أغنية جديده : (ما البينا عامـــره) !!!

ما كان وهم ..
ومع الألم .. والأنتظار
يا سيدنا ما فتر العشم
انك تجى وترجع تعود من غير ندم
أو انكسار ..
ما البينا عامره .. وأصلو ما بينا اعتذار
ما كان وهم ..
زى كل مرة تصلنى قبلك بسمتك
والشوق يبين فى مقلتك
وتمسح دموعك فى وقار
.
.
.
وطال البعاد !!
وشعرت بالهم والخطر
ومرت سنين غربه وسفر
وايام جميله مضت هدر
وكلما الخطاوى تمش بعيد
واحساسى بيك افتكرو زاد فى الأنحدار
يرجع يعاودنى الحنين
رحال أنا ..
وآخر المطاف لابد يجمعنا المدار
ما كنت فاكر يوم تغيب ..
زى الشمس بتسوق معاك ضوء النهار
والنيل كئيب مدو أنحسر
والليل يطول من دون غناء
وأنا فى الترقب والعناء
ورغم الألم و الأنتظار
راجيك تجى ويرجع يعود الأنبهار
ما البينا عامره .. واصلو ما بينا اعتذار

يا اساسى
يا ضلامى
يا اخ الأغنيه دى بنات عمها ما سمعوها بيها معقول تستنسخها طوالى ؟؟

تعرف يا تجتوج انا قدرت اني ما انزلالاتنساخ هنا عشان ما احرف البوست عن موضعه واحيد بالتعليقات عن مرميى القصيدة الاساسي لكن بما انك قدرت ترد هنا فدا بديني الحق اني انقل (بضاعتي) هنا وما في داعي للظرافة

ـــــ

كان وهم ..
ومع الألم .. ومر الأنتظار
يا سيد البلد ما فتر العشم
انك تجى وترجع تعود في ايديك كاس
أو نصر..
ما خلاص كفانا .. وأصلو ملينا الانكسار
كان وهم ..
زى كل مرة تصلنى قبلك سمعتك
والخيبة تبين في مدربك
وتمسح بينا الارض
.
.
.
وطال الامد!!
وشعرنا بالذل والهوان
ومرت سنين خيبة ونحس
وايام كئيبة مضت امل
وكلما خلاص نقول جا الفرج
واحساسنا بيك في انبهار
ترجع تمرمطنا تاني
وما نعرف كيف الدبار!
غلطان أنا ..
البراهن علي نعجة عرجا
كنت فاكر يوم تجيب من برة كاس..
زى القحط ما بتجيب معاك الا الجفاف
وايامانا بتطول من دون غناء
ونحنا فى الترقب وطول الامل
ورغم الألم وجمر الأنتظار
رجينك تجى وترجع تعود في ايديك كاس
ما خلاص كفانا .. وأصلو ملينا الانكسار
ــــــــــــ

كتر خيرك يا ضلامى
انا عارف انك مشيت فتحت بوست عشان ما تنحرف بالبوست من غرضو .. وفى كل الظروف مشكور برضو ده نوع من تسليط الضوء حتى لو كان بى نور بطاريه!!

Quote: ورغم الألم وجمر الأنتظار

مجرد اقتراح انو الكلام الفي الكوت ده
اما يبقي
وبرغم جمر الانتظار

آو
رغم الالم والانتظار
==================
غير كده في رآيي قصيده في منتهي النبل
ياخي بطل حكاية هلال مريخ الماجايبه همها دي
يخيل لي ممكن تدينا كتير من الشعر القييم
خسمتك بي الله والرسول
آها والقصيده دي بلحنها قبال حقت بت العمه
لك الود

حبيبنا موصلى
كل سنه وأنت طيب
ده بره وده .. بره !!
انت ماسمعت الجماعه
حتى فى الصلاه بقولو كده ؟؟
وأنت عارف انه عارف
الكاتب بكتب والملحن بتصرف
حتى رائعة محمد سعيد العباسى
(يا فتاتى)
حصل فيها تصرف
لا ليهو حد لا ليهو عد
اها هاك القصيده
بعد تلبية طلبك
وأكيد طلبك فى محلو
وكمان فى بيت سقط سهوا عند النقل
ح تلقاهو موجود فى التعديل
____________

ما كان وهم ..
ومع الألم .. والأنتظار
يا سيدنا ما فتر العشم
انك تجى وترجع تعود من غير ندم
أو انكسار ..
ما البينا عامره .. وأصلو ما بينا اعتذار
ما كان وهم ..
زى كل مرة تصلنى قبلك بسمتك
والشوق يبين فى مقلتك
وتمسح دموعك فى وقار
.
.
.
وطال البعاد !!
وشعرت بالهم والخطر
ومرت سنين غربه وسفر
وايام جميله مضت هدر
وكلما الخطاوى تمش بعيد
واحساسى بيك افتكرو زاد فى الأنحدار
يرجع يعاودنى الحنين
رحال أنا ..
وآخر المطاف لابد يجمعنا المدار
ما كنت فاكر يوم تغيب ..
زى الشمس بتسوق معاك ضوء النهار
والنيل كئيب مدو أنحسر
والليل يطول من دون غناء
وأنا فى الترقب والعناء
ورغم الألم والأنتظار
راجيك تجى ويرجع يعود الأنبهار
ما البينا عامره .. واصلو ما بينا اعتذار

أها يا موصلى
سوق الأغنية اصبح حار
فنان/ ة لا داعى للأفصاح الآن
صاحب/ة صوت مميز ابدى/ت اعجابا بالكلمات
ورغبة فى أدائها !!
شفت مداخلتك طوالى جعلت منها مادة مرغوبة.