الحاج ازهرى عوض الكريم….عوداً حميداً

الاخ العزيز

ازهرى عوض الكريم ذهب الى مكة حاجاً وعاد اليوم السبت 22 ديسمبر الجارى … فحجاً مبرورا وسعيا مشكورا… و

عيدكم مبروك وكل عام وانتم بخير وتقبل الله منا و منكم صالح الاعمال

فتاح

ألف مبروك الحجه يا أزهري...
مقبوله باذن الله..

كل سنه وانتم بخير..

ًالأخ العزيز عبد لفتاح
سلامات..
كل سنة وإنت طيب وشكراً على هذه التهنئة الرقيقة وإنشاء الله ربنا يوعدك..آمين

الأخت العزيزة منى خوجلى..
سلامات..وكل سنة وإنتى طيبة
كدأبك دوماً سباقة.. شكرأ لك وعقبالك ..

الأخوة والأخوات..
لكم جميعاً تحياتى..

أنتهز هذه السانحة لأتقدم لكم جميعاً بالتهانى بعيد الأضحى المبارك أعاده الله عليكم جميعاً
بالخير واليمن والبركات..

وتهنئة خاصة أخرى أسوقها للأخوة المسيحيين بمناسبة أعياد الميلادوأقول ليهم كل سنة وإنتو بالف خير..

و..لكم جميعاً محبتى

الف مبروك الحجه والعوده للشاب المليح الظريف ابني الغالي ازهري عوض الكريم .

شكرأ ماما دومةً وإنشاء الله العقبال عندك ..
حمدا لله على سلامة عودتك وكل سنة وانت وكل من حولك بخير

الحاج ازهري مبروك الحج ، وكل سنة وانت طيب وعقبال الناس اللي بهنا يحجوا
وحجا مبرورا وسعيا مشكورا ... وشكرا يا فتاح وكل سنة وانت طيب لكل الاعياد
وتوقع ايميل واتصال اليوم ، ومبروك للنسب الحج.

ابو الزهور حمدا لله على السلامة مرة اخرى وحجا مبرورا.


مصطفى سرى ياخوى فك دربى ولا احرش ليك الغازى يمنعك دخول السودان!!! ومش غازى براه (اكول و اليو وتيلار)

وشيل شيلتك

وانا والله لسه على الحج لانى لسه ما كملته نص دينى لكن الكلام على الناس الكملوا نص دينهم ولسه ما حجوا!!

وانته ما تفسر وانا ما بقصر ... والرسول عليك لو زعلته منى ما تمشى جريدة السودانى تعال لى فى البوست دا

لانى انا ما قدرت ولا لحم صدرك!! سامعنى ولا اعيد ليك الكلام دا تانى !!! وحياة الشمعة الخاتيها جمبك دى يا

شيخ.

من طرف اخوك اللمبى

الأخ الكريم
أزهري

ولا يا ربي تفضل نقول ليك الحاج أزهري

حجا مبرورا وعودا حميدا
ودعاء مقبول وذنب مغفور بإذن الله

خالص التحية وما تنسونا من الدعاء

كل عام وأنت والأسرة الكريمة بالف خير

غادة

الأخ الصديق مصطفى سرى
لك ولأسرتك التحايا
أشكرك على تهنئتك الجميلة وإنشاء الله عقبال لما نبارك ليك الحجةإنت كمان..
دمت يا صديقى بالف خير
مع محبتى لك ولكل المارين/ات

إن شاء الله حجآ مقبولآ
وسعيآ مشكورآ
وذنبآ مغفورآ

تقبل الله طاعاتنا وطاعاتكم

وأدعي لنا لكي ينادينا المنادي وربنا يسهل علينا

الاخ العزيز / الحاج ازهري ..

حجا مبرورا وسعيا مشكورا .. وربنا يتقبل وانشاء الله تسبعها ..

مودتي

خلاص الموضوع ده مشى فيهم...

من قبل ما يسافروا شبكناهم يا حاج ياج ، هو وزميله وصديق عمره الحاج/ الطيب حسب الرسول



ربنا يتقبل ويجمعنا بالحبيب المصطفى

ويقبل دعوات ابو ساندرا

مبروك يا حاج

صديقة الإسفير غادة عبد العزيز
شكراً لتهنئتك الرقيقة وإنشاء الله العقبال عندك..
كونى بالف خير انت وأسرتك ..

لك وللجميع محبتى