Post: #1
Title: [:] دور المنتديات في العمل الطوعي [:]
Author: Rihab Khalifa
Date: 10-25-2007, 11:25 AM
سؤال انطرح في المنتدي و باكتر من طريقه و تفاكروا فيهو كميه كبيره من الناس، بس المره دي حابه اعرف لو الناس عندها افكار عمليه بي خصوص الموضوع ده
السؤال هو
هل من الممكن انه الناس باختلاف ميولها السياسيه و الاخلاقيه و العرقيه و الدينيه و و و و تتفق علي مبدا بسيط و هو مساعده المواطن المطحون في بلدي؟
اذا الاجابه للسؤال الاول هي نعم، هل في اي افكار عمليه ممكن الناس تطرحها؟
|
Post: #2
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 11:29 AM
Parent: #1
من الاشياء المميزه الواحد لاحظها في المجتمعات الغربيه، عدم شخصنه المواضيع الانسانيه، و خصوصا في الحاجات البتتعلق بي فقراء البلاد و مستضعفيهم
اكيد في اختلافات في الرؤيه بتؤثر علي الكيفيه و لكن المبدا بكون متوحد
|
Post: #3
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 11:35 AM
Parent: #1
المعذره اذا تكرر الموضوع عليكم، لكن في مجموعه من الاصدقاء كونو منتدي و بحاولوا ينشروا فكره العمل الطوعي من خلال المنتدي و بالتعاون مع المنتديات الاخري و حاليا الناس بتفاكروا في الكيفيه وقلت استفيد من خبرات الناس و معرفتهم في المجال ده
|
Post: #4
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 11:51 AM
Parent: #1
لو القصه صحي نضال لاي طرف من الاطراف، سواء حكومه او معارضه، مش ده ممكن يكون وجه من اوجه النضال الناس كلها تتفق عليهو. العمل الطوعي سواء في منتدي او خارجه
|
Post: #5
Title: Re: [:] دور المنتديات في العمل الطوعي [:]
Author: انعام حيمورة
Date: 10-25-2007, 12:00 PM
Parent: #1
| Quote: اذا الاجابه للسؤال الاول هي نعم، هل في اي افكار عمليه ممكن الناس تطرحها؟ |
لعلاج المرضى المحتاجين
صندوق الخير
|
Post: #6
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 12:10 PM
Parent: #5
الكريمه انعام
يا سلاااااااام عليكم، والله حاجه تشرح الروح
طيب في رؤيه مستقبليه للحاجه دي؟ مثلا هل عندكم نيه تعملوا ليكم سايت او توروا الناس ناويين تقدموا ياتو برامج عشان الفكره تكبر؟
انا حاكتب ليك في الخاص قريب جدا ان شاء الله اذا ما عندك مانع، بخصوص الحاجه دي
|
Post: #7
Title: Re: [:] دور المنتديات في العمل الطوعي [:]
Author: انعام حيمورة
Date: 10-25-2007, 12:42 PM
Parent: #1
| Quote: انا حاكتب ليك في الخاص قريب جدا ان شاء الله اذا ما عندك مانع، بخصوص الحاجه دي |
جدا في الانتظار وتلفوني في البوست
|
Post: #8
Title: Re: [:] دور المنتديات في العمل الطوعي [:]
Author: Tagelsir Elmelik
Date: 10-25-2007, 01:50 PM
Parent: #7
ده عنوان محفز لشغل كتير و مؤثر
يا ريت الناس تنتبه شوية
بجى تانى
|
Post: #9
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 02:36 PM
Parent: #7
مشكوره امي انا
والله الزول معنوياتو بتترفع لمن يقرا اهتمام الناس، حتي لو ما كانو كتار
|
Post: #10
Title: Re: [:] دور المنتديات في العمل الطوعي [:]
Author: Rihab Khalifa
Date: 10-25-2007, 02:38 PM
Parent: #1
الاخ الكريم تاج السر الملك
مشكور ابوي علي المرور و في انتظارك وكت ما يسمح وكتك
ياريت الناس تنتبه، لكن الناس هي فاضيه من الشكل و فلان و علان و فرتكان، و يضيع اهلنا الغبش
|
Post: #11
Title: Re: [:] دور المنتديات في العمل الطوعي [:]
Author: Rihab Khalifa
Date: 10-26-2007, 11:44 AM
Parent: #1
فووووووووووق عسي و لعل
ياخ شتو لي بوستيني ده شوته؟ لقيتو في صفحه خرتميه
براحه علينا عليكم الله
|
Post: #12
Title: Re: [:] دور المنتديات في العمل الطوعي [:]
Author: Muna Khugali
Date: 10-26-2007, 12:00 PM
Parent: #11
موضوع جيد ويحتاج لنقاش جاد..
النوايا والمؤسسيه كمدخل..
تحياتي وكل سنه وانت طيبه..
|
Post: #13
Title: Re: [:] دور المنتديات في العمل الطوعي [:]
Author: Rihab Khalifa
Date: 10-27-2007, 11:21 PM
Parent: #12
الاخت الغاليه مني خوجلي
كل الشرف لمرورك بالبوست
جاياكي ان شاء الله بي مهله
|
Post: #14
Title: Re: [:] دور المنتديات في العمل الطوعي [:]
Author: الطاهر عثمان
Date: 10-28-2007, 07:52 AM
Parent: #1
الاخت Rihab Khalifa تحياتي
المتتبع للمواضيع التي تطرح في معظم المنتديات السودانية حول الأعمال الخيرية يلاحظ هذا السيناريو التالي:
1/ يطرح الموضوع
أ/ اذا كان الشخص معروفاً تجد بعض التجاوب والعديد من العبارات التشجيعية وبعض الحماس.
ب/ إذا كان الشخص غير معروف سرعان ما ينتقل الموضوع للصفحة الثانية والثالثة.
2/ يبدأ البعض في إيراد بعض الإقتراحات مثل:-
أ/ عمل جمعية وتسجيلها
ب/ عمل موقع (حقيقي وفضائي) للجمعية
ج/ تكوين لجنة ورئيس لجنة وأعضاء
د/ تعيين أعضاء للجمعية في دول مختلفة لجمع مبالغ التبرعات.
3/ يورد أحدهم بان جمع مبالغ يدخل الجميع في دائرة الشك ولاسيما ولو ذكر حالات مشابهة.
4/ يحاول البعض التشكيك في نوايا صاحب الفكرة وتصنيفه سياسياً ولاي تيار ينتمي ويتم التعامل مع الفكرة بناء علي هذا التصنيف المسبق
5/ يجد صاحب الموضوع نفسه في حيرة وقد كثرت الخيوط التي يتعامل معها ويلعب الشيطان دوره ويجد الارض خصبة ليموت الموضوع قبل أن يولد
يتكرر هذا السيناريو دائما مع إختلافات بسيطة في الحبكة وطريقة السرد وإختلاف الشخوص والأمكنة
المعطيات
========
يوجد أيتام وفقراء ومحتاجين
يوجد من لديه الرغبة في المساعدة والتبرع ولكن لاتوجد مؤسسة وتنظيم لهذه المعطيات
اقوم حاليا بتجميع ايميلات وعناوين المهتمين بالعمل الخيري عموما في البوست
داتابيز-مجموعة بريدية- لجماعة الأمل العام وأحباب الخير للتواصل الجماعي
وننتظر معلوماتك علي هذا البوست او علي الخاص
كما تقوم الاخت انعام حيمورة بعمل صندوق الخير وقامت بالفعل بفتح حساب خاص للصندوق
ونحتاج فقط لاختيار مجلس ادارة واعضاء الجمعية وده طبعا بتفاعل قاعدة البيانات وكل المهتمين حتي يتم العمل بصورة منظمة وثابتة ...
ولك التحية لفتح هذا الخيط
|
Post: #15
Title: Re: [:] دور المنتديات في العمل الطوعي [:]
Author: Rihab Khalifa
Date: 11-04-2007, 06:26 PM
Parent: #14
الاخ الكريم الطاهر عثمان
السيناريو الذكرتو ده حقيقه، و محبطه كمان، لكن السؤال، ليييه يموت الموضوع اذا الناس فعلا عندها فكره عمل خير؟ انا معاك، حكايه محبطه انه الناس ما تهتم، و لمن مشيت افتش البوست ده تعبت و فكرت، قلت اكيد حاكتب فيهو الليله و بكره ينزل في اسفل سافلين، بس برضو عذرت الناس، اكيد الحالات المرت عليهم كتيره و لو الزول ما اثبت انه جادي في حاجه زي دي، ما بلقي تعاون، يعني بي صراحه الناس استهلكت الموضوع
انا يمكن ما بكتب بقدر ما بقرا في المنتديات، لكن للان ما لاقاني طرح جادي و ثابت الزول يقدر يتجاوب معاهو
انا رديت علي بوست الاخت انعام و ارجو من الله انه الحاجه دي تمشي لي قدام، لكن للان ما فهمت تصور العمل لصندوق الخير شنو و الناس تشوف كيف الفرق البتعملو تبرعاتها و ده ما تشكيك في نوايا اي انسان لكن زي ما انت قلت، تاتي الرياح بما لا تشتهي السفن مرات
معليش احتمال انا ما اكون شفت البوست الفيهو طرح المقدم منكم، لكن عشان العمل يتم بصوره ثابته و منظمه يخيل لي الناس بتحتاج اكتر من مجلس اداره و اعضاء و قاعده بيانات، ارجو انه كلامي ما يتفهم غلط، لانها دي كلها عوامل مساعده، لكن التصور العام ما قريتو
مره تانيه شكرا لمداخلتك الجاده و الفعلا بتتناول عصب الموضوع و حامر علي بوستيكم و لكن لو مديتونا ببوست فيهو تصور عمل الصندوق الخيري، اكون شاكره
|
Post: #16
Title: Re: [:] دور المنتديات في العمل الطوعي [:]
Author: الطاهر عثمان
Date: 11-05-2007, 06:51 AM
Parent: #15
| Quote: و لمن مشيت افتش البوست ده تعبت و فكرت، قلت اكيد حاكتب فيهو الليله و بكره ينزل في اسفل سافلين، |
اخت رحاب تحياتي وتقديري
هذا ما حدث فعلا وانا ابحث عن بوستات لي بالصدفة وجدت هذا الموضوع في آخر الصفحة الثالثة
| Quote: انا رديت علي بوست الاخت انعام و ارجو من الله انه الحاجه دي تمشي لي قدام، لكن للان ما فهمت تصور العمل لصندوق الخير شنو و الناس تشوف كيف الفرق البتعملو تبرعاتها |
وانا معاك في انتظار الاخت انعام وان كنت اعتقد بان الاخت انعام تهتم بالحالات المرضية علي الاقل في الوقت الحالي وان كنت اتمنى ان يتحول لمفهوم اشمل واكبر
Quote: معليش احتمال انا ما اكون شفت البوست الفيهو طرح المقدم منكم، لكن عشان العمل يتم بصوره ثابته و منظمه يخيل لي الناس بتحتاج اكتر من مجلس اداره و اعضاء و قاعده بيانات، ارجو انه كلامي ما يتفهم غلط، لانها دي كلها عوامل مساعده، لكن التصور العام ما قريتو
|
محاولة قاعدة البيانات هي مدخل فقط لمعرفة مع من تعمل وكيف تتواصل معه لان العمل جماعي ويحتاج لتفاعل وجدية الناس مع الفكرة لان خبرة الكثير من الاخوان مثل انعام ومنى وسمرية ونهلة وخالد ماسا والكثيرون ممن لم اتذكرهم اكبر مني في هذا المجال وخبرتهم عملية علي ارض الواقع ويمكن ان يفيدونا كثيراً في معرفة العوائق التي واجهتهم...
اتمنى لو ترسلي لي الايميل ومعلومات الاتصال علي الخاص وتقبلي تحياتي
|
Post: #20
Title: Re: [:] دور المنتديات في العمل الطوعي [:]
Author: Rihab Khalifa
Date: 11-05-2007, 12:31 PM
Parent: #16
الاخ الكريم الطاهر
والله انا سعيده بتداخلك و جاياك في الخاص بي فكره، لانه فكره تجميع البيانات كانت موجوده عند مجموعه متواجده في بورد تاني وبدعم من مؤسسه خيريه مسجله ببريطانيا و ياريت لو وحدنا جهودنا و نسقنا الحاجه دي
تفاصيل اكتر في الخاص
مره تانيه مشكور
|
Post: #17
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-05-2007, 08:11 AM
Parent: #1
Quote: السؤال هو
هل من الممكن انه الناس باختلاف ميولها السياسيه و الاخلاقيه و العرقيه و الدينيه و و و و تتفق علي مبدا بسيط و هو مساعده المواطن المطحون في بلدي؟ |
الله يخليك أختي رحاب خليفة ...
بجد نحن محتاجين نقدم للبلد ...الغريبة الكل يطالب البلد وما شفنا واحد يقدم للبلد الا القليل من تجمعات القرى ...البتخدم بلدها بدعم المدارس والمستوصفات والمشاريع ...وعندي مثال ليك قريتنا قرية سالي بدنقلا بشمال السودان ...
الناس متكافلة تماماً ...عملو المدارس على حسابهم الخاص ...
وعملو مستوصف باشتراكات جميع الاهالي فيها من جميع انحاء الدنيا ..
وايضا مشروعهم الزراعي الكبيرر ...
ولديهم جمعيات في اغلب مدن الدنيا حيث يتواجد السالاوية...
وانا صراحة زاد انتمائي لهم عند وفاة والدي ووقفتهم القوية معنا ونحن طلبة بالرغم من بعدنا عن القرية والاحتكاك بهم ..
http://www.sally2.net
اسف للاطالة ...
بس بوستك مفتاح الوطنية الحقة أختي الغالية ...
...
|
Post: #25
Title: Re: [:] دور المنتديات في العمل الطوعي [:]
Author: Rihab Khalifa
Date: 11-07-2007, 07:44 PM
Parent: #17
اخي الكريم محمد ابراهيم
كلامك حق والله، عاااااادي جدا تتكلم مع زول و يقول ليك السودان ده عمل لي شنو! لكن السؤال و انت عملت ليهو شنو ده ما وارد في الخاطر، و كانه السودان ده ارض وهواء عنده اراده و مشيئه براهو
حاولت افتح صفحه قريه سالي، اول مره اسمع باسم القريه والله، لكن مافي صفحه راضيه تفتح معاي، ماعارفه الحاجه دي مني ولا من الصفحه، بس الفكره جميله و عجبتني و اكيد ده الاسلوب الوحيد الممكن ينجح اذا الناس بقت مسؤله بي نفسها من الحاجه دي
ما اجمل شعور رد الجميل في مثك هذه المواقف
ما طولت والله يا محمد، وياريت لو في امثله زي ده الناس تقدمها كمان و كنموذج و ان شاء الله لي قدام شويه لمن الافكار تترابط الناس تفكر بي طريقه تجمع فيها كل المشاريع الاتعملت زي دي عشان توري الناس نماذج
مره تانيه، خليك قريب
|
Post: #30
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-08-2007, 08:43 AM
Parent: #25
http:/www.sally2.net/vb
ممكن تحاولي تدخلي من خلال المنتدى رحاب ..
|
Post: #18
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-05-2007, 08:17 AM
Parent: #1
اقتراحي ...
ان يتم عمل دعوة لكل المنتديات لمناقشة تكوين جسم كل همه العمل الطوعي بدون لون سياسي بدون اقصاء لاي حد...
وممكن بعدها تجزئة الكيان كمجموعات عمل في كل دولة لحالها ...
مع عدم تجاهل لجنة عليا للتنسيق ...
|
Post: #26
Title: Re: [:] دور المنتديات في العمل الطوعي [:]
Author: Rihab Khalifa
Date: 11-07-2007, 07:52 PM
Parent: #18
اخوي محمد
ده اقتراح جميل و اوعدك اني حاحاول قدر ما امكن مع ظروف عملي انه يري النور و قريب و بمعاونه الجميع في البوست ده و غيره المهتمين بالعمل الطوعي
من قبل سنه تقريبا ناس جامعتنا كونو لجنه بخصوص العمل الطوعي في افريقيا وهدف اللجنه القيام بمشروعات باسم الجامعه هناك، طبعا هدفهم كمؤسسه هو اولا و اخير الظهور بمظهر حسن و اشتراكهم بالعمل الطوعي في دول افريقيا بالذات بيديهم عضويه في بعض المؤسسات، و برضو فيهم الافراد الفعلا حابين يساعدوا و ماعارفين يعملوا شنو غير انهم يدفعوا قروش، الليله النقاش كله كان داير عن فكره زي فكرتك دي، انه اولا محتاجين نتفاكر و باي صوره و تم الاتفاق علي اساسيات معينه لسير العمل و كان اهمها اقتراحك ده، انه الناس الموجوده حاليا و اصلا بتعمل في عمل خيري انها تتواصل و تعرف مع بعض بتعمل في شنو
طولت عليك انا الدور ده، بس تاكيد تاني لضروره مقترحك، لابد من اجتماعنا اولا
|
Post: #19
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-05-2007, 08:29 AM
Parent: #1
كلام الاخ الطاهر عملي ...
وممكن نستفيد من تجربة الاخت الحبيبة انعام حيمورة ...
وهناك مشروع الاخ تبلدينا ...
ومنظمة اميرة للاحتياجات الخاصة ...
وكل الفوق دا انطلق من سودانيز اون لاين ...
وبالمناسبة دي ياريت المهندس بكري ابوبكر يثبت البوست دا في اعلى المنبر لاهميته القصوى...
وان شاء الله مردوده كبيرر في العمل الخيري ...
___
اختي رحاب هنا بالامارات ان شاء الله سوف يكون التقاء كبيرر للمنتديات في احتفالات اعياد السودان بالاستقلال ...
وهناك حملة ابن السودان بالامارات لدعم المكتبات العامة بالسودان بمليون كتاب ...
ومشروع المليون دولار الخيري ...
ونشعر بحماس ابناء السودان بالامارات لتقديم الكتيرر للبلد...
وليكن شعارنا لا لبوستات تعميق الجراحات نعم لنلئم جراحاتنا..
لا للدمار نعم للبناء ...
|
Post: #27
Title: Re: [:] دور المنتديات في العمل الطوعي [:]
Author: Rihab Khalifa
Date: 11-07-2007, 07:54 PM
Parent: #19
ده كلام جميل
بمناسبه الاجتماع في الامارات، هل في طريقه انه الناس تعمل ندوه باسم العمل الطوعي من خلال المنتديات و تمشي ليها الناس بي كم مقترح كده؟ في طريقه ننسق؟
|
Post: #32
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-09-2007, 06:17 AM
Parent: #27
Quote: ده كلام جميل
بمناسبه الاجتماع في الامارات، هل في طريقه انه الناس تعمل ندوه باسم العمل الطوعي من خلال المنتديات و تمشي ليها الناس بي كم مقترح كده؟ في طريقه ننسق؟ |
ممكن التنسيق لو حددنا ممثل من كل منتدى ...وقبل كل دا خلينا هنا نحصر المنتديات الممكن تشارك ...
قايتو عندنا شباب نشطين بنحاول نقتطع من وقتهم مثل مهدي الامين (عضو بورد هنا) وميادة والزنجي (عضو بورد هنا) وصفوان...الخ وديل كلهم مقيمين بالامارات ...
|
Post: #21
Title: Re: [:] دور المنتديات في العمل الطوعي [:]
Author: Mohammed Ibrahim Othman
Date: 11-07-2007, 11:59 AM
Parent: #1
فوق من اجل مشاركة الجميع ...
|
Post: #22
Title: Re: [:] دور المنتديات في العمل الطوعي [:]
Author: وليد محمد المبارك
Date: 11-07-2007, 12:03 PM
Parent: #21
تسجيل حضور ومتابعة
|
Post: #28
Title: Re: [:] دور المنتديات في العمل الطوعي [:]
Author: Rihab Khalifa
Date: 11-07-2007, 07:56 PM
Parent: #22
وليد المتواضع
انت اكتر من حاضر و متابع لانك بديت شغل في الحاجات دي واثبت انك عند كلمتك
تجربتنا ديك ما حاتقيف باذن الله و دي الحاجه الدافعاني انه اواصل بي هنا و بي هناك برضو، بس انت خليك قريب
استعداد الناس بكل ما لديها من قوه انها تعمل حاجه و تقدم للغلابه والايتام قبل كل شيء
|
Post: #23
Title: Re: [:] دور المنتديات في العمل الطوعي [:]
Author: قرشـــو
Date: 11-07-2007, 12:21 PM
Parent: #1
العزيزة رحاب خليفة
لك التحية
أذكر ان اخت كريمة اخرى فى منتدى سودان نيت تسمى نفسها (حبيبة سودانية) قامت بحملة لعمل خيرى يعود ريعه للمساكين والغلابى من شعبى الكريم وقد ظلت بلا كلل ولا ملل توجه الدعوة وتخاطب الذين لديهم الاستعداد للمشاركة وقد نجحت كثيرا فى مساعيها وهى تقدم خدمات كبيرة جدا لقطاع كبير ومنها استطيع ان اجزم ان العمل الخيرى للفقراء مجدى من خلال المنتديات ولكن الأمر يتطلب صبرا ويتطلب تفرغا للمتابعة والمثابرة ويقينا ان كل ذلك محسوب على راحة الانسان وعلى وقته وعمله احيانا..
ارجو عزيزتى ان توفقى فى مسعاك وثقى انك لواجدة من يدعمك ويقف معك فالفكرة سامية وانسانية ولذلك فان الله معك قبل الاخرين فلا تيأسى من قلة المشاركات فى بورد تهمه المشاكسة السياسية أكثر من أى توجه آخر ....
موفقة عزيزتى الغالية وثقى ان النجاح حليفك .....
|
Post: #24
Title: Re: [:] دور المنتديات في العمل الطوعي [:]
Author: AnwarKing
Date: 11-07-2007, 04:56 PM
Parent: #23
الأخت رحاب...
سلامات,,,
الموضوع جميل بحق، وينم عن نظرة أمل متجددة في دور المنتديات ، ليس في العمل الطوعي فقط ،بل في كل انواع الاعمال الممكنة...
رأئي الشخصي ان المنتديات المتخصصة هي الاكثر حظاً للنجاح...
مثلاً منتدى المطورين السودانيين http://www.sudadev.net/forum/ له القدرة على توصيل معلومات أكثر لمتخصصي الحاسب الآلي السودانيين...ولو ان المنتدى غير نشط، فقد كنا نطمح لازكاء روح التطوع عبر آلية بسيطة جداً:
قدّم ندوة / محاضرة / تدريب قصير / أو أي نوع من انواع الانشطة الممكنة خلال اجازتك في السودان...
تخيلي معي كم سوداني متخصص في مجال الحاسب الآلي مثلاً ، بيعمل دراسات عليا في مجال مختلف يمكن ان يقدم ان شاء الله تنوير عن تطور علم الحاسب وتطبيقاته لطلبة أو حتى باحثين في المجال، الاعداد لمثل هذه السمنارات قد يكون بسيط جداً وآلية الاعلام تكون البريد الالكتروني... حاجة في منتهى البساطة وممكن الزول يوفر ساعتين من اجازة شهر...
شخصياً أحسد الكوريين في الاستفادة من ابنائهم البجو اجازة من امريكا لكوريا... الزول بيعذبوه في رقبتوا ، وهو بشوف القصة دين عليهو...
مثال تاني...
منتدى مثل عكس الريح الطبي :
http://drmoiz.com/phpBB2/viewforum.php?f=2&sid=748155d1...22899fc4a28b608a7366
يقدم ويمكن ان يقدم الكثير الكثير لو الناس عرفت كيف تديره... وممكن ايضاً للدكاترة الزائرين السودان ان يعملوا رحلات علاج مجانية مثلاً لمستشفيات الريف...ينسق اعضاء المنتدى في الداخل كيفية الترحيل وجدول الرحلة والخ...
المشكلة الكبيرة ان يواصل الناس في انشأ منتديات جديدة تحمل اسماء مختلفة ونفس الاسماء والمضمون.... (ركشة وامجاد واتصالات ومحل عطور!!!!)...نسخ!
الحبيب قرشو...
سلام وتحايا..
| Quote: أذكر ان اخت كريمة اخرى فى منتدى سودان نيت تسمى نفسها (حبيبة سودانية) قامت بحملة لعمل خيرى يعود ريعه للمساكين والغلابى من شعبى الكريم وقد ظلت بلا كلل ولا ملل توجه الدعوة وتخاطب الذين لديهم الاستعداد للمشاركة وقد نجحت كثيرا فى مساعيها وهى تقدم خدمات كبيرة جدا لقطاع كبير ومنها استطيع ان اجزم ان العمل الخيرى للفقراء مجدى من خلال المنتديات ولكن الأمر يتطلب صبرا ويتطلب تفرغا للمتابعة والمثابرة ويقينا ان كل ذلك محسوب على راحة الانسان وعلى وقته وعمله احيانا.. |
أبصم بالعشرة على الكلام اعلاه... والأخت حبيبة سودانية من العظيمات ، ثبّت الله أجرها
وربنا يوفقك في مسعاك...
أنور
|
Post: #34
Title: Re: [:] دور المنتديات في العمل الطوعي [:]
Author: Rihab Khalifa
Date: 11-20-2007, 10:51 PM
Parent: #24
انوار كنق مره واحده
البوست نور ابوي، انت عارف انا معاك انه المنتديات المتخصصه فعاله اكتر، لكن باقي ليك اسي الناس لو عملوا منتدي خيري و بس بيلاقي قبول كتير؟
كيفتني جدا حكايه السمنارات المتخصصه دي وفعلا في كميه من المتخصصين و الاصلهم برجعوا البلد كل اجازه و ممكن الناس يستفيد منهم، والله دي فكره جميله جدا، رايك شنو لو بديناها؟ انا موجوده في انجلترا لكن برجع البلد كل سنه علي الاقل مره و الحمدلله و بقدر من هنا اساعد دي تنظيم الحاجه دي
انا فاتحه لي فايل و فيهو كل المقترحات دي و ده مقترح فعال جدا و بسيط بس محتاج حبه تخطيط
مره تانيه الاخت حبيبه سودانيه الف الف شكر و ياريت كان شفناك بي خير
|
Post: #29
Title: Re: [:] دور المنتديات في العمل الطوعي [:]
Author: Rihab Khalifa
Date: 11-07-2007, 08:02 PM
Parent: #23
الاخ الكريم قرشو
حبيبه سودانيه انا قريت ليها بس الحقيقه ما تابعت هي عملت شنو، مهم جدا انه الناس تروج لاي عمل زي ده و يكونو في النور عشان الناس البتدي تقدر تدي اكتر، فكتر خيرك انك ذكرت الناس بالحاجه دي
كلكم واقفين معاي و كلكم عندكم الفكره و حتي الناس الما مشاركه اكيد عندها اسبابا، و اكيد واحد منها انه الناس حاتكون تعبت من الكلام و عاوزين يعملوا حاجه تكون مرئيه و مفيده، و ده مفروض يكون ديدنا
تسلم مره تانيه يا قرشو و تسلم الاخت حبيبه السودانيه
|
Post: #31
Title: Re: [:] دور المنتديات في العمل الطوعي [:]
Author: الطاهر عثمان
Date: 11-08-2007, 09:03 AM
Parent: #1
الاخت رباب تحياتي مجددا
الخير في امتي الي يوم الدين
اليوم تلقيت مبلغ 500 ريال من واحد من قراء المنتدى فقط تفاعل مع موضوع اطفال المايقوما
نعم .. أطفال المايقوما مجدداً // (قليل دائم) / /
الكثيرون لديهم الرغبة في العمل الخيري والمساهمة في هذا العمل
نحتاج فقط لتنظيم العمل ووضوح الروية والقنوات الموصلة
لكم جميعا التحية والتقدير،،
|
Post: #36
Title: Re: [:] دور المنتديات في العمل الطوعي [:]
Author: Rihab Khalifa
Date: 11-21-2007, 08:23 AM
Parent: #31
وصدق رسول الله، والله الزول لمن يسمع الحاجات دي لمن قلبه ينشرح و ينبسط
انا معاك، النيه في و المتبرعين في و كل المحتاجين ليهو تنظيم العمل ده، انا عاوزه اديك عنوان بريدي الخاص، لكن الخاص ووقفوهو، كان جيت هنا www.beitna.net برسلو ليك في الخاص
معليش للفه الطويله دي، لكن انا ماشه السودان شهر اتناشر باذن الله و كان قدرت انظم انه الناس تتفاكر في حاجه و تتلاقي بنكون انجزنا حاجه
|
Post: #33
Title: Re: [:] دور المنتديات في العمل الطوعي [:]
Author: Rihab Khalifa
Date: 11-17-2007, 08:55 PM
Parent: #1
فوووووق لحدوت ما اجي باذن الله باكر
و اسفه للغياب، لكن كنت مسافره في مهمه سريعه
|
Post: #35
Title: Re: [:] دور المنتديات في العمل الطوعي [:]
Author: oudenoord
Date: 11-21-2007, 02:21 AM
Parent: #33
عودا حميد دكتورة
الان فقط شفته البوست بارك الله فيكم على هذا الطرح الخير ومعاكم بإذن الله لتوحيد العمل الخيرى
ودى
|
Post: #37
Title: Re: [:] دور المنتديات في العمل الطوعي [:]
Author: Rihab Khalifa
Date: 12-06-2007, 08:21 PM
Parent: #1
فووووووق تاني، عشان ما انسي و ما تنسوا
المعذره الشديده للتاخير في الرد و التجاوب
ربنا يعينا و يعينكم
|
Post: #38
Title: Re: [:] دور المنتديات في العمل الطوعي [:]
Author: نهلة عمر
Date: 12-22-2007, 10:17 AM
Parent: #1
فوق من اجل عمل الخير
الى حين عودة
|
Post: #39
Title: Re: [:] دور المنتديات في العمل الطوعي [:]
Author: فدوى الشريف
Date: 12-23-2007, 11:01 AM
Parent: #1
فوق عشان عمل الخير وعشان رحاب وعشان مستشفى السرطان بتاع الاطفال العرفنا عنو في البورد دا
|
|