حبيب نورة؛ ابنوسي؛ معتز؛ مريم والبقية: صوت الحياة يهدر

مريم بنت الحسين؛
حبيب نورة؛
معتز تروتسكي؛
ابنوسي التبلدي؛
انور كنغ؛
دقنة؛
شيري المختفية؛
موديك الغائب؛
كاباروس؛
حامد هاجر
مريود؛
طلال عفيفي؛
وغيرهم من شباب وشابات البورد

هؤلاء هم صوت الحياة يهدر؛
وهؤلاء هم المستقبل يتبرعم بالخير والأمل ..

اقرأ كتاباتهم ومساهماتهم؛
فامتلئ فرحا وزهوا واعرف ان مستقبل السودان بخير؛
هذا البلد الذي اضعناه نحن من العجائز والكهول
ولا اعلم كيف في زحمة خلافاتنا الصغيرة ومماحكاتناالفجة؛
والازمة الشاملة التي ضربت البلاد والعباد؛
نبت هذا الجيل الممتلئ بالابداع والحياة.

تحيتي هنا لشباب وشابات البورد؛
وليكن هذا البوست توثيقا لابداعاتهم وللشهادات عنهم
وعذرا لمن سقط اسمه نتيجة ضعف الذاكرة المقيم.

عادل

خالص التحايا
الاخ العزيز عادل وشكرا لهذا الكلام استاذى واخى الاكبر عادل ..شكرا لك اولا واخير ولك الكوكبه التى ذكرتها والتى سقطت سهوا ..والله تقيم نعتز به
اهدار صوت الحياه..
تعلم ياعادل ان الشى المؤسف ان يتم اهدارصوت الحياه من خلال اناس يعنتقون القيم والشعارات وكل هذا لكى يثبتون لنا انهم يقفون على الارض صلبه ،وياريت لو كان كل هذا لجهد المبذول من اجل اهدار صوت الحياه كان فى انعاشها، على الاقل ان لم يصلو الى المغزى نكتب لهم شرف المحاوله..
ولكن انا شخصيا لاابه بهذا لاننى اقتنع بوجود الشر جبنبا الى الخير ولااحلم بالمدينه الفاضله بل ارفضها وذلك من خلال فهمى بان الشر مفيد ولايوجد شى فى الدينا (كعب) لانو حتى الكعب يكمن الاستفاده منه فى فى خلق واقع اجمل فى المره القادمه..
لذا اقول لك ليس هناك من ممشكله ان يكون الشر موجودا ولكن ان يكون اكثر من الخير حينها تكمن المشكله..

العزيز الى القلب الأستاذ عادل عبد العاطي
سلامات يا حبيب وتسلم كثير على حسن الطن
لى عودة ان شاء الله لمناقشة كيفية الإستفادة من أخطاء "العجائز" الذين لا أحسبك منهم
لأنك يا سيّدي تملك روحاً شابة و متجددة....
أنور فتح الرحمن أحمد دفع الله
كوريا الجنوبية

واضيف ايضا:

حضر حسين - بتاع الهند-
علاء الدين شاموق
والقائمة لا تزال مفتوحة.

عادل

الاخ الاكبر قليلا العزيز عادل عبد العاطي دبايوا

هذه شهادة وقلادة سنفخر بهادوما
واتمني ان نكون كما قلت وزكرت

لي عودة
وتسلم كتيير
علي احمد

العزيز عادل
مهما كثرت اسباب الغياب سيظل نداء العودة هو الاعلى . وكما ترى نحن نغرق في قضايانا ولكنا نعود منتشلين انفسنا من الزحمة لننتمي لكل الذين ذكرتهم ولمنبرنا ووطننا . فقط ندائ ان لا تعلوا دخاخين الحروبات المنبرية على حريق قرانا وعلى لعلعة البنادق وهي تلتهم الاطفال علينا ان نؤسس لكتابة تبحث في هذا الهم .
شكرا على السؤال ولنا كثير من الحوارات لم نكتبها بعد وبالتاكيد سيتسع لها صدر المنبر .
الى لقاء
عزت الماهري

سلام عزت وبركة بالعودة
لك التحية والمودة.

عادل

خالص التحايا
اخى عادل واحبك
واشكرا تانيا والف مره
لانك على الاقل وضعتنى مع اشخاص انا اقل منهم بكثير
شكر لك مليون مره
معتز

اولاً شكراً كتير علي التكريم
ولأول مرة الواحد ياخد شهادتو
في بداية العام الدراسي
انا خايف اخسر عشان حمّلت كأس
البطولة قبل ما ألعب أيي مباراة!!

لكن في حاجات لازم انا أطرحها في وقت لاحق
وراجع ليك

the rain
رانيا مامون
ناس كتار بس
المشكلة ما
عارفين الاعمار
دة أن قصدت شريحة
معينة يا عادل

هي شريحة الشباب الناهض صباح يا حبيب نورة

مداخلتك الاعلي تحرض علي طرح الاسئلة الصعبة والحوارات الممتعة
وسنعود بالنفصيل

عادل

في الانتظار يا أستاذنا

سلامات يا أستاذى عادل....

Quote: ولا اعلم كيف في زحمة خلافاتنا الصغيرة ومماحكاتناالفجة؛ والازمة الشاملة التي ضربت البلاد والعباد؛ نبت هذا الجيل الممتلئ بالابداع والحياة.

هذا الجيل يا عادل مشبع بحب الوطن الذى لا يعرفوه....
السودان بلد رائع وكل منا يراه بعينه...
المطلوب من جيلنا هو أخذ كل ما هو جيد من البيئات التى تعلمنا فيها الى داخل الوطن بمقاس يتناسب ونحن...
وأرفض بشدة احساس بعض من جيلى بأنه لا ينتمى للسودان بداعى انه/ها لم ينشئوا فى السودان...
فلنا فى إسرائيل أسوة حسنة لمن أراد ان يبنى السودان المتقدم, المنافس, المعافى من كل عنصرية...
وأحمد الله ان جيلنا تربي وترعرع فى بيئات غير سودانية مما يعنى انهم ذاقوا ويعرفوا معنى الوطن والعنصرية البغيضة....
ولى عودة...
أنور...

أيناهم تري!!!؟؟

Quote: هذا البلد الذي اضعناه نحن من العجائز والكهول

رغم إنك ياعادل عبد العاطي دخلت نفسك في زمرة الكهول العجائز لكني بستثنيك منهم عشان نقول نحنا الشباب ( نعشم نكون منهم ) كسبنا قلم هادف يحمل صاحبه مبادئ يعمل على إيصالها وتوضيحها وتبيانها بيان بالعمل كما يقول العسكر وما مجرد تنظيرات لا تفارق الدفاتر والحاشيات المدونة عليها ..

بتذكر بوست مشترك بين ودقاسم ويازول يا زول يا زول واخرين من جهة وأساسي وحميدة من جهة تانية ..
كان النقاش داير بين التركة البتحمّل جيلنا الحالي تبعاتها رغم إنو لا ناقة ليهو فيها ولا جمل
حوار الجيلين , كان محاولة فتح قناة نوصل بيها صوتنا المشروخ من هزايم زمنّا الحالي الرايح في فراغ الزمان الروّح قريب ..
وإنقطع الحوار ولعنت الأرشفة ..
بس أهو حبيب نورا نكت البوست ده وحبيت إستغلو وأحاول أحاورك عادل هنا عن مشاكل زمنا الحالي سوى كانت الإقتصادية , السياسية , وحتى الإجتماعية منها , إرثهم يا عادل إرثهم التركة , وتاني أهو إستثنيناك منهم بفارق التوقيت بس , والمرة الجاية حنطالب بالأوراق الثبوتية ..

براي سويتا في نفسي ؟ ..

أبدا عادل ما براك , لكن يمكن تكون إنت البداية والمحفز لي غيرك من جيل الوسط ناس زمن جوز الحمام إتنين وحليل زمنهم الكان فيهو الجوز تلاتة والباقي يدوك بيهو دقّة , بس تحمدوا ربكم إنو الجوز عندكم كان إتنين , في زمنا ده الجوز بقى واحد مخمّس كمان , حصل قابلك جزار ببيع ربع ربع الكيلو في زمنكم الوسطيين ؟؟

شوفهم ..

مثال أول ليهم :
مثقفين في كل حتّة , والبورد مثال ..
ناس المعهد والمسرح ومهرجانات الثقافة الأولى الشافوا الثقافة وقفت عندهم وما عداهم تقليد وتبعية ..
الموسيقى وإنتي مافي ؟؟
الموسيقى وإنتي في ..
يصحى في جواي شي ؟؟

خليليات عَــزّة ومعزتها ؟؟
أو
ليه سكت ..
صوت المغني ..

كتف الغنا وميّل ..
بنتخيّل ؟؟

سؤال أوّل :

مين اللي هدّ كتف حيل كتف الغنا وخلاهو يميل ويحيد ويشتر ويبعد من رسالتو الفن الإنسان ؟

ويمكن تستعين بذوي الخبرة إن أحببت
وبخرة صغيرونة تحت تحت .. وين نحنا الجيل الحالي من الأكتوبريات الثورة ؟ وكيفن نزيح المسخ الجهادي الإجهادي من إعلام التلفزيون المجروس وطلّعنا نكوس في خشم البقرة ؟ وكيف الرسالة يكون ليها مضمون من أول ؟ كيف ؟؟

تساؤلات أولى .. ولو طولت بالك ح نغمرك بي كمين وعشرين سؤال شبيه عسى نلاقي الحل عند لاعبين الوسط بعد ما فترنا راس الحربة من دفاع لو شاتوا فيهو إستعمار جديد يخش ناهيك عن مشاكسات مشاكوس وفرق الحواري الأفريقية ..

منتظر



أبنوسي

سبقتني يا استاذ عادل بهذا البوست الرائع ..كنت اود تحرير بوست يحمل نفس الفكره ..

اود الاشاده يابن جيلي علي دقنه وايضا قصي ..

حميده ..واخرين كثر ..

Quote: كان محاولة فتح قناة نوصل بيها صوتنا المشروخ من هزايم زمنّا الحالي الرايح في فراغ الزمان الروّح قريب ..

عارف ياابنوسي اتمعنت في جملتك دي اكتر من عشرة مرات

حاولت ارفضا واقول ليك كون متفائل نحن احسن من كده والله حاولته

بس لقيتك على حق ...وللاسف

وبقيت متنازعه مابين زمنا متمنياهو وزمنا زادني اســـــــية

لك التحايا


عادل عبد العاطي بوست يشهد عليه البورد وعلى شهادتك

لك التحيه



وكل السنه والجميع بالف خير



نوف

أخى عادل عبدالعاطى - تحياتى
وعبرك أحى هذه النخبة من شباب هذا الوطن ، الذين أعتبرهم (زبدة) هذا الجيل.
ودعنى أختلف معك فى توقويمك (الشامل) لكل أبناء جيلهم.
حيث أحزن لممارسات لا تجدها فى جيلنا والجيل الذى سبقنا، ولقد كنت أنوى التحضير لموضوع وانزاله بهذا الخصوص، يتحدث عن الفرق بين هذا الجيل وجيلنا ، والأيجابيات والسلبيات.
يا عزيزى هذا الجيل الاحظ ان الكذب بينه متفش وغير مستغرب ، وفى جيلنا والجيل الذى سبقه (الكلمه) شيك !!!
فى هذا (الجيل) يدور (الصديق) صديقه ، هل تعرف معنى (يدور) ؟؟؟
أن يغشه وينصب ويحتال عليه ، ثم يضحك عليه وسط اصدقاء جدد ، وقد يهرب ويركب اول طائرة بعد أن فعل فعلته الشنيعه تلك !!!
فى جيلنا (اللص) لا يسرق من الحى الذى يعيش فيه ( دعك من أن يسرق أو ينهب صديقه) ، ولا ينظر الى بنت الجيران نظرة غير برئيه.
هذا لا يمنع أن يكن من بين هذا الجيل شوامخ مثل الذين ذكرتهم.

خالص التحايا الجميع ...
وخصوصا عادل الذى وضعنا فى مقام مع ناس اكيد الواحد حيطلع شمار فى مرقه...
على العموما يكفينا شرف المجابده معهم وياهو ماشين فى السكه نمد00
وان كانت القائممه به من يستحقون اماكننا00
اسامه0الفاضلابى00قرمبوز0خدر 0الليندى 00مهدى 0رانى00ياسر00محمد ابو القاسم00 عفيفى00 زمراوى 00عمار نجم الدين00سفيان وووو00 ويتواصل المدالشبابى00

العزيز تبلدى 00
*رغم إنك ياعادل عبد العاطي دخلت نفسك في زمرة الكهول العجائز لكني بستثنيك منهم عشان نقول نحنا الشباب ( نعشم نكون منهم ) كسبنا قلم هادف يحمل صاحبه مبادئ يعمل على إيصالها وتوضيحها وتبيانها بيان بالعمل كما يقول العسكر وما مجرد تنظيرات لا تفارق الدفاتر والحاشيات المدونة عليها .
انت عارف كلامك ده ...عين الحقيقه يوم كنت بتكلم مع عادل عن نفس السن العمريه وكده يعنى موضوع قريب من البوست ده..انت عارف انا طلعنى كبير جدا فمابالك هو يعنى بعتبر ناس مشارف الثلاثينات كبار ماهم شباب فكلام ك ده عين الحقيقة برغم انو شباب وعز الشباب00
وياريت لو نقدر ناخذ بعض ماعندو فهو صوت هديرهو للحياة...

الأخوان
ود أمي وتاج السر حسن
ومعتز تروتسكي والجميع
شكراً لكن المفروض يتقال
كيف نوصل لي دور طليعي وهام
بخصوص شريحة الشباب في البورد
و نقدر نتجاوز أشكاليات كتيرة
قد تكون لازمت الجيل السابق
عشان نوصل للهدف المنشود
وتشكرات

طبعاً استاذ عادل أشكرك وأوافقك الرأي في ما ذكرت هؤلاء الشباب في مستوى المسئولية والتحديات وآلامال وقطعا منبر الحوار يكتظ بهولاء, وبالشباب تنطلق عملية التغيير والتطوير لكن يجب النظر في كثير من تجارب و خبرات الاجيال السابقه لمساعدة جيلنا الصاعد للنجاة من هذه الاشواك التي حالت دون وصول الجيل السابق لتحقيق اهدافه
وقد ارجع سبب ذلك عدم وجود برامج فاعلة تهيئ الشباب لخدمة مجتمعهم واحداث التغيير.



انور احمد

متابع .. ومنتظر ..

Quote: عارف ياابنوسي اتمعنت في جملتك دي اكتر من عشرة مرات حاولت ارفضا واقول ليك كون متفائل نحن احسن من كده والله حاولته بس لقيتك على حق ...وللاسف

نوف
كل عام وإنتوا بخير وينعاد علينا والبلد بي خير وعافية ومليان أفراح وأعياد
ظرفنا المعايش واقف شاهد علي واقعنا المر
والأمر من مرّ الواقع إننا مافضل لينا غير الحلم وشعارات تغيير براقة وجذابة
بنادوليات تخفف الوجعة وتهادن المر وسرطان الحقيقة جوّانا حتى لو رفضناهوا
الشباب نصف الحاضر وكل المستقبل ..
نصف الحاضر ضيّعوهوا وكتبوا في لافتة كبيرة دي ضريبة كونكم تكونوا ..


للأسف

معتز
عادل فتر من كتر التجارب .. عيش كتير تشوف أكتر , وعادل عاش زمانو وزمان القبل منو
يلاك نجيبوا معانا هنا حتى لو شاهد ملك ..
تاج السر
ورثتوا من جدودنا قيم ومعاني وما حافظتوا عليها
ما عدل تحاكمونا علي سلوكيات دخيلة علي المجتمع , كان ممكن أقبل ك شاب إني أكون جزء من المشكلة , لكن ما أساس المشكلة , ولا لي القدح المعلّـى في تفشّيها .
إختلفتوا في بيضة الديمقراطية وديك النضال ..
شعارات زمان : ليس بالخبز وحده يحيى الإنسان ..
إضفتوا ليها في بداية مسيركم معاني سامية كتيرة
لكن من ضمن ما إضفتوهوا يا أستاذ تاج السر معاناة كانت محرقة


أبنوسي

عادل عبد العاطي
آثرت السكوت والمراقبة ..
ح أسن قلمي وأسألك السؤال التاني يا عادل :
تقييمك لي تجربة العمل الشبابي بي كل تنظيماتو التطوعية
ليه فشلت التنظيمات التطوعية من اتحاد الشباب السوداني والكشافات وطلايع مايو مروراً ب تنظيمات الأحزاب ك شباب الأنصار وغيرو لحدي تنظيمات الإنقاذ كشباب الوطن وغيرو ؟
بالتأكيد ما حيكون السبب إنتماء التنظيمات دي لي أنظمة وأحزاب وغيرو , لأنو إتحادات الطلبة واقفة شاهد على مقدرة الطلاب في تغيير وتقديم الكتير .
يمكن غياب البرامج داخل الأحزاب والمؤسسات , يمكن غياب الجهات العلمية المختصة رغم خريجي كليات العلوم الإجتماعية , ويمكن ويمكن ..
فشلتوا يا عادل في تأسيس كيانات شبابية مستقلة في طرحها وبرامجها وما إتداركتوا الخطأ ده بي صورة واقعية للحظة دي .. ووممكن تعمل أي دراسة في اي فئة شبابية بي صورة عشوائية وشوف ترتيب الإنتماء لي تنظيم شبابي وتقديم أي مجهود للسودان .. شوف الإنتماء ده ترتيبو الكم في قائمة أولوياتهم .
ما تقول الحكومة الإنقاذ .. لو الحكومة نجحت في تدمير الشباب معناتو ده إنتصار ليهم علي كل زول وجهة أو حتى تنظيم حزبي بواجه وبعارض في الحكومة .
ومنتظرك وما يكون صمت ومراقبة وسكوت ..


وكل عام والسودان بخير

أبنوسي

تبلدينا العزيز
تحية وسلام
الشباب دائما كانوا في مكان ما بين حيرة إبراهيم وإيمان العجائز لا يجدون هامش يسع أفكارهم المتجددة فتصبح مسألة الإنتماء لديهم في المحك الحقيقي، في ظل ضعف المقدرة على إيجاد وتنظيم برامج تشغل وجدانهم فإن الإطروحات البديلة مصيرها الفشل...
هناك سؤال كبير يتهرب الجميع من الإجابة عليه وفي ذلك العذر لعبد العاطي وهو لماذا أقتيدت التجربة الشبابية المايوية نحو الفشل وهي التي أتيحت لها الفرصة للتمدد منذ طرح السلم التعليمي وتوفر البرامج ووالتركيز والإهتمام بالشباب في المراحل التعليمية بحيادية أكبر وجدية أصدق من مسرحيات الإتحاد الإشتراكي...
وفي الوقت نفسه نالت الأحزاب التقليدية من إضطراب الرؤية ما جعلها كذلك تغفل عن وضع برامج تدريبية وفتح قنوات سالكة لدخول الشباب إليها دون الإرتياب في سلوكهم التنظيمي وسد المنافذ عليهم...

Quote: وفتح قنوات سالكة لدخول الشباب إليها

رحلنا هنا

مواصلة ,,اساسى,,مامون,,حميدة *جيل القدر*








أبنوسي

تبلدي الابنوسي:

سؤال مهم:

تقييمك لي تجربة العمل الشبابي بي كل تنظيماتو التطوعية

اعتقد ان المشكلة الاساسية لهذه التنظيمات؛ هي عدم الاستقلالية؛ وانها لم تكن تقاد من الشباب حقا وفعلا؛ وانما من ديناصورات الاحزاب التابعة لها؛ او من موظفي الوزارات والمصالح وشعبة الشباب في الاتحاد الاشتراكي وغيرها.

اي انها كانت تجقلب؛ والشكر لي حماد.