قبل يومين في سهرة بتلفزيون السودان الفضائي.. (ماشالله).. إستضاف المذيع والإعلامي المخضرم.. عوض إبراهيم عوض اسرة مصنع للبلاستيك بالسودان.. (لا ادري إسم المصنع بالضبط لاني لم أحظى بحضور السهرة منذ بدايتها)...
المهم.. خلال السهرة قدّم عوض إبراهيم عوض مهندس شاعر من إدارة المصنع إسمه على ما أذكر ربيع موسى..
وخلال معرض حديثه..قال عوض شئ كالآتي.. "مهندس شاعر.. ما عارفين الشعر جا من البلاستيك.. ولا البلاستيك جا من الشعر؟"
(!!!!!!) ____ بعد الأرشفة توقعوا رصد للدرر والدرّاب الفضائي السوداني في هذا المكان.. ولانه إحنا شعب متضامن ومتكافل.. فلابد أن تتكافلوا معي وتضوقوا معي الويل الذي تبثّه فضائياتنا كل عشية..
ومرحب بمساهماتكم وميتة الجماعة عرس..
حاشية: (علي مهدي وقلتوا اصلا هو كده.. طيب ده مالو)
التلفزيون السوداني يدعو للغثيان .ليس هناك ازمة مقدمي برامج مبدعين وانما الازمة في من يديرون هذه الاجهزة .حتي تلفزيون النيل الازق الذي قلنا انه المخرج من السخف بتاع القومي هاهو يسير في نفس دربه واخونا سعد الدين يتساخف مع زوجات عمر النقي وابراهومة في سهرة بثت قبل ثلاث ايام المخرج موجود في الرموت كنترول
Quote: (علي مهدي وقلتوا اصلا هو كده.. طيب ده مالو)
دا الاصلاً هو كدا
_______ استضافت أمس إحدى مذيعات النيل الأزرق الممثل محمد المهدي الفادني؛ و في نهاية اللقاء شكرته قائلة: نشكر ضيفنا محمد المهدي المجذوب؛ هز رأسه و نظر اليها بأسى ثم همس: الفادني!
سلام نجوان - رمضان كريم، وبصراحة كدة منظر قهوتك دة زاد علينا الصداع
الدراب هو الأصل، خاصة من ناس زي صاحب الابتسامة المصطنعة والذي يعطيك احساساً بأن القيامة ستأتي بعد نصف ساعة - الدكتور عوض إبراهيم عوض. ويا ريت نميري يوم داك قطروا اتعطل ...
أما الاستثناء في تلفزيوناتنا فهو الجيد. والجيد هنا كانت سهرة في شكل مسابقة احتفت بالراحل عبد العزيز محمد داؤود.
الاستثناء كان صوت إبنة الراحل أبو داؤود والتي أدت أغنية جميلة للغاية
أما "الأصل" فقد كان مقدم ومقدمة البرنامج بكل ما يحملانه من إرث ثقيل في التصنع وتخفيف الدم والتفزلك والتزلف وطرح الأسئلة بدون الالتفات لأجابتها؟ خاطب المقدم أحد المتسابقين عند وصوله للمايكروفون "شايف في رجفة كدة. أول مرة تظهر في التلفزيون؟" الولد طلع ظاهر في التلفزيون أكثر من المقدم نفسه وغنى بشكل ممتاز
Quote: التلفزيون السوداني يدعو للغثيان .ليس هناك ازمة مقدمي برامج مبدعين وانما الازمة في من يديرون هذه الاجهزة .حتي تلفزيون النيل الازق الذي قلنا انه المخرج من السخف بتاع القومي هاهو يسير في نفس دربه واخونا سعد الدين يتساخف مع زوجات عمر النقي وابراهومة في سهرة بثت قبل ثلاث ايام المخرج موجود في الرموت كنترول
سعد الدين!
انا تلفزيون السودان دا الا يكون فيهو غناء وفنان بستاهل حتى افتحو! ولو فتحتو بكون شايل اتنين ريموت بالشمال واليمين حجارتهم جاهزة واحد للرسيفر وواحد للتلفزيون والكوبس حق الكهربا جنبى للعدم افصل الكهرباء على طول! الدنيا ما مضمونة نقوم نتفاجع بى تلفزة خارجية! جنى
إزيّك يا معتصم.. وكل سنة وانت طيب.. مشكور على الأبيات الطيّبات..
وهات ما عندك..
درّاب التلفزيون لا يحتاج أي تنقيب.. خمسة دقائق من محطاتنا تمنحك.. وبسخاء نماذج من الشتارة.. وعدم العرفة.. من ألمع الأسماء الإعلامية.. وأكثرها خبرة..
Post: #9 Title: Re: درر ودرّاب... مقتطفــات فضــائية.. فاضية... Author: سامى عبد الوهاب مكى Date: 09-19-2007, 10:51 AM Parent: #1
يا نجوان شكلكـ ممغوصة اكتر مني!!
ألحمد لله في ناس زي حالتي..
المشكلة لو اي زول (غير) سوداني إنتقد تلفزيون السودان تشيلنا الهاشمية ونسل سكاكينا!!
أنا ما عارف المشكلة وين!!
يا ربي عدم توظيف سليم من البداية..!!
ولا عدم تدريب وتاهيل!!
ولا الشغلانة بس تقلة دم مستشرية زي الوباء.!!
في الكاميرا الخفية امبارح ربيع طه ومعاه واحد مدغلب وبتاع امجاد...والفين جنية وغلاط والموضوع بقى زي النكتة الطويلة ومسيخة..في النهاية لمن بتاع الامجاد شال ليه طوبة من الارض..في سري قلت إن شاء الله يليس ليه عشان يبطلوا العباطة!!
ربنا يصلح الحال!!
كنت عاوز أجيب الدليل على خفة على مهدي وشلاقتو في البوست التاني إنشغلت..
لكن بجيبا بجيبا!!
موقف في طيارة بين السماء والارض!!
وموقف تاني قدام مكتبو في شارع الجمهورية..مكتب منظمة شكلو كدا!!
أمبارك شفت خمسة دقائق من الكاميرا الخفيّة يا سامي.. وتعجبت..
أولا بحثت عن عنصر الفكاهة فيها.. فكان غائبا وبريء كل البراءة.. ثانيا.. أشفقت على الضحية.. (كان ضحية حقيقة)..
في محل.. (أظن في العفراء مول) .. شاب إشترى حذاء ودفع ليهم قروشهم.. راحت البنت الكاشير مطلّعة من كيس الشاب كرافتة! قائلة "دي شنو؟؟".. طبعا هو أسقط في يده.. قال ما عارف الكرافتة جات في الكيس كيف..
وكان هناك بعد ذلك حوار طويل وعريض.. ومضمونه إتهام الشاب بالسرقة.. وعبارات غاية في اللؤم والحدة.. من الكاشير..
وبعد سنة كده .. أٌخبروا الشاب بأن هذا البرنامج الكاميرا الخفية.. مسح الشاب العرق من على جبينه... وحاول إبتلاع الصدمة.. وسامح طاقم البرنامج .. (على مضض حسب ما شفت)..
طبعا قصه الكاميرا الخفيفه دي في السودان ومع الظروف الاقتصاديه مابتنفع لانو نحن حسب التركيبة ناس انفعاليين خالص لكن شوفو الناس دي بااااارده وبتتعامل مع الحاجات والمواقف دي كيف؟لاعندهم صف رغيف ولا كهرباء قطعت المابخليهم باردين شنو؟؟سبب واحد ماف.. بعدبن اتهام المواطن بالسرقه ده موضوع كبير خاصه السوداني لانو نحن ربونا علي طريقه ماتهبش الحاجه دي ..وامشي مع القدرك العب بي هناك وعدم الثقه في اطفالنا متواجد لذا احساس عدم الامانه برضو متواجد فماتقول لي كاميرا خفيه لا جن ماف وزول بصدق ليك كاميرا بعدين الناس زهجانه من اي شي كاميرا شنو ياخ(ده تفكير مواطن بي صوت عالي) محبتي عليش
Post: #10 Title: Re: درر ودرّاب... مقتطفــات فضــائية.. فاضية... Author: walid taha Date: 09-19-2007, 10:59 AM Parent: #1
last night بالنيل الأزرق .. إستضافت مذيعة .. تبدو صغيرة في السن.. المخرج بدرالدين حسني..
وقالت فيما قالت.. "طبعا إنت كبير يا بدر الدين.. لكن ما كبير خالص.."
______ تحدّث بدرالدين حسني عن الإيقاع السريع للحياة الآن.. وكيف تغّيرت متطلبات إخراج العمل الجيّد.. وذكر بأن المذيع والمذيعة لابد ان يكونوا ملّمين بمجال الضيف لدرجة تقارب التخصص.. حتى يكون الحوار مفيدا..
(وفي خاطري.. تلفزيوننا ده بيعمل العكس تماما..).. ______
خلال الحوار .. ذكر بدرالدين أنه أحيانا بيقابل ناس كانوا في برامج الأطفال عندما كانوا صغارا..
وذكر.. قبل سنوات كان مع زوجته.. على وشك أن يقيفوا في صف طويل لشراء فرن تركي فإذا بشابة..(من بنامج الأطفال سابقا) تسلّم عليه.. (وكانت فيما يبدو من المسؤليين في موضوع الفرن ده) .. "وطلعت بالفرن في أقل من ربع ساعة.."
يعني.. درابة خفيفة كده من بدرالدين..
Post: #15 Title: Re: درر ودرّاب... مقتطفــات فضــائية.. فاضية... Author: هاشم أحمد خلف الله Date: 09-20-2007, 07:03 AM Parent: #14
كادر تم تعينه بالواسطه دون الاهتمام الى القدرات حاتنتظرى منه شنو. الاسبوع الفات شاهدته سهره الفنان كان عامر الجوهرى تسمع فقط صوت الفنان وكم اله موسيقيه وبقية الالات فى اجازة كانت حاجه قبيحه جدا تلفزيون مافيهو مهندس صوت اى فنى sound system بتاع حفلات ممكن يعمل صوت افضل من ده.
الكلام يطول عن التلفزيون ومشاكله , يعنى مرض مزمن. وحقيقة شينه شاشتنا.
احمــد خضــر
Post: #17 Title: Re: درر ودرّاب... مقتطفــات فضــائية.. فاضية... Author: حسين يوسف احمد Date: 09-20-2007, 03:37 PM Parent: #16
عفـوا نجوان .. وبقية الأعزاء ..
أتفق معكم أن مستوى الأداء في الفضائية السودانية غير مشرف .. وأعتقد أن السبب الرئيس ليس خلو الوطن من الابداع والمبدعين فهم كثر والله ، والحمد لله .. لكن الخلل الأساسي في تحجيم قدرات المبدعين والمبدعات ، ومحاربة الذين بيدهم تحويل الفسيخ لشربات .. ومع ذلك لا يخلو التلفزيون القومي والنيل الأزرق من بعض البرامج التي تشدنا إليها .. إيه رايك أحيانا نشرة العاشرة ( رقم قلبنتها) تشدني ولا أحول الريموت اطلاقا !!! كما يجب ألا ننسى أن الخلل الابداعي ليس في التلفزيون فقط ، فهو ( ما شاء الله ) شامل كامل لكل وسائل الاعلام اذاعة وصحافة وتلفزيون .. وربما يكون ربنا رحمكم لأنكم لا تنفقون أموالا في شراء صحافتنا أو بالأصح وريقاتنا .. فهي شأنها شأن التلفزيون بل أضل سبيلا وأكثر مللا 85 % منها اعلانات وتنويهات ووفيات .. وكل من هب ودب يكتب عمود .. وكل من هب ودب يحكي لنا عن قصص مملة شاهدها هو في الشارع ( وأشك في شاهدها هذه ) وتقابلنا هذه القصص يويميا ، كأنني اشتري الصحيفة ليحدثني عن يومه الخاص ..
يا عزيزتي .. شئنا أم ابينا سيكون هذا حال اعلامنا حتى يعود إليه كل المبدعين الذين أجبروا على التنحي .. ولن يحدث ذلك حتى نجبر نظام الجبهة الاسلامية وشركائها الجدد على التنحي .. ولن يحدث ذلك حتى نوحد جهودنا ونؤمن بجماهير شعبنا وقدرتها على التغيير والابداع .. ولن يحدث ذلك حتى نؤمن أن خلاص الوطن ليس في الاستعانة بالأجنبي وانتظار الحلول الآتية من وراء البحار ..
وحتى يحدث ذلك دعواتي لك بمشاهدة طيبة لمسابقة زين !!!
Quote: كما يجب ألا ننسى أن الخلل الابداعي ليس في التلفزيون فقط ، فهو ( ما شاء الله ) شامل كامل لكل وسائل الاعلام اذاعة وصحافة وتلفزيون .. وربما يكون ربنا رحمكم لأنكم لا تنفقون أموالا في شراء صحافتنا أو بالأصح وريقاتنا .. فهي شأنها شأن التلفزيون بل أضل سبيلا وأكثر مللا 85 % منها اعلانات وتنويهات ووفيات .. وكل من هب ودب يكتب عمود ..
أنا خليني يا حسين مع التلفزيون ده.. الصحافة وناس الزومة ديل تخصص جنّي وآخرين..
مقدّم السهرة.. عوض إبراهيم عوض.. (شكله كده ح يكون إسم ثابت في هذا الخيط)..
حصلّت شوية من أغنية بيغني فيها شاب إسمه محمد حسن.. لوهلة.. فرحت لسماع أغنية جديدة.. بدلا عن الإجترار.. لكن خابت آمالي ... عندما بدت الأغنية مالوفة.. (إتضح بعد 3 دقائق إنها اغنية المرحوم هاشم ميرغني).. لكن محمد حسن بالغ في لولوة الأغنية.. حتى ضاعت ملامحها..
المهم.. عوض إبراهيم عوض.. طلب الترحيب باسرة سودانية زوجين.. وثلاثة أبناء.. teenagers وقال أن الزوجة سودانية "ميّة في الميّة".. والزوج أجنبي (بريطاني على ما أذكر).. لحدّي هنا كويس
أول سؤال من عوض للزوجة كان شئ كالآتي "إنتي ليه خلّيتي العمم دي كلها (مشيرا بيده للحضور) وتزوجتي أجنبي؟"
ثم وجّه سؤال مماثل باللغة العربية للزوج.. فطلب الزوج إعادة السؤال بالإنجليزية لأنه لا يتحدث العربية.. ترجم عوض السؤال بالإنجليزي.. ثم.. ولوهلة قصيرة... إستند عوض بكوعه على كتف الرجل.. !!!!!!
لا أدري إن كان عوض منتبها.. أو قصد إشعار الرجل بالحفاوة والطيبة السودانية؟ (ده أحسن منه درّاب الكلام)
قال الزوج.. أنه فوجئ بالإنترفيو.. وكان on the spot (لوم خفيف ) ثم أضاف.. بأنه لم يعلم بهذه السهرة إلا في نفس اليوم (الظهر).. ولم يعلم بأنهم سيتحدّثوا في السهرة إلا قبل خمسة دقائق.. (أشفقت على الرجل.. لكن .. hello إنت في السودان!)
وفي سباق مثير جدا لرمي الدرّاب.. قال الزوج أن النساء الغربيات طمّاعات (greedy) وماديّات.. وعوض (طارت منه كل الإنشاء) يفكر في إحتواء الموقف.. وهكذا تصريحات.. مكتفيا بـ "yeah.. aha"
وسأل عوض أحد الأبناء.. "إنت عارف تسريحة شعرك دي بتاعة بنات؟" "عندك حلق ولا ما عندك؟"
نجوان لا تشكيلى احسن ابكيلك! الليلة المذيع جاء خاتى فوطة شعار شركة زين بتاعة الموبايلات فوق العمة حقتو! الحمدلله الشركة الراعية ما كانت شركة شركة حفاضات اطفال (دايابرز) جنى
Post: #28 Title: Re: درر ودرّاب... مقتطفــات فضــائية.. فاضية... Author: عبدالكريم الامين احمد Date: 09-21-2007, 00:34 AM Parent: #27
Quote: هو الإثبات محتاج وقت قدر ده؟؟
عموما أنا خليني.. أقنعوا بقية امّة محمد دي..
هلا يانجوان وخليل بس بعيد عن النت وهذا هو السبب وعلي مهدي ده زولو هو براااهو يازولة هووووي انا مش معاهو ابدا... وعموما كلنا في انتظاره لاقناع باقي امة محمد..
وعفوا للخروج عن سيرة الدراب مع انو علي مهدي ذااتو اكبر دراب مسرحي
Quote: مقدّم السهرة.. عوض إبراهيم عوض.. (شكله كده ح يكون إسم ثابت في هذا الخيط)..
ما قال ليكم ساعت كنا فى ماليزيا! بجينى احساس انو اسمو مفروض يكون عوى ابراهيم عوى! لانو ما بسكت من بداية البرنامج لى نهايتوا ما يقضل ليهو الا يغنى دويتو مع الفنان او بالعدم يشيل معاهو! جنى
Quote: أما "الأصل" فقد كان مقدم ومقدمة البرنامج بكل ما يحملانه من إرث ثقيل في التصنع وتخفيف الدم والتفزلك والتزلف وطرح الأسئلة بدون الالتفات لأجابتها؟ خاطب المقدم أحد المتسابقين عند وصوله للمايكروفون "شايف في رجفة كدة. أول مرة تظهر في التلفزيون؟" الولد طلع ظاهر في التلفزيون أكثر من المقدم نفسه وغنى بشكل ممتاز
زمان الولد لمن لمن يكون بليد وساقط فى العربى والجغرافيا والتاريخ بودوهو المنطقة الصناعية عشان يتعلم ليهو مهنة ! الظاهر بقوا يودوهم الاذاعة والتلفزيون! دا كوم واللبس كوم براهو!والله وا حد جاء لا بس ليهو بدلة عريضة وطويلة ب تقول س فطوطة بتاع سمير غانم! يا جماعة ارحموا من فى الارض يرحمكم من فى السماء! جنى
Post: #38 Title: Re: درر ودرّاب... مقتطفــات فضــائية.. فاضية... Author: عبد المنعم سليمان Date: 09-21-2007, 12:53 PM Parent: #1
انا المستغرب ليهو عوض ابراهيم عوض ده بسلام علي الضيوف بالبوس ليه
انا ما شفت لي سودني راجل بسلم علي التاني بالبــوس علي الخد الايمن والايسر
موضوعك في الصميم اصلة تلفزيون السودان دة فاقع مرارة مية وخمسين في المية من الشعب السوداني.
في الحقيقة انا من فترة ما بشاهده وافتكر اي زول يلقى البديل ما بيتردد في تركه لانو احسن قناة في تطفيش الزباين.
لفت نظري تعليق احد المتداخلين
Quote: ليست هناك ازمة مقدمي برامج مبدعين
لكن يبدو لي انه ازمة الازمات في تلفزيونا المقدمين وعدم تأهلهم واعدادهم بعض المقدمين تلقيهو مش ما بيملك ادني مقومات التقديم بس بل بيفتقر للبديهة العند عامة الناس تلقيهو هو في وادي والضيف في وادي. ردود الضيف ما بتقوده لفتح منافذ جديدة في النقاش بيكون باقي عشرة على اسئلتو الكاتبها في ورقتو وردود الضيف دي يسمعوها المشاهدين بس. غايتو انا - باختصار - لما اكون بشاهد في برنامج في تلفزيونا بكون متنشنة مع المقدم جدا وعندي احساس انه في طوبة فوق راسي في اي وقت ممكن تقع
وزي ما قال الاخ سامي عبد الوهاب:
Quote: المشكلة لو اي زول (غير) سوداني انتقد تلفزيون السودان تشيلنا الهاشمية ونسل سكاكينا
صحي لكن اتخيل لما تجي واحدة ما سودانية وتقول قدامي: تخيلو امس من عدم الشغلة شاهدت تلفزيون السودان وتقعد تضحك أها في حالة زي دي عاد ما عندي خيار غير اني اسل سكيني
آسفة على طول المداخلة لكن قلبتي علينا المواجع يا نجوان
يا نجوان يا بتي حداشر شهر عربي وافرنجي ما بنقرب القنوات دي الا لماما مرة مرة لا مر طارئ و لا يشاركني احد في بيتي في التلصص علي هذه القنوات حيث ان اسرتي الصغيرة المغتربة ديمة او بالاصح خالص خالص تنظر الي بشفقة وانا اتلصص هكذا فلقد شهدت كيف افشلتني هذه القنوات في مخططاتي لاغرائهم بمشاهدتها منذ العام 95 وانطلاقة اس دي تي في الفضائية وياما وياما خيبت هذه الاس دي تي في ظني امام صغاري(عندما كانو كذلك) وانا اصر علي ان يستقطعو جزء يسيرامن وقت مشاهداتهم لقنوات الدنيا الاخري ولو دقائق ليشاركوني في مشاهدتها... الان انا اجلس لوحدي في مكتبي او مجلسي احاول ان اقنع نفسي بانه لابد ان اشوف حاجة سودانية في رمضان ( ما مرت كام وتلاتين سنة وما صمنا رمضان هناك وبقي الافطار زيو وزي اي وجبة في الفطر ) وهكذا اتوكع ويرتفع الضغط والسكري والعن في سري سلسفيل من سرقو سوداننا منا ...حتي القناة الاخيرة واللسع ما بدت وقالت " قنا’ ايه سودانية " اهو بعد الافطار بيجي برنامج خاص برمضان اسمو " فنقان أهوا " والسيد المذيع " والله احنا شاكرين ااوي ااوي لحضرتك وممكن ناخد فنقان اهوا دلوئتي " وهاااااا قناة سودانية ...."وادي العين حقها" ( سجم العين والنطارات ذاتا )
واقوم واقعد ووين الرموت وحول علي دييك ويجييك دااك " بنك فيصل عيييييك "
وارجع تاني الي دييك وتجي "تيغا الموية بتفرح بيها " وانا والله يابتي مهندس وبنيت الاف المباني وما شفت لي خزان بيفرح بالموية ...
سلام خضر.. ومشكور على المداخلة المفصّلة.. شكلك مختص.. أو قريب جدا من مجال التلفزيون..
أشاركك الرأي بخصوص التدهور في أداء النيل الأزرق.. لكن لا أدري إن كان إنطباعنا الأول عنها متضخّم شوية بسبب المقارنة مع التلفزيون القومي الممل..
Quote: وكثير من الاخوة العاملين في قناة النيل الازرق هم نفس العاملين في تلفزيون السودان
أجد مشكلة في هذه.. تلفزيون السودان فشل تماما في أداء دوره.. أن تسكن معه النيل الأزرق في نفس الحوش.. وتقاسمه الموارد البشرية حتما ولابد .. أن ترى روح تلفزيون السودان في النيل الأزرق..
في ظرف كهذا.. تغيير بيئة العمل وثقافته بصورة جذرية يصبح أمرا صعبا إن لم يكن مستحيلا..
بالكتير .. ستظل النيل الأزرق، نسخة محسنّة (قليلا) من التلفزيون القومي.. وهذا سوء تخطيط.. أو طموح غاية في التواضع..
امبارح.. مستضيف اسرة شركة زين (موبيتل سابقا).. شركة عندها حملة إعلامية قوية جدا.. (وما بهمها القرش).. تحاصر ناس الداخل من كل جهة..
المهم.. عوض.. سال إحدى موظفات زين عن مديرهم (خالد خورشيد) بالحرف: "خالد ده زول ظريف ولا ما ظريف؟".. الموظفة كانت لبقة.. وعملت من الفسيخ (اللي هو سؤال عوض) شربات.. وأجابت (بعد أن إحتوت دهشتها) بأنه إنسان جيّد.. وان التعامل معه كان سهل رغم انه غير سوداني.. إلخ..
سؤال عوض كان يكون مناسب جدا لو كان ضيوفه دون السابعة في العمر..
ثم سأل مجموعة الموظفّات "إنتوا ناس ظريفين في عملكم ولا بتعصلجوا؟"
وسأل أيضا: "الزولة البنسمع صوتها في زين دي واحدة منّكم؟ صوتها جميل.. عايزين نعيّنها معانا في هارموني"..
ثم سأل بالإنجليزي مدير الموارد البشرية (أجنبي).. سأله: "how did you find the Sudanese Humans" _______
قامت شركة زين (في السهرة) بتكريم شاب سوداني لانه إسمه سودان.. بعد التكريم قال عوض: "نهدي الأغنية الجاية لسودان لازم يرقص رقيص خاص.. ونحن معاه" !!!! (تعليمة؟؟)
أنا طبعا القناة السودانية ]d عامل ليها Delete عشان ماأقوم بالغلط أقع فيها. قبل يومين مشيت على هارموني وقلت يمكن يكون فيهم رقشة الناس ديل . لقيت لقاء عاملو واحد مهبب اسمو د. عمر مسعود مع سيف الجامعة. سيف طبعا حسب رأيي الشخصي زول غناي وزول راسو مليان. مقدم السهرة المهبب قام سأل سيف عن أسباب لبسو للكاب دايما. إجابة سيف كانت منطقية. قام مقدم السهرة قال ليهو أسي ممكن تشيل لينا العمة دي عشان نشوفك بالصلعة. طوالي قمت برضو عملت ليها Delete
Quote: ثم سأل بالإنجليزي مدير الموارد البشرية (أجنبي).. سأله: "how did you find the Sudanese Humans"
البشر السودانى! قادر الله سودانيز تعنى الجماد والتبات والحيوان والبنى ادمين! عوض لمن لا يعلم اذاع خبر اعدام الاستاذ محمود محمد طه متشفيا ولم يكتفى بانه مذيع للخبر بل اضاف من عنده مفردات لا يمكن ان تصدر الا من شخص مريض! انا شخصيا لو لاقيتوا فى السوق بخلى ليهو السوق عشان يمرح فيهو! والله عوض دا تلفزيون ريفى كتير عليهو خليك من قومى! جنى
Quote: لقيت لقاء عاملو واحد مهبب اسمو د. عمر مسعود مع سيف الجامعة. سيف طبعا حسب رأيي الشخصي زول غناي وزول راسو مليان. مقدم السهرة المهبب قام سأل سيف عن أسباب لبسو للكاب دايما. إجابة سيف كانت منطقية.
ذكر كل التفاصيل و لم يذكر الإجابة التي وصفها بالمنطقية!!
فجأة سأل عوض نفس الرجل (مدير الموارد البشرية) "are youmarried" رّد الضيف بدهشة "pardon me" كرّر عوض السؤال.. وواضح انه كان سؤال عشوائي كغيره.. سؤال تسأله لزول تلاقيه في المواصلات... في عيادة.. مكتب خطوط..
لماذا لا يأتي عوض لسهراته بخطة حوار.. معلومات عن ضيوفه.. شركات أو غيره بدلا عن إرتجال حوار سخيف .. كل ليلة..
ومافائدة الخبرة.. التي لا تضيف للآداء much بعد عقود أمام الكاميرا؟
Post: #58 Title: Re: درر ودرّاب... مقتطفــات فضــائية.. فاضية... Author: عبد المنعم سليمان Date: 09-23-2007, 02:21 PM Parent: #1
Quote: ذكر كل التفاصيل و لم يذكر الإجابة التي وصفها بالمنطقية!!
شكرا نجوان ورمضان كريم .. والله مكان الواحد يتفشي فيهو ....
احمد خضر الفنان والله قصة عامر الجوهري دي انا كنت مفتكر انه عازف الايقاع طلع
من الزمن لكن فجأ شويه شويه ظهر الايقاع كما هو والاخ عامر ارتبك شويه في البدايه
ماكنت فاكر الحكايه طبزه فنيه..
وفي سباق مثير جدا لرمي الدرّاب.. قال الزوج أن النساء الغربيات طمّاعات (greedy) وماديّات.. وعوض (طارت منه كل الإنشاء) يفكر في إحتواء الموقف.. وهكذا تصريحات.. مكتفيا بـ "yeah.. aha"
وسأل عوض أحد الأبناء.. "إنت عارف تسريحة شعرك دي بتاعة بنات؟" "عندك حلق ولا ما عندك؟"
الحمدالله الواحد لسع عايش ما طقه فيهو عرق ..........
شكرا نجوان ورمضان كريم .. والله مكان الواحد يتفشي فيهو ....
احمد خضر الفنان والله قصة عامر الجوهري دي انا كنت مفتكر انه عازف الايقاع طلع
من الزمن لكن فجأ شويه شويه ظهر الايقاع كما هو والاخ عامر ارتبك شويه في البدايه
ماكنت فاكر الحكايه طبزه فنيه من التلفزيون ..
وفي سباق مثير جدا لرمي الدرّاب.. قال الزوج أن النساء الغربيات طمّاعات (greedy) وماديّات.. وعوض (طارت منه كل الإنشاء) يفكر في إحتواء الموقف.. وهكذا تصريحات.. مكتفيا بـ "yeah.. aha"
وسأل عوض أحد الأبناء.. "إنت عارف تسريحة شعرك دي بتاعة بنات؟" "عندك حلق ولا ما عندك؟"
الراجل بحاول يخفف دمه !!!!!!!!!!!!!!!!!!!!
الحمدالله الواحد لسع عايش ما طقه فيهو عرق ..........
Quote: ذكر كل التفاصيل و لم يذكر الإجابة التي وصفها بالمنطقية!!
عبيط زمانو ملس....
أنا مداخلتي كانت عن ثقالة مقدم السهرة (والله تقول أخوك) ولم تكن عن إجابة سيف الجامعة باعتبار أن موضوع لبسه شيء يختاره ويحدده هو طالما لم يكن مؤذيا لعين المشاهد. يعني مقدمالسهرة زول ثقيل ودمو دم قرادة زيك كدا. وهذا ما كنت أقصده. يعني شنو يقول لسيف الجامعة طلع لينا عمتك عشان نشوفك بالصلعة. والله كلامو دا أحسن منو تهبيبك التهببوا هنا وفي شظـــــــــــــــــايا داك. المستغرب ليها أنا إنو إنك بثقالتك وحبك للظهور دا. ليه ما بقيت مذيع في واحدة من قنوات الإنقاذ. أشوف ليك عمر الجزلي؟؟؟؟؟؟؟؟؟؟؟؟؟؟؟؟؟؟؟
تصدقي ما بفتح تلفزيون السودان إلا في النشرات.. ولما كنت مع أمي كنت مرة مرة بتفاجأ بحاجات كده.. طبعا أمي محنًة ساااكت ما بتتفرج إلا على القنوات السودانية.. ولما تجي تشتكي زيكم كده بقول ليها: تستاااهلي.. وبرضو بقول ليكم: تستاهلو إنتو البوديكم تهابشو شنو..؟
القنوات البتفرج عليها وتلفزيوني عارف دربها هي: mbc2,mbc4,Dubai one,JSC,Aljazira intrnational,BBCW, smash TV, Melodey Aflam and Rotana Cinema
كيفك يا نجوان.. جيتك رغم هرشة المرة الفاتت. لكن كان عاصم البنا هرشوهو..شنو لي!؟
المهم...
* قبل كم يوم في سهرة أجراس...و مفروض يكون إسمها أفراس..من فَرسَة و إتفرسَ فهو مُتفرِس.. أو إجراس..من جرسَة..إتجرٌس...فهو مُتجٌرِس. كانت الحلقة عن الشاكوش الأول..آآآي و الله... و اضح جداً..they ran out of مواضيع..!
لاحظت إنو البنات و السيدات المُستضافات كانوا بيتكلموا عن تجاربهم العاطفية (( الشاكوش الأول الأخدوهو..و الشاكوش الأول الأدوهو ))بكل قوة عين و دون أن يطرف لهن جفن...بينما خجل شكر الله و كان متحفظ في الكلام عن شاكوشه الأول..و هرب (( صالحين )) عدييييل كدا من الدخول في تفاصيل. ما عندي أي إعتراض على التجارب العاطفية (( عشان ما تشبوا لي في حلقي )) .. لكن...الكلام عنها بالإستهتار دا...و على الهواء مباشرةً...و قدام الأب و الأخ و الخال و العم و أخيراً الزوج الممكون...شينة عديييييييييل كدا!
سودانى ومصرى بتغالطوا كل واحد بقول للتانى تلفزيونا احسن من تلفزيونكم وكل واحد بعدد فى ايجابيات تلفزيون بلدو ويعدد سلبيات تلفزيون التانى! اها المصرى زهج وقال للسودانى: والله نحن التلفزيون بتاعنا مقفول احسن من حقكو مفتوح! شوفتى كيف يا الممكونة! جنى
Quote: لاحظت إنو البنات و السيدات المُستضافات كانوا بيتكلموا عن تجاربهم العاطفية (( الشاكوش الأول الأخدوهو..و الشاكوش الأول الأدوهو ))بكل قوة عين و دون أن يطرف لهن جفن
سهرة (( إخراس )) دي في قناة النيل الأزرق.. بتقدمها البت الحلوة العاجبة ملاسي.. و الظاهر ناس صالحين قاسم مُشترك في كل الحلقات.. ياخي... دي ما ياها الجابو فيها البعيو و عبد اللطيف البوني ظااااتا!!! (( محمد معانا..ما تغشانا ))!
لمدة شهور... كانت القناة تعرض لقطات من رقصات شعبية سودانية.. بأزياء وألوان زاهية.. من كل بقاع السودان.. في منتهى الروعة.. وفي الخلفية.. remix موسيقي لأغنية "انا سوداني أنا".. (للشروق خبراء غرافيكس يبدو انهم عارفين شغلهم..)
باقة المذيعين والمذيعات .. متنوّعة.. سودانيين وغير سودانيين.. في تقديري.. هذا قد يؤدي لمنافسة مثمرة.. وفرص للتعلم..(للجميع).. (رغم انه كتير من القنوات العربية تعاني من عثرات مشابهة لعثراتنا)..
أتمنّى: 1. أن يدرس اصحاب الشأن أوجه القصور في الفضائيات الأخرى ويحاولوا أن يتحاشوها 2. أن تبتعد الشروق عن الإعلاميين الكروتهم محروقة خلال قنوات أخرى 3. أن تبتعد الشروق -by all means- عن مبنى التلفزيون القومي وموارده لأن من جاور السعيد يسعد.. والعكس صحيح.. 4. أن تتجنّب الدراما السودانية (ضمن درامات أخرى).. في وضعها الحالي.. 5. ألا تتعاقد مع سعد الدين.. عوض ابراهيم عوض.. أو علي مهدي..
Quote: سلام خضر.. ومشكور على المداخلة المفصّلة.. شكلك مختص.. أو قريب جدا من مجال التلفزيون..
لأخت نجوان
شكرا على هذا البوست خفيف الظل، وكامل الدسم في البداية أنوه إلى أن الأستاذ خضر الطيب، يعد واحد من أميز الكوادر السودانية المتخصصة في صناعة الصورة التلفزيونية، ومن متابعتي لكتاباته، ورأي بعض المختصين الذين زاملوه في قناة العربية، أنه صاحبة رؤية فنية صقلها بإطلاعه على ما يستجد في مجال اختصاصه.
أما حكاية دراريب قنواتنا، وخاصة فيما يختص بإدارة الحوار مع ضيوف البرامج "السهرة"، ففي رأي الشخصي أن الأمر يعود في أساسه للفوضى وغياب التخطيط والاستسهال، والمتابع لبرامج القنوات السودانية يلاحظ غياب التحضير المسبق لمادة الحلقة، وعدم وجود بحث أو حتى محاور للحوار تغطي موضوع الحلقة، وقد يهتم معدي البرامج بتفاصيل الضيوف وشكل الجلسة والكراسي، ومين حيجي ومين ما حيجي، ويتجاهل تماما الاعداد لموضوع الحلقة، ويترك لاجتهادات مقدمي البرامج، أو على الأصح عشوائيتهم...
Quote: في البداية أنوه إلى أن الأستاذ خضر الطيب، يعد واحد من أميز الكوادر السودانية المتخصصة في صناعة الصورة التلفزيونية،
سلام يا نادوس.. شكرا على تعريفك للأستاذ خضر الطيب.. ومرحب بيه وبيك..
Quote: وقد يهتم معدي البرامج بتفاصيل الضيوف وشكل الجلسة والكراسي، ومين حيجي ومين ما حيجي، ويتجاهل تماما الاعداد لموضوع الحلقة، ويترك لاجتهادات مقدمي البرامج، أو على الأصح عشوائيتهم...
ده حقيقة ثابتة للأسف.. وموجودة في بعض الفضائيات العربية الأخرى حيث الإمكانيات متوفرة.. لكن العقلية تهتم بالشكليات أكتر من المضمون..
ما يحيّرني سهولة الوصول أمام الكاميرا عندنا وفي الprime time دون إعتبار للإمكانيات.. عند غيرنا المذيع بيحفى سنوات وسنوات يزيد من خبرته وساعاته.. يدعّم السيرة الذاتية.. قبل أن يحلم بفرصة كهذه..
وحين تأتي الفرصة الذهبية.. لابد أن يبذل أضعاف المجهود ليحافظ عليها..
ليس لدينا حافز.. لأن الفرص لا تبدو مرتبطة بالمؤهلات والمنافسة العادلة..
Quote: 5. ألا تتعاقد مع سعد الدين.. عوض ابراهيم عوض.. أو علي مهدي..
انا شايف واحد من التلاتة في حفلة تدشيين القناة وكان بتاوق لبتاع الكاميرا ...في قعادنا الطول برة الواحد عاصر بداية قنوات عربية رسمية وتجارية كثيرة ومنها التي تمتلك امكانات مادية مهولة لكنها ضاعت في تكرار نمط واحد يتبعه اولا المذيعيين والمذيعات في المخاطبة ثم في مضمون البرامج التي تتغير عنواينها فقط ثم في التكرار الممل لبرامج او افلام ثم الطامة الكبري وهو الجهل العام رغم وجود معينات كثيرة للمعرفة والمعلومة هذه الايام...اهتمامي بهذا الشان مرده تخصص بنتي في هذا المجال ومتابعة لدراستهن الجامعية وفوق الجامعية وعلاقتي بالمؤسسات التي تتعلمن فيها (لاسباب كثيرة لغير الناطقيين بها يعني ما عربي )والكتب الكثيرة التي تتوفر هذه الايام في هذا المجال واهمية المعلومة العامة والخاصة عند من يعمل في هذا المجال..الخ ...هذا المجال يحتاج الي معرفة كثيرة متجددة تشمل كل مناح الحياة .القراءة الخاصة امر واجب لمن يمتهن هذه المهن والالمام بتجارب الغير ووووكثير من الاجتهاد . الاهتمام بالتقعر في الحديث وسوء المتابعة لما يحدث في هذا المجال يجعل من القائميين علي هذه الفنوات ممليين وينصرف المذيعيين والمذيعات الي التكرار والمحاكاة ... توفر المعينات التفنية قد يغير في الصورة والصوت الا انه لا يحسن المضمون ان كان سئ الاختيار والاعداد والانتاج ....
Quote: توفر المعينات التقنية قد يغير في الصورة والصوت الا انه لا يحسن المضمون ان كان سئ الاختيار والاعداد والانتاج ....
مضبوط
أتفق معاك يا باش.. وأضيف.. سنوات الخبرة لا تعني كثيرا.. إن كان جلّها سباحة في مياه إعلامية راكدة..
Post: #93 Title: Re: درر ودرّاب... مقتطفــات فضــائية.. فاضية... Author: محمد عمر الفكي Date: 09-27-2007, 08:08 PM Parent: #89
الايام دي قاعد معاى ود عمتي شغال في الكرين كرهني بقناة هارموني كل ما اغير القناة يقول لي جيب هارموني قمت سالته انت هارموني دي العاجبك فيها شنو؟ قال لي فيها مذيع كاتب لي شيك وداير اطمن انه ما يكون شرد ولا في زول دخله الحراسة!!!!!
بالمناسبة النيل الازرق عادت ولو انو البرنامج فاتنا لليوم التاني .. ومن مساوئ غياب البرنامج الليلة هو اني كنت اتجول بين قنوات اخري وفجاة وجدت حوارا فيها الصادق المهدي وقاسم بدري وثالث لم اسمعه .. المهم انو المذيعة او المحاورة ما خلت الاتنين دييل يجاوبو علي اسئلتا فاول ما الواحد فيهم يفتح خشمو تجي ناطة تجاوب هي والحمدلله انا لحقت بس الدقائق الاخيرة من البرنامج والغريبة انها قربت تعلن الحداد علي البرنامج لانو مات اقصد انتهي بدري وهو في عز شبابو وانها ما كانت متوقعة انو يتوفي البرنامج بالسرعة دي وحي ووب حي ووب ...والغريبة بعد داك كلو قالت " انتظرونا الاسبوع الجاي " .. يعني برنامج بعاتي يموت ويجي طالع تاني بعد اسبوع ....
سعدالدين: محمد منير إنحاز لفن الأقليات و... منير (مقاطعا): لأ... أنا لم أنحاز. أنا قدّمت فن الأقليات..
سعدالدين: مابين تحديث الأعمال.. والجدل حول تشويهها.. كيف تجاوزت هذا المطب؟ منير: هو ليس مطب... وانما نشوة في تقديمها..
سعدالدين: ما الذي ميّز غناء منير في أوروبا وجعل الجمهور ينجذب إليه؟ منير: لا أدعي البطولة.. هم في الخارج بيسمعوا بتعددية... وليس لهم عروش غنائية محددة..
بحكم نوبية واشياء اخري اعرف منير واتابع لقاءته اكثر من السماع الي اغانيه.. منير يعي جيدا ان حجز مقعد وسط الاسماء المصرية يحتاج الي الاعلام المصري المتعنصر فلذا ومنذ بدايته رفض التصنيف او ان يصنف علي انه يعبر عن فئة معينة في المصر وفي بداياته كان يرفض حتي الذي ذكره الليلة عن نوبيته وما زال لقاء مع الابنودي في التسعينات في قناة فضائية مصرية واصراره علي رفضه مقولة الابنودي " احنا ولاد الجنوب " ويقصد الصعيد والنوبة " وانهما يخاطبان ذلك الجنوب ...منير في ذاكرته ما حدث لغيره من الفنانيين النوبيين في مصر والذين صنفو انفسهم علي انهم نوبيين "المرحوم صديقي حمزة علاء الدين مثال حيث لم يجد التفاتا من مصر رغم ان اسرته في توشكي ولا السودان حيث ولد فيها وحمل جواز سفرها وجنسيتها "...منير حاول ان يتجاوز ذلك ويستقطب الاعلام المصري لمساندته ونجح في ذلك وبعد ان استقر به المقام في القمة صار يفصح عنها .. للاسف سعدالدين غير ملم بامور كثيرة تحيط بامثال منير في مصر وبمنير بالذات ... يا نجوان ما زال المحاور المذيع الموهوب الفطن العارف نادرا في اعلامنا المسموع والمرئ وفي الخاطر امثلة كثيرة واسماء في حياتنا مثال...
نجوان.. لعل المانع خير انتي كمان بقيتي بر بطن بيتكم ؟ .. هسع في الاس دي تي في دراب كتير من زولا يجي مرات ويغيب وكلام عن المهجر ما عارف لو استمريت استمع ليهو اهاجر اروح وين بعد دة كلو تلاتين سنة مهاجر و الزول دة يهجر الواحد الي لظي ...
تحولت الى قناة النيل الأزرق لعل أستريح من ( دراب ) القناة ( القومية ) وكانت هناك سهرة إذا لم تخني الذاكرة أسمها ( الدرب الأخضر ) وليس ( الدراب الأخضر ) السهرة كان فيها طرب جميل من محمد حسن الجقر وأبنه وكانت تسير الهوينا طروبة ...
ولكن ختمها أحد المستضافين ( بدرابة كبيرة ) عندما شكر المذيع الضيوف ومنهم ذلك الشليق عندما قال له ونشكر العم ( ..... ) وعندها قال له ( دراب ) أفندي
Quote: كويس ما قلت ليك ( عمى كباسه ) تحرج المذيع كثيرا من هذه ( الدرابة الكبيرة ) وأبتسم !!!
يعني لو ما جات من المذيع.. بتجي من الضيف.. الله يكون في العون! __ هو اساسا يا عثمان عمي فلان وخالة فلانة دي يجب تجنبها في التعامل الرسمي.. يعني استاذ.. سيد.. سيدة... او لقب علمي اعتقد كافية للتخاطب بإحترام في جهاز اعلامي..
طارق جويلي وما ادراك ما طارق جويلي ..بقى مزيع كيف ما عارف اسئلته سطحية..حضور باهت مزاح في غير محله ..الخ استضاف في برنامج ليالي النغم الفنان الهادي حامد (ود الجبل) وسأله هل التحق بمعهد الموسيقى والمسرح فرد الهادي حامد بأنه قدم للمعهد ولم يتم قبوله فيه فساله جويلي لماذا لم يتم قبولك؟؟؟؟؟؟؟؟؟
Quote: نصيحة لمعجبي منير؛ استمتعوا بأغانيه .. و لا تلقوا بالاً لأدائه في البرامج الحوارية.
ياحسين .. الخطا في مثل هذه الحوارات هو مسئولية المحاور ومعد وصاحب البرنامج ..الاصرار علي اجراء حوارات مع مغني او مطرب يؤثر في رصيد الاخير .. كثير او معظم المغنيين ليس بالضرورة محاوريين او متحدثيين جيديين او اصحاب فكر مستحدث وراي يستوجب الحوار ..لاحظت ان العرب هم اكثر الشعوب رغبة في اجراء حوارات مع المغنيين والمطربيين وقليل جدا ان سمعت او شاهدت مغنيا في الغرب او الشرق (الغير عربي) في حوارات ..انا اتابع منير في حواراته لاسباب تخصني شخصيا ( نوبية او تصب في خانة الشان النوبي وموقفه من قضايا نوبية معينة ) ولست مستمعا متابعا عن قرب لاغانيه عدا تلك التي بالرطانة وهي نادرة (حيث انه ياخذ اللحن النوبي فقط في اغانيه وبعض كلمات ) ....
رمضان كريم يا نجوان: بصراحه نحن مذيعيننا كان بنات ولا أولاد: شينين وما بعرفو يلبسو: ولو ما شينين وبيعرفو يلبسو: ما بعرفو يتكلمو, ولو بعرفو يتكلمو: متقرضمين ودمهم تقيل: ولو دمهم ماتقيل وما تقرضمين: يكون جايين بالواسطة: ولو ما جايين بالواسطة: ما بدوهم فرصة: ولو أدوهم فرصة: ما بدفعو ليهم كويس: وعشان ما بدفغو ليهم كويس : حيغتربو!!!! بتاع النشرة الجوية في نهاية الحلقة قال: تشرق الشمس عند السادسة وخمس وعشرين دقيقة وتغرب عند السابعة واتنين وعشرين دقيقة, شكرا دقيقة!!!
ملاحظة: أن أميز الاعلاميين الذين اثبتوا نجاحا كبيرا في القنوات العربية، وأحتلوا مكانهم بين الكبار على مستوى الاعلام العربي جاءوا من خارج حوش التلفزيون السوداني....
Quote: بتاع النشرة الجوية في نهاية الحلقة قال: تشرق الشمس عند السادسة وخمس وعشرين دقيقة وتغرب عند السابعة واتنين وعشرين دقيقة, شكرا دقيقة!!!
نو!شفتوا ناس قناة الجزيرة عشان يعملوا النشرات جاذبة بعملوا شنو! ونحن ناسنا يا لطيف! وكمان يطالبوا بى بدل لبس! والله انا لو من مدير التلفزيون اجيب صورة العصايا فوق الارقام فقط وما اخلى اى واحد يظهر لوجاء بى بدلة او فنيلة وسروال! جنى
تلفزيوننا الهمام والذي لا يعين بالوراثة بل بالانتخاب الحر المباشر داخل اسر بعينها (مرة قال لي المبدع الراحل أحـمد سليمان ضو البيت ان اللجنة رفضت احد المذيعين الجدد بدعوى ان وجهه برئ وليس لديه شنب لذا اذا قرأ نشرة الأخبار المليئة بالدم فلن يصدقها أحد)..
منقول من بوست : نكتة بايخة ومكررة...لماذا يسكت الميرغني عن تعذيب حسنين
الغريبة يا نجوان البرنامج جد عجبني.. و كنتَ ناوية أجيك و أكتب ليك عنو..بإعتباره دُرر.. تعالي نديهم (( فرصة تانية ))!
عجبتني الثقة في النفس و القوة و الصلابة البيتكلموا بيها التلاتة سيدات.. و عجبتني مواجهتهم لمشاكلهم دون خوف من قلنا و قالوا و دون أن يخضعوا لسلطة أحد.. الوجعة وجعتهن..و الألم ألمهن.. و هن أصحاب القرار. نماذج مشرفة للمرأة السودانية الواعية. حتى مداخلات حيدر بورتسودان كانت موزونة و عاقلة و محايدة.. بس أعتقد إنو درٌاب السهرة كانت عفاف حسن أمين.. بتقاطع الضيوف..بشكل مُخجل!!!
بره الموضوع: ناس في (( التهجد )).. و .. ..ناس في (( التهجج ))!!
Quote: بس أعتقد إنو درٌاب السهرة كانت عفاف حسن أمين..
عفاف هذه كانت مشكلة حقيقية يا ممكونة! أول مرّة أحظى بمشاهدة برنامج ليها.. وأحمّل -ايضا- فريق الإعداد لهذا البرنامج المسئولية..
معاك الموضوع كان مهم.. والسيدات المستضافات كان ليهم شئ قيّم يقدمنه..
لكن.. عفاف لم تؤدي دورها بالصورة التي يمكن أن تنظم الحوار وتقود البرنامج.. الذي كان ماشي بالبركة كده.. عفاف كانت تلقي بالدرّاب .. تقريبا كل مرّة تداخلت فيها مع الحضور
كانت لدي تحفظات تجاه استرسال الضيفة في تفاصيل طلاقها.. وانتقاد الحضور -بشدة- وحكمهم على الزوج الذي لم يكن حاضرا ليدلي بجانبه من القصة.. (كتّر خير حيدر بورتسودان اشار لهذه النقطة).. إلا إذا كان احد أغراض البرنامج اغتيال شخصية ذلك الزوج
واضح أن قناة النيل الأزرق لا تميّز بين الإعلامي وهو يؤدي عمله.. كمحاور وزول ساكت كده لاقيته وتحادثت معه؟؟ ___
Quote: ناس في (( التهجد )).. و .. ..ناس في (( التهجج ))
يا اهل الدار في مشاكل في تلقزيون السودان الما تجاري اصلا ما بتصلح رغم انو لو شلت نفس الناس البعملو الشغلانة دي ووديتهم في قناة تجارية بتغيرو ويتحسنو : اللبس الديكور الاضاءة
اللبس : يعني هسع المذيع والمذيعة يلقطو اي حاجة في المعلاق او الحمار او الدولاب وجري علي الاستوديو واللا في زولا يحدد اللبس يكون كيف؟ يعني كيف واحدة تكون لابسة كذا حاجة وفوقها بالطو ومذيع لابس كذلك بدلة وسديري في شهر مايو.. يعني كيف في نفس الجهاز ونفس اليوم والساعة واحدة لابسة توب والتانية بالطو والتالته طرحة او لبسة افريقية ووووكذلك المذيعيين .... الديكور : انا لو عرفت القلل وكراسي الحديد والصناديق الفاضية والورق البلصقو فوق تربيزة والشجر البلاستيك والمصطبة بتاعة الخشب والالوان الحمرا والزرقا دييل قصتم شنو ؟
الاضاءة : يعني لازم الكشاف تووش علي الوش او القفا او الجزمة ؟ دة لييييييه ...
Quote: يا اهل الدار في مشاكل في تلقزيون السودان الما تجاري اصلا ما بتصلح رغم انو لو شلت نفس الناس البعملو الشغلانة دي ووديتهم في قناة تجارية بتغيرو ويتحسنو : اللبس الديكور الاضاءة
اللبس : يعني هسع المذيع والمذيعة يلقطو اي حاجة في المعلاق او الحمار او الدولاب وجري علي الاستوديو واللا في زولا يحدد اللبس يكون كيف؟ يعني كيف واحدة تكون لابسة كذا حاجة وفوقها بالطو ومذيع لابس كذلك بدلة وسديري في شهر مايو.. يعني كيف في نفس الجهاز ونفس اليوم والساعة واحدة لابسة توب والتانية بالطو والتالته طرحة او لبسة افريقية ووووكذلك المذيعيين .... الديكور : انا لو عرفت القلل وكراسي الحديد والصناديق الفاضية والورق البلصقو فوق تربيزة والشجر البلاستيك والمصطبة بتاعة الخشب والالوان الحمرا والزرقا دييل قصتم شنو ؟
الاضاءة : يعني لازم الكشاف تووش علي الوش او القفا او الجزمة ؟ دة لييييييه
...
اصل المشكلة ياعزيزي ليس في العاملين من معدي برامج ومذيعين ومخرجين وفنيين ومهندسين
فقط , انما المشكلة الحقيقية تتمثل في سؤ الادارة وعدم التخطيط السليم , فاي قناة
لديها خطة عمل ونهج تسير عليه لاتحيد عنه الا لاجل التطوير فهؤلاء الذين تحدثت عنهم من
عاملين في هذه الاجهزة كان يجب ان يكون اداؤهم افضل اذا كانت هناك ادارة تهتم بالكادر
البشري وكادر الصورة كذلك اي التكوين الذي يظهر على الشاشة .
افترضت في فترة سابقة ان تكون هناك دراسة او منهج يجمع بين تخصصين وهما تخصص الاعلام
والادارة ذهبت وقتها للسفارة الامريكية وبحثت في مكتبتها عن مثل تلك الدراسة ووجدتها
تدرس في الكثير من الجامعات الامريكية وتفترض هذه الدراسة ان يكون مدير المؤسسة
الاعلامية متخصصا في الادارة والاعلام , حيث انه اذا كان متخصصا في مجال الادارة فهو اداري
لاعلاقة له بالاعلام وان كان اعلاميا فنجده لاعلاقة له بالجوانب الادارية .
هذه الدراسة والتي توجد في الجامعات الغربية يحتوى منهجها على مواد اذا اضطلعت
عليها ربما يبدو لك من الوهلة الاولى بانها مواد ثانوية ولاعلاقة لها بالتخصص , ولكن
عندما تتفحصها وتتعمق فيها تجدها من صميم التخصص حيث انها اعدت بعناية فائقة تغطي
كل الجوانب المشار اليها عاليه , عليه عندما نوجه نقدنا لاي مؤسسة اعلامية يجب ان
يوجه النقد اولا للاداره وليس العاملين من فنيين ومذيعيين وغيرهم ,
عودة لموضوع التدربب والتطوير عندما بدا التلفزيون (القومي ) في بداية الستينات
من القرن الماضى وهو يعتبر تاريخيا من اوائل التلفزيونات في عالمنا العربي والافريقي
بدا بمنحة من حكومة المانيا الاتحادية وحتى مطلع الثمانينات كانت الاجهزة المانية
والتدريب لكل الكوادر بالمانيا واول بعثة تلقت تدريبها في المانيا كانت تتكون من
البروفيسور على محمد شمو المهندس حسن احمد عبد الرحمن , المرحوم عبد العاطي سيد
احمد , والمهندس محمود سعيد بدري , واخرين لاتسعفني الذاكرة الان لحصرهم , بعد ان
تلقت هذه المجموعة دورتها التدريبية في المانيا توجه عدد منهم الى دولة الامارات
العربية في بدايات الاتحاد منهم البروفيسور على محمد شمو وعبد العاطي سيد احمد
وكان لهم القدح المعلى في رفد الاجهزة الاعلامية بخبراتهم وساهمو في تاسيسها , وعندما
قابلت الاستاذ عبد الله اسماعيل وهو مواطن اماراتي وكان في ذلك الوقت مديرا لتلفزيون
ابو ظبي في بداية التسعينات ذكر لي الكثير عن هؤلاء النفر الذين تعلم منهم ابجديات
العمل الاعلامي ,
كت اووت :
فاصل ونواصـــل ... فواصلنا ذاتا بقت كثيرة وبايخة ذي فواصل الفترة المفتوحة في
تلفزيون السودان , ولما يرجع المخرج بعد الفاصل للمذيع تلقى المذيع فاتح خشمو
Quote: الامريكية وتفترض هذه الدراسة ان يكون مدير المؤسسة الاعلامية متخصصا في الادارة والاعلام , حيث انه اذا كان متخصصا في مجال الادارة فهو اداري لاعلاقة له بالاعلام وان كان اعلاميا فنجده لاعلاقة له بالجوانب الادارية .
واضح ان مديرنا لا هو متخصص في مجال الإعلام ولا مجال الإدارة..
الاخ/ خضر الطيب ســـــــــلامات متابع من فترة ما كتبت بموضوعية عن التلفزيون وعلاته المزمنة ولكن الاهم من ذلك الكوادر الغير مؤهلة هى الطامه الكبرى. السنه الفاتت كنت فى اجازة وذهبت مع صديق لزيارة التلفزيون واصبت بى دهشه حقيقة ,فى المونتاج عندهم AVID وبنسبه للصوت PRO-TOOLS والمعروف دى افضل السوفت وير بالنسبه للصوت والصورة. لكن حدث ولا حرج مافى كوادر مؤهلة.
في النيل الأزرق الآن.. سهرة بعنوان "بيت وتلاتة نجوم".. (جلسة مع المجتمع الكروي)
المهم.. الفنان عماد احمد الطيب.. يغني بصعوبة..غريبة .. خصوصا الأغنية الأولى.. لا ادري ان كانت مشكلة لياقة.. او شئ آخر.. حقيقي .. تتعب معاه ..
في الدول المتقدمة.. (والمتقودمة).. تنتهي فعالية رخصة القيادة بعد مرور فترة زمنية محدّدة (تلاتة او خمسة سنوات مثلا) ولابد من تجديدها.. عند التجديد.. يعاد فحص النظر للتأكد من انه مازال سليما ..
طيّب.. لم يجاز صوت الفنّان مرّة واحدة والى ان يعتزل الغناء.. أو.. الى ان يقضي الله امرا كان مفعولا؟
لو تعاملنا مع إجازة الصوت والأداء كرخصة القيادة ما كان الحاصل دلوقت في النيل الأزرق ده بيحصل..
Quote: الاخ/ خضر الطيب ســـــــــلامات متابع من فترة ما كتبت بموضوعية عن التلفزيون وعلاته المزمنة ولكن الاهم من ذلك الكوادر الغير مؤهلة هى الطامه الكبرى. السنه الفاتت كنت فى اجازة وذهبت مع صديق لزيارة التلفزيون واصبت بى دهشه حقيقة ,فى المونتاج عندهم AVID وبنسبه للصوت PRO-TOOLS والمعروف دى افضل السوفت وير بالنسبه للصوت والصورة. لكن حدث ولا حرج مافى كوادر مؤهلة.
زميلنا الحبيب / احمد خضر
لك التحية والتقدير
من ناحية الاجهزة الموجوده في تلفزيون السودان وقناة النيل الازرق
تكاد تكون من احدث الاجهزة التي انتجتها الشركات , زرت في بريطانيا
عدد كبير من المحطات الفضائية وشركات الانتاج الفني ووجدتها لاتمتلك
التقنية العالية التي يمتلكها تلفزيون السودان وقناة النيل الازرق
وهذه الحقيقة ساعود لها بالتفصيل ..
فليست المشكلة تطور الاجهزة من عدمه رغم اهميتها , ولكن توظيف هذه
الاجهزة التوظيف الامثل والاستفادة القصوى من امكانياتهاوهذا قصور في
التدريب ساعود له اذا مد الله في الآجال
كت اووت :
شغلكم بتاع خطاب وعم عبد الرحيم كان رائع , المرات الجاية اكيد حيكون
Quote: قابلت الاستاذ عبد الله اسماعيل وهو مواطن اماراتي وكان في ذلك الوقت مديرا لتلفزيون
ابو ظبي في بداية التسعينات ذكر لي الكثير عن هؤلاء النفر الذين تعلم منهم ابجديات
العمل الاعلامي ,
عزيزي خضر ..وهو كذلك فانا عندما اتيت اليها في الربع الاخير من السبعينات كانت وزارة الاعلام-تلفزيون وراديو وادارة- وبعض الصحف فيهاالكثير من الاعلاميين ممن ارسلهم نميري ليعينو اهلل هذه البلاد الطيبة .. كانت اسماء كحمدي بدالدين وحمدي بولاد واسماعيل طه ما زالت تساهم بخبرتها في المجال الاعلامي في الامارات .. حتي السينما المتجولة اتو بها..ربما كان ذلك علي حساب الرصيد في الداخل وبالتالي تناقصت اعداد المتخصصين في الاعلام في الداخل الي ان نضب المعين لاسباب اقتصادية وسياسية وغيرها ... نجاح التلفزيونات/الاعلام في الامارات الان هو لاهتمام المسئوليين بتطويير العمل الاعلامي وفق معايير اليوم ( هذا ما كان يفعله الاعلام السوداني في ستينات القرن الماضي ووقف عند ذلك !!).. كثرة الفنوات ليس تطويرا الم يواكبه اهتمام بمن يديرها من كوادر ادارية وفنية ...الاختيار العشوائي او السياسي العشوائي للكوادر اصاب كل مناح العمل العام في بلادنا في مقتل فصار العمل العام السوداني منتجا للفشل الذي يتكاثر بتكاثر اعداد هؤلاء والاعلام ليس استثناء رغم تاريخ جيد له في ماضي بعيد...
أمبارح تابعتَ سهرة في تلفزيون النيل الأزرق.. بعنوان (( آخر الليل ))...قدمتها مذيعة جديدة ما عارفة إسمها.. إستضافت ثلاثة سيدات...أنيقات..مُثقفات...مُتحدثات...لبقات.. إحداهن زميلتنا في البورد شادية عبد الله...شقيقة بلبل الغرب..عبد الرحمن عبد الله.
كان عنوان السهرة (( المرأة السودانية في الغُربة ))...و كان في السهرة مُطربة شابة إسمها سارة.. حكت السيدات عن دورهن في عكس صورة مُشرقة للمرأة السودانية في الخارج..و الصعوبات البيواجهوها في مجتمعات تختلف في أعرافها و تقاليدها عما نشأوا و تربوا عليه...و عن الصعوبات البعاني منها أطفالهن و أولادهن... كل دا في قالب ظريف و شيٌق...بصٌحبة أغاني منتقاة بعناية من (( سارة )).
بفتكر السهرة دي من (( الدُرٌر )) الفضائية....الإستثناء.
Quote: بفتكر السهرة دي من (( الدُرٌر )) الفضائية....الإستثناء.
سهرة ممتازة بسبب التلقائية وعدم التكلف والبساط الاحمدى اتفق معك تماما كان يدوها لى سعد الدين! كان قاليهم بقولوا نسوان المغتربين سمان واولادهم مدلعين ورجالهم كضابين! ما جبتوا رجالكم واولادكم معاكم ليه عشان تكون العينة بينة! عشان تعملوا ساتر من الدراب! جنى
لا .. لانه سعدالدين كان مشغول بالعواسة في الجزء التاني من "مع محمد منير".. ___ تعرف من اللحظات الأكثر ايلاما لما سعدالدين يتفلسف زيادة.. ويدخل في شخصية كدا.. يشوّح بإيديه ذات اليمين وذات اليسار.. يرفع حواجبه ويعطّش الجيم.. وبعد ده كله... نفس الأسئلة الدرّاب
نجوان صباح الخير .. اول امبارح واحد مقدم اخبار في السودانية لابس بدلة وسديري يعني مطقم في الحر دة عذبني شديد .. اها الخبر كان فيه كلمة " independent" وبتكرر كتير وهو كل مرة يديها لحن جديد ...وتقولي اختيار اللبس ما ليهو دعوة بالدراب؟؟؟
أتمنّى: 1. أن يدرس اصحاب الشأن أوجه القصور في الفضائيات الأخرى ويحاولوا أن يتحاشوها 2. أن تبتعد الشروق عن الإعلاميين الكروتهم محروقة خلال قنوات أخرى 3. أن تبتعد الشروق -by all means- عن مبنى التلفزيون القومي وموارده لأن من جاور السعيد يسعد.. والعكس صحيح.. 4. أن تتجنّب الدراما السودانية (ضمن درامات أخرى).. في وضعها الحالي.. 5. ألا تتعاقد مع سعد الدين.. عوض ابراهيم عوض.. أو علي مهدي..
نجوان: رغم المصائب الإعلامية ... يعجبني تفاؤلك
1. للأسف الشديد أصحاب الشأن stakeholders هم المؤتمر الوطني. وطبعاً ديل كلمات زي يدرس ويعي ويتحاشى دي are not in their vocabulary
2. طالما هي قناة موجهة وتم تأسيسها لغرض معين (بوق إنتخابي)، فإن الكروت المحروقة هي التي ستسير الأمور 3. By all means القناة بعيدة عن مبنى التلفزيون لأنها based in DMC وما أدراكي ما الـ DMC حيث الفطور في مطعم زيارة اللبناني والغداء في مطعك لا موداالإيطالي، والضحك والفشخرة والتدخين وسط (ومع)حسناوات الإم بي سي والعربية 4. الدراما والتلفزيون الرسالي زي مسلسل الـ sitcom المسمى دارما آند غريغ. زواج غير متكافئ ولكنه مستمر 5. شكلنا كدة ح نشوف عوض إبراهيم عوض وهو يتضرع في شوارع دبي زي ناس محمد خير و زعيط ومعيط. الله يكضب الشينة
Quote: وفعلا شفت عوض ابراهيم عوض في نص المناسبة ..
صباح الخير
انا كمان شايفو وهو بيتاوق لبتاع الكاميرا وبيستقبل واخد او بيقالدو كانو هو المستقبل او المضيف ..؟؟ شخصيا وبقناعة تامة فانا لا اري في الشروق ولا غيرها من القنوات السودانية ما يجعلها تنافس طالما العقلية التي وراءها هي ذاتها مع اختلاف الوجوه والسحن احيانا ...الاهتمام بالاعلام والاعلامي يجب ان يتجاوز حاجز الجهوية والسياسة والتمكيين الي ما هو اعمق وابقي وهو الوطن ويجب ان تكون القناة الرسميةالتي يمولها الشعب هي الرائدة في الاصلاح والتطور ويجب ان يكون الاعلامي الذي ياتي من احضان الشعب هو المعني بالتدريب والتطويير
Quote: عزيزي خضر ..وهو كذلك فانا عندما اتيت اليها في الربع الاخير من السبعينات كانت وزارة الاعلام-تلفزيون وراديو وادارة- وبعض الصحف فيهاالكثير من الاعلاميين ممن ارسلهم نميري ليعينو اهلل هذه البلاد الطيبة .. كانت اسماء كحمدي بدالدين وحمدي بولاد واسماعيل طه ما زالت تساهم بخبرتها في المجال الاعلامي في الامارات .. حتي السينما المتجولة اتو بها..ربما كان ذلك علي حساب الرصيد في الداخل وبالتالي تناقصت اعداد المتخصصين في الاعلام في الداخل الي ان نضب المعين لاسباب اقتصادية وسياسية وغيرها ... نجاح التلفزيونات/الاعلام في الامارات الان هو لاهتمام المسئوليين بتطويير العمل الاعلامي وفق معايير اليوم ( هذا ما كان يفعله الاعلام السوداني في ستينات القرن الماضي ووقف عند ذلك !!).. كثرة الفنوات ليس تطويرا الم يواكبه اهتمام بمن يديرها من كوادر ادارية وفنية ...الاختيار العشوائي او السياسي العشوائي للكوادر اصاب كل مناح العمل العام في بلادنا في مقتل فصار العمل العام السوداني منتجا للفشل الذي يتكاثر بتكاثر اعداد هؤلاء والاعلام ليس استثناء رغم تاريخ جيد له في ماضي بعيد...
كلامك سليم ياباشمهندس
وازيد عليه بان هذا القصور الذي شمل جميع مرافقنا مرده للتخبط والعشوائية
وسؤ التخطيط ,
المتفق عليه بان اي قناة فضائية عندما تتعاقد مع شركات انتاج الاجهزة فهي
تتعاقد على اربعة اشياء اساسية وهي
التوريد
التركيب
التدريب
الصيانة والتطوير
وربعنا من ذكاءهم الشديد وحرصهم على المال العام يختصرون هذه البنود في بندين
فقط وهما التوريد والتركيب , اما بالنسبة للتدريب والصيانة فحدث ولاحرج
وهذا القصور يظل يلازم القناة وينعكس ذلك في شكل الشاشة من استخدام غير موفق
للمؤثرات البصرية والصوتية وينعكس بدوره على الرؤية الاخراجية للعمل والتخبط
الذي نشاهده يوميا وبصورة منفرة .
بعد ان جاء انقلاب يونيو اتجهوا لاستيراد الاجهزة من شركات اخري غير الشركات الالمانية
وهذا بدوره عطل فرص التدريب التي كان يحظى بها عدد من المهندسين والفنيين في المانيا
واتجهت ادارة التلفزيون في عهد الطيب مصطفي الى التدريب في سوريا ومصر وماليزيا
لبعض اولي الحظوة من المنتمين للنظام وهؤلاء يتم تدريبهم على انواع من الاجهزة غير
متوفرة بالتلفزيون هذا بالنسبة للجانب الفني , والمحصلة النهائية وللتدليل على صحة
كلامي في عدم جدوى هذا التدريب مايلاحظه المشاهد من تخبط في شاشاتنا ,
Quote: جديدة لنج برنامج في النيل الأزرق اسمه "آلو مرحبا"
حسن بشير.. تقول لّي جلد ايغوانا .. وانت بعدك ما اكتويت بـ "الو مرحبا"؟؟؟
المذيعة رهام عبدالرحمن (راجع البوست ده من الأول) .. لو ما كفاية عليك فهي تقدّم برنامج آخر -أدهى وأمّر- اسمه "أجراس".. مع واحد كوميديان..
رهام هذه تبدو في بداية حياتها المهنية امام الشاشة.. لذا.. فاللوم يقع على من وضعها في هذا المكان.. ووضع على اكتافها مسئولية لا تتناسب مع خبرتها..
في عوالم أخرى.. دفعة رهام ديل.. بيشتغلوا كمان 10 سنوات او أكتر وراء الكواليس يتدردروا .. ويمروا بعشرات التجارب.. حتى يفهموا المهنة .. يكتسبوا المهارات اللازمة بل ويشربوها شراب.. قبل ما حتى يفكروا يتحكّروا قدام الكاميرا..
بس تلفزيوننا ما عندو وجيع وتقريبا كده.. وكالة من غير بواب..
إنتي يا نجوان ياختي.. (( تجراس )) دا برنامج يومي؟؟؟؟
أمبارح فتحت التلفزيون لقيتو شغال.. و نفس (( الغمٌة )) الجاتني للبوني.. أمبارح جاتني لدكتور عمر محمود خالد..
و الأدهى و الأمر..كان موضوع السهرة (( الفتٌة )) آي و الله..(( الفتٌة ))... .. ومُش كدا و بس...إختار صالحين أحد الضيوف من ذوي الأوزان الزائدة.. و قال ليهو..شكلك بتحب الفتٌة.. فصاحت رهام من وراء حجاب...دا شكلو ما عندو شَغَلة غير (( الفتٌة ))...!!!
النيل الأزرق.. برنامج صورة وصوت ونغم.. برنامج ناجح.. المذيعات رشا ونسرين ضيوف: المخرج الإذاعي: صلاح الدين التوم الإعلاميين: لقمان حسن همام ووجدان الجمري (زوج وزوجة) الفنانين: صلاح الأمين و بكري المغربي
من درر السهرة الضيوف يسحبوا البساط.. ويثروا السهرة: الأستاذ لقمان يناقش الفرق بين متطلبات الأداء الإذاعي و نظيره التلفزيوني.. كلام علمي ومليان.. وقبلها يصحح ويوضح ان الإذاعة توصل صوت وصورة مستدلا بمقولة للمخرج صلاح الدين الفاضل (الأستاذ لقمان ينطق القاف قاف.. الغين غين.. والذال ذال )
الأستاذ صلاح الدين التوم: يتحدث عن خصوصية الإخراج الإذاعي ويناقش السر في تمّيز المذيع الإذاعي عندما يعمل بالتلفزيون سؤال: هل انتشار الفضائيات يهدّد دور الإذاعة؟ يجيب: انتشار الفضائيات يصاحبه أيضا انتشار قنوات الFM بصورة يمكن أكثر تخصصية..
إضافات الأستاذة وجدان -على قلتها- كانت قيمة مؤكدة انه كلما ابتعد الإعلامي عن أمدرمان ...
الأسئلة التي لم تسأل: للإعلاميين: تقييم تجربتهم.. أوجه الشبه والإختلاف بين تجاربهم في السودان (النيل الأزرق مثلا) وفي الخارج (قناة الجزيرة)
وأيضا بين اجهزة الإعلام العربية والغربية..
لصلاح الدين التوم: ماذا يخبئ المستقبل للإذاعة السودانية (في ضوء الحاضر)..
الغنا كانوا رحمونا إذا إستغنوا عن النغم المرّة دي ..
غايتو دييل خلوني انا "ضيوف " بعدين يعني الواحد الا يشتغل برة عشان يجيد عملو .. اتخيلو لو مثلا طبيب جراح ومش مذيع ؟؟او قولو بناء زي كدة ؟ يعني لازم نطلع برة ونشتغل في بكان برة عشان نشوف شغلنا صح ؟ اكيد الامكانات والنظام ليهم اثر لكن اجادة العمل كاجادة المذيع للالقاء ونطق الحروف والوقفات والتعامل مع الضيف والمستمع والمشاهد اشياء لا يجب ان تتغير بتغير المكان .. حكاية .. ما زمانك كانو عندنا مذيعيين ابدعو في الداخل اساسا وعندما ذهبو للخارج اضافو لذلك ...
عموما ...وردي وعثمان حسين قالو زمانك الحكاية صعبة جدا عشان يسمحو ليك تخش باب الاذاعة ولازم تغني غناك انت في الاذاعة مش تلفح غنا غيرك وتشبرق بيهو .. بعدين بتاعيين حفلات الاعراس والقعدات دييل مين قال انهم فنانيين ..؟؟
انا ما نسيت يا نجوان وتمبس انتو ما سمعتو بتاع مكرونة اليمامة " غظدها مكرونة اليمامة " ؟؟؟
انت يا علاء الاذاعة مش في حدود سلطاتكم الاقليمية ياناس امدرمان اها سعد دة والواد مجدي فاتو توش خشو وانتو نايمين ؟ دة كلام ...
مصدق مرحب بيك ومرحب بينا معاك ...
جني . بورنيطة ذاتها ما في ؟؟
نجوان .. كيفن تقولي الزول داااك شايفاهو وين ؟ دة ما ختري شديد .. دة ابو التمثيل ذاتو .. هباش ...
Quote: حتى لا تصاب جميعا بالضغط والسكري والفشل الكلوي !!!!!
أدعوا لكم بدوام الصحة والعافية ..
وأنتم لا تشاهدون القنوات السودانية ... قومية كانت أو خاصة !!!
الفرق بين القنوات القومية والخاصة! لا اجد ابلغ من المثل المصرى الفرق بين حسن وحسين البرنيطة! بشرط ان تنطقوها باللهجة المصرية بضم الباء البورنيطة! ما داير اكرر التلفزيون عشان تكون قاعد قدامو لازم فى يدك اتنين ريموت حجارهم جديدة واحد فى الشمال والتانى فى اليمين وجنبك وصلة الكهرباء وصندوق اسعافات اولية! او ساتر من الدراب! يعنى مذيع لا بقرا لا بتصفح انترنت وجايى بالواسطة تتوقع منه شنو! جنى
"اوراق إعتماد" سهرة بالنيل الأزرق تقديم سعدالدين الضيوف سفراء بالخرطوم من: الصين.. أمريكا.. سوريا.. واليابان وسفير سوداني بالخارجية.. جميع السفراء يتحدثون العربية بطلاقة (السهرة 100% بالعربي)..
يلف سعدالدين ويدور.. ليسأل السفير الأمريكي عن التدخل الأمريكي في شئون دول أخرى... وكيفية تعارض ذلك مع سيادة تلك الدول.. يجيب السفير.. بدبلوماسية.. وبحكم انه يمثل أمريكا (duhh) (لا تعليق من سعد الدين)
دونا عن بقية السفراء.. خصّ سعدالدين السفير الأمريكي بأسئلة تتمحور حول قضية درافور المصالح.. وما هو المخرج في رأيه.. يجيب السفير ان هذا سؤال للسودان والسودانيين.. ويستطرد بقائمة لمكونات مفقودة.. وضرورية.. للتعامل مع المشكلة.. (لا تعقيب من سعدالدين)
يختتم سعدالدين السهرة قائلا -بجدية- شئ كالآتي: "انا لم اخرج باجابة .. كل الأجوبة دبلوماسية.." what did you think ya Saad وسعد الدين جاي يبيع الموية في حارة السقايّين
كان على المخرج وفريق الأنتاج تحديد طبيعة واهداف السهرة.. كرسي ساخن.. تقصّي حقائق.. أم دردشة؟
مرّة أخرى.. مشروع سهرة كان يمكن ان يكون ممتع ومفيد.. افسده سوء الإعداد وعدم وجود محاور متمكّن..
Quote: سهرة ليالي (سودة) بالنيل الأزرق قبل شوية.. الكلام عن امدرمان.. وناسها.. الفنان ياسر تمتام.. يحكي عن نشأته بـ أبروف.. ساله سعدالدين: "والصوت الرويان ده من السمك؟"
.. .. أنا الحلقة الكان فيها ياسر تمتام دي حضرت منها شوية .. لكن ما حضرتو لما سال السؤال دا .. والله ببالغ عديل كدا .. اصلو سعد دا عندو تقليعات بيعرف ليها براهــو .. ياخي والله لو اصلو السمك دا ببقي الصوت تريان .. أنا القدامك دا كان عمل لي ( سنكيت ) في نفس الحلقة دي الظاهرلي كان معاهو المقدم الاسمو امجد البجيبوهو معاهو طوالي دا .. قام سالو سعد قال ليهو .. إنت من أمدرمان بتعرف لي ( فريق ريد وين ) ...؟ تخيلي ما عرفو .. قال ليهو بجاوب علي سؤالك دا بعد الفاصل .. جا الفاصل وتاااني سعد سألو وأمجد قعد يتمحرك .. بلاي مقدم برنامج وقال من أمدرمان ما بيعرف ( فريق ريد ) وين ..؟ ياخي دي اقرب ( حلة ) للإذاعة والتلفزيون .. الظاهر لي أمجد دا بيجي الاستديوهات بي ( هيلكوبتر ) .. يا ( إف سطاشر ) .. بيقاصدو بيهو الإستديو .. وبيفتح الباب ويعملو ليهو اسقاط من فوق ..
أمبارح في النيل الأزرق جابو حلقة اسمها صوت وصورة كان فيها زميلنا في البورد لقمان حسن همام .. ومعاهو المخرج القدير .. صلاح الدين التوم .. بالمناسبة صلاح الدين التوم دا من ما نحن شفع قاعدين نسمعو في الرادي .. المهم جابو معاهو فنانين إتنين .. واحد فيهم كلما احضر لهو حلقة في التلفزيون داخل ليهو في شخصية اسطورية كدا .. متطنقع وبتكلم من طرف نخرتو ويا دنيا ما فيك إلا أنـا .. قبل فترة جابوهو مع حلقة بتاعت فنانين شباب .. في حوار مفتوح .. ياخي دا مسح بي كل الفنانين الأرض .. قلنا كويس .. لما قام غنى .. غنى لي إبراهيم عوض .. امس بي نفس الطريقة .. بعد العشرة بتاعت الفلسفه والفلهمة .. كان بتكلم .. والكلام اتداخل بصورة عاديه .. زي التداخل البيحصل لما المقدم بتاع البرنامج يحس بي كلام الضيف أصبح سمج .. ويشوف ليهو طريقة علشان يعدل بيها الحوار .. فما كان من ( الفنان ) دا إلا وقال لي صلاح الدين التوم بي نبرة ( سغيلة ) جدا .. ياخي خليني اكمل كلامي .. اها لما قالو ليهو غني .. قام تاني جاب سيرة البحــر وغني ليهو أغنية ما حقتو .. كل مرة يجيبوهو يغني يغني في غناء إبراهيم عوض .. إلخ أنا بقترح إنو أي واحد عامل فيها فنان ولسانو طويل .. وبيغني في اغاني ما حقتو وقاشر بيها .. ما يجيبوهو يعمل لينا ( قرحــة ) .. لا هو لا المقدم البجيبو ..
Post: #189 Title: Re: درر ودرّاب... مقتطفــات فضــائية.. فاضية... Author: mohmmed said ahmed Date: 10-15-2007, 07:19 AM Parent: #187
الاخت نجوان سلام حالت ظروف دون متابعتى لكل برامج العيد لكن قدر الشفتو شاهدت حضور كبير للجنس اللطيف فى تقديم البرامج وفى الضيفات وهو الدراب فى درابو لكل برضو حضور النساء جميل
فى سهرة مغنيات واحدة تكلمت عن اغنية ابوى وقالت نحكى ليكم عن بداية الاغنية اصلو الفنان يوسف الموصل وتانى كررت الفنان يوسف الموصل وانت وكت ما عارفا اسمو الموصلى ما تسكتى وتغنى بس المذيعة تسال نبوية الملاك مساحة الحرية وعشان تعبرى عن اشيائك شوف اشيائك دى كيف اجابة نبوية جاءت فى وادى اخر والله انا حتكلم عن مشكلة التقنيات والصوت اصلو ما بطلع كويس
ظريفة كانت سهرة الرياضية ميرفت مع نساء مشجعات للكورة واجمل حاجا المطالبة لتخصيص اماكن للنساء فى الاستادات
اسعدنى ظهور العملاق وردى وغناء الخالدى
وابيخ حاجا عودة المتحذلق حمزة عوض الله
الهيلاهوب بعد شهر رمضان كلو برضو ظهرو فى العيد
غايتو التلفزيون شراكة غبية بين الهيلاهوب وتلفون سودانى
الشافعة الظريفة بتاعت النيل الازرق مى حيستهلكوها فى الدعاية لسودانى
Post: #190 Title: Re: درر ودرّاب... مقتطفــات فضــائية.. فاضية... Author: خالد عويس Date: 10-15-2007, 07:45 AM Parent: #189
نجوان..والجميع كل عام وأنتم بخير
غايتو وردي وأبوعفان - على الهنات التي رافقت البرنامجين - كانا أفضل عيدية.
Quote: الشافعة الظريفة بتاعت النيل الازرق مى حيستهلكوها فى الدعاية لسودانى
عيدكم سعيد يامحمد ...في مداخلة اخري قبل شهور تطرقت الي الذي يحدث لهذه الطفلة وزميلاتها مقدمات برنامج الاطفال وكيف يتحدثن باسلوب ولغة وحركات الكبار مما يحرمهن من تعبير انفسهن كاطفال واستمر الموال فقدمت مي برنامجا في رمضان اشفقت عليها منه وهي تؤدي دورا ليس لها .. برامج النيل الازرق سيئة الاعداد ولولا المؤثرات والتقنية لماتميزت عن السودانية بشئ ..حرام ان تستهلك المواهب الصغيرة هكذا .. اعطوها ياناس النيل الازرق فرصة لتعبر عن نفسها كطفلة!
وانا منتظر اخر حلقة من برنامج السر قدور وكانت في كورة وانا ما بعرف في الكورة حاجة ومتا عارف الاستاديين الفي العرضة وحي العرب بتاعات منو وفجاءة لقيت الكورة انتهت والشاشة سودت سودا مكتوب عليها " احزان" واها قت ياساتر اللهم ارحمنا وارحم خلق الله واشوف ليك شافعيين خاتيين سماعات في اضنينم و موسيقي ولحد اللحظة ما عارف بيقولو شنو بس " ما قادر مش عارف ايه " .. واها انتهت احزان والشاشة رجعت زرقا وجاء واحد تاني وموسيقي تالاهون ... الحاصل شنو يا ملاسي ؟ انت ما شايف دة ؟؟
مذيعة هارموني في تهاني العيد خارج الخرطوم .. في العبادية.. تسأل ضيفة.."حصل حضرتي العيد خارج العبادية؟" الضيفة.."لا أبدا ما حصل".. المذيعة.. "خالص؟؟؟".. الضيفة.."لا ما حصل".. المذيعة.. "طيب نفسك تحضري العيد خارج العبادية؟" !!!!! _____ يعني في داعي كان للتلتلة .. المشوار.. والبنزين إذا كانت الأسئلة بالمستوى ده؟؟
برنامج بعنوان "الضحك اجيال".. بالنيل الأزرق تقديم رهام عبدالرحمن وشابة لا أعرف اسمها.. الضيوف: أجيال كوميدية: محمود سراج.. محمد نعيم سعد.. عبدالسلام جلود والفنان صلاح ابن البادية..
خلال معرض حديثها قالت رهام.. "نتكلم عن الشخصيات النمطية.. زي تور الجّر اللي هو ابو قبورة .." (مشيرة الى محمود سراج)..
قام بتصحيحها محمد نعيم.. (الذي لم يخفي دهشته طيلة فترة البرنامج من تسطيحة المذيعات..).. ان ممثل شخصية تور الجّر هو المرحوم عثمان حميّدة..
وايضا قالت رهام لمحمد نعيم.. "قبل ما تكون مخرج.. وممثل.. كنت بتضرب بنقز.." محمد نعيم"بضرب شنو؟؟".. رهام "بنقز.. يعني ضابط ايقاع"..
المهم.. يُجبر محمد نعيم على ان "يضرب" قليلا على البنقز.. فيفعل.. فما كان من رهام إلا أن إلتفتت ووجهت سؤال لضيف آخر.. فتساءل محمد نعيم باصرار "أها وبعدين؟" مستفهما عن مغزى البنقز.. رهام اضطرّت تقول حاجة كده غير مفهومة.. _____ كله كوم.. وعبدالسلام جلود ده كوم.. يقاطع الآخرين طوال البرنامج.. يجيب عنهم.. وفي لحظة قال مقاطعا محمود سراج "انت بتتكلم ليك 40 سنة.. خليني اتكلم".. _____ كانت جسور الحوار وعرة ...ومنعدمة احيانا.. محمود سراج كان زعلان معظم الوقت.. _____ برنامج بدا وانتهى بالبركة..
العزيزة نجوان كل عام وانتم بخير ذكر الشاعر الفطحل يحي فضل الله في صحيفة الخرطوم " المهجرية " في مقالته الاسبوعية الرائعة " تداعيات " أن مذيعة في حوار معه سألته السؤال التالي" ما هو اثر القرية على شعرك؟!!! بفتح الشين أي والله
شكرا على صبرك الايوبي في متابعة مثل هذه البرامج المثيرة للاعصاب
بالصدفة شُفت لقطات من سهرة بعنوان (( سوداني في الخليج ))..شايفة فيها شروق أبو الناس و التاج مكي و محمد المغربي.. المذيعة بعد ما لبست الدهب الفي الخزنة كلو في إيدينها و إضنينها.. ...و الباقي الفي الفترينة في وسطها... لقت لسه فاضل ليها حِجِل..قامت ركٌبتوا في نخرتها!!!!
الشي دا طبيعي و عادي و مُتعارف عليه... ....و لا أنا بقيت ما مُواكبة...؟؟!!
Quote: المذيعة بعد ما لبست الدهب الفي الخزنة كلو في إيدينها و إضنينها.. ...و الباقي الفي الفترينة في وسطها... لقت لسه فاضل ليها حِجِل..قامت ركٌبتوا في نخرتها!!!!
Quote: لقت لسه فاضل ليها حِجِل..قامت ركٌبتوا في نخرتها!!!!
والله يا بناتي دي لمان شفتها اها جاتني الحساسية بتاعة الانف وهاك يا عطيس وكان يوم العطيس العالمي اصلو انا عندي حساسيات كتار وبعدين انا في الخليج دة لي 30 سنة وما بشوف الناس البيظهرو في التلفزيونات دييل بتا بتاتا ولا في شارع ولا مكتب ولا ولا .. بس كدة اشوفم في التلفزيونات .. عجيبة .. زمانك زماااانك خالس خالس ناس امي والعمات والخالات كانن عندهن دهباية مدوره بختوها في الانف من الجنب ما زي بتاعة العطيس الشفناها في التلفزيون ز. دي خاتها فيس تو فيس واستريت كمان .. يعني اهلنا هنا البتسالمن بخشومن (الانف هنا يسمي خشما مش زينا بؤا ) لو لبسهن البازوكا الصغيرونة دي تبقي حرب الخشوم ( زي حرب النجوم سوا سوا )
وكمان صباح الله فتحت التلفزيون .. كل يوم بخلي البي بي سي شغالة وبس اقفل الشاشة بالليل وامس نسيت وخليت الاس دي تي في .. اها صباح الله دغش وبنيات قاعدات يغنن والمذيعة بس ما فضلت الا تلف بالبخور عليهن " الله يخليكن ووووو " ولكن العجيبة تلقي الواحدة وهي مرة تغني وتنطق القاف غين وكمان مرة تنطق الغين قاف .. عجيبة وانا الرطان حاولت اسوي زيها ما قدرت كدي قولو وراي : غغغغغغغغغغغغغغغغغغغغغغغغغغغغغغغغغغغققققققققققققققققققققققققق.....
سهرة تلفزيون السودان يوم الإثنين 15 أكتوبر .... سبدرات .. كمذيع للسهرة ... ___ أكتر حاجة كانت ممتعة .. كلام .. وغناء الفرجوني ... ( إحساس غريب أن الزول ده عبارة عن مستودع لأشياء كتيييييييييرة ..... فن وأدب صوفية و..و...) ___ الشاعر / صديق مدثر ... وكفى ..( نوعية الناس دي إختفت من السودان ) ----- محمد ميرغني ... صوته فرق من زمان ... ما جديده .... الجديد ... كابلي ... برضه صوته فرق .......... كارثة ----- جمال الوالي ... الدخله شنو في القعدة دي ..؟ .... عشان أبوهو كان مثقف وكاتب ...؟؟ ........ واسعة شوية ..... وفي السهرة .... لا طعم ولا رائحة له .... ----- عجبنى ... أحمودي لما عصر سبدرات في قصايد البلابل ..... ----- بعيداً عن السياسة .... سبدرات زول ما ساهل .... - -
Quote: كله كوم.. وعبدالسلام جلود ده كوم.. يقاطع الآخرين طوال البرنامج.. يجيب عنهم.. وفي لحظة قال مقاطعا محمود سراج "انت بتتكلم ليك 40 سنة.. خليني اتكلم".
غايتو تلفزيون ام درمان! ما تعرفوا جامع ولا مجروس يعنى لو خسر تودى وين ما تعرف! يخيل الحرامى ذاتو لو لقاهو فى الحوش يفوت يخليهو! الا يضمن الرسيفر حتى يرجع ليهو! تتفرج فيهو ساعة واحدة بس من الانبعاج تمشى تعاين لى وشك فى المرايا تلقاهو ا مطاول زى الشفتو فى قزازة ولا رتينة! زمان الفاقد التربوى بودوهوا المنطقة الصناعية الظاهر بقى يودوهم التلفزيون!! جنى
يا نجوان .. شاعر باحباط انو انا ما طلعت لاعب كورة ...يعني انا البطبخ انواع وانواع ومعكرونة بالبشملي ورجلة وكوسة محشية وكفتة وكباب وووووووو ما يجو ناس "بي ان" يصوروني في المطبخ ..هم الصورو واحد بيطبخ!!! بيض (اورديحي وما اومليت .. بيض ساااي ) وبياخد 1% في شغل المطبخ ...هسع الواحد كان بيكون مسنتر في برنامج "الكورة في البيت "... دة كلام ...
Quote: لـكن برضو اتحسست يا نجوان ، يا ربي الزول ده بيكون كيف هسه؟
يا سعدالدين داك عجيب ... اها لابس كاجوال CASUALالايام دي في اي برنامج وسجم النيل الازرق لا عندهاDRESS CODE ولا بينال كود اها كل واحد يلبس زي ما داير ويقول زي ما داير ..
هارموني قناة سودانية.. شعار ترفعه هذه الفضائية منذ شهور وباصرار ممل لكن طالما سودانية فلنقبلها ولكن كيف هي سودانية والقائميين علي القناة ياتون بما يجعل حتي من السوداني غير ذلك .ز الزي الشعبي او الوطني يميز شعبا عن الاخر وليس اعتباطا او لبس الموجود او الفي الشماعة ....اهل الخليج العربي رغم ما تربطهم من وشائج قوية يصروون علي تمييز لباسهم الوطني بينهم فاللبس الاماراتي غير القطري وذلك غير العماني او السعودي او الكويتي او البحريبن .. وهكذا.. الخ ... ولكن يصر بعض السودانيين علي لباس غيرهم وبصورة مزعجة فلقد غيرو الطواقي والجلاليب والتياب وووووو ولكن طالما الامر في نطاق خارج الاعلام فالاثر يقل اما ان تصر الفضائيات علي ذلك فامر مزعج . وهارموني " قناة سودانية " تزعجنا ببعض من ذلك وهاكم صورة ووالله لو لا الصوت لما عرفت ان هذا المنشد او المغني سودانيا وارجو الا تقوم هارموني باستبدال الصوت السوداني كذلك ؟؟ هذا المنشد المغني يلبس لباسا عمانيا كاملا وتعرض صورته باستمرار.. هذه قناة تفاءلنا عندما انطلقت ولكن وباصرار شديد وبسرعة فائقة خذلتنا انتاجا واداء ووعيا وطنيا :
فعلا يا باش.. لم يساورني شك ان الشاب الفي صورة عماني.. حتى قرأت مداخلتك..
لكن.. هذا متوقع عندما لا يكون هناك فكر أو فلسفة تسبق بث القناة.. الهدف والرؤية يقودان ويحددان رسالة أي جهاز إعلامي.. لم تعكس قناة هارموني أيا من ذلك it doesn't even live up to its name هارموني تبث نشازا يوميا..
قناة الشروق.. تبنت التعددية خلال حملتها الترويجية.. وفتحت أبوابها لإعلاميين سودانيين وغير سودانيين.. آمل أن تكون تجربة مختلفة.. وناجحة ولو قليلا..
Quote: غايتو لمن احضر ليهو برنامج واحد اسبوع كامل بكون حواجبنى داخلات جوة الطاقية من الاندهاش والاندحاش!
انا لو عرفت بس حاجتيين للزول دة : الاولي هو بياخدلو صنة كدة ويمسك شعر راسو ويلتفت وبعدين يقول اي حاجة فما عرفتها دي شنو؟ التانية البتاعات البلبسن دييل ياتو موضة واصلو الاستوديو بارد للدرجة دي؟ والغريبة الضيوف بيكونو لابسيين عادي؟ وبعدين الدلقانة البختها في جيبو كمان شنو؟
يالله الصبر ....
Post: #251 Title: Re: درر ودرّاب... مقتطفــات فضــائية.. فاضية... Author: عبد الدائم سيد أحمد Date: 10-20-2007, 11:41 AM Parent: #1
خلال كل البرامج الدراب بقدموا ليكم فواصل اعلانية لمحلات المفروشات الحديثة مصحوبة بايقاع اغانى البنات ، الليلة مسافر يا نانا وراجل المرة حلو حلا عشان تفرفشو شوية
لوهلة.. افتكرت انه النيل الأزرق تنوي الإعتذار عن اخطائها في حق المشاهد المسكين.. المغلوب على أمره.. وما زال متشبثا بالأمل وبريحة السودان.. رغم ما يلاقيه من هوائل من هذه الشاشة العجيبة..
لكن لم يكن الأمر كذلك..
السهرة تقديم عفاف حسن أمين.. ضيوف: استاذة محامية إقبال وخبير نفسي أو إجتماعي د. الجيلي.. والفنان محمود عبدالعزيز..
موضوع السهرة الإعتراف بالخطأ.. والتعايش مع مترتبات ذلك.. الخلاصة ان المحامية كانت ضحية نصب وقضت فترة في السجن بسبب ذلك..
كان كلام د. الجيلي من اعقل الأشياء التي سمعتها في النيل الأزرق.. حيث الكلام المعقول نادر ندرة غريبة..
والدراب طبعا من عفاف..
سالت عفاف المحامية.."قضيتي كم في السجن؟" استاذة إقبال "سنة و9 شهور" عفاف.. "كتــــار!!!!"
ثم سألت محمود عبد العزيز "هل الناس بيغلطوا في حقك بالشائعات؟" محمود "نعم.. كلها شائعات" عفاف .. "وشخصيتك.. ما ليها دور في كده؟؟" محمود "أبدا.. ما ليها اي دور".. عفاف "يعني ظاهر انه الناس بتهتم باخبارك الخاصة اكتر من فنّك.." محمود "أيوه.. بالضبط"
ينهي محمود احدى اغانيه بجملة "مديون للعذاب.." تسال عفاف "ح تسدّد الديون دي كلها كيف؟" محمود -مبتسما- ومحاولا مجاراة السؤال الرشيق "سددتها كلها".. عفاف "متأكد؟" ..(او شئ من ذلك القبيل)..
يبدو أن محمود عبدالعزيز حريص على انهاء أغانيه بصورة معينة.. الكاميرا ناحية عفاف وهي تتململ من إطالة محمود لخاتمة الأغنية.. وتتململ.. ثم تقاطعه بسؤال قبل ان تنتهي الأغنية.. (يعني اليشوف قلة الصبر!)
عفاف .. عادة.. تحاول إكمال جمل ضيوفها.. مع استاذة إقبال.. د. الجيلي.. ومحمود عبدالعزيز.. وتقريبا في كل مرة.. تخطئ إختيار الكلمة المكمّلة
Quote: وتقريبا في كل مرة.. تخطئ إختيار الكلمة المكمّلة
يالصبرك يا نجوان ؟؟ الحلقة معادة او من ذلك القبيل لاني شاهدت جزء منها قبل فترة واختنقت من القفز علي الحلوق الذي تزاوله المذيعة ... كيف تختار النيل الازرق مذيعيها ؟؟؟الا تتعلم وتتعظ من بلاوي الفضائية السودانية ؟؟؟
Quote: وتقريبا في كل مرة.. تخطئ إختيار الكلمة المكمّلة
يالصبرك يا نجوان ؟؟ الحلقة معادة او من ذلك القبيل لاني شاهدت جزء منها قبل فترة واختنقت من القفز علي الحلوق الذي تزاوله المذيعة ... كيف تختار النيل الازرق مذيعيها ؟؟؟الا تتعلم وتتعظ من بلاوي الفضائية السودانية ؟؟؟
نساء ورجال برنامج في النيل الازرق حلقة اليوم -مساء- كانت عن تعدد الزوجات الضيوف : ناشطة في حقوق المراة زوجة ثانية زوج لثلاثة زوج لاربعة
المذيعة حاولت ولا باس ... كعادة النيل الازرق سوء في الاعداد والاختيار ..غالبية-ثلاث من اربع- الضيوف يمثلون باصرار تعدد الزوجات والزوجة الثانية اتت فقط لتختم وتبصم علي ذلك ... الناشطة سيدة كرار تركت لوحدها تدافع عن قضية هامة مع زوج لاربع يصر علي ان تعدد الزوجات هو الاصل في الحياة ولم يجاوب علي التساؤلات وزوج الثلاث مثل زوج الاربعة والزوجة ثانية موافقة ان تكون ثانية وان تعدد الزوجات "كويس "!!! البرنامج ظهر وكانه يبشر بالتعدد .. للاسف هذه هي المرة الثانية فعندما كانت القناة تحت التجريب او قبل التشفيير اتت كذلك في برنامج مماثل بزوج لاربع كان مزهو كزوج الاربعة وزوج الثلاثة ضيوف حلقة اليوم ...زوج الاربع دافع عن التعدد بانه ضد العنوسة وعندما سالته سيدة كرار عن اعمار زوجتيه الاخيرتيين فقال 20 و30 وعندما ردت بان هذا لا يعتبر عمرا للعنوسة اجاب بان سن الزواج 12 سنة ؟؟؟؟ سوء الاعداد ز.سمة نرامج النيل الازرق
Quote: كعادة النيل الازرق سوء في الاعداد والاختيار
يخيل لي.. ان ابجديات الحوار.. في جهاز إعلامي ان يكون هناك تكافؤ في عدد ممثلي الرأي والرأي الآخر.. إلا إذا كان البرنامج موّجه.. infomercial .. أو شئ من هذا القبيل..
لكن نقول شنو..
ما يعرض ليس نقاش في جهاز إعلامي.. وانما جلسة في قهوة.. تحت عمود نور.. ولا ونسة في حافلة..أو دفّار..
بالله يا اخوانا الكلام ده ما اعوج مافي زول يناغمني ويقول لي الحق ياباش ياخ خايفني الخبط عليكم البوست يعني لاملاسي لاممكونه لا حول ولاقوة يا نجوى ست الحوش - اجيكم???
واحنا عارفنك وين يا مولانا .. انت رجعت الي قواعدك واللا لسه بتفتش علي المحطة الوسطي ؟ ممكونة ونجوان ختن الدعوات هناك في حوش ممكونة لكنك كنت زعلان من سارة وما شفت الاعلان ...
الغرض من هذا البوست ( نيابة عن ست البوست الموجودة في بطن بيتا كذلك ) ليس الانتقاد فقط وانما اشارة الي ما يراه المشاهد العادي امثالنا من خلل لينتبه اليه القائميين علي الفضائيات السودانية ويتفادوها ..اعجبني ما ذكره اليوم المذيع السوداني المخضرم فريد عبدالوهاب في لقاء في النيل الازرق بان ان مقومات المذيع هي البساطة حيث يدخل بيوت الناس بدون وسيط وما يشعر المشاهد بانه بتاع كلو ويستعرض امكاناته فهو العالم بالكرة والفن والسياسة وووووو.. يجب ان يكون المذيع متخصصا ...وانه ضد فكرة المذيع الشمولي .. امل ان ينتبه القائميين علي الفضائيات بان قنواتهم مليئة بمثل هؤلاء الذين يستعرضون قدراتهم ....
بس؟؟ وعليها فوائد يا معتصم .. بدل صداع.. بدل شدّة.. إهدار باندودث.. وتعويضات خسائر معنوية جسيمة.. (لو في عدل في الدنيا دي.. الواحد يعمل مبلغ مش بطّال) ___ الفيديو ما شغّال يا باش..
بلبس الشراب كرفتة والكرافتة شراب! دايما بكون لبسوا قاطعو من كراعو ! لانه ما عندو راس!! خالف تذكر! مرضة الله يشفيهو! الناس دى ول بتصفح انترنت يا كان طورت نفسها يا كانت سابت الشغلانة! حمزة عوض الله واخونا ساعت كنا فى ماليزيا (عوى محمد عوى) نهائ ما بحضر ليهم حاجة! جنى
Quote: حمزة عوض الله واخونا ساعت كنا فى ماليزيا (عوى محمد عوى) نهائ ما بحضر ليهم حاجة!
هو كان هناك ..انا ما كت عارف وكل سنة من عشرة سنوات وانا ناطي هناك وبنياتي قاعدات هناك ..اوع يكون هو وداك الاسمو زي اسمو كانو اصحاب كمان ؟ ياها التمت ....
برنامج "مافي مشكلة ".. بالنيل الأزرق الآن.. موضوع البرنامج "الإنطباع الأول".. الضيوف أخصائي وأخصائية اجتماعية..
المذيعة.. (تقول انها جديدة على البرنامج) حاولت محاولات جيدة لإدارة الحوار (يا ريت ناس الكنترول لو تركوها تتداخل مع ضيوفها دون التدخل الواضح عبر سماعة الأذن)..
اتصلت طالبة بالجامعة.. تحدّثت عن صعوبات في تكوين صداقات مع زميلاتها لعدم ثقتها بالآخرين.. تقدم لها ارشادات (تبدو معقولة).. (كانت هناك عدة مكالمات تشكو من مشكلات مماثلة)..
تتصل شابة أخرى .. تبدأ كلامها بعد السلام بـ "مشاكلي مع الراجل ده".. تم تحكي عن علاقة مضطربة مع زوجها.. تعتقد انه يكرهها.. يتركها فترات عند أهلها.. ولا يعبأ.. وتذكر حرفيا "مرّات بينظر لي نظرات بتخوّفني"..
كانت مكالمة مزعجة.. ومثيرة للقلق.. تنقطع المكالمة (شبكة.. او رصيد نفد).. يتحدث الأخصائي عن أهمية الحوار والتواصل بين الشابة و زوجها.. لكن.. يقرّر ان ليست هناك مشكلة مستعصية بينها وبين زوجها.. لا معلومات تعطى لها عن اللجؤ لجهات متخصصة لمساعدتها (خدمات اجتماعية.. استشارية.. ربما أمنية).. أو ارشادات عن مصادر الدعم المتاحة لها من الأهل وغيرهم وكيفية الإستفادة منها..
فرصة لنشر الوعي.. في مجتمعنا حديث العهد نسبيا بثقافة طلب العون للمشاكل الشخصية.. لكن إستغلالها قاصر ..
هل اسم البرنامج "مافي مشكلة" بيفرض التخفيف على الناس.. والطبطبة..؟
برنامج "صوت وصورة" (؟).. ضيوف: الأستاذ فريد عبد الوهاب مهندس تصوير عوض النعيم..
تسأل المذيعة.."هل ممكن الزول يدخل مجال الإعلام صدفة؟"..
___ المهم.. ما يحدث بعد الصدفة أو الواسطة يا ناس النيل الأزرق.. ___ تحدّث الأستاذ فريد عبدالوهاب عن الإمكانيات والتقنيات المحدودة في السابق وكيف كانوا يصنعوا المعجزات... روح التنافس والإبداع..
ثم تحدّث عن ما يميّز المذيع (ما أشار اليه الباش).. أهمية التخصصية.. وعدم الإستهلاك..
أهو الكلام قالوا يهم في بطن بيتهم.. ومن العارفين.. عسى ولعل..
Post: #277 Title: Re: درر ودرّاب... مقتطفــات فضــائية.. فاضية... Author: محمد المرتضى حامد Date: 10-21-2007, 02:57 AM Parent: #276
يا نجوان مكن اتكلم عن الفضائيات بشكل عام ولا السودانيه بس?
يا ود المرتضى .. اتكلم عما يروق لك .. وأكيد ح نتعلم شئ جديد..
كله يصب في مجرى واحد.. خصوصا ونحن الان نتنفس العولمة .. شئنا ام ابينا يصعب تناول تجربة اعلامية بمعزل عن نظائرها في أماكن أخرى..
الفضائيات العربية -على علاتها- هي مصدر الهام فضائياتنا..
من جهة أخرى وفي تقديري.. القنوات الغربية التي تصل لهذا الجزء من العالم مختلفة عن امهاتها الجات منها.. CNN .. FOX وغيرها.. حتى الكوادر البشرية فيها واسلوبهم..
تماما زي المواد الإستهلاكية التي تصدّرها أوروبا أو امريكا الشمالية ليست للإستهلاك المحلّي Export Only دائما تثير ريبتي
مرحب بمساهماتك.. وكلنا اذان صاغية..
Post: #279 Title: Re: درر ودرّاب... مقتطفــات فضــائية.. فاضية... Author: mohmmed said ahmed Date: 10-21-2007, 06:01 AM Parent: #278
كان أول دروس فريد عبدالوهاب (وانشالله يكونوا أخدوا بالهم) في اسلوبه في السرد.. خليط من السلاسة.. أدب وتواضع غريب..
تناول تقريبا معظم أوجه القصور الموجودة حاليا..
تحدّث عن العمل في الزمن الجميل.. كفريق لديه تصور معين للبرنامج.. ورؤية واحدة.. يعمل الجميع لتحقيقها..
كان عنده برنامج فكرته فنجان شاي .. كل مرّة مع ضيف .. وكانوا يبدعوا في تغيير الديكور ليلائم مهنة الضيف (طبيب.. معلم..).. بأقل الإمكانيات.. تحدث عن ورق الحائط ومواد الديكور المختلفة.. كان المذيع عضو فاعل وملم بكل خطوات انتاج الحلقة.. (وليس puppet أو حنفية كلام محلوجة.. دي ما قالها فريد.. من عندي )
ذكر فريد عبدالوهاب انه كان يأتي بالشاي للحلقة من بيتهم (في سيرموس )..
أكد ان الإطلاع مهم جدا للمذيع.. والإستعداد لكل ضيف.. قراءة سيرته الذاتية.. المستجدات في مجاله..
وحذّر من الإستهلاك.. فالمذيع على أقل تقدير لن يكون له وقت لتطوير نفسه..
كيف هذا وسعدالدين ورهام كل يوم في برنامج شكل.. نشوفهم أحيانا أكتر من مرّة في الأمسية الواحدة..
Quote: اتصلت طالبة بالجامعة.. تحدّثت عن صعوبات في تكوين صداقات مع زميلاتها لعدم ثقتها بالآخرين.. تقدم لها ارشادات (تبدو معقولة).. (كانت هناك عدة مكالمات تشكو من مشكلات مماثلة)..
نجوان .. تحياتي
دي البت البين كل جملة والتانية شابكانا "عن جد .. عن جد"؟
وبما أنه أول ظهور للمقدمة، لن يسعنا التعليق على أدائها، وإن كانت تتميز بالحضور واللباقة
بعدين الدكتور دة ما فهمنامنه جملة مفيدة .. بس شابكنا
الـ ferist eeempression is not the last eeeempression
برنامج "مساء جديد" قبل قليل بالنيل الأزرق تقديم رشا و شاب اسمه محمد الطيب يقول كان غائب فترة عن البرنامج.. (بس للأسف رجع )
موضوع البرنامج الثقافة.. ضيوف: صحفية سلوى غالب (بدت وكان موضوع البرنامج كان مفاجأة لها) الفنان ياسر (لم التقط اسمه كاملا)
سلوى غالب:" تعريف الثقافة هو الإلمام بالأشياء الأساسية.. يعني اعرف عن شعوب ..وقبائل مختلفة.. "
رشا" يعني أعرف عن ناس حتى لو كنت ما ناوية امشي عندهم؟"..
سلوى" أيوه ما ضروري أكون ماشة الجنوب أو القاهرة..عشان اعرف عنهم"
محمد يقول شئ كده ثم يضيف "لولا اختلاف الآراء لبارت السلع".. (no idea what that was ..or where it came from)
رشا تسأل الفنان ياسر "رأيك شنو في الفن المحدّث.. بيهدد المحافظة على ثقافتنا؟"..
ياسر "ليس بالضرورة.. لأن التجديد هو سنة الحياة.. و.."
محمد الطيب مقاطعا.."التجديد.. يعني انت يا ياسر لّما بديت تغنّي ما كان عندك العود السمح ده.. يللا غنّي لينا بيهو غنية.." _____ والله موضوع الفتّة اتاريهو كان ثقافي اكتر من موضوع الثقافة ظاااتو .. يا حليلك يا رهام..
أكثر ما أمبرسني هو المقدمة الظريفة التي بدأت بها السهرة عندما قالت أننا سنناقش مشكلة تواجه الجميع و"تواجهني أنا شخصياً وأنا أظهر للمرة الأولى، وهي مشكلة الـ first impression
وبالمناسبة: أمس شاهدت سهرة يقدمها عوض إبراهيم عوض في قناة هارموني ... بس الحمد لله الأطباء طمأنوني وقالوا لي حالتك مستقرة الآن
Quote: فخذ خذرك والافضل الا تفتخ هذه الفناة عشان ما تحصبل ليك مضاعفات وتحيير الدكاترة معاك
نصيحة غالية يا باش .. وهي جزء من الـ Recuperation process
نجوان
بالطبع جربت مسألة التحويل دي لدرجة إني من فرط اليأس والاحباط حولت لـ "السودانية" !!!!. وهي طبعاً لم تخذلني: السهرة كانت عبارة عن حوار مع مسؤول في الشرطة، وهو ليس أقل تعذيباً من مجدي شمس الدين ويونس في السهرة الرياضية بالنيل الأزرق. الحل الوحيد الذي تراءى لي هو النوم مبكراً على أمل أن لا يطاردني أولئك حتى في أحلامي
Quote: السهرة دي بتاعة التربية الرياضية.. لكن ..سبحان الله.. خلّوها ضارة بالصحة
هي ماتشات الكورة بقت ردحي ومنلوجات وانا ما عارف ؟ زمانك الماتشات كان فيها ميدان وكورة و22 نفر بيلعبو سشوتوها يمين شمال وجري وقووون اها دييل قاعديين في اي وقت يشوتو نضمي سااااي...
انا غيتو قاصدني عدييييل ...اها بعد المقلب بتاع اتنين صباحا الفيهو جو طالعيين من شاشة الكمبيوتر رجعت بعد المغرب من الشغل وبرضو طوالي الي الكمبيوتر اقضي باقي شغل واندمجت شوية ثم التفت ولقيت التلفزيون والشاشة سودا فقلت اها الواحد يشتغل ويرفه عن نفسو يمكن!! واسويتش اون والقاهم قاعديين منتظريني...!! اتهجمت وخصوصا واحد كان بيقول انو مدربيين العالم قالو انو احنا احسن لعيبة .. اها والله انا طلعت ملعوب عليه ... يا ناس يا هوي فكو الاشتباك بيني وبين الناس دييل .. انا اصلي لا بلعب كورة نضمي ولا شليت بالرجل ..دة حالة ؟؟ الواحد يخلص من هباش يجي يهبشو ساااي ...
Quote: هل يعقل الا يوجد شخص واحد في طاقم هذه الفضائية يتمتّع ببعض ال common sense ؟ يدرك الفرق بين المقبول و غير المقبول في جهاز اعلامي..
السؤال اساسا هل هناك " اعلاميون مهنيون محترفون" في هذه الاجهزة ؟.. هل الوظيفة تصنع اعلاميا؟ كل المهن والحرف تتطلب مهنيين محترفيين لتنفيذ وادارة والاشراف علي الاعمال التي تقع في دائرة اختصاصاتهم ؟؟ اين هؤلاء في الفضائيات السودانية ؟؟ فشلنا بعمر هذه الفضائيات ان نجد اثرا لهم ؟؟؟ الي متي ننفخ في بالونات فارغة بمقولة " نحن احسن .. الخ " تملا الاذن ضجيجا حين تنفجر والبيان حالنا وحال بلادنا وكل المناشط فيها....هل نحن مؤهلون في الالفية الثانية لنافس عالميا من خلال عمل لا قول وسرد لتواريخ وماضي ؟؟ مدننا بائسة والخدمات قيها لاتوجد ومياه المجاري تتحتلط بمياه الشرب والشوارع تجرفها مياه الامطار والمستنقعات تملا الخواري والازقة وجامعاتنا تخرج شبابا لم يتعلم بعد لسوء حظه مع مافيا المدارس والجامعات ومستشفياتنا فيها اطباء لا يفدرون علي كتابة الروشتات كما قال المجلس الطبي .. وعمالنا لايعملون لانهم لا يجدون علاجا ومعاشا يستر الحال ولا صحة ويراس اتحادهم وافد عليهم "بروفيسور " لا يعلم عن حالهم شيئا ...يا عالم ياهوي ماشيين وين ؟؟
Post: #297 Title: Re: درر ودرّاب... مقتطفــات فضــائية.. فاضية... Author: معتصم دفع الله Date: 10-24-2007, 09:01 AM Parent: #295
Quote: اها يا معتصم الجاي دة ما دراب واتقال لناس الدراب في عقر دارهم لعلهم يتعظون :
بيني وبينك يا هندسة الدراب حاصل .. بس المحيرني المزيعين ديل بختارهوم كيف ؟ وما هي المعايير التي يتم قبولهم بها ..
يا نجوان .. أوعى في يوم تتصلي على قناتنا الفضائية .. وتقولي عايزه ترسلي سلامك وتحياتك للبلد .. دي ورطه ما بعدها ورطه ..
Quote: كل المهن والحرف تتطلب مهنيين محترفيين لتنفيذ وادارة والاشراف علي الاعمال التي تقع في دائرة اختصاصاتهم ؟؟ اين هؤلاء في الفضائيات السودانية ؟؟
بالضبط يا باش.. لابد من reform شامل وكامل لحقل الإعلام المرئي (موضوع الخيط ده).. وقبل ذلك.. clean house بالكلوركس والديتول لكل من ساهم في تدّني مستوى الأداء ..
Quote: بكرة.. ح يكون في المذيعة البترقص.. والمذيعة البتشاكل وتنبّذ.. ويا عالم ايه بعد كده..
حكايه ال Freelancing مذيعات دي موضة طلعو بيها ناس القضائيات السودانية ففي حلقة للعيد في الامارات كانت هنالك واحدة خاتة حاجة في نخرتا وبتذيع واها مع الطيب عبدالله واحدة برضو وبتزغد وتغني معاهو وقاعدة جنبو... هو حاصل ايه ؟؟؟
في حلقة أمس من (( أضواء كاشفة )) على قناة النيل الأزرق ..بذل طاقم البرنامج جهد مُقدٌر في طرح مشكلة رأي عام..و قضية تمس كافة مواطني ولاية الخرطوم.. و هي مشكلة تحويل موقف المواصلات من ميدان أبو جنزير إلى أقصى غرب كوبري الحرية..و ما ترتب على ذلك من فوضى و إختناقات مرورية وسط الخرطوم... ظهر الجهد المُقدر في خروج كاميرا البرنامج لتصوير مواقع المواصلات..سابقاً و حالياً..بالإضافة لإستطلاعات الرأي التي شملت قطاعات مختلفة من المواطنين..و إستضافة مُعتمد الخرطوم + عميد في شرطة مرور الخرطوم..لشرح إيجابيات و سلبيات القرار..
كان ممكن تكون الحلقة..من دُرر الفضائيات.. لولا إنو المذيعة (( نسرين النمر )) كانت الشخص الغير مناسب لإدارة حوار من هذا النوع!!!
لخبطة..مُقاطعة...ربكة..عدم إلمام بأطراف الموضوع.. دا غير إنو ماسكاها (( أم فريحانة )) طوال فترة عرض البرنامج. ..و ما أفتكر الموضوع المذكور آنفاً دا فيهو أي حاجة بتكلكل. كل ما يتصل مُتصل...تتفتفت بالضحك كأنو بيحكي ليها في نكتة.. كل ما المُخرج يوجهها بالمايكرفون المركب في أضانها...تتكشم و تتبسم.. الحكاية شنو؟ و الله يا نجوان..ختيت يدي في قلبي...متوقعاها في أي لحظة..تزغرد!!!
Quote: مش في مثل مصري بيقول الكحكة في يد اليتيم .. حاجة كده؟؟
عجب... والعجب ذاتو بيتعجب في الحاصل وخصوصا يوم الخميس والجمعة ورغم انفنا ( ما نخرتنا عشان ما نلقي فيها مصيبة زي الكان ختاتها المذيعة الفريرلانس الصورتها فوووووق ) بنشوف الفضائيات دي اكتر من الايام التانية...انا دائما بيجيني احباط بعد اليوميين دييل وكنت قايل دة من القعدة بدون شغل ولكن السبب هم دييل ذانم ؟؟. ياجماعة "مذيعة" يعني شنو ؟؟
يالمرتضي..انا هسع بتابع قصة الطفليين التبادلوهم بعد الولادة في نجران .. اسرة تركية وواحدة سعودية اتبادلو ولدين منذ اربع سنوات بسبب خطا موظف في المستشفي ورفض المستشفي للاهتمام بشكوك التركية في الاسبوع الاول واها الولدين قضو اربع سنوات كل عند اسرة اخري وقريبا بعد انتهاء الاجراءت ( دي ان اي وخلافو) سيرجع كل طفل الي اسرته الحقيقة .. يعني هسع انا قاعد اتخيل لو دييك بتاعة الفضائية بتاعتنا اتبدلت مع ليلي الشيخلي لمدة 4 سنوات بعدين ليلي كان حترجع شكلها كيف ؟؟؟ انت بس قوول ولايهمك
Quote: اتخيل لو دييك بتاعة الفضائية بتاعتنا اتبدلت مع ليلي الشيخلي لمدة 4 سنوات بعدين ليلي كان حترجع شكلها كيف ؟؟؟
ياباش في حاجات كده ماممكن تتبدل كلو كلو لكن وفقا لقانون الناتشورال سيليكشن ونظرية داروين حاتجينا بعد الميوتيشن بدلا عن المذيعة الفضائية كائن فضائي. بالمناسبه إنت قاصد ياتا؟
يااخي هسع دي واحد في البي ان بيحب الكلام المقعر والسفسطة قال انو الضيف بتاعو " رئيس جمهورية .. " انا اتخلعت .. لانو الرنامج بس بتاع اغاني ( دة المفروض لو زولنا بطل الكلام الكتير ) اها طلع "رئيس جمهورية الحب " .. بس ما قال الجمهورية ياتا الرابعة والا الخامسة ....
لكن امبارح يا باش وجدت ذلك الذي يقلد جميل عازر لدرجة المبالغه لدرجة اني افتكرت القصه مزاح لكن الزول دا طلع جد جد بيقرا النشره لآنو جاب البشير وسلفاكير وبعدهم جاب النشره الجويه البتقراها الزوابع الرعديه دييك وتتسبب (ليك) في منخفض جوي.
حسين.. فيها شنو لو قالت (شكرا "ليك" ) طبعا هي قاصداها بالأنجليزي مش فيروز بتقول شفت البحر شو كبير؟
بالمناسبه يا باش المذيعه البتزغرد ومركبه سارينا في الأستوديو دي منو؟ أديني الوصف ساكت.
يا نجوى ، في واحد مذيع جني وصفو في عملية الكرافته والشراب اللي فوق استضاف فاروق الباز وقعد يشرح ليهو عن الفضاء ( ما تفهميني غلط المذيع بتاعنا كان بيتكلم في فضاء حقيقي - خلا ساكت) وفاروق بتواضعه وبلغة بسيطة يحاول إفهامنا ما يروم لكن المتحذلق الأممي لم يترك من قاموس أبو الأسود الدوءلي مفردة إلا و (صقعنا) بها ولم ينس أن يخلف كراعو مع ابتسامه عريضه شفوقه ارتسمت على وجه فاروق ابكتني على مذيعنا المعجزة.
شايفه الفرق بين وكالة الفضاء ناسا وفضائياتنا وناسا؟
كترة معجزين ومعجزات بقت عندنا في فضاءنا .. ما تعد ..steroids
Post: #328 Title: Re: درر ودرّاب... مقتطفــات فضــائية.. فاضية... Author: محمد المرتضى حامد Date: 10-27-2007, 08:54 AM Parent: #327
والله يا باش منذ المذيعة القديرة سهام المغربي لم استمع لمذيعة مقنعة بحضورها في تلفزيون السودان ، أما الإذاعة فقد كان عهدها الذهبي أيام الرائدات أمثال سكينه عربي وعفاف صفوت وسميره مدني وفوزية يوسف وعفاف أبوعاقله وغيرهن ممن عملن كمذيعات ومقدمات برامج بل كن يشاركن أحيانا في الدراما و بتميز ولاننسى الراحلة ليلى المغربي وصوتهاالذي لن يتكرر ، رحم الله من رحلن عن الفانية وأطال عمر الأحياء منهن ونسأل الله أن يعيننا على حالة البكاء والنحيب المستدام على الماضي في كل الإتجاهات.
Quote: يا نجوى ، في واحد مذيع جني وصفو في عملية الكرافته والشراب اللي فوق استضاف فاروق الباز وقعد يشرح ليهو عن الفضاء
الزول ده ما شفته فترة طويلة.. الظاهر انه رجع ليكمل الناقصة..
الفكرة كلها تدور حول الحذلقة.. وحفظ كلمتين تلاتة.. ___ قبل شوية في اعادة لقاء مع بشير عباس المقدم طارق كبلو لم يشّذ عن القاعدة .. (المؤسف المتوقع اليومي..)
قال لبشير عباس.. "مقطوعاتك عن الجنوب.. يبدو انك عايز تحتفظ بذكرياتك.. ما عايز غنا أو كلام... ما عايز تشرك الناس فيها.. عشان كده وضعتها في موسيقى بس.."
غايتو النشرة حقتا هى وفيروز زيانى الا تشيل التلفزيون وتطلع بيهو الخلا! او تكون موطى الصوت وخاتى اصبعك قريب من الــ Recall button حقت الريموت كونترول عشان ترجع لى قناة اقرأ! عالم جبانات بشكل! جنى
Quote: غايتو النشرة حقتا هى وفيروز زيانى الا تشيل التلفزيون وتطلع بيهو الخلا! او تكون موطى الصوت وخاتى اصبعك قريب من الــ Recall button حقت الريموت كونترول عشان ترجع لى قناة اقرأ! عالم جبانات بشكل! جنى
والله يا جني (ختفتها من خشمي) ياخ ديل مذيعات ناجحات وزي ما قالوا ثنائي العاصمه ديل ناس التلاقي البيروي شوقي والحديث البيجبر بخاطر ، والقنوات ياريتا تقفل وكلو برنامج ياريتو باكر. يعني البنيات ديل موضوعم ما شكل وبس لكن فيهم حاجه كده (تقطع نفس خيل) الوجع ولما تسمع نشرة الأخبار حتى عن بغداد والرمادي والأنبار تعتقد انها عن حدائق بابل، مش مرات كده بكون عندك حرقان وهايبراسيدتي يضيقوا عليك الدنيا؟ أها ديل زي الأندروس والكاسلتزر مش زي هاله سرحان التي تخلف فيك توترا عصبيا بعلبة الألوان البتكشحا في وجهها قبل أن تطل عليك وتفقع مرارتك باللغه المصطنعه البلاستيكية بطعم البوليستر.
في جانب آخر هناك عدة عوامل لها دور في السالفه دي ، فعلى سبيل المثال القنوات المرموقه لها إمكانيات استقدام خبراء في التجميل والديكور وهندسة الصوت والضوء والماكياج وتلك اشياء تحتاج لأموال ضخمه ولك أن تعرف أن أوبرا وينفري بتقبض راتب سنوي قدره 260 مليون دولار وهذا يساوي دخل بعض دول العالم الثالث لنفس السنه وبالتالي يمكن لأوبرا استخدام جيش من الخبراء ومستشارين حتى في طول الإبتسامه من حيث المدة أو ما يفتر عنه الثغر من أسنان ومتين تلبس كاجوال ومتين تلبس رسمي أو ملابس سهره الخ..مش زي العنقاله إياهم، ياخ الميديا في العالم كله أصبحت علما يدرس ولايترك فيها شئ للصدفه أو المجاملة أو (الولاء). بالمناسبه انت الواحد كان تابعك بتوديهو مكان أخطر من الكاتاراز ونحن ما (عالم جبانات) نحن كنا نشاهد النشرات في حضور البنتاغون والمارينز والأسطول السادس كأمة عربية واحده ذات رسالة خالده ونسبة للمنعطف الخطير الذي تمر به الأمة قررنا اعتزال الكوره وبنوره ولا للسلطه ولا للجاه هي لله هي لله ولا نامت أعين الجبناء.
أجمل ما في تلفزيوناتنا أنها تهتم بالتنويع ... في الدراب
هذه المرة دراب رياضي
أتمنى أن يكون الجميع قد اطلع على بوست الأخ صلاح شكوكو والذي حث فيه مقدم برنامج الرياضة على أن ينطق "غانا" بالغين وليس القاف، وإلا تحولت تلك الدولة الأفريقية الكبيرة إلى قرية صغيرة في لبنان.
لم أصدق كلام شكوكو، ولكن من باب الفضول فرغت نفسي لمتابعة الحلقة يوم الجمعة الفائت، لاكتشف أنني مدين باعتذار لشكوكو لعدم تصديق كلامه. النقي لا يكتفي بنطق الغين قافاً، بل يمعن في تعطيش القاف.
دراب آخر في الحلقة جاء هذه المرة من وزير الدولة للشباب والرياضة والذي يموت هياماً في الإعلام وحب الظهور. وقد أضحى الاتصال به أثناء البرنامج فقرة ثابتة. والمرة الوحيدة التي لا يتم فيها الاتصال به هي عندما يكون ضيفاً للبرنامج.
عموماً، تم الاتصال بالوزير لسؤاله عن دعم الدولة للفريق القومي وهو مقبل على فترة إعدادية تسبق بطولة الأمم الأفريقية، فماذا كانت إجابته؟
والله في جهات كتيرة بتدعم المنتخب وبتشد من أزره. والله وزير الرياضة في القضارف ضرب لي تلفون وأشاد بالانتصارات.
جاء رد اسماعيل عطا المنان عضو اتحاد كرة القدم حاسماً حيث قال أن الدعم المعنوي والأمنيات الطيبة لن يحققا أي نتيجة وأن الدولة تتجاهل تماماً الفريق القومي لدرجة أن الاتحاد لجأإلى شركة سعودية لرعايته.
دراب آخر تمثل في انعدام التنسيق حيث قطع البرنامج لآذان العصر، وبعد الآذان ... طوالي نشرة الأخبار.
ازيك يا نجوان والاخوة المتداخليين.. عندي صديقي مكسر للطيش في ايمان بنورة ..لكن ما بتستاهل.. ليه ما عندنا مذيعات جميلات وفي نفس الوقت مثقفات ويستطعن اداء الحوارات؟
- بكالوريوس في الإعلام الإذاعي والتلفزيوني من جامعة الجزائر 1988. - شهادة تكوين بمركز (CFJ) لتكوين وتدريب الصحافيين في اللوفر بباريس 1989. - شهادة تكوين بمركز (CIRNEA) للإنتاج التلفزيوني بباريس 1993. - مقدمة أخبار ومعدة ومقدمة برنامج (الملف الأسبوعي) في القسم العربي لإذاعة سويسرا العالمية 1995-1997. - مقدمة أخبار رئيسية ومحررة في التلفزيون الجزائري 1990-1994. - مقدمة أخبار وصحافية محققة في الإذاعة الجزائرية 1986-1990.
في قناة الجزيرة:
- مذيعة أخبار ومقدمة برامج. التحقت بالقناة في 27/6/1997.
Quote: وبعد ده كله يكون بينطق اسمه ظاااتو "النغي"..
ولكن فليسمح لي الأخوة دعاة اتخاذ القنوات العربية كـ ٌRole model تنطلق منه فضائتنا نحو التطور أن أقول لهم أن ذلك لن يجدي
التطور الذي تلاحظونه في القنوات العربية ناجم عن عاملين: أولهما أن تلك القنوات تتخذ القنوات الغربية كـ Benchmark وتطبق حرفياً ما تبتكره تلك القنوات - يعني بالبلدي كدة، قنوات أمريكية تايوانية ناطقة بالعربية. التقليد شمل حتى الإعلان عن الفواصل زي "إبقوا معنا" والتي هي ترجمة حرفية لعبارة Stay with us أو ٍStay tuned والتي كانت فيما مضى عبارات تميز كل محطة عن الأخرى Signature
عليه، لا يمكن لنا أن نقلد مقلدين. وإذا ما قدر لنا أن نقلد، أحسن نتخذ لينا جهة تستحق أن تقلد.
العامل الثاني واضح وهو سطوة البترودولار والذي يستطيع شراء البريق والإمكانيات والمواكبة، ولكنه يفشل في معظم الأحيان في شراء الإبداع والابتكار.
ومع تقديري لكفاءة المذيعين العرب، إلا أن شروط التعيين في المحطات الفضائية العربية (الخليجية بشكل خاص) هي تقريباً نفس الشروط التي تتبعها قنواتنا (إذا ما استثنيا السودانية والتي تمنح الأولوية للولاء للحكومة) من حيث المظهر النضر والأناقة، بل وحتى لون البشرة، بدون الالتفات كثيراً للمواهب والخبرات والمقدرات الشخصية. (يمكنكم أن تسألوا الإعلاميين السودانيين العاملين في الخليج عن الإجحاف الذي يلاقونه في تلك المحطات)
وللأسف الشديد، لا أملك في دنياي سوى التنظير. ولو كان لدي المال، لأنشأت محطة تلفزيونية تكون لها شخصيتها المتفردة وليست مسخاً مشوهاًيقلد المقلدين وحتي مقلدي المقلدين.
Quote: رهام وصالحين في "أجراس" بالنيل الأزرق بيقولوا "الـ audience" بدلا عن الحضور.. يعني خلااااص ابدعوا بالعربي.. وقبّلوا على الإنجليزي!!
دي قوية للغاية. بالله لو عندهم تقدير للـ audience مش كانوا قالوا على الأقل الـ guests
غايتو يا نجوان .. وفي وجهة نظري المتواضعة .. وإحقاقاً للحق .. أن عوض إبراهيم عوض يحاول أن لا يقتفي خطى (أو خطأ) أحد ... لأن درابه هو نتاج لإبداعه الخاص وماركة مسجلة باسمه فقط .. خاصة الضحكة المصطنعة
Quote: غايتو يا نجوان .. وفي وجهة نظري المتواضعة .. وإحقاقاً للحق .. أن عوض إبراهيم عوض يحاول أن لا يقتفي خطى (أو خطأ) أحد ... لأن درابه هو نتاج لإبداعه الخاص وماركة مسجلة باسمه فقط .. خاصة الضحكة المصطنعة
اكيد .. كلما اشاهده افكر هل شاهد هو يوما تسجيلا له ..؟؟ ام هو لا يهتم كما اصر ان يكتب كتابه الشهير العجيب ذو الغلاف الاحمر "عفوا سيادة الرئيس " وما فيهو لا رئيس لا غفير .. اهو عنوان وكام ميات من الصفحات الغير مترابطة ...
Quote: غايتو يا نجوان .. وفي وجهة نظري المتواضعة .. وإحقاقاً للحق .. أن عوض إبراهيم عوض يحاول أن لا يقتفي خطى (أو خطأ) أحد ... لأن درابه هو نتاج لإبداعه الخاص وماركة مسجلة باسمه فقط .. خاصة الضحكة المصطنعة
اكيد .. كلما اشاهده افكر هل شاهد هو يوما تسجيلا له ..؟؟ ام هو لا يهتم كما اصر ان يكتب كتابه الشهير العجيب ذو الغلاف الاحمر "عفوا سيادة الرئيس " وما فيهو لا رئيس لا غفير .. اهو عنوان وكام ميات من الصفحات الغير مترابطة ...
صباح الفل..للكُل.. شايفاكم يا جماعة إنتهيتوا من الدراب الفي فضائياتنا و قمتو كمان تفتشوا على دراب العالم العربي و ما وراء البحار.. دي بالمناسبة..سكة اللي يروح و ما يرجعش! أرجعو يا خوانا.. و.. إستغفرو.
أسجل صوت إعجاب لكلٍ من.. دكتور عمر محمود خالد..مُقدم برنامج (( صحة و عافية )) على النيل الأزرق. و... الأستاذة هبة معتمد...مُقدمة برنامج (( غيٌر حياتك )) على نفس القناة.
على الرغم من أن الأول طبيب..و الثانية أخصائية تغذية..لكنهما مثال رائع للإعلامي المتميز الذي يُجيد الوقوف وراء الكاميرا و يُدير الحوار دون أن يستأثر بالمعلومة..و..الذي يوصل ما لديه من معلومات في قالب بسيط و شيٌق...يصل مباشرةً للمتلقي دون فذلكة أو حذلقة...و يساعد بلغة واضحة و بمفردات نستعملها يومياً..في نشر وعي صحي و توعية غذائية بالغة الأهمية.
Quote: قمتو كمان تفتشوا على دراب العالم العربي و ما وراء البحار.. دي بالمناسبة..سكة اللي يروح و ما يرجعش!
دة كلاك سليم مائة بالمائة. نحاول أن نهدي قنواتنا عيوبها، وأحد هذه العيوب هو تقليد "المقلدين".
دراب الفضائيات العربية لا يعنينا كثيراً، ولكن أنا شخصياً خائف يجي واحد يقلد قرداحي البيقلد ريجيس فيبين وواحد يقلدالمصري البيقلدلاري كنج، وواحدة تقلد هالة سرحان البتقلد أوبرا (والمتوهمة أنها أوبرا العالم العربي)، وجماعة كدة يقلدوا برنامج كلام نواعم في ال إم بي سي، واللي هو تقليد بالكربون لبرنامج ذا فيو لدرجة أن الولية المصرية التي تلبس البناطلين وهي على أعتاب السبعينيات داخلة في شخصية باربرا والترز. دا غير طبعاً برامج المسابقات والريالتي شوز.
باختصار كدة: أرى أن أول خطوة لإصلاح محطاتنا التلفزيونية هي الابتعاد عن محاكاة الآخرين (أياً كانوا)
Quote: دكتور عمر محمود خالد..مُقدم برنامج (( صحة و عافية )) على النيل الأزرق. و... الأستاذة هبة معتمد...مُقدمة برنامج (( غيٌر حياتك )) على نفس القناة.
شكرا يا ممكونة على لفت النظر.. انشالله نتابع..
بس على د. عمر خالد ان يكنكش في برنامجه ولا يقبل الدعوة للتحدّث في برامج اخرى (زي ما حصل في فتّة أجراس قبل كده).. منعا للبشتنة والعولاق.. _____ شفت اكتر من مقدم برنامج في النيل الأزرق.. يكون ضيف في برنامج آخر يعني.. زيتهم في دقيقهم.. (دي بتتطلب خوذتين يا جنّي؟)
ياجماعة الانجليز هم اخترعو كرة القدم والبرازليين ابدعو فيها والسودانيين وبالذات قنواتهم الفضائية كملو الكلام فيها وبس ..
Post: #361 Title: Re: درر ودرّاب... مقتطفــات فضــائية.. فاضية... Author: لقمان حسن همام Date: 10-30-2007, 00:19 AM Parent: #360
Quote: من درر السهرة الضيوف يسحبوا البساط.. ويثروا السهرة: الأستاذ لقمان يناقش الفرق بين متطلبات الأداء الإذاعي و نظيره التلفزيوني.. كلام علمي ومليان.. وقبلها يصحح ويوضح ان الإذاعة توصل صوت وصورة مستدلا بمقولة للمخرج صلاح الدين الفاضل (الأستاذ لقمان ينطق القاف قاف.. الغين غين.. والذال ذال )
شكرا لكِ نجوان ..
بلا شكٍ يمثلُ هذا البوستُ وقفةَ تأملٍ لمسيرةِ أيِ إعلاميٍ
Quote: بلا شكٍ يمثلُ هذا البوستُ وقفةَ تأملٍ لمسيرةِ أيِ إعلاميٍ
الاخ لقمان ارجو ان تبقي قريبا فما نكتبه هنا ليس الا كما ذكرت املا في اداء احسن وحرفية تساعد الاعلامي والمتلقي فمن يدخل بيوتنا واسواقنا وساحات سمرنا وعملنا دون استئذان مؤثر فينا وفي اولادنا .. ابقي هنا متداخلا وليس متلقيا فليس كل ما ناتي به معلقيين احيانا علي عمل ما او اداء ما هو كل ما في الكوب ..
مودتي ابوبكر سيداحمد
Post: #363 Title: Re: درر ودرّاب... مقتطفــات فضــائية.. فاضية... Author: محمد المرتضى حامد Date: 10-30-2007, 04:05 AM Parent: #362
Quote: فما نكتبه هنا ليس الا كما ذكرت املا في اداء احسن وحرفية تساعد الاعلامي والمتلقي فمن يدخل بيوتنا واسواقنا وساحات سمرنا وعملنا دون استئذان مؤثر فينا وفي اولادنا
دا كلام وجيه ياباش ونُذَكِّر أيضا ما سبق وأشرت إليه في إحدى مداخلاتك بان بعض تلك القنوات ندفع لها إشتراكا (مقدما) لمشاهدتها ومن ثم لنا عليها حق الجودة التي تقابل العملة (الصعبة). تعرف يا باش إنت محظوظ لأنك ما شاهدت برنامج اسمو البيت شنو كده ما متذكر قدموه اتنين وكانت المقدمة تتمرجح يمنة ويسرة في حركة نصف دائرية زي غسالة الملابس ، وعشان أقَرِب (ليك) الصورة يعني زي بناتنا السغار لما يكون عندهم نشيد. صدقني تاخد دقيقتين معاينه راسك يدوش المهم ربك رب الخير ما أخدت دقيقه البرنامج انتهى وتصافح مقدم ومقدمة البرنامج وانصرفا معا ناحية يمين الشاشه. الأخ لقمان كل سنه وانت طيب ، بالله ممكن تورينا المعايير التي بموجبها يتم اختيار أولئك الذين يدخلون بيوتنا؟
Quote: الأخ لقمان كل سنه وانت طيب ، بالله ممكن تورينا المعايير التي بموجبها يتم اختيار أولئك الذين يدخلون بيوتنا؟
المرتضي امل ان يساهم الاخ لقمان في تنويرنا في هذا الصدد فهو كما سمعت مرة يشارك في تدريب المذيعيين وطلاب الاعلام .. فمثلا فنطق حرف كا" القاف" و"الغين" مشكلة عند اكثر من طرف من الناطقيين بها الا ان ذلك لا يكون من خلال الواجهات الاعلامية الرئيسية او نشرات الاخبار كما هو الحال عند قنواتنا السودانية ..نطق الاسماء الاجنبية كذلك رغم اشتراك كثيرين من الناطقيين بهافي عدم تمكنهم منها الا ان قنواتنا الفضائية "اليوم" تعج بمذيعين ومذيعات يغلبهم نطق اسماء اجنبية كثيرة مشهورة جدا ...وامر اخر تناوله مذيع مخضرم في لقاء معه منذ فترة قريبة (فريد عبدالوهاب) يتعلق باصراربعض مذيعي القنوات السودانيةاليوم علي الاستعراض بما يعرفون ولا يعرفون والاصرار علي شمولية معرفتهم وتخصصهم وامكاناتهم (بعض من اثار الهجمة الجزلية والعوض ابراهمية ) وقفزهم علي خلوق ضيوفهم فلا يتركوهم يقولون شيئا او ان قالو ما تركوهم بحجة انهم يعرفون احسن ...المشاهد والمتلفي لا يطلب المعرفة اساسا من المذيع ولكن المعلومةبصورة واسلوب ونطق لائق ...
Quote: ألم تشاهدي أو تسمعي بالسهرة مع ترباس وواحد اسمه "الكاردينال".
والله يا ابوعلي السهرة دي التكون قاصداني مرتيين وكنت قافل التلفزيون السجمان ومشغول وفجاءة التفت وفتحت ولقيت الجماعة دييل قاعديين .؟ يعني الحلقة الاصلية والمعادة ..ما كدرني اساسا قبل السماع هو نوع الكراسي الخاتنها في الجنينة ؟؟ معقولة دي ؟؟ اثاث لغرف ومساحات داخلية توضع في الحديفة ولسوء حظي انا معماريو كذلك بتاع تنسيق حدائق ودي مهن تجيب الكدر لانها بتخليك دائم تعاين في التفاصيل ...الخ ...وبعدين دراب كتير كتير كتير وحاجات ما بتخص المشاهد .. يعني قعدة خاصة جدا جدا ما لينا بيها اية دعوة شنو العذاب دة يا خلق الله ؟ نحن بس عايزين نسمع الغنا وما خصانا فلانة وعلانة وفرتكان ...
والأدهى والأمر أن المذيع كان يحاور "الكاردينال" بوصفه واحد من أساطين الشعر الغنائي في السودان. وشعرت أن السهرة هي في الواقع مع اسماعيل حسن ولا حسن الزبير رحمهما الله أو مع هاشم صديق أو بازرعة.
"الكاردينال" نفسه، انطلت عليه "تلميعات" المذيع وطفق يتحدث بتعالٍ وزهو ويزع الـ tips الخاصة بكتابة الشعر يمنة ويسارا.
أداء ترباس جاء، وعلى غير العادة، مسيخاًومتماشياً مع أجوائها الكئيبة
لو استضاف المذيع "كرادلة"الفاتيكان ليسردوا لنا كيف يقضي كل واحد منهم يومه لكانوا أرحم بالمشاهدين
يعكنني هذا الناجي الذي يذبح المفردات العربية علي كيفو .. سوء الطالع جعلني في فترة من مساء اليوم وانا جالس لوحدي ان انتبه اليه ومذيعة اخري في برنامج قالو انه "سمر المدينة " وكان من ضمن ما اتو به زواج جماعي في منتطقة ما لم يستطيعا من ان يخرجا منه بما يشجع احد علي زواج جماعي او خلافو ولكن الادهي هي دعوة الناجي هذا للشباب في نهاية برنامجه التعيس " بمثني وثلاث ورباعي " ..!!! اتخيلو واحد بيقول لواحد لسه ما اتزوج انشاء الله تزوج اتنين وتلات واربع !!!! يا ناس تلفزيون السودان ارحمونا
Quote: تخيلو واحد بيقول لواحد لسه ما اتزوج انشاء الله تزوج اتنين وتلات واربع !!!!
ما قال آمين! ناجى دا عشان تحضر اى برنامج ليهو لازم تخت جنبك مكمدات باردة وحارة حسب محل ضربة الدرابة! كان الله فى عونكم! انا ناجى دا نهااااااااائى ما بديهو دقيقة دا بستعمل نفس المفردا اذا استضاف شيخ الهدية ولا محمود عبد العزيز ياها اللغة والمفردات ذاتها! كان الله فى عون ضيوفو!! لوز وجع حلق وابوعديلات(التهاب الغدة النكفية يا نجوان وممكونة) جنى
Quote: لوز وجع حلق وابوعديلات(التهاب الغدة النكفية يا نجوان وممكونة)
وانا اقول الحاصل لحلقي شنو الليلة دي ؟؟ ياجني انت ما قدرت عليهو اها انا الر طان اسوي شنو ؟ ياخي بجيب دراب عربي ما عارف ياتو كسارة ظلط دشدشتو وسوتو دراب قدر دة ....انا كان عارف انو العربي بجيب ناسا زي دييل كان بقيت علي رطانتي اصلو عربيكم دة لا نافعنا في اكل عيشنا ولا حاجة بس غشيتونا ساااي....
برنامج حوار سياسي اسبوعي في النيل الازرق "المنبر السياسي " ياتي المقدم بضيف من السلطة الحاكمة ويجعله يقول ما يريد .. اها ما علينا .. لكن والموضوع عن مؤتمر عربي لدعم الاوضاع الانسانيةفي دارفور عقد مؤخرا والضيف هو الامين العام للشئون الانسانية ويجي مقدم البرنامج يقول بعد ان يخاطب الضيف باسمه ووظيفته " لقد تابع الناس باستمتاع جلسات هذا المؤتمر ".. اتخيلو الواحد يكون اخر استمخاخ واستمتاع وهو بيشاهد جماعة قاعديين يتكلمو عن الاوضاع الانسانية في دارفور وكانها حفلة
ما أعجبني هو الأدب الجم للشاب والشابة اللذان استضافا البرنامج. أسئلة محددة وإجابات محددة فاح منها عطر النوستالجيا والتحسر على فترة ذهبية للإذاعة السودانية.
بدأ التأثر واضحاً على سهام العمرابي عندما فاجأوهابأغنية "صدقيني" لعثمان حسين بالتسجيل الإذاعي. وفي الختام، شكرت القناة كثيراً على بث الأغنية ولسان حالها يقول: لماذا تركزون على "الغث" طالما لديكم السمين؟
فعلاً يا حسن..برنامج (( مساء جديد )) كان مُتميز جداً أمبارح.. أمجد و تسابيح...كانوا متمكنين من الأسئلة و مرتاحين في طرحها و لم يرهبوا قامات مثل سهام أو نائلة العمرابي...و أسئلتهم زاتا كانت في صميم موضوع الحلقة (( من الزمن الجميل )).
لكن شايفة سهام العمرابي زنقت تسابيح - زنقة الحرامي - في حكاية إنو أي مُذيع تلفزيوني.. لازم يمر أولاً عبر مايكرفون الإذاعة.
شكرا على رصد الدرر.. نترقّب إعادة الحلقة يا حسن وممكونة.. خصوصا وانه توقيت "مساء جديد" مناسب.. (وليس انصاص الليالي).. ____ سلامة فشفاشك يا حاتم يوسف.. أحمد رّبك احنا فشفاشنا زمااان أودعناه احمد شرفي..
في فقرة من فقرات (( البيت السعيد )) على الفضائية السودانية أمس.. إستضافت المُذيعة (( بصيرة )) شابة ورثت المهنة عن والدها..و كانت تتحدث عن الرسالة الإنسانية السامية في مهنتها و كيفية تخفيف آلام المُصابين..و كيف أنها تحوٌلهم لذوي الإختصاص من أطباء إذا فشلت في مُداواتهم. نطت فجأة المذيعة و قالت ليها: طيب عاوزين نعرف موقف طريف مرٌ بيك!!!
و قبل أن تفيق الضيفة من ذهولها..عاجلتها قائلة: يعني مافي واحد من زباينك ضربك و لا عضٌاك..؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
"السلام جاكم" ..اها ما دة كمان تعبير نتوقعو قريب في كل الفضائيات بعد مفردة "عليكم " الكتروها اليومين دول .. انا عادة بخلي الصورة وبقفل الصوت Mute ومرات كتيرة بعمل دوبلاج علي مزاجي في خيالي ومرات كتيرة بالرطانة وتلقوني اضحك ساااي وانا قاعد براااي ..المشكلة بس دائما انو بعض المذيعات والمذيعين من غير صوت بيذكروني بمعروضات مدام توسو..معقولة ما عندهم Body language ؟؟؟ ايه الوكسة دي...
يا خلق الله اها تقرقرو ضحك فينا نحن الناطقيين بغيرها عندما تلخبطونا بحرف " الخا" و "الحاء" طيب ( "اوون تيب "؟ دي بالرطانة يانجوان ) انتو مالكم وحرف "القاف " و "الغيين" .. قصتكم شنو مانتو الناطقيين بها ؟؟ يعني تجي الواحدة علي اساس انها عنقود في برنامج اسمو "عناقيد" وعلي اساس انها شاعرة وقصيدتها عن " القيوم" وهي تقصد "الغيوم".. مش الكتابة كان احسن ؟ يعني دروري تلغي ( اقصد تلقي) غصائدها (اقصد قصائدها) ...حيرتونا حاشية (درورية يا نجوان ) : يعني الديكور بيكون بالشكل دة : مشمع بلاستيك احمررررررررررررررر... ودلقانة بمبي فاتح رامناها علي خشبات زي المصاطب و اعمدة حمرااااااا كدة وملزقيين عليها يمكن لمض اها حاجة مدورة ولمبة ضاربة ضوء ليموني علي المشمع الاحمر .... شكيتكم علي الله .. انا المصيبة دي -الديكور-جزء من شغلي وهسع لخبتوني عديييل .. مشمع احمر بلاستيك ؟؟ معقولة دي يا تي في السودان ؟؟؟
وبالصدفة، حلقة جديدة (بالنسبة لي) من سهرة فونوفرافيا في قناة النيل الأزرق، تمحورت هذه المرة حول أغاني المطرب الراحل سيد خليفة
لم تكن الحلقة كسابقتيها (أبو داوود والشفيع) من حيث أداء المتسابقين.
ورغم الفكرة الجيدة للبرنامج، إلا أن المذيع سعد الدين يصر بعناد عجيب على مواصلة تهميش زميلته في التقديم، وكأني به يقول: "أنا الذي أستضيف السهرة وهذه هي مساعدتي".
أمقت التحريض، ولكنني لو كنت مكان المذيعة الشابة لاعتذرت عن المشاركة مع هذا الشخص المزعج، والذي لاحظت محاولاته المستميتة لمقاطعتها كلما أبدت رأياً أو وجهت سؤالاً. ومن المؤكد أن تلك المذيعة تعاني ضغطاً رهيباً عندما تكون بمعية سعد الدين في استضافة السهرة. وطبعاً تصرفات سعد الدين وأسئلته السخيفة ومحاولاته لإظهار عضلاته "الثقافية" أصبحت من الأمور المعتادة والمسلم بها لدى المشاهد. كما أصبح الحديث عنها ممجوجاً وغير ذي جدوى، فمن الواضح أنه شخص يضيق بالنقد ويصر على قتل كل ما هو جميل.
أحد الأمثلة "التهميشية" عندما اعتقدت المذيعة أنهما فرغا من أسئلتهما لأحد المتسابقين، فشكرته وبدأت في تقديم المتسابق التالي، ولكن سعد الدين فاجأها بسؤال آخر قام بتوجيهه للمتسابق متجاهلاً تنويهاتها، وبدأت ملامح الحرج مرتسمة على وجه المذيعة.
أدرك تماماً أن المذيعة تحاول أن تشق طريقها في عالم التقديم. وفي سبيل ذلك، هي مستعدة لتحمل كل صنوف العذاب مع هذا الزميل "السادي" الذي يتلذذ بتحقير ضيوفه وزملائه على حد سواء، ولكن أجد نفسي ملزماً بنصيحتها أن لا ترتضي بالسير تحت ظل "الديكتاتور" سعد الدين، وإلا فأنها لن تتمكن من تكوين شخصيتها المميزة وإضفاء بصمتها الشخصية على ما تقدمه.
Quote: ودلقانة بمبي فاتح رامناها علي خشبات زي المصاطب
يا باش.. درّاب الديكور ده عايز ليه حوش براااهو.. النيل الأزرق أحسن شوية.. بس تلفزيون السودان عنده ديكور صدج غريب .. ____ يكونش ده ذوق وعلم جديد لم يتكشّف لنا بعد؟؟
Quote: ومن المؤكد أن تلك المذيعة تعاني ضغطاً رهيباً عندما تكون بمعية سعد الدين في استضافة السهرة. وطبعاً تصرفات سعد الدين وأسئلته السخيفة ومحاولاته لإظهار عضلاته "الثقافية" أصبحت من الأمور المعتادة والمسلم بها لدى المشاهد.
حضرت جزء كبير من السهرة دي يا حسن.. ولاحظت -بكل أسف- معظم ما ذكرته..
حقا.. انه من المضحك المبكي .. أن يكون سعدالدين guru الإعلام المرئي.. وsenior على بقية المذيعين والمذيعات .. ______ في تقديري.. جميعهم (بي سعدهم) يحتاجوا -بشدة- للرجوع لمقاعد الدراسة.. لتعلّم ابجديات الأداء الإعلامي.. قبل فنونه..
وقبل هذه وتلك.. مهارات التواصل العادي.. واللباقة في التحاور.. ______ اين المخرج وفريق انتاج البرنامج؟؟
يا نجوان وياجماعة .. انا غلب حماري .. يعني ما اشوف تلفزيون ؟؟
اها ايه رايكم في :
هو "المذيع" :مساء الخير عليك .. معليش .. احنا اتصلنا عليك .. اوع تكون نائم (الساعة وقتها ستة وتص في الخرتوم)؟ هو" الضيف" : ( ويبدو ان السؤال حرقو ) ياخي انا بنوم ؟؟؟
واستمر الامر علي هذا المنوال ثم قال هو "المذيع" : والنتائج ( وهو يشير الي معرض فنون والضيف فنان كبير ) هو "الضيف ": (مستغربا وبصوت عالي ) نتائج ؟؟؟ هو "المذيع" : نتائج المعرض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب يا باش شوف دي.. المذيعة (وجه جديد بالنسبة لي) امبارح بالنيل الأزرق مستضيفة فنان اسمه علاء الدين سنهوري وفرقة اسمها مترار..
تساله عن الـdebut بتاعهم.. سنهوري: "ح نظهر بصورة رسمية في حفل بين العيدين يعني شهر كده بعد عيد الفطر.. وحوالى اسبوعين قبل عيد الأضحى".. المذيعة: "يعني بعد عيد الأضحى؟؟".. سنهوري: "لا.. قبله".. (دلوقت مين العاقل ومين المجنون في الدويتو ده ) _____ في إجابة على سؤال.. يذكر الفنان اسمه ذاته "علاء الدين سنهوري" حوالي 10 مرّات (دون مبالغة) .. متحّدثا عن نفسه بصفة الغائب.. (ووب عليكم يا ناس مترار.. و ووبين على المشاهد المسكين)
يا نجوان انتي كمان شوفتي البلوة دي؟؟؟ انا تعبت كتير من الاتنين البتكلم عن نفسو بضمير الغائب ودييك الماعرفت هي كانت هناك ليه .. والغريبة انو الفنان كل مرة كان بيقول " انتو اقتحمتو علينا بروفاتنا" وهو قاعد في استوديو النيل الازرق ؟ كيف يعني ؟؟؟ الاتنين الواحد اتعس من التاني .. انا ما عرفت الشال الليموني الخاتنو ناس الفرقة الالبسيين لبس بنجابي (من السند) وبيشبه كمان شوية اثيوبي شنو ؟؟ هو الواخد لمان عايز يغني لازم يغيير اللبس السوداني او الافرنجي المعتاد السي شغلات ما بنعرفا ليه ؟ هو البهمنا اداؤهم وامكانياتهم الفنية مش اللبسية ....الغريبة الفنان والفرقة تقول كل واحد بيغني لروحو .. ما بيطربو تب ...
Quote: انا ما عرفت الشال الليموني الخاتنو ناس الفرقة الالبسيين لبس بنجابي (من السند) وبيشبه كمان شوية اثيوبي شنو ؟؟
والله يا باش الفاشون بوليس كان غائب.. الزّي كان شئ عجيب لفرقة غنائية.. زي يونيفورم التمريض كده.. مع شال ساتان ليموني! (مكانه المستشفى فقط .. وبدون الشال)..
الفنان ذكر شئ.. فقالت المذيعة بإبتسامة عريضة: "بسسسس.. سبقتني.. كانت عايزة اسألك السؤال ده.." ____ غنا تعيس بشكل!
انا قاطعت التلفزيون الليلة الماضية طوالي بعد قراءة الصحف والتحليلات الاستراتيجية .. اتذكرت ايام غزو العراق في صيف 2003 وناس تلفزيون السودان بيعملو تحليلات حلل حلل وقامو اتصلو بواحد كان بيحضر عرس بتو " الو الو .. سعادة اللوا .. والله متاسفيين وانت في لحظة زي دي ونحن نتصل بيك ؟ " هو وصوت الحفلة رابة " الف مرحب .. الموضوع شنو " هم " نحن بنتصل بيك بصفتك خبير عسكري استرتتيجي وعملت في العراق ....؟ وصاحبنا ما خلاهم يكملو " ايوه ايوه وانا عملت هناك ملحق عسكري وكنت قريب جدا من القيادات وبعرف انوالامريكان دييل ما بيقدرو علي اي واحد هناك .. ياخي دييل عندهم نفق تحت دجلة والفرات يشيل مية الف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟"
Post: #409 Title: Re: درر ودرّاب... مقتطفــات فضــائية.. فاضية... Author: Mohammed Elhaj Date: 11-19-2007, 08:56 AM Parent: #1
سلامات نجوان سعد الدين سعد الدين دا نسيج وحده، دا اتفوق على حمزة (اسمو حمزة منو؟) في الغيظ ووتهبيل نفسو مرة شفتو لقيتو بيتعامل على انو لاري كينغ وانتا ماشي لي فوق وطبعاً الناس مساعدينو على الموضوع بيتعاملوا معاهو على اساس انو مهم وكدة قداد قداد قداد ياخ، انتو أكيد في واحد قال ليكم البوديكم تتفرجوهم شنو، صحي بالجد البوديكم شنو؟ ياخ انا بتحرج وبقرب اصاب بي نوبة قلبية لما اشوف حاجة زي البتحكو فيها دي...
Quote: حقا.. انه من المضحك المبكي .. أن يكون سعدالدين guru الإعلام المرئي.. وsenior على بقية المذيعين والمذيعات ..
سلام يا نجوان ..
لا شك أنهم جميعاً يحتاجون للتدريب المكثف، ولكن في تلك الليلة، تعاطفت مع تلك الشابة بشكل كبير بعد أن أحسست بمعاناتها مع المونوبولي مان سعد الدين
ياخي دا كان بيتحدث بصورة متواصلة قبل تقديم الفتاة الوحيدة المشاركة في المسابقة، وعندما أراد أن يدعوها للحضور أمام المايكرفون، فلانة الفلانية .. وهي البت الوحيدة، ثم توقف لالتقاط أنفاسه، فانتهزت المذيعة الفرصة لتثبت وجودها وأتمت كلامه معلقة "والمحلية القعدة"، وهو بصراحة تعليق ذكي ولماح.لكن سعيد الدين، بعد ما شال نفسه وارتاح، دخل طوالي على الخط مخاطباً المذيعة مستنكراً "المحلية القعدااااااا."، يعني ما فضل ليه إلا يقول ليها "خنفتيها من خشمي." ولو كنت مكانه، كنت أفسحت المجال للمذيعة لكي توجه لها الأسئلة باعتبارها فتاة مثلها، والبت جديدة وخجولة وطبيعي إنها ترتاح أكثر في الحديث مع واحدة من بنات جنسها، لكن الطبع يغلب التطبع.
الباشمهندس أبوبكر ... تحياتي
Quote: اتصلو بواحد كان بيحضر عرس بتو " الو الو .. سعادة اللوا .. والله متاسفيين وانت في لحظة زي دي ونحن نتصل بيك ؟ " هو وصوت الحفلة رابة " الف مرحب .. الموضوع شنو "
نعمل إيه يا محمد الحاج وسعد موجود في كل برنامج.. ____
Quote: لكن الطبع يغلب التطبع
وهو كذلك يا حسن.. سعد مصدّق انه أهل لإحتلال كل البرامج.. ____
Quote: انا قاطعت التلفزيون الليلة الماضية
.. زين ما عملت يا باش.. يمكن تكون جنّبت نفسك حضور برنامج "غيّر حياتك".. عن رجيم التخلص من السموم (الديتوكس زي ما قالت مقدمته).. (قلت ليهم انتوا الما عارفين السموم وين )
يستند البرنامج الغذائي على الكتير من الفواكه والخضروات.. واحدة من الضيوف قالت الريجيم كان صعب جدا اليوم الأول "شلت معاي الشغل كميات فلكية من التفاح.. كلما اجوع آكل واحدة.. وخلاااص لما اكون عايزة آخد rest من التفاح ، بشرب كباية شاي أخضر بالقرقوش"..
وقال ضيف آخر "الريجيم كان سهل وما صعب.. تتبع الوصفة بالتحديد.. لكن يمكنك تناول اي كمية من العنب.. العبوة الكبيرة بعشرة ألف جنيه.."
وعقبّت مقدمة البرنامج قائلة "ايوه العنب متوفّر والعبوة الصغيرة بحوالي اتنين الف"
ومواصلة لكلام ضيف آخر قالت "المياه المعدنية أحسن من موية الصحّة.. وبرضو متوفّرة في كل المحلات.."..
في وقت الناس بتشوف الموية العادية كل كم يوم بعد ما تنتظرها للصباح عشان يملوا البراميل وإلا مافي موية شراب.. غسيل.. أو حمام.. ____ ودون ذكر لتمارين رياضية الضيوف نقص وزنهم من 1 والى اكتر من 5 كيلو في تلاتة أيام وسنتمترات عديدة من محيط الوسط..
Quote: وقال ضيف آخر "الريجيم كان سهل وما صعب.. تتبع الوصفة بالتحديد.. لكن يمكنك تناول اي كمية من العنب.. العبوة الكبيرة بعشرة ألف جنيه.."
وعقبّت مقدمة البرنامج قائلة "ايوه العنب متوفّر والعبوة الصغيرة بحوالي اتنين الف"
ومواصلة لكلام ضيف آخر قالت "المياه المعدنية أحسن من موية الصحّة.. وبرضو متوفّرة في كل المحلات.."..
عجبت لهؤلاء وهن وهم من بلد يموت اطفالها بالالاف جفافا وتقوم منظمة الاغذية العالمية باطعام 1ز8 مليون في دارفور فقط وبلكاد تجد اسر في عاصمتها ما يسد رمقها .... هو التوكس وين عشان يدوتكسهو
الأعزاء نجوان و باشمهندس أبو بكر.. سبق أن ذكرتَ في هذا البوست إني أعتبر برنامج (( غيٌر حياتك )) و مقدمته (( هبة معتمد )) من دُرر الفضائيات.. و لا زلت...!!
هبة تُخاطب شرائح مختلفة من الناس...فيهم/ن الغني..و فيهم/ن الفقير...لكنهم/ن يتلاقوا في نقطة البحث عن الصحة و التغذية المناسبة. إذا كانت في الحلقة الشفتوها دي تكلمت عن العنب...و هو سلعة من سلع الخيال العلمي.. ففي الحلقة القبليها..تكلمت هبة عن (( الحُسُوٌة ))..و هي حاجة أشبه بالعصيدة أو النِشَا.... تُصنع من دقيق الفتريتا...و يمكن للفقير و الغني الحصول عليها.. أفردت هبة حلقة كااااااااملة للتحدث عن فوائد الحُسُوٌة الغذائية و طريقة عملها و إبتكرت طُرُق جديدة لصناعتها و طُرق تقديمها...و أبدع الفريق المُصاحب ل هبة في عرض أشكال مختلفة للحُسُوٌة...بل و غنوا أغنية للحُسُوٌة... (( يمكنكم إعتبار أغنية الحُسُوٌة من الpure دُرٌاااااااب )).
ما تظلموا الزولة دي ..و لا البرنامج دا.. كدي عاينوا ليها بعين الرضا!
يا ممكونة . هبة معتمد راسية ورزينة ولكن مواضيع برامجها تستهدف شرائح محدودة من البشر السوداني حتي ولو ان البي ان مشفرة فالمخاطبة يجب ان تكون للعام وليس الخاص. يمكن لهبة الاستفادة من موهبتها وما لديها من قبول عند الكثيرين في توجيه برامجها للعام .....لو تناولت كل انواع الطعام السوداني وحاولت ان تشير الي ما هو مفيد فيه وما يمكن ان يستفاد من غير المعروف منه وسط الغالب الاعم الذي لا يقوي ماديا علي وجبات لا يعرف حتي اسمائها
ومعاك.. واحقاقا للحق.. هبة المعتمد مختلفة كتير عن بقية الناس البنشوفها في الشاشة.. فهي مختصة.. وفوق ذلك عندها حضور وثقة بالنفس.. (ملاحظتي دي من مشاهدة هذه الحلقة الواحدة)..
لكن عموما الحلقة كانت موغلة في السطحية مطبوخة بصورة واضحة.. تخاطب شريحة ضيقة.. و لا صلة لها بواقعنا السوداني.. ما فضّل إلا توصي بالإشتراك في منتجع صحي.. والإستعانة بـ personal trainer
_____ الفضائيات تعّج بالبرامج التي تشبه هذه الحلقة _____ بمناسبة أغنية الحسوة.. هو لازم يعني يكون في غنا.. او فيديو؟
Quote: حقا.. انه من المضحك المبكي .. أن يكون سعدالدين guru الإعلام المرئي.. وsenior على بقية المذيعين والمذيعات ..
غايتو ناس قناة النيل الأزرق دى لو بفكروا جد ودايرين يغنو (من الغنى) لى جنا الجنى يفتحوا القناة ويخلوها مجانا ولو ما داير تشوف سعد الدين تدفع رسوم تشفير فدية وبى كدة الشامين سعدالدين حيدفعوا تقيل! وانا بقترح انه يدفعوا المذيعين الدية فى حالة انفجار اى مواطن ينفجر اثر مشاهدته لبرنامج لأحد هؤلاء الزبانية! جنى
Quote: وانا بقترح انه يدفعوا المذيعين الدية فى حالة انفجار اى مواطن ينفجر اثر مشاهدته لبرنامج لأحد هؤلاء الزبانية!
تمام التمام.. اصلو انا بقيت ع الهبشة وطاااخ طرااخ ...يعني الفريد نوبل لو كان عرف دييل ما كان فكر في الدينامايت بتا!! بتاتا!! بتاتا !!! ولا ودر فلوسو في جوائز
Quote: غايتو ناس قناة النيل الأزرق دى لو بفكروا جد ودايرين يغنو (من الغنى) لى جنا الجنى يفتحوا القناة ويخلوها مجانا ولو ما داير تشوف سعد الدين تدفع رسوم تشفير فدية وبى كدة الشامين سعدالدين حيدفعوا تقيل! وانا بقترح انه يدفعوا المذيعين الدية فى حالة انفجار اى مواطن ينفجر اثر مشاهدته لبرنامج لأحد هؤلاء الزبانية! جنى
الشتارة والدرّاب في النيل الأزرق حاضرة أيضا في الموسيقى المصاحبة للبرامج.. قبل يومين في برنامج "الحدث" الأخباري الموضوع عن شائعة حمى الوادي المتصدّع في المواشي
لكن الموسيقى المصاحبة للتحقيق كانت اشبه بتلك التي تصاحب أفلام الرعب.. توقّعت أن يظهر دراكيولا .. أو شئ من هذا القبيل.. _____ مع هكذا موسيقى تصويرية ما أظن في زول تاني إشترى لحمة
Quote: الشتارة والدرّاب في النيل الأزرق حاضرة أيضا في الموسيقى المصاحبة للبرامج.. قبل يومين في برنامج "الحدث" الأخباري الموضوع عن شائعة حمى الوادي المتصدّع في المواشي
والضبان "الذباب" الماخد راحتو علي قطع اللحم المعلقة والمكشوفة ؟؟؟....
_________
اما الكورة او ميرفت والرياضة او ما عارف البرنامج اسمو شنو لكن بياخد وكت كتير وكلام كتير .. الف وارجع والقاها بتنضم والبودي لانغوج بتاعها وبتاع ضيوفها ما فيهو رياضة .. اها قاعدين ينضمو ساعات وساعات ..
امس برنامج معاد مع وزير ومدير في وزارة المدير .الوزير بيقول انو الحكومة قصرت في موضوع اشترامك السودان في مسابقة عربية والموظف يصر انو ما في تقصير ؟ وبعدين ؟؟؟
يستاهل هذا البرنامج وسام اكثر البرامج مللا وسوء تخطيط ودراب كتير
Quote: انتو الظاهر عليكم نسيتوا انو علاء الدين السنهوري عضو معانا في البورد و كدا
يا حسين .. يا ريت اي واحد من الذين لهم شئ في الذي ننتقده من اداء في فضائياتنا يكون معنا هنا يرد علي ما نكتب مبينا .. مهمة البوست دة كما ذكرت في مطلع ايامه هو لتصحيح مسار وليس لعرقلة سير احد .. نكتب هنا ما نشاهده ونسمعه فنجده مزعجا يستحق التنبيه اليه ومعالجته ..
وعلى ذات شاشة النيل الأزرق شاهدت برنامج فبل يومين تلاتة اسمه "الكلام الزين" اعتقد تونسي.. او من جهة المغرب العربي.. وهو من الدرر
مررت بالبرنامج من قبل ولكن لم اشاهد اي حلقة..
معّد ومقدّم البرنامج الهادي محمد حقيق والحلقة عن "الصبر" (وما احوج مشاهد النيل الأزرق له)..
افتتح البرنامج بمقدمة.. (اعتذر عن طولها للمشاهد) ثم قراءات من رباعيات صلاح جاهين عقبته أغنية جميلة لوديع الصافي وهو متسلطن..
ثم حكى حقيق عن الأمثال الشعبية التي تناولت الصبر من عدة دول .. ضمنها السودان.. تحديدا "ناس البكا صبروا والجيران كفروا"..
ويقول المثل "المصيبة للصابر واحدة ولغير الصابر إثنتان".. (جربّنا الإتنين والله )
وقرأ بعض من الرباعيات المغربية وهي في الأصل منظومات نسوية كانت تغنّى لهدهدة الصغار وأصبحت فيما بعد مصدر للحكمة والأمثال
وأبيات من البرجيلة.. وهو نمط من الشعر -يخبرنا- يأتي من ليبيا وتونس
ثم قصّ قصة شعبية منظومة عن سر العداء بين القطط والفئران.. ثم أخرى عن النحلة والذباب ..
ثم قصيدة شامية عن شاب قتل شقيقته بسبب وشاية في قالب يفيض حكمة.. دون ملل.. ودون محاضرات..
وابيات من العلمنة (بتسكين الميم وفتح بقية الأحرف) وهي ابيات لا قافية لها تنفرد بها الجماهيرية..
وعن الأمثال قال إبن عبد ربه في عقده الفريد "أبقى من الشعر.. وأشرف من الخطابة".. ____ البرنامج يقدّم وجبة منتقاة.. بأسلوب سلس خفيفة.. دون تشنّج واستعراض عضلات.. حصيلة بحث وتنقيب مصادر.. وليست كلام خارم بارم لا يودي ولا يجيب معدّها هو مقدمّها.. كله في زمن وجيز للغاية ____ لم اشاهد مذيع متطرزن.. وفاكيها في روحه والمشاهد المسكين.. ولا مذيعة راسمالها توب تهفهفه مروحة خفية بالأستديو وأصابع مقمّعة بالحنّة و 2 كيلو مكياج.. _____ صبّرنا وإياكم على عذابات الشاشة الزرقاء عندنا وفضية عند بعضهم.. "عجبي"..
Quote: صبّرنا وإياكم على عذابات الشاشة الزرقاء عندنا وفضية عند بعضهم.. "عجبي"..
عملا بنصيحة اخي الذي كان في زيارة قصيرة امس بان ابتعد عن مسببات المرض والابتعاد عن الشاشة البتاع النيل الازرق والسودانية فالان اتفرج علي شاشة سوداء من غير سوء ولتخيل برامج علي مزاجي ومذيعيين زي التونسي الظريف الولعة العارف...اما ناس قريعتي راحت فاها الشاشة سودا ...
في اعلان شروقي " الشروق .. مشتقبل السودان بين يديك "....... اها كيف؟؟؟؟ ومذيعة تحولت من فضائية سودانية الي الشروق تخاطب مندوب الشروق علي الهوا " يا باشمهندس " .. عموما انا امقت الالقاب وفي مهنتي الهندسة يكفي الاسم فهنالك مافيش "باش" حتي الاتراك تركو الباشوات ....
بالله البنية سلمي دي ما كان اخير ليها النيل الازرق بدل الخربطة دي .. شفت كترة القاقات والغافات .. امس ناس الشروق قالو انو دربو ناسم جنس تدريب زيو مافي واهو باين ل في النطق .. حتي العربي القررو انو يكون بس اللسان السوداني ما قدرو عليه .. مالا رطاناتنا الكتيرة والسمحة ...كسارات دراب ساي الشروق ....
النيل الأزرق.. برنامج "رجال ونساء" ضيوف.. دكاترة عمر.. معاذ.. زينات.. وضيقة اخرى لم التقط اسمها.. الموضوع عن التربية
مزيج من الدرر والدراب في ذات الحلقة.. (برضو احسن من دراب فقط) ____ كان كلام د معاذ هادئ.. دسم وعلمي.. دون تكلف.. تحدث عن اسلوب التربية في الأسرة السودانية وضرورة ان يكون مواكبا للعصر ومتطلباته.. فاطفال ومراهقو اليوم غير الأمس.. وكذلك محيطهم.. واضاف ان الأسس العلمية التربوية قد لا تتغير كثيرا.. عكس التطبيق والذي يجب ان يتسم بالمرونة..
وكانت نظرية المؤامرة حية ترزق .. وتفرفر كمان.. عند د عمر الذي قال فيما قال ان المستعمر أدخل العقلية النفعية فــ مثلا "انا عايز ادخل الجامعة عشان ابقى مهندس.." (وجه متحيّر ... جدا)..
ودافع د عمر عن الضرب كوسيلة تربوية ناجحة.. قائلا ان والده ضربه ذات مرّة إلى أن وقع (على حد قوله).. وبعدها تعّلم الكثير..
عقّب د معاذ قائلا ان سياسة "اضرب" و "شيل عكازك" مرتبطة بانعدام الحوار.. الدبلوماسية.. وحمل السلاح لحل المشكلات في مجتمعاتنا.. فالعنف عنف.. داخل الأسرة وخارجها.. ____ د زينات للأسف .. قامت بتسميع أجزاء من محاضرة.. فجاءت المعلومة مسيخة وبعيدة..
وأضافت الضيفة الأخرى بعض الأشياء.. لكن ما فهمنا حاجة..
اقتنعت تماما أن "مساء جديد" في النيل الأزرق عبارة عن "مساء بليد" ..
إذاعة مدرسية ممكن نتنج شئ أفضل من هذا السخف ..
قبل يومين البرنامج عن الفشل ... في العلاقات العاطفية.. الضيوف شاب وشابة أطلقت على نفسها إعلامية.. وتقديم تسابيح..
الشاب إجتهد قليلا في لولوة الموضوع ومحاولة الإتيان بجملة مفيدة.. (بس برضو ما فهمنا حاجة)
اما بين تسابيح وضيفتها فقد كان هناك سباق غريب في العوارة (صدّقوني لم أجد كلمة أخرى)..
قالت الضيفة ضمن ما قالت.. "يعني الفشل العاطفي ده صعب.. انا عندي اصدقاء في المستشفيات.. يعني في ناس كتار خلاص جنّوا في مستشفى كوبر النفسية.. ومستشفيات تانية.. بسبب الفشل ده.."
____ قلت ليها صدقتي والله.. وانتوا ح تقضوا على البقية.. ____ هذا ليس درّاب وانما مهزلة حقيقية..
سلام يا ناس نجوان..و جميع الممكونين و الممكونات..الفضائيين و الفضائيات.. الأحياء منهم..و..الأموات!! ... قبل كم يوم إستمتعتَ للغاية بمتابعة برنامج على النيل الأزرق..أظن إسمه (( من أغاني البرامج )) . من تقديم - خير..اللهم أجعلو خير - سعد الدين!! تصدقو!!!
بغض النظر عن الإستظراف و التكلف و التصنع العملو المذكور أعلاه.. لكن.. البرنامج كان عن (( الطيور )) في الأغاني السودانية... كل الأغاني المُنتقاة كانت جميلة.. و كان من دُرر البرنامج..إستضافة (( زميلنا الإسفيري )) د. محمد عبد الله الريح على الهاتف للتعليق... حيث ذكر الدكتور أن الطيور هي من إبتدعت الغناء قبل الإنسان ب 30 مليون سنة....و أن لصوتها عدة نغمات..نغمة الخوف..نغمة التزاوج..نغمة التحذير..نغمة النفير....إلخ.. و أن موزع أغنية (( ألحان الربيع )) ل حنان النيل قام بوضع نغمة التحذير و الإنذار لطائر النورس في مقدمة أغنية تقول كلماتها.. غني يا طيور..نغمك الحنون...يشرح الصدور ..غني!
كما ذكر أيضاً أن الطيور تغني لتجذب نصفها الثاني..و أن الأنثى تختار الذكر الأجمل صوتاً... و أردف قائلاً : لو الحكاية دي إتطبقت في السودانيين..ما ح يعرٌس غير محمد الأمين و الكابلي!!!
يا ممكونة .. عندك نصير شمة وفيلم فيلادلفيا وصور طلال عفيفي اها شن مودييكي النيل الازرق كان ما براكي كايسة الاحباط ...
Quote: و أردف قائلاً : لو الحكاية دي إتطبقت في السودانيين..ما ح يعرٌس غير محمد الأمين و الكابلي!!!
اها بقينا في التجاوزات ؟؟ ما قت صحبي يا حساس وكريت اسماء كام واحد من اهلي اصحابك البرابرة ودحين عامل بلنتي قدر دة ؟؟؟؟ يعني البربري وردي ما تارس عينك ؟؟ عجيبة والله ؟؟ دة كلام ... وانا مسوي بوست خسوسي لقريبي وانت تجي تتمني ليهو العزوبية .. اها ياحساس ولنا لقاءات وشيل شيلتك مع ناس اللفة ....
وياممكونة صاحبة البوست دة خلتني براي هنا وقعدت جو بطن بيتا قرب شهر...واها بكري حيارشف ولو ما هي طلبت منو في البوست الخاس بالارشفة انو بوستها دة يتحول للفترة الجديدة يانا الحنظرشق وخسوسا بعد الحروق بتاعة الشروق ......
الحمدلله الرجعتي من جوة بطن بيتك الي جوة بطن بيتك ..باقي لي اصحاب الفضائيات هم الراصدننا ...معقولة الشروق زي البي ان والبي ان زي الاس دي تي قي ودي زي الشروق بس الالوان الصفرا والحمرا الشديدة بتاعة ناس الشروق دي شنو ...؟؟
Quote: اها بقينا في التجاوزات ؟؟ ما قت صحبي يا حساس وكريت اسماء كام واحد من اهلي اصحابك البرابرة ودحين عامل بلنتي قدر دة ؟؟؟؟ يعني البربري وردي ما تارس عينك ؟؟ عجيبة والله ؟؟ دة كلام ... وانا مسوي بوست خسوسي لقريبي وانت تجي تتمني ليهو العزوبية .. اها ياحساس ولنا لقاءات وشيل شيلتك مع ناس اللفة ....
ما دام الحكاية جابت ليها لوم و شيل شيلة يا باش.. let me re-phrase what i wrote ... الزول دا قال...ناس محمد الأمين و الكابلي... و أظنه يقصد كافة عموم أهل الفن و الفنانين.
Quote: و أن موزع أغنية (( ألحان الربيع )) ل حنان النيل
سلام يا ممكونة
الأغنية جميلة، وفعلاً كانت لفتة بارعة من يوسف المصلي (الموزع) أن يضع الزقزقة في مقجمة الأغنية. ولكن هل من المعقول أن الدكتور محمد عبد الله الريح فات عليه أن الأغنية في الأصل هي للعملاقة عائشة الفلاتية؟
سلام يا حسن بشير... د. الريح عااارف إنو الأغنية الأصلية بتاعت عشة الفلاتية.. لكن كان بيحكي عن أداء حنان النيل للأغنية مع إعادة توزيع اللحن... أنا الما كنت عارفة إنو الموٌزع هو..يوسف الموصلي!!!
تحدثّت عن دراسات أجرتها.. وفيلم وثائقي خلال إقامتها بالمملكة المتحدة..
وفي إجابة لسؤال عن إحتمال ظهورها في عمل مسرحي بالسودان أجابت انه "لا توجد بارقة أمل لذلك الآن"..
_____ الدكتورة still looks good ولها بريق و graceful attitude خاص.. رايقة.. وكلامها واحدة واحدة.. دون تكلف.. _____ لفتة جميلة من ناس الشروق .. ألف شكر..
متفائلاً بالإيجابية التي طغت على التعليقات هنا، جلست أمس أمام "النيل الأزرق" ممنياً نفسي بسهرة طيبة، ليأتي حوار هو أشبه بالكارثة مع حسن مكي
أعترف أنني صمودي انهار بعد ثلاث دقائق فقط من بدء اللقاء حيث توالى الدراب من اتجاهين: السائل والمسئول، وهو بالمناسبة أخطر أنواع الدراب. على الأقل يمكن للمشاهد أن يعمل ساتر في اتجاه دراب الاتجاه الواحد
الأسئلة غير مفهومة والإجابات أيضاً، وكأن الاثنان يحتاجان لطبيب أنف وأذن وحنجرة. من بين الغمغمة التي تميز بها حسن مكي، خرجت بانطباع مؤداه أنه شخص مؤثر جداً في الحياة العامة بالسودان. وهو، على شاكلة الكثير من "المسؤولين" في السودان، يجيب على الأسئلة وكأنه يلقي محاضرة او موعظة.
الانطباع الثاني، وهو الأخطر، هو أن حسن مكي أراد أن يقول لنا أنه (أو المرحوم والده) استطاع أن يدحض نظرية تفيد بأن هناك عائلات كبيرة محددة تنتسب للعاصمة أو لعله يريد أن يقول أن عصاميته (أو عصامية المرحوم والده) هي اثبات بأن العاصمة ليست ملكاً لأحد.
قال حسن مكي هذا الكلام عندما سئل السؤوال التقليدي عن نشأته: أتى والدي للعاصمة من قريته وهو يلبس سروال، وزاول عملاً مرتبطاً بتأجير الحمير، إلى أن استطاع أن يصبح تاجراً في السوق "ودا يوريك إنه مسألة الخرطوم مكونة من أسر كبيرة محددة دي ما صاح". لم أفهم ما هي العلاقة بين عصامية والده وبين احتكار عائلات معينة للعاصمة.
قد أكون مخطئاً فيما قصد الضيف أن يوضحه لنا (نحن المشاهدين .. أو التلاميذ)، ولكن فليعذرني على ما استنتجته، فقد ضعت خلال الدقائق الثلاث وسط الثرثرة والغمغمة والتأتأة والتمتمة والخنف.
ياحسن .. انت قصدك حسن مكي الخبير في الشئون الافريقية ؟؟؟عجيبة الواحد بيبقي خبير في قارة ما شاف منها الا بلديين تلات كيف ؟ عموما اها دة حالو من ايام الجامعة زماااانك ؟؟؟ انا بعد الاحباط الشروقي اها قفلت التلفزيون وقت مدام الشروق زيها زي البي ان والبي ان زي الاس دي نفي والاس دي تي في زي تلفزيوني المقفول دة واها برضو اقعد جو بطن بيتي زي ناس وناس كتار هنا ....
Quote: انت قصدك حسن مكي الخبير في الشئون الافريقية ؟
بالله هي شئون أفريقية. الشيئ الفهمته أن الحلقة بدأت بداية دراماتيكية تحدث فيها الخبير بنبرة فلسفية عن الحياة وأن العمر مضى والإنسان أيامه محدودة. وعندما قال ليه المذيع "ما زال في العمر بقية"، رد بالقول "جمال عبد الناصر مات وعمره 52 عاماً وحسن البنا مات وعمره 48 عام. يمكن الاستثناء هنا هو الإمام الخميني. لكن الخميني كان له دور مؤثر من ما هو في الثلاثينات من عمره."
طبعاً الكلام دا قادني للافتراض أن حسن مكي شخصية مؤثرة مثلها مثل تلك التي ذكرها أعلاه.
ولكن الملاحظة الجديرة بالوقوف عندها هي أنه، وبحسب مجال تخصصه، لم يذكر اي قائد أفريقي مات في عنفوان الشباب زي باتريس لوممبا مثلاً.
لم أتجه نجو الشروق حتى الآن. فالجواب من عنوانه كما يبدو
Quote: أعترف أنني صمودي انهار بعد ثلاث دقائق فقط من بدء اللقاء حيث توالى الدراب من اتجاهين: السائل والمسئول،
ده صبر أيوب يا حسن لانه صمودي انهار من أول دقيقة حين طلب المذيع (الغيّاظ جدا) من الضيف ان يحي المشاهدين.. وبعد ان فعل.. قال المذيع للضيف شئ مثل.. "مالها تحيتك كده.. انت محبط؟"
عندها عملت U turn سريعة..
____
Quote: ؟؟؟عجيبة الواحد بيبقي خبير في قارة ما شاف منها الا بلديين تلات
عجيبة كيف يا باش؟
عندك الصحفي الذي لا يقرأ.. المذيع الذي اتوا به من الشارع.. أو بطن بيته واجلسوه أمام الكاميرا.. الوزير الذي لا يفقه رسالة وزارته.. الخبير دون خبرة.. الفنان المابعرف يغني..
وهكذا..
_____ الآن بالنيل الأزرق عواسة بمزااج.. سعدالدين واربعة ضيوف يتحدثون درابا عن تعدد الزوجات.. والفنان أدلى بدلوه في الموضوع.. فلم نعاني من غنائه فقط..
زي ما قال الفنان محمد ميرغني: ما بتقدر تتوب يا قلبي المودر، مشيت تاني على النيل الأزرق ولقيت الفنان دا بيغني في "أقول أنساك وعارف إني ما بقدر".. فتحسرت على البلابلوأشفقت عليهن، متمنياً أن لا تكون إحداهن متابعة للسهرة وإلا ارتفع ضغطها.
غايتو يا نجوان نحن بكرة مرتاحين: في مباراة بين الهلال والمريخ، وطبعاً الدراب الرياضي أرحم بكتير من الدراب الثقافي والفني
يا لعظمة البلابل! صوت وأداء مذهل.. (هذا ما أسميّه غنااااء!) ___ وسجّل عندك .. رابطين للأغنية بصوت حيدر.. وهي أغنيته بالفعل (من كيبوردات his diehard fans)
تمكنت بعد عدة محاولات من الاستماع للأغنية بصوت صاحبها الأصلي وأطربني أداؤه للغاية. ولكني ما زلت منحازاً لأداء البلابل للأغنية بمعية الموصلي، وربما كان ذلك مرده إلى اعتقاد شخصي بأن آلة الأورغ تقتل عنصر المتعة في أي أغنية. وفي تقديري أن حيدر بورتسودان صوت مميز للغاية ولكن اعتماده على الأورغ أعاق مسيرته كثيراً
عموماً، كلتا الأغنيتين جاءتا بمثابة استراحة جميلة من دراب الفضائيات.
أمس بقناة النيل الأزرق، كان هناك برنامج عن معرض للكتاب، وتم الاتصال ببروفيسور في جامعة أفريقيا وسؤاله عن انطباعاته عن المعرض. تكلم الرجل كثيراً ولكن فشلت أنا ومن معي وحتى مقدمي البرنامج في الخروج بجملة واحدة مفيدة.
يا نجوان وحسن ... عندي مشكة ؟؟ التلفزيون والكمبيوتر انا واضعم في خط واحد وبكون شغال في المكبيوتر والتلفزيون علي شمالي وبسمع فقط الا في حالة انو التفت والوضع التاني انو التلفزيون الشاشة مقفولة وانا بسمع الصوت من الكمبيوتر .. والمشكلة انو ما قادر اعرف انا مشغل ياتو قناة من التلات اياهم وبعد الشروق ما بقدر اعرف ياتو من القنوات الببتكلم عربي الكتيرة ؟؟؟ يعني لو شالو العلامة بتاعة كل قناة الواحد يفرق بيناتن كيف ؟؟ واحد اتحول من النيل الازرق الي الشروق ربي ليهو دفينة زغنونة ولكن برضو ما فرقت ؟؟واحدة كانت بتلبس توب لبست منطلون ... وبعديين في اللخبطة دي ...؟؟؟ واها نجوان قالت منتظرة العيد ؟؟ قالو حتكون في لقاءات مع الخرفان ليثبتو ليكم انو ما عندها لا وادي متصدع ولا وادي عبقر؟؟
Quote: يعني لو شالو العلامة بتاعة كل قناة الواحد يفرق بيناتن كيف
دا يا أبوبكر راجع لماتفضلت أنت، أو نجوان (لا أذكر تحديداً) بالإشارة إليه من قبل وهو غياب الرغبة أو الدافع للابتكار والتميز. أذكر منذ فترة طويلةأن أحدالأدباء كان يستخدم كلمة "ألق" كثيراً في تصريحاته، وسرعان ما تلقفها المذيعين ومقدمي البرامج فأصبحت تقال بمناسبة وبدون مناسبة. مقدم البرامج الترفيهية يقول "الألق الفني"، ومقدم البرامج الرياضية يقول "الألق الكروي"، وحتى مقدم أحد البرامج التعبوية الشهيرة كان يقول "الألق الجهادي". يعني الواحد ما بيتعب حتى في انتقاء الألفاظ المناسبة والغير مكررة. لاحظ استخدام كلمة حقيقةً كبادئة للجملة، وتنطق لدى معظم أبناء شعبي "حغيغتن"، لتدرك أن الإعلام وفن الارتجال أو الخطابة أصبحا مطية لكل من هب ودب.
Quote: بالإشارة إليه من قبل وهو غياب الرغبة أو الدافع للابتكار والتميز
يا صديقي ...هي الصنمية والنمطية في التفكير والاداء.. مثلا برنامج يومي في النيل الازرق يقدمه ثلاث بنتين وولد واحيانا بنتين فقط واحيان بنت وولد .. هؤلاء الثلاث لا يمكن ابدا ان يكونو قد فكرو يوما في امر الابنكار والتمييز .. نمطية واسلوب ممل وتعابيرهم وال body language لا يشعرك اطلاقا بانهم نالو اي اعداد مهني ليكونو مقدمي برامج او اي عمل اعلامي ...لا اعرف ماهي مؤهلات مذيعي قنواتنا الفضائية الاعلامية ( لا اعني الاكاديمي ) وعلي اي اساس اختالرو هذا النوع من العمل ؟؟؟
عجبتني جداً نسرين نمر في حلقة أمبارح من (( أضواء كاشفة ))... كانت الحلقة عن (( الأجانب في السودان ))... كانت نسرين متمكنة من كافة جوانب الموضوع..أدارت حوارها بمهارة فائقة.. و وصٌلت لينا المعلومات دون هرجلة أو "أم فريحانة"..
أها..
يا نجوان..و أبوبكر..و حسن بشير... (الدرر) دا ما خفف عليكم أحزانكم شوية ؟!!!!
والله انا هسع وبشوف نسرين ومتلبساها حالة "ام فريحانة" تمنيت انتو تجو (ممكونة و نجوتان وحسن " .. واصلو نجوان هي السبب القالت انها عندها لسه امل ومنتظرة برامج العيد فانا قت يمكن ليلة الخميس نسرين تكون هدأت شوية ولكن ام فريحانة متلبساها ؟؟؟ وبعدين انا ما بحب اسمع الكابلي ليلة الخميس ؟ مش علي كيفي ؟؟؟
انا بت نمر دي ما شفتها .. يمكن ظهرت زمن انا قافل التلفزيون ؟؟ اما تسابيح دي يعني هي والمعاها التانية لو اتحركن شوية وغيرن شوية في القعدة وادن الموضيع شوية حيوية وتلقائية يمكن مرة في الاسبوع البرنامج يكون مقبول اما كل يوم بالطريقة الصنمية دي فحرام ياناس ؟؟؟ بالمناسبة الشروق اخدت من النيل الازرق كمان بتاعة برنامج الاطفال مين سوركتي برضو ؟؟لكن الاطفال بتكلمو كلام كبار والقصة جايطة .. ياناس الشروق كويس الماعملتو مستشفي بدل الفضائية بتاعتكم دي اها كنتو كتلتم خلق الله كتار لليوم ...
نفرح بالدرر (على ندرتها) كفرحة الأطفال بالحلوى. أمس كان في سهرة تتمحور حول "الهدايا". لم أتابع السهرة بالكامل، ولكن أعجبني التمهيد السلس الذي ابتدرت به المذيعة الشابة السهرة. ولاحظت أنها، رغم صغر سنها الواضح وقلة تجربتها، بدت هادئة وواثقة ومتمكنة على عكس الكثير من المذيعين الذين يطغى التوتر على أدائهم أمام الكاميرا فيلجأوا للظرف والاستظراف والخفة واللفة.
ملاحظة نجوان عن أن هناك مبالغة في عدد الذين يتشاركون في تقديم السهرات والحلقات الحوارية في محلهاتماماً.
اليوم اشعر بضيق شديد يكاد ان يخنقني والسبب "الشروق " .. هذا الوليد المشوه يعكس تشوها كبيرا في فكر القائميين عليه ...بيت الهناكمثال برنامج يهتم بالاسرة ولكن ليس الاسرة السودانية ولا الافروعربية ولا الافريقية .. برنامج موجه لغير هؤلاء كلهم .ويقدم يوميا ..هل هنالك اية قناة عربية او غير عربية توجه برامجها لدول اخري وناس اخريين دون اهل بلدها .. هذا المال الذي يصرفه القائميين علي الشروق هو سوداني وان ارادو هم ان يلبسوا لباسا غير سوداني وعلي حسايبهم انا كانت لهم حسابات فذلك شانهم اما الذي يحدث في الشروق فهو هدر للمال العام السوداني
Quote: بيت الهنا كمثال برنامج يهتم بالاسرة ولكن ليس الاسرة السودانية ولا الافروعربية ولا الافريقية .. برنامج موجه لغير هؤلاء كلهم .ويقدم يوميا .. هل هنالك اية قناة عربية او غير عربية توجه برامجها لدول اخري وناس اخريين دون اهل بلدها ..
تساؤل عميق يا باش.. شاهدت جزء من هذا البرنامج وتعجبت مثلك تماما..
قد يكون الهدف المنافسة ..العبور وتوسيع قاعدة المشاهدين.. وهو أمر فشلت فيه الفضائيات السودانية الأخرى..
ده ما بيمشي مع الإمعان في المحلية.. وقد يتطلّب تعديلات في آليات الطرح وإدخال بعض العناصر المشتركة بين الفضائيات الأخرى.. كالتقنيات.. الفنيات .. والموارد البشرية..
هذا حق مشروع ويرجع لرؤية القائمين عليها إذا كانت القناة تجارية خاصة (أعتقد انها كذلك).. والأمثلة كثيرة.. كقنوات الMBC المختلفة التي لا يربطها كثير بدولة الشركة المالكة لها.. _____ الإشكالية تكمن في أن الشروق قدّمت نفسها أثناء الحملة الترويجية وبصورة ثابتة...كقناة منوعات ..تعكس السودان الواحد وتعدديته.. كانت الموسيقى المصاحبة.. وما زالت.. "انا سوداني أنا" ولقطات من رقصات الفنون الشعبية من مناطق السودان المختلفة.. أين ذهب كل ذلك؟
Quote: الإشكالية تكمن في أن الشروق قدّمت نفسها أثناء الحملة الترويجية وبصورة ثابتة...كقناة منوعات ..تعكس السودان الواحد وتعدديته.. كانت الموسيقى المصاحبة.. وما زالت.. "انا سوداني أنا" ولقطات من رقصات الفنون الشعبية من مناطق السودان المختلفة.. أين ذهب كل ذلك؟
يا نجوي .. المشكلة في الكلام دة .. فواصل بيت الهنا هي عن " رؤية واهداف الشروق " وهي التي تدعو الي نهضة السودان وترسيخ وحدته .. الخ ثم "الشروق شمس السودان التي لا تغيب " .. نفس الفواصل الاعلانية عن ما ستفعله الشروق للسودان تاتي بين فقرات "المجلة الثقافية " والتي تعني تماما بالثقافة العربية خارج السودان وكذلك برنامج اخر عن مشاكل العرب .. ماذا عن ثقافاتنا فالسودان مستودع ثقافات وماذا عن مشاكلنا التي غلبت العالم كله .... ومن المحن كذلك برنامج منسوخ عدييل من الفضائية اللبنانية اسمو "الشروق مرت منا هنا " يقدمه كوميدي سوداني وليس في ذلك اي كوميديا ...
لماذا لم تحاول الشروق ان تاخذ نصيبا تجاريا من السوق الافريقي كما تغعل شركات الاتصالات والتي وجدت في هذا السوق مستودعا للذهب ....تقريب الشقة بيننا وبين الدول الافريقية امر اهم في ظروفنا الحالية .....
____ من الدرر اليوم ببرنامج "مشاوير" بالنيل الأزرق.. إستقبال الأستاذ الشاعر مصطفى سند بمطار الخرطوم بعد رحلة علاج بالمملكة.. (الف سلامة يا استاذ)
إستقبله من سلم الطائرة زملاؤه الشعراء ورموز الفن.. الكاميرات .. وسيارة كبار الزوار..
من المطار.. تحدّث الأستاذ عبدالقادر سالم بحماس مؤثر عن إسهامات سند ومكانته في الخريطة الثقافية السودانية.. وسفارته المشرّفة لأدب بلاده في المحافل العالمية.. قائلا أن مصطفى سند "قامة... قامة.. قامة.. قامة"..
وكان وزير الثقافة والإعلام بولاية الخرطوم ضمن المستقبلين..
رغم المساخر والواقع المّر ففي خاطرى اماني عذبة.. ان تكون هذه بداية لتقدير المبدعين ورد الجميل..
Quote: يا ممكونة انشالله تكوني في بطن بيتك ونسمع رأيك.. after all قالوا مافي خروف السنة دي
ممكونة أول يوم في العيد ح تضبح في الفطور سخينة بالشطة و الليمون... و ح تتغدى فتة عدس بالبصل و الشطة بالدكوة.. و ح تتعشى قراصة قمح بالزبادي و السكر... يعني بإختصار.. على بال ما تجي الساعة 8:30 ح تكون زي صاحبك أبو 10 حبات فاليوم!!!
Post: #485 Title: Re: درر ودرّاب... مقتطفــات فضــائية.. فاضية... Author: محمد المرتضى حامد Date: 12-16-2007, 11:01 AM Parent: #484
ممكونه.. الضبيحه عندك ، يعني فاطرين عندك ومتغديين عندك ونحن كالليل الذي هو مدركك .. دا ياممكونه غذاء صحي ومعافى (الياء مقصورة)، بمناسبة صحه وعافيه يا نجوى ، الراجل اللي عندو برنامج صحه وعافيه في الفضائية السودانيه يوم الجمعه الصباح غيّر الإسم بتاع البرنامج اللي كان جميل شكلا ومضمونا ، مقدم البرنامج الحالي يخاطب ضيوفه وهو ينظر الى الكاميرا وحين يردون عليه تجده أيضا يبحلق في الكاميرا ، الله يطراك بالخير يا الشاعر الطبيب المريخابي عمرخالد،
Quote: غيّر الإسم بتاع البرنامج اللي كان جميل شكلا ومضمونا، مقدم البرنامج الحالي يخاطب ضيوفه وهو ينظر الى الكاميرا وحين يردون عليه تجده أيضا يبحلق في الكاميرا
ربما الإسم الجديد "كاميرا وعافية"..
_____ يا محمد المرتضى ما زلت انتظر -بلهفة- قدوم اللغة المهنية لبرامج الصحة هذه..
معليش.. بس د. عمر خالد أول أمبارح (اعتقد بالنيل الأزرق) شابكنا "الشغلانة".. "هناي".. "كدي دقيقة"..
أما د. مامون حميدة.. فعنده قاموس من اللغة غير المهنية..
Quote: موعدكم معها.. ان سمحت ظروفكم أول أيام العيد بالنيل الأزرق الساعة 8:30 مساء
يا نجوان اها كل مرة تحفزينا بشان نشوف البرنالمج دة او داك وبعدين الضغط يرتفع .. يعني هسع لو طلع كالعادة مسيخ وكلاكيع ودراب تكون الليلة باظت .. واصلو الاجازة قصيرة الا عند ناس المصالح الحكومية ...
Quote: يا باش ..اسمع الغنا بس.. وعليك بالـ mute لما يجي الكلام..
صباحات الخير
امس انتظرت لحد ما جابو الاعلان .. يبدو انو الجماعة غنايين ولكن اكييد ميييوت !! مؤخرا وتفاديا للاعراض الجانبية فانا بسجل كل البر امج المشابهة واخلي صوت التلفزيون زيرو وبعدين امشي اقطع الاغاني واسمعها بعيدا عن الطقيع والدراب ...
_____________________ بالله في بوست جميل باسم "شعراء الحقيبة وتخصصاتهم " بيستاهل المرور عليه
أمس قفلت التلفاز قبل السهرة قااام قصى ولدي الذي لم يبلغ الثالثة بعد بفتحوا بحثا عن كرتون وقااام وقف في ألو مرحبا مما قادني الي الجلوس للمشاهدة واللي وقفوا كلمة ألو دي بيحب الجوال موووت ولكن الزوله بتاعت ألو مرحبا والضيف علي ماأظن فقيري حق المغتربين داك وكلام ونسة والبت غير ما معوجه حاجبه ماعندها شئ وتجي تقول ليك أولاد المغتربين مدلعين والجمل ماشايف عوجة عنقه والزول داك بينقد في نفسوا مرة يقول مربوطين بالسودان ومرة لا والله جنس ونسة ذي دي عمري ماشفتها ولو أولاد المغتربين واقفين عليهم عليهم العوض ومنهم العوض بس قصي بفرق بين الجيد والماجيد بدليل أنو مسك الريموت ورجع للقناة البيحبها وهي قناة الأطفال ويسمع ليها جيد وبيحفظ منها كمان لكن يانجوان لو قعد علي الفضائية حقتنا دي بيفضوا ليهو العندو وياعجبي جنس بشتنه وتحولي الي النيل الأزرق تلقي البتين الذي الشجرتين في حديقة وسهريات التوب وما أدراك مع التوب وثقافة التوب حتي أنتهاء السهرة لم أخذ ولا حتي سلفة ثقافية واحد خليك من جرعة والشروق دي ماعندي في البيت بس مرات بشوفه عند نااس جيرانه لما أزورهم وعوض إبراهيم عوض وكسير التلج حقوا يجمد الدم في العروق وبت سوركتي وجمال كابلي والدكتوراة الفخرية والتسبيق والتنمص والفرد بكره يبقي وسط الرجال قرش ونص وياعجبي وياعجبي بس الله يديكي العافية يانجوان عملتي في خير بالمتنفس ده وبنعود تااااني.
Quote: - أيوااا أنا أوريك (علم النفس الحيوانى) بيقول فى الحتة دى شنو .. شوف تخلى باب الشارع فاتح وتجيب الخروف تقعدو قدام (التلفزيون) وتفتح ليهو واحدة من (سهراتنا) كان قام شرد معناها (سليم) وكان قعد يعاين معناتو عندو (حمى الوادى المتصدع) طوالى تنساهو!!))
يا محمد يعني حالتي واصخابي المعانا هنا تكون شنو ؟؟ لينا زمن بنشوف القنوات دي وشاعرين بلخبطة ووشوشة في الدماغ وهطربة ..يعني نكون هسع في ال Rift Valley وما عارفيين ..
انا لو مسعول! عن هارموني بخليها بس غنا ساااي من كل حته في السودان ولا كلام ولا مذيعات ولا مذيعيين بس علي شرط ناس " ايها السيدات والسادة" ومفروشات ايه ما يجو تب ...
نجوان ..عيدك سعيد .. اها انتظرت وشفت البرنامج وسجلتو .. للاسف مقدم البرنامج لم يتمكن من ادارة الحوار بصورة احسن مما كان .. عموما اصوات جميلة عانت من اعداد متواضع للبرنامج ....
هسع انا اشاهد كيف يشوه بابكر صديق الطفولة ... لقد كان بابكر صديق ناجحا وموفقا في تشجيع المواهب ولكن منذ فترة تحول اهتمامه الي الجزء التجاري والترويجي .. والليلة اتي بمجموعة من الاطفال البنات دون الخامسة عشر ومعهن واحدة فقط تكبرهن وهي رماز .. هاتين الطفلات يغنيين اغاني الحقيبة ولفنانين راحليين ... اصواتهم لم تنضج بعد ولكن بابكر يصر علي انهن نجوم للغد ...طفلات اكيد ستتغير درجات اصواتهن عندما يكبرن ولكن بابكر ومحمد سلمان يصران علي انا اصواتهن هي التي ينتظرها مستقبل السودان ( اها شعار شروقي تاني )...
Quote: البنية.. لجين.. اللي غنت قبل دقيقتين صوتها جميل واكبر من سنها بكتير..
جدا ولكن نخشي من الاستهلاك المبكر كما يحدث الان مع مي عمر ( واحدة من المجموعة ) ...بعض الصبيا ت صغار جدا حتي للوقوف امام الكامير لتغني اغاني حب وهيام وهجر ....وضع حد ادني لعمر المشتركات مهم ...
يانجوان ..تاكيدا لما نقول فان اكبرهن سنا وهن ثلاث فقط من المجموعة (رماز- لوجين والاخيرة افراح) اصواتهن فيه نضوج وليس طفوليا .. فلا اعرف لماذا يستعجل بابكر في زج طفلات في مختبره ...ما زال منظر ذلك الطفل حفيد الشاعر ابوصلاح الذي ياكد يقطع حبال صوته ليغني في مقامات لا تلييق بطفل في مخيلتي وكذلك صورة محمد سليمان وهو يبكي لان صوت ذلك الطفل قد اثر فيه كثيرا ... هل كان يبكي علي طفولته التي ضاعت الان وانا اراه في بدلة وشعر مسترسل طويل ويهو يوجه الاوركسترا ثم يبدء يصيح كالمدوغ ...اهدار لامكانات اطفال ربما تنضج يوما وتصيير في شكل يناسب ان تطرح كمواهب فنية وليس الان ....
Quote: تاريخ الchild prodigies أساسا ملئ بالنهايات غير المتوقعة.. وغير السعيدة في أحيان كثيرة.. (وهذا في وجود عنصر الإبداع والإمكانيات..)
عشرات الاطفال الموهوبيين ضاعو بسبب التلمييع المبكر ..حتي في الغرب واذكر هنا مسلسل امريكي كان معظمه اطفال موهوبيين في مطلع الثمانينات (different strokes) عرفت فيما بعد انو كلهم تعرضو لمصاعب ومنهن بنت موهوبة انتهت في السجن ...
يانجوان ...معقول الدراب دة كلو في السودانية والشروق ؟؟ دة يوم الدراب العالمي ....؟؟طقيع من نايجؤيا الي مدني الي السعودية .. جنس طقيع زي دة ما في ؟؟ اها دييل البرامج الانتي قتي نتظرا في العيد ؟؟؟؟؟
Quote: اها دييل البرامج الانتي قتي نتظرا في العيد ؟؟؟؟؟
والله يا باش خجلانة منكم
____
الدراب بكميات الآن على شاشة النيل الأزرق.. "توقيع .." تقديم عفاف حسن أمين وأمجد ضيوف ..الأستاذ الشاعر عزالدين هلالي.. الفنانة التشكيلية وصال ضياء الدين والفنان محمود عبد العزيز..
خلال الحديث عن أغنية "قول النصيحة" للأستاذ هلالي يوصل الدراب لمراحل غريبة... عفاف مخاطبة هلالي:"من وين جات عبارة قول النصيحة؟ في زول كضّب عليك؟؟" أمجد "يعني زي.. قول النصيحة وخلّصنا ياخ!" عفاف "لازم تقوليّنا كتبتها في منو" "يعني انت كل قصايدك كتبتها في زوجتك؟" الأستاذ هلالي يجيب بالنفي عفاف: "انت يا أستاذ راجع البيت من هنا؟؟.. هاهاها"..
____ يغني محمود عبدالعزيز رائعة الفنان محمود علي الحاج "بقيت ما زي زمان".. فلا تسعفه حنجرته الذهبية
ثم يؤدي "قول النصيحة.." فتتم بهدلة الأغنية موسيقيا هذه المرّة.. أداء غير موفق..
أول يوم .. إحدى القنوات السودانية، لا أدري أيهم (فهم كثر). أغنية مصورة للفنان عصام محمد نور (الأغنية بالطبع للكاشف في الأصل لكن who cares). سيناريو الأغنية يظهر عصام وهو يشارك أطفاله اللعب في الشارع وهو يرتدي ملابس casual بينما ينتعل "سفنجة". أثناء الأغنية يحمل طفله الرضيع ويركب السيارة "اليابانية، أو الكورية الصنع"، ثم منظر close up لعصام داخل كابينة السيارة أثناء القيادة ويجلس على حجره وفي مواجهة المقود ابنه الرضيع.
إذا ما استطعت أن أجد العذر للفنان باعتبار أن ذلك هو المستوى السائد في الوسط الفني، فما هو عذر المخرج.
نجوان
الذبح ليس فقط في قناة الشروق .. بل أيضاً في القناة السودانية. هل شاهدتي المعوات "التومات" وهن يذبحن روائع (ثلاثي و) ثنائي العاصمة واحدة تلو الأخرى؟
الخلاصة أعلاه جاءت نتيجة للجلوس لحوالي نصف ساعة فقط أمام الشاشة، ومؤكد أن ما خفي أعظم
أنا لا أدري ما هو سر الإصرار على تصوير المغني وهو يقود سيارة In the first place.
وبالمناسبة، خلال النصف ساعة التي قضيتها أما التلفاز في اليوم الأول، لم أشاهد غير الدراب
في برنامج يقدمه المطرب وليد زاكي الدين، واحد من المذيعين الشباب يجري لقاء مع الفنان كمال كيلا والذي يقف بجواره فنان أثيوبي وذلك بعد فراغهم من أداء أغنية أثيوبية. المذيع يتجاهل الفنان الأثيوبي المبتسم والمتحفز للرد على أسئلة المذيع. وبعد أن يلاحظ المذيع ذلك، يتوجه لكيلا بالحديث قائلاً: شاهدنا الفنان كمال كيلا وهو يؤدي أغنية مع أحد "الأخوة الأفارقة".
نفس المذيع استضاف شاعر ومغني متوسطاً الكنبة التي تضمهم الثلاثة ومحتلاً ثلاثة أرباع مساحة الكنبة. المغني سئل عن آخر أعماله، فأجاب: "أغنية شيلني من راسك " والتي صادف أنها من تأليف ذلك الشاعر.
Quote: المذيع يتجاهل الفنان الأثيوبي المبتسم والمتحفز للرد على أسئلة المذيع. وبعد أن يلاحظ المذيع ذلك، يتوجه لكيلا بالحديث قائلاً: شاهدنا الفنان كمال كيلا وهو يؤدي أغنية مع أحد "الأخوة الأفارقة".
دي نفس العقلية الخلّت عصام محمد نور يلبس السفنجة في الفيديو..
Quote: نفس المذيع استضاف شاعر ومغني متوسطاً الكنبة التي تضمهم الثلاثة ومحتلاً ثلاثة أرباع مساحة الكنبة.
وليه الضيق ده كلو؟ أصلهم مسجلين البرنامج في عربية؟
وبعديييييين ياجماعة ؟؟الواحد يعاين للساعة كل خمس دقائق نفسو الدنيا تليل ويمشي يتهمد ينوم وبلا فضائية وبلا لخمة فاضية ...قال تلفزيون قال ..الراديو مالو بس من غير مذيعيين ومذيعات ....
Quote: أول يوم .. إحدى القنوات السودانية، لا أدري أيهم (فهم كثر). أغنية مصورة للفنان عصام محمد نور (الأغنية بالطبع للكاشف في الأصل لكن who cares). سيناريو الأغنية يظهر عصام وهو يشارك أطفاله اللعب في الشارع وهو يرتدي ملابس casual بينما ينتعل "سفنجة". أثناء الأغنية يحمل طفله الرضيع ويركب السيارة "اليابانية، أو الكورية الصنع"، ثم منظر close up لعصام داخل كابينة السيارة أثناء القيادة ويجلس على حجره وفي مواجهة المقود ابنه الرضيع.
عيدك سعيد يا ابو علي .. انت برضو شفت الفيلم دة ؟؟ وانا كماااان ؟؟؟معقولة ؟ احنا سوينا شنو .. انا بحب صوت عصام وهسع مما شفت الفيلم ملخبت شوية
____________ الحق ياابوعلي ونجوان .. نسرين ظهرت والليلة "ام فريحانة" شوية عليها .. قالت الجمهور" سوداني تعرفه من الوهلة الاولي ..." .. يعني انا البربري دة يعرفوني كيف ؟ اجيب لي كمشة واجيكم ؟؟؟
ياجماعة نسرين بتقول انو في هجمة ثقافات وافدة علي السودان ؟؟ وحسين خوجلي بيقول انو الثقافة السودانوية هي بتاعة امدرمان وكمال ترباس .. يعني انا هسع رطانتي دي وافدة علي الجماعة دييل ؟؟؟ عجيبة ....
ما محسوبة خالص ... حسين مفوه ويتكلم في مواضيع لا اظن نسريين تعرف عنها الكثير ونسرين لم تستعد ولم تعمل حساب من ستحاور وكيف تحاور وتستنبط موضوعا من حديث الغير ..نسرين ليست مذيعة حوار وربما تقدم برنامجا ولكن لن تدير حوارا مفيدا باسلوبها ومحدودية استعدادها الفكري لكل برنامج ...
البرم بفتح الباء.هو ما يتساقط من شجر الاكاسيا الطلح وهو اصفر اللون وعندما يجف يصير احمرا وفي اوله اخضر ...وعند اسفل شجر الطلح يتمازج المتساقط من برم بالوانه الاربع فيبدو كقماش القرمصيص الملون .....وقد اورد الفحل هذا في شرحه لبيت شعر ...
Quote: البرم بفتح الباء.هو ما يتساقط من شجر الاكاسيا الطلح وهو اصفر اللون وعندما يجف يصير احمرا وفي اوله اخضر ... وعند اسفل شجر الطلح يتمازج المتساقط من برم بالوانه الاربع فيبدو كقماش القرمصيص الملون ..... وقد اورد الفحل هذا في شرحه لبيت شعر ...
ولا حاجة ...ولكن مفهوم التراث السوداني كما ينظر اليه حسين والفحل ما زال قاصرا علي مشكل مفهوم الوسط السوداني وودت لو امتدت نظرتهما الي كل السودان وكل ادوات الثقافة ...المعضلة السودانية في نظرة احادية لمكونات الثقافة والتراث ولذا تبقي الهوية الموحدة بعيدة المنال ... عموما الموضوع يبدو اكبر مما رتب له المخرج والمعد (ان كان هناك واحد/ة) ومن امكانات المذيعة او استعدادها له ...
Quote: والشروق تبدو ساعية بخطى حثيثة في نفس طريق الفضائية السودانية.. والنيل الأزرق.. دراب X دراب..
الشروق حتي اليوم وبعد ثلاث اسابيع "حلة عزابة " من السودانية والنيل الازرق وفضائيات تنضم بالعربي وغير العربي وهكذا لامقاديير ولا شيف واها الموجود بس الفرق الماعون والفرن الكهربائي وبكرة تنقطع الكهربا ونرجع للفحم والكانون ونواصل النفخ ...
Quote: يا الواردة ماشه على البحر ساعة الشمس يا دوب بتطلع --------- يالنازلة ماشة على الحرث ساعة الشمس يا دوب بتطلع والشعاع من بين فتيحات الغصون رقرق على قش الدرب مع الندى وقع متل خرز السبح خيطو انقطع
اللوبا في وسط الجرف من فرحه فجاله الدرب ونوارو مال فوق بعض وسوس وقال السمحة جات السمحة جات السمحة جات ولما انشبك نوارو في توبه الجديد مالت بشيش السمحة مالت وفكتو شان لاتحت نوارو لا تقطع صفق
شجر الطلح رمى البرم أصفر تحت أردافا (ها) مفروش قرمصيص
فيكي البحر يالسمحة اتقطع ترع أصبح بعيد أصبح بعيد والترعة وسط الرملة زي كبة عسل جابوها في صينية لي .... عري
"الشروق مرّت من هنا" برنامج يقدمه كوميدي اسمه محمد موسى..
متجولا مع فريق البرنامج للمعايدة على الناس في بيوتهم.. وإجراء مسابقات خفيفة وجوائز.. الفكرة حلوة أعتقد.. وتناسب العيد..
لكن..
من ضمن الأسر التي زارها .. أب يحمل طفلته الرضيعة.. فيسأله محمد موسى إن كانت طفلته الأولى.. يجيب الأب بالإيجاب فيقول محمد موسى له "انشالله تكبر.. وتجيب العريس.. وتملا الكيس" ولا يكتفي بذلك فيقول "اها حتكون عايز دفع تقيل.. ولا كيف؟".. فيجاريه الأب المحتار قائلا "أقساط ممكن"..
_____ الكوميديا عندنا.. ككثير من الأشياء.. تاتي كما تأتي كوميديان (او من يظن نفسه كذلك) .. مايكرفون .. وكاميرا والباقي حسب قسمة ونصيب المشاهد المسكين..
تقول المذيعة رهام عبدالرحمن للكوميدي الذي شارك في حملة البنك التسوقية مرتديا عراقي.. سروال وصديري "كويس جيتنا الليلة لابس كويس" .. كان اليوم ببدلة كاملة.. وتضيف.. "لبسة متخرطمة.. ومتحضّرة.."..
Quote: تقول المذيعة رهام عبدالرحمن للكوميدي الذي شارك في حملة البنك التسوقية مرتديا عراقي.. سروال وصديري "كويس جيتنا الليلة لابس كويس" .. كان اليوم ببدلة كاملة.. وتضيف.. "لبسة متخرطمة.. ومتحضّرة.."..
والله يا نجوان انا مرات بتخيل لى ناسنا ديل بفصلوا هدومهم براهم (سيلف سيرفس )! مرات دراب المذيعات بكون درر فى الحتة دى! جنى
Quote: والشروق تبدو ساعية بخطى حثيثة في نفس طريق الفضائية السودانية.. والنيل الأزرق.. دراب X دراب..
يا الفي الجنوب حي الشمال يا الفي الشروق ليك شوقي طال يا الفي الغروب هاك لحني قال الذكريات نهضت بجيله وأنا كنت حاديها ودائماً دليلا حتمشى وين من الارث دا! وستظل فضائيتنا الام حادى الركب ودليله لدى ما تقولوا الروب! مرات بحسد اطفالى خير شر ما بجوا جنب قناة سودانية ولو دايرهم يشتتوا من جنبك افتحها ليهم! جنى
حلقة جميلة أهدتها لينا الفضائية السودانية.. واحدة من الدرر..
كنت سعيدة ايما سعادة لمشاهدة حلقة هذا المساء عن الفنون الشعبية.. الضيوف الاساتذة عبدالرسول النور.. وعبدالله حسب الرسول مختصان في مجال الفنون الشعبية..
وفرقة الفنون الشعبية للمسيرية وجبال النوبة..
إيقاع صاخب.. أزياء بألوان زاهية.. فيهاالقماش.. الجلود.. الريش الملوّن.. والودع.. رجال ونساء من بلادي.. يسردوا بإحساس وجمال حكاوي إرث ثقافي وانساني.. يقاوم الكثير..ليحتفظ بمساحة .. ولو صغيرة.. تحت شمس المليون ميل..
المكان الذي تم تسجيل الحلقة به.. غاية في الجمال.. لا زجاج.. ولا سيراميك.. بل حجر.. طوب أحمر.. أسقف خشبية.. وابواب مطلية بلون الشفق.. جدران تدّلت منها النباتات..
كان حديث المختصين مليان ودسم .. الا أني ايضا تمنّيت لو استضاف البرنامج من اهل المناطق نفسها لإثراء البرنامج .. وليشركونا اكثر..
ألف شكر!
______ تملكنّي فضول شديد لمعرفة المكان.. وفي تترات نهاية البرنامج كتبوه فندق ومطعم الساحة اللبناني!
يعني انتظرنا اللبنانيين ليهدونا ما كان بين متناول ايدينا!
نجوان كل سنة وانتي طيبة القناة الجديدة الشروق..وبينما كانت المذيعة (غير السودانية) تقرأ نشرة الأخبار وفي تغطيتها للعيد وفرحة العيد من خلال تقارير مراسلي القناة بمدن السودان المختلفة خاطبت أحد المراسلين قائلة :وكما ذكر( زميلك )من الدمازين..... احترت دا زميلو ولا زميلا وبيني وبين نفسي تساءلت من هو زميلها اذن؟؟؟؟
Quote: بت أخشى إن استضاف التلفزيون نميري – نعم نميري - أن يسأله المذيع: الفرق شنو بين العيد اسه و العيد زمان!!
وأيضا.. أطرف موقف مرّ بيك خلال الستطاشر سنة..
_____ سألوه أمبارح للضيوف في "ونسة دكاترة" بالنيل الأزرق.. ود. عمر خالد ما خلّى زول يتكلم غيره.. وعندما لا يقاطع أحد بسرعة .. مقدم البرنامج بيسأله "رأيك شنو يا د. عمر؟" وهكذا دواليك...
السؤال الذي يطرح نفسه .. وبإلحاح.. ما حكمة وجود د. عمر خالد ضيف كل يوم بالفضائيات المختلفة.. وان لم يكن ضيفا .. فيكون مقدما لأحد البرامج.. أو الأثنين معا كما حدث في السهرة الكارثة بالأمس..
ومع كل الإحترام.. إلا أن مقاطعات د. عمر المستمرة للضيوف وإستلامه للكلام.. فهو شئ مزعج .. ويزيد الطين بلّة!
فضائياتنا دي مابتحتاج مصاقرة كتيرة.. برامجهم طويلة .. ولانهم بيلتّوا ويعجنوا كتير.. ممكن تمشي مشوار وتجي تلقاهم في نفس النقطة.. وفي نص ساعة بس.. تطلع بما يعادل دراب شهرين تلاتة في القنوات الأخرى..
____ بعدين مع الخبرة.. يكفي عنوان البرنامج ومقدميه
يا ملاسى عدى صاحبى عامل فيها لبيس حقو الاقيك بيهو عشا تشفوا تعمل ليهو اسف داخلى عشا يقعد فى علبه! شفت ليك زول بلبس بنطلون احمر وقميص احمر!! ناس المطافئ ما بلبسو كدة! يقول ليك دا لون عودى ولا كبدى! غايتو فى الشنيف عندك حوبة!! جنى
............... نجوان ازيك بوستك ده ما داير ينتهي والا شنو ؟ ياخي جننتينا جن تعرفي الزول لما يكون نايم وا لحفلة تفوتو ... يصحى في آخرها يقوم يجيء يتاوق بفتحة الصيوان ويرجع لا عارف يدخل ... عشان الحفلة في آخرها وهو مسطح ما عارف كان حاصل فيها شنو ولا عارف يرجع يمشي يتم نومتو ياها حكايتي مع بوستكم ده اها كلمونا من هسة حفلتكم دي حا تستمر ..نقوم نلبس ونجي والا حتفرتكوا قريب ..نمشي ننوم !!!
............................. وما الناس إلا هالك وأبن هالك *** وذو نسب في الهالكين عريق
تعرف يا جني .. لو الزول البيصبغ الناس قالت ليهو البتعمل فيهو دا مضحك .. مضحك جداً! و لو الزول البيجعر الناس قالت ليهو البتعمل فيهو دا ما غنى! و لو الزول البيلبس عودي الناس قالت ليهو دا أحمر! كان بالتأكيد نسبتهم قلت .. و للا شنو!!
* سهرة (( بيت النغم )) كانت ممتعة..لولا إنو المذيع كان هستيري و كذلك وجدان النحاس! * لفتت نظري (( أفراح عصام ))...مستقبلها مُشرق بإذن الله. * إتذكرتكم في ختام سهرة (( ونسة دكاترة )) لمن المذيع قال ليهم.. موقف طريف مرٌ بيكم/ن.. و المؤسف إنو كل المواقف لم تكن طريفة على الإطلاق.. مما أفسد عليٌ جو السهرة الكان جميل. * ماعارفة ليه كل ما أشوف عمر محمود خالد..بتذكر الضجة الإعلامية الحصلت لمناقشة تسريحة دونالد ترامب..و هل دا شعرو و لا باروكة..! * كمال ترباس كان نجم العيد بلا منازع..! * كل ما أخش عشان أكتب تعليق...ألقى نجوان كتبتو!
البربري زعلان وحردان .. اول مرة 4 ايام اجازة ورا بعض .. اول مرة منذ اشتغلت هنا .. اها قت اكيد نجوان عارفة البرامج احسن مني وطبعا ما في زول زارنا فقعدت مرابط من الصبح الي الصبخ وشفت العجب ناس ام فريحانة وناس الما بخلو زولا غيرم ينضم وناس هايصيين في الفاضي وناس ما عارفة "البرم والقرمصيص " وناس الشروق انشاء الله يشرقو وريقم ينشف وبعدين ناس هارموني خاتين شاكوش كلو مرة كااااش وهيثم كامو والا كامبو .. الغريبة لقيت بنيه في ساهور عندها حضور ومقدرة علي الحوار واستنباط اسئلة من الضيوف بس الضيفيين كانو بيتكلمو بطريقة التلغراف ومرة واحد يخت نقطة والتاني شرطة ... زعلان يا ممكونة وانتي تقولي سهرة البتاع دييك عجبتك ؟ كيف يعني واللا بتجاملي لانهم اطباء اطفال ؟؟ وانا هسع شغال من يوم السبت من الصباح الي المساء والكريسماس الحولينا كلهم في اجازة بس معاي صوت المكيفات في الخلا دة ...
Quote: تعرف يا جني .. لو الزول البيصبغ الناس قالت ليهو البتعمل فيهو دا مضحك .. مضحك جداً! و لو الزول البيجعر الناس قالت ليهو البتعمل فيهو دا ما غنى! و لو الزول البيلبس عودي الناس قالت ليهو دا أحمر! كان بالتأكيد نسبتهم قلت .. و للا شنو!!
المشكلة يا ملاسى موش فى الصبغة والمشكلة فىاختيار نوع الصبغة فى درجات كتيرة من الاسود تقع بين الاسود والبنى واقربها الى السودانيين البلاك براون حتى ان المشاهد لا يمكن ان يلاحظها الا بالمقارنة مع عمر الشخص اذا كان متقدما فى السن تقدما واضحا ويمكن ان يغالط بان الشخص غير مصبغ! رسل قروشك وانا بخليك تتاجر فيها لمن تغنى لى جنى الجنى! ناس تلقى الواحد مصبغ تقول لستك جوانى من السواد! انا شخصيا لا استغرب عدم اهتمانا باللبس لانه علامة فارقة وماركة مسجلة لينا حتى فى الخارج! تعال شوف ناسنا لابسين هنا كيف يحيروك ما تعرف الواحد شاكى القميص ولا شاكى البنطلون! تلقاهو لابس شبط واضافرينو طوال ولو لقيتوا لابس جزمة تلقاها معفوصة من جانب لى هسة ما لاقانى سودانى لابس جزمة جديدة! ياربى قاعدين نشتريها مستعملة! واحد تلقى اثر قلم الحبر فى جيبوا ولو طلع الاقامة عشان يصورها يطلع ليك جزلان تاجر بقر شايل فيهو غيارو يا ربى! اذا لم نمارس النقد الذاتى لن نتقدم شبر واحد! اى حاجة مشى حالك والله ناسنا يحيروك فى البلد دى ربما نعذر اهلنا فى السودان لضيق ذات اليدين لكن برة السبب شنو ! المراة السودانية بطبيعتها كامراة محبة للزينة والنظافة ولا غبار عليها لا كين الجنس الخشن ومخشوشن حقنا ريحة مشى حالك كرفتة مشى حالك ويقول ليك قاد ابنى ! وبتبنى فى قصر الحمرا ولا فى قصر الصداقة! يا اخى وكت اشتريت ليك بدلة شنو التقشف فى الكرفتة ! احسن ليكم خلونى فى حالى افتح فيكم نار....! لسة ناسنا هناك الواحد بياكل البطيخة براهو! جنى
وأخيراً، جيت على نفسي و"غررت" - على حسب نطق الجماعة الذكرهم أبوبكر - متابعة نشرة الأخبار في تلفزيون السودان، متسلحاً بالطبع بحبة الضغط
أول حاجة لاحظتهاأن المذيع متأثر بصورة كبيرة جداً بمذيع الجزيرة الاسمه جميل عازر، في القعدة بالجنبة وطريقة الكلام وصرُة الوش
الخبر الأول كان عبارة عن Reaction story حول التعيينات الوزارية الجديدة. أعقبه حوار لجميل عازر (السوداني) مع أحد الوزراء الجدد من داخل الأستديو. الراجل حتى في الحوار الذي يتوجب فيه أن يواجه الضيف، لم يغير القعدة بالجنبة، والمنظر كان عجيب جداً.
قلنا معليش، على الأقل الـ story كانت informative. أها، يقوموا يجيبو الخبر التاني لمسئول رفيع في الحكومة وهو يستقبل وفد أجنبي رفيع أيضاً. المسئول بتاعنا، وفي خضم اللقاء مع الوفد الزائر، شال نضارته، ومسك طرف البدلة السفاري وهاك يا تنضيف وتلميع، والضيف يعاين ليه وهو متحير لماذا لم يدرسوه هذه الحركة البروتوكولية من قبل. حينها، انهار صمودي، وبدلاً عن محاولة الوصول لحبة الضغط، لجأت للـ"ضغط"، وبسرعة فائقة، على جهاز الريموت كونترول، وأنا أردد في سري "ضغط يكتلك .. وضغط يحييك".
لكن بيني وبينكم، تنضيف النضارة أحسن من اللوليح المتواصل للكرعين، وقيل، .. خلع المركوب.
أنا و الله ما بحبك تزعل يا حسن.. عشان كدا جبتَ ليك معاي دُرة!
قبل كم يوم و على قناة هارموني شفت تمثيلية بعنوان (( بعيداً عن الأمر ))..تأليف مصطفى أحمد الخليفة و إخراج محمد نعيم سعد و تمثيل مجموعة كبيرة من ناس فرقة الأصدقاء الزمان + وجوه شابة واعدة. تحكي التمثيلية عن أب مشغول عن زوجته و أبناءه..لكن تسنح ليهو فرصة بسفر زوجته لإعادة إكتشاف حبه لزوجته و تعلقه بأطفاله.. القصة جميلة و واقعية.. التمثيل جميل مافيهو إفتعال أو تشنج.. الديكور و الماكياج مناسب جداً..(( أرطال البودرة الزمان إختفت ))!
كانوا نجوم التمثيلية طفل و طفلة كان تمثيلهم في منتهى العفوية و الجمال. التحية و التقدير لكل من شارك في هذا العمل المتميز. ---------
تــــــــــــــــوبة يا نجوان. أنا قلت بس أطلع من حالة الإحباط وأنا أشاهد التغطيات المحمومة في كل الفضائيات للجريمة البشعة التي راحت ضحيتها السيدة بي نظير بوتو. أها قلت أمشي على جماعتنا وأنا متأكد أنهم آخر من يعلم وأكيد أخبارهم فيها حاجات غير مناظر القتل والتدمير. عموماً دي تجربة لا أعتقد أنها سوف تتكرر "غريباً"
الأخت ممكونة
Quote: ضغطك ما إنتظم شوية يا أبو علي
أكيد طبعاً، خاصة وانني معجب جداً بـ "النضال الثقافي" لفرقة الأصدقاء ومحاولاتهم الجادة لإرساء قاعدة لفن راقٍ وجميل، رغم انهم يعلمون جيداً أنهم يسبحون عكس التيار. المشكلة التي تواجههم الآن هي الغزو الذي يتعرضون له من فرق الكوميديا التي لم تتمكن حتى الآن من تحديد هويتها، فلا هي فرق تمثيل أو فرق نكات أو فرق استعراض. ديل كمان بدأوا يستضيفوا سهرات ويقدموا برامج
أتمنى من كل قلبي أن لا يصيب الإحباط مصطفى ورفاقه، رغم أن العمر يمضي. وأتمنى أن تمكنني الظروف من مشاهدة التمثيلية التي يبدو أنها جيدة الحبكة وخالية من التهريج ومحاولات استدرار الضحكات من المشاهدين
Quote: كانوا نجوم التمثيلية طفل و طفلة كان تمثيلهم في منتهى العفوية و الجمال.
الاب قال حيذاكر للبنية و اها " الغارعة ماادراك ما الغارعة " وهو عايز البنية تقرا وراه .. لكن هي عارفة انو " القارعة ما ادراك ما القارعة " .. مسكينة بقت تعاين للزول "الهو ابوها في التمثيلية "...... وبرضو ممكونة تجي وتقول "كان التمثيل جميل " و حاجات وحاجات وترفع سكري وضغط البربري
الشف البربري حيعمل ليك احسن قهوة في الدنيا بس فنيشهم اول .. انا خلاااااص ...اها حزنان علي فاروق كدودة ويجي يكتلو بنازير والجماعة قالو برنامج اسبوعي "افراح وافراح " اها العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ وفي نفسي الوقت الباكستانيين كانو كتلو بنازيير الاتحدت العالم الجبانات وتحذيرات الموت والقتل قائلة مرة " انها لو انشغلت بذلك -اي الموت- لهزمت نفسها والشعب الباكستاني الذي يرجو فيها عودة الي ديمقراطية " ... مرة كتبت نداء لعودة الكنداكات الي حكم البلاد وما زال موجودا في مدونتي بعنوان "نوستالجيا وعشق لزمان الكنداكات -هل السوداني محب لبلده واهله "http://sidahmed.blogspot.com/2006_04_01_archive.html" .. انا ما عارف ليه بطلت اكتب في مدونتي وشاغل نفسي بقضائياتكن يا ممكونة القالت "التمثيلية كويسة ؟؟ " دة كلام .... انا مخاصمكم ...
انتي ما سمعتي واحد تاني عمل برنامج عن فنان وشاعر غنائي والموضوع فيهو غين كتيير و بعدين بقي كلو "قاء" " الشاعر القنائي .. و اقنية .. وقناء .... "..... انا عايز اعرف ليه زمااانك كانو بيجلدونا في مدارس حلفا لو رطنا ... يعني الحاصل هسع في الفضائيات كويس ؟ ما كانو يعلمو الجماعة دييل رطانة ويخلو التلفزيون بالرطانة واهو لا غيين ولا قيين .... جنس حالة ...غال مذيع غال .....
شوفى عينى البياكلها الدود وما بهتو وزير الدفاع عبدالرحيم ابو عصاية والذى تقع تحت مسئولية وزارته المحميات الطبيعية! لابس مركوب جلد نمر وبهوزز فى رجلينو! وزير دفاع يلبس مركوب نمر فى اى دولة فضيحة توجب استقالتو باعتباره مشجعا للبس مركوب النمر اى مشجعا على قتله واصطياده! جنى
Quote: الشف البربري حيعمل ليك احسن قهوة في الدنيا بس فنيشهم اول .. انا خلاااااص ...اها حزنان علي فاروق كدودة ويجي يكتلو بنازير والجماعة قالو برنامج اسبوعي "افراح وافراح " اها العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ
تسلم يا باش..
"أتراح أتراح" جاء في امسية حزينة .. تماما كما ذكرت.. لم نكن ناقصين غم.. دراب.. دراب.. دراب.
يأتي الينا الآن عبر الشروق.. المخرج الشاب .. أمجد ابو العلا.. يتحدث عن فيلمه "ريش الطيور".. تجربة جميلة ومتميزة لمخرج في سنه..
لكنه.. يتحدّث (قبيل نهاية اللقاء)عن دور الفيلم في تجسيد الهوية السودانية.. ويتحدّث طيلة اللقاء بلهجة شامية ثقيلة.. مخلوطة بخليجية.. أهناك خلل في هذه الصورة.. ولا أنا براي
Quote: العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ
لاكين انتو ما تبالغوا مذيع لا يقرا ولا يثقف واخر كتاب قراه كان قبل15 سنة عندما كان مراهقا والكتاب هو دمى ودمموعى وابتسامتى لاحسان عبد القدوس! ما تبالغوا كمان! باقى اليوم يعديهو اجتماعيات حضرة المذيع جا والمذيع فات وهلمجرا! والله صدقونى انا عاذرهم من باب لا كلف الله نفسا الا وسعها! جنى
Quote: قالت تسابيح.. ان الغناء يتطلب تعايش مع الكلمة.. كيف يحدث ذلك وهو فهمه "محدود" للغة العربية..
المسكين كان عايز يغني وبس ؟ لكن "تسابيح " الله يجازيها ؟؟ يعني لازم اي برنامج يجي واحد يغني وكان يجي واحد يغني في اي برنامج لازم امتحان معادلة ؟؟ اها لا حاغني ولا حاكون ضيف في اي برنامج خلو ممكونة وجني يحضرو البرامج دي ....
وللمخضرمين أيضا اسهامات .. في الإعداد الهزيل.. والدراب في التقديم..
عمر الجزلي قبل يومين مستضيف د. كامل ادريس ..(منظمة الملكية الفكرية).. أعتقد انه لقاء بتلفزيون السودان (وليس جنيف)..
نصف ساعة كاملة لم يسال الجزلي خلالها اي سؤال مفهوم.. لضيفه..
على الطاولة الصغيرة المستديرة امامهم (دون أي مبالغة) صحن كبير..به حوالى 2 كيلو موز.. 1 كيلو برتقال ابوصرّة.. و1 كيلو عنب أحمر.. كبايتين موية.. وكبايتين حاجة سودا (اعتقد انها كولا).. وكوبين قهوة (او شاي).. وسيرموس أبيض..
يبدأ عمر الجزلي الحديث بعبارة.. لا يكملها فتتحوّل الى "آ..آ.." ثم يبدأ جملة جديدة.. ويرشف رشفة من الحاجة السودا.. ثم يرفع كتاب من كتب الدكتور ويسأل.. "الى كم لغة تمت ترجمة هذا الكتاب؟.." ويسال سؤال الترجمة هذا عن كل كتب الدكتور تقريبا..
ثم فاصل سريع.. وعمر الجزلي يجلس بمكتب نائب رئيس الجمهورية على عثمان.. وكسّير تلج (على قولهم) شديد.. وشكر لنائب رئيس الجمهورية على ما "معروف عنه" من اهتمام وتكريم للعلماء والمفكرين.. (كبكبة خام.. لم أر مثيلها الا في المسلسلات المصرية)..
ثم يوجّه الجزلي الدعوة لنائب رئيس الجمهورية لإستضافته ببرنامج اسماء في حياتنا.. لا يقول علي عثمان شيئا يفيد بقبوله الدعوة.. فيلجأ الجزلي لمزيد من التحنيس.. الخام أيضا.. فيقول علي عثمان "دعوتك قيد النظر"..
____ ناس سعدالدين ليهم حق يخمجوا ويتعولقوا قدر ده..
Quote: ناس سعدالدين ليهم حق يخمجوا ويتعولقوا قدر ده..
ونحن ذنبنا شنو .. ؟؟؟ امبارح سعد الدين في برنامج اغاني من البرامج او اسم من هذا القبيل استعمل كل ما درسه له الجزلي .. حرق روحي عدييييل ؟؟؟ الموضوع غنا وهو مصر انو لازم يشرح الاغنية ووووووو...
وامجد اليوم وضيفه فنان من اسرة كلها فنانيين ومتخصص في العزف علي العود و سيفتح بيت العود في الخرطوم .. يعني امجد ما بيعرف عن السلم الخماسي احسن منو ولكن اها لازم يقول " عشان الناس تعرف انو السلم الخماسي بتاعنا ...الخ " وبعدين هو السلم دة ما بتاعنا بتاع مليار هندي ومليار وشوية صيني ومية مليون اثيوبي واريتري ونحن يادوبك تلاتين مليون ....
أقوليك يا باش عادة استخدم زر الميوووت للوقاية من النضم البغيظ وأرجّع الصوت للأغاني (ومش أي أغاني )..
لكن سعدالدين ده حالة خاصة وتحتاج لأكثر من زر الميووووت! الإبتسامة المصطنعة.. رفع الحواجب.. وتعابير يصعب وصفها.. تجعلك تشاهد فاصل بانتومايم غصبا عنك..
الحل الوحيد تغيير القناة.. ثم العودة بعد مسرحية الرجل الواحد دي..
_____
Quote: يعني امجد ما بيعرف عن السلم الخماسي احسن منو ولكن اها لازم يقول " عشان الناس تعرف انو السلم الخماسي بتاعنا ...الخ "
ناس أمجد ديل يا باش فهمهم لوظائفهم الإعلامية.. ان يتكلموا والناس تسمع .. بما فيه ضيوفهم.. مهارة الإنصات.. ناهيك عن الإنصات الجّيد.. تكاد تكون منعدمة..
عندما يتحدّث الضيف.. مذيعنا ومذيعتنا .. بيكونوا سرحانين.. غالبا فيما سيقولونه بعد الضيف.. لذلك تجد الحوار عادة مونولوغ وليس دايالوغ.. لانه المذيع بسمع نفسه فقط..
والشيء بالشيء يُذكر: لماذا لا يصوّبون نطق مذيعة أخبار الشروق لكلمة "دارفور" التي تنطقها ككلمة أعجمية، بالنبر على المقطع الأول، مثلما هو في Dalton على سبيل المثال؟ دارفور لم تعد مفردة جديدة في الإعلام العالمي، وإذا لم يكن وارداً أن يتخلص الإعلاميون الأشقاء من بصمات لهجاتهم، فلا أقل من ترك أسمائنا على حالها.
نجوان إزيك تاني وكل سنة وانتي طيبة ... تابعي الشروق وهارموني يا نجوان كمية من وجع البطن أنا طوالي بصادف البرنامج الاسمو(الشروق مرت من هنا) ما عارف ما عندهم غير البرنامج ده ولا شنو كل ما أحول الريموت على الشروق في أي وكت أصادف محمد موسى بحافلتو الهايس ... أول حلقة حضرتها كانت لذيذة كان فيها كمية كده من عرب الجزيرة بعد داك أي حلقة حضرتها في البرنامج ده كانت مملة وبايخة وكلها عوارات ومحمد موسى ده ينفع يحكي نكت على الماشي لكن ما توصل لدرجة يقدم برنامج بطولو وعرضو كمان لأنو بتعاور وبتعابط كتير ... والبرنامج كلو عبارة عن ارتجال وهرجلة ومحاولة تخفيف الدم بأي طريقة بعدين الحاجة الغريبة قصة البلاي ستيشن دي شنو ؟؟؟ الله خلقكم زول عمرو 60 ـ 70 يدوهو جائزة بلاي ستيشن كيف يعنى ؟؟
Quote: الله خلقكم زول عمرو 60 ـ 70 يدوهو جائزة بلاي ستيشن كيف يعنى ؟؟
تعجّبت مثلك تماما والله..
_____ بس من اللقطات الحلوة (في البرنامج الغريب ده).. أحد الأعمام سألوه في العيد عن مكوّنات المرارة فقال "الكبدة.. الكرشة.. والحاجة ديك.. (أبدا لم يستطع تذكر الفشفاش).. الحاجة ديك يآخ.. يآخ ديييك! .....الفشة!!"..
امبارح مقلبني ...كنت موصل الكمبيوتر بالريسفر وبستقبل ممن التلفزيون والكمبيوتر فقلت لما لقيتو بيتكلم كتير اني اقفل التلفزيون واسجل بالكمبيوتر واعمل مييوت وبعدين اشوف واقطع الكلام .. اها عملت كدة , Minimized the window وبعد فترة طويلة رجعت اشوف ولقيت انوالفترة كلها كانت كلام سعد الدين .. اتخيلي عندي ثلاث ملفات حوالي 2 قيقا وفيها اغنية لاسرار وواحدة لمحمد عبدالعزيز والباقي كلو كلام سعدالدين اب قميص اصفر دة؟
Quote: بعد حصة اللغويات مع أمجد امبارح أيقنت اننا مولعون باللكنات العربية..
انخيلي لو خلو النضم كلو في التلفزيونات السودانية برطانات الشمال والجنوب والشرق والغرب وعملو ترجمة كتابة بالعربي والانجليزي ...المشكلو الوحيدة انو الترجمة العربية حتعمل مشكة لو من غير تشكييل ...
يا جماعة سعد الدين ده كويس بالمقارنة مع واحد بيييييض بييييض بيييض بالجد جد وبراية لدرجة قف تأمل جابوهو في قناة هارموني بتكلم بالفصحى أظن اسمو كابو لا حووووول الللللللللله الزول ده مضرسني لحدي اسي
Quote: انجع السبل للاستماع بالهدؤء والخصوصية ان تقوم بتشتيت اطفالك بتشغيل الفضائية السودانية فهى كالبمبان وبعد تطفيشهم تعود لقنواتك المفضلة للاستمتاع بها!
المشكلة يا جني انو الواحد اها مصافر الكمبيوتر والتلفزيون والعيال كبرت ويا كومبيوتر ويا تلفزيون وسعدالدين وتسابيح وامجد يجو ناطيين مع كلو تغيير لمحطة.. ناس هارموني غلبتم الحيلة .. قلة المواد بقت تخليهم يكررو العندهم كل ساعة او ساعتيين اما الشروق فالشيزوفرينا الاربو سودانية عاملة لخبطة شديدة وتلفوناتم ما شغالة وبيت الهنا لخبطة شديدة اها قامو يجيبو ضيوف سودانيين ولكن المواضيع والصور الخارجية كلها في الشام والغين والقاف مشكلتم ما اتحلت وكمان افراح وافراح بقت قصة والديكور في الفضائية السودانية متنيل بستين نيلة وبرنامج شوارد عايز مذيعة او مذيع وساهور احسن يوقفو الفوضي العملوها في المدائح.. القصة جايطة وعايزة الفة ....
يا أبوبكر ونجوان: نصيحتي أن تستغلو إمكانياتكم العالية في الـ hi-tech وتحاولوا تجيبو الإذاعة وترتاحو من شروق وغروب وهارموني ونشاز وسعد الدين وعوض أحمد عوض (بالمناسبة، وين الشخصية دي، فقد بدأت افتقدها من باب المثل: .... بيريد خنٌاقو)
والله ناس الإذاعة ديل مرة مرة كدة بيجيبو أغاني بأصوات أصحابها الأصليين
صدق أو لا تصدق، آخر زيارة للسودان كنت راكب الحافلة .. سمعت أغنية لعثمان حسين ... بصوت عثمان حسين
عليكم بالإذاعة، على الأقل إذا استخدمتم الميوووت، سوف تنعمو برؤية الأشكال الغريبة البتطلع من شاشة الـ Realplayer والـ Media Player
أمس في الشروق ... برنامج (فن وسياسة )... ماعارفه مباشر .. ولا دي إعادة ... تحفزت جداً عشان أستمتع بكلام الفنان / راشد دياب ... ولكن كالمعتاد الإحباط من المذيعة - سوركتي - ؟؟؟؟؟ ياخي كمية بتاعت أسئلة غريبة جداً .... والله يديهو العافية راشد دياب .. يجتهد جداً ... ويحول الأسئلة ... لحاجة مفيدة .... الحاجة التانية ... البنية - سوركتي- نص كلامها كتيل عوينات .. وإبتسامات ... وأهم حاجة إظهار الحاجات المعلقة (أظنه عقد موضه جديدة .. ولا شنو ماعارف ) في الرقبة .. _____ راشد دياب كان بيقول في كلام جميل جداً ... وقدر ما الموضوع يكون ماشى سلس .. ومتابعين ...تجي ناطها بكلام يغير مجرى الحديث كله ... .... .... غايتو كده ... سوركتي تاني ما ح أحضر ليها أي حاجة فيها نقاش مفيد .... حدي معاها بيوت الأعراس وبس (برامج الغنا .. والهيصة ..عشان مافيها كلام كتير ) ....
Quote: تحفزت جداً عشان أستمتع بكلام الفنان / راشد دياب ... ولكن كالمعتاد الإحباط من المذيعة - سوركتي - ؟؟؟؟؟ ياخي كمية بتاعت أسئلة غريبة جداً .... والله يديهو العافية راشد دياب .. يجتهد جداً ... ويحول الأسئلة ... لحاجة مفيدة ....
كيفك يا حاتم وكل سنة وانت طيب..
لا يوجد فرق كبير بين سوركتي وتسابيح.. نسرين النمر.. أمجد.. محمد الطيب.. سعدالدين وغيرهم.. كلهم يسبحون في فلك عدم الكفاءة والتخبط..
كبعض الأفلام الوثائقية التي لا يوجد بها محاور أعتقد يمكن أن يقدم كل ضيف برنامجه براااهو.. كده يمكن نطلع بشئ.. حتى ولو كان one sided story
______
Quote: الحاجة التانية ... البنية - سوركتي- نص كلامها كتيل عوينات .. وإبتسامات ...
لا.. الأيام دي قاشرة ليها بضحكة جديدة.. ______ برامج تقتل خلايا أمخاخنا!
والله فكرة جميلة. أنا شخصياً منحاز بطبعي للإذاعة على التلفزيون وخاصة في الجانب الدرامي، يمكن لإن الإذاعة أكثر رومانسية أو يمكن لأننا معفيين من مشاهدة أطنان البودرة والمكياج والأزياء المتناقضة والإبتسامات المصطنعة.
Go ahead يا باشمهندس، وأنا واثق أن رواد هذا البوست سوف يصنفون إذاعتك من الدرر.
Quote: والإذاعة عندنا دوما تفوّقت على التلفزيون..
هذه حقيقة لا جدال فيها يا نجوان. والدليل على ذلك أن التلفزيون برغم الإمكانيات المسخرة له فشل حتى الآن في إنتاج مسلسل واحد يفوق "الدهباية" أو "النعمة بت وراق" أو "قطار الهم" أو "خطوبة سهير" شهرة
والله يا أبوبكر فرغت لتوي من مشاهدة التلفزيون السوداني الذي كان يبث أغاني "وطنية" بمناسبة عيد الاستقلال. في واحدة من الأغاني موضوع في الخلفية علم الدولة المصنوع من قماش لامع وبراق. لحدي هنا كويس. لكن مخرج الأغنية دي ما فكر في لحظة أن العلم كان يمكن أن يكون أجمل بكثير لو أدوه لمدة دقيقة واحدة لـ"مكوجي". العلم مكرفس تقول مطلعينه من خشم بقرة.
أما عن الأغنية نفسها .. والله ما عرفت البيغني مني والبيشيل منو واللا الأغنية نفسها بتقول شنو.
ومساء جديد بالنيل الأزرق.. تسابيح.. ود. عبدالله سعيد.. مختص في تأهيل ذوي الإحتياجات الخاصة..
وحصة تأريخ ترجع لأولى إبتدائي.. وهذه ليست مشكلة لكن مكانها برنامج الأطفال.. أو برنامج خطوة خطوة داك..
تكلمنا تسابيح -بطريقة كلام المرأة الآلية- ان الإستقلال كان في يوم 1\1 .. ودور المستعمر.. وحصة على جنب محورها نظرية المؤامرة.. في تشتيت البلد.. وسياسة فرّق تسد (بالحرف).. ويستمر مسلسل الdenial
وعلى العلينا جابوا عقد الجلاد وبعدهم البنية مي..
وخلّيك سوداني!
____ الغريبة لي يومين تلاتة ما شايفة د. عمر خالد لكن د. راشد دياب ماسك بالإنابة عنه..
يابوعلي ونجوان ..بختكم فضائية زيادة ؟؟ "اسمها "زوول" وهسع مشغلة حلقة من "Gags" شفتو كيف ؟؟؟؟ واليوم بات الشروق البث الرسمي واها زوول وبي ان واس تي في يعني ملاريا من كل الانواع ؟؟؟؟
Quote: منذ فترة التقيت بعض القائمين على قناة "زوول" بالفجيرة، وقلت حينها ربنا يستر، دكان جديد يضاف لسوق الزلعة الإعلامي
ياا ابوعلي.. ما عندنا اعتراض العايز يفتح دكان يفتحو بس مش باسم السودان و"زوول" وسعتها كتير وقالت " سودانية الرؤي وافريقية الهوي " والبارحة انتظرت ساعات اشم بس ريحة الافريقية ما لقيتها بس مرة جابو لقاء نع فنان اثيوبي والكلام اثيوبي وبعدها علي طول نوال الزغبي ثم مسلسل شامي ولكن اخر الليل جابو ندي القلعة ودكتور الكوباني ولكني لم اتابع ...
_________ نجوان انتي بخير ؟؟؟؟ اوع تكون ضربتك الانفلونزا الخايمة هنا اليوميين دييل
Quote: ما لمّيت في زووول دي لسه.. عشان نشوف حاصل شنو..
نصيحة يا نجوان
Think twice
قبل ما تلمي فيها
أنا لم أشاهدها حتى الآن .. ولكنني وقفت على أفكار المسئولين فيها و"خططهم" للقناة، وخرجت بحقيقة مفادها:
ليست هناك خطة. صور كل ما تقع عليه عينيك ثم أقذف به على الشاشة البلورية
القناة، وكما قال الباشمهندس، لا علاقة لها بالسودان أو أفريقيا، إنما هي pure business يعتمد على الـ appeal الرنان لكلمة "زوول" لدى أهل الخليج من ذوي الجيوب المنتفخة والمنتجات التي تحتاج لإعلانات
Quote: ليست هناك خطة. صور كل ما تقع عليه عينيك ثم أقذف به على الشاشة البلورية
اها زي ما قال ابوعلي يا نجوان ...زي سوق "اليلام" زمانك في دبي .. اها سوق بتاع street vendors يمتد من بر دبي الي ديرة عبر العبرات "المراكب" واحيانا يصل الي داخل البنايات ..فيهو كل شئ فارغ وشوية مليان ....
Quote: كلما أشوف الشروق بتحسّر على الإمكانيات الرايحة شمار في مرقة..
ما قالو ان المال ممكن يحسن صورة ووضع الواحد .. الافندية دييل ختي المال ما صلحم ...المغصة لما الواح يشوف جهل وليس سوء استعمال الما فقط .. اها عارفيين انو الفلوس ما تعبو فيها لكن الاستثمار الصحيح اهو ينفعم بكرة .. بهدلة وبعزقة المال العام بواسطة تجار وسماسرة الغفلة ومبيضي الاموال المنهوبة دييل البنشوفا في اشياء كثيرة الشروق بس واحدة منها بتمغص...من كثرة جهلهم نسو انو هي ما دوامة والمال الذي لا يستثمر يروح وينضب المعيين ويبقي في فلان وعلان السابق ويبقو بس عربية تويوتا زي مافال محجوب شريف
Quote: يكون البلاستيك مقصر معاهو شوية فحب يربطوا بالشعر عشان الناس تتعاطف معاه
كيفك يا نهى.. ويا هلا بيك.. معليش.. لو عارفين زيارتك من بدري كنّا رتّبنا درابنا وضايرناه شوية..
أعتقد كلامك أعلاه عن عوض ابراهيم عوض.. أمبارح لمحته.. بعد غيبة.. على هارموني بيرقص ولافّي حول المسرح..
والبتغني واحدة اسمها عبير علي (على ما أعتقد).. إرتكبت جرائم كتيرة في حق أغنية لعبد الرحمن عبدالله .. لولوت الأغنية.. وأضاعت ملامحها بصورة غريبة.. ____ الكلام دراب.. الغنا دراب.. والرقيص ذاتو دراب..
الرائعة نجوان دارك مرتبة بوجودك ومعطرة بأريجك الفواح... أنا قريت الكلام أمس لأول مرة وما عرفت أضحك واللا أبكي..عشان كده ومن غير ما أشعر رديت عليك بألول رد خطر علي بالي.. فعلا الايام دي في ظاهرة غريبة وهي تشويه أغاني الرواد الرائعين وما عارفة الحاجة دي حدودها وين....والمشكلة انو الحاجة بتعرض وكانها شئ عظيم ومفخرة ...غايتو ربنا يحسن الاذواق.... تحياتي ومودتي
نها قريبتي جيتي بجاي ؟؟ احسن .. بس جيبي معاك شوالات من التلج لزوم الضقييع اصلو قالو دراب محل ما عايشة انتي ما في ...؟؟ انتي ما شفتي مذيعة زوول القربت تقلع امايك وتغني مع ندي القلعة؟؟ هي سموها ندي القلعة ليه ؟؟ ( انتي بتاعة حقيبة وشوفي الحكاية دي حصلت كيف والقلعة ياتا ؟؟)
قريبي والله وبماان نحن عايشين اساسا في الصقيع فالحمدلله البرودة ممكن تكفي البورد كلو ... وأعتقد انو ندي القلعة سموها بالاسم ده لانها من الكلاكلة القلعة...والله اعلم غايتو نحن عايشين في زمن مايعلم بيه الا الله وياما حانشوف
تعرف عوض لما يكون بيرقص.. بيمّر على الضيوف طربيزة .. طربيزة.. ثم يعمل .. (وهو ما زال يرقص).. نصف دائرة حول المسرح.. (لو الحيطة مافي كان عمل دائرة كاملة) كل ذلك .. وهو يصفّق بإنتظام.. وعلى وجهه إبتسامة.. I am impressed
Quote: الشروق .. برنامج ضيفه ابراهيم دقش يتحدث عن الاتحاد الافريقي ووووو ويقول " .. وعند ذلك يكون الضحي قد..." " وقبل ما يكمل يجي المذيع النابغة " قد اصبح "
____ ما تظلم الراجل يا باش.. إحتمال الضحى صار يصبح الأيام دي إيش عرفنا احنا!
____ المذيع ده ظاااتو جابوه في العيد ضيف في برنامج (ما سمعوا بكترة الطلّة..).. المهم .. قال انه كان خارج الخرطوم بيعيّد على أهله.. الحصاحيصا أعتقد.. فقال ليهو مقدم البرنامج المتظارف (بتاع الشروق مرت من هنا) .. "طيب ليه بيقولوا عليك حنكوش؟" رّد "ابدا ما حنكوش.. " مقدم البرنامج "يمكن عشان الشكل" المذيع بجدية "خلقة الله بس".. !!!!
زول يقول لي.. مين العاقل ومين المجنون في الحوار ده؟
____ أو انه ده كلام النوابغ.. وانا الماجايبة خبر..
الحكاية عملت لي وجع ضرس ..الليلة اتراح اتراح يانجوان وحسن (هو الخميس دة بجي بسرعة كدة ليه ؟ )اها وجع جسم وضرس وامجد بتاع النيل الازرق بيقول للعروس "" اها هو قال حيوفر الثقة وانتي كيف " والبنية اتلعثمت يعني يارب تقول شنو ما كو ثقة وملعون جنس الرجال المنهم امجد دة .. وبرضو يرووح لابو العريس فلان فلاني اللواء ويجرو ليك يوقفو قدام الكاميرا ويعاين ليهو من فوق اصلو امجد دة طويل ويقول للعريس وهو نازل لتحت " العصاية دي لزوم القيافة .. ".. واااه ضرسي ...
نسرين في اشروق الليلة والموضوع عن الغناء لدي المراة واتت بمتخصصة في هذا الشان واتت بمغنية والمتوقع انو المغنية تغني والمتخصصة تعرف المستمع والمشاهد بامر غناء المراة وتاريخه ولكن نسرين ناطة في حلق الدكتورة ويبدو انها -نسرين-ذاكرت وحفظت بعض المعلومات وتريد ان تقولها ونست انها فقط anchor .. هي ليست متخصصة ولذا اتت بدكتورة متخصصة زالمغنية تغني وسميرة دنيا لا يبدو انها في وتيرة واحدة في نقاش موضوع الحلقة...كان يمكن ان تكون الحلقة مفيدة وممتعة لو ترك امر الشرح للدكتورة وامر الغناء لسكميرة وامر الربط لنسرين .. تفاوت مخيف في امكانات الثلاث ....نسريين تتحدث اكثر من الدكتورة وسميرة تقحم في نقاش ليست مستعدة له ونسريين هي مثال حي لمذيعة تحتاج الي تمرين وتدريب ....
لحسن حظي حضرت نهاية الحلقة يا باش .. أغنية واحدة لسميرة دنيا قبل تقديم الطقطاقة..
حواء الطقطاقة كلامها كان جميل.. ومليان.. اكتر من أجيال جديدة.. لا بتعرف تتكلم .. ولا تغنّي
قالت في تصحيح لنسرين.. "لما تقولوا أنا غنيت للإستقلال بتكونوا ظلمتوني" "انا غنيت في وجه المستعمر...".. وتحدثت بتفصيل أكثر.. تحدّثت عن الصعوبات التي واجهت جيلها.. لم تحتكر الجو لتتحدّث عن نفسها... بل ذكرت أيضا زميلاتها من الفنانات وكفاحهن.. عددّت اسمائهن.. واحدة.. واحدة.. تحدّثت عن تشجيعها للأجيال الجديدة من الفنانات السودانيات.. وللفن الأصيل.. مش الإسفاف.. وقالت كلمات طيبات في حق سميرة دنيا كفنانة موهوبة..
طلبت منها نسرين أن تغني.. وغنّت.. بمزاج.. بصوت قوي ..وأداء لم تنال منه السنين كثيرا.. لا فرقة تغطّي على العيوب .. لا كمبيوتر وتقنيات تصنع غنا من مافيش.. تناولت سميرة دنيا الطبل من العازفين.. ودقّت.. وشالت مع الطقطاقة.. "البى ريدو ابتلاني ما أظنو ينساني....
سيبوني يا اخواني.. انا قايدة نيراني بريد وطني .. سوداني"
وسمعنا الأغنية الأصلية.. كاملة غير منقوصة.. يا سلاااام! تعالت صفافير الحضور.. ده الكلام!
Quote: لحسن حظي حضرت نهاية الحلقة يا باش .. أغنية واحدة لسميرة دنيا قبل تقديم الطقطاقة..
انا اول ما جات الطقطاقة خفت انو نسرين تزييد الجليطة وخصوصا اعرف ان الطقطاقة مفوهة وواضحة وتعرف الكثير ففضلت ان اقفل التلفزيون وابدء قراءة ...وجود الطقطاقة الان في برنامج ما يجعله توثيقيا ..فالطقطاقة لها في عدة مساهمات في غناء المراة ودور المراة في الحراك السياسي والاجتماعي وله معرفة بغناء الاعراس ورقص العروس عند بعض المجتمعات السودانية وبالتالي ليس نسريين هي الانسب لادارة دفة حوار او لقاء مع الطقطاقة .... _______________
يانجوان (لمان تصحي من نومة الجمعة الطويلة ): في بداية الحوار اقحمت نسرين "القرمصيص" في اول جملة لها .. هي بتقر ليك هنا واللا شنو .ياريت البنية ممكت تصبح مذيعه ممتازة فلها حضور وجميلة المحيا ولكن لو اخذت دورات تدريبية في ادارة الحوار والالقاء وذاكرت شوية عن الثقافات السودانية وتابعت الاخبار وقرات التاريخ .وبطلت تبربش بعيونا وتفعر النضمي وتكون علي سجيتها .؟؟؟
Quote: وجود الطقطاقة الان في برنامج ما يجعله توثيقيا .. فالطقطاقة لها في عدة مساهمات في غناء المراة ودور المراة في الحراك السياسي والاجتماعي
أكيد يا باش.. الطقطاقة ثروة قومية.. شاهد عيان .. وأرشيف متحرك لأحداث مهمة على جميع الأصعدة.. هي واحدة من روادنا .. سيرتها الذاتية لها قيمّة تاريخية.. لكن بكل أسف.. كمثلها من الرواد.. لا تجد الإهتمام الذي هي جديرة به من الموثقين المختصين ..
تصفحت قبل فترة من الزمن أجزاء من كتاب معاوية يس "الغناء والموسيقى في السودان".. وهو كتاب رجالي بحت .. لا يخصص المؤلف .. ولو بابا واحدا للإسهامات النسائية السودانية في هذا المجال.. ويكاد لا يتطرق لأي من الرائدات.. مقدمة الكتاب.. ما يفوق ال20 صفحة.. حافلة بكل ماهو غريب من تفاصيل إعداد الكتاب.. لكنها تخلو من الإشارة لغناء المرأة ودوره..
كما تخلو أيضا من الإشارة للكتاب اليتيم تقريبا في هذا المجال للراحل جمعة جابر
يا نجوان ما في وقت ؟؟ العالم مش حينتظرنا لحد ما نقطع المسافات البنزيدها طولا باصرار علسي فكر ذكوري جعل الوجدان متحيزا كذلك حتي في الغناء ...سيبقي المجتمع عاجزا حتي تتساوي الكيمان...
Quote: ياريت البنية ممكت تصبح مذيعه ممتازة فلها حضور وجميلة المحيا ولكن لو اخذت دورات تدريبية في ادارة الحوار والالقاء وذاكرت شوية عن الثقافات السودانية وتابعت الاخبار وقرات التاريخ . وبطلت تبربش بعيونا وتفعر النضمي وتكون علي سجيتها .؟؟؟
معاك.. لو عملت ده كله ح تتحول من واحدة بتتكلم في التلفزيون ..الى إعلامية..
وهذا ما حاولنا جميعا تسليط الضوء عليه.. (بعين المشاهد المتفاعل ..دون خلفية مهنية في مجال الإعلام)
ما ينقص جماعتنا كتير.. (بغض النظر عن الإمكانيات).. بعضهم ينقصه أساس أكاديمي عن الإعلام.. أو مجال قريب منه.. ثم.. تجارب ميدانية.. عن الصنعة وفنونها..
qualified mentors يتعلموا منهم.. يوجهوهم.. حتى يشربوا المهارات اللازمة... ومن ثم يسعوا لتطوير قدراتهم.. الدافعية .. المنافسة .. وتسلق السلم الوظيفي.. عن طريق إثبات نفسهم.. وليس الواسطة..
والأهم من ده كله.. الصورة الكبيرة.. فكرة متكاملة عن مجالهم ورسالته..
_____ بعدين.. لا يوجد حافز.. تجي من بيتك.. تقعد قدام الكاميرا.. وتقدم اكتر من برنامج وفي الprime time كمان.. أداء جيّد.. ماشي أداء ردئ.. برضو ماشي..
_____ معظم القنوات العربية تعاني من نفس مشاكلنا إلا أن عنصر الإمكانيات أحيانا بيغتغت على أوجه القصور.. والنتيجة تدّني المستوى.. وإفساد الذوق.. وتصبح الناس تهلّل وتصفّق للسخف والعباطة لأنه ده الموجود.. ولأنه ما بعرفوا غيره
Quote: معاك.. لو عملت ده كله ح تتحول من واحدة بتتكلم في التلفزيون ..الى إعلامية..
نجوان في الصيف الماضي جلست مع بعض من يحاضرن ويحاضرو لبنتي في كلية للاتصال والاعلام وبعض الطالبات في بلد من الشرق الاقصي وراقني مستوي النقاش وكمية المام الجميع بنواح متعددة في هذا المجال بالاضافه الي معرفة من قراءات ومتابعات ادبية وسياسية واجتماعية وفنية ووووووو... وتعجبت كثيرا من مستوي الذين اراهن واراهم من خلف شاشات فضائياتنا وبعضهم من خريجي كليات اعلام ...انا الان اذا اردت مناقشة احد بناتي او صديقاتهن وهن في مجالات شبيهة اقرء اولا وازود نفسي بمعلومات كافية قبل ذلك ... هنالك جيل صغير قادم يعرف الكثير من القديم والجديد وهو يعي انه لا يجد مجالا في هذه الفضائيات ولكنه جيل يعرف اين وزكيف ومتي ....اما التواجد العشوائي وراء الشاشة فمصيره الزوال اجلا او عاجلا .. التغيير الذي يجعل اليوم امريكا البيضا تفضل اوباما الاسود الذي اتي والده من القارة السوداء علي سيدة البيت الابيض السابقة التي تاتي من مجتمع الصفوة الامريكية سيغمر العالم قريبا .. التاريخ دوائر ةتنته دائرة فتبدء دائرة اخري بمعايير اخري ....
نجوان عامك مبارك .. افتقدناك .. غيب وتعال كترت ..... زوول بقت تجيب وجوه بتغني غني غيرها باسلوب ولحن احيانا مشوه .. يعني حتي العندناكويس ما دايرين يخلو لينا ... هارموني تشارك زوول في الموضوع نفسو الشرووق خلاص تركتها طالما مصريين علي تشويه حتي اسماء المدن السودانية .. واحدة غي الاخبار بتنطق المجلد "الموجلد" وحاجات زي دي كتيرة .. الله لا تريحم
ماعندها حكاية .. هي سوء استعمال للمال وجهل ؟؟؟ امس تابعت لقاء مفروض ان يكون حارا فوجدت الضيف ومقدم البرنامج وهو المحاور لا يعرفان لماذا هما امام الكاميرا؟
__ نسرين : تسال عن "التنوع القنائي ؟ " وهي تحاور مدرس في معهد الموسيقي او كلية الموسيقي ..؟؟؟؟ هي تستضيف مدرس اخر مختص في الصوتيات والالقاء .. اليس غريبا ان تستضيف نسرين بتاع صوتيات والقاء وهي لا تقدر علي نطق حرف الغين " ؟؟؟ هل لا يوجد وسط الملايين الثلاثين الف من النساء والرجال يمكن ان يكونو مذيعي ومقدمي برامج ويقدرون ان ينطقو حروف عربية صحيحة مدام مصرين علي اللغة العربية وفي بلدنا اكثر من كام مية لهجة وبعض لغات اخري ....ما قادريين علي لغة نخليها ونشوف غير او احسن نخلي فضائيات وتلفزيونات وراديو الا للغنا ....
تعرفي يا نجوان الفكرة التجارية -لو اصلو فكرو- للجماعة الورا الشروق وزول باستقطاب اعلانات تجارية من خلال برامج "السمك لبن تمر هندي " فاشلة بحيث اننا لا نري اي من الاعلانات ....
والعايز يشوف ثورة الفيديوكليب السودانية.. يمّر على قناة زول!
سمية حسن.. وفيديوكليب غريب.. في شوارع مدينة خليجية.. وبيت .. وناس ما معروفين مين.. وواحد شكله كده متأثر و ح يبكي.. المهم كلمات الأغنية تأتي بالعربي على الشريط.. لسبب أجهله.. الأغنية لا طعم لها ولا نكهة..
___ سمية هذه فنانة موهوبة.. من الرائدات الدارسات بمعهد الموسيقى لا ادري لماذا حصرت نفسها في إطار محدود.. وإستهلكت صوتها كثيرا في حفلات رسمية وشعبية..
مسيرة سمية حسن جديرة بالتأمل.. يا ريت العارفين يدلوا بدلوهم..
لكن يا نجوان لقيتك مكملة الشمارات والقطيعة بهنا خسارة أنو ما عندي ديش السودان وما بتصلنا النيل الأزرق أو قناة الشروق كان الواحد كتب معاكم... أقول ليك سر: كنت بصور حلقة للنيل الأزرق قبل كم أسبوع كده وفي لقطة كده قلت ليهم غيروها... نحوان بتجيني فيها
Quote: أقول ليك سر: كنت بصور حلقة للنيل الأزرق قبل كم أسبوع كده وفي لقطة كده قلت ليهم غيروها... نحوان بتجيني فيها
عااااقلة والله يا غادة.. أكيييد كنت جيتك فيها
الف شكر لألق الحضور.. وكلماتك الطيبات..
وبما انك insider .. (هنا وهناك ) يا ريت ما تبخلي علينا برصد بعض ما يحدث وراء الكاميرا.. طبعا تجربتك من خارج البلد والأستديو بتكون مختلفة شوية لكن تلتو ولا كتلتو
______ في حدود المعقول within reason وكده.. ما عايزين ندخّلك في مطبات دبلوماسية مع ناس الفضائيات ديل.. أو نقطع عيشك لا سمح الله..
الغيرة والماضي..دراب من النوع أبو كديس.. (ماهي سلطة أن يحاكم الشخص بالماضي..وربنا غفور رحيم ..وشنو وشنو...) ألحقي يا نجوان...أبو السعود في لحظات التجلي..وعلى الهواء مباشرة في سهران يا نيل...فلقان يا نيل... شتران يا نيل...دراب يا نيل..الزرزرة شملت حتى فنان الونسة المغلوب على أمره..."ثمارك ينعوا"..صاحبها بحركة كدا كأنه الزول قاعد يمسك ليهو في (ثمار حاجة كدا)...بعدين الأولاد القال ليهم منو إنه الواحد لما يغني زي جمال فرفور معناها بيكون غناي وناجح..؟؟ لاحظتو معاي إنه بقى في زي 25 مليون (فنافور)؟؟
Quote: ألحقي يا نجوان...أبو السعود في لحظات التجلي..وعلى الهواء مباشرة في سهران يا نيل...فلقان يا نيل...شتران يا نيل...دراب يا نيل.. الزرزرة شملت حتى فنان الونسة المغلوب على أمره..."ثمارك ينعوا".. صاحبها بحركة كدا كأنه الزول قاعد يمسك ليهو في (ثمار حاجة كدا)...
كيفك يا محمود ومرحب بيك..
سعد ده مصيبة كبيرة.. النيل الأزرق دي بتباااالغ كونها ما شايفة سعد ده بسوي في شنو!
Quote: بعدين الأولاد القال ليهم منو إنه الواحد لما يغني زي جمال فرفور معناها بيكون غناي وناجح..؟؟
فرفور ده أنا أول ما اشوفه على طول بخفّض الصوت.. كواريك غريبة.. شكلة بس!
Quote: مذيعات زول لا طرحة لا توب.. اكمام قصيرة.. شعور مفكوكة.. بنطلونات.. فساتين سهرة..
لاحظت انهن يلبسن casual /jeans يعني ما في Dress Code ....حاجة غريبة..!!
في دراب كتير اللحظة في النيل الازرق وانا مفروض امشي انوم علشان اخوض مع الخائضين الصباح وسط الموية والشوارع المقفولة ووووولاصل الي اجتماع قبل الثامنة ..فزورة وسعد وضيوفو والزول البيقلد الفنانين طفرونا ... اها نمشي ننوم .. تصبحو علي خير
يا نجوان ليلة متنيلة بستين نيلة اها بعدما قلت ليكم تصبحو علي خير قلت برضو اشوف السودانية عاملة كيف ولقيت حمزة ... والله حمزة ......!!! اها قفلت التلفزيون يروح في ستين داهية ..الواحد في زحمة المواصلات والمطرة االخلت دبي فنيسيا !!!! والسكك المقفلة والشغل الكتير ويقووم سعد وحمزة يجوهو في وقت واحد ... يارب ...ارحمنا
نجوان .ارجو ان يكون كل شئ تمام.. نسريين دي بتنط في حلق ضيوغها مالها وتقول كلام مقعر وبتكون حفظتو قبل البرنامج وعايزة تتخلص منو .. هسع في الشروق ومع جراهام عبد القادر ما بتخليهو يتكلم والرجل ذو مواهب متعددة وعارف بثقافات السودان والموسيقي
_____ ما شفت نسرين.. مريت على السودانية فقط كان فيها واحد صيني بيخطب في جماهير غفيرة بالخرطوم أعتقد.. وكل التماسيح والذئاب كانت قاعدة في الصف الأول.. في أي بي سكشن.. قلت كان أحسن زعيط ومعيط ..
بس نسرين دي ح تجيب الكفوة للشروق..أكتر من العليها.. كل يوم بتزيد من نطيط عيونها.. بدأت أشك .. ربما يكون هناك سبب طبي لذلك.. مافي دكتور عيون وحواجب هنا؟؟
اولا الحمدلله علي النشاط .. بس القرار النهائي في غسيل السيارة خليهو للصيف (شهر تمانية يعني ) لانو اتخاذ قرار حيوي زي دة احسن يكون في الصيف هنا...لحين ذاك الوقت جيبي السيارة في الsite عندي وحنخلهالك فل
Quote: ما شفت نسرين.. مريت على السودانية فقط كان فيها واحد صيني بيخطب في جماهير غفيرة بالخرطوم أعتقد.. وكل التماسيح والذئاب كانت قاعدة في الصف الأول.. في أي بي سكشن.. قلت كان أحسن زعيط ومعيط ..
الصيني بدل ما يبني السد اتعلم عربي وكمان يخطب (دي في بلدو للرئيس فقط ) وهكذا خسر السودان حوالي 150 مليون دولار بسبب تاخير افتتاح السد لعام (بس خدمات ديون)
قلت ما ممكن يا جماعة أختفي و أجيكم يدي فاضية.. و فعلاً جبت ليكم معاي بعض الدرر...
* حلقة (( حلو الأوتار )) التي أجرتها (( نسرين نمر)) مع العازف العراقي (( نصير شمه))...كانت من الحلقات الجميلة جداً جداً... ((نسرين نمر)) كانت ملمة بكل أطراف اللقاء...و محضرة حلقتها كويس... أسئلتها كانت إستثنائية و بعيدة عن (( موقف طريف مرٌ بيك )) و (( تحب تهدي شنو ))!!!
* لفتت نظري المذيعة (( شذى عبد العال )) في البرنامج الإخباري (( الموقف )).. أعتقد أنها مشروع مذيعة مثقفة , بشوشة و مختلفة.
* برنامج (( الشروق مرٌت من هنا )) برنامج لطيف و طريف...و عجبتني حكاية إهداء الجوائز لأناس يحتاجونها فعلاً... محمد موسى ممثل كوميدي يجيد الوقوف خلف المايكروفون و قفشاته التي يرتجلها تزيد من طرافة البرنامج.
* على قناة (( هارموني )) لفت نظري و عجبني كمان فيديو كليب دمو خفيف لثنائي جنوبي .. المغنية إسمها صفاء على ما أعتقد.... الأغنية لم أفهم معانيها..لكن تمثيلها و طريقة أداءها في غاية الطرافة و خفة الدم.
Quote: * حلقة (( حلو الأوتار )) التي أجرتها (( نسرين نمر)) مع العازف العراقي (( نصير شمه))...كانت من الحلقات الجميلة جداً جداً... ((نسرين نمر)) كانت ملمة بكل أطراف اللقاء...و محضرة حلقتها كويس... أسئلتها كانت إستثنائية و بعيدة عن (( موقف طريف مرٌ بيك )) و (( تحب تهدي شنو ))!!!
في دي ليك حق ...
Quote: * لفتت نظري المذيعة (( شذى عبد العال )) في البرنامج الإخباري (( الموقف )).. أعتقد أنها مشروع مذيعة مثقفة , بشوشة و مختلفة.
انا اتابعها في البرنامج دة ولاحظت شيئين : ضيوفها ثابتين ويوم ما الضيف يتغير بتجي واحدة اخري او اخر والتاني : تختصر اي تعلييق من الضيف - مهما كان- فيه اشارة سالبة للنظام الحاكم ودة بيفقدها مصداقية الحوار
Quote: * برنامج (( الشروق مرٌت من هنا )) برنامج لطيف و طريف...و عجبتني حكاية إهداء الجوائز لأناس يحتاجونها فعلاً... محمد موسى ممثل كوميدي يجيد الوقوف خلف المايكروفون و قفشاته التي يرتجلها تزيد من طرافة البرنامج.
باين انتي فاتتك حلقات عك كتيرة وجوائز ما مناسبة واسئلة سيئة الاختيار .. البرنامج نسخة من برنامج اخر في اللبنانية او فيوتشر ..نقل مسطرة وبالتالي كل من راي البرنامج الاصلي يصاب بالاحباط ...
Quote: حلقة (( حلو الأوتار )) التي أجرتها (( نسرين نمر)) مع العازف العراقي (( نصير شمه))...كانت من الحلقات الجميلة جداً جداً... ((نسرين نمر)) كانت ملمة بكل أطراف اللقاء...و محضرة حلقتها كويس... أسئلتها كانت إستثنائية و بعيدة عن (( موقف طريف مرٌ بيك )) و (( تحب تهدي شنو ))!!!
دي فاتتني.. أولا لسماع نصير.. وثانيا لان نسرين أخيرا قدمت شئ مختلف عن السوابق..
نسرين عندها حدّة في الكلام مع ضيوفها.. تحتاج للتخفيف منها في تقديري..
_____ شذى عبدالعال تمتاز بالتلقائية التي يفتقدها الكثيرون.. لكنها عندها شوية سلو موشن كده.. تحتاج لرفع عيار الحيوية شوية دايما بتخيلها ح تنوم بعد الحلقة مباشرة.. أو أثناءها.. والله أعلم..
عن السياحة في السودان.. وضعها الحالى والتحديات.. ضيوف د. ابوبكر خبير سياحي.. وضيف آخر لم التقط اسمه..
اتصلت تلفونيا بالبرنامج منى محمد عبدالله عضو بالمنظمة العالمية للسياحة وفتحت النار بإنفعال على وضع السياحة.. التعقيدات والعراقل .. بداية من إصدار تأشيرات الدخول المكلّفة وسلحفائية.. والى صعوبة تحرك السياح بالدولة وأيضا.. عدم وجود تأهيل وتدريب للعاملين بالمجال..
عثمان الإمام.. مدير السياحة الإتحادية يتصل بالتلفون (وكانه صحى من النوم ) وبنفس الصوت الكسول .. يلف ويدور.. والكل يلقي بالمسؤلية على وزارة أخرى وزارة الداخلية والتأشيرات.. وزارة التجارة والرسوم العالية.. وهكذا...