يا صديق الزمن الجميل نادر اراك يا صديقي هذه الايام شحتنا يا ابوكدوك بسيرة الدهشة حلقت بوجداننا في مدارات مبهجة من الفن النضيف والطاعم وها انت تاتي بكلمات من الرائعة (نادية عثمان) فتزيد الجن جنون... براحة علينا يا ابو كدوك فنحن ناس خفاف ورهاف وبالطريقة دي (حرم بكرةارجع البلد)..!! هكذا قالها احد الشوايقة في سينما (واو) عندما استمع الي وردي في ذات بعيد وهو يغني الطير المهاجر... وفعلا لقد شوهد هذا الرجل ومنذ الصباح الباكر عقب الحفل يقف امام محطة السكة حديد مبحرا صوب قريته
وايضا انا يا نادية لا اري الفيديو ولكن ادري من اين ينساب هذا الصوت الذي كان فيه.. فانه ينساب من وهج النيل وغيمه ينساب من وجدان يعشق احداثيات الوطن ونبضه ينساب من رحيق الانسان السوداني ورقي فنه وعلو صهيله عندما يرحل بعيدا عن مقرن النيلين ...... كل سنة وانتي بالف خير الاخت الرائعة نادية وكل الود والتقدير
Quote: وايضا انا يا نادية لا اري الفيديو ولكن ادري من اين ينساب هذا الصوت الذي كان فيه.. فانه ينساب من وهج النيل وغيمه ينساب من وجدان يعشق احداثيات الوطن ونبضه ينساب من رحيق الانسان السوداني ورقي فنه وعلو صهيله عندما يرحل بعيدا عن مقرن النيلين ...... كل سنة وانتي بالف خير الاخت الرائعة نادية وكل الود والتقدير
الاخ الاكرم عبد الكريم
اخجلتم تواضعنا بهذه الكلمات الطيبات فى حق شخصى الضعيف !!
حقيقة لا ادرى ماذا اكتب .. فقط شكرا..شكرا على مدى بهذه الطاقة من المحبة والاعزاز الاخوى الذى يجعلنى اسعد ايما اسعاد بأن لامست كلماتى وجدانكم الشفيف المرهف .. وتسلم من كل شر يارب
سلام يامدام نادية كل سنة وإنت طيبه .. وتهانينا لكل الناس بعد طول غياب وشكرا علي إنزال الأصدقاء لسهرة زميلتنا ناهد بشير الطيب مع ألأستاذ الفنان الطيب عبدالله من جدة بعد أن أصبحت ناهد مراسلة قناة النيل الأزرق بالسعودية البلد مشتاق ليكم والله .. بحري وكبري المك نمر الجديد وشارع الصحف كلها بالخرطوم شرق وأب جنزير الذي ضاع في الكازوزة .. وأم در والطوابي ومحطة السنجك بالشعبية بحري وساعة البلدية ونادي الفنانين .. وشلة صحيفة الخرطوم أيضا تحياتي وحتي العودة الميمونة بعد العيد السر قدور حضر زواج نعمة الباقر وكذلك ياسر عبدالفتاح وسلام لإيمان وعصام ومني وإنتصار
صلاح ابو عمرو سلامات ومنور البوست والبوستات المجاورة يارجل
Quote: السر قدور حضر زواج نعمة الباقر وكذلك ياسر عبدالفتاح
الف الف مبروك لنعمة الباقر الصحفية الهميمة وزوجها مارك وربنا يهنيهم يارب بالله وصل تحيتنا للدكتور الباقر احمد عبد الله والدالعروس ومدام ابتسام والدة العروس واشقائها قيلى والجميع
Quote: كيكي البوست الجميل ده امانه ماشي السودان شهر و بجيك صادي
هلا يا ابوكدوك وانت تامر يا صديق خبر جميل كونك محلق باجنحتك الملانة من دعاش النيل صوب الوطن وبختك يا ابوكدوك وبالله سلامنا الكثيف للبلد والصحاب.. وتعود باذن الله وتلقي بوستيك عال العال .. فمع وهج شاعرة ووجدان يقول كلام زي الفوق ده بتكون السياحة وريفة وصعبة في نفس الوقت ولكن انها طلبات ابو كدوك وسطوة ضياء الزولة الرائعةالشاعرة نادية عثمان فلامفر غير الانصياع... ......... بالله شهر وبس يا ابوكدوك باقي اخوك بكان فيهو شعر وبوح زي ده في شهر ممكن تجي تلقاني بقيت (نقطة) من الروعة والدهشة,,
وقبل ما تحلق وتسافر يا ابوكدوك في هذا البوست الجميل ونبداء الشغل بمطالبة الاخت نادية بمدنا بهذه القصيدة الرائعة مكتوبة او نتمني من احدي الاخوة او الاخوات ان كان لامي فيها ان يساعدنا بنشرها هنا.
لى تلاتة يومين بفتش فى ملفاتى عشان انزل ليهم القصيدة دى بعد كسوتها لحنا جميلا من الحانك الدافئة وغنيتها بصوتك الرخيم لكن غلبنى القى الملف انت عندك نزلوا عليك الله عشان الناس تشاركنى فرحتى بتلحينك للعمل ده سمح؟
وردية الي الوريف ابوكدوك الي حين حضوره.. وكويس انو القصيدة التحفة دي اتكتبت عشان نجي في غيابه نتونس في صهيل واركلوجيا الغربة وبوحها الذي يحمل المبدعين علي جناح طائر اغرد يفرد اجنحته وعشقه هو النيل وعودا حميدا صديقي نادر
الغربة بالنسبة لي هى أكبر مقلب دولي شربتو فى حياتي !! تقولي شنو يا نادية مشيناها خطي كتبت الينا ومن كتبت اليه خطا مشاها الغربة مشوار قاسي وصعب واكثر شي بتشيلها هي نبض البلد وطعم الناس في الاسواق والميادين والفريق ووهج الاصحاب
ابكدوك كل سنه وانت بخير والعزيزه ناديه كل عام وانت بخير ونسال الله العوده لكل الطيور الهاجره حتي يسمع الناس كلهم تغريدها والدندنه معها ياسلام علي الحديث عندما يكون مباشر من القلب الي القلب ويا ناديه الغربه ما بقرب السافه وبعدها الغربه غربة قلب بحب بلدو وناس بلدو وبحب اهلو وناسو وبحب سماع صوت الكواريك والضجيج بحب يمشي بدون ما يشعر برقيب او متابع وبصراحه كثيرين ما سافرو بره البلد وبرضهم شاعرين بالغربه وما اقساها من غربه داخل بلدك الحديث حلو ولي عوده مع حبي وتقديري
Quote: غالب لكن والله برغم اني فى القاهرة القريبة دي علا الغربة كاتمة نفسى عديل والله !!(عيون مدمّعة)!!
هلا يا نادية وانا من اليوم العرفت فيهو انو في نقطة(ا) ونقطة (ب) والزول البمشي من (ا) للنقطة (ب) ما بشوف الحاصل في النقطة (ا) حسيت ورجفت اليوم داك وعرفت انو بجي اليوم الممكن اسافر من (ا) صوب (ب) صوب جيم صوب اي حرف من طرف وياخذ منا وهج البقاء في نقطة التكوين وسيرة النشوء الغربة احداثيات يا نادية ومهما قصرت او طالت مسافاتها الا انها تاخذ منا رحيق وتون ودهشة تشتاقها في المرة الف مرة ومرة
ذات القلب الأبيض والخصال الذهبية لها في غربتها تحايا حارة تزيل بعض من جليد الغربة ونفحة تذهب ببعض من همومها محبتي لكي يا نادية في أي مكان تأتين منه أو تذهبين
Quote: ذات القلب الأبيض والخصال الذهبية لها في غربتها تحايا حارة تزيل بعض من جليد الغربة ونفحة تذهب ببعض من همومها محبتي لكي يا نادية في أي مكان تأتين منه أو تذهبين
غادة بت الخال ياجميلة الشكل والمضمون ..يانقية القلب جدا
والله لو تعرفين كيف ان اطلالتك البهية وكلماتك الطيبات تزيل كل احتقانات الألم التى تعصف بدواخلى رغم الابتسامة و(الروج) لما غبتى عني ابدا ولتواصلنا دوما نخفف عن بعضنا هموم الحياة (السخيفة)!!
Post: #48 Title: Re: نادية عثمان......غربة وشجن Author: احمد التجانى احمد Date: 12-30-2007, 06:30 PM Parent: #47
ودابكدوك وكيكى
كمان اخرتها جابت ليها شعر واحاسيس من العمارى لريحة الدعاش
لكن فى حضرة الروائع امثال الاستاذة نادية فالعذر لكم ان جاء انفعالكم شعرا ونثرا ودابكدوك يااخوى بل راسك للحلاقة فى السودان وشيل معاك نظارة اسبير كل سنة وجميعكم بخير
الغالية صفاء فقيري ..كم من (المحبات) الهتون يانقية القلب
Quote: دقت يدا بيدي!! ... وعضت على العناب بالبرد
خلّفته لو مات من ظمأ
لو قلت
قف
عن ورود
الماء لم يرد !!
Post: #50 Title: Re: نادية عثمان......غربة وشجن Author: حسين حسن حسين Date: 12-30-2007, 09:46 PM Parent: #1
الزميلة العزيزة نادية وجميع الرائعين تحياتي لكم وأمنياتي للأخت نادية بدوام الإبداع تتسلح به في مواجهة زمن الغربة.. رد الله غربة الجميع.. تحياتي للرائع دومًا الأستاذ الموصلي الذي يواصل إمتاعنا على الرغم من بعد المسافات.. كل عام وأنتم وسوداننا بألف خير.. وتستاهلين يا نادية حسين- الرياض