فكونى مافى زول يمنعنى !!

دارت حول نفسها فى المنزل الكبير الخالى الا من صور وبعض ذكريات معظمها مؤلم !!

خرجت من غرفة الى الاخرى !!

ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!!

فكونى ماف زول يمنعنى !!

إها وبعدين يابت العمة

انا شفت العنوان جيت جاري جري نضيف
حجاز وكده

لقيت الغربه جننت الزوله

ودابكدوك

ود ابكدوك

Quote: لقيت الغربه جننت الزوله

صدقت والله جننتنى الغربة !!

و

فكونى ماف زول يمنعنى !!

هل يدرى الملك عزرائيل ملك الموت وهو يأتى فرحا لتنفيذ امر الله فى احبابنا كم نتألم نحن وهو سعيد ؟!!
لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه ؟!!
و
معليش يادنيا ..وماف زول يمنعنى !!

Quote: لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه

وما ذهب يانادية انما خٌٌُيل لك؟

لن يذهب.. فرائحته فى القلب.. فى موية الروح..
فى عطر مخلوط فى شهقة غمامة..
فى عيون عجنة روحك وروحه...فى البنت الحمامة
وفى نبضات قلبك...
انظرى.. انه يبتسم لك ويمنحك القدرة على الغناء..

اشراقة يامبلسمة القلوب المعذبة ..ياطبيبة الارواح .. ياطيبة الروح

Quote: انظرى.. انه يبتسم لك ويمنحك القدرة على الغناء..

بل القدرة على البكاء حد الاغماء !!

هنت عليه فذهب دون ان يودعنى بعد حياة وشراكة خمسة عشر عاما فى قلب حبه ودفئه ..لست غاضبة منه ولا من عزرائيل ملك الموت ولكن !!

و

فكونى ماف زول يمسكنى !!

Quote: ÇÔÑÇÞÉ íÇãÈáÓãÉ ÇáÞáæÈ ÇáãÚÐÈÉ ..íÇØÈíÈÉ ÇáÇÑæÇÍáÓÊæ Ýßæäì ãÇÝ Òæá íãÓßäì ! !فكونى ماف زول يمسكنى !!

(القايضك منو )





قاسم

Quote: إها وبعدين يابت العمة

يوسف ود خالى

فكنى

و

ماتمنعنى !!

وقفت امام المرآة...
شجر مشحط يشابى لسحابة دشرت لهيبها فى غرف الروح واحكمت دروب المسيرة

قهقهت المرآة ثم تهشم الأصل...







نادية ازيك!!

رأته من على البعد يمد اليها يده فأسرعت الخطى حد الهرولة نحوه !!

لمسته!!

نعم ليس سرابا .. بل حقيقة !!

ظنته المنقذ .. أخذ بيدها ومضى وهى ترقص من السعادة ثم لم تدرى بنفسها الا وهى محمول نعشها على الاعناق والناس يتهامسون !!

ماتت وحدها ام قتلت ؟!!

آه لماذا قتلتنى دون علمى يا من احببته بكامل علمى ؟!!

و

فكونى ماف زول يمنعنى !!

Quote: قهقهت المرآة ثم تهشم الأصل...

ما اروعك
و

ماف زول !!

أغني لشعبي و مين يمنعني
أغني لقلبي اذا لوّعني



سلام نادية و القابلة و حبيبتك طيبات.

ست نادية كل سنة وانت طيبة
مافي زول بفكك دا قدرك

عبد العظيم اخوى الغالى

Quote: مافي زول بفكك دا قدرك

ونعمة بالله !!

ولكن من حقى الصراخ فى لحظة المخاض الجديد والبكاء ان جاء المولود مشوها !!

و

فكنى

أبكى !!

اختي الغالية نادية
المولود مامشوه,,,,ان شاء الله ابوه

دا اثر البنج,,,لسه مدور رأسك
كدي البسي النظارة
مالو المولود كان جا ازوق مابشبه جدو ... مالك مشوهاهو,,,
كان كبر ببقي عسل
المولود ولد.. ماببور

عبد العظيم اخوى الغالى

Quote: كان كبر ببقي عسل

كااااااااااااان كبر !!

هذا المولود (عافرت) معه كثيرا لينجو من الموت ولكن اظنه (جنا موت) !!

الله غالب !!

و

فكنى

ابكى !!

أنا غايتو لو جنبها لا بمسكها ولا حاجه..
أخليها تصرخ وتبكي لامن الله يغفر ليها وتتهدا تقعد..
بعد داك بديها كباية عصير علي شرط تكون لمون بارد زي مافي كل الأفلام المصريه بيقولوا..
اي زول زهجان ولا عيان ولا متشاكل..يقولوا ليه..

أجيب لك كباية لمون تروق دمك!




مشتاقييييين

Quote: أجيب لك كباية لمون تروق دمك!

منى

ممكن تخليها ابريه احمر ؟!!

و


امسكينى !!

سعد الدين

Quote: أغني لقلبي اذا لوّعني

اوف لهذا القلب .. ليته يكف عن النبض !!

و

ماف زول يمنعنى !!

ياغزال الشعر
تجول في درووب الروح
وشيل الحزن
من غزال الوادي
وافرحو العمر كلو
مشاعرنا معاك

محمد سنى ياطعم الفرح الجميل

Quote: ياغزال الشعر تجول في درووب الروح وشيل الحزن من غزال الوادي وافرحو العمر كلو مشاعرنا معاك

حدثها الأهل والاصدقاء بانها سنة الحياة ومن حقها ان تبدأ بداية جديدة فقلبها مازال يافعا وقادرا على العطاء ..حاولت ان تطاوعهم وطفقت تكتب السناريوهات والمشاهد لحياة جديدة فى صورة مرحة فاذا بها تجد ان الاحداث تحولت الى تراجييييييييييييييديا وضحكت من حزنها و(شرّطت) السناريوهات وعادت لوحدتها وزمهرير الروح .. ويلا بلا لمّة !!

و

فكنى

اكورك !!

.
.
.

دعِ الأيام تفعل ما تشـاء
و طِب نفساً إذا حكم القضـاء
ولا تجزع لحادثة الليالي
فما لحوادث الدنيا بقــاء
.
.
.

Quote: دعِ الأيام تفعل ما تشـاء و طِب نفساً إذا حكم القضـاء ولا تجزع لحادثة الليالي فما لحوادث الدنيا بقــاء .

حسام الغالى

اقول ليك شئ ؟!!

انا بكتب ساى دايرة افضفض كده عن اى حاجة جواى واى حاجة ماجواى برضو .. موش فكرة ؟!!


يلا عايزاك تخت لى هنا اغنية ايمكن افرح اللحظة دى موش ممكن ؟!!

Quote: عايزاك تخت لى هنا اغنية ايمكن افرح اللحظة دى موش ممكن ؟!!

أتمنى ذلك ..

هاكِ دي من بوست النجاضة
.
.

حسام امبس

تشكر ياغالى

وياريت الدنيا (الشينة) دى تبسم لى وتبقى جميلة زى مابتقول الاغنية !!

ال ماهى دنيتنا الجميلة ال !!

ياااااااااااريت !!

Quote: دارت حول نفسها فى المنزل الكبير الخالى الا من صور وبعض زكريات معظمها مؤلم !! خرجت من غرفة الى الاخرى !! ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!! فكونى ماف زول يمنعنى !!

Quote: أهه وبعدين يا بنت العمة

موصلي أخوي يا ود خالها
نطيت لي من وين
والله لامن شفت الشي ده كان 0 قراءات و 0 مداخلات
بس داب ما داير أرميلي لي حرف قراصة ألقاك قدامي؟؟؟

عاد ما بقدر أقول شي

بس أحساسي بي بت حلتنا ....

أن هناك حدث جللل لللللللللللللللللللل

والله يستر ويتمه على خير

وما داير أبقى منجم لأن النجوم بعاااااااااااااااد

بس الأيام كان عشنا بتقول لينا على الأسرار!!!!

وكله خيييييييييييييييييييييييير

يا ندويه بت حلتنا

ونقول خير

الشايقي

فاوضني بلا زعل

ندوية الحلوة،

لو أعصابك بايظة برضو

حصلينا بي جاي..

برانا أعصابنا بايظة..

بروف معز

Quote: ندوية الحلوة، لو أعصابك بايظة برضو حصلينا بي جاي..

لو ان هناك امرأة كثيرة البكاء هل فى ذلك شبهة مرضية بصفتك طبيب ؟!!


وفكنى

ابكى يامعز !!

عليك الله يالشايقي ما تجننا بي قراصتك
والملاح(اللَخَدرْ) ده
صاح هي بت حلتكم لكن دونقلاويه صر
(إيكي ني قرا)
كل الحب

نادية
والله إلا تجيبي واحد من منبر تاني إمسكك
ودابكدوك

ود ابكدوك

Quote: والله إلا تجيبي واحد من منبر تاني إمسكك

لو كان قادرة كنت ضحكت !!

هسة الحصة بكاء سمح ؟!!

Quote: الرساله وصلت ودابكدوك

ده بدل ماتقول لى ماتبكى وتخليك وراى لحدى مااضحك ياود ابكدوك الغالى ؟!!

سمح

فكنى

خلينى

ابكى !!

ليه يانادر مسحت الكتبتو موش كان ايمكن مفرح ياخ ؟!!

مسحته
لاني شعرت بذنب عظيم
ودابكدوك

Quote: عليك الله يالشايقي ما تجننا بي قراصتك والملاح(اللَخَدرْ) ده صاح هي بت حلتكم لكن دونقلاويه صر (إيكي ني قرا) كل الحب

حبيبنا الموصلي
غايتو رطانتك السويتا دي ما بتحلك كان بت الحلة ما ترجمتلي بديها لأمي بترجمها ونادية عارفه أنه أمي رغم شايقيتها قادرة على الترجمة.

وبعدين ما تنسى أنكم يا الدناقلة والنوبيون عموماً أخولنا وأصهارنا وأعمامنا وقرة أعيننا وبا قيلك منحنى النيل ده كان فاضي لامن بقى بكان للشوايقة غايتو أحنا قريتنا أسمها الكنيسةوإذا دخلت قوقل إرث بس أمشي لمنحني النيل وكبر الخريطة شوية أول أسم بيظهر ليك شمال كورتي وجنوب مروي.
يعني ما تعمل لي فيها ود خالها وكدة نحنا أهل وجيران.
وبنرحب بيك يا ودخالها....

بس

لا أقول إلا ما قاله الإمام الشافعي
دع الأيام تفعل ما تشاء **** وطب نفساً إذا حكم القضاء
ولا تجزع لأحداث الليالي **** فما لحوادث الدنيا بقاء


الشايقي

فاوضني بلا زعل

Quote: (إيكي ني قرا)

الشايقى ود فطومة امى

دى معناها اسمك منو ؟!!

Quote: صاح هي بت حلتكم لكن دونقلاويه صر

ود خالى

دنقلاوية (اضحك) وليس (صر) انا ناقصة صرران ياخ ؟!!

وفكنى

اضحك لو اقدر !!

الشايقى ود امى عديل كده !

Quote: عاد ما بقدر أقول شي بس أحساسي بي بت حلتنا .... أن هناك حدث جللل لللللللللللللللللللل والله يستر ويتمه على خير وما داير أبقى منجم لأن النجوم بعاااااااااااااااد بس الأيام كان عشنا بتقول لينا على الأسرار!!!! وكله خيييييييييييييييييييييييير يا ندويه بت حلتنا ونقول خير

قرررررررررررررررربت تعرف حاجة !!

و

فكنى

اشرب الشاى ده !!

نادية كيفنك
كدي قولي بسم الله

طارق جبريل

Quote: كدي قولي بسم الله

بسم الله !!

وفكونى

اقرأ آية الكرسى ايمكن جواى يرتاح !!

ابدا انتي اقوي من كدة بكتييييير ... وانا في راي انك اتجاوزتي هذه المحنة برغم كبرها ..

خليك معانا اكيد كل يوم الحزن بنقص شوية ...

احاسيسنا قاعدة تنصهر لما نكون مع بعض

مودتي

Quote: احاسيسنا قاعدة تنصهر لما نكون مع بعض

شفتى يانادية، انعام دى نعمة والله انعمنا بيها


اكتبى يانادية فالكتابة بكاء الروح فى عز فجيعتها





_____________________________________________
انعام كل سنة وانتى طيبة ياطيبة... تلفونك مشغول!!

شوشو ..

ياريت اكون نعمة وطيبة ... ديل جاراتنا


وانتي طيبة يارب وربنا يخلي ليك واصل ومرافي حبايبي وانا حا اضرب ليك ...


ندوية ... استغفري !!

مش مرة طلبتي اغنية عاجباك ممكن ??!!

يلا افرحي ...




اهة أوفيت بوعدي بس انشاء الله المرة دي تتستر ..

محبتي وودي



_____________________________

الصحافة 30 كل سنة وانت طيب .. شكرااا

نعومة

Quote: مش مرة طلبتي اغنية عاجباك ممكن ??!! وسمح القول في خشيم سيدو

يازولة خشم سيدو ولا شغال كويس ولا شئ اول ماافتحو يبدأ يغنى كده ويقفل ياخ مالو ؟!!

Quote: يلا افرحي

يلا شغلى الاغنية كويس حبيبة
و
فكينى خلينى افرح !!

نعومة

Quote: ندوية ... استغفري !!

فكينى خلينى استغفر !!

شوشو

Quote: شفتى يانادية، انعام دى نعمة والله انعمنا بيها

انتى وانعام وكل الاخوات والاخوان المعانا فى المنبر ديل نعمة من نعم الله على والله

هسة لو ماانتو كنت حااقول لمنو

فكونى ماف زول يمنعنى ؟!!!!

قلبي معك يا نادية..

لحبيبك الرحمة
ولك الصبر الجميل..

نجوان

Quote: قلبي معك يا نادية..

عارفة ؟

انا هسة فرحانة رغم حزنى قولى ليه ؟!!

لانو انتى واحدة من الناس البحبهم جدا هنا والله وبحب كتاباتهم فكونه قلبك الحلو ده يكون معاى دى نعمة اى والله نعمة كبيرة !!

نجوان

اسمك زاتو عاجبنى

اقول ليك شئ تانى ؟!!

احبك فى الله يانجوووووووان صاحبة الاسم الجميل والقلب الحلو

انعام حيمورة الغالية

Quote: ابدا انتي اقوي من كدة بكتييييير ... وانا في راي انك اتجاوزتي هذه المحنة برغم كبرها ..

عارفة ؟!!

انا موش بحاول اتجاوز المحنة دى بس لكن كمان بحاول اغير جواى واحس انى جديدة (لنج) من جوة لكن دائما الحزن بقيف فى وشى وبرجعنى لمربع الصفر تانى ماعارفة ليه !!!!

يا قريبتي انسانيتنا في ضعفنا بانسانية ...مارسي انسانيتك صراخا ولوعة وشجنا وايمانا كذلك ..

استاذنا ابو بكر

Quote: يا قريبتي انسانيتنا في ضعفنا بانسانية ...مارسي انسانيتك صراخا ولوعة وشجنا وايمانا كذلك ..

الله !!

مااروع حديثك الذى يهدئ النفس المتوجّسة !!

شكرا على النصيحة الغالية التى (وقعت لى فى جرح)!!

و

فكونى امارس انسانيتى !!

Quote: قرررررررررررررررربت تعرف حاجة !! و فكنى اشرب الشاى ده !!

الشاي ده سمح بس ما تسوي لي فيه سكر لأني مابتعاطى السكر على الأطلاق.

والله الشغلة ما ها فهم بقدر ما هي طرطشة

Quote: حدثها الأهل والاصدقاء بانها سنة الحياة ومن حقها ان تبدأ بداية جديدة فقلبها مازال يافعا وقادرا على العطاء ..حاولت ان تطاوعهم وطفقت تكتب السناريوهات والمشاهد لحياة جديدة فى صورة مرحة فاذا بها تجد ان الاحداث تحولت الى تراجييييييييييييييديا وضحكت من حزنها و(شرّطت) السناريوهات وعادت لوحدتها وزمهرير الروح .. ويلا بلا لمّة !! و فكنى اكورك !!

هذه الدنيا
ونحن فيها دمىً
معلقة بخيوط رفيعة
نرقص ...
نغني ...
نلعب حيناً
نضحك
نبكي
نسعد
ونشقى
نختلط
ونتمازج
تنبت من أضلاعنا
زهوراً
آمالاً
تنموا
تزدهر
أمتداداً للحياة
فحياتنا لا تقف

وحياتك لن تقف
وعزائك في الزهرة
المتفتحة
تبث عبيرها النابع من عبير الأحبة
تقول أنا هو وهو أنا

كفى
فقد دمعت عيناي
وأرى ما ترينه
أعيشه في حروف كلماتك
وقد أراه في سناريوهات قريبة
أعايشها كل لحظة

ولكن يا نادية
الحياة تمضي
رغم مراراتها

فالأزهار التي نرعاها
لتثمر

أكبر من كل (والله غلبني ألقى أي كلمة تعبر عن الموقف)

أعانك الله
وثبتك

ببركة هذه اللأيام المباركة
يا نادية يا بتي
ما بمسكك
وفاكيك
لي البثبت الأفئدة
والقلوب
وهو أرحم بعبادة من عباده

الشايقي

فاوضني بلا زعل

نادية سلامات


افتكرنا انو محطة {قنب} دي عديتيها من زمااان

مامن حق احد يقول ليك تنسي........لكن ماتقيفي اكتر من اللازم


والحي ابقي


مش كدا


د. ياسر

د. ياسر سلامات

Quote: افتكرنا انو محطة {قنب} دي عديتيها من زمااان مامن حق احد يقول ليك تنسي........لكن ماتقيفي اكتر من اللازم والحي ابقي مش كدا

اقول ليك سر ؟!!

اناكنت دايرة اكتب بوست بداية لقيتو بقدرة قادر بقى بوست نهاية ..فهمت شئ ؟!!

وفكونى

خلونى اتجاوز !!

الشايقى ود أمى

Quote: كفى فقد دمعت عيناي وأرى ما ترينه أعيشه في حروف كلماتك وقد أراه في سناريوهات قريبة أعايشها كل لحظة ولكن يا نادية الحياة تمضي رغم مراراتها

على ذكر الدموع ..اخشى ان أدعو الله ان يوقف نزيفها فى عيونى فتتحجر فى المآقى وهى وسيلتى الوحيدة للتعبير عن وجعى !!

والله يا ناديه
إتصل علي صديق من اميركا الان
عاتبني علي الرد وشرح لي الخلفيه
التي كنت اجهلها
الله ينعل ابوالجهل
لكي العتبي حتي ترضي
قلبي عندك

ودابكدوك

ود ابكدوك الغالى

Quote: والله يا ناديه إتصل علي صديق من اميركا الان عاتبني علي الرد وشرح لي الخلفيه التي كنت اجهلها الله ينعل ابوالجهل لكي العتبي حتي ترضي قلبي عندك

تسلم يا ابو الشباب ومابينا

عادى والله مافى عتاب ولا شئ

نعم رحل عنى شريكى من عام ونصف العام وكنت ابكى موته والان صرت ابكى حياتى عندما تضيق بى الوسيعة وافشل فى التجاوز لرحابة البدايات الجديدة فعفوا ان اشعرتك بالهم معى !!

Quote: افتكرنا انو محطة {قنب} دي عديتيها من زمااان

محطة قنب في قلب الحلاوييين
ولي فيها
لقاء
فحياة
تنبض
وحياوات
ودرفونات تجري على الأرض
(موضوع صحفي لاحق)

Quote: اناكنت دايرة اكتب بوست بداية لقيتو بقدرة قادر بقى بوست نهاية

البوست الكبير
مو
بوستك
منو البكتب سناريو
ومنو البحدد نهايتو
ومنو البقول بدايتو

الثبات يا بتي
وحلو الذكريات
يا حشاي
والباقيات
الزهرات اليانعات
أمشي وعايني
براك تقنعي

الشايقي

فاوضني بلا زعل

Quote: اقول ليك سر ؟!! اناكنت دايرة اكتب بوست بداية لقيتو بقدرة قادر بقى بوست نهاية ..فهمت شئ ؟!!

والمانع شنو انو يرجع بوست بداية تاني


كلنا نسحب كلامنا دا ...ونرجعو لي محطة سوبا تاني....

أكتب زي ما انتي عايزة...ومين يقدر يمنعك

د. ياسر

Quote: والمانع شنو انو يرجع بوست بداية تاني كلنا نسحب كلامنا دا ...ونرجعو لي محطة سوبا تاني.... أكتب زي ما انتي عايزة...ومين يقدر يمنعك

كلامكم ده هو الدافع الحقيقى لى عشان اتجاوز محطة (قنب.. وين دى هى )؟!!

عشان كده فرحانة بيهو وغير جواى كتير وماشين برضو فى ذات البوست مرة نهاية ومرة بداية ومين عارف !!

و

فكونى

خلونى

ابدأ!!

الشايقى

عارف؟

عشان نفس البطن الجابتك للحياة هى ذاتها الجابتنى عارفااااااك فاهمنى زى جوع بطنك !!

زعلانة من الدنيا يا الشايقى مادايرة تساعدنى الا على الثبات فى محطات الحزن والشلهتة اسوى شنو ؟!!

الشايقى الغالى

Quote: البوست الكبير مو بوستك منو البكتب سناريو ومنو البحدد نهايتو ومنو البقول بدايتو

كلو ماابدأ اكتب سناريو فرح يداهمنى (البطل) الحقيقى فى حياتى حتى الان وهو الحزن (الخائن) لكن طبعا مفروض (الخائن) ده يموت فى النهاية وينتصر الفرح اها انا معتمدة على كده والله كريم !!

و

تعال

نكتل

الحزن !!

يا ناديا ,,

ياستي ,, ما حنمسكك ,, ويمكن كمان نشاركك ,,
انا حسيت بشعورك كويس ,,
ده شعور بيتولد وبيموت جوانا كل يوم ,,
نبدا ولا ننتهي ,, ما مهم ,,
المهم اننا لسا بنحس ,, وقلوبنا بتدق ,,
وبنقدر نكتب ونغني ونبكي ويمكن مرات نرسم ,,
على فكره البكا ده نعمه !!
والدموع بتغسل جروحنا قبل عيوننا ,,
وبعد ما ناخد بكيتنا (وغالبا ما في زول يشتغل بينا)
بنحس اننا على مشارف بدايه واسعه , داخلينها بعنف ,,

ومين عارف ,,
مش يمكن البوست ده بعد ما حسيتي انو اتوجه بيك نحو النهايه ,
مش يمكن يكون ليك دافع للبدايه ؟؟

معاكي نحو بدايات عريضه وسعيده ,,
وناجحه ,,
وياستي عيدك سعيد ,,
اسعد من بداياتك ,,

نبراس هشام شيخ الدين ,,

الحبيبة د. نبراس

Quote: يا ناديا ,,

مامتزكرة والله اسمى فى شهادة الميلاد مكتوب (ناديا ولا ناديه ولا نادية) تصدقى ؟!!
لكن بصراحة بحب اسمى زى ماانتى كاتباه كده بالاف ناديااااااااااا...

Quote: وبعد ما ناخد بكيتنا (وغالبا ما في زول يشتغل بينا) بنحس اننا على مشارف بدايه واسعه , داخلينها بعنف ,,

اكتر شئ مؤلم تكونى بتبكى وماتلقى زول جنبك حتى ينهرك ويكورك فيك ويقول ليك (انطمى واقفلى خشمك ) حتى !!
لكن صدقتى البكاء بريح على الاقل بخليك تنخمدى تنومى بس الله يستر من الجلطة الدماغية قالوا الزول لو نام زعلان بتجيهو صحى ؟!!

ناديه العزيزه
كل سنه وإنت طيبه ،
أعجبتنى كلمات د. نبراس

Quote: معاكي نحو بدايات عريضه وسعيده ,, وناجحه ,, وياستي عيدك سعيد ,, اسعد من بداياتك ,,

و لا مزيد عليها

ست نادية
الوفاء شئ عظيم جدا جدا
لكن القطار لابد ان يبارح المحطه

لو لا نعمة النسيان تحولت حياتنا لجحيم

ودابكدوك

ود ابكدوك

Quote: لو لا نعمة النسيان تحولت حياتنا لجحيم

صدقت والله اروع نعم الخالق علينا النسيان ولو الى حين !!

الفنان الجميل مصدق

Quote: و لا مزيد عليها

لا انا طماعة وعايزة مزيد يعنى واحد من كاركتيراتك المضحكة ديك قلت شنو؟

Quote: فكونى مافى زول يمنعنى !!

فكوها يا جماعة
فكوها
خلوها تتنفس..

عادل عثمان ود ابوى

Quote: فكوها يا جماعة فكوها خلوها تتنفس..

تسلم ود ابوى انا

و

فكونى !!

Quote: الشايقى عارف؟ عشان نفس البطن الجابتك للحياة هى ذاتها الجابتنى عارفااااااك فاهمنى زى جوع بطنك !! زعلانة من الدنيا يا الشايقى مادايرة تساعدنى الا على الثبات فى محطات الحزن والشلهتة اسوى شنو ؟!!

نادية
يا بتي

سوي زي عمك الشايقي

وحمدو في بطنه

الحشى ليوه حاله والوجاهه في حاله
والدنيا ماشية يا بتي رحالة
والوردة نادية ... ونادية ترتالا
ترعاها تسقيها بذرة حبيب نرعاها

الزمان يمضي بنيتي
والصغير يكبر
والكبير يزداد كبراً

فلا تدعي الأحزان تتملكك
أحزني وقتما شئت فهذا حقك
وكيفما شئت فليس من حقك



الشايقي

فاوضني بلا زعل

كتبت نادية

فكونى ماف زول يمنعنى !!

معليش يادنيا ..وماف زول يمنعنى !!

فكونى ماف زول يمسكنى !!

ماتمنعنى !!

ماف زول !!

فكنى

أبكى !!

فكنى

اكورك !!
فكنى

خلينى

ابكى !!
وفكنى

اضحك لو اقدر !!

وفكونى

اقرأ آية الكرسى ايمكن جواى يرتاح !!

فكينى خلينى افرح !!

فكينى خلينى استغفر !!

فكونى امارس انسانيتى !!

وفكونى

خلونى اتجاوز !!

ست نادية

ما اروعك

ودابكدوك

Quote: ست نادية ما اروعك

تسلم ود ابكدوك ويارب مااعدمك قول امين

Quote: الحشى ليوه حاله والوجاهه في حاله والدنيا ماشية يا بتي رحالة والوردة نادية ... ونادية ترتالا ترعاها تسقيها بذرة حبيب نرعاها

الشايقى فى لحظة تجلى !!

ندووووية العسل
عيد يبلل حياتك كلها بالفرح

دايرة النصيحة ولا بت عمها ؟؟
رغم
ورغم
ورغم
أفتحي صدرك لكل نسمة جديدة نقية وجميلة
أووووعك تحرمي نفسك متعة التنفس .. من حقك هواء جديد
من حقك البكاء بس برضو لما تجيك فرحة ما تدوسيها بدموع قديمة
ماتقعدي تفجخي في الفرح بلا جريرة إرتكبها
هسي لمة الناس دي فوقك ومؤازرتهم مش أجمل فرح في الدنيا ؟؟
مش حسسوك انك وردة لن تذبل .. وحديقة لن ينتهي شذاها ؟؟
طيب فوووحي يا بت الناس .. فوووحي وعطري كل حاجة تهبشيها

سافري من المحطة دي عشان المحطات القادمات أجمل
أنتي إمراة لا يشبهك غير الفرح
لا تسجني نفسك في الماضي

ما تترددي أرمي قداااام وربك كريم .. لاشيء يستحق ( nothing deserve )
مهما الزول يعمل ما بقدر يوفي كل شئ مقدارو
يعني جعيصة ودايرة تحددي عمق الألم ؟؟
عشان كده كفاية الوجع .. أركبي الأفراح المنتظراك

بتعرفي تنطلقي ولا أديك دفرة ؟؟؟؟؟

غايتو لو باريناك ذاااتنا بنفتش للبمسكنا

الحزن بغيض يتجاوز ايقاف الزمن عند لحظة .. الان .. التى تتمدد بثقل لا يريد الاندياح ..الى تثبيط الروح...

ولا شئ يهزم الحزن الا الامل الفاعل ..

EL fahal Abdelatif

Quote: ولا شئ يهزم الحزن الا الامل الفاعل

أمنت بالأمل !!

شكرا نبيلا على الحكمة البليغة ..

ثابت محمد ود امى

Quote: هسي لمة الناس دي فوقك ومؤازرتهم مش أجمل فرح في الدنيا ؟؟ مش حسسوك انك وردة لن تذبل .. وحديقة لن ينتهي شذاها ؟؟ طيب فوووحي يا بت الناس .. فوووحي وعطري كل حاجة تهبشيها

ياخ اقول ليك شئ ؟

فعلا الكلمة الطيبة صدقة !!

وهسى كلامك الطيب ده نسانى زاتو هو كان فى شنو صحى ؟!

صبااااااااح الخييييييييييييير

أهه يا بنتي نادية
إنشاء الله تكوني نمتي كويس وأصبحتي طيبة ورايقة

أمبارح كنتي فايره وفورتي الحوش ده كله معاك

وما تنسي أبيات الإمام الشافعي

الشايقي

فاوضني بلا زعل

الاخت الغالية نادية

......................
داك الزمن الاصلا ماراح
والجاي تفاصيلو .. ذكراك ...
فكوني ابكي
وكان جفت دموعي
ان شاء الله تغرق دموعي في ذكراك..
انت بعيد يجيني صداك
تمشي تسيبني ..
تسيب فيني وقع خطاك
ماكنت قايلاك ..
ح تمشي ..
فكوني ابكي..
مستحيل انساك
تمشي تسيبني....
و فيني هواك

صرخة مراسمنا
..........
مراسمنا...
حبي عزاك

تخريمة
.......
المرحوم هاشم ميرغني قال,,
قدر فتشت مالقيت لي شبه ساكت مقارب ليك اتاريك بقساوتك ديك حنان الدنيا كلها فيك

Quote: داك الزمن الاصلا ماراح والجاي تفاصيلو .. ذكراك ... فكوني ابكي وكان جفت دموعي ان شاء الله تغرق دموعي في ذكراك.. انت بعيد يجيني صداك تمشي تسيبني .. تسيب فيني وقع خطاك ماكنت قايلاك .. ح تمشي .. فكوني ابكي.. مستحيل انساك تمشي تسيبني.... و فيني هواك صرخة مراسمنا .......... مراسمنا... حبي عزاك

اقايتو لو القصيدة اللطيفة دى كتبتها من وحي البوست ده بكون تمام جدا لأنو حانكون اكتشفنا مواهب مدفونة ولا مدسوسة مننا ماعارفة

الشايقى ود فطومة أمي

Quote: أهه يا بنتي نادية إنشاء الله تكوني نمتي كويس وأصبحتي طيبة ورايقة أمبارح كنتي فايره وفورتي الحوش ده كله معاك

أجى ياود أمى انا الفورت حوش بكري ياخ هو براهو فاير ماتختها فينى ساي

Quote: هناك ثمّة اناس يحاولون تهدئتهاو........!!

نادية
النفسيات ماعندك
لكن صدقيني الحركة حلوة
وفكيني!!

حسين محى الدين سلامات

Quote: نادية النفسيات ماعندك لكن صدقيني الحركة حلوة وفكيني!!

والله العظيم فطيت المداخلات القبلك وجيت ارد عليك عشان مداخلتك دى ضحكتنى شددددددددديد .. جنس نفيسة هى لكن !!

بنت عمي الاستاذة / نادية
كل سنة وانتي بالف خير

Quote: ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!!

يديكي الف عافية
هارون دياب

Quote: يديكي الف عافية هارون دياب

ويديك الف عافية ود عمى وماتشوف شر يارب قول اممممممين

عشان كده فك ما في وكل عام وأنتي بخير

كدا كيف؟

nourelhadi awad

Quote: كدا كيف؟

حمانا الله شر النزفية والقلاعية

و

فك ياخ

نيو سودانى

Quote: عشان كده فك ما في وكل عام وأنتي بخير

الخروف كلمك وقال ليك عيان وماسمعت كلامو اها بعد الشية والكمونية تانى ماتلوم علا نفسك سمح؟

طفقيها كسريها ويبقى ليك الحق

الجميلة نادية عثمان مختار

كل عام وانت بالف عافية ويخلي ليك الامورة الحلوة

العزيز د. محمد حسن

تسلم على الكلمات الطيبات والله وان شاء الله ماعدمتك ابدا اخوى انا

نادية ازيك ..
وكل سنة وانتي طيبة وإيمان بخير ..


طالما قلوبنا تنبض بمن نحب إذن أنه عايش فيها ..
البكاء والصراخ حالة من الحنين وإستدعاء لمن فقدناه وهو فينا ..
أبدأيي بمسح الضباب الفي المرآة وشوفي الحياة بوجه آخر جميل ..


قلبي معك ..

ممو الغالى

Quote: أبدأيي بمسح الضباب الفي المرآة وشوفي الحياة بوجه آخر جميل ..

تسلم يارب على النصيحة الغالية وفعلا كل المرآيا تحتاج ان نمسح ضبابها وغباشها !!

الحبيبة ندى

كل سنة و انت طيبة

ابكى يا اختى و صرخى و فضفضى و لكن افتحى صفحة جديدة خالية من الاحزان

فألاقدار كثيرا ما تقسو علينا فلا بد ان نكون اقوياء بما يكفى لنواصل المشوار و الحياة ما بتقيف

و نحن البنقرر سعادتنا و نصنع فرحتنا بى ايدناو الايمان القوى بى أرادة الله هو المفتاح لتجاوز كل صدمة

ما أقسى ان تفقدى حبيب لقلبك سواء ان كان بموته او باى شكل آخر و لكنها الحياة كثيرا ما تكشر عن انيابها و ليس لدينا سوى الصبر

والتسليم الا فماذا نحن فاعلون لارادة المولى عز و جل

ماحتتخيلى يا ندى انا قدر شنو حاسة بى المك و قلبى معاك صدقينى ابكى و ما تكتمى حتحسى بى نفسك خفيفة و مرتاحة

Quote: الحبيبة ندى

أنا اسمي نادية وبحب تتكتب ناديا ولكن اسم ندى بحبو شديد لانو اسم بت زولا عزيز على جدا

الحبيبة الغالية نهلة عمر

شكرا جميلا على كلماتك الطيبات جدا

و

Quote: ماحتتخيلى يا ندى انا قدر شنو حاسة بى المك و قلبى معاك صدقينى ابكى و ما تكتمى حتحسى بى نفسك خفيفة و مرتاحة

بكيت لمممممممممن فترت يانهلة

يلا

فكينى

خلينى أرتاح من البكاء

الحبيبة ناديا

و هل يخفى القمر

لكن تقولى شنو فى الطرطشةو عدم التركيز

لك العتبى

نهولة الحبيبة

Quote: الحبيبة ناديا و هل يخفى القمر

يازولة انتى القمر والله ولسانك زى العسل وتسلمي يارب قولي امين

Quote: لكن تقولى شنو فى الطرطشةو عدم التركيز لك العتبى

يازولة مابينا وزي ماقلت ليك اسم ندي بحبو اكتر من اسمي كمان

و

ممكن تناديني نهلة لانو برضو بحب الاسم ده


و

فكى ياخ

Quote: نعم رحل عنى شريكى من عام ونصف العام وكنت ابكى موته والان صرت ابكى حياتى عندما تضيق بى الوسيعة وافشل فى التجاوز لرحابة البدايات الجديدة فعفوا ان اشعرتك بالهم معى !!

ناديه النديه
والله لكن نفسياتك تجنن اريته نفيساتي ياخي نططي وادردقي هنا زاتو لو عايزه
ومافي زول بمسكك
نفسيات زي دي مفروض يدوها جائزه افضل نفسيات

محمد الطيب حسن

Quote: نفسيات زي دي مفروض يدوها جائزه افضل نفسيات

كان عاجباك نفسياتي دي ممكن ابادلك

طيب حاولي غني أي حاجة
ان شاء الله دجاجي يلقط الحبة
أو مرة جربي جازفي عومي
مالازم بحر
ممكن جوى صورة وبلليها
ولو مالقيتي تلبي جوة المرايا

واللا أقولك أنس كل الكتبتو فوق

بس عايزك تفتكري إنك
سمحة دايما ولو جوة حزنك

ولو نفكك
دا بعدك
نبقى عوره( من عويرين)
.....
كل سنة وانتي طيبة

صباح الهيير

Quote: كلامكم ده هو الدافع الحقيقى لى عشان اتجاوز محطة (قنب.. وين دى هى )؟!!

محطة قنب دي في الجزيرة ..كنا زمان ايام الكلية بنبدأ منها الايام العلاجية ونتوجه الي قري الحلاوين

بعدين رسخت في الراس لانو اسمها قنب لكن مافيها مكان يقعدوا فيهو

Quote: فكونى خلونى ابدأ

!!

خلاص ياستي ....فكيناك لله والرسول

Quote: بعدين رسخت في الراس لانو اسمها قنب لكن مافيها مكان يقعدوا فيهو

بالغووووووووووا ناس الجزيرة بتاعين محطة قنب المافيها مكان (تقنيب) دى يادكتور ياسر والله

الشاعرة الانيقة العسل
نادية..

الدنيا تحلى
صعابا ساهلة

اصنعي من
الليمونة
الحامضة
شرابا لذيذا ...

كل عام وانتي وكل
من تحبينهم بالف خير
..

لك ولكل
الجميلين
الهنا
حفنة سالينوس..

الاخت الغالية نادية القصيدة من وحي البوست

Quote: قايتو لو القصيدة اللطيفة دى كتبتها من وحي البوست ده بكون تمام جدا لأنو حانكون اكتشفنا مواهب مدفونة ولا مدسوسة مننا ماعارفة

Quote: الاخت الغالية نادية القصيدة من وحي البوست

الأخ العزيز عبد العظيم

والله سعيدة جدا عشان ميلاد القصيدة الحنينة دى كان من وحي الهام هذا البوست العجيب الملئ بالمتناقضات ضحكا وبكاءا وعويلا .. ثم جنونا وتعقّل !!

خليك قريب فلوجودك طعم الطمانينة


سمح؟

نادية نفكك قبل ايدك ماتوجعك من كترت الردود

Quote: الأخ العزيز عبد العظيم والله سعيدة جدا عشان ميلاد القصيدة الحنينة دى كان من وحي الهام هذا البوست العجيب الملئ بالمتناقضات ضحكا وبكاءا وعويلا .. ثم جنونا وتعقّل !! خليك قريب فلوجودك طعم الطمانينة سمح؟

سمحين

اتخيلي كلمة سمح دي بتقولها زوجتي العزيزة بالقاهرة,,,5 شهور غربة وشجن,,,

عبد العظيم اخوى الغالى

Quote: نادية نفكك قبل ايدك ماتوجعك من كترت الردود

ياسلااااااااام وين فى القاهرة بالله ؟

الغالية جدا صفاء فقيري

Quote: الدنيا تحلى صعابا ساهلة

وبتروووووق بتررررروق وتحلاااااااااااااا

Quote: اصنعي من الليمونة الحامضة شرابا لذيذا ...

الليمون شطّب بطيخ كيف

Quote: حفنة سالينوس..

انا اقايتو سمعت بالسرليون لكن الشئ القلتيهو ده يخربنى ماسمعت بيهو

nourelhadi awad

Quote: طيب حاولي غني أي حاجة ان شاء الله دجاجي يلقط الحبة أو مرة جربي جازفي عومي مالازم بحر ممكن جوى صورة وبلليها ولو مالقيتي تلبي جوة المرايا واللا أقولك أنس كل الكتبتو فوق بس عايزك تفتكري إنك سمحة دايما ولو جوة حزنك ولو نفكك دا بعدك نبقى عوره( من عويرين) ..... كل سنة وانتي طيبة

عارف يانور ؟

لو الدنيا دى فيها مائة وخمستاشر زيك كده بقلوب نقية وطيبة كده والله ماكان بكون فى شر كتير فى العالم ياخ !!

أفرحتني مداخلتك حد البكاء والله

و

فك

خلينى أفرح

Quote: دارت حول نفسها فى المنزل الكبير الخالى الا من صور وبعض ذكريات معظمها مؤلم !! خرجت من غرفة الى الاخرى !! ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!! فكونى ماف زول يمنعنى !!

نادية
العيد مبروك
هذه قصة قصيرة كاملة
بها صدق .سنامها (فكونى مافى زول يمنعنى ).وأنا على يقين تلك هى القفلة المناسبة. نحن هنا أشبه بمشاهدين داخل مسرح فى لحظة (فكونى )هذه بالذات أسدل الستار بسرعه فائقة . هكذا يتلفت الجمهور ، متسائل ، ماذا سيكون مصير هذه الشخصية ؟؟ القصة درامية ان كنت تقصدين أم لم تكن تقصدين ذلك. أهم شيئ الصدق داخل القصة . بطل قصتك هو الصدق

ناديه : خايف أقوم أكتب أكتر
بعدين الناس تقول حاجة كده ولا كده
مخلصك أبو القاسم قور حامد

الاستاذ العزيز أبو القاسم قور

Quote: هذه قصة قصيرة كاملة بها صدق .سنامها (فكونى مافى زول يمنعنى ).وأنا على يقين تلك هى القفلة المناسبة. نحن هنا أشبه بمشاهدين داخل مسرح فى لحظة (فكونى )هذه بالذات أسدل الستار بسرعه فائقة . هكذا يتلفت الجمهور ، متسائل ، ماذا سيكون مصير هذه الشخصية ؟؟ القصة درامية ان كنت تقصدين أم لم تكن تقصدين ذلك. أهم شيئ الصدق داخل القصة . بطل قصتك هو الصدق

أقول ليك على حاجة ؟!!

أنت حصل قريت لي هنا بوست بعنوان (الولد الغياظ) ؟!!

اها لو ماقريتو بتلقاه فى مكتبتي بهناك .. المهم انو فكرة البوست ده فى الأصل كانت زي فكرة بوست الولد الغياظ يعنى مجموعة قصص قصيرة على شاكلة هذه التي حللتها عاليه .. لكن فهم بعض الاهل والاحباء والاصدقاء هنا انها حالة قد اعترتني أنا شخصيا فطفقوا يدثروننى بدفء مشاعرهم النبيلة بحب ونقاء كعادتهم فصار الأمر الى ماصار اليه كما تري .. وبالفعل أنا مازال بداخلي حزن وهم فكان لوقع كلماتهم الطيبات اثرها الطيب فى نفسي وامتلأ البوست بشتي العبارات الحكيمة والانسانية النبيلة وجنح حينا الى البكاء وحينا الى الغناء وحينا الى الابتسامة تماما كما الحياة نفسها فشكرا لانك ستعيد البوست الى مساره وكن متابعا فسأكتب قصصي القصيرة المستوحاة من الخيال ومرارة الواقع التى تنتج قصصا وشعرا !!

وعيدك سعيد يارب

الأخت الأستاذة نادية
السلام عليكم وكل عام وانت بألف خير،،

نشعر معك بالألم. ولكن يجب أن لا تدعي الشيطان والهواجس تنفد إليك من باب الحزن.
أفضل ما سمعت في "فقه العزاء" أننا نحزن على من نودع لأننا نجهل مصيرهم. ولكنهم بالقطع في حال أفضل منا. أو هكذا نطمع.
الدنيا كما يقول السلف سجن كبير. والأموات من الأبرار هم الأحرار وملكوت ربك أعظم من الدنيا بما لا تعلمين. ندعو الله للفقيد الرحمة وبدعواتنا سيسري هو بإذن الله في ملكوت ربه من درجة إلى درجة ومن بهاء إلى أبهى بإذن الله.
وتذكري قوله صلى الله عليه وسلم في ما معناه :
" إذا مات ابن آدم انقطع عمله إلا من ثلاث صدقة جارية أو علم ينتفع به من بعده أو ولد صالح يدعو له "

أما أنت - في خويصة نفسك - فتذكري نعم الله الاخرى عليك. وعندها ستهون عليك مصائب الدنيا.
أرجو أن أكون قد ساهمت في "فكك" من الهواجس. وبالله التوفيق.



.

abdelwahab hijazi

Quote: ندعو الله للفقيد الرحمة وبدعواتنا سيسري هو بإذن الله في ملكوت ربه من درجة إلى درجة ومن بهاء إلى أبهى بإذن الله.

اللهم اجعل هذه الدعوات الطيبات جدا من نصيب محمد ابو ايمان له الف الف رحمة ونور بقدر ماكان رجلا نبيلا جميلا كريما طيبا يارب

وتسلم اخى عبد الوهاب وجعل الله ايامك جميعها سعادة وحبور يارب

منقول من نجمة اصحاب كول...



بكت عيوني.. آلام الفراق..
فردد قلبي الحزين باحتراق...


كيف للقلب أن ينساكم...
يا من في الفؤاد سكناكم...


فضرب لي موعد مع الفراق..
فكان الحزن الآت....
فقال لي الفراق...


ما بال هذاالقلب بالحزن قد مات؟!!!
فحاولت أن أتكلم..
أو أفسر ذلك الحزن العميق..
ولكن هيهات.. ثم هيهات!!


وفي غمرة من السكون والوجل..
سمعت همسات و احتفالات!
أتعلمون لمن هذه الاحتفالات؟؟!!
إنها احتفالات المآقي بالدمعات!
فتراقصت الدمعات.. على شفاه هجرتها البسمات..


فاختلطت الآلام بالدمعات..
فكانت حرة الزفرات..



حاولت أن أتكلم..
حاولت تفسير ذاك الشعور المؤلم..
حاولت أن أعبر للفراق..
عن ألم اجتاح الفؤاد!!!
ولكن مااستطعت...
فجائتني حروف الفراق...





الألــــــــــــف..
آه.. آه.. آه
من القلب أبثها..
ومن الروح أرسلها..
ومن الوجدان سطرتها...
أنتم يامن في القلب حللتم...
الـــــــلام...
لامتني نفسي لفراقكم...
ولامتني عيوني لرحيلكم...
ولامني القلب الحزين لغيابكم...
أنتم يا من في القلب حللتم...




الفــــــــاء...
فارقتكم وقلبي أسيركم...
فارقتكم وعيوني تبكيكم...
فارقتكم وما نست شفاهي اسمائكم..
أنتم يا من في القلب حللتم...



الــــــراء...
رميتم قلبي بسهم من الأحزان..
فاستقر سهمكم في صميم الوجدان...
فبكى القلب على ذكرى من كان...
أنتم يا من في القلب حللتم...





الألـــــــف..
أتت مرة أخرى!!
لتؤكد ألم الفراق..
فآه.. ثم آه... ثم آآآآآآآه..
لقلب حلف ألا ينساكم...
أنتم يا من في القلب حللتم...




القـــــاف...
قلبي الحزين سيظل يذكركم...
وقلمي المتألم سيظل أسير ذكراكم...
فاختلط دم القلب... بمداد القلم ليذكركم...
أنتم يا من في القلب حللتم...




وفي نهايةالمطاف..
بكى الفراق...
حزنا علي...
وقال:
لابد.. لابد.. لابد... من فراق الأحبة

haider osman

Quote: وفي نهايةالمطاف.. بكى الفراق... حزنا علي... وقال: لابد.. لابد.. لابد... من فراق الأحبة

وجعي من فراق الاحبة!!!

شكرا نبيلا لهذا الدفق الحميم جدا رغم زفرات الروح وحرقتها وجعا من نار الفراق !!

العزيزة ناديااااااااا


الحزن .. الدبرسة .. الهترشة

كل واحد بجيب التاني معاهو

بعدين رفقا بنا .. البوست ده من أمس يودينا شمال ويرجعنا يمين

مرة نضحك .. ومرة (ما نضحك)

دبرستي بينا في العيد

قاتل الله الحزن ..

الله يفكنا كلنا

كل سنة وإنتي طيبة

الجميلة ناديه
ابكي واحزني.. فالحزن هو من الاشياء الحقيقية القليلة في هذه الدنيا..والحزن هو ما يصقل الروح ويعلو بها


منال

Quote: الجميلة ناديه ابكي واحزني.. فالحزن هو من الاشياء الحقيقية القليلة في هذه الدنيا..والحزن هو ما يصقل الروح ويعلو بها منال

منال سلامات يازولة وشنو من ديك وعيييييييك انتى وين ياخ الكرت بتاعك مافيهو رقم تلفون موبايل والارضى بدخل فاكس طوالى !!

ود الصايم اخوى الغالي سلامات

Quote: بعدين رفقا بنا .. البوست ده من أمس يودينا شمال ويرجعنا يمين مرة نضحك .. ومرة (ما نضحك)

هو ده اصلو بوست ولا مرجيحة ياخ

زى مابتعمل فينا الدنيا يامحمد ونحنا نعاين ليها ساى ولا نقدر نقول ليها بغم الله غالب عاد موش نحنا ضيوف عندها الدنيا بت الحلال دى

العزيزة نادية عثمان .. كثيرآ ما جلست أتأمل مسيرة الحياة .. وطفقت احسب ارباحها ونواغصها .. حسبت عدد السويعات التي تمتعت فيها عيناي برؤية الأعزاء والاحباب من والد وولد وأخوان واخوات واصحاب واحباب فأهز رأسي عندما أجد أنها نسبة ضئيلة جدآ من العمر .. حتي لو كنا معهم وبينهم !!.. لا نستمتع بفرصة القرب منهم وهم معنا وبيننا .. قارني ساعات القرب والوصال مع ساعات وليالي وسنين البعاد في الغربة والمهاجر !!.. مع أن الناس علي قيد الحياة !!! .. ذلك الغم يخففه بعض الأمل في اللقيا ولو بعد سنين !!!..
ولكن الغمة الكبري نحس بها عندما يكون الغياب ابديآ !! .. إنه يجعلنا نفيق إلي أننا في هذه الحياة خاسرون إن اردنا حساب متعة القرب ومحنة الأحباب في هذه الدنيا!!.. ولكن العزاء الأكبر هو أننا موعودون بحياة أخري ولقيا ابدية سرمدية عنوانها العظيم هو : يحشر المرء مع من أحب !! .. وذلك الوعد الإلهي هو الدواء الوحيد الناجع الذي يمسح احزان الكون مهما تعاظمت !! ..

العزيز منير

تحية طيبة وعيدك سعيد عليك وعلى أحبابك يارب

Quote: ولكن الغمة الكبري نحس بها عندما يكون الغياب ابديآ !! ..

صدقت والله فلو ان أحبابنا هاجروا لعشرات السنين ولم نعد نراهم ابدا الا اننا نعلم انهم على قيد الحياة يعيشون حبا ومرحا وفرحا ووجعا وبكاءا لسعدنا بدلا عن ان ينتقلوا من دنيانا نهائيا ولا يخلفوا وراءهم سوى الحسرة والعويل !!

Quote: ولكن العزاء الأكبر هو أننا موعودون بحياة أخري ولقيا ابدية سرمدية عنوانها العظيم هو : يحشر المرء مع من أحب !! .. وذلك الوعد الإلهي هو الدواء الوحيد الناجع الذي يمسح احزان الكون مهما تعاظمت !! ..

الله عليك أخي العزيز .. رغم معرفتي بهذا الوعد الالهي الا انني أسعد ايّما سعادة بتكراره على مسامعي لانه بالفعل العزاء والسلوي وربنا يجمعنا يوم الحشر العظيم مع جميع احبابنا الذين رحلوا عنا يارب يارب يارب انك مجيب الدعوات السميع العليم ..

مطر ناعم في خريف بعيد
والعصافير زرقاء والأرض عيد

أنهضي من الرماد كطائر الفينيق

وحلقي كعصافير زرقاء

كطير الجنة

........
وأجمل أيامنا تلك التي لم نعشها بعد

الاخت الغالية نادية


مفردة خاصة لزول خاص جدا

عبد العظيم اخوي

شكرا نبيلا لمفرادتك الخاصة جدا وتسلم من كل شر يارب قول امممممين

Nasr

Quote: مطر ناعم في خريف بعيد والعصافير زرقاء والأرض عيد أنهضي من الرماد كطائر الفينيق وحلقي كعصافير زرقاء كطير الجنة ........ وأجمل أيامنا تلك التي لم نعشها بعد

شمس ترسل بعض دفئها الى سكان الكرة الأرضية فيعلنوا ان هذا اليوم هو عيد الحب !!

نادية يا صديقة
سلامات ومعزّة..
أرأيتك لو أنّ المناديل باحت بالذي بها
هل يستحيل نسجها حرفًا في الحكايا...
وخيطًا في (إبرة) الدّموع..
... إن بلغ (العزاء) شوطه في (التّربيت)
وحظّه من المواساة..
فذا المعراج أعدّه سلمًا للخروج أو الدّخول – لا فرق –
طالعيه (مدادًا)، و(حزنًا)، و(خيبةً)، و(هدمًا)، و(منفى)، و(غربة)، و(أرق)
بغير ترتيب مقصود إلا إذا ترتّب (الدّمع) في المناديل (الطّيبات)..
وذهب الذي يأتي باتّجاه معاكس لـ(فكّوني ما في زول يمنعني!!)..
اقرئي:
(1)
مِدَادْ
بعضٌ منكَ لا يلقاكَ..
إلا في المدادْ
إذ.. هكذا النّيرانُ
تدفنُ غبنها
في حزنِ ذاكرةِ الرّمادْ
فاحفظْ لنفسكَ ضوءهَا
لو مسّها شيءٌ من التّهميشِ
في غبشِ الحيادْ

(2)
حُزن

تعِبَ الضّوءُ..
فاسترخى قليلاً
ثُمّ نامْ
لكنّما الظّلُّ
كئيبٌ ..
راح يبحثُ عن وجودٍ
في الظّلامْ

(3)
خَيْبَة

كلّ الحزن إليكْ
بعض الفرح نواحٌ
دمعٌ شاكس عينيكْ
لا مهربَ..
حتّى الصمتَ.. ضجيجٌ
غطّى باحة أذنيكْ
الخيبةُ..
أن يُحسبَ هذا العمرُ عليكْ
(4)
هَدْم
حُلمك أن تبنى بيتاً
من لَبِنٍ..
وتعيشُ سلاماً ووئامْ
ضدّكُ يستأجر أضغاثاً
تهدمُ فيك الأحلامْ
نَمْ.. في نومكَ
واحلمْ
ما أقسى أن تشتجر الأحلامْ
(5)
مَنْفَى

غنّي المُغنّي
في اشْتبَاهٍ
بين فُصْحَي
لُكْنَةٍ عُجْمَي
وفي حزنٍ.. رَطَنْ
كان صوتاً عَالقاً
أوْ غَارقاً في اليُتْمِ
صِدْقاً..
كان حُلماً نَابتاً
بين صَحْوٍ ووسَنْ
هكذا أدركتُ مَعني
أنْ يصيرَ القلبُ منفَى
لاغترابٍ في وطَنْ
(6)
غُربة

اشربْ لهَا كأساً
من الحبِّ الّذي
في غُربةِ الذّاتِ صِيامَا
ناسياً دمُكَ الّذي
في جلسةِ الرّوحِ
قد طالَ مُقامَا
يَسْتطيلُ
إذا مَا أنتَ أعلنتَ
في هَمْسٍ.. قِيامَا
نحوَ شَمْسٍ
لمْ تزلْ ترجُو من النّجمِ
ضياءً.. أو تمامَا
(7)
أرَقْ

جَالِسْ مسَاءَكَ..
فُرصةٌ أُخْرى لإحْكَامِ التّذكُّرِ
ضمنَ دائرةِ القلقْ
وَاشْرَبِ التّنْبيهَ من فِنْجَانِهِ
هيَ قَهوةُ الإيْقاظِ
من طحنِ الأرقْ
أنا لنْ أُسمِّى مَا سيأتِي..
صَحوةً..
لكنّهُ نومٌ
يُعذّبُهُ المَلقْ
إنْ صحَّ مَا قد قُلتُ
يَكفى إنّهُ وقتٌ
يجئُ مُبعثراً..
يَمضِى..
وكَما اتّفَقْ
تكفيكَ حَسْوةُ فَقْرِهِ
خَشِنُ الرّغِيفِ
يَملُّهُ دمعُ المَرَقْ

Quote: الغالية ناديا عثمان المحترمة العيد مبارك عليك وربنا يحقق أمانيك عيدنا في المدينة المنورة ووالله العظيم فيها تحس بان الاحزان تتساقط من روحك كما تتساقط حبيبات العرق من البدن واراودك احساس بانك عايز تنطط زي الشفع الصغار لان الروح بقت خفيفة ومن قلبي اتمنى ان تحضري للمدينة المنورة وابوفاطنة يشيل همك وغمك وترجعي تزعططي . اليوم قرأت لك : فكونى مافى زول يمنعنى وكل المداخلات ولكن القيد منع والبركة في الهوت ميل العفينة دي . اخوانك واخواتك والله تب ما قصروا معاك ونحن معروفين ومافي شعب عندو زي عاداتنا ووقوفنا مع بعضنا ساعة الحارة وخاصة الملمات الكبيرة كما هو حالك وهذه الوقفات لها اثر كبير في تخفيف الحزن والألم ولكن الحزن الدفين كالسرطان يعاود ادراجه ويزيد المه حالما ينتهي مفعول المهدئات . ولكن من حكمة الله تعالى على عباده ان غرس فينا خاصية النسيان Automatic Format لكي تستمر الحياة هذه الخاصية موجودة في كل انسان ولكن تختلف درجة الاستفادة منها من شخص لاخر ومن موقف لاخر في نفس الشخص الواحد ولكن الانسان الفطن يحاول الاستفادة القصوى من هذه الخاصية ليتمتع بكل درجاتها وقطار الحياة لايتوقف اعلم يا ندوية حزنك عميق وكل الذين يحبوك يتمنون ان يتقاسموا هذا الحزن وربنا يلهمك الصبر والسلوان . لو لا مرارة الحزن لما عرفنا حلاوة الفرح والغريبة في ناس بحبو المر اكثر من الحلو !!!!! ما قاصدك يا ندوية ولكني اعرف ذلك واقول ليك حاجة الحزن له لذة نفسية اذا كان في حدود الجرعة المظبوطة زي المخدر اذا زادت الجرعة تدخلك في نفق يصعب الخروج منه . ندوية ارفعي معنوياتك براك بقناية طويلة يعني شنو مثلا جيبي جريدة سودانية فيها كلمات متقاطعة وحضري قلم رصاص مبري بالجنبتين زي عبدالجليل محمد عبدالجليل لا لا احس بجنبة واحدة لان اللستيكة مهمة للمسح وقبل ما تبدي في الحل ختي ليك شاي في النار بشرط تكوني بتولعي في البوتجاز واتصفري اوس اوس حركات المصريين ديك يا خي ديل برفحوا روحن براهن يعني بعرفوا يرفعوا معنوياتهم بالصح ولا بالكضب يعني سوي الشاي وانت تصفري وتغني ويا حبذا لو معاها شوية سكسكة ، البشير بسكسك عشان ازبط السياسة بالكمونية ، لو عندك شربوت خلليهو واربطي سنة بالشربوت وبعد دا زبط شديد للصباح .... الاحزان تدغدغ النفس وتردخها لحين من الدهر وقد تصفى النفس بعد الحزن وتدخل في افراح جديدة وهكذا دواليبك وادراج الرياح تجبرك على السير في اتجاه واحد . الانسان ليس له خيار في كيف تسير حياته انه مخير في نواياه وتفكيره فان كان حسنا يتمه له الله ويكافأه على احسانه وان كان سئ النية ايضا يتمه لكي لكي يعاقبه على النية السيئة ومن هنا جاء الحديث انما الاعمال بالنيات ولكل امرئ ما نوى ، استشهد احد الصحابة فحزنت زوجته عليه حزنا شديدا وعلم رسول الله بذلك فذهب اليها يعزيها فقال لها اسأل الله ان يبدلك خيرا منه فقالت في نفسها لايوجد افضل منه ومرت الايام وتزوجها رسول الله فتذكرت ما قالته في سرها يومذاك .......... انت نيتك سليمة وطيبة والطيبات للطيبن ووالله العظيم انسان بهذه الصفات الحميدة ان الله لجبر بخاطرك ويبدلك باطيب منه ويبدل حزنك فرحا ..... اسع بفكك تبكي لكن ما بخليك كان ما سويتي الكمونية بالجبنة . مخلصك عبدالله محمد عبدالله

عبر الايميل

النبيل عبد الله ابو فاطنة تسلم من كل شر يارب والعيد عليك مبارك

Quote: عيدنا في المدينة المنورة ووالله العظيم فيها تحس بان الاحزان تتساقط من روحك كما تتساقط حبيبات العرق من البدن واراودك احساس بانك عايز تنطط زي الشفع الصغار لان الروح بقت خفيفة ومن قلبي اتمنى ان تحضري للمدينة المنورة وابوفاطنة يشيل همك وغمك وترجعي تزعططي .

يابختكم بالأنوار المحمدية والله وربنا يوعدنا يارب ..اللهم صلي وسلم على رسولنا الكريم

Quote: ندوية ارفعي معنوياتك براك بقناية طويلة يعني شنو مثلا جيبي جريدة سودانية فيها كلمات متقاطعة وحضري قلم رصاص مبري بالجنبتين زي عبدالجليل محمد عبدالجليل لا لا احس بجنبة واحدة لان اللستيكة مهمة للمسح وقبل ما تبدي في الحل ختي ليك شاي في النار بشرط تكوني بتولعي في البوتجاز واتصفري اوس اوس حركات المصريين ديك يا خي ديل برفحوا روحن براهن يعني بعرفوا يرفعوا معنوياتهم بالصح ولا بالكضب يعني سوي الشاي وانت تصفري وتغني ويا حبذا لو معاها شوية سكسكة ، البشير بسكسك عشان ازبط السياسة بالكمونية ، لو عندك شربوت خلليهو واربطي سنة بالشربوت وبعد دا زبط شديد للصباح .... الاحزان تدغدغ النفس وتردخها لحين من الدهر وقد تصفى النفس بعد الحزن وتدخل في افراح جديدة وهكذا دواليبك وادراج الرياح تجبرك على السير في اتجاه واحد .

مابحب الشاي لكن دخلت طوالي بعد كلامك ده ظبطت لي كوباية عصير تقيل وانا بصفّر وبغنى ياطير ياماشي لي اهلنا و......طوالي اتذكرت أهلي وقعدت ابكي اها شفت جنس العوارة دي ؟!!

Quote: انت نيتك سليمة وطيبة والطيبات للطيبن ووالله العظيم انسان بهذه الصفات الحميدة ان الله لجبر بخاطرك ويبدلك باطيب منه ويبدل حزنك فرحا ..... اسع بفكك تبكي لكن ما بخليك كان ما سويتي الكمونية بالجبنة .

عارف ياابو فاطنة السمحة ؟!

ربنا لما قال فى محكم تنزيله الكريم (انا خلقناكم شعوبا وقبائل لتعارفوا) ماحدد وسائل التعارف بواحد اتنين تلاتة .. وهسي النت ده زاتو واحد من وسائل التعارف دي وبحمد ربنا العظيم انو سخّر لي معرفة امثالك من الانقياء الاتقياء الجميلين وربنا يديك انت برضو علي قدر نيتك الطيبة دي يارب ويخلي ليك أحبابك وأهلك ويسعدك دنيا وآخرة بحق جاه هذه الايام المفترجة ياااااااارب قول امين .ز

شعر جميل

Nasr

Quote: شعر جميل

قافية تتثنّي فى دلال وغنج ..تعانق الحرف المعشوق بكل شهوة القصيد ..تبّكي تارة وتضحك تارة أخري ثم تغفو غير آبهة باكتمال النص ولا وجع المخاض !!

Quote: نادية يا صديقة سلامات ومعزّة.. أرأيتك لو أنّ المناديل باحت بالذي بها هل يستحيل نسجها حرفًا في الحكايا... وخيطًا في (إبرة) الدّموع.. ... إن بلغ (العزاء) شوطه في (التّربيت) وحظّه من المواساة.. فذا المعراج أعدّه سلمًا للخروج أو الدّخول – لا فرق – طالعيه (مدادًا)، و(حزنًا)، و(خيبةً)، و(هدمًا)، و(منفى)، و(غربة)، و(أرق) بغير ترتيب مقصود إلا إذا ترتّب (الدّمع) في المناديل (الطّيبات).. وذهب الذي يأتي باتّجاه معاكس لـ(فكّوني ما في زول يمنعني!!)..

وحوش الحزن تتلقّف بنهم عجيب لحيظات الفرح المنكوب !!

نلهث خلف ثانية من الابتهاج من القلب ولا نجد الا النواح بين جنباته مقيم !!

كم هو كريه الحزن ياصديقي وكم (عكليت) ولزج !

Quote: بعضٌ منكَ لا يلقاكَ.. إلا في المدادْ إذ.. هكذا النّيرانُ تدفنُ غبنها في حزنِ ذاكرةِ الرّمادْ فاحفظْ لنفسكَ ضوءهَا لو مسّها شيءٌ من التّهميشِ في غبشِ الحيادْ

كن بالقرب دوما فلوجود كلماتك طعم البلسم ايها الرجل النبيل جدا ..

الجميلة الندية .. ندوية
حرفك مُوجع .
فالفراق له ملامح كريهه ..
ورائحة مؤذية ..
وطعم مرير ..
ونتشقق ونتناثر حطامابفراق الاحبه..
نسال الله ان يمنحناالصبر على فراقهم

بنت عثمان... المعادي,,,

Quote: بنت عثمان... المعادي,,,

ود احمد .. المعادي ساى ولا الحدائق ؟!!

اختي الصغيرونة ندوية------ ج ن ب الابراج

Quote: اختي الصغيرونة ندوية------ ج ن ب الابراج

أبراج الأطباء ولا العسكريين ؟!!

لو قلت القاهرة كلها حاتعرف بيتكم وين ..ماتقول سمح؟

الاخت الغالية نادية





عثمان

عبد العظيم



خلاص سسسسسسسسسسلّم عليها شديد

هي بتعرفك

المرهف الرقيق بشري سليمان

Quote: الجميلة الندية .. ندوية حرفك مُوجع . فالفراق له ملامح كريهه .. ورائحة مؤذية .. وطعم مرير .. ونتشقق ونتناثر حطامابفراق الاحبه.. نسال الله ان يمنحناالصبر على فراقهم

يداهمني فى منامي ليؤكد انه لم يمت فيزغرد قلبي نشوة و......استيغظ ولا أجد الا السراب فهل يخدعنا الأموات ام نخدع أنفسنا ياتري ؟!!

أختنا العزيزة نادية حاسي بيك و حاسي بألمك ...فكري في حاجة واحدة انو في الدنيا دي في مصايب أكبر مننا و كل زول بتعرض ليها لكن المهم أنو الحياة تستمر و دي أكيد رغبة أحبابنا الراحليين أننا نعيش بعدهم و نفرح و نبتسم لمن نتذكر اللحظات الجميلة معاهم و برضو نتذكر الموت و لكن بشكل ايحابي

بنت الخالة نادية..

سريناقمي وييبو...

وهاهم الأصدقاء والأحبة يمانعون ويمنعون ,انت بيننا كضوء النهار ترفلين في البهاء! الحياة هكذا بأحزانها وأفراحها، سعادة وشقاء، فلا تبتئسي عزيزتي.

والغد أحلى وأجمل وأنضر بأذن الله وتلك آخر الآحزان. كل عام وانت بخير...

زمراوى ود الخالة

ان هال مندي .. كمبو شديد ان شاء الله

Quote: بنت الخالة نادية.. سريناقمي وييبو... وهاهم الأصدقاء والأحبة يمانعون ويمنعون ,انت بيننا كضوء النهار ترفلين في البهاء! الحياة هكذا بأحزانها وأفراحها، سعادة وشقاء، فلا تبتئسي عزيزتي. والغد أحلى وأجمل وأنضر بأذن الله وتلك آخر الآحزان. كل عام وانت بخير...

تسلم على الكلام الطيب الجميل واكييييييييد طالما انا هنا بينكم ببقي بكرة احلي دون أدني شك باذن الله ..

خليك قريب دائما سمح؟

مودي

Quote: أختنا العزيزة نادية حاسي بيك و حاسي بألمك ...فكري في حاجة واحدة انو في الدنيا دي في مصايب أكبر مننا و كل زول بتعرض ليها لكن المهم أنو الحياة تستمر و دي أكيد رغبة أحبابنا الراحليين أننا نعيش بعدهم و نفرح و نبتسم لمن نتذكر اللحظات الجميلة معاهم و برضو نتذكر الموت و لكن بشكل ايحابي

أروع مافي الدنيا أن تجد من يشاركك احساسك بالوجع والالم والفرح ..أسعد قلبي جدا وجودي فى وسط كل هذا الحب الاخوي النبيل

سلمت من كل شر يااارب وربنا يديك على قدر نواياك الطيبة دي يارب

لكن يا نادية يا بتي حقاره خلاص

تفطيني قدر ده
عاد أشكيكي لي منو

لي ود خالك ولا أمي

يعني الحقاره بالعجوز إمنتهاك لحقوق العجائز

وعاد يا بتي الأمم المتحدة ما تحلنا

المهم
بقيتي أحسن وما داير أقول كويسه فالعافية درجات

وسلمي لي على الإمام الشافعي
كان مشيتي بصلاح سالم



الشايقي

فاوضني بلا زعل

الشايقي ود أمي

Quote: لكن يا نادية يا بتي حقاره خلاص تفطيني قدر ده عاد أشكيكي لي منو

غريبة !!

بتتكلم على ياتو فط ؟!!

مافي اي مداخلة انا مارديت ليك عليها ياخ !!

غاينو يا نادية
ما في شي مسجم سجيمان ومرمده غير صورك البتسجم الزول وترمده

كر على ضعاف القلوب

Quote: ما في شي مسجم سجيمان ومرمده غير صورك البتسجم الزول وترمده كر على ضعاف القلوب

د. محمد حسن

اقايتو بس ذكرتني المثل بتاع (الناس فى شنو والحسانية فى شنو)

الزولة الراقية نادية والله مشتافين
كل سنة وانت طيبة
وليك كثير السلام
تحياتى

بلدي ياحبووووووووب انت وين وييييييييين ياخي مطولة الغيبة مالك

Quote: الزولة الراقية نادية والله مشتافين كل سنة وانت طيبة وليك كثير السلام تحياتى

مشتاقين بالاكتر وماتختفي عليك الله

المكلومه ناديه ,, حار التعازى وانشاء الله ربنا يصبرك .

انا كنت مارى فى بوست ابكدوك بالشارع التانى ودخلت واستمعت للقصيده

واعجبت بالصوره الجديده وعملت شوية غزل اكترونى وطلعت , وجيت بشارعكم ده

ولقيت صيوان البكا ودخلت وحقيقة تاثرت لكمية الحزن النبيل الظاهر على كل الوجوه ,

واعذرينى اصلى برلوم واول مره اسمع بفاجعتك دى من البوست ده , اسأل الله ان يمدك بقوه

لتجتازى كل هذا الحزن , فوالله صدقك فى الالم والحزن يكاد يقفز خارجا من الشاشه , وتعابيرك

العفويه التلقائيه اكدت لى كم هى الانثى اكبر واكثر وفاءا منا نحن الرجال ,

لن اقول لك انسى ولكن تظل الرحله مستمره طالما هنالك محطات للوقود فى الطريق , فزودى

عقلك وقلبك من جديد وانطلقى فى الطريق وهذه سنة الحياه ..

لك كل الموده والحب وخالص العزاء ,,

كمال سالم

قاتل الله الحزن












..
نادية
كل سنة وانتي طيبة

الشفيع عوض شوشتا

وانت بالف خير وكل احبابك بالف خير يااااااااااارب





أنا كويسة ماتقلق علي ود خالتي الغالي سمح؟

الرجل النبيل كمال سالم

Quote: اسأل الله ان يمدك بقوه لتجتازى كل هذا الحزن , فوالله صدقك فى الالم والحزن يكاد يقفز خارجا من الشاشه , وتعابيرك العفويه التلقائيه اكدت لى كم هى الانثى اكبر واكثر وفاءا منا نحن الرجال , لن اقول لك انسى ولكن تظل الرحله مستمره طالما هنالك محطات للوقود فى الطريق , فزودى عقلك وقلبك من جديد وانطلقى فى الطريق وهذه سنة الحياه ..

شكرا جميلا علي هذه الكلمات الطيبات ويبقي الحزن هو المعني الوحيد الأكثر صدقا فى العالم ..وتبقي قدرتنا على التجاوز محدودة ولكنها ليست مستحيلة وفي هذا رحمة من رب العالمين !!!

بت عمة الموصلى (ح احكى) ليك نكته فى الحتة دى لمن بكرى يرجع الخاص!!
أو نتلاقى فى الأحساس اقصد فى (ندوه) أو (فعاليه) وما تنسى الشرائط معاك!

Quote: Re: فكونى مافى زول يمنعنى

يفكوك انت أحسن ولا ورقة دولار ابو 100 ؟؟

تاجو

Quote: بت عمة الموصلى (ح احكى) ليك نكته فى الحتة دى لمن بكرى يرجع الخاص!!

اها وفرضنا بكري ده ركب رأسو ومارجع الماسنجر كلو كلو .. أموت انا بشماري ياخ

Quote: يفكوك انت أحسن ولا ورقة دولار ابو 100 ؟؟

ورقة بمائة طبعا وتديني نصها سمح؟

الاخت الغالية نادية...مصر..زحمة .. مازي النرويج...


][l

Quote: الاخت الغالية نادية...مصر..زحمة .. مازي النرويج...

عبد العظيم والله نحنا الهدؤ ده مشتاقين ليهو عددددددددديل .. تبادل ؟؟

اختي نادية بنت حاج عثمان

واحد في الاتنين من تلاتة

2-يا تجي انتي للهدوء
1-اونرسل ليك الهدوء يجيبك لينا
3=الاجابة الصحيحة

الحبيبة نادية..
كل سنة و إنتي طيبة..
ربنا يخلي ليكِ الأمورة..
و تعيشو و تفتكرو.

ممكونة حبيبة قساي

Quote: الحبيبة نادية.. كل سنة و إنتي طيبة.. ربنا يخلي ليكِ الأمورة.. و تعيشو و تفتكرو.

تسلمي لي ياغالية وشكرا على الاطلالة الطيبة وربنا ماحرمني قلوبكم النقية دي يااااااااارب

ناديه.......
والله بالغت عدييييل كده
معقول ؟......
وتصدقي يعني ..
نفكك في الحاله دي .
بتبالغي عدييل
شنو نحن
يعني خلاص ....
معقوله
لالالالا
قولي حاجه غير كده


ابوتسابيح

الكتاب الجديد للصحفية نادية عثمان

ياجماعه الزوله دي المسكه منو يمسكو البوليس انشاالله

Quote: ياجماعه الزوله دي المسكه منو يمسكو البوليس انشاالله

محمد الطيب حسن

Quote: ياجماعه الزوله دي المسكه منو يمسكو البوليس انشاالله

مسكتني الظروف (القاهرة) والله لكن الله غالب !!

عاين

فيلمك ده عاجبني جنس عجب ..بتعرف تجيبو لي كاااااااامل في البوست ده ؟!!

عبد العظيم اخوي سلامات

Quote: الكتاب الجديد للصحفية نادية عثمان

بالجد لو انت الصممت الغلاف ده كلمني لانو فعلا بجهز في تلاتة كتب تحت الطبع وعايزة أفكار مبتكرة للأغلفة وتكون ماقصرت معاي اخوي الغالي قلت شنو ؟؟!

جد بصمم وح اصمم ليك اخوك فنان

انا برضو عندي كتاب لسه ما تم

عبد العظيم اخوي

Quote: جد بصمم وح اصمم ليك اخوك فنان انا برضو عندي كتاب لسه ما تم

لو جادي شددددددددددددددديد

أنا عايزة تلاتة أغلفة لتلاتة كتب في أسرع فرصة سمح؟

اختي الغالية نادية
سمحين...
ارسل معلومات الكتب او مضامينها
وتصوراتك
الاميل بتاعي

[email protected]




ح اوضب ليك اغلفة بالكمبيوتر بتاعي الفوق دا انما ايه
بصي يااستاذة نادية .. واخدة بالك

Quote: ح اوضب ليك اغلفة بالكمبيوتر بتاعي الفوق دا انما ايه بصي يااستاذة نادية .. واخدة بالك

الكمبيوتر بتاعك رهييييييييييب جدا والله !!

اها راجع ايميلك سمح ؟؟

العوض المسلمي

Quote: قولي حاجه غير كده

حاجة غير كده

Quote: Quote: لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه وما ذهب يانادية انما خٌٌُيل لك؟ لن يذهب.. فرائحته فى القلب.. فى موية الروح.. فى عطر مخلوط فى شهقة غمامة.. فى عيون عجنة روحك وروحه...فى البنت الحمامة وفى نبضات قلبك... انظرى.. انه يبتسم لك ويمنحك القدرة على الغناء..

ياأخواتنا ده شنو ؟؟؟ تغيب تجي تلقى البوستات شبعانة شجن وشحمانة حس وإحساس !!!!
نادية فكوها ... ومافي زول يمنعها ولا يجي جنبها ... أها ونحن زاتنا فكونا خلونا نسوي شنو كدا ماعارف
أوف
أوف
أوف
مع ألف سلامة للجميع ....

أحمد موسي ايها الرجل النبيل

Quote: أها ونحن زاتنا فكونا خلونا نسوي شنو كدا ماعارف

سوي اي شئ في الدنيا أخوي بس أبعد من الحزن بجيب المرض سمح؟

انعام حيمورة حبيبووووووووو

اخدمك وانتي عروس قولي آآآآآآآآآآمين

(كل سنة وانتي طيبة )


ويلا افرحي !!

كيفِك يا إنعام ..
إنتي كويسة؟

Quote: ويلا افرحي !!

والله أفرح جنس فرحة كمان !!

ياخ انا الله حبيبي يديني ناس زيكم وماافرح والله الا اكون كافرة عديل !!

رسلت ليك ايميل ياخ الصورة وينها ؟؟

ندوي

اهة ..

بس اوع من الدوخة !!!!!!!

لووووووووول

ناعومي بت عمو حيمورة

وحاة النبي رسلت ليك ايميل اعملي رفريش لي بريدك يا البريدك ياخ !!

ود الجيران .. ازيك

كل سنة وانت طيب ربنا يحقق الاماني !!

ندوية ازيك !
انت لسه ممسوكه ؟؟ والله سويتى افرش وتخين !!
عارفه (جيبى اضانك) احر حاجة فى ميتت الراجل دى
الاربعة شهور وعشرة يوم !!
يابتى استغفرى ........ وارجعى !!
النسوان الماتن معاهو رجالن هسه شفعهم يلعبو !!!!!!!!














ـــــــــــــــــــــــــ
ندوية بينى وبينك الرجال البموتو ديل بتلقوهم وين ؟؟؟؟؟؟؟

دينا خالد العسللي

Quote: انت لسه ممسوكه ؟؟

اسوي شنو العلي قوي ..دستور يا أولاد ماما !!

Quote: عارفه (جيبى اضانك) احر حاجة فى ميتت الراجل دى الاربعة شهور وعشرة يوم !!

يازولة والله (ميتة) الراجل كلهاااا حارة زي النار ..الله ماضوقك يابت أمي وان شاء الله بعد الضقته أنا مافي مرا راجلها يموت كلو كلو يارب !!

Quote: يابتى استغفرى ........ وارجعى !!

استغفرتك يامالك روحي !!

Quote: النسوان الماتن معاهو رجالن هسه شفعهم يلعبو !!!!!!!!

شفعهم بالجديد ولا القديم حددي عشان مايتلخبت علينا الاختساس وكدي !!

Quote: ندوية بينى وبينك الرجال البموتو ديل بتلقوهم وين ؟؟؟؟؟؟؟

بعرف لي كم وأحد كده جاهزين يعرسوا بي جاي وبردلب يموتوا لكن تعالي بعد شهر كده هسي الطلبية ناقصة في السوق

نادية الحبيبة
يا من تستحقين الفرح فقط
(طبّفي) الحزن و (تبتبيهو) كويس و ضعيه (بدون رفق) على رف خزانة مصفحة لا تنفتح أبداً
دايرة أقول ليكي حاجة يا أمي
أنهري الحزن بيتنهر
الحزن دة (إرادة) توديهو لما وراء الشمس..الدنيا دي صحي حلوة..

نادية الحبيبة
الغالية..
أي دمعة
حزن
لا
لا
لا...



حفنة سالينوس
is not included here


"
A long time ago, in Victorian times, flowers had strong meaning and each specific flower sent a clear signal about how the giver was feeling toward the receiver. It was a great way for people to communicate, using the flowers to speak words that were sometimes difficult to say.

In modern times, not everyone is familiar with the meaning of flowers; but when a person gives flowers to another the gesture itself means one of caring, concern, sympathy, friendship or love. The meaning of flowers today depends on what situation is occurring when someone is the receiver.

Roses will always mean romance, especially when it comes to red roses. However, any woman who receives a rose of any color from a man is getting a very clear signal that he is using the meaning of flowers to convey that he wishes to show affection for her.

When a person has a feeling of emotion that is very strong, they may ask flower experts to tell them the meaning of flowers or may express what feeling they wish to convey and then choose that particular flower to give. Even though roses will always mean romance and when a man gives a rose to a woman, neither one of them think about the meaning behind the particular color, each color of rose does indeed say something.

A pink rose stands for friendship, while the red of course will send words of passionate love. White means purity; when red and white are put together the meaning is one of unity. Yellow on the other hand means jealousy; quite a few people are aware of this and should take notice when given this flower.

A black rose rarely means anything good; there are several theories behind the meaning of the black rose and all are dismal. It is most commonly recognized that if a person is given a black rose, the sender wishes harm. Luckily, the majority of flowers will send kind words.





Site Map
For contacts: contact (@) types-of-flowers.net Easter 2008 | Different types of flowers and plants. "

نادية أختي العزيزة
تحيات وسلام

وجدتني في دارك العامرة
صاحبة الدار وضيوفها
عواطف جياشة صادقة.. تستحلب عصي الدمع
صدق مشاعر .. يضيع في خضمها الكلم
نبل وطيبة .. تعوض الفرد في غربته عن عزيز فقده لمراتع صباه

سلام هو إذاً
وتأكيد حضور
وطلب لمعاودة الزيارة
إن رأيتمونا أهلاً لبهائكم هذا

عاطف عمر صديقي العزيز

Quote: وجدتني في دارك العامرة صاحبة الدار وضيوفها عواطف جياشة صادقة.. تستحلب عصي الدمع صدق مشاعر .. يضيع في خضمها الكلم نبل وطيبة .. تعوض الفرد في غربته عن عزيز فقده لمراتع صباه

وأمام صدق كلماتك الحانية (يتجلّط ) النزيف ويعود القلب مضخة للحياة رغما عن تيبّس الفرحة في الروح !!
لوجودك دوما طعم الطمأنينة في عوالمي وبيوتاتي فعدني أن لا تقطع عني زيارتك الطيبة كمثل هذه أبدا ..

وشكرا نبيلا علي كل نبلك معي ايها الرجل البسلم ..!

صفوية بت فقيري

ياخ انا قلبي حاسس انك بت فقيري عمي في دنقلا رأيك شنو انتي ؟

الزولة البريدها من قلبي لنا بت عم مهدي

Quote: يا من تستحقين الفرح فقط (طبّفي) الحزن و (تبتبيهو) كويس و ضعيه (بدون رفق) على رف خزانة مصفحة لا تنفتح أبداً دايرة أقول ليكي حاجة يا أمي أنهري الحزن بيتنهر الحزن دة (إرادة) توديهو لما وراء الشمس..الدنيا دي صحي حلوة..

كلامك الحكيم ده بحبو شديد والله وبنزل علي قلبي بردا وسلاما !

ربنا يسعدك ويهنيك وماتبعدي عليك الله وخليك قريبة جدا دائما يالنوية الحبيبة سمح؟

نادية
كل يوم بتاوق و افتح صفحة للرد وأكتب كلام كتير
وارجع امسحه
بشوفها ما مناسبة ولا بتشبه روعة المشاعر و صدقها
إنتي عبارة عن قلب عندو زول
تسلمي



لكن جابتني الجن المصرم دي

Quote: ندوية بينى وبينك الرجال البموتو ديل بتلقوهم وين

لا يجوز تناول الشربوت بعد خامسة العيد

الأخت الحبيبة
نادية

لا يقدر على الوفاء إلا أهله...
رحم الله محمد أبا إيمان وصبرك...
يا ربي إيمان عاملة كيف؟
وفي إنتظار بقية القصص القصيرة

لكي خالص المودة وكل عام وأنت بألف خير يا نادية

محبتي
غادة

Quote: فيلمك ده عاجبني جنس عجب ..بتعرف تجيبو لي كاااااااامل في البوست ده ؟!!

اجيبو واجيب ابوه والله لو بالفكي اجيبو انت تأمري بس

محمد الطيب حسن

Quote: اجيبو واجيب ابوه والله لو بالفكي اجيبو انت تأمري بس

الفكي ده مشيت تجيبو من نيجيريا ولا شنو ؟؟

الحبيبة القريبة للقلب غادة عبد العزيز خالد

الف تحية يادودي العسللي

Quote: رحم الله محمد أبا إيمان وصبرك...

اللهم أرحمه بقدر مكان نادرا هذا الرجل ..جميل الدواخل ..نقي الروح ..كريما ..ورجلا بحق ..

Quote: يا ربي إيمان عاملة كيف؟

حبيبتي بت الحبيب ايمان دي ياغادة ..هي بخير الحمد لله ..بشوف فيها محمد ..بتشبهو شديد جدا ..بتسلم عليك وبتقول ليك تسلمي ياخالتو دودي العسل

Quote: وفي إنتظار بقية القصص القصيرة

عارفة؟؟

البوست ده اتغير اتجاهو خلاص ..لكن اوعدك بنقل فكرة كتابة القصص القصيرة لبوست اخر حاافتحو اليومين الجايين سمح؟؟

محمد البشري الخضر العزيز

Quote: كل يوم بتاوق و افتح صفحة للرد وأكتب كلام كتير وارجع امسحه بشوفها ما مناسبة ولا بتشبه روعة المشاعر و صدقها

عارف ؟

انت لو جيت هنا وختيت (نقطة) بس ومشيت بتعبّر لي تمام عن الجواك من احساس نبيل وأخوي حنون !!

صدقني يامحمد انت وجودك في أي مكان وزمان باعث علي الفرحة بشكل ماتتخيلو عن جد والله !!

Quote: إنتي عبارة عن قلب عندو زول

وانت عبارة عن ملاك شكلو زول !!!

تسلم لي أم حتوت ويسلموا ليك كل حتاحيتك يارب

Quote: وانت عبارة عن ملاك شكلو زول !!!

انا زاتي فكوني
مافي زول يسألني


كل سنة وانت طيبة و تمنياتي لك بعام جديد مليء بالسعادة وعامر بالمحبة




ليه كدا يانادية؟
إنتي ما عارفة أن الملائكة (قد تفشل أحيانا)