من سنين بسمع بقولوا فى أعياد ومن عمر طويل بجى عيد وبيمشى وبيجىء غيرو,, محاولات للاحساس بالعيد..لاجل الصغار ثم لاجلنا صباح العيد وزرافات من الجلاليب البيضاء للرجال الطيبين العائدين من صلواتهم، وصوت أبوى ومعنى عافى منك وراضى عليك... بالله هنا فى عيد؟ طيب الفصاحة ليك شنو ماقلتى الزول ممكن يصنع اعياده، عاد جنس احلام زلوطية... دنيا باااااااااااااادة، وباقى جليد يلمع زى قزاز جارنا النجار فى كوستى، هدوم تعمل العسم فى الروح من كترتها وبوت، البوت ده مبارينا محل ماشين ياكافى البلاء..لا فى ريحة لحمة ولا شربوت ولابنات كملن دهن الكركار فى يوم العيد، الملايات، قالوا إسمها {الامريكية} حسع بقت الماليزية والصينية وريحة بخور التيمان البنش الضبان من اللحمة، خرفان الزمن ده بقت مابتحوق وبتكمل فى يومها،دخلت ايادى البارده فى جيوب روحى الابرد واتزكرت رقية وراق وقلت الرماد كالنى... غايتو دمعة كدى قربت تنزل، وماتنزل كان نزلت البلد دى عندى فيها ود عم {يغطى ماعونو، احىّ انا من المرة الماعون والعوين، عشان كدى جاتنا الحمى النزفية مالعقل لسه ماإتحرك كتير نحو المرأة الانسان وبرضو نحو الرجل الانسان.... ده كلو عدم الخروف وياحليل الشربوت البريدو البجى يعيد يلقانى فى سابع نومة، البركة فى نوماتى الزمان، مشيت للتركى جارى عندو دكان فيهو عجوة قلت اتصرف فيها واعملها براى شربوت، الفضولى سألنى من حكمة البلح اللى اشتريتو بكمية.. لمن عرف قصة الشربوت قال لى ياخى مالك متعبة نفسك ماتشوفى العمليين ديل بشيلوا فى الفتايل الصغيرة صغيرة دى، تراه ود الذين آمنوا قاصد الفودكا... عاد ياابوى دى خمرة وشربوتنا نحنا لابيتخمر ولاشىء عشان كدى حلااااااااااااااااااال
ورن جرس {محمولى}، الله ده منو البيطرانا كدى من اول الصباح؟ الناس لمن تصحى من نومة الشربوت بتتصل، ... ودخلت ليك شمال... اهلا يا ابوقصيصة.. كيف العيد، سافرتوا والعيال للامارات، بترجعوا لندن متين....
وبعد شوية روقت المنقة... انا تمبس يا اشراقة...صوت اخو ود ام وحنين وطيبان وفيهو ريحة دعاش بلدنا لمن كانت بتلمنا وحق الله بق الله وكل سنة وانتى طيبة ياختى والله يخلى ليك عيالك ويديك الفى مرادك... والله ياجماعة فرحت من جوايا وكنت فرحانة بالجد واتمنيت ليهو كلو دعوات الامهات... عاد تمبس ده ما اخوى عدييييييييل ود امى البريدو، الدمعات يا ود امى قاعدة على الهبشة قدر ماقشطت مويتهن ابت تكمل..يعنى الا تكون عندنا عربية زى اخونا اللى كتب فى حافلته احب تمبس... حقوق الريدة محفوظة ياود أمنا..بس لو القى لي حافلة
السلام عليكم اشراقة ... كل سنة وانت واسرتك الكريمة طيبة
Quote: أحب تمبس ود أمى المغترب فى الحجاز
شخصياً اتمنى لو لقيت تكسي هشام هباني وطيارة تكون ماشة امريكا عناية محمد سليمان وبشاشا وقطر داخل على المانيا لأخونا أدروب وصاروخ ... ماشي وين ما عارف .... معنون لعمر على عشان اكتب فيهو عبارتك دي ............................. وما الناس إلا هالك وأبن هالك *** وذو نسب في الهالكين عريق
هلا اشراقة كل سنة وانتي بالف خير وحبابك يا الزوول وكل سنة وانت طيب وتحياتنا للرجل المدهش تمبس صحبي الهلالابي الكلس.. وتشرقت انا ايضا بالتحدث اليه قبل اسبوع ونحن في ردهات (بروفة مسرحية) برفقة الاخت اميرة الشيخ والسني وضحية وطبقنا فيهو نظرية (خلتو يااامن)... بدات انا المكالمة وكتلت صوتي كتلة (نفيسة) وقلت ليهو معاااك (اميرة الشيخ).. الود طلع شفت وقال لي (اهلا يا امير الشيخ).. قلت ليهو وانا حسي مكتول كتلة عجيبة لا يا خوي معاك اميرة الشيييييييخ قال لي اااااااا وقبل ما يجمع التقطت التلفون اميرة الشيخ (نفخت صوتها) بطريقة خلتني اقرب اضاربها وقالت ليهو (معاك كييييكي)... زعلت وقلت ليها يا زفت انا صوتي شيين كده!! ثم واصلنا في جهجهة دفاع تمبس لياتي ضحية وقال ليهو (معااك تراجي) السني قال ليهو (معاك دينق)... ثم عدت انا اخيرا وقلت لتمبس يااخي اسمعني يااخي(معاك بششاشششششا ذااتو) وتمبس مغلغل وميت من الضحك ... كل الود للزول الجميل تمبس ولصديقه معتصم دفع الله ولكل اهل الرياض مع وافر الحب..
شنو يا اشراقة ياااخي يعني ما نمثل (كتل صوت صوت).. احنا كنا في بروفة مسرح يعني لابسين جلباب تقمص شخصيات واها وانا متقمص قلت اتم التقميص ده واكتل صوتي (كتلة نفيسة) واجهجه دفاع تمبس الزي دفاع المريخ ده
العزيز الزووول وما الناس إلا هالك وابن هالك .. عيد سعيد وكل سنة وإنت طيب ـ
Quote: شخصياً اتمنى لو لقيت تكسي هشام هباني وطيارة تكون ماشة امريكا عناية محمد سليمان وبشاشا وقطر داخل على المانيا لأخونا أدروب وصاروخ ... ماشي وين ما عارف .... معنون لعمر على عشان اكتب فيهو عبارتك دي
.. والله يا الزوول لو ما دا اقتراحك .. كان اقول ليك لمني مع المجموعة دي كان بتقدر في السودان ؟؟ وخلي الباقي علي .. وعاين بي عينك
دعينى اعترف لك باحدى امنيات العيد خاصتى... كان بى رغبة ان اتواصل معك يوم العيد تلفونيا.. لنحول معا طاقات الحزن الى فعل فيه بعض الأمل لنفرح... الحزن ايضا يفرح...اعرف انك افتقدتى زرافتك وجلابيتها الساكوبيس... زرافة روحك له الف رحمة...
بس لو القى لى قلوب تسمع وعندها القدرة على الغناء كنت كتبت فيها بدمى: احبكم جميعا.. مهما اختلفنا..مهما انفعلنا..مهما اسئنا الظن ببعض.. ومهما انجرحنا.. أها انتى ياسناء احدى سنواتنا المضيئية التى وهبنا ليها هذا الاسفير.. اخت وصديقة ورفيقة هم وامل جاى..
فعلا.. وزى ماقالت غاليتنا حواء ان فى هذا المنبر اخوان واخوات لنا...مايجمعنا هو حبنا وحرصنا ان نؤكد باستمرار على انسانيتنا وتنوعناالمحفز
كونى دوما سناء...
Post: #9 Title: Re: شكرا ياتمبس.... بس القى لى حافلة!! Author: عمر سعد Date: 12-22-2007, 01:15 AM Parent: #1
العوينة ام واصل
ومرافى
كل سنة وانتى الطيبة والامنيات الجميلة
تمبس ود حلتى راجل كلس وبستاهل شوفى لىهو عروس فى اى حلة من حلال النمسا
عشان يطلع من القشرية دى ويبقى جاركم هناك ..............
اجمل كتابة كتبت على حافلة بالسودان وبتضحك انو واحد كاتب
اللة اكبر عادى لحد هنا بس هو عمل ليها كتلوج وملحق عشان يقروها بيهو
الملحق (حقت زمان مش حقت الكيزان ) هههههههههه يعنى دى ضحكتنى بشكل عجيب
كدى لمن تكتبى كتابتك على الحافلة اعملى ملحق واكتبى فيهو
صحبي بوردابي قديم زرته امس مع اسرتي في بيته تاني يوم في العيد اتكلمنا في حاجات كتيرة وقفنا كتير في المنبر واسترسلنا في اشراقة مصطفي الغالية عدتها عادي الليلة زارني بوردابي مع اسرته والونسة بقدرة قادر اتحورت وبقت اشراقة مصطفي فجاة كدا الغالية قالت لي انتو منو اشراقة ؟؟ من امس شابكننا ام واصل؟ قلت ليها دي واحدة سودانية بنقرأ ليها في الانترنيت كتابتها زي صوت سلين ديون وماجدة الرومي
Quote: صحبي بوردابي قديم زرته امس مع اسرتي في بيته تاني يوم في العيد اتكلمنا في حاجات كتيرة وقفنا كتير في المنبر واسترسلنا في اشراقة مصطفي الغالية عدتها عادي الليلة زارني بوردابي مع اسرته والونسة بقدرة قادر اتحورت وبقت اشراقة مصطفي فجاة كدا الغالية قالت لي انتو منو اشراقة ؟؟ من امس شابكننا ام واصل؟ قلت ليها دي واحدة سودانية بنقرأ ليها في الانترنيت كتابتها زي صوت سلين ديون وماجدة الرومي
الله يجبر بخاطركم يا اساسى اها الوصية فى الزمة قول لام بنيتك {ام واصل دى زولة الله ساى ولو فتشت الغالية نبضتى بتلقى نفسها مفرهدة بواحدة منهن...ربنا يديها العافية
ليها وليك وللامورة محبتى وامتنانى,,,
والحافلة جاهزة بس عاوزين خطاط يكتب لينا فيها { نحنا كلنا بنحب تمبس}
يا اشراقه كل سنه و انتى طيبه و اسرتك بالف خير انشأالله تمبس ما يجى يوم شكره .. له الاف التحايا وكا سنه و هو طيب عليك الله كان لقيتى الحافله اكتبينى معاكم
* تخريمه: اشراقه اها ما منتظرين!!! القصه دى بتبدأ متين انا الشمس ضاربانى من يوم 21/12 الساعه 2 صباحا افوووفا انا كمان بحجز بالطوب و بمش حاشا!!!!
تعرفي اكعب حاجة الحقارة العديييييل دى, وايام الاعياد كمان.. اعياد المسلمين والنصارى وخاتفين لونين و بدون لون ...
اى نعم تمبس "ولد" ظريف و طيب و جدع... ما قلنا حاجة لكن انحنا (و تعنى انا) نتقطع و نجرى ونضرب تلفونات ونسال و نرسل جوابات و طرود .... و شغلة ما يشتغل بينا???
يا زولة تهنئة عيد ساكت بي كروت النت الملح دى مستكترا علينا
تهنئتنا ما يردها ...
دى حقارة و لا لأ????
حافلتك ما بناباها .... لكن الفي تمبس اتعرفت
بالجنبة كده: انتى بعد الغربة والتلج ده كلو لسه بتتذكرى العيد وكمان بتتجرسي
بالجنبة التانية: سهام توقعى مننا تلفون شامل كامل في الايام القادمة , جهزى الشمارات و "ما" لف لفها
أختي العزيزة د. اشراقة... عيدك سعيد .. وكل سنـة وإنت بالف خير .. طبعا زي ما عارفه بيناتنا كتير ماجل .. والكتير جدا بعد المكالمة الأخيرة اصبح لا يحتمل التأجيل يا شقيقة اسعدني سماع صوتك وكانت أجمل عيدية .. وكان صوتك من ضمن النفحات الحلوة الدفيئة في عيد جا وجاب معاهو كل البرد ... والزيفة.. وكان صوتك نديان ومليان حاجات كتيرة جميلة .. أجمل حاجة يا اشراقة .. الواحد يسمع ليهو صوت زول قاعد يقراهو .. هاجموني الشباب الحلوين ديل الشني والمجموعة اللطيفة المعاهو دي .. فاعادو لي ايام جميلة جدا بدت تتسرب .. اشكرك يا مشرقة للمرة المليون .. إنت العيد زاتو.. وبدل الكتابة في الحافلة دي .. يكفيني بس اني سمعت صوتك .. طبعا ما ح ( افــت ) الحتات الحساسة في الحوار .. البوست دا ما ( مأمن خالص ) .. ما شايفه ناس عصام جبر الله .. وكيكي مادين روسينهم كيف ..؟
Post: #22 Title: Re: شكرا ياتمبس.... بس القى لى حافلة!! Author: محمد الطيب حسن Date: 12-23-2007, 08:36 AM Parent: #20
::::اتحاد قوي الخير والمحبه التابع لمنظمة سودانيزاونلاين الاخويه :::: الدكتوره اشارقه والجميل تمبس ربنا يديم المحبه والخوه
ادخلوها مدارس كثيرة وكانت هي.. هي كانت مدرسة تعلم الزهر منها الابتسام ومعنى الابتسام.. علمت الشمس معني الاحترام تبسط ضوءها شيئاًفشيئا حتى تستأذن أطلاله الصباح يحمر خد الشمس فى اخر النهار فهو خجل .. لا يستطيع ان يقول.. إلى اللقاء .. وكبرت هي ..وكانت هي هي كانت.. عرفت حب الناس..والأشياء عرفت كيف تنهي الكره فى نقطة معينه..لديها هي هي لديها كل الاشياء أحبت الأرض ..فأحبتها واحبها من تحت الأرض حتى الشيطان..
