عبد السلام مصطفى ينثر درراً في الأزرق الوهاج..إهداء لتاج السر حسن والرشاشات

بما أن الكرة السودانية حالها يغني عن سؤالها... وكله على بعضه ما جايب ثمنه... إلا أن في النفس بقية لعشق سرمدي ظل يلازمنا منذ الصغر.

عبد السلام مصطفى عثمان هلالي غيور.. يمتلك ناصية نظم الكلم الجميل.. أهداني باقة من درره بمناسبة فوز الهلال على المريخ... بدوري أهديها للجميع لا سيما الرشاشات منهم وكما أهديها بصورة خاصة للأخ تاج السر حسن.

الهلال هلاّ
الليلة ما هلا الهلال في السـاحة أستعرض رقص
فكك حــــصــون مريخنا في ملعبنا دكًــاهُ إفترس
بالقنابل والقذائف والصواريخ في الصميم رشاهُ رش
خـلخـل دفاعــهُ المـرتبك خــلاهُ ليك زي البرش
والوالي شــال أحـزانو بالكوم جهــز المأتم فرش
هلال أفريقيا ما أصبح محــــط أنظار ما أصبح شرس
كـابتن هيثم مبـروك الفوز جيناك نبارك للعرس
إنت معـروف أصلو طول عمرك يسمـــوك البرنس
رتشــارد خــطير قنًاص منوُ ياالمريخ إحتـرس
فتــــي الأبنـــوس دوام تلقـاهُ فــي قامـة فـرس
ما شفنا منك كورة يا مــريخنا عــاد غير الرفس
في الثاني من مايو الهلال في نعشكـم دق الجــرس
وينـــو يا نــاس العجب بالله وين مــالـو إتخرس
لا خبــــر من عنده جــانا لا حراك لا منـهُ حـس
وينـــو الوليد زكريا وين ما قــالـوا لي لاعب حمش
عمــــار كتم أنفاسهُ ورًاهُ النــجـوم عـــز الشمس
قرًاهُ فـي فــن اللعب والانقضاض مليـــون درس
مــعـتــز كبير دائــمـا تدس الكـورة بين رجليك دس
إنت ما لاعب كبـــيـــر تعـــرف طـــريقك للـمقـص
النــيــتـو ليــه نام في العسل إيه السبب مالو إنتكس
قالوولنا كـــان فتران وكــان متعشي بي فتة عـدس
الـــــزومة تاه في الـدائرة حـيران وسارح منكمش
قابيتو محترف الهلال ختاهُ في كـماشة ما شــم النفس
نساه لعب الكورة في الميدان ما عــدًّ مـا إتقدم عكس
يا داريو يا بطل الدفاع حـامـي الحــمــى يامفترس
مبروك عليناالفوزعلي المريخ عين الله ما ليكم حرس

ياود وراق ومعاك عبدالسلام بهدى ليكم منى (الهلال والحب حلال).

ولكما الشكر والتقدير وباقة زهور بنفسجيه (بت عم الأزرق).

تسلم أخي تاج السر... وسأقوم بإنزال بعض القصائد الجميلة على التتابع هنا.

هذا هو الهلال قصيدة الجمال ومن يعشقه لا بد ان يكون جميلا وكلامه درر .

الا رحم الله صديقي وعاشق الهلال صلاح عبد ربه الذي كان راهبا في محراب الهلال وكم نثر دررا في الهلال وعند كل نصر اتذكر فرحته وضحكاته الطفولية .

العزيز الغالي علي عثمان

Quote: هذا هو الهلال قصيدة الجمال ومن يعشقه لا بد ان يكون جميلا وكلامه درر

كلام مسئول

أخوي سماعين .. تحياتي
أتحفتنا كالعادة .. وبيني وبينك البحب الكورة ما أظن يشفى من مرضها حتى لو كانت كرتنا مريضة .. بس نسأل الله أن يقيل عثراتها .. ونتعشم في فريق الهلال الشاب أن يعلن بداية انطلاقة جديدة تعيد لنا جزء مما فقدت من أراضيها

ود وراق

التحية ليك و التحية للاخ عبد السلام علي هذه الدرر ، الهلال دايمابيرفع رأسناوبعدين المريخاب دول متعودين يترشو من الهلال ، يعني حقوا مافي اي مريخابي يفتح خشمو ويقول بغم ، ياها كاسات الصفيح العاملين لينا بيها زوبعة ولا خليهو كأس دبي المبارة كانت بين الزمالك و حامد بريمة . غايتو الا كان ملعبهم الجديد ده يصلح ليهم كورة الحواري بتاعتم دي ، والبركة في الشركة الهندية اللي حنت عليكم يا صهاينة.
التحية للهلال الفن و الروعة و المدرسة .

ود وراق شكرا على القصيدة الهلالية
وطبعا الهلال عشق الكل من القدم

ود الخليفة.... قلت لى كاسات الصفيح
ياخوى انت كيجا دا مك خايف منه
لو كنت بنجى بونا وحضرت كرة لناس ام درمان
تسمع صوت كيجا يعلو الافاق...والغريب فى الامر
كيجا من ناس وامدرمان ومريخابى كمان
كان زول مشهور فى بونا لم اجد نفسى اتفق معه يوما واحدا
على الرغم من ظرافته الا عندما يكون لاعب فريق الاتحاد او فى القهوة فى كوز
تحياتى لك

الحبيب وراق

مشتاقين والله جد
بعدين تعال هنا
انت معانا وانا ما عارف كنت مفتكرك مع الخيانة الرشاشات