Post: #1
Title: دندنات على شاطئ ليل مبلل ببالندى
Author: د.محمد حسن
Date: 10-06-2007, 09:33 AM
ده مقامي .. اتدفق فيه حيثما شاء لي.. ادعوكم اليه لنتساقى خمر المودة االصافية .. نحلم بعالم نقي .. نأمل ان نحيله واقعا
(1)
كتبت اليّ : اشاقت ليك
-
وانا في الحقيقة
حنيني ليك ساكن معاي
في اللحظة ديك
حكمت علي قاسي الظروف
اكتم هواي
حملته لي حرفي الندي
رسلته في فاصل غناي
وحكيته للغيم المسافر
وشوشته للنجم المساهر...
وا ..حرقتي ولوعة اساي
مابيني بينك
قصة الزمن الفواصل
المسافات الاثير
والوحيح الجوة ناصل.
انت الهناك
وانا بي هنا
اتقلى في نار المواويل والغنا
|
Post: #2
Title: Re: دندنات على شاطئ ليل مبلل ببالندى
Author: سمية الحسن طلحة
Date: 10-06-2007, 10:00 AM
Parent: #1
Quote: اكتم هواي
حملته لي حرفي الندي
رسلته في فاصل غناي
وحكيته للغيم المسافر
وشوشته للنجم المساهر...
وا ..حرقتي ولوعة اساي
مابيني بينك
قصة الزمن الفواصل
المسافات الاثير
والوحيح الجوة ناصل.
انت الهناك
وانا بي هنا
اتقلى في نار المواويل والغنا |
تحياتنا يادكتور
ده مقامي .. اتفق فيه حيثما شاء لي.. ادعوكم اليه لنتساقى خمر المودة االصافية .. نحلم بعالم نقي .. نأمل ان نحيله واقعا
|
Post: #3
Title: Re: دندنات على شاطئ ليل مبلل ببالندى
Author: د.محمد حسن
Date: 10-06-2007, 02:17 PM
Parent: #2
سمية الحسن طلحة
بيتنا نور وكله زينة
|
Post: #4
Title: Re: دندنات على شاطئ ليل مبلل ببالندى
Author: د.محمد حسن
Date: 10-07-2007, 08:28 AM
Parent: #1
ويغشاني شوق
يحملني ما بين الغيوم
يغسلني بالندى والمطر
والقاك فوق
بسمة وجمال
وحنين وذوق
وتخليني متعود عليك
|
Post: #5
Title: Re: دندنات على شاطئ ليل مبلل ببالندى
Author: bushra suleiman
Date: 10-07-2007, 10:08 AM
Parent: #1
وانا بين مسافات الحنين
أو انتظارات الشجون
راجيك ومستنيك تقول
انا بحترم وعدى الحنون
............
حين تتواتر التعاويذ ،
ويستبيح الليل مكائد النساء ،
ونزق العشاق ..
وعقوق القصيد ..
يهاجر المعنيون بالحنين .. يا محمد
لك منى سله ورد وقصاصات عيد.
|
Post: #6
Title: Re: دندنات على شاطئ ليل مبلل ببالندى
Author: ابوبكر يوسف إبراهيم
Date: 10-07-2007, 10:56 AM
Parent: #5
أخي الحبيب د. محمد حسن
صٌبِّحت خيراً من عيون القصيد وعيون مهاهُ.. حملتنا إلى دنيا الوجد والذوب والصبابة سحراً وكأنا بالحب نمجد الخالق..
أخالني أقف هناك في بيداء عبقر أرقبك وأنت في حال المعناة من الوجد والعشق.. أشعر بمعاناة الشاعر ولحظات المخاض ..وأخالني أراك تعاني وتعاني وقد أركبتني اللآئمات مركباً وعراً فليس في إمكان شاعر أن يشيل لحظات ميلاد قصيدة من شاعر آخر وما ثقل على وجدانياته من ركام الألم والمعاناة..
القصيدة جميلة لرهافة وجزالة مفرداتها وتنم عن معاناة العاشقين في ليالي السهد
|
Post: #9
Title: Re: دندنات على شاطئ ليل مبلل ببالندى
Author: د.محمد حسن
Date: 10-08-2007, 12:39 PM
Parent: #6
Quote: صٌبِّحت خيراً من عيون القصيد وعيون مهاهُ.. حملتنا إلى دنيا الوجد والذوب والصبابة سحراً وكأنا بالحب نمجد الخالق..
] |
شيخ العاشقين ابابكر
ونلتف حول تقابتكم ةالمسرجة من نار حروفكم وازيز عشقكم
حيرانا نردد وراءكم
مملوكك لكني
سلطان العشاق
|
Post: #7
Title: Re: دندنات على شاطئ ليل مبلل ببالندى
Author: مجدي عبدالرحيم فضل
Date: 10-07-2007, 10:57 AM
Parent: #5
د. محمد حسن
صباحاتك ندَية مدندنه
وورودك مسائية مبلله
مزروعة في شاطيء حبنا
بس نقيف في قيفك سوسنه.
،،،،أبوقصي،،،،
|
Post: #8
Title: Re: دندنات على شاطئ ليل مبلل ببالندى
Author: هاشم أحمد خلف الله
Date: 10-07-2007, 11:10 AM
Parent: #7
كل دا يطلع منك يا دكتور والله انتا حاجة تانية خالص !!!!
|
Post: #10
Title: Re: دندنات على شاطئ ليل مبلل ببالندى
Author: ابو جهينة
Date: 10-08-2007, 01:00 PM
Parent: #8
| Quote: والوحيح الجوة ناصل. |
تعرف يا دكتور
أنا بقرا ليك بتمعن ..
يعني ما بفوت أي شاردة أو واردة ..
بتغلغل جوة المعاني ..
الوحيح قمة التعبير عن الألم المكتوم ..
الجوة معروف معناها
و لكن أتتْ كلمة ناصل لتؤكد التمني لو كان الوحيح عابراً و سطحياً .. و لكنه إنزلق ناصلاً للجوة.
لأنو كلمة ناصل بترمز إلى شيء ممكن يكون ثابت و لكنه ( نَصَل ) إلى العمق رغما عنا..
شفت كيف ؟؟؟
|
Post: #13
Title: Re: دندنات على شاطئ ليل مبلل ببالندى
Author: د.محمد حسن
Date: 10-09-2007, 09:43 AM
Parent: #10
Quote: أنا بقرا ليك بتمعن ..
يعني ما بفوت أي شاردة أو واردة ..
بتغلغل جوة المعاني |
تعرف يا بو جهينة
منكم نخاف نكتب
وليكم نساسق بالحروف
ونباري المعاني
عشان نكتب
تسلم ايها الحبيب
|
Post: #16
Title: Re: دندنات على شاطئ ليل مبلل ببالندى
Author: د.محمد حسن
Date: 10-09-2007, 12:45 PM
Parent: #8
| Quote: كل دا يطلع منك يا دكتور والله انتا حاجة تانية خالص !!!!] |
هشوم
ولسة
في حاجات تانية داسينها للعيد
تسلم يا حنين
|
Post: #12
Title: Re: دندنات على شاطئ ليل مبلل ببالندى
Author: د.محمد حسن
Date: 10-08-2007, 01:21 PM
Parent: #7
صباحاتك ندَية مدندنه
وورودك مسائية مبلله
مزروعة في شاطيء حبنا
بس نقيف في قيفك سوسنه.
]
تعرف يا ابو قصي ان بعتبرك الحبر الاكبر للغزالين والمغولين في هذا المبر
بركاتك
|
Post: #11
Title: Re: دندنات على شاطئ ليل مبلل ببالندى
Author: عبدالله داش
Date: 10-08-2007, 01:12 PM
Parent: #1
دندنات
عنوان القصيده
دندنات على شاطئ ليل مبلل بالندى
(لوحدو دا قصيده يا بوحميد)
ناهيك عن الوجع المكسّــر فى الضلوع
مقامك ...
صاخب
يا صاحب
|
Post: #14
Title: Re: دندنات على شاطئ ليل مبلل ببالندى
Author: د.محمد حسن
Date: 10-09-2007, 12:11 PM
Parent: #11
Quote: مقامك ...
صاخب
يا صاحب |
داش ايها الصديق
المائج
سعدت بمحاورتك ولقياك
دم بحرا
|
Post: #15
Title: Re: دندنات على شاطئ ليل مبلل ببالندى
Author: مجدي عبدالرحيم فضل
Date: 10-09-2007, 12:17 PM
Parent: #11
ياد. محمد ماتبالغ وماذا يفيد الحبر سوي كبر أم صغر في حضرة شيخ الطريقة
وماتبلل من أوراق الليل الممتد بالبردي والندي دندنه المرهف د.محمد أهازيج
ونثرة زهور في ليل عيد الحبُور وأخذت من كل طيف أحلي لون ومانسير إلا من بركاتكم
الغزلية والنفح الروُحاني المسكوب علي شاطيء المحبيين والمٌريدين ها هنا يرقد شيخنا
وطريحه يفوح بمسك العود وأبخرت العشق تتعالي مد البصر حد السماء ويالك من شيخ صديقي
د.محمد حسن وهنا مرو كبار الشيخوخ ولا نقدر أن تعتلي منصات الشوق المنصَوبه بروائعهم
أبدأ تشكر ياصديقي وماألبستني أياه جلباب ورع لا نطوله قامه ولا نلحقه زهد ولا مد مدد
ياأبوأحميد.
،،،،أبوقصي،،،،
|
Post: #25
Title: Re: دندنات على شاطئ ليل مبلل ببالندى
Author: د.محمد حسن
Date: 10-21-2007, 07:25 AM
Parent: #15
Quote: وماتبلل من أوراق الليل الممتد بالبردي والندي دندنه المرهف د.محمد أهازيج
ونثرة زهور في ليل عيد الحبُور وأخذت من كل طيف أحلي لون ومانسير إلا من بركاتكم
الغزلية والنفح الروُحاني المسكوب علي شاطيء المحبيين والمٌريدين ها هنا يرقد شيخنا
وطريحه يفوح بمسك العود وأبخرت العشق تتعالي مد البصر حد السماء ويالك من شيخ صديقي
د.محمد حسن وهنا مرو كبار الشيخوخ ولا نقدر أن تعتلي منصات الشوق المنصَوبه بروائعهم
أبدأ تشكر ياصديقي وماألبستني أياه جلباب ورع لا نطوله قامه ولا نلحقه زهد ولا مد مدد
|
ابو قصي تمنياتي لك بتمام وكمال العافية
كل سنة وانت ارقى وارقى
|
Post: #17
Title: Re: دندنات على شاطئ ليل مبلل ببالندى
Author: د.محمد حسن
Date: 10-09-2007, 12:55 PM
Parent: #1
(2)
واتشَرقْْتَ
بي رذاذ حُسنِك
زَهيت
ما عطسْتَ
بس رجََْفتَ
ما بِرِدتَ
وما حَكيْتْ
بس كتمت القُحَة جُّوّة
واتمَليْتْ
بي روائِعْ من لُحُونْ
وارْتَعَشْ عَصَب السُؤالْ
لمَّا بانْ
بين تَفَاصِيْل الظُنُونْ
نُورْ جَبِيْنِكْ
والبَرِقْ مِنْ العُيُونْ
وانْتَشِيْتْ
بِيْ عَبِِيْر بوْحِك لِقِيْتْ
إنُوْ كِيْفْ
قَلْبِِيْ الْرَهِيْفْ
يا حْلِيْوة ما بِحْمَلْ نَزِيْفْ
ختِيهُ بِِيْنْ ايديْكْ
بِشِيْش
دِسِّيْهُ فِي الْحِس الْورَيِفْ
خَلِّيِنِيْ اتْشَبَّعْ حَنَانْ
يَانَسْمَةْ فِيْ عِزَّ الْسَحَرْ والْدُنِيَا صِيْفْ
|
Post: #18
Title: Re: دندنات على شاطئ ليل مبلل ببالندى
Author: وصال عالم
Date: 10-10-2007, 08:18 AM
Parent: #17
د. محمد حسن
وشوشتني الحروف وانتشيتُ !!
تسلم يارب !
|
Post: #21
Title: Re: دندنات على شاطئ ليل مبلل ببالندى
Author: د.محمد حسن
Date: 10-20-2007, 09:18 AM
Parent: #18
Quote: وشوشتني الحروف وانتشيتُ !!
] |
وصال
كل عام وانت بالف عافية
واكثر تألقا
|
Post: #19
Title: Re: دندنات على شاطئ ليل مبلل ببالندى
Author: الصادق خليفة
Date: 10-10-2007, 08:47 AM
Parent: #17
Quote: واتشَرقْْتَ
بي رذاذ حُسنِك
زَهيت
ما عطسْتَ
بس رجََْفتَ
ما بِرِدتَ
وما حَكيْتْ
بس كتمت القُحَة جُّوّة |
الشرقتك دي يا دكتور كراتشيه ولا لاهورية.
مودتي
|
Post: #22
Title: Re: دندنات على شاطئ ليل مبلل ببالندى
Author: د.محمد حسن
Date: 10-20-2007, 01:30 PM
Parent: #19
Quote: الشرقتك دي يا دكتور كراتشيه ولا لاهورية.
|
الشرقتني دي بت العرب النوبية
تسلم كتيييييير
|
Post: #20
Title: Re: دندنات على شاطئ ليل مبلل ببالندى
Author: هند محمد
Date: 10-10-2007, 08:55 AM
Parent: #1
الله على جميل الكلمات وبديع القوافى ..
دكتور محمد كل عام وأنت بألف خير ..
Quote: بِيْ عَبِِيْر بوْحِك لِقِيْتْ
إنُوْ كِيْفْ
قَلْبِِيْ الْرَهِيْفْ
يا حْلِيْوة ما بِحْمَلْ نَزِيْفْ
ختِيهُ بِِيْنْ ايديْكْ
بِشِيْش
دِسِّيْهُ فِي الْحِس الْورَيِفْ
خَلِّيِنِيْ اتْشَبَّعْ حَنَانْ
يَانَسْمَةْ فِيْ عِزَّ الْسَحَرْ والْدُنِيَا صِيْفْ |
|
Post: #23
Title: Re: دندنات على شاطئ ليل مبلل ببالندى
Author: د.محمد حسن
Date: 10-20-2007, 02:05 PM
Parent: #20
هند
لمرورك طعم العيد
تسلمي
|
Post: #24
Title: Re: دندنات على شاطئ ليل مبلل ببالندى
Author: د.محمد حسن
Date: 10-20-2007, 02:09 PM
Parent: #1
صديقي داش
في مسيرك يا الهبيب
( قولي لي اسباب غيابه
شوفي لي عذره وجوابه
والمهم تلقيه طيب)
وخبريه
انو قلبي في غيابه
صار عطيب
والمنام فارق جفوني
والسهر ادمن ظنوني
والغياب موال حزن
وانت وينك يا الحبيب
المسافات ممدودة بي طول الليالي
والليالي
ممتدودة بي طول السهر
والسفر نغمات تأجج لي جنوني
ونبقى حرفين من غنا
يدو برقين من سنا
هل دلال ؟!
ام ارتحال؟!
عكر ملامح بهجة اللقيا
وبشارات الهنا .
والامسيات...
غرقانة في الشوق والضنا
واسرح انا
ارسم خيالك والطيوف
لو بس تعود
تفرح دروبنا المنهكة
وتبرق نجيمات المنى
|
Post: #26
Title: Re: دندنات على شاطئ ليل مبلل ببالندى
Author: ابوبكر يوسف إبراهيم
Date: 10-21-2007, 07:48 AM
Parent: #24
الحبيب محمد حسن
في هدأة الليل أسترق السمع لأسمع من مزمار آل داؤد الذي [ يشجي الخلى ويروي غلة الصادي].. المرور لنقول أنناساهرون معك في ليل العاشقين المزدان بأنجم هي قصيدك .. تحياتي
|
Post: #27
Title: Re: دندنات على شاطئ ليل مبلل ببالندى
Author: د.محمد حسن
Date: 10-21-2007, 12:41 PM
Parent: #26
| Quote: في هدأة الليل أسترق السمع لأسمع من مزمار آل داؤد الذي [ يشجي الخلى ويروي غلة الصادي].. المرور لنقول أنناساهرون معك في ليل العاشقين ] |
والفنان قال
والليل نهار للعاشقين
ابوبكر
يا قنديل الطهر الدائر في هذا المنبر
كل سنة وانت طيب
وانت اكثر القا وبهارا
لك حبي
|
Post: #28
Title: Re: دندنات على شاطئ ليل مبلل ببالندى
Author: د.محمد حسن
Date: 10-22-2007, 09:14 AM
Parent: #1
بيني بينك
شوق حروف ولهانة في الزمن الغياب
والخيالات الاماني
المساحات الحزن
والاياب
انشودة
مشروخة في الحلق المجرح بالعذاب
|
Post: #29
Title: Re: دندنات على شاطئ ليل مبلل ببالندى
Author: salma subhi
Date: 10-22-2007, 11:19 AM
Parent: #28
| Quote: ده مقامي .. اتدفق فيه حيثما شاء لي.. ادعوكم اليه لنتساقى خمر المودة االصافية .. نحلم بعالم نقي .. نأمل ان نحيله واقعا |
طاب لك المقام يا د. محمد....
ونحن سنلحظ وسنقرأ وسنتمعن النظر في هذا العالم الواقعي الممزوج بالخيال...
كل سنةوانت طيب
|
Post: #30
Title: Re: دندنات على شاطئ ليل مبلل ببالندى
Author: د.محمد حسن
Date: 10-23-2007, 07:40 AM
Parent: #29
| Quote: ونحن سنلحظ وسنقرأ وسنتمعن النظر في هذا العالم الواقعي الممزوج بالخيال... |
ولكم يشرفني
كل سنة وانت طيبة
|
Post: #31
Title: Re: دندنات على شاطئ ليل مبلل ببالندى
Author: أبوذر بابكر
Date: 10-23-2007, 08:10 AM
Parent: #1
| Quote: ده مقامي .. اتدفق فيه حيثما شاء لي.. ادعوكم اليه لنتساقى خمر المودة االصافية .. نحلم بعالم نقي .. نأمل ان نحيله واقعا |
ليك يا عالى المقام
تدفق فيهو وفينا
سقيا وروا يا دكتور
اسقى اليباب واروى البلاقع، عشان تخضر بيك الفجة وأرواح الناس
وليك اصفى ما فى المودة
وازهى ما فى الأحلام
|
Post: #32
Title: Re: دندنات على شاطئ ليل مبلل ببالندى
Author: د.محمد حسن
Date: 10-31-2007, 07:12 AM
Parent: #31
Quote: سقيا وروا يا دكتور
اسقى اليباب واروى البلاقع، عشان تخضر بيك الفجة وأرواح الناس
وليك اصفى ما فى المودة
وازهى ما فى الأحلام |
يا من تجمع بين صحابيين
انت عالي المقام
فتفقك هو الذي يحيل الصحارى خضرا
تسلم ايها الشاعر
|
Post: #33
Title: Re: دندنات على شاطئ ليل مبلل ببالندى
Author: د.محمد حسن
Date: 10-31-2007, 07:36 AM
Parent: #1
تنزل القمرة وتغازل لي عيونك
والمسا الهيمان يدندن بي لحونك
والظلال تغرق هوى
وابقى شايل من فنونك
وابتدع احلى الصور
ومن شجوني يكون بواح
لي شجونك
وارتحل عبر الاسافير
اصلي ما بقدر بدونك
انت يا روح المنى
بي وجودك كم اكيد بسعد انا
والعصافير
والقماري
تحتفل قبل المواعيد بالربيع
وتبقى تغرق في الهنا
وانت لي
بس براي
احلى معشوقة
ديمة تبرق زي سنا
كله ده
ولسة اكتر
داسيه جوة الجوف هنا
|
Post: #34
Title: Re: دندنات على شاطئ ليل مبلل ببالندى
Author: د.محمد حسن
Date: 12-07-2007, 12:21 PM
Parent: #1
بوست غير قابل للارشفة
|
Post: #35
Title: Re: دندنات على شاطئ ليل مبلل ببالندى
Author: عواطف ادريس اسماعيل
Date: 12-07-2007, 12:25 PM
Parent: #34
مبلل بالندى ؟؟
ياله من مقام !!!
أحلى من مقامات الحريري ذاتو ,,,,
|
Post: #38
Title: Re: دندنات على شاطئ ليل مبلل ببالندى
Author: د.محمد حسن
Date: 12-08-2007, 06:57 PM
Parent: #35
| Quote: أحلى من مقامات الحريري ذاتو ,,,, |
واحلى منك قايلة بلقى؟
|
Post: #36
Title: Re: دندنات على شاطئ ليل مبلل ببالندى
Author: ماجدة عوض خوجلى
Date: 12-07-2007, 01:12 PM
Parent: #1
محمد حسن سلام
طبعا ماعرفت اكتب زيكم قلت اعوض بالصورة ماهى الصور برضو مليانه كلام
تسلم يارب
|
Post: #40
Title: Re: دندنات على شاطئ ليل مبلل ببالندى
Author: د.محمد حسن
Date: 12-09-2007, 07:21 PM
Parent: #36
Quote: طبعا ماعرفت اكتب زيكم قلت اعوض بالصورة ماهى الصور برضو مليانه كلام
تسلم يارب > |
ماجدة
يا روح المعاني والظلال
نورت
|
Post: #37
Title: Re: دندنات على شاطئ ليل مبلل ببالندى
Author: د.محمد حسن
Date: 12-08-2007, 12:19 PM
Parent: #1
في خاطري أنت
شهقة تنداح عن عشق دفين
في اختلاجات المساء
حين
يغمرني الحنين.
أنت
رفة الحلم
الذي يدغدغ
ساهرات الطرف
يستاف من ضوء العيون
شبق الأماني المستحيلة
وارتعاشات الظنون
من صهيل النار
انت
ومن ندى الإصباح
من غيم هتون
قد ارتجيتك والنجوم سواهر
عل الطيوف تغازل الأحلام
تأتزر الجنون
لكنه الامل السراب
حين يغرق في التهاويم المجون
انت
انشودتي الجذلى وامنية
تداعب قافيات شاردات
ترتجي منك الحنين
كفكفي دمعا تناثر كاللآلئ
أرهق القلب الحزين
-
|
Post: #39
Title: Re: دندنات على شاطئ ليل مبلل ببالندى
Author: د.محمد حسن
Date: 12-09-2007, 09:38 AM
Parent: #1
شيلي حاجاتنا الجميلة
وبي ورا الزمن ادفنيها
وعلمي عيونك تداري
بهجة الفرحة اللي فيها
لما كلماتي الحنينة
تسبق الأشواق تجيها
وابقي غيبي
وفي داوخلك امسحيها
لحظة الوله الندية
لما نتحاور قصايد
ويرتعش رمش العيون
وتنثني شوقا وتيها
ودسي في نفسك جمالنا
لما نتماوج غزل
ويفرح القلب الكناري
وينتشي الحلم المنى
يبرق البسم السنا
غيبي بي كل اللي بينا
من احاسيس فيها
من الوان ظلال
همسة ما بتتقال
وبس
آهة جوة الجوف هنا
غيبي يا ست الدلال
وخلي بالك
انو في قليبك سكوني
وانت جواي
وكل مساماتي المشبعة
بي غرامك
انت فيها
|
Post: #41
Title: Re: دندنات على شاطئ ليل مبلل ببالندى
Author: د.محمد حسن
Date: 12-11-2007, 07:57 AM
Parent: #1
ورحلت بين الفواصل والحروف
ولقيت حنان
ولقيته شوق ماليه خوف
يا واحة للنغم الشفيف
قلبك كناري
وفيك من طيب الشعور
نفسا رهيف
|
Post: #42
Title: Re: دندنات على شاطئ ليل مبلل ببالندى
Author: د.محمد حسن
Date: 12-14-2007, 09:39 PM
Parent: #41
تعالي نتمايل غزل
|
Post: #43
Title: Re: دندنات على شاطئ ليل مبلل ببالندى
Author: د.محمد حسن
Date: 12-16-2007, 08:58 AM
Parent: #42
وفرحت بي صوت العادل
لما في الليل المقمر
بي غناك
وبي هواك
لي نادت
|
Post: #44
Title: Re: دندنات على شاطئ ليل مبلل ببالندى
Author: ماجدة عوض خوجلى
Date: 12-16-2007, 04:01 PM
Parent: #1
| Quote: وحكيته للغيم المسافر |
اظنك بتقصد الغيم ده
مابين الشروق والمغيب مسافات غير مرئية
الجميل فى هذة المسافات الغير مرئية انها تطلق لخيالنا حرية الاختيار ليختار كل مسافاته ....
تسلم يارب
|
Post: #45
Title: Re: دندنات على شاطئ ليل مبلل ببالندى
Author: د.محمد حسن
Date: 12-16-2007, 08:20 PM
Parent: #44
Quote: الجميل فى هذة المسافات الغير مرئية انها تطلق لخيالنا حرية الاختيار ليختار كل مسافاته ....
> |
|
Post: #46
Title: Re: دندنات على شاطئ ليل مبلل ببالندى
Author: ماجدة عوض خوجلى
Date: 12-18-2007, 02:56 PM
Parent: #1
|
Post: #49
Title: Re: دندنات على شاطئ ليل مبلل ببالندى
Author: د.محمد حسن
Date: 12-22-2007, 12:12 PM
Parent: #46
الجميلة حد الشرقة ماجدة
وكل سنة وانت وكل آل خوجلي بالف عافية ومستورين وتامين ولامين
|
Post: #47
Title: Re: دندنات على شاطئ ليل مبلل ببالندى
Author: nourelhadi awad
Date: 12-22-2007, 12:04 PM
Parent: #1
ممكن
أن ندخل جمعنا
أنا والأشواق؟؟؟
كم أتمني
فهل
|
Post: #48
Title: Re: دندنات على شاطئ ليل مبلل ببالندى
Author: د.محمد حسن
Date: 12-22-2007, 12:11 PM
Parent: #47
النور الهادي
ممكن ونص
واهديك كمان العيدية دي
هو العيد شنو ؟!!
العيد وفا
وكلمات حُنان من زول معبَّق بالصفا
تنزل تبرد للحشى
تملاه بالحِن الدفا
ياأحلى عيد
طلانا في الزمن الجفا
خليني فيك
خليكي فيني
ما اصلو ودران القليب الليك هفا
-
وكل عام وانتم بالف خير
|
Post: #50
Title: Re: دندنات على شاطئ ليل مبلل ببالندى
Author: مجدي عبدالرحيم فضل
Date: 12-23-2007, 11:35 AM
Parent: #48
Quote: هو العيد شنو ؟!!
العيد وفا
وكلمات حُنان من زول معبَّق بالصفا
تنزل تبرد للحشى
تملاه بالحِن الدفا
ياأحلى عيد
طلانا في الزمن الجفا
خليني فيك
خليكي فيني
ما اصلو ودران القليب الليك هفا
- |
أحلي عيـــــــــــدية د. محمد حسن سلمت يمينك
،،،،أبوقصى،،،،
|
Post: #51
Title: Re: دندنات على شاطئ ليل مبلل ببالندى
Author: د.محمد حسن
Date: 12-23-2007, 06:58 PM
Parent: #50
ابو قصي
كل عام وانت كل الجمال
صادق تمنياتي
|
Post: #52
Title: Re: دندنات على شاطئ ليل مبلل ببالندى
Author: د.محمد حسن
Date: 12-24-2007, 07:45 AM
Parent: #1
شيلي حاجاتنا الجميلة
وبي ورا الزمن ادفنيها
وعلمي عيونك تداري
بهجة الفرحة اللي فيها
لما كلماتي الحنينة
تسبق الأشواق تجيها
وابقي غيبي
وفي دواخلك امسحيها
لحظة الوله الندية
لما نتحاور قصايد
ويرتعش رمش العيون
وتنثني شوقا وتيها
ودسي في نفسك جمالنا
لما نتماوج غزل
ويفرح القلب الكناري
وينتشي الحلم المنى
يبرق البسم السنا
غيبي بي كل اللي بينا
من احاسيس فيها
من الوان ظلال
همسة ما بتتقال
وبس
آهة جوة الجوف هنا
غيبي يا ست الدلال
وخلي بالك
انو في قلبك سكوني
وانت جواي
وكل مساماتي المشبعة
بي غرامك
انت فيها
|
|