Post: #1
Title: يا رااااااابي متين اضوق اللحوم (الحقوني انا بقيت نباتي رسمي)
Author: سامى عبد الوهاب مكى
Date: 12-23-2007, 01:57 AM
علي الايمان لمن كنت في اديبور واللحمة بتتباع زي الافيون ما بطلتها وطوال سنين الهند ما حصل علينا جنس دا
انا من زمن قالوا في الحمى الزفتية دي حرمت اللحمة علي وعلي اولادي وبعد داك اللبن لحقته اللحمة وبعدها الجبنة
شفعي شوية كدا يلحقو الهندوس وانا سعرت رسمي وجاتني انميا اسوي شنو?
قلنا قبال العيد تنفرج ورجينا شي يطمنا حضرت لي واحد مسئول قال الشريعة عليا بالظاهر وطالما مالبهيمة شكلها سمممممممح مالك بالجواها شنو!
مرات كدا كنت اقرررررب امشي زنك اللحمة اجيب الحبيبة ام عضام ينط لي واحد يقول لي قالللو في اصابات في المستشفى
حتى العيد قضيتو لا خروف لا مرارة زي الكدايس لمينا لينا في جدادات وقعدنا نعاين واول يوم لافي واكشف للخرفان المعروضة اقول مافي سما عقب النار اتوكل يجيني واحد يشبكني عندنا قريبنا بيطري قال مافي مشكلة بس تتاكد من تعقيم السكاكين وتدفن الكرشة ولو حسيت بي شي المستشفيات شغالة!
عاد دا كلام زول داير يطمنك ولا يجننك!
علي الايمان جاري تاني يوم في العيد رسل لي بتو تقول لي الفطور طلع قلت ليها قولي لابوك طلع نزل بعيد بعيد ولو حسى بي شي انا جاهز تاني يوم لقيتو نصييييح قال المرارة اكلا احيييييي من المرارة
الليلة خلاص مرتي شبكتني ناس فلانة رجعوا لللبن ووووو قلت ليها خلاص نرجع يجي اخوي يقول لي الخرفان بقت بخمسين الف امااااااااااااااك دا ما البجنن بوبي زاااااااااته
انسى بس
يارااااااااااابي متين اضوق اللحوم
يا اللللله متين اضوق اللحوم
قالو لي اللحوم مصابة بالنزفية
والبياكل اللحوم للمستشفي والعملية
وياحليل البقرب للاتي والمرارة النية
والعجيبة كمان لو ضوقتا كمونية
ياراااااابي متين اضوق اللحوم
|
Post: #2
Title: Re: يا رااااااابي متين اضوق اللحوم (الحقوني انا بقيت نباتي رسمي)
Author: amir jabir
Date: 12-23-2007, 02:18 AM
Parent: #1
| Quote: شفعي شوية كدا يلحقو الهندوس وانا سعرت رسمي وجاتني انميا اسوي شنو? |
المحترم سامى عبد الوهاب كل سنه وانته طيب يازول والله شرطنا بالضحك من البوست بتاعك ده دى مشكلة عديل
والله والله الحكومة جهجهة الناس فى الضحية وفى للبن يازول لناس تاكل شنوا غايتوا انته زاتك شقى ومجنون البجيبك من الهند شنو يا زول من الهندى كان تكب الفللى لى اى بلد تانيه .. الله يلزمك الصبر انا والله يازول فى تركيا هنا حصل لى موقف يا زول الناس ديل قربوا يودونى المعتقل مع الحراسه الشديده بسسب مررارة نيه بس والله قالوا الزول الاسود دة بمنجرنا عديل بعد ده يا زول والله حلنى منهم بوست هشام هبانى الفيوا صورة المرارة النية يا زول تطلع برة السودان برد ترجع السودان حكومة نعمل شنوا والله ماعرفنا زاتوا
|
Post: #3
Title: Re: يا رااااااابي متين اضوق اللحوم (الحقوني انا بقيت نباتي رسمي)
Author: محمد حيدر
Date: 12-23-2007, 02:23 AM
Parent: #1
العزيز سامي عبدالوهاب
كل سنة وانت طيب
يا رااااااابي متين اضوق اللحوم
ما ح تضوقوها الا نشيل كاس السودان
و بعدين الحالة الدافننو داك حمار
لو كان خروف كان المرارة تاني تشموها قدحة
عشان تعرف الحاج بتاعنا ما زول ساهل
الهاج بتاعكم زعلنا برانا
لكن حاجنا عسكري قديم و منضبط
و عندو الخير يخص والشر يعم
لكن أقول ليك أمشي أسأل فوزي المرضي
قالوا ضبايحو تقول يا غربتي
و هو الوحيد البفك الشفرة
وللهلالاب بس
لكن لو دخلت جمال الوالي واسطة
بديك ال Password
لك و لهم الود
وربنا يحفظكم دون فرز ويحفظ السودان
|
Post: #4
Title: Re: يا رااااااابي متين اضوق اللحوم (الحقوني انا بقيت نباتي رسمي)
Author: سامى عبد الوهاب مكى
Date: 12-23-2007, 10:34 AM
Parent: #1
اليوم فاصوليا مشوية
|
|