزال نوعا ما،ولديه برنامج إسمه Hogan Knows Best يصور حياة أسرته اليومية العادية وتجري فيها احداث وحوارات لطيفه بينه وبين إبنه وبنته وزوجته

Post: #23
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-25-2007, 00:42 AM
Parent: #1

الأخ هاشم أحمد خلف الله..
كل سنة وانت طيب :

Quote: انتي عارفة يا امنه كأنك تتكلمي بلساني والله .
وعليه نطالب المهندس بكري ابوبكر توفير مهدئات
من الأدمان وإلا .... نرجع تاني للإدمان

بكرى أبو بكر ادماننا ده عااااجبو وسارى بالو..
تخيل لو أدانا دوا لللادمان ده ..
منبروا ببقى ليهو خلا..
الا يكتب فيهو براهو
بوستاتو العجيبة ديك

Post: #24
Title: Re: سودانيز اون لاين.......زى الفريك ما يحبش شريك...!!!
Author: salah malik
Date: 12-25-2007, 01:27 AM
Parent: #23

http://www.cheqsoft.com/break.html

الأخت مني
برنامج يرفع بوجهك كرت أصفروبعدها كرت أحمر...في فترة زمنية
تحددها أنت بعدها يطلع ليك تنبيه بأنك قد تعديت المدة المسموح
بها وبعد داك تطلع ليك شاشة سوداء ( يعني قوم فرتق من هنا )
واذا مافرتقت بيعطل ليك الماوس.....برنامج ينكد عليك يومك
ويخليك ملتزم بوقت محدد...يعني الحل الوحيد هو ان تقفل البرنامج
من أول تنبيه...وقد أقترحت علي مصمم البرنامج باضافة سوط عنج
لو في واحد حاول يوقف البرنامج من أول تنبيه لانه مدمنين sudaneseonline
ديل أنا عارفهم كويس لأني واحد منهم.

Post: #25
Title: Re: سودانيز اون لاين.......زى الفريك ما يحبش شريك...!!!
Author: محمدين محمد اسحق
Date: 12-25-2007, 02:11 AM
Parent: #24

الاخت العزيزة امنة مختار ..كل سنة و انت بخير ..

و بالف عافية ..

Post: #26
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-25-2007, 02:56 AM
Parent: #1

الأخ العوض الطيب..كل سنة وانت طيب
Quote: أمسحي الشاشة بالخل الطبيعي الممزوج مع زيت الزيتون البكر ونقطتين من عسل النحل

وأنقعي الماوس في زيت حبة البركة 3 غطسات

أنثري قليلاً من الزعفران على الكيبورد ثم أمسحية بزيت الورد

بخري البروسسر ببخور التيمان

كل ذلك والإنترنت موصل والموقع مفتوح على المنبر العام

هذا لمدة ثلاثة أيام متواصلة.. وإذا زرتِ الخور تبدأين من جديد.

حالة صعبة!!
انتو يا جماعة مافى واحد فيكم يصف لى علاج بتاع دكاترة..
كللللكم طلعتو بتاعين علاج بلدى واللازم منو..

حقو بكرى يغير اسم الموقع الى (فقرا اونلاين)

Post: #27
Title: Re: سودانيز اون لاين.......زى الفريك ما يحبش شريك...!!!
Author: Tragie Mustafa
Date: 12-25-2007, 03:42 AM
Parent: #26

آمونه
كل عام وانت بخير
انا علاجك عارفه...
يختفول الحلوين عشانك اسبوع بس ويفكوا لك سجيمان واخوه المر يترعوا في المنبر
متأكده انك حتفترقي في اسبوع

تحياتي
وكان لقيتي حل الحقيني بيه.
غايتو حالفه انه 2008 لايمكن تكون زي 2007 و 2006 و 2005
ديل سنين اتخصمت من عمري ساي وحياتك.
محبتي.

ومنتظرنك في نيو سودان قال تقولي لينا فترته.

Post: #36
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-26-2007, 04:18 PM
Parent: #27

العزيزة نجوان( غايتو اسمك ده عاجبنى عجب)..
كل سنة وانتى طيبة ومنجضة لينا ناس التلفزيون..
Quote: (معليش .. بس انشالله ما تكوني راجية نصيحة مفيدة هنا...
الكل في نفس طاجن الفريك ده)..

يحلك الحلا بلة..
شااايفة بوستك وصل سبعة صفحات..
الله يعينك على وجع العيون والرقبة والطايوق.

Post: #28
Title: Re: سودانيز اون لاين.......زى الفريك ما يحبش شريك...!!!
Author: AnwarKing
Date: 12-25-2007, 03:51 AM
Parent: #1

أتمسحي بعجاج البحر...ما بتجيك عوجة

Post: #29
Title: Re: سودانيز اون لاين.......زى الفريك ما يحبش شريك...!!!
Author: Tragie Mustafa
Date: 12-25-2007, 07:08 AM
Parent: #28

انور كينج
ما تسطح بينا يا ود بورتسودان الشكلك كنت ساكن البحر سكنه
عجاج البحر ده شنو؟؟ثقفنا؟؟؟؟
Quote: أتمسحي بعجاج البحر...ما بتجيك عوجة

وهل للبحر عجاج؟؟؟؟

Post: #38
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-26-2007, 05:49 PM
Parent: #28

العزيز عاطف عمرِ(شقيق العشق الالهى):
Quote: لو لم يفعل هذا الموقع أكثر من تجميعنا إخوة وأخوات لكفاه

والله كلام صحيح..
تخيل أى أجر سيحصده مالك هذا الموقع..
ما شاء الله..اللهم لا حسد.
Quote: مشتاقون آمنة مختار

بالأكتر يا أخى..
Quote: بيني وبينك
الحال من بعضو
ربما بدرجة أكبر
والصابرات روابح

أعانك الله ..وأعاننا..
وشفاك الله ..وشفانا.

Post: #51
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-29-2007, 01:19 AM
Parent: #28

Quote: يختفوالحلوين عشانك اسبوع بس ويفكوا لك سجيمان واخوه المر يترعوا في المنبر
متأكده انك حتفترقي في اسبوع

غايتو يا راجى اتخيلت منظر المنبر وقد اختفى منه كل الناس..
وفضل فيهو سجيمان والمر أخوه.. والحكمة لو ضافو ليهم ملاسى ومعتز القريش ومحمد اى سليمان
والله المنبر كلو يقوم جارى .

Post: #54
Title: Re: سودانيز اون لاين.......زى الفريك ما يحبش شريك...!!!
Author: سجيمان
Date: 12-30-2007, 07:34 AM
Parent: #51

المصوراتية لي حدهن وقت يجو يصورو قاعدين يملصو نضارتم.....انتي تصوري بنضاراتك؟....غايتو جنس فلهمة...

Post: #55
Title: Re: سودانيز اون لاين.......زى الفريك ما يحبش شريك...!!!
Author: سجيمان
Date: 12-30-2007, 07:39 AM
Parent: #54

هادي الكُبُر شكيتو لي الله

ماكبرتا...اعزريني عليكي ستي مريم نسيت اقول لك......

شطة بس

ومنقة مص!

Post: #30
Title: Re: سودانيز اون لاين.......زى الفريك ما يحبش شريك...!!!
Author: سجيمان
Date: 12-25-2007, 07:42 AM
Parent: #1

دا شنو يا مألمة؟

قلتي زهجتي من المنبر؟

ياخي بتلو هركات..... سنة كاملة كنتي غايبة منو الجاتك شنو؟؟..

جربي تاني عشرة سنين ما بتجيكي عوجة

انا ما بحب الفرك
بحب سن البرك
وخير اللحم ما جاور العضم
والفوق الضلوع مليان كوليسترول... وممنوع علي ناس الدهون الثلاثية...
وا بموت في الدهن قبل الكركار..بعد يكركروهو مسيخ وما عندو طعم
خذيني من عرقوب الزمن الدايخ سبعة دوخات وسكن الدقي...ودقي شلوفة الاحزان والفهلوة
هل رأيت الحمريب يصارع سكرات يني؟
ام الجردقة تسكلب فوق غابات المسكيت؟
اما انا فقد استبدلت قُراصة الدوم بالبسكويت
وزرعت درب ابضربان فوق دروب الحسكنيت
وسجم خشم الدبيب اليتلولو من المغص ووجع البطن
يا مالمة يا كبيرة
واترك الميكرفون لزميلتك تراغي...ترغي كما يحلو لجمال فرعون الرغي....

Post: #40
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-26-2007, 06:13 PM
Parent: #30

Quote: ما قلتى الا الحق
لكن
المرقة ساهلة
الغى الاشتراك فى النت
اقطعى التلفون
امشى بيتكم ياخ
ماكلنا بقينا زيك

لك حبى وكل عام انتى بخير

أديبتنا العزيز سلمى الشيخ سلامة..
قلتى لى الحال من بعضه..
ربنا يعين الجميع

كل سنة وانتى طيبة.

Post: #31
Title: Re: سودانيز اون لاين.......زى الفريك ما يحبش شريك...!!!
Author: Zoal Wahid
Date: 12-25-2007, 08:02 AM
Parent: #1

يا امنة اتزوجي راجل مرتين

بعدها .. اذا قدرتي تشوفي الشاشة، اضحكي علي.

Post: #32
Title: Re: سودانيز اون لاين.......زى الفريك ما يحبش شريك...!!!
Author: سجيمان
Date: 12-25-2007, 08:19 AM
Parent: #31

زول واحد
Quote: يا امنة اتزوجي

ويحك!! ويحك يا هذا

أتقصد ان مصاقرة المنبر من اعراض مرض حامد؟؟؟؟؟

Post: #33
Title: Re: سودانيز اون لاين.......زى الفريك ما يحبش شريك...!!!
Author: Zoal Wahid
Date: 12-25-2007, 08:38 AM
Parent: #32

يا دكتور ... شنو قراية (لا تقربوا الصلاة)
وين باقي الكلام؟

بقصد اذا اتجوزت راجل مرتين فحتما بتكون مشغولة
بمكائد اخواتها . وما عندها وقت للكمبيوتر

البنية ما بتمرض المرض داك .... هي بتمرض العيال.

Post: #62
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-02-2008, 10:37 PM
Parent: #32

Quote: أتقصد ان مصاقرة المنبر من اعراض مرض حامد؟؟؟؟؟

لا وانت الصادق مصاقرة المنبر من أعراض مرض ( عادل)....

Post: #41
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-26-2007, 06:17 PM
Parent: #31

Quote: البوست دا انا قاعد ليهو ..
رايك شنـو في الحاجة دي .. الواحد بطل ديسكات جوكية ليهو فترة لكن الليلة حاسي إنو نفسياتي كويسة.

أخونا فى الله تمبس..خد راحتك ..البوست بوستك.

شكرا على الأغنية الجميلة..
وعلى الورود

Post: #34
Title: Re: سودانيز اون لاين.......زى الفريك ما يحبش شريك...!!!
Author: kamal ali
Date: 12-25-2007, 12:24 PM
Parent: #1

سيبك من الكلام الفوف ده كلو , وهاك الوصفه دى :

1ـ قراءة بوست لمعتز القريش مره فى اليوم لمدة اسبوع .

2ـ قراءة ثلاثه مداخلات لملاسى فى اليوم لمدة 48 ساعه .

اها تانى كان شفتى ليك (اتارى) تقومى جاريه ,,

للمعلوميه :

الوصفه مجربه ومفعولها سريع , واسألى (........) و(........) اذا لميتى فيهم .

Post: #43
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-26-2007, 06:27 PM
Parent: #34

Quote: كل سنة وانتى طيبة ومتابعة سودانيز وغيره من المنابر والقراءات.

وانت طيب أخى العيز عادل عثمان..
Quote: بالمناسبة اسمك فيه حاجة عجيبة. زى كأنك حتصيرى شخصية معروفة ومؤثرة فى الحياة السودانية.
والناس يبنوا مدرسة يسموها مدرسة امنة مختار للعلوم السياسية.
أو مستشفى امنة مختار لامراض النساء والولادة.
أو جائزة امنة مختار لأفضل كتاب بقلم فتاة من شرق السودان.. وهكذا..

ما قدر ده...نحنا ناس غلبانين..
عارف انا عندى مشكلة ربما تعوق هذه النبوة..
بزهج من الأضواء بصورة لا تتخيلها.
Quote: ما هو الفريك؟ لم اسمع به من قبل. مع اننى سودانى مطلع على الحياة السودانية.

الفريك هو حاجة كده زى الرز بيحشوا بيهو الحمام المشوى..
وأعتقد انها أكلة تركية ( فى الأصل)..
وهى من أصناف الطعام الفاخر فى مصر ودول الشام.

مع العلم انو انا ذاتى معلوماتى زيرو فى فن الطبخ.

Post: #46
Title: Re: سودانيز اون لاين.......زى الفريك ما يحبش شريك...!!!
Author: ود محجوب
Date: 12-27-2007, 08:31 PM
Parent: #43

الأخت امنة مختار كل سنة وانتى طيبة

عند فتحك لصفحة المنبر أبدأئى بالقراءة لإبننا الأديب الكبير محمد E سليمان وستشفين تماما.

Post: #63
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-02-2008, 10:41 PM
Parent: #43

Quote: 1ـ قراءة بوست لمعتز القريش مره فى اليوم لمدة اسبوع .

2ـ قراءة ثلاثه مداخلات لملاسى فى اليوم لمدة 48 ساعه .

اها تانى كان شفتى ليك (اتارى) تقومى جاريه ,,

أخونا كمال على..
ياخ حرام عليك دى وصفة مدمرة جدا..

Post: #35
Title: Re: سودانيز اون لاين.......زى الفريك ما يحبش شريك...!!!
Author: ايوب عبدالرحيم
Date: 12-25-2007, 01:32 PM
Parent: #1

الاخت امنة والاخوة الاعضاء
مواصفات كومبيوتر قياسية للادمان على النت
اتمنى انو كل واحد بقوم يشتري من النوع دا وحيرتاح على الاخر

Post: #39
Title: Re: سودانيز اون لاين.......زى الفريك ما يحبش شريك...!!!
Author: waleed500
Date: 12-26-2007, 06:04 PM
Parent: #35

العزيزة امنة مختار
تحياتى
وكل سنة وانتى طيبه وربنا يحقق كل امانيك من دون ان يكون فيها
اخراج الكيزان من بورة الحكم

العلاج المناسب لحالتك تلك دخولك بوستات بعينها بتكرهك سودانيز والجاب سودانيز زاتووووووووو اوصفها ليك ولا بتعرفيها براك؟؟؟؟؟؟؟؟؟؟؟؟

Post: #42
Title: Re: سودانيز اون لاين.......زى الفريك ما يحبش شريك...!!!
Author: Abdel Aati
Date: 12-26-2007, 06:20 PM
Parent: #39

دا بوست لطيف
شكرا امنة مختار

Post: #64
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-02-2008, 10:50 PM
Parent: #39

Quote: مواصفات كومبيوتر قياسية للادمان على النت
اتمنى انو كل واحد بقوم يشتري من النوع دا وحيرتاح على الاخر

الأخ أيوب كل سنة وانت طيب..
مواصفات كومبيوترك ده يادووووب ( بتقنن) لادمان النت..
أمس حضرت برنامج عن أمراض النت ..
وهى تشمل:

* آلام مزمنة فى العنق والظهر والمقعدة.
* تضرر البصر.
* العجز الجنسى أو البرود الجنسى .
* تصلب الأصابع.
* العزلة من الناس
* الاكتئاب والقلق.
* ضعف الذاكرة.

سجممممنا..

Post: #44
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-27-2007, 07:40 PM
Parent: #35

Quote: اتفق معك سودانيز اون لاين اصبحت شئ مهم لكل سوداني الشتات
ومن خلالك ادعو كل الاقلام الصامتة ان تعود كسابق عهدها داعمة للدمقراطية
اللتي نجتمع حولة مائدتها لتصحيح وتجويد معطياتنا الفكرية المستنيرة لما لها
من خير لوحدة الوطن الحبيب وكرامة شعبة الصابر المقلوب علي امرة.............

الفنان المتفاعل مع قضايا وطنه نادر السودانى..
شكرا على مرورك من هنا.

Post: #45
Title: Re: سودانيز اون لاين.......زى الفريك ما يحبش شريك...!!!
Author: Rawia
Date: 12-27-2007, 07:58 PM
Parent: #44

كل سنة وانت طيبة يا امونة

من يومداك بفتش على بوست ليك عشان اعيد ليك فيهو

Post: #69
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:05 AM
Parent: #45

Quote: دا بوست لطيف
شكرا امنة مختار

شكرا لك اخى عادل عبد العاطى..
كل سنة وانت طيب.

Post: #68
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-05-2008, 00:54 AM
Parent: #35

Quote: عند فتحك لصفحة المنبر أبدأئى بالقراءة لإبننا الأديب الكبير محمد E سليمان وستشفين تماما.

الأخ ود محجوب ..منو قال ليك انا ما بقرا (لأديبنا الكبير)..
ياخ انا من قرائه الدائمين...والمواظبين..

Post: #47
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-27-2007, 08:43 PM
Parent: #1

Quote: بهذه المناسبة، لا تستنكري مسألة شابرون هذه، فبي نظير بوتو، التي درست في الولايات المتحدة، كان معها وصيفة حازمة، وأظن حرس كمان، إنت كفاك الوصيفة بس أو المرافق

تذكرت مسألة بي نظير بوتو والشابرون هذه (أكيد كلمة شابرون أحسن وقعا من كلمة مرافق)

الأخ بكار..
يبدو انك عندك حاسة سادسة ..!!
جبت سيرة بى نظير بوتو قبل يومين كأنك كنت حاسى.

رحمها الله..
ضربة كبيرة للتيار العلمانى والديمقراطى فى باكستان والدول الاسلامية .

بعدين بالمناسبة نصايحك كلها فشنك
بس الا تورينى الدواء الرابع ده شنو؟؟؟

Post: #48
Title: Re: سودانيز اون لاين.......زى الفريك ما يحبش شريك...!!!
Author: رأفت ميلاد
Date: 12-27-2007, 08:55 PM
Parent: #47

كل سنة وإنتى طيبة يا آمنة

خليكى قاعدة وسيبوهو على راحتك

واحد قال أسهل حاجة تخلى التدخين .. أنا خليتو لحدى هسة 80 مرة
أهو دا حال المنبر دا .. يعنى لما تسيبيهو تلاتة ساعات يكون إنجاز

مودتى

Post: #70
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:31 AM
Parent: #48

Quote: كل سنة وانت طيبة يا امونة

العزيزة راوية..
وكل سنة وانتى طيبة
والسنة الجاية زى ما عايزة.

Post: #65
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-02-2008, 11:03 PM
Parent: #47

Quote: وكل سنة وانتى طيبه وربنا يحقق كل امانيك من دون ان يكون فيها
اخراج الكيزان من بورة الحكم

غايتو يا وليد الكوز..
ينطبق عليك المثل البقول : العارف عزو كلام الناس ما بهزو..

Post: #49
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-27-2007, 10:28 PM
Parent: #1

Quote: برنامج يرفع بوجهك كرت أصفروبعدها كرت أحمر...في فترة زمنية
تحددها أنت بعدها يطلع ليك تنبيه بأنك قد تعديت المدة المسموح
بها وبعد داك تطلع ليك شاشة سوداء ( يعني قوم فرتق من هنا )
واذا مافرتقت بيعطل ليك الماوس.....برنامج ينكد عليك يومك
ويخليك ملتزم بوقت محدد...يعني الحل الوحيد هو ان تقفل البرنامج
من أول تنبيه...وقد أقترحت علي مصمم البرنامج باضافة سوط عنج
لو في واحد حاول يوقف البرنامج من أول تنبيه لانه مدمنين sudaneseonline
ديل أنا عارفهم كويس لأني واحد منهم.

الأخ صلاح مالك..
كل سنة وانت وأسرتك الكريمة بخير.

عارف انت الوحيدالجبت المفيد ..اضافة الى الأخ أيوب..
حل تكنلوجى مواكب للتكنلوجيا الضارية دى ..ولا يفل الحديدالا الحديد..
أما الفقرا الفوق ديل خليهم ساكت

شكرا ليك...لكن بينى وبينك..
فعلا التقمية دى محتاجة اضافة سوط عنج من سوق امدرمان.

Post: #50
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-28-2007, 02:42 AM
Parent: #1

Quote: الاخت العزيزة امنة مختار ..كل سنة و انت بخير ..

و بالف عافية ..

الأخ العزيز محمدين اسحق..
كل سنة وانت طيب..القابلة على أمانيك.

Post: #52
Title: Re: سودانيز اون لاين.......زى الفريك ما يحبش شريك...!!!
Author: Adil Osman
Date: 12-29-2007, 01:17 PM
Parent: #1

Quote: الفريك هو حاجة كده زى الرز بيحشوا بيهو الحمام المشوى..
وأعتقد انها أكلة تركية ( فى الأصل)..
وهى من أصناف الطعام الفاخر فى مصر ودول الشام.

شكرآ آمنة على توضيحك الوافى. نحن فى السودان اكلنا حمام مشوى ولكنه لم يكن محشوآ بأى شئ سوى طعم الهبهان والقرفة والبهارات الناشعة من شوربته.
بحثت عن الفريك فى الانترنيت فوجدت انه نوع من القمح. هنا بعض صوره:

فريك امريكى امبريالى!

امونة
معزومة قراصة بى سمن..

Post: #59
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-01-2008, 00:02 AM
Parent: #52

Quote: أتمسحي بعجاج البحر...ما بتجيك عوجة

العزيز أنور كنغ..
عجاج البحر ده ذكرنى بنكتة الراجل المشى للفكى عشان
يعمل ليهو حجاب محبة..
الفكى قال ليهو تجيب عجاج أرنب جارى
دجاجة مطهرة
أربع شعرات من شنب الأسد
فار يتميم

وحا نجلد حجاب متين ..لو الناس كلهم ما حبوك
أمك وأبوك يحبوك ....

Post: #53
Title: Re: سودانيز اون لاين.......زى الفريك ما يحبش شريك...!!!
Author: انتصار محمد صالخ بشير
Date: 12-29-2007, 01:58 PM
Parent: #1

العزيزة امنة ايرا

سلامات وشكرا لسؤالك عنى

اختك مضغوطة بكثرة المشغوليات

صراحة النت بشكل عام وسودانيز اولاين بالخصوص ادمان يحناج لاجازة طويلة للاستشفاء

دواءك عندى يا بت العم بس تعالى لى اجازة لان الوصفة سرية للغاية

تحياتى لناس البيت

انتصار

Post: #56
Title: Re: سودانيز اون لاين.......زى الفريك ما يحبش شريك...!!!
Author: عواطف ادريس اسماعيل
Date: 12-30-2007, 08:08 AM
Parent: #53

أمون الدر المصون !!!

كل عام وأنت بألف خير ,,,

بوست رائع جدا ...

تصوري نفس الحالة أجارك الله ما خليت فكي ولا وداعية ولا ست ظار و زي ما بقولو المصريين مفيش فايدة

غايتو بكري ود أبوبكر أخد فينا الحق والزايد ,, سلام ليك وللمعاك وبرضو حاولي زي ما قالو لي تتبخري

بع كله بوست بالجاولي وبعد كله مداخلة بي بخور تيمان و يجعله عامر !!!

Post: #73
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:45 AM
Parent: #56

Quote: اختك مضغوطة بكثرة المشغوليات

صراحة النت بشكل عام وسودانيز اولاين بالخصوص ادمان يحناج لاجازة طويلة للاستشفاء

دواءك عندى يا بت العم بس تعالى لى اجازة لان الوصفة سرية للغاية

تحياتى لناس البيت

العزيزة انتصار قلتى الوصفة سرية للغاية..
غايتو يا بت العم الشبكنا يخلصنا..حالة صعبة.

تحياتى لزوجك العزيز وللعيال..

وناس البيت بسلمو عليكى.

Post: #60
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-01-2008, 00:38 AM
Parent: #53

ي
Quote: ا امنة اتزوجي راجل مرتين

بعدها .. اذا قدرتي تشوفي الشاشة، اضحكي علي.

اخونا زول واحد كل سنة وانت طيب..
راجل المرتين ده عمر البشير ولا منو..

Post: #71
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:35 AM
Parent: #53

Quote: أهو دا حال المنبر دا .. يعنى لما تسيبيهو تلاتة ساعات يكون إنجاز

فعلا أخى العزيز رأفت..
كل سنة وانت طيب.

Post: #72
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:40 AM
Parent: #53

Quote: بحثت عن الفريك فى الانترنيت فوجدت انه نوع من القمح. هنا بعض صوره:

الأخ عادل عثمان..
شكرا على الصور والمعلومة..
بالله الفريك طلع قمح وانا قايلاهو رز ..

شكرا على القراصة..وصلت.

Post: #57
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-30-2007, 08:39 PM
Parent: #1

عذرا على تأخير الردود يا حلوين..

Post: #58
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 12-30-2007, 09:00 PM
Parent: #1

Quote: انا علاجك عارفه...
يختفول الحلوين عشانك اسبوع بس ويفكوا لك سجيمان واخوه المر يترعوا في المنبر
متأكده انك حتفترقي في اسبوع [/QUOTE
العزيزة أم حازم ..كل سنة وانتى طيبة

سجيمان وأخوه السجمان التانى ديل ما بحركوا فينى شعرة..
واحد عامل فيها فارس بنى خيبان
والتانى عنتر شايل سيفه..لكن سيف من خشب.

Quote: وكان لقيتي حل الحقيني بيه.
غايتو حالفه انه 2008 لايمكن تكون زي 2007 و 2006 و 2005
ديل سنين اتخصمت من عمري ساي وحياتك.

يا زولة السنين دى ما ضاعت من عمرك ولا حاجة..
فوجودك هنا حرك مياه راكده كثيرة..

Post: #61
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-02-2008, 05:20 PM
Parent: #1

غايتو يا سجيمان السجمان يا فارس بنى خيبان..
لخبطته لى البوست فوق تحت ..
لمن اتلخمت انا زاتى ( وجه مغيوظ)
..

Post: #66
Title: Re: سودانيز اون لاين.......زى الفريك ما يحبش شريك...!!!
Author: Imad Khalifa
Date: 01-03-2008, 02:00 AM
Parent: #61

Quote: الفريك هو حاجة كده زى الرز بيحشوا بيهو الحمام المشوى..
وأعتقد انها أكلة تركية ( فى الأصل)..
وهى من أصناف الطعام الفاخر فى مصر ودول الشام.

الأخت الفاضلة آمنة مختار
كل عام وانت بخير وشكرا على هذا البوست اللطيف مع اطلالة العام الجديد الذي أتمني ان يكون أفضل من سابقه.
كنت متخيلك قاصدة (الفريك) بتاعنا وهو قندول الذرة في مرحلته قبل النضوج الكامل، يُشوى بالنار واحيانا يُغلى بالماء.
لك ولضيوفك الافاضل خالص التحايا

عماد خليفة

Post: #74
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:49 AM
Parent: #66

تصوري نفس الحالة أجارك الله ما خليت فكي ولا وداعية ولا ست ظار و زي ما بقولو المصريين مفيش فايدة

غايتو بكري ود أبوبكر أخد فينا الحق والزايد ,, سلام ليك وللمعاك وبرضو حاولي زي ما قالو لي تتبخري

بع كله بوست بالجاولي وبعد كله مداخلة بي بخور تيمان و يجعله عامر !!!
العزيزة عطوف قلتى لى ما نفع فك ولا وداعية ولا ست ظار..
يختى انت هينة بتكتبى كل جمعة بس..
لكن ناس نحنا لاصقين فى الكومبيوتر ده

تحياتى للأسرة وكل سنة وانتو طيبين.

Post: #67
Title: Re: سودانيز اون لاين.......زى الفريك ما يحبش شريك...!!!
Author: Sudany Agouz
Date: 01-03-2008, 03:43 AM
Parent: #1

الأستاذة آمنة مختار ..

كلامك مضبوط ..

على الرغم من وجود أمور كثيرة تشغلنا فى دنيانا هذه .. الا انه يتحتم علينا
دخول هذه الساحة .. وعلى الرغم من كثرة المواضيع ..
والتى لا يمكن بحال من الأحوال أن يستطيع شخص أن يغطيها فى وقت قصير ..
الا أننا مازلنا نضحى بأوقاتنا للحاق بما يجود به كتابنا الأفاضل ..

وكما ذكرت .. نحن من عام 2002 ومازلنا .. مرت هذه السنون .. وكأنها
ومضة برق ..

الله يطول فى الأعمار ونعيش مع سودانيزأون لاين .. الى أن يريد الله ..

لك كل ود ومحبة ..

أخوك العجوز ..
أرنست

Post: #75
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:54 AM
Parent: #1

كل عام وانت بخير وشكرا على هذا البوست اللطيف مع اطلالة العام الجديد الذي أتمني ان يكون أفضل من سابقه.
كنت متخيلك قاصدة (الفريك) بتاعنا وهو قندول الذرة في مرحلته قبل النضوج الكامل، يُشوى بالنار واحيانا يُغلى بالماء.
لك ولضيوفك الافاضل خالص التحايا
الأخ العزيز عماد خليفة..
بالله كوز الذرة عندكم اسمو فريك برضه..!
شكرا على المعلومة

وكل سنة وانت طيب ..
تحياتى للعروس أمونة.

Post: #76
Title: Re: سودانيز اون لاين.......زى الفريك ما يحبش شريك...!!!
Author: AMNA MUKHTAR
Date: 01-06-2008, 00:59 AM
Parent: #1

وكما ذكرت .. نحن من عام 2002 ومازلنا .. مرت هذه السنون .. وكأنها
ومضة برق ..

الله يطول فى الأعمار ونعيش مع سودانيزأون لاين .. الى أن يريد الله ..
العم أرنست ..
بالله انت من 2002
كان كده أخير لينا نفكر جديا فى الزوغة..

كل سنة وانت وأسرتك الكريمة بألف خير.

Post: #77
Title: Re: سودانيز اون لاين.......زى الفريك ما يحبش شريك...!!!
Author: Tragie Mustafa
Date: 01-06-2008, 01:23 AM
Parent: #1

آمونه تتجازي يكون ده فكي سجيمان ولا شنو؟؟؟
Quote:
العزيز أنور كنغ..
عجاج البحر ده ذكرنى بنكتة الراجل المشى للفكى عشان
يعمل ليهو حجاب محبة..
الفكى قال ليهو تجيب عجاج أرنب جارى
دجاجة مطهرة
أربع شعرات من شنب الأسد
فار يتميم

وحا نجلد حجاب متين ..لو الناس كلهم ما حبوك
أمك وأبوك يحبوك ....

الحق روحك يا سجيمان الفكي بتاعك فالصو اهي آمونه رافضه تبعرك بمداخلة ساي.

Post: #78
Title: Re: سودانيز اون لاين.......زى الفريك ما يحبش شريك...!!!
Author: عبدالمجيد صالح
Date: 01-06-2008, 01:39 AM
Parent: #1

امنة مختار اتصبري

وكل عام وانتي بخير وعافية

عبدالمجيدصالح