Post: #1 Title: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-19-2007, 03:16 PM
بتغنو وغناكم يضاهي زمن الحقيبة دى قلبت فيها هــــوبة عديل كدا!.. الكلام دا كبير عليك وماقدرو! و كيف سمحو ليكم تقولو كلام زى دا فى التلفزيون كـــــــــــلام يا طـــــه ســليـمان تعال عليك الله غني لينا حقيبة وبعدين نقارن هل أنت بتعرف تغني ولا لا. لقيتوها فـــاضـيـة وقدلتو............................................... كـــــــــــلام يا طـــــه ســليـمان
شوف الكلام دا وبعدين ضاهى بين أغانيك وأغاني الحقيبة..
احترامى ليك...
احترامى ليك من صميم قلبى غير مااشعر اتفاءل عليك والدليل حبى شوف دموع عينى سايلة فى خدى من لهيب الشوق برضومافى خلاص هكذا ياظالم جزا الاخلاص دوبت فى حبك والفؤاد مجروح .......................... ...................... .................... ............ إلى النهاية
ولا دى
ماهو عارف قدمه المفارق يا محط آمالي السلام فى سموم الصيف لاح له بارق لم يزل يرتاد المشارق ................... ................. .................. .................... إلى النهاية
_____________________________________________________________________ ديل ضاهيت بيهم بياتو غنية عليك الله!!!!!!! الزووول دا خلو يرووق فى علبو
لقاء فني درجة رأبعةوعدم الارتقاء لمستوى نقاش مثمر ومفيد ضعف فى الاداء وصوت مرتجف .. وفى مثل هذه اللقاءات ينكشف المستور والسبب المعالجات الصوتية التى تتم بعد التسجيل غير متوفرة ......
____________________________________ لو فى وأحد عندو تسجيل لقاء أول أيام العيد ينزلو وحنسمع كــلام طــــه سليمان فى حق الحقيبة والناس الغنو بيها ....
كـــــــــــلام يا طـــــه ســليـمان قلت لى شنو!!!
Post: #5 Title: Re: كـــــــــــلام يا طـــــه ســليـمان قلت لى شنو! Author: نادية عثمان Date: 12-19-2007, 08:54 PM Parent: #4
Quote: لقاء فني درجة رأبعةوعدم الارتقاء لمستوى نقاش مثمر ومفيد ضعف فى الاداء وصوت مرتجف .. وفى مثل هذه اللقاءات ينكشف المستور
اخي معتصم ..
غايتو انا لو كنت في لجنة النصوص كنت احلته بخطاب رسمي للنظام العام ووصيت بمحاكمته بالجلد او السجن او بالعقوبتين معا لازعاجه المتعمد للمستمعين ..
احاول بشتى الطرق ان اقنع اذني بالاستماع له فترفض المرة تلو الاخرى .
حليلكم يا ناس مرغني المامون واحمد حسن جمعة ...
ود الباوقة
Post: #19 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-20-2007, 09:59 AM Parent: #7
الأخ ودالباوقة عيد مبارك
دا أزعاج ووجع رأس لا غير... وكمان أول أيام العيد ولحمة مافى
Post: #8 Title: Re: كـــــــــــلام يا طـــــه ســليـمان قلت لى شنو! Author: فيصل نوبي Date: 12-19-2007, 10:01 PM Parent: #1
سلام للجميع أحمد & نادية & ودالباوقة ما حضرت الحلقة دي للاسف مع اني من عشاق الضرب علي الميت
لكن عندي تسجيل قديم من شهر (7) 2007 تحديداً الكلام ده كان في سهرة علي قناة النيل الازرق يوم الثلاثاء 17/07/2007 قام المذيع سال طه : "يا طه انت لما سجلت الفيديو كليب .. ليه كنت لابس سلسلسة و كان القصد منها شنو"
ويا حبذا لو حرص المسئولين عن التلفزيون والفضائية تحديدا على
مراجعة أي مادة وحذف كل ما قد يحسب عليهم من الغث .
تحياتي
صلاح واسبه
Post: #20 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-20-2007, 10:06 AM Parent: #8
أخى نوبي
رد عجيب والله ومضحك..المصري ردو أحسن منو.... أنت ماشفت سلسل أمس مبالغة والشعر أبلغ منو كمية من الودك جابو من وين أنا ماعارف خرفان السنة دى مافى... قلت لى بتحب الضرب علي الميت
Post: #22 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-20-2007, 10:21 AM Parent: #12
أخي اساسي كل عام وأنت ومن مع بالف خير
طــه ياراجل الكان بغنى داك ماتقول لى مابتسمع ليهو !! الظاهر أنت ما سميع ولا بتعرف أى حاجة طلعتة كيييييت يا اساسي
Post: #21 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-20-2007, 10:15 AM Parent: #9
الاخ وليد
ماقلنا ليك محسنات كانت مافى وطه اظهر الامكانيات بتاعتو تعبانة شـــدددديد خــالص ...مصر أحسن ليهو فيها مكياج ومنكير وبدكير وصوتو بطلع أحسن من فى السودان عارف لى .! أنا برضو ماعارف كفاية مرض يا ناس التلفزيون كفاية.......
Post: #14 Title: Re: كـــــــــــلام يا طـــــه ســليـمان قلت لى شنو! Author: عاطف عمر Date: 12-19-2007, 11:52 PM Parent: #1
تحياتي يا أحمد وكل عام وأنت بألف خير
إضافة لما ذكرت فقد توقفت - أيضاً - عند فقدان اللباقة
فقد سألت المذيعة الفنانين المستضافين - بعد مقدمة طويلة عن خصوصية وضع الفنان - عن كيفية تعاملهم الإجتماعي كـ ( فنانين ) مع العيد في أحيائهم . بدأ الفنان جمال فرفور بما معناهو أنه قد ( لف ) على الفريق وبارك العيد على أهل حيه وبعد ذلك حضر لهذا التسجيل . بدأ ( الفنان ) طه قوله " أنا ما حأكضب عليك زي جمال وأقول ليك لفيت الفريق .... وأعاد مرة أخرى ( كضب جمال ) وبدأ يغالطه عندما حاول جمال الإستشهاد بأحد العازفين
فعلاً الحق علينا نحنا البنحضر زي الكلام دا
Post: #18 Title: Re: كـــــــــــلام يا طـــــه ســليـمان قلت لى شنو! Author: اساسي Date: 12-20-2007, 00:00 AM Parent: #14
ات الود السجمان دا ما كان بمدح في امان الله ولما يغني بغني حاجات زي الكنداكة وكدا اسع بقي مجلط بالفازلين زي بروة الغسيل وبنظر كمان في الحقيبة؟ بالله الود المايع دا بقوا يجيبوا في حلقات العيد كمان ؟؟ علي القسم دا انا في حفلة وداع ما اجيبو
فعلآ حوار خاوى وأدارة الحوار كانت تشكل صعوبة بالنسبة لمقدمة البرنامج مع وجود مشاكل كثيرة والسبب الضيوف !!! كانت أجاباتهم خاوية وغير منطقية وتخلو من اللباغة وفى هذه الحالة يصعب على مقدم البرنامج أدارة حوار جاد يخدم صلب الموضوع الأساسي وهو الخروج بخلاصة تفيد المشاهد ولكن الظاهر هذا استخفاف بعقول المشاهدين ليس إلا.................. والكلام ماليك يافخري فلقد كنت فاكهه الحلقة وشمارها وعليك الله تانى قبل ماتجي التلفزيون اعزل ليك ناس بعرفو طــق الحنك والمنطق والفصاحة وبتغني حقيبة قديمة ما حقيبة هسع..... وكلام يا طه ســلــيــمــان
لو انت فى السودان وحضرت التلفزيون فى العيد أقول ليك: تستاهل!. ولو مسكين زينا أقول: يا عينى خرمان محنة وأهل وربنا يعوضك.
حتى عضو فرقة تيراب فخرى خالد طلع أى كلام من وجهة نظرى!!. لمن قالوا ليه النكات عندكم مجرد هرجلةولا تحمل معانى وحكمة من وراءها, قال ان كل النكات عصارة فكر وفيها حكم وقيل له قل اسرع نكتة قال: ابكر قال لزوجته يا هبسة عليك الله كم عمرك? قالت أمرى تلاتين سنة! قال: سبهان الله نفس مقاس جزمتى.??!!
طلع الحكمة بقى إنت !!.
فرفور غناي وأحب غناه وخاصة الحقيبة, ولكن يا للصدمة!!, ما بيعرف بيتكلم كلو كلو ليس بطريقة مرتبة وسلسة فحسب بل يكاد يكون عيا!!مع انه خريج قانون!!---------
الأخ الفاضل ابوالقاسم ابراهيم وأنت ومن معك بخير والله لوكنت فى السودان مع عدم اللحمة دى وحلقة مخستكة زى دى كنت موته وشبعتة موت .. أنا خرمان محنةوأهل زى حلاتك كدا ويجوك ناس طه ديل يطلعو زيتك زيادة. مرض يا صاحبي مرض .... فرفور متكبكب زى الباك الجناحو مجهجهو لاقادر يطلع فى الاوت ولا يقرش للقون
ومن ناحية بغنى بغنى بس فى الحنك قاعد كنب وطق حنك مافى يعنى طلع كيييت ......... .......
Post: #28 Title: Re: كـــــــــــلام يا طـــــه ســليـمان قلت لى شنو! Author: ناذر محمد الخليفة Date: 12-20-2007, 05:25 PM Parent: #1
سلامات أحمد معتصم .
عندما تناقشنا في هذا البورد في بوست مطول حول تجربة فيديو كليب طه سليمان الجديد دافعت عن تجربته بإستماتة حقيقية وطلبت من المعارضين إعطائه فرصة له ولجيله لإثبات وجودهم كجيل له كينونته الخاصة ويجب على على النقاد إحترام تجربته وخصوصيتها ، بل وذهبت أبعد من هذا البورد حين كتبت مقالا في صحيفة السوداني للدفاع عنه ضد من يهاجمونه في ذلك الوقت ..
وقد كان أخشى ما اخشاه هو أن يصيب طه سليمان الغرور والتكبر لما أعتبرناه عملا فريدا يحسب له ولجيله وأن عليه أن يسير بخطى ثابتة تجاه إثبات نفسه ولكن ..!
أن يستبد بـ طه سليمان الغرور ليقذف بهكذا قبح وبكل إستهتار وأن يحاول (مجرد محاولة) مضاهاة ما يحدثونه في الساحة الفنية هذه الأيام بأغنيات الحقيبة فهذا لعمري هو الشطط بعينه !!..
ويبدو أننا على أعتاب سقوط أمل أخر كنا نضع عليه الكثير لإحداث نقلة للأمام ، ولكن بدلا من أن يفعل ما كنا نرجوه بإذا به يعود للوراء للحط والنيل من قدر من سبقوه من عمالقة وملحني الحقيبة !
Post: #29 Title: Re: كـــــــــــلام يا طـــــه ســليـمان قلت لى شنو! Author: نادية عثمان Date: 12-20-2007, 05:46 PM Parent: #28
كلنا نتمنى للشباب الواعد المتطلع للارتقاء بالغناءالسودانى كل خير ونحترم مايقدموا فى حدود المقنع ليس إلا.. ولكن عندما يصل الأستهزاء والمقارنة بمن تغني ولحن وكتب أغاني الحقيبة فهذا تعدى على الملكيةالعامة وهى من حق الشعب السوداني أجمع ولانسمح بمثل هذا أبدآ.... لقد كتب هذا الــ طـه.......... نهايته وحكم على نفسه بالاعدام بل الشنق على ساحة الغناء السوداني الذي قدم فطاحلة الفن ولازال يقدم والامثلة كثيرة وليس مجبرين أن نوضح لـ طه من هم ...وعليك أخي ناذربتوصيل هذا الاحتجاج بنفس الطريقة التى دافعت بها عنه وأن تستميت فى توصيلهاله.....
مع شكرى..
Post: #31 Title: Re: كـــــــــــلام يا طـــــه ســليـمان قلت لى شنو! Author: ناذر محمد الخليفة Date: 12-20-2007, 06:28 PM Parent: #1
الأخ معتصم :
راجع هذا الرابط من مكتبة عبد العزيز خطاب لترى بنفسك كيف إستمتنا في الدفاع عنه ثم أتى هذا الخذلان بأسرع مما نتصور :
Post: #34 Title: Re: كـــــــــــلام يا طـــــه ســليـمان قلت لى شنو! Author: ناذر محمد الخليفة Date: 12-20-2007, 07:51 PM Parent: #1
نادية :
Quote: ياناذر حرم النور فنانة ممتازة سلم عليها بالله
والله حرم النور دي عندها صوت جمبل بشكل ما عادي وسابق عمرها من حيث الإمكانيات والتطريب وخلافه ..
سيكون لها مستقبل باهر بإذن الله تعالى إذا ما واصلت على هذا النوال ووجدت من يدعم تجربتها بالنصوص والألحان الجيدة ..
Post: #35 Title: Re: كـــــــــــلام يا طـــــه ســليـمان قلت لى شنو! Author: خالد علي محجوب المنسي Date: 12-20-2007, 09:24 PM Parent: #34
Quote: يا طه انت لما سجلت الفيديو كليب .. ليه كنت لابس سلسلسة و كان القصد منها شنو"
إتخيليو الرد كان كيف
وأنا أجمع شتات أفكاري لمداخلة في بوستك أخي أحمد معتصم الطيب طلت علي من الفضائية حلقة ثاني أيام العيد المساء يتغنى فيها المطرب كمال ترباس وعاصم البنا يتجادعون أبيات أغنية أذكري أيام صفانا...
النهر لينا إقترب والطيور تسجع طرب عاملا مزيقت قرب نحن صار موكبنا عامر في طرب في نشوة في رقة وحبور
قولي له استحي علي دمك ...........
Post: #37 Title: Re: كـــــــــــلام يا طـــــه ســليـمان قلت لى شنو! Author: خالد علي محجوب المنسي Date: 12-20-2007, 09:33 PM Parent: #35
Quote: الفنانة حرم النور فى اليوم التانى شفتها ؟
ياناذر حرم النور فنانة ممتازة سلم عليها بالله
حرم النور قد استطاعت أن تصل لدرجة تطرب من جيل والدها وجيلها وأكيد سوف تطرب الجيل الذي يعقبها متل حرم يجب أن ترعى ولتطوير أمكانية أدائها فهي تمتلك أمكانيات صوتية رهيبة.
دا ماسكة أم فريحانة ساكت لسع المشوار طويييل قدامو دا لو الدوراب البقول فيهو دا ما جابو الواطة...السهرة الزى دى كبيييرة عليهو ولافاضي ليها ..هو فاضى من العدادات خليهو يسرح ويمرح فى موسم العيد...
زى الكلام الاتقال فيهو دا النفخو وكبر راسو وكمان يقارن ويفتي فى ناس الحقيبة خلى يشوف السهرة الشغالة هسع يمكن يتعلم على الاقل يرد ويدى وياخد فى الحديث
Post: #39 Title: Re: كـــــــــــلام يا طـــــه ســليـمان قلت لى شنو! Author: ناذر محمد الخليفة Date: 12-22-2007, 09:52 AM Parent: #1
نشوف !!
Post: #40 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-22-2007, 10:40 AM Parent: #39
عليك الله ح تشوف اكثر من دا شنو ولا لسع حتستميت فى الدفاع عنه!!!???!! كفاية دفاعع عن ناس مابتستاهل ياناذر نفختو مافيهو الكفاية خلاص ... يجب أن يقف عند هذا الحد ولا شنو .ولاأنا غلطان.. ....... ..... ... .. . نشوفك
Post: #41 Title: Re: كـــــــــــلام يا طـــــه ســليـمان قلت لى شنو! Author: احمد معتصم الطيب Date: 12-22-2007, 11:42 AM Parent: #40
يجب على جميع الاقلام التى اقامت الدنيا لترفع مكانة طـه سليمان أن تكون صادقة أيضآفى الرد ومعاتبة طـه فى هذا الكلام الذى اصاب الحقيبة بجراح. وأنا هنا لم ولن انادى بأن يتوقف طه عن الغناء وليس لى الحق فى ذلك .. وكماذكرت أتمنى لكل شاب دخل هذا المجال كل التوفيق ولكن حين يصيب الغرور البعض ويتعدى على أهرامات الغناء فهذا مرفوض مرفوض ..ويجب على الصغار أحترام الكبار. ولم نطالبهم بالسير فى نفس الطريق ولكل شخص حرية التعبير عن نفسه وبالطريقة التى يراها مناسبةوالى من يستمعون له..
أنا انبح اليوم كلو أمس بوستى بوستى وأقول الزووول طـه دا قال كلام عجيب وغريب فى ناس الحقيبة لحدى ما الباشمهندس رجع لى البوست بتاعى .وأحد فيكم ماقادر يقول لى طــه دا عينك فى راسك مافى!!!.. بس لو نزلو غنيوة ليهو تجو جارين عمل جميل .لحن مبالغ فيه.. سلسل فرعونى.جزمة إيطاليا. أنتو طــه عامل فيكم عمل ولا بتخوشو بوستى دا تعاينو فى الصورة وتتخارجو !!!
Post: #45 Title: Re: كـــــــــــلام يا طـــــه ســليـمان قلت لى شنو! Author: ناذر محمد الخليفة Date: 12-22-2007, 11:21 PM Parent: #1
Quote: ولكن حين يصيب الغرور البعض ويتعدى على أهرامات الغناء فهذا مرفوض مرفوض ..ويجب على الصغار أحترام الكبار.
Post: #46 Title: Re: كـــــــــــلام يا طـــــه ســليـمان قلت لى شنو! Author: خالد علي محجوب المنسي Date: 12-23-2007, 12:33 PM Parent: #45
Quote: يجب على جميع الاقلام التى اقامت الدنيا لترفع مكانة طـه سليمان أن تكون صادقة أيضآفى الرد ومعاتبة طـه فى هذا الكلام الذى اصاب الحقيبة بجراح. وأنا هنا لم ولن انادى بأن يتوقف طه عن الغناء وليس لى الحق فى ذلك .. وكماذكرت أتمنى لكل شاب دخل هذا المجال كل التوفيق ولكن حين يصيب الغرور البعض ويتعدى على أهرامات الغناء فهذا مرفوض مرفوض ..ويجب على الصغار أحترام الكبار. ولم نطالبهم بالسير فى نفس الطريق ولكل شخص حرية التعبير عن نفسه وبالطريقة التى يراها مناسبةوالى من يستمعون له..
تحية طيبة أخي أحمد في مر من المرات سمعت شاعر من البطانة يقول : نحن أهلنا ربونا للأعور أعور .. بل نقول أن فلان كريم عين. وأن لا نقول للشحاد شحاد بل نقول فلان متعشم. والسراق لا نقول له حراحي بل نقول مهاجري أو همباتي. الأدب صفة ماطفت على شخص ألا كسته حُلة من أفخر أنواع الحُلل. المتابع للحركة الفنية في السودان ومنذ قديم الأمد كانت في حالة تطور هادئ وعلى نار خافتة ويتم فيها تسلم الراية جيل بعد جيل ودوماً كانت الإضافة الطيبة الجميلة من الجيل الذي يعب الذي سبقه. ولو نظرنا مثلا ودعنا نحدد من زمن الغناء والطمبرة وكان هناك من الفطاحلة في هذا الزمن وعقبهم زمن الحقيبة أضافو فأحسنو وأجادو ثم جاء الكاشف بمدرسة جديدة وكانت الروعة ثم وثم. نلاحظ دوما تكون هناك فترة معاصرة وإغتداء بمن سبق ثم تحمل الراية والامانة والتطور فجاءةً تسمكرت هذه الحركة ووقفت وصارت الحركة أكثر من الهادئة بل يمكن أن نقول ركود ( من نهاية الثمانيات إلى الآن ) لا أقول كل هذا الجيل فاشل لا حاشا وكلا هناك من بينهم من هم سائرين بالطريقة الصحيحة لذا ظل جسم الفن السوداني هذه الأيام كما جسم بشر في غرفة الإنعاش يتغذئ بالدربات. والسبب في ذلك خالف سابقه الذي كان معاصرة وتشرب ثم تطوير في حين أنه الآن الكثير منهم مجرد ماسمع أن صوته جميل في الحمام جاء وعاوز يطور وفي الحقيقة هو يطمس ويغير .. هذا رأي شخصي
..
.........