Post: #1
Title: مسادير يا أهل المسادير إلى ما شاء الله........
Author: munswor almophtah
Date: 12-28-2005, 01:17 PM
Parent: #0
يالناظر حبابك منطلق ساجورك وفوق حدب أم قفل صحانا صوت باجورك سيد المكان بى كلمه شاف طابورك ورينا الدقش بندور سحر طاغورك
منصور
|
Post: #2
Title: Re: مسادير يا أهل المسادير إلى ما شاء الله........
Author: munswor almophtah
Date: 12-28-2005, 01:21 PM
Parent: #1
يارايح البلد سلم على ناس عايده قوليها العشوق من الهموم الزايده كلما افتكر فوق قلبي نارا قايده بعد وفاتي تبكوا عليَ أيه الفائده
وصل السلام بى صره لى ناس عايده زي نار العشوق تاشاها جمره وزايده قبال تفتكر نار الغرام الزائده أعرف نار فرن مهبوله لى ناس عايده
|
Post: #3
Title: Re: مسادير يا أهل المسادير إلى ما شاء الله........
Author: عبد الله عقيد
Date: 12-28-2005, 01:28 PM
Parent: #2
ود مفتاح سلام كم مدة ما اتلاقينا ودرنا المسادير ضمة ما دوبينا في العام الجديد بي قُدرتو اتلمينا نعود نتجادع النمة ونشق وادينا
ود عقيد
|
Post: #4
Title: Re: مسادير يا أهل المسادير إلى ما شاء الله........
Author: munswor almophtah
Date: 12-28-2005, 01:54 PM
Parent: #3
يا ود عقيد غدر الزمان جار بينا من لمتنا ديك قبل البلاد جالبينا ما نسينا الركوب طاردين عنق وادينا نما فى الجراب حاقننوا يوت حادينا
منصور
|
Post: #5
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-28-2005, 02:27 PM
Parent: #1
حبل الوصال الليلة حالو شغلني خدر ام نهيد ياريتو لو يشملني طول الرحول الي الندم شيلني جاري القريب عن حالي ماهو سالني
تحياتي
|
Post: #7
Title: Re: مسادير يا أهل المسادير إلى ما شاء الله........
Author: munswor almophtah
Date: 12-28-2005, 02:55 PM
Parent: #5
حبل الوصال راخينو كان يلحقنى ناهدات الصدور طال صدهن لوعنى نيران الفراق كم جمرهن فادغنى بوخا من عضاى جار حلى مو طايقنى
مصور
|
Post: #6
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-28-2005, 02:51 PM
Parent: #1
حبل الوصال كترت فيهوا كلامي ام صـدرا يوز قلق علي منامي جمــر الهجير قصر علي ايامي وزولـي القريب مارد لي سلامي
|
Post: #8
Title: Re: مسادير يا أهل المسادير إلى ما شاء الله........
Author: نادية عثمان
Date: 12-28-2005, 10:18 PM
Parent: #6
مرت كم سنة وزاد حبكم جوايا
شموعكم ياالعزاز متل الحريق ضواية
بابا نويل يدوبى معاهو لينا هدايا
عام الفين وستة يتم الهى منايا ..
|
Post: #9
Title: Re: مسادير يا أهل المسادير إلى ما شاء الله........
Author: munswor almophtah
Date: 12-28-2005, 10:53 PM
Parent: #8
عام الفين وستة الصورة تبقى مهمة
بى شوفة وشيك لينا الفرح بنتمّ
ليك هذا الكلام منصور زعيم النمّة
صورتك يابشوش بالحيل تزيل الغمّة
بابا نويل معنكش بالنفيس وهدايا وجابك لينا فسراع ياالبتضوى مرايا الفين وسته إن شاء الله يبقى بدايا لى نجم السعد والشله شامله معايا
منصور
|
Post: #18
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-29-2005, 01:14 PM
Parent: #8
واعدنا الخريف تلاتة من اعيـــــادو عامنا الجديد هلت بشاير اسعــــادو والتاني الضحية بي لحمتوا واكبـادو والتالت هدا نــادي ورزين في قعادو
................................ محمد السيد
|
Post: #20
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 02:33 PM
Parent: #18
رابعة الفرح أخت الكرام ما بعابو وساعات الكماج قادرنلو قافلين بابو وقت العيد يطل راجينوا نحن حبابو بى كبش الفداء المكلوف قمح ورتابو
منصور
|
Post: #26
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-29-2005, 05:45 PM
Parent: #20
بي جيتك اكيد الخامسة لازم اتما يوم سعدك يجيك فرحان تخم وتلما مفتاح الاصل منصور وصادق كلمه في شعرك لقيت روح عبقرية همه
............................... محمد السيد
|
Post: #10
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 12-28-2005, 11:04 PM
Parent: #1
بابا نويل قال الليله فرحكم عندي نسايما هابا من امات خديدا يندي جايبات المطر العبادي و الباشندي شن الغربه كما الدناوه العندي
|
Post: #11
Title: Re: مسادير يا أهل المسادير إلى ما شاء الله........
Author: munswor almophtah
Date: 12-28-2005, 11:42 PM
Parent: #10
ودعدلان حبابك بالأصول ياأفندى وارث للعلم ماك الجديد جربندى نسام أم خدود لافح بدور جرقندى بابا نويل فزع طالب جناين شندى
منصور
|
Post: #12
Title: Re: مسادير يا أهل المسادير إلى ما شاء الله........
Author: HOPEFUL
Date: 12-28-2005, 11:49 PM
Parent: #10
أهل الدار جيناكم في لوح حضوركم سجلوا اسامينا في دار ودمفتاح المنصور الليله تتطاقش كبابينا ولناس ندوية السمحه نعلي القدله ونشنق طواقينا الفين وسته شاحد ربي بالحب ينعم عليكم و علينا
|
Post: #19
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 02:05 PM
Parent: #12
الدار للجميع أبوابا طب مشروعه لا فى شروط دخول مافيش خلق ممنوعه ناس ود عقيد شامرين بفقدو ربوعه والضيف إن حلف لا بد نقول مرجوعه
منصور
|
Post: #13
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 12-29-2005, 01:04 AM
Parent: #1
ياالمنصور سلام يا الديمه نفسوا بهيه
ود الصافنات مملوكه ما عاريه
امات الخدود سوا قليبي تـــكيه إت في الشعر جنرال و غيرك امباشيه
|
Post: #14
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 12-29-2005, 06:19 AM
Parent: #13
مرحبتين حبابكم اهل النمة والمسدار زى قمر السما الطلة وشرف المقدار
بى منصور ونادية والعقيد البار
نغزل فى نشيدن حاكى النسيم المار
|
Post: #22
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 03:16 PM
Parent: #14
من طولة الغياب لى طلتك محتار ويا ركاب حوايا أمات سنام هبار راجيك من زمان للقنصه للأبكار ونهبر للخلاء العبرانو ماكله عدار
منصور
|
Post: #28
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 12-30-2005, 06:39 AM
Parent: #22
غدرت ايامى جارت خاته بينا ستار ويناتل فى الرسن دا القعود هبار
طارى الخترة وقت النجمة والاسحار
نغشى الريلة لى زوادة القنيص الحار
|
Post: #49
Title: Re: مسادير يا أهل المسادير إلى ما شاء الله........
Author: عبد الله عقيد
Date: 01-01-2006, 11:16 AM
Parent: #28
طولنا الغياب يا ييحي ود مغوار ودرنا الدرت والنوق مشت مشوار شراب الغِب خربنا بقينا مانا جوار آخ لو فات خريف والصيف بقالنا سوار
ود عقيد
|
Post: #52
Title: Re: مسادير يا أهل المسادير إلى ما شاء الله........
Author: munswor almophtah
Date: 01-01-2006, 11:34 AM
Parent: #49
جانا الخيرصان شلعا بروقو شرار وانجمع الغزال تحت الشجر محتار كان درتو الركوب نختاهو ضمه حبار وبى فرق السلم عبران طردنا كتار
منصور
|
Post: #21
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 02:48 PM
Parent: #13
ياالمنصور سلام يا الديمه نفسوا بهيه
ود الصافنات مملوكه ما عاريه
امات الخدود سوا قليبي تـــكيه إت في الشعر جنرال و غيرك امباشيه
حبابك يا جنب والفيك دوام محريه يا ركاب سروجن بالنهار وعشيه صدرك للغزال مشرع ورود ورعيه يا الماكخازى ماك قدار دوام لوليه
منصور
|
Post: #543
Title: Re: مسادير يا أهل المسادير إلى ما شاء الله........
Author: munswor almophtah
Date: 11-12-2006, 04:51 PM
Parent: #13
إنتى مقبله وإنتى المليحه إياكى ياوزة جزاير الخير تغنى تكاكى قناصك رقد زرد التتك جلاكى خون كم حدى ربك لطف فكاكى
mansour
|
Post: #15
Title: Re: مسادير يا أهل المسادير إلى ما شاء الله........
Author: nashaat elemam
Date: 12-29-2005, 06:53 AM
Parent: #1
صباح شوقي دفر نوقي عليكم جاي أفتش لدريب ريدكم وراكم تب بقيت شاشاي انوح في الليل.. وباقي اليوم أتمو بكاي نسيتا بعدكم النمه ورخيت اوتاري في الدوباي
|
Post: #16
Title: Re: مسادير يا أهل المسادير إلى ما شاء الله........
Author: عبدالماجد موسى
Date: 12-29-2005, 07:35 AM
Parent: #15
مفتاح الكلام النور.. حبابك انت يالمنصور سيد الكلام الحر .. الدغرى شابي بحور جيناك صباح داشين .. نقدل نشيل السور نترس بحورك نم .. مابينا تب محذور
|
Post: #17
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-29-2005, 09:37 AM
Parent: #16
مفتاح جنــانا ..النصر هدفو وغاية نمــاتك فـرح ومن غلب الحزن وقاية من دغـش راجيـك والشاي حداي كباية بحرك.. زيارتو الواحدة ميها كفاية * * * دلقـان نمي .. صـريتو جبتو معـاية وظني الاكيـــــد الليلة تمو منايه بلقاك في البلد اللغريــــب عطاية عشمي اللجوء..شـان بكري من حلفاية * * * ................................ محمد السيد
|
Post: #25
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 04:12 PM
Parent: #17
دلقـان نمي .. صـريتو جبتو معـاية وظني الاكيـــــد الليلة تمو منايه بلقاك في البلد اللغريــــب عطاية عشمي اللجوء..شـان بكري من حلفاية * * * ................................ محمد السيد
جيب اللوح معاك جيب العمار دوايه سيب أنسى اللجؤ هاك دى البلوم قوقايه خلى كلام حزن أنسى التنوح رارايه بلدك فى الخريف نقدا دفقلو شرايه
منصور
|
Post: #30
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-30-2005, 07:42 AM
Parent: #25
قصدي اللجوء في البورد ياحبــاي ماني اللئيم كافر نعم دنيــــاي وطني العزيز جنستو ياهامعـــاي ومابنسي البلوم اللي الولف سقاي
...................................................................................... محمد السيد
|
Post: #24
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 03:53 PM
Parent: #16
مفتاح الكلام النور.. حبابك انت يالمنصور سيد الكلام الحر .. الدغرى شابي بحور جيناك صباح داشين .. نقدل نشيل السور نترس بحورك نم .. مابينا تب محذور
حباب ودموسى ياقناص أرايل الحور حبابك مندرج ماك اللئيم محجور بالليل والنهار دربك عديل مخبور يا جالب الحبور ليك الفؤاد مسرور
منصور
|
Post: #23
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2005, 03:31 PM
Parent: #15
صباح شوقي دفر نوقي عليكم جاي أفتش لدريب ريدكم وراكم تب بقيت شاشاي انوح في الليل.. وباقي اليوم أتمو بكاي نسيتا بعدكم النمه ورخيت اوتاري في الدوباي
نيخ البكرة يا نشات شرف تالاى وديك المنقه دافقه وفى الخرج باباى يات من تشوف الليله ليك رضاى وتشبع فى الغنا النمامو ليك حدباى
منصور
|
Post: #27
Title: Re: مسادير يا أهل المسادير إلى ما شاء الله........
Author: نادية عثمان
Date: 12-29-2005, 07:40 PM
Parent: #23
عام الفين وستة الصورة تبقى مهمة
بى شوفة وشيك لينا الفرح بنتمّ
ليك هذا الكلام منصور زعيم النمّة
صورتك يابشوش بالحيل تزيل الغمّة !!
|
Post: #29
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-30-2005, 07:19 AM
Parent: #27
تالتة اعيادنا هلا ومرحب حباب الطلة بي شوفه خدودك بسماتنا زادت واللـه نرفع رقاعنا عشان يقراها كل الخلـه يــــــاضي القمر وكاشف ظلام العلـه
........................................................................................ محمد السيد
|
Post: #31
Title: Re: مسادير يا أهل المسادير إلى ما شاء الله........
Author: munswor almophtah
Date: 12-30-2005, 06:44 PM
Parent: #27
عام الفين وستة الصورة تبقى مهمة
بى شوفة وشيك لينا الفرح بنتمّ
ليك هذا الكلام منصور زعيم النمّة
صورتك يابشوش بالحيل تزيل الغمّة
ساحرة الخصال يا الصادقه مالكه الهمه مالكه المعجزات يا ملكه حائزه القمه خصصت الكلام يا الواضحه خاتيه الزمه يا أم صورة مبروزه فى القلوب منزمه
منصور
|
Post: #32
Title: Re: مسادير يا أهل المسادير إلى ما شاء الله........
Author: munswor almophtah
Date: 12-30-2005, 06:47 PM
Parent: #27
ساحرة الخصال يا الصادقه مالكه الهمه مالكه المعجزات يا ملكه حائزه القمه خصصت الكلام يا الواضحه خاتيه الزمه يا أم صورة مبروزه فى القلوب منزمه
منصور
|
Post: #33
Title: Re: مسادير يا أهل المسادير إلى ما شاء الله........
Author: عبدالماجد موسى
Date: 12-31-2005, 06:10 AM
Parent: #32
منصور أخو الحاره التشق الهم ضاع منى توم الروح أبت الدروب تتلم ضحيت كتير بالحيل وروحى مابتنجم لو ما لقيتا حشاى بقعد عديل للسم
|
Post: #34
Title: Re: مسادير يا أهل المسادير إلى ما شاء الله........
Author: الناظر
Date: 12-31-2005, 11:08 AM
Parent: #1
عـام الـفين و سـتة الليهو اسـتـنينا طـالبين الكريم بالخيـر يعـود لينا عشان نرجع هناك تانى لى ماضينا منصـور و العقيد الفـيكم اتحوينا وكل شباب المسدار الليكم انضمينا دعواتكم كمان تتحـقق امانينا
|
Post: #35
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 12-31-2005, 06:36 PM
Parent: #34
بدعوهو ربي كريم بي التسع والتسعيــن نلقي السعد بالكوم في الست والالفيــــن كل آمـالناتتحقق وعدونا لينا يليـــــن العازب يلقي مناو كان فاطنة كان ام زين .................................................................................
|
Post: #36
Title: Re: مسادير يا أهل المسادير إلى ما شاء الله........
Author: نادية عثمان
Date: 12-31-2005, 06:57 PM
Parent: #35
بى اسم اللجؤ مرقوا الغلابة طيابة
مقبولة وخميسة وجون ولد كركابة
مسكين الولد لو بلدو تصبح غابة
تطرد شفعها وشيوخها قبل شبابها !!!!
|
Post: #37
Title: Re: مسادير يا أهل المسادير إلى ما شاء الله........
Author: munswor almophtah
Date: 12-31-2005, 07:45 PM
Parent: #36
وقت الكوع حمى والكعه تبقى حرابه تحرق من طرف تصبح مدينه خرابه يات من نقول فى شقو ساج كرابه لابتفرز صغير لا شيخ كبير إتهابه
منصور
|
Post: #46
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 01-01-2006, 09:08 AM
Parent: #36
بلادي حنيــنة برية مابتجور نفوسنا الواقعة من كـــم دور تبرر غاية فيشان هدف محظـور تردينا وحكمنا الظالم المأجور
.......................................................... محمد السيد
|
Post: #40
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-01-2006, 03:09 AM
Parent: #35
Quote: Eng. Mohammed al sayed
|
العـازب يلقـى منــاو
كــان فاطنـة , كــان أم زيــن,
( كـدا مــش أحـسـن ؟)
ود الشايقي,
|
Post: #44
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 01-01-2006, 08:34 AM
Parent: #40
الأستاذ أحمد الشايقي لك ما أردت مشكور وكدا أحسن ونص وخمسة
|
Post: #38
Title: Re: مسادير يا أهل المسادير إلى ما شاء الله........
Author: munswor almophtah
Date: 12-31-2005, 07:57 PM
Parent: #34
يا الناظر تعال متل الخدار حاوينا يا فجر الخريف راجياك عنق وادينا ديك ناس ودعقيد متل اللبخ ظالينا ناس يحى البرامكه ود بشير حادينا
منصور
|
Post: #50
Title: Re: مسادير يا أهل المسادير إلى ما شاء الله........
Author: عبد الله عقيد
Date: 01-01-2006, 11:25 AM
Parent: #34
يا ناظر عموم جيب النميم اروينا بي طيب الكلام من النعاس صحينا دار منصور اخوك حالية وحروفا رصينة من يدخل عليها أمين وليهو ضمينة
ود عقيد
|
Post: #39
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 12-31-2005, 08:38 PM
Parent: #1
من يوم ما اتوجدنا حقاره ما بنرضابا و من يوم ما اتولدنا اسياد علوم و آدابا انهض يا وطن اشرع سلاح اضرابا و العن الانقاذ و يوما اسود جابا
|
Post: #41
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-01-2006, 03:20 AM
Parent: #1
الخبـر البجي السـودان ملامحـه عـبوســة
مـن كتلـة وليـداتـو البقـت مـرخـوســة
من بجـنة عـصـي الحلـوب عـيال الخـوسـة
يرجـع لك ألـم والدنيـا راجعـة تروســا
ود الشايقي
|
Post: #45
Title: Re: مسادير يا أهل المسادير إلى ما شاء الله........
Author: munswor almophtah
Date: 01-01-2006, 08:57 AM
Parent: #41
الخبـر البجي السـودان ملامحـه عـبوســة
مـن كتلـة وليـداتـو البقـت مـرخـوســة
من بجـنة عـصـي الحلـوب عـيال الخـوسـة
يرجـع لك ألـم والدنيـا راجعـة تروســا
ود الشايقي
إتفق التعيس والخائبه دى المتعوسه حتوا الناس حتيت زى الفراش مبثوثه أحقاد القلوب جوا القلوب مدسوسه أصحاب اللجوء بتروس جيوش مهروسه
منصور
|
Post: #79
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 01-04-2006, 04:13 PM
Parent: #45
|
Post: #42
Title: Re: مسادير يا أهل المسادير إلى ما شاء الله........
Author: الناظر
Date: 01-01-2006, 04:08 AM
Parent: #1
السودان بلد و المولى عـظم شـان يا ربى الكريم تحـفظ جميع سـكان ترجع طيور المهاجرة تاني لى مكان و الفرح و السرور يسعد كمان جيران
|
Post: #43
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-01-2006, 07:25 AM
Parent: #42
عيك ياعقيد ويامفتاح يا اخوانى ياخلانى السبب المنع النوم من عيونى حمانى قليب السنين والحسرة تب ماليانى عاما فات والجاى مار بسراع وراه التانى
|
Post: #48
Title: Re: مسادير يا أهل المسادير إلى ما شاء الله........
Author: munswor almophtah
Date: 01-01-2006, 09:25 AM
Parent: #43
يا الصايم سلام والعبره ديك خانقانى والموت بالغلب واجعنى مارضو كيانى كل ما ضوى يوم هبلت سريع نيرانى من شوف الظلم ضايقابو ضمه أركانى
منصور
|
Post: #51
Title: Re: مسادير يا أهل المسادير إلى ما شاء الله........
Author: عبد الله عقيد
Date: 01-01-2006, 11:29 AM
Parent: #43
حسار الغربة حار واوجاعو مي غابياني وجريان السنين يا الصايم اتلافاني تمر بسراع تخلف حسرة تب مالياني سوالف اياما مرت دون وجود حباني
ود عقيد
|
Post: #47
Title: Re: مسادير يا أهل المسادير إلى ما شاء الله........
Author: munswor almophtah
Date: 01-01-2006, 09:12 AM
Parent: #42
الشان إتعرف والناس تدوس سكانو كان قلت العراق خاتفين رموز ديوانو البلد المؤمنه نازعه منو أمانو زى كلب السعر كاتلاهو داك إنسانو
منصور
|
Post: #53
Title: Re: مسادير يا أهل المسادير إلى ما شاء الله........
Author: نادية عثمان
Date: 01-01-2006, 08:53 PM
Parent: #47
ياحليل الورود ماتت هناك فى جنينة
وجع الأمهات بات فى القلوب سكّينة
لهفى على الولد مليان قليبو غبينة
ام الدنيا ليه بالقسوة تضبحى فينا ؟!!!!
|
Post: #54
Title: Re: مسادير يا أهل المسادير إلى ما شاء الله........
Author: الناظر
Date: 01-02-2006, 02:54 AM
Parent: #1
يا منصور اخوي في حنك اتربينا الجود و الكرم و الله كان ماضينا اتغربنا قلنا الغربة كان تغنينا لكن و الله العظيم قلعت طواقينا
|
Post: #61
Title: Re: مسادير يا أهل المسادير إلى ما شاء الله........
Author: munswor almophtah
Date: 01-02-2006, 05:01 PM
Parent: #54
يا منصور اخوي في حنك اتربينا الجود و الكرم و الله كان ماضينا اتغربنا قلنا الغربة كان تغنينا لكن و الله العظيم قلعت طواقينا
من حنك رضعنا ومن جروفا ربينا من بحر الفضايل ضمه مره روينا الزمن إنقلب درب الغروب دجينا والعقب إن خرف بنجيهوا والله يجينا
منصور
|
Post: #55
Title: Re: مسادير يا أهل المسادير إلى ما شاء الله........
Author: الناظر
Date: 01-02-2006, 04:12 AM
Parent: #1
بقول كل بدايا ليها نهايا الغربة اللئمة هي نهاية النهايا تمر اياما و سنينا تيقي حكايا اتحسر عليها عديل واقعد اعد اياما
|
Post: #56
Title: Re: مسادير يا أهل المسادير إلى ما شاء الله........
Author: نادية عثمان
Date: 01-02-2006, 11:10 AM
Parent: #55
عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!!
وعجبى من هنا للسنة الجاية !!!!
|
Post: #60
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 01-02-2006, 04:53 PM
Parent: #56
حقيقة وظاهرة شهدت بيها كل النــــــــــــــاس قلم صادق وكلمة تسو سوات الفــــــــــــــــاس سطع للكون وضوح رايا بقالك اســـــــــــــــاس وبعدو نعد شجاعة وهمة رافعة الـــــــــــــراس
............................................................. محمد السيد
|
Post: #63
Title: Re: مسادير يا أهل المسادير إلى ما شاء الله........
Author: نادية عثمان
Date: 01-02-2006, 05:54 PM
Parent: #60
Quote: حقيقة وظاهرة شهدت بيها كل النــــــــــــــاس قلم صادق وكلمة تسو سوات الفــــــــــــــــاس سطع للكون وضوح رايا بقالك اســـــــــــــــاس وبعدو نعد شجاعة وهمة رافعة الـــــــــــــراس |
ساعية ورا الخطر دون ماتدق اجراس
لاهثة وراالحقيقة القاطعة للأنفاس
تحريف الكلام ماليهو عندى أساس
وعارفة مجالى جد يااخويا كيف حساس !!
تسلم على الكلام الطيب ودى شهادة اعتز بيها جدا والله
|
Post: #64
Title: Re: مسادير يا أهل المسادير إلى ما شاء الله........
Author: munswor almophtah
Date: 01-02-2006, 06:07 PM
Parent: #56
عملونى العميلة الخاينة بت فرعون
قالوا انحزت للجلاد حفيد شيطون
مانى محايدة قالوا وقلمى جد ملعون
سامحهم الاله وشان وطنى كلو يهون !!!
وعجبى من هنا للسنة الجاية !!!!
الفيل فى الوسط والضل دوام مطعون والمتلك دوام متل الجدى المعيون قلمك كان رطن رقص القبر مدفون ويا جبل العشق قلبك وطن مضمون
منصور
|
Post: #57
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-02-2006, 02:58 PM
Parent: #55
الصدور ضايقة ودوام مكروبة شيتا غربة وغصة فى الحلوق مصبوبة ويوما حرابة فى الغرب بعدى جنوبة وشيتا سرقة وحقوق منهوبة وشيتا بهدلة وسكلوبة راجين آخرتا كان تنعدل كان نقلب الهوبة
|
Post: #58
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-02-2006, 03:12 PM
Parent: #55
ياالناظر الحبيب ابواتنا القبيلك قالو بعد دردير الفقر أخير النجع بعيالو إمن رجع بعد الغربة بدولارو او بريالو وإمن فوق جبلا بعيد اتشتت معاهو جهالو
والمقصود قول القائل:
دردرنى الفقر لمن بقيت سنكيت وودرنى العمر لجبال توريت إمن جب مالا فرح أم سوميت وإمن فوق جبال تقلى انجدع ماجيت
|
Post: #59
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-02-2006, 03:36 PM
Parent: #55
غربة لئيمة علا حنينة وكفاية عزاك ياالناظر كم قنع ولايا وعزاك ياالناظر كم كسيت عرايا وكم غديت وكم عشيت وكم دمعتن قشيت وكم غصتن فشيت وكم عرست السمحةآية
|
Post: #62
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-02-2006, 05:02 PM
Parent: #59
ود مفتاح سلام الليلة شلنا كلامنا ماعرفنا بنجدد فى اللغا ولافى أحلامنا إمكن كانت سلاخية وصادفت سنامنا والعذر للحبايب وكل المنى يسعدن أيامنا
معذرة لقد تم تحويل البوست السابق الى مكان آخر من قبل!
|
Post: #65
Title: Re: مسادير يا أهل المسادير إلى ما شاء الله........
Author: munswor almophtah
Date: 01-02-2006, 06:28 PM
Parent: #62
من يوم ما اتوجدنا حقاره ما بنرضابا و من يوم ما اتولدنا اسياد علوم و آدابا انهض يا وطن اشرع سلاح اضرابا و العن الانقاذ و يوما اسود جابا
ود عدلان مشرف والظروف غلابا وانهبر الشرك هرد القلوب كلابه رقاصة القرد كتلت جموع بكلابا وإن طال الزمن ضلف البقر جيابه
منصور
|
Post: #66
Title: Re: مسادير يا أهل المسادير إلى ما شاء الله........
Author: nashaat elemam
Date: 01-03-2006, 03:34 AM
Parent: #65
جار بينا الزمان الليله صرنا غلابه ونيران عزنا صبحت رماد تقابه والناس القبيل تلقانا بي ترحابه لاقتنا برصاصا والدنيا دار دولابه
|
Post: #70
Title: Re: مسادير يا أهل المسادير إلى ما شاء الله........
Author: munswor almophtah
Date: 01-03-2006, 03:14 PM
Parent: #66
جار بينا الزمان الليله صرنا غلابه ونيران عزنا صبحت رماد تقابه والناس القبيل تلقانا بي ترحابه لاقتنا برصاصا والدنيا دار دولابه
راجين الصلاح صارت عهودنا حرابه كل ما تموت حريقه النار تشب لهابه أولاد بمبه فى الحارات جيوشنا حبابه وقت المعضلات ببقولنا أسد الغابه
منصور
|
Post: #67
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-03-2006, 06:47 AM
Parent: #1
منصــور,
Quote: ود الشايقي
إتفق التعيس والخائبه دى المتعوسه
حتوا الناس حتيت زى الفراش مبثوثه
أحقاد القلوب جوا القلوب مدسوسه
أصحاب اللجوء بتروس جيوش مهروسه
|
مشنى الغشغشـة الشفناها لـكــنـا بـروسـا
مشـنى الحقـرة في جنياتنا قاسيـة ضروسـا
مشـنى القايـدة أبّايـة الحـرد والـدوسـة
مشـنى الجبهـة تخـرت من رقابنا فــلوسـا
ود الشايقي
|
Post: #68
Title: Re: مسادير يا أهل المسادير إلى ما شاء الله........
Author: الناظر
Date: 01-03-2006, 12:46 PM
Parent: #1
يا ابو حميد اخوي الكلام القلتو كلو حقيقة الغربة اللئمة ولعت في جـوانا حريقة كل ماشفت واحداٌ تقول و الله عندو مصيبة خوف و ذلة و مهانا و كمان حكاوي عجيبة
|
Post: #69
Title: Re: مسادير يا أهل المسادير إلى ما شاء الله........
Author: الناظر
Date: 01-03-2006, 12:58 PM
Parent: #1
فى السودان هناك الناس جميع مبسوطا بالعز و الكرم عمران بيهو بيوتا للفرح و الحزن و سواعدٌ مرفوعا الشيب و الشباب لمتن مجموعا الناس الكبار كمان كلمةٌ مسوعا الشفع والصغار قعدتٌ مرفوضا
|
Post: #71
Title: Re: مسادير يا أهل المسادير إلى ما شاء الله........
Author: munswor almophtah
Date: 01-03-2006, 03:38 PM
Parent: #69
مشنى الغشغشـة الشفناها لـكــنـا بـروسـا
مشـنى الحقـرة في جنياتنا قاسيـة ضروسـا
مشـنى القايـدة أبّايـة الحـرد والـدوسـة
مشـنى الجبهـة تخـرت من رقابنا فــلوسـا
ود الشايقي
لوكة الكينيا والحنضل فهمنا دروسه عضم الإنتظار صفاحتو ماكله السوسه حلم الصغار دايما بكون بسبوسه دايما فى العدم غايصه الظروف منحوسه
منصور
|
Post: #72
Title: Re: مسادير يا أهل المسادير إلى ما شاء الله........
Author: مجدى محمد مصطفى
Date: 01-03-2006, 03:46 PM
Parent: #1
الشجر ان مال يتكسرن فراعو وقمحان للطلب المابيجيبو ضراعو ليه يا اخوانا البينا ما بتراعو الراسو بيوجعو يربطولو كراعو
|
Post: #76
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2006, 08:13 AM
Parent: #72
الشجر ان مال يتكسرن فراعو وقمحان للطلب المابيجيبو ضراعو ليه يا اخوانا البينا ما بتراعو الراسو بيوجعو يربطولو كراعو
وقت الحال إميل بصعب علينا إرجاعو إصعب نشترى أسباب علاج من باعوا البينا كان أكذوبه فكوا شراعو ما أعتبرو القديم حق الجوار ما راعو
منصور
|
Post: #73
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-04-2006, 02:53 AM
Parent: #1
Quote: لوكة الكينيا والحنضل فهمنا دروسه عضم الإنتظار صفاحتو ماكله السوسه حلم الصغار دايما بكون بسبوسه دايما فى العدم غايصه الظروف منحوسه
|
منـصــور,
كانت زهـرة الدنيـا وشـعاع فانوسـا
كانـت تتكي تكرم من مراحـا وعـوسـا
هاشـت وقادت (اللاءات) وسـاس يسوسـا
وفي باندونق تضـوّي رئيسـة مي مرؤوسـة
|
Post: #74
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-04-2006, 02:58 AM
Parent: #1
Quote: لوكة الكينيا والحنضل فهمنا دروسه عضم الإنتظار صفاحتو ماكله السوسه حلم الصغار دايما بكون بسبوسه دايما فى العدم غايصه الظروف منحوسه
|
منصــور,
كانت حـوّا حلابـة وملان (كبـروسـا)
كانـت ميري تتقـدل تمـّلـي عروســه
كانت فاطنـة ماهلة وهـيطـة ماها عبوسـه
وتحـت الجبهـة (ضـيّعناها) جيـنـا نكوسـا
|
Post: #75
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2006, 07:50 AM
Parent: #74
كانت زهـرة الدنيـا وشـعاع فانوسـا
كانـت تتكي تكرم من مراحـا وعـوسـا
هاشـت وقادت (اللاءات) وسـاس يسوسـا
وفي باندونق تضـوّي رئيسـة مي مرؤوسـة
من الريقه مرضت وصابتا اليابوسه حقها فى الورث فى جيوب بعض مكنوسه لمن ساست اللآت زمان محروسه هسع فى الطريق متل المره الملحوسه
منصور
|
Post: #77
Title: Re: مسادير يا أهل المسادير إلى ما شاء الله........
Author: عبد الله عقيد
Date: 01-04-2006, 08:59 AM
Parent: #75
قنصولا اللئام قاصدين يقطِّعو روسا مسكولا الزمام حرمو الأنام فانوسا عقبان جاتا فجّة نور وغاب ناعوسا بس أولادا دقّو مع الذئاب ناقوسا
ود عقيد
|
Post: #78
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2006, 04:04 PM
Parent: #77
الداير السلام فجج الهلاك مابكوسه ساتر حالو حافظ راسو من الخوسه الزول إن صبح أفعالو كالجاموسه إما يدر لبن إما الضبيحه وموسه
منصور
|
Post: #80
Title: Re: مسادير يا أهل المسادير إلى ما شاء الله........
Author: نادية عثمان
Date: 01-04-2006, 05:31 PM
Parent: #78
وطنى الغالى نازف والوريد مقطوع
شعبو الوافى مخلص للخضر ويسوع
تعالوا نعلى صوتنا عشان يكون مسموع
نرفض نحنا ذلا كان نموت بالجوع !!
|
Post: #85
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2006, 11:31 PM
Parent: #80
وطنى الغالى نازف والوريد مقطوع
شعبو الوافى مخلص للخضر ويسوع
تعالوا نعلى صوتنا عشان يكون مسموع
نرفض نحنا ذلا كان نموت بالجوع !!
الإخلاص ظهر والكل جميع مقجوع وكتل الناس شلل غدر الجبان مخلوع ما سمعوا الحديث ظلم الحبش ممنوع ولافا من الجحيم فرق الضلوع بتضوع
منصور
|
Post: #81
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-04-2006, 05:42 PM
Parent: #78
ناس ودعقيد عبدله ومعاو ودموسى ختو الكلام رصاص وخاتي السوسة في شان مانلت ونعجن وتطنطن الناموسة ورونا كيف بعد الليلة تستعدل المعكوسة
nadia so as not to complain of ignoring your last post, or even stalking your posts, i had started typing before your post appeared.. needed to get this out quickly and i have no arabic
|
Post: #82
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-04-2006, 06:20 PM
Parent: #1
Quote: من الريقه مرضت وصابتا اليابوسه حقها فى الورث فى جيوب بعض مكنوسه لمن ساست اللآت زمان محروسه هسع فى الطريق متل المره الملحوسه |
فيكي الساقية روّايـة ودفـق قادوسـا
فيكي جروفنـا ندّايـة ودشـر فقوسـا
فيكي الوعـرة نتّـر, من عصـير, جاموسا
مـو كتّـال ولادك, مجـرمـا وجاسـوسـا.
ود الشايقي
|
Post: #83
Title: Re: مسادير يا أهل المسادير إلى ما شاء الله........
Author: نادية عثمان
Date: 01-04-2006, 07:30 PM
Parent: #82
Quote: الفيل فى الوسط والضل دوام مطعون والمتلك دوام متل الجدى المعيون قلمك كان رطن رقص القبر مدفون ويا جبل العشق قلبك وطن مضمون |
موت ولدى العزيز زاد فى قليبى شجون
أطفال فى الحريق احتاجو يد العون
بعد الدم يسيل ببقى الفؤاد مغبون
تعيش منصور أخوى ويهابك الفرعون !!
|
Post: #84
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-04-2006, 09:03 PM
Parent: #82
البلد الحاله وقف وأعلامه جات منكوسة رجعت للكتل فى مصر رغم ميشاكوسا بهناك أبوجا تقع تقوم معا ناس دوسة والناس النست "امريكاناوروسا نحن ندوسا"
|
Post: #86
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2006, 11:54 PM
Parent: #84
فيكي الساقية روّايـة ودفـق قادوسـا
فيكي جروفنـا ندّايـة ودشـر فقوسـا
فيكي الوعـرة نتّـر, من عصـير, جاموسا
مـو كتّـال ولادك, مجـرمـا وجاسـوسـا.
ود الشايقي
بى رب البرعى يالشايقى البلد محروسه دايما فوق لقا وعوامه قادله عروسه قرام الفجل ضرات كتل ناس دوسه إن فتح الكتاب بلقى الأسود ممغوسه
منصور
|
Post: #87
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-05-2006, 00:20 AM
Parent: #86
بنقول عارفانا المكارم نحن بنسوسا ويوم الدواس بندوس بعكازة او بى خوسة للغاشى والماشى كنا العيوش بنعوسا المحن دردارة ساقتنا لبلداأبت موسى
|
Post: #88
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-05-2006, 01:04 AM
Parent: #87
دايرين الجهال ترجع تقيد لدروسا دايرين نسمع القمارى بعد ماقدل طاووسا ودايرين الهوامش عقب يعود فردوسا ونرجع لواطاتنا نتحكر تملى نبوسا
|
Post: #89
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-05-2006, 01:14 AM
Parent: #88
ياود مفتاح فتك مع ياسين وعيسى مساديرك يعليها ليك من رفع ادريسا وبسأل الله ليك عز سليمان وبلقيسا فارسا عظيم تدخل الدارة وتفج ميسا
|
Post: #91
Title: Re: مسادير يا أهل المسادير إلى ما شاء الله........
Author: munswor almophtah
Date: 01-05-2006, 11:42 PM
Parent: #88
دايرين الجهال ترجع تقيد لدروسا دايرين نسمع القمارى بعد ماقدل طاووسا ودايرين الهوامش عقب يعود فردوسا ونرجع لواطاتنا نتحكر تملى نبوسا
يا شيخ البلد مليانه زايده عنوسه والكسره القبيل غلبتنا طب مانعوسه بندور الفرج قلاع جميع ناحوسه زى ماساس مداين بالفضيله يسوسه
منصور
|
Post: #90
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-05-2006, 05:53 PM
Parent: #1
Quote: بى رب البرعى يالشايقى البلد محروسه دايما فوق لقا وعوامه قادله عروسه قرام الفجل ضرات كتل ناس دوسه إن فتح الكتاب بلقى الأسود ممغوسه
|
منصــور,
فيكم نخـوة البلـد الكبس كابوسـا
وفيكـم عـز أصيـل ومكارمـن موروسـا
فيكـم فـزعـة يوم (دايان) لبستـو لبوسـا
لا جامعـة عـرب, لا حـس (عـميـر ود مـوسـى)؟
ود الشايقي
|
Post: #92
Title: Re: مسادير يا أهل المسادير إلى ما شاء الله........
Author: munswor almophtah
Date: 01-06-2006, 00:04 AM
Parent: #90
البلد الحلم حنة عروس مكبوسه والخير مندفق خيلها بتجيك عركوسه قادلات ناس حنان إحبن هنوك ناس نوسه شامرين ناس جنيد واقفين هنوك ناس دوسه
منصور
|
Post: #93
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-06-2006, 01:18 AM
Parent: #92
غزلانا بالحسرة كبرت زى كبريت فى كروسه هناك راجية سلوى وبهنوك اتمحنت نفوسه ياالدخرى الفاها قبل ماتغرب شموسه شمعته الضواية كملت نان وين ترجع تكوسه؟
النار بهناك مشعللة زى هيلة مجوسه كتلوهم عسكرا كان تتاره كان هكسوسه لمتين الحكام محكومة بحب نفوسه خلو وجوهنا بعد السلام رجعت عبوسه
ياموت كفاية أمواتنا من زمن جساسه وبسوسه شفعنا بتتولد وترضع وقبل ماتنفطم نقطع رؤوسه برشاشة برصاصة او مرفوسة او مدهوسة بكرة ينصلح حالا وتزغرد نيالا... وبابنوسه
|
Post: #94
Title: Re: مسادير يا أهل المسادير إلى ما شاء الله........
Author: ابو جهينة
Date: 01-08-2006, 03:36 AM
Parent: #93
عزيزي منصور و كل ناس المسادير هنا و هناك في السافل و الصعيد .. شرق و غرب و ( خسوساً ) أهلنا في أب دليق و دار البطاحين .. سلام كبير .. عجبني البوست طب. قلت أديكم مسادير قريتا ..
***
ملفحه يا بلد بالحر يلاوى النسمة مطبول اللسان مفتاحو ضُلْ الرسمه ضَرْبْ المستحيل كَتَّف رموش النجمة إنْ صَحَّ الكلام فى عينو تصحى الكجمة يايوم من حلم زيد فينا طول الهجمة يابلد اندفر فى رحلتو المنقسمة ما تورْ إنْ وقع ..... يكتر بياض البسمة
من طابور مدوِّرْ فى المسا المبهول تالِِتنا النحاس خامس شموس الحول واحد من بلد قصّرْ غناها الطول والشِدرْ الكُبار صمّغ سقوف القول يتساوى المطر ، والخندق المبلول والليل والنهار ، والكاتِلْ المكتولْ
معبى عيونك ، الشوق والخريف داجين حلمت الوادى ماسك صرخة ، بى غادى المدن تضحك جدادة الوادى طارده اللمحة من أُفُقْ العناق والعين مكتف يا جبل واقف وتشرب دمعةْ القاعدين وما بين الجبل والوادى أطفال يشبهو الجايين قدمنا السبِتْ فى خوفنا صِبْحَتْ ليلة ْ الإتنين معلقكْ الشقا العرقان مديد فى الضو تواريخك حِيَلْ ملفوفة فى طول العِمَمْ والمشية والرجعه وزمنا الراح لوت بطن المطار واطيها يوم الوَعْدْ دردق روح جليدو وساحْ أياديك فى الوداع طالتْ أصابعَكْ طايره ليل فى الجو لا بتشبه وداع ولِقا ولا شُباكْ تضارى رياح
قسمت المدن ميراثا للسهران إن بات والمخده اتْجّلَدَتْ بالنار إن مسك العصايه وسنَّّدْ الأحلام إن عرك الزمان واتباهى بالفكره يابرق المسافات ولع الأسرار من جَمُرْ انخمد ..جُر النَفَسْ ذكرى وادِعنا وأَمِشْ فى دربك المعووج رجّعنا وتعال تمْسِكْ عقاب الدار يا بَكْرةْ أَمِسْ ما أجملك بُكره مفلوت من بعيد أقربْ لكْ التاريخ درباً وصّلكْ ما رجعك فى ليل وقلباً من غُنا نبضو ارتوت أركان صَفَقْ شِدرْ الشموس الخانقة ضُلْ عينيك دَفَقْ مويةْ البحور الصابه فى السهله لوكانت خطاكْ الخابه فى المهله تبرا إبَرْ ضياع فى شوكةْ الهجرة ترجانا ونجيكْ الكلمة عامود نور الليل قصرك طالت مدن انسان أطفى الرؤيا دقت ساعةْ العصفور توبك ما اترتق لسه النهار عريان المنسج كِبِرْ سنوات على المنديل والنورج حرَنْ فوق قمحةْ الإمكان والمشو فى الشفق حيمغربوك تانى يابلد اشتهيك والعبرة خانقانى أصرخ وارتجيك الصرخة كاتمانى أحلم وابتديك الأول التانى
منقول ( منتدى ود مدني ) المك نمر
****
انصارك كتار تأمين عبر الكيل زي بت الريا وكتين قدوم السيل كان موجور زمان ناسا فهمها قليل شرك أم قيردون كيفن يقبض الفيل
شاعر أنصاري
|
Post: #95
Title: Re: مسادير يا أهل المسادير إلى ما شاء الله........
Author: نادية عثمان
Date: 01-08-2006, 09:20 AM
Parent: #94
فوق
|
Post: #97
Title: Re: مسادير يا أهل المسادير إلى ما شاء الله........
Author: munswor almophtah
Date: 01-08-2006, 06:33 PM
Parent: #94
وارث النغم من داوود حبابك جيت وشادى وشاجن المزمار رصين ختيت إن كانت جهينه مع اليقين فى خيت أبوها أبواليقين بانيلو كمين بيت
منصور
|
Post: #96
Title: Re: مسادير يا أهل المسادير إلى ما شاء الله........
Author: الناظر
Date: 01-08-2006, 10:16 AM
Parent: #1
يا اهل المسدار بقول عيد سعيد و عمر مديد بس العيد مع اهلنا شكلو و طـعم فريــد و لمت ناس و حكاوي انت بيها سعـيد و صوت خرفان تبعبع جاي من بلد بعيد تجيك الشيى من صاج وتلهلب بوخا يزيد و الشربوت شدوه بى بلحاً انتاجو جديـد و البقنية موجود في جردل طعمها شديد الناس فرحانه و مهيصي و معيدة انت بعيد
|
Post: #100
Title: Re: مسادير يا أهل المسادير إلى ما شاء الله........
Author: munswor almophtah
Date: 01-09-2006, 01:30 AM
Parent: #96
العيد ياجناييت نفحاتة هبت جاتنا في غفلة زمان لامتين طرينا اماتنا شيات الجمر فواحة باعثة حياتنا شطات العمر جمالا طق لهاتنا
منصور
|
Post: #98
Title: Re: مسادير يا أهل المسادير إلى ما شاء الله........
Author: zoul"ibn"zoul
Date: 01-08-2006, 06:40 PM
Parent: #1
سلام يا منصور
وين يا زول كيف الحال و كل سنة و انت و ألأسرة بى خير و عيد سعيد و ان شاء الله ما تكون مشيت لى صاحبنا خالد - كان فى اِشاعة كدة انك ماشى بى هناك - الزول زاتو قالوا متجرس بى غادى و لقى القصة صعبة شديد
بس حبينا نسلم و ننقل تحيات اِمام و جمال الجعلى (المحسى دى كانت زمان عملنا ليهو غسيل مخ الأيام الفاتت انا اِتعلمت الرطانة و هو نساها)
و لى قدام و شكرا
|
Post: #99
Title: Re: مسادير يا أهل المسادير إلى ما شاء الله........
Author: munswor almophtah
Date: 01-09-2006, 01:15 AM
Parent: #98
يازول سلام إن شاء الله عيدك عايد وضارب للشواشو وفى المكارم قايد المحسى الغتيت صناع شرابيت رايد وشيخك للمرارات عندو ديمه مكايد
منصور
|
Post: #101
Title: Re: مسادير يا أهل المسادير إلى ما شاء الله........
Author: munswor almophtah
Date: 01-18-2006, 11:08 AM
Parent: #99
الصيد داك نزل عند المحيجر وارد ضامر فوق جمالو من العيون متباعد الوز داك رقص رقص أم صديرن ناهد والشوق إشتعل فى الجوف جحيما زايد
منصور
|
Post: #102
Title: Re: مسادير يا أهل المسادير إلى ما شاء الله........
Author: محمد امين مبروك
Date: 01-19-2006, 03:55 AM
Parent: #101
الاماتو فوق أم لعايت....ردًن ومن حدق العيون حتى الخديدات...ندًن قماري الوادي من حالة المفارق ...حدًن خبًار ناس(ديلا) ما جْن سالمني ....وصدًن
تحياتي...
|
Post: #104
Title: Re: مسادير يا أهل المسادير إلى ما شاء الله........
Author: munswor almophtah
Date: 01-19-2006, 11:49 AM
Parent: #102
الاماتو فوق أم لعايت....ردًن ومن حدق العيون حتى الخديدات...ندًن قماري الوادي من حالة المفارق ...حدًن خبًار ناس(ديلا) ما جْن سالمني ....وصدًن
من جدع السلام ريشات قليبهم هدن ومن كحل المقل خدرن جمالهم مدن البندور نشوف نور فوق خدودهن عدن سدلن باب وجوهن بالحجاب طب سدن
منصور
|
Post: #482
Title: Re: مسادير يا أهل المسادير إلى ما شاء الله........
Author: عوض حمزة
Date: 07-05-2006, 06:14 PM
Parent: #99
حباب مفتاح الليله جيتك.. ضيف مفتاح الفهم كمال نواقص. الكيف عاجبنى الكلام ..الخال من.. تذيف بالله العظيم قولى....... حالك كيف
|
Post: #546
Title: Re: مسادير يا أهل المسادير إلى ما شاء الله........
Author: مجاهد عبد الرحمن
Date: 11-13-2006, 05:04 AM
Parent: #98
العيد يا جناييت نسماتو هبت جاتنا بين غربة وشجن صارت مسيخة حياتنا لمتين يا كريم ترجع تعود لماتنا في بيتنا الكبير تسطع نجوم ليلاتنا
|
Post: #552
Title: Re: مسادير يا أهل المسادير إلى ما شاء الله........
Author: مجاهد عبد الرحمن
Date: 11-14-2006, 02:44 AM
Parent: #98
العيد يا جناييت نسماتو هبت جاتنا بين غربة وشجن صارت مسيخة حياتنا لمتين يا كريم ترجع تعود ليلاتنا في بيتنا الكبير تشرق تهل نجماتنا
|
Post: #582
Title: Re: مسادير يا أهل المسادير إلى ما شاء الله........
Author: مجاهد عبد الرحمن
Date: 11-20-2006, 07:29 AM
Parent: #98
إبداع يالمفتاح
|
Post: #103
Title: Re: مسادير يا أهل المسادير إلى ما شاء الله........
Author: الناظر
Date: 01-19-2006, 10:22 AM
Parent: #1
الصيد ورد في لمـحه مـر جواري و وقفت و سرقت النظر من جاري شفت السمحه تقدل و كنها تدري بي حالي و قلبي الرهيف دق و قف طوالي
|
Post: #105
Title: Re: مسادير يا أهل المسادير إلى ما شاء الله........
Author: munswor almophtah
Date: 01-19-2006, 12:20 PM
Parent: #103
الصيد ورد في لمـحه مـر جواري و وقفت و سرقت النظر من جاري شفت السمحه تقدل و كنها تدري بي حالي و قلبي الرهيف دق و قف طوالي
مالك متفن مابتقوم بتباري وإن قدلن مشن لازم تجيهن جاري شبه المعيز صيدة الصفى كان دارى رايقه محفله المضمونه ما بتوارى
منصور
|
Post: #106
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-20-2006, 08:14 AM
Parent: #1
يازول يا سمح إنتا المشيت خليتنا ما أبيناك يمين ببسمتك أشفيتنا بندور اللقا نفرح يمين لو جيتنا نترجاك دوام نفرح نشوف ضو بيتنا
|
Post: #107
Title: Re: مسادير يا أهل المسادير إلى ما شاء الله........
Author: munswor almophtah
Date: 01-20-2006, 12:16 PM
Parent: #106
يازول يا سمح إنتا المشيت خليتنا ما أبيناك يمين ببسمتك أشفيتنا بندور اللقا نفرح يمين لو جيتنا نترجاك دوام نفرح نشوف ضو بيتنا
من زرزور صغير حلمان مغادر بيتنا فى جخنون غروب وحلان مغرق زيتنا لكن منجمع راجع نقيس لون خيتنا للعقب القديم راجعين نقيم ياريتنا
منصور
|
Post: #108
Title: Re: مسادير يا أهل المسادير إلى ما شاء الله........
Author: munswor almophtah
Date: 01-21-2006, 00:36 AM
Parent: #107
لولا الإمتحان بتجينا ما بتغيبى والممتاز فجر بتخمى لينا تجيبى الناس بالكلام عابوك ما بتعيبى يا ورد القرنفل للنحل بطيبى
منصور
|
Post: #109
Title: Re: مسادير يا أهل المسادير إلى ما شاء الله........
Author: munswor almophtah
Date: 01-21-2006, 05:32 PM
Parent: #108
الدار براك يا ملكه طب خربانه والناس تتلبج فارقه الطريق محنانه يا بلسم تعال إنتى الطبيب شفخانه يا ساحر الخصال زارد المقل جبخانه
منصور
|
Post: #110
Title: Re: مسادير يا أهل المسادير إلى ما شاء الله........
Author: munswor almophtah
Date: 01-21-2006, 05:57 PM
Parent: #109
أبا أخونا من الصوره قلبو أتركش وإن شاف شوف بيان مضمون بقوم إترطش من القيف وقف فى سنطه لازق كنكش وإن نزل لبحر راسو الخفيف بطرقش
منصور
|
Post: #111
Title: Re: مسادير يا أهل المسادير إلى ما شاء الله........
Author: munswor almophtah
Date: 01-21-2006, 06:06 PM
Parent: #110
أبا أخونا من الصوره قلبو أتركش وإن شاف شوف عيان مضمون بقوم إترطش من القيف وقف فى سنطه لازق كنكش وإن نزل البحر راسو الخفيف بطرقش
منصور
|
Post: #113
Title: Re: مسادير يا أهل المسادير إلى ما شاء الله........
Author: نادية عثمان
Date: 01-22-2006, 03:01 PM
Parent: #108
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
|
Post: #112
Title: Re: مسادير يا أهل المسادير إلى ما شاء الله........
Author: الناظر
Date: 01-22-2006, 08:13 AM
Parent: #1
يوم فرح سمحاتنا بلدنا جن قادلات زي بنات العز دخلن في الدارة يتفدعن و سون رقيص الوز جميع من كان هناك و قف مندهش حاول يهز الاطفال الرضع الصغار بكو و قالو عاوزين البز صديق طار من الفرح و ركي في الدارة يهز
|
Post: #115
Title: Re: مسادير يا أهل المسادير إلى ما شاء الله........
Author: munswor almophtah
Date: 01-23-2006, 11:44 AM
Parent: #112
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
فزتيبا أم قدود بالحب تغنى تدوبى ويادوبك شباب صيدة كبور بتجوبى قلبك زى لبن ليك القلوب بتشوبى ياسكر نبات داخل النفوس بتذوبى
منصور
|
Post: #116
Title: Re: مسادير يا أهل المسادير إلى ما شاء الله........
Author: نادية عثمان
Date: 01-23-2006, 02:55 PM
Parent: #115
المعروف بدوم والكلمة تبقى جميلة
طالعين يااهل فى الغربة شلنا الشيلة
مابندور زعل لى زول زميل وزميلة
الروقة ودروبها حليلها ياخى حليها!!
|
Post: #114
Title: Re: مسادير يا أهل المسادير إلى ما شاء الله........
Author: الناظر
Date: 01-23-2006, 11:01 AM
Parent: #1
بس حب العباد فى الدنيا باقى نصيبى من تبيت صغيرة وهسة بعد مشيبى الزول لو كرهنى بشوفو برضو حبيبى الدنيا ام قدود زادت شقاى ونحيبى
حب الناس من الله جاكي هديه وطيبه القلب و الله فيك محريه الزول ان عاش في ديره سخيه ان قام و ان قعدوالله ليه تحيه
|
Post: #117
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-24-2006, 01:43 AM
Parent: #114
Quote: يوم فرح سمحاتنا بلدنا جن قادلات زي بنات العز دخلن في الدارة يتفدعن و سون رقيص الوز جميع من كان هناك و قف مندهش حاول يهز الاطفال الرضع الصغار بكو و قالو عاوزين البز صديق طار من الفرح و ركي في الدارة يهز |
يوم الفرح مرقنا النحاس طبولنا ترز زى صقر البرزن عريسنا سيفه يجز وفى محل الموت بنغرز كراعنا غرز يوم حارة ودواس لا بنتر ولا بنفز
|
Post: #118
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-24-2006, 01:58 AM
Parent: #117
Quote: أبا أخونا من الصوره قلبو أتركش وإن شاف شوف عيان مضمون بقوم إترطش من القيف وقف فى سنطه لازق كنكش وإن نزل البحر راسو الخفيف بطرقش منصور |
ات يازول سمحة الصورة ولا سيدها قام يتبكش؟ البيسرح بغنم ابليس عقله داك اتكشكش والبرش الناس بالموية يوم بالدم بترشرش كبارنا قالو البلعب بالجمر لابد يوم يتشتش
|
Post: #119
Title: Re: مسادير يا أهل المسادير إلى ما شاء الله........
Author: mohammed elsaim
Date: 01-24-2006, 02:12 AM
Parent: #118
قول لسيدالصورة حوش جمالك حذار تتلبش وشن فايدة الجسوم بعد العقول تتهبش كبارنا قالو البلاعب الجريوات أكيد يتخربش ووالد المحن دوام مصيره يوم يتكلبش
|
Post: #120
Title: Re: مسادير يا أهل المسادير إلى ما شاء الله........
Author: الناظر
Date: 01-24-2006, 09:32 AM
Parent: #1
في المثل بقولو الجداد يودي الكوشا لابد من حساب دهرك وقتك المهموشا عشان الكل يماثل لي ملوك الكوشا وتعتق نفسك من زنقتا و تحويشا
|
Post: #121
Title: Re: مسادير يا أهل المسادير إلى ما شاء الله........
Author: nour tawir
Date: 01-24-2006, 12:15 PM
Parent: #120
صباح الخير منصور رسلت ليك رسالة بى المسنجر مامشت. واتصلت فى البيت لكين الظاهر ازعجت الاسرة. وعلى العموم اتصل انت بعد دا. دا ما كلام زعل لكين انا عارفة ظروف كندا. والموضوع اياه ماضرورى للدرجة دى..
|
Post: #673
Title: Re: مسادير يا أهل المسادير إلى ما شاء الله........
Author: munswor almophtah
Date: 12-25-2006, 09:34 AM
Parent: #120
مالك متفن مابتقوم بتباري وإن قدلن مشن لازم تجيهن جاري شبه المعيز صيدة الصفى كان دارى رايقه محفله المضمونه ما بتوارى
منصور
|
Post: #900
Title: Re: مسادير يا أهل المسادير إلى ما شاء الله........
Author: munswor almophtah
Date: 08-02-2007, 07:06 AM
Parent: #673
رايقه محفله المضمونه ما بتوارى
|
Post: #122
Title: Re: مسادير يا أهل المسادير إلى ما شاء الله........
Author: الناظر
Date: 01-24-2006, 12:23 PM
Parent: #1
يا منصور اخوى اطربنا بى اشجانك وقول محمد ود الصائم نحن من حيرانك و بت عثمان كمان اهديك من الحانك ود عقيد مالو سكت مع انو من حبانك
|
Post: #123
Title: Re: مسادير يا أهل المسادير إلى ما شاء الله........
Author: munswor almophtah
Date: 01-25-2006, 01:54 AM
Parent: #122
يا ناظر المحل بلبل كنار فنانك صداح منشرح مياسه راقصه أفنانك ناس ناديا المكمله زى فراش أغصانك ود جعل المصوبن دافره جايبا حصانك
منصور
|
Post: #124
Title: Re: مسادير يا أهل المسادير إلى ما شاء الله........
Author: الناظر
Date: 01-25-2006, 08:46 AM
Parent: #1
يا الحبيب يوم جاني الولد و الله كان يوم عيدى وفي الشهر العظيم والمصحف كمان فى ايدى الدكتور مروق و في ايدهو حامل لى وليدى دماعي سالت من الفرح و رفعت الي فوق ايدى طلبت من ربى الكريم يحفظ و يكبر لى ولدى
|
Post: #125
Title: Re: مسادير يا أهل المسادير إلى ما شاء الله........
Author: الناظر
Date: 01-25-2006, 09:22 AM
Parent: #1
الدكتور سال في الحال ايش عاوز تسميه قلتو غير اسم ابوى و الله ماني مسميه افضالو كتير على و بالاسم عاوز اهديه من تبيت و قمت سابح و غرقان في واديه
|
Post: #126
Title: Re: مسادير يا أهل المسادير إلى ما شاء الله........
Author: الناظر
Date: 02-01-2006, 04:20 AM
Parent: #125
يا منصور اخوي من النعاس صحينا النوم حصل من قهوة او شاي اسقينا او بى فن من فنون كلامك اروينا و قول ود عقيد بلاهي مر ضوينا
|
Post: #127
Title: Re: مسادير يا أهل المسادير إلى ما شاء الله........
Author: أحمد الشايقي
Date: 02-01-2006, 04:33 AM
Parent: #1
جيتكم بي خبر بالحيل مفاده طــريف
من زورة الحبيب, سودانا, يا عريـف
بلد الماهلة ديك, ست القوام والهيف
والالاف سـلام, مـن ام عمـودا سيـف,
|
Post: #128
Title: Re: مسادير يا أهل المسادير إلى ما شاء الله........
Author: عبد الله عقيد
Date: 02-13-2006, 02:25 PM
Parent: #1
وين يا اخواننا مفتاح الفهم والراي منصور الحريف الـ للفهوم قراي حاجر فوق سوايمو وللكبس سرّاي حديثو سمِح مرتب حاشا مو برّاي
ود عقيد
|
Post: #129
Title: Re: مسادير يا أهل المسادير إلى ما شاء الله........
Author: نادية عثمان
Date: 02-13-2006, 04:12 PM
Parent: #128
ود عقيد
زيك طارية اب قلبا دهب خبارو الزول ده مشى وين ؟
بجيك صادة اكيد ..
|
Post: #130
Title: Re: مسادير يا أهل المسادير إلى ما شاء الله........
Author: munswor almophtah
Date: 02-14-2006, 04:03 AM
Parent: #129
ياناس يا ظراف انا فى البلد متواجد فى الخرطوم بزازى وشوقى ليكم واجد يا ود عقيد إنت المشير يا ماجد وناديه المعجزه المصروفه فايده وعايد
منصور
|
Post: #131
Title: Re: مسادير يا أهل المسادير إلى ما شاء الله........
Author: أحمد الشايقي
Date: 02-14-2006, 04:26 AM
Parent: #1
ود مفتـاح,
للخرتوم سلام شوق واشتها وقرييف
قمنا صباح شروق خلينا فيها الكيف
وجافات قلوبنا حسيرة دايرة تقيف
حلاتاً فيها توتي, حلاتــو فيها القيف
وتحيات لأهل الخرطوم اللطفاء
ود الشايقي
|
Post: #132
Title: Re: مسادير يا أهل المسادير إلى ما شاء الله........
Author: الناظر
Date: 02-14-2006, 04:45 AM
Parent: #1
يا منصور اخوي مضاري ليك زمان طاب الكريم انك تكون في امان خايف عليك تلحق الكومر ابدخان كل ما جاهو طيفا صبح ورمان
|
Post: #133
Title: Re: مسادير يا أهل المسادير إلى ما شاء الله........
Author: الناظر
Date: 02-15-2006, 05:36 AM
Parent: #1
حمدلى بسلامة الجيت منهم طيبين طولت الغياب و نحن ليك مستنين ارض حنك كمان عندى ليها حنين و جل الظريف و الله لي منو سنين
|
Post: #134
Title: Re: مسادير يا أهل المسادير إلى ما شاء الله........
Author: أحمد الشايقي
Date: 02-15-2006, 05:45 AM
Parent: #1
سلام خرتوم سلام, لي محنتك زينوبا
سلام آرض العزاز فيك جدنا وحبوبـة
سلامـاً للمهندس داكا راجـل حـوبـة
والآلاف سـلام لي ناس هـناك في سـوبا
ود الشايقي
|
Post: #135
Title: Re: مسادير يا أهل المسادير إلى ما شاء الله........
Author: عبد الله عقيد
Date: 02-15-2006, 07:30 AM
Parent: #1
ست النمّة نادية البيكِ تم غنانا يسعل منك الخير والوداد يغشانا منصور الهميم شد الرحال خلانا في خرتومو قاعد ضمة ما بيطرانا
ود عقيد
|
Post: #136
Title: Re: مسادير يا أهل المسادير إلى ما شاء الله........
Author: نادية عثمان
Date: 02-15-2006, 08:48 AM
Parent: #135
Quote: ست النمّة نادية البيكِ تم غنانا يسعل منك الخير والوداد يغشانا منصور الهميم شد الرحال خلانا في خرتومو قاعد ضمة ما بيطرانا |
من غير الحبيب مين عاد بتمو هنانا
مفتاح القلوب زول بالجميل اشجانا
منصور غاب هناك بنار فراقو كوانا
فى الخرطوم غطس بحر الغرام دنيانا
|
Post: #137
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 02-15-2006, 09:02 AM
Parent: #1
فد يوم شين بسو والبدعة ما لازمانا
من تبينا قمنا والحب في كل زمانا
* ** ** ** *
شوف منصور في البوست كيف لمانا
كبرت قلوبنا والريد كتير عمانا
........................................................................................ محمد السيد
|
Post: #138
Title: Re: مسادير يا أهل المسادير إلى ما شاء الله........
Author: عبد الله عقيد
Date: 02-15-2006, 01:57 PM
Parent: #1
ياناس يا ظراف انا فى البلد متواجد فى الخرطوم بزازى وشوقى ليكم واجد يا ود عقيد إنت المشير يا ماجد وناديه المعجزه المصروفه فايده وعايد
منصور
يا منصور اخوي فضلك مِدفَّق زايد إيدك صابّة يوت مليانة خير وفوايد جميع من ضاق حروفك ليها أصبح رايد عودة سلامة لي الخرطوم سعيد العايد
ود عقيد
|
Post: #139
Title: Re: مسادير يا أهل المسادير إلى ما شاء الله........
Author: mohammed elsaim
Date: 02-15-2006, 02:36 PM
Parent: #138
ود المجمر جاب كلاما عزيز لبحري ذكرنا الشباب والجهل من بدري جيناكم ياودمفتاح ياعقيد يابكري ندوبي ننم والمتعة في دمانا بتسري
|
Post: #140
Title: Re: مسادير يا أهل المسادير إلى ما شاء الله........
Author: mohammed elsaim
Date: 02-15-2006, 11:11 PM
Parent: #139
Quote: الحبيب يوم جاني الولد و الله كان يوم عيدى وفي الشهر العظيم والمصحف كمان فى ايدى الدكتور مروق و في ايدهو حامل لى وليدى دماعي سالت من الفرح و رفعت الي فوق ايدى طلبت من ربى الكريم يحفظ و يكبر لى ولدى الناظر |
مبروك ياالناظر الوليد والفرحة ودعيناليه بالبركة والقلوب منشرحة يكبر يشيل اسم ابوك ويداوي الجرحي تتمدايامكم لسماية اولاده تحضرو الضبحة
|
Post: #141
Title: Re: مسادير يا أهل المسادير إلى ما شاء الله........
Author: Gazaloat
Date: 02-15-2006, 11:25 PM
Parent: #140
Quote: مبروك ياالناظر الوليد والفرحة ودعيناليه بالبركة والقلوب منشرحة يكبر يشيل اسم ابوك ويداوي الجرحي تتمدايامكم لسماية اولاده تحضرو الضبحة |
شن طعم الوليد وكت العفن فى الدار ويالصايم اخويا اريتو يبقى هــزار ورحنا الليلة فى مرقة عمايلو شمار وبترولناانبلع فى(اتينا)جانا هرار
|
Post: #142
Title: Re: مسادير يا أهل المسادير إلى ما شاء الله........
Author: mohammed elsaim
Date: 02-16-2006, 00:12 AM
Parent: #140
Quote: للخرتوم سلام شوق واشتها وقرييف
قمنا صباح شروق خلينا فيها الكيف
وجافات قلوبنا حسيرة دايرة تقيف
حلاتاً فيها توتي, حلاتــو فيها القيف
أحمد الشايقي |
سلام لبحري من املاكا لي ديوما كثير اشتهالخوجليها وودمريوما طريناالكورة في دناقلتها وختوما حليل مزادها وشعبيتا ثانويهاوعموما
فى الأملاك فوق لسمر تلقى خالد ودعمر والجعيص وودالبشير وحاتم جرى وترتر ناس حمد واسامة احمد والبانجيو السكر قصر الصداقة ياما فى نيلا نتلاقا وياااماطفر
ماتنسى شمباتناأراضي و حلة سلم لياسر حمد دكتورن كبير ومعلى الدروشاب فيها زعيمنا البدري ودعبدله فى حلفايا عند الملوك اقيف وادلى
ابدا برامي شيخ القوم كبير الهمة وامير ودعون ديمة حايز القمة محسن جدو ضيف الله وطبقاتو نورن عم ود الامين ساري الليل معاه تحلى اللمة
عادل الجمل راجينا فى الكدرو يأصحابنا الفنجري حمدناالله يردد الفين حبابنا وكوبر وياسر علي وابكما وكم فى جرابنا ناسا عزااااز بيهم حلت ايام شبابنا
|
Post: #143
Title: Re: مسادير يا أهل المسادير إلى ما شاء الله........
Author: أحمد الشايقي
Date: 02-16-2006, 02:01 AM
Parent: #1
Quote: من غير الحبيب مين عاد بتمو هنانا
مفتاح القلوب زول بالجميل اشجانا
منصور غاب هناك بنار فراقو كوانا
فى الخرطوم غطس بحر الغرام دنيانا |
ملحوظة:
= شركيلا وود عشانا محطات ومدن في مجرى النيل الكردفاني, (خور أب حبل)
بـطـرا النيل ختم شركيلا فـدّا عـشـانا
وبـطـرا سـعيـة من تيـلاد سليـم وكنانة
بطـرا بلادنا في جلسات سرورنـا, صـفـانا
بـطـرا الناديـة بت عـتـمان تضـوّي جمـانـه
ود الشايقي
|
Post: #144
Title: Re: مسادير يا أهل المسادير إلى ما شاء الله........
Author: الناظر
Date: 02-16-2006, 06:53 AM
Parent: #1
ود الصـائم سـلام يباركو ليك جديدك و الشي السـمح اتمنيتو ليك يجـيلـك عشان نفرح معاك و نغني بى تهليلـك و الزول الاصيل زي القمـر بضويلـك
|
Post: #145
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 02-16-2006, 08:49 AM
Parent: #1
الشوق ..الشقاني وشق راسي شقيقة وقولة العزول ..الشينة مابنطيقا قالو وقلنا ..لامن ودروها حقيقة كل أملي الصبح أجلس حداك دقيقة ......................................................................................... محمد السيد
|
Post: #146
Title: Re: مسادير يا أهل المسادير إلى ما شاء الله........
Author: nashaat elemam
Date: 02-21-2006, 05:34 AM
Parent: #1
حامدين السلامة يا المفتاح وجيتك لديارنا وطالبنك زيارة تجينا ونضيفك في دارنا مشتاقين نشوفك توصل تشوف اخبارنا عشان الخوه بينا ما تبقى بس مسدارنا
|
Post: #152
Title: Re: مسادير يا أهل المسادير إلى ما شاء الله........
Author: munswor almophtah
Date: 03-09-2006, 10:40 AM
Parent: #146
يا نشأت وحات المولى داير شوفتك وممغوس منشرط واجعانى ساكت فوتك ياود الرجال معروف مجربه حوبتك غلطان بعتذر داير سماحك وعوفتك
والله يا نشات كانت رحلة قصيره جدا ولكنى آت قريبا (وقبال ناس بيتنابمشيلك)
منصور
|
Post: #147
Title: Re: مسادير يا أهل المسادير إلى ما شاء الله........
Author: nashaat elemam
Date: 02-23-2006, 07:23 AM
Parent: #1
@
|
Post: #148
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 02-23-2006, 09:15 AM
Parent: #1
الناس وين مشت خلوني البراي إتلفت حامد الكريم وسعت دارنا لينا وكفت مجلسنا الصبح بي ملايكة صفت وحفت ذاكرين الصمد قبال سعاية.. الفت فت ........................................................................................ لا إله إلا الله محمد رسول الله
|
Post: #149
Title: Re: مسادير يا أهل المسادير إلى ما شاء الله........
Author: munswor almophtah
Date: 02-28-2006, 11:05 AM
Parent: #148
الشوق والولف والطله دايما واجبه والشوف للغصن زمن الهجير كم عاجبه الروح كان تروح مفتونه دايما شاجبه للهجر المدوعل لى أم رشيم الناجبه
منصور
|
Post: #150
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-09-2006, 10:01 AM
Parent: #149
How I wish I could, but you're so far away ... Travelin' around sure gets me down and lonely; Nothin' else to do but close my mind; (Carole King)
Quote: للهجر المدوعل لى أم رشيم الناجبه |
من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد
|
Post: #151
Title: Re: مسادير يا أهل المسادير إلى ما شاء الله........
Author: munswor almophtah
Date: 03-09-2006, 10:22 AM
Parent: #150
Quote: من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد |
شوقا لى أم فصيص فوق جيدا صفى النيه مسلوب من عضاى لى شوفا رخصه بنيه ما فيش من صليح للحال إشوف لى هنيه يا السبق حليلكم حالى حالتو شليه
منصور
|
Post: #153
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-10-2006, 12:38 PM
Parent: #151
Quote: يا السبق حليلكم حالى حالتو شليه |
يالمنصوووور عشان تفهمني ..صفها نيه. ماجنيت لكن عقلي..الطـــاش زي صقريه. لمحه من (ام ضمير) فقدت بعدا شهيــه. دا الخلي ربعــــي يقولو:حالتو بطيه.
|
Post: #156
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2006, 06:51 AM
Parent: #153
Quote: يالمنصوووور عشان تفهمني ..صفها نيه. ماجنيت لكن عقلي..الطـــاش زي صقريه. لمحه من (ام ضمير) فقدت بعدا شهيــه. دا الخلي ربعــــي يقولو:حالتو بطيه. |
زى شخب الحليب وأنقع كمان النيه عقلك تركشو المفصوده جاهله بنيه من لمحة بصر ودرتا تهتا شويه إن قدلت تجيك قيدك بفنس ميه
منصور
|
Post: #154
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-11-2006, 03:58 AM
Parent: #1
الاخوة أرابيب المسادير,
في معية الفحـل المفتاح,
جاءني صديقي المستشار , محمد شريف,
بالبيت التالي,
Quote:
الأدرع ود الأدرع الأمـه جات جافلابه كتر له القنيص وارقـد له فوق دودابه
|
وكنت قد شكرته عليه وأعيد نشـر شكري له , حفظا لحقـه,
Quote: صديقي العزيز الاستاذ المستشار / محمـد شـريف,
لك السبـق ذخار العشيات رافـد ودمت ندي البـذل والدهـر شاهـد
وعشـت شريفاً في مسمى وهيئة رغوباً إلى الحاجات دوماً تساعد
|
المطلوب ,
مجاراة البيت, اشباعاً لقضية التراث التي يمثلهـا,
ودمـتـم,
|
Post: #155
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2006, 06:28 AM
Parent: #154
دوداب القنيص مساكو مو ضهابو من خلقو القديم خابرين كريم تيرابو أصهب مو مفشق واثقين مبربح جابو مو شنكيب مهلهل نزاز الفقر بحجابو
منصور
|
Post: #157
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-11-2006, 06:55 AM
Parent: #1
أدرع ومسترق سابق الطلق نشابو
دودر فوق دروب الصّي زرد كرّابـو
مد الإيد كرف ريح الصّبح يا دابو
تغيان الصّهـب شلوح أخوك ركّـابـو
|
Post: #158
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2006, 07:12 AM
Parent: #157
البقفاهو ديك لى شوفتو قعدو إتشابو والماسك الرسن زى الحدى حاحابو دردم بالخميس جنح الظلام دجابو وفجرا طب دغش طبابو فوقم جابو
منصور
|
Post: #159
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2006, 09:28 PM
Parent: #158
متل البرمه من الطلحه يا دوب حتت وفوق سيقانا حنه مع الفنون كم ختت نضاحة المسك من سوحنا ساحت وشتت وقلبت فوق وجيهه التوب نزل واتغتت
منصور
|
Post: #160
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-12-2006, 00:26 AM
Parent: #157
أدرع وشاقّي دار الريـح وقاصع الجرة
مـد الإيد كـرف ريم الدّعـاش الفـرّّه
تيس أمات لبـون ضامـر البطـن للصـرّة
من تبّ وقلــع (ريم) الفريق إنســـرّ
ود الشايقي
|
Post: #161
Title: Re: مسادير يا أهل المسادير إلى ما شاء الله........
Author: munswor almophtah
Date: 03-12-2006, 01:43 PM
Parent: #160
كربات جكتو الرقال ختاها المره من خشش الأراك عداها فات وإنشره الشاف فوق صفاحو طبنجي قلبو إنفره من سرعة مخوى عدوه طار كالفره
منصور
|
Post: #162
Title: Re: مسادير يا أهل المسادير إلى ما شاء الله........
Author: محمد بهنس
Date: 03-12-2006, 05:17 PM
Parent: #161
براعيك من بعيد لي مده يامنصور وامات طه في الدوبيت حفيظن نور شغلك باقي طبعو نضيف بنط السور متل اب شوره والحاردلو والطيفور وقلب الزول رهيف
|
Post: #163
Title: Re: مسادير يا أهل المسادير إلى ما شاء الله........
Author: munswor almophtah
Date: 03-12-2006, 09:39 PM
Parent: #162
قبلان بى كلامك وضمه طب مسرور ومرحبتبن حباب الذوق وزايدو شعور يا بهنس تعال رافقنا كان فد دور ويا عازف الحرف زى ناس حبينا سرور
منصور
|
Post: #164
Title: Re: مسادير يا أهل المسادير إلى ما شاء الله........
Author: محمد بهنس
Date: 03-12-2006, 10:11 PM
Parent: #163
ايام اللقى وايام عدم منكفسا كان هاديني صوت الحنه في فد لمسه مفدوعة عمر طارياني اوعك تنسى وادعتا الفريق عقبا وجيتا فرنسا والغربه اللفيف
|
Post: #165
Title: Re: مسادير يا أهل المسادير إلى ما شاء الله........
Author: munswor almophtah
Date: 03-12-2006, 10:41 PM
Parent: #164
طابقه البوخه فوقا الحنه ليلك أمسى ما تنساها دى المدعوجه كان بى همسه فارعه مفصله المخروطه مى منفنسه ملكة رحمه تشفى الزول خلاس بى لمسه
منصور
|
Post: #166
Title: Re: مسادير يا أهل المسادير إلى ما شاء الله........
Author: نادية عثمان
Date: 03-12-2006, 11:22 PM
Parent: #165
Quote: بـطـرا النيل ختم شركيلا فـدّا عـشـانا
وبـطـرا سـعيـة من تيـلاد سليـم وكنانة
بطـرا بلادنا في جلسات سرورنـا, صـفـانا
بـطـرا الناديـة بت عـتـمان تضـوّي جمـانـه |
وطارياك يشهد الرب الهناك لمانا
فى الجنة الوريفة تحت شجرة البانة
البنوت حلاتهن وكت يغنوا غنانا
والشبال وقع فوق رأس حبيب ورمانا !!
|
Post: #167
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-13-2006, 02:14 AM
Parent: #164
أدرع وشاقّي وديان الصّـعيـد نمّامـو
ساري الليل عجـول والخترة, راخي زمامو
ما همّـاه سـتـيب أب حبل وتمـامــو
رسـنه عجاج لحوقهـن وجبدتـن قدّامو
|
Post: #168
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2006, 11:16 AM
Parent: #167
فوق محريبو زوزو للبهب نسامو للمطر البعيد كراف سريع شمامو فوقو مصوبن الركيب بغنى حمامو داقت الحزه طبه أمات فصيد ما نامو
منصور
|
Post: #169
Title: Re: مسادير يا أهل المسادير إلى ما شاء الله........
Author: عبد الله عقيد
Date: 03-13-2006, 01:23 PM
Parent: #168
علي ضهر المخيتير المعلّا سنامو فوق مخلوفة حاكر وكلبو مِن قِدامو خات في بالو صورة اللبسوهو تُمامو متييين يصلو وكمان يلقى الطفلّن نامو!!
ود عقيد
|
Post: #170
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2006, 02:03 PM
Parent: #169
مو جمل الرحل عقب الفريق طب حامو مو كلبا ببارى مبلما بى زمامو شارف ود بشارى إكسير جبالا طعامو فوقو الفنجرى الوزينو عام قدامو
منصور
|
Post: #171
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 03-13-2006, 09:16 PM
Parent: #1
مو جمل الرحل عقب الفريق طب حامو مو كلبا ببارى مبلما بى زمامو شارف ود بشارى إكسير جبالا طعامو فوقو الفنجرى الوزينو عام قدامو
كب و قام خات كل البلود قدامو ما عركس رجع تب مافي زولا لامو ود عز البشاريات امات خبيبا زامو وصلني لي بلد ام خديد ماقصرن ايامو
|
Post: #172
Title: Re: مسادير يا أهل المسادير إلى ما شاء الله........
Author: munswor almophtah
Date: 03-14-2006, 00:41 AM
Parent: #171
مخبور أبدومه بالفرقان كتير نمامو ما قنصوبو يوم فى فزعه ضاعو وهامو عارفين عوسو طب شقل البطانات حامو خابرين للمعيز قراع مراحهن لامو
منصور
|
Post: #173
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-14-2006, 00:56 AM
Parent: #1
أدرع دوفـه أدروج والخـبيـب نجّـامـو
من جـدّه البشـاري, نضـيف مزنّـد فامـو
إن شـدّيتـو بالباصـور كربـت لجـامـو
تتباشـربو فوق فزع العيال يوم قامـو
|
Post: #174
Title: Re: مسادير يا أهل المسادير إلى ما شاء الله........
Author: munswor almophtah
Date: 03-14-2006, 02:31 PM
Parent: #173
أبدقنوس مجرب سيدو طب ما سامو شقاق للخشش عشاق للفنق عوامو كضاب فى اللصاهب كان رقل قدامو خبار للدروب عراف معلى مقامو
منصور
|
Post: #175
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-15-2006, 00:52 AM
Parent: #1
دا المرنوع ملازم البوخـة فوقا اتمسّـى
دا المحبوس ختا المرقات صعـب واتقسّـا
دا مباشــر أذاك بي حـن فـؤادك حـسّـا
دا بـودّر مواجـعـك إن بســم لك هـسـا
ود الشايقي
|
Post: #176
Title: Re: مسادير يا أهل المسادير إلى ما شاء الله........
Author: nashaat elemam
Date: 03-15-2006, 02:57 AM
Parent: #175
من البوخه شوف عينيا قايم هسه متفدع وقف وخطاو مخدره لسه بي لون الدهب جهر العيون وادسا كمل صبري واصبحت ضارب الجرسه
|
Post: #178
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2006, 10:00 AM
Parent: #176
فوق البوخه طابقه الحنه فاقعه الكبسه مى مطفوقه جوها ضيوفها قامت كبسه متل الصرفه فوق السعده ناعمه اللمسه للخارش الدخن مدخوره مو زول كبسه
منصور
|
Post: #177
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-15-2006, 08:49 AM
Parent: #1
عارف زماني خاتياني فيوالراحـــه طاقش الشرق خليت وراي الساحــه الحازت فهم,أخلاق معاها سماحــه بعد الفراق وين لي طعم تفاحــــه ........................................................................................ محمد السيد
|
Post: #179
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2006, 10:21 AM
Parent: #177
فوق صوبها المنعمه لبسوها وشاحا والمهجور معذب وشو سود وشاحا غصن الخيدران همس النسائم ساحا للمحروق فؤادو الليله سووا مناحا
منصور
|
Post: #180
Title: Re: مسادير يا أهل المسادير إلى ما شاء الله........
Author: نادية عثمان
Date: 03-15-2006, 11:02 AM
Parent: #179
جيت ضهبانة كايسة اللمّة والدوبيت
جيت عطشانة لما لقيت حبايبى رويت
جيت يااهلنا يلا ندوبى فوق البيت
معروف بالجمال منصورنا من تبيت !
|
Post: #182
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2006, 11:20 AM
Parent: #180
مك ضهبانه يا تفتيحه عندك خيت ومك عطشانه يا الرويانه مويه وزيت إنتى إنسانه حالى لسانا بالدوبيت وما تنسينا يوت أغشينا بى فد بيت
منصور
|
Post: #181
Title: Re: مسادير يا أهل المسادير إلى ما شاء الله........
Author: محمد بهنس
Date: 03-15-2006, 11:09 AM
Parent: #179
هنيهين السحر سوونو واح في واحه لو جسيت ضراعا هي غلتتك في صاحا ملاحة الشحتفه وبوح الحنين بصراحه وجه المردغت في الشوك جمال ومناحه اه كيفن اقيف?
|
Post: #183
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2006, 11:37 AM
Parent: #181
يا بهنس محنك ظاهره فيك فصاحه سوسنة الغرام مالكه النفوس سواحه شحتفة القليب مضمونه مافيش راحه خلى السمحه تقدل فوق قلوبنا براحه
منصور
|
Post: #186
Title: Re: مسادير يا أهل المسادير إلى ما شاء الله........
Author: محمد بهنس
Date: 03-15-2006, 04:30 PM
Parent: #183
حرف ال'ح' هو سر النار وسر فياحا حي حيمور مدعلج مستبد برااااااحه جهجهنا ولبد في فجه فايحه سماحه معدوم في اروبا ال'ح' وفتر شراحا وال'ح' بقولو كيف?
|
Post: #197
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 11:17 AM
Parent: #186
حرف الحاء الحليوه الحاليه طاعمه ملاحا ماها الحيه غادره وبالزعاف فحاحه متجهجه خبارك صيده خاتيه قباحه الحق حل حريفك (ح) وشالتا الطراحه
منصور
|
Post: #184
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-15-2006, 01:45 PM
Parent: #1
أدرع دوف خـفيـف رقّـال بسابـق الميـة
مـن جـدّه البشـاري ونسـبته المكنّّّّيـة
باصـورك زنـوده وكـان ركبتـه حـويّـة
تتـدغـشـبو فوق دار أم هـجـود بكريّـة
ود الشايقي
|
Post: #198
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 11:35 AM
Parent: #184
أب زند العشارى الفيهو طب محريه ما بتاحت الخمجان بلاقى سريه فى الصانقيل مجرب وللخشش قمريه فوقا بخوى ساكت كان صباح وعشيه
منصور
|
Post: #185
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-15-2006, 03:48 PM
Parent: #1
بنتاغون مغاربي و لعبة كراسي دنية كتاحة طرفا رئيس وادارة ميها قوية زرعوا الفرقة والشتيت حصاد غالبيه بقت الشماتة علينا وخسارة بخماسية
......................................................................................... محمد السيد
|
Post: #199
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 11:50 AM
Parent: #185
مالك يا ولد جايب هبوب منسيه إيش كان زيد غلب أو كان حتل تحتيه نحن مع الإبل شادين بلادنا رخيه ما بندور لعب بى تيوه مو هميه
منصور
|
Post: #200
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-16-2006, 12:10 PM
Parent: #199
Quote: مالك يا ولد جايب هبوب منسيه إيش كان زيد غلب أو كان حتل تحتيه نحن مع الإبل شادين بلادنا رخيه ما بندور لعب بى تيوه مو هميه |
دون شك الحالة مو بس كروية والهمة في كل المجال محرية الدق بيناالدلج صباح ومسية الغمدة من نارا بدت دخنية ......................................................................................... محمد السيد
|
Post: #187
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 03-15-2006, 04:36 PM
Parent: #1
تيس الحنو الخبار مخلوفتو مي متكيه زي صقر البليب وقتين يشوفلو حديه يا الشايقي الاصم غربتنا ما هميه طالبين الرجوع لي السمحه سودانيه
|
Post: #188
Title: Re: مسادير يا أهل المسادير إلى ما شاء الله........
Author: محمد بهنس
Date: 03-15-2006, 05:03 PM
Parent: #187
ايوه مدردمه ومرها وعيونا صفيه بتنا دقة المحلب مدروخه حيه مكاره ومدردحه فاتحا فينا تكيه حلفو الضاقو حنها.. قالو ميه الميه بت سودان سليف?
|
Post: #189
Title: Re: مسادير يا أهل المسادير إلى ما شاء الله........
Author: تولوس
Date: 03-15-2006, 05:50 PM
Parent: #188
اخي منوصور رجعتنا للزمن الجميل وانا كنت شايف البوست بتاعك ده من زمان ولكن كنت ازووق منه دائما ...
كتب هشام شيخ الدين في انفلونزا الطيور
ضعفان بالهموم وفى ناس سمانه غلاده ساكين القروش من غير يضوقوا سعاده فاقدين الحنان ما قاموا أى عباده صحيح آخر زمن ، الموت تجيبو جداده
ورديت عليه بالتالي نحمدك باكريم بي كل حبور وسعادة وحفظك لنفوسنا من كل دواء وعيادة ياباسط النعم الصحة لينا قلادة كفينا شر البلا وموتا تجيبوا جدادة
فكتب التالي تولوس الكلس وزن الكلام وأعادها وأخوك ود حمد أداها منو شهادة ما كسلا القلم والظاهر انتو مدادها حالف باليمين تتغدو بكره جداده ومازال السجال متواصل
|
Post: #201
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 12:16 PM
Parent: #187
لازماك فى الرجوع بكره وشمال شبريه لازمك سيف مجلى ودرقه للصقريه بتجيك الجناييت للفرح كميه ما بتبخل عليهم ياالبتتكى تنيه
منصور
|
Post: #190
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-15-2006, 10:57 PM
Parent: #1
أصـله بشاري منسـوبن وأمـه حـنيّـة
تغيان إلا شـايتـه القيـد كرب مكيّـة
رسـنـه السلسـل المشبوك وشيمته قوية
ما ركّابـه غـير هجّـان جناااا شايقيـة
ود الشايقي
|
Post: #671
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2006, 09:37 AM
Parent: #190
الصيد داك نزل عند المحيجر وارد ضامر فوق جمالو من العيون متباعد الوز داك رقص رقص أم صديرن ناهد والشوق إشتعل فى الجوف جحيما زايد
منصور
|
Post: #191
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 03-15-2006, 10:58 PM
Parent: #1
ايوه مدردمه ومرها وعيونا صفيه بتنا دقة المحلب مدروخه حيه مكاره ومدردحه فاتحا فينا تكيه حلفو الضاقو حنها.. قالو ميه الميه بت سودان سليف?
معدومة النظير في الدنيا بي كليه بي ياسين و هود مدرعه و محميه من قومة الجهل كانت للجمال رمزيه كيف الراي آ بهنس من ها البنيه
الشوره شورتك
|
Post: #192
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-16-2006, 00:02 AM
Parent: #191
سـودانية ماهـلة الروقـة فيها هـنيّة
تعـرف بالمحـنّة دواك صـباح وعـشـيـة
في سـوحـك كـتل ولهـان وحـقّي الديّـة
ودعـدلان صـحيـح نمّـك وليـكـا وصـيّـة
ود الشايقي
|
Post: #193
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 03-16-2006, 00:31 AM
Parent: #1
سـودانية ماهـلة الروقـة فيها هـنيّة
تعـرف بالمحـنّة دواك صـباح وعـشـيـة
في سـوحـك كـتل ولهـان وحـقّي الديّـة
ودعـدلان صـحيـح نمّـك وليـكـا وصـيّـة
ما حامت بالفريق لامن بقت عصريه كل من شافا قال يا شايقي ما حوريه مسخت البنات جامايكه و اسبانيه يا بهنس تعال الماركة سودانيه
اركز يا ولد
|
Post: #194
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-16-2006, 09:15 AM
Parent: #193
Quote: يا بهنس تعال الماركة سودانيه |
ان درت القوام في كلمة استوائية وان درت الكلام لا شك تكون شمالية الوجه خلقة مدور وبشرة عن غربية وحلوة الصورة عندالسكنت الشرقية
حليل قلبا غرق في بحيرة سودانية ......................................................................................... محمد السيد
|
Post: #195
Title: Re: مسادير يا أهل المسادير إلى ما شاء الله........
Author: محمد بهنس
Date: 03-16-2006, 10:26 AM
Parent: #194
قانص ليها كنت وكن صبرت شويه مالت دون قنيص من بين شكر وشكيه الا الليله رحت بعيييد ومنها لي عشرة شهور وخمسه ايام صباح وعشيه بت حبي العنيف
|
Post: #196
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-16-2006, 10:51 AM
Parent: #195
في الحب انكويت..وكترت فيهو شكية ساكن دون حراك..عبيت سلاح جاهزية خمستاشر شهر..القانصة فيها خلية ظنيت بعد سبتمبر..انكتبت ارهابية
...........................................................................................محمد السيد
|
Post: #202
Title: Re: مسادير يا أهل المسادير إلى ما شاء الله........
Author: عنيده
Date: 03-16-2006, 01:03 PM
Parent: #1
لمكان السدار دايما بسوقني احساسي اتقريفت بدور اتكيف اعدل راسي بصحبة كرام كلامم موزون راسي اتناسي البعاد وتضوي لي أماسي
|
Post: #203
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 01:14 PM
Parent: #202
حبابك مك عنيده وفى المعادن ماسى وكيفـك ضمه واجب وليك دوام بنواسى وزن الكلام من فيكى جانا مواسى جانا مأصل الموزون صحيح وأساسى
منصور
|
Post: #204
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-16-2006, 01:39 PM
Parent: #202
نـوّرتي الديار عنّـود وجودك أساسـي
نضـمك في الكلام دهـبي وقصـيدك ماسي
أستاذت البديـع تربيع بيانـك قاسـي
لي جـيتـك نجـيب خيمة وزهـور وكراسـي
ود الشايقي
|
Post: #205
Title: Re: مسادير يا أهل المسادير إلى ما شاء الله........
Author: محمد بهنس
Date: 03-16-2006, 02:29 PM
Parent: #204
من رقراق عسين كاحلاني ما كت ناسي الا البردلوب جالوصو رخرخ حاسي واتجلبطنا زيين..ما بين حنين وماسي واللوعات مترمه والعشق بيواسي كان شغلا نضيييف
|
Post: #206
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 07:21 PM
Parent: #205
مك ناسى للمدعوج كحيل أنناسى شارق روحى ريدو عليهو جاذب أنفاسى متل الصيد جمالو ومتلو دايما قاسى فاقع لونو هادئ تقول نحاسا فاسى
منصور
|
Post: #207
Title: Re: مسادير يا أهل المسادير إلى ما شاء الله........
Author: محمد بهنس
Date: 03-16-2006, 07:21 PM
Parent: #205
صنه عجيبه..تاني اتكشكشت اجراسي طيرة الحب محلقه لي بي فووووق راسي طرطشني الجميل ومقاسو لاقى مقاسي بت ذي جرحه..او..لبدة غزال مكناسي وشتاي فيها صيف
|
Post: #208
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 07:38 PM
Parent: #207
متل الغزال صبوهو لى فى شاسى شالت نومى سلت من ضلوعى إحساسى أنا فى الغرام مانى الجهول شماسى إلا جمال عيونو على شاطب راسى
منصور
|
Post: #209
Title: Re: مسادير يا أهل المسادير إلى ما شاء الله........
Author: محمد بهنس
Date: 03-16-2006, 07:44 PM
Parent: #207
في الدبه الدبيب لقط المسولب وكاسي في جوبا والطبنجه الهنضبت احساسي خلعتنا النهود وجنينه جنها راسي في نمولي انبرشنا دواسها لاقى دواسي يابلدي الحريف
|
Post: #210
Title: Re: مسادير يا أهل المسادير إلى ما شاء الله........
Author: محمد بهنس
Date: 03-16-2006, 08:08 PM
Parent: #209
في كسلا الكسيلان ناشط الوسواسي مسند من حرير بتكرفسو الانفاس مخرته عنقريب بقجة دلع عواسي والعوم دون بحر..بيطفش الهلواسي واستغفر الله العظيم
|
Post: #217
Title: Re: مسادير يا أهل المسادير إلى ما شاء الله........
Author: Aisha Hommaida
Date: 03-17-2006, 11:07 AM
Parent: #210
كسلا يامدارمانى منها ناسى
ناس دقنة..... ناس اوهاج الغراق الساسى فايض قاشها وجبالها حاضنة الولى العباسى وكسيلانها وقت العوقة يوت دواسى
اها كيف ياراستا
|
Post: #219
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 02:51 PM
Parent: #217
كسلا حبيبه كيف ياستي كسلا مراسي فيها اهل صلاح جد برضو فيها قواسي سرراب فيهو عشقي اتقطع الاوراسي مقيل في السواقي ولوري اعضاي شاسي
والراستا الصريف
|
Post: #211
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 03-16-2006, 09:04 PM
Parent: #1
خرتومنا القبيل جيناهو تكس و بكاسي لي رفاعة الشرق الضاجه بالاجناس مكتول بي الجمال مجنون مدروخ راسي و زيي كتار خلاس الصلي و المراسي
|
Post: #212
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2006, 09:22 PM
Parent: #211
السين أمبهل رسم الكلام بهناسى عدد للمدن فطاها ديك تنقاسى من حسن الظرف بعرف خلوق جلاسي أمو من الشوايقه وأصلو أظنو جلاسى
جلاس الأول من جلس يجلس وجلاس الثانيه المدينه
منصور
|
Post: #213
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-17-2006, 06:41 AM
Parent: #1
بهـدلني العشـوق كتّـر علي وسـواسي
شـارد فكـري (ودعدلان), ضـربت خماسي
جهجهـني الرزين طبعـه ومـروّق وراسـي
بهنـس, فزعـتـك, نـادوا الطـبيب الآسـي
ود الشايقي
|
Post: #214
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 10:08 AM
Parent: #213
شن بتقولو في فرتاق بيوت واعراس هدمها صبا ذي برق البطين الماسي حرم ماني واقف,لمبه ولعان كاسي جنها لاقى جني,مراسها لاقى مراسي يالجنس اللطيف
|
Post: #215
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 10:46 AM
Parent: #214
زى سهيل النجمه لادنه والفريع مياسى غرقت القلوب ما حداها زول غتاسى الناس فى الحزن دايره اليجيها يواسى دايره أهل الزكر ماهو الغفول الناسى
منصور
|
Post: #216
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 10:57 AM
Parent: #215
بندور الركوب للصيد نشوفو يجينا دايرين الخلاء المرحاتو فوق وادينا يا بهنس تعال شد السروج ودينا نلحق يمهن راتعات طلالهن زينا
منصور
|
Post: #220
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 03:06 PM
Parent: #216
غير الصيدركوبناهبوب وصهوه حنينه فرسان الهوى الشعباط واعصار نينا واذكر في الضلمه فقدنا لمبه وفينا هبيش في الضلام لمن تضوي رتينه مكابسه ذي عزيف
|
Post: #240
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2006, 12:08 PM
Parent: #220
متل المهره والبهم اللبون بحداها من عينيا غزت فوقها مابيه ختاها يا الماسك التتك لا بد تتخطاها كان ناكل قرض أرعاهو ضمه جناها
منصور
|
Post: #218
Title: Re: مسادير يا أهل المسادير إلى ما شاء الله........
Author: Aisha Hommaida
Date: 03-17-2006, 11:32 AM
Parent: #213
مرض حامد اكيد ياالشايقى ود العم امضغ ليك قريضة وغنى جر النم روشتات الطبيب راستا اخوك سمحة خاتية الذم ونادهة الاله الكريم يشفيك من الهم يعلى مراتبك ويسقيك من زمزم بس اوعاك من نصيحة شيخها يوت ابلم
وكفارة
|
Post: #222
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 04:01 PM
Parent: #218
مرض حامد حميد لو حمدو تم ولم يحمد فينا نار لقيانا فينا عدم والحامد الكريم محفوظ كما المنجم وحمدو الليله في بطنو وحمدنا لزم اهه المرض اليطيف
|
Post: #221
Title: Re: مسادير يا أهل المسادير إلى ما شاء الله........
Author: ملاذ حسين خوجلي
Date: 03-17-2006, 03:57 PM
Parent: #1
تحياتي
من قام صغير ما جاب كلمة ضالعة
ضحك اتبرسم وكت الحبش جات طالعة
وكت الشوف بشوف والقلوب متخالعة
صدرك زحمة النار أم هبوباً قالعة
....
سلاماتي
يا حليل زمان وقتا البناقير عندي
جمالي مشنتتات يخدمن الفي شندي
بعد اصبح مفلس وعاد الجرقندي
يا معشوق متين نتقلد في الهندي
...
الف شكر
ليل الغمة هود والبروق اتلالن
دموع الوجعة جن زي السحابات شالن
ملن قرب العيون لكنهم ما سالن
مو من قلهن بس في الوجوه ما خالن
|
Post: #223
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 04:15 PM
Parent: #221
ملاذ السمحه ذي قمحة ربيع المندي كيفك يانصيحه وكيف لسانك يندي ذي عنب اللبانين وريحة الجوز هندي زيديني النقيف اسمع انا الجربندي يابت ياوريف
|
Post: #224
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 04:30 PM
Parent: #223
ليلا مرصع بالحنين يلمع دمع وجه البنات والريح تتندل في الشمع الطوف مطلوح وموج بيفرد وينجمع ليلا يصن..فيو بلعة الريق..تتسمع ليل في خريف
|
Post: #225
Title: Re: مسادير يا أهل المسادير إلى ما شاء الله........
Author: ملاذ حسين خوجلي
Date: 03-17-2006, 04:36 PM
Parent: #1
كل الود:
القلب القبيل فيه القواسي انشالن
الهينات زمان كبرن عليه اتعالن
ردفن المآسي وللمواجع كالن
كان بحمل كتير على ( الا ) المراير طالن
..
مع التحية
يا السوسيو بشوفك ليك دور بتوق
تصنف عن علوقك وتابى ليهو تضوق
غير تعباً يجرن قماقمك روق
نقر في قلبك المنع البصر ما يروق
|
Post: #226
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 04:41 PM
Parent: #225
حافي وراك مشيت..والحسكنيت سجاده غيلان الالم جو..واكلتهم لباده غمران فيكي نمت صحيت بغير هواده حزنان كت حضنتك..واتخلقتا سعاده حي حف الحفيف
|
Post: #227
Title: Re: مسادير يا أهل المسادير إلى ما شاء الله........
Author: ملاذ حسين خوجلي
Date: 03-17-2006, 05:00 PM
Parent: #226
يا باشة عموم الفي الحكم بتدول
فتيهو الشباب القام جديد واللاول
الخلاهو يا ام ريد المرض بتحول
كنت بضيفو لي جرحي المنوسر طول
|
Post: #228
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 05:02 PM
Parent: #226
يحندكن القلب كم يلبدن من زول غزالات عندي فيهن طب ولي قبول الله يحندكن الحندكني ذهول.. .. محبات النساء والمسك من حب الرسول اشرف شريف اشرف شريف
|
Post: #230
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 05:09 PM
Parent: #228
يابت ياملاذ شوفيني حظري اتجول بين وهج الحدايق والرحيل بتسول اشحد في الشجر..جنيت وعقلي اتحول اكلي النيم رقادي هميم وخبري مدول اهه كده كويس?
|
Post: #229
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-17-2006, 05:07 PM
Parent: #225
اهلا بي كرام الاصل والمصدر ليلي طوول وزماني بي غدر مستعجل بقول وصية تتصدر شوقي تبلغيو لل(معز حيدر) .................................................................................. محمد السيد
|
Post: #231
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 05:31 PM
Parent: #229
تحندكن القلب تايهات كما الاقمار وضمه عرق جسيماتكن دواخ ودوار وفي قلبي الاجار مليون جحا ومسمار وما ركب الركش ود الرضي الشعار وكان احرف حريف
|
Post: #232
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 05:39 PM
Parent: #231
تحندكن القلب بي لطف ناذي شعور وفيكن جنه او عفريت عسل مشهور براكن ومااابراكن..الا بوح محضور وقلبي خيال مااته ومرتبط بطيور حيرتن لفيف
|
Post: #233
Title: Re: مسادير يا أهل المسادير إلى ما شاء الله........
Author: محمد بهنس
Date: 03-17-2006, 05:49 PM
Parent: #232
تحندكن القلب وانا في فرنسا برايا مشتاق لي مغارزكن تمر بحدايا ياقاسيات وبنساكن وبمشي نكايه فيكن للعجم مهرات جسومن ايه والعجميه نيف
|
Post: #234
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 07:33 PM
Parent: #233
كتب فيصل المفتاح عندما تنادى أفراد الإقليم الغربى لتناول الفطور دون جيرانهم من الأوسط ودون إعتبار لحديث الرسول (ص) ليس منا من أمسى شبعان وجاره جائع) فجادت قريحة شبل من ضرغام فكانت سجيل فيصل المفتاح خمسه مربعات خارقة حارقه.....
يوم جابو الفطور جات الخلوق متلمه وأتحوشوا الجميع ناس جوع قلال الهمه جنيات الغروب نكرو الجوار والزمه ورجال الوسط أسدا بعاف الرمه
فيصل المفتاح
|
Post: #235
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 07:38 PM
Parent: #234
عزيز فقد الكبار قول ناس خليفه وعيسى وفوت (صديق) ترك داركم عديمة ريسه يا ناس الغروب أوعوالفساله نقيصه والمره داخله للنار العديل فى كديسه
فيصل المفتاح
|
Post: #236
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 07:45 PM
Parent: #235
(مروان)القبيل قايلنو راجلا فارس و(أسامه)الهميم فاكرنو واعى ودارس (غيدا)وزولنا (راضى)الكان بتم الناقص بس قالوا الفهم تب ما بتمو مدارس
فيصل المفتاح
|
Post: #237
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 07:49 PM
Parent: #236
من الفول خلاص أرتحنا والطعميه والشاورمه ذاتها وبيرقر الغربيه يا صديق أرح لى هاشمى عباسيه ود إدريس حليلو الكان بيكفى الميه
فيصل المفتاح
|
Post: #238
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2006, 07:56 PM
Parent: #237
كعب الزول وكت ينسى ويهمل جارو وشين وكتين إنشغل عن الكرم بى هظارو دحين جاكم هجايا حار صعب إنكارو ودا الشئ البخلى الزول يسيب سمنارو
فيصل المفتاح
|
Post: #239
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-18-2006, 08:33 AM
Parent: #238
جلسات مغربيه والبرش فارشنو للجار والسبيــل حلفنا مستننو عيب النسي تاريخو وزايغ عنو كعب يوم يسوي شي ويدنقر منو
....................................................................................... محمد السيد
|
Post: #242
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2006, 03:38 PM
Parent: #225
يا بت أبوها ملاذ ونظمك حالى زى عسل الجوافه بعشرقنبو أحوالى لحويه فى الدوبيت ومترك غالى بلغى أبوك سلامى وصليهو سؤالى
منصور
|
Post: #243
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2006, 04:16 PM
Parent: #225
يا بت أبوها ملاذ ونظمك حالى زى عسل الجوافه بعشرقنبو أحوالى لحويه فى الدوبيت ومترك غالى بلغى أبوك سلامى وصليهو سؤالى
منصور
|
Post: #241
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-18-2006, 02:47 PM
Parent: #1
هــذه بالإيميل
من أخوكم ألقارئ المحب لكم
مدثر سعيد,
Quote: الاخوة الكرام
بعرفكم ياكم اولاد البلد وبس
ما اكتر من كدي
مبسوط بسط شديد بيكم
ولقيت لي شئ جميل في المنبر
وربنا يمد فيهو
|
يازول ما حرام الحول يحول بي حولو
لانسمع سلام لا قول عتاب بتقولو
مالك شن حصل دا الباب قفلتا طبولو
الدنيا ام قدود اشغالها ما بيزولو
ان كتر الرصيد الزول يخابر زولو
وان قل الرصيد يكفيك بس مسكولو
وبيناتهن وسط خط الجواب بي طولو
وظرفو في الرسالة في لحظة يبقى وصولو
والسلام
|
Post: #244
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2006, 04:26 PM
Parent: #241
مدثر سعيد نظمك منمق جانا زى نظم الجواهر ضمه مره أشجانا دايما كون قريب ما تفوتنا ماتختانا دايما جيب كلامك ختو ذاتو معانا
منصور
|
Post: #245
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-19-2006, 09:07 AM
Parent: #241
بي جيتك السعد معقود والبشارة دثارة ورسالتك وصلتنا فرحت بيها كل الدارة من طلتك كتر وزيد ماتبقي متل المارة املناالزمن يجمعنا يوم نركب الطيارة........................................................................................ محمد السيد
|
Post: #246
Title: Re: مسادير يا أهل المسادير إلى ما شاء الله........
Author: الناظر
Date: 03-19-2006, 09:33 AM
Parent: #1
انا من ما ذرتهم زمان عندي فيهم راي بس كنت فاكر الموضوع سوهو معاي براي ناس في الجود و الكرم و الله لا فهم لا راي كيف يافيصل تلوم زولا بس في الكلام براي
|
Post: #252
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-20-2006, 08:29 AM
Parent: #246
Quote: انا من ما زرتهم زمان عندي فيهم راي بس كنت فاكر الموضوع سوهو معاي براي ناس في الجود و الكرم و الله لا فهم لا راي كيف يافيصل تلوم زولا بس في الكلام براي |
انسي النساك وزيد في ناحيةالغربيه ويالناظر حبابك تشرفنا في الشرقيه من المطار نلقاك فرشناالورد أرضيه وجاهزين بالطعام من ضلعه لي طعميه
كتبت بالامس ولكن لضيق الوقت ,وعلة اصابت الإرسال,لم ترسل الا اليوم ................................................................ محمد السيد
|
Post: #247
Title: Re: مسادير يا أهل المسادير إلى ما شاء الله........
Author: الناظر
Date: 03-19-2006, 09:38 AM
Parent: #1
شن طعم الفول و كت الزول بياكلو برا و شن طعم الدروس مادام الدرس ما ورا لا شافـلو ضـيفا لا عابر سبيل سـرا العايش في الجوع و الفقر ما في زول برجا من ما قام خلق في اكلو ديمه برا
|
Post: #248
Title: Re: مسادير يا أهل المسادير إلى ما شاء الله........
Author: munswor almophtah
Date: 03-19-2006, 01:59 PM
Parent: #247
يا الناظر سلام مالك بتنضم ساهى والفول بالخراب أنساهو طب بالله ناس فيصل هناك حالين أمورهم باهى خلو الكسره تب خلوها مره مقاهى
منصور
|
Post: #249
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-20-2006, 01:47 AM
Parent: #1
بعد تقديم
الشكر لأخوكم الاستاذ
مـدثـر سـعيـد,
شوفوا النـم الصـح,
انت القبلي لاح حاشاك ماكا تخاية
وانت الفي الدواس قدام وشايل الراية
انت القمرة يوم تطلع بدر ضواية
وانت شمسنا في ساعة الغروب كيف آية
|
Post: #250
Title: Re: مسادير يا أهل المسادير إلى ما شاء الله........
Author: Aisha Hommaida
Date: 03-20-2006, 07:35 AM
Parent: #249
الى ود حبوبة الجسور الف رحمة ونور:
قلبك مو لحم من الدبادب طاير صنديد عركة الوقعة الخيولا دماير الموت ياعشاى كاساً داير سماحتو عليك متل نورة العريس الساير
|
Post: #251
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-20-2006, 07:44 AM
Parent: #1
نواصـل مع الأخ مدثــر سعـيد,
يا منصور اخوي رجع علي تنقاسي ود ادريس هناك زولا محنك وراسي ود عدلان وجامع هم ديل حراسي وود الحاج ابوي بيهو بيهون القاسي يااا ربي ارْحَمُنْ واحفضني من وسواسي
|
Post: #253
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-20-2006, 08:40 AM
Parent: #1
يستأذنكم أخوكم
الاستاذ مدثر سعيد في الغياب إجازة
يعود بعدها إن شاء الله للمسادير,
----------------------------------------------------- ----------------------------------------------------
يا الشايقي السلام من نيلنا ليك نِسيْمَة وود السيد ابشر ياني المصنقر ديمة منصور اصلو نضمك العجوة حاااالي طِعيمَة وانا شايفو الكرم الفي طبعكم شيمة خيمتكم براح الصحرا ضلها غيمة ساغيب عنكم لزيارة الوالدة قليلاً في وداعة الله خليتكم بشدو رحالي مستأذن بروح للبيها مشغول بالي لي بت الحسن كان ربي يستر حالي اصلو عفوها مطلووووب شان تتم آمالي وكان جيت بي سلام بسمع نضمكو الحالي ونتلاقا في ساعة خير
|
Post: #254
Title: Re: مسادير يا أهل المسادير إلى ما شاء الله........
Author: الناظر
Date: 03-21-2006, 11:57 AM
Parent: #1
يا الباشمهندس سلام ان خلاص نسيت السالفه والكلام الذكرتو و قلتو لي خلاني مسحت الذاكره المتلك فوق حيا او فوق محل امورو جد متواسيه دعوتك لي حبابا و بجيك ولو بى كراعا حافيه
|
Post: #255
Title: Re: مسادير يا أهل المسادير إلى ما شاء الله........
Author: بخاري بشير
Date: 03-21-2006, 02:09 PM
Parent: #1
يا سيد القلم ياني يوت مأمورك من شيل التقيل قيح جرح ناسورك اديني الاذن مفتاح تزيدا أجورك زاد الشوق علي مفتاحنا باهر نورك
|
Post: #256
Title: Re: مسادير يا أهل المسادير إلى ما شاء الله........
Author: nashaat elemam
Date: 03-22-2006, 04:34 AM
Parent: #255
يا ود البشير وينك.. لي زمن نورك وفاقدين طلتك فاقدين شذاها زهورك وات عارف تمام قد ايش انحنا ندورك وان تقلت كراعك.. خلينا نحنا نزورك
|
Post: #258
Title: Re: مسادير يا أهل المسادير إلى ما شاء الله........
Author: munswor almophtah
Date: 03-22-2006, 10:58 AM
Parent: #256
يا ود البشير وينك.. لي زمن نورك وفاقدين طلتك فاقدين شذاها زهورك وات عارف تمام قد ايش انحنا ندورك وان تقلت كراعك.. خلينا نحنا نزورك
نشأت بالقدم يلاك نشوف أخبارو داك ود البشير راوى الحديث وأخبارو إن نجر الكلام موزون بغنى كنارو وإن جال بالفريق ضماخه فايحه أزهارو
منصور
|
Post: #257
Title: Re: مسادير يا أهل المسادير إلى ما شاء الله........
Author: munswor almophtah
Date: 03-22-2006, 09:57 AM
Parent: #255
يا سيد القلم ياني يوت مأمورك من شيل التقيل قيح جرح ناسورك اديني الاذن مفتاح تزيدا أجورك زاد الشوق علي مفتاحنا باهر نورك
مأمور إنت فوق وأنا من بيادة دورك وشيلا للتقيل مخبوربو جملا هولك بابك إنت فاتح ونحن نحبا نزورك وشوقاليك مجكن فى القلوب بندورك
منصور
|
Post: #259
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-23-2006, 08:15 AM
Parent: #1
Quote: يا الباشمهندس سلام ان خلاص نسيت السالفه والكلام الذكرتو و قلتو لي خلاني مسحت الذاكره المتلك فوق حيا او فوق محل امورو متواسيه دعوتك لي حبابا و بجيك ولو بى كراعا حافيه |
الليله البروق يتاهتفن بي سيرتك والفرح الاكيد عمانا جد يوم جيتك شتلات نم بينا وشجر المحنة سعيتك الكع تعال ومفتاح يكون في معيتك
..................................................................................... محمد السيد
|
Post: #260
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-23-2006, 08:54 AM
Parent: #259
الليله البروق يتهاتفن بي غادي بدونك ليلي طول وزاد علي بعادي من غربه وشتاتاالكل صبح متعادي دعيت بالكريم يجمع شملهم اولادي
لا تسأل ماذا قدم إليك الوطن ولكن إسأل ماذا قدمت لوطنك وياوطني دم بعزة من وهب امجادي .......................................................................................... مواطن
|
Post: #265
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 12:47 PM
Parent: #260
الليله البروق يتهاتفن بي غادي بدونك ليلي طول وزاد علي بعادي من غربه وشتاتاالكل صبح متعادي دعيت بالكريم يجمع شملهم اولادي
الطير فوق خمايلو طروب بغنى وشادى والوز فى جزايرو الصيد مساكنو الوادى النيل فى الخصر حاويها ضمه بلادى والشوق ليها فوق يجمعنا فيها الهادى
منصور
|
Post: #261
Title: Re: مسادير يا أهل المسادير إلى ما شاء الله........
Author: الناظر
Date: 03-23-2006, 12:08 PM
Parent: #1
ود السيد اخوي بتمنى ليك حياة صافية وبنرجع أكيد وبنصافي النفوس الجافية ود المفتاح يمين بجيبو كان لقيت العافية وبنجلس معاك ونسولف سواليف البادية
|
Post: #262
Title: Re: مسادير يا أهل المسادير إلى ما شاء الله........
Author: الناظر
Date: 03-23-2006, 01:27 PM
Parent: #1
منصور اخوي فى الصورة انت تلالي من زمن طويل راسم الشكل في بالي و متمني شوفتك عشان تشوف افكاري ود السيد دعانا انا رحبت بيهو طوالي
|
Post: #263
Title: Re: مسادير يا أهل المسادير إلى ما شاء الله........
Author: بخاري بشير
Date: 03-23-2006, 02:31 PM
Parent: #262
يانشأت يمين تبقولي انتو زهور فائح طيب شذاكم فاق شذى الريفدور بـ "حلو" الشمايل انتو باقين نور وفي نظم القصيد حالي النميم منثور
///////////////////////
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
/////////////////////////
يا المنصور يمين أصبحت يوت مبهورك من حلل القوافي الفيها غايرة بحورك "زلقيبك" بعيد بنهابا طلعة سورك وإت شيال تقيل مسدارنا قال "منصورك"
|
Post: #268
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 01:27 PM
Parent: #263
ود منصور سلام ات في النميم مزمارو ما بنجاري وصفك وما بنطول أسوارو المسدار انشرح واتبهرجت أنوارو زيد النمة ولع لـ "لهالب" نارو
المتلك قلال خبرو الصقع ما بدارو خبرو جرى الكلام ديدابو يوم حارو راوى الحديث ساقينا طايبا أشعارو وإن غاب فد سبوع نشاباليها أنوارو
منصور
|
Post: #269
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 01:53 PM
Parent: #268
يا المنصور يمين أصبحت يوت مبهورك من حلل القوافي الفيها غايرة بحورك "زلقيبك" بعيد بنهابا طلعة سورك وإت شيال تقيل مسدارنا قال "منصورك"
ويوت يا ود بشير المولى فاك ساجورك وجايبك لينا شايل من ثمار باجورك الكل فى النميم مديون اليك ماجورك مأمور إنت أطلب ونحن نقضى إمورك
منصور
|
Post: #266
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 01:12 PM
Parent: #262
متل بندقكم إن شاء الله طايشه النيشه وقول يا لطيف ما تحرمنى من العيشه يا ناظر الهنود ما تبقى زى الريشه حالف كان نجيت بدفع لى كم باكشيشه
منصور
|
Post: #267
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 01:14 PM
Parent: #262
منصور اخوي فى الصورة انت تلالي من زمن طويل راسم الشكل في بالي و متمني شوفتك عشان تشوف افكاري ود السيد دعانا انا رحبت بيهو طوالي
متل بندقكم إن شاء الله طايشه النيشه وقول يا لطيف ما تحرمنى من العيشه يا ناظر الهنود ما تبقى زى الريشه حالف كان نجيت بدفع لى كم باكشيشه
منصور
|
Post: #270
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 02:14 PM
Parent: #267
قلبك مو لحم من الدبادب طاير صنديد عركة الوقعة الخيولا دماير الموت ياعشاى كاساً داير سماحتو عليك متل نورة العريس الساير
ودحبوبه فارس الحوبه أصبح ثائر وأصبح فى الدروع متل المجرتق ساير جبل المعضلات غاص فى الجزاير غاير ثابت أخو البنات طارى أم رشوم وضفاير
منصور
|
Post: #264
Title: Re: مسادير يا أهل المسادير إلى ما شاء الله........
Author: امين عمر عثمان
Date: 03-25-2006, 09:13 AM
Parent: #1
ود مفتاح أخوي من السلام جاييكا يا حالي الكلام نظمك تقول مزيكا شاحد الله الكريم زي نيتك يديكا وبي خيره الوفير دايما يكون جازيكا
|
Post: #271
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 02:26 PM
Parent: #264
ود مفتاح أخوي من السلام جاييكا يا حالي الكلام نظمك تقول مزيكا شاحد الله الكريم زي نيتك يديكا وبي خيره الوفير دايما يكون جازيكا
حباب السلام وأنا من زمان طاريكا ماخدنى الزمن شاغلنى فيها أمريكا رب العباد من فضلو إنت إغنيكا يات ما تدور تشوف فى الدنيا طب يوريكا
منصور
|
Post: #272
Title: Re: مسادير يا أهل المسادير إلى ما شاء الله........
Author: امين عمر عثمان
Date: 03-25-2006, 04:45 PM
Parent: #1
ود مفتاح أخوي شن ليك فيها امريكا وأرض النيل هناك شفقانه ديمة عليكا ارجع شوفها كيف من حنها بتديكا و الأسمح شنو ؟ ( بيرغر جداد و لا ويكا؟ )
|
Post: #273
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 05:06 PM
Parent: #272
مفتاح أخوي شن ليك فيها امريكا وأرض النيل هناك شفقانه ديمة عليكا ارجع شوفها كيف من حنها بتديكا و الأسمح شنو ؟ ( بيرغر جداد و لا ويكا؟ )
مانى بطينى لكن عاشق التمليكه ومانى من الشوايقه وديمه ظاعط ويكه أرض النيل عظيمه أكان بتحلب ليكا ليها موقى زاحف لى ربوع بامسيكا
منصور
|
Post: #274
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 05:18 PM
Parent: #273
عاشق للبليله وزيت سمسما البلهيكه عاشق للعجايز فيها من يسليكه أرض النيل مبشره كان لقت تحريكه ما بدور عيالا شنقلوها الريكه
منصور
|
Post: #275
Title: Re: مسادير يا أهل المسادير إلى ما شاء الله........
Author: امين عمر عثمان
Date: 03-25-2006, 05:20 PM
Parent: #1
تسلم يا الرزين سيد الكلام الزين دي المحرية فيك عشق البلد و الطين ارض النيل دي فيها جدودنا و الوالدين و نايرات الخدود سارحات كما الوزين
|
Post: #276
Title: Re: مسادير يا أهل المسادير إلى ما شاء الله........
Author: munswor almophtah
Date: 03-25-2006, 05:34 PM
Parent: #275
تسلم يا الرزين سيد الكلام الزين دي المحرية فيك عشق البلد و الطين ارض النيل دي فيها جدودنا و الوالدين و نايرات الخدود سارحات كما الوزين
فى ذرات دمانا بتلقى فيها حنين ومو مجلوب مقلد أصلى من الجين أرض النيل عشانا الغالى ليها بهين وكان نادت تجيهاأرواحنا داقت الحين
منصور
|
Post: #277
Title: Re: مسادير يا أهل المسادير إلى ما شاء الله........
Author: munswor almophtah
Date: 03-26-2006, 01:57 PM
Parent: #276
وارثين للثبات من دقنه معروفين ومن أبوعنجه قلاب الخيول ماخدين ناس ودالنجومى اللشمال زاحفين وناس أبوقرجه زى موج البحر دافرين
منصور
|
Post: #278
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-26-2006, 04:28 PM
Parent: #277
Quote: وارثين للثبات من دقنه معروفين ومن أبوعنجه قلاب الخيول ماخدين ناس ودالنجومى اللشمال زاحفين وناس أبوقرجه زى موج البحر دافرين |
وارثين السعي وفي الحارة متكاتفين ممالكناومحاسناوعمومابيها معروفين وليداتنا عزيزين شان وفي سلوكم دين وسماحة وطيبة وفي بيناتنا محترمين .......................................................................................... محمد السيد
|
Post: #279
Title: Re: مسادير يا أهل المسادير إلى ما شاء الله........
Author: الناظر
Date: 03-27-2006, 05:02 AM
Parent: #278
وارثين الشداعة من اولاد على الكرار اسودا في الحروب فيها بنخوض النار شـيالين لتقلية وكمان نساعـد الجار بنساند الضعيف و الله نبقى ليه ستار
|
Post: #280
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-27-2006, 07:25 AM
Parent: #279
Quote: وارثين الشداعة من اولاد على الكرار اسودا في الحروب فيها بنخوض النار شـيالين لتقلية وكمان نساعـد الجار بنساند الضعيف و الله نبقى ليه ستار |
وارثين الفضل مأرخ عن صدق أخبار جدودنا ملوك عبدلاب بكاتلو النار وخصائلنا عامير نفس وعلا المقدار ومنوالبنكر شموس وآثارا يالكفار*
يعلو طريقة متنها متواتر في ليلة كفر* النجوم غمامها(عن معلقة لبيد بن ربيعة) ........................................................................................ محمد السيد/حلفاية الملوك
|
Post: #284
Title: Re: مسادير يا أهل المسادير إلى ما شاء الله........
Author: الناظر
Date: 03-28-2006, 08:08 AM
Parent: #280
من ما قمنا فوق ديداب جدونا و اهلنا ماشين حافطين للعهود ما ملينا و فضلنا متماسكين فى التاريخ القديم واصلنا و ما ذلنا متواصلين كانو رجلا اصاحب علم, للدين كمان حافظين
|
Post: #286
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-28-2006, 05:28 PM
Parent: #284
Quote: من ما قمنا فوق ديداب جدونا و اهلنا ماشين حافطين للعهود ما ملينا و فضلنا متماسكين فى التاريخ القديم واصلنا و ما ذلنا متواصلين كانو رجلا اصاحب علم, للدين كمان حافظين |
ناظرين نظمك والصبر شبرين ضافي كلامك ومابتخبر الشين وصال رحم وكان دعوك بتبين قول يالله نتلاقي في الحرمين
|
Post: #281
Title: Re: مسادير يا أهل المسادير إلى ما شاء الله........
Author: امين عمر عثمان
Date: 03-27-2006, 06:03 PM
Parent: #1
Quote: فى ذرات دمانا بتلقى فيها حنين ومو مجلوب مقلد أصلى من الجين أرض النيل عشانا الغالى ليها بهين وكان نادت تجيهاأرواحنا داقت الحين |
ابشر يا الأصم يوما بجي و راح ترجع و للناس الهناك شوف عين تشوفهم و تسمع ساكنات الخدور أمات خديدا بلمع لا بد من تشوفهن و من حلاتن تشبع
|
Post: #282
Title: Re: مسادير يا أهل المسادير إلى ما شاء الله........
Author: munswor almophtah
Date: 03-27-2006, 09:29 PM
Parent: #281
دولاب الزمن دايما بعيد تاريخو بعزل من كرام ألبل تويسو بنيخو البلد العظيم هاويهوى داك بتيخو هاوى شديد هلالو وهاوى داك مريخو
منصور
|
Post: #283
Title: Re: مسادير يا أهل المسادير إلى ما شاء الله........
Author: امين عمر عثمان
Date: 03-28-2006, 05:42 AM
Parent: #1
فيك يا امدر حبيبة قلبي عز مقامنا (عباسية) فيك قضينا أحلي أيامنا أمبدة القديمة الثورة فيها أعمامنا لمتين يا كريم نرجع نشوفه مرامنا
|
Post: #285
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-28-2006, 05:17 PM
Parent: #1
رجـع أخوكم مدثر سعيد بالسلامـة
من رمال تنقاسـي وأرسـل لكم المسدار محفوفاً بعبق الجروف ونسائـم تعانق النخيل,
Quote:
دولاب الزمن دايما بعيد تاريخو بعزل من كرام ألبل تويسو بنيخو البلد العظيم هاويهوى داك بتيخو هاوى شديد هلالو وهاوى داك مريخو
منصور
|
لما النسمة جات من نيلنا شايلة دوايا
من شوقي الشديد للنارو حارقة حشايا
كيف يبرد حشاي وقليبي صاح جوايا
حت موية البرود إن مِتا ماها كفاية
ما بيبرد حشاي الا اللشوفو حدايا
شوف عيناً عديل لا حلم لاهو رؤايا
و عوافي للجميع دون فرز
مـدثـر سـعيـد,
|
Post: #287
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-28-2006, 05:53 PM
Parent: #285
Quote: من شوقي الشديد للنارو حارقة حشايا |
برسل سلام لي تنقاسي من السكن حلفايا وفي شتلات جروفنابحكي فيهاالف روايا كيف امست بعدنا وكيف صبحت الضوايا لو مالزمن ضيعني كان لي معاهاحكايا ..................................... محمد السيد
|
Post: #288
Title: Re: مسادير يا أهل المسادير إلى ما شاء الله........
Author: munswor almophtah
Date: 03-30-2006, 01:28 PM
Parent: #287
جنيات البلد أوعولنا وأختو اللف ونضفوا للقلوب واختوه داك السف شبال الطنابره المن وجيهن كف والقلب إن ظلم من المودات جف
منصور
|
Post: #292
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-31-2006, 03:28 AM
Parent: #288
Quote: جنيات البلد أوعولنا وأختو اللف ونضفوا للقلوب واختوه داك السف شبال الطنابره المن وجيهن كف والقلب إن ظلم من المودات جف |
بعجبناالكلس في خصالو الكرم والعفه مابتعجبنا البقت شبه الوليد اب تفه والبقي زي بنية غيبنا فوقوا العرفه وكعب الظلم نفسو وبدي السفه بالسفه ..................................................................................... محمد السيد
|
Post: #289
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-30-2006, 08:50 PM
Parent: #287
Quote: برسل سلام لي تنقاسي من السكن حلفايا وفي شتلات جروفنابحكي فيهاالف روايا كيف امست بعدنا وكيف صبحت الضوايا لو مالزمن ضيعني كان لي معاهاحكايا |
الرد من الشاعر مدثر سعيـد,
مرحبتين حبابك ود ملوك ومأصـل
شد سرجك تعال في الحين واوعاك تكسل
ما بهـم المضـى الانكسـر بتعـدل
بتلقاها ام خدود ضاوية ومشيها ممهـل
|
Post: #290
Title: Re: مسادير يا أهل المسادير إلى ما شاء الله........
Author: أحمد الشايقي
Date: 03-30-2006, 08:56 PM
Parent: #289
ياها بلدنا من تبينا نحن وقمنا
ما بتجفا الجفاها ولا الحنان تحرمنا
لو طولنا غـبنا وكان غـرق مركبنـا
يوم نرجع بنلقى صـدر رحيب يكـرمنـا
وكان قنبنا فيهـا كان نصـحـنا وطبنا
|
Post: #291
Title: Re: مسادير يا أهل المسادير إلى ما شاء الله........
Author: munswor almophtah
Date: 03-31-2006, 00:20 AM
Parent: #290
شوف يا الشايقى حيلك نحن ما بنقصر ونكرم من طرف غير من يكون مدثر من تنقاسى شايل جاوه مو متكركر وفوق روسينا أقعد لابنضيق لابأسر
منصور
|
Post: #293
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-31-2006, 09:23 AM
Parent: #289
Quote: مرحبتين حبابك ود ملوك ومأصـل |
مغمور فرح ترحيبو لامن يوصل بكريك وبكريك بكري لو تستعجل الخبر السمح ومنانا لامن يحصل مدثر سعيد بسراع عندكم يتسجل ..................................................................................... محمد السيد
|
Post: #294
Title: Re: مسادير يا أهل المسادير إلى ما شاء الله........
Author: Abdelfatah Saeed Arman
Date: 03-31-2006, 08:08 PM
Parent: #1
المنصور دوما جئت للتحية و السلام وعساك بخير وكذلك الوليدات
دمت فتاح عرمان
|
Post: #297
Title: Re: مسادير يا أهل المسادير إلى ما شاء الله........
Author: munswor almophtah
Date: 04-01-2006, 01:39 PM
Parent: #294
ود عرمان حبابك فوق فريقنا معدى ومرحبتين حبابك هدى ترسك هدى فاعل المكرمات ماسك قضاياك جدى أبشر يالعزيز ليك منى خالص ودى
منصور
|
Post: #295
Title: Re: مسادير يا أهل المسادير إلى ما شاء الله........
Author: أحمد الشايقي
Date: 04-01-2006, 07:00 AM
Parent: #1
أخوكم مدثر سعيد
اهله النّـم النصيح لطلب عضوية بالمنبر
في البوسـت دا,
المهندس بكري - طلـب عضـوية لشاعـر مساديـر
أجـدعوا معاه لقدام,
خــدر ومخـدرين,
والعافية تعقب وتخـتم,
|
Post: #296
Title: Re: مسادير يا أهل المسادير إلى ما شاء الله........
Author: munswor almophtah
Date: 04-01-2006, 01:11 PM
Parent: #295
البلد القبيل هدوهو قالوا همج بندور نشوف ميسرتو تبقى خمج ما بندور حريمو إتلفحنبو قنج بندور خير قديمو الورثوهو عنج
منصور
|
Post: #298
Title: Re: مسادير يا أهل المسادير إلى ما شاء الله........
Author: عبد الله عقيد
Date: 04-01-2006, 02:09 PM
Parent: #296
يا سيد المسادير حوشنا منّو غفلنا سكينا السياسة وبيها إتشاغلنا بقينا نجيهو طوفة وما بنسّوي مهلنا قبيل في البورد هادا اكان دا ياهو اهلنا
ود عقيد
|
Post: #300
Title: Re: مسادير يا أهل المسادير إلى ما شاء الله........
Author: munswor almophtah
Date: 04-01-2006, 02:35 PM
Parent: #298
فكوها السياسه الظيطه داك بهدلنا وأرمولنا الهلب برجوبه فيها وحلنا وديان القنيص صيدا البجول حللنا زاكرين للإله فى شانو كم هللنا
منصور
|
Post: #299
Title: Re: مسادير يا أهل المسادير إلى ما شاء الله........
Author: عبد الله عقيد
Date: 04-01-2006, 02:32 PM
Parent: #1
إلى نادية في عيد ميلادها
ميلادِك ربيع شهر الربيع ميعادو تهب نسماتو منعشة والزهور هي مِهادو النوروز يفتِّح وتنتشر أعيادو مهما يزيد جمال، قطعا جمالِك زادو
ود عقيد
|
Post: #301
Title: Re: مسادير يا أهل المسادير إلى ما شاء الله........
Author: munswor almophtah
Date: 04-01-2006, 02:52 PM
Parent: #299
دى التاسعه بعد التانى عقدك دابو يا خروع كبور جالب النسيم هبابو متل المنقه فوق أغصانا ليك إتشابو عيدك عيد ملوك مبروك عليك حبابو
منصور
|
Post: #305
Title: Re: مسادير يا أهل المسادير إلى ما شاء الله........
Author: نادية عثمان
Date: 04-02-2006, 10:59 PM
Parent: #301
Quote: دى التاسعه بعد التانى عقدك دابو يا خروع كبور جالب النسيم هبابو متل المنقه فوق أغصانا ليك إتشابو عيدك عيد ملوك مبروك عليك حبابو |
ياسيد الشباب ليك الحسان يتشابوا
راجلا جد هميم ماسمعنا زولا عابو
حرا ماك خسيس قيد الادب ترعابو
بيتك بيت عمار مابنرضى نحنا خرابو !!
|
Post: #302
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-01-2006, 04:50 PM
Parent: #299
Quote: ميلادِك ربيع شهر الربيع ميعادو تهب نسماتو منعشة والزهور هي مِهادو النوروز يفتِّح وتنتشر أعيادو مهما يزيد جمال، قطعا جمالِك زادو |
شمعة علوم نايرة ديمة تضوي حقانية ميها للحقيقة بتلوي مشاركنك فرح عماك حدا علوي وعقباليها يوم تعدي المئوي
|
Post: #303
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-02-2006, 04:13 PM
Parent: #302
ضيق الصدر ماكنــي والراس عليو غمه صعب حالــي لامن انا وجلدي مابنتلمه متين أرجع نرش حوشنا نتونـس وننجمه وياأمي اشم توبك واحضن من ابوي عمه ........................................................................................ محمد السيد
|
Post: #304
Title: Re: مسادير يا أهل المسادير إلى ما شاء الله........
Author: munswor almophtah
Date: 04-02-2006, 05:28 PM
Parent: #303
أخدر دربك على والديك بالهمه وبى دوبيت من الوجدان رقيق نمه تبسطك قعدت الأخوان والخالات واللمه وفوق هباب من الحنقوق بتنجمه
منصور
|
Post: #306
Title: Re: مسادير يا أهل المسادير إلى ما شاء الله........
Author: munswor almophtah
Date: 04-03-2006, 08:31 AM
Parent: #304
تحاح فى الهجير يا ابوفقره ضهرك بارد طالب أمات فصيد ماك المخازى الشارد ساعات بالعداد فوق صوبن منشن وارد طارى القرمصيص حارق الفؤاد كم هارد
منصور
|
Post: #307
Title: Re: مسادير يا أهل المسادير إلى ما شاء الله........
Author: munswor almophtah
Date: 04-03-2006, 12:08 PM
Parent: #306
تاكيتو بابكم وبالركيوه رقدتو وقدحتو فايحه ساكت وإنتو بيهو فسلتو البن بالخراب فوق بوخو إنتو كتلتو مو مال من بكار قانصين تبردو تلتو
منصور
|
Post: #308
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-03-2006, 04:42 PM
Parent: #307
علي بابك الــي مـاشا الله انت كتبتو مابتعرف فساله وحت جيبك عدم عقربتو فنجري وموهيلك المـال التعبت وجبتو يوم تعزم تكفي كل الماري حد عنقرتو ............................................................. محمد السيد
|
Post: #309
Title: Re: مسادير يا أهل المسادير إلى ما شاء الله........
Author: نادية عثمان
Date: 04-05-2006, 09:55 PM
Parent: #308
نور بت الجبال عاقلة وهدية رضية
بت زى الدهب ماشفنا ليها اذية
مرهفة كالنسيم وساعة الشديدة قوية
أحب انا كلو عادى ونور تكون عادية !!
|
Post: #310
Title: Re: مسادير يا أهل المسادير إلى ما شاء الله........
Author: بخاري بشير
Date: 04-06-2006, 02:58 PM
Parent: #309
مرحبتين حباب منصورنا سيـد التايـة أب صقعن بسر بنخدمو نحــــن حفايـا إن قام للقنيص جبخان طـرش دودايـة وإن جاد في النميم موية غمام سقـايـة
/////////////////
قلعــات الزرق سايقلي فيـها بــكار قاصد دار أخوي مفتاح أنيـًـخ تــار وكت بعد الدرب والدنيا زادت النــار منصور أبقى قربي أخوك صحيح محتار
////////////////
نادية اسمك نادية وتاني نادية حروفك وبيت منصور يزغرد بالقصيد ملهوفك ياك ست الكلام وبالنمة زاهية جروفك ما تفوتينا يا الربعة نتمنى ديمة نشوفك
|
Post: #311
Title: Re: مسادير يا أهل المسادير إلى ما شاء الله........
Author: نادية عثمان
Date: 04-06-2006, 04:27 PM
Parent: #310
Quote: نادية اسمك نادية وتاني نادية حروفك وبيت منصور يزغرد بالقصيد ملهوفك ياك ست الكلام وبالنمة زاهية جروفك ما تفوتينا يا الربعة نتمنى ديمة نشوفك |
افوتكم وين أقبّل وانتو ناس النم
عشا البايتات حبابكم شلتو عنى الهم
بخارى الجيت تبشّر بالفرح ينتم
وحاتك مابسيبكم انتو جوّة الدم !!
|
Post: #313
Title: Re: مسادير يا أهل المسادير إلى ما شاء الله........
Author: munswor almophtah
Date: 04-06-2006, 07:34 PM
Parent: #309
نور يا ناديا أميره وبنت مكوك معروفه ملكه وبنت ملوك راضعه العلم مكلوفه الناس من جميع تتشابا ليها تشوفه راسيه مؤدبه السلطانه مى ملهوفه
منصور
|
Post: #312
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-06-2006, 05:05 PM
Parent: #1
الحجو شنبسوي يوم الرعد قال كلمو
والجعجاع من قول لسانو بكتر همو
حشاش الدقن حت مليارو عاجز يخمو
وكعب البدي المشوار وغالبو يتمو
.................................................................... في التحليل للأستاذ فرح:- وحسب الخبر فإن ... شرع وليس رفع دعوى وفي عبارة اخري (مشيرا الى مطالبته فى الدعوى التى رفعها بتعويض مالى يبلغ ملياريين من الجنيهات فاي تناقض هذا ( شرع - وفي الدعوى التي رفعها ).
|
Post: #315
Title: Re: مسادير يا أهل المسادير إلى ما شاء الله........
Author: munswor almophtah
Date: 04-06-2006, 07:48 PM
Parent: #312
كعب الكعب كعب المودر يمو كعب الفسل من جارو بدفن دمو ساعات الضيوف زى الدبيب بى سمو لا بكلف صليح لا حالو مره بهمو
منصور
|
Post: #316
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 04-06-2006, 08:03 PM
Parent: #1
كعب الكعب كعب المودر يمو كعب الفسل من جارو بدفن دمو ساعات الضيوف زى الدبيب بى سمو لا بكلف صليح لا حالو مره بهمو
كعب البكاتل بالكلام سجم امو كعب البتاكي الباب و نورو يلمو ساعة ضيوف الهجعة زي حبات الفريك اتلمو حرم زولك اندس في ضهر بت عمو
|
Post: #317
Title: Re: مسادير يا أهل المسادير إلى ما شاء الله........
Author: munswor almophtah
Date: 04-06-2006, 08:18 PM
Parent: #316
أفو الخيبه واضحه واللسان ساد فمو وارث للبخل عايفاهو ديك بت عمو الفرض العديل حاشاهو يوم ما بتمو والسنن المؤكده لو سمع بتغمو
منصور
|
Post: #318
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 04-06-2006, 08:31 PM
Parent: #1
أفو الخيبه واضحه واللسان ساد فمو وارث للبخل عايفاهو ديك بت عمو الفرض العديل حاشاهو يوم ما بتمو والسنن المؤكده لو سمع بتغمو
خاتيا الشكره ما ضبح الكبش بي دمو خاتيا الشكره ما طرح الوشيش من همو ساعة الرجال لي كرم الضيوف اتلمو زولك اتمدد و اتغطي بي توب امو
|
Post: #319
Title: Re: مسادير يا أهل المسادير إلى ما شاء الله........
Author: munswor almophtah
Date: 04-07-2006, 10:00 AM
Parent: #318
من وين حارسو الضبح صداد الضيوف مو عمو من وين سمع البغنن فوقو بالخيرات قبايلو إنمو الزول الفسل ممقوت طبائع وديمه رمدان نضمو ما شاف كم كباش مضبوحه لللضيفان وقابض عضمو
منصور
|
Post: #320
Title: Re: مسادير يا أهل المسادير إلى ما شاء الله........
Author: أحمد الشايقي
Date: 04-08-2006, 03:22 AM
Parent: #1
الاخ منصور والاخوة الكرام
يحييكم اخوكم مدثر سعيد
على تثنية اقتراح انضمامـه للمنبر,
ويخص الواردة اسماؤهـم في بوسـت التثنية,
Quote: الاخ الشايقي والاخوة الكرام منصور, جمال, محمد السيد و الاخت منى شكراً علي التزكية التي افرحتموني بها والثقة التي اوليتوني اياها |
أمـا هـذه فجـدعـة منه في حـق الأخ المنصـور,
منصور المسك فايح فسيحة ديارك
في حضرة مني واحمد تشيل شبالك
ومرحبتين شقيقنا جمال وصل مرسالك
ود السيد اهلاً ربي يفرح حالك
ولي تنقاسي ترجع شان نرد افضالك ان شاء الله سارسل الطلب قريباً ولكم الود كله
|
Post: #321
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 04-29-2006, 01:30 AM
Parent: #320
من فكّرْت اجيكم وطلبي ليهو كتبتو لا باب انفتح لارد سلامي سمعتو ليه خليتو مسداركم رحلتو وفُتو وين روَّحتو وين دورين ودوراً غِبتو ماليْ, كراعي حارة ولاّ انتو بِخِلتو ؟
|
Post: #325
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-29-2006, 08:01 AM
Parent: #321
ردالسلام بزياد واجب عليّ بقولو عتب النظر والشغل بقيت محمولو العشم فيك يلقي اعتذاري قبولو في طلتك فرحه عمت كياني بطولو ........................................................................................ محمد السيد
|
Post: #322
Title: Re: مسادير يا أهل المسادير إلى ما شاء الله........
Author: أحمد الشايقي
Date: 04-29-2006, 05:55 AM
Parent: #1
مدثر سعيد مرحب حباب الجية
يا ود الاصول ال في قديم مطرية
في ساحة الأدب حوام صباح وعشية
والمنصور فرح بجيتك المحريـة
ود الشايقي
|
Post: #323
Title: Re: مسادير يا أهل المسادير إلى ما شاء الله........
Author: Sidig Rahama Elnour
Date: 04-29-2006, 06:36 AM
Parent: #322
جيناك يا ود مفتاح بالقول الجميل أشجينا قول خصال الأهل السمحة ، البيها نحن ربينا قول الكانوا كرام ، والماسوا شيتاً شينة سو نمك عديل فرجنا نحن الفينا بكفينا
|
Post: #324
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 04-29-2006, 07:11 AM
Parent: #323
منصور البديع ود الكريم مفتاح .. يا صندل مبخر عطرو بقه وفاح .. يا جرتق سعد بيك دامت الأفراح ... مسدارك أريج بقجة مسـّك فوّاح ...
|
Post: #326
Title: Re: مسادير يا أهل المسادير إلى ما شاء الله........
Author: munswor almophtah
Date: 04-29-2006, 03:03 PM
Parent: #324
المسدار محتفل بيك يا الخليل مرتاح وتوبا من حرير لفاهو ضمه وشاح جيتك فوق حصان فوق شانو عوى سلاح ويا الفارس النبيه يا الشاعر اللماح
منصور
|
Post: #327
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 04-30-2006, 01:09 AM
Parent: #326
Quote: المسدار محتفل بيك يا الخليل مرتاح وتوبا من حرير لفاهو ضمه وشاح جيتك فوق حصان فوق شانو عوى سلاح ويا الفارس النبيه يا الشاعر اللماح |
يا ضيّ القبيله الفارس الضحضاح .. ود عز الرجال أصل الكرم منداح ... يا الشاعر الأريب بيكا المعاني فصاح .. تسلم يا اللبيب نبع العلم نضـاح ..
|
Post: #328
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 04-30-2006, 02:42 AM
Parent: #326
حاشاك البُخُل ماكا الضنين شحّاح
غبتا وجبتا ياكا البلبل الصداح
نضمك كم رصين الوارثو من مفتاح
ادريس وانت اعَرْضو خلو النفوس ترتاح
|
Post: #329
Title: Re: مسادير يا أهل المسادير إلى ما شاء الله........
Author: nashaat elemam
Date: 04-30-2006, 03:24 AM
Parent: #328
عمران بالضيوف دارك دوام مفتاح وجيناك نحنا ذاتنا دايرين شوي نرتاح نارك ديمه ضاويه تهدي الطفش والراح وكلبك هازي ضنبو حاشاهو ما نباح
|
Post: #332
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2006, 04:06 AM
Parent: #329
عمران بالضيوف دارك دوام مفتاح وجيناك نحنا ذاتنا دايرين شوي نرتاح نارك ديمه ضاويه تهدي الطفش والراح وكلبك هازي ضنبو حاشاهو ما نباح
وين إنت يا النشيت سهم فى باح وين راوى الحديث الباحش الجحجاح طاريك يا الرفيق الفى المداين ساح ويا الولد المصوبن ضامنه أمو رباح
منصور
|
Post: #331
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2006, 03:54 AM
Parent: #328
حاشاك البُخُل ماكا الضنين شحّاح
غبتا وجبتا ياكا البلبل الصداح
نضمك كم رصين الوارثو من مفتاح
ادريس وانت اعَرْضو خلو النفوس ترتاح
يا الجنب المجرب للدرو رواح ويا الدابى المبرقط لى عدوك فحاح الشافك رجف زاغت عيونو وشاح وياوارث الكرم واهب الثمين مناح
منصور
|
Post: #330
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2006, 03:35 AM
Parent: #323
جيناك يا ود مفتاح بالقول الجميل أشجينا قول خصال الأهل السمحة ، البيها نحن ربينا قول الكانوا كرام ، والماسوا شيتاً شينة سو نمك عديل فرجنا نحن الفينا بكفينا
صديق يا الظريف جيت بى الفريق شاقينا جيت يا العندليب حادى الشعر شادينا شوقا لى أم فصيد شاغل القلوب شاوينا يا الصديق أخوى شيخنا الفضيل حاوينا
منصور
|
Post: #333
Title: Re: مسادير يا أهل المسادير إلى ما شاء الله........
Author: Sidig Rahama Elnour
Date: 04-30-2006, 05:24 AM
Parent: #330
Quote: صديق يا الظريف جيت بى الفريق شاقينا جيت يا العندليب حادى الشعر شادينا شوقا لى أم فصيد شاغل القلوب شاوينا يا الصديق أخوى شيخنا الفضيل حاوينا
|
يا منصور أخوي قول قولك ، قولك ظريف ساقينا قولك قول نصاح يفرّح ديارنا الديمة راقدة حزينة شيخك شيخ شيوخ نفخر بي حاواه وبجلالو يدي سكينة يا ود المكوك ، ناس الشكرة والتقابة والبمسكو عرينا
|
Post: #334
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-30-2006, 08:51 AM
Parent: #333
الليله الفرح طمبج حلفاية وجدة لا حد عينا جانا الخبر عقد بكري علي بت الاصول بدعينا ود سماعين هوزز راسو يوم غني ليو شادينا ود خالتي الكلس شان نص دينوا بعزم فينا ....................................................................................... الف مبروك بكري اسماعيل بوردابي جدة,والفرحة تتم مع الاصدقاء.
|
Post: #336
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2006, 01:35 PM
Parent: #334
الليله الفرح طمبج حلفاية وجدة لا حد عينا جانا الخبر عقد بكري علي بت الاصول بدعينا ود سماعين هوزز راسو يوم غني ليو شادينا ود خالتي الكلس شان نص دينوا بعزم فينا
مبروك الفروح يا أولا ملوك وادينا مبروك يالزبيح راضى الإله فادينا من بلد الرسول بى فرحتك طارينا ربك يكرمك بالمال وفير وبنينا
منصور
|
Post: #335
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2006, 01:28 PM
Parent: #333
يا منصور أخوي قول قولك ، قولك ظريف ساقينا قولك قول نصاح يفرّح ديارنا الديمة راقدة حزينة شيخك شيخ شيوخ نفخر بي حاواه وبجلالو يدي سكينة يا ود المكوك ، ناس الشكرة والتقابة والبمسكو عرينا
جيت بالتانى والبكرى القبيل كافينا كان صاموتى بى مسكة يمن ساقينا ديك أهل الصلاح طالبين دعاهم لينا يا الصديق جزم طالب الإله يرضينا
منصور
|
Post: #337
Title: Re: مسادير يا أهل المسادير إلى ما شاء الله........
Author: الخير محمد عوض
Date: 04-30-2006, 11:32 PM
Parent: #335
اهلي الكرام الليلة قاصد داركم
اهل الكرم والجود الديمة سمحة خصالكم
في الادب العفيف قول لي مين مسّـاكم
فرحان منطرب ختوني بس في بالكم
|
Post: #338
Title: Re: مسادير يا أهل المسادير إلى ما شاء الله........
Author: Sidig Rahama Elnour
Date: 05-01-2006, 04:34 AM
Parent: #337
Quote: جيت بالتانى والبكرى القبيل كافينا كان صاموتى بى مسكة يمن ساقينا ديك أهل الصلاح طالبين دعاهم لينا يا الصديق جزم طالب الإله يرضينا
|
ياالمنصور أخوي كايسين رضا الإله الديمة حاني علينا سالين الإله من عوج الزمن يعفي الأهل ويعفينا ويدي أم هبج كوم السحابة الدافقة في وادينا يفتق شجر الشبع وبت أم ساق البعيدة تجينا
|
Post: #339
Title: Re: مسادير يا أهل المسادير إلى ما شاء الله........
Author: nashaat elemam
Date: 05-01-2006, 05:12 AM
Parent: #338
سائل ربي الكريم يخدر يباب وادينا ومن كرمو العميم ينشر فضايلو علينا نمرح ننبسط ننسى اللي كان شاقينا وبالنم نجتمع ومنصورنا داك حادينا
|
Post: #340
Title: Re: مسادير يا أهل المسادير إلى ما شاء الله........
Author: Sidig Rahama Elnour
Date: 05-01-2006, 05:43 AM
Parent: #339
مرحباً حباب نشأت النمّو يضحى مدينة ينزل زي سحاب يسقي ظمأ وادينا ينثر كوم كلام بيهو الجمال ضاوينا منصور وباقي الشلة عقب الجماعة تجينا
|
Post: #341
Title: Re: مسادير يا أهل المسادير إلى ما شاء الله........
Author: الخير محمد عوض
Date: 05-01-2006, 08:40 PM
Parent: #340
منصورنا يالمفتاح ضيفا بدور رفقتكـم
شـبعان طرب فرحان رويان شرب مويتكـم
درداق في الدروب الليلة جايي عدلكم
دربافي وارد الخير والله ياهو دربكــم
|
Post: #342
Title: Re: مسادير يا أهل المسادير إلى ما شاء الله........
Author: munswor almophtah
Date: 05-01-2006, 10:38 PM
Parent: #339
سائل ربي الكريم يخدر يباب وادينا ومن كرمو العميم ينشر فضايلو علينا نمرح ننبسط ننسى اللي كان شاقينا وبالنم نجتمع ومنصورنا داك حادينا
خشمك فى اللبن مقبول دعاك آمينا يا ترب الصلاح نرجوك دوام أدعيلنا نمرق من درك نفرح نشيل تهليلنا زى ورد الفقير طابقنو داك إكليلنا
منصور
|
Post: #343
Title: Re: مسادير يا أهل المسادير إلى ما شاء الله........
Author: munswor almophtah
Date: 05-01-2006, 11:10 PM
Parent: #337
منصورنا يالمفتاح ضيفا بدور رفقتكـم
شـبعان طرب فرحان رويان شرب مويتكـم
درداق في الدروب الليلة جايي عدلكم
دربافي وارد الخير والله ياهو دربكــم
الرفقه الرجال قبل الطريق ياالطيب وراجل ود رجال أدنالنا أبقى قريب صحيان بالزكر ماك البطينى مغيب وماك الخازى لى جاراتو ديمه معيب
منصور
|
Post: #344
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 05-01-2006, 11:56 PM
Parent: #343
Quote: المسدار محتفل بيك يا الخليل مرتاح وتوبا من حرير لفاهو ضمه وشاح جيتك فوق حصان فوق شانو عوى سلاح ويا الفارس النبيه يا الشاعر اللماح |
Quote: يا ضيّ القبيله الفارس الضحضاح .. ود عز الرجال أصل الكرم منداح ... يا الشاعر الأريب بيكا المعاني فصاح .. تسلم يا اللبيب نبع العلم نضـاح .. |
|
Post: #345
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 05-02-2006, 00:10 AM
Parent: #344
Quote: حاشاك البُخُل ماكا الضنين شحّاح
غبتا وجبتا ياكا البلبل الصداح
نضمك كم رصين الوارثو من مفتاح
ادريس وانت اعَرْضو خلو النفوس ترتاح |
مدثر مراحب مقنعاً رجّـاح
الجود والكرم أمست طبيعة الراح
للحامل السمينه شان الضيوف ضبّاح
في المسدار حبابك شاعراً صدّاح
|
Post: #346
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-02-2006, 01:57 AM
Parent: #345
يا الجنب المجرب للدرو رواح ويا الدابى المبرقط لى عدوك فحاح الشافك رجف زاغت عيونو وشاح وياوارث الكرم واهب الثمين مناح
مدثر مراحب مقنعاً رجّـاح
الجود والكرم أمست طبيعة الراح
للحامل السمينه شان الضيوف ضبّاح
في المسدار حبابك شاعراً صدّاح
في النايبات حديثكم مو كُتُر بتقُصْرو
والطالب حماكم تَحَجوهو كسرو تجُبْرو
ميزان للرجال العالي تحفظو قدرو
والواطي الدني الرعديد تعجلو شُكْرو
|
Post: #347
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-08-2006, 06:10 AM
Parent: #346
بالخير السلام من ابوجا جانا دعاشو
طالبين الكريم فسراع نشوفو رُشَاشُو
كل زول ينكرب ينقح يخُت رَشّاشو
شان تَعَمر بلدنا زرعنا يلقى فرَاشو
|
Post: #348
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-08-2006, 06:13 AM
Parent: #347
الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا
|
Post: #349
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-08-2006, 08:32 AM
Parent: #348
Quote: الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا |
الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
|
Post: #350
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-08-2006, 04:24 PM
Parent: #349
تساؤل:ـ الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا .......................................................................................... تفاؤل:ـ عسي وبعد الســلام والسعد الجانا ماننسي القــري من نصيب اموالنا مقبولة خاطرا طيب ولاجئين اوطانا مايبقو العتب دسنــاهو باقدامنا
لسان الحال يقول:ـ دم بالعزه ياوطني
|
Post: #351
Title: Re: مسادير يا أهل المسادير إلى ما شاء الله........
Author: munswor almophtah
Date: 05-08-2006, 05:00 PM
Parent: #350
تساؤل:ـ الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
ما فيش حق خلاف السيف إقيف قدامنا وزى ماقالو صادق من كتاب أحوالنا ما بندور سبب فى شانوا إضعف شانا بندور ننجمع حزمه ويبين ميزانا
منصور
|
Post: #352
Title: Re: مسادير يا أهل المسادير إلى ما شاء الله........
Author: munswor almophtah
Date: 05-08-2006, 06:22 PM
Parent: #351
إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا
أنانية وين عقب والدنيا فاضحه لحالنا داك عنان إزازى وبوش بدودر جالنا الزيت فى الأرض قاسوهو عرفو أحوالنا عرفوا الفينا طب شربوها مويه أخبارنا
منصور
|
Post: #353
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-09-2006, 00:49 AM
Parent: #349
الشي الغريب وحيرنا في أفكارنا في لحظة سهو مسك القلم يمضالنا وينوا الاتر حقات جرايم أفعالنا وحق النفوس بين ثروتا و سلطانا
الموت ما بنهابو ولا السلاح نخشاهو الموت كَمُوْ هُوْ فَدْ مَرَّة يقضى قضاهو ان درت الاتر بالسيف يمين نمضاهو لكن الدم ما بيحقن دم ولا بيحجاهو الزول يعقل امرو اخير يربي جناهو
|
Post: #354
Title: Re: مسادير يا أهل المسادير إلى ما شاء الله........
Author: munswor almophtah
Date: 05-09-2006, 01:20 AM
Parent: #353
بالخير السلام من ابوجا جانا دعاشو
طالبين الكريم فسراع نشوفو رُشَاشُو
كل زول ينكرب ينقح يخُت رَشّاشو
شان تَعَمر بلدنا زرعنا يلقى فرَاشو
الناس بالحروب حيرانه لامن داشو كملت كوتتم عدموا الدخر وخشاشو داب برق السلام شفناهو درنا دعاشو والبغلط عقب بنملو ننعل خاشو
منصور
|
Post: #355
Title: Re: مسادير يا أهل المسادير إلى ما شاء الله........
Author: munswor almophtah
Date: 05-09-2006, 01:33 AM
Parent: #354
الليلة السلام نجماً سطع في سمانا
نقوى ونتحد بيهو ونغلب اعدانا
خلوها الحرب وانسوهو ماضي احزانا
بي ضو الفرح نروى ونربي جنانا
ما فيش غير سلام تنهض ربوع أرجانا تنهض تنطلق يخشاها مره أعدانا تنتج للثمار تكفينا تكفى معانا كل ملل السلام من خيرنا كم شبعانا
منصور
|
Post: #356
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-09-2006, 02:11 AM
Parent: #355
ما فيش غير سلام تنهض ربوع أرجانا تنهض تنطلق يخشاها مره أعدانا تنتج للثمار تكفيناتكفى معانا كل ملل السلام من خيرنا كم شبعانا
من بعد السلام الخير يعم ارجانا اطراف البلد تروى وتنز شبعانا تتمدد دروب يجري ويخب نيسانا دارفور توصلا وتحضر معانا عشانا
|
Post: #358
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-09-2006, 08:16 AM
Parent: #356
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
تحياتى
|
Post: #361
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-10-2006, 03:14 AM
Parent: #358
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
بت حميدة أخيتي مانا العدل ناسنو
و لي عدل الامور دآك الدرب خابرنو
بالمال والنَفِس فيهو الرجال ما بضنو
الاّ حرام تكون دارفور تمن دافعنو
عشان يتهنو ناس ناس للسيوف بيسنو ؟
|
Post: #362
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-10-2006, 03:27 AM
Parent: #361
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
اسباب الحرب ما مال ولاها سعية من زمناً قديم جبر الكسور بالديّة اسباب الحرب جوّا النفوس مخفية مِن تركو الحكم سوها بيهو قضية ليه الناس تموت شان يركبو العربية ؟
|
Post: #364
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-10-2006, 06:13 AM
Parent: #362
اسباب الحرب ما مال ولاها سعية من زمناً قديم جبر الكسور بالديّة اسباب الحرب جوّا النفوس مخفية مِن تركو الحكم سوها بيهو قضية ليه الناس تموت شان يركبو العربية ؟
المدثر اخوى سلام ينعم صباحا زين عليك لعشية دارفور العزيزة هانت وجاعت صارت تمد للعشم كورية حرائرها وشيوخها نزحوا سابوا الديار فى حرق مأذية ايه ذنبها هى الكريمة تدفع فعال ناساَ عدام شخصية من قوم حزب الضلال و الغى الحكموا البلد زندية!!!
انشوف اخرتها!
|
Post: #357
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-09-2006, 08:01 AM
Parent: #1
ود مفتاح سلام يفتح عليك خزاينو ينجيك الإله من الدهر وحزاينو دارك ديمة عامر وبنظمك زاينو تتعلى رتبك يالهميم والأحبة يعاينو
معليش السلام جاء متاخر
|
Post: #359
Title: Re: مسادير يا أهل المسادير إلى ما شاء الله........
Author: munswor almophtah
Date: 05-09-2006, 10:13 AM
Parent: #357
ود مفتاح سلام يفتح عليك خزاينو ينجيك الإله من الدهر وحزاينو دارك ديمة عامر وبنظمك زاينو تتعلى رتبك يالهميم والأحبة يعاينو
معليش السلام جاء متاخر
إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور
|
Post: #360
Title: Re: مسادير يا أهل المسادير إلى ما شاء الله........
Author: munswor almophtah
Date: 05-09-2006, 02:53 PM
Parent: #359
دارفور الملوك خبر السلام سرانا يا أرض المصاحف بالعلم بارانا الكان قبيل داك فى الجنوب غشانا جابا بضاعتو زاتا وبيها كم تشانا
منصور
|
Post: #363
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-10-2006, 03:30 AM
Parent: #360
دارفور من زمان زاهية ومدفق خيرا مضمورة حشا ومسدولة فوقو ضفيرة نُظّارا وشيوخا حافظنو حق الجيرة كان وقع الخطا ايدهم عليهو جبيرة
|
Post: #365
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-10-2006, 07:04 AM
Parent: #360
دارفور الملوك خبر السلام سرانا يا أرض المصاحف بالعلم بارانا الكان قبيل داك فى الجنوب غشانا جابا بضاعتو زاتا وبيها كم تشانا
المنصور سلام تسلم دارك العامرة بالخير دوام مهدية سلام ابوجا جانا مقسموم ماهو كامل و ضيع المحرية ناس الظلم قسموا للبلاد وفى دافور شعلوها نار جهوية لاجبروا الخواطر لانصروا المسيكين ولا تحزموا لدفع الدية صادروا حق بلد وكمموا للخشوم لاشورى لا ديمقراطية شاحداك يا لكريم بجاه الرسول وببركة ابوى سلمان جنا العوضية تتعطف علينا و تعّجل بنهاية شيوخاَ نهبوا البلد ضحوية ينزاح الهم وننعم بالعدل من ستيت و نمولى لحدود ملوية
والعرجاء لمراحها
|
Post: #375
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-12-2006, 09:36 AM
Parent: #359
Quote: إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور |
ورداً يغمرك يايابا انت الزين ينصلح حالك تعبق سماك ياسمين ياود عز الرجال الكلهم طيبين تتبارك خطاك لمن تقول امين
|
Post: #366
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-10-2006, 07:18 AM
Parent: #1
إفتح ليك وزيد يالملكه إنت الدائن وإحفظ كل مناك إحفظ خلوق ومدائن من النيل هناك لا عند مشارف الراين إزرعا بالورد يا عاشه ليك تعاين
ولك من السلام ما يرضيك /منصور
ود مفتاح سلاماَ يجبر الخاطر المسكور هو غاية المأمول كلمة اعتذار يالمنصور تزيل الحسرة وتكشف المسدول شفافية واعتراف ورد لحق مساكيناَ طقوا النباح واللول فرحتنا منقوصة مادام حزب الشيوخ السوا البدع والهول جاثم فى صدر البلد زارع غيوا فى الجروف همبول
سلام كامل عشان حق وليداتنا الفقدوا الرويحة الغالية
|
Post: #367
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-10-2006, 07:37 AM
Parent: #366
في شان البُطَان قلنا الحرب خلوها
اقبلو بالسلام والناقصة فيو تِمّوها
انسو هوى النفوس قولة الصدق قولوها
والمكتومة جوّا علي الملأ اعرضوها
شوفو بلدنا كيف تعلا وتعرفو علوها
|
Post: #368
Title: Re: مسادير يا أهل المسادير إلى ما شاء الله........
Author: munswor almophtah
Date: 05-10-2006, 02:59 PM
Parent: #367
المنصور سلام تسلم دارك العامرة بالخير دوام مهدية سلام ابوجا جانا مقسموم ماهو كامل و ضيع المحرية ناس الظلم قسموا للبلاد وفى دافور شعلوها نار جهوية لاجبروا الخواطر لانصروا المسيكين ولا تحزموا لدفع الدية صادروا حق بلد وكمموا للخشوم لاشورى لا ديمقراطية شاحداك يا لكريم بجاه الرسول وببركة ابوى سلمان جنا العوضية تتعطف علينا و تعّجل بنهاية شيوخاَ نهبوا البلد ضحوية ينزاح الهم وننعم بالعدل من ستيت و نمولى لحدود ملوية
والعرجاء لمراحها
يابت حميده يا الشايله الهموم محريه يا المحريه من أسلافك السابقين ولاد عوضيه دارفور الصمود بالبلوى كم مبليه كم من كم حسانا مع الضباع ملهيه
منصور
|
Post: #369
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-11-2006, 07:44 AM
Parent: #368
من ستيت و نمولى لحدود ملوية
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
|
Post: #370
Title: Re: مسادير يا أهل المسادير إلى ما شاء الله........
Author: munswor almophtah
Date: 05-11-2006, 11:26 AM
Parent: #369
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
ناحلة الضمير شاى البرامكه البكرى بوخه مع الدعاش مستكتو قامت تسرى لجوك بالجمال ماك كالأجير المكرى من توتيل شربت من الزلال مو عكرى
منصور
|
Post: #371
Title: Re: مسادير يا أهل المسادير إلى ما شاء الله........
Author: munswor almophtah
Date: 05-11-2006, 04:06 PM
Parent: #370
بندور السلام دكوها خلو حرابه يات من قام غضب فى شقو ساج كرابه الأرض المفلخه حايله داك تيرابه بندور دخنها وبندور عقب بتابه
منصور
|
Post: #372
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-12-2006, 03:30 AM
Parent: #371
إستياء:ـ يلاك تعال ونعمل أنانيا شمالنا كان نلقي فرقة كرسي عن سلطانا نحلف باليمين هدوها كل امالنا نقبض العربون ونعدمو البورانا
من حرب الجنوب شن نلنا ولاّ جنينا
ودارفور القريبة درساً فَهَمْنَا وِعِينا
بي طولة الامل نحيا ويهون قاسِينا
وفوق درب الحرب ما بيمشي تب حادينا
|
Post: #373
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-12-2006, 03:32 AM
Parent: #372
تفاؤل:ـ عسي وبعد الســلام والسعد الجانا ماننسي القــري من نصيب اموالنا مقبولة خاطرا طيب ولاجئين اوطانا مايبقو العتب دسنــاهو باقدامنا
لسان الحال يقول:ـ دم بالعزه ياوطني
ود السيد ابشر خير السلام بغشانا
وبي تمن السلاح بسطة وكمان شفخانة
بكرة قُرَانا تنمو يرجع جميع سكانا
وفوق قيف البَحَر نقعد نجُرُو غُنانا
|
Post: #376
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-12-2006, 10:12 AM
Parent: #369
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
يوم شكرك مايجى يالرزين الدخرى ناحلات الضمير ياود الكرام لو تدرى شالن هم بلد الجدود المرملة بدرى حالفات يمين مايهجعن والبلاوى بتسرى ومافيش راحة لامن نسكنهم مقابر البكرى
داخلنا حلف فى هاالأمر
|
Post: #380
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-12-2006, 11:39 AM
Parent: #376
ناحلات الضمير بيهن هنايا ويسري
ضِمِن هم البلد ما كان يزيلن عسري !
في مكرام هناك صبرت يومي وشهري
لاهِن جَن علي لا جاني قدري بيجري
|
Post: #374
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-12-2006, 07:51 AM
Parent: #368
Quote: يابت حميده يا الشايله الهموم محريه يا المحريه من أسلافك السابقين ولاد عوضيه دارفور الصمود بالبلوى كم مبليه كم من كم حسانا مع الضباع ملهيه
منصور |
ود مفتاح الكلس يامقنع بنونه ورَّية معاك داعين بالسلام تسلم ضمايراً حية الحرابة مابندورا بندور ديارنا هنية ناديت يوت بالعدل للفكك خلفت الكية تتبارك يالأصم بجاه الحسن النورو جلابية
تسلم يالمبروك
عاشة
|
Post: #378
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-12-2006, 10:45 AM
Parent: #374
ناحلة الضمير شاى البرامكه البكرى بوخه مع الدعاش مستكتو قامت تسرى لجوك بالجمال ماك كالأجير المكرى من توتيل شربت من الزلال مو عكرى
منصور
ناحلة الضمير تتنى كيف لو تدري
زي بوصة الجروف وقت النسيم الفجري
من لون الشمس ماخدالا لوناً عصري
بين تاجوج وفاتو فنيتا زهرة عمري
|
Post: #377
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-12-2006, 10:44 AM
Parent: #1
حبوبة الحاجة زينب الحنينة ممكونة
دعواتكم بالشفاء لزينب المزيونة عامر دراها يوت وبالعطف تضوى حنونة حبوبة الجميلة اليوم صحت ممكونة شاحدة ربى يتم شفاهاام سعد وأمونة ترجع سالمة لليتيم تشيل تمد ماعونا
لاتبخلوا بالداعاء بالشفاء للحاجة زينب بت الخليفة خالد
|
Post: #379
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-12-2006, 11:10 AM
Parent: #377
ياربي الكريم تشفيها من الصّادا
زينب نصِّحا يتهنو بيها ولادا
ترجع لليتيم ماعونا فيهو زوادا
وبت حميدة أخيتي تتمو ليها مرادا
|
Post: #381
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 05-12-2006, 03:28 PM
Parent: #379
زميل القنصة والمسدار حباب منصور سيدنا سيد الدر..
الدار ناره قايدة وبيك عامرة والضيوف مرتاحين امثال مدثر وعايشة حميدة ومحمد السيد.. حبابكم الف...ونادية نوارة الفريق وهداية الطريق ...ونشات الظريف...وكلهم اهل همة وحارة..
أنخت ناقتى فى دارك يامنصور منذ وقت وحين ..واخذت مهرتى فى مشوار عاقب الكباشية والوعد ان
ان تاتى وتزين المسدار وتلهمنا ...وطال سفرى ..وطوتنى وهاد الكبابيش وانجذبت كالدرويش..
وان لى ان اعود الى دار ودمفتاح اهنى النفس وامتعها بمسدار وانا مشحون ببعض شجن وكثير
حنين...هلا قبلتمونى ...ولسان حالى يقول العود احمد بعد ان تعبت مهرتى من السرى وحنت ناقتى
لسربة فى دار ود التوم...
|
Post: #382
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2006, 04:54 PM
Parent: #381
كمان يا يحى تسأل وإنت سيد البيت
إنت الخته ساسوا وتانى فوقو بنيت
مرحبتين رجعت وجيتنا جبت الخيت
ومن دار القنيص فى الباديه ديك صديت
منصور
|
Post: #383
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2006, 05:24 PM
Parent: #382
دعواتكم بالشفاء لزينب المزيونة عامر دراها يوت وبالعطف تضوى حنونة حبوبة الجميلة اليوم صحت ممكونة شاحدة ربى يتم شفاهاام سعد وأمونة ترجع سالمة لليتيم تشيل تمد ماعونا
لاتبخلوا بالداعاء بالشفاء للحاجة زينب بت الخليفة خالد
بت خالد متوكه يا الإله تشفيها وأمرق من عضاها الدى دوام أبريها زينب بت أصول واصله الفضايل بيها واصله الناس جميع خيراتا كم تديها
منصور
|
Post: #384
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2006, 05:48 PM
Parent: #383
ناحلات الضمير بيهن هنايا ويسري
ضِمِن هم البلد ما كان يزيلن عسري !
في مكرام هناك صبرت يومي وشهري
لاهِن جَن علي لا جاني قدري بيجري
ناحلات الضمير كاحلات عيونا واسعه
هابلات نار غرام فى الجوف مغوره قاصعه
متل الصيد بقدلن وفوق قفاهن شافعه
شلت نور خيالنا وللسخانات رافعه
منصور
|
Post: #385
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-13-2006, 03:09 AM
Parent: #384
ناحلات الضمير كاحلات عيونا واسعه
هابلات نار غرام فى الجوف مغوره قاصعه
متل الصيد بقدلن وفوق قفاهن شافعه
شلت نور خيالنا وللسخانات رافعه
منصور
ناحلات الضمير في جوفي وَقَدنْ نارِن
ومن تالا العيون جني السهام يتبارِن
صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
|
Post: #387
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-13-2006, 09:56 AM
Parent: #383
بت خالد متوكه يا الإله تشفيها وأمرق من عضاها الدى دوام أبريها زينب بت أصول واصله الفضايل بيها واصله الناس جميع خيراتا كم تديها
منصور
يشفيك من كل هم يالمنصور وليكا ممنونين رب العباد يسمع ويمن عليها باللطف واللين تتعافى امنا زينب بت الرجال الشرابهم هين نشوف فيها خالد المحيط الكان ماليهو تنين عشميق الرجال العرش مثل الدود يمين تسعين تطيب تشفى الكريمة سليلة الصلاح رجال الدين
ممنونين يالمنصور
|
Post: #386
Title: Re: مسادير يا أهل المسادير إلى ما شاء الله........
Author: Aisha Hommaida
Date: 05-13-2006, 08:08 AM
Parent: #1
ياربي الكريم تشفيها من الصّادا
زينب نصِّحا يتهنو بيها ولادا
ترجع لليتيم ماعونا فيهو زوادا
وبت حميدة أخيتي تتمو ليها مرادا
المدثر سلام يمرح بالرزاز يروح غاشيكا دعواتك تعلى تصدف ملك معاك يقول لبيكا تشفى زينب تجود بالحكمة من كنوز تهديكا لعاطر سيرتها يخط ويسطر قلم اخوها شبيكة
المدثر تتدثر بالعافية قادر ياكريم
|
Post: #388
Title: Re: مسادير يا أهل المسادير إلى ما شاء الله........
Author: ابوعسل السيد احمد
Date: 05-17-2006, 10:41 PM
Parent: #386
منصور المفتاح و ضيوفه الادباء هذا لون من الادب الذي يتضوع أصالة تروني هنا أقف إحتراماليكم و للرسالة و ما عندي غير كلمتين و التالتة ليهم نفالة واصلوا الجمال و الحب مبذول ليكم يتواله
بوعسل أبوعسل
|
Post: #389
Title: Re: مسادير يا أهل المسادير إلى ما شاء الله........
Author: أحمد الشايقي
Date: 05-18-2006, 05:07 AM
Parent: #1
مدثـر سعيد
الله يجازي محنـك
Quote: صـادنو القليب قَنَّبْ حَـرَنْ فوق دارِن
حالف ما افوت كان ارجا بكرة صُغارِن |
ضحكتني والله شديد
حليفتك دي شكلها بقـت على ناس كتيـر.
لك التحايا
أحمـد الشـايقي
|
Post: #390
Title: Re: مسادير يا أهل المسادير إلى ما شاء الله........
Author: أحمد الشايقي
Date: 05-18-2006, 05:34 AM
Parent: #1
Quote: صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن |
ناحـلات الضـمير ياك الحصـيف وصّـافـن
قصـبات هـطّـل العين ال عـصـف عصّـافن
شـاقن بي صـغير ما شـفـت زي في مصافن
غيـر طبع الجيـاد, قـارح وصـافي وصـافن
ود الشايقي
|
Post: #391
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-18-2006, 08:09 AM
Parent: #390
Quote: صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن |
خلني المتوك وحارن قليبي وراهن فكري انشغل بيهن وصعب علي انساهن ليلي وسهادي الباقيات علي براهن اريت ترجع ايام عمري بعد الجاهن
|
Post: #392
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 05-18-2006, 08:29 AM
Parent: #390
ود الشايقى اخوى نم ياكا الحريف ولافن
يجارن ومندرشات عليك لامن حفت ضلافن
ضمة يتمو ليك مولاى ويجلعنا من ولافن
سارحات يردن ويسردن طايعات وماك حلافن
|
Post: #393
Title: Re: مسادير يا أهل المسادير إلى ما شاء الله........
Author: أحمد الشايقي
Date: 05-18-2006, 12:16 PM
Parent: #1
من شـوق لمّـتـن, قلبي الرهـيف وجّافـن
مكتوم العشـوق خافي ال عليهو ودافـن
حارقات الفؤاد يا (يحي) خووي اعطافـن
مرنوعـات, أذاي, دهـمة هـزيز اكتافـن
ود الشايقي
|
Post: #394
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 03:45 PM
Parent: #393
خلني المتوك وحارن قليبي وراهن فكري انشغل بيهن وصعب علي انساهن ليلي وسهادي الباقيات علي براهن اريت ترجع ايام عمري بعد الجاهن
متل الصيد بتقدل للرهيد بارياهن أم غنجا مشتت فوق مواقى إياهن مخروطة الضمير قبضة صباع فايتاهن يوما بى ضحوتو أكان تقيف راجياهن
منصور
|
Post: #395
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 04:23 PM
Parent: #394
منصور المفتاح و ضيوفه الادباء هذا لون من الادب الذي يتضوع أصالة تروني هنا أقف إحتراماليكم و للرسالة و ما عندي غير كلمتين و التالتة ليهم نفالة واصلوا الجمال و الحب مبذول ليكم يتواله
بوعسل أبوعسل
أبعسلا فى البخس والناس مشرفه واقفه طالبه أكان تدوق فى الجوف قلوبهم واجفه من طعم العسل قبال تدوق كم راجفه كم بتدور عقب دايره الحنيذ مو عاجفه
منصور
|
Post: #396
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 04:35 PM
Parent: #395
ود الشايقى اخوى نم ياكا الحريف ولافن
يجارن ومندرشات عليك لامن حفت ضلافن
ضمة يتمو ليك مولاى ويجلعنا من ولافن
سارحات يردن ويسردن طايعات وماك حلافن
وإت يا يحى كيف ماك الحصيف بلافن وبى عسل الكلام زى الحمام ولافن داخ قبال يشوف زولن سمع بالشافن لا شاف نار كليت لا شاف طبق من شافن
منصور
|
Post: #399
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-18-2006, 05:21 PM
Parent: #396
الأخوة والأخوات الأعزاء اللطاف رواد مسادير يا أهل المسادير,أولاً السلام عليكم ورحمة الله وبركاته ,,, والله أنا من مدمن عاشق للمسادير كلامكم حلو بالحيل وبشد الحيل نمو وقولو ونقرو فوق الفوق,,, لا املك ملكة الشعر حتى انظمه لكن احبه واتذوقه احفظه,,, ويا منصور نم بالصوت الجهور أنسنا ,,, أبدأ بالغزل أشجينا ونعشنا,,, وأختم بالحماس والبفينا قول لي نحــــــــــن دا كلام مرتجل من عجبي الشديد بكلامكم
سائل ربي الكريم وليهو رافع كـــــــفي يخدر ضراعتكم وفي رزقو ليكم يزيد ويوفي الشكره حارسكم يا البترقعو المستـــهزي انتو تسوو الزين وناديه توزع وتكفــــي
دي ابيات مرتجله ومناي تعجبكم
|
Post: #397
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-18-2006, 05:07 PM
Parent: #394
متل الصيد بتقدل للرهيد بارياهن أم غنجا مشتت فوق مواقى إياهن مخروطة الضمير قبضة صباع فايتاهن يوما بى ضحوتو أكان تقيف راجياهن
وقفت احوالي وحرت يوم وقوفها معاهن ميل بي ضميرا وانا قالو عنى الكاهن محزوق عجاين وفيها استقامة اوقافهن قوانين في حساب ياخلاني كيف خارقاهن ...................................................................................... محمد السيد
|
Post: #398
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 05:11 PM
Parent: #393
ود مفتاح الكلس يامقنع بنونه ورَّية معاك داعين بالسلام تسلم ضمايراً حية الحرابة مابندورا بندور ديارنا هنية ناديت يوت بالعدل للفكك خلفت الكية تتبارك يالأصم بجاه الحسن النورو جلابية
تسلم يالمبروك
يا بت الكلس طاعم السلات والشيه بدبح للضيوف ناقة الركوب مرشيه عرافة الأصول عزامه مك مغبيه عارفه الحق يقين ماك الجهوله ونيه
منصور
|
Post: #400
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 05:37 PM
Parent: #398
ناحلات الضمير في جوفي وَقَدنْ نارِن
ومن تالا العيون جني السهام يتبارِن
صادنو القليب قَنَّبْ حَرَنْ فوق دارِن
حالف ما افوت كان ارجا بكرة صُغارِن
النار مك براك ملاله يات من شافن ويات من داك سمع نافوخو ولع ساخن واحد فى المراح عقل البكار طب ناخن وزى سهم العيون كبس الزرائب جاخن
منصور
|
Post: #401
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2006, 05:57 PM
Parent: #400
سائل ربي الكريم وليهو رافع كـــــــفي يخدر ضراعتكم وفي رزقو ليكم يزيد ويوفي الشكره حارسكم يا البترقعو المستـــهزي انتو تسوو الزين وناديه توزع وتكفــــي
دي ابيات مرتجله ومناي تعجبكم
خالد أخو البنات قولك وصل مظبوط وزى نظم العقد بى فن دقيق مربوط حرفك طعمو حادق حاشا ما بتجوط وحاشاك اللصم ماك الصغير فنطوط
منصور
|
Post: #402
Title: Re: مسادير يا أهل المسادير إلى ما شاء الله........
Author: munswor almophtah
Date: 05-19-2006, 01:46 PM
Parent: #401
من قام صغير مجنون غزال أواهن ليهن قلبو فى بنك الغرام كم راهن من ضرر الضباع دراق دوام برعاهن لو كان فى السرير ممكون بيقنت واهن
منصور
|
Post: #403
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-20-2006, 04:53 AM
Parent: #402
من قام صغير مجنون غزال أواهن ليهن قلبو فى بنك الغرام كم راهن من ضرر الضباع دراق دوام برعاهن لو كان فى السرير ممكون بيقنت واهن
حارو اخواني فيَّ وفي العليَّ بلاهن
الجِتَّي العلي وِرْدِي وبرد لامَّاهن
لا طب لا فقير يَحوي بيخبرو دواهن
الروح في الجسد الاّ القلب باراهن
|
Post: #405
Title: Re: مسادير يا أهل المسادير إلى ما شاء الله........
Author: munswor almophtah
Date: 05-20-2006, 03:42 PM
Parent: #403
حارو اخواني فيَّ وفي العليَّ بلاهن
الجِتَّي العلي وِرْدِي وبرد لامَّاهن
لا طب لا فقير يَحوي بيخبرو دواهن
الروح في الجسد الاّ القلب باراهن
الزول إن عشق بهوى الغزال ببراهن
وبكرف نار بخورن فى الورود برجاهن
إن هبلت جهنم فى الفؤاد بطراهن
وبطرى أمات زمام هالكه القلوب زاماهن
منصور
|
Post: #404
Title: Re: مسادير يا أهل المسادير إلى ما شاء الله........
Author: ثابت محمد
Date: 05-20-2006, 05:38 AM
Parent: #1
|
Post: #406
Title: Re: مسادير يا أهل المسادير إلى ما شاء الله........
Author: munswor almophtah
Date: 05-20-2006, 04:06 PM
Parent: #404
يوسف ود نفوره من الفضايل تقل وشايل رحلو من السبقو شيل ورقل مطمورة تراث مكموده جملا وقل وممعوس خير رجال حاشاهو منو الحرجل
القاف فى تقل ورقل ووقل والياء فى شيل مشدده مع سكون اللام
منصور
|
Post: #407
Title: Re: مسادير يا أهل المسادير إلى ما شاء الله........
Author: munswor almophtah
Date: 05-20-2006, 04:20 PM
Parent: #404
يوسف عبدالله المشهور بود نفوره عليه الرحمه كان من آخر من أحتفظ ببعض التراث خلفا لست النفور بنت سليمان وبنت بندق وبخيت عبدالمحمود حسن ليقف من ورائهم أم النصر الولى والولى أحمد الولى ومحمد يوسف محمد حسن وربما عبدالقادر الزين والأمين عبدالله حامد أفندى...أما يوسف كان بهجة بظرفه ولطفه ومدنيته كان يحدثك عن ذلك التراث ويصف ظروف قوله حتى تسمع نبيح كلاب قائليه وتشتم عبق البوخه من اللواتى وصفن وترفع يدك لتغطى رأسك من صوت المطره فكان يوسف مطرا لثراث السروراب الشعبى القومى له الرحمه وليتك جئتنا بالمزيد يا ثابت لك الود والسلام والشكر
منصور
|
Post: #408
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 05-21-2006, 06:49 AM
Parent: #407
الزول إن عشق بهوى الغزال ببراهن وبكرف نار بخورن فى الورود برجاهن إن هبلت جهنم فى الفؤاد بطراهن وبطرى أمات زمام هالكه القلوب زاماهن
منصور
الزول ان عشق تب حورو ما بينساهن
حاضرات في القليب في الضلمة ما بيغباهن
فرّة فاطرن برقاً شلع من فاهن
الاّ القسمة صيف كيفن يطولو سماهن !
|
Post: #409
Title: Re: مسادير يا أهل المسادير إلى ما شاء الله........
Author: munswor almophtah
Date: 05-21-2006, 12:49 PM
Parent: #408
الزول ان عشق تب حورو ما بينساهن
حاضرات في القليب في الضلمة ما بيغباهن
فرّة فاطرن برقاً شلع من فاهن
الاّ القسمة صيف كيفن يطولو سماهن !
عشق الزول سلوك برعاهو متل الكاهن وبرعى حدود جمالو بلا فجور لا هن إن غابن عديل فى اليقظه عينو تراهن وإن عسعس غاسقن نور قلبو بقى رآهن
منصور
|
Post: #410
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-21-2006, 02:09 PM
Parent: #409
ابيات للشاعر الكبير العبادي
أخوك يا ريا أخوك ساعة السيوف إدبكن أخوك يا السمحة أخوك وكت الرماح إشبكن أخوك جبل الثبات وكت القواسي إحبكن كم بكيت وكم قشيت دموع الببكــــــن
|
Post: #411
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-21-2006, 02:14 PM
Parent: #410
الزول في الصحا مكتوب عليهو شقاهو وإن غمد شوية تجي الهموم لاحقاهو الخوف اب لبوس أنا ما بخاف لقياهو يا ريت الفي الحلم في صحاي كان بلقاهو
كان خير ولا شر برجاهو ما بهم بالي وحارسني الثبات من الكبار قبالي وكت هسع حسيت وشفتك سالمة قاعدة قبالي كان اتلخبط الكون تاني ماني مبالي
|
Post: #412
Title: Re: مسادير يا أهل المسادير إلى ما شاء الله........
Author: munswor almophtah
Date: 05-22-2006, 06:57 PM
Parent: #411
الزول في الصحا مكتوب عليهو شقاهو وإن غمد شوية تجي الهموم لاحقاهو الخوف اب لبوس أنا ما بخاف لقياهو يا ريت الفي الحلم في صحاي كان بلقاهو
الشقى وين بدوق نار النكد حارقاهو فى الآخره أم جنان نار الجحيم راجياهو شوكة فى الفراش مغروزه يوت طاعناهو زى جماع معذب ربو كاتبو شقاهو
منصور
|
Post: #413
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-23-2006, 03:27 PM
Parent: #412
كعب نوم الضحى أمس العصير كت نايمة جيت قدام فريقنا اشوف لي صقوراً حايمة كبيرن غار علي من نومي تبيت قايمة صحيت مهجومة لا في مفصل ولا في قايمة
|
Post: #414
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 05-25-2006, 03:23 AM
Parent: #413
Quote: الشقى وين بدوق نار النكد حارقاهو فى الآخره أم جنان نار الجحيم راجياهو شوكة فى الفراش مغروزه يوت طاعناهو زى جماع معذب ربو كاتبو شقاهو |
زي حظ الدقيق في الشوك بكوس للماهو... ود مفتاح أخوي زين الجماعه وجاهو.. شايفك زي مخاصم نمّات أخوك وغناهو ... تسلم يا الأمير .. وتسلم جواهر فاهو..
|
Post: #415
Title: Re: مسادير يا أهل المسادير إلى ما شاء الله........
Author: munswor almophtah
Date: 05-25-2006, 07:03 PM
Parent: #414
أخوك يا ريا أخوك ساعة السيوف إدبكن أخوك يا السمحة أخوك وكت الرماح إشبكن أخوك جبل الثبات وكت القواسي إحبكن كم بكيت وكم قشيت دموع الببكــــــن
ريا شن بدور خلاف رجلا جرابو مجكن وما بدور دلاهه ولا جلاب الرخيصه جركن إياك المصوبن فارس الحرابه مسكن رضاى أم رضيع جياب البرضى خرتن
منصور
|
Post: #416
Title: Re: مسادير يا أهل المسادير إلى ما شاء الله........
Author: munswor almophtah
Date: 05-25-2006, 07:28 PM
Parent: #415
زي حظ الدقيق في الشوك بكوس للماهو... ود مفتاح أخوي زين الجماعه وجاهو.. شايفك زي مخاصم نمّات أخوك وغناهو ... تسلم يا الأمير .. وتسلم جواهر فاهو..
الشقى وين بفوت كان عمرو أردب سمسم مافيش زول بشيل من همو مافيش بقسم ودمفتاح دوام لى ضيفو لازم يبسم ولازم فى الحدود ميزانو قاسط برسم
منصور
|
Post: #417
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-26-2006, 05:47 PM
Parent: #416
أحكي لك تمام الشفتو ما بتغابه جاين العصير انا وانت من الغابه بينا والفريق أتولعت تقابه
قدر ما نشوف بعيد قدامنا نلقى حريق وكت النار علت ما شفنا تاني فريق تشكي من العطش وأخوك يابس ريق
فترتي صنقرتي قعدتي وأنا محتار جلسته وراكي حاقب الدرقة ختيت سيفي فوق اوراكـــــــــي وكت بعد البهم دا كسحتي قمتي براكــــــــي جيتي وجات معاك كوم صقور تبراكـــــــــــي
بالمناسبة يا منصور عجبتني جدا مجارتك وكمان بسجل كل ما تكتب فبالله لا تحرمنامن ابداعك خالد
|
Post: #418
Title: Re: مسادير يا أهل المسادير إلى ما شاء الله........
Author: munswor almophtah
Date: 05-27-2006, 02:41 AM
Parent: #417
فترتي صنقرتي قعدتي وأنا محتار جلسته وراكي حاقب الدرقة ختيت سيفي فوق اوراكـــــــــي وكت بعد البهم دا كسحتي قمتي براكــــــــي جيتي وجات معاك كوم صقور تبراكـــــــــــي
إنتى مقبله وإنتى المليحه إياكى ياوزة جزاير الخير تغنى تكاكى قناصك رقد زرد التتك جلاكى خون كم حدى ربك لطف فكاكى
منصور
|
Post: #419
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-27-2006, 04:33 PM
Parent: #418
تبيت بعجل شافني جفلا وطارن غابن من عيوني وفي اللعوت اضارن ما غابن كتير جن اقدلن واتبارن قدامن كبيرن عيننو غارن
|
Post: #420
Title: Re: مسادير يا أهل المسادير إلى ما شاء الله........
Author: munswor almophtah
Date: 05-27-2006, 05:14 PM
Parent: #419
تبيت بعجل شافني جفلا وطارن غابن من عيوني وفي اللعوت اضارن ما غابن كتير جن اقدلن واتبارن قدامن كبيرن عيننو غارن
متل الصيد بقدلن وللتبيس داك زارن ما جدعن سلام عضم الكلام ما دارن شلخا فوق شلخ شلخن قليبى وجارن ضاقت خلقى من كمد العوازل حارن
منصور
|
Post: #421
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-28-2006, 06:12 AM
Parent: #420
سلا سيفو ولاقاهن أخوك يا ابامره تور غنز أم هشيم الفي المجامع دامره تل سيل وأندلق فوق السحابة الهامره حجر الصاقعة فرتاك الصفوف العامره
|
Post: #422
Title: Re: مسادير يا أهل المسادير إلى ما شاء الله........
Author: محمد سنى دفع الله
Date: 05-28-2006, 08:17 AM
Parent: #421
غاب نجم النطح والحر علينا اشتد ضقنا طال ليلو ونهارو امتد نظرة منو للقانون بقيت اتحدى نظرة منو فتحت عندي منطقة الغناالانســدا ودالمفتاح فرحنا فرح شديد لي صورتك الجديدة رجعت فيها لدقون اهلك الدقن الدايرة جميلة وقيافة ...عيب لي شكلك كده مالو مكمل الوجاهه واخر قيافة وقرض على كده وأمتعنا بالمسادير الجميلة متعك الله في الدنيا والاخرة
|
Post: #423
Title: Re: مسادير يا أهل المسادير إلى ما شاء الله........
Author: munswor almophtah
Date: 05-28-2006, 03:05 PM
Parent: #422
غاب نجم النطح والحر علينا اشتد ضقنا طال ليلو ونهارو امتد نظرة منو للقانون بقيت اتحدى نظرة منو فتحت عندي منطقة الغناالانســدا
نحن الشوله لى عضم الضهر ممتده زيفا منو لى حوت الشمال إشتد كايسه الدفوه لى بحر الجنوب تتمده يا ابو السنى خيرك شوقنا منو أتغده
منصور
|
Post: #424
Title: Re: مسادير يا أهل المسادير إلى ما شاء الله........
Author: munswor almophtah
Date: 05-28-2006, 03:25 PM
Parent: #421
سلا سيفو ولاقاهن أخوك يا ابامره تور غنز أم هشيم الفي المجامع دامره تل سيل وأندلق فوق السحابة الهامره حجر الصاقعة فرتاك الصفوف العامره
نكاد الرجال قلاع أم رشيم الضامره من خشم الأسد جيابا تامه وعامره الصيد فى الإدى من شوفتو شبت شامره زى ملك العنج بحر الدميره الطامره
منصور
|
Post: #425
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-28-2006, 05:28 PM
Parent: #424
بادرني الكبير وديك إستعدن وقفن ما مهلتو طار راسو وحناحي يرفن طارن ديك وكت بريشو رقد إكفن عارض ومات لليلة امكن عفن
نحمد ربنا الليلة مات عارضنا وكان عمرو طال يا ريا كان قارضنا ألحقو بعجل ليش همنا المارضنا نبدأ زواجنا بكرة ومنو البجي إعارضنا
|
Post: #426
Title: Re: مسادير يا أهل المسادير إلى ما شاء الله........
Author: munswor almophtah
Date: 05-29-2006, 10:00 AM
Parent: #425
بادرني الكبير وديك إستعدن وقفن ما مهلتو طار راسو وحناحي يرفن طارن ديك وكت بريشو رقد إكفن عارض ومات لليلة امكن عفن
صوب رش المطر حزمن متاعن خفن وخلن فى العيون بحر الدموع ما جفن الشوق فى القليب لا عدا فات لا عفن شوقا للقبيل سكك الضلال ما لفن
منصور
|
Post: #427
Title: Re: مسادير يا أهل المسادير إلى ما شاء الله........
Author: munswor almophtah
Date: 05-29-2006, 05:05 PM
Parent: #426
اعجبنى جدا بوست المسادير وهذه منى مشاركة املا ان ينضم اليكم بعد افراد اسرتنا الذين دابنا على المجادعة فى مابيننا
اعاين فى النجوم لمن كبيرن غاب
ولى سمح الخصال سطرت الف خطاب
الطبعو الادب ماجانى منو جواب
يكون منعو الخجل ,اصلو الطبع غلاب
ضرب الهمبريب ظنيت البرد بغشانا
ومن ام در شدينا سرنا عشانا
عند سمح الخصال ناوين نصلى عشانا
دى المن زمان هالكانا وسبنا اهلنا عشانا
ولك كل الود
اخوك / مدنى محى الدين
ابوظبى
|
Post: #428
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-29-2006, 05:20 PM
Parent: #427
غلطان البعيش في الدنيا ونسى غناهو أن كان مالو راح غير أهلو مين بفداهو سمح الفوق أساس ابواتو تمّ بناهو وسمح الزول صبي يلد ويربي جناهو
|
Post: #431
Title: Re: مسادير يا أهل المسادير إلى ما شاء الله........
Author: munswor almophtah
Date: 05-30-2006, 07:11 PM
Parent: #428
غلطان البعيش في الدنيا ونسى غناهو أن كان مالو راح غير أهلو مين بفداهو سمح الفوق أساس ابواتو تمّ بناهو وسمح الزول صبي يلد ويربي جناهو
الدنيا أم قدود ياالمطرى مى هاماهو والمال إن كتر أو راح دوام إياهو ما بدور حق رجال والعندو ماببراهو وحق الناس بصون حق الله داك برعاهو
منصور
|
Post: #429
Title: Re: مسادير يا أهل المسادير إلى ما شاء الله........
Author: munswor almophtah
Date: 05-30-2006, 06:42 PM
Parent: #427
اعاين فى النجوم لمن كبيرن غاب
ولى سمح الخصال سطرت الف خطاب
الطبعو الادب ماجانى منو جواب
يكون منعو الخجل ,اصلو الطبع غلاب
الطبع إن غلب محنت معا الأسباب والطابعو الأدب بنسوقلو كمين باب الزوق والظرف لابساهو إنتى حجاب ولابسه المقدره الحامياك ضمه عتاب
منصور
|
Post: #430
Title: Re: مسادير يا أهل المسادير إلى ما شاء الله........
Author: munswor almophtah
Date: 05-30-2006, 06:58 PM
Parent: #427
ضرب الهمبريب ظنيت البرد بغشانا
ومن ام در شدينا سرنا عشانا
عند سمح الخصال ناوين نصلى عشانا
دى المن زمان هالكانا وسبنا اهلنا عشانا
صلينا العشاء وأطربنا داك شاشانا
وأطربنا القبيل بى نار غرامو شوانا
شرفت شام شروق شرقت حلوقنا فشانا
وزولن كان صحيح ختفوه كف شفخانا
منصور
|
Post: #432
Title: Re: مسادير يا أهل المسادير إلى ما شاء الله........
Author: munswor almophtah
Date: 05-31-2006, 08:18 PM
عبدك ياكريم راجيك تعلى مراتبو
تصلح حالو ,لاتغضب عليهو تعاتبو
ناسو العزاز تطراهو وديمة تكاتبو
تهدى كفيلو يبقى ظريف ويزود راتبو
طالت ليالى أساى ونجومو قط ماغبن
ومن بحور الهم غرفن مراكبى وعبن
يامنشىء سحاب الخير وسايق رياحا الهبن
مدنى الضعيف راجيك امطارا عنده يصبن
ختاما
الصلى للرسول عد مايحتويه كتاب
ماهب نسيم فاح من قبلة الاحباب
تصلو فى المقام والآل والاصحاب
نكون مع الفايزين من غير حساب لا عقاب
ولك الود اخى منصور
مدنى محى الدين/ ابوظبى
|
Post: #433
Title: Re: مسادير يا أهل المسادير إلى ما شاء الله........
Author: عبدالله وداعه الامين
Date: 05-31-2006, 08:30 PM
Parent: #432
Quote: صلينا العشاء وأطربنا داك شاشانا
وأطربنا القبيل بى نار غرامو شوانا
شرفت شام شروق شرقت حلوقنا فشانا
وزولن كان صحيح ختفوه كف شفخانا |
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
|
Post: #459
Title: Re: مسادير يا أهل المسادير إلى ما شاء الله........
Author: munswor almophtah
Date: 06-08-2006, 12:33 PM
Parent: #410
|
Post: #434
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 05-31-2006, 11:12 PM
Parent: #1
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
جانا الهمبريب بارد هبوبو غشانا و قمر السبعتين طلع يا دوبو زاد لمعانا مرقن امات وضيب كبسو القليب جبخانه سابلات زينه فوق قدامن الخمجانه
|
Post: #435
Title: Re: مسادير يا أهل المسادير إلى ما شاء الله........
Author: munswor almophtah
Date: 06-01-2006, 01:22 AM
Parent: #434
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
بكاية المقل مطر الخريف رششانا وإن تنت لحاظا العين بزيد طششانا إن قدلت مشت هرد القلوب فششانا وإن وقفت تنت فرع الجريد هرشانا
منصور
|
Post: #436
Title: Re: مسادير يا أهل المسادير إلى ما شاء الله........
Author: munswor almophtah
Date: 06-01-2006, 01:39 AM
Parent: #435
جانا الهمبريب بارد هبوبو غشانا و قمر السبعتين طلع يا دوبو زاد لمعانا مرقن امات وضيب كبسو القليب جبخانه سابلات زينه فوق قدامن الخمجانه
شوفن ليها ساكت من بعيد دشانا وقتين قربت لحظ المقل قشانا نضاحة المسك فواح عديل راشانا وإن جدعت سلام متل الغزال هاشانا
منصور
|
Post: #437
Title: Re: مسادير يا أهل المسادير إلى ما شاء الله........
Author: munswor almophtah
Date: 06-01-2006, 03:01 PM
Parent: #436
عبدك ياكريم راجيك تعلى مراتبو
تصلح حالو ,لاتغضب عليهو تعاتبو
ناسو العزاز تطراهو وديمة تكاتبو
تهدى كفيلو يبقى ظريف ويزود راتبو
ربك فيهو أمسك والكفيل روح شاطبو ورزقك عند إله رب الكفيل داك خاطبو الزول إن نساك أمحاهو خليك شاطبو وعقلك ديمه حكم ديمه خليك ظابطو
منصور
|
Post: #438
Title: Re: مسادير يا أهل المسادير إلى ما شاء الله........
Author: munswor almophtah
Date: 06-01-2006, 03:17 PM
Parent: #437
طالت ليالى أساى ونجومو قط ماغبن
ومن بحور الهم غرفن مراكبى وعبن
يامنشىء سحاب الخير وسايق رياحا الهبن
مدنى الضعيف راجيك امطارا عنده يصبن
متل القصبه ديك قندوله حمس ولبن ومتل الصيد مباريه ولى جناها ادبن علق الطندبات إتكابى فوقا وكبن وجات بت اللبون واخواتا فوقن شبن
منصور
|
Post: #439
Title: Re: مسادير يا أهل المسادير إلى ما شاء الله........
Author: munswor almophtah
Date: 06-01-2006, 03:38 PM
Parent: #438
الصلى للرسول عد مايحتويه كتاب
ماهب نسيم فاح من قبلة الاحباب
تصلو فى المقام والآل والاصحاب
نكون مع الفايزين من غير حساب لا عقاب
صلى الله عليه خاتم الرسل وجاب وصلى على الجميع من بدلاء والأنجاب الزول إن عشق حب الروسول عجاب ومتل الصالحين فعل الحرام شجاب
منصور
|
Post: #440
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-01-2006, 04:49 PM
Parent: #439
ما بنفرح بمال ونقول كفانا وريثنا نفخر بالرجال في الحارة يبقو ترسنا نجمع ناسنا هيلنا من الكبار حارسنا يحضروا أهلنا فرحانين يباركوا عرسنا
|
Post: #441
Title: Re: مسادير يا أهل المسادير إلى ما شاء الله........
Author: munswor almophtah
Date: 06-02-2006, 12:03 PM
Parent: #440
ما بنفرح بمال ونقول كفانا وريثنا نفخر بالرجال في الحارة يبقو ترسنا نجمع ناسنا هيلنا من الكبار حارسنا يحضروا أهلنا فرحانين يباركوا عرسنا
بنعزالرجال جبل الحديد فارسنا أم توبا حرير لافابو عود هارسنا صوتها كما الهزار ماهو الكريه ضارسنا قلبا فيها زى شخب اللبن دارسنا
منصور
|
Post: #442
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-02-2006, 03:30 PM
Parent: #441
كل بطحاني يفرح بعرسنا مناهو ساعة جمعتم بيتنا بنتم بناهو عذاي عيش العذب يا ريا مر ضقناهو وسمح الزول صبي يلد ويربي جناهو
|
Post: #443
Title: Re: مسادير يا أهل المسادير إلى ما شاء الله........
Author: munswor almophtah
Date: 06-03-2006, 11:13 AM
Parent: #442
كل بطحاني يفرح بعرسنا مناهو ساعة جمعتم بيتنا بنتم بناهو عذاي عيش العذب يا ريا مر ضقناهو وسمح الزول صبي يلد ويربي جناهو
سمح السعد والناس تقيف بحداهو سمح الزول يهز والسيره ماشه قفاهو هداك يا ريا جاك وافر الضراع بيجاهو جاك بالخير كتير بحر الدميره إياهو
منصور
|
Post: #444
Title: Re: مسادير يا أهل المسادير إلى ما شاء الله........
Author: Bakhaf
Date: 06-03-2006, 11:22 AM
Parent: #443
سمح السعد والناس تقيف بي جمبو ما مهم المكان نادي او في كمبو بعد سرح الغرام بالابو واتمكنبو زفيناه لي سعدو الفبيل بحلمبو
|
Post: #445
Title: Re: مسادير يا أهل المسادير إلى ما شاء الله........
Author: munswor almophtah
Date: 06-03-2006, 02:52 PM
Parent: #444
سمح السعد والناس تقيف بي جمبو ما مهم المكان نادي او في كمبو بعد سرح الغرام بالابو واتمكنبو زفيناه لي سعدو الفبيل بحلمبو
الزول إن عشق سيد الدلال شن ذنبو وإن كتم الغرام فى جوفو مين برحمبو كان الصيد سدر مرواح معيز رجعنبو زى كبش المراح يات من تحيل فى جنبو
منصور
|
Post: #446
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-03-2006, 03:52 PM
Parent: #445
دا الأعوج ترا والشين نهاية حدو وأن شاع دا الخبر بملأ الفريق لحدو أقولو اب كبس من دخل ود أحدو فرحوا وعرسو لا موجعن لا حدو
|
Post: #447
Title: Re: مسادير يا أهل المسادير إلى ما شاء الله........
Author: Bakhaf
Date: 06-04-2006, 07:01 AM
Parent: #446
الدنيا العبوس زايلة ام لباسا خيت مصير الزول لحد فيه يقيل وابيت القدر ان وقع ما برجعو البتبيت عزرائل ما بخبرها كلمة ابيت
|
Post: #448
Title: Re: مسادير يا أهل المسادير إلى ما شاء الله........
Author: munswor almophtah
Date: 06-04-2006, 02:34 PM
Parent: #446
دا الأعوج ترا والشين نهاية حدو وأن شاع دا الخبر بملأ الفريق لحدو أقولو اب كبس من دخل ود أحدو فرحوا وعرسو لا موجعن لا حدو
الناس للجمال ضربوا البوادى ومدوا فوق سرج البشارى الختوا فوقو وشدو الصيدالأليف بنصيدو فوق عند عدو للكاحل العيون رمل الطريق بنعدو
منصور
|
Post: #449
Title: Re: مسادير يا أهل المسادير إلى ما شاء الله........
Author: munswor almophtah
Date: 06-04-2006, 03:01 PM
Parent: #448
الدنيا العبوس زايلة ام لباسا خيت مصير الزول لحد فيه يقيل وابيت القدر ان وقع ما برجعو البتبيت عزرائل ما بخبرها كلمة ابيت
الموت إن حصل سمح العمل بنجيك وإن طال العمر حشر القبير راجيك الزول القريب فى الآخره ما بفديك ولوكان ودأبوك من أجرو ما بديك
منصور
|
Post: #450
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 06-05-2006, 02:33 AM
Parent: #449
Quote: الموت إن حصل سمح العمل بنجيك وإن طال العمر حشر القبير راجيك الزول القريب فى الآخره ما بفديك ولوكان ودأبوك من أجرو ما بديك |
ود مفتاح صدق .. تسلم ويسلم فيك غير الصالحات في الآخره ما بتنجيك ... مهما طال عمر .. يومك دوام راجيك .. لي حسن الختام اعمل بكل ما لديك ..
|
Post: #451
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-05-2006, 02:19 PM
Parent: #450
الموت مو شمت غاية البحوم والببرو والحد والحزن ما جابو زول من قبرو الزول في الشدائد أولى يلزم صبرو إترجى الكريم مولاهو كسرو وجبرو
|
Post: #453
Title: Re: مسادير يا أهل المسادير إلى ما شاء الله........
Author: munswor almophtah
Date: 06-05-2006, 03:00 PM
Parent: #451
الموت مو شمت غاية البحوم والببرو والحد والحزن ما جابو زول من قبرو الزول في الشدائد أولى يلزم صبرو إترجى الكريم مولاهو كسرو وجبرو
الموت حق يقين يالمنسى من قدرو والزول كان كبر فى الشان بمر عبرو الناس القبيل لى ذاتو ديك هبرو ومن لطف الرحيم فى الجنه كم عبرو
منصور
|
Post: #452
Title: Re: مسادير يا أهل المسادير إلى ما شاء الله........
Author: munswor almophtah
Date: 06-05-2006, 02:46 PM
Parent: #448
ود مفتاح صدق .. تسلم ويسلم فيك غير الصالحات في الآخره ما بتنجيك ... مهما طال عمر .. يومك دوام راجيك .. لي حسن الختام اعمل بكل ما لديك
نسألو كان يجيب فى الجنه ناس واديك ونسألو مو بخيل من برو يوت يهديك خالق الميسرات من نعمو طب برضيك ومن قبس الجنان فى الدنيا كم يوريك
منصور
|
Post: #454
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 06-06-2006, 00:52 AM
Parent: #452
Quote: نسألو كان يجيب فى الجنه ناس واديك ونسألو مو بخيل من برو يوت يهديك خالق الميسرات من نعمو طب برضيك ومن قبس الجنان فى الدنيا كم يوريك |
إيماناً عميق.. يغشاكا ويهنيك ... وفي الجنه أم ظلال ألقاكا وأسعد بيك ومن حرّ اللهيب .. رب الانام يحميك ... تسلم يا الجميل .. محريه أبداً فيك ..
|
Post: #455
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-06-2006, 02:41 PM
Parent: #454
بنخاتر منو الوجعة هيلنا برانا نحن أهل المصاب والناس عزاء مجابرانا في آخر المراح ديمة بتجي الفترانا عادة الحد ندوسه والناس عقب تبرانا
|
Post: #456
Title: Re: مسادير يا أهل المسادير إلى ما شاء الله........
Author: munswor almophtah
Date: 06-08-2006, 01:31 AM
Parent: #455
الموت مو شمت غاية البحوم والببرو والحد والحزن ما جابو زول من قبرو الزول في الشدائد أولى يلزم صبرو إترجى الكريم مولاهو كسرو وجبرو
الزول ربو سواهو ورفع لى قدرو خصصو بالعقل كان ديمه فعلو يقدرو خلق الكون عديل فى شانو ليهو وعبرو والناس زى زمان لى أمرو داك كم غدرو
منصور
|
Post: #457
Title: Re: مسادير يا أهل المسادير إلى ما شاء الله........
Author: munswor almophtah
Date: 06-08-2006, 01:56 AM
Parent: #455
بنخاتر منو الوجعة هيلنا برانا نحن أهل المصاب والناس عزاء مجابرانا في آخر المراح ديمة بتجي الفترانا عادة الحد ندوسه والناس عقب تبرانا
الناس فى التقيله أخوان بنات عاجبانا ديمه رجال مروه وفى الدرك لاحقانا الزول البدور الناس تكون قمحانا شابت منو راس الجن بقت محنانا
منصو
|
Post: #458
Title: Re: مسادير يا أهل المسادير إلى ما شاء الله........
Author: الناظر
Date: 06-08-2006, 05:41 AM
Parent: #1
مشاغل الدنيا ديل قسن على ايامي خلنى زى زولا ً اثير منتظر اعدامى اقول ارجع عشان احقق جميع احلامى تلقانى احسب و اعد فى مشاكل اخوانى
|
Post: #460
Title: Re: مسادير يا أهل المسادير إلى ما شاء الله........
Author: munswor almophtah
Date: 06-08-2006, 03:06 PM
Parent: #458
مشاغل الدنيا ديل قسن على ايامي خلنى زى زولا ً اثير منتظر اعدامى اقول ارجع عشان احقق جميع احلامى تلقانى احسب و اعد فى مشاكل اخوانى
الناظر خت ترس أرمى الهلب قدامى والغدر إن وقع بحر الغرق هدامى أخوانك رجال فيهم حريف صدامى ما فيهم سفيه خالى الجراب عدامى
منصور
|
Post: #461
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-08-2006, 05:22 PM
Parent: #460
الناس بالمكارم والشعار بتباهو وإمشي فطرتو حسب مرباهو عادة جدو عادتو ونسل اباهو نباهو ألبس توب قبيلتو أن دارو ولا اباهو
|
Post: #462
Title: Re: مسادير يا أهل المسادير إلى ما شاء الله........
Author: tmbis
Date: 06-08-2006, 07:28 PM
Parent: #461
شيخ العرب منصور المفتاح .. وأهــل المسادير .. اهديكم غنا يوسف البنا.. على أمل أن اواصل معكم ببعض النماذج المتفرقه من تراث الشكرية.. ..
|
Post: #463
Title: Re: مسادير يا أهل المسادير إلى ما شاء الله........
Author: munswor almophtah
Date: 06-08-2006, 07:53 PM
Parent: #462
تمبس ياظريف بالنم جلبت الفرحه وضحكت كم نفوس صبحت قلوب منشرحه زولك كيف نصيح زى تو وصل من سرحه وشاف عسل المدارس دوبه ختت طرحه
منصور
|
Post: #464
Title: Re: مسادير يا أهل المسادير إلى ما شاء الله........
Author: tmbis
Date: 06-08-2006, 08:09 PM
Parent: #463
ســوو يا مفتاح .. سحارة يوسف البنا لقينا فيها باقي ..
|
Post: #465
Title: Re: مسادير يا أهل المسادير إلى ما شاء الله........
Author: إدريس محمد إبراهيم
Date: 06-10-2006, 00:16 AM
Parent: #464
Quote: نسألو كان يجيب فى الجنه ناس واديك ونسألو مو بخيل من برو يوت يهديك خالق الميسرات من نعمو طب برضيك ومن قبس الجنان فى الدنيا كم يوريك |
إيماناً عميق.. يغشاكا ويهنيك ... وفي الجنه أم ظلال ألقاكا وأسعد بيك ومن حرّ اللهيب .. رب الانام يحميك ... تسلم يا الجميل .. محريه أبداً فيك ..
|
Post: #466
Title: Re: مسادير يا أهل المسادير إلى ما شاء الله........
Author: munswor almophtah
Date: 06-10-2006, 02:32 AM
Parent: #465
إيماناً عميق.. يغشاكا ويهنيك ... وفي الجنه أم ظلال ألقاكا وأسعد بيك ومن حرّ اللهيب .. رب الانام يحميك ... تسلم يا الجميل .. محريه أبداً فيك ..
يا إدريس حلف فى بالى ما ناسيك وشاكر لى دعاك إنت الكريم طاريك متل القلتو فوق وأكتر كمان يكريك ويا وافر الضراع كافى الشرور يحميك
منصور
|
Post: #467
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-10-2006, 04:42 PM
Parent: #466
اه يا ريت السعادة أن كان بقت آيدية كنت أهش هني في الدنيا بالذندية علي حكموا ناس بالسيئة وطلبوا الدية أموت بالعطش والموية بين آيدية
|
Post: #468
Title: Re: مسادير يا أهل المسادير إلى ما شاء الله........
Author: munswor almophtah
Date: 06-12-2006, 00:20 AM
Parent: #467
اه يا ريت السعادة أن كان بقت آيدية كنت أهش هني في الدنيا بالذندية علي حكموا ناس بالسيئة وطلبوا الدية أموت بالعطش والموية بين آيدية
الزول كان كبر فى الدنيا دار عيديه ما بدور غش صغار والعاب حوات قرديه لا بكون زول كتال لا بجيهو ديش جوديه ما بهمو الرزق كان دغرى كان ورديه
منصور
|
Post: #469
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-12-2006, 04:44 PM
Parent: #468
ريا علي قاسية.. وجايرة في التفنين آه ... يا ربي أرحم صبري أمسى ضنين إمحق دي السنة... ربي الحليم وحنين ويخصم من حياتي... رضيت بعشرة سنين
|
Post: #470
Title: Re: مسادير يا أهل المسادير إلى ما شاء الله........
Author: munswor almophtah
Date: 06-14-2006, 00:26 AM
Parent: #469
ريا علي قاسية.. وجايرة في التفنين آه ... يا ربي أرحم صبري أمسى ضنين إمحق دي السنة... ربي الحليم وحنين ويخصم من حياتي... رضيت بعشرة سنين
ريا مسيسه وموعوده بالتمكين وقاطع شكها الشارقانى زى التين ماها مدبلبه ومتل العبوب تنين وزى ملكة جمال وارثاهو من لاتين
منصور
|
Post: #471
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-14-2006, 04:31 PM
Parent: #470
كيف أنا أعيش وصبري ولى مودع وسببي الرخرخ القام من صغير متفدع جنيت وجني جنه وحالي أصلو مبدع أهج شقيش أفج.. فاضلي تاني اجدع
|
Post: #472
Title: Re: مسادير يا أهل المسادير إلى ما شاء الله........
Author: munswor almophtah
Date: 06-14-2006, 06:05 PM
Parent: #471
كيف أنا أعيش وصبري ولى مودع وسببي الرخرخ القام من صغير متفدع جنيت وجني جنه وحالي أصلو مبدع أهج شقيش أفج.. فاضلي تاني اجدع
الرخرخ يا ظريف كم للغوايا بشدع وصبرك كان نفد أوعى الأمانى تودع إن جنيت خسر خليك واعى وبدع وفور لى عدوك خليهو إروح يودع
منصور
|
Post: #473
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-16-2006, 04:54 PM
Parent: #472
أنا بت الرجال أهل الدرق والسيف أنا بت الما بهمو بحساب الخريف والصيف أنا بت البحجو المرقوب وبكرمو الضيف أنا ريا كان شفتكم افوتكم كيف
|
Post: #474
Title: Re: مسادير يا أهل المسادير إلى ما شاء الله........
Author: munswor almophtah
Date: 06-16-2006, 06:22 PM
Parent: #473
أنا بت الرجال أهل الدرق والسيف أنا بت الما بهمو بحساب الخريف والصيف أنا بت البحجو المرقوب وبكرمو الضيف أنا ريا كان شفتكم افوتكم كيف
أنا ود الرجال بحر الدميره أبقيف وأناالفى الدرك بنجيك ماتقول كيف أناالكاتلنى شوق ضامره ونحيلة هيف وانا الراكز بدور أكان يزورنى طويف
منصور
|
Post: #475
Title: Re: مسادير يا أهل المسادير إلى ما شاء الله........
Author: munswor almophtah
Date: 06-18-2006, 05:59 PM
Parent: #474
وكت الليل برد جمالنا شديناهن ووكت الكيف حكم جربانا فضيناهن كان إبلن كبار في بطونا سايفناهن عوض أمك سجن يا أفندي ما شفناهن
حكامات الطرب طرف الفريق زرناهن وبى سعر الإبل غالى المتر درناهن الناس بالخلق بختوا الصغير عذراهن والخازى اللئيم ساعةالورود ببراهن
munswor
|
Post: #476
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-19-2006, 02:25 PM
Parent: #475
أنا بت البيوت المن بعيد معنية فوق للسماء نفوسنا وبيوتنا حنية أنا بت اب كبس في النسبة بطحانية
|
Post: #477
Title: Re: مسادير يا أهل المسادير إلى ما شاء الله........
Author: munswor almophtah
Date: 06-20-2006, 11:49 PM
Parent: #476
بت أبكبس
لبن الطير بجيك بس بيضيها النيه ياك بت الرجال والستره فيك محريه متلك وين بكون إنتى الصويده بنيه من بريبه جيتى وارثه الدلال وغنيه
منصور
|
Post: #478
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 06-23-2006, 04:31 PM
Parent: #477
آه عبد الله ابكبس عز البطانة وفخري وفي وجوه العرب بنعد ماهو الوخري كريم وهميم كان للقبائل دخري بت شيخ العرب هيلك صحيح تفتخري
توقد نارو ديمة الما بكوس الجمرة في الضيفان إهوش سكينو دايمن حمرة بكأس ما عبر لبنو بجيك بالعمرة هيلو الرائسة وهيلو الآمارة وهيلة الشكرة
المرحوم ابوك كان للقبيلة عطاها عزك قديم عمك حسين.... ابو طه أن شاء الله أخوك دي السكة ما تخطاها
|
Post: #479
Title: Re: مسادير يا أهل المسادير إلى ما شاء الله........
Author: munswor almophtah
Date: 07-03-2006, 02:55 AM
Parent: #478
الطول والظرف فى الشارفه أم رقبه و فى العود الرخص مياحه مى حدبه الزول الرزين إن شافهاهبا دبا واب عقلا خفيف عراقى بالقلبه
منصور
|
Post: #480
Title: Re: مسادير يا أهل المسادير إلى ما شاء الله........
Author: munswor almophtah
Date: 07-04-2006, 01:09 AM
Parent: #479
هديك المكنى جات عقلى العديل بتقلبو هديك المكنى جات قلبى التقيل بتخربو هديك المكنى جات سيف النصر تقدلبو هديك المكنى جات جلدى العلى بتسلبو
عمر ود محمد ود حسن
|
Post: #481
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 07-05-2006, 05:12 PM
Parent: #480
العربي قال لريا مابتسألي... لا من وين؟ لا وين ترسو؟
رد ريا
كيف العربي بسأل ضيفو كيفن تنسو أول بكرمو وأخابرو ساعة انسو من مقلب كلام تعرف ابوه وجنسو
|
Post: #483
Title: Re: مسادير يا أهل المسادير إلى ما شاء الله........
Author: Nasr
Date: 07-05-2006, 06:39 PM
Parent: #1
كان معاي صاحباً لذيذ وظِريٌف في البيتش لاقانا السمح متقيٌف قت ليهو: شايف الخلوق كيف بتصيٌف قال لي: دي سماحة بهماً صيفو خريُف
|
Post: #484
Title: Re: مسادير يا أهل المسادير إلى ما شاء الله........
Author: Nasr
Date: 07-05-2006, 06:57 PM
Parent: #1
في البيتش كانت ملكات الجمال مجتمعة قال لي: سماح بهمايزري السيسبان أب فدعة قت ليهو: الزول الذكراه جرٌت في مسايلي الدمعة حرم يمين فايتاهم جميع بسبعة
|
Post: #485
Title: Re: مسادير يا أهل المسادير إلى ما شاء الله........
Author: munswor almophtah
Date: 07-06-2006, 03:44 AM
Parent: #484
فوق القيف رست والتوب حريرتو بلمعه والناس زى فلم شداها طب مستمعه متل الجن بجيب بلغيس وتوقد شمعه جوها الناس حجيج دكوها ليها الجمعه
منصور
|
Post: #486
Title: Re: مسادير يا أهل المسادير إلى ما شاء الله........
Author: Nasr
Date: 07-06-2006, 12:24 PM
Parent: #1
في لونق بيتش كانت الخلوق متلمة مكاسيك, وايت, والبلاك ولاد العمة قال لي: بهم خريف الرازة البجلو الغمة قت ليهو: حرم يمين زولي الهناك يضوي في ها الأمة
لونق بيتش = Long Beach مدينة بقرب لوس أنجلس بكالفورنيا
مكاسيك = تطلق علي الشعوب القادمة من المكسيك المجاور لكالفورنيا
وايت = ًWhite البيض من سكان كالفورنيا وهم الذين قدموا من أوربا
البلاك = Black يقصد بها سكان كالفورنيا من أصول أفريقيا أولئك الذين أستجلبوا كرقيق والذين استجلبو حديثا بتأشيرات دخول أو الذين تسربوا من الحدود كمايفعل معظم الناس هنا
أسفين للشرح الكثير ومسيخ
|
Post: #487
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-24-2006, 03:07 AM
Parent: #1
مكرر
|
Post: #488
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-24-2006, 03:07 AM
Parent: #1
ســان ديـق = (سان ياقو)
في سـان ديق نزل والليلة حـولين تـمّ
قاسـي صـعيـب بعادوا وبالبهادل عــمّ
إن بالحي قـدل وكان فوقو ناصـر لـمّ
جاب مسـدار تمام سـوّا القصـيد والنمّة
ود الشايقي
|
Post: #489
Title: Re: مسادير يا أهل المسادير إلى ما شاء الله........
Author: munswor almophtah
Date: 07-24-2006, 03:20 AM
Parent: #488
يا الشايقى الغزل فجاتو ناس الكبره وقناصن لبد كجامتو خاطيه الهبره بريب التمام بحواهو كلبو بتبره ما بعيق ماخدن وام الرضيع العبره
منصور
|
Post: #490
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-24-2006, 05:12 AM
Parent: #1
Quote: يا الشايقى الغزل فجاتو ناس الكبره وقناصن لبد كجامتو خاطيه الهبره بريب التمام بحواهو كلبو بتـبره ما بعيق ماخدن وام الرضيع العبره
منصـور |
حـرقت فرقـتو ال عشـاقو مي منـسـترة
يا منصور .. ختر.. مرنوع ومو زول خترة
سال دمّـاع وحاكى من الهـميع (النتـرة)
عاشـقو وجيع.. شغلتو بقت .. محاية وبخـرة
ود الشايقي
|
Post: #491
Title: Re: مسادير يا أهل المسادير إلى ما شاء الله........
Author: munswor almophtah
Date: 07-24-2006, 12:38 PM
Parent: #490
متل السيسبانه طويله شايله الشكره
ومى قداله ساكت حايزه كمين فكره
أبوها من الجنيد عسلايه أمها بكره
شراقة الحلوق مشرق نخيلة الكتره
منصور
|
Post: #492
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-25-2006, 07:34 AM
Parent: #1
صـافية مبطـرة وطيابـة ماهـا الـ عـكرة
سـمـحـة سـيرة للطـاريهــا طـيبة ذكـرى
مـرقة ماهـلـة طـلـة خايلـة قدلـة مهـرة
نـضـم العارفة كان طلبوهـا شـونـة مسـرة
ود الشايقي
|
Post: #493
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 07-25-2006, 02:39 PM
Parent: #492
دا خريف البطانة الفيها مالو مشارك هيلو السارحة..هيلو الصاهلة..هيلو البارك ما وقعلك كلامي ساكته لشنو اخبارك فخرك وددكين جاك في فريقك زارك
|
Post: #494
Title: Re: مسادير يا أهل المسادير إلى ما شاء الله........
Author: munswor almophtah
Date: 07-25-2006, 02:57 PM
Parent: #493
يا المنسى الخريف فى دار شكر متبارك وكم مرحات أرايل باسطه النفوس بتبارك فتاق للعيوش ضحاك المسن البارك وللأرنوب دفق رزق الفريك بتشارك
منصور
|
Post: #495
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 07-26-2006, 03:32 PM
Parent: #494
يسلم فاك يا منصور ابياتك تنزل على الجسم النحيل نزول ترتيبة الام الحنون في صدر مولودها وفقك الله الاخ منصور ولك منا كل الود والتقدبر والاحترام
مرحب حباب العزو ماهو الفاية أبناراً تولع للضيوف دفاية بشيخ العرب الأفتخار ما كفاية التابعو أن جانا بنفخربو ونخدمو حفاية
|
Post: #496
Title: Re: مسادير يا أهل المسادير إلى ما شاء الله........
Author: munswor almophtah
Date: 07-26-2006, 04:28 PM
Parent: #495
صـافية مبطـرة وطيابـة ماهـا الـ عـكرة
سـمـحـة سـيرة للطـاريهــا طـيبة ذكـرى
مـرقة ماهـلـة طـلـة خايلـة قدلـة مهـرة
نـضـم العارفة كان طلبوهـا شـونـة مسـرة
سمحه وبنت ملوك وإنسانه شايله الشكره ومتل الريحه فى القاروره مى منتشره شوف الفصيد يالشايقى شيش بى ستره وحادقه المشرقه الميها الدليهه الشتره
منصور
|
Post: #497
Title: Re: مسادير يا أهل المسادير إلى ما شاء الله........
Author: munswor almophtah
Date: 07-26-2006, 04:40 PM
Parent: #496
مرحب حباب العزو ماهو الفاية أبناراً تولع للضيوف دفاية بشيخ العرب الأفتخار ما كفاية التابعو أن جانا بنفخربو ونخدمو حفاية
هديك الناقه فى الخشه وهداك وكايه هديك الموس مطرقه ذاهبه ديك لدايه الناس من طرف كفوها كان كم تايه ما تبخل عليهم كان عدمنا حوايا
منصور
|
Post: #498
Title: Re: مسادير يا أهل المسادير إلى ما شاء الله........
Author: Nasr
Date: 07-27-2006, 04:52 PM
Parent: #1
يا لافايني في الزمن الغلط فكيني أنا زماني روح ناحت عليهو سنيني إتكالبت غصص الزمن سدت علي شرياني ومات فناني الحزون النغمو كان بشجيني
|
Post: #499
Title: Re: مسادير يا أهل المسادير إلى ما شاء الله........
Author: munswor almophtah
Date: 07-27-2006, 06:19 PM
Parent: #498
يا لافايني في الزمن الغلط فكيني أنا زماني روح ناحت عليهو سنيني إتكالبت غصص الزمن سدت علي شرياني ومات فناني الحزون النغمو كان بشجيني
الزمن إن قسالك شن بسوى حبيبك ولازم يرضى بى حكم الزمان ما يسيبك إن فاتك غلط وأكان طردتو بعيبك وعارف قدرو زيك والبصيبو بصيبك
منصور
|
Post: #500
Title: Re: مسادير يا أهل المسادير إلى ما شاء الله........
Author: Nasr
Date: 07-27-2006, 07:35 PM
Parent: #1
تسلم يا منصور من كل شر قدرت علي غايتو شغال لي في حاجات كده لكن أظنو وداي عبقر مغلق للتحسينات
|
Post: #501
Title: Re: مسادير يا أهل المسادير إلى ما شاء الله........
Author: Nasr
Date: 07-28-2006, 12:49 PM
Parent: #1
يا منصور أخوي أريتو خاطرك طايب درب الغرام جايبلو مطرا شديد وهبايب وسهر ليالي تطول وتلاتل ؤ مصايب هو ذاتو شن معناه غي زولاً مجلكن وشايب
|
Post: #502
Title: Re: مسادير يا أهل المسادير إلى ما شاء الله........
Author: Nasr
Date: 07-28-2006, 12:53 PM
Parent: #1
مرحب حباب الشايقي ضو البيت ما تقول بالرد عليك ضنيت شاغلاني مشاغل الشغل والبيت وشاقياني شلاقة الشايقي البقول دوبيت
|
Post: #503
Title: Re: مسادير يا أهل المسادير إلى ما شاء الله........
Author: munswor almophtah
Date: 07-30-2006, 03:53 AM
Parent: #502
يا منصور أخوي أريتو خاطرك طايب درب الغرام جايبلو مطرا شديد وهبايب وسهر ليالي تطول وتلاتل ؤ مصايب هو ذاتو شن معناه غي زولاً مجلكن وشايب
مافيش زول بعجز وفى الفياقرا عجائب ما فيش كش ولد مضمون دا كش الشايب الزول كان كبر عسل الكبور الدايب وأقفات فوق طريقو أمات خريفا جايب
منصور
|
Post: #504
Title: Re: مسادير يا أهل المسادير إلى ما شاء الله........
Author: الناظر
Date: 07-30-2006, 05:04 AM
Parent: #1
يا منصور اخوى و الله الليلة عندى ليك حكاية ود عشابى طرى البلد و شال الشنط مليانا هداية الشنطة الصغيرة دفسى فياقرا حالف يجيب الداية قال يوم السماية التمر و العيش اتوزعن بالكباية الزول ان كبر يا منصور حقـو يتكامل المصلاية
|
Post: #505
Title: Re: مسادير يا أهل المسادير إلى ما شاء الله........
Author: munswor almophtah
Date: 07-30-2006, 02:39 PM
Parent: #504
ود عيشابى يا الناظر حكايتو حكايه وداك السكرى الملعون براهو برايه شييل فى الفياقره أكان يسوى سمايه ما بتنفع عليقه أكان بلع مخلايه
منصور
|
Post: #506
Title: Re: مسادير يا أهل المسادير إلى ما شاء الله........
Author: munswor almophtah
Date: 07-31-2006, 02:35 PM
Parent: #505
يا ود عيشابى وين يا زول طفشتا ورحتا فارقت الكبور فى درب الغروب طب دحتا أحسن صد هناك....حب الديار كم بحتا يا مسك الطرب فى أرواحنا جلتا وسحتا
منصور
|
Post: #507
Title: Re: مسادير يا أهل المسادير إلى ما شاء الله........
Author: munswor almophtah
Date: 08-02-2006, 02:52 AM
Parent: #506
ود عيشابى جاك يا الكبره لمى زبادك ولمى البكره فيك لميهو وادى جدادك الورل القبيل تحت الحراز دودابك والدقر الملص عراقى فوق الشابك
منصور
|
Post: #508
Title: Re: مسادير يا أهل المسادير إلى ما شاء الله........
Author: Nasr
Date: 08-02-2006, 12:40 PM
Parent: #1
أنا زولي البريدو كالبهيمة سعاني وفي لحظة عدم تكاني ضبحني وللكلاب غداني وأنا ظنيته غشامة الصنج عامياني مازال ريدو يفرهد جنان في كياني
|
Post: #509
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 08-03-2006, 08:23 AM
Parent: #508
الاخوة الكرام اهل المسدار...
عامرة بيكم دار الاخ المنصور...
عدت بعد انقطاع والعود أحمد... أتمنى ان يطاوعنى الحرف كما كان....ولئن عصانى فامفتاح فى يد اخى المنصور...
|
Post: #510
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 08-03-2006, 08:25 AM
Parent: #508
الاخوة الكرام اهل المسدار...
عامرة بيكم دار الاخ المنصور...
عدت بعد انقطاع والعود أحمد... أتمنى ان يطاوعنى الحرف كما كان....ولئن عصانى فالمفتاح فى يد اخى المنصور...
|
Post: #511
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2006, 12:46 PM
Parent: #510
وين يا يحى نحن نهاتى بيك يوماتى وين كلب القنيص وينو اللإصهيب وعاتى درنا أمات فصيد درنا الغزال الشاتى فى صنق أبضلوع أرواحنا ليهو تهاتى
منصور
|
Post: #512
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2006, 03:30 PM
Parent: #511
ود عريان.....هبانى ماحبيتو
شايل للقلم مقلامى ليهو هديتو
إزميل السجم تاشيبو مارق زيتو
مارق حرمة المستور وناتف خيتو
منصور
|
Post: #513
Title: Re: مسادير يا أهل المسادير إلى ما شاء الله........
Author: أحمد الشايقي
Date: 08-11-2006, 06:28 PM
Parent: #512
هـول مقلام أكيـد نجّمتو ما داعـيتو
متعـوس الأنيس والمتلو ياما سعيتـو
تيلاد البهـم مزروق سـمومو حويـتـو
شايتو كسـر شكال مكيّة يوت داويتـو
ود الشايقي
|
Post: #514
Title: Re: مسادير يا أهل المسادير إلى ما شاء الله........
Author: munswor almophtah
Date: 08-12-2006, 03:06 AM
Parent: #513
هـول مقلام أكيـد نجّمتو ما داعـيتو
متعـوس الأنيس والمتلو ياما سعيتـو
تيلاد البهـم مزروق سـمومو حويـتـو
شايتو كسـر شكال مكيّة يوت داويتـو
ود الشايقي
شايقيا فصيح سمح الحروف خاويتو والنسناس هلكنا بخورو فايح ظيتو بنراعى الأصول قادرين نطلع زيتو ما بندور هبوب وإن درتا كان داويتو
منصور
|
Post: #515
Title: Re: مسادير يا أهل المسادير إلى ما شاء الله........
Author: أحمد الشايقي
Date: 08-12-2006, 04:48 AM
Parent: #1
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
ود الشايقي
|
Post: #516
Title: Re: مسادير يا أهل المسادير إلى ما شاء الله........
Author: munswor almophtah
Date: 08-14-2006, 02:11 AM
Parent: #515
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
بقيت زول مـطامير بالعيوش تملاها وتسرفا طب رزق حق الطيور برجاها بتابك مشون كرر العجول بملاها وكوديقك جبالا للدعول بكلاها
منصور
|
Post: #517
Title: Re: مسادير يا أهل المسادير إلى ما شاء الله........
Author: nashaat elemam
Date: 08-14-2006, 03:07 AM
Parent: #516
يا منصور أخوي الشوق دفرنا حداكم من وسط العجاج هبر القليب ناداكم صادقين في الوداد وقليبنا ما عاداكم وان عدا القراب تلقوهو تب عداكم
|
Post: #518
Title: Re: مسادير يا أهل المسادير إلى ما شاء الله........
Author: munswor almophtah
Date: 08-14-2006, 01:51 PM
Parent: #517
يا منصور أخوي الشوق دفرنا حداكم من وسط العجاج هبر القليب ناداكم صادقين في الوداد وقليبنا ما عاداكم وان عدا القراب تلقوهو تب عداكم
نشأت يا اللصم يوماتى بقرأ كلامك حالى عسل طلح كضاب يمين من لامـك وشوقك فايتو شوقنا ويا شقيق أيامك عاشق للوطن شاجيهو واهبو أحلامـك
منصور
|
Post: #519
Title: Re: مسادير يا أهل المسادير إلى ما شاء الله........
Author: munswor almophtah
Date: 08-14-2006, 02:09 PM
Parent: #518
ضـرّيت الشـون منصـور تكلتو ضـراهـا
وكلّقـت القصـيب بتّاب عـويش باراهـا
مـن طاري الهبوب ياك الدرت محـراها
حـرّك شـقّـت الدلجـة وهـواك سـفّـاها
جابيق القصب قندولو بتنى شراها
ومارتيق الضحى الموريق بنز لتراها
زرزورا بيجض لبن النقد كداها
لا كشكوش ولا مجداعه منو حماها
منصور
|
Post: #520
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 08-14-2006, 02:16 PM
Parent: #1
|
Post: #521
Title: Re: مسادير يا أهل المسادير إلى ما شاء الله........
Author: munswor almophtah
Date: 08-15-2006, 12:23 PM
Parent: #520
ود عدلان حبابك وبالبنمو سمحتا وبابا للطرب من دون علمنا فتحتا البيت ياهو بيتك للقلوب دى شرحتا وصادق النيه واهب للجميل دا منحتا
منصور
|
Post: #522
Title: Re: مسادير يا أهل المسادير إلى ما شاء الله........
Author: munswor almophtah
Date: 08-16-2006, 02:05 AM
Parent: #521
أبقلبا رهيف عاشق الغزال فى الوادى عاشق صوت كنار مغنون مشذب هــادى عاشق القمرى فوق فرع المريخ النادى مالك قلبو داك سايح الفريع الشادى
منصور
|
Post: #523
Title: Re: مسادير يا أهل المسادير إلى ما شاء الله........
Author: munswor almophtah
Date: 08-16-2006, 02:21 PM
Parent: #522
رافت سيب بيان وأكتب جميع الدايرو أكتب فى الجمال سمح العيون ومسايرو الناس فى إختلاف والليك بتصبح زايرو والكان مابى داك إن جاك بتصبح دايرو
منصور
|
Post: #527
Title: Re: مسادير يا أهل المسادير إلى ما شاء الله........
Author: رأفت ميلاد
Date: 08-19-2006, 03:44 PM
Parent: #523
Quote: رافت سيب بيان وأكتب جميع الدايرو أكتب فى الجمال سمح العيون ومسايرو الناس فى إختلاف والليك بتصبح زايرو والكان مابى داك إن جاك بتصبح دايرو |
Quote: يا منصور حبابك ألف و يعلى كتير فى مقدارك شان طقيعنا شين و أشتر شلناهو غادى من دارك من د.نجاة ما تشفق البينا عامره وكله متبارك فى راسى شيتآ شتر خليك فريب كان غرق منك أدارك |
|
Post: #524
Title: Re: مسادير يا أهل المسادير إلى ما شاء الله........
Author: أحمد الشايقي
Date: 08-19-2006, 03:19 AM
Parent: #1
عيشـك حر نضم شبه الرزم قرنيتو
وكليقـك فهـم ماك المكرّب بيتـو
الخالـف يمين جـزّ القمح واسيتو
والمعنى الغميس زي الأتر قصّـيتو
ود الشايقي
|
Post: #525
Title: Re: مسادير يا أهل المسادير إلى ما شاء الله........
Author: munswor almophtah
Date: 08-19-2006, 01:25 PM
Parent: #524
بى جوز بقرى داك شقيت قريرى كتحتو مو بى عيش علوق تيرابى قمحو عزلتو نجح الخيرصان عقبالنا جاتنا مطرتو قصبا منو قام سيقان بنات دثرتـــو
منصور
|
Post: #526
Title: Re: مسادير يا أهل المسادير إلى ما شاء الله........
Author: حجة امنة
Date: 08-19-2006, 01:29 PM
Parent: #525
وكتين الفراق سنن ..وسل سنونو
شلنا العقاب ..كيفن نكون من دونو
يا حبان .. بلاكم طار البال وجن جنونو
اقعد و اركز تب.. بيكم يروقو شجونو
حجة امنة
|
Post: #528
Title: Re: مسادير يا أهل المسادير إلى ما شاء الله........
Author: munswor almophtah
Date: 08-19-2006, 03:49 PM
Parent: #526
وكتين الفراق سنن ..وسل سنونو
شلنا العقاب ..كيفن نكون من دونو
يا حبان .. بلاكم طار البال وجن جنونو
اقعد و اركز تب.. بيكم يروقو شجونو
حجة امنة
حاجه أمونه روقى القام مشرق برجع وبرجع بالكتير صاريهو شوق ما بجدع الماسكك قليل والماسكو داك كم بفجع وزى لهب الكماين فى الحريق كم بدع
منصور
|
Post: #529
Title: Re: مسادير يا أهل المسادير إلى ما شاء الله........
Author: munswor almophtah
Date: 08-19-2006, 06:06 PM
Parent: #528
وكتين الفراق سنن ..وسل سنونو
شلنا العقاب ..كيفن نكون من دونو
يا حبان .. بلاكم طار البال وجن جنونو
اقعد و اركز تب.. بيكم يروقو شجونو
حجة امنة
الزول إن ختر تبقالنا قاعده عيونو ما بنخونو تب سنن المحنه بهونو ما بنحرق مراكبو وفيهو نبنى ظنونو زى لبن الحليب نرجاهو فى ماعونو
منصور
|
Post: #530
Title: Re: مسادير يا أهل المسادير إلى ما شاء الله........
Author: munswor almophtah
Date: 08-19-2006, 06:21 PM
Parent: #529
المره كان بقت طرشانه مابتيبراك وكل ما تقول كلام سافهاهو مى سامعاك دق صدرك عديل بريب خدور برجاك وتبقى الكينيا ديك مسواك جحيما أراك
منصور
|
Post: #531
Title: Re: مسادير يا أهل المسادير إلى ما شاء الله........
Author: munswor almophtah
Date: 09-05-2006, 04:49 PM
Parent: #530
الجقليب رقد والطير بجض فى الوادى شافلوا ضباع غضب كضاب بجيها يعادي الزول أكان ظلم بلغ الفجور متمادى شن فايدتو غير زاد للصقور مين فادى
منصور
|
Post: #532
Title: Re: مسادير يا أهل المسادير إلى ما شاء الله........
Author: أحمد الشايقي
Date: 09-20-2006, 07:45 AM
Parent: #1
المنصـور وبقية المجادعين,
كل عام وأنتم بخير
ورمضان كريم
وتصوموا وتفطروا على خيـر,
أحمـد الشايقي
|
Post: #533
Title: Re: مسادير يا أهل المسادير إلى ما شاء الله........
Author: munswor almophtah
Date: 09-20-2006, 02:30 PM
Parent: #532
يالشايقى الصيام جانا وحزنا مغور والجرح القديم فتقوهو نبلو متور ناديه شريك كلامنا البى كلاما ندور فاقده شريك حياتا وجوفا داك متعور
ربنا يلهمها الصبر ويجعل الصيام رحمة بينهاوالحزن ثم يقبل ويتقبل صيامكم وصالح الأعمال جميعكم فردا فردا
منصور
|
Post: #534
Title: Re: مسادير يا أهل المسادير إلى ما شاء الله........
Author: munswor almophtah
Date: 09-24-2006, 02:18 AM
Parent: #533
ضبانة أم قربين........عليك ناشيها زى عين التتك صاريها... فيك ماليها النار فى الفؤاد والروح محرقه فيها كل أطراف عضاى...جمر العذاب شاويها
منصور
|
Post: #535
Title: Re: مسادير يا أهل المسادير إلى ما شاء الله........
Author: munswor almophtah
Date: 11-09-2006, 04:03 PM
Parent: #534
يا ود يوسف تعال ورينا صيد دار ريح وقبال شوفو داك دامى القليب وجريح الزول البهاتى ونذرو واهبو ضريح وفوق نار شوقو سابل ضمه مره طريح
منصور
|
Post: #536
Title: Re: مسادير يا أهل المسادير إلى ما شاء الله........
Author: munswor almophtah
Date: 11-09-2006, 07:27 PM
Parent: #535
سمى الأنبياء الخوجال غرامو غزال وجؤذر من مراح وضاح وغنجو دلال ود يوسف تعال خبرنا وصفو محال وجهرت عينو عينا وصوتو صاطنا زلال
منصور
|
Post: #537
Title: Re: مسادير يا أهل المسادير إلى ما شاء الله........
Author: munswor almophtah
Date: 11-10-2006, 03:16 AM
Parent: #536
عاطلين الفكر قايلين حقوقهم سائبه مو ضايقين دواسهم فى النقيعه الدايبه ولدات صلاح ميها المدنقره خايبه مى خازية عروض حاشاها طب مى عايبه
منصور
|
Post: #538
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-10-2006, 04:17 PM
Parent: #537
الاخ المنصور
تحياتي واشواقي
سعدت ايما سعادة لدى تصفحي هذا البوست التوثيقي الرائع ونامل ان يتواصل عطاؤكم ونحن متابعون بنهم وشوق شديدين.
الاخت الاستاذة الشاعرة سمية حسن طلحة مقيمةحاليا بسلطنة عمان ومن المهتمين بمتابعة هذا البوست ولديها الكثير والشيق الذي يمكن ان تسهم به في رحاب هذا البوست . لم تنضم الاستاذة الشاعرة سمية لعضوية المنبر رغم ثقتنا بان عضويتها تمثل اضافة حقيقية للمنبر العام .
ايضا اسرة الاستاذة سمية لها اهتماماتها ببرنامج شوارد الذى تقدمه الاستاذة كوثر بيومي على الفضائية السودانية . لدى متابعتها اخر حلقة من هذا البرنامج استمعت للشاعر ود الشوبلي ( وزير دفاع خيمة الحاردلو) وهو يمجد شقيها المجتبي ومن ثم رات ضرورة الرد عليه بقصيدة من انتاجها الشخصي حيث قالت الى يوسف القسم الشوبلي الشاعر الفذ ما يلي ك-
ود الـــشـوبلي وزيـــر دفــــاع الســاحـة التلب العلي ضهرو نامت العيون مرتاحة الـــحــبــوك مــسـروريــن تـمـلي فراحـة الــكـازوك مـــغـدوديـن صـدوا قـمـاحـــة
فوق سمي جدو (محمد المجتبى) الداخرينو لي حوبتنا ركـــــــازة الـعـشــامـــــة الـبـغـيـث صـايـحــتـنـــــــا قــــدحـك جــانــا يـــــا ود الـــرتـوت وبــســطــنـــــا صحَّ لسانك ات يا الصاقعـة ام حـمـــويـــاً يـسـنـــــــا
وريث الفهم شاعر ام هبج الماهلة فصيح اللغة الخصبة ماها القاحلة غزير المعاني في الدهور الماحلة دا ساساً ممتن ما هو طينتاً راحلة
يــــــا ود الـــــكرام انشــــاء الله ما عدمناك الــقصـوا دربـــك مـا قــدروا لـيــهــو زباك لـــقـوا دربـك زلــق بــتعرف مشـيهو براك ماسمعوا المثل (المكتولة مابتسمع الكوراك؟)
كـضـبـوا القالوا في دربك بنـصبوا شباك وكضبوا القالوا من بحرك بصيدوا سماك اســد الــكــجــوجـات الــصــعــب مـلقاك مـــن شــر الـحـســــود يـحـفظـك مـولاك
تـعـبـــوا الــدودروك وقـجـقـجـوا الشَّراك قول لي الماسك الدرب اتهيرتَ شن ودَّاك يا مــلـك الـشـعـر الـفــريـد فـي سـمــــاك ما خـتـيـت واحــدةً تحسكن لي من تالاك
اقــبــل مـنـــي ابـيـــات قـاصـرة عن معـنـاك ومن سلطنـة عمان تحية ليك يا نجم في علاك راجـيـيـن الـكــــريـم يـسـعـدنـــا بــلـقـيــــاك على ارض الوطن نجتمع في دار اهلنا هنـاك
اطيب المنى
|
Post: #539
Title: Re: مسادير يا أهل المسادير إلى ما شاء الله........
Author: munswor almophtah
Date: 11-11-2006, 03:53 AM
Parent: #538
ودشيقوق حبابك جيتنا بى ناس نظمك وجيتنا وجبت بت طلحه البتعرف نضمك البيت ديمه فاتح وعرضو يوسع حجمك وواسع ومره ماهل وفيهو رخرخ لجمك
منصور
|
Post: #540
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-11-2006, 06:55 AM
Parent: #539
كتر خيرك يا المنصور جبرت خاطرناوجبرت خاطر بت القبائل الجات فازعة في ديارك واصلوا يا اخوى :
كسار الخواطر اصلوا ما بتدارك ما تجيه اجواد ما بشرفوا مقدارك ان دخلوا الصالحين في حاجتو ما بتتبارك اوعك تامنوا يا المنصور اخوى وان كان جارك
شيقوق
بنعود لك
|
Post: #541
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-11-2006, 06:20 PM
Parent: #540
Quote: الله يرحب بيك يا منصور حديثك يجبّر المكسور مرآ ك يفكك الساجور نعمنك محيطا يبلع فى بطنو بحور نعمنك محيطا يبلع فى بطنو بحووووور
سميه الحسن طلحة
|
|
Post: #544
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-12-2006, 05:14 PM
Parent: #541
يا منصور اخوي
الباب البجيب النقرة افضل سده والجنس الفسل ابعد بعيد من رده معلوووووووووووم الكلب ما بخلي عادة جده وجلد الحر رهيف اقل حاجة تقدو
تحياتي
|
Post: #545
Title: Re: مسادير يا أهل المسادير إلى ما شاء الله........
Author: munswor almophtah
Date: 11-12-2006, 06:50 PM
Parent: #544
ود شيقوق جميل الخير حرام ما بعدو وحد الله العديل فى شان أزاك بتعدو الكلب إن ترك خلاها عادة جدو حال إبليس أخير فاتوهو حول ميس ندو
منصور
|
Post: #542
Title: Re: مسادير يا أهل المسادير إلى ما شاء الله........
Author: munswor almophtah
Date: 11-11-2006, 06:27 PM
Parent: #540
أأأخ يا الطيب الكساف بخيل موفالك وكان دعيت عسل فى حلقو ما برتالك نساى للجميل قناص بدور شين حالك وشناف عند قفاك أختاهو ريح بالك
منصور
|
Post: #547
Title: Re: مسادير يا أهل المسادير إلى ما شاء الله........
Author: munswor almophtah
Date: 11-13-2006, 03:08 PM
Parent: #542
العيد يا جناييت نسماتو هبت جاتنا بين غربة وشجن صارت مسيخة حياتنا لمتين يا كريم ترجع تعود لماتنا في بيتنا الكبير تسطع نجوم ليلاتنا
مجاهد عبد الرحمن
بى ساق كلب فتش كلامك جبتو مانى بقصتا منو حاشانانى طب ما زدتو يامجاهد سلام سمح العوايد قلتو لكن عيدنا عيك لبن الطيور كان درتو
منصور
|
Post: #548
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-13-2006, 03:27 PM
Parent: #547
يا المنصور اخوى
ماني القابض اب قرشا وراء اضراسو وماني الخائب التكى للصواويط راسو انا الديمة مشغول بذمامتو وكفكفة تراسو
مودتى
|
Post: #549
Title: Re: مسادير يا أهل المسادير إلى ما شاء الله........
Author: munswor almophtah
Date: 11-13-2006, 03:29 PM
Parent: #547
إسمك يا سميه من البطاحين ظاهر وناس ود طلحه ديك عمده ونقاهم طاهر عربان ناس كلام والعجمى فيهم ماهر وسمحين صيد خلاء وبقاق عيونهم جاهر
أنا أخو ودعلى عيش الجاب بقادى
منصور
|
Post: #550
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-13-2006, 03:38 PM
Parent: #549
كتر خيرك المنصور والاخت سمية نعم من البطاحين ومشهورة بنظم الدوبيت الدوبيت وابوها نعم بطحاني شاية وراية .
بتجي يا اخوى بتعقب هسه على كلامك الحلو ده يا المنصور
لك مودتى شيقوق
|
Post: #551
Title: Re: مسادير يا أهل المسادير إلى ما شاء الله........
Author: munswor almophtah
Date: 11-13-2006, 03:54 PM
Parent: #549
ماني القابض اب قرشا وراء اضراسو وماني الخائب التكى للصواويط راسو انا الديمة مشغول بذمامتو وكفكفة تراسو
مودتى
إيدك باهله فايت الحدود بتواسو ما بتعرف تتر كاسر الأسود بتداوسو يا ابصدرن مفكك عافى من ناس عاسو عافى الرقبه للزول البتقدر باسو
منصور
|
Post: #553
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-14-2006, 06:00 AM
Parent: #551
Quote: ما بتعرف تتر كاسر الأسود بتداوسو |
المنصور اخوى (ما بتعرف تتر) دى مافي حد بيعرفها هنا - الترة تستعمل للجمل عادة ليرجع خلف . وناس العصارات التي تحرك بالجمال عادة بيقولوا للجمل تر يعنى ارجع شوية والجمال صارت تفهم هذا المعنى من اصحابها .
مودتى
|
Post: #554
Title: Re: مسادير يا أهل المسادير إلى ما شاء الله........
Author: munswor almophtah
Date: 11-14-2006, 03:42 PM
Parent: #553
حبابك حبابك ياالكتير بتابك ومخنوق للحلق من خيرو داك قسابك من تبيت شغيل عاقبنو داك ديدباك وخابرين عوس مكارمك يا الكريم تيرابك
منصور
|
Post: #555
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-15-2006, 00:46 AM
Parent: #554
بريد العيش بريد يوم المريسة كتيييييييييييييييرة بريد الدقة صافية الموية فيها قلييييييييييييييلة انا بستغرب في الزول البيابهو صاااااااااااااافي وبيأكلوا بليلة
مودتى
|
Post: #556
Title: Re: مسادير يا أهل المسادير إلى ما شاء الله........
Author: munswor almophtah
Date: 11-15-2006, 03:08 AM
Parent: #555
العيش خرشو زين مطاله واللا عصيده فكة ريق تجبرك منو مره مديده قراصة كبيق فوق راسا سمنه شديده فوقا عسل نحلنا وكم محنه بعيده
منصور
|
Post: #557
Title: Re: مسادير يا أهل المسادير إلى ما شاء الله........
Author: munswor almophtah
Date: 11-15-2006, 03:32 AM
Parent: #556
فتاح وين جدع ودران مسجل غائب وين ميس كولك المعلوم فقدنا عجائب المنبر رجف ضارباهو ضمه هبائب وفاتك فيهو كمين سيك وكش الشايب
منصور
|
Post: #558
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-15-2006, 06:32 AM
Parent: #557
العيش خرشو زين مطاله واللا عصيده
Quote: العيش خرشو زين مطاله واللا عصيده فكة ريق تجبرك منو مره مديده قراصة كبيق فوق راسا سمنه شديده فوقا عسل نحلنا وكم محنه بعيده |
منصور اخوى
العيش العايش للعوج عدال فراقك فرق الديش وهدم التّكال اكان داير تبقى في القبيلة مشار عليك من بدر بى ضهر الكبور والنار
لك معزتي
|
Post: #559
Title: Re: مسادير يا أهل المسادير إلى ما شاء الله........
Author: munswor almophtah
Date: 11-15-2006, 12:16 PM
Parent: #558
كره ياالطيب من ملوك الرومانس فى بلادى يبيع الطلح ماروقا للنساء ويتوخى أناث الطلح الضواعة الفواحه ويعرف مواعيدالشربه ومواعيد الغب له عباره مأثور يقول لك (العيش يشرب ولا يؤكل) وهو كذلك شريب ظريف وعفيف عليه رحمة الله وكان من زبانية فاطنه السكر
الديش مالو ما شاف الحدود مهتوكه مالو على التكل ناسيها مى دلوكه الزول البشيل السيف ويسيب سلوكه شن فايدة قيادتو والبطون مهلوكه
منصور
|
Post: #560
Title: Re: مسادير يا أهل المسادير إلى ما شاء الله........
Author: munswor almophtah
Date: 11-15-2006, 03:57 PM
Parent: #559
الناس فى القومه والقعده بتدور العيش بدورو صوامعو واقفه...دايرين متانة الخيش الزول كان كبر والوش ملا الكرميش ما برضى الحقاره أكان بداها الديش
منصور
|
Post: #561
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-15-2006, 04:11 PM
Parent: #560
حش العيش ابقى حسيس بجيب النقدى شنحيبا بداوي السيس بعد ما العيش يبقى في تحسيس ( يكون غالي) تلقى الفلوة للملوة جالبة قصيص
|
Post: #562
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-15-2006, 04:17 PM
Parent: #561
Quote: سلام اهل المسا د ير سلام من البطا حيين ياوجووه الخير سلام ل أب جهينه كتير تسلم آ منصور اخو ودعلى ال بى عقابنا خبير ونرفع شعار البطاحين وهو :_ من منا ولا منه كضبوا القا لوا متلنا بسوق العوق عا طلنا وبكفى مراره فسلنا وود الشلهمه قا ل:ـ نحنا ال من خبرنا بتسأ ل البنوت نحنا بنفدى ستير العروض با لموت نحنا الفرسه نبنيها ونسيها بيوت ونحنا ورانا نا س ما رح فضلة الحوت
ولكم تحيا تى
سمية الحسن طلحه |
لكم فائق الاحترام
الاستاذة سمية الحسن طلحة
|
Post: #563
Title: Re: مسادير يا أهل المسادير إلى ما شاء الله........
Author: munswor almophtah
Date: 11-16-2006, 03:09 AM
Parent: #562
يوم وصفو الكرم نسبوهو طب بطحانى فى بودليق هناك حسبوهو للقحطانى يات من قال شداعة الناس عديل خاصانى مو عارفين نسلكم سيدا طب حقانى
منصور
|
Post: #564
Title: Re: مسادير يا أهل المسادير إلى ما شاء الله........
Author: munswor almophtah
Date: 11-16-2006, 03:02 PM
Parent: #563
حش العيش ابقى حسيس بجيب النقدى شنحيبا بداوي السيس بعد ما العيش يبقى في تحسيس ( يكون غالي) تلقى الفلوة للملوة جالبة قصيص
التقى والمطامير بالعيوش مسروفه مافيش زول بجوع ما بتلقى طب مكسوفه الناس فى النعم غرقانه طب مكلوفه مافيش ناس عدم مافيش جياع معروفه
منصور
|
Post: #565
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-16-2006, 06:07 PM
Parent: #564
منصـــور الأصيــل أســــــد الـكجـوج النـّاتـر مـزاباتك مُـحال دربــــــــــك مشـيهو مـواتر أب رايـا ً ســديد مو محـتـاج قلـم لادفاتـر معـرفتك شـرف ياخريــــــــــــــــــف الـّدّايــر
************
يــاود المـكــــوك قـُـرَّح قـُوى وكواســــــــــر المكتـــــــوب من عنـوانـو واضــــــح وظاهر ياســيد البشـاشـة الماك قبيـح ومكاشـــر من وين في الأهل ياأب بحرا ً مِحمـِّر وداشـر
سمية الحسن طلحة
|
Post: #566
Title: Re: مسادير يا أهل المسادير إلى ما شاء الله........
Author: munswor almophtah
Date: 11-16-2006, 06:48 PM
Parent: #565
حماد الرجل تيراب على الكرار قال
نحن سياده مانا بياده والقبل التمانيه نحن أسياده الجرح المغور نحن ليهو عياده عن ساعة الكتال شرطا تجينا زياده
نحن عيال سرور وقت الضحك والفاقه نحن عيال سرور وقت الحديث إتمادى نحن عيال سرور وقت الحديد إتلاقى والجمل والبهيج مشهادنا ليهو الناقه
قولها يا الطيب قالك من السروراب وزول مدينه ساكت وأريتك كان سمعت أبحراحر خالد ودالطيب ودسليمان واللا إدريس ود اللعوير.....................
منصور
|
Post: #567
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-17-2006, 07:23 AM
Parent: #566
والله امتعتنا يا المنصور اخوى ونحن متابعين بشقف شدييييييييييييد
الاخت سمية بلغتها برسالتك وبتجيك ولو عندك علاقة ببكري نعمل ليها عضوية عشان تجادعك عدييييييييل
شوف سعد السعود الساها لى امبارح اسهر نومي واصبح في المعالق جارح قدر ما اقول اتوب واعملي عملا صالح ابى يتخلى ضوق عجوة شروق المالح
لك معزتى
|
Post: #576
Title: Re: مسادير يا أهل المسادير إلى ما شاء الله........
Author: الناظر
Date: 11-19-2006, 07:52 AM
Parent: #566
نحن عيال سرور كضاب البقول سوينا و اقفين كجسور ليرضى و المابينا المحتاج نساعدو و ما بنقول ادينا و الضعيف ندفرو نشاءالله بيدينا المال و العلم فينا من زمن ماضينا طالبين الكريم يزيدو و يحفظو لينا
|
Post: #568
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-17-2006, 08:04 AM
Parent: #1
من بنات النيل العظيمة ديارنا مُرسل ليك سلام إنتَ ومعاك أخوانا وهاك خبر البلد الحالو من أحوالنا باكيات الحروف ..محزون كمان مسدارنا وإن درتَ المزيد..شوي..وأتم أخبارنا
|
Post: #569
Title: Re: مسادير يا أهل المسادير إلى ما شاء الله........
Author: munswor almophtah
Date: 11-17-2006, 03:44 PM
Parent: #568
بنت النيل حبابك ملكه بنت ست دار ومرحبتين حبابك نجمه فى المسدار من ترهاقا والكنداكه حاشا غبار وناس المك نمر بى نصرو بلو الدار
منصور
|
Post: #570
Title: Re: مسادير يا أهل المسادير إلى ما شاء الله........
Author: munswor almophtah
Date: 11-17-2006, 06:37 PM
Parent: #569
شوف سعد السعود الساها لى امبارح اسهر نومي واصبح في المعالق جارح قدر ما اقول اتوب واعملي عملا صالح ابى يتخلى ضوق عجوة شروق المالح
سعد السعود طباك وإت فوق قارح وعند شقل الأراك بمراح بكارك سارح الشارقك ظبى ليك فى خلاك كم شارح وإن صديت بكون سعدو ومناهو الفارح
منصور
|
Post: #571
Title: Re: مسادير يا أهل المسادير إلى ما شاء الله........
Author: munswor almophtah
Date: 11-17-2006, 06:53 PM
Parent: #570
يوسف ود البدرى قال
أسياد نحلا قديم بالراى نحل ننحل وشن زاد الحديث بنبقالو شركة شل وقت القلب إفارق والكراع تنقل بنعرج عليهاإنشاء الله ترقد خل
وقال أبان الحرب العالميه الثانيه وهو ببورتسودان لأبناء عمومته والطليان والإنجليز كانت تهدر مدافعم ومطرالجبخانه ينهمر فوق الميناء قال
الإنذار ضرب والناس تصيح فى الميناء ويات من يقول الصاقعه وقعت فينا يا جنيات سرور ختولنا كلمه سمينه فى حنك هناك الناس تخبر الفينا
وحنك هى السروراب وتقرأ بفتح الحاء وكسر النون وتسكين الكاف
منصور
|
Post: #572
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-18-2006, 09:14 AM
Parent: #571
Quote: تيرابــــك عزيــــز طيــنــو ماهـــو مبنقـِر ودناسا ًرتــوت ماهُن عويــــــــت بازنقــر ياأب رسوة العلي ضهر المرادفة مصنقر ماختـّيت خجلة ً سيدا بمشــي مدنقـــر سمية الحسن محمد طلحة |
|
Post: #573
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-18-2006, 11:08 AM
Parent: #1
Quote: بنت النيل حبابك ملكه بنت ست دار ومرحبتين حبابك نجمه فى المسدار من ترهاقا والكنداكه حاشا غبار وناس المك نمر بى نصرو بلو الدار |
مرحبتين حبابك إت دخرى الدار ماجلاب عيوب.. يازينة الأخيار وماكَ الهويِّن لاكَ الإضينة الضار ياطارى البعيد.. بالكلام السار ومراعى الرسول فى وصيتو سابع جار
|
Post: #574
Title: Re: مسادير يا أهل المسادير إلى ما شاء الله........
Author: munswor almophtah
Date: 11-18-2006, 06:52 PM
Parent: #573
كتر خير أبوك وافر الضراع البار وفاصل المعضلات فارسا عيونو شرار سماك زى خناس صباره بتنت صبار وأمك ليها حصحص وفى الحريم إختار
منصور
|
Post: #575
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-19-2006, 04:23 AM
Parent: #1
Quote: كتر خير أبوك وافر الضراع البار وفاصل المعضلات فارسا عيونو شرار سماك زى خناس صباره بتنت صبار وأمك ليها حصحص وفى الحريم إختار |
طريتنى العزيز والدمع رقراق فرقنا الممات أصلو الفراق حرَّاق أتذكَّر فضايلو وليهو يوت بشتاق رفيع المكانة الجورو ماإنضاق ياسمح الشمايل ياكامل الأخلاق بسأل فى الكريم موزِّع الأرزاق إديهوالمكانة السامية فى الآفاق
|
Post: #577
Title: Re: مسادير يا أهل المسادير إلى ما شاء الله........
Author: munswor almophtah
Date: 11-19-2006, 02:48 PM
Parent: #575
نحن عيال سرور كضاب البقول سوينا و اقفين كجسور ليرضى و المابينا المحتاج نساعدو و ما بنقول ادينا و الضعيف ندفرو نشاءالله بيدينا المال و العلم فينا من زمن ماضينا طالبين الكريم يزيدو و يحفظو لينا
الناظر نسيت الديمه فاتو الميس نسيتم ناس فلان والشله فيها كديس وين الفى ملوص الديمه فيها حديث وين العند كنابى العيش وديمه جليس
منصور
|
Post: #578
Title: Re: مسادير يا أهل المسادير إلى ما شاء الله........
Author: munswor almophtah
Date: 11-20-2006, 02:46 AM
Parent: #577
الفين مراحب بالخريف الجانا مو رعدا بكضب رشو ما بغشانا مطرا بلو ظاهر زى تقول فى بطانا ناس ود طلحه عوووك أرحمونا كفانا
منصور
|
Post: #579
Title: Re: مسادير يا أهل المسادير إلى ما شاء الله........
Author: الطيب شيقوق
Date: 11-20-2006, 02:54 AM
Parent: #578
واحدين في البيوت مكبرين اعمامهم نوا بالعودة والزول ابو عوارض لامهم انقلب الصناديد والضرير قدامهم عيزو ابخمسة والماسكات عداد ايامهم
اطيب المنى
|
Post: #580
Title: Re: مسادير يا أهل المسادير إلى ما شاء الله........
Author: munswor almophtah
Date: 11-20-2006, 02:56 AM
Parent: #578
يا أبوبيان الفيك دوام محريه كم كمين بيان فوق صفحتك مقريه فوق بحرك ترد كل الخلوق قمريه يا دخرى الرجال أبشكرتا فرديه
|
Post: #581
Title: Re: مسادير يا أهل المسادير إلى ما شاء الله........
Author: munswor almophtah
Date: 11-20-2006, 03:30 AM
Parent: #580
طريتنى العزيز والدمع رقراق فرقنا الممات أصلو الفراق حرَّاق أتذكَّر فضايلو وليهو يوت بشتاق رفيع المكانة الجورو ماإنضاق ياسمح الشمايل ياكامل الأخلاق بسأل فى الكريم موزِّع الأرزاق إديهوالمكانة السامية فى الآفاق
ما قت كلامينا للجرح فتاق وما قلت الغدر بسيفو ليك فراق فقد الوالدين ضقناهو ما بنضاق والفردوس جميعهم بالشفاعه عتاق
منصور
|
Post: #583
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-20-2006, 08:20 AM
Parent: #1
Quote: واحدين في البيوت مكبرين اعمامهم نوا بالعودة والزول ابو عوارض لامهم انقلب الصناديد والضرير قدامهم عيزو ابخمسة والماسكات عداد ايامهم |
واحدين فى العقل فاتوا الكبار ومعاهم بشحد فى الكريم بالخير إتم مسعاهم لا بقاووا الضعيف لاشفنا شر فى دعاهم بى طول العمر ياربى ماننعاهم
|
Post: #584
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 11-23-2006, 05:16 AM
Parent: #583
يا المنصور جاتك تماضر شايلة المسادير مزن تروي أرواحنا بالمعسول بعد ما شقانا الحزن بتقولك أبشر موفور الضراع ماأختك معاندا الزمن لكن ما بترتا ليهو، دي ما درة نادرة غالية تمن
( أول مرة وآخر مرة .. على سبيل المداخلة منصور أخوي)
|
Post: #585
Title: Re: مسادير يا أهل المسادير إلى ما شاء الله........
Author: munswor almophtah
Date: 11-23-2006, 05:34 AM
Parent: #584
ود يوسف بجيك حرم على ما نسيتك وجيت فسراع خلاس لكن عقب ما لفيتك عاينت الدروب لا عند خناس كف جيتك وفوق قبل الجمال راكب قعودى بريتك
منصور
|
Post: #586
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-23-2006, 01:27 PM
Parent: #1
ماكاتال ضعيف وكت المعارك حرَّن ثابت ياجبل ورجلين عدوكا الفرَّن نسيتو النعال واصل جريو وإتمرَّن ياود القبايل البيكا يوت إتسرَّن
|
Post: #587
Title: Re: مسادير يا أهل المسادير إلى ما شاء الله........
Author: munswor almophtah
Date: 11-23-2006, 02:40 PM
Parent: #586
ماكاتال ضعيف وكت المعارك حرَّن ثابت ياجبل ورجلين عدوكا الفرَّن نسيتو النعال واصل جريو وإتمرَّن ياود القبايل البيكا يوت إتسرَّن
بريب دار غروب هشت ديارهن درن وفوق صنق ابضلوع شتن قفاهن شرن الزول مكتول قنيص طبق البنادق قرن ونوخ ناقتو فوق صفح القويز ما ترن
منصور
|
Post: #588
Title: Re: مسادير يا أهل المسادير إلى ما شاء الله........
Author: munswor almophtah
Date: 11-23-2006, 03:00 PM
Parent: #587
يا المنصور جاتك تماضر شايلة المسادير مزن تروي أرواحنا بالمعسول بعد ما شقانا الحزن بتقولك أبشر موفور الضراع ماأختك معاندا الزمن لكن ما بترتا ليهو، دي ما درة نادرة غالية تمن
ود يوسف خناس ناصحه ومحرقه قارحه داك سر الكلام مالكاهو طب مى جارحه عسلا كم مفيد جالباهو يوت كم شارحه نورا للعقول دافقاهو خير مى طارحه
منصور
|
Post: #589
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-24-2006, 05:11 AM
Parent: #1
Quote: بريب دار غروب هشت ديارهن درن وفوق صنق ابضلوع شتن قفاهن شرن الزول مكتول قنيص طبق البنادق قرن ونوخ ناقتو فوق صفح القويز ما فرن |
مزيون الطبع لكن حروفى القِصْرَن قدر ماقُت أقول أجيب المعانى الفرَّّن محقوقلك بكون وكلماتى زاتن ضِمرن مابوفوا الوصف حتَّى إن عِلن وإن درَّن
|
Post: #590
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-24-2006, 11:57 AM
Parent: #589
المنصور خريف الرازة ماكسدانة مابصد العشيمة مصفقة وقمحانة كتر خيرك إت ياالفنجرى اب جبخانة ناس ودطلحة حافظنلك حقوق ومكانة
|
Post: #591
Title: Re: مسادير يا أهل المسادير إلى ما شاء الله........
Author: munswor almophtah
Date: 11-24-2006, 12:20 PM
Parent: #590
المنصور خريف الرازة ماكسدانة مابصد العشيمة مصفقة وقمحانة كتر خيرك إت ياالفنجرى اب جبخانة ناس ودطلحة حافظنلك حقوق ومكانة
بنت الرجال أهل الثبات الزانا ما برمش صغيرهم كان تطرشق دانا طولك طول ملوك ياملكه فايت البانا عقلك زى جبال المالح الخمجانا
منصور
|
Post: #592
Title: Re: مسادير يا أهل المسادير إلى ما شاء الله........
Author: munswor almophtah
Date: 11-24-2006, 12:52 PM
Parent: #589
مزيون الطبع لكن حروفى القِصْرَن قدر ماقُت أقول أجيب المعانى الفرَّّن محقوقلك بكون وكلماتى زاتن ضِمرن مابوفوا الوصف حتَّى إن عِلن وإن درَّن
الصيد فى كبورهن بالبشاير مطرن وبي فرق السليم دفق القشيش ما بطرن فاح مسك القرون عبق الدعاشات عطرن وكرفنو أمات خديد دهب الأسيل ما فرحن
منصور
|
Post: #593
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-24-2006, 01:40 PM
Parent: #1
جات أم لهيج سمية مرحبتين يالعسل الدفق وودَّر معاهو الشين نوَّرتى البكان قمرك تمام ..دورين دوبيتى وكمان ظهرت طبايعك زين
|
Post: #594
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 11-24-2006, 03:29 PM
Parent: #593
ياالمنصور اخوى دارك دوهم عمرانة
بالخير والسمح عابقة وتملى ملانة
ودشيقوق هناك نمة وبت الحسن طربانة
داك نور تماضر باق و قلوبنا بكانة
معذرة فلسان الفرنجة الذى نتعطاه جبرا/يوميا اتلف حسس البادية ومنكم نتعلم...
|
Post: #595
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 11-24-2006, 03:33 PM
Parent: #593
ياالمنصور اخوى دارك دوهم عمرانة
بالخير والسمح عابقة وتملى ملانة
ودشيقوق هناك نمة وبت الحسن طربانة
داك نور تماضر باق و قلوبناليه بكانة
معذرة فلسان الفرنجة الذى نتعطاه جبرا/يوميا اتلف حسس البادية ومنكم نتعلم...
|
Post: #596
Title: Re: مسادير يا أهل المسادير إلى ما شاء الله........
Author: munswor almophtah
Date: 11-25-2006, 00:51 AM
Parent: #595
ياالمنصور اخوى دارك دوهم عمرانة
بالخير والسمح عابقة وتملى ملانة
ودشيقوق هناك نمة وبت الحسن طربانة
داك نور تماضر باق و قلوبنا بكانة
وين يا يحى إت والدار براك خربانا وين زمن القنيص والصيد فرك عنقانا دايرين الركوب والريل خبرنا بكانا ما بنقمح وحاتك والبكار ساترانا
منصور
|
Post: #597
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 11-25-2006, 03:46 AM
Parent: #596
يا تماضر قولي لي منصور أخوي رفيقك عمرو ما تر لي وراء ووقت الحارة شّدّاد سروج ولي ناس تماضر ماهو الحما والضـرا حرم بكوس الموت وما ممكن أخليكي وسط بنوت القبايل مسخرة وكتين تزغردي ترخصلك الروح يا أم زمام، يا بت أسود الشرا
|
Post: #599
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-25-2006, 04:15 AM
Parent: #597
Quote: يا تماضر قولي لي منصور أخوي رفيقك عمرو ما تر لي وراء ووقت الحارة شّدّاد سروج ولي ناس تماضر ماهو الحما والضـرا حرم بكوس الموت وما ممكن أخليكي وسط بنوت القبايل مسخرة وكتين تزغردي ترخصلك الروح يا أم زمام، يا بت أسود الشرا |
لاإتقمحتا يوم لاعرفتا معنى الفر ياللسد النتر بى نمَّك إتَ تجر مفرود الوشيش ماضاقو أصلو الصر مسنود العليك إتضارى .. ماك بتضر
|
Post: #600
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 11-25-2006, 09:01 AM
Parent: #596
قوماك هوى نشد تالا البلودة حدانا
ركابين ضهور ضمر تبيت سهرانا
قاصدين ام ضمير خايفين نفكه رهانا
فى شقا فى لقا دوما تدورو لقانا
|
Post: #598
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-25-2006, 04:04 AM
Parent: #595
Quote: ياالمنصور اخوى دارك دوهم عمرانة
بالخير والسمح عابقة وتملى ملانة
ودشيقوق هناك نمة وبت الحسن طربانة
داك نور تماضر باق و قلوبناليه بكانة |
مرحبتين حبابك..تحيا ماتنسانا ببرانا السمح إن كنتا إتَ معانا ود شيقوق كمان جاب البضوِّي بكانا النور إنعكاسكم ..جهرنا ماهو عمانا
|
Post: #601
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 11-25-2006, 09:09 AM
Parent: #598
الف تحية ليكى وبيكى تم منانا
ساحتناتزيد شرف واتبسمت حيطانا بى نمك كمان ضوى الحرف اروانا
ومسدارنا اكتمل كان بت الحسن تغشانا
|
Post: #602
Title: Re: مسادير يا أهل المسادير إلى ما شاء الله........
Author: nashaat elemam
Date: 11-26-2006, 03:16 AM
Parent: #601
مرحبتين حبابا خُناس حباب أخوانا نايره الدار معاكم متعددات ألوانا في نص البلد منصوب هداك صيوانا تراه الشوق دفر وليكم عديل ودانا
|
Post: #603
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 11-26-2006, 07:39 AM
Parent: #602
تماضر يا بت عز الرجال فيك بهز وبجر النم وضابح ليك ود أم زور حــرم لآزمن تنطي الدم وقولي لي منصور خوى يا الوكت الحرابة ما بتنلم أخوك جاييلك فزع وقت الحارة حرم ما وجع ينزم
|
Post: #607
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-27-2006, 05:47 PM
Parent: #603
Quote: تماضر يا بت عز الرجال فيك بهز وبجر النم وضابح ليك ود أم زور حــرم لآزمن تنطي الدم وقولي لي منصور خوى يا الوكت الحرابة ما بتنلم أخوك جاييلك فزع وقت الحارة حرم ما وجع ينزم |
ياسمح الخُلق الأصلو مابتنذم وفى قلبك تشيل وطناً حنين بتضم إلقاك السمح محل تمش ماتهِم وإبراك العديل والزين معاكا بتم
|
Post: #606
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-27-2006, 05:41 PM
Parent: #602
Quote: مرحبتين حبابا خُناس حباب أخوانا نايره الدار معاكم متعددات ألوانا في نص البلد منصوب هداك صيوانا تراه الشوق دفر وليكم عديل ودانا |
ياضي المجالس العامرة بيكا مكانا وكِت هليت علينا ..البينا ماهمَّانا ياشمس الشتا الجاتنا قبل أوانا بدَّلنا الفصول وكِت سلامك جانا
|
Post: #605
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-27-2006, 05:33 PM
Parent: #601
Quote: الف تحية ليكى وبيكى تم منانا
ساحتناتزيد شرف واتبسمت حيطانا
بى نمك كمان ضوى الحرف اروانا
ومسدارنا اكتمل كان بت الحسن تغشانا |
مقبولة التحية خيراً معاك ببرانا مابتفوتنا تب إن درنا تبقى معانا عرفنك أصيل كرمك كتير أروانا ياربى الكريم تتم مُناو ورجانا
|
Post: #604
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-27-2006, 03:04 PM
Parent: #598
أبواتـك مكوك فى المحاصـات جـالو أخـوانك تلوب من الكعب بتضـــارو اماتــك أصـم من الشجيع فى نزالو أخواتك ملكات جمال الوادى المخدر نالو
|
Post: #608
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-27-2006, 05:57 PM
Parent: #604
Quote: أبواتـك مكوك فى المحاصـات جـالو أخـوانك تلوب من الكعب بتضـــارو اماتــك أصـم من الشجيع فى نزالو أخواتك ملكات جمال الوادى المخدر نالو |
من أرض المحس مابعرفوا كلمة شالو أبويا البسيط النيل عمامتو وشالو وزى حال البلد الدايماً بيشبه حالو مابوفيك حقوقك..إن زدتا فوق القالو
|
Post: #609
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-28-2006, 02:47 AM
Parent: #608
ياام لفظاً حسّّّين انت الشكر حاقالـو ياام ادبارفيع انت الجمال خاتمالو ياالخالك يكيل العين ويفيض مكيالـو خالاتك صنفهن معــدوم ومافى مثالــو
|
Post: #610
Title: Re: مسادير يا أهل المسادير إلى ما شاء الله........
Author: munswor almophtah
Date: 11-28-2006, 03:18 AM
Parent: #609
ناس يحى بى سمح الحديث بروكن ومن دهب الكلام صافى العيار أدوكن نشأت قولو حادق مو مسيخ ومجوكن وديوسف طبق عسل الكلام وزنوكن
منصور
|
Post: #612
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 11-28-2006, 07:47 AM
Parent: #610
يا منصور الضكر ماك زولاً كذوب ومن كاس الورع ساقينا نحاس جدودك نتر هز الأرض حاشاك يا سديد الراي ما بتأذينا تماضر سمحة خصال تردي المازني ومن شهد الحديث تشجينا سايل الله يا الكريمةعمرك ما تعرفي الحزن ومن عزك يوت تَعِزِّينا يا ضي الضهبان في ليلاً ضلامو عمى ويا مداوي جروح الزمن وببلسمو يداوينا يا ود عبدالله أبشر هز تعال في الحارة يا البي طيب كلامو يوت دوام يشفينا
|
Post: #611
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 11-28-2006, 03:27 AM
Parent: #1
مسدار- فاروق محمد الأمين
وين الهافو ضامر وصدرو جاب تجميحه جبد البُرْصَه من وجنات طبيعي صبيحه إتخيلتو صيد صَوَّاً وطاتو قبيحه خلَّا اكبادنا بي رمَّاشو بايته جريحه **** بايته جريحه ليها ليالي شالها قلوبنا أبو كزَمَه الرَّدايفو عوالي النظراتو عندي غوالي عاشقو براهو نسَّاني البعاد وحوالي **** بُعاد وحوالي ما ببقولي زي زولا ملامحو غزالي يا مخروته لو عارفه العلَيْ واحوالي ما بجافي كان حنيتي لي طوالي *** وطوالي الحنين بشفيني من الصَّادني حتى النوم أظنو يجيني عليك قصَّة غرامنا الفات وكلُّ حنيني قول بصراحه إتَّ نسيتني أم طاريني **** أكان طاريني ليه ما بتظهر لينا ليالي ما شفنا الجمال الببهر إت ماك راتِي والرَّبْ يِقْهَر السن بيضَه والعينين بِرِيقِن يجهر ****
بريقن يجهر اليِسَرَّع سَنَّاناً مداحِي الدَّفْ ربِدْتُو وكَرَّع كيف الحَلْ وكيف اتورَّع منَّ العالِي صدرو وديسو ديمه مَفرَّع **** مفرَّع ديسُو من غير سلَّه طامح صدرو حَتْ زعلو وبكاهو محلَّا نحمد ربنا السوَّاهو وانْقول جلَّ خلاَّقو البرم جيدو وكساهو الحُلَّه **** كِسوة حُلَّه جات مخصوصه حلوه حلاوه ما بتتحالى زي بسبوسه قصبة مُنْصَحْ الوادي الدوام محروسه كيف أمسيتي يا رنْعَه ولتيبه فْصُوصه **** رنعه ولينه لسعْ يانعه مافي بلاك والروح غير هواك إتْ قانعه رضيت بي هَمْ إيدَيَّ الصانعه أخافي الباري في الكَلَسْ ابدوارجاً مانعه **** أبدوارجاً مانعه مشدود خاطِر ما بين صَاد وناجع يوت حياتو مخاطر الخلاني كسَّار لي عهود وخواطر فُرْق العينو قَلْتَه وجوز نُهودو قناطر **** نهودو قناطر الله يسِلُّو زي ما اذاني بي دلعو ولهيجو الحِلُّو لا أقنعني لا واصِلُّو دي الخلاني راكب يوت بتُوقُو مِحلُّو **** بتوقو محلو مهما يبقى تبقى حرابه يحصل موت وتحصل ربْقه بعد ما كنت هابِِقْ هَبْقَه رعبني اليله شبهو اللا حصل لا ببقى **** كيفن يبقى ليهو منافس ماخد زينة الميدان وليهِنْ عَافِس للبَذِرْ التَّلِتْ وادَّافِس لا جامايكا قال شايقِنُّو ولَّا خنَافس **** خنافس ديل وراك ملهوفه ماك شايفاها بدَّافس عشان ما تْشُّوفه جمالك فرضَه دِي معروفه لكن هِدِّي يا برَرُوبه كوني ولوفه **** كوني ولوفه لا تخنقيها فِكِّي زراره لا تتمادي لا تلعب بِكِ الغراره فوقِنْ كافَّه إنت مناره لكن جافيه يا بطرانه يوت في نَزَاره ****
نَزْرَه وحلوه ليها حداقه عين قَلْته وخشيم ودعه وسنون براقه اللِّيمِكْ بدورلو لباقه نطَّاحه ونكُور واتْ مَنْدَلُوبْ طقَّاقه **** طقَّاقه لي البلمَسْها يانعه لتيبه رُقَّابه ورَخيصِي تَبَسْها المهره البِلالي جرسْها عاشقك بيكِ نوَّاح بسْ دموعو حبسْها **** دموعو حبسْها خوف النايحه لكنْ بيكي مُغرم ليك كتيره مَدايحَه شديرة المحلب الرَّبَّا وفروعِك مايْحَه بدور تسريح أقيف جنبك تجيني الرَّايْحَه **** تجيني الرَّايحه شان أصَّبّر أخير من لا شيء أحانِسْ نفسي بس واجَّبَّر البت الوريدْها مَعبَّر خلَّت قلبي دَرَّاب سُوسَه كُلُّو مَتبَّر **** متبَّر جوف وحلقي مَزَرَّدْ بقيت ما بطيق قعاد الحيْ أرُوعْ واشَّرَّد البتْ السَّنِينْها مَجَرَّد خلَّت قلبي درَّاب سُوسَه كلو مَهرَّد ****
مَهرَّد جوف وقلبي ملَطَّع من الخلقه نور وجهو وجبينو مَسَطَّع البت الدلالها مَبتَّع خلت قلبي درَّاب سوسه كلو مقطَّع **** مقطَّع قلبي شوف فصَّاصه ما بدَّواى ودَّع شالتو الرقَّاصه نقول دي حلاوه ولَّا جعاصه رماَّشْ عينو دايماً للقلوب قصَّاصه **** قصَّاص للقلوب من شبَّ طامح صدرو كلُّو زخيره بيها مَعَبَّ الزول القلبي رادو وسوَّ ليهو محبَّه ما خلَّالي فوق صبري وصمَامْتِي الحَبَّه **** صمامتي وصبري كِمْلو وراحو وقلبي اللِّنجَرَحْ كيف تبرَ ليْ جرَّاحو دَيفْ أُمَّاتْ حَقُو البي وْشاحو ما بدَّلتَ ريدو وما لقيتَ صرَاحُو **** صراحو بدور لبِيقْ ومدرَّب بِشِدْ كَلَسَاً بسوِّي اللُولْ وخبُو مَجرَّب العيَّانو بي نور الزخيره اتهرَّب يا ما شال عقول وحْدِين جماعه وخَرَّب ****
خرَّب للعقول واتْلَفْها ولا عِب بي جِنان وحدِين جماعه بَلَفْها الدَّعَجَه الكُتُرْسُوساقا ما ولَّفْها ما خده الكاس علي الحاضْرِين وحتى سَلَفْها **** سَلَفْها الفات زمانو وتمَّ وِقْفَن صف مِدافراتْ ليها يوم اللمَّه رافعه صديرَا طامحْ في الرَّقيص مِنْخمَّه الباقيات خدارِنْ ضَلْ وجاتو الغُمَّه **** جاتو الغُمَّه ما كان راضي ما بي إيدو مجبور كان كلام القاضي بَحَالِمْ لي شهور بي مُرادي ما شفعولي سهر الليل وحتى وْدادي **** مُرادي الدايرو ألقى الصيده ويبقى الجو مُلائم وهيَّ تبقي وْحيده النيرانو فوق أحشايَ عالي هوِيده في مُدْقاقا رمز الحب وعلمْ الريده **** علم الريده في مُدقاقا فوقو كزيمه فوقو بسيمه فوقو حَداقه قالب اللَّوَلَعْ خنَّاقا روحي اتعلَّقت ما بين شفَّها وطقاقا ****
ما بين شفَّها وطقاقا فوقو حلاوه فيهو غلاوه فيهو حداقه هاكم قُولِي صاح بي صداقه شفتو ورِدْتُو أبو كزَمَه البفوحْ عبَّاقه **** بفوح عبَّاقَه الله يحرسو نحن نريدو رغم المُو العَلينا وهَرْسُو القصَبْ المُتيَّم ترسُو نحن غِرِقنا يا ابحلمات و نرسُو
|
Post: #613
Title: Re: مسادير يا أهل المسادير إلى ما شاء الله........
Author: munswor almophtah
Date: 11-29-2006, 04:02 AM
Parent: #611
ما بابى المسيكين والفقير بي فقرو وما عواس قوالة وما رفيقي بعقرو بدخل لجة الوادي البتلب صقرو قلبي مكجن الناس السوا وبتنقرو
مو ولدا بدر فرح القريبات دقرو مو حساس محرق ولدو فوقو وعقرو عقاد القصص جحر الدبيب من مقرو راعى غنم هناى بقر اللعين من بقرو
منصور
|
Post: #614
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 11-29-2006, 07:13 AM
Parent: #613
حباب منصور .... حبابو الأعلى شأن ماضينا مفتاح القلوب الصاديه.... نور للمنتدى ونادينا حبابو الأصلو راسخ ......زي رسوخ واديينا أميرنا..... الباعو فاسح ...وفي الفزع حادينا
|
Post: #615
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 11-29-2006, 02:36 PM
Parent: #614
جبدنا الحقق ...... من الدمك سفينا يابسين باسرن ........ من اللحم جفينا في الوادي اب عدار لي ام كمفريت لفينا لا تسالينا يا ام حمد ...ان بقيت رفينا
جبال المتنى خابرهن زمانن جاهل بي اشقى ومحتى ودومو ازرق باهل مصروف المتبر وفي المجالس ماهل بندليلو بارينا ام غطاسنً ساهل
|
Post: #616
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 11-29-2006, 02:43 PM
Parent: #613
نسيف التبر في مدلق الخيران لقيتو وفج كيعانك من الزيران ابشر يا هجين البركبن ديران بي رفقة مسار الفنكحو الحيران
|
Post: #617
Title: Re: مسادير يا أهل المسادير إلى ما شاء الله........
Author: munswor almophtah
Date: 11-29-2006, 03:19 PM
Parent: #616
نسيف التبر في مدلق الخيران لقيتو وفج كيعانك من الزيران ابشر يا هجين البركبن ديران بي رفقة مسار الفنكحو الحيران
شارف ديدبان فوق الرزق سهران وفوق ماخد البكار والصى دفق مطران زى ملك اليقين مانى الخلوع شرفان ومانى مشارك البكرات لبا الحيران
أحمد أبوحريره غرق كبروسك مستف
منصور
|
Post: #618
Title: Re: مسادير يا أهل المسادير إلى ما شاء الله........
Author: munswor almophtah
Date: 11-29-2006, 03:32 PM
Parent: #617
جبدنا الحقق ...... من الدمك سفينا يابسين باسرن ........ من اللحم جفينا في الوادي اب عدار لي ام كمفريت لفينا لا تسالينا يا ام حمد ...ان بقيت رفينا
هود فوقنا ليل الهجعه ما ختينا سقنا النجمه فوق كتف الدعت مدينا فاح نفس العنق زى الدعاش شمينا عند بهر الصباح طرف الفريق طبينا
منصور
|
Post: #619
Title: Re: مسادير يا أهل المسادير إلى ما شاء الله........
Author: munswor almophtah
Date: 11-29-2006, 03:54 PM
Parent: #618
جبال المتنى خابرهن زمانن جاهل بي اشقى ومحتى ودومو ازرق باهل مصروف المتبر وفي المجالس ماهل بندليلو بارينا ام غطاسنً ساهل
فشان فرح أم فصيد مافيش بتقلو كاهل وكان فى دار نيام لى جوفا بصبح ساهل بنت المقدرات ملك الملوك العاهل عارفه المكرمات بحر العلوم الناهل
منصور
|
Post: #620
Title: Re: مسادير يا أهل المسادير إلى ما شاء الله........
Author: munswor almophtah
Date: 11-29-2006, 04:05 PM
Parent: #619
حباب منصور .... حبابو الأعلى شأن ماضينا مفتاح القلوب الصاديه.... نور للمنتدى ونادينا حبابو الأصلو راسخ ......زي رسوخ واديينا أميرنا..... الباعو فاسح ...وفي الفزع حادينا
حبابك إنت يالحاضر بحاضر فينا وحباب نغمة حديثك بالنميم سالينا ما بتاكل براك من السلات مدينا يا ابوحريره خيرك من زمان راجينا
منصور
|
Post: #621
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 11-30-2006, 03:03 AM
Parent: #620
ما بتتجارى ...باعك في الغنى مخلينا نفرق في النميم.. فرقا.. يسندو علينا يا سيد البيهدر ....والسراتها سمينه زي الطرفة عوسك ......مو شرشير عينه
|
Post: #623
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-30-2006, 03:48 AM
Parent: #621
ليــه ياقـلبـي المنـزّه كـاره الفـُرِّيـــــق والدّش المعاي لاعب بصرتي حـريـــــق تعـبــان روحـي تـتـقـطف من العُشريق ياحليـل النـزيــه المونتـي فـي أبودليـق
........................................................................................... طـال الليـل علي عـقلـي المنزّه حاس فاقـد نومي عـيـنـي قــرهــدن يـُـبـّاس لافـّه أفكاري بالحيل عـندي دوشـة راس الأســعاف مقـرّش والطبـيـب في فــاس
|
Post: #622
Title: Re: مسادير يا أهل المسادير إلى ما شاء الله........
Author: munswor almophtah
Date: 11-30-2006, 03:28 AM
Parent: #620
يا منصور الضكر ماك زولاً كذوب ومن كاس الورع ساقينا نحاس جدودك نتر هز الأرض حاشاك يا سديد الراي ما بتأذينا تماضر سمحة خصال تردي المازني ومن شهد الحديث تشجينا سايل الله يا الكريمةعمرك ما تعرفي الحزن ومن عزك يوت تَعِزِّينا يا ضي الضهبان في ليلاً ضلامو عمى ويا مداوي جروح الزمن وببلسمو يداوينا يا ود عبدالله أبشر هز تعال في الحارة يا البي طيب كلامو يوت دوام يشفينا
ود يوسف بالمكارم ديمه يوت بارينا وديمه مدفق الأفضال وماك ناسينا زمن الناس تفوت إنت الوحيد طارينا كل ما نقول نسبقك بالفضل بازينا
منصور
|
Post: #624
Title: Re: مسادير يا أهل المسادير إلى ما شاء الله........
Author: munswor almophtah
Date: 11-30-2006, 02:38 PM
Parent: #622
ليــه ياقـلبـي المنـزّه كـاره الفـُرِّيـــــق والدّش المعاي لاعب بصرتي حـريـــــق تعـبــان روحـي تـتـقـطف من العُشريق ياحليـل النـزيــه المونتـي فـي أبودليـق
من قام بزازى وبالو فى الشريق وقانص للتمودا الدابا بان دفيق زى دهب الهنود اللجمال موريق وحافظ سرو ساكت زى تقول توريق
منصور
|
Post: #625
Title: Re: مسادير يا أهل المسادير إلى ما شاء الله........
Author: رأفت ميلاد
Date: 11-30-2006, 03:52 PM
Parent: #624
منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا
|
Post: #626
Title: Re: مسادير يا أهل المسادير إلى ما شاء الله........
Author: munswor almophtah
Date: 12-01-2006, 03:30 AM
Parent: #625
منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا
وين ظبية فريقك والخمايل حالمه وين ناس سيده ليها الناس بقت مى سالمه ديك ناس بدور الفى القليعه مسالمه جهرت نور عيون الناس وميها الظالمه
منصور
|
Post: #627
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 12-01-2006, 10:50 AM
Parent: #626
التمتم مع حس الطنابرة الشاخره ما بنسيني انسي مع ام سماحتن فاخره حبيبتي.. صبابتي وقعت فيها مي متزاخره من هجري ومخاتات ظرفي درت الآخره
|
Post: #628
Title: Re: مسادير يا أهل المسادير إلى ما شاء الله........
Author: munswor almophtah
Date: 12-01-2006, 02:49 PM
Parent: #627
التمتم مع حس الطنابرة الشاخره ما بنسيني انسي مع ام سماحتن فاخره حبيبتي.. صبابتي وقعت فيها مي متزاخره من هجري ومخاتات ظرفي درت الآخره
خيرك يالهميم عارفاهو جيب الباخره عارفه مروتك ميها القطيمه الساخره مافيش زول بلاك بلقاهو داك الداخره زى عين الجنان حور الصلاح فى الآخره
منصور
|
Post: #629
Title: Re: مسادير يا أهل المسادير إلى ما شاء الله........
Author: رأفت ميلاد
Date: 12-01-2006, 07:24 PM
Parent: #628
Quote: وين ظبية فريقك والخمايل حالمه وين ناس سيده ليها الناس بقت مى سالمه ديك ناس بدور الفى القليعه مسالمه جهرت نور عيون الناس وميها الظالمه |
تراك مو قاصد فطيت ستى عديل الزوزو عمة أبوى جمالا دليل فاتت لهاليبو بت ملوك النيل حليلا مسالمة يوسف ود الخليل
|
Post: #630
Title: Re: مسادير يا أهل المسادير إلى ما شاء الله........
Author: munswor almophtah
Date: 12-02-2006, 03:13 PM
Parent: #629
تراك مو قاصد فطيت ستى عديل الزوزو عمة أبوى جمالا دليل فاتت لهاليبو بت ملوك النيل حليلا مسالمة يوسف ود الخليل
الزوزو زوزو بالعقول يا نبيل وكم كمين مكتف فى هواها عليل جيدا من غزال والعود دقيق ونحيل وإن شرفت موقله مين بدور الويل
منصور
|
Post: #631
Title: Re: مسادير يا أهل المسادير إلى ما شاء الله........
Author: الطيب شيقوق
Date: 12-03-2006, 01:48 AM
Parent: #630
Quote: منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا |
والله حاجة مكيفاني في البوست ده الا مجاراة العزيز رافت حنا ليكم في النم الحلو ده.
واصل اخي منصور معاكم .
|
Post: #632
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-03-2006, 04:14 AM
Parent: #625
................................. منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا ............................... أصلو البدر ورا الشمس بتضارا ويهل علينابى نورا معاهو نضارة نمك طعم الثمر الفقع النوارة الحسان غيرو حالفة مابتجر مسدارا
|
Post: #633
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 12-03-2006, 05:37 AM
Parent: #632
Quote: منصور أخوى لامى الحسـان تتبارا بت حمزة زايدة الحديث جمال ونضاره وبت الحسن لاضمه النضم فى لسانا دباره درابى طب لميتو وعقب من وراك بضارا ............................... |
Quote: أصلو البدر ورا الشمس بتضارا ويهل علينابى نورا معاهو نضارة نمك طعم الثمر الفقع النوارة الحسان غيرو حالفة مابتجر مسدارا |
وأصلو الضي بباري الضي محِل مايمشي إن جيتى الصباح.. يحلف عليك تتعشي وإن جيت بالغبينة يحلف عليّ ..إتفشى إن رافقتى زيو لاتنذلى يوم لاتطشي
يانور السمية الجانا نوَّر دارنا وياطيب النسيم جانا هفهف زارنا معسول الحديث شفانا ودَّر جارنا غلبتنا الردود شهدت حروفنا ودارنا
|
Post: #634
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-03-2006, 08:24 AM
Parent: #633
تماضر أخت سمية كان أبوكن موحد ربو مو عباد صنم أخوكن المنصور ما متلقي حجج وبالبري ما لصّاق تهم موفور الضراع سايل الله يبراكم ويبراه الضيق والهم وعديلة بي قناديل فرح وجريد نخل وعديل وزين ورقيص تمتم فال الخير لي أمات رسن الما بقودن إلا حراً ما بنزم
|
Post: #635
Title: Re: مسادير يا أهل المسادير إلى ما شاء الله........
Author: munswor almophtah
Date: 12-03-2006, 03:45 PM
Parent: #634
أصلو البدر ورا الشمس بتضارا ويهل علينابى نورا معاهو نضارة نمك طعم الثمر الفقع النوارة الحسان غيرو حالفة مابتجر مسدارا
نجمات زى سهيل وثريا نورهن بقا سلخ الضلمه من جلد الليالى وشقا هداك صافى الكلام جابنو موية سقا لامن ناس هناى بابور قلوبهم دقا
منصور
|
Post: #636
Title: Re: مسادير يا أهل المسادير إلى ما شاء الله........
Author: munswor almophtah
Date: 12-03-2006, 04:02 PM
Parent: #635
تماضر أخت سمية كان أبوكن موحد ربو مو عباد صنم أخوكن المنصور ما متلقي حجج وبالبري ما لصّاق تهم موفور الضراع سايل الله يبراكم ويبراه الضيق والهم وعديلة بي قناديل فرح وجريد نخل وعديل وزين ورقيص تمتم فال الخير لي أمات رسن الما بقودن إلا حراً ما بنزم
وديوسف من جرابك ديمه عاقد النم وديمه الناقصه عندك بى فرح تنتم المال فى المكارم دافقو ما بنلم وعطرك مسكو فايح من بعيد بنشم
منصور
|
Post: #637
Title: Re: مسادير يا أهل المسادير إلى ما شاء الله........
Author: رأفت ميلاد
Date: 12-04-2006, 04:54 PM
Parent: #636
Quote: أصلو البدر ورا الشمس بتضارا ويهل علينابى نورا معاهو نضارة نمك طعم الثمر الفقع النوارة الحسان غيرو حالفة مابتجر مسدارا |
بت الحسن طلحه جبتى الكلام الزين إنشكح الفؤاد وإنشرط الخشم شبرين البدر مو وضاح والشمس جاهره العين تر منصور أخوى جاكم هجام فريق أم زين
|
Post: #638
Title: Re: مسادير يا أهل المسادير إلى ما شاء الله........
Author: رأفت ميلاد
Date: 12-04-2006, 06:44 PM
Parent: #637
Quote: وأصلو الضي بباري الضي محِل مايمشي إن جيتى الصباح.. يحلف عليك تتعشي وإن جيت بالغبينة يحلف عليّ ..إتفشى إن رافقتى زيو لاتنذلى يوم لاتطشي |
بت حمزة ضيك بان و فوق الضى كمان بضوى شايلة الوطن أطنان و برق بركان يدوى وجع الغبينة لى ربان السفينه شن بسوى إديك المنال وشرف النضال ويهديكى التروى
|
Post: #639
Title: Re: مسادير يا أهل المسادير إلى ما شاء الله........
Author: الخير محمد عوض
Date: 12-04-2006, 09:55 PM
Parent: #638
مسدارنا يا الاحباب عالي وطرازو فريد والليلة الفرح بشـــر قبايل العـيد غاب من ديارنا زمان ضوا وسمو (عقيد) واليلة عاد تريان مسدارو ماهو بعيـد
فتوقعوه
|
Post: #640
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-05-2006, 00:43 AM
Parent: #639
نرحب بعودة الأخ / عقيــد ترحيب خاص من أهل البطانة كنا نتابع مشاركاتك بإهتمام واصل ياعقيدالخيل وتميم الدار وبوجودك يكتمل المسدار .....
برّاقك فجيجو متـوالي لاالصباح مانام عربـك عَـيَّنـو الشيـلة ( وعـقـيـدن ) قام ساقـو جنيبـة الملك المسـيلا حــزام وعاشقك إن انتكل فوق جـلـدو مابنـلام
سمية الحسن طلحة
|
Post: #641
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-05-2006, 09:43 AM
Parent: #640
هاك يا منصور أخوى طيب أخبار جابتاالدرة بت طلحة رافقتها زينة البنات الخنسا ست الخصال السمحة العين تبراهن أكان عين حسود واللآ من عاشق لو لمحة عفيفات السروراب التبري لونن وفيهم الفاقع التقول القمحة
|
Post: #642
Title: Re: مسادير يا أهل المسادير إلى ما شاء الله........
Author: munswor almophtah
Date: 12-06-2006, 05:09 PM
Parent: #641
مسدارنا يا الاحباب عالي وطرازو فريد والليلة الفرح بشـــر قبايل العـيد غاب من ديارنا زمان ضوا وسمو (عقيد) واليلة عاد تريان مسدارو ماهو بعيـد
معروف ود عقيد زى الكنار غريد وفى بحر النميم معروف بجيك وريد فارس ود فوارس حاشا مو شريد وطابق للقلم والسيف وتال الليد
منصور
|
Post: #643
Title: Re: مسادير يا أهل المسادير إلى ما شاء الله........
Author: munswor almophtah
Date: 12-07-2006, 03:58 AM
Parent: #642
العزيز جداً اخى / منصور المفتاح تحياتى واشواقى تجدنى من المتابعيييييين لمساديركم وعبرة التحية لكل الاخوة وللاخ ود عقيد لم التقيكم ولكنى التقيتكم (الاسم :- ابراهيم على احمد رانفى ( رانفى
حاولت ان انضم اليكم فى هذا المنبر ولكنى لم اوفق كان فى طريقة شوفنا طريقة كى نتشرف بصحبتكم وانى لفخور بذلك وهذه مساهمة مدخل الحاردلو الكبير الزول السمح يوم الخميس واعدنـــا فى ديم كسلا ان سافرنا منو ابعدنــا يا عبد اللمين ما شفتو كيف واددنا تراى هادا المنسينا العقاب وبلدنا
محمد الحاردلو رفيق الصبا موظف ببنك السودان يا الرهو المسافر فى سمانـــا مشرق ازجى تحية للدوحة الخميلـــة مورق على سخط الزمان اللى قلوبنا محرق نخشى يكون قدر دايماًحياتنــا تفرق
رانفى شخصى الضعيف عليك مبروك دخولك فى عوالم الفرحــة على جور الليالى والكبد منجرحـــة عليك البهجة طلعت والنفس منشرحـة على بقيت شبر ضاقت الوطا المنطرحـة رانفى
مجادعة :- ( عوض الكريم (عشرة سنين ظبى التاكا عينيهو الدغس شاقنى انا فارقتو مجبور الظروف ساقنى الفى بعدو بالحيل الفؤاد جننى صادق حبو ما خيب شعورى وظـنى رانفى الجابرنى دايمــــاً فى عيونو اغنى رفيع زوقاً مادب بالغرام ساكنى انا يا المنك الاقدار غصب ساقنى لا برضينى غيرك لا ســـواك مستنى رانفى ابو الحاردلو قربك فى البلد دايرنو دمع الشوق عليكم يا نديم زارفنــو ستات الجمال العرضهن حفظنـــــــو ما بنصادو ما ظنيت علينا يحنــــو عوض الكريم البلد البحبو وقلبى عاشق منـــــو انا فارقتو يا ابراهيم وفاقد حنو نيران فقدو تلهب فى البدن شاوينــو كيف الرجعة يا خلى الخلاص كيفنـــو رانفى ابو الحاردلو زمناً ولى كيف بنعيــدو كيف شوفت المنزه والدهب فى جيــــدو جمــالاً فيهو بصعـب للمحب تمجيــــدو ناجع صيدو يا ابو الحار غلبنى اصيدو
عوض الكريم لو كان الزمن عهد الساعده بعيـدو كان افرحنا بزولاً صحيح بنريــــدو القمحان منو دايماً وكفى ما بتصيدو جمالو تمانية فى عشرين حروفو يزيـدو مع خالص شكرى اخى منصور احجزوا لينا معاكم عنقريب هبابى
وين العهدو فى الصون وين سليم الزوق ؟ وين الليهو راجع كم دفرنى الشوق ؟ يا ابو الخير عليك الخوه احلى وروق جبنتك طايرة ، بنك فى الارض مدفوق ****** شن بتقولوا فى الغربة البقت خازوق حصاد سنواتنا يا الاخوان بقانا فروق كل احلامنا ضاعت والعمر محروق والمجهود غير مقدر ذى قمامة السوق يا ابو الخير عميرك فى الحجاز قضيتو صابر بالسنين درب الريال سكيتو لا بقيت منو قنعان لا كمان لميتو العقاد معاك شقيان ومحروق زيتو ******* فراق الوطن الليلة بان يا دابو كتار الـ(ذى )قاعدين فى الخليج شن جابو قعاداً فى الكويت بالله شن اسبابو لا احباب ولا زولاً بنتسلابو
يا العقاد اخوى الرجعة احسن ليك ضيعت العمر ساك الريال والشيك يا وطنى العزيز بالحق انا جاييك وابو الخير مكوع فى الحجاز ناسيك ابو الخير ليك معزتى يا عزيز القوم حاشاك من مذلة ومن قبيح اللـوم اسال ربى هادى الحال على ما يدوم ارجع هسى للسودان كفاية هموم الاخوة ابو الخير والاخ العقيد عرفتهم عبر الفضاء الواسع ولم التقيهم وهما مقمان بالمملكة العربية السعودية شكرى
رانفى
|
Post: #644
Title: Re: مسادير يا أهل المسادير إلى ما شاء الله........
Author: munswor almophtah
Date: 12-07-2006, 05:36 PM
Parent: #643
يا العقاد اخوى الرجعة احسن ليك ضيعت العمر ساك الريال والشيك يا وطنى العزيز بالحق انا جاييك وابو الخير مكوع فى الحجاز ناسيك
هاك يا ود عقيد سمح الكلام ببكيك ودايرك تب تصد تزرع جروف واديك شن تمن الريال والناس محدره فيك وصد لى دار ابوك لبن الطيور بديك
منصور
|
Post: #645
Title: Re: مسادير يا أهل المسادير إلى ما شاء الله........
Author: munswor almophtah
Date: 12-07-2006, 06:03 PM
Parent: #644
لو كان الزمن عهد الساعده بعيـدو كان افرحنا بزولاً صحيح بنريــــدو القمحان منو دايماً وكفى ما بتصيدو جمالو تمانية فى عشرين حروفو يزيـدو
حاسب للزمن دفان وبغدر سيدو ما تغفل تضوق المره منو نكيدو الزول كان أباك أو بالصعر لاف جيدو خت إن بطلت قربة حوار ما تعيدو
منصور
|
Post: #646
Title: Re: مسادير يا أهل المسادير إلى ما شاء الله........
Author: munswor almophtah
Date: 12-07-2006, 06:19 PM
Parent: #645
شن بتقولوا فى الغربة البقت خازوق حصاد سنواتنا يا الاخوان بقانا فروق كل احلامنا ضاعت والعمر محروق والمجهود غير مقدر ذى قمامة السوق
زى مسمار جحا الغزوهو فى الطايوق وزى الزول وكت فى السكره صار لايوق الزول كان سرق مرات بكون مزنوق وزول الغربه داك دارع الحبل مشنوق
نسألك اللهم السلام
منصور
|
Post: #647
Title: Re: مسادير يا أهل المسادير إلى ما شاء الله........
Author: munswor almophtah
Date: 12-07-2006, 06:43 PM
Parent: #646
البلد البحبو وقلبى عاشق منـــــو انا فارقتو يا ابراهيم وفاقد حنو نيران فقدو تلهب فى البدن شاوينــو كيف الرجعة يا خلى الخلاص كيفنـــو
شن الرجعه والقاعدين هناك مالكنو فى بلد السجم تالفين عضاى تاشنو خاش جنى القبيل نعلوهو جننو جنو ديل لا بحسو بينا ولا علينا بحنو
منصور
|
Post: #648
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 12-08-2006, 02:47 PM
Parent: #647
تخريمه وطلب: أخي العزيز منصور
بالصفحة (6) من المسادير يوجد تسجيل لمبدعنا الصديق ود عباس.. هذا الشريط من النوادر في أدب البطانة.. تم وضع جزء منه على هذه الصفحة وليس غيرها..وحيث أنك صاحب البوست ..لي رجاء وأمل..أن تبعث لي بنسخة كاملة من هذا الشريط ..
وحتى لا نشغل حيز من بوستك الرائع بهذا الشأن الشخصي أرجو مراسلتي على: [email protected]
|
Post: #649
Title: Re: مسادير يا أهل المسادير إلى ما شاء الله........
Author: munswor almophtah
Date: 12-08-2006, 06:36 PM
Parent: #648
اخى منصور منصور العزيز من شخصى احلى تحية ولى دارك وحاتك ناوى تب الجيــة فى طريقة ولا اقوم اسيلى قضية حارسكم صباحاً والنهار لا عشيـــة ***********************
شن الرجعه والقاعدين هناك مالكنو فى بلد السجم تالفين عضاى تاشنو خاش جنى القبيل نعلوهو جننو جنو ديل لا بحسو بينا ولا علينا بحنو ( منصور )
يا منصور اخوى ديل البلد سافنو وذي ريش الحمام يا خوى نتف ناتفنو حبل الموت معلق للجميع ناصبنو دون اسباب بريئاً فى الظلام شانقنو ***************************** هل يا بطانة ذى ما كنتى مطرك صاب ؟ وهل قلع الدموك اترادا فوقو سحاب ؟ يا حليل دعاشك والنسيم الهاب كل الدنيا غير سوحك بتبقى عذاب معكم نتواصل
|
Post: #650
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-09-2006, 01:07 AM
Parent: #642
منصور أخوي المرض إتكالب علي وفيّ غرس أنيابو المتلي مالو غير الصبر والموت كان جاالفاً حبابو كم من فوارساً سدادين مخروقة من الدنبة كم غابو سائلم خالص الدعا ياسليل أبشرا ورجالن ما بنعابو
|
Post: #651
Title: Re: مسادير يا أهل المسادير إلى ما شاء الله........
Author: munswor almophtah
Date: 12-09-2006, 03:50 AM
Parent: #650
مالك يا عريس أنسى الوجع سد بابو وافتح باب فرح سمح التمنى حبابو مافيش زول بموت من المرض واسبابو إلا اليوم يجى الرحمن بخبرو كتابو
منصور
|
Post: #652
Title: Re: مسادير يا أهل المسادير إلى ما شاء الله........
Author: munswor almophtah
Date: 12-09-2006, 03:55 PM
Parent: #651
يا منصور اخوى شفت الحريق الولع سودانا الكبير الليلة كلو اتشلع جمرة الفتنة فى الخرطوم كمائن ولع وبيت الاسرة فى الانقاذ اساسو اتشلع ********** الزواج سنة والسننن مطلوبة لكن الشباب من الوضع مرهوبة لا مهنة لا مال لا كمان راكوبة ما شفت الحبيب كيف طلق المحبوبة لكم الود
|
Post: #653
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-13-2006, 09:05 AM
Parent: #652
منصور أخوي وينك والسهام فوق قلب أخـوك إدّلـتْ والسعادة الكنا فاقدنها العمر كلو الليله طلت صوفية بت قبيلة والغرة فوق جبنا من كُتر ماصلّّت السمحة نايرا جبينها يبرق شل بصر العيون واتعّلت ما بعيد ليهو البصر إلا لو السمحة عنت ونمت
|
Post: #654
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 12-13-2006, 10:49 AM
Parent: #1
Quote: منصور أخوي المرض إتكالب علي وفيّ غرس أنيابو المتلي مالو غير الصبر والموت كان جاالفاً حبابو كم من فوارساً سدادين مخروقة من الدنبة كم غابو سائلم خالص الدعا ياسليل أبشرا ورجالن ما بنعابو |
بيزاورك دُعاي يقريك سلام محرابو وبيزيل المرض الغارزة فيك أنيابو وإبشِّر كلامك ...إضوِّي فوقنا شبابو ترجع زي زمان...وكل همومك غابو
|
Post: #655
Title: Re: مسادير يا أهل المسادير إلى ما شاء الله........
Author: عبدالبارى العجيل
Date: 12-13-2006, 11:39 AM
Parent: #1
شخصى الضعيف وكتين غرق فى النمة من غير ما يحس قال يا ولد إتلمّ فى الناس الجمال كاسيها جِبّة وعِمّة تدخل زُمرَتُم بس كان تروق تنجمّ
العجيل
|
Post: #656
Title: Re: مسادير يا أهل المسادير إلى ما شاء الله........
Author: Nasr
Date: 12-13-2006, 12:07 PM
Parent: #1
سواق القندران البلبود بيخاتل دفر من أوستن ونزوله فوق لسياتل في بحر الملح نقر الغزال القادل توَر علي حسيسي وسواني في قدد شداد وعناتل
|
Post: #657
Title: Re: مسادير يا أهل المسادير إلى ما شاء الله........
Author: munswor almophtah
Date: 12-13-2006, 02:55 PM
Parent: #656
منصور أخوي وينك والسهام فوق قلب أخـوك إدّلـتْ والسعادة الكنا فاقدنها العمر كلو الليله طلت صوفية بت قبيلة والغرة فوق جبنا من كُتر ماصلّّت السمحة نايرا جبينها يبرق شل بصر العيون واتعّلت ما بعيد ليهو البصر إلا لو السمحة عنت ونمت
سمح القول وقت عالى المقام إتجلت وسمح الزول وكت طيفو الصبوح إتفلت سهمك يا العزيز خاتى الملام ومغتغت وسهم الزول بجيك يا خلى ما تتبرقت
منصور
|
Post: #658
Title: Re: مسادير يا أهل المسادير إلى ما شاء الله........
Author: munswor almophtah
Date: 12-13-2006, 03:08 PM
Parent: #657
شخصى الضعيف وكتين غرق فى النمة من غير ما يحس قال يا ولد إتلمّ فى الناس الجمال كاسيها جِبّة وعِمّة تدخل زُمرَتُم بس كان تروق تنجمّ
العجيل
يا ود العجيل مخبوره فيك الهمه والناقصه المقصره بى عضاك تنتمه الناس فى المجالس دايره طاعم النمه ما بسليها غيرك ماك فسيلا رمه
منصور
|
Post: #659
Title: Re: مسادير يا أهل المسادير إلى ما شاء الله........
Author: munswor almophtah
Date: 12-13-2006, 04:24 PM
Parent: #658
سواق القندران البلبود بيخاتل دفر من أوستن ونزوله فوق لسياتل في بحر الملح نقر الغزال القادل توَر علي حسيسي وسوني في قدد شداد وعناتل
سايق القدران مطر الخريف الهاطل شاق كبد البلود ماك التعيس العاطل حق القريب بلقاهو ما بتماطل ماك زول مريسه ولا البهيمه الساطل
منصور
|
Post: #660
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-14-2006, 02:30 AM
Parent: #1
Quote: وفوق حدب أم قفل صحانا صوت باجورك
|
الأخ الكريم/ منصور حدب أم قفل ده ذكرنى بنمة جميلة حفظتها من أفواه أمهاتنا عندما (يلولن )البنت الصغيرة ساعة النوم ويقولن بصوت رخيم:ـ
أخوانك تـلاتة وفوق تـلات قعـدان فوق حدب ام قمارى دلكو الحيضان الطـين فـوق سـدورن عصـفراّ نديان ولاأدرى إن كانت من النوع التلاتى أم ان هناك ما يكمل المربوع. خالص التحايا لكم وللأسرة الكريمة.
|
Post: #661
Title: Re: مسادير يا أهل المسادير إلى ما شاء الله........
Author: munswor almophtah
Date: 12-14-2006, 03:19 AM
Parent: #660
يا منصور اخوى شفت الحريق الولع سودانا الكبير الليلة كلو اتشلع جمرة الفتنة فى الخرطوم كمائن ولع وبيت الاسرة فى الانقاذ اساسو اتشلع
البيت الكبير بابو الحراز إتخلع وفى السهراجه سيدو من المصيبه يتخلع كل ما نقول دا موسى علينا يوت بدلع وحارقو هداك حشانا وساف هنانا وبلع
منصور
|
Post: #662
Title: Re: مسادير يا أهل المسادير إلى ما شاء الله........
Author: munswor almophtah
Date: 12-14-2006, 03:57 AM
Parent: #661
أخوانك تـلاتة وفوق تـلات قعـدان فوق حدب ام قمارى دلكو الحيضان الطـين فـوق سـدورن عصـفراّ نديان ولاأدرى إن كانت من النوع التلاتى أم ان هناك ما يكمل المربوع. خالص التحايا لكم وللأسرة الكريمة.
Quote: (بحر أبيض طمح من الخبوب عكران ومن العقبه فوقو إتكابن الوديان خلى أمات رهوم لى قوز رجب تيجان وفوق حدب أم شديده إتناقزن عبران)
شاعر من الحواويت وام غريز بالسبلوقه |
مرحبتين حباب الملكه بنت سلطان ومرحبتين حبابك عاليه ست الشان راجيين الكريم يغنيك فى البيشان وإحفظ للعيال ويديهم النيشان
منصور
|
Post: #663
Title: Re: مسادير يا أهل المسادير إلى ما شاء الله........
Author: munswor almophtah
Date: 12-17-2006, 09:01 AM
Parent: #662
الزواج سنة والسننن مطلوبة لكن الشباب من الوضع مرهوبة لا مهنة لا مال لا كمان راكوبة ما شفت الحبيب كيف طلق المحبوبة
لكم الود
الدنيا القبيل صبحت على مقلوبه ما بقدر عليها أكان قلبتا الهوبه كل السوق بضاعتو تقول على منهوبه حتى الكسره فى الأسواق بقت مضروبه
منصور
|
Post: #664
Title: Re: مسادير يا أهل المسادير إلى ما شاء الله........
Author: munswor almophtah
Date: 12-19-2006, 10:20 AM
Parent: #663
ما بتتجارى ...باعك في الغنى مخلينا نفرق في النميم.. فرقا.. يسندو علينا يا سيد البيهدر ....والسراتها سمينه زي الطرفة عوسك ......مو شرشير عينه
أحمد يوسف أبوحريره
مين متل أبحريره الساريه نزلت فينا مين بى بت لبون عند الهجوع كافينا يا أحمد وساعك باهلو ماك دارينا ما بنقدر نجس وادى أبلعوت فى العينا
منصور
|
Post: #665
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-19-2006, 03:02 PM
Parent: #664
أخوي ود مفتاح يا المن صافي الرحيق راوينا وبي معسول الحديث من أمراض النفوس داوينا يا الخزين الكريم، يا الماك بخيل بالله أدينا مساديرك ونمك المن علل الزمان تشفينا ومن عين الحسود أدعيلنا إنشاءالله ما تبارينا
|
Post: #666
Title: Re: مسادير يا أهل المسادير إلى ما شاء الله........
Author: munswor almophtah
Date: 12-19-2006, 03:43 PM
Parent: #665
أخوي ود مفتاح يا المن صافي الرحيق راوينا وبي معسول الحديث من أمراض النفوس داوينا يا الخزين الكريم، يا الماك بخيل بالله أدينا مساديرك ونمك المن علل الزمان تشفينا ومن عين الحسود أدعيلنا إنشاءالله ما تبارينا
الحاسد عينو راجعه وتانى راجعه لعينه وسيدا الفى تبارك راجعليهو سنينه الناس بالزكر محروسه مره أمينه ما بقدر عليها حسود وصاحب شينه
منصور
|
Post: #667
Title: Re: مسادير يا أهل المسادير إلى ما شاء الله........
Author: munswor almophtah
Date: 12-20-2006, 09:02 AM
Parent: #666
ظبى التاكا عينيهو الدغس شاقنى انا فارقتو مجبور الظروف ساقنى الفى بعدو بالحيل الفؤاد جننى صادق حبو ما خيب شعورى وظـنى
طللا طل بى أطلال ربوعا رمنى سهما فوق قديم الكى عليهو كونى كيتا تانى زى لمح البصر ختمنى هبلن فوقى نار الشوق وفوقا شونى
منصور
|
Post: #668
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-20-2006, 10:12 AM
Parent: #666
منصور أخوي قالو أخوك بالعــشق مرضان مباري النجوم وديمة لليالي يـوت ســهران وصّفوك وقالولي صاحبك مع العشق تبْ ولفان وأنا زولاً غبيان بدرب الهوي وسموني الضهبان بِتدُلني على المخارج واللآ أفضل التايه الشقيان؟ أما العزيزة بت عز الرجال حلفت المسكونة الإيمان ظبية خلا فاتت بعيونا المها وفاقت رشاقة الغزلان
تماضر أختي الوفية جات تأتر اللخو العيان ما غريب عليكي يالرزينةالفقتي غيرك رقة وحنان دعواتك سبب شفاي وما تشوفي شر يا أخت اللّخْوان الشكر يغمرك بحر ومتلو أنهار من المودة والعرفان
|
Post: #669
Title: Re: مسادير يا أهل المسادير إلى ما شاء الله........
Author: munswor almophtah
Date: 12-21-2006, 06:20 PM
Parent: #668
منصور أخوي قالو أخوك بالعــشق مرضان مباري النجوم وديمة لليالي يـوت ســهران وصّفوك وقالولي صاحبك مع العشق تبْ ولفان وأنا زولاً غبيان بدرب الهوي وسموني الضهبان بِتدُلني على المخارج واللآ أفضل التايه الشقيان؟ أما العزيزة بت عز الرجال حلفت المسكونة الإيمان ظبية خلا فاتت بعيونا المها وفاقت رشاقة الغزلان
وديوسف عيونا النور وبقا وزان وإن قلت القوام مشتوله زى البان عسلا فى الكلام بشفى السقيم مرضان ودفيا فيها ما بتفوتو يوم حردان
منصور
|
Post: #670
Title: Re: مسادير يا أهل المسادير إلى ما شاء الله........
Author: Ibrahim Adlan
Date: 12-23-2006, 06:31 AM
Parent: #1
مسدار اللوري للدكتور قريب محمد راجع
سائق التيمس الفي طبعو باقي مقلب ** قال لي مساعدو ناوين السفر ادرب
هاك ام الورق جيب ليك رغيف ومعلب ** وباكو من السجار اوع القديم ومهرب
ودع بقعة المهدي وتوجه غرب ** شال سارة وبقيت في نار جمر اتقلب
ممكون إلا صابر والعلي بطلب ** وصفات من طبيب درس الحكاية وجرب
بعد مانط فتاشة وعديل إتصلب ** طلع قوز ابو ضلوع جسم المساعد كلب
جبد السري دخان اللديتر علب ** صادف زنقة عداها وعليها تغلب
تقول كاسر قيود كان في البنية مكرب ** وصادف غفلت الحراس مرق واتهرب
قداموا الطريق ساهل نقوع وجررب ** قبل التاسعة فوق أم اندرابات تلب
من ام اندرابة توهد الخيران ** وإتراجع من السرعة وعمل سكران
قصدو القاصدو تب مافات على الزملان **يبيت صدر أب تبر ويصابح الغزلان
قشة عينو من النوم لمحلو عنيز** قدامها الوعيرة وبي وراها قويز
شال جيهة المهب نشن قليل الميز**كرفت ريحتو خزت وعوضته فزيز
شبيهة سارة سلمت من أذى الرصاص** ورجع صاحبنا آسف واللدين يباس
بتشبه سارة في الهيف والحشا المزرود** والجيد المبوبح والعيون السود
تمتاز بي نفوراً مابحدو حدود** وتمتاز سارة بي العفة وليانة العود
عقب لامح قطيع جنب القصيبات ماشي ** وراح بشويش مباريهو وعمل نواشي
قبض نيشانه واقف ومثل الدياشي ** وقالت بو وراح كل القطيع متلاشي
فرك ايدينو حسرة وعض للسباب ** وقال ياليته كان ماخالف الركاب
قداموا الوحل وتردم السحاب** وزاد الناس كمل والرحلة لسة صعاب
قال يامسعادي اطلع منع الكراب ** هُرب ابو حوت تحتنا والطريق دراب
نزل وادي اب جداد وعلب الدكناب ** وفات وادي المخنزر وعدا بالحجاب
عقيدات الدمر مراها سيل منساب ** تقول شارد اضاليم ماسك الدوداب
ختم من جبرة عفواً لاسلام لاحباب** ونزل ام قرفة ممهول والنهار ماغاب
بات مبسوط يشاغل ناس يضاحك ناس ** ونامت سارة نوماً هادي غير هلواس
حتى مساعدو راح ضارب الرمال وإنباس ** آخر نومه وإرتاحت بقية الناس
صحا من نومه واصل منزعج مزنوق** وفات ام صيقعون لمحة وعقب خازوق
يغير في التعاشيق الشقي الصعلوق ** يحاول جهدو حاري اليوم جريجخ سوق
وصلت سارة ناسة وعشيرة ابوها** وجوها شفاقة مشتاقين تقول ياكلوها
دي آخر محطة الليل يواصلو لبارا ** وللركاب تأسف واعتذر بي مرارة
وصلت سارة موطنها وبلدها الرائق** بوابيرو بتدق صباحي والتور سائق
وإتخلفت في جريجخ حبسني العائق** في بحبوحة لكن الضمير ماطائق
|
Post: #672
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2006, 10:03 PM
Parent: #670
يا ود راجع التيمس عديله مدرب
وداك سواقو فى سكروته ديمه مجبب
مساعدو مطيع ودايما حاشا ما بضهب
عارف شيلتو فوق تكويشه علق للقراب لبب
بضع ستف الطبلون زواده وكرب
وعبا الجاز تناكى وللساتك هبب
علق فوق صفاح اللورى صاجا وضب
وجاهز للقويز والخور وساعدو مكرب
بعد اللورى قام من المدينه وفرنب
وتوش فتاشه جاها وفاتا فو زى تلب
ساعة الحزه عند الحمره رخرخ جنب
بدور الشاهى عن ست اللهيج ديك قنب
فك الخرمه ختف الكيفه فرفش هضرب
وقبل تانى ختا السرى صوت الكوز حنينا طرب
فوق نقع الصوى سوالو شيتا بهدب
خبار للدروب هبار غروبا مجرب
وقت الخور يجيهو من القويز ويطلب
وتسمع جضه من صوت الحريم وسكلب
هديك الإندرابه البان عمارها وقرب
بدور النومه فيها وبالبياح بطلب
شوف عينى العنق مرحات تويسهن لبلب
وفوق راسنا الحدى بارينا ساكت غرب
فوق عوسو القبيل سواقنا داسلو هررب
وداس بنزينو عابر للوهاد وعررب
لامتين جينا لى جبره الحمارات مغرب
وسار من تال صعيدا وفى الظلامات صلب
دغشا مو صباح طبينا هاتنا صبب
لقينا الناس تتخبل وسيد صباحن حبب
يا ود عدلان ذلك إمتحان عسير فقريب شنكيب شارب للمسادير قبل أن يتقن مهنة ومهارة الصنعه بالتعمق فى الدراسة والبحث
منصور
|
Post: #674
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-25-2006, 03:16 PM
Parent: #672
منصور أخوي
وهاك مسدار بجناس
سألت عن النضرة البتزهو تقول جمالا فراش فأجابني العزول بالبي العروض فراش دي بت كهلاً فقير فراش بتردي المازني وبتفرش عليه فراش
لسع تايه في الدلال ماضي وهل تناسيت حبنا الماضي في صحيفة قلبي كم ماضي ماضي سهام لحظك الماضي
وابحث بين الحروف .. فأنت ألمحي!!
|
Post: #675
Title: Re: مسادير يا أهل المسادير إلى ما شاء الله........
Author: munswor almophtah
Date: 12-25-2006, 08:54 PM
Parent: #674
لسع تايه في الدلال ماضي وهل تناسيت حبنا الماضي في صحيفة قلبي كم ماضي ماضي سهام لحظك الماضي
تائه فى دلالك وبالعليك راضى وقبلان للحكم من سهمك القاضى قلبك ديمه مليان حاشا مو فاضى وقابض لى جمر عشق الغزال عاضى
منصور
|
Post: #676
Title: Re: مسادير يا أهل المسادير إلى ما شاء الله........
Author: munswor almophtah
Date: 12-26-2006, 11:36 PM
Parent: #675
سألت عن النضرة البتزهو تقول جمالا فراش فأجابني العزول بالبي العروض فراش دي بت كهلاً فقير فراش بتردي المازني وبتفرش عليه فراش
سمحه الخضره فوق سجاج جناين القاش وسمحه العابكه دخانا وعقبلو دعاش شبه الصيد موقله والوجيه هشاش وكضاب من يقول سهم الرماح داك طاش
منصور
|
Post: #677
Title: Re: مسادير يا أهل المسادير إلى ما شاء الله........
Author: khalid almohrib
Date: 12-27-2006, 11:33 AM
Parent: #676
الليل والنهار اقدامى دج مافاتره نوناى ونميمى مع الهبوب الخاتره تذكار لعبة الجاهله ام حمزتا داتره ورت عينى سهره ودمعتا متباتره الاخ منصور هذا قليل من كثير سوف تتاتى المسادير تباعا انشاء الله
|
Post: #678
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 12-27-2006, 12:16 PM
Parent: #677
Quote: الجابرنى دايمــــاً فى عيونو اغنى رفيع زوقاً مادب بالغرام ساكنى انا يا المنك الاقدار غصب ساقنى لا برضينى غيرك لا ســـواك مستنى |
رانفي قولو سهمو الفي فؤادي ...سكني قيَح عيني بي سهرو .....وغرامو مكني صبري علي فراقو.. جوارحي منو شكني بصلو حبيبي ..ظافر ....إذا القدر مكَني
|
Post: #679
Title: Re: مسادير يا أهل المسادير إلى ما شاء الله........
Author: munswor almophtah
Date: 12-27-2006, 10:27 PM
Parent: #678
رانفي قولو سهمو الفي فؤادي ...سكني قيَح عيني بي سهرو .....وغرامو مكني صبري علي فراقو.. جوارحي منو شكني بصلو حبيبي ..ظافر ....إذا القدر مكَني
نصلا من مقل عينيهو طار وكبسنى زى خاتمو البديع كيتا على لابسنى إن شال خدرو ساكن طيفو دو عاكسنى من الورده راجف***طبى كان لامسنى
منصور
|
Post: #680
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 12-28-2006, 06:00 AM
Parent: #679
ود مفتاح وتماضر ورائف في ليلة العيد أبشروا بتتهنو سايل المولى القدير وحجاجو الفي عرفات واقفين يتمنو المغفرة والجنة تاركين العقب ورا وليهو ما حنو خالص دعاي ليكم بالسعادة نغيماً دوام بيها تتغنو
|
Post: #681
Title: Re: مسادير يا أهل المسادير إلى ما شاء الله........
Author: Ahmed Yousif Abu Harira
Date: 12-28-2006, 12:21 PM
Parent: #680
منصور ........والعوائل والشباب والكاهله مبروك عيدكم إنشاء الله ...المقابلات ساهله نور عينينا محبوبنا .......أب خدودا جاهله شوقنا عليهو أبلى..... حبال صبرنا الماهلة
|
Post: #682
Title: Re: مسادير يا أهل المسادير إلى ما شاء الله........
Author: munswor almophtah
Date: 12-30-2006, 00:26 AM
Parent: #681
العفو للجميع والعيد بخيت وسعيد وساعلين الكريم بى خيرو لينايعيد إدينا الصلاح وسلوكنا يبقى رشيد وفوق خيرو القبيل يغنينا تانى يزيد
كل عام وكلكم بدون فرز يا أهل النم بخير وصحه وربنا يحقق الأمانى
منصور
|
Post: #683
Title: Re: مسادير يا أهل المسادير إلى ما شاء الله........
Author: munswor almophtah
Date: 12-31-2006, 11:58 PM
Parent: #682
الناس فى الشواشو والشرابيت غاتسه جايله مع الأهل زاهى الهدوم ديك لابسه السنه فى رخا وماها العجيفه اليابسه مافى كتح هبوب مافيش نفوسا عاطسه
منصور
|
Post: #684
Title: Re: مسادير يا أهل المسادير إلى ما شاء الله........
Author: munswor almophtah
Date: 03-09-2007, 12:43 PM
Parent: #683
لامتين يا بلد فوقك نقيف ندرج لا هم لا عذاب لا من فقر نتحرج الباب أقفلوا وممنوع غريب إتفرج والموت وقفوا ومافيش قتيل ومضرج
منصور
|
Post: #685
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-09-2007, 04:06 PM
Parent: #1
شوف الحال كيف دوام مختلف متبدل وفى شان ست البنات كيف صبح متعدل بيها إنصلح حالنا اللكان متبهدل صبحت وزيرة تهندس تبنى وكمان بتمندل
***
فى يومك ..نعرض بى سلاح علامك ونقدل
|
Post: #686
Title: Re: مسادير يا أهل المسادير إلى ما شاء الله........
Author: munswor almophtah
Date: 03-10-2007, 10:18 AM
Parent: #685
شوف الحال كيف دوام مختلف متبدل وفى شان ست البنات كيف صبح متعدل بيها إنصلح حالنا اللكان متبهدل صبحت وزيرة تهندس تبنى وكمان بتمندل
الحال وين بدوم والناس رباعه تكاجر والمسعول دقس سوالنا عوس التاجر كم مليون مرق خلاها فاتا مهاجر وكم تمساح مكرق حامى فيها محاجر
منصور
|
Post: #687
Title: Re: مسادير يا أهل المسادير إلى ما شاء الله........
Author: الطيب بشير
Date: 03-10-2007, 11:55 AM
Parent: #686
الحال وين بدوم والناس رباعه تكاجر والمسعول دقس سوالنا عوس التاجر كم مليون مرق خلاها فاتا مهاجر وكم تمساح مكرق حامى فيها محاجر
كم مليون مرق لي رزقو حادي و زاجـر
و كم مليون مخالف لي أخوهو مشـاجـر
السبب القبيل خـلاني أمرق أهـاجـر
الداير السيادة و يوت مخاصـم و فاجـر
.
|
Post: #688
Title: Re: مسادير يا أهل المسادير إلى ما شاء الله........
Author: munswor almophtah
Date: 03-10-2007, 06:08 PM
Parent: #687
كم مليون مرق لي رزقو حادي و زاجـر
و كم مليون مخالف لي أخوهو مشـاجـر
السبب القبيل خـلاني أمرق أهـاجـر
الداير السيادة و يوت مخاصـم و فاجـر
سببك مو براك خلوها مليون ضاجر فيهم ناس صلاح والاف ظراف وفناجر الناس فى العقاب عادمين صليحا ياجر والماسك الرزق مابيبو للناس حاجر
منصور
|
Post: #689
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2007, 04:47 AM
Parent: #688
طيب القوم بلدنا مصيبه وقعت فيها وأظن نفد الحجاب الكان زمان حاجيها النيل الروؤف بى طولا طب حاويها وخيرا فى الجراب خابرنو كان كافيها
منصور
|
Post: #690
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-11-2007, 07:16 AM
Parent: #688
الشئ العجيب صاحب المِلك ..مستأجر والبلد الفسيح ..رسل وِليدو مَهَاجر تاجر وتاجر ..إنقلبت بلادنا متاجر إتحكر سنين ياهم وإتمكن آلمتكاجر (يالمتكاجر) *** بدال فهم .. قلاع غصب .. قطاع عصب وحناجر
دستورك العلقتو لاشك حقيقتو مناجر
تاجر وتاجر .. وإنقلبت بلادنا متاجر
وين المرؤة ووين.. طفلك ضحية الفاجر
................................................................................ محمد السيد
|
Post: #691
Title: Re: مسادير يا أهل المسادير إلى ما شاء الله........
Author: munswor almophtah
Date: 03-11-2007, 07:13 PM
Parent: #690
يا زول الدماغ ظنيتو صار متحجر والكان داك كريم أصبح فسيل متجبر البلد القبيل كان بالزروع متشجر ضربو الهم يباس واصبح حريق متفجر
منصور
|
Post: #692
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-12-2007, 01:12 AM
Parent: #691
Quote: كم مليون مرق خلاها فاتا مهاجر |
Quote: طيب القوم بلدنا مصيبه وقعت فيها |
تتلمه التعاسة وخيبة رجاء تلاقيها هوين مو نجيض غلبو البسويو فيها من صالح العوام أسباب يحاجج بيها غلطان يوم طرد علاما وسيد واديها
|
Post: #693
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 03-13-2007, 03:09 AM
Parent: #692
بلد الخير بلدنا بي دمنا بنفديها
والمال نبذلو تب ما بنقصر فيها
يا الهاجين بعيد فسراعكم اجرو عليها
قبل الشر يعم ونندم علي ماضيها
|
Post: #694
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2007, 04:06 AM
Parent: #693
فى الحاره بس بدورنا نمشى عليها ناس البارده هم خامين كتير حاليها هاجين بالغلب حالتنا ماك داريها بخت الفيها داك خيراتها ديك حاريها
منصور
|
Post: #695
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 03-12-2007, 11:30 PM
Parent: #694
الليلة القلب أتلامعنلو اتنين ستاتو الأحامدة والفن مشيهو عنين الخلانى بعد الشيب فضلت أنين مهرة معبدة وبريبة ضاربة عسين
|
Post: #697
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2007, 08:44 AM
Parent: #695
الليلة القلب أتلامعنلو اتنين ستاتو الأحامدة والفن مشيهو عنين الخلانى بعد الشيب فضلت أنين مهرة معبدة وبريبة ضاربة عسين
القلب إنفطر شطرنو وزينتين وفى العوم بدعن بنقول دقر ياعين بريب التبس مسكو البفوح لى وين وكان الزول خرف بكرفلو عافيتين
منصور
|
Post: #696
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-12-2007, 11:51 PM
Parent: #1
تهموك بالصلاح وحسن الخصال تاميها غلبنى أشهد فيك وإت العيون ماليها
وإت يوم ظريف والحلوة سهل تلقيها فوق كم تجابد المرّة* وتطعم فيها
المرّة*(بضم الميم وتشديد الراء) .................................................................... http://دعوى قضائية ضد منصور المفتاح !!
|
Post: #698
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2007, 09:06 AM
Parent: #696
تهموك بالصلاح وحسن الخصال تاميها غلبنى أشهد فيك وإت العيون ماليها
وإت يوم ظريف والحلوة سهل تلقيها فوق كم تجابد المرّة* وتطعم فيها
تهمونى ونفد والفيها زايد فيها
ما بعرف خلاف الفى الضمير خافيها
كم من روح مجنده بالصلاح وافيها
كم كمين مؤمنه ربى داك واقيها
منصور
|
Post: #699
Title: Re: مسادير يا أهل المسادير إلى ما شاء الله........
Author: munswor almophtah
Date: 03-13-2007, 11:36 PM
Parent: #698
البلد إن بقت مبروكه حاشا نبيعا
حاشا نفرتقا ونخرب قديم تربيعا
الزول إن دقس فكاها إبقى تبيعا
إبقى مصيبه منزوع الخصال وطبيعا
منصور
|
Post: #700
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 03-14-2007, 03:40 PM
Parent: #699
حليل أهلك حليل البردوا المطروحة واسوك البلد ما خلوا من مشلوخة أنوريك حقايقا ونفايل فوتا بشرط كونترات تخرب خراب فى اللوحة
|
Post: #702
Title: Re: مسادير يا أهل المسادير إلى ما شاء الله........
Author: munswor almophtah
Date: 03-14-2007, 05:08 PM
Parent: #700
حليل أهلك حليل البردوا المطروحة واسوك البلد ما خلوا من مشلوخة أنوريك حقايقا ونفايل فوتا بشرط كونترات تخرب خراب فى اللوحة
بردت بالدواس السمحه طابقه البوخه ميها ديار خراب البى اللبن مبخوخه ملكه وست ديار ميها العويره تخوخه فيها رجال أسود حاشاها مى مشروخه
منصور
|
Post: #701
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-14-2007, 04:19 PM
Parent: #699
Quote: البلد إن بقت مبروكه حاشا نبيعا
حاشا نفرتقا ونخرب قديم تربيعا |
بعزة من رفع السما وسواها وبعزة من بسط الأرض ودحاها تمت كلمتو والرسالة رضاها حاشاى خراباأو ولاى لسواها
|
Post: #703
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2007, 08:52 AM
Parent: #701
الرفع السماء حاميها ما ضراها عززا بالولايه وبالصلاح علاها باللالوب محفله بالقيام جلاها علا تقوم مصيبه وإبقى سيداجناها
منصور
|
Post: #704
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-15-2007, 03:24 PM
Parent: #703
Quote: علا تقوم مصيبه وإبقى سيداجناها |
البلد المصائب كل يوم غاشياها مامورين مترفيها بالفسوق تملاها عكروا نيتم وإنتشر الفساد عماها ندعوك ياكريم تصلح نفوسنا معاها
..................................................................... محمد السيد
|
Post: #705
Title: Re: مسادير يا أهل المسادير إلى ما شاء الله........
Author: munswor almophtah
Date: 03-15-2007, 07:46 PM
Parent: #704
مافيش خير بدوم فاعل الهموم بلقاها (والوالد المحن لابد يلولى جناها) الولد إن رقد مات بالنصيحه خباها عارف فى الكتاب قد(خاب من دساها)
منصور
|
Post: #706
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 03-15-2007, 09:17 PM
Parent: #705
Quote: مافيش خير بدوم فاعل الهموم بلقاها (والوالد المحن لابد يلولى جناها) الولد إن رقد مات بالنصيحه خباها عارف فى الكتاب قد(خاب من دساها) |
فى نمك حقيقة العارف بطون فحواها مدرسة للعلوم ياكا الطبيب جساها بتمرق الشهادة يوم الخسيس دساها والشد بيك إزرو مشاكلو جت حلاها
|
Post: #707
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2007, 06:45 AM
Parent: #706
الزول إن جفل فات الحقيقه ختاها وين بقدر يفوت الآخره يتخطاها مو معروف لظى المهبوله بتوطاها مو معروف تشملو شفاعه من ناس (طه)
(ص)
منصور
|
Post: #708
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 03-16-2007, 09:24 AM
Parent: #707
بردت بالدواس السمحه طابقه البوخه ميها ديار خراب البى اللبن مبخوخه ملكه وست ديار ميها العويره تخوخه فيها رجال أسود حاشاها مى مشروخه ــــــــــــــــــــــــــــــــــ التلب اللزوم ماقالوا داك فخوخة أخو السمحة أم ضمير التضوى شلوخا الدنيا أم قدود ماقبضنو فخوخا يقدل بالعرض فى السدرة ولا الروحة
|
Post: #709
Title: Re: مسادير يا أهل المسادير إلى ما شاء الله........
Author: munswor almophtah
Date: 03-16-2007, 06:28 PM
Parent: #708
أخو السمحه أم حفل صقر الجدى الخاوى ما بديها لى ناس البفلقو ويداوى كم كمين حديث سواهو فوقها الراوى يا بنت طلحه عشقا للتراب كم شاوى
منصور
|
Post: #710
Title: Re: مسادير يا أهل المسادير إلى ما شاء الله........
Author: munswor almophtah
Date: 03-17-2007, 07:22 PM
Parent: #709
بندور الركوب فى الصى نشوف الصيد نشوف الفى الخدور والنانتو فوقها فصيد الشوقو الحرق جوفى وسبانى الريد وشوق للقمرى فوق طلح الفريق غريد
منصور
|
Post: #711
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 03-18-2007, 00:45 AM
Parent: #710
Quote: أخو السمحه أم حفل صقر الجدى الخاوى ما بديها لى ناس البفلقو ويداوى كم كمين حديث سواهو فوقها الراوى يا بنت طلحه عشقا للتراب كم شاوى
|
أخو السمحة المكملة أم حشايا طاوى مابديها لى أب مخا عقيقة وخاوى ياود البيوت أمات ضيوف وخلاوى منصور أب نفل بيتك بسند التاوى
سمية الحسن طلحة
بندور الركوب فى الصى نشوف الصيد نشوف الفى الخدور والنانتو فوقها فصيد الشوق الحرق جوفى وسبانى الريد وشوق للقمرى فوق طلح الفريق غريد
منصور ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ياسيد البكار يا المهرتك عربيد ياسيد الخسيلة المارقة من الإيد الشوق فى الحشا نارو فبنا تقبد للدار المرية وسيدا باقى عقيد
|
Post: #712
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2007, 01:49 AM
Parent: #711
أخو السمحة المكملة أم حشايا طاوى مابديها لى أب مخا عقيقة وخاوى ياود البيوت أمات ضيوف وخلاوى منصور أب نفل بيتك بسند التاوى
سمية الحسن طلحة
الحال إنخرب والكان بقالنا حكاوى داك حال البلد محنا جابلو بلاوى بندور التلب كان فى الصريمه يلاوى ما بندور معى وساويلنا حال الحاوى
منصور
|
Post: #713
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2007, 02:11 AM
Parent: #712
ياسيد البكار يا المهرتك عربيد ياسيد الخسيلة المارقة من الإيد الشوق فى الحشا نارو فبنا تقبد للدار المرية وسيدا باقى عقيد
فوق ابدومه بى كبد البطانا مشارط ومانى الخازى لى برم الطليحه العارط دوار للمعيز زول شوف عفيفا رابط وناذر لا تتك لا زول قنيصا فارط
منصور
|
Post: #714
Title: Re: مسادير يا أهل المسادير إلى ما شاء الله........
Author: munswor almophtah
Date: 03-18-2007, 02:29 AM
Parent: #713
يا بت طلحه زيك كم فقدت عقيد وكم من زيو خابر للبوادى بريد زولا كم رضى وبندورو طب فى الليد وبندور نمتو الراجياها ست الجيد
منصور
|
Post: #715
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-08-2007, 10:01 PM
Parent: #714
Quote: فوق ابدومه بى كبد البطانا مشارط ومانى الخازى لى برم الطليحه العارط دوار للمعيز زول شوف عفيفا رابط وناذر لا تتك لا زول قنيصا فارط
منصور |
قناص... للشوارد مغناطيسك لاقط دوار المعيز من غير فخاخ وملاقط بى عفة لسان ووشاً بشوش بتباسط مشهاداً قديم ماليك فيهو مغالط
سمية الحسن طلحة
|
Post: #716
Title: Re: مسادير يا أهل المسادير إلى ما شاء الله........
Author: munswor almophtah
Date: 04-09-2007, 07:20 AM
Parent: #715
قناص... للشوارد مغناطيسك لاقط دوار المعيز من غير فخاخ وملاقط بى عفة لسان ووشاً بشوش بتباسط مشهاداً قديم ماليك فيهو مغالط
نضيف الفيش خلاس خاليهو مافى مضابط وقط تب ما عتر ساقونى ليهو الظابط الشوف للغزال قانصلو مره مرابط ومانى رخيس خبيث متل أبنفيسة ساقظ
منصور
|
Post: #717
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 04-09-2007, 09:38 AM
Parent: #716
يامنصور اخوي من كتر الحزن خلاص الخد جفتو الدمعة يوم ضلمة الكباس يا الأجواد كان فيهو نورك شمعة جات السمية بت طلحة زي دعاش المطر وبرقو الشلع لمعه والماجدة بت عيال شايق زي أم در ثابتة زي شموخ القلعة اللسان عجز تب من شكرك يا ضو الجبين البادي من الطلعة
|
Post: #718
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-09-2007, 02:07 PM
Parent: #717
Quote: يامنصور اخوي من كتر الحزن خلاص الخد جفتو الدمعة يوم ضلمة الكباس يا الأجواد كان فيهو نورك شمعة جات السمية بت طلحة زي دعاش المطر وبرقو الشلع لمعه والماجدة بت عيال شايق زي أم در ثابتة زي شموخ القلعة اللسان عجز تب من شكرك يا ضو الجبين البادي من الطلعة |
ياوديوسف القتديل الأخفى ضو الشمعة الحزن للنفوسهم صافية منهج وشرعة لغسل الهموم تلزمنا كمين دمعة وصفة من مجرب دون قياس للجرعة
|
Post: #719
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 04-10-2007, 11:28 AM
Parent: #718
دعـواتك للحزين يا بـت الصالحين أولا شيخنا ود طلحة أهـل تقابة القـرآن والتبروكة يا نـبع الخصال السـمحة سنة ستة يوم الحارة كان قدحكم بره حاشا ما إندست القمحة ستارين عورات أهل فزعات وقت الفرغة تجوا في فرد لمحة
|
Post: #720
Title: Re: مسادير يا أهل المسادير إلى ما شاء الله........
Author: munswor almophtah
Date: 04-10-2007, 05:01 PM
Parent: #719
يا شيخ بكرى كيفك والخلوق قانصابك ويا أبجملا مشهل للبطق لى أبوابك يا وارث الصلاح الأصلوهو عقابك ويا جبل الثبات الفوز بشيلو الجابك
منصور
|
Post: #721
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-10-2007, 08:06 PM
Parent: #720
سلام أهل المجادعة البختّوا الطبقّه فوق الطبقّه منظومكم درر يهرد في القليب الأذتّه الفرقّه و يتور علينا وجع ضرسّن قديم والعقدة مي منجردّه ودا الخلانّا نجي نتاوق ونصد في سرعة
|
Post: #722
Title: Re: مسادير يا أهل المسادير إلى ما شاء الله........
Author: Mahmoud Mustafa Mahmoud
Date: 04-10-2007, 09:25 PM
Parent: #1
من جدة ام جداد قنصلنا قبَّل قايم خلا القنصلية الكان بديرا وصايم قدامك يسابقك "فاتحة" ولا "عزايم" فاتح بابو يوت والسبحة حي يا دايم
عوداً حميداً...
|
Post: #723
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-10-2007, 10:03 PM
Parent: #722
Quote: من جدة ام جداد قنصلنا قبَّل قايم خلا القنصلية الكان بديرا وصايم قدامك يسابقك "فاتحة" ولا "عزايم" فاتح بابو يوت والسبحة حي يا دايم |
بارك ربي فيو وكتين للحقوق وافي ندعوا لي السلامة بين الأهل متعافي قطع شك في دريب ابواتو وليهم قافي دعاين الكريم يخلف عليكم بالنزيه الصافي
|
Post: #724
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 04-11-2007, 08:37 AM
Parent: #723
منصور ياجمل شيل الحمول يوم تجينا الوقعه سمعنا من جميل النظم مسدارك الجناس والسجعة عرضة جموعية طافت الجبل وهزت جنوب البقعة ماكا الخزين الشايل هموم أهلك لا ريا ولا سمعة
|
Post: #725
Title: Re: مسادير يا أهل المسادير إلى ما شاء الله........
Author: munswor almophtah
Date: 04-11-2007, 09:22 PM
Parent: #724
سلام أهل المجادعة البختّوا الطبقّه فوق الطبقّه منظومكم درر يهرد في القليب الأذتّه الفرقّه و يتور علينا وجع ضرسّن قديم والعقدة مي منجردّه ودا الخلانّا نجي نتاوق ونصد في سرعة
ود المنسى مرحب وإنت ياك سيد دارك ومرحب يا الكريم اللضعيف بتدارك سمح الحديث الفى الجوار بشارك ويا طيب العريكه العمرو ما بتعارك
منصور
|
Post: #726
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-11-2007, 10:14 PM
Parent: #725
ود المنسى مرحب وإنت ياك سيد دارك ومرحب يا الكريم اللضعيف بتدارك سمح الحديث الفى الجوار بشارك ويا طيب العريكه العمرو ما بتعارك
الترحاب ياهو شيمتّك ياالباهي والمنصور والكرم والجود هيلك من زمان موفور هاشي باشي ديمة ووشك مو مصرور يا الطيب الأصيل عزك قديم موصول
|
Post: #727
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-11-2007, 10:20 PM
Parent: #726
ما قلته الشعر من نشيت تبيت بعجبني السمح والشكره لي أم سوميت بدور انظمو بس شيطانو قال لي أبيت دحين دلوني يا الحبان خلاس غبيت
|
Post: #728
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-11-2007, 10:52 PM
Parent: #727
Quote: ما قلته الشعر من نشيت تبيت بعجبني السمح والشكره لي أم سوميت بدور انظمو بس شيطانو قال لي أبيت دحين دلوني يا الحبان خلاس غبيت |
ود المنسى ياسمح النبأ والظيت ستار العروض المأمون على الفى البيت لزام التقيلة المن الحارة ماوحيت طايعة لك الفصاحة وفى منابرا أتعليت
سمية الحسن طلحة
|
Post: #729
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 04-12-2007, 08:39 AM
Parent: #728
ود المنسي جات سـمية فيك تجـر الـنم ود مفتاح عـقر ناقتو وحــرم تنط الدم وأنا المسكين ما عندي غير مراحب اتقدم يا رعد الصعيد اللي دويه الأضنان تنصم والله نظم المسادير أخير من نموت بالهم
|
Post: #730
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-12-2007, 08:00 PM
Parent: #1
Quote: ود مفتاح عـقر ناقتو وحــرم تنط الدم |
تحية:ـ هيا المفتاح سلامى ..ليك وللقبيل سبقونى. أسباب الزيارة:ـ هم النضم جابنى للدار الهيجت علي شجونى. سؤال:ـ حالك كيفنهو.. وعن حالى مشغول ردوم لعيونى. فى اللوم:ـ مجتمعين بى هنا ..ولحوم الناقة ماتعزمونى. إعتذار مقدم:ـ كان طفرت جيتكم علا بالمطر الصناعى* حمونى.
............................................................................ تشهد مدينة الخبر حتى اللحظة مساء( الخميس 12 ابريل 2007 )أمطار* ربما كانت لها علاقة بما اشار له الأخ معاذ حسن إنها أمطار صناعية.
|
Post: #731
Title: Re: مسادير يا أهل المسادير إلى ما شاء الله........
Author: munswor almophtah
Date: 04-12-2007, 09:07 PM
Parent: #730
هيا المفتاح سلامى ..ليك وللقبيل سبقونى. أسباب الزيارة:ـ هم النضم جابنى للدار الهيجت علي شجونى. سؤال:ـ حالك كيفنهو.. وعن حالى مشغول ردوم لعيونى. فى اللوم:ـ مجتمعين بى هنا ..ولحوم الناقة ماتعزمونى. إعتذار مقدم:ـ كان طفرت جيتكم علا بالمطر الصناعى* حمونى.
مرحبتين سلام نسل الكرام الجونى
بى سمح الحديث طربونى مره شجونى
الحال ياهو داك حال البلاد الفونى
لو بى بت لبون أفدوها ما تشورونى
|
Post: #732
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-12-2007, 09:28 PM
Parent: #730
Quote: ود المنسى ياسمح النبأ والظيت ستار العروض المأمون على الفى البيت لزام التقيلة المن الحارة ماوحيت طايعة لك الفصاحة وفى منابرا أتعليت |
بت الحسن طلحة شدرة وضليل فراعّه ما قمحانّه للغاشي والماشي تهدي وتراضي ماها النقور زعلانه التابه العجوله ماها النؤوم عمرنات دوام حيشانه حديثك يجم وعمى فضلك وكرمك يا بت شيوخ البطانه
|
Post: #733
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-12-2007, 09:44 PM
Parent: #732
Quote: ود المنسي جات سـمية فيك تجـر الـنم ود مفتاح عـقر ناقتو وحــرم تنط الدم وأنا المسكين ما عندي غير مراحب اتقدم يا رعد الصعيد اللي دويه الأضنان تنصم والله نظم المسادير أخير من نموت بالهم |
النم فالك يا أبوبكر ود اب شرا المعلوم وكرم ودمفتاح مبيّن قسم مابعرف اللوم تراحبك يسر ياود الرجال في الحارة مابتنوم يا السيل الدلق في الوديان وغلّب البتعوم
|
Post: #734
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-12-2007, 09:51 PM
Parent: #733
Quote: مرحبتين سلام نسل الكرام الجونى
بى سمح الحديث طربونى مره شجونى
الحال ياهو داك حال البلاد الفونى
لو بى بت لبون أفدوها ما تشورونى |
سلام منصور ود مفتاح الغربة حال الفقري مابنفديها لكن دونك تسيل دمانا جداول خررررررر
إت بشروك بالمدخور ومكيالك دهب يا السمتان يا البسمك ديمة باشر في الحارة والأحزان ما بتجيب اللوم وديمة لزوم وأخو أخوان ما كُت بعرفك زمان لكن سمع من حديث حبان
|
Post: #735
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-13-2007, 02:11 PM
Parent: #1
Quote: مرحبتين سلام نسل الكرام الجونى |
Quote: لو بى بت لبون أفدوها ما تشورونى |
خيرك واصل ..وفي أصلك الكرم هو الحاصل مورث فيك عن جد ..معرف بي قدح متواصل ليك الحديث فاكهتو دانت بدون ماتفاصل مضرب للمثل ..ومحط للمكارم عضد ومفاصل
|
Post: #736
Title: Re: مسادير يا أهل المسادير إلى ما شاء الله........
Author: munswor almophtah
Date: 04-13-2007, 04:42 PM
Parent: #735
يا ود يوسف المشهاد دوام ساويهو ما بدور شكر ضيف الهجوع راجيهو الزول إن دقس للميس وفات واسيهو يا جبل الصبر مخبور وفيك حاريهو
منصور
|
Post: #737
Title: Re: مسادير يا أهل المسادير إلى ما شاء الله........
Author: munswor almophtah
Date: 04-13-2007, 04:55 PM
Parent: #736
يا بنت طلحه دايما للكتير جيابا دايما ست شكر مستوره ماك هيابا قولك للكرام حاسناهو ماك ريابا يا بنت الأصول حاشاك ماك عيابا
منصور
|
Post: #738
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-13-2007, 05:42 PM
Parent: #1
Quote: ما بدور شكر ضيف الهجوع راجيهو |
سمح الطباع لاشك حالك البعنيهو
تحياتى لمن هو في منزلة (الخال )منصور المفتاح.
مسلسل من كرم والأصل للباديهو تنيت الزيارة يالغالي للغاشيهو خلانى ياحباى إعلانى اسمعو ليهو خالى ود مفتاح بكل عزيز بفديهو
|
Post: #739
Title: Re: مسادير يا أهل المسادير إلى ما شاء الله........
Author: munswor almophtah
Date: 04-13-2007, 06:59 PM
Parent: #738
مسلسل من كرم والأصل للباديهو تنيت الزيارة يالغالي للغاشيهو خلانى ياحباى إعلانى اسمعو ليهو خالى ود مفتاح بكل عزيز بفديهو
تفديك النفوس باذله النفيس دفاقا
يا هنداس حروف القول وضوء بقاقا
مخبور فى المجالس وإنت ياك رواقا
عند سمح الخصال فى توب لطاف بتلاقا
منصور
|
Post: #740
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-14-2007, 03:50 PM
Parent: #739
Quote: يا هنداس حروف القول وضوء بقاقا |
فارس الحوبــة ..ساعة السيوف تتلاقا وحظك في القنيص ..متفائلينبو رفاقة متلك فى الكرم ..لوفي الحلم ماتلاقا وطبعك فى الملوك ..لاشك لقيتلو علاقة
|
Post: #741
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-15-2007, 07:19 AM
Parent: #740
Quote: يا بنت طلحه دايما للكتير جيابا دايما ست شكر مستوره ماك هيابا قولك للكرام حاسناهو ماك ريابا يا بنت الأصول حاشاك ماك عيابا
|
ود مفتاح عريس خيلا تجيك تزّابى فى كبد المحاص الحارة مابتهابا الصافى النضيف حاشا من بتابة ياود الإصول والحلقة والتقابة
سمية الحسن طلحة
|
Post: #742
Title: Re: مسادير يا أهل المسادير إلى ما شاء الله........
Author: munswor almophtah
Date: 04-15-2007, 10:15 PM
Parent: #741
بنت العالم الأواه حليم أواب وسواى الفضايل حاشا مو ضهاب الملك المأصل وفى القبايل ناب وجابك صافيه زيو وظنو فيك ما خاب
منصور
|
Post: #743
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 04-16-2007, 08:57 AM
Parent: #742
فقدتكم لما غبت وسَافَرْ نَشّقْ هناك فوق جبال الباحة وين ود مفتاح يا بحر الكرم المبقدرو يعبرو سباحة وود نايل بحر علوم الدين الكون العَمّرو بيهوالساحة وبت شيخنا ود طلحة عبقت الكون بي طيب خلق وسماحة هي الما بتكوس نظم الشعر وتدوبي بي طلاوة لسان وفصاحة
|
Post: #744
Title: Re: مسادير يا أهل المسادير إلى ما شاء الله........
Author: بخاري بشير
Date: 04-20-2007, 02:11 PM
Parent: #743
ود مفتاح حبابك عدينا منك حول ولو ما هاالعبوس ما بفرقنا منك زول نم أدينا قولك وجيب بهادر العول مولاي يسعدك طول ما لـ "سعدنا تجول"
--------
بت خياط معتقة بالحروف مليانة ونمتا زي خدار شتل الجروف نديانة سمح قول حفيدة طلحة ساطع زانا ومن جوهر حديثا قلوبنا طب طربانة
|
Post: #745
Title: Re: مسادير يا أهل المسادير إلى ما شاء الله........
Author: بخاري بشير
Date: 04-20-2007, 02:14 PM
Parent: #744
هنداس القوافي ومعدن الابريز معمار الكلام في فمو حدو الميس جاب القول معتق زي عطور باريز مابقلبو النضم هنداس النميم هنديس
----------
الصديق نشق قال لـ"جبال الباحة" وفاقد دار أبوي مفتاح أمير الساحة ود يوسف نميمك ضاوي باقي سماحة والمتلك صدوق وأحزانا ياك مساحا
|
Post: #746
Title: Re: مسادير يا أهل المسادير إلى ما شاء الله........
Author: بخاري بشير
Date: 04-20-2007, 02:15 PM
Parent: #745
ود مفتاح طريت لـ" يحى نشأت ـ ونادية" والنم القبيل أشجارو يوت متاكية وينهم يالأصم اليوت حروفهم ضاوية يلعنها "العبوس" ساقتنا سوق الساقية
---------
منصور أبقى عافية ولي حلف بي نذرو في كل جمعة أزوركم وأوفي نذري وأجرو الأيام صروف والزول ما بيغلبو عذرو وليكم ياالهميم حب ما بينضب بحرو
|
Post: #747
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-20-2007, 03:20 PM
Parent: #746
Quote: بت خياط معتقة بالحروف مليانة ونمتا زي خدار شتل الجروف نديانة سمح قول حفيدة طلحة ساطع زانا ومن جوهر حديثا قلوبنا طب طربانة |
من ناحية بخاري الكرم عمانا بشير الخير صحايفو بالعلم مزدانة جمعة بألف جمعة تبقى بيك جامعانا ياالحبان عموم أدنو جاى بى حدانا
|
Post: #748
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-20-2007, 07:18 PM
Parent: #747
الكاسي الجمال مابورّي الكعب للناس السيرة الطيبة بتعُم لا عند حدود مِكناس الفضل ان تبقى دابو يمين قسم مابتنداس وأحرس علي العديل لا تكون دوام كباس
|
Post: #749
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-21-2007, 05:25 PM
Parent: #748
Quote: خيرك واصل ..وفي أصلك الكرم هو الحاصل مورث فيك عن جد ..معرف بي قدح متواصل ليك الحديث فاكهتو دانت بدون ماتفاصل مضرب للمثل ..ومحط للمكارم عضد ومفاصل |
جودك فاض وعمى الرويانّه والماحل يابحر المحيط الا حدود لا ساحل بتنحرو وتكفّو المقيم والراحل إياك ودالمفتاح وفيكا تب مانفاصل
|
Post: #750
Title: Re: مسادير يا أهل المسادير إلى ما شاء الله........
Author: munswor almophtah
Date: 04-21-2007, 09:24 PM
Parent: #749
جيدا يا بخارى الجيتنا فوق جيد عاديه وجيدا جبت سيرة الفينا كانت ناديـا ناس يحى وعقيد كانت نفوسهم راضيـه وفوقهم جات سميه وجات بشائر الباديه
منصور
|
Post: #751
Title: Re: مسادير يا أهل المسادير إلى ما شاء الله........
Author: بخاري بشير
Date: 04-22-2007, 03:30 PM
Parent: #750
يالمفتاح ود العقيد أطربنا في الخرتوم ونادية كمان معانا جالبة المكارم كوم نموا وزيدو يا معدن خلاصة القوم ياكم نار دواس وقت المحاصة تحوم
|
Post: #752
Title: Re: مسادير يا أهل المسادير إلى ما شاء الله........
Author: munswor almophtah
Date: 04-22-2007, 04:44 PM
Parent: #749
اللهج المطعم وروحو من أنناس وسيدو على المكارم ضم صاحب باس كاب اللبوس اللدروع لباس ويا المنسى المخاوى مع الشماليل راس
منصور
|
Post: #753
Title: Re: مسادير يا أهل المسادير إلى ما شاء الله........
Author: munswor almophtah
Date: 04-22-2007, 05:05 PM
Parent: #752
يالمفتاح ود العقيد أطربنا في الخرتوم ونادية كمان معانا جالبة المكارم كوم نموا وزيدو يا معدن خلاصة القوم ياكم نار دواس وقت المحاصة تحوم
بخت الجاها زى نجم الهجوع منضوم
وبخت الفيها هلت زى سهيل فى الكون
ناس نشأت معاكم حاشا مو زول لوم
وشايف للكرامات والحدى بتحوم
منصور
|
Post: #754
Title: Re: مسادير يا أهل المسادير إلى ما شاء الله........
Author: munswor almophtah
Date: 04-22-2007, 05:21 PM
Parent: #753
منصور أبقى عافية ولي حلف بي نذرو في كل جمعة أزوركم وأوفي نذري وأجرو الأيام صروف والزول ما بيغلبو عذرو وليكم ياالهميم حب ما بينضب بحرو
حبابك يا اللصيل سمح الكلام بتعبرو والرسم السمح صافى الفنون بتخبرو الزمن الكعب صراف وناصب قبرو مين بقدر عليهو وديمه يامن غدرو
منصور
|
Post: #755
Title: Re: مسادير يا أهل المسادير إلى ما شاء الله........
Author: munswor almophtah
Date: 04-22-2007, 05:40 PM
Parent: #754
ود مفتاح حبابك عدينا منك حول ولو ما هاالعبوس ما بفرقنا منك زول نم أدينا قولك وجيب بهادر العول مولاي يسعدك طول ما لـ "سعدنا تجول"
حول والله عارف حاشا مك مجهول وزى ورد الهجوع بيك الفؤاد مشغول حليل زمن الحديث الكان بسوى الهول وكان زاد المحفله خاتية طب من قول
منصور
|
Post: #756
Title: Re: مسادير يا أهل المسادير إلى ما شاء الله........
Author: munswor almophtah
Date: 04-22-2007, 05:58 PM
Parent: #755
هنداس القوافي ومعدن الابريز معمار الكلام في فمو حدو الميس جاب القول معتق زي عطور باريز مابقلبو النضم هنداس النميم هنديس
العنعنه حقتك ما بتعرف التدليس وما بتعرف تلولو زى فعايل إبليس ضيفك رزقو دايما من كرايم العيس ودايما غرضو مقضى وزى تكنو عريس
منصور
|
Post: #757
Title: Re: مسادير يا أهل المسادير إلى ما شاء الله........
Author: shazaly gafar
Date: 04-22-2007, 06:27 PM
Parent: #754
حلاة النمَّـه وكتين تقالْْدَ النمَّـه
وسمحه مجالس الدوبيت جبنْةَ اللَّمه
يا منصور اخوى..وكل الـ عليك انضمَّ جيتكم قافِر الشـاردات بدور انجمَّ
شاذلى جعفر شقَّاق
|
Post: #758
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-22-2007, 08:28 PM
Parent: #757
Quote: اللهج المطعم وروحو من أنناس وسيدو على المكارم ضم صاحب باس كاب اللبوس اللدروع لباس ويا المنسى المخاوى مع الشماليل راس |
اللهج المسكّر أنتَ عقدو وراسّو وفي نضم الكلام ليكَ باع غارب ساسو ياود مفتاح اللزوم أنتو الكرم ناسّو تَدْخل الجُلّه ماكا الليّن سهِل ميراسّو
خالد محجوب
|
Post: #759
Title: Re: مسادير يا أهل المسادير إلى ما شاء الله........
Author: munswor almophtah
Date: 04-23-2007, 00:33 AM
Parent: #757
حلاة النمَّـه وكتين تقالْْدَ النمَّـه
وسمحه مجالس الدوبيت جبنْةَ اللَّمه
يا منصور اخوى..وكل الـ عليك انضمَّ
جيتكم قافِر الشـاردات بدور انجمَّ
سمحه النمه وقتين جبنتا بتنشمه
سمحه النمه وقتين الغزال إتلمه
سمحه النمه يا شقاق عظيم الهمه
سمحه النمه وقت الزول يكون بى ذمه
منصور
|
Post: #760
Title: Re: مسادير يا أهل المسادير إلى ما شاء الله........
Author: munswor almophtah
Date: 04-23-2007, 05:15 PM
Parent: #759
ناس فى الطلح والبوخه عودها صنادل وناس بى أبشنب والليل بكدو حناضل يا رب السعاده البالأكارم فاضل وعبدك ليك موحد وديمه ليك بناضل
|
Post: #761
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-23-2007, 05:58 PM
Parent: #760
Quote: ناس فى الطلح والبوخه عودها صنادل وناس بى أبشنب والليل بكدو حناضل يا رب السعاده البالأكارم فاضل وعبدك ليك موحد وديمه ليك بناضل |
الرائع المرهف منصور المفتاح التحية لك بعد زرات صحرانا وصحاري غيرنا ذكرتني ابياتك الجميلة.. أبيات شعر دوبيت للشاعر الجميل ( الجاقريو ود العليفون )
قال فيها :
الطابق البوخة قام من نداهو مِفرهد نام من الدوخة.. آيدو عاقباهّو الجدلة مملوخة ولي معالق الجوف موسو مجلوخه
|
Post: #762
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 04-23-2007, 09:11 PM
Parent: #761
Quote: ناس فى الطلح والبوخه عودها صنادل وناس بى أبشنب والليل بكدو حناضل يا رب السعاده البالأكارم فاضل وعبدك ليك موحد وديمه ليك بناضل |
البارح أنا وقصبة مراقد السيل في ونسة وضحك لامن قسمنا الليل وكت العنقريب أتشقلبنبو الخيل لا بخلت ولا جادت علي بلحيــــل
|
Post: #763
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-23-2007, 09:52 PM
Parent: #762
بتجيك بي لُطف وبي حنان تتكّل الصندل مرشرش بي القرنفل عنكّل ياحلات توبو الشفون ومشكّل بي حِشمة وأدب يقدل غزال البركل
علي ابرهيم اللحو
|
Post: #764
Title: Re: مسادير يا أهل المسادير إلى ما شاء الله........
Author: munswor almophtah
Date: 04-25-2007, 05:08 PM
Parent: #762
البارح أنا وقصبة مراقد السيل في ونسة وضحك لامن قسمنا الليل وكت العنقريب أتشقلبنبو الخيل لا بخلت ولا جادت علي بلحيــــل
شرقنى السمع بالبيها مافى مثيل وحتى المشرق المخصوصه ليهو نخيل كان بخلت عليك ما تبقى ليها بخيل وديك خلابه يا المخلول دواها خليل
منصور
|
Post: #765
Title: Re: مسادير يا أهل المسادير إلى ما شاء الله........
Author: munswor almophtah
Date: 04-25-2007, 05:23 PM
Parent: #764
بتجيك بي لُطف وبي حنان تتكّل الصندل مرشرش بي القرنفل عنكّل ياحلات توبو الشفون ومشكّل بي حِشمة وأدب يقدل غزال البركل
الشايل المدافع وللتتك هزاز ودر قلبى طفش نومى صارلو خزاز أم ديسا مدفق والرقيبه قزاز وإن عقبت قفانا الغيم دفقو رزاز
منصور
|
Post: #766
Title: Re: مسادير يا أهل المسادير إلى ما شاء الله........
Author: بخاري بشير
Date: 04-27-2007, 02:37 PM
Parent: #765
الليلة الغزال طربان شروقو مغاربو مارق برة والسور اب محابس سابو تللا الليد و صايد قلبي بي نشابو تنا القدلة والفرع المعجن جابو
/////////////////
منصور الغزال صايدني زايد جنو ود اللريل الفوقو الشويردات غنو ناعس أفلج أدعج وسمحة بيضة سنو أوصف للعلاج زولك محضر كفنو
|
Post: #767
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-27-2007, 04:42 PM
Parent: #766
دُلوني يا الأحباب الحال صِبح بطّال بِتقلب فوق وهيج والدمع سيّال من جمر الوقيد لِبستَ عِمه وشال سترك يا مجيد عقب تصُلح الحال
خالد محجوب
|
Post: #768
Title: Re: مسادير يا أهل المسادير إلى ما شاء الله........
Author: munswor almophtah
Date: 04-27-2007, 05:38 PM
Parent: #766
الليلة الغزال طربان شروقو مغاربو مارق برة والسور اب محابس سابو تللا الليد و صايد قلبي بي نشابو تنا القدلة والفرع المعجن جابو
آآخ ياود بشير من لحظو ساكت شابو وكم شيبان مودر ليهو كم بتشابو فرع الخيدران الماح وعاجبو شبابو زى جدع الحدق ما أظن بلوص نشابو
منصور
|
Post: #769
Title: Re: مسادير يا أهل المسادير إلى ما شاء الله........
Author: munswor almophtah
Date: 04-27-2007, 06:09 PM
Parent: #768
منصور الغزال صايدني زايد جنو ود اللريل الفوقو الشويردات غنو ناعس أفلج أدعج وسمحة بيضة سنو أوصف للعلاج زولك محضر كفنو
أهل القنيص فى الريله حارو ومحنو وحيرم الدهب لاصف جميل من سحنو أدعج وطرفو كاحل لينا ياريت يحنو ويا ريت يا ودبشير يسبيك بى خاص لحنو
منصور
|
Post: #770
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 04-29-2007, 06:40 AM
Parent: #769
ود الأرايل المرعاك بطانا الصبر الجميل تب كملان معانا نور بسمو المفلج نار متدرعانا بجيب أجلى المحتم أديكم ضمانة
|
Post: #771
Title: Re: مسادير يا أهل المسادير إلى ما شاء الله........
Author: بخاري بشير
Date: 04-29-2007, 02:40 PM
Parent: #770
في الطلة القبيل أعصابي شهقو ودابو وفرع الحنة مال نهدو المفرهد دابو سماحة أخلاق وخلقة ، قلمي فاقدو صوابو وقف محتار عديل في جمالو وين أبدابو ؟
///////////////////////
وقت قسمو الجمال أدوهو لامن دفق ممشوق القوام عراقو مو مطقق فمو عسل نجوع منو الخلوق تتعشرق ومن عينو السهام في جوفي ضربها حقق
|
Post: #772
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-29-2007, 03:51 PM
Parent: #1
ضهبان من زمن وعطشان بدور تسقونى الاربع قرب املوها طب ..بعد تروونى وفي دار الكرم الفاتحنا ما تنسونى متوجع كتر وفيكم سلوى وطبيب لشجونى
|
Post: #773
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 04-29-2007, 04:06 PM
Parent: #772
مرحب بالكلس وإنتا المأصَّل ساسك إنتا الريد جليسك والمَلَك حراسك نفخربك كتير والعزيزة مقاسك وتفخربك بطانة الفيها أهلي وناسك
|
Post: #774
Title: Re: مسادير يا أهل المسادير إلى ما شاء الله........
Author: بخاري بشير
Date: 04-29-2007, 06:46 PM
Parent: #773
بطانة سلامي ليك كل ما يهب دعاشك وتعالك تكب ومنوعات قشاشك تسلمي يا تماضر من كل سهام تنتاشك أصلتي المأصل ،يارب تصلحو معاشك
//////////////
هاك من ود بشير أحرف ثنا وتقدير ياك بت العزاز الأحسنو التدبير حب القافية طبعك وقلمك مقامو كبير تسلمي يا الصميمة يابت مكوك الدير
|
Post: #776
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-29-2007, 06:59 PM
Parent: #774
Quote: في الطلة القبيل أعصابي شهقو ودابو وفرع الحنة مال نهدو المفرهد دابو سماحة أخلاق وخلقة ، قلمي فاقدو صوابو وقف محتار عديل في جمالو وين أبدابو ؟ |
يا بخاري أبدأ بي الرقيبة الزي زجاجة روم محزوزة ومِباعة القرط من الكتيف بعيد محروم وراقد فوقْها العيد مرتاح يلصّف جمال منضوم وأتحدّر لوضف الجسم المقسّم والعويد مبروم
خالد محجوب
|
Post: #778
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 04-29-2007, 07:09 PM
Parent: #774
بخاري..
سلامي ليك فاق للبجيبو رشاشك غرَّق أحرفي مطراً بلولي دعاشك سلام الزهور تشرق تنادي فراشك لاتفكّر كتير ..سهمي ذاتو الناشك
|
Post: #775
Title: Re: مسادير يا أهل المسادير إلى ما شاء الله........
Author: munswor almophtah
Date: 04-29-2007, 06:49 PM
Parent: #773
ود الأرايل المرعاك بطانا الصبر الجميل تب كملان معانا نور بسمو المفلج نار متدرعانا بجيب أجلى المحتم أديكم ضمانة
الزول الملايكه وللقلوب شفخانه دايما بالو واسع وبالكتير برجانا زى كرم الخريف ترس الرهيد مليانه ناس محبوسه عندو وناس كتير وحلانا
منصور
|
Post: #777
Title: Re: مسادير يا أهل المسادير إلى ما شاء الله........
Author: munswor almophtah
Date: 04-29-2007, 07:09 PM
Parent: #775
دُلوني يا الأحباب الحال صِبح بطّال بِتقلب فوق وهيج والدمع سيّال من جمر الوقيد لِبستَ عِمه وشال سترك يا مجيد عقب تصُلح الحال
لايكين الصبر والعوس مصنقر وجايل والفرج الخريف لقط سحابا شايل يا المنسى القفاك مللا وراها قبايل وزى برق الشروق مطرا بعدل المايل
منصور
|
Post: #779
Title: Re: مسادير يا أهل المسادير إلى ما شاء الله........
Author: munswor almophtah
Date: 04-29-2007, 07:26 PM
Parent: #777
في الطلة القبيل أعصابي شهقو ودابو وفرع الحنة مال نهدو المفرهد دابو سماحة أخلاق وخلقة ، قلمي فاقدو صوابو وقف محتار عديل في جمالو وين أبدابو ؟
أصهب ود أراك عراف بشق ديدابو للبريب بحاحى وكم مراح كم جابو ختاى للتيوس ختاف معيز نشابو يا راوى الحديث سامعين كلامك شابو
منصور
|
Post: #780
Title: Re: مسادير يا أهل المسادير إلى ما شاء الله........
Author: munswor almophtah
Date: 04-29-2007, 07:39 PM
Parent: #779
سلامي ليك فاق للبجيبو رشاشك غرَّق أحرفي مطراً بلولي دعاشك سلام الزهور تشرق تنادي فراشك لاتفكّر كتير ..سهمي ذاتو الناشك
سلامك فاتنا ساكت وباصو كان قشاشك ويا الغرقان رشاش ورينا إيش الداشك سهمك طاش ختانا الفيهو شفنا طشاشك وقرب شوفنا ساكت خلو داك غشاشك
منصور
|
Post: #781
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-29-2007, 07:42 PM
Parent: #779
Quote: لايكين الصبر والعوس مصنقر وجايل والفرج الخريف لقط سحابا شايل يا المنسى القفاك مللا وراها قبايل وزى برق الشروق مطرا بعدل المايل |
الصبر لُكنا وفتلنا فتل ولبسنا عروض وقابضين علي زناد القليب الصبح مهرود إتمكن خلاس وألم الفرقة مابي يروق يا منصور الشورة كيف ورينا يا ابوعروض
خالد محجوب
|
Post: #782
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-30-2007, 03:47 PM
Parent: #781
Quote: يا منصور الشورة كيف ورينا يا ابوعروض |
بندور نشاورو معاك ماكا البلاك مغروض عانينا الفراق والحالة زايدة ضغوط الفاجعةالهناك وللبيع الشرف معروض وكيف ينلتق توب العفة الصبح مشروط
|
Post: #783
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2007, 04:53 PM
Parent: #782
بعد العسر المولى ضامنين يسرو
بى كرم الصلاح وبالليالى بيسرو
يات من كان موحد فينا ضامن نصرو
عارف ربو عادل وديمه فارج عسرو
منصور
|
Post: #784
Title: Re: مسادير يا أهل المسادير إلى ما شاء الله........
Author: بخاري بشير
Date: 04-30-2007, 05:01 PM
Parent: #783
ياخالد.... وقت دنت البنية يمين دنيت من أجلي يافوخي انسحك وصبحت فاقد عقلي الجيد المحزز والجمال الأصلي والجسم المقسم عجلن بي أجلي
|
Post: #785
Title: Re: مسادير يا أهل المسادير إلى ما شاء الله........
Author: بخاري بشير
Date: 04-30-2007, 05:02 PM
Parent: #784
عزيزي منصور
///////////////
الخور المقيف الرجال بتهابو وإت عارفني يالمنصور بحب زلقابو التيس الملجم وقتين يشق هرابو تعرفني أم خدود ختاف معيز الجابو
/////////
هرابو..........مفردها "هربة" وهي الحفرة
|
Post: #786
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2007, 05:17 PM
Parent: #784
مفصصه زى نحلة المنقه يوت فى عجلى يوت من ريقا جمت ريكه ساكت عسلى أم جيدا مبربح وأم لهيجا عسلى حرمت مره واحد للزويل الفسلى
منصور
|
Post: #787
Title: Re: مسادير يا أهل المسادير إلى ما شاء الله........
Author: munswor almophtah
Date: 04-30-2007, 05:36 PM
Parent: #786
حليل الخروع النوارتو خاره عسيل حليل الحلفا فوقو الليله أصبح سيل حليل القمرى ساعة الجضه عز الليل حليل القمره واسعه وبيها شفنا شليل
منصور
|
Post: #788
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-30-2007, 09:08 PM
Parent: #787
Quote: ياخالد.... وقت دنت البنية يمين دنيت من أجلي يافوخي انسحك وصبحت فاقد عقلي الجيد المحزز والجمال الأصلي والجسم المقسم عجلن بي أجلي |
كيفن بتّتوهدب ياالبخار وانتَ ثابت عقلك الرزانة والسمتّه مما قمتّه واقفات عدلّك عشا البايتات الكرم قديم ورٍثتو من أهلك بيني وبينك الجمال أظُنو إجيب أجلي وأجلك
خالد محجوب
|
Post: #789
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-30-2007, 09:18 PM
Parent: #788
Quote: بعد العسر المولى ضامنين يسرو
بى كرم الصلاح وبالليالى بيسرو
يات من كان موحد فينا ضامن نصرو
عارف ربو عادل وديمه فارج عسرو |
شاحدين الكريم إفرج كُربنا سريع والحزن المِعشعش تنقشع ضابتّو تَمِيع نعود للأهل من بلاد برد وصقيع حامدين وشاكرين بين البرقعّو وقيع
خالد محجوب
|
Post: #790
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-30-2007, 09:28 PM
Parent: #789
Quote: حليل الخروع النوارتو خاره عسيل حليل الحلفا فوقو الليله أصبح سيل حليل القمرى ساعة الجضه عز الليل حليل القمره واسعه وبيها شفنا شليل |
القَمر وكتين يَهْل بيهو النفوس بِطيب والقمري كان قوقّا بنجاي حبيب وحبيب السيل إن دلق في الحلفا ليهو خبيب ونوارة الخروع كان فقعّت علاج كلامو عجيب
خالد محجوب
|
Post: #791
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 04-30-2007, 09:33 PM
Parent: #790
يا منصور شيطاني أظنو كبير مو سغيّر وكُتْ قايلو نايم وبين الأنام مديّر الكلام بقى أجي برا لامن بقيت متحيّر قولي دحين دا شنو قبُل القليب مايودّر
أرجو منك الأجابة
خالد محجوب
|
Post: #792
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-30-2007, 09:51 PM
Parent: #1
Quote: مفصصه زى نحلة المنقه يوت فى عجلى |
مقياس جيدا قالب منعدم ..يمين يتنى نلحس كوع ايدنا ..كان في وصالا املنا مفصصه زى خرز ..والسبابه ليو ناظرنا معركنا بين نهدين وعندالضمير مكتلنا
|
Post: #793
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-30-2007, 10:14 PM
Parent: #1
Quote: حليل القمرى ساعة الجضه عز الليل |
مالك علي يادمعة طارية السيل سببك غبار ..ولا الذكرنا قبيل جانا عصير وحلفنالو الا مقيل الرويان في خدارو مالقيتلو متيل
................................................................... ابو السيد
|
Post: #794
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 04-30-2007, 10:48 PM
Parent: #1
Quote: قولي دحين دا شنو قبُل القليب مايودّر |
قولك منعدل علا الحدث يوت متغير بندور النضم وشرح الغريب ومحير ابلك اربعات يالمنسي قوملها سير فيك رزانة وحِكمك لي عقولنا تنير
................................................................. ود السيد
|
Post: #795
Title: Re: مسادير يا أهل المسادير إلى ما شاء الله........
Author: munswor almophtah
Date: 05-01-2007, 05:44 PM
Parent: #794
مالك علي يادمعة طارية السيل سببك غبار ..ولا الذكرنا قبيل جانا عصير وحلفنالو الا مقيل الرويان في خدارو مالقيتلو متيل
................................................................... ابو السيد
متل الطيلسان برقتنا داك بالحيل ودا أبخدا منور وفوقو صبو عسيل بريب دار صباح الليهو مافى مثيل وفى شانو القنيص بتقدمنو الخيل
منصور
|
Post: #796
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 05-01-2007, 05:53 PM
Parent: #794
مابعرف أفوت وقلبي شايل همّو بس بعرف أعيش وهواكا سابق دمّو ناديت للصلاة..الصف وراكا بتمّو أذِّن بالحنين.. واسيت أخوهو وعمو بعد كبّر هواك..وبالسكينة إنجمّو ركع الشوق معاك ..ودّع سؤالو وغمّو سجدت فيني روح..وكل الملايكة إتلمّوا في ساعة التشهّد ..دوبيت بصادف نمّو وإن جيت للسلام يمين حنينك ضَمّو في الآخر ختام..شمال ..بسالم..نضمو بعد أدّى الفروض ..كيفن وصالك تحمو ؟؟
|
Post: #797
Title: Re: مسادير يا أهل المسادير إلى ما شاء الله........
Author: munswor almophtah
Date: 05-01-2007, 06:11 PM
Parent: #796
|
Post: #798
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-01-2007, 11:04 PM
Parent: #1
Quote: مابعرف أفوت وقلبي شايل همّو |
ماكى الخزينة تعتلى المستف غمو ياكى الدانة ساعة الرجال اتلمو جوهر عقد المجالس يالمسك للشمو يااجمل معنى وحسن اختيار السمو
تماضر الخنساء حمزه(ما أجمله من اسم)(وما اسماها وانبلها روح) .......................................................................... محمد السيد
|
Post: #799
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-02-2007, 02:57 PM
Parent: #1
Quote: مابقلبو النضم هنداس النميم هنديس |
من ود البشير الليلة فاقدين نمو ياربي انشغل ولا الدنيا صارت همو وين سحر المسادير اللقيتا فى فمو بشرانا بيك مليون يالخفيف فى دمو ..................................................................... محمد السيد
|
Post: #800
Title: Re: مسادير يا أهل المسادير إلى ما شاء الله........
Author: بخاري بشير
Date: 05-02-2007, 04:42 PM
Parent: #799
الأخ محمد السيد //////////////
ده ان أدااك وكتر ما بينضم فمو هنداس الغنا الموزون وتريان نمو كيال للمديح مابيعرف حديثا يزمو تسلم يالصميم "السيد" المن فطمو
|
Post: #801
Title: Re: مسادير يا أهل المسادير إلى ما شاء الله........
Author: munswor almophtah
Date: 05-02-2007, 05:26 PM
Parent: #799
مابعرف أفوت وقلبي شايل همّو بس بعرف أعيش وهواكا سابق دمّو ناديت للصلاة..الصف وراكا بتمّو أذِّن بالحنين.. واسيت أخوهو وعمو بعد كبّر هواك..وبالسكينة إنجمّو ركع الشوق معاك ..ودّع سؤالو وغمّو سجدت فيني روح..وكل الملايكة إتلمّوا في ساعة التشهّد ..دوبيت بصادف نمّو وإن جيت للسلام يمين حنينك ضَمّو في الآخر ختام..شمال ..بسالم..نضمو بعد أدّى الفروض ..كيفن وصالك تحمو ؟؟
شيطان الشعر جافانى قايم جنو وكل ما أقول حديث إغلبنى تب ما أتمو يا بت الصلاح اللفلاح فاعلنو مالك مارضه قلبى المن زمان مارضنو شايفك فى الخشوع يا خشاف كتير راجينو شاربه الإبتهال إنتى الجمال نور فنو شايفين للسجود داك الركوع داركنو سرك داك جهر يالجاهره ليك كم غنو كم ليك من محب فضل الكتير داخرنو متلك كم بقوموا الليل وداك كم فرض عاملنو سجودك يا المقامو كبير وجودك نحن داك عارفنو حبابك ديمه يا الأواهه ليك كم آهه آننو
منصور
|
Post: #802
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 05-03-2007, 01:45 PM
Parent: #801
Quote: وقت دنت البنية يمين دنيت من أجلي يافوخي انسحك وصبحت فاقد عقلي الجيد المحزز والجمال الأصلي والجسم المقسم عجلن بي أجلي |
Quote: شيطان الشعر جافانى قايم جنو وكل ما أقول حديث إغلبنى تب ما أتمو يا بت الصلاح اللفلاح فاعلنو مالك مارضه قلبى المن زمان مارضنو
|
نقرأ وبس
|
Post: #803
Title: Re: مسادير يا أهل المسادير إلى ما شاء الله........
Author: بخاري بشير
Date: 05-03-2007, 03:11 PM
Parent: #802
شاعر المسدار و الدوبيت فارع العبارة عبد الله حمد شوراني ، له رباعيات أنشدها في "عينات" السنة المعروفة بمنازل النجوم وهي كالآتي يتكون فصل الصيف من (1) النطح (2) البطين (3) الثريا (4) الدبران (5) الهكعة (6) الهنعة (7) الذراع ويتكون فصل الخريف من : (1) النترة (2) الطرفة (3) الجبهة (4) الخيرصان (5) الصرفة (6) العوا (7) السماك وفصل الشتاء يتكون من : (1) عريج (2) الغفر (3) الزبنان (4) الاكليل (5) الشولة (6) البلده (7) النعائم ويتكون الربيع من : (1) سعد ذابح (2) سعد السعود (3) سعد الأخبيا (4) سعد بُلع (5) الفرق المقدم (6) الفرق المؤخر (7) الحوت
هذه الرباعيات أخذت منها ثلاثة، لأنها تماثل أيامنا هذه في الخرطوم بحرها الشديد الذي أدوش العقول ، حسب الإرصاد الجوي بلغت درجات الحرارة في الخرطوم45 درجة ، وقد تزيد في بعض الروايات.. والناس الآن تتشرف للقاء الخريف الذي أصبح على الأبواب. شوراني يصف الحر بكلمات بليغة يتذكر خلالها محبوبته..يقول
غَابْ نَجْم النًطِحْ والحَرْ علينا اشْتَدً ضَيًقْنَا وقِصِرْ ليلُه ونِهَارُه امْتَـــــدً نَظِرة المِنو لِي القَانُون بِقِت اتًحدي فَتَحَتْ عِندِي مَنطِقْة الغُنَي الْ انْسَدً
ويمضي شوراني الى منطقة متقدمة من الوصف والوله، فيقول ذاكرا "عينة " أخرى
شَالْ بَرْق البِطين رَقَصَنْ دَبَادْبُه ورشًو وِينْ النايرة -يا خِلاًيْ- مِرايةْ وَشُـــــــو عَاشقِي العِندُو حَقْن المُويَة ضَايِق خَشُو سَهْرَان فَاقْدو بِي عِلًيقُو لَيْ وغَشُو
وعنما بدت مقدمات الخريف يذكر شوراني أولى "عيناته" ويشتد عليه الحب قائلا
نَجْم النًترةَ فِي شَفَق الحَمَرَات غَـزً ويِنْ الشًارْفَه لِي بَرًاق سِحَابُو الرَزً جِنيبةَ الفارِس الفُوق المَشَمش هَزً فُرْقَها مُرٌ وَدًرْ من لِسانِي اللًـذًة
أنظروا حبائي الى هذه البلاغة ، وجمال التعابير عند شعرائنا ،وشوراني أحدهم لله دره.. وانا أطلب منكم رفقائي الاعزاء ان نجاري هذه الأبيات وكل يأتي بما في معينه.. مع محبتي .. وياريت يفتح لنا عملاق البوست الأخ منصور المفتاح هذه المجاراة..، ودمتم بخاري
|
Post: #804
Title: Re: مسادير يا أهل المسادير إلى ما شاء الله........
Author: بخاري بشير
Date: 05-04-2007, 01:48 PM
Parent: #803
أحبائي سلام أبتدئي لكم ، برغم أني تمنيت أن يبدأها العملاق منصور، ومعذرة اذا تطاول التلميذ على معلمه.. ////////////////////
سموم عينة "النطح" ولت وزادت نوحي طرتني الحبيب الطيفو بنعش روحي فراق الجاهلة سمم بدني أحيا جروحي ياحليل العمر وكتين قراية لوحي
|
Post: #805
Title: Re: مسادير يا أهل المسادير إلى ما شاء الله........
Author: بخاري بشير
Date: 05-04-2007, 01:50 PM
Parent: #804
عينة "النطح" ولت وسموما أكلت لحمي فارقت النسيم ، فارق لذيذ النوم غياب الجاهلة نوسر جرحي هدد عظمي يشفيني الإله المولى واهب النعم
|
Post: #806
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 05-05-2007, 09:25 PM
Parent: #805
بتقلى وبوِح أنا من خريف لا الصيف ناطح النترة متلهم عريج أب زيف كاتم ريدى أضاير فيه من التقا للهيف جود بى ليمو يامولاى ولو فى الطيف
سمية الحسن طلحة
دمع العين ياطرفة منو مالى فكاك شافتنى وبكت أنفتح السما شباك قالت لى هديك الجبهة داخلة كفاك أرجيتن أنوح للعوا والسماك
سمية الحسن طلحة
ماشفت سعد السعود الساها لي البارح أقلق نومى وأصبح فى المعالق جارح قدر ما أقول أتوب وأعملى عملاً صالح أبى يتخلاّ ضوق عجوة شروق المالح ود الراوى
|
Post: #807
Title: Re: مسادير يا أهل المسادير إلى ما شاء الله........
Author: munswor almophtah
Date: 05-06-2007, 09:54 AM
Parent: #806
دخل السماك وأنا طالبو داك سماكى وطرفك ليهو زى الطرفه دمع الشاكى عود الخيدران تريان خريف متاكى تحتو المويه تجرى وفوقو وزو يكاكى
منصور
|
Post: #808
Title: Re: مسادير يا أهل المسادير إلى ما شاء الله........
Author: بخاري بشير
Date: 05-06-2007, 05:09 PM
Parent: #807
كمل حر الضراع والهنعة جات متسارعة زيف الجبهة ضارب والبروق متشالعـة قصبة الوادي الـ "ليها" الخلوق متدافعة صدرك عالي و الخدين مياهن ناقعـة
بخاري
|
Post: #809
Title: Re: مسادير يا أهل المسادير إلى ما شاء الله........
Author: munswor almophtah
Date: 05-06-2007, 11:50 PM
Parent: #808
صدق الخيرصان زرد السيول خيرانو فرهد قش ملاينو وتاومت عبرانو دودة الصرفه زحت فوق رخص سيقانو جات الصرفه بلت لى بعيد قيزانو
منصور
|
Post: #810
Title: Re: مسادير يا أهل المسادير إلى ما شاء الله........
Author: munswor almophtah
Date: 05-07-2007, 05:15 PM
Parent: #809
قام رعد العوا وأتشالعن براقو قال للجبهه وين المن رزازك راقو عسل العجوه داك المنو دقنا رقاقو سالب للقليب المن زمان شراقو
منصور
|
Post: #811
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 05-07-2007, 05:42 PM
Parent: #810
أهل المسادير والدوبيت الظُراف سلام ومتابعين معاكم ... نمّو وسوو النم الزين ... ما أروعكم
تحياتي خالد محجوب
|
Post: #812
Title: Re: مسادير يا أهل المسادير إلى ما شاء الله........
Author: munswor almophtah
Date: 05-08-2007, 04:57 AM
Parent: #811
شعفوفة الشوله شلت للدوام شافينا غرزت فى العضم قريها داك شاوينا عقبت فوقا ريح البلده حار تاشينا شفقت روحنا للراجينو فات شارينا
منصور
|
Post: #813
Title: Re: مسادير يا أهل المسادير إلى ما شاء الله........
Author: munswor almophtah
Date: 05-09-2007, 07:52 PM
Parent: #812
سعد السعود فتق زهر باشندى حرك للفريع لابس فراد ناس شندى سعد الأخبيا النسامو هاب طشقندى جاب الظابط المأمور ومو جربندى
منصور
|
Post: #814
Title: Re: مسادير يا أهل المسادير إلى ما شاء الله........
Author: بخاري بشير
Date: 05-10-2007, 05:57 PM
Parent: #813
رعد الجبهة طارق لي مسامعي دويهو والقبلي انشحط تعالوعاقبة سريهو وكت حفرو إتملت والطرفة في واديهو ياحليلو الشويدن الحارق الفؤاد شاويهو
بخاري
|
Post: #815
Title: Re: مسادير يا أهل المسادير إلى ما شاء الله........
Author: بخاري بشير
Date: 05-10-2007, 05:58 PM
Parent: #814
زيف النترة سايق للسحاب بي سرعة والسيل اندفق مويتو بتجيب الضبعة الخور المقيف امواجو جات مصطرعة طلعت الصرف و معاها طلع أبولمعة
بخاري
|
Post: #816
Title: Re: مسادير يا أهل المسادير إلى ما شاء الله........
Author: بخاري بشير
Date: 05-10-2007, 06:00 PM
Parent: #815
برق الخيرصان سابق لميعو دعاشو والباشندي نور زهرو فاتق شاشو ود الأريل الصايد قليبي وناشو غاب الليلة يالمنصور عليك بي رياشو
بخاري
|
Post: #817
Title: Re: مسادير يا أهل المسادير إلى ما شاء الله........
Author: munswor almophtah
Date: 05-10-2007, 06:20 PM
Parent: #816
برق الخيرصان سابق لميعو دعاشو والباشندي نور زهرو فاتق شاشو ود الأريل الصايد قليبي وناشو غاب الليلة يالمنصور عليك بي رياشو
بخاري
يا زول ليك على وأنا من زمان فتاشو وببرالو الدرب والقبلى صاب رشاشو الزول الظريف الديمه قلبك هاشو لبن الطير براك إنت البيلعن خاشو
منصور
|
Post: #818
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-10-2007, 09:18 PM
Parent: #1
النطح إنقضت مر أيامو ياصغيرونة وفي زمن البطين علمت بيك ممكونة هاتفتو بي ثريا رسل ملامو مؤونه جرحي فيو دبران وعصرتليو (ليمونه)
اللهم هون عليهم صيف هذا العام
.......................................... محمد السيد
|
Post: #819
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-11-2007, 10:01 PM
Parent: #1
انشلخ السما وضوت بروق النترة يابدربا صعيب كترت علي العترة قلبي الرجاك طالت عليه الفترة كايس رضاك ونعيش كمان في سترة
................................................ محمد السيد
|
Post: #820
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-11-2007, 10:16 PM
Parent: #1
سعد السعود لما الربيع يغشانا مابنقدر نلومو في وعدو لوغشانا الباش منشرح بي بسمو كم هشانا شلع قلوبنا وعقولنا جت طاشانا
............................................................ ود السيد
|
Post: #821
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 05-12-2007, 03:48 AM
Parent: #820
ليالى الهنعة بردن والقلوب تب شاشو تذكار الأرايل مللنو فراشو هبت نسمة الصيف والدمع بشاشو مد ضراعو لى نترة الخريف ورشاشو
أتفرقن دروبنا وزرعى عَمَتو عماشو من الصرفة صرفوا النظر لى طَشَاشو قطعوا الطلة غادى من فريقنا أنحاشوا شمتان العذول والحساد على أتواشوا
سمية الحسن طلحة
|
Post: #822
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2007, 06:14 AM
Parent: #821
زغت الهكعه هارد للزويل فشفاشو حر الهنعه قاد ظبى التمام حواشو عصر البطين ضباح بدور حشاشو واشوقا على الكاوينا طالنا نشاشو
منصور
|
Post: #823
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2007, 06:52 AM
Parent: #822
خواف الرعود أنا ديدبان دياشو صدرى الدروه صاد ضرب الجبان نياشو ورد الحوت يفوح نفحو العبير وشواشو كل الشافو زاغ قلبو وكتير من طاشو
منصور
|
Post: #824
Title: Re: مسادير يا أهل المسادير إلى ما شاء الله........
Author: munswor almophtah
Date: 05-12-2007, 07:06 PM
Parent: #823
الزبنان برد ليلو ونهارو غلبنا والدخن إنمحق والبلده فال طالبنا زيف الشوله دايما هو البشيل شايبنا والعجب النعايم من قساهن شبنا
منصور
|
Post: #825
Title: Re: مسادير يا أهل المسادير إلى ما شاء الله........
Author: مامون أحمد إبراهيم
Date: 05-12-2007, 08:00 PM
Parent: #824
فوق ياالمنصور
ويا أهلنا أهل
المسادير !
متابعين .
|
Post: #826
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-12-2007, 10:20 PM
Parent: #825
مأمون الجوانب إنت طبعك ذوق طلتك تلهم وبسمك مثالو شروق يامطر طفا نيران حشاالمحروق جددت الدما وحركت فينا عروق ........................................................ محمد السيد
|
Post: #827
Title: Re: مسادير يا أهل المسادير إلى ما شاء الله........
Author: munswor almophtah
Date: 05-13-2007, 08:38 PM
Parent: #826
سعد السعود رشانا هاش بى رزازو فوق حدبو أبمروج عنقانه باشه بزازو جدى الأرايل نومى زاد خزازو يا مامون طلبتك قلبى زاد هزازو
منصور
|
Post: #828
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 05-13-2007, 09:59 PM
Parent: #827
Quote: يا مامون طلبتك قلبى زاد هزازو |
تنينا الطلب للغالي قالِ* مزارو ومن طيب كلاموالكل ليو بتشارو** حبل الفكر العجزنا عد أمتارو متين يستجيب وقلبك يعودلو قرارو***
قليل* الزيارة يشترون** طيب حديثة تنتظم ضربات قلبك بعد زيادة*** .............................................................. محمد السيد
|
Post: #829
Title: Re: مسادير يا أهل المسادير إلى ما شاء الله........
Author: munswor almophtah
Date: 05-18-2007, 05:47 PM
Parent: #828
يا دوب جات عريج العينه شايله أولادها وجات بالقر موتبه لينا ديك الفالحه باريها الغفر بتهابو ديك السارحه متل الضبعه والد والصقور الجارحه
منصور
|
Post: #830
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 05-22-2007, 10:12 PM
Parent: #829
من عِينة عريج وَجّه ضعنهم صاعد رحلوا وعاشِي قصدوه السحاب الراعد أكان الحي مختر والظروف بتساعد ما كان قلبي رادتــُن والسكن متباعد
ودالصقرى
|
Post: #831
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 05-23-2007, 02:26 PM
Parent: #830
سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً
|
Post: #832
Title: Re: مسادير يا أهل المسادير إلى ما شاء الله........
Author: munswor almophtah
Date: 05-26-2007, 09:04 AM
Parent: #830
الزبنان هجمنا وبالنزيل والانا وغرزن نوق خلانا والكبور محلانا شبه الصيد غدرنا وبالرماح شكانا وكهرب روح قلوبنا المن زمان شلانا
منص
|
Post: #833
Title: Re: مسادير يا أهل المسادير إلى ما شاء الله........
Author: munswor almophtah
Date: 05-26-2007, 09:22 AM
Parent: #832
لبن النوق نشابو وبالحسام بتشابا ماهو معى وبروس حاقننو بالضرابه دخرى بنات قبيل البى قفاهن يابا تور عنزه أبقرون دود الخشش يابا
منصور
|
Post: #834
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 06-19-2007, 02:38 PM
Parent: #1
عليت نمك , ماالليلة لقاك وحشني وعندك بداوي, زمن ابدعيس الخشني منيت روحي ,بيطيب البيوت تنعشني تاوق علينا,جمر شوقك يوت تشتشني
........................................................ مسدار شوق للخال المفتاح
|
Post: #835
Title: Re: مسادير يا أهل المسادير إلى ما شاء الله........
Author: munswor almophtah
Date: 06-20-2007, 05:13 AM
Parent: #834
ما بخلت على عسل الكلام عشتنى ما فاتتنى ساكت حودا يوم طشتنى شوفتا لى وشيها اللغرام نشطنى شوقا ليها سارح فى الخريف عطشنى
منصور
|
Post: #836
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 06-20-2007, 09:19 AM
Parent: #835
Quote: سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً |
سلمك الله أخى محمد عبد الجليل متابعة كلامك ولكننى كنت أطمع فى رد الأرباب منصور السابقك على الباب قولو ياأرباب ، و لايفتى ومالك فى المدينة حسب فهمى أن مخير هى الصيغة الحديثة لِ مختر ولافرق فى المعنى بين المفردتين ربما شىء طفيف هو : التخير قطعا بين أمرين ، أما مختر فله مطلق الحرية فى الإختيار ونطمع فى الإستزادة يامنصور .
وإليكم ودالصقرى فى عينة النعام ونفيف الصقط الحار نص الليل ورففى البروق وبعد المسافة بينه وبين المحبوب وقد حفن جرايد جمله روقاي :ـ يادارع عشانيق البروق وبرفن الليل جا وعين النعايم نفن على الدادنو شالن حجولو وقفن ياالليل غادى ياروقاي جرايدك حفن
|
Post: #837
Title: Re: مسادير يا أهل المسادير إلى ما شاء الله........
Author: munswor almophtah
Date: 06-21-2007, 06:43 AM
Parent: #836
عشانيق البروق كاحل الموايق بكن وكر الرعده بهدب للسروب وشركن عنق الصفيه البقويز ديك جكن وزى قمرى الكبور فوق غصنى حامن وركن
منصور
|
Post: #838
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 06-30-2007, 05:20 AM
Parent: #837
عشانيق البروق جهة البريدن رفّن هضاليم السحاب الفوق فريقم ختن صبن من موايقي على خدودي وسحن من الريدو ساكن فى الضمير ومركن سمية الحسن طلحة
|
Post: #839
Title: Re: مسادير يا أهل المسادير إلى ما شاء الله........
Author: munswor almophtah
Date: 06-30-2007, 04:11 PM
Parent: #838
مى شعفوفه ساريه وعوسه ديمه مكجن ومى ضراره لى الفوق القويز ومجكن الشاغلانى ديك ريدا الغلبنى إتمكن وفايتانى المكمله والمزاج أتعكنن
منصور
|
Post: #840
Title: Re: مسادير يا أهل المسادير إلى ما شاء الله........
Author: munswor almophtah
Date: 06-30-2007, 05:50 PM
Parent: #839
يا محمد كلامك كلو دارسو وعارفو وناس علم الكلام خابر حديثهم غارفو الزول المتل وهج القمر داك شارفو هطال الدموع بحر الموايق سارفو
منصور
|
Post: #841
Title: Re: مسادير يا أهل المسادير إلى ما شاء الله........
Author: munswor almophtah
Date: 07-09-2007, 06:39 AM
Parent: #840
يا طير أترو وحصحص وجيبلى أخبارو ورينى الدمر والمى قدل باجبارو ورينى الظروف والحال جميع فى ديارو يات من طاف حضر والقام سنين فى جوارو
منصور
|
Post: #842
Title: Re: مسادير يا أهل المسادير إلى ما شاء الله........
Author: munswor almophtah
Date: 07-10-2007, 04:00 AM
Parent: #841
سوالنا العجب والمتلى فيهو إحتارو واحدين ضوو ساكت من جفلو أضارو جدى السليم الفوقو قوقا كنارو حارق جوفى ريدو الفيهو هابل نارو
منصور
|
Post: #843
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 07-10-2007, 08:27 AM
Parent: #842
طيبات الخصال الفوق قبيح ماتبّن جمال دورن على قفر البطاين خبّن أنسندن ضعونن فوق علاوي وشبّن قدامن كلوفـَن فى المواصع ربّن
ودالشريقاوي
|
Post: #844
Title: Re: مسادير يا أهل المسادير إلى ما شاء الله........
Author: munswor almophtah
Date: 07-11-2007, 04:23 AM
Parent: #843
طيبات الخصال دهب الفراعنه متبن وقناصن بدودر كاجى شركو متفن هبارات شراك درب السلامات طبن وصيادن قبض ريح القماحات صبن
منصور
|
Post: #845
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 07-11-2007, 09:29 AM
Parent: #844
منصور أخوي الضرا الما راكوبة خريف الموج الزاخر، زي تمساح الكبلو إن ضرب القيف ما تلوم أخوك إن غاب عنك يوت إياهو ليك رديف وين بت الصالحين السُراي سمية أم لساناً عفيف وين ود شيقوق سيد الكلام العمرو ما قال ردي وعجيف شوقي ليكم بحور دميرة أمواجا تهدر وتب ما بتقيف
|
Post: #846
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 07-11-2007, 03:31 PM
Parent: #845
مى شعفوفه ساريه وعوسه ديمه مكجن ومى ضراره لى الفوق القويز ومجكن الشاغلانى ديك ريدا الغلبنى إتمكن وفايتانى المكمله والمزاج أتعكنن
منصور
مابتنفات مراتع التلوب النشن هيمن فيها ياأرواحنا لاتنفكن علي سمح الطباع ماهو المسيخ ومكجن نيران الكماين في عضاي يحرقن
سمية الحسن طلحة
|
Post: #847
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 07-11-2007, 10:35 PM
Parent: #846
منصور أخوي الضرا الما راكوبة خريف الموج الزاخر، زي تمساح الكبلو إن ضرب القيف ما تلوم أخوك إن غاب عنك يوت إياهو ليك رديف وين بت الصالحين السُراي سمية أم لساناً عفيف وين ود شيقوق سيد الكلام العمرو ما قال ردي وعجيف شوقي ليكم بحور دميرة أمواجا تهدر وتب ما بتقيف شوق للريدو من لب النفوس أتمكن جافى النوم موايقي والمدامع كبن نيران الغرام من نور جبينو يبقن وريشات القلب بذكرتو طارن و طشن
سمية الحسن طلحة
|
Post: #848
Title: Re: مسادير يا أهل المسادير إلى ما شاء الله........
Author: munswor almophtah
Date: 07-12-2007, 06:09 AM
Parent: #847
ود يوسف حبابك بالفريك بتلاقى ما بتبخل جزم لابس الكرم عراقى الناس دابه باديه وأنت تور جراقى كم كمين سدر وأنت الوحيد شراقى
منصور
|
Post: #849
Title: Re: مسادير يا أهل المسادير إلى ما شاء الله........
Author: munswor almophtah
Date: 07-12-2007, 06:26 AM
Parent: #848
مابتنفات مراتع التلوب النشن هيمن فيها ياأرواحنا لاتنفكن علي سمح الطباع ماهو المسيخ ومكجن نيران الكماين في عضاي يحرقن
سمية الحسن طلحة
تلوبا شنكبو وقلع الكبر سنانن ودورن ذاتو فات عقبا رحل فنانن الصيد السمح رخص الفريع جنانن ويات من كان فصيح من شوفه صار رطانن
منصور
|
Post: #850
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 07-12-2007, 09:14 AM
Parent: #849
أتفرقن دروبنا والطرايق أتقسّن فارِق ياغميد وياجفن أتحيّن أسربن ياعيون و فوق وطاتو أنفشّن طِيرن يارموش ضللنو وبِشّن سمية الحسن طلحة
|
Post: #851
Title: Re: مسادير يا أهل المسادير إلى ما شاء الله........
Author: الطيب شيقوق
Date: 07-12-2007, 10:47 AM
Parent: #850
كيفك المنصور
يطول عمرك على هذا العطاء المتواصل نحن متابعون بشقف شديييييد
ابو بكر ود يوسف
Quote: وين ود شيقوق سيد الكلام العمرو ما قال ردي وعجيف شوقي ليكم بحور دميرة أمواجا تهدر وتب ما بتقيف |
ياكا من الفي بيوت مكبرين اعمامهم نووا بالعودة والزول ابعوارض لامهم انقلب الصناديد والضرير قدامهم عوذا ابخمسة والماسكات عداد ايامهم
هيييييييييييع
|
Post: #852
Title: Re: مسادير يا أهل المسادير إلى ما شاء الله........
Author: munswor almophtah
Date: 07-13-2007, 03:17 AM
Parent: #851
ياهو البنج عديل والناس بتدى تماما فى زمن الدرك دراج بدج قداما زولا من صلاح ليل الهجوع قواما أتار للضعيف بحر المكارم عاما
منصور
|
Post: #853
Title: Re: مسادير يا أهل المسادير إلى ما شاء الله........
Author: munswor almophtah
Date: 07-13-2007, 07:30 AM
Parent: #852
ود شيقوق حبابك يا الأصيل تيرابك يا شقاق غروب كدب البشق ديدابك العاداك عديل ساعة الجميل قرابك والخاواك سعيد سجم البدوق كوكابك
منصور
|
Post: #854
Title: Re: مسادير يا أهل المسادير إلى ما شاء الله........
Author: الطيب شيقوق
Date: 07-15-2007, 07:31 AM
Parent: #853
Quote: ود شيقوق حبابك يا الأصيل تيرابك يا شقاق غروب كدب البشق ديدابك العاداك عديل ساعة الجميل قرابك والخاواك سعيد سجم البدوق كوكابك |
هييييييييييييع السرورابي يطول عمرك - اديني واحدة تانى خليني اقدل بيها سااااااااااى
|
Post: #855
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 07-17-2007, 07:23 AM
Parent: #854
يا طير أترو وحصحص وجيبلى أخبارو ورينى الدمر والمى قدل باجبارو ورينى الظروف والحال جميع فى ديارو يات من طاف حضر والقام سنين فى جوارو منصور
راتع بالعسين المن خدرتو نضارو أتقسن دربو علي بعيد مشوارو الأحباب عموم متجمعين بدوارو ياقابض القماح خاف تنحرق بنارو سمية الحسن طلحة
تلوبا شنكبو وقلع الكبر سنانن ودورن ذاتو فات عقبا رحل فنانن الصيد السمح رخص الفريع جنانن ويات من كان فصيح من شوفه صار رطانن منصور
كبار العقول يازين حسن كبرانن والبوب للتلوب الكم شجتنا ألحانن الصيد شن بحوشو برا لذيذ شنانن خاتمين الفصاحة والكلام ماخانن سمية الحسن طلحة
|
Post: #856
Title: Re: مسادير يا أهل المسادير إلى ما شاء الله........
Author: الطيب شيقوق
Date: 07-17-2007, 11:47 AM
Parent: #855
المنصور
Quote: ود شيقوق حبابك يا الأصيل تيرابك يا شقاق غروب كدب البشق ديدابك العاداك عديل ساعة الجميل قرابك والخاواك سعيد سجم البدوق كوكابك |
والله حلوة حلاة تجنن
|
Post: #857
Title: Re: مسادير يا أهل المسادير إلى ما شاء الله........
Author: munswor almophtah
Date: 07-17-2007, 03:17 PM
Parent: #856
عقبان جيتنا مارق يا الإصيهب ومارد وماك كسار هضاليم من مراحك شارد ياكا عقاب عرب نفسك نفيسهم بارد يا بحر الكرم يات من بطلبك وارد
شنو ليك يا القواسممى ودشيقوق
منصور
|
Post: #858
Title: Re: مسادير يا أهل المسادير إلى ما شاء الله........
Author: munswor almophtah
Date: 07-18-2007, 08:03 AM
Parent: #857
راتع بالعسين المن خدرتو نضارو أتقسن دربو علي بعيد مشوارو الأحباب عموم متجمعين بدوارو ياقابض القماح خاف تنحرق بنارو
حول فى الجحيم شاوينى شى حر نارو ناس بلك المطافى من العلى إحتارو يا بريب عسين المن نضارو إضارو أفصل يا زمن ما تكون لئيم ضرارو
منصور
|
Post: #859
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 07-18-2007, 09:38 AM
Parent: #858
ود مفتاح الكريم النارو ديمة ما مطفية ان مرْ عليك ودشيقوق لسمية بلغوا خالص التحية بت رجالاً ناجوا الحبيب ليلاً طويل وما غفوا الضحوية مي بت اسود الشرى والشاهد ود المحرب خالص النية الحوار المحب الطائع لي شيوخه ابداً ما غادرلهم تكية
|
Post: #860
Title: Re: مسادير يا أهل المسادير إلى ما شاء الله........
Author: munswor almophtah
Date: 07-18-2007, 09:51 AM
Parent: #858
كبار العقول يازين حسن كبرانن والبوب للتلوب الكم شجتنا ألحانن الصيد شن بحوشو برا لذيذ شنانن خاتمين الفصاحة والكلام ماخانن
شن معنى الكلام والصيد عقب قدامن ولخبط دق قلوبهم راصد الضغط ميزانن الزول إن كبر بكبر بقدر شانن وعراف التبس فرق الشقيل نشانن
منصور
|
Post: #861
Title: Re: مسادير يا أهل المسادير إلى ما شاء الله........
Author: Tareq Siddiq
Date: 07-18-2007, 10:10 AM
Parent: #858
نحن العزانا بنعزو ونجل مقدارو والمابينا حرّم ناسو القبيل يضارو قومتنا الخلا والليل بعد هبارو زولنا نفرتقو يصبح يكوس نجارو
|
Post: #862
Title: Re: مسادير يا أهل المسادير إلى ما شاء الله........
Author: munswor almophtah
Date: 07-19-2007, 06:28 AM
Parent: #861
نحن العزانا بنعزو ونجل مقدارو والمابينا حرّم ناسو القبيل يضارو قومتنا الخلا والليل بعد هبارو زولنا نفرتقو يصبح يكوس نجارو
مجروس يا بعيد بسراع تجيبو خبارو مقطوع الشجر عدم الببل ميس دارو يا ناس خلو بالكم والكعب ما تبارو وأبقو رجال مروه والضعيف بتبارو
بتبارو من البر أى تبرون إليه
منصور
|
Post: #863
Title: Re: مسادير يا أهل المسادير إلى ما شاء الله........
Author: عبدالله الشقليني
Date: 07-19-2007, 11:46 PM
Parent: #1
للحبيب منصور نقول :
كُل ما أطِلْ أشُوفْ منصُور هِناك مُتحَكِّّّرْ عقلي سَرَح بعيد ومن كَبْس الهُموم مُتفَكِّرْ يوم الخَميس وَدَّع خلاص الناسي ما مُتذَكِّرْ
|
Post: #864
Title: Re: مسادير يا أهل المسادير إلى ما شاء الله........
Author: munswor almophtah
Date: 07-20-2007, 03:22 AM
Parent: #863
كُل ما أطِلْ أشُوفْ منصُور هِناك مُتحَكِّّّرْ عقلي سَرَح بعيد ومن كَبْس الهُموم مُتفَكِّرْ يوم الخَميس وَدَّع خلاص الناسي ما مُتذَكِّرْ
تشوف سعد البنين يا الصافى ماك متعكر ويا أبقلبا بياسع حاشا ماك مسكر يا واضح الملامح حاشا ماك متنكر ويا الحاضر ضميرك لى صفيك بتذكر
منصور
ألف كتر خيرينك يا شقلينى
|
Post: #865
Title: Re: مسادير يا أهل المسادير إلى ما شاء الله........
Author: munswor almophtah
Date: 07-20-2007, 03:37 AM
Parent: #864
ود مفتاح الكريم النارو ديمة ما مطفية ان مرْ عليك ودشيقوق لسمية بلغوا خالص التحية بت رجالاً ناجوا الحبيب ليلاً طويل وما غفوا الضحوية مي بت اسود الشرى والشاهد ود المحرب خالص النية الحوار المحب الطائع لي شيوخه ابداً ما غادرلهم تكية
آآخ يا ولد والله يا دوب شفتك وغيرك ما بنفوت لكن زهولا فتك أغفر يا درير طب للجروج بنختك وما بندقس عقب هاك التحيه وفتك
منصو
|
Post: #866
Title: Re: مسادير يا أهل المسادير إلى ما شاء الله........
Author: suhair elsheikh
Date: 07-20-2007, 05:21 AM
Parent: #1
منصور با اخوي لي ديارك شادين الرحال جايينك بي العديل والزين شايلنو فال عشمنا نتلم بي المحنة والغربةسترة حال بس ورانافايتين حبان وخيان فراقهم حار ماياهو حال الدنيالمة وشتات ياربي يدوم الوصال
|
Post: #867
Title: Re: مسادير يا أهل المسادير إلى ما شاء الله........
Author: munswor almophtah
Date: 07-20-2007, 06:06 AM
Parent: #866
منصور با اخوي لي ديارك شادين الرحال جايينك بي العديل والزين شايلنو فال عشمنا نتلم بي المحنة والغربةسترة حال بس ورانافايتين حبان وخيان فراقهم حار ماياهو حال الدنيالمة وشتات ياربي يدوم الوصال
حبابك بت رجال فوق الرموش تنشال وفالك يا أم صلاح خير الخريف هطال عشمك ما بخيب لو فى السماك بنطال وناسك فى العقب عند اللطيف حللال
يا مراحب بكم
منصور
|
Post: #868
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-20-2007, 09:12 AM
Parent: #1
آآآمنصـور حباب, الديمه فاتح بابك,
آآآود المكـوك نادر عزيـز تيرابـك
في السروراب مكين فرعـك مركّز نابـك
وودناصـر وراك عرق التبلدي اتشـابك
ود الشايقي
|
Post: #869
Title: Re: مسادير يا أهل المسادير إلى ما شاء الله........
Author: أحمد الشايقي
Date: 07-20-2007, 09:28 AM
Parent: #1
عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك
ود الشـايقي
|
Post: #870
Title: Re: مسادير يا أهل المسادير إلى ما شاء الله........
Author: munswor almophtah
Date: 07-21-2007, 02:27 AM
Parent: #869
آآآمنصـور حباب, الديمه فاتح بابك,
آآآود المكـوك نادر عزيـز تيرابـك
في السروراب مكين فرعـك مركّز نابـك
وودناصـر وراك عرق التبلدي اتشـابك
حبابك نيخ تعال والبكره ديك حاقابك يا جنب السناجك عالى سامى جنابك للسروراب تعال خلينا كان نشابك يا ترب الأماجد خابرو صافى عقابك
منصور
|
Post: #871
Title: Re: مسادير يا أهل المسادير إلى ما شاء الله........
Author: munswor almophtah
Date: 07-21-2007, 02:46 AM
Parent: #870
عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك
شن مجلس براك وإنت الككر هبابك وعندك صولجان يا أبصوله ما بتجابك ودشيقوق سلامك قبلو عاجبو شبابك وطيبا بوختو عاقبه والكريم عشابك
منصور
|
Post: #872
Title: Re: مسادير يا أهل المسادير إلى ما شاء الله........
Author: munswor almophtah
Date: 07-21-2007, 03:06 AM
Parent: #871
جؤزر تال صباح طباها شال لمراحو قصاص الدرب للمويه جابو وراحو تبس الخريف الفيهو فزعوا وحاحو دمع الشوق عليك إنت البدور سحاحو
منصور
|
Post: #873
Title: Re: مسادير يا أهل المسادير إلى ما شاء الله........
Author: munswor almophtah
Date: 07-22-2007, 04:25 AM
Parent: #872
عقبت فوقو زادت عشرقة نحناحو شن الباز بسو يوم البكسرو جناحو مو تمساح طعام طابق القداح زحاحو فارس معضلات درك الكتال جحجاحو
منصور
|
Post: #874
Title: Re: مسادير يا أهل المسادير إلى ما شاء الله........
Author: munswor almophtah
Date: 07-23-2007, 06:46 AM
Parent: #873
مو فسلى وبخيل تلب الكرام مناحو مو زرزور بلاد الناس تحرسو يحاحو سواى الغلط ببقالو شيخ صحاحو عارف للحدود فعل الجهر بحاحو
منصور
|
Post: #875
Title: Re: مسادير يا أهل المسادير إلى ما شاء الله........
Author: munswor almophtah
Date: 07-24-2007, 07:10 AM
Parent: #874
فوق المقرح من صهب ختيت صعيدا قبلى متل القانص المرحات مدودر أبلى الباشندى فايح متلى فيهو بيبلى يانى أب رسوه فى الغابات بجول مو شبلى
منصور
|
Post: #876
Title: Re: مسادير يا أهل المسادير إلى ما شاء الله........
Author: almulaomar
Date: 07-24-2007, 09:06 AM
Parent: #875
أخي منصور حباب الزعيم البلفه ساعة العسرة حباب جبل الضرة ورى نهار الخترة لمن تعطى ايدك تتره زى صفق الاراك الشمة ريحة النترة
أسعد كثيراً بقراءة هذه المسادير الرائعة التي تعيد إلينا الذكريات الجميلة بالبوادي ودعاشها وسنطها وسيالها وأشجار الطندب والعشر حتى ، لكن ما يؤسف له أن الأسفلت قد سال شمال الوادي فأصبحت الركشة تقدل مع السفنجه والأوستن جنباً إلى جنب فترجل الأوستن والسفنجه بعد أن منعهم الحياء وحاجات تانيه من القدله مع الركشات والأمجاد. والشئ الأكثر أسفاً أخي منصور أن الدرب بعد أن إنشحط إختفت الغابات فزحف الأعراب ميممين شطر الغرب ودخلت الكهربه وعمت الفوضي معها فتري القرية بيت في آخرها مضاء والآخر منور وهي تماثل وتحاكي مباراة شطرنج شارفت على الإنتهاء فلا بيادق أو خيول مصطفة في إنتظام. التقنية والمدنية جميلة لكنها ومع شديد الأسف لم تزجي لنا نحن في تلك القرية الظالم أهلها أى شئ سوي سراويل الجينز وهجر الزراعة وركوب الحمير وتعلم صنعة البنادر من سمسرة وإحتيال وشيكات ما أنفكت تبحث عن مدارج للهبوط ولن تفعل يقيناً، ناهيك عن تجكيس نساء سوق الناقه وشراب الشاي بلبن فورموست بضمان نسله أو بدون ضمان حتى. ناس الدشيناب كان بعد أن يتخطاهم باص ود أب كمه ميمماً شطر الشمال في إتجاه قرية السناهير يثير الكثير من الغبار والعفار فكان أن ذهب معي أحد أصدقائي من ابناء البندر ذات مرة والممرات كثيرة فشاهد منظر الصبية وهم يجرون خلف الباص ينسلون من غيمة ذلك العجاج الذي يشابه الإنفجار الذري فضحك وقال لي والله لو كنت أحمل كاميرا لفزت يجائزة صورة العام ، فهؤلاء الصبية أجادوا أكثر من الفيديو كليب بتاع مايكل جاكسون ثريلا. وناس الدشيناب مشهود عنهم أنهم قوم ساخرون برغم قساوة ملامحهم وشظف العيش الذي يعيشونه ، فقد حدث أن تم تمديد أعمدة الكهرباء شمالاً وتم إنارة الكثير من القري عده قرية كانت تجري المفاوضات بين مجلسها وبين المحلية في تسوية أمور ماليه معنية فسمي أبناء الدشيناب تلك القرية حلة فطت ومازال الإسم متداول بالرغم من دخول الكهرباء لها. أشكرك منصور على هذا الإبداع وأتمنى لك المزيد من التوفيق والسداد والصحة.
ساحت إيدا في الخد المهرج وعامت ديسها نام فوق المرجرج صـورةً جهجهت قلبي المضـرج وفرع البانة لعلع فينا كربج
|
Post: #877
Title: Re: مسادير يا أهل المسادير إلى ما شاء الله........
Author: munswor almophtah
Date: 07-25-2007, 08:54 AM
Parent: #876
فرع البانه ليها المولى درج وديسا فوق كفل ياربى فرج عسل الكلام الماها جهول مهرج ولاها مسيخه للمغروض بتحرج
المله عمر يا ود الأرابيب ترب الحكماب والشهيناب الأصلاء سلام عليك وعليهم فى الأولين والآخرين...فقد كنت كالحاشى مع شكانيبهم فى صولات وجولات وكان المرحوم عبدالرحمن السيمت ذو سمته لا تضاهى وكان عمر المامور مامورا وكان ود القرم ظريفا فنجرى...وفى ضرا الشيخ الطيب القوس وقداسة وبركة السناهير والتسعين وأولاد منير كانت نزلهم آمنة مطمئنه ونسأل الله أن تظل كذلك...عزيزى لم أرى سوق الناقه ولم أرى بدعه بعين البصر ولكنى نفذت إليه ببصيرة عرضت فيلم واقعه فخلته الواقعه بلا شك بل بيقين أما تبدل الأحوال وإختفاء الزباد والبو والصبر وجداد الوادى وإختفاء الأرنوب وشقل كان يواريها من سوءة صياديها وأختفاء الحمبك ونار الحلبه ذلك المشروم البرى وأختفاء الدكك والمقى والتقى وأختفاء كل جميل وكل أصيل وكل هادف لتظل تلك الباهته الماسخه الممجوجه بكل أسباب التكلف والخداع تلك الوافده من الفضائيات الفاضيه والفضيحه...فيا عزيزى الملا أحلامنا إستغراق لصور فى الذاكره وصدق بعض نفر لا ولم يتبدل منهم أحد........................
منصور
|
Post: #878
Title: Re: مسادير يا أهل المسادير إلى ما شاء الله........
Author: الطيب شيقوق
Date: 07-25-2007, 11:38 AM
Parent: #877
ود الشايقي
Quote: عامر مجلسـك متحكرين احبابك,
ودشيقوق رفيقك عني قولّو حبابك,
من (بت الشيوخ) عابق بخور أطيابك,
وفي المسدار يطيب زادك ويصفى شرابك |
افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى .
|
Post: #879
Title: Re: مسادير يا أهل المسادير إلى ما شاء الله........
Author: munswor almophtah
Date: 07-25-2007, 05:22 PM
Parent: #878
حباب الزعيم البلفه ساعة العسرة حباب جبل الضرة ورى نهار الخترة لمن تعطى ايدك تتره زى صفق الاراك الشمة ريحة النترة
حبابك إنت يا البهلول وسيد الستره دربك ماسكو ساكت حاشا مك زول عتره يا دوحة الهجير للناس وغيرك كتره نضمك من دهب والناس خلافك شتره
منصور
|
Post: #880
Title: Re: مسادير يا أهل المسادير إلى ما شاء الله........
Author: munswor almophtah
Date: 07-25-2007, 05:35 PM
Parent: #879
افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى
غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب
سلام يا شيقوق
منصور
|
Post: #881
Title: Re: مسادير يا أهل المسادير إلى ما شاء الله........
Author: الطيب شيقوق
Date: 07-25-2007, 10:02 PM
Parent: #880
Quote: غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب |
هييييييييييييييع ود المفتاح يطول عمرك بطلاق تاني ياني محربس في محل المرتع دا .
|
Post: #882
Title: Re: مسادير يا أهل المسادير إلى ما شاء الله........
Author: حجة امنة
Date: 07-25-2007, 10:16 PM
Parent: #880
Quote: غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب |
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
.............
|
Post: #883
Title: Re: مسادير يا أهل المسادير إلى ما شاء الله........
Author: munswor almophtah
Date: 07-26-2007, 05:31 PM
Parent: #882
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
شن الديه والشوق من وراك شاوى القلوب كالشيه يا ملكة حسان الكون أصبرى شويه أمونه بنت الريل شغيله رشيه ساعلين الفرج والنوم نكوسلو عشيه
منصور
|
Post: #884
Title: Re: مسادير يا أهل المسادير إلى ما شاء الله........
Author: munswor almophtah
Date: 07-27-2007, 08:27 AM
Parent: #883
الزول فى الطرب بشجيهو داك زول كاسو عند ساعة الهجوع بسمع دقاق وناسو اللهج العسل فتاق شدر أنناسو وارث للحداقه وللظرف ود ناسو
منصور
|
Post: #885
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 07-27-2007, 03:33 PM
Parent: #884
المنصور اخوى نارك شالعة ما بتموت
وحارسين المسادير جازمين عديل ما نفوت
الا الزمن وكترت مشاغل شوفها شوكة حوت
ما تحمينا مرتع البهم والقنيص لى يوت
|
Post: #886
Title: Re: مسادير يا أهل المسادير إلى ما شاء الله........
Author: munswor almophtah
Date: 07-28-2007, 06:59 PM
Parent: #885
المنصور اخوى نارك شالعة ما بتموت
وحارسين المسادير جازمين عديل ما نفوت
الا الزمن وكترت مشاغل شوفها شوكة حوت
ما تحمينا مرتع البهم والقنيص لى يوت
جنب المواقف وفى المجاعه مبوت ويا فزع الدرك بتفك حجا المربوط رقليك باللصيهب للكرام مشروط وما بتعقب تخون متل البغدرو بيوت
منصور
|
Post: #887
Title: Re: مسادير يا أهل المسادير إلى ما شاء الله........
Author: munswor almophtah
Date: 07-28-2007, 09:09 PM
Parent: #886
هراد الفؤاد الأصلو يوم ما خانو زى الدروه صبت فوقى نار جبخانو يا فزاع جميع الفونى بى شفخانو بى عبقو وبخورو الطابقو فوق دخانو
منصور
|
Post: #888
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 07-28-2007, 09:37 PM
Parent: #887
بى عبقو ودخانو فوقنا سوى الكى
وما قادرين نقول غير الانين وأحى
المنصور أخوى الفانا قبال نفوت الحى
والبوخة التفوح قتلتنى عقب ما حى
|
Post: #889
Title: Re: مسادير يا أهل المسادير إلى ما شاء الله........
Author: munswor almophtah
Date: 07-28-2007, 10:20 PM
Parent: #888
بريمة الطلحه رخس السيسبانه النى وساح من ريدا فى ساير عضاى العى شنكيب هودجا الفوق دبرى شايل الرى وياها عبور خلا المحجوبه من قول عى
منصور
|
Post: #890
Title: Re: مسادير يا أهل المسادير إلى ما شاء الله........
Author: munswor almophtah
Date: 07-29-2007, 01:40 AM
Parent: #889
بريبة تمام يادوبه صايره جدى ميها الجيفه خوت فوق تلاها حدى بنت الكبور الفى قفاها ودى لا حاسه الجحيم لا داريه إيش البى
منصور
|
Post: #891
Title: Re: مسادير يا أهل المسادير إلى ما شاء الله........
Author: munswor almophtah
Date: 07-29-2007, 08:37 PM
Parent: #890
جدية تال شروق مرنوعه خلقه وزى ومن نعم الكبور مكلوفه شاربه المى صياد شنو المن صوبا صايبو الغى وجاطت بطنو زى الدفقو فيها الدى
منصور
|
Post: #892
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 07-29-2007, 08:59 PM
Parent: #891
أخى منصور
خليك بين بريبة وجدية الى ان أفضى الى قبيلة القانونيين بعض ما عندى من مساهمات وأعود اليك هانى البال ورايق
أرجو الا يطول غيابى
|
Post: #893
Title: Re: مسادير يا أهل المسادير إلى ما شاء الله........
Author: munswor almophtah
Date: 07-30-2007, 07:18 AM
Parent: #892
حاضر بين جديه وديك عناق بريبه ما بغدر قسم ما متهم بى ريبه أم مسكا بفوح شاغلانى مره عجيبه زى العجوه طاعمه وفوقا كتحو زبيبه
راجيك يا يحي راجيك الكع
منصور
|
Post: #894
Title: Re: مسادير يا أهل المسادير إلى ما شاء الله........
Author: munswor almophtah
Date: 07-30-2007, 06:31 PM
Parent: #893
أرح نرقل نزازى الصيد نشوف مرعاتو دودو فوقو رعد العين نشر هرعاتو سيال الودى الفوقو كاب فرعاتو تحتو بكون مقيلو وفيهو يوت ساعتو
منصور
|
Post: #895
Title: Re: مسادير يا أهل المسادير إلى ما شاء الله........
Author: munswor almophtah
Date: 07-31-2007, 05:20 PM
Parent: #894
الكمتر ضحك بعد الرشاش بشانا عنكوليبو شابك يا الكريم تشفانا الزول العيونو على القلوب كالدانا جاو الدوم عديل الليله زاد كددانا
منصور
|
Post: #896
Title: Re: مسادير يا أهل المسادير إلى ما شاء الله........
Author: Yahia Abd El Kareem
Date: 07-31-2007, 08:54 PM
Parent: #895
المنصور أخوى
دار المر شاشاها اب رعود وبروق
وضاحك نالا ومرخا فيه اخضر عود
والسمحة بسمت وشعت بخديد وورود
ارح يا نديم كان نوفى ليها وعود
|
Post: #897
Title: Re: مسادير يا أهل المسادير إلى ما شاء الله........
Author: حجة امنة
Date: 07-31-2007, 10:16 PM
Parent: #883
Quote: شن الديه والشوق من وراك شاوى القلوب كالشيه يا ملكة حسان الكون أصبرى شويه أمونه بنت الريل شغيله رشيه ساعلين الفرج والنوم نكوسلو عشيه |
منصور اخوى..فراج الكروب و الغومه
بي شوفة العزاز..الروح ترد تنجمه
البال يروق ... عود الفرح ينشمه
طربان السدار...بحديثك اتاانتمه
|
Post: #898
Title: Re: مسادير يا أهل المسادير إلى ما شاء الله........
Author: munswor almophtah
Date: 08-01-2007, 06:43 PM
Parent: #897
حليل زمنا سمح والناس تجيك تتلمه يا شبه الملوك إنتى بتحسنى النمه أمونه بت المك عقيد فى متمه يا ملكة صدق معروفه خالصه الذمه
منصور
|
Post: #899
Title: Re: مسادير يا أهل المسادير إلى ما شاء الله........
Author: munswor almophtah
Date: 08-01-2007, 06:57 PM
Parent: #898
دار المر شاشاها اب رعود وبروق
وضاحك نالا ومرخا فيه اخضر عود
والسمحة بسمت وشعت بخديد وورود
ارح يا نديم كان نوفى ليها وعود
يلاك فوق شخاتيرا أم دباس وعنق ويلاك ليهو داك الفوق حواها مرق المر الجبل ساح فى السماحه عرق ومن صيد صيو ساكت كم فؤاد وحرق
منصور
|
Post: #901
Title: Re: مسادير يا أهل المسادير إلى ما شاء الله........
Author: munswor almophtah
Date: 08-02-2007, 07:29 AM
Parent: #899
منصور يا ود مفتاح المغالق ضمــــــــة وقعت عيني في مسدارك بديع النمــــــة فرّح قلبي طارت من عضاي الحمـــــــة اقبل بي جليس انا في حداك بنجمـــــــــة انا من المتابعين لي سودانيزاونلاين و كنتا متابع المقالات بتاعة د.كتور عبد الله علي ابراهيم القاعد تنزلها و كنت مبسوط منك لكن و الله لمن لقيت المسادير اتكيفت منك حد الثمالة يا زول انا انا عندي اهتمامات ذي التكـ دي بتاعت سياسة و متزوق شعر و مسادير و دوباي طالب القرب عندكـ مانع؟؟ سلامات بكري صديق محمدصالح طالب ماجستير \ السويد
|
Post: #902
Title: Re: مسادير يا أهل المسادير إلى ما شاء الله........
Author: munswor almophtah
Date: 08-02-2007, 07:53 PM
Parent: #901
منصور يا ود مفتاح المغالق ضمــــــــة وقعت عيني في مسدارك بديع النمــــــة فرّح قلبي طارت من عضاي الحمـــــــة اقبل بي جليس انا في حداك بنجمـــــــــة
قبلان يا عزيز أقعد وأصير جلاسك وقيلان من كلامك عتقو ظاهر كاسك يا شامخ العقل إنت المأصل ساسك وطلحا للكلام باريلو حارص فاسك
منصور
|
Post: #903
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2007, 07:23 AM
Parent: #902
يا طير أترو ورينى كيفن حالو ما تبخل على أغشاهو ريح بالو من درك الخريف أنا روحى كم هامالو ما بصبر برا وما ظنى قط همالو
منصور
|
Post: #904
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2007, 05:26 PM
Parent: #903
فرحان فى البلد والقبلى فرهد نالو وطربان منبسط قمرى الكبور غنالو الناس والأهل بى شوفتو فرحو وجالو ولين النوق محمدو والدخان جلالو
منصور
|
Post: #905
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2007, 05:50 PM
Parent: #904
ينصر دينك آآ المفتاح حافظ تراث ابواتـــــك و من فسيخ بورد السجم صانع براك شرباتك ماسك درب الادب و العلم ساوي ســــــواتك يمين عسل النحل يرخس عشان كلمـــــــــاتك بكري صديق
|
Post: #906
Title: Re: مسادير يا أهل المسادير إلى ما شاء الله........
Author: munswor almophtah
Date: 08-03-2007, 06:07 PM
Parent: #905
ينصر دينك إت مزرود كلام مخلاتك وماك بخيل براك عارف حقوق خالاتك أبديداب نضيف كضب البعيب خلواتك وكضاب بسرقا السواك بى خلاتك
منصور
|
Post: #907
Title: Re: مسادير يا أهل المسادير إلى ما شاء الله........
Author: munswor almophtah
Date: 08-04-2007, 08:08 PM
Parent: #906
بحر الغرام فى قلبى زاد هدامو شتت شيمو شركا للحريف عوامو قبلان بى محاكمو وحاشا ما لوامو واشوقا على السوونا سقدا ونامو
منصور
|
Post: #908
Title: Re: مسادير يا أهل المسادير إلى ما شاء الله........
Author: أحمد الشايقي
Date: 08-04-2007, 11:20 PM
Parent: #1
منصور العقيد اشعارو زاهية صباحو
في الدوبيت سرورو وفتنتو وافراحـو
في المسدار نهيضو وسربتو ومرواحـو
جينا نطوف مجالسو وننبسط بي راحـو
ود الشايقي
|
Post: #909
Title: Re: مسادير يا أهل المسادير إلى ما شاء الله........
Author: munswor almophtah
Date: 08-05-2007, 08:06 PM
Parent: #908
يا مطر الخريف براق شروقك لاحو وخيرك بان عديل بكر الحوار ليك حاحو زهر الربيع ياكا الوحيد شراحو أنت عقاب كرم جمل الركوب مناحو
منصور
|
Post: #910
Title: Re: مسادير يا أهل المسادير إلى ما شاء الله........
Author: munswor almophtah
Date: 08-06-2007, 06:55 AM
Parent: #909
معروف زول بصر صعب الكلام لماحو شن متلك بصيبو برا السنين رماحو ماكا رخم رمم عاضرنو كسرو جناحو يا جبل الثبات كضب البقول زحاحو
منصور
|
Post: #911
Title: Re: مسادير يا أهل المسادير إلى ما شاء الله........
Author: munswor almophtah
Date: 08-06-2007, 06:08 PM
Parent: #910
يا أولاد البلد ماتولو ناس لحياتو ما أتفكوهو ساكت وإمشى بى مرحاتو زيت الناس مرق زيتك كتل فرحاتو جيش إبليس قدل فوقك طبق سرحاتو
منصور
|
Post: #912
Title: Re: مسادير يا أهل المسادير إلى ما شاء الله........
Author: أحمد الشايقي
Date: 08-07-2007, 10:03 PM
Parent: #911
طريت شلع البـروق فوق الهضلّم
طريت مسدارنا جيهناهـو والنـم
طريت الحلة يات من جاكـا سلّـم
طريت بَسَم الحبيب لـ وجيهو بلّـم
ود الشايقي
|
Post: #913
Title: Re: مسادير يا أهل المسادير إلى ما شاء الله........
Author: munswor almophtah
Date: 08-08-2007, 06:04 PM
Parent: #912
سمح الرشاش والليل إجيبلو دعاش وسمح الزول تكرفو وثغرو فيهو بشاش الزول شبه الأرايل وللقلوب هشاش ومليان عفه تب مخبوره مو هباش
منصور
|
Post: #914
Title: Re: مسادير يا أهل المسادير إلى ما شاء الله........
Author: munswor almophtah
Date: 08-10-2007, 06:35 PM
Parent: #913
عرقوب الأجانب جبتو طابى سلاحو ما بعرف عرض توب العفاف شلاحو البلد القبيل الناس تعرفو صلاحو خفت عهنو صار شايب الهبوب لفاحو
منصور
|
Post: #915
Title: Re: مسادير يا أهل المسادير إلى ما شاء الله........
Author: munswor almophtah
Date: 08-11-2007, 12:40 PM
Parent: #914
موفور الضراع كان فى العدم فلاحو من خيرات ترابو مع الضروع ملاحو الزمن العلينا الناس تفوتو يحاحو والقال حاجى داك ما ظنو غير رداحو
منصور
|
Post: #916
Title: Re: مسادير يا أهل المسادير إلى ما شاء الله........
Author: munswor almophtah
Date: 08-12-2007, 09:37 AM
Parent: #915
تاج الدين حماها وباالنفوس عزاها
ود دينار تعرفو الملكه فاقده جناها
ناس ود دقنه جالو الورطه جابو جلاها
ناس أبوقرجه قدلو وليها حفظو أرجاها
منصور
|
Post: #917
Title: Re: مسادير يا أهل المسادير إلى ما شاء الله........
Author: munswor almophtah
Date: 08-13-2007, 07:21 AM
Parent: #916
مى بالملوه كالوها الفقير قلاها ما عبروها باليارده الرخيصه شراها يا دهب الجبال الفيها خزنه براها ما تخلوها سايبه والضباع تبراها
منصور
|
Post: #918
Title: Re: مسادير يا أهل المسادير إلى ما شاء الله........
Author: munswor almophtah
Date: 08-13-2007, 05:15 PM
Parent: #917
فوق أبقنف شديت وطاب دار ريح وطاب الناشنى سهمو ومنو قلبى جريح فوق العد كحلتو وللحنايا بريح ومتل الزار فقيرو وليهو سوى ضريح
منصور
|
Post: #919
Title: Re: مسادير يا أهل المسادير إلى ما شاء الله........
Author: munswor almophtah
Date: 08-14-2007, 08:05 AM
Parent: #918
شقيت خشة الوادى أبجدادا كاكا رقل زاد مشيهو أبفقره أكان ألقاكا مانى عقاب قماح للحول قريب برجاكا وإن قلبت على بهبر بعيد ببراكا
منصور
|
Post: #920
Title: Re: مسادير يا أهل المسادير إلى ما شاء الله........
Author: munswor almophtah
Date: 08-24-2007, 08:15 PM
Parent: #919
الخبر الوصل قالوا البشائر صبت والعتاب ظهر من فوقو أرنب شبت الليد التتل بى فن حرام ما تبت والفل هزتو وبى فوحو تالهن هبت
منصور
|
Post: #921
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 08-24-2007, 08:42 PM
Parent: #920
الحبيب منصور المفتاح يشجينا ويطربنا دوماً شدوك الجميل تسوقنا قدمانا ودون ماوعي ننساق لاحاسيسنا لزيارة بوستك المميز نعجز احيانا من التعليق ... ننتشي ونبخل عليك أحيانا ... تسلم يا جميل وفقك الله بكلمك للوصول للمرام المنشود
لك التحية والمودة حبيبنا المنصور
خالد محجوب
|
Post: #922
Title: Re: مسادير يا أهل المسادير إلى ما شاء الله........
Author: خالد المحرب
Date: 08-25-2007, 03:18 AM
Parent: #921
الدايرنى و المابينى محلول ربطو لابسعدنى لابشقينى من حوض الجرايم ضق شرب بى هينى وحلف بالله مااتاكسر برا البانبنى ---------------------------- الليل والنهار اقدامى دج ما فاتره نانوى نميمى مع الهبوب الخاتره ت>كار لعبة الجاهلة ام حزمة داتره ورت عينى سهرة ودمعة متباترة --------------------------------- واسفاى كن الموت اجى يعجلى قبال المنزه فيه اكمل غلى ياشهور الظلام الغبتى ابيتى تهلى اشوف الفرو بنسف فى السحاب الكلى ----------------------------------- قعاد البيت براهو اليوم بجالى جنون بدور شتل الجنينه وخدرة الليمون وين ياصاحبى مقرن حاجبو عامل نون والتسريحه فوق الجبهه عامله فنون
ود المفتاح وجدت البوست امامى رفعه صاحبى ود المنسى وقت امعونك فيه لك التحيه اخوك خالد المحرب
|
Post: #924
Title: Re: مسادير يا أهل المسادير إلى ما شاء الله........
Author: munswor almophtah
Date: 08-27-2007, 08:06 AM
Parent: #922
الدايرنى و المابينى محلول ربطو لابسعدنى لابشقينى من حوض الجرايم ضق شرب بى هينى وحلف بالله مااتاكسر برا البانبنى
متل الضل وراى طيف البدور بارينى من شبيت فرز شاغلنى يوت لاهينى فوق عطشى العلى صومنى مو راوينى يا حاوى اللديغ من العلى تحوينى
أب أحمد مغرق لى كدى خبارك يا زول
تحياتى لك والأسره
منصور
|
Post: #923
Title: Re: مسادير يا أهل المسادير إلى ما شاء الله........
Author: munswor almophtah
Date: 08-26-2007, 07:15 PM
Parent: #921
تسلم إنت يالمحجوب وتسعد روحك وتسلم بالكريم يبراها مره جروحك يا باذل الكتير فايدانا ديمه شروحك ويا الضاحك النخل مبسوط وعاجبو قروحك
منصور
|
Post: #925
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 08-27-2007, 08:58 AM
Parent: #923
شقيت خشة الوادى أبجدادا كاكا رقل زاد مشيهو أبفقره أكان ألقاكا مانى عقاب قماح للحول قريب برجاكا وإن قلبت على بهبر بعيد ببراكا
منصور
الأرواح تشاشي بالدوام لي لقاكا ياخبار دروب المشبكة .. وفكاكا يانيل التساب إت القماح حاشاكا وقصاص الدروب إن ضهب .. بغشاكا
سمية الحسن طلحة
|
Post: #926
Title: Re: مسادير يا أهل المسادير إلى ما شاء الله........
Author: munswor almophtah
Date: 08-28-2007, 10:26 AM
Parent: #925
الوش فى الخيال زى الخدار فى التاكا والمغرود نشوفو الليله بابو متاكا مبرومة الجروف المى كتل مفراكا كدب من هبر شرك الوقوع فى شباكا
منصور
|
Post: #927
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 08-29-2007, 07:45 AM
Parent: #926
ياجريعة البنوني الفي قربتو مواكا الصايدني .. لايفارقنى لايختاكا دقاق الربل في الختة لي ختاكا بقت آمالي بين الرحي والمرحاكة
سمية الحسن طلحة
|
Post: #928
Title: Re: مسادير يا أهل المسادير إلى ما شاء الله........
Author: munswor almophtah
Date: 08-29-2007, 06:14 PM
Parent: #927
جريعة البنونى الخاشو لى خصاكا من بكرى أب صرف مداهو لى واداكا يا قمر السبوع المافى نجمه حداكا فى فلكك تدور شمس الطلوع وافلاكا
منصور
|
Post: #929
Title: Re: مسادير يا أهل المسادير إلى ما شاء الله........
Author: munswor almophtah
Date: 09-07-2007, 05:01 PM
Parent: #928
اللهج المحدق حاشا مو هراج وفراح الدواخل للقلوب دراج الليل ديدبانو وفوقى توبا ساج وحارص فى العلى متل التقول نساج
منصور
|
Post: #930
Title: Re: مسادير يا أهل المسادير إلى ما شاء الله........
Author: munswor almophtah
Date: 09-10-2007, 07:02 AM
Parent: #929
سماك زرقن مهيطل وبالصبيب والاك عربك ناشقة ديكورم كدام وشباك خدارك قام منوع ياالمرية كساك ضرع الشولة من الحينة جابلو تواك سمية الحسن طلحه
قريرك فى الملاين دافقه فوقو أراك وبريبك سرب عقب الشخاتير جاك مرحات البكار بى حنهن حاوياك ولايكات عود شفاك ياالشافيه درنا شفاك
منصور
|
Post: #931
Title: Re: مسادير يا أهل المسادير إلى ما شاء الله........
Author: رأفت ميلاد
Date: 09-12-2007, 09:10 PM
Parent: #930
منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل??
|
Post: #932
Title: Re: مسادير يا أهل المسادير إلى ما شاء الله........
Author: munswor almophtah
Date: 09-13-2007, 06:18 AM
Parent: #931
رايحين منو ناس دوار بفتش فيهم ولابد إنت واحد من جميع طاريهم يا رأفت حبابك والكرام داريهم والزول الظريف حاريك يا الحاريهم
الشكر لك يا زول وود عبدالجليل قوام بلفاك مع التحايا
منصور
|
Post: #933
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 09-15-2007, 11:18 AM
Parent: #932
Quote: منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل?? |
رأفت يا حبيب زمن الشتات والروحه نحنا خترنا من بلدا كتيره جروحه شليلناإنسرق نهجا كتيره شروحــه ما بنفقد أمل ماداب عصاتنا نصيحه
|
Post: #934
Title: Re: مسادير يا أهل المسادير إلى ما شاء الله........
Author: الطيب شيقوق
Date: 09-16-2007, 10:42 AM
Parent: #933
Quote: منصور صاحبنا من زمان بالحيل أدينا خطرك نخرم مساديرك ديل مانى ضهبان شاتر مودرلو شليل بسأل حداك وين أخوى ود عبد الجليل?? |
يا أخوانا انا جاى اتفرج ومبسوط شديد من رأفت الصار بجادع في الدوبيت وحياة ديني يا المنصور اشهد انك استنطقت الصخر العصيا فضل ليك يا المنصور تاني الرطاني ابو بكر ادينا فيهو نمة وانا بكلمه يجي يعقب حتى ولو بالرطانة .
Quote: أدينا خطرك نخرم مساديرك ديل |
اديك انا الخاطر خرّم ساااااااااى يا العشاء كفانا كلامك الحلو ابو لجنة زى لجنة بنية اخبار النشرة الجوية في قناة الجزيرة
اتفرجوا اها رافت ده تاني قصر قال ( مودرلو) والله الا يقع ليكم من فوق يفهق عنرقتو
Quote: بسأل حداك وين أخوى ود عبد الجليل?? |
وحياتكم اتفرجوا شوفوا حلاة لتقة ود عبد الجليل لزوم الالتزام بالقافية . والله زى لتقة العنبة في فرع الطلح .
لكن يا رأفت اخوى شعرك بذكرني شعر ود هارون الرشيد الذى قال فيه
نحن بنو العباس نجلس على الكراسي -
بس يا المنصور اوعاك تدخلني في لجنة النصوص والمراجعة.
|
Post: #935
Title: Re: مسادير يا أهل المسادير إلى ما شاء الله........
Author: munswor almophtah
Date: 09-17-2007, 05:27 PM
Parent: #934
ود شيقوق نسيت فرح الخليل رطانى جود للشعر سوالو عوسا تانى ناس سبويه ذاتو الفى الأصول عجمانى ما بنقدر نقول يطلع ظريفنا يمانى
منصور
|
Post: #936
Title: Re: مسادير يا أهل المسادير إلى ما شاء الله........
Author: الطيب شيقوق
Date: 09-17-2007, 08:40 PM
Parent: #935
ود شيقوق نسيت فرح الخليل رطانى
صدقت بالحيل يا عيسي ( بفتح العين وتسكين الياء وكسر السين ) ديل رطانة زمان يا المنصور اخوى
هسع دحين ناسك ديل عارفين ليك النال او الشيح او البراح ؟؟؟؟؟؟؟؟؟ ديل ناس حلاوة بلي ولكوم سااااااااااااى
|
Post: #937
Title: Re: مسادير يا أهل المسادير إلى ما شاء الله........
Author: munswor almophtah
Date: 09-18-2007, 02:06 PM
Parent: #936
تعرف يا ود شيقوق الخليل فرح جاء إلى أمدرمان صبيا بذهن كلوح الأردواز وورق البردى جاهز لتلقى المعانى وليس فى حلفا غير النخيل والقامشه والمغارات من مخلفات ذوات العماد فوجد فى أمدرمان تلك الصور والمعانى وأفتتن بها وهيأ له التعليم فى المدينه وسائل الإفصاح فأبدع وأبوبكر الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع
ولك وله السلام
منصور
|
Post: #938
Title: Re: مسادير يا أهل المسادير إلى ما شاء الله........
Author: الطيب شيقوق
Date: 09-18-2007, 02:42 PM
Parent: #937
Quote: الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع |
لم تعد في العمر بقية لباديات جديدة يا المنصور اخوى - إت تتكلم كيف يابا؟
واغلب رطانة زمنا ده يا منصور اولادهم لا بيعرفوا عربي ولا حتى رطانة وانما الانجليزية او غيرها من اللغات العالمية .
وتلقى الواحد فيهم يخلف كراع في كراع ويخت الطاقية في هامتو فووووووووق ويكون مقنطر ليك سفة مجيهة ويقول ليك (نحن اولادنا بطلاق تاني مو راجعين لحديثكم الني ده اولادنا ناس لغات اجنبية سااااااااااى ).
قولو ود شيقوق قالك خم وصر
|
Post: #939
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 09-21-2007, 08:37 PM
Parent: #938
ما شف/ت سعد السعود الساها لي البارح أقلق نومي وأصبح في المعالق جارح قدر ما أقول أتوب وأعمل لي عملاً صالح أبي يتخلا ضوق عجوة شروق المالح
ودالراوي
|
Post: #940
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 09-21-2007, 09:25 PM
Parent: #939
منصور المفتاح سلام يا المبروك سلام رمضان كريم تصوم وتفطر علي خير
عامر يا الكريم عامر واياك مس العابر مشطوطين خلاس قول سوي البجبر الخاتر فوقنا نيران تهجس في الجسيم الفاتر فاضل لي افوت تارك العقاب لا حرس لاغافر
الحال العلي حال العدو المسكين وحال الكتفو وسالين علي السكين وحال الفي البحر حيشنّو تمساحين وحال الفي السجن ماقدرولو سنين
|
Post: #941
Title: Re: مسادير يا أهل المسادير إلى ما شاء الله........
Author: الطيب شيقوق
Date: 09-21-2007, 10:33 PM
Parent: #940
الزول نطر وين يا اخوانا خلانا نتجدع في السهلة دى ساااااااااااااااى
تعال لينا مارك ما تدينا عنقرتك يا ود المفتاح ات الزيك ما برجع بقفاهو بشاور لو مرة وات الزيك مو بشيل الوليد في صفحتو مع الضحوية يمر بيهو على كيمان الرجال القاعدين كويمات كويمات يتجرجروا من ضل لى ضل
|
Post: #945
Title: Re: مسادير يا أهل المسادير إلى ما شاء الله........
Author: munswor almophtah
Date: 09-23-2007, 06:08 AM
Parent: #940
عامر يا الكريم عامر واياك مس العابر مشطوطين خلاس قول سوي البجبر الخاتر فوقنا نيران تهجس في الجسيم الفاتر فاضل لي افوت تارك العقاب لا حرس لاغافر
مرحبتين حباب المطرى خيرنا الماطر ومرحبتين حباب اللينا ديمه مسافر يا ود دار جعل فارس المغاره الشاطر ويا جبل الركاز بخشاك من قال كاسر
منصور
|
Post: #942
Title: Re: مسادير يا أهل المسادير إلى ما شاء الله........
Author: munswor almophtah
Date: 09-22-2007, 05:57 AM
Parent: #939
ما شف/ت سعد السعود الساها لي البارح أقلق نومي وأصبح في المعالق جارح قدر ما أقول أتوب وأعمل لي عملاً صالح أبي يتخلا ضوق عجوة شروق المالح
الليل طب طويتو وفى الكلامات سارح وسويت حال غفر بارى الحدود فوق قارح مشرق دار ربيط شارقنى شوقو وفارح وماهو عقاب حصاد ماهو الفشوش الطارح
منصور
|
Post: #943
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 09-22-2007, 09:50 PM
Parent: #942
ياقلبي الصميم ماقلت واعي وفالح شنو الخلاك تتطش ولضلوعنا تبارح الشال نوم عيوننا وللكبد داك فالح هل ربحت تجارتو ولا إنت الرابح
|
Post: #944
Title: Re: مسادير يا أهل المسادير إلى ما شاء الله........
Author: أحمد الشايقي
Date: 09-23-2007, 00:51 AM
Parent: #1
Quote: اللهج المحدق حاشا مو هراج وفراح الدواخل للقلوب دراج الليل ديدبانو وفوقى توبا ساج وحارص فى العلى متل التقول نساج
منصور |
فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك, تاقي للفـرّاج
ود الشايقي
|
Post: #946
Title: Re: مسادير يا أهل المسادير إلى ما شاء الله........
Author: الطيب شيقوق
Date: 09-23-2007, 06:13 AM
Parent: #944
Quote: فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك, تاقي للفـرّاج |
عسل انت يا ود الشايقي يديك العافية ويطول عمر ود المفتاح
|
Post: #947
Title: Re: مسادير يا أهل المسادير إلى ما شاء الله........
Author: munswor almophtah
Date: 09-24-2007, 08:24 AM
Parent: #946
فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك, تاقي للفـرّاج
ود الشايقي
الزول من قداستو الناس تقول مهراج
ومحفوف بالزخارف ساعة إقوم بهراج
متل الهنود عشاقو ديشن داج
وزى بحر الدميره الطابق الأمواج
منصور
|
Post: #948
Title: Re: مسادير يا أهل المسادير إلى ما شاء الله........
Author: munswor almophtah
Date: 09-24-2007, 08:28 AM
Parent: #946
فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك, تاقي للفـرّاج
ود الشايقي
الزول من قداستو الناس تقول مهراج
ومحفوف بالزخارف ساعة إقوم بهراج
متل الهنود عشاقو ديشن داج
وزى بحر الدميره الطابق الأمواج
منصور
|
Post: #949
Title: Re: مسادير يا أهل المسادير إلى ما شاء الله........
Author: munswor almophtah
Date: 09-24-2007, 12:57 PM
Parent: #948
ياقلبي الصميم ماقلت واعي وفالح شنو الخلاك تتطش ولضلوعنا تبارح الشال نوم عيوننا وللكبد داك فالح هل ربحت تجارتو ولا إنت الرابح
يا زوله الصلاح وارثاهو من كم صالح ويا ترب الصلاح بت الكريم الصالح عشقك للرسول ساربابو قاطعه المالح وربحان المعاك والغيرو ياهو الطالح
منصور
|
Post: #950
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 09-24-2007, 10:32 PM
Parent: #949
مرحبتين حباب المطرى خيرنا الماطر ومرحبتين حباب اللينا ديمه مسافر يا ود دار جعل فارس المغاره الشاطر ويا جبل الركاز بخشاك من قال كاسر
ماعندي قول أقولو وآت علم نبراس يوت هميم وفي الظلام كباس تابي تفزع قُبال إفيقو الناس ياجبار الكسور يا ولدة الفراس
|
Post: #951
Title: Re: مسادير يا أهل المسادير إلى ما شاء الله........
Author: munswor almophtah
Date: 09-26-2007, 08:32 AM
Parent: #950
كماين الطلح للصيد هتف نسامن وربحان الهبر دوار بكوس للسامن الزول الحريص من رزقو بكفى التامن وبحرس عينو فاتحه ولى خزاينو بيامن
منصور
|
Post: #952
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 09-29-2007, 07:28 AM
Parent: #951
نستفتح بمن لكل مغلوق فاتح بحب النبي ياربي لينا تسامح تبدل سيئآتنا بالحسن والصالح ناضرين الجوه لا رهق لا كالح سمية الحسن طلحة
|
Post: #953
Title: Re: مسادير يا أهل المسادير إلى ما شاء الله........
Author: munswor almophtah
Date: 10-02-2007, 05:11 PM
Parent: #952
مافيش شك خلاص عاشق الرسول الرابح والعاف الذنوب بى توبتو ليهو بصافح نور المعضلات بحر العلوم الـطامح وطالبين طب شفاعتو الليها دايما مانح
منصور
|
Post: #954
Title: Re: مسادير يا أهل المسادير إلى ما شاء الله........
Author: أحمد الشايقي
Date: 10-02-2007, 05:17 PM
Parent: #1
Quote:
فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك, تاقي للفـرّاج
عسل انت يا ود الشايقي يديك العافية ويطول عمر ود المفتاح |
أخوي شيخ العرب ود شيقوق,
ويدوم سعدك يا سعادة المستشار دائماً ذواق وخبيــر
لك التحية وعش طيباً والأخوات والإخوة جميعاً
أحمـد الشايقي
|
Post: #955
Title: Re: مسادير يا أهل المسادير إلى ما شاء الله........
Author: عبدالله الشقليني
Date: 10-02-2007, 10:18 PM
Parent: #954
الحبيب الكاتب : منصور المفتاح
لمساديرك وللآخرين :
كتب الشاعر أحمد محمد الشيخ ( الجاغريو ) :
يا جَاهِل نفورَكْ مَمزوجْ بالحَنانْ طَرفَكْ فِطْرَة فَاتِر واسْهَامَكْ سُنَانْ حِينْ ما نَظَرتَ خَدَكْ لي قُدتَ العنَانْ مِن نَظراتَكْ صرتْ زي شَاربَ الدِنانْ
|
Post: #956
Title: Re: مسادير يا أهل المسادير إلى ما شاء الله........
Author: munswor almophtah
Date: 10-04-2007, 03:35 AM
Parent: #955
الصيد إن قدل والخد بزينو النان وااخ منو يا عبدو السكونو جنان زى برم الطلح طافوبا كم دنان وأدوش للقلوب الهاوى والفنان
الشقلينى حتى الدوبيت خابر دربو يا ملك العوالم العليا
لك خالص الود والسلام وللجاغريو الرحمه
منصور
|
Post: #957
Title: Re: مسادير يا أهل المسادير إلى ما شاء الله........
Author: على احمد النعيم
Date: 10-04-2007, 06:46 AM
Parent: #956
الاخ منصور تحياتى بلا حدود وشكرا ايضا بلا حدود على هذا البوست الرائع.
بريدك يا العفافك فيك غريزة وطبعه ريد خلاها صورتك فى الضمير منطبعه بريدك يا الهمومك عاودت متبعه لامن يكمل الريد فى الاراضى السبعه
مع عاطر تحياتى
ود النعيم
|
Post: #958
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-04-2007, 01:23 PM
Parent: #957
بريدك ياالفيك آيات الحسن مجتمعة ريدا دق ساسو ومنو مالي رجعة بريدك يالهمومك يوت علي منجمعة لامن يستغيث الريد ويطلب شفعة
سمية الحسن طلحة التحايا لك : علي أحمد النعيم هلالك عيد
|
Post: #959
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-04-2007, 01:45 PM
Parent: #956
الصيد إن قدل ما بصيدو غير فرسان واااخ المن غرامو الصبر كملان زي قبة ولي إتواردوا الحيران وكم وارد رجع من البحر عطشان
سمية الحسن طلحة
|
Post: #960
Title: Re: مسادير يا أهل المسادير إلى ما شاء الله........
Author: munswor almophtah
Date: 10-04-2007, 03:06 PM
Parent: #959
بريدك يا العفافك فيك غريزة وطبعه ريد خلاها صورتك فى الضمير منطبعه بريدك يا الهمومك عاودت متبعه لامن يكمل الريد فى الاراضى السبعه
مع عاطر تحياتى
ود النعيم
صيدة الهشاب الديمه قامحه الضبعه ديك العند رهيدة الريد تزيد النبعه درنالا القنيص أكان ننوم فوق شبعه ديك الفوق جمال الخلقه حادق طبعه
كتر خيرك يا النعيم ولك الشكر والسلام
منصور
|
Post: #961
Title: Re: مسادير يا أهل المسادير إلى ما شاء الله........
Author: عبدالله الشقليني
Date: 10-04-2007, 04:14 PM
Parent: #956
للحبيب الشاعر المُعطر بالتواضع الفواح بطيبه والنثَّار للخير ألف سلام عليك
كُنا قد نقلنا لك :
***
كتب الشاعر أحمد محمد الشيخ ( الجاغريو ) :
يا جَاهِل نفورَكْ مَمزوجْ بالحَنانْ طَرفَكْ فِطْرَة فَاتِر واسْهَامَكْ سُنَانْ حِينْ ما نَظَرتَ خَدَكْ لي قُدتَ العنَانْ مِن نَظراتَكْ صرتْ زي شَاربَ الدِنانْ
*** وكتبنا في مقام محبة شِعره ما نُهديك وأهل خيمتكْ:
من نَفرَت خُدودك وَدَعتَ الجِنان وإن نَظرتْ عُيونَك حَفَرت بالسِنان لَمن بَقَّ بَسمَك شُفْتَ برُوق بيان في ضوَك غِرِقْ ،شُفتَ الموت عَيان
***
|
Post: #962
Title: Re: مسادير يا أهل المسادير إلى ما شاء الله........
Author: على احمد النعيم
Date: 10-07-2007, 07:10 AM
Parent: #961
Quote: التحايا لك : علي أحمد النعيم هلالك عيد |
العزيزة بت طلحة .. كيف حالك والف حمداً لله على سلامة وصولكم الكريم. واشكرك جدا على ترحيبك الحار، شكرى ثانية بلا حدود
ود النعيم
|
Post: #963
Title: Re: مسادير يا أهل المسادير إلى ما شاء الله........
Author: munswor almophtah
Date: 10-07-2007, 02:22 PM
Parent: #962
من نَفرَت خُدودك وَدَعتَ الجِنان وإن نَظرتْ عُيونَك حَفَرت بالسِنان لَمن بَقَّ بَسمَك شُفْتَ برُوق بيان في ضوَك غِرِقْ ،شُفتَ الموت عَيان
الخد الوجا نورو مع الكواحل بان ويا أبثغرا مرصع وبرقو من مرجان عودك خيدران والقامه قامتك بان والكان داك صعيب الليله ليكم هان
منصور
|
Post: #964
Title: Re: مسادير يا أهل المسادير إلى ما شاء الله........
Author: munswor almophtah
Date: 10-07-2007, 03:33 PM
Parent: #963
بى فرق الطليح ناش القليب نشابو صاب بيت الكلام المن زمان شاشابو ياشبه الغزال المن قديم نشآبو شابالك عقول وأهل الصلاح فيك شابو
منصور
|
Post: #965
Title: Re: مسادير يا أهل المسادير إلى ما شاء الله........
Author: munswor almophtah
Date: 10-07-2007, 04:19 PM
Parent: #964
حليل صيد الجفيل الليله درنا هشابو قلنا نزور قبايلو والقلوب هاشابو الهرع إنجمع فوق صوبو طاب رشابو فرحت منو سعده وليهو زاد عشابو
منصور
|
Post: #966
Title: Re: مسادير يا أهل المسادير إلى ما شاء الله........
Author: munswor almophtah
Date: 10-07-2007, 11:13 PM
Parent: #965
الليله الورود عدو وحفايرو يباس والليل الضليم هارينا بى أكباس القلب إشتغل رقاصو زاد وسواس واشوقا على الحادق التقول أنناس
منصور
|
Post: #967
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-09-2007, 08:04 PM
Parent: #966
الخد الوجا نورو مع الكواحل بان ويا أبثغرا مرصع وبرقو من مرجان عودك خيدران والقامه قامتك بان والكان داك صعيب الليله ليكم هان منصور
الخد المنور ظلمة الأكوان وياأبثغرا يشع في القلب شَحَحان عودك فرعو طايل يا الهواك ريحان والكان داك صعيب فيه أنقطع شريان
سمية الحسن طلحة
|
Post: #968
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-15-2007, 03:41 PM
Parent: #967
الليله الورود عدو وحفايرو يباس والليل الضليم هارينا بى أكباس القلب إشتغل رقاصو زاد وسواس واشوقا على الحادق التقول أنناس
منصور
الليلة الورود زلالو أنقلب حصحاص والليل البهيم لا قمراء لا جلاس القلب أشتغل وفقد صوابو خلاص واشوقا علي المسّخ علي الناس
سمية الحسن طلحة
|
Post: #969
Title: Re: مسادير يا أهل المسادير إلى ما شاء الله........
Author: munswor almophtah
Date: 10-15-2007, 05:02 PM
Parent: #968
طبقولى الكى عقب عند الملاين غاص وبى تتك العيون رشونى جام رصاص شبه الصيد قدلتو الساها فيهو الراص وين بنضوق علاجو الراعى ديش حراص
منصور
|
Post: #970
Title: Re: مسادير يا أهل المسادير إلى ما شاء الله........
Author: munswor almophtah
Date: 10-23-2007, 05:05 PM
Parent: #969
مو عقاد قصص حاشاهو مو لصاص وأب قلبا ملان تيرابو ناسو جعاص باسو براهو باين حاشا مو بصاص والجبل التقيل رسيان ومو هياص
منصور
|
Post: #971
Title: Re: مسادير يا أهل المسادير إلى ما شاء الله........
Author: munswor almophtah
Date: 10-23-2007, 05:18 PM
Parent: #970
ناس الألفه ما بدورو الكبار فى مقامن وما بدورو الدرير الفرسو فات قدامن مو ناس صدق لحن الكضب فى كلامن ولا دارو العجب لا كان رجب صوامن
منصور
|
Post: #972
Title: Re: مسادير يا أهل المسادير إلى ما شاء الله........
Author: munswor almophtah
Date: 10-23-2007, 05:33 PM
Parent: #971
ود رحمه اللدر ناصع نضيف الفيش ولامع زى دهب حاشاهو من تغبيش ساعة الحاره فارس خيلو مره تهيش وبرضو يجينا راجع ويشكى من تهميش
منصور
|
Post: #973
Title: Re: مسادير يا أهل المسادير إلى ما شاء الله........
Author: munswor almophtah
Date: 10-23-2007, 05:47 PM
Parent: #972
قلبك يا جنب ميزانو مو من ريش وما برجف بخاف أكان غزاهو الديش خبار للدرو يا الديمه وازن النيش ويا كافى الديوش من البكار مو عيش
منصور
|
Post: #974
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 10-23-2007, 10:24 PM
Parent: #973
القلب إشتغل رقاصو زاد وسواس واشوقا على الحادق التقول أنناس
زاد تلصصنا على منهلك الزاخر عن حد الشرع ..
نرد خفية دون أن ترانا مرات كُثر ننهل ونرحل دون أن نترك أثر ونغريك السلام سرا آملين أن يصله لك ملك طاهر لحظتها.
يأباالقلم ويقف هامدا مكسورا أمام نظمك من الدرر البض.
كذلك تأبا النفس حزينة تتجرع مرارة الحرمان عن المقدرة على نظم الشعر.
وها اليوم نقف قبل أن ننهل نلقي لك التحية والسلام يا المنار العالي فيناأنت ورفاقك الكرام .. محبي المسدار والنم الجميل.
تحياتي واحترامي منصور المنصور بإذن الله
خالد محجوب
|
Post: #975
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-24-2007, 11:12 AM
Parent: #974
مو عقاد قصص حاشاهو مو لصاص وأب قلبا ملان تيرابو ناسو جعاص باسو براهو باين حاشا مو بصاص والجبل التقيل رسيان ومو هياص منصور ياجبل الحديد الكنيتك قصاص المتعدي واسيِ ياسمي كرفاس العلم التلوح نارو فوق الراس كيفن يجهلوك أبّان عقول نُقّاص سميةالحسن طلحة
|
Post: #976
Title: Re: مسادير يا أهل المسادير إلى ما شاء الله........
Author: على احمد النعيم
Date: 10-24-2007, 11:35 AM
Parent: #975
كفات بالشمال أسد الكرايه القارح وحجّر غابتو تب منع البفر والسارح من نتراتو الفارس يفز والدارة تصبح طارح قمر السبعتين الما هلا ود البارح
الاعزاء بت طلحة ومنصور
سلام وعذراً لعدم مجاراتكم بالقافية ولكن عيب الزاد ولا عيب سيدو .... ويا بت طلحة بوست البطانة نزل سوقى معاك منصور وكل من له حس مرهف ذواق من الاخوة والاخوات الكرام.
لكم التحية اجلها.
ود النعيم
|
Post: #977
Title: Re: مسادير يا أهل المسادير إلى ما شاء الله........
Author: munswor almophtah
Date: 10-24-2007, 03:47 PM
Parent: #976
ياجبل الحديد الكنيتك قصاص المتعدي واسيِ ياسمي كرفاس العلم التلوح نارو فوق الراس كيفن يجهلوك أبّان عقول نُقّاص سميةالحسن طلحة
يا زوله عوفه منو البدورلو قصاص وشفتيلك جبل هدوهو والله إتماص من ناس بى خفض مبسوط ورافعو الراص وديك ناس بو رفع عند البهم رقاص
منصور
|
Post: #978
Title: Re: مسادير يا أهل المسادير إلى ما شاء الله........
Author: munswor almophtah
Date: 10-24-2007, 04:02 PM
Parent: #974
ود المنسى يا ترب البواسو الراس وحاويين للعلم حاقننو فى كراس لهجك ديمه وازنو وحاشا ماك ضراس وقايد ماك بياده وديشو من فراس
منصور
|
Post: #979
Title: Re: مسادير يا أهل المسادير إلى ما شاء الله........
Author: munswor almophtah
Date: 10-24-2007, 04:36 PM
Parent: #978
تسلم ود ابوى صافى وسليم النية ياالدغرى العديل مابعرف الملوية دخرى الحوبة ات فى الدنيا ماكا شوية بيك فرحانة جد رغم الحزن والكيّة !
ناديه عثمان
تسلمى والمعاك والفيك دوام محريه ياالزى ناس بنونه المكه بت جعليه فعالة المحال شايله التقيل دون ليه يا جبل الصبر يالصالحه إنتى وليه
وليه من الولاية لله
منصور
|
Post: #980
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-24-2007, 04:36 PM
Parent: #978
ناس الألفه ما بدورو الكبار فى مقامن وما بدورو الدرير الفرسو فات قدامن مو ناس صدق لحن الكضب فى كلامن ولا دارو العجب لا كان رجب صوامن
منصور
ناس الألفة حاشاك ماكا من نُدّامن وبفريق النفاق ما حُمت مع حواّمن مذمة الرخيص للعزاز إكرامن وأنا ناس الكضب ما بلقوا عندي مرامن
سمية الحسن طلحة
|
Post: #981
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-24-2007, 04:48 PM
Parent: #980
ود رحمه اللدر ناصع نضيف الفيش ولامع زى دهب حاشاهو من تغبيش ساعة الحاره فارس خيلو مره تهيش وبرضو يجينا راجع ويشكى من تهميش
منصور بت المرضي حكمة كلاما مو مِطيريش برنجي الآخرين ,, معاها يطلع طيش مادام الحكومة بتشكي من تهميش أدونا الأمان.. أننسحب بي شييش سمية الحسن طلحة
|
Post: #983
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-24-2007, 07:03 PM
Parent: #981
قلبك يا جنب ميزانو مو من ريش وما برجف بخاف أكان غزاهو الديش خبار للدرو يا الديمه وازن النيش ويا كافى الديوش من البكار مو عيش منصور
حفيد المفتاح الصافي ماهو عويش لاهو الراشي لاهو المرشي بالبقشيش راعي .. وواعي .. مو مِغيشيش رُكازة العشيم والراي بلاك مافيش سمية الحسن طلحة
|
Post: #982
Title: Re: مسادير يا أهل المسادير إلى ما شاء الله........
Author: Nasr
Date: 10-24-2007, 05:41 PM
Parent: #1
مرات كمان بطراها زولتي القبيل ضفرتني زمن مطموس دردقني في مرماها وبمنعة باك شمال شاتتني أبحرت سفني من مرساها وفتها، عشان هي كما فاتتني لكن يا قليب الرماد وكتين قت الله معاها ليه مضيع لي فرصا مكان واتتني
|
Post: #984
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 10-24-2007, 09:55 PM
Parent: #982
Quote: بت المرضي حكمة كلاما مو مِطيريش برنجي الآخرين ,, معاها يطلع طيش مادام الحكومة بتشكي من تهميش أدونا الأمان.. أننسحب بي شييش |
ماني قاصد شو لكن دوماً سمية والمفتاح يستخدمون مفردات تستعصى على أمثالنا لذا حبيت أن أبدأ وأسن سنة حسنة أن يصحب الأبيات التي يرى كاتبها قد تستعصي على القُراء الكرام شرح مبسط.
لفت نظري جمع من كلمات نستخدمها لكن القليل منا يعرف مصدرها وفحوها ومعناها.
* مطرطّش وكثيراً ما تطلق على الذي لا يوزن كلامه وتصرفاته أو كما استخدمتها الريحانة مطيريش وحسب علمي المتواضع اعتقد أنها من مطرطّش. والتشبيه جاء من المطر الطايش ترعد وبروقها يتخالفن وبعد شوية تطش والناس تكون في رجاها في ملّه والله أعلم، كنت كثير السؤال عن معاني ما يستعصى علي من كلم حتى سمتني أختي البكر نكير.
برنجي ومنها جاءت كلمة البرنجية التي تعني الأول في اللغة التركية برنجي : الأول إكنجي : الثاني منها كانت تسميت السجائر المعروف في السودان سجائر البرنجي اي الأول
رجاءً منصور وسمية والأخرين تلبية الطلب شرح بعض المفردات والأمر متروك لتقديركم هل الكلمة شائعة ومعروفة ولا غميسة قد لا يعرفها الكثير من الناس
ولكم الشكر مجاري المسادير ومنكم نستفيد
|
Post: #985
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-26-2007, 02:04 PM
Parent: #984
غايتو ياخالد كان علي قول أختك ... البدو ديل كلهم ترب نكير ودا دليل النباهة .. هسع الجاهل ( أقصد الصغير) في البيت وكت يكون حِرِك ( كتير الحركة ) دليل علي ذكائه وسرعة بديهته وأنا مابحب أشرح إلا لو سألوني ... إليك شيء من شاعر البطانة / يوسف القسم الشوبلي / ود الشوبلي
أتيت كئيب وحامل هم شديد في راسي أذهبو عني شخصاً مرهف الإحساس مسكت القلم وضعت مدادو في كراسي من وين أبدأ فيك !؟ أعلنت فجاءة افلاسي
سألت الخالق الأرض والجبال رواسي يهنيك ويسعدك ياالمهذب وراسي اللوح والقلم والكرسي والإخلاص من الفي القلب كهاربو ضربت ماسي
|
Post: #986
Title: Re: مسادير يا أهل المسادير إلى ما شاء الله........
Author: Eng. Mohammed al sayed
Date: 10-26-2007, 05:14 PM
Parent: #1
عتر اللسان بعد غيبة وصبح متحير يبداك بالسلام وانت الجليس الخير ولا ينم كلام الشوق اللهيبو مطير ياحادي الركب, قايده وليهو مسير
.............................................................................. تحياتي للخال منصور المفتاح والمتداخلين,وسلام بعد شهور جميلة انقضت في ربوع الوطن بين العشيرة والاهل.أربعة شهور كان ختامها رمضان وصوت الفادني وشيخ الهادى وقراء آخرين ثم كعك العيد.
|
Post: #987
Title: Re: مسادير يا أهل المسادير إلى ما شاء الله........
Author: munswor almophtah
Date: 10-26-2007, 06:05 PM
Parent: #986
عتر اللسان بعد غيبة وصبح متحير يبداك بالسلام وانت الجليس الخير ولا ينم كلام الشوق اللهيبو مطير ياحادي الركب, قايده وليهو مسير
جيدلك بالرجوع وحبابك إنت النير يا عف اللسان حاشاك ماكا معير الشوق نارو هابله وسيدو مو متغير يا واصل الأهل إنت الكبير مو صغير
منصور
|
Post: #988
Title: Re: مسادير يا أهل المسادير إلى ما شاء الله........
Author: munswor almophtah
Date: 10-26-2007, 06:53 PM
Parent: #987
تسلم ود ابوى يا المك ويسلم راسك
ياجبل المحبة الطيبة اصلو اساسك
موفور العلم ادينى فيض كراسك
ياصنو الملاك راقى وشفيف احساسك
ناديه عثمان
كضب البقول فى النمه شافو إفلاسك وكضب الطيبتو ذاتا متينه زي صب ساسك عينك فاتحه نايمه وحاشا ماك بسكاسك ويا شبه الملايكه الشمه بسكر كاسك
منصور
|
Post: #989
Title: Re: مسادير يا أهل المسادير إلى ما شاء الله........
Author: munswor almophtah
Date: 10-26-2007, 07:26 PM
Parent: #988
مرات كمان بطراها زولتي القبيل ضفرتني زمن مطموس دردقني في مرماها وبمنعة باك شمال شاتتني أبحرت سفني من مرساها وفتها، عشان هي كما فاتتني لكن يا قليب الرماد وكتين قت الله معاها ليه مضيع لي فرصا مكان واتتني
nasr
من عسل الكلام وفشان نبيهه سبتنى برقا من عيونا كهاربو ديك شلتنى كيف بكريها صاقع وكيف أسو كان أتنى وااخ أنا من غراما الصيده ديك مكنتنى
منصور
|
Post: #990
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 10-26-2007, 07:43 PM
Parent: #989
سألت الخالق الأرض والجبال رواسي يهنيك ويسعدك ياالمهذب وراسي اللوح والقلم والكرسي والإخلاص من الفي القلب كهاربو ضربت ماسي
|
Post: #991
Title: Re: مسادير يا أهل المسادير إلى ما شاء الله........
Author: munswor almophtah
Date: 10-27-2007, 08:52 PM
Parent: #990
كفات بالشمال أسد الكرايه القارح وحجّر غابتو تب منع البفر والسارح من نتراتو الفارس يفز والدارة تصبح طارح قمر السبعتين الما هلا ود البارح
القارح فوقو شبا التوبو أبيض ناصع ودودوبو البطانه الميسا ماهل واسع مو دوار سليب كايس أم صديرن راصع وزى نيشان لواء وأركان حروب المانع
منصور
|
Post: #992
Title: Re: مسادير يا أهل المسادير إلى ما شاء الله........
Author: munswor almophtah
Date: 10-27-2007, 09:31 PM
Parent: #991
كسع الجره للماكل الأراك شن عيبو كسع الجره للقانص البدور بريبو نفس البرى فى حنك الرهيد شريبو وارد البدرى حاشا أكان بقيت ضريبو
منصور
|
Post: #993
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-28-2007, 09:28 AM
Parent: #992
كسع الجره للماكل الأراك شن عيبو كسع الجره للقانص البدور بريبو نفس البرى فى حنك الرهيد شريبو وارد البدرى حاشا أكان بقيت ضريبو منصور الماكل الأراك ماكلنا حامي لهيبو وصاقع الجرة عاقلاً وجب تسريبو القانص البدور بريبو يبقى نصيبو من ني الثمار تملي طُعمو يجيبو سمية الحسن طلحة
|
Post: #994
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 10-28-2007, 07:32 PM
Parent: #993
Quote: الماكل الأراك ماكلنا حامي لهيبو وصاقع الجرة عاقلاً وجب تسريبو القانص البدور بريبو يبقى نصيبو من ني الثمار تملي طُعمو يجيبو |
إشهد الكريم العالي وقف متحير
حت صاقع الجرة ( بتعرفيها ) كنت أظنها شغلة بس يعرفها الرجال
قال القدال
كملت كوتت التمباك صقعنا الجرة وكت إتقفلت شقيش قبل بي المرة نرمي أمرنا لبلد المعاني الحرة الشم خوخّت وبردن ليلالي الحرّه
والبراق برق من منّا جاب القِرّه شوف عيني الصقير بجناحو كفت الفرّه تلقاها أم خدود الليلة مرقت بره تغلي مديدة الحلبة التسمن رِدفها السمن المبستر يانكي والويقود بعيرات.. والدخان في العين يسوي عمايلو وشن فايدة مديدة الحلبة والويقود بشيلو اليانكي
|
Post: #995
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 10-28-2007, 08:46 PM
Parent: #994
الشم خوخّت وبردن ليلالي الحرّه والبراق برق من منّا جاب القِرّه شوف عيني الصقير بجناحو كفت الفرّه تلقاها أم خدود الليلة مرقت بره
الحاردلو
|
Post: #996
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 10-29-2007, 09:05 PM
Parent: #995
Quote: الشم خوخّت وبردن ليلالي الحرّه والبراق برق من منّا جاب القِرّه شوف عيني الصقير بجناحو كفت الفرّه تلقاها أم خدود الليلة مرقت بره الحاردلو |
أي بالحيل يا ريحانة البطانة هذه الابيات للحاردلو لكن محمد طه القدال أقتبسها في قصيدته المشهورة مسدار أبوالسرة لليانكي
تسلمي ولك التحية والاحترام
خالد
|
Post: #997
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-19-2007, 07:56 AM
Parent: #996
مرضاً غلب الطب والبصير والشيخ منك ياالنظرتك للكباد فليح مقيلك ديمة في مغزر سلم ومريخ عقيدك دوّر الصي أب وطاتاً فيخ
ودالشوبلي
|
Post: #998
Title: Re: مسادير يا أهل المسادير إلى ما شاء الله........
Author: munswor almophtah
Date: 11-19-2007, 04:27 PM
Parent: #997
الصيد صيد مداين وضلو جادعو لبيخ
ومكلوف زاد جناين ديمه ليهو تبيخ
الأرواح تهيم فى سوحو ديمه تنيخ
وداك عالى المقام الساكن المريخ
منصور
|
Post: #999
Title: Re: مسادير يا أهل المسادير إلى ما شاء الله........
Author: munswor almophtah
Date: 11-19-2007, 08:58 PM
Parent: #998
حالى وطعمو حادق حاشا ماهو مسيخ
وشربات من عنب كيفن تقولو فسيخ
ملك المقدره الماهو النفيخه رويخ
وعود المحلب المصموم وحاشا شريخ
منصور
|
Post: #1000
Title: Re: مسادير يا أهل المسادير إلى ما شاء الله........
Author: munswor almophtah
Date: 11-20-2007, 05:06 PM
Parent: #999
ورود المى بقالك غب تجيهو هجوع ونار الشوق على زادت بقيت موجوع زى محروق حشا وطبقولو غى مفجوع يا فقهاء الضروره الزول حلف مرجوع
منصور
|
Post: #1001
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-20-2007, 06:18 PM
Parent: #1000
ورود المى الأطباء قالوا طب ممنوع وزاد الشوق على الروح تالقت لطلوع زي قمري الفروع بقى النضم مسجوع وناس فقه الضرورة قالوا لحسة كوع
سمية الحسن طلحة
|
Post: #1002
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 11-21-2007, 01:42 PM
Parent: #1001
ورود الغب صعيب هم ما بيخبرو هجوعو
ونار الشوق بتسري من القلب لي فروعو
يا مالك النواصي والكون جميع في طوعو
عجل بي دواي قول لي متين هو رجوعو
|
Post: #1003
Title: Re: مسادير يا أهل المسادير إلى ما شاء الله........
Author: munswor almophtah
Date: 11-21-2007, 07:15 PM
Parent: #1002
ورود الغب فطمنا ونحن شوقنا طلوعو
نار الشوق شوتنا وصيدنا حاضنو ربوعو
يا ود سعيد المطره صابه دموعو
كيف نقدر على الراجينو زادو منوعو
منصور
|
Post: #1004
Title: Re: مسادير يا أهل المسادير إلى ما شاء الله........
Author: munswor almophtah
Date: 11-22-2007, 08:44 AM
Parent: #1003
ورود المى الأطباء قالوا طب ممنوع وزاد الشوق على الروح تالقت لطلوع زي قمري الفروع بقى النضم مسجوع وناس فقه الضرورة قالوا لحسة كوع
سمية الحسن طلحة
فقد اليوم بسل الروح تقولو سبوع
علوق الشده شن معناتو بعد الجوع
ظبية القوز صبيحه وطلعها المرنوع
تلالى خدودا زى كتف الفريق مرصوع
منصور
|
Post: #1005
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-22-2007, 05:30 PM
Parent: #1004
أرض الله الوسيعه علي بقت منشبره من لهطي وتِقِربني كل صاحب يبرا عارفك يالظهــورِك مي رديه ودبره فقدك أحرَّ من سم أب لـــدغةً نبره
ودشوراني
|
Post: #1006
Title: Re: مسادير يا أهل المسادير إلى ما شاء الله........
Author: munswor almophtah
Date: 11-22-2007, 06:49 PM
Parent: #1005
أرض الله الوسيعه على بقت قد إبره طعنا فوق جرح ما ظنو تانى بيبرأ ضهر الماصع الممرون نضيف من دبره ساق الزول بعيد فى حلقو خانقه العبره
منصور
|
Post: #1007
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 11-25-2007, 10:46 AM
Parent: #1006
شاحدك يا الكريم الفُرْ قة منها نبرا
وناراً موقدي في الجوف ما بتموت بي عَبْرَه
كان الزول رحولو مني قسراً وجبرا
اخير المِيتة من قولَة جميلاً وصبرا
---------------------------- التعديل للإستغفار استغفر الله فصبر جميل والله المستعان على ما تصفون
|
Post: #1008
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 11-25-2007, 11:14 AM
Parent: #1007
جرحنا يبرا بي شوفت الوشيهو صباح
وارض الله الوسيعة علينا زادا براح
كان حكم القدر فرقتنا في الالواح
لا طب حكما ينفع لا عزِم صُلاّح
|
Post: #1010
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-25-2007, 06:28 PM
Parent: #1007
في أرض الله الوسيعة لربوعن هبرة والقابض الجمر صعيب عليه الصبرا في الصايدني لا لي إيد ولا لي خبرة لطفك ياالرحمتك واسعة مي منعبرة
سمية الحسن طلحة
|
Post: #1009
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 11-25-2007, 01:40 PM
Parent: #1003
من غيبتو العقل طش وبقيت مصروعو
ومن جيتو القليب ما بيمسكنو ضلوعو
انقشع الضلام روّح وِدِرْ من ضوعو
لا بحمل نشوقو ولا بنحملو طلوعو
|
Post: #1011
Title: Re: مسادير يا أهل المسادير إلى ما شاء الله........
Author: munswor almophtah
Date: 11-25-2007, 06:55 PM
Parent: #1009
جرحنا يبرا بي شوفت الوشيهو صباح
وارض الله الوسيعة علينا زيدا براح
كان حكم القدر فرقتنا في الالواح
لا طب حكما ينفع لا عزِم صُلاّح
برقا من عيونو خلعنى والبى راح
وزى موعود لقا وشرقا ليالى صباح
إنجمع الشمل والكان بقالنا رباح
ولطف المولى باين للبريقن لاح
منور
|
Post: #1012
Title: Re: مسادير يا أهل المسادير إلى ما شاء الله........
Author: munswor almophtah
Date: 11-25-2007, 07:15 PM
Parent: #1011
شاحدك يا الكريم الفُرْ قة منها نبرا
وناراً موقدي في الجوف ما بتموت بي عَبْرَه
كان الزول رحولو مني قسراً وجبرا
اخير المِيتة من قولَة جميلاً وصبرا
**************************************
في أرض الله الوسيعة لربوعن هبرة والقابض الجمر صعيب عليه الصبرا في الصايدني لا لي إيد ولا لي خبرة لطفك ياالرحمتك واسعة مي منعبرة
سمية الحسن طلحة
حليل الكان حداى واليوم صبح فى جبره حليلو الحادق اب لهجا عسل فى النبره ناشر الناس جميع رافع البموت من قبره أجمع تانى بينا وفكو داك ضيق عبره
منصور
|
Post: #1013
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 11-25-2007, 07:22 PM
Parent: #1012
Quote: حليل الكان حداى واليوم صبح فى جبره حليلو الحادق اب لهجا عسل فى النبره ناشر الناس جميع رافع البموت من قبره أجمع تانى بينا وفكو داك ضيق عبره |
منصور المنصور بإذن الله سـلام عليكم كأنك تجابرني في معناتي لك التحية ولزوارك الكرام أجمل تحياتي
|
Post: #1014
Title: Re: مسادير يا أهل المسادير إلى ما شاء الله........
Author: munswor almophtah
Date: 11-25-2007, 08:28 PM
Parent: #1013
لامن شوفي راح أنا قلبي ما خلاّهن جفلن مني هن ولا هسه جاري وراهن خدّادِن درر برق الظلام بسماهن منزوع النحل وضعه الإله في فاهن
منزوع النحل طب النفوس وشفاهن خلقو المولى زاد واتحملنو شفاهن الخرف العكشنى حرمنى طاعم شاهن وكضاب البقول أنا قلبى مابشهاهن
منصور
|
Post: #1019
Title: Re: مسادير يا أهل المسادير إلى ما شاء الله........
Author: مدثر ابراهيم سعيد
Date: 11-26-2007, 01:06 PM
Parent: #1014
منزوع النحل طب النفوس وشفاهن خلقو المولى زاد واتحملنو شفاهن الخرف العكشنى حرمنى طاعم شاهن وكضاب البقول أنا قلبى مابشهاهن
العسل المصفّى فاتنو تب في صفاهن
منضومات نضم متل العقد صافاهن
إتْوَهدَبْ كِتِلْ من شوفتي بسمة فاهن
والعجب ان كمان طبقن عليهو لماهن
|
Post: #1015
Title: Re: مسادير يا أهل المسادير إلى ما شاء الله........
Author: munswor almophtah
Date: 11-25-2007, 08:41 PM
Parent: #1013
مالك يالمنسى ممكون متلى ريتك تبرأ ترجع دار جعل من ضيق ظلام الهجره خلق الزول بضيق دايما تجيهو الضجره شوق الزول بزيد وكتين تزيد الحجره
منصور
|
Post: #1016
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-25-2007, 09:04 PM
Parent: #1015
واحدين كربجوهن وبالبطاين قفّن واحدين همهم ديل سورجن وديل صَفّن واحدين جالسو الفوق الديباج يتغفّن الحي رِزقو ياكلو والبموت بتكفّن
الشيخ عبد العزيز
|
Post: #1018
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 11-25-2007, 09:21 PM
Parent: #1016
Quote: مالك يالمنسى ممكون متلى ريتك تبرأ ترجع دار جعل من ضيق ظلام الهجره خلق الزول بضيق دايما تجيهو الضجره شوق الزول بزيد وكتين تزيد الحجره |
المأذيني فرق من الحبيب ووليدّي الجرح غوّر ماأظن دوا طبيب بيفيدني شاحد الله الكريم يحل عقدتي المعقودّي يجمع شملنا إن كان في ضل شديرّي بعيدي
|
Post: #1017
Title: Re: مسادير يا أهل المسادير إلى ما شاء الله........
Author: abdelgadir mustafa
Date: 11-25-2007, 09:19 PM
Parent: #1
واحدين متلى متاخرين جوها النمه شايلين ريحه دعاش عطرا لذيذبنشما قاصدين العزاز اهل الكرم واللمه طارين القمارى ناوين مبيت ناس شمه
|
Post: #1020
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 11-29-2007, 05:50 PM
Parent: #1017
ياالهرع المكملة فيك حرارة عايد براوة عليك هجمت الليهو قلبنا رايد ود الحوري مندوف أب وضيباً قايد ربطو و ميّزو جابلو العلوق الزايد
ود شوراني
|
Post: #1021
Title: Re: مسادير يا أهل المسادير إلى ما شاء الله........
Author: munswor almophtah
Date: 11-30-2007, 06:13 PM
Parent: #1020
واحدين كربجوهن وبالبطاين قفّن واحدين همهم ديل سورجن وديل صَفّن واحدين جالسو الفوق الديباج يتغفّن الحي رِزقو ياكلو والبموت بتكفّن
الشيخ عبد العزيز
قبل القومه ملحوا لى أم خشيما عفن وشدوا على البزازن وبالبطانات لفن كواسر للخشش ماهم رخم بتفن قنيصهم للطبقن البوخه فوقها اتدفن
منصور
|
Post: #1022
Title: Re: مسادير يا أهل المسادير إلى ما شاء الله........
Author: munswor almophtah
Date: 12-05-2007, 04:48 AM
Parent: #1021
واحدين متلى متاخرين جوها النمه شايلين ريحه دعاش عطرا لذيذبنشما قاصدين العزاز اهل الكرم واللمه طارين القمارى ناوين مبيت ناس شمه
دايما ليك مكان يا زول كبير الهمه ناقص الجلسه يا دوب بى ستر بنتمه يا ملح المجالس ليك نعود نتلمه نحسب من جديد عقبان نجيب النمه
منصور
|
Post: #1023
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-13-2007, 06:33 AM
Parent: #1022
بأس الحديد رب العباد كافينا من شر خلقو واقف ديدبان حامينا وسواس خلقو والعقد المنفثه فينا داك رب الفلق واغب الغسق طارينا
منصور
الليلة الحديد صادف حديد النينا قلبو صميم جبال التاكا فيهن لينا قال لي الشطارة معروفة ورثاً فينا قُت ليهو الرسالة عنوانا تب كافينا
سمية الحسن طلحة
|
Post: #1024
Title: Re: مسادير يا أهل المسادير إلى ما شاء الله........
Author: munswor almophtah
Date: 12-23-2007, 09:31 PM
Parent: #1023
يا أهل الصلاح والصوله يا الواصلينا يا ترب الفلاح بندور دعاكم لينا ناس جبل الحديد الفى البطانا بزينا أقضوا غردنا من سير شوقنا نحن حفينا
منصور
|
Post: #1025
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2007, 07:33 AM
Parent: #1024
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
|
Post: #1026
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2007, 08:27 AM
Parent: #1025
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
فى القدسى الحديث بى سرو كن كانلى وبى سر عبدو بقباق القلع بانلى اب لمبات صعيب الحال قسم هانلى ولاحق الميس جرب من وردو شارب رى
منصور
|
Post: #1028
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-24-2007, 11:50 AM
Parent: #1025
اختف كراعك شروق قبال بزوغ الضي ناس جبل الحديد راقدين صعيدا صي كاربين الحزم ما فيها حبلا ني وفي سدر الروكي دايرهن الحقوك يا جني
أبوعلى السودانى
ياالجبل الحجزت بين النار والمَي هبار الشروق واسع سدركن فَي قال أبوعلي الفارس البخود الدَي الفي سدر الروكي ألحقوهم لَي
سمية الحسن طلحة
|
Post: #1030
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2007, 04:42 PM
Parent: #1028
السلام عيكم،
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري
أبوعلى السودانى
|
Post: #1027
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-24-2007, 11:39 AM
Parent: #1024
يا أهل الصلاح والصوله يا الواصلينا يا ترب الفلاح بندور دعاكم لينا ناس جبل الحديد الفى البطانا بزينا أقضوا غردنا من سير شوقنا نحن حفينا
منصور
ياأهل الصلاح ياأبواتي وينكم لينا ناس جبل الحديد يا سبق السابقينا قبل الصيحة تلفونا وتعرفوا البينا أقضوا غردناوغرد يات من محقب فينا
سمية الحسن طلحة
|
Post: #1029
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2007, 04:39 PM
Parent: #1027
ياالجبل الحجزت بين النار والمَي هبار الشروق واسع سدركن فَي قال أبوعلي الفارس البخود الدَي الفي سدر الروكي ألحقوهم لَي
سمية الحسن طلحة
السلام عيكم،
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي .
أبوعلى السودانى
|
Post: #1031
Title: Re: مسادير يا أهل المسادير إلى ما شاء الله........
Author: munswor almophtah
Date: 12-24-2007, 11:30 PM
Parent: #1029
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري
أبوعلى السودانى
أب على شن بقول يا أخوانا فسرو لى والشوق كان طمح فسراع بنلقى خوى الروكى كان بعيد جمع الأرض والطى ولى جبل الحديد الخاتى دق النى
منصور
|
Post: #1032
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 12-25-2007, 10:26 AM
Parent: #1031
العيد مبارك عليكم كلكم أهل المسادير والمعاني السمحة
منصور: كفارة وحمدلله على السلامة .. والجاتك في عربيتك سامحتك ..
يالله أرح قاعدين نقراكم كلمة كلمة
|
Post: #1033
Title: Re: مسادير يا أهل المسادير إلى ما شاء الله........
Author: munswor almophtah
Date: 12-26-2007, 08:37 AM
Parent: #1032
الأقدار موجهه نحن ليها عمايا ما بنقدر نفوتا أكان شربنا محايا حرص الزول محدد والقلوب سهايا فوق شرك القدر قمريه طبق الآيه
محمد كل سنه وإنت بألف خير وأبوعلى دا من بين ماريا وإيدالولى وعمو حجازى وأخوهو يحى وأسأل الجماعه بوروك
منصور
|
Post: #1034
Title: Re: مسادير يا أهل المسادير إلى ما شاء الله........
Author: munswor almophtah
Date: 12-26-2007, 09:17 AM
Parent: #1033
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي .
أبوعلى السودانى
الروكى وقتين نقول جبل الفراتيت هى وماهن فى الصقايع ولا حداهن صى فيهن دب ضبع ماكل السلات النى وفوقها مخوى قانص وإنت شفتو حدى وشها ليك بكشفو وسمحه ساحرة زى بجوها الناس يحجوا وفيها كمين شئ منابع المويه من غنن الجبال مى دوى ومرحات صيدا تخلف فوق كبادنا الكى
منصور
|
Post: #1035
Title: Re: مسادير يا أهل المسادير إلى ما شاء الله........
Author: munswor almophtah
Date: 12-26-2007, 08:52 PM
Parent: #1034
الجبال تطير من فوق لي السماك وتري وفوق لي بنات نعش ان صنقعت ما شوف شي خليهن وارح اديهن قفاك ضحي ويا ما تليم جبال سيلها العفاف ومحي ويا ما تشوف غزالا عين ترمي حدي المن امات رميلة متركشات لا شمي مجافيات الروكي اووردو الصقيع مو مي نبع جمد ونبت همد تحت الصقيع بقي هي
ملحوظة الجبال بفتح الجيم وتشديد الباء علي الطريقة السودانية
أبوعلى السودانى
|
Post: #1036
Title: Re: مسادير يا أهل المسادير إلى ما شاء الله........
Author: نادية عثمان
Date: 12-26-2007, 11:44 PM
Parent: #1035
Quote: الأقدار موجهه نحن ليها عمايا ما بنقدر نفوتا أكان شربنا محايا حرص الزول محدد والقلوب سهايا فوق شرك القدر قمريه طبق الآيه |
أحكام القدر في رقابنا ماشة وجاية
شاربين الوجع ماقلنا منو كفاية
صابرين للمرار ساجدينلو في المصلاية
شاحدين الآله كان لي عذابنا نهاية !!
|
Post: #1037
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-27-2007, 08:02 AM
Parent: #1036
جبال الروكي دربا زلق يا سمي متراميات طرف وعقبان جليدا سي متوكرهن مشوبح بين الممات والحي كاتلو الشوق اسوي القوق مراد الري اهلها كفر وخاتي شكرقبيحة زي مي ابودليق ولي ابزليق ديار رام في البضبحو شول اكرمو الزول مطايب وني ناس علي عيش اكف الديش وما سو شي
أبوعلى السودانى
الليلة أب علي جاب طاري القرونهم لي سمحين الخصال وكمان مليحين زي من سافل صعيد ودساقرتة عرّج بي علي أهلي الغرامهم خِلقة ساكن فِي سمية الحسن طلحة
|
Post: #1038
Title: Re: مسادير يا أهل المسادير إلى ما شاء الله........
Author: munswor almophtah
Date: 12-27-2007, 07:44 PM
Parent: #1037
أحكام القدر في رقابنا ماشة وجاية
شاربين الوجع ماقلنا منو كفاية
صابرين للمرار ساجدينلو في المصلاية
شاحدين الآله كان لي عذابنا نهاية !!
ناديه
قدر الزول بهون وقتين يشوفلو حكايه
أكبر من مصيبتو وليهو تبقى مرايا
صبر الزول سمح وقتين تصيبو بلايا
عان ناس بوتو ديل فرموها فى قلايا
وكل سنه وأنتى أكثر فرحا وأكثر رضا وشكرا وكذا الإبنه
منصور
|
Post: #1039
Title: Re: مسادير يا أهل المسادير إلى ما شاء الله........
Author: munswor almophtah
Date: 12-27-2007, 08:00 PM
Parent: #1038
الليلة أب علي جاب طاري القرونهم لي سمحين الخصال وكمان مليحين زي من سافل صعيد ودساقرتة عرّج بي علي أهلي الغرامهم خِلقة ساكن فِي
سمية الحسن طلحة
أبو على غاص مغور فى اللحيم الحى وجاب بلد البطاحين ما ترك من شئ ناس رانفى البدوبى على الشويدره جدى وناس ود عيش بكفو الفى العلالى حدى
منصور
|
Post: #1040
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 12-27-2007, 09:54 PM
Parent: #1039
الزول السمح باقّي غير دِليك يبرق في العيون دون خُمر ووديِك كايد أترابو ونازل في القلوب تهليك قلوبنا زي الخدرا بين إيدينو لي التوريق
خالد
|
Post: #1041
Title: Re: مسادير يا أهل المسادير إلى ما شاء الله........
Author: munswor almophtah
Date: 12-29-2007, 01:08 AM
Parent: #1040
يا دوب بتقت فسراع بتبقى فريك ومن نز التقانت شاربه بى تكنيك سعيد الحظ جنب ماهو الدلاهه عميك وما بنقدر نداقرو أكان حلف برميك
منصور
|
Post: #1042
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-30-2007, 10:05 PM
Parent: #1041
يا دوب بتقت فسراع بتبقى فريك ومن نز التقانت شاربه بى تكنيك سعيد الحظ جنب ماهو الدلاهه عميك وما بنقدر نداقرو أكان حلف برميك
منصور
مشتول التقانت نوارو باسم ليك والعفرت تظن سحابو تب راويك تتعشم تقول لامن تمد إيديك حارسو الجنب من القطف يعفيك
سمية الحسن طلحة
|
Post: #1043
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-30-2007, 10:18 PM
Parent: #1042
الزول السمح باقّي غير دِليك يبرق في العيون دون خُمر ووديِك كايد أترابو ونازل في القلوب تهليك قلوبنا زي الخدرا بين إيدينو لي التوريق
خالد
الزول السمح من كل نوع يديك يزيد في الدلال وإت تزيد في الفيك بألوان قزح مطر الخريف يغريك كان خلينو إت هواهو ما بخليك
سمية الحسن طلحة
|
Post: #1044
Title: Re: مسادير يا أهل المسادير إلى ما شاء الله........
Author: munswor almophtah
Date: 12-31-2007, 09:32 AM
Parent: #1043
مشتول التقانت نوارو باسم ليك والعفرت تظن سحابو تب راويك تتعشم تقول لامن تمد إيديك حارسو الجنب من القطف يعفيك
سمية الحسن طلحة
مشتول التقانت منو عبو الريك ومن سمح المسور ضمنوه مانع الشيك طالب المستحيل ماهو الهوين كيك وماهو دجل مشعوذ ديمه لاعب بيك
منصور
|
Post: #1045
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 12-31-2007, 07:45 PM
Parent: #1044
مشتول التقانت منو عبو الريك ومن سمح المسور ضمنوه مانع الشيك طالب المستحيل ماهو الهوين كيك وماهو دجل مشعوذ ديمه لاعب بيك
منصور
العز بالمواريث والدلع راجيك وسمت القفل قطفتو بي إيديك ركوب الصعاب معروف طبيعةً فيك طالب المستحيل طرورة ما بباريك
سمية الحسن طلحة
|
Post: #1046
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 12-31-2007, 08:28 PM
Parent: #1045
Quote: الزول السمح من كل نوع يديك يزيد في الدلال وإت تزيد في الفيك بألوان قزح مطر الخريف يغريك كان خلينو إت هواهو ما بخليك
سمية الحسن طلحة |
أوعد يا رب بي متل الزويل دا
|
Post: #1047
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-01-2008, 09:47 AM
Parent: #1046
Quote: أوعد يا رب بي متل الزويل دا |
رب العزة قادر كان سألت بعطيك وكان أعطاك الكريم مافي من بحميك تتزلل صعاب والقاسية بتهون ليك في العام الجديد تلقاها كل أمانيك
سمية الحسن طلحة
كل عام والكل بخير
|
Post: #1048
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-01-2008, 01:24 PM
Parent: #1047
Quote: رب العزة قادر كان سألت بعطيك وكان أعطاك الكريم مافي من بحميك تتزلل صعاب والقاسية بتهون ليك في العام الجديد تلقاها كل أمانيك
سمية الحسن طلحة |
آميــــــــــــــــــــــــــــــــــــــن
|
Post: #1049
Title: Re: مسادير يا أهل المسادير إلى ما شاء الله........
Author: munswor almophtah
Date: 01-02-2008, 09:21 AM
Parent: #1048
العز بالمواريث والدلع راجيك وسمت القفل قطفتو بي إيديك ركوب الصعاب معروف طبيعةً فيك طالب المستحيل طرورة ما بباريك
سمية الحسن طلحة
سكن الناس إيجار وانت القصور تمليك ويا المالك كرامتك مين بقول بمليك لبن الطير حقيقه إن درتو إنت بجيك وداك سابع المحال جالبنو من دخريك
منصور
|
Post: #1050
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-02-2008, 06:10 PM
Parent: #1049
سكن الناس إيجار وانت القصور تمليك ويا المالك كرامتك مين بقول بمليك لبن الطير حقيقه إن درتو إنت بجيك وداك سابع المحال جالبنو من دخريك
منصور
بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة
|
Post: #1051
Title: Re: مسادير يا أهل المسادير إلى ما شاء الله........
Author: munswor almophtah
Date: 01-02-2008, 08:34 PM
Parent: #1050
بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة
مقبول السلام من المساقط ديك ومتلو كمان سلام من فاس بلدنا بجيك الميج البطير عند الكرم با ريك وتيسا للركوب ساعة الضيوف بفديك
منصور
|
Post: #1052
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 01-02-2008, 09:08 PM
Parent: #1
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
|
Post: #1053
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-03-2008, 04:26 PM
Parent: #1052
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
تماضر الخنساء حمزه
مرسل للحبيبة... أمي كل لحظة وانت بألف خير
رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة
|
Post: #1054
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-03-2008, 05:18 PM
Parent: #1053
Quote: رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة |
مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا
خالد
|
Post: #1055
Title: Re: مسادير يا أهل المسادير إلى ما شاء الله........
Author: munswor almophtah
Date: 01-04-2008, 03:34 AM
Parent: #1054
مُرسل للحبيبة,,, أمي السلام بغريك بتذكر وداعك ودمع العيون ترويك يوم تِقلت خُطاي تباري فيهو مشيك في العام الجديد نبض القلوب بهديك
تمُاضر الخنسناء
متل العند خناس من بر أظنو بصيبك وحب الوالدين فايزابو بعدل صيبك فوز الجنه قبض ايد بالأمومه نصيبك وسمح القول دوام بلداتو راخى خصيبك
منصور
|
Post: #1056
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-04-2008, 09:28 PM
Parent: #1055
مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا
خالد
أمطار السعد كل يوم عليك تترادى يانجمة سعودنا الفي الضلام وقادة بي حبك نفوز كالختمت حياتو شهادة عاجل البر يكون في الدنيا لينا سعادة
سميةالحسن طلحة
|
Post: #1057
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 01-04-2008, 09:37 PM
Parent: #1056
Quote: مرسل للحبيبة... أمي كل لحظة وانت بألف خير
رب العالمين المافي ليهو شريك وصانا نبرك دون وصاية عليك شفيع الأمة زاد أشواقنا في التحريك يوم قال الجنان بتكون تحت قدميك
سمية الحسن طلحة |
أمي الحبيبة والله بشتاق ليك حنية العيون وملمسن إيديك الكون جميع مابساوي إت عينيك حتّى الجنّة حق رايداك تحت كِرعيك
|
Post: #1058
Title: Re: مسادير يا أهل المسادير إلى ما شاء الله........
Author: تماضر الخنساء حمزه
Date: 01-04-2008, 09:43 PM
Parent: #1054
Quote: مقامها كبير وفي القليب دا رُقادّا ست الهم العظيم ولي البطان مُشهادّا تتبن لي المريض ولي البعيد سهادّا ما بنوفيها حقها هي زي النجوم في بعادّا |
صدق من قال أقوالنا فيها مُعادة وقدر من نزيد تقصيرنا باقي زيادة بطراها الحنينة بي مبخرا وأعوادا ربي يزيد هناكي ويديكي ديمة سعادة
|
Post: #1059
Title: Re: مسادير يا أهل المسادير إلى ما شاء الله........
Author: munswor almophtah
Date: 01-06-2008, 03:22 AM
Parent: #1058
الصيد البرد بالليل مراحو بشقن وتال كبر الطلح بدرعنو برقن كبشا مندفع ختمن قفاهو عنقن وافرات للجمال كعب الكلام ما بلقن
منصور
|
Post: #1060
Title: Re: مسادير يا أهل المسادير إلى ما شاء الله........
Author: الطيب شيقوق
Date: 01-06-2008, 09:06 PM
Parent: #1059
ود المفتاح
كل عام وانت بالف خير
اهلك ناس منتدى سنار جميعهم في انتظارك وقالوا عنك الكثير ارجو تصفح منتداهم العام للاطلاع على ما قيل عن منصور المفتاح . ارجوك ان تطل عليهم عبر نافذتهم الاسفيرية وتسهم ولو بالقليل من ابداعاتكم .
Sennar.net.com
لك عميق مودتي
اخوك ود شيقوق
|
Post: #1061
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-06-2008, 10:48 PM
Parent: #1060
الصيد البرد بالليل مراحو بشقن وتال كبر الطلح بدرعنو برقن كبشا مندفع ختمن قفاهو عنقن وافرات للجمال كعب الكلام ما بلقن
منصور
أخوات القمر نور الكهارب طفن وفي خلق الله نيران الكماين بقن شايقني حديثا عنهن ومعنعن عندكم الكلام موفور وماهو ملقن
سمية الحسن طلحة
|
Post: #1063
Title: Re: مسادير يا أهل المسادير إلى ما شاء الله........
Author: munswor almophtah
Date: 01-07-2008, 08:29 AM
Parent: #1060
سنار دار ملوك من فونج قديم وعنج وارباب واحدم ماهم تبيعه همج أصحاب كلمه صر معدوم إصيبها غنج وديل أصحاب تراث ماهم جهوله سمج
يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى
ولك السلام
منصور
|
Post: #1062
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-06-2008, 11:33 PM
Parent: #1
Quote:
الصيد البرد بالليل مراحو بشقن وتال كبر الطلح بدرعنو برقن كبشا مندفع ختمن قفاهو عنقن وافرات للجمال كعب الكلام ما بلقن
|
الله الله , يا المنصـور , ياهو دا الشكر كدي,
متعك الله بالصحـة والعافيـة
أحمـد الشايقي
|
Post: #1064
Title: Re: مسادير يا أهل المسادير إلى ما شاء الله........
Author: الطيب شيقوق
Date: 01-07-2008, 09:43 AM
Parent: #1062
Quote: سنار دار ملوك من فونج قديم وعنج وارباب واحدم ماهم تبيعه همج أصحاب كلمه صر معدوم إصيبها غنج وديل أصحاب تراث ماهم جهوله سمج
يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى |
الاخ المنصور يا ايها الزهو المباح
قواسيب المودة والثناء لك ايها المخضرم وعقبال لاولادك وما احلى فرحة زواج الابناء يا ود المفتاح .
برضي في انتظار طلتك في منتدى اهلنا ناس سنار للاطلاع على ما قيل عن منصور المفتاح وفرحتهم بطلتك الموعودة .
أكرر عميق مودتي
|
Post: #1065
Title: Re: مسادير يا أهل المسادير إلى ما شاء الله........
Author: munswor almophtah
Date: 01-08-2008, 08:13 AM
Parent: #1062
الشايقى الأصيل فى الدار حباب أقدامك يا فاعل المكارم مين بفوت قدامك الناس فى العدم دخريها باذلو إيدامك يا مطر الخريف إنت البخافو صدامك
كتر خيرينك يا الشايقى ولك السلام والتحايا
منصور
|
Post: #1066
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-08-2008, 08:45 AM
Parent: #1065
Quote: بالعام الجديد جايين نباخت ليك بقدم السعد إنشاء الله هلاّ عليك سبّاق للمكارم والواجبة دون مِحريك والقايلين بطيروا ما بلحقوه مشيك
سمية الحسن طلحة |
آمين يا سلمى .. والله كلامكن يكيف وضحكتني (محريك) .. إنتو برضو في البطانة بتقولوما تتمحرك لمن يتثاقل في العمل
أرح سفر المسادير ينحو للأعمق
|
Post: #1067
Title: Re: مسادير يا أهل المسادير إلى ما شاء الله........
Author: munswor almophtah
Date: 01-08-2008, 09:09 AM
Parent: #1066
آمين يا سلمى
تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده
منصور
|
Post: #1068
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-08-2008, 01:23 PM
Parent: #1067
آمين يا سلمى
! ؟
ود عبد الجليل حايداني فيك منصدمة كيف يغباك مشهاد البدر ليل تمه ياضو القبايل في السنين الصرمة يسلمك الله من كيد ناس عزيزة وسلمى
سمية الحسن محمد طلحة
|
Post: #1069
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-08-2008, 01:33 PM
Parent: #1068
Quote: يسلمك الله من كيد ناس عزيزة وسلمى |
سمية العزيزة كيف حالك والله دي ياها المرحكة زاتا! هل تعلمي أنك سمية مو كدي وبس زوجتي إسمها سمية برضو لكين إيدي شترا ومتمرحكة كمان، وطالما جبتي المسدار السمح ده .. بركه الغلته للمرة الثانية ولك العتبى يا من تضمخين وجداننا بجميل الكلم ويا ريت لو كنت بعرف أمسدر لكنت ....
يا سمية العفو والله غلتانين لكين القليب مشدوه زمانا شين ما يصح يغباني مشهاد بدر دورين طالبين السماح يا بت عزاز بطاحين
|
Post: #1070
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-08-2008, 03:02 PM
Parent: #1069
حاشاك يامحمد المحركة والشتارة لكن منصور دا صالح ظنيتا دي مغارة راسا عديل الناس بدخلوا مسيدو دا يختوا حاجتم ويمرقوا مابتجاسروا يهبشوا بحرو
يا سمية العفو والله غلتانين لكين القليب مشدوه زمانا شين ما يصح يغباني مشهاد بدر دورين طالبين السماح يا بت عزاز بطاحين
محمد عبدالجليل
أبوالصادق أخو السمحات أخو السمحين جموعية صم تيران دواس تورشين ما بنلوم أكان ماكنا ليك دايرين مسموح ياالسمح فالك عديلة وزين
سمية الحسن طلحة
|
Post: #1071
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-08-2008, 05:17 PM
Parent: #1070
من يوم شفتو وعيني جَفتْ تغميدّا غزيز ديسا متوسد الحِزوز في جيدا تقدل بي مهل والقلوب يزيد تطريبا هالكا العِباد تشوف الدموم في وريدا
خالد
|
Post: #1072
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-09-2008, 07:23 AM
Parent: #1071
Quote: تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده |
المنصور - وتتمرحكوا تلقيتها أول ما تلقيتها من عمي حامد، كان يقول (الشفع ديل يتمرحكوا من الصباح قلعوا عشرين حوض بس) وعمي حامد - أطال الله عمره - لازال مزارعا بيده وقد تجاوز الثمانين، ذهبت إليه الســـنة الفاتت في الزراعة عندو سدره ضليلة وتحتها نص عنقريب وقلت ليهو ياخي العنقريب دا قصير وانتا ضهرك موجعك، قال لي: هازول أنا مما ضربني النحل تاني ما حسيت لي بي شيء، وأشار بيده إلى أعلى السدرة حيث الخليــــة الكبيرة حاوية النحل الضربو عندما هرب كل الحضـــور إلا هو تمرحك خايف من اللوم فجاءت مرحكته شفاءا تاماً من وجع الضهر، فبعضهم يتفادى بها دفع القروش وآخــر يستخدمها لدفع اللوم والدنيا كلها دفع واللوم بجــي بالغفلات.
سمية - تاني ما بجادعكن بالمسادير تب لا إنتي لا منصور بدخل أقرأ وأفرتق ذي باقي الجماعة لكين تكونوا عارفين أني معاكن من هنا إلى ما شاء الله
|
Post: #1073
Title: Re: مسادير يا أهل المسادير إلى ما شاء الله........
Author: munswor almophtah
Date: 01-09-2008, 07:48 AM
Parent: #1072
فى زمن الدرك الناس تصير ممحونه واحدين قالو ضاعت كرتتو وشنطونه متلك يا اللصم من خير وعاك يعطونا يا دهب الملوك إت للقلوب صابونه
أفو بدور تفوتنا وتخلى ضهرنا للخلاء ها زول حلف ما تفوت يا البرمكى إنت قايل نحن بنخليك يا قايد الركزو وتلو ضرعاتم بشاير خير تقبل السلام يا أبو التيمان
منصور
|
Post: #1074
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-09-2008, 11:54 AM
Parent: #1073
Quote: أفو بدور تفوتنا وتخلى ضهرنا للخلاء ها زول حلف ما تفوت |
ما أظنك تكون قاصدني أنا بالكلام ده، ولو كنت معناها ما قريت كلامي (معاكن إلى ما شاء الله) ..
الفوته مي منكن افوتكن شقيش أقبل؟! الفوته من المجادعة بالمسادير، ما بعرف وبقعد أحاول وبخرب الرصه، قلت ليك أجي أقرأ وأفوت أي أتداخل معاكن بكلام ساكت جنس ده.
|
Post: #1075
Title: Re: مسادير يا أهل المسادير إلى ما شاء الله........
Author: munswor almophtah
Date: 01-10-2008, 06:28 AM
Parent: #1074
فطموك يا ولد قبال تتم إتنين وفيك درعو الخلال تانى بتقبل وين بنكك جمدوا وحرموك من تموين ولا زاد باقيى ليك لا كاش تشيل كنتين
منصور
|
Post: #1076
Title: Re: مسادير يا أهل المسادير إلى ما شاء الله........
Author: munswor almophtah
Date: 01-10-2008, 06:51 AM
Parent: #1074
قدحك ديمه باذلو وديمه ليهو بكانه نضمك ديمه وازنو وديمه نيش جبخانه صدرك يا المفككو للقلوب شفخانه بيتك للضيوف متل التقول سلخانه
محمد فاهمين القلتو ولكن نفكر فى ما لم تقل بعد
لك التحايا
منصور
|
Post: #1077
Title: Re: مسادير يا أهل المسادير إلى ما شاء الله........
Author: الطيب شيقوق
Date: 01-10-2008, 07:22 AM
Parent: #1076
ود المنسي
Quote: من يوم شفتو وعيني جَفتْ تغميدّا غزيز ديسا متوسد الحِزوز في جيدا تقدل بي مهل والقلوب يزيد تطريبا هالكا العِباد تشوف الدموم في وريدا |
ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .
هييييييييييييييع عفو عليك يا مصطفى سعيد رفت راسنا فوووووووووووق
|
Post: #1078
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-10-2008, 07:55 AM
Parent: #1077
سمية - تاني ما بجادعكن بالمسادير تب لا إنتي لا منصور أبو التومات بي شينة إنشاء الله مانتفرّف ماك حق القصار ساسك في المكارم غرّق يادهب الخزانة الصافي حر ومحرق جر نم حالي المسادير خلنا أنتعشرق
سمية الحسن طلحة
|
Post: #1079
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-10-2008, 08:02 AM
Parent: #1078
لكين تكونوا عارفين أني معاكن من هنا إلى ما شاء الله
المحرات حقيقة بقلع المدفونة وطبايع النفوس ينضح بها ماعونا إلى ماشاءالله معانا متينة في مضمونة والفي الكون جميع بشينة ما بفرقونا
سمية الحسن طلحة
|
Post: #1080
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-10-2008, 12:11 PM
Parent: #1079
Quote: المحرات حقيقة بقلع المدفونة وطبايع النفوس ينضح بها ماعونا إلى ماشاءالله معانا متينة في مضمونة والفي الكون جميع بشينة ما بفرقونا |
|
Post: #1081
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-10-2008, 06:54 PM
Parent: #1080
Quote: ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .
هييييييييييييييع عفو عليك يا مصطفى سعيد رفت راسنا فوووووووووووق |
أخي منصور المنصور تحية طيبة وسلاااام عليك الله شوف عقيد الدندر دا بقطع الكلام وبساوي من راسو ساكت كيف ؟؟؟ باقي لي كل ما ياخد لي نومة تتخمر قصة في ٍاسه ويصدقها وعليك أمان الله عمري ماقلت ليهو أني متزوج من البلقان عمري كلو
الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )
زوجتي يا عقيد الدندر من المجر ( هنقاريا ) بلد نهر الدانوب
|
Post: #1082
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-10-2008, 08:11 PM
Parent: #1081
فطموك يا ولد قبال تتم إتنين وفيك درعو الخلال تانى بتقبل وين بنكك جمدوا وحرموك من تموين ولا زاد باقيى ليك لا كاش تشيل كنتين
منصور
الله في شرعو قال فصالو في عامين الما تم حول من حضنو ليش فاردين لا وجبت زكاة وفوقكم جرورة ودين تقولوا الرووب يقولوا غباشة ولا تخين
سمية الحسن طلحة
|
Post: #1083
Title: Re: مسادير يا أهل المسادير إلى ما شاء الله........
Author: عبدالله الشقليني
Date: 01-11-2008, 04:44 PM
Parent: #1
يا منصور سلام ،اللّينة ليكَ هِي الجاية والأم الحنون لى ضناها هي الغتايـــة بى هَبوب عَبادي فاجة السَحاب مُصلايـة أبشِر بالرُشاش الخلى أم سِويق مَشايــة
****
|
Post: #1084
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-12-2008, 06:34 AM
Parent: #1083
Quote: الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان ) |
يكون بقصد بلقان السودان!
يازول خلو واكتب ساكت وعلى الله
|
Post: #1085
Title: Re: مسادير يا أهل المسادير إلى ما شاء الله........
Author: munswor almophtah
Date: 01-13-2008, 11:12 AM
Parent: #1084
يا منصور سلام ،اللّينة ليكَ هِي الجاية والأم الحنون لى ضناها هي الغتايـــة بى هَبوب عَبادي فاجة السَحاب مُصلايـة أبشِر بالرُشاش الخلى أم سِويق مَشايــة
حليل زمن الرشاش وقتين يجض عتابو نحن كمان نجض وقتين يشق ورتابو شافت عينى حت بيت النمل هشابو ضامن خيرو منو وضمه ضاق بتابو
سلام يا الشقلينى
منصور
|
Post: #1086
Title: Re: مسادير يا أهل المسادير إلى ما شاء الله........
Author: سمية الحسن طلحة
Date: 01-13-2008, 03:28 PM
Parent: #1085
حليل زمن الرشاش وقتين يجض عتابو نحن كمان نجض وقتين يشق ورتابو شافت عينى حت بيت النمل هشابو ضامن خيرو منو وضمه ضاق بتابو
منصور
حليل زمن الخريف وقتين يصح تيرابو رامي سبيط ثمار والفالح يملأ جرابو طعم نوافر أم بنا من العروق طاشابو لا لمينا في مويتو ولا لحقنا رهابو
سمية الحسن طلحة
|
Post: #1087
Title: Re: مسادير يا أهل المسادير إلى ما شاء الله........
Author: munswor almophtah
Date: 01-14-2008, 04:34 PM
Parent: #1086
ود المنسى غار شيقوف عديل هجابو ساقو بلاد مجر فد مره لينا وجابو فوق أصهب مقونن نازى دوم دجابو يا جبل الحديد الفاهو وأبقى حجابو
منصور
|
Post: #1088
Title: Re: مسادير يا أهل المسادير إلى ما شاء الله........
Author: ابوبكر يوسف إبراهيم
Date: 01-14-2008, 08:38 PM
Parent: #1087
أخي الحبيب منصور اختي الحبيبة سمية
سلام علي روحيكما الطيبتن وسلام على مزاميركما مزامير آل داؤد.. أتجول في أبولو لأستمتع بعزف قثاتاراته الشجية وكأني مع حادي العيس في قواقلهما في قفار وفيافي ومفازات الرحيل والمنافي أكون في لحظات فرح مزيجة بـلحظات عذاب داخلي أترجمها بالتغني..." وهذا ما ألمسه في هده المسادير من حـيـث الإيـقـاع المتنوع الذي يخـاطب أذن السامع أو القارئ في تجاوب فني و موسيقي , وكان الشاعر المصباح يغـنـي ويـكـتـب ولا يجارى وكذا أنت يا سمية. يرشح شعر المسدار منكما بمعان تمت إلى الذوق الإبداعي والفني بصلة جاذبة تغري الروح بما هو عميق و أصيل من الشعر ، كما تحـث الموهبة الإبداعية و الفنية للاقتراب من القارئ . تحمل الشاعر عبء المعاني في الأداء بثقة في القريحة التي لا تخون , وبخبرة في الأسلوب الذي لا يعوق ، وباستجابة وجدانـيـة تركبا الــبحور كي يخاطب الروح ، و تعزفا بأنامل الشعور والإحساس على أوتار الوجدان ، وحين تستهـويناشهزة المسادير نأتي لواحتيكما لنستفيء بها من جفاف الزمن المعاند مساديركما تولد فينا عشق الـكلمة وسحر الصورة الشعرية .. التقدير والأعجاب
|
Post: #1089
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-14-2008, 08:59 PM
Parent: #1088
ود المنسى غار شيقوف عديل هجابو ساقو بلاد مجر فد مره لينا وجابو فوق أصهب مقونن نازى دوم دجابو يا جبل الحديد الفاهو وأبقى حجابو
منصور
كان بجي معاي باقي تب دابو مو زول ضنيب مرحب حبابو حبابو يوزن قبائل والفكر ديدابو ودشيقوق حبيب للأخو وعقابو خالد
|
Post: #1090
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-14-2008, 10:33 PM
Parent: #1
Quote: الصيد البرد بالليل مراحو بشقن وتال كبر الطلح بدرعنو برقن كبشا مندفع ختمن قفاهو عنقن وافرات للجمال كعب الكلام ما بلقن |
الصيد الورد رهـدا غدايرو يسقـن
سادر والودي صالتات بروقو يبقـن
بلقن خاترن لاهـيات علي ما رقـن
ولا بجني صادات لي حقوقي يحقـن ؟
أحمـد الشايقي
|
Post: #1091
Title: Re: مسادير يا أهل المسادير إلى ما شاء الله........
Author: munswor almophtah
Date: 01-15-2008, 07:57 PM
Parent: #1090
الصيد الورد رهـدا غدايرو يسقـن
سادر والودي صالتات بروقو يبقـن
بلقن خاترن لاهـيات علي ما رقـن
ولا بجني صادات لي حقوقي يحقـن ؟
أحمـد الشايقي
صيدا مو قرج حلوات حديث ما بنقن
حادقات اللهيج متل الكنار ما بضجن
قناصن برك بى غبار قماحو بعجن
وهبرنلو الشرك حدب البوادى بلجن
يا أبو حميد والله أدخلتنى مدرسه كلامك مشرق عقبوهو بى تموده ولك السلام
منصور
|
Post: #1092
Title: Re: مسادير يا أهل المسادير إلى ما شاء الله........
Author: الطيب شيقوق
Date: 01-16-2008, 07:23 AM
Parent: #1091
Quote: Quote: ود المنسى غار شيقوف عديل هجابو ساقو بلاد مجر فد مره لينا وجابو فوق أصهب مقونن نازى دوم دجابو يا جبل الحديد الفاهو وأبقى حجابو
منصور
كان بجي معاي باقي تب دابو مو زول ضنيب مرحب حبابو حبابو يوزن قبائل والفكر ديدابو ودشيقوق حبيب للأخو وعقابو خالد |
|
Quote: يا جبل الحديد الفاهو وابقى حجابو |
يطول عمركم يا المنصور وود المنسي
ما عندكم نما في الرطاني اخوي ولا ما فيهو شيتا بتشكّر؟
|
Post: #1093
Title: Re: مسادير يا أهل المسادير إلى ما شاء الله........
Author: nazar hussien
Date: 01-16-2008, 07:40 AM
Parent: #1092
دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك
وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟
فتحت الباب علي جضّن كلابا ترا ام كرّاب محكرة فوق سنابا علي ست الصبا المخضوبة دابا
تقول لي:
(ايلامان قون داي أرابا)
وفي روايته قال: قالت لي أسكت أسكت..العرب صاحين..أو أمش العرب صاحين)
تحياتي لكم يا أهل المسادير والنم فردا فردا...
|
Post: #1094
Title: Re: مسادير يا أهل المسادير إلى ما شاء الله........
Author: munswor almophtah
Date: 01-16-2008, 05:25 PM
Parent: #1093
فتحت الباب علي جضّن كلابا ترا ام كرّاب محكرة فوق سنابا علي ست الصبا المخضوبة دابا
تقول لي:
(ايلامان قون داي أرابا)
الضل ضل ضحى وجدعت هنوك هبابا واللبخه أم قلب باقيالا زى هبابه بابا متربسه وكضب البقول ما بهابا نور القمره ديك سارقاهو منو إهابا
تحياتنا لك
منصور
|
Post: #1095
Title: Re: مسادير يا أهل المسادير إلى ما شاء الله........
Author: الطيب شيقوق
Date: 01-16-2008, 06:25 PM
Parent: #1094
Nazar
Quote: دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك
وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟
فتحت الباب علي جضّن كلابا ترا ام كرّاب محكرة فوق سنابا علي ست الصبا المخضوبة دابا |
هلا هلا ود المفتاح فزعنا وجاب خبرك يا ود اعمي اها تاني عندك حكي ؟ لو بدك اى تفسير زيادة تجد بت طلحة هون .
|
Post: #1096
Title: Re: مسادير يا أهل المسادير إلى ما شاء الله........
Author: nazar hussien
Date: 01-17-2008, 07:44 AM
Parent: #1095
Quote: الضل ضل ضحى وجدعت هنوك هبابا واللبخه أم قلب باقيالا زى هبابه بابا متربسه وكضب البقول ما بهابا نور القمره ديك سارقاهو منو إهابا
|
القمرة ما بتسرق من الضل بادية بينو كعابة والباب المتربس بنكسر كان مابتسندو كلابا
اللبخة ام قلب فوق للهبوب اتطايرت ورتابا والهبابي كل ما الضل يروح زحوه داير غابة
|
Post: #1097
Title: Re: مسادير يا أهل المسادير إلى ما شاء الله........
Author: أحمد الشايقي
Date: 01-18-2008, 10:01 PM
Parent: #1
شيـخ العـرب,
ركـزة بني العباس,
Quote: صيدا مو قرج حلوات حديث ما بنقن
حادقات اللهيج متل الكنار ما بضجن
قناصن برك بى غبار قماحو بعجن
وهبرنلو الشرك حدب البوادى بلجن
يا أبو حميد والله أدخلتنى مدرسه كلامك مشرق عقبوهو بى تموده ولك السلام
منصور |
إنمـا منكـم يبتغى الإفصـاح, ويستـدل على البلاغـة,
ولكم التحيـة ولضيوفكـم
اتباشر أديمو وشال سحابو زرقّــن
ماطر شيمـة دافـق بي مسايل شقّــن
هاطل عـينـة للضيفان دخاخين طقــن
ناصح في النضـم طعم الـ عسـيلو محقّـن
أحمد الشايقي
|
Post: #1098
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-18-2008, 10:41 PM
Parent: #1097
كُل مايهمد قليبي تهيم غزال في رهيدا الجن والإنس واقع في غراما بريدا تقدح في القلوب شايلا الهب في عويدا ألومني الثبات خالق العباد هي فريدا
خالد
|
Post: #1099
Title: Re: مسادير يا أهل المسادير إلى ما شاء الله........
Author: munswor almophtah
Date: 01-19-2008, 01:10 AM
Parent: #1098
القمرة ما بتسرق من الضل بادية بينو كعابة والباب المتربس بنكسر كان مابتسندو كلابا
اللبخة ام قلب فوق للهبوب اتطايرت ورتابا والهبابي كل ما الضل يروح زحوه داير غابة
نادره محسنه ومعروف أصيل تيرابا ما دقولا رقصت نازله فى ربابا بت المقدرات نور من جميع أترابا والعامل جدى كاتحالو ضمه ترابا
منصور
|
Post: #1100
Title: Re: مسادير يا أهل المسادير إلى ما شاء الله........
Author: munswor almophtah
Date: 01-19-2008, 01:39 AM
Parent: #1099
اتباشر أديمو وشال سحابو زرقّــن
ماطر شيمـة دافـق بي مسايل شقّــن
هاطل عـينـة للضيفان دخاخين طقــن
ناصح في النضـم طعم الـ عسـيلو محقّـن
أحمد الشايقي
هرعا مندفع كبست سماهو دلقن وساعة الحزه دودن نار رعودو وبقن أخوك عوج الدرب رازمات نحاسو بدقن وراسى الديمه ساخى وديمه قلبو ميقن
منصور
|
Post: #1101
Title: Re: مسادير يا أهل المسادير إلى ما شاء الله........
Author: nazar hussien
Date: 01-21-2008, 08:21 AM
Parent: #1100
Quote: نادره محسنه ومعروف أصيل تيرابا ما دقولا رقصت نازله فى ربابا بت المقدرات نور من جميع أترابا والعامل جدى كاتحالو ضمه ترابا
|
فارعة ولينة, خضرا وملسا زي رقّابة لي حس الدليب في الليل تقوم تتشابي
تنكع ديسها كل ما نقرشت ربّابة تتكي لا الارض وتشبّّل الدرّابة
عنكوليبة ماها عوير خلا وسلهابة وان ترت تميس ميلا معاهو مهابة
بتقمّح ندايتا وجميع... اصحابا والفراجة ديك صابحين سمان وطرابي
|
Post: #1102
Title: Re: مسادير يا أهل المسادير إلى ما شاء الله........
Author: munswor almophtah
Date: 01-24-2008, 08:56 PM
Parent: #1101
عنكوليبة ماها عوير خلا وسلهابة وان ترت تميس ميلا معاهو مهابة
بتقمّح ندايتا وجميع... اصحابا والفراجة ديك صابحين سمان وطرابي
عنكوليبه شربت رش وشبت دابا زى شربات متلجه قالوا سلم الجابا كل من شاف شرق فد مره قالو عجابا يا بخت البدوق ويتكركع إتلجابا
منصور
|
Post: #1103
Title: Re: مسادير يا أهل المسادير إلى ما شاء الله........
Author: munswor almophtah
Date: 01-26-2008, 00:18 AM
Parent: #1102
فارعة ولينة, خضرا وملسا زي رقّابة لي حس الدليب في الليل تقوم تتشابي
تنكع ديسها كل ما نقرشت ربّابة تتكي لا الارض وتشبّّل الدرّابة
رخصة خيدران واللين أصولو أسبابا يات من شاف وقع أو عض للسبابا مهرة معجزات بتبلو ميس ديدابا وإن لكعت تتل للديس تسوى حرابا
منصور
|
Post: #1104
Title: Re: مسادير يا أهل المسادير إلى ما شاء الله........
Author: nazar hussien
Date: 01-26-2008, 08:27 AM
Parent: #1102
Quote: عنكوليبه شربت رش وشبت دابا زى شربات متلجه قالوا سلم الجابا كل من شاف شرق فد مره قالو عجابا يا بخت البدوق ويتكركع إتلجابا
|
عرقها في التري لو كان بحتّ ترابا عنقها لا السماء يوم حزة الكترابة
النيل ميسها تقنتا خاتي من كترابة ما بضوقهامن جم تب عوين جلابة
تم التعديل للفصل بين كلمتي (تقنت وخاتي)
|
Post: #1105
Title: Re: مسادير يا أهل المسادير إلى ما شاء الله........
Author: Mohamed Abdelgaleel
Date: 01-26-2008, 12:14 PM
Parent: #1104
Quote: فارعة ولينة, خضرا وملسا زي رقّابة لي حس الدليب في الليل تقوم تتشابي
تنكع ديسها كل ما نقرشت ربّابة تتكي لا الارض وتشبّّل الدرّابة |
|
Post: #1106
Title: Re: مسادير يا أهل المسادير إلى ما شاء الله........
Author: خالد علي محجوب المنسي
Date: 01-26-2008, 12:34 PM
Parent: #1105
Quote: رخصة خيدران واللين أصولو أسبابا يات من شاف وقع أو عض للسبابا مهرة معجزات بتبلو ميس ديدابا وإن لكعت تتل للديس تسوى حرابا
منصور |
بانا ولينى زي الرقيص ميلانّا الخِصر قبضة يد والعيون نعسانّا تجدع بي السِهام في الخُلوق جبخانّا الديس هدل الكِتيف زي الطيور ميسانّا
خالد
|
Post: #1107
Title: Re: مسادير يا أهل المسادير إلى ما شاء الله........
Author: nazar hussien
Date: 01-26-2008, 01:37 PM
Parent: #1106
Quote: بانا ولينى زي الرقيص ميلانّا الخِصر قبضة يد والعيون نعسانّا تجدع بي السِهام في الخُلوق جبخانّا الديس هدل الكِتيف زي الطيور ميسانّا
|
غصن البانة أليّن في الرقيص بالزانة ردفهافي الوحل بقي للخصر ميزانا
طرفة عينها بي خلقة كحل تأذانا سابل ديسها كم ستات مشاط عجزانة
|
Post: #1108
Title: Re: مسادير يا أهل المسادير إلى ما شاء الله........
Author: munswor almophtah
Date: 01-26-2008, 08:53 PM
Parent: #1107
غصن البانة أليّن في الرقيص بالزانة ردفهافي الوحل بقي للخصر ميزانا
طرفة عينها بي خلقة كحل تأذانا سابل ديسها كم ستات مشاط عجزانة
قصيبة التقنت العند اللرنبو مكانا لتيبه مفرهده الصيف والخريف سيانا الما جابت كديبوعقبان عليها رزانه سلبت نومي مبروك عليها فلانه
أبوعلى السودانى
|
Post: #1109
Title: Re: مسادير يا أهل المسادير إلى ما شاء الله........
Author: nazar hussien
Date: 01-27-2008, 07:48 AM
Parent: #1108
Quote: قصيبة التقنت العند اللرنبو مكانا لتيبه مفرهده الصيف والخريف سيانا الما جابت كديبوعقبان عليها رزانه سلبت نومي مبروك عليها فلانه
|
والله يا منصور (اللرنبو) دي رجعتني لزمان أخضر وبعيد...ربنا يخضر ضراعك وضراع ابوعلي السوداني...وباقي لي قليلين خلاص البعرفو معناها..
كنا في ذلك الزمان اليانع نتسابق علي الحقول بعد ان نرمي شنطة الدمورية من علي ظهورنا ونسرع ونبطيْ في العمل خوفا من الوقوع في اللرنبو..
سد اللبقة بالواسوق وقول يا فلانة وأعزقا من هريس القشة والعطشانة
الرويانة خلقة وما بتجيك محلانة حتي القمرة طفشت من كتر لطشانة
|
Post: #1110
Title: Re: مسادير يا أهل المسادير إلى ما شاء الله........
Author: munswor almophtah
Date: 01-27-2008, 07:55 AM
Parent: #1108
سلبت نومك المبروكه شاطره فلانه قاريه محققه وبحر العلوم فنجانه وارثة عظيم خصال سمح الفعايل زانه عابده موحده القديسه زايده رزانه
منصور
|
Post: #1111
Title: Re: مسادير يا أهل المسادير إلى ما شاء الله........
Author: nashaat elemam
Date: 01-27-2008, 08:08 AM
Parent: #1110
سلبت نومنا ام عيون نعسانه واتحكرت جوه العيون وانسانه راضينبو السهر ان كان بقت رضيانه الا خوفنا السمحه تفوتنا يوم تنسانا
|
Post: #1113
Title: Re: مسادير يا أهل المسادير إلى ما شاء الله........
Author: munswor almophtah
Date: 01-27-2008, 11:27 PM
Parent: #1111
سلبت نومنا ام عيون نعسانه واتحكرت جوه العيون وانسانه راضينبو السهر ان كان بقت رضيانه الا خوفنا السمحه تفوتنا يوم تنسانا
النوم دروليك وأفرحبو كان فرحانه ناس ناعس العيون فيها الخلوق سرحانه لو كان غسلتك نحن العيون طارحانه وإن كان شرتك شرك العيون كاويانا
ولك السلام يا نشأت وقول لبخارى كتر خيرك
منصور
|
Post: #1112
Title: Re: مسادير يا أهل المسادير إلى ما شاء الله........
Author: nazar hussien
Date: 01-27-2008, 08:12 AM
Parent: #1110
Quote: سلبت نومك المبروكه شاطره فلانه قاريه محققه وبحر العلوم فنجانه وارثة عظيم خصال سمح الفعايل زانه عابده موحده القديسه زايده رزانه
|
القديسة بي سبحة وبخور حاويانا مالية مكانا تركة جدها الحفيانا
طلقة بخرة والنار تنطلق في حشانا تاني النوم دحين أكان كروه بيغشانا
|
Post: #1114
Title: Re: مسادير يا أهل المسادير إلى ما شاء الله........
Author: munswor almophtah
Date: 01-27-2008, 11:44 PM
Parent: #1112
سد اللبقة بالواسوق وقول يا فلانة وأعزقا من هريس القشة والعطشانة
الرويانة خلقة وما بتجيك محلانة حتي القمرة طفشت من كتر لطشانة
أبوعلى يا نزار كان سلباق أزمانا كان كالف الجرارق وللمراح لبانا جاباق إن سخى ومرتاق حريف إنسانا كان زراع بحر علافى ساد الخانه
منصور
|
Post: #1115
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 00:29 AM
Parent: #1114
سلبت نومنا ام عيون نعسانه واتحكرت جوه العيون وانسانه راضينبو السهر ان كان بقت رضيانه الا خوفنا السمحه تفوتنا يوم تنسانا
نشات امام
في البيت السعيد اطراه كان يطرانا ويا نشات امام ختيت ليك امانة لتيبة التقنت الشربت عشا النديانا جو حشانا ونار شوقه التقول بركانا
أبوعلى السودانى
|
Post: #1116
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 00:37 AM
Parent: #1115
سد اللبقة بالواسوق وقول يا فلانة وأعزقا من هريس القشة والعطشانة
الرويانة خلقة وما بتجيك محلانة حتي القمرة طفشت من كتر لطشانة
Nazar Hussain
بقول يا ود حسين ضارب اللرنبو نسانا وما نسيناه قط وطاريه ما فكانا ننسي الروح وما ننساه ديمه معانا فوف حيا فوق محل الرجعه ليهو حجانا
أبوعلى
|
Post: #1117
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 00:45 AM
Parent: #1116
سلبت نومك المبروكه شاطره فلانه قاريه محققه وبحر العلوم فنجانه وارثة عظيم خصال سمح الفعايل زانه عابده موحده القديسه زايده رزانه
منصور
انا ما زليت حلف نما بجر عشانه ارد الروح اداوي جروح تلم بريانه عل جرحا منوسر غلب الشفخانه وما ظنبت حت العم ود حسن يلفانا
أبوعلى
|
Post: #1118
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 01:05 AM
Parent: #1117
حاج منصور سلام تسلم وما تشوف شانه وحرم ضربك ضيارما بتودر الجبخانه تقول سحار بعيد الفي قلوبنا عيانا والله انا اشتكيتلك ياما فقدنا وعانا
أبوعلى
مرحبتين سلام بالفنجرى وخمجانه وإنتو عيال قنيص بتجضمو الجبخانه زمان ودحسن قال يا بدرى شبنا كفانا وإنتو ملوك حلم غرقتو ساس بنيانا
منصور
|
Post: #1119
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 01:25 AM
Parent: #1118
شرفت وقلت شافت كلبنا معانا وأنسندت على ساقا رهيف بنيانا شوف دخان الضحى القالباهو فوق سيقانا يا بدرى الأمين شبنا السفاهه كفانا
عمر محمد حسن البدرى
ويا حامد موسى مراهد أسأل محمد مقبول من العماليق ديل بوريك وعمر دا عم الإمام الزين
منصور
|
Post: #1120
Title: Re: مسادير يا أهل المسادير إلى ما شاء الله........
Author: munswor almophtah
Date: 01-28-2008, 01:43 AM
Parent: #1119
جدية دار صباح الفى الجحيم صاليانا نصبت مشنقه وزى الحرس صالبانا يا برم الطلح الفيهو عشنا صبانا لابسين توب عفاف لا خنا قط لا صبأنا
منصور
|
Post: #1121
Title: Re: مسادير يا أهل المسادير إلى ما شاء الله........
Author: nashaat elemam
Date: 01-28-2008, 08:22 AM
Parent: #1115
في البيت السعيد اطراه كان يطرانا ويا نشات امام ختيت ليك امانة لتيبة التقنت الشربت عشا النديانا جو حشانا ونار شوقه التقول بركانا
أبوعلى السودانى
يا منصور أخوي الدنيا ما دايرانا قدر ما نهجس ونروق تجي كاردانا تعبنا من الجري والبيهو زادت اذانا تجفل في الحبيب ودايراهو ما يطرانا
|
Post: #1122
Title: Re: مسادير يا أهل المسادير إلى ما شاء الله........
Author: munswor almophtah
Date: 01-29-2008, 08:21 PM
Parent: #1121
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
ملحوطة النرفانا اعلي درجات الصفاء الروحي عند البوذيين اي قمة السعادة والهناء
أبوعلى السودانى
|
Post: #1123
Title: Re: مسادير يا أهل المسادير إلى ما شاء الله........
Author: munswor almophtah
Date: 01-29-2008, 08:24 PM
Parent: #1121
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
أبوعلى السودانى
|
Post: #1124
Title: Re: مسادير يا أهل المسادير إلى ما شاء الله........
Author: emad altaib
Date: 01-29-2008, 08:55 PM
Parent: #1123
ـــــــــــــــــــــ
Quote: لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا أبوعلى السودانى |
ــــــــــــــــــ القطيف والحرير من جسيمها غيرانا
من غير مساحيق الوجينات نديان
وإن برقت ألماظ عيونا جاهرانا
وإن بسمت شمس الصباح اسنانا
|
Post: #1125
Title: Re: مسادير يا أهل المسادير إلى ما شاء الله........
Author: munswor almophtah
Date: 01-29-2008, 09:05 PM
Parent: #1123
لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا
سريالى وتراجم للتيب تريانه زى ورد الهجوع فى خلوه فوق جاذبانه واقفين ديدبان فى شانا هى الجازيانا يا أب على شن نسو حكم الأوامر جانا
منصور
|
Post: #1126
Title: Re: مسادير يا أهل المسادير إلى ما شاء الله........
Author: emad altaib
Date: 01-29-2008, 09:22 PM
Parent: #1125
ـــــــــــــــــــــ
Quote: سريالى وتراجم للتيب تريانه زى ورد الهجوع فى خلوه فوق جاذبانه واقفين ديدبان فى شانا هى الجازيانا يا أب على شن نسو حكم الأوامر جانا منصور |
منصور اخوي بدروب الجمال شايفك شاقي صعيدنا وللكليمات تنقي وتفلي في النشابات لصيد فريقنا نفسك كريمة وابيه و بالعلم والاداب حفظت تراثنا سلامي وشوقي مدوسوس في القليب فايض ليه زمانا عماد
|
Post: #1127
Title: Re: مسادير يا أهل المسادير إلى ما شاء الله........
Author: emad altaib
Date: 01-29-2008, 10:28 PM
Parent: #1126
ـــــــــــــــــــ منصور ود مفتاح العلم والراي جيتك راكب ابوسوميت حافي كراعي لابس سديري شايل في الكتيف مخلايتي للمحبة والإلفة والحرية والسلام ساعي عماد
حاشية:ـ ابوسوميت اسم جمل الفارس طه البطحاني ومقابله الكيورد
|
Post: #1128
Title: Re: مسادير يا أهل المسادير إلى ما شاء الله........
Author: munswor almophtah
Date: 01-29-2008, 10:31 PM
Parent: #1126
منصور اخوي بدوب الجمال شايفك شاقي صعيدنا وللكليمات تنقي وتفلي في النشابات لصيد فريقنا نفسك كريمة وابيه و بالعلم والاداب حفظت تراثنا سلامي وشوقي مدوسوس في القليب فايض ليه زمانا
عماد
يا زول صد قفاك قرج الصعيد خاتيهن وحافظ كلبى من رازه وتويس باريهن بريب الملاين كلى شوق بوريهن وما بعقب بخون دوار صدق برويهن
لك وعليك السلام يا عماد محمد الطيب
منصور
|
Post: #1129
Title: Re: مسادير يا أهل المسادير إلى ما شاء الله........
Author: emad altaib
Date: 01-29-2008, 11:19 PM
Parent: #1128
ـــــــــــــــــــ يا زول صد قفاك قرج الصعيد خاتيهن وحافظ كلبى من رازه وتويس باريهن بريب الملاين كلى شوق بوريهن وما بعقب بخون دوار صدق برويهن منصور
حاشاك الخيانه كبدالسماءهذا زمانا نبتك اصيل شجرة(الاراك) ام در سارانا بريق الوجد هفهف نغزناوحمانا رقادنا كان صدق الكريم فكة الريق في سودانا عماد
|
Post: #1130
Title: Re: مسادير يا أهل المسادير إلى ما شاء الله........
Author: munswor almophtah
Date: 02-01-2008, 07:45 AM
Parent: #1129
مهرة ود كلس جقلابه غير شغله وقت الشوف اشوف بتضيقبها السهله مي فرسا لزوم ضباره بي مهله وان عدوا الجياد عرجا وكمان جهره
أبو على السودانى
|
Post: #1137
Title: Re: مسادير يا أهل المسادير إلى ما شاء الله........
Author: munswor almophtah
Date: 02-05-2008, 09:13 AM
Parent: #1100
إنعرط اللزم ساعة الدناقر دقن ودار النقزه فوق أمات ضميرن رقن براق السنون نجف الكهارب بقن وسمح القول عسل ورثنو صافى ملقن
منصور
|
Post: #1131
Title: Re: مسادير يا أهل المسادير إلى ما شاء الله........
Author: Shamael Elnoor
Date: 02-01-2008, 07:56 AM
Parent: #1
غاب نجم النطح والحر علينا اشتد ضيقناوقصر ليلو ونهارو امتد نظرة المنو للقانون بقيت اتحدى فتحت عندي منطقة الغنا الإنسد
|
Post: #1132
Title: Re: مسادير يا أهل المسادير إلى ما شاء الله........
Author: munswor almophtah
Date: 02-02-2008, 02:42 AM
Parent: #1131
وقت الشوف اشوف بتضيقبها السهله مهرة ود كلس جقلابه غير شغله مي فرسا لزوم ضباره بي مهله وان عدوا الجياد عرجا وكمان جهره
أبوعلى السودانى
مهرت ود كلس جربا وكتير دبره ومطفوق صاحبا وكوز ملوه ما عبره عند شيط الضريس والعشره ديك دفره ومريوقه أم نصيب وكافر الجوع قهره
منصور
|
Post: #1133
Title: Re: مسادير يا أهل المسادير إلى ما شاء الله........
Author: nazar hussien
Date: 02-02-2008, 07:07 AM
Parent: #1132
Quote: مهرت ود كلس جربا وكتير دبره ومطفوق صاحبا وكوز ملوه ما عبره عند شيط الضريس والعشره ديك دفره ومريوقه أم نصيب وكافر الجوع قهره
|
مهرة ودكلس دغلة وكمان دشرة ويومو اليفرجا بكلفها فوق عشرة
ما ضاقت لجام بس حدّها الوشرة شديدة هي في الرقاد ومناهر الحشرة
|
Post: #1134
Title: Re: مسادير يا أهل المسادير إلى ما شاء الله........
Author: munswor almophtah
Date: 02-02-2008, 08:31 PM
Parent: #1133
مهرة ودكلس دغلة وكمان دشرة ويومو اليفرجا بكلفها فوق عشرة
ما ضاقت لجام بس حدّها الوشرة شديدة هي في الرقاد ومناهر الحشرة
مهرة ودكلس زى آفه منتشره وخرابة تكل خاتياها ديك عشره يوم ترحل تموت بنزيعا فى النشره وكم زول بنبسط ويسيبا ديك كشره
منصور
|
Post: #1135
Title: Re: مسادير يا أهل المسادير إلى ما شاء الله........
Author: nazar hussien
Date: 02-03-2008, 08:04 AM
Parent: #1134
Quote: مهرة ودكلس زى آفه منتشره وخرابة تكل خاتياها ديك عشره يوم ترحل تموت بنزيعا فى النشره وكم زول بنبسط ويسيبا ديك كشره
|
مهرة ودكلس في لونها زي منبرنا ده.. لا هو جردقي لا ( فدا)
وخرّابة زي بوستات تراجي وناس كده..
(الفدا) للّون الذهبي
|
Post: #1136
Title: Re: مسادير يا أهل المسادير إلى ما شاء الله........
Author: munswor almophtah
Date: 02-04-2008, 09:31 PM
Parent: #1135
أب على جانى صوتك حالى لهجو متنى وشايل عوس نزار فرق الغروب بهدلنا الأسبان زمان طارق عديل دخلنا مو زى ناس نزار بالسر عديل وحلنا
منصور
|
Post: #1138
Title: Re: مسادير يا أهل المسادير إلى ما شاء الله........
Author: munswor almophtah
Date: 02-05-2008, 09:15 AM
Parent: #1136
إنعرط اللزم ساعة الدناقر دقن ودار النقزه فوق أمات ضميرن رقن براق السنون نجف الكهارب بقن وسمح القول عسل ورثنو صافى ملقن
منصور
|
|