Post: #1 Title: عـافـية.، Author: إسماعيل وراق Date: 02-19-2007, 08:19 AM Parent: #0
(عـافية).. لا أعني (بها) حارس الهلال العظيم أحمد آدم . . عافية حسن.. صوت فريد.. يجعلك تذوب ولهاً في محراب الحب والجمال في زمن صار العشق والجمال عملة نادرة يصوت يرجع بك لسنوات.. سنوات مضت.. كانت (السيادة) فيها لعائشة الفلاتية، منى الخير وفاطمة الحاج هي إمتداد لأصوات يندر تكراراها.. حنان النيل.. البلابل.. . . هل ترد عافية للفن السوداني عافيته... وأعني الإسهام النسائي في الفن السوداني..، . . فتكم بعافية.. ولتكن كل أيامكم عافية.،
وراق .. لي عودة .. بالمزيد من أعمال عافية .. بتذكر بوست مشابه لمانا مع إيمان توفيق .. خليني لما اجيك راجع ... نشوف الحكاية بتاعت ( اصوات الدويم والجبل دي )
Post: #8 Title: Re: عـافـية.، Author: إسماعيل وراق Date: 02-19-2007, 10:56 AM
الوجيه تمبس تحياتي.،
Quote: لي عودة .. بالمزيد من أعمال عافية ..
في إنتظارك وإنتظار المزيد.،
Quote: بتذكر بوست مشابه لمانا مع إيمان توفيق ..
وإيمان دي حكايتها حكاية.. صوت نادر جداً..
Quote: خليني لما اجيك راجع ... نشوف الحكاية بتاعت ( اصوات الدويم والجبل دي )
أصلاً يا تمبس بحر أبيض دا هادي ووديع وفيه درر وكنوز.. أها ما يقوم واحد من ناس الجزيرة يجي ناطي ويقول لي نحن أهل الفن ذاته..
Post: #7 Title: Re: عـافـية.، Author: إسماعيل وراق Date: 02-19-2007, 10:32 AM Parent: #3
نزار حسين.. يا صديق .. كيف حالك.،
Quote: يا حنين دي لو اشتغلت معاك يا وراق حا تزيدك عافية
دي مقطعة في أخوك كم قطيعة... ربك يعين ويديك ويدينا (العافية)
Quote: اما عافية نفسها...فهي حسب رأي وسمعي ستفوق عائشة الفلاتية ان هي التزمت بنفس خطها الابداعي منذ النغمة الاولي..
عائشة الفلاتية صوت لا يصدأ.. وبمقاييس عصرها فهي أم كلثوم زمانها.. عافية.. أتوقع لها مستقبل باهر.. فهي ذات إمكانات صوتية هائلة.. وقدرة عالية على التطريب..
Quote: صوتهامليان طرب
طرب وبس.. دا عجوة معطونة في عسل.،
Post: #5 Title: Re: عـافـية.، Author: إسماعيل وراق Date: 02-19-2007, 09:56 AM Parent: #2
الحبيب الزنجي تحياتي.، أها.. العزيزان نزار وتمبس قاما باللازم بالله شفت البوست دا لمة الناس الحلوين ديل كيف.. صحبة من الزمن الصعب..
Post: #6 Title: Re: عـافـية.، Author: عبد اللطيف بكري أحمد Date: 02-19-2007, 10:02 AM Parent: #1
العزيز علا الدين ،، تحيات وتشكرات على إبداعاتك ،، بالنسبة لموضوعك العاجل بهناك ،، أنحنا علينا الشيلة من سعد قشرة،، بس على شرط تنزل لينا : عافية : زوروني كل سنة مرة،،
Post: #9 Title: Re: عـافـية.، Author: إسماعيل وراق Date: 02-19-2007, 11:16 AM Parent: #6
الأخ عبد اللطيف بكري شكراً على المرور.،
Post: #10 Title: Re: عـافـية.، Author: انعام عبد الحفيظ Date: 02-19-2007, 11:32 AM Parent: #1
اسماعيل وراق
سلام واحترام
سمعت صوت عافية
فوجدت فيه صوت جميل وآداء رائع
اتمنى لها التوفيق
Post: #11 Title: Re: عـافـية.، Author: إسماعيل وراق Date: 02-19-2007, 11:39 AM Parent: #10
الأخت أنعام تحياتي.،
Quote: سمعت صوت عافية
فوجدت فيه صوت جميل وآداء رائع
نعم.. صوت جميل دون تكلف.، لها التوفيق والتقدم في مشوارها الفني
أخي وراق عافيه موهبةيقف ورائها الفان الموسيقار احمد المك (مكتشف النجوم ) . هو الذى قدم (نانسي) للمستمع السوداني بعداكتشف فيهاموهبة تستحق العنايه قدمها قبل اكثر من عام في حفل باهر بقاعة الصداقه وقدمها من خلال سهره اذاعيه متميزه وذلل قبل ان يسطوا عليها المهرجين ليجعلوا منها مسخا.. ارجو ان تسمع اغنية ( ياحنين) وهى من كلمات الحلنقي ووالحان احمد المك واداء عافيه ..وهي اغنيه رائعه ستكون ضمن اول البوماتهاوالذى يحمل اسم الاغنيه
الجنرال أحمد طه.. تحياتي.، بالفعل عافية صوت مميز يأسرك من أول كلمة.. وكما ذكرت فإن أحمد المك رجل بارع.. وموهبة يقف خلها أحمد الملك والحلنقى قطعاً ستكون إضافة لمكتبة الأغنية السودانية.. . . أراك بخير.،
Post: #14 Title: Re: عـافـية.، Author: عبد اللطيف بكري أحمد Date: 02-19-2007, 12:45 PM Parent: #1
العزيز سمعة،، لك التحايا ،، لمحتك في المطار يوم الجمعة قلت ياريت في إستقبال العافية == وشفتك يو الخميس معانا بطلتك البهية في محفل الأبيض،،
Quote: لمحتك في المطار يوم الجمعة قلت ياريت في إستقبال العافية
وأنت لابد وين.. كنت في إستقبال الوالدة.
Quote: وشفتك يو الخميس معانا بطلتك البهية في محفل الأبيض،،
يا حبيب ميرغني الشايب دا رجل عزيز علينا وكل أولاد الأبيض عزاز علينا.. (إنت عزاز علينا دي مش أغنية).. . . كن بخير وعافية.،
Post: #16 Title: Re: عـافـية.، Author: إسماعيل وراق Date: 02-20-2007, 06:10 AM Parent: #15
0
Post: #17 Title: Re: عـافـية.، Author: مجاهد عبد الرحمن Date: 02-20-2007, 06:27 AM Parent: #1
الحيب وراق تحياتي وتقديري عندك شك في إنو ناس الجزيرة اهل الفن وهذا لا يقدح في كونو ناس بحر أبيض ديل سمحين خلاس ويكفي منو سلسلة من العطاء النادر بكل رقة وذوبة التجاني حاج موسى وألق إيمان توفيق تشكر يا وراق . لازم يتطعم بشواهد تؤكد زعمكم أنت والحبيب تمبس ومعاها لنك الحفظ
Post: #18 Title: Re: عـافـية.، Author: إسماعيل وراق Date: 02-20-2007, 06:37 AM Parent: #17
مجاهد العزيز.. كيف حالك
Quote: عندك شك في إنو ناس الجزيرة اهل الفن
أها.. في زول جاب سيرة البحر.. والله الجزيرة كلها فن وإبداع..
Quote: وهذا لا يقدح في كونو ناس بحر أبيض ديل سمحين خلاس ويكفي منو سلسلة من العطاء النادر بكل رقة وذوبة التجاني حاج موسى وألق إيمان توفيق
الشواهد موجودة.. الشاب تامبا والحبيب نزار أنزلا أغنية للجميلة عافية.. أما لنك الحفظ فهو مطلب شعبي يا تمبس.. (مطلب شعبي خايف الناس يقروها المؤتمر الشعبي.. ربنا يكفينا شرهم ويدينا خيرهم دا إذا كان عندهم خير). . .
بالمناسبة بعد ما جينا البلد دي إتلخبطت علينا الأمور خاصة من ناحية الفن والفنانين وبقينا ما عارفين ده منو ولا دي ميني ولا حتى بيقولوا شنو وهل هم جوا عشان يظهروا ولا عشان يغنوا ولا عشان شنو لكن هذه العافية التي لفت نظرنا عليها والله يديك العافية يمكن تغير راينا شوية .
والله يديك العافية أخوك منزول
Post: #33 Title: Re: عـافـية.، Author: إسماعيل وراق Date: 02-21-2007, 07:50 AM Parent: #23
العزيز منزول تحياتي.،
Quote: بالمناسبة بعد ما جينا البلد دي إتلخبطت علينا الأمور خاصة من ناحية الفن والفنانين وبقينا ما عارفين ده منو ولا دي ميني ولا حتى بيقولوا شنو وهل هم جوا عشان يظهروا ولا عشان يغنوا ولا عشان شنو
يا حبيب أنت في قلب صحراء نجد.. كويس ما أصابك الجنون.. أحمد الله على كده وأسكت ساكت.
Quote: لكن هذه العافية التي لفت نظرنا عليها والله يديك العافية يمكن تغير راينا شوية
والله شوف يا حبيب.. البنية دي عجبني صوتها ومخارج حروفها وتلقائيتها... يا أخي حتى وقفتها.. يعني كلها على بعضها حلوة.. يديك ويديها العافية.،
و الله يا وراق عافيه دي و لا اقول اقول ليك أخوك خواف بس هي غناية جنس غنا والله البت ده أول مره شاهدتها في أول ظهور ليها في نجوم الغد قلت البنية دي بتكسر الدنيا واهو ما خاب ظني كسرت ناس كتتتتتتتتتتار .انا طبعاً ما معاهم يا وراق .
عافية بلدياتى ..هى غناية...لكن الجكس ما بريدوها قالو فاكاها فى نفسها ومزوداها حبتين...يعنى حرم اغنى منها...ولكن حرم قروية..شديد على قول عمر الفاروق ما بتعرف تلبس...
Quote: والله البت ده أول مره شاهدتها في أول ظهور ليها في نجوم الغد قلت البنية دي بتكسر الدنيا واهو ما خاب ظني كسرت ناس كتتتتتتتتتتار .انا طبعاً ما معاهم يا وراق .
قلت لي المكسرين كتار.. المشكلة تكسير الكبار.. وبعدين شنو عامل فيها زايغ.. يا أخي أنت أول المكسرين وكمان مسجلها على أشرطة فيديو.. عالم جبانة.
تلقيت اتصال هاتفي صباح اليوم من صديقي الشاعر المرهف عزمي احمد خليل من مهجره بواشنطن .. اعادني لايام كسلاويه ايام الزمن الزين.......واوصاني خيرا بعافيه.
السلام عليكم وذوقك راقى يا حبيب وراق ووالف شكر للاخ تمبس لتزودنا بالمادالمسموعة والمرئية الصوت حنيين زى عش العصفور والصورة خليها ساكت عموما انا معاى اخونا محمد كبر قال لى عندوا المفكرة بتاعتو مليانة اشعار معتقة من زمن كان طالب واشعارو ده ما بيديها لى اى زول لكن ممكن تكون متاحة الان وبرضو عندنا واحد تانى كلما ازورو فى البيت مجننا عافية حسن عافية حسن كدى لو عندكم ليهو رقم تلفون بيكونوا حليتو مشكلة كبيرة خلاص
Post: #38 Title: Re: عـافـية.، Author: إسماعيل وراق Date: 02-25-2007, 06:55 AM Parent: #30
الحبيب عبد المنعم خير الله تحياتي لك ولمن معك.،
Quote: عموما انا معاى اخونا محمد كبر قال لى عندوا المفكرة بتاعتو مليانة اشعار معتقة من زمن كان طالب واشعارو ده ما بيديها لى اى زول لكن ممكن تكون متاحة الان
صاحبك دا قول ليه الزولة دي بدات بداية قوية.. يعني من عيار الحلنقى وإنت طالع .. لو كان ضمن العيار دا أوصيه بطرح بضاعته..
Quote: وبرضو عندنا واحد تانى كلما ازورو فى البيت مجننا عافية حسن عافية حسن كدى لو عندكم ليهو رقم تلفون بيكونوا حليتو مشكلة كبيرة خلاص
يا حبيب قول لصاحبك دا... دي تلقاها عند غافل.. التلفون دا ما ساهل .. وبالمقابل عليه أن يجتهد عسى ولعل يجد الرقم المنشود
يا حبيب شكرا ليك للرد لكن يا حبيب الغرض ما انقضا بالنسبة لاخوناالشاعر العظيم الحلنقى دا ما فيهو غلاط والكلام عندو كمل ,لكن برضو اخونا كبر ما هين والثقة فى اعمالو كبيرة مع العلم لحدى هسة انا ما قريتا . اما بالنسبة لاخونا بتاع التلفون انا معارف انت بتقصد انو ما بستاهل ولا انت دايير تسرق اللعب وليك اجمل الامنيات يا حبيب
Post: #46 Title: Re: عـافـية.، Author: إسماعيل وراق Date: 02-26-2007, 07:54 AM Parent: #45
الحبيب عبد المنعم كيف حالك.،
Quote: مع العلم لحدى هسة انا ما قريتا
بما أنني أثق في ذوقك.. عليك بالإطلاع عليها أي أشعار أخونا كبر.. فإذا أعجبتك، ساعتها سأقوم بإجراء اللازم (إنت اللازم قايلو شنو.. بس أكتب كم بوست دا من ناحية ومن ناحية أخرى اقول لواحد عنده علاقة بالزولة دي والله شعر أخونا كبر دا كويس..)..
Quote: اما بالنسبة لاخونا بتاع التلفون انا معارف انت بتقصد انو ما بستاهل ولا انت دايير تسرق اللعب
يستاهل ونص وخمسة.. لكن يا منعم صاحبك دا عايز يلقاها بااااااااردة.. الشغلانة ما بالسهولة دي
Post: #29 Title: Re: عـافـية.، Author: محمد حسن العمدة Date: 02-21-2007, 02:11 AM Parent: #27
Post: #43 Title: Re: عـافـية.، Author: إسماعيل وراق Date: 02-25-2007, 08:44 AM Parent: #29
الحبيب ود العمدة تحياتي.،
Quote: عافية فعلا بترد العافية للغناء في السوداني
نعم.. صوت متميز وتطريب عالي
Quote: وما تنسو نانسي عجاج رهيبة عديل
قلت كدا.. ما سمعت ليها كتير لكن سأحاول الإستماع لها
Post: #37 Title: Re: عـافـية.، Author: إسماعيل وراق Date: 02-24-2007, 10:11 AM Parent: #27
الحبيب الهادي تحياتي.، تختفي وقت طويل ثم تأتينا بالروائع شكراً لك يا جميل.،
Post: #36 Title: Re: عـافـية.، Author: إسماعيل وراق Date: 02-24-2007, 06:44 AM Parent: #26
Quote: تلقيت اتصال هاتفي صباح اليوم من صديقي الشاعر المرهف عزمي احمد خليل من مهجره بواشنطن .. اعادني لايام كسلاويه ايام الزمن الزين.......واوصاني خيرا بعافيه.
الجنرال احمد طه تحياتي.، أرجو من الشاعر الرقيق عزمي أحمد خليل أن يتعاون مع عافية..
Post: #32 Title: Re: عـافـية.، Author: إسماعيل التاج Date: 02-21-2007, 02:59 AM Parent: #1
يا ود وراق
عافـيـة ردَّت لينا عافية الغناء السمح.
حتى أدائها رائع ويخرج عن المألوف. فهي مطربة حقيقية وليست مجرد مغنية.
وشايف مزاجك راااااايق.
تحياتي
إسمعيل
Post: #44 Title: Re: عـافـية.، Author: إسماعيل وراق Date: 02-26-2007, 06:18 AM Parent: #32
سيد الإسم ود التاج تحياتي.،
Quote: حتى أدائها رائع ويخرج عن المألوف. فهي مطربة حقيقية وليست مجرد مغنية
نعم.. هي كذلك أخي إسماعيل التاج
Quote: وشايف مزاجك راااااايق.
بيني وبينك، صحراء نجد ما معاها مزاج رايق... لكن نعمل شنو.. البوست فقط من باب (أضرب الهم بالفرح) وقلنا نحتفل بالزولة الغناااية دي..
Post: #39 Title: Re: عـافـية.، Author: lana mahdi Date: 02-25-2007, 07:37 AM Parent: #1
Quote: إسماعيل وراق
Quote: محمد حسن العمدة
Quote: Elhadi
الأحباب في أثواب الرقة القشيبة..ما عرفتكم
Post: #47 Title: Re: عـافـية.، Author: إسماعيل وراق Date: 02-26-2007, 09:27 AM Parent: #39
العزيزة لنا تحياتي.،
Quote: الأحباب في أثواب الرقة القشيبة..ما عرفتكم
وهل يوجد من هم أكثر رقة من الأحباب.. ما أعتقدش.. شكراً على المرور.،
Post: #53 Title: Re: عـافـية.، Author: lana mahdi Date: 02-26-2007, 11:05 AM Parent: #47
Quote: العزيزة لنا تحياتي.،
Quote: Quote: الأحباب في أثواب الرقة القشيبة..ما عرفتكم
وهل يوجد من هم أكثر رقة من الأحباب.. ما أعتقدش.. شكراً على المرور.،
معلوووووم حد يقدر يقول غير كدة؟ وخاصة مع وجود شاهدة عدلة زي أم كلثوم
Post: #54 Title: Re: عـافـية.، Author: إسماعيل وراق Date: 02-26-2007, 11:12 AM Parent: #53
Quote: وخاصة مع وجود شاهدة عدلة زي أم كلثوم
لنا.. تحياتي.، يا حبيبة عايزة تجيبي لينا الهواء مالك.. يا حليل الغناء السمح والجميل.. ويا حليل ناسو تصدقني أنا الآن أفكر في كتابة بوست عن مساهمات الأنصار في فن الغناء السوداني.. طبعاً مساعدة العم دكتور مهدي فرض عين (مش العين المنطقة الساكنة فيها). تخريمة: الحكاية شنو البوست داير يقلب سياسي ولا شنو.. دا كله من عمر الفاروق.
Post: #40 Title: Re: عـافـية.، Author: عمر الفاروق Date: 02-25-2007, 07:56 AM Parent: #1
يا الهادي : تحياتي.. لو عايز تعرف إنو سارة دي ما غنّاية شديد أسمعها في نفس الحلقة لمن غنّت " يا صوتها " .. زمان شبكتونا البت دي صوتها من شدة ما سمح وردي إختارها لتكون ضمن كوراله ولكن ما تم إسبوع إلا ولقيناها خارج الكورال .. يبدو إنو وردي أضانو الموسيقية نضيفة زيي كده
Post: #41 Title: Re: عـافـية.، Author: محمد عبدالرحمن Date: 02-25-2007, 08:05 AM Parent: #40
كويس انو الهادى دا لقى ليهو بوست اتكلم فيهو
عن عافية دى ...لانو صراحة كرهنى الماسنجر ..
كلما ادخل القاهو بتكلم عن عافية ويقعد يرسل
لى فى اغانيها...على العموم كويس انو البوست دا
(نفسو ) شوية ..وياريت كمان بوست لسارة النور
دى برضو ...والنسمع بعد داك السيرة دى فى الماسنجر
عشان ابلك ليك (ابواهلو) ...
Post: #49 Title: Re: عـافـية.، Author: إسماعيل وراق Date: 02-26-2007, 09:48 AM Parent: #41
الحبيب محمد عبد الرحمن تحياتي.، شكراً على المرور
تخريمة: الهادي له قبضة ماسنجرية قوية.. عليك بالترياق القوي.
Post: #42 Title: Re: عـافـية.، Author: عمر الفاروق Date: 02-25-2007, 08:24 AM Parent: #1
والله البيشوف أسماء المتداخلين في البوست ده يقول عافية دي غنّت في موقعة كرري ..
Quote: والله البيشوف أسماء المتداخلين في البوست ده يقول عافية دي غنّت في موقعة كرري ..
ما عندنا حظ .. ما حضرنا الغنا في موقعة كرري ففي غناء حروب التحرير والدفاع عن الوجود تعزف موسيقى الأروح .. مازالت هضاب كررى تحتضن جمال ذكرى تحسر عندها الرؤوس .
غنوا .. فالغناء يزيد إحتمالات الخروج من المآزق.
Post: #52 Title: Re: عـافـية.، Author: إسماعيل وراق Date: 02-26-2007, 10:59 AM Parent: #48
Quote: ما حضرنا الغنا في موقعة كرري ففي غناء حروب التحرير والدفاع عن الوجود تعزف موسيقى الأروح .. مازالت هضاب كررى تحتضن جمال ذكرى تحسر عندها الرؤوس
الله.. الله.. يا قريبي.. يا له من حديث عميق.. تسلم محمد.،
Post: #50 Title: Re: عـافـية.، Author: إسماعيل وراق Date: 02-26-2007, 10:32 AM Parent: #42
الأخ عمر الفاروق
Quote: والله البيشوف أسماء المتداخلين في البوست ده يقول عافية دي غنّت في موقعة كرري ..
هذه العافية، تحلق بنا في عوالم، فيها شئ من الماضي والحاضر والمستقبل، ولتكن كرري جزء من ذاك الماضي.. تلك (كرري) التي تحدثنا عن رجال كالأسود الضارية.