النصري رمضان كريم جبت لروحك المشاكل معاى ساااى. اول حاجه ان ح أعين روحي حكم في مسابقتك دي، حتى لو بقيت انت المشترك الوحيد ؛( اتفقنا؟ ايوه اتفقنا.
طيب عشان نبدأ علي بينة، لازم تورينا الان عمرك كم ، وزنك كم، و طولك كم. و يكون كويس لو نزلت لينا صورتك. ممكن ما تظهر الوجه. و السبب في الصورة عشان لما تجينا تقول نزلت 20 كيلو و ما نصدقك تقوم تورينا الصورة الجديدة. اتفقنا؟
بالمناسبة اكيد المدينة اللى انت فيها ( او مدينة قريبة منها) فيها ماراثون سنوي. بالمناسبة 26 ميل ما كتيرة او هي كتيرة لكن بتتجري ما محتاج تكون رياضي محترف عشان تقدر عليها، محتاج تمارين طويلة بس. ح تحس بشعور جميل جداً لما تتمه. او حاول ابدا بنص او ربع مارثون في السنة الاولي و السنة الجاية حاوله كله. ----------------------------- و ما تقول لي شاركا معانا. أنا ما ناوية انزل وزني قريب.
عايزين صور تكون طازة من الفرن وسيبك من صور زمان دي من ايام الخنفس.
غايتو دايما اتخيلتك زول طويل ونحيف لكن مادام حتغير لينا التصور ده فعليك بالصورة الطازة وماتنسى تختها في تويتر برضو.
اها قعدنا للمسابقة سلام يا اسمارت
Post: #5 Title: Re: Sudaneseonline Biggest Loser Author: النصرى أمين Date: 08-21-2011, 05:55 AM Parent: #4
اهلالللللن سمارت مرحب بيك الحكم الوحيد للمنافسة التى غالبا حاخوضها وحدى.. نحن السودانيين بطبعنا بنفترض انو الوزن الزايد عيب كبير غير مسموح الافصاح به وممنوع التعليق على من قبل الاخرين .. انا وكاول سودانيزى out of the closet واقول للباقيين مافى عيب فى الحاجة دى ....مواجهتها والتعامل معها خير الف مرة من الغتغتة والدسديس ....
طبعا ما شرط الزول يكون وزنه زائد عشان يمشى الجيمنازيوم... الرياضة وخاصة المشى مطلوب لجميع الاعمار والاوزان ....
بالنسبة لى فى نهاية الاربعينات .. الطول 5 قدم و 10 بوصات (ماشاء الله) الوزن (طولت ما وزنت لكن غالبا فوق الى 200 رطل بكتير) بالنسبة للصورة ... للاسف ما حاقدر انزل صورة حديثة (لانو الحالة اتاخرت شديد مؤخرا) لكن هاك دى احسن صورة لى فى السنوات الاخيرة(عندى صور كتيرة فى المنبر لكن كلها معشكبة) <>
Post: #6 Title: Re: Sudaneseonline Biggest Loser Author: النصرى أمين Date: 08-21-2011, 05:57 AM Parent: #5
قلتى لى ماراثون!! غايتو الا تكون ماشة معاى عربية اسعاف
Post: #7 Title: Re: Sudaneseonline Biggest Loser Author: النصرى أمين Date: 08-21-2011, 06:20 AM Parent: #6
سلام كمال رمضان كريم
الغريبة قبل شوية وبعد الفطور كنت راقد فى الكنبة مدروخ وبحضر فى التلفزيون ... اتخيل الخبر الرئيسى فى التلفزيون الكندى كان شنو ؟
مجموعة من الباحثين الكنديين طلعو نتيجة لدراسة طبية مفادها ان الناس obese (الوزنهم زايد) ما بالضرورة يكونو عرضة للامراض اكثر من الناس النحيفين ....... الخبر ده خلانى افكر انسحب من المنافسة قبل ان تبدا just kidding....
على كل تعال شارك وشجعنا .... اتمشى كل يوم 2 او 3 او 4 كيلومتر ووقف السكر والحلويات والمعجنات.... لو طلعت بنتائج ايجابية ممكن تكون محفز و inspiring للاخرين ......
انا عندى انطباع عن ال life style للسودانيين فى مختلف بقاع العالم لكن خايف يستفز البعض ...... مثلا معدلات obesity فى الخليج اعلى من امريكا الشمالية بسبب طبيعة المناخ والتوظيف ....والنسبة بتزيد وسط النساء لان نسبة التوظيف فى امريكا الشمالية اعلى بكتير من الخليج... (فى تقديرى ان 95% من النساء السودانيات يعملن فى امريكا وكندا)
Post: #8 Title: Re: Sudaneseonline Biggest Loser Author: فيصل محمد خليل Date: 08-21-2011, 06:36 AM Parent: #7
النصري شوف الفيديو دا بعدين بشرح ليك الرطانة الفيهو
Post: #9 Title: Re: Sudaneseonline Biggest Loser Author: خالد العبيد Date: 08-21-2011, 06:57 AM Parent: #8
سلام يا نصري رغم انو انا وزن الريشة يعني نسمة ممكن تلفحني ! لكن اوظب حضور هذا البرنامج مش عارف ليه!! اتمنى ليك رحلة موفقة معهم
Post: #11 Title: Re: Sudaneseonline Biggest Loser Author: خالد العبيد Date: 08-21-2011, 06:59 AM Parent: #9
Post: #10 Title: Re: Sudaneseonline Biggest Loser Author: النصرى أمين Date: 08-21-2011, 06:57 AM Parent: #8
سلام فيصل رمضان كريم شفت الفيديو وما اظن محتاج ترجمة.... نحن عندنا قاعدة اساسية وهى تجنب الدكاترة ما امكن .... الجماعة فى الفيديو ديل دايرين يربطو ليهم حزام فى معدة الزول... هو الغبيان البمشى ليهم منو؟ لول غايتو الا يلقوها عند الغافل ....
فى زيارة للسودان لاحظت انو كتير من اعمامنا وخلانا صحتهم ممتازة جدا جدا(بالرغم من مظاهر العجز الباينة). استغربت جدا للحاجة دى .. اكتشفت بعدها ان كثير منهم فقد كل شئ ولا يملك سيارة ويمشى كدارى للشغل (السوق) ويقضى معظم احتياجته بالمشى..... هذه الرياضة الاجبارية نفعت الناس ديل اكتر من ثرواتهم المفقودة ....
Post: #12 Title: Re: Sudaneseonline Biggest Loser Author: خالد العبيد Date: 08-21-2011, 07:04 AM Parent: #10
سلام يا خالد كثير من القراء ما بعرفو من وين انا استقيت العنوان .... Biggest Loser برنامج تلفزيونى يبث فى كثير من المحطات التلفزيونية.. للمشاهدين الذين يتحدثون اللغة العربية تبث قناة ام بى سى 1 البرنامج تحت اسم الرابح الاكبر بجائزة قدرها 250 الف ريــال سعودى ..... فكرة البرنامج الاساسية هى المنافسة لنقص الوزن ..
انا شخصيا لست من متابعى البرنامج ....فكلما يقع الريموت كونترول عليه اثناه بثه اغير القناة طوالى ..... ما عارف السبب شنو !!
المهم انا شخصيا ما منذعج شديد من حكاية الوزن دى ... وماخد راحتى شديد.... انا مؤمن بقاعدة if it's not broken, don't fix it (الحاجة اذا ما مكسورة ما تغيرها)
السبب الرئيسى فى دخولى هذه المنافسة هو fitness دلوقت لمن اطلع 3 سلالم نفسى يقوم ...... اى عمل يدوى مهما كان بسيط الجسم كلو ينتح بعده ...
فى السنين الاخيرة بدات اعمال حرة جانبية تتطلب ان اؤديها بنفسى وهى شاقة وتحتاج للياقة بدنية عالية ... ده هو السبب الرئيسى للمنافسة ..... يعنى الشغلانة business اكتر من health
سنة 1998 ذهبت امريكا فى زيارة واشتريت حزام جلد اصلى وماركة معروفة ... الحزام ده لليوم معاى والبسه يوميا .... الحزام مصمم للناس ال big ..... اظن فيهو 7 فتحات ... اول يوم جيت البسو اضطريت اعمل فتحة جديدة لانى كنت انحف من كل الفتحات الموجودة بعد كم سنة استعملت اول فتحة فى الحزام ... وبعدها مشيت للفتحة التانية (الشغلانة شكلها كانت ماشة غلط) رحلت من المدينة ديك .... رجعت تانى للفتحة الاولى ...
الان والحمدلله رجعت للفتحة الصناعية بتاعت 1998 وده معناتها استقرار فى الوزن لاكثر من 13 سنة ..... الان المشكلة ما الوزن ... المشكلة كيف اصبح رياضى ورشيق اؤدى اعمال بدنية شاقة .... افتكر الحل الوحيد انقاص الوزن .. لو فى طريقة تانية ..ادينا ليها ....
سلامات يا النصري كويس انك عارف ان هدفك ما نقصان الوزن لكن الهدف انك عاوز تعمل لياقة كويسه. و ده هدف مهم جداً. التمارين اليومية مهمة جداً للقلب و الصحة. و احسن حاجه للstress موضوع الجري بالمناسبة ما صعب كلو كلو. اهم حاجه انك تجيب ليك جزمة كويسة للجري لانه من غير جزمة كويسه ممكن تتعب ركبتك. انا بديت أجرى و ظهر لي ألم شديد جداً في منتصف الساق. مشيت لمحل جزم رياضية قالوا ان رجولى فلات جداً و محتاجه نوع معين من الجزم. و قالوا لي حاولي اجري في الأسفلت او تراب او مكنة جري treadmill بعد شهر بقيت أجرى 3 اميال متواصلات.
المعلومات اللى كتبتها مفيده. و ممكن نعمل منها baseline و نشوف النتائج ح تكون كيف. اهم حاجه انك تخت اهداف لتحقيقها. لو عاوز تنزل وزنك قول عاوز تنزل كم؟ لو عاوز لياقة قول عاوز لياقة عشان تجري قدر شنو او تتطلع كم عتبة سلم و كده. بالتوفيق. ------------------------------------------------ و بالمناسبة الجري ذي الإدمان. لو بديت تجري ما ح تخليه تاني. أظن ان الاندريالين اللى بفرزه الجسم اثناء الجرى بيخليك تشعر بشعور جميل جداً
سلام ناصر رمضان كريم.. انا بالنسبة لى الاكل ما مشكلة..فوزنى تقريبا ثابت فى منطقة واحدة منذ سنين طويلة جدا ..بنزل وبطلع فقط حسب النشاط الجسدى البمارسو... مرات بكون فى شغل كتير وحركة دائبة طوالى الوزن بنزل حتى لو استمريت فى برنامجى الغذائئ (الغير صحى)
انا مقتنع انو الزول ممكن ياكل اى حاجة نفسه فيها على شرط يتريض ..
والله يا اسمارت انا بصراحة داير لياقة اشتغل بيها .. لكن انا عارف اللياقة ما بتجى براها ..بتجى package دائما بتكون مصحوبة بنقصان فى الوزن ... هم دائما مع بعض ( اللياقة والوزن ,,,خاصة فى حالتى دى) كلما نزلت رطل فى الوزن .. لياقتى زادت شوية .... ولانو اللياقة ما عندنا لينا مقياس فممكن نعمل نقصان الوزن هو الهدف,,,, يعنى باختصار دايرين لياقة نقدر نقيسها ولانها ما بتتقاس فحنستخدم نقصان الوزن كبديل مقياسى ... i think i confuse myself
عندنا فى الشغل يا اسمارت غرف كاملة مجهزة بكل معدات الرياضة الحديثة اخر انواع ال treadmill وحاجات كده زى العجلات ورفع الاثقال..... مش كده وبس.. امام كل جهاز يوجد تلفزيون 42 بوصة .HD .. قالك ايه !! المخدم employer خايف على صحة العاملين ....فطبيعة الشغل مافيها اى نشاط بدنى... اها الغرف دى ما بخشها الا اكون داير اتفرج فى التلفزيون ......
Quote: ولانو اللياقة ما عندنا لينا مقياس فممكن نعمل نقصان الوزن هو الهدف,,,, يعنى باختصار دايرين لياقة نقدر نقيسها ولانها ما بتتقاس فحنستخدم نقصان الوزن كبديل مقياسى ...
ما ضرورى يكون مع اللياقة نقصان وزن. ناس كتار بتكون محتاجة تزيد وزنها عشا ترفع لياقتها اللياقة ممكن قياسها بمقدرتك على المشي السريع المتواصل (بسرعة معينة و لزمن معين) . او الجرى برضو بسرعة معينة و لزمن معين.
Quote: قالك ايه !! المخدم employer خايف على صحة العاملين ....فطبيعة الشغل مافيها اى نشاط بدنى... اها الغرف دى ما بخشها الا اكون داير اتفرج فى التلفزيون ......
و الله يا السودانيين....حالتكم صعبة كلام المخدم بتاعكم صحيح. طبعا هو ما خايف على سواد عيونكم. الفكرة ان الناس البتتريض بتكون اقل عرضه للتعرض للامراض و مقاومتها احسن. بالتالى ما بيمرضوا و يغيبوا من الشغل كتير. ده غير ان تكلفة التامين الصحى ليهم بتكون اقل لانهم بيمرضوا اقل و بالتالى بيمشوا الدكتور اقل make sense
Quote: ما ضرورى يكون مع اللياقة نقصان وزن. ناس كتار بتكون محتاجة تزيد وزنها عشا ترفع لياقتها
لو صحت المعلومة دى انا حافرتك المنافسة ...لول بس حتى لو كانت صحيحة ما اظنها بتكون صحيحة فى حالتى انا ... انا عارف روحى كويس .....لمن لياقتى ترتفع طوالى الوزن بنزل ... طبعا النقصان البتكلم عن ده دائما بكون فى حدود 10 الى20 رطل ... بطلع وبنزل فى ال range ده بصورة مستمرة ... اصلا ما نزلت 30 او 40 رطل ..
بس النزول والطلوع ده سريع جدا والطريقة البعرفو بيها ما من الميزان.. من البنطلون المالص واستخدام فتحات مختلفة فى الحزام ....
اكيد ما مقصود انت يا النصري يا اخى. انت من ناحية محتاج تنزل ....محتاج تنزل. لكن برضوا... انت محتاج تحول ال fat ل muscles . و لان العضلات وزنها اعلى من الfat ممكن وزنك يزيد. و يكون مقاس البنطلون نفسه.
فى كتير من الرياضين بيكونوا عاوزين وزنهم يزيد لانه زيادة وزنهم معناها عضلات اكتر معناه لياقة اكبر. بس ده لحد معين. اكتر من الحد ده بيكون زيادة الوزن بيتخلى الزول محتاج لطاقة اكتر عشان تحريك جسمه كله.... اوف.....الموضوع معقد. خلاص اتريض و خلاص
فخرالدين المنتهى .. حبوباتى الاتنين الله يرحمهم التومة وزهراء بنات عبدالله وهو جعليات مشلخات عكس بقية اهلنا الدناقلة(بديرية دهمشية) التومة هى والدة امى وزوجها المرحوم بدوى سليمان كركساوى وزهراء هى شقيقتها وخالة امى ....
زمن يا فخرالدين ... طبعا لحسى اموت فى المنقة المركزة فى رمضان فهى مشروبى الاول ... هاك الصورة دى فى قصرى المنيف امام حمامات السباحة شايف النحافة والجسم الرشيق ده <>
Post: #26 Title: Re: Sudaneseonline Biggest Loser Author: عبد الباقي الجيلي Date: 08-23-2011, 11:28 AM Parent: #25
النصري سلامات ورمضانك كريم
تخيل كنت شغوف أشوف صورتك بعد المداخلة اللي طلبت منك صورة !!!
يعني بحساب الزمن ... من نهايات الثمانينات وإلى اليوم مافي فرق كبير
بس شوية الشعيرات الكانن على جانب الراس اختفن ... وكان من زمان شكلك مرشح لزيادة
الوزن ... وقتها نحن كنا برالمة وبنعاين ليكم من بعيد لبعيد كده ... وشايفنك
زول مااااكن ... تحياتي لأسرتك الكريمة ...
اندهشت من عدم ممارستك للرياضة في البلد اللي تقريباً كل الناس فيها جارية ... خاصة
في الأجواء الباردة معظم شهور السنة!!!
نصيحتي لك بجانب ممارسة الرياضة ...
ما تجيب في بيتك لا سباك ولا جنايني ولا كهربائي ولا دهان ... إلا عند الضرورة القصوى جداً
وحاول أداء هذه الأعمال بنفسك وبمعاونة العيال وأمهم ... حتى لو اضطريت تجيب كتالوجات
وما تستنى الحاجات لحد ما تخرب ... حاول براك كده دخل إضافات وتحسينات .. خاصة بالنسبة
للحديقة والدهان .... طبعاً في البداية ح تبوظ الدنيا لكن شوية شوية ح تتعلم ...
طبعا نصائحك كلها سليمة وصحيحة لكن المشكلة البقنع الديك منو؟
نحن الرياضة بنعملها حسب متطلبات الحياة.... يعنى اذا العربية باظت بنتمشى ونتمشى .... وما بنتمشى الا فى حالة انعدام البدائل ... واذا ظروف العمل اتطلبت اعمال بدنية شاقة ومرهقة بنعملمها بصدر رحب .. لكن بينى وبينك فى قوة دافعة بداخلى انى اسعى للاعمال البدنية الصعبة دى.. عندى الفرصة انو نهائي ما اعمل اى نشاط بدنى ....لكن لسبب ما اجد نفسى دائما اسعىى لتلتلة روحى وعذابها .. ربما السبب هو الشعور باللذة عقب كل عمل شاق ..او الشعور بالرضا والانجاز....
طبعا يا عبدالباقى انا عندى نظرية انو القوة البدنية ليست هى بدنية بالكامل.. بل هى قوة عقلية و ذهنية ...... انا مثلى متاكد لياقتى البدنية الحقيقية 1% لكن لمن اريد قضاء بعض الحوائج الصعبة ...ترتفع النسبة دى ل 90% وهى لياقة Virtual وغير حقيقة تشبه لحد كبير النشاط البدنى بعد شراب القوة والمنشطات .... السر هو مقدرتى البدنية العالية(الوهم) هو ال mindset وقناعات داخلية اننى استطيع انجاز هذه العمليات البدنية الشاقة....الحقيقة المرة اننى وبحسابات المنطق مفروض ما اقدر عليها.....
انا اريد لياقة بدنية حقيقية وليست مزيفة من صنع الخيال وحرارة القلب .... اللياقة البدنية وزى ماقالت اختنا اسمارت ممكن تتقاس لياقتى البدنية المزيفة ال Virtual لايمكن قياسها لانها غير موجودة اصلا .....
على كل اتبقت لينا 4 ايام لبداية المنافسة (الحدخلها براى) ولو نجحت فى تحقيق الهدف فاننى ساضيف ذلك الى قائمة افضال سودانيزانلاين علينا .... يكفى ان هناك عشرات (ربما مئات) يتابعون المنافسة ذات المتنافس الوحيد عبر الموقع وربما كان ذلك سبب فى تحقيق المستحيل ....... هل تزكر الفيلم الامريكى الوثائقى Super size me انا اقوم بنفس الفكرة مع اختلاف الاهداف و المشاهدين ال audience
Post: #29 Title: Re: Sudaneseonline Biggest Loser Author: مريم بنت الحسين Date: 08-28-2011, 11:12 PM Parent: #28
انا بدخل معاك يا النصري... لكن بالرياضة ما بالاكل... وفعلا ناوية مع بداية سبتمبر... سمارت.. حددي لينا الweigh in كل كم يوم...
وبالله ما تقولوا لينا صور ولا تقولوا لينا أرقام...
بشهد الله الشوق ليكم مطر. اما كلامك فقد اصابني بقشعريرة. مرة جريت من بيتي اللي بتعرفو حتى المدرسة (Grapeview) فانتهيت لشارع (Queenstone) بإسعاف ووجدت جاري الموسيقار بشير عباس وبرضو حدثني بأنه حاول أن يزورني فطلب الإسعاف وطبعا كما تعرف بين بيتي وبيته بيت مولا نا جلال المصري.. ههههههه
Quote: اريد قضاء بعض الحوائج الصعبة ...ترتفع النسبة دى ل 90% وهى لياقة Virtual وغير حقيقة
اللى انت بتقول عليها فيرشوال لياقة ...(اظن) انها موجوده بس Not sustainable ...يعنى الجسم البشري بيدخل فى كمية من العمليات الكيميائية المعقدة و يحرق fat بصورة سريعة جدا و يفرز كمية من الانزيمات عشان يخليك تعمل حاجه معينة ذى انك run for your life اذا سكاك اسد ...بس الجسم ما بيقدر يعمل الحاجه دى لفترة طويلة او بدون خوف حقيقي منك على حياتك او رغبة حقيقية منك لتنجز العمل المعين. يعنى هى موجوده بس لفترات صغيرة جدا. عشان تعمل لياقة مستدامة لازم تتريض. اثناء الرياضة الشاقة برضو الجسم بيفرز endorphins اللى هو واحد من انزيمات عدل المزاج و فى ناس بتصيبهم حالة من ال euphoria عديل كده. و اظن انا منهم...بعد ما اجرى بكون سعيدة بصورة ما طبيعية
Post: #33 Title: Re: Sudaneseonline Biggest Loser Author: مريم بنت الحسين Date: 08-31-2011, 11:46 PM Parent: #32
انا كنت وااااااااااضحه.. باااااااااكل البيتزا والبيرجر والشاورما... لكن بعمل رياضة.. عشااااان الحتة بتاعت الغش دي... انا طبعا عايزه to loose baby weight.... معاكم بكره بالتأكيد.. حأستخدم الelliptical trainer... ما عندي طريقة أطلع اتمشّى الايام دي.. حأستخدمها لمدة نص ساعة في اليوم، تلاته مرّات في الاسبوع لمدة شهر.. بعدها حأضيف عليها نص ساعة يوجا، مرتّين في الاسبوع...
حنتفق على حاجة يا judge... انا وزني = z حالياً... وحأوريكم نقصته كم (او زدته خخخخ) كل شهر... كويس معاكم كده؟
Post: #34 Title: Re: Sudaneseonline Biggest Loser Author: النصرى أمين Date: 09-01-2011, 05:43 AM Parent: #33
I will get back to you guys
Post: #35 Title: Re: Sudaneseonline Biggest Loser Author: omer osman Date: 09-01-2011, 06:01 AM Parent: #34
عندي تاريخ كويس مع الرياضة والنشاط جري وسباحة وكورة ... الخ لكن
حقيقة طولت جداً من الحكاية دي وكل مرة اقول ابداء تمارين اكسل ...
لكن ان شاء الله إعتباراً من اليوم 1 - 9 - 2011م ابداء ولو بالقليل ...
Post: #36 Title: Re: Sudaneseonline Biggest Loser Author: النصرى أمين Date: 09-02-2011, 04:07 AM Parent: #35
اهلا وسهلا مريم اول حاجة حمدلله على سلامة العودة تانية حاجة مبروك المولود تالت حاجة مرحب بيك كثانى متنافس فى المسابقة المشكلة دلوقت انو الحكم الوحيد حيكون متحيز ليك .....
تعرفى يا مريم انا حاولت اتمرن واتريض زى مليون مرة ..وكل مرة ازهج وافرتق الشغلانة .... المرة ومع الالتزام الادبى امام عدد مقدر من قراء الموقع الواحد مضطر يواصل وما يتراجع ... بالنسبة لى وبعد ان وصلت عدد المطالعات للبوست اكثر من الف ليس امامى من خيار الا مواصلة المسيرة واكمال المسابقة فى تلاته ..اربع شهور (حسب توجيهات الحكم) ساقوم بنشر تقرير يومى تفصيلى للنشاط بتاعى والوزن الحقيقى اول باول
Post: #37 Title: Re: Sudaneseonline Biggest Loser Author: النصرى أمين Date: 09-02-2011, 04:24 AM Parent: #36
تعرف ياعبداله!! سانت كاثرينز دى اسمها شنو؟ donuts city اكتر مدينة فى كندا فيها قهاوى وDonuts.. فى كل شارع وكل كورنر فى محل قهوة...
انا شخصيا بكون شربت لى زى 4 مليون كباية قهوة و 44 الف Donuts فى الفترة العشت هناك ,,,,
تعال ياعبداله واشترك معاك اكتب التزام هنا بانك ستتمشى كل يوم 5 كيلو مثلا وستجد نفسك مجبر للالتزام به .. وكده تلقى نفسك مجبر تواصل على الرياضة .... اكتب كل يوم ماذا فعلت .. هل تمشيت؟ كم كيلو متر؟ يوم بعد يوم ستتابع ويتابع معك القراء التقدم الذى تحرزه كل يوم .... ياريت لو شارك معاك بشير عباس (خاصة بعد الركبتين الجديدات لنج)
Post: #38 Title: Re: Sudaneseonline Biggest Loser Author: جعفر محي الدين Date: 09-02-2011, 06:27 AM Parent: #37
كل سنة وإنت طيب أخي النصري وأتمنى أن يكون هذا البوست حافز لي للبدء في تمارين رياضية وزني الحالي 83 كيلو (183 رطل) الكرش هي أكثر ما يقلقني العمر 47 سنة والحمد لله رياضة = صفر كبير لياقة بدنية = متدنية جدا
شكرا على البوست مقدما ومن المتابعين على أقل تقدير لو ما بقينا منافسسين عديل
Post: #39 Title: Re: Sudaneseonline Biggest Loser Author: مريم بنت الحسين Date: 09-02-2011, 05:04 PM Parent: #38
انا طبعا زي ما قلت برنامج حيكون رياضة بس.. انا متعودة على انه يكون عندي نشاط رياضي من اي نوع... وبالميت، بعمل تمارين يوجا.. اليوجا رياضة جميلة جداً... وبتهدّي الاعصاب ده غير فوائدها الكبيرة بالنسبة للياقة والمرونة.. امس ما اتريضته، لكن الليلة ناوية... وزي ما قلت، نص ساعه في العجله.. أقول قولي هذا، وجنبي صحن في تشكيلة من المنين وبسكويت المكنه، مع شويه بيتيفورات وكباية شاي مكرّب...
Post: #42 Title: Re: Sudaneseonline Biggest Loser Author: مريم بنت الحسين Date: 09-03-2011, 01:49 PM Parent: #41
سمارت ازيك
طولي 163 سم... ولو انا غشيمه، حأكتب ليك الBMI حقي... عشان تطلعي z.. لكن ويييين ليك ... خخخخخخ...
انا بقيس وزني كل سبت، وابشّركم انه في ثبات في الوزن رغم الجوطه الحاصله خالص خالص..
يوم 1 سبتمبر يا جماعة كانت عندنا مناسبة.. ما عملت رياضة واكلت توووو متش... يوم 2 سبتمبر الناس جونا يعيّدوا علينا.. لو بتعتبروا خدمة البيت والنضافة رياضة، فاتريضتتتتته... :D... على اي حال انا على التزامي باني اتريض تلاته مرات خلال الاسبوع.. حتى لو ما بديت لسه... بعد شويه طالعين، فحأتمشّى كويس.. وبحاول لما ارجع اعمل رياضة في البيت...
نواصل يا اخوانا والنفسيات فى السماء فقد وضعت السماعة قبل قليل بعد مكالمة مع صديق عزيز سمعت منه اخبار سعيدة ومفرحة .. واقفين وين؟ الكرش ....
طبعا الفضول طبيعة مغروسة فى كل البشر وبسبب الفضول اتطورت الانسانية وتقدمت
بالنسبة لى عندى نوعين من الفضول اوليهم بعض الاهتمام,, الاول معتقدات الناس وتعلقهم بقناعاتهم (وده موضوع داير بوست براهو)
الفضول التانى (لب البوست ده) هو الكرش اصلها وفصلها .... بحكم عملى ..اقابل اعداد كبيرة جدا من الناس كل يوم .. بيض وسود وحمر وخدر وبنفسجى وخاتف لونين.. السعيد والتعيس و المتوتر والمدروخ .... كل ده ما بهمنى ... اول حاجة بنتبه ليها كريشة كل واحد (وبعدها حذاءه) اصبحت خبير فى تصنيف الكروش ومسبباتها .... واليكم خلاصة التجربة:-
كرش البيرة : دى من اسهل انواع الكروش فى الكشف ... يمكننى اكتشافها من اول نظرة .... العامل الاساسى وراء سهولة التصنيف هو عيون صاحب الكريشة فى الصباح .... نظرة على الكرش واخرى على عيون صاحب الكرش والنتيجة تظهر طوالى الكرش نتيجة لشرب البيرة ... معظم اصحاب هذه الكروش غير سمان ....
النوع التانى:- كرش ال fast food و المياه الغازية ودى بتختلف عن كرش البيرة بانو صاحبها بكون مترهل فى كل اجزاء جسمه
النوع التالت كرش الراحة ... تظهر عند المرتاحين (طبيعة عملهم وال life style) وراء الكريشة
الرابع كرش الرغيف ودى معظم السودانيين بقعو فى التصنيف ده انا شخصيا لا استطيع ان اكل بدون رغيف ..حتى المكرونه بالرغيف
الخامس كرش الموية......الزول لا يستطيع ان يتوقف عن شرب الموية البارده طوال اليوم ......
كرش الخنزير دى للناس الباكلو لحم الخنزير بكثرة (مثال native people او هنود الحمر بلغتنا)
دى الانواع الرئيسية ..برضو فى انواع كتيرة تانية انواع وراثية انواع بسبب النفسيات ونوع سببه سودانيزانلاين
سلام يا جعفر كيفك؟ طبعا اول حل لاى مشكلة انو الزول يعترف بوجودها ويقلق من استمرارها واخيرا يسعى للتخلص منها....
نحن الغرض الاساسى هنا انو الناس تعترف انو فى مشكلة..تعترف بيها.. تحاول حلها عبر الالتزام الادبى (حيث لا مخارجة)
بالرغم من فارق الوزن بيننا الا ان لياقتى البدنية (الافتراضية) افضل منك بكتير... اكتر شئ بجهجنى هو طلوع السلالم ...بالرغم من انو الركب حديد الا الشغلانة دائما تكشف الحالة المزرية الوصلت ليها .. عدا السلالم يمكننى القيام باى اعمال شاقة ومرهقة ولساعات طويلة(لكن غالبا احتاج لاسبرو بعدها)
برضو انا ما من عشاق المشى ..بتجنبه قدر المستطاع ..السبب هو الملل....
على كل عقب اجازة عيد العمال(اليوم الاثنين 5 سبتمبر) حابدا الالتزام الرسمى بالبرنامج اتمنى انك تخش المنافسه فمن الراجح جدا تفوز
يااسمارت معليش للتاخير ...حانزل كل بياناتى حتى تستطيعى قياس التحسن (او التدهور) اول باول
Post: #45 Title: Re: Sudaneseonline Biggest Loser Author: مريم بنت الحسين Date: 09-05-2011, 08:06 PM Parent: #44
طقّتني نزلة السواد الليلة.. والله شايفه عجلتي طشاش طشاش.. لكن برضه وراها... القصة اني اكتشفته حاجه جديدة.. الاندويسية الكانت معاي (شدّة).. مشت أهلها.. اها بقيت جاريه في نظافة البيت اليوم كله... والله قضيت ساعتين ونص ما بين قش، ومسح وغسيل عدة وطبيخ غدا ... ده غير الجري والمحاحاه مع الاولاد... يعني اكون في اول البيت، اسمع البيبي بكت، اشيلها اجي بي جاي مع محمود... المهم.. متريييييييضه والله... بس عايزه اليوجا بعد ده خخخخ.. كدي يوم السبت نشوف الامور كيف بعد النزله تروح... ومحمود ينزل مدرسة... اظن حيكون عندي وقت اكتر (اتمنى ذلك!)...
أمس مشينا أيكيا... لفيناها كلللللللللها، وكنت شايله البيبي بي شيّاله زي دي
طبعا دي براها ميزة... لانه وزن البيبي بدي قيمة أكبر للمشيه.... صحي أكلته لي ساندوتشين هوت دوغ قبلها خخخخخخخخ....
المهم ملتزمون بالتفوّق والله!
Post: #46 Title: Re: Sudaneseonline Biggest Loser Author: النصرى أمين Date: 09-07-2011, 10:44 AM Parent: #45
الوزن 251 رطل العمر 49 الطول 5 قدم و 11 بوصة (قول 6 قدم) اللياقة البدنية الحقيقية 23% اللياقة البدنية الوهمية 89% العمل 35 ساعة عمل اسبوعية مافيها اى نشاط رياضى 20 ساعة فى الاسبوع اعمال شغالة ومتعبة .... المشى فى اليوم : زى عشرين متر.. النظام الغذائئ : مبهول ...غير اننى لا احب السكر الكتير ولا اكل ملح اطلاقاا) الحالة الصحية بصورة عامة خالى من السكرى والضغط وامراض الكبر ....
Quote: انتو دي مسابقة رياضة ولا مسابقة اعذار لوووووووووول
دي بالغتى فيها يا مريم ***********************************************************
اها يا ناس مسابقة الاعذار. غدا ح يكون عشرة يوم من بداية المسابقة. كل واحد فيكم يجى يقول عمل شنو فى العشرة يوم دى و يورينا وزنه الجديد. الوزن ما مهم جدا بقدر (الان) بقدر ما عاوزه اعرف عملتو شنو????
مريوم كانت واضحة وقالت ح تتريض فى ال elliptical اها : النصرى أمين: omer osman: -جعفر محي الدين: برنامجكم شنو??? اى واحد فيكم عندو لحدى بكرة عشان يورينى ح يتريض كيف. بكرة ذى المواعيد دى لو ما لقيت الplan ح اخت ليكم انا Plan ...و ح تكونوا ملزمين بيها. و احتمال تكون قاسسسسية
Post: #51 Title: Re: Sudaneseonline Biggest Loser Author: مريم بنت الحسين Date: 09-10-2011, 01:07 PM Parent: #50
وحاتك يا سمارت الشباب شكلهم هربوا خلّوني براي اتشالق... لكن ما حأشتغل بيهم....
وزنته نفسي الليلة الصباح كالعادة كل سبت... بقينا z-0.6... بالمناسبة z دي تقاس بالكيلو ما بالرطل... يعني 0.6 دي تكافي 1.3 رطل.... هيع!
الشي العملته زياده.. انه بقت نظافة البيت كلها فوق راسي.. يومي كله شغاله زي الماكوك... والله مستمتعه بالدور ده بشكل.. وزي ما قلنا شغاله في لخبطتي بتاعت الاكل.. اعتقد الطريقة دي حتنفع لكم اسبوع كده.. بعداك لازم اضيف نشاط رياضي حقيقي في يومي... ناوية لما محمود يبدا المدرسة... ولولو تحترم روحها وتخليني انوم، اضيف النص ساعة بتاعت elliptical track....
Post: #52 Title: Re: Sudaneseonline Biggest Loser Author: omer osman Date: 09-11-2011, 06:03 AM Parent: #51
Quote: بكرة ذى المواعيد دى لو ما لقيت الplan ح اخت ليكم انا Plan ...و ح تكونوا ملزمين بيها. و احتمال تكون قاسسسسية
يا اسمارات نحن ناس عساكر والواحد بدون (بلان) ما بشتغل
بالجد أنا شايف احسن حاجة تختي لينا (بلان) ومهما تكون قاسية ما مشكلة بالجد كده ...
Post: #53 Title: Re: Sudaneseonline Biggest Loser Author: حمد فتح الرحمن Date: 09-11-2011, 08:48 AM Parent: #52
سلام يا شباب و كل عام و انتم بخير
و الله انا ماشي كويس في حكاية الرياضة دي ولي زي 4 سنوات ما بوقف مشي 5 مرات اسبوعي مسافة 4 كيلومتر يومي و لي قريب سنة ساكن في الدور التالت و ما عندي اسنسير و كتا ماشي كويس في حكاية الاكل و العصاير لكن خشى علينا رمضان دا براهو لقيت نفسي مستهلك اربعة كيلو سكر براي في البيت دا غير استهلاك 24 يوم عزومة عائلية فيها كمية سكر و محمرات اسه لقيت روحي زايد 2 كيلو من قبل رمضان و اصلا عندي اتنين تانية عايز اشيلها من فترة الشهرين الاتكسرت فيها رجلي فحاخش المسابقة معاكم لو في طريقة قبول متاخر على انقاص اربعة خمسة كيلو بالكتير الوزن 88 كيلو الطول 182 سم العمر 38 البتاع الختتو اسمارت دا ( You have a BMI of 26.31. ) اعلى من المعدل العادي
Post: #54 Title: Re: Sudaneseonline Biggest Loser Author: مريم بنت الحسين Date: 09-11-2011, 12:09 PM Parent: #53
أبو وعد ياخ والله بغّرتنا عديل كده.. ما شاء الله تبارك الله وعيني بارده والله... عايزه تديني فكره عن برنامجك بتاع المشي... بتتمشى وين لما يكون في رطوبة والجو حر... طبعا عشان احنا عارفين البلد هنا عامله كيف.. والله اتكيفته لبرنامجك ده كيف.. !
Quote: 24 يوم عزومة عائلية فيها كمية سكر و محمرات اسه لقيت روحي زايد 2 كيلو
عشان كده العزومة رقم 25 ما جيتها! يازول منتظرينك لسه احنا... ولازم تجي.. طبعا احنا معتمدين على انك زول بتقدّر وكده.. رغم اننا متلومين لوم السواد معاك... وبنزوركم كل سنتين نص مرّة...
جنابو عمر... قلت لي عساكر... سمارت دي صعبة والله.. ما تديها رقبتك... اخير ليك اقعد اعمل بلانك براك...
يا اخوانا سيد البوست ده وينو؟
Post: #55 Title: Re: Sudaneseonline Biggest Loser Author: جعفر محي الدين Date: 09-11-2011, 12:44 PM Parent: #54
إزيكم أيها الخاسرون الكبار
أولا نخت ليكم البي إم أي بتاع سمارت دي
Quote: BMI is between 25 and 29.9 (Overweight) People falling in this BMI range are considered overweight and would benefit from finding healthy ways to lower their weight, such as diet and exercise. Individuals who fall in this range are at increased risk for a variety of ilnesses. If your BMI is 27-29.99 your risk of health problems becomes higher. In a recent study an increased rate of blood pressure, diabetes and heart disease was recorded at 27.3 for women and 27.8 for men. It may be a good idea to check your Waist Circumference and compare it with the recommended limits.
يعني كفارة لي أنا
والطول اكتبيه يا سمارت 5 قدم و6 بوصات (أنا لو كنت عارف المعلومة دي كنت دخلتاالشرطة مع ناس عمر عثمان ديل)
حتى الآن ما عملت شيء مرة واحدة لفيت الحديقة العند البيت 4 مرات معاي ضيف حاتعذر بيهم لحدي ما يسافروا
بعدين نجي نشوف البلان بتاعت أختنا اسمارت الله يديها العافية
Post: #56 Title: Re: Sudaneseonline Biggest Loser Author: حمد فتح الرحمن Date: 09-11-2011, 01:18 PM Parent: #55
ام محمود كيف احوالك و احوال الصغيرة عزومتكم مدخرنها لما بعد الرجوع للوزن العادي :)
بالنسبة لي مكان المشي الفترة دي كلها ما غيرت المحل من المضمار بتاع الخبر على البحر حتى و لو كان الرطوبة 100/100 ، بس انا في رايي انه الواحدما يرتبط مع زول في برنامج المشي يعني يوم تكوني متشجعة يجيك نادر يحبطك و اليوم التاني نادر عنده رغبة مشي انتي عندك مشوار سوق :) صراحة المشي اكتر من كونو رياضة شئ ممتع لحد لا يتصور و الواحد برتاح نفسيا و بصفى خالص بعد المشوار
Post: #58 Title: Re: Sudaneseonline Biggest Loser Author: مريم بنت الحسين Date: 09-12-2011, 12:10 PM Parent: #57
Quote: بالنسبة لي مكان المشي الفترة دي كلها ما غيرت المحل من المضمار بتاع الخبر على البحر حتى و لو كان الرطوبة 100/100 ، بس انا في رايي انه الواحدما يرتبط مع زول في برنامج المشي يعني يوم تكوني متشجعة يجيك نادر يحبطك و اليوم التاني نادر عنده رغبة مشي انتي عندك مشوار سوق :) صراحة المشي اكتر من كونو رياضة شئ ممتع لحد لا يتصور و الواحد برتاح نفسيا و بصفى خالص بعد المشوار
اولاً :الاسبوع ده الفائز من ناحية الالتزام و نقصان الوزن مريم
ثانياً ... ازيكم يا بتاعين الاعذار...بعدين اعذاركم لذيذة....شىء بطنى طمت.... و شيء معانا ضيوف.... و شىء عملت نايم......و شىء شايفه عجلتي طشاش طشاش. Just kidding. خلاص نبدا بالجد
مرحب حمد فتح الرحمن
طيب.....عندنا 5 متنافسين حتى الان: (عندنا متسابق جديد) 1- النصرى أمين: الوزن: 251 رطل العمر 49: الطول: 5 قدم و 11 بوصة (قول 6 قدم)
2- مريم بنت الحسين العمر: ??? الطول: 163 سم لوزن: Z
3-omer osman العمر = 44 سنة الطول = 180 cm الوزن = 79 kg
4-جعفر محي الدين العمر: 47 سنة الطول:5 قدم و6 بوصات الوزن: كيلو (183 رطل)
5-حمد فتح الرحمن
الوزن: 88 كيلو الطول :182 سم العمر: 38 BMI: 26.31
مريوم و حمد فتح الرحمن عندهم plans و ملتزمين بيها
نجى لجنابو و ناس الضيوف و ناس ما عندى هدوم رياضة. دى plan لمدة اسبوع. يوم الاتنين الجاى بشوفكم عملتو شنو
:Tuesday:Run half mile, walk quarter mile, run half mile, walk 3/4 mile.
Wednesday:Rest
Thursday:Run half mile, walk quarter mile, run half mile, walk 3/4 mile.
Friday:Run half mile, walk quarter mile, run half mile, walk 3/4 mile.
Saturday:Rest
Sunday:Run half mile, walk quarter mile, run half mile, walk 3/4 mile.
Monday:Rest يعنى: الاربعاء و السبت و الاتنين: اجازة. التلاتاء و الخميس و الجمعة و الاحد: ح نبدا بجرى نص ميل. مشي ربع ميل (عشان ترتاح من غير ما تفقيف تماما). ثم جرى نص ميل ... مشي تلاتة ارباع ميل
من الاسبوع الجاى ح اخت شوية تمارين رجلين و الجزء الاعلى من الجسم. اثناء الجرى مهم جدا الزول يتنفس كويس...انفاس عميقة
ال plan دى لواحد فيكم حاسس انها بسيطة جدا يقول عوك و انا بصعبها ليه شوية. هى بلان فعلا ساهلة جدا جدا و بسيطة..انا بديت بيها قبل كم سنة لما كنت ذى مريم كده بنزل فى ال baby weight
Post: #62 Title: Re: Sudaneseonline Biggest Loser Author: مريم بنت الحسين Date: 09-12-2011, 09:33 PM Parent: #61
سمارت .. ما تاكليني في ال0.6 كيلو النقصتهم... وزني z-0.6... عدّلي بالله البيانات الفوق دي
Post: #63 Title: Re: Sudaneseonline Biggest Loser Author: جعفر محي الدين Date: 09-13-2011, 02:00 PM Parent: #62
أخدنا العلم بالخطة وحنبدأ نمشي ونجرب الجري شوية شوية عشان طولنا منه
انتهيت من الدوام الاول .. مشيت لصالة الالعاب .. اكتشفت اننى نسيت الكيس الفيهو هدوم الرياضة.. وحسب قوانين الجمنازيوم لابد من استخدام رياضية (تحسبا من الاصابة) قلت ازوق .. لكن اتزكرت اسمارت ..حتاكل لحمى ..... قلت خلاص نتوكل ونتريض بهدوم الشغل...
12 دقيقة من الجرى بسرعة تترواح بين 4 و 12 ميل فى الشاعة الحمدلله جريت ميل كامل .... نزل منى عرق السنين .... <>
<>
<>
Post: #67 Title: Re: Sudaneseonline Biggest Loser Author: عرفة محمد سعيد Date: 09-14-2011, 02:13 AM Parent: #66
Quote: كرش الموية......الزول لا يستطيع ان يتوقف عن شرب الموية البارده طوال اليوم ......
تحية للجميع
keep it up
بخصوص الموية الباردة وما ادراك ما الموية الباردة :-
Quote: Losing Weight By Drinking Cold Water
Here's another look at how drinking water can help you lose weight, but this time it is cold water. Drinking cold water for weight loss isn't without its logic. The logic is that the body requires extra energy to warm up the cold water that you drink up to normal body temperature when it is absorbed into the bloodstream. That is the reason why you are feeling cold when you drink cold water. Your body is trying to burn extra calories to keep up your body's temperature. In fact, numerous studies have found that the stomach absorbs cold water faster when compared to warm water, thus cold water enters the bloodstream even faster, thereby contributing further to the cold feelings that you get when you drinking a big glass of cold water.
Post: #68 Title: Re: Sudaneseonline Biggest Loser Author: مريم بنت الحسين Date: 09-14-2011, 06:41 AM Parent: #67
عرفه ازيك وفعلا كلامك صح... مروان اخوي بالطريقة دي، بالأضافه لتغيير نظام اكله (السيء جدا) والحركة، نقص قريب 40 كيلو وبقى ماشاء الله، مودل بس! حسي بنحنس فيه يسمن شويه، حساده طبعا... لكن لحق نفسه بعد ما ظهر ليه ضغط لما كان عمره 17..
النصري، شكلك تعبان تعب لووووول... المره الاولى دي صعبة خلاص! انا صحيت حسي كل ضلعة فيني بتكورك .... لكن الشي الكويس انه الليله اجازه
وب علي، يا دوب لاحظته أني ما كاتبه عمري!!! 31 وافتخر... الزول مع ناس 38 و48 ديل يحس روحه صغير ما فاضل ليه الا يلعب بي الطين.. سمارت بالله اكتبي عمري ده
ويا سمارت، اكتبي لينا عن تجربتك كيف نقصتي البيبي ويت، وخلال كم ونقصتي كم، وقدرتي تجري كم وفي خلال كم..
ناوية اجيب ليكم قائمة الاغاني البسمعها اثناء الرياضة لانها من الحاجات البتحفّز وبتشغل الزول... بس لما اكتب من الكومبيوتر وافضى...
Quote: 12 دقيقة من الجرى بسرعة تترواح بين 4 و 12 ميل فى الشاعة
ما شاء الله يا النصري اتناشر ميل في الساعة دي يعني قريب العثرين كيلو في الساعة. لكن بكلامك الفوق دا متوسط سرعتك حوالي خمسة ميل في الساعة اللهي تمنية كيلو في الساعة و دي برضه سرعة ممتازة جدا. إذا بتقدر تواصل على كدا طبعا كويس. لكن الأفضل الواحد يعمل مسافات أطول و لو بسرعات أقل. طبعا أعجبك في التنظير لكن الالتزام ببرنامج رياضي غلبني كله كله مع حاجتي الشديدة لإنقاص وزني.
يا جماعة تحية كبيرة للنصري و هو بيتحدى كل الصعاب و بيتريض. و الله يا النصري انجاز يا اخى. بس عاوزه اقول ليك حاول امشي بسرعة 4.5حوالى ميل فى الساعة و اجرى (الان ) بسرعة 6 فى الساعة. لما تكون ماشي السرعة المناسبة هى السرعة اللى بتقدر تتكلم بيها بارتياح. يعنى تكون ماشي و بتتكلم من غير ما نفسك ينقطع. بس كلام...لكن ما غنى. يعنى لو بتقدر تغنى" ظلمونى الناس"...معناها مفروض تمشي اسرع شوية
حاول برضوا ما تجهد روحك شديد من البداية عشان ما تصاب ب injury فى العضلات. و لما يوم تحس ان عضلات رجولك واجعاك من الجرى....فى اليوم التانى ريض عضلات يدينك و جزء الاعلى من الجسم....او امشي بس من غير جرى.
ال calories وحدات حرارية. و الوحدات الدهنية fat براها. اغلب المكنات بتدى الرقمين. لكن اظن ان الرقم اعلاه وحدات الدهنية. فى ميل كامل بالعجلة بتكون حرقت calories اكتر من كده. ما تنسوا برضوا يا جماعة انكم تشربوا مويه كفاية....دى حاجه مهمة جدا. احا السودانيين ما بنشرب موية كفاية.
و صفقة قوية و تحية لمريوم....مريم الهذر الوحيد المسموح بيه ان لولو تبكى...اى عذر تانى ما مقبول
Quote: وب علي، يا دوب لاحظته أني ما كاتبه عمري!!! 31 وافتخر... الزول مع ناس 38 و48 ديل يحس روحه صغير ما فاضل ليه الا يلعب بي الطين.. سمارت بالله اكتبي عمري ده
مريوم...لاحظت فعلا ان الجماعة ديل ديناصورات ... jsut kidding يا جماعة
Quote: ويا سمارت، اكتبي لينا عن تجربتك كيف نقصتي البيبي ويت، وخلال كم ونقصتي كم، وقدرتي تجري كم وفي خلال كم..
موضوع البيبى ويت ده صعب شديد خلاص...خاصة فى المرة الاولى ...لان الواحده ما بتكون متخيلة ان وزنها ممكن يزيد بالبساطة دى. بعد ما البيبى جاء اتكلمت مع الدكتورة بتاعتى. قالت لى ممكن تتمشي (حول البيت بس) من اليوم التانى او التالت. بعد اسبوع ممكن ابدا تمارين بطن خفيفة (طبعا اذا الولادة ما قيصرية). بعد 6 اسابيع ممكن تبدى تجرى. بس براحة و بهدوم رياضية مريحة....براحة لان عظام الحوض بتكون لسه مفرتقه و اظنها بترجع لوضعها الطبيعى بعد 6 شهور او سنة. الاطباء عموما بيقولوا الام مفروض تنقص الوزن فى خلال 9 شهور ل سنة. لانه ده الزمن اللى ختت فيه الوزن الزيادة. النقصان بمعدل اسرع من كده بياثر فى البيبى (اتكلمنا قريب فى موضوع السموم و ما ادراك ما السموم...المهم). انا شخصيا نقصت الوزن فى سنة و شهر او اتنين. وبديت بالبرنامج الفوق ده ...فى النهاية كنت بقدر اجرى حوالى 3 ميل متواصلات من غير مشي فى النص. بعد ما وزنى رجع بقيت كمان بقدر اجرى احسن. و دى المشكلة فى الجرى. عشان تضعفى ...احسن رياضة هى الجرى...و الجرى بيكون صعب شديد مع الوزن الزايد. it is Catch-22
الباقين????الحاصل???انتوا ماعارفين انى بشيل الحس و باكل اللحم!!!!!
Post: #72 Title: Re: Sudaneseonline Biggest Loser Author: مريم بنت الحسين Date: 09-14-2011, 09:42 PM Parent: #71
برافو والله يا النصري... انا الليلة أووف.. برنامجي الماشه بيهو يوم أيوه يوم لأ... ده مخليني محمّسه لبكره ان شاء الله... ما شاعره اني بكامل قوّتي .. لكن بعد كم اسبوع كده، حأقوم أعمل التمارين دي في يوم الoff... كنت بعملها زمان...اسمها 8 minutes abs...
يكفي انه الشافوها 10 مليون زول.. بالجد تمارين عجيبة.. وما ساهله.. لكن المهم المحاولة
بالنسبة لقائمة الأغاني بتاعتي... We are golden - Mika Let's get lound- J LO Waving flag- K'naan Waka Waka- Shakira Please Don't stop the music- Rihanna la la la- Cheb bouaa ft lydia
الموقع ده ممكن تنزّلوا منّه اي واحده من الاغاني دي وغيرها بصيغة mp3... www.4shared.com
الاغاني ممكن تكون اي شي.. بس شي يحفّزكم على الجري ويصبّركم عليه...
من الحاجات الكويسه برضه.. انه الواحد على الريق يشرب مويه دافيه مع ليمون.. دي عن تجربة بتصغّر البطن... طبعا الليمون اصلا فيه antioxidant .. وبزيد عملية هضم الطعام وحرقه في الجسم ####bolism.. كمان الحركة دي بتساعد على طرد الغازات من الجسم، ودي من الحاجات البتخلي البطن شويه تكون طالعه....
Quote: بالنسبة لقائمة الأغاني بتاعتي... We are golden - Mika Let's get lound- J LO Waving flag- K'naan Waka Waka- Shakira Please Don't stop the music- Rihanna la la la- Cheb bouaa ft lydia
قائمتك محترمة يا مريوم.... قائمتى انا فيها اغانى قريبة من دى....اكتر اغانى بسمعها هى: Crazy in love, Beyonce Lose Yourself, Eminem We will Be Burning, Sean Paul Beat it, Michael Jackson I Guess the Lord Must Be in New York City,Harry Nilsson
و عندى كمية من الاغانى لمحمد المغربى و سامى المغربى...اهمها للجرى...البابور جاز.
Post: #74 Title: Re: Sudaneseonline Biggest Loser Author: مريم بنت الحسين Date: 09-15-2011, 00:00 AM Parent: #73
ههههههههههههههه رسلي لي الوابور جاز يا سمارت... حانزل اغانيك برضه عشان انوّع...
من الحاجات البتخلي الفكرة بتاعت الاكل من راسك تطير، تمشي تتسوّك... طوالي حتغيّر رايك من الاكل..
Post: #75 Title: Re: Sudaneseonline Biggest Loser Author: EBTIHAL OSMAN Date: 09-15-2011, 00:01 AM Parent: #73
والله ياجماعة بغرتونى عديل اهلنا بقولوا البغر بطول الشعر وانا دايرا يضعفنى اها انا وزنى 80 Kg وطولى 160 Cm وعمرى 34 سنه بديت الرياضة الاسبو ع الفات يوم السبت مشى نص ساعة يوم الاتنين مشى فى المشيين 3miles يوم الاربعاء zumba class يوم الاربعاء كان رهيب وممتع شديد المشكلة انى بقت شرفانة ولهاطة بعد بديت الرياضة نفسى اتفتحت للاكل شديد غايتو بس البركة فى اللياقة
يا اخوانا احتمال اكون اديتكم معلومات غلط الجهاز الاشتغلت بيهو اول يوم وبرضو صباح اليوم شكله زى الصورة التحت يعنى زى العجلة عشان كده الميل الواحد بنتهى بسرعة...
اظن واحد ميل ما كتيرة (مع انى تعبت وداير اجيب الاسعاف) صباح اليوم عملت واحد ميل وحرقت حوالى 125 وحدة حرارية دهنية واخدت معاى حوالى 13 دقيقة...
الجهاز التانى البخاف منه عندنا لكن خايف ازلق فى السير ونبقى فى بوستات النصرى طريح الفراش دعواتكم له بالشفاء
اما الجهاز الزى العجلة الاشتغلت بيهو تانى يوم(امبارح) فزى الصورة التحت
على كل التلات يوم الفاتو عملت 1 ميل يوميا ودى فى حد ذاتها معجزة
Post: #77 Title: Re: Sudaneseonline Biggest Loser Author: مريم بنت الحسين Date: 09-15-2011, 06:37 PM Parent: #76
الله يباركك يا ابتهال... بعد ما قررت أدي نفسي عذر يوم الليلة ده.. وارتاح (لاني والله تعبانه)... لما قريت كلامك.. وشجاعتك في انك تختي وزنك كده ... قمته على حيلي ولعنته ابليس... وعملته النص ساعه بتاعت الليلة...
انا متبّعة برنامج زي حق سمارت ده اسمه C2 5K، في الiPhone.. يمكن ده هو البرنامج الوحيد الاشتريته... اختصار لي couch to five kilos... بعلمك كيف تجري خمسة كيلو متواصلة خلال تسعة أسابيع (شهرين واسبوع)... انا لاني في السعودية بنين... ما عندي مساحه اجري فيها.. عشان كده بستخدم elliptical track ... لما يقول لي أمشي بمشي براحه.. ولما يقول لي run، بعمل بسرعه فيها... ميزة استخدام الآلة دي، انه انا عندي تمزّق قديم في ركبتي الشمال... والآلة دي ما بتضغط على الركبة زي الجري.... الآلة دي برضها بتخلي الزول يحرّك يدينه بقوّة اثناء الحركة... وده بزيد من فاعلية التمرين والheart rate اثناء الحركة.. برضه بقولوا انها في الساعه بتحرق تقريبا 500 كالوري... طبعا لو زدنا المقاومة resistance بتاعتها، موش تكون خفيفة...
اليوم الجمعة 16 سبتمبر 2011 انجاز واعجاز مبالغ فيهو.. مشيت على الصالة زعلان وكلى تصميم على تحقيق المستحيل طوالى مشيت على الماكنه بتاعت السير
..طلعت فيها وظبطت السرعة على 2 ميل فى الساعة ...بعد دقائق بديت ازيدها لغاية ما وصلتها 4.5 ميل فى الساعة . بقيت جارى بسرعة لا ازكر اخر مرة جريت مثلها .. العرق بدا ينزل شلالات.. الهدف بتاعى واحد ميل .... لمن وصلت ربع ميل ...خلاص كرعينى نملو وجسمى كلو بينتح ... لكن لازم استمر واخلص الميل .... لحسن الحظ ....واحد معانا فى الشغل طلع فى الماكينة بجوارى... عمل السرعة 7 ميل طوالى وبدا يجرى جرى شديد جدا .. وانا مستغرب .... قلت ليهو ونفسى قائم وانا جارى "عمرك كم؟ قال لى تدينى كم ؟ قلت ليهو 35 سنة ضحك ... قلت ليهو 40 او 45 سنة .... قال لى 51 سنة ... والله العظيم الزول ده جارى كان عمره 25 سنة مبالغة ... المهم شغلنى عن الماكينة بتاعتى والتفكير فى المسافة الباقية لقيت روحى قريب ال 8. من الميل ... نفسياتى طلعت السماء... زدت السرعة وعملتها 5 ميل فى الساعة .. وبقيت جارى زى صاحبى لغاية ما خلصت الميل الاول المستحيل تقريبا الزمن حوالى 15 دقيقة ....
Post: #80 Title: Re: Sudaneseonline Biggest Loser Author: مريم بنت الحسين Date: 09-16-2011, 08:35 PM Parent: #79
Quote: قال لى تدينى كم ؟
عليك الله دي قالها ليك بالانجليزي كيف
بكره الصباح حأقيس وزني.. كان طلع زايد ما حتشوفوني بي جاي... لو ناقص بكتب ليكم طوالي...
Post: #81 Title: Re: Sudaneseonline Biggest Loser Author: مريم بنت الحسين Date: 09-17-2011, 04:04 AM Parent: #80
الدايم الله غايته... دي الحلقة لما الناس كلها تتخلع انه اكتر زول بتريض ومتوقعينه يخرتهم كلهم، يطلع زايد ليه باوندين تلاته! لقيته روحي زايده 0.4! والميزان جربته تلاته مرات كل مره يديني رقم.. لكن حوالين الرقم ده.. مره طلعني زايده 0.6، مره 0.4، مره 0.3 ما فهمته زاتو قصدو شنو! المهم أني ما حاشتغل بيهو لأني عارفه انه الرقم ما بفرق كتير، وانا حاسه بي روحي ناقصة في ملابسي وكده... وما تخاف، بطل ما يموت (دي نكته بحكيها ليكم يوم)... عشان كده يا سمارت ختي وزني الجديد z-0.2... لانه الرقم ده ظهر لي مرتين..
حامشي أخد لي نومه، واجيكم بعدين... الليله يوم العجله عندي... ويومي كعب خلاص، لكن اصلي ما بخليها...
Post: #82 Title: Re: Sudaneseonline Biggest Loser Author: EBTIHAL OSMAN Date: 09-17-2011, 05:51 AM Parent: #81
والله يامريم يابت امى الحال من بعضو ,الايام الفاتت دى كل ما أطلع فى الميزان انزل مخلوعة ومنططه عيونى الوزن ماشغال لابى الجوع لابى الرياضة لكن الليلة وامبارح دورت ليك فى ال machines بتاعات النصرى الفوق دى وانا اناهد واقول لنفسى كلامك (والله الوزن ماينقص ماحشتغل بيهو كتير وعنو مانقص) لكن اليومين الفاتو ديل الحمد لله لقيت الميزان هرش منى ونقصت 2.2باوند اظنها كيلو تقريبا والله داير اطير من الفرح الحمد لله ..اهاانتى جديدك شنو
ما خلاص كفاك، من الأسبوع الجاي وبعد يومينك الراحة ديل حاول تزيدو بعد كده
ميلك ده في الأنا شايفو ما بأكلك عيش يا أخوي
Post: #84 Title: Re: Sudaneseonline Biggest Loser Author: عبدالكريم الامين احمد Date: 09-17-2011, 07:13 AM Parent: #83
Quote: النصري ما تنسى تنقل لينا البوست للربع الجاي..
I LIKE وتيم الBiggest Loser ويييييييييييي ------------
وسنتابع ثم سنطبق
Post: #85 Title: Re: Sudaneseonline Biggest Loser Author: مريم بنت الحسين Date: 09-17-2011, 10:51 AM Parent: #84
ابتهال... بالله انت برضه الميزان اتلوّم معاك! غايته اهرشيه كل مره .. وانا زاتي حأهرشه... ناس ما بتجي الا بالهرش! انا عندي طريقة تانية، لو حسيتي انه الميزان محبطك، امشي السوق واشتري ليك بنطلون او سكيرت في المقاس الانت عايزاه.. وكل فترة جرّبيه وشوفي تطورك معاه.. انا عامله الحاجه دي ومبسوطه بيها بشكل! الليله رفعته بيها معنوياتي بعد ما الميزان غاظني
Quote: ميلك ده في الأنا شايفو ما بأكلك عيش يا أخوي
سمارت، الناس البكاوو ديل نيقانيف انيرجي.. اشتغلي شغلك معاهم بالله... (ده طبعا بعد ضحكته)
المشكلة كانت مش هو يقولا كيف ..المشكلة انا اقولا كيف وانا نفسى قايم وحالتى متاخرة... كل حرف يطلع منى كان بصعوبة شديدة .... غايتو الكلام اثناء الجرى انا امنت بيهو عديل ياخ ده مستحيل wha u think
Quote: ميلك ده في الأنا شايفو ما بأكلك عيش يا أخوي
اقول ليك حاجة 90% من اعضاء وقراء البورد ما بقدرو يجرو الميل بتاعى ده (خاصة الناس فوق الاربعين) اعتبر ده تحدى رسمى منى لكل القراء ... اى زول يجرى واحد ميل ويكتب عن تجربته اميلى [email protected]
انت واحد ميل قايلو ساهل ؟ تقريبا زى الجريت ليك ميدان كرة قدم 4 او 5 مرات انت ذاتك اجري واحد ميل وتعال احكى لينا عن صعوبته
زكرتنى الزول النزل المعاش وعمل ليهو 10 ازيار جنب باب البيت كل مرة زول يجى يشرب من الازيار دى يقول ليهو
اهلين عبدالكريم مرحب بك خاسرا كبيرا.... والله وبصراحة كدة انتو ناس الدوحة فى خطر شديد البلد لذيذة والاكل طاعم و دسم والناس كلها شغلها ما فيهو اى مجهود بدنى ..... كل زياراتى للدوحة ما شفت اى زول بمشى ليهو 50 متر فى اليوم ..... ناس منجيييغة ديك نفسهم بقوم لمن يطلعو من العربية... عادل سالم بقى خردة عديل ... كمال سالم ...منتهى من يومه...
بعدين الحرف "سين "" فى كلمتك سنطبق غير مطمئن... ادينا مواعيد متين . بكرة ..الاسبوع الجاى ..الشهر الجاى ..السنة الجاية دايرين نعرف حتى نطاردك كخاسر كبير
Post: #90 Title: Re: Sudaneseonline Biggest Loser Author: مريم بنت الحسين Date: 09-18-2011, 11:54 AM Parent: #89
امس ما عملته رياضه والليله كمان ما حأعمل... والسبب (العذر).. والله بساهر الليل كله والنهارية ما بنوم... ما فيني طاقة أتريض بيها زاتو... :(
معليش يا جماعة أنا الايام دي في إجازة ( ما فاضية) من فندق لفندق. و اكل مطاعم ساااي. مرحب دكتورة نجاة. و ح تنضم لينا برضوا دكتورة Amy لما ارجع بخت التفاصيل. ربنا يعينك يا مريم. اصلها الشهور الاولي دي كده. ما تشيلي هم. كلو بيبقي تمام. النصري و الله بقيت خطر عديل. ما تهتم بالأعداء، انت الرابح في النهاية. :) في حاجه تانية لازم تهتم بيها، هي انك stretch قبل ما تجري و برضوا ما تخلص من الجري برضوا و صدقني ح تحس بالفرق.
مريم والله انا حاسة بيك .. العيال فى الفترة الاولى دى بكونو متعبين شديد وعدم النوم الكفاية مشكلة مع الرياضة ربنا يكون فى عونك عملت بنصيحتك بقيس بالهدوم والموضوع ظابط الحمدلله وماشة كويس بس ببطء شديد النصرى واللهgood job الناس قايلة الميل دا ساهل والله تحنا عيننا بتطلع فيهو لكن شوية شوية حتلاقى نفسك دخلت فى التانى والتالت من غير ماتحس بالذات لو لقيت زول يمشى معاك بشجعك فى الجيم دكتورة نجاة العافية درجات اول يوم لفتين ماكعبة انا اول يوم بديت الرياضة بعد خمسة دقائق نفسى اتقطع بعد داك الامور ظبطت موضوع البرنامج الغذائى دا انا ذاتى كايساهو لولقيت بديك خبر سمارت يعنى راجنك تنظمى لينا الموضوع تجى تبوظى لينا اعصابنا باكل المطاعم انا بضعف قدام الكلام دا ياخ طفسة بعيد عنك....وتقولى للنصرى انت الرابح الاكبر يعنى نحنا تعبانين ساكت احبطتينا ياخ ههههههههههههه
مسعولين من الخير باقى المتسابقين الرواد مشو وين مايكونوا بتريضو اليوم كلوا واحنا ماجايبين ليهم خبر
Post: #95 Title: Re: Sudaneseonline Biggest Loser Author: مريم بنت الحسين Date: 09-18-2011, 09:35 PM Parent: #94
ابتهال... والله قصة الملابس دي بترفع المعنويات خالص... انا بس اعدّي فترة اللخبطة دي، بواصل... اتمنى بكره اكون اقوى.. واتريّض...
Go guys
Post: #96 Title: Re: Sudaneseonline Biggest Loser Author: د.نجاة محمود Date: 09-19-2011, 00:56 AM Parent: #95
شكرا يا حبيبات على التشجيع
يلا انا عايشة في فشس سيركل انا عندي ازمة دائمة تقريبا يعني كان ما بخيت البخاخة ما بقدر اطلع من البيت
لغاية ما ولدت اولادي كولهم وزني ما فات 65.. اسع بقيت احس بتعب شديد الدكتور طوالي بقولي الوزن بعدين انا ما اكالة ولا اشتهي الطعام ولا استمتع به بعد دا كلو وزني ماشي زائد اها طلع عندي غدة شلتا الغدة قبل 5 سنوت واخذ ثايروكسين يوميا الحاجة المدهشة وزني زاد من بعد العملية
لو في دكتور مرة بجاي ما بناباه والله..
عايزة انزل 20 كيلو عشاناقدر اتحرك بدون ضيق نفس .ووجع ركب على قول صاحبتي اني شايلة لي طفل عمرو اربعة سنة ونالزلة وطالعة بيه
بلا سمارتي حاعتمد عليك كترينار ربنا يديك العافية يارب اليوم لو مافي مطر حابدا بالذهاب الى الحديقة
يا اخوانا والله العظيم انا حماقة منى واستجابة لاستفذاذ الهادى جريت 1.3 ميل (واحد ميل و3 من عشرة من الميل) بصراحة ندمت وقلت الروب ....خاصة التلت الاخير زدت السرعة الى 6 ميل فى الساعة....
من بكرة حارجع للميل بتاعى ومن خلى عادته قلت سعادته
Quote: يا اخوانا والله العظيم انا حماقة منى واستجابة لاستفذاذ الهادى جريت 1.3 ميل (واحد ميل و3 من عشرة من الميل) بصراحة ندمت وقلت الروب ....خاصة التلت الاخير زدت السرعة الى 6 ميل فى الساعة....
من بكرة حارجع للميل بتاعى ومن خلى عادته قلت سعادته
النصري..
ما ترجع للميل يا النصري، الميل ده خلاص أنساهو بعد كده وأرميهو وراء ضهرك، البخليك ترجع ليهو شنو تاني؟؟
بعد كده ابتدي فكر انك توصل two miles, three miles
ما تقعد تقول الزول ده بنظر لي مالو.. أنا بتمرن بصورة شبه يومية يا النصري، كان جري ولا سباحة ولا خلافه..
وعارف الميل بكلف قدر شنو والسبعة ميل بتكلف قدر شنو :)
الحاجة الحابي أضيفا يا النصري، إنو أنا وجهة نظري انك ما تشغل بالك بالسرعة في الوقت الراهن، فكر إنك تتمرن لأطول وقت ومسافة تقدر عليها، وخليك على السرعة البتحس انك مرتاح فيها وما بتجهدك وتخليك توقف التمرين، أو تكرهو، أو تخاف منو..
الـ world record لسباق الميل وهو من السباقات المصنفة في خانة الـ (middle distance ) بالنسبة للعدائيين المحترفين هو: 3:43.13 دقائق للرجال، وأربعة دقائق وشوية للسيدات، والسرعة الوصلتا ليها انت الآن هي عشرة دقائق للميل which is ما كعبة في رأي يا النصري خصوصاً بالنظر إلى إنو انت يا دوب بادي من فترة قريبة..
Post: #100 Title: Re: Sudaneseonline Biggest Loser Author: EBTIHAL OSMAN Date: 09-20-2011, 04:23 AM Parent: #99
انا الليله جريت 3 ميل والحمد وما بتوزن تانى الايوم الجمعة بس
Post: #102 Title: Re: Sudaneseonline Biggest Loser Author: EBTIHAL OSMAN Date: 09-20-2011, 11:53 AM Parent: #101
Quote: SPINNING
اها دى انا ..................خفت منها عديل كدا الجماعة بجو طالعبن من الصالة محوصين ......ماقادربن امشو وعرقانين داشرين زيت قلت الله يكافينا شر البشتنة
هم الناس جوه بسوو شنو؟؟؟؟؟؟
Post: #103 Title: Re: Sudaneseonline Biggest Loser Author: مريم بنت الحسين Date: 09-20-2011, 09:06 PM Parent: #102
يؤسفني ان اقول اني حأوقف رياضة كم اسبوع كده.. اعتقد اني غير مستعدّة صحّياً ليها... لكن حأتابع معاكم... ولما ابدا بكتب اكيد اني بديت...
ابتهال، اعتقد انه الفكره الناس يلعبوا في العجلة مع بعض ويشجّعوا بعض.... لكن ما اعتقد انه دي فكرة كويسه، لانها حتقوي عضلات الرجلين فقط... حتحتاجي معاها تمارين تانية للبطن والجزء الاعلي من الجسم...
الف مرحب بيك يا معتصم فى عالم الخاسرين الكبار.... واضح جدا انك عندك هدف معين ومربوط بفترة ذمنية وده احتمال كبير يكون السبب فى فوزك بالمسابقة.. العجلة الفى الصورة اشتغلت بيها لمدة يومين لكن اكتشفت انها مش زى عجلة الجرى treadmill
بالنسبة لى انا داير لياقة (ورشاقة لو امكن) اكتر من نقصان وزن اتخايل العجلة دى للعضلات اكتر ..... فرق كبير جدا بين الصورتين .. ما شاء الله ....
اليوم انا جريت الميل بتاعى اليومى وحاولت ازيد ال incline الى 1.5 لقيت روحى طالع جبل عالى جدا كراعى ماتو عديل ....دقيقة دقيقتين ورجعت المكنة الى وضعها الطبيعى وبدون incline
سلامات.....و ما شاء الله عليكم طيب....قائمة المتسابقين....الupdated 1- النصرى أمين: الوزن: 251 رطل العمر 49: الطول: 5 قدم و 11 بوصة (قول 6 قدم)
2- مريم بنت الحسين العمر: ??? الطول: 163 سم لوزن: Z-.2 (مريم ح تاخد اجازة لفترة قصيرة و تجينا بعده اكتر استعداد..ان شاء الله) 3-omer osman العمر = 44 سنة الطول = 180 cm الوزن = 79 kg
4-جعفر محي الدين العمر: 47 سنة الطول:5 قدم و6 بوصات الوزن: كيلو (183 رطل)
5-حمد فتح الرحمن الوزن: 88 كيلو الطول :182 سم العمر: 38 BMI: 26.31
7-EBTIHAL OSMAN العمر = 34 سنة الطول = 160 Cm الوزن = 80 Kg
8-د.نجاة محمود العمر: الاعمار بيد الله الطول: 168 سم الوزن: 93 كجم
8- Dr. Amy العمر:???? الطول:169 cm الوزن: X BMI Norml but close to overweight , Body Fat, fittness to acceptable
9-معتصم الطاهر
الف مرحب بابتهال عثمان...ما شاء الله عليك....go girl
مرحب ب د.نجاة محمود...اسالى الدكتور اذا كان ده من الاثار الجانبية للعلاج. مع انى خبرتى ما خالص فى المواضيع دى...لكن ممكن اتقلك و نشتغل سوا فى التدريبات. انا ما عاوزه انقص وزنى الان لكن ح اكون معاك بقلبى. عشان الالم اللى فى الركبة اهم شيئ انك تبدى براحة. جيبى ليك جزمة رياضية مريحة و ابدى اتمشئ كل يوم لمدة 20 دقيقة. بسرعة (ذى ما قلت قبل كده) تقدرى تتكلمى اثناء المشي. و الاهم انك ما تقدرى تغنى. جربي الاتنين و حاولى تتمشي بسرعة فى النص. جربلا الحاجه دى و بعد اسبوع نشوف الحصل شنو
للف مراحب ب معتصم الطاهر ....و الله انجاز عظيم...ما شاء الله
Quote: لمن وصلت ربع ميل ...خلاص كرعينى نملو وجسمى كلو بينتح ... لكن لازم استمر واخلص الميل
النصري....جسمك بينتح لانك غالبا فقدت سوائل...اهم حاجه انك تشيل معاك فى مكنة الجرى قزازة موية و تشرب طوالى.
Quote: الحاجة الحابي أضيفا يا النصري، إنو أنا وجهة نظري انك ما تشغل بالك بالسرعة في الوقت الراهن، فكر إنك تتمرن لأطول وقت ومسافة تقدر عليها، وخليك على السرعة البتحس انك مرتاح فيها وما بتجهدك وتخليك توقف التمرين، أو تكرهو، أو تخاف منو..
كلام الهادى صحيح....فى البداية السرعة ما مهمة. ركز الان على المواصلة فى الجرى. انا ما عاوزه احبطك-يا النصرى- ..لكن سرعة 4 ميل تعتبر مشي. الجرى بيبدا من سرعة 5 ال 5.5 ميل فى الساعة.
البرنامج .. جرى .. بالعجلة .. و فى المرحلة القادمة ان شاء الله .. حرق دهون بالدائرة الكاملة ..
Post: #110 Title: Re: Sudaneseonline Biggest Loser Author: النصرى أمين Date: 09-23-2011, 10:40 AM Parent: #109
يا اسمارت
Quote: انا ما عاوزه احبطك-يا النصرى- ..لكن سرعة 4 ميل تعتبر مشي
4 ميل فى الساعة جرى عديل بخمة نفسه كمان..... امبارح الزول جارى فى المكنة المجاورة كان ماشى وبسرعة شديدة .. الماكينة كانت بتقول السرعة 2.5
ارجو من ادارة المسابقة التحقيق فى الامر وياريت لو اى زول محايد طلع فى الماكنه treadmill واثبت لينا انو 4 ميل فى الساعة تعتبر مشى وليس جرى
Post: #111 Title: Re: Sudaneseonline Biggest Loser Author: مريم بنت الحسين Date: 09-23-2011, 01:25 PM Parent: #110
ههههههههههههههههههه.. والله مشكلة دي... يا اخوانا الزول ده قال ليكم جري.... بعدين ممكن يكون هروله.. يعني هو بقفز اثناء الحركة ما بمشي مشي سريع... ده يعتبر جري ما مشي...
اولا يا خالد العبيد الصور الجبتها دي ما تغشك ساكت.. الصور دي دائما بتكون من شركات الاستهبال والفهلوة البتبيع حبوب لتخفيض الوزن ويجيبوا ليك صوريت لشخصيو واحدة لمن كانت سمينة وبعدين لمن انخفض وزنها بعد اخذ حبوب الاستهبال ,, وطبعا عادة الصورتين لشخصيتين مختلفتين ولكن يخلق من الشبه اربعين...
ويا النصري نصيحة ليك ما تتغشى ساكت بالاعلانات واؤكد ليك ما بينفعك غير المشي كل يوم نصف ساعة ... وبعد شهر شوف النتيجة
النصري....ما تزعل يا اخى ....انا قلت ليك ما تشتغل بالسرعة....اصلا ما مهمة. لكن الجري بيبدا من 5 ميل فى الساعة و فى ناس بيقولوا 5.5 كمان. دى صورة من موقع بيحسب ليك حرقت كم سعر حرارى بمعدل جرى معين. ما مهم الارقام...بس عاين لمعدلا السرعة للجرى و للمشي
الموضوع معقد اكتر من كده -كالعادة- كل زول معدل الجرى بتاعه مختلف و الموضوع بيعتمد على الطول (طول الخطوة) وعلى ا نوع الزول( رجل ام امراة). لكن (عموما ) الجرى بيبدا من 5.5. http://www.primusweb.com/fitnesspartner/calculat.htm ده الموقع اللى فيه ال Activity Calorie Calculator....ممكن تلقوه مفيد. و يا النصري....تانى و تالت و رابع...ما هم موضوع السرعة الان. You are doing very well ...عشان كده ما تهتم بالشكليات...واهم حاجه انك تواصل وما تقيف. وذى ما قال الهادى...اختار سرعة مناسبة ما تخليك تقنع من الموضوع و تقول مستحيل
Post: #117 Title: Re: Sudaneseonline Biggest Loser Author: النصرى أمين Date: 09-24-2011, 02:34 AM Parent: #116
يا اسمارت اليوم مشيت الجيمانزيون شغلت المكنه على 4 ميل فى السودان وحاولت امشى وما اجرى لقيت روحى ماشى بسرعة شديدة وزى الداخل سباق بتاع مشى... حولت حركة الجسم الى جكة وبنفس السرعة (4 ميل فى الساعة) بقيت جارى.... المهم فى الاخر اقتنعت انو سرعة 4 ميل دى ممكن تكون مشى سريع او جرى خفيف (جكة)
المهم زدت السرعة الى 4.5 ميل فى السرعة وخلصت الميل بتاعى فى حوالى 15 دقيقة (غير محسوب زمن التسخين والتهدئة فى النهاية)
المهم فى الشغلانة بالنسبة لى مش الجرى او حتى الرياضة ..المهم هو الالتزام العجيب حتى اليوم لم افط اى يوم على الاطلاق (خمسه مرات فى اليوم...السبت والاحد اجازة) انها معجزة حقيقية.. الظريف عملت اصحاب فى الجمانزيوم و استفدت منهم كتير..خاصة واحد فى نفس عمرى نقص اكتر من 110 رطل ..
النصري، ما شاء الله you are really doing vey well الالتزام اهم شيء في الرياضة. و الأهم انها ما تكون مرحلة بس، لازم تكون حاجه معقولة عشان تقدر تعملها style of life لو بقي الروتين بتاعك حاجه صعبة جداً ما ح تقدر تستمر فيه لزمن طويل. و لما تقيف ح ترجع الوزن و تفقد اللياقة. العاوزه اقوله انه اي واحد ممننا ( من حق روحه عليه) انه ممكن يكون بيقدر يوفر نصف ساعة او ساعة في اليوم عشان يتريض و يحافظ علي جسمه و معنوياته. و من البوست ده نناشد الأزواج يدوا زوجاتهم فرقة في اليوم ( نص ساعة بس) يمسكوا فيها الأولاد و يخلوا الزوجات يتريضوا فيها
مريوم، just don't over do it. اهم انك تتعافي تماماً و بعدين تتريضي. و إحنا راجنك. بعدين النصري خلاص ادمن :) و ما أظن يخلي البوست ده يتارشف ابداً
العوض، شنو يا اخي؟ ما عاوز تخسر معانا؟
بشمهندس معتصم، شكراً جزيلا. بالتوفيق ان شاء الله.
Post: #122 Title: Re: Sudaneseonline Biggest Loser Author: EBTIHAL OSMAN Date: 09-25-2011, 05:55 AM Parent: #121
اسمارت حمدا لله بسلامة العودة مريم فاقدنك والله وبالنسبة للوزن المعلق والميزان الابى يتهرش لى المرة دى بقول ليك بتمشى وتجى تلقينى راجياك مافاتك شى عموما انا محبطة تماما ...ماعارفة اعمل شنو مواصلة بمشى يوم بعد يوم بقيت 3 ميل ويومين بستخدم انواع مختلفة من الاجهزة للبطن الله غالب.. النصرى انت ماقاعد تتوزن حاول ورينا انت الحاصل عليك شنو عشان اعرف اصطكاك الوزن الحاصل لى دا طبيعى ولا لأ؟؟
Post: #123 Title: Re: Sudaneseonline Biggest Loser Author: د.نجاة محمود Date: 09-25-2011, 08:11 AM Parent: #122
كل يوم المطرة بتصب واجل لفة الحديقة
لكن يوم واحد سبتمبر حابدا بجدية
مودتي
Post: #124 Title: Re: Sudaneseonline Biggest Loser Author: مريم بنت الحسين Date: 09-25-2011, 12:09 PM Parent: #123
ابتهال.. لا عليك الله كان تُحبطي... اوعك توقّفي... الثبات في الوزن بحصل عادي.. مرات اختلاف في كيمياء الجسم ساي، يقوم وزنك في الميزان يزيد... يعني موية زيادة او اي شي يخلي الميزان ما يديك وزن اقل... ختي في بالك انه الثبات زاتو نعمه.. استمري ما توقفي اصلو..
برضه بالنسبة للوزن... بقولوا ليك احسن شي انك توزني نفسك مره في الاسبوع.. يعني حددي يومي محدد واوعدي نفسك ما توزني قبله ... اول ما تصحى من النوم، وتدخلي الحمام... تعالي اوزني..
انا حأتمشّى في البيت زي ما قلت ليكم، مشي خفيف لمدة نص ساعة.. لحدي ما امشي الدكتور يوم الاربع واشوف متين ممكن ارجع بقوّة.. meanwhile، واصلوا يا جماعة وشجّعونا...
د.نجاة، حاولي اتمشي في البيت زيي... صحي المشي بره لزيز.. لكن اهو عشان تبدي.. عندنا واحده صاحبة ناس ماما، محاااافظة ما شاء الله عليها، رغم انها النوع البسمن سريع.. لما سألوها صاحباتها بتعمل شنو، قالت، لما اكون في المطبخ وبطبخ، ما بكون واقفه ساي.. يعني تكون بتسوط في الحلّة، وماشه في مكانها.. كل ما تكون واقفه وبتعمل شي ممكن تكون بتتحرك معاه.. بتمشي في مكانها... وفعلا الحاجه البسيطه دي بتفرق...
Post: #125 Title: Re: Sudaneseonline Biggest Loser Author: حمد فتح الرحمن Date: 09-25-2011, 12:57 PM Parent: #124
Quote: لكن يوم واحد سبتمبر حابدا بجدية
:) واحد سبتمبر ياتو يا دكتورة اوع يكون المرا قبل 25 يوم دا و لا قاصدة واحد سبتمبر 2012 :)
just keep running, and don't worry about your weight at this time
ولو كان لي أن أقدم نصيحة "ربما تنفع البعض ممن يمرو من هنا" فبقول لأي واحد عاوز يبدأ في ممارسة الجري إنو :
try to keep your running more smoothly (you could slow down ) until you get into proper running technique and breathing pattern that works best for your bodies
لأنو الحاجة الأنا قاعد أشوفا غلط في كتير من الناس البكونوا بمارسوا في رياضة الجري "وفي السباحة برضو" الواحد تلقاهو نفسو قائم و بيتنفس بسرعة شديدة جداً، أو زي ما بنقول "بيناهد" أثناء الجري، وزي ده سرعان ما يقطع لأنو بنزينو أو "الأكسجين" بيكون نفد عنده، وإذا الطريقة دي نفعت في الـ sprints فقطع شك ما بتكون ملائمة مع المسافات المتوسطة والطويلة..
وبصراحة برضو ، ما في زول من البداية ومن قولة تيت حا يقدر يجري عشرة أميال، ولو حصلت في يوم ما بتحصل كلو يوم أو باستمرار، ده بكون زول عندو باقي عافية مدسوسة في حتة :)
لكن العاوز يجري باستمرار بيبدأ براحة "أو بسرعة معقولة حتى لو كان بيعتقد انها بطيئة" لحدي ما يلقى / يتعلم / ويعرف التكنيك المناسب البخليهو يعرف يضبط وينظم أنفاسه مع وقع خطواته أثناء الجري.. بعد داك بيقدر يزيد سرعته ويجري أي مسافة هو عايزا بدون ما يحس بتعب وإرهاق كبير
نكسة يا اخوانا معليش ما قدرت اجرى الميل بتاع اليوم.. امبارح بالليل مشيت اكلت دجاج هندى دندورى قام بى .. الليل كلو مانمت .. مشيت الشغل مدروخ وفاقد طاقة وسوائل لكن ان شاء الله اعوض الميل بميلين بكرة الثلاثاء 27 سبتمبر
يا ابتهال انا ما وزنت روحى قريب وغير متحمس للفكرة لان برنامج الغذاء بتاعى سئ جدا ...ونفسى مفتوحة بصورة غريبة ....عارف روحى لو مشيت وزنت حامرض روحى ساكت ...
لو قدرت اثبت برنامج الرياضة(وهو الاصعب) الوزن مشكلتو ساهلة .......
يا اخوانا دايرين منى واحد ميل.. فى عهدتى ..ان شاء الله خلال اسبوع نسدده...
مشيت اليوم للجيم بعد توقف 3 ايام (سبت احد اتنين) وجريت الميل بتاعى(الوحيدونى) تقريبا اخد معاى حوالى 11 الى 12 دقيقة.. الحاجة الكويسة السرعة كانت 4.5 الى 6 ميل فى الساعة... الربع الاخير من الميل كانو معظم ب6 ميل فى الساعة ... اعتقد ان دى اصعب دقائق من بداية البرنامج .....
فى جماعة هنا دايرين منهم الاف الاميال.... وعاملين مجانين ... ما دايرين يدفعو ديونهم ...
والله يا سمارت داير أخسر و داير أخسر شديد كمان لكن قاتل الله الكسل و عدم الانتظام. ما عندي أي عذر عندي (Treadmill) في البيت مرات بالشهور ما بمثي بجنبها الغريبة لمن أبدا من أول يوم ممكن عادي أعمل تلاتة كيلو يعني قريب الميلين. عادة أنا ما بجري بمشي بمتوسط سرعة ستة لستة و نص كيلو في الساعة. مشكلتي الكبيرة هي عدم الانتظام عشان كدا خايف ألتزم هنا بحاجة ما أعملها لكن حأحاول أول انتظم بعدها أجي هنا أقول ليكم :).
Quote: عشان كدا خايف ألتزم هنا بحاجة ما أعملها لكن حأحاول أول انتظم بعدها أجي هنا أقول ليكم :).
الشغلانة كلها لا تخرج من انها التزام ... التزام ولا غير ..... مش نية ولا حماس ولا رغبة التزام ......
انا حليت مشكلة الالتزام دى ... كل يوم حوالى الساعة 9:30 صباحا بتوقيت كالقرى بعرف تقرير لليوم .. اذا اتريضت بكتب اتريضت كم وكيف واذا ما اتريضت برضو بكتب .. بالطريقة دى عملت لنفسى التزام معنوى انى report هنا الشى البعملو...
سبحان الله ...الطريقة نجحت نجاح شديد ..... لغاية دلوقت لم افط اى يوم الا امس الاتنين بسبب المرض .. وغالبا خلال الاسابيع القادمة نتعود على الشغلانة وتبقى جزء طبيعى من برنامج اليوم لغاية ما تصل مرحلة الادمان (ودى مرحلة وصلو ليها ناس معاى فى الشغل)
Post: #131 Title: Re: Sudaneseonline Biggest Loser Author: مريم بنت الحسين Date: 09-27-2011, 08:07 PM Parent: #130
لما كنت بعمل رياضة يا النصري ويا العوض، كان دافعي اني لازم بالليل اجي اكتب ليكم اني اتريضته ولا لأ... عشان كده كنت ممكن اكون تعباااانه اجي القى الناس كاتبين انهم اتريضوا... واقوم اقول لا انا ما حأكتب اني ما اتريضته.. اقوم اتريض واجي اكتب... فعلا الفكرة بتاعت البوست حلوه شديد
والله يا معتصم الميل بتاعى ده انا شايفه كتير كترة.... ياخ كنا وين وبقينا وين .... دى معجزة عديل كده ....انت ما بتقدر تتخيل انا بتعب كيف عشان اكمله لكن زى ماقلت ليك العافية درجات .. انا همى الاساسى الانتظام فى البرنامج ..ان شاء الله كان 3 دقائق فى اليوم ..احسن لى من ساعتين جرى مرة فى الشهر ......
الحمدلله اليوم الاربعاء 28 سبتمر جريت 4/1 1 (ميل وربع) السرعة اختلفت لكن لاول مرة جريت بسرعة 7 ميل فى الساعة لمسافة 100 متر .... هديت السرعة عشان اظبط الريموت التلفزيون(ولم يظبط معاى)
ازيكم يا شباب.... العوض...ذى ما قالت ليك مريم...التزم معانا هنا...و ح نحرجك حرجة السواد لو ما اوفيت :) النصرى...ما شاء الله و عينى باااردة. د.نجاة...المطر ما عذر. البسي جزمة كويسه و جكت بتاع مطرة بطاقية و اتوكلى. مريوم....كيفك? ان شاء الله احسن ابتهال....ما تقلقى بموضوع الوزن (الان)....اهم حاجه تعملى لياقة كويسه هسي. حاولى تللى من النشويات شويه شويه. (يٌقال) بان الجسم بيدمن النشويات...و لو سبتيها مرة واحده ح تدبرسى (انا غايتو بدبرس)...سيبيا حبة حبة. ابدى بالسكريات, بالصودا و العصاير. اشربى موية بس و اكلى فواكه. العصاير ده ما منها ى فايدة لو بتاكلى فواكه. بعدها قللى العيش و النشويات ....و ان شاء الله كلو يكون تمام....بالتوفيق
Post: #136 Title: Re: Sudaneseonline Biggest Loser Author: مريم بنت الحسين Date: 09-30-2011, 02:30 PM Parent: #135
الحال أفضل يا سمارت... لكن لسه ما بالدرجة الانا عايزاها...
لقيت اني في البيت ما بمشي ولا شي... فقررت اسوق العيال ونطلع نمشي نص ساعة كده ونرجع... منها نغيّر جو، ومنها انا اتحرّك... لحدي ما اقدر اتحمّل رياضة أقوى.. مشتااااااااااااقه لليوجا... لكن احسن ما اتسرّع..
عندي checkup يوم الاحد...
ابتهال وين يا جماعة.. ما تكون احبطت وخلت البرنامج.. ما بنخليك يا ابتهال، انت ماشه كويس ...
يا جماعة Dr.Amy كلمتني قبل كم يوم انها نقصت 1.7 كيلو .... مبروك يا دكتوره .. للناس البحبوا الباوند... 3.7 pounds....
يا اخوانا امبارح الخميس 29 سبتمبر ما رفعت تقريرى اليوم بسبب الارشفة....جريت ميل وربع بسرعة تتراوح بين 5 و 7 ميل فى السرعة اليوم الجمعة 30 سبتمبر جريت الميل الوحيدونى بسرعة 4.5 و 6 ميل
الحمدلله خلصنا الاسبوع موعدنا الاثنين
Post: #138 Title: Re: Sudaneseonline Biggest Loser Author: EBTIHAL OSMAN Date: 10-02-2011, 09:08 AM Parent: #137
السلام عليكم مريم فيكى الخير والله انا فعلا كنت قنعت لكن لعنت ابليس ورجعت لكنت مافاعدة اتوزن ,,,ان شاء الله الليلة الدكتور يطمنك وتقدرى تواصلى
Elhadi شكرا على الاهتمام كلامك صاح وبطمن
Quote: ما في زول من البداية ومن قولة تيت حا يقدر يجري عشرة أميال، ولو حصلت في يوم ما بتحصل كلو يوم أو باستمرار، ده بكون زول عندو باقي عافية مدسوسة في حتة :)
اسمارت
Quote: ما تقلقى بموضوع الوزن (الان)....اهم حاجه تعملى لياقة كويسه هسي. حاولى تللى من النشويات شويه شويه. (يٌقال) بان الجسم بيدمن النشويات...و لو سبتيها مرة واحده ح تدبرسى (انا غايتو بدبرس)...سيبيا حبة حبة. ابدى بالسكريات, بالصودا و العصاير. اشربى موية بس و اكلى فواكه. العصاير ده ما منها ى فايدة لو بتاكلى فواكه. بعدها قللى العيش و النشويات ....و ان شاء الله كلو يكون تمام....بالتوفيق
غايتو يا اسمارت جاتنى من السماء كريم ادى غشيم ... اتزكرت لمن نكون دايرين نزاكر واجباتنا المدرسية والكهرباء تقطع ...نفرح فرح شديد ...
المبنى بتاعنا شغال فيهو الاف العاملين ... خلال ثوان الناس كلها طلعت الساحة الداخلية .. انا طبعا ما مصدق .. جرى شديد على العربية (خايف يلغو الانذار) لمن دورت العربية عربات المطافى ظهرت ... بعدين حارجع الشغل و نشوف الاتحرق شنو .... بس اوع تكون الماكنات حقاتى
الثلاثاء 4 سبتمبر 2011 جريت ميل وثلث بسرعة 5 ميل فى الساعة.. لم اشعر بتعب رهيب..احتمال لانى كنت بتونس مع زول فى الماكينة الجنبى...
5:30 صباحا اتعكرت عكيرة شديدة جدا بسبب خلاف مع احد الزملاء (لا اعرفه) حده فى الكلام وفى النهاية قفل الباب فى وجهى بسبب غضبه الشديد ... طبعا حماقة سودانيين مشيت انتقم واخد حقى منو ... وطلبت توضيح من الادارة حول الامر ... اتضح انه هو الصحيح وانا الغلطان .. فتشت المبنى كله افتش ليه عشان اعتذر ما لقيته ....
الاربعاء 5 سبتمبر 2011 تغيير فى جدول اليوم مشيت ثلاثه ارباع الميل (مشى سريع) ثم جريت ثلاث ارباع ميل (جرى سريع بين 5 و6 ميل فى الساعة) المجموع الكلى لحصاد اليوم واحد ميل ونصف الميل (ما بطال ..كنا وين وبقينا وين)
مجهود الاسبوع كله راح بعد صينية باسطة مكربة ...
قابلت الزول الشاكلتو امس ..اعتذرت ليهو ويبدو انه قبل الاعتذار ..وبكده ما بحتاج اتلبد كلما اشوفه ...
قابلنى مديرى المباشر (بعد غياب عدة اشهر) وسلمنى pin ترمز لاكمالى 5 سنوات بالاضافه الى 50 دولار ....
Quote: جرى شديد على العربية (خايف يلغو الانذار) لمن دورت العربية عربات المطافى ظهرت ... بعدين حارجع الشغل و نشوف الاتحرق شنو .... بس اوع تكون الماكنات حقاتى
ما عنك عشرة يا النصرى...ما كانت تنتظر تشوف لصحابك فى الشغل كيف. بعدين مش كان لازم يعدوكم (او شيء كده) عشان يعرفوا المفقود منو!!!!
Quote: حده فى الكلام وفى النهاية قفل الباب فى وجهى بسبب غضبه الشديد ... طبعا حماقة سودانيين مشيت انتقم واخد حقى منو ... وطلبت توضيح من الادارة حول الامر ... اتضح انه هو الصحيح وانا الغلطان .. فتشت المبنى كله افتش ليه عشان اعتذر ما لقيته ...
تعرف ده اهم حاجه مفروض اهلنا يعلمونا ليها Be cool....واحد عربى رفدوه هنا لانه ضرب لزول الطربيزة....اهمل حسابك بتعمل ليك سمعة انك شكال.
Quote: مجهود الاسبوع كله راح بعد صينية باسطة مكربة ...
لقيتها وين الباسطة???? بختك يا عم. يا اخى انا كنت بظبت باسطة خرافية...لكن وقفت من عملها لظروف صحية...
Quote: قابلنى مديرى المباشر (بعد غياب عدة اشهر) وسلمنى pin ترمز لاكمالى 5 سنوات بالاضافه الى 50 دولار ....
الف الف مبروك...كويس انهم ادوك كاش. ناسنا ديل بيدوك هدية صغيرة (ذى الدبابيس دى) و معاها صفقة قوية فى ال staff meeting ...قلت ليهم كان ادونى 10 دولار مش احسن من الصفقة????
ماشي تمام يا النصرى...بغرتنى. مع ان انا ما عاوزه انقص وزنى...و ما فروض افكر فى موضوع اللياقة الان (لظروف صحية...برضو) لكن ح ارجع امشي. من بكرة ح اوريكم عملت شنو!!!
Post: #145 Title: Re: Sudaneseonline Biggest Loser Author: مريم بنت الحسين Date: 10-05-2011, 09:20 PM Parent: #144
انا امس سقته العيال وابوهم ومشينا الكورنيش اتمشينا... كان مشوار لزيز جداً... الليلة سقته العيال ومشينا لي جماعة معارفنا بي كرعينا... مشية حلوه برضه... حاسه بنفسي احسن، بنتظر الاحد مواعيدي التانية وبعداك حأبدأ الرياضة...
مبروك يا النصري... الpin والقروش... والانتظام في الرياضة....
سمارت... go easy on yourself... المشي الخفيف كويس معاك، استمتعي بيه...
Post: #146 Title: Re: Sudaneseonline Biggest Loser Author: النصرى أمين Date: 10-06-2011, 00:37 AM Parent: #145
يا اسمارت ومريم للاسف ال 50 دولار ما كاش .. عندى خيارين ..اما تنزل مع المرتب ..وبعد الضرائب وذكاة الجريح وماشابه تصلنى منها زى 6 دولارات كده (الخيار ده مرفوض)
الخيار التانى استلمها فى صورة كردت كارت (ماستر كارد) ده حيكون الخيار بتاعى...حااعبى الفومات اليوم وغالبا استلم ال Master Card خلال ايام ....
اعتقد الوزن بتاعى زايد لانى معوض العذاب البتعذبه فى الرياضة معوضه فى الاكل ...لكن بعد فترة حابدا برنامج جاد جد لتنظيم الوجبات
Post: #147 Title: Re: Sudaneseonline Biggest Loser Author: EBTIHAL OSMAN Date: 10-06-2011, 03:50 AM Parent: #146
سلامات والحمد لله الوزن بقى 77 كيلو يعنى نقصت 3 كيلو مبسوطه لدرجة انى ما قادرة اكتب يا سمارت يعنى كدا فضل لى كم كيلو من الوزن المثالى (اقل شى 19 كيلو صاح ههههه) مريم استعجلى القصة بدت تثمر .......وكلامك صاح كنت يئست وقررت اوقف لكن دخلت وشفت بوستاتكم وقررت اواصل ...يديكم العافية النصرى حمدا لله عالسلامة ومبروك وبالتوفيق ان شاء الله وبعدين 7 ميل فى الدقيقة دى وهيييييييييييييييييييبه انا غايتو لسة فى ال 4 لكن يوم بعد يوم بمشى 3 ميل
Post: #148 Title: Re: Sudaneseonline Biggest Loser Author: مريم بنت الحسين Date: 10-06-2011, 11:53 AM Parent: #147
واااااااااااااااااو... ألف مبروك يا ابتهال... بغّرتينا والله... انا ثاااااابته في مكاني... لكن الثبات نعمه مع اللهط البلهط فيه يومي ده.... كده شجعتيني والله .. ان شاء الله الاحد زاتو لو لقيت وضعي كويس، بجي ابدا رياضة طوالي... حأحاول امشي زيّك... الجو عندنا بقي حلو شديد، باخد الاولاد وانزل اتمشي تلاته مرات في الاسبوع... تغيير ليهم هم زاتهم....
الظاهر يا مريم الحكم بتاعنا مشغول تعزية فقيد التكنلوجيا ستيف جوبز ربنا يرحمه بقدر ما قدم للبشرية من خدمات....
الخميس 6 اكتوبر 2011 تغيير اخر فى البرنامج.. ثلث ميل من المشى السريع ثم ثلث ميل من الجرى بسرعة 5.3 ميل فى الساعة ثلث ميل بين المشى السريع والجرى بالاضافة الى حربشات المجموع الكلى 1.4 ميل ما بطال
يا ابتهال خليتى ابقر عديل.. 3 كيلو حتة واحدة .... ما شاء الله ..... انا غالبا احدد اليوم الحبدا فيهو الريجيم diet فى المستقبل القريب ...
والله يا مريم انا مستغرب جدا ..انا بقيت شرفان عديل ده شنو ده... الواحد لو لقى حصحاص يقرقشو..واى اكل بقى طاعم ..حتى سلطة الروب (كراهيتى الاولى) اكلتها بنهم قبل كم يوم ..
بصحى من النوم الساعة 4 صباحا بشرب شاى ببسكويت او بمشى محل القهوة بشترى قهوة (3 لبن و 3 سكر) ومعاها سندوتش صغير بتاع بيض مع الجبنة egg and cheese on a toasted bagel تقريبا تكلفة الفطور ده 3 دولار ..
برجع البيت حوالى الساعة 9:45 صباحا ,, بفطر الساعة 11 الى 12 ..غالبا فول مظبط (الوصفه فى بوست مخصوص) وعيش كتير لو مافى فول ..3 سندوتشات سجك .... او باقى ملاح بايت ..اهم شئ رغيف ابيض كتير جدا
نومة صغيرة ....
حوالى الساعة 2:30ظهرا كوباية شوب شاى احمر .......
بتغدى او بتعشى حوالى الساعة 6 مساء غالبا ملاح بعيش ابيض(كتير) بشرب شاى بلبن.. المغرب حوالى الساعة 7:30 اليوم الغذائئ انتهى .... بمشى السرير حوالى 10 الى 11 مساء
الجمعة 7 اكتوبر 2011 جريت 1.1 ميل بسرعة 5.1 ميل الساعة (لكن لمن نفسى يقوم بنزل السرعة شوية لغاية ما اخد نفس)
قربت اقع فى المكنة لمن جارى الذى يتريض معى يوميا وهو شخص قصير وبدين جدا يشبه يونس شلبى ..قربت اقع لمن قال لى انه نقص 15 رطل فى خلال اسبوعين الفاتو .... سالته :هل تتريض يوميا ..اجاب نعم..سبعة يوم فى الاسبوع مع ريجيم صارم .... اضاف انه قابل دكتورته وقالت ليهو انو احد "زبائنها" نقص 15 رطل فى الاسبوع دون ان يتريض اطلاقا ..فقط ياكل خضروات مسلوقة ..ولاشى اخر ....
سبحان الله
Post: #152 Title: Re: Sudaneseonline Biggest Loser Author: مريم بنت الحسين Date: 10-07-2011, 06:58 PM Parent: #151
النصري ازيك.. من كلامك عن اكلك، واضح انك عارف مشكلتك وين... :)...
الليلة طلعنا مشينا كلنا زي ساعة كده حولين الحي بتاعنا... كانت مشيّة حلوه خالص.. ناويه اعملها تلاته مرات في الاسبوع... الجمعه تكون ثابته.. وبعداك نشوف يومين خلال الاسبوع نكون رايقين فيهم، ونطلع..
Post: #154 Title: Re: Sudaneseonline Biggest Loser Author: جعفر محي الدين Date: 10-07-2011, 08:40 PM Parent: #153
إزيكم يا جماعة الواحد قدر ما يعمل نائم من البوست دا برضو يعتر ليه
حتى الآن لم انتظم في برنامج رياضي لكن أمارس الرياضة بشكل متقطع وعامل حسابي في الأكل شديد خصوصا العشاء الحمد لله نقصت 4 رطل خلال هذا الشهر والتزامكم جميعا يمثل دافعا مهما بجانب الرغبة الحقيقية في تحسين اللياقة وضبط الوزن
Quote: قربت اقع لمن قال لى انه نقص 15 رطل فى خلال اسبوعين الفاتو .... سالته :هل تتريض يوميا ..اجاب نعم..سبعة يوم فى الاسبوع مع ريجيم صارم .... اضاف انه قابل دكتورته وقالت ليهو انو احد "زبائنها" نقص 15 رطل فى الاسبوع دون ان يتريض اطلاقا ..فقط ياكل خضروات مسلوقة ..ولاشى اخر ....
سبحان الله
الاخ النصري سلام متابعين معاكم وقاعدين نتريض برضو،، غايتو انا جربته برامج كتيرة و مانجحت ماعدا واحد' وكمان بتنقص وزن فى فترة وجيزة ،،،انا قبل سنتين نقصت ٤٤ باوند فى ٦ شهور بس مشيت السودان رجعتهم بسرعة ،،اليومين ديل رجعته ليهم تانى وح اتابع معاكم.
Post: #156 Title: Re: Sudaneseonline Biggest Loser Author: مريم بنت الحسين Date: 10-08-2011, 05:19 AM Parent: #155
قصة الcrash diets دي اصلها ما بتخارج.... النزول السريع بتبعه عادة رجوع سريع للوزن، ومرات برجع أكتر مما كان... غايته النتيجة الطلعته بيها من موضوع الdiets ده انه الزول ما يعمل diet ما بقدر يستمر عليها باقي حياته... الاعتدال في الاكل، وعمل اختيارات ذكية smart choices في كل مرّه بياكل فيها، هي المفتاح عشان الواحد ينقص وزن... ومعاهم لازم لازم الرياضة..
صاحبتي ادتني فكرة حلوه للأكل... الواحد ياكل في صحن منفصل، موش زي اكلنا بتاع السودان داك... وبعداك الواحد يقسّم صحنه على الشكل التالي:
Post: #157 Title: Re: Sudaneseonline Biggest Loser Author: حمد فتح الرحمن Date: 10-08-2011, 09:30 AM Parent: #156
سلامات يا شباب برنامجي الرياضي و الغذائي ما تغير تقريبا فطيت يوم الاربعاء و الجمعة لدواعي السفر سكريات و عصائر من بعد رومضان الاستهلكتها ما بتفوت خمسة ملاعق اليوم قست وزني و لقيت نفسي نازل واحد كيلو خلال شهر يعني بقيت 87 كيلو ، و ان شاء الله خلال الشهر الجايي عايز انزل 2 كيلو .
نبدا بجنى.. اهم شئ العمر كم !!! لانو اى زول فات الاربعين يفترض يبدا يعمل حسابه... وانت اظنك داخل على الستين..... غايتو اذا ما داير تطقع لملم لينا الحجار (يعنى اكتب اى شء يحفز الناس على الرياضة)
انا واختى ابتهال نتجارى لينا شهر وماقادرين ننزل اوقيه تجى انت وماخد راحتك شديد تنزل ليك 4 رطل !!! لكن اقول ليك حاجة .. لو اتسابقنا 400 متر ..صدقنى حاسبقك لانو الساقين ما شاء الله بقى سيقان صبى عمره 17 سنة هل تقبل التحدى؟
Quote: النصري ازيك.. من كلامك عن اكلك، واضح انك عارف مشكلتك وين
بالظبط يا مريم ..انا عارف تماما مشاكلى وين.. مشكلتى الاساسية (حسى انا شغال فى معالجتها) هى اللياقة
مشكلتى الثانية (حابدا فى معالجتها قريبا) هى الرغيف .. هل تصدقى انا باكل المكرونه بالرغيف ؟ ان شاء الله الايام الجاية حاعلن عن بداية حملتى القومية لمحاربة الرغيف
انا عارف روحى زول لايوق ..لمن اشبك فى الحاجة ما بخليها الا تقول الروب ...
سلام نجاة مرحب بيك فى عالم الخاسرين العظام..... سبحان الله ..لمن مشيت السودان قبل 3 سنوات لاحظت ان الاكل اصبح لى غريب شوية ....حتى لحم الضان بقى لى اشتر.. الظاهر اتعودنا على ضان البلد دى الزفر بسبب الهرمونات ... غايتو انا كان قعدت فى السودان سنة كاملة ما اظن وزنى يزيد بسبب الجرى الشديد والسخانة
غايتو خلينا فى الصورة واكتبى عن برنامجك اليومى فى الرياضة وانقاص الوزن
ازيكم يا شباب؟؟؟ النصرى...جنى ده زول رياضى و بيخاف من المرض و الموت خوف شديد. هسه تلاقيه لا بياكل ملح لا سكر لا دهون.
بالله بتاكل عيش قدر كده؟؟؟ دى نشويات ما ليها حد!!!!! حاول تقلل. بالكتير فى الوجبة نص كباية رز و قطعة عيشه توست وااااحده. الفكرة انك ما تاكل اكتر من 12 جرام كاهربوهيدريات فى الوجبة الواحده. لما تجوع املا بطنك بفواكه... تفاح ....برتقال ..قريب فروت و عنب. مع انها فيها سكر برضو لكن ما سكر بسيط ..سكر معقد و امتصاصه بيحتاج زمن و هضم الالياف اللى فيها بياخد زمن و يخليك تحس انك ملان.
اشرب مويه كفاية..شراب الموية بيخليك تحس انك ملان برضو. وقف شراب الصودا و العصاير... اما سكر الشاى فحاول قلله حبة حبة. ما توفقفوا كلو كلو..الشاى ح يمسخ عليك. كل 3 يوم نقص ربع ملعقة سكر..بعد شهر ح تلاقى روحك بتشرب من غير سكر و مستمتع بالشاى.
بجيك راجعه ..الان انا بستعد..ماشه Apple sauce making party ....مع ناس المكتب ماشين نشترى تفاح و نعمل صوص و نقسمه. صحى جدا و طعمه خرافى. بخت ليكم الصور بعدين
Post: #166 Title: Re: Sudaneseonline Biggest Loser Author: مريم بنت الحسين Date: 10-09-2011, 09:42 PM Parent: #165
ازيكم يا جماعه انا حأعتمد المشي فقط لحدي ما استعيد صحتي كامله ان شاء الله... حأطلع بكره الساعه 5 اتمشى لمدة ساعة مع الاولاد.. وبجي بديكم تقرير..... كنت عند الدكتور، وطمّئني، بس محتاجه وقت عشان ارجع لقوتي... المشي احسن حاجه ممكن اعملها في الوقت الحالي...
الوزن زايد يا مريم..لكنها ليست مفاجاة لى .... انا كنت مركز شديد فى حكاية الرياضة وكنت خايف ما اقدر التزم.... يعنى كنت زى الزول البحارب فى جبهتين ..قام شال قواته كلها ووضعها فى جبهة واحدة وسيطر على الوضع تماما ..لكن فى الجبهة التانية خسائر فادحة فى الارواح والممتكات...
على كل وبمناسبة مرور شهر على بداية(ونجاح) برنامج الرياضىة ساقوم بتحديد برنامج ريجيم قاسى و صارم ....
البداية حتكون يوم 13 اكتوبر 2011 (يوم الخميس الجاى) لكن حتى ذلك الموعد خلينى استمتع بكاية الشاى الضخمة دى بالسكويت
Post: #171 Title: Re: Sudaneseonline Biggest Loser Author: جعفر محي الدين Date: 10-11-2011, 11:42 AM Parent: #170
النصري بالغت ياخ
Quote: لو اتسابقنا 400 متر ..صدقنى حاسبقك لانو الساقين ما شاء الله بقى سيقان صبى عمره 17 سنة هل تقبل التحدى؟
اليوم المساء بإذن الواحد الأحد رايح النادي الأهلي اعمل اشتراك سنة وهاك يا جري يعني أديني شهر واحد ونتلاقى في أقرب ماراثون
أختنا اسمارت قلت لي 12 جرام هيدروكربونات ! دي تطلع قدر شنو ياخي نحن الواحد لو ما كمل العيشة (الرغيف) ناس البيت طوالي يقولوا ليه الليلة مالك عيان ولّه شنو ؟
عندك شهر يا جعفر تجهز روحك مافى اى اعذار .. يوم 11 نوفمبر 2011 موعدنا والراجل بمسكوه من كيبورده ولغاية الوقت ده انا حابقى زى الغزال (ان شاء الله)
بعدين
Quote: ناس البيت طوالي يقولوا ليه الليلة مالك عيان ولّه شنو ؟
بالمناسبة دى نقطة مهمة جدا ما عارف كيف الحكم و مساعديه لم ينتبهو لها.. الدعم من بقية الاسرة وتفهم لمجهوداتنا ضرورى جدا جدا ... يعنى نستحق زى معاملة الصائم بمراعاة الحالة التى يمر بها وعدم جعل مهمته اكثر صعوبة
ان شاء الله ابتداءا من الخميس 13 اكتوبر (الزكرى الشهرية الاولى على نجاح بداية الرياضة) حابدا ريجيم diet ..
ساتوقف عن اكل الرغيف (ووووووووب) وحاقلل من السكر (احىىىىى) واتجنب كل الهايدروكربونات....
الاستثناء الوحيد قهوه الصباح والفطور ,,, حابدا الاسبوع الاول قهوة كبيرة ب 2 لبن 2 سكر (بدلا من 3 فى 3) الاسبوع التانى 1 لبن و 1 سكر حتى نهاية الشهر .... حاكتفى ب Muffin مع القهوة ..... ده بضمن يكون عندى مروة ومزاج اتريض فى الصباح ....
Quote: ساتوقف عن اكل الرغيف (ووووووووب) وحاقلل من السكر (احىىىىى) واتجنب كل الهايدروكربونات....
جرسه شديده يا النصري
الفطور القديم:
Quote: بصحى من النوم الساعة 4 صباحا بشرب شاى ببسكويت او بمشى محل القهوة بشترى قهوة (3 لبن و 3 سكر) ومعاها سندوتش صغير بتاع بيض مع الجبنة egg and cheese on a toasted bagel تقريبا تكلفة الفطور ده 3 دولار ..
فطور التوجه الحضارى
Quote: الاستثناء الوحيد قهوه الصباح والفطور ,,, حابدا الاسبوع الاول قهوة كبيرة ب 2 لبن 2 سكر (بدلا من 3 فى 3) الاسبوع التانى 1 لبن و 1 سكر حتى نهاية الشهر .... حاكتفى ب Muffin مع القهوة ..... ده بضمن يكون عندى مروة ومزاج اتريض فى الصباح ....
انا عنى ليك مقترح بيوفر قروش و يملى البطن و صحى كمان...رايك شنو??? كل يومين اسلق ليك كم بيضة و ختهم فى التلاجه. الصباح اشرب كباية لبن و اكل بيضة و امرق شوف حكاية القهوة دى. بس ال Muffin دى ح يكون فيها كمية من الكلوريز انت ما محتاج ليها. البروتين فى البيض ما ح يخليك تحس بالجوع و اللبن ح يديك طاقة للجرى و الاتنين مفيدات لصحتك.
جعفر محي الدين
Quote: أختنا اسمارت قلت لي 12 جرام هيدروكربونات ! دي تطلع قدر شنو ياخي نحن الواحد لو ما كمل العيشة (الرغيف) ناس البيت طوالي يقولوا ليه الليلة مالك عيان ولّه شنو ؟
ضحكتنى يا اخونا جعفر..... زمان ابوى -عليه رحمة الله- لو زول ساله مننا (اولاده)... بيقول : "ما فيهم زول ابى العشاء". هسي انت ما تابى الرغيف. بس اعلن فى البيت عن نيتك فى المحافظة على صحتك. 12 جرام دى قدر عيشة توست متوسطة الحجم
مريوم ما شاء الله تبارك الله. بغرتينى..... استمرى فى المشي....و ان شاء الله بعد كم اسبوع نسمع بيك غلبتى النصرى ده
حمد فتح الرحمن ما شاء الله...Great job
لكن اكتر زول فيكم اجتهد و بيستحق لقب الخاسر الاكبر للشهر الاول هو: EBTIHAL OSMAN تمام يا ابتهال...استمرى...وكلنا معاك...انجاز كبير ...ما شاء الله
كدى يا اسمارت خلينى اجرب ال muffin ده يومين تلاته.. حاختار ال low fat , all grain واذا الامور سلكت الاسبوع التانى نجرب حكاية البيضة واللبن ... ياخ انا الخوف داير يكتلنى ... شوية شوية ..
Post: #176 Title: Re: Sudaneseonline Biggest Loser Author: النصرى أمين Date: 10-12-2011, 02:32 AM Parent: #175
كيف فاتنى ان اكتب تقريرى اليومى
الثلاثاء 11 نوفمبر
2 ميل (رقم قياسى) معظمه مشى سريع تتخله فترات متقطعة من الجرى الشديد
Post: #177 Title: Re: Sudaneseonline Biggest Loser Author: EBTIHAL OSMAN Date: 10-12-2011, 04:52 AM Parent: #176
مريم بركة الجيتينا راجعة وحمدا لله على السلامة بس انتى عارفة مع العيال المشى صعب انا ما بقدر اتهور مشوارى كلو حيكون ياولد اقيف يابت لا غايتو الله يكون فى العون شكرا يا اسمارت على التشجيع...بس انا فى حاجة محيرانى النصرى قال
Quote: ساتوقف عن اكل الرغيف (ووووووووب) وحاقلل من السكر (احىىىىى) واتجنب كل الهايدروكربونات....
انا بشرب شاى من غير سكر يعنى ممكن يمر على يومين تلاتة من غير ولا نقطة سكر وزى ماقال النصرى اكلى كلو حتى الزبادى واللبن
Quote: low fat , Whole grain
بس حاسة انو الموضوع ماشى ببطء شديد يوم الاحد مشيت الجيم وكنت مصدعة شديد وعندى حساسية ولابداية نزلة ماعارفة كل ماامشى شوية فى المشين تقول لى heart rate is high stop machine وبعد داك تقيف براها لمن كترا رجعت البيت لكن لغاية هسة مافهمت حاجة... المشكلة فى شنو ولسة جسمى تعبان ومكسر
Post: #178 Title: Re: Sudaneseonline Biggest Loser Author: مريم بنت الحسين Date: 10-12-2011, 07:29 AM Parent: #177
ابتهال والله فعلا، محمود بورمني ورم... يا ود لأ..تعال بي جاي، السيارات... لكن لحدي ما نصل الحديقة.. بعداك بخليه ينطلق، وانا بكون لافه حول الحديقة وهو بلعب... حديقتنا لزيزه، صغيرونه كده وعاملين حولها ممشى.. يعني ممكن يكون بلعب وانا شايفاه وانا بتمشّى... لولو ما عندها قضية... بتكون مبهوره بكل شي حولها وبتضحك... واول ما نصل البيت بتنوم خمسة ساعات...
الليله شايفه عندنا مشكلة في الدمام... في تسرّب غازات قفّلوا بسببها المدارس الحولنا كلها، ما حأقدر امرق اتمشّى... حأقوم مضطره اعمل رياضة في العجلة، لانه ما عايزه أفوّت المرّه التالته بتاعت الاسبوع ده... انا ما صدّقته اني التزمته ...:)
صحيت من النوم قلق بعض الشئ ... مشيت محل القهوة وقبل ان اطلب قالت لى العاملة هل تريدها بتلاته سكر وتلاته حليب ...ضحكت ورددت عليها باننى cutting down on sugar خليها 2 سكر و 2 حليب ..وبنهاية الاسبوع ساتوقف عن السكر مرة واحدة.. طلبت منها muffin باقل سعرات حرارية ..اشرت لنوع معين قالت انها مرغوب جدا... شربت القهوة وان بدت لى مختلفة قليلا الا اننى استمتعت بها .....
انتهيت من الدوام وذهيت الى صالة الجمباز.. بديت اجرى شوية وامشى شوية حتى اوشكت ان اخلص الميل .. صاحبى يونس شلبى قال لى ماهى دقات القلب؟ قلت ليه ما عارف ..بقيسوها كيف ...قال لى ضع يديك على المقبضين المخصصين لذلك وسيقرا الجهاز دقات قلبك... فعلت ذلك ..دقات القلب كانت تترواح بين 100 و 110 طلب منى ان اجرى بسرعة لعدة دقائق واعيد قياس دقات القلب.. جريت بسرعة 7 ميل فى الساعة ..وعند قياس سرعة القلب وجدتها 170 الى 170 ضحك يونس شلبى وقال لى يمكنك ان تتوقف عن الجرى الان وعند نزول دقات القلب الى 120 يمكنك ان تعاود الجرى ..... الله قادر ..لى شهر شغال فى المكنة ولم استخدم هذه الخاصية العجيبة ... انتهيت من الرياضة واحد ميل ونصف الميل .. حكيت ليونس شلبى بدايتى للريجيم ..ادانى نصائح قيمة وقائمة بمشترياتى من البقالة .. قال لى فى الفطور يمكنك ان تاكل بيضتين مسلوقتين وان انتظر نصف الساعة عندها حيشتغل المخ ويرسل رسائل بان المعدة مليانة للاخر ... سالت من وين جبت المعلومة دى ؟ قال لى الدكتورة قالتها ليهو .. حسى انا بكتب فى المداخلة دى وعندى بيضتين فى النار... ما عارف ليه بقول سلق البيض ساهل ياخ ده اصعب شئ فى الدنيا لانى ياطلع نى او اتفرغع فى الحلة
Quote: قال لى فى الفطور يمكنك ان تاكل بيضتين مسلوقتين وان انتظر نصف الساعة عندها حيشتغل المخ ويرسل رسائل بان المعدة مليانة للاخر ... سالت من وين جبت المعلومة دى ؟
هسي عليك الله يا النصري الكلام ده كلو مش قلتو ليك من بداية البوست??? موضوع البيض المسلوق و الخظار و الفواكه??? انتو يا الرجال ما لكم كده???? انت عامل ذى اخوانى و زوجى...بقول الكلام بيطنشونى...لما نفس الكلام يقولوا زول تانى بيبقى "نصائح قيمة" انا بالجد زعلتا هسي....و ما جايه بوست ده ذاتوا تانى...
يا اسمارت انا لغاية امبارح كنت مركز على الرياضه.. وما شغال بحكاية الاكل دى ... و كتبت مليون مرة واعترفت اننى بخرمج خرمجة شديدة فى الاكل امبارح القريبة دى اكلت صينية كاملة بتاعت رغيف هندى ....
اليوم الامر مختلف ..
اى حاجة قلتيها عن الرياضة مشينا بيها...
ناس ابتهال ومريم كانو شغالين فى جبهتين (رياضة واكل) لكن انا كنت بس عاوز اثبت برنامج الرياضة دة وباى ثمن ..الحمدلله نجحت فيهو بتوفيق من رب العالمين و تشجيعكم ...
كدى قولى بسم الله ...
Post: #184 Title: Re: Sudaneseonline Biggest Loser Author: مريم بنت الحسين Date: 10-14-2011, 04:40 PM Parent: #183
لا عليك الله كان تزعلي يا سمارت... النصري ما قصده...النصري صلح الطبزه دي سريع عليك الله
والله يا اسمارت رجعت قريت البوست كله من الاول بفتش عن حكاية الفطور بالبيض المسلق... لقيت المداخلة بتاعتك اتكتبت قبل كم يوم ..انا قريتها ونسيتها والله العظيم
Quote: انا عنى ليك مقترح بيوفر قروش و يملى البطن و صحى كمان...رايك شنو??? كل يومين اسلق ليك كم بيضة و ختهم فى التلاجه. الصباح اشرب كباية لبن و اكل بيضة و امرق شوف حكاية القهوة دى. بس ال Muffin دى ح يكون فيها كمية من الكلوريز انت ما محتاج ليها. البروتين فى البيض ما ح يخليك تحس بالجوع و اللبن ح يديك طاقة للجرى و الاتنين مفيدات لصحتك.
انا طبعا جديد فى الشغلانة وراسى خفيف ..اى زول يدينى معلومة بمشى بيها وانسى القبلو ....
كدى عليك الله قول لى بسم الله .... المنافسة تدخل مراحل حساسة و لاتستحمل جهجهة التحكيم
(غايتو حكم حقو يجيبو ليهو مامون البرير ..لول)
اليوم 14 نوفمبر 1.4 ميل (جرى ومشى سريع)
اليوم الاول فى الريجيم مشى كويس ..لاول مرة من الاف السنين تمر على 24 ساعة ما اكل رغيف ...
رمضان دخل العضم يا النصري الظاهر. أنا غايته بعد طول تكاسل اتوكلت و بديت أمبارح. مشيت حوالي 3 كيلو لمدة نص ساعه و حرقت قرابة التلتمية كالري. لو نشطت و عملت كدا تلاتة مرات في الأسبوع على الأقل يكون تمام و لو واصلت بمعدلي القديم حتكون المرة الجاية شهر ستة ولا سبعة. ربنا يسهل.
Post: #187 Title: Re: Sudaneseonline Biggest Loser Author: مريم بنت الحسين Date: 10-14-2011, 07:45 PM Parent: #186
Quote: (غايتو حكم حقو يجيبو ليهو مامون البرير ..لول)
يا ياسر المشكلة كلها فى الالتزام.. عشان كده اتخايل لى احسن تتمشى يوميا على الماكنة لمدة خمسه دقائق فقط وتلتزم مع نفسك انك تخلص الاسبوع كله بدون اعذار .....
كدى جرب وورينا النتيجة ز..
انا غايتو الريجيم داير يجننى عديل..اليوم كله بفكر فى الاكل....
الاثنين 17 اكتوبر 2011 اليوم تحسن كبير فى الرياضة 1.12 ميل كلها جرى شديد بين 5.5 لغاية 7 ميل فى السودان انزل السرعة حتى استجمع انفاسى لاعاود الجرى الشديد.. ما شاء الله .... بالجد كده الليلة امنت عديل ...
بالنسبة للريجيم ....صعوبة كبيرة ومعاناة ..... بديت اليوم بكباية قهوة كبيرة 2 لبن 2 سكر ومعاها مافن بتاعت قمح ....
حافطر بعد ساعة بشوية خضارات وقطع دجاج مسلوقة مع 2 قطعة رغيف توست قمح احمر..
خصوصاً الجزء المتعلق منه بـ Maximum Heart Rate وكيفية حسابه: MHR = 220 - Your Age
والحاجة المفروض تتقال هنا إنو الـ formula أو المعادلة الفوق دي رغم أنها الأكثر شيوع واستخدام، لكن يقال أنها ما accurate مائة بالمائة لكل شخص لاعتبارات كتيرة.. فلو الواحد عاوز يعرف الـ MHR الخاص به على وجه الدقة فلازم يمشي يعمل test لدى الدكتور أو المختص على اعتبار انو الظروف الصحية تتباين من شخص لآخر..
المهم إنو معرفة هذا الرقم ده مربوط بحاجة تانية وهي ما يعرف بـ : Target Heart Rate Zone
والـ Target heart rate zone : هو الـ zone أو الـ range البتمرن فيهو الشخص وهو من 60% إلى 85% من الـ MHR الخاص به.. ومعرفة الرقم ده بتم ببساطة إنو تضرب الناتج من الـ formula الموجودة في أعلاه في 0.60 للحصول على نسبة 60% ، أو في 0.85 للحصول على 85% (من MHR)
بعد معرفة الزون أو Range بتاعك، يبقى من المهم الانتباه إلى ما يقوله الدكاترة هنا :
Quote: Do not exercise above 85 percent of your maximum heart rate. This increases both cardiovascular and orthopedic risk, and does not add any extra benefit.
* معلومة كذلك اعتقد أنها مهمة: وهي أنه لحرق الدهون من الأفضل أن تبقى أثناء التمرين على المعدل ما بين 60% إلى 70% من MHR لا أكثر!! (أضرب الـ MHR في 0.6 لتحصل على "60%"، و 0.7 لتحصل على "70%").. وهو تقريباً ما يقول به الاقتباس أدناه:
Quote: Endurance (60%–70%): Considered ideal for endurance and weight-loss programs. Develops cardiovascular and muscular efficiency. The body learns to use stored fat as fuel. Aerobic (70%–80%): Ideal for overall cardiovascular fitness, muscle strength and weight management. The body burns mostly fat and carbohydrates in this zone. Anaerobic (80%–90%): Used for interval workouts or consistent speed. At this zone, your breathing will be heavy and your muscles tired. Enhances lung capacity and increases lactate tolerance. VO2 Max (90%–100%): Helps enhance speed in athletes (who exercise at this level only for short periods as muscles quickly go into oxygen debt). Exercising in this zone can strengthen your fast-twitch muscles and increase your speed.
الناس البتمرنوا البيمارسوا الجري في التراك أو outdoors ممكن يستخدموا heart rate monitors
بالنسبة للناس البتمرنوا في treadmill وخلافها من الماكينات: فزي ما قال يونس شلبي "صاحب النصري" فقط ضع يدك على الـ sensors الموجودات عند مقابض الماكينة عشان تأخد القراية الصحيحة أثناء التمرين ، وأعتقد كذلك أنو معظم هذه المكائن مزودة بجداول توضح الـ MHR والـ Target Heart Rate لمختلف الأعمار.. يتطلب الأمر في معظم الماكينات ضبط إعدادات الماكينة باختيار نوع التمرين - وإدخال العمر "السن"- ثم مدة التمرين والسرعة.. الخ
أتمنى إنو تلقوا أو تلقطوا من الكلام الكتير ده حاجة مفيدة ليكم :)
Post: #194 Title: Re: Sudaneseonline Biggest Loser Author: مريم بنت الحسين Date: 10-18-2011, 05:06 AM Parent: #193
كيمياء واحياء ورياضيات يا الهادي! ... الواحد ما صدّق اتخرّج... بِس!
Post: #195 Title: Re: Sudaneseonline Biggest Loser Author: النصرى أمين Date: 10-18-2011, 10:57 AM Parent: #194
شكرا يا الهادى على المعلومات الدسمة.... الماكنة البشتغل عليها كل يوم فيها Sensors لقراءة دقات القلب.... لكن الفورميلا البسيطة الانا شغال بيها انو لمن اجرى شديد واتعب واحس انو جسمى ما شايلنى بخفض السرعة واقرا سرعة القلب ..... حسب كلامك ده مفروض العكس ...لانو ال Target heart rate zone بتاعى بين 102 الى 145 ( الحسبة كما يلى :- 220 سالب 49 سنة يعادل 171 ..60% منها يعنة 102 و85% منها يعنى 145
المشكلة الوحيدة انو الجهاز فيهو تحذير بقول لى ما استعملSensors لقياس دقات القلب وانا جارى running يعنى لازم اخفض السرعة الى مشى حتى استطيع ان اكمل القراءة ..
لووول يا مريم، هي والله الحكاية ما صعبة قدر ده يا مريم، بالإضافة إلى إنو ماكينات التدريب أصلاً بتكون مبرمجة و مزودة بكل المعلومات دي، ده غير انو انت قد تحتاج لمعرفة هذه المعلومات لمرة واحدة فقط، وكل القصد إنو الواحد لمن يكون عارف هو بعمل في شنو فممكن تتحقق ليهو أقصى فائدة ممكنة من التدريب..
من المتابعين للبوست ومنتظر أشوف نصري دي برجع لي أيام الشباب لمن كان 50 سنة :) بس المشكلة يا نصري ما نزلت لينا صورة قبل إنشاء الله ننتظر صورة بعد وتكون مشرفة ما محبطة!
أنا ركبت معاكم الموجة دي من يوم السبت 15 أكتوبر بي بساطة لأني لقيت وزني زايد زي 20 كيلو كدة ونسبة الدهون ضعف الحد الأقصى للدهون.. بديت بتهيئة الجو وعملت نفير في البيت وحذرت المدام من إنها تدخل المطبخ لأنها ما شاء الله في الطبيخ أحرف من حبوبتي ولو دخلت طبخت حاجة ما توريني طبخت شنو لأني طفس وهباااااش بتاع حلل... ومشيت اشتريت خضار وفواكه عبيت التلاجة وقررت تسمية الأسبوع الأول (أسبوع الغنماية!Vege) أركز فيه على الخضار والفاكهة (غنماية بتاكل فواكه!)مع التوقف التاااام عن تناول الخبز والزيوت والسكر المكرر والاكتفاء بالسكر الذي أحصل عليه من الفاكهة، التوقف تماااااااما عن تناول زفت الصودا وأهم من ذلك ممارسة الرياضة.. الصباح بشيل معاي خيار وجبنة بيضة وفواكه (عنب موز تمر مانجو نهييييي)... عندي يوم راحة يوم الجمعة ممكن ألهط!! أي حاجة وأرجع تاني السبت ..
المهم.. حتى اليوم الأمور ماشة معاي زي الباسطة (I miss it) ومرتاح جدا جدا .. وحاسي بي نفسي خفيف وبصحى من النوم مرتاح.
إنشاء الله بواصل وأمدكم بالتقارير أول بأول..
(مشيت مع الولد حديقة مائية قبل فترة وال ك ل ب بعد مع دخلت واتجدعت معاه في الموية لمن جيت قلت ليه نطلع زعل شكلو وأنا بلبسو لقيتو ليك مركب وش وقال لي dad you have a jelly tummy ah haha!! شفتو كيف عشان كدة برضو لازم نخليها فلات)
تحياتي وأمنياتي بموفور الصحة والعافية للجميع وآسف على الإطالة
أمير
Post: #201 Title: Re: Sudaneseonline Biggest Loser Author: النصرى أمين Date: 10-19-2011, 10:41 AM Parent: #200
فعلا يا الهادى ...انا بقيت بعرف الحاصل شنو.. فى البداية كنت بطلع فى المكنة وهاك يا جرى ... عدة مرات يونس شلبى حاول يقنعنى ان اعمل ال setting فى المكنة random واقيس القلب كل شوية .... تقريبا لى يومين بعمل كده ...
برضو يونس شلبى كان بشتكى لى ان ضغط الدم زايد ولم يستطع انزاله بالرغم انه حريص جدا جدا جدا فى الاكل (لمن ورانى نظامه الغذائئ ..امنت عديل)
وعدته اشترى ليهو حشائش المرمية اللبنانية لانها محلات بيعها فى منطقتنا ....
Post: #202 Title: Re: Sudaneseonline Biggest Loser Author: النصرى أمين Date: 10-19-2011, 10:53 AM Parent: #201
مرحب امير فى عالم الغنمايات... ناس كتار قبلك دقو صدرهم وقالو حنسوى وحنعمل و شنو شنو... وبرااااااااااااااااحة دقو الزوقة ....
ان شاء الله ما تكون حماسة لمدة يومين وتنتهى .... اصعب شئ هو الالتزام .... حاول ما تلتزم ببرنامج رياضة انت متاكد انو صعب يتوافق مع برنامجك اليومى (البيت ..العمل...الخ).... لانك لو ما قدرت تحققه حتحبط وح abandon المشروع كله .....
من تجربتى ..اكتشفت انو النصف ساعة رياضة يومية هى الوقت الميت عندى ... 9 صباحا ....لا شغل و لا مشغلة و لا اولاد .. ومافى موضوع نهائ... يعنى اكتر حاجة ممكن اعملها اجى البيت واتفرج فى التلفزيون واصاقر سودانيزانلاين ... انصحك بتجنب الالتزام برياضة فى الوقت "الذهبى" اليومى ... الوقت البكون فيهو التزامات ضرورية تجاه الاسرة ..تسوق...راحة الخ ......
غايتو نديك اسبوع ...يا بقيت غنماية نفتخر بها .. او لحقت الزواغين ناس فلان وفلان ....
الاربعاء 19 اكتوبر 2011 مرور اسبوع على بداية الريجيم.. جرى شديد فى المكنة ....عملت السرعة 8 ميل ساعة وجريت فترة قصيرة جدا ..كلمت يونس شلبى بذلك وهو يجرى فى المكنة المجاورة قال لى انه مرة جرى بسرعة 10 ميل فى الساعة...قال لى داير تجرب يلا نجرى مع بعض بسرعة 10 ميل فى الساعة ...وافقت ,,, ظبطنا المكنات (انا وهو) على 10 ميل فى السرعة وبدينا الجرى بسرعة الصاروخ (او كما بدا لى) بعد ثوانى بديت اكورك وخفت اقع ... الجماعة فى الصالة كلهم بدو يضحكو ويراقبو المنظر الغريب ...استطعت باعجوبة تنزيل السرعة وكان قلبى ينتح عديل... يونس شلبى عليهو نفس الحالة ...منتهى ... سالته .جرينا قدر شنو ؟ قال لى 35 ثانية .....لا حولا ...الموت ده كله 35 ثانية بس ....
بعد ان انتهيت قلت لى يونس انا حرقت 220 سعرة حرارية Calories قال لى فطرت بشنو؟ قلت ليهو كباية قهوة و muffin قال لى ال muffin فيها 300 سعرة يعنى تعبك ده كله ما غطيت حق ال muffin ..... عمل لى نفسيات ...
معانا فى الصالة واحد تانى زبون دائم فى الجمنازيوم بدا يشرح اهمية المداومة والاستمرار فى الرياضة واثناء حديثه قال لى اسلوب المقابر ده ما بنفع ... طوالى وقفته وسالت هل قلت مقابر ...ضحك قال لا انا قلت Sedentary lifestyle قلت ليهو معناتها شنو؟؟ شرحها لى ..
قلت ليهو انا سمعتها cemetery ....ضحك مرة تانية وقال الاتنين نهايتهم واحدة
Sedentary معناتها خامل لا يتريض
Post: #204 Title: Re: Sudaneseonline Biggest Loser Author: EBTIHAL OSMAN Date: 10-20-2011, 05:35 AM Parent: #203
الهادى كنر خيرك على المعلومات ...ماقصرت تب ..... الحمد لله القصة طلعت نزله من النوع ابو لستك يادوب الليله قمت منها بعد 5 ايام فى البيت ومشيت على ال3 ميل حقتى النصرى مادايرين كسير وجبص.. يونس شلبى دا بغطس حجرك...درب السلامة للحول قريب اتوزنت يامريم لقيت ليك الميزان معلق فى ال77 قلت الحمد لله اخير من الزيادة ههههه
Post: #205 Title: Re: Sudaneseonline Biggest Loser Author: مريم بنت الحسين Date: 10-20-2011, 12:12 PM Parent: #204
مرحب بي أمير معانا.. واهلا بيك... وgood luck، عندك اسباب كتيرة عشان تنجح.. من ضمنها زعلة ولدك دي ...
يا اخوانا شغل البيت ده اكعب رياضة في التاريخ، والله جد... يعني انا مسافة ما انتهي من الغسيل بكون حيلي اتهدّ...
ابتهال صاحبتي... ياخ انت بتشجعيني دايماً... لما القاك محبطه واشجعك بتشجع.. ولما القاك أنجزتي بتشجّع.... لسبب ما حاسه بي روحي رجعت أنقص تاني.. غايته بشوف الميزان يوم السبت، وبديكم النجيضة...
الحكم ده ما نافع يا اخوانا... وين مشى!؟
Post: #206 Title: Re: Sudaneseonline Biggest Loser Author: مريم بنت الحسين Date: 10-20-2011, 12:18 PM Parent: #204
لووووووووووووول.. والله يونس شلبي ده ما ناقش ابو النوم... اسمع كلام الهادي ده.. هو كاواي واي شي، لكن بديك النجيضة... اهم شي في الرياضة الزمن البتقضيه وانت بتتريض (في بداية ممارستك ليها).. أهم من المسافة والجهد المذول.. يعني نص ساعة هروله او جري خفيف، احسن من جري سريع لمدة ربع ساعة... وعادة بقولوا ليك أي نشاط رياضي، بالذات cardio يستحسن انه يستمر أكتر من ثلث ساعة، لانه الابحاث وجدت انه بعد الثلث ساعة دي، الجسم ببدا يحرق دهون... خلي بالك العرق ما مؤشر لحرق الدهون دايماً.. ممكن تكون بتخسر موية، موش دهون... ان شاء الله ما تكون بتنسى قزازة الموية معاك؟ انا متأكده انه يونس شلبي بكون ورّاك ليها دي...
حمدلله على السلامة يا ابتهال ....النزلة احيانا بتكون اصعب من الملاريا..تهد الجسم كله...
الليلة بعد التهور بتاع امبارك داك والجرى بسرعة 10 ميل فى الساعة شعرت بالم بسيط اعلى الساق ...عشان كده اليوم كان عادى ومافيهو مفاجات الحاجة الجديدة الحاولتها ...فى نهاية التمرين ...عملت Fitness test والماكنة سالتنى من العمر والوزن والزمن المطلوب..دخلت المعلومات واخترت خمسة دقائق ... بعد دقيقتين ونص ..غلبنى عديل ...حاولت انزل السرعة ...ابت تنزل...خفت يا اخوانا ماقادر ..الروب...كوركت ليونس شلبى ...قال لى خفض السرعة ... كلمته المكنة مصرة تتم ال5 دقائق اختبار ... رافضة اى تنازل... لم يكن امامنا الا خيار واحد Emergency stop والمكنة وقفت ....
برضو فى بداية التمرين زدت ال incline (طلوع الجبل) الى اعلى درجة اظن 11 مع مشى بطئ 3.3 ميل دقائق ..استمريت لعدة دقائق واضطريت اوقف لصعوبته ...
والله يا مريم ..يونس شلبى بقى لى اكبر مشجع للمواصلة .. الزول ده فعلا مثال للتصميم والالتزام والصبر..... امبارح القريبة دى اتمرن اكتر من ساعة ونص ... ولمن يحكى لى عن وجباته ..جسمى بكش عديل .... ياخ غنماية امير بتاكل احسن منه .... اليوم جاء بملابس مختلفة لان القديمة بقت اكبر منه (عقبالنا)
امبارح مشيت البقالة واشتريت ليهو كيس بتاع مرمية لانه بشتكى من ضغط الدم وحاول كل شئ ولم يفلح ... وعدته فى خلال اسبوع الضغط حينزل لمستوى عادى (اوع المرمية تخزلنى)
والله يا شباب كانت مفاجاة جميلة... بالرغم من اننى لاحظت البنطلون بقى مالص شوية لكن برضو ما كنت متخيل انقص اكتر من كيلو فى اسبوع ... ده كله من الرغيف ........
اليوم الجمعة 21 اكتوبر فشلت للمرة الثالثة فى عبور امتحان اللياقة Fitness Test وهو 5 دقائق فقط ...السرعة الاخترتها كانت 4.5 ميل لكن المشكلة ان المكنة بعد مرور دقيقة من بداية الاختبار ترفع ال Incline (الصعود لاعلى) الى 5 درجات واجد نفسى وكاننى اطلع فى جبل عال ..... المهم المرة الاولى سقطت وتبقى لنهاية الخمسة دقائق دقيقة و 40 ثانية المرة التانية تبقت حوالى دقيقة و 50 ثانية ..... طبعا امبارح برضو سقطت فى الاختبار ده ....
ناوى ان شاء الله وبنهاية الاسبوع الجاى اتجاوزه واشوف غيره...
بالنسبة للجزمة ...عندى جزمة رياضية لكن ما برتاح البسها ولاحظت انو جزمة الشغل وهى باشبه بال boot مريحة معاى وطبعا انا سياستى اى شئ ما مكسور ما تصلحه ..
بعد الاصابة قبل يومين قررت اشترى جزمة جديدة فى عطلة نهاية الاسبوع ......
يونس شلبى جاء اليوم مبسوط منى بسطة ما عادية ..بدا يشرب فى المرمية وعجبته جدا وشرب منها اكثر من خمس اكواب امس واستمتع بيها وقال لى انه لاول مرة يصحى من النوم بدون صداع لان ضغط الدم يتسبب فيه قال انه سيقيس الضغط بعد كم يوم ... جاب لى معاهو صندوق بتاع شعير وورانى الطريقة طبخه .....
هى يا اسمارت هوى يونس شلبى ده رسميا هو ال mentor بتاعى عشان بعدين ما نبقى فى يانى مانى
Post: #214 Title: Re: Sudaneseonline Biggest Loser Author: مريم بنت الحسين Date: 10-22-2011, 10:16 AM Parent: #213
باركوا لي.. نقصته 1.3 رطل... مكسب ضخم من مكاسب الشعب.. خاصة اني الاسبوع الفات كنت active بصورة كويسه... بالله صفقة يعني عشان المعنويات وكده.. ويا ابتهال، صرّة الوش نفعت مع الميزان...
الفيديو ده رسّلته لي زوله بثق في كلامها في موضوع الاعشاب والحاجات دي... وقالت لي دي وصفة سمحه... غايته عندي صاحبتي في الفيسبوك علّقت تعليق إيجابي... اسمعوا الوصفة واقروا تعليق صاحبتي... وجرّبوه... ملاحظة، الكمون مقصود بيه الشمار حق الفول..
I give you green light ya Maryom. Drinking water before food is 1, cinnamon is proven for immunity, memory & burning fat 2, lime/lemon enhances burning fat 3. It's also a strong anti-oxidant. Ginger is a magic catabolic ingredient 4... Just go ahead ;)
Quote: مرحب بي أمير معانا.. واهلا بيك... وgood luck، عندك اسباب كتيرة عشان تنجح.. من ضمنها زعلة ولدك دي ...
سلام يا بت الحسين وشكرا على الترحيب ... تعرفي السبب الرئيسي إنو نحن عندنا في العائلة السكري والضغط حماك الله وأهلك منه عشان كدة أخوك جبنة خااالص كل عشرة خمستاشر يوم بالكتير شهر بفحص السكري وتلقيني بقيت أفتش لي على جيم... طبعا ده بالإضافة للود الغياظ ده :)
** النصري تعرف غنماية أمير دي نقصت بيها 2.8 كيلو في أسبوع وإذا عايز الوصفة الما بتقدر عليها بكتبها ليك هنا... يا بتاع الأرطال انت ما تدلع نفسك وتقيف من التمرين من أول مرة تحس فيها بي تعب لأنو أي مجهود إضافي بتبذلوا بعد كدة ده هو الفيه فائدة.. وبعدين ياخي جرب استبدل العيش بي الخس يعني أعمل ليك سندويتش تونا بالموية في لفة خس مع نقطة ليمون عليهاوكل وأشكر ... جربت سندوتش جبنة فيتا محشية في خيار!!،.. عليك بشوربة الملفوف طاعمة وبتحرق :)
Quote: النصري...نجم هذا الاسبوع دون نقاش....استحمل تعب الرياضة و ستب العيش
سمارت سلام ... أها كمان أي شي ولا المحاباة في التحكيم !! خليني أنقص لي كما كيلو تاني ..ما رطل زي الحنكوش بتاعك بطل الأسبوع ده وبعدين نتفاهم.... بعدين انتي مفروض يكون وزنك مثالي عشان تحكمي على الرمتالة الزينا ديل .. ولا شنو:)
تحياتي وموفور الصحة للجميع
أمير
Post: #219 Title: Re: Sudaneseonline Biggest Loser Author: النصرى أمين Date: 10-23-2011, 11:01 AM Parent: #217
انت يا امير تتهم حكمنا الدولى بالمحاباة وانت عندك مداخلة واحدة من مجموع 217 .... المداخلة بتاعتك زاتها نحن قايلنا من نظام Hit and run ...
عشان الحكم يحكم عليك يجب ان تواظب على رفع تقارير يومية له (او لها)
قلت لى 2.8 كيلو فى اسبوع ؟
انا طبعا فى بداية السلم التنازلى .....وقفت من العيش لكن مدور عدس وفاصوليا... ديل زاتهم حاخليهم بعد ايام وابقى زيك كده وزى غنمايتك...
كدى لو عندك وصفات معقولة (مش نظام خص بتونا او خيار بجبنة) ادينا ليها ...
امبارح غلبنى اقاوم عديل كده واخد لى قضمة من بتزا... بس الحاجة الكويسة السكر وقف تماما ما عدا قهوة الصباح التى لا استطيع الاستغناء عنها
Post: #220 Title: Re: Sudaneseonline Biggest Loser Author: مريم بنت الحسين Date: 10-23-2011, 06:45 PM Parent: #219
طلعته اخدته الاولاد مشوار بالكرعين، مشية صغيرونه، لكن حلوه.. الاكل برضه مظبوط... باكل كويس لكن من غير زيادة... الفي نفسي باكله..
حأعمل حاجه الاسبوع الجاي... يوم الخميس حأوزن على غير العادة (عادة بوزن السبت)... بعداك حأوقف وزن لحدي 11/11/2011.... بعداك حأقوم أوزن.. خلال الفترة دي حأنتظم في المشي وحأحافظ في الاكل بنفس طريقتي القاعده اعملها حسي...
ببدا اليوم بي إني أشرب لي لتر بتاع موية فاترة على فترات متقاربة بتبدأ من بعد صلاة الصبح، بعد ما انتهي من اللتر بتاعي دي بشرب لي شاي أخضر .. الساعة بين الساعة 8 و9ونص ببدأ برنامج الغنماية :) بجيب معاي خيار وخس وجبنة بيضة بفطر بيها ... بعد كم ساعة كدة بمسك لي تفاحة خضرا باكلها بي بذورها من الحرقة :) قبل الغدا بشرب لي كبايتين موية بمشي البيت أشوف لي أي حاجة يا مشوية يا كمان خضار مشكل مسلوق (مكون من ملفوف وكوسة وفاصوليا خضراء).. طريقة عمل المشكل ساهلة بس لو بتعرف الطيارة قامت تخلي الموية تغلي ترمي فيها الخضروات دي مع نص مرقة دجاج وحبة ملح).. بعد صلاة المغرب بطلع أتمشى برجع البيت بشرب لي عصير قريب فروت فريش I LOVE IT وبعد ماآكل لي قطعة جبنة بيضة .. قبل ما أنوم بي ساعتين كدة بشوف لي تونة بالموية مع خس أو تفاحة ولا جوافةأوبلو/بلاك/سترو بيري أعضيها وأمشي أتنيل أنوم!!
يوم الجمعة يوم بتاع محرمات (في الأكل) أي حاجةتجي في طريقي باكلهاوالمدام ما بتقصر يوم الجمعة بكون احتفالي في الأكل محمر ومشمر ومبوخ ورز أبيض ومشكل وهاك يا حلو ...
البرنامج ده حأستمر فيه لي مدة 8 أسابيع بعد ما أنزل الوزن وأكون قريب شوية من وزني بعد كدة حأكل أي حاجة بس بي كميات قليلة مع الرياضة.
هسع الأسبوع الأول انتهى وفي نص الأسبوع التاني ونقصت 2.8 كيلو مع العلم بي إني بوزن يوم السبت الصباح يعني بعد يوم الجمعة الحافل بالأكل.
لاحظ إنو البرنامج ده عدا الجمعة خالي تماما من السكر المكرر، الزيوت، الدقيق ومشتقاته، القهوة، الصودا.
هسع يا النصري عندي علبة بتاعت كعك فرش مجرد ما تدخل الكعكة في خشمك/فمك بتسيح، أصلا لمن تشوفها ساي لعابك بسيل جابوها لي من السودان أمبارح .. وأنا مدمن بتاع كعك .. منتظر يوم الجمعة الساعة 00:00 تجي عشان أدور فيه .. قول إنشاء الله ينفعني.
الأسبوع التاني ده ما متوقع أنقص لأنو المعدة بتكون اتعودت على الكمية الداخلة عشان كدة حأركز على الرياضة من جري ومشي عشان أنقص.
أها كدة كيف ممكن أعلق على الحكم ولا لسع عايز مداخلات.
بت الحسين حسب علمي انتي في السعودية لو في الرياض أنا زمان كنت بمشي بلف حول السور بتاع مدينة الملك فهد الطبية المسافة طويلة بس بتلقي مجموعة كبيرة بتتمشى بتتشجعي.
اخيرا نجحت فى اختبار اللياقة والنتيجة (حسب تقرير المكنة) ممتاز بدرجة 46
الصباح مشيت الصالة وانا زعلان من حكاية السقوط المتكرر فى الاختبار ده ... قلت كدى نسمع كلام امير و ما اعاين فى الساعة .. لحسن الحظ التلفزيون كان فاتح ...برنامج الرياضة ولقطات من دورى القدم الامريكى NFL ..انتهبت مع البرنامج خاصة واننى اكره كراهية عمياء فريق ميامى الذى انهزم للمرة السادسة على التوالى .. لمن انتهت الفقرات الرياضية لقيت الاختبار فى اخر دقيقة ... الحمدلله خلصت ال 5 دقائق .....
Quote: يا اسمارت هوى يونس شلبى ده رسميا هو ال mentor بتاعى عشان بعدين ما نبقى فى يانى مانى
ذى ما بتقول حبوبتى....بخيت وسعيد عليك منتورك يونس شلبى. و تانى نصايحى القيمة لكل رواد البوست ما عادا يونس شلبى protege
مريوم يا زوله جربى اى خلطة ....طول ما ما فيها حاجه مضرة.. لكن انا غايتو الدنيا علمتنى...ان موضوع نقصان الوزن ده عبارة عن حساب بسيط. الطاقة الداخلة (الاكل) تكون اقل من الطاقة المستهلكة ( السعرات الحرارية البيحتاجها الجسم عشان يشتغل ذى" القلب يدق , الامعاء تهضم, المخ يشتغل ومده"+ السعرات الحرارية البتتحرق فى الرياضة). و اكيد كل زول عندةا متابلزم ختلفة...لكن ما فى اى بحث علمى بيقول ان فى اى اكل بناكله ممكن يزيد المتابلزم بتاعتنا. و الله اعلم
Quote: سمارت سلام ... أها كمان أي شي ولا المحاباة في التحكيم !! خليني أنقص لي كما كيلو تاني ..ما رطل زي الحنكوش بتاعك بطل الأسبوع ده وبعدين نتفاهم.... بعدين انتي مفروض يكون وزنك مثالي عشان تحكمي على الرمتالة الزينا ديل .. ولا شنو:)
امير محمد...سلامات....انا (عجبك او لا) سمييييينة و امينة. انا عينت روحى حكم هنا براى.....و النصرى (اتمقلب) و وافق. بعدين منو اللى ح يحكم المسابقة و النصرى متسابق فيها ??? لازم زول ذى كده...لا ناقة له و لا جمل فى موضوع نقصان الوزن ده.....ما تخلينى اصور ليك شنطتى بتاعة الاكل البشيلها كل يوم المكتب
بالمناسبة...نظامك الغذائي صعب شديد...و اشك انك ممكن تستمر فيه لزمن طويل. يا جماعة (كلكم ما عدا النصرى...عنده مدرب خاص)اهم حاجه فى الرياضة و النظام الغذائي انهم يكونوا حجات معقولة عشان يبقوا style of life ....اكل الخضار مهم...و الفواكه و اللحمة. الاهم برضوا التقليل من النشويات و السكريات او تركها نهائي. مبروك اجتياز اختبار اللياقة يا النصرى....و كلنا فخروين بيك (رغم انف امير) ما تنسي...امشي جيب الجزمة يا اخى....
Post: #224 Title: Re: Sudaneseonline Biggest Loser Author: مريم بنت الحسين Date: 10-24-2011, 05:12 PM Parent: #223
Quote: هسع يا النصري عندي علبة بتاعت كعك فرش مجرد ما تدخل الكعكة في خشمك/فمك بتسيح، أصلا لمن تشوفها ساي لعابك بسيل جابوها لي من السودان أمبارح .. وأنا مدمن بتاع كعك .. منتظر يوم الجمعة الساعة 00:00 تجي عشان أدور فيه .. قول إنشاء الله ينفعني.
هههههههههههههههههههههههههههههه، والله خطير يا امير... انا بضحّكني كتابتك وشايفاك مغيووووظ من الموضوع.. لكن واضح انه برنامجك عايز تواصل فيه.. فgo ahead والله وان شاء الله تنجح فيه... انا طبعا في الدمام... وحركتي صعبة جداً عشان عندي بيبي صغيرونه عمرها تلاته شهور.. عشان كده المرقه ما ساهله... لكن برضه عاصره على نفسي وبطلع مرّه مرّه... عندنا حديقة في الحي بتاعنا حولينا ممشى.. بخلي محمود يلعب في الحديقة وبكون بلف حوله في الممشى ومعاي البيبي في الpushchair..
Quote: مريوم يا زوله جربى اى خلطة ....طول ما ما فيها حاجه مضرة.. لكن انا غايتو الدنيا علمتنى...ان موضوع نقصان الوزن ده عبارة عن حساب بسيط. الطاقة الداخلة (الاكل) تكون اقل من الطاقة المستهلكة ( السعرات الحرارية البيحتاجها الجسم عشان يشتغل ذى" القلب يدق , الامعاء تهضم, المخ يشتغل ومده"+ السعرات الحرارية البتتحرق فى الرياضة). و اكيد كل زول عندةا متابلزم ختلفة...لكن ما فى اى بحث علمى بيقول ان فى اى اكل بناكله ممكن يزيد المتابلزم بتاعتنا. و الله اعلم
انا وصلت لنفس نتيجتك دي... عشان كده حاسه انه امير ويونس شلبي والنصري ممكن يتعبوا من برنامجهم ده.. التوازن أهم شي يا شباب... انا مرّه عملته دايت نقصت بيها 11 كيلو... أي والله... وحسي دي لو عايزنها بوريكم ليها... لكن بعد ما وقّفتها، رجعوا الحداشر كيلو وفوقهم حبّة مسك .... الخلطة دي يا سمارت بتخلي الزول ما ياكل كتير.. ولو قريتي كلام صاحبتي، بتحسي انها it makes sense... لانه الself-control is over rated يا قول Dr.Phill... شفتيني كيف وانا I'm quoting Dr.Phil
Quote: تخلينى اصور ليك شنطتى بتاعة الاكل البشيلها كل يوم المكتب
مبالغة... معقول يا اسمارت تمشى الشغل بالدكوة ... زكرتينى مرة سودانيين شغال فى مكان واحد ..قررو يوم يفطرو فول بوووش ... الحضور من الكندييين اقتنعو تماما انو الافارقة متوحشين لمن شافو المنظر ....
للاسف الشديد يونس شلبى لم يحضر للصالة اليوم ..فالباب مفتوح للمتطوعين لمدنا بالنصائح ......
نرجع لاخونا امير ... البرنامج بتاعك معقول بس حكاية اليوم المفتوح يوم الجمعة دى ما نافعة.. لانك ممكن تخسر مجهود الاسبوع كله فى اليوم داك .....
Quote: مبالغة... معقول يا اسمارت تمشى الشغل بالدكوة ... زكرتينى مرة سودانيين شغال فى مكان واحد ..قررو يوم يفطرو فول بوووش ... الحضور من الكندييين اقتنعو تماما انو الافارقة متوحشين لمن شافو المنظر
دكوة شنو يا اخى???انا اخر مرة اكلت دكوة بتكون قبل 25 سنة كده ... قلت لى بوش عديل كده ??? طبعا متوحشين....انا السودانية دى ما حصل اكلت بوش....فول محترم فى الصحن..معاه جبنة و من غير زيت و عيش...فول بالمعلقة....و ما فى زول يحشر يده معاى فى صحنى
شنطتى اليوم الاتنين ...كان فيها: للفطور فى المكتب: 1- نص كباية شوفان + ملعقى صغير زبيب+ نص كباية لبن. 2- عبوة كباية جزر مقطع صغير. للسناك حوالى الساعة 10 صباحا: 3- عبوة كباية عنب للغداء حوالى الساعة 12 منتصف النهار: 5- محشية فلفلية خضراء...ح اكلها من غير عيش... من غير المنطقى اكل المحشي بالعيش...كيف يعنى تاكل زر بالعيش????? 6- قطعة بسبوسة مقاس بوصة X بوصة ...للتحلية بعد الغداء. للسناك الساعة 3 ظهر: 7- معلقى كبيرة fat free cottage cheese + apple sauce
Post: #228 Title: Re: Sudaneseonline Biggest Loser Author: مريم بنت الحسين Date: 10-24-2011, 06:08 PM Parent: #227
Quote: قلت لى بوش عديل كده ??? طبعا متوحشين....انا السودانية دى ما حصل اكلت بوش....فول محترم فى الصحن..معاه جبنة و من غير زيت و عيش...فول بالمعلقة....و ما فى زول يحشر يده معاى فى صحنى
لا كمان ما تصعبيها على يا مريم...زماااان (لما كنت صغيرة) كنت باكل عيش مع الفول. لكن موضوع الزيت ده هو اللى اصلوا ما واقع لى. و كنت بحرد الفول فى البيت لما يكبوا زيت. و احسن لى مليون مرة فتح فيه علبة سارين (بعد ما اصفى الزيت)....يا الله مبالغة
Quote: شنطتى اليوم الاتنين ...كان فيها: للفطور فى المكتب: 1- نص كباية شوفان + ملعقى صغير زبيب+ نص كباية لبن. 2- عبوة كباية جزر مقطع صغير. للسناك حوالى الساعة 10 صباحا: 3- عبوة كباية عنب للغداء حوالى الساعة 12 منتصف النهار: 5- محشية فلفلية خضراء...ح اكلها من غير عيش... من غير المنطقى اكل المحشي بالعيش...كيف يعنى تاكل زر بالعيش????? 6- قطعة بسبوسة مقاس بوصة X بوصة ...للتحلية بعد الغداء. للسناك الساعة 3 ظهر: 7- معلقى كبيرة fat free cottage cheese + apple sauce
يا سمارت تعرفي إنك واحدة حنكوشة!! ما بتاكلي بوش والفول بتاكلي بالملعقة ومن غير زيت !!!! قلتي لي ملعقة صغيرة من الزبيب هههههها ياخي الكلام الفوق ده كله أنا في ربع ساعة بكون لهطه/أكلته!! وكيف سمينة وبتشيلي معاك السامبلز دي للفطور كدة شككتينا في مصداقيتك كحكم ... قالت قطعة بسبوسة بوصة في بوصة!!! فكيتيها حامضة لكن! والله وتالله ربع كيلو بسبوسة أيام الجاهلية بشرب بيه شاي الصباح!! كدي ورينا مكتبكم ده وين عشان انتظرك جنب الباب أريحك من فطورك البايخ ده! ...
Quote: البرنامج بتاعك معقول بس حكاية اليوم المفتوح يوم الجمعة دى ما نافعة.. لانك ممكن تخسر مجهود الاسبوع كله فى اليوم داك .....
أولا مبروك النجاح وعقبال ما تنقص ليك 10 رطل في شهر .. رطل قال :) بالعكس اليوم المفتوح يوم الجمعة ده بجهجه المعدة بخليها تتخيل إنو خلاص ليبيا فتحت وبعد كدة دي الكمية الحتجيها كل يوم !! لمن ترجع تقرض عليها من يوم السبت بتتحير ومعاها ببدا نقصان الوزن.
أها الموزة دي خربت عليك!! ياخي الكلام البتقول فيه ده حراق روح ساكت!!
Quote: قلت لى بوش عديل كده ??? طبعا متوحشين....انا السودانية دى ما حصل اكلت بوش....فول محترم فى الصحن..معاه جبنة و من غير زيت و عيش...فول بالمعلقة....و ما فى زول يحشر يده معاى فى صحنى
ياخي الكلام ده مزعلني شديد والله!!! نحن أيام الجامعة البوش ده بناكله في طشت طشت!! بنفت زي 60 عيشة كدة مع موية الجبنة .. موية جبنة يا حنكوشة والكلام ليك يا سمارت! تقولي لي ما في زول ياكل معاي في صحني!! أعضيك في راسك هسع!! غيظتيني .. أها بتاكلي فسيخ ولا يككي!
بت الحسين ربنا يحفظ ليك أولادك .. الدمام جميلة أنا اشتغلت لي زي سنة كدة في راس تنورة كنت بجي الدمام لي بت عمي كل خميس.... البرنامج بتاعي ده لي فترة مؤقتة يعني شهرين بالكتير أنقص شوية بعد كدة الواحد يعمل حسابه في الأكل ... هسع الأسبوع التاني قرب ينتهي الحمد لله.
تحياتي للجميع وبرجع ليكم بعد شوية نشوف قصة الفول بالمعلقة ده!!
امير يا اخي ما تطلع علي إشاعات . زمان كنت بأكل الفول بالعيش. بس هسي لو أكلت ربع عيشه بزيد ذي عشرة كيلو كده. زمان ايام الجاهلية ( ايام الجامعة) أنا و صحبتي كنا بننزل من المواصلات في ابو جابرة بتاع البيتزا. بنطلب بيتزا كبيرة و بناكلها كلها برااااانا. بعدها ما بنقدر حتي نقيف للمواصلات، بنقعد في الارض نستني الحافلة. بعدين أنا ما حنكوشه، عدم اكل البوش سببه أني , Germophobic و ما بقدر اكل مع زول في صحن واحد. و عندي مصران عصبي من رابعة ابتدائي عشان كده ما بقدر اكل حاجه فيها زيت كتير. بحب الفسيح جداً، و الفسيح هو الحاجه الوحيدة اللي بأكلها بالعيش و بعدها بصوم لباقي اليوم كده. أنا مستعده اكل اي شيء، بس يكون نظيف.
تعرف اليوم علي الساعة 3 الظهر كده جابوا لينا cupcake في المكتب. شلتا واحده و قاعده مسااااافة أعاين ليها. في النهاية تقلت دمي و اكلتها
سلامتك يا سمارتي ... الله يحرق الـIrritable colon أنا عندي الحاجة دي من بدري لكن ما شغال بيها .. باكل شطة الدكوة الما شبهك دي وأي حاجة بتهيجه ولمن أتعب شديد اليوم التاني ابدأ آكل زبادي بس صباح مسا
Quote: بحب الفسيح جداً، و الفسيح هو الحاجه الوحيدة اللي بأكلها بالعيش و بعدها بصوم لباقي اليوم كده.
خلاص في يوم من الأيام بعزمك فسيخ .. بس ما عايزين حنكشة حتاكلي معانا في صحن واحد!! وتاكلي بي أصابعك الخمسة ولازم على الأقل تقرمشي ليك 5 بصلات أثناء الأكل مش (بسبوسة بوصة في بوصة)! بس ما تخافي العيش حيكون فرنسي كرنشي :)
كدي خلينا نرجع للرياضة:(
أمبارح بعد المغرب على الرغم من إني تعبان قلت أتمشى وزعلان لأني لي يومين انشغلت ما قدرت أتمرن .. المهم طلعت ومشغل mp3 player وركبت الشارع مشي سريع في شارع رئيسي في المنطقة الفاصلة بين الاتجاهين .. بديت الساعة 06:17 دقيقة وفضلت ماشي وفي يدي قارورة:) موية ماشي لمن حسيت بي بطن رجلي بدت تسخن لمن عاينت للساعة لقيتها 07:23 دقيقة ده اتجاه واحد يعني لسع عندي رجعة .. شلت هم قلت لو رجعت نفس المسافة دي مشي حيكون over فكرت أركب تكسي لكن ما شايل معاي المحفظة وبدل ما أمشي بي تكسي وأتصل على المدام تطلع تحاسب التكسي أخير أمشي 5 ساعات تاني لأنها حتشيل حسي!! المهم قلت كدي خليني ابدا أمشي gently مسافة وبعدين لمن أقرب على البيت أجري... قبل البيت زي بي كيلومتر كدة بديت أجري لساني بقى جاري في الواطة .. وصلت البيت دايخ تقريباالساعة 08:32 .. وبقيت مهيبر لحدي الساعة 12 بالليل !! الصباح وأنا طالع للشغل قست المسافة بالعربية لقيت إني مشيت حوالي6.4 كيلومتر.
Quote: بس هسي لو أكلت ربع عيشه بزيد ذي عشرة كيلو كده.
أنا يا سمارت بالموية بسمن يعني هسع قبل ما أبدا البرنامج ده الوجبة الرئيسية هي الغدا لكن برضو الواحد زايد!!
كدي ورينا شنطة الفطور بتاعتك فيها شنو لي يوم الأربعاء عشان نتعلم منك.
تحياتي وموفور الصحة والهنا
أمير
Post: #233 Title: Re: Sudaneseonline Biggest Loser Author: مريم بنت الحسين Date: 10-25-2011, 04:15 AM Parent: #231
Quote: بالعكس اليوم المفتوح يوم الجمعة ده بجهجه المعدة بخليها تتخيل إنو خلاص ليبيا فتحت وبعد كدة دي الكمية الحتجيها كل يوم !! لمن ترجع تقرض عليها من يوم السبت بتتحير ومعاها ببدا نقصان الوزن.
True... جسم الانسان لما يكون في حالة تجويع مستمرة بدخل في حالة بتخيّل فيها انه حصلت مجاعة... جسم الانسان ده مخزّن حاجات من زمن انسان الكهف... الكان بياكل بالحوجه... يعني ممكن يلقى صيد ياكله كله في يوم واحد، ويقعد اربعة خمسة يوم ما يلقى شي.. اها الجسم مبرمج انه لو اكل بعد جوع طويل يقوم يخزّن الاكل ده على شكل دهون وبالتالي يقوم يسمن... لكن لما تجهجه النظام بأكله معتبره وسط الاكلات الخفيفة دي... بتطلع من حالة الstarvation دي بدون ما يتخزن ليك دهون اضافية، والجسم برجع يحرق... وبحرق من المخزون الموجود and you loose weight....
بس ببقى التساؤل انه الزول حيقدر يلتزم بالبرنامج ده كتير؟ غايته حماسك مُعدي يا امير.. واعتقد انه دخولك للمسابقة حيخلي الناس تشد الهمّة أكتر...
Go losers! I mean it in the most positive way
تحياتي لسمارت..
Post: #235 Title: Re: Sudaneseonline Biggest Loser Author: النصرى أمين Date: 10-25-2011, 10:16 AM Parent: #233
Quote: True... جسم الانسان لما يكون في حالة تجويع مستمرة بدخل في حالة بتخيّل فيها انه حصلت مجاعة... جسم الانسان ده مخزّن حاجات من زمن انسان الكهف... الكان بياكل بالحوجه... يعني ممكن يلقى صيد ياكله كله في يوم واحد، ويقعد اربعة خمسة يوم ما يلقى شي.. اها الجسم مبرمج انه لو اكل بعد جوع طويل يقوم يخزّن الاكل ده على شكل دهون وبالتالي يقوم يسمن... لكن لما تجهجه النظام بأكله معتبره وسط الاكلات الخفيفة دي... بتطلع من حالة الstarvation دي بدون ما يتخزن ليك دهون اضافية، والجسم برجع يحرق... وبحرق من المخزون الموجود and you loose weight....
يا مريم انت كده جهجتينا بتاكيدك لكلام امير ده ... الكلام فىهو " ريحة" منطق .... لكن كمان ومن الجانب الاخر كيف الزول يعمل يوم مفتوح وياكل ما تشتهى النفس ويرجع باقى الاسبوع يحرم نفسه .....
ما اكضب عليك الكلام ده اول مرة اسمعه وكنت مفتكر امير بهترش برة من راسه
Quote: ... جسم الانسان لما يكون في حالة تجويع مستمرة بدخل في حالة بتخيّل فيها انه حصلت مجاعة... جسم الانسان ده مخزّن حاجات من زمن انسان الكهف... الكان بياكل بالحوجه... يعني ممكن يلقى صيد ياكله كله في يوم واحد، ويقعد اربعة خمسة يوم ما يلقى شي.. اها الجسم مبرمج انه لو اكل بعد جوع طويل يقوم يخزّن الاكل ده على شكل دهون وبالتالي يقوم يسمن... لكن لما تجهجه النظام بأكله معتبره وسط الاكلات الخفيفة دي... بتطلع من حالة الstarvation دي بدون ما يتخزن ليك دهون اضافية، والجسم برجع يحرق... وبحرق من المخزون الموجود and you loose weight....
مريوم و امير...انتو متاكدين من الكلام ده????الجزء ده من الكلا صحيح....
Quote: جسم الانسان لما يكون في حالة تجويع مستمرة بدخل في حالة بتخيّل فيها انه حصلت مجاعة... جسم الانسان ده مخزّن حاجات من زمن انسان الكهف... الكان بياكل بالحوجه... يعني ممكن يلقى صيد ياكله كله في يوم واحد، ويقعد اربعة خمسة يوم ما يلقى شي.. اها الجسم مبرمج انه لو اكل بعد جوع طويل يقوم يخزّن الاكل ده على شكل دهون وبالتالي يقوم يسمن
لكنه بيناقض الجزء ده:
Quote: لكن لما تجهجه النظام بأكله معتبره وسط الاكلات الخفيفة دي... بتطلع من حالة الstarvation دي بدون ما يتخزن ليك دهون اضافية، والجسم برجع يحرق... وبحرق من المخزون الموجود and you loose weight
انا شايفه انو امير بيجوع جسمه طوال الاسبوع ...لكن لما يجى الجمعة بياخد راحته...و بالتالى الجسم بيقول :خلاص امير الليلة صاد ديك يا الغزالة. و امير كسلان ما بيطلع يصيد طوالى عشان كده احسن لى اخزن كل الطاقة دى لليوم الاسود. و بالمناسبة الموضوع ده ما على مستوى الاسبوع او الشهر بس...حتى على مستوى اليوم. المصارعين اليبانيين السمااااان اياهم...عشان يسمنوا بياكلوا وجبة واحدة فى اليوم. الواحد بيجوع طوال اليوم...بالليل بياكل وجبة واااحدة. و الجسم بيكون فى starvation و بيخزن كل الاكل. عشان كده احسن طريقة لنقص الوزن اكل وجبات كتيرة صغيرة (6 وجبات فى اليوم...بس صغار شديد).
النصري امير فعلا بيهترش بره من راسه
مريوم...
Quote: Go losers! I mean it in the most positive way
...Go losers دى مفروض نعملها شعار البوست امير عازومة الفسيخ ما باباها....لكن بفرز عيشتى بدرى .....بدرى... و بغرف فى صحنى. و احمد الله بقرررقش البصل...بس يكون بصل اخضر. مبروك ال 6.4 كيلومتر....و عقبال ال 15 ... طبعا ح تهيبر لو جريت الساعة 8 مساء....اصحى الصباح بدرى اتريض يا اخى
والله يا اخوانا انا مبسوط بسطة... قابلت يونس شلبى اليوم بعد غيابه امس الاثنين... كانت تبدو عليه السعادة الطاغية ... قال لى انه ذهب لمقابلة الدكتور الذى تفاجا بمعدل ضغط الدم لاول مرة يصل لمستويات عادية ..بالحرف الواحد قال لى blood pressure almost perfect 180 على 78 الدكتور كان مستغرب جدا لنتيجة الكشف وقد طلب من يونس شلبى ان يحضر معه مرمية فى زيارته المقبلة ....
التمرين اليومى:- قمت باختبار اللياقة بنفس النسب (5 دقائق) واستطعت اكماله بطلوع الروح لكن للاسف النتيجة كانت "تحت المتوسط" below average وهناك الرقم 36 الذى لم افهم المقصود منه ....
Quote: ما اكضب عليك الكلام ده اول مرة اسمعه وكنت مفتكر امير بهترش برة من راسه
Quote: النصري امير فعلا بيهترش بره من راسه
والله أنا يا جماعة بتذكر السنة الفاتت كنت بتونس لي مع أخصائي حميات غذائية وهو قال لي ياخي لازم يكون في يوم تاخد فيه بريك وتاكل أي حاجة عايزة لي سببين الأول عشان ما تمل من الرجيم وتبدا الأسبوع التاني وتكمله وتاني حاجة لأنو لمن تبدأ الرجيم بتتغير الكمية والنظام الغذائي بشكل مختلف عما تعودت عليه معدتك ولذلك نقصان الوزن بكون أكبر في الأسبوع الأول من البرنامج الغذائي والأسبوع التاني بكون فلات flat يعني ما بتنقص عشان كدة تبدأ تزيد من جرعة التمارين الرياضية من الأسبوع التاني ولحدي ما ينتهي البرنامج عشان تنقص ليك من 1 إلى 2 كيلو في الأسبوع .. وإنو المعدة مثلا لو عودتها أسبوع على كمية وجيت كسرتها في يوم اليوم ده بالنسبة ليها بكون بداية كمية جديدة بتبدأ تحرق على أساسها.
Quote: انا شايفه انو امير بيجوع جسمه طوال الاسبوع ...لكن لما يجى الجمعة بياخد راحته...و بالتالى الجسم بيقول :خلاص امير الليلة صاد ديك يا الغزالة. و امير كسلان ما بيطلع يصيد طوالى عشان كده احسن لى اخزن كل الطاقة دى لليوم الاسود.
يا مفتحة انتي أنا ما بجوع نفسي أبدا وبتناول من 3 لي 6 وجبات بس بتكون تقريبا خالية من الدهون والسكريات وفي اليوم المفتوح ده بتناول أي حاجة أكسر بيها البرنامج.
بت الحسين يا كايداهم;) .. ما تشتغلي بي سمارت الأوبيييس دي كلامي وكلامك صح ومهني كمان .. خلي العايز يتأكد يمشي يغوغل... واصلي في برنامجك عايزين نحتفل يوم 11/11/2011 بالأربعة كيلو الحتنقصيها.
Quote: طبعا ح تهيبر لو جريت الساعة 8 مساء....اصحى الصباح بدرى اتريض يا اخى
أنا بصحى يوميا الساعة 04:50 دقيقة صباحا وكنت بتمرن الصباح في جيم قريب من المكتب بس هسع المكتب حينقلوهو مكان تاني وما عايز أجدد اشتراكي عشان ما أخسر:) التمرين الصباح ممتع جدا جدا ومفيد.
أمبارح اليوم كان شكله أوفف .. جيت أنوم الولد زي الساعة 7:30 نمت قبل ما ينوم وللصباح وما عارف أنا كنت نايم ولا دايخ! :)
النصرى....... جارتى البوسنية و استاذة ابنى لما كان فى الحضانة زارتنا امس و قالت ضغطها مرتفع جدا و ما فى اى حبوب نافعة. طق....اتذكرت انت و يونس شلبى. الزولة فى الستينات و خفتا اديها مرمية و انا ما مجرباها. اديتها tea bages بتاعة كركدى و قلت ليها جربيه حبة حبة. و قيسي ضغطك بعد كباية الكركدى بنص ساعة كده. و- ذى اى دكتور محترم- قلت ليها خلينا نتكلم بعد اسبوع...لو ما نفع الكركدى, بمشي دكان العرب اجيب ليك مرمية.
Quote: بت الحسين يا كايداهم;) .. ما تشتغلي بي سمارت الأوبيييس دي كلامي وكلامك صح ومهني كمان .. خلي العايز يتأكد يمشي يغوغل... واصلي في برنامجك عايزين نحتفل يوم 11/11/2011 بالأربعة كيلو الحتنقصيها.
بنت الحسين دى انت ما عارفا سااااى. خطرة (ما شاء الله عليها) وح تغلبكم كلكم فى النهاية. و هى من ناحية كايداهم....كايداهم......يا اخى انتو كلكم بغرتونى الايام دى
Quote: يا مفتحة انتي أنا ما بجوع نفسي أبدا
انت براك اللى شبكتنا غنماية...و ما عارفه ايه.... على العموم الميزان يكضب الغطاس....قصدى الاوبيس
للاسف الشديد لم استطع ان اتريض اليوم بسبب مواعيد مستعجلة مع احد الزبائن .... كان يمكننى تاخير مواعيد الرياضة الا اننى كنت قلق بعض الشئ و قررت الغاء التمرين اليومى ... ان شاء الله بكرة اعود للبرنامج واعوض اليوم المفقود ....
___________
يا جعفر محى الدين المواعيد قربت والسباق قائم فى مواعيده اا/11/2011 مسافات القصيرة 400 متر......
انت لابت كده مالك ؟ ...خوفتنى عديل.....
Post: #241 Title: Re: Sudaneseonline Biggest Loser Author: مريم بنت الحسين Date: 10-26-2011, 09:26 PM Parent: #240
Quote: بت الحسين يا كايداهم;) .. ما تشتغلي بي سمارت الأوبيييس دي كلامي وكلامك صح ومهني كمان .. خلي العايز يتأكد يمشي يغوغل... واصلي في برنامجك عايزين نحتفل يوم 11/11/2011 بالأربعة كيلو الحتنقصيها.
تعرف يا أمير.. حكمنا الهُمام دي، كان جيت قلت ليها نقصته أربعة كيلو في اقل من اسبوعين حتركب الطيارة وتجي تدقّني... عشان كده انا بخاف منها.. وعامله حسابي.. وناوية على نقصان بطيء ولكن مستمر ان شاء الله
الليلة جيت ليكم بي تقليعه عملتني ليها فردتي في الفيسبوك... حاجه كده اسمها Zumba.. لسه ما بديت فيها... لكن شكلها لزيز للناس البحبوا الaerobics...
امشوا الYouTube بتلقوا عنها حاجات كتيره...
اها يا النصري، لقيت لي يونس شلبي خاص بي.. الزولة دي بتمارس الرياضة ستة أيام في الاسبوع... وما شاء الله عليها، سمبتيك خالص... حتقعد تنقّني عشان اتريّض انا برضه
يا اسمارت ما تضيعى زمن الحاجة دى ....الكركدى ضياع زمن ساى امش دكان اللبنانين واشترى المرمية الاعشاب (ما تشترى المعلبة فى شكل tea bags) خليها تشربها 3 او اربعة مرات فى اليوم وصدقينى فى اقل من اسبوع الضغط حينزل لمعدلات طبيعية جدا .... على مسئوليتى ....واراهنك اذا لم يحدث تحسن حافرتك الريجيم بتاعى وامشى KFC اضرب لى سندوتشين Double Down
الحكاية دى اتاكدنا منها تماما .. ودلوقت دكتور اخصائئ كندى عنده رغبة يعرف الحاصل شنو
*****
يا اخوانا مبروك الصفحة التالته ... عادة كده انا اى بوست بعمله بزهج منه بعد يومين تلاته لكن البوست ده ..الفورة مية (طبعا يا اسمارت ما عارفه الفورة مية معناتها شنو)
المهم ... تحسن رهيب ..شعور عارم بالنشاط ..... لاول مرة اربط حزام البنطلون فى حتة جديدة وبدون ضيق ... الله ده كريم ادانا من حيث لا نحتسب
Quote: تعرف يا أمير.. حكمنا الهُمام دي، كان جيت قلت ليها نقصته أربعة كيلو في اقل من اسبوعين حتركب الطيارة وتجي تدقّني... عشان كده انا بخاف منها.. وعامله حسابي.. وناوية على نقصان بطيء ولكن مستمر ان شاء الله
مريوم لو بقى على الدق هينة الزولة دي جابت كثافة الراجل بتاع أبل الاسمو جوب الظاهر السيغنال بتاع البلوتوث حقها بعيد المدى (عينها حارة) أعملي حسابك واتحصني :)
ZUMBA شفت عنه رفيو والله ممتاز شكله ومسلي منها رياضة ومنها الواحد لمن يمشي ليه حفلة يعمل فيها مايكل جاكسون !!
النصري المرمية دي نحن قاعدين نشرب بيها الشاي سادة زيها وزي القرفة والمستكة إضافة نكهة وكدة لكن أول مرة أعرف أنو المرمية بتنزل الضغط... لكن خلاص بعد ده بقشر بيها:)
سمارت عاملة شنو مع البسبوسة بوصة في بوصة:)
اليوم كان هادئ بالنسبة لي مشيت حوالي 40 دقيقة أوت دوور وجيت راجع البيت .. إنشاء الله يوم السبت الصباح بوزن وأجيب ليكم النتيجة لكن ما حاسي بي إني حأنقص حاجة على الرغم من إنو في إحساس بالراحة..
يا امير ..اعشاب المرمية بتنزل الضغط 100% اتاكدنا تماما من المعلومة دى بعد تجارب كتيرة جدا جدا ....
انا ما عندى مشاكل ضغط (والحمدلله) عشان كده ما شغالة بيها شديد .. برضو طعمها اشتر شوية ....
-------------
لليوم الثالث نجحت فى اكمال اختبار اللياقة لكن بتيجة تحت المتوسط below average ..ما عارف الحصل شنو لانو اول يوم كانت النتيجة ممتاز excellent ...هناك رقم يظهر عقب انتهاء الاختبار ..رقم اليوم كان 35.8 امس كان 36 وحرابيش ....
اليوم الجمعة 28 نوفمبر 2011 اتاكدت تماما انو لياقتى منتهية وتحت المتوسط ..قمت باجتياز اختبار اللياقة للمرة الرابعة وبنفس النتيجة below average ... يتريض معى فى الصالة زميل حبشى مسلم يتكلم اللغة السودانية بطلاقة.. سالته قبل شهر لماذا لا يجرى فى المكنات ويكتفى باجهزة شد العضلات ,, قال لى انه اخد نصيبه كاملا فى الجرى والمشى فى اثيوبيا ,,قال انه كان يمشى 6 او 8 ساعات فى اليوم متنقلا بين مدينته والمدينة المجاورة ... هو فى نفسى عمرى الا ان وزنه حوالى 180 رطل ...
طلبت منه ان يختبر لياقته فى المكنه حتى يمكننى المقارنة ..وافق.. ادخلنا البيانات ..5 دقائق ...الوزن العمر والسرعة 4.5 ميل ... بدا يجرى ولم تبدو عليه اى علامات تعب ,,,,, فى نهاية الاختبار كانت دقات قلبه 85 (انا كنت بين 135 الى 135) النتيجة فى الجهاز تقول ان دقات قلبه اقل من المتوسط وعليه ان يعيد الاختبار... اصطكينا شوية فى المعنى الا اننا اتفقنا ان فى الاخر ان السرعة عنده يجب ان تكون اكبر من 4.5 حتى ينشط القلب ويصل لمستويات مقبولة.... بالنسبة لى لانه لياقتى منهية وراقدة رز فالقلب يجتهد بكل سعته لاكمال الاختبار... نفسيات ...
تعرف في حاجة مهمة في الجري وهي إنو الواحد يجري بي تناغم وما تتنفس في خشمك/فمك عشان نفسك ما يقطع يعني لمن تجري شغل cruise control :) وأنسى وبعدين أجري ساكت ما تركز مع الزمن والمسافة مجرد ما تحس بي نفسك تعبت شد على نفسك شوية في الزمن ما في السرعة عشان تستفيد .. أناصراحة كنت بقطع بي سرعة بعدين جربت أشغل نفسي بي أي حاجة أسمع مزيكا أتفرج تلفزيون قدامي أفكر في حاجة ما عندها حل وأنسى إني بجري .. لأنو لو ما شغلت تفكيرك حيكون تفكيرك كلو في جريت قدر شنو.. أنا خلاس تعبت حاقيف ..وكفاية الليلة وتقطع وعد على نفسك إنو بكرة تزيد الجرعة وده ما يحصل بكرة!!
أول أمبارح حسيت بي ألم في الركبة اليمين ومشيت الدكتور أمبارح .. قال لي انت محتاج تنزل أربعة كيلو عشان تقدر تتمرن تمارين عنيفة شوية ولحدي ما تنقص أمشي جنتلي .. الحمد لله.
الليلة عندي صحبي بنافسني في حب الكعك اتصل علي قال لي إنو شاكي بي إنو عندو سكري وبالأرقام القالها بالتأكيد عندو سكري .. أنا طبعا خفت وطوالي قلت للمدام الكعك ده أنا ما عايز أشوف وشو تاني كرهته الله واحد!!! تخيل الزول ده ما شاء الله تبارك الله بقعد على علبة الكعك بقوم منها لمن يشبع .. يشبع!! .. الله يستر عليه وعلينا كلنا.
بكرة بجيب ليكم نتيجة الوزن ونسبة الدهون وkeep your fingers crossed.
والله يا اسمارت حكاية التنفس دى مجهجهانى .... انا بتنفس زى السمكة ...الخشم يفتح ويقفل زى ال garage door وما قادر اعمل تناغم ...مرات نفس طويل ومرات نفس قصير..... حاولت اتنفس بالانف لقيت روحى حاغمر ......
Quote: تخيل الزول ده ما شاء الله تبارك الله بقعد على علبة الكعك بقوم منها لمن يشبع .. يشبع
يا حليل ايام الجاهلية (قبل شهر ونص) كنت بقش اى حاجة تقع فى طريقى .. دلوقتى مستغرب فى روحى ...كيف وصلت المستوى ده من الاستهتار... الحمدلله الواحد استعدل من نفسه وما انجبر زى الناس البجيهم سكرى ويا دوب يبدو يغيرو فى طريقة حياتهم .....
يا اخو للاسف استاذى ومرشدى يونس شلبى عنده مشكلة فى الركبة والدكتور طلب منه عدم الجرى ... دلوقت انا راسى مقطوع وداير توجيهات
Quote: أنا مش قلت ليكم امير بيتكلم من برا راسه؟؟؟ امير يا مفتح، اهم حاجه حاجه في الجري ان الزول يتنفسم من خشمو. و ما تقولي أخصائي تغذية او خلافه
وحياتك خطأ مطبعي يعني كنت عايز أكتب ما تنسى تتنفس بي خشمك .. وجيتي انتي ناطة لي بالمرجع بتاعك كمان .. سامحنا يا النصري وانتي يا سمارت إنشاء الله تجي الأولى:P ... منتظراني أغلط يا بتاعت البسبوسة بوصة في بوصة! إنشاء الله حيجي اليوم وأشوف أثر الحاجة دي فيك :)
وبعدين ياخي قولي لي كفارة على الركبة البتوجعني:) حكم متحيز!!
أنا اليوم وزنت والحمد لله في أسبوعين نقصت 3.6 كيلو والدهون نقصت 3.1 ومواصل إنشاء الله بواصل البرنامج وتاني بوزن بعد أسبوعين... التمارين حتكون خفيفة يعني في الغالب مشي خفيف وإيروبيكس.
السلام عليكم يا جماعة بوست رائع يا النصري و اسمارت و باقي الشباب, ان شاء الله حانقل ليكم تجربتي و خبرتي في خسران الوزن و حاحكي ليكم كيف قدرت اتخلص من 21 كيلو في 4 شهور , بس ان شاء الله القى زمن مع الزرزرة الانا فيها دي ترقبونا
الغريب كنت متخيلك طويل ونحيف زى شاباريل 21 كيلو رقم محترم فى اربعه شهر,,,, لو قدرت احققه معناه مع اجازتى السنوية شهر فبراير حابقى زى الغزال
Post: #253 Title: Re: Sudaneseonline Biggest Loser Author: مريم بنت الحسين Date: 10-29-2011, 04:33 PM Parent: #251
Quote: مريوم لو بقى على الدق هينة الزولة دي جابت كثافة الراجل بتاع أبل الاسمو جوب الظاهر السيغنال بتاع البلوتوث حقها بعيد المدى (عينها حارة) أعملي حسابك واتحصني :)
يخسي عليك يا امير ياخ، سمارت دي كانت حزينة خلاص لوفاته... واتصلته بيها كانت ما قادره تنوم من الحزن.. لكن عشان افسر ليك اكتر انا عندي بيبي معتمدة علي.. لو نقصته وزن كتير في وقت قليل دمي بكون مليان بالسموم النتجت من عملية حرق الدهون دي.. وحتمشي للبيبي في الحليب... عشان كده لازم انقص براحه عشان ما اضرّها... سمارت هي النبهتني للحاجه دي لما شكيت ليها اني بنقص سريع ....
الليلة طلعته اتمشيت مشية حلوه خلاص.. وجيت عايزه اعمل Pilaties ... دي من الرياضات الحلوه جدا لتقوية الcore muscles... يعني الجزء الاوسط من الجسم... الناس العندها كروشه بعملوها... هي ما ساهله، لكن فعّاله جداً...
اكلي ما جايطه فيه خالص، باكل بصورة متوازنه... حسي حأتعشى بي سلطة فواكه ظريفة ... بس فواكه فريش مقطّعه....
لازلت محاربه الميزان، ما حأشوفه إلا يوم 11/11/2011... واتمنى اني اكون نقصته لي كيلو ونص ... حلوين يا سمارت موش؟
سلامات يا النصري انا طولي 183 سنت يعني طويل لكن مشكلتي كلها في نمط الـ Nutrition الخاطيء الكنت متبعو زمان كما ان العوامل الوراثية ايضاً لها دور كبير كما سيأتي شرحو لاحقاً بالاضافة لعدم الاهتمام بالرياضة الرياضة و التغذية الصحية اهم عوامل فقدان الوزن و الوصول للغاية المبتغاة في عالم الصحة و الرشاقة .... حكاية صعبة لكن ليست مستحيلة و تحتاج لصبر و عزيمة كبيرين
Post: #255 Title: Re: Sudaneseonline Biggest Loser Author: EBTIHAL OSMAN Date: 10-30-2011, 02:46 AM Parent: #254
اال zumba وما ادراك ما الzumba الzumba انا زولتا كنت بمضى ليها كلاسات عديل كدا ...كنت بمشى مستمتعة لكن اتعقدت من الجكس النضيف البتلولو زى الديدان وفى واخدة كانت زميلتى قى الكلاس خامل قى 8شهور وبنرقص عادى وانا اناهد ونفسى مقطوع النصرى والله بقيت مابتنقدر ايااااااااااااااامك
Quote: يخسي عليك يا امير ياخ، سمارت دي كانت حزينة خلاص لوفاته... واتصلته بيها كانت ما قادره تنوم من الحزن.. لكن عشان افسر ليك اكتر انا عندي بيبي معتمدة علي.. لو نقصته وزن كتير في وقت قليل دمي بكون مليان بالسموم النتجت من عملية حرق الدهون دي.. وحتمشي للبيبي في الحليب... عشان كده لازم انقص براحه عشان ما اضرّها... سمارت هي النبهتني للحاجه دي لما شكيت ليها اني بنقص سريع ....
الله يحفظ ليك البيبي وتتربى في عزكم إنشاء الله ... لا سمارت دي بس حسادة مني ساكت لأنها ما شاء الله عليها اكتيف وشكلها slim and vivid .. لكن مزعلاني قصة البسبوسة بوصة في بوصة دي .. ياخي أنا عندي صحبي كنا بنمشي نشتري كيلو بسبوسة ونص كيلو بسيمة من لارين في الشارقة ونشتري لينا أربعة لبن المراعي وندخل حديقة المجاز نتونس بيها وبعد داك نمشي البيت (المؤمن حلوي)هي تجي تقول لي بسبوسة بوصة في بوصة :)
أمبارح مشيت حوالي 40 دقيقة مشي اعتيادي لكن الحمد لله الواحد حاسي بي راحة في المعدة وخفة في الحركة.
Quote: والله يا اسمارت حكاية التنفس دى مجهجهانى .... انا بتنفس زى السمكة ...الخشم يفتح ويقفل زى ال garage door وما قادر اعمل تناغم ...مرات نفس طويل ومرات نفس قصير..... حاولت اتنفس بالانف لقيت روحى حاغمر ......
النصري...مفروض تخلى خشمك فاتح طوالى...و بيسموه ال dead fish اقرا الموضوع اللى ختيته لامير...ح تلاقيه مفيد كفارة ليونس شلبى يا اخى....ربنا يعينه.
مريوم ....شفتى انير ده شايل حسي كيف?!!! ال Pilaties دى يا اختى غلبنى كلو كلو براى....شكلى لازم اشوف لى class ...حتى اليوجا. شكلها دى الحجات اللى عاوزه مزاج و طولة بال. كيلو نص مناسبات.....بالتوفيق يا مريوم...
ولدنا غباشي....مرحب بيك....و اكيد ح تفيدنا شديد
ابتهال...ما تشتغلى بالموضوع....كنت بمسي جم فيه نساء بس. كان يشرح القلب...ناس وزنها 100 رطل و ناس وزنها 400 رطل...و كلهم ماخدين راحتهم و متصالحين مع روحهم
امير...ما تعقدنى يا اخى....انا قلت ليك سمينة و امينة. وخاصة الايام دى. بامر الطبيب ما ممكن اعمل اى رياضة غير انى اتمشي...عشان كده باكل بسبوسة بوصة X بوصة.
بالنسبة لي غايتو يا النصري، فمن وجهة نظري إنو من القواعد المهمة والأساسية لتعلم رياضة الجري والاستمرار فيه لفترات طويلة هي الآتي :
عند البدء بمزاولة الجري، حاول تخليك ريلاكس، وما تحاول تجري بسرعة من البداية، و بقدر الإمكان حاول أن تحافظ على تنفس طبيعي أثناء الجري، أجري براحة لحدي ما تضبط نفسك على إيقاع معين، وكل ما تلقى إنك you feel breathless أو بتتنفس بسرعة cool down وخفض سرعتك..
ممكن تكون انت أو أي شخص آخر شايف الكلام ده كلام عام، فنحاول التفصيل فيهو على قدر المستطاع ..
ولنبدأ من الكلام الموجود في الصفحة الجابتها "سمارت"، لمحاولة تعريف الإيقاع - الـ rhythm - أو التناغم زي ما سماه "أمير" في مداخلته والمقصود بيهو شنو بالضبط ؟؟
المقصود القدرة على إنو الواحد يقدر يعمل timing بين وقع خطواته على الأرض أثناء الجري أو الـ "foot-strike " وعملية الـ breathing - التنفس أو "الشهيق والزفير" أثناء الركض
و لتوضيح عملية الـ timing زاتا فيمكن فهمها من خلال النظر إلى النمط الموجود في أدناه :
فعلى سبيل المثال، لو أخدنا التكنيك أو النسق المسمى بـ "breathing rhythm "2:2 ، وهو الشائع عند العدائين النخبة واللي هو عبارة عن "أخذ شهيق في خطوتين، والزفير في خطوتين تاليات" فشرح النمط ده بتفصيل ممكن يكون كالتالي : Foot-strike: ( Left ) >>>>>>>>>>>> Breath “ in ” / begin inhale Foot-strike : Right >>>>>>>>>>>>>> Breath “ in ” /continue inhale Foot-strike: Left >>>>>>>>>>>>>> Breath “out “ / begin exhale Foot-strike: Right >>>>>>>>>>>> Breath “out “ /continue exhale ثم يستمر تواصل النسق... * الـ breath in والـ breath out بيكون قبل أن تطأ بقدمك الأرض.. ليصبح توقيت النسق على النحو التالي: ( inhale, foot strike >>>continue inhale, foot strike >>> exhale, foot strike >>>continue exhale, foot strike)
وليس شرطاً بالطبع أن يكون لديك نفس النمط أو النسق أعلاه، فهناك تكنيكات وأنساق أخرى (2:1، 3:2، 3:1، 4:1) ، بالإضافة لما هو مذكور في الرابط بتاع سمارت (2-2, 3-3, 2-3, 3-4)، كما يمكن التدريب على أنواع مختلفة، لكنه بروسس يحتاج لبعض الوقت ولإبطاء سرعة الركض لاستيعاب النسق والتعود عليه.. ومن المهم القول إنو كل شخص يستطيع أن يجد النمط الملائم معاهو من خلال التركيز أثناء التدريب، البعد عن التوتر، والحفاظ على تنفس طبيعي بقدر الإمكان..
والغرض من كل الكلام الكتير ده ليس التركيز على النمط في حد ذاته، ولكنها محاولة لإعطاء صورة عامة تساعد في فهم وتقريب مسألة الإيقاع أو التناغم هذه، لذلك أتمنى إنو تكون وقعت أو وضحت الفكرة من كل الكلام ده..
Post: #264 Title: Re: Sudaneseonline Biggest Loser Author: مريم بنت الحسين Date: 11-01-2011, 07:37 AM Parent: #263
انا مستمره في المشي... واعتقد والله اعلم اني قاعده انقص.. الpilaties حلوه لانها بتشد المنطقة الوسطى من الجسم.. برضه اليوجا عندها نفس الاثر ده، لكن الpilaties احسن كتير.. نزلي الapp بتاعها في الايفون... لما الدكتور يقول ليك OK.. جربي...
Post: #265 Title: Re: Sudaneseonline Biggest Loser Author: مريم بنت الحسين Date: 11-01-2011, 08:14 AM Parent: #264
Post: #266 Title: Re: Sudaneseonline Biggest Loser Author: حمد فتح الرحمن Date: 11-01-2011, 08:20 AM Parent: #264
Quote: بصفتى الحكم بعلن عن فشل الاتية اسماءهم....فشل زريع
تحياتي يا اسمارت ممكن الى حد ما تقولي علي فاشل لانو العشرين يوم الفاتو كنت بشتغل من 8 صباحا لغاية 10 او 11 بليل و ما عندي وقت لاي رياضة غير طلوع و نزول السلم و الاكل معظمو مطاعم ، و بعد بكرة ماشي السودان لمدة 25 يوم و اكيد هناك ما حيكون في اي محافظة مع الضحايا و لا برنامج رياضي غير الحوامة و مشاوير الفاتحات عشان كدا لو حافظت على الكيلو النزلتو دا بكون ماقصرت .
تحياتي يا النصري و مبروك التلاتة رطل و عقبال التلتين رطل :)
مريم كيفك و العيال و ابوهم و مبروك الرطل و شوية ، انا ماشي بكرة الظهر السودان لو عندكم حاجة ماشة لحقوني ليها .
مرحبا بالخاسرين الجدد و معليش حاكون غايب الفترة الجاية و نتلاقى بعد الاجازة .
Post: #267 Title: Re: Sudaneseonline Biggest Loser Author: مريم بنت الحسين Date: 11-01-2011, 09:41 AM Parent: #266
Quote: مريم كيفك و العيال و ابوهم و مبروك الرطل و شوية ، انا ماشي بكرة الظهر السودان لو عندكم حاجة ماشة لحقوني ليها
يا سلام عليك يا ابو وعد... ما بتقصّر والله.. ألف شكرليك، تمشي وتجي بالسلامة ان شاء الله...تحياتي للدكتوره عليك الله..
Post: #268 Title: Re: Sudaneseonline Biggest Loser Author: النصرى أمين Date: 11-01-2011, 10:37 AM Parent: #267
شكرا الهادى على المعلومات المهمة.... تقريبا كل يوم بشعر بتحسن فى طريقة الجرى ..يعنى مثلا ..امبارح ..بديت بتسخين .. ثم عملت السرعة7 ميل... جريت بيها لغاية نفسى انقطع,,, خفضت السرعة وبديت امشى... بعد دقائق عملت السرعة 7 وبديت اجرى .... واستمريت هكذا لمدة 20 دقيقة ,,, برضو لى كم يوم بحاول انظم عملية التنفس .... ما وصلت لسه للصورة النهائية لكن فى تحسن مستمر .....
يا اسمارت ما قريت الوصلة بتاعتك لسه ....شوية كدة فى زحمة الايام دى... وغالبا تكون دى اخر مداخلة لى اليوم الثلاثاء 31 اكتوبر لان اليوم كلها مشغول ولن اعود للبيت قبل الساعة 9 مساءا ... (دلوقت الساعة 4:30 صباحا) لن استطع التمرن اليوم ولكن ساكون شغال شغل بدنى مرهق طوال اليوم ....
نلتقى غدا الاربعاء باذن الله بتفاصيل عن الريجيم (لان الرياضة خلاص اصبحت مضمونه فى الجيب)
بالسلامة يا حمد نتمنى ان تستمتع باجازتك فى السودان وان تجد جميع الاهل والاصدقاء بخير... اعتقد ان السودان فرصة كويسة لنقصان الوزن بسبب الجرى الشديد والمشغلومية الدائمة....
سلامات يا مريم و آسفين للتأخير , والله مزرزر زرزرة شديدة في الجامعة عندي Yearly PhD progress meeting و ان شاء الله بتفكا منها يوم الجمعة .. دعواتكم بالله
Post: #270 Title: Re: Sudaneseonline Biggest Loser Author: النصرى أمين Date: 11-02-2011, 10:53 AM Parent: #269
اليوم كان يوم صعب احتجت فيه لكل اللياقة ال "ربيتها" فى الفترة السابقة....
بس الحاجة الكويسة انى اشتريت جزمة جديدة رهيبة ب 70 دولار فى محل بتاع تخفيضات..
للاسف اليوم برضو لن استطع التمرن ,,,لانى run errands لكن ان شاء الله يكون اخر يوم ونرجع للروتين الرهيب .....
Post: #271 Title: Re: Sudaneseonline Biggest Loser Author: مريم بنت الحسين Date: 11-02-2011, 08:12 PM Parent: #270
المشي مستمر والحمدلله.. دي براها نعمه كبيرة.. ما قاعده احسب بمشي كم، لكن بمشي كتير وسريع... وتلقوني كل شوية احاول اغني لوووووووول، لو قدرته اغني بزيد سرعتي....
برضه مشيت اشتريت لي ملابس جديدة، ملابسي بقت كبيرة علي.. لقيت روحي نزلته قياسين في الملابس... صفقوا لي بالله...
مواصلين يا شباب... شدوا الهمة
غباشي، منتظرينك .. انا عارفاها زنقة الannual report دي، الله يفك زنقتك... انا زنقتي كانت الشهر الفات... لكن صفقوا لي خخخخ... عليك الله اول ما تنتهي تعال احكي لينا ادينا معنويات بالله... حاكم الهادي ده يطفّش.. وامير يكاوي.. والنصري هو ويونس شلبي بتاعه ديل يجيبوا نفسيات.. شوف ابتهال زاتها اختفت كان موازراني يحليلها...
Post: #272 Title: Re: Sudaneseonline Biggest Loser Author: مريم بنت الحسين Date: 11-02-2011, 09:20 PM Parent: #271
الموقع ده لذيذ.. بعرض الprogress بتاع الزول.. اقترح انه كل شهر ننزل واحد زي ده عشان الناس يشوفوا الprogress... قلتوا شنو؟
سلام للجميع وكل سنة وانتو وأهلكم طيبين وربنا يحقق أمانيكم ويمتعكم بالصحة والعافية وراحة البال.
back to business!!0
ما في بزنيس ولا حاجة !!! عندي زحمة شغل الثلاثة أيام الفاتت برجع البيت الساعة أربعة ونص بودي الولد الكاراتيه برجع البيت أنوم ساعتين بقوم أشتغل لحدي منتصف الليل أو ما يزيد وبنوم وبصحى الساعة خمسة إلا عشرة بتنيل أرجع المكتب تاني! لكن لمن الولد يدخل الصالة بلف حول الصالة كدة زي 30 دقيقة مشي سريع..
الحمد لله محافظ على البرنامج بتاع الأكل وهسي مرت 3 أسابيع ومافي مشاكل.
والله يا اخوانا زحمة مبالغ فيها.. حسى انا بكتب وجسمى كله بنتح من التعب ....
مشيت صالة الرياضة صباح اليوم ونسبة لضيق الوقت اكتفيت بربع ساعة فقط جربت فيها الجزمة الجديدة ...بالرغم من خفتها الا اننى شعرت انو حاجة شترة ...احتمال كبير بسبب عدم التعود....
انتهيت من الرياضة وبسرعة عندى مواعيد الساعة 10 صباحا لكدة سريعة ....
بالمناسبة الشغل الجانبى (غير الوظيفة) هو شغل نظافة (موكيت او carpet ..نظافة عامة و نظافة متخصصة لسقوف المطاعم والمحلات التجارية ceiling cleaning)
انا السودانى الوحيد فى العالم المتخصص فى نظافة وصيانة ال ceiling
اولا تحية كبيرة و صفقة قوية لمريوم على اجتهادها و مواصلاتها فى الرياضة رغم البيبى و الدكتوراة و مشاغلها. B] غباشي...ربنا يعينك مع القراية....انت و مريم تطفشوا من موضوع الدكتوراة ده كلو كلو.
الهادى ....شكرا ليك يا اخى. النصري ده ما بيسمع كلامى. كلمه ان احسن ليه يضبط طريقة تنفسه و يتعلم يواصل الجرى لفترا الطول قبل ما يركز على موضوع السرعة كم ده. امير ...ربنا يعينك...زنقة الشغل دى جايانى الاسبوع الجاى. نوم و امل بصورة صحية. حمد فتح الرحمن......طلوع السلالم ما بطال. و لما تمشي مطعم اختار بصورة حكيمة. الشكلة فى السودان و الحليف عشان شراب الصودا. الناس ما مصدقا انى ما بشرب صودا و هاك يا حليف. اتمنى ليك اجازة سعيد و تمشي و تجى بالسلامة
النصري....ما شاء الله عليك. تعرف انا نفسي اعمل لى بزنس براى كده بالجنبة. هسي راجية الولاد يكبروا شوية كده و افكر ح اعمل شنو.
طوالى يا امير يا اخى. نعمل لينا مطعم صغير...يكون فيه حجات بسيطة جدا..(المنيو الكبيرة مخسر) ممكن نعمل فيه طعمية و سمك محمر و جداد مشوى (كباب) و سلطة خظراء و سلطة تبولة و كركدى و قنقليز..... بس اهم شيء المطعم يكون صغير و نظيف. انا ذاتى طباااااخة....اسال النصرى...انا اللى وريته وصفة سجك ما تخرش الميه...بس هو اللى عامل ذي القطط...ياكل و ينكر...هسي يجى يقول يونس شلبى وراه وصفة السجك
Post: #278 Title: Re: Sudaneseonline Biggest Loser Author: EBTIHAL OSMAN Date: 11-04-2011, 08:01 AM Parent: #277
ابتهال قاعدة وبقيت غنمايه عديل على قول النصرى من اكل الخضار والفواكة التي لاتسمن ولاتغني من جوع
لى كم يوم مامشيت يا اسمارت عندي برنامج رحول وكدا الله المستعان
وانا الفترة الاخيرة خليت الجيم بقيت امشى فى الهواء الطلق (موت احمر مع الاسنو)
السقط السقط +الجوع الجوع= السمن السمن
الوزن وحاه خوتكم متمسك ب رايو شديد
والله ياجماعة بقيت اسبق اولاد ي في السلم ......امانة العافية ماسمحة
Quote: نعمل لينا مطعم صغير...يكون فيه حجات بسيطة جدا..(المنيو الكبيرة مخسر) ممكن نعمل فيه طعمية و سمك محمر و جداد مشوى (كباب) و سلطة خظراء و سلطة تبولة و كركدى و قنقليز..... بس اهم شيء المطعم يكون صغير و نظيف
أنا حريف بتاع طعمية وفول مطبوخ وكباب والملاح الأحمر وملاح الروب وباقي الحاجات بتاعت الحبوبات دي اتعلمتها كلها من my mother in lawالباقي بخلي عليك انتي تهتمي بأمور النظافة وخدمة العملاء أنا بهتم بالطبخ وجودة الطعام ويا ريت لو المطعم كان في مكان فيه مطاعم عربية زي المكان بتاع دكاكين العرب في فيرجينيا سكاي لاين كدة عشان المنافسة..(YOU THINK I AM KIDDING!! RIGHT)
Quote: بس هو اللى عامل ذي القطط...ياكل و ينكر...هسي يجى يقول يونس شلبى وراه وصفة السجك
ههههها النصري ده بس بتكون خانته الذاكرة سامحيه لكن شوفي ابتهال تحت شكلها برضو قطة لأنو نسبت رجيم الغنماية لي نصري مع إنو أناصاحب الفكرة .. بس برضو بسامحها :)
Quote: ابتهال قاعدة وبقيت غنمايه عديل على قول النصرى من اكل الخضار والفواكة التي لاتسمن ولاتغني من جوع
Quote: نعمل لينا مطعم صغير...يكون فيه حجات بسيطة جدا..(المنيو الكبيرة مخسر) ممكن نعمل فيه طعمية و سمك محمر و جداد مشوى (كباب) و سلطة خظراء و سلطة تبولة و كركدى و قنقليز..... بس اهم شيء المطعم يكون صغير و نظيف
أنا حريف بتاع طعمية وفول مطبوخ وكباب والملاح الأحمر وملاح الروب وباقي الحاجات بتاعت الحبوبات دي اتعلمتها كلها من my mother in lawالباقي بخلي عليك انتي تهتمي بأمور النظافة وخدمة العملاء أنا بهتم بالطبخ وجودة الطعام ويا ريت لو المطعم كان في مكان فيه مطاعم عربية زي المكان بتاع دكاكين العرب في فيرجينيا سكاي لاين كدة عشان المنافسة..(YOU THINK I AM KIDDING!! RIGHT)
Quote: بس هو اللى عامل ذي القطط...ياكل و ينكر...هسي يجى يقول يونس شلبى وراه وصفة السجك
ههههها النصري ده بس بتكون خانته الذاكرة سامحيه لكن شوفي ابتهال تحت شكلها برضو قطة لأنو نسبت رجيم الغنماية لي نصري مع إنو أناصاحب الفكرة .. بس برضو بسامحها :)
Quote: ابتهال قاعدة وبقيت غنمايه عديل على قول النصرى من اكل الخضار والفواكة التي لاتسمن ولاتغني من جوع
Quote: سلطة خظراء
الأخت شهادة عربية ولا شنو:)
Post: #281 Title: Re: Sudaneseonline Biggest Loser Author: جعفر محي الدين Date: 11-04-2011, 02:37 PM Parent: #280
الأخوة والأخوات الرابحون كل سنة وأنتم طيبون وعيد سعيد
يا اسمارت ياخي حطمتينا فشل ذريع عديل كده يعني فشل بس ما بتكفي ؟ المهم كان فشلنا شوفي لينا طريقة نبقى مساعد حكم وبالعدم كده مسطبة درجة أولى الحمد لله إنو الرياضة دخلت حياتنا من جديد وبحاول بقدر الإمكان أجري يوميا أو ع الأقل يوم بعد يوم
Quote: يا جعفر محى الدين المواعيد قربت والسباق قائم فى مواعيده اا/11/2011 مسافات القصيرة 400 متر......
انت لابت كده مالك ؟ ...خوفتنى عديل.....
تعظيم سلام ليك يا النصري والله أنا مبسوط من البوست بسطة شديدة وإن شاء الله يكون سبب في تغيير نمط حياتنا بس يوم 11 دا مالو جاء جري كده ما في مشكلة نخليك تفوز ونقول لروحنا الجايات أكتر من الرايحات
سلام يا جماعة, جيناكم بعد زنقة كده الله لا وراكم ليها؟
Quote: المشي مستمر والحمدلله.. دي براها نعمه كبيرة.. ما قاعده احسب بمشي كم، لكن بمشي كتير وسريع... وتلقوني كل شوية احاول اغني لوووووووول، لو قدرته اغني بزيد سرعتي...
مريم ... ايوة keep going و اهم حاجة يكون في محفز عشان تزيدي الـ rhythm بتاع الاداء زي الغناء , بالجد بيزيد الحماس و بيخلي الاداء احسن بكتير , انا لما اكون ماشي الجيم لازم الـ IPod بتاعي يكون مشحون و الـ Playlist ليست تكون جاهزة عشان الـ Treadmill و كدة
Quote: غباشي، منتظرينك .. انا عارفاها زنقة الannual report دي، الله يفك زنقتك... انا زنقتي كانت الشهر الفات... لكن صفقوا لي خخخخ... عليك الله اول ما تنتهي تعال احكي لينا ادينا معنويات بالله... حاكم الهادي ده يطفّش.. وامير يكاوي..والنصري هو ويونس شلبي بتاعه ديل يجيبوا نفسيات.. شوف ابتهال زاتها اختفت كان موازراني يحليلها...
جيتكم يا يا مريم لكن و الله الزنقة كانت صعبة و ما زالت اثارها باقية .... اساساً الـ anual review بتاعي المفروض يكون اول الشهر الجاي .... لكن عشان الـ supervisor بتاعي مسافر ماشي تايوان قال لي نقدم الـ meeting الكلام داه كلوا كان يوم الاثنين الفات < جاني تاني يوم قال لي نعملوا يوم الجمعة دا غير باقي الشغل و كتابة thesis الثقيلة ..... و العجب في الـ convener قعد ينظِّر لينا في الـ report و في النهاية الحمد لله الموضوع مشى
[QUOTE]الحمد لله محافظ على البرنامج بتاع الأكل وهسي مرت 3 أسابيع ومافي مشاكل.[/QUOTE] امير keep it up و طالما و صلت الاسبوع التالت بدون مشاكل معناها جسمك متقبل الوضع الجديد باتياح و اصل على كدة و حزاري من اللخبطة بالذات في المرحلة دي , لكن لازم ولابد من الرياضة
[QUOTE]غباشي...ربنا يعينك مع القراية....انت و مريم تطفشوا من موضوع الدكتوراة ده كلو كلو.[/QUOTE] شكراً يا سمارت ..... و الله يا اسمارت عاد نكضب عاد الشغلة حاااارة لكن انتوا قدرها
Quote: سمارت تعالي نفتح لينا مطعم مع بعض أنا طبااااااخ
يا جماعة الناس تقول يا الله و انتو تقولوا استغفر الله؟ بالله لو سمحتوا ناقشوا مواضيعكم الهدامة بعيد you guys are distracting the loser's pursuit of losing weight
Quote: السقط السقط +الجوع الجوع= السمن السمن
سلام يا ابتهال .... في مرات كتيرة الاداء في الشتاء بيكون احسن بكتير من الصيف و دا من واقع تجربتي الشخصية My greatest accomplishment ever was entirely in the winter كتري من الموية و الفواكه بين الوجبات و خلي الفرق بين كل وجبة و التانية ثابت ... تابعي معانا و ان شاء الله حتتحسني
و نواصل كان ربنا احيانا
_____________ عندي مشكلة في البراوزر بتاع قوقل كروم
Post: #283 Title: Re: Sudaneseonline Biggest Loser Author: النصرى أمين Date: 11-05-2011, 00:30 AM Parent: #282
والله يا اخوانا الظاهر البوست ده Picked up some steam lately لانو حسى الواحد ما عارف اعلق على شنو ولا يخلى شنو ولا يرد على جعفر محى الدين البقى زى المريخ داير ينسحب .....
كدى نحاول نبدا خطوة خطوة ... مع ناس الشاورمة والفلافل ديل... قبل يومين ما اتمرنت لانو كان عندى شقتين لازم اظبطهم نص النهار بين الدوام الاول والثانى ..للاحتياط جبت معاى helper المهم الحمدلله الشغلانة مشت كويس وانتهينا من الشغل فى زمن قياسى.... اها كنت جعان مهوى ودايخ من الجوع ... وماعارف اكل شنو ...لانو كل المطاعم اكلها خارج اللستة بتاعتى ... فى النهاية مشيت شارع قريب من محل شغلى ...وجدت محلين ..واحد بتاع سمك محمر fish and chips التانى بتاع شاورمة وفلافل .... كنت متردد ايهما اقل ضررا ...فكرت فى السمك لكن اتزكرت انه مطبوخ بالزيت والبطاطس بتودى التوج ... بقيت على محل الفلافل ...... دخلت ..سلمت على صاحبه وطلبت سندوتش فلافل صغير و 4 طعميات على الجنبة وقزازة موية صغيرونية .... قال لى الحساب 11 دولار وحرابيش .. ياخ معقول السندوتش ب 6 دولار والطعميات الاربع 2.30 وقزازة الموية دولار .... كيف الحساب بقى 11
بديت اكل ومغيوظ من استهبال العربى صاحب المحل ومن ظرافته المصطنعة.... والشى البغيظ ..قال لى راقب لى المحل ماشى اصلى ..لو جاء زبون قول ليه حارجع بعد دقيقتين ...
حصلت ..تستنكحنى فى دولارين وتقول لى راقب لى الدكان .... الكلام حرقنى شديد وغلبنى اسكت ... مشيت ليهو قلت لى محلك ده غالى شديد.. بدا يتظارف ويقول لى داير انزل المعاش بسرعة .... طلعت وخشمى ملح ملح .... وتانى محله ده نهائئ ما حاجى بجنبه
فيا شباب لو دايرين تعملو مطعم اهم شى الامانة مع الزبائن
Post: #284 Title: Re: Sudaneseonline Biggest Loser Author: EBTIHAL OSMAN Date: 11-05-2011, 06:02 AM Parent: #283
Quote: وقررت تسمية الأسبوع الأول (أسبوع الغنماية!Vege)
Quote: ههههها النصري ده بس بتكون خانته الذاكرة سامحيه لكن شوفي ابتهال تحت شكلها برضو قطة لأنو نسبت رجيم الغنماية لي نصري مع إنو أناصاحب الفكرة .. بس برضو بسامحها :)
اها يا امير عشان تصدق انى بقيت صحى مطششة من عدم الشبع ... ياسيدى لك العتبى حتى ترضى وان شاء الله ربنا يزيد ميزان حسناتك وينقص من ميزان كيلوجراماتك قول امين
Quote: e: سلطة خظراء
الأخت شهادة عربية ولا شنو:)
هى كل شى ولا الحكم حقنا دامابنرضى فيها...نظام كسير تلج وكدا هههه غباشى
Quote: كتري من الموية و الفواكه بين الوجبات
الفواكه مقدور عليها لكن شراب المويه دا غلبنى عديل كدا بالذات فى الشتاء ................ كمية المويه البشربا فى اليوم ماتامة ليها لتر النصرى ووين يونس شلبى لسه مابقى كويس ..اوعى تكون عيتو المرمية.. ركز بعد دا مع الحكم حقنا دا عشان مانبقى فى الخير اجقلب (سمارت ) والشكر لحماد(يونس شلبى)
Quote: الله يا اخوانا الظاهر البوست ده Picked up some steam lately لانو حسى الواحد ما عارف اعلق على شنو ولا يخلى شنو ولا يرد على منو
Quote: كمية المويه البشربا فى اليوم ماتامة ليها لتر
ابتهال .... كمية الموية البتشربيها دي بسيطة شديد و اقل من المعدل العام , المفروض على الاقل تشربي لترين , اما في حالة الـ Diet المفروض تكتري منها و دا سبب رئيسي في احساسك بالجوع لان شرب كمية كبيرة من الموية بتقلل الشهية suppress appetite عشان كدة لازم موية باستمرار. بعدين لاحظي انك ما بتشربي سوائل تانية زي العصاير و البيبسي الفيها سكر و ده بيخلي الجسم dehydrated و الـ dehydration دا هو المجوعك بالنسبة للتعويدة على الموية خلي عندك دايماً Bottle صغيرة ابو 500 مللي او اي حاجة portable كدة و ابدي اشربي منها كل نص ساعة و كل ما تخلصيها امليها تاني و خليها دايما معاك
Post: #286 Title: Re: Sudaneseonline Biggest Loser Author: مريم بنت الحسين Date: 11-05-2011, 11:36 AM Parent: #285
غابشي ... انا منتظره قصتك مع نقصان الوزن لسه..
امير وسمارت.. اعملوه مطعم واكلوه كله... لووووووول
النصري... ربنا يوفقك في مشروعك يا رب
ابتهال.. والله من حسي خايفة من الميزان.. انا مفروض اوزن السبت دور الليلة... وخاااااايفه القاه محلك سر... ببكي عديل كده بعد الجهد الباذلاه ده... عليكم الله عزوني لو جيتكم قلت ليكم واقف مكانه.. عشان ما اسيب البرنامج ده...
بقيت اتمعن فى اوزان الناس ..ده سمين ..ده ضعيف ..ده مكرش ..ده ما اعرفش ايه..
بطبيعة شغلى بشوف الاف الاشخاص فى اليوم... ما شغال بجنسهم او عرقهم او لبسهم او زعلانين ..فرحانين..سكرانين... كله بقى ما مهم .. المهم وزنهم ...
الظاهر الشغلانه طلعت فى الراس وبقت هوس .. damn
Post: #288 Title: Re: Sudaneseonline Biggest Loser Author: مريم بنت الحسين Date: 11-06-2011, 08:01 PM Parent: #287
ههههههههههههههه بقى عندك discrimination ولا بتلاحظ ليهم ساي؟
المشي تمام... طلعته اتمشيت الليلة وامبارح الحمدلله.. المشيه بقت جزء اساسي من يومي، ما بحس بيه اكتمل كان ما مرقته اتمشيت... الحمدلله... النتيجة يوم الجمعه..الللللللللللله يستر!
الموضوع قرب يخستك عندي لأني فاكي اللعب من يوم الجمعة لحدي أمبارح!!!
يوم الجمعة أصلا يوم مفتوح وجا يوم السبت صيام والفطور كان عصيدة بي ملاح أحمر ونعيمية أول يوم العيد الغدا كمية بتاعت لحم ولمة عزابة معاي في البيت لحم وشطة وشعرية وشربوت وموت أحمر! لحدي منتصف الليل .. الأحد بيتزا بابا جونز ... المهم ما في تمارين لمدة أربعة أيام ترخيمة تقيلة .. الواحد رجع غنماية تاني من اليوم وقررت ما أوزن الأسبوع ده حأجل الوزن لحدي نهاية الأسبوع الجاي عشان ما تجيني نفسيات!!!
ابتهال...اسمعى كلام غباشي و اشربى موية. و ما تقولى:الجؤ بارد ح اشرب شاى بدل الموية. الشاى فيه كافين..و الكافين مدر للبول و بيخلى جسمك يتخلص من السوال اسرع. عشان كده مفروض تشربي لترين موية فى اليوم...و قصاد كل كباية شاى زيادة ...تزيدى كبايتين موية. الكلام ده للقوة برضو
غباشي...الحمد لله على السلامة...مرحب بيك. ما تنقطع...ادينا طلة مرة واحدة فى اليوم...على الاقل. مريوم...ما تشيلى هم..ان شاء الله الميزان يديك سمع الخير لو وزنك ما نقص لمدة اسبوع واحد واصلى فى نفس البرنامج لمدة اسبوع تانى. لو بعد الاسبوع التانى ما حصل تغيير (او لا سمح الله حصلت زيادة) غيرى نوع الرياضة. من مشي..اعمليه مشي اسرع شوية. او زيدى الزمن. من نص ساعة لعمليه 45 قيقية. و شوفى بيحصل شنو.
Quote: أنا حريف بتاع طعمية وفول مطبوخ وكباب والملاح الأحمر وملاح الروب وباقي الحاجات بتاعت الحبوبات دي اتعلمتها كلها من my mother in lawالباقي بخلي عليك انتي تهتمي بأمور النظافة وخدمة العملاء أنا بهتم بالطبخ وجودة الطعام ويا ريت لو المطعم كان في مكان فيه مطاعم عربية زي المكان بتاع دكاكين العرب في فيرجينيا سكاي لاين كدة عشان المنافسة..(YOU THINK I AM KIDDING!! RIGHT)
داير تعملوا مطعم للسودانيين ??? يا فرده الموضوع ده حاولوه ناس كتار و فشل. بعدين انا البرحلنى فرجنيا شنو? انا عايشة فى كلفورنيا الجميلة هسي شفت ليك هندى فاتح مطعم للهنود???كل الاهل لازم يكون متامرك...عشان الزباين الطعمية و السمك المحمر و الكركدى و التبولة والكباب و الكفتة دى كلها حجات انا جربها مع الامركان و طعمها بينفع معاهم. لما اعزم امركان فى للبيت بعمل اكل سودانى بمواصفات امريكية. المحشي is #1 ...لكن عمله فى مطعم صعب. الطعمية دى اساسا بيختفوها ختف. الكركدى...مشروب اساسي فى كل مناسبات مكتبنا. اسمع كلامى فى المنيو و ح تكسب. معليش يا جماعة...لكن موضوع المطعم ده انا بفكر فيه لى سنيين.
امير يا اخى شهادة عربية شنو يا اخى????? انا قارية تعليمى تحت الجامى و الجامعى كله فى السودان.
Quote: الحمد لله إنو الرياضة دخلت حياتنا من جديد وبحاول بقدر الإمكان أجري يوميا أو ع الأقل يوم بعد يوم
اخونا جعفر محي الدين ...معليش يا اخى. بس انت غطست غطسه شديده...و شكنا انك طنشتا. خليك ذى النصري اخونا ده...كان ما اتريض...يجى يقول ليك نفيي انقطع فى الشغل...الصيت و لا الغنا
النصرى....خلاص اليد انتهى...واليوم الاتنين....الحاصل?
كل سنة و انتو طيبين يا شباب ... (ما داير اقول ليكم يا losers) و ينعاد عليكم و انتو في تمام الصحة و قمة الرشاقة
Quote: غباشي...الحمد لله على السلامة...مرحب بيك. ما تنقطع...ادينا طلة مرة واحدة فى اليوم...على الاقل
اهلا يا اسمارت ... الله يسلمك
جيتك يا مريم ... طبعا انا ما كنت سميين بمعنى سمين لكن كنت slightly overweight , طولي مساعدني شديد (برضو ما طويل شديد) لكن المهم يعني ما obese و اهم حاجة ما عندي كرش لكن مشكلتي الاساسية هي اني مرضان بي حاجة اسمها بسكويت ... (مدمن عديييل) , كنت مستعد اقعد اليوم كلو و ما اكل غير بسكويت اول مرة لاحظت لحتتة اني المفروض اعمل حسابي و انتبه لوزني كانت اثناء الفحص الطبي لما خشيت الجامعة (زماااااااان) المهم في الجامعة مع الدرش و القراية و الطلعة و النزلة نجحت انزل وزني لكن الكلام دا كلو كان بدون رياضة او ريجيم و كنت بشرب بيبسي و باكل عادي بس ما كتير .... الفطور في الجامعة و العشاء في البيت بعد ما ارجع .... لانو عادي كنا بنرجع من الجامعة قريب المغرب موضوع الرياضة في السودان ممل شديد و بياخد وقت خصوصاً لو ما عندك عربية و برضو كان مكلف نوعاً ما .... و بعدين فكرة انو يكون يكون متاح 3 مرات بس في الاسبوع دي بتخليك تطلع برا المود اذا جليت اي تمرين (انا بتكلم عن الوضع بتاع زمان من سنة 98 و لحدي 2005) بعدين ثقافة الرياضة كانت منعدمة الا عند القليلين , الرياضة بمعني الـ GYM مش الكورة و خلافها من مناشط , عشان كدة ما كان في اي تحفيز او تشجيع من الناس القريبين ليك المهم بقيت بعمل حسابي في حتة الاكل و بتذكر اني في سنة تانية فقدت 10 كيلو من وزني الدخلت بيهو الجامعة (طبعا سنة تانية في هندسة الخرطوم كانت موت احمر و هلاك محقق و للا ما كدة يا اسمارت؟ لما كنت في سنة خامسة قفلوا لينا الجامعة زي ستة شهور كدة ... مع اني كنت اكتر واحد محبط من الحتة دي لكن برضو استفدت شديد من ناحية مشروعي بتاع التخرج و من ناحية الـ GYM لكن مع دا كلوا ما بطلت البسكويت و دا كان السبب المباشر في رجوع بعض الوزن البفقدو الحكاية استمرت معاي و زادت زيادة لما سافرت السويد , بقيت مرضان بسكويت اكتر مما كنت في السودان , كنت بشتري بسكويت Digestive وهاك يا ضرب والله بتزكر انو في فترة كدة كنت عايش على الشاي بالبسكويت و على الـ No sugar juice (يعني الود لسة عامل حسابو) و الاظرف من دا كلو لما نكون بنعمل الـ shopping كنت دايما بأخر الجماعة عشان كنت بقرا الـ Nutrition facts
طبعا حالتي استفحلت (حالة الادمان) زيادة بعد ما كملت الماستر , بقى ما عندي لا شغلة و لا مشغلة , ابيت ارجع السودان طوالي كنت بفتش في وظيفة او دكتوراة , كنت بعسكر في البيت مع الشاي و البسكويت و عمكم قووقل و اقعد افتش في الـ Jobs و الـ PhD positions و لكم ان تتخيلوا كمية البسكويت و الشاي التي تم استهلاكها في تلك الفترة بما فيهم عمكم قووقل فما بنقدر على جزاتو كنتا ساكن في سكن بتاع طلبة جمب الجامعة (3 دقائق بس من غرفتي ) و دي لحكمة طبعاً عشان اوفر قروش كرت المواصلات الشهري ,
اها السكن بتاعنا دا عندو مداخل كتيرة , اقرب واحد كان فيهو سلم دائري او حلزوني زي ما بيقولوا المصريين اها بقيت احس بي الام في الركبة لما استخدم السلم دا الموضوع اتكرر معاي مع موضوع السهر قمت قررت امشي للدكتور, طبعا انا مشكلة تانية اني مهما اساهر ما بقدر انوم لحدي اكتر من الساعة 9 صباحاً طبعا السويدين عملوا لي دراما وطلعوني عندي Panic Attacks في النهاية قمت حكيت ليهم اني ما عندي حاجة تخليني مقلق و خايف قرايتي و خلّصتها , اها الكلام جاب الكلام و جبنا سيرة البسكويت و الشاي و عدم الرياضة قام الدكتور حسم لي موضوع السهر باني ما اشرب أكتر من كبايتين شاي في اليوم و قال لي بالنسبة للركبة لازم انزل وزني . لقيت لي محل GYM عامل تخيفضات قمت اشتركت فيهو , بديت اتحسن من ناحية الـ Fitness لكن الوزن في محلو تقريباً , مع انو النفسيات كانت تمام خصوصاً بعد ما بديت اجراءات الفيزا بتاعت نيوزلندا , حصلت تطورات بخصوص الفيزا اضطرتني ارجع السودان فقعدت في السودان 3 شهور زادت الطين بلة لانو بالجد وزني زاد زيادة ملحوظة , المهم استلمت الفيزا و جيت نيوزلندا جيت هنا باقامة مؤقتة 4 شهور لانو ما كان عندي Full Scholarship , و لما اتوفقت فيها , طلبوا مني فحص طبي كامل عشان اجراءات الاقامة الجديدة و هنا كانت نقطة التحول بالنسبة لي .....
Quote: بعدين انا البرحلنى فرجنيا شنو? انا عايشة فى كلفورنيا الجميلة
طيب مالو نفتحو في كاليفورنيا .. والله كاليفورنيا دي كاسرة فيني ضلع من وأنا صغير :) ياخي شوفي لي معاك شغل هناك .. مريم كلميها لي عليك الله!!!
وين النصري يا جماعة الزول ده لمن يغتس بجي راجع بي اتنين كيلو زيادة ألحقوه بكون قايم ليه بي صينية بسبوسة!
أمبارح أنا لقيت لي جيم قريب من البيت في زقاق كدة مشيت أكشف لقيتو ليك حاجة نضيفة وفيه ساونا وحمام سباحة والأهم من ده كله أبو الرخا .. سجلت ودخلت لمة فيني المدرب (ياخي عندو عضلات في بطنو كرشة عدييل بتشبه الصاج المقلوب!) المهم درشني زي ساعة ونص أنا طلعت ما عارف بيتنا بي وين ذاتو! لكن رجعت أخدت لي دش آخر فرفشة وهيبرا!! الليلة بمشي بدري شوية عشان أخلص بدري... ما في وزن قبل نهاية الأسبوع الجاي لأني كسرت البرنامج أيام العيد وما ناقص نفسيات!! الأسبوع ده بس نشوف نتيجة بت الحسين.
غباشي ياخي إذا ما حتكمل الحاجة ما تبداها!! أها نقعد ننتظر باقي القصة لمتين!
تحياتي
Post: #293 Title: Re: Sudaneseonline Biggest Loser Author: النصرى أمين Date: 11-09-2011, 11:31 AM Parent: #292
سلام يا شباب عيدكم مبارك وربنا يحقق امانيكم.. معليش كنت مدروش شوية اليومين الفاتو... الحمدلله I Survived العيد بدون اى خسائر... لحمة نهى حلاوة نهى رغيف نهى
اتخايل لى عشان البوست يكون جذاب ممكن المداخلات ما تقتصر على الانشطة الرياضية والريجيم.... يكون احسن لو اشتملت على "نفحة" او لمحة من ال life style بتاع الزول والحاجات الممكن تلعب دور مباشر او غير مباشر فى صحته وسلامته ووزنه ..زى عمله و اجتماعياته ,,,,
بالنسبة لى كان اسبوع حافل ,,,,,, احد زبائنى المخلصين طلب منى مساعدته فى التخلص من كميات كبيرة من اعواد الخشب القديم(طول الخشبة حوالى 3 امتار) وذلك لانه هدم مصطبة كبيرة deck ويريد ان يحل محلها نجيلة خضراء ...
انتهيت من دوامى الاول ..وجرى على صاله الرياضة ..عملت المعلوم وبسرعة ركبت اللورى ومشيت على موقع الشغل.... كميات الخشب كبيرة جدا احتجنا ان نعبى اللورى اربع مرات وفى كل مرة ندفع لبلدية المدينة 20 دولار نظير التخلص من الخشب القديم فى منطقة النفايات landfill
لسوء حظى واثناء جمع اعواد الخشب الضخمة والثقيلة وقع عود عريض المنكعين على زجاج اللورى الخلفى وهشمه.....لم اخبر الزبون بما حدث ..... انتهينا من الشغلة حوالى الواحدة ظهرا وجرى على البيت ..اخدت حمام سريع ومشيت على الدوام التانى .... رجعت المساء ..مدروخ ...لا بودى لا بجيب .... اليوم اتمرنت فى الصالة منها الى الحراش Junk yard واشتريت زجاج للورى ب 60 دولار لكنى لم اركبه بعد
واحدة من امتع الشغلانات عندى هى عملية نقل الكرور والنفايات الى كوشة المدينة landfill ما عارف السر شنو ...
عندى فيديو صغير صورته خلسة اثناء التخلص من بعض الكرور السنة الفاتت .... رفعته الى اليوتوب لكنه خاص لا يستطيع احد مشاهدته .. ساقوم بتغيير ذلك وعرضه هنا لمدة اسبوع
و الله يا غباشي طلعت حكاى...شكرا على السرد الجميل جدا. بسكويت Digestive ده مفروض يختوه مع المخدرات يا اخى....لما ابدا (ارعى) فيه ما بقدر اقيف.... انا قصتى قريبة من قصتك...فى ايام الجامعة ,رغم انى كنت بشرب كمية مهولة من البيبسي (ما بحب الكولا), مرات بتصل لاربعة قزازات فى اليوم لكن كنت underwieght (حبة كده)... وكانت بعضي عض اساسي. لكن مشكلتى انى ما كنت باكل برا البيت ...عشان كده بعد الفطور (الساندوتش اللى بتحشيه لى امى كل اليوم الصباح) بقعد جعانة لحدى المغرب لما نرجع البيت. خلصت الجامعة و اشتغلت فى شركة بترولية فى الخرطوم. بيرحلونا من البيت للشغل و بالعكس. نهاية الشهر بتكون الماهية ذى ما هى قاعدة فى الدولاب. لانهم بوصلونى ما كنت بتحاوم فى الاسواق و ابعزق القروش. انا و صحبتى بقينا نصرف فى الاكل. كل يوم بنتعشي فى مكان . و اظرف مكان كنا بنمشيه كان الهلتون و ابو جابرة (قلت ليكم...ما كنت عارفه اصرف الماهية فى شنو!!). و من هناك و بدا وزنى يذيد. جيت بلاد الفرنجة دى و ذيك عشت فى شقة داخل الجامعة...رغم انه المشوار من القاعات للسكن حوالى 20 دقيقية بالارجل...لكن كان فى بص كل نص ساعة. بعد سنة نص خلصت الماجستير و اشتغلت...بقيت قاعده فى المكتب حوالى 9 ساعات فى اليوم. بعد كم شهر فى الشغل بدات احس بالخطر. شفت اقرب جم عملت فيه اشتراك و بديت اجرى برضوا. من حسن حظنا ان بيتنا فيه حوض سباحة....بقيت لما الجو يكون مساعد اعوم شوية. لكن اى ام عندها اطفال بتكون عارفه الزيادات بتاعة الحمل وصعوبة نقصان الوزن بعده ...خاصة مع مشغوليات البيت و الاطفال و المجاملات. قبل حوالى فترة كنت برجع من الشغل احضر العشا و ارتب المطبخ و احضر اكل بكره و اجهز الاولاد للنوم (حمام, سواك, قراية كتب قبل النوم)...لما اخلص من ده كلو الساعة بتكون 9 مساء...بعد ده بغير بهدوم الجم و اتوكل...برجع البيت الساعة 10 و نص بللليل.
نسيت اقول ليكم ان واحدة من افات الدنيا (بالنسبة لى) كانت استار بكس. كنت بمشي اجيب الشيء ده
ذى مرتين فى الاسبوع كده....البتاع ده طلع فيه قريب ال 1000 سعر حرارى. (زمان مان اكتر من كده ...لكن غيروا الوصفة باعته.) ما يتسفاد من القصة....????? ما تاكلوا و تشربوا ساااى كده من طرف. اى شيء لازم نكون عارفين ال Nutrition facts....حتى لو اخرتوا الناس ...ذى غباشي
شكرا يا النصري على الفيديو. كفارة على قزاز الترك فى نص الفيديو جانى شعور انك ح تلاقى زول ميت .ايوه.... بحضر افلام كتير. ح تقول انى منظراتيه...لكن اقول و السلام... جيب ليك بوت و بنطلون و قميص جنز تخيينين كده للشغل ده. ما تبشتن جزمك و قمصانك فى الشغل يا اخى. انا بحب اضرب بهية فى البيت...و عندى حيطين كده بغير لونهم كل فترة. لكن عندى حنز كده عينوا طالعة و معاه قميص يشرح القلب.....بستعملهم لضرب البوهية
Quote: غباشي ياخي إذا ما حتكمل الحاجة ما تبداها!! أها نقعد ننتظر باقي القصة لمتين!
و الله مشغول يا أمير .... بحضّر لي مؤتمر آخر الشهر دا و لسة بكابس في قروش التزاكر و السكن ... دا غير انو الكيبورد بتاعي الفيهو عربي بيكون في المكتب و كالعادة طول اليوم بكون مشغول و لما ارجع البيت اول حاجة بكون منتهي و جعان يعني لحدي ما اخد دش و اصلي و اكل بيكون خلاص المفروض انوم و ثاني حاجة ما عندي كيبورد عربي , عرفت ليه التأخير بحصل ... حلمك علينا شوية يا حبيب اهو الويك اند جانا (مع اني بمشي كل يوم) و ان شاء الله حأكمل باقي كلامي ... دا لو بيكمل ... لاني و الله لسة عندي كلام كتير ... النصري و اسمارت تسلموا شديد
وين مريم ؟
بالمناسبة عندنا Weight Loss Challenge سجلت فيهو الاسبوع الفات, اي متسابق عندو فترة بتاعت 6 شهور و بعدها بيحسبو ليهو الـ percentage بتاعتو ومنها بيحددوا الفائز السنة الفاتت كان 3 شهور بس , العبد لله كان التاني مع انو حسابيا من ناحية الـ Weight loss المفروض أكون الاول لكن بالـ Percentage فاتتني واحدة كانت عاملة 20% و انا كنت 17.7% طبعاً الـ body mass بيلعب دورو لانو البت الفاتتني دي ما كانت سمينة (و انا برضو ) حتي شكلها زاتو ما اتغير كتير عما كان قبل الـ Challenge باختصار البت حجمها كان اقل من حجمي الاسيوع الفات مشيت الجيم تلات مرات و حسي قافل علي السبت و الاحد , الاكل منتظم كالعادة (عندي اكل خاص حاكلمكم عنو في القصة بعدين) الغرض الاساسي من الـ Challenge الجديد اني لاحظت لروحي بقيت بعد مرات بلخبط في الاكل و بي صراحة بقيت بلعب عدييل كدة , لأني بقيت ضامن اني عادي ممكن اتخلص من اي وزن جديد و دا في حد زاتو عامل لي قلق عشان كدة سجلت فيهو عشان انا بكون كويس شديد لما يكون في challenge و تاني حاجة عاوز اصل للوزن المثالي و بعد كدة ابدأ برنامج الـ Life Style طبعاً لما يكون وزني نازل بكون حاسي بروحي , عشان كدة ما عاوز اوزن الا في الـ Weighing in Day داير أشوف الـ Output بتاع الـ 10 يوم حيكون كيف , كل مرة في الجيم بعمل رايح لما اشوف الميزان لانو بيحبطني خصوصاً لما اكون قافل اخسر عدد معين و ما اصل ليهو, اما لما اكون زايد فما بقرب ليهو نهائي لان زي ما قلت ليكم بقيت عارف روحي , هسي خلاص الاسبوع الجاي حأمشي عشان اوزن في محل الـ Challenge لكن على العموم حاسي بنفسي بقيت خفيف (في الوزن ) دا غير الـ body shrinkage البقى واضح
Quote: بسكويت Digestive ده مفروض يختوه مع المخدرات يا اخى....لما ابدا (ارعى) فيه ما بقدر اقيف....
طبعاً لما كنت في السودان كنت بحب بسكويت رويال حباً جماً ... المهم لما مشيت السويد قبلت على الـ Digestive و لسة كنت مشتهي رويال ... اها عندي اخوي الكبير كان جاي استوكهولم training تبع الشركة بتاعتم ... طبعا اول حاجة وصيتو يجيب لي معاهو بسكويت رويال قام جاب لي كرتونتين و و جيت عليهو بي نفس , من اول واحدة بديت احس بفرق الصنف (الادمان) اكتشفت اني في السودان كنت و لسنوات اكتر من نص عمري كنت باكل طين في شكل بسكويت و الله زي ما قلتي البتاع مخدر عديل ... و الغريبة انو بتأكل مع الشاي و العصير و الموية بس ما بتأكل حاف
Quote: و اظرف مكان كنا بنمشيه كان الهلتون و ابو جابرة (قلت ليكم...ما كنت عارفه اصرف الماهية فى شنو!!). و من هناك و بدا وزنى يذيد.
عارفة يا اسمارت مشكلة السودايين انو الحاجات دي بتحصل ليهم cumulatively لانو الناس بتعيش بي concept ,واحد مهما اتغير استايل حياتهم او ووضعهم المادي , يمكن دا يكون بسبب انو الرياضة برة الحسابات كلو كلو , بعدين بالجد اكل المطاعم و Fast Food ديل و الله افة من افات الزمن الحالي
Quote: بعد ده بغير بهدوم الجم و اتوكل...برجع البيت الساعة 10 و نص بللليل
ذكرتيني ايام الجيم في استوكهولم ... الجيم السجلت فيهو كان مخفض و بي مواعيد معينة بتبدأ من 7 مساء لحدي لحدي 8 صباحاً , طبعا ناس الـ Panic Attack ديلاك ادوني حبوب بتخليني انوم عشان اقدر ارجع للتوازن العادي , المهم بعد مدة فتحت لحبوبهم دي و بقيت اساهر عادي لكن بطلت الشاي اللذيذة بفيت امشي الجيم الساعة 1 صباحاً و بعد مرات الساعة 3 مع انو الجيم مكانو ما كان قريب خالص يعني زي 20 دقيقة كداري , لكن كان في ارقى حتة في استوكهولم , الحتة اسمها Stureplan هي نفس الـ district بتاعنا Östermalmstorg او بالاصح احنا تابعين ليها , عشان كدة كنا بنقشر بيها قدام اصحابنا كنا مسمنها نمرة 2 بتاعة السويد معليش يا جماعة انا موضوع السويد لما يتفتح او يبجيبو سيرتا ساكت قدامي بيقلِّب على المواجع عشان كدة بتكلم لحدي ما القى البيسكتني فبالله ارحمو عزيز قومٍ ذُلَّ
جيتك يا امير طيب ملخص سريع لما تم نشره في البوست الفات : اني كنت Overweight من غير تشويه و الكلام دا كان في بدايات الجامعة بعد كدة حصل شوية اتزان اثناء الدراسة و فقدت قريب 10 كيلو لكن بدون الاهتمام بالرياضة لحدي تقفيلة الجامعة في سنة خامسة و فيها اشتركت في الجيم لاول مرة , مدمن شره للبسكويت و اذداد الحال سؤاً بعد ما سافرت السويد و لقيت بسكويت ال Digestive الما خمج, غادرت السويد بعد ان اكملت دراستي و توجهت مؤقتاً للسودان تمهيداً للسفر لنيوزلندا وفي نيوزلندا حصلت لي حاجات غيرت مجرى حياتي :
نواصل الفحص الطبي كان شامل و دايرين حاجات كتيرة منها تحليل كامل للدم و البول , و اشعة للصدر و وزن و طول و نظر باختصار كدة قرب يبقى زي بتاع الكلية الحربية داك, بعد داك قالوا لي تعال استلم النتائج بعد 10 يوم , المهم بعد العشرة يوم مشيت و لقيت كل الفحوصات الحمد لله نضيفة الا واحدة زايدة شوية اللي هي الكوليسترول و حولوني لدكتور عشان اقابلو, اول حاجة سألني اذا بدخن و للا لما قلت لا قال لي الموضوع بعد كدة بقى ساهل , انت لازم تغير نمط الاكل بتاعك,تاكل خضروات و الياف و تبطل بسكويت و coockies او تتناولهم بكميات بسيطة , كمان لازم تنزل وزنك و تبدا تتريض , الكلام تعملو لمدة ستة شهور و بعد كدة تجيني , اذا المعدل بتاع الكوليسترول دا ما نقص بعد كدة نبدا في العلاج بالعقاقير .... انا طبعاً لما سمعت كلمة Medications دي مسكتني خوفة و اساساً انا خايف موضوع الكوليسترول دا من البداية رجعت البيت طوالي و عملت فيها نظام الود عيان و المفروض يقعد مع نفسو شوية على اساس يشوف حيعمل شنو خلال مهلة الستة شهور دي المهم بديت بي موضوع الخضروات (برنامج الغنماية) بقيت اشتري في الـ lettuce و اكل , و بطلت البسكويت شوية كدة , لكن كنت شابك في كوكيز كدة اسمها Ginger Kisses البتاعة دي صنف تاني اكعب من الـ Digestive و بتودي التوج طوالي
طبعا نسيت اقول ليكم اني في الفترة قبل الفحص الطبي كنت باكل من ماك دونالدز ودا كان السبب المباشر في موضوع الكوليسترول دا , و حاولت امشي الجيم , مشيت قابلت مدرب وراني كيفو استخدم الاجهزة و كيف ابدا التمارين و كيت و كيت لكن ما واصلت , و الله يا جماعة الموضوع دا كان صعب بالنسبة لي في البداية, المهم وقفت من الجيم لكن واصلت في موضوع الخضروات و الاكل النضيف اللي هو اكل البيت , بقيت اجهز فطوري وغداي بتاع الاسبوع كلو و اختهم في التلاجة , الاكل كان عبارة عن مكرونة او رز بي صوص يعني لسة في سعرات ذيادة لكن الاكل نضيف كنت حاسي بي بوزني زايد لكن عملت رايح على اساس اني اول حاجة المفروض اتخلص من موضوع الكوليسترول, بعدين موضوع الجيم بقى لي صعب عشان انا كنت بادي دراسة و مشغول فيها شديد و لما جري نفسي ـكان بيقوم و لما اعمل تماري بطن كنت بقعد يومين ماسك بطني , العضلات كلها ع كانت راخية , الـستة شهور مرت , ابيت ارجع للدكتور لاني ما عملت حاجة في موضوع الوزن, المهم فتحو عيادة بتاعت Health and fittness و قررت اني امشي اتابع معاهم حالتي طلبوا بعض الفحوصات و مشيت تاني نفس اللاب و عملت فحوصات تاي للكوليسترول و الانسولين و الهيموقلوبين, دا كلو عشان يعملوا لي برنامج غذائي يناسب حالتي الصحية
الساعة عملت اتنين و نص صباحاً يا امير , انوم و نتلاقى بكرة ان شاء الله
Post: #303 Title: Re: Sudaneseonline Biggest Loser Author: مريم بنت الحسين Date: 11-11-2011, 09:02 PM Parent: #302
يا سلاااااااااااام والله فكرة رهيبة يا شباب....
اولا شكرا لكل من سأل عنّي... انا كنت مشترية دماغي وفصلت من الكومبيوتر لفترة العيد دي... لكن كنت مستمره في المشي والاكل المتوازن... باااااااااكل، لكن بي فهم... لاني زي ما قلت عندي بيبي معتمدة على.. ما بقدر على شغل الغنمايات بتاعكم ده... بعد كم ساعة حأوزن... وان شاء الله خير... fingers crossed... غايته قبيل قسته بي المتر.. لقيت روحي نقصته إنش من منطقة البطن... يعني 2.5سم...
حأبداً ليكم بي طفولتي.. لانه دي هي الاساس في الموضوع بتاعي كله... انا كنت الابنه الوحيدة في بيتنا لمدة بتاعت ستة سنوات، قبل ما يجي مازن اخوي الاصغر منّي.. خلال الفترة دي كنت الqueen وكده، اها جا مازن وبقى الناس كلهم مهتمين بيه ... قمته انا عملته لأهلي حركات وبقيت ما باكل عشان ينتبهوا لي.... هم مساكين بقوا يتجاروا بي وراي.. وانا كل ما اسمع "البت دي ما بتاكل" .. كل ما كنت اتمادى اكتر.. لدرجة خلت اهلي يجربوا يدوني ادوية فاتحة للشهية... وفيتامينات، ويشتروا لي العايزاه... في النهاية قرروا يعرضوني على دكتور اطفال... (شفتوا العيال ديل مسلّطين كيف)!... اها الدكتور طلع شفت.. قال ليهم افتحوا ليها.. هي بتستعمل الاكل كوسيلة لجذب انتباهكم... وعينكم ما تشوف إلا النور.. فتحوا لي فتحاً مبيناً... اها انا بعداك الجوعه بقت تقرصني...وبقيت ااااااااااااااكل... ووزني زاد من عمر صغير... بي عقلي الصغير داك، عملت association غريب ما بين الاكل واهتمام اهلي.. يعني اهلي بهتموا بي.. معناها بقولوا لي أكلي.. لو ما بهتموا بي ما بقولوا لي أكلي... في نفس الوقت مازن اخوي كان ولازال زول ضعيف جداً ومعصعص... اهلي بدوا يقولوا ليه اكل وانا لاني خلاص دربي مرق وبقيت اضرب تمام، مافي زول بقول لي اكلي... اها بقيت اااااااااااكل.. عديت فترة المراهقة وانا سمينة، ما سمن شديد... لكن مليانه زي ما بقولوا... انا طوّرته فهم كبير في موضوع العادات الغذائية وكيف ندعمها ونعززها في الاطفال.. ممكن يوم اجي اكتب عن الموضوع ده.. خاصة اني شايفة طريقتي ناجحه مع محمود ولدي... الزمن ده كله، من عمر 7 سنين لحدي عمر 15 سنة كنا في الامارات... في سنة تانية عالي رجعنا السودان... واول شهر لينا هناك... كنت بضطر امشي للمدرسة بي كرعيني... من المغتربين بحري، لحدي مدرسة بحري النموذجية في الصبابي... والسبب انه المواصلات سغيله جداً وبتضيع الوقت.. فكنت بختصر القصة وبمشي بي كرعي.. الحاجه دي خلتني انقص وزن شديد... وفرحته جداً بي الحاجه دي.. واتكيفته من روحي.. لكن سرعان ما زدته تاني، زياده خفيفه بعد ما لقيت حافلة توصلني وتجيبني... ثالثه عالي مشينا الاردن، وكنت ممتحنه شهادة.. الغريبة ما زدته كتير رغم الحبسه بتاعت القراية (الما كنت بقراها اصلا).. لما دخلت الجامعة، دخلته في جامعة ضخمة المساحة.. يعني ممتده على مسافة بعيده جداً.. قاعات المحاضرات في مباني بعيده جداً عن بعضها.. قضيت السنة الاولى مشى تقيل.. كنت باكل عادي.. لكن المشي كان بعوض الحاجه دي.. من غير ما اشعر وزني نقص شديد... وبقيت في وزن ممتاز... ما انتبهت للحاجه دي إلا لما مشيت في الاجازه للسودان... بت خالتي صُدمت لوووول... الاربعة سنين في الجامعة كنت في وضع ممتاز... بعد ما اتخرجته، كنت بفتش على شغل لمدة سنة.. وبمشي لمسافات طويلة... فحافظته.. بعد السنة دي، سجّلته للماجستير... برضه عمّان الشوارع فيها طالع نازل... ومعظم الحركة بي الكرعين والمواصلات خاصة في الصيف لما الجو يكون لزيز.. برضه حافظته طوال السنة ونص القضيتهم في الماجستير... الحقيقة ما كنت مهتمه زاتو بي اكلي.. باكل البلقاه، لانه المشي كان برتب لي الامور... خلصت ماجستير، واهلي رحلوا قطر... وهنا حصلت الكارثه...
التغير في طريقة الحياة في الخليج خلاني ازيد شديد.. الاعتماد الكامل على السيارة.. صعوبة المشي في الشارع، باعتبار انه المشي عنده اماكن مخصصة.. ما زي الاردن عادي الناس ممكن تطلع اقرب شارع وتمشي.. دي غير الاكل المتوفر بكثرة والاعتماد على الجنك فوود.. في الاردن كان في فرع واااااحد بتاع ماكدولندز وما كنت باكل منه كتير.. ممكن مره كل ستة شهور.. فجأة لقيت في قطر كل شي متاح، وحركة مافي.. وكنت ما شغاله لمدة تلاته شهور.. المدة دي خربت لي البرنامج كله... وطبعا اصلا ما كان عندي اي علم بي كيفية الاكل بصورة صحية ومتوازنة، لاني ما كنت محتاجه.. الحركة والمشي براه كان كافي... قمت لاول مره سجلته في جيم... وبقيت اسبح... انا كنت بمارس السباحة كهواية وترفيه، لكن سجلته فيها كرياضة... نجحت في اني انقص 11 كيلو من غير ما اغير نظام اكلي.. لكن كنت بمشي يومي ايروبيكس ساعة، ستة مرات في الاسبوع... واليوم السابع سباحة... برضه اهلي كانوا في كومباوند، بقيت اتمشى لما ما اقدر امشي الجيم... إلى أن اتزوجته وجيت السعودية وهنا سكتت شهرزاد... طبعا هنا مشكلة.. اول شي جبته حمودي... بقيت مقيدة ومافي زول يمسك لي، والحركة صعبة عشان امشي جيم والحبسه على اصولها.. الوضع ما اتفاقم شديد، لاني بديت احافظ من خلال الاكل، واتعلم رياضات ممكن اعملها براي، منها اليوجا... خسرته البيبي ويت بصورة كويسه، خاصة مع الرضاعة الطبيعية.. لانها بتساعد شديد... بعد ما فطمته محمود بقت مشكلة زيادة الوزن، بسهولة جدا بزيد وبصعوبة بنقص.. عشان كده يا امهات، البتولد تحاول تتمسك بي الرضاعة الطبيعية حصريا exclusively.. غير فوائدها للطفل، بتخليك تنقصي وزن بصورة سهلة.. انا بستمر سنتين ... مع محمود ما انتبهت للحته دي من بدري... عشان كده لما فطمته زدته شديد، لاني ما كنت نقصته كل البيبي ويت... وبقت صعبة جداً علي انقص تاني... رغم اني كنت بحافظ، بعمل رياضة كتير..
حسي بعد وصول ليلى، انتبهت للموضوع ده من بدري، واهو معاكم... بعد ستة ساعات بجيكم اوريكم حصل شنو في الوزن.. افقدوني عليكم الله ما يكون الميزان القبيح ده ما عمل تغيير واقوم اطب ساكته بعد التعب التعبته اليومين الفاتو دي...
ابتهال الحقيني...
Post: #304 Title: Re: Sudaneseonline Biggest Loser Author: EBTIHAL OSMAN Date: 11-12-2011, 04:33 AM Parent: #303
والله يا مريم غير العين الحمرا مافى شى بحلك من الميزان تمنياتنا ليك بالتوفيق مبروك الانش والى الامام زنقة زنقة بالنسة لى انا موقفة الرياضة لى اسبوع تقريبا موفره طاقتى للعتاله برخل من بيت لبيت وزنت يوم العيد لقيت الورن نقص تانى 2 باوند ووزنت يوم العيد لقيتو زايد 2 باوند(كانك يا ابوزيد لاغزيت ولا رحت ولاجيت) الاكل تمام التمام الارز اسمر والعيش اسمر (ان وجد) والسكر splenda واللبن والزبادى lowfat
Post: #305 Title: Re: Sudaneseonline Biggest Loser Author: مريم بنت الحسين Date: 11-12-2011, 09:40 AM Parent: #304
90 جرام في عين الحسود.... بالله صفّقوا لي... للجماعة الامريكان والكنديين.. 1.9 باوند.... والنصيحة لله، لي اربعة ايام ما مشيت.. وكنت سايطه الدنيا سواطه... لكن الليله احتفالا باليوم التاريخي ده، حأمشي...
ابتهال.. طلعت الميزان اول ما صحيت من النوم... الظاهر الحميّرة بتاعت الصحية من النوم ما كانت قوية.. عمك ختى لي رقم، لما قربته اطرشق، قال إيه نقصته 100 جرام بس... اها مشيت فتحته ليه وزعلته... قمت جيت وبي زعلتي ديك حمّرته.. بعدها بي ربع ساعة كده... لقيته ليك اتعدل معاي... يحيا الحمّير.. موازين آخر زمن...
بالمناسبة.. الوزن مرات ما بكون صحيح... اعتقد نضيف measure زي محيط الخصر عشان دي مع دي بتدي indication للحاصل...
قبيل كنت في الجيم قعدت زي ساعتين و مريت تقريباً على كل الـ equipments بتاعت الـ cardio من Treadmill, Elliptical, Cycling and Rowing و بعد داك نزلت لصالة الحديد و اشتغلت شوية بالـ dumbles و الـ Weight equipments رجعت تعبان و جيت البيت طوالي اكتر حاجتين بحبهم في الجيم هما الـ Treadmill و الـ Elliptical machine عشان كدة بقضي فيهم وقت كتير
Treadmill
Elliptical machine
بالنسبة للاكل عمال حسابي شدييييييد, وجباتي التلاتة مجموع سعراتها ما فايت الـ 600 سعر + 3 فواكه (تفاحتين + يوسفي او كمثرى او برتقالة) و الموية 3.8 لتر على الاقل شكلي بشرب 4.5 عدييل لانو في المكتب عندي bottle 1.8 ml دي بملاها مرتين لحدي ما اليوم ينتهي بعد كدة عندي باقة 2 لتر في البيت بجي بقرطع منها برضو لحدي ما انوم لي اكتر من سنة ما بشرب شاي و اساسا ما عندي علاقة بالقهوة ... بشرب شاي اخضر عجيييب جربوهو و الله ياجماعة لكن انتبهو لحتتة الموية لانو مدر للبول
Post: #307 Title: Re: Sudaneseonline Biggest Loser Author: مريم بنت الحسين Date: 11-12-2011, 12:01 PM Parent: #306
Quote: مريم اظنك قاصدة 900
وب علي... ايوه 900 جرام... سجمي خالص والله!
يا غباشي.. انا بحب elliptical خالص.. وعندي في البيت، لكن بحب الtreadmill برضه... وما عارفه اعمل شنو.. مرات اقول اشتري لي واحده مستعمله (لاني بصراحة شايفه انه غالية اشتري واحده جديدة)، مرات اقول اشوف المركز القريب منّي ده، وابرمج امشي ليه... لكن والله الطلعه مع البيبي مشكلة.. إلا انتظر نادر يرجع من الشغل وامشي لي ساعه واجي... المهم، حأحسم الموضوع ده في الفترة الجاية دي.. لاني ضروري ابدا اجري... حسي حأمشّي الحال بي elliptical، المهم الزول ما يقيف اصلو ويستغل اي شي حوله...
يا غباشي 600 كالوي في اليوم شويه شديد ياخ.. جسمك ده حيعمل shut down كده! اعتقد في مواقع كتيرة ممكن توريك تنقص قدر كم من الcalorie intake اليومي بتاعك تبعا لوزنك وطولك ونشاطك.. وانت حسب كلامك ده انت نشيط جداً... بعد شويه النقصان بتقيف وبتتورط... كده راجع موضوعك ده... وورينا البحصل شنو، انا لو فضيت حأقوم اشوف ليك المواقع دي...
مرات الجسم ممكن يبدا ينقص مويه بدل ما ينقص دهون... عضلاتك البتستخدمها دي محتاجه لطاقة عشان تشتغل...
معاك يا مريم انها شوية و لكن البلد دي اكلها ما نفع معاي نهائي و مع النظام الجديد العايش بيهو هنا لي اكتر من سنة بقيت شبه نباتي , اولاً اللحمة هنا كععععععععععبة (اللحمة هنا فيها دهون مبالغ فيها ) بعدين محلات الحلال فوود ما كتيرة و طبعا بيستعملوا نفس اللحمة يعني في الحالتين مرض الفراخ احسن شوية , الحاجات البشتريها كلها Organic , بشتريها و بجي بجهزها في البيت , عارفة الخضروات بتسد الفرقة و عندي حركة على وزن (ريجيم الغنماية) بتاع ناس ابتهال و النصري ممكن تسموهوا (ريجيم الارنب) باكل كمية خرافية من الجزر يعني عادي بقرض 3 كيلو في الأسبوع ده غير الـ daily 3-fruit , بقيت بشترى الفواكه و بختهم في المكتب عندي blender-chopper بستخدمها للجزر و بختو اساسي في كل وجباتي مع الـ Salad و دايما بيسندني انا عندي M etabolism حساس جداً و عوامل البناء فيهو انشط من عوامل الهدم خصوصاً مع الـ Carbohydrates و الدليل على كدة البسكويت , أحكي ليكم دي قبل خمسة شهور كنت في مؤتمر في ميلبورن , مشيت من هنا في اماتين الله و لما وصلت اشتريت الـ organic food بتاعي , المؤتمر كان حاجة كبيرة General Assembly و كان لامي ناس فطاحلة بعرفهم من خلال الـ papers بتاعتهم بس , المهم بقيت الاقي فيهم واتعرف عليهم و اتونس معاهم من Morning Tea لي Coffee break و جايبين مع الحاجات كمية من الكوكيز حاجات فتاكة ... Oatmeal, Nut, and Muesli Coockies بقيت اتونس و اضرب ليك في الحاجات و الله في اسبوع بس رجعت لقيت نفسي زايد 7.5 كيلوجرام , و الله نصيحة لوجه الله تعالى لو شفتو اي واحدة من الحاجات ديل أختوهم لانهم اخطر من البسكويت ذات نفسو
Oatmeal cookies
Muesli cookies
Nut cookies
عندي 8 كيلو داير اتخلص منها سريع في الفترة الحالية دي , الجيم بيفرق شديد لما ما أمشيهو خصوصاً لو حصل لي اي distraction زي العزومات , بقيت بحاول اتفادى اي أكل ما عاملو براي الليلة كنت معزوم غدا مع اسرة سودانية هنا (غداء العيد) اول حاجة جليت الفطور تحسباً لي أي لخبطة لكن الحمد لله جات سليمة , اكلنا شية و بفتيك بدون عيش و شوية عصيدة و كباية عصير و شريحتين بيتزا , حأكمل باقي يومي دا فواكه لانو بكرة حأوزن خاتي لروحي 3 أسابيع للمهمة دي عشان كدة حابقى جادي خلال الاسبوعين الجايين ديل ! No invitation acceptance and no cheating either
Quote: مرات اقول اشتري لي واحده مستعمله
و الله يا مريم Go ahead لانو الـ Treadmill مع الـ Elliptical بيدو نتايج فعالة , يمكن موضوع المشية للجيم في حد زاتو An essential motive to put off weight لكن مع ظروفك الحالية دي شوية صعبة المهم wish you the best
وين امير و اسمارت و النصري؟
Post: #309 Title: Re: Sudaneseonline Biggest Loser Author: النصرى أمين Date: 11-13-2011, 11:47 AM Parent: #308
حاجة غريبةة جدا
وزنت نفسى امبارح لقيت الفرق حوالى 8 كيلو من بداية الريجيم.......
اتخايل لى احسن امشى ميزان تانى لانو الميزان ده مخستك
بالله باركو لي يا جماعة .... الحمد لله كدة الواحد ماشي كويس و قرب لي نص الطريق .... ان شاء الله خلال الاسبوعين الجايات بكون done الجيم جاب حقو ... و بركة الضقنا شية امبارح
8 كيلوغرام خسرتها من بداية الريجيم 11 اكتوبر 2011 لليوم (حوالى شهر و3 ايام)
لو مشيت بالمعدل ده ممكن انزل32 كيلو مع بداية اجازتى السنوية فى فبراير .....
برنامج الرياضة منتظم جدا .... بقيت اجرى بسرعة 7 ميل فى الساعة لمسافة 20. من الميل (خمس ميل) انزل السرعة واخد نفسى واجرى تانى 7 ميل فى الساعة وهكذا ,,,
قابلت يونس شلبى اليوم فى صالة الرياضة ,,سالته عن سبب الغياب ,,قال لى انه اصيب بما يشبه الجلطة فى رجله (تحت الركبة) وان الطبيب نصحه بعدم الجرى لعدة اسابيع حتى يطيب الجرح ,,, سالنى عن اخبارى ....قلت ليهو نقصت 20 رطل ....ضحك وقال لى دائما ال 20 رطل الاولى ساهلة ....احبطنى شوية فقلت ليهو لماذا ....قال لى لان الجزء البتفقده موية ساى واستخدم الكلمة watery على وجه التحديد ... واصل وقال بعد ده حتبدا تاخد من اللحم الحى (المصطلح منى)
المهم .... الحمدلله الامور ماشة تمام ..... بس مشكلتى الوحيدة هى كيفية كبح جماح الجوع ,,,,,,
برنامج اليومى كما يلى
الصباح حوالى 4 صباحا صحن بتاع سيريـال مع لبن 2%
الساعة خمسة ونص كباية قهوة كبيرة مع 2 لبن و sweetner
الساعة 8 بمشى بقالة 711 وبشترى 2 بيضة مسلوقة omega3 ومرات باخد معاها علبة زبادى صغيرة خالية الدسم ,,,,
الساعة 11 بفطر ..فول بالمعلقة او سمك بالفرن او سلطة خضارات اهم شئ بدون رغيف ....
الساعة 6 غالبا بكتفى بصحن كبير بتاع سيريـال
الفواكه مدورة اليوم كله ...
Post: #312 Title: Re: Sudaneseonline Biggest Loser Author: مريم بنت الحسين Date: 11-15-2011, 07:48 AM Parent: #311
يا اخوانا صفقة قوية بالله لغباشي وللنصري...
Post: #313 Title: Re: Sudaneseonline Biggest Loser Author: النصرى أمين Date: 11-15-2011, 11:04 AM Parent: #312
الغريب يا مريم انو انا ما كنت excited لمن عرفت نتيجة الميزان صحيحة,, اظن السبب انو التطلعات الان عالية جدا جدا .... وحتة 8 او 9 كيلو بقت ما كفاية ,,,,,
دلوقت انا قافل على 30 كيلو لغاية شهر فبراير باذن الله .....
يوم حافل ... مشيت الصالة كالعادة فى مواعيدى ولكن فى بالى امور اخرى يجب ان انجزها مباشرة بعد التمارين ... طوالى طلعت فى المكنة وبعد ثوانى بديت اجرى بسرعة 7 ميل فى الساعة... وقبل انتهاء خمس الميل...شعرت بالم شديد فى الرجل فوق الركبة مباشرة (منطقة الفخدة),,, عرفت انو شد عضلى ...نزلت السرعة وسالت جارى فى المكنة المجاورة وهو من الفلبين قلت ليهو حسى انا اعمل شنو بخصوص الشد العضلى ده ؟ اوقف الرياضة او ازيده السرعة او انقصها لم اجد اجابة عنده ....بقيت مصطكى لفترة لا اعرف كيف اتعامل مع الشد العضلى.... لحسن الحظ مدام تارا كانت موجودة فى الصالة لكن مشغولة مع زميلة لنا تعانى من زياده خرافية فى الوزن ......كانت تارا تساعدها فى بعض التمارين.. شد البطن وخلافه ...استاذنت منهم و طلبت من تارا مساعدتى فى امر الشد العضلى الذى اعانى منه ..... قالت لى انه hamstring ونصحتنى ان اسخن لمدة تلاته دقائق على الاقل قبل بداية الجرى كل يوم حتى لا اتعرض لشد عضلى....
ولمعالجة الشد العضلى طلبت منى ان ارفع رجلى بزاوية معينة لمدة 30 ثانية كما واضح فى الصورة ..
فعلا الالم خف كتير بعد ذلك ..... طلبت من تارا مساعدتى فى التمرين ... سالتنى ماذا افعل كل يوم قلت لها اجرى خمس ميل بسرعة 7 ميل فى الساعة ثم امشى شوية حتى اخد نفسى لاجرى مرة اخرى لخمس ميل وهكذا .... سالتنى كم من الزمن اجرى ....قلت ليها لا اعرف ...انا اقيس المسافة فقط قالت لى انسى المسافة وركز على الزمن ... طلبت منى احسب الزمن لجرى خمس الميل .... فعلا جريت والزمن البحتاجه كانت حوالى دقيقة و45 ثانية الى دقيقتين... قالت لى النسبة يجب ان تكون واحد على واحد one on one دقيقة مشى ثم دقيقة جرى وهكذا ولكن لفترة اطول ... سالتها عن سرعة 7 ميل فى الساعة .. قالت لى انها كتيرة شوية واقترحت 6.2 ميل الساعة ....
كنت زايغ من مقابلة تارا خوفا من العصرة لكنها اليوم سالتنى اذا كنت محتاج مساعدة ... خجلت وقلت ليها ايوة ... عملت معاى مواعيد يوم الثلاثاء 20 ديسمبر الساعة 10 صباحا .... غايتو الله يستر من الدرش الشديد
ايضا هناك اعتراف منى ساعلنه فى مداخلة مستقبلية
Post: #316 Title: Re: Sudaneseonline Biggest Loser Author: مريم بنت الحسين Date: 11-16-2011, 04:12 AM Parent: #315
انت ارجا الراجيك من سمارت... لانها ليها أسابيع بتقول ليك في كلام تارا ده زاااااااتو... لووووول
شكرا مريم و عقبالك قريب ..... شفتي الانجازات دي كيف مبروك يا النصري و keep it up الزرزرة بدت من جديد, اليوم تأكد مشاركتي في المؤتمر Geosciences 2011 Conference , عشان كدة حأكون مشغول بتجهيز الـ presentation بتاعي و عندي حسابات تبع البحث خلاص جهزتا الـ input data و المفروض ابدا ارسلها للـ Parallel computers حأنشغل شوية لكن بحاول اديكم طلة مرة مرة كدة اذا الوضع عندي بقى مطمن
النصري .. اهم شئ قبل التمرين تعمل تمارين الـ Warming up و الـ Stretching حتى بعد كدة تبدأ حأجيك للموضوع دا قبل ما اتوه مع الزرزة الانا فيها دي
و ين سمارت , امير و ابتهال
Post: #318 Title: Re: Sudaneseonline Biggest Loser Author: النصرى أمين Date: 11-16-2011, 11:33 AM Parent: #317
Post: #319 Title: Re: Sudaneseonline Biggest Loser Author: النصرى أمين Date: 11-16-2011, 11:37 AM Parent: #318
ان شاء الله بالتوفيق يا غباشى.... فترة القراية هى اجمل الفترات فى حياة الانسان بالرغم من قسوتها,,,, عيش كل لحظة فيها واستمتع....... وما تنسى تتدون كل لحظة بالصور والفيديو ....
والله انا عارف الاحماء مهم لكن امبارح كنت مستعجل وكنت داير اكلفت الشغلانة بسرعة عشان الحق الرزق .... النتيجة انو الشغل العضلى مازال يضايقنى وساضطر اليوم اعمل تمارين خفيفة ....
Post: #320 Title: Re: Sudaneseonline Biggest Loser Author: مريم بنت الحسين Date: 11-16-2011, 02:17 PM Parent: #319
النصري ما تستعجل تاني... اصبر شويه.. الحاجات دي ما دايره استعجال... غايته انت لما سمارت تجي أو الهادي.. تقوم كده تعتذر بدون اي نقاش.. عشان انت غلطااااااااان....
غباشي... الف مبروك الacceptance بتاع الconference... اهم شي في الدكتوراه انه الزول يشارك في مؤتمرات ويلاقي الناس الفي مجال بحثه.. ويطور شبكة بتاعت معارف، بتفيد شديد فيما بعد.. سواءا عند البحث عن عمل، او العمل على مشاريع بحثية مشتركة... ربنا يوفقك...
امس بديت اشتغل بي elliptical track .. عملته فيها نص ساعة ظريفة خالص... كنت مركلسه الفترة الفاتت.. عشان كنت متوقعه trade mil تجيني... لكن شكله الموضوع طرشق.. قررت استخدم العندي دي، لحدي ما اجيب ديك... ده غير اني شلت هم اوزن يوم السبت والقى روحي زدته او واقفه في محلي... ببكي عدييييييل كان ده حصل...
ابتهال.. رحلتي ولا لسه.. والله الرحول ده قطعه من جهنم.. الله يعينك...
النصرى.....شكلك قاعد تفط مداخلاتى و ما قاعد تقراها. الفيك اتعرفت. اصلا انا من زمن بوست ساينفيلد داااك كان مفروض احرد بوستاتك نهائي. على العموم الف مبروك ال 8 كيلو...انجاز و الله. هسي اكلمك يا النصرى...لازم تعمل Stretching قبل الجرى و بعد الجرى كمان. بعد برضو مهم يا فرده.
غباشي.....الف مبروك قبول الورقة و الف الف مبروك نزول الوزن. رافع راسنا و الله. تعرف ال Coockies دى تقريبا كل يوم فى مكتبنا...و اظن انها السبب فى زيادتى من ما اشتغلتا. اى اجتماع فيه lunch بتكون ال Coockies هى الحلو بعد الاكل. قبل حوالى سنة وصلت مرحلة انى حلفت انى ما ح اخت اى واحده فى خشمى ما لم اكون جريت الصباح فى اليوم داك اقل شيء 3 ميل. و ده كان الحل الوحيد انى ما اظرب لى كل يوم واحده او اتنين
ما شاء الله يا مريم....لسه صامده رغم مشغوليات البيبي و القراية و الشغل. شفتى النصري ده???? ما محترم كلامى نهائي. هسي انا لى كم بقول ليه اشرب موية اثناء (او بعد الجرى طوالى) ...و مطنشنى تماما فى موضوع الموية. اديه كم يوم... ح يجى يقول تارا قالت لى الدوخة اثناء الجرى (او التعب الشديد) من قلة شراب المياه و تانى ح اشيل علبتى بتاعى الموية معاى طوالى...و يقوم يصور باغته بتاعة الموية و يشكر تار او يونس شلبى. النصري...نظامك بتاع الاكل ده صعب شديد....و ما (اظن) تقدر تواصل فيه زمن طويل. اعيد فيه النظر.
Post: #322 Title: Re: Sudaneseonline Biggest Loser Author: مريم بنت الحسين Date: 11-16-2011, 06:30 PM Parent: #321
باركوا لي treadmill ... وصلت من نص ساعه كده... منتظره لولو تنوم وحأقوم عليها...
النصري براه يا سمارت، غباشي برضه برنامجه صعب شديد والله... طبعا ده كلام مليان حساده لانه ما عندي طريقة للبتعملوه ده.. هههههه
حد يفقد أمير يا اخوانا
Post: #323 Title: Re: Sudaneseonline Biggest Loser Author: النصرى أمين Date: 11-17-2011, 01:19 AM Parent: #322
ابدا والله العظيم يا اسمارت... كل البحصل انو التاثير العملى فى الصالة اقوى بكتير من القراءة.... زى ماعمل sheldon فى مسلسل Big Bang Theory وقرر يتعلم السباحة من الانترنت ........ الناس ديل (تارا و يونس شلبى) بشيفونى قدامهم وبشوفوهم عشان كدة التاثير بتاعهم بكون اقوى ومباشر ,,,,,
بالمناسبة انا بحضر حلقتين من Big Bang Theory يوميا ومرات بهضرب بيهو اخر مسلسل كان بضحكنى كان سئ الذكر ساينفيلد ... كنت داير اعمل بوست ل Big Bang Theory لكن قلت اسمارت حتجى تدينى فى راسى ......
تقريبا عندى اكثر من 30 حلقة من المسلسل مسجلة فى جهاز الكيبل .....
بالنسبة للاكل ....فعلا النظام قاسى شوية لكن انا ماناوى استمر فيهو العمر كله.. لغاية شهر فبراير ان شاء الله والواحد ينزل لمستوى معقول وبعد داك حاعمل نظام بتاع اكل متوسط ....لا افقد وزن ولا اكسب وزن ..
مريوم...مبروك التريدمل. ربنا يجعل ليك فيها الخير. انا ذاتى عندى البتكال فى البيت...و نفسي فى تريدمل...لكن ما عندى ليها مكان. بعد كده الا فى القراش.
النصرى...اى بوستات بتاعة مسلسلات انا ما معاك فيها. ساينفيلد ده اجمل مسلسل اتعمل فى الدنيا. الايام دى عاوزه ابدا احضر 30 Rock ...خاصة انى متكيفة جدا من Tina Fey
الحكم الدولى اسمارت_انا اخاطبكم اليوم بوصفكم المسئول الاول عن منافسات الخاسر الاكبر على موقع سودانيزانلاين,,, اخاطبكم وعشمى كبير فى تفهم الظروف والملابسات التى ادت الى اخلالى بشروط المسابقة
السيدة اسمارت
اعترف لسيادتكم باننى قمت بتزوير معلوماتى الاولية عند بداية التسجيل,,,, كتبت فى بداية البوست ان وزنى هو 251 كيلوجرام,, حقيقة ان الوزن الحقيقى اكبر من ذلك ولكنى كنت خجلان بالاعتراف بالرقم الحقيقى
ارجو من سيادتكم التكرم بالعفو عنى السماح لى بمواصلة الدورة خاصة بعد التقدم الكبير الذى احرزته على جميع الاصعدة
لكم احترامى وتقديرى النصرى امين متسابق فى دورة 2011 بسودانيزانلاين
Post: #329 Title: Re: Sudaneseonline Biggest Loser Author: مريم بنت الحسين Date: 11-17-2011, 08:59 PM Parent: #327
الله يبارك فيك يا النصري ويا سمارت... انا عندي living room واسعه... خاتها قدام التلفزيون... وفعلا لزيزه... نادر برضه لما شافني منتظمة ومتشجعه، جابها .. وبقى يتريض معاي... بصورها ليكم يوم السبت.. الليلة تعبااااااااااانه... وبكره مارقه من بدري..
الله! انت داير تنط ولا شنو؟؟؟؟ اعتراف شنو ده يا النصري....
سمارت... ما عجبني 30 rock... لكن Big Bang Theory... بموت فيهم.. شلدون ده لزيز بشكل... قاعد يكيفني شديد...
الليله لاقيت ناس طولته منهم.. ما لاقيتهم من قبل العيد باسبوع.. يعني لي منهم زي تلاته اسابيع كده.. قالوا لي اني نقصته وزن... والله اتكيفته بشكل....
اعترف لسيادتكم باننى قمت بتزوير معلوماتى الاولية عند بداية التسجيل,,,, كتبت فى بداية البوست ان وزنى هو 251 كيلوجرام,, حقيقة ان الوزن الحقيقى اكبر من ذلك ولكنى كنت خجلان بالاعتراف بالرقم الحقيقى
و الله ضحكتنى يا النصرى يا اخى.... انت يا النصري بعد ما نزلت صورتك (الكنت فيها عرقان و عينك طالعة) متخيل انه بعدها احنا ما عرفنا ان وزنك بيكون قريب من ال 300 رطل ???? ما فى مشكلة يا فرده....عفونا عنك. خاصة بعد الانجازات و العزيمة و الاصرار. الهدف من المسابقة ما زرزرة الناس. الهدف كلنا نتعلم من بعض افضل الطرق للعيش بصورة صحية. و اننا نشجع بعض و نلفت نظر بعض للحجات الكويسه البنعملها قبل الحجات الكعبة. __________________________________ اها اعترف العمر كم ??? و الطول كم???
انا خاته الالبتكال برضو فى غرفة المعيشه -عشان تكون قدام التلفزيون. لكن زوجى زعلان من منظرها...... قال خاربه ليه الديكور... و لو جاء لقي فيها حبة تراب (من قلة الاستعمال) بيهدد بانه ح يوديها القراش.
و الله يا جماعة بغرتونى....ربنا يوفقكم كمان و كمان و يديكم الصحة و العافية
سلام من وسط الزحمة ... النصري يا معلم العبرة بي فقدت كم في النهاية و اهي سمارت طلعت حنينة معاك
مريم مبروك الـ Treadmill و عقبال الانجازات الكبيرة عليها باذن الله
سمارت و مريم غايتو بعد كدة الواحد لما ما يلقى طريقة يمشي الجيم بالله ابقوا جاهزين عشان تسلفونا الـ equipments بتاعتكم او نجي نتمرن عندكم
لسة بجهز في الـ presentation , و الـ supervisor بتاعي مشغول لدرجة لي 3 ايام ما شوفتو, ما حيمشي معاي المؤتمر (مفلسين) و انا زاتي بعد ما قررربت الغي المشية ربنا سهلها من ترحيل لي سكن و خلافه امبارح اشتريت Bioslyx Tee و مشيت بيها الجيم , البتاعة دي طبعا عاجـبـاني ليها زمن لكن ما كنت لاقي الاصلية و لما لميت فيها قبل مدة كانت غالية شديد , ااها لحدي ما ربنا يسهلا كنت ممشي اموري بي اتنين قدر ظروفك كدة
Salazenger Bioslyx Tee
المهم قضيت ساعتين كاملات (الدنيا ما معروفة ... يمكن ما اقدر امشي قريب) الـ Treadmill كالعادة نالت نصيب الاسد 40 دقيقة , اول مرة اعمل 40 دقيقة جري لانو الحد المسموح بيهو هو 30 دقيقة بي كلو عشان الناس بيكونوا كتار , عشان الاجازة الصيفية بدت بقى مافي ناس كتار في الجيم , يعني ممكن تاخد راحتك في الاجهزة امبارح قطعت مسافة 6 كيلومترات و حرقت 615 سعر على الـ Treadmill, بعد داك مشيت على الـ Elliptical لمدة نص ساعة كدة و منها عملت شوية stretching و تمارين بطن و حركات بالـتي الجديد الاكل حصل فيهو دربكة صغيرة ما أظنها حتأثر , مشيت زرت ناسي السودانيين القاعدين هنا لانهم مسافرين السودان فقدموا لي حاجة كدة زي لقمة القاضي قدر ما اعتزرت ابو يخلوني مع انهم عرفوا نظامي و مرات كتيرة ما بيقدموا لي اي حاجة , لكن يوم امبارح ما كان عندي اي طريقة ازوغ من لقمة القاضي او بالعدم كباية عصي , المهم اكلت اصغر اتنين ما مسقيات (كل واحدة عاملة زي البلية ) احتمال امشي الجيم تاني في الويكيند عشان الويكيند البعديهو حأكون مافيش , في حاجة تانية ملاوز منها هي اني بزيد لما اسافر عشان أكلي بيكون مجهجه و ما بيكون في جيم المرة دي ما عايز ازيد و حأحاول اتفادي الـ morning tea و ملحقاتو المدمرة بس لكن 6 ايام برة البيت كتيرة و الله غايتو ربنا يستر على الاسبوع بتاع السفر الجاي علينا
Post: #333 Title: Re: Sudaneseonline Biggest Loser Author: النصرى أمين Date: 11-18-2011, 10:51 AM Parent: #332
شكرا جزيلا سعادة الحكم على حلمكم ورحمتكم بى هذا الموضوع كان بزازى بى من فترة طويلة ولكن الان انزاح الكابوس من على صدرى ..يمكننى الان ان ابدا صفحة جديدة بدون "لبيت"
عند بداية المسابقة يوم 4 سبتمبر كان وزنى 278 كيلو بعد حوالى شهر وتركيزى على الرياضة فقط زاد الوزن ووصل الى 280 كيلو ... بديت الريجيم يوم 11 نوفمبر وفى خلال 35 يوم فقدت 10 كيلو
وزنى اليوم (اول اخر مرة طلعت فى الميزان قبل 4 ايام) 270 كيلو
بنهاية الشهر الثالث (11 ديسمبر) اتمنى ان اصل الى 260 الى 265 كيلو
Post: #334 Title: Re: Sudaneseonline Biggest Loser Author: مريم بنت الحسين Date: 11-18-2011, 08:28 PM Parent: #333
الليلة عملته نص ساعة... كنت بجري وبمشي بي التناوب.. سرعتي في الجري، 6 كيلو في الساعه...
بكره مافي... قررته اعمل تلاته مرات في الاسبوع فقط.. بكره ما حأوزن... للأسبوع الجاي نشوف...
يا اخوانا نحيي صاحبتي هالة، متابعانا بحماس وحتبدأ بكره برنامج الريجيم بتاعها...
النصري... keep it up.. ولا يهمك ... احنا هنا عشان نشجع بعض...
غباشي ... "النصيبة" الكتبتها دي ما عرفتها، ومكسله امشي قووقل.. كدي اشرح لينا هي شنو
للاسف الشديد لم اتمرن يوم امس الجمعة 19 نوفمبر نسبة لضيق الوقت ... اشتريت عربية كامرى 1998 على اساس انها Winter beater فقط لمنازلة الشتاء القاسى جدا المتوقع هذا العام ... ترخيص العربية اخد منى كل صباح الجمعة.... العربية بحالة جيدة جدا واظن انها ستنتصر على الشتاء ده بالضربة القاضية .... ال Truck لانه بشتغل بغاز ال propane ياخد راحة لمدة كم شهر وحيرجع للخدمة فى بداية ربيع 2012 (ان شاء الله) حانزل صورة للتويوتا لمن الجو اتصلح عندنا ..درجة الحرارة عندنا 20 تحت الصفر....
النظام الغذائئ شوية اتدهور الايام الفاتت وكله بسبب ضيق الزمن حيث لم اتمكن من الذهاب الى البقالة وشراء احتياجاتى ,,,,
صباح امس الجمعة ....صحيت من النوم كالعادة 4 صباحا لاكتشف انو السيريـال خلص طلعت من البيت جعان وما عارف اكل شنو ....لحسن الحظ قابلت محمد الاثيوبى صاحبى ولانو ما تتبل فولة فى خشمى حكيت ليهو عن مشكلة الفطور....نصحنى ان اكل 12 grain Bagel رفضت الفكرة وقلت ليهو ال bagel هو رغيف وانا مقاطع الرغيف نهايئ... الزول امن عديل .... قال خلاص امشى مكدونالد عند وجبة بتاعت شعير بالفواكه .... قلت ليهو كده تمام .....
Post: #336 Title: Re: Sudaneseonline Biggest Loser Author: مريم بنت الحسين Date: 11-20-2011, 01:01 PM Parent: #335
قمته الليلة من الصباح... عملته البرنامج بتاع Week 2 من برنامج الجري بتاعي.... مدته نص ساعة... وبجري بي سرعة 6 كيلو/س ... المسافة الكلية كانت 1.7 كيلو.. رغم انه البرنامج تلاته مرات في الاسبوع، لكن انا ناوية اعمله خمسة مرات ...
يا جماعه احساس لزيز جداً انه الزول يقدر يجري بعد العمر ده...
غباشي.....تتفضل طوالى. على الاقل البتاعة دى ما تلم التراب فى الفاضى. عندى كمان فى البيت free weights ززن 5 رطل و 8 رطل بس. كيف العلم ماشى؟؟؟؟ بالتوفيق.
مريوم ....انا بغرانه عديل كده!!!!! ماشاء الله.......و ربنا يجل ليك فيها الخير. ممكن تدمنى الجرى عديل كده.....استمتعى يا فردة. و تحيى كبيرة لصحبتك هالة. و خليها تورينا الحاصل شنو!!!
النصرى....مبروك العربية. ربنا يجعل ليك فيها الخير ويبارك فيها. امس كنا برضوا بنفتش فى عربية....مع انى بحب الكامرى بتاعتناشديد ...لكن ح نبيعها و نجيب بدلهاtoyota sienna الكامرى كانت اول عربية جديدة نمتلكها اول ما اتخرجنا من الجامعة و اشتغلنا...عندنا فيها ذكريات طويلة عريضة ..مشينا بيها لاس فيقس و سياتل و ساندياقوا و لوس انجلس و ليك تاهو عديد من المرات. الان اسرتنا (الحمد لله) كبرت و ضيوفنا زادوا (ماشاء الله) و بقينا محتاجين عربية اكبر. الزعلنى من ناس التايوتا انهم ختوا لينا قيمة عربيتنا فى الارض. لو بعناها فى السوق برانا ممكن نبيعها ب 5000 الف دولار زيادة من السعر العرضوا التايوتا. الايام الجايه ح نكون مشغولين فى بيع (و وداع الكامرى)....خاصة انها العربية اللى بسوقها انا
ماشاء الله يا النصرى....ماشى كويس. لما يجى الربيع تكون بقيت عزالى عديلللل.
Post: #339 Title: Re: Sudaneseonline Biggest Loser Author: EBTIHAL OSMAN Date: 11-21-2011, 06:55 AM Parent: #338
النصرى مبروك الصراحة + ال8 كيلو+العربيه الكامري انجازات رهيبه ماشاء الله اختك المره دى الطيش بعيد عنك وعن بقيه الدفعه
غباشى مبروك والى الامام وربنا يوفقك مريومه مبروك التريد ميل وعجبنى ليك والله بس ختيهو بعيد من العيال لانو خطر عليهم ...بالنسبه للميزان ماعندوا كلام بعد دا...بالنسبه للرحول الحمد لله بكره النوم
عندى قصة محرجة شويه بس حقولا وابقى شجاعة زى النصري عندى بت الصغيره عمرها سنتين كانت عيانة شويه امبارح عندها نزله شديدة ونفسها مضايقا شويه ومابتنوم الا اكون شايلاها اها الليل كلة الولى مانمت .....الازى ساعة من 7-8 صباحا االصحانى من النوم انى كنت شامة لى ريحه عضة سنينة باريت الريحه زى ال ك ل ب البوليسى شغلت نخرتى وانا مغمضة عيونى ومنهاره من التعب القا ليك المنظر دا قدامى
اها قمت شنو عملت فيها رايحه ومديت يدى لقيت الصندوق دافى والجو بارد شديد(ركزوا مع المبررات)
اكلت القطعة الاولى قلت اعوض السهر ...دابت طوالى فى خشمى اممم عجييبه مااتاكدت من الطعم مديت يدى وبسرعه شلت التانيه ودابت بسرعة انا اكتشفت فى اللحظه ديك انى شرفانه ... المهم الكلام دا كلوا انا واقفه فى المطبخ ؟ الموضوع دا داير ليهو قعدة شلت الكرتونة ومرقت على السفره التالته ....الرابعه.....نقيف هنا عشان اسمارت ماتجيها جلطة بسببى وانا فى القطعة رقم ........... فتحت عيونى بصوت ولدى بقول DUNKIN DONUTUS هجمنى الشافع قال لى انتى ليي مابتحبيها انا بحبها شديد ؟؟؟؟ (انا طبعا مابحب السكريات بحب الملح والمخللات وطوالى بقعد انقنق لمن ناس البيت يجيبوها) بقيت محرجة واقش فى خشمى واقول ليهو انا زاتى بقيت بحبها اتمنى انها تكون نزوه عابره
ومن الحب ما قتل
Post: #340 Title: Re: Sudaneseonline Biggest Loser Author: مريم بنت الحسين Date: 11-21-2011, 10:17 AM Parent: #339
ابتهال... مرحب والله مشتاقين... تعرفي... انا بديك مبرر تاني... بقولوا السهر وشعور الجسم بحوجته للنوم مرات الجسم بترجمه زي شعور الجوع... وببقى الزول بياكل وهو فعلياً ما جعان... ده غير انه جسمك منهك بكون محتاج لطاقة عشان كده ودّاك للسكريات عشان الطاقة السريعة... يا زوله حصل خير... وموضوع وانتهى، ان شاء الله تكوني استمتعتي بيهم شديد بس...
غايته قلت للضمان كده النلحقك قبل ما اسمارت تجي تشرّحك.... لكن غايته صورتك دي حتكون جهجت ليك ناس النصري وامير جهجهة شديده...
اها... بعد عشرة دقايق حأبدأ جريتي... بجيكم راجعة بالتقرير بعد شويه...
أعزائي وأحبائي مشتاقين ومتابعين بس العين بصيرة! وشكرا كتير على السؤال.
القصة وما فيها الفترة الفاتت والجاية عندناعملية استحواذ مؤسسة مالية بتستحوذ على مؤسسة مالية وأنا المترجم القانوني بتاع المؤسسة المالية المستحوذة وبشتغل من الساعة 06:30 صباحا لحدي الساعة 04:00 مسا بمشي البيت وبرجع تاني الساعة 08:00 لي الساعة 11:00 مسا تقريبا لأنو شغال في مستندات الاستحواذ ولازم أشتغلها في المكتب الكلام حيستمر تاني زي أسبوعين .. يوم السبت يوم الإجازة شغال 18 ساعة! one go تعب تاريخي!
نرجع للبرنامج الأسبوع الفات مشيت الجيم مرتين بس بجري نص ساعة دراجة نص ساعة والبتيكال بتاعت سمارت ومريم نص ساعة وتمارين بطن زي 10 دقايق وبمشي البيت عشان أنوم لي ساعتين ولا تلاتة ساعات وأصحى!! ده كله عشان ما أطلع برة البرنامج! ما مشيت الجيم من يوم الأربعاء إلا أمبارح الساعة 8 ونص وأنا عارف لمن أرجع حأكون صاحي زي الككو! المهم مشيت وجريت ساعة وشوية تمارين بطن وطلعت البيت صاحي لحدي الساعة 12 منتصف الليل!! أمبارح المسافة حوالي 6 كم والسعرات المحروقة 570. الوزن نقص تاني زي 1.8 كم بس لعدم الانتظام في الأكل والنوم!!! الرجيم بحاول جاهدا أتمسك بيه الصباح بكون غنماية والمسا ابتهال ستايل !!لكن في أيام كدة الرجيم بروح في غضب الله!
نجي للنصري
Quote: كتبت فى بداية البوست ان وزنى هو 251 كيلوجرام,,
يا زول انت متأكد كيلو ما رطل!! غايتو لو كيلو معناه أنا براد بيت عديل كدة!! ياخي ما مشكلة طالما في عزيمة وإصرار لي إنك تنقص دي براها كفاية ومشورا الوزن المثالي ببدأ بي نقصان نص كيلو .. واصل طالما بديت حتصل...
Quote: حسب توجيهات تارا ,,مفروض يا مريم تمشى دقيقة وتجرى دقيقة....
يا زول انت متأكد دي تارا ما سمارت!! بتتعوق انت الليلة لو الكلام ده بتاعها!! كدي يا النصري جرب تعمل الحركة المرة الجاية كل ما تمشي دقيقة زيد incline درجة يعني مثلا لو حتمشي ما حتجري زي نص ساعة 15 دقيقة طالع و15 دقيقة نازل .. أنا بضمن ليك تحرق على الأقل 300-350... ولازم تشرب موية أثناء أو بعد الجري زي ما قالت سمارت.
مريوم .. ياخي شكرا على سؤالك المتكرر
Quote: يا جماعه احساس لزيز جداً انه الزول يقدر يجري بعد العمر ده...
هو العمر ده كم (ابتسامة خبيثة) .. كل العمر وأسعد اللحظات إنشاء الله شدي حيلك بس وما تقيفي ومبروك الكيلوهات النقصتيها والتريدميل.
Quote: اها قمت شنو عملت فيها رايحه ومديت يدى لقيت الصندوق دافى والجو بارد شديد(ركزوا مع المبررات)
اكلت القطعة الاولى قلت اعوض السهر ...دابت طوالى فى خشمى اممم عجييبه مااتاكدت من الطعم مديت يدى وبسرعه شلت التانيه ودابت بسرعة انا اكتشفت فى اللحظه ديك انى شرفانه ... المهم الكلام دا كلوا انا واقفه فى المطبخ ؟ الموضوع دا داير ليهو قعدة شلت الكرتونة ومرقت على السفره التالته ....الرابعه.....نقيف هنا عشان اسمارت ماتجيها جلطة بسببى وانا فى القطعة رقم ........... فتحت عيونى بصوت ولدى بقول DUNKIN DONUTUS هجمنى الشافع قال لى انتى ليي مابتحبيها انا بحبها شديد ؟؟؟؟ (انا طبعا مابحب السكريات بحب الملح والمخللات وطوالى بقعد انقنق لمن ناس البيت يجيبوها) بقيت محرجة واقش فى خشمى واقول ليهو انا زاتى بقيت بحبها اتمنى انها تكون نزوه عابره
ابتهال زي ما بقولو البنات (سجم أمك) ههههها .... والله انتي زولتي عديل في الخسة بتاعت الأكل دي ..أسمعي انتي البرنامج بتاعنا ده ما بقسم معاك انت محتاجة تقعدي مع سمارت بتاعت البسبوسة بوصة في بوصة بترتبك صح!....تعرفي وانتي بتحكي اتذكرت أمبارح بالليل صحيت من النوم زي الساعة 3 جعااااااااااان ميت أها يا جماعة زبادي ولا تفاحة ولا ولا ولا حلويات !! طبعا أسهل حاجة الواحد يلهط الحلويات دي أها كان في زي علبة بتاعت معمول محشي بي مكسرات وتمر جبت لي موية وقعدت زي كديسة المطعم أكلت 4 حبات ورجعت نمت ساعة تاني وصحيت عشان استعد للشغل! المدام كل مرة بتقول لي خسارة الجري والرجيم والبهدلة!!
بعدين ما تغشي نفسك دي لا نزوة عابرة لا حاجة!!! :)
غباشي.. شكرا على السؤال وربنا يوفقك في التحضير للمؤتمر بتاعت ويوفقك في المؤتمر ذات نفسه :)
سمارت كيفك وكيف عيالك وأبوهم إنشاء الله طيبين ... الغريبة العربية سيينا دي شهر يوليو الفات عندي قريبي اشترى واحدة قال لي عددنا زاد (بقو 4) وشكرها لي جدا في صرف البنزين وفي ملائمتها ... الكامري عربية مريحة وخالية من المشاكل تقريبا.. وفعلا الوكيل برمي ليك سعر العربية الواطة لو مشيتي تعملي ترفيع لي موديل جديد أو عربية مختلفة .. أحسن تعرضوها للبيع بي نفسكم.
قبل فترة مشيت فيرجين ميغاستور لقيت Zumba بتاع الحناكيش ده السعر هنا تقريبا زي 100 دولار أمريكي
تحياتي
Post: #342 Title: Re: Sudaneseonline Biggest Loser Author: النصرى أمين Date: 11-21-2011, 11:49 AM Parent: #341
يا اخوانا عندى تعليقات كتيرة على كلام اسمارت ومريم وابتهال وامير
لكن لغاية ما اجى راجع قبل شوية وزنت روحى .... اخر مرة كان الوزن 270 رطل
اليوم المؤشر كان اقل من كده,,,, لازم اتاكد من الرقم الصحيح قبل نشره هنا ,,,,,
ابتهال....ضحكتينى ضحك و الله....يا زولة ينفعك. و كلام مريم صاح...السهر و التعب بيعملوا اكتر من كده. الاسبوع الفات عملت لى صينية كنافة....عجيبة. كل ما افتح التلاجة الاقيها بتعاين لى.....اقوم اقطع قطعة صغيييييرة...و امشي و اجى بعد ساعة اقطع قطع صغيييييرة. انا متاكده انى اكلت نص الصينية لوحدى. بس كويس ان باقى ناس البيت ماخدين راحتهم شديد و ما خلوها تتم ال 48 ساعة فى التلاجة.
امير شخصيا ظهر...حمد لله على السلامة يا اخى...و ربنا يعينك. انا برضوا بفك اللعب لما اكون مزنوقة فى الشغل. خاصة ان الاكل بيكون بيعتمد على نوع الاكل اللى بيجيبوه ناس الشغل... كويس انك نص الجوطة دى كلها بتحاول تمشي الجم
Quote: المدام كل مرة بتقول لي خسارة الجري والرجيم والبهدلة!!
ده نفس الكلام الى بيتقال لى لما اقوم الساعة 9 باليل (بعد ما الاولاد ينوموا) و اقرر اخبز كعك لانه نفسي فيه
الكامرى فعلا عربية جميلة يا اخى...بس السيننا الجديدة خرافية. نسيت اقول ليكم ان عربية احلامى هى ال toyota sequoia
بس زوجى قال لى..احلمى زى ما عاوزه. لكن ما ظن نجيب سكويا ما لم يكون عندنا 6 اطفال و boat ..... soooo i am working on the boat thing, i am not sure about the 6 kids, though
النصرى....ما تخت فى بالك. عرفنا قصدك شنو من البداية. لكن كلامك صح. خلينا نتفق على ان الوزن بالرطل و الطول بال بوصة و القدم. اتفقنا ???
Post: #345 Title: Re: Sudaneseonline Biggest Loser Author: مريم بنت الحسين Date: 11-21-2011, 06:40 PM Parent: #344
هوووووووووووي يا ناس الامريكيتين بطلوا حقارة.... يعني عشان براي شغاله بي الكيلو.... غايته رطلكم ده لا بفهم ليه ولا شي... بعدين ياخ بديني احساس اني أسمن مما انا عليه...
انا ما موافقة....
ممكن كحل وسط، اخت ليكم المقابل بي الرطل... لكن بكتب حاجاتي بالكيلو...
مريم....ليكى حق. يا زولة خليكى بالكيلو و خلى ناس الرطل يواصلوا بالرطل. الناس كلها ماشه كويس...الا النصرى...هو بتاع اللخبته. خلاص نتفق انه كل زول يحاول يكون consistent فى الوحدات بتاعته. الجرى: كيلو متر(او ميل) فى الساعة الوزن: كيلو (او رطل) الطول: سم (او قدم و بوصة)
سلام يا جماعة و مرحب بالعائدين انا بخير و الحمد لله الزنقة شوية خفت بعد ما ملامح الـ Presentation بانت قربت اخلص اموري بيجاي و السفر يوم الاحد الجاي ان شاء الله .... سفرية حتكون طويلة و متعبة لاننا ماشين بالـ Shuttle , حوالي 786 كيلو مننا تقريباً 10 ساعات .... امبارح لقيت فرقة و مشيت الجيم , اخد مني زي ساعة مابين جري و اليبتيكال ....
انا مع مريم في حتة الـ units دي بالكيلو , متر و كدة غير كدة المفروض يكون في conversion لغير الناطقين بها .... و نحي حياد لجنة التحكيم المركزية
النصري الحمد لله ارقامك طلعت بالـ pound , غير كدة كان حاقول ليك امشي لناس الـ Biggest Losersعدييل بالدرب
و يا اسمارت الـ Toyota Siennaعربية سمحة بالجد و هنا كتيرة شديد , صاحبي محمد السوداني عندو واحدة اشتراها السنة بعد ما جابوا ليهو توأم ما شاء الله و ربنا يحفظ ليهو اولاده ... الغريبة انو عربيتو القديمة كانت Camry
ما بنستغنى يا جماعة الساعة 8:20 و يادوب خشيت المكتب قلت اصبح عليكم بتوقيتنا
هى لكن نبقى فى "نقصت كيلو وتلات اخماس كيلو" او نقصت 2 كيلو وثلات اثمان الكيلو
نظام الرطل اكثر دقة ..بعدين انا اكتشفت اكتشاف خطير ان الميزان ممكن يظبط على الكيلو او الرطل ......
غايتو انا من الليلة اى رقم بكتبه هنا مقصود بيهو رطل
يا اخوانافى مليون حاجة الواحد داير يعلق عليها لكن مافى زمن... الكامرى وعربية احلام اسمارت,,, اجرام ابتهال وسـخـرية زوجة امير منه فى موضوع العضة.. ماكينة مريم الما شفناها,,,, و hit and run غباشى
Post: #349 Title: Re: Sudaneseonline Biggest Loser Author: مريم بنت الحسين Date: 11-22-2011, 06:22 PM Parent: #348
خلصته الجرية من شويه... والكالوريز البنقصها زادت... بقيت بنقص 150 كالوري، ومشيت/جريت مسافة 2 كيلو.... طبعا يا النصري انا البرنامج الشغاله بيه بتاع الايفون ده بعمل لي الحركة دي، دقيقه مشي ودقيقة جري في الاسبوع الاول، حسي انا في الاسبوع التاني بجري دقيقة ونص وبمشي دقيقتين... الاسبوع الثالث اصعب...
والحركة دي بتتكرر مرتين خلال النص ساعه... طبعا في خمسة دقيقة في البداية warmup وزيها في النهاية cool-down...
امير.. والله مداخلتك خلتني اضحك لما دمعته...
Quote: هو العمر ده كم (ابتسامة خبيثة) .. كل العمر وأسعد اللحظات إنشاء الله شدي حيلك بس وما تقيفي ومبروك الكيلوهات النقصتيها والتريدميل.
I am proudly approaching my 32 year... اها وانت عمرك كم؟ :) (ابتسامة بريئة جداً)
النصري.. اقنعتني بي موضوع الدقة بتاعت الرطل... خلاص انا معاكم بالرطل في موضوع الوزن، وعشان احافظ على هويتي الثقافية حأخلي الاطوال بالكيلو... الميزان بتاعي فيه كيلو ورطل
غباشي... ربنا يوفقك ان شاء الله... المؤتمرات ممتعه لما ما يكون وراك شي... بتلاقي ناس وتتعرف عليهم وعلاقتك بيهم بتستمر (حاسه كأني كتبته الكلام ده قبل كده، لو كتبته طنّش)... آخر مؤتمر حضرته كان في امريكا السنة الفاتت... وعشان خليت ولدي مع ابوه... قمته اتهورته وعملت السفرية كلللللللها، في اربعة يوم... دخلت دخول تاريخي للولايات المتحدة... يومين ضاعوا في السفر.. ويوم المؤتمر واليوم التاني كان يوم ورقتي.. ولو ورقتي كانت اول يوم كان عملته السفرية تلاته أيام... طبعا سمارت كانت حتقتلني لأني ضيّعت فرصة (سمينة) اننا نتلاقى ... لكن عازماها حج وزوغه.... أعوّضها عن الحركة بتاعتي...
عندي سؤال للجميع.... what's your comfort food؟ ده لزوم الونسة وكده...
Quote: انا برنامجي بستمر نص ساعة... وحسي في مرحلة ادرّب نفسي على الجري
كويس جداً يا مريم.. يللا أنا عاوزك تعملي أو تختي في رأسك بلان إنو تخلي النص ساعة دي كلها جري، ما شرط الليلة ولا بكرة ولا بعده يعني ممكن تقسميها أو تاخديها شوية شوية لحدي ما توصلي لإنك تجري النص ساعة دي دون انقطاع مثلاً خمسة دقائق من الجري المتواصل، ثم بعد فترة عشرة دقائق، ثم ربع ساعة.. وهكذا.. لحدي ما تلقي إنك قادرة تجري النص ساعة دون انقطاع..
أما بالنسبة للمثال والتفصيل الطلبتيهو يا مريم:
فأنا عاوز أقول ليك إنو كل اختبارات اللياقة البدنية يا مريم بتكون عادة مبنية أو مصممة لقياس / تقدير / أو معرفة "حجم" الأوكسجين الذي يمتصه أو يستهلكه الشخص أثناء التدريب، وهذا هو الذي يتحكم في تحديد الفرق أو يعطي المؤشر على مستوى اللياقة البدنية بين شخص وآخر، يعني ده هو البحدد X من الناس لياقته البدنية أفضل من Z لأنه لديه القدرة على امتصاص واستهلاك حجم من الأكسجين أكبر.. "لقدام ممكن نتكلم بتتحسب كيف بالضبط والأرقام القال النصري إنو حيرتو وإصتك فيها" عندنا يا مريم بقول ليك ده والله لياقتو كويسة، أو ده نفسو طويل وده نفسو قصير، ونحنا في مثل هذا القول لا نشير مطلقاً إلى القوة العضلية، وإنما بالضبط نعني الإشارة إلى فروق في حجم الأكسجين المستهلك بين شخص وآخر وتعرف أيضاً بالقدرة أو السعة الهوائية الـ aerobic capacity
يللا أنا بقول ليك أجري لأطول مسافة تقدري عليها لتنمية وتحسين هذه القدرة أو aerobic capacity لديك يا مريم
ـــــــــــــــ it's all about oxygen
أما لو في واحد سأل ما هي أهمية الأكسجين ؟؟
فببساطة شديدة جداً لأنو الأكسجين هو المسئول عن توليد أو توفير الطاقة اللازمة داخل الجسم لعمل العضلات
كدي في رسمة توضيحية للكلام ده كلو أنا بحاول أنزلا لمن أرجع
سلامات يا الهادى...و شكرا على المعلومات المفيدة. بالمناسبة ...الكلام اللى قلته ده بالضبط اللى بتعمل فيه مريم الان. التطبيق الهدف النهائي منه ان الزول يقدر يجرى 5 كيلو متواصلات. و طريقة انه الزول يجرى حبه و يمشي حبة فى البداية و فى كل اسبوع يزيد زمن الجرى و يقلل زمن المشي. و دى الطريقة اللى انا بديت بيها برضوا بس كنت بشتغل بالمسافة و ليس الزمن. بجرى ربع ميل و بعده بمشى ربع ميل . كل اسبوع بزيد مسافى الجرى و بنقص المشي و كده لحدى ما بقيت اجرى 5 ميل متواصلة.
وزنت الليلة ... آخر ميزان قبل ما اسافر ... المرة دي نقصت ... بدون تنطيط ..... باقي لي زي 3 كيلو كدة و اصل للـ target الدايرو حاليا .... انا كتبت كلام كتير بخصوص الجري و التريدميل لكن طار وين؟ الله اعلم .... المهم كلامي قريب من كلامكم الفوق يا (سمارت و الهادي ومريم) خايف وزني يزيد في سفرتي دي ... لكن حأستميت بكل ما اوتيت من قوة .... دعواتكم بس خلصت الـ presentation
من آخر مرة كتبت فيها ما حركت ساكن بس محافظ على برنامج الأكل بنسبة 75% كدة لأنو بي بساطة من أول أمبارح الساعة 09:30 مساءا صاحي لحدي اليوم التاني الساعة 8:30 مساءا فما كان في طريقة تعب خرافي! الليلة غايتو عندي مزاج أجري إنشاء الله بالليل أمشي الجيم وربنا يبعد العوارض... مفكر أجيب لي جهاز في البيت غايتو كدي الواحد يحاول يحنك المدام الليلة عشان تفك يدها شوية!
Quote: بس زوجى قال لى..احلمى زى ما عاوزه. لكن ما ظن نجيب سكويا ما لم يكون عندنا 6 اطفال و boat ..... soooo i am working on the boat thing, i am not sure about the 6 kids, though
سمارت كيفك يا حكم السرور السكويا كبيرة خالص! وبعدين انتو ليه ما تجربوا الأمريكي إذا بتحبي الفور وييلز بحجم السكويا.. ولا حتعملي لي حركات السودانيين دي سعر إعادة البيع resale value وكدة.. يا زولة ما تشيلي هم زوجك ده بتحنك عااااادي زي ما أنا بتحنك! بس انتي وشطارتك!
Quote: I am proudly approaching my 32 year... اها وانت عمرك كم؟ :) (ابتسامة بريئة جداً)
مريوم يا كايداهم :-) عمر السرور عمر الهنا .. أنا إنشاء الله يوم 14/12 بكمل 39 وتحديد التاريخ ده لزوم إنكم تجهزوا الهدايا وكدة :-) وأوع زول يجي يخت لي وردة هنامكتوب عليها الكلام الحالم داك!! هدايا عضم!! فتحي عينك يا سمارت! وانت يا النصري أوع تحنكني وتجيب لي من البتاعات البتعمل ليها ديسبوزال ديك!
دي حركة كويسة يا مريم وما بتخليك تملي .. أنا أول نص ساعة بمشي وبزيد incline درجة بعد كل دقيقة لحدي ما أصل 15 دقيقة وأبدا نازل بعد داك بجري أول مرة 5 دقايق وأمشي خمسة دقائق بعملها مرتين وآخر عشرة دقائق بجري. ... الليلة عايز أجرب حركة الهادي بتاعت الجري المستمر لمدة نص ساعة أو خلينا نقول لحدي ما أقطع.
النصري الحمد لله طلعت بتوزن بالرطل .. فزعتنا يا ريال (خوفتنا يا رجل)! إنشاء الله بالصحة يا كبير.
غباشي واتبهال والهادي سلام
تحياتي
Post: #356 Title: Re: Sudaneseonline Biggest Loser Author: مريم بنت الحسين Date: 11-23-2011, 12:30 PM Parent: #355
Hey losers
النصري والله قاعده انسى اصور ليك الماشين.. لكن لزيزه خلاص، حسي عملته النص ساعه بتاعتي.. والله الواحد بشعر بنشاط وحيوية كده ما بحس بيهم في الايام العادية لما يكون مرخّم... وبكون مبسوط من نفسه بشكل!!! وعلى قولة امير الزول بحس زي القرد ما بقدر ينوم لو عمل الرياضة متأخر... عشان كده بقيت بعملها بدري، والليله بالذات عندي مواعيد بتاعت لولو حقت التطعيم، قلت اول شي اضمن نص ساعتي بعداك امشي المواعيد، باقي اليوم ده ما مضمون يمشي كيف.... المهم يا قولة تبارك، حأصورها ليك والله.. واجي استعرض ليكم هنا، الله يخلي لينا ابومحمود... انا كنت عايزه اتكحتن واشتري لي واحده مستعملة... لكن هو دق صدره وجاب لي واحده جديدة..
الهادي كيمياء واحياء... ياخ ما ترحمنا من الاكسجين بتاعك ده ياخ... انا كنت شاطرة في الكيمياء والاحياء، لكن بكرههم الاتنين عمى... لكن فارقتها من التوجيهي (الثانوي الاردني، 1997)... بعداك بقينا ناس فيزياء ورياضيات.. عارفين، انا جاني قبول في الجامعة الاردنية علوم، ووقتنا كان نقرا سنة general وبعداك يوزعونا على التخصصات، وكان الكومبيوتر واحده من التخصصات دي... انا عشان من عمري 11 سنة مقرره اقرا كومبيوتر ابيت اخش في مغامرات عشان ما اقع في كيمياء او احياء او جيولوجيا... برضه جاني قبول بتاع صيدلة في جامعة حكومية تانية، امي قعدت لي في الواطه عشان اقبل، قلت ليها نهيييي انا تااااااني امشي احياء وكيمياء ما دايره... مشيت في القبول التالت، جامعة حكومية برضه .. كومبيوتر راسه عديل.... الخلاصه.. بعد ما حكيت ليكم قصة حياتي.... اتكلم معاي عربي...
شكرا يا سمارت على الشرح للهادي.. وفعلا زي ما قلتي البرنامج هدفه اني في النهاية اجري النص ساعة كلها... لكن طبعا بالتدريج جداً... مدة البرنامج تلاته شهور.. وانا يادوب كده خلصت اسبوعين... لكن مافي مشكلة.. انا مستمتعة بي العملية نفسها... لو لقيت وقت حأجي أكتبه للناس العندهم رغبة يطبّقوه، لكن طبعا في الايفون أظرف بكتير.. لانك ما بتتابع الساعه، هو براه بقول ليك run أو walk....
امير الله يعينك على الزنقة
غباشي... مبروك النقصان.. يعني نقصته ليك كيلو تاني؟ والله برافو عليك... وبالتوفيق في المؤتمر...
غباشي مبروك يا ولدنا الكيلو و نص...و الحمد لله على سلامة خلاصم من البرزنتيشن. لو عندك دقيقيتين او تلاته كده ...اشرح لينا (بلغة بسيطة) البحث بتاعك عن شنو. منها نتثقف و منها تتعود تحكى عن البحث ب layman terms. لو عاوز تشتغل فى الاكاديميا فى المستقبل ما فى مشكلة...لكن لو قررت تدخل شوق الاستشارات, اول حاجه ح يسالوك عنها فى الانترفيوا ح تكون عن البحث. و الناس امثالى اللى شغالين consultant زمن طويل بيكنوا ما عارفين جديد العلم حاصل فيه شنو. اكيد بيفهموا سريع لو حكيت ليهم...لكن بيكونوا عاوزين يعرفوك ح تتعامل و تشرح للعملاء العاديين (ما مهندسين ) كيف
امير....خلاص غشيتوا صاحب الشركة و اشتريتوها منو بتراب القروش??? اسمع...لو شركتكم شركة كبيرة و فى سوق البورصة و ال acquisition ده ح يكون مفيد ما تورينا الحاصل....ممكن نطلع لينا بقرشين تلاته ( ايوه....insider trading)
Quote: السكويا كبيرة خالص! وبعدين انتو ليه ما تجربوا الأمريكي إذا بتحبي الفور وييلز بحجم السكويا.. ولا حتعملي لي حركات السودانيين دي سعر إعادة البيع resale value وكدة.. يا زولة ما تشيلي هم زوجك ده بتحنك عااااادي زي ما أنا بتحنك! بس انتي وشطارتك!
و الله موضوع الresale value في بالنا لما نقرر ما نشترى عربية امريكية (الان) . تشجيعا للصناعة الوطنية ح اديهم سنتين او ثلاثه و بعدها ممكن افكر فى العربات الامريكية. يا اخى انا جاتنى عقدة من ال minivans الامريكيات. كنت فى سفرة (6 ساعات) بالعربية مع ناس الشغل. ماشين نشوف موقع خزان جديد. المهم ...اتلاقينا فى فى باركنا المكتب وقفنا فى استار بكس, الامركان شالوا قهوتهم و انا شلتا لبنى(ايوه ذى العيال...الصباح بشرب لبن). المهم...اتحركنا ...فى اقل من خمسة دقائق لاحظت ان عربيتنا الminivan الامريكية ما فيها cup holder. اتخيل فضلت شايلة كبايتى طوال الوقت. قلت لروحى معليش. لكن بعد ساعة فى العربية لاحظت انى بالرغم من انى جالسه فى الصف التانى فى العربية....لكن العربية ما فيها arm rests . طوال ال6 ساعات انا ما عارفه اودى ايدى وين. الكراسي ما كانت مريحة...و طوال الرحلة كنت بنقنق فى انهم اختاروا عربية امريكية. بس الامركان ما هببونى
اما عن سبب عدم اقتناع زوجى بالسكويا او اى full suv...اظن ان السبب هو اسعار البنزين...احنا يا فرده فى حته كده لما يجوا يضربوا مثل بغلاء البنزين فى NPR بيتكلموا عن منطقتنا دى. كل سنة وانت طيب.....خلاص السنة الجاية عمر النبوة.... everything is downhill
مريوم....realy enjoy. بالمناسبة انا اكتشفت ان احسن حاجه تعمليها انك تتريضى الصباح بدررى. الكيمياء فعلا سغيلة. مع انى اعلى نمر لى فى الشهادة الثانوية السودانية كانت فى الرياضيات و الفيزياء و الكيمياء .. لكن الكيمياء فى الجامعة بقت لى ذى الهلغروفى. قبل فترة كنت بمتحن لاكتحان المهندسين المحترفين المريكى professional engineer ...و جزء كبير كان عن التفاعلات الكيميائية فى مياه الصرف الصحى. جانى شعور انى فى حياتى ما قريت كيمياء قبل كده. فتحت للموضوع نهائي. و الحمد لله نجحت فى الامتحان من غير ما اجاوب على اى سؤال فى القسم اياه
النصرى وين يا جماعة ?? و ابتهال ??? تكون بتشترى فى عفش جديد للبيت الجديد
مريوم سالتى عن ال Comfort food .....يااااه طبعا فى راس القائمة the one and the only ....ال ايس كريم. وكمان باكل فنيلا بس. شندوتشات الجبنة المضفرة.....لا حول و لاقوة الا بالله. قطعة كيكة من محل(يقال) بانه بيعمل احسن ميك فى كلفورنيا البيتزا.... ساندوتش بيرقر محترم.
Post: #359 Title: Re: Sudaneseonline Biggest Loser Author: النصرى أمين Date: 11-24-2011, 11:36 AM Parent: #358
سلام عليكم يا شباب
معليش للغياب اليومين الفاتو...
اليوم اخر يوم فى الزحمة
عندى كلام كتير لمن ارجع ....
Post: #360 Title: Re: Sudaneseonline Biggest Loser Author: مريم بنت الحسين Date: 11-24-2011, 07:41 PM Parent: #359
جريت جريتي الليله... لكن يا اخوانا عندي احساس اني زايده.. الملابس تمام مافي اي تغيير.. لكن عندي احساس كده.. غايته ما وقفته رياضة... لكن اعتقد على حس اني بتريض، اكلي زاد.... كدي النشوف السبت الجاي، الله يكضب الشينة...
Post: #361 Title: Re: Sudaneseonline Biggest Loser Author: مريم بنت الحسين Date: 11-26-2011, 10:50 AM Parent: #360
الcomfort food بتاعي في الشتاء بالذات.... ساندوتش جبنه بيضاء عليها ملعقة بتاعت زيت زيتون... وكباية شاي... وممكن العيشة تكون سمراء... لكن للمزاج بحب البيضاء اكتر... القصة دي بدت معاي سنة 1995 لما قعدته في السودان سنة دراسية... امي كانت تجيب العيش حاااار من الفرن... وجبنة السودان اللزيزة ديك... وطبعا شاي الصباح... اها بعداك لما رجعنا للغربة بقينا ناكل بدلها جبنة الفيتا... بس طبعا ما زي حقت السودان خالص... بعداك اكتشفنا الfrench goat cheese... روووووووعه بتشبه جبنة السودان شبه شديد... قمت رجعته علقته فيها....
برضه بحب جداً... سباجيتي angel hair... بتكون رفيعة جداً... بتتعمل معاها ملعقة كريم (قشطة)... ومعاها كمية من الليمون على الاقل ليمونه ونص.. وحبذا يكون lime.. يعني اخضر زي حقنا بتاع السودان... ومعاه ملعقتين بتاعت بارميزان... وملعقتين بتاعت زيت زيتون ... تتأكل حاااااااره... وبسرعه ما تبرد...
اعتقد انا برضه مشكلتي زي النصري اخوي ده... بحب العيش شديد.. والاجبـان عندي معاها غرام رسمي.. ما عندي كبير غرض في شوكولاته ولا حلويات... عدا نادراً...
الليلة حأمشي مشي عادي من غير جري... بس لمدة أطول.. يعني حأتم لي ساعة كده او اكتر، قدر ما الظروف تسمح...
اين الشعب؟ يا اخوانا ما تنقطعوا كده... اهم حاجه في البوست ده انه بخلي الناس تتواصل مع بعض وتشجّع بعض... ابتهال وين انت؟
Quote: ساندوتش جبنه بيضاء عليها ملعقة بتاعت زيت زيتون
دي شنو حركات الزلم(الشوام) دي!!
Quote: رجعنا للغربة بقينا ناكل بدلها جبنة الفيتا
يوميا باكل منها على الأقل قطعة بوصة × بوصة:-) بس فيتا السعودية أما تقولي لي جبنة goat عشان الكلمة ساي ما بتدخل البيت!!
باك تو بيزنيس!
أمبارح جريت 30 دقيقة متواصلة على سرعة 8كم في الساعة وقبلها مشيت نص ساعة مع زيادة incline درجة بعد كل دقيقة لحدي 15 صعودا وبعد كدة نزولا .. وكم تمرين بطن وظهر ورجعت البيت .. على الرغم من إني بديت التمرين العصر وانتهيت قبل صلاة المغرب لكن فصلت صاحي لحدي الساعة 2 صباحا!! ما عارف حأكمل اليوم كيف بس إنشاء الله انتهي في المواعيد العادية عشان أمشي أنوم الساعة 7 مساء مع الولد للصباح! ما في وزن الأسبوع ده إنشاء الله الأسبوع الجاي يوم السبت بوزن وأجيكم بالأخبار السارة إنشاء الله.
وين ابتهال كديسة المطعم! وباقي الشباب نصري وغباشي والحكم سمارت...
تحياتي
Post: #363 Title: Re: Sudaneseonline Biggest Loser Author: مريم بنت الحسين Date: 11-27-2011, 12:17 PM Parent: #362
Quote: دي شنو حركات الزلم(الشوام) دي!!
والله زيت الزيتون جا فعلا من العيشه في الاردن (1996-2003)... لكن ساندوتش الجبنه ده بديته في السودان... وعليه ... دي حركات نص شوام !....
بالنسبة للgoat cheese... عليك الله ضوقها.. اطلب من سيد الجبنه يديك ضواقه.. وغمّض.. والله بس جبنة السودان... ده غير انها صحّية جداً بالمناسبة... الfat فيها automatically أقل من الفيتا السعودية... ياخ الفيتا السعودية من شدّة ما فيها دهن لما بتدهن عديل كده...
Quote: أمبارح جريت 30 دقيقة متواصلة على سرعة 8كم في الساعة وقبلها مشيت نص ساعة مع زيادة incline درجة بعد كل دقيقة لحدي 15 صعودا وبعد كدة نزولا .. وكم تمرين بطن وظهر ورجعت البيت .. على الرغم من إني بديت التمرين العصر وانتهيت قبل صلاة المغرب لكن فصلت صاحي لحدي الساعة 2 صباحا!!
بغّرتني والله... امس ما مشيت المشية القلت عليها، لكن لظروف قاهره.. لكن الليلة ناااااااااوية... أصلي ما بخليها... أصلا انا بعمل الرياضة خمسة مرات في الاسبوع.. بالتالي انا كده حأعمل رياضة من الليلة لحدي يوم الخميس... رغم اني يوم الخميس ما بحب اعملها لانه وقتي بكون ضيق جداً... لكن لما اجلّيها يوم السبت لازم اعملها يوم الخميس.... انت يا امير ما كنت بتتريض الصباح بدري، مالك خليتها...
Quote: انت يا امير ما كنت بتتريض الصباح بدري، مالك خليتها...
مريوم أنا منتظر ننتقل للمكاتب الجديدة بعد داك أرجع تاني الصباح لأنو المكاتب الجديدة أصلا حيكون فيها جيم وحيكون عندنا فيها اشتراك مجاني تقريبا .. عشان كدة بمشي المسا الأيام دي ... وقولي ربنا يقدرنا على المسا دي ذاتها إنشاء الله.
وين الناس .. عساهم طيبين
أمبارح كان يوم رخم!
Post: #365 Title: Re: Sudaneseonline Biggest Loser Author: مريم بنت الحسين Date: 11-28-2011, 11:06 AM Parent: #364
Quote: أصلا حيكون فيها جيم وحيكون عندنا فيها اشتراك مجاني تقريبا
حركاااااااتكم وبركاتكم يا ناس نورث امريكا... عاد لكن يطرشنا في الشغل الفي جيم ده.. ! هو انا بحنّس في الجامعة يعملوا لينا حضانة لأطفالنا الصغار (وبعرف لي خمسة من زميلاتي الاستاذات عندهم اطفال أعمارهم اقل من سنة)... ! الله يحنن قلبوهم علينا...
امس مشيت ساعة، بي سرعة بسيطة 4.3 كيلو/ساعة (احسبوها براكم)... وحرقت 246 كالوري.. حلويييييييين... الليلة برضه حأمشي... ما حأقدر اجري إلا بكره ان شاء الله.. اهو القحّة ولا صمّة الخشم....
اذيكم يا جماعة???? و الله كان عندنا عيد امريكى اجازته 4 يوم. (الاجاز يوم واحد لكن لصقناها مع الويك اند وبقت 4 يوم) و طبعا الجماعة بااعنى ديل لما يكونوا قاعدين فى البيت بيكونوا غاوزين فطور و غدا و عشا و ما بينهم من حلو و سناكس. المهم روحى كانت طالعة. هسي نزلنا الشغل و ياداب ح ارتاح
مريوم و امير...ما شاء الله عليكم keep up the good work ابتهال....وينك يا زولة??? غباشي سافر للمؤتمر...ان شاء الله بالتوفيق. النصرى?????الحاصل?
Post: #367 Title: Re: Sudaneseonline Biggest Loser Author: مريم بنت الحسين Date: 11-29-2011, 07:48 AM Parent: #366
الليلة يوم الجرية المحترمة.. بالله تضامنكم نفسياً معانا... الليلة حأزيد وقت الجري حيكون تلاته دقايق... ايوه جرسه، لكن يا اخوانا انا جديدة في برنامج الجري ده، فاتعاطفوا معاي شوية بالله...
عندي كم شغلانه كده في البيت، بخلصهم وبعداك بقوم على الجري... fingers crossed....
وب علي النصري ده افقدوه!
Post: #368 Title: Re: Sudaneseonline Biggest Loser Author: النصرى أمين Date: 11-29-2011, 11:42 AM Parent: #367
الاعزاء الكرام يسال منكم الخير.... معليش الاسبوع الفات كان زحمة مبالغ فيها ... مفروض اخلص منها قبل يومين لكن تعرضت مدينة كالقرى لرياح قوية جدا وصلت سرعتها الى 150 كيلومتر فى الساعة مما دعا لاغلاق وسط المدينة بالكامل لاول مرة فى تاريخها ....
تفاصيل اكتر لمن ارجع من الدوام الاول وعلاقتى شنو بالهبوب دى
Post: #369 Title: Re: Sudaneseonline Biggest Loser Author: مريم بنت الحسين Date: 11-29-2011, 01:08 PM Parent: #368
سؤال تكتيكي..
احسن جرية لمدة نص ساعة بسرعة 6.3 كيلو/ساعة... ولا مشية بسرعة 4.7 كيلو/ساعة لمدة ساعة... ؟
بحكم عملى ك Transit Operator بمصلحة المواصلات التابعة لبلدية كالقرى اضطريت يوم الخميس الفات ان اشارك فى اجتماع ربع سنوى يحدد نوع المهام والواجبات لكل عامل للفترة من ديسمبر 2011 الى ابريل 2012...
Transit Operator هى مسمى لوظيفة تشمل قيادة بصات البلدية و القطار (او الاندرقراوند او ال subway او الترام)
معظم ال Transit Operators يفضلو البصات لانه اسهل واظرف و اقل مسئولية وليس مملا كسواقة الترام .. مع انه المرتب تقريبا واحد مع فرق بسيط يتفوق به الترام على البص لجذب العاملين....
انا سقت القطار لفترة بسيطة جدا لكن زغت منه ورجعت للبصات حيث الاستمتاع وبهجة ملاقاة الناس كل يوم..... منذ تعيينى فى 2006 تم تعيين اكثر من الف عامل بعدى اتفوق عليهم جميعا بالاسبقية فى اختيار العمل وتحديد الاجازات وامتيازات اخرى لكن هناك قرابة900 يتفوقون على بالاسبقية (كلنا ناخد نفس المرتب)
يوم الخميس حددت نوع العمل الذى ساقوم به ابتدا من الكريسماس حتى نهاية مارس ... سابدا متاخرا حوالى الساعة حداشر صباحا واخلص حوالى 8 مساء (دوامين)
يوم الجمعة كان اليوم مخصص لتصليح قزاز اللورى truck
يوم السبت الفات يوم اجازتى الاسبوعية كان لدى شغلانه مع احد الزبائن لنقل بعض النفايات الى مركز المدينة للنفايات landfill ..... شغلانه كان فيها كدة كويسة ..
يوم الاحد يوم اجازتى الاسبوعية الثانية طلب منى احد الاصدقاء ان اغطى له ورديته من 5 صباحا حتى 2 ظهر..... منتصف نهار الاحد فوجئنا باعصار قوى اهتزت له ارجاء المدينة ..ولاول مرة نسمع البيان رقم واحد فى الاذاعة الداخلية "على جميع البصات والقطارات التوقف فورا والاستعداد لسماع اعلان مهم" البيان يقوم ان وسط المدينة اغلق تماما بواسطة البوليس.... لاول مرة فى تاريخ المدينة (136 عام) يتم shut down كليا لل downdown
وسط المدينة اصبح مثل ميدان الحرب ....تتطاير الشظايا من كل الاتجاهات ... العماارات الزجاجية الشاهقة تهشمت و تتطاير زجاجها فى كل مكان ..... لحظات رهيبة لم اشهدها طوال فترة عملى (5 سنوات)
بدلا ان اخلص 2 ظهرا اضطريت لمواصلة العمل حتى الخامسة مساء (الشيك الجاى حيجى مندكل)
المشكلة كيف اصل لسيارتى التويوتا الحنينة الواقفة فى الجهة التانية من المدينة... احتجت لساعتين نصفهم مشى حتى اصل للعربية .... وصلت البيت دايخ ومغبى ....
يوم الاثنين ..اتواصل العذاب ... اثار العاصفة مازالت تسيطر على المدينة كل القطارات لا تستطيع دخول ال downtown وعلينا نحن البصات ان نقوم بعمل قطارات يسع الواحد منها 700 شخص ,,,,,
لحظات صعبة استمرت حتى منتصف اليوم حيث تم تصليح خط الترام الكهربائئ لينزاح العب عننا .....
النصرى...حمد لله على سلامة الظهور. منتظرين القصص و الحكاوى.
مريوم....انا متاكده انك ح تقدرى تجرى كويس و فى 9 اسابيع ح تصلى لهدفك. عن السؤال التكتيكى.... بسرعة 6.3 كيلو/ساعة يعنى 3.9 ميل فى الساعة مشية بسرعة 4.7 كيلو/ساعة ...يعنى 2.9 ميل فى الساعة
و الاتنين بيعتبروا مشي يا مريوم ...تكنكلكى. الصورة دى انا ختيتها فى بداية البوست للنصرى...بس عشان نعرف جرى يعنى شنو و مشي يعنى شنو و جكه يعنى شنو
ممكن نقول الجرى او (ال jogging ) بيبدا من سرعة 5 ميل فى الساعة يعنى حوالى 8 كيلو فى الساعة. التفاصيل دى ما مهمة....لكن بس قلتا اختها كمرجع. عن السؤال ....لما تقولى "احسن" قاصده شنو? لو قاصدة من ناحية حرق السعرات الحرارية....ده بيعتمد على وزنك و عمرك ونوعك. ده موقع مفيد جدا....ح يوريك على حسب وزنك و الزمن انت ح تحرقى كم سعر حرارى فى النشاط المعين. لو قاصده احسن من ناحية اللياقة...(اظن) انك احسن تحاولى تبدى بسرعة مريحة ليك (و كل ما زاد الزمن يكون كويس) و تبدى تزيدى السرعة شوية شوية. تزيدى السرعة شوية شوية كل اسبوع مثلا تزيدى السرعة نص كيلو فى الساعة و كده
Post: #372 Title: Re: Sudaneseonline Biggest Loser Author: مريم بنت الحسين Date: 11-30-2011, 07:20 PM Parent: #371
النصري، والله الونسات دي بتدي الزول فكرة عن يومكم ماشي كيف.... أصلها ما بريه زي ما تفكر انها برية...
انا الليلة حأوريكم يومي ماشي كيف... بس اول شي عايزه اقول ليكم اني وصلت لقرار انه الجري ده ما حقّي... Nope not for me at all.. وحاوضّح الاسباب الان... انا عملته my research.. ولقيت انه صحي الجري بتفوّق على المشي في النقصان في الوزن، لكن ما تفوّق كبير(النقطة دي فيها خلاف لانه مرات بنمشي فترة اطول مما بنجري)... المشكلة الاساسية في الجري انه بخلي الزول معرّض لإصابات وانه لو ما عمل إحماء وstretching بصورة كويسه ممكن يتعوّق.. او يجيه شد عضلي... الشي النبّهني للحاجه دي انه ركبتي اليسار فيها إصابة قديمة، امس لما زدته وقت الجري قامت تعبتني... قمت مشيت فتشته، لقيت كلام كتير.. معظمه بقول كلامي الفوق ده... موضوع التعرّض لإصابة... اللنك ده بوريكم الحاجه دي http://answers.google.com/answers/threadview/id/6381.html
وبناءاً عليه قررت أمشي يومياً لمدة ساعة، خمسة مرات في الاسبوع.. حاليا وصلته لسرعة 4.8 كيلو/ساعة... حأزيدها شويه شويه... اعتقد كده احسن لي... امشي كتير مما ابقى في إصابة ما اقدر اواصل رياضة.... الليلة عملته الرياضة، مشيت 50 دقيقه (لولو صحت)... يومي او دوّامتي كالتالي، اول شي لي يومين محمود ما مشى المدرسة.. مطره شديده قفلوا ليهم المدارس.... اول ما اصحى من النوم بكون هو صحى قبلي طبعا... برتب غرفة النوم واطبّق البطاطين... واجي اشوفه عايز يفطر شنو وبفطر معاه... بعداك بقوم بعدها بي ربع ساعة كده على الرياضة (فطوري بكون خفيف ما بكون متخمه)... بعد الرياضة بكون قاعده بي ملابس الرياضة وببدا انظّف البيت واطبخ واضاير، طبعا بتتخللها فترات صحيان لي لولو وتغيير بامبرز وتنويم... ده غير مرات طلبات محمود... غسيل ملابس وشرّها ولم الناشفه .. وهكذا دواليك لحدي الساعة خمسة، والله ما بقعد ولا ثانية! بعداك وقت الحمام للأطفال.. بحممهم وبجي وقت الغدا ... في النص كده مرات باخد لي تفاحة او عصير برتقال بي اللب، عشان يشبّعني... في الغدا بااااكل ما قاعده اقصّر.. بعد الغدا يادوووووب حتى اقدر اقعد... كده يومي يعتبر انتهى... بالليل بشرب لي كباية شاي مع حليب قليل الدسم وبتكون معاها حاجه :D... بسبوسه ولا جوزية (دي مصيبة كده اسكتوا منها ساي)... او ساندوتش جبنة بي زيت زيتون.... وبكده بنكون انهينا اليوم.... بمشي انوم .. ايام المدرسة بصحى بدري مع محمود عشان اعمل ليه الفطور ولحدي ما يطلع برجع انوم تاني... لما يجي راجع، الدوامة بتبدا تاني...
والله اتلومت عديل انا ... البوست لقيتو فى الصفحة الثالته.....
للاسف اليوم ايضا لم اتمرن بالرغم من النية المبيتة لذلك.. طلعت للشغل كالعادة حوالى الخامسة صباحا..شايل معاى معدات الرياضة ولكن نسبة للعاصفة الثلجية التى تعانى منها كالقرى هذا الصباح كان على ان اقرر بين الشغل اوفرتايم والرياضة ...اترددت شوية... لكن قررت اشتغل واعمل كنجالات اصلو انا ناوى العمرة فى فبراير.... اتصلت بالكنترول فى الراديو مبديا استعدادى للعمل الاضافى.. فعلا .... اشتغلت حوالى ساعتين كاملتين بحساب الساعة تدفع بساعتين يعنى متر كامل فى ساعتين.....
بالتاكيد المتر (100) بريح الجيب اكتر من الجرى 2 ميل .....
اخر مرة وزنت نفسى قبل عشرة يوم تقريبا ولاحظت ان الميزان نزل شوية من 270 رطل ....
اظن ان وزنى لن ينقص كثيرا عند اقيس غدا الخميس.. ربما رطل او بعض رطل ....
بالنسبة للاكل حصلت شوية تجاوزات نسبة لظروف الشغل الطاحنة...
اسوأ شى عملتو ..سندوتش فلافل يوم السبت .... اكلت 2 قطع رغيف اسلايس مع السمك .... توقفت عن استعمال ال sweetner بعد تحذيرات من كل اصحابى من خطورتها رجعت للسكر العادى لكن بكميات بسيطة .......
ازيك يا النصري يا اخى???? اول شيء بالغت....كيف يعنى سواقة القطر مملة????? اكتر حاجه ما بحبها السواقة... لانى بحتاج اركز مع الشارع. انا لو مكانك ارجع للقطر.
بختك...شغلك ح يبدا الساعة 11 الظهر. خاصة فى الشتاء....مبالغة
Quote: بالتاكيد المتر (100) بريح الجيب اكتر من الجرى 2 ميل .....
اكيد.... اكيد ربنا يسهل ليك موضوع العمرة يا اخى وعقبلنا مريوم ....ضحكتينى ب:
Quote: الجري ده ما حقّي
دى
كلامك صح يا مريوم ....المشي افضل للركب من الجرى. خاصة انه معروف ان الجسم البشري ما مصمم للجرى -حقيقة علمية- لكنه مصمم للمشي و لمسافات طويلة كمان. بس....الجرى لذيذ....و ساهل جدا الزول يدمنه. انا شخصيا لما كون بجرى بحس بال Empowerment
مريوم يومك صعب و عصيب وطويل. ربنا يعينا كلنا. يومى انا برضوا قاسي....بنصحى الصباح بعد ما نجهز للشغل و المدارس بحنس الجماعة يفطروا....ما فى زول بيفطر غيرى. بفطر بنص كباية لبن (الايام دى كامل الدسم لظروف صحية) + نص كباية شوفان+ بيضيتن مفقوعات (من غير زيت) و بعده بطلع على الشغل. بعد ساعتين فى الشغل باكل موزة او تفاحة. الساعة 12 الظهر باكل الغدا بتاعى. بيكون قطعة لحمة او سمك معاها خضار مسلوق و قطعة او اتنين عيش توست. احيانا بيكون محشية فلفلية من غير عيش او صينية خضار. لو ما اكلت عيش (او نشويات عموما) ممكن اكل لى حلو (قطعة بسبوسة او باسطة او كنافة) بس قطعة وااااحدة و صغيرة جدا (ايوه بوصة X بوصة يا امير) بعد ساعتين من الغدا باكل قطة فاكهة تانية و معها قطعة جبنة بعده بسوق الاولاد من المدرسة و بنمشي البيت .و بهدوم الشغل بمشي على المطبخ طوالى اجهز الغدا. غالبا بيكون نصف جاهز...و بياخد حوالى نص ساعة. الساعة 6 مساء بنكون فى الطربيزة بناكل. بحاول ما اكل نشويات اكتر من قطعة توست او اتنين و اكتر من البوروتين و الخضار. بعدها بلم المطبخ و اغسل العدة و اجهز اكل بكرة. ده كله بيخلص حوالى الساعة 8 مساء. بسوق الاولاد الحمام و على السراسير. ابوهم بيساعد فى مواضيع الحمام و السواك و كده عشان انا اخد دش و لما يكونوا جاهزين للقراية اكون انتعشت شوية من الدش. بعد ما نقرا ونطفى النور و ينوموا. بمشي اشوف لو فى حاجه ناقصة فى المطبخ اتمها و بهدها بققققعد فى التلفزيون. لما تكون الدنيا جميلة و صحتى مساعدة بمشي الجم.... الساعة بتكون حوالى 9 ...برجع ذى 10 و نص و اقعد بعدها فى التلفزيون حسب ما ربنا يقدرنى. وبعدها بمشي اتخمد.
Post: #376 Title: Re: Sudaneseonline Biggest Loser Author: مريم بنت الحسين Date: 11-30-2011, 09:01 PM Parent: #375
Quote: اظن يا مريم انو الجرى بختصر الزمن ...انا بالنسبة لى بسابق فى الزمن .. ومواعيد الاجازة قربت وكل يوم بمر بدون فائدة يعنى مشكلة كبيرة لى ......
والله يا النصري فعلا هو بختصر الزمن... وانا برضه زمني ضيّق... لكن ما عايزه ابقى بي وجع! انا لما ركبتي دي ضربتها في قطر، برنامجي بتاع الرياضة انقطع .. وبقيت اسبح بس.. والسباحة كانت مشواااار كنت بكسّل منّه... حسي انا كان ركبتي اتأذت ولا في سباحة ولا يحزنون مع الضنبين ديل! زمان انا كنت فاضة وعربيتي في يدّي .. والله اتذكر كان في رمضان، كنت بطلع أمشي اسبح بعد الفطور...
Quote: برضو يا مريم حكاية تاخدى راحتك فى الغداء دى مشكلة كبيرة .... لانو وجبة واحدة مدنكلة بتلخبت اليوم كله......
خت في بالك يا النصري الجهد البكون بذلته، زائداً إنه في لولو معتمدة علي... انا لو ما اكلته كويس ما بتلقى ولا شي المسكينة.. اخير اتغدى كويس ويكون في وقت اهضم خلال اليوم من اصحى نص الليل عشان آكل ليها .. انا ما بجوط الدنيا خالص.. لكن باكل عادي لحدي قريب الشبع كده بوقّف... وبشرب موية كتيره... وحليب الايام دي بالذات مع الشتاء... والبرد..
Quote: غايتو انا كلما اكل وما اشبع بمشى على السيريـال خالى الدسم وباكله باللبن....
انا زاتي اشتريت لي سيريال بس ما عارفه ليه حاسه انه السكر فيه زيادة شويه... انا طبعا اصلا ما باكل مع السيريال سكّر... السيريال حقي فيه زبيب... وفيه oatmeal وفيه السيريال نفسه whole.. لكن اعتد مزودين السكر شويه.. غايته ما قاعده اكتّر منه.. حأكمله واشوف نوع تاني... بس الcombination مع بعض بخلوني اشبع شبعه تمام.. واقعد اشرب في الموية من العطش ...
Quote: بس....الجرى لذيذ....و ساهل جدا الزول يدمنه. انا شخصيا لما كون بجرى بحس بال Empowerment
والله صحي يا سمارت... إدمانه لزيز.. وفعلا بتحسي بإنك مبسوطه من نفسك كده بعد تنتهي... لكن نعمل شنو كمان عشان ما يقيف البرنامج...
Quote: س قطعة وااااحدة و صغيرة جدا (ايوه بوصة X بوصة يا امير)
والله ضحكته ضحك لما قريت الحته دي... لاني اول ما بديت اقرى قلت امير حيجي يمسكها ليها... اصلو هو الاولى ديك غايظاه منّك ...
ربنا يعينك والله برنامجك مرهق مع كل التفاصيل الانا عارفاها.. كويس انك بتشيلي غداك معاك.. ... وبختك انك بتقدري تتفرجي تلفزيون... انا زاحمه نفسي بموضوع القراية ده، بعد ما ينوم الشباب بقوم على القراية.... والله مرات اقرّب أبكي... الله يحلّنا من البرنامج ده ياخ! ما قلتي لي البيض بتعمليه مفقوع في المويه؟ ولا في الطوه ساي من غير زيت؟
اتخمد دي بالغتي فيها.. ياخ الخمده دي أحلى وقت في اليوم!
Post: #377 Title: Re: Sudaneseonline Biggest Loser Author: مريم بنت الحسين Date: 11-30-2011, 09:29 PM Parent: #376
ده السيريال بتاعي..
Post: #378 Title: Re: Sudaneseonline Biggest Loser Author: النصرى أمين Date: 12-01-2011, 02:28 AM Parent: #377
معليش يا مريم ..والله نسيت حكاية البيبى الصغير... كتيرة منك المجهود الجبار ...على الاقل بتهتمى بموضوع اللياقة ... كثير من النساء السودانيات لا يهتمو اطلاقا بالموضوع ده .. مع انهم ما عندهم اى عذر ..لا بيبى ..لا شغل ....
يا اسمارت ..البص نفسه مرات كتيرة بكون ممل جدا ومافى اثارة .. لكن عندى ملايييين القصص ... مرة وقفت فى محطة ..عاينت فى المراية ...لقيت البص فاضى .. طوالى وبصوت عالى قعدت اغنى ...الايام ديك كان عندى اى بود وفيهم اغانى لسامى المغربى ... اها قعدت اغنى باعلى صوت حبشية انت ما صعبة فى الخرطوم منتدبة حبشية انا ماعارف شنو شنو فى القضارف .... فجاة اسمع صوت من المقاعد الخلفية يسالنى البص حيتحرك متين(طبعا بالانجليزى* اتخلعت خلعة ..عاينت لقيتها بت حبشية قاعدة فى الكرسى الاخير
والله اتحرجت احراج ......
Post: #379 Title: Re: Sudaneseonline Biggest Loser Author: مريم بنت الحسين Date: 12-01-2011, 06:14 AM Parent: #378
Quote: يا اسمارت ..البص نفسه مرات كتيرة بكون ممل جدا ومافى اثارة .. لكن عندى ملايييين القصص ... مرة وقفت فى محطة ..عاينت فى المراية ...لقيت البص فاضى .. طوالى وبصوت عالى قعدت اغنى ...الايام ديك كان عندى اى بود وفيهم اغانى لسامى المغربى ... اها قعدت اغنى باعلى صوت حبشية انت ما صعبة فى الخرطوم منتدبة حبشية انا ماعارف شنو شنو فى القضارف .... فجاة اسمع صوت من المقاعد الخلفية يسالنى البص حيتحرك متين(طبعا بالانجليزى* اتخلعت خلعة ..عاينت لقيتها بت حبشية قاعدة فى الكرسى الاخير
والله اتحرجت احراج ......
هههههههههههه للتعترك، ما لقيت غير الغنية بتاعت الحبشية لووووول... وقالوا بلدكم ديك عامره بي الحبش.. انا اخواني الاتنين بقروا بهناك، واحد في هاملتون والتاني في فانكوفكر.. اهلي عندهم PR، انا طلعت من قد القفّة رغم اني انا القدّمته اساسا لموضوع الهجرة ده... لكن دي قصة عحيبة بحكيها يوم من الايام
الليلة يوم صعب لانه يوم الطلعه، بنطاع زيارات ومشاوير في اليوم ده عادة.. ده غير انه الغدا بكون بدري ما زي باقي الايام... انا اصلا عامله الرياضة خمسة أيام في الاسبوع من السبت للأربع عشان عارفه الخميس ده زنقته صعبة ... لكن السبت الفات ما قدرته اعمل رياضة فعأوضها الليلة... ممكن آخد لي نومه بعدين العصر قبل ما نطلع..
دايرين لي اغاني بتاعت مشي او جري تشجّع ياخ.. سمارت اغنيتك بتاعت بيونسي بقت اساسية والله بتزيدني حماس بشكل crazy in love... اضفته برضه اغنية lady gaga رغم اني ما بحبها شديد المره دي، لكن اغنيتها بتمشّي bad romance.... ادونا زيادة
الحصل يا مريم انو مرة لقيت ايبود ipod classic فى البص ,,,طبعا وضعتو فى صندوق المفقودات فى انتظار صاحبه يستلمه...بعد شهرين لم يطالب به احد وبالتالى ادونى ليهو.. استمتعت بيهو فترة...كان عندى فيهو اكتر من 400 اغنية لكن الايام ديك كان عندى تسجيلات جديدة لسامى المغربى وكنت بسمعها لكم يوم ورا بعض ....
امبارح مشيت bestbuy واشتريت للولد iPod touch الجيل الرابع ...
فعلا عالم Apple عالم سحرى ... النصيبة دى فيها كل شى ..حاجة ما تخلص ..الظاهر يا اسمارت ضيعت عمرنا كله مع ميكروسفت وبلاكبيرى ....
اليوم الخميس ..رجعت للرياضة ... نصف ساعة كاملة حرقت فيهو 400 كاليرى (وحدة دهنية او حرارية) كنت بجرى 2 دقيقة وبمشى دقيقة حسب توجيهات امير واسمارت (عشان ما يشاكلونى)
بالنسبة للوزن صباح اليوم كان حوالى 268 مابطال ..... ماشين لقدام ..
ميت مساء على الناس الكويسه. مريوم اصابة الركبة دى خلى بالك منها. و المشي اكيد افضل فى حالتك دى. معانا واحد فى الشغل عمره بيكون فى نهاية الثلاثينات ...قبل شهرن غيروا ليه الركبة. و الله شيلنى هم....انا قلت تغيير الركب ده راجبنى لما اتم كم وستين سنة.
القراية مع الاطفال صعبة شديد يا مريم ...ربنا يعينك. قبل فترة كان عندى امتحان كده...كنت ببدا قراية بعد الساعة 9 مساء. و عادى لما ما اقدر افتح عيونى من التعب بقعد ابكى.
البيضة بفقعها فى non stick طوة و مرات برش فيها fat free cooking spray ذى بام
مريوم فى اغنيتين تانيات مناسبات للرياضة. الاولى: lose yourself بتاعة eminem رغم ان الاغنية هيب هوب لكن كلماتها خرافية. فى كلمتين او تلاته فى النص ما تمام. لكن الاغنية ذاتها بتتكلم عن انه لو عندك فرصة واحده للنجاح لازم تعمل اى شيء عشان تنجح. و انتى بتتريضي فكرى ان اى تمرين هو اخر فرصة التانية : we will be burning بتاعة sean paul. المسيقى خرافية...الرايم خرافى.... لكن الكلام ذاتوا كلام فارغ. بس الاغنية سمحة للرياضة
لو فى طريقة ارسل ليك MP3 files ورينى ليها...ممكن ارسل ليك اغانى لمحمد المغربى...البابور جاز وكده مريوم فى تطبيق اسمه Pandora ...انترنت راديو...لو متوفر التطبيق فى السعودية جربيه. ممكن تختارى اغانية او اتنين و التطبيق ح يختار ليك اغانى زيهم.
Quote: معليش يا مريم ..والله نسيت حكاية البيبى الصغير... كتيرة منك المجهود الجبار ...على الاقل بتهتمى بموضوع اللياقة ... كثير من النساء السودانيات لا يهتمو اطلاقا بالموضوع ده .. مع انهم ما عندهم اى عذر ..لا بيبى ..لا شغل ....
النصري...مريوم صحبتى دى زولة حربية شديد ... لكن والله (اغلب) السودانيات تعبانات...الواحده اولادها 24 ساعة فى رقبتها...و هى المسؤلة عن كل شيء عنهم..و غالبا ما بيكون عندهم زمن يتريضوا. و انا حقيقى بلوم الرجال السودانيين. انا و مريم لو ما ازواجنا داعمننا للاخر ما كنا بنقدر نعمل ده كلو...صح يا مريم???. اول ما جبت ولدى الاول قعدت معه فى البيت حوالى 6 شهور, زوجى كان بيجى من الشغل و يطردنى من البيت طوالى...قبل ما حتى اخت ليه الاكل فى الطربيزة. بيخلينى امشي الجم عشان اتريض و اغير جو من حبسة البيت. ربنا يديه العافية و يخليه لينا
Quote: مرة وقفت فى محطة ..عاينت فى المراية ...لقيت البص فاضى .. طوالى وبصوت عالى قعدت اغنى ...الايام ديك كان عندى اى بود وفيهم اغانى لسامى المغربى ... اها قعدت اغنى باعلى صوت حبشية انت ما صعبة فى الخرطوم منتدبة حبشية انا ماعارف شنو شنو فى القضارف .... فجاة اسمع صوت من المقاعد الخلفية يسالنى البص حيتحرك متين(طبعا بالانجليزى* اتخلعت خلعة ..عاينت لقيتها بت حبشية قاعدة فى الكرسى الاخير
دى بالغت فيها يا النصرى.....ما لقيت الا الغنية دى???. تعرف اكتر افارقة انا بتكيف ليهم الاثيوبيين (اكتر من السودانين) اغلبهم كان فى السودان قبل كده و عندهم ذكريات جميلة. و بيتظارفوا معاى شديد لما يعرفوا انى سودانية.
ال iPod touch فعلا خرافى...و مناسب جدا للاولاد لو فى عمر ما مناسب للتلفون. و بريحك من الفاتورة الشهرية بتاعة التلفون. شده منه مرة مرة و ح تتبسط. قلت ليك زماان انك مفروض تطنش موضوع البلاك برى ده.....it is useless
مريو و النصرى.... ما شاء الله عليكم.....ما شين كويس. اهم حاجه انكم تواصلوا و ما تنقطعوا...
Post: #382 Title: Re: Sudaneseonline Biggest Loser Author: مريم بنت الحسين Date: 12-01-2011, 08:41 PM Parent: #381
Quote: لو فى طريقة ارسل ليك MP3 files ورينى ليها...ممكن ارسل ليك اغانى لمحمد المغربى...البابور جاز وكده
انت لسه ما عندك Dropbox؟! اعملي ليك واحد وممكن نعمل share لfolder فيه اي نوع بتاع ملفات... انت تختيهم عندك، يظهروا عندي...
Post: #383 Title: Re: Sudaneseonline Biggest Loser Author: مريم بنت الحسين Date: 12-02-2011, 11:13 AM Parent: #382
بكره يوم الوزن... لكن من الليله لازم اعترف، ملتزمه بي المشي خمسة مرات في الاسبوع، لكن خلال الاسبوع الفات ده اكلته لي أربعة جوزيات... ما كلهم في يوم واحد، لكن الواحده فيهم عبارة عن جريمة... زبدة ومكسرات وسكر .. وpie crust..
يا ناس يا عسل ... غباشي وصل دخلت البيت قبل تلات ساعات كدة تعبان و منتهي ... سفرية متعبة شديد اتحركنا بالحافلة من 8 و نص صباحاً ... لكن في الطريق مناظر عجيييبة الـ presentation كان كويس شديد و في ناس اتكيفت ... حاولت بقدر الامكان اخليهو Simple and understandable ... لانهم كلهم بتاعين جيولوجيا ما فرطت خاااااالص ايام المؤتمر اهم حاجة سكريات برة و اشتريت اكلي من اول يوم مافي تمارين لكن في مشي و اجمل حاجة الـ hiking يا جماعة حانزل منكم هنا عشان تعبان و نعسان و عايز انام حاجيكم راجع للتعليق على كلامكم الكتير و السمح بس الله يسهل و اجيكم بي مهلة اخليكم مع بعض الصور .... شكرا ليكم يا جماعة
A few minutes after arrival - My especial groceries
Nelson City Centre from Western Hills
Hiking before the field trip
Field Trip to Nelson Boulder Bank
A moment before to start
Here we go
Post: #385 Title: Re: Sudaneseonline Biggest Loser Author: مريم بنت الحسين Date: 12-03-2011, 03:54 PM Parent: #384
واقفين في حتتنا... ودي براها نعمه كبيرة... وزنته مرتين، في المره الاولى كنت ناقصة 100 جرام وفي المره التانية ما ناقصة شي.. عشان كده خلونا نعتمد اني ما ناقصة شي... جريت ساعة... قطعت فيها 3.7 كيلو... السرعة كانت متغيّرة ... لكن اقصي شي وصلته كانت 4.8.... حرقته 265 كالوري....
صور رهيبة والله يا غباشى... الكلام ده وين ؟ فى امريكا؟
انا زاتى حاحاول انزل صور من الشغل بتاعى .......
......... يوم امس 2 ديسمبر كان يوم صعب شديد... طلب منى احد الزبائن اشتغل ليهو بيت من 3 غرف ... انتهيت من الدوام الاول وبهدوم الشغل مشيت على الشغلانة التانية.. انتهيت منها فى 3 ساعات (متر وخمس) وطوالى على الدوام التانى.. انتهيت حوالى الساعة 5 ...رجعت البيت سريع...اخدت دش ..الساعة 5:30 على المطار .. استقبلت صديق عزيز جدا وصل كالقرى فى زيارة قصيرة .... من المطار وطوالى المطعم الهندى .... وهاك يا ضرب ... بلا ريجيم ...بلا كلام فارغ .... قلت لصاحبى لانك عزيز على انا رفعت الريجيم لعدة ساعات .... المهم ضربت السمك المشوى ...وشوية رز مع الرغيف الاحمر الهندى...
ما اظن الخسائر كانت فادحة فى السعرات الحرارية..بس الكميات كانت كبيرة... رجعت البيت حوالى 11 مساء....(يعنى يومى بدا الساعة 4 صباحا وانتهى 11 ليلا)
فى الشغل قابلت رئيس نقابة العاملين .. ولانى زول لايوق ...طوالى بديت اساله عن حقوق العاملين .... اهم شى وضح لى حسابات المعاش ... قال عشان تحصل على معاش كامل مافيهو خصومات لازم تحقق الرقم 85 شرح لى انت عمرك مثلا 50 سنة واشتغلت هنا 5 معناتها الرقم هو 55 وطبعا ده بعيد جدا من الرقم المطلوب وهو 85
بعد خمس سنوات (ان شاء الكريم) حابقى 55 سنة وشغال 10 سنين الرقم حيكون 65
بعد 15 سنة حيكون عمرى 65 وشغال 20 الرقم حيتحقق 85
طبعا نحن السودانيين ما نحب نتكلم فى الحاجات دى بسبب قناعات دينية وانو الاعمار بيد الله والرزق من رب العالمين .... لكن الناس هنا الحسابات دى مهمة جدا جدا جدا ؟؟
Post: #387 Title: Re: Sudaneseonline Biggest Loser Author: مريم بنت الحسين Date: 12-03-2011, 05:36 PM Parent: #386
Quote: انت عمرك مثلا 50 سنة واشتغلت هنا 5 معناتها الرقم هو 55 وطبعا ده بعيد جدا من الرقم المطلوب وهو 85
بعد خمس سنوات (ان شاء الكريم) حابقى 55 سنة وشغال 10 سنين الرقم حيكون 65
بعد 15 سنة حيكون عمرى 65 وشغال 20 الرقم حيتحقق 85
يعني عمرك لما بديت زايد سنوات الخبرة.... موش؟
غباشي احنا في السعودية دي ممكن يقفلوا لينا المواقع ساي لله في لله.. كدي ارفع صورك دي في موقع اسلامي بالله
Post: #388 Title: Re: Sudaneseonline Biggest Loser Author: حمد فتح الرحمن Date: 12-03-2011, 08:53 PM Parent: #387
سلام يا النصري و شباب البوست حصلت لي حاجة اعتقد انها كويسة اول ما رجعتا من الاجازة اي زول بلاقيني بقول لي مالك ضعفان كدا مع اني كنتا متوقع اني حازيد قبل يومين مشيت الصيدلية الجنبنا - ما قاعد اثق في ميزاني ( صيني تايواني ) - وزنت لقيت نفسي 85.4 كيلو يعني دخلتا القرين زون في الموقع بتاع سمارت الزمان داك ونزلتا 1.6 كيلو من اخر وزنا وزنتها في نفس الميزان و 2.6 مما خشيت معاكم هنا, لكن من الليلة رجعتا لي برنامج الشغل الاضافي و ما اظن اقدر اواصل برنامج المشي لمدة 15 يوم جايةعلى الاقل و حيفضل لي السلم ( الله يخلي لينا و ما يزيدو لينا الايجار :) ) عشان كدا حاحافظ بقدر الامكان على برنامج اكل ما يخليني ازيد ، لكن المشكلة اني جايب معاي كمية من فول الحجات و العرديب و التبلدي و الكركدي اللي عايزا ليها اطنان سكر عشان تتشرب و ما قادر انتظر ليهاالله يصبرني عليهم بس .
لكن بين و بينكم اللياقة نازلة بقيت لما اصل الشقة نفسي بقومو ما زي زمان بطلع السلم الطويل دا بي نفس واحد ، و كمان لما اوصل 2 كيلو من الاربعة كيلو بتاعة المشي اشيل هم الرجعة :)
طبعا يا شباب من البداية كتا واضح و قتا ليكم عايز انقص 4 لي 5 كيلو و اسه نقصتا 2.5 برغم ظروف الاجازة و الشغل اللي اخر الليل ( شغل ما فيه اي مجهود بدني ) و باقي لي زي 1.5 لي 2.5 كيلو كدا عشان اصل الوزن المثالي جد موش ؟
و الكيلويين ديل لو جبتا لي سكين و سلبتهم من كرعيني الطوال ديل بنزلم ليكم :)
مرحب بعودتك حمد اتمنى تكون استمتعت بالاجازة... السودان ده الذ بلد فى الدنيا بس مشكلته الغلاء الشديد.... اى برامج ترفيه خفيفة ممكن تلخبت الميزانية..... غايتو بالنسبة للعرديب والكركدى وفول الحجات ...ده تعتبر اسلحة دمار شمار اذا ما تقدر تستعملها بدون سكر ... ياخ والله السكر اخطر شئ فى الدنيا وانا حسى فى الريجيم بتاعى ده قدرت اقاوم كل شئ.. حتى الرغيف...قدرت اختو فى مواعينو.... السكر هو المدينى hard time اشتريت عربة كبيرة بتاعت sweetner فيها 200 كيس ..حسى خلاص خلصو وفضل واحد او تانية ... اى زول عرف الحاجة دى ..قال لى ابعد من المصيبة الكيماوية دى واحسن مليون مرة منها السكر الابيض .... حسى دلوقت مصطكى ... مالاقى البديل للسكر .... بقيت استعمل سكر كندى غريب جدا بستخلصوه من لحاء احدى الشجرات الكندية(رمز الدولة) وهى شجرة ال Maple هنا صورتها وكيف يستخلصو السكر منها
سلام يا ناسنا النصري الصور دي في مدينة نيلسون في نيوزلندا
مريم .... الصور بنفس الترتيب وعلى الطريقة الاسلامية
Post: #391 Title: Re: Sudaneseonline Biggest Loser Author: مريم بنت الحسين Date: 12-04-2011, 04:29 AM Parent: #390
حمد.. حمدلله على السلامة ياخ وبركة الجيت بالسلامة... ومبرووووك النقصان... السودان ده ألذ بلد في موضوع الوزن ده، ممكن تاكل ليك خمسة وجبات وتاكل رغيف وتاكل باسطه... وبعد ده تلقى روحك نقصته وزن.. وعد والدكتوره جو معاك ولا دقسته وخليتهم هناك؟
النصري.... ياخ الmaple syrup ده حاجه لزيزه بشكل!!! هنا عندنا طبعا... لكن ما حصل جبته، لما مشيت Minneapolis جربته مع البانكيك، لزيز لذّة مبالغ فيها.... لكن فعلا artificial sweeteners سيئة جداً!!! احنا فترة كنا بنستخدمهم، وانا عادة ما عندي sweet tooth زي ما بقولوا.. لما كنت بستخدمه بقيت آكل شوكولاته like no tomorrow! الكلام ده لقيته في موقع WebMD قبيل... بس حسي مكسّلة أمشي افتّش والله... اما الmaple... غايته ما بعرف، لكن ما اظن حاجة باللذاذة ديك يكون صحي... اصله الاكل الصحي ده دايماً كعب...
غباشي.. ياداااااااااااب شفته الصور... ورينا الاكل بتاعك ده شنو... عشان نعرف... بعدين انتو الواطه موش برد عندكم ولسه ما بردت... بالله احنا هنا في السعودية التقول بقينا اوروبا.. مطره وشمس مافي وبرد شديد بي الدفّايات شغلاين... غياته قدر ما حاولت افهم موضوعك عن شنو، غلبني كله كله.. اتذكرته لما كنت بعمل في الtransfer report، المشرف رسّل لي واحد عاملاه واحده زميلتي عشان اشوف التقرير شكله كيف والstructure بتاعه.. زميلتي دي شغاله في شي بشبه الشغل بتاعي.... والله قدر ما حاولت افهم من العنوان موضوعها شنو ما فهمته.... وحسيت بيه معقّد كده... قمت قلت للمشرف، قعد يضحك...قال لي اي زول بشوف شغل الزول التاني معقّد في الPhD..
دي رسمه لزيزه لشرح يعني شنو PhD.... معليش الصور كبيرة... لكن بتستااااااهل
Imagine a circle that contains all of human knowledge: By the time you finish elementary school, you know a little: By the time you finish high school, you know a bit more: With a bachelor's degree, you gain a specialty: A master's degree deepens that specialty: Reading research papers takes you to the edge of human knowledge: Once you're at the boundary, you focus: You push at the boundary for a few years Until one day, the boundary gives way: And, that dent you've made is called a Ph.D.: Of course, the world looks different to you now: So, don't forget the bigger picture: Keep pushing.
Post: #392 Title: Re: Sudaneseonline Biggest Loser Author: مريم بنت الحسين Date: 12-04-2011, 04:38 AM Parent: #391
بالنسبة لأهدافي... انا لحدي حسي ما كتبته عن الموضوع ده... انا عندي تلاته كيلو عايزه اخلص منّهم كهدف أوّلي... وعايزه أحققه بي الcardio بس في الفترة دي.. يعني انتظم في المشي بتاعي... وامسك فيه قوي لحدي ما اصل الهدف ده... حأواصل ساعة مشي، خمسة مرات في الاسبوع زي ما قلت.. مع محافظة في الاكل بعيداً عن الدغمسه...بعداك لما انتهي من التلاته كيلو دي بحول الله كده... بقوم اغير برنامج الرياضة.. اولا عشان ما أمل.. ثانياً عشان محتاجه ادخّل شوية تمارين بتاعت قوّة ... تشد العضلات... حأخلي المشي تلاته مرات في الاسبوع... حأزيد السرعة عشان اعوّض اليومين الحأشيلهم ... وفي اليومين ديل عندي فيديو بتاع تمارين قوّة.. ممتاز... كنت زمان بعمله... بقوّي عضلات الجسم كلها... لو سمعتوا بي Power90.. حتوفروا لي شرح كتير...
يلا انا امشي انوم بعد ما طلّعته الاولاد (نادر ومحمود )... ولولو نااااااايمه ألحق آخد لي معاها نومه...
بالمناسبة.. النوم من الحاجات البتخلي الزول ينقص أو يحافظ على وزنه..! تتصوروا!!! بالمناسبة برضه انا عايزه اجي اكتب عن المفاهيم الخاطئة بتاعت ناس السودان في موضوع الرجيم ... زي انه النوم بسمّن دي!
laters
Post: #393 Title: Re: Sudaneseonline Biggest Loser Author: مريم بنت الحسين Date: 12-04-2011, 11:13 AM Parent: #392
خبر بايخ، ما حأقدر اعمل رياضة الليله، جاتني نزله فجأة ... ومعاها قحة كده... اها حأقوم آخد اجازة الليلة، لو بكره بقيت كويسه بتريض، لو ما بقيت كويسه باخد بكره off برضه... لكن بعد بكره بعمل رياضة بعمل رياضة... مافي اي تفاهم..
أعتقد السبب بتاع نزلتي هو ملابسي بتاعت الرياضة... الموضوع ده مهم يا جماعة (اكتشفته الليلة طبعا لوووول)... ضروري الزول يلبس ملابس فضفاضة وفي نفس الوقت ما تكون بتمتص العرق... يعني تخلي العرق يتبخّر... لانه ده بخلي الزول عُرضه لتيار وبالتالي يجيه إلتهاب... ممكن برضه الزول يكون خاتي جنبه towel كل شويه يجفف العرق عشان يحمي نفسه... غايته ده الوصلته ليه.. اعتقد غباشي عنده راي تاني في موضوع اللبس ده مع البتاعه القال عنها ديك...
نشوف الوضع بكره كيف...
Post: #394 Title: Re: Sudaneseonline Biggest Loser Author: النصرى أمين Date: 12-05-2011, 03:02 AM Parent: #393
يوم صعب اخر ... الاحد هو اجازتى الاسبوعية لكن نسبة لسفر صديق عزيز للسودان بعد اداء مراسم الحج اضطريت ان اغطى ليهو ورديتو الطويلة من 5:45 صباحا حتى الثانية ظهرا .. منها مشيت عندى شغلانه صغيرة بعملها فى نهاية الاسبوع ومنها مشيت قابلت صديقنا الزائر لكالقرى ومنها مشينا مرة تانية للمطعم الهندى ..ضربنا سمك بكميات تجارية .... رجعت البيت قبل قليل ..تعبان ومنتهى .....
_____
يا مريم الدواير دى مالها كبيرة كدى؟
Post: #395 Title: Re: Sudaneseonline Biggest Loser Author: مريم بنت الحسين Date: 12-05-2011, 04:32 AM Parent: #394
النصري.. الراجل العملها عاجباه... هههههههه عشان كده رسمها كبيرة... غايته انا هنا ما خاربه لي شي... لكن لو حجمها خرب لزول حاجه، كلموني عشان اشيلها....
ما تستمريء شغلانة الاكل وعدم الرياضة دي.. خلي بالك... عادي ممكن تجوط الدنيا... لكن برضه كويس انك تعمل break... عشان جسمك ما يتعود على الريجيم...
انا غير النزله عندي من أمس وجع خرافي في ظهري وكتفي... ما فهمته زاتو شنو... غايته حأريح نفسي الليلة برضه.. لكن مخليه بالي في موضوع الاكل... بكره لازم أرجع لرياضتي... يا اخوانا حاسه بي ذنب شديد عشان امس ما عملته رياضة.. والليله ما حأعمل.. غايته نادر قال لي يمكن تمزق في العضلات :(... I hope not! ما صدّقته اني انتظمته ولقيت حاجه تناسبني...
مريم ... الدنيا عندنا يادوبها صيفت .... حاكم احنا عكس الناس حسب موقعنا في نصف الكرة الجنوبي .... بعد رحلتي دي تيقنت اني قاعد في أجرب (من جربانة) حتة في نيوزلندا ... المدينة سمحة و دايما مشمسة و فيها عدد خرافي من الحدائق العامة و الاشجار التاريخية بخصوص لبس الرياضة ... التي شيرت الوريتكم ليهو داك معمول مخصوص لتفادي الحصل لي مريم لانو من ناحية بيمتص العرق و بيعزل الجسم عشان يحافظ على درجة حرارة معتدلة و من ناحية تانية بيساعد على اداء التمارين بارتياح بالنسبة للعضلات و بيزيد معدل سريان الدم للعضلة و دا الشيء البيخليك تؤدي التمرين بارتياح اكتر من لما تكون لابس لبس عادي بالنسبة للاكل الفي الصورة هوعبارة عن زبادي قليل الدسم و سالاد و طماطم و كورن و حمص و ما ظاهر في الصورة العيش (المخصوص برضو) و البيض ده كان البلان بتاعي عشان اقعد بيهو خمسة ليالي في المدينة الجميلة البلان اختلَّ شوية نسبة للمجاملات الاجتماعية و كدة لانو ناس الديبارتمنت طلبوا اننا نمشي مطعم ناكل و يعني جات خفيفة لكن الطامة الكبرى اني اكلت بسكويييييت في احدى المرات ما وزنت لسة و صار لي ما عامل رياضة قريب الـ أ0 ايام لكن عملت هايكنغ ممتاز على الجبال طيلة ايام المؤتمر طبعا ما مؤمل اكون خسرت بقدر ما انا مؤمل اني ما اكون زدت حاجة كبيرة بالنسبة للبحث بتاعي : انا اساساً خريج هندسة مساحة ... اتخرجت سنة 2003 اشتغلت مهندس مساحة لمده; تلات سنوات قبل ما اتجه للدراسات العليا مجال البحث بتاعي هو الجيوديسيا الطبيعية او المادية و هي باختصار شديد العلم الذي يهتم بدراسة شكل الارض من منظور خارجي (عكس الجيولوجيا) و دراسة حقل الجاذبية الارضية اللي بتعبر شحيحة جداً من ناحية قياسات متوفرة على سطح الارض. اما موضوع البحث بتاعي هو حسابات شبيه المجسم الارضي المحلي لنيوزلندا باستخدام طرق الجاذبية و نقاط المناسيب التقليدية و المحددة بواسطة الـ ارجو ان تكون الترجمة مضبوطة .... بخصوص الفايدة المرجوة .. هي اننا باستخدام طرق الجاذبية حنحسب المجسم الارضي او شبيهه ولما نتحصل عليهو بنقدر بطريقة عكسية انو نحسب الارتفاعات على سطح الارض بطريقة اسرع وادق من الطرق التقليديه القديمة اللي بنستخدم بدلها تكنلوجيا الاقمار الصناعية ... الصور دي عشان اقرب ليكم الشرح
دي الطرق التقليدية .... سمارت خليك معانا بالله لاحظو للعمال و الراصد ممكن يتسببوا في اخطاء كتيرة تشكك في مصداقية الرصد كلو, دا غير الزمن الطويل و التكاليف و
و دي طرق الاقمار الصناعية بعد ما يكون عندنا مجسم ارضي دقيق , ممكن تتخيلو الفرق بعد دا
يا جماعة ارجو اني اكون وصلت المعلومة بطريقة مبسطة , و مرحب باسئلتكم و استفسارتكم .... طبعا طرق الجاذبية دي عبارة معادلات تفاضلية و تكاملات ثنائية و ثلاثية (حاجة عضم كدة حماكم الله) اكتر حاجة نفعتني اني عملت الماجستير في نفس التوبيك ... ده لينك لبحث الماجستير بتاعي My master's thesis
Post: #397 Title: Re: Sudaneseonline Biggest Loser Author: مريم بنت الحسين Date: 12-05-2011, 11:45 AM Parent: #396
والله يا غباشي كلام واضح... لكن بتخيل انه حيكون في عضمه شغل كتير ونقة .... والله انا الايام دي ضارباني زهجة كده مبالغ فيها.. أنا طبعا في سنتي الاخيرة.. وخلااااااااص فترته من النقّة... قاعده تجيني زهجة زي دي عادي بتاخد منّي شهرين تلاته بكون قافله من بحثي قفلة العدو... لكن بعداك برجع بشتغل لي شهر كده، بكون شغاله فيه ليل مع نهار... وبنجز فيهم انجاز شديد... د.حيدر بدوي قال لي انه الPhD دي فيها waves طالعه ونازله.. الشاطر البستغل الwave الطالعة وينجز فيها أكبر شي ممكن... والبستسلم للwave النازلة وما يخليها تحبطه شديد.... الله يمرقني من دي غايته wave نازلة ولولو! كتير والله!
غايته حأقوم افتش النصيبة بتاعتك دي يا غباشي... لانه تعبته شديد والله ... العجب ألم العضلة بتاعت كتفي ده.. غايته كهرباء بس...
سلامات للجميع يادوب كدا الامور ظبطتت معاي والانترنت اشتغل كويس ماكان في ايىى رياضه الفترة الفاتت يادوب الليلة اول يوم الليله من 16 يوم والكذب خيبة .. مشيت ساعة واحدة انخيلت نفسى انقطع لكن الحمد لله كلوا تمام والغريب انو الوزن ثابت بالرغم من عدم الرياضه ......والله يامريم الميزان دا امروا غريب اها شايفة صور جميلة ...وسكر كابي من شجرة....وقصص كتيرة فايتانى النصري
Quote: لكن تعرضت مدينة كالقرى لرياح قوية جدا وصلت سرعتها الى 150 كيلومتر فى الساعة مما دعا لاغلاق وسط المدينة بالكامل لاول مرة فى تاريخها ....
دا كلام شنو يعنى الزول لو داير يجى كندا يغير رايو بكلامك دا ولاشنو والشجره زاتا مارحمتوها وانت جردلك ياتو واحد
Quote: بالنسبة للاكل حصلت شوية تجاوزات نسبة لظروف الشغل الطاحنة..
يازول ينفعك ويرقعك على قول الحبوبات ..هو نحنا يالنصري ياخوى كان ما التجاوزات كان متنا اكل ساكت
مريومه تسأل منك العافيه وسلامتك.. بالمناسبه النزله بتنزل اللياقه شديد اديها كركدي وليمون وبرتقال منها فيتامين سى ومنها طاقه
Quote: اول شي عايزه اقول ليكم اني وصلت لقرار انه الجري ده ما حقّي
كلنا ماحقنا ..بس مشى سريع... احنا في غربه وورانا عيال يابت امى كان انكسرنا البشيلنا منو؟؟؟
سمارت
Quote: بفطر بنص كباية لبن (الايام دى كامل الدسم لظروف صحية) + نص كباية شوفان+ بيضيتن مفقوعات (من غير زيت) و بعده بطلع على الشغل. بعد ساعتين فى الشغل باكل موزة او تفاحة. الساعة 12 الظهر باكل الغدا بتاعى. بيكون قطعة لحمة او سمك معاها خضار مسلوق و قطعة او اتنين عيش توست. احيانا بيكون محشية فلفلية من غير عيش او صينية خضار. لو ما اكلت عيش (او نشويات عموما) ممكن اكل لى حلو (قطعة بسبوسة او باسطة او كنافة) بس قطعة وااااحدة و صغيرة جدا (ايوه بوصة X بوصة يا امير)
مصرة تعقدينا ماشاء الله ...غايتو كلامك دا كلوا صاح واكلك هيلثى نفسى اطبق برمامجك دا ...لكنى مامطبقه منو الا
Quote: بعد ساعتين من الغدا باكل قطة فاكهة تانية و معها قطعة جبنة strings
وباكل ليك منها النوع ابوشطه داك واو عجيب
أمير
سلامات
Quote: وين ابتهال كديسة المطعم!
ههههههه انت عارف عندى حركه تانيه بعملاكان وريتك ليها تقول شنو...شفت اولادى عينهم طايره الا اردم لكل واحد صحنوا اكثر من التانى ...وطبعا بياكلوا ملعقتين ويتخارجوا ...اعاين لباقى الاكل واقول حراااام اتكشح والباقى انت عارفوا ...اها هسه بقيت معتمده على باقى العيال رسمى(لزوم الرجيم )... بقعد اكل فى السلطه لغايه مايقوموا ابوهم يقعد يحنس ياأولاد ماتاكلو (انا من قلبى بقول ليهو ماتتمسك فى ناس راجين الكرته) ا ادخلو ليك الاكل المايكرويف والهطوا .. غباشى الصور حلوه شديد ما شاء الله ومبروك الانجاز ...بالنسبه للقفه دى فى شنو ؟؟؟سناك ولا قزقزه ولا شنو موقعا من الاعراب حمد فتح الرحمن حمدا لله على السلامه ... انا بعتبر البوست دا مستفز اولا :مشيت السودان ولهطت الحاجات دى كلها وعذبت مشاعرنا بالوصف
Quote: كمية من فول الحجات و العرديب و التبلدي و الكركدي
(اممممممممممم) تانيا:ودا الاهم
Quote: عايز انقص 4 لي 5 كيلو و اسه نقصتا 2.5 برغم ظروف الاجازة و الشغل اللي اخر الليل ( شغل ما فيه اي مجهود بدني ) و باقي لي زي 1.5 لي 2.5 كيلو كدا عشان اصل الوزن المثالي جد موش ؟
و الكيلويين ديل لو جبتا لي سكين و سلبتهم من كرعيني الطوال ديل بنزلم ليكم :)
راعى شعور الاخرين الزينا ...على الاقل صاحب البوست
Post: #399 Title: Re: Sudaneseonline Biggest Loser Author: مريم بنت الحسين Date: 12-05-2011, 04:11 PM Parent: #398
ابتهال جات ابتهال جات ابتهال جات
والله ياخي رفعتي لي معنوياتي بتأكيدك على موضوع الجري ده... ياخ انا اتعقدته، الشعب كله بجري إلا انا... لكن حنطلع الاوائل عليهم.. نمشي مشينا السريع ده ونكشّهم كلهم.. انا وانت ومعانا حمد.. قال هو زاتو بمشي...
بالنسبة للبواقي بتاعت الاطفال، والله مشكلة بالجد... لكن اعملي حسابك... مرات الكمية بتخدعك...
انا الليلة شغالة بالادوية عشان كتفي.. ومغيووووووووووظة من عدم الرياضة.. غايته السبت ما حأقيس (لو قدرته اقاوم)... لكن لو قسته ولقيت رقم ظريف بجي بتفشخر ليكم زي حمد ده....
مريوم...عملت Dropbox...لكن من التلفون. لازم اشغل الكومبيوتر عشان اقدر ارفع اغانى. و انا بفتح الكومبيوتر-بقيت- مره فى شهور
Quote: لما كنت بستخدمه بقيت آكل شوكولاته like no tomorrow
I really miss doing that الرسم بتاع الدكتوراة و العلوم الانسانية...خرافى يا مريم. عجبنى شديد و ح ارسلوا لزوجى. اكيد ح ينظر فيه تنظيرة اساسية
Quote: انا غير النزله عندي من أمس وجع خرافي في ظهري وكتفي... ما فهمته زاتو شنو... غايته حأريح نفسي الليلة برضه.. لكن مخليه بالي في موضوع الاكل... بكره لازم أرجع لرياضتي... يا اخوانا حاسه بي ذنب شديد عشان امس ما عملته رياضة.. والليله ما حأعمل.. غايته نادر قال لي يمكن تمزق في العضلات :(... I hope not! ما صدّقته اني انتظمته ولقيت حاجه تناسبني...
ما تشيلى هم...الاهم انك ترتاحى. حتى وجع الكتف ممكن تكونى عرقتى و ضربك هوا. ارتاحى كم يوم و عملى اشترتش بس.
Quote: اما الmaple... غايته ما بعرف، لكن ما اظن حاجة باللذاذة ديك يكون صحي... اصله الاكل الصحي ده دايماً كعب
والعجب الاكل الى فيه fat....مبالغة.
الحمد لله على السلامة يا غباشيالصور لذيذة....بل جميلة جدا. ذكرتنى لورد وف الزرنق. تعرف قررنا ما نمشي السودان كل سنة لو اتنين. مره ح نمشي السودان و مرة ح نمشي بلد تانى. عندنا اصحاب فى استراليا عاوزين نضهب فيهم السنة الجاية ان شاء الله. شكرا على الشرح المبسط و الوافى لموضوع الدكتوراة. الطرق التقليدية فعلا فيها اخطاء كتيرة جدا. ومهما حاولوا تصحيحها برضو بتكون فى مشاكل. درجة الحرارة, الخطاء البشري, شكل سصح الارض, دقة الجهاز كلها ممكن اعمل مشاكل. لكن العلم بتاعك ده (بالنسبة لى ) صعب شديد. كون الارض ما عبارة عن كورة عديل كده بيلخبط كل المواضيع. اظنى اتكلمت عن الامتحان ده..لك ح اعيد الكلام. فى كلفورنيا عشان تبقى مهنس محترف لازم تمتحن 3 امتحانات(باقى الولايات امتحان واحد). احد الامتحانات دى امتحان مساحة. و طبعا بيسالوك من اى حاجه فى المساحة (مع ان الامتحان لمهندسين منيين). الاسئلة ما غميسه شديد لكن بتغطى مواضيع كتيرة فى المساحة. ذي: , Knowledge of construction surveys, route surveys,topographic surveysboundary surveys, engineer’s transit, Total Station,leveling equipment . Knowledge of Global Positioning System (GPS). . Knowledge of Electronic Distance Measurement (EDM). . Knowledge of the construction layout requirements., horizontal curve layout, , horizontal and vertical control layout, line and grade layout . Knowledge of offset distance computations . Knowledge of procedures for establishing points on a straight line. . Knowledge of procedures for locating a single point. Perform the measurement of horizontal distances. Perform the measurement of angles. Perform the measurement of elevations. Perform basic geometric and trigonometric calculations. Determine the properties of a horizontal circular curve.Determine the properties of a vertical curve. Perform leveling calculations from field data to determine elevations. Perform rectangular coordinate system calculations. Perform calculations to determine quantities of construction materials. ENGINEERNG SURVEYING OFFICE PROCEDURES
ده الامتحان...فى النص كده بيقعدوا يزرزروك عن شكل الارض و ال Datums المختلفة و الفرق بينها و التحويل بينها...and they losse me there
المشكلة انى (مرات) بحتاج المواضيع دى فى شغلى. خاصة لو شغالين فى بناء خزان. المشكلة بتكون اننا عاوزين نعرف حجم الخزان (بالتالى شكل الارض تحت البحيرة) و التغيير فى الحجم كل ما غيرنا المساحة من الارض اللى ح تغرق. بنستخدم صور رادار و صور اقمار صناعية و كده. و هنا انا بتلخبت و غالبا بيساعونى التيم بتاع ال GIS ... ده طبعا كلام متخلف جدا ح يكون مقارنة بالتكنلوجيا اللى بتستخدمها انت فى بحثك او بيستخدمها الجيش الامريكى او ناسا فى شغلهم تانى....انت و مريم بغرتونى....لكن وا لله مواضيع القراية دى رغم لذاذتها...صعبة. فتحت البحث بتاعك بتاع الماجستير و قريت ال Abstract كتر خيرك اشتغلت حاجه عن السودان I also loved الاهداء
النصرى ....تضرب فى النان سااااى و عامل فيها عامل رجيم....يا زول بالهنا خلاص بقيت تفكر فى المعاش???عجزت شكلك كده انا موهوسة بموضوع المعاش ده. و امس لاحظت ان الكاش بتاعنا ماشي نقصان ...السبب...الزكاة. انا و زوجى العزيز بنطلع زكاة على اى قروش حال عليها الحول حتى المعاش اللى لسه ما مسكناه بيدنا و لا ح نمسكه قبل ما نتم 60 سنة. هسي عاوزه اشوف حل للموضوع ده. خاصة ان بعد كم شنة كده ح ندين عشان ندفع الزكاة. الموضوع معقد جدا لكن عاوز فتوة من شيخ مستنير عارف النظام فلا امريكا و فاهم فى الشريعة
ال Maple ده اجمل حاجه من كندا....(بعد jim carrey ) ....
المطعمات الصناعية دى فعلا مخيفة. وبالمناسبة فى دراسة (سمعت بيها قريب) قالوا ان الجسم بيبدا يهضم من الفم. و لما الفم يزوق طعم السكر (من السكر الصناعى ده) بيفتكر انه ده سكر حقيقى والجسم يبدا يخزن على طول. اشرب سكر طبيعى بس قلله شوية شوية و صدقنى بعد فترة ح تشرب من غير سكر او بسكر قليل جدا و ما ح تكون حلسي بالفرق. عليك الله يا النصرى اسمع كلامى فى الموضوع ده....و ابدا قلل السكر. بعد شوية الجات اللى فيها سكر ح تبقى ليك حلوة شديد و ما حتقدر تاكلها شكلك مجامل شديد النصرى....ما شاء الله عليك
ابتهال?????ازيك??? مشتاقين يا اخى
Quote: كلنا ماحقنا ..بس مشى سريع... احنا في غربه وورانا عيال يابت امى كان انكسرنا البشيلنا منو؟؟؟
ضحكتينى و الله
اعملى اى شيء...بس ابعدى من بواقى الاولاد دى. دى اخطر حاجه على صحة الامهات. يا زولة دى اخطر من الحمل ذاتو. انا لو جعانة ما باكل باقى زول. صحانتهم الصغيرة دى بتشيل الهوايل.
ما تتعقدى منى ساي يا ابتهال. انا محترمة روحى الايام دى لظروف صحية.
حمد فتح الرحمن...الحمد لله على السلامة. و مبروك يا اخى و صولك لنصف الهدف. بخصوص السكر...ذى ما قلت للنصرى...حاول اشرب العصير بسكر خفيف. او حاول اوعد روحك انك ح تشرب كباية واحده بس فى اليوم. بالمناسبة السكر ما فيه سعرات حرلرية كتيرة. معلقة السكر الصغيرة فيها 15 سعر حرارى بس. المشكلة انه سكر جااااهز للهضم. من الفم لخلايا ال fat على طول. ما اظن بيقعد فى المعدة دقيقتين.
احسن حاجه تعملها لما تاكل شيء فيه سكر انك تاكل معاه حاجه فيها برتين عالى عشان تاخر امتصاص السكر بواسطة الجسم. اكل ليك بيضة مفقوعة مع كباية العصير
Post: #402 Title: Re: Sudaneseonline Biggest Loser Author: النصرى أمين Date: 12-06-2011, 04:46 AM Parent: #401
والله يا اخوانا بفتح الكمبيوتر وبقرا المداخلات طشاش طشاش من التعب... بفتح البورد ..بفتش للبوست ده وما بقرا اى شئ تانى ... تعب شديد ..لكن عضة اشد...
الضيف خارب على برنامج الاكل كله.. فطر معاى فى البيت .... لحمة وكسرة ودجاج ...
قبل شوية جينا من عزومة فى احدى المطاعم الصينية... اهم شئ حصل فى المطعم انو اكلت اخطبوط .......
Post: #403 Title: Re: Sudaneseonline Biggest Loser Author: مريم بنت الحسين Date: 12-07-2011, 03:44 AM Parent: #402
ازيكم يا شباب/شابات... غايته حالتي شلش!!!! is that a word? المهم... كتفي ويدي منتهيين... وانا بديت اظن انه ده شد عضلي او تمزق... اتشوبرت قبل كم يوم وعملته عمليه بطّاله... نقلت سراير الاولاد لغرفتهم (ايوه كانوا الاتنين بنوموا معانا)... وركّبته واحده من الجهات بتاعت سرير لولو براي... وما ادراكم ما سرير لولو... عبارة عن خشب مبطّن زي المرتبه كده... اها، واحده من الجهات كنت شايلاها عشان تكون جنبي لما تصحى بالليل... لما وديتها غرفتها ركبته... بدل ما اتنيل على عيني وانتظر نادر... وهو زاتو بحتاج حد يمسك ليه... انا قمته عملت فيها سوبر ورفعته بي يدي الشمال وربطته المسامير بي يدي اليمين... وعينكم ما تشوف إلا النور... لي تلاته ايام ما نايمه زي الناس من الألم... وطبعا رياضة مافي.. وحالة صعبة...
شكلي ماشه الدكتور الليلة... ما بقدر استمر على الحالة دي كتير!
اعلان حالة الطواري ... لقيت نفسي زايد 500 جرام ... قدر و لطف , كنت خايفها تكون اكتر من كدة .... البسكويت عملها فيني ... رجعت للبرنامج الضاغط تاني بس ما عندي زمن للجيم .... و الجيم حيقفل بعد عشرة ايام عشان حيرحلوا لمقر جديد افتتاحه حيكون يوم 22/1/2012 مزنوق في تاسك حتاخد مني 4 اايام كدة ... ربنا يعين ... حارجع ليكم قريب
اسبوع كامل ضاع ....واجازتى باقى ليها 6 اسابيع ..... بالرغم من انو الاسبوع كان حافل جدا .... عزومات وبرامج يومية مع ضيف كالقرى بالاضافة الى اوفرتايم رهيب الا اننى اشعر بالضيق من ضياع 7 ايام غاليات احتاج لكل دقيقةو فيهم...
يوم الجمعة ما اتريضت لكن لحسن الحظ كان عندى بيت من تلات غرف محتاج لغسيل موكيت ظبطته فى كم ساعة وعرقت تمام واعتبرت العرق ده بدل الرياضة...
يوم الاتنين بدا ب 2 ساعة عمل اضافى بسبب ان القطار صدم احدى السيدات وتسبب فى موتها فى الحال ...طلعت دعوة فى الراديو لكل السواقين الراغبين فى اوفارتايم نسبة لتعطل القطار فى الضاحية الشرقية ... اترددت لمدة ثانية ونص (بين جرى 2 ميل ومتر فى الجيب) ورفعت الراديو و انضممت لجموع الشرفانين (غايتو الشيك الجاى بجيب حق تزكرة العمرة)
امس الثلاثاء اتريضت على سريع ..حوالى 20 دقيقة بسبب انى نسيت الرداء او بنطلون الرياضة...
اليوم الاربعاء ..رجعت للروتين ..30 دقيقة من الجرى بسرعة 6.2 ميل فى الساعة تتخلها دقائق من المشى .. قابلت يونس شلبى حكيت له عن الاسبوع الضاع وعن اجازتى القربت ..قال لى انو حياخد بنته 16 سنة الى جزيرة الدومينكان فى الكاريبى وحيقضو اسبوعين هناك تكاليف الرحلة(تزكرة طيارة لنفرين...وفندق..اكل وشراب 2 الف دولار ,, قلت ليهو دى ابورخا ..قال لى لانو ايام الكريسماس مافى ناس بتسافر,,,, سالنى اذا كنت بعرق اقل من الاول.. اجبت نعم .. ضحك وقال لى زمان فى البداية كنت بتعرق الموية الفى الجسم دلوقت بتعرق الدهوم الفى الجسم....
محمد الاثيوبى كان موجود فى الصالة وقد تحدثنا عن خطورة تربية الاولاد فى كندا واثر المخدرات قلت لهم ان الحرمان سبب اساسى فى انحراف ابناء المهاجرين الجدد.. لم يتفقو معى .. كانت جلسة طيبة ......
اها انتهيت من التقرير نجى للتعليقات
Post: #406 Title: Re: Sudaneseonline Biggest Loser Author: مريم بنت الحسين Date: 12-07-2011, 07:15 PM Parent: #405
reporting live while eating this with a hot cup of tea (made with low fat milk.. and no sugar)
مين اللى اداكم عين الاسبوع ده.??? غباشي وزنه زاد.البركة فى البرزنتيشن الناجح
مريوم كتفاها واجعها. البركة فى رحول الاولاد لاوضهم و استقرارهم. و فى الكب كيك دى والله
النصرى قضاها كلها شغل و مجاملات و عض. البركة فى قروش العمرة. ربنا يكتب ليك فيها الخير و يقبلها
Quote: ضحك وقال لى زمان فى البداية كنت بتعرق الموية الفى الجسم دلوقت بتعرق الدهوم الفى الجسم....
الجملة دى اثبتت لى ان يونس شلبى قاعد كنب (على قول ناس اليوم الحار) و ما ناقش حاجه. يا فرده ما فى شىء بيطلع دهون من الجسم غير انها تتحرق و تتحول لطاقة. او ممكن تعمل عملية بتاعة شطف دهون. ما فى زول بيعرق دهون..... قلة العرق دليل على ان لياقتك اتصلحت حبه او نقص وزنك و بالتالى جسمعك بقى يحتاج طاقة اقل لتحريك كتلته.
Quote: قلت لهم ان الحرمان سبب اساسى فى انحراف ابناء المهاجرين الجدد..
بتفق معاك فى ده. الناس لو شغلت اولادها برياضة او اى نشاط مفيد ممكن تبعدهم عن اولاد الحرام ليه كده يا مريم????....حرام عليك مشاعرنا. و ايوه... معلقة السكر اللى فى الشاى دى هى اللى ح تخرب النظام. بالهنا. لكن انا ح انتقم منكم و انزل صورة من قطعة الكنافة (بوصة X بوصة) الللى ح اكلها اليوم
Quote: سمارت.... أخجلي... والله كنافتك دي الفيها يكون قدر الكوره الصغيرونة بتاعت الشوكولاته الواقعة في الطربيزة حقتي دي...
الله يا مريم مفروض اخجل...الكنافة دى محشية بحشوة فيها cream cheese و heavy whipping cream.....مبااالغة. عندنا ضيف الايام دى فى البيت ...لما ارجع من الشغل بلاقيه اكل نص صينية لوحده. غايتو انا بحترم روحى و باكل قطعة صغيرة واحدة فى اليوم و بعدها بطلع اتمشي على طول.
Post: #411 Title: Re: Sudaneseonline Biggest Loser Author: النصرى أمين Date: 12-08-2011, 02:33 AM Parent: #410
تعرفى يامريم انا كنت احلم بانى اكون motivation speaker ومرات فعلا بحس اننى عندى الامكانيات المطلوبة بس لازم الظروف تكون ملائمة وال audience يكونو بصفات معينة(حسن الاستماع والرغبة فى التغيير) المقدمة دى عشان نعرف بالظبط الغرض من البوست,,, التحفيز motivation وحث الناس على تحقيق المستحيل,,,,, انت يا مريم العمود الفقرى للبوست وحريصة ترفعيهو كل يوم رغم كل المشغوليات انا شخصيا really appreciate that نحن محتاجين ان نحفز بعض ... اصابتك بالشد العضلى(او التمزق لاقدر الله) لابد انها تزيد اصرارك على اكمال المسيرة ورسالة للناس المتابعة البوست انو مافى شئ بجى بالساهل وبدون تضحيات الطريق الماشين فيهو نحن طريق صعب وشاق ومليان بالعقبات.. اهو نحن بدينا بعدد كبير ....وينهم الناس ديل دلوقت؟ فى صالة الرياضة كل يوم انا بشوف وجوه جديدة وكلهم بختفو بعد اليوم الاول وما برجعو تانى ... ومرات بهاظرهم بقول ليهم one timer
الناس دى كلها دايرة تتريض و تكتسب لياقة وتنزل وزنها .... قليلين جدا البواصلو لفترة طويلة وبقاومو الظروف والاصابة ....
لازم نواصل ونحفز بعض و نشجع الاخرين للانضمام,,, واحدة من حسنات البوست الرئيسية هى ازالة الخجل والاحراج فى مناقشة المواضيع دى ... بس انا كان نفسى اقرا feedback من قراء البوست والناس المتابعين من الخارج.... لاول مرة يكون عندى بوست تصل صفحاته لاربعة ولا تصلنى رسالة واحدة فى الايميل....
عليكم الله يا قراء البوست مراسلتى على الايميل وكتابة خواطركم حول البوست وساقوم بنشرها حسب توجيهاتكم .......
Post: #412 Title: Re: Sudaneseonline Biggest Loser Author: مريم بنت الحسين Date: 12-08-2011, 06:04 AM Parent: #411
والله يا النصري كلامك جاني في الصميم، انا زوله لايوقه جداً وما بتقبل الفشل بسهولة.. لكن برضه مُصرّه علي الموضوع ده وغايظني أني ما قادرة اقوم اتريض... رغم أني عندي نزلة والشد العضلي مطلع روحي.. يدي وكتفي ونص ظهري.. وراقده رسمي .. لكن شايله هم الرياضة ... حأمشي الدكتور بعد شوية كده.. ومن لاياقتي أني ما بمشي الدكتور الا لما اتزنق جد جد! غايته تنفع motivational speaker رفعته معنوياتي والله رغم أني زهجانه..لي اسبوع ما نايمه زي الناس، ونادر الله يعينه.. غايته بس الشلاقه!! لكن ان شاء الله اول ما أبقى كويسه حاعوض الايام الوقفتها دي.. ان شاء الله بس ما ازيد وزن فيها..
شكرًا والله يا النصري.. ما قصرته..
Post: #413 Title: Re: Sudaneseonline Biggest Loser Author: EBTIHAL OSMAN Date: 12-08-2011, 06:23 AM Parent: #411
Quote: ت يا مريم العمود الفقرى للبوست وحريصة ترفعيهو كل يوم رغم كل المشغوليات انا شخصيا really appreciate that نحن محتاجين ان نحفز بعض ...
والله صدقت مريومه هي البتشجعنا علي المواصله والدليل بعد ما استنفذ الولد كل الحيل البتحميهو يمشي المدرسه من ...الليله اجازه ...بطني واجعاني ...رجلي واجعاني ..بردان ...عندي كحه...دا طبعا كل يوم الصباح بعد ماينته بفتح عيونوا يلاقينى الابتسامه العريضه ما بتفارق وشي ...!!!!!!!! اها لحدى ماخلصنا مواعيد البص جات .....شلت البت من السرير وختيتا هى الاسترولا وجرينا على البص والحمد لله حصلناهو وانا راجعه لقيت ليك الجو ظريف ودافئ قلت حسب توقيت السعوديه الدنيا مسا ومريم طالعه تتمشى.... اقوم انا اتمشى هسه واجرى اكتب الكلام دا للوزرس ديل قبلها اليوم دافئ وجميل والمشى مع رزاز المطر وانا اغنى ليك مع بتى RAIN RAIN GO AWAY COME AGAIN ANOTHER DAY ...MAMA WANT TO PALY
,وبعد شويه ولع لى النحرقو.....ورقيص عروس الكابي ديسا وعجبت عريسا المهم انبساط وتجلى وروح معنويه مرتفعه وبسمات لناس الشارع انا وبتى زى المضيفات ....ولقيت لى مره مكسيكسه ولدا مع ولدى فى الفصل بنتلاقى محطه البص ...ونسه سريعه...قالت دايره توصف لى بيتا (انا جديده فى الحله ) رفعت السعر وعملت فيها رياضيه وماعندى زمن وجاريه (حركات الامريكان الصباح ) وواصلت المشى والغنا يا السيده علويه يابت المرغنيه***لغود حبيبا ليا حوليه بالختميه ياحليلهم المرغنيه ما فكو الجماغه عكس الهوا بونس فى بتى وهى تقول لى منو ؟؟؟؟ اقول ليها الميرغنيه تقول لى منو ؟؟؟؟ اقول ليها الختميه ماباعو القضيه (عموما لو فى اتحاديين هنا مايزعلو هى مافهمت حاجة لانو عمرها سنتين) ونحن نتحدث فى هموم الوطن السما انقدت فينا وقمت جاريه راجعىن وين ؟؟؟البيت قام شنو ليكم...دخلت اليد فى الجيب اليمين ..............المفتاح مافى دخلت اليد فى الجيب الشمال..............المفتاح مافى
و الله مشغوول و مزنووق شديد الليلة شغال بس منازلهم .... الخميس الجاي معزوم عرس السوبرفايزر بتاعي و حاكون من الشهود على عقد قرانو لقيت البوست بتاع قريبي علي الخير فاندحت و رشيتم بالاناشيد بتاعت الروضة ... اناشيد الروضة ... الغريبة الروضة دي مع انو اتخرجنا منها قبل تلات اربعة سنين كدة لكن لسة زي كأننا بنقرا فيها
مرحب بي ابتهال و النصري ...
سمارت تصدقي و تأمني انا في حاجات كدة نسيت حتى طعمها , زي الاتي: الحلويات الفول القراصة الكيك البيبسي و ما شابه السكر الابيض و ما شابه البطاطس بس مشكلتي كلها في البسكويت اقل حاجة بزيد طوالي و في حاجة تانية الميلك شيك
مريم طمنينا الحصل شنو معاك ...بس اوعة تكون دكوة في الركب و الله زكرتيني الحلقة بتاعت الهيلاهوب ديك حاخت ليك اللينك (ساعدونا في الفيديو يا خبراء) و ان شاء الله ترجعي قريب للملاعب
امير و حمد .... وينكم يا جماعة
Post: #415 Title: Re: Sudaneseonline Biggest Loser Author: مريم بنت الحسين Date: 12-08-2011, 04:46 PM Parent: #414
Quote: وبعد شويه ولع لى النحرقو.....ورقيص عروس الكابي ديسا وعجبت عريسا المهم انبساط وتجلى وروح معنويه مرتفعه وبسمات لناس الشارع انا وبتى زى المضيفات ....ولقيت لى مره مكسيكسه ولدا مع ولدى فى الفصل بنتلاقى محطه البص ...ونسه سريعه...قالت دايره توصف لى بيتا (انا جديده فى الحله ) رفعت السعر وعملت فيها رياضيه وماعندى زمن وجاريه (حركات الامريكان الصباح ) وواصلت المشى والغنا
ههههههههههههههههه والله يا ابتهال قبل يومين، قلت ياخ ابتهال دي زولة عسل شديد، غريبة ما نكون اتعارفنا قبل البةست ده... اها حصل شنو.. ان شاء الله ما تكونوا اخدتوا حمام في الشارع!!
Quote: مريم طمنينا الحصل شنو معاك ...بس اوعة تكون دكوة في الركب
غباشي، ساعدنا بالترجمة ياخ.. دكوة شنو ورُكب شنو!
بحضره وارجع ليكم
انا طبعا مشيت اخدته حقنه، خلتني انوم زي الترتيب.. الدكتور قال لي يومين وحتبقي تمام... يعني السبت باذن الله برجع للرياضة (ياااااااااااااي..) طلع عندي شد في أربطة الكتف.. شعلقوا لي يدّي... وادوني كمية من المخدرات ... الحمدلله، كانت حالة أخير منها الفلس!
Post: #416 Title: Re: Sudaneseonline Biggest Loser Author: النصرى أمين Date: 12-09-2011, 11:36 AM Parent: #415
Quote: الجملة دى اثبتت لى ان يونس شلبى قاعد كنب (على قول ناس اليوم الحار) و ما ناقش حاجه.
يا اسمارت امبارح واجهت يونس شلبى بكلامك ده و كبرته شوية عشان اهيجه قلت ليته صاحبى قال انت ما ناقش حاجة وانك كضاب.. قال لى صاحبك ده دكتور ...قلت ليهو لا .. قال لى يعنى هو مثلى كده بجتهد... قلت ليهو ايوة ... قال لى بالمنطق كدة انت مش ملاحظ ان تواجه صعوبة الان فى فقدان الوزن قلت ليهو ايوة ... العشرة ارطال الاولى كانت ساهلة ... قال لى انت ملاحظ انك بتعرق فى راسك اكتر قلت ليهو ايوة .... قال لى اضغط على بطنك باصعبك ..مش ملاحظ انها hard and not mushy زى ما كانت فى البداية
قلت ليهو فعلا ....
قال لى دلوقت صعب تفقد وزن لانك تتخلص من الدهون وهى اصعب من الموية ....
قال انت انت كمثرى ولي تفاحة وده نوع تخفبف الوزن عنده اسهل ....
المهم اقنعنى عديل ....
وقتى ضايق بجيك راجع
Post: #417 Title: Re: Sudaneseonline Biggest Loser Author: مريم بنت الحسين Date: 12-09-2011, 12:42 PM Parent: #416
النصري أنا من رأي مريم اننا نطلع الخلا او نروح القسم. طيب، انت او يونس شلبي، واحد فيكم راسوا لافي. جهز روحك لبري اساااااااسي. الحالة اللي انت فيها دي من صعوبة نزول الوزن بعد فترة من الرياضة و نقصان الوزن اسمها weight-loss plateau كلام يونس شلبي عن انك كنت بتنقص ماء ما غلط. لكن ما صح تماماً. انت لما نقصت أكلك و بقيت تتريض جسمك بقي يأخذ الطاقة المحتاجها من حاجه اسمها: glycogen, a type of carbohydrate found in the muscles and liver. المشكلة ان النشويات اللي في الكبد و العضلات دي فيها موية كتيرة. قصاد كل جرام منها، الجسم بيفقد 4 جرام موية ( ما ضروري عرق) و بعد شوية المتابلزم بتاعتك بتبدا تبقي بطئية. لأنك ما بتنقص فات بس، بتنقص معاها lean tissue الاطباء بيقولوا ليك في اللحظة دي مفروض تفكر، هل انت كده تمام ام عاوز تنقص زيادة؟ اذا عاوز تنقص زيادة مفروض تبدأ بزيادة الرياضة، أبدا بحوالي 15 دقيقة زيادة. او غير نوع الرياضة. او نقص أكلك. انت شخصيا يا النصري أظن الحاصل ليك الان ( من عدم نقصان ) سببه المطعم الهندي و ليس المتابلزم. دي النقطة الأولي. النقطة التانية عن نقصان الفات. نقصان الفات ما بيطلع عرق ( ذي ما قال يونس شلبي). لما تتريض وتأكل اقل جسمك بيحتاج طاقة اكتر من الداخلة من الأكل. عشان يلقي طاقة جسمك بيدا يحرق الفات او اسمها العلمي: (triglycerides). و ده هو اللي بيخلي خلايا الفات في الجسم تنقص و الشحم ( بالسوداني) ينزل. لكن الشحم ما بيطلع عرق
قلنا ما بيطلع عرق. طيب ، ليحصل شنو؟ البيحصل يا سيدي ان:: الفات بيتحول ل glycerol and fatty acids و ديل بتمتصاهم الكبد و الكلية و العضلات و من خلال عمليات كيمائية معقدة بيتحولوا لطاقة بيستفيد منها الجسم التفاعل الكيميائي ده بتنتج منه طاقة بتدفي جسمك. و مخلفات التفاعل الكيميائي دي waste بتكون عبارة عن موية و carbon dioxide و ديل بيطلعوا من الجسم عن طريق العرق و البول و الشهيق و الزفير عادي.
الخلاصة في كل الأحوال انت بتعرق موية و ليس فات.
Post: #420 Title: Re: Sudaneseonline Biggest Loser Author: مريم بنت الحسين Date: 12-09-2011, 02:26 PM Parent: #418
Quote: قال انت انت كمثرى ولي تفاحة وده نوع تخفبف الوزن عنده اسهل ....
أنا مش قلت ليك ان يونس شلبي قاعد كنب؟؟؟ عموما ( اغلب) الرجال جسمهم تفاحة. بيزيد و زنهم و بيتوزع في الجزء العلوي من الجسم . و اغلب النساء جسمهم كمثري، عشان كده بيتراكم الفات عندهم في الجزء الأسفل من الجسم. و عشان كده الرجال اكتر عرضة لأمراض القلب.
كفاية بري؟؟؟
Post: #422 Title: Re: Sudaneseonline Biggest Loser Author: مريم بنت الحسين Date: 12-09-2011, 09:19 PM Parent: #421
بكرة الوزن بكرة الوزن بكرة الوزن... وانا جاااااااااااااااااااايطة جوطة السواد ولي اسبوع ما عملت رياضة .. موش بس كده، راااااااااقده .... الله كريم بكره! :(
ما تشيلى هم...ان شاء الله كلو يكون تمام . بعدين اسبوع واحد ما مشكلة. المهم انك عارفه الحصل فى الاسبوع ده ....و جاهزة للاسبوع القادم ان شاء الله. ___________________________ كيف المخدرات????ان شاء الله لسه مبسوطة و high تعرفى انا مرة ادونى مرفين لمدة اسبوع....كان حاجه كده خرافية. اول ما تجى مواعيد الحبة بابدا (اتكرش) ذى مدمنين المخدرات. بعد الحبة بحس بسعادة و راحة كده ما حصلت.
Post: #424 Title: Re: Sudaneseonline Biggest Loser Author: النصرى أمين Date: 12-10-2011, 01:28 AM Parent: #423
والله يا اسمارت انا كتبت المداخلة الفاتت بسرعة البرق لضيق الوقت....
كلامك برضو معقول ومنطقى وفيهو مهنية عالية.... يونس صاحبى واضح عليهو زول بسيط بستمد كل معلوماته من برامج التلفزيون وطبيبه الخاص .... هو متابع جيد لبرامج biggest loser
للاسف ايامى معاهو بقت معدودة جدا فهو حيسافر لجزيرة الدومينيكان بصحبة ابنته وعند عودته سنبدا ال signup الجديد .. هو حيشتغل الصباح بدرى ودوام واحد حيمشى لصالة رياضة (جيم) مختلف... شغله يبدا الرابعة صباحا وينتهى 12 ضهرا ,, انا حابدا 11 صباحا ودوامين (11 الى 1 ظهرا وبعدين 3 الى 8 مساء) ساحاول اقنعه اضع صورته هنا فى البوست .... يونس ليهو 21 سنة فى الترانزيت ...وعمره 49 سنه هو مخطط يتقاعد بعد 7 سنين على عمر 57 سنة.. حينها حيستحق التقاعد full package بالنسبة لى انا محتاج اشتغل 15 سنة حتى احقق ال 85 factor 20 سنة شغل + 65 العمر = 85
اذا اتقاعد قبل تحقيق ال 85 معناتها خصومة من المعاش تصل ل 3% من كل سنة ناقصة.. يعنى لو ناقص لى 15 حافقد 15% من قيمة المعاش ....
قلت لى زكاة يا اسمارت .... بس البقعد القروش للحول شنو؟ دى بتتصرف قبلما تنزل فى الحساب زاتو.. قريب 85 قراند وتعريفة ما قادر اوفرها.... بلد صعبة خلاص ......
Post: #425 Title: Re: Sudaneseonline Biggest Loser Author: النصرى أمين Date: 12-10-2011, 01:46 AM Parent: #424
هييييييى يا غباشى .... العرس وجب ...... امشى السودان وجيب ليك عروس ..... لو ما لاقى ..قول عووووك
Post: #426 Title: Re: Sudaneseonline Biggest Loser Author: مريم بنت الحسين Date: 12-10-2011, 12:27 PM Parent: #425
200 جرام.. حُمّي خفيفة خالص... لكن قررت احترم نفسي في موضوع الاكل لحدي ما تتحل مشكلة الرياضة.... فطرته بي نص ساندوتش فلافل مع كمية من المخللات (ملحها خفيف) ونص راس بتاع خس وكباية شاي من غير سكّر... الساندوتش برضه فيه ملعقة بتاعت حمّص.. الحمّص ميزته بملا البطن مليه صاح.. الزول اليوم كله بكون شبعان.. وبس شغال يشرب في الموية...
Post: #427 Title: Re: Sudaneseonline Biggest Loser Author: مريم بنت الحسين Date: 12-10-2011, 12:45 PM Parent: #426
Quote: كيف المخدرات????ان شاء الله لسه مبسوطة و high تعرفى انا مرة ادونى مرفين لمدة اسبوع....كان حاجه كده خرافية. اول ما تجى مواعيد الحبة بابدا (اتكرش) ذى مدمنين المخدرات. بعد الحبة بحس بسعادة و راحة كده ما حصلت.
والله سطلة سمحه خلاص... اول ما تفك الالم يرجع... لما تكون في اقعد اخطط اقول بكره ارجع لرياضتي، لما يرجع الالم اقول بررررري الموضوع ده لسه!! امس اتشالقته شلاقه بسيطه كده وطبّقته بطانيتين... وعينك ما تشوف إلا النور! غايته انا كعبه مع المرض جداً، وما بقتنع اني عيانه.. وبكون مستعجله ابقى كويسه... عندي عادة كده، لما يكون عندي انفلونزا... وحمى بقوم بصبر عليها يومين كده.. لو ما بقيت كويسه، بقوم استحمى واقشر بي أحلى لبس عندي واسرح شعري واتظبط تمام، واقول ليهم خلاص انا بقيت كويسه... كم ساعه كده والحمى تولع نار وانتكس وابقى اكعب مما كنت!...
Post: #428 Title: Re: Sudaneseonline Biggest Loser Author: مريم بنت الحسين Date: 12-10-2011, 01:44 PM Parent: #427
عندي بعض التحفّظات على الفيديو واعتقد اننا ممكن نناقشها، وهي خاصة بي كم مرة مفروض نوزن... الفيديو بقول يومياً... او على الاقل تلاته مرات في الاسبوع وناخد المتوسط بتاعهم... في ناس بقولوا ليك مره في الاسبوع... في ناس بقولوا ليك مره في الشهر، وفي ناس بقولوا ليك مافي داعي وهو في النهاية رقم بتأثر بي حاجات كتيرة منها كمية الموية في الجسم، الملابس اللابسينها.. وحاجات كتيرة... وبفتكروا انه في حاجات تانية ممكن توري الوزن احسن من الميزان (حأتكلم عنها بعد شوية)...
غايته انا بالنسبة لي الميزان مشكلة... لانه مهما كانت النتيجة بتاعته إلا انه بعمل فيني رد فعل سلبي... يعني لما ألقي روحي ناقصة وزن بتكيف خالص وبنبسط وبتشجع اكتر وبعمل الرياضة تمام وبي همّه... لكن في نفس الوقت ممكن أسمح لي نفسي ببعض التجاوزات في موضوع الاكل... ودي حاجه خطيرة... يعني ممكن ألخبط بي فهم انه اسوأ حاجه ممكن تحصل اني ارجّع النقصته.. وغالبا بعد ما امرق نفسي من الشي الأكلته ده، بحس بي ندم وبزهج من روحي... الحالة التانية هي اني القى روحي زايدة... في الحالة دي بزهج خاصة لو كنت محافظة خلال الاسبوع وبعمل رياضتي وكل شي... وده بحبطني وبخليني اقول انا حارمه روحي على شنو! قد ما اوقّف الرياضة (لاني بستمتع بيها) لكن اجوط الدنيا في الاكل لاني بقول لي نفسي مافي فايده.. في الغالب احسن حاجه ممكن تحصل لي اني اكون واقفه في مكاني... !
بالنسبة لطرق الوزن... لقيت الطرق دي... وممكن أضيف عليها كمان طريقة القياسات .. الوسط الأذرع الكرعين ... إلخ.. مروان أخوي من 120 كيلو، بقى وزنه كم وسبعين كيلو... وبقى fit جداً ما شاء الله عليه... كان بشوف الميزان لكن ممكن مره كل كم شهر.. الموضوع اخد منّه سنة ونص إلتزام... ببساطة اتخذ القرار وطبّقه... وإلى الآن منتظم في رياضته وبطبخ لنفسه أكل صحّي دايماً.. نرجع لطرق الوزن أو ملاحظة نقصان الوزن
Quote:
Clothing: You know how it feels to put on a skirt or dress youve been unable to wear for a year? Nothing is better than being able to comfortably fit into that article of clothing that you considered giving away because you never thought youd be able to wear it again!
Attitude: When you begin to eat better and exercise more regularly, you will find yourself feeling more positive about the changes youre making. Having a positive attitude plays a large role in keeping you motivated and moving forward. Feeling positive allows you to make more decisions that are positive!
Taking Up Less Space: Before I lost 50 pounds, I always felt like I took up an unusual amount of space wherever I went. Whether it was a party, a meeting or work, I always felt that I took up more space than anyone else there. Once the body and the weight start changing, suddenly the space you take up seems much smaller. Getting into your car, getting on the train, going to the movies or flying. Any of those venues can give us a feeling of taking up a lot of space. Once your nutrition is healthy and your daily activity increases, those spaces will magically seem to have more room!
Active Participation: I dont know about you, but before I lost my weight, going anywhere with friends or family was dictated by the amount of exertion involved. The thought of long walks, or heaven forbid, climbing something, was an immediate, No thanks. Once I started practicing a healthier lifestyle and my body began to respond, I wasnt as reluctant to try new things and go places.
Friendly Comments: The best part of changing your lifestyle to healthy eating and daily activity are the comments youll begin receiving from others. Being told, You look great! goes a long way in reminding us that our efforts are well worth it.
شاهدت الفيديو يا مريم ..فعلا مفيد جدا... حاغير طريقتى مع الميزان .. بدلا عن مرة فى الاسبوع او العشرة يوم حاوزن نفسى يوميا... مشلكتى مع الوزن اليومى انى زول بتاع نتائج وبفضل اسعى لهدفى مباشرة واشوف نتيجة المجهود المبزول لتحقيق الهدف... بالاضافة انى ميزانى ت*افه وداير اشترى واحد جديد بس كل يوم اقول بكرة ....
45 يوم اتبقت للاجازة وبديت افقد الامل فى تغيير كبير يعنى بالكتير ممكن افقد 10 رطل وانزل ل 260 بدلا عن 200 رطل المرجوءة
غايتو البركة فى اللياقة العالية التى استمتع بها الان والالتزام المعقول بالرياضة 5 يوم فى الاسبوع
يعني اليومين ديل موضوع الوزن والرياضة عاملين لي قلق شديد ولميت في البوست دا ... صدفة غريبة انا يا سمارت وزني 102.2 كيلو وطولي 186 سم (ترجموها لي ارطال وأقدام) الTarget بتاعي وزن 90 كيلو وبعدين نشوف نواصل لي 85 ولا نقيف قبلنا، عموماً الواحد بياكل اكل صحي بس المشكلة الرياضة ... يادوب مرة في الاسبوع والمشكلة الاساسية الزمن الزمن الزمن .....
يا دكتورة نجاة محسوبك اخصائي غدد متخصص شديد في الغدة الدرقية :D طبيعي بعد ما شلتي الغدة وزنك يزيد لأنك خلاص باي باي ثايروكسين طبيعي الفكرة الاساسية انك تكوني بتاخدي جرعة صحيحة من الثايروكسين والمهم جداً برضو انك تعملي جك للثيروكسين profile T3, T4 & TSH كل 4 لي 6 شهور عشان تعدلي الجرعة البتاخديها اذا طولتي ما جيكتي امشي لي دكتورك وأعملي الفحوصات وشوفي لو انتي قاعدة تاخدي جرعة كافية من الثايروكسين...
شكراً يا شباب وشابات البوست جميل وحأعسكر فيهو
Post: #431 Title: Re: Sudaneseonline Biggest Loser Author: مريم بنت الحسين Date: 12-11-2011, 01:32 PM Parent: #430
Quote: شاهدت الفيديو يا مريم ..فعلا مفيد جدا... حاغير طريقتى مع الميزان .. بدلا عن مرة فى الاسبوع او العشرة يوم حاوزن نفسى يوميا... مشلكتى مع الوزن اليومى انى زول بتاع نتائج وبفضل اسعى لهدفى مباشرة واشوف نتيجة المجهود المبزول لتحقيق الهدف... بالاضافة انى ميزانى ت*افه وداير اشترى واحد جديد بس كل يوم اقول بكرة ....
أنا زيك كده يا النصري... عايزه نتائج... عشان كده حأقوم أعمل عكسك... حأدي نادر الميزان يدّسه منّي لمدة شهر... وحأعتمد على الملابس بتاعتي... الأرقام دي مرات بتكون ضاربه والله... وبتقوم تخليك تزهج وتتضايق وتدبرس... بعد شهر ممكن أشوف الوزن واتفاجأ.. :D.. بس الله يحلني من كتفي ده.. والله حالف ستين يمين ما يبرا !!! واعاين للtreadmill عشرة عشرة... مغيوووووظة عشان ما قادره أستخدمه... هدا نادر شاري فيه البشكير بتاعه لوووووووووول... لكن بجيب ليك الصورة الطلبتها أكيد...
Quote: 45 يوم اتبقت للاجازة وبديت افقد الامل فى تغيير كبير يعنى بالكتير ممكن افقد 10 رطل وانزل ل 260 بدلا عن 200 رطل المرجوءة
انت يا النصري ما تبالغ في الاهداف عشان ما تقوم تحرد القصة... غايته يونس شلبي في موضوع الوزن ده كلامه صح.. يعني انت فعلا في البداية بتنزل سرييييع، بعداك النقصان ببقى أقل... اهم شي الاستمرارية... مروان أخوي (ياخ انا فخورة بيه والله عشان كده بجيب سيرته كتير)... نجح في انه يصل الوزن العايزه في سنة ونص... ونقص ليه تقريبا كده 40 كيلو... لو ما هو صبر على الموضوع ده، ولازال محافظ، كان ما نجح ولا استمر في النجاح... انت اقبل الحاجه دي باعتبراها تغيير دائم...
غايته انا كتفي دي معاها ليوم الأربع، بقت كويسه بقت كويسه، ما بقت كويسه بتريض يعني بتريض!
اهلا وسهلا بمحمد الحاج فى عالم الخاسرين.. نتمنى ليك اقامة طيبة وخسرانا مبينا...
اهم شئ عندنا الالتزام....(فى ناس كتار ظهرو هنا واختفو مرة واحدة)
اكيد بتواجهنا لحظات بتاعت احباط و ياس و شعور بالفشل لكن بمواصلة الكتابة هنا الواحد بدخل فى حتة بتاعت التزام معنوى بساعده على مقاومة الاحباط.....
Quote: انا يا سمارت وزني 102.2 كيلو وطولي 186 سم (ترجموها لي ارطال وأقدام) الTarget بتاعي وزن 90 كيلو وبعدين نشوف نواصل لي 85 ولا نقيف قبلنا، عموماً الواحد بياكل اكل صحي بس المشكلة الرياضة ... يادوب مرة في الاسبوع والمشكلة الاساسية الزمن الزمن الزمن .....
غايتو لو داير تنزل 12 كيلو (26 رطل) عليك بالاجتهاد الشديد والتضحية بحاجات كتيرة اهمها توفير الزمن ....
انا شخصيا ال 24 ساعة فى اليوم ما بتكفينى بين شغل وبيت (ماعندى اجتماعيات نهائئ لا ازور احد ولا يزورنى احد بسبب ضيق الوقت) بس مشكلتى بحتاج ل 8 ل 9 ساعات نوم ....ولو نقصت ساعات النوم بكون اليوم كله مدروخ..
لازم توفر زمن ...لازم ..لازم ...لازم... انا شخصيا يوميا بتريض 30 دقيقة فى اليوم 5 مرات فى الاسبوع وهى ما كفاية ونتائجها بطيئة جدا الجماعة فى الجيمنازيوم قالو لى اتريض 2 ساعة فى اليوم وحتلاحظ الفرق بسرعة بس المشكلة الساعتين ديل يلقوهم وين!!
سوري يا جماعة على الدخلة بالعرض في بوستيكم الجميل دا انا قريت الصفحة الأولي ومريت بالتانية وجيت ناطي في الرابعة بعد مشيت فيها حسيت بالرأسمالية الطفيلية عديل كدا، عموماً يا النصري مريم وصحبتا سمارت لما يلمو في أي بوست بيخلوهو جميل واكتشفتا انو قاعد اتابع بوستاتك انت زاتك، حركة التداعي البتعملوها وبرامجكم اليومية برضو جميلة، البوست ليهو زي اربعة شهور وفيهو معلومات حلوة والناس بتشجع في بعضا فياريت تسمحوا لي (امدد اقامتي في هذا البوست لووووووول)، الأيام الفاتت قمنا على موضوع الوزن حقيقة يا مريم الموضوع وراهو نوال لأنها حاسة انها اوفر ويت شديد بعد الحادثة :D زي ما بتقول، أنا لقيتا فرصة عشان انزل الـ 12 كيلو المعذبني ديل، عملتا بي ايعاز منها الرجيم ال######## بتاع يوم خيار ويوم زبادي ويوم تفاح ويوم فراخ مشوي أو مسلوق بنهايتهم كرهت الأصناف المذكورة أعلاه كلها وما نزلتا غير نص كيلو :(، الأكل زي ما قلتا في المداخلة الطفيلية الأولى ما بطال بشرب معلقة سكر واحدة اذا الكباية صغيرة ول جردل ما بزيدا، حالياً بقيتا نص كمان بس مرات الاوفيس بوي بيتبرع ويعملا لي معلقة في القهوة، المشكلة انو الرياضة مافي ليها سكة مع الشغل والقراية ام دك يعني بعد الواحد يرجع 9 البيت يعمل شنو؟
شكراً يا شباب اول مرة من فترة الواحد يكتب في البورد بمزااج
شكراً يا نصري على الترحيب وآمييييين على حكاية الخسران دي، وبالنسبة للالتزام فيا سيدي دي بسيطة كل يوم نفتح البوست عشان نشجع ونتشجع بعدين ال12 كيلو بتاعتي دي كترتها لي بالارطال بتاعتكم دي يا امريكان بس كمان ميزتا انو بدل تكون نزلتا 500 غرام بتقول رطل عديل كدا وال26 بتبقى 25 اهو البوزيتيف سايد وكدا ... قلت لي مافي اجتماعيات طيب وزولك بتاع المطعم الهندي دا كيف هههههههههه ، بالمناسبة انا برضو كدا في موضوع النوم برغم انو بنوم ما بين 5 لي 6 ساعات في اليوم لكن لما تنقص اكتر بكون ما قادر اركز تاني يوم ، حكاية لازم توفر زمن دي غايتو نباصرا ... نقول في الويك اند ساعتين + ساعتين وفي اليومين الأوائل من الاسبوع ساعة + ساعة كدا كيف معاك؟ اعتباراً من بكرة دا (تهور شديد غايتوباقي الأيام صعب لأنو من الصباح برجع 9 مسا مفروض شوية وكت لي ليلى وأمها وساعة كدا قراية، سلامات فور ناو يا النصري ونشوف كدي ساعة بكرة دي نعمل فيها ايه...
Post: #435 Title: Re: Sudaneseonline Biggest Loser Author: مريم بنت الحسين Date: 12-12-2011, 03:02 PM Parent: #434
مرحب يا محمد... واهلا بيك مع الloosers... احلى مافي البوست ده انه الزول بكون في كرسي الاعتراف... والله وانا بجوط في الاكل بتذكر اني مفروض اجي اكتب هنا، بقوم احترم نفسي.. على صعيد آخر بخاف جدا انه البوست ده يقيف... عشان كده بمشي افتشه كل ما يرجع ورا...
قول لنوال، العجب لما الزول يعمل حادث مرّتين ههههههههه.. بس نصيحتي، والله الcrash dieting مشكلة ابعدوا منو.. وامسكوا في الرياضة والportion control... وmore protein less carbs....
يلا ورينا الهمّة... انا عندي إصابة ملاعب.. اول ما ابقى تمام بواصل رياضة..
حأبدأ أتكلم عن المفاهيم الغلط في الثقافة السودانية في موضوع الوزن... أول حاجة
النصرى...كلنا ح نفقد يونس شلبى...نتمنى ليه اجازة سعيدة. عن المعاش...ما تشيل هم. السنين بتجرى سريع. بكره تلاقي روحك جاهز من كلو للمعاش (خرف و قروش....ان شاء الله) حاجه تانية يا النصرى...ما تفقد الامل. واصل فى برنامجك...حتى فى الاجازة. لما تعمل عضلات كويسه ...حتى لو ما بتتريض جسمك بيحرق سعرات حرارية اكتر.
اهلا....اهلا...اهلا محمد الحاج كلام مريم صح. ما تعملوا رجيم ما بتقدروا تعملوه style of liffe و كلنا هنا عاوزين نعيش بصورة صحية و ناكل اكل صحى و نتريض بالنتظام حتى بعد ما نصل ل(وزن الاحلام) بتاع كل واحد فينا. موضوع الزمن فعلا مشكلة كبيرة. لكن ممكن تبدا ب 20 دقيقة فى اليوم. لانك ما عنك زمن حاول اجرى. الجرى بيخليك تخلص سريع سريع. لو عاوز تحول من كيلو لرطل اضرب فى 2.2
كيف يا مريم كتفك الان? ان شاء الله احسن. ما تستعجلى...كلو ملحوق. لو عاوزه ممكن تمشي بسرعة بطئية فى التردمل. Don't over do it براحة براحة. و لو حسيتى بكتفك وجعك اقيفي على طول.
لا حولا .... يا اخوانا والله انا قبل شوية فطرت فطرة تعتبر نوع من انواع التعذيب... حرشنى يونس شلبى مشيت اشتريت خضارات مجمدة اسمها California style واشتريت معاهو صندوق بتاع بيض منزوع منه الحمرة (اعتقد زمان كنا بنسميها المح ..بكسر الميم) اسمه فى البقالة egg whites
عملتو بالمايكرويف ما نفع عملتو بالطوة ما نفع,, الخضارات نفسها طعمها علف علف .. غايتو لقيت روحى شبعان فى النهاية...
اليوم كان اخر يوم مع يونس شلبى فى النهاية اتقالدنا وتمنيت له اجازة طيبة وتبادلنا ارقام التلفونات ... الحاجة الكويسة انو وافق ناخد صورة نحن الاتنين بنتريض .. حانزل الصورة لمن القى الوصلة بتاعت البلاك بيرى السجمان ........
يامريم عندى ليك دواء رهيب اكتشفته قبل 15 سنة... سهير سافرت السودان وانا قاعد براى فى البيت .. اليوم كله قاعد فى الكنبة بحضر فى التلفزيون وبنوم فيها اها جانى شد عضلى فى الكتف والضهر من نوع ابوكديس مشيت اشتريت الحبوب دى رهيب لكن اتاكدى انو ما عندو تاثير على البيبى
الخضار ده مكسب يا النصرى. و انا باكله طوالى. لكن بعملو stir fry . بجيب الطوة بخت فيها ملعقة صغيرة زيت و لما تسخن بخت فيها الخضار. بخت فيه (حبة ملح و فلفل) او soy sauce (قليل الملح). ممكن تاكله كده بس. او ممكن فى طوة تانية تقطع صدور جداد رفيعة او لحمة رفيعة برضو او شرم (خت البهارات اللى بتحبها فى اللحمة مع ملقة صغيرة زيت). لما اللحمة تنضج (ما شديد). اضيفها للخضار و قلبهم فى الطوة لحدى ما الاتنين يستوا. ممكن اكلها ساى بالملعقة او بشوية ارز. فتش الصوص ده فى السوبر ماركت. بدل البورك اعمل جداد. و اكله بخبة رز
Post: #440 Title: Re: Sudaneseonline Biggest Loser Author: مريم بنت الحسين Date: 12-12-2011, 09:20 PM Parent: #439
الstir fry من الحاجات الكنت معلّقة فيها فترة طويلة... النديكم وصفتي بتاعي صدور الدجاج... او زي ما بنسميها في البيت، الدجاج الصيني... تجيبو تلاته ألوان من الفلفل الرومي (أخضر واصفر واحمر).. ما ضروري الالوان، لكن لما تتعمل بالألوان بتطلع أحلى بكتير نقطعها شرايح صغيرة، ناس الطبيخ بسمّوها جوليان.. صدور دجاج مخلية العضم والجلد برضه نقطعه صغيرة... مهم جداً انها تتقطع صغيرة لانها بتستوي أسرع ولانه الصدور لو قعدت في النار كتير بتنشف وتبقى تفل.... بصلة متوسطة فصين توم ملح وفلفل وكزبرة وشوية جنزبيل بودره ملعقتين صويا صوص... ملعقة كبيرة زيت سمسم.. ونص ملعقة صغيرة عسل... نكب الزيت ونقلب فيه البصل والتوم ... بعداك نكتب الفلفل.. ما كله، نخلي زي ربع الكمية كده... ونقلب لحدي ما تستوي كده .. بعداك نضيف الصدور... نفضل نقلب لحدي ما تستوي الصدور ونكب البهارات وباقي الفلفل والصويا صوص.. الهدف من تقسيم الفلفل انه يكون كرنشي شويه، احا بنحبه كده، ما ضروري انه يكون كده طبعا... ملعقة العسل تتكب في آخخخخخخخخخر شي... بتتقّل الصوص بتاع الدجاج وبتخليه متماسك مع بعضه.. وما تخافوا ما بظهر أي طعم بتاع حلاوه.... تتقدم مع رز أو مع خبز....
بكره عندي "زنقة" مع المشرف بتاعي لاني كنت فاتحه ليه الفترة الفاتت.. بعد انتهي منّه بجيكم عشان نتكلم عن الmyth number two في الفهم السوداني لنقص الوزن... الرز بسمّن أكتر من العيش...!
ما بتسألوا على أخوكم!! أنا (مهري شغل!!) الحمد لله خلاص على نهاية الأسبوع ده الأمور حترجع لي طبيعتها والواحد ممكن يتنظم تاني.
الناس النقصوا مبروك ليهم وابتهال كديسة المطعم الله يهديها.
أخبار الرياضة تقريبا ما في جيم بس الفترة الفاتت بسرق ساعة كل يوم ثلاثاء وجمعة بمشي ألعب كورة (دافوري) مع الشباب الساعة 8 بالليل .. أحلى حاجة إنو كلهم فاقد تربوي (عواجيز)... الحمد لله تقريبا محافظ على الأكل بس آخر ثلاثة أيام بديت آكل خبز يعني خبزاية في اليوم كدة ..
سمارت اتذكرتك في الويك إند كانو جايننا ضيوف سودانيين المدام قالت لي أمر أجيب حلويات أول ما شفت البسبوسة قعدت أضحك وأبشرك اتحججت بالضيوف اشتريت منها كيلو عديييييييييييل وكل يوم باكل لي منها بوصة × بوصة!
أنا برجع ليكم تاني عشان أعلق على البوستات في حاجات كتيرة الشمار كاتلني فيها.
اهلا امير مشكلتك بطول الغيبة لغاية ما ننساك وتجى راجع... غايتو كل مرة ارفع البوست على سريع عشان نعرفك حى....
يا اسمارت السلطة دى حسب كلام يونس شلبى مفروض تتاكل بدون زيت.. غايتو حاحاول بعد شوية اقليها بالموية واضيف ليها بهارات وشوية جبنة بيضاء عل وعسى .......
اغرب حاجة حصلت الصباح... لاول مرة اوزن نفسى يومين وراء بعض وما كنت متوقع اى تغيير لكن فوجئت بالميزان قرب يصل 265 رطل مع انو يوم امس حصلت فيهو تجاوزات.. بعد اكلت السلطة(العلف) شعرت بالشبع مؤقتا لكن بعد مدة رجعت جعان اكتر من الاول فتحت التلاجة وعملت لى 2 سندوتش بتاع مارتدلا كما ظاهر فى الصورة
لمن رجعت من الشغل الساعة 5:30 مساء لقيت سهير جابت لوز almond
اكلت منو وتميتها سيريـال وقرضت على كده لمن صحيت الصباح واخدت دش كارب اتفوجئت لمن الميزان نزل اكتر من رطل فى 24 ساعة .... فى حاجة ليها تاثير..حاحاول اعيد التجربة اليوم واشوف البحصل شنو ياربى يكون ده اللوز almond ؟ ولا المارتدلا؟
اليوم برضو نسيت شنطة ملابس الرياضة وبالتالى لم استطع الجرى عشان كده مشيت صالة الرياضة و اشتغلت باحدى المكنات بهدوم الشغلة المكنة تظهر فى الصورة ادناه
امير....وينك يا رجل? اهم حاجه انك ما تحرم روحك. اكل اى شيء نفسك فيه...بس ما تنفعل. البسبوسة بوصة × بوصة....افتكر مناسبة.
مريوم الاستير فراى فعلا ظريف...و ممكن تنوعى منه ذى ما عاوزة فى الخضار و فى اللحم.
النصرى....كلام يونس شلبى صح...اكيد افضل من غير زيت (سعرات حرارية اقل). لكن ذي ما انت شفت...بعد شوية جعت شديد. لو ختيت فيهل زيت زيتون كان ح يكون احسن. عارفه ليه? 1-ان زيت الزيتون صحى (مفيد للجسم). 2-لانه فيه فات ...بيتهضم فى وقت اكتر. بالتالى معدتك بتحون حاسه انها مليانة فترة اطول. 3- غير ان طعم الخضار بيقبى لذيذ جدا و ما بتحس بالتعاسه. ده كله ما بيستاهل تخت معلقة صغيرة زيت زيتون ??
ال الالموند برضو مفيد جدا. بس ما تاخد راحتك فيه. 10 قطع كفاية جدا. ما قلت لى بتاكل اى نوع من السريال??? فى انواع فيها اطنان من السكر. اعمل حسابك. ما تنقطع من الرياضة يا النصرى...و ذى ما قلت ليك لو حافظت على الاكل ممكن تستمر تنزل وزنك حتى برياضة اقل. لان جسمك بنى عضلات و للعضلات بتحتاج طاقة اكتر
Post: #444 Title: Re: Sudaneseonline Biggest Loser Author: مريم بنت الحسين Date: 12-13-2011, 06:29 PM Parent: #443
Post: #445 Title: Re: Sudaneseonline Biggest Loser Author: مريم بنت الحسين Date: 12-13-2011, 06:41 PM Parent: #444
الرز بسمّن أكتر من العيش
الكلام بتاع انه الرز بسمّن اكتر من الخبز ده ما دقيق وما غلط تماماً، يعني حسب نوع الرز المستخدم، الرز العندنا في السودان بنستخدمه هو الرز المصري، كله نشا .. والنشا ده لاعب خطير في موضوع الكالوريز.. عشان كده الواحد لو وجد بديل زي الرز البسمتي الاقل في النشا او حتي الاحسن لو لقي الرز الاسمر الغني بالالياف بكون في وضع افضل (حارجع لموضوع الاسمر ده)، المفاجأة انه الخبز والرز المصري متقاربين في عدد الكالوريز ألفي كل كمية متساوية منهم، يعني 45 غرام من الرز المصري فيها 160 كالوري و45 غرام من الخبز فيها 138 كالوري... ببقى الفرق في الحجم، والسؤال الذي يطرح نفسه، هل 45غرام من الخبز كافية عشان الواحد يقول كده تمام؟ احنا شعب بحب العيش جداً، وبالنسبة ليه اهم شي، علي قول سمارت، بناكله مع المحشي! بالنسبة للاسمر، برضه مهم نعرف انه من ناحية كالوريز، الخبز الأسمر او الرز الأسمر مافي فرق كبير بينهم وبين الابيض الا في كمية الألياف، يعني نفس عدد الكالوريز بس وجود الألياف مفيد جداً في انه يخلي الواحد يشبع اسرع ده غير انها مفيده في الهضم .. قصة أخيرة كنت بشوفها في السودان، وهي موضوع لب العيش.. مافي فرق بين لبة العيش وقشرتها.. الا في اللون، في بعض انواع العيش بكون فيه ردّه (ألياف) في القشر، لكن الكنت بشوفهم بياكلوا القشرة والخبزه بتكون عادية جداً وبرضه بياكوا القشر ويخلوا اللب..
المره الجايه نتكلم عن الفول السوداني المظلوم.. والمكسرات عموماً
يا مريم حليل الرز وحليل الرغيف والله كانت لها ايام... انا كنت اسوأ سودانى فى اكل الرغيف .. بمشى البقالة وبشترى العيش الابيض وباكله فى كل الوجبات وبكميات كبيرة دلوقت بستغرب ليه مع كل الاستهتار داك وزنى ما كان بزيد شديد مع انى كنت ما بتريض خالص ولا بعرق ولا بمشى ... غايتو ربنا كان حافظنا ساى ...
بالنسبة للرز ..اصلا انا ما بحبه وما مفتون بيهو زى سهير.... ممكن سنين ما اكله وما اتزكره زاتو.....
بالنسبة للموية الباردة انا متاكد بتعمل كرش وبتكبر سعة المعدة ما عندى دليل لكن كلما اشرب موية كتيرة اشعر بمعدتى اتمددت وكبرت... انا سمعت انا الناس الضعاف معدتهم صغيرة ولمن ياكلو المعدة بتتملى بسرعة اما الناس البتشرب موية بارده كتيرة فديل معدتهم ممكن تستقبل كميات طعام اكبر والله اعلم
ويا اخوانا وبما انو يوم الليلة ما قدرت اخد نومة الضهر بسبب مواعيد مع المحامى لتسوية قضية امين ولدى فى حادث الحركة الخفيف الذى تعرض له فى يونيو الماضى ... قلنا نبراكم شوية..
اكتشفت اليوم اكتشاف رهيب جدا خلانى احمد الله اكتر واكتر واكتر....
تزكرو لمن داير ابدا الرياضة مرة اتعذرت بانى بطنى قلبت .. مشكلة قلبة البطن دى كانت ملاوزة لى شديد ولفترة طويلة ..فجاة اشعر اننى لازم امشى الحمام وبسرعة (احيانا الانذار لا يزيد عن 5 الى عشرة دقائق) كنت لا اعرف السبب ..راقبت اكلى وماعرفت السبب وراء الظاهرة دى (طبعا الوكت داك ما كان عندى قشة مرة ..اى شئ بقع فى عينى بقشو ...دهن ..زيت ...سمن....سكر..طحنية زبدة...قشطة you name it)
اها الحالة بقت مشكلة ..مع انى زول صحى بصورة عامة وما عندى مشاكل هضم وكده الا ان مشوار الحمام ده بقى هاجس مرات كتيرة بكون شايل معاى بيبتوبسمل بس عشان اشترى زمن يوصلنى اقرب حمام ... مرات كتيرة بكون سايق البص وهو مليان لاخره والحالة تجينى....
المهم بعد بديت البرنامج بتاع الرياضة والدايت الظاهرة دى اختفت تماما اظن اخر مرة جاتنى لمن اتعذرت بيها فى البوست منتصف بداية سبتمبر(3 شهور كاملات) وهى حاجة اصلا ما حصلت قبل كده .....
الحمدلله الذى هدانا وما كنا لنهتدى...
غايتو كل يوم الزول يكتشف حاجة جديدة
Post: #448 Title: Re: Sudaneseonline Biggest Loser Author: Mohammed Elhaj Date: 12-14-2011, 10:13 AM Parent: #447
سلامات يا شباب يا مريم رسلت ليك سلامات مع نادر وصلتك؟ :) ايوة نحن مقتنعين بي كدا، بس حركة الرجيم القلتها ديك كانت مؤقتة كلها 4 أيام ونرجع للوضع الطبيعي، شكراً يا سمارت على الترحيب والنصائح، دخلنا من الأحد في زون الرجعة المتأخرة عليه مافي رياضة لحدي يوم الجمعة، عموماً العزاء انو مافي لخبطة في الأكل، أنا لي سنة وشوية في السودان .. عموماً الكنترول على موضوع الأكل في البيت ممكن لكن في المكتب لما الواحد ما ياخد معاهو أكل من البيت بتكون مشكلة كبيرة لأنو اذا سندوتشات معناها العيش العيش هسة من قبيل محتار اكل شنو ... طبعاً يا مريم احبطيني بي انو الرغيف البراون مافي فرق بينو وبين الأبيض لأنو لي مدة مدور فيهو طبعاً برضو حسيت فعلاً بي فرق في مسألة الهضم دي فعلاً بيفرق من الرغيف الأبيض.. مشكلة السودان برضو انو لما تطلب سندوتشات مافي خيار في نوع العيش أبيض بس ، أمس نحجت في مقاومة الطحنية لووووووووول
Post: #449 Title: Re: Sudaneseonline Biggest Loser Author: النصرى أمين Date: 12-14-2011, 11:34 AM Parent: #448
Quote: أمس نحجت في مقاومة الطحنية لووووووووول
ياخ ده تقدم رهيب جدا فى نظرى انا وفى نظر الناس العارفة تاثير الطحنية على مدمنينها.. تقريبا دى زى زول بسجر ليهو 30 سنة وفجاة يقرر يترك التدخين..
انا الطحنية كنت بموت فيها ومرات كتيرة بعمل فيها سمن.... والسمن يكون اكتر من الطحنية .....
لا حولالالالالالالالالالالالالا...
ايام ربنا ما يعودا ...
امبارح مشيت البقالة العملاقة... لافى ساعة ما لقيت حاجة اشتريها... لحمة لا رغيف لا مشتقات البان لا سمك كرهتو ....
فى النهاية اشتريت فول
Post: #450 Title: Re: Sudaneseonline Biggest Loser Author: مريم بنت الحسين Date: 12-14-2011, 11:51 AM Parent: #448
محمد ازيك.. والسلامات وصلت تب... :)... قلت لي أحبطتك... احنا طبعا في البيت بناكل بس الاسمر... حمودي بياكل الابيض رغم انه الاسمر قيمته الغذائية أكبر... وبنجيب مكرونه سمرا.. اظرف شي لما عمتو جاتنا ادتنا ليك شكله انا ونادر، قالت لينا انتو عايزين تضعفوا، محمود ده زنبه شنو.. قدر ما حاولنا نقنعها انه (السُمن) واحد وبي الاسمر الزول بسمن لكن التابو بتاع انه ده حق ريجيم كان اقوى... والله انا بحسّه أطعم كمان من الابيض... بعدين الابيض بذوب كده، الزول بياكل منّه كميّات كبيرة بدون ما يحس...
Quote: أمس نحجت في مقاومة الطحنية لووووووووول
ياخ دي من ابرز انجازات الثورة لحدي الآن... لكن ما تقاومها تماماً.. يعني اسمح لي روحك بقطعة صغيرونه زي ناس بوصه x بوصه ديل.... لكن ما كل يوم كمان... يعني أمرق نفسك منّها...
يا النصري ياخ ما تجيب لي كلام الاحساس ده.. اديني دليل انه المويه البارده بتعمل كرش... انا اديك تجربة، اخوي مروان، قديتكم بيه موش ، اها مروان ده كان زيي كده ما بحب المويه البارده، أصلا احنا امّنا معودانا على كده عشان كانت بتخاف علينا من اللوز... المهم، مروان مما بدا برنامجه بتاع التإنسان رخيص بقى يخت ليه قزازه في التلاجه بتاعت مويه... وبخليها نوع تقرّب تبقى تلج كده.. ويلا يشربها... مروان كان عنده كرّوشه... حسي ما شاء الله six packs ما تديك الدرب.... حأستأذنه وانزل صورته هنا لو وافق... الصورة بتاعت الbefore والafter... وحأخليه يورينا كمان عمل شنو عشان ينجح...
يا النصري... برضه عندي تعليق على قصة الوزن... طبعا الرقم بتاع الميزان لا يمكن يكون واحد يومي.. ودي هي المصيبة.. يعني النقصان القلته ده ممكن يكون اختلاف في كمية السوائل في الجسم او الغازات او اي شي تاني... والمشكلة انه مجال الاختلاف ده كبير.. ممكن يصل لحدي 2 كيلو (اسألني انا، مره أخدته لي خلعه زي دي..!)... الشي القالته لي سمارت انه لا يمكن تنقص كتير كده في وقت قليل ومما ممكن تزيد كتير كده في وقت قليل... عشان كده انا قررته القرار بتاع الوزن مره في الشهر... عشان الرقم قاعد يحبطني والله... ومرات يرفع لي معنوياتي.. يعني لاعب بي كوره! انا طبعا لسه ما طبّقته القانون بتاع الوزن مره في الشهر، حأطبقه بعد ما ارجع لرياضتي... حسي انا اول الاسبوع موش كتبته اني زدته 200 جرام، بعدها بي يومين لقيت روحي زايده كيلو ونص!!! الليلة لقيت روحي ناقصة كيلو!!! عشان كده احسن حاجه الزول يعملها هي انه يتابع لبسه ويوزن مره مره..
بالمناسبة الفيديو الختيته بتاع الزوله النقصت 282 رطل دي عجبني فيه انها كانت بتخت أهداف قريبة.. الفيديو بقول إنها كانت بتخت لي روحها 5 رطل كهدف تصل ليه، بعد تصل ليه تاني بتخت 5 رطل... ياخ زوله رهيبه.. دي نقصت ليها وزن زول عديل كده!
سمارت، قلتي لي حتشتاقي ليونس شلبي ، غايته تلقاك فرحانه فرح... كان خارب ليك خراب شديد...
أمير ازيك... عليك الله شنو سمينين... قلنا losers خليك ايجابي...
ياخوانا غباشي وين!؟
The debate over الأكل بالليل ... زي ما سمارت قالت القصة بتاعت نقصان الوزن دي ببساطة معادلة بتاعت عدد الكالوزي الداخله، وعدد الكالوريز المستهلكة، لو في فايض بتخزن على شكل دهون.. القصة كلها بتبقى في انه الزول يمنع روحه كيف من انه يدخّل كالوريز زياده على جسمه، ويزيد النشاط بتاعه بحيث يحرق زياده الكمية الداخله، وبالتالي ينقص وزن من الدهون المخزّنه عنده اساساً... ما مهم جداً متين الكالوريز دي اتأكلت.. يعني اكلتها في الفطور ولا الغدا ولا العشا، المهم المجموع الكلي كم... طبعا ده منطق الناس البقولوا الاكل بالليل ما بسمّن... لكن للأسف في أبحاث طلعت زي دي http://www.nytimes.com/2011/05/17/health/17really.html?_r=1 بتقول انه في علاقة بين الاتنين، رغم انه العلاقة ما واضحة للباحثين... معظم الابحاث الاتعملت كلها إحصائية ومبنيه على عيّنه وتجارب، ومافي تفسيرات فسيولوجية محدده... لكن الكلام ده عجبني...
Dr. Turek notes that humans evolved from a situation where they ate and foraged between sunrise and sunset. “After sunset, there were no refrigerators, no food just hanging around,” he said. “You didn’t eat. But today, people eat most of their calories after sunset.”
في النهاية، احسن شي الزول ممكن يعمله انه من بدري يوقّف اكل .. او يقلل اكل... ويعمل بالمثل البقول Eat breakfast like a king, lunch like a prince, and dinner like a pauper..
If you are familiar with the phrase "Eat breakfast like a king and dinner like a pauper" then you are familiar with the idea of tapering your calories.
What this means is that you should eat your larger meals earlier in the day, i.e. eat your first meal like a king. This gives your body a chance to burn those calories that you just ate.
Eating most of your carbohydrates, such as cereals, breads and fruit, earlier in the day is recommended as the body does not need them to be eaten at night: you've already got a full days storage of carbs in your body.
Dinner should be your smallest meal and should be mostly protein with some complex carbs, such as vegetables.
There is popular advice that says "don't eat anything after six". This is basically the same idea about tapering calories but it should not be taken as gospel.
While you may eat after six in the evening and still lose weight, watch what you eat and don't eat too much of it or you will taking in calories that your body doesn't need and will just store.
الموضوع الاول الميزان:- يا مريم انا صباح اليوم اتخلعت خلعة..بعد الدش ..وزنت روحى لقيت الميزان قرب يصل ال 260 رطل المتوقعة فى اسابيع ,,, ما صدقت روحى ,,, نزلت من الميزان وطلعته فيهو تانى ,,نفس القراءة ,, عدت الكرة ,,, نفس القراءة ,,,, قلت لروحى معقول فى 24 ساعة يحصل التغيير ,,,, بعد تفكير عميق وصلت للاحتمالات دى
الاحتمال : كلام مريم فى المداخلة السابقة كله سليم وانو الجسم بتغير نتيجة لتحولات داخلية
الاحتمال الثانى : الميزان خستك ( وده ما وارد شديد لانه الميزان ده معاى من فترة طويلة)
الاحتمال التالث وده البتمناه انو التغيير الحصل فى الاكل هو السبب وراء النقصان المفاجئ فى الوزن ,,لمن راجعت طعامى فى 72 ساعة الاخيرة اكتشفت انو اللاعب الجديد فى قائمة الطعام هو اللوز او الفسدق (ما متاكد اسمه بالعربى) لكن اسمه بالانجليزى هو Almond ..احتمال جسمى كان فيهو حاجات مخزنة ليها فترة طويلة وال Almond ده جاء فكاها غايتو جيت البيت قبل شوية وطوالى مشيت عليهو واكلت ربع علبة صغيرة وبعد شوية نقوم على الفول المظبط بالجبنة والليمون والطماطم بالمعلقة ...
الموضوع التانى: التويوتا
انتهيت من الدوام الاول ومشيت على العربية الكامرى وانا بتكلم مع زبون فى التلفون لاكتشف ان لوحة العربية انسرقت(نحن فى البرتا عندنا لوحة واحدة للعربية فى الخلف) اتصلت بالبوليس وعملو لى تقرير ... وقالو لى امشى اعمل لوحات جديدة ب 22 دولار وممكن تتصل بجهة اسمها مساعدة ضحايا الجرائم وحيدفعو ليك ال 22 دولار.. مشيت مكتب الحركة وعملة لوحة جديدة .. ده اول حادث لى فى كندا (20 سنة)
Post: #452 Title: Re: Sudaneseonline Biggest Loser Author: مريم بنت الحسين Date: 12-14-2011, 07:41 PM Parent: #451
Quote: يا مريم انا صباح اليوم اتخلعت خلعة..بعد الدش ..وزنت روحى لقيت الميزان قرب يصل ال 260 رطل المتوقعة فى اسابيع ,,, ما صدقت روحى ,,, نزلت من الميزان وطلعته فيهو تانى ,,نفس القراءة ,, عدت الكرة ,,, نفس القراءة ,,,, قلت لروحى معقول فى 24 ساعة يحصل التغيير ,,,, بعد تفكير عميق وصلت للاحتمالات دى
الاحتمال : كلام مريم فى المداخلة السابقة كله سليم وانو الجسم بتغير نتيجة لتحولات داخلية
الاحتمال الثانى : الميزان خستك ( وده ما وارد شديد لانه الميزان ده معاى من فترة طويلة)
الاحتمال التالث وده البتمناه انو التغيير الحصل فى الاكل هو السبب وراء النقصان المفاجئ فى الوزن ,,لمن راجعت طعامى فى 72 ساعة الاخيرة اكتشفت انو اللاعب الجديد فى قائمة الطعام هو اللوز او الفسدق (ما متاكد اسمه بالعربى) لكن اسمه بالانجليزى هو Almond ..احتمال جسمى كان فيهو حاجات مخزنة ليها فترة طويلة وال Almond ده جاء فكاها غايتو جيت البيت قبل شوية وطوالى مشيت عليهو واكلت ربع علبة صغيرة وبعد شوية نقوم على الفول المظبط بالجبنة والليمون والطماطم بالمعلقة ...
طبعا كلامي صح!!! بعدين الAlmond ده سمارت قالت ليك 10 حبات بس... ربع علبة دي حتتعبك... اعمل حسابك.. ... لكن ده ما بنفي انه من حقك تفرح بي الارطال الoff... برافوووو
وكفّارة السيارة ... والله قبيل خطر لك اسألك عن كندا، ومشيت ليها كيف وتقييمك لتجربتك فيها شنو؟
Post: #453 Title: Re: Sudaneseonline Biggest Loser Author: النصرى أمين Date: 12-15-2011, 01:48 AM Parent: #452
سلام يا مريم خلاص كندا بقت لينا وطن وما ماشينا اى حته ..زى ماقال واحد صاحبنا من هنا والى مقابر المسلمين .... انا طبعا اكتر سودانى بجاهر انو ما راجع السودان تانى(عشان اعيش) زيارة ممكن لكن عودة نهائية او طوعية ما معانا خالص ...
البلد عندها حسناتها و عيوبها ,,,, حسناتها انو الزول ممكن يعيش كويس ..معزز مكرم..حر فى حركته وسكونه وممكن يطور نفسه لو اراد ... المعيشة جيدة.. الخدمات ممتازة والامن معقول جدا ,, العيوب .....الفلس الشديد ...قدر ما تشتغل ..القروش تروح ضرائب ورسوم.. قبل كدة عملت بوست باسم يوم الحرية من الضرائب وهو يوم 21 يونيو من كل عام وده اليوم الذى يتحرر فيه المواطن الكندى العادى من التزاماته الضريبية,, يعنى ال6 شهور الاولى كل الدخل يمشى للضرائب والرسوم ,, ال6 شهور الاخيرة الدخل كله للمواطن ,,,,, البيوت غالية جدا ..متوسط البيت فى كالقرى حوالى 350 الف دولار مع ملاحظة ان البيت كله من الخشب وكندا اكبر منتج للاخشاب فى العالم ... نفس البيت فى كثير من المدن الامريكية لا يتعدى ال 70 او 80 الف دولار ...
Post: #454 Title: Re: Sudaneseonline Biggest Loser Author: Mohammed Elhaj Date: 12-15-2011, 06:28 AM Parent: #453
مش بالله يا النصري :) يعني لما تلخبطا مع الزبادي بتبقى حاجة ما تخلص بعدين يا مريم هسة انا زاتي متخيل انو الكالوريز في البراون أقل من الأبيض غايتو الا نشوف يونس شلبي صاحب النصري يفتينا لووووووووووووول بعدين انا بتفق معاك تماماً في حكاية ما تحرم روحك منها تماماً دي ههههههههه كيف؟ لما كنت بحاول ابطل تخين كنت في البداية خالص لما خلاص يعني الخرمة تشعلل في الراس بقوم من آخر علبة بطلع سيجارة وباخد لي نفسين حاجة كدا زي التنفيس عشان تتجنبي الانفجار، ونجحت وأهو لينا سنين منو اعتقد نفس الفكرة ممكن تنجح هنا برضو اللوز Almond (كزهر اللوز أو أبعد) يا النصري أنا قريت في مكان انو لما تحس بي جوعة كدا تقوم تاخد ليك كم حبة لوز كدا بتحسسك بالشبع وعاملين بالموضوع دا دايت جادة، بيقولي برضو نفس الحكاية دي ممكنة بالفول السوداني برضو 5 - 7 حبات بتحسسك بالشبع وخلاص
عندي ليكم صفحة جميلة ساعدتني جداً زمان الصور بتثبت في الذاكرة وحتلقوا روحكم ما عايزنين تضيعوا 200 كالوري في حتة شوكولاتة أو مفن What Does 200 Calories Look Like?
Post: #455 Title: Re: Sudaneseonline Biggest Loser Author: مريم بنت الحسين Date: 12-15-2011, 10:27 AM Parent: #454
يا شباب/شابات... عندي مشرف ناقيني الايام دي، وعايزه احترم شويه لاني كنت مطنشاه.. حأغيب لي اسبوع كده وبرجع لكل واحد فيكم....
أمانة عليكم ما تخلوا البوست ده يرجع...
النصري، واصل لينا في قصتك بتاعت كندا...
سمارت، حسي حسيت انك بتتغاظي من يونس شلبي ليه لوووووووووول
سلام للجميع و بالاخص اخونا محمد الحاج عدنا مؤقتاً ... فقدت كيلو و نص و كدة يكون الصافي1 كيلو و المجموع 6 كيلو ... باقي 2 كيلو للتارقيت ... الزنقة بيجاي زايدة قبل اجازة الكريسماس , و الناس كلها بتجهز لاجازة تمام الا انا حاكون شغال بصراحة ما داير احوم تاني قريب و بيني و بينكم كريسماس البلد دي ما داخل لي في راسي, شفتو ليكم كريسماس في عز الصيف حاقعد اواصل التاسك الاخير و اكمل الـ Monograph الليلة طبعاً كان عرس السوبرفايزر بتاعي , انا كنت وكيل العروسة بالتوفيق يا مريم و لما ترجعي عايزك توريني (من مروان اخوك) كيف الوصول للـ six-pack abs و التمارين الفعالة Hi to Smart , Ammir, Ebtihal, Elnasry and Younis Shalabi
كما واضح يا اخوانا انا بكتب المداخلة دى قبل مواعيدى العادية بساعة لكن فى حاجة واقفة لى فى حلقى داير اقولها قبلما اطلع من البيت بعد شوية....
اليوم حسب اتفاقى مع الزبون (الكنت بتكلم معاهو بالتلفونى اثناء اكتشاف سرقة لوحة العربية) مفروض امشى بعد الدوام الاولى اشتغل ليهو بيت فى الجانب الشرقى الجنوبى المدينة... دلوقت انا جيت البيت وفطيت الرياضة اليومية عشان اغير هدومى والبس لبس 5 لكن فى حاجة حصلت فى البص شطبت راسى عديل .....
عندى فردة بعملها كل يوم من احدى الاحياء الراقية والغنية حيث معدل دخل الاسرة يصل ال150 الى 200 الف دولار.. زبائنى ديل معظمهم موظفين كبار فى شركات النفط والغاز... كل يوم بجيهم فى نفس المواعيد بالدقيقة والثانية وباخدهم الدوان داون.. صباح الخير ...صباح الخير نتبادل التحايا كل صباح ..كل واحد يقعد فى كرسيهو المفضل... اها اليوم .. وقفت فى محطة بركب منها 3 موظفين.. احدهم ..ركب ..وقال لى صباح الخير..رديت عليهو بالمثل ومعاها ابتسامة(لانى زول نايس) قال لى لى ميرى كريسماس ..قلت ليهو ميرى كريسماس لك انت ايضا .. مد لى 10 دولار مبتسما وقال هذه للقهوة... اتخلعت ..قبلت البقشيس وشكرته مبتسما.. هذه اول مرة تحدث لى طوال 5 سنين الفاتو... نحن نعتبر موظفين حكومة والمفهوم السائد انو مافى بقشيش لموظفى الحكومة (ما ممنوع لكن نادر يحدث) بالاضافة الى الجمهور فاهم انو دخولنا عالية ولا نحتاج للبقشيش ....
قبل كده فى سيدة عجوز ادتنى حلاوة وقبل شهور زبونة دائمة جابت لى كيس صغير فيهو فواكه.. لكن كاش ...اول مرة ..واظنها الاخيرة..
اقوم البس الحق الكدة السريعة...
بالسلامة يا مريم ..وفى انتظارك ... اسمارت مسجلة غيابك من كم يوم ..... ميرى كريسماس غباشى
مريوم....ربنا يديك العافية. كيف كتفك? ان شاء الله تمام موضوع ان فى رز فيه نشا اكتر ده اصلى ما فكرت فيه قبل كده. شكرا على المعلومات المفيده. موضوع الاكل بالليل بيسمن ده انا متاكده منه و عن تجربة. خاصة لما اكون مساهرة لقراية او تلفزيون...بقضيها كلها عض...و خاصة الايسكريم. حاجه جاهزة فى التلاجه و ما عاوزه اى مجهود...تغرف بس. يونس شلبى ح يوحشنا وحش كبير جدا يا اخى. مريوم ما ممكن تفتحى لينا اسبوع كامل عديل كده.طلى علينا مره مره
النصري...سبحان الله. عندنا نفس السيريال بس اسمه هنا: fiber one و بالعكس يا اخى...طعمه حلو شديد. لدرجة انى شاكه انه ممكن يكون صحى وصيتى انك مرة مرة كده تجرب الشوفان. جرب نص كباية شوفان مع كباية لبن وحبة ملح (حبة شديد) و جربها . لو ما عجبتك خت معاه حبة زبيب. ما تشترى الظروف السمحة الملونة. دى فيها سكر كتير. اشترى العلبة الكبيرة. ما فيه طبا فايبر ذى فايبر ون. عشان كده ممكن تنوع يوم فايبر ون و اليوم التانى شوفان.
Quote: دلوقت بستغرب ليه مع كل الاستهتار داك وزنى ما كان بزيد شديد مع انى كنت ما بتريض خالص ولا بعرق ولا بمشى ...
ده عامل السن يا شيخنا. عندى سؤال عن موضوع قلبة البطن. Is it diarrhea or vomiting??1 على العموم الرياضة و اكل الالياف بيظبطوا البطن و الجهاز الهضمى...و تقليل الدهون برضوا بيساعد كتير.
Quote: امبارح مشيت البقالة العملاقة... لافى ساعة ما لقيت حاجة اشتريها... لحمة لا رغيف لا مشتقات البان لا
لحمة لا ...ليه???? ضرورى تاكل لحمة حمراء...ح تجيك انيميا بطريقتك دى يا النصرى. متذكر الصورة اللى ختها مريم قبل فترة(حاولت القاها و ما قدرت).لكن الصورة فيها نسبة البروتين للنشويات للخضار فى كل وجبة. ضرورى تاكل لحمة على الاقل مرتين فى الاسبوع. اشترى لحمة مفرومة من غير شحم. و اطبخ بيها فاصوليا خضراء او بامية و اكلها بالعلقة من غير رز او عيش. منتجات الا######## فيها حجات كتيرة fat free ...اى شيء فى منه fat free النصرى ما تحرم روحك و تعمل رجيم ما ح تقدر تواصل فيه حياتك كلها. اهم شيء نقصان الوزن يكون (ما سريع جدا) و معقول. احضرينا يا مريم.
بالمناسبة كمان...ممكن توزن روحك كل يوم. لكن حاول اوزن روحك فى نفس المواعيد. بعد اجتهاد فى الموضوع ده... لقيت انه احسن حاجه انى اوزن روحى الصباح بدررررى. قبل ما اكل او اشرب اى شيء. كفارة لوحة العربية
عن قانون الهدايا لموظفين الحكومة.....اغلب الناس البشتغل معاهم فى الحكومة ممنوع يقبلوا هدية اكتر من (اظن) 20 دولار. حتى لو عزومة غدا. اكتر من كده مفروض يكلم مديره على طول. يا زول شيل طوالى. كان عندى مدير (مديرى المباشر) مغندل. احنا 3 شغالين تحته. فى كل كرسماس بيدى كل واحد فينا هدية 100 دولار (من جيبه الخاص). لما حولونى لمدير تانى زعلت شديد جدا
محمد الحاج...الف...الف...مقاومة الطحنية. زوجى جاب علبة طحنية بداية الاسبوع الفات. قعد اكلها كلها فى اسبوع كامل. فى نهاية الاسبوع لقى روحه زاد رطلين. موضوع "ما تحرم روحك" ده مريم روحها طلعت و هى بتحاول تقنع الناس بيه. لكن كمان ما تاخدوا راحتكم شديد شكرا على الوصلة
غباشي....كيف كان العرس??? انا بحب اعراس الخواجات ديل شديد خلاص. وديت هدية شنو??? بالتوفيق ان شاء الله
ابتهاااااال و ينك????? رحول و رحلتى. الحاصل? و ما تميتى لينا القصة يا اخى....دخلتوا البيت كيف انت و الاولاد????
امير...وينك? تقول بتشتروا فى T-Mobile
Post: #459 Title: Re: Sudaneseonline Biggest Loser Author: مريم بنت الحسين Date: 12-15-2011, 08:51 PM Parent: #458
Quote: احضرينا يا مريم
يختي انا اقتنعته... إلا يونس شلبي يجي يقول الكلام ده حتى يصل... حنفضل انا وانت نطط زي دونالد دك .. وبرضه ما حينفع,,,
Quote: بالمناسبة كمان...ممكن توزن روحك كل يوم. لكن حاول اوزن روحك فى نفس المواعيد. بعد اجتهاد فى الموضوع ده... لقيت انه احسن حاجه انى اوزن روحى الصباح بدررررى. قبل ما اكل او اشرب اى شيء.
يومي يا سمارت!؟ بتوزني يومي.. انت عارفه ما بين الليله وامس واول امس انا الميزان اداني فرق كيلو (بالناقص) .. يعني الليلة انا ناقصه (بحسب الميزان) اتنين كيلو عن اول امس!! الحاجه دي قاعده تحصل ليك؟ والله انا الحاجه دي بتلخبطني بشكل...
Quote: مريوم ما ممكن تفتحى لينا اسبوع كامل عديل كده.طلى علينا مره مره
انا قصتي كالتالي، امس لاقيت المشرف.. اداني جزئية اشتغل فيها لازم نخلصها عشان مباشرة بعد الاعياد تطلع في paper.. الجزيئة دي happens to be my PhD theoretical foundation...اها بعد داك، حأبداً الكتابة من شهر يناير.. ومتوقع تستمر لحدي شهر عشرة حسب الplan بتاعتي... اها محتاجه الاسبوع ده اركّز فيه وبعداك الامور حتكون اسهل ...
شكراً يا غباشي على السلام ومبروك على الكيلو وسلامات للشباب والشابات وشكراً على المؤازرة في موضوع الطحنية مع انو اشتغلتا بي نصيحة مريم وأكلت منها امبارح طحنية بالزبادي، اتمشيت الليلة مشوار كويس ووزنت لقيت الوزن عمل 101.8 معنوياتي ارتفعت شوية، حأعمل بي نصيحة مريم بتاعة breaking down الهدف فحأخت الهدف الأول 5 كيلو يعني 11 رطل يا أمريكان (الكنديين ليه ما بيحبو يقولوا ليهم امريكان يا النصري :D) شكراً يا شباب البوست فعلاً عامل سبورت كويس
الدعم النفسى البقدمو البوست يا محمد الحاج لا يقدر بثمن انا اول مرة فى حياتى التزم ببرنامج صحى ورياضى مثلما التزم الان.. الاحساس بانك لست وحدك you are not alone احساس جميل خاصة وان مراقبة الوزن والاكل حاجة صعبة جدا جدا جدا ... امبارح كنت بتكلم من زبونة وعزمتنى صندوق شكولاتة ..اعتذرت بادب متعللا بانى فى ريجيم ...قال لى ان زوجها كان 300 رطل فى فبراير الان هو 210 رطل (90 رطل فى 10 شهور) اضافت انه يعمل Chef (طبعا الكلمة دى لو ترجمتها المعنى حيختل لكن نحاول) Chef يعنى طباخ وده طبعا حسب ثقافتنا السودانية شغلانه فى اسفل السلم الوظيفى.. مع انها هنا تعتبر من الوظائف الجيدة ودخلها عال جدا .... المهم سالت الزبونة كيف استطاع زوجها التخلص من 90 رطل فى 10 شهور قالت لى انه يتريض يوميا 30 دقيقة انه لا ياكل رغيف او سكر وانه يشرب موية كتيرة جدا جدا .... الشى الغريب انها اضافت انه يقول ان steak بحجم قبضة اليد لا يضر .....
انا لى فى الريجيم شهرين وفقدت حوالى 20 رطل يعنى لو واصلت 6 شهور تانية ممكن اصل للوزن المثالى لى وهو 200 رطل
________
يا اسمارت انا سادى ليكم الوردية الايام دى (بس كمان ما تطولو شديد)
Fully agree يا النصري وشكراً جزيلاً على البوست وعلى انك سجلتا عشان تنقلو للربع البعديهو ومبروك على مقاومة الشكولاتة، أنا كنت زمان مدمن شكولاتة بس الله تاب علينا منها، غايت صاحبك الطباخ نقص بني آدم كااامل ربنا يوعدنا، في واحد صاحبنا يالنصري فكرتو قريبة من صاحك الطباخ، كان بيجري نص ساعة يوميا، قال لي مرة لما لاقيتو بعد مدة وفوجئتا بي شكلوا بعد نقص (قال لي مشي اشترى دولاب هدوم كامل لأنو هدومو بقت كلها ما فت) لما يتطافس وياكل حاجة ما مفروض ياكلا بيعاقب نفسو بي نص ساعة اضافية جري بقى لما يمد يدو على ممنوعات بيسحبا زي الماديها على نار خايف من العقاب لوووووووووول عارف لسة عندي مشكلة مع الموية حأحاول أحلها وأشرب 4، 5 لتر كدا ربك يكون في العون يلا كيب ذا قود ورك
أنا اليومين ديل قاعد أرجع الكيلوهات النقصتها عشان خايف لو وصلت الوزن المثالي أقيف وبالتالي أشتاق ليكم وأنا ما عايز أفارق البوست ده لحدي ديسمبر 2012!!!! عشان كدة: 1. في اليوم على الأقل باكل لي سندوتش ميكس طحنية مع جبنة مع قزازة كولا (الإحساس مبالغة) بذكرني أيام الرمتلة لمن الواحد كان بمشي جمب البوكسي الببيع الموز يقول ليه أديني كيلو ويقعد ياكل في الكيلو ده لمن يجيه طه القرشي! 2. النوم في اليوم أقل من أربعة ساعات
3. رياضة بقت يوم الجمعة من الساعة 8 لي تسعة ونص بالليل كرة قدم (دافوري)
يا جماعة أنا برجع عادي بإذن الله يوم 26/12 ... بمناسبة التاريخ لحدي هسع أنا ما استلمت هدايا عيد الميلاد!!
Quote: انا يا اسمارت زى جيرى ساينفيلد اخر مرة استفرغت كان فى 1973 نسيتو زاتو بعملو كيف ...
تعرف انا ذاتى ممكن اعد ليك كم مره استفرغت فى حياتى و متين. مع انى بصباب بدوار البحر كتير جدا
Quote: الشى الغريب انها اضافت انه يقول ان steak بحجم قبضة اليد لا يضر .....
الكلام ه قلناه قبل شوية....لكن مين بيسمع????. اللحم مهم جدا الشوفان ده ظريق جدا. لكن احسن منه كمان العلبة الكبيرة اللى بيكون فيها شوفان بس....و انت و قدرة تخملك ...ممكن تعملوا بموية او لبن
امير....خاف الله...ده شنو ده????على قول ام الاولاد : الجرى و البشتنه لزومهم شنو???? اعدل عن هذا يا رجل. الطحنية دى مشاكلها ما فى زيادة الوزن بس....فيها كلسترول يمرض بلد. اعمل حسابك يا فردة
محمد الحاج....
Quote: قال لي مرة لما لاقيتو بعد مدة وفوجئتا بي شكلوا بعد نقص (قال لي مشي اشترى دولاب هدوم كامل لأنو هدومو بقت كلها ما فت) لما يتطافس وياكل حاجة ما مفروض ياكلا بيعاقب نفسو بي نص ساعة اضافية جري بقى لما يمد يدو على ممنوعات بيسحبا زي الماديها على نار خايف من العقاب لوووووووووول
تعرف دى فكرة عظيمة خالص خالص و كلام الطحنية ليك برضوا. انا ح اطمم بطنك من الطحنية و انزل ليك صورة لعبلة طحنية مكتوب فيها كمية السعرات الحرارية و الدهون فى قطعة صغيرة. بس خلينى امشي البيت و اصور لعلبة. للضمان كده دى القيمة الغذائية لجرام واحد من الطحنية Serving Size: 1 oz (28.3g),U Calories: 150, Fat: 8g, Carbs: 16g, Protein: 3g
Quote: يومي يا سمارت!؟ بتوزني يومي.. انت عارفه ما بين الليله وامس واول امس انا الميزان اداني فرق كيلو (بالناقص) .. يعني الليلة انا ناقصه (بحسب الميزان) اتنين كيلو عن اول امس!! الحاجه دي قاعده تحصل ليك؟ والله انا الحاجه دي بتلخبطني بشكل...
يا ريت لو بتحصل لى. انا فى احسن حالات نقضان الوزن ...بنقص تلت رطل فى اليوم. لكن ذي ما قلت ليك بوزن روحى الصباح بدرى اول ما اقوم من النوم
Post: #471 Title: Re: Sudaneseonline Biggest Loser Author: النصرى أمين Date: 12-20-2011, 02:44 AM Parent: #470
ايام الجاهلية اكتشفت خلطة رهيبة.. سكسكانية مع رز باللبن ...شئ ما يخلص
اليوم اكتشفت خلطة جديدة مبالغة .. السيريـال (العلف) مع الشوفان (انا كنت مفتكره شعير)
اخلط الاتنين مع بعض واضف لبن ..النتيجة اكلة لذيذة وطاعمة و صحية
الليلة وووب الليلة ووووووب (زى ما كان بقول ميرغنى وعمر شمشوم يوم مباراة هلال مريخ)
اليوم كانت مواعيدى مع تارا مدربة اللياقة فى الشغل.. اتصلت عليها امس معتذرا عن حضور اللقاء بسبب ان عربية سهير تم كسرها بواسطة لص محاولا سرقتها الا انه لم يكمل جريمته وترك العربية (فان) مكسورة الدركسون..احشاءها متدللة زى المصارين..شركة التامين ادتنا عربية يوكون ايجار لحين تصليح الفان ... المهم ... انتهيت من الدوام الاول ومارق اتسحب ..اشوف ليك تارا واقفة منتظرانى.. مشيت عليها وعرفت انها لم تجد رسالتى ..
اها البلبل بعوم ... قالت لى عندك دقائق ..اجبت نعم ....let us go for it
قالت لى اهم شى تقيس نفسك باستمرار... المقياس اهم من الميزان (اها يا اسمارت المعلومة دى ما قلتيها لى من قبل)
قالت لى الميزان ما مهم شديد.. اهم شئ تقيس الخصر والكتفين والضهر.... قلت ليها عمرى ما قستهم لكن ملاحظ الهدوم بقت واسعة..... قامت قاستنى وقالت لى لمن نتقابل المرة الجاية نشوف الفرق...
قلت ليها داير اتخلص من الكرش ....
ادتنى تمرينين ....قالت لى اعملها 3 مرات فى الاسبوع وخلال 3 شهور الكرش حتخف (او تختفى)
التمرين الاول كما يظهر فى الصورة الرجل فى البداية ممكن تكون مستوية على الارض وبعد فترة ممكن تنى الركبة عشرين مرة وفى كل مرة الانتظار 3 ثوان بعد مباشرة تمرين الضهر (اى تمرين للبطن لازم يعقبه تمرين للضهر)
تمرين الضهر اسمه سوبرمان برضو عشرين مرة وكل مرة الانتظار 3 ثوان عند الرفع ...
الحمدلله استطت عمل ال 20 مرة للضهر لكن فشلت فى العشرين مرة بتاعت البطن (عملت 12 بطلوع الروح)
سلام يا ناسنا امبارح وزنت ...... انجاز جديد .... تم التخلص من
عندي خبرين بايتات ... الخبر الاول الجيم بتاعنا في الجامعة خلاص قفل بعد ان ابليت فيه بلاءاً حسناً (خصوصاً في الاسبوع الاخير) و ما حيفتح تاني الا يوم 23 يناير و انا كنت محتار اعمل شنو في فترة الشهر دي لانو بدون جيم زي ما عارفين الحكاية بتبقى جوع ساكت (بعدين الواحد بقى داير يعمل Six-pack abs ) المراكز الجمبنا كلها غالية و زحمة ...
الخبر التاني : ربكم رب الخير بيقطع من هنا و يوصل من هنا ... اول امبارح الصباح ماشي الجامعة قمت لفييت (اللفة دي برجليني يا جماعة العبد لله عضو اصيل في جمعية ملاك 11خ ) على سنتر المدينة في نفس الشارع اللفيت بيهو بس لقيت ليك جيم جديد فتح رخيص و 24/7 و قرييييييييييييب من البيت كدة موضوع الجيم اتحلا :)
حاحاول اجيب ليكم صور
الناس هنا نزلوا اجازة الكريسماس ... الجو بااااااااااااااارد مع انو المفروض يكون في دفء الشغل كابس بجيكم راجع بس الزحمة تخف
Post: #476 Title: Re: Sudaneseonline Biggest Loser Author: النصرى أمين Date: 12-21-2011, 01:38 AM Parent: #475
يا اسمارت انا زول لاييييوق زى الويكة لمن اقتنع بالحاجة... انا مصمم تصميم شديد جدا اعمال تمارين البطن والضهر تلاته مرات فى الاسبوع وان شاء الله اكتب تقرير بعد كل جلسة..... طبعا بعد غياب مريم الواحد لازم يغطى ليها ورديتها هنا وبالتالى حضورى حيكون يومى رغما عن اى مشغوليات او كدات (تشديد الدال)
,,,,,,,,
عملت ال30 دقيقة رياضة وبمزاج ...مشى دقيقة واحدة وجرى بسرعة 6.2 ميل لمدة دقيقتين... قررت توثيق برنامج الرياضة بالفيديو ابتداءا من اليوم لكن نسيت الكاميرا فى البيت بكرة ان شاء محمد الاثيوبى حيصورنى بتريض مع بعض الشرح والصعوبات التى تواجهنى..
للاسف البلاك بيرى خزلنى فى صور يونس شلبى ....لم تطلع اى صور (يبدو ان الغطسة الاخدها التلفون فى التوليت عملت داميج فى الكاميرا)
النصري...بقيت كل ما اشوف بلاك بري اتذكرك. بالمناسبة خلطتك بتاعة الشوفان و السريال دى فعلا طعمها ح يكون خرافى.....لكن....... عاوزاك تعبر بتكب كم من كل واحد فيهم. جيب ليك measuring cups ذى ديل
او ذى دى
و استعملهم. احسب كمية للسعرات الحرارية المكتوبة فى الصناديق و ما تنسي السعرات فى اللبن (اعبره برضو). فى لنهاية عاوزاك تشوف فطورك الرهيب ده فيه كم سعر حرارى.
ما عاوزه ازهجك....لكن مهم تكون عارف كمية السعرات الحرارية فى كل وجبة. مهم تضيف لفطورك قطعة لحمة (سجك سودانى) او بيضتين. البورتين مهم لبناء العضلات و بيخليك تحس بالشبع لفترة طويلة.
Post: #480 Title: Re: Sudaneseonline Biggest Loser Author: Dr. Ahmed Amin Date: 12-21-2011, 08:04 PM Parent: #479
تحياتي أخي النصري ..
وتحية لكل زوار البوست .. أنا قاعد أتاوق معاكم من بعيد لبعيد
أنا مدمن رياضة وبحبها جداً .. من زاوية اللياقة العامة وصحة القلب والشرايين فقط
وما عندي علاقة بالرجيم .. وما خليت حاجة تزيد الوزن الأ عملتها .. بس للأسفمافي فايدة ...
يومين كدا نسيت الباسوورد اهو لغاية ما لقيت وكت اتذكرا سؤال أنتو العلف بتابع سمرات دا بتطورات بيهو? كنت يفتش لي في تمارين بطن ووقعت لي في جرح تمارين مدرستك دي يا النصري شكرًا يااخ الرياضة تعب أنة مع الزحام الشغل والقراية وإخوان الرجع البلد بعد عشرة سنوات غربة وشوق والامتحانات بس الاكل كنترولد كويس أنتو هل المعلومة بتابعة انو القريب عصير القريب قصدي بيساعد علي حرق الدهون دي صاح صاح الكلام دا يا حكمنا حامل لي إز متش تمارين بطن وصهر يا النصري إز بوسي بل قبل ما انوم سلام فور نااو
Post: #482 Title: Re: Sudaneseonline Biggest Loser Author: النصرى أمين Date: 12-22-2011, 02:00 AM Parent: #481
مبروك الصفحة الخامسة...ز
محمد الحاج مداخلتك الاخيرة الظاهر عليها مشفرة ..... الظاهر كتبتها وانت نعسان ....
Post: #483 Title: Re: Sudaneseonline Biggest Loser Author: مريم بنت الحسين Date: 12-22-2011, 06:59 AM Parent: #482
ازيكم يا losers... مشتاقين وكده... والله الواحد فقدكم بالجد... لكن كنت خاته في بالي لما اجي اكتب البوست ده اني اكتب اخبار حلوه، عشان كده التزمته بي برنامج الاكل بصورة كويسه، خاصة مع عدم برنامج الرياضة.. الحمدلله... مسكته يدّي كويس.. وسبته اللخبطه... وبقيت باكل بصورة متوازنه ... ما حارمه نفسي من حاجه، لكن في نفس الوقت ما جايطه الدنيا... امس وزنته لقيت روحي ناقصه كيلو... يعني 2.25 رطل... وفعلا حاسه بيه في ملابسي.... الحاجه اللزيزه التانية انه دبلتي بتاعت الزواج (التانية) بقت واسعه علي... وقصة الدبله دي انه لما اتزوجت كان عندي دبله لزيزه وعا########ي شديد... قمت سمنته عليها وبقت ضيقه... قام بعلي جاب لي دبله تانية اوسع... حسي بقت واسعه علي.. ولي فترة لابساها في اصبعي الاوسط عشان كبير، امس لقيتها واسعه عليه زاتو.. برضه عندي فستان جميل قاعده احب ألبسه مع التياب.. امس اتلبس لي براحه وبدون "شكل" ... دي الحاجات البتكيف ليها، بالاضافة لتعليقات الناس طبعا...
القراية أم دق، تمام الحمدلله... اتفقنا انا والمشرف على الحاجات المطلوبة، وشغاله عليها، عايز لما يرجع من الكريسماس يلقاني خلصته.. والمسألة بقت تشطيبات.. لكن الكم يوم الفاتو ديل كانوا صعبين خلاص! والله راسي كان جايط بشكل.. الليل والنهار الشغل زانّي لي، كان شغل تفكير اكتر من شغل انجاز.... الحمدلله انتهى على خير...
مروان اخوي بسلم عليكم، وطبعا بعتذر عن الصور، ليه طبعا، لانه اخوي الخجول... لكن اداني افكار هي اصلا موجوده واتقالت، لكن حأكتبها تاني عشان التذكير وكده.... -المويه البارده -تلاته وجبات رئيسية الزول ما يشبع، ووجبتين صغار في نصهم -الرياضة ستة ايام في الاسبوع، لازم الزول يدي نفسه يوم اجازه -كل شهر ونص كده، الزول يغير شكل الرياضة عشان ما يزهج وعشان الجسم بتعود على الرياضة... لازم نجدد ليه -ما كان بوزن نفسه، لكن كان بصوّر نفسه مره كل اسبوعين .. ويحتفظ بالصور... وكان بحفز نفسه بيها.. ما شغال بالارقام خالص
بالنسبة للsix pack يا غباشي... هم شبّاكين بس على حسب كلامه ... لكن مروان بتبع برنامج بتاع رياضة جميل جداً، انا كنت عايزه اكتب عنّه... فيه مستويين بتاعين رياضة... الأول مستوى أخف وكنت بعمله فتره، وفعلا برنامج رهيب جداً... اسمه power 90... مدته ستة مرات في الاسبوع، المره الواحده مدتها اقل من نص ساعه... يوم cardio هم مسمينه sweat ومعاه تمارين بطن، ويوم تمارين قوّه هم مسمينه sculpt... اهم مافي البرنامج ده الفيديو بتاعه، الراجل ما بخليك تقيف ولا لحظة... وبالجد نتايجه رهيبه... انا استمريت فيه شهر، في اخره بقيت اقدر اعمل 15 push up.... الكلام ده قبل لولو تجي طبعا! حسي للأسف ما حأقدر اعمل قريب إلا لما يدي تبقى تمام ميه الميه عشان ما اطنبج القصّة.. لكن انا اصلا ما مستعجلة.. حاليا المشي بالنسبة لي كويس خالص... الفيديو ده بشرح عن المرحلة الأولى power90...
والyoutube مليان بي فيديوهات عن ناس بتكلموا انهم نقصوا وزن كيف باستخدام البرنامج ده.... بجيكم بعدين بديكم الtorrent بتاع الفيديو لو عايزين تنزلوه عندكم .... المرحلة التانية اسمها power90X... دي البعملها مروان...
والله يا النصري انا قايله روحي براي ما فهمته محمد ده!... اصحى شويه يا حماي... وحمدلله على سلامة ناصر بركه الشفتوه بالسلامه... ملمومين دايما في الفرح يا رب...
بالنسبة لسؤالك.. القريب فروت.. ممكن اجاوب انا... ميزة الفاكهه دي انها فيها كالوريز قليله جداً، وطبعا فيها فايبر.. وبكلمات بسيطة، مافيها سكّر كتير... ده بخليها بتدي إحساس بالشبع.. وبالتالي الزول بياكل اكل قليل... لكن الفاكهة نفسها مافيها حاجه سوبر... يعني البرتقاله بتعمل نفس الاثر... بس الفرق انه البرتقاله الكالوريز فيها اكتر... الفقرة دي بتديك تفاصيل اكتر عن الموضوع ده... وهي من الموقع بتاع WebMD... والمقالة موجودة في اللنك التحت ...
Quote: While grapefruit is a very nutritious low-calorie fruit (66-84 calories per serving), loaded with vitamin C and fiber, it is not a mysterious fat burner. The low glycemic index, high fiber, and low calorie nature of the fruit may reduce insulin levels and help dieters feel full and eat fewer calories. Beyond that, no magic appears to be at work with the Grapefruit Diet. Experts say one small study is not enough to pin magical powers on this fruit.
مريوم جات...مريوم جات...مريوم جات...مريوم جات... تعرفى اكتر حاجه بتزهجنى نوع الكلام بتاع: القريب فروت بيحرق الدهون...و كده. شكرا يا مريم على التنوير و المعلومات المفيده.
و قبلها طبعا مبروك ميروك على الكيلو....الف مبروك.لما الدبلة القديمة -العاجباك- تبقى قدرك تماما ....ختي الدبلة الجديدية الكبيرة فى سلسل و البسيها دلاية عشان تتذكرى الايام الخوالى.
سلامات Dr. Ahmed Amin ليه عاوز تزيد وزنك????? لو حاساس ان صحتك ما كويسه من الضعفة...ممكن طبعا تحاول تويد وزنك...لكن احسن تتكلم مع طبيبك فى الاول.انا ما عارفه انت دكتور طبيب ام دكتور فى مجال اخر. لكن لو دكتور طبيب اكيد عارف ان الضعفة ما مشكلة الا تكون ضعفة و معها مشاكل تانية. لكن لو عاوز تسمن بس عشان تدى الهدوم منظر احسن حاجه تعملها انك تمشي الجم. ايوه ...تمشي الجم. تتريض عشان تعمل عضلات و لكن لازم برضوا تاكل اكل غنى بالبروتين و النشويات. دى الحاجه اللى بيعملوها الرياضيين المحترفين. بياكلو اكل تمام ...لكن بيتريضوا رياضة تمام برضوا Think about it
لاحولا ,,,,, انا قلت اسمارت دى جنت!! بتتكلم مع منو ؟ رجعت للصفحة الرابعة وجدت اخر مداخلتين لم امر عليهم الا الان ... اعتذارى الشديد لدكتور احمد امين ..بالرغم من انى عامل روحى تفتيحة فى كيفية التعامل مع البورد الا اننى حقيقة دقست ولم انتبه لمداخلتك بالاضافة لمداخلة اسمارت
السبب كله من مداخلة محمد الحاج التى افتتحت الصفحة الخامسة وخلتنى جيت جارى طيران عشان ابارك .......
يا دكتور الف مرحب بيك فى عالم الخسرانين ..اتمنى من كل قلبى ان تواصل المشاركة معانا ولا تنقطع فتبادل الاراء والخبرات مهم جدا ....
قلت لى داير تكسب وزن؟ سلفنى روحك لمدة اسبوع ..براحة ممكن اخت ليك 20 رطل وبمزاج .... رغيف و بطاطس ولحوم محمرة بالزيت وعصائر وسمنة وطحنية.. والله استمتع استمتاع ......
لكن زى ما قلت الاهم هو صحة الجسم ودى بتشمل الجميع ..سمان وضعاف .. عجائز وشباب ..نساء ورجال .....
الف حمدلله على السلامة يا مريم بمناسبة الدبلة ...اليوم لقيت دبلة الخطوبة ..رايحة منى ليها زمن طويل لقيتها واقعة تحت الهدوم ..اصلو انا زول عشوائئ.. الدبلة كان جزء من طقم فضى هدية من الصديق العزيز مبارك شمبول.. كنا خريجين جداد ومبارك كان شغال استاذ ثانوى عام مرتبه كله ختاهو فى الطقم دة
للاسف باقى الطقم راح فى خبر كان .....
Post: #490 Title: Re: Sudaneseonline Biggest Loser Author: Dr. Ahmed Amin Date: 12-22-2011, 09:07 PM Parent: #489
سلام وتحية للمجتهدين للحصول على الصحة والجمال والرشاقة
يا سمارت لله الحمد لا أعاني من أي توع من الامراض .. وكتير جدا من أصدقائي حاسدني على وزني ( حتى المدام) وبالمناسبة أنا من النوع المتعب جدا في الأكل لا أكثر من أي شيئ .. لا أكثر من النشويات ولا الدهون ولا السكريات ولا أشرب أي مشروب غازي (بكرهه عديل) وأشرب كباية شاي واحدة في اليوم (حجم صغير) .. وأحب رياضة الجري وأمارسها يوميا لمدة نصف ساعة (جكة) , عشان كده بحرق حتى شوية الموجود
لكن ذي ما قلتي انتي يا سمارت الواحد داير يملأ هدومه
شكرا كتير ليك يالنصري على البوست الشحمان ده ههههههه .. ... .. وقد ذكر في الحديث الشريف " المعدة بيت الداء والحمية بيت الدواء"
يلا شدوا حيلكم وربنا يوفقكم ..
Post: #491 Title: Re: Sudaneseonline Biggest Loser Author: مريم بنت الحسين Date: 12-23-2011, 09:53 AM Parent: #490
Quote: ختي الدبلة الجديدية الكبيرة فى سلسل و البسيها دلاية عشان تتذكرى الايام الخوالى.
والله دي فكرة لذيذة خلاص يا سمارت... تعرفي، في طريقة بعملوها الفنانات عشان يراقبوا روحهم وما يزيدوا من غير ما يحسّوا، وهي انه الواحده بتلبس سلسل في خصرها يكون بالضبط على قياس الخصر.. وبكده لو زادت شويه السلسل بضيق عليها وبتحس بيه... ده بوريك برضه يا النصري انه مهم جدا قياس محيط الخصر، اكتر من الرقم بتاع الميزان...
انا طبعا الليلة اخدته مقاساتي ... وتاني ما حأقيس لحدي يوم 18/1... لاني يوم 19 مسافره لي سفره كده (لسه ما مؤكده، لكن احتمال كبير)، لكن عايزه اعتبرها كtarget لي.. ده غير اني حأرجع بكره للمشي ... يدي ما perfect لسه، ولو تعّبته روحي خلال اليوم بالليل بتألمني... زي أمس مثلاً... لكن لازم أتمشّى.. حأعمل حسابي عشان ما احرّكها كتير اثناء المشي... وده عهد هنا اني ما حأشوف الميزان تاني إلى في التاريخ الكتبته (رغم انه صعععععععب اني ما اشوفه) لكن عشان احافظ على كلمتي التزمته بيها قدّامكم... في حاجه تانية كانت مساعداني جدا في الفترة الفاتت عشان احافظ على اكلى... وهي، شُرب المويه.. الناس لاقين صعوبة في القصة دي، انا غايته اول ما اصحى من النوم وعلى الريق بشرب أربعة كبابي مويه (بارده)... هي ما بارده شديد، لكن بطّلته أسخّن المويه زي زمان لووووول... يعني بحسب درجة حرارة الجو عندنا، وطبعا برد الفترة دي... كده الزول بكون شرب نص الكمية المطلوبة في اليوم... وطبعا العلاج بالمويه شي شائع، انا ما عارفه هل القصة دي مفيدة ولا لأ... غايته ده مقال بتكلم عن الموضوع، لكن ما شكله كده علمي... المهم في الموضوع اني بحس بي راحه لما اعمل الحركة دي... http://www.knowledgebase-script.com/demo/article-113.html بعداك خلال اليوم ممكن اشرب كباية قبل كل وجبه... القصة دي بالجد هي اكبر شي غيّرته في الفترة الفاتت واعتقد انها ساعدتني.. برضه باكل خمسة وجبات... الsnacks بتاعتي غالباً بتكون تفّاحة... او موزه، حسب الموجود... ولو ما لقيت باكل اي شي... بس تكون حاجه كميّتها بسيطه..
المره الجايه، لما افضى بجي اكتب عن موضوع النوم، عندنا في السودان بقولوا ليك النوم الكتير بخلي الزول يسمن... على العكس من الscientific research البقول العكس تماماً!! good news للناس البحبوا النوم!... بجي اكتب بالتفصيل عن الحتّه دي....
اليوم كان اخر يوم فى الدورة الاخيرة من 2011 ..نسميها sign up لان كل عامل يوقع على قطع عمل ثابتة يؤديها كل اسبوع .. اليوم كان emotional ودعت كثير من زبائنى اليوميين .. احدهم اهدانى صندوق شوكلاتة وسيدة اهدتنى كرت معايدة مكتوب فيه مايلى:-
I wanted to say thank you for the times i was running for the bus and you slowed down and waited for me to make sure i made it to work on time Thank you so much. Wanted you to know that your kindness is remembered
Thank you
لم اتمرن اليوم بسبب تغيير جدول العمل بسبب ان المدرسة التى اخدمها يوم الجمعة حتقفل بدرى ...ساعمل 3 دوامات اليوم بدلا عن دوامين .....
وقفت فى سوبرماركت ..اشتريت سمك وخضارات .. زهجت من الفول ....
وزنت نفسى اليوم ..على بعد حربشات من ال 260 رطل المرجوءة ..
Post: #493 Title: Re: Sudaneseonline Biggest Loser Author: مريم بنت الحسين Date: 12-23-2011, 09:03 PM Parent: #492
يا سلااااااااااااام يا النصري، والله الصور فرق كبير جداً ما شاء الله ... شجّعتني زيادة والله...
Post: #494 Title: Re: Sudaneseonline Biggest Loser Author: مريم بنت الحسين Date: 12-24-2011, 11:55 AM Parent: #493
يا اخوانا شنو يعني !! الناس وين... أمير وغباشي طفشوا عديل كده.. وامير ده مع الطحنية بكون رجّع الخسره كلّه وفوقه حبة مسك!
محمد الحاج، ما تركلس، انت لسه باديء..
النصري، الاخبار شنو؟
سمارت يا حكم، طولتي ما اعلنتي خاسر اكبر...
يا ابتهااااااااااااااااااال
____________________________________________________________ "مالك ما بتسمني كان نايمه اليوم كلّه!!" النوم والوزن... ما العلاقة! احنا قلنا انه على العكس من الاعتقاد السائد، فإن النوم زيادته ما بتزيد الوزن، بالعكس... وجدت الابحاث انه قلة النوم بتخلي الزول تاني يوم ياكل زياده عن حاجاته... في كلام كتير عن دور الهرومونات في الحته دي، لكن أهم حاجه هي انه الجسم confuses قلّة النوم مع الجوع... يعني الزول يكون ناقصه نوم يجيه احساس إنه جعان.. يقوم ياكل... ومهما ياكل جوعه ده ما يتسد... والسبب انه هو محتاج لي نومه موش لي أكل... طبعا الأكل والنوم مباشرة زي ما قالت سمارت بخلي الزول يزيد وزن.. رغم انه في كلام علمي متضاد في النقطة دي، احنا نعمل الاتي: -نحاول ننوم كفاية (عارفاها صعبة، اسألوني انا!!) -نحاول ما ناكل قبل النوم مباشرة، او حتى لو اكلنا ناكل شي خفيف...
وزي ما بقولوا، ما تتكلوا على انه النوم بخلي الزول ينقص وزن وتفتحوا للجيم، لانه دي ما النظرية، النظرية انه عدم النوم بزيد الوزن، لكن موش العكس!
المصدر (فيه كلام علمي كتير للناس العايزين يحكّوها )
سبحان الله يا مريم حكاية النوم جات فى بالى زى مليون مرة وكلما اجلس على الكمبيوتر انساها ....
منذ فترة لاحظت انو نومى قل .... كنت ما بصحى الا بالمنبه ... وحتى المنبه نفسه مرات بضربه واخد لى خمس دقائق زيادة ...
كنت وبسهولة جدا ممكن انوم 12 ساعة فى اليوم (والله على ما اقول شهيد) 9 او 10 او 11 ساعة فى اليوم ...عادى جدا ...... والغريب بكون نعسان باقى اليوم .....(طبعا دى الايام الشغل بكون ضعيف)
دلوقت ومنذ اسابيع اشك اننى بنوم 8 ساعات فى اليوم ... وما بكون نعسان باقى اليوم .....
ما عارف دى ليها علاقة بالرياضة والريجيم ام هى دورة من دورات الدماغ تنتهى وترجع حليمة لعادتها القديمة
Post: #496 Title: Re: Sudaneseonline Biggest Loser Author: مريم بنت الحسين Date: 12-25-2011, 04:41 AM Parent: #495
والله يا النصري ما عارفه بس نظريتك دي مختلفة عن كلامي... احتمال انك motivated عشان تقوم وتعمل شي.. عشان كده بتنوم أقل... بالمناسبة، انا القلت انه القياس مهم .. ما سمارت لكن يا زول اصلو ما عندك مشكلة... بس نخلص من يونس شلبي تجينا أم هاني... يعني اصلو مافي طريقة نفوز معاك...
بمناسبة القياسات... لقيت الكلام ده ومعاه كلام عن كيف نوزن نفسنا، انا شخصياً استفدته منّه وفسّر لي حاجه كانت مجنناني....
كيف نوزن نفسنا ---أول حاجة بالصباح ---أقل ملابس ممكنة ---ما نوزن بعد تمارين، لانه الرقم حيكون جايط ---لو الزول بعاني من حالة امساك (الله يكرم السامعين)، ما يوزن إلا لما يمشي الحمام، لانه كده انت بتوزن روحك والاكل الجوا جسمك كله... فالرقم بطلع غلط.. ودي المشكلة الكانت بتحصل لي... مرات ألقى نفسي زايده شديد... بعد كم يوم اوزن ألقى وزني ناقص كتير... ---بالنفس الفهم، لو الزول وزن نفسه خلال اليوم او بالليل، فمعناها بوزن معاه الاكل والشراب الاكلهم خلال اليوم
اذا الرقم طلع زيادة (الحته دي طمّنتني جداً) ---لو اكلنا ملح زيادة، الجسم بحتفظ بي الموية، بالتالي ما بالضرورة تكون الزياده دي دهون، غالباً بتكون وزن موية ---اذا احنا بنتريض، وزن العضلات البنعملها ممكن يوهمنا اننا زدنا وزن... ده النقطة البتحسمها قياسات الجسم ---ننتبه للإمساك... ---نتأكد من الميزان انه موزون صح، مرات لو قاعد فوق سجادة ولا شي بديك رقم غلط ---لو كتّرنا أكل الاسبوع داك، احتمال القصة تكون وزن زايد فعلاً
شفتو الكلام ده لزيز كيف، يعني زيادة الوزن ما حاجه ساهله انها تحصل! ما لخبطة يوم واحد ماشه تزيدك كيلوين تلاته!
كيف ناخد قياساتنا
---اهم شي ما نشد عضلاتنا واحنا بنقيس، مافي داعي للخرخره... ---نكون لابسين ملابس خفيفه ---ما نقيس كتير، مره كل شهر ونص كده، لانه القياسات دي ما بتتغير بسرعة
لناس الiPhone/iPod/iPad... في App اسمه fitter... مجاني، وبخزن ليك معلومات كتيره منها وزنك وقياساتك ... وبحسب ليك الBMI وBMR (####bolic rate( بتاعك... طبعا بالتقريب... برضه بحسب حاجه اسمه waist to hip ratio وبحسب الBody fat percentage برضها تقريبية.... لكن الapp لزيز وبوريك الprogress بتاعك...
سلام يا جماعة احنا مع الكريسماس جيم و نوم شديدين .... ما مشيت الجامعة لي من اول امبارح مشيت الجيم الجديد .... خرافي + نضافة عجيبة , بس الاجهزة ما عجبتني مع انها شاشات و قنوات و ملتيميديا عجيبة و للا عشان انا متعود على اجهزة الجيم بتاع الجامعة او بالتحديد ماركة Life Fitness و التريدميل بتاعتهم زلاقة و للا الـ running shoes بتاعي بقى ما تمام :) في النهاية جريت بسرعة 8.5 km/hr في عشرين دقيقة و قطعت زي 3.5 كيلو الاكل محافظ عليهو مافي سكريات , كاربوهيدرات و البسكويت سبب البلاوي برضو برة الايام دي بشرب هherbs و Ginger Tea دي عشان الـبطن تبقى flat .... اخوكم جادي في موضوع الـ six-pack شكراً يا مريم على التورينت نزلت الفيديو و وحاحاول اشتغل بيهو مع انه غرفتي ما فيها فرقة في الجيم بتاع الجامعة في مجموعات بتاعت aerobics و بيني بينكم عاجبني و داير اخش فيها من السنة الفاتت لكن المشكلة انو كلهم chicks اصحابي في الجامعة بيقولوا امشي خش معاهم احتمال تلقى your future wife among them غايتو لما الجيم يفتح في مقره الجديد حامشي اخش معاهم only for the sake of fitness
النصري سلامات داير ارد ليك على تعليقك القلتو لي بخصوص العرس , يا النصري ياخ احنا هنا في البلد دي لسة ضيوف و ما عندنا قدرة نفتح بيوت و ما معروف لسة اذا عندنا فيها رزق و للا لا , كدي في الاول نكمل قرايتنا دي و بعد داك نشوف موضوع شريكة العمر ووجع الراس المزمن دا (بصراحة يا جماعة حاسي بنفسي اتعودت على الـ bachelorhood) لكن لو عندكم لي عروس قولوا عوووووووك
موقفي في التحدي بتااع مدينتنا مطمن في المركز التالت, التصنيف بطلع كل شهر و على حسب الـ total loss بالله شجعونايا جماعة
صفقة قوية جدا جدا للنصرى Job well done يا النصرى الفرق ظاهر فى الصور...ما شاء الله تبارك الله. و كان ح يكون اوضح لو كنت اخدت الصور من نفس الزاوية
Quote: وسيدة اهدتنى كرت معايدة مكتوب فيه مايلى:- I wanted to say thank you for the times i was running for the bus and you slowed down and waited for me to make sure i made it to work on time Thank you so much. Wanted you to know that your kindness is remembered Thank you
دى يا النصرى واحده من الحجات اللى بتخلينى ما عاوزه ارجع السودان (انا ذيك رافعه شعار انى ما راجعة قريب). الحاجه هى كون انه الناس الحولك بيقدروا شغلك و مجهودك. اليوم الكرسماس و انا فى المكتب ...وحدى فى كل المبنى لانى وعدت زملائي اخلص ليهم شغل قبل نهاية الويك اند. اليوم فى عزومة (رجال سودانييين فى بيتنا) و عشان اوفق بين الاتنين (العزومة و الشغل) امس ساهرت لحدى 1 صباحا بجهز فى اكل العزومة. عملت كل شيء...ناقص بس اقطع السلطة. و صحيت اليوم مشيت المكتب. ناس العزوة (عارفاهم) ح ياكلوا بس. ما فى زول حتى ح يقوا لى شكرا على المحمر و المشمر. لكن ناس الشغل ح يقدروا مجهودى و تعبى.
Quote: دلوقت ومنذ اسابيع اشك اننى بنوم 8 ساعات فى اليوم ... وما بكون نعسان باقى اليوم .....
كلام مريوم عن النوم و الاكل صحيح. لكن اظن انك كنت تعبان طوالى و كسلان بسبب عدم الرياضة و الاكل الملخبط (طحنية و كده). الان جسمك كله ماشي كويس (الحمد لله و ما شاء الله) بسبب الرياضة. معدتك بقت مظبوطه احسن و نومك بقي بصورة معقولة. تعرف يا النصرى لو كنت مشت الدكتور قبل موضوع الرياضة و قست الكلسترول و الضغط و كل الحجات و قستها الان ...كنت ح تلاقي كل الامور اتصلحت. صفقية قوية تانى للنصرى
Quote: في حاجه تانية كانت مساعداني جدا في الفترة الفاتت عشان احافظ على اكلى... وهي، شُرب المويه.. الناس لاقين صعوبة في القصة دي، انا غايته اول ما اصحى من النوم وعلى الريق بشرب أربعة كبابي مويه (بارده)... هي ما بارده شديد، لكن بطّلته أسخّن المويه زي زمان لووووول... يعني بحسب درجة حرارة الجو عندنا، وطبعا برد الفترة دي... كده الزول بكون شرب نص الكمية المطلوبة في اليوم... وطبعا العلاج بالمويه شي شائع، انا ما عارفه هل القصة دي مفيدة ولا لأ... غايته ده مقال بتكلم عن الموضوع، لكن ما شكله كده علمي... المهم في الموضوع اني بحس بي راحه لما اعمل الحركة دي... http://www.knowledgebase-script.com/demo/article-113.html بعداك خلال اليوم ممكن اشرب كباية قبل كل وجبه... القصة دي بالجد هي اكبر شي غيّرته في الفترة الفاتت واعتقد انها ساعدتني.. برضه باكل خمسة وجبات... الsnacks بتاعتي غالباً بتكون تفّاحة... او موزه، حسب الموجود... ولو ما لقيت باكل اي شي... بس تكون حاجه كميّتها بسيطه..
يا جماعة اسمعوا كلام مريم ده كويس جدا. دى خلاصة البوست. انا شخصيا شرب الموية الصباح بيزبط لى بطنى و يبعد عنى الامساك (حماكم الله)
نجى لولدنا غباشي.... رافع راسنا فى مسابقة المدينة ان شاء الله.
عن موضوع العرس....يا ولدى عرس ما تنتظر القراية تخلص و لا حتى الشغل. فى سر انا ح اقوله ليك ( لكن ما تكلم زول ). احسن تعرس الان و انت طالب. لو لحقت اتخرجت و اشتغلت بدل "العريس طالب" ...ح تبقى "العريس استاذ جامى" او "العريس مهندس كبير" و تبقى فى الاعراس ام 50 الف دولار. مع ان الفرق ممكن يكون شهر وحد بين انك طالب و بين انك مهندس كبير...اعمل حسابك
Post: #500 Title: Re: Sudaneseonline Biggest Loser Author: مريم بنت الحسين Date: 12-25-2011, 08:59 PM Parent: #499
بركة الظهرتوا.. قربته احرد ليكم...
انا الليلة رجعته للرياضة، بس براحة خالص.. مشي برااااحه اقصي شي كان 3.8 كيلو/ساعة.. ومشيت نص ساعه بس.. وكويس اني عملته كده لاني حاسه بي كتفي مااااا تمام حسي بعد انتهيت... يعني لو شالتني الهاشمية وعملته زي العادة حسي كان رقدته تاني!
بكره بقيّم الوضع واشوف لو حأعمل رياضة ولا لأ...
Post: #501 Title: Re: Sudaneseonline Biggest Loser Author: مريم بنت الحسين Date: 12-27-2011, 10:54 AM Parent: #500
نجي لطريقة الportion control... وهي التحكّم بي كمية الاكل البناكله...
بقولوا ليك عشان تقدر تعمل portion control ما ينفع تخلي القصّة مفتوحه.. يعني الportion دي مختلفه عند الناس.. وفي ناس بحسوا بالاكل شويه وهو كتير... عشان كده ادوكم طريقة للقياس بي حاجه دايماً موجوده وهي اليد... اجل.. كل زول يستخدم يدّه عشان يقيس كمية الاكل البياكلها... في موضوع الportion control، في حاجتين.. في الsize وفي الserving...يعني مثلا بقول ليك لو عايز تاكل steak بتاعت لحمه او دجاج او سمك.. بتقيس الsize بي حجم اليد بتاعتك وهي مفتوحه مع اصابعها.. الserving هي عدد المرات الممكن تاكل فيها الكمية دي خلال اليوم... بقول ليك انت لي محتاج لي two servings في اليوم... نفس الشي بالنسبة للرز... يتقاس بي اليد من غير الاصابع.. يعني باطن اليد بس... وزي المكرونه او الخبز... الصورة دي حتوريكم امثلة على الطريقة دي
طبعا الجماعة الشغالين بي مبدأ الغنماية طريقتهم مختلفة... يعني الportion control كويسه لي زول عايز ياكل النفسه فيه، لكن بس يقلل الكمية.. وهي طريقة محتاجه زول عنده تصميم.. لانه ممكن عادي يحصل over eating... وبي مناسبة الover eating.. نقطة حبيت انبّه ليها الناس العايزين ياكلوا اكل صحّي.. وقالها قبل كده محمد الحاج... وهي انه الزول عادي ممكن ياكل كتير من الhealthy food.. ودي مشكلة اكبر .. لانه الزول بياكل من غير ما يشعر على اساس انه ده اكل صحّي بالتالي ممكن يكتّر منّه.. يعني الخبز الاسمر صحّي، لكن فيه كالوريز... زيت الزيتون صحّي وبكسر الكولسترول، لكن فيه كالوريز عالية كمان.. الفواكة زي المنجا والموز والعنب... ده كله فيه كالوريز .. بمعنى آخر بزيد الوزن... ممكن الزول يشرب كباية واحده بتاعت لبن full fat.. ولما يكون في حليب low fat يشرب كبايتين... في النهاية جاب الفرق وزيادة شويه...
دي قائمة لقيتها حلوه، قلت اكتبها ليكم.. سبعة انواع من الاكل بتخلي الزول ما ياكل كتير... (1) الموز: بالمناسبة أهلنا بقولوا ما تاكلوا الموز على الجوع... لكن في اي مشكلة انه الزول ياكله على الجوع... يمكن اهلنا زمان عايزين يسمنوا عشان كده قالوا كده! (2) البيض: زي ما قالت سمارت.. البروتين بشكل عام بخلي الزول يحس بالشبع فترة طويلة (3) اللوز: حفنة منّه ما كتير طبعا.. مفيد جداً.. فيه OMEGA-3 وبخلي الزول يحس بالشبع.. بس اعملوا حسابكم من الملح .. (4) الأفوكادو: ما حبيته! وما في ثقافتها.. لكن بملا البطن.. قبل كده عملته منّه بيتزا واخترعت لي سلطة زي سلطة الاسود منّه لووووول.. لكن تاني ما جبته.. في fat طبعا... لكن بملا البطن الزول ما بياكل كتير بعده (5) الدكوه: أجل أجل أجل.. الدكوه بتخلي الزول يتملي فل... ممكن الزول ياكلها مع سلطة .. زي ما بناكلها احنا، بس نعمل حساب الكميّة طبعا (6) الشوفان oatmeal: زي ما لاحظ النصري، بخليك مليان فترة طويلة.. وبعطّش كمان.. تقعد تملى بطنك مويه بعده.. لوووول (7) التفاح! ودي جديدة علي.. وزي ما كتبته قبل كده، الفترة الفاتت لما بقيت اعمل لي snack تفاحه كده نص اليوم، نقصته كيلو .. لاني بعداك ما كنت بقدر اكل كتير في الغدا...
غباشي.. مبروك ياخ البرونزيه... نشجّع الشعب السوداني كله والله... ارفع راسنا..
القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون القريب فروت بيحرق الدهون الفوق دا عشان ازهج سمارت هي ، اصلا يا اسمارت القصة حبة كسل يعني بينا وبين التأكيد أو نفي المعلومة قوقلة الحاجة، فما تزهجي يااخ ازيكم يا شباب، أنا آخر مرة قست قبل يومين لقيت اني عملت 100.7 يعني اوفر ال نزلت 2 كيلو عديل كدا، الرياضة ستل في المنمم لكن في كنترول كويس على الكربوهيدرات والبروتين سلام فور ناو
Post: #503 Title: Re: Sudaneseonline Biggest Loser Author: مريم بنت الحسين Date: 12-27-2011, 06:38 PM Parent: #502
يوم مطيّن خالص.. ما نمته لي تلاته ساعات على بعضها ما بين البت لولو.. ومحمود ... لولو طبعا بتعمل فاصل غنائي كل ساعتين .. وبمشي اعمل تمام قدّامها عشان تواصل نوم... اما محمود فقام بي حُمى وقُحه صعبه... ومما قام (5:30) تاني ما نمته ولا دقيقه..! وبالتالي نظرية الاكل الجايط طبقتها على اصولها!!!! انا يدي اليوم كله في خشمي! في الفاضيه والمليانه... عملته smart choices، لكن ما بحلّني! ورياضة مافي... اجيب الطاقة من وين زاتو البتريّضو بيها!...
بكره is a new day.. ان شاء الله...
Post: #504 Title: Re: Sudaneseonline Biggest Loser Author: النصرى أمين Date: 12-28-2011, 04:53 AM Parent: #503
سورى مريم على الغياب اليومين الفاتو... طبعا واضح انى ماكنت غائب عن البورد ... قريت كل المعلومات الدسمة وجارى العمل بيها ...
الحمدلله انتهت اجازة التلات يوم والاداء كان سئ ... مافى رياضة والاكل ملخبت...
اليوم اول ايام الشغل الجديد وكنت شايل هم ما امشى اتريض لانى اتعودت على الرياضة بالصباح ... المهم انتهيت من الشغل الساعة 8 مساء .. وجرى على صالة الرياضة .... عملت النص ساعة بمزاج وبعدها عملت تمارين البطن والضهر ....النفسيات ارتفعت شديد رجعت البيت لقيت المنبر اتارشف ....
اثناء الشغل ....جيت مارى بمحطة لم ارى احدا فيها ...فجاة ظهر شاب كان ينتظر البص فى المكان المخصص ... وقفت ليهو واعتذرت اننى لم اره .... قال لى السبب هو الجاكيت الذى يلبسه وهو يشبه لبس الجيش ..قال كلمة ...سمعتها مئات المرات ولكنى لا اعرف معناها الان نسيت الكلمة ... لكن اظنها فرنسية .....حاجة كدة زى كاموراج ...ياريت زول يزكرنى ليها ..
Quote: قال لى السبب هو الجاكيت الذى يلبسه وهو يشبه لبس الجيش ..قال كلمة ...سمعتها مئات المرات ولكنى لا اعرف معناها الان نسيت الكلمة ... لكن اظنها فرنسية .....حاجة كدة زى كاموراج ...ياريت زول يزكرنى ليها ..
camouflage
or a camouflage jacket
Quote: the use of leaves, branches, paints and clothes for hiding soldiers or military equipment so that they look part of what surrounds them
the way that the colour or shape of an animal or plant appears to mix with its natural environment to prevent it from being seen by attackers
something that is meant to hide something, or behaviour that is intended to hide the truth
Post: #506 Title: Re: Sudaneseonline Biggest Loser Author: النصرى أمين Date: 12-28-2011, 07:34 AM Parent: #505
والله يا الهادى امنت بيك عديل قدر انا ما قوقلت الاحتمالات ما صدقت معاى...
camouflage دى الكلمة الرايحة .. مرت على كتير لكن دى اول مرة اسمعها فى action .....
الغريب الزول ده لمن طلع البص ..العطر المستعمله جميل جدا وعجبنى ( وانا طبعا بمر على زى مليون نوع بتاع عطر فى اليوم ) قلت اساله عن ماركته ...لكن خجلت .. قلت البركة فى camouflage
بالمناسبة يا النصري في شركة كندية صاحبها شاب في التلاتينات بتعمل افضل كموفلاج في العالم. و طبعا اكبر زبون ليهم الجيش الامريكي.
Post: #508 Title: Re: Sudaneseonline Biggest Loser Author: مريم بنت الحسين Date: 12-28-2011, 08:22 PM Parent: #507
يا سلااااااااام الليلة مشيت لي لمّه زميلاتي في الشغل سودانيات اتلاقينا عند واحده فيهم عندها مناسبة.... الكل كان تعليقهم اني "ضعفته".. والكل عايز يعرفني عملته شنو...
العمليه يا مريوم ما هين. عندك بيبى و وجع كتف و بعد ده كله حافظتى على اكلك و انتظمى فى الرياضة
Post: #510 Title: Re: Sudaneseonline Biggest Loser Author: النصرى أمين Date: 12-29-2011, 07:40 AM Parent: #509
والله يا مريم جيت حسى البيت الساعة 12:30 بعد منتصف الليل تعبان ودايخ ... جارى اليوم كله فى موضوع تاشيرة السعودية وقلت بس اخد طلة سريعة على البوست لكن غلبنى الا ابارك ليك,,,,
مقولة "لكل مجتهد نصيب" هى حكمتى المفضلة وانت اجتهدت وزى ما قالت اسمارت رغم المعوقات ومشغوليات البيت والاطفال الصغار بالاضافة الى الاصابة واصلتى فى البرنامج اى نعم يوم فوق ويوم تحت لكن المهم واصلتى ولم تستسلمى ....انت هنا بترسلى رسالة الى كل ست بيت ....مافى واحدة عندها عذر ...بالارادة والتصميم ممكن جدا تجاوز كل العقبات ......
مرة اخرى الف مبروك
وعقبالنا ( فضل لى 3 اسابيع للاجازة السنوية)
عشان ما انسى عندى حكاية قصيرة دايرة احكيها عن الشاى ... بكرة ان شاء الكريم
**** الحمدلله اتريضت النصف ساعة ..دقيقتين جرى بسرعة 6.2 ميل فى الساعة ودقيقة مشى المجموع حوالى 2.2 ميل حرقت فيهم حوالى 450 كالوريز... تصبحوعلى خير
Post: #511 Title: Re: Sudaneseonline Biggest Loser Author: مريم بنت الحسين Date: 12-29-2011, 01:33 PM Parent: #510
والله ما موش قلت ليك انت motivational speaker!... رفعت لي معنوياتي.. هي اصلا عالية طبعاً...
شكرا يا سمارت ... الدور الأكبر هو للبوست ده.. هو البخليك تراقب نفسك وما تستلم لليأس... لانه ده اكبر مشكلة...
الليلة عاملة للجماعة قرّاصة بالدمعة.. والله حاجه جنان... طبعا الدقيق ما مقشور which is good... كإجراء احترازي من الover eating خاصة في البرد ده... شغاله اشرب سوائل كتيره... غير المويه طبعا (لسه ما اتغدينا)... وعامله سلطة خضراء عشان اكل فيها كتير... سياستي... لقمة من القراصة، تلاته لقم من السلطة... غايته حاله صعبة خلاص!!
اها ,, لى حوالى شهر تقرييا ,,كل يوم وانا ماشى على الشغل فى الضهر ...بعمل ترمس بتاع شاى احمر .... بغسل الترمسة واخد كيس شاى واحد وخمشة بتاعت نعناع ومعلقة نص سكر... وبشيل كباية صغيرة بتاعت قزاز(زى حقت السودان زمان)
لمن اركب البص.. بدا اكبكب فى الشاى واغنى (قتلا للملل)
قبل يومين عملت نفس الاجراء بس للاسف مع الاستعجال الكباية اتكسرت وانا بركب فى البص ,,,, مش مشكلة .....نشرب من الترمس مباشرة (اصلى انا زول صحراوى)
بعد ساعتين ...الشاى خلص ,,,فضلت رشفة او رشفتين,,,, رفعت الترمس فوق واديت الشاى نظرة اخيرة قبلما اخلص عليه لاكتشف انى نسيت اخت شاى فى الترمسة ... انا كنت بشرب نعناع بموية السكر .... طوالى اقتنعت انى ما كييييييييييييف شاى .... جربندى ساكت
Quote: لاكتشف انى نسيت اخت شاى فى الترمسة ... انا كنت بشرب نعناع بموية السكر .... طوالى اقتنعت انى ما كييييييييييييف شاى .... جربندى ساكت
مبالغة يا النصرى...يا اخى انت عليك حجات...بدع
Post: #514 Title: Re: Sudaneseonline Biggest Loser Author: النصرى أمين Date: 12-30-2011, 05:24 AM Parent: #513
اليوم يا اسمارت ختيت 2 كيس شاى فى الترمس عشان اصحى.. لكن الشاى بقى لى مر (حليل موية السكر) والنعاس ما طار ...
_______________
اليوم كان صعب شديد لكن الحمدلله استطعت تجهيز كل المستندات للتاشيرة وارسالها بالبريد المستعجل (اكثر من 50 دولار)
انتهيت من الشغل ومشيت على صالة الجمباز... اكتشفت صالة جديدة فى ورشة صيانة البصات ... الصالة مكعكعة وما فيها تلفزيون لكن فيها نفس الاجهزة... فاضية ومافيها اى زول عكس صالتى الاساسسية التى اكتشفت انها زحمة جدا حوالى 8 مساء ... المهم الصالة الجديدة فيها ميزان زى حق الدكاترة ... مافهمتو ...لكن بمساعدة احد العاملين نقشتو بشتغل كيف... قبل الرياضة وزنت نفسى بالهدوم وبالجزمة لقيت الميزان 264 رطل...
بعد الرياضة (30 دقيقة منها 20 دقيقة جرى سريع و10 دقائق مشى) بعد الرياضة وزنت نفسى حفيان بدون جزمة لكن بالهدوم لقيت روحى 260.5 رطل ..... برضو اخدت لى دش ...
حتى لا انسى ..اليوم عملت تمارين البطن والضهر (سوبرمان) طبعا هى يوم بعد يوم وليس يوميا
Post: #515 Title: Re: Sudaneseonline Biggest Loser Author: مريم بنت الحسين Date: 12-30-2011, 10:43 AM Parent: #514
والله يا النصري ما شاء الله انا للأسف الايام دي الرياضة off.. الtreadmill بتاعتي (والله حأنزل ليك الصورة يوماً ما)، قاعده في ابرد غرفة في البيت.. وانا زولة جرسه جداً من البرد.. ده غير اني شغاله تمريض الايام دي.. اولادي الاتنين وابوهم عيّانين.. وحالتهم حاله.. وانا خاااااااايفه امرض معاهم... عشان كده متضارفه على روحي، على الاقل لحدي ما يبقوا كويسين بعداك ممكن امرض... اها مأجله موضوع الرياضة شويه.. لكن عامله حسابي شديد مع الأكل.. ما في أي جغمسه.. امس وديت لولو الدكتوره عشان عندها حمّى... قامت سألتني الدكتوره منها.. قلت ليها بترضع طبيعي بس... قالت لي لازم انا اخد فيتامينات.. عشان اقدر اواصل اديها من غير ما جسمي يتعب.. وفعلا انا لي كم يوم كده بتجيني لفّة راس كده... اها من الليلة رجعت للفيتامينات بتاعت الرضاعة... واصلا ببلع vitamin D.. ومفروض اخد معاهم كالسيوم وحديد... يعني الزول شديد ونصيح لكن لازم يبلع الحبوب دي!
المهم اننا صامدون على الدرب سائرون... (ما حقت الكيزان)...
Post: #516 Title: Re: Sudaneseonline Biggest Loser Author: النصرى أمين Date: 12-31-2011, 05:10 AM Parent: #515
ربنا يقدرك مريم ..ياخ دى معاناة مبالغ فيها......
اليوم قعدت افكر ....ليه كل العذاب ده والتلتله دى....
بعد تفكير عميق (نوعا ما) وصلت لحقائق ,,
الهدف الذى نسعى له (تخفيف الوزن...لياقة عالية..جسم سليم...تحوط للمستقبل الخ) ينشده الجميع وبدون استثناء ... الفرق وين ؟
الفرق فى اى stage او مرحلة يقف كل واحد.....
بداية السلم او المرحلة الاولى هى Acknowlege او اعتراف بانه الامر يحتاج اعادة نظر ... المرحلة دى سهلة وومكن اى زول يصل ليها ....
المرحلة التانية وهى اصعب شوية ,.... بعد الاعتراف بالمشكلة ...التفكير الجاد فى التعامل معها ودى مرحلة كتير من الناس بصلو ليها لانها لا تكلفهم شئ ..لامال ولا وقت .....
المرحلة التالته ودى بداية "الغريق" انو الزول يبدا عمليا فى حل المشكلة,, ودى بصلو ليها الناس الجادين لكن تعتمد على قوة تحملهم وصبرهم وظروفهم ...
المرحلة الرابعة هى مرحلة المواصلة فى برنامج صارم(اكل ورياضة) وهى اصعب مرحلة وفيها تنفرز الكيمان .....
المرحلة الاخيرة (ودى انت فيها يامريم) هى توفر الارادة والحماس والالتزام لكن عوامل خارجية تعمل ضد رغبة الفرد و "تعاكسه" وتجعل المواصلة ضرب من ضروب المستحيل ...
انت مريم فى قمة الجبل تصارعين اسوده و وحوشه وغيرك فى راقدات يحضرن فى الساتلايت وحارسات الكمبيوتر ....
-------------------
اليوم اخر يوم فى الاسبوع ,,,, تحسن كبير فى الرياضة ...عملت ال30 دقيقة مع تغيير كبير جرى 3 دقائق بسرعة 6.2 ميل ومشى دقيقة واحدة المحصلة 500 كالوريز(سعرة حرارية) و 2.5 ميل,,, الاكل اليوم كان صحن كبير بتاع شوفان وعلف باللبن بالصباح وفول برغيف قمح احمر للغداء وبعد شوية (10:30 مساء) حاضرب صحن كبير بتاع شوفان مع العلف باللبن
كل سنة و انتو طيبين يا جماعة و ان شاء الله 2112 سنة سعيدة عليكم معليش انشغلت عنكم , و عارف روحي مقصر معاكم لكن و الله ظروف حاحكي ليكم عنها لما اجيكم تماريني ماشة كويس , ما وزنت لكن حاسي روحي نقصان , حاوزن مع ناسي بتاعين التحدي يوم 11 الجاي لحدي الوقت داك اخسر على الاقل 5 كيلو , عشان خطتي ناوي اغيرها بس حاجي استشيركم الاول مريم و النصري و اسمارت و امير و ابتهال و الهادي ود الحاج كل سنة و انتو في اتم الصحة و العافية اسيبكم حسي عشان الحق اشتري الـ groceries بتاعتي , ما عندي حاجة و بكرة المحلات حتكون قافلة حاكل و اصلي المغرب و العشاء عشان ماشي اروس الليلة طبعا احنا اول ناس بنروس في العالم و شكلو في حفلة كاربة شايف الاستيج بزبطوا فيهو ليهم كم يوم .... اتمنى يكون راس سنة زابط مع انو البلد دي ضاربة في الحتة دي سلام و نتلاقى السنة الجاية باذن الله
Post: #518 Title: Re: Sudaneseonline Biggest Loser Author: مريم بنت الحسين Date: 12-31-2011, 06:26 PM Parent: #517
يا سلاااام يا النصري، بالجد كلام يرفع المعنويات... لكن ما حأخلي اي شي يخليني اتراجع... انا مبسوطه بالانجاز ده... والشي الدايما بذكر بيه نفسي اني لما ازهج واخلي الجهد ده، بكون اول شي زي المخدّره كده.. وزي الفي شي مضايقني وما قادره اعرفه شنو.. ده غير التخمه البحس بيها على طوووول لما ما احافظ في اكلي... ويكفي شعوري بالرضا عن الشي البعمل فيه...
انا خرخرته يا جماعه ... موش قلت ليكم ما حأوزن... وزنته.. ولقيت نفسي ناقصة كيلو (taking a bow)... والسبب كله في الموية.. والله جد، انا باكل لما اشبع، بس بعمل smart choices... لانه رياضة مافي.. باكل خضار كتيييير.. وفواكه.. وباكل القراصة والرز والدمعة وقبل شويه شربته لي كباية كبيرة (سعة كباية ونص)، كبيت فيها ملعقة بتاعت مديدة حلبة (معموله بي دقيق بر، ومافيها زبده بس حبببة زيت)، ومليت الكباية حليب low fat حار.. وشربته من غير سكر... شبععععته من الكباية دي، وكده خلاص اتعشيت...
سلامات يا لوزرز و كل سنة وانتو طيبيبن Happy new year 2012 كفارة يا مريم لي ليلى و طمنينا عليها هي ونادر و محمود سنة جديدة مليانة بالانجازات من مجاميعو النصري ومريم وسمارت وغباشي وجميع اهالي البوست تعب الف من الصباح في حالة رحول من شقتنا لي شقة جديدة قريبة من اهل نوال زوجتي لانو اتعذبنا من المساسقة الصباح والمسا نودي ليلى ونجيبا من ستها على قول المصاروة عليه محتفلين بي راس السنة الجديدة من منازلهم وبنرتب في الشقة وتعب والضهر داير يتكسر دي بتتحسب رياضة يا النصري؟ وزنتا امس قبل المعمعة لقيت نفسي عامل 99 كيلو تلاتة كيلو وسبعمية جرام عديل كدا عليه حانصب نفسي البقست لوزر بتاع الاسبوع وبتاع السنة كمان مستغلا غيبة الحكم وانشغالكم براس السنة دا طبعا برغم اللغوسة بتاعة اول امس مع ضيف من دبي تحياتي يا شباب
Post: #520 Title: Re: Sudaneseonline Biggest Loser Author: مريم بنت الحسين Date: 01-01-2012, 06:09 AM Parent: #519
Happy new year losers...
محمد الحاج ما شاء الله والله... ومبروك الكيلوهات الجديدة .. لحدي ما تجي سمارت تعلنك الخاسر الاكبر، انت فعلا الخاسر الاكبر الشهر ده.... لكن خلي سمارت تجي تتأكد لانه غباشي نزل برضه....
مبروك الشقة الجديدة، والرحول ده قطعة من جهنم والله... وبختها نوال بي القرب من مامتها.. الله يخليهم ليك كلهم ان شاء الله...
لولو الصغيرة ومحمود وابوهم بقوا بخير الحمدلله... فضلت اثار بسيطة بس.. لكن بقوا كويسين الحمدلله...
طبعا كنت ناويه اعمل برنامج لراس السنة... في بيتنا زمان لازم نحتفل انا واخواني... ده لو ما طلعنا... أظرف شي الساعة 11:40 دقيقة طفينا النور ونادر قبل ما يرقد كويس نام لوووووول...
الليلة ناوية اعمل رياضة... عايزه اعزز النقصان بالرياضة... عشان احقق هدفي.. فضلوا لي اتنين كيلو لحدي يوم 16.. ما حأقدر انزلهم لانهم كتار والفترة شويه.. لكن مُصره انزل على الاقل كيلو تاني قبل يوم 16.. انا طبعا زي ما قلت محكومة بي لولو.. ما ينفع انقص وزن كتير في وقت قليل... لانه مضر ليها.. عندي بنطلون جينز مشترياه size اصغر مني (قاصده) وعااااااااجبني... لو قدرته سافرته بيه، بجن عديل كده!... هو قرّب ... لكن ما عارفه بلحق قبل السفر ولا لأ!
النصري ياخ انا كل مره اكون عايزه اكتب ليك، انسى.. لو جيت العمره تعال لينا الدمام.. بخلوكم عادي ما اعتقد اها ممنوعه... دي دعوه ما كشكره... ونتشرف والله لو زرتنا..
كل عام والجميع بخير.. نتمنى من الله العزيز الكريم ان يجعل 2012 عام للخسارة والصحة والعافية والرشاقة ....
بالنسبة لى راس السنة كان حافل جدا....
الساعة 6 مساء عملت اخلاء للمنزل EVACUATION لانه عيد ميلاد امين
لكن قبلما اتخارج ..حصلت تجاوزات ...مشاركة منى فى الاحتفال اكلت 2 قطعة باسطة (مقاس الاصبع الاصغير) بالرغم ان عملية الالتهام استغرقت زى 5 ثوان الا انها اجمل 5 ثوان فى السنة ....
عندى شغلانه صغيرة بتاعت نضافة مفروض تتعمل نهاية الاسبوع .. قلت امشى اقزز بيها واكسر بيها الزمن .... انتهيت منها بعد ساعتين (مع انها مفروض تاخد ساعة واحدة)
اتصلت البيت وعرفت الشفع لسع قاعدين ....
امشى وين ؟ امشى وين؟ ايووووووة تلك (زى ما كنا بنقول زمان) السينما .... نفسى فى الفلم الجديد بتاع توم كروز MISSION IMPOSSIPLE4 GHOST CONTROL الشاشة IMAX و ما بتحتاج لنضارة ثلاثية الابعاد ... الفلم جميل وممتع والتصوير رهيب ..خاصة منظر برج دبى ومبانى بودابست... طلعت من الفلم متكيف اخر قيراط (الفلم ب18 دولار) طلعت من السينما الساعة كانت 12:15 صباحا ... قلت فى سرى ..البتبلبل يعوم .... LET US GO FOR IT مشيت الدان تاون وانتظرت فى العربية حوالى نص ساعة اسمع فى الراديو.... حوالى الساعة واحدة صباحا ....دورت تاكسى بالتويوتا ... اختار زبائنى بعناية حتى اطقهم .... 40 دولار المشوار .... بعد ساعتين عملت لى لى 150 دولار ... قلت كفاية خلاص عوضنا حق السينما .... عندى شغلانه يومية بتاعت نضافة والزول البشتغلها غائب ... مشيت عليها وطقطقتها (حوالى ساعة) وصلت البيت دايخ وجعان حوالى الساعة خمسة صباحا .... لقيت المطبخ مليان بما لذ وطاب .... وهنا فقط احتجت لكل قدراتى لمقاومة الاغراء ... بصعوبة شديد اكتفيت بطعمية بعد تغميسها فى سلطة الاسود وعليها كباية موية عملاقة و قرضت على كده...
صحيت بعد 10 ساعات.. عملت كورية كبيرة بتاع شوفان بالعلف ..
بداية جيدة لسنة جديدة
--------------------
التاشيرة يا مريم الظاهر عليها مطرشقة... رسلت كل الاوراق والجواز يوم الخميس ودفعت 70 دولار عشان تصل فى 12 ساعة للوكالة فى تورنتو .... لم تصل فى المواعيد واتضح انهم ناس CANADA POST ما عارفينها وين.. امبارح اليوم كله فى التلفون واخر اعتذارات للخطا ووعدونى بتوصيل المظروف صباح التلاتاء.... غايتو الزمن مافى الصالح واجازتى تبدا يوم 20 فى الشهر...... ربنا يسهل ... عندى اصحابى شديد فى الرياض .. اتنين منهم جو مخصوص لمقابلتى فى الدوحة السنة الفاتت ..وعدتهم برد الزيارة السنة دى ...
لانو المداخلة الفاتت طويلة ومملة نسيت اهنى غباشى ومحمد الحاج بالخسارة فى الكيلوهات ... ولفك الاشتباك . ولتحديد منو الخاسر الاكبر بينهم الاتنين ... فى راى ان الجائزة تمشى لمحمد الحاج لانو غباشى متعودة دائما ...
القرار النهائئ طبعا فى يد الحكم ...
Post: #523 Title: Re: Sudaneseonline Biggest Loser Author: مريم بنت الحسين Date: 01-02-2012, 08:52 AM Parent: #522
لو ربنا كاتب ليك فيها نصيب العُمرة دي بتجي... انت قول خير... ولو وصلت الرياض بعداك الدمام قريبه (طبعا ناس امريكا وكندا ما بعتبروا المسافة بين الرياض والدمام بعيدة لووووول).. بالنسبة لكتاباتك، انا ما عارفه انت ليه بتقول ممله.. بالعكس البوست ده ملجأ .. عشان كده كل ما زول يكتب شي جديد انا بجي اقراه ... حتى لو خت نقطة (اووووووووووعكم تختوا لي نقطة)... بالمناسبة امس كنت بحكي لي نادر عن الmaple syrup الأكلته في Minneapolis وحكيت ليه انك كتبته عنه... قام ضحك وقال لي، هو بالله النصري بكتب في البوست حقكم ده! عشان كده بطّل يفتح بوستات برّه...
بالله هربته من البيت.. ! بارك الله في السينما وال150$ ... و عشان قاومت الأكل..
حكمنا الهُمام عندها انفلونزا من النوع أبو كديس.. عشان كده مختفية.. وفعلا بننتظر رأيها..
انتو أمير وابتهال وين.... أمير، انتو شركتكم دي قبّلت ليها على شركة تانية ولا شنو!؟ وابتهال شكلها رحلت تاني!
الظاهر يا مريم ..اسمارت دى عادتنا بالنزلة ... من امبارح وجع ضهر والجسم مكسر......
اجر وعافية اسمارت تقومى بالسلامة باذن الله ...
0000000000000000000000
امبارح فى الجيم فاجات نفسى ... بعد التسخين (حوالى اربع دقائق) بديت الجرى بسرعة 6.2 ميل فى الساعة.... كنت مخطط اجرى دقيقتين وامشىى دقيقة.... لكن فوجئت لمن لقيت روحى ما تعبان ... عملت تلاته دقائق ...عملت الرابعة ...الخامسة 6 دقائق كاملات وانا ما مصدق نفسى 6 دقائق من الجرى لاول مرة ..... خفضت السرعة ومشيت دقيقة و رجعت للجرى بنفس السرعة واستمريت 5 دقائق what the hell is going on من وين جاتنى الطاقة دى خاصة انى اخدت 3 يوم اجازة من الرياضة...
المهم خلصت ال30 دقيقة ومشيت على الميزان لقيت روحى 259 رطل بنقصان رطل من يوم الجمعة not bad at all
Post: #525 Title: Re: Sudaneseonline Biggest Loser Author: مريم بنت الحسين Date: 01-03-2012, 04:46 PM Parent: #524
ألحقونييييييييي انا حأعمل دي
ودي
لمحمود عشان ياخدهم معاه المدرسة بكره... دي اللقمة منهم بي خمسة كيلو برااااااااااااحه
اسلحة دمار شامل يامريم سلام يا شباب وينكم ووين غباشي ووين الحكم وين وين وين
Post: #527 Title: Re: Sudaneseonline Biggest Loser Author: مريم بنت الحسين Date: 01-04-2012, 04:50 AM Parent: #526
الكبك كيك طلعوا حلوييييين، مطبخي لكن زي الحصل فيه انفجار... كله يهون عشان فرحته حمودي بي الصباح.. اصلا انا بعمل الكب كيك بي وصفة صحيّة وخفيفة خالص.. هو داير كب كيك لحفلتهم، وفوق ليه فروستنق.. قمت اتجوعلت وبي ليلي داك قعدت اكابس في المطبخ.. . غايته الحمدلله يا محمد طلع حلو وشاله معاه... وما خليت ولا لقمة في البيت عشان ما يصلح خرخره.... واعترف اني لحسته لي حتتتتتته فروستنق، لكن قلت استغفر الله لووووووووووووول...
ده جزء منهم...
Post: #528 Title: Re: Sudaneseonline Biggest Loser Author: Mohammed Elhaj Date: 01-04-2012, 07:46 AM Parent: #527
يعني في السعودية وما حلال يا جوسي والله خطيرة وانتي عاملة ماما بتعمل الكبكيك للمدرسة يا مريم وحرفنة شديدة انك شيلتي محمود الكمية كلها خخخخخخخخخ انتي ندورات البرنامج بتاع الرياضة والدايت دا كيف معاهو؟ امبارح شايفو لسة بيقحقح الحاجة الفوق الكبكيك اللونا نسكافيهي دي شنو؟
Post: #529 Title: Re: Sudaneseonline Biggest Loser Author: مريم بنت الحسين Date: 01-04-2012, 11:50 AM Parent: #528
ده يا جدّو النوريك جريمة لياتو درجة.. عبارة عن نص كباية زبدة لينه وكباية سكر بودره وملعقة حليب سائل ومعاها كبّاية نوتيلا...
ضربتهم في mixer زي دي لحدي ما بقوا كريمي ... وبعداك بي كيس الحلو عملتهم كده...
الlemon cupcake ما قدرته اعملهم، كنت وصلت مرحلة من التعب خرافية (يومي كان صعب جداً)... لكن حأعملهم بكره شايلاهم لجماعة اصحابنا.. اصلا هو انا بحب اعمل الحاجات دي، لكن احسن استراتيجية انه اول بي اول أمرقهم من البيت...
نادر والله مرض ليه مرضه هو والاولاد.. لسه بتعافوا من اثاراها.. بس كويسين.. يعني قحة خفيفه، نخرين سايله..... موضوع الدايت ده ما ماشي معانا فيه، لكن احنا اتوماتيكالي بيتنا الاكل فيه صحّي.. ابتداءاً من بكره حيكون اجازته يومين في الاسبوع.. يعني خميس وجمعة.. حأقوم اشجّعه يعمل معاي رياضة في اليومين ديل مدام بقى شغله اخف (الحمدلله)...
فعلا مريم...الحلويات دى بتاعت دمار شامل وممكن ترجع الزول لوراء عشان كده الزول يكتفى بانه يضوقها بس ...انا حلويات عيد الميلاد كل يوم قاعدة تلاوز لى لكن الحمدلله المقاومة عالية جدا جدا ...طبعا اكتفيت بقطعتين الباسطة(حجمهم زى حجم الاصبع السبابة)
_____________ الظاهر عليك يا اسمارت من النوع البخاف من المرض (نزلة وما شابه) ياخ ما معقول ,,,ليك اسبوع بتزازى مع "حته" نزلة.... اضفريها واديها بالبوت (مع شوية Benylin ) كدى طمنينا والا نتهور ونعمل بوست بعنوان دعواتكم لشفاء عضو المنبر سمارت_انا
فى موضوعين الموضوع الاول ...بعد تردد شديد مشيت صالة الجمنازيوم واتريضت نص ساعة كنت اشعر بفتور وكسير فى الجسم(اظنها النزلة جابها واحد من شفع عيدالميلاد) المهم اتمرنت تمام التمام .... فى الصالة لقيت واحد زميلنا وراى فى الدفعة وتربطنى به علاقة كويسة اتفاجات بوجوده فى الصالة ...قال لى انه بيجى هنا 3 مرات فى الاسبوع.. هو من سيراليون لكنه يشبه الممثل الامريكى دنزل واشنطون .... لمن غير هدوم الرياضة اتفاجات بعضلات لم اشاهدها الا فى الافلام ... قلت ليهو ده شنو يا عمك ؟ قال لى انه حاصل على الحزام الاسود فى الكراتيه... بدينا ننتونس و نتريض انا على الماكنه ماشى وهو يرفع فى الحديد 50 كيلو جرام ,,,, لمن رفعها فوق لمن صرخ ,,انا قلت الزول مزق عضلات كتفه ...... قال لى انه كان يدرس فى الجيش ... قلت ليهو عمرك كم .. قال لى تدينى كم؟ قال لىهو (خوفا من الاحراج) انت فى الاربعينيات قال لى اى زول كلمته بعمرى الحقيقى ما صدق .... قال ليهو حلاص نديك 50 سنه قال لى انا 59 سنه ... والله العظيم وكتابه الكريم لم اصدق .... الزول ده بشيل فى الحديد وعضلات تبش وعمره بعد سنه حيكون 60 سنه .... مشكلته انه بتكلم بسرعة مبالغ ومن الصعب جدا فهم كلامه.... عشان كده ما حاقدكم بيهو ....لول
--
الموضوع التانى قبل يومين كنت مساهر فى التلفزيون ومافى شئ اشاهده وقفت فى محطة دعائية تعلن عن منتج جديد لتخفيف الوزن.... الفكرة بسيطة ....الانسان مرات بياكل لانو عاوز ياكل وليس لانه جعان.... المنتج ده بعطى اشارة للمخ ان المعدة مليانة ولاتحتاج للمزيد.. كيفية الاستعمال : هو عبارة عن بودرة ترش شوية منها فى الاكل(بتزا مثلا) وبدلا عن ان تاكل 3 قطع ستاكل قطعة واحدة ... محتويات المنتج ليست كيماوية ..اعشاب وكده ..... المهم اتصلت بالشركة وداير اشوف امكانية ترويجها فى السعودية فى زيارتى المرتقبة ....
Post: #531 Title: Re: Sudaneseonline Biggest Loser Author: مريم بنت الحسين Date: 01-04-2012, 09:02 PM Parent: #530
النصري ازيك... قلته لي عمره 60 سنة! قبيل انا ونادر بنتفرج في برنامج وثائقي عن اول ملاكِمة بريطانية... الزولة دي حسي مره كبيرة، بتكون اقل شي سبعين سنة.. لكن تشوفها تديها عمر اصغر بكتير... تحس بيها متماسكة وقوية وfit، ولحدي حسي شغالة في تدريب البنات على الملاكمة.. الرياضة دي مافي زيها والله...
قلت لي لقيت business opportunity... اعتقد انه لو خلصت الاجراءات مسألة تسويق اي منتج بوعد بتإنسان رخيص من غير جهد، حتكون ناجحة..الشعب هنا عنده أزمة ضخمة بتاعت وزن... ولانه دي بلد بتاعت اشاعات (صحيحة او خاطئة) فأحسن طريقة تسوّق بيها لأي منتج هي انك ترسل عنه عبر الايميل... او الwhatsapp (ايفون اندرويد app) بتاع رسائل ... وحينطلق انطلاق النار في الهشيم الناس ديل عندهم قدره to circulate المعلومة بصورة مبالغ فيها.. ودي الطريقة البتستخدمها حتى الشركات المتنافسة في ضرب بعضها.. مثلا Chilli's هنا محبوب جدا... ضارب المطاعم الزيّه كلهم.. كم مره يجيك ايميل عن حشرة لقوها في صحن او ما شابه.. ماكدونلدز برضه بتحصل ليه، ومرات بيضطروا الشركة انها تنزل اعلان في الجريدة تنفي أو تبرر او ما شابه لو شعروا انه الموضوع خطير.. او يعلنوا عشان ينفوا الاشاعة.. مثلا فترة ماكدونلدز فتحوا للناس مطابخهم عشان يجوا يشوفوها.. ويتأكدوا انها نضيفة..
المهم.. اتأكد من المنتج كويس وانه فعلا مفيد وما ضار .. وربنا يوفقك...
Post: #532 Title: Re: Sudaneseonline Biggest Loser Author: النصرى أمين Date: 01-05-2012, 07:00 AM Parent: #531
اخيرا الورق اترسل للسفارة للحصول على التاشيرة... الاجراءات عادة تاخد اربع اسابيع ...للاسف تبقت 19 يوم فقط لاجازتى السنوية... نحتاج لمعجزة .......
-----------------------
مشيت صالة الرياضة ومن اول دقيقتين شعرت ان المكنه خفت شديد مروة مافى نهائئ... خلصت ال 30 دقيقة بالمسايسة ... يبدو ان النزلة فى طريقها لاستلام السلطة ....
--------------------
طلبت من رئيسى المباشر ان يقابلنى اليوم لامر مهم .... حكيت له عن الرياضة والريجيم وان وزنى نقص وملابسى اصبحت واسعة شوية ... عندنا فى الشغلة كل عامل عنده كوته بتاعت ملابس (يونيفورم) كل سنة ...انا كنت متردد فى استخدام الكوته فى حصول على ملابس جديدة بسبب نقصان الوزن المستمر(وربما يستمر لفترة طويلة)
المهم مديرى قال لى ان هناك برنامج يشجع العاملين على الرياضة ونقصان الوزن وان اى ملابس يحتاجها الشخص يمكنه الحصول عليها دون ان تاثر على كوته السنوية .... قلت ليهو كده تمام ..الاسبوع الجاى حامشى المخازن والمهمات واشيل ملابس جديدة ... حاتصور بيها حتى يبين الفرق بين زمان ودلوقت ..
ازيكم يا شباب..... مشتاقون....مشتاقون....مشتاقون.... (على راى نزار قبانى) و الله حاشنى منكم الشديد القوى....نزلة من النوع ابو كديس+ زنقة مبالغة فى الشغل+ و شغلة شديده فى البيت. ديل كلهم معاهم عدم قدرة على النوم بالليل (مع عدم توفر جهاز كومبيوترفى البيت). غايتة اقول شنو???? الحمد لله العلى الكريم. رغم الاهوال دي كلها كنتا متابعة معاكم. و لازم اشيد باصرار و عزيمة النصرى و مريم. انتو الاتنين فخر لكل السودانيين (و الله... انا جاده). ما فى الرياضة بس. بل فى اصراركم على الاجتهاد فى كل مناحى الحياة. ما شاء الله و تبارك الله. ربنا يوفقكم و يقويكم. فى الرياضة برضوا ما مقصرين....و اهى بقت عادة يومية ليكم الاتنين
محمد الحاج مبروك الخسران....ما شاء الله عليك You hit the ground running ذى ما بيقولوا الامريكان. تمام التمام....احنا فخورين بانظمامك للبوست. متذكرين صديقتى Dr Amy ??? اها من بداية البوست الزولة دى نقصت 7 كيلو بالتمام و الكمال (ما شاء الله). بالله عاوزه منكم (لو سمحتوا) صفقة قوية لصديقى الدكتورة.
حمدلله على السلامة اسمارت بركة الجية.... البوست فى الايام الفاتت كان جرو ضعيف (زى ما بقول المكانيكية) وعدد النقرات كانت اقل من المتوسط ... يعنى اليوم كله ما يعمل 100 نقرة ..... انا قلت امكن ده من غياب اسمارت.....
ان شاء الله نحتفل ب 10 الف نقرة فى الاسابيع الجاية واقترح نعمل هيلمانة وبوستات مساندة ونطلب من بكرى يرفع البوست فى المقدمة لمدة اسبوع ...
واقترح برضو نعزم كل الشاركو فيهو (وعملو مجانين بعد داك)
برضو ايه رائكم نتصل بفضائيات سودانية او اذاعات ونتكلم عن التجربة و فوائدها ,,
باختصار دايرين برنامج احتفال كارب بمناسبة ال 10 الف نقرة ...
اها رائكم شنو؟
Post: #535 Title: Re: Sudaneseonline Biggest Loser Author: مريم بنت الحسين Date: 01-06-2012, 11:08 AM Parent: #534
welcome back يا سمارت، واجر وعافية ان شاء الله... ما تشوفي شر، والله اشتقنا ليك.. امبارح مشيت زيارة لناس اصحابنا هنا، وكانت لمّة ظريفة... the good news انهم علّقوا اني نقصت وزن... the bad news انه اتعشيت واكلت لي عيشه كاااامله مع فول (لكن الفول ده ما ممكن من غير عيش والله!)... غايته انا خلال اليوم كنت ما ملخبطة في الاكل... الحاجه الحلوه اني I forgive myself وصحيت الليلة واصلت بي طريقتي... اكتر شي كان بلخبط لي اني لما تحصل حاجة زي دي I get frustrated وبزعل من نفسي وبوقف الموضوع كله.. واخش في دوامة بتاعت احساس بالذنب ... حسي انا احساسي العام انه "العليك عليك"... ولو انا عايزه النتيجة دي، لازم اسعى ليها واصبر عليها لحدي ما احققها... and I will...
النصري... انا موافقة على الحركة دي... ونخليه يوم احتفال بي الصحة... وننزل بوستات ليها علاقة بي الموضوع...
Post: #536 Title: Re: Sudaneseonline Biggest Loser Author: مريم بنت الحسين Date: 01-07-2012, 12:17 PM Parent: #535
الجمعية الامريكية للسكري بتقول انه الواحد لما يحدد أهدافه بالضبط، بزيد فرصة نجاحه بي 84%.. معناها الاهداف دي حاجه مهمة جدا جدا... طيب انواع الاهداف شنو ونحددها ليه وكيف؟ أول حاجة تحدد هدف لمدى بعيد أو long term goal... ده بقول ليك زي انك تقرر في اجازة الصيف حتمشي وين.. وبناءاً عليه حتخطط باقي الحاجات! يعني لو انت ما عارف حتمشي وين هل معقول حتعرف حتصل كيف! (كلام حلو موش!) بعد تحدد هدف بتاع المدى البعيد، يعني تقول انا خلال كذا عايز وزني يصل كذا... تقوم تحدد أهدافك المتوسطة المدى والقريبة المدى والقريبة جداً كمان... الاهداف القريبة جداً أو الmicro goals هي بقول ليك زي انك تقرر لما تمشي المرّة الجاية وتفتح التلاجة، حتاخد مسطرد بدل المايونيز... دي البقولوا عليها smart choices... يعني تختار اختيارات بسيطة وذكية.. انا بقيت لما افكر لما اجي آكل.. واسأل روحي... هل انا جعانه! لو الاجابة كانت لأ، بلف واطلع من المطبخ، او ممكن اشرب لي كباية موية واطلع... زي مثلا حسي محمود اداني باقي الدونات الضخمة بتاعته وقال لي ما عايزها، فكّرته اني قبل ثواني بس أكلته لي تفّاحة، هل في داعي ألخبط القرار الكويس العملته بي اني آكل دونات! الأهداف القريبة الshort term goals هي الأهداف البتختها عشان تتحقق خلال اسبوع إلى عشرة أيام... أهداف لإنك تصل لوزن محدد أو تتريض لمدة محددة.. بقول ليك انها مفروض تكون أهداف تخليك متحمّس ليها، وتخليك باستمرار مركّز فيها.. ومفروض انها أهداف ما تكون صعبة ... مثلا قرار انك تختار رياضة مختلفة عشان ما تزهج (برضه التغيير مهم يا جماعة في الرياضة، عشان الجسم ما يتعوّد عليها.. ) الmidterm goals... دي الأهداف زي البنختها هنا.. مثلا محمد الحاج قال عايز ينقص خمسة كيلو... أو مثلاً انا عايزه خلال الشهر الجاي اعمل رياضات فيها تقوية لعضلاتي بدل الكارديو...
بالمناسبة، نقصته تاني كيلو (سمارت حتدقني) لاني لي اسبوعين بنقص كيلو في الاسبوع.. والله يا سمارت يمكن لاني خفته عشان لولو بدت تاكل... لكن أوعدك اعمل حسابي ما انقص كتير... باخد فيتاميناتي بانتظام والحديد والكالسيوم ...
معليش يا اخوانا ..جاتنى نزلة شديدة,.. امبارح خلصت الشغل بطلوع الروح وغالبا اغيب عن العمل اليومين الجايات.. دلوقت قاعد على الكمبيوتر ومتغطى ببطانية.....
سلاااااااااااااااااااام يا أهلنا يا جماعة و الله غباشي حالتو بقت صعبة ... مردوم شغل لمن بقى مؤآمن عدييل كدة المشرف بتاعي سافر بعد ما ردمني شغل الدايت ماشي زي ما بقول الكتاب لكن زي ما قلت ليكم ما حأوزن الا يوم الاربعاء لكن حاسي بي نفسي ناقص ناقص و الز حاجة الشغل بتاع الـ Six-pack Z لو واصلت فيه ان شاء الله حيبقى reality الليلة مشيت الجيم الساعة 6 صباحاً و كالعادة تسخين بالـ rowing machine و بعد داك جري لمدة نص ساعة في الـ treadmill , والباقي تمارين بطن و sculpting المرة دي جبت ليكم صور للجيم الجديد (مؤقت لحدي بتاع الجامعة يفتح) تابعو معانا
You can enlarge photo by clicking on it
Amazing Screens on the treadmills and elliptical machines
My workout record
Six-pack abs, here I come
Post: #539 Title: Re: Sudaneseonline Biggest Loser Author: مريم بنت الحسين Date: 01-08-2012, 10:41 AM Parent: #538
يا غباشي عقّدتنا والله.. ما شاء الله gym يفتح النفس!
في انتظار يوم الاربع عشان نعرف تطوّرات الوزن عندك... وfingers crossed....
آخر نداء امير وابتهال!
Post: #540 Title: Re: Sudaneseonline Biggest Loser Author: النصرى أمين Date: 01-09-2012, 04:20 AM Parent: #539
سلام يا شباب انا اتاكدت تماما انى زول جرسة,,, اليوم كله راقد اتوحوح ...... لكن الحمدلله فى تحسن كبير...اتصلت بالشغل واعلمتهم بغيابى بسبب المرض ...اخر مرة اخدت اجازة مرضية كانت قبل شهور طويلة (ما متزكر لكن اكتر من 6 شهور) ,, عندنا فى الشغل الواحد ممكن يغيب لغاية 5 ايام بدون ورقة من الدكتور,,,
______ غباشى الصور رهيبة لكن الصورة دى بالذات مبالغة بس السؤال ..12 ميل فى الساعة ولا 12 كيلومتر فى الساعة؟ لانى مرة جريت مع يونس شلبى بسرعة 10 ميل فى الساعة لمدة 30 ثانية قربت اموت ......
----------- يوم الاثنين ...محاولات لتسريع استخراج التاشيرة --------------
يوم الجمعة وبالاستعجال نسيت الساعة والتلفون ولمن وصلت الشغل ماعرفت اعمل شنو!!! الشغل بتاعنا كله محكوم بالدقيقة والثانية... فكرت اجى البيت لكن الزمن اتاخر .... فكرت اشترى ساعة جديدة لكن زمن مافى ... سالت موظف الدسباتش يسلفنى ساعة ....اعتذر.... اصطكاكة مبالغ فيها ..... ربك رب الخير وانا ماشى جوا القراش قابلت احد العاملين ..شاب صومالى ظريف جدا ... حكيت ليهو عن المشكلة ...طوالى طلع الساعة من يده وادانى ليها واتفقنا ارجعها ليهو يوم الاتنين ,.... مفكر اشترى ليهو هدية صغيرة تعبيرا عن الامتنان .....
-------------------
Post: #541 Title: Re: Sudaneseonline Biggest Loser Author: مريم بنت الحسين Date: 01-09-2012, 07:35 PM Parent: #540
الليلة مشيت مدرسة محمود... اتصلوا قالوا عايزين يشكروني على الcupcakes الرسلتها ليهم قبل اسبوع... اتلبّسته، عندي قميص جديد عاجبني وكان شوية كده ضيّق، الليلة لما لبسته لقيته بقى تمام... خليت نادر اخد صورة، قلت اسمع نصيحة مروان وبعد كم شهر اتصوّر تاني بنفس اللبسه... المديرة لما شافتني علّقت على اني ضعفته من اخر مرّه جيتهم... بعد شويه جات استاذة محمود برضه قالت نفس التعليق... الحاجة دي رفعت لي معنويات شديد... ولازلنا على الدرب سائرون..
النصري ألف سلامة، وان شاء الله ربنا ييسر ليك أمر العمرة...
Quote: بس السؤال ..12 ميل فى الساعة ولا 12 كيلومتر فى الساعة؟ لانى مرة جريت مع يونس شلبى بسرعة 10 ميل فى الساعة لمدة 30 ثانية قربت اموت ......
دي بالكيلومتر/ساعة يا النصري و لكن عايز اوضح انو دي اخر سرعة وصلت ليها , بمعني اني ببدأ عادةً بي 6.5 كلم/ساعة و دي بتكون مشي بس و بعد داك كل دقيقتين بزيد المعدل 0.5 كلم/ ساعة مرات بصل لي 14 او 15 كلم/ساعة
مريم Keep up the good work لما الناس كلها تلاحظ انك فقدتي وزن و دا معناهو you are on the right path بكرة حاوزن , ربنا يستر, في الفترة الاخيرة معدل الفقدان بتاعي قل , دعواتكم يا جماعة فضل لي حاجة بسيطة و اصل للتارقيت بتاعي لكن زي ما قلت ليكم داير حركة و اخد رايكم فيها الحركة هي ان داير انزل تحت التارقيت بي شوية كيلوجرامات و بعد داك داير ارجع الفاقد دا muscles , ادوني رايكم يا جماعة للمعلومية التارقيت بتاعى فوق للوزن المثالي بي 4 كجم كدة يعني في كل الاحوال وزني ما حيكون bellow the optimum weight بالله افتونا
Post: #543 Title: Re: Sudaneseonline Biggest Loser Author: EBTIHAL OSMAN Date: 01-10-2012, 04:31 AM Parent: #542
Quote: آخر نداء امير وابتهال!
انا خلاص جيت والله يالوووزرس مشتاقين شديد ...مريومه ولدك سلامتو سمارت والنصرى اخباركم والباقين والله مشتاقين والله الصفحه الخلمسه مبروكه الفتره الفاتت وقفت الرياضه ...والمشى بقى نص ساعه مرتين فى الاسبوع والاكل ممتاز من غير عيش عدا الويك اند حيث امارس الطفاسه يعنى الاسبوع كلوا غنمايه والويك اند كديسه على قول امير المهم المستوى الرياضى تعبان بسبب البرد ويادوب حانزل الجم الجديد من بكره عندى اخبار حلوه بخصوص الوزن بس مامتاكده منها لازم اجرب ميزان تانى عموما حابه اذكركم انى كنت 80 كيلو ونزلت بقيت 77 واليوم وزنت ولقيت نفسى ,وزنى بقى x ولو بكره النتيجه طلعت نفسها x ايووووووووووووووووووووووووى لى بكره ياجيتكم مبسوطه يامحرجه دعواتكم
لا حولاااااااااا ....... إنتو بتعملوا في شنو؟ .... من شهر تسعة شغالين؟
الحاجات دي - زي كتيرين - عاملة لي هاجس (من علامات التقدم في السن)، رغم إني لا أعاني زيادة في الوزن (حوالي 70 كيلو) وبحب الحلويات جداً (طحنية - باسطة - خبايز) وزي الحاجات الجابتها مريم بت الحسين دي. (لكن يا مريم شااايف جردل الـ KFC). فوق ده كلو، ظروف العمل والحياة المنغمس فيها ما مدياني فرصة أعمل أي نوع من الرياضة (زيرو من الناحية دي).
نهايتو .... بغران، لكن ما عندي غير أشجّع اللعبة الحلوة.
البوست التحت ده ليهو علاقة أساسية بموضوعكم (إذا قلنا تخفيف الوزن بيجي بالرياضة + الغذاء الصحي).
غايتو يا غباشى بالرغم من انى لسه ما وصلت مرحلة انى اقدم استشارة(ولكننا فى الطريق الى ذلك) لكن اقول ليك go ahead it sounds like a good idea
انا مثلا لمن افترعت البوست كان هدفى الرئيسى والاساسى اللياقة وكنت شايف انى اتريض و التزم ببرنامج رياضة ضرب من ضروب المستحيل ,,,,قلت فى سرى بمساعدة الاخرين وعرض المشكلة على الجميع يمكن المشكلة تتحل,, فكل محاولاتى السابقة فى الرياضة لم تتجاوز دقائق قليلة فى الجيم لكسير الزمن ..... الحمدلله وبمساعدة المشاركين فى البوست والقراء المشكلة اتحلت تماما وامر الرياضة اصبح امر مفروغ منه .... التارقيت الحمدلله اتحقق .... هل قفت ؟ ابدا ,,,, التارقيت الان موجه ومنذ شهور لتخفيف الوزن ,,,وحتى لو التارقيت ده اتحقق ,,اكيد حيكون فى تارقيت بعده ,,, وهكذا ......
فى ظنى انك تواصل فى تحقيق هدفك الجديد وتعمل باستمرار على الارتقاء بنفسك وصحتك ...حتى يجى يوم ينتبه فيه كل المارين فى الشارع انك تمشى فيهو .....وتحس بالبقران فى عيونهم.....
لا حولا ,,ابتهال is back انا قلت ابتهال دى الاحباط وصعوبة الشغلانه طفشتها زى اخوانا الظهرو فى اول البوست وغلبهم يواصلو واستسلموا للامر الواقع ,,,,
كويس جدا انى بتمشى 3 مرات فى الاسبوع ,,لانو الانقطاع الكامل بعمل زى العربية البتقيف فى الشتاء شهور طويلة ...تانى ما بتدور بسهولة,,,
بعدين الجملة دى عجبتنى جدا واظنها تصلح تكون شعار لتشجيع الناس على بداية الريجيم
Quote: يعنى الاسبوع كلوا غنمايه والويك اند كديسه
لانو بصراحة الريجيم صعب جدا والمحافظة عليهو اصعب عشان كده شوية تحفييز فى نهاية الاسبوع بتدنى الزول الرغبة بالمواصلة....
حاجة تانية ودى انا بالجد appreciate it انو حكاية الوزن دى ماعيب حسب ثقافتنا السودانية....انا شخصيا كنت خجلان ومكسوف اكتب وزنى ولمن كتبته ترمت منه 25 رطل ,,,لكن بعد تفكير اكتشفت انو مافى حاجة يتكسفو منها .....فى الاخر دى نفسى وما بتحرج منها وامرها يهمنى انا فقط .....
داير اقول باختصار انو دى شجاعة متناهية منك يا ابتهال تكتبى وزنك (بس اوع يكون متروم ,,لول) واهو كل يوم بنتحسن فى التعامل مع الموضوع و فى مواجهته فيس تو فيس ,,,لا بنخلج ,,لا بنتحرج ,,لابنتكسف ,,,,,,,
انا متاكد فى ناس كتار ابتعدو عن البوست ده فقط لانه indicate انه وزنهم زايد وهم دايرين يحتفظو بالسر الخطير ده فى بير ,,,,,مع انو صورهم all over the place هو فقط شعور ورغبة فى عدم الاعتراف بالمشكلة والهروب الى الامام منها ....
قبل اسابيع كنت بشاهد الفضائية السودانية ,,برنامج يقدمه احمد البلال الطيب مع رجالات الاتحادى الديمقراطى.... لمن شفت احمد البلال لمن امنت زاتو .... ليه كده ياخ ....ليه تعمل فى نفسك كده..... لكن فى الاخر قعدت احسب الامر من زاوية اخرى.... هو فخور بنفسه و وزنه ولا يهمه كيف ينظر المشاهدين اليه..... برضو دى حاجة كويسة(ولو انها بالمقلوب)
اذيكم يا شباب???? و الله بغرتونى عديل كده و الله يا جماعة ما تتخيلوا نا فخورة بتواجدى بينكم كيف....بالجد و الله. ابتهال.....عاش من سمع منك (او قرا ليك)....وينك يا زولة?? مريم.....ما شاء الله...تبارك الله....عينى بارده. و ذي ما قالوا ليك ناس غباشي و النصرى....keep up the good work . اكتر حاجه بتبسطنى لما الناس تعلق انى look good . النصرى.....ربنا يسهل ليك موضوع العمرة...ان شاء الله الكريم. و ما شاء الله عليك....و على الانتظام فى الرياضة. غباشي....الفكرة كويسه جدا جدا...لكن ح تحتاج تغير نظام الاكل بتاعك تغيير كبير. عشان تعمل عضلات لازم تاكل بروتين اكتر و تتريض اكتر برضوا. و عشان يكون عندك حيل لرياضة اكتر لازم تاكل كاربوهايدرتات اكتر. اديك مثال, لو عاوز تجرى فى مارثون بيقولوا ليك انك فى الليلة الى قبل يوم المارثون مفروض تاكل وجبة محترمة فيها معكرونة و نشويات. ظبعا انت ما ح تتريض بال Intensity دى. لكن ...بس عاوزه اديك فكرة عن نوع الاكل و اختلافه عن الاكل اللى بتاكله لما تكون عاوز بس تنزل وزتك. و اللحوم و البيض و اللبن مهمات عشان البروتين لبناء العضلات. بس لازم تعمل حسابك و ما تاخد راحتك فى الاكل. لانه مكن يزيد ليك وزنك و ما تكةن عضلات....يكون fat .
محمد الحاج......قلت لى القريبفروت بيحرق الشحوم..????...
بالمناسبة...جايانى ظروف كده فى الايام القادمة...احتمال اختفى تماما. انتو -ما شاء الله عليكم - ما محتاجين الفه او حكم. كل واحد فيكم عارف روحه بيعمل فى شنو. و مريوم ما مقصرة....كل يوم بتجى بالمفيد جدا. عاوزه منكم حاجه بسيطه. كلو واحد فيكم يورينا: 1- وزنه فى بداية البوست.حتى لو فى صيغة X and Y 2- كم من الزمن استمر معانا.? 3- نقص (او زاد) كم حتى الان? 4- نوع الرياضة البعملها و كم مرة فى الاسبوع. 5- اى انجازات اخرى غير الوزن(النصرى مثلا بقى ينوم اقل و جهازه الهضمى احسن) انا ممكن افتش المعلومات دى براى من البوست...لكن اسهل ان كلو احد فيكم يدينى المختصر المفيد. عاوزين نشوف انجازاتكم...و بعده نشوف ممكن نمشي على وين. و بصفتى الحكم ..(احم....احم) عاوزه اخت لى واحد فيكم Challenge جديد. و لما ارجع اشوف عملتوا فيها شنو. ________________________________________________________________ لازم اوضح ان اى انجاز فى البوست ده يعود الفضل فيه لصاحب الانجاز...كلكم اجتهدتوا فى معرفة المفيد عشان تعيشوا بصورة صحية. و كلكم (خاصة مريوم) شاركتونا بنتيجة ابحاثكم و نتائجكم. و طبعا الفضل للنصرى فى فتح البوست من البداية
Post: #549 Title: Re: Sudaneseonline Biggest Loser Author: مريم بنت الحسين Date: 01-10-2012, 08:15 PM Parent: #548
ابتهال، جايه تباركي لينا الصفحة الخامسة بعد ما فكّينا الصيوان وراحلين على الصفحة السادسة... ياخ والله اشتقنا ليك عديل كده، وان شاء الله تجي وانت دييييييك ال x الما خمج..
سمارت... فكرة حلوه والله اننا نجي نكتب انجازاتنا هنا.. خاصة إنه ده بدي الزول احساس انه هو عمل شنو خلال الفترة دي، ويقيّم تطوّره ويشوف هو حيصل وين.. برضه انك تكتبي لينا challenge دي حاجة لزيزه خلاص... انا زولة بحب التحدي... وعايشه حياتي خنق! هيييع الاسد النتر!
طيب بالنسبة لي... انا بديت معاكم وزني كان Y... حالياً انا وزني بالضبط Y-6.1 كيلو... بديت معاكم من بداية شهر تسعة... البداية ما كانت جادة... وكانت فيها ups and downs... لكن بحمد لنفسي اني مستمرّة... في ظل الظروف الكتيييييرة الحصلت لي... منها الظرف المستمر بتاع وجود بيبي في يدّي، ما مخلياني لحدي يوم الليلة انوم للصباح! وبرضه إصابتي في كتفي، وهي لازالت موجوده والله.. بس انا متحاملة عليها.. وقّفته الرياضة فترة، ولسه واقفة بسبب الاصابة... لكن محافظة في أكلي جداً... واكتشفته موضوع شراب الموية ده، هو اكتر شي مساعدني على اني انقص وزن... بس محتاجة للرياضة خالص، لكن ما عايزه اتسرّع واتمقلب...
الليلة ارتكبته جريمتين... ياخوانا انا عملت الكبكيك بتاع الليمون دااااك متذكرينه؟ محمود بكره عنده يوم international culture وعاملاه ليه وعملته معاه اعلام السودان وقصّة... المهم.. الكبكيك طلع جريمة.. دي الجريمة الاولى... واكلته لي منو موش بس واحده، اكلته لي اتنييييييييييين! لكن وييين، بكره ولا كبكيكاية ما بتقعد في بيتي...! الجريمة التانية، (ايوه في جريمة تانية)، جبنا لينا طعمية سودانية وعملنا ساندوتشات صغيرة بتاعت طعمية بي الجبنه... برضه عشان يشيلها معاه للبرنامج بتاعهم ده... ودي برضها نقطة ضعف بالنسبة لي، اخدته لي minisandwich.. والاجر على الله...
المهم انه عندي تارغيت يوم الاتنين الجاي اصل Y-7... ما عارفه حأقدر ولا لأ... لكن نففففففففسي احقق الحاجة دي... كدي النحاول ونشوف... لانه ده التارغيت الأول بالنسبة لي، لو وصلته ناوية اكافيء نفسي...
اها يا سمارت، اتحديني عليك الله
اخونا ابوالعزايم.. مرحب بيك في البوست... والله بختك، عايش حياتك... بس والله الرياضة مهمة جداً... حاول دخّلها بطريقة او بإخرى.. بالنسبة لجردل الكنتاكي، انقر شنو... ده انا عاملاه زبالة الله يكرم السامعين... والله جد، زبالة صغيرة بختها في المسطبة عشان لما انضف لي خضار او حاجه ما ادنقر، ما قلنا ليكم عندي اصابة ملاعب! ده ما بعني انه ذات مساء اكلنا داااك يا الجردل....
قولوا ماشاء الله يا جماعة ... , اتوقعاتها تكون اكتر من كدة لكن الحمد لله خصوصاً الجيم ما كان مكثف الفترة الفاتت
مرحب بيك يا ابو الريش و ما شاء الله تبارك الله بس شوف ليك فرقة للرياضة زي ما قالت مريم
اسمارت ماشة وين .... احنا دايرين حكم و يكون مصحصح كمان
النصري و اسمارت .... شكرا على النصايح , فات على اقول ليكم بعد ما اصل للوزن المثالي نمط الغذاء حيتغير و الكمية حتزيد على اساس انو البرنامج بعد كدة حيكون life time و كدة اذن حاستعين بالله و اتوكل عليه و ادوس ابنص في الـ challenge بغرض اني اتعدي ما بعد التارقيت على اساس التعويض حيكون muscles
ابتهال Happy New Year
مريم انا بجيب الكبكبي و بعملوا سلطة حمص و كل وجبة بخت من منو معلقة , نظام topping و كدة , غايتو بالنسبة للجرائم اثناء الرجيم , فالجريمة تسقط ليوم واحد و لكن تكرارها لفترات متقاربة بترجعك الحراسة تاني
طيب اقتداءاً بمريم باعتبار لما بديت معاكم شهر 11 (على ما اظن) وزني كان n كجم , و الان اصبح (n-10.4) كجم
اسيبكم يا جماعة و حامشي احتفل بالتلاتة كجم in my own way ....
Post: #551 Title: Re: Sudaneseonline Biggest Loser Author: النصرى أمين Date: 01-11-2012, 04:57 AM Parent: #550
عندى مداخلتين فى الطريق (واحدة لاسمارت والتانية لغباشى) لكن المداخلة دى للترحيب بالاخ ابوريش وبوستيه الذى يصب فى نفس المعنى الوجبات السريعة (Junk Food)
التخلص من ال junk food تقريبا هى اول خطوة فى مشوار الالف ميل, انا شخصيا كنت مدمن بتاع جنك فوود ...كلها بانواعها ماعدا المكسيكى منها ,,,, كنت بضرب سندوتشات ماكدونالد like no tomorrow ممكن اعيش اليوم كله على الدهون والزيوت والمياه الغازية... يصادف شهور (وليس ايام) ما اكل خضارات ,,,
الحمدلله المرحلة دى انتهينا منا وبقينا نعاين فووووق .......
اول نصيحة تقدمها يا ابوريش لضيوف بوستيك انهم يمتنعو ولو تدريجيا عن تناول الجنك فوود...... اذا نجحو فى الخطوة الاساسية دى ممكن يفكرو جديا فى الخطوات التانية الاصعب شوية .......
مستحيل زول بفكر فى صحته ووزنه وفى نفس الوقت بتغدى بدجاج كى اف سى ,,, ما بتجى ,,
ان شاء الله نرد ليك الزيارة وندعو ضيوف بوستيك للمساهمة معنا هنا ......
يا لوزرس كلو سنة وانتو طيبين وربنا يجعل السنة دي سنة خير عليكم وعلى أسركم ويحقق ليكم فيها كل أمانيكم ويمتعكم بالصحة والعافية.
البوستات تفتح النفس .. مبروك للنقصو وعقبال الباقيين (الزينا ديل)!
برجع ليكم باستفاضة
تحياتي
أمير
Post: #553 Title: Re: Sudaneseonline Biggest Loser Author: EBTIHAL OSMAN Date: 01-12-2012, 03:55 AM Parent: #552
Quote: ر اقول باختصار انو دى شجاعة متناهية منك يا ابتهال تكتبى وزنك (بس اوع يكون متروم ,,لول) واهو كل يوم بنتحسن فى التعامل مع الموضوع و فى مواجهته فيس تو فيس ,,,لا بنخلج ,,لا بنتحرج ,,لابنتكسف ,,,,,,,
,والله انا ياالنصرى من البدايه كتبت وزنى ومادسيتو لسببين الاول ...صراحتك انت فى تصريحك عن وزنك الحقيقى والطلع متروم على قولك التانيه ..الوزن دا انا كسبتو فى السنتين الاخيرتين بعد ولدت بنتى الصغيرو ومتوقعه انو حينزل بس مساله زمن
Quote: ابتهال، جايه تباركي لينا الصفحة الخامسة بعد ما فكّينا الصيوان وراحلين على الصفحة السادسة.
انتى عارفه انا دايما عندى مشكله مع الصفحه الاخيره فى البوست مابتفتح بسهوله ماقادره افهم المشكله وين؟؟؟ يامريم الكبكيك دا مابوظ اعصاب الجمهور ...ياستى والله مبروك الضعفه وعجبنا ليك ...بعرف ليك الاحساس بتاع انو الهدوم تكون مهويه من الجسم احساس بالثقه والراحه والله الواحد بقى يتنفس بارتياح الحمد ....شكرا ليك كتبر يامريم والله دايما مشجعانا ودافعانا لقدام
Quote: Happy New Year
سنه سعيده عليك يا ابو تلاته انت ايامك
Quote: اسيبكم يا جماعة و حامشي احتفل بالتلاتة كجم in my own way ....
enjoy you deserve it
Quote: كلو سنة وانتو طيبين
وانت طيب يا امير ا
Quote: برجع ليكم
تعال هنا زايغ وين ؟؟؟ سمارت خاته الميزان وراجياك سجمك
Post: #554 Title: Re: Sudaneseonline Biggest Loser Author: النصرى أمين Date: 01-12-2012, 04:36 AM Parent: #553
دى معلوماتى يا اسمارت منذ بداية البوست العمر فى مايو حابقى 50 سنة (لا حوووووووولا) بديت الرياضة يوم 11 سبتمبر 2011 وزنى كان وقتها 278 رطل بعد شهر بالظبط 11 اكتوبر بديت الريجيم ووزنى وقتها كان 280 رطل
اليوم 11 يناير 2012 (4 شهور من الرياضة و 3 شهور من رياضة وريجيم) وزنى 258 رطل .....
منذ بداية الرياضة والريجيم فقدت 22 رطل يعنى 10 كيلو بالظبط او شوال سكر
هدفى فى المستقبل البعيد ان اصل الى 220 رطل هدفى فى المستقبل القريب(10 يوم من الان) افقد 8 رطل وابدا اجازتى ب 250 رطل
نسيت... الطول هو 5 قدم و 11 بوصة ....
Post: #555 Title: Re: Sudaneseonline Biggest Loser Author: EBTIHAL OSMAN Date: 01-12-2012, 04:54 AM Parent: #553
Quote: بالمناسبة...جايانى ظروف كده فى الايام القادمة...احتمال اختفى تماما.
سمارت عليك الله ماتخلينا ليونس شلبى هههههههههههههه وزى ماقال غباشى ماشة وين .... احنا دايرين حكم و يكون مصحصح كمان ماتنقطعى انا شخصيا بتفاءل بيك
Quote: 1- وزنه فى بداية البوست؟
80 kg
Quote: 2- كم من الزمن استمر معانا.؟
4 شهور
Quote: 3- نقص (او زاد) كم حتى الان؟
5.5 kg الان الوزن تقريبا 74.4 kg
Quote: 4- نوع الرياضة البعملها و كم مرة فى الاسبوع.؟
حاليا المشى مرتين فى الاسبوع ونظام غذائى خالى من الدسم ونشويات قليله +فواكه وخضروات
Quote: 5- اى انجازات اخرى غير الوزن؟
اللياقه والشعور بالرضا والراحه
Post: #556 Title: Re: Sudaneseonline Biggest Loser Author: مريم بنت الحسين Date: 01-12-2012, 10:18 AM Parent: #555
وبكده انا متقدم على ابتهال ب 4.5 كيلو...... خوفى كله من غباشى (الزول البجرى 12 كيلو فى الساعة منو خوف) امير ما منو خوف.... مريم المجموع بتاع النقصان عندك كم؟
________________
ان شاء الله بكرة الجمعة حانزل الشغل بعد غياب 4 اريام... غبت عن الرياضة اسبوع كامل ... لكن اظن انى ترمت شوية وزن بسبب المرض و النفس المقفولة من الاكل..... -------------------
برغم النزلة وزنقة الشغل والامتحانات نزلتا ردل وربع لوووووول نص كيلو يعنى بقيت 98.5 كيلو الطول يا سمارت (اي القريب بينزل الفاتس) 186 سم الوزن الابتدائي (فيزيا بس) 102.7 كيلو الهدف القريب 90 كيلو الهدف الالتميت 85 سوبر التميت 80 التغيرات احساس بالحيوية و الصحة ونظام غذائي صحي شديد الهدف برضو انو ادخل الرياضة في برنامجي اليومي زي النصري وغباشي كدا طبعاً الحاجة المساعدة شديد في المسالة انو نوال ( ماي سويت هاف ) داخلة في القصة وتارقتا x - 10 على قول مريم التوقيع: محمد بقست لوزر اوف السنة الفاتت برغم جيم و كيلوهات غباشي و النصري
Post: #559 Title: Re: Sudaneseonline Biggest Loser Author: مريم بنت الحسين Date: 01-12-2012, 11:16 PM Parent: #558
والله برافو عليكم جميعاً...
انا يا النصري ماشة براحه خالص... لكن مستمره... الوزن النقصته لحدي الآن سبعة كيلو.. طبعا زي ما قلت انا محدده بي لولو ما بقدر انزل وزن كتير بسرعة.. لانه الدهون لما الجسم يحرقها بتطلع معاها سموم... لو كمية السموم الطلعت كتيره، بتمشي لي لولو مع الحليب.. لكن لو كانت كميتها ما كتيره، الجسم بلحق يتخلّص منها قبل ما تصل الحليب..
الليلة مشيت لمّة، الناس دي كلها مستغربة فيني والله مافي جائزة اكبر من الجائزة دي... كونه انه الناس يعلقوا ليك...
انا عايزه اكتب زيّكم كده... الوزن الابتدائي y الوزن الحالي y-6.9 الهدف القررررريب y-0.9 ده بوصّلها لي b الهدف البعده b-5 ... وبعداك we'll take it from there
الرياضة، امس اتمشيت نص ساعة في trade-mil ... يدّي متحسّنة خالص، لكن عايزاها تستعدل تماماً عشان بعداك ابدا الرياضة الصح... حأعمل Power 90 مع المشي ستة ايام في الاسبوع...
Post: #560 Title: Re: Sudaneseonline Biggest Loser Author: النصرى أمين Date: 01-13-2012, 01:26 AM Parent: #559
اذن الترتيب
الترتيب الاول :- النصرى امين نقصان 10 كيلو الثانى:- مريم بت الحسين نقصان 7 كيلو الثالث :- ابتهال عثمان نقصان 5.5 كيلو الرابع:- محمد الحاج نقصان 4 كيلو
المجموع 26.5 كيلوجرام حققها البوست من اربعة مشتركين
والله لو اشتركنا فى برنامج biggest loser التلفزيونى كنا صعدنا للتصفيات النهائية ...
Post: #561 Title: Re: Sudaneseonline Biggest Loser Author: النصرى أمين Date: 01-13-2012, 01:26 AM Parent: #559
اذن الترتيب
الترتيب الاول :- النصرى امين نقصان 10 كيلو الثانى:- مريم بت الحسين نقصان 7 كيلو الثالث :- ابتهال عثمان نقصان 5.5 كيلو الرابع:- محمد الحاج نقصان 4 كيلو
المجموع 26.5 كيلوجرام حققها البوست من اربعة مشتركين
والله لو اشتركنا فى برنامج biggest loser التلفزيونى كنا صعدنا للتصفيات النهائية ...
يا النصري شنو الحركات دي .... انتو شتونا برة و للا شنو ؟
Quote: طيب اقتداءاً بمريم باعتبار لما بديت معاكم شهر 11 (على ما اظن) وزني كان n كجم , و الان اصبح ( n-10.4) كجم
انا فقدت 10.4 كجم و بالتالي الترتيب حيكون كالاتي:
الاول :-غباشي نقصان 10.4 كيلو الثانى :- النصرى امين نقصان 10 كيلو الثالث:- مريم بت الحسين نقصان 7 كيلو الرابع :- ابتهال عثمان نقصان 5.5 كيلو الخامس :- محمد الحاج نقصان 4 كيلو
يعني عشان احنا قاعدين في نصف الكرة الجنوبي تحقرو بينا كدة ؟ مرة تدو الجايزة لي محمد الحاج و مرة تطلعونا برة كلو كلو
انا اطالب بعودة الحكم اسمارت لرد الحقوق و منع الـ segregation
Post: #563 Title: Re: Sudaneseonline Biggest Loser Author: EBTIHAL OSMAN Date: 01-13-2012, 05:31 AM Parent: #562
ايوه يعنى انا تانى الطيش النصرى يطلع روحو الاول يجى غباشى يطلعوا الثانى وانا لو ما محمد الحاج كنت حكون الطيش امير وينو يمكن يجى يمكن يطلع الاول والله خرخارين ما دايره معاكم اسمارت احسن تجى تحسمى لينا الناس دى
والله ياجماعه مبروووووووووووووووووووووك لينا كلنا والنصرى ان شاء تذور البيت وتطوف الحرم
غباشى الخرخار حقو ابقى ليكم زى الود سيد الكفر(الكورة) لمن ينقلب فى الدافورى يشيل كفره(كورته) ويمشى البيت ويخلى الجماعة مصطكين,.,,
يااخوانا فى عامل تانى مهم وهو عامل النسبة انا فقدت 22 رطل من مجموع 280 رطل اذن نسبة الخسران 7.85%
ابتهال مثلا 6.87%
وهكذا ......
بالنسبة لمحمد الحاج ده فهو برلوم يادوب جانى فى الصفحة الرابعة و اكرمونا بجائزة صغيرونه لكن بعد داك ضفر شديد... الطيش دى حتلازمه لغاية نهاية 2012 او على الاقل يوقف اكل الطحنية.....
---------------------------------- والله يا ابتهال امر العمرة لسه فى علم الغيب,.. اسبوع لبداية الاجازة ومافى خبر من التاشيرة.... غايتو ربنا يسهل ,,,,
---------------------
اليوم حانزل الشغل ,,,,الغريب طوال الاربعة يوم الفاتو كنت اشعر بنشاط شديد ...اليوم صحيت مكسر وفتران وحيلى ميت ....الظاهر دى النفسيات ...
-------------------------
لى حوالى شهر بشاهد البرنامج التلفزيونى الرهيب Dr oz http://www.doctoroz.com وبسجل كل حلقاته فى صندوق الكيبل برنامج يستحق المشاهدة عرفت من صديق ان دكتور اوز تركى الاصلى
يا اخوانا خلال ايام البوست حيحقق ال 10 الف نقرة لازم نحتفل وندعو مزيد من الناس تشارك (حتى لو بالقراءة فقط) حاطلب من بكرى يرفع البوست فى المقدمة.. وحاعمل بوست تشجيعى للناس وترحيب وشكر لكل من ساهمو فى نجاح البوست بقترح كل زول فينا يعمل بوست منفصل بالعنوان العايزو ونقد الناس بالموضوع ده لمدة اسبوع ...كل زول يرفع بوستات التانيين حتى ينتبه الناس ل what is this post about
برضو نرش الناس فى الفيس بووك وقووقل+,,,,,
نسميه مثلا اسبوع الصحة والجمال والرشاقة و تخفيف الوزن(او اى اسم تختاروه)
بس اهم شئ الزمن ال 10 الف نقرة حتحقق خلال اليومين القادمين
ازيكم يا لوزرس??? و الله مشغولة ...مشغولة.... مشغولة. النصرى....غباشي دى ما تاكل حقه ساى. الزول ده قبل فترة كتب مداخلة كان ناقص فيها حوالى 6 رطل. انا كحكم بعتمد النتيجة دى :
الاول :-غباشي نقصان 10.4 كيلو الثانى :- النصرى امين نقصان 10 كيلو الثالث:- مريم بت الحسين نقصان 7 كيلو الرابع :- ابتهال عثمان نقصان 5.5 كيلو الخامس :- محمد الحاج نقصان 4 كيلو
ادونى يوم واحد و ح اجيكم واحد واحد....كل زول ح اخت ليه تحدى معين مناسب معه و مدة معينة لتحيقه و نشوف ح تعملوا شنو
ابتهال رغم مشغولياتها محاولة و جادة جدا فى محاولاتها. الchallenge بتاعتك يا ابتهال انك تكتبى كل يوم بتاكلى شنو. لو اكلتى تفاحة اكتبيها. الحاجه التانية انك بدل ما تمشي مرتين فى الاسبوع. انا عاوزاك تمشي 4 مرات فى الاسبوع لمدة 30 دقيقة فى كل مرة. ح اسال بعد اسبوع عملتى شنو
محمد الحاج...محافظ على الاكل و دى حاجه كويسه جدا. عاوزاك برضو تكتب بتاكل شنو كل يوم. ابتهال قلت ليها اكتبى لانها رمرامة (معليش). انت قلت ليك اكتب لانى حاسه انك ما بتاكل صحى و بتجوع روحك. الحاجه التانية عاوزاك تتريض مرة واحده فى الاسبوع لمدة ساعة. ايوه عارفه انك مشغول و حالتك صعبة لكن ده التحدى بتاعك. تلاقي زمن تتريض فيه لمدة ساعة واحدة فى الاسبوع
مريوم...عارفه انك بتكونى ظابطه اكلك كويس. ما عندى تعليق عليه. لكن التحدى بتاعك انك تمشي (مشي بس ما جرى) يوميا حوالى ساعة كاملة فى التريد مل. ممكن تقسميها صباح و مساء نص ساعة نص ساعة. لكن يوميا مفروض تتمشي ساعة. استمرى على كده لحدى ما كتفك يبقى تماما و ح ندخل حبة جرى فى الموضوع
النصرى....اكلك شكله صعب شوية...و ما فيه خضار او فواكه. عاوزاك كل يوم تاكل كباية خضار (جزر, بركولى, خيار) اى حاجه. واكل قطعة فاكهة. تفاحة او موزة او اى شي. المهم كباية خضار و قطعة فاكهة . عن الرياضة عاوزاك بعد اسبوعين تقدر تجرى ميل و نص بدون توقف (باى سرعة اكبر من 5.0 ميل فى الساعة)
غباشي.....انا عارفه نظام اكلك. و عارفه انك بتمشي الجم كل يوم. اظن انك محتاج تاكل لحمة زيادة. عن التحدى بتاعك عاوزاك تكتب لى بتجرى (الان) مسافة قدر شنو فى زمن قدر شنو بالضبط. عشان اقدر اخت ليك تحدى. otherwise ممكن اقول ليك ان تحديك انك تنقص كيلو و نص فى الاسبوعين القادمات let me know what you think
امير .....الهارب. ما تعمل فيها مشغول عشان تهرب مننا. التحدى بتاعك برضو انك تكتب اكلت شنو لمدة اسبوع. (ما عارفنك بتهبب فى شنو الايام دى). و انك تلتزم بالرياضة 4 ايام فى الاسبوع. لمدة نص ساعة. ورينى رايك شنو
_______________________________________________________________________________________________ اى زول عندو راى فى التحدى بتاعه يقول لينا عوك. لو شايفه تحدى بسيط او لو شايفه مستحيل let me know
كل زول لازم يدينا تقرير يومى او كل يومين عن الامور ماشه كيف. ح ارسل جازة رمزية للفائز. و الفائز هو اللى بيحق التحدى بتاعه. لكن لو فى زول كمان عمل اكتر من المطلوب منه...ا كيد ده ح يكون الفائز.
Go Losers!!!!!!!!!!!!!1
Post: #573 Title: Re: Sudaneseonline Biggest Loser Author: مريم بنت الحسين Date: 01-13-2012, 08:18 PM Parent: #572
Quote: مريوم...عارفه انك بتكونى ظابطه اكلك كويس. ما عندى تعليق عليه. لكن التحدى بتاعك انك تمشي (مشي بس ما جرى) يوميا حوالى ساعة كاملة فى التريد مل. ممكن تقسميها صباح و مساء نص ساعة نص ساعة. لكن يوميا مفروض تتمشي ساعة. استمرى على كده لحدى ما كتفك يبقى تماما و ح ندخل حبة جرى فى الموضوع
اسكتي ساي، بتكلم معاك الآن وقشيت صحني بتاع البسبوسة الماخمج.. واديتك ليك قطعة بتاعت منين، لكن والله لي اسبوعين محترمة نفسي... بالنسبة للمشي، انا قدر التحدي، ومن بكره حأنفذه (الواطه لييييييل هنا حسي)، عجبتني فكرة اني اقسم الساعة لي نص ساعة مرتين في اليوم... لانه فعلا انا ساهل اعمل نص ساعة.. لكن ساعة بحصل فيها دايما مقاطعة... بس للأسف حأعمل الحركة دي السبت والاحد والاتنين، لاني الاتنين بالليل مسافرة مع الاولاد لي تبوك نزور عمتهم لمدة عشرة ايام، لكن ليك علي ما الخبط في اكلي خااااااالص، واول ما ارجع اواصل في المشي... الجري ده ما حقي.. خلينا في المشي ونزيد سرعته كل شويه، لكن ما نصل للجري...
انا موافق يا اسمارت مع انو حكاية خضارات يومية صعبة خلاص بالنسبة للجرى ميل ونص ممكن اعملها لكن لانى وقفت من الرياضة اسبوع كامل بسبب النزلة فاظن الرجوع التدريجى افضل .... يعنى من يوم الاثنين حابدا ارجع للرياضة ... ان شاء الله لغاية الخميس او الجمعة بالكتير اقدر احقق التحدى والجرى لمسافة ميل ونصف ...........
_____________________ خلاص انا موافق على الحكم النهائئ بتاع الحكم .... انا التانى احسن من الطيش محمد الحاج .......
كده ممكن نقسم السنة لاربعة فترات كل واحدة اربع شهور التصنيف الجاى حيكون يوم 11 مايو 2012 ان شاء الله نتمنى يكون فى متسابقين جدد خاصة الناس الظهرت فى بداية البوست واختفت ...ندعوهم للمشاركة فى الدورة الجديدة ....
-----------------------
انا حاراسل بكرى ابوبكر يعلق البوست فوق لمدة اسبوع وحاعمل بوست دعايئ جديد لل recruit لاعبين جدد
سلامات يا ريف بالعكس لما التزم بالبرنامج العاملاهو نوال قاعد اكل كتييير عديل كدا طيب الليلة مثلاً اللي هو ويك اند عندنا هنا الصباح شربتا شاي حليب بيًمعلقة سكر واحدة الكباية كبيييرة و معاهو قطعتين قرقوش بعد صلاة الجمعة ضربنا قراصة كاااربة ومعاها كمية من السلطة بعديها فول ظريف و رجلة شربت الصباح قهوة برضو بي معلقة سكر واحدة و قبل شوية شاي برضو بي معلقة سكر اها جوع شديد مش؟
Post: #576 Title: Re: Sudaneseonline Biggest Loser Author: Mohammed Elhaj Date: 01-14-2012, 09:35 AM Parent: #575
حاحاول ليك في موضوع الرياضة دا يا ريف في حديقة قدام المبني الفها ليك 5 مرات كل يوم كيف معاك؟ النصري انت قاصد انت التاني بعدي ولا قاصد التاني وانا الطيش؟ مع الجكة بتاعة الحديقة دي يعني حتتعبوا معاي ولا سائل في غباشي وييس
Post: #577 Title: Re: Sudaneseonline Biggest Loser Author: Mohammed Elhaj Date: 01-14-2012, 09:37 AM Parent: #576
ماشين لي تهاني يا مريم يا سلاااام سلمو عليها ووريها البوست دا عندها اوبسشن بتاع قصص زي دي برضو
توقفت عن الرياضة لاكثر من عشرة ايام,,,,, الاكل مافيهو كوارث لكنه ليس perfect اليوم فطرت بكورية كبيرة شوفان oat وساتغدى بعدس ,,,,,
----------- للاسف استلمت امس ايميل من وكالة السفر تعلمنى ان السفارة تحتاج مستندات اضافية ,,رسلت المستندات المطلوبة... بكده تضاءل امل استخراج التاشيرة خلال اسبوع ...احتاج لمعجزة....
----------------------------------
مفكر اشترى treadmill ...... شجعنى على ذلك لمن عرفت ان يونس شلبى اخر استطاع ان يتحول من شخص سمين جدا الى شخص نحيف جدا فقط بالجرى على التريميل يوميا لمدة ساعة ,,,الجهاز من النوع البطبق وبعد ان تنتهى تتطبقه و تزلقه تحت سرير النوم ....... هذا الشخص اتخلص من كل الوزن الزائد فى 7 شهور مع انه لم يلتزم باى ريجيم(عدا تقليل السكر) حكى لى صديقى ان كان معزوم مع يونس شلبى ده وقد لاحظ انه ياكل عادى جدا رغيف ....لحمة...رز....حلويات ...... يونس شلبى اخبره انه يحرق كل شئ بالجرى يوميا على التريدميل ..... عشان كده عايزين نشترى تريدميل ونخلص ....
يحيا العدل ... يا النصري تحقروا بي و الدنيا نهاراً جهاراً و تجي تقول لي خرخار .... طيب انا بطالب الجائزة الجاملت بيها محمد الحاج على حسابي يا النصري
Quote: عن التحدى بتاعك عاوزاك تكتب لى بتجرى (الان) مسافة قدر شنو فى زمن قدر شنو بالضبط. عشان اقدر اخت ليك تحدى. otherwise ممكن اقول ليك ان تحديك انك تنقص كيلو و نص فى الاسبوعين القادمات let me know what you think
شكراً يا حكمنا الهمام .. طيب عن برنامجي في الجيم , حصل شوية تعديل لانو زي ما قلت ليكم النقصان بتاعي قل بالرغم من التمارين و الدعك المستمرين المعلومة العرفتها بعد داك انو انا اصلاً بستهلك سعرات قليلة جداً في اليوم
اها لما امشي الجيم و ادعك اكتر من 45 دقيقة الجسم اول حاجة بفقد السعرات المكتسبة كلها و ثانياً مع الاستمرار في التمارين الجسم بيحس بالخطر و بيبدا يعمل نوع من المقاومة بينتج عنها النقصان الاقل من المتوقع عشان كدة قررت ارجع في للوضع العادي و اعمل 45 دقيقة مع الحفاظ على نمط التغذية المعتاد. حالياً البرنامج كالاتي :
ببدا بالـ Rowing machine عشان استطالة العضلات و دي لمدة 10 دقائق الـ Treadmill بجري بيها زي 3 كيلومتر لمدة 20 دقيقة الـ Eleptical لمدة 15 دقيقة بعد داك بعمل تمارين بطن او شوية Weight lift بالـ Dumbbells
كيلو و نص في اسبوعين شوية, على الاقل كيلوجرام في الاسبوع كويس خصوصاً انو الفترة الجاية احتمال ما يكون عندي وقت للجيم
في تحدي المدينة الشهر دا لازم اعمل حاجة كويسة داير اقفز لي للمركز التاني كخطوة اولى
Post: #580 Title: Re: Sudaneseonline Biggest Loser Author: مريم بنت الحسين Date: 01-15-2012, 05:00 AM Parent: #579
من امس حزينة على وفاة اخونا سالم احمد سالم، كل ما اجي اكتب معاكم ما اقدر اخش في المود... الله يرحمه ويغفر ليه ويقبّله عنده القبول الحسن
يا غباشي، الحاصل ليك ده اسمه starvation mode، الجسم الانساني ده مخزنة فيه معلومات وتجارب من زمن انسان الكهف، ومبرمج على الخوف القديم من انتهاء القوت، والجوع، وده طبعا شي كان حاصل، يعني الانسان ممكن يجيه يوم يصيد صيده كبيره، ياااااكل لما يشبع، ويعدي عليه ايام ما ياكل، بقوم الجسم يحافظ على الاكل البجيه لوقت العوز، وده السبب الأصلا جسمنا بخزّن دهون. مشكلتك حسي انه معرّض لزيادة في وزنك، لانه جسمك محروم من السعرات الحرارة وبستهلك طاقة، فلو أكلت عادي الجسم حيبدا يخزن عشان لو جوّعته تاني يلقى اليحرق منه... ما عندي حل، لكن الكلام ده موجود هنا
Post: #581 Title: Re: Sudaneseonline Biggest Loser Author: مريم بنت الحسين Date: 01-15-2012, 05:54 AM Parent: #580
محمد الحاج يا كاواي... طيب ورينا التغيير العملته شنو؟ لو واقع قراريص قاعد تنقص كيف؟ لانو مافي تغيير في النوع لازم يكون في تغيير في الكمية... بكرة السفر طبعا، والللللللله يستر حنوية يدها طاعمة وحتخلي مهمة المحافظة على الوزن صعبة في العشرة ايام الجاية دي
اكتب هذه المداخلة والرقم 10000 يظهر فى صفحة المنبر بعد عنوان البوست ..... علميا اى بوست جديد يكتسب قوة شديدة فى بدايته الا انه مع الزمن تبدا تتلاشى تلك القوة ويظل يتقدم البوستات فقط بسبب قوة الدفع الذاتى
خمسة شهور ناقص 4 يوم احتاجها البوست ليصل للرقم 10.000
امتحانين عسيرين على ان امر بهم اليوم... الاول امتحان العدس ,,, درجة الحرارة فى كالقرى 30 تحت الصفر...فطرت عدس بسلطة طماطم وطلعت على الشغل ولابس كما يلى عدد 2 سروال تحت البنطلون عدد 1 بنطلون ... 1 فنيلة تحت القميص ... 1 قميص ... 1 فنلة قطن سميكة فوق القميص 1 جاكيت بتاع برد 1 طاقية قطن لغطاء الراس ا طاقية عادية (بيسبول) 2 شراب قطنى سميك 1 نضارة عريضة.... للاسف ما عندى قفازات ..... المهم طلعت وخايف ... هل سينتصر العدس على البرد ام يفوز البرد على العدس .... للاسف النتيجة كانت 41 صفر لصالح البرد ..... مشوار 10 امتار بين باب البيت والعربية خلتنى ارجف من البرد....
ده الامتحان الاول
اما الامتحان التانى فهو امتحان التويوتا الكامرى طبعا ده اول امتحان ليها ...وانا اشتريتها مخصوص عشان to beat the winter مشيت علىها لقيتها عبارة عن لوح تلج فهى لم تتحرك ليها يومين قلت بسم الله ونقرت على السويتش ..... بوووووووووم دورت على طول امنت بالتويوتا وباليابانين زاتهم .....
دورتها ومشيت الشغل ...... الحركة خفيفة شوية وعدد الزبائن انقسم للنص (معظم زبائن الفردة من الصينين العجائز...من 80 سنة ولفوق) امراة بيضاء مسنة (طاعنة فى السنة) اظن ان عمرها فى نهاية الثمانينات اقتربت منى وشكرتنى على الخدمة الجيدة التى اقدمها وطلبت منى ان اقف لها فى مكتب الحركة ....للاسف المكتب كنت قد مريت عليه قبل حوالى نص ميل ...عندما اخبرتها بذلك ...قال لى بثقة ما مشكلة ساتمشى ..... فى سرى قلت ليها لو كنت ضاربة عدس ما كان قلت كلامك ده... وكحالة خاصة انزلتها فى مكان غير مخصص للنزول مساعدة لها ....
قال عدس بطماطم ...
Post: #585 Title: Re: Sudaneseonline Biggest Loser Author: النصرى أمين Date: 01-17-2012, 07:10 AM Parent: #584
حاجة غريبة جدا حصلت اليوم ولا تصدق بحكيها ...الداير يصدق يصدق والماداير حر.... اليوم كان بارد جدا جدا ودرجة الحرارة وصلت ٤٠ تحت الصفر..... برد لا يستطيع اى كائن ان يصبر عليه.... كنت واقف فى محطة جاتنى سيدة ملفلفة زى النينجا اليابانى سالتنى بانجليزى مكسر ..البص ده بمشى فى الشارع الفلانى اجبتها انه بمشى بشارع قريب من الشارع المقصود... ركبت ...... بعد شوية جاتنى قالت لى انت من وين..... عادة فى السؤال بحاول اخفف دمى واقول من الصين وبعد استغراب السائل بوضح ان الوالدة من كوريا والاب من الصين.... وبما ان السيدة فى الستينيات ويبدو عليها البرد الشديد قررت مافى داعى لخفة الدم ... قلت ليها من السودان ....طوالى قالت لى بلهجة سودانية مكسرة من وين فى السودان ...اجبتها من امدرمان... سالتها وانت من وين? قالت لى من تنزانيا ....عرفتها طوالى من الاسماعيلية (احفاد الفاطميين حكام مصر) وهم من الشيعة ... واصلت قائلة انها عاشت فى الخرطوم فترة مع اختها المتزوجة من سودانى (واستخدمت كلمة نقادى) ....قلت ليها مسيحى ...اجابت نعم ...... غيرت الموضوع وقلت ان الاسماعيلية يسيطرون على كل مرافق المدينة حتى العمدة ورئيس بلديتها منهم ناهد نينشى..... قالت لى ده ود اختى او ابن اخى (nephew) .... قلت ليها قول ليهو نحن وراك فى معركتك مع عمدة تورنتو فى موضوع نقص الوزن ضحكت وقالت لى حاكلمه ..... اضافت وهى تودعنى... الزول ده سمين .....
------------------- غايتو الحاجة الطلعت بيها انو عمدة كالقرى نفسه قد يكون عاش فى السودان>>>>> لو حصلت لى مشكلة فى الشغل بمشى ليهو واقول ليهو عمتك كانت جارتنا فى السودان وهى صاحبة خالتى لزم
سارفع الريجيم ليوم واحد بسبب البرد.... درجة الحرارة اليوم ستصل 45 تحت الصفر.... لن اكرر تجربة امبارح حيث كنت اكتكت اليوم كله.. ومما زاد الامر سوء انى نسيت ترمسة الشاى الضخمة.....
انا زول بشتفل فى الصقيعة ...مستحيل اكل عدس واشباهه من فول وشوفان ..... اليوم حيكون يوم الدهون والسكريات والبتبقى تبقى .... اهو ده عذر نستمتع شوية .....
Quote: يا غباشي، الحاصل ليك ده اسمه starvation mode، الجسم الانساني ده مخزنة فيه معلومات وتجارب من زمن انسان الكهف، ومبرمج على الخوف القديم من انتهاء القوت، والجوع، وده طبعا شي كان حاصل، يعني الانسان ممكن يجيه يوم يصيد صيده كبيره، ياااااكل لما يشبع، ويعدي عليه ايام ما ياكل، بقوم الجسم يحافظ على الاكل البجيه لوقت العوز، وده السبب الأصلا جسمنا بخزّن دهون. مشكلتك حسي انه معرّض لزيادة في وزنك، لانه جسمك محروم من السعرات الحرارة وبستهلك طاقة، فلو أكلت عادي الجسم حيبدا يخزن عشان لو جوّعته تاني يلقى اليحرق منه... ما عندي حل، لكن الكلام ده موجود هن
يا مريم كلامك منطقي لكن داير اضيف في حالتي اني ما قاعد اصل لمرحلة الـ starvation mode , الاكل الباكلو صحيح فيهو سعرات قليلة لكن تنظيمو و الالتزام بيهو مع شرب الموية و تناول الفواكه بين الوجبات مخلني ما اشعر بالجوع و عادي بعد مرات بكون معزوم و اضطر اكل عادي و بجي اواصل برنامجي زي ما حصل شي , لكن اكتر حاجة بتلخبط لي النظام لما يكون في سكريات, عشان كدة دايماً بزوغ منها و اول حاجة بعملا بعد ما ارجع من العزومة بمشي الجيم طوالي عشان احرق السعرات الزايدة :) البرنامج دا ما حيستمر طويل لانو مخصص للـ Quick weight loss و بعد ما اصل للوزن المثالي الاكل حيتغير مع الاستمرار في التمارين
النصري يا جرسة, لكن و الله بردكم دا مخيف عديل كدة , نصيحتي ليك اكسر الريجيم ليوم واحد بس وما تزيده عشان و اضرب البروتين عشان تديك طاقة وما تجوع بسرعة و دايماً خليك hydrated
يا اسمارت بتمر على قصص كتيرة جدا بحكم عملى خاصة وانى بحب اتكلم مع الناس و ما بتهيب من اى زول ....قبل فترة كنت قاعد فى كافتيريا الشغل مع بعض الزملاء ...جاء مارى زميل اخر...الجماعة قالو انهم سقيل وما بسلم ولا برد السلام .... بعد كم يوم لقيتو فى القراش ...دخلت فيهم شمالا مخاطبا له ب big guy فى الاول اندهش لكن بعد ثوانى بدا يتونس ويضحك..... فكيك شفرته .......
---------------
اليوم وغدا اخر يومين فى الشغل .... تحدثت مع مدير العاملين ...وافق على تمديد اجازتى اسبوعين زيادة (مدفوعة الاجر) وبكده الاجازة صارت شهر ونص ..... عدد 2 بوست فى اليوم النتيجة 7 الف و مائتين بوست بانتهاء الاجازة
Post: #593 Title: Re: Sudaneseonline Biggest Loser Author: جعفر محي الدين Date: 01-19-2012, 05:37 PM Parent: #592
السلام عليكم يا أيها اللوزرز طبعا لما أكون مزنوق في الشغل بتجنب أدخل البوست لأنه بجبرني أقرأه بتفصيل شديد وطبعا بفرح لكل فرحان وبزعل مع كل زعلان مصمم ومتأكد إنه حيجي يوم وحأكون الخاسر الأكبر عشان كده عايزين كله شهر يكون منفصل وليه نتيجة براه
ــــــــــــــــــ النصري بالله لو طلعت ليك الفيزا بتاعت العمرة تلفوني 0544788487 أنا في جدة
انا عكسك تماما يا النصرى..ما قاعده اتكلم مع زول من طرف. لكن (ظريفة شديد) لما الناس تبدا و تتكلم معاى. الموضوع ده ما فيه مشكلةمع الامركان...لكن مخسر مع السودانيين. و دى قصص طويلة ممكن احكيها يوما ما.
بالمناسبة ما تحاول تغيظنى باجازتك ام شهر و نص دى......) انا من اول امس بديت اجازة مدتها 5 شهور و نص. حوالى 12 اسبوع منها مدفوعة الاجر و الباقى على زوجى العزيز. اول امس صحيت الصباح عملت كباية القهوة (من غير كافين) و طلعت شربتها فى الحوش..(ايوه الجؤ عندنا كان امس جميل لدرجة انى كان ممكن اقعد فى الحوش اشرب القهوة). احتمال امشى السودان على شهر 4 ...احتمال بس. لكن و الله انا شايفه احسن لى اركلس فى البيت مع الاولاد.
ما قلتا لينا ..موضوع العمرة ماشى كيف؟؟؟ و هل فى لسه امل بعد تمديد الاجازة؟؟؟ ده كلو كوم و البرد كيف؟؟؟ و الله حالتكم تحنن. 30 تحت الصفر؟؟؟؟ احنا ح تصل اليوم صفر (و من غير تلج) و الناس كلها متجرسه.
اها و الرياضة ماشه كيف؟؟؟؟؟ ما تخلمنا بالبرد و العمرة و قصص حاكم المدينة و تعلم ميت...
مرحب جعفر يازول طالما النية فى كل شئ ممكن ... سجلت تلفونك وان شاء الله اديك سلك لمن اصل جدة باذنه تعالى,, (ممكن تمسح الرقم من المداخلة لو عايز)
-------------------- والله العظيم يا اسمارت لى اكتر من اسبوعين ما اتريضت,,,, الاسبوع الاول كنت عيان شوية خاصة وجع الضهر,, الاسبوع التانى درجة الحرارة وصلت ل 50 تحت الصفر (الرسمية حوالى 32 درجة تحت الصفر لكن البرودة المحسوسة بسبب الرياح تصل الى 45 الى 50 تحت الصفر,,,,, اى غرض بحتاج لساعة ياخد ساعتين بسبب البرد.... السبب التانى عندى كونتكرات بتاع نضافة والزول البشتغله غائب فمضطر اشتغله براى و مواعيده مذعجة جدا (بعد منتصف الليل) بالاضافة لازم اسوق العيال المدرسة 8 صباحا ..... مستحيل مع الظروف دى اتريض ...ياخ نومى بقى 6 ساعات فى اليوم ........بس الكويس عندى فرقات فى اليوم ...يعنى دلوقت انا بين دوامين وعندى حوالى ساعة فى البيت قبلما اتخارج للدوام التانى ..... بعد الدوام التانى عندى ساعة عشان انوم واصحى للشغل التانى::::
----------------------- الطبيعة بتاعت الدخول فى الناس دى صفة مكتسبة سعيت ليها سعى شديد جدا عشان اطوعها فانى بطبعى زول خجول وانطوائئ لكن فى الثانوى قررت اتخلص من الصفات دى ونجحت بدرجة كبيرة ... مشكلتى لو جيت قدام اكتر من 5 اشخاص بغلبنى الكلام وابدا ارجف ,, عشان كده جنى وجنى المايكرفون او اقيف اخطب فى جمع من الناس ....
لكن واحد لواحد ...لو لقيت اوباما براهو بجننه ليهو بالكلام..... قبل فترة لقيت المدير العام فى الاسانسير (تقريبا هو بمرتبة وزير بمقاييس السودان) دخلت ليك فيهو شمال لمن اممممممن عديل ....
---------------------
اوع من السودان ,,حتقضيها كلها بكيات ,....طبعا دايرة شوال بتاع دلارات لتغطية الاجازة ...... انا بالنسبة لى بعد تمديد الاجازة موضوع العمرة اصبح شبه مضمون مالم تحصل كارثة فى موضوع التاشيرة,,,,,عندى فكرة امشى اديس اببا عندى صاحبى فى الامم المتحدة شغال هناك وشجعنى اجى .......
اليوم اخر يوم الشغل الرياضة مافى لكن الحمدالله ابتداءا من بكرة الجو حيتصلح ...بدلا عن 35-30 تحت الصفر (ومع الريح 40-45 تحت الصفر) حترتفع درجة الحرارة الى 4 فوق الصفر,,,, صيف عديل بكرة.....
الريجيم الاداء حوالى 75% مافى لحوم ودهون وزيوت وسكر لكن باكل رغيف whole wheat و بعمل فول بالجبنة البيضاء وقبل شوية اتهورت وعملت بيض بالطوة والزيت
خاتني الطيش وانا جيت قبل شهر ونص و نزلت اربة كيلو بنعمل ليكم ثورة في البوست دا وكمان مروح غباشي عشان تقنطر روحك فوق الزول دا اعمل حسابك منو بالسكس باك ابس بتاعتو دي ولا هي بتاعة مريم
Quote: انا قلت ابتهال دى الاحباط وصعوبة الشغلانه طفشتها زى اخوانا الظهرو فى اول البوست وغلبهم يواصلو واستسلموا للامر الواقع ,,,,
سلاااااام يا اهلنا والله يا النصرى اول ما ادخل البورد بفتح بوستك الظريف دا........
التحية ليك ولجميع المتداخلين وخاصة الحكم مبالغة ..... طبعا انا ظهرته فى أول البوست وبعد داك كبت الزوقة .
انا طبعا عاملة دايت مع LA weight loss بديت معاهم شهر تسعة ولحدى الان نقصتة 22 رطل ولسه ماشين فى السكة نمد ........
عجبتونى شديد والفرق كبير بينى وبينكم ...انا بدفع قروش عشان انزل وزنى وانتوا ماشاء الله بالتشجيع والحماس ماشين تمام.....
والله يا النصرى ح التزم معاكم وح اتابع......
Post: #600 Title: Re: Sudaneseonline Biggest Loser Author: النصرى أمين Date: 01-22-2012, 01:59 AM Parent: #599
فيها شنو يا محمد الحاج لو غطيت وردية لنسيبتك(ولا عديلتك ولا حماتك) هى مالها طولت الغيبة كدى؟
ا ----------------- سلام نجاة.... 22 رطل مرة واحدة,,,, ياخ ده انجاز رهيب...انا مت موت عشان احقق الرقم ده..... على كل ممكن نطلب من الحكم يعمل اضافة ليك فى قائمة الدورة السابقة وبكدة انا وانت التانى مشترك (ومحمد الحاج برضو الطيش) برضو ورينا الطريقة بتاعتك ... لو ما مكلفة شديد ....ممكن نجربها ... ------------------------------
امبارح اخر يوم فى الشغل وكالعادة عملت جلطة من جلطاتى المفضلة وصلت الشغل بدرى ساعة كاملة واعتذرت للديسباتش عن التاخير 3 دقائق قال لى انت بدرى ساعة ...قلت ليهو كيف ؟ الساعة حسى 14.25 وانا مواعيد 14.22 ....قال لى انت مواعيدك 15.22 ,,,الله ,,الليلة الجمعة وانا ببدا متاخر ...... قلت خلاص امشى الجيم واكسر الزمن هناك ..... لمن جيت داخلك القى ليك يونس شلبى... ده شنو يازول ...مالك بجاى ؟ قال لى جيت لامر ادارى وقلت اتمرن فى الجيم بعد انقطاع طويل.... قال لى انو شكلى نقصت وزن (ما عارف هو بجامل ولا بقول الحقيقة) سالته عن اجازة الاسبوعين فى جزيرة الدومينيكان فى البحر الكاريبى قال لى اروع اسبوعين فى حياتى ... الغرفة كانت على المحيط .... الشاطى رملى صافى ... لكن للاسف مؤسف الاعاصير والموج عالى جدا ..... اضاف انه جرب العوم مع سمك القرش (SHARK SWIMMING) عن الاكل قال انه مجانى فى الفندق ...كل انواع الطيبات الا انه لم يلمس اى منها وان يشرب 5 اكواب من عصير البابايا المنعش ...... كلمته انى عايز اشترى مكنة للجرى قال لى تعال اشترى حقتى بكم ؟ قال 600 دولار قلت ليهو اشتريتها بكم ومتين؟ قال لى 5 سنوات ب 2400 دولار.. قلت ليهو بديك 400 بالتقسيط كل شهر 100 قال لى خليها 500 اتفقنا بعد ارجع من الاجازة اشتريها منو .....
Post: #601 Title: Re: Sudaneseonline Biggest Loser Author: Nagat Sid Ahmed Elshiekh Date: 01-22-2012, 05:44 AM Parent: #600
Quote: برضو ورينا الطريقة بتاعتك ... لو ما مكلفة شديد ....ممكن نجربها ...
النصرى أريتك طيب؟ قصتى مع الناس ديل قديمة وممكن نحكى ليك التجربة .... طبعا انا سمينة بالوراثة عدييييل كدا يعنى عاوزة إجتهاد اكتر من السمنة الاوجدته ظروف وانواع الطعام والراحة ......
حاولته ومن زمن بعيد انواع دايت مختلفة وفشلته عشان ماكانت فى رياضة...
وبعدين أعترف وبكامل قواى العقلية ضعفى الشديد امام الحلويات .
طبعا دعايات الحبوب وكريمات الت خ س يس دى كلام فاضى ساكت... متابعة اخبار أخر الابحاث الخاصة بالموضوع دا من زمن شفته دعاية ال .. فى التلفزيون ومعاها التلفون... اتصلته بيهم فى نفس اللحظه وعملتة مواعيد لتانى يوم وفى بالى كل الشركات الشغالة فى الت خ س يس كذابين وحرامية.... قلت نمشى نشوف الحاصل شنو .. بعد ذلك اقرر الاشتراك اما الزوقة. نواصل......
Post: #602 Title: Re: Sudaneseonline Biggest Loser Author: النصرى أمين Date: 01-22-2012, 06:06 AM Parent: #601
سلام نجاة فى الانتظار ...يبدو اننى موعودين بتجربةInspiring
احييك على شجاعتك ...اظن انها ستساعد الكثيرين انهم ما يخجلو من المشكلة ...يواجهوها و ما يهربو منها .....
الوزن الزائد ما عيب يخجلو منو ...والحديث عنو ما محرم .....
انا شخصيا ...بعد تجربة البوست ده مستعد اطلع الشارع بميكرفون اقول للناس اننى وزنى زائد وداير اتخلص منه .....
بالمناسبة ...مبروك الصفحة السادسة ولو لقيت الاذن من باقى الاعضاء نسميها صفحة نجاة ... الصفحة الخامسة كانت صفحة محمد الحاج (لكن ما كلمناه عشان ما يفرهد)
Quote: بالمناسبة ...مبروك الصفحة السادسة ولو لقيت الاذن من باقى الاعضاء نسميها صفحة نجاة ... الصفحة الخامسة كانت صفحة محمد الحاج (لكن ما كلمناه عشان ما يفرهد)
شرف عظيم لى يا النصرى عشان البوست دا اهم وافيد بوست فى البورد...تسلم ولى عودة أكيد وتحياتنا للجميع....
Post: #604 Title: Re: Sudaneseonline Biggest Loser Author: النصرى أمين Date: 01-24-2012, 00:54 AM Parent: #603
اليوم الاول من الاجازة مر ببطء شديد لم اطلع من البيت _____ وجبة واحدة دسمة (زيت ودهن ورز) -----------
اخبار مطمئنة بخصوص التاشيرة احتمال تطلع فى اى لحظة... الحمدالله مكان الوصول ليس مطار الخرطوم والا كنت اتحاوم فى المولات بحثا عن الهدايا.... ناس السعودية مرتاحين الزول ممكن يمش بهدومه ,,,,,
----------------ا
الناس دى وين؟
-------------
انا مع الاجازة دى ما حيكون عندى قصص جديدة... غايتو لو دايرين من القديم ....ممكن
Post: #605 Title: Re: Sudaneseonline Biggest Loser Author: Nagat Sid Ahmed Elshiekh Date: 01-24-2012, 01:34 AM Parent: #604
Quote: اليوم الاول من الاجازة مر ببطء شديد لم اطلع من البيت _____ وجبة واحدة دسمة (زيت ودهن ورز) -----------
سلام النصري ..أنت محتاج تكسر الروتين مرة فى الاسبوع ..يعنى الخرمجة مهمة .
مرحب بيك يا نجاة منورة البوست و الله ... تحية من العبد لله ممثل اهل الهامش .... طبعاً النصري ما معترف بي انجازاتنا و مهمشنا اخر تهميش و لولا انو حكمنا مصحصح كان النصري مرر اجندته و كمان مطلع نفسو الاول و بيقول علينا خرخارين , غايتو شوية كدة كان شال كورتو و مشى النصري بالله ورينا الاسبوع دا وزنت و للا لسة
بعد عشرين سنة من الابحاث والدراسات والتجارب توصلت لوصفه مثالية لفول العلب
بس احسن الفول يتعمل فى البيت,, صدقونى فولى ده الزول ممكن ياكله يوميا لطعامته......
----------------- نجاة ...ماتشتغلى بغباشى ده ... اصلو المنافسة بينى وبينى حامية الو*ط*يس وهو هنا يلجا للحرب النفسية بعد ان فشل فى هزيمتى فى الميزان بالرغم من كل الظروف فى صالحه.... عزابى وما عنده مرة ولا شفع .... ماشغال .... وبعمل ليهو فى كورس بتاع محو الامية وجا غشانا بصور فوتوشوب انه بعمل فى دكتوراه .... انا يا نجاة زول محمول عندى 9 اطفال ومرتين وشغال فى 4 محلات .... الا رغم الظروف الصعبة واقف لغباشى فى حلقه ومانعه من تحقيق حلمه بالفوز بجائزة ال biggest loser
---------------------------------
االزهج بدا ..... الاجازة وهى فى يومها الثانى ,,, احتمال امشى لمعاوية المدير فى red deer وهى مدينة فى منتصف المسافة بين كالقارى و ادمنتون -------------
كدى النقوم نعمل لينا بوست جديد فى سودانيزانلاين لقتل الملل ..... ---------------
الحمد لله روقة ألف وعندي إجازة أسبوعين مركلس ركلسة السنين
النصري يا أولنا مبروك .. غباشي ده بفكها فينا ساي وبعدين ياخي أنا ما عارف ذاتو هو دخل معانا ليه!!!
مريوم كيف صحتك وكيف عيالك إنشاء الله طيبين
سمارت قلتي لي مركلسة اليومين ديل! في كالفورنيا الجميلة .. إنشاء الله انتي وأهلك طيبين
ابتهال يا كديسة المطعم كيفك .. والله عندي ليك وصفة تخليك تزيدي الكيولهات النقصتيها في فرت يوم!
غباشي انت بتاع حركات وعايز تعمل لينا نفسيات ساكت أنا ما حأشتغل بيك تاني !! نحن نسكها جرام جرامين (زي بوصة×بوصة بتاعت سمارت) وانت تجي ناطينا لينا نقصت اتنين كيلو وتلاتة كيلو!!
اليومين ديل أنا عندي إجازة أسبوعين لحدي يوم 3 فبراير ومتكل في فيرجينا نوم تقيييييييييييل
بالنسبة للبرنامج الرياضي والوضع الخاص بي كالآتي
على الرغم من الزحمة وعدم الرياضة والأكل المنتظم الحمد لله محافظ على الوزن بتاعي لا وأزيدكم من الشعر بيت نقصت لي زي كيلو وشوية.. الرياضة كانت كورة قدم كل يوم تلاتة وجمعة ومرات الجمعة بس لكن تمام الحمد لله... من بكرة حأبدا برنامج جري ومشي في الجيم وجاك بلى يا غباشي.
مبروك الصفحة السادسة ومرحب في نجاة معانا في الطاحونة دي.
تحياتي للجميع وبعد كدة التقارير يومية
كيب ايت أب غاييز
أمير
Post: #609 Title: Re: Sudaneseonline Biggest Loser Author: Nagat Sid Ahmed Elshiekh Date: 01-25-2012, 01:18 AM Parent: #607
Quote: مرحب بيك يا نجاة منورة البوست و الله ... تحية من العبد لله ممثل اهل الهامش .... طبعاً النصري ما معترف بي انجازاتنا و مهمشنا اخر تهميش و لولا انو حكمنا مصحصح كان النصري مرر اجندته و كمان مطلع نفسو الاول و بيقول علينا خرخارين , غايتو شوية كدة كان شال كورتو و مشى النصري بالله ورينا الاسبوع دا وزنت و للا لسة
تسلم غباشي....انا متابعة البوست دا من قولة تيد ..
عندى إقتراح نحدد يوم كل شهر ونسجل الخسارة او الزيادة وتكون محفوظة عشان الحكم يحدد الترتيب .
Post: #610 Title: Re: Sudaneseonline Biggest Loser Author: Nagat Sid Ahmed Elshiekh Date: 01-25-2012, 01:29 AM Parent: #609
Quote: لقيت روحى ناقص .... بالضبط ما عرفت ناقص كم ... لكن تقريبا 2 الى 3 الى 4 رطل ......
قاعد فى البيت مركسل والارطال شغالة كشلو كشلو كشلو منقه بس ......
الف مبروووك النصري ...انت عارف دى ظاهرة جيدة و كل اسبوع لازم تخرمج عشان تعمل بريك داون .
Post: #611 Title: Re: Sudaneseonline Biggest Loser Author: النصرى أمين Date: 01-25-2012, 04:10 AM Parent: #610
اخيرا امير ظهر ..... ايه رائك نعمل حلف ضد غباشى ده ......
طيب انت فى اجازة اسبوعين وانا فى اجازة 5 اسابيع واسمارت فى اجازة 12 شهر ومريم ماجزة طبيعى مع العيال يفترض البوست ده يترفع يوميا...... كدى ورينا تفاصيل الاكل ..كديسة ولا غنماية؟ بالمناسبة وانا فى الثانوى واحد زميلنا اسمه عباس جاء الفصل بقميص ملون (الزى الرسمى هو الابيض) لمن الاستاذ ساله ليه لابس قميص ملون رد عليه بان القميص الابيض اكلتو الغنماية ما عرفنا نضحك ولا نتاثر !!
-------------------- حددى يوم يا نجاة وكل واحد يكتب نقص او زاد كم فى اليوم داك شهريا......
-------------------
مريم ...الحاصل شنو؟ ان شاء الله الامور كلها تمام التمام ..... قلقتينا ....
قبل اى شيء، النصري و امير، غباشي ده برلومي في الجامعة و اللى يرشوا بالميه، ح اطلعوا الطيش.
انا صاح في إجازة لكن شغل المكتب طلع أسهل مليون مرة من شغل البيت. حالة صعبة شديد.
مريم كويسه، مستمتعة بالزيارة علي الاخر ( شكلها كده) بس ما عندها انترنت.
مرحب و الف مرحب يا نجاة. . و أكيد الصفحة دي لازم تكون علي شرفها.
كلكم شبكتوني : ايوه إدينا تحدى. و حتى الان ما في واحد فيكم قال لي عمل شنو!!!!!! إيه الفوضي دى. انا بكره و بعد بكره ح اكون مشغولة شويه. بعدها ( ان شاء الله ) بجيكم و اقلب اجازاتكم دي جحيم.
Quote: ----------------- نجاة ...ماتشتغلى بغباشى ده ... اصلو المنافسة بينى وبينى حامية الو*ط*يس وهو هنا يلجا للحرب النفسية بعد ان فشل فى هزيمتى فى الميزان بالرغم من كل الظروف فى صالحه.... عزابى وما عنده مرة ولا شفع .... ماشغال .... وبعمل ليهو فى كورس بتاع محو الامية وجا غشانا بصور فوتوشوب انه بعمل فى دكتوراه .... انا يا نجاة زول محمول عندى 9 اطفال ومرتين وشغال فى 4 محلات .... الا رغم الظروف الصعبة واقف لغباشى فى حلقه ومانعه من تحقيق حلمه بالفوز بجائزة ال biggest loser
و الله يا النصري الكلام الفوق دا تحفة و الله جميل منك انك تتيح لينا الفرصة لمعرفة احلامك و امنياتك بعيدة المنال كان تكلمني بي تحت تحت و تطلب مني اديك فرصة تقشر على الناس شوية و تجي الاول صدقني ما كنت حاحرجك بعدين كان رجعنا لحتة اني فشلت في هزيمتك دي زي ما بقولوا موبالغة ... حاوضح اكتر و احضرونا يا شباب النصري بدأ برنامجه شهر 9 و فقد 10 كيلو مع بداية السنة دي يعني اخد 4 شهور طيب نجي للعبد لله اللي هو انا بديت شهر 11 و على اول السنة دي فقدت 10.4 كيلو انا بتريض من زمان لكن الموضوع برضو فيهو نقطة مهمة اللي هي اني داخل بيجاي في تحدي تبع مدينتنا و لحدي حسع ابليت بلاءاً حسنا ... لكن زي ناس النصري و كمان أمير دخل معاهو في الخط و محمد الحاج مرة مرة بيرمي في الكلام , عايزين يحبطوني الحكاية دي لنجاة عشان تعرف اجندة النصري كويس (ما يغشك بالترحيب ده و تكبير الراس) قبل كم اسبوع كنت الـ biggest loser وبيني بينك انا كل مرة بكون البريمو المهم النصري حب يجامل محمد الحاج قام اقترح يديهو الجايزة بتاعت الاسبوع بحجة اني (متعودة دايماً) شفتي التحامل ده كيف ؟ بعديها طلعني برة عدييل كدة و جاب نفسو الاول لو ما سمارت قطعتو معاهو اظنو كان خلى بكري يسحب الباسورد بتاعتي
Quote: لقيت روحى ناقص .... بالضبط ما عرفت ناقص كم ... لكن تقريبا 2 الى 3 الى 4 رطل......
قاعد فى البيت مركسل والارطال شغالة كشلو كشلو كشلو منقه بس ......
عليكم الله يا جماعة بس ده كلام حسي احنا نحسبها ليك كم؟ 2 و للا 3 و للا 4 ارطال؟ النصري ياخ عليك الله be specific و ادينا exact measurement بعدين لو الـ weight loss بيجي كشلو كشلو كدة ساكت بالركلسة فاتحين صالات الجيم دي ليييه :) و عاملين برامج دايت ليه غايتو دي الا تكون مزاجات من الـ m etabolism بتاعتك (تتمدد بالحرارة و تتبربر بالبرورة)
Quote: النصري يا أولنا مبروك .. غباشي ده بفكها فينا ساي وبعدين ياخي أنا ما عارف ذاتو هو دخل معانا ليه!!!
شفتو يا جماعة الهجوم المؤسس و المحاولات المستميتة لاغتيال شخصية العبد لله , امير الهارب يعلن تضامنه مع النصري و يعلن الحرب على غباشي, و الله يا ناس غرب الاطلنطي حقارين و حقارتك فايتة الحد (طبعا اسمارت و نجاة برة كلامي دا) امير طحنية انت المفروض تخضع للفحص الالي من اول و جديد لانك ليك شهرين غايب و ما عارفين عنك حاجة جيت استغليت حملة النصري المغرضة عشان الناس ما تسألك مش كدة؟
Quote: غباشي انت بتاع حركات وعايز تعمل لينا نفسيات ساكت أنا ما حأشتغل بيك تاني !! نحن نسكها جرام جرامين (زي بوصة×بوصة بتاعت سمارت) وانت تجي ناطينا لينا نقصت اتنين كيلو وتلاتة كيلو!!
غايتو جنس حسادة , انا يا مان بدرش روحي في الجيم و عندي نظام اكل معين , العبد لله لاعب محترف انت قايلني بتاع روابط زيكم؟ و للا عشان الواحد بيجي يدفر معاكم بيجاي و كمان بتتريق على حكمنا الهمام , دي احدى الكبائر , اسمارت مطلوب حضورك عشان توقفي أمير ده عند حده , اول حاجة دايرين الـ history بتاع الفترة الكان داكيها دي بعد داك يخضع لتمارين درش عشان يعوض الفارق و يا حبذا لو عينتيني الكوتش بتاعو عشان ادرشو ليك درش العيش , غاشينا قال بيلعب كورة و هو موقفنوا باك ورا القون عشان يجيب ليهم الكوَّر البتمرق برة الميدان
دي هدية بسيطة للنصري و أمير اللي هي اقتباس لكلام حكمنا اسمارت
Quote: ازيكم يا لوزرس??? و الله مشغولة ...مشغولة.... مشغولة. النصرى....غباشي دى ما تاكل حقه ساى. الزول ده قبل فترة كتب مداخلة كان ناقص فيها حوالى 6 رطل. انا كحكم بعتمد النتيجة دى :
الاول :-غباشي نقصان 10.4 كيلو الثانى :- النصرى امين نقصان 10 كيلو الثالث:- مريم بت الحسين نقصان 7 كيلو الرابع :- ابتهال عثمان نقصان 5.5 كيلو الخامس :- محمد الحاج نقصان 4 كيلو
ادونى يوم واحد و ح اجيكم واحد واحد....كل زول ح اخت ليه تحدى معين مناسب معه و مدة معينة لتحيقه و نشوف ح تعملوا شنو
_____________________________________________________________ و الله يا جماعة يديكم العافية حركتو فينا حاسة التدوير و المشاغلات و التحدي بيناتنا مستمر و انا على ثقة طالما حكمنا مفتح و قاعد ليكم و كمان مريم معاهو بس انتو ارجو الراجيكم
غايتو يا غباشى حلتك ممنا اسمارت لو ما كده كنت عملنا ليك نفسيات... وقالو النفسيات بتخلى الزول ساكن فى المطبخ ياكل ما يشبع ...... على كل انا رفعت يدى (خوفا من الحكم) لكن كمان خليها حلوة وراعى لمشعارنا .......
الميزان بتاعى جب*ان جدا جدا (اشتريتو بعشرة دولار) وفىهو ميزة تحفة ...برجف لمن اطلع فيهو...يعنى الشوكة تقعد تتراقص ....ولانى طولت من الوزن ما عرفت بالضبط الميزان قاصد شنو....بعد كم يوم ممكن اصل للوزن الحقيقى .....
الحاجة التانية انا مراقب ال diet بتاعى شديد ..يعنى مافى سكر ولا دهون ولا زيوت (ماعدا زيت الفول) ....الرغيف قمح whole wheat .....اكيد بالطريقة دى بحصل نقصان وزن ...بس طبعا مش بنفس السرعة لو كنت بتريض.... مثلا لو كنت بتريض و براقب الاكل ممكن مثلا انقص 10 ارطال فى الشهر لو كنت بس براقب الاكل ومافيش رياضة ممكن انقص 4 او 5 ارطال فى الشهر......
على كل i am very satisfied بالوضع لانى مقرر انو الطريقة دى تستمر فترة طويلة (لو ربنا كتب لينا عمر) وغير محدده بفترة ذمنية زى ما كنت مقرر فى البداية 3 ا و 4 او 5 ارطال فى الشهر ما بطالة وفى خلال سنة ممكن اصل ل 40 او 50 او 60 رطل ....ده اذا ما واصلنا الرياضة وهى حاجة very unlikely لانى ناوى ومصمم اشترى المكنة ال treaedmill بس انتهى من موضوع الاجازة الملاوز لينا ده.....
وبمناسبة الاجازة ما زلت فى انتظار مكالمة من الوكالة بخصوص التاشيرة لو ما طلعت بنهاية الاسبوع حابدا اقلق جد جد وافكر فى بدائل......
------------
يا نجاة وين باقى القصة؟ بالله دايرينها بالتفاصيل المملة... بدات كيف والمعوقات شنو ...النتائج ...واهم شى الحاصل شنو دلوقت ..... فى الانتظار
Post: #616 Title: Re: Sudaneseonline Biggest Loser Author: Nagat Sid Ahmed Elshiekh Date: 01-26-2012, 03:26 AM Parent: #615
Quote: يا نجاة وين باقى القصة؟ بالله دايرينها بالتفاصيل المملة... بدات كيف والمعوقات شنو ...النتائج ...واهم شى الحاصل شنو دلوقت ..... فى الانتظار
نصرى كيفك ؟ سلام للجميع ...وشكرآ للترحيب يا حكم والاخ أمير.. نواصل يا النصرى ..... ذهبت للمواعيد ..طبعآ ذى ما قلت ليك ما كنت واثقة فيهم للاسباب الذكرتها فى البداية . كان الموضوع كالاتى ـ
اول حاجة بسألوك عاوز تضيع كم رطل .. دا طبعآ بعد معرفة وزنك وتسجيل المعلومات الخاصة بالموضوع مثلآ طولك .. صحتك كيف ..وبعد تسجيل هذه المعلومات بعملوا كشف طبى وفحص دم كامل ....
الجماعة ديل انا رجعت ليهم تانى ..عشان خسرته 40 رطل معاهم قبل سنتين ... وكانت الفترة 6 شهور لنقص الوزن. ممكن تخسر 2 رطل اسبوعيا لو تابعته الجدول واستعملت الميزان الخاص لوزن كمية الاكل المفروض تستعمله كل وجبة ...يعنى توزن اللحمة وباقى البروتين لكل وجبة ... نواصل ...
Post: #617 Title: Re: Sudaneseonline Biggest Loser Author: النصرى أمين Date: 01-26-2012, 07:43 AM Parent: #616
يانجاة لكن دى شحتفة مبالغ فيها..... القطارة بوظت اعصابنا ......
اوع تكونى من الجماعة البستعملو الماوس للطباعة وينقرو الحروف ..حرف حرف... عندى صاحبى عضو فى البورد هنا بستعمل كيبورد بكرى ابوبكر... احيانا يحتاج ساعة كاملة عشان يكتب مداخلة طويلة
اوع تكونى من الجماعة البستعملو الماوس للطباعة وينقرو الحروف ..حرف حرف...
الاخ النصرى والله صدقت بطبع بالماوس وحاجات تانية حاميانى، موقع مبالغة والله .. برضو عشان تعرف موقع الحرف ح ياخد زمن... النصرى من غير اجازة ،، خلينى نرد على سعادة الحكم والمنافس امير .ونواصل ما بالقطارة.
Quote: مبروك الصفحة السادسة ومرحب في نجاة معانا في الطاحونة دي.
شكرآ الاخ امير للترحيب.
Quote: مرحب و الف مرحب يا نجاة. . و أكيد الصفحة دي لازم تكون علي شرفها
اوووو الحكم شخصيآ لنا عظيم الشرف.
Post: #619 Title: Re: Sudaneseonline Biggest Loser Author: النصرى أمين Date: 01-27-2012, 08:30 AM Parent: #618
اوكى نجاة .....
--------------------
اسبوع اتمحرق من الاجازة وانا مركلس فى البيت والبورد زاتو بقى لى مسيخ وما قاعد افتحه كتير...... ------------------
مافى خبر من التاشيرة والكلام دخل الحوش --------------------
لسه مافى رياضة ... لكن ناوى ان شاء الله من يوم الاتنين امشى الجيم بتاع الشغل ------------------
فطرت فول مظبط واتغديت بسلطة طماطم بالساردين
Post: #620 Title: Re: Sudaneseonline Biggest Loser Author: مريم بنت الحسين Date: 01-27-2012, 07:21 PM Parent: #619
يا لوزرز ازيكم ومشتاقين والله جيت بعد غياب عشرة ايام في زيارة لعمّة أولادي... أخت نادر ومحمد في مدينة تبوك... طبعا العشرة ايام دي انا كنت بقاوم مقاومة شرسه في أكلها اللزيز ويدّها الطاعمة.. وما بقول كده عشان محمد الحاج معانا بالجد ما شاء الله عليها...
المهم انه في خستكات كتيره حصلت... منها اكل في وقت متأخر... وشاي بي حليب كامل الدسم.. ومنييييييييييييييييين (يا حسره).. وكيك وعيش السرايا (عبارة عن قشطة بي عيش بي عسل عشان تتخيلوا بس!)
النتيجة.. زدته كييييييييييييييلو في عين العدو! اي والله... وفرحانه بيه، لانه بي الخستكه الكنت عاملاها، كنت قايله روحي بمرق بي ستة سبعة كيلو! الشي القدرته احافظ عليه هو شراب الموية... بشربها بالصباح، وقبل كل وجبة... وكنت باكل خضار كتير اثناء الاكل.. لكن الاكل نفسه مسبببببببببببببك ولزييييييييييييز... كنت باكل لما اشبببببببببع!
ده فيما يخصني __________________________________
مبروووووووووووووك الصفحة السادسة.... ومرحب بنجاة.. انا زاتي اتشحتفته ياخ، وريني البرنامج ده كيف البنقص 40 رطل في ستة شهور!
غباشي، شايفه الجلاكين اتفقوا عليك... يا زول ولا يهمّك... شد حيلك بس، وكل يومين تلاته تعال خت ليهم الكيلوات البتلف دي....
سمارت... حنشتاااااااااق ليك، للاسف ما قدرته اعمل التحدي بتاعي بسبب السفر، لكن من بكره حأبدأ فيه... واجي اكتب ليك.. الشمار حارقني ياخ، ماشه وين انت؟
يا النصري، نجدد الدعوة انا وابو محمود، لااااااااازم تتصل بينا لو الله فك عارض التأشيرة...
بكرة يوم الوزن الرسمي بتاعي، حأجليه لانه الاسبوع ده ضارب.. الاسبوع الجاي بوزن
اهلااااااان مريم الف حمدلله على السلامة اول حاجة داير اشكى ليك من فتايل فى الاكتاف بسبب العتالة اليومية للبوست ... وبعودتك ممكن الواحد ياخد بريك و يستمتع بالاجازة بتاعتو.......
يا زولة الكبلو ما مشكلة طالما الزول استمتع بالاجازة لكن بس عيش السرايا ده بالغت فيهو.....امبارح سهير عملت حاجة كده نسيت اسمها لكنها زى اللقيمات بالعسل .....من النوع البودى التوج.. استخدمت كل اسلحة الدفاع عن النفس التى امتلكها وخرجت من المعركة مهزوما واحد صفر ..بس لحسن الحظ الواحد كان عبارة عن لقيماية صغيرة (ز ى بسبوسة اسمارت واحد بوصة فى واحد بوصة)
Quote: غباشي، شايفه الجلاكين اتفقوا عليك... يا زول ولا يهمّك... شد حيلك بس، وكل يومين تلاته تعال خت ليهم الكيلوات البتلف دي
والله ده ما كان العشم.....اسمارت قلنا معليش الزول كان برلومهم فى الجامعة لكن انت يا مريم تقيفى معاهو وقد مشيناها خطى فى هذا البوست... بعدين الزول ده ما شايفاهو ؟ برشنا بكيلوين كل يوم يعنى لو كتلنا روحنا بالجوع ما بنقدر نحصله .. قلنا المابتحصله احسن نطقعه عله يهتدى ..... الحاجة الكويسة انو ما حيقدر يواصل لانه كاسح كسح شديد وليس مثلنا نطبخ الاكل بنار هادئة حتى يخرج مستويا ......
مرة تانية مرحب بعودتك ويمكنك الان استلام الوردية وده تقرير سريع عن الحاصل فى عنبر الانتاج...
نجاة عندها قصة رهيبة لكن عاملاها من ٣٠ حلقة اسمارت عندها اجازة ٦٤ شهر..... ابتهال مختفية تماما وما عارفنها غنماية ولا كديسة محمد الحاج الظاهر عليهو مدور طحنية وخجلان يجى بجاى غباشى زى ما شايفة يجى يرشنا ويمشى امير يظهر مرة كل ٨ شهور
يلا استلمى
Post: #622 Title: Re: Sudaneseonline Biggest Loser Author: مريم بنت الحسين Date: 01-29-2012, 04:32 AM Parent: #621
هههههههههههههههههههههههههههه يا النصري.. والله ضحكته ضحك... لاقي ايدك الايام دي في الجماعة.. اول شي مبروك الاجازه.. وبركة البقينا نشوفك اكتر... بس الرياضة واقفة ليه! انا امس اتحزّمته واتلزمته، لقيت ليك التريدميل بتاعتي فيها مشكلة ... اعتقد في حاجة في كهربة البيت .. الليلة مستوية، ليلى ومحمود عملوا فيني فلم هندي امس.. ما نمته لي تلاته ساعات على بعضهم! ليلى عندها شوية قحّة... بتصحيها، اقوم امشي اشيلها شوية وارجعها سريرها... محمود مقلق، ماشي وجاي الليل كله... يجي يرد معانا شويه، وبعداك يمشي ويفتح النور في غرفتهم.. يرقد ينوم في سريره.. تقوم ليلى تصحى بالنور، اقوم امشي اطفي النور واشيلها شويه وارقدها تاني تنوم، يصحى محمود او تصحّيها القحّة... عليكم الله ده ما عذاب! اها الليلة كنت ناوية احول مكان التريدميل، لكن نادر عباس كان لقى ليه غدا ساي بخته، خلي رياضة كمان!
بالمناسبة، دليل آخر على فائدة الموية وانها بتنزل الوزن، لما جيت من السفر لقيت نادر وزنه ناقص بصورة ملحوووووظة، وكان انتظم في شراب الموية يومي بالصباح على الريق لمدة عشرة أيام.... انصحكم بيها والله الطريقة دي...
أما عيش السرايا، خرااااااافة طبعا... انا بحب الحلويات المافيها سكّر كتير... لكن طبعا القشطة تعتبر جريمة يعاقب عليها القانون....
Post: #623 Title: Re: Sudaneseonline Biggest Loser Author: Nagat Sid Ahmed Elshiekh Date: 01-29-2012, 05:48 AM Parent: #622
Quote: نجاة عندها قصة رهيبة لكن عاملاها من 30 حلقة
النصري قول سلام .....نبداء الحلقة الأولى من مسلسل نجاة
Meals option 1) Protein 2) Starch 3) Dairy 4) Vegetables 5) Fruit 6) Fat 7) LA Lites ( دي قطع شوكلاتة وبرنتين تابعة للبرنامج )
دى لازم تتناوله يوميا وبكمية محدودة والبروتين موزون بالميزان يعنى لو عاوز تستعمل لحمة او سمك لازم تكون 4 اونصص للوجبة الواحدة وتتكرر 4 مرات فى اليوم وهنا مربط الفرس .....ممكن تاكل 6 مرات فى اليوم وتخسر على الاقل 2 رطل فى الاسبوع بس لازم الواحد يلتزم ....والله الخرمجة لذيذة بشكل ..اليلة انا مشيت زيارة و اكلته حاجة كدا مع شاى لبن حلووووة شديد نسيت ليك نفسى وما عاوزة اكذب واغش نفسى يعنى شلته ذى أربعة قطع....موبالغة....قلته لنفسى مرة فى الشهر ولا يهمك....عشان كدا كان عندى مواعيد مع جماعتى زوقته منهم ح أمشى بعد بكرة
الرياضة واقفة يا مريم لانى واقف من الشغل(اجازتى السنوية) وكسلان امشى الشغل عشان بس اتريض ....غير انو اجازة من الشغل معناتها اجازة من كل شئ ليهو علاقة بالشغل وطبعا ده يشمل مبانى الشغل... لكن رغم ده قررت ارجع للرياضة ابتداءا من بكره الاتنين ونشوف الحاصل شنو
------------ يا نجاة الحلقة الاولى ما بطالة ..انا مشيت اتصفحت الموقع بتاع الشركة وقررت انو ده شعر ما عندها ليهو رقبة .... اهم شئ لا حظت انو الشغلانة كلها تعتمد على الالتزام وهم هناك شغالين بمبدا انو طالما الزبون دفع قروش مقابل الخدمات ده معناهو انو الزبون حيكون غالبا حيكون ملتزم فى البرنامج والا حيفقد قروشه انا بشوف انو الالتزام ده ممكن الزول يتصنعه صناعة ومجانا كمانى... كيف؟ انو الزول يلتزم امام جمع كبير من الناس بانو حيراقب اكله وحينزل وزنه... الالتزام ده اخلاقى وغير ملزم ...لكن الزول ممكن يعتبره التزام حقيقى ويتعامل معاهو على هذا الاساس ...... ومما يزيد من نسبة نجاحه ان يكتب الزول كل الخروقات العملها والانجازات برضو ... وده بالضبط الحاصل هنا .....
من غير الالتزام الوهمى ده ما كان حالى اليوم على ما عليه
Quote: انو الزول يلتزم امام جمع كبير من الناس بانو حيراقب اكله وحينزل وزنه... الالتزام ده اخلاقى وغير ملزم ...لكن الزول ممكن يعتبره التزام حقيقى ويتعامل معاهو على هذا الاساس ...... ومما يزيد من نسبة نجاحه ان يكتب الزول كل الخروقات العملها والانجازات برضو ... وده بالضبط الحاصل هنا .....
الحلقة التانية والاخيرة .... ..انو انا اقتنعته بكلامك الفوق دا وح اسيبهم واواصل معاكم هنا ...ملح .
بس فى حاجة واحدة يا النصرى ح أفقده عندهم مشروب بتستعملو كل اسبوعين وبتنقص 3 رطل فى يومين العصير دا.....والله صحي
والله يا نجاة دى اجمل خبر..... بس اهم شئ تكتبى تقرير يومى خاصة اذا لخبتى فى البرنامج وتعملى وعود وتحاولى تلتزمى بيها امام الجميع واذا فشلت تجى وتكتبى وتعترفى بالفشل .. بالطريقة دى الواحد بكون ملتزم اكتر و يتجنب الخرمجة .....
مشيت جرى على الموقع افتش عن العصير البنزل ٣ رطل فى الاسبوع وشايل الماستر كارد فى يدى الشمال ... جاهز اشترى .... لقيتو ب ٧٠ دولار ... جريت وو*طى وعملت مجنون... ٧٠ دولار لعصير ؟ غايتو حاخلى الموضوع معلق... اذا لم يحصل نقصان معقول فى الاسابيع الجاية حاشترى العصير والبحصل يحصل
دى صورة للعصير
<>
Post: #627 Title: Re: Sudaneseonline Biggest Loser Author: Nagat Sid Ahmed Elshiekh Date: 01-30-2012, 02:33 AM Parent: #626
Quote: مشيت جرى على الموقع افتش عن العصير البنزل 3 رطل فى الاسبوع وشايل الماستر كارد فى يدى الشمال ... جاهز اشترى .... لقيتو ب 70 دولار ... جريت وو*طى وعملت مجنون... 70 دولار لعصير ؟
لقيتك فقرى يا النصرى خطير والله هههههه.. ...جبت لى عصيرى ذى الفل... عشان كدا لما تكون مشترك معاهم بكون ارخص انا بعد العضوية بدفع 129 دولار شهريا فيها عدد 2 عصير 7 صنايق حبوب فيتمين اربعة حبات مختلفة فى ظرف كل يوم لمدة شهر إضافة لى سبعة صناديق بروتين وشوكلاته بار لذيذة جدآ....
اهلااااااان وسهلا بالقلب النابض... سعيدين بمرورك ونتمنى ما تكون زيارة سريعة من نوع hit and run
و كمحاولة منى لتشجيعك للبقاء معنا فى معركتنا المصيرية ادعوك للاحتفال معى بمرور اسبوع كامل (سبعة يوم) بدون سكر ....
سبعة يوم كاملات بدون سكر ...اكتفيت بكباتين قهوة فى اليوم وكل كباية فيها sweetner واحدة ..... انا عارف انها ما صحية وكلها كيماويات لكن بستخدمها ككبرى للتخلص من ادمان السكر وتعويد وتطويع buds اللسان على ذلك ....
هيا نحتفل بهذه المناسبة التاريخية بكيكة كبيرة معطنة سكر و كريمة
وااو دي فيها كراميل وانا ضعيفة جدا أمام الكراميل والشكولاتة
أنجيب لي كباية شاي ونحتفل معاك بعدم تعاطي السكر اسبوع كامل
نان عاد الاحتفال بي دي كلها ضيعت مجهود الاسبوع ها ها انا قاعدة اعمل كدة مرات اخلي السكر فترة وارجع له بشراهة.. انا لانو بشرب شاي كتير شديد ( بي حليب بس)
كن الافضل تتعود على نص طاعم وتستمر على كدة لكن كمان ما تشرب عشرة كبايات بي سكر خفيف ممكن تكون زي خمسة كبايات سكر تقيل... الاعتدال في كل شئ كويس
الاسويت دا انا ما بحب طعموا في الشاي زي حلاوة حربة في الشاي ...
يا قلب النابض قايلانى حاكل كيكة زى دى ؟ ده كان زمان ايام الجاهلية....
مرة كنا معزومين عند صديق عزيز ....... زوجته مشهورة بعمل الباسطة.... لمن انتهينا من الغداء ....جابو صينية الباسطة ...اقسم بالله العظيم كانت اطعم باسطة اكلها .... بعد انتهينا طلبت منهم الوصفة عشان اعملها فى البيت ..... لمن بديت اكتب فى المواصفات والله جسم لمن كـــلــب (وانا جاهلى وقتها) سمن بلدى ... سكر طن ... واخطر شئ علبة كاملة بتاعت قشطة لبن ..... غايتو القطعة الصغيرة من الباسطة دة لا تقل عن ٨٠٠ سعرة حرارية(اودهنية)...
يا حليل ايام الجاهلية.. غايتو استمتعنا متعة ما عادية الان حان وقت الحرمان وبداية السبع العجاف ....
sweetner طعمها عادى بالنسبة لى لانى ومنذ سنوات طويلة بشرب بيبسى دايت ..احتمال دى الحاجة الوحيدة الكنت بعملها
Post: #632 Title: Re: Sudaneseonline Biggest Loser Author: Nagat Sid Ahmed Elshiekh Date: 01-31-2012, 01:13 AM Parent: #631
بعد التعب دا كلو .... كيلو واحد .....اسبوع تام مع رياضة تقيلة غايتو الله غالب.
Post: #633 Title: Re: Sudaneseonline Biggest Loser Author: النصرى أمين Date: 01-31-2012, 02:31 AM Parent: #632
نجاة نقصان كيلو فى اسبوع ما بطال ....بالعكس كويس جدا... كيلو معناتو 2.2 رطل معناتها 10رطل فى الشهر..... معناتها 120 رطل فى السنة ....
بعدين فى حاجة تانية مهمة جدا...انا لاحظت انو الوزن ده عملتيهو منتصف اليوم (احتمال المساء بتوقبتكم) انا متاكد انو الكيلو ده حيبقى 2 كيلو لو وزنت الصباح بدرى قبلما تاكلى او تشربى اى حاجة....
مرة دكتور اوووز Dr. Oz قال انو الجسم بكون مشرب موية فى اماكن كتيرة والنتيجة قراءة خاطئة للوزن ....
كدى بكرى الصباح اوزنى تانى و ورينا الحاصل شنو
---------------------------
يا اخوانا ما ملاحظين انى كاسر ركبة فى البوست ده دى حاجة ما كنت متخيل تكون اجازتى عليها.. اجازة السجم والرماد المافيها سفر دى
Post: #634 Title: Re: Sudaneseonline Biggest Loser Author: مريم بنت الحسين Date: 01-31-2012, 01:02 PM Parent: #633
النصري، ابعد من السويتنر ده.. والله ما كويس .. حتى مع هدفك بتاع انك تخلي السكر، ما كويس.. احسن تقلل كمية السكر تدريجي وبعداك تخليه.. حسي احنا بقينا رسمي ما بنشرب سكر مع الشاي..
الموقع اللزيز ده فيه وصفات جميلة جداً... ادتني ليه صاحبتي إيمان في الفيسبوك... الوصفات كلها صحية وبتحاكي وصفات جد جد، لكن بدهون اقل...
Post: #635 Title: Re: Sudaneseonline Biggest Loser Author: Nagat Sid Ahmed Elshiekh Date: 02-01-2012, 02:58 AM Parent: #634
Quote: انا متاكد انو الكيلو ده حيبقى 2 كيلو لو وزنت الصباح بدرى قبلما تاكلى او تشربى اى حاجة....
والله يا النصرى انت خبير عدييييل كدا....... عارف الزولة بتاعة البرنامج قالت نفس كلامك بالظبط ... مشيت ليهم بعد الشغل يعنى الساعة 5 مساء ...قامت قالة لى تعالى يوم السبت الصباح ...منتظرين يوم السبت... لكن بينى وبينكم الخرمجة حاصلة مع العيال ..ضواقة عملات النصرى...
آهلين استاذة مريم ..اتفق معاك مية مية ..بس بينى وبينك البطء الصح مريت بيه قبل 3 اسابيع ...بمشى كل اسبوع والغريبة الوزن مسطك فى نفس الوزن...لحدى النتيجة الاخرة.
Post: #636 Title: Re: Sudaneseonline Biggest Loser Author: مريم بنت الحسين Date: 02-01-2012, 06:29 AM Parent: #635
تاني حأنزل ليكم وصفات كل فترة لحاجات بعملها في الغدا بتاعنا.... حأسميها فقرة "طابخة الليلة"...
دي وصفة لقيتها في الموقع الكتبته امس .. جبتني وناوية اعملها.... الكوردون بلو من الوصفات الحلوة شديد وبتتعمل بي صدور الدجاج وبتتحشي بالجبنة... الوصفة الأصلية بتتحمّر، لكن وصفة الجماعة ديل بالفرن... برضه فرق تاني انهم مستخدمين جبنه بارميزان بدل البقسماط... الحاجة الحأعملها مختلفة اني ما حأعمل زبدة (لانه ما عندي)... بصوّر ليكم الأكله بعدين ...
السلاااااااااااااااااااااااااااااااااااااام عليكم يالوووووووووووووووووووووووووزرس ومرحب بيك يانجاه وان شاء البوست يرحب بيك ..سعيدين بوجودك معانا والله النصرى ولا يهمك واثقين منك ياخ انت الاول بالنسبه لينا لانو لوحسبنا مجموع الاوزان الخسرناها كلها بفضل البوست بتاعك دا (سؤال جانبى انت ادفا حته فى كندا وين والشتاء عموما بيستمر لغايه متين) غباشى دا كاواااااااااااى شاحده ربى يعرس ليهو مره تكون ايدا طاعمه ياكل لمن باب الاوضه مايطلعوا واوعك ياعباشى تقول لى القمم مستهدفه ....ياولدى بتموت اكل رم عضمك ارحم الشعب المعاك وراعى شعور الاخرين(احمممم) مريومه الغاليه حمدا لله على السلامه يابت امى وينفعك ويرقعك الاكلتيهو الدنيا فيها شنو غير لمه ناس فى ساعه خير وعضه سنينه ...صراحه انا بحب الاكل البيعملوهو الناس ..مااكون عملتو انا واااااااااااااوومع الونسه والرفقه مع الحبايب ..... سمارت ...مبروك الاجازه وربنا يهنيك بيها ....شغل البيت نار والعيال وطلباتهم الما بتخلص لما يلاقوك فى وشهم ...انا شخصيا لمن كنت شغاله كان يومى بكفينى اعمل كل متطلبات العيال والبيت ...لكن لمن قعدت فى البيت امنت عديل اليوم بخلص ومابكون عملت حاجه زوجى دايما بقول لى عندك مشكله فى Time Management بالرغم من انى بتضايق من كلامو الا انى مؤخرا اكتشفت انوكلاموا صاح
السلاااااااااااااااااااااااااااااااااااااام عليكم يالوووووووووووووووووووووووووزرس ومرحب بيك يانجاه وان شاء البوست يرحب بيك ..سعيدين بوجودك معانا والله النصرى ولا يهمك واثقين منك ياخ انت الاول بالنسبه لينا لانو لوحسبنا مجموع الاوزان الخسرناها كلها بفضل البوست بتاعك دا (سؤال جانبى انت ادفا حته فى كندا وين والشتاء عموما بيستمر لغايه متين) غباشى دا كاواااااااااااى شاحده ربى يعرس ليهو مره تكون ايدا طاعمه ياكل لمن باب الاوضه مايطلعوا واوعك ياعباشى تقول لى القمم مستهدفه ....ياولدى بتموت اكل رم عضمك ارحم الشعب المعاك وراعى شعور الاخرين(احمممم) مريومه الغاليه حمدا لله على السلامه يابت امى وينفعك ويرقعك الاكلتيهو الدنيا فيها شنو غير لمه ناس فى ساعه خير وعضه سنينه ...صراحه انا بحب الاكل البيعملوهو الناس ..مااكون عملتو انا واااااااااااااوومع الونسه والرفقه مع الحبايب ..... سمارت ...مبروك الاجازه وربنا يهنيك بيها ....شغل البيت نار والعيال وطلباتهم الما بتخلص لما يلاقوك فى وشهم ...انا شخصيا لمن كنت شغاله كان يومى بكفينى اعمل كل متطلبات العيال والبيت ...لكن لمن قعدت فى البيت امنت عديل اليوم بخلص ومابكون عملت حاجه زوجى دايما بقول لى عندك مشكله فى Time Management بالرغم من انى بتضايق من كلامو الا انى مؤخرا اكتشفت انوكلاموا صاح
ازيكم يا شباب؟؟؟؟ قاااااااعدييييين - تحمدوا ربكم- تتونسوا ساااااااى. ما في زول فيكم بيتريض غير غباشي. و كمان مطولين السنتكم عليه. ابتهال و النصري، ارفعوا كيبورادكم عن غباشي!!!!
مشتاقين يا جماعة. انا جيتكم. استعدوا. ح أبدا التسميع من الكنبة الطيش. ناس امير و ابتهال.
النصري، الإجازة شكلها ح تقضيها معانا هنا. يا بختنا. بعدين أجازى دي كلها خمس شهور و نص. هسي النص انتهى. لحدي هسي ما شفتا فيها راحة. يمكن تتصلح بعد شوية. مريوم، انا عاملة إضراب من الطبيخ الايام دي. اول ما إفك الإضراب بحاول وصفاتك دى. ابتهال، غيييييب و تعال. شنو يا بتنا؟؟؟؟ ما جبتى سيرة الرياضة يعني!!!! نجاة، إنجاز و الله. انا كنت مفكرة ( زمان) امشي ويت واتشرز، لكن كسلت و لقيت احسن لي أحاول اتريض براى.
غباشي، لا تأخذك رأفة باللوزرز ديل. اديهم على راسهم. لكن اعمل حسابك ، انا عندي شهرين من الخستكة، بعدها ( لو الدكتور ادانى ال ok ) ح اتنازل عن وظيفة الحكم و ح انزل متنافس شرس. سامع يا النصري؟؟؟؟ هدفي أني في شهر 12 ( ان شاء الله) أجرى ربع مرثون ( حوالى 7 ميل) بسرعة حوالى ستة ( ل ستة و نص) ميل في الساعة. مع العلم أنى ما جريت جرى جاد لفترة طويلة جداً ( اكتر من سنة و نص) و في السنة و نص دي - احمد ربي- زاد وزنى و ضعفت لياقتي. لكن ذي ما قالت فيروز: راجعين. و ده ح يكون شعارى للمرحلة القادمة.
امير، استعد، ح أبدا بيك في التسميع و الجلد ( قصدا البشتنه)
العوض شخصيا ؟؟؟؟؟؟ وينك يا رجل؟؟؟؟؟ ما تستني النصرى ( ابو مرتين و 9 أطفال) الإجازة كلها مقضيها يضرب في الفول و متدسي في البيت من البرد. الجم ما قادر يمشي. إحنا اصلا ح نطردوا من البوست بعد شوية. * و الله بيني وبينك مستمتعة بالإجازة بالرغم من أني ما ذي باقي خلق الله البيعرفوا يريحوا روحهم. لسه بصحي الساعة 6 صباحا و لسه ما بقدر انوم بالنهار لما الأولاد ياخدوا نومة. غايتوا مستمتعين بننا بنتمشي في الحلة و بنمشي المكتبة مرة او اتنين في الاسبوع. في أسابيع قليلة ( ان شاء الله) ح ينتظم جدولنا و نقدر نستمتع اكتر بالإجازة. -------------------------------- * في اطار الحرب النفسية على النصري.
Post: #643 Title: Re: Sudaneseonline Biggest Loser Author: Nagat Sid Ahmed Elshiekh Date: 02-02-2012, 01:34 AM Parent: #642
Quote: ومرحب بيك يانجاه وان شاء البوست يرحب بيك ..سعيدين بوجودك معانا والله
العزيزة ابتهال شكر للترحيب ولى عظيم الشرف
Quote: نجاة، إنجاز و الله. انا كنت مفكرة ( زمان) امشي ويت واتشرز، لكن كسلت و لقيت احسن لي أحاول اتريض براى.
حكمنا الخطير... النصرى اقترح لى انسى جماعتى ديل واوصل فى الملح دا معاكم وبينى وبينك الفكرة عجبتنى...
Post: #644 Title: Re: Sudaneseonline Biggest Loser Author: EBTIHAL OSMAN Date: 02-02-2012, 02:17 AM Parent: #643
بالنسبه للرياضه .............والكذب خيبه ماقدرت ازيد اليومين يا اسمارت قدر ما اجتهدت ما اتوفقت انى امشى اكتر من ساعه ليومين بالنسبه للاكل الحمد لله رب العالمين خلال الشهر الفات إسمنى فى العيش الوجبات بصفه عامه الصباح الساعه 8 كبايه شاى بلبن قليل الدسم ...والكبايه بعد ماكانت كبيره بقت صغيره اليومين دى ومعاها نص ملعقه صغيره سكر وقطعه بسكويت مكنه (اتمنى انك ماتقرى الحته دى) الساعه 11 خضار مشكل يوم مسلوق ويوم مشوى ويوم محمر بملعقه صغيره زيت زيتون ببهروا شديد وبعمل معاهو شطه خضرا ء وتوم الساعه4 قطعه صغيره من ايىى نوع من اللحوم مشوى مع السلطه الخضىراء وبعد داك الساعه 8او 9 باكل فواكه ..اوعندى مربى sugar free بعمل منها سندوتش بالتوست Whole grain وعموما ............ لما اتقرص باكل فواكه اوالجبنه Strings فى الويك اند وبالذات لم القى كسره الحبش ماقاعدى اقصر (كديسه )
Post: #645 Title: Re: Sudaneseonline Biggest Loser Author: النصرى أمين Date: 02-02-2012, 04:40 AM Parent: #644
يا اخوانا معليش ....انا زهجان ومحبط اتصلت بمدير العاملين يمدد الاجازة اسبوع تانى ....رفض.... ما داير امشى الشغل واتريض هناك ... قاعد فى البيت لى 3 ايوم ما مرقت ... وما قاعد افتح البورد.... بس الايميل والفيس بوك....
قاعد فى البيت وعايش على الفول ..... فى احتمال كبير اسافر خلال يومين لاونتاريو (4 ساعات بالطيارة)
غير كده .... زهج شديد....
اعذرونى لو ما ظهرت تانى ( مالم اصل اونتاريو) لكن لازم اقول انى سعيد بعودة العوض و ابتهال و التزام نجاة وو جبات مريم ...
طيب نجي للمفاجأة القلتها. طبعا زي ما قلت ليكم قبل كدا في البوست دا إني عارف نفسي محتاج أنزل وزني (الوزن 220 رطل يعني حوالي 100 كيلو و الطول 6 قدم و واحد بوصة يعني حوالي 185 سم) و بديت كم مرة في رياضة لكن ما انتظمت فيها. المهم المرة دي فكرت في أسباب عدم الالتزام و لقيت إني محتاج أشوف نتايج عشان أتحمس و عشان أشوف نتايج لا بد من برنامج مكثف بشقين رياضي و غذائي. زي ما اسمارت قالت في البوست دا إنه موضوع تنقيص الوزن دا ببساطة هو موضوع حسابات... إذا الجسم في اليوم بحتاج ل (س) سعرة حرارية و الواحد أو الواحدة بياكلوا (ص) سعرة حرارية و يبذلو مجهود (ل) سعرة حرارية فلو ص أقل من مجموع س و ل الجسم حيحتاج يحرق من مخزونه و يفقد دهون و لو العكس حيبدا يخزن. معليش للتنظير لكن بس تذكير لمعلومات اتقالت هنا. حأواصل إن شاء الله.
نجاة، بالتوفيق ان شاء الله. و ان شاء الله نكون قدر عشمك فينا ابتهال، احي فيك روح الصراحة و الصدق. انا عارفه مشغولات الأمومة. ربنا يعينك. النصري، يا اخي ما تدبرس. أكيد ربنا كاتب ليك الخير فيما اختاره. بعدين ماله قعاد البيت ساي؟؟؟؟؟؟ عيبو لي!!!!! ما تزعل يا اخي الرياضة بترفع المعنويات. اطلع من البيت امشي اتريض. انت قايل الالتزام بس في الاكل. الالتزام برضوا بانك تمشي تتريض مهما كان حاصل.
العوض، شكلها فعلا مفاجأة. ما تنتظر النصري. النصري لما غلبته الرياضة شبكنا: انا مدبرس و ما عارفه إيه واصل..........
حاضر يا حكم نواصل... عملت شوية بحث لعدد الكالوريز البحتاج ليها و لقيت الموقع دا: http://caloriecount.about.com/ حسبت الكالوريز المحتاجها جسمي و أديته خيار إنه نمط حياتي خامل فلقاها لي 2340 كالوري. بالمناسبة دا موقع رهيب جدا و بنصح بيه بالذات إذا كان الواحد داير يتابع بدقة أكل شنو و عدد السعرات الأكلها و ممكن برضع تدخل عدد السعرات الحرقتها في الرياضة و برضه بعمل ليك تحليل لأكلك و المكونات بتاعته و إذا كان في نقص أو زيادة في حاجة معينة. و ممكن تعملوا التحليل دا ليوم أو لكل الأيام الدخلتوها و كدا. أواصل بعون الله.
Post: #650 Title: Re: Sudaneseonline Biggest Loser Author: Nagat Sid Ahmed Elshiekh Date: 02-03-2012, 01:34 AM Parent: #648
Quote: اعذرونى لو ما ظهرت تانى ( مالم اصل اونتاريو) لكن لازم اقول انى سعيد بعودة العوض و ابتهال و التزام نجاة وو جبات مريم ...
لا لا يا النصرى كل شي ولا الدبرسة ..... انا لما أكون مدبرسة معناها زيادة وزن مبالغة ...
لو دبرستة ح تضيع كل المجهود العملتو... عشان كدا بكره الاجازة والله صحي.
أولا أرحب الأخت نجاة... مرحب بيك يا دفعة. أواصل... قررت إني أبدا مع بداية السنة بعد طول تردد و فعلا بديت يوم 5/2. و البرنامج الفكرت فيه إنه النظام الغذائي يكون فيه 1500 كالوري (الخبرا بنصحوا إنه الحد الأدنى للرجال يوميا يكون 1500 كالوري و للنساء 1200 كالوري) بالإضافة إلى رياضة يومية. و لتحقيق هذا الأمر قررت التوقف عن تناول السكر و ضبط الوجبات.
Post: #652 Title: Re: Sudaneseonline Biggest Loser Author: مريم بنت الحسين Date: 02-03-2012, 02:20 PM Parent: #651
طابخة الليلة سلمون بالفرن مع الرز والسلطة
المكون المهم للوصفة دي هو السلمون... لازم يكون طازج جداً... يعني لو سلمون ما طازج ما بتطلع باللزازه دي... المكونات شرايح سلمون مغسله ونضيفه.. ملح فلفل ليمون توم وشمار اخضر وزيت زيتون...
تجيبوا السلمون وتبهروه بي الملح والفلفل.. بعداك تهرسوا التوم وتقطعوا الشمار الاخضر والليمون وتكبوهم في الشرايح بي فوق (يعني يكونوا عاملين طبقة) .. وترصوهم في الصينية وتشروا فوق ليهم زيت زيتون.. وتدخلوهم الفرن... بياخدوا تقريبا ربع ساعة.. ما تخلوهم كتير في الفرن ببقوا ناشفين... يتقدموا مع رز وسلطة...
طبعا تعملوا حسابكم مع الزيت ما تكبوا كتير... ملعقتين في الشرايح كلها كفاية...
بكره حأقيس وزني... ما متفاءلة كتير، عملته لي كم جوطه في الاسبوع الفات ده ... الرياضة واقفة لانه التريدميل بتاعتي فيها مشكلة بتاعت كهرباء! ... منتظمة في شراب المية والشاي الاخضر...
نواصل... الحمد لله انتظمت في الرياضة و بديت بحرق حوالي 400 كالوري في اليوم و من مابديت لغاية نهاية شهر اتنين الحمد لله ما فطيت إلا تلاتة أيام. رياضتي معظمها مشي بتعريف سمارت لكن بتعريفي فيها جري :). هسع الحاجة الوصلت ليها إنه ببدا بسرعة خمسة كيلومتر في الساعة و كل نص دقيقة بزيد السرعة لغاية ما أحصل ستة كيلومتر و بعدها بزيد كل دقيقة لغاية ما أحصل 7.5 كيلومتر و دي بجري/بمشي بيها عشرة دقايق و بعداك أخفض درجة كل أربعة أو خمسة دقايق لغاية ما أحصل ستة كيلومتر في الساعة و بعدها أمشي لي مسافة للتبريد. بكون عموما عملت لي حوالي ستة كيلومتر مشي و حرقت زي 600 كالوريز. بعدها بعمل تمرينات استطالة (الترجمة كدا صاح؟) و بعمل تمرينات الضهر و البطن بتاعت حاجة تارا القالهم النصري يوم بعد يوم. المرة الجاية إن شاء الله نجي لموضوع الأكل. و دا كله طبعا مع العزم إنه ما أوزن نفسي تاني إلا في بداية شهر اتنين.
مريومة العسل انا زاتي مشتاقة ليك وللناس والله بسرق بعض الوقت بجي البوست دا بقراهو كلو وبرجع تاني
فعلا بوست محفز جدا
طبعاً اي حاجة تكتبوها انت وسمارت في البورد دا بقراها .. لكن اسمارت زرزارة عشان كدة ما بكتب .. بتاع الاطفال برضو كنت متابعاهو أسة النصري نافسكم شديد لانو مضحك وكلامو بيضحكني
كم شهر كدة واجيكم...
واصلو
تحياتي لبقية الاعضاء في البوست نجاة غباشي ابتهال والمتسابق الجديد العوض وعشان نحمسك نحن متابعين شد حيلك ويا جبل ما يهزك غباشي
وبالمناسبة دي احكي ليكم نكتة القصة دي حصلت لي عمتي وهي زولة طيبة اصلها مابتغلت على زول وما بتقدر على اللوم في واحدة زعلانة منها شديد اظن عمتي ما مشت ليهم في بكا حصل ليهم أو ما سمعت اصلو بعدو طوالي كان عندنا بكا .. ( في الشمالية مروي .. عشان اللهجة مهمة)
المرة دي جات وفطت عمتي ما بكت معاها هي اتغاطت شديد وخلت البكا على المرحوم وبقت تبكي انو المرة دي فطتها من دون الناس وما عزتها وبقت تبكي وتقول لي عمتنا تانية كانت جنبها : لكن ما ما غازني "غاظتني"...
عمتنا التانية تقولها أوعك تنغازيلها آ نفيسي بت صلاح خالي وعمتي تبكي أوأوب اوب لكن ما غازتني .. وديك تقولها أوعك تنغازيلها آ نفيسي بت صلاح خالي (زي ميرغني المامون واحمد حسن حمعة)
شكرا يا القلب النابض على التشجيع. بالنسبة للأكل زي ما قلت قررت إني آكل 1500 كالوريز في اليوم و دا طبعا معناه الواحد يقلل من السكريات و الكاربوهيدريدات بقدر الإمكان ويراقب الأكل عموما. من النصايح المفيدة نصيحة كانت قالتها مريم و هي إنه الواحد ياكل في صحن براه عشان يعرف أكل قدر شنو. بالنسبة للسكر قررت إنه أوقف إضافته للشاي و الحاجات التانية تماما و أتوقف عن أكل الحلويات و فعلا الحمد لله من بديت حتى الآن ما أضفت ملعقة سكر لأي حاجة أكلتها ولا شربتها إلا مرة مشيت زيارة لناس و ختوا لي ملعقة سكر في الشاي و ما حبيت أعذبهم شربته. في البداية مشيت جبت لي عسل نحل عشان أستعمله كبديل للسكر لكن لمن لقيت الملعقة فيها قريب السبعين كالوري قررت إني ما أستعمله. بحاول إنه يكون في يوم في الأسبوع آكل فيه بحرية شوية بالذات لو في مناسبة أو عزومة. و إذا حصل لأي ظرف يوم لخبطت فيه ما بخلي الحكاية دي تدبرس بي و تخليني أقيف و بواصل زي الما حصل حاجة. و نواصل.
يا ياسر تلقاها عند الغافل انا جيت .. والفول فولى زرعته وحدى...
الحمدلله المعنويات اتصلحت .... حجزت قبل شوية online للسفر الى اتوا العاصمة عشان احدد الموضوع مع السفارة السعودية... يا ياشرو لى فى نفس اليوم يا كمان يدونى جوازى...
برضو حجزت عربية من المطار اقضى بيها اغراضى هناك ... وضعت برنامج بديل مكرب ..... اتوا ...تورنتو ... لندن اونتاريو ... كتشنر واخيرا مدينتى المفضلة ومسقط راسى سانت كاثرينز.... حاجيكم بطن بتاع صور من هناك خاصة شلالات نياجارا التى تبعد 15 دقيقة من سانت كاثرينز.....
المهم النفسيات اتصلحت(لكن الجيب اتخرب) بس اول حاجة اخد لى دش مكرب واحلق دقنى بتاعت النفسيات دى البقتنى زول بطل الفيلم لمن يمر بمشاكل... وامشى الجمعة وبعد داك نشوف البحصل شنو......
بعدها نجى لموضوع البوست والرد على كل مداخلة اتكتبت فى ال Depression Era
سبحان الله ..... قبل ساعات دفعت 400 دولار online عشان بس اصل السفارة واستفسر واكثر من 100 دولار ايجار عربية...
قبل دقائق (واخيرا) اتصلت بى وكالة السفر لتطلق رصاصة الرحمة على السفرية..السفارة تحتاج لاوراق اضافية ... طوالى قلت ليهم لغيت السفر وطالبتهم بارجاع الجواز وتوبة لحبوبة ......
ما عارف ليه شعرت بارتياح!! احتمال صدقت فينى مقولة كتلوك ولا جوك جوك ... دلوقت يمكنى ان ارتاح (بعد خسارة اكتر من 400 دولار رسوم تاشيرة ورسوم وكالة سفر ورسوم بريد) وخسارة نص الاجازة فى الانتظار القاتل.....
اتصلت بشركة الطيران وطلبت منه تغيير خط السفرية والغاء اتاوا من البرنامج واستبدالها برحلة الى تورنتو ....حققوا لى ذلك دون اى غرامات ..... البرنامج الجديد حيكون تورنتو ...لندن ..سانت كاثرينز (ووقوف فى كتشنر)
سلامات يا مريم... لازم شوية تشويق دي رحلة سال فيها العرق أنهار ما ممكن الواحد يجي يحكيها على السريع كدا. بالجد ما تخافي حأكيها بسرعة لأنه كنت متشوق جدا أجي أشرككم معاي و حابس نفسي حبس لأني كنت حريص أجيكم بنتيجة و عارفكم حتفرحوا و تشجعوني لو كانت نتيجة إيجابية و حتطمنوني و تخلوني ما أدبرس لو كانت سلبية. تتذكر يا النصري لمن قلت لي التريدمل يكون بنى فيها العنكبوت؟ طبعا أنا فهمت إنك عايز تستفزني و تشجعني و قربت أخرب الموضوع و أحكي ليك لكن اعتبرت دا جزء من الدايت بتاعي إني أمسك خشمي. دقايق و أرجع ليكم إن شاء الله. كويس يا النصري إنه الصورة اتضحت ليك. كدا حتقدر تستمع بالإجازة... عايز أقول ليك تعال لينا في ريجاينا زورنا و خجلان في الشتا دا مافي أي حاجة مغرية عندنا.
نواصل... النظام الغذائي المتبعه كباية شاي في الصباح معاها باكت بتاع شوفان... الشاي أنا أصلا متعود بكون لبن و بنخت فيه الشاي الحب طوالي. ما قاعد آخد سناك لغاية وقت الغدا في الشغل... الغدا بكون سلطة و سندوتش عبارة عن عيشة بيتا محشية بأي حاجة مناسبة و قطعة فاكهة. بعداك زي الساعة أربعة باخد سناك قطعة فاكهة. العشا برضه أهم حاجة فيه السلطة و أي حاجة مطبوخة في البيت عادي بس مع مراقبة الكمية و التنويع. بالليل مرات بشرب لي كباية شاي بلبن تاني. أهم حاجة كنت بعملها إني بسجل أي حاجة أكلتها في الموقع القلته فوق و المسألة دي مفيدة بتخلي الواحد أول حاجة يعرف الأكل المعقول شنو و المفروض ما يكتر منه شنو و كدا. الفايدة التانية بتخلي الواحد يعمل حسابه يعني لو كتر في الغدا يعمل حسابه في العشا.
و الله يا جماعة ( عيني بااااارده، و ما شاء الله ، و الله اكبر) لكن العوض ( حتي قبل ما يقول النتيجة شنو) شكلو ح يفهمكم كلكم حاجه. اعملوا حسابكم، باين عليه ح يكون منافس رهيب.
النصري، يا زول السنة الجاية أبدا الإجراءات من بدري. وهسي استمتع بالإجازة دى. قلت لي مسقط راسك وين؟؟؟؟
القلب النابض، يا اخي مشتاقين. وينك كده؟؟؟؟ اها ما عاوزه تخشي معانا في المعمعة دى؟؟؟؟
مريوم، وصفة السالمون شكلها خرافية. اول ما إفك الإضراب ح اعملها. بإذن الله.
معليش تصليحات يا جماعة... ما عارف الرياضة دي بتضعف التركيز ولا شنو؟ زمان في بداية البوست النصري كان عادي بقول بقيت أتريض خمسة مرات في اليوم ما عدا السبت و الأحد و يقلب الكيلو باوند و الباوند كيلو و أنا كنت بضحك عليه و أقول ليه الظاهر يادوبك جاي من الجم. هسع أنا فوق غلطان غلطتين طبعا قصدي بديت البرنامج يوم 5/1 مش يوم 5/2 و تاني قلت من بديت لغاية نهاية شهر اتنين و طبعا قصدي شهر واحد. لا يا سمارت ما تخوفي الجماعة ساكت... هي صاح مفاجأة لكن ما للدرجة دي. بس قولي إن شاء الله ما تطلع زي مفاجآت البرنامج بتاع البقست لوزر لما الواحد يبذل مجهود كبير في حلقة و يتصدم في الوزن لمن يلقى نفسه زاد بدل ينقص.
طيب مداخلة أخيرة قبل النوم. بالنسبة للانتظام في النظام الغذائي الحمد لله برضه كان كويس المتوسط للكالوريز الاتناولتها من ما بديت لغاية نهاية شهر واحد كان 1534 كالوريز في اليوم. طبعا في أيام كانت قليلة لدرجة في يوم استهلكت فيه أقل من 1150 كالوري و في يوم (تالت يوم من ما بديت) كان أكتر من ألفين و متين كالوري لأنه كان عندنا احتفال بتاع سودانيين و ضربنا كسرة و حاجات سودانية (ربنا يغفر لينا ساي). المهم المتوسط معقول جدا و أدوني أي ماينص (-A) على المتوسط بتاع الشهر إلا دا.
Post: #668 Title: Re: Sudaneseonline Biggest Loser Author: النصرى أمين Date: 02-04-2012, 07:23 AM Parent: #666
والله يا ياسر ضحكتنى لمن اتزكرت حالتى الايام ديك... ياخ انا كنت برة الشبكة تماما ... لدرجة انى مشيت فى الحايط بتاع الفيس بوك وكتبت انى نزلت عشرة كيلو ( طبعا قاصد 10 رطل) لكن الدودوة دى عندى عادى من غير رياضة .... يازول قصتك رهيبة والظاهر عليها ارهب من قصة نجاة الاختصرتنا فيها ديك .....
عندى ردود كتير لكن زى ما بقول العوض شوية شوية....
ابتهال ...احسن مكان فى كندا من ناحية المناخ هو فانكوفر فى مقاطعة كولومبيا البريطانية على الساحل الغربى وهى على بعد ساعة او ساعتين من سياتل الامريكية.... لكن بصورة عامة الشتاء طلع فشنك السنة دى ... اسبوع واحد فقط كان بارد وباقى الشتاء كان دافى جدا ...مثال اليوم مشيت الجمعة لابس لابطو صوف اشتريتو من سوريا والله سخنت سخانة ..درجة الحرارة اظنها وصلت 10 درجات فوق الصفر (سنتيقريد وليس فاهرنهايد) ممكن تجى كالقرى فهى مدينة سياحية فى الصيف وفى الشتاء
برضو حاجة اخيرة قبل النوم على قولة العوض ...... انا شبه استسلمت لغباشى والفرق بيننا بقى كبير وما بتلحق مع الكيلوهات البتجى لافة ديك ...
ومن هنا I endorse Alawad و اعلن تاييدى ودعمى للمتسابق الصاعد العوض Go Alawad go down down gabashi
السلاااااااااااااااااام عليكم يا اهلنا مشتاقين و الله لكن بس الظروف بيجاي صعبة و الحالة اصعب (درش و مشغوليات شديدة) و مراحب بالعوض و القلب النابض و الله يا جماعة براكم شايفين حملة النصري و من لف لفه ضد العبد لله النصري عندو نفسيات , انا ذنبي شنو؟ قلنا تحدي و عندنا حكم في داعي يتشوبر و يطلع في النتايج كمان؟ طيب سمارت حاكمة لينا شنو المصيبة الكبري انو بيتفنجر و يجامل على حساب العبد لله , بالله يا النصري بعد كدة لما تجامل بعد كدة تعال على نفسك (يعني بدل ما تكون في المركز التاني ...خليك في التالت) بالمناسبة دي نصيحة ... البقوليات ما تاكلها اكتر من مرتين في الاسبوع عشان السعرات فيها عالية .... لكن في حال بتتناول كميات بسيطة (وما اظن مع ابو الافوال و خلطة النصري الخاصة) .... جرب و تعال اسألني من النتايج بعدين زي ما مريم قالت ليك keep distance من بدائل السكر لانها ضاربة و خليك فركتوزي زينا , ما بشرب شاي الصباح و ما عندي كبير غرض بالقهوة
و الان الي الاخبار العالمية ... في التحدي بتاعنا في مدينتا قفزت للمركز التاني بفارق 6 كيلو من اقرب منافس و 2 كيلو من صاحبة المركز الاول ....(دايما البنات ديل واقفين لي في حلقي) مع العلم انو صاحبة المركز الاول بدت قبالي بي 4 أسابيع التحدي بتاعنا نظامو كالاتي : مدة التحدي ستة شهور لي كل متسابق بغض النظر عن تاريخ البداية , لكن بشرط اعلان النتايج في شهر مايو, يعني البت القدامي دي مثلا حتكمل مدتها يوم 20/3 و حتوزن , العبد لله مدته حتنتهي ان شاء الله يوم 17/4 و احنا الاتنين بالاضافة لباقي المتسابقين حنكون عملنا 24 اسبوع و بعد داك التيجة و الفصل بالنسبة المئوية المشكلة اني عندي target و قربت ليهو لكن موضوع التحدي دا بقى interesting , و بصراحة داير اواصل فيهو و عندي امل كبير في الفوز ان شاء الله , بس الموضوع داير شوية صبر و كل في مصلحتي ان شاء الله
النصري عندي ليك غيظة اخيرة الا و هي افتتاح الجيم بتاع الجامعة , طبعا كان ليهو مدة لكن ما كان معاي كاميرا عشان اصور ليك المبنى من برة (من جوة ده حيزيد ليك النفسيات عشان كدة ما صورته)
دي صورة بانوراما للمبنى من برة و لكم ان تتخيلو كيف يكون شكلو في الداخل
ما وزنت الاسبوع الفات لاني مشغول لكن كنت مواظب في الرياضة خصوصاً مع الجيم الجديد و مبانيه اللي تشرح القلب, الاسبوع الفات مشيت كلاس بتاع ايروبيكس دمرني دمار شامل اول حاجة كنا 3 اولاد بس و زي (36) بت يعني الكلاس كلو جيكس و التمارين ورم بمعنى ورم , لحدي هسي جسمي مرضخ و دي الحالة بتمرن و بجري و كدة , ما عارف لو كنت زي النصري و للا امير كان حصل لي شنو لكن النصيحة لله الواحد بيكب كترة عرق في الساعة بتاعتهم دي
العوض يا حبيبنا مرحب بيك تاني و شكلك جادي و عملي في برنامجك و دي حاجة ممتازة و ان شاء الله لو استمريت بنفس المنوال ده اتوقع ليك مردود طيب , بس نصيحتي ابعد من اي تحالفات مع النصري
يا ابتهال مالك علينا يبقى علينا عرس و سُمُن ؟ غايتو بيني و بينك كدة البعرسها دي (لو ربنا سهل) غايتو بعدين الا تكتب اقرار بانها ما حتزيد و لا كيلو و تكون بتمشي الجيم كمان و بتاكل اكل صحي . شكلك كدى انضميتي مع النصري
مريم الشجاعة مرحب بيك و الله و كفارة للتريدميل و منتظرين انجازات , الجماعة طبعا اتلموا على بربطة المعلم في محاولة صريحة لاغتيال شخصيتي , لكن الله في و التحكيم مشرف
أمير الهارب اها الكورة كم كم؟
محمد الحاج الهارب ايضاً , شكلك شغال بي تحت و داير تجي تخلعنا , على العموم انا ما عندي مشكلة لكن النصري حيزعل منك لو الكلام دا حصل
نجاة شفتي النصري شبكك شفافية و التزام و ما عارف ايه و خلاك تسيبي ناس البرنامج عشان الجو يخلا ليهو , غايتو انا من الاول حزرتك منو , بالنسبة للبرنامج بتاعك دا طبعا مشكلتو الاساسية انو مكلف و الواحد بيكون التزم بيهو و ما عندو بديل مناسب لكن لو سمعتي كلامي ركزي على الاكل القليل السعرات و زي ما انت عارفة , خلي اكلك بالميزان 120 و 100 و 150 جرام للوجبات التلاتة و 2 اسلاييس عيش في اليوم و على الاقل 8 اكواب ماء و 3 فواكه خلال اليوم و راضة 3 مرات في الاسبوع على الاقل
اسمارت يا حكمنا اهلا بعودتك عشان الناس ديل يروقوا في علبهم و عقبال العودة الكبيرة يوم ما تنحازي للشعب و تبقى في التحدي , ان شاء الله لحدي الوقت داك انا حاكون اتقاعدت و حاكمها ليكم بدلك
الاسبوع الجاي حامشي اوزن و ان شاء الله كلو خير يللا يا جماعة فتناكم بي عافية Chaoo
Post: #669 Title: Re: Sudaneseonline Biggest Loser Author: مريم بنت الحسين Date: 02-04-2012, 11:31 AM Parent: #667
ازيكم يا لوزرز... والله غايته اليوم مفروض يزيدوه تاني زي خمسة ساعات كده عشان الزول يقدر يكتب ليكم ... اول شي ابتهال قبضتني في مجموعة الطبخ وانا مصورة دااااااااك يا الفطير... عسته لاول مره امبارح واكلته وحدي... لكن ربكم رب الخير، قسته وزني الليلة لقيت روحي نقصته الكيلو الزدته بعد غزوة تبوك (عمة اولادي ساكنه في تبوك هههههه)، وعليه كمان 200 جرام... فبالله صفقة كده لي .. وعلى الرغم من الفطير بالروب امس بالليل وعلى الرغم من الاكله الشرهه بتاعت هارديز نص الاسبوع الفات (جاتني جوعه كعبه خلاص وكنا بره البيت)... وعلى الرغم من اني اول امبارح الصباح فاطره بي كرواسون (غرامي في هذه الحياة طبعا، وابو محمود يشيل ويخم لي في الحاجات البحبها!)... وعلى الرغم من التريدميل الخربانه، لكن نقصته كيلو و200 جرام (يا غباشي الكيلوات البتتلولح ديك بتجيبها من وين انت؟)...
دي صورة الفطير حقّي، عسته بي قرقريبه، عليكم الله ما يستاهل الزول يخرب عشانه الدنيا!
الايام دي عندي هوسه بتاعت عواسه... كل يوم اولع صاجي وهاك يا عواسه.. الكسره لحدي الآن ما ظبطت مية المية... لكن الفطير لقيته ساهر... والسبب طبعا الدقيق.. دقيق الفطير لانه لايوق عواسه اسهل من دقيق الكسره لانه بتفرتق... يا سمارت، انا بتذكر انك قبل كده كتبتي مقادير لعجين الكسره حقتك، صحي كلامي ده ولا شفته في النوم!
العوض عزّبتنا والله... انا طبعا منتظره الحلقة الاخيرة... وبموووووووت في قصص الinspiration والweight loss... هاكم دي لحدي ما يرجع لينا العوض ...
النصري، الزولة دي بي baby steps، نقصت 130 رصل، منهم 50 في الاربعة شهور الاولى... ما تميت باقي القصة عشان اعرفها خسرت الباقي في كم.. دي صورة الbefore and after
سلام يا جماعة أرد عليكم قبل ما أواصل. النصري... والله أول أيام كنت بتكتب كلام! أتذكر مرة قلت بجري بسرعة كم كيلو في السودان بدل كم كيلو في الساعة. بالنسبة لموضوع منافسة غباشي دا يا زول ما للدرجة دي... غباشي ما شاء الله عليه كل كم يوم جاي بالكيلوهات بتاعته البتنطط دي. بعدين ياخي ناس غباشي ديل أولاد صغار خليه كدي اليجي يقول كلامه دا بعد سنة من العرس. نحن الحمد لله خبرة ستاشر سنة و لسع محاولين. غباشي والله ما شاء الله... دعواتنا معاك تفوز في المنافسة و يا زول ما تخاف من حكاية العرس لو من البداية خاتي موضوع الوزن دا في حسابك ما بتجيك عوجة المشكلة الواحد يكون ما منتبه للموضوع و يفتح يغمض يلقى الكرش ماشة قدامه. سلامات يا مريم والله شهيتينا شديد بالفطير دا. ذكرتيني بموضوع الفطير لمن أجي أدخل لي أكلة من أكلاتنا في اللوق بتاعي مرات بعمل اجتهادات ظريفة مثلا لو أكلت كسرة بملاح أقوم الكسرة أدخلها كبانكيك خصوصا إنه زوجتي بتعمل الكسرة بدقيق البانكيك و الملاح إذا خدرة أقوم أدخل مثلا كباية سبانخ مسلوقة و كباية شوربة لحم. طبعا ممكن برضه الواحد يدخل أكلات جديدة في قاعدة البيانات بتاعتهم و لقيت مواقع كويسة جدا ممكن تحسب ليك الكالوريز و الحقائق الغذائية لأي أكلة إذا دخلتي مكوناتها.
طيب يا جماعة أواصل... لمن بديت في البرنامج طبعا كان في شوية إرهاق من الرياضة لكن الحمد لله أصريت أواصل و كانت بتجيني رغبة إني أوزن نفسي لكن قدرت أتصبر. بعد أسبوعين كدا بديت أشعر بإنه هدومي وسعت شوية و إني فعلا بديت أفقد وزن و الحكاية دي أدتني شعور كويس. و بقيت متمني متين بداية شهر اتنين تجي عشان أوزن و أشوف الفرق. لكن بصراحة آخر أيام بقيت متوتر جدا و بدا يجيني شعور إنه وزني زايد و أقعد أعاين في المراية للكرش من مختلف الزوايا. و آخر أيام من غير ما أشعر ألقى روحي متذكر الكلمة الكان زمان الأساتذة بقولوها لينا... يوم الامتحان حيث يكرم المرء أو يهان. مرة قاعد كدا بدون مناسبة قلت بكرة يوم الامتحان يوم يكرم المرء أو يهان... زوجتي قالت لي بكرة عندك امتحان شنو كمان؟ لمن عرفته الوزن ضحكت لأنه طبعا الفترة الفاتت كرهتهم معظم ونستي كانت عن الرياضة و الدايت و أكلت كم كالوري و نقعد في الأكل أسألها دا عملتي فيه قدر كيف و كيس السمك دا تقريبا طبختي منه كم و تفتكري الرز الفي صحني دا تامي تلتين كباية؟ و في حاجة ما كلمتهم بيها أول أيام... مشكلتي إنه أنسب وقت للرياضة عندي قبل النوم و كنت أول أيام بعد ما أرقد بهضرب بالكالوريز.
Quote: لأنه طبعا الفترة الفاتت كرهتهم معظم ونستي كانت عن الرياضة و الدايت
نفس الحال بجاى ...اتخايل لى الشغلانة بتطلع فى الراس زى الحمى وتبدا تهضرب بالزول ..... دلوقت يادوب فهمت ليه برامج الصحة والدايت ونقصان الوزن كتيرة جدا فى التلفزيون ..لانها ببساطة موجهة لناس مبرمجة اتجاه واحد ....
Quote: بهضرب بالكالوريز
زمان يا ياسر لمن امشى السوبر استور Super Store بقضى مشترواتى كلها فى اقل من 20 دقيقة بفتش محل الرخيص ... اشيل واردم فى الحاجات ... دلوقت بقيت امشى بنضارة القراية (للاسف النظر اتدهور فى السنة الاخيرة) واى حاجة لازم اقرا المحتويات وعدد الكالاريز وابدا اقارن ..... قبل يومين رفعت نوعين من السيريـال , الاتنين الفايبر عالى جدا ,, الاول لقيت السعرات 120 التانى 110 سعرة .... طوالى شلت التانى دون اعتبار لعنصر السعر... لمن جيت البيت لقيت السيريـال اسوأ من العلف بكتير من ناحية الطعم .... لكن تقول شنو؟ مرضة ودخلنا فيها..
يا مريم واسمارت ... انا اكتر واحد فيكم اكل سمك السالمون..طبعا ليس باختيارى لكن بسبب انى كنت ساكن مع زول مهووس بيهو... بالرغم من ذلك شاهدته كيف بعانى فى طبخه.. فهو سمك لايوق وعنيد.. اهم حاجة (طبعا المعلومة دى من صاحبى) انو السالمون لازم يكون برى wild ومش بتاع مزارع... لمن تمشو تشتروه لازم تراقبوا لكلمة wild التعبئة ... بالمناسبة صاحبى زول organic لا ياكل الا ال organic عشان كده فترة سكنى معه كانت مكلفة جدا جدا ..
Quote: نجاة شفتي النصري شبكك شفافية و التزام و ما عارف ايه و خلاك تسيبي ناس البرنامج عشان الجو يخلا ليهو , غايتو انا من الاول حزرتك منو , بالنسبة للبرنامج بتاعك دا طبعا مشكلتو الاساسية انو مكلف و الواحد بيكون التزم بيهو و ما عندو بديل مناسب لكن لو سمعتي كلامي ركزي على الاكل القليل السعرات و زي ما انت عارفة , خلي اكلك بالميزان 120 و 100 و 150 جرام للوجبات التلاتة و 2 اسلاييس عيش في اليوم و على الاقل 8 اكواب ماء و 3 فواكه خلال اليوم و راضة 3 مرات في الاسبوع على الاقل
غباشى سلامات.......والله ناسى ديل ماقادرة اخليهم ...عشان بحددوا لى يوم للوزن لازم أنزل 2رطل فى الاسبوع يعنى لو خرمجته بجرى الجم جرى عشان ما أكون مخزولة يوم الزيارة وآه من يوم الزيارة..... اليوم كان عندى مواعيد والحمد لله .. رطل ونصف... آها نشوف اخبار باقى الشلة والحكم .... مريم مبرووك الكيلو وشوية .... العوض لسة فى انتظار الاخبار السارة..... النصرى بالله إنجوي الأجازة بتاعتك مع التقليل من السكر وقليل من الرياضة.... الحكم غيب وتعال ونحن بننقص كيلو كل اسبوع ..... ابتهال أخبارك ايه؟؟؟ وباقى االمشاركين لكم التحية .... للجميع كل يوم سبت مواعيدي للوزن ح تكونوا فى الصورة ...
و الله أنتو ألذ ناس و ده ألذ بوست. العوض، كنت ح أموت بالضحك و انا بقرا في مداخلتك بتاعة الهضربة بالكالوريز. مريوم، ما صاح منك الكلام ده. انا لو اتفتحت في فطائر ما بقيف. الكسره انا بعملها بدقيق الكسره بتاع السودان. الوالده بترسلوا لي. و اصلا اتعلمت العواسة جديد. قشرت بيها فترة و تاني عملت ميته. نجاة، الجماعة ديل مفروض يعملوا حسابهم منك. النصري، اي مطعم امشيه اول مرة بطلب السالمون. طبعا لو كان وايلد. ما بأكل سالمون مزارع. لو السالمون مطبوخ تمام معناها المطعم سمح. لو ما عجبني تاني ما بمشي المطعم. نادر جداً ما اطبخه براي. غباشي، ما تخاف ، انا عيني مفتحة كويس علي النصري. ما شاء الله. يا مان كلنا خلفك من اجل الفوز بالمسابقة. ابتهال، وينك؟؟
أنتو يا جماعة محمد الحاج وين؟؟؟ و امير بتاع فرجينيا؟؟؟؟
سلامات يا لوزرز ومرحب بي اللوزر الجديدة نجاة النصري الجاتك في اجازتك سامحتك وان شاء الله تستمتع بيها وير ايفر يو قو الفيزا بتاعة السعودية اسهل منها كان تمشي نبتون ياخي اصلو كان حيدوك صك غفران بعد الاجازة ولا شنو؟ عموما شكرا على الصفحة السميتا بي اسمي بعد قلبتا نجاة لو ما كنت الاب المؤسس كان عندنا معاك كلام تاني والطحنية انا قاطعتها تماماً يلا افرح من شهر كدا ما هبشتها الا في عشا كدا عند اهل نوال وبعد اصرار وحلايف اخدت لي هبشتين خفيفات مافي خرمجة الاكل قاعدين نتجنب فيهو النشويات وفواكه تقيلة واصلو من زمن السكر ملعقة واحدة يا غباشي مبروك الالتزام والكيلوهات النازلة كشلو كشلو بي مجهودك مش ساااي زي القود فاذر انا ما عارف انت قاعد ت لووز الكيلوهات دي من وين بالنظر للبروفايل بيكشر بتاعتك دي؟ للاسف مافي مفاجات لانو كنت مدرووووش وممتحن واليوم زي الساعة غايتو اخدت لي كم تمشية كدا واحدة منهم وانا معلق ليلى بتى في رقبتي وماشي المهم انو قبل شوي وزنت و لقيتو 97 عديل كدة يعني سو فار 5 كيلو و 700 غرام يعني يالنصري زي 11 رطل كدا وخاتيني الطيش عايز تعمل لي حرب نفسية مافي جوع زي ما اتهمتني سمارت سلامات لجميع اللوزرز العائدين ابتهال وامير والعوض وسلام كبير لام محمود
Post: #676 Title: Re: Sudaneseonline Biggest Loser Author: Nagat Sid Ahmed Elshiekh Date: 02-05-2012, 00:33 AM Parent: #675
Quote: نجاة، الجماعة ديل مفروض يعملوا حسابهم منك
والله صحي يا حكمنا ..وكمان بكرة ح أستعمل العصير لمدة يومين المفروض أنزل 3 رطل.....دا لو اتبعته النظام الخاص بالمشروب السحرى دا يعنى أكل بروتين وقرين بس يعنى خضار أخدر عدييل كدا.... موعدنا ....يوم السبت...
Quote:
سلامات يا لوزرز ومرحب بي اللوزر الجديدة نجاة
محمد الحاج تسلم والبركة فى الطلا...
Post: #677 Title: Re: Sudaneseonline Biggest Loser Author: EBTIHAL OSMAN Date: 02-05-2012, 01:14 AM Parent: #675
ابتهال قاعده وماكله كسره حبش اجاركم الله ..الليله يوم الكديسه كمان بكره الوزن ووووووووووووب يامريومه الفطيره ماعندك ماشاء الله تبارك الله.....ماكنت ناويه اقول والله هههه الجماعه شابكنى فى قروب رهيب دايرين نتعلم فيهو عواسه الكسره ...اخش القى اللايكات تتطاقش والقى ليك زولتى المابتغبانى المعلمه الكبيره وعامل الفطيره الماخمج
انا شكلى المره دى جايه الطيشش المره دى النصرى ما سالتك سؤال مالك مظلل ورافع القزاز زى مابقولو الجماعه ادفا مكان فى كندا وين ؟؟؟؟؟؟؟؟؟ تحياتى لى نجاه وعينى بارده عليك بالتوفيق ان شاء الله سمارت مابتعرفى لى كسره الحبش دى بعملوها كيف ؟؟؟ الله لايحرمنا من الحبش محمد الحاج ...زى ماقال عمر البشير لناس الشرق.. البن خليتو ..الله اكبر .. التمباك ..خليتو ..الله اكبر ..التمباك دا لوخليتوا تكون احسن حاجه ...ااها انت زاتك الطحنيه دى لو خليتا تكون احسن حاجه
Post: #678 Title: Re: Sudaneseonline Biggest Loser Author: النصرى أمين Date: 02-05-2012, 03:32 AM Parent: #677
يا ابتهال الظاهر عليك بتفطفطى ..... زمان جاوبنا على السؤال ,,, لكن ممكن نعيد الاجابة.... كولومبيا البريطانية (بالتحديد فانكوفر) هى ادفأ المناطق فى كندا.. لكن ده ما معناه انها ساخنة...هى فقط اقل بردا وثلوجا من بقية كندا... بس مشكلتها انها ممطرة طوال ايام السنة (وفى الشتاء تتحول الامطار احيانا الى snow) .....
لو اجازة سريعة .. ما تفرق كتير..بمعنى ان الجو ما بلعب دور كبير جدا... مثلا نحن هنا فى كالقرى .. المدينة سياحية فى الشتاء والصيف .....
لو السؤال استقرار لعمل او دراسة برضو عامل المناخ ما بلعب دور جوهرى.. ففانكوفر رغم افضلية مناخها الا انها غالية والحياة فيها سريعة وكذلك الجريمة وفرص العمل اقل من البرتا (ولايتنا) وساسكاشوان (ولاية العوض).... اونتاريو (تورنتو واتاوا وهاميلتون ولندن) اكبر المقاطعات والبرد فيها هو البرد الكندى المعروف... ولايات الشرق (نيوفاوندلاند ونيوبرنزويك) فديل بردهم شديد ومافيهم شغل.....
بحكم الاحتلال المؤقت للبورد أرحب برضه بالأخوات ابتهال و نجاة و بالأخ محمد الحاج. و تمام جدا يا جماعة إن شاء الله. والله يا سمارت حكاية الهضربة دي بالجد... كان قريت ليكم هنا إنه الرياضة بالليل بتخلي الواحد ما يقدر ينوم لكن لغاية هسع دا أنسب وقت للرياضة لي. أول أيام بالجد كنت أكون ما عارف نفسي نايم ولا شبه نايم و كل ما تجيني صحية بس قدامي صورة الموقع بتاع كالوري كاونت دا و أرقام حاجات ما مفهومة. إتخيل لي حكاية كويسة إنه الموضوع دا يسيطر على تفكير الزول. نسيت أقول حاجة مهمة اكتشفتها بالإضافة للفوائد المعروفة للرياضة لكن عندها فايدة إنها بتخلي الواحد يقدر الجهد الببذله. يعني مثلا لما تفكر إنه علبة الكوك دا فيها مية و خمسين كالوري و تفكر في المجهود البتبذله عشان تحرقهم حتشوف العلبة دي عشرة عشرة. حأمشي أتريض و أجيكم راجع إن شاء الله. الليلة الاستهلاك بتاعي كان حوالي 1646 كالوري. اليوم كان ماشي كويس وديت العيال chكي جيز و هناك لاقينا واحد معرفة محتفل بعيد ميلاد ولده و أصر علينا نشاركهم طيبت خاطره بقطعة جداد و قطعة من التورتة. ما حبيت أكسف الراجل و كلمته قلت لي والله أنا عامل دايت فأعفيني من باقي الحاجات و كتر خيره ما أصر كتير. كانوا عاملين كسرة و حاجات تانية لو ما الله ستر كان الحكاية عملت ليها ألفين و خمسمية كالوري.
Post: #680 Title: Re: Sudaneseonline Biggest Loser Author: مريم بنت الحسين Date: 02-05-2012, 05:23 AM Parent: #678
يا لوزرز ازيكم...
ابتهال دي خلعتني ليكم خلعه في الفيسبوك... كتبت لي رسالة وقالت لي "بكلللللللللم"... اها قلت اخير اجي افضح روحي براي... يا ابتهال نسيت اكتب ليك انه السلمون الفضل فيهو ما سياحي زاتو عشان اصوّره ليك.. لكن عندي عزومة يوم الاربعاء ان شاء الله حأعمله واصوّره ليك.. it's very tricky... يعني عايز دقّة شديدة... لو اتأخرتي ياهو البقى حترب حترب، ولو بدّرتي ياهو البقى ني... احنا بنراقب اللون بتاعه.. واول ما يطلّع موية بيضاء من الflakes بتاعته بكون نجض.. اللون طبعا ببقى افتح.. ألحى من الأكله نفسها انه الleftovers بنعملها ساندوتشات مع الجبنة البيضا والجرجير وحبّة ليمون كده... يا سلاااااااام... عظمة على عظمة!
بمناسبة موضوع الtime management... انا حاسه بيك والله.. لانه انا لما اكون شغاله اموري بتكون مرتبه جداً، لما اكون عاطله (زي حاليا)، بتعب (في البداية).. لكن بعداك بخلق system.. وببقى تمام... صديقي الصدوق (الtimer) بتاعي... الاختراع الصغير ده مفيد جداً... وبستخدمه مع محمود كمان... بظبطه على انه يرن بعد ساعة.. خلال الساعة دي بكون عندي target معين اعمله... يعني لو ما عملته ما بعمل اي شي تاني.. بمافي ذلك اني اقعد اكتب هنا في البوست.. لو عايزه اشرب شاي أو عايزه اطبخ او اي شي بعمل الtimer ده... وصدقيني الزول خلال ساعة ممكن يعمل كتير... في وقت كتير بضيع مننا في الانترنت، لو ما ظبطنا القصة الموضوع بفلت.. زمان كنت بتزنق شديد في المطبخ، نادر بجي من بره بكو جعاااااان عايز الاكل طوالي... وكتير ما بقول انه جاي، فجأة ألقاه جا.. العجب لما رحلنا في بيتنا ده، البيت قريب من الجريدة، يعني مسافة يتصل بي بكون وصل... اها بقيت غداي من الساعة 2 بكون جاهز، لما يجي اسخّن بس... هو بجي في المتوسط الساعة 6... ولما يجي ده، في الغالب بلقاني قاعده مركلسه مع الاولاد..او بلعب wii مع محمود.. اصلا احنا البرتبنا ايام الشغل انه في وقت معين للصحيان وفي وقت معين للرجعه من بره وفي احساس انه الزمن ضيق .. لما نقعد في البيت في احساس انه الزمن كتيييييييير، ونقعد ساعة نشرب في الشاي...
و عليكم السلام يا مريم. حرقت لي أكتر من 830 كالوري. الحمد لله عوضت الأكل الزيادة. الساعة قريب اتنين صباحا عندنا... صباحات الله بخيرها زي ما بقولوا. نشوفكم بكرة إن شاء الله.
الليلة يوم السفر..وعشان الظروف ما معروفة احسن نصفى كل الردود المعلقة..... نبدا بالحكم
Quote: قاااااااعدييييين - تحمدوا ربكم- تتونسوا ساااااااى. ما في زول فيكم بيتريض غير غباشي. و كمان مطولين السنتكم عليه. ابتهال و النصري، ارفعوا كيبورادكم عن غباشي!!!!
غايتو انا ما اكضب عليك لكن قاعد اتونس ولى اكتر من شهر ما اتريضت.. لكن جد كده الظروف كلها كانت خارج عن ارادتى..... بالنسبة لغباشى انت ما شايفة غاياز كيف (على قولة القلب النابض) كل مرة اقول لنفسى أوعك تنغازيلى ليهو ااااا النصرى ود صفية .... الزول لغاية اسابيع قليلة الفرق بينى وبينو اقل من نص كيلو.....
----------------------------- نجاة
Quote: لا لا يا النصرى كل شي ولا الدبرسة ..... انا لما أكون مدبرسة معناها زيادة وزن مبالغة
والله يا نجاة اكتر شئ كان مدبرس بى هو حالة الانتظار .... وما قادر اتصرف فى اجازتى المنتظرها اكتر من سنة... حاولت المستحيل اسيطر على الدايت بتاعى.... ونجحت فى حد كبير فى الابتعاد من الرغيف الابيض و المكرونات والرز واللحوم الحمراء واكتفيت بمعلقة سكر واحدة فى اليوم(كبايتين قهوة) ...لكن ده ما منعنى انى اقابض بجاى وبجاى ....يعنى لمن الشفع جابو بتزا شلت اسلايس صغيرة,,,وفى يوم اكلت شعيرية لانى مالقيت اى اسناك ...... لكن بصورة عامة اظن انى واقف فى محلى من ناحية الوزن... مافى نقصان ومافى زيادة,,, طبعا وقفت اوزن نفسى من ايام كتيرة......
يا مريم انا عواسة الكسرة دى بتهضرب بى زى هضربة كالوريز العوض.... مش لانى داير اكلها.... لانى داير اصنعها وابيعها .... كيف يمكن صناعتها بالماكينة دون تدخل كبير من الايادى البشرية؟ بسرعة وبكميات كبيرة؟
ياريت لو فى زول عنده فكرة عن مصانع الكسرة فى السودان يدينا ليها ....
<>
بعدين فطيرك ده انا لو لقيت صينية كاملة باكله والبحصل يحصل ولن يوقفنى بوست ولا حكم ولا غباشى
لكن غالبا بعد داك خاخش فى دبرسة زى دبرسة الاجازة وتانيب للضمير
يا ابتهال الزغنى ده اسوأ مليون مرة من الملحات بتاعتنا,,كله زيوت ودهون .....ده غير البهارات الزى السميات... وبعد ده كله بتاكل بالكسرة.... يعنى زى رز بلبن مخلوط بشعيرية مخلوط بقشطة وعليهم طحنية وسمنه..... انا متاكد صحن متوسط بتاع زغنى يساوى ما لايقل عن 800 كالوريز... انا مرة مشيت المستشفى بشبهة زبحة صدرية وبعد كل الفحوصات الدكتور قال لى اكلت شنو؟ طوالى اتزكرتا الزغنى الحار الاكلتو من الحلة وانا مستعجل ومارق من البيت ......
يا ابتهال انا لى اكتر من 4 شهور ما اكلت ملحات سودانية لانها بتتعمل بالزيت مع انى بموت فى الخدرة .......سنة 90 اتعرضت لحادث خطير...بعد 15 يوم من التغذية بالعصاير...سمح لى الطبيب ان ابدا الاكل ....طلبت ملاح خدرة بالضان مع الكسرة... كانت اجمل وجبة فى حياتى لن انساها ابدا...
لمن مشيت السودان قبل 3 سنوات ..كنت بايت مع ناس اختى....بالليل البنات اتلمو وسالونى العشاء كيف ياخال....قلت ليهم افتحو التلاجة وشوفو فى ملاح قالو لى فى ملاح بامية بايت ....قلت ليهم دى ما الجنة زاتها ... بدينا نتعشى ..هم ياكلو فى الجبنة المضفرة والزيتون والبتزا وانا اخمج فى ملاح البامية واخر استمتاع.....
اها ده كلو اتقطع فى راسنا ... عشان بس تعرفو كيف بنضحى ..
يا قلب ....الزول ده طلع من اليد ... وما بتلحق... عشان كده مفكرين نرفع مزكرة للحكم لاعادة الهيكلة... ناس غباشى ديل براهم (الدورى الممتاز) ونحن ناس العوض ومحمد الحاج برانا (الروابط ودورى الدرجة الرابعة)
Quote: كم شهر كدة واجيكم
غايتو نحن قاعدين وما ماشين اى حتة واحتمال كبير بعد فترة نقدر Recruit متنافسين جدد ويتم تكريمنا الرعيل الاول .....
انت لسه بالنسبة لى لغز....ما عرفت بالضبط انت بتعمل فى شنو! فكرتك شنو! دايرين تفاصيل اكتر ونماذج حقيقية من الحياة حولك... ما كفاية انك تجى وتقول انا نقصت كذا وكذا.. دايرين على الاقل نقرا ليك how you cope with and overcome challenges on a daily basis
من الكتابة والتفاصيل الصغيرة ممكن ناخد فكرة ادق عن المتنافس محمد الحاج... نحن ما بنتنافس وبس نحن بنتشارك الهموم والتحديات وكلما نفهم سايكولوجية المتنافس كلما اتسهلت عملية التاثير والتاثر...
انا عارف انك مدروش وما عندك زمن .. لكن لو حاولت تباصرها ...ممكن تلقى ليك نص ساعة لزملائك المتنافسين
Quote: المشكلة اني عندي target و قربت ليهو لكن موضوع التحدي دا بقى interesting , و بصراحة داير اواصل فيهو و عندي امل كبير في الفوز ان شاء الله , بس الموضوع داير شوية صبر و كل في مصلحتي ان شاء الله
ياغباشى ال target بتاعك ختيتو فى زمن معين وظروف معينة.... الظروف اتغيرت دلوقت... انا مثلا لمن بديت الرياضة ال target بتاعى كان ربع ساعة وجرى بسرعة 4 ميل فى الساعة.... بعد فترة اكتشفت انو الهدف ده بناسب ظروف معينة ولا يتلائم من الحاضر.... غير الهدف بتاعك الى حاجة افضل واسعى ليها بنفس القوة البديت بيها,,, عنصر الاثارة يجعل تحقيق الهدف اكثر امكانية..... عشان كدة نصيحتى ليك go for it واذا شعرت بضعف تعال هنا وان شاء الله تجد الدعم البساعدك لتحقيق الهدف الجديد,,,,
Post: #689 Title: Re: Sudaneseonline Biggest Loser Author: مريم بنت الحسين Date: 02-05-2012, 07:05 PM Parent: #688
Quote: يا مريم انا عواسة الكسرة دى بتهضرب بى زى هضربة كالوريز العوض.... مش لانى داير اكلها.... لانى داير اصنعها وابيعها .... كيف يمكن صناعتها بالماكينة دون تدخل كبير من الايادى البشرية؟ بسرعة وبكميات كبيرة؟
ياريت لو فى زول عنده فكرة عن مصانع الكسرة فى السودان يدينا ليها ....
هههههههههههه.. النصري والله توارد افكار عجيب.. عان الكلام ده انا كتبته في مجموعة الطبخ السوداني.. ولقيت افكار كتيرة.. اخر فكرة جبتها انا.. ممكن لما اصحصح بكره اجيبها ليك تشوفها...
Quote: يا اخوانا الشوام اخترعوا مكنة اللقيمات والبتاعه البترمي الطعمية والقالب بتاع السامبوكسة.... احنا لازم نخترع لينا حاجه تعوس الكسره.. بحيث كل مره تطلع رهيفة ومدوره... يلا افكاركم...
Quote: ياغباشى ال target بتاعك ختيتو فى زمن معين وظروف معينة.... الظروف اتغيرت دلوقت...
انت عارف انا ادائي بيكون احسن كتير لما يكون في تحدي عشان كدة هسي روحي المعنوية في السماء و بالرغم من صعوبة الحكاية خصوصاً في لمات الاصدقاء و العزومات بتلقى نفسك مقدم كمية من الاعزار ده غير التعب المتراكم نتيجة للاشغال (محو الامية و كدة) لكن النتائج لما تكون كويسة بتدي الزول دفعة لي قدام ده غير انو موضوع التغذية ده في حد زاتو برنامج صعب يعني انا لازم اجهز لنفسي اكل الاسبوع كلو و اي خلل في الـ daily meals معناها حيكون في جوع و تعب و بالتالي ماحيكون في انجاز في الشغل و ممكن تقود للرجوع للسكريات او خرق البرنامج ده غير الفواكه و الخضار , غايتو الدايت ده داير ليهو زول عاطل و الله من الاسبوع الفات بديت ازيد جرعة التدريب و اجرب تمارين جديدة زي الايروبيكس , بس الزمن هنا ما في صالحي غايتو الله يسهل و ان شاء الله كلو يكون في السليم
Post: #691 Title: Re: Sudaneseonline Biggest Loser Author: Mohammed Elhaj Date: 02-06-2012, 10:20 AM Parent: #690
النصري لكشرني يا جماعة انا اتهزات يا رجالة (وستات)
سلام يا جماعة رجعت ليكم بنهاية القصة. زي ما قلت فوق في آخر أيام بديت أشعر إنه النتيجة قد ما تجي زي ما عايز و بديت أهيئ نفسي لكدة و أقول إنه أهم حاجة الواحد يواصل و إنه حكاية تخفيض الوزن دي ما ساهلة و لازم يكون عندي عزيمة. لغاية ما جا يوم الامتحان الصباح و توكلت على الحي الذي لا يموت و طلعت في الميزان و تطلع النتيجة فقدان 11-12 رطل. يعني هسع وزني حوالي 209 رطل أو بالأحرى يوم 1/2 كان وزني كدا و أتمنى أكون نزلت زيادة في الأيام الفاتت دي. الحمد لله الحكاية دي أدتني دفعة ممتازة و بإذن الله حأواصل لما أحقق الهدف بتاعي. أنا خاتي هدفين واحد قريب و التاني بعيد. القريب إنه أخفض وزني ل 180-190 رطل بنهاية شهر أربعة إن شاء الله. و البعيد إني أواصل في الرياضة و أرجع آكل بصورة عادية (أو شبه عادية) بعد داك و أحاول أفقد وزن بصورة تدريجية لغاية ما أصل 170 رطل و بعدها أواصل بنمط حياة صحي إن شاء الله بالذات فيما يتعلق بالرياضة بحيث تكون على الأقل تلاتة مرات في الأسبوع و أراقب وزني أسبوعيا بحيث أسعى للتخلص من أي زيادة بصورة فورية.
وصالة الجم واليروبكس.. ما كينة المشي ...ما ناس تانين
وسوق الخدار ... بوست روعة حماس شديد اما غايبة تلاتة يوم جيت قريت العلي كلو ...
العوض شكلك ماشي كويس... بداية مبشرة
تحيات لكم كلكم
Post: #694 Title: Re: Sudaneseonline Biggest Loser Author: مريم بنت الحسين Date: 02-07-2012, 05:46 AM Parent: #693
ألف ألف ألف مبروك يا العوض، وأخيرا اديتنا الرقم ده، الف مبروك.. وفعلا انت لو واصلت بطريقتك دي حتقدر تصل للهدف بتاعك تقريبا على شهر ستة كده.. انت كده خميت الشعب كله... تعالي يا حكم اعلني النتائج دي... غباشي والنصري بقى خشمهم ملح ملح خخخخخ
يا قلب.. اكتر شي مخلينا نستمر انه البوست بشجّع على انه الزول يقراه ويكتب فيه.. مافي زول بطنّش زول .. المواضيع نفسها كتيره ومتجدده... ووجودكم كمشجعين وداعمين بخلينا نواصل دايماً...
شكرا يا مريم و القلب النابض على التشجيع و إن شاء الله ربنا يسهل الواحد يواصل. تاني لو ربنا سهل حأديكم يوميا تقرير عن اليوم القبله. الليلة حأديكم تقرير عن الأيام الفاتت كلها في الشهر دا: يوم الأربعاء 1/2: السعرات الأكلتها 1260 كالوري. في الرياضة حرقت حوالي 720 كالوري. الصافي 1628 نقصت كالوري. يوم الخميس 2/2: السعرات الأكلتها 1404 كالوري. ما كان في رياضة. الصافي 867 نقصت كالوري. يوم الجمعة 3/2: السعرات الأكلتها 1458 كالوري. في الرياضة حرقت حوالي 700 كالوري. الصافي 1417 نقصت كالوري. يوم السبت 4/2: السعرات الأكلتها 1646 كالوري. في الرياضة حرقت حوالي 830 كالوري. الصافي 1344 نقصت كالوري. يوم الأحد 5/2: السعرات الأكلتها 1865 كالوري. في الرياضة حرقت حوالي 830 كالوري. الصافي 1125 نقصت كالوري. يوم الاتنين 6/2: السعرات الأكلتها 1529 كالوري. في الرياضة حرقت 600 حوالي كالوري. 1254 الصافي نقصت كالوري. الأرقام دي طبعا ماخدها من الموقع بتاع (Clorie Count). نظريا طبعا هي عبارة عن حساب احتياج الجسم اليومي من السعرات مضاف ليه السعرات المحروقة في الرياضة و مطروح منها العدد الاتناوله الزول. الظاهر في حاجة عندهم تانية بختوها في حسابهم لأنه التضريبات ما لافقة ميه في المية لكن قريبة جدا. الليلة ماشي في برنامج الأكل كويس لكن ما عارف مخرخر من الرياضة لو ما اتريضت حأكوي و أكتب الكالوريز الحرقتها في المكوة :). وين باقي الجماعة؟ و ين النصري السايح الأجنبي في أونتاريو؟ نحكي نكتة بالمناسبة دي... زمان تتذكروا موضة البصات السياحية الطلعت في السودان الواحد بدفع أكتر و ما بخلوا زول يقيف فواحد مفلس ركب البص لمن جا الكمساري دفع قيمة التذكرة بتاعت البص العادي فالكمساري قال ليه جيب قروش زيادة قال ليه لشنو؟ قال ليه البص دا سياحي فالراجل حلف قال ما عنده غير ديل و الكمساري قال ليه خلاص تنزل و صاحبكم طبعا اتغاظ جدا و قام ينزل لمن وصل للباب عاين لباقي الركاب و قال ليهم أها يا السياح إن شاء الله البلد عجبتكم.
Post: #696 Title: Re: Sudaneseonline Biggest Loser Author: مريم بنت الحسين Date: 02-07-2012, 09:18 PM Parent: #695
والله يا العوض لقيتك متابع شديد، انا طبعا حاولت الحركة دي وناس كالوري كاونت عندهم app مجاني في الايفون رهيب جدا، تاني اتحيرت في حاجاتنا البناكلها اكتبها كيف.. لكن طبعا بقولوا ليك انه احسن شي الزول يخلي عنده food journal.. منها بعرف عاداته الغذائية وبراقب نفسه وما بشطح..
go ahead والله... اشعلت فينا الحماس مرّة اخرى... انا طبعا زي سمارت قاعده بتونس مع المتونسين.. آلتي ما اشتغلت.. ومشغوله شديد في البيت، ده مخليني مطمئنة لاني ما قاعده راقده ساي... يوم السبت ببان الحاصل طبعا.. يوم الوزن... فضل لي 0.7 كيلو واصل لي الtarget الثاني بتاعي... وبعدها حأعمل target جديد خمسة كيلو خلال شهر ونص (كده كويس يا حكم؟)... يعني لو الله أكرمني ولقيت يوم السبت روحي وصلت الtarget... بعتبر يوم السبت 11/2/2012 هو اول يوم في الtarget الجديد... ومدته شهر ونص.. بنتهي بي يوم 25/3/2012... وناوية ان شاء الله أفعّل موضوع الرياضة بصورة أساسية في الفترة الجاية دي... بس محتاجه اعمل فحوصات لعضلاتي دي... لاني بقيت اقل جهد بحصل لي تمزّق.. تتذكروا تمزق يدي الشمال وكتفي داك؟ بعد جيت من تبوك، كنت شايله لولو هانم فترة طويلة لانها ما بتحب stroller! جيت بي تمزق في يدي وكتفي ورقبتي من الجهة اليمين.. بس كان أخف من الاول داك... بس لحدي حسي أثره في... يا ربي ده الكُبُر! لاني زمان كنت fit والله... وبعمل push-ups.. وبعمل downward facing dog، للناس البعرفوا يوجا ، حسي وحاتكم بقيت اقل شي ارقد سلطة!
سلام يا مريم كبر شنو ياخي؟ نحن لو قلنا الكبر ناس النصري و سمارت و غباشي يقولوا شنو؟ أنا طبعا ما كتبت عمري فوق عشان كدا ممكن أتفسح لغاية ما يظهر زول دفعة يقعد يقول لي تتذكر و ما تتذكر و يعمل حركات بني كجة دي على قول تاج السر الملك. بالمناسبة طبعا إنتِ عارفة إنه شغل البيت دا ممكن يغني عن الرياضة أو يعوض جزء منها. طبعا ما نفس المعدل لكن برضه ما رايح ساي. بالنسبة لحساب الكالوريز طبعا صعب شوية للحاجات الما ستاندارد و زي ما قلت فوق في مواقع ممكن تحسبي بيها الكالوريز في أي أكلة لكن الحكاية دايرة زمن. أنا غايته مرات بنظر زي ما حكيت يعني ملاح الخدرة بقوم أدخل مثلا نص كباية سبانخ و كباية شوربة لحمة و الكسرة بقدر كميتها و أخت محلها بانكيك أصلا زوجتي قاعدة تعملها بدقيق البانكيك.
Post: #698 Title: Re: Sudaneseonline Biggest Loser Author: Nagat Sid Ahmed Elshiekh Date: 02-08-2012, 02:30 AM Parent: #697
سلام لوزرس ... اخبار قديمة شوية مواصلة مع البرنامج بتاع ..LA رياضة 4 مرات فى الاسبوع..... يوم السبت ح أوزن واشوف حسرته كم...
سلام يا اهلنا اليكم الجديد من الاخبار .... آي لوست
و بذلك يا جماعة اكون قد تعديت التارقت بتاعي بي 300 جرام احمدك يا رب و اشكر فضلك .... باركوا لي يا جماعة كان المفروض اقيف على كده و احاول احافظ علي وزني الحالي لكن التحدي بتاع مدينتنا اغراني و بما انو اموري ماشة تمام (الحمد لله) حاتوكل على الله و استمر لحدي اول شهر خمسة على امل الفوز بالتحدي و بالمناسبة دي حأعمل هدنة مع النصري و حلفائه و بهدي ليهم الـ 300 جرام التحت التارقت كعربون محبة
العوض لقيتك خطير و الله بتحسبها بالورقة و القلم , بالنسبة لي لاني بأوزن اكلي , فالحكاية زيك بس من غير خطين تحت الجواب, تقريباً بحرق في الجيم ما يعادل 600 cal , استهلاكي اليومي ما بين 600 - 800 cal
يا جماعة و الله البوست ده اجمل بوست و الكتر بوست خلاني اركِّز و ارجع تاني للكتابة في البورد من تاني يوم السبت الجاي و السبت البعديهو حيكون عندنا تمارين درشة في مركز تاني (غير الجيم بتاع الجامعة) التمرينين ديل حيكون فيهم ناس التحدي بس , يعني حلاقي البت البنافسها على المركز الاول حتكلم معاها و اشوف مويتها شنو .... من باب اعرف عدوك
Quote: غباشي والنصري بقى خشمهم ملح ملح خخخخخ
يا مريم انا بعد الكيلو الاخير دا ما عندي عوجة كدي شوفي النصري خشمه بكون هسي بقى شطة .. شطة
سلام يا نجاة بالتوفيق إن شاء الله و يوم السبت تجينا بالأخبار السعيدة. مبروك يا غباشي وصولك للهدف و واصل لغاية ما الجماعة يفهموا حاجة. لمن قلت استهلاكك اليومي بين 600-800 كالوريز قاصد يعني الصافي ولا البتاكله؟ ما أظنك تكون قاصد إنك بتاكل بس الكمية دي في اليوم. تقريري عن يوم أمس: الكالوريز الأكلتها 1584 كالوري. مافي رياضة. الصافي نقصان 687 كالوري.
Post: #701 Title: Re: Sudaneseonline Biggest Loser Author: مريم بنت الحسين Date: 02-08-2012, 04:24 PM Parent: #700
الصفحة السادسة دي حلفت ما تنقلب!
والله الليلة حسيت احساس لزيز بشكل... عندي ضيوف على العشا.. قمت بتجهّز والغرفة مضلمة، لولو نايمه وما عايزاه تصحى، مزاجي زي آخر الشهر الليلة!
طلعت في الضلام اسكيرت عشان البسه ولا عارفه لونه شنو زاتو ولا شايفاه.. لبسته.. بعد ما طلعت اكتشفته انه ده اسكيرت انا اشتريته سنة 2007، وبعداك بقى ما بتلبس لي.. طلع قدري بالضبط، ويمكن حتى اوسع مما كان لما اشتريته... والله فرحته بشكل...
ياااي me...
نجاة، منتظرين الاخبار الحلوه
غباشي... الف مبروك الكيلو... غايته انا كان ما نقصته كيلو ياني الحأقر عليك زي النصري...
العوض، ما فهمته كيف انك تاكل 1584 ومن غير رياضة ويكون الصافي 687؟
يلا النمشي لشغلي وطبيخي...
Post: #712 Title: Re: Sudaneseonline Biggest Loser Author: Nagat Sid Ahmed Elshiekh Date: 02-10-2012, 03:13 AM Parent: #701
سلامات يا ناس الرشاقة.... أخونا النصرى كلامك بقى انجليزى مالو ؟؟؟ الجماعة المشيت ليهم ما عندهم كيبورد عربى ....ماتعمل ذى اختك بكتب بالماوس .. انجوى الفكيشن بتاعتك مع مراعاة الكالريز.
مبروك ياغباشى وصولك للهدف وعقبلنا.... العوض واصل فى السرد المفيد متابعين والله مريم الله يفرحك وعقبال تلبسى كل الملابس الضاقت منك هههههه.... القلب شكلك كدا بتشجعى فى اللعبة الحلوة من بعيد يعنى ما عندك اى زيادة فى وزنك بختك والله..... وين ناس ابتهال ،،، امير،،،محمد،،،الحكم،،،وكل من سقط اسمه سهوا...
سلام يا النصري كويس إنك مبسوط في الإجازة لكن ياخي لازم تصور إن شاء الله تستلف كاميرا. ما مشكلة مرة مرة تفك اللعب لكن ما تبقيها عادة. ماندرين دا مشيته مرة زمان في تورنتو لهسع متمني أمشيه مرة تانية. أكلهم رهيب. سلام يا مريم والله مبروك... فعلا دي حاجة بتخلي الواحد يكون سعيد جدا. بالنسبة لسؤالك أنا متأكد إنك عارفة الإجابة لكن بس حأذكرك بيها. طبعا الجسم حتى في حالة الراحة و عدم الحركة بحرق السعرات الحرارية باستمرار للقيام بوظائفه الحياتية العادية البتحتاج لطاقة زي التنفس و تجديد الخلايا و تدوير الدم داخل الجسم و الهضم و غيرها. كمية الطاقة المحترقة دي بتعتمد على عوامل كتيرة منها النوع (ذكر أو أنثى) و الوزن و نمط الحياة و العمر. في حالتي أنا متوسط احتياجي اليومي من السعرات الحرارية (دا لو أصلا ما اتريضت و بس مارست نمط حياتي العادي) هو حوالي 2275 كالوريز. يعني عشان أحافظ على وزني الحالي المفروض آكل الكمية دي. طيب لمن أكون متبع نظام غذائي معين قولي مثلا أكلت 1500 كالوريز دا معناه إنه جسمي عشان يقوم بوظائفه دي حيضطر يحرق 775 كالوريز من مخزونه. يعني حيكون صافي فقدان في اليوم داك 775 كالوريز اللهي الفرق بين احتياج جسمي من الطاقة و الطاقة الاحتواها أكلي في اليوم داك.. و دا بورينا إنه لفقدان الوزن بجدية النظام الغذائي أهم من الرياضة. دا ما تقليل من أهمية الرياضة لكن لو أنا باكل كل كمية الكالوريز البحتاجها جسمي عشان أحرق ال687 كالوريز الفوق دي كنت حأحتاج أمشي أكتر من ستة كيلو. و أحسن حاجة الواحد يعملها هي إنه يجمع بين النظام الغذائي و الرياضة.
موضوع مفيد جدا عن سؤال مريم حول الكالوريز و كيف الجسم بحرقها و أحسن الوسائل لمساعدة الجسم على حرقها: http://www.mayoclinic.com/health/####bolism/WT00006 بالمناسبة دا موقع مايو كلينك و فيه مواضيع تانية مفيدة جدا عن موضوع إنقاص الوزن دا و مواضيع أخرى.
شفت يا النصري زي ما قلت ليك فوق حأستلم البوست؟ عايزين يا جماعة الناس يساعدونا بأفكار وجبات تكون شهية و بتملا الواحد تخليه يشعر نفسه شبعان و في نفس الوقت تكون سعراتها الحرارية قليلة. أنا حأبدا ليكم بحاجة كل الناس عارفنها اللهي السلطة الخضرا. الكباية و نص من السلطة الخضرا فيها حوالي أربعة و أربعين كالوري و هي طبعا ما وجبة لكن لما تاكلها مع أي وجبة بتملا ليها حتة في المعدة ممكن تتملي بمتين تلتمية كالوري. بعدين الواحد ممكن يتجنب الإضافات البضيفوها للسلطة لأنه في واحدات من الدرسينقز دي الملعقة بتاعتها فيها سبعين و تمنين كالوري. نص ليمونة و شوية شطة و ملح بخلوها حاجة عجيبة. برضه سلطة الروب بديل ممتاز و صحي و شهي و بتملا الواحد بالذات لو أضفتوا ليها جزر مبشور. يعني الواحد لو عمل زي نص كباية جزر و نص كباية خيار مبشورات و تلاتة أرباع كباية زبادي و شوية ملح و اختياري توم و شطة الحكاية دي كلها فيها أقل شوية من مية و خمسين كالوري (باعتبار الزبادي 2%). مع دي كمية بسيطة من الأكل ممكن تكفي الواحد لوجبة كاملة.
Post: #706 Title: Re: Sudaneseonline Biggest Loser Author: القلب النابض Date: 02-09-2012, 02:11 AM Parent: #705
أها المشجعين وصلوا
مبروك وصفقة قوية لغباشي الذي تجاوز الهدف...
نجاة راجين النتيجة... النصري انجوي يور تايم ....آز منش آز يو كان مريومة طبعا اسة بتكون الضيوف مشو بس ما تلهطي باقي العزومة عارفة باقي العزومة تاني يوم احلى لانو يوم العزومة الزول بيكون تعبان ومابيقدر ياكل ... ويكون مشغول بيكرم في الضيوف ..( كلي مما قل الكالوريز ولذ طعمه ) وين الحكم سمارت.... العوض متابعين وشكرا للمعلومات .. التوقيع ممثل عام المشجعين والفانس
Post: #707 Title: Re: Sudaneseonline Biggest Loser Author: مريم بنت الحسين Date: 02-09-2012, 04:33 PM Parent: #706
الليله عملته القياسات .. طبعا قلنا انه من وسائل متابعة الوزن انه الزول كل شهر يعمل قياسات لمناطق الجسم باستخدام متر.. لقيت نفسي ناقصة خمسة سانتي yaaay me..
يا قلب.. والله اتبسط من نفسي بشكل... القائمة بتاعت الاكل كانت كالآتي سلمون بالفرن كوكوس من غير اي شي عاملاه بي موية وملح بس فول مظبط سلطة اسود (اسود مقطع دواير وعليه زبادي وليمون وملح وتوم) دجاج بروستد (نجضته في البداية بي البخار، بعداك حمرته بي دقيق ونشا عشان ما يشرب زيت) بطاطس محمره (غطيتها بي حبة دقيق وبابريكا برضه عشان ما تشرب زيت) صوص التوم (بياض بيضه وليمون وتوم وملح وفلفل وخل وزيت) شطة خضراء بي ليمون وحبببة دكوة الحلو: أم علي وكيكة روعة بتاعت تمر جابتها لينا صاحبتنا
اها، انا صحني كان فيه من ده كله ما عدا الدجاج، لكن بكميات قليله... وما اكلت خبز خااالص والكوكوس كان تقريبا تلاته ملاعق.. وما اكلته حلو، رغم انه كان لزييييييييز... الليله الصباح عملته شاي الصباح ومعاه نص شريحة من كيكة التمر...
الأخت القلب النابض شكرا على التشجيع و في انتظار انتقالك إلى مقاعد اللاعبين. الأخت مريم مبروك النقصان و في انتظار نتائج يوم السبت المبشرة إن شاء الله. وين الحكم يا جماعة؟
تقرير يوم الأمس الأربعاء 8/2: عدد الكالوريز الاتناولتها 1550 كالوري. رياضة حوالي ساعة حرقت 700 كالوري. الصافي فقدان 1325 كالوري. المرة الجاية حأوزن يوم 1/3 إن شاء الله.
Post: #710 Title: Re: Sudaneseonline Biggest Loser Author: مريم بنت الحسين Date: 02-09-2012, 05:52 PM Parent: #709
العوض، شكرا لأنك شرحته لي موضوع الارقام .. انا فعلا شكيت انه انت بتحسب النشاط اليومي كجزء من الكالوري consumption بتاعك... انا الليلة لاحظته حاجه لزيزه... لولو بتّي الصغيرة (ستة شهور) بتوفر لي عدد من التمارين الحلوه اثناء اليوم.. مثلا لما اكون عايزه اغيّر ليها البامبرز، بكون شايلاها في يدّي.. والبامبرز بتاعها مختوت في رف تحت من الدولاب، بقوم بنزل وانا شايلاها ظهري بكون مستقيم وبشيل البامبرز وبقيف تاني... بنزل لحدي ما اكون تقريبا قاعده.. الحركة دي انا بعملها اكتر من مره خلال اليوم.. وهي بسموها squat.. حلوه وبتقوي عضلات الكرعين، وانا بقيت بعملها بسهوله وبدون ما اتعب...
الحركة التانية اني بشيل فوق وارفعها وانا بضحّك فيها... بي يديني الاتنين وبرفعها فوق راسي وبنزلها.. وبكون حريصة انه عضلات يدي تشتغل بتركيز في الحركة، هي بتكون بتضحك وانا بكون بضحك معاها.. وفي نفس الوقت بكون بمرّن في عضلات يدي(لقيت نفسي نقصته 3.5 سم في الحته دي)..طبعا رفعت لولو فوق بتحتاج للعضلة، التنزل ممكن الزول يعتمد على الجاذبية، لكن انا بنزلها بالاعتماد على عضلات يدّي..
Quote: دجاج بروستد (نجضته في البداية بي البخار، بعداك حمرته بي دقيق ونشا عشان ما يشرب زيت) بطاطس محمره (غطيتها بي حبة دقيق وبابريكا برضه عشان ما تشرب زيت)
البروستد جكن شكلو مغري.. يمي
اها نجي للسر شفتي البطاطس عشان ما يكون عندك مشكلة زيت قطعي البطاطسة المتوسطة على اثنين( الكبيرة شديد ممكن تكون على اربعة) اديها غلية على النار لمدة عشرة دقايق ( ما بيكون نضج) بعد تطلعي رشيه بي محلح وفلفل ( بابريكة لو بيتحبيها ) وترشيها بي زيت زيتون وعلى الفرن لمدة ٢٠-٣٠ دقيقية بيطلع رهيب شديد وماف زين ولا تحمير.. دي الجماعة ديل بياكلوها مع اللحم المعمول بالفرن ... ومعاها خضار معمول بالبخار خاصة البروكلي و الفلورز والفاصوليا خضراء جربي الحكاية دي وهي وجبة كاملة.. جربي واديني خبر
بالهناء
أموووت في ام على
ومبروك النقصان وصفقة شديدة...يا مريم ...
متابعة لصيقة للعوض والله بقيت لما اجي اطبخ حاجة طوالي بلقا روحي بفكر دي يكون فيها كم كالوري...دا معناها كلامك دا بيؤثر في الناس البيقروا حتى ولو ما في حالة رجيم
Post: #713 Title: Re: Sudaneseonline Biggest Loser Author: مريم بنت الحسين Date: 02-11-2012, 05:20 AM Parent: #711
يا جماعة انا عجبتني فكرة العوض دي بتاعت الوزن مرّه في الشهر.. حأحاول اطبّقها... وبدل ما اوزن الليلة حأوزن بعد شهر (وش عاااااااارف روحي ما حيقدر!)... لكن حأجرب.... انا حاسه اني نقصصصصصته.. وشكلي كده وصلت للهدف، بس حركت انه الزول يحوّش الأرقام ويجي يتفاجأ برقم كبير عجبتني...
قرار إدارة رقم 1... ابتداءاً من الأسبوع ده، حأبدأ يوجا... عضلاتي اتحسّنت شوية... بالمناسبة، د.الطيب النعيم (استشاري عظام) قال لي المشاكل في عضلاتي دي من نقص فيتامين دال... لاني ما قاعده اطلع كتير في الشمس واصلا الفترة الفاتت ما كان في شمس كويسه.. والغريبة قال لي ما اوقّف رياضة... وقال لي استمر فيها لانها بتساعد.. ناوية ابدأ يوم التلاتاء ان شاء الله...
سلامات يا جماعة معليش أمبارح انشغلت... قدرت خشيت قريت التعليقات لكن ما قدرت أرد (شايف يا النصري استلام البوست كيف؟). دي أحسن حاجة يا مريم تعمليها في ظروفك دي إنك تستفيدي من الحاجات الأصلا بتعمليها و تحوليها لجزء من روتين الرياضة اليومي بتاعك. ربنا يعينك مع القراية و الأولاد دا مجهود ما ساهل دعواتنا ليك بالتوفيق. فكرة توزني كل شهر دي اتخيل لي ظريفة و بتخلي الواحد يشعر بالإنجاز أكتر. أحسن حاجة تشيلي الميزان تختيه في راس دولاب ولا حاجة لأنه الواحد مرات بتجيه رغبة شديدة يعرف الحاصل شنو. كويس إنك حتواصلي الرياضة تاني. سبحان الله زي ما بقولوا الدنيا ضيقة. د. الطيب النعيم دا كان جارنا زمان في كوبر و زوجته صاحبة الوالدة شديد. سلمي عليه و قولي لي ولد المرحوم د. علي الشيخ العوض بسلم عليك. سلام للقلب النابض فعلا بتبدا الحكاية تبقى للزول عادة و اتخيلي عادة كويسة إنه الواحد يتابع أكله فيه شنو. شكرا للتشجيع المستمر.
تقرير أمس و أول أمس: يوم الخميس 9/2: عدد الكالوريز الاتناولتها 1362 كالوري. رياضة حوالي خمسة و خمسين دقيقةحرقت 610 كالوري. الصافي فقدان 1431 كالوري. يوم الجمعة 10/2: عدد الكالوريز الاتناولتها 1484 كالوري. رياضة حوالي خمسة و أربعين دقيقة حرقت 510 كالوري. الصافي فقدان 1225 كالوري.
Post: #716 Title: Re: Sudaneseonline Biggest Loser Author: مريم بنت الحسين Date: 02-14-2012, 09:37 AM Parent: #715
ازيكم يا شباب وشابات... شنو الناس مختفيين كده؟
نجاة، ما وريتينا الحصل شنو في الوزن؟
غباشي ده يغطس كده، ويجيك بي 2 كيلو... انت بتختفي كده بتمشي وين؟
العوض، اخبار الكالوريز شنو؟ ا
النصري ازيك... والله بختك، الاجازه مهّمة عشان الزول يجي بروح جديدة.. بس خليك open لأي زيادات في الوزن...
سلام يا مريم و الجميع نبدأ بالترحم على أخينا مجدي اللهم اغفر له و ارحمه و عافه و اعف عنه و وسع مدخله و أكرم نزله و لقنه حجته. وفاته المفاجئة أثرت في كثيرا و زاد أثرها بما كتبه من يعرفونه عنه. ربنا يرحمه إن شاء الله.
بالنسبة للناس فعلا غاتسين غتسة عجيبة. النصري مشى لبد في أونتاريو و عملها لينا مطاعم و في المطاعم أوبن بوفيه و في الأوبن بوفيه ماندرين. ماندرين دا اتخيلي مشية واحدة الواحد براحة ممكن يطلع بألفين تلاتة ألف كالوري. أما الحكم فمختفية اختفاءة كدا غريبة. غايته مع الإجازة الخمسة شهور دي و الاختفاءة يبدو أن الدنيا موعودة بسمارتي أو سمارتاية جديدة والله أعلم. نسأل الله أن يكون غيابها عافية و أن يوفقها و ييسر عليها أمورها أيا كان سبب الغياب. غباشي أصله يختفي و يجينا بالكيلوهات بتاعته تنطط. في انتظار تقرير نجاة و بشرياتها إن شاء الله. أها و إنت عملت شنو مع الرياضة يا مريم؟
نجي للتقرير بتاعي عن الأيام الفاتت. الحمد لله عموما الأمور ماشة كويس و إن كان بديت أشعر بالزهج من الرياضة النوع الواحد المكررة دي. شاعر إني محتاج لبديل لكن بإذن الله حأواصل لغاية ما أفكر في حاجة. المشكلة في الشتا دا عندنا مافي طريقة جري أو مشي برة البيت (و إن كان في ناس بعملوها لكن أنا غايته ما أظني أقدر جري في درجة حرارة تحت الصفر). مفكر في السباحة لكن حكاية الزمن حتكون مشكلة. التقرير: يوم السبت 11/2: عدد الكالوريز الاتناولتها 1352 كالوري. رياضة حوالي 60 دقيقةحرقت 720 كالوري. الصافي فقدان 1583 كالوري. يوم الأحد 12/2: عدد الكالوريز الاتناولتها 1205 كالوري. رياضة حوالي 55 دقيقة حرقت 640 كالوري. الصافي فقدان 1618 كالوري. يوم الاتنين 13/2: عدد الكالوريز الاتناولتها 1355 كالوري. رياضة حوالي 65 دقيقة حرقت 750 كالوري. الصافي فقدان 1543 كالوري.
Post: #721 Title: Re: Sudaneseonline Biggest Loser Author: Nagat Sid Ahmed Elshiekh Date: 02-15-2012, 03:37 AM Parent: #720
Quote: في انتظار تقرير نجاة و بشرياتها إن شاء الله.
شكرا العوض للاهتمام قبل ما نجى لموضوع التقرير بتاعى عندى حاجة حارقانى شديييييد....... الحاجة دى صورة النصرى التى بدون اى تعليق !!!!!!!!! يعنى يا النصرى عملته ذى الزول البحجز فى الصف بطوبة... عاوز تاكلنا حنك ههههه...... وين الاجازة وتفاصيلك...بتاكل شنو؟؟؟؟ دا كلو داسيهو عشان عارف المخرمجة حاصلة....... لو ما عندك وكت تكتب لينا نواصل تحت الصورة نظام تصبيرة وكدا... آها يا العوض موضوع السبت ما جاب حقو المتوقع... 02رطل بس ما تفرحوا وتنسوا البوينت.... موعدنا السبت القادمة أن شاء الله... تحاتنا للجميع...
سلام يا نجاة كويس برضه في نقص. ما تحبطي أصلا لأنه الجسم عنده طرق غريبة جدا في التعامل مع محاولات إنقاص الوزن. يعني لدرجة إنه الواحد مرات ممكن يضطر يخدع جسمه عشان ما يكون فاهم الحاصل شنو بأكل وجبة كبيرة أثناء أيام الدايت. واصلي عادي و إن شاء الله المرة الجاية حتلقي وزنك نزل حق المرتين. زي ما قلتي النصري داير يدقسنا بالصور لكن قولي ليه حركاتك دي أعملها لزول ما عنده حديدة.
يا نجاة الاجازة لسه مستمرة.. مفروض كان ارجع قبل يومين لكن اتاخرت شوية الظريف امبارح كنت بفتش لفندق انزل فيهو لمدة يوم مشيت موقع booking.com لقيت لوكاندة ٢ نجمة فى اهم شوارع مدينة شلالات نياجارا السياحية .. ما تتصدقى اللوكاندة دى بكم!!!
١٤ دولار بس ... غرفة كبيرة ..وسريرين دبل ..تلاجة ..وتلفزيون وريموت وفطور الصباح ...... ١٤ دولار بس ..... ابو الرخا .....
ان شاء ارجع اليوم لكالقرى ---------------
دى صورة تانية تصبيرة
------------
مبروك الصفحة السابعة اقترح نسميها صفحة القلب النابض
كنت 224 رطل ولما لاقيتك فى نياجرا والماندرين بوفيه وما ادراك فى خلال تلاتة يوم بقى 227 رطل هسة رجعنا روشستر وبدينا معاكم ريجيم قاسى نووووو كارب نووووو شوقر مفروض انزل 200 رطل ما ارح ماتيللا ماتركبو
بس كلللللل شى ولا تختّونى مع النصرى ده فى مجموعه واحدة
تقرير أمس الثلاثاء 14/2: عدد الكالوريز الاتناولتها 1686 كالوري. رياضة حوالي 55 دقيقة حرقت 650 كالوري. الصافي فقدان 1147 كالوري. طبعا أمبارح الكالوريز الأكلتها عالية شوية لأني لاحظت الأيام الفاتت كانت أقل من 1500 بكتير و خفت الحكاية دي يكون عندها رد فعل سلبي على نقصان الوزن و بيني و بينكم وصلت البيت جيعان و كنت داير لي سبب أبهل الموضوع شوية و لقيت لي سبب.
اول حاجه القلب النابض مرحب بيك معانا ولى قديم ومعليش ماانتبهت لسلامك على يادوبى رجعتا ورا وانتبهت لقصه اوعك تنغازى ليها بضحك لمن دموعى جرت غايتو النسوان السودانيات ديل عندهم درامات فى بيوت المناسبات
Quote: فحسي أوعكم تنغازو لي غباشي دا
والله انا منغازه منو عشان هو كاواى لكن والله بتمنى ليهو الفوز فى المسابقه حقت مدينتهم ...لكن هنا عندنا عاوزاها للنصرى لانو هو زى مابقول دايما biggest looser لانو السبب فى الفقدناهو كلنا مرييييييييييييييييييييومه
Quote: بمناسبة موضوع الtime management... انا حاسه بيك والله.. لانه انا لما اكون شغاله اموري بتكون مرتبه جداً، لما اكون عاطله (زي حاليا)، بتعب (في البداية).. لكن بعداك بخلق system.. وببقى تمام... صديقي الصدوق (الtimer) بتاعي... الاختراع الصغير ده مفيد جداً... وبستخدمه مع محمود كمان... بظبطه على انه يرن بعد ساعة.. خلال الساعة دي بكون عندي target معين اعمله... يعني لو ما عملته ما بعمل اي شي تاني..
والله يامريم اتاريك خبره وانا ماجايبه خبر ...كل ما احدد اهدفى واظبط الساعه ..القى ليك الزمن ماشى وعندى حاجات كتيره ماعملتها اقوم ليك جاريه بسرعه واولادى طعا فى ضنبى وجاريين بوراى ..فى شنو ياماما اقول ليهم بوريكم بعد شويه ...يسالوا ابوهم يقول لي انتى مالك بتتجارى اليوم كلو صحى لمن حكيت ليهو القصه قال لى ان شاء الله دايما بس ماتقعى تتكسرى ههههههه وانا لسه راجيه صور السلمون
النصرى تسلم على المعلومات القيمه والله انا صحى طاشه شبكه ...بالنسبه لموضوع الكسره والله صدقت بس انا بعمل الزغنى براى فى البيت وبحالول اخفف الزيت بقدر الامكان ...استمتع بى اجازتك الايام الحلوه مابتتعوض والرجيم ملحوق غباشى الى الامام وياجبل مايهزك ريح انت اللوووزر الفى مدينتكم ربنا يوفقك والبت الاولى بتاعتكم لما تلاقيها قول ليها شكلك شاحب ووشك فقد نضارته مع الدايت (بضمن ليك انت الاول) العوض مرحب بيك والله ...ربنا يوفقك دى قصه صعبه شديد .....كمان (ربنا يرحم د مجدى رحمه واسعه ويتقبلوا قبول حسن ...فقد عظيم والله) سمارت وين انتى شكلك مستمتعه بالاجازه يانجاه اوعك من الاحباط انتى ماشه كويس والله وربنا يوفقك محمد الحاج سلامات بالنسبه لموضوع الوزن ثانى كل اسبوع واخر وزن كان ناقص 6 كيلو يعنى نزلت نص كيلو فى 20يوم وانا مبسوطه بيها لانو الرياضه بقت يومين بس فى الاسبوع بس مركزه على تنظيم الاكل ...بعدين بديت لى برنامج بتاع صيام الاثنين والخميس منها اجر ومنها عافيه
سلامات يا ابتهال طبعا أنا محتل البوست في غياب النصري و تقريبا إجراءات تسجيله باسمي اكتملت عشان كدا متولي موضوع الترحيب. مبروك النقصان و بالمناسبة النقصان المتدرج أحسن من السريع لكن أنا من النوع البحب يشوف نتايج ملموسة عشان كدا فضلت إني أحاول أنقص لي نقصان ظاهر في البداية و بعداك أواصل. والله فكرة الصيام دي ممتازة بالله ما تنسينا من دعواتك في وقت الفطور. عندي فكرة يا جماعة كل واحد فينا بعد ما يصل لهدف معين نجمع الوزن النقصناه كلنا و نتفق على مبلغ معين لكل كيلو و نجمع المبلغ دا نعمل بيه مشروع خيري في السودان. إن شاء الله حتى لو حاجة بسيطة زي مبرد موية في مدرسة أو حقن إنسولين للأطفال أو حاجات محتاجينها أطفال المايقوما و ممكن نوكل ناس من أهل الخير في البورد زي إنعام حيمورة ولا نعيم أو شيخ العوض هم اليتولوا الموضوع دا و أنا متأكد من تعاونهم.
سبحان الذى لاينسانا ولاينساكم سبحان الله لوقلت ليك انا موت مجدى دا هذانى قدر شنو ماحتصدق ولما بقرا فى تبرعاتو لى ناس الخلاوى ...فكرت قدر شنو الدنيا ما بتستاهل كلامك دا انا معاك شديد وموافقه وربنا يقدرنا لكن حتتعب انت وغباشى هههههه على العموم المشاريع كتيره وربنا يقدرنا والشعب السودانى كلو ظروفوا بقت صعبه ومحتاج يد المساعده
Post: #732 Title: Re: Sudaneseonline Biggest Loser Author: مريم بنت الحسين Date: 02-15-2012, 09:40 PM Parent: #730
الليله قسته يا العوض، ما قدرته
لقيت روحي وصلت الهدف ونقصت بعده 0.7 غرام ... النتيجة هي كيلو 300 جرام خلال عشرة أيام... وحددت الهدف الجديد خلاص... وهو خمسة كيلو خلال شهرين ان شاء الله....
الليلة حاسه بي دوخه شديد... قررت اليوم ده اكل عادي، قلت يمكن من الاكل، لكن اكلت وما حصل شي... لاني اصلا ما حارمه نفسي للدرجة دي... غايته لحدي بعد بكره كان ما استعدلته بمشي الدكتور
النصري، ايامك والله
نجاة، واصلي عليك الله...
غباشي، والله مكسله افتش موقع الكيلوز البتتراقص، خت لي 1.3 بالله
Quote: عندي فكرة يا جماعة كل واحد فينا بعد ما يصل لهدف معين نجمع الوزن النقصناه كلنا و نتفق على مبلغ معين لكل كيلو و نجمع المبلغ دا نعمل بيه مشروع خيري في السودان. إن شاء الله حتى لو حاجة بسيطة زي مبرد موية في مدرسة أو حقن إنسولين للأطفال أو حاجات محتاجينها أطفال المايقوما و ممكن نوكل ناس من أهل الخير في البورد زي إنعام حيمورة ولا نعيم أو شيخ العوض هم اليتولوا الموضوع دا و أنا متأكد من تعاونهم.
العوض، الله يبارك فيك على الفكرة الجميلة دي... انا معاكم قلباً وقالباً... بس دايرين آلية للتنفيذ...
اذيكم يا لوزرس. و الله كتبت رد طويل عريض ليكم كلكم، لكن البتاع ده كراش و طار الكلام مشغولة شغلة شديده، لكن لسه خاته بالي معاكم و بقرا اى شيء بس ما بلقي وقت اكتب.
العوض، الفكرة عظيمة. و أكيد موافقين. القلب النابض و علي، الف مرحب بيكم. يا جماعة في ناس انضموا مؤخراً و ما معقول نحاسبهم مع ناس غباشي و مريم اللي بينقصوا بالهبل ديل. ( ما شاء الله) عشان كده ح اعمل مقياس جديد للفوز. كل زول فيكم يحسب هو معنا ليه كم اسبوع. و ح نقسم العدد الكلي الارطال المفقودة و نقسمه علي عدد الأسابيع و ده ح يكون متوسط نزول كل واحد فيكم. الفائز هو المتسابق بأكبر متوسط. رأيكم شنو؟؟؟؟
السلام عليكم يا شباب أنا مشغول .... مشغول .... مشغول .... مشغول , الحكاية بيجاي بقت صعبة و المشرف بتاعي كره البلد دي و احتمال في أي لحظة يتخارج عشان كدة انا عايز اقطع شوكط كبير قبل ما يقوم يسافر و يحيرني النصري و الله ما شاء الله مع التجدع و انجوووووي للاخر , و التحية لباقي الشباب السبت الفات كان عندنا تمرين خاص في مركز AM I FIT و الله درشونا لما عرفنا حاجة , المشكلة انا كنت الولد الوحيد و معاي تلاتة نساوين من ضمنهم منافستي ساعة من الدرش و الجري و النطيط و ده كلوا و انا لابس تلات سترات وزن كل واحدة 10 كيلوو غايتو عرق السنين انسكب الاسبوع الفات و تاني عندنا تمرين يوم السبت الجاي ده يللا حان الان موعد الاخبار فقدت 1.3 كيلو و ده في اطار اني قررت اواصل في موضوع التحدي بتاع حلتنا مبروك يا مريم و من محاسن الصدف نحنا الاتنين فاقدين نفس المقدار فـ let's cheer up together
العوض كلامك بتاع غشة الجسم بوجبة كبيرة صاح مية المية و انا دايما بلجأ للحيلة دي لما الميتابليزم بتاعي يتغاتت , بمشي بديها ميلك شيك أو بسكويت و بواصل عادي, فيا نجاة واصلي شكراً يا ابتهال على التشجيع و مرحب بعلي سر الختم و سلام لحكمنا الهمام بالمناسبة الصفحة السادسة ما كانت بتفتح معاي و كانت دايماً بتعلق لي اللابتوب يلا يا جماعة ... القراية ام دق
سلام يا جماعة... عارف يا مريم الواحد مرات بتجيه رغبة شديدة يعرف الحاصل شنو. ما شاء الله إنجاز ممتاز.. مبروك. مرحب مرحب بحكمنا الهمام و منورة البوست. بالنسبة لفكرتك أنا معاك فيها بس مع تعديل بسيط و هو إنه نحسب بالنسبة من الوزن. يعني ما عدل إنه الناس الفاميلي سايز زيي و زي النصري الواحد ينقص ليه س باوند و نحسبها زي ال س باوند بتاعة ناس وزن الريشة زي غباشي و مريم كدا هم حيتظلموا. مبروك يا غباشي الألف و تلتمية جرام و عقبال ما نحتفل معاك بالفوز في المسابقة. وصية ابتهال دي ما تهملها أمشي للمتنافسة دي و قول ليها مالك إن شاء الله ما عيانة و شكلك بقى ما زي الأول و الظاهر الدايت دا أثر عليك بتفوز عليها إن شاء الله. كويس إنه فكرة المشروع نالت إعجاب و نبدا نفكر فيها كلنا إن شاء الله.
وصلت امبارح حوالى الساعة 7 مساء.. الرحلة كانت ناجحة جدا جدا...جيت راجع بمعنويات عالية وشهية للشغل... نزلت الشغل وقربت اقلد (hug) زبائنى الزمان ...اشيل واضحك فى وجوههم ... من ناحية الريجيم...... على الاقل زدت 5 رطل لكن برضائئ التام... مافى اجازة دون استمتاع بالاكل .... اخر وجبة كانت امس فى ضواحى تورنتو ..صحن ضخم بتاع كباب بالارز..... بعدها مباشرة بدا الريجيم القاسى جدا .... حتى فى الطيارة رفضت ان اكل او اشرب اى شئ ما عدا الموية ...... عندى تصميم خرافى فى نقصان ال5 رطل ديل وبسرعة .....
ساعتبر يوم امس الاربعاء 15 فبراير البداية الحقيقية للمرحلة الحالية ساوزن نفسى بكرة الصباح واكتب الوزن الجديد هنا .....
الصديق يوسف امين فى سانت كاثرينز وعدنى بوصفة بتاعت خضروات قال انها ستنقص الوزن 10 ارطال فى 10 ايام .... الوصفة عبارة عن شوربة خضارات يشربها الزول طول اليوم ... ساجرب هذه الوصفة فورا وسانقص العشرة ارطال فى عشرة ايام هذا وعد وتحدى والتزام بينى و بينكم ....
_________ سانزل صور الرحلة شوية شوية نبدا من الاخر ..صورة الفندق اب 14 دولار فى اليوم
المطعم ده مسئول مسئولية مباشرة عن زيادة 4 ارطال من مجموع الخمسة ارطال المكتسبة فى الرحلة
مشيت ليهو 4 اربع مرات,, مرتين بصحبة على سرالختم,, دى صورتنا طالعين من المطعم وما قادرين نتفس من الاكل.. عندهم صحن صغير للتحلية..انا ما استخدمته...استعملت الصحن الكبير بتاع الاكل عشان اردم التحلية خاصة الرز باللبن ......
بعد الاكل,, على وزن نفسه لقاها كتيرة جدا .. قلت ليهو ووووب عليك ..بقيت معاى فى مجموعة واحدة,, ويحك !!
حكيت ليهو قصتنا ونحن شباب فى الثانوى ... وليد نانا عمل تقسيم لشباب الحى من حيث الوسامة المجوعة الاولى فلان وفلان وفلان المجموعة الثانية فلان وعلان لمن جاء للمجموعة الخامسة ختا فيها ابوداوؤد و عبود... ابوداؤود زعل زعل شديد جدا وقال لوليد ختنى فى اى مجموعة بس ما مع عبود ده.... حسى على سرالختم معاى فى مجموعة واحد وفرقنا بضع ارطال ....
Quote: حسى على سرالختم معاى فى مجموعة واحد وفرقنا بضع ارطال ....
الفرق فى الوزن بينى وبينك وزن زول كاااااامل ثم انا اطول منك وبعدين كلللللللو شى ولا تختنى معاك فى مجموعه واحدة
Post: #740 Title: Re: Sudaneseonline Biggest Loser Author: Nagat Sid Ahmed Elshiekh Date: 02-17-2012, 01:19 AM Parent: #739
Quote: يا نجاة الاجازة لسه مستمرة..
سلام يا لوزرس... حمد لله على رجوعك بالسلامة النصرى ..... والبركة فى استمتاعك بالاجازة والجاتك فى 5 رطل سامحتك... لكن الهوتيل أبو 14 دولار دا يحير.... أالف مبروك الاعزاء مريم وغباشى كيب ذا قوود ورك.... الاخ العوض والله كلامك مفيد بس انت قاعد تخسر كم فى الاسبوع مع الرياضة دى؟؟؟ انا بمشى اربعة مرات فى الاسبوع وكل مرة بحرق 450 كالريز فى اليوم ومتابعة نظام محدد برضو بنقص 2 رطل فى الاسبوع ومرات يعنى ما كل اسبوع .... الحكم لسه فى الاجازة تحياتنا .... الاخت ابتهال اخبارك والله مافى اى دبرسة مرات بتكون فى زيادات فى الوزن كمان... مرحب بالاخ على سر الختم .. وبرضو تحياتنا للمسجلين غياب طويل ولكل من سقط اسمو سهوا...
أها يا ابتهال أهو النصري جا شكله عايز يستلم بوستي. في انتظار باقي الصور يا النصري. لو الحكاية بقت خمسة أرطال بس ما مشكلة مقدور عليها إن شاء الله المهم تكون استمتعت بالإجازة. بعدين ما تدقس الناس تقول ليهم أبيت آكل في الطيارة يا جماعة ناس إيركندا ديل ناس تعبانين الوجبات في السفريات الداخلية عندهم بالقروش (أحيانا بتكون أكتر من تلاتة ساعات و مرات فيها كونيكشن يعني ممكن تكون عشرة ساعات) و الوجبات البقروش دي سندوتشات و مرات تطلب ما تلقاها. غاية وصفة شوربة الخضار دي ما بناباها لكن حكاية تنقصك عشرة أرطال في عشرة يوم دي أشك فيها. عشان تنقص رطل يوميا معناها لازم تحرق تلاتة آلاف و خمسمية كالوري في اليوم من مخزونك.
سلام يا نجاة أنا طبعا بديت لي يادوب لي زي ستة اسابيع بس و مصر ما أوزن إلا بداية كل شهر. في شهر يناير (سبعة و عشرين يوم منه خاشين في البرنامج) نقصت حوالي حداشر رطل و مأمل بنهاية شر اتنين إن شاء الله أكون نقصت لي عشرة أرطال تانية. ممتاز جدا كونك تنقصي رطلين في الأسبوع و زي ما قلتي مرات الحكاية ما بتضرب لكن رطلين في الأسبوع متوسط ممتاز.
تقرير أمس الأربعاء 15/2: عدد الكالوريز الاتناولتها 1619 كالوري. رياضة حوالي 70 دقيقة حرقت 820 كالوري. الصافي فقدان 1361 كالوري.
Post: #744 Title: Re: Sudaneseonline Biggest Loser Author: النصرى أمين Date: 02-17-2012, 05:28 AM Parent: #743
انجاز حقيقى ..رجعت للرياضة بعد غياب طويل.. البداية كانت صعبة شوية وشعرت بجسمى ما قادر يشيلنى... غايتو فى النهاية خلصت النصف ساعة وحرقت فيهم اكتر من 400 كالاريز والمسافة الكلية كانت اكثر من 2 ميل بقليل....
الانجاز التانى ..لاول مرة فى حياتى اشرب شاى من غير سكر او sweetner كنت خايف شديد من التجربة .. لكن الحمدلله شربت الترمسة كلها وباستمتاع شديد.. للاسف الشديد وزنت نفسى فى الشغل ..لقيت نفسى 261.5 رطل بزيادة 3 ارطال و نصف من اخر مرة وزنت نفسى فى نفس المكان ....
الصورة دى هدية لاسمارت .. فى العمارة دى كان مسقط راسى كندا
وده جامع سانت كاثرينز وهو المسجد الوحيد فى المدينة التى يبلغ سكانها 130 الف نسمة منهم حوالى 500 سودانى ....
يا النصري الهوتيل دا مغري للسياحة والبقاء على الاقل اسبوع ,,, وخيص وكمان جميل ابتهال .. دعواتك .. شكلك ماشة كويس صفقة شديدو لت الحسين وغباشي على الانجاز الاخير العوض ماشاء الله عليك مرتب وصبور ,, اكيد نتوقع انجاز عند القياس شكرا يا النصري لاهداء الصفحة دي لي ( بصفتي المشجعين) هلا هلا اسمارت ومحمد الحاج ... ماشاء الله نجاة كيب قونق مرحب المتسابق الجديد على تاج السر هيا الى العمل
سلام يا النصري... مبروك الرجوع للرياضة و إن شاء الله الزيادة دي في أسبع أسبوعين تتخلص منها. بالله كتر من الصور و خلينا نعيش معاك أجواء الإجازة و الذكريات. والله أنا محاول أضغط و كل مرة بطمن نفسي إنها كلها فترة مؤقتة لازم أستفيد منها و بذكر نفسي إني لو اتشجعت و بديت من أول أيام البوست كان هسع وصلت للوزن المناسب. شكرا يا القب النابض على التشجيع و بالجد البوست دا مساعد الواحد على الاستمرار. بالمناسبة الموقع الأنا بستعمله دا بنصح أي زول ممكن يوفر ليه عشرة دقايق في اليوم يسجل فيه لأنه ممكن يخليك تتابع أكلك بدقة: http://caloriecount.about.com
تقرير أمس الخميس 16/2: عدد الكالوريز الاتناولتها 1479 كالوري. الصافي فقدان 792 كالوري. مافي رياضة... والله ما عندي أي عذر بس كسل ساكت لكن ما في مشكلة إتخيل لو مرة مرة الواحد أخد راحة.
ده شنو يا ياسر ده؟ بقيت زى الزول الشكروه ...رقد...
يا زول مافى عذر... حتى لو يوم واحد... لانه العذر ممكن يتطور ليومين تلاتة ..اسبوع ..شهر.. انا مثلا.. اتعذرت بيومين بسبب البرد الشديد.... لقيت الحكاية لزيزة... اتعزرت تانى بالاجازة... وشوية شوية ..الشغلانة جرت لغاية ما تعدت الشهر..... اليوم الفطيتو امبارح لازم تعوضو اليوم (كنوع من العقاب) حتى لا تسول لك نفسك تكرار التجربة....
__________ امبارح بعد الرجوع للرياضة بعد غيبة طويلة ..جيت البيت وقعدت فى الكمبيوتر.. لمن جيت اقوم من الكرسى..لقيت روحى مجبص عديل.. والله العظيم صليت فى الكرسى... دى حالة دى..
----------------------
دى صور الحى الكنت نازل فيهو فى مدينة ساكن كاثرينز.. المنزل يبعد عن بحيرة اونتاريو حوالى 200 متر.... لكن للاسف اليوم داك كان فى عاصفة ثلجية (الوحيدة فى فترة اقامتى هناك لم تستمر العاصفة سوى ساعات قليلة)
دى صورة للطريق بين سانت كاثرينز ومدينة شلالات نياجارا (حوالى 15 دقيقة بالعربية) بين شلالات نياجارا الكندية وشلالات نياجارا الاميريكية كبرى قصير يعبر نهر نياجارا..
صباح الخير لوزرس.... اليوم الجمعة عندنا يوم عمل ناقص يعنى طلعنا بدرى من الشغل.. مشيت الجم حرقته 450 كالريز .... عندى مشكلة الضواقة مع العيال يعنى حتة بيتزا.... خمشة بابكورن..قطعتين جبس...وهكذا دواليك..عاوزه حد يدينى خبطة فى يدى البشيل بيها الخمشات دى ..... والله المشكلة دى قلتها للناس المتابعين معاى ونصحونى تو استوب ...
Post: #752 Title: Re: Sudaneseonline Biggest Loser Author: مريم بنت الحسين Date: 02-17-2012, 08:16 PM Parent: #751
الليلة قررت انفض الغبار واقوم على اليوجا... حسيت اني محتاجه أستعيد ليافتي خاصة اني طولته منها شديد.. وفعلا اتلبّسته واتظبطته وشغلت الفيديو بتاعي المفضّل بتاع واحده رهيبه جدا اسمها Sara Ivanhoe... الزوله دي رائعة لانها فيديوهات متدرّجة... بديت بي الفيديو بتاع المبتدئين.. ختيت لولو في الكرسي ومعاها كمية من اللعب... وبديت اتريض... بس انفتحت ليك فيني لولو.. كواريك وبكي وصريخ لما طارت لي الرياضة في راسي، وقفتها وقمته!
قبيل كنا معزومين غدا، وكان لزيز جداً.. لكن انا قدرته مسكته نفسي كويس خالص، الحمدلله... أول شي شربته كباية موية قبل الاكل مباشرة... وبعداك أخدت في صحني شوية ضلع وكممممممية من الخضار، طماطم وخيار وجزر وجرجير وخس... وملعقة رجلة وملعقاين سلطة اسود وأخدته لقمة بتاعت كسرة بي ملاح سلج....
بكره حأوزن.. والله يستر.. لاني اتحدث إليكم الان وفي يدي كباية بتاعت مديدة حلبه محلوله في حليب...
على سيرة اليوجا... حأقوم أعرض ليكم كل يوم واحده من الposes البعملها.. في الفيديو بتاع المبتدئين، Sara عندها 12 pose، بيتعملوا سوا.. الزول البادي يادوب قد يحسهم صعبين، لكن بعد فترة من الممارسة بقدر يعملهم بسهولة وبكون مستعد للمرحلة البعدها... أول حاجه حنتكلم عنها هي الCat pose... قبل ما أوريكم ليها، ضروري جداً في اليوجا اننا نهتم بالتنفّس... يعني واحنا بعمل في الحركات بتاعتنا لازم نخلي في تناغم ما بين الحركة والتنفّس.. وده البميّز اليوجا عن غيرها من الرياضات... التركيز في انه كل حركة بتشغّل ياتو من العضلات في الجسم ووالاهتمام بتوصيل الاوكسجين للعضلات دي عشان تقدر تعمل الحركة بأفضل صورة... اليوجا ما لزول مستعجل او زول بتاع تنافس... يعني حاول كل يوم تتحدى نفسك شويه، لكن ما تضغط على روحك (النصري اليوجا ما بتنفع معاك نهائي!)...
نبدا بي الCat pose....
لو عايزين تمارسوا يوجا، اتأكدوا انكم ما ماكلين قريب.... ولابسين لبس مريح ما ضيّق... وما واسع... الهدوء اهم شي... وخليكم حفيانين....
الحركات البختها دي لي ناس باديين يادووووب، لكن اليوجا من الرياضات المفيدة جداً... وانا كنت بمارسها بصورة مستمره... وكان أثرها بظهر سريع فيني.. لانها بتقوي العضلات وبتشدها...
Quote: لاني اتحدث إليكم الان وفي يدي كباية بتاعت مديدة حلبه محلوله في حليب
y غايتو المديدة دى بكون فيها زى 800 كالرويز... انا حرقت 400 كالرويز امبارح..حسى جسمى كلو بنتح......
اليوغا دى ما تنفع معاى خالص يامريم.. دايرة زول باله طويل سلبة...
------------------ العمارة دى كنا بنسميها عمارة المجانين لانو احد سكانها هجم على احد السودانيين بسكين ولم يكن بينهم اى عرفة سابقة... الحمدلله لم يصب باذى ....
Post: #754 Title: Re: Sudaneseonline Biggest Loser Author: EBTIHAL OSMAN Date: 02-18-2012, 03:15 AM Parent: #753
Quote: لحركات البختها دي لي ناس باديين يادووووب، لكن اليوجا
والله وقعت لى فى جرح ...مبالغه ورهيبه عديل كدا
النصرى ... حمدا لله على السلامه وان شاء الله تكون استمتعت
الراجل هاجم الراجل بالسكين مالوا
رسل لى عنوانا عشان الواحد مايدخل بشارعا
Post: #755 Title: Re: Sudaneseonline Biggest Loser Author: مريم بنت الحسين Date: 02-18-2012, 07:54 AM Parent: #754
النصري... تقول شنو! يعني المديدة كانت مغرية.. انا قللت الكارثه بي إني زدتها حليب خالي الدسم واكلتها من غير سكر... يازول الواحد لازم يمرق نفسه من الحاجات .. عشان ناس البيت ما يخنقوا بيها ههههههههههه
ابتهال... لو عندك رغبة شديدة في اليوجا، بنصحك بالزولة دي... Sara Ivanhoe ... عندها فيديو اسمها Yoga for Dummies... وبتكون من اثناشر pose اساسية في اليوجا بتختك في الدرب... وبتشرح ليك كل واحد يتعمل كيف ومفيد لشنو واحسن طريقة تعمله.. وبتوريك طرق اسهل لعمله لو انت ما ناقش شي... انا اتعلمته معاها.. وبعداك جبته الفيديو البعده حقها...
الposes القاعده اختهم هنا ديل بالترتيب بتاع الفيديو بتاعها...
الpose التانية الليلة اسمها الmountain pose... الحركة دي شكلها ساهله، لكن محتاجه تركيز في كل عضلة عشان نسوّيها... الحركة دي مهمة لأنها اساس لحركات تانية كتيرة زي ما حتلاحظوا في الحلقات القادمة....
mountain pose
الزولة دي شرحها ما زي حق سارة.. لكن انا بحاول اوضّح الكلام شوية... الوقفة دي ما وقفة عادية.. الواحد محتاج يتأكد انه كرعين مفتوحين بنفس عرض الأكتاف... بعداك نشد عضلات الكرعين كلها من اولها لحدي آخرها.... الجزء السفلي من البطن نشدّه لي فوق... نحاول بقدر الإمكان نكون straight... واحنا بنتنفّس....
العوض، معليش نسيت أعلّق ليك على ناس د.الطيب النعيم، وكوثر واولادهم... طبعا هم اخوانا جمهوريين... وسندنا في الغربة دي... ما بمر اسبوع ما بنشوفهم.. ياجونا يا مشينا ليهم... وانا بعتبره ابوي في البلد دي، رغم انه ما كبير كده.... حأكلمه والله عنّك... وسبحان الله، الدنيا ضيقة...
Post: #756 Title: Re: Sudaneseonline Biggest Loser Author: Nagat Sid Ahmed Elshiekh Date: 02-20-2012, 04:50 AM Parent: #755
سلام للأعزاء جميعا. حأرجع بعدين بتقاريري للأيام السابقة إن شاء الله.
Post: #758 Title: Re: Sudaneseonline Biggest Loser Author: النصرى أمين Date: 02-21-2012, 04:27 AM Parent: #757
السودان بدون وردى لن يكون ابدا السودان الذى نعرفه
ربنا يرحمه ويغفر اليه......
------------------------
نعود بعد توقف عدة ايام حدادا على فقيد الوطن ....
Post: #759 Title: Re: Sudaneseonline Biggest Loser Author: مريم بنت الحسين Date: 02-21-2012, 04:50 AM Parent: #757
والله يا اخوانا وردّي مسّخ علينا الحاجات كلها، ان شاء الله البركة فيكم وأحسن الله عزاءنا فيه... وربنا يرحمه بقدر ما قدّم في حياته العامرة من مشاعر جميلة ولحن مميز وكلمات احترمت عقولنا قبل قلوبنا... ألا رحم الله وردي وحشره في زمرة الصدّيقين والشهداء...
البرنامج مستمر، مافي جوطة حاصله، ومعاها رياضة بي الصباح، مستمره في اليوجا زي ما أنا، ما خليتها... وبعمل بينها تناوب مع الpilates، وممكن بعد أخلص الكلام عن اليوجا poses، ابدأ اوريكم الpilates دي عامله كيف، هي طبعا ما حاجه بتنقص الوزن، لكن بتشد العضلات كلها، وبالذات الجزء الاوسط من الجسم، أو زي ما بسموه، الcore muscles، بالتالي بتخلي الزول شكله كويس.. بالذات الزول البحاول ينقّص وزنه.. والpilates من الرياضات العملتها أوبرا عشان تطلع من سمنتها الشهيرة... وتبقى كده
نواصل في ال daily dozen بتاعت اليوجا، الpose التالت هو االtree pose، وهي واحده من الحركات الخاصة بالتوازن في اليوجا، وهي حركة قد تبدو صعبة، لكن بقليل من الممارسة بتبقى ساهلة
انا طبعا نزلت الشغل، ومحاضراتي كلها بالعصر، عشان كده يومي كله بكون مزحوم، الصباح بكون ماسكه البيت، بي العصر بطلع المسا بكون هلكاااانه، عشان كده ممكن اختفي يوم يومين... محاضراتي ما يومية، الاحد والاتنين والتلاتاء والخميس، باقي الايام بكون ، الخميس دوامه صباحي، عشان كده ما مزعج.. بس مراقبة أكلي وبعمل في الرياضة ومنتظمة فيها...
سلامات رحم الله الأستاذ وردي و رحم جميع موتانا... الأيامات دي أخبار الوفيات تتزاحم في المنبر نسأل الله طول العمر مع حسن العمل للجميع. كويس يا مريم إنك مواصلة... ما فكرت في اليوجا كخيار لكن أعتقد ممكن تكون مناسبة بعد ما الواحد يتخلص من الوزن الزايد و تبقى واحدة من الأساليب للمحافظة. وعدت بالعودة أمس لكن لم أتمكن هنا تقريري عن الأيام السابقة:
تقرير الجمعة 17/2: عدد الكالوريز الاتناولتها 1390 كالوري. رياضة حوالي 90 دقيقة حرقت 1070 كالوري. الصافي فقدان 1808 كالوري.
تقرير السبت 18/2: عدد الكالوريز الاتناولتها 1465 كالوري. رياضة حوالي 50 دقيقة حرقت 600 كالوري. الصافي فقدان 1326 كالوري.
تقرير الأحد 19/2: عدد الكالوريز الاتناولتها 1926 كالوري. رياضة حوالي 40 دقيقة حرقت 500 كالوري. الصافي فقدان 781 كالوري.
تقرير أمس الاتنين 20/2: عدد الكالوريز الاتناولتها 1369 كالوري. رياضة حوالي 85 دقيقة حرقت 1000 كالوري. الصافي فقدان 1767 كالوري.
طبعا يا النصري عاقبت نفسي بإني زدت الجرعة. لكن أنا محاول بقدر الإمكان إنه إذا في يوم حصل فيه لخبطة في الأكل ولا فطيت الرياضة ما أخلي الحكاية دي تأثر علي. الحمد لله من ما بديت التجاوز الكبير في الأكل كان في عشرة يوم بس و المتوسط بتاعي خلال الفترة كلها حوالي 1525 كالوري في اليوم. و فطيت الرياضة ستة مرات بس.
Quote: عدد الكالوريز الاتناولتها 1390 كالوري. رياضة حوالي 90 دقيقة حرقت 1070 كالوري. الصافي فقدان 1808 كالوري.
التلات سطور ديل يا ياسر الناس ما حتقدر تقدرهم الا اذا عاشو بنفسهم التجربة... بالنسبة للكثيرين هى فقط ارقام ... الحقيقة انها ارقام صعب تحقيقها وتحتاج لارادة حديدية و تصميم (وهضربة احيانا)
طوال فترة وجودى فى البوست ده لم احقق الارقام 90 دقيقة رياضة..بالكتير 45 دقيقة ... اما الكاليريز فالحد الاقصى الوصلته كان فى حدود 600 كالاريز
بالجد كدة انا impressed بالاداء بتاعك واظنك حتحقق هدفك من اول شهر ....
بالنسبة لى 3 يوم اجازة من الشغل بسبب عطلة يوم الاسرة ..لم اخرج من البيت الا مرتين ..المرة الاولى لاشترى سمك زينة لولدى( عذاب الله اكبر فى السمك ده.. اكله ونضافته..الاكسجين ..مااعرفش ايه... زهجنى وكرهنى البيت زاتو)
المرقة التانية كانت للمشاركة فى احتفال المولد النبوى الشريف تحت رعاية عدد من افراد الجالية ..كان يوم جميل وهى اول مشاركة لى فى عمل اجتماعى عام منذ شهور طويلة ..... حى قيوم حى قيوم حى قيوم حى قيوم
النوبة والطار والذكر ..للاسف ما اقدر انزل صور .....
Quote: .المرة الاولى لاشترى سمك زينة لولدى( عذاب الله اكبر فى السمك ده.. اكله ونضافته..الاكسجين ..مااعرفش ايه... زهجنى وكرهنى البيت زاتو)
سلام يا النصري وقعت في المقلب دا؟ قبل زي تلاتة سنين علي و فاطمة أصروا قالوا دايرين سمك زينة مشينا اشترينا لينا حوض صغير و سمكتين و طبعا أصحابك بس يومين تلاتة و نسوا الموضوع و بقيت أنا في أكل السمك و غسل الحوض و غير الموية قلت ليهم والله بالطريقة دي بقى عندي أربعة أطفال مش اتنين. بعد فترة بسيطة ماتت واحدة و التانية عمرت أظن أكتر من سنة و نص يوم الصباح لقيتها ميتة حمدت الله و رميتها و لميت الحوض و ما كلمتهم ذاته... صدق ولا انتبهوا لغيابها. عفيناك من صور المولد في انتظار باقي صور و ذكريات الإجازة. شكرا للتشجيع يا النصري و طبعا إذا في شكر فهو لك على ابتدار البوست و توفير الجو المشجع دا. موضوع إنقاص الوزن دا محتاج مجموعة دعم (Support group) و البوست دا نجح في توفيرها بصورة ممتازة. بالجد مرات أثناء الرياضة الواحد يقرب يقيف و يقوم يتذكركم و يشعر إنه زي البخذلكم و يتشجع يواصل.
ازيكم يا شباب؟؟؟؟ كيفكم؟ مريوم، شكرًا على المعلومات المفيدة. اليوقا فعلا مفيدة جداً. يا ريت لو كان عندى صبر عشان استفيد منها. العوض، ما شاء الله و عيني بارده. انا بغراااانه عديل كده.
Post: #764 Title: Re: Sudaneseonline Biggest Loser Author: القلب النابض Date: 02-22-2012, 01:11 AM Parent: #763
سلام يا عالم والبركة فينا وفيكم في استاذنا وردي وربنا يتقبلوا وينزلو منزل الصديقين والشهداء يارب ..
ماشاء الله يا العوض ماش كويس ..
نسيت اعلق ليك على صور نياجرا فولز الجميلة با النصري ... وانا غير محظوطة لم اتمكن من زيارنها المرتين الجيت فيها كندا كل مرة البرنامج يبوظ بي حجة ... الله في المرة الجاية ان شاء الله ..
مع تحيات فريق التشجيع.. لكل الفريق ..
Post: #765 Title: Re: Sudaneseonline Biggest Loser Author: Nagat Sid Ahmed Elshiekh Date: 02-22-2012, 02:09 AM Parent: #764
Quote: المرقة التانية كانت للمشاركة فى احتفال المولد النبوى الشريف تحت رعاية عدد من افراد الجالية ..كان يوم جميل وهى اول مشاركة لى فى عمل اجتماعى عام منذ شهور طويلة .....
اهم شي أكلته حلاوة المولد ولا لا؟؟؟؟؟ العوض والله تبغر عدييل كدا ..... مشيت الجم الليلة لمدة ساعة وحرقته 550 كالريز ... دا بعد تلاتة يوم اوف..
Post: #766 Title: Re: Sudaneseonline Biggest Loser Author: النصرى أمين Date: 02-22-2012, 04:52 AM Parent: #765
انتهيت من الشغل الساعة 8 مساء (قبل حوالى ساعة و45 دقيقة) وجرى على الجيم ...غيرت ملابسى بسرعة وطلعت فى المكنة الساعة بقت 8:15 بديت اجرى ...اتزكرت الميز بتاع السمك ....المحل بقفل الساعة 9 مساء المسافة بين الشغل ومحل بيع معدات السمك حوالى 10 الى 15 دقائق.. اضطريت اختصر زمن الرياضة الى 20 دقيقة حرقت فيهم حوالى 300 كالريز وجريت فيهو حوالى ميل ونص .....
الحمدلله حصلت المحل قبلما يقفل بدقائق ... اشتريت اكل السمك ... اول ما دخلت البيت مشيت على حوض السمك ...كبيت ليهم شوية اكل فى الحوض.. الظاهر السمكتين كانو مهوات من الجوع ....اتخاتفو الاكل فى ثوان...
اها السمك اكل .. انا اكل شنو؟
-----------------
شلالات نياجرا جميلة جدا يا قلب نابض فى الصيف.. فى الشتاء هى شبه مهجورة ...عشان كده الفنادق فاضية ورخيصة.... فى راى الخاص ..الزيارة فى الشتاء لا تقل عن الصيف فالشلالات هى الشلالات
سلام للجميع مرحب بيك يا سمارت و ربنا إن شاء الله يسهل ليك أمورك كلها و يديك الصحة و العافية و راحة البال. سلام يا قلب و المرة الجاية لمن تجي كندا إن شاء الله لازماك زيارة نياجرا و كمان البراري بالذات ساسكاتشوان (أرض السماوات الحية). ما شاء الله يا نجاة واصلي و الخمسمية و خمسين كالوريز دي براها من غير دايت أكتر من سبعين جرام يعني لو بالدايت أكلتي أقل من احتياجك بنفس الكمية براحة ممكن تنقصي ليك رطلين في الأسبوع. مبروك على مواصلة الرياضة يا النصري. قبل ما تسافر بتذكر قلت اتفقت مع يونس شلبي على شرا التريدميل بتاعته... عملت شنو؟ بالمناسبة بتذكر مرة قلت يونس شلبي قال ليك إنه النقصان في البداية ساهل لأنك بتنقص موية و الناس هنا غالطوك و قالوا ليك الكلام دا ما صاح. تصدق لقيت في تفسير علمي لكلامه بس هو قاله بطريقة مبسطة. بحاول في مداخلة تانية أرجع ليه بالتفصيل إن شاء الله. السمك دا في النهاية حيبقى في راسك براك... أسأل مجرب.
تقرير الأمس الثلاثاء 21/2: عدد الكالوريز الاتناولتها 1649 كالوري. رياضة حوالي ساعة حرقت 700 كالوري. الصافي فقدان 1226 كالوري. الأكل الزيادة سببه إنه الجماعة في الشغل قالوا طالعين قهوة طلعت معاهم و أنا ما بشرب قهوة. زمان كنت لما أطلع بشرب لبن بالشوكلاتة (زي الأطفال) هسع بقيت بشرب شاي قلت أغير و اشتريت شوربة و ضربتها. لمن جيت دخلتها في اللوق بتاعي لقيت فيها أكتر من تلتمية كالوري قمت أبيت آكل الغدا و اكتفيت بشوية فواكه مقطعة. بالمسا جونا ناس و زوجتي عاملة لقيمات أكلت منها تلاتة قطع و الحكاية خربت.... بيني و بينكم خرخرت في حساب الكالوريز ختيت اللقيمات بتسعين كالوري لكن أظنها تكون أكتر من كدا.
غايتو بختك يا ياسر الشهر ده قصير..يعنى ممكن تشوف نتيجة العذاب ده فى اسبوع من الان ....
السمك بقى موضوع ... قبل يومين فى واحد من الشفع كب علبة اكل السمك كلها فى الحوض ..اها السمك بدا ياكل لمن قرب ينفقع... وبقى يحننى لمن يطلع للسطح ويمد بوزه لفوق زى الداير يتنفس .. جريت غيرت موية الحوض واشتريت علبة اكل جديدة.. دلوقت ينطط برشاقة ومعنوياته عالية جدا ...
------ صور الزيارة قناة ويلاند المصنوعة والتى تربط بين بحيرة اونتاريو وبحيرة ايرى (البحيرات العظمى) كما واضح من صورة قووقل ادناه ان نهر نياجرا يربط بين البحيرتين ولكن لسوء حظ السفن النهر يمر عبر اعظم الشلالات فى العالم ... لذلك تم بناء قناة ويلاند .... المشكلة عند بناء القناة ان بحيرة ايرى مرتفعة جدا وبحيرة اونتاريو منخفضة (حوالى 100 متر الفرق فى الارتفاع) لذلك تم بناء القناة على deck تدخل السفينة ثم يغلق ليملا بالماء فى حالة الاتجاه الى البحيرة العليا (ايرى) او تسحب منه المياه (فى حالة الشروع للبحيرة السفلى اونتاريو) مشاهدة هذه العملية ممتعة لدرجة كبيرة جدا .... هنا صورة قووقل
هنا صورة اخرى من قووقل لاحظ ارتفاع المياه خلف السفينة ( عالية جدا)
القناة تغلق فى الشتاء(فبرابر الى ابريل) نسبة لخطورة الابحار فى الثلوج
Post: #770 Title: Re: Sudaneseonline Biggest Loser Author: Nagat Sid Ahmed Elshiekh Date: 02-23-2012, 01:35 AM Parent: #769
Quote: ما شاء الله يا نجاة واصلي و الخمسمية و خمسين كالوريز دي براها من غير دايت أكتر من سبعين جرام يعني لو بالدايت أكلتي أقل من احتياجك بنفس الكمية براحة ممكن تنقصي ليك رطلين في الأسبوع.
سلام لوزرس واحد واحد...... العوض كلامك صحيح دا لو بطلنا الخرمحة.... ياخ اللقيمات دى بموت فيها... أكلتها قبل يومين ...4 قطع عديييل كدا
Post: #771 Title: Re: Sudaneseonline Biggest Loser Author: مريم بنت الحسين Date: 02-23-2012, 03:20 PM Parent: #770
ازيكم يا لوزرز...
نجاة، الله يعينك.. وتلقي نتائج حلوه ان شاء الله...
العوض، ما شاء الله تبارك الله
النصري، والله حاجه جميله بشكل.. اعتقد اهلي لما مشوا في واحده من مشياتهم زاروا سانت كاثرين... وشلالات نياجرا ... وفعلا استمتعوا جداً بيها...
بالنسبة للحركة الرابعة بتاعت اليوجا، اسمها standard forward bent
الحركة ما بالضرورة تتعمل زي ما هي بالتأكيد ، ممكن الزول شويه شويه يعوّد نفسه لحدي ما يبقى زي الزوله دي...
ماشه اعمل لي نص ساعة بتاعت pilates... انا عجبتني شديد الرياضة دي، اكتر من اليوجا، لكن قاعده اعملها هي يوم، واليوجا يوم...
امبارح اتريضت لليوم التانى على التوالى (لاول مرة منذ اسابيع عديدة)
نص ساعة كاملة حرقت فيهم 444 كالوريز وجريت حوالى 2.2 ميل.... ما كان فى معاناة شديدة زى اليوم الاول .....
موضوع الشاى اتحسم تماما .. اصبحت رسميا و بتوفيق من رب العالمين من شاربى الشاى بدون سكر.. اظن ده اكبر انجاز حققتو من بداية البوست .. كنت فى البداية بزازى ...مرة بال sweetnere ومرة سكر خفيف اليوم اعلنها على الملا و بكل فخر شاى بدون سكر هو خيارنا الاول .....
--------- صور الزيارة
شركة جنرال موتورز لصناعة السيارات كان لها فى منطقة سانت كاثرينز مصانع تهز وتلز,, يقال ان عدد العاملين يصل الى 15 الف عامل
لليوم الثالت على التوالى اتريضت امس الخميس لمدة 30 دقيقة حرقت 460 كالوريز وجريت حوالى 2 ميل وربع .......
لمن مشيت الشغل نص النهار لقيت الهيلمانة والادارة والناس ملمومة عرفت انها بداية الاحتفال بمرور 100 عام على تاسيس الهيئة... اها ..الطرابز مليانة كيك وقهوة... لمدة ثانية وربع فكرت اعمل نايم وتجنب الكيك الا ان الشيطان (ودناوة النفس) عملا معا على تغيير الخطة .... خطفت لى صحن سريع فيهو قطعة كيك مشابهة للصورة دى بالرغم من اننى لست من عشاق الكيك الا اننى استمتعت بالكيكة دى ايما استمتاع لعلها لذة عمل الجرائم....
اكلت الكيك وسقت باصى ومشيت ...فى الداونتاون لقيت مديرى المباشر منتظرنى... الليلة وووووب ...الليلة وووووووب ... الظاهر عملت لى مصيبة وحادفع التمن (غالبا مخالفة سرعة او اشارة مرور) الزول كان مبتسم .... قلت فى سرى سلامة... ادانى جواب شكر وتقدير وامتنان من الادارة على ادائئ فى 2011 وقلة ايام غيابى...
انبسطت شديد وقلت حقو الزول يرجع القراش ياكل ليهو كيكة تانية
Post: #775 Title: Re: Sudaneseonline Biggest Loser Author: مريم بنت الحسين Date: 02-24-2012, 08:37 PM Parent: #774
يا النصري مستعجلة شوية... لكن ده المنتج الاتكلمته عنه؟
Quote: عدد الكالوريز الاتناولتها 1491 كالوري. رياضة حوالي 65 دقيقة حرقت 800 كالوري. الصافي فقدان 1477 كالوري.
سلام لوزرز،، العوض أخوي والله طريقة معرفة عدد الكالوريز دى ما ظبطت معاي خالص..... يعنى الليلة اكلته فول بالطماطم والجبنة وزيت زيتون من غير عيش دى تعمل كم كالوريز؟؟؟؟؟ بالله اشرح لى كيف ؟؟؟ تسلم الشهر لسه ما كمل يا العوض ؟؟؟ والله الشمار كتلنا عشان نشوف خسرته كم رطل ونقوم نتبع نظامك دا.... مريومة والنصر بالله مصدقين الملح دا ينقص كل الارطال دى وتاكل اى شي .... كان كدا ح أشترى لى علبة وأرشها فى صحن لقيمات وانقص رطلين ههههه.... النصري الكيكة شكلها مغري وانا لو فى مكانك كان شلته اتنين بيضة وبنية ههههههه.
سلام يا نجاة لحساب الكالوريز أنا قاعد أعتمد على الموقع دا: http://caloriecount.about.com محتاجة تسجلي فيه و بعد داك ممكن تعملي بحث لنوع الأكل المقصود. معظم الحاجات العادية و التجارية بتلقيها فيه بسهولة في حاجات محتاجة شوية اجتهاد. الكويس فيه إنك بتبدي تكتبي الكلمة و هو بتمها ليك و بعدين في النتايج بديك حاجات مختلفة تختاري منها يعني مثلا تكتبي (Chicken breast) هو بديك خيار إنها مثلا روستد ولا محمرة و كدا. طيب إذا جينا للوجبة القلتيها الفيها فول و جبنة و طماطم و زيت نفرض انه الوجبة مكونة من نص علبة فول ماركة زياد و طماطماية متوسطة و جبنة ما يعادل تلاتة قطع جبنة الواحدة بحجم بوصة مكعبة و ملعقة زيت زيتون. الصور دي بتوري الخطوات: دي نتايج البحث عن الفول (Fava Bean):
هنا اخترنا ماركة زياد (دي في كندا ما عندنا) و اخترنا الكمية نص كباية و بوريك إنه نص الكباية فيها120 كالوري:
بعد داك جينا للطماطم و دي نتايج البحث:
اخترنا طماطم نية و حجم متوسط:
بعداك نعمل بحث على الجبنة و نعتبرها فيتا:
و نختار النوع و الكمية:
بعدها نبحث عن زيت الزيتون:
و نحدد النوع والكمية:
يعني الوجبة كلها فيها زي 310 كالوري. طبعا في كل مرة الواحد بضغط على (Add to Log) بعد يختار الوجبة و تكرري الكلام دا لكل وجبة في النهاية بديك مجموع اليوم و ممكن لو ضغطي على (Analysis) بديك تحليل لليوم و الشي الناقص شنو في مكونات غذائك. دا نموذج للوق بتاعي لليلة... لاحظي إنه من حظي حتى المصقعة لقيتها في قاعدة البيانات حقتهم:
معليش المداخلة طالت لكن في مداخلة جاية حأشرح طرق تانية لمعرفة محتويات الأكل البناكله من ناحية سعرات حرارية إن شاء الله.
Post: #779 Title: Re: Sudaneseonline Biggest Loser Author: النصرى أمين Date: 02-25-2012, 04:41 AM Parent: #777
الحمدلله والشكر لله اتمرنت لليوم الرابع على التوالى لمدة نصف ساعة حرقت 425 كالوريز وجريت 2.15 ميل ... وبكدة نقرض على الاسبوع وناخد يومين اجازة ..ان شاء الله نرجع للرياضة يوم الاثنين...
يا نجاة الملح ده بقفل النفس وبخلى الزول ياكل اقل.. انا مثلا ممكن اقوم ببزا كاملة براى (medium) .....
لو رشيت فيها الملح ده احتمال اكتفى بتلات قطع بدلا ستة....
انا ما جربته ..اهتمامى بيهو جاى من حتة ال business بس.....
ما شاء الله يا النصري نحييك على العودة للروتين بتاعك بسرعة. ما كلمتنا ياخي يونس شلبي أخباره شنو؟ عندي سؤال برة الموضوع فوق كتبت شنو و ظهر بدلها (إنسان رخيص). لاحظت كم مرة في مداخلات بتظهر العبارة دي... الظاهر بكري عنده كود شغال غلط.
يا جماعة عندي مشكلة داير رأيكم فيها. في الفترة الأولى كانت كمية الأكل الباكلها و فيها حوالي 1500 كالوريز دي كفاية بالنسبة لي. هسع لي كم يوم كدا بعد العشا بكون جيعان و بنوم جيعان ما عارف الحاصل شنو. أول افتكرتها حاجة كدا و تمشي لكن مستمرة ليها كم يوم.
ازيكم يا لوزرس؟؟؟ مبروك يا النصري العوده للروتين بعد الاجازة....
العوض...شكله جمسك قرر انه الموضوع ده صعب عليه...و عاوز يخدعك عشان تاكل اكتر. دى قالوا انزيمات (او هرمونات) بتتفرز من الدماغ عشان تخليك تحس بالجوع. حاول فى العشاء اكل بروتين اكتر. و لو بتاكل عيش اكله عيش اسمر. و السبب ان البروتين و الكاروهايترتات المعقدة بتقعد فى المعدة اكتر و بتديك شعور بالشبع مدة اطول. او ممكن لما تحس بالجوع تاكل ليك صحن جزر او خيار.
سلام يا جماعة. شكرا يا سمارت و النصري على النصايح و المعلومات. غايته جسمي لو داير يغشني أنا مثلت ليه إني اتغشيت و يوم السبت أكلت أكتر من ألفين كالوريز. اليومين الفاتوا كانو حافلات بالأحداث. أول حاجة زي ما قلت يوم السبت مشينا مطعم بوفيه و تناسيت موضوع الدايت لكن بحذر و عملت خطة كويسة جدا أول مليت صحن كامل سلطة و الصحن التاني نوعت فيه لكن ركزت على البروتينات. عموما في صباح السبت كنت شاعر بإني ما عادي زي راسي لافي شوية... يعني ما حاجة جادة لكن إحساس ما طبيعي قمت مشيت فحصت الضغط لقيته منخفض شديد يعني زي كم و تسعين على كم و خمسين و أصلا كنت داير لي سبب فقررت ما أتريض في اليوم داك بنية إني أكبر جرعة الرياضة في اليوم البعده. الدكتورة بتاعتي مؤجزة فشاورت لي دكاترة سودانيين قالوا لي ممكن توقف حبوب الضغط و تراقبه لأنه ممكن يكون حصل كنترول ليه بالرياضة و تخفيف الوزن. يوم الأحد اتعشينا مع جماعة أصحابنا و برضه ضربت تمام لأنه كان في كسرة غايته خرخرت شوية في دخيل معلومات الأكل في اللوق :) لأنه ما قدرت أقدر بالضبط كمية الكسرة الأكلتها عشان كدا النتيجة ما كانت كعبة شديد لكن الحاجة الكويسة القدرت أعملها إني إتريضت مرتين و حرقت حوالي ألف و سبعمية كالوريز (ما شاء الله ما أسحر روحي). حأمشي بعد شوية أقيس الضغط بعد توقف يومين من الحبوب و أشوف الحاصل شنو و أرجع ليكم بتقارير الأيام الفاتت. بالمناسبة يا النصري العاصفة دي ضربتنا برضه و السبت و الأحد كلهم الجليد نازل و هوا و كتاحة شديدة إن شاء الله تكون آخر عاصفة في الشتا دا.
Post: #787 Title: Re: Sudaneseonline Biggest Loser Author: مريم بنت الحسين Date: 02-27-2012, 06:59 PM Parent: #786
اللوزرز ازيكم والله ايام الشغل دي انا بكون تعبانه وطافية عشان كده ما بقدر اكتب زي ما عايزه... وبكون بتجارى اليوم كله...
بكره اخر يوم شغل، الحمدلله برنامج شغلي اتغير.. بقت عندي محاضرات احد واتنين وتلاتاء... يوم السبت عندي محاضرة، لكن بعملها من البيت..
حسي بكتب بي ربع عين.. بجيكم بالمهلة...
لكن الامور ماشه تمام .. في ثبات في الوزن، الحاجه دي غايظاني بشكل.. لكن انا بعد ده لازم ابدا رياضة فيها cardio.. عشان اقدر اواصل نقصان.... ما عندي اي فكرة حأدخل الحاجة دي في برنامجي كيف، غايته ممكن يوم الاربعاء والسبت... خليها تكون يومين في الاسبوع كبداية، بعداك نشوف الببقى...
سلام يا مريم و شكرا على السؤال... الحمد لله قست الضغط قبل شوية و لسع طبيعي. لو ربنا سهل و قدرت واصلت من غير حبوب دا حيكون إنجاز كبير. لله الحمد أولا و أخيرا ثم كل الشكر لكم جميعا و للنصري على هذا البوست و توفير الدعم. في انتظار فيلمك الهندي يا النصري. إن شاء الله تكون قابلت يونس شلبي. و مبروك الرطل و نص... رطل و نص في خمسة أيام دي حاجة ما ساهلة والله.
تقرير يوم الجمعة 24/2: عدد الكالوريز الاتناولتها 1594 كالوري. رياضة حوالي 80 دقيقة حرقت 1000 كالوري. الصافي فقدان 1550 كالوري.
تقرير يوم السبت 25/2: عدد الكالوريز الاتناولتها 2059 كالوري. مافي رياضة. الصافي فقدان 212 كالوري فقط.
تقرير يوم الأحد 26/2: عدد الكالوريز الاتناولتها 1654 كالوري. اتريضت مرتين: الصباح حوالي 75 دقيقة حرقت 900 كالوري. المسا حوالي 68 دقيقة حرقت 800 كالوري. الصافي فقدان 2091 كالوري.
تقرير يوم الاتنين 27/2: عدد الكالوريز الاتناولتها 1531 كالوري. رياضة حوالي 65 دقيقة حرقت 800 كالوري. الصافي فقدان 1437 كالوري.
بكره الوزن،،،،،، بكره الوزن. بختك يا العوض و ما شاء الله. كيف الضغط؟ ان شاء الله تمام. تعرف ان لما يكون ضغطى مرتفع بيكون كم وثمانيين على كم و ستين. و الغريبة ما عندى انخفاض ضغط. ان بس طبيعتى كده. النصري، مسقط راسك ظريف و الله. انا مسقط راسي في بلاد الفرنجة دى فى راس جبل. الله رحمنى بعد سنتين و رحلنا
و الله يا ناس كندا نفسي من زمان امشي فانكوفر، قالوا الاكل خرااااافي.
مريوم، كيف الرياضة مع الشغل؟ ربنا يعينك.
غباشي و نجاة و ابتهال و امير و محمد الحاج و على، شنو ؟؟؟
Post: #794 Title: Re: Sudaneseonline Biggest Loser Author: مريم بنت الحسين Date: 02-29-2012, 08:58 PM Parent: #793
والله بختك يا العوض... متشوقه اعرف الوزن مشى كيف...
سمارت.. اسكتي ساي يختي... انا لابده كده .. خجلانه منكم.. والله طبعا بعد ما انتظمته في اليوجا والبلاتيز... قممممته كده ضربته يدّي اليمين ضربه قاضية بي الباب... في الكوع... وحاتكم اليوجا وقفت والبلاتيز وقفت... وشغاله بالحبوب بس... اها لا في رياضة لا يحزنون.. غايته الحاجه الكويسه انه الليلة جاتني كيكة رهييييييييييييبه بتاعت جزر بالمكسرات (ايوه والله حاجه كويسه انتظروا)... اها قمت بعد ما نفسي هفّت واخدته قطعه كبيييييييييرة... قمت قلت يا بت أوعك.. وقسمته منها ربع الشريحة... واكلته... غايته محاوله احافظ في الاكل... لكن رياضة ماكو... عاد اعمل شنو .. والله حاسه بي عواره شديده، كل يومين إصابة ملاعب! الله كريم بس....
الجو بتاعنا اتصلّح.. وبكره ناويه اشوف treadmill ... حأحاول كم محاولة لو نجحت حأنتظم فيها مشي كل ما اقدر، لمدة نص ساعة... لو ما اتصلّحت ما بعرف حأعمل شنو :(...
يوم التلاتاء (اول امس) مشيت على الجيم لقيت دنزل واشنطن..لو ما متزكرنو .. انا حكيت عنو فى الصفحة السادسة او الخامسة.. الزول ده من سيراليون وهو فى التاسعة والخمسون من عمره...مشكلته بتكلم الانجليزية وكانه يتحدث لغته المحلية عشان كده من الصعب فهم كل ما يقوله..كمثال حكى لى انه حصل على الحزام الاسود وعمل التدريس فى الجيش ..اها انا فهمت الجيش دى Army على انها Miami المدينة الامريكية لان النطق واحد للكلمتين .... اها لمن دخلت الجيم ..بدينا نتونس ...قمت سالته عن وزنه ...قال لى 220 رطل..قلت ليهو الظاهر عليها كلها عضلات مش جلافيط زينا ...ضحك . سالته اذا عامل ريجيم ..اجاب بالنفى لكنه يراقب اكله ويبلع فيتامينات بصورة يومية... اها للشلاقة بتاعتى سالته ببراءة فيتامينيات شنو.. الزول صوته عريض جدا وعالى خالص ...بدا يقول لى معقول ما بتاخد فيتامينات ...مرة تانية وبهالة شديدة قلت ليهو انا ما ببلع اى حبوب وكيماويات ...الزول طلع من طوره وكورك نادى جماعة شغالين فى الغرفة المجاورة وعملونى ضحكة ... انا شعرت بانى مكانتى الادبية اتهزت ..قلت ليهم انا بحصل على كل الفيتامينات من الاكل.. دنزل قال لى تضمن كيف ما يكون فى gap هنا او هناك .... المهم بعد المهزلة ديك جريت على الصيدلية واشتريت 100 حبة فيتامينات multi vitamin والدعاية على الصندوق تقول from A to zinc بمعنى ان كل الفيتامينات موجودة بدا من فيتامين A الى الزنك .... نواصل
Quote: غباشي و نجاة و ابتهال و امير و محمد الحاج و على، شنو ؟؟؟
Salam losers and thanks Smart Sorry to write in English, I only have an English keyboard at the moment. I am still a live, however, a bit struggling with study. My diet and training programs are going well. I haven't weight in last week, nevertheless, I am good and noticeably losing weight to carry on the city challenge. Furthermore,I am fully busy with my current study task, almost working 13 hours daily to overcome this struggle as well as building up my dissertation. So please make supplication for me and I will be back soon to report you my progress. Congrats Elnasry for the 1.5 lb, keep up the good work Elawad, thanks a lot for the amazing website, I have registered on it, and it helps me to monitor my daily intakes and maintain my program stability during busy times. I like the analysis report because it reveals many facts about my current nutrition and comes up with invaluable advices that make me more enthusiastic to go for it. Awaiting for your weight in result . Mariam, long time wallahi, hope all is going well with you Greetings to the rest of the losers, Nagat, Ebtihal, Amir, Wd Elhaj ..... and others , please show up and let's know your updates
كر علي يا مريم. دي عين منو؟؟ شنو الحكاية ؟ اعملي حسابك يا فردة. علي العموم كفارة، و ابدي بس براحة براحة. ربنا يعينك.
النصري، الجماعة برمجوا بيك؟ ما تتخلع ساي. في مدرسين في الموضوع ده. مدرسة بتقول ناخد فايتمبنات عشان نغتي القاب في الغذاء بتاعتنا و مدرسة بتقول ناكل كويس و اكل منوع. انا شخصيا كنت بأخد بانتظام خاصة في فترات الحمل و الرجيم. الغريبة قبل كم يوم في التلفزيون في ضيف في برنامج كده قال ما في داعي الفايتمينات. بحاول افتش ليك اللقاء غباشي، ربنا يوفقك يا ولدنا. شد حيلك و ربنا معاك. ايام الكتابة في البحوث دي أصعب ايام. لما توزن ورينا الحاصل.
سلامات يا جماعة والله يا سمارت خلاص الشهر جا و وقت الوزن جا. مشيت قبل شوية فحصت و الحمد لله الضغط ماشي تمام. غريبة حكاية ضغطك يكون منخفض كدا و طبيعي... سبحان الله مهما الناس عملوا دراسات و بحوث لكن الجسم البشري دا في النهاية حاجة كدا ما عندها قوانين. فانكوفر فعلا تستحق الزيارة أنا لغاية هسع ما زرتها لكن النية في إن شاء الله لو ربنا سهل السنة الجاية. السنة دي ما أظن في طريقة في نية قوية لزيارة السودان بإذن الله. كفارة يا مريم و أجر و عافية إن شاء الله. إن شاء الله التريدميل تتصلح مفيدة جدا في البيت والله. يا النصري قلت لي الجماعة عملوك موضوع! موضوع الفايتامينات دا فعلا محيرني. طبعا أحسن حاجة الواحد ياخدها من مصادر طبيعية لكن هسع أنا تحليل الأكل بتاعي في الكالوري كاونت وضح لي جدا إنه أنا عندي نقص في تناول الكالسيوم و البوتاسيوم و الفايبر و محتار أحل المشكلة دي كيف هل أتوكل و أبدا أستعمل فايتامين للكالسيوم و البوتاسيوم ولا أحاول أشوف حل تاني. ربنا يعينك إن شاء الله يا غباشي و يوفقك في الدراسة و في المسابقة كمان. بالله شفت الويبسايت دا مفيد كيف؟ فعلا موضوع التحليل دا ممتاز خصوصا إنه ممكن يحلل ليك اليوم و الأسبوع و الشهر. مرات الواحد ممكن يكون عنده نقص أو زيادة في حاجة معينة لفترة يوم يومين لكن لما تلقى تحليل الشهر بتعرف انك مفروض تاخد خطوات. العفو يا نجاة و لو ربنا سهل لما أفضى حأكتب ليك مواقع تانية ممكن تحسبي الكالوريز حتى للوجبات البتعمليها في البيت بإنك تدخلي مكونات الوجبة و الكميات الاستعملتيها بعد داك تقدري أكلتي كم من الطبخة و تحسبي الكالوريز الاتناولتيها.
قبل ما أقول الوزن أديكم تقرير اليومين الفاتوا: تقرير يوم التلاتا 28/2: عدد الكالوريز الاتناولتها 1464 كالوري. رياضة حوالي 60 دقيقة حرقت 700 كالوري. الصافي فقدان 1411 كالوري.
تقرير يوم الأربعاء 29/2: عدد الكالوريز الاتناولتها 1524 كالوري. رياضة حوالي 60 دقيقة حرقت 750 كالوري. الصافي فقدان 1401 كالوري.
بالنسبة لمتوسط الشهر الفات كان تناولي اليومي 1532 كالوري و معدل الفقدان اليومي 1316 كالوري. مكونات الغذا بتاعتي كويسة ما عدا في الصوديوم عالي جدا يعني قريب تلاتة أضعاف الحاجة المفروض أستخدمها لكن عندي تحفظ على النتيجة دي لأنه لما أدخل الشوربة مثلا الموقع بعتبر طوالي إنه فيها كمية كذا من الملح و أنا معظم أكلي في البيت يعني أكتر من تسعين في المية أكل مطبوخ في البيت و استعمالنا للملح ممكن أقول معقول. برضه استهلاكي للكالسيوم و البوتاسيوم محتاج زيادة. الكالسيوم مقلقني أكتر لأنه مع الرياضة لازم أوفر كمية معقولة عشان الجسم ما يبدا يستهلك الكالسيوم المخزن في العظام.
نجي للوزن الحمد لله وزنت اليوم و النتيجة إني كسرت حاجز الميتين رطل. لقيت وزني حوالي 199 رطل. بصراحة كنت مؤمل في 195-196 لكن برضه أعتقد ما بطال. و بكدا يكون النقصان من البداية 21 رطل و أنا بديت لي بالضبط تمنية أسابيع يعني معدل النقصان بتاعي 2.6 رطل في الأسبوع. و لما أحسبها بالنسبة المئوية من وزني حتكون 1.19% في الأسبوع و النقصان خلال الفترة كلها 10.4% من وزني. و ربنا يسهل الواحد يتم الشهرين الباقين ليه بعون الله.
معليش يا النصري الظاهر إنت نزلت مداخلتك أثناء ما أنا بجهز في مداخلتي. مشكلتي شغال بلوحة مفاتيح فيرشوال فبقوم بفتح الرد و أكتب الكلام و أجي أعمل ليه كوبي و بيست و المشكلة التانية إنها بتحول الأرقام لحروف فبضطر أخلي محل الأرقام فاضي و بعد ما ألصق الكلام أجي أفتش محلات الأرقام و أكتبها و الحكاية بتاخد زمن شوية.
الف الف مبروك يا العوض. إنجاز و الله. و الله يا جماعة العوض ده ( و غباشي برضو) بقي ما بتلحق. أعملوا حسابكم يا ناس إصابات الملاعب و المطاعم الصينية ^_^. انا برضو ماشه السودان السنة دى. بس بمشي نهاية السنة. ان شاء الله.
النصري، شفت الفيديو؟؟؟؟؟ لازم تشوفوا يا اخي
مريوم، كيف يدك؟ ان شاء الله احسن.
امس عرفت ان مديري في الشغل اترفد. كان راجل ظريف و الله. ح اضرب ليه تلفون بعد شوية. لكن و الله ما عارفه اصلا في حالة ذي دى بي قولوا شنو.
سلام يا سمارت الفيديو ما بتشاف عندنا في كندا (Sorry, this vedio is unavailable from your location). معليش لمديرك في الشغل. والله فعلا الكلام في المواقف دي صعب. لما الوالد الله يرحمه إتوفى معانا واحد هنا أثيوبي جا يعزيني كان صريح جدا قال لي والله أنا طولت من السودان و نسيت بقولوا شنو لكن I am really sorry for your loss. والله تعزيته تركت أثر جميل برضه... أهم حاجة الإحساس و الصدق فيه. لو ما فيها انتهاك لخصوصية عندي فضول أعرف الناس ديل برفدوا في شنو. في الحكومة هنا الناس الفي اليونيون زي ما واحد قال لي نحن الواحد إلا كان يقتل ليه زول حتى بعداك يرفدوه! المشكلة (ولا في الحقيقة هي ما مشكلة من نواحي برضه) إننا طبعا كمهنيين ما مسموح لينا بعضوية اليونيون.
بالله في كندا ما بتشوفوا برنامج جون استورد ؟؟؟ ده واحد من اجمل برامج التلفزيون علي الاطلاق.
انا شغالة في corporate america، ممكن يرفدوك لاى سبب او حتى من غير سبب. إحنا في شركة هندسية، بنشتغل في هندسة المياه. العملاء بتاعننا الحكومة الفدرالية ( الجيش و وزارة الداخلية)، الولايات، المدن، او اى جهة بتوفر موية للمواطن او الزراعة او بتتحكم في مياه الصرف الحصى او الفيضانات. مع انهيار سوق العقارات في امريكا بقي شغلنا قليل جداً مع المحليات ( مدن، و other water agencies) و بقي الشغل مع الحكومة الفدرالية و الولايات ( ذي كالفورنيا). مديري بعد خبرة 20 سنة ما عندو خبرة كبيرة في الشغل مع الحكومة الفدرالية. و بالتالي الشركة ما عندها ليه شغل. قاموا ببساطة رفدوه. كان ممكن اكون مرفوده معاه الان لولا أني ( الحمد لله و الشكر لله) كنت كتير جداً بمشي افتش شغل في مشاريع مع مدراء آخرين بس عشان أنوّع خبرتي. ما لأدنى خطرة و كنت عارفه ح يحصل شنو، أبدا. السبب أني بزهج سريع، و أني في البداية ما كنت عارفه انا عاوزه شنو بالضبط. في النهاية كلها أرزاق.
بالمناسبة، اتكلمت معاه. لقيت معنوياته كويسه و بيفتش في شغل. شغال مجانا لجماعة هنا. هم ما عندهم قروش ليه و هو ما عاوز يقعد في البيت ساى. انا و هو اتفقنا نفتح شركة برنا. قلت ليه أني ح اكون جازة لكده بعد سنة. و نشوف.
الف مبروك ياسر 21 رطل حاجة ممتازة جدا جدا ..اتخيل نفسك كنت خاتى ليك شوال سكر بتاع 10 كيلو فى راسك وماشى بيهو وبعد داك نزلتو وارتحت....... انجاز حقيقى ومكسب كبير... اظن انا برضو حققت الرقم 22 رطل لكن بعد عذاب وتلتلة وقريب ال4 شهور ودلوقت انا واقف فى نفس الحتة منذ اسابيع طويلة.....
مرة تانية الف مبروك بس اهم شئ ما ترخى..خليك ضاغط كدة لغاية ما تصل للوزن المثالى.....
-------------
الاربعة خمس يوم الفاتو كانو مليانات بالقصص نبدا بالفيتامينات .....زى ماقال العوض يا اسمارت الفيديو ما بشتغل فى كندا.. بديت فعلا ابلع فى الفيتامينات ..اول يوم ..تانى يوم...
اها قمت بالليل (حوالى 3 صباحا) عاينت لاصابعى لقيتهم منفخات ..بسم الله الرحمن الرحيم.. الظاهر الفيتامينات اصطكت فى الاطراف...نمت طوالى ...صحيت الصباح عاينت للاصابع لقيتهم عاديات.... الظاهر الواحد بقى يهضرب بالفيتامينات (الاحتمال التانى اكون نمت على ايدى)
لا البرنامج ذاته بجيبوه هنا في التلفزيون عادي. لكن ما قاعد أتابعه. الرابط الجبتيه هو الأبى يشتغل و أداني الرسالة دي. لكن فتشت و اشتغل معاي من اللنك دا: http://www.thecomedynetwork.ca/Shows/TheDaily...?videoPackage=103628 الظاهر الحكاية عندها علاقة بحقوق النشر في كندا و أمريكا.
الله يبارك فيك يا النصري. ياخي في انتظار باقي مغامراتك و صور الإجازة. بعدين حاول قابل لينا يونس شلبي والله اشتقت لأخباره.
Post: #813 Title: Re: Sudaneseonline Biggest Loser Author: مريم بنت الحسين Date: 03-02-2012, 07:00 PM Parent: #812
برافو يا العوض، والله ألف ألف مبروك.. لكن فعلا انا ما اتصورته اقل من النجاح ده ليك.. مثابرتك (ما شاء الله) والdedication والfocus بتاعك عاليين .. واصل عليك الله، وشجّعنا معاك بالنتائج الجميلة دي... ألف مبروك... وبغرانييييييييين ما حاسدين....
سمارت ياخ ما (تلقّحي) كلام ... يعني اعمل شنو انا ما الروشه بتاعتي دي! غايته العوض شجّعني على العودة وبقوة... بس كوعي يبرا..
معليش يا اخوانا اعفوا لي.. جابوا لينا باسطه سودانية ما بتتفوّت... فأنا حأنساكم الليلة دي... وبكره صباحاته بُيُض!
سلام يا مريم.. شكرا ليك كتير على التشجيع و دعواتنا معاك بالشفاء العاجل إن شاء الله و تجي تفوتينا. بالجد إذا كان في نجاح لأي واحد فينا فالجميع شركاء فيه برفع المعنويات و المشاركة في المعلومات و التجارب المفيدة. سلام يا سمارت... بالجد فكرة شركة خاصة في البلد دي هي أحسن خيار. النظام هنا رأسمالي و الفكرة عموما هي محاولة تحقيق الحد الأدنى للجميع و في نفس الوقت تسخير هؤلاء الجميع لخدمة أصحاب رؤوس الأموال.
Quote: اظن انا برضو حققت الرقم 22 رطل لكن بعد عذاب وتلتلة وقريب ال4 شهور ودلوقت انا واقف فى نفس الحتة منذ اسابيع طويلة.....
سلام يا النصري كونك واقف في نفس المكان من أسابيع فدا دليل على إنه في حاجة لازم تتغير. الحمد لله إنت هسع وصلت في موضوع الرياضة لنقطة جيدة و هي الانتظام و المقدرة على أدائها بصورة مرضية ليك. طبعا الرياضة مهمة جدا مش بس في تنقيص الوزن لكن في المحافظة على صحة الجسم و إعطاء شعور بالرضا. لكن في رأيي إنه تنقيص الوزن عن طريق تنظيم الأكل مهم جدا إضافته للرياضة و بدي نتايج أسرع كتير. طيب إذا فرضنا إنه وزنك الحالي 255 رطل و طولك خمسة أقدام و حداشر بوصة و عمرك 49 سنة دا معناه إنه جسمك بحرق في اليوم حوالي 2450 كالوريز إذا كان نمط حياتك ما فيه حركة كتيرة. يعني إذا اتبعت نظام غذائي بتاع ألفين كالوريز في اليوم حتحتاج تستخدم أربعمية و خمسين كالوريز من مخزون الجسم بتاعك و إذا أضفت عليها حرق أربعمية و خمسين كالوري في الرياضة دا معناه جسمك محتاج يحرق من الدهون ما يعادل تسعمية كالوري في اليوم و بكدا إن شاء الله ممكن تفقد رطل كل أربعة أيام. أقترح ليك تفكر في الموضوع دا بجدية بالذات إنك قللت من أكل السكريات و النشويات. و الحكاية دي ما صعبة بالمناسبة و ما محتاجة لحرمان شديد. أكتر حاجة ممكن تساعد عليها السلطات و الخضارات و الفواكه. تصدق لو أكلت تلت كيلو كامل بتاع سلطة خضرا فيه تلاتة و خمسين كالوريز بس. ما عارف لكن اتخيل لي السلطة دي من الحاجات الواحد ما ممكن يزهج منها بعمل لي فيها ليمون و ملح و شطة والله في النهاية مرات لمن أشرب مويتها. بعداك ممكن تقلل حجم الوجبة بصورة معقولة. أهم حاجة الواحد يبدا بيها.
سببين يا ياسر سبب التراجع الحصل لى ...الاول اننى اضطريت اغير مواعيد شغلى نسبة لموسم الشتاء..بدلا من ابدا 5 صباحا ببدا الساعة 11:30 صباحا.. الحاجة التانية الاجازة لخبتت لى برامجى كلها .. لكن ان شاء الله ابتداءا من 12 مارس(بعد 10 يوم) حابدا جدول شغل جديد ابدا 5 صباحا واخلص حوالى 4 مساء (دوامين) البرنامج ده حيستمر لغاية 26 يونيو عشان كده بتوقع الاربعة شهور ديل حتكون النتائج فيهم ممتازة جدا جدا واذا ربنا سهل واراد ان شاء الله اصل للوزن الحلم 200 رطل ....
بالنسبة للخضارات ...ما اكذب عليك ..ماقاعد اكلها كتير ...كسل بس ... اكتر شء باكله الطماطم (وهى تعتبر فاكهة اكتر من انها خضار..
نظام الارقام بتاعك للاسف ما حينفع معاى لانى زول عشوائئ ومستحيل اقدر انظم الجداول ده كلها ...احتمال يكون ده السبب انى هجرت مهنة المحاسبة.....
Quote: تفقد رطل كل أربعة أيام.
النظام العشوائئ الماشى بيهو دلوقت ممكن يحقق النتيجة دى .... مافى سكر نهائئ.. مافى نشويات مافى حلويات مافى رغيف ابيض نهائئ مافى دهون مافى زيوت (ماعدا زيت الزيتون فى الفول) بالاضافة الى متوسط 4 الى 5 مرات رياضة فى الاسبوع بقدر انزل الرطلين فى الاسبوع.... منذ رجوعى من الاجازة (حوالى اسبوعين) انا متاكد نزلت على الاقل 5 رطل الفترة الجاية حتكون النتائج اسرع لانو الانتظام والالتزام حيكونو فى قمتهم
امبارح راجع من الدوام الاول من الداون تاون.. كنت فى انتظار القطار (الترام) وهو من ثلاث عربات كل عربة قد تسع 200 راكب .. اها القطار لمن وصل العربية الثانية كان فيها مشكلة وميكروفون المحطة ينصح\ الناس باستخدام الاولى والثالثة.. اها انا مشيت على العربية الاولى ولحسن الحظ لقيت مقعد فاضى بجوار بنت اسيوية قليلونة بعد كم محطة فى مقعدين فضو ..اها انا لشلاقتى مشيت قعدت فيهم عشان استمتع بمقعدين (ماشاء الله زولكم ماكن) واخترت الكرسى جنب الشباك ... المحطة البعدها نزلو ركاب وركبو ركاب جدد من ضمنهم بنت سمينة بعض الشئ وشايلة اكياس وتهزهز فى راسها ... انا بقيت اودى واجيب ....شفتها وين ؟ شفتها وين ؟ شفتها؟ يالله اتزكرتها ..... دى ما البنت المسطولة الدكتنى قبل كم سنة ....معقول انساها ..... حظى الزى الزفت ....تووووووووووووووش تجى تقعد جنبى .... والريحة ضربت ..... وكنت فى اى لحظة متوقع بونية .... بقت تهزهز فى راسها من الطرب وتغير فى ال mp3 player ... ما مشكلة ... النفسيات كويسة واحتمال البونية ضعيف ... بعد شوية الطرب بقى ضحك ... برضو ما مشكلة ماشين كويس واحتمالات البونية انتفت تماما.. وماعلينا الى الصبر على الريحة واصلو قربنا نصل للمحطة ... يازول بعد شوية ..الضحك بقى بكاء ..... الليلة وووووب الليلة ووووب .. بديت افكر فى خطة للهرب بس المشكلة انا قاعد على الشباك ولازم استاذن منها عشان اطلع.... اى حركة خطا معناتها بونية ومحاكم وبوليس .... غايتو ثوان من القلق والخوف والاصطكاكة ... الحمدلله المحطة البعدا البنت نزلت وتنفست انا الصعداء ولم ينتبه اى من الركاب للخطر الذى حاق بهم فى 10 دقائق الماضية
والله يا النصري سبحان الله إنت من الناس البتحصل ليهم قصص غريبة... ياخي قضيت لي زمن ظريف في بوستك بتاع قوقل دا.
Post: #819 Title: Re: Sudaneseonline Biggest Loser Author: مريم بنت الحسين Date: 03-03-2012, 01:16 PM Parent: #818
صباح باسطه...
طبعا عملت الجريمة امبارح واكلت باسطة مع كباية حليب (قليل الدسم ومن غير سكّر )... الله كريم بس... المهم اني قسته وزني الليلة ولقيت انه في ثبات... وده في حد ذاته كويس في ظل وقف الرياضة والجغمسات الoccasionally بتحصل.. يدّي في تحسّن والحمدلله.. لكن ما عايزه اتهوّر، الاسبوع الجاي بخلي نادر يشوف لي الtreadmill وارجع للمشي... يا العوض، بغّرتني بي قصة الcaloriecount دي... عارف، الجماعة ديل عندهم iPhone App، جميل جداً... لدرجة انك ممكن تدخّل الcalories بي الbarcode، تصوّر بي الكميرا المنتجات الفيها barcode تقوم تنزل ليك معلومات المنتج كلها، انا ما عارفه هل في حاجات السعودية دي بشتغل ولا لأ.. ما حصل جرّبته... لكن حأجربه... هو طبعا مجاني، والجميل فيه انه في تلفونك يعني في يدّك اليوم كله... حأجرب طريقتك دي.. عشان اواصل نزول.. واضح انه طريقتي بتاعت الportion control براها نفعت لحدي ما نقصت الخمسة كيلو ديل، وبعداك حتبقى اصعب.. خاصة انه بتّي بدأت تاكل والحمدلله.. وقل اعتمادها علي (ده طبعا بصعّب مهمتي)..
ابتهال صحبتي وين؟.. امير ده بكون زاد ليه اقل شي 20 كيلو، عشان كده طافش...! الزول ده افقدوه يا اخوانا...
سلام يا اهلنا .... اولاً الف مبروك يا العوض و الله انجاز مقدَّر و تستحتق عليهو الثناء اولاً لتنظيمك الدقيق و الـ outstanding بتاعك في موضوع الرجيم و ثانيا في اصرارك و قوة تحملك و طولة بالك , دي كلها عوامل بتخلى الزول يحقق نتائج مشرفة زي العملتها انت و الله الويبسايت بتاعك ده مكيفني شديد لسببين الاول اني بحكم الدراسة شغلي بعتمد على الارقام و التحاليل الاحصائية و الرسوم البيانية و الخرائط و دايما بنتظر وقت طويل بيمتد بعد مرات لاسابيع عشان اتحصل على نتيجة و ارقام و بعد داك اعرف الـ how it looks like من خلال الرسم و التحليل يعني انا بنتظر بفارغ الصبر لحدي ما ما ادخل اخر حاجة اكلتها و اعرف تحليل اليوم كلو دا غير الفضول بتاع تحليل كل وجبة و لو في snack او اي حاجة اضافية و السبب التاني اني مما جيت البلد دي بقيت موسوس بموضوع الصحة العامة و الـ prevention , الحمد لله ما بدخن و لا بشرب منبهات و لا بشكي من اي امراض همي كلو كان في الوزن الزايد و عدم الرياضة , بصراحة لما كنت في السويد ما كان عندي ميزانية ثابتة تسمح لي اني اشترك في جيم و الواحد بالرغم من انو ما كان محروم من حاجة لكن كان عايش على الكفاف بغرض تقليل التكلفة لانو السكن كان غالي جداً و انا ما كنت لاقي شغل و ما كنت متحمس ليهو بصراحة لانو دراستي بتحتاج لتفرغ ووقت طويل و تركيز شديد كنت بلاحظ لوزني بيزيد بسبب البسكويت و انا ما قادر اعمل حاجة , بقيت بلبس هدوم كبيرة شديد مقارنة مع اصحابي السودانيين اي نعم ما كان عندي كرش لكن كنت huge زي ما حكيت في بدايتي في البوست دا اني مشيت للدكتور و عملت بعض الكشوفات لاني كنت خايف يكون جاني مرض و انا ما داري , و بالتحديد كنت خايف من السكري و الكوليسترول الوقت داك كنت بفكر مع روحي اني اذا بقى عندي وظيفة بعد ما أكمل قرايتي حاخصص جزء محترم منها لصحتي و للرياضة و الاكل الصحي بعدين اكتر حاجة ما كنت حابيها في روحي كانت my body مع اني ما كنت obese كدة , لكن كنت مخنوق و ما كنت راضي عن نفسي في الحتة دي اهم طمنا الضغط ماشي كيف؟
نرجع لمرجوعونا و الله اخيرا ظهر لي منافس شرس في التحدي دا عارف يا العوض انا الـ motivation curve عندي بتكون عالي لما اكون في حالة challenge ما تفهموا من كلامي دا اني زول competitor , كل القصدتو انو زي ما قال عادل امام "بتجيلي روح معنوية" و ادائي بيكون احسن
مريم و الله جريمتك دي لا تغتفر ... هسي عليك الله دي كم calories ؟ و كفارة لاصابة الملاعب بتاعتك
النصري نصيحتي ليك بطِّل البرنامج العشوائي و سجل في الموقع بتاع العوض و حيساعدك كتير لانو بالمناسبة البرنامج العشوائي ما بينتج منو الا نتائج عشوائية الكويس منها حييفرحك و يخليك تتمادي و لي قدام حتكون مصتكي في range واحد كل , يعني البتفقدو حترجعو و هكذا يمكن تمل الحكاية مع طول ازمن و عدم وجود نتايج محفزة
نجاة راجين منك الخبر
اسمارت و الله العوض بقى يشكل خطر على العبد لله خصوصاً انو في بداية برنامجه و النقصان بالنسبة ليهو ساهل , غايتو انا لو ما فتحت ليهو عيوني كويس ياني البقيت في محل النصري (المركز التاني)
مرحب بيكم تاني .. اول امبارح وزنت بعد اكتر من اسبوعين و اليكم النتيجة
الاسبوع الجاي حيكون الـ monthly weigh in result بتاع تحدي المدينة و المرة بيجاي شكلها جادة في التحدي لاقيتها الاسبوع الفات بالجد خاسة ( انا حالقاها من العوض و للا من توني) هنا ووب و هناك وووبييين
Post: #822 Title: Re: Sudaneseonline Biggest Loser Author: مريم بنت الحسين Date: 03-04-2012, 05:01 AM Parent: #821
الشهادة والعمل الصالح يا غباشي ياخوي! غايته بس نقول ما شاء الله ما نسحرك...
لحدى هسي ما قادره ابطل ضحك علي قصة النصري. متذكره أني حكيت قصتك دى لزوجى لما زمان كتبتها. هسي قربت اصحيه ( الساعة عندنا الان حوالي واحده صباحا) عشان قول ليه : شفت حصل للنصري شنو؟
غباشي، الف الف مبروك. ما شاء الله عليك. اهم حاجه انك انتبهت لصحتك و قررت تعمل فيها حاجه. لانه ساله جداً انك تتطنش و تقوم تصل لمراحل تبقي العودة منها صعبة جداً. زميلتي في الشغل، زوله ظريفه جداً جداً. لكن وزنها زاد في الكم سنة الفاتو لدرجة أظن انها بقت حوالي 500 رطل. لدرجة انها بقت ما بتقدر تمشي و بتستعمل كرسي متحرك. قبل حوالى 6 شهور أخدت إجازة من الشغل و مشت مصحة لتنزيل الوزن و برضو عشان تقدر تظبط الضغط و السكري. لانه في المصحات دى بيكون نظام نقص الوزن قاسي جداً لدرجة انه لازم يكون متابع المرض طبيب. ربنا يعينها.
مريوم، ما تاخدى راحتك مع الباسطة. تعرفي، امي رسلت لي كعك من السودان. يا الله، روعة. لكن عشان ما اتهور ابيت اسكره. و خاته في فريزر في القراش. كل يوم ( بعد الاولاد ينوموا) بمشي القراش و افتح الفريزر و أشيل كعكة واحده و اجي راجعة جوه البيت و اسكرها و اكلها. مباااالغة.
العوض، ما شاء الله عليك و علي الالتزام. يا ريت اقدر ابقي زيك.
اليوم طلعت مع ابني ذو ال3 سنوات البارك. أتمشيت حوالي نص ميل كده. عندو عادة سغيلة ( ابني). البارك ما بعيد من البيت. و هو بيصر يسوق العجلة لحدى البارك. و لما نجى راجعين البيت بيكون تعب من اللعب و ما قادر يسوق العجلة و لا حتي يمشي. و في العودة بكون شايلاه هو بيد و عجلته باليد التانية.
Post: #825 Title: Re: Sudaneseonline Biggest Loser Author: النصرى أمين Date: 03-05-2012, 05:27 AM Parent: #824
يا مريم ..غباشى ده طلع من اليد نهائى وما اظنه يتحلق تانى ... لكن العوض هو الممكن ننافسه لان وضعه يشبه وضعى ..نعيش فى نفس البلد متزوج وعنده اطفال ..واهم شئ فارق العمر ما كبير ....
الميزة الوحيدة البتفوق بيها عليهو انى بعتبر الفورة مليون والهدف بتاعى بسعى ليهو ببط لكن بثقة شديدة (وهذا تهديد مبطن للعوض)
يعنى ان شاء الله بحلول الزكرى السنوية الاولى فى سبتمبر حاكون نقصت حوالى 50 رطل من بداية المنافسة ( على الاقل 5 رطل فى الشهر)
Post: #826 Title: Re: Sudaneseonline Biggest Loser Author: النصرى أمين Date: 03-05-2012, 05:37 AM Parent: #825
فى بوست تانى ..فتشت الموقع كله ولم اجده .... البوست كان عن القنبلة النتنة stink bomb تلاته من الشباب لم تعجبهم طريقة ادارتى للبص فقامو برمى قنبلة عفـنة فى البص.. اضطريت لاخلاء البص وفتح الشبابيك والبيبان والاعتذار للركاب ..اتصلت بالسلطات الا انهم لم يستطيعو فعل شى لاننى لم اتزكر اوصاف الجناة ..... البلقى البوست ده ليهو صينية باسطة بالسمن هدية ...
لا حولالالالالالالالالا ياخ المنبر بطئ لغاية ما يجيب نفسيات لى اكتر من 20 دقيقة عشان افتح البوست ده واعمل المداخلة دى الظاهر الواحد تانى ما يخش المنبر ساعة الزروة (او الذروة)
تقرير يوم الخميس 1/3: عدد الكالوريز الاتناولتها 1506 كالوري. مافي رياضة. الصافي فقدان 716 كالوري.
تقرير يوم الجمعة 2/3: عدد الكالوريز الاتناولتها 1558 كالوري. رياضة حوالي 80 دقيقة حرقت 1050 كالوري. الصافي فقدان 1591 كالوري.
تقرير يوم السبت 3/3: عدد الكالوريز الاتناولتها 1532 كالوري. رياضة حوالي 55 دقيقة حرقت 650 كالوري. الصافي فقدان 1255 كالوري.
تقرير يوم الأحد 4/3: عدد الكالوريز الاتناولتها 1437 كالوري. مافي رياضة لكن خرخرت... كويت في اليوم داك و حسب الموقع إنه مكوة ساعتين بتحرق حوالي 415 كالوريز فقمت حسبتها مع إنها ما مقنعة شديد :). الصافي فقدان 1015 كالوري.
تقرير يوم الاتنين 5/3: عدد الكالوريز الاتناولتها 1524 كالوري. رياضة حوالي 32 دقيقة حرقت 400 كالوري. الصافي فقدان 1049 كالوري. أحاول أرجع للمداخلات بالتفصإل إن شاء الله... أصلي زي ما قلت ليك يا النصري بقيت شريك في البوست.
Post: #829 Title: Re: Sudaneseonline Biggest Loser Author: Nagat Sid Ahmed Elshiekh Date: 03-07-2012, 02:20 AM Parent: #828
Quote: نجاة راجين منك الخبر
لوزرز سلام يغشاكم فردا فردا... غباشي سلامات ..يسأل من الخير... عينى باردة حسابك بالكيلو...هههه. انا السبت الماضي خسرته 1 رطل ونصف ...وح امشى يوم السبت القادم ... بس ضربته حلاوة مولد جايه من السودان ربك يستر... مشيت الجم امس والليلة.. مجموع الكالورز الحرقتها فى اليومين ديل 900 ... بس ماعارفة يا العوض اتناولته كم...
Post: #830 Title: Re: Sudaneseonline Biggest Loser Author: النصرى أمين Date: 03-07-2012, 03:52 AM Parent: #829
Quote: مافي رياضة لكن خرخرت... كويت في اليوم داك و حسب الموقع إنه مكوة ساعتين بتحرق حوالي 415
انا غسلت العدة احسب لى 350 كالوريز....
مبالغة لكن...
Post: #831 Title: Re: Sudaneseonline Biggest Loser Author: النصرى أمين Date: 03-07-2012, 04:01 AM Parent: #830
الاسبوع الفات الرياضة كانت 3 يوم نسبة لظروف عمل سهير الكالاريز المحروقة كانت 460 و 500 و 400 على التوالى
امبارح الاتنين ..اتريضت وحرقت حوالى 420 كالريز اليوم الثلاثاء لم اتريض لاسباب صحية لكن حسبت 100 كالريز على اطعام السمك.....
غايتو يا ياسر انااخر مرة كويت يمكن قبل 8 شهور ... الله يخلى لينا الجاكيتات ,,,مغتية بلاوى ,,,
Post: #832 Title: Re: Sudaneseonline Biggest Loser Author: مريم بنت الحسين Date: 03-07-2012, 04:36 AM Parent: #831
ازيكم يا لوزرز ياخ الapp بتاع جماعتك ديل يا العوض، رهيييييييييييب... اتخيل انا قاعده ادخل الحاجات بالصوت، يعني بقول ليه انا اكلت كذا وكذا، يقوم يدخلها لي.. ده غير انه بتابع ليك الموية الشربتها والرياضة العملتها والanalysis اليومي... اها الليلة جبته التقرير بتاعي، بتاع امس
اول شي، الموقع ده جميل جدا، بوريك كمية الكالوريز المفروض تاكلها عشان تحافظ على وزنك والمفروض تاكلها عشان تنقص وزن، بالاضافة لقائمة بتاع سبعة يوم جهجهة للنظام بتاعك عشان تنقص اكتر، دي طريقة انا سمعته بيها كتير قبل كده اسمها الzig-zag.. http://www.freedieting.com/tools/calorie_calculator.htm
حسب الموقع ده، انا في حالة (عدم الرياضة) الانا فيها مفروض آكل 1584 كالوري عشان انقص وزن.. امس اتصلنا بي ناس الtreadmill عشان يجو يصلحوه لينا... لانه يدي في تحسّن مسافة يحنّو علينا ويجو حأكون بقيت تمام...
امبارح أكلته ما يوازي 949 كالوري الكالوريز الحرقتها 1370 كالوري النقصان الكامل 421... (كده صح يا العوض؟ )...
اها الليلة من اصبحت قمت اكابس... اكلت لي نص ساندوتش فول مع كباية بتاعت شاي اخضر بي النعناع.. طوالي مسكته الايفون ودخلته الكلام ده
برضه عملته target اني انقص الخمسة كيلو الجايات by my birthday ان شاء الله.. دي هديتي لنفسي... لنفسي، اكرر.. ده ما بعفيكم ... هدي انا كلمتكم قبلها بوقت كافي.. يوم 19/5... ما تملحوني زي امير، هدا حرد تاني ما جا ليوم الليلة!
النصري، والله انا بضحك من يوم ما قريت حكايتك بتاعت الزوله دي! انا اول مره اسمع بيها.. والله المنبر ده قاعده تفوتني فيه حاجات كتيره خلاص!
نجاة.. ألف مبروك الرطل ونص... وان شاء الله حلاوة المولد بي بركة النبي العربي، ما تزيدك ولا شي.. وتلقي روحك نااااقصه يوم السبت...
Post: #833 Title: Re: Sudaneseonline Biggest Loser Author: مريم بنت الحسين Date: 03-07-2012, 04:51 AM Parent: #832
دي نتيجة الzig-zag بتاعتي... ممكن اعتمد الطريقة دي المرة الجاية لما انتهي من الgoal ده الاول...
Maintenance Fat Loss Extreme Fat Loss Monday 1953 1585 1585 Tuesday 1585 1585 1585 Wednesday 2343 1901 1901 Thursday 1953 1585 1585 Friday 1757 1585 1585 Saturday 2148 1743 743 Sunday 1953 1585 1585 *Calorie cycling provides same amount of calories per week, but 'tricks' your body by constantly changing daily calories. This helps to prevent or break plateaus. Guideline only.
سلام يا جماعة والله تكنلوجيا يا مريم. طبعا أنا شغال بالطريقة القديمة بدخل المعلومات يدويا. لكن مش بالله موقع رهيب؟ بالنسبة للكالوريز القلتيها دي يا مريم حقو تشاوري زول متخصص. كونك تاكلي أقل من ألف كالوري في اليوم دي ما أفتكر حاجة كويسة. بالنسبة للتحليل بتاع اليوم أنا ما بحسبه الموقع بديني ليه جاهز زي في الصورة دي لمن أضغط على Analysis:
لما تختي الماوس فوق العمود المقابل لليوم المعين بديك الكالوريز الاتناولتيها و الحرقتيها و الصافي. طبعا في خانة بتاعة الActivities ممكن تدخلي فيها كمية الكالوريز الاتحرقت في الرياضة.
النصري قلت لي خرخرة شديدة مش كدا؟ جريت طوالي للموقع و عملت بحث لغسيل العدة لقيت إنك بتحرق 207 كالوريز في غسيل العدة لمدة ساعة إذا كنت واقف :). يعني كان غسيل العدة أخد معاك ساعة إلا ربع مية و خمسين كالوريز معقولة (طبعا الرقم دا بناء ا على وزني ممكن يكون مختلف شوية باختلاف المعلومات لكل زول).
سلام يا نجاة. مبروك الرطل و نص و ما شاء الله شكلك مواصلة في الرياضة كويس خالص. عندي ليك اتراح في موضوع متابعة الأكل شكلك مشغولة مع البيت و الأولاد فممكن تقومي تراقبي أكلك لمدة يومين و تدخلي المعلومات بدقة و بعداك بتكوني أخدتي فكرة عامة عن كمية الأكل و الكالوريز الفيها و استعمليها ك لباقي الأيام.
سلام يا ابتهال و شكرا ليك. واصلي و ما تشتغلي بموضوع الوزن دا ما دمت محافظة في الأكل و مواصلة الرياضة. مرات الخبرا بنصحوا بتغيير في موضوع الرياضة لأنه الجسم قد يحاول محاربة حرق الدهون بطرق مختلفة. يعني مثلا إذا كانت الرياضة مشي بسرعة عادية حاولي زيدي السرعة و شوفي النتيجة.
800 غرام في 5 أيام ,كويسين شديد , التحدي لسة ما طلعت نتيجتو للشهر الفات امبارح بعد ما وزنت بديت اتونس مع الـ nutritionist المنظمة للتحدي , اسمها كارين , طبعا انا بعرفها لي قريب سنتين , قالت لي : You're looking very good, you're making great efforts و كما كان يُقال في الروايات بتاعة زمان أقتربت مني و ربتت على كتفي قائلةً : Good on you و بعدها شطحنا في كمية من المجاملات و المجاملات المرتدة و انا طبعاً ما قصرت معاها و قلت ليها انا قعدت اكتر من عشرة سنين ما كنت قادر احل مشكلة وزني لحدي ما جيت بلدكم دي و انتي ساعدتيني كتير و طلعتيني من الورطة دي , و دون أن اربت على كتفها قلت لها : You're a great mentor Karen, I owe you a great debt of gratitude فابتسمت بسعادة فاردفتها قائلاً : I am fully indebted to you for everything, cheers بعد ذلك و دعتها و قفلتُ عائداً الى الـ department و أنا اردد في دعاء كفارة المجلس
=== تمَّ بحمد الله =====
رقم الايداع 2012-03-08-DN
Post: #841 Title: Re: Sudaneseonline Biggest Loser Author: مريم بنت الحسين Date: 03-09-2012, 03:12 PM Parent: #840
بالنسبة لي يدّي اكتشفته المعضلة... شكلها قاعده تجيني قطيعة بتقوم تأثر على يدي كلها.. القطيعة سببها اني بالليل بصحى من النوع عشان لولو... وبكون شايلاها وممكن ادقس وانا قاعده! دي بتقوم بتبدا من الكتف لحدي اطراف اليدين.. وبتعذبني العذاب ده.. عشان كده مره حصلت باليمين ومره بالشمال... الحل، الرياضة! انا كنت بوقف الرياضة لما احس بيها، لكن مفروض استمر فيها....
سلام لوزرز..... شايفة أخباركم كلها تمام التمام..رياضة وجداول . مريوم الزيادة دى بتكون باسطة ساكت.. ههههه العوض الليلة أول مرة أحرق 650 قول ماشاء الله ... أمس حرقته 450 وبكرة ح اوزن واجيكم راجعة... غباشى والله البنية مشجعاك اكتر مننا يعنى عندك منافس خطير خارج البوست بتاعنا دا ... الحكم غيب وتعال تلقانا خسرانين ارطال السنين .... ابتهال وين الغيبة الطويلة دى... النصري ماشى تمام وفى انتظار اخبار جديدة عن جهاز الرياضة..
Post: #843 Title: Re: Sudaneseonline Biggest Loser Author: النصرى أمين Date: 03-10-2012, 04:26 AM Parent: #842
يا الله اخيرا انتهيت من ال singup البايخ بتاع الشغل ابتداءا من الاتنين باذن الله حابدا جدول عمل جديد وساعات عمل اقل 6 ساعات ونص (مدفوع 7 ونص)..
الجو اليوم فى كالقرى كان خيالى ودرجة الحرارة وصلت 13 درجة لاول مرة منذ فترة طويلة ..الشمس ساطعة..... اها ركبت معاى فى البص بت صغيرة مكشفة كشيف شديد جدا وملفت .... لاحظت ليها وهى جاية من بعيد على البص ...لمن وصلت وركبت غلبنى اعاين ليها من الكشيف ولحسى ماعارف اذا كان عندها تزكرة صالحة او منتهية... من الحيل المعروفة عندنا انو بعض البنات عشان يزوقو من حكاية دفع تزكرة البص بقومو يكشفو جزء من صدرهم (flash) و يعملو distract للسواق حتى لا يلتفت للتزكرة المنتهية الصلاحية ... المهم الشافعة دى ركبت فى الكرسى الوراى وصرت لا اراها فى المراية .....
بعد شوية ركبت بت تانية عمرها حوالى 20 سنة تدفع عربة صغيرة تضع فيها طفلها الصغير ..... وجلست فى مواجهة البت المكشفة .... بعد دقائق البت ام الطفل سالت البت المكشفة : عمرك كم ؟ البت قالت ليها 15 سنة .. ام الطفل قالت ليها انا لمن كنت قدرك وعمرى خمستاشر سنة كنت بلبس زيك كدة وحملت طفلى الاول وانا خمستاشر سنة .. اسمعى كلامى ..واعملى حسابك لمصلحتك انا بقول الكلام دة .. البت ما علقت واكتفت بالهمهمة بان الرسالة وصلت ....
بعد محطتين البت ام الطفل نزلت من البص ولم اتمالك نفسى الا ان اعمل اشارة باصبعى لها ما معناه good work , thanks
------ لسه مافى رياضة بسبب الحالة الصحية .....
ان شاء الله موضوع التريدميل يتحسم فى عطلة نهاية الاسبوع (خلال يومين)
لوزرز سلام ،،،،، مشيت يوم السبت والحكاية كان يوم لقياس الأنشس بدل عن الارطال بعد ما اكملته 6 شهور مع البرنامج ...عملت القياس بالشريط والنتيجة نقصان 19.7 انشس المهم الزولة كانت فرحانة وانا كان همى كم رطل يعنى ما فرحته خالص عشان ما متعودين على نوع القياسات دى ..... المهم قطعت لى الشريط على اساس يكون عندى تخفيض 20 فى المية من المنتجات الخاصة بالبرنامج...... المهم فى النهاية قلت ليها عاوزة أوزن بالكيلو ..... لقيت ناقصة رطل واحدة ...لما شافتنى زعلانة قالت لى انتى بتكونى عملتى عضلات مع الرياضة والعضلات أقوي من الفات عشان كدى دونت وري....
نفس الكلام ده قالته لى تارا يا نجاة وقالت لى اهتم اكتر بالقياس اكتر من الوزن وطلبت منى تاخد مقاساتى ..ولمن بدت تاخد فىها ..انا اتكلكلت وقفت وعاينت لى وسالتنى اذا عندى مانع انها تواصل فى القياسات ... بخجل قلت لى ما عندى مانع .... المهم شالت الارقام وكتبتها فى الدفتر وقالت لى المرة الجاية نشوف الفرق شنو... الغريب انها اصلو ما كانت مهتمة بموضوع الوزن .....
-------------
عندى مشكلة ليها اكتر من 5 ساعات كاملات ... فى المطبخ فى قطعة باسطة واحدة ... والله العظيم وكتابه الكريم انا لى 5 ساعات بزازى مع القطعة دى... الشيطان يقول لى اكلها ...ما فرقت ..انت اليوم كله بتلخبت بقت على الباسطة الصغيرونه دى.. اشيلها فى يدى وهى ماشية لخشمى اغير راى واعتبر ده تحدى وارجعها ..... اليوم كله بالطريقة دى ما عارف اعمل شنو.. مرات اقول يازول كتلوك ولا جووك جوك ..اكلها واخلص مرات تانية اقول ده امتحان حقيقى ولازم اعبره.. المهم الباسطة قاعدة تعاين لى واعاين ليها ...
Post: #847 Title: Re: Sudaneseonline Biggest Loser Author: Nagat Sid Ahmed Elshiekh Date: 03-12-2012, 02:38 AM Parent: #846
Quote: مرات اقول يازول كتلوك ولا جووك جوك ..اكلها واخلص مرات تانية اقول ده امتحان حقيقى ولازم اعبره.. المهم الباسطة قاعدة تعاين لى واعاين ليها ...
النصري لو لحدى الان ما شلتها يازول اكله وليك على انا ما ح يحصل ليك اى حاجة... انت عارف مرات اسبوع كامل ما باكل عيش وبوزن بكون ناقصة رطل واحد ومرات بخرمج شديد بمشى بوزن برضو بكون رطل واحد عشان كدا مقتنعة جدا ذى قطعة الباسطة دى لو كنت فى مكانك كنت لهطها قبييييييل ههههه.
Post: #848 Title: Re: Sudaneseonline Biggest Loser Author: النصرى أمين Date: 03-12-2012, 09:20 AM Parent: #847
يا نجاة الشاعر قال القصة ما قصة رغيف القصة قصة زول داير يبقى نحيف...
معركتى مع قصة الباسطة كانت معركة مبادىء ومثل وقيم ... امبارح بالذات انا لخبت الدنيا فوق تحت.....لدرجة اكلت fried chicken عشان كده قصتى مع الباسطة كانت صعبة جدا لانى كنت فى اضعف حالاتى وفريقى يفتفد اميز لاعبيه وهو اللاعب رقم عشرة (اسمه العزيمة) المعركة استمرت ساعات طويلة ضعفت فيها مرات كتيرة وكدت ان استسلم لكن بتوفيق من رب العالمين استطعت عبور المحنة.... الباسطة لحدى الان قاعدة وقد فقدت الرغبة تماما حتى فى النظر اليها ... الان اشعر بنشوة الانتصار وقد اوعد نفسى بوجبة مدخلة مكافاة لها على الاداء المدهش فى معركة الباسطة
و الله أنتو ما نصيحين. انا بضحك من قبيل علي حنك غباشي و علي معركة الباسطة. غباشي، طلع عندك حنك سنيين يا ولدنا. قلت لي دعاء كفارة المجالس؟؟؟
النصري، كان تنادي واحد من الأولاد يأكلها و خلاص. اي ضيف يجينا شايل كيكة، بنرميها قبل ما يصل نهاية الشارع. مرات بشيلها تاني يوم لناس المكتب ، عندنا ناس ياكلو الظلط. ح نسميها معركة ذات الباسطة.
نجاة، ما شاء الله تبارك الله. ده إنجاز خرافي. كلام المشرفة أكيد صح. العضلات وزنها اتقل من الشحم. و ده غير ان العضلات بتحتاج سعرات حرارية اكتر. عشان كده مع الكارديو( ذي الجري) مهم الزول برضو يريض باقي عضلات الجسم.
والله يا اسمارت اليوم معنوياتى فى السماء بعد الانتصار الباهر امس فى معركة ذات الباسطة اليوم الصباح بديت العمل الجديد ...روعة واخر جمال ... مشيت الشغل الساعة 5 صباحا وفى المدخل قابلت يونس شلبى وبعد تبادل التحايا اتضح انو مواعيد بداية شغله هى نفس بداية شغلى الا انه ينتهى فى مواعيد مختلفة.. سالته عن التريميد ..قال لى اى شئ للبيع everything for sale الكلام ده خوفنى ....قلت فى سرى الزول ده حبرتجى داير يضربنى فى موضوع التريدميل ...المهم اتفقنا نتكلم فى الموضوع تانى يوم ...
انتهيت من الشغل 9:30 مشيت على الجيم ...لقيت ناسى الزمان ...صحت بصوتى العالى وانا ادخل الصالة I am back
ماشاء الله ...الجماعة فى احسن صورهم ...واحد ارترى يبدو وكانه وزنه زاد من اخر مرة شفتو قبل شهور ...اتضح انها كلها عضلات تبش ..... واحد تانى اطول منى ..اظنه 6 قدم و 3 بوصة ...سبحان الله ....بقى ممشوق القوام وعمل ليهو كدايس .... المهم ...وعدتهم انى التزم معاهم يوميا ابتداءا من بكرة ....
سلام يا جماعة... عودة سريعة و أبدا بغباشي بطلنا و ممثلنا في أقاصي الكرة الأرضية. شكرا ليك يا غباشي على التشجيع و نتمنى إنك تحقق البطولة إن شاء الله في المنافسة... و شكرا ليك على التشجيع التاني و المجاملة بإنك تعتبرني منافس ليك. مسرور جدا إنه الموقع عجبك و فعلا ممتع جدا بالذات بعد ما الواحد يستعمله فترة و يبدا يشوف النتايج و المتوسطات. و مبروك النقصان المتوالي في الوزن. سلام يا النصري... إن شاء الله تحقق هدفك قبل سبتمبر و فعلا ناس غباشي ديل ممكن الواحد يعتبرهم منافسين بعد عشرة خمستاشر سنة. كويس إنك شرعت في شرا التريدميل لأنها حتعمل فرق كبير يا النصري. مبروك صليح الجو. نحن برضه الجو بدا يتصلح و لينا كم يوم مرات تصل أربعة و خمسة فوق الصفر. و مبروك الانتصار في معركة الباسطة. سلام يا مريم ما جيتي راجعة وريتينا الحصل شنو في الكيلو. و كويس عرفتي مشكلة اليد. أنا والله عندي برضه مشكلة في الساق اليمين و القدم الشمال. بجيني ألم لمن أعرج في المشي الغريبة لما أبدا الرياضة بعد شوية الألم بزول بالذات بتاع الساق ما عارف الحاصل شنو هل الجسم برسل مخدر لمنطقة الألم ولا شنو؟ بعد الرياضة الألم برجع تاني. سلام يا نجاة و أحييك على الإصرار و زيادة جرعة الرياضة. زي ما قالت سمارت كلام المشرفة صاح. ما شاء الله يبدو عليك اتخلصتي من كمية كبيرة من الدهون و استبدلتيها بعضلات. بالجد دا إنجاز كبير جدا جدا و أكيد حيحفزك إنك تستمري لغاية ما تصلي للوزن المثالي. عارفة كثافة العضلات أكتر بحوالي عشرين في المية من كثافة الدهون عشان كدا ممكن يكون في زولين بنفس الوزن لكن واحد فيهم بظهر أنحف لأنه وزنه عبارة عن عضلات في حين إنه الوزنه فيه شحم أكتر بظهر أسمن. و زي ما قالت سمارت العضلات بتحرق كالوريز أكتر يعني كل رطل بتاع عضلات بحرق حوالي خمسين كالوريز إضافية في اليوم و دا معناه إذا الواحد مثلا قدر كون خمسة أرطال بتاعة عضلات حيحرق ميتين و خمسين كالوريز إضافية يوميا و دا بساعد على تخفيض الوزن زيادة. طبعا يا جماعة المعلومات دي ملقطة من الإنترنت يعني ما من راسي. سلام يا سمارت و مرحب بطلتك من جديد.
طبعا يا جماعة نسيت أقول ليكم الحمد لله تميت أكتر من أسبوعين بدون حبوب ضغط و الحمد لله ما زال الضغط طبيعيا. و برضه نسيت أحكي ليكم إني في بداية الشهر مشيت للدكتورة بعد ما نزلت الشغل من إجازتها و وريتها الحاصل شنو فقالت لي إنه التوقف عن الحبوب في حد ذاته ما هدف لكن إذا بقى الضغط عادي فدا شي ممتاز و طبعا عملت لي حركات الخواجات بتاعة التشجيع ديك و شبكتني أنا فخورة بيك و حأضرب بيك المثل تاني للمرضى بتاعني و ما فضل ليها إلا تديني حلاوة حربة و أنا طالع. المهم قالت لي في احتمال إنه استقرار الضغط دا من باقي أثر الحبوب في الجسم و طلبت مني أتابع الضغط لمدة شهر لستة أسابيع و بعد داك حنعرف الحاصل شنو برضه ذكرتني إنه لازم أعرف إنه جسمي عنده القابلية للمرض و لازم أكون مراقب ضغطي دايما. غايته لو في فايدة لموضوع الضغط دا حتكون إني لازم أعمل حسابي من زيادة الوزن تاني. ربنا يسهل الواحد يتم الشهرين الفضلوا ديل و بعد داك الواحد إن شاء الله يلتزم بالوزن أسبوعيا و التخلص من أي زيادات إن حصلت فورا.
Quote: عشان كده مع الكارديو( ذي الجري) مهم الزول برضو يريض باقي عضلات الجسم.
حكمنا سلامات دا الكلام وح تكون عضلات تبش مع التشجيع دا هههه. تسلمى .
Quote: و زي ما قالت سمارت العضلات بتحرق كالوريز أكتر يعني كل رطل بتاع عضلات بحرق حوالي خمسين كالوريز إضافية في اليوم و دا معناه إذا الواحد مثلا قدر كون خمسة أرطال بتاعة عضلات حيحرق ميتين و خمسين كالوريز إضافية يوميا و دا بساعد على تخفيض الوزن زيادة. طبعا يا جماعة المعلومات دي ملقطة من الإنترنت يعني ما من راسي.
اوووو خبيرنا الصحى سلامات طبعآ كلامك دا ميك بق سينس والله بس ما نقوم نعتمد على حرق العضلات وننسى حرق المشين فى الجم..تسلم يا خبيرنا النصري والله العزيمة عندك قلت لى الباسطة لسه موجودة؟؟
Post: #854 Title: Re: Sudaneseonline Biggest Loser Author: مريم بنت الحسين Date: 03-13-2012, 12:01 PM Parent: #853
ازيكم يا لوزرز... اخوكم مزنووووق والله ... لكن سائرون على الدرب وملتزمون بالبرنامج على الاخر.. التريدميل لحدي يوم الليلة ما جانا التكنيشن... غايته هم لوايق بشكل! المهم اني ما ملخبطة في الاكل، بشرب مويتي لانها ريحتني من المصران والله.. وبرضه شغاله شاي اخضر بي معدل تلاته كبابي في اليوم... اصلي ما قاعده العب فيه... برضه قللت كمية الشاي البنشربها انا ونادر، عندنا جلسة بتاعت شاي بي لبن باللللللليل بعد الشعب ينوم... هي كلاسيكية وعندها معانا ذكريات... اها بعد سبنا السكر لاحظنا انه الكمية الكنا بنشربها زمان بنقوم ناكل معاها حاجه عشان طعم السكر مافي، بالتالي نكون خربنا الهدف من اننا نخلي السكر... يعني مثلا بدل ناكل بسكويته واحده بتاعت يانسون، بناكل تلاته او اربعه! اها قررها نقلل كمية الشاي، وفعلا بنقينا بنشربه بي كبابي صغيرة زي حقت ناس السودان، وخلينا المق!
انا طبعا مشغوله جداً، لكن يدي الحمدلله اتحسنت، حأرجع للبلاتيز من يوم الخميس الجاي ان شاء الله... وحاجي انزل باقي المعلومات عن اليوجا وبعداك ابدا عن البلاتيز... ما حأعمل يوجا حسي لانه اليوجا فيها حركات محتاجه قوية في عضلات اليدين، وانا عضلات يديني محيّله ما عايزه تااااني اتعب...
تحياتي ليكم كلكم.. واسمحوا لي ما حاقدر ارد لكل زول براه... لكن Go losers!
السلام عليكم يا جماعة. أمس ما اتريضت بسبب تورم في القدم الشمال. حأنتظر و أشوف إذا ما راح حأمشي الدكتور. طولت ما نزلت تقريري حأحاول أنزله الليلة إن شاء الله.
سلام يالوزرس والله مشتاقين كبروك الصفحه التامنه انا محبطه تمام رغم انو وزنى ثابت الا انو فى اليومين الاخيرين ديل مصابه بالاحباااااااااااااااااااااااااط لى شنو ماعارفه ان شاء الله خير عموما المشى ماشى تمام خاصه وانو الجو بقى دافى والمشى فيهو رهيب بس المشكله انى مابقدر اطلع الا ابو العيال يجى عشان يستلم الورديه ظهرت لى اعراض اتمنى انها تكون اعراض صحه يارب بقت ساعات نومى قليله يعنى انا فى الاول لما المنبه يضرب كنت بكون عاوزه ابكى عديل وبكون نعسانه شديد هسه لما منبهى يضرب بكون صاحيه منتظراهو برجع ليكم تانى
Quote: نا محبطه تمام رغم انو وزنى ثابت الا انو فى اليومين الاخيرين ديل مصابه بالاحباااااااااااااااااااااااااط لى شنو ماعارفه ان شاء الله خير
مالك يا بهولة انتى عارفة عشان جيتى فلادلفيا وما قابلتنى دا السبب هههه. ايمان أمس قابلتنى وقالت لى جبنا سيرتك ...المرة الجاية لازم نشوفك.. مريوم طالما الوزن ثابت دا براهو محمده كبيره . العوض والله عينى بارده قو لوزر..... الليلة رجعته تعبانة من الشغل وفتحته للجم بكره ح أمشي كان الله حيانه.
البوست عيييييك مشا الصفحة الرابعة .... وين انتوا يا اهلنا ؟؟؟
Post: #860 Title: Re: Sudaneseonline Biggest Loser Author: مريم بنت الحسين Date: 03-15-2012, 06:39 PM Parent: #858
سلام يا لوزرز...
الليلة فخورة بانجاز جميل جداً، كان عندي عزومة وفيها بلاوي زرقا! كسره وملاح تقلية عجيب! معاه قراصة بي دمعة!! ايوه كنا عازمين حلفاويين وجعليين ! ده غير الدجاج المشوي والسلطات والشوربة بي الكريمة.. اها انا قمته شربته شوييييه شوربه... قفلت نفسي، واشتغلته سلطات... الحلو كان تريماسو! بموت فيه جدا جدا... قررت ارضّي على نفسي واكل منه بما اني ما اكلته في الغدا كتير ولا جوطته... قمته اكلته لي شريحه لكن كوجبه براها... لحدي الان تمام موش! المشكلة انه نادر طلع، وضرب لي قال جايب فول من النوع الما ممكن يخلوه داك!...وانا ضعيييييييييفة امام الفول المصلّح... فشكلي حأتوكل على الذي لا ينام... ونشوف الوضع يوم السبت جاط لياتو درجة ونرجع ليكم
Quote: المشكلة انه نادر طلع، وضرب لي قال جايب فول من النوع الما ممكن يخلوه داك!...وانا ضعيييييييييفة امام الفول المصلّح... فشكلي حأتوكل على الذي لا ينام... ونشوف الوضع يوم السبت جاط لياتو درجة ونرجع ليكم
مارس شهر الكوارس.. 15 يوم مرت والحصيلة صفر.... لم اتمرن منذ اسبوعين بسبب حالة مرضية طارئة(حبن فى اعلى الرجل) حاولت المستحيل لمراقبة اكلى الا ان النتيجة 60% ...الحسنة الوحيدة هى التخلص من السكر تماما حيث اصبحت استمتع بالشاى المسيخ بدون سكر وهى مرحلة كما قال على سكر الختم جيدة جدا ....التوقف عن تناول السكر اصعب حاجة فى تخفيض الوزن وبعده ياتى التوقف عن اكل الرغيف ...... الاسبوعين الفاتو ال diet بتاعى كان الفول كوجبة يومية بزيت الزيتون وقطع متعددة (5 او 6 او 7 ) من رغيف ال whole wheat يوم التلاتاء كنت معزوم عشاء عند احد الاصدقاء (وانا بالمناسبة ما بتعزم كتير) المهم مشيت مبيت النية على رفع الريجيم ليوم واحد ... اكلت سجك بعد شهور طويلة برضو اكلت رغيف بسلطة الاسود ودجاج وشربت الشاى مسيخ(لا بالله)
----------------
ابتهال ....موضوع النوم ده انا عملت فىهو دكتوراة عديل ....فار التجارب كان شخصى الضعيف...كنت وما زالت اراقب حالة النوم عندى باستمرار ....اظن انى اراقبها اكتر من مراقبة الاكل ..... الاسبوع الفات مريت بنفس التجربة بتاعتك ...اكون محمر للمنبه عشان يضرب...النوم طشه مرة واحدة... بمرجعة log الاسبوع لاحظت الاسباب دى قد تكون وراء التغيير العجيب فى حالة السغد التى امر بها... السبب الاول تغيير ساعات العمل السبب التانى تغيير الساعة وتقديمها للامام.. السبب التالت تغيير مفاجى فى نمط الحياة (عدم رياضة وعدم مراقبة الاكل) السبب الرابع والمشتبه الاول ال trap لسبب مجهول الجسم فقد المقدرة على النوم لمدة يومين او يومين ...الجسم قام برمج نفسه على قلة ساعات النوم وكل يوم يمر الجسم يغرق زيادة فى النظام الجديد لغاية ما يصل مرحلة الارق دكتور النصرى Phd sce Hccie, Cic
ازيكم يا لوزرس؟؟؟ نبدا بالعوض.... الالم فى وسط الساق ده يا العوض معناه انك محتاج جزمة احسن للجرى. فى محلات بتاعت جزم رياضية متخصصة ممكن تمشى ليهم و هم ح يساعدوك تختار جزمة مناسبة لشكل رجلك. او امشى المول و اشتر لى جزمة جرى سمحة (ح تكلفك زيادة شوية) لكن صدقنى استثمار مفيد جدا و الله موضوع نزول الضغط ده (ما شاء الله تبارك الله) انجاز خرافى.
مريوم بالتوفيق.....و نحييك على انتصاراتك فى معارك القراصة و التقلية يا زولة انا معاى ضيوف الايام دى ...باكل معاهم كمن لا يخشى السمن..
ابتهال....مشتاقين يا اخى. الاطفال برنامج. بالجد مرات كنت ما بتريض لانه ما فى زمن.
نجاة....عينى باااردة. يوم واحد من غير رياضة ما مشكلة.
انتو القلب النابض وين؟؟؟؟ انا متلومة معاها ..من ما جات البوست و انا مشغولة و ما فضيت ابرمج بيها...
الدكتورة قبل كم يوم ادتنى ال ok انى ابدا اتريض....لكن و الله ما عندى زمن. عذر غريب موش؟؟؟ لكن بالجد ما عندى زمن لرياضة و لا حتى انى اراقب اكلى. بكون زتا لى حوالى 5 ارطال فى الشهر الفات ده براه غايتو لما حياتى تنتظم شويه كده بقول ليكم عوك و ح ابدا فى الرياضة.
Quote: نجاة....عينى باااردة. يوم واحد من غير رياضة ما مشكلة.
حكمنا أذيك... انتى عارفة كل يوم من الشغل بمر على الجم عشان فى طريقى... مرات بقوم على بجى بجنبو وبزيد السرعة عشان ما أقيف والله صحي ..... أمس مشيت وحرقته 560 الليلة دى الجية من الجم 450 يعنى لو ما الويكند فيه خرمجة كان زمان بقينا غزال هههه...
Post: #865 Title: Re: Sudaneseonline Biggest Loser Author: مريم بنت الحسين Date: 03-17-2012, 11:08 AM Parent: #864
ازيكم يا لوزرز... الحمد لله، الفترة الفاتت بتاعت الجوطه وعدم الرياضة ما عملت مشاكل، والليلة قسته لقيت روحي ناقصه 400 جرام...
الفول اليوم داك وحاتكم اكللللللللللته، وشربته الشاي الاخضر... طبعا من الحاجات الحلوه شديد اني منتظمة في الموية والشاي الاخضر، بشرب شاي اخضر بمعدل تلاته كبابي كبيرة في اليوم.. وطبعا هو في دراسات اثبتت انه بساعد على رفع معدل الحرق في الجسم... وفي دراسات شككت، لكن المهم فيهو انه مشروب zero calories، ولانه دافي احسن انه الزول يشربه بدل ما يشرب مويه بارده... حأجي اكتب عن عادة شراب الموية البارده بعد الاكل المتعودين عليها دي...
سلام يا جماعة. مبروك يا نجاة والله إنجاز رهيب خمسة أرطال و نص في أسبوع. الظاهر إنه الرياضة تأثيرها كويس عليك و إنك محافظة في الأكل رغم إنك قايلة روحك بتلخبطي. البركة فيكم يا النصري في السمك. لكن بيني و بينك أنا لمن السمك مات شعرت بفرحة خفية. مبروك يا مريم النقصان رغم عدم الرياضة. و ربنا يعجل بإصلاح التريدميل عشان تواصلي. كويس إنك عاملة تحكم كبير في نفسك... أنا غايته مع سياستك دي... إنه الواحد ما يحرم نفسه حرمان تام و يتوسط في الأمور كدا بكون في إمكانية أكبر للمواصلة و في نفس الوقت يحاول يكون حاسم في بعض الحاجات. قبل يومين حصل لي امتحان قريب لامتحانك... كان عندنا اجتماع في الشغل و الجماعة جايبين بسكويتات و دونتس و مفنس (من تيم هورتونس يا النصري). قمت قلت أعمل خيار صحي (قال صحي قال) و شلت لي مفن بتاعت جزر و معاها زبدة و قعدت أعاين ليها أثناء الاجتماع و مرات أفكر أقول خلاص آكل نصها و تاني أقول لا أحسن أشوف فيها كم كالوري أول المهم الحمد لله انتهى الاجتماع بدون ما ألمسها و شلتها معاي مكتبي و فتشت لقيت فيها تلتمية و سبعين كالوري فكرت شوية و شلتها ختيتها مع الحاجات الفضلت و بعد شوية الجماعة لقطوها كلها و أنا ارتحت نفسيا بصورة عجيبة. ياخي تلتمية و سبعين كالوري دي دايرة جري بتاع قريب الأربعة كيلومتر عشان الواحد يحرقها. سلام لحكمنا و في انتظار رجعتك للرياضة متأكد إنك إن شاء الله حتكوني منافسة خطيرة و تحسمي لينا ناس غباشي ديل و كمان نجاة الما شاء الله عليها بقت تنقص خمسة أرطال في أسبوع واحد. بالنسبة لألم الرجل والله حيرني غايته بعد وقفة يومين إتريضت أمبارح و شاعر بالألم أخف. الغريبة غيرت الجزمة لي أسبوع لكن ما شعرت بتحسن. أنا غايته أدائي في الشهر دا ما بنفس مستوى الشهرين الفاتوا. متوقع نقصان إن شاء الله لكن ما حيكون زي المعدل الفات إلا إذا قدرت أستعدل في الفترة الجاية. حأرجع بتقاريري إن شاء الله.
Quote: قمت قلت أعمل خيار صحي (قال صحي قال) و شلت لي مفن بتاعت جزر و معاها زبدة و قعدت أعاين ليها أثناء الاجتماع و مرات أفكر أقول خلاص آكل نصها و تاني أقول لا أحسن أشوف فيها كم كالوري أول المهم الحمد لله انتهى الاجتماع بدون ما ألمسها و شلتها معاي مكتبي و فتشت لقيت فيها تلتمية و سبعين كالوري فكرت شوية و شلتها ختيتها مع الحاجات الفضلت و بعد شوية الجماعة لقطوها كلها و أنا ارتحت نفسيا بصورة عجيبة.
العوض سلامات والله ماتشوف الخمسة ارطال دى ..ذى المفناية كنت أكلتها بدون كلام ههههه طبعآ مشكلتى ضعيفة امام الاشياء دى والله صحي.... غايتو قول بس الله يسترنا لحدى يوم السبت الجاى كان ما الخمسة دى انقسمت لنصين.... النصرى البركة فيكم فى السمك ...الله ريحك من دكان أكل السمك..
عملت مداخلة طويلة وقبلما اخلصها التلفون ضرب..انشغلت فى المكالمة ولمن جيت راجع لقيت الصفحة اتقفلت .......
-------- الف مبروك نجاة الخمسة رطل فى اسبوع ....غايتو كان ما اخاف الكضب دى اول مرة نسمع منك اخبار مزلزلة زى دى... طبعا ناس غباشى برشونا بيها كل يومين ..... الان اتضح انه الخرمجة بتلعب دور رئيسى فى نقصان الوزن لانها بتجهجه الدماغ و تخلىهو ما عارف شايت وين!
اتخيلو معاى خلايا المخ (المعنية بصحة وغذاء الانسان) اتخيلو معاى الخلايا والخلاف يدب بينها ... جناح يسارى متطرف يدعو الى حرق الدهون اول باول وجناح تانى يمينى محافظ يدعو الى تخزينها وحفظها للمستقبل...... لمن الزول مثلا ياكل قطعة باسطة وهو فى حالة ريجيم صارم الخلايا المتطرفة تقول للمخ احرق احرق ..حرقهم بلاء الخلايا المتحفظة تدعو المخ لتخزين قطعة الباسطة وحفظها لليوم الاسود...... نتيجة للانشقاقات دى غرفة القيادة تدخل فى مرحلة من الفوضى نتيجتها انو اعضاء الجسم تتصرف منها وليها .تحرق زى ما دايرا وتيخزن زى ما عاوزا
-------------- والله يا ياسر حزنت لموت السمكتين وناوى امشى اشترى اتنين تانيات لكن المرة دى عاوزهم يكونو صحراويات ...مفكر فى قرموط او قرقور ,,,,
تقرير يوم الثلاثاء 13/3: عدد الكالوريز الاتناولتها 1618 كالوري. رياضة حوالي 68 دقيقة حرقت 850 كالوري. الصافي فقدان 1349 كالوري.
تقرير يوم الأربعاء 14/3: عدد الكالوريز الاتناولتها 1603 كالوري. مافي رياضة. الصافي فقدان 619 كالوري.
تقرير يوم الخميس 15/3: عدد الكالوريز الاتناولتها 1470 كالوري. مافي رياضة. الصافي فقدان 752 كالوري.
تقرير يوم الجمعة 16/3: عدد الكالوريز الاتناولتها 1610 كالوري. رياضة حوالي 70 دقيقة حرقت 825 كالوري. الصافي فقدان 1329 كالوري.
تقرير يوم السبت 17/3: عدد الكالوريز الاتناولتها 1582 كالوري. رياضة حوالي 60 دقيقة حرقت 730 كالوري. الصافي فقدان 1277 كالوري.
Post: #873 Title: Re: Sudaneseonline Biggest Loser Author: مريم بنت الحسين Date: 03-18-2012, 10:08 AM Parent: #872
ألف ألف ألف مبروك يا نجاة... والله رفعتي راسنا... بس اعملي حسابك، غباشي كيلوهات قال كلمة مهمة جداً... قال انه النقصان المبني على الخرمجة مرات بضر بي سيده لانه ممكن يخرمج زياده عن اللازم، او كما قال... غايته المهم انه الخرمجه تعملي منها حسابك وعوجه ما بتجيك... خلي خرمجتك زاتها ممنهجه، فوضى خلاقه وكده... مبروك والله.. احلى شي انك مستمرة في الرياضة، ده بخلي نقصانك حقيقي .. Go Nagat
النصري، البركة فيكم في سمكاتك، وجعنّي والله... بس غايته لو اتهورت مشيت جبته غيرهن كمان تكون بالغته..
العوض ما شاء الله... keep it up... انا موضوع الكالوري كاونت ما نفع معاي... شغاله بي نظريتي الزمان وماشه معاي تمام.. الاهم في الموضوع اني اصله ما احرم نفسي من حاجه.. البجي في مزاجي باكله... لكن بقلل الكمية جداً.. يعني اديكم مثال، امس هفّ لي جداً ساندوتش بتاع مارتديلا مع مايونيز وكتشاب.. والله جد... وكمان عامله لي سلطة بتاعت حمّص بالطحينة.. اها الاتنين كانو في مزاجي، في الاحوال العادية كان ممكن امسك من كل واحد ساندوتش واظبّطه.. اها قمت عملته الاتي.. جبته عيشه واحده قسمتها النص وعملته من كل نوع نص ومعاهم ربع خسّاي.. وكباية شاي اخضر.. والله استمتعته بالوجبة لأقصى درجة.. وفي نفس الوقت ما كان في احساس بالذنب... دي طريقتي الماشه بيها مما بديت البرنامج وناجحه معاي خالص.. مثلا تاني الاسبوع الفات هفّت لي شوكولاته جالاكسي.. كلمته نادر جابها لي، قمته فتحتها واخدته منها سرشحة واحده واكلتها، بقيت كل ما تهف لي اخد شريحة (ما في نفس اليوم طبعا)، كملتها في اسبوعين [/IMG]....لاويقه موش... لكن والله الاحساس بالانجاز جميل جداً، وبخلي الزول يفتخر بي نفسه.. واحساس الذنب مافي، يعني ما بحس اني عملته جريمة.. والميزان قاعد ينقص والحمدلله...
المشكلة الان في الرياضة... الجو حالف ما يستعدل الزول يطلع يمشي في الشارع، الليلة ادونا اجازة بسبب عاصفة ترابية.. ده غير البرد.. وهو طبعا لو علي ما فارقه، لكن لو حأطلع امشي لازم اخد معاي ضنبيني... وبتاعين التريدميل ما فضل لي إلا أمشي ادقّهم.. غايته انا ماسكه روحي وما ضربته ليهم، مخليه الموضوع لنادر... لاني وصلت آخري.. ولما اصل المرحلة دي ممكن اجوط جوطه شديده.. الغريبة نادر هاديء جدا تجاههم على غير العادة، يمكن لأني متوتره منّهم... [/IMG]
العوض، ما تستهون بالاصابة عليك الله.. اسمع كلام سمارت.. اسألني انا، الاصابة دي بتعوّق عديل وبتخلي الزول يدخل في دوامة بتاعت دبرسه بسبب عدم الرياضة... انا يادووووووب كتفي ويدي بدوا يستعدلوا، لكن تاني اصلي ما بتراشق... قال عايزه اعمل downward facing dog! يا حليلي، قبل ما اجيب لولو كنت بعملها وبضحك في اخواني الما بقدروا يعملوها... ده الفيديو بتاعها، هي حركة يوجا طبعاً!
أراكم على خير... وراي تحضير للمحاضرة وغدا وغسيل عدّة وقراية...
Quote: الان اتضح انه الخرمجة بتلعب دور رئيسى فى نقصان الوزن لانها بتجهجه الدماغ و تخلىهو ما عارف شايت وين!
والله يا النصرى انا ذاتى متحيرة أكتر اسبوع كان فيه خرمجة يعنى أكلته بيرقر كينق مرة وكمان سلطة اسود ..بس الحق يقال مشيت الجم خمسة ايام واقل حاجةكنت بحرق 450 غايتو الرجيم ذى الدنيا ماتعرف البحصل ليك شنو...
قو العوض.... نتائج مبهرة بس اعمل حساب رجلك ..قبل الرياضة حقو تلفها بشريط وتمسح ايس اند هت اتخيل لى شفت واحدة فى الجم بتعمل كدا قبل ماتبداء الرياضة والله أعلم.
Quote: خلي خرمجتك زاتها ممنهجه، فوضى خلاقه وكده... مبروك والله.. احلى شي انك مستمرة في الرياضة، ده بخلي نقصانك حقيقي .. Go Nagat
مريومة يباركو ليك السمح انتى قايلة المحيرنى دا اكتر أسبوع خرمجتة فيه خرمجة غير ممنهجة والله صحي.... لكن ما عندى اى تنظير للظاهرة دى غايتو ح احاول التزم الاسبوع دا ولو النتيجة جأت عكس ح أرعى فى كل ماتشتهيه نفسى ههههه....
Quote: لكن والله الاحساس بالانجاز جميل جداً، وبخلي الزول يفتخر بي نفسه.. واحساس الذنب مافي، يعني ما بحس اني عملته جريمة.. والميزان قاعد ينقص والحمدلله...
like
Post: #875 Title: Re: Sudaneseonline Biggest Loser Author: النصرى أمين Date: 03-20-2012, 02:52 AM Parent: #874
مارس شهر الكوارث احتاج لمعجزة ل salvage الشهر ده ......
Post: #876 Title: Re: Sudaneseonline Biggest Loser Author: النصرى أمين Date: 03-21-2012, 10:05 AM Parent: #875
البركة فيكم وفينا فى فقيد الوطن الشاعر حميد... -----------------------------------------------------
المعجزة التى كنت اتمنها ان تحصل قد حصلت المعنويات دلوقت فى السماء .... يا ما انت كريم يا رب ...
المداخلة دى طويلة شوية ..اتمنى ان يتسع صدركم لها... ----------------------------------------------
منذ بداية مارس الحال واقف..الرياضة مجهجه وغير منتظمة..الاكل ملخبت وغير منضبط ....
امس التلاتاء 20 مارس وانا طالع من الشغل..لقيت مديرى المباشر ..تبادلنا التحايا والهظار (علاقتى به ممتازة جدا مبنية على الاحترام والاخلاص فى العمل) قال لى انه تكلم من الموظفة المسؤولة ووافقت على طلبى بخصوص ملابس الشغل... فى مداخلة سابقة وضحت كيف بلدية كالقرى تشجع عامليها على نقصان الوزن وتحفزهم بملابس اضافيه (غير الكوته المخصصة)
قلت لمديرى يا حليلك ..انا من اجازتى الموضوع باظ .... سالته كم المتوسط للحصول على الحافز ..قال لى حوالى نقصان 2 بوصة فى الخصر ..... قلت ليه انا ماشى دلوقت للمخازن والمهمات والبحصل يحصل....
مشيت .....لقيت فى ضباط بوليس برضو بستلمو فى ملابسهم .... لمن جاء دورى ..الموظف سالنى ماذا اريد من ملابس .. حددت لهم الكمية (بناطلين ..قمصان ..شرابات .طواقى ..جزمـــة...جاكيت... قال لى البنطلون نفس المقاس بتاع المرة الفاتت (46 بوصة) اجبت بالنفى ... قال لى مقاسك كم دلوقت ..... قلت ليهو ماعارف ,,, قال لى كيف ماعارف ...قلت ليهم انا ما من هواة شراء الهدوم وكراهيتى فى الدنيا المولات..... قال اوكى ..اومشى الاوضة التانية خلى واحدة من البنات فى قسم الخياطة ان تاخد مقاس الخصر (للبنطلون) فعلا مشيت ..لقيت واحدة فلبينية مرض .. اخدت المقاس وقالت لى 48 بوصة .... ياالله ياالله ياالله والله احبطت احباط لايمكن وصفه .. 6 شهور من المعافرة والشاى المسيخ وفى النهاية مافى اى تحسن .... جيت للموظف وكلمته بمقاس البنطلون ...قال لى للضمان امشى جربه وراء الستارة دى... اجرب ليهو شنو؟ وهو فى نفس يجربو بيها.. ادينا خلينا نتخارج ..... شلت البنطلون ومشيت وراء الستارة .. البنطلون طلع كبير.. جيت راجع للموظف وطلبت مقاس اصغر 46 جربته ..برضو طلع كبير.. بسم الله الرحمن الرحيم.. ادانى مقاس اصغر 45 برضو طلع كبير... حاجة غريبى... جربت 44 برضو كبير 43 برضو كبير
اخيرا جربت 42 لقيتو قدرى تماما مع حبه وساع والله العظيم وكتابه الكريم بقيت ارقص خلف الستارة ما مصدق من قمة الاحباط الى منتهى السعادة.... مقاس 42 اخر مرة بتزكره والله امكن فى نهاية التسعينيات شى لا يخطر على بال
ولسه المفاجات ما انتهت هنا
اشرب موية واجى للمواصلة
Post: #878 Title: Re: Sudaneseonline Biggest Loser Author: النصرى أمين Date: 03-22-2012, 00:07 AM Parent: #877
جيت البيت واخدت لى نومه قصيرة ورجعت للدوام التانى.... لمن رجعت البيت ..قعدت فى الكمبيوتر افتش عن ماكينة التريدميل(اتمنى نلقى ترجمة للاسم ده) كل المحاولات السابقة باءت بالفشل...ناس كنت عاوز اشترى منهم زاغو من البيعة وناس زغت انا من البيعة .... سعر الماكنة فى المحلات غالي جدا يصل لالاف الدولارات اكتر محل بيع مثل هذه الاجهزة هو canadian Tire وهو سوبرماركت ضخم جدا جدا... كل يوم بدخل الموقع بتاعهم بحثات عن اى تنزيلات لاشى اطلاقا .... المهم ... حوالى الساعة 6 مساء التلفون ضرب .... صاحبى فلان .... قال لى انه فى تلك اللحظة فى المحل Canadian Tire وقد لاحظ ان هناك تريدميل للبيع بسعر خرافى ....قلت ليهو مستحيل ..انا اتصفح الموقع بتاع الشركة وليس هناك اى تنزيلات قال لى ان الماكينة ماركة كذا وكذا ويبدو انها الاخيرة..لم اصدق .... قفلت الخط واتصلت بالمحل ..اكدو لى ان التريدميل موجودة وهى الاخيرة وان سعرها 999 دولار ومعروضة الان ب 329 دولار فقط ...اتصلت بصاحبى ....اتفقنا يشتريها لى وسارجع له المبلغ تانى يوم... فعلا تم شراء التريدميل وجاء صاحبى وقام بتركيبها فى عمليه استغرقت اكثر من ساعة ....... ساقوم بتصويرها وعرض صورها لاحقا .......
امس اول يوم اطلع الشارع (رياضة و ليس مظاهرات) كان عندى اشتراك فى الجم لكن لغيته قبل حوالى سنة. او فى الحقيقة جمتده....قلت اشوف الحاصل شنو قبل ما ارجع.
هدفى يا جماعة انى شهر 12 اقدر اجرى ربع ماراثون (حوالى 7 ميل) بسرعة 6 ميل فى الساعة من غير توقف. امس لبستا عدة الشغل (الجرى) و اتوكلت على الله و مرقت. الكضب خيبه...عشان كده ح اعترف بالحقيقة المره...انى لقيت لياقتى فى الارض. طيب الخطة ح تكون كالاتى: عشان اقدر اجرى كويس لازم انزل وزنى شويه. و عشان انزل وزنى لازم اتريض (اجرى ). دى ذى ما بيقولوا الامركان Catch-22 * طيب اول حاجه ح اعملها انى ح اكل كلوريز تخلينى انقص حوالى رطل و نص فى الاسبوع. ليه رطل و نص بس؟؟؟؟؟ ذى مريم عندى بيبى بيعتمد على. و ما مفروض انزل وزن كتير سريع. و ح ابدا الرياضة بالمشى لمدة شهر و بعدها نشوف الحاصل. افضى شوية و انزل ليكم كل يوم المسار بتاعى. لقيت تطبيق بتاع اى فون بتشغله لما تبدا الرياضة و التطبيق بيوريك السرعة فى كل المسار و بيرسم المسار فى خريطة و عدد السعرات الحرارية المستهلكلة. التطبيق من Nike ...و حقيقى ظريف جدا. ________________________________________________ * http://en.wikipedia.org/wiki/Catch-22_(logic)
Post: #882 Title: Re: Sudaneseonline Biggest Loser Author: مريم بنت الحسين Date: 03-22-2012, 10:35 PM Parent: #881
يا اخوانا والله انا فترته من اخبار الموت، استغفر الله العظيم... يعني بالجد الواحد بقى يخاف يفتح سودانيزاونلاين.. ان شاء الله البركة فيكم في حميد وفي نقد والله يلطف بينا ويحن علينا بعد ده كفانا خلاص
الخبر الحلو يا النصري انه الفنيين جو امس وصلحوا الالة والليلة جابوها، يعني بكره حأنكرب حأنكرب.. تاني مافي عذر، إلا كان اشوف لي اصابة ملاعب ولا حاجه.... خخخخ، لكن انا جاده في الالتزام بمكتسبات الثورة والله... لازم نعزز النجاحات دي....
سمارت نزلت الملعب... حبابك ومرحبابك.... لكن دايرين لينا حكم والله! غباشي بعد ده انت امسك حكم... كفاية نقصان وزن ياخ... أيوه حساده بالواضح كده!
اخوكم مشغول ومزنوق... برجع بكره بعد ما امشي في التريدميل عشان اقدّم تقريري
العوض ركبتك كيف؟
نجاة، what's up?
Post: #883 Title: Re: Sudaneseonline Biggest Loser Author: Nagat Sid Ahmed Elshiekh Date: 03-23-2012, 00:18 AM Parent: #882
لوزرز قو.... حزينة والله لفقد الانسان الشاعر حميد ونقد.. البركة فى الشعب السودانى الباقى.....
Quote: اخيرا جربت 42 لقيتو قدرى تماما مع حبه وساع
الف مبروك النصرى .. دى حاجة عظيمة وح تديك دافع لمزيد من النقصان .. الف مبروك التريدميل أهم شي الالتزام .
العوض كيف رجلك وفى انتظار الركرد بتاع اليومين ديل .
حكمنا سلامات .... خلاص الأجازة انتهت؟؟؟ تسلمى .. ياخى سرعة 6 ميل فى الساعة دى انا ما بقدر عليها كلو كلو معنى كدا حكمنا رشيق وجراى هههه الجرى دا ماحقى وش مكشر ...
بمناسبة سؤالك دا يا مريومة اديكم تقرير الاسبوع... لحدى الان مشيت الجم 3 مرات وبكره ح أمشى لو الله حيانا.. ايوم الاثنين حرقته 450 ومعاها رياضة رفع اوزان... يوم الاربعاء حرقته 550 مع رياضة أخرى... الخميس 600 . أكلته استيك ساندوتش مبالغة ما قدرته أقاوم... بكره ح أمشى الجم عشان يوم السبت نشوف عاملين كيف....
مريوم......مبروك المكنة اتصلحت يا اخي. انا عندى البتكال في البيت و ما قاعده استعملها لان حجار البطارية بتاعها عاوزه تغيير. عذر ظريف، موش؟؟؟ شدى حيلك.
نجاة ....ما شاء الله تبارك الله. بالمناسبة موضوع 6 ميل في الساعة ده هسي انا كان ساكيني اسد ما ح اقدر عليه. لكن ان شاء الله لحدى شهر 12 اكون اتدربت كويس و لياقتي اتصلحت.
سلامي للجميع و شكرا ليكم على السؤال و زي ما قال النصري والله الواحد بقى يخاف يفتح البورد... اللهم اغفر لحميد و نقد و جميع موتى المسلمين. الرجل الحمد لله بخير الألم ما كان في الركبة كان في الساق اليمين و ورم في القدم الشمال. الحمد لله الألم زال و مواصل الرياضة و ربنا يسهل. زي ما قلت إحساسي إنه الانخفاض في الشهر دا ما حيكون زي ما متمني لكن ما مشكلة الواحد يحاول يعوض و لسع عندي شهر أربعة و جزء من شهر خمسة في الخطة بتاعتي. مرحب بيك يا سمارت و ما شاء الله هدفك طموح جدا ربنا يقدرك عليه. مبروك يا مريم تصليح التريدميل. وجودها في البيت مفيد جدا هسع أنا مرات بتريض بعد الساعة حداشر بالليل و محاول حاجة أتمنى أنجح فيها و هي إني أحول الرياضة للصباح قبل ما أمشي الشغل. ما شاء الله يا نجاة مواصلة تمام و في انتظار بشريات يوم السبت. الضغط يا سمارت ماشي تمام الحمد لله... قست قبل شوية لقيته 112/76. حأرجع بتقاريري بعد شوية إن شاء الله.
Post: #886 Title: Re: Sudaneseonline Biggest Loser Author: مريم بنت الحسين Date: 03-23-2012, 06:15 PM Parent: #885
اشتريت لي شتلة بتاعت نعناع... بعد كل وجبة قاعده اشرب كباية شاي اخضر ومعاها "حفنة" بتاعت نعناع فريش.. حاجه لزيزه بشكل.. اعتقد انه شراب شي دافي بعد الاكل مباشرة مفيد وماشي معاي تمام... بكره الصباح حأقيس واجيكم بالنتيجة....
تقرير يوم الأحد 18/3: عدد الكالوريز الاتناولتها 1685 كالوري. رياضة حوالي 40 دقيقة حرقت 500 كالوري. الصافي فقدان 975 كالوري.
تقرير يوم الاتنين 19/3: عدد الكالوريز الاتناولتها 1649 كالوري. مافي رياضة. الصافي فقدان 573 كالوري.
تقرير يوم الثلاثاء 20/3: عدد الكالوريز الاتناولتها 1533 كالوري. رياضة حوالي 73 دقيقة حرقت 850 كالوري. الصافي فقدان 1426 كالوري.
تقرير يوم الأربعاء 21/3: عدد الكالوريز الاتناولتها 1501 كالوري. رياضة حوالي 45 دقيقة حرقت 535 كالوري. الصافي فقدان 1187 كالوري.
تقرير يوم الخميس 22/3: عدد الكالوريز الاتناولتها 1560 كالوري. رياضة حوالي 90 دقيقة حرقت 1125 كالوري. الصافي فقدان 1648 كالوري.
Post: #888 Title: Re: Sudaneseonline Biggest Loser Author: مريم بنت الحسين Date: 03-24-2012, 06:06 AM Parent: #887
صباحكم خير بس دي طله سريعة وراجعة للدوّامة الأنا فيها...
نقصته كيلو... نعم!... طبعا الكيلو الزدته داك طلع اشاعه! موش كلمتكم؟ كده انا فضل لي تلاته كيلو عشان اصل الهدف الثاني بتاعي... حسي انا في مشكلة! انا بنقص وزن من غير رياضة... باكل والحمدلله ما حارمه نفسي، والدليل امس اكلته لي مفن بتاعت شوكولا قدر الضربه من Krispy Kream... لكن لازم اتريّض عشان احافظ على النقصان وازيده وفي نفس الوقت لازم العضلات تتشد.. نقصان من غير رياضة ما ينفع!
الليلة حأدخل نص ساعة بتاعت تريدميل في البرنامج الجايط بتاعي... ونشوف الببقى
سمارت قلت لي مافيهو بطّارية! ده عذر ده! الله بسألك!
غايته امس عملته لي بسكويت يانسون، يهبّل! ويادوب صحيت حأمشي اظبط الشاي بالنعناع الماخمج مع البسكويت... :)
لووووووزرز سلام.... مريوم مبروك الكيلو مع الخرمجة هههه... ذى قصتى مع أسبوع الخرمجة أبو خمسة رطل دى حقو يعملوا فيها دراسة... حكمنا امانة ما ا تلومتى حجارة بطارية ههههه..... ياخى نحن منتظرين ال 6 ميل فى الساعة قريبا تسلمى. يا أهلنا ابتهال دى فقدتوها ؟؟؟ وأين البقية متشوقين لمعرفة اخبارهم ... والله صحي. انا حصلت لى ظروف وما مشيت وزنته الليلة ح امشى يوم الخميس ... عذر غير مقبول ذى حجار حكمنا..... أحتمال خوف الزيادة .......
لووووووزرز سلام.... مريوم مبروك الكيلو مع الخرمجة هههه... ذى قصتى مع أسبوع الخرمجة أبو خمسة رطل دى حقو يعملوا فيها دراسة... حكمنا امانة ما ا تلومتى حجارة بطارية ههههه..... ياخى نحن منتظرين ال 6 ميل فى الساعة قريبا تسلمى. يا أهلنا ابتهال دى فقدتوها ؟؟؟ وأين البقية متشوقين لمعرفة اخبارهم ... والله صحي. انا حصلت لى ظروف وما مشيت وزنته الليلة ح امشى يوم الخميس ... عذر غير مقبول ذى حجار حكمنا..... أحتمال خوف الزيادة .......
Post: #891 Title: Re: Sudaneseonline Biggest Loser Author: مريم بنت الحسين Date: 03-27-2012, 01:01 PM Parent: #890
تحياتي يا لوزرز اخوكم مزنوق كالعادة... لكن جيت اكتب عشان البوست يظهر ... يا النصري ان شاء الله دخلته البوست للربع الجاي.. ما تنسى عليك الله
الوضع الامني مستقر جداً.. امس بدأت الرياضة خلاص مافي اعذار تاني... عملته نص ساعة مشي بي سرعة 6 كيلو/الساعة.. وبعدها عملته نط حبل (بديت بي 100 نطّه حأزيدهم شويه شويه)، هدفي اصل لي 500 نطه في اليوم.. نط الحبل ميزته انه رياضة حلو جدا لتقوية عضلات الكرعين... وبرضها بتزيد من قوة عضلة القلب... وبتمرن عضلات اليدين... بس اعملوا حسابكم لازم تتعمل وانتو لابسين جزمة كويسه... عشان احتمال الاصابة فيها عالي.. فكرة كويسه انه الزول يقسم العدد العايزه لي 20 نطه وبينهم بريك صغير، احسن من انه يجرهم ال100 ورا بعض... كده القلب بتمرن احسن...
يلا.. نراكم لاحقاً
Post: #892 Title: Re: Sudaneseonline Biggest Loser Author: مريم بنت الحسين Date: 03-30-2012, 03:28 PM Parent: #891
وين يا لوزرز.....
اجازة المدارس انتهت .. الليلة اخر يوم... محمود من بكره بنزل المدرسة وانا بنزل الجامعة :(.... لكن برضه كانت بريك لطيف وارتحت فيه...
بكره الوزن... وخاااااايفه، الليله يومي كان متعب، ناوية اتريض لكن بالجد مرهقة ولسه وراي ترتيب... طبعا الجوطه بتاع الشتاء وملابسه ومضايرتهم .. ده غير انه الليله عندنا تراب شين... حأحاول اضغط على روحي واعمل الرياضة... خاصة اني معاقبة روحي بي زيادة وقت الرياضة لاني امس بالليل اكلته لي ساندوتش مربى بي جبنه.....
شكرا يا مريم على رفع البوست. كنت عايز أبدا أفتش عليه. حأرجع بتقارير عن الفترة الفاتت. بعد بكرة يوم الوزن بالنسبة لي متمني أكون نزلت لي على الأقل عشرة أرطال في الشهر دا لكن ما شكلي غايته.
سلامات يا مريم و تحياتي ليك على قوة العزيمة و الإصرار على الالتزام بالبرنامج بتاعك. بالنسبة لعدد الكالوريز البحرقها في نقطة مهمة ما تنسيها و هي تأثير الوزن يعني كل ما الزول كان وزنه أكبر بحرق عدد أكبر من السعرات الحرارية مقارنة بزول وزنه أقل و مارس نفس نوع الرياضة لنفس الزمن. مثلا إذا واحد وزنه متين رطل مشى لمدة ساعة بسرعة تلاتة ميل في الساعة حيحرق حوالي أربعمية كالوري. نفس الرياضة دي (مشي لمدة ساعة بسرعة تلاتة ميل في الساعة) لو عملها زول وزنه مية و خمسين رطل حيحرق حوالي تلتمية كالوري. بالنسبة للرياضة بتاعتي ببدا التسخين بسرعة 5.6 كيلومتر في الساعة و أزيد كل نص دقيقة درجة لغاية ما أصل سرعة 7.4 كيلومتر في الساعة (غايته رغم كل الكلام القالته سمارت أنا بعتبر دي سرعة الجري بتاعتي) بعداك حسب نشاطي إذا كنت ناوي أتريض لزمن أطول و بنشاط أكتر بزيد درجة كل دقيقتين لغاية ما أصل سرعة 8.7 أو 8.9 كيلومتر في الساعة و بعداك بنزل درجة كل دقيقتين أو تلاتة (برضه حسب النشاط) لغاية ما أصل سرعة 7.4 بعداك في كل درجة بستمر لمدة خمسة دقايق لغاية ما أصل سرعة 6.1 و بعداك ببدا في التبريد في كل درجة بستمر تلتين ثانية لغاية ما أنتهي من الرياضة. لما أكون مكسل بعد سرعة 7.2 بزيد درجة كل دقيقة لغاية سرعة 7.5 و بعداك بنقص درجة كل دقيقة لغاية ما أنتهي. التريدميل بتاعتي الدرجات بتاعتها بتاعة السرعة كالآتي: 5.6، 5.8، 6، 6.1، 6.3، 6.4، 6.6، 6.8، 6.9، 7.1، 7.2، 7.4، 7.6، 7.7، 7.9، 8.1، 8.2، 8.4، 8.5، 8.7، 8.9. سرعة 8.9 دي آخر سرعة وصلتها حتى الآن ما عارف بعدها في شنو :). أتمنى يكون كلامي دا واضح و مفيد. وين باقي الجماعة مختفين؟
Post: #897 Title: Re: Sudaneseonline Biggest Loser Author: Nagat Sid Ahmed Elshiekh Date: 03-31-2012, 01:50 AM Parent: #896
Quote: وين باقي الجماعة مختفين؟
قاعدين ياالعوض..... تقريرك مية مية وفى انظار النتيجة ...أكيد ح تكون مشرفة. مريومة سلام وماشة كويس ربنا يقويك .... الاسبوع دا النتيجة أقل من رطل واحد...المهم مافى زيادة رغم الخرمجة ....الرياضة ماشة تمام 4 ايام فى الاسبوع واقل شئ بحرق 450 ... يا اخوانا البقية وين؟؟؟؟؟؟؟؟؟
سلامات يا نجاة و مبروك النقصان الجديد... و أكيد مع الرطل النقص دا في نقصان تاني أكبر لأنه واضح إنك بتتخلصي من الشحوم و بتكوني عضلات و دي حاجة كويسة جدا. معليش يا جماعة بس تصليح في مداخلتي الفوق (بالأحمر):
سلامات يا مريم و تحياتي ليك على قوة العزيمة و الإصرار على الالتزام بالبرنامج بتاعك. بالنسبة لعدد الكالوريز البحرقها في نقطة مهمة ما تنسيها و هي تأثير الوزن يعني كل ما الزول كان وزنه أكبر بحرق عدد أكبر من السعرات الحرارية مقارنة بزول وزنه أقل و مارس نفس نوع الرياضة لنفس الزمن. مثلا إذا واحد وزنه متين رطل مشى لمدة ساعة بسرعة تلاتة ميل في الساعة حيحرق حوالي أربعمية كالوري. نفس الرياضة دي (مشي لمدة ساعة بسرعة تلاتة ميل في الساعة) لو عملها زول وزنه مية و خمسين رطل حيحرق حوالي تلتمية كالوري. بالنسبة للرياضة بتاعتي ببدا التسخين بسرعة 5.6 كيلومتر في الساعة و أزيد كل نص دقيقة درجة لغاية ما أصل سرعة 7.4 كيلومتر في الساعة (غايته رغم كل الكلام القالته سمارت أنا بعتبر دي سرعة الجري بتاعتي) بعداك حسب نشاطي إذا كنت ناوي أتريض لزمن أطول و بنشاط أكتر بزيد درجة كل دقيقتين لغاية ما أصل سرعة 8.7 أو 8.9 كيلومتر في الساعة و بعداك بنزل درجة كل دقيقتين أو تلاتة (برضه حسب النشاط) لغاية ما أصل سرعة 7.4 بعداك في كل درجة بستمر لمدة خمسة دقايق لغاية ما أصل سرعة 6.1 و بعداك ببدا في التبريد في كل درجة بستمر تلتين ثانية لغاية ما أنتهي من الرياضة. لما أكون مكسل بعد سرعة 7.2 بزيد درجة كل دقيقة لغاية سرعة 8.5 و بعداك بنقص درجة كل دقيقة لغاية ما أنتهي. التريدميل بتاعتي الدرجات بتاعتها بتاعة السرعة كالآتي: 5.6، 5.8، 6، 6.1، 6.3، 6.4، 6.6، 6.8، 6.9، 7.1، 7.2، 7.4، 7.6، 7.7، 7.9، 8.1، 8.2، 8.4، 8.5، 8.7، 8.9. سرعة 8.9 دي آخر سرعة وصلتها حتى الآن ما عارف بعدها في شنو :). أتمنى يكون كلامي دا واضح و مفيد. وين باقي الجماعة مختفين؟
Post: #899 Title: Re: Sudaneseonline Biggest Loser Author: مريم بنت الحسين Date: 03-31-2012, 02:29 PM Parent: #898
ازيكم يا لوزرز ومبروك الربع الجديد... الليلة وزنته لقيت نفسي واقفه في مكاني غايته طمأنته نفسي بي انه ده وزن العضلات، النشوف النتيجة الاسبوع الجاي حتطلع كيف....احبطته حببببببببه كده، لكن قررت ما اشتغل بالموضوع كتير... وملتزمة بالبرنامج وعملته رياضتي الصباح... طبعا امس النوم طار نهائي ابا يجي ... مفنجله عويناتي زي القرد! وعشان تتم الناقصه، لولو صحت ابكر من مواعيد الصحية بتاعتي ... وبعدها بشويه جات مواعيد محمود.. المهم خلاصته اني امس نايمه لي ساعتين مجهجهات!
في انتظار النتيجة يا العوض، وشكرا على الشرح، انا طبعا بمشي ما قاعده اجري (زمااااااان قلته الجري ما حقي)... المشي ماشي معاي كويس so far، ممكن لقدام شوية احول للجري، بس خايفة من الاصابات... اقوم اقعد ليكم مره واحده!
النصري... عوك!
حكمنا سابقاً، الاخبار شنو؟ مالك لبدتي؟ ضوقيه، حلو!
السلام عليكم يا جماعة الليلة من الصباح (كيف تكون الليلة و من الصباح؟) المهم الليلة وزنت و النقصان تسعة أرطال يعني وزني الآن 190 رطل و نقصت 30 رطل من ما بديت. مشغول شوية أول ما أفضى حأعمل التضريبات الكانت اقترحتها سمارت حول نسبة النقصان من الوزن و كدا.
Quote: السلام عليكم يا جماعة الليلة من الصباح (كيف تكون الليلة و من الصباح؟) المهم الليلة وزنت و النقصان تسعة أرطال يعني وزني الآن 190 رطل و نقصت 30 رطل من ما بديت.
براااافو العوض دا شغل نضيف ...... 9 أرطال فى الشهر التانى مظبوط خالص بعدين 190 كيلو انجاز والله العاقبة عندنا... البقية لابدييين وين؟؟؟؟؟؟؟؟ فى انتظار المفاجأت من الجماعة المختفية.... أول المرة أحرق 950 فى يوم وحد حصلت الليلة دى الجية من الجم وفرحانة ب ال 950 كاليرز.... مريوم قو لوزر... حكمنا غيب وتعال تلقانا خسرانين ارطال... ترن ترننننن.
كنت بعد فى الايام عد عشان الشهر الزفت الاسمو مارس ده يتخارج... اسوا شهر على الاطلاق .....
الحمدلله انتهى وحنقلب الصفحة ......
الاداء كان سئ جدا فى الشهر ده ..كم مرة فكرت افرتك الشغلانه من شدة الاحباط .....
احسن حاجة فى الشغلانه دى انو الزول ممكن يلغى الفات ويبدا يحسب من جديد وينسى الفات
اليوم الاول من ابريل......والحساب ولد .....
Post: #905 Title: Re: Sudaneseonline Biggest Loser Author: مريم بنت الحسين Date: 04-02-2012, 05:26 AM Parent: #904
العوض، ما شاء الله تبارك الله... عيني بارده والله ما شاء الله، أرقام تفتح النفس .. عشان كده انا قمته بدري الليلة ومشيت عملته رياضتي..
نجاة، الاخبار شنو؟ والله ما شاء الله عليك! اشرحي لينا عن رياضتك، قاعده تجري زي العوض؟
النصري، انا لما انت لبدته كده عرفتتتتتك المعنويات نازله... انا لما يجيني احباط زي ده بفكر انه البديل شنو؟ يعني لو انا قررت اسيب القصة دي وارجع اجوط... البديل اني حأكون زهجانه من نفسي... بالتالي ما حأكون سعيدة... بقوم أواصل.. وعادة لما اشوف تحسن في الوزن بديني دفعه اسبوع لقدام... كويس انك قررت تبدأ تاني.. الدنيا ربيع والجو جو تفاءل... فتفاءل وان شاء الله الامور تمشي تمام.. اتذكر فرحتك لما تنزل من الtreadmill وانت خلصته الtarget بتاعك... بعدين ياخ لازم قروش الtreadmill الجديدة دي تحللهم! ومنتظرين الصورة... والله انا قاعده انسى اصوّر ليك حقتي...
بالمناسبة عايزه اسألك.. عندي اخوي الاصغر منّي بحضّر في British Columbia... وعايزاه يجيني زيارة في السعودية، قبل أقل من سنة قدّم زيارة عادية رفضوها ليه... حسي محاولين بي عمره... عايز يقدّم عن طريق السفارة، لكن ما عارفه كنت شايفاك بتتكلم عن وكالات وكده... مازن عنده PR، لسه ما عمل جواز.. تفتكر يقدّم عن طريق السفارة السعودية ولا عن طريق وكالة... وعادة القصة دي بتاخد كم اسبوع كده؟ برضه لو القصة عن طريق وكالات احسن اديني عناوين او اسماء عشان اكسب الزمن.. وشكرا مقدماً....
غباشي... والله شايفه في اكتساح حاصل ليك... ما عجبني ليك يا زميل! لكن في حبببببببة شماته كده
Quote: بالمناسبة عايزه اسألك.. عندي اخوي الاصغر منّي بحضّر في British Columbia... وعايزاه يجيني زيارة في السعودية، قبل أقل من سنة قدّم زيارة عادية رفضوها ليه... حسي محاولين بي عمره... عايز يقدّم عن طريق السفارة، لكن ما عارفه كنت شايفاك بتتكلم عن وكالات وكده... مازن عنده PR، لسه ما عمل جواز.. تفتكر يقدّم عن طريق السفارة السعودية ولا عن طريق وكالة... وعادة القصة دي بتاخد كم اسبوع كده؟ برضه لو القصة عن طريق وكالات احسن اديني عناوين او اسماء عشان اكسب الزمن.. وشكرا مقدماً....
سلام يا مريم. شكرا ليك على التشجيع. هسع الساعة عندنا قريب اتناشر بالليل... بالإضافة للمعلومات الحيديك ليها النصري أنا حأديك برضه شوية معلومات إن شاء الله بكرة الصباح.
Quote: نجاة، الاخبار شنو؟ والله ما شاء الله عليك! اشرحي لينا عن رياضتك، قاعده تجري زي العوض؟
مريوم شكرا للتشجيع ورفع المعنويات للجميع..... انا ما قاعدة اجرى والجرى دا ما حقى برضو..... قاعدة اعمل التريدميل اب يعن اوصلو 12 وانزل شوية بالتدريج من الهل لحدي ما اصل 350 آب والسرعة ثابتة 3 بوين 3 ما اكتر يعنى لما اخلص 45 دقيقة بكون حرقته 450 . بنزل للاستبس دى 30 دقيقة بتحرق ليك 300 بعد داك لو عندى حيل بحول لمكنة تانية بتحرق 100 كالريز فى 12 دقيقة ح انزل ليك صور المكنات البستعملة كل يوم.
سلام يا مريم بالنسبة لزيارة أخوك فهمت من كلامك إنه قدم مباشرة للسفارة للزيارة و تقريبا شبه مستحيل إنهم يدوا تأشيرة بالطريقة دي. الإجراء إنكم تقدموا ليه للزيارة من السعودية في وزارة الخارجية بعداك بعد ما يرسلوا ليكم الموافقة ترسلوها ليه و هو يقدم للسفارة و لازم التقديم يكون عن طريق وكالة معتمدة عند السفارة السعودية (العمرة نفس الحكاية لازم يقدم عن طريق وكالة). في تقديري أحسن تقدموا ليه للزيارة إذا عايزنه يقدر يزوركم لأنه تأشيرة العمرة قد تقيد حركته داخل المملكة. ما أظن طلب الزيارة يكون مشكلة. دعواتي لكم بالتوفيق.
Post: #909 Title: Re: Sudaneseonline Biggest Loser Author: النصرى أمين Date: 04-03-2012, 02:15 AM Parent: #908
سلام يا شباب ان شاء الله كلكم بخير وعافية.....
--------------------------
حسب تجربتى يا مريم مع السفارة السعودية بشوف انو موضوع تاشيرة شقيقك لازم تجهزو ليها من بدرى ,,على الاقل تلاته شهور .....
السفارة السعودية فى اتوا عندها اغرب نظام بتاع تاشيرات ...... السفارة لا تتعامل مباشرة مع الجمهور ..بل لديها وكالات تقوم بتحصيل المستندات (من جواز وشهادات الخ)... بعد ان تتاكد الوكالة ان الاوراق مكتملة تقوم بارسالها الى السفارة ...فى حالة ان السفارة تريد مستندات اضافية تقوم بالاتصال بالوكالة وبدورها تقوم الوكالة بالاتصال بمقدم الطلب ,,,,, حاولت مرة ان اتصل بالسفارة مباشرة مستفسرا عن طلب تاشيرتى ...بعد مجهود ومحاولات كثيرة استطعت الحديث مع الموظفة المسوؤلة (اظن اسمها منى ومن لهجتها اظنها من منطقة الشام) .... كانت حادة اللهجة لم يعجبها اتصالى التلفونى بالرغم من محاولاتى المستميتة بان اكون لطيف اثناء حديثى معها الا انها كانت تردد اكتر من مرة بان على ان اتعامل مع الوكالة وان لا اتصل بالسفارة ...... غالبا المعلومات الفوق دى كلها عارفاها لكن الشئ الجديد هو انه اتضح لى ان هناك شئ يدور بين الحكومتين السعودية والكندية بخصوص موضوع التاشيرات ... حسب المعلومات الوصلتنى ان الخلاف بدا عندما اصرت الحكومة الكندية على تاخير تاشيرات الطلبة السعوديين واحتجاز جوازاتهم لشهور طويلة ورفض عدد كبير من الطلبات ... الحكومة السعودية كرد فعلا بدات التعامل بالمثل ...تاخير لكل طلبات التاشيرة ورفض العديد منها ..... نصحنى بعض الاخوان ان احرك الواسطة واطلب من احدى الشخصيات النافذة فى السعودية ان تتصل بالسفارة وتطلب الاسراع باصدار التاشيرة لكن احد الاخوان نصحنى بعدم فعل ذلك لان العاملين فى السفارة حيعتبرو خطوة كهذه استفذاذية ويقوم بتاخير الطلب كرد فعل
ان شاء الله ما اكون طولت
----------- الحاجة الوحيدة الماشة صاح معاى هو عدم تناول السكر
Post: #910 Title: Re: Sudaneseonline Biggest Loser Author: مريم بنت الحسين Date: 04-04-2012, 04:33 AM Parent: #909
انتو انا براي ولا البوست ده زاد ليه زي اربعة صفحات في يوم!!!! بسم الله!
النصري والعوض ألف ألف ألف شكر على المعلومات المفصلة.. وبالجد ساعدوتني... ان شاء الله انا حأعمل في الاتجاهين، حاقدم لي زيارة من هنا وفي نفس الوقت هو من هناك يقدم لعمره... ونشوف البحصل... العمره ممكن تاخد زمن، لكن الزيارة ممكن من هنا يطلع قرار في تلاته يوم.... دعواتكم...
امس جابوا لي كيكة بتاعت جزر معاها فروستنج بي فوق، والله ما اخواني ما قدرته اقاوم!!! الفروستنج بتاع جبنه... وانا ضعيفة امام الحاجة دي... لكن الليله العقاب دبل مدة الرياضة... كان اتعظ!
سلام مرة تانية و مبروك يا العوض , خليفة العبد لله في البوست
طبعاً مزنووق فوق العادة و بقيت اليوم كلو قاعد في الجامعة (بعد مرات بمرق الساعة 3 صباحاً) ده غير اني كنت عيان لي زي اسبوع و برضو عيان بدون راحة
الرياضة متذبذبة لكن ملتزم ببرنامج الاكل (مافي خرمجة) برغم الالتزام في الاكل زدت 800 جرام في اسبوعين , 500 جرام في الاسبوع الكنت عيان فيهو و 300 في البعديهو الزيادة الاولى عشان كنت باخد في ادوية و زدت كمية الاكل شوية , اما الزيادة التانية بسبب الجيم , كنت بشيل حديد (مع اني ما بحب اكتِّر منو)
و زي ما قال النصري مارس شهر الكوارث ... وزني النقصتو خلال شهر مارس رجع في الاسبوعين الاتكلمت عليهم ديل محصلة شهر مارس = يا مولاي كما خلقتني من ناحية فقدان الوزن و العووض يستحق نجومية شهر مارس بجدارة .... صفقة للعوض الكلام ده كلو كان لحدي الاسبوع الفات ... و بالتحديد يوم الاربعاء (لأني بوزن كل اربعاء)
نجي للتحدي ما كان في اي اخبار عنو خلال شهر مارس , كارين قالت عايزة تعمل شوية suspense لكن الليلة كان يوم المفاجاءآت لانو رسلت الريبورت بتاع الفترة الفاتت
أخوكم اساساً الشهر ما كان محرز معاهو , لكن كنت عايز اعرف قبل كدة عشان اخطط للفترة الجاية بالخصوص خطتي ضد توني (منافستي في التحدي) لانها كملت فترة التحدي و بعد ده بقت راجية النتيجة انا طبعاً بخلص بعديها بي تلات اسابيع , عشان كدة كنت داير اشوف الحاصل شنو و اخت خطة ما تخرش المية الليلة بس عرفت و انا بقى فاضل لي اسبوعين
Quote: غباشي... والله شايفه في اكتساح حاصل ليك... ما عجبني ليك يا زميل! لكن في حبببببببة شماته كده
مريم ... كدة برضو ؟ لكن بيني و بينك هو اكتساح بالمزيكا حليل لما الكيلوهات كان بتنزل كشلو (على قول النصري) خلاص اديتيني المعاش المبكر ؟ حسستيني باني المفروض أقوم اردد بيت الشعر بتاع العقَّاد اصبح السفح ملعباً للنسور فأغضبي يا ذرا الجبال و ثوري اتخيلت نفسي مع ناس النصري و امير و محمد طحنية لكن الفيك اتعرفت .... احسن استغيث بحكمنا الهمام وا أسمارتاااااه ... وا أسمارتاااااه مريم بتشمت و تشمِّت العزال فيني بعد دا كلوا .... اصلو ما خسارة في العوض , لو كان النصري كان زعلت
لكن والله أفحمتوني!! معقولة بس نفسكم طويل كدة !! ياخي أنا قايل البوست ده مشى الخور زماااااان! كرهتونا الرياضة ذاتو!
Quote: امير؟ تكون بقيت دفار هسي.
دفار نصاح هو!! يا سمارت أنا كنت تمام جدا وأموري بدت تظبط بس الحصل إنو جبت حماتي تقعد مع معانا شوية.. وبعديها جا أخو المدام وزوجته وعيالهم شرفونا زي أسبوع تمام كدة ...بعدين حماتي دي أحرف مرة سودانية على وجه الكرة الأرضية والفضاء الخارجي بتظبط عضة سودانية ... وهاك يا الإنشراح ... شي ملاح روب وشي ملاح أحمر وشي سجق مشوي ومبوخ (مبوخ دي طبعا صعبة عليك!) وشي بامية مفروكة ورز باللبن بالمكسرات ... أنا بقيت أجري البيت جري بعد الشغل وفي الطريق أتناول الكسرة والخبز الفرنسي البخلي الواحد يريل! ... وأول حاجة بعملها بدخل المطبخ أشوف الجديد شنو أطلع أصلي وأرجع جري للغدا وأبدا أكورك .. الغدا اتأخر ليه!! بعد كدة ممكن تتخيلي كم كيلو!! حماتي العسل سافرت يوم السبت ورجع البيت صاني زي أول مشيت أشوف حصيلة الشهر ده شنو! لقيت إنو أنا الكيلوهات النزلتها كلها رجعت تاني! بس ما زعلان لأنو كانت فترة بطينية ممتعة جدا!
المهم رجعت الجيم تاني من يوم الاتنين وقفلت خشمي شوية وبديت من سكواير ون ومقرر قبل يوم 20 إبريل أكون نقصت لي على الأقل 7 كيلو...
Quote: يا اخوانا امير ده حي؟ اتذكرته لما خطر على بالي اني عملته رياضة متأخر الليله ويمكن ما اقدر انوم...
النايمة ليها شنو انتي يا مريوم بوزنك ده !! بتنومي مما اتولدتي حصل شنو! نقصي وزنك ده كرهتيناليك سنتين شغالة زي البورصة يوم تنزلي ويوم تطلعي! .. مشتاقين والله.
وين ابتهال رفيقة دربي في الخستكة الرجيمية!
غباشي ده خلاص أنا رفعت ليه القزاز لو نقص 100 كيلو ما بشتغل بيه .. خلوني مع حبيبنا النصري
مرحب مرة تانية بي نجاة وبقية الشباب الطموح :)
برجع ليك أكيد قبل الكريسماس!
تحياتي
أمير
Post: #913 Title: Re: Sudaneseonline Biggest Loser Author: مريم بنت الحسين Date: 04-04-2012, 11:59 AM Parent: #912
غباشي شفته، نقتنا نفعت.. ياخ ما ممكن، خليك زي البشر يعني... تنقص فترة وتثبت فترة وتخستك فترة.. جننتنا بي ارقامك البتتلولح ديك... حسي انت لابد كده أكيد جاي بي مصيبة.. الرسول ما تشرنا كتير عليك الله....بالمناسبة، الحكم بقت طابور خامس... وبتكون شاماك وشايفاك عشرة عشرة حسي... نهائي ما تحاول تكسب حليف...
الليلة خلصت العقاب بتاعي... وزدت مدة الرياضة.. طبعا اصلا اليوم ضارب، صحيت من النوم بي صداع نصفي! اتخيلوا زول نايم في امان الله يصحى الساعة 3 صباحاً عشان عنده صداع! يعني الصداع هو الصحّاني! ما كفاية الاولاد!
اها زدت مدة الرياضة عقاباً على كيكة الجزر... والليلة لقيت ليها مخارجه من البيت... هي كبيرة شديد! جابتها لي واحده صاحبتنا سعودية... ياخ حاجه كده النوع البخلي الزول يريل! حالتي شربته معاها شاي من غير سكّر!
الصداع النصفي من طرق التخلص منه انه الزول يمشي شديد لما يعرق... الطريقة ما دايما بتنجح لكن بتساعد... لانه هو زاتو سببه ما معروف! فعلا المشية ساعدتني كتير وخفّ خالص... بعد كم ساعة كده حآخد الاولاد ماشه الحديقة مع واحده صاحبتي حامل في شهورها الاخيرة... فحأمشي معاها شوية.. طبعا مشي الحوامل البراحه داك، لكن برضه كويس ما كعب... والاولاد حيلعبوا.... ويغيروا جو... الليلة القراية ضاربة ومافي امل تستعدل نهائي! قلت أطمجها! بالله قرّبته اتحنن عشان اتم الناقصة!
أمير، والله من كتابتك كده شكلك بقيت سمييييييييين... بالله حتى النيشان الكنت بتنشيه للناس بقى خفيف! ياخ ما ممكن كده يعني! بالغته والله... رجعت المربّع الاول، يازول مافي عوجه.. البركة في المتعة... والله حماتك من وصفك ساي شهّيتني آكل من يدها!...لكن شكلها زوله عسل.. الله يخليها ليكم...
يلا النمشي عامله لي فطاير شايلاها الحديقة، عايزه اقطّع كمية من التفاح عشان ما اتشوبر واكل من الفطاير!... حالة صعبة...
Post: #914 Title: Re: Sudaneseonline Biggest Loser Author: مريم بنت الحسين Date: 04-04-2012, 12:14 PM Parent: #913
يا خوانا البوست ده موش كان 8 صفحات؟ بقى 12 كيف؟؟؟!
Post: #915 Title: Re: Sudaneseonline Biggest Loser Author: حمد فتح الرحمن Date: 04-04-2012, 12:26 PM Parent: #911
سلام يا شباب بعد 4 شهور من الغياب عن البوست و توقف 3 شهور عن الرياضة عدا طلوع و نزول السلم و الحوامة لقيت نفسي رجعت من حيث توقفت دي كانت البداية
Quote: الوزن 88 كيلو الطول 182 سم العمر 38 البتاع الختتو اسمارت دا ( You have a BMI of 26.31. ) اعلى من المعدل العادي
وامس وزنت نفسي لقيت نفس البيانات اعلاه مع تغير خفيف في العمر زاد نصف سنة :) من اسبوع غيرت نظام الاكل تماما و غيرت برنامج المشي من المغرب للصباح قبل الدوام عايز احاول احقق الهدف بتاعي و اصل لوزن 84
هههههه نفس القصة عملته كليك على الصفحة رقم 8 جاتنى صفحة قديمة من زمن غباشى والكيلوهات الحمراء البتدور.. قلت بسم الله ومشيت عدل على صفحة 12 المهم بكون حوش بكرى صفحاتو كشت هههه. والله مبسوطين بعودة الغائين ومرحب بيكم بس حاولوا حصلوا المولد أبو 30 رطل خسارة........ الرياضة ماشة كويس بقت 5 أيام فى الاسبوع مع زيادة عدد الكاليرز يوم السبت يوم الوزن فى انتظارو مع شوية استعداد....
امير شخصيا؟؟؟؟؟ ما خاتية عليك مريم، كورتك فكت، حتى لسانك قصر و ادغلب مع السمن ( ادغلب دى بتعرفها؟) . قلت لي ما شغال بغباشي؟؟؟ دى زاتها من علامات الدغلبة ( ميتة القلب)
غباشي، صرااااحة؟؟؟ ما ح اقدر أتعاطف معاك بعد كده. انا عاملة ذي السياسة الامريكية، ما عندنا ادلوجيات، هي المصالح فقط. (؛
النصري، ما تزعل ساى. يا اخي انا من ماقلت راجعه للرياضة ( قبل أسبوعين ) اتريضت مرة وااااحده و ( احم احم ) وزنى زاد 2 رطل. اها ...... ما هانت عليك مصيبتك؟؟؟؟
مريم، و الله انت زولة خطرة. ما شاء الله تبارك الله. يا اخي موضوع الالتزام بالرياضة مع بيبي ده صعب شدييييييييد امس روحي صعبت علي. مشيت اشتريت فستنان ( المقاس بتاع قبل الحادث - علي رأى حماك محمد طحنية ^_^) و علقته في مكان ظاهر عشان يحمسني. لو ما خجلانه من الضيوف كنت علقته في باب التلاجة.
العوض، ما شاء الله تبارك الله. عيني باااارده. بغرتنى عديل كده. انجاز و الله. مفروض نعلن انك الفائز لهذا الشهر دون منازع.
نجاة، السلالم دى اصلي ما بقدر عليها. مره كان ح يجيني هارت أتاك منها. شكلو الموضوع تعويده. ما شاء الله برنامجك محترم جداً
حمد فتح الرحمن، وينك يا اخي؟؟؟ كويس انك لسه متزكرنا
و منو ده اللي جاء قال متمنى وزنه يكون زايد عشان يتريض معانا ده؟؟؟؟ not cool , man Just kidding الف مرحب بيك اخ فرحات.
Post: #919 Title: Re: Sudaneseonline Biggest Loser Author: مريم بنت الحسين Date: 04-06-2012, 10:23 AM Parent: #918
اتلومتوا والله... البوست ده انا رجعت ليه اربعة صفحات ورا!
Quote: و منو ده اللي جاء قال متمنى وزنه يكون زايد عشان يتريض معانا ده؟؟؟؟ not cool , man Just kidding الف مرحب بيك اخ فرحات.
حكمنا والله ضحكتنى لدرجة قف تأمل ههههه اتخيلى فرحاات دا ابو العيال عملات حبوبة... والله الحق يقال اكبر مشجع للبرنامج بتاعى دا... بعدين نقطع معاك انا محرووووقة منو شديد عشان اصلو ما بسمن كلو كلو وياكل كل شي ...وما حصل زاد رطل واااااحد .
Quote: بعدين نقطع معاك انا محرووووقة منو شديد عشان اصلو ما بسمن كلو كلو وياكل كل شي ...وما حصل زاد رطل واااااحد .
Welcome to the club Club الزوجات اللي أزواجهم ما بيزيدوا
غايتوا ان اتصلّتا علي زوجي و خليتوا يزيد ذي حوالي 60 رطل كده بعد الزواج طوالي ( كان هيكل عظمي).فجاءة لاحظ لروحيو و بقي بس ما بيشرب صودا، نقص منهم حوالي 20 رطل و وصل لوزن مثالي لطوله. الان بياكل اي شيء علي مزاجه و ما بيزيد. و انا اشرب موية القي روحي زدتا.
السلام عليكم يا جماعة .... و اسفين مرة تانية للتطويل .... لكن و الله مشغول شديد
نجي للمفاجآت .. لما كارين ما رسلت حاجة ... قررت ابدا الخطة بتاعاتي على اعتبار انو الفرق بيني و بين كان 2 كيلو دا لو ما زاد كمان ... المهم ختيت برنامج صارم (ما تجويع) أهم حاجة فيه الالتزام بمواعيد الوجبات و لازم يكونوا 3 وجبات و ختيت مبدئياً اربعة ايام جيم و اتوكلت
المهم كارين زادت الطين بلة و قامت زادت الـ suspense و عملت كالاتي رسلت الريبورت فيه الناس كلها , اول مفاجأة انو في ستة انفار انسحبوا (احنا بدينا 18 نفر) تاني حاجة من واقع الفروقات الناس المعانا ورا شديد الحكاية كلها بقت بيني و بين توني ... المفاجأة التانية انو لا انا و لا توني نتائجنا ما نزلت !!!!!
المفاجأة التالتة اني بعد اسبوع من خطتي الاستراتيجية لاكتساح توني (بغض النظر عن النتائج) وزنت اول امبارح و لقيت
Quote: غباشي ده خلاص أنا رفعت ليه القزاز لو نقص 100 كيلو ما بشتغل بيه .. خلوني مع حبيبنا النصري
أمير يا حبيبنا ... غايتو جنس حسادة
Quote: غباشي شفته، نقتنا نفعت.. ياخ ما ممكن، خليك زي البشر يعني... تنقص فترة وتثبت فترة وتخستك فترة.. جننتنا بي ارقامك البتتلولح ديك... حسي انت لابد كده أكيد جاي بي مصيبة.. الرسول ما تشرنا كتير عليك الله.... بالمناسبة، الحكم بقت طابور خامس... وبتكون شاماك وشايفاك عشرة عشرة حسي... نهائي ما تحاول تكسب حليف...
و الله يا مريم الشهر الفات دا كان ما كويس معاي كلو كلو ... و اسمارت احبطتني
Quote: غباشي، صرااااحة؟؟؟ ما ح اقدر أتعاطف معاك بعد كده. انا عاملة ذي السياسة الامريكية، ما عندنا ادلوجيات، هي المصالح فقط. (؛
يا اخوانا شوفو لى حل للمشكلة الواقعة فيها دى .... هناك قوى خفية (شيطانية) تمنعنى من الرجوع للروتين بتاع ال6 الفاتو... ما قادر ارجع .......
شاعر وكانه فى قوتين بداخلى بتصارعو (وبتكاتلو كمان) القوة الاولى (وهى التى اتعاطف معها) تقول لى امسح اكسح اضغط ما تتنازل ....كن كما تريد ان تكون ...تشجعنى على الالتزام والانضباط تدفعنى دفعا للرياضة .....
القوة التانية وهى المنتصرة (والتى اكرهها ايما كره)...شغالة تحبيط وتكسيل وكسير لمجادفى ....... لمن اجى امشى اتريض تقول لى "كدى اجلها لبعدين للسبب الفلانى " وبمناسبة كلها اسباب مخستكة الواحد يخجل يزكرها ...يعنى عذر اسمارت بتاع البطاريات داك ممكن يدينى اجازة 3 شهور من الرياضة .....
المهم قوى الخير والفضيلة مازالت موجودة لكن ضعيفة جدا .....فلاحتها بس فى السكر والرغيف الابيض (بالاضافة للبسكويت والكيك والدونت) غير كده بقت زى الحزب الاتحادى الاصل ...لا بودى لا بجيب ,,,,,
خلاصة الكلام ...انا بصراحة محتاجة حاجة توقد من جديد شرارة الحماس والتحدى والاصرار والالتزام .......
محتاج اطلع من الحفرة الواقع فيها ...... محتاج شئ يغير ال mindset
محتاج ل support group
محتاج لشئ يستفذنى ويخلينى اقوم بثورة ,,,,
i really need your help guys
Post: #924 Title: Re: Sudaneseonline Biggest Loser Author: مريم بنت الحسين Date: 04-06-2012, 05:55 PM Parent: #923
غباشي، نهائي ما وقتك ياخ... عان النصري ده مجهجه كيف! غايته بارك الله فيك انك ما لولحتهن لينا!
النصري... دي down-cycle، ما تشتغل بيها كتير... بس انت اعمل حسابك في اكلك... وشويه شويه ارجع للرياضة... انت اعتقد دخلتك خوفه من وجود التريدميل في البيت... بقيت حاسي انك مضطر تتريض يومي... او كل ما يتوفر ليك وقت... وانه ما عندك الاعذار القديمة.... تابع الوزن بتاعك بانتظام (ده بحفّزك)، برضه تابع البوست ما تنقطع منّه... الانقطاع من البوست بخليك disconnected... وبتفقد الدعم البوفره... لاحظ انه امير ملاحات وحمد 2 كيلو الاتنين لما انقطعوا جاطوا الامور... على سيرة حمد، حسي حمد ده الزول يقول ليه شنو بناءا على الارقام الخاتيها دي!
فرحات، مرحب بيك من طرف حبيبتنا نجاة... وشكرا على متابعتك لينا وتشجيعك...
غباشي عاد ما بالغتا معنا!!!!!!! هسي يعنى انت و زولتك المنافسة الاساسية ما عارفين أرقام بعض، صح؟ اها النتائج النهائية متين؟؟؟؟ بالمناسبة موضوع غباشي ده شكلو فيه قروش. ما ممكن يكون متحمس ساى كده ( عشان القي عذر لروحى)
مريم الخبيز تمام. امس دى مشيت لصحبتى ( ما عاطلة عاد) و خبزنا داك يا المنيين. غايتو اختا راحتى امس. لكن من اليوم وعدتا روحى بقطعة وااااحده في اليوم.
النصري، ما تنهزم لليأس يا النصرى You can do it الناس العملوها ديل احسن منك؟؟؟؟؟ بعدين انت لما تنزل وزنك ح تحمى روحك من الضغط و السكرى و الكلسترول. انت لسه أولادك صغار و مفروض تتريض عشان تقدر بعدين ( بإذن الله و فضله) تستمتع بحياتك معاهم. الناس يا النصري ما بتعاين الزول السمين بانه زول بيحب الاكل بس. الناس بتفكر فى الزول السمين بانه زول ما عندوا عزيمة. فى كتاب عن العادات و كيفية التخلص من العادات ال ما كويسه. اول ما اخلصه ح اجى أحكيه ليك. ما تستسلم يا النصري. انا اللى عندى أطفال فى يدى و ما بنوم باليل او النهار ما استسلمتا و لو لقيت ربع ساعة بقيت اطلع فى المكنة بتاعتى.
يامريم down-cycle بعرفها وكنت بمر بيها عادى .. تدقشنى وادقشها... لكن الحاجة البمر بيها دى اكبر من كده ..... من شهر سبتمبر لم تمر على فترة كهذه قرابة الشهرين وانا داون تو ماى نيز....وكلما احاول اجد تفسير للوضع ده اصاب باحباط.. بس الشئ المتاكد منه وزى ماقلتى ان التريدميل فى البيت كان سبب اساسى فى الاحباط الحاصل ده.... لمن اشتريت المكنه افتكرت انو المشاكل اتحلت وانو وجود التريدميل فى البيت حيخلينى اتريض يوميا ولساعات طويلة ....الحصل العكس تماما ....لم اتريض فيها سوى 3 مرات فقط.. وكلما اغيب اكتر الرجوع يبقى اصعب ....
برضو سبب رئيسى ومهم جدا انى لسه فى المنافسه ولم ارفع الراية ....انى بتابع البوست بانتظام ولا تفوتنى كلمة واحدة ...لولا البوست ده والاخوة والاخوات المشاركين والقراء لكنت رفعت الراية من بدرى... مشكلتى فى تصفح البوست البط الشديد فى فتح الصفحة ...احيانا بمشى اعمل شاى واجى ولسه الصفحة بتحمل.... مرات يكون عندى رغبة فى كتابة شئ لكن البط الشديد يشجعنى الغى الفكرة واتخارج
سلام يا النصري عارف إنت في مداخلة سابقة قلت حاجة مفيدة جدا إنه أحسن حاجة في الموضوع دا إنك في أي لحظة ممكن تبدا الحكاية من الأول و دي نصيحتي ليك... أنسى الشهر الفات دا و ما تفكر فيه و تخليه يشعرك بالإحباط واعتبر نفسك بادي من الأول. بالنسبة للتريدميل الفي البيت يتخيل أكتر حاجة محبطة و ممكن تدبرس بالزول إنه يؤجل استعمالها. بصراحة لغاية هسع الرياضة عندي زي الواجب التقيل بكون بفكر فيها لغاية ما أعملها لكن في نفس الوقت أول ما أبدا فيها بجيني حماس يعني مرات أكون مكسل أقول أعمل تلاتة كيلو مثلا و أبدا أزيد فيها شوية شوية لغاية ما أعمل لي سبعة كيلو حتى بقوا ناس البيت ما بصدقوني لمن أقول داير أتريض لي تلت ساعة ولا حاجة و يقولوا لي كان ما كملت ساعة ما بتجي. و طبعا الأجمل من دا كله الإحساس العجيب بالراحة و الرضا عن النفس البجي للواحد لمن يكمل الرياضة عشان كدا متني أقدر أعمل رياضتي في الصباح قبل ما أمشي الشغل لأنه باقي اليوم بكون كأنه في هم كبير جدا اتشال مني.
Post: #928 Title: Re: Sudaneseonline Biggest Loser Author: مريم بنت الحسين Date: 04-07-2012, 05:06 AM Parent: #927
ازيكم يا لوزرز....
انا زاتي احساسي انه موضوع غباشي ده فيه قروش يا سمارت، عشان كده احنا عندنا شبهة ملك.... يعني ساي مكاواة لينا بمشي يتريض زيادة!
يا اخوانا ماسكني صداع نصفي من تلاته يوم موقف حالي تماماً .. غايته الشي الكويس اني بتريض لانه الرياضة بتخففه، لكن اي شي تاني في حياتي جايط وواقف!
Quote: بالمناسبة موضوع غباشي ده شكلو فيه قروش. ما ممكن يكون متحمس ساى كده ( عشان القي عذر لروحى)
Quote: نا زاتي احساسي انه موضوع غباشي ده فيه قروش يا سمارت، عشان كده احنا عندنا شبهة ملك.... يعني ساي مكاواة لينا بمشي يتريض زيادة!
انا ما عارف الجوائز حتكون شنو ؟ لكن بصراحة التحدي بتاع 2010 كان فيهو ضحاكات بالنسبة لي لو الحكاية طلع فيها قروش زي ديك و العبد لله فاز بالتحدي مالو ما بناباها (وعز الطلب كمان) ... لكن انا في قرارة نفسي (ركزوا على قرارة نفسي دي) المسألة مسألة انتقام و اثبات ذات Yes, I am taking revenge in my own way لانو المرة الفاتت اكلوني حنك ساكت
يا جماعة دا نداء من العبد لله لكافة اللوزرس الموجودين اطلب منكم الدعم و المؤازرة في الاسبوعين الجايين ديل لانو بصراحة لو واصلتوا معاي كدة و ربنا قدر لي و فزت بالتحدي ما ترجوني غايتو ..... الا البوست دا يتأرشف عشان كدة شجعوني تفاديا للوقوع في دائرة الانتقام العوض و نجاة ... انتو برة الكلام الفي اخر سطرين
الليلة مشيت حضرت Rugby match في استادنا
Post: #930 Title: Re: Sudaneseonline Biggest Loser Author: مريم بنت الحسين Date: 04-07-2012, 02:16 PM Parent: #929
غباشي... غايته كان في ضحّاكات، طالبينننننننننننك، ونهائي ما بنخليهن ليك... حسي كان ما احنا، عندك منو تتمنظر عليه وتعمل خطير... يا زول تدينا بدل اذى نفسي عديل كده!
عملته الرياضة على الرغم الصداع الفظيع! على امل انه يخف شويه... حأمرق مع الاولاد نتمشى شويه.. منها تغيير جو (لانه اخلاقي في نخرتي، واعتقد معذورة! اربعة ايام صداع! دي وين دي!).... ومنها عايزه اشتري شويه حاجات لمحمود...
نراكم لاحقاً
Post: #931 Title: Re: Sudaneseonline Biggest Loser Author: مريم بنت الحسين Date: 04-07-2012, 02:36 PM Parent: #930
بالمناسبة يا اخوانا... انا الليله كان الوزن بتاعي وللاسبوع الثاني على التوالي ثابتين ثاباتين!!!انا اصلا عندي ضد وكج مع الرياضة، مما انتظم فيها وزني بثبت، لكن انا قررت انتظم فيها لمدة شهر واشوف اخرتها شنو! يا انا يا هي!
والله يا اسمارت ما عارف الخلل وين!! قدرما فكرت وفكرت ما قدرت اعرف السبب وراء التدهور الفظيع البعيشو...... قبل اسبوعين كنت بسمع فى الراديو لقاء مع احد الكتاب عنده اصدارة جديدة عن التخســـيس والعادات السيئة,,, حكى فقال,,,,,, انو فى المكتب عنده عادة بايخة جدا وماقادر يتخلص منها ...هى انه يمشى لتلاجة الموية وياكل قطعة بسكويت cookie ..... فكر وفكر وفكر ....جرب كل البدائل وما اشتغلت ....جرب ياكل تفاحة.....جرب يتمشى حول المبنى ...... اتضح ليهو فى النهاية ان سبب ادمان البسكويت ليس البسكويت فى حد زاته بل الوقفة والدردشة حول تلاجة الموية ...
انا بالنسبة لى بحاول دائما افكر ليه بعمل كده !! ليه كل العذاب ليه كل الشجن على قولة زيدان .. شخصيا وطول عمرى حكاية الوزن الزائد دى ما بتسبب لى ارق ..ما شغالة بيها كتير ,,احتمال لانى ما بهتم كتير بمظهرى.... يعنى لو اتوفرت الظروف انى اظهر بمظهر كويس مابطال,,,ولو ما اتوفرت الظروف ممكن جدا اتعولق ولا اهتم .....قبل فترة اشتريت بنطلون dry clean غالى جدا ...نسيت و بقيت اغسلو بالغسالة .....
اذن لم يبقى لى دافع غير الصحة والحفاظ عليهاخاصة السنة الخمسينية على الابواب ,,,
انا محتاج لحوافز تانية غير الصحة .. محتاج لثورة ....... فكرت اعمل التزام هنا امامكم جميعا ...مثلا ان اتريض يوميا لمدة 15 دقيقة (لمدة اسبوع مثلا) وفى كل مرة اجيب الدليل على ذلك (صورة مثلا)
والله يا ياسر ما قادر ابدا من جديد...كل مرة اقول خلاص حابدا العصر او بكرة... يمر اليوم وما اعمل اى شئ... الغريب فى الامر انو ما عندى اى موضوع...اشتغل ال7 ساعات وارجع البيت ومااطلع منه الا تانى يوم ....
فعلا كلام صاح لو الزول قدر يطلع التريدميل الباقى ساهل ..لكن البطلعنا شنو!!
والله العظيم وكتابه الكريم انا اشتقت لذلك الشعور العجيب بعد كل رياضة .... شعور كدة يخليك تشعر براحة واطمئنان غريب ..... شعور بالرضا عن النفس
لذة غريبة وانا بمسح العرق من جبينى ,,,,,
قررت فى الوقت الحاضر انى ما اعمل اى مواعيد للرياضة حتى اكفى نفسى شر تانيب الضمير.. قاعدين منتظرين البركان ينفجر (زى انتفاضة السودان)
Post: #934 Title: Re: Sudaneseonline Biggest Loser Author: مريم بنت الحسين Date: 04-07-2012, 07:17 PM Parent: #933
لا كان شبهته روحك بي انتفاضة السودان، فابشري بطول سلامة يا التريدميل!
ايه رأيك، اعتقد احسن حاجه حتنفع معاك انك تحدد وقت يومي للرياضة... وابدا بي تارغت بسيط زي القلته ده، 15 دقيقه... ولما ترجع تبقى ليك عادة زيد الوقت... لما تخلي الوقت فضفاض كده حيمر اليوم وما حتتريض...
سؤال، ياسر منو؟
جيت من مرقتي مع الاولاد.. جينا تعبانين تعب شديد، مشينا مشوار بعيد جدا... الاولاد هديلك اتجدعو كل واحد في سرير، وانا من شدة التعب ما قادره انوم..
أخوكم رجع وزي ما قلت ليكم من هنا لحدي يوم 20 لازم أنقص سبعة كيلو!
أمبارح هرولت بسرعة 8.5 لمدة 40 دقيقة قربت أموت! بس الإحساس كويس والليلة عندنا دافوري مولع!
النصري بطل حنكشة! الموضوع ده ما تركز معاه شديد ياخي خليها حسب التساهيل بس راقب وزنك لو لقيت الموضوع مستحمي .. فك البيرك! أنا مثلا عادي ممكن أقيف شهرين ثلاثة وأرجع تاني برضو حسب التساهيل ..كلها يومين تلاتة وبتسلك.
يا جماعة وين ابتهال هانم (كديسة المطعم)!
غباشي انت الميزان بتاعك ده فيه مشكلة ياخوي !! انت ما عندك شغلة غير الرياضة ولا شنو .. عالم فاضية!!! يا زول أها بس من طرف اللسان (مبروك)!
تحياتي
أمير
Post: #936 Title: Re: Sudaneseonline Biggest Loser Author: مريم بنت الحسين Date: 04-08-2012, 05:00 AM Parent: #935
Quote: اخوكم رجع وزي ما قلت ليكم من هنا لحدي يوم 20 لازم أنقص سبعة كيلو!
يا امير، اول ما شطح نطح! سبعة كيلو كيف في اقل من اسبوعين، حتى لو سبعة رطل كتيره! خت ليك اهداف معقولة وممكنه...
Quote: أمبارح هرولت بسرعة 8.5 لمدة 40 دقيقة قربت أموت! بس الإحساس كويس والليلة عندنا دافوري مولع!
والله يا شباب تعقّدوا الواحد بي السرعات البتصلوا ليها دي! انا اقصى حاجه وصلتها 6 كيلو/ساعة... لاني لسه بمشي ما بجري وما اظني اجري زاتو... ولحدي حسي ما مقتنعه انه بعد ستة ده يعتبر لسه مشي!!!
صحي يا النصري ياسر دا منو؟ ملاحظ ليك في كم مداخلة شابكنا يا ياسر يا ياسر:). ياسر دا أنا يا مريم... العوض دا الاسم الأخير أو اسم العائلة زي ما بقولوا و أنا اخترته هنا. طبعا ناس كتيرين ما عارفين اسمي منو و قبل كدا واحد من زملاء البورد زول ضكران جدا و بحب الأدب الشعبي و الظاهر كان معجب جدا باسمي دا و رسل لي رسالة لمن رديت عليه و وقعت بياسر شعرت بيه زي الاتخذل فيني كدا و قال لي بالله اسمك ياسر و أنا زمني دا كله قايل اسمك العوض؟ طولت ما نشرت تقاريري اليومية.. حأحاول أكتبها ليكم في اليومين الجايات إن شاء الله. لكن الليلة عملت لي إنجاز لأول مرة قدرت أجري لي خمسة كيلو و زيادة بصورة متواصلة (حوالي 3.2 ميل)... جري عديل كدا حتى بتعريف سمارت. جريت بسرعة تتراوح بين 8.1 كيلو في الساعة (5 ميل في الساعة) و 10 كيلو في الساعة (6.2 ميل في الساعة). مرحب بيك من جديد يا أمير و في انتظار مغامراتك.
Quote: أخوكم رجع وزي ما قلت ليكم من هنا لحدي يوم 20 لازم أنقص سبعة كيلو!
امير زي ما قالت مريم Take it easy
Quote: غباشي انت الميزان بتاعك ده فيه مشكلة ياخوي !! انت ما عندك شغلة غير الرياضة ولا شنو .. عالم فاضية!!! يا زول أها بس من طرف اللسان (مبروك)!
فيك الخير يا امير .... تصدق انا الايام دي لو قدرت امشي الجيم تلات مرات و لمدة نص ساعة بس اكون ما قصرت ... انا مشغول شديد الايام دي
Quote: والله يا شباب تعقّدوا الواحد بي السرعات البتصلوا ليها دي! انا اقصى حاجه وصلتها 6 كيلو/ساعة... لاني لسه بمشي ما بجري وما اظني اجري زاتو... ولحدي حسي ما مقتنعه انه بعد ستة ده يعتبر لسه مشي!!!
مريم ... العبد بالله ببدا المشي بي 6.5 كيلو/ساعة..... دي كان ايام الرياضة الجد
كامل التضامن مع النصري في مأزقه الحالي. العبد لله كخبير استراتيجي بنصحه بالرجوع للجيم ... مشوار الجيم حيفرض عليك تمشيهو خصوصاً الدنيا عندكم صيف هسي وخت في بالك انو رمضان جاي و معروف انو في رمضان الناس اوزانها بتزيد عشان كدة اعمل خطة انك لحدي رمضان الجاي انك تكون عوَّضت الراح منك غير كدة شهر تسعه الجاي (بعد نهاية رمضان) حتكون مرت سنة على برنامجك الفتحته بيهو البوست دا, عشان كدة Be careful استغل فترة الصيف دي يا النصري
Post: #940 Title: Re: Sudaneseonline Biggest Loser Author: مريم بنت الحسين Date: 04-08-2012, 06:54 PM Parent: #939
غباشي.. ياخ م تستفزني... شنو يعني بتبدا بي 6!!! انا بديت اشك انه الmachine بتاعتي دي سرعتها زيادة عن اللزوم! بالجد والله... ما ممكن! انا زوله وزني زايد صحي، لكن fit وما خمله! ياخ انا بتسابق مع ولدي العمره ستة سنين (ولدي والله جراي وزول sporty كده).. وبنافسه بضراوة وبفوز عليه مرّات... ده غير اني بعمل Yoga من زمان... لا لا.. انا بالجد بديت اشك في الmachine بتاعتي!...
اسمع.. كنت عايزه اسألك عن الcompression suite، ادينا الشمار بتاعها كاملاً عليك الله.. اليوم داك ختيت الصورة وقلت انها مهمة ومشيت ما اديتنا اي معلومة مفيدة.. انا عامله تجربة الايام دي عن الموضوع ده بس اول شي وريني خبرتك معاها وبعداك بحكي ليكم تجربتي...
ياسر! والله بالغته في الاسم ده!... لا لا... ما بنفع معانا.. خلينا في العوض اخير... سمارت رأيك شنو؟
نجاة.. عوووووووووووك.. الاخبار شنو يوم السبت الفات؟
ابتهال! اجي يا بت امي! سمعتي ولا جابو ليك؟
النصري test 1 2 3 حوّل!
Post: #941 Title: Re: Sudaneseonline Biggest Loser Author: النصرى أمين Date: 04-09-2012, 02:26 AM Parent: #940
Quote: النصري test 1 2 3 حوّل!
النصرى فى محنة يا مريم.. مصطكى اصطكاكة العدو ......
تقريبا انا عايش فترة بتاعت توهان... ما قادر احدد اتجاهى .... فى حالة انتظار ... انتظار شنو؟ والله العظيم ماعارف ... اهو منتظر وبس .....
عندى ود اختى لمن ولدوهو ابوهو سماهو على الشيخ دفع الله الصائم.. لحسن الحظ عند تسجيل الاسم فى السجلات قام خت محمد قبل دفع الله فى شهادة الميلاد .... طلع منها باعجوبة..... حسى اسم العوض ما لايق شديد لزول شباب ورياضة زى ياسر (طبعا انا شفت صوره فى الفيس بوك) لو كان عوض حاف كان تكون لزيزة شوية ..لكن الالف واللام بقت الزول عمره 85 سنة ...
سلام يا جماعة أمس غايته يوم عجيب... ربنا يغفر لينا ساي. اليوم كان ماشي عادي مشينا اتعشينا في مطعم. أكلت و لمن جيت راجع البيت و مليت اللوق بتاعي لقيت نتيجة اليوم إني أكلت 2460 كالوري. و علي العلي ما اتريضت لكن كويت لي ساعتين (مبالغة يا النصري مش كدا؟) و بكدا لأول مره من ما بديت البرنامج دا تكون نتيجة اليوم كالوريز بالزايد حيث كان فائض الكالوريز حوالي 72 كالوري. أتمنى أقدر أكفر عن الموضوع دا خلال أسبوع عشرة يوم كدا. ما ندمان على الحصل لأنه العشا كان على شرف وداع أخوي (خلاص الراجل جاييكم في ألبرتا يا النصري) لكن حيفرق معانا فرقة شديدة بالذات مع الأولاد. غايته الدرس الطلعت بيه إنه الواحد ما يستهون أكل المطاعم دا. مع إني من ما بديت مشيت مطاعم كم مرة و منها بوفيهات لكن كنت بعمل حسابي. أمس طلبنا مع بعض كم حاجة كدا أصلا ما كنت قايل الكالوريز بتاعتها عالية كدا. مع إنه ناس المطعم عندهم وجبات أقل من خمسمية كالوري لكن قلت آكل عادي بعد ما رجعت البيت و خشيت الويبسايت بتاعهم و شفت كمية الكالوريز الفي وجباتهم لمن اتخلعت.
Quote: لا كان شبهته روحك بي انتفاضة السودان، فابشري بطول سلامة يا التريدميل!
Quote: قالو فى واحد زى كده... قرر ينزل وزنه.... اها يوم زوجته جات داخلة البيت لقتو خاتى ليهو صحن ضخم جدا بحجم الطشت بتاع خضروات.. قالت ليهو ده شنو ياراجل ده.. قال ليها ....دى خضارات ساكت ...قش بس ..ما بتسمن.. قالت ليهو ::انت قايل الفيل بياكل شنو؟
مبااالغة
مريوم.....ياسر ده انا من زمان عارفه اسمه ياسر, بس ما متزكره من و اى بوست.
العوض بالغ اخوك يا اخى يرحل منكم!!!!! الغربة صعبة شديد و مهم الاطفال يكون حولهم اهل. انا بحنس في اخو زوجى انه يرحل جنبنا مع انه لسه ما معرس. لما يعرس و يجيب اولاد, اولادى ح يبنبسطوا شديد. ايوه عاوزاه يرحل جنبنا لمصالحنا النصري رسل لى رقم تلفونك....كل يوم بضرب ليك مواعيد الرياضة....او خلى العوض يضرب ليك....بدل ما كمان ادفع قروش مكالمة عالمية* ___________________________________-- * ايوه يا امير..كمان جبارة ا
Post: #945 Title: Re: Sudaneseonline Biggest Loser Author: مريم بنت الحسين Date: 04-09-2012, 07:08 PM Parent: #944
Quote: النصري رسل لى رقم تلفونك....كل يوم بضرب ليك مواعيد الرياضة....او خلى العوض يضرب ليك....بدل ما كمان ادفع قروش مكالمة عالمية*
اها وانت يا السمحة.... اضرب ليك انا؟
العوض، انت قاصدني بالموشّح الفوق ده موش! يعني عايز تكاويني موش! بالله زعلان ليك في 72 كالوري كأول غلط من تلاته شهور! والله انت perfectionist لما مبالغة زاتو! لكن غايته المكوه بتكون جيّهتها تمام.. حاكم الناس الزيك بظبّطوا اي شي يمسكوه... ماشاء الله تبارك الله الله يخفظك هووووووووووي ما تقول مريم سحرتني...
انا الليلة عملته الرياضة، لولو عملت لي موشّح في الدقيقة العشرين ابت تسكت كله كله! اضطريت اوقّف... وانا اصلا صاحية تعبانه وزيتي طالع... لكن بالقوّة دفّرته روحي وعملته الرياضة... طبعا انا بعمل الرياضة تلاته مرات في الاسبوع... بكره مافي... يا النصري كدي حاول الطريقة دي... لما يكون عندك يوم ايوه ويوم لأ، بتتحمّس لما تتذكر انك بكره ما حتتريض... بالتالي بكون الهم أقل...
نفسي ارجع لليوجا او البلاتيز يا جماعة، لكن خاااااايفة اقوم اعوّق كتفي تاني وابقى في البحلّني... !
السلام عليكم يا جماعة نبدا بمريم... معليش يا مريم عارف الكلام الحأقوله دا ما فايت عليك لكن لأنه قبل كدا اللخبطة دي حصلت لي قلت أنبهك إمكن تكون حاصلة ليك... راجعي الوحدة بتاعة التريدميل إمكن تكون شغالة بالميل ما بالكيلو. والله يا مريم أنا ما بيرفكشنست لكن عارف روحي نفسي ما طويل عشان كدا داير أحقق نتايج في أيام الحماس دي و بعدها بتبقى حكاية المحافظة أسهل من تخفيض الوزن. بعدين السبعين كالوري دي مش زيادة في الأكل دي صافي الزيادة في الكالوريز في اليوم كله... يعني وزن مكتسب. الزيادة في الأكل كانت أكتر من تسعمية كالوري... مش حاجة بتزعل بالله! بعدين يا مريم إنت و سمارت و نجاة و ابتهال و كل الأخوات ما شاء الله عليكم مع العناية بالبيت و الأطفال و إمكن كمان شغل برة البيت و المجاملات أي حاجة تعملوها إضافية دي أشبه بالبطولة لكن نحن ما عندنا عذر كبير. أها يا غباشي النتيجة النهائية متين؟ في انتظار البشريات و نصيبنا في الجائزة. يلا يا النصري طمنا إنه العقدة اتحلت و رجعت للمنافسة. إقتراح سمارت دا أنا ما عندي مانع حدد لي وقت أنا بتعهد أتصل يوميا أذكرك. جادي والله. بالنسبة لاسم العوض دا لمن ولدوا فاطمة بتي و قلت عايز أسميها فاطمة واحدة قريبتنا قالت لي عليك الله هسع بت صغيرة زي دي يكون اسمها فاطمة العوض على الأقل كان تشوف للبت اسم عصري كدا يصلح العوض دي شوية:). طبعا حكاية إنه الاسم دا اسم ناس كبار دي مسألة انطباعية لكن اسم فاطمة دا جميل شديد. والله زولتك بتاعة الفيل دي رباطابية بس. والله يا سمارت فرق معانا فرقة شديدة هو لسع ما متزوج لكن المشكلة مدينتنا صغيرة و الواحد ما بلقى فيها كل العايزه بالذات إنه لسع محتاج يأهل نفسه عشان يشتغل في مجاله. أمس علي بالليل لمن شاف أوضة عمه فاضية بقى يحنن و شبكنا آي مس عمو محمد مع إنه دا يادوب أول يوم ليه. فعلا وجود زول من الأهل قريب في الغربة حاجة جميلة شديد يعني في السنة القعدها معانا دي تشعري الأولاد كانوا مبسوطين بصورة ما عادية. سمارت ما تشيلي هم من عدم الرياضة أعملي زي أخوك و أحسبي البيبي ستنق بألف كالوري في اليوم.
Post: #949 Title: Re: Sudaneseonline Biggest Loser Author: مريم بنت الحسين Date: 04-11-2012, 05:08 AM Parent: #948
الله يجبر بي خاطرك يا العوض والله.. ما قصّرته... كدي النمشي اشوف الآلة بتاعتي، رغم اني مااااااااااا اظن خاصة انه احنا هنا كله بالكيلو... لكن النتأكد للضمان كده!
والله ما طالباكم حليفة، لكن الليلة دي مفروض اعمل رياضتي... وعندي عزومة ناس جايني عشا... وبالمغرب عندي امتحان حقّي في الجامعة لازم احضره لانه امتحاني يعني مافي زول يغطّي بدلي... وصاحية من الساعة 4:30 صباحاً لسبب بايخ جداً مافي داعي نقوله!... وعندي تحضير مهم لازم اجهّزه قبل بكره!.... ولازم اقضي لي على الاقل ساعه في اليوم ألعب مع محمود ولدي (ذنبه شنو!)... والله ما عارفه ارتبها كيف دي الليلة.. ومن حسي راسي زانّي وواجعني من الصحية البدري...
بمناسبة الاسماء... نادر زوجي حيّرني عديل كده في اسمه ده!... يعني لو انا اشتغلته بي نظرية الاسم قديم وجديد يمكن كان ما لقيت لأولادي اسماء... هو اقترح اغير اسمه لعبدالفضيل... لكن في النهاية احنا الاتنين حبينا نكرّم ناس عزاز علينا باسماء اولادنا.. ولدي محمود على الاستاذ محمود محمد طه، وبتّي ليلى على حبوبتها ام ابوها الله يرحمها... محمود ولدي في المدرسة هنا اسمه محمود عبّاس (اسم جدّه)... عنده استاذته ظريفه كده كانت بتقول ليه "ابو مازن" هههههههههه..... انا واخواني كلنا اسماءنا بحرف الميم، وكانت صدفة بحته! ,... انا والدتي سمّتني على السيدة مريم العذراء لاعجابها بشخصيتها وبقوّتها واعجابها بالاسم نفسه... مازن اخوي سمّاه الموظّف بتاع المستشفى البعمل شهادات الميلاد (ابوي كان زهجان وقال لي سمّيه اي شي خخخخخ)... مروان اخوي سمّاه والدي على د.مروان حامد الرشيد، ناس آداب الخرطوم ممكن يكونوا بعرفوه... صديق والدي شديد ... واخوي الصغير محمود على الاستاذ محمود... الله يخلي ليك فاطمة وعلي ان شاء الله... وبالمناسبة الاسمين لايقين على بعض جداً... بس لو جيت السعودية حيفتكروك شيعي... طبعا انا اسمي هنا مخلي الناس يفهموا كده برضه... اسم مريم عند الشيعة كتير... وطبعا جدّي الحسين... مافي اي فرقه! رغم انه احنا زي ما بقول الاستاذ، زي الشيعة في محبتنا لآل النبي...
سمارت... الله يديك العافية وما تتضايقي.. شويه شويه الامور بتتصلّح... I promise..
طبعا يوم الأحد مشيت لعبت دافوري سودانيين ضد توانسة الحارس غايتو شوية كدة كان كسر لي ساقي المهم الحمد لله ربنا لطف وطلعت رضوض خفيفة وتلاتة شلخات كدة !! الألم كان مزعج شديد فضلت صاحي الليل كله ومشيت الشغل من غير ما أنوم ..رجعت البيت نمت بعد ما اتغديت غدا خفيف على أساس إني أصحى أودي الولد الكلاس بتاع الكارتيه صحيت الساعة 23:40!! وفضلت صاحي لليوم التاني .. ونفس الشي حصل معاي يوم الاتنين والثلاثاء برجع أنوم وأصحى نص الليل .. غياتو أمبارح بالقوة فضلت صاحي لحدي ما أذن العشا وقبل ما يكمل الأذان كنت صليت واتوجهت للسرير (حلفاوي وكدة!) اليوم استعدل والليلة وبكرة وبعد بكرة جيم تقيل!!
العوض ربنا يجمعك بي أخوك دائما في ساعات الخير ويحفظ ليك العيال.
الحمد لله أنا عامل كنترول على الأكل يعني موقف خبز وزيت وسكر مدور مشاوي وسلطات مغلب المدام معاي بس في السلطات دي زي الفيل بتاع النصري! ياخي والله الواحد ما عارف ليه بركز مع الأكل ده كدة !!
جيبو لي ابتهال دي إنشاء الله تدردقوها ! شوفوها بتكون متضهبة ليها في مطعم!
مريوم ياخي انتي ما تركزي مع الرياضة دي شديد كدة أعملي البتقدري عليه يا شيعية انتي!
سمارت انتي ما عندك الماجيك جاك!! والله الاتصال عن طريقه واضح أكتر من التلفون العادي جربيه عشان بتماشى مع سياسة البخل بتاعتك!
تحياتي أمير
Post: #952 Title: Re: Sudaneseonline Biggest Loser Author: مريم بنت الحسين Date: 04-12-2012, 10:57 AM Parent: #951
والله يا امير الرياضة كرّهتني روحي زاتو! ياخ مما ابدا أتريض وزني بقيف (توج)، ما بقل نهائي.. والحاجه دي بتغيظني لاني بلاحظ اثرها في شكلي العام، يعني يظهر علي طوالي لو بتريض.. والناس تبدا تعلّق لي اني قاعده انقص... لكن في نفس الوقت تلقى الرقم زي ما هو... وماااااااااااا قادره اقنع نفسي انه الرقم ما مهم، والمهم الشكل والمعنويات!.... غايته حأوزن يوم السبت ده، لقيت الرقم نزل بالحُسنى خلاص.. ما نزل.. حأقوم اخلي الرياضة اسبوع ايوه واسبوع لأ... خاصة اني لاحظته حاجه مهمة ومشكلة! اني لما اعمل رياضة ممكن اسامح نفسي واخستك... في حين انه لما ما اعمل رياضة، ما بسامح نفسي نهائي وبكون ملتزمه تماماً بكل حاجه... عشان كده عشان اجمع الحُسنيين .... رياضة اسبوع تظبط الشكل العام، وضغطته في موضوع الاكل اسبوع عشان تنقص الرقم... كنت عايزه اعمل زي العوض وما اشوف الميزان الا مره في الشهر، لكن ماااااااااااااااااا بقدر! اغشّكم يعني!
العوض والنصري، مازن قدّم عن طريق السفارة مباشرة (غريبه موش!)، او هي القنصلية بتاعهم في فانكوفر، قالوا ليه انه الوقت الهو محدده للprocessing حيتضارب مع وقتك المخطط تسافر فيه، عشان كده بننصحك تقدم وقت تاني! حأحاول اقدم ليه من هنا... وfingers crossed!
ابتهال دي زمان انا كنت بلقاها في الفيسبوك حايمه، حسي بعد وقّفته الaccount بتاعي بقيت ما بلم فيها... سمارت ما عندك توهه دي في الفيسبوك؟
حصلوا يا جماعة، النصري jumped off the wagon طحنية عديل كده ؟؟؟ امس ابو الأولاد مشي دكان العرب جاب لينا انجيرا و فول. شكله كان جاي من الشغل جعان قام جاب علبة طحنية من النوع المظبط. المساء بعد العشاء و الأولاد ناموا( و اثناء ما احنا بنتشاكل في الرموتكنترول) اتزكرنا الطحنية. المهم، بعد نقاش و جدال حول الnutrition facts في الطحنية كل زول أخد ليه نص ملعقة. مع أني ما بحب الطحنية لكن دبرستا، ما معقول الزول يكون حياته كلها بيقيس و يراقب في الأكل. جدودنا القدماء بختهم، الواحد كل يوم في اسد او نمر بيديه سكة جامدة يجري فيها و بعدها يرجع البيت ( قصدي الكهف) و يأكل كل التلاجة. ما في واحد فيكم يجي يقول لي ما كان في طحنية الزمن داك.
مريوم، ما شايفاها ابتهال. لكن بحاول افتشها. انا عندي أزمة عزيمة الايام دي عشان كده ما ح افتي في اي شيء. لكن غايتو وصيتي انك ما توفقي رياضة. حتي لو وزنك ما نزل نزول سريع، علي المدي الطويل افضل لصحتك و جسمك.
العوض، ربنا يوفق أخوك و يجمعكم في ساعة خير.
امير، شايفه موضوع المجك جاك ده منتشر. لكن احنا لازمنا خط تلفون عادي في البيت عشان السكيروتي سيستم. ايوه عشان احرس المليون دولار اللي خاتها تحت المخدة(:
نجاة ذاتها اختفت
Post: #954 Title: Re: Sudaneseonline Biggest Loser Author: مريم بنت الحسين Date: 04-12-2012, 02:57 PM Parent: #953
Quote: انا عندي أزمة عزيمة الايام دي عشان كده ما ح افتي في اي شيء. لكن غايتو وصيتي انك ما توفقي رياضة. حتي لو وزنك ما نزل نزول سريع، علي المدي الطويل افضل لصحتك و جسمك.
شوفي، انا عارفه روحي كويس جداً... لو ما شفته ارقام احسن، حأقوم أخلي البرنامج كله، واجي ابكي ليكم هنا.. واغنّي "عدّوني!"... اخير اشوف حل وسط... الرياضة بتظهر نقصان الوزن بصورة واضحة بالنسبة لي، وعدم الرياضة بخليني اضغط نفسي الاكل وعزيمتي بتكون قوية جداً في الحالة دي... اها لحدي السبت، مافي تحسّن طوالي بنمشي للplan بتاعت week-off and week-on....
عليك الله امير بقول انت بخيله!... مشششششم.... ما عرفك نهائي والله!... وكيّه في الحلفاوي...
تحياتي
Post: #955 Title: Re: Sudaneseonline Biggest Loser Author: مريم بنت الحسين Date: 04-12-2012, 09:11 PM Parent: #954
اخبار حلوه، سمعته من اكتر من زول تعليقات اني ضعفته شديد... منهم مامتي...
ثانيا، بقيت اطلع في الملابس القديمه وافشر، الليله لبسته اسكيرت اشتريته قبل ما اتزوج وما لبسته كتير
ثالثا، حأجيكم بكره بنتائج تجربتي الكتبته عنها قبل كم يوم
حكمنا والله متابعة وبفتح البوست كل يوم000000 بعد السلام للجميع 0000000 يامريوم انا اقري وز يو 100% لما اتريض كتير النتيجة ما تمام والعكس !!!!!!! الاسبوع الفات الرياضة 5 ايام فى الاسبوع والخسارة بوينت 2 من الرطل00000 الليلة انا حصلتة النصري بس مع زيادة رياضة00000
عيد ميلاد ولدى الليلة وديك يا الطورتة وقطعة قدرالضربة معاها كباية شاى هممممم مبالغة ~~~~ بس مشيت الجم وعملته 200 كالريز زيادة لزوووم الطورتة 0000 ح اوزن يوم السبت القادم0000000
Post: #957 Title: Re: Sudaneseonline Biggest Loser Author: القلب النابض Date: 04-13-2012, 05:25 AM Parent: #956
يا لوزرس ازيكم وحشتوني وحشتوني
اختكم مشغووووووولة ومزرووووورة بس افضى بجي اشجع من طرف ,,,
مرات بلقى لي فرص اتاوق ...لكن ما بقدر اكتب ....
المهم الحمد لله ماشين تمام .....العوض ماشاء الله عليك ...والبقية الماشا بوزتف ...
لكن يا النصري الحالة دي عادي بتجي في القراية في الشغل لكن بتروح ... قول بسم الله والعن الشيطان وابدأ الباقي بمشي اهم شي البداية
مريم .. اسمارت ...غباشي ...نجاة ...والناس الرجعوا ... انا دايرة دعوات كاربات بالله ...بالجد والله .. ادعو لي ...
لو فضيت شوية كدة ...بتواصل
احلى بوست والله ... ياريت لو كل قروب عندهم اهتمام مشترك يعملوا نت ويرك زي دا ويشجعوا بعض ....القروب مهم ياخ
سلام يا جماعة البورد ما بفتح معاي بالساهل المهم ... اخر الاخبار فقدت 600 جرام بس و لسة ما عارف موقعي وين بالنسبة لي توني غايتو لو هي كانت شغالة بنفس معدلي ده معناها انا اتصيَّعت لانو انا محتاج افقد على الاقل 2 كيلو عشان اتساوى معاها , ما عارف ليه عندي احساس اني فتَّها (مجرد احساس)
عملت خطة زيادة عشان انقص اكتر من كيلو الاسبوع الجاي الخطة زي ما عارف يا العوض .. هي غشة الجسم بما اني كنت ماشي كويس و ما لخبت , شكلو الجسم بدأ يعمل prevention attitude , خصوصاً بعد الـ 2.5 كبلو الفقدتهم الاسبوع القبل الفات المهم عشان ادقِّس الجسم و انشِّط الميتابليزم قمت أكلت Oat coockies و بعد كم ساعة كدة ضربت لي Delux Shake فاهم لمن بيغادي وواصلت شغلي عادي , تاني يوم مشيت الجيم عااااااادي و رجعت للدايت لحدي ما نشوف موضوعي مع توني و الله انا بقيت خايف يجي واحد من الناس الكانو ورا و يجي يختها لينا انا و توني :) غايتو الاسبوع الجاي حيحسم الامور لانو آخر اسبوع لي لكن لازم ننتظر لحدي اخر الشهر لانو في ناس مدتهم لسة ما انتهت
الغريبة .... ما شايف اي مظهر من مظاهر التشجيع و المؤازرة ... غايتو ما ترجوني لو أملي اتحقق عندكم لحدي يوم الاتنين تحددوا موقفكم ... يا تعلنوا مساندتكم للعبد لله يا كمان otherwise الما بيشجعني ما بشجعوا و حأبقى من الدّ اعدائه
النصري ... شايفك ماشي كويس في مشروع الـ relapse غايتو انا تاني ما حأتكلم معاك في موضوع الدايت لكن كلامي معاك حيكون شهر 9 الجاي ان شاء الله لو ربنا احيانا , عشان نشوف انت انجزت شنو خلال السنة المرت و حأزكرك بكل احلامك الوردية و حشاش بي دقنو الانت كنت بتعمل فيها هنا دي (طبعاً انت حتكون هدف استراتيجي في حملاتي الانتقامية) , غايتو بتمنى لحدي اليوم داك تكون استعدلت , Deal?
ابتهال نفس الشي
نجاة good on you
مريم ... البتاعة انا كنت خاتي لينك معاها فيها اللكلام كلو Read this
اسمارت (الحليف المنشق) ... لحدي يوم الاتنين و بعديهو ان شاء الله حيكون في بروتوكول جديد للتعامل بيناتنا
أمير ... غايتو أنا تأكد لي رسميا انو كورة القدم اسوأ لعبة من حيث الممارسة لينا شهرين بنعلب دافوري صغير هنا و لحدي الان عندي تلات ضربات .. و احدة في كوع اليد و التانية في قدمي تحت و التالتة في ركبتي و شكلي حأمشي لـ Therapist لانو من فترة لفترة بيوجعوني خصوصاً لما أمشي الجيم ده غير اني بقيت كلو يوم الصباح اصحي شبه عندي شلل أطفال لانو ما بقدر اضغط على قدمي مالو الجيم دا عيبوا لي ... تتمرن براك باحترام و تتخارج مش كورة و دافوري وواحد يبرشمك بالكورة و التاني يشلّت فيك المرة الفاتت لعب معانا شافع عمرو زي 15 سنة و الله عزبنا عزاب بي كدارتو ... شي قريض و شي عِفّيص دا غير الشلاليت طبعا كلنا أكبر منو و ما قادرين نقول ليهو تلت التلاتة كم , خايفين نتكلم معاهو نقوم نلبس في تهمة child abuse
تسلمي يا القلب النابض و بالتوفيق في مسعاك
الموقع بطئ شديد من عندي .... و اخووكم مزنووووق
Post: #960 Title: Re: Sudaneseonline Biggest Loser Author: مريم بنت الحسين Date: 04-14-2012, 12:43 PM Parent: #959
عليك النبي شوف غباشي وسغالته! خاتي لي paper عشان اقراها! هو انا ناقصة قراية... انت قايل الناس بتتقلب ضدك ليه! تستاهل... غايته غير مدربتك الحنكتها ديك ان شاء الله مافي زول يشجّعك... انا قلت ليك اكتب عن تجربتك معاهم... لانك كنت مصر عليهم شديد...
Quote: امس كانت 337 كالوريز...ح ابدا ازيد كل يوم حوالى 50 لحدى ما اصل 1000 كالوريز في اليوم
اخد منّك كم دقيقة وبي كم سرعة يا سمارت... عشان اعرف آخر الآلة بتاعتي دي..... هل انا التعبانه ولا هي! بعدين 1000 كالوريز دي بس ذكرتني الtargets بتاعت أمير....
القرار بتاعي حأنفذه من الليلة.. الاسبوع ده مافي رياضة.. ايوه... لقيت الرقم وااااااااقف في حتته!... ما ممكن ياخ، فترته! تلاته اسابيع في نفس الرقم ... والعرق وقومة النفس ديك كلها فوق شنو!
التجربة العملتها ونجحت هي تجربتي مع tight short... يا جماعة الحاجات دي مهمة شديد اثناء نقصان الوزن والرياضة... التجربة العملتها هي اني قسته محيط الوسط يوم الجمعة الفات، ولمدة اسبوع كنت بلبس tight short خلال اليوم... تقريبا بمعدل اربعة ساعات في اليوم... الشي اللاحظته انه كمية الاكل الباكلها قلّت بسبب الshort، لانه بضغط على المعدة بالتالي ما قاعده احس اني محتاجه اكل كتير... الشي التاني اني لما قسته تاني بعد اسبوع، لقيت اني نقصته 9 سم ... اي والله! موش نتيجة مهمة!!!
غباشي بطّل الغتاته وتعال قول لينا تجربتك!
Post: #961 Title: Re: Sudaneseonline Biggest Loser Author: النصرى أمين Date: 04-15-2012, 03:37 AM
المنبر ده الزول لازم يكون لابد ليهو اليوم كله لانه ما بتصلح معانا الا لحظات قليلة وبعدها يعصلج .....
Post: #962 Title: Re: Sudaneseonline Biggest Loser Author: مريم بنت الحسين Date: 04-15-2012, 05:27 AM Parent: #961
مبروك الصفحة الجديدة، والله يجعلها فاتحه خير علينا جميعاً... الموضوع المضحك ده لقيته... قلت انقله ليكم
Quote: Stay Thin With These Off The Wall Dieting Tricks! For many of us losing weight and staying thin is not an easy task. That is why most people will try just about anything to lose weight. These dieting tips are a bit out of the ordinary but many of them have been tested, and they really work!
1. Use your non-dominant hand when eating.
If you are right handed then try using your fork with your left hand. Using your non-dominant hand while eating forces you to eat more slowly and it makes you focus on holding the fork properly. Since you will be eating at a slower pace your body will be able to properly give you the “full” signal before you overeat.
2. Put your fork down after every bite, and chew every bite 30 times.
Putting your fork down between bites is a simple way of slowing down the eating process. Chewing each bite 30 times also slows down eating and also ensures that you will not eat another bite while still having food in your mouth.
3. Ruin your food; yes I said “ruin your food”.
When you are out at a restaurant or even at home and you are eating meal and start to feel full, pour ketchup, salt, pepper, or any other food deterrent over the remainder of your meal so that way you will not finish the meal just to finish it.
4. Brush your teeth when you feel the need to snack, or overeat.
Brushing your teeth sends your brain the signal that you are not going to be eating for a while, or that you are done eating for the day. Brushing your teeth also helps you to not snack because like most of us know once you brush your teeth you have the minty taste of toothpaste that does not mix well with food or drinks immediately after.
5. Place your used napkin on top of your plate.
Many people place there napkin on top of their food when they are done eating, especially if they are dining at a restaurant. This also deters you from finishing your food because the idea of pulling your dirty napkin out of your food and continuing to chow down will gross you out; I know it does for me!
6. Put a picture of yourself at your heaviest and place it on your refrigerator door.
Putting the picture of yourself on your fridge will definitely stop you from grabbing that not so healthy snack. The picture is a visual reminder of why you are watching calories in the first place.
7. Wear tight clothes.
We all know that when we are wearing tight jeans or tight pants the last thing we want to do is go eat. Wearing tight pants will easily remind you of which foods to eat, and how much. (Plus the bloated belly feeling in tight pants, not so appealing)
8. Imagine yourself thin.
Daydreaming about a time when you were thinner or even just imagining how you would look thin is a great motivator. Next time you want to skip a workout, or feel the urge to overeat, think about how great it would feel to fit in your skinny jeans or how great you would look in that bikini.
9. Use small plates.
We can place some of our overeating habits on our parents. You know the saying “clean your plate” “finish your food”. As children many of us had parents that were constantly telling us to finish our food if there was food remaining our plates. That is why unconsciously many of us still have the inclination that we are not finished eating until all of our food is gone. Using smaller plates will force you to take less food, and even if you do “finish your food” you will be eating about half of the calories that you would with a larger plate.
10. Drink water or eat soup before a meal.
One thing that water and soup have in common is that water is as you know 100% water, and soup is mostly water. Drinking a lot of water or eating soup before a meal tricks your brain into thinking your full even though it is just water weight. Next time you are out to eat order the low calories soup such as minestrone, vegetable or chicken noodle or down a glass of water before eating.
النصري يا مريم حااااااايم ساي بالبوستات و زائغة مننا
امس عملت 455 كالوريز. اليوم مفروض اصل حوالى 500. ربنا يقدرني.
Post: #965 Title: Re: Sudaneseonline Biggest Loser Author: مريم بنت الحسين Date: 04-16-2012, 07:05 PM Parent: #964
يا مرا براحه ياخ، ما تشدي شديد كده (غريبه مرا دي لسمارت موش )، انت عارفه طبعا اني بنطلق من منطلقات خالية من الحساده تماماً... وكل ما في الامر هو اني عارفه البير وغطاها... بعدين غباشي ده ما ترخي ليه تقومي تأكدي لأمير نظريته بتاعت البُخل... يا سمارت، انا قريت انه جوّكم الايام دي قلب برد... صحي الكلام ده ولا اشاعه ساي؟
الليلة مشيت اشتريت شتلات اتنين بتاعات نعناع، وتلاته بتاعات زينة فيهم شتلة بتاعت ورده جوري .. وحسي شغاله اشرب شاي اخضر مع النعناع الفريش بمزاااااج... منتظمة في اكلي خالص، ما قلت ليكم انا الخستكه بتجيني مع الرياضة! الاسبوع الجاي حأقلب رياضة وحتحصل الجوطه.. نشوف السبت ان شاء الله اكون نقصته بس عشان معنوياتي دي... فترته من شوفة الرقم نفسه قدّامي...
يلا، عندي زنقة بكره، محاضره دسمه واستعداد لامتحانات.. ده غير التصحيح.. غايته ما بعرف ده كله حأسويه متين!
Post: #966 Title: Re: Sudaneseonline Biggest Loser Author: مريم بنت الحسين Date: 04-17-2012, 11:03 AM Parent: #965
الليلة الصباح بتوقيت السعودية، تم تكوين تحالف استراتيجي لإطاحة نظام السيطرة الذكورية على النتائج في البوست ده...
و الله يا مريم ممكن يكون كلامك صح. ما فروض اعمل كده لكن خلاص قررت ......يا غرق يا جيت حازما*. عارفاك يامريوم اخى بتدورى لى كل الخير. مريم دى يا جماعة اختى اللى ما ولدتها امى.
انا و مريم ح نتحالف على كل الذكور فى البوست. و طبعا قاصدين اللعيبة الكبار:ناس العوض و كده. ناس الحمام الميت ناس النصري و امير ديل ما ح نعاين ليهم اصلا. اما و لدنا غباشي فانا برشحه يشتغل حكم بعد كده
امس عملت اكتر من 500 كلوريز. اليوم ما ح ازيد على ال 500 . بكره ح احاول اعمل 550 . ان شاء الله.
و ختامه مسك يا جماعة .... الليلة كان آخر يوم لي في التحدي و مشيت وزنت و كانت النتيجة فقدان الحمد لله و الشكر لله
في حاجة تانية هي الاهم
العبد لله اكتسح توني بالنسبة المئوية 15.53% مقابل 14.29%
قبيل كان في ملحمة في السنتر و"كارين" من كتر ما فرحانة ما فضل ليها الا (#######) و العياذ بالله مشت نادت واحدة اشتغلت جديد في السنتر اسمها "ايما " و دورت ليك فيني شي اطراءآت ... و شي كبير راس تشيل و تشكر و تحكي في انجازاتي عبر التاريخ و" ايما" تشيل و تستغرب و تتعجب و في النهاية تتكيف من العبد لله غايتو ضقلوا بي جنس ضقيل غايتو ايما دي لو كانت سودانية كانت قالت "حلااااااتو يا ناس"
طبعا يا جماعة التحدي لسة ما انتهي لانو في ناس لسة حيخلصوا اخر الشهر و العبد لله مؤقتاً بقى الـ Champion ما لم تحدث معجزة من واحد من الناس اللسة ما خلصوا ديل
يا سلااااام ياخ ... الواحد حاسي بانو انجز و الله يا جماعة
في الفترة الاخيرة قطعتو مع الناس كلها و مع روحي زاتو .. بمشي العزومات و عديل كدة ما بآكل بقعد اتفرج على الناس و هي بتاكل
ما بشرب صودا, عصير او ما شابه
ما باكل كيك و حلويات حتى الـ Crackers ما بجامل فيها نهائياً بس فواكه و بالعدد (الكلام دا في بيوت الناس)
الفترة الفاتت كانت اطول فترة اتمالكت فيها نفسي تجاه الخرمجة بالرغم من بعض الـ ups & downs
لكن الحكاية دي دايرة قوة تحمل و عزيمة لا تلين او كما قالت ايما و هي تبدى اعجابها بانجاز العبد لله "You have got a will of steel" , طبعاً انا مصدقها
و الان (و منعاً للبري الكتير) نتقبل التهاني مؤقتاً الى ان يقضي الله امراً كان مفعولا (حتى الاعلان الرسمي للنتايج لابأس بقليل من البهجة )
سمعونا زغروووطة
Post: #972 Title: Re: Sudaneseonline Biggest Loser Author: مريم بنت الحسين Date: 04-18-2012, 04:16 AM Parent: #971
Quote: سمعونا زغروووطة
ياهو الفضل، اخير ليييييييك النصري ده كان قرر الانتقام بقوم يرسل ليك صندوق دايجستف، يزيدك خمسة كيلو...
على صعيد آخر، والله عجبنا وسرّ بالنا، على الرغم من سغالتك ومكاواتك... ياخ ألف مبروك، وتستاهل والله... اكتر زول ملتزم في الرياضة وما بخرمج خالص ... العوض اكتر زول ملتزم بي منهجه، في توثيق الاكل بتاعه...
احنا يومنا قرب يخلص (مواعيد الشغل) لكن انا كالعادة ما بمشي البيت قبل الساعة 10 مساء
ما قادر اتخلص من الحركة السيئة دي ... كل الـ PhD Students المحترمين بيتخارجوا من الساعة 5 مساء و انا التقول عندي نص في الجامعة من تصبح لما تمسي بكون متحكر في المكتب حتى لما أمشي الجيم بغير في المكتب .... شنطتي معاااااي و مصلايتي معاي عندي مصلايتين و احدة في المكتب و التانية في البيت ده غير انو المسجد قريب مننا لما اكون ما مزنوق بمشي للضهر و العصر و البقية اذا ربنا هوَّن
بقيت ما بحب امشي البيت الا للنوم او أكون داير اتكلم مع ناس البيت (غالباً في الويكيند) المشكلة انو موضوع القعاد دا بقى ما فارق معاي
بفطر الساعة 7 في البيت و بجيب معاي غداي و عندي حاجات بختها في تلاجة الـ department انا عايش متشرد في نصف الكرة الجنوبي
Post: #974 Title: Re: Sudaneseonline Biggest Loser Author: القلب النابض Date: 04-18-2012, 06:12 AM Parent: #973
مريومة وسمارت انا حيلكم على النصري ... ضدو من ازرو شوية
النصري كمان انت ما تشمت العدو والصليح يا خوي اتذكرتك قبيل دعيت ليك الله يسهل ليك امرك . وتمشي كويس ما تخرمج او تزوغ خلينا نزعرد ليك .... ولا نغني ليك "عجبوني الليلة جو " أحكي ليك النكتة بتاعتها .... صاحبتنا واخواتها ماشاء الله عندهم اخ واحد مدللاتنو شديد .. مرة قرر يدلل عليهم ... قالو ليهو استحم يا ولد . قال ليهم والله ما تغنو لي عجبوني الليلة جو حنب باب الحمام ما ح استحم ..
يا مؤمن يا مصدق البنات شالن الباغة الماخمج وتعالت اصواتهن "عجبوني الليلة جو" حتى انتهي السيد الامير المنتصر بالله من الحمام على انغام الجواري ....والغريب كل ما يرخو شوية يقول ليهم بطلع بي صابوني ..وهم يشيلو ويغنو "عجبوني الليلة جو ... والصابون كملوا"
يلا خلاص اسة انت على الرياضة على انغام " عجبوني الليلة جو.... والميزان حيروا"
يا غباشي مبروك ونحتفظ بالزغرودة الكبرى حتى النهائي .... يوووووووووي يوووووي يووووووي تلاتة مرات ...
نجاة وين ....
Post: #975 Title: Re: Sudaneseonline Biggest Loser Author: مريم بنت الحسين Date: 04-18-2012, 10:06 AM Parent: #974
Quote: الله يبارك فيك و تسلمي يا مريم
احنا يومنا قرب يخلص (مواعيد الشغل) لكن انا كالعادة ما بمشي البيت قبل الساعة 10 مساء
ما قادر اتخلص من الحركة السيئة دي ... كل الـ PhD Students المحترمين بيتخارجوا من الساعة 5 مساء و انا التقول عندي نص في الجامعة من تصبح لما تمسي بكون متحكر في المكتب حتى لما أمشي الجيم بغير في المكتب .... شنطتي معاااااي و مصلايتي معاي عندي مصلايتين و احدة في المكتب و التانية في البيت ده غير انو المسجد قريب مننا لما اكون ما مزنوق بمشي للضهر و العصر و البقية اذا ربنا هوَّن
بقيت ما بحب امشي البيت الا للنوم او أكون داير اتكلم مع ناس البيت (غالباً في الويكيند) المشكلة انو موضوع القعاد دا بقى ما فارق معاي
بفطر الساعة 7 في البيت و بجيب معاي غداي و عندي حاجات بختها في تلاجة الـ department انا عايش متشرد في نصف الكرة الجنوبي
كُر عليك.. شكلك زي برنامج مازن اخوي... مازن آخر مرّه لاقيته في الSkype بعد سنتين من الدرشه في Master، طلع لي زي الApe-man! والله جد، كمية من الشعر مبالغ فيها.. انا كوركته، ولولو بتّي جاتها صدمة قعدت تبكي ... بابا من الامارات ومروان من هاملتون/كندا كانوا ما قادرون يسكتوا من الضحك.. لحدي ما مشينا! غايته هو بطلع بجري، فمحافظ على صحته رغم انه ضعيف معصعص، لكن healthy...
برضه احيانا احسن في الغربة انه الزول يندمج في شغله... بتخفف كتير وبتخلي الزول ما يحس بي انه وحيد... يا زول الله يجيب Mrs غباشي وتلقى سبب للرجعة البيت، او تقوم تخلي البيت كله كله وتبيت في المكتب زي ناس كده حاكم الMrs دي عادة بتكون سلاح ذو حدين...
يا قلب، انا والله بشجع فيه... لكن سمارت شايفاها قامت عليه.. غايته كدي النشوف، يمكن طريقتها تنفع...
انت في نجاة ولا في ابتهال.... يا ابتهاااااااااااااال... انت وين؟؟؟؟
ايييييوووووووي يووووي يوووووويعاد يا ولدنا عجبنا و سر بالنا. الف الف مبروك. ان شاء الله رافع راسنا طوالى.
Quote: او كما قالت ايما و هي تبدى اعجابها بانجاز العبد لله "You have got a will of steel"
قول ليها الله اكبر عليك.....ما تسحرك
on ther other hand ...ما تاخد راحتك شديد من بنات الخوجات ديل.....عارفاهم انا حناكات و ظريفات كيف
Quote: بفطر الساعة 7 في البيت و بجيب معاي غداي و عندي حاجات بختها في تلاجة الـ department انا عايش متشرد في نصف الكرة الجنوبي
اسمع كلام مريوم ده سممممممح
Quote: يا زول الله يجيب Mrs غباشي وتلقى سبب للرجعة البيت، او تقوم تخلي البيت كله كله وتبيت في المكتب زي ناس كده حاكم الMrs دي عادة بتكون سلاح ذو حدين...
فى ناس كده انا بعرفهم بعد العرس المشرف على البحث بقى يفتشهم فتيش
القلب....دى بالتى فيها
Quote: " عجبوني الليلة جو.... والميزان حيروا"
مريوم....مازن ده قولى ليه معانا اطفال احنا..براحة علينا.غايتو الاولاد مع القراية بيمعوا جنس عمايل. غايتو انا لما كنت اكون مزنوقة فى قراية كنت بقضيها كلها قشرات.
النصري الحائز على لقب النصري طحنية....وينك؟؟؟ عاين ناس غباشي خلاص شطبوا..و العوض قرررب. و مريم ماشه تمام رغم الصعاب و الان انا بديت و بقوة. نجاة دى خليها ساى كمان ماشاء الله عليها. اقعد ارجى ابتهال و امير.
Post: #977 Title: Re: Sudaneseonline Biggest Loser Author: مريم بنت الحسين Date: 04-18-2012, 06:59 PM Parent: #976
Quote: on ther other hand ...ما تاخد راحتك شديد من بنات الخوجات ديل.....عارفاهم انا حناكات و ظريفات كيف
انا دخلت اؤيد الهرشه دي...
Post: #978 Title: Re: Sudaneseonline Biggest Loser Author: Nagat Sid Ahmed Elshiekh Date: 04-19-2012, 00:53 AM Parent: #977
ويييييين يا اهلنا 00000000 انا موجوووودة ومتابعة يا قلب شكرا للسؤال0000 مريومة يسأل منك الخير انتى وعيالك وابوهم تسلمى...... حكمنا زيينة وحالف ما يخلينا ماشاءالله عليك انتى شايفة ال 500 ماشة تمام وعملتى بالمثل البقول الخيل الأصيلة بتعمل شنو كدا ماعارفة...... تسلمى وكيب يت اب ..... غباشى الفين مبرووووك وعقبالنا كلنا ياخى .... النصرى طحنية كما قالت حكمنا ياخى الدبرسة الطعامية دى بتحصل المهم تاخد وقتها وترجع تانى تمام التمام بس حدد ليك يوم للبداية الجديدة بعد الخرمجة..... اين البقية ؟؟؟؟؟؟؟؟ ابتهاااااال اين اراضيك ؟؟؟ العوض الدبرسة حصلت ولا شنو؟؟؟؟؟
Quote: المهم تاخد وقتها وترجع تانى تمام التمام بس حدد ليك يوم للبداية الجديدة بعد
اسمع يا النصري الكلام ده و ختو حلقة فى اظانك.....هسى تقعد كده مع روحك و تقول يوم الاحد ح تكون نهاية الخرمجة..
انا ماشه كويس فى الرياضة...لكن خرمجة شديده فى الاكل. عندى ديب فريزر فى القراش مليان بهارات و ويكه و حجات السودان. بالاضافة لكميات من الكفته و السمك المنظف و مطعم و جهاز للتحمير. و دمعات راجيه بس الخضار عشان تبقى طبايخ فى دقائق. المهم حجات النسوان الشغالات دى. مع الكرور ده كلو فى ذى 10 اكياس جبنة مضفرة.الكيس فيه نص كيلو. فتحت الفريزر اجيب كسبره و وقعت عينى على الجبنة المضفرة. و فى اللحظة دى عرفتا انو موضوعى استحما. ممكن تتخيلو الحصل...خاصة لو قلت انى مرقت جبت عيش حااااار و جيت.
ده ما كان من امر الاكل. انا الرياضة فماشه كويس. امس عملت حوالى ساعة فى ال البتكال. و ده التقرير
____________________________________ مريوم لاحظت قبل شويه انك سالتى عن الجؤ عندنا. حقيقى الجؤ خراااااااافى. ربيع بالجد. الشمس مشرقه...و فى نسيم جميل جدا . درجة الحرارة 15 درجةمئوية.ح تصل حوال 27 درجة فى منتصف النهار.
سلامات يا جماعة والله أنا قاعد و متابع البوست و البورد لكن زهجة كدا ما قاعد اتداخل كتير إلا كلام كدا أشعر إني لازم أقوله. طبعا لي أكتر من عشرين يوم ما كتبت ليكم تقرير و حيكون كتير عشان كدا حأكتب ليكم متوسط كل أربعة يوم مع بعض... بس عشان أوفي بالتزامي و ما أكون أخليت بيه. قبل التقارير ردود سريعة:
شكرا يا مريم على إعجابك بأسماء فاطمة و علي. فعلا قبل كدا لاقيت واحد إيراني هنا سألني من أسمائهم لما كلمته قرب يحضني و قعد يقول دي أسماء حلوة جدا. طبعا علي اسم الوالد الله يرحمه و فاطمة اسم الوالدة ربنا يديها الصحة و العافية و يطول في عمرها و يحضرها أفراحهم و أفراح أولادهم إن شاء الله. طبعا تعليقات الناس دي و انتباههم لإنك ضعفتي بترفع المعنويات شديد... عندي واحد معانا في الشغل كان معذبني هو ما شاء الله أظنه أكتر من تلتمية رطل كان فجأة كدا أثناء الونسة يكون بحكي في قصة يقوم يوصف زول يقول ضخم شديد زينا كدا (يعني أنا و هو) طبعا أنا اقتنعت بإني فعلا ضخم. هسع اليوم داك بتونس و بحكي عن ولده قال نحيف زيك كدا والله كيفني كيف. هسع هو ذاته جا سألني عملت شنو و بادي في برنامج غذائي.
سلام يا النصري ياخي اعتبر نفسك بادي من الأول و قول باسم الله. بالمناسبة الطحنية دي ما كفاية إنه ما فيها سكر يعني الميتين كالوري ديل لو في كمية بسيطة منها (و دا المتوقعه) برضها المفروض تتعامل معاها بحذر شديد.
سلام يا أمير و مرحب بعودتك. منتظرين تورينا النتايج لكن أنا متفق مع الجماعة القالوا أحسن الهدف يكون معقول.
سلام يا سمارت... شكرا على الدعوات. فعلا موضوع إنه الزول طوالي يكون براقب في الأكل مزعج لكن اتخيل لي الواحد لمن يكون وزنه مثالي و بتريض ممكن يدي نفسه فرقة كويسة. ما شاء الله يبدو إنك من النوع البجي في النهاية و يكتسح الجماعة و أهدافك طموحة جدا ربنا يقدرك عليها إن شاء الله و على ثقة بإنك قدرها و أكبر.
سلام للقلب النابض و شكر جزيل على التشجيع و في انتظار إنضمامك للمنافسة.
سلام يا غباشي مبروك التفوق على توني و عقبال الشهادة الكبيرة زي ما بقولوا. بالنسبة للبتاعة بتاعة الرياضة أنا عندي مشكلة كنت عايز أقولها قبل كدا لكن بصراحة خجلت هسع حأغمض و أحكيها. أول ما بديت الرياضة كنت بعد ما أنتهي بشعر بألم في منطقة الصدر أول افتكرته من المروحة بتاعة التريدميل مع العرق بقيت ما بشغلها و المشكلة استمرت المهم عملت شوية بحث في الإنترنت و لقيت إنه في ناس عندهم مشكلة إنه في حتة في الصدر بتكون حساسة جدا و الاحتكاك مع الملابس بسبب الالم دا و جربت أتريض بدون تي شيرت أو أي حاجة و فعلا اختفى الألم. طبعا الكويس إني بتريض في البيت لكن ما عارف لو قررت يوم أمشي الجم حأعمل شنو. شفت الخواجات ديل بعرفوا للتشجيع كيف... أظني حكيت ليكم كلام دكتورتي لمن كلمتها بموضوع الضغط.
سلام يا نجاة و كويس طمنتينا عليك... الدبرسة حاصلة لكن الحمد لله ما من الرياضة لغاية هسع مواصل.
حأرجع بالتقارير و شوية أخبار إن شاء الله.
أعذروني يا جماعة لو في أي أخطاء في المداخلة دي... طويلة ياخي و ما قادر أراجعها.
سلام تاني دا تقرير العشرين يوم الفاتت كل أربعة أيام مع بعض:
الجمعة 30/3 لغاية الاتنين 2/4 المتوسط لليوم الواحد كالتالي: عدد الكالوريز الاتناولتها 1509 كالوري. رياضة حوالي 20 دقيقة حرقت 254 كالوري (في تلاتة يوم ما اتريضت فيهم). الصافي فقدان 890 كالوري.
التلاتا 3/4 لغاية الجمعة 6/4 المتوسط لليوم الواحد كالتالي: عدد الكالوريز الاتناولتها 1709 كالوري. رياضة حوالي 28 دقيقة حرقت 343 كالوري (في يومين ما اتريضت فيهم). الصافي فقدان 765 كالوري.
السبت 7/4 لغاية التلاتا 10/4 المتوسط لليوم الواحد كالتالي: عدد الكالوريز الاتناولتها 1771 كالوري. رياضة حوالي 56 دقيقة حرقت 467 كالوري (في يومين ما اتريضت فيهم لكن واحد كويت فيه ساعتين... مبالغة مش يا النصري؟). الصافي فقدان 784 كالوري.
الأربعاء 11/4 لغاية السبت 14/4 المتوسط لليوم الواحد كالتالي: عدد الكالوريز الاتناولتها 1771 كالوري. رياضة حوالي 46 دقيقة حرقت 601 كالوري (في يوم ما اتريضت فيه). الصافي فقدان 1201 كالوري.
الأحد 15/4 لغاية الأربعاء 18/4: عدد الكالوريز الاتناولتها 1479 كالوري. رياضة حوالي 56 دقيقة حرقت 775 كالوري. الصافي فقدان 1375 كالوري.
Post: #982 Title: Re: Sudaneseonline Biggest Loser Author: النصرى أمين Date: 04-20-2012, 03:01 AM Parent: #981
يا اخوانا خلو الاستهبال ..لقب طحنية دى ملك خاص للمتنافس المنسحب محمد الشيخ (محمد طحنية)
انا واذا لابد للالقاب فانى افضل النصرى شاى مسيخ لانو شراب الشاى من غير سكر اكبر انجاز حققته ...
الناس يا جماعة مالها خلت البوست؟ طيب نحكي ليكم قصة قبل شوية في الشغل قاعد في أمانة الله آكل في جزري زي الغنماية زي ما بقول أمير أو للدقة نقول زي الأرنب جاني واحد قال لي تعال الليلة عيد ميلاد واحد معانا و عاملين ليه كيك. قلت ياخي أنا عامل دايت قال لي تعال شارك و أنا أصلا من البداية كنت ملكلك فما صدقت و قبلت الدعوة. مشيت الكيكة شكلها رهيب... غرفوا قلت ليهم أنا أغرفوا لي قطعة صغيرة جابوها تكون على الأقل فيها أربعمية خمسمية كالوري و مافي طريقة الواحد ما ياكل الكريمة لأنه عاملنها بطريقة كدا طبقات و مخلوطة استلمت صحني و قبل ما أمد يدي عليه واحد قال ليها رهيبة شكلك عاملة فيها كحول قالت ليه آي عاملة فيها شنو كدا ما عارف لكن حبة بس... ختيتها طوالي و حمدت الله الجات منهم و اعتذرت ليهم قلت ليهم شكرا لكن ما ممكن آكل حاجة فيها كحول و بكدا ربنا نجاني و رجعت كملت جزري. هسع أنا محتار في الكيك البعملوا فيه مريسة دا... زمان الحاجات الحلوة دي الواحد ما بشيل همها كتير تاني يعني نقعد نسأل في الكيك كمان؟
ياسر عندى قصة مشابهة (حكيتها زى عشرة مرات فى المنبر ده لكن حاحكيها تانى)
جماعة اصحابى فى امريكا كانو عاملين قعدة رهيبة.. بعدما ما شربو تمام والسكرة طلعت فى الراس قامو على موضوع العشا ..كانو عاملين حلة بتاعت لحم .... واحد فيهم اضاف wine عشان الحلة تبقى طاعمة... الشكلة قامت ... واحد من السكرانين زعل وهاج كيف يضيفو wine للاكل لانه ما بياكل حرام .... الجماعة حاولو يقنعو بانهم بشرب حرام ... كان بيقول ليهم ايوة بشرب خمر لكن ما داير اكل حرام
Post: #986 Title: Re: Sudaneseonline Biggest Loser Author: مريم بنت الحسين Date: 04-21-2012, 04:33 AM Parent: #985
Quote: ياسر عندى قصة مشابهة (حكيتها زى عشرة مرات فى المنبر ده لكن حاحكيها تانى)
جماعة اصحابى فى امريكا كانو عاملين قعدة رهيبة.. بعدما ما شربو تمام والسكرة طلعت فى الراس قامو على موضوع العشا ..كانو عاملين حلة بتاعت لحم .... واحد فيهم اضاف wine عشان الحلة تبقى طاعمة... الشكلة قامت ... واحد من السكرانين زعل وهاج كيف يضيفو wine للاكل لانه ما بياكل حرام .... الجماعة حاولو يقنعو بانهم بشرب حرام ... كان بيقول ليهم ايوة بشرب خمر لكن ما داير اكل حرام
ههههههههههههههههههه، والله ده زول لزيز، غايته يا الخمره طيرت ليه الفضل في المنطق بتاعه، يا اصله هو ما مستوعب الفرق! على نفس وزن القصة بتاعتك دي، بابا بحكي أيام البعثه في بريطانيا، قال ليك الواحد يكون صبّاحي في الnightclub، وعنده girlfriend وعامل السبعة وذمتها، يجي يقيف في اللحمة ويتأكد انها حلال!
العوض والقلب، غايته احنا البرنامج ده نهائي مافي بالنا زاتو، الله يعينكم والله... انا حسيت بالحاجه دي لما سافرت امريكا اربعة يوم، لقيت روحي افتش في الfood labels
اخبار حلوه... قست الليلة ولقيت روحي ناقصه كيلو ونص.. ما قلت ليكم، الرياضة نهائي ما بتنفع معاي.. غايته ده اسبوع الرياضة، ومن حسي قنعانه من الوزن بتاع يوم السبت الجاي... حأعمل رياضة كل اليوم خلال الاسبوع ده... والاسبوع الجاي اجازه من الرياضة... اصلا جوني ناس يوم الخميس وكلهم علّقوا اني ناقصة وزن، اعتقد اني ناقصة اكتر من الرقم ده، لانه الناس ديل ما طوّلوا منّي...
عارف يا العوض في مكتبنا في عمك كبير كده( اولادوا قدري )متخصص ينبهني اذا الأكل فيه كحول او خنزير احنا 4 مسلمين من 200 موظف. التلاته الباقين قالوا عمك ما شغال بيهم و ما بينبهم. و مع اننا أقلية، لكن و الله ناسنا ظراف جداً و بيعملوا حسابنا في الأكل. خاصة البيتزا. و لما يكون في شراب ( احتفال بمشروع معين) بيجيبوا لينا ابل سايدر.
يا قلب الزبادي ده بالذات ما تأكليه ساي. اغلب الزبادي فيه جلاتين بتاع الخنزير.
مريوم، ما شاء الله تبارك الله. عقبالنا يا رب نجي نخت الأرقام البتتراقص دي. امس انا بدل ما اتريض مشيت السنما مع صحبتي.
Quote: . قست الليلة ولقيت روحي ناقصه كيلو ونص.. ما قلت ليكم، الرياضة نهائي ما بتنفع معاي.. غايته ده اسبوع الرياضة، ومن حسي قنعانه من الوزن بتاع يوم السبت الجاي.
مريوم..... ألفييييين مبروك والله خطييييييره انا أقتنعتة بخستكت الرياضة ......... الليلة السبت مشيت لقيت خسرانة رطل واحد وبس بعد اسبوع من الرياضة العنيفة وأقل يوم عملتة فيه 450 كاليروز...... لو بتذكروا الاسبوع أبو خمسة رطل ماكان فيه رياضة كل يوم.... المهم نشوف الاسبوع القادم ....
Post: #990 Title: Re: Sudaneseonline Biggest Loser Author: مريم بنت الحسين Date: 04-23-2012, 04:46 AM Parent: #989
Quote: مريوم..... ألفييييين مبروك والله خطييييييره انا أقتنعتة بخستكت الرياضة ......... الليلة السبت مشيت لقيت خسرانة رطل واحد وبس بعد اسبوع من الرياضة العنيفة وأقل يوم عملتة فيه 450 كاليروز...... لو بتذكروا الاسبوع أبو خمسة رطل ماكان فيه رياضة كل يوم.... المهم نشوف الاسبوع القادم ....
الله يبارك فيك يا نجاة...
غايته مافيكم زول سأل من تحالف كاودا! اصللللي ما بكلمكم... بس كده، حردته....
سلام يا جماعة... والله نفسي أرد عليكم فردا فردا لكن أنا في كورس في مدينة تانية و حكايتي حكاية. المهم على السريع كدا حصلت حاجة ما متوقعة قررت أوزن قبل ما أسافر للكورس و وزنت يوم السبت متوقع أنزل حوالي ستة أرطال على الكتير لأنه دي تلتين الشهر يادوب و الشهر ذاته ما كان بالإنضباط الإقولوا عليه لقيت نفسي نزلت تسعة أرطال و الحمد لله يعني هسع وزني حوالي 181 رطل يعني أقل من الحد الأعلى للوزن المناسب لطولي بتمنية باوند. حأرجع بلدنا يوم الجمعة و حأحاول يوم السبت أرد عليكم كلكم إن شاء الله لكن حأتابع البوست بصورة يومية.
Post: #994 Title: Re: Sudaneseonline Biggest Loser Author: مريم بنت الحسين Date: 04-24-2012, 09:03 AM Parent: #993
ما شاء الله يا العوض... ألف مبروك ما قلنا ليكم الخرجمة وعدم الرياضة بنفعوا اكتر من الرياضة ما صدقتونا
الاسبوع ده ماشه تمام في الرياضة... لحدي الان اتريضته كل يوم ن يوم السبت لحدي امبارح... الليله ما حأقدر اتريض، لكن حأعوضها بيوم اضافي في النهاية قبل ما اوقف...
الاكل كويس! لكن امس قررت اطّع نفسي من ساندوتش بتاع Subway.... اكلته وشربته الشاي الاخضر ورقدته نمته مرتاحة البال!
ربنا يحفظه ليكم يا مريم وتفرحوا بجديده.... انتو المكنة دى مغطينها من شنو؟
-------
يا اخوانا هذا التزام منى يوم الاتنين 30 مارس هو يوم الانتفاضة ضد الحكم الظالم ....هو يوم الثورة ضد الكسل والاحباط واللامبالاة
الاتنين هو اليوم الذى ساهب فيه هبة رجل واحد لاتراجع لاتهاون
30 مارس بداية عهد جديد .... اذا لم التزم اوعدكم انى اقطع وشى نهائئ من البوست ومن البورد لمدة سنة ...... البركان يغلى وسينفجر يوم الاتنين اعملوا ساتر فالشظى ما يصيبكم ...
------ على مستوى اخر .... ودعت البلاك بيرى وداع الطريفى لجمله... اشتريت تلفون سامسونغ يعمل باندرويد التلفون رهيب والانترنت فيهو غير محدودة,,,, بس احتاج لبعض الوقت عشان اقدر اتعود عليه,,,
اول سؤال ....ليه ما بقرا عربى؟ لمن افتح البورد بتجى الحروف مشغلبه..... الحاجة التانية ...يادوب حنجرب حاجة اسمها apps
Post: #997 Title: Re: Sudaneseonline Biggest Loser Author: مريم بنت الحسين Date: 04-24-2012, 08:07 PM Parent: #996
Quote: 30 مارس بداية عهد جديد ....
يا النصري ياخ قدر ما نحاول تصلحها تخرب، 30 مارس ده فات زمااااااااااان، احنا حسي في 30 ابريل... ركّز لينا ياخ ما تبقى لينا زي المعارضة المورمه فشفاشنا دي... المكنه مغطينها عشان تفضل جديده اطول وقت ممكن ...لكن انت قايل لولو هانم بتخليها! والله شغاله تسلسل في البلاستيك من غير ما تخاف الله فيهو!
يا سمارت... ولا تشتغلي بيهم... تحالفنا ده اصلك ما تديهم آخره... انا الليلة مأجزه من الرياضة، لكن يومي كان سغيل خلاص... بكره حأتريض ان شاء الله...
يا نجاة وابتهال... انتو وين عايزينكم في موضوع مهم....
شفتى يا مريم ناس 30 مارس ديل؟؟؟ يمكن قاصد السنة الجاية
Quote: على مستوى اخر .... ودعت البلاك بيرى وداع الطريفى لجمله... اشتريت تلفون سامسونغ يعمل باندرويد التلفون رهيب والانترنت فيهو غير محدودة,,,, بس احتاج لبعض الوقت عشان اقدر اتعود عليه,,,
اول سؤال ....ليه ما بقرا عربى؟ لمن افتح البورد بتجى الحروف مشغلبه..... الحاجة التانية ...يادوب حنجرب حاجة اسمها apps
مبروك التلفون...لكن ....انا شمتااااانه فيك. احنا ننبح هنا 4 سنوات اى فون اى فون اى فون تجى تشترى اندرويد عليك الله اشترتين اندرويد ليه؟؟؟؟ اكيد ما بيقرا عربى. يقرا عربى ليه؟؟ اى فون هو. ده اندرويد....و الاندرويد ما بيدعم عربى بى وحاتى و وحاتك. و ما تسالنى بيعملوا شنو عشان يخلوه يقرا عربي.... ما عارفه..لانى ما عندى اندرويد...على العموم ما اظن بتتعمل غير في السودان او الخليج. اصحابي اللى اتشالقوا ذيك و جابوا اندرويد اهم حايمين بيه من غير عربي
حكمنا منورة انا موجودة الكلام ابتهال الا بعد دا نعمل بلاغ فى شرطة نيو جيرسى والمدن المجاورة 00000
Quote: يا نجاة وابتهال... انتو وين عايزينكم في موضوع مهم....
وين يا مريومة والله التريدميل عندكم ... والعجب الولد الطالع فيهو الله يخليهم ليك وشكرا للسؤال 0000
Post: #1000 Title: Re: Sudaneseonline Biggest Loser Author: مريم بنت الحسين Date: 04-25-2012, 04:33 AM Parent: #999
Quote: مبروك التلفون...لكن ....انا شمتااااانه فيك. احنا ننبح هنا 4 سنوات اى فون اى فون اى فون تجى تشترى اندرويد عليك الله اشترتين اندرويد ليه؟؟؟؟ اكيد ما بيقرا عربى. يقرا عربى ليه؟؟ اى فون هو. ده اندرويد....و الاندرويد ما بيدعم عربى بى وحاتى و وحاتك. و ما تسالنى بيعملوا شنو عشان يخلوه يقرا عربي.... ما عارفه..لانى ما عندى اندرويد...على العموم ما اظن بتتعمل غير في السودان او الخليج. اصحابي اللى اتشالقوا ذيك و جابوا اندرويد اهم حايمين بيه من غير عربي
غايته يا النصري وقعت وما سمّيت.. سمارت دي من امس شايفاها قلبت عليك... لقت انه التحانيس ما بتنفع شايفاها شغاله فيك حرب نفسيه... حسي كمان اديتها فرصة في شماته كمان... غايته الله يعينك...
خلي التسويف، وقوم على treadmill بتاعتك عليك الله ... اعمل ليك ان شاء الله ربع ساعة زي زمان ... ما تأجل لحدي يوم الاتنين (يا قول أمي، انت قايله ما بجي )... كدي سمّي بالرحمن و(انعل) الشيطان وقوم اعمل ليك حسي دي ربع ساعة... غايته الtreadmill دي في زول سحرها ليك، من يوم ما وصلت بيتك والبرنامج بتاعك خرب... كدي ولع ليك لبان بخور!
دايرينك في موضوع انا وسمارت، بس كدي اول ورينا يا نجاة، عندك iPhone؟
الحقيقة انو انا بتدحرج للوراء فى موضوع الشهور ده ....لكن عندى سبب معنوى ....
انا ما داير شهر خمسة ده ما يجى كلو كلو ....داير الشهور تقيف فى مكانها ..... ليه؟؟؟؟؟
لان شهر خمسة معناتو انى حاكمل 50 سنة ودى حاجة ما قادر اصدقها ..... حاجة مرعبة بشكل ....50 سنة !!!! انا الصغير وجاهل حاكمل خمسينايا ..... داير وباى طريقة اتلصق فى الاربيعينيات باى شكل ... ده السبب انى كتبت 30 مارس بدون وعى .......
الحاجة التانية ....... بالرغم من مرحلة الانحطاط التنافسى التى اعيشها منذ فترة طويلة الا اننى مازلت متشبث بالثوابت مافى سكر ومافى دهن (ماعدا اكلت مرتين طحنية ..مرة بسكر ومرة بدون سكر)...المهم بالرغم من المحنة دى الا اننى لسه متفائل ...... قبل اسابيع طويلة كتبت انى مشيت المخازن والمهمات التابعة للبلدية واستلمت كوته كبيرة من الملابس من ضمنها 3 بناطلين مقاس الخصر 42 بدلا من 46 و 47 مقاساتى القديمة .... هذه البناطلين بتجى من المصنع طويلة جدا جدا جدا وعلى كل موظف ان يذهب الى محل خياطة اسمه Stitch It لقص كل بنطلون على حسب الطول ..... لانى كسلان يا دوب وديت البناطلين دى محل الخياطة واستلمتهم قبل يومين ..لسه ما جربتهم ناوى ان شاء الله اجربهم يوم الاتنين مع بداية الانتفاضة الجديدة ... اذا طلعو ضيقات اكون اتلومت مع نفسى شديد و ده حيزيد من اصرارى على التعويض ... اذا طلعو مقاسى تماما تبقى دى حاجة كويسة لانى ناوى بعد ان اصل للوزن المثالى ان احافظ عليه وما على الا ان اعمل الحاجات الكنت بعملها فى الشهرين الفاتو لكى احافظ على وزنى....
-------- نواصل
Post: #1002 Title: Re: Sudaneseonline Biggest Loser Author: مريم بنت الحسين Date: 04-25-2012, 07:27 PM Parent: #1001
النصري............
استهدي بي الله، وامشي اوزن نفسك اول شي... شوف نفسك وصلت وين....
سلام يا أهلنا الله يبارك فيكم (للناس الباركوا لي) و ان شاء الله كدة نردها ليكم قريب حأجيكم لتغيب على ردودكم من البداية ... ان شاء الله جاييكم عندي ليكم خبر بخصوص موضوع كنا بنتكلم فيه انا و مريم في بوست لاسمارت انا اتورطت و ظهرت بيغادي لاني كابي الزوغة من هنا لي كم يوم المهم مريم لمت فيني بهناك و كان الحوار التالي مريم :
Quote: بركه الفتحتي البوست .. غباشي عامل لينا فيها مشغوووووووووول.. وهو شكله كده مخستك وزايد وزن والخواجايه فازت عليه في السباق وخسر القروش وعنده اكتئاب!
العبد لله :
Quote: ههههههههههههه و الله ضحكتيني يا مريم (و أنا زعلان) ... كلامك دا كلو مافي محلو ما عدا أول و آخر جملة ... بالجد عندي اكتئاب حاحكيهو ليكم هناك عشان القى المزيد من التضامن و المؤازرة و رفع المعنويا ت
مريم:
Quote: النبي فوقك ما تتأخر، القصة فيها اكتئاب ياخ... ما تنشغل بأي شي تاني عليك الله، امشي اكتبها لينا سرييييييييييييييع... عشان نآزرك في مصيبتك وكده..
ابداً ما حيكون في اي شماته والعياذ بالله..
و جات اسمارت اضافت :
Quote: لكن بالجنبه كده (من غير ما زول يسمع)..كلام مريم ده صحى؟؟؟؟اعمل حسابك من الخواجية... مريم تعرفى يكون غباشي ده قبض القروش و عامل لينا فيها عندو اكتئاب عشان ما نقول عاوزين حقنا.
طبعاً زي ما عرفتو انا عندي إكتئاب ما بعد النصر لكن الاكتئاب دا نهائي ما عندو علاقة بالـ fitness يعني ما في اي انتكاسة او رجعان وزن لا سمح الله أما بالنسبة للتحدي فلحدي هسي ما عارف الحاصل شنو , لسة ما ورونا النتيجة و زي ما عارفين لحدي آخر مرة العبد لله ختاها لتوني الخواجية بالضربة القاضية بس راجي الموضوع يستوي و لما يحصل بأذن الله و يتأكد فوزي ساعتها حتنطبق عليهم المقولة الشهيرة بتاعت يوليوس قيصر "I came, I saw, I conquered"
الاكتئاب يا جماعة بخصوص قرايتي و مستقبلي العلمي في أخبارمأساوية و مش كويسة المشرف بتاعي ... حيخلي الجامعة مش كلمتكم قبل كدة انو عاوز يتخارج من البلد دي؟ أها لقا شغل overseas و حيتخارج لكن ما هسي طوالي الموضوع دا عامل لي اكتئاب و افسد على فرحة النصر المؤجل طبعاً المشرف بتاعي ده صديقي الانتيم و دي فترة حرجة جداً في مسيرتي العلمية (اتخيلوا الموضوع) يا جماعة اخوكم محتاج دعم و مؤازرة بكميات تجارية فما تبخلوا علينا ساعود بعض ان ينقضي الاكتئاب عني
Post: #1005 Title: Re: Sudaneseonline Biggest Loser Author: Nagat Sid Ahmed Elshiekh Date: 04-26-2012, 00:27 AM Parent: #1004
Quote: دايرينك في موضوع انا وسمارت، بس كدي اول ورينا يا نجاة، عندك iPhone؟
لووووزرس سلام..... والله يا مريوم عاوزة أشتريه قريبآ كان الله هون .. بس لازم نعرف الموضوع سريع الشمار كاتلنى هههه. نرحب بالاخ ابن النخيل ونتمنى أن يكون منافس خطير ... حكمنا دايرين نصائح عن ال I Phone ماعاوزين نقع ساكت ....
Post: #1006 Title: Re: Sudaneseonline Biggest Loser Author: مريم بنت الحسين Date: 04-26-2012, 10:54 AM Parent: #1005
غباشي ازيك.... غايته لا أملك إلا أن اتعاطف معاك (رغم انه سبب الاكتئاب ما كان الفي بالي )، لكن متخيلة مقلبك ده لو حصل علي (وب علي بعيد الشر ان شاء الله)... لو حصل في مراحل ابكر ممكن الزول يبلعها، لكن الواحد صعب جداً في مراحله الاخيرة يتغير المشرف بتاعه.... غايته نصيحتي انك تحنّس مشرفك ده انه يتابعك حتى لو مشى... يعني قول ليه انك عايز to run your ideas over him، بس عشان تتأكد انها صحيحة... المشرف الجديد خليه في مستوى القراية والمراجعة والتدقيق .. واشراف على خفيف...او اتفق مع الجامعة انه يكون في co-supervision مع مشرفك القديم... لانه السيناريو ده بالجد صعب.. الله يعينك...
اخونا ابن النخيل، ألف مرحب بيك، وحبابك... والبجد شوّقتنا انه نعرف قصّتك... اخونا النصري محتاج لي لزّة، واعتقد قصة فيها عبرة وتشجيع ممكن تفيدنا كلنا... في انتظار المزيد عن قصّتك
نجاة... انا وسمارت عملنا تحالف عبر الiphone عشان ندعم بعض في الرياضة... يعني لو سمارت اتريضت بظهر لي في الايفون انها اتريضت، وكم دقيقة اتريضت... وبخلق زي منافسه كده بيني وبينها، الحاجه دي خلتنا نتشجع ونتنافس سوا... او في الحقيقة، نغيظ بعض.. او بالاحرى، سمارت تغيظني ....
Quote: شوّقتنا انه نعرف قصّتك... اخونا النصري محتاج لي لزّة، واعتقد قصة فيها عبرة وتشجيع ممكن تفيدنا كلنا... في انتظار المزيد عن قصّتك
عليك الله اكتب القصة سريع..يمكن ربنا يفتح على اخونا النصري ده..
نجاة..مريم دى ما تسمعى كلامها..عاملا لى رعب..كل يوم :مريم اتريضت شي نص ساعة و شئ ساعة كاملة. اى اسئلة عن ال اى فون احنا جاهزين. بس قولى عوك. فى الاول انت فى اى بلد؟؟ لو فى امريكا : عاوزه تكون عندك انترنت فى التلفون طوالى؟ لكن لازم تمضى عقد مع شركة تلفون و تدفعى حوالى 30 دولار شهريا. اذا ما محتاجه للنت ممكن تشتري تلفون مستعمل من امازون او اى موقع تانى. بس ورينى انت عاوزه شنو...و انا جاهزة لاى اسئلة.
غباشى انت زعلان عشان فردتك مشتت ام لانه ما ح يتم معاك البحث؟؟؟ ما عارفه ليه انا فاهمة انك تقريبا خلصتا و انك زعلان بس لانه فردتك و انه ماشي. غايتو لو ما خلصتا لسه حاول اضغط روحك و اخلص قبل ما يمشى. اذا ما فى طريقة ف it is what it is شد حيللك و ان شاء الله المشرف الجديد يطلع كويس برضو. و اعمل بوصية مريوم.
النصري....بقيت تطنشنا كمان؟؟؟؟ انا شمتانه فى موضوع الاندرويد. بس عليك الله ليه اشتريت اندرويد؟؟؟؟
لانو جنى جن المداخلة الطويلة ..بتخايل لى الناس بتفطفط ..تقرا لى سطر وتفط سطر ....عشان كده نقسم الكلام زى المرارة فى مداخلات مختلفة...
----------------- الشركة الكنت مشترك معاها لاكتر من 12 سنة كان مدينى hard time كنت بدفع 70 دولار وما عندى مكالمات خارجية (كندا وامريكا) وما عندى انترنت ....ومرات كتيرة جدا بحاسبونى على الرسائل النصية القصيرة اضطر اتصل بيهم عشان اصلح الخطأ بتاعهم... المهم المشاكل كترت والشكاوى بقت يومية مع انها اكبر شركة اتصالات فى كندا... فى النهاية طلعت منهم بشكلة كبيرة وانضممت لشركة جديدة صاعدة يادوب الخدمة بتاعتهم بتغطى 5 مدن فى كندا ..اسعارهم ممتازة جدا ....45 دولار فى الشهر مكالمات غير محدودة داخل كندا وامريكا ...انترنت غير محدود (لغاية حسى وفى اسبوعين شاهدت لى زى 500000 فيديو يوتوب ...بالاضافى الى كل الميزات الاخرى ....بريد صوتى الخ ... المشكلة بتاعتهم انه نظام الشبكة بختلف عن النظام بتاع الا iphone وهناك تلفونات معينة تصلح للخدمة لديهم ..سالت عن امكانية ال unlock لل iphone عرفت انه غير ممكنة لاختلاف ال broadband or something ...ده طبعا انو بالاضافة فى حلقى غصه ضد Apple بسبب تدميرها لشركتى المفضلة RIM
التلفون الجديد Samsung Galaxy mini ممتاز جدا بس لسه ما حليت مشكلة اللغة العربية مع انى شاهدت فيديو لشافع مصرى يشرح فيهو كيفية اضافة العربى للتلفون ده
اهلا وسهلا بابن النخيل.. البوست قائم على دعائم كثيرة اهمها عامل الارادة والتحدى ومجابهة الصعاب.. اول حاجة نطالبك تعملها انك تتخلص من عادة النقر على الماوس للطباعة... نعم البداية صعبة لكن بشوية صبر وارادة يمكنك التعود على الطباعة العادية.. هذا اول تحدى لك اتمنى ان تسعى لتحقيقه لانه من غيره لن يمكنك كتابة كل الفى بالك وتضطر للاختصار نتيجة للتعب من النقير حرف حرف ....
الحاجة التانية ..التعود على الطباعة العادية ستفتح عليك ابواب كثيرة كانت مفقولة بسبب المشقة الناتجة من النقير.....
Quote: فى الاول انت فى اى بلد؟؟ لو فى امريكا : عاوزه تكون عندك انترنت فى التلفون طوالى؟ لكن لازم تمضى عقد مع شركة تلفون و تدفعى حوالى 30 دولار شهريا. اذا ما محتاجه للنت ممكن تشتري تلفون مستعمل من امازون او اى موقع تانى. بس ورينى انت عاوزه شنو...و انا جاهزة لاى اسئلة.
هندسة أنا فى مدينة فلادلفيا ولاية بنسلفنيا يعنى قريبة من ابتهال بالعربية أقل من ساعتين والله صحى.... والله عاوزة لى انترنيت فى التلفون لكن مشكلتى مع التطش بتاع الايفون .... لما كنت فى السودان رسلوا لى واحد بعتوا بعد شهر من استعمالو يعنى عقدة مع اللمس لازم نحلها أولا ......... غايتو خجلتة من نفسى فى الشغل كل الجماعة شيلين تلفونات فخمة ومعاها انترنيت وشغالين يفتحوا فى الفيس بوك وانا لما اكون عاوزة أرسل رسالة بدخل تلفونى تحت الطربيزة ههههه. عاوزين نثقف ونتفلهم فى روحنا دى بس خليك جاهزة للاسئلة .... السؤال الأول أحسن تلفون واى شركة الخدمات بتاعتة تمام والاشتراك الشهرى معقول؟؟؟؟؟؟؟
Post: #1011 Title: Re: Sudaneseonline Biggest Loser Author: مريم بنت الحسين Date: 04-26-2012, 10:10 PM Parent: #1009
الليلة اليوم ظريف، عملته ساعة في الtreadmill .... حسي فتراااااااااااااااانه... كل ضلوعي بتقول آخ... لكن بكره برضه ناوية على ساعة... عشان الاسبوع الجاي زي ما اتفقنا حأكون موقّفه مشي... لكن نويت اعمل Pilates ... خاصة انه سمارت دي ما تقيف تنتظرني لحدي ما اتم الاسبوع، وانا بقدر اخليها تفوتني اكتر من كده... اها حأقوم اعمل نص ساعة Pilates ابتداءاً من الاسبوع الجاي.. والاسبوع البعده برجع للtreadmill... بعداك اخدنا الاولاد ومشينا الحديقة.. شلنا الشاي بتاعنا وعملته chocolate cupcake... وغشينا كنتاكي يا ود الصايم شلنا العشاء ... ساهرنا والاولاد لعبوا واتبسطوا وجينا حسي فترانيييييين... بس قلت اكتب ليك سطر سطرين...
يا جماعة و الله كتبت مداخلة طويلة لكن ذهبت سدى و اللابتوب عمل ريستارت و دي كمان جات في وقتها (نوع تاني من الاكتئاب) ملخص المداخلة : ترحيب و اعتذار للاخ ابن النخيل لاني ما رحبت بيهو في الاول (مكتئب و كدة) شجعتو و في نفس الوقت حذرتو ما يباري النصري عشان ما يربِّت زيو المهم هو خليفة العوض :)
مريم و اسمارت بخصوص المشرف (سبب اكتئابي) كلامكم صاح غايتو الحمد لله انا في الجزء الاخير و اتفقنا اني احاول أخلِّص قبل ما هو يتخارج بس الكتابة حاااااااااااااااااااااااااااااارة
حارجع للرد على كل البوستات لاحقاً بأثر رجعي عشان عندي نوبة اكتئاب بعد نص ساعة و لازم اكون جاهز ليها
طبعا انا لما تحصل لي ظروف زي الانا فيها حالياً دي بعيش الدور و بتقمص الشخصية كما ينبغي لها ان تكون
معاكم سلامة النمشي نكتئب لينا شوية مع الدنيا الما بتسوى دي
Post: #1013 Title: Re: Sudaneseonline Biggest Loser Author: مريم بنت الحسين Date: 04-27-2012, 11:19 AM Parent: #1012
Quote: بخصوص المشرف (سبب اكتئابي) كلامكم صاح غايتو الحمد لله انا في الجزء الاخير و اتفقنا اني احاول أخلِّص قبل ما هو يتخارج بس الكتابة حاااااااااااااااااااااااااااااارة
والله الكتابة حاره بشكل يا غباشي! وانا عشان عارفه نفسي في موضوع الكتابة ده عملت لي خطة عشان اكتب من شهر واحد الفات.. طبعا وصلت لنظرية انه الكتابة صعبه وما بتنفع معاي من السنة الفاتت، قدمت annual report كلللللللللللله 60 صفحة، لكن جرسني جرسه، بكيت بدموووووعي.... اها قلت من شهر واحد قال كل فصل في شهر... وانا طبعا لسه في جزء implementation ما خلصته... قال اكتب أول بي أول.... الان نحن في شهر 4، وحسب خطتي الضاربة المفروض خلصته الintroduction literature review و theoretical background ... واكون شغاله implementation... وحاتكم غير جزء صغيييير في introduction ما عملته..... غايته!
تعرف، بعد تفكير في قصتك دي، اعتقد انك محظوظ بسفرة مشرفك دي... قول لي لييييييييييه؟ لانه بقى عندك deadline اقوى يربطك، لانه الdeadline بتاع الجامعة فضفاض، الزول ممكن ياخد وقت اضافي عشان الكتابة... اها ده ألزمك... كده كويس معاك، يلا انكرب....
Quote: الله الكتابة حاره بشكل يا غباشي! وانا عشان عارفه نفسي في موضوع الكتابة ده عملت لي خطة عشان اكتب من شهر واحد الفات.. طبعا وصلت لنظرية انه الكتابة صعبه وما بتنفع معاي من السنة الفاتت، قدمت annual report كلللللللللللله 60 صفحة، لكن جرسني جرسه، بكيت بدموووووعي.... اها قلت من شهر واحد قال كل فصل في شهر... وانا طبعا لسه في جزء implementation ما خلصته... قال اكتب أول بي أول.... الان نحن في شهر 4، وحسب خطتي الضاربة المفروض خلصته الintroduction literature review و theoretical background ... واكون شغاله implementation... وحاتكم غير جزء صغيييير في introduction ما عملته..... غايته!
و الله الكتابة دي كرهتني عدييييييل ... و العجب كمان الـ thesis formation طبعاً العبد لله بحب شكل البحث بتاعو يكون محترم , عشان كدة بضيّع وقت طويل في اختيار الـ Template الداير اكتب بيهو , جني و جن البحث المكتوب بطريقة شينة بكون شكلوا جربان و الـ Figures لازم تكون High resolution , و الجداول دا غير الـ List of figures and list of tables, list of acronyms , طبعا الحاجات بتاخد وقت طويل لحدي ما الواحد ينتهي منها دي غير الـ Bibliography دي براها امتحان الحاجات دي طبعا غيااااااااااااااظة فيي الـ MS Word و شكلها تقليدي شدييييييييييييييد , و انا بعد الماجستير قررت اني تاني أكتب اي مطبوعة من طرفي بالـ Latex , و كنت قاب قوسين من اني اسلم الماجستير باللاتيكس لكن بس نسبة لظروف جهلولة بحتة و ضيق الزمن غيرت رأي في اللحظة الاخيرة لانو كان عندي مشكلة في الكواليتي بتاعة الـ figures , و كنت مجلي في الجداول
المهم , السنة الفاتت كنت شغال Teaching assistant مع دكتور في القسم , و طلب مني احضِّر الـ Tutorial Book لناس سنة تانية , قام قال لي اكتبه بي برنامج اسمه Lyx نفس فكرة اللاتيكس بس الميزة الفيهو انو مريح لانو بتكتيب مباشرة زي كأنك بتكب بي MS Word عكس اللاتيكس عبارة عن كود بعد داك تكوين الجدوال مريييييييييييييح خصوصاً في النسخة الجديدة و كمان compatible مع اللاتيكس و ممكن تحول من و الى ..... و طبعاً البرامج دي في المقام الاول للبحوث المشتملة على معادلات و رموز رياضية. كل المراجع الحالية بتتكتب بااللاتيكس او ليكس , بالنسبة لكتابة البحث ممكن تشتغل بي template جاهز أو تعمل واحد خاص بيك بعد ما تلقط من جاي و جاي غايتو الحاجة الطلعتا بيها انو الـ MS Windows دا نظام تشغيل فاااااااااااشل خصوصاً للـ Scientific work الحاجة البتعملا في 10 دقايق ما بتاخد نص دقيقة في Linux ما داير أخش في تخصصكم يا مريم او باقي الاخوة بتاعين الـ Computer انتو الادري لكن غايتو في شغلي دا احسن حاجة من ناحية time reduction بلا منازع هي الـ Linux
Quote: تعرف، بعد تفكير في قصتك دي، اعتقد انك محظوظ بسفرة مشرفك دي... قول لي لييييييييييه؟ لانه بقى عندك deadline اقوى يربطك، لانه الdeadline بتاع الجامعة فضفاض، الزول ممكن ياخد وقت اضافي عشان الكتابة... اها ده ألزمك... كده كويس معاك، يلا انكرب....
من بداية بيقول لي انت ما فضل ليك حاجة كتيرة لكن المشكلة انو الحاجات هنا بتاخد معاي وقت لانو الاجهزة الشغال بيها تاااااااااااااااااااااااااااااااااافهة انا هنا ما عندي طريقة ما انتهي في وقتي لانو حتكون كارثة (و اكتئاب حقيقي) لا قدر الله ... الـ scholarship مخصصة لتلاتة سنوات بس و اي زيادة بتدخلك في حيص بيص لانو بيدفعوك كل الرسوم حتي الرسوم الجامعية من جيبك عشان كدة لازم اشتغل معاهم بنظرية عادل امام (سلمني نضيف ... اسلمك نضيف) عشان كدة لازم انتهي مع سفر المشرف و يا دار ما دخلك شر ... طبعا الحكاية دي عملوها قدامنا بيان بالعمل مع واحد زميلنا كندي هسي بالجد عندو اكتئاب المشكلة السيمستر الجاي انا شغااااااااااااااااااااااااااااااااااااال مع سنة تانية برضو لكن قالو حيعفوني من تصحيح الـ assignments , يعني حأشتغل لابات بس
Quote: اكتئابك بين الساعه كم والساعه كم يا غباشي؟
عموماً كدة اكتئابي دا حار جاف صيفاً دافئ ممطر شتاءأ لكن نظرا للظروف الحالية بيكون كل ستة ساعات خصوصاً بين الوجبات قبيل اكتئبت لي حلات اكتئاب لو شفتوني كان حسدتوني طبعا بقيت اكتئب بي تحت عشان العين و كدة
Post: #1015 Title: Re: Sudaneseonline Biggest Loser Author: مريم بنت الحسين Date: 04-27-2012, 03:30 PM Parent: #1014
انا ما عارفه مصيبتك اكبر ولا مصيبتي... انت بتشتغل teaching مع البحث بتاعك... كجزء من البرنامج بتاع الPhD بتاعك.. احنا الfull-time students ما بخلوهم يدرّسوا لاننا اصلا ما عندنا undergrads... احنا research centre وكلنا master or PhD... لكن انا مصيبتي، اني عشان اموّل دراستي شغاله lecturer ... يعني باقيه علي حقتك... أضف إلى ذلك عواره عندنا في الجامعة بتقضي بضرورة اننا يكون عندنا publishings... سواءاً في journals or conferences.. وطبعا اول كل سنة بدونا الranking بتاع المؤتمرات والمجلات الحايمه كلها، ورايهم فيها، عشان ما تنشر في شي طفّاشي ساي...
بمناسبة الشغل على الLatex، لحدي الان ما حصل لي الشرف... لانه انا ما عندي شغل بتاع equations .. كله طق حنك... ممكن بعداك يكون عندي figures وdiagrams...
بالمناسبة السعيدة دي... شغال بي EndNote ولا Mendeley ولا Reference Manager...؟...
احنا على اي حال الجامعة موفره لينا template في word... لكن انا نهائي ما مشكلتي الformating.. انا مشكلتي الجهد العقلي البخته عشان اصيغ الكلام بحيث انه المشرف ما يتماسخ علي ويكب فيني دش بارد... ياخ عنده مرات كده تجليات، التقول رباطابي!
Quote: بمناسبة الشغل على الLatex، لحدي الان ما حصل لي الشرف... لانه انا ما عندي شغل بتاع equations .. كله طق حنك... ممكن بعداك يكون عندي figures وdiagrams...!
و الله اللاتيكس جميل حتى لو ما عندك معادلات بس التعويدة
Quote: بالمناسبة السعيدة دي... شغال بي EndNote ولا Mendeley ولا Reference Manager...؟...
مرات بي Endآote لما أكون شغال بي مبيوتر الجامعة , اما في اللابتوب بتاعي بشتغل بي Zotero لانو مجاني (عبارة عن اكستنشن في الفايرفوكس) في النهاية بحول ملفات الـ bibliography من الاتنين لي Bibtex عشان اقدر اقراها بي ليكس
Quote: احنا على اي حال الجامعة موفره لينا template في word... لكن انا نهائي ما مشكلتي الformating.. انا مشكلتي الجهد العقلي البخته عشان اصيغ الكلام بحيث انه المشرف ما يتماسخ علي ويكب فيني دش بارد... ياخ عنده مرات كده تجليات، التقول رباطابي
ما تتخيلي الحتة دي brainstorming كيف , الخواجات ديل هنا الواحد ممكن يحكي ليك الحكاية بعشرمية رواية (بحبو النقة زي عيوننهم) المرة الفاتت كان عندنا سيمنار للطلبة الـ undergrad , عادي الواحد فيهم ما ناقش حاجة لكن كااابي النقة و يحكي في حكايات هلامية عن المنطقة و و الطبيعة الفيها و الطيارة السافر بيها و الجماعة متكيفين ,زي ما قال المشرف بتاعي "they are bull####ting around"
انتو يا مريم وغباشى بتقولو فى شنو؟ سطحتو بينا.....
غباشى خلى الكبكبة واركز .....شنو شابكنا اكتئاب وارق و ماعرفش ايش.... الظاهر عليك من النوع المتعب (بكسر العين) حالتى كنت حاجز ليك عروس (بت اهلى) لكن طلعت سنة ناعمة حتقعد تشبكها ...انا مدبرس وانا محبط وانا مكتئب ...... اضفر ...خليك صحراوى
--------------------------------------
المواعيد قائمة للانتفاضة الشعبية يوم الاثنين .... امبارح قابلت زميلى فى الشغل سودانى (نحن 3 سودانيين فقط فى المواصلات..انا سينيرهم فى الوظيفة واكبرهم فى السن) قابلته بعد غياب طويل (3 او 4 شهور) والله العظيم امنت عديل ..الزول ده نقص 40 رطل وبقى شكله مختلف تماما .... مع انى بديت قبله الا انه سبقنى وخلانى وراهو اتلفت زى الرايحة لى حاجة ...... قال لى انه يتريض يوميا ويراقب اكله وبعمل تمارين شد بطن لتصغير المعدة ...... الموضوع ده هيجنى زيادة ,,عشان كدة يوم الاثنين يوم حاسم ومصيرى
Quote: المشكلة بتاعتهم انه نظام الشبكة بختلف عن النظام بتاع الا iphone وهناك تلفونات معينة تصلح للخدمة لديهم ..سالت عن امكانية ال unlock لل iphone عرفت انه غير ممكنة لاختلاف ال broadband or something ...ده طبعا انو بالاضافة فى حلقى غصه ضد Apple بسبب تدميرها لشركتى المفضلة RIM
النصري,,,,,اغلب ال اى فون بتشتغل ب CDMA و هو النظام اللى بتركب فيه سم كارد و لو سافرت بلد تانى تركب كارد البلد المعين النظام التانى هو GSM و فيه التلفون بيكون مقفول للشركة المعينة. و ما فى اي خيار فتح. التلفون بيجى من المصنع معمول للشركة المعينة فى اى فونات مصنوعة لشركات اتصالات معينة. المختصر تلفونك دة مع انه ظريف لكن ح يكون عبارة عن طوبة خارج كندا... اما عن شركة المفضلة الديناصورة RIM اتمنى ان تشتريهم شركة امريكية محترمة و تصلح من حالها. (ما لم يكن تلفون عالمى و بيشغل النظامين)
Quote: السؤال الأول أحسن تلفون واى شركة الخدمات بتاعتة تمام والاشتراك الشهرى معقول؟؟؟؟؟؟؟
نجاة......احسن تلفون طبعا ال اى فون. بالجد كده..فى تلفونات كنيرة جدا جميلة جدا الان. لكن انا (ذى ما انتى عارفه) بحب ال اى فون. و الاهم انه بيجى جاااهز بيشغل عربى. الشركات على حسب المنطقة اللى انت عايشه فيها. ممكن تكون شركة معينة الاستقبال عندكم كويس و جيرانكم الحيطه بالحيطه استقبالهم كعب. verizon و at&t الاتنين كويسات و بيشتغلوا فى السودان لو فكيتيهم. الرسوم الشهرية قريبة لبعض . حوالى 30 دولار للانترنت. و فوقها رسوم المكالمات و كده. لو اشتريتى تلفون جديد لنج من ابل و شركة اتثصال ح يكون مفقول و ما بيشتغل فى السودان (بالساهل). ممكن يتفتح بشوية مجهود . لكن فى خيار تانى..ممكن تشتري من النت تلفون مفتوح بس مستعملو تكونى ارتحتى من رسوم الشركة الشهرية (لو ما عاوزه انترنت طوالى فى التلفون)
كلام كتير موش؟؟؟؟معليش. لو فى اى شيء ما واضح قولى عوووك.
مريم و غباشي...خلاص ما تجننونا يا طلبة . انا بصراحة بغرانة منكم. حياة الطلبة ظريفه يا اخى. بعدين تعال يا غباشي MS Word مالو ؟؟عيبه لى؟؟؟ يا اخى انا عملتا ماجستير قدر الدنيا بيه. ال GRAPHICS عملتها ب *Surfer لانها كانت 3D ....و بالمناسبة كان عندى معادلات طن. و كانت معدلات النوع القبيح داك . استعملتا حاجه اسمها ** Support vector machine و كل البحث كان فى MS Word . بطل فلهمة و استعمل منتجات ماكيروسفت
Bibliography برنااامج....يا اخى انا لحدى هسى (شغالة من 8 سنوات) كل ما اكتب report لمشروع تجينى ال technical editor ....تقول فى مراجع ناقصة... و بعدها اقعد افتش انا الكلام ده جبتوا من وين و اكون كتبته قبل 5 شهور كده. شكلها عقده....مع انى لحدى الان (بعد 8 سنوات من نهاية الماجستير) لسه عندى كروته فيها الورقات اللى قريتها عشان البحث بتاعى..
شغلتونا بالتلفونات و القراية و الواحد نسي انه هنا عشان الرياضة المختصر.....قاعده اتريض كل يوم نص ساعة بحرق حوالى 300 كالوريز..كل كم يوم كده بعمل ساعة و بحاول ازيد كمية الكالوريز المحروقه فى الساعة دى. حتى الان وصلتا 650 كالوريز.
Quote: مريم و غباشي...خلاص ما تجننونا يا طلبة . انا بصراحة بغرانة منكم. حياة الطلبة ظريفه يا اخى. بعدين تعال يا غباشي MS Word مالو ؟؟عيبه لى؟؟؟ يا اخى انا عملتا ماجستير قدر الدنيا بيه. ال GRAPHICS عملتها ب *Surfer لانها كانت 3D ....و بالمناسبة كان عندى معادلات طن. و كانت معدلات النوع القبيح داك . استعملتا حاجه اسمها ** Support vector machine و كل البحث كان فى MS Word . بطل فلهمة و استعمل منتجات ماكيروسفت
Bibliography برنااامج....يا اخى انا لحدى هسى (شغالة من 8 سنوات) كل ما اكتب report لمشروع تجينى ال technical editor ....تقول فى مراجع ناقصة... و بعدها اقعد افتش انا الكلام ده جبتوا من وين و اكون كتبته قبل 5 شهور كده. شكلها عقده....مع انى لحدى الان (بعد 8 سنوات من نهاية الماجستير) لسه عندى كروته فيها الورقات اللى قريتها عشان البحث بتاعى....
اسمارت انا لحدي حسي حياتي كلها مقضيها طالب (طلعي منها فترة الروضة و ما قبلها) و بعد داك فترة التجنيد (الله لا عادها) و بعد داك طلعي 3 سنوات لما كنت شغال مهندس مساحة في شركة ما .... (دي برضو الله لا عاد ايامها لانها كانت ايام اسود من قرن الخرُّوب) عشان كدة انا حاسي بانو اجمل لحظات حياتي هي لما اكون طالب .... يمكن عشان الظروف بتكون شوية Fair enough مع اني لاقيت صعوبات جمة في في فترات متفرقة أبا م الماجستير (عشان كدة بقى قدر الدنيا) MS Word ما فيهو كلام ... أنا زاتي عملت بيهو ماجستير قدر الدنيا لكن انا بعد ما converted to be a Linux user اكتشفت اني كنت ظالماً لنفسي ظلماً كبيرا, قمت تبت و انبت و حسي بتعلم في Linux و ملحقاته و من تبعه باحسان بعدين زي ما قلت انو العبد لله مشكلتو بحب حاجتو تكون سمحة (ما عشان البوبار لا سمح الله) و معمولة بي طريقة professional بعدين , و بصرااااااااااحة الصراااااااااااااااحة كدة داير احس البحث بتاعي عبارة عن كتاب أما بالنسبة لي Surfer عندي و كنت بستعملوا لحدي نهاية العام المنصرم قبل ما اتفلهم زيادة و اشتغل بي برنامج اسمو Generic Mapping Tool (GMT) , f شفتي الفلهمة دي كيف لكن ما استغنيت عنو نهائياً , يعني مثلاً بعمل بيهو الـ grid files لانو بيطلعها smooth لكن الـ processing كله بي GMT لانو برنامج عجيييييييييييب لكن داير زول خبرة بتاع برمجة بي bash script , و بيشتغل برضو under Linux اما المعادلات في MS Word كنت بشتغلها بي MathType مشكلة ويندوز انو معظم برمجياتو بي قروووش و انت عارفانا نموووت في الملح ذو الجودة العالية (ملح فيهو يود) الـ Bibliography دي حتكون كارثة مع الناس البيوزنوا البحوث ديل , اتخيلي احنا طالبين مننا في حدود 60 لي 100 الف كلمة ؟؟؟؟؟؟؟؟؟؟؟؟ اول امبارح مشيت الـ Information Centre و نقيت ليهم في حتة و قلت ليهم "أنى يكون لي هذا" انا شغلي كله معادلات و اكس واي ... المهم بعد ما اخدوا و ادو في الموضوع وروني بحوث شكلها معقول و ما لاحقة واتة تكون 50 الف كلمة قالوا لي أهم حاجة البحث يكون شامل الموضوع كلو و satisfactory بالنسبة للـ examiners ,و المشرف بتاعك حتى بعد داك تنفست الصعداء لكن للضمان كدة انا متوقع الـ bibliography بتاعي يكون وي 20 صفحة كدة دا لو ما عمل زاد الخلا اوريك اخر الفلهمة و للا مافي داعي؟
Quote: الله يوفقكم الاتنين و تبقوا دكاترة قدر الدنيا..
Quote: غباشى خلى الكبكبة واركز .....شنو شابكنا اكتئاب وارق و ماعرفش ايش.... الظاهر عليك من النوع المتعب (بكسر العين) حالتى كنت حاجز ليك عروس (بت اهلى) لكن طلعت سنة ناعمة حتقعد تشبكها ...انا مدبرس وانا محبط وانا مكتئب ...... اضفر ...خليك صحراوى
يا النصري ياخ ....... ياخ انت بتحجز في سرك ما تقول عوووووك طيب و الله بيني وبينك انا اكتئابي دا بقدر عليهو لكن اكتئاب ما بعد الزواج دا ما بنقدر
Post: #1022 Title: Re: Sudaneseonline Biggest Loser Author: مريم بنت الحسين Date: 04-27-2012, 08:53 PM Parent: #1021
غباشي ازيك... ياخ انا عندي احساس بالذنب شديد لأني متضامنة معاك! حاسه انه في شي غلط كده... ما ممكن ... !
بالمناسبة، Mendely برنامج ملح وجميل جداً... desktop based.. وممكن تستخدمه من اي كومبيوتر باعتبار انه عندك Online library... ده غير انه عنده App في iPhone للناس الراقيين زيي انا وسمارت... هو بستخدم الreference styles بتاعت Zotero... بالجد برنامج جميل... جرّبه... انا عارفه انه برامج bibliography دي زي المشروب المفضّل، الزول صعب يغيّره... لكن اهو مجرّد اقتراح... عشان ما تقعد تفتح عشرين برنامج وتضيع الreferences بتاعتك شمار في مرقه.... ده الموقع بتاعه... ومجاااااااااااااني قلنا
يا سمارت، لو عايزه تنظمي كرتونتك دي اعمليها كلها في البرنامج ده واجدعيها.. حتلقي للpapers بتاعتك نسخ إلكترونية، والحياة احلى مع برنامج إدارة الbibliography... الله يرحم أيام البكالوريوس...
على صعيد آخر، وبعيدا عن القراية وقصصها... عملته الليلة ساعة على الtreadmill، وبهذا اختتم اسبوع الرياضة... على ان نعاود الاسبوع القادم.. بكره حأوزن، واشارطكم انه وزني حيكون واااااااااقف... ده لو ما غاظني وزاد كمان... لكن رامية طوبته الاسبوع ده، شوفوه الاسبوع الجاي حيكون كيف!... لكن برضه انا راضية بشكل عام عن الاكل، ما عملته لخبطتات كتيييييييييييره زي العادة لما اكون بتريض....
يلا.. فتناكم بعافية..
Post: #1023 Title: Re: Sudaneseonline Biggest Loser Author: محمد عمر الفكي Date: 04-28-2012, 07:24 AM Parent: #1022
تجربتي الشخصية طبعاً العائلة ناريخها مع السكري تاريخ مشرف زي اسرة ود الصائم المهم انا من مواليد برج الحوت والناس ديل اخر حاجة عندهم الاهتمام بالصحة لانه بيتوهمو الخلود وكدة في سن 35 سنة وصل وزني الى ما يقارب 104 كيلو!!!!!!! انا ما باكل كتير لكن باكل الاكلات ذات السعرات الحرارية العالية والاكلات الدهونها كتيرة وفجاءة انتبهت لخطورة الوضع الانا فيهو وقعدت اتخيل في ما قد يحصل بعدين ونويت وتوكلت على الله وباختصار عملت الاتي طبعاً كنت عزابي لانه الاولاد الوقت داك ما جو من السودان 1- قائمة بالحجات الممكن اكلها في العمل او في البيت وطبعت لستة بيهم وكل واحدة فيهم فيها كم كالوري 2- الشاى الاخضر على الريق، عند الوصول للعمل، بعد الفطور ، بعد الصلاة وبعد الظهر وبعد داك ما تركزوا عليهو لانه عملية الميتابولزيوم بتكون في اوجها في فترة النهار وشرابو بعد داك الا يحيمك النوم من كثرة التبول. 3- الفطور ، نص رغيف لبناني مع فول + تلاتة او اربعة زيتونات 2- الغداء قطعتين صدر دجاج او شوية لحمة مع ربع رغيف لبناني 3- العشاء :رغيفة بر 70 جرام مع زبادي قليل الدسم + برتكانة او تفاحة والسلام 4- المشى للعمل في الصباح الباكر كداري والعودة كذلك (كلها 30 دقيقة) في يوم من ايام الاسبوع لازم اكسر الريجيم مش لانه جيعان لكن عشان اغش الجسم واوهمه انه الخير راقد ويقوم يستهلك اكبر كمية من الكالوريات تجنبت نهائياً السكريات و الرز في ناس يمكن ما تصدق لكن الحصل انه خلال 4 شهور وصلت الى 70 كيلو فقط استمريت على الوزن دا يتارجح بين 70 الى 72 لمدة 4 سنوات رغم انه الاولاد جو هنا وبدأت الزيادة التدريجية خصوصاً بعد الانتقال الى جدة وهسي راكز في 77 كيلو لانه برنامجى كان كالاتي الصباح بدري بدوني سندوتشي مع الاولاد فول بيض او همبرجر او سجك ومعاه كباية شاى او كباية عصير (دا الفطور) الغداء العصر رغيفة مع اي ملاح وسلطة (الملاح كان سبب الاذية لانه فيهو دهون) ودا هو سبب الزيادة العشاء كباية شاي من فترة عملت تعديل بسيط في البرنامج وهو الاستغناء عن الملاح باي حاجة مافيها دهون الناس ما تشيل هم الجوع في الايام الاولى، والله هسي انا وصلت مرحلة بقيت الاكل الكتير يتعبني طوالي ولما اكون جيعان اكون 100% لا مصران، لا وجع كرعين لا قطائع في الضهر ولا يحزنون العزيمة فقط وكل شئ ممكن مع تمنياتي للجميع بدوام نعمة العافية
Post: #1024 Title: Re: Sudaneseonline Biggest Loser Author: القلب النابض Date: 04-28-2012, 08:55 AM Parent: #1023
سلام مريومة لكم برنامج دا خطير ... نزلتو بالراحة وعملت كنفيرت للاند نوت زي العجب مشى كويس .. شال مني صباحي كلو عايز شغل شوية للأبستراكت .... لكن فعلا مريح يحفظ ليك شغلك ويمكن تفتح من اي حتة .. صاح ولا انا غلطانة انا عندي اكسترنال هارديسك مليان كتب داير ليهو قعدة كاااربة انلهم كلهم ... http://www.mendeley.com
أنصح اي زول عندو مكتبة ما مرتبة يستخدموا ...سهل وفعال
شكرا يا مرم وغباشي واسمارت ... استفدت من الحوار الفوق ...كلو
ما شاء الله البوست عامر وحضر ناس جدد نرحب بي محمج عمر الفكي وتجربته مفيدة
أها يا النصري نحن راجين يوم البداية والانتصار .... عشان نزغرد ليك برضو ...
Post: #1025 Title: Re: Sudaneseonline Biggest Loser Author: مريم بنت الحسين Date: 04-28-2012, 10:58 AM Parent: #1024
Quote: سلام مريومة لكم برنامج دا خطير ... نزلتو بالراحة وعملت كنفيرت للاند نوت زي العجب مشى كويس .. شال مني صباحي كلو عايز شغل شوية للأبستراكت .... لكن فعلا مريح يحفظ ليك شغلك ويمكن تفتح من اي حتة .. صاح ولا انا غلطانة انا عندي اكسترنال هارديسك مليان كتب داير ليهو قعدة كاااربة انلهم كلهم ...
يا قلب... ايوه بالضبط كده... انا اكتر حاجة عجبتني انه ممكن تفتحيه من اي حته... ما محتاجه إنك تحومي بي external... انا حقي ضايع منّي ليه قريب السنتين
اتخيلي البرنامج ده مع الdropbox ريحوني ليك راحه... زمان لما اكون ماشه اهلي، اتخيلي اكون ناهزه معاي اللابتوب.. وشغاله اساكك في الاولاد.. واصلا اهلي هناك عندهم كومبيوترات كتيره مجدّعه... لكن عشان تكون حاجاتي كلها معاي، خاصة اني لما امشي ليهم بقدر اقرا كويس لانه الاولاد بكونوا معاهم... اها بقيت امشي خفييييييييفه... الملفات بتاعتي كللللللللها في dropbox طبعا عندي نسخة local... والpapers كللللللللللللها في الmendely.. والحياة حلوه...
الاخ محمد عمر... مرحب بيك، والف شكر على التقرير الممتع... وبالجد بالعزيمة كل شي ممكن .. انت محظوظ كمان لانك قدرته دخلت موضوع المشي في يومك... مع زحمة الشغل في البلد دي... احنا بشكل عام في بيتنا اكلنا صحّي، وبنحاول نبعد عن الدهون بقدر الإمكان... مرات بنخستك... بنحب المشاوي وعاملين لينا شوايه بتاعت فحم في البيت والله... وبنحب اكل الفرن... وطوااااااااااااالي بناكل حاجات بالفرن... انا شخصيا من الله خلقني بكره التحمير... زمان كنت بحمر سلطة الاسود بس... حسي اكتشفته سلطة الاسود المسلوقة، وخلينا ليك تحمير سلطة الاسود زااااااتو... امي لما انا صغيرة وكانت تحمّر، ريحة التحمير كانت بتصحيني من النوم، وبصحى زهجانه.. رغم انه امي زول (منظمة الصحة العالمية) في النظافة.. وبتهتم انه الريحة ما تملا البيت.. وعندها كمية من الاجراءات الاحترازية، لكن انا حاسة شمي قوية... ومن الزمن داك انا قررت اني ما احمر إلا للشديد القوي في البيت...وهذا ما حدث... برضه اعتقد الموضوع فيه كسل... ده غير انه الزيت طبعا ما مفروض يتحمر فيه اكتر من مره... موضوع الreheating للزيت ربطوه بانواع من الcancer... حتى لو كان الزيت نظيف... وامي برضها شغاله بالنظرية دي، عشان كده لما تكون عايزه تحمر.. بتحمر كممممممممية من الحاجات في نفس اليوم، وترمي الزيت طوالي.... اها برضه القصة اقتصادياً ما لافقه.....
حباباك يا محمد...وربنا يديم عليك الصحة والعافية.....
بالمناسبة، انا وزنت الليله ولقيت روحي ناقصة نص كيلو... لكن عليكم الله قومة النفس بتاعت اسبوع كامل تكون نص كيلو! بري ولا ما بجيب ليها ارقام بتنطط ولا شي... حأنتظر السبت الجاي... قاتل الله الرياضة!
سلام ياقلب دعواتنا بخصوص نقصان الوزن ولا القراية ؟ البوست دا فيهو طلبة علم ربنا يوفقهم ..مريم وغباشى,, وفيهو ناس سماااان عاوزين يخسروا، ماوريتينا انتى فى اى قروب؟ تسلمى.
يا اخوانا 2 رطل ونص بتحتاج لهيلمانة ولا لا؟؟؟؟ عشان نجيب المراوح بتاعة غباشى قدر ما حاولتهم ما قدرتة..... بالله وحد يدور لينا عشان نشجع للسبت القادم .
Post: #1027 Title: Re: Sudaneseonline Biggest Loser Author: القلب النابض Date: 04-29-2012, 00:16 AM Parent: #1026
Quote: يا قلب... ايوه بالضبط كده... انا اكتر حاجة عجبتني انه ممكن تفتحيه من اي حته... ما محتاجه إنك تحومي بي external... انا حقي ضايع منّي ليه قريب السنتين
اتخيلي البرنامج ده مع الdropbox ريحوني ليك راحه... زمان لما اكون ماشه اهلي، اتخيلي اكون ناهزه معاي اللابتوب.. وشغاله اساكك في الاولاد.. واصلا اهلي هناك عندهم كومبيوترات كتيره مجدّعه... لكن عشان تكون حاجاتي كلها معاي، خاصة اني لما امشي ليهم بقدر اقرا كويس لانه الاولاد بكونوا معاهم... اها بقيت امشي خفييييييييفه... الملفات بتاعتي كللللللللها في dropbox طبعا عندي نسخة local... والpapers كللللللللللللها في الmendely.. والحياة حلوه.
نفس المشكلة انا في السفر مرات كتيرة بمشي خارج لندن مقر الجامعة بتاعتي لما اكون ما شغالة تدريس ...والمؤتمرات وعايزة شغلي يكون معاي ... كمية من الفلاش والاكستيرنال ... وشاحن شنو وشاحن شنو ما تنسي ( لووول شنطة كهربجي بس )
انا حاولت احل المشكلة دي اني احفظ كتير من الحاجات في الايميل لكن ما مريح ولا مرتب زي دا بس بيديك احساس بالامان ان شغلك ما ح يضيع أو لو الكمبيوتر ضرب ماف حاجة بتضيع .. ودي كانت هاجس كبير خاصة للشغل البتشتغلوا بي يدك.... جزء طبعا محفوظ في الاجهزة بتاعة الجامعة برضو ...
يازولة الله يديك العافية ويسهل عليك القراية ..... واشتغلي بي نظرية قليل مستمر خير من كثير منقطع .. لازم كل يوم تعملي حاجة ... وتختي طوبة ... تلقي الجابتر تم .. والله بدعي ليك من الصباح كيب فووود جوب
يا نجاة الدعوات للقراية .. للقراية ...
انا حأبدأ سباحة بعد شهر كدة ان شاء الله اصلا الايامات دي قاعدة محل واحد ولا قية لي روحي العذر ...والاستهبال
سلام للكل
Post: #1028 Title: Re: Sudaneseonline Biggest Loser Author: مريم بنت الحسين Date: 04-29-2012, 06:11 PM Parent: #1027
ازيكم يا شباب....
نجاة.. الف مبروك الرطلين ... ديل كيلو عديل كده.. يا زوله تمام... الف مبروك... غباشي مرّه وارني درب المصايب بتاعته ديك، لكن نسيت والله... اليوم داك بالفرحة نجرته لي طريقة... فتشتها في google... حسي دربها بين وين زاتو ما عارفه إلا امشي افتش تاني...
شكرا يا قلب على الدعوات... والله اخوكم لا قادر على قليل متصل ولا كتير متقطع... الايام دي (او الشهر ونص الفاتو تحديداً)، محلك سر... بالله لما نسيت رسالتي زاتها في شنو! دعواتك بس...
انا جيت اكتب ليكم إلتزام (يا قول النصري)
الشهر الجاي ده عيد ميلادي... بالضبط واقع يوم 19/5... حأكمل 32 سنة... واحتفالاً بالمناسبة السعيدة دي قررته اني حأعمل رياضة طيلة الايام التي تسبق عيدميلادي... يعني من يوم 1 مايو لحدي يوم 18 مايو... حأتريض يومياً ... عرض خاص... يعني ما حأشتغل بموضوع الميزان كتير... وحألتزم بالاكل، بس ما شديد... بتي بتسنن الايام دي ورافضة الاكل فمعتمده علي اكتر... وحأوزن يوم 19.... برضه مراعاة لظرف الشغل بتاعي، في الايام العندي فيها محاضرات، حأعمل نص ساعة... وفي الايام الما عندي محاضرات حأعمل ساعة كامله (سمارت غمضي عليك الله ما تقومي تحاولي تلحقيني، الايام دي شايفاك ناااااخه)...
عمر الفكي. الف مرحب بيك و شكرًا علي اشراكنا تجربتك الناجحة.
غباشي، لن ترتاح يا مساح ^_^. بطل فاهمة و خلص شغلك and move on انا ذاتى( ذي النصري) عندى ليك عروس. ^_^ ابسط يا عم سوقك حار.
نجاة، الف مبروك الرطلين. بالمناسبة النزول البطى بيكون دائم. ان شاء الله.
مريوم، مفتحة ليك انا ^_^. الايام الفاتت بنوم ذي الخروف من الساعة 10 بالليل. اليوم عندى عزومة. و اهو قاعده اسوط في التقلية. بكره لكن I will be back , baby
العوض، كيف كان المؤتمر ؟ في انتظار الحكاوى.
النصري، على رأى ام مريم، انت قايله الاتنين ما بيجي؟؟؟؟^_^ اها لسه متقاعس؟؟؟
Post: #1032 Title: Re: Sudaneseonline Biggest Loser Author: مريم بنت الحسين Date: 04-29-2012, 08:59 PM Parent: #1031
اها دي ليك يا نجاة.. عشان تشدّي حيلك باقي الاسبوع دا..
.
Quote: انا ذاتى( ذي النصري) عندى ليك عروس. ^_^ ابسط يا عم سوقك حار.
غايته ما بعرف، لكن امشوا في جنازة ولا تمشوا في جوازة غباشي ده... اسمعوها منّي ...
سبحان الله انا زاتى عيد ميلادى يوم 19 مايو (طبعا فى الورق الرسمى التاريخ بختلف تماما)
--------- والله العظيم وكتابه الكريم انا بكتب فى المداخلة دى وجسمى كله بنتح... كل عضلة فينى تصرخ الروب .... الحصل امبارح السبت كنت مرخم فى البيت وماناوى اطلع نهايئ ..التلفون ضرب ...رفعت السماعة ...واحد من زبائنى الاساسيين طلب منى اشتغل ليهو بيت فى خلال يومين .... ياالله اسوى شنو ؟؟؟ مروة ما عندى ...ونفس ماعندى ....لكن كمان لازم ما اخزل الزول المهم اتوكلت على الحى الزى لا ينوم ومشيت للشغلانه صباح اليوم
اكتشفت من اول خمسة دقائق انى لياقتى فته ,,لياقة مافى مرة واحدة طوالى دورت الطيار الاحتياطى ...عارفينو شنو؟؟؟ حرارة القلب.. بديت اشتغل بحرارة قلب بعد اربع ساعات ونص ..انتهيت من الشغل اكاد لا اصدق,, اتصلت بالزبون لاعلمه ان البيت جاهز وعليه ان يجهز 200 دولار وافق ...
المهم ...التجربة دى اثبتت لى اهمية الرياضة وزادت من عزيمتى على بدء برنامج مكثف غدا الاتنين
Post: #1034 Title: Re: Sudaneseonline Biggest Loser Author: مريم بنت الحسين Date: 04-30-2012, 04:34 AM Parent: #1033
Quote: انا زاتى عيد ميلادى يوم 19 مايو
يا سلااااااام... خلاص رايك شنو نعمل التحدي بتاعي سوا... كل يوم لحدي يوم 18 رياضة... ويوم 19 نوزن ونشوف النتيجة... (سمارت، انا داخله في اكتر من تحالف استراتيجي لو ملاحظه ههههههههه)
كويس انك حسيت فايدة الرياضة... انا حسي لما اجي طالعة السلّم بتاع البيت، بلاحظ فرق كبير بين حالتي زمان وحسي.... والله بكون بنطط عديل كده... ده طبعا لو ما جاية من محاضرة، لانه في المحاضرة انا بكون واقفه ساعتين على كرعيني بجي سلطة... العجب يوم الليلة ده، انا بكون واقفه اربعة ساعات... وما بعرف اقعد واشرح...
اسمارت ليك على ابطل الفلهمة ... بس فكي الشمار بالدرب التحت عشان الحاجات دي بتتنظر و كدة
Quote: غايته ما بعرف، لكن امشوا في جنازة ولا تمشوا في جوازة غباشي ده... اسمعوها منّي ...
ليييييييه كدة يا مريم ... كدة ورينا السبب طيب ؟ و بالنسبة للاحمر ده تخصيص و للا جا عرضياً في المثل .... اسمارت تعاي شوفي لينا صحبتك دي ياخ
Quote: يا سلااااااام... خلاص رايك شنو نعمل التحدي بتاعي سوا... كل يوم لحدي يوم 18 رياضة... ويوم 19 نوزن ونشوف النتيجة... (سمارت، انا داخله في اكتر من تحالف استراتيجي لو ملاحظه ههههههههه)
لوكان لسة عندي طريقة اخسر وزن كان دخلت معاكم و اتحديتكم بمجموع خسارتكم الاتنين ... عادي كان بجركم , بس انا بطلت اخسر و بديت برنامج جديد للمحافظة على الوزن الحالي ممكن أحكم ليكم (بس ما تمرضوني ... داير انجازات بالله )
Post: #1036 Title: Re: Sudaneseonline Biggest Loser Author: مريم بنت الحسين Date: 04-30-2012, 10:51 AM Parent: #1035
Quote: ليييييييه كدة يا مريم ... كدة ورينا السبب طيب ؟
غايته يسأل السؤال ويجاوب على روحه.....
Quote: لوكان لسة عندي طريقة اخسر وزن كان دخلت معاكم و اتحديتكم بمجموع خسارتكم الاتنين ... عادي كان بجركم
رااااااااااااااااجيه الله يا غباشي، تقع ليك في واحده، خبّااااااااااااااااازه وبتعمل بسكويت خطير... النوع البي الزبده والسمنه داك... وتصبّحك بي بسكويت وتمسّيك بي بيتفور.. طبيخ ما تطبخ ليك زاتو.
شكرا شكرا على الترحيب يا افاضل: الاخوات الفضليات نجاة ومريم واسمارت وابتهال الاخوة الافاضل النصرى و غباشى و العوض و امير و محمد انا عندما شفت البوست دا كان فى الصفحة الثالثة عشر و رجعت قريت كل البوست والله ياجماعة استفدت فائدة عظيمة ولذلك انا ممتن جدا طبعا انا الان بجرب فى طريقة كتابة اخونا النصرى اها انا وزنى 103 وا طولى 185 بديت بصورة فيها تراخى قبل اسبوعين ولكن بصورة جادة قبل اسبوع طريقة الاكل الحالية: شاى لبن مع اسويتنر مع كرسبى قرقوش طبعا كانو ثلاثة ولكن الان واحدة من اللنش وانتا ماشى يبدا اكل الغنماية على قول امير مرات مع تونة او كبكبيه
فى المسا سلطة خضرا مع باربكيو فى الويكند بضرب باربكيو مع سلطات تقيل انا من قبيل داير اصل للحتة دى::: الان نزلت 6 كيلو فى اسبوعين
اها ال6 كيلو دى مفروض ترقص زى بتاعت غباشى اها النصرى دا هسى لا شايفو ولا حاجتين
سلام يابن النخيل و مرحب بيك. يا زول ستة كيلو في أسبوعين دي مش تجيب ليها أرقام ترقص دي دايرة احتفال عديل ما شاء الله ولا قوة إلا بالله. تهانينا و نصيحتي ليك تحاول تدي نظرة أعمق لمكونات أكلك و تتأكد من إنه بغطي احتياجاتك من كل المكونات اللازمة للجسم. يعني تركيزك ما يكون بس على نقصان الوزن لكن على توازن الغذاء عشان ما تفقد ليك مكون مهم. النصري بكون بحضر لينا في مفاجأة عشان عودته تكون بقوة.
شايفاك يا مريم. تحالفات يمين و شمال. انا ذاتي ح اخش في تحالفكم ده. كل يوم رياضة لحدى يوم 20 مايو !!! امس كان عندنا عزومة. فضل نص صينية بسبوسة قاعده تعاين لي الان. و انا مطنشاها. نشوف ح اصمد لحدى متين.
تمام و الله يا ود النخيل. بس ذي ما قال ليك النصري. انتبه لاكلك. انا ح أحاول انزل اخر التوصيات بتاعة الاكل و كمياته.
العوض وين القصص؟؟؟ و كيف كانت الرياضة ايام السفر ؟
Quote: لوكان لسة عندي طريقة اخسر وزن كان دخلت معاكم و اتحديتكم بمجموع خسارتكم الاتنين ... عادي كان بجركم , بس انا بطلت اخسر و بديت برنامج جديد للمحافظة على الوزن الحالي ممكن أحكم ليكم (بس ما تمرضوني ... داير انجازات بالله )
شفتي يا مريم؟؟ خلاص أخد علينا و بقي يدورنا في الخشية و المشية. ما عندى ليك عروس و لا شيء
سلامات لوزرس والله يااخى العوض مصداقا لى كلامك امبارح عبيت مكونات الاكل فى الاباد لقيت فعلا انى باكل اقل كتير من المطلوب وحتى البروقرام حذرنى من انو الجسم ممكن يخش فى استارفيشن مود....لكن غايتو اليوم المفتوح فى الويكن ممكن يعوض النقص دا انا ياخى فى حالة رضى تام حتى فى الويكند كنتا لابس تى شيرت عديل كدا تقول ليا النصرى.. ههههه تحياتى
نصيحتي يابن النخيل إنك تاخد موضوع المكونات الغذائية دا جد... عشان تقدر تواصل في البرنامج على المدى الطويل لازم يكون (sustainable) بعدين النقص في بعض المكونات قد يكون مضر جدا. مثلا إذا برنامجك الغذائي معاه رياضة فالجسم حيحتاج لبروتينات عشان يبني العضلات و نقصها حيكون مضر جدا. ما داير أكسلك لأنه أنا ذاتي ما اتبعت النصيحة دي بدقة لكن عموما النقصان بمعدل معقول بكون احتمال الاستمرار فيه و المحافظة عليه أكبر من النقصان السريع شديد. عموما بقولوا إنه بالنسبة للرجال الواحد المفروض ياكل ألف و خمسمية كالوري في اليوم على الأقل و بالنسبة للنساء ألف و ميتين. و بقولوا معدل النقصان المناسب بين رطل لرطلين في الأسبوع. و أكبر خوف إنه الواحد لو بالغ في الرياضة و النظام الغذائي قد يصاب بحالة جوع مزمنة. يا جماعة شاعر بالتزام بالرد على مداخلات كتيرة فحأحاول أرد ردود سريعة قبل ما أديكم تقارير الأيام الفاتت و الرحلة.
ده شنو ده!!! ننتهى من غباشى وندمره بالحرب النفسية الشرسة يطلع لينا ابن النخيل... نلقاها من وين ولا وين ....
بيان هام:: يا جماهير شعبنا الوفى المخلص نعلن اليوم لكم ان الجمهورية الثانية قد بدات اليوم الاثنين 30 مايو 2012
نعلنها عالية مدوية فى وجه الاعداء والمدسوسين ان جمهوريتكم الثانية قد اكتملت اعمدة بنائها وانها جاهزة موية ونور للمرحلة القادمة التى تنتهى يوم4 سبتمبر 2012
الله اكبر ولله الحمد
--------------
_ بعد المداخلة دى طوالى طالع على التريدميل وبعده اخد دوش سريع والبس ولاول مرة البنطلون الجديد مقاس 42
طيب يا جماعة نرجع بيكم للصفحة الفاتت و أبدا بصورة التريدميل بتاعت ناس مريم و أقوليها ما شاء الله عليها و على ابننا محمود و ربنا يحفظه ليكم هو و ليلى و يحفظكم ليهم و يجعلهم قرة عين لكم إن شاء الله. و شكرا ليك على التشجيع. شكرا يا سمارت على التشجيع و إن شاء الله يكون كلامك دا صاح و يكون فعلا في نمو للعضلات. سلام يا النصري و منتظرين أخبار انتفاضة الثلاثين من أبريل ولا مارس على قولك المجيدة. ذكرتني أول أيام في البوست دا لمن كنت بتلخبط بين الرطل و الكيلو ولمن كنت بتكتب جريت أربعة كيلو في السودان و بتريض خمسة مرات في اليوم و السبت و الأحد إجازة... ما عارف لكن شكلها لخبطتك بين مارس و أبريل دي علامة إيجابية و من مظاهر البداية القوية إن شاء الله. طبعا مداخلات التلفونات و القراية دي حأمر عليها مرور الكرام لأنه التلفونات دي أنا أمي عديل فيها و تلفوني الشايله دا جيت أغيره أيام بديت الرياضة البت الفي المحل قالت لي داير شنو؟ قلت ليها أتكلم بيه و في دي بستخدمه نادر جدا و يكون فيه ميديا بلاير. بالنسبة للقراية دربها فارقته زمان و لغاية قبل سنتين تلاتة كنت بفكر في إني أعمل الدكتوراة حتى لو بارت تايم لكن هسع صرفت النظر عن الموضوع نهائي. لكن دعواتنا لأبنائنا و بناتنا الطلاب و الطالبات ناس غباشي و مريم و القلب النابض بالتوفيق و السداد. شكله في تحالف نسوي في البوست لكن نحن لن نسكت أبدا و حنلجأ لأقرب سفارة غربية أو بالعدم حنشوف منظمات حقوق الرجل. مرحب مرة تانية بالأخ ابن النخيل و في انتظار مزيد من التفاصيل عن تجربته. سلام يا غباشي و شدة و بتزول و أكيد عارف إنه دي من لوازم الدكتوراة حكاية الدبرسة دي و الإحساس البجي أحيانا إنها ما حتنتهي و في النهاية دي كلها إن شاء الله تبقى ليك ذكريات مضحكة. في انتظار النتيجة النهائية لمسابقتكم. و شكرا على الرفع المستمر للمعنويات:). سلام يا نجاة موضوع الآي فون دا سمارت بتنجضه ليك إن شاء الله. و مبروك النقصان بتاع الكيلو. مرحب بالأخ محمد عمر و استفدنا من تجربتك كتير. بالنسبة لموضوع الخالات دا يا مريم و سمارت أنا طبعا اعترفت في البوست بتاع ود الصايم إني ممكن يكون عندي بنات قدركم لو كنت في زمن أجدادنا القدماء لمن الناس بتزوجوا في عمر عشر سنوات. و هسع بعمرك القلتيه دا لمن ولدوك أنا كنت في نهاية المرحلة الابتدائية زي ما كانوا بقولوا عليها أيامنا. طبعا كلامي دا كله خايف يحصل لي زي الحصل لصاحبي الحكيت قصته في بوست ود الصايم:).
بعد ان ضغطت على "اضف رد" فى المداخلة السابقة مشيت المطبخ وعملت لى كوباية موية كبيرة ونزلت Basement حيث ترقد التريدميد طلعت فبها وانا بغلى من الداخل ...طوالى وبدون تسخين عملت السرعة 4 ميل وجريت (او مشيت) خمسة دقائق ..بعد داك بقيت اجرى دقيقتين بسرعة 6.2 وامشى بسرعة 2.8 لمدة دقيقة
فى النهاية خلصت الثلاتين دقيقة بمحصول 413 كالوريز وحوالى 2.35 ميل.... نزل منى عرق غريب ...يملى طشت بتاع غسبل ملايات .....
بالنسبة لسفرتي فهي كانت لكورس بدت القصة قبل عدة أسابيع عندما وجدت إعلانا لكورس ممتاز في نظري. المشكلة إنه خارج الولاية و طبعا نحن ناس موظفين حكومة فكان توقعي أن يتم الاعتذار لي بسبب الميزانية و كدا. المهم قلت ما حأخسر حاجة و كلمت مديري المباشر و من رد فعله شعرت أن توقعه مثل توقعي لكن برضه كان رأيه إنه نجرب و ما حانخسر حاجة و نسبة لأن مديره المباشر غير موجود حاليا فقد قام بالتحدث مع أحد كبار المدراء و كانت المفاجأة أن قال له السنة دي ما في ناس كتار عملوا تدريب و عندي باقي قروش من ميزانية التدريب لكن بس حصلوا قبل نهاية السنة المالية. طوالي مليت الفورمات و الموضوع لأنه برة الولاية لازم يتم التصديق عليه من وكيل الوزارة عديل كدا. الكورس في حد ذاته كان ممتاز و مفيد جدا عنوانه (Building Condition Assessment) و دا بالضبط شغلي القاعد أعمله. إخترت إني أسافر بالعربية عشان أقدر أتحرك هناك كان احتجت و كنت نازل في نفس الفندق الفيه الكورس. فندق ظريف فيه صالة رياضة ما بطالة فيها تلاتة تريدميلس و تلاتة عجلات و المكنة بتاعة الوزن ديك و فيه حوض سباحة. أول يوم وصلت حوالي الساعة ستة و ما اتريضت... لكن يا النصري كنت سايق حوالي ستة ساعات يعني حرقت لي زي 820 كالوريز. باقي الأيام بقيت أمشي صالة الرياضة... المشكلة الوحيدة إنه التريدميل حقتهم مسخت لي مكنتي العزيزة لأنها نوعية ممتازة و شعرت بفرق حقيقي. لكن في النهاية المكنة دي رفيقة دربي و ساعدتني للقيام بواحد من أكبر الإنجازات في حياتي. أول يوم ما عرفت أغير السيتنق بتاعها من أميال ليكلومترات لكن بعداك اتعلمت. الحاجة التانية ما بتوري الكالوريز الحرقتها كم فكنت بضطر لما أرجع الغرفة أحاول أحسبهم بالإنترنت. كنت بتريض حوالي ساعة بين جري و مشي بعمل أكتر من تمنية كيلومترات و في واحد من الأيام و لأول مرة جريت تمنية كيلو متواصلة بسرعة تتراوح بين تمنية و تسعة و نص كيلو في الساعة.. السباحة بس سبحت مرة واحدة لمدة أقل من خمسة دقايق. لكن حافظت على رياضتي في كل الأيام و الحمد لله. هسع من ما جيت يوم الجمعة ما اتريضت لكن الليلة ناوي أتريض إن شاء الله و أواصل.
انكسر الحاجز يا النصرى واشتت الرصاص.....انها الحرب اذن ....موعدنا ان تو ويكس ...دايرين كيلوهات تتراقص على مرأ من الناس..
دوما ابن النخيل
Post: #1050 Title: Re: Sudaneseonline Biggest Loser Author: النصرى أمين Date: 05-01-2012, 01:55 AM Parent: #1049
I am damn ready bring it on
Post: #1051 Title: Re: Sudaneseonline Biggest Loser Author: Nagat Sid Ahmed Elshiekh Date: 05-01-2012, 01:57 AM Parent: #1049
لوزرس سلام بدون فرز ليكم جميعآ فرد فرد... عندى إقتراح يوم 1شهر خمسة دا نبداء منافسة مع مريم والنصرى بخصوص عيد ميلادهم لحدى يوم 18 نشوف منو نقص كم .....
Post: #1052 Title: Re: Sudaneseonline Biggest Loser Author: النصرى أمين Date: 05-01-2012, 03:04 AM Parent: #1051
put me down for $100
English only,too tired to type in Arbic
Post: #1053 Title: Re: Sudaneseonline Biggest Loser Author: مريم بنت الحسين Date: 05-01-2012, 04:12 AM Parent: #1052
والله يا النصري انا من أمس اضحك في تعليقاتك، العجب تعليق سمارت ههههههههههههههه
Quote: الرجالة تقول ؛الله اكبر. الله اكبر. و الستات تزغرد: اايوي. النصري عاد لرشده يا قوم
الله حمد لله علي السلامة
ابن النخيل، على قول النصري، خلصنا من غباشي جيتنا بي ستة كيلو... ما شاء الله عليك.... ألف مبروك والله
نجاة... والله فكرة.... مرحب بيك في الchallenge بتاع العيدميلاد... شايفه الشي فيها قروش بقت... خلاص كل زول يخت ليه 20$ رمزية يا النصري، وبعداك البفوز نديها ليه مثلا gift voucher من امازون ... انا حأدخل معاك في القروش دي.... رأيكم شنو؟
الليله حنبدأ... ولانه عندي محاضرة حأعمل نص ساعه... بعدين بجي اديكم التقرير... ماشه آخد الدفعة التانية من النومه...
الف مبروك يا ابن النخيل و واصل على كدة .... و التحت دي مني ليك بس اقراء الكلام البعديها كوييييييييييييييس
Quote: ده شنو ده!!! ننتهى من غباشى وندمره بالحرب النفسية الشرسة يطلع لينا ابن النخيل.
Quote: على قول النصري، خلصنا من غباشي جيتنا بي ستة كيلو
و الله اتاريهو غباشي دي هاري كترة فشافيش في البوست دا بالله عليكم شوفوا الناس دي بتقول في شنو ايوة اظهروا و بانوا أكتر و أكتر
شفت يا ابن النخيل لا تأخذك بهم رحمة الناس ديل هسي بيقوموا عليك القومة اذا كررت ليهم الـ 6 كيلو دي و ما تبقى دبلوماسي زي العوض الناس ديل (خصوصاً النصري و مريم و باقي الخلايا النايمة) لازم توريهم العين الحمرا عارفك ما بتغلب الحيلة لكن كان احتجت لي شي بس رسل بالمسنجر و انا بجهز ليك ردود من النوع البخليهم يهيجو ذي دا طبعاً ديل ما براهم .. في خلايا نايمة (أمير و ابتهال و محمد الحاج) بالله اضفرهم اذا ما رؤوسهم اينعت شفت تحالف كاودا العاملنو دا دايرك تنسفوا ليهم بيان بالعمل تحت شعار "امسح ... أكسح ... قشو"
وريني متين يالنصري دمرتني بالحرب النفسية ؟؟؟؟؟؟ العبد لله مصفح , بل العكس انو كل قذائفك النارية كان بترتد ليك و تدمرك yourself هسي عليك انت ليك كم شهر قادي سلك من التمارين (اييييييييييييييييييييييييك) ملاحظين اني لحدي حسي مخلي نفسي الكبير و ما برد عليكم الا بعد ما تبدو دايما القمم مستهدفة انما للصبر حدود
ملحوظة حتى لا يختلط الحابل بالنابل فانه لا تثريب على الناس الاسمائها ما مكتوبة اما لناسي الظراف بتاعين الحرب النفسية المدمرة انا طبعاً مرحلتكم دي فُتها زماااااااااااااااااااان , ما داير اعاين وراي حصل شفتوا ليكم زول بيخش الابتدائي بعد ما يتخرج من الجامعة بس الله يقدركم على ابن النخيل براهو بيطقطقكم و بيطفشكم و انا حاكون more than happy to support him ما عارف ليه بقيت متأكد لدرجة اليقين بأنو ود الصايم لو جاء بيجاي حيجر ليهو ناس كدة بأقل مجهود (بس يخلى شاي بعد الغداء) يا جماعة دا تحزير نهائي ... إياكم و غباشي اذا غضب , انت بتلعبوا بالنار و ماكم خابرين
و تاني سلام مربع لابن النخيل و رأصني يا قااااااااااااااااادددددددددددددددداااااااااااع
ابن النخيل ... بس لو فكيت لينا درب الايباد و منتجات آبيل (بعد اذنك يا اسمارت ) يكون أحسن ... عشان مريم ما تستقطبك بالتكنولوجيا *
_________________________________________________________ *. نكتة بمناسبة التكنولوجيا دي ايام الجامعة قالو لقوا واحد قبل الامتحان قاعد يبخر القوانين في الغطاء بتاع الالة الحاسبة العادية ديك ... اها اصحابه لما قالوا ليهو الكلام عيب منك , قام رد ليهم : الجماعة بيبخروا في الالآت الـ graphics و الـ algebra يعني احنا نسقط و هم يفوتونا بالتكنولوجيا القذرة
والله يا اسمارت فى داخلى فى حالة ثورة وبركان بتزكرنى اول ايام الجمهورية الاولى ...بغلى عديل كده وجاهز لكل انواع التضحيات ...
احكى ... ركبت معاى امراة مسنة كانت بعيدة من المحطة لكننى انتظرتها بعض ثوانى ركبت وشكرتنى على الانتظار ...سالتها على وين فى الجو الممطر ده ...قالت لى ماشى سوبر ماركت اسمه Safeway وهو سوبرماركت كبير ..بضاعته ممتازة بس اسعاره غالية شوية....المحل الاكبر منه وهو The Real Canadian Superstore يماثل ال Walmart فى حجم مبيعاته ارخص بكتير لكن بضاعته شوية متدنية ... انا وصاحبى بنغرق عليه وبنقول المحل ببيع الخضارات والفواكه المستعملة لانو شكلها مكرمش ... المهم السيدة المسنة اضافت ان اليوم الثلاثاء وهو اول ثلاثاء فى الشهر ومحل يعرض 10% تنزيلات ..اضافت انها حتوفر على الاقل 40 او 50 دولار اليوم..
كلام الست دى حنفنشنى ..انتهيت من الشغل طوالى مشيت للسوبرماركت داك وقفت فى منطقة الخضارات ...اى خضارات معروض للبيع شلت منه..فى خضارات اول مرة اشوفها زاتو ...
فعلا بعد انتهيت من الشوبنغ لقيت التوفير حوالى 14 دولار حسى جيت البيت ..بعد اتريض ...حاخد الخضارات دى كلها فى حلة كبيرة قيزان اعمل شوربة عملاقة .....اكل منها كل يوم 3 وجبات فى اليوم ... يوم 19 مايو اكون نزلت 25 رطل
Quote: و الله اتاريهو غباشي دي هاري كترة فشافيش في البوست دا بالله عليكم شوفوا الناس دي بتقول في شنو ايوة اظهروا و بانوا أكتر و أكتر
شفت يا ابن النخيل لا تأخذك بهم رحمة الناس ديل هسي بيقوموا عليك القومة اذا كررت ليهم الـ 6 كيلو دي و ما تبقى دبلوماسي زي العوض الناس ديل (خصوصاً النصري و مريم و باقي الخلايا النايمة) لازم توريهم العين الحمرا عارفك ما بتغلب الحيلة لكن كان احتجت لي شي بس رسل بالمسنجر و انا بجهز ليك ردود من النوع البخليهم يهيجو ذي دا طبعاً ديل ما براهم .. في خلايا نايمة (أمير و ابتهال و محمد الحاج) بالله اضفرهم اذا ما رؤوسهم اينعت شفت تحالف كاودا العاملنو دا دايرك تنسفوا ليهم بيان بالعمل تحت شعار "امسح ... أكسح ... قشو"
وريني متين يالنصري دمرتني بالحرب النفسية ؟؟؟؟؟؟ العبد لله مصفح , بل العكس انو كل قذائفك النارية كان بترتد ليك و تدمرك yourself هسي عليك انت ليك كم شهر قادي سلك من التمارين (اييييييييييييييييييييييييك) ملاحظين اني لحدي حسي مخلي نفسي الكبير و ما برد عليكم الا بعد ما تبدو دايما القمم مستهدفة انما للصبر حدود
ملحوظة حتى لا يختلط الحابل بالنابل فانه لا تثريب على الناس الاسمائها ما مكتوبة اما لناسي الظراف بتاعين الحرب النفسية المدمرة انا طبعاً مرحلتكم دي فُتها زماااااااااااااااااااان , ما داير اعاين وراي حصل شفتوا ليكم زول بيخش الابتدائي بعد ما يتخرج من الجامعة بس الله يقدركم على ابن النخيل براهو بيطقطقكم و بيطفشكم و انا حاكون more than happy to support him ما عارف ليه بقيت متأكد لدرجة اليقين بأنو ود الصايم لو جاء بيجاي حيجر ليهو ناس كدة بأقل مجهود (بس يخلى شاي بعد الغداء) يا جماعة دا تحزير نهائي ... إياكم و غباشي اذا غضب , انت بتلعبوا بالنار و ماكم خابرين
و تاني سلام مربع لابن النخيل و رأصني يا قااااااااااااااااادددددددددددددددداااااااااااع
عاد يا برلومى يقع فيك العدو...... اسمع ...براحة على الناس....حركات ناس كفتريا هندسة دى صعبة على الناس.
Quote: نجاة... والله فكرة.... مرحب بيك في الchallenge بتاع العيدميلاد... شايفه الشي فيها قروش بقت... خلاص كل زول يخت ليه 20$ رمزية يا النصري، وبعداك البفوز نديها ليه مثلا gift voucher من امازون ... انا حأدخل معاك في القروش دي.... رأيكم شنو؟
موافقين...I am in
النصري...تعرف من دربك داك لو مشيت على حلايب كان حررتها من المصريين
امس اتريضت لى نص ساعة فى ال ايليبتكال...مشت كويس. و اكيد ح اترض كل يوم فى العشرين يو م الجايين. ان شاء الله
النصري الكنته فى سيفوى انك تطلع الكرت بتاعهم...و تلاقى كل الحجات ارخص. خضارهم فعلا سممممح و مفرهد. و فى حجات كتيرة ما بلاقيها الا عندهم. كنت بشترى منهم الخضار لحدى ما عملنا اشتراك فى سامس ######.
عن الخضار ...جرب اشترى البامبى. و الله انا كنت ما بطيق حتى سيرته. لكن فى البلد دى اتعلمتا اكله. بقيت اجيبه و اقشره و اخت فيه حبة زيت زيتون و فلف و ملح و اخته فى فويل النوع اللى ما بمسك فيه الاكل و اخته فى القريل..او فى الفرن... بيطلع روعة بس اعمل حسابك من البطاطس و القرع و البانبى..فيهم نشويات كتيرة. البروكلى احسن حاجه تاكله نى (ما مسلوق) و جيب ليك رانش درسنا و غمس فيه حته حته. برضو البيبى جزر ظريف شديد و انا بخته جنى طوالى اقرمش فيه ذى التسالى. بدل ما تحشي ساندوتسش جبنة, قطع خيار و اكله بحته جبنة بيضا (ما كتير ..الجبنة فيها سعرات حرارية كتيرة) الايام دى طالع موضه هنا ال greek yogurt ...و هو فعلا ظريف. اتقل شديد من الزبادى العادى و فيه بروتين اكتر..عشان كده بيديك شعور بالشبع لمدة اطول ..جربه.
السلام عليكم يا جماعة دايرين فتوى حكاية نجمع القروش و نديها للفايز دي حلال؟ برضه عايز أذكركم بالمشروع القلناه زمان بتاع نجمع قروش عن كل كيلو نزل من بداية البوست و نعمل بيه حاجة خيرية في السودان. أنا بقترح خمسة دولار للكيلو يعني أرخص من كيلو اللحمة :)... رأيكم شنو؟ و أدونا اقتراحات لمشروعات ممكن تتنفذ. طبعا حتكون حاجة متواضعة لكن نتمنى يكون عندها أثر.
اتخايل لى كلام العوض منطقى خالص .. بس فى تعديل فى الفكرة .. ابتداءا من اليوم لغاية يوم 19 مايو ..اى رطل (وليس كيلو) يساوى خمسة دولار تمشى لاحد الاطفال اليتامى بدار المايقوما... مثلا انا لو قدرت احقق الرقم المعجزة 25 رطل فى 19 يوم اكون سعيد جدا جدا جدا جدا جدا جدا جدا جدا ادفع 75 دولار كعمل خير.,,
ان شاءالله يا اخوانا توافقو على الاقتراح ده عشان نبدا التنفيذ ...
----------
والله يا ابن النخيل حظك زى الزفت ...لقيتنى هايج وسمى فاير... لغاية قبل اسبوع انا كنت مرخم وضارب الترطيب دلوقت النيران مولعة ....منقد فحم بس
Post: #1061 Title: Re: Sudaneseonline Biggest Loser Author: مريم بنت الحسين Date: 05-01-2012, 06:55 PM Parent: #1059
العوض... انا موافقه بس الآلية بتاعت اننا نرسل للسودان دايماً بتعقّد الحاجات، ما عارفه ممكن نعملها كيف، غايته انا معاك 100%.... بعدين ما اعتقد في مشكلة ياخ في موضوع الجائزة... يعني فكّر فيها اننا كلنا حنشارك في شرا هدية للرابح... الكلام النية يا شيخ...والنفوس الطيبة...
انت يا سمارت غباشي كتب حاجه، شايفاه طوّل من الكتابة هنا...
ابن النخيل، ورينا الApp الشغال بيه شنو... ؟
عملته النص ساعة بتاعتي حقت اليوم الاول والحمدلله، الليلة كان عندي محاضرة عشان كده ما عملته ساعة.. دايماً لما اكون عندي محاضرة يومي بكون خربان وجايط... والوقت بكون ضيق ما بين تحضير وعمل غدا ده غير الوقت الباخده عشان امشي وارجع للجامعة....
طبعا ما فايت على فطنكم انو عندى مشكلة فى الكتابة...بفتح الكيبورد بتاع بكرى وافعل العربى فى اللابتوب وا اكتب...خليت الماوس حسب نصيحة النصرى ولكن مازلت بطئ....
اسمارت شكرا للنصائح ولكن مازلت فى انتظار مقادير الاكل
غباشى شكرا للتضامن ...بعدين لازم تو كوتش مى اشان اصرعهم ليك واحد تلو الاخر...بعدين يااخى اسمارت دى طالما خاتة الجبنة المضفرة فى الفريزر و التلاجة مليانة بسبوسة الحبة ماتجينا منها....
الكلام النصرى الشتت الرصاص دا
بعدين اختنا مريم هوايتها المفضة البيكنج...اها منها ارقد قفا
وبعدين يااختنا مريم ما شفتى نصيحة الكوتش بتاعى غباشى الفوق دى جاية تسالى من الاابس....لحدي ما اخد الاذن ممكن تستعملى ااب اسمو ماي فتنس باس
تحياتى
Post: #1065 Title: Re: Sudaneseonline Biggest Loser Author: النصرى أمين Date: 05-02-2012, 00:51 AM Parent: #1064
يا نخيل صدقنى حتتعود ..شوية شوية.... ياخ انا اشتريت تلفون جديد ..معذبنى عذاب قبورة ....كل شئ مختلف عن البلاك بيرى البستعمله لاكثر من ٨ سنوات ... فى النهاية حاتعود على التلفون الجديد وحابقى حريف قرد فيهو ...عملية زمن ليس الا ...... صدقنى من مداخلاتك القليلة لاحظت انك عندك ملكة ممتازة لللغة العربية يعنى لمن تطقطك الكيبورد تانى حتتجدع فينا .....
--------------
يا اخوانا انا بفكر فى موضوع الحافز ده لي كم ساعة ... ممكن نستفيد من الحاجة دى باننا نخلق جوطة وتوعية للناس ولفت انتباهم لاهمية العناية بالصحة ومراقبة الوزن والتمارين فى نفس الوقت ممكن نرجع للناس مفهموم الاعمال الخبرية الراح شمار فى مرقة بسبب التعقيدات البتصاحبه ...
فكرتى تقوم على تلاته اعمدة
العمود الاول توعية اكبر عدد من الناس وجذبهم للانضمام للمجموعة
العمود الثانى اعادة الثقة فى الاعمال الخيرية بقيامنا بعمل خيرى موثق صورة وصوت
العمود الثالث والاهم الاستفادة من الاجهزة الاعلامية من جرائد وفضائيات لتغطية الحدث ...مثلا بدلا من ارسال نقود نقوم بشراء احتياجات للاطفال من السوق المحلى (يتم تصوير عملية الشراء ,,,بعدها يقوم ممثل لنا بتسليم الحاجيات لادارة مركز المايقوما (برضو يتم تصوير الحدث وعرضه فى احدى الفضائيات كخبر مع اضافة ملفات صوتية لبعض منا يحكى عن تجربة المجموعة فى الفترة السابقة
Post: #1066 Title: Re: Sudaneseonline Biggest Loser Author: Nagat Sid Ahmed Elshiekh Date: 05-02-2012, 01:15 AM Parent: #1064
Quote: شفت تحالف كاودا العاملنو دا دايرك تنسفوا ليهم بيان بالعمل تحت شعار "امسح ... أكسح ... قشو"
ههههههه غباشى قلت لى أمسح أكسح ما تجيبو حي ...... ياخى ما تتكلم فى السياسة غايتو ضحكتنى برغم الكلام محزن جدآ. ياجماعة جاهزين والله لكل الاقتراحات ..... لكن خمسة دولار لك رطل كدا ما ح تخربوا بيوتنا ههههه يعنى عاوزة أنزل 100 رطل فى المنافسة دى وش مكشر شديد... المهم جاهزين.... مشيت الجم بعد الشغل حرقته 650 وكمان معاها لفت ويت .... قو لوزرس يوم 19 عاوزين نتائج مشرفة خاصة المحتفا بهم والكلام ليك يا النصري ومريوم.... بعدين يا بن النخيل عندك منافس خطيييييير ما تفرح ما كلموك ب أبوخمسة فى اسبوع واحد أعمل حسابك من نجاة هههه.
Post: #1067 Title: Re: Sudaneseonline Biggest Loser Author: مريم بنت الحسين Date: 05-02-2012, 04:41 AM Parent: #1066
بن النخيل... غايته غباشي ده بنفخك كده وبفوت يغتس مع قرايته اقل شي شهر شهرين.... احنا القاعدين ليك، مااااا تخرب العلاقات من حسي....
انا موافقة على أي آلية تشوفوها مناسبة لموضوع التحويل للسودان... انا رأيي غايته اننا نتفق على مبلغ دوري وكل فترة يكون على زول انه يرسله... يعني مثلاً نقول كل شهر حنرسل كذا دولار... وبالدور بكون التحويل على زول... عشان ما تضيع القروش في تحويلات وتجميع... ونقدر نرسل منها اكبر كمية ممكنه... بالنسبة للمايقوما، انا الشي السمعته انه احسن تترسل ليهم حاجات عينية من القروش... لو لقينا حد في السودان يشتري الحاجات ويوديها ليهم... كده برضه بنكون وفّرنا قروش الشحن ومشت ليهم هناك... لو ثبّتنا المبلغ احسن...
برضه وجب التنويه يا شباب اني وزنته الليلة ولقيت نفسي ناقصة كيلو ونص (ديل حقات رياضة الاسبوع الفات) عشان اكون امينة معاكم وكده.... يعني انا ناقصة أساساً وبعداك بجي عليها حق التحدي بعدين....
انا عندي اقتراح تاني، انه الوزن ما يكون يوم 19، لانه انا عاااااااااارفه نفسي، ممكن وزني يكون ثابت.. بعدها بي اسبوع بظهر النقصان الحقيقي... يعني نوزن يوم 26...
هيع... عان العرضة دي! الاسد النتر... .
يا نجاة...
Quote: ياخى ما تتكلم فى السياسة غايتو ضحكتنى برغم الكلام محزن جدآ.
اليوم داك كنت بفكّر، أحلى شي في البوست ده انه مافي نقاشات جانبية ممكن تخلي الناس تختلف... يعني لا في نقاش ديني ولا سياسي... رغم انه احنا في اختلافات كتيرة بينا... تعرفي، لو اتلقى حزب واحد في السودان بالفهم ده، كان حالنا اتصلح....
GO LOOOOOOOOOOOOOOSERS!
Post: #1068 Title: Re: Sudaneseonline Biggest Loser Author: مريم بنت الحسين Date: 05-02-2012, 09:01 AM Parent: #1067
Quote: نسيت اضيف ...اتريضت نصف ساعة حرقت فيهم 400 كالوريز
اخوانا ابكي ليكم! ياخ انا اصلي 400 كالوري دي ما وصلتها... يعني لما اتريض ساعة كااااااااملة زي قبل شويه كده، بحرق 300 كالوري.... وبكون ماشه بي الله ويا مين... والآلة بتاعتي طبيعي فيها incline مرفوعه على طول... ما ممكن يعني! كيف يعني يا النصري عملته 400 كالوري في نص ساعة... فهمني ليها دي... ليه انا ارقامي دي ضاربة كده... ... غايته يا انا فيني غلط، يا آلتي فيها غلط...
Quote: اخوانا ابكي ليكم! ياخ انا اصلي 400 كالوري دي ما وصلتها... يعني لما اتريض ساعة كااااااااملة زي قبل شويه كده، بحرق 300 كالوري
ابكيك بالجد؟ اليلة عملت 650 كال بالاليبتيكال في خمسين دقيقة و بعد داك 150 بالتريدميل ده غير الدمبيلز
Quote: اااااا، لازم يكون فيني حاجه غلط... !
عملته ساعه قبل شويه... وحرقته 310 كالوري (شفتو الحالة دي!)....
كده شوفي الفنكشن الشغالة بيها؟ Manual , Fat burn or what? و بتشتغلي بي intensity كم ؟ برضو شوفي المسافة و الlevel و rpmالبتتحركي بيها
دي كلها ممكن توضح وين الخلل عدا ذلك تكون المكنة بتاعتك حمام ساكت
ابن النخيل البار ..... تسلم ياخ و حاجيك برواقة
انا حساااااااادة كدة ضد موضوع جائزة للفايز منكم لينا ستة شهور نجر فيكم لمن الله غفر لينا انتي بالذات يا مريم الزغروووووطة استخسرتيها علينا (كتر خير اسمارت و القلب النابض) و النصري ما خلى حفرة الا حفرها للعبد لله
هسي جابت ليها امازون قيفت و بايبال و نعمل ختة و نعمل شنو ما عارف ايييه .... انا اعترض عشان الحقارة و التهميش الواضح يعني عشان عيد ميلادك يعني? في زول هنا مولود قبل الميلاد? (احتمال النصري) ما كلنا عندنا اعياد ميلاد مافي زول عمل بروباغاندا زيك
ابن النخيل عشان بس تعرف ما في زول قلبو عليك و عايز مصلحتك زي العبد لله هسي عليك الله دي ما حقارة? وعشان تعرف هنا كيف تحاك التحالفات بالدرب التحت و بالايفونات
هذا من ناحية اخرى كلام العوض بتاع الفتوى صاح
نجاة ما لقيت جملة مناسبة للموقف غير ديك ... طلعت عجيبة مش?
(و الله علمتونا الردحي ... الواحد لما لسانو بقى طويل)
مريم ما تشتغلى بالتنظير بتاع غباشى (الايام دى كلامه بقى كتير الظاهر الحمى طلعت فى الراس)
نحن لمن نطلع التريدميل بنعرق عرق السنين..انا مرات بقيس الكالوريز بكمية العرق فى هدوم الرياضة .... لاحظت لمن اكون جارى بسرعة 6.2 ميل فى الساعة الكالوريز المحروقة بتكون فى حدود 23 الى 25 فى الدقيقة الواحدة....
تقريبا انا بجرى حوالى 15 دقيقة فى كل مرة بطلع فى التريد ..ال15 دقيقة التانية بتكون مشى وباخد فى نفسى ....
لو ضربت 15 دقيقة فى 20 كالوريز بتعمل 300 كالريز ..ال100 التانية بتتلم تلاقيط .....
الحاجة التانية ..وزن الزول برضو ليهم دور.. يعنى لو طلع زول وزنه 400 رطل ممكن يفقد 100 كالرويز عشان مشى دقيقة (صيغة مبالغة) مرة امين ولدى طلع فى التريدميل وجرى جرى الغزلان فى النهاية الكالريز كانت قليلة جدا جدا ....
____________ اها يا اخوانا بالغلاط موضوع المنافسة لغاية يوم 19 مايو الظاهر مطرشق.. . على كل انا ملتزم بيهو ...ان شاء الله اليوم داك اعلن النقصان وفى كل رطل حادفع 5 دولار
---------------
سبحان الله يوم الاتنين جربت ولاول مرة البناطلين الجديدة مقاس 42 ..لقيتها فى السلك.. موش كده وبس ..ما احتجت استعمل حزام لاول مرة منذ 20 سنة .... اليوم وبعد مرور 3 يوم فقط ..لاحظت البنطلون اتملص شوية وبقى واسع حبة.. نفسيات فى السما
----------
ابن النخيل ..ما تشتغل بالكيبورد بتاع بكرى ابوبكر استعمل الكيبورد ادناه واطبع بيهو احسن مليون مرة http://www.muftah-alhuruf.com/
خصوص الحافز...التبرع ..انا متفقة معاكم على اى حاجه تتفقوا عليها.
العوض..الحرمة بتجى من كون الموضوع حظ . الرهان حرام لانه بيعتمد على الصدفة. لكن الجائزة (اظن) انه حلال لانه الفائز بيجتهد عشان يقوز.بيعرق ( literally ) عشان يحصل على الجائزة. و طبعا الله اعلم. كون اننا نتبرع لاطفال المايقومة فاكيد احسن. احسن حاجه ان كل زول فيكم يشوف ليه زول بيثق فيه فى السودان و يخت عنده قروش امانه. و كل شهر الزول يشوف روحه نقص كم و يقول لزوله فى السودان يشتري بيها حاجه للاطفال و يوديها ليهم. رايكم شنو؟؟؟؟ بس كل زول لازم يحسب كويس عشان نعرف فى النهاية البوست ساهم بكم لاطفال المايقومة.
مريم
Quote: انا عندي اقتراح تاني، انه الوزن ما يكون يوم 19، لانه انا عاااااااااارفه نفسي، ممكن وزني يكون ثابت.. بعدها بي اسبوع بظهر النقصان الحقيقي... يعني نوزن يوم 26...
خلونا نوزن يوم 1 شهر 6 عشان تكون ظريفه....فى شهر نزلنا كم ...رائكم شنو؟؟؟؟ و الف مبروك الكيلو و نص..انا بغراااانه
Quote: اخوانا ابكي ليكم! ياخ انا اصلي 400 كالوري دي ما وصلتها... يعني لما اتريض ساعة كااااااااملة زي قبل شويه كده، بحرق 300 كالوري
غير الكلام اللى قاله ليك غباشى:
Quote: كده شوفي الفنكشن الشغالة بيها؟ Manual , Fat burn or what? و بتشتغلي بي intensity كم ؟ برضو شوفي المسافة و الlevel و rpmالبتتحركي بيها
لو لقيتى اى شي مظبوط...ح يكون الموضوع فى السرعة اللى انت بتمشى بيها. انا نسيت انتى قلتى بتمشى بسرعة كم و حاولت افتش سريع ما لقياتها. لكن لو كان وزنك 130 رطل و بتمشى بسرعة Walking: 3.0 mph (حوالى 30 دقيقة ) ح تحرقى 120 كالوريز بس. ده موقع بيوريك بتحرقى كم على حسب النشاط المعين. http://www.healthyweightforum.org/eng/calorie-calculator.asp
Quote: في زول هنا مولود قبل الميلاد? (احتمال النصري)
Quote: (و الله علمتونا الردحي ... الواحد لما لسانو بقى طويل)
يا اخوى شكلك اصلك كده
نجاة ..الموضوع ده بقى حرب.... ود النخيل كتل لينا حيلو و عمل فيها ظريف اول يومين بس. بعدها نفش رشيه.شفتيه قال شنو:
Quote: بعدين يااخى اسمارت دى طالما خاتة الجبنة المضفرة فى الفريزر و التلاجة مليانة بسبوسة الحبة ماتجينا منها
Quote: بعدين اختنا مريم هوايتها المفضة البيكنج...اها منها ارقد قفا
Quote: وبعدين يااختنا مريم ما شفتى نصيحة الكوتش بتاعى غباشى الفوق دى جاية تسالى من الاابس....لحدي ما اخد الاذن
شكله ما عارف انك بتنقص خمسه رطل فى الاسبوع!!!!!!!!!!!!!!!!!!!!!
طيب يا جماعة انا حاليا بتريض كل يوم*....يوم ساعة و يوم نص ساعة. لكن بلخبت فى الاكل لخبته شديده. مفروض ابدا اظبط اكلى. ظبتته ح تكون مشكلة لانى عندى بيبى معتمده على تماما. و عشانها ما فروض انقص اكتر من رطل و نص فى الاسبوع. و لى حوالى شهر بحاول اظبط الاكل اللى ما بيخلينى انقص سريع و كمان ما عاوزه وزنى يثبت او يزيد.... ح اكون نجحت تمام فى المسابقة معاكم لو نقصت رطل و نص فى الاسبوع يعنى حوالى 6 ارطال فى نهاية الشهر. نشوف بيحصل شنو!!!!!! __________________________________ * كل ما اقول اطنش يوم تجينى رسالة فى التلفون ان مريم اتريضت ساعة كاملة
مريم كلام النصري صح الموضوع بيعتمد على الوزن. لقيت فى بوست سابق انك بتجرى بسرعة 6 كيلو فى الساعة . دى حوالى 3.7 كيل فى الساعة و بنفس الفرضيات الفاتت: الوزن :130 رطل الزمن : 30 دقيقة و السرعة: 3.5 ميل فى الساعة Daily Calories Burnt: 117 http://www.healthyweightforum.org/eng/calorie-calculator.asp
مفروض تزيدى السرعة حبه
تعرفى؟ نفس الزمن ده فى Elliptical trainer (بمقاومة نص نص) بيحرق حوالى 212.
يا اخوانا الاقتراحات كترت وما وصلنا لحاجة والزمن ماشى.. بما انى صاحب البوست قررت نعرض الامر للتصويت المباشر... ينتهى التصويت بعد 24 ساعة تعلن النتيجة مباشرة وعلى الجميع قبول نتيجة الاقتراع ..
البند الاول
تنتهى المنافسة الاستثنائية يوم
1- يوم 19 مايو (عيد ميلاد النصرى ومريم او
2- يوم 26 مايو (عشان مريم ميزانها ما شغال كويس)
او
3- يوم 1 يونيو (اقتراح من اسمارت حتى تكون فى فترة كافية)
----------
البند الثانى
حافز المسابقة يكون :-
1- نجمع قروش ونشترى بيها جائزة ياخدها الفائز بالمسابقة
او 2- كل زول يخت قروش فى السودان وكلما ينزل رطل يتم شراء حاجيات للمركز او
3 - كل رطل يقابله 5 دولار تجمع بنهاية الفترة ويشترى بها حاجيات لاطفال المركز
---------- العدد المتوقع للمشاركين فى التصويت ثمانيه اذا تعادلت الاصوات يرشح جانب الرئيس (دكتاتورية عديل بس خلونا نخلص)
بعدين انت كنت مكتّف لما عيدميلادك جا! مااااااااااااالك ما جيت قلت ارح نحتفل!! انا جيت وقلت عايزه احتفل بعيدميلادي... بعداك لاني محبوبه الناس قالوا يحتفلوا معاي... كدي حاول احتفل بعيدميلادك النشوف بقولوا شنو خخخخخخ
ثم ده عيدميلاد السيد الرئيس كمان... يعني انت امشي شوف عيدميلادك واقع مع منو، وبعداك تعال.... خخخخخخخخخخ
لكن برضه كتّر خيرك على الtips.. حأشوفها بكره....
على صعيد آخر، باركوا لي، اشتريت جزمة بتاعت جري... لونا احممممممممممممر.. حأدشّنها بكره... ويا سمارت، السرعة دي ربع سنتي ما بزيدها... انا علي العلي بنزل ركبتي بتكون قايمة علي... بري يختي.. خلينا كده... لما اللياقة تتبني اكتر، حأقوم ازيدها... حسي حأمسك قوي في ال6 ديل... طبعا 6 دي المعدّل... انا قاعده اجري بي 7... قول لي وفرحانه بيها!
النصري... في نقطة مهمة بالنسبة للبند الاول... احنا قلنا نوقف المنافسة يوم 19، لكن نوزن بعدها... يعني في كل الاحوال المسابقة تقيف يوم 19... لكن الوزن انا بأيد رأي سمارت، نخليها يوم 1/6... البند الثاني، بصوّت للاقتراح التالت...
بعدين ياالنصرى امبارح لمان شفتك حرقت ٤٠٠ كلريز نزلت على التيدميل الساعة ١٢ بالليل حرقتا ليا ٢٠٠ وجيت نمتا
والله يا اختنا نجاة انا شفت الخمسة كيلو بتاعتك لكن طالما بتحرسى الاولاد ياكلو وتاكلى بى وراهم ما شايفك فايتة اخواتك فى حاجة٠٠ههههههههه٠٠٠
يا اسمارت الجبنة المضفرة كيف؟؟ ما حا تشكلى اى خطورة مالم تقطعى خطوط الامداد من السودان.....ههههههههه
مشكلة كبيرة اطلت براسها انا حا اضبح فى الويكند اللحم ما خايف منو لكن الكمونية و المرارة٠٠٠٠ شوفو لى حلل
تحياتى
Post: #1078 Title: Re: Sudaneseonline Biggest Loser Author: مريم بنت الحسين Date: 05-02-2012, 08:43 PM Parent: #1077
Quote: مشكلة كبيرة اطلت براسها انا حا اضبح فى الويكند اللحم ما خايف منو لكن الكمونية و المرارة0000 شوفو لى حلل
كان كده ننوم قفا.... انا خبااااااازة، وبحب الخبيز لكن ما باكله كتير وبقدر اقاوم الاكل... انا زوله طباخه عديل كده... ولا فخر... والحاجات البعملها كان اكلتها ما بنقص ولا ربع رطل... سمارت، اكلي جبنتك يختي... ويا نجاة، اكلي واكّلي الاولاد.... ود النخيل ده نوهائي مافي منّه خوف...
غباشي، فتّش ليك على زول تاني تتبناه....
Post: #1079 Title: Re: Sudaneseonline Biggest Loser Author: Nagat Sid Ahmed Elshiekh Date: 05-03-2012, 00:17 AM Parent: #1078
سلام لوزرس....
Quote: لاااااا، لازم يكون فيني حاجه غلط... ! عملته ساعه قبل شويه... وحرقته 310 كالوري (شفتو الحالة دي!)....
مريوم مافى اى مشكلة فى التردميل بتاعك بس انا بستعمل الاستبس ودى بتحرق أكتر من التردميل أنا نفس القصة بمشي 3 بوينت 5 يعنى حياتى ما وصلتة 6 دى ولا بتحصل....
Quote: نجاة ..الموضوع ده بقى حرب.... ود النخيل كتل لينا حيلو و عمل فيها ظريف اول يومين بس. بعدها نفش رشيه.شفتيه قال شنو:
حكمنا والله ابن النخيل أعلن الحرب من ما شعارو وكلام أكبر المشجعين ليهو أكسح أمسح ماتخلى كيلو حائم .....
انا بصوت للاقتراحات دى .... 3- يوم 1 يونيو (اقتراح من اسمارت حتى تكون فى فترة كافية) 1- نجمع قروش ونشترى بيها جائزة ياخدها الفائز بالمسابقة
Quote: والله يا اختنا نجاة انا شفت الخمسة كيلو بتاعتك لكن طالما بتحرسى الاولاد ياكلو وتاكلى بى وراهم ما شايفك فايتة اخواتك فى حاجة00ههههههههه000
ابن النخيل سلام برضو منافس خطييييير شد حيلك.... بعدين بعد تضرب المرارة والكمونية بعدين تعال نتفاهم ههههه ... ياخى البوست دا ليهو قريب السنة ما شفنا فيهو ضبيحة كيك ساكت وطحنية وحلاوة مولد أبو خروف دا جديد علينا ........ بعدين غباشى قال ليك الخروف دا لازم تكسحو تمسحو ماتخلى فيهو عضم هههههههه.
نصيحة تخدرك عملات حبوبتى الله يرحمه..... بعدين نسيت أبارك ليك الجزمة الحمرة ههههه والكيلو ونص مبروكات عليك ..... برضو عندى أقتراح لو النصرى يوافق عليه ..... شعارنا ح للفترة الجاية دى أكسح أمسح ماتخلى كيلو زائد هههههه.
Post: #1080 Title: Re: Sudaneseonline Biggest Loser Author: النصرى أمين Date: 05-03-2012, 00:42 AM Parent: #1079
ابن النخيل ...الكمونية ما عندنا فيها كلام لكن المرارة دى اكل البعاعيت ...لحمة نية... فرقك شنو من المورفعين؟
الكمونية هى احدى عجائب الدنيا..وانا صغير كنت بحبها لكن بخاف اكل المكونات الفيها ..بغمس الرغيف فى الدمعة وفى شطة الدكوة واكل لغاية ما اعرق ... دلوقت بقش اى حاجة بتقع فى طريق الرغيفة...
قلت لى 200 كالوريز بعد منتصف الليل!! دى الميزة بتاعت البوست الواحد ما بحس انو لوحده ..فى ناس تانين متابعين معاهو بشجعوه وبشحعهم
ماتنسى تصوت ..ما تخلى حقك يروح
----------
مريم مبروك الجزمة الجديدة تتبل بعرق العافية
----------
يا اخوانا وين ابتهال ؟
Post: #1081 Title: Re: Sudaneseonline Biggest Loser Author: مريم بنت الحسين Date: 05-03-2012, 10:03 AM Parent: #1080
Quote: يا اخوانا وين ابتهال ؟
ننادي معاك والله...
امير زااااااااااتو غتس وين؟!
Post: #1082 Title: Re: Sudaneseonline Biggest Loser Author: مريم بنت الحسين Date: 05-03-2012, 01:06 PM Parent: #1081
عملته نص ساعة، الجزمة الجديدة وجعتني في كراعي الشمال... وقفّته، وحأعمل نص ساعة بعدين بالليل.... الليلة معزومين باربكيو... واتغدينا بي ملاح تقلية دولي... بالكسره لي وللاولاد (نظام جعليين وكده)، وبالقراصة لأبونا المحسي... قبل الغدا شربت كباية كااااااااربه مويه، ونظفته كمية من الخس.... وبكده ما اكلته كتير....
مبروك الجزمة الحمراء يا مريم. ختي لينا الصور يا اخي. انا بحب الجزم شديد. اول ما بديت اجري في البلد دي، شكيت من الم في نصف الساق، واحده معانا في المكتب ساقتني محل بتاع ادوات رياضية اول ما تدخلي المحل بتبدا احترامات شديده. بيسالوك عاوزه مساعده. قلت ليهم عاوزه اعزل جزمة يا زوله بيجو يقيسوا ليك رجلك و بقولي ليك امشي في ممر كده و يبركوا في الارض دي عشان يشوفوا رجلك شكلها كيف في المشي و بعد كده بيجيبوا ليك كم جزمة تقيسيهم و تعزلي منهم. بعد ما ادوني الجزمة قالوا لي ( هزار طبعا) دي حزمة جري، ما للحوامة في المول have respect, please
عن التصويت، للبند الاول: بصوت للخيار الثالث للبند التاني: بصوت للخيار الثالث. بس ما بحب التحويل الكتير. ما بحب التحويل خالص. دائماً بخت لامي قروش في السودان عشان الحجات ال ذي دي. او مرات بستلف منها و بعمل ميته ؛) مره اخوي حول لي قروش هدية للأولاد جوه ناس ال FBI مين اسمارت دي ؟و بتبقي ليك شنو ؟ الغريبه ما سألوني انا.
ود النخيل كدي النسالك، ( قبل اسبوع )انا و زوجي اتغالطنا في الفرق بين المرارة و ام فتفت. ما هي المرارة و ما هي ام فتفت. ؟؟؟
الكضب خيبه، انا ح اعترف أني امس ما قدرتا اتريض. تعبناااانه شديد. لكن ح اعوضها اليوم و بكره ان شاء الله.
Post: #1084 Title: Re: Sudaneseonline Biggest Loser Author: مريم بنت الحسين Date: 05-03-2012, 02:34 PM Parent: #1083
Quote: ود النخيل كدي النسالك، ( قبل اسبوع )انا و زوجي اتغالطنا في الفرق بين المرارة و ام فتفت. ما هي المرارة و ما هي ام فتفت. ؟؟؟
غايته لكن انت وبرعي بتبالغوا!! ده حسي موضوع يتغالطوا فيه! وشكله لسه ما انتهى كمان!
Quote: العدد المتوقع للمشاركين فى التصويت ثمانيه اذا تعادلت الاصوات يرشح جانب الرئيس (دكتاتورية عديل بس خلونا نخلص)
أنا عندي حق الفيتو يا النصري بحكم انجازاتي (حد ينكر؟) ومن الاخر كدة انا امتنع عن التصويت في كل البنود اعلاه لسببين .. واحد وجيه و التاني بسيط السبب الوجيه هو اني ما داير انقص تاني , أما السبب البسيط هو اني مفلِّسسسسسسس عشان كدة عندي ليكم اقتراح لبند رابع تصوتوا عليهو البند الرابع هو تلموا القروش و ترسلوها للعبد لله باعتبار اني ابن سبيل و متغرب عن دياري و اهلي طلبا للعلم + المنحة بتاعتي قربت تنتهي + مشرفي حيسافر (المفروض هسي تكونوا دمَّعتوا تضامناً معاي) اذا تعادلت الاصوات حأستخدم حق الفيتو في ترجيح القرار أها أخت ليكم رقم الحساب (للناس الدمَّعوا) اول امبارح كارين قطعتوا معاي عدييييل كدة و ابت توريني اي شمار عن التحدي
ابن النخيل اعمل حسابك من لحم الضان ما تكتر منو , و ركز على التمارين اليومية عشان ما تخلى اثر و ما تشيل هم مع ناس النصري و حلفائه بتاعين التقلية ديل زي ما قلت ليك (الحلفاء) ديل فوتتهم ساااااااهلة و ما دايرة مجهود لكن طالما احنا شعارنا اكسح ... أمسح ... قشو , مطلوب منك تجتهد
Post: #1086 Title: Re: Sudaneseonline Biggest Loser Author: النصرى أمين Date: 05-04-2012, 00:22 AM Parent: #1085
غايتو يا غباشى شكلك كده مشكلتك اتحلت,,, نحن يادوب بدينا وورانا مشوار طويل بتاع 80 رطل دايرين نتخلص منها ..... طيب طالما ما ناوى تنزل وزنك خلال الاسابيع القليلة الجاية معناتها ما محتاج تدفع ...غايتو انا عندى ليك اقتراح ان شاء تقبله بحسن نية .... واصل معانا فى المسابقة الحالية دى ونصيبك مع من المساهمة منى بس على شرط ... ما تتهور و تقوم تتزل اكتر من 10 ارطال ...... اتفقنا حاعتبرك شاركت فى التصويت .... وقرض على كده,,,, ___
اليوم اتريضت لمدة نصف ساعة حرقت فيها 366 لماذا ؟ اليكم التفاصيل المملة
كل يوم بصحى من النوم حوالى الساعة 3:45 صباحا .. باخد حمام سريع بقعد فى الانترنت شوية .. بطبخ لى شوفان OAT فى حلة صغيرة ..بضيف عليه شوية لمن وشوية Sweetner وبشيل تفاحة معاى وبطلع على الشغل بدون ما اكل او اشرب اى حاجة
بسوق البص وبمشى على الداون تاون عندى حوالى 20 دقيقة قبل ان ابدا الشغل ..
بشترى قهوه كبيرة باكل الشوفان وبشرب القهوة حوالى الساعة 5:40 صباحا الساعة 8 باكل التفاحة
برجع البيت الساعة عشرة صباحا وبكون جعان مهوى ...
هنا تجى المشكلة
افطر اول ام اتريض اول ام اخد نومة الضحى ؟ فى التلاته يوم الفاتو بكنت بفطر اول ثم اتريض ثم اخد نومة الضحى اليوم قررت اعمل العكس ,, فطرت فى الاول ثم اخدت نومة الضحى ثم اتريضت .. شعرت بتعب شديد وانا فى طالع فى المكنة اضريت اكتفى با 366 كالوريز
سلام تاني دا تقرير الأيام الفاتت كل تلاتة أيام مع بعض:
الاتنين 16/4 لغاية الأربعاء 18/4 المتوسط لليوم الواحد كالتالي: عدد الكالوريز الاتناولتها 1478 كالوري. رياضة حوالي 55 دقيقة حرقت 750 كالوري. الصافي فقدان 1362 كالوري.
الخميس 19/4 لغاية السبت 21/4 المتوسط لليوم الواحد كالتالي: عدد الكالوريز الاتناولتها 1586 كالوري. رياضة حوالي 37 دقيقة حرقت 486 كالوري (في يوم ما اتريضت فيه). الصافي فقدان 1002 كالوري.
الأحد 22/4 لغاية التلاتا 24/4 المتوسط لليوم الواحد كالتالي: عدد الكالوريز الاتناولتها 1800 كالوري. رياضة حوالي 43 دقيقة حرقت 502 كالوري (في يوم ما اتريضت فيه). الصافي فقدان 888 كالوري.
الأربعاء 25/4 لغاية الجمعة 27/4 المتوسط لليوم الواحد كالتالي: عدد الكالوريز الاتناولتها 1598 كالوري. رياضة حوالي 42 دقيقة حرقت 492 كالوري (في يوم ما اتريضت فيه). الصافي فقدان 1082 كالوري.
السبت 28/4 لغاية الاتنين 30/4 المتوسط لليوم الواحد كالتالي: عدد الكالوريز الاتناولتها 1766 كالوري. رياضة حوالي 17 دقيقة حرقت 253 كالوري (في يومين ما اتريضت فيهم). الصافي فقدان 586 كالوري.
التلاتا 1/5 لغاية الخميس 3/5: عدد الكالوريز الاتناولتها 1688 كالوري. رياضة حوالي 52 دقيقة حرقت 750 كالوري (في يوم ما اتريضت فيه). الصافي فقدان 1110 كالوري.
شعور خفيف بالذنب اكلت صحن صغير جدا (حجم صحن ملاحة الملح والشطة) من ام على... ماقست لكن اكبر شوية من بسبوسة اسمارت البوصة فى بوصة ديك انا طبعا بموت فى ام على دى وبعتبرها اروع انواع التحليات .... سهير اصرت انى اضوقها لانها شايلاها لمناسبة فى الحلة
ايام الجاهلية كنت بقوم بصينية كاملة بحسبان انها وجبة
Post: #1091 Title: Re: Sudaneseonline Biggest Loser Author: مريم بنت الحسين Date: 05-04-2012, 09:41 PM Parent: #1089
علم يا ريس...
غايته في ناس كده معلقين شماعة "الكحتنه" بتاعتهم في المنحة... غايته لينا الله وعيشة السوق، البندفع من دم قلبنا للقراية... غاااااااااااايته... يبعزوقها وبعداك يجو يبكوا... حالة قاسيةّ! فيتو ده حق الناس المريّشين، موش المفلسين.... احضرنا يا امير يا بتاع تفكيك الشركات...
الليلة اخدنا الاولاد يسبحوا... كان يوم لزيز ومتعععععب.... لكن الحمدلله الاولاد اتبسطوا خالص... لكن للاسف جيت سلطة، ما قدرته اعمل رياضة... بكره التعويض باذن الله....
امس في عزومة الباربكيو، والله كنت كويسه جداً... وما جوطته.. كان في حلو انا بحبه.. عشان كده قمته خففته خالص في الاكل نفسه... رغم انه كان في حاجات لزيزه شديد، لكن اتحشيت سلطة... والله السلطة زاتها كانت طاعمه بشكل! كنت معزومة عند ناس د.الطيب يا العوض.... عندهم حديقة لزيزه كده قدام بيتهم، قعدنا فيها وعملنا الباربكيو... حديقتهم دي ما شاء الله زارعين فيها الطماطم والاسود وفي فترة كده كانوا زارعين سماحة عجّور، اكلنا فيهو لما كمل... حركة الزراعة في البيت دي من القضايا العايزه برضه شغل... بالجد السودانيين محتاجين توعيه لاهمية االرجوع للزراعة، على الاقل قدام البيوت... منها يوفروا شوية ومنها يصلّحوا الجو والغبار ده شويه يروق...
Post: #1092 Title: Re: Sudaneseonline Biggest Loser Author: محمد عبد الماجد الصايم Date: 05-05-2012, 11:40 AM Parent: #1091
غايتو قرار دخول البوست دا كان أصعب من قرار العرس! وبعدين النقة الكتيرة دي الواحد يقراها ليكم متين؟
Post: #1093 Title: Re: Sudaneseonline Biggest Loser Author: مريم بنت الحسين Date: 05-05-2012, 12:31 PM Parent: #1092
يا سلااااام، انا جيت اكتب النقّة اليومية لقيت ود الصايم شرّف... يا مرحب يا مرحب، وبركه النقة الهناك جابتك للنقة البي جاي... اصلك ما حتندم... يلا ورينا عملته شنو عشان تبقى Biggest Loser؟... وشنو التغييرات الطرأت على حياتك، والنتائج حتى لو ما رقمية...
الليلة عملته ساعة ... لكن عملتها intense شوية كده... زدت السرعة بتاعت الجري ل8 كم/س.... صحي ريقي نشف وشربته موية البيت كلها، لكن it feels GREAT!....
مرحب ود الصايم .... نورت البوست .... النقة الكتيرة ما تتشتغل بيها دلوقت لانها قد لا تخدمك كثيرا...
كتجربة ,,, اقترح عليك ان تكتب هنا انك مثلا ستفعل كذا وكذا وكذا (بس حاجات تكون منطقية ومعقولة وممكنة) .... اكتبها هنا و اوعدنا انك تلتزم بيها .....
كل يوم تعال ا كتب حققت منها شنو والاخفاق كان وين ..... اعمل الحاجة دى لمدة اسبوع.......
برضو ممكن تكتب عن الحاجات الدخلت معاها فى صراع وصرعتك بالضربة القاضية .. انا مثلا كنت بموت فى الرغيف الابيض (الايطالى) اخيرا وعن طريق الدعم من البوست استطعت ان اوقفه تماما ...كذلك السكر ....قرضته قرض الضان دلوقت لى شهور منه ...
سلام محمد قسم الله ... انا ما عارف الناس دى مفتكرين انهم بخاطبو منو!!! 99.999% من مشاهدينهم سودانيين .. حتى لو قرأو الاخبار باللهجة المحلية ما اظن تفرق كتير,,,,
التحلية لشماهير شعبنا الصابر
------------
كلامك صاح يا مريم المداخلة الفوق دى تخص بوست اخر البورد بطئ جدا بضطر افتح عدة وندوز فى وقت واحد اصلو جنى وجن الانتظار الطويل .....
Post: #1096 Title: Re: Sudaneseonline Biggest Loser Author: مريم بنت الحسين Date: 05-05-2012, 07:16 PM Parent: #1095
اعتقد والله اعلم المداخلة الاخيرة دي يا ريس موجهه لبوست آخر...
يا اخوانا نجاة حصل معاها شنو في الوزن الليلة؟
Post: #1097 Title: Re: Sudaneseonline Biggest Loser Author: حمد فتح الرحمن Date: 05-05-2012, 08:00 PM Parent: #1096
سلام يا شباب مرحب بود الصايم يلا العن شيطانك وابتدي مع الشباب ديل مبروك للنصري العودة القوية وان شاء الله المرة دي تكرب السلك وما تقد تاني متابع البوست دائما لكن قتا ما اكتب الا بعد اوزن ولو لقيت نفسي كسبان ازوغ لكن الحمد لله لقيت نفسي خسران 3.5 كيلو وقمتا رفعت الهدف بتاعي من خسارة 4 كيلو لي 6 وحاحاول الشهر الجاي اخسر 2.5 كيلو عشان اصل لي وزن 82 كيلو لانه رمضان جايي والزيادة حاصلة حاصلة ، بالمناسبة يا العوض استفدتا الفترة الفاتت دي من مداخلاتك كتير ، الله يدك العافية ياخ
مريم ماشاء الله العريس كبر وبقى وجييه ، آيي بالله خليه دايما جادي كدا ولو بدا يجمع قروش المهر من اسه ما بطال
قريبي غباشي ازيك والاحوال قتا لي بقيت قاعد فوق وتتفرج علينا ، رمضان بجي واللواري بتقيف :)
تحياتي للشباب سمارت ونجاه ابن النخيل وبقية اللوزرس
Quote: يا اخوانا نجاة حصل معاها شنو في الوزن الليلة؟
سلام لوزرس........ مرحب بيك يا ود الصايم. مريوم فيك الخير ، غايتو عين واصابتنى وممكن ابن النخيل كتبنى مع فكى كارب .... سافرنا يوم الجمعة لعقد فى ديسي وهاك يا بدفور وخبائز المهم رجعتنا قبل ساعة وأكيد مافى وزن عشان النتيجة ما ح تكون تمام...... من بكرة ح نبدء كل شي ولا نامت أعين الجبنا والله أكبر ولله الحمد .... حرب حرب أكسح ما تخلى وزن زائد......... ابن النخيل دا لابد مالو ؟؟؟؟؟؟؟؟؟؟ بكون طالع فى التردميل من أمبارح غايتو الله يسترنا معاهو وينصرنا على المنافسين البغيبوا وبجيبوا هههه.
Post: #1099 Title: Re: Sudaneseonline Biggest Loser Author: القلب النابض Date: 05-06-2012, 06:08 AM Parent: #1098
لووووول ود الصايم
ادخل بالرجل اليمين للبوست
والله اسمارت شاطرة ....رب رب رب جابتك لا تلوي على شئ ....
احسن بدل تتحاوم بي برة ...
نجاة ليك وحشة .... اقعدي اضربي في الخبايز وتعالي اتجرسي ( لكن بصراحة الاكل مع الجماعة لذيذ ان شاء الله ينفعك ... اجتهدي لدفع الثمن غالياً على التردميل )
ــــــــــــــــــــــــــــــــــــــــــــــــــــــــــــــــ لووول انا غايتو منذ زمن اول يوم امش الجم لاني حسيت اني بقيت كسلانة وبحب النوم شديد .... واقل مجهود اتعب ... المهم عشرين قيقية في الماشين بتاعة المشي وجري حرقت 100 كلوري بس .. عشرة دقايق في مشين تانية للشد ..... اقل من 100 كالوري وواحدة تالتة 5 دقايق بس لعضلات اليدين والصدر .... ( مانويل ما فيها حسابات) ثم ريلاكسيشن حركات لمدة 10 دقايق ... جيت معنوياتي في السما لكن ما قريت استثمرت المعنويات في الطبيخ .. كان معاي اولا اختي واولاد اخوي ....واختي.. سفسفوا زين)
وما قريت حاجة .. لكن صحيت الفجر وقريت حبة الحمد لله .. انا ما بفكر في النقصان انا عايزة اكون هلثي ولما امشي وا جري ما اتعب ... ونفسي يتقطع...
سلام لوزرس انا مع غباشي في اقتراح بن السبيل .... لانو حنني ( وهذه فتوى مني) برافو اسمارت على انجاز دخول ود الصايم للنادي ... النصري امين نحن في فريق التشجييع ... يلا ...هيع ابن النخليل والعوض الطيب ... وكل اللوزرس تحياتي ...
Post: #1100 Title: Re: Sudaneseonline Biggest Loser Author: محمد عبد الماجد الصايم Date: 05-06-2012, 06:39 AM Parent: #1099
حباب اللوزراب
طبعا بداية بتاعت حناكيش ساي .. وبي حاجات قاطعة من راسي! لكن التزمت تماما بحكاية توقيف العربية بعيد يعني زي أربعة خطوات من المكتب
بالجد بقيت بخش الباركن من الباب الخلفي وبوقف في أول موقف الكويس إنو الباركن نفسو فيهو تكييف بس مشكلتو ريحة السجاير ألف
من زمان بحب أشرب المويه على الريق وحاليا بقيت أعصر على نفسي شديد .. يعني مع الريق بضرب لي عبوتين أبو 600 مل (صاح كـدا)؟
فترة الغدا برضو بقيت قبل ما أطلع بشرب أكبر كمية من الموية على حساب الأكل ونفس الحكاية في آخر الدوام يعني قبل العشا
مشكلتي الكبيرة بالجد وحاسي بيها كمية الخبز الأبيض بديت حاليا في الإصرار على تناول (البر) لحدي ما نشوف قصة المقاطعة!! أما السكر فالله الحمد ما عندي بيهو أيّ علاقة .. ما بشرب شاي القهوة بسكر دايت أو بدون في الغالب
التحديات الحالية: * استبدال الخبز الأبيض بالبر. * الوصول للتخلص من الخبز بصورة شبه نهائية!
ودالصايم ...انا اكتر سودانى كنت باكل رغيف ابيض...المكرونة باكلها بالرغيف...اظن السبب الرئيسى وراء المشكلة دى انى بحب الفول جدا و ممكن اكله تلاته وجبات فى اليوم .... لحسن حظى قبل فترة اكتشفت وصفة لعمل الفول مبالغ فيها (عملت بيها بوست) فولى هذا ممكن تاكله باى شئ ..جوز براطيش ممكن تاكله بالفول الرهيب ده .... اها انا قمت استفدت من الميزة ....طالما الفول حلو الحلاوة دى ممكن ابدل الرغيف الابيض بالاحمر او العربى ..... فعلا التجربة نجحت .... بعد ان فكيت الارتباط بين الرغيف والفول المهمة بقت اسهل وشوية شوية تمكنت من التخلص تماما من العيش الابيض..
لو داير وصفة الفول تلقاها فى البوست فى المكتبة (رقم المكتبة 144) لكن اليك الوصفة باختصار:- تخت الفول فى حلة صغيرة او متوسطة فى نار ساخنة جدا جدا ... تخليهو يسخن ويفور لغاية ما يفقد الموية ويصبح لزج مثل العسل تكون مقطع طماطماية كببرة(او اتنين) فى صحن .... تكب الطماطم فى الفول وتبدا تقلبه باستمرار فى نفس درجة الحرارة لمدة دقيقتين تلاته حتى تبدا الطماطم فى الزوبان جزئيا ... تقلل الحرارة تضيف ملح شمار شطة (كتيرة) ونصف ليمونة كبيرة (اهم شئ الليمون من غيره الوصفه حتفشل) تخلط المحتويات ثم تضيف جبنة بيضاء (حوالى رطل) تكب فى الصحن وتضيف زيت زيتون
حاجة مبالغة فعلا وما بتحتاج لرغيف ابيض..لو عندك دلاقين ممكن تاكلها مع الفول ده
مفروض كان أنزل 7 كيلو لحدي يو 19 إبريل .. بعد جهد جهيد ونتيجة لعوامل خارج نطاق السيطرة نقصت لي 2.7 كيلو حالمين كدة!!! بعديها مشيت السودان كنت مطول من الوالدة قعدت معاها 9 أيام والحمد لله الله يخلي حلويات الطيب سيد مكي ساعدتني شديد في إني أرجع الكيلوهات النقصتها في شهر في أسبوع واحد!!!!
مرحب بي ود الصايم (محمد أب كرش) شايفك جاي تتضهب بي جاي .. ود الصايم انت محتاج لي فوانديشن كورس لأنو الحاجة دي ما توبك بعدين انت قبل ما تبدا أي برنامج مفروض ترقد على ضهرك وكرشتك تكون بوضعها الطبيعي وتشوف ليك واحد تديه طوة من الحجم العائلي يقعد يخبت في كرشتك العاملة زي الصاج المقلوب دي ومع كل خبتة تصرخ وتقول أحد ..أحد .. بعد كدة نشوف موضوع إنك تنقص ولا تحرق كالوريز.
غباشي ولا كباشي ده مفروض بعد ده يقطع وشه طالما نقص الكيلوهات العايزة!! لأنو شكله شغلته ينقص كيلوهات بس .. عالم فاضية وكيف ما تفلس وانت قروشك كلها بتصرفها في المنتجات قليلة السعرات الحرارية!! إنشاء الله يا غباشي تعرس ليك واحد طباااااخة تهريك أكل.
مريم أنا عيد ميلادي كان شهر 12 وأعلنت عديل كدة اني منتظر الهدايا ما في زول اشتغل بي ... ما في هدايا ليك !! وبعدين الهداي بتزيد الوزن وانتي ما شاء الله الناس بتنقص وانتي بتزيدي :P.
سمارت شايف الشغلة جابت ليها قمار!!
العوض وبقية العقد الفريد مشتاقين وأرجوكم ثم أرجوكم جيبوا لي ابتهال إنشاء الله تجيبوها مدردقة!
قبل ما أمشي عندي طلب من ود الصايم .. عليك الله أمشي للكاتم اشتري منه مظبي واشتري ليك قارورة كولا الحجم الوسط وجيب كباية كبيرة فيها تلج وأقعد اتغدا بيها وقول الوجبة دي لي أمير .. شفت زي الواحد لمن يهدي ليه عمرة أو حجة لي زول لازم تصفي النية... بعدين في مطعم فتح في 2008 اسمو كبريتو ده يا معلم أنواع الرز بجيبوها ليك في منيو كدة زي أنواع وألوان السيراميك حيعجبك إضافة لي إنو الشواية 8 متر في 12 متر مع عرض مبالغة... خليك من الشغل بتاع الحناكيش ده.
برجع ليكم تاني لمن أبدا!!! الاستقرار مهم عشان تقدر تبرمج نفسك للرياضة وغيرها!
عندي ليكم خبرين ... الاول عندي paper accepted يا سلاااااااااااام خبر جميل في وقت حرج عشان يديني دفعة للمرحلة الجاية و الخبر التاني اني فقدت 2 كيلو في الاسبوعين الفاتو دي , مع اني ما كنت داير انقص تاني , غايتو اللي عايز 2 كيلو help yourself
Quote: غايتو يا غباشى شكلك كده مشكلتك اتحلت,,,
الحد لله .. حققنا أحلامنا
Quote: غايته في ناس كده معلقين شماعة "الكحتنه" بتاعتهم في المنحة...
هاهاهاهاه غايتو كان كحتنة ما عارف , مريم ياخ انا زول قاعد هنا باكل براي و بشرب براي و ساكن براي و بغسل هدومي براي و بنضف اوضتي براي و بقرا براي و لي سنتين ما مشيت السودان عشان التزاكر هنا غالية (دا العذر الاساسي) لكن بيني و بينك دا كان قرار من اخر اجازة مشيتها هناك و بصراحة ما عندي زمن اطوطح فيه من هنا للسودان عشان اقضي اربعة يوم في الطريق و اجي راجع بي jet-lag زي اسبوع حتى استعدل منه .... مالو skype عيبيهو لي ؟ و نحمد الله علي نعمه التي أنعم (القلب النابض مفروض تكون بكت هسي )
Quote: غايته لينا الله وعيشة السوق، البندفع من دم قلبنا للقراية... غاااااااااااايته... يبعزوقها وبعداك يجو يبكوا... حالة قاسيةّ! فيتو ده حق الناس المريّشين، موش المفلسين.... احضرنا يا امير يا بتاع تفكيك الشركات...
اللهي يزيدكم من واسع يا مريم ... و تعيشوا و تدفعوا من دم قلبكم ... هي القروش شن فايدتا عليك الله غير في الزي دا
Quote: غايتو قرار دخول البوست دا كان أصعب من قرار العرس!
منور و الله يا ود الصايم ... أسمع نصيحتي و اختا النصري و امير و مريم
Quote: قريبي غباشي ازيك والاحوال قتا لي بقيت قاعد فوق وتتفرج علينا ، رمضان بجي واللواري بتقيف :)
حمد يا قرابة ... الحمد لله الامور زبطت معاي و بعدين رمضاننا الهنا دا انت قايلوا زي العندكم هناك؟ هنا احنا بنفطر و احنا واقفين على حيلنا في الشغل
Quote: سافرنا يوم الجمعة لعقد فى ديسي وهاك يا بدفور وخبائز المهم رجعتنا قبل ساعة وأكيد مافى وزن عشان النتيجة ما ح تكون تمام......
واصلي في البتيفور يا نجاة ما بعمل حاجة
Quote: سلام لوزرس انا مع غباشي في اقتراح بن السبيل .... لانو حنني ( وهذه فتوى مني)
جزاك الله عنا كل خير يا قلب و الله كلك حنية مش زي ناس
Quote: حاجة مبالغة فعلا وما بتحتاج لرغيف ابيض..لو عندك دلاقين ممكن تاكلها مع الفول ده
و الله دلاقين دي بالغت فيها يا النصري ...
شوف يا ود الصايم ... هلا هلا على الجد و الجد هلا هلا عليهو ... لو بتسمع كلامي ابعد من الفوووووووووول , حسي انا في التلات سنين الفاتت اكون اكلت فولاقل من عشرة وجبات الغرض من البوست ده و الدايت عموماً وهو التخلص من الانظمة الغذائية السيئة و انا بعتبر الفول دا واحد منها و ووصفة النصري دي مدمرة عدييييييييييل كدة .. شوف كمية الملح الفيها , جبنة و بقوليات , و لو موضوع الفول لازم و لا بد منه ما يكون اكتر من من مرتين في الاسبوع و بكمية 100 غرام للوجبة و دي اظنها ما حتقسم معاك عشان كدة انسى الفول و ابدا النضافة الجد المن جوووووووة يا عمك
Quote: بالمناسبة ..انا مانقصت ولا جرام واحد ياكافى البلا
تنقص وين م ع فولك البتاكلو يوماتي على الله دا
Quote: مرحب بي ود الصايم (محمد أب كرش) شايفك جاي تتضهب بي جاي .. ود الصايم انت محتاج لي فوانديشن كورس لأنو الحاجة دي ما توبك بعدين انت قبل ما تبدا أي برنامج مفروض ترقد على ضهرك وكرشتك تكون بوضعها الطبيعي وتشوف ليك واحد تديه طوة من الحجم العائلي يقعد يخبت في كرشتك العاملة زي الصاج المقلوب دي ومع كل خبتة تصرخ وتقول أحد ..أحد .. بعد كدة نشوف موضوع إنك تنقص ولا تحرق كالوريز.
أمير الباطابي ... شكلك جربت القيام دا ... و الله دا توصيف زول عارف و خابر الموضوع
Quote: غباشي ولا كباشي ده مفروض بعد ده يقطع وشه طالما نقص الكيلوهات العايزة!! لأنو شكله شغلته ينقص كيلوهات بس .. عالم فاضية وكيف ما تفلس وانت قروشك كلها بتصرفها في المنتجات قليلة السعرات الحرارية!! إنشاء الله يا غباشي تعرس ليك واحد طباااااخة تهريك أكل.
يا ناس ما تبطلوا حقد ... منو القال ليك دوري انتهى ... انا هنا بس واقف ليكم في حلقكم صدقني انا اذا مشيت انتو حتتبهلوا , هو كدا ما قادرين عليكم لمن نخليها ليكم سايبة ؟ بعدين انا بقى عندي رسالة من واجبي اوصلها على اكمل وجه بعد ان تبنيت ابن النخيل البار لتطبيق مشروعي الحضاري
Quote: مريم أنا عيد ميلادي كان شهر 12 وأعلنت عديل كدة اني منتظر الهدايا ما في زول اشتغل بي ... ما في هدايا ليك !! وبعدين الهداي بتزيد الوزن وانتي ما شاء الله الناس بتنقص وانتي بتزيدي :P.
بالله يا أمير طلعت من مواليد شهر 12 يعني زي العبد لله .... انا يوم 6 انت يوم كم؟ (شفتوا حتي يوم ميلادي متناسق كرقم)
لم اتريض يوم الجمعة بسبب شد عضلى مفاجئ hamstring..انتبهت ليهو مساء الجمعة اثناء الصلاة ..لقيت روحو قاعد زى الكـــلــــــب,,, عملت اجازة يومين من الرياضة ... قبل شوية اتريضت نصف ساعة ..سبحان الله ..لياقة مبالغ فيها حرقت 410 كالوريز بما فيها خمس دقائق احماء,, لاول مرة منذ شهور طويلة جريت 5 دقائق متواصلة بسرعة 6.2 مرتين وجريت 4 دقائق برضو مرتين ..... انتهيت من التريدميل عملت ولاول مرة منذ سنوات تمارين البطن والضهر اسمها تمارين سوبرمان لو بتزكرو الورتنى ليهو تارا مدربة اللياقة فى الشغل
----------- العوض عليك الله خدمة ...شوف لى الفول بتاعى دى سعراته كم. فيهو طماطمتين وليمون وجبنة وزيت زيتون ....لو اكلت ثلاثة مرات فى اليوم ولم اكل اى شئ اخر هل بكون خسران ولا ربحان... كلام غباشى خلى راسى يودى ويجيب
------------------ اسمارت ...امير طلعك قمارتجية.....زمان انا قلت ليكم امير ده عليكم التجاهل التجاهل التجاهل..... حسى تلقى ود الصايم واقف لمبه حمراء من الزعل (بينى و بينكم يستاهل لانه قلبه ميت )
بالمناسبة ياامير ..زمان ونحن شباب كنا دائما بنتغالط احسن باسطة الدانوب ولا الطيب المكى .... انا شخصيا كنت انصار الدانوب ...... طبعا ما بتعرف الدانوب ...لانكم جيتو امدرمان قبل سنين قليلة
سلام يا النصري. دي محاولة سريعة لحساب الكالوريز للفول حأخت الكميات الاستعملتها في الحساب على أساس تقدر تعدل حسب الكمية الإنت بتتناولها بالضبط. طيب إذا فرضنا إنك بتظبط ليك علبة فول كاملة فيها 450 جرام و معاها 100 جرام جبنة فيتا و معاها طماطمتين متوسطات كل واحدة حوالي 125 جرام و ملعقتين كبار بتاعات زيت زيتون الواحدة فيها حوالي 13.5 جرام الحساب حيكون كالتالي: علبة الفول فيها 440 كالوري و الجبنة فيها 260 كالوري و الطماطمتين فيهم 45 كالوري و و ملعقتين الزيت فيهم 240 كالوري. يعني المجموع حوالي 985 كالوري. يعني المحتاجين الواحد يعمل حسابه فيهم جد و ممكن يستهون بيهم هم الجبنة و زيت الزيتون. مع إنه الاتنين صحيات و الجسم بحتاج ليهم لكن لازم كمياتهم تكون معقولة. أتمنى الإجابة دي تكون مفيدة.
Post: #1108 Title: Re: Sudaneseonline Biggest Loser Author: مريم بنت الحسين Date: 05-07-2012, 08:25 PM Parent: #1106
أووووووه، جارنا في الشرقية... حمد ازيك... بالله غتسته فد غتسه... وييييييينك كده يا ابو العروس... العريس ياخ يوم الخميس التخرّج بتاعه ... حيلبس بدله وكرفته وآخر قشرات... يعني ممكن نعقد طوالي... الغريبة الجماعة ما ادوك لقب لما غتسته.. ما اديتهم فرصة فيك.... مبروك الخسارة...
يا نجاة، البتي-فور ينفعك ويرقعك ان شاء الله... يا زوله استمتعي مرّه واحده، مافيها حاجه.. اصلا الخراب بجي من تراكمات كم يوم... يوم واحد ما بضر
يا قلب، والله تمام... بالجد الرياضة حتى لو ما محتاجه تنقصي وزن مهمة جداً، وبترفع المعنويات وبتخلي الزول ينجز أكتر من المعتاد... الله يوفقك ان شاء الله ... احكي لينا عن قرايتك شويه... ورينا بتقري شنو وكده....
والله غايته الحنكشه نهاااائي ما لايقه عليك يا ود الصايم... just kidding ياخ... كويس انك تمشي خطوات صغيرة وبعداك انا متأكده انك حتلقى أثرها... اهم حاجه تستمر ونهائي ما تستسلم... بعد شويه لما تلقى نتائج حتنبسط من نفسك... حاول اوزن نفسك برضه، وورينا ليه عشان لما يحصل تطوّر تشوفه... موضوع شراب المويه على الريق ده اكتر شي نافعني انا.. ما عارفه بي الملي انا بشرب كم، لكن بالضبط قاعده اشرب لي خمسة كبايات على الريق اول ما اصحى، ولا يمكن ألعب فيهم... وهم اكتر شي مساعدني في خسران الوزن... حاول زيد الكميّة.. برضه شراب المويه قبل الاكل بخليك تاكل كمية أقل ... برضه كتّر في السلطة... انا باكل مقابل كل لقمة من الطبق الرئيسي، تلاته لقمات من السلطة.. حتلقى نفسك بتاكل ومستمتع بالاكل العادي من غير تغييرات كبيرة، بس حتقلل الكمية... حتى الخبز حتحس انه اقل.. حاول برضه شيل ليك كمية من الخبز كده بالجنبه واجبر نفسك ما تاكل اكتر منها... شويه شويه قلل الكمية... بالمناسبة، الخبز الاسمر ده اطعم من الخبز الابيض، حاول عوّد روحك عليه... من الحاجات اللزيزه الاتعلمناها انا ونادر، الشاي الاخضر بعد الاكل مباشرة... المويه البارده كعبه بعد الاكل، لو شربته حاجه دافية أحسن... االشاي الاخضر من غير سكّر بعد الاكل طوالي بهضم ليك..ده غير فوايده الكتيره...
أوووووووه، امير جا ومشى السودان وزاد طول لسانه وجا...
Quote: مريم أنا عيد ميلادي كان شهر 12 وأعلنت عديل كدة اني منتظر الهدايا ما في زول اشتغل بي ... ما في هدايا ليك !! وبعدين الهداي بتزيد الوزن وانتي ما شاء الله الناس بتنقص وانتي بتزيدي :P.
said the guy who bounced back to his original weight TWICE!
كنت مشغوله اليومين الفاتو، رياضة نهي خااااااااالص... لكن الليلة عملته صيغة كده، ان شاء الله اقدر بكره اتريض... الفصل الدراسي عندها في اخر تلاته اسابيع، وعندي مواد محتاجه اخلّصها .. عشان كده ما لاقيه وقت خالص... بكره ان شاء الله ناوية على ساعة ونص تعويضاً عن اليومين الفاتو ديل... عشان كده حأمشي حسي احضّر عشان بكره يكون عندي وقت للرياضة....
سلام يا جماعة و أول حاجة نرحب بالأخ ود الصايم و نقول ليه ما تشوف الحاجات العملتها دي بسيطة و تستهونها. الدخول للبوست دا عبارة عن حاجز و اتكسر حكاية توقف العربية أبعد شوية دي بداية لمشوار حتقدر تمشيه بإذن الله. بالنسبة للرغيف ممكن تتدرج... طبعا ما محتاج توقفه نهائي لأنه جسمك برضه بحتاج للنشويات لكن أول خطوة تعملها إنك تتحكم في الكمية... ما ضروري تنقصها شديد من البداية لكن حدد كمية حتى لو كتيرة و التزم بيها و اعتبر دي نقطة إنطلاق و أبدا نقص. من الحاجات المفيدة جدا عشان ما تشعر بالجوع موضوع التصبيرات... بين كل وجبتين أعمل ليك تصبيرة لكن خلي التصبيرة دي بحاجة صحية فاكهة ولا خضار. تاني في حاجة مهمة جدا كانت نصحت بيها مريم و أنا استفدت منها... أعمل ليك صحن براك للأكل. إن شاء الله في البداية تملاه ما مشكلة لكن حتبدا تعرف كمية الأكل الأكلتها و أبدا برضه بالتدريج في تنقيص الكمية و التحكم فيها. اتفق مع زوجتك إنها تكتر من السلطات و الخضارات و تحاولوا تعملوهم بطريقة مشهية. عارف لو أكلت 200 جرام سلطة فيهم عشر السعرات الحرارية في 120 جرام بتاعة رغيف بيتا. عشان كدا أول حاجة تعملها تاكل ليك كمية من السلطة أو الخضار بعدا داك أبدا الأكل و إن شاء الله حتشوف الفرق في مدة بسيطة. برضه نرحب بعودة المنافس القوي (بلسانه) أمير... والله يا أمير ضحكتني ضحك... الظاهر عليك من الناس البياكلوا الناس حنك ساي بس. و برضه الترحيب بالأخ حمد فتح الرحمن و شكرا ياخي على كلامك اللطيف و سعيد جدا إنه مداخلاتي كان فيها بعض الفايدة. ابن النخيل دا شغال بنظرية استعينوا على قضاء حوائجكم بالكتمان. متأكد حيلبد كدا يومين تلاتة و يجي يقول ليكم أنا نقصت لي عشرة كيلو. بالنسبة للمسابقة أنا طبعا آخر مرة وزنت يوم 21/4. عشان الحكاية تكون فير حأشارك بواحد و تلاتين يوم لكن تنتهي يوم 22/5. ناوي إن شاء الله أوزن يوم 11/5 و حأجي أوريكم النتيجة و أوزن يوم 23/5 و ما حأوريكم النتيجة إلا بعد نهاية المسابقة زي جماعة غباشي. طبعا أنا تخطيطي الأول كان لغاية نهاية شهر أربعة تاني مديت لغاية يوم حداشر و هسع حأتم معاكم المسابقة و أتم لغاية نهاية الشهر إن شاء الله و بعدها حأعمل تعديلات بحيث يكون الهدف هو المحافظة على الوزن الجديد بعدم الزيادة و المحافظة على نمط حياة صحي تكون الرياضة جزء أساسي فيه. حأحاول إني أتريض على الأقل نص ساعة و آكل حوالي ألفين كالوري في اليوم إن شاء الله. أتمنى إنه وزني يصل لأقل من 175 رطل لغاية نهاية الشهر إن شاء الله يعني أكون نزلت لي خمسة و أربعين رطل أو عشرين كيلو.
اهلا اهلا وسهلا بود الصايم..... منور البوست يا اخى.....
يا زول بداياتك دى تماما التمام. و عشان المنظراتيه ناس النصري و امير ديل ما يجنونك عليك الله امشى اقرا الصفحة الاول بس و شوف النصري اللى هسى بيجرى 3 ميل متواصلات زمان كان لما يتم ميل واااحد مشى بيجى يزغرد هنا...ياااااه..ايام و الله. ما عاوزه اقول ليك اقرا البوست كله لكن مر عليه سريع كده...فيه كلام مفيد شديد. و كمان بتلاحظ تقدم الناس كان كيف. العيش ممكن تبدا المقاطعة حته حته. ابدا اكل نص الكمية اللى انت بتاكلها الان. و شوف بيحصل شنو. اكل وجباتك التلاته ..ما تفط وجبة. و اكل ذى ما قال العوض تصبيرات...بس تكون فواكه و خضار. لما تجيك جوعة كده فجاءة ( و ده ح يحصل كتير اول ايام) قبل ما تمشى على التلاجه....اقعد فى كرسي و فكر فى جوعتك دى. هل انت فعلا جعان ام تعاب ام عطشان. تصدق او لا تصدق ان الجسم مرات بيلخبط بين الجوع و العطش. لو فى النهاية قررت انه ده فعلا جوع..فكر براحة انك تاكل حاجه صحية. تفاحة ...برتقالة ....جزر. حاجه ذى دى. السهر برضو ماكويس. حاول نوم 7 ساعات فى اليوم. الجنك فود ما تجيبه اصلا فى البيت. احنا مثلا ما عندنا صودا او جبس او بسكويات فى البيت نهائي. حاول تضيف موضوع المشى لمدة ربع ساعة لجدولك.....
حمد فتح الرحمن عاش من سمع منك...وينك؟؟
باقى اللوزرس..بجيكم..هسى الدنيا مقلوبة فى راسي.
Post: #1111 Title: Re: Sudaneseonline Biggest Loser Author: Nagat Sid Ahmed Elshiekh Date: 05-08-2012, 00:04 AM Parent: #1109
Quote: نجاة ليك وحشة .... اقعدي اضربي في الخبايز وتعالي اتجرسي ( لكن بصراحة الاكل مع الجماعة لذيذ ان شاء الله ينفعك
اوووو ياقلب غيب وتعال... كيف القراية ام دق ؟؟ انتى عارفة أنا ما بزعل من روحى لما اخرمج عشان عندى تجربة مع الرجيم القاسى وحاتك تخسرى بسرعة وترجعى الارطال بسرعة وبينى وبينك البتى فور كان رهيب ولى منو مزمن غايتو نطمن نفسى الدناوة حاصلة.... تسلمى.
Quote: واصلي في البتيفور يا نجاة ما بعمل حاجة ....
غايتو جنس حسادة عليك ..... يعنى عشان متبنى ابن النخيل لازم تعمل كدا مع اكتر منافسين ممكن يشكلوا خطورة لابن نخيلك دا .....
Quote: يا نجاة، البتي-فور ينفعك ويرقعك ان شاء الله... يا زوله استمتعي مرّه واحده، مافيها حاجه.. اصلا الخراب بجي من تراكمات كم يوم... يوم واحد ما بضر.
أنتى يايمة تتعلى ما تدلى ... ينفعنى ويرقعنى وحاتك استمتعتة وماندمانة خالص ... أنا إعترفتة من اول يوم وقلتة انا ضعييييييييفة امام الحاجات الحلوة لكن عاملة حسابى شديييييييد بس ضواقة .... تسلمى.
Post: #1112 Title: Re: Sudaneseonline Biggest Loser Author: النصرى أمين Date: 05-08-2012, 02:27 AM Parent: #1111
والله يا العوض عملت لى نفسيات.. معقول فولى ده يصل ل 900 كالوريز وبدون الرغيف العربى الاحمر.... لمن جيت راجع من الشغل حوالى الساعة خمسة ..وقفت فى بلازا صغيرة فى محل بتاع نضارات داير اصلح نضارة القراية.... المحل المجاور اسمه Extreme Pita وهو بتاع سندوتشات غير محمرة بالزيت.. دخلت المحل ..البنت الشغالة فلبينية سلمت عليها بلغتها كوموستاغا معناه كيف الحال ,,,, سالت عندكم قائمة بالمحتويات الغذائية للسندوتشات اشارت على الحيطة ...لوحة ضخمة جدا فيها كل السندوتشات وكمية الدهون والسعرات وكل شئ .... قلت ليها اقل سندوتش فيهو سعرات شنو قالت لى دجاج بالفرن فيهو 366 فقط... طلبت واحد عليه كل الحضارات الموجودة ... جيت البيت وضربته بمزاج ....366 كالوريز فقط..... لا فول ولا يحزنون ..
----------
غباشى خلى الحركات .....كلما تزهج او تزنق فى القراية تعال بجاى اتونس وغير جو ...القراية الكتيرة بتعمل نفسيات,,,,, كل يومين تلاته تعال بجاى ادينا فى راسنا واتخارج
سلام يا النصري أوع تقول لي قاعد تاكل العلبة في وجبة واحدة! عارف أنا جربت أعمل الفول مطبوخ (شبه شوربة). كتر الطماطم و البصل و الموية و ظبطه كويس العلبة ممكن تأكل خمسة ستة ناس بالراحة تعمله فتة بعيش بسيط و تضرب الشوربة و تحمد ربك.
Post: #1114 Title: Re: Sudaneseonline Biggest Loser Author: النصرى أمين Date: 05-08-2012, 02:48 AM Parent: #1112
حصلت حاجة غريبة الاحد (ما ليها علاقة بموضوع البوست)
منتصف النهار ..جرس البيت ضرب ..فتحت الباب لقيتو رجل ابيض فى الاربعينيات من عمره..قال لى انه رحل فى المنزل فى مواجهة منزلنا اضاف انه عاطل عن العمل وانه يمر بظروف صعبة ....عرض على ان يقطع لى النجيلة مقابل عشرين دورلار .... فى اللحظة العاوز ارفض العرض ظهرو طفلين اتضح انهما اطفاله ..غيرت راى ,,,قلت له يمكنك ان تقطع النجيلة لكن عليك ان تنتظر يومين لان النجيلة يادوب بدت تطول.... (قبل كده ناس البلدية ادونى انذار بقطع النجيلة فى خلال 24 ساعة لانها اطول من بوصة) ....
المهم ...اتعرفت على الرجل و اخدت تلفونه ووعدته بالاتصال ... الموضوع انتهى هنا ....
بعد ساعتين كنت واقف فى الشارع ظهرت عربية السائق يبدو وكانه رايح.. بدا الحديث معى قال لى انه يبحث عن رجل كان يدق الابواب بحثا عن مساعدة.. قلت له نعم اعرفه ..اسمه فلان ويسكن فى ذلك المنزل ولدى رقم تلفونه ما الخطب؟ قال لقد اشتريت له بعض الحاجيات من البقالة واريد ان اسلمها له.. اضاف انه يسكن فى المنزل المجاور وعرفنى باسمه .. مازحته نحن نسكن فى نفس الشارع ولا نعرف بعض ... اتصلت بالرجل المحتاج واخبرته ان فاعل خير اشترى له بعض الاشياء وتركها اما م الباب
هذه الحادثه جعلتنى افكر طوال اليوم
Post: #1115 Title: Re: Sudaneseonline Biggest Loser Author: مريم بنت الحسين Date: 05-08-2012, 12:29 PM Parent: #1114
العوض ياخ الفول ده الحاجه الوحيده المابتقبل الخرمجه، يا يتأكل مظبط يا مافي داعي ليه... انا بفضل آكل لي اربعة ملاعق فول محترمات على آكل ليك طشت بتاع شوربة فول فيه أثر جبنه ونقطه زيت...
يا اخوانا انا محتاجه لثورة ده اليوم التالت ما اتريض، وبعد ده مافي طريقة لاني طالعة الجامعة خلال ثواني! وبعدها بجي الواطه بتكون اتأخرت، ده غير اني امس ما نايمه لحدي 3 صباحاً وصحيت الساعة 8! اها اعمل شنو في الحالة دي!؟؟ اتريض واساهر الليلة برضه ولا اعمل طناش وانوم بدري... رغم اني عااااااااارفه روحي ما بنوم بدري، كان الساعه 11 ما جات ما بمشي انوم!
سلام يا مريم كلامك صاح في الظروف العادية... لكن أيام البداية ديك لمن تكون ماسكة الزول الجوعة المزمنة أكل الملاعق دا ما بجيب نتيجة لا بد من توفير بدائل. بالمناسبة الفول المطبوخ دا ممكن يتظبط برضه و يكون معقول شديد. بالنسبة للرياضة ما تخليها تدبرس بيك و حاولي برمجي لبكرة إنك تدخليها بأي طريقة و ما ضروري تقرري إنك تعوضي الفاتك لأنه مرات دي بتكسل الزول أكتر.
Post: #1117 Title: Re: Sudaneseonline Biggest Loser Author: مريم بنت الحسين Date: 05-08-2012, 05:07 PM Parent: #1116
Quote: بالنسبة للرياضة ما تخليها تدبرس بيك و حاولي برمجي لبكرة إنك تدخليها بأي طريقة و ما ضروري تقرري إنك تعوضي الفاتك لأنه مرات دي بتكسل الزول أكتر.
ده هو زااااااتو المكسّلني، لاني كل يوم بضيف قيمة اليوم القبله... حسي وصلته لساعتين ... وكل يوم بشاكل ليك روحي، وانه عقاباً لي بكره حأعملهم كلهم...
خلاص، كان كده سماح على الايام الفاتت، وبكره حأعمل نص ساعة...
جيت قبل ساعة من الدوام الاول ...لاحظت انو الحلة كلها نتيجلتها مقطوعة الا انا .....ايييييييوه تلك (كسر التاء واللام) عشان كده جارى المفلس قصدنى دون خلق الله وعرض على يقطع النجيلة ... معناتها انا فى وش المدفع لغرامة تصل ل ١٥٠ دولار مخالفة لطول النجيلة.... طوالى جبت الممكنة البتحش النجيلة .... ساعة كاملة شغال فيها .....شغل عضلى شاق ,,,,, اعتبرت دى رياضة اليوم وقرضت على كده
كدا أحسن يا مريم. زي ما النصري قال قبل كدا أحسن حاجة في الموضوع دا كله إنه مهما الواحد جاط ممكن يبدا من الأول. طبعا أخوك بطمن في نفسه لي كم يوم رياضتي يوم بعد يوم. النصري قطع النجيلة لمدة ساعة و بافتراض وزنك 240 رطل حتكون حرقت 520 كالوري. تهانينا. لكن قصيت النجيلة براك؟ طيب صاحبك القافل على العشرين دولار؟ عارف أنا لي فترة بفكر في إنه نمط الحياة في الغرب دا فيه إسراف ما طبيعي. بدل ما الواحد يحرق الكالوريز دي جري في مكنات و زمن إلى حد ما ممكن تعتبره ضايع الكالوريز دي لو اتوجهت لعمل منتج شوف كان يكون شكل العالم دا كيف. دا طبعا إذا تجاوزنا عن الجريمة الأساسية و هي إننا نتناول أكتر من حاجة أجسامنا دي.
والله شغال اجرجر فى المكنة وبتلفت زى الحرامى ,,,خايف الزول يشوفنى.... بصراحة النجيلة حالتها متاخرة جدا بتستحمل لغاية ما القى الزول ده تانى....
كنت داير اصورها ليكم لكن لقيت بطارية الكاميرا نازلة
لكن ناوى ابره فى واحدة من الاشغال فى الفترة الجاية ولو لقيتو صحراوى حاديهو شغل زيادة
Post: #1121 Title: Re: Sudaneseonline Biggest Loser Author: مريم بنت الحسين Date: 05-09-2012, 08:38 AM Parent: #1120
فتّحته عيني من النوم لقيت ليكم سمارت خانوم عامله ليها 83 دقيقة... يا سمارت ياخ يا تتميها 90 دقيقة يا تقيفي في 80.... (قولي لي، دي هي مشكلتك يعني!)...
عليه، حأعيد ليك قولة Bugs Bunny الشهيرة....
الليلة صحينا الساعة خمسة صباحاً، محمود عنده لوز وحمّى... طبعا بقى مافي مدرسة، لكن المشكلة انه بكره حفلة التخرّج بتاعته ولازم يمشي، ما ممكن اخليه يفوّتها... غايته الليلة خليته يرتاح وان شاء الله بكره يصحى كويس... عندي كمية من الحاجات العايزه أعملها الليلة منها اني اقشر في ذات نفسي... لكن الاهم من كده انه البدلة بتاعتنا محتاجه تقصير، فحأشيلها للخيّاط... ولازم نوديها تتغسّل dry cleaning... حتقولوا لي وين كنتوا زمان، حأقول انه ناس المدرسة شالوها من تاني يوم مما اشتريناها، والليلة يادوب حيرجعوها لينا... حيرسلوها بي بص المدرسة.... انا العصر بشيلها وجنبنا خيّاط بخليه يقصّر لي البنطلون... طبعا حأمشي براي .. الشعب الطيب حيقعد براه في البيت ... محمود ما بستحمل مشية زي دي، ولولو خانوم مواعيد نومتها الساعة 3:30، اي اخلال بالمواعيد دي حتطيّن عيشتي لباقي اليوم... لكن لو ما اتريضيت ما حأعمل ولا واحده من الحاجات دي... الكويس انه الغدا 3/4 جاهز... عامله محشي اسود.... عندي الاسود مقوّر في الفريزر بس حأعمل الحشوه ويدخل النار... وعندي ملاح بطاطس جاهز... تفضل بي اني اقطّع السلطة...
النصري... والله اتعاطفته مع صاحبك ده بالجد، الله يعينه... لكن في نفس الوقت، شوف الناس ديل بفتشوا يحلوا مشاكلهم كيف... الله يعينه والله... اما الزول الداير يديه الاكل ده "فاعل خير"... غايته الله يطرح بركتها فيه وفي عياله... الناس دي مجبولة على محبة فعل الخير بدون ما ينتظروا مقابل... فعلا العمل العام وفايدته بقت غايبه في مجتمعنا... موش لأننا كُحت، لكن لانه ما بقى عندنا زاتو النديه....
لا فض فوك يا العوض ...والله أنا ود الغسالة الطفس القدامك ده هسع في المكتب جابو ليهم دومينوز بيتزا أكلت لي منها زي 50 قطعة كدة!!! هسع حاسي بي نفسي فيل ودمي تقيل! مع إنو كان ممكن عادي أخد لي قطعة وأطلع أمشي لكن جايبين زي 10 لارج بيتزا مختلفة تشيل من دي ده يقول ليك ده لذيذة ودي كرنشي وأنا أشيل وألهط .. تعرف لمن انتهيت حلفت يمين على الأقل أسبوعين تاني ما أخت لي حتة رغيفة ولا زيت ولا سكر في بطني .... وحأبدا أهيء نفسي للدخول في برنامج الغنماية من يوم السبت ... طفس يا أمير طفس!
أحلى حاجة قلت للمدام أنا اتغديت خلاص في المكتب قالت لي والله دقست أنا عاملة ليك سمك فيليه في الغدا ... شفت أنا فارة كيف!
أنا إنشاء الله راجع من الليلة تمارين خفيفة تمهيدا لبدء برنامج منتظم ابتداء من يوم السبت... وبحاول بقدر الإمكان أكون متوازن في التمارين في الأكل والهدف إنو أحاول أنقص 10 كيلو في 45 يوم .. دعواتكم!
وين ود الصايم يا جماعة قولوا ليه أنا بهزر والله خلاس ما في طوة ..شلاليت بس.
مبروك تخريج محمود يا مريوم وربنا يجعلهم كلهم من المتفوقين.
نلاقيكم قريب إنشاء الله
أمير
Post: #1123 Title: Re: Sudaneseonline Biggest Loser Author: مريم بنت الحسين Date: 05-09-2012, 01:32 PM Parent: #1122
امير ... عاد لكن بتباااااااااااااالغ! بعدين انت ما ضاريك غير (ابدا يوم السبت) و (برنامج الغنماية) و (انقص خورمتومية كيلو في عشرة يوم).... كدي راجع الاستراتيجية دي ... وخلي الاهدافك معقولة وممكن عشان ما تكسل منها (ده الدرس الاتعلمته انا في موضوع الرياضة من العوض)... حاول قسم اهدافك في الوزن لاهداف صغيرة... كل هدف مثلا خمسة كيلو(ولا حولها بالرطل لو ما بتفهم بالكيلو، عاملين جوازاتكم السمحه دي!)...كده كل ما تصل لهدف تحدد البعده... بالمناسبة انا فاضل لي كيلو ونص واصل لهدفي التالت... يعني لما اصله حأكون نقصته ما مجموعه 15 كيلو... الله اكبر!
Quote: وين ود الصايم يا جماعة قولوا ليه أنا بهزر والله خلاس ما في طوة ..شلاليت بس.
تعرف، ود الصايم ده لو حرد وزعل وتاني ما رجع، حتكون انت السبب، لا أنا بريّحك لا سمارت دي بتخليك... واخير ليك نقّتني انا من نقة سمارت... الايام دي سمّها فاير قايمه في الناس يمين شمال (نادر قال ليك قوود وورك، اند هي از ا بيق فان اوف يور ورك، تفاصيل اوفي بي iMessage)...
عملته نص ساعة ... يتيمه 630 دقيقة - 30 دقيقة = 600 دقيقة...
لكن بعد شويه طالعه ماشه الخياط وماشه السوبرماركت (بعيد ما قريب والله)، ولدي ما اكل شي من الصباح، حلقه مقفول رسمي... ماشه اجيب ليه مشروم، بحب الشوربه بتاعت المشروم... عشان اجي اعملها ليه....
حأحسب الكالوريز واشوف الوضع بمشي كيف.... عندي app بحسب الخطوات... لكارهي التكنولوجيا، موتو!
لبعدين
Post: #1124 Title: Re: Sudaneseonline Biggest Loser Author: مريم بنت الحسين Date: 05-09-2012, 03:11 PM Parent: #1123
ملحق.... مشيت لمدة 50 دقيقة... الله اكبر... ثورة ... شدّوا الجرذان...
600 دقيقة - 50 دقيقة = 550 دقيقة...
غايته والله اعلم، كأأأأأأأأأأأأأنه جاياني نزلة... بعيد الشر غايته، نهااااااااااااائي ما وقتها...
و الله يا لوزرس بقيتوا صعبين. زمان مجاملات و ظرافه ساي. هسي بقيتوا قاااااااسين.
امير،،، انت جيت يا ابو صيام؟؟؟؟ ما لسه بدري؟؟؟؟عليك الله الذكرك لينا شنو؟؟أكيد العشرة بنطلونات اللي ح تمشي قعر الدولاب لانها بقت ما مقاسك. ود الصائم ده احنا لسه بنتاتي معاه. لسه من المؤلفة قلوبهم. براحه عليه. ^_^ انت اللي محتاج ليك طوة مقاس عائلي يخبتوك بيها في راسك ده. ^_^. قاعد في المكتب و تضرب في البيتزا
غباشي، قربتا ابكي من وداعك ده. تقول ماشي الحرب. ولدنا، بطل جرسة ( بعد تبطل فلهمة) و خلص شغلك براحة.
مريم، كر علي مالو حمودي؟ بعدين لوز شنو؟ أنتو مش شلتو اللوز مع اللحمية؟؟؟ و هي الحرب يا مريم. ما تتخيلي بضحك كيف علي الفيديو. لقيته كيف ده؟؟ قولي لي نادر اسمارت قالت ليك: ^_^I am here to please, anytime.
النجيلة. جاركم الجاب الحجات ظريف شديد. قلت لي ما نقصت و لا فتفوته. كويس، ما براي
العوض، انت اللي فينا و الله. ما شاء الله علي الإنجاز. انا بغرانه عديل كده :( و بغرانه برضو من انك شغال في الحكومة. انا ناوية أبدا افتش شغل في الحكومة. ناس الشركات الكبيرة ديل بياكلونا لحم و يرمونا عضم. نجاة، اها خلاص موضوع البتفور انتهي و رجعتوا لقواعدكم سالمين. الحاصل؟ ابتهال دي لو لاقيتيها في الساحل الشرقي قولي ليها عوك. ^_^
ود الصائم، مفروض بعد كده تعمل ليك هدف جديد. اها ح تعمل شنو؟؟؟ أحسن ما نجي نقول ليك سيب الشيشه. اختار براك.
القلب النابض، اللياقة مهمة جداً. نقصان الوزن واحد من فوائد الرياضة. قبل الأولاد وكده كنت بتريض عشان المعنويات. الرياضة ممتازة للاسترس. هسي بقينا في loosing the baby weight. دنيا:(
العوض ..انا خليت فول العلب لى زمن طويل ...الحاجة دى كانت جزء من اعادة صياغة الانسان السودانى... حاجات كتيرة غلط كنت بسويها متعمدا فى السابق ... على كل الكمية الباكلها فى الوجبة الواحدة اقل من علبة ..بس لاحظ انى باكل الفول مع كمية محدودة جدا من الرغيف الاحمر ...... وعشان اشبع لازم اكل فول كتير..... على كل الفول وقفناه مؤقتا حتى تسترد الغنماية بعض من صلاحيات....
----------
والله يا اسمارت شغل الحكومة زيو مافى ....اى نعم الزول ما حيغنى لكن راحة بال مبالغ فيها .....
------------------
مريم ..سلامته ولدك من التهاب اللوز.... انا اول مرة فى حياتى يجينى التهاب حلق كان فى نيويورك فى التسعينيات ,,, لمنن عاينت لروحى فى المراية لقيت ليك اللغالايق منتفخة زى كرة الباسكيت بول ,,,وانا خفت خوف ...جريت على الصيدلية ولدهشتى الصيدلى اتعامل مع الموضوع ببرود غياظ جدا ..ادانى حبوب بخمسين قرش قال لى مصهم والموضوع حينتهى ,,,,,, طلعت من الصيدلية متحير جدا فى الصيدلى الجاهل ده الما ناقش فداحة المرض الذى اعانى منه
السلام عليكم يا جماعة أولا كفارة لمحمود يا مريم و ربنا إن شاء الله يعجل بالشفا و يحضر تخريجه من غير أي معاناة. لو اللوز بتجيه كتير لا قدر الله ما بتتتوصي طبعا لازم دكتور يكون متابعه و في حقن بدوها للوقاية من بعض المضاعفات. ما متذكر التفاصيل لكن بتذكر أخوي لمن كان صغير كان عنده مشكلة مع اللوز و الوالد ربنا يرحمه كان بديه حقن كدا بقول مهمة جدا. كويس سمارت ما شاء شكلها مشجعاك و مخلياك في الصورة. مبروك مواصلة الرياضة و ما شاء الله ماشة تمام أهم حاجة الواحد على المدى البعيد يكون ماشي حسب خطته و الخمستاشر كيلو دي ما حاجة ساهلة... دي مية و خمستاشر ألف كالوري. عارف يا أمير مرات حاجات المكتب دي هي البتخرب الحكاية... بتذكرني حلقة بتاعة ساينفيلد كان بتحضرها... فيها ناس المكتب بتاع إيلين كان زول قح في المكتب ساي يجيبوا كيكة. أمبارح عندنا واحد حيتقاعد و في نفس الوقت عيد ميلاده الصباح جابوا كيك أكلت و قررت إني ما آكل الغدا بتاعي أها الضهر كانوا عاملين ليه وداع جايبين كيك و حاجات تانية غايته قويت قلبي و ما شلت كيك لكن ضربت في الفواكه تمام بس خربتها بالجبنة... لكن برضه أخف من الكيك. في انتظارك تبشرنا بالبرنامج بتاعك ماشي كيف. آي بالله يا النصري ياخي ما تنسى جارك دا. بعجبني الزول البحاول يحل مشاكله من غير ما يلجأ للحلول الساهلة. الفول الفلت أكيد لو اتلقى أحسن من فول العلب... أنا متأكد إنه في الوجبة ما ممكن تاكل حتى نص علبة. الفول ذاته الكالوريز بتاعته معقولة المشكلة في الإضافات. والله يا سمارت أشكرك على التشجيع لكن بصراحة الأداء في الشهر دا تعبان. محافظ في الأكل بطريقة معقولة ما ممتاز يعني لكن ممكن أقول جيد. الرياضة شوية فيها تقصير. حأجيب تقاريري بعد شوية إن شاء الله. بالنسبة لشغل الحكومة فعلا ما في زيه... زي ما قال النصري قروشه نسبيا تعبانة لكن مافي ضغط نهائي. ياخي مرات يكون عندي شغل أخلصه سريع يقولوا لي مافي استعجال. و طالما الواحد يعمل مهام وظيفته أصلا مافي مشكلة و أنا ربنا أنعم علي بمدير ممتاز بصورة ما عادية و الحمد لله مبسوط من أدائي. قسمنا بالذات الشغل فيه هادي جدا... هسع الأيام دي فتحت وظائف بتاعت مهندسين مشروعات و غالبا حأقدم ليها و غالبا يختاروني في واحدة منها بحكم إني من داخل الوزارة مع توفر المؤهلات المطلوبة بحمد الله. الحاجة الوحيدة المخلياني أتردد إنه ضغط الوظيفة أكبر كتير و هي نفس درجتي الهسع يعني مافي زيادة قروش. الحسنة الوحيدة إنه فيها آفاق معرفة و تطور أكتر كتير و فيها تحدي. غايته دعواتكم ربنا يسهل علي أتخذ قرار موفق. لكن أنصحك جدا بالاتجاه للعمل الحكومي... عارف شغل القطاع الخاص في البلاد دي. طبعا إنتوا معذورين بحكاية البيبي ويت دي لكن أنا و أخواني ناس النصري و أمير ديل عذرنا شنو؟ اتذكرت دكتور باكستاني ظريف كدا هو بتاع أطفال حديثي الولادة لمن يجي ماري بجماعة كدا عندهم كروش واقفين يتونسوا في المسجد يشاغلهم يقول ليهم ما شاء الله ما شاء الله أها مواعيدكم متين؟ It is good for my business to have too many babies on their way :) متأكد كلامه دا حيكون عقد كتيرين و قرروا ينقصوا وزنهم.
يا ياسر طالما الوظيفة الجديدة دى مافيها قروش كتيرة مالك ومال العذاب ... انا لو داير كنت بقيت Supervisor منذ زمن طويل ..مالى ومال الدوشة ووجع الراس .... دلوقت كل يوم ارجع البيت انسى موضوع الشغل لغاية اليوم التانى .... اذا مافى serious money انسى ... راحة البال زيها مافى ....
يا اخوانا عندى عذر بتاع عدم رياضة يخجل ... نزلت basement القبو (زى ما بقول اخونا دكتور عبدالمنعمم) عشان اتريض لقيت جزمــة الرياضة الفردة اليمين ما فيشا ... نصف ساعة بفتش عليها وما لقيتها.. امبارح كان فى Spring clean up فى القبو استعدادا لمشوار لل landfill
احتمال تكون تكون اتزلحقت تحت حاجة
حاخر الرياضة للمساء
Post: #1130 Title: Re: Sudaneseonline Biggest Loser Author: ابن النخيل Date: 05-10-2012, 00:29 AM Parent: #1129
سلامات لوزرس..... وذلك ان ما نلقاه لا نيغيه ومانبغيه لا نلقاه...او كما قال صلاح ومازال النضال مستمر..من اجل الرشاقة وانقاص الوزن... نحن هنا لا نمجد الوزن الزايد ولا نمجد ما لا يمجد...ولا نقبل السمنة او نرفضها بلا صوت....فان لم تكن تملك الارادة فانك لاتملك القرار...
وخرجنا من معركة الخروف بخسائر ملحوظة فى الارواح والاوزان ولكننا كما قال النصرى .. هنالك دوما يوم جديد...
كوتشى العزيز غباشى...التهنئة الحارة بى الببلكيشن...لانو البي اتش دى بدونهن تفقد بعض معناها...ويمكنك الان ان تكتب السيسس بتاعتك ان بيبرس بيسد فورمات اى ان تكتب الانترودكشن وهى اللترشر رفيو وبعداك البيبرس وا فاينلى الاوفر اوول دسكشن...بالتوفيق....
مازال برنامح الغنماية مستمر مع بعض التعديلات اخذا فى الاعتبار وصاياكم وبالاخص العوض واسمارت ومريم..والرياضة مستمرة...وعلى كدة يا اختنا نجاة الموية تكضب الغصاس....
يا اختنا اسمارت فيما يختص بالمرارة اقول كملو غلاطكم ساكت دا شهرا ما عندكم فيهو نفقة....
اخونا النصرى,,,,جارك دا ياخى كان تديهو ان انشاءالله من قروش المايقوما...هسى فرقو منهم شنو؟؟؟
يااختنا مريم سلامة ابننا العزيز محمود وانشاالله شايل اسمو ... ومبروك الجزمة كل المعدات اكتملت بس تانى الارادة....
اهلن اهلن ود الصايم وامير شدو الضراع
اخونا العوض والله نصايحك وتجربتك مفيدة شكرا شكرا
تحياتى
Post: #1131 Title: Re: Sudaneseonline Biggest Loser Author: Nagat Sid Ahmed Elshiekh Date: 05-10-2012, 01:20 AM Parent: #1130
لوزرس سلام،،،، مريوم سلامتكم ومبروك التخريج وعقبال مايتخرج من الجامعة.... والله ماشة تمام فى الرياضة الله يوفقك والجميع.
Quote: نجاة، اها خلاص موضوع البتفور انتهي و رجعتوا لقواعدكم سالمين. الحاصل؟ ابتهال دي لو لاقيتيها في الساحل الشرقي قولي ليها عوك. ^_^
حكمنا كيفك ، والله رجعنا تمام التمام رياضة ونظام وفى انتظار الوزن والنتيجة ...... ابتهال دى لو ماظهرت بعد يومين ح أجيب ليكم خبره يا حكمنا . ابن النخيل حمد لله الخروف وفنيش يلا خليك جاهز، تسلم.
Post: #1132 Title: Re: Sudaneseonline Biggest Loser Author: مريم بنت الحسين Date: 05-10-2012, 08:41 AM Parent: #1131
ازيكم يا شباب...
مشكورين على الدعوات والسؤال على محمود... الحمدلله صحى كويس جداً... وحنمشي التخريج بعدين.. هو حيمشي اول، وبعداك احنا بنمشي... ظبّطنا بدلتنا، الحمدلله... غمّة وزاالت....
انا on the other-hand حاسه بي نزله جاياني زي ما قلت ليكم امبارح، وصحيت وحلقي واجعني، ما لوز لكن وجع الحلق الذي يسبق النزله، بناءاً عليه، الليلة مافي رياضة... انا من امس في الtreadmill حسيت انه نفسي ما منتظم واني تعبته سريع ما زي العادة... النشوف بكره بكون كيف وبناءاً اقرر اعمل رياضة ولا لأ....
ابن النخيل... ينفعك الخروف ان شاء الله... كلّه بتعوّض.... اهم شي الانتظام
ياالله ,,اخيرا تنفست الصعداء.. اكتر من عشرة ايام وانا برجف وبرتعش .... اليوم كانت مواعيدى للكشف الطبى التى اجريها كل سنتين من اجل الاحتفاظ برخصة القيادة .....
مشيت للمواعيد متوقعا ان يتصل الطببب بالاسعاف لنقلى للحوادث ,,,,, متوقع الدكتور يقول لى انت عايش كيف ؟ نحن بنفتش ليك من زمان ....ضغطك عالى والسكرى النوع الاول ..ونظرك محتاج لنضارة قرع كباية .....
وصلت العيادة ...مليت الفورمات .... جات الممرضة وطلبت منى عينة من البول .. فعلت وسلمتها القارورة ...بدات تغمس وتعاين للشريط وانا اعاين ليها ....متوقع تعابير الدهشة والصدمة فى وجهها.. بدات لى عادية .... قلت فى سرى ...امكن هى متعودة دائما وتستطيع اخفاء تعابيرها ... قلت ليها كيف ؟سكرى تايب ونننن؟ ابتسمت وقالت ابدا كل شى تمام... الحمدلله ... فضل الضغط ... قاسته وقالت لى مرتفع عادى سالتها ..تقصدينى عالى قالت ابدا عادى الارتفاع ....
بعد داك عملت النظر ... طلع عادى .... انتهيت من الممرضة وانتظرت الدكتور..... لممن جاء عمل شوية اختبارات وقال لى كل شئ تمام ..يمكنك اخد الفورم لادارة الحركة لتجديد الرخصة .....
والله يا النصري ما فيها ولا قرش زيادة لكن بس ممكن تفتح للزول فرص في المستقبل إن شاء الله. من ناحية ضغط حيكون فيها ضغط ممكن أقول كبير جدا لكن في إشاعات كبيرة جدا إنه الاتجاه العام لوزارتنا إنها تنتقل من مجرد مقابل لوزارة الأشغال زمان عندنا لمكتب إدارة المشروعات الحكومية و دا لو صح معناها كل التركيز حيكون على ناس قسم إدارة المشروعات. غايته حأقدم و أشوف و زي ما قال لي مديري في أي لحظة حتى لو أخدوني و عرضوا علي الوظيفة ممكن أعتذر لكن لو ما قدمت ما ممكن أجي بعد داك أقول ليهم داير أقدم. الحمد لله لقيت الجزمة عشان ما يكون عندك عذر تاني. أنا أمبارح عذري ما بطال... جيت من الشغل لقيت علي و فاطمة عندهم واجب قراية منزلية و فاطمة بتقرا لأمها لمن جيت قالت لعلي أمشي أقرا لأبوك قعد يقرا نعست نعسة ما عادية و دقست كم مرة بس خلص كدا مشيت رقدت شوية و قلت معناها الليلة أنا تعبان مافي داعي للرياضة... مش برضه عذر معقول؟ عندي الأسبوع الجاي مواعيد الكشف السنوي بتاعي لكن أنا ما خايف بالعكس متوقع تشجيع شديد من الدكتورة لمن تلقى فرق الوزن و تعرف إني ما احتجت لحبوب الضغط تاني. أظن حكيت ليكم تشجيعها لي لمن مشيت أيام الضغط بدا ينزل. مرحب بعودتك يا ابن النخيل و فعلا البوست ليه أثره الكبير في تحميسنا كلنا و المعلومات الفيه مفيدة جدا. شكرا ليك على الكلام المشجع. مرحب بيك يا نجاة و بالتوفيق إن شاء الله. سلام يا مريم و نتمنى ليكم تخريج ممتع و ربنا يديك الصحة و العافية. ود الصايم وينك... خلي الحوامة برة برة.
يا جماعة عندي سؤال... في زول سمع بال Miracle Noodles أو Shirataki Noodles؟ أول مرة أسمع بيها أمبارح... لقيت ليها دعاية في الإنترنت و لما فتشت اكتشفت إنها معروفة إلى حد ما و بقولوا إنها مصنوعة من براعم شجر معين. المحيرني قالوا فيها زيرو كالوريز و زيرو كاربوهايدريتس... إذا الكلام دا صاح و ما عندها مضار دي ممكن تكون حاجة رهيبة جدا. بمناسبة الحاجات دي لي حوالي شهر بستخدم سكر اسمه ستيفيا... السكر دا مصنوع من شجرة من أمريكا الجنوبية و برضه ما فيه أي كالوريز و طعمه ما بطال و طبعا أحسن من السكر الصناعي الفيه أسبرتيم الفي كلام كتير عن مضاره. في البداية كنت بستعمل ظرف واحد و ما شعرت بأي فرق في الطعم لكن هسع بستخدم ظرفين و الطعم كويس خالص.
قاعدين تستخدموها يا النصري؟ نحن قاعدين نستخدم العادية و بنطبخها مع الخضار و الدجاج بتكون رهيبة لكن لو فعلا في نوع من غير كالوريز دا حيكون فتح عديل كدا. قاعد تشتروها من وين؟ السكر دا أنا متأكد منه و قاعد أستعمله بتلقاه في شوبرز ولا الوول مارت برضه سمعت إنه في الأولد فاشون فوود موجود. دا موقع بتكلم عن النودلز المعجزة دي http://www.miraclenoodle.com/
Post: #1140 Title: Re: Sudaneseonline Biggest Loser Author: Nagat Sid Ahmed Elshiekh Date: 05-11-2012, 00:04 AM Parent: #1139
Quote: بمناسبة الحاجات دي لي حوالي شهر بستخدم سكر اسمه ستيفيا... السكر دا مصنوع من شجرة من أمريكا الجنوبية و برضه ما فيه أي كالوريز و طعمه ما بطال و طبعا أحسن من السكر الصناعي الفيه أسبرتيم الفي كلام كتير عن مضاره. في البداية كنت بستعمل ظرف واحد و ما شعرت بأي فرق في الطعم لكن هسع بستخدم ظرفين و الطعم كويس خالص.
العوض سلام طبعآ عشان عندى مشكلة سكر ما بقدر أشرب الشاى مسيخ كلو كلو ... مشيت لقوقل لقيت سكرك برضو فيهو نفس مشاكل الاسبلندا .....
Quote: ولأهمية هذه المادة المحلية والمسماة ستيفيوسايد والمستخرجة من نبات "ستيفيا" عمل عليها دراسات علمية وبحثية في الولايات المتحدة الأمريكية والدول الأوروبية، بالنسبة للولايات المتحدة الأمريكية U.S.A لم يوافق ولا يسمح باستخدامها في الأغذية أو الأشربة كمادة محلية ولم يثبت أنها آمنة الاستخدام (Generally Recognized As Safe
Quote: أما في الدول الأوروبية فإن (SCF) أو اللجنة العلمية الأوروبية تعرفت على مشاكل مادة ستيفيوسايد وسميتها فخرجت بمعلومة أنها لها مشاكل من ناحية السلامة لصحة المستخدم لأوراق سيتفيا وفي مجال التحلية أو كمحسن للأطعمة وقد منعت استخدامها ولم تجيزها في الاستخدامات الغذائية أو المشروبات وأن نبات Stevia rebaudiana leaves من الناحية السمة فهي غير مقبولة في الاستخدامات الغذائية والمشروبات في سنة 1998 إن الدول الأوروبية قررت أن أوراق Steviana "ستيفيانا" تحوى مكونات تؤثر على الجهاز التناسلي ولها تأثير على الخصوبة عند الرجال وأنها تعمل على أتلاف DNA (د.ن.أ) genotoxic ولذلك فإن المنظمة الأوروبية قررت عدم صلاحية ستيفيانا كمادة محلية ويجب عدم السماح للمنتجات المأخوذة من أوراق ستيفيا في الأغذية عموماً وكذلك في بلجيكا أوصت بعدم تداول أوراق ستيفيانا وكذلك أوصت بريطانيا بعد السماح باستخدام أوراق ستيفيانا لعدم كفاية الدراسات العلمية حول سلامة هذه الأوراق النباتية ستيفيا "Stevia"، وفي سنة 1999 اكدت اللجنة العلمية الأوروبية SCF أن الدراسات والمعلومات حول سلامة نبات Stevia وأن الدراسات القياسية غير مرضية ولا تسمح بتداول واستخدام ستيفيانا كمادة محلية في
سلام يا نجاة حاليا تمت إجازة استعمالها و بيعها في كندا و أمريكا لكن بيني و بينك برضه الكلام حولها بخوف غايته شكلي حأوقف استعمالها بعد دا. مع إنه أنصار استعمالها بقولوا المنع الأول كان بضغط من شركات السكر و المحليات الصناعية. عارفة أحسن حاجة الزول بس يستخدم كمية بسيطة من السكر العادي و خلاص إذا ما قدر يوقفه نهائي.
Post: #1142 Title: Re: Sudaneseonline Biggest Loser Author: النصرى أمين Date: 05-11-2012, 10:25 AM Parent: #1141
غايتو يا نجاة خليتينا نقبض فرامل زى road runner
حسى بقيتو على شنو؟ نجرب ولا ما نجرب؟ ادونا الاذن ان شاء الله بصندوق صغير
سلام يا النصري عارف المشكلة أي حاجة تمسكها تلقى ليها مؤيدين يوصلوها السما و معارضين يبقوها ليك أضر شي في الدنيا. قبل ما أبدا أستعمل السكر بتاع الستيفيا دا عملت شوية بحث... المؤيدين بقولوا إنه السكر دا مستخدم لقرون في أمريكا الجنوبية و لو كان عنده أضرار كانت ظهرت و إنه حاجة طبيعية ما فيها أي كيمياويات مصنعة. و المعارضين قالوا ليهم بالله! المستخدم في أمريكا الجنوبية دا أوراق الشجر و البتبيعوا لينا دا مستخلص و محتوي على كيماويات و الدراسات أثبتت أضراره. المؤيدين بتحدوهم يجيبوا دراسة واحدة مكتملة أثبتت الأضرار دي. و كدا القصة ما ليها نهاية.
سلامات النصري و العوض و بقية اللوزرس. موضوع السكر ده ذي ما قال العوض، الناس مختلفة فيه اختلاف كبير. لكن........ كون السكر ده ما فيه مواد كيميائية و طبيعي دي ما كل المشكلة. المشكلة ان جسم الانسان بيدا يهضم من الفم. في أنزيمات بتتفرز في الفم عشان عمليه الهضم. و لما نحن ناكل حاجه ( حلوة) الجسم بيبدا يفرز أنسولين حتي لو كان ما فيها كاربوهايدريتات. و الانسلين بيحول السكر اللي في الدم لشحم باعتبار انه الفم ضاق طعم سكر و انه في سكريات جايه في السكة. و لما يظهر انه الشيء اللي أكلته ما فيه كاربوهايدريتات المخ بيرسل إشارة للمعدة بانك جعاااان. و غالبا ح تمشي تأكل تاني. و بكده يكون السكر اللي في الدم اللي كان ممكن يمشي حالك لفترة من الزمن اتحول ل فات و انت جعان. ان شاء الله اكون قدرتا اشرح الموضوع ده كويس. عشان كده العلماء بيقولوا الحجات دي ما بطالة مرات مرات. لكن ما ح تقدر تخدع جسمك و تستعملها يوميا. الكلام ده برضو بينطبق علي النودلس. أحسن حاجه ممكن الزول يعملها انه يأكل بكميات مناسبة.
Post: #1145 Title: Re: Sudaneseonline Biggest Loser Author: مريم بنت الحسين Date: 05-11-2012, 07:28 PM Parent: #1144
Quote: كون السكر ده ما فيه مواد كيميائية و طبيعي دي ما كل المشكلة. المشكلة ان جسم الانسان بيدا يهضم من الفم. في أنزيمات بتتفرز في الفم عشان عمليه الهضم. و لما نحن ناكل حاجه ( حلوة) الجسم بيبدا يفرز أنسولين حتي لو كان ما فيها كاربوهايدريتات. و الانسلين بيحول السكر اللي في الدم لشحم باعتبار انه الفم ضاق طعم سكر و انه في سكريات جايه في السكة. و لما يظهر انه الشيء اللي أكلته ما فيه كاربوهايدريتات المخ بيرسل إشارة للمعدة بانك جعاااان. و غالبا ح تمشي تأكل تاني. و بكده يكون السكر اللي في الدم اللي كان ممكن يمشي حالك لفترة من الزمن اتحول ل فات و انت جعان.
الشي الطلعته بيه انا من تجربتي مع السكر ده انه كان بخلينا ناكل حلويات زياده.. من غير ما احس لقيت نفسي باكل شوكولاته اكتر، رغم اني اصلا ما من انصار الحلويات ولا بطيقها، لكن بعد ما استخدمته (سكر بديل آخر) بقيت بعمل الحركة دي... حسي اتعودنا نشرب من غير سكّر، ولو ليت سكر في الشاي بتضايق عديل كده..
Quote: حسى بقيتو على شنو؟ نجرب ولا ما نجرب؟ ادونا الاذن ان شاء الله بصندوق صغير
غايتو يا النصرى حبوباتنا بقولوا الباب البجيب الريح سدو واستريح .... العوض السكر دا ما امريكا وبس الدول الاروبية حزرت من استعمالو على الاقل الاسبلندا ماشة فى السوق والدكاترة بوصوا ناس السكرى استعمالوا كابديل والله أعلم ..... حكمنا والله شرحك لسكر فى حد ذاتو مقنع لكن سكر العوض دا منو خوفة تسلمى ....... مريومة البيتزا تنفعك ياختى والفورا أالف ناكل ونحرق المناسبات ممكن تكون فى الشهر مرة واحدة بس الله يبعد الشمات مننا وش مكشر اسنانوا.... أين البقية ؟؟؟؟؟؟؟؟؟؟؟؟؟؟؟
Post: #1147 Title: Re: Sudaneseonline Biggest Loser Author: مريم بنت الحسين Date: 05-12-2012, 06:24 PM Parent: #1146
ازيكم يا لوزرس.....
الليله يوم متعب شديد، نادر عيّان وعندي محاضرة من البيت (حسي في بريك)، واتورطته اني عملته لي ساعة في خضم البرنامج ده كله.... المادة البدرّسها برضها محتااجه تحضير وتركيز.. غايته الليله شغاله اجري بس.... المهم الواحد بي جاي بي جاي باصر اليوم... لبكره اجي اكتب ليكم (لو فضيت) عن power 90، قبل كده قلت عنه حاجه .. بس اعتقد انه مفيد جداً....
برضه كان عندي فكرة اننا نعمل account في facebook او twitter عشان الناس المتابعيننا if any يقدروا يعلقوا او يقولوا حاجه.... اعتقد انه في ناس كتار حيكون عندهم شي يقولوه... وممكن نكون ساعدنا ناس من غير ما نعرف... لكن من حسي، ماااااااااااااااا عندي طريقة اتابع الحاجات دي... بس الفكرة عجبتني، اعملوها انتو...
لوزرس كيف أصبحتوا على حسب توقيتنا ..... مشيت اليوم وطلعت النتيجة 15 دولار فى حساب اطفال الميقوما .....يعنى 3 ارطال اجدعت بره . المفروض تكون أربعة عشان المدة اسبوعين كل اسبوع 2 رطل... كدا اكون افتتحتة ليكم المنافسة ب 3 ارطال = 15$...... يلا فى انتظار $$$$$$$$$.
النصرى عارف من ما بقت فيها الاخدر ابو صلعة$$$ الجماعة احتمال بدل يخسروا ح يزيدوا كم رطل كدا ......... غايتو لابدين كدا معناتو ضاربين الباسطة والبسبوسة البوصة هههه. انا غايتو يا النصرى ح اقرط على على ال 3 رطل دى عشان ماتخربوا بيتنا زيادة نهى نلبد ذى جماعتنا الكانوا بتفاصحوا أكسح ..أمسح ..ألبد .... ماتدفع غير 10$$$$... الله يكون فى عون اطفال السودان ..
سلام يا جماعة والله الليلة وزنت و النتيجة كانت عجيبة... ما عايز أقول محبطة لأني إن شاء الله ما حأحبط و حأواصل. شكلي خلاس وصلت النقطة المافي نزول وزن بعدها. وزنت بعد عشرين يوم و النقصان رطلين بس يعني وزني بقى 179 رطل. زعلت شوية لكن حمدت الله برضه إنه الحكاية دي حصلت لي بعد ما نزلت حوالي أربعين رطل لأنه قريت عن حكاية ال(Weight Loss Plateau) دي كتير و كنت خايف إني أصلها في الأسابيع الأولى. غايته حأواصل في خطتي زي ما كانت إن شاء الله و هي إني أتم شهر خمسة دا بنفس النظام الغذائي و الرياضة و أوزن أول ستة و بعد داك حأزيد كمية الأكل اليومية لحوالي ألفين كالوريز و أحافظ على الرياضة و أراقب وزني. كنت مؤمل إني أنزل تحت المية و سبعين رطل لكن شكلي حأكون ثابت حوال المية و تمانين إلا إذا ربنا سهل و نزلت لي نزول معتبر في باقي الشهر دا.
Post: #1152 Title: Re: Sudaneseonline Biggest Loser Author: Nagat Sid Ahmed Elshiekh Date: 05-13-2012, 02:02 AM Parent: #1151
Quote: شكلي خلاس وصلت النقطة المافي نزول وزن بعدها. وزنت بعد عشرين يوم و النقصان رطلين بس يعني وزني بقى 179 رطل
العوض يعنى ياها 10 $ .... يازول انت دربك مرق نحن ياعزة مشوارك طويل . 2 رطل خير من لا شي.
Post: #1153 Title: Re: Sudaneseonline Biggest Loser Author: مريم بنت الحسين Date: 05-13-2012, 04:40 AM Parent: #1152
Quote: غايته حأواصل في خطتي زي ما كانت إن شاء الله و هي إني أتم شهر خمسة دا بنفس النظام الغذائي و الرياضة و أوزن أول ستة و بعد داك حأزيد كمية الأكل اليومية لحوالي ألفين كالوريز و أحافظ على الرياضة و أراقب وزني. كنت مؤمل إني أنزل تحت المية و سبعين رطل لكن شكلي حأكون ثابت حوال المية و تمانين إلا إذا ربنا سهل و نزلت لي نزول معتبر في باقي الشهر دا.
العوض، مبروك الرطلين، وان شاء الله ما عندك عوجه.. اعتقد برضه من الحاجات البتخلي الجسم يوقف من النقصان هي عدم التنويع في الرياضة... مروان اخوي نبّهني للحاجه دي قبل يومين كده، وقال لي ضروري كل شهر تعملي نوع جديد من الرياضة عشان الجسم بتعود على الرياضة وبقوم يقيف وبتبقى اثرها اقل... حاول غير في الرياضة شويه...
نجاة، الف مبروك النقصان... واحنا طبعاً اتفقنا نوزن آخر الشهر... يعني لسه علينا... لكن امس الليل كله ما قادره انوم من وجع العضلات، الظاهر كتّرته المحلبيه امس في الجري... ما حأعمل رياضة الليلة، يومي صعب... وعندي محاضرة... وعايزه ادي عضلاتي فرصة تشفى...
انا راجعه انوم النومه التانية، محمود مشى المدرسة ونادر مشى الشغل... قاعدين ناخد لينا نومه انا ولولو بعد يمرقوا...
Post: #1154 Title: Re: Sudaneseonline Biggest Loser Author: مريم بنت الحسين Date: 05-13-2012, 06:34 PM Parent: #1153
وزنت نفسى اليوم لقيت روحى ناقص حوالى رطلين (ما متاكد تماما من الرقم الصحيح لان الميزان جبــــــــــــــان) الرقم قد يكون اقل من رطلين بحرابيش لكن حنجبره لرطلين......
عشرة دولار اضمنت للمايقوما منى
(ما حكم من يفقد ارطال ثم يكسبها من جديد قبل نهاية الشهر؟)
Quote: (ما حكم من يفقد ارطال ثم يكسبها من جديد قبل نهاية الشهر؟)
النصرى سلام الحكم بكون يوم واحد شهر 6 لو كان رطل واحدة فى هذا اليوم بتكون مطلوب 5 $ لصالح اطفال المايقوما ......... نسينا نبارك ليك الخسارة .... مريومة دى محمرة لينا كلنا يا النصرى عشان عندها شد عضلى من الرياضة الكتيرة عاوزة تسويها فينا... كفارة يا مريم امسحى ليك فكس وملح بموية حارة.
Post: #1158 Title: Re: Sudaneseonline Biggest Loser Author: مريم بنت الحسين Date: 05-14-2012, 10:17 AM Parent: #1157
في حالة احباط عامة ولا شنو.... ! لا عليكن الله ما تحبطوا، انا حأحبط معاكم....
نادو عباشي السغيل.... برفع معنوياتكم.... يا غباااااااااااااشي! (I can't believe I am doing this!)
مثلا الكود الاصفر يعنى حالة طارئة تستعدى الانتباه الفورى
الكود الازرق يعنى هنا اذى يحصل
الكود الاحمر يعنى قنبلة عديل وله الاولية على كل الكودات التانية
--------
لو زول كتب حاجة وبعتقد انها محتاجة للانتباه من الجميع وبطلب منهم التعليق الفورى يعمل كود اصفر ..
مثلا مريم اقترحت نطور الفكرة الى عمل اكبر... ده اقتراح يتطلب من الجميع المشاركة والادلاء بالراى ... بس لازم مريم تلون الاقتراح باللون الاصفر حتى لا يستطيع احد تجاهله
لو انا مثلا كتبت انى فى حالة احباط كامل واصفا الوضع بالكود الازرق يجب على الجميع تلبية النداء والتصدى للمشكلة......
ممكن نعمل كودات جديدة تناسبنا مثلا كود بنفسجى معناه اسبوع كامل بدون رياضة
وهكذا
اهم شئ الكودات ده تكون جادة ومش للهزار والمشاغلة,, البعمل ليها abuse يجب معاقبته حتى نحتفظ بفعاليتها
الحمد لله اتريضت النصف ساعة حرقت فيهم 410 كالرويز لاحظت اللياقة مرتفعة شوية ..الاحماء والتبريد حوالى ٦ دقائق ٢٤ دقيقة معظمها جرى بسرعة 2.6 ميل فى الساعة
ما شاء الله
Post: #1161 Title: Re: Sudaneseonline Biggest Loser Author: مريم بنت الحسين Date: 05-14-2012, 06:38 PM Parent: #1160
انا غايته حجزته البنفسجي ده، وهو انه لي اربعة ايام من الجغمسة في الاكل ولي يومين من الرياضة...
سلام يا جماعة والله فكرة الألون دي ظريفة. في الألوان أنا بقترح اللون الأخضر لأسبوع كامل من الانتظام في الرياضة و الغذاء. و لون للانتظام في الرياضة بس أو الغذاء بس. و برضه ألوان الخرمجة يكون في واحد معناه مخرمج في حاجة واحدة و منتظم في التانية. بعد وزنت يوم السبت يومين ما اتريضت. رغم إنه فترتي قربت حأواصل معاكم إن شاء الله لسببين. الأول إني أواصل في المحافظة و أتشجع بيكم و التاني إني أشجع الناس. بالجد أنا شايف تجربتي دي ممكن تكون مشجعة لأنه إذا أنا قدرت أنقص وزني فدا معناه أي زول بشوية عزيمة ممكن يعمل كدا. أنا طبيعة شغلي بكون قاعد معظم اليوم و في البيت ما كان عندي حركة كتيرة يقولوا عليها و جسمي كان مترهل جدا. الحمد لله هسع لي فترة بستمتع بنظرات الدهشة في عيون الناس البعرفوني. المشكلة في نظرات شفقة برضه... في كتيرين افتكروني عيان ولا حاجة لدرجة إنهم بتجنبوا يسألوني. أمبارح كان في احتفال في مدرسة علي و فاطمة في مدرسة قالت لي ضعفت شديد لكن ما قدرت أسألك لأني افتكرتك عيان قلت ليها الحمد لله ما عيان لكن تعبت عشان أعمل العملته دا. و في النوع البرميها ليك داك What's wrong with you؟ من بديت حزامي الكنت بستعمله كان فيه أربعة فتحات من نهايته الحمد لله بقيت كل مرة أنقص واحدة لغاية ما بقى ما نافع خالص اشتريت واحدين جداد و كان فاضل فيهم فتحتين هسع بقيت بربطهم في الأخيرة و إذا نزلت زيادة حأضطر أستغنى عنهم. الفضل لله أولا لكن تشجيعكم هنا والله كان ليه أثر كبير جدا جدا.
Quote: نادو عباشي السغيل.... برفع معنوياتكم.... يا غباااااااااااااشي! (I can't believe I am doing this!)
و الله مشتاقيين يا نااااس نخليكم تحننوا ... نجيكم تجننوا أو كما قال المثل السوداني لا بدوركـ و لا بحمل بلاكـ !! شنو يا جماعة ما قلنا تركناكم على المحجة البيضاء , الحصل ليكم شنو؟
انا و الله مردووم لمن ما شايف قدامي و يا مريم الشغلانية بيجاي اجارك الله ... غايتو نصيحتي ليك ابدي أكتبي من هسي انا لسة فاضل لي زي 3 Chapters بالاضافة للـ conclusion المعتمدة على النتايج النهائية الما دايرة تطلع ده غير شغل الجامعة و التصحيح (السخيف) By the way, last week I lost 1-week computation data because of a blackout in the Uni !! What the hell is happening to me دا كان سبب وجيه للاكتئاب لكن مافي وقت اكتئب ليهم فيهو
ياسر ..وجودك مهم جدا جدا ....الانجاز الحققتو انت حيبقى لينا زى المنارة تهدينا للطريق .......
الشغلانة زى ما واضح فيها حالات احباط كتيرة جدا ...مرات الحالات دى بتستعصى وتعنقد زى ما حصل لى الشهر الفات ...لازم يكون فى زول (او ناس) يمنعو الشرارة دى تنطفى.......
Post: #1168 Title: Re: Sudaneseonline Biggest Loser Author: النصرى أمين Date: 05-16-2012, 00:08 AM Parent: #1167
اتريضت نصف ساعة حرقت فيهم ٤٠٥ كالاريز
I AM DOING VERY GOOD
CODE GREEN
Post: #1169 Title: Re: Sudaneseonline Biggest Loser Author: مريم بنت الحسين Date: 05-16-2012, 03:50 PM Parent: #1168
الليله جايني ضيوف، من الصباح لبسته هدوم الرياضة واتشحطته بي الجزمة وقلت علي وعلى أعدائي الليله بتريض بتريض! قوووومي يا سمارت اتريضي وغيظيني! اها، قمت بي هدوم رياضتي، نظفته البيت كله... ونادر مشى جاب لي فطاير وحلويات وبلاوي زرقا، الناس جاييني شاي مغرب... هدوم الرياضة ديك والجزمة ديك ولا اتريضته بيهم ولا يحزنون! وخلاص الناس على وشك يجوا... غايته للضمان اكلته لي تفاحه وشربته شاي اخضر، قلته شويه كده ممكن يملوا بطني ما اكل من الحاجات الجايبها نادر.. fingers crossed...
و الله يا مريم امس لحدى ما الأولاد مشوا السراير الساعة كانت 9 مساء. لبست هدوم الرياضة و الرياضة و قلتا بس اشرب لي كباية موية، زولتك بدات تبكي. لحدى ما نامت تاني الساعة كانت 11 الا ربع بالليل. بعد داك مشيت اتريضتا. لكن بطارتي كانت نزلت خلاص عملات كم و عشرين دقيقة بس. المشكلة بعد دش طويل ما قدرتا انوم لحدى 1 صباحا. هسي حاسه أني ح أموت من التعب
سلام يا جماعة مريم و سمارت المجهود البتعملوه في البيت دا في حد ذاته رياضة فما يجيكم شعور بالإحباط إذا ما قدرتوا إتريضتوا. يعني يا مريم لو حسبتي نضافة البيت دي أنا متأكد عدد الكالوريز الحرقتيها يمكن يكون أكتر من الرياضة. اليومين دي تقريبا استقريت على الرياضة يوم بعد يوم ما عن قصد لكن كسل أحيانا و أعذار ميتة في أحيان تانية الأكل منتظم نوعا ما... حأوزن يوم التلاتا الصباح إن شاء الله و دا حيكون الوزن الحأشارك بيه في المسابقة و بعداك حأواصل لغاية نهاية الشهر بإذن الله و بعدها تبدا الخطة الجديدة و هي المحافظة على الوزن الجديد.
عندى زبونه كل صباح بتركب معاى وبنتونس .... انا عارف سر ظرافتها لانها محتاج تحول لبص تانى يتقاطع مع بصى واذا انا ماركزت ممكن يفوتها و تضطر تنتظر 20 دقيقة اخرى....
اليوم قالت لى انها حتاخد اجازة تلاته يوم لانها حتجرى الماراثون قلت ليها دى حاجة كويسة ... الماراثون طوله كم قالت لى ماراثون شنو؟ قلت ليها الماراثون القلت حتجريهو
سلام يا النصري و مبروك الكود الأخضر. أنا برجح الاحتمال التالت... الزول لما يكون مشغول بموضوع معين بفتكر الناس كلهم مشغولين بيه و ببدا يشوف الدنيا من خلال موضوعه دا.
Quote: غايته للضمان اكلته لي تفاحه وشربته شاي اخضر، قلته شويه كده ممكن يملوا بطني ما اكل من الحاجات الجايبها نادر.. fingers crossed...
ههههههه والله يا مريوم قاعدة أزعل شديييييد لما تكون فى مناسبة وحلويات بالكوم اكون خايفة ما اقرف بالكوريك ياخى وأستغفر الله مرات بقول ليه الله خلقنا من شحم زيادة ههههه وبتغاظ لما يكون فى واحد يضرب اى شي ورياضة مافى ولسة يكون ضعييييييف غايتو انا كان أكلتة قطعة باسطة واحدة بصبح بكيلو زيادة.... حكمنا مشتاقين والله ... بس البطارية نازلة دى حنك ساكت ياخى أعملى جيك للبطارية كل يوم .....المهم ماشين فى السكة نمد لحدى ما نصل مرحلة العوض وغباشى. النصرى ماشي تمام كيب دوينق ذا قوود جاب. العوض دربك مرق والله عقبالنا. أنا جاية من الجم بعد ما حرقتة 750 calories قولوا ما شاء الله . أين البقية ؟؟؟؟؟؟؟؟ لابدين كدا لعل المانع خير....
Post: #1175 Title: Re: Sudaneseonline Biggest Loser Author: النصرى أمين Date: 05-17-2012, 01:15 AM Parent: #1174
كود اخضر فاقع الخضار... سجل سجل يا تاريخ
لاول مرة فى حياتى اتمرن ساعة كاملة .... عملت النصف ساعة اليومية حرقت فيهم 399 كالوريز.... قلت لنفسى كدى اعمل لى نصف ساعة تانية قزقزة... لمن انتهيت منها كنت حرقت 314 كالوريز المجموع الكلى ساعة متواصلة 713 كالوريز حقو الزول يمشى يشترى ليهو كيلو باسطة يحتفل بيهو
--------------------
تعرف يا ياسر الزبونة دى من قالت كلمة running مخى كلو مشى اتجاه واحد ... بعدين بينى وبينك هى بتتكلم بسرعة شديدة وبتاكل الكلام تفتكر انجليزى السودان فيهو ناس run errands الله اعلم
Post: #1176 Title: Re: Sudaneseonline Biggest Loser Author: مريم بنت الحسين Date: 05-17-2012, 10:25 AM Parent: #1175
غايته الخلاصة، الواحد ينسى الماضي ويسيبه في حاله (هذا فيما يخص امس)، واحنا اولاد النهارده
وراي يوم طويل، تنظيفات بتاعت آثار المعركة أمس، طبعا الضيوف معاهم اطفال، وعيونكم ما تشوف إلا النور... حأنظف واعمل نص ساعة وارجع بعدين... عندي تصحيح كمان بتاع اوراق امتحانات وواجبات... بجيكم بعدين... وما حأجي من غير ما اكون عامله نص ساعة... ولا نامت اعين الجبناء...
برجع لردود لكل لوزر على حدى (هي حده ولا حدى؟)... والله الزول ما بقى فيه راس زاتو!
يرجع الانتصار الكبير الذى تحقق امس لثلات اسباب (او محاور او ناس)
الزول الاول .....كنت فى السوبرماركت ..سمعت شخص ينادينى باسمى (عادة فى الشغل بستعمل nick name وهو اول حرفين من اسمى )
التفت ..لقيتو زول ما غريب على ,,,, تفحصته جيدا ...يا الله ,,, اتزكرته ..احد الموظفين فى مكتب ال dispatch ..شقيقه مهندس كمبيوتر وهو دفعتى فى المواصلات .... بعد السلام ..... بتردد سالته الحاصل شنو؟ قال لى وزنه زاد زيادة كبيرة جدا وهو الان اكثر من 300 رطل ... سالته ماالسبب ..قال انه تعرض لاصابه فى الظهر ومنعه الدكتور من الرياضة .... اضاف انه كان يتريض ساعتين فى اليوم فقد 80 رطل استعادها كاملة الان (وزاد عليها)
ملامح الزول ده اتغيرت تماما ..فقد كان وسيما يعتنى بمظهره ... شعرت بالاسى لحاله ..
قابلته برضو فى الشغل امبارح الصباح ...لاحظته شكله اختلف تماما خاصة البنطلون (بدا لى وكان يشبه فؤاد المهندس والبنطلون فى الصدر) بادرته بالسؤال did you loose weight اجاب نعم 20 رطل وانه يعمل لنقص المزيد.. الزول ده كنت بقابله دائما فى المطعم الهندى بتاع السمك التيكا كنت بمشى مرة او مرتين هناك لضرب السمك المشوى ..كنت الاقيه هناك ..ازكر اننى سالته مرة اذا كان مالك او شريك للمطعم لكثرة وجوده هناك اجاب انه لا يجد مثل هذا الطعام فى البيت (افترضت لحظتها انه عزابى) كان يضع صحن ضخم بتاع رز وكمية من اللحوم والدهون وياكل كا there is no tomorrow
اخبرته بانى اعمل على نقصان وزنى ..اتفقنا انها عملية صعبة جدا....
تبادلنا الامنيات بالتوفيق
Post: #1179 Title: Re: Sudaneseonline Biggest Loser Author: مريم بنت الحسين Date: 05-17-2012, 07:42 PM Parent: #1178
النصري، القصة التالته وينها؟
انا الليلة عملته ساعة مشي، اخدته محمود ومعاه صاحبه محمد مقيّل معاه، ولولو الصغيرة.. ومشينا الحديقة... الحديقة حولها ممشى، وتقدر تشوف الاطفال وهم بلعبوا في الحديقة... انا ولولو كنا بنتمشى في الممشى، وهم بلعبوا في الحديقة... ضربته عصفورين بحجر وجيت راجعه منتهية... ما بين احمم الاولاد واجهز ليهم اكل وانوم لولو... المهم، يوم متعب آخر!
نجاة، مبروك الحرقة الكبيرة، انا يوم السبت حأوزن لانه كده ما نافع معاي، لازم اكون عارفه موقفي من الاعراب وين... متوقعه ثبات او حتى اني اكون زدته! اي والله، الاسبوع الفات ده كله سايطه الدنيا سواطه الجن!
بالمناسبة، امبارح لضيفاتي لبسته فستان كنت بلبسه بعد الزواج، قبل ما يشرّف محمود... كل صاحباتي (لي منهم قريب التلاته شهور)، علّقوا اني ضعفته شديد... وحتى هاظروني اني لمّيتهم عشان يعلقوا لي ويرفعوا لي معنوياتي... غايته انا مما الفستان اتلبس لي من غير تحانيس وضيق اتكيفته.. وده خلاني انشرح في الاكل... لكن ياخوانا نادر كان جايب حاجات روعه! ما بتتفوّت :(...
بالله غباشي جا جاري جري مما سمع الجرسة... اريتنا كان جبنا سيرة قروش ولا حاجه!
المهم اننا سائرون على الدرب... ولا نامت أعين الجبناء...
سلام يا جماعة مبروك يا نجاة نقصان التلاتة أرطال و الرياضة الماشة تمام ما شاء الله و واصلي. بالنسبة للسكريات يا سمارت والله كلامك دا منطقي و في نفس الوقت مخيف يعني الواحد يواصل في عمل حسابه من السكر. كلام مروان يا مريم حول الرياضة مهم جدا. الجسم البشري دا مخلوق غريب جدا قالوا لما الواحد يواصل في ممارسة نفس الرياضة الجسم بتقن الحكاية دي و بصل لطرق ممارستها بأقل مجهود فلازم الواحد يكون مواصل في تحدي جسمه. أنا لمن قريت الكلام دا أحبطت لأني فعلا شعرت إني ماشي كويس في موضوع الجري... غايته شكلها الحكاية دي ما عندها نهاية و ربنا يعين. اختصرتينا في خساير الحفلة يا مريم لكن شكلك استمتعتي بالحلويات... يا زولة بالهنا إن شاء الله و زي ما قلتي نحن أولاد الليلة و كله بتعوض بس ربنا يدي عمر و عافية زي ما أهلنا بقولوا. كويس قدرتي اتمشيتي الليلة. بمناسبة الهدوم أنا كنت بلبس مقاس 38-40 عندي بنطلون جديد مقاس 36 اشتريته قبل فترة طويلة بالغلط قبل كم يوم كدا لقيته بالصدفة قلت أجربه يمكن يطلع قدري... ما صدقت لما طلع قدري فعلا حاجة ترفع المعنويات. واصل يا النصري في قصصك... محظوظ شفت النموذجين في يوم واحد دي حاجة مشجعة جدا.
انا يا اخوانا خلقة الله ما عندى اى علاقة بالسكريات ...ولكن ضعيف جدا امام اللحوم بصفة عامة....
كنت فاكر روحى ستة كل اسبوعين او تلاتة ونقرط على كدة لكن الله غالب...
برضو انا اتساهلت شوية فى موضوع الاكل وبرضو زنقة فى الشغل خلتنى اتساهل فى موضوع الرياضة..يعنى بقيت اتريض فى اغلب الاحيان 15 دقيقة.... عموما مازال العزم موجود...ونصايحكم مطلوبة
احسن حاجة فى الموضوع دا كلو الكوتش بتاعى مشغول...
تحياتى
Post: #1182 Title: Re: Sudaneseonline Biggest Loser Author: مريم بنت الحسين Date: 05-17-2012, 10:42 PM Parent: #1181
Quote: احسن حاجة فى الموضوع دا كلو الكوتش بتاعى مشغول...
يا غبااااااااااااااااااشي.... ألحق ألحق....
ود النخيل، نوهائي مافي زول حيتعاطف معاك... اديت كل زول حقّه... غايته شماته ألف ... ... قلت لي كومنية! لا لا.. ده ما بتسويه كمونية براها... ده شي كتييييييير شكله... تراكمات بتاعت كم اسبوع كده....
يا اخوانا ود الصايم وينو؟ انا بعد ده بخلي نادر يضرب ليه.. ويجيب لي رقم المدام كمان... في زول شافه حايم في البورد؟
Post: #1183 Title: Re: Sudaneseonline Biggest Loser Author: النصرى أمين Date: 05-18-2012, 02:07 AM Parent: #1182
المعجزة تتكرر لليوم الثانى على التوالى رياضة على التريدميل لمده ساعة كاملة وبدون توقف حرقت فيهم بتوفيق من رب العالمين اكثر من 700 كالوريز غايتو ناس المايقوما حيفلسو بينا
--------------- الزول القابلتو فى السوبر استور يا ياسر كان قبل حوالى 10 ايام لكن اثر فينى كتير ---------------------------
العامل الثالث والاهم نحن فى الشغل تلاته سودانين واصحاب شديد جدا جدا ..بس للاسف لا اقابلهم كثيرا لانهم يعملون فى الجانب الاخر من المدينة بالرغم من انهم لا يعانون من زيادة فى الوزن الا انهم بداو برنامج رياضة مكثف جدا ... قابلت احدهم قبل حوالى اسبوع وفوجئت بشكله ... اتغير تماما وبدا لى وكانه اصغر عمرا الان.. الموضوع ده بقى Lingering فى بالى طوال الوقت لاننا نعانى م نفس المشكلة ...شغل كله قعاد ومافيهو اى حركة والواحد لو ما عمل حسابه ممكن يتلحس عشان كده المخدم يشجع العاملين على الرياضة ويقدم لهم كل التساهيل لمساعدتهم
---------
يا اخوانا مرات كتيرة بخلى الكمبيوتر مفتوح واظهر مع الحضور بينما انا فى الداونتاون
Post: #1184 Title: Re: Sudaneseonline Biggest Loser Author: مريم بنت الحسين Date: 05-18-2012, 10:29 AM Parent: #1183
ألف مبروك الالتزام يا النصري.. وان شاء الله يستمر وتطلع نتيجة الشهر ده مشرّفه... انا ناويه اعمل نص ساعة الليلة .. ما حأقدر اعمل اكتر... لكن حأحاول احرق فيها اكبر قدر من الكالوريز الممكنه... بكره حنشوف النتيجة بتطلع كيف... يومي زحمه كالعادة :(... التصحيح داك لسه ولا بديت فيه... واصلا يوم الجمعة بكون يوم قصير ومليان تفاصيل... خاصة اني بصحى متأخر، اليوم الوحيد البقدر فيه انوم زياده شويه... محمود بكره عنده امتحان.. اول يوم في الامتحانات بتاعته... فلازم اقعد معاه شويه اشوفه... متغدين بي سلمون... فحأمشي اجهز الsauce والرز ... محمود طالب spaghetti ... وبعدين طالعين نشتري غسالة ملابس، غسالتنا اعلنت انها حردانه...
بجيكم بعدين بالتقرير...
Post: #1185 Title: Re: Sudaneseonline Biggest Loser Author: مريم بنت الحسين Date: 05-18-2012, 08:51 PM Parent: #1184
عملته نص ساعة رياضة... لكن الاكل جااااااااااااااااااااااايطة... بقايا المعركة بتاعت يوم الاربع ... واكلته كممممممممممية من السلمون والرز مع سلطة... المهم، نشوف النتيجة بكره بتاعت خرجمة اسبوع كامل!
Post: #1186 Title: Re: Sudaneseonline Biggest Loser Author: مريم بنت الحسين Date: 05-19-2012, 09:47 AM Parent: #1185
وزنت الليلة... لقيت الثبات حاصل... والله فرحته بشكل... لاني ما كنت خايفة الله الاسبوع الفات ده... ولازالت حالة الجوطة موجوده...
حأعمل نص ساعة مشي الليلة برضه.. ما عندي طريقة أعمل اكتر، عندي محاضرة بالمساء...
Quote: وزنت الليلة... لقيت الثبات حاصل... والله فرحته بشكل... لاني ما كنت خايفة الله الاسبوع الفات ده... ولازالت حالة الجوطة موجوده...
مريوم مكسب والله كل شئ ولا الزيادة والبركة فى الهبر والخرمجة لا بعد دا استعدى...
Quote: نقصت عدد اتنين كيلو فقط فى اخر اسبوعين .... غايتو الكمونية عملتها فينى...
اووو ابن النخيل والله تمام 2 رطل خسارة بعد الكمونية والجقاجق والله مكسب برضو.... يا حكمنا وين ياخ واخبارك شنو اطفالنا منتظرين حق اللبن من عندكم هههه. النصري من وصلت 700 فى ساعة معناها ح تلحق العوض قريبآ ونسمع بيك وصلتة المقاس المطلوب . أين البقية ؟؟؟؟؟؟؟ برضو بنسأل من الخريجين العوض وغباشي يورونا ماشين كيف.
غايتو نحنا نقعد نعيد زى صاحبى زمان امتحن الشهادة الثانوية سبعة مرات وفى النهاية دخل هندسة الخرطوم وبعد سنة اولى رفدوه...
كان بيقول لى :: ياالنصرى ولدو لى اخت صغيرة وانا بمتحن الشافع دخلت الروضة وانا بمتحن لمن دخلت اولى ابتدائئ انا دخلت الجامعة....
غايتو انا بتخرج يوم تتخرج مريم
Post: #1189 Title: Re: Sudaneseonline Biggest Loser Author: مريم بنت الحسين Date: 05-19-2012, 07:58 PM Parent: #1188
Quote: غايتو انا بتخرج يوم تتخرج مريم
ههههههههههههه، بالغته فيها دي يا النصري... والله مداخلتك دي اضحك فيها من اولها لآخرها....
لكن تعرف، انا قبيل كنت بفكر اني خايفة اصل لهدفي... لاني لما اصل حأكون في مهمة أصعب من مهمة نقصان الوزن، وهي مهمة المحافظة عليه.... لازم نضع خطة محكمة للفترة ديك.. وما تكون شي عشوائي... لازم يكون في خطة علمية وموزونة عشان ما نتمقلب....
في حاجة تانية برضه شايفه غباشي بتكلم عن رمضان وانه الناس بتزيد وزن في رمضان... رغم انه المفروض العكس.. عايزين نجهّز خطة عشان رمضان... نكون مستعدين ليه بصورة كويس بحيث اننا ما نجوط... ويكون في وقت للرياضة بعد الافطار ... اعتقد انه رمضان ده لو استغليناه كويس حيكون فرصة لنقصان الوزن اكبر خاصة انه البرنامج بتاع الواحد بتغيّر بالتالي الجسم ممكن يحرق دهون اكتر... كدي نفكر في المسألتين ديل ونبحث فيهم كويس
على صعيد آخر، ما عملته رياضة، والساعة 11 عندنا... لو عملته رياضة حسي ياني المساهره صبّاحي... وانا فتراااااااااااانه.....
على صعيد اوخر... happy birthday يا النصري ياخ... والسنة الجاية ان شاء تكون وصلت لوزنك العايزه...
Post: #1190 Title: Re: Sudaneseonline Biggest Loser Author: Nagat Sid Ahmed Elshiekh Date: 05-20-2012, 02:43 AM Parent: #1189
Quote: غايتو نحنا نقعد نعيد زى صاحبى زمان امتحن الشهادة الثانوية سبعة مرات وفى النهاية دخل هندسة الخرطوم وبعد سنة اولى رفدوه...
ههههه النصرى شكلك ما معترف بيهم اتخارجوا .... والله نسينا نقول ليكم كل سنة وانتم طيبين ...
Post: #1191 Title: Re: Sudaneseonline Biggest Loser Author: Mohammed Elhaj Date: 05-20-2012, 05:52 AM Parent: #1190
شكرا يا غباشي ياخ.. مرات كده قاعد تكسر الحرب المعلنة بيناتنا... قبيل كنت بفكر اني احتفلت بعيد ميلادي السنة دي وانا ناقصة فوق ال13 كيلو عن السنة الفاتت... يااااي me...
الليلة عملته رياضة نص ساعة....
460 دقيقة -60 دقيقة = 400 دقيقة (حسبتها ستين عشان بتاعت اول امس ما حسبتها)...
go looosers... عندي محاضرة... برجع ليكم كان الله هوّن
سلامات يا شباب مبروك الصفحة الـ15 ومبروك للشباب الاتخرجوا واضح انو غباشي النقراشي دربو مرق ومعاهو العوض تاني شكلهم حيقطعوا موضوع أويجو يأزروا/ يضحكوا في بقية اللوزر الما لاوزوا كل سنة وانت طيب يا النصري باسطة حأشبكا فيك زي ما شربكتا زوراً وبهتانا الطحنية فيني أنا بالمناسبة من آخر مرة جبتا سيرة الطحنية هنا في البوست دا ما شفتها بي لساني بالصورة دي سمارت مفروض يكون اسمها بسبوسة عشان حكاية البوصة × بوصة ديك ومريم كب كيك وهكذا دواليبك... سلام لجميع اللوزرز الانضمو بعد الصفحة الكنتا متابع فيها وقوود لكككك بالنسبة للأرقام يا مريم فبرغم الغيبة الطويلة من البوست اللي ما حتقبلوا مبرراتا فمافي داعي لاهدار الباندويدث على قول الجماعة هنا لكن برضو نسيت الباسوورد وكسلتا ارسل لي بكري اطلبا منو لحدي ما بي جاي وجاك لميت فيها... فـ ما كان في لخبطة غير في اسبوعين كدا في موضوع الأكل الرياضة زي ما بتقولوا اليومين ديل انتو فكود رد شديد والوزن والعهدة على الميزان الجبتو في البيت زدتا 3 كيلو من آخر وزن عملتا 98 كيلو يعني 225.5 بي تةقيت الاخوة الأميريكان والكنديين انتفضتا على قول نوال يا مريم واستكيت مع البرنامج تقليل النشويات والسكريات ومافي رياضة البتة وفي ظرف 10 أيام عملتا 93 كيلو يعني 209.25 رطل والالتزام مستمر
المشكلة الأساسية انو في 3 أيام في الاسبوع بكون برة البيت من 7 صباحاً لحاااادي 9 مساء وهنا في السودان خيارات الاكل الصحي تكاد تكون معدومة، فبحاول اشيل معاي أكل من البيت أو اعمل كستمايزيشن للأكل بتاع الكافتيريات والمطاعم ما حصلتا مرحلة النصري في شراب الشاي والقهوة بدون سكر لكن حصرتا حصة السكر في 4 ملاعق صغيرة بوزعا على الشاي والقهوة معلقة معلقة أو نص × 4 حسب الحوجة الجو طبعاً ما مساعد للرياضة أوت دور فبفتش زي النصري كا في تريدميل حتخلي الواحد ستك اكتر بالبرنامج بتاع الرياضة...
Post: #1196 Title: Re: Sudaneseonline Biggest Loser Author: مريم بنت الحسين Date: 05-20-2012, 09:42 PM Parent: #1195
انا قلت اسجل اعتراف قبل ما امشي انوم... نادر عمل لي ساندوتش بتاع عسل (بتاع الاسد العلبته خدرا داك) ... طبعا ده لا يقاوم.. ومعاه جبنه sweat and sour... وحاتكم ولا فاصلته ولا اتكلمته زاتي.. ونطيت في الساندوتش....
يا حماي... اعمل حسابك، خمسة كيلو في عشرة يوم دي خطرة... ما بالضرورة انك نقصت وزن.. غالبا ده كله مويه.. وبعد شويه الجسم حيبدا يحرق من العضلات... والاسوأ انك في اللحظة التاكل بصورة عادية وزنك حيرجع تاني بسهولة... انقص شويه شويه، وابني عضلاتك عشان النقصان يستمر معاك، ما يرجع ليك بسهولة ويكون نقصان حقيقي من الfat المخزّن.....سلّم لي على نوال عليك الله... ان شاء الله الامور رجعت تمام بعد (الحادسه) على قولتها....
بكره حيطلع من عيني ساندوتش العسل ده في الtreadmill... !
Post: #1197 Title: Re: Sudaneseonline Biggest Loser Author: ابن النخيل Date: 05-21-2012, 02:23 AM Parent: #1196
Post: #1198 Title: Re: Sudaneseonline Biggest Loser Author: مريم بنت الحسين Date: 05-21-2012, 03:35 PM Parent: #1197
ازيكم يا لوزرز...
قاعده في الجامعة، مفروض عندي محاضرتين ورا بعض ... لشعبتين في نفس المادة، يعني المحاضرتين مكررات ... مدة كل محاضرة ساعتين، يعني انا بقيف في العادة اربعة ساعات بتكلم لما ريقي ينشف... وبرجع البيت، بكون ساكته لما انوم، نادر مسميه يوم الصمت العالمي... في إشارة إلى انه كلامي كتير، بس ما عايز يقولها بالواضح! اها الليلة، كل الطلاب البحضروا في الشعبة الثانية 6-8 حضروا مع الشعبة الأولى من 4-6... وحسي انا قاعده، وعملته محاضرة واحدة بس (الله عالم بي والله، الليله تعبانه والمقرر زاتو نقّته كتيره، والليلة آخر محاضرة خلصته ليهم)... اها المقلب انه نادر ما عنده طريقة يجي يسوقني لانه منتظر ناس الغسالة يصلوا يركبوا لينا غسالتنا الجديدة (باركوا لينا بقينا زي ناس امريكا عندنا غسالة بي مجفف حراري، وبقينا متطورين اكتر من ناس بريطانيا على قول سمارت)... اها لانه احنا في السعودية وما ممكن اطلع الشارع اركب لي تاكسي وما ممكن اسوق رغم اني بسوق مما عمري 18 سنة... فأنا (متلقحة) في الجامعة وبكتب ليكم لحدي ما نادر يجي.. :(
ولانه ما عندي موضوع، رجعت حسبت الدقايق بتاعتي (لاني شكيت انه في غلط)... لحظي السيء طلع فعلا في غلط، ولقيت روحي ماكلاكم في 30 دقيقة... (موش كان اخير اسيبهم!)... والباقي هو 430 بدلاً عن 400 دقيقة...
قبل ما اطلع من البيت عملته 45 دقيقة رياضة... الربع ساعة الزيادة دي عقاب عشان ساندوتش العسل الامس!...
مريوم نبارك عيد الميلاد و لا نبارك الغسالة؟؟؟؛) عاد الغسالة دى بالدنيا. مبروك الغسالة و ربنا يديكم خيرها. و كل سنة و انت طيبة. عمر مديد وافر بالصحة و العافية.
و الله يا جماعة لازم اعترف. انا عضيت عض مبالغ فيه اليومين الفاتو. كنا زهجانيبن في البيت الكم اسبوع الفاتو. و فجاءة لقيت روحي نازله شغل بعد حوالى شهور و نص. قررنا نبدأ مشروع إجازات صغيرة صغيرة. كل إجازة ويك اند. من يوم الجمعة المساء لحدى الأحد المساء. الويك اند الفات مشينا بحيرة جميلة جداً في شمال كالفورنيا. الجو ظريف و الساحل بتاع البحيرة نظيييييف. الأولاد نزلوني من الفندق للبيتش من الساعة 7 صباحا. كانت إجازة ظريفة و أظن أني حرقت سعرات حرارية كتيرة و انا جارية وراء الأولاد ما يدخلوا غريق في الموية او بحاول أطير في طيارة الورق ( اللي ابت تطير كلو كلو) لكن أكلت كمن لا يخشي السمن. غايتو قررت انتهز فرصة موسم الإجازات و اقعد مع روحي قعدة جاده عشان اعمل حسابي في الاكل. و أح أبدا من اليوم الاثنين. دعواتكم
Quote: غايتو قررت انتهز فرصة موسم الإجازات و اقعد مع روحي قعدة جاده عشان اعمل حسابي في الاكل.
دا شعارى دائما ياحكمنا اى لحظة سعيدة ما تضيعها وكلو بتعوض البركة فى الاستمتاع بالرحلة والجو والعضة كمان. مريوم مبروك الغسالة عقبال تغسلى فيها ملابس ذات مقاسات اقل بكتير من العندك.
الجملة دى قالها لى مديرى المباشر لمن اشتكيت ليهو انو اجازتى السنوية كانت السبب وراء ضياع مجهودى الكبير لانقاص الوزن .........
الان وصلت لى قناعة جديدة ان اجازة نهاية الاسبوع (سبت واحد) هى monster صغير يبلع كل مجهود الاسبوع ... لاحظت من قبل ان اداء بتاعى يضعف يومى السبت والاحد ... اليوم الاثنين 21 مايو عطلة رسمية فى كل كندا يسمونها يوم فكتوريا .... سبت احد اتنين ..اداء صفر ...رياضة صفر ...معنويات صفر..... ---------------------------
شكرا يا شباب على التهنئة ..ربنا يحفظكم ويسدد خطاكم ويديكم الصحة والعافية وراحة البال (والمال)
------------------------
مرحب بمحمد طحنية للاسف كان عندك 60 يوم تستانف الاسم ده لكنك فشلت فى المثول امام قاضى الجنايات ...بعد ده ما عندك اى حل سوى ان تطرح الامر امام الجمعية العمومية...
عاد يا النصري انا اتلومتا معاك. كل سنة و انت طيب يا اخي. السنة الجاية ضعيييف و في أتم صحة و عافية
Post: #1203 Title: Re: Sudaneseonline Biggest Loser Author: مريم بنت الحسين Date: 05-21-2012, 07:32 PM Parent: #1200
الله يبارك فيكم يا سمارت ونجاة... دخلته فيها الملابس بتاعت محمود بتاعت المدرسة، لكن ياخ التنشيف ده بياخد زمن طويل جداً... ولا انا لسه ما فاهمه الموضوع كويس!
قلت اجدد إلتزامي ... باقي الدقايق حقتي قسّمتها بحيث اني اخلّص يوم الثلاثاء الجاي ان شاء الله... عشان اوقف رياضة وقت كافي قبل الوزن (قلت لييييكم انا والرياضة ما بننفع).... الجدول كالتالي:
بكره، حأعمل 45 دقيقة الاربعاء 40 دقيقة الخميس 60 دقيقة الجمعة 60 دقيقة السبت 45 دقيقة الاحد 45 دقيقة الاثنين 45 دقيقة الثلاثاء 45 دقيقة
المجموع 385
لو الله هوّن حأخلص كده الدقايق بتاعتي كلها قبل نهاية الشهر....
GO LOOOOOOOOOOOOSERS!
يا اخوانا ود الصايم وين.... وامير بتاع احلام اليقظة وينه؟
نرجع لموضوع الكايت..... لى زى دكشماية سنة بحلم وبتمنى حاجة واحدة لم تتحقق ابدا.. فصل الصيف عندنا قصير جدا (حوالى شهرين) ناس البلد هنا بستمتعوا بيهو جدا جدا ونادر جدا تلقى زول كندى بلبت زينا كده فى البيوت ... بحكم عملى بكون لافى فى الشوارع ..بشوف الميادين الخضراء والملاعب والبلد كلها عبارة عن حديقة كبيرة ...بشوف الناس فى الحدائق دى بلعبو كل انواع اللعبات ....
نحن السودانيين لمن يكون فى برنامج فى البارك البرنامج بكون ناكل الدجاج واللحم المشوى ونتونس شوية واحتمال حبة كوتشينة وكل زول يتخارج ..... عشان كده بتجنب امشى برامج السودانيين فى الصيف ..... الحاجة البتمناها من سنين طويلة انو يكون عندنا برنامج رياضى ثابت كل اسبوع ..نلعب فيهو كرة قدم او كرة طائرة ... اما امنيتى الكبرى فهى لعب البيسبول ..فانا اشاهد هذه اللعبة يوميا على التلفزيونن واعرف كل قوانينها وتاريخها....اليوم قضيت زمن طويل ابحث فى الانترنت عن معدات اللعبة من عصايات وخوذ وكرات ..للاسف اسعارها مرتفعة شوية....
السنة الفاتت عملت اتصالات وحجزت قاعة للعب الكرة الطائرة على ارضية رملية لكن للاسف فشلت فى جمع عشرة او 12 شخص للمشاركة... قبل سنوات كنت واحد الاصدقاء نلعب التنس على ملاعب البلدية وهى لعبة شاقة جدا جدا استفدت منها كثيرا ولكن فقدت ذلك الصديق بسبب ظروف السفر..
نواصل
Post: #1206 Title: Re: Sudaneseonline Biggest Loser Author: مريم بنت الحسين Date: 05-22-2012, 06:02 AM Parent: #1205
النصري ازيك
احنا في الدمام، علي ساحل الخليج العربي، صيفنا فيه نسبة الرطوبة مبالغ فيها، الملابس ما بتنشف، وشتانا بارد (ما زي حقكم)، درجة الحرارة بتصل صفر، وبرضه الملابس ما بتنشف... زي الايام دي، جونا حلو، الملابس بتنشف، لكن الجو ده بستمر فترة قليلة جداً من السنة، علي الاكتر، شهرين....
ماشه انوم، بجيكم بعدين
Post: #1207 Title: Re: Sudaneseonline Biggest Loser Author: مريم بنت الحسين Date: 05-22-2012, 06:27 PM Parent: #1206
ازيكم يا لوزرزس...
جيت راجعة منتهية! يومي كان صعب جداً.... عملته 45 دقيقة قبيل بطلوع الروح ... من صحيت من النوم كنت فترانه... خلصته ال45 دقيقة بصعوبة، لكن المهم انتهت... مشيت الجامعة اديت محاضرتي .. وجيت راجعة محمود عنده صاحبته في المدرسة اسمها زينه، عندها عيدميلادها بكره... اخدته هو ولولو ومشينا اشترينا هدية لي زينة.. مشينا بالكرعين لانه نادر كان عنده اجتماع... ما مشوار بعيد، لكن المشوار بعد الرياضة ووقفته المحاضرة اتشاف لي بعيييييييد.. جيت داخله حسي دي..
السلام عليكم يا جماعة وزنت الللية و النتيجة زي ما متوقعها ما بنفس معدلات الشهور الفاتت. و دي حتكون نتيجتي الحأشارك بيها في المسابقة لأني كدا تميت واحد و تلاتين يوم. حأواصل في برنامجي لغاية نهاية الشهر إن شاء الله و بعدها تبدا المرحلة الأصعب و هي المحافظة على الوزن الجديد.
Post: #1209 Title: Re: Sudaneseonline Biggest Loser Author: النصرى أمين Date: 05-23-2012, 01:52 AM Parent: #1208
بعد توقف ثلاثة ايام رجعت للرياضة عملت تلاتين دقيقة (وشوية) حرقت فيهم 410 كالريز.. ان شاء الله من بكرة نرجع لساعة كاملة بدلا من نصف ساعة... ---------------
ياسر ..بقترح عليك تواصل معانا الاسبوع الفضل ده... عشان بس خاطر اطفال المايقوما حاول انزل ليك رطل او رطلين زيادة فى الثمانية يوم الجايات ديل..
Post: #1210 Title: Re: Sudaneseonline Biggest Loser Author: مريم بنت الحسين Date: 05-23-2012, 04:10 PM Parent: #1209
ازيكم يا شباب العوض، ورينا النتيجة شنو... وما تخليها تحبطك... انت براك قلت انه جسم الانسان بتعود على الرياضة بعد فترة وبتبقى ما بتأثر فيه... برضه استمرارك بي كالوريز شويه في اليوم عنده نفس التأثير... انت لو وصلت للوزن العايزه... بعد ده حقو تفكر في خيارات المحافظة...
الليلة عملته ساعة، كنت مخططة أعمل 40 دقيقة... لكن قلت حمودي حيكون مافيش طول اليوم.. ولولو عندها نومه نص النهار ... خططته اني اعمل نص ساعة اول ما اصحى قبل الفطور، وبعداك اكون خلصته الغدا بتاعي وغسيل الملابس والنظافة .. وبعداك اعمل نص ساعة تانية بعد ما محمود يمشي... وهذا ما حدث...
حأستمر على الجدول بتاعنا... حتى لو لقيت طريقة انتهيت منّه بدري يكون احسن.. عشان اقعد وقت كافي قبل ما اقيس وزني... ويكون تأثير الرياضة راح... لانه عارفه اني اثناء الرياضة، ميزاني بيدي ارقام كده قاطعها من راسه....
امبارح شافع عمره عشرة سنين ضرب جرس الباب قال لى بقطع النجيلة بدولارين وسايق المكنة التحت دى
قلت لى نجيلتى دى دايرة خمسة ساعات بمكنتك دى .....
اليوم لمن جيت من الشغل لاحظت النجيلة شكلها كدى حتجيب لى غرامة مدنكلة من ضباط البلدية,, اشتغلت فيها اكثر من ساعة وظبطتها تمام التمام.... وكدى نعتبر دى رياضة اليوم
سلام للجميع نزولا على رغبة مريم حأوريكم نتيجتي... نقصت تاني حوالي أربعة أرطال زيادة يعني النقصان في الشهر كله زي ستة أرطال. النتيجة ما سيئة شديد خصوصا إذا ختيت في بالي إنه الأربعة أرطال دي خسرتها في عشرة أيام في حين إنه العشرين يوم القبلها خسرت فيها رطلين بس. فعلا يا النصري أنا مقرر أتم الشهر دا إن شاء الله. المحتاج ليه هسع إني أبدا التخطيط لكيفية المحافظة بالذات مع الإجازة الجاية دي. عندي خطط للإجازة حأوريكم ليها لما تكتمل بإذن الله. المشكلة إنه المحافظة مع خططي حتكون صعبة شوية لكن ربنا يسهل. سمارت أنسي الفات و أخدي الليلة إجازة و أبدي من بكرة.
والله احلامنا بدت تتناقص ....وتطلعاتنا بدت تصغر للاسف....
هسى انا كل امنيتى انه انقص لى اتنين كيلو اخريات فى مواعيد الوزن الجماعى....واذا تحققت الامنية اكون نقصت فى شهر مايو اربعة كيلو
ناكل فى السلطة والبليلة وحبات طعام ولكن الرياضة ما ماشة تمام
اكتر رياضة ملتزم بها هى رياضة البطن كل يوم بعمل خمسين مرة مرات بعد الصلاة ومرات وانا راقد فى السرير...غايتو كلو مااتذكر انى ما عملت رياضة اعمل رياضة البطن....
مشينا فى الويكند بحيرة قريبة لينا قيلنا الجماعة ياكلو فى الطيبات وانا اشرب الشاى المر واكل فى البليلة
ياالنصرى بى سخانتك دى و رفعت معدل الرياضة لى ساعة انا اعلن انسحابى من المنازلة والان الان
مع التحية
ابن النخيل
Post: #1216 Title: Re: Sudaneseonline Biggest Loser Author: Nagat Sid Ahmed Elshiekh Date: 05-24-2012, 01:41 AM Parent: #1215
Quote: يا جماعة حالتي صعبة. أصعب من حالة النصري شهر اربعة.
حكمنا والله عين حسودة ما عاوزاك تكونى رهيفة عملات حبوبتى .. ياخ دى مشكلة بتزول بس تيك يت إيزى...
النصرى والله ضحكتنى لما قهقهتا... لكن المفروض تدعمه وتخفف عليها ياخ.
Quote: الوزن الجماعى....واذا تحققت الامنية اكون نقصت فى شهر مايو اربعة كيلو...ح
بالتوفيق يا ابن النخيل
Post: #1217 Title: Re: Sudaneseonline Biggest Loser Author: مريم بنت الحسين Date: 05-24-2012, 07:55 PM Parent: #1216
سمارت...
غايته احنا مستمرين... لو اديتيني يوم بكره كمان، بفوتك... بكلمات أخرى، اقعدي في الحفرة لبكره بس... (وش شرير)
ألف مبروك الأربعة ارطال يا العوض... اي خسارة مرحب بيها... ورينا خططك في المحافظة عشان نستفيد منها، رغم انه لو انت حتستمر في قصة حساب الكالوريز دي، حتكون المحافظة اسهل بالنسبة ليك... لانه في مواقع كتير بتحسب ليك عدد الكالوريز المناسب حسب نشاطك عشان تخسر وزن، او تحافظ على وزنك او تزيد وزن.... ممكن تجربها وبعد تتعود انك تعرف الكمية البتناسبك، توقّف
ابن النخيل، النقصان الشديد بتاع البداية ده عادة بجي بعده ركود، خاصة لو انت ما شديت الهمّة... كويس انك محافظ في الاكل، انا لفترة طويلة كنت محافظة في الاكل وما بتريض، وكنت بنقص وزن برضه... لكن بعداك حسيت انه بقى في بطء في نقصان الوزن عشان كده بديت الرياضة... كدي حاول معانا في التحدي، الشهر فضل فيه سبعة ايام... حاول اتريض فيهم...
كراعي اتزلظت من المشي بتاع امس.. عشان كده ما قدرته امشي الليلة.. لبسته الجزمة بالقوّة، لكن ما كنت قادره امشي بيها... فقررت اني انط حبل.. وفعلا نطيب 500 نطة .. خلال ربع ساعة... جبت الشعب كله وخليتهم يعدّوا لي... قسمناهم لاستراحه بعد كل خمسين نطه... اظرف شي... نادر لما نصل لي 40 ... يقوم يقول fouuuuuurty... انا في المسافة دي اكون نطيت لي تلاته نطات، بعداك يتم 41، 42... وممكن اثناء النط يعاين لي لولو تكون عملت ليها حركة، ويجي يواصل من وين ما وقف.. محمود لما يعد لي يقعد في نص العد يضحك مع ابوه... اها لما لقيتهم بشروا فيني كده، بقيت اعد برااااي... تميت ال500 نطه.. نط الحبل من الرياضات البتحرق كالوريز كتير في وقت قليل.. يعني الزول لو نط لمدة دقيقة متواصلة، ممكن يحرق 11 كالوري... بس طبعا صعب شديد انه الزول يكمل دقيقة كاملة... المسألة محتاجه تدريب ... المهم انا تميت ال500 في ربع ساعة ... ما عارفه نحسبها كيف في حساب الدقايق.. لكن اعتقد حأحسبها نص ساعة مشي..
السلام عليكم يا اهلنا جئتكم اليوم بالخبر اليقين و لقب عالمي جديد للعبد لله حيث تم بالامس اعلان نتائج التحدي بمدينتنا بنص الايميل المرسل ادناه
Quote: Well it’s been a long time but there is a clear winner of the challenge. Congratulations to Ahmed!
1st Ahmed 15.53% 2nd Toni 13.71% 3rd Adrienne 9.27% 4th Jo 7.85%
Ahmed has won a 3 month membership with AM I Fit training, 1 massage and Usana liver support. Total value $400 Thanks to all who participated, keep on pursuing your weightloss goals.
والآن يسرني ان افتح باب استقبال التهاني من اصدقائي و حلفائي و طلابي وكل من يحب ان يهنئني من المعسكر الغربي (ما تتحسسوا ) , الباب مفتوح للجميع حارجع ليكم تاني
الف الف مبروك يا غباشي. رافع رأسنا دائماً ان شاء الله. يا اخوي ما بنقدر ننافسك احنا. انت عابر قارات. ما شاء الله. عيني بااااااارده.
Post: #1221 Title: Re: Sudaneseonline Biggest Loser Author: مريم بنت الحسين Date: 05-25-2012, 06:53 AM Parent: #1220
أنا ما بعترف بالنتيجة دي، اول شي احمد منو! انت موش اسمك غباشي! تاني شي، 400$ دولار اشتراك ومساج نقاسمك فيهم كيف!؟ بعدين أنا برجّع فضل الفوز ده (بعد نتأكد منه)، لطريقتي السلبية في التشجيع، يعني لو ما لقيت زول زيي يستفزك ويغيظك كان زماااااان رجعت لبسكويتك!
ياخ والله الف مبروك، وتستاهل الفوز... وبركة الخميت النصارى ديل... اكسح امسح قشو!!
علي سيرة الslogan بتاعك، قريت اخر مداخلة لابن النخيل!؟ (وش شمتااااان فيك)
يا اختنا مريم الخيل الاصيلة تجى فى اللفة....بعدين انا اليومين ديل منتظم فى الرياضة اي نعم الزمن ماطويل لكن سوف يصل ساعة لمان اتم سنة فى البرنامج دا زى اخونا النصرى....
مبروك يا كوتشى العزيز غباشى...لا تاخذنك بهم رحمة.....كان هنا كان هناك وانا على الدرب سائرون
اختنا اسمارت شايفا سكنت المصاطب بقت مشجعة...
انتو ما عارفين المفاجاة الكبيرة حاتخيكم من النصرى...
انا الليلة اعاني حالة ركود رياضي... ونعسانه من صباح الرحمن... غايته، لازال الليل طفلاً يحبوا.. احتمال احنس نفسي اعمل لي 700 نطة بي الحبل بعد شويه... لانه طبعا كراعي لسه مظلوطه... لو عملتها بجي احسبها شغل ساعة...
صفقوا لي عليكن الله... لو جيت قلته اني عملته ال700، دايره من كل واحد فيكم 10 صفقات بالله...
Post: #1226 Title: Re: Sudaneseonline Biggest Loser Author: مريم بنت الحسين Date: 05-25-2012, 05:57 PM Parent: #1224
جيت راجعه... عملته 1000 نطته في 24 دقيقة... انجاز تاريخي... دبّلته الرقم بتاع امس.. وقللته المدة... لاحظته اني خلصته ال500 الاولى في 12 دقيقة تقريباً... وزي ما قلنا ده بحساب ساعة... بحساب الكالوريز حسب الموقع ده http://www.exrx.net/Calculators/Calories.html انا حرقته 351 كالوري... والله اكبر والعزة للسودان....
250 دقيقة - 60 دقيقة= 190 دقيقة
برضه، حسب تحالف كاودا، الليلة فته سمارت لأول مره مما بدينا.....
عايز ألتزم بكتابة تقاريري حتى نهاية الفترة إن شاء الله. دا حيكون التقرير قبل الأخير و آخر واحد حأكتبه بعد نهاية الشهر لو ربنا سهل بعدا داك حأتابع معاكم في المحافظة. التقرير لكل تلاتة يوم مع بعض و حتلاحظوا في بعض التدهور في الرياضة:
الخميس 10/5 لغاية السبت 12/5 المتوسط لليوم الواحد كالتالي: عدد الكالوريز الاتناولتها 1636 كالوري. رياضة حوالي 20 دقيقة حرقت 297 كالوري (في يومين ما اتريضت فيهم). الصافي فقدان 748 كالوري.
الأحد 13/5 لغاية التلاتا 15/5 المتوسط لليوم الواحد كالتالي: عدد الكالوريز الاتناولتها 1620 كالوري. رياضة حوالي 30 دقيقة حرقت 435 كالوري (في يوم ما اتريضت فيه). الصافي فقدان 881 كالوري.
الأربعاء 16/5 لغاية الجمعة 18/5 المتوسط لليوم الواحد كالتالي: عدد الكالوريز الاتناولتها 1633 كالوري. رياضة حوالي 17 دقيقة حرقت 247 كالوري (في يومين ما اتريضت فيهم). الصافي فقدان 695 كالوري.
السبت 19/5 لغاية الاتنين 21/5 المتوسط لليوم الواحد كالتالي: عدد الكالوريز الاتناولتها 1655 كالوري. رياضة حوالي 82 دقيقة حرقت 427 كالوري (في يومين ما اتريضت فيهم لكن كويت و اتمشيت حسبتها بدل الرياضة). الصافي فقدان 760 كالوري.
التلاتا 22/5 لغاية الخميس 24/5: عدد الكالوريز الاتناولتها 1523 كالوري. رياضة حوالي 72 دقيقة حرقت 397 كالوري (في يومين ما اتريضت فيهم لكن كويت و حسبتها بدل الرياضة). الصافي فقدان 861 كالوري. نيتي إني إن شاء الله حألتزم بالرياضة في الأيام الجاية دي.
ركلسه اسبوع و انهزمتا شر هزيمة من مريم انا ( علي قول النصري) في القاع. قاع القاع. i hit rock bottom من كل النواحي. لياقتي ما حصل كانت كعبه كده. و وزني ما حصل وصل أرقام ذي دي.
لكن ذي ما قلتا. ده القاع. و ان شاء الله ما يكون في اكعب من كده.
مريوم، مع انك صحبتي و أختي و حبيبة البي. لكن انسي. استمتتعي بانك فايتني اليوم. لانها ما ح تكرر. أبدا.
القصة دى احتمال يفهمونا ناس امريكا الشمالية (كندا وامريكا) اما ناس الاقاليم ناس مريم وغباشى الله يعلم تقع ليهم ......
امبارح مشيت بنك جديد لفتح حساب جديد لانو البنك بتاعى عامل لى نفسيات..ما بدورهم ولا بدورونى من كترة المشاكل ,,,مع انى زول ما بتاع مشاكل لكن عندى حساسية شديدة من موظفى الخدمات (حكومية او خاصة)
المهم موظف البنك ظريف جدا ..اتنوسنا فى البيسبيل ومواضيع اخرى.... طلبت منه يراجع ال credit report بتاعى عند ناس credit beaureau تم ذلك ...قال لى عندك collection مع شركة التلفون الفلانية بغرامة الالف دولار ....قلت ليهو عمرى ما كان عندى حساب مع الشركة دى ....قال لى المبلغ لم يدفع عشان كده قاعد فى الفايل بتاعك وعامل دمار شديد.... طبعا مرحلة اى فايل يصل وضعية ال collection معناتها المستهلك رفض يدفع الديون العليه وتمت مطاردته من احدى الشركات المتخصصة فى تحصيل الديون الهالكة ونتيجة لذلك تتناقص امكانية حصوله على ديون اخرى.....
قلت للموظف مستحيل البحصل ده .. هذه الشركة عمرى ما اتعاملت معاها ولم يكن بينى وبينهم اى مراسلات اوفواتير... نصحنى بالاتصال بالشركة المحصلة واستبيان الامر... فعلت ذلك .... علمت من الموظف ان هناك شخص ما انتحل شخصيتى وعمل على فتح حساب مع شركة التلفون وزاق بعد داك ...نصحنى ان اتصل بشركة التلفون واقناعهم بان الامر تزوير وانتحال الشخصية.. اتصلت بشركة التلفونات وحاولت اقناعهم بذلك وبدوا معى تحقيق
والله ربنا يعينك يا النصري... في النهاية طبعا حتقدر تقنعهم إن شاء الله لكن بعد تعب شوية. كان لكلكوا هددهم بإنك تشتكيهم لأنهم ما عملوا الخطوات اللازمة للتأكد من شخصية الزول دا. قبل كدا ناس الفيزا اتصلوا بي قالوا لي اشتريت ليك كمبيوتر بواسطة الإنترنت؟ قلت ليهم لا قالوا لي في زول اشترى كمبيوتر و لغوا الكرت طوالي و رسلوا لي واحد جديد. واحد صاحبنا برضه جاه كشف الحساب لقى فيه تذكرة سفر عديل كدا و ألذ حاجة تذكرة داخلية في الهند اتصل بناس الشركة لغوا القيمة من حسابه و غيروا ليه الكرت.
اوووو اخونا ابن النخيل كيف الكمونية برضو دى مناسبة سعيدة فى القائمة بتاعتى تسلم .... حكمنا ترجعى بالسلامة قريبآ.... مريوم شنو سويتيها لينا نط حبل هههه والله إنجاز اخير من قعاد ساكت ... النصرى القصص دى كتيرة خالص ياخى انحنا حصلت لينا وطلع من دلربتاع عربات اديناهو معلوماتنا لشغل مشي شال قرض من البنك بتاعنا لكن اتلحقت سريع واتحلت المهم ح تتعرف بس تابع احرص لحل الموضوع دا عشان ماتجيك ضربة كبيرة.
Post: #1234 Title: Re: Sudaneseonline Biggest Loser Author: مريم بنت الحسين Date: 05-26-2012, 09:18 AM Parent: #1232
Quote: القصة دى احتمال يفهمونا ناس امريكا الشمالية (كندا وامريكا) اما ناس الاقاليم ناس مريم وغباشى الله يعلم تقع ليهم ......
النصري ياخ احنا ما اهل العوض للدرجة دي... يعني بنعرف الcredit cards واهمية تاريخك الائتماني في انك تقدر تاخد قروض جديدة او مجرد انك تئتمن انك تاخد كاردز... صحي ناس السودان لسه بحتفلوا لما يفتتحوا ليهم ATM جديدة، لكن احنى ارقى حبّة... ... الله يعينك... ومشكلة الidentity theft عندكم كتيره!!! شوف حسي من ضمن اربعة في امريكا وكندا، تلاته حصلت ليهم! احنا هنا البيروقراطية بتصعّب على الزول سيد الشي زاااااتو انه غرضوا، خلي زول يكون مزيّف كمان! ... بابا دايماً بتكلم عن انه الانظمة في الدول الغربية منبية على اساس انه الانسان صادق حتى يثبت العكس... وبسبب الحاجه دي، بعض السودانيين وبعض الناس من دول العالم الثالث، استغلوا ثغرات زي دي في النظم الغربية لما هاجروا ليها.. كان بحكي لينا انه الباكستانيين كانوا في بريطانيا زمان اكتر ناس حرامية... والمشكلة بسرقوك باسم الدين! في امريكا السودانيين قالوا الواحد يعمل انه منفصل عن مرته عشان ياخدوا well fair اعلى... طبعا الواحد ما بعمم.. زمان كان عندنا دكتور بتكلم عن انه amazon.com في بداياته كان ممكن يشحن من غير ما يتأكد من وصول الpayment، وانه بسبب القصة دي، في اكتر من زول من جامعتنا (في الاردن) انهم يشتروا كتب وتتشحن ليهم وبعد فترة تصل خطابات للجامعة بتسأل عن الناس ديل لانه ما دفعوا! قال انه امازون محتاج يغير معاييره شويه عشان ينطلق عالمياً...
قبل سنتين تقريبا ظهرت عصابة في الامارات بتسرق الارقام بتاعت الATM وتفضي الحسابات... انا كنت في اجازة الفترة ديك وسحبت قروش من هناك... بعد فترة جيت السعودية وفتحت حسابي لقيته فاااااضي... هو ما كان فيه قروش كتيرة لانه انا بحوّل قروشي كلها لاسترليني.. بخلي لي شي بسيط بالريال عشان لو احتجت اشتري شي .. المهم كان فيه زي 1500 ريال... لما مشيت الstatement لقيته انها اتسحبت من سوبرماركت في بريطانيا... قدمت شكوى للبنك ورجعوهم لي.. وغيّروا لي الcard.. لكن بعدها بكم شهر تقريبا طبقت كل البنوك تدابير احترازاية شديدة... بقينا لو عايز تدخل حسابك بتاع البنك، برسل لي رسالة للموبايل في رقم سري (بالاضافة لرقمك الاصلي) حتى تقدر تدخل...
كفارة يا النصري...
نجاة.. ادي بن النخيل ده في راسه عليك الله..
يا شباب.. فضل للشهر اربعة ايام، واعتقد اني حأوقف الرياضة بعد ده... دي فرصتك تفوتيني يا سمارت... ما عايزه اتمقلب في الوزن النهائي.. رح اخفف من الاكل كالعادة.. ونشوف يوم 1 يونيو...
قو لوزرز
Post: #1235 Title: Re: Sudaneseonline Biggest Loser Author: مريم بنت الحسين Date: 05-26-2012, 12:01 PM Parent: #1234
نجاة... كدي امشي نطي ليك عشرة نطات وتعالي وريني رأيك ... وبالمره اقري الكلام ده عن نط الحبل... ده من الرياضات البتحرق كالوريز كتيره جداً.. لانه ما ساهله...
اول سؤال رماهو فى وشى موظف البنك وموظف شركة التحصيل وموظف شركة التلفونات هو هل اتعرضت لسرقة محفظتك او فقدتها او هل اتعرضت لجريمة انتحال الشخصية .. اجابتى كانت نعم ولكن ذلك حصل قبل خمسة سنوات والتفاصيل فى البوست ده من 2008
بصراحة بعد تلك الحادثة كنت حذر جدا لكن مع مرور الزمن ولم يحدث شئ فكيت اللعب ...
طيب يبقى السؤال كيف تسمح شركة التلفونات ان تصل الفاتورة لمثل هذه المبالغ الكبيرة قبل ان تتدخل وتوقف الخدمة ....
البحصل انو الشركة تعرض للزبون الجديد تلفون مجانى مثل اى فون ٤ مجانا مقابل ان يلتزم معهم بعقد لمدة تلاته سنوات ..... قيمة التلفون تصل 600 او 700 دولار (مضافة اليها الضرائب) بعد شهر واحد فقط يختفى الزبون (المجرم) تاركا خلفه فاتورة شهر تلفون تصل 300 دولار بالاضافة لقيمة التلفون
معظم عقودات التلفونات تتم عبر التلفون حيث يقدم الزبون معلومات مثل الاسم ..تاريخ الميلاد ..رقم الضمان الاجتماعى .... تقوم الشركة بمقارنة هذه المعلومات ومطابقتها بالفايل فى Credit beaureau وتتم الموافقة بعد ذلك....
يعنى باختصار شركات التلفونات اسهل الضحايا بالنسبة للمجرمين بس العائد قليل مقارنة بباقى انواع الجرائم المنظمة
اى مستهلك يمكنه ان يحمى نفسه من جرائم انتحال الشخصية عن طريق الاتصال ب Credit beaureau ويطلب منهم ان تكون وضعية ملفه هى Consumer Statement
معناها اى طلب من اى نوع يجب مراجعة صاحب الملف شخصيا بالتلفون للتاكد من قانونية الطلب
وده الشى الحاعمله انا بعد الانتهاء من تبرئة نفسى من الفاتورة
(بالمناسبة معلوماتى عن الامر لاننى اشتغلت سنوات فى احدى شركات الائتمان كنت فى قسم استلام طلبات ال credit card الجديدة ..تحليلها و الموافقة او الرفض لكل طلب)
Quote: ا شباب.. فضل للشهر اربعة ايام، واعتقد اني حأوقف الرياضة بعد ده... دي فرصتك تفوتيني يا سمارت... ما عايزه اتمقلب في الوزن النهائي.. رح اخفف من الاكل كالعادة.. ونشوف يوم 1 يونيو...
الليلة عرفت السر بتاع لما تتريضى كتير وما تنزلى اى وزن... طبعا الاسبوعين الفاتو كنت بمشى الجم 5 مرات فى الاسبوع الواحد مشيت وزنت مافى اى خسارة اتكلمت مع واحدة شغالة فى البرنامج دا وقلت ليها دى اكتر اسبوعين امشيت فيهم الجم طوالى فتحت الدرج وطلعت ليها شريط قياس بال inches لقتنى نازلة 10 inches وقالت لى كل ما تتريض اكتر بتظر فى ال shape اكتر من الوزن وكدى ح اركز على المشى للجم واهم شي الشكل الخارجى .. عشان كدا يامريم بتكونى نازلة إنشس اكتر لما تتريضى اكتر.
)( نجاة... كدي امشي نطي ليك عشرة نطات وتعالي وريني رأيك ... وبالمره اقري الكلام ده عن نط الحبل... ده من الرياضات البتحرق.) والله كلامك صاح يا مريوم صعبة شدييييد ومفيدة خالص ممكن نكسر بيهو الروتين بتاع المكنات الكل يوم دا تسلمى و كيب يت اب.
(كنت عايزه اسألكم عن الميزان البقيس الbody fat... سمعتوا بيه؟ حد جرّبه؟ اعتقد ممكن يكون اكثر دقة من الميزان البقيس الوزن ساي.... ادونا feedback بالله) مريوم تجدين الاجابة عندى انا طبعا متابعة مع برنامج LA Weight LOSS دا بستعملوا ميزان فيهو مقاس الbody fat كلو فى جهاز واحد موصل مع الكمبيوتر بيظهر ليك فى الشاشة عدد الارطال وكمية الفات الخسرانة او الزائدة بالنسبة لزيادة بتظهر الارقام حمراء يعنى فى زيادة انا بكون طالعة فى الجهاز وعينى فى الشاشة ....
شكرآ النصري فعلا عوستة عواسة فى الاقتباس ودا سبب التعديل بعد التنبيه...
يا نجاة لازمى تعدلى مداخلتك الاخيرة لانها قفلت البوست الحاجة دى بتحصل لمن العضو يقتبس الاقتباس
--------
موضوع الوزن والقياس ده انا اتاكدت منه تماما لانو وزنى ثابت ولم يتغير لكن ملاحظ البنطلون الجديد الفرحان بيهو مقاس ٤٢ اصبح مالص وبقيت كل مرة ارفعه لفوق احتمال كبير جدا احتاج لحزامى التاريخى داك
-----------
تعرفى يا اسمارت ,,مشكلة القعاد فى القاع انو الزول بجيهو احساس انو مافى مخرج نهائئ للحالة دى .....
غايتو انا بنصحك تقعدى تونسينا زى ما كنت انا بعمل وخليك involved فى النقاش لانو ما معروف الانتفاضة بتاعتك حتحصل متين
اونسكم.... ليه لا؟؟ طيب أعصابي باظت المره الفاتت من الطيارة اللي ابت تطير اليوم صحيت الصباح سقت الأولاد و مشينا بارك كبييير. لعبوا شويه و بعدها رجعنا العجلات للعربية و طالعنا ( شنو غيرها؟) الطيارة بتذكر أني لما كنت صغيرة كان عندى كايت و كنا بطيرها براي ذي العجب المهم بعد محاولات و فتيش في يوتيوب و جري و قطع نفس طارت الكايت انجاز و الله. طارت و وقعت و طارت و وقعت ذي مليون مره كده و بعدها الحبل بتاعها اتشربك في كدارة القرد ابو 3 سنوات فرتقته من الحبل، قال تعبان و عاوز يرجع البيت. رجعنا البيت.
مبسوطين الايام دى. لكن اجازتى خلاص فضل ليها شهر و شوية و ارجع تاني للبري بتاع الشغل:(
Post: #1242 Title: Re: Sudaneseonline Biggest Loser Author: مريم بنت الحسين Date: 05-26-2012, 08:06 PM Parent: #1240
تعرفي يا نجاة، صدقاً لكلامك ده، من شويه مشيت لجارتي معاها امها، الام شافتني قبل اسبوعين تقريباً في حفلة الشاي العملتها ديك لو بتتذكري... اها امها قامت قالت لي، ضعفتي! من يومي الشفتك داك ضعفتي شديييييييييييييييييد... والله فرحته بشكل...
انا مفكره غايته اشتري الجهاز بتاع قياس الbody fat ده... اعتقد احسن من الوزن العادي... لكن نفسي اعرف بشتغل كيف!!! يعني على اي اساس بقيس الbody fat... كده النمشي ابحبت... يمكن أفهم القصة....
سمارت... خليك قاااااااااااااعده في دحديرتك دي... اصصصصصصصصصصصصصصصصلك ما تقومي... خلينا نتم الشهر ده.. بعداك نبدا من حيث انتهينا...
Post: #1243 Title: Re: Sudaneseonline Biggest Loser Author: مريم بنت الحسين Date: 05-27-2012, 09:56 AM Parent: #1242
الثورة انطلقت! وسمارت قامت من سباتها العميق... وعملت ليها 38 دقيقة في عين العدو
ازيكم؟ لسه بعافر عشان اطلع من الحفرة. حفرة بحفر فيها بيدي لفترة سنة كاملة. اها الان المرقه بقت صععععبة. طيب مع أني و لليوم التاني علي التوالي اتريضتا. الأكل لسه ما مظبوط، عشان كده ح اونسكم
اها يا جماعة ما تقولوا ما عندي موضوع ( انا فعلا مرات بيكون ما عندي موضوع) لكن انا مدبرسه. هاوس، مسلسي المفضل من سنوات انتهي. و يوم الاتنين الفات حضرتا اخر حلقة فيه. كويس ان النهاية كانت متوقعه. ما عاوزه اخربه لزول ما حضره. لكن ممكن اقول انها كانت نهاية bittersweet
Post: #1246 Title: Re: Sudaneseonline Biggest Loser Author: مريم بنت الحسين Date: 05-28-2012, 08:41 AM Parent: #1245
Quote: اها يا جماعة ما تقولوا ما عندي موضوع ( انا فعلا مرات بيكون ما عندي موضوع) لكن انا مدبرسه. هاوس، مسلسي المفضل من سنوات انتهي. و يوم الاتنين الفات حضرتا اخر حلقة فيه
تعرفي يا سمارت، من كم يوم كده قريت انه من مسببات الدبريشن انتهاء مسلسل مفضّل... طبعا انا هاوس على قدر ما بستمتع بيه، لكن قاعده انسى مواعيده... طبعا هنا بعرضو السيزونز في فترات متباعدة، عشان كده بنسى...وممكن ينتهي كله وما اشوفه... ده غير انه التلفزيون، الشعب محتلّه.... صحيح عادي بقلعه منهم لما اتذكره، لكن المشكلة اني بنسى....
الرياضة واقفه طبعا.. ومنتظره يوم الجمعة بفارغ الصبر... قاعده امخمخ ليكم في تحدي جديد الشهر الجاي... طبعا التحدي لنفسي، لكن لو في زول عايز ينضم لي... حبابه...
All members should report to the office to update their status before the big day
Post: #1248 Title: Re: Sudaneseonline Biggest Loser Author: النصرى أمين Date: 05-29-2012, 00:34 AM Parent: #1247
يا الله..البورد بطئ جدا ...حاولت طوال الصباح فتح البوست ولم انجح .....
رجعت من الدوام التانى لقيت البورد سريع جدا ..
الحمدلله ...شركة التلفونات قررت سحب الفاتورة واخلاء سبيلى.. اتصلت بشركة التحصيل وطلبت منهم سحب الفايل .... الامور فى طريقها للتسوية.. الان على ان افكر من وراء العملية الاجرامية وكيفيه مكافحتها... فى بالى احد معارفى لا يستبعد ان يكون وراء الامر .... ---------------
بعد غياب اربعة ايام رجعت للرياضة اليوم نصف ساعة حرقت فيهم 415 كالوريز
اخر مرة وزنت النقصان كان 2 رطل فقط وبصراحة لا اتوقع المزيد.. لكن عشان الواحد يبقى عادل مع نفسه لازم يعترف انو النقصان ما حصل فى الوزن ولكنه حدث فى المقاس .. لذا قررت يوم ختام المنافسة الحالية يوم الجمعة ان اقيس الخصر وكل بوصة افقدها سادفع خمسة دولارات ..
-------------
لى شهور عديدة بفطر يوميا بشوفان Oat بدعوى انه صحى ويساعد فى تخفيض الكولسترول (انا اصلا ما عندى مشكلة فيهو) لكن مع الخمسيناية الوصلناها دى كل شى متوقع
مرات كتيرة بعمل الشوفان فى البيت واحايين اخرى بشتريهو من كافتيريا فى الداونتاون ... صباح اليوم كنت متاخر شوية .. فى الكافتيريا كان امام فى الصف رجل يبدو وكانه مشرد... طلب قهوة ...السعر كان حوالى دولارين .... قال للعامل All I got is 2 dollar Euro
(لاحظ دولارين يورو دى)
العامل ويبدو انه من بنقلاديش رفض استلام اليورو.. الشكلة قامت ..... الراجل بقول للبايع دى قروش وقروش كويسة كمان... البايع يقول ليهو ما بنقبل الا دولار .... وانا واقف مصطكى .... فى النهاية اضطريت لضيق الزمن ان الغى وجبة الشوفان المحببة لى واكتفيت بكباية قهوة و بيقل bagel 12 grain
Post: #1250 Title: Re: Sudaneseonline Biggest Loser Author: Nagat Sid Ahmed Elshiekh Date: 05-30-2012, 02:16 AM Parent: #1249
لوزرس سلام ......
Quote: فى بالى احد معارفى لا يستبعد ان يكون وراء الامر .... ---------------
النصرى تذكر انا قلت ليك حصلت لينا نفس قصتك دى مع الأسف الفاعل من المعارف .... بالله الشهر دا عشان فيهو منافسة اتعسم والناس مكسلة وتعبانة .... المهم كان عندنا لونق ويك آند والخرمجة حاصلة الا نعمل ذى النصري ... انا المقاسات اخدتها الاسبوع الماضى .. يعنى بدلا الارطال بقينا فى البوصة.....
سلام يا جماعة و معليش ما رجعت ليكم (كنت عيان) الله يبارك فيكم جميعاً و عقبالكم كلكم , حارد عليكم واحد بس استسمحكم عشان ارد على السيد النصري
Quote: اما ناس الاقاليم ناس مريم وغباشى الله يعلم تقع ليهم ......
مريم و عرفناها من الاقاليم انا مدخلني معاها لشنو ؟ و للا حبيت تصلح الحكاية عشان التريقة ما تجي كلها على مريم؟ اي نعم انا الزمان جار بي و رماني في اخر الدنيا دي و البلد دي بالنسبة للبلد الكنت قاعد فيها قبل الرمية هنا بالجد تعتبر اقليم لكن ما لنفس الدرجة مع اقليم مريم ياحليل أيام اسكندنافيا و الحياة الراقية و المرتاحة اللي احسن من مكانك القاعد فيهو حالياً زي ما قلت ليكم قبل كدة انا بينطبق على المثل بتاع ارحموا عزيز قوم ذُلَّ ده بالنسبة للهاي كلاس كاتيقوري لكن تحصل و تختني في level واحد مع مريم فدي في حد ذاتها المفروض تعتذر عليها ايش جاب Dunedin لي الدمام ابن النخيل انا اتهزأأت .... وا ابن النخيلاه (انا محتاج دعم و حملة مضادة)
نرجع لموضوعك الاساسي انا طبعا لحدي الان ما شلت Credit Cards لانو حساباتي في البنوك كلها Student account و معفي من اي transaction fees سواء من الـ ATMs او الـ Internet Banking كل الكروت الاستعملتها نوعها Debt Cards و انا كدة مرتاح الحاجة الدايرها من النيت بشتريها و كان الله يحب المحسنين مما عرف درب الكروت ما حصل شلت لي قروش في جيبي الا في المحلات الما بتقبل الا كاش في السويد كانوا بيدوا الطلبة كرت فيزا لكن اسموا Visa Electron و عن طريقه ممكن تشتري من النيت و المحلات و تدفع بيهو الفواتير و ممكن تستعمله في معظم الدول الاوربية خصوصا ناس الشنغن انا بديت بالفيزا الكترون و بعد داك حولت لي Visa Debt Card و اشتغل معاي في امانتين الله حتي لما مشيت امريكا (عشان تعرف السويديين ديل ما هينيين) حتى بعد داك نفس الكرت اشتغل معاي في البحرين و هونغ كونغ و انا في طريقي الى هذا الاقليم القاعد فيهو الان حتى هنا اول ايامي كنت شغال بالفيزا كارد بتاعت السويد و كل الامور كانت تمام و كلوا من حسابي الهناك
أحكي ليكم شوية عن اقليمنا ده اها لما جيت هنا لقيت البلد دي ضاربة (في راي بعد اللي شفتو) و الوضع ما لزيز بيدوك كرت اسمو EFTPOS و دا بس بيسمح ليك تشتري من المحلات لا Internet banking و لا الله قال !!!!! غير كدة الا تعمل Credit Visa Card or whatever , ودا زاد صدمتي في البلد دي و اصبحت متأزم جداً و انا قاعد هنا لانو كان في عوامل تانية أثرت على نفسيتي تجاه الاقليم دا من أهم تلك العوامل انو البيوت ضاربة و قديمة و مرطبة و البلد باردة السنة كلها (بالمناسبة انا بحب الجو البارد) لكن عشان تقعد متدفي في البيت لازم تكون جاري heat من جهنم مباشرة غير كدة عندهم Oil heaters تافـهة جداً المفروض تكون مشغلوا و خاتيهو قصادك و داخل في sleeping bag و فوق ليك بطانية و تحتك electric blanket و بعد دا كلو اذا اي طرف من اطرفك خارج منطقة التغطية الله قال بي قولك نسيت اوريكم انو بعد الكلام دا كلو لازم تكون لابس thermal suit و socks وgloves و beanie . وبعد دا كلو حتجيك فاتورة كهربا قدر الضربة
ما عندهم central heating system و ما عندهم Laundries محترمة (عندي تي شيرتات مفضلة اتشربت في اول محاولة غسيل بغسالاتهم الضاربة دي) و طالما ما ماعندهم غسالات محترمة فبالتالي مافي dryers محترمة as well ديل بيشروا الغسيل في حبال عديييييييييييييييييل , طبعا جاني طمام و قربت اطرش لما شفت المنظر .. حبال الغسيل و الهدوم معلقة (إخخخيييييييييييييييييييي على كدة) المهم انا بعترف انو السنة الاولي هنا كانت عبارة عن Big relapse حصلت لي من جراء الفرق الشاسع بين مستوى المعيشة في استوكهولم و مستوى المعيشة في Down Under و كل الـ evolution pursuits الحصلت ايام اوربا تقهقرت هنا بامتياز و كلو بسبب النمط البيروقراطي و البدائي مقارنة بهناك وسبب تاني اقوى من الفاتو اذا اعتبرنا انو الحاجات الفوق دي كلها luxuries واني مستجد نعمة و الما بتشوفوا في السودان بيخلعك السبب هو انو المواصلات هنا تافـهة تفـاهة السنين البص بيجي كل نص ساعة و بعد مرات كل ساعة و في الويكيند كل اربعة ساعات في المناطق البعيدة الممكن تفكر تصلها و عادي ممكن تتقطع في حتة و يكون عندك خيارين احلاهما مر , اما تدق الكدر و تمشي لما الله يغفر ليك و برضو ما تصل , أو كمان تطلب تاكسي و يعمل منك بيزنيس السنين وفي رواية أخرى (تملّح) hitchhiking وكدة , يعني حتى المناظر الجميلة ما ممكن تستمتع بيها ما لم يكون عندك عربية و اي حاجة غالية هنا و ما في خيارات و الاكل كعب و كلو junky و محل ما تقبل تلقى محل بتاع Fish and Ships ونوع من هذا القرف و ما يقولوا ليك خرفان نيوزلندية و أبقار نيوزلندية , من ناحية لحوم لحمتهم كلها دهوون و من ناحية البان الحمد لله ما بشرب لبن , باكل نوع واحد بتاع ذبادي دايت أما جبنتهم جررباااااااانة غايتو البركة في الرياضة
خلاصة اولية يا النصري ياخ لو داير تدور مريم دي خليك زول دغري و قول ليها يا مريم ياخي انتي قاعدة في حتة متخلفة و مافي داعي تدخلني في الموضوع يعني مش عشان تلوي الحقيقة تقوم تجيب سيرتي ؟ بعدين من كلامك ده ما مريم براها المقصودة مقصودين معاها ناس محمد طحنية و حمد فتح الرحمن وود الصايم وووو يا ناس بالله اي زول طرف السوط واصلوا يقول عووك الموضوع دا لازم يبقى قضية راي عام
خلاصة أخيرة بعد الاطلاع على ما قاله النصري و بالاستناد على تقرير البنك , نرى ان النصري طالما ما حيقدر يثبت انو القروش دي هو ما استفاد منها شخصيا و انو الموضوع عبارة عن احتيال وما ادراك و لحدي ما يظهر العكس فانت عندك bad credit history سامعني يا ناس مشروع المايقوما , بالله شيلو ارطالكم و زحوا منو بعيد
النصري ياخ استهدى بالله و رجع للبنك قروشو
حأجيكم تاني
Post: #1252 Title: Re: Sudaneseonline Biggest Loser Author: Mohammed Elhaj Date: 05-30-2012, 08:30 AM Parent: #1251
يا غباشي مالك معانا ياخ 1- الطحنية دي غايتو بي طريقتكم دي بتخلوا الواحد يجيب ليهو "صفيحة" طالما خربانة خربانة ياخ قلنا اقلعنا عنهااااااااااااااااا 2- هسي يطلعوكم من أقاليم متخلفة تجي تقول وفلان وفلان انت ما اهو كاتب ليك معلقة عن بلد الخرفان بتاعتك دي 3- انت النصري دا قاعد/ ساكن في كندا ولا اخترعا؟؟
هههههه يعني نحنا ف شنو وانتو مشكلتكم انو بتنشفوا هدومكم بي الحبل ولا بي الغلاية كريدت كارد ودبت كارد وبايبال ونحنا الا نمشي البنك لو عايزين نقح في حسابنا و ATM اقصي قدر من التقنية في البلد ..
مبروك النصر المؤزر يا غباشي اي نعم الشغلانية في بلاد الخرفان لكن ما بطالة برضو
Post: #1253 Title: Re: Sudaneseonline Biggest Loser Author: مريم بنت الحسين Date: 05-30-2012, 10:38 AM Parent: #1252
والله يا غباشي ما عارفاك حتدافع عن الthesis بتاعتك كيف!!!! يعني ما بتعرف تقنع ليك ضبانة! شابكنا الدمام! اها احنا بننشف الملابس بي LG Washer/Dryer Combo... غسالة ونشافة مع بعض في حتة واحده... تطلع ليك الهدوم حااااااره... وانقر شنو! جونا ولا بارد ولا شي... بس مكسلين ننشر الهدوم! بعدين الموشّح بتاعك ده بدل انك ساكن في بلد تعبان جداً، يعني النصري ما غلط عليك لما لمّاك معاي... اصلا هو غلط علي... احنا راكبين سيارة موديل 2008 (وناويين نغيّرها، حاسين بيها قدمت)... رغم انها عروس جديدة حلاتها... وانت بتتبشتن بي المواصلات والملح... ملح، يااااااي سافاج خالص انتو! ومواصلات... يخييييي، public transportation عديل كده... ياخ انتو مساكين بشكل! ياخ احنا ما قادرين يعملوا نظام زي ده في البلد لانه اي زول عنده عربية في بيته، ده لو ما عربيتين تلاته... بيتك المرطّب ده... تعال شوف بيتنا... حدّادي مدّادي... غرفة المعيشة براااااها لولو بتلعب فيها سك سك مع محمود... ياخ حننتني والله وانت مكرفس بالبرد!... كروتك الفرحان بيها دي، الكاش بقلل النقاش... ولا نامت اعين المفلسين..!
النصري... ما تشتغل بي البردانين ديل....
محمد... شايفه تهزيئة غباشي ما وجعت قدر الطحنية... يا جماعة حماي ده كان كترتوها معاه انا بعرفه، بمشي بقع في صفيحة طحنية... تعال نشوف ليه لقب تاني بالله... يكون برسل positive vibs
نجاة.. اعتقد انا حأعمل زيكم وحأقيس بالانش... انا نقصته كيلو لحدي الان.. لكن متوقعة اكتر... لانه زي ما قلت ليكم بحتاج اقيف كم يوم من الرياضة لحدي ما النقصان الحقيقي يظهر... لكن مدام جبتوا سيرة الانشات.. اعتقد حأكتب ليكم عن موضوع التحدي بتاع الشهر الجاي لانه ده الموضوع الاساسي بتاعه...
العوض هووووووووي... الغتسان ما كويس معاك... انت يا دوب من المؤلفة قلوبهم... تعال ورينا ايامك ماشه كيف؟
يعني يا مريم خلصتو لينا موضوع الطحنية دا فبها والا و انا راجع بشيل معاي صفيحة طحنية لوزة وصفيحة سعد باللوز واقع فيها انا وليلاي فطور غدا عشا والبوست دا الا اجي خاشيهو ذا بيقست وينر لا انذر من اعذر هههه بالنسبة لي ناس العالم الاول الما داقين فيهو حجر دغش ديل فراس مالنا سكيلد وركرز يا النصري (بالمناسبة قاعد افكر فيها جاااادي مع الدولار القسم ماهيتنا النص دا فايدك معانا يا النصري عشان نجي نلعب معاك طايرة وتنس و نعمل لينا بزنس كارد مش كريدت كارد هههههه) وبالنسبة للامريكان راس مالنا معاهم لوتري وبوستات الخير خير معين في موضوع البنوك السودان طبعا لسة في عصور البنوك المظلمة لو عايز تقح تمشي تقح ليهم في الكاونتر البنك الستايل في البلد يعني البيخدم الشركات الكبيرة والجيوب الكبيرة لما خلاص بالغ وعمل موبايل بانكينق مفروض تمشي لغاية البنك عشان تعمل اكسسيس لي حسابك ولو نسيت باسويرد تمشي البنك والموبايل بانكينق العينة دا تشوف بيهو الحاصل شنو بس مافي ترانزاكشنز غير انك تشتري كهربا العصور الوسطى بس
Quote: والله يا غباشي ما عارفاك حتدافع عن الthesis بتاعتك كيف!!!! يعني ما بتعرف تقنع ليك ضبانة! شابكنا الدمام! اها احنا بننشف الملابس بي LG Washer/Dryer Combo... غسالة ونشافة مع بعض في حتة واحده... تطلع ليك الهدوم حااااااره... وانقر شنو! جونا ولا بارد ولا شي... بس مكسلين ننشر الهدوم! بعدين الموشّح بتاعك ده بدل انك ساكن في بلد تعبان جداً، يعني النصري ما غلط عليك لما لمّاك معاي... اصلا هو غلط علي... احنا راكبين سيارة موديل 2008 (وناويين نغيّرها، حاسين بيها قدمت)... رغم انها عروس جديدة حلاتها... وانت بتتبشتن بي المواصلات والملح... ملح، يااااااي سافاج خالص انتو! ومواصلات... يخييييي، public transportation عديل كده... ياخ انتو مساكين بشكل! ياخ احنا ما قادرين يعملوا نظام زي ده في البلد لانه اي زول عنده عربية في بيته، ده لو ما عربيتين تلاته... بيتك المرطّب ده... تعال شوف بيتنا... حدّادي مدّادي... غرفة المعيشة براااااها لولو بتلعب فيها سك سك مع محمود... ياخ حننتني والله وانت مكرفس بالبرد!... كروتك الفرحان بيها دي، الكاش بقلل النقاش... ولا نامت اعين المفلسين..!
يا مريم انتي شكلك ما فهمتيني .انا ما داير اقنع زول ... انا مقتنع من اول يوم انو البلد القاعد فيها دي متواضعة جداً خصوصاً اذا ما قورنت بالسويد و كندا ,استراليا الجمبنا دي ما سائلة فينا بعدين استخدام المواصلات من عامة الشعب و انتظام المواصلات دا دليل على رقي الدولة مش زي الدول المستهلكة الفيها بيكون اكثر من عربية لكل اسرة (اللهم لا حسد) رئيس الوزراء و البرلمانيين و البروفيسورات و اساتذة الجامعة في السويد بيستخدموا المواصلات العامة و الكلام ده برضو في المانيا و فرنسا بل في الغريب انو في السويد العربية بتكون وبال على صاحبها من ناحية باركنغ و رسوم المرور بحدود وسط المدينة خلال اليوم و كلو للحد من التلوث و الاحتقان المروري في منتصف و نهاية اليوم يا مريم ثقافة المواصلات العامة دي مرحلة لسة بدري و ما اظنها تدخل اقليمكم البدائي في نظر النصري في السويد برضو كنت ساكن قريب من الجامعة عشان اوفر قروش المواصلات لانو الوقت داك الظروف كانت صعبة و الترشيد مطلوب لكن يوم ما اركب المواصلات دا كان يوم المنى التذكرة بتركبك جميع انواع البصات و القطارات و المترو حتى المراكب و عندك حلول متعددة و اكتر من خيار اذا ماشي لاي حتة في حدود استوكهولم مثلاً المطار ببص المطار حيكلفك قريب عشرين دولار و يوصلك في اربعين دقيقة , الخيار الاسرع انك تاخد القطر الاكسبريس في تلت ساعة بس بما يعادل اربعين دولار اما الارخص هو كرت المواصلات العادي و بتركبي بيهو قطر و من القطر بتركبي بص يوديك المطار و الحكاية بتاخد زي ساعة .... شفتي كيف? النصري ممكن يديك فكرة عن اهمية المواصلات العامة في كندا مع اني اشك انها تكون زي بتاعت استوكهولم
نرجع لمدينتنا تاني اول حاجة مدينتنا صغيرة لكن مشرورة على طول الساحل السكان فيها حوالي123,000 منهم 25,000 طلبة و عشان صغيرة المواصلات فيها عكس ما هو متوقع ما على قدر كدة و ده السبب في انو يا اما تكون عندك عربية يا كمان اضعف الايمان عجلة لكن موضوع العجلة دا موت احمر لانو البلد mountainous و بالمناسبة انا لي سنتين و نص في البلد دي و ركبت مواصلات مرة واحدة لما كنت ما شي منطقة جميله اسمها Otago Peninsula و لما وصلت سواق البص حزرني يا اما ارجع معاهو بعد ساعة يا اما حاضطر انتظر اربعة ساعات عشان ارجع بالبص اللي بعديهو و ده الخلاني افكر اذا مافي بص الواحد يعمل شنو بعدين انتي ليه جارية لحتة اني بملح؟ اول حاجة انا ساكن قريب للجامعة مسافة 900 m من البيت بتاخد مني زي 8 دقايق عشان اصل المكتب يعني ما عندي علاقة بالمواصلات و يا مريم ياخ ربنا يفتحها عليكم من واسع و تركبوا موديل السنة بالسنة ياخي لكن انا بالنسبة موضة العربات و الموبايلات ما بهتم بيها يعني انا ما عندي سمارت فون لحدي هسع و ما مفكر اشتريهو الا اذا احتجت ليهو شديييد و للعلم انا عندي عربية هنا اشتريتها (شيرنغ مع دكتور صاحبي مغربي) قبل اربعة شهور لكن هسع آلت لملكيتي لانو اشترى واحده تانية. العربية بعمل بيها الشوبينغ بتاعي و مرات بجي راجع بيها المكتب بعد المغرب لو عندي شغل متاخر و في الويكيند ممكن امشي بيها للمناطق الما قدرت اصلها بالمواصلات , بالمناسبة العربية ماركتها مازدا موديل 1997 زي دي الخالق الناطق
كلامي ممكن ما ينطبق مية المية في المدن الكبيرة زي ويلينغتون و اوكلاند لكن في النهاية السيستمم واحد و دي مشكلة العيشة في المدن الصغيرة السنة الفاتت اضطريت ادفع اكتر من 250 دولار عبارة تذاكر سفر بالبص و الطيارة و في رمضان عشان امشي انترفيو في السفارة الفرنسية في ويلنغنتون عشان كنت مسافر تاهيتي (اجازة) و لازم اخد فيزا تخيلوا رسوم الفيزا كم؟ 16 دولار , عليكم الله ما حاجة تزعل؟ هنا مافي بيوت حدادي مدادي (يجيبو ليها تدفئة من وين؟) و السكن هنا نار النار اقل studio room بي 120 دولار في الاسبوع دا غير فاتورة الكهرباء انا لي قريب ستة سنوات ساكن في اوضة مساحتها لا تتجاوز الـ 18 متر مربع, قبل سنتين كنت ساكن في اوضة مساحتها 8 متر مربع عباة عن قفص دجاج ما حاكضب لو قلت ليك الكلام الفوق دا كلوا ما فارق معاي طالما انا ساكن قريب من الجامعة لكن البيكرهني حياتي موضوع البرد البايخ دا و في دي بالجد باعتبرهم متخلفين ... زمان كان كرهتي في الدنيا انوم بي شراريب هسع بقت مطلب اساسي عشان كدة بقيت ارجع البيت زول نوم بس مع انو البيت الساكن فيهو دا يعتبر ممتاز , لحدي هسي ما شغلت الهيتر و للا كمان اكون اتعودت ؟
خلاصة اولى انا بعتبر مستواي اتدهور من اخر يوم غادرت استوكهولم (25/7/2009) لكن هسي حاسي بيهو بقى في الحضيض لما المدينة الساكن فيها تتختى في level واحد مع مدينة مريم انه الهوان
خلاصة تانية انا هنا طالب بيهمني اسكن كويس و اكل و اشرب كويس عشان انجز و بعد داك الله كريم , و بصراحة كدة سيستم الخواجات دا نافع معاي , و اكيد الوضع حيتحسن فيما بعد اذا كان هنا او elsewhere لكن عاد بوبار المغتربين ما بنسويه
خلاصة تالتة انا ما فرحان بي كروتي دي , لانو الكروت دي بقت عادية لكن و طبعا النصري ما بتفوت عليهو كوني اكون قاعد في البلد دي و ما عندي فكرة عن Credit card و Fraud , الكلام دا انا اتعرضت ليهو عشان الشرح و المعلومات العامة و عشان انتي ما تفرحي , و زي ما قلت ليك النصري لما حس بالدرابة طوالي جاب اسمي عشان يخففها شوية, هسي ما حتردي على النصري يعني؟
خلاصة اخيرة يا محمد طحنية طبعاً الاسم فكاهو فيك النصري و قال خلاص بقى اسمك عشان كدة لازم تشوف اسم على حس الـ Fraud و Bad credit بتاعنو ديل , لازم ترد عليهو
Post: #1257 Title: Re: Sudaneseonline Biggest Loser Author: مريم بنت الحسين Date: 05-30-2012, 03:40 PM Parent: #1256
محمد الحاج...
Quote: (بالمناسبة قاعد افكر فيها جاااادي مع الدولار القسم ماهيتنا النص دا فايدك معانا يا النصري عشان نجي نلعب معاك طايرة وتنس و نعمل لينا بزنس كارد مش كريدت كارد هههههه)
النديك النجيضة، كندا قفلت تب... إلا تشوف ليك وظيفة غير وظيفتك دي... لانه الكنديين بقوا ما بقبلوا ناس IT بكل تخصصاتهم الدقيقة... بقوا عايزين nurses, cooks, drillers, ...... او انك تكون مخطط تمتلك لي مزرعة وتشتغل في الزراعة، او عندك نية تعمل بيزنس فيه لمحة ثقافية، يعني مثلاً مطعم او اي شي يعزز ملمح ثقافي بمثل بلدك الاصلي... أو الخيار الاخير، تمشي تتعلم فرنسي وتمشي هجرة بي ناس Quebec، ومن هنا تزوغ لمدن البتتكلم انجليزي... يعني فرنسي وزوغه ... انا متااااابعة الموضوع ده طبعا... غايته اقع اللوتري بس ما عندك غيره! ولا شوف استراليا، شروطهم اهون شويه....
غباشي البرّاي
عليك الله ساكن ليك في اوضة قدر المخزن بتاع بيتنا وجاي تتفلسف.... يعني حسي كان جيتنا زيارة وفرشنا ليك فيها بنكون ما اتلومنا معاك موش... غايته برد مافيها ههههههههههههه....
Quote: و زي ما قلت ليك النصري لما حس بالدرابة طوالي جاب اسمي عشان يخففها شوية, هسي ما حتردي على النصري يعني؟
النصري ارد عليه اقول ليه شنو!؟ كندا بعرفها عامله كيف... لكن بلدكم دي انت براااااك جبتها عوجتها لحدي هنا.. مافي زول سألك.. يعني انت عشان تضربني، كان تكتب حسناتها، لكن انت ما لاقي ليها حسنات زاتو!
عليك الله في زول يشتري عربية شيرينج! والله دي ما سبقك عليها زول.... كان كده النصري خاتي علي انا دي اللماني معاك في كاتيقوري واحده!
Quote: لكن بلدكم دي انت براااااك جبتها عوجتها لحدي هنا.. مافي زول سألك.. يعني انت عشان تضربني، كان تكتب حسناتها، لكن انت ما لاقي ليها حسنات زاتو!
بلدنا لي زول جاي من السودان مباشرة او من اقليمكم ما حتفرق معاهو كتير لكن لو كان زي حالاتي حيدبرس, بعدين لازم يكون في شفافية, دا ما بمنع انو البلد دي في حاجات سمحة
Quote: عليك الله في زول يشتري عربية شيرينج! والله دي ما سبقك عليها زول.... كان كده النصري خاتي علي انا دي اللماني معاك في كاتيقوري واحده!
هاهاهاهاهاهها دي كانت مرحلة و بصراحة كدة ما بنقدر على موديلات 2008 , النصري زاتو ما سايق 2008
غباشي، يا اخي حياة الطلبة لذيذه. إحنا لما كنا بنقرا كنا برضو في مدينة صغيرة. اكتر من نص السكان طلبة الجامعة كنا بندفع 550 دولار إيجار الشقة. فيها اوضتين و صالة و حمام و مطبخ. الانترنت كانت بسرعة الصاروخ^_^ و من ضمن الاجار. و الكهرباء و الموية و الصرف الصحي و التراش و التلفون ( محلي بس) كله في الاجار. الغاز بس كان بتجينا فاتورته. و حقيقي البلد اللي كنا فيها من أبرد المناطق في امريكا. و التلج كان بيبدا من شهر 9 لحدى شهر 4 او خمسة. بس التدفئة كويسه جداً. كان عندى محاضرات الساعة 7 صباحا بطلع من البيت الدنيا ضلللللللمة و برجع بتكون لسه ضلام. ايوه الشقة كانت داخل الجامعة عشان كده كنت برجع البيت بين المحاضرات احصل لي مسلسل او اي شيء في التلفزيون ^_^. مع اننا كنا شوية اسر عربية لكن طالبنا بقناة عربية في الكيبل ( ايوه الكيبل برضو ملح مع الاجار) قاموا عملوا لينا اى أر تى امريكا. كان عندنا عربية عمرها ذي 10 سنوات كده. و كورية كمان. و ما بنستعملها الا في الويك اند. ايام الاسبوع المواصلات ملح في كل المدينة. تحوم المدينة كلها في بص نظيييييف و مكندش ملح. بس في الويك اند مافي مواصلات. و طبعا ممكن تطلع كريدت كارد و تفتح حساب في البنك و تدفع ضرايب ( لو عندك منحة محترمة و قروشها كتيرة ) ذي اي مواطن امريكي محترم. كنا فقرا صحيح لكن كانت ايام جميلة. و برضوا ما كان عندنا اصلا موبايلات عادية موش حتي سمارت. و اثناء ما كنا طلبة ما مشينا السودان و لا حتى مرة واحده. ما عندنا اولاد و ما في زول كان شغال بينا. ^_^ الان الجدود و الحبوبات عاوزين يشوفوا أحفادهم، لازم نمشي كل سنة او اتنين. الزمن داك كنا بنحوم في امريكا. مشينا كالفورنيا، مين، نورث كارولاينا، واشنطن دي سي. ياااااه كانت ايام.
عن الرياضة ؟؟؟. ماشه كويس. لكن الاكل، اجاركم الله. عشان كده ختمنا الشهر حابيب. ما نقصتا و لا زدتا. احتمال نقصتا حوالى رطل أو اتنين
Post: #1262 Title: Re: Sudaneseonline Biggest Loser Author: مريم بنت الحسين Date: 05-30-2012, 09:54 PM Parent: #1260
سمارت... والله لي يومين ما قادره اكتب ليك... مشغولة الشغله العادية.. لكن ما لاقيه كلام اعبّر بيه عن تأثري للموضوع الحكيتي لي عنّه، خاصة انه تصادف في نفس اليوم شفته فيديو حأرسله ليك بعد شويه... حاسه اني محتاجه اعمل شي ...
النصري... انا كنت مشغوله اول امس شويه كده... لكن امس كنت مدبرسه حبّة... الليلة كمان صحيت زهجانه وعكرانه... لقيت خبر بايخ عن مدرسة محمود ولدي واصلا انا زهجانه منها... زادوا الرسوم بتاعتهم رغم انه الquality في النازل عن السنوات الفاتت... فبقيت لازم ألف على كم مدرسة كده عشان اقرر حأنقله (او ما حأنقله) ... وانا اصلا مدرسته دي تعبته لحدي ما قررته اوديه ليها.. ومغيوظه لانه معاهم من عمره تلاته سنين... عنده اصحابه مما كان في preschool.. وما عايزاه يتغير عليه كتير.. رغم انه محمود زول اجتماعي شديد... وسهل جدا يعمل اصحاب، لكن ما عايزاه يتعرض لتجربتي في التنقّل.. عايزاه يكون عنده ذكرياته في حته واحده ملمومه ويكبر معاها... غايته حأقرر المسألة دي خلال الاسبوع الجاي...
بالنسبة للشهر الجاي... من حسي النوريكم الخطّة... يوم الجمعة حنقيس الوزن ونشوف نتائج الشهر ده... بعداك انا حسيت اني محتاجه لتمارين بتاعت قوّة شويه... لانه انا بنقص لكن حاسه انه شكلي مفروض يظهر فيه اكتر من كده... قياس الوزن ما اعتقد بكون accurate كفاية... عشان كده نخلي الشهر الجاي كله على الinches... يوم الجمعة من الصباح (1/6) كل زول يقيس بي المتر بتاعه محيط الخصر يختار واحده من اليدين... الكرعين.. الرقبة (ايوه الرقبة)... ويسجل الكلام ده كله.. بعداك انا حأقسم الاسبوع لنوعين من الرياضة، تلاته ايام رياضة aerobics او حاجه تزيد من دقات القلب زي الجري بتاعنا ده، دي طبعا الهدف منها تنقيص الوزن... وتلاته ايام تمارين قوّة، دي بتبني العضلات وبتقويها وبتخلي شكل الجسم واضح فيه النقصان... ودي اثرها بظهر في الinches... اها في نهاية الشهر نقيس ونشوف الفرق كم بين الاتنين... انا حأبدا برنامج اسمه Power90... البرنامج فيه فيديوهات حلوه جداً... نوع بتاعت ايروبيكس اسمها sweat... ونوع بتاعت عضلات اسمها sculpt... ومن كل نوع في مستويين.. مبتدئ ومتقدم... وهي ابداً ما ساهله، لكن مدتها 30 دقيقة بس في اليوم.. وانا جربتها قبل كده، وكانت رائعة... حأشرح ليكم عنها... بالتفصيل... وقبل كده انا كتبته عنها هنا...
سلامات يا جماعة مواصل في البرنامج الغذائي بتاعي بصورة معقولة... لي يومين من الرياضة لكن الليلة ناوي أتريض إن شاء الله. الشهر الجاي حأواصل لغاية يوم تمنية و بعدها حتبدا إجازتنا الملامحها خلاص اتضحت تقريبا.
قبلما نجى لابن الهامش (على قولة بشاشا) غباشى (هامش دول العالم عشان ما تجيب ليها زعل)
حصلت حاجة هذا الصباح خلتنى مبسوط ٢٤ قيراط ..
طبعا كل يوم بمشى القراش بسوق البص ,,بعمل فردتين وبرجع البص القراش ,, اليوم حوالى الساعة الثامنة جاءنى احد الركاب وسلمنى تلفون جوال من النوع الغالى ,,قال انه وجده فى احدى المقاعد الخلفية فى البص ,,,اضاف ان صاحبه لابد ان يحن جنونه بفقده.. استلمت التلفون ...اتصلت بالادارة لاعلامهم بالامر.. الاجراء ان اضعه فى ظرف واسلمه لقسم المفقودات ..اذا لم يطالب به صاحبه خلال شهرين يمكننى ان اطالب به ....
التلفون ضرب ..قررت رفع السماعة .... صوت ولع من الطرف التانى قالت انا صاحبه التلفون ..من انت؟ قلت لها انا سائق البص ..قال الحمدلله لله ساقابل عند رجوعك الدوان تاون وحددنا نقطة للقاء... يبدو انها لخبتت المكان وانتظرنتى فى المكان الخطا .. عندما لم تظهر قررت العودة للقراش وتسليم التلفون لقسم المفقودات .. فى الطريق للقراش سمعت احدهم يصيح فى الراديو بحثا عنى .. اجبت ...قالو لى ان السيدة تريد ان تقابلك لاسترداد التلفون.. مافى مشكلة ..غيرت خط السير للرجوع للقراش
ووجدت السيدة تنتظرنى فى احدى قلت .. ويبدو عليها الوجوم والجزع ... وقفت ...ركبت وهى صارة ..قلت فى سرى البنت دى دايرة تغلطنى ولا شنو جهزت نفسى لشكلة ... ركبت وجات على مندفعة ..انا قلت الظاهر حتجيب لى بونية ولا شلوت
اللحظة الحضتنتى والله لمن امنت عديل قلدتنى قلدة (طبعا انا قاعد فى كرسينى ) وتقول لى شكرا شكرا .... اعترفت ليها انو شخص اخر وجد التلفون وسلمه لى ..
ادتنى قلدة تانية ومشت ...
دى اول مرة زول يظهر لى مثل هذا الامتنان ....شعور عجيب لا توازيه قروش الدنيا كلها ...
-- عندى قصتين صغار تانيين واحدة حصلت امبارح نتيجتها احباط صغيرونى
سلام يا جماعة وزنت اليوم و صراحة الميزان جهجهني... أداني قرايات متذبذبة بين 175 و 170 رطل المهم بالنسبة لموضوع المايقوما حأعتبرها 170 رطل بالنسبة لحساباتي حأعتبرها حاجة في النص كدا يعني زي 173 رطل. مبروك الكيلو النقصتيه يا مريم و في انتظار البقية.
نقصنا اتنين كيلو فى اخر اسبوعين من شهر مايو ولله الحمد والمنة....
وزنى الان 93 كيلو....
العدد الاجمالى منذ ان بدأت معكم 10 كيلو....
فضل لينا 8 كيلو بعون الله
بناء على الحساب اعلاه مفروض اصل للوزن المطلوب بنهاية يوليو
تحياتى
Post: #1269 Title: Re: Sudaneseonline Biggest Loser Author: Nagat Sid Ahmed Elshiekh Date: 06-02-2012, 04:06 AM Parent: #1268
سلام لوزرس .... الخسارة غير متوقعة ..... بارطل وبالبوصة ماعارفين نحسبه كيف.... 3 ارطال و9 بوصات دى حصيلة الشهر كلو !!!!! يا اهلنا ناس كاتبة بالكيلو والكيلو اكتر من الرطل وحدوا لينا الصفوف ... فى انتظار باقى اللوزرس.
Post: #1270 Title: Re: Sudaneseonline Biggest Loser Author: النصرى أمين Date: 06-02-2012, 05:33 AM Parent: #1269
الارقام لا تكذب (ولكنها تتجمل) بالرغم من الارقام مخيبة جدا ولاترقى للتوقعات الا ان الاهم ان النفسيات ممتازة جدا والشعور بالرضا عن النفس لا يمكن وصفه.... قبل يومين كنت ااهاظر مع احد الزملاء لتنسابق للجرى للحمام والبصل اول يستعمله اول .. فاجانى وقال لى انه وجد العداد ده فى البص ... قلت له دى فرصة تقيس الوسط بتاعى ..قال لى ان العداد من المعدن وقد لا يكون صحبح مائة فى المائة .... اخذ مقاسى وكانت النتيجة ٤٧ بوصة.... بعد انتهاء الوردية ذهبت مخصوص لاحد المحلات لشراء عداد يستخدمه الخياطون.. وعند القياس وجد الخصر 46 ...مفاجاة غير متوقعة .. البنطلون اللابسه مقاسه 42 وهو الان اصبح واسع جدا وصرت ارفعه كل مرة ... ما عارف الحقيقة وين ... الارقام تقول ليس هناك تغيير والواقع يقول ان مقاس البنطلون هو 40 .....
كحل وسط قررت ان النقصان هو بوصة واحدة وهى ما يعادل 5 دولار ...
بالنسبة للميزان نفس الشئ ....القراءة تقول ان الزيادة طفيفة لكن الواقع يقول العكس ...
قررت مجموع النقصان طوال الشهر 3 ارطال وهى ما يعادل 15 دولار
المجموع الكلى عشرين دولار
Post: #1271 Title: Re: Sudaneseonline Biggest Loser Author: مريم بنت الحسين Date: 06-02-2012, 01:59 PM Parent: #1270
ازيكم يا لوزرز....
النتائج ما رهيبة، ما عدا نتيجة ابن النخيل لانه يادوبه بادي... الناس وصلت لمرحلة ثبات كده... لكن مافي داعي نتضايق... اهم شي الاستمرارية واننا نواصل في تحدي أجسامنا عشان تنقص زيادة... امس بديت برنامج Power90 وعملته اول عشرة دقايق، جاني اتصال من زولة عزيزة طولته منها شديد.. كان لازم أوقّف.... بعداك انشغلت، لكن بالليل طلعته اتمشيت مع الاولاد.. وعوّضته الوقت الما كمّلته ... الليلة عملته النص ساعة بتاعت الsculpt ومعاها تمارين Abs... الاكل في جغمسه بسيطه كده، بس nothing serious... التركيز الشهر ده على اللإنشات ما على الوزن... لانه الرياضة بتنقص انشات اكتر من الوزن... والميزان ده مخستك انا متأكده، لانه شكلي بقول اني ناقصة لي اقل شي تلاته كيلو... طبعا ببين في الملابس... امس لبسته لي بنطلون، احتجته ألبس معاه حزام...
يا نجاة، انا نقصته كيلو، يعني رطلين ونص بحسابكم... ونقصته 1 inch خلال الشهر الفات ده... يبقى الtotal 3+1*5.... علي 20 دولار لأطفال المايقوما...
Quote: يا نجاة، انا نقصته كيلو، يعني رطلين ونص بحسابكم... ونقصته 1 inch خلال الشهر الفات ده... يبقى الtotal 3+1*5.... علي 20 دولار لأطفال المايقوما...
مبروك يا مريوم الكيلو والانش مكسب كبير فى شهر الثبات العالمى .... االنصري اهم شي احساسك بالنقصان مرات الميزان بديك نتائج مختلفة ودى حصلت لى فى يوم واحد جربتة تلاتة ميازين فى اماكن مختلفة والنتيجة مختلفة بفارق 3 ارطال....... بعدين فى معلومة قالوها لى ناس البرنامج بتاع LA Weight Loss انو بتفرق كتير مواعيد الوزن من الصباح والضهر والليل وأكيد كلامهم مقنع وعلمى ومجرب ...... الصباح بقولوا كل المعارك بتاعت التمثيل الغذائى والهضم بتكون انتهت والجسم والوزن الحقيقى اول ماتصحا من النوم توزن .... المهم حتى لو مافى اي خسارة او زيادة طفيفية برضو مكسب وح نستمر فى المراقبة من أجل صحتنا ودا يكون شعارنا الدائم... عندى إقتراح نواصل كل شهر يكون شهر للمنافسة بالانشس دا تشجيع للرياضة انش واحد فى الشهر مكسب الوزن بالارطال يعلن عنه فى وقت فى الشهر ..... النتيجة النهائية تكون يوم 2 من كل شهر..... مافى منافسة بالقروش خالص ودى عشان طبيعتنا كا سودانين اى حاجة تدخل فيها قروش معناها مخستكة ..... لكن نتيجة الشهر الماضى محسوبة بالفكة بتاعتة يعنى انا 3 ارطال و9 انش معناه 12 *5 =60
Post: #1273 Title: Re: Sudaneseonline Biggest Loser Author: مريم بنت الحسين Date: 06-02-2012, 08:25 PM Parent: #1272
ياخوانا هوي.... انا قاعده اكل في قراصة بي عسل وقشطة ومعاها كباية شاي مظبوووووطه....
فعلا يا نجاة الواحد ما يتاثر بارقام الميزان لانها تكون محبطة ومدمرة للمعنويات وبتعمل تشويش للزول .. اهم شئ الواحد يركز على الهدف بتاعه ويكون دائما فى حالة تقدم للامام حتى لو كان التقدم ده ضئيل جدا .....
--- لغاية دلوقت عشرين دولار من النصرى عشرين دولار من مريم ستين دولار من نجاة المجموع حتى الان مائة دولار فى انتظار اسمارت والعوض و ابن النخيل...
سلام يا النصري أنا حأعتبر نفسي نزلت حداشر رطل لغرض حساب تبرعات المايقوما. يعني 55 دولار. بالنسبة للمسابقة حأعتبر نفسي نزلت تمنية أرطال. زي ما اقترحت سمارت قبل كدا أحسن حاجة حساب الوزن الناقص بالنسبة المئوية أنا نقصت في الشهر تمنية أرطال يعني حوالي 4.42% من وزني.
يا جماعة تصحيح بالنسبة للمسابقة أنا نقصت التمنية أرطال في أربعين يوم لكن في الشهر نقصت ستة أرطال يعني 3.31%. بالنسبة لأطفال المايقوما يظل الرقم كما هو.
Post: #1278 Title: Re: Sudaneseonline Biggest Loser Author: مريم بنت الحسين Date: 06-03-2012, 06:42 PM Parent: #1277
النجددددددددددددددددددة... والله يا جماعة بنفقع بالاكل بعد ده.... والله يدي اليوم كله في خشمي... شوفوا ليكم حل!
يا سمارت، فتشي لينا app زي حق تحالف كاودا داك، عشان اول ما امشي على التلاجة اكلمك...
لوزرس كيفنكم....... النصرى دى حقيقة طالما مراقب أكلك وبتتريض دا مكسب كبير جدآ.... مريوم من امس اكل فى الباسطة عندنا تخريج وسماية فى مدينتنا ... قلت لى نفسي المولد دا مرة فى السنة أضربي وأمشي اتريضي ود الحصل. يا أهلنا انا عندى طلب ، عاوزة موافقت الجميع ياخى فى بوست مناشدة لشاب عندو لوكيما وحكى معانتو انا عاوزة اتبرع ليهو ب 50 والعشرة تمشى المايقوما عشان شكلو بربى ليهو فى عيال ' البوست دا منزلاهو نجلاء بالفيديو كدى ادخلوا وشوفوه ..... ربنا يديم الصحة والعافية للجميع والله تعاطفتة معاهو لدرجة بعيدة.
سلام يا جماعة موافق على اقتراح نجاة. بالنسبة للحاجات دي أنا ماشي السودان إن شاء الله خلال الشهر دا. الإجازة القلتها ليكم الشي الأساسي فيها حيكون مشي السودان حنقيف كم يوم في المشية في فرنسا و كم يوم في الرجعة في السعودية إن شاء الله.
Post: #1282 Title: Re: Sudaneseonline Biggest Loser Author: Nagat Sid Ahmed Elshiekh Date: 06-04-2012, 02:53 AM Parent: #1280
Quote: موافق على اقتراح نجاة. بالنسبة للحاجات دي أنا ماشي السودان إن شاء الله خلال الشهر دا. الإجازة القلتها ليكم الشي الأساسي فيها حيكون مشي السودان حنقيف كم يوم في المشية في فرنسا و كم يوم في الرجعة في السعودية إن شاء الله.
يا ابن النخيل ياخ انت صايط الدنيا بعود.. ارقامك كلها البتختها فى البوست ده دايرة مراجعة... مرات تكون قاصد ارطال وتكتب كيلوهات ومرات العكس.. انا زاتى كنت زيك كده ملخبت وجايط و مجهجه ناس البوست.....
Quote: طيب انا نزلت 8 كيلو وهى 10 رطل فللمايقوما50 دولار
ياخ انت نزلت 8 رطل فقط وليس 8 كيلو ال 8 كيلو معناتها 20 رطل ,,,,
طلع اربعين ونبقى حبايب .... ----------
يا نجاة انا عرفت انتى قابلتى منو؟
اول حرف من اسمه .....ا ب ت ه ا ل
صاح؟
Post: #1285 Title: Re: Sudaneseonline Biggest Loser Author: النصرى أمين Date: 06-05-2012, 01:23 AM Parent: #1284
Trend
ملاحظة غريبة .... كل اسبوع الاداء بتاعى جيد جدا فى بداية الاسبوع ويبدا يتدهور رويدا رويدا حتى يتوقف تماما نهاية الاسبوع... مثلا الاثنين من كل اسبوع الرياضة مضمونه بنسبة 100% الثلاثاء 90% الاربعاء 80% الخميس تصل ل 50% الجمعة 20% السبت والاحد صفر فى المائة,,,,, على كل انا راضى عن الوضع ده لانه على الاقل يضمن لى يومين رياضة كل اسبوع على الاقل وباقى الاسبوع الرزق تلاقيط ...
اليوم اتريضت نصف ساعة حرقت 407 كالوريز..
------ العوض انا حارسل ليك العشرين دولار عن طريق الايميل(زى المرة الفاتت)
Post: #1286 Title: Re: Sudaneseonline Biggest Loser Author: مريم بنت الحسين Date: 06-05-2012, 08:15 AM Parent: #1285
ازيكم يا لوزرز
امباح كنا مقيلين انا والاولاد عند عمّي... طوّلته منّه شديد... وبالذات من زوجته لي منها مما ولدت لولو... كنت مبسوطه ومتحمسه للمرقه عشان حأسمع تعليقات حلوه ... طبعا اصلا انا مشتاقة ليهم شديد... وفعلا زوجته رفعت لي معنوياتي... من الباب لاحظت الفرق وعلّقت لي.. واليوم كله تسأل فيني عملته شنو.. معنوياتي ارتفعت شديد ... وبشكل عام ما لخبطته في الاكل يوم امس ده... لي يومين من الرياضة، لكن الليلة ناوية ان شاء الله حأتريض الليلة رغم انه يومي زحمه... لأني طالعه الشغل، عندي امتحان بتاع مادة حقتي، لازم امشي احضره... ولما ارجع حيكون عندي تصحيح كمان... لكن حأتريض يعني حأتريض....
بالنسبة لموضوع القروش، ما عارفه يا النصري عندك paypal ولا لأ... لأنه لو عندك انا ممكن ارسل ليك القروش بالcredit card لحسابك ... وكده يكونوا عندك كلهم.... كدي اكّد لينا النقطة دي عشان لو اتجمعت القروش كلها، بتكون احسن.... اما فيما يخص نعمل شنو، انا موافقة على التقسيمة الكتبتها نجاة... والله يعين الناس، والله في مآسي حاصلة...
على صعيد آخر... حاجزييييييييييييينكم لما تجوا السعودية.... احنا قاعدين ما مسافرين أي حتّه... عليكون الله ما تجوا تمشوا ساي... ان شاء الله غشوه...
Quote: يا نجاة انا عرفت انتى قابلتى منو؟ اول حرف من اسمه .....ا ب ت ه ا ل صاح؟
100% صاح يا النصرى قابلتة ابتهال جات لفلادلفيا لوداع صاحبتها ..... مشكورة سألت منى ومشيت ليها عند صاحبته .... زولة ظريفة جدآ ووناسة خالص ...... شكرآ النصرى للبوست الظريف والمفيد ..... ابتهال طلعت بتعرف هاجر اختى وزارتنا فى بحرى زماااااان .... اتونسنا وشربنا شاى لبن ومعاهو بسبووووسة عاملاها ابتهال شخصيا ههههه. وكمان مرسلين ليها ناعم ياالنصرى لمن مهروس اكلنا الناعم برضو ونسينا لبوست خالص.... المهم بتسلم عليكم وقالت عشان البسبوسة والناعم ما ح تدخل قريب لكن النية موجودة ونتمنى دخولك قريبآ يا ابتهال. انا مريضة من امبارح موعوكة شوية ما مشيت الشغل عشان كدا مافى جديد .....
Post: #1291 Title: Re: Sudaneseonline Biggest Loser Author: مريم بنت الحسين Date: 06-05-2012, 07:53 PM Parent: #1290
والله يا النصري طلعته حريف!!! عليك الله ابتهال بسبوسه كيفها؟ والله الزول اشتاق ليها ولقفشاتها ولطيبة روحها... غايته من حسنات البوست ده انه عرّفني على ناس كتير ما كنت منتبهه ليهم في البورد ...
ابتهال ياخ اظهري، حتى لو سمنتي تعالي لينا، والله اشتقنا ليك....
ألف سلامة يا نجاة، ما تشوفي شر ان شاء الله... شرّك مقسّم ....
عملته رياضة، weight lifting+ ab work... لمدة نص ساعة... غايته القحه ولا صمّت الخشم... مشيت الجامعة الليلة، وقابلته تلاته ناس طولته منهم شديد... التلاته لاحظوا اني نقصته وزن كتير.. فرحته شديد.... وقررت اشد حيلي اكتر عشان اوصل للوزن الانا عايزاه.... انا ما مديه نفسي زمن معيّن... لكن عندي target weight عايزه اصل ليه قبل رمضان... لانه في رمضان احتمال كبير ألاقي أهلي، وعايزه افاجئهم...
يا النصرى شكرا للتنبيه لكن هن اربعة كيلو يعنى 9 ارطال
لكن طالما قلنا 50 دولار اعتبرهم عشرة ارطال وحاندفع 50 دولار
تحياتى
Post: #1295 Title: Re: Sudaneseonline Biggest Loser Author: النصرى أمين Date: 06-06-2012, 03:03 AM Parent: #1294
يا مريم ..حسابى بتعال البى بال لى منه زى عشرة سنين كده ما استخدمته ولو حاولت اعمل ليهو تفعيل حيسالونى اسئلة نكير..... بالنسبة لى اسهل احول العشرين دولار لياسر واخلص.....
ناس امريكا ممكن يجمعوها عند زول واحد (اسمارت ونجاة وابن النخيل) اما انتو فى السعودية فالتحويل ساهل للسودان ...
-------- الحمدلله اتريضت لليوم الثانى على التوالى نصف ساعة حرقت فيهم ٤٠٧ كالوريز
النصري انا قروشي قاااعده في السودان. بس العوض ( مشكور مقدما) يرسل لي تلفونه في السودان و في زول ح يضرب ليه و يصله في محله ( ان شاء الله ) و يديه القروش. قلت ليك قبل كده اخوي رسل لي قروش هدية للأولاد جوه ناس ال أف بي اي. اسمارت دي منو و حكايتها شنو؟ عشان كده ماشه عديل شديد في مواضيع تحويلات القروش.
سلامات يا جماعة خلاص العد التنازلي للإجازة بدا أو في الحقيقة قرب ينتهي. حنغادر يوم السبت إن شاء الله إلى فرنسا و بعدها إلى السودان. طبعا ما متأكد برنامج الرياضة حيكون كيف في فترة الإجازة لكن مواصل هنا و حيكون آخر يوم للرياضة بكرة و حأوزن نفسي و أحاول ما أزيد أو على الأقل ما أزيد كتير في الشهرين الجايات بإذن الله. قبل ما أسافر حأوزن نفسي و أول ما أجي حأوزن و حأخت خطة للتخلص من أي زيادات في أسرع فرصة إن شاء الله. والله يا نجاة أنا برضه خمنت ابتهال... أول فكرت إنك تكوني لاقيتي سمارت لكن لمن قلتي بتسلم عليكم قلت أكيد حتكون ابتهال لأنها مختفية. سلامنا ليها. قلتي لي بسبوسة و ناعم ساكت... بالهنا إن شاء الله. مبارك يا ابن النخيل النزول و ربنا يسهل و تصل لهدفك إن شاء الله. النصري اللخبتة زي بتاعة ابن النخيل عادية كل ما أرجع لأول البوست و لخبتتنا أضحك. ياخي ما تجيب لينا أخبار يونس شلبي.. الحصل عليه شنو؟ شفتي يا مريم تعليقات الناس دي بترفع المعنويات كيف؟ الحاجة الوحيدة الما بحبها نظرات الشفقة من بعض الناس و سؤال آر يو أوكي؟ في ناس كدا طوالي ماشين للمصايب الله يكفينا شرهم :). والله أتمنى نقدر نقابلكم في السعودية المشكلة حنصل في رمضان و حنكون في الرياض و منها كم يوم في العمرة و الزيارة و كدا ربنا يسهل إن شاء الله. ما شاء الله برنامجك ماشي تمام. غباشي بختك بقيت خريج تجي تضحك و تمشي. إن شاء الله الأمور كلها ماشة تمام. سمارت إن شاء الله قدرتي إتريضتي بعد الجماعة ناموا. أول ما أصل السودان برسل ليك تلفوني إن شاء الله و ننسق. براجع في المداخلة لقيتها كلها إن شاء الله... دي من الحاجات الاتعودت عليها من الوالدة الله يديها الصحة و العافية ما بتحب أصله الزول يتكلم عن حاجة في المستقبل إلا يقول إن شاء الله... بشعر بيها بتتضايق شديد لمن نعمل كدا فاتعودنا عليها و أظنها عادة كويسة.
والله ما شاء الله الواحد ما يسحر روحه ...بالرغم من عناد الميزان واحباطاته لكن والله المعنويات فى السماء ...ما اظن تانى الزول يقع فى الحفرة العميقة ديك لانى اتعلمت من التجارب ..... اول درس هو مهما تغيب من الرياضة اجد لنفسك العذر واوعدها بالرجوع للرياضة فى اقرب فرصة ... الدرس التانى خليك متاكد مائة فى المائة انك حتواجهه احباط لانه جزء اساسى من الحلقة... استعد ليهو واقبله كامر واقع واتعامل معاهو كحالة طارئة حتما حتزول
____
عملت تمارين البطن ,,,,, البنطلون مقاس 42 بقى مالص عديل بقيت ماشى زى الامريكان الافارقة الشباب كل شوية ارفعه لفوق
والله اختنامريم فى الويكند الفات كنا ماشين لى جماعة اصحابنا بس اشوف ليك العلامة بتاعت واحد يبيع عسل النحل..بس بدون ما اشعر لقيت العربية لفت...لقيتم يصفو فى العسل وا طوالى قلت ليهم عاوز جالون يعنى اربعة لتر اها هسى معانا الجالون وفى الويكند ماشين نجيب القشطة وربك يهون....
يا اختنا نجاة حمدلله على السلامة...وكفارة البيك يزول...
اخونا النصرى ما معقولة فرحان بى ال 42 واخوك هسى لابس ال 38 يعنى داير ليك سنة ضوئية عشان تصل ال38 دى...
اخونا العوض تحياتى ...اجازة سعيدة .. لكن لاتحلم بعالم سعيد فى اجازة السودان دى... انا فى اجازتى الفاتت امى الله يديها الصحة والعافية..لمان كنت بقول ليهم كبو ليا نص معلقة فى الشاى...بعد ما يجيبوهو لى تجيب سكرها وتجى تقول لى الشاى المر دا بيقطع قلبك وتصر على اضافة سكر وانا اقوم اجبى بى خاطرها....اها هسى القروش دى تصلك كيف ؟؟؟ رقم حساب... منى اوردر...ولا بى بال..كلمنا...
يا اخوانا نحن هنا لكى نشجع بعضنا البعض مداخلاتى ارجو ان تفهم فى هذا الصياغ
Quote: يا اختنا نجاة حمدلله على السلامة...وكفارة البيك يزول...
شكرا ابن النخيل وما تشوف شر ... والله لكن 9 ارطال ما ساهلة تب كيب يت اب.
Quote: والله يا نجاة أنا برضه خمنت ابتهال... أول فكرت إنك تكوني لاقيتي سمارت لكن لمن قلتي بتسلم عليكم قلت أكيد حتكون ابتهال
تسلم العوض...... والله قابلتها واتونسنا ونسة ذى البنعرف بعض من سنين ... إجازة سعيدة تمشى وتجي بالسلامة ...
Post: #1301 Title: Re: Sudaneseonline Biggest Loser Author: مريم بنت الحسين Date: 06-06-2012, 10:02 PM Parent: #1300
Quote: يا اخوانا نحن هنا لكى نشجع بعضنا البعض مداخلاتى ارجو ان تفهم فى هذا الصياغ
اووووووو، ابن النخيل يا حساس... ياخ انا شكلي ما غباشي ده كله بعد ما اديه على راسه بنسى زاتو الكان حاصل شنو... احنا هنا اخوان، والواحد بس بتونس عشان ما ينقطع من البوست... لانه ده اسوأ شي ممكن يحصل للزول، انه يبعد من البوست...
النصري، انا بالغلط كتبته ليك انت وسألتك عن الPayPal، انا كان قصدي العوض، ما عارفه يا العوض لو عندك ممكن نحول ليك كلنا... لو ما عندك، انا بشوف قنوات أخرى... صدّقوا أو لا تصدّقوا التحويل من هنا للسودان صعب... انا غايته بنسّق مع نادر...
الليلة عملته ساعة... جمعته تمارين sweat وتمارين sculpt مع بعض وتمارين Abs... الليلة طلعنا مشينا شوفنا المدرسة بتاعت محمود ولولو الظاهر الحر دروخها، جات نامت ليها قريب الاربعة ساعات، عشان كده قدرته اتريضته... ناويه بكره أعمل لي نص ساعة في الtreadmill ... طولته منها... وما عايزه افقد اللياقة بتاعتي...
سلام يا جماعة والله يا مريم و ابن النخيل ما عندي حساب بتاع باي بال ما عارف التحويل عن طريق البنك كيف معاكم و هل مجدي؟ غايته عندي بكرة و بعد بكرة فكروا و أدوني رأيكم.
Post: #1304 Title: Re: Sudaneseonline Biggest Loser Author: النصرى أمين Date: 06-07-2012, 00:23 AM Parent: #1302
يا ابن النخيل انا زول طويل 8 قدم وانت زول قصير 4 قدم... بعدين حسى لو رسلت لى بنطلون من بناطلينك مقاس 38 صدقنى حاقدر البسها لانو ال 42 بقت واسعة وغالبا انا الان فى المنطقة بتاعت 38 و 40 الحاجة التانية مع صفايح العسل دى اظن الفرق بيننا بتاع ايام او بالكتير اسابيع ....
الحمدلله ولليوم الثالث على التوالى اتريضت نصف ساعة حرقت 403 كالوريز من بكرة الاداء حيتدهور لحد ما يقيف بنهاية الاسبوع
حزينة والله .... البركة فيكم فى اخونا محمد عبد الرحمن .. الدنيا ما فيها خير ، الفقيد ترك رسالة فى تلفونى قبل اربعة ايام من وفاتو.... لسة محفوظة بصوتو وبضحكتو الحنينة ياحليلو ، والله مصدومة لدرجة عجيبة ، الله يصبرنا ونرجع للدنيا الادتنا قفاها دى.
بعد غياب خمسة يوم الرياضة رجعت اليوم للتريدميل وعملت النصف ساعة حرقت فيهم 406 كالوريز.... الايام دى عطالة شديدة ...الدوام التانى تم الغائه بسبب امتحانات المدارس هذا الاسبوع والاسبوع الذى يليه حاشتغل اربعة ساعات فقط فى اليوم (دون قطوعات فى المرتب) استعدو لوجع الوش والقصص الما عندها نهاية
وين ثنائئ النغم ؟
وين العوض ؟ فى ياتو بلد دلوقت ؟ دايرين تلفونك عشان نرسل القروش (لوفى طريقة ممكن ارسلها عن طريق الايميل)
Post: #1309 Title: Re: Sudaneseonline Biggest Loser Author: مريم بنت الحسين Date: 06-13-2012, 03:18 PM Parent: #1308
اخوكم مزنوووووووووووووووووووووووء...
معاي ضيوف.. وعندي كمّية من التصحيح وعيّانه.... غايته بس الله كريم!....
تمام التمام اتريضت لليوم الثانى على التوالى نصف ساعة و 406 كالوريز...
---------
انت يا نجاة بالله اخت نجلاء سيداحمد؟
صاحبى عضو البورد لخبت بينك وبين دكتورة سعاد تاج السر الشيخ... قلت ليهو ما اظن...دى نجاة و ديك سعاد ....برضو غالطنى,,,, بعد كم يوم اكد لى انو خلط بين الاسمين
Post: #1311 Title: Re: Sudaneseonline Biggest Loser Author: Nagat Sid Ahmed Elshiekh Date: 06-14-2012, 01:12 AM Parent: #1310
Quote: انت يا نجاة بالله اخت نجلاء سيداحمد؟
الاخ النصرى بالحيل نجلاء اختى الصغيرة ... وعندى اخوى معاكم فى كندا اسمو هشام سيد احمد الشيخ ...
Post: #1312 Title: Re: Sudaneseonline Biggest Loser Author: النصرى أمين Date: 06-14-2012, 10:12 AM Parent: #1311
والله ما شاء الله ...نعم الاخت ..... انا طبعا قنعان من السودان ده تماما وما شايف امل نهائى للخروج من اذماته لكن مجهود الاخت نجلاء بث فينى امل ..ربما ولعل وعسى ....
لانى زول بحب التصوير والتوثيق اتمنى ان تجتهد نجلاء قليلا لتتعلم فنون المونتاج والاخراج السينمائى ... يعنى مثلا (لو توفر عامل الزمن) ممكن تعمل اضافات فنية لكل فيديو حتى يخرج بصورة proffessional فى اى كمبيوتر فى برنامج اسمه Video maker مفيد جدا وممكن يعمل مؤثرات صوتية ومرئية تغير تماما من شكل العمل الفنى
---------
اتضح لى انو المشتبه الاول فى عدم نقصان الوزن هو الشوفان oat الباكله يوميا... بالرغم من فوائده الكتيرة الا انه فى الاخر كاربوهايدرات
Post: #1313 Title: Re: Sudaneseonline Biggest Loser Author: النصرى أمين Date: 06-15-2012, 10:19 AM Parent: #1312
امبارح الخميس اتريضت لليوم الثالث على التوالى نصف ساعة 406 كالوريز
Quote: لانى زول بحب التصوير والتوثيق اتمنى ان تجتهد نجلاء قليلا لتتعلم فنون المونتاج والاخراج السينمائى ... يعنى مثلا (لو توفر عامل الزمن) ممكن تعمل اضافات فنية لكل فيديو حتى يخرج بصورة proffessional فى اى كمبيوتر فى برنامج اسمه Video maker مفيد جدا وممكن يعمل مؤثرات صوتية ومرئية تغير تماما من شكل العمل الفنى
سلام يا النصرى .. طبعا نجلاء الظرف خلته تصور انا شخصيا اتكلمت معاها عشان توظف شغله دا وتعمل ليها كورسات فى التصوير والصحافة ياريت تشوف كلامك دا" تسلم. الشوفان يا النصرى اتخيل لى ذى العيش واحد .... تانى ما تاكلو .... يعنى لو ما الشوفان دا مع الرياضة بتاعتك دى كان اتخرجتة ب دبورتين وصقر .
سلامات يا جماعة دخلة على السريع كدا. كنت عايز أرجع ليكم بصور من مسجد باريس الكبير... لكن كالعادة نسيت الكاميرا. يا جماعة أحصروا لي القروش بتاعتكم الدايرين تدوها لناس المايقوما. حسب كلامكم: النصري 20 دولار و ابن النخيل 50 دولار و سمارت 10 دولار مريم 20 دولار و نجاة 60 دولار و العوض 60 دولار... يعني المجموع 220 دولار. زي ما اتفقنا حندي نجلاء خمسين دولار للراجل القالته و الباقي لناس المايقوما و برضه لو لقيت حالات محتاجة شديد ممكن أضيفها. أنا بإذن الله حأدفع القروش باسمكم و عافيها ليكم و البقدر في المستقبل يرسل حاجة إضافية لناس محتاجين يكون خير و بركة.
Post: #1316 Title: Re: Sudaneseonline Biggest Loser Author: مريم بنت الحسين Date: 06-16-2012, 08:44 AM Parent: #1315
العوض ازيك... والله ده شعور جميل منّك... وانا بالجد ما عارفه أشكرك عليه كيف... لكن انا والدتي حتسافر السودان خلال الاسبوع الجاي ده، وحأوصيها توصّل لي قروشي.. الله يديك العافية، ويزيدك من نعيمه ويفتحها عليك ويرزقك على قدر نيّتك ويكرمك على قدر كرمك...
انا طبعا كنت عيانه الفترة الفاتت، ولسسسسه ما سلكته الدرب عديل... لولو بتّي جاها فيروس كده مع التسنين، عمل ليها استفراغ ... بعد ما بقت كويسه، لقطته الفيروس انا... وبقت حالتي كربه... بعدها جونا ضيوف، مشوا مننا امبارح... ده غير التصحيح طبعا (لسه ما انتهيت)... اها ده كلللللله مع بعض كان في راسي... ما عملته رياضة، الاكل كان تعبان (امس اكلته كويس)... قلت ادي نفسي فرصة اتعافى.. رياضة مع مرض ما بجوا....
Post: #1317 Title: Re: Sudaneseonline Biggest Loser Author: النصرى أمين Date: 06-17-2012, 01:33 AM Parent: #1316
اتخيل لى السبب الرئيسى يا نجاة انى ما اتخرجت بدبورتين هو النظام الغذائى بتاعى ..بالرغم اننى ممتنع من السكر والرغيف الابيض والحلويات الا انو معظم وجباتى بالرغيف الاحمر ( ) وبصراحة كدى ما قاعد اكل خضروات لكن باكل فواكه يوميا (تفاحة كل صباح) طبعا الكورية بتاعت الشوفان اليومية برضو بتلعب دور.... على كل انا راضى عن نفسى وشاعر اننى بتقدم للامام ببطء لكن بنمط ثابت .......
اليوم ولاول مرة اتريض يوم سبت ..امس الجمعة لم اتريض لكن اليوم قررت اجرب حاجة جديدة كتبت فى تويتر انى حاتريض لاول مرة فى عطلة نهاية الاسبوع وبصراحة كدة لمن كتبت الكلام ده ما كنت جاد شديد ... لكن بعد داك قلت لنفسى طالما التزمت مع نفسك فلازم توفى الالتزام ... وفعلا طلعت فى المكنة وعملت النصف ساعة بمزاج حرقت فيهم ٤١١ كالوريز.....
سلامتك مريم ..اديها راحة شوية لغاية ما تنعمى بكامل الصحة والعافية
Post: #1318 Title: Re: Sudaneseonline Biggest Loser Author: Nagat Sid Ahmed Elshiekh Date: 06-17-2012, 04:12 AM Parent: #1317
لوزرس كيفنكم....
Quote: على كل انا راضى عن نفسى وشاعر اننى بتقدم للامام ببطء لكن بنمط ثابت .......
دا اهم شي تكون راضى عن نفسك .. خلى الشوفان او قلل منو مع الرياضة حتشوف الفرق كيف... الليلة عرفتة معلومة جديدة من جماعتى بتاعين LA عن رياضة رفع الاثقال وتأشيرة فى النقصان ب الأنشس .. الخبيرة قالت بعد ماتخلص رياضة الثقال لمدة عشرين دقيقة المصصلص بتاخد 24 ساعة لتبداء تاكل فى الشحوم الحولها.. عشان كدا ما توزنو بعد الرياض مباشرة...
مريومة سلامتك وسلامة لولو .... تعافى اولا الرياضة هينة.. العوض تسلم ومشكور لما ترجع بالسلمة نشوف موضوع القروش
Post: #1319 Title: Re: Sudaneseonline Biggest Loser Author: مريم بنت الحسين Date: 06-17-2012, 11:05 AM Parent: #1318
ما قدرته اتريض امبارح :(.... انشغلت شديد وخفته ما اقدر انوم بالليل.. حسي لي اسبوع ما اتريضته... خاااااااااايفه اقع في حفرة....
سمارت غاتسه، رسلت لي الصباح وما لحقته رديت ليها... ياخ الزول كده بدخل في دوامة ما يعرف زاتو يمرق منها كيف!
كما قال الشاعر يامريم الوقوع فى الحفرات ساهل صعب الخروج منها
المفكر ريجارد دافنشى زكر ان الحفر انواع الحفرة الانت فيها دى اسمها الحفرة الاجبارية لانو اى زول فى ظروفك لازم يقع بيها ... لحسن الحظ الخروج منها من النوع السهل الممتنع .....
انا شخصيا بقيت خبير فى الحفر وما خايف منها ابدا ...بالعكس انا منتظر متين اقع فى واحدة عشات اتلذذ فى الخروج منها
سلام لوزرس ارجو ان ترحبو معى بالاخ خالد غالى من دولة الامارات الاخ خالد بعث لى برسالة شيقة بالايميل سانشرها على اجزاء ..... اتمنى ان يواصل الاخ خالد فى ارسال تقارير يومية عن الاداء (الرياضى والغذائى) وساقوم بنشرها اول باول لغاية ما ربنا يهون ويتحصل على عضوية المنبر اليكم الرسالة على اجزاء
السلام عليكم اخي النصري امين
ارجو ان تكون بتمام الصحة والعافية
صادفت اليوم في سودانيز اون لاين بوستكم المميز سودانيز بقست لوزر واحب ان اشكرك واحييك على الفكرة الممتازة والبوست جميل جدا ومفيد للغاية وماشاء الله الجميع بيتميزو بي اسلوب قمة في الرقي واللطافة فشكرا لكم جميعا
اخي احب ان اشترك معكم في البرنامج وللاسف ليس لدي باس ويرد في سودانيز فياريت تقبلني مشترك من الخارج عن طريق الايميل حتى اتمكن من الاستفادة من الالتزام الادبي والاتفاق مع بقية الاخوان
بديت قراية الموضوع من بدايتو وهو شييق جدا قريت لغاية الصفحة الخامسة بدون توقف واستمتعت كثيرا وضحكت كثيرا مع القفشات الذكية اللطيفة المهم اوعدك اني اقرا بقية الصفحات السبعة عشر كلها حتى اكون ملم ومتابع معاكم
بالنسبة للتعريف انا اسمي خالد غالي مقيم في الامارات طولي 179 سم ووزني 86 كجم وعمري 33 سنة
اكتشفت حوجتي للرياضة عندما تعطل مصعد البناية التي اسكن فيها ورغم اني بس في الطابق التاني لكن ولدهشتي الشديدة نفسي قام وقرب يغمى علي لمن وصلت الطابق التاني وبعد داك طوالي سجلت في صالة الرياضة القريبة من البيت
مشاكلي هي نفس مشاكل مغتربين الخليج الشغل المكتبي لساعات طويلة وعدم الحركة والعربات الحرمتنا من نعمة المشي
بالاضافة لي كده عندي مشكلتين تانيات
اولا انا اعيش لوحدي وبالتالي عندي مشكلة الاكل الصحي المعمول في البيت وخاصة انو بشتغل ساعات طويلة جدا يوميا وماعندي وقت لعمل الاكل في البيت
وثانيا مكان شغلي في حتة بعيدة جدا عن العمران ومافي اي مطعم او بقالة او اي حتة ممكن الزول ياكل منها بالتالي لازم تجيب معاك اكل وهو غالبا حايكون فاست فود واكل غير صحي بالمرة وبرضو عندي مشكلة اني اتعودت على الوجبة الواحدة في اليوم مابقدر اكل اكتر من مرة في اليوم وممكن اكل كميات كبيرة شديد وممكن اكل كمية صغيرة لكن اظن الحكاية دي غير صحية بالاضافة لاني مابحب الخضروات ولا الفواكه :) ( اعجبني رد يونس شلبي بتاع انو في ناس بيتغذو بالانابيب انت غالبك تاكل سلطة ! ) رد ذكي وجميل وصادم ياخ تحياتي ليهو بالله
بديت برنامج الصالة من خمستاشر يوم تقريبا بمشي تقريبا يوميا بفط احيانا لو في ظروف او كنت مرهق حاسي بي تحسن من ناحية اللياقة لكن مافي اي نقيصة في الوزن نمط الرياضة بتاعي بمشي مشي سريع لمدة ربع ساعة وبعدين جري لمدة ربع ساعة ثم رياضة بطن وبقية الجسم لمدة نصف ساعة
اتمنى انكم تقبلوني معاكم واعتذر بشدة على طول الرسالة واوعدك انو الرسايل القادمة ماتزيد من تلاتة اربعة اسطر عشان بس اوري برنامجي ماشي كيف ولو عندي ملاحظات
اهلا وسهلا بالاخ خالد مرحب بيك بين الخاسرين العظام.... واضح جدا انك عزابى لمن قلت انك قريت خمسة صفحات مرة واحدة ..لو عندك شفع اوزوجة كان احتجت لشهرين لتقرا صفحة واحدة....
زى ما اتفق الجميع ان الشعور انو الزول ليس وحيدا وان هناك اخرين يتابعونه (او على الاقل يقراونه) بدى دفعة قوية للاستمرار وعدم الاستسلام
كمثال انا كتبت امبارح السبت فى تويتر انى حاتمرن يوم سبت (عمرى لم اتريض يوم سبت) بالرغم من يقينى ان قراء التويتاية دى قد لا يزيد عن بضع اشخاص الا ان مجرد الالتزام بالعمل جعلنى اقوم من الكنبة المريحة واتريض
خليك معانا ..اكتب كل يوم .. اكتب ما يدور حولك ... اكتب عن شغلك .. احلامك (وفتاة احلامك) ما تبقى لينا زى غباشى ..لاوزنا ليهو بكم عروس عمل محنون .. رسل صور ..
بالنسبة ليونس شلبى فهو فى خبر كان ..قابلته قبل عدة ايام وسالته كيف الامور ..اجاب انه لا يفعل اى شئ ولايتريض ...سالته لماذا نظر لى بابتسامة ذكية وقال لى ان هناك امور كثيرة تجرى حاليا,, اظن انه مرة قال لى انه منفصل من زوجته وان لديه مشاكل كثيرة معها ,,,, يونس شلبى رسميا واقع فى حفرة من النوع ابوكديس ..لابنفع بوست ولا تويتر ولا يحزنون ...... فقط للمعلومية ان فى حالة الطلاق فى كندا ..الزوجة تفلس بالرجل وترجعه عشرين سنة لوراء ..
لابد ان اعترف ان تاثير يونس شلبى فينى وانا اخطو اول خطواتى فى طريق السلامة لا يمكننى ان انكره ..فهو استاذى وملهمى فى تلك الايام اتمنى من رب العالمين ان يرفع الغم والاذى عنه
Post: #1326 Title: Re: Sudaneseonline Biggest Loser Author: النصرى أمين Date: 06-18-2012, 10:32 AM Parent: #1325
سلام شباب الساعة عندنا اربعة ونصف صباحا وانا مستعجل ماشى الشغل لكن وصلتنى رسالة من خالد الغالى وهى من النوع كود رد
"" السلام عليكم اخي النصري
شكرا جزيلا على الاهتمام بالرسالة وسعيد جدا بالانضمام لناديكم الصحي
كنت قد وعدتك بعدم اطالة الرسائل لكن يبدو اني مضطر ان اطيل هذه الرسالة ايضا لاني بصراحة واقع في حفرة عميقة جدا ومحتاج مساعدة كما انو انا ماعاندي باس ويرد وبالتالي مابقدر اضيف كذا مداخلة في اليوم . عليه اديت نفسي الحق في اني تكون مداخلاتي طويلة نوعا ما معاكم ههههههههه
تفاصيل الحفرة كالتالي
اولا واضح جدا انو في خلل في مكان ما لانو انا لي اكتر من اسبوعين بمشي الصالة لكن مافي اي نقصان في الوزن وبالتاكيد السبب هو النظام الغذائي عشان كده حا اوصف النظام الغذائي بتاعي اليومي وانتظر خبراتكم ونصائحكم
بقوم الصباح ماباكل ولابشرب اي حاجة في البيت بمشي المكتب بشرب كباية شاي احمر سادة مع ملعقتين صغار سكر وتاني ماباكل ولابشرب اي شي الا قليل من الماء لغاية الساعة 12 ظهرا غالبا بكون جايب معاي حاجة للغدا الحاجة بتكون اما سندويتشات فول معمولة في البيت بي خبز عربي ابيض او قطع بيتزا من محل البيتزا او سندويتشات فاست فود من اي مكان ومرات قليلة جدا بكون مامعاي اي حاجة للغدا فبكتفي بالماء فقط
بشرب كباية شاي احمر تانية بنفس المواصفات الساعة 3 ظهرا
Post: #1327 Title: Re: Sudaneseonline Biggest Loser Author: النصرى أمين Date: 06-18-2012, 10:34 AM Parent: #1326
بعد ارجع البيت الساعة خمسة ونصف عصرا لو كنت اتغديت في المكتب فماباكل اي حاجة وبنوم طوالي لمدة ساعة ونص وبعد داك بقوم اقعد في النت لغاية بعد صلاة العشا وبمشي الصالة الرياضية بجي منها زي الساعة حداشر كده وبسهر لغاية واحدة وبنوم وماباكل اي حاجة طيلة الوقت ده
في حالة اني ما اتغديت في المكتب بقوم اطلب اكل من المطعم اليمني الجمبنا وهو ده سبب الاذى لانو بكون اكل ماصحي ابدا كميات كبيرة من اللحم والرز وغالبا بعد الوجبة الضخمة دي مابقدر امشي اي صالة وبكون راقد في البيت خملان بس
الملاحظات العامة اني ماباكل اي نوع من الفواكه, مؤخرا بحاول اكل موز حبتين او تلاتة يوميا برضو ماباكل اي سلطات او خدارات لامطبوخة لا طازجة
والحاجة الخطيرة جدا اني مابشرب موية كافية بشرب في المكتب تقريبا مايعادل لتر واحد وفي البيت غالبا مابشرب ولا نقطة حتى لمن امشي الصالة مابشرب لا في الصالة لابعد ارجع من الصالة تصدق !!
Post: #1328 Title: Re: Sudaneseonline Biggest Loser Author: النصرى أمين Date: 06-18-2012, 10:36 AM Parent: #1327
يواصل خالد فى رسالته :-
اظن سبب عدم شراب الموية هو اني بحب الجو يكون بارد جدا عشان كده مكتبي ماف اي زول بقدر يدخلو بي سبب البرودة الشديدة بيكون المكيف عالي خالص وفي البيت برضو والعربية البرودة الشديدة دي برضو حاسي انهاعاملة لي مشاكل تانية لاني دايما عندي احساس اني ممكن يكون عندي رطوبة او حاجة زي دي رغم اني ماحصل شكيت من اعراض ولا حصل قابلت طبيب بالخصوص ده لكن حقيقي قلق من الوسط البارد جدا العايش فيهو ده
اها دي القصة باختصار ياريت توروني اتصرف كيف في الحال ده وكيف اطلع من الحفرة دي
بخصوص نشاط امس مشيت الصالة وكنت متحمس اكتر بسبب البوست ده واستخدمت استراتيجية مختلفة اللهي اني امشي مشي سريع بسرعة 6 كلم في الساعة لمدة دقيقتين وبعدين اجري بسرعة 9.5 كلم في الساعة لمدة تلاتة دقايق ونجحت جدا الاستراتيجية دي وتميت اكتر من نص ساعة على الجهاز بدون ما احس بالارهاق البيجيني يوميا وحرقت قرابة ال300 وحدة حرارية وقطعت قرابة الاربعة كيلومترات وبعد داك قمت برياضة البطن والجسم المعتادة ووزنت لقيت مافي اي نقصان وكمان زي الزدتا لي متين تلتمية جرام كده :(
Post: #1329 Title: Re: Sudaneseonline Biggest Loser Author: النصرى أمين Date: 06-18-2012, 10:37 AM Parent: #1328
ياخ لازم تلحقوني في موضوع الوزن ده بسرعة لاني على وشك ان اصاب بالاحباط
تحياتي وامنياتي بالصحة والعافية للجميع
خالد غالي
انتهت الرسالة
Post: #1330 Title: Re: Sudaneseonline Biggest Loser Author: مريم بنت الحسين Date: 06-18-2012, 01:49 PM Parent: #1329
والله يا النصري تصنيفاتك دي بتضحكني ضحك... زي تصنيفك للكرش لوووووول..... الله يمرقني من الحفرة دي.. غايته الليله ما مارقه حتّه، حأمشي بعد شويه اودّع جارتي مسافرة السودان... وبعداك ما عندي شي.. تصحيح انتهيت منّه...
الليلة حيحصل تغيير كبير، حتجيني شغالة اندونيسية، كانت معاي السنة الفاتت لما كنت والدة لولو ... حتشيل منّي هم كبير في البيت، وكده ما حيكون عندي عذر.. بناءاً عليه، ده إلتزام منّي بالرياضة لمدة ساعة خمسة مرات في الاسبوع يومياً... حأدي نفسي فرقة ما اعمل رياضة في الweekend... على امل انه الليلة حأطلع من الحفرة... غايته انا حأعترف اني اتغرّيت.. بت خالتي لما جات شافتني (اندهشت)... وبقت تسألني عملته شنو وكده... اها بقمته فرحته بي روحي، وطنّشته... اليوم اليوم موعدنا أكيد....
ماما وبابا واخواني طلعت الزيارة بتاعتهم خلاص... وحيجوني في رمضان... وانا لاااااااااااااازم أصل لهدفي قبل يجوا...
يا جماعة دايرين نستعد لرمضان بالله...
يا خالد، مرحب بيك ... وبحيي من خلالك ناس كتاااااااااااار انا عارفه انهم بتابعوا فينا ... ومنهم صديقتي العزيزة د.هالة... هالة عندها باسورد، كان فيكم زول عنده تلفون لبكري كلموه... نرحب بكل الدماء الشابّة والله....
خالد... انت نمط اكلك ده منتهي... واول مشكلة عندك قلة عدد الوجبات وقلة شراب الموية... تعرف لو ما شربته مويه.. ما حتنقص بالقدر الانت عايزه (انت ما محتاج كتير، وزنك ما زايد كتير بالنسبة لطولك)... برضه الشي التاني المويه مهمة جداً لإنه الجسم يتعافى من الزيادة الحصلت، والجلد يتشد... ده غير انها مهمة عشان بطنك تمشي كويس (ولا مؤاخذة)... قلة عدد الوجبات بتخليك تدي نفسك العذر انك تاكل كتير لما يتوفر ليك الاكل.... الخطأ الاكبر البترتكبه انه ما بتفطر... عدم الفطور ده اهم سبب من اسباب السمنة... افطر بمزاااااااااج، اكل النفسك فيه... انا شخصياً باخد راحتي على الاخر في الفطور... بقلل الكمية، لكن بقلي بيض ... بشرب شاي بحليب عادي... باكل خبز ابيض ... باكل معاه خس كتير عشان بطني تتملي وما اكل كتير... نصيحتي، اعمل ليك ساندوتش من بالليل للفطور... واكله مع الشاي الاحمر.... اشتري ليك تفاح، وخته في التلاجه (تلات موازات في اليوم كتيييييييييير)... شيل معاك تفاحة أكلها في وجبة الساعة 12 دي... حتديك احساس بالشبع .. وتساعدك... بعداك الساعة 3 ممكن تتغدا... شيل معاك غداك من البيت... لو ما عندك وقت تعمل سلطة، غسل ليك خياره او شوية خس.. واكله مع وجبتك.. حتلقى نفسك أكلته أقل... لما ترجع البيت اخد نومتك وامشي الجيم .. تعال راجع اظبط ليك اكل... ما تقيس وزنك بعد الرياضة... حتلقى نفسك زايد وزن... وما تقيس وزنك يومي.. اشتري ليك ميزان خته في البيت واوزن نفسك في يوم محدد الصباح اول ما تصحى من النوم..
المويه، اشتري ليك كباية كبيييييييييييييييرة، املاها وختها جنبك... قبل كل وجبة اشربها... بتقلل كمية الاكل الحتاكله، وتاخد مويتك المحتاجها..
انت هدفك اللياقة اكتر من النقصان.. لو مشيت بكلامي ده، حتحققهم الاتنين...
بالنسبة للوزن، لاحظ لملابسك.. ممكن الرقم ما يتغيّر لكن تكون برضه بتنقص وزن
مرحب بيك يا خالد... وبالجد شجّعتني على فكرة اننا نعمل مجموعة في الفيسبوك ... المشكلة اني ما بقدر اشربك روحي فيه تاني، انا يا دووووووووووووووب رقته...
بجيكم بعدين بالنجيضة.... ثورة ثورة حتى النصر!
Post: #1331 Title: Re: Sudaneseonline Biggest Loser Author: النصرى أمين Date: 06-19-2012, 10:33 AM Parent: #1330
سلامات اخي النصري كيف الصحة والاحوال
بالله شدة مداخلاتي ماطويلة لمن بقيت تكمل الكوتة بتاعتك كلها فيها وتقعد تتلفت ههههههههههه غايتو لو ماطلعت من حفرة النظام الغذائي وعدم نقيصة الوزن دي ما اوعدك مداخلاتي تبقى قصيرة ابدا ههههههههه
التحية ليك والتحية لجميع الشباب وبالاخص اختنا مريم بت الحسين وشكرا جزيلا على النصائح المفيدة وفعلا طوالي بديت في التنفيذ امس مشيت السوق اشتريت كمية مقدرة من الجزر والتفاح ولقيت لي حاجة كده اسمها شابورة بتشبه العيش الناشف القرقوش وهي مخصصة للرجيم زي مامكتوب فيها وفيها حبة البركة وشمار وكمية من البهارات ههههههههه افتكر تلاتة قطع منها مع كباية الشاي السادة الصباح + جزرة كبيرة تعتبر فطور اكتر من كافي
Post: #1332 Title: Re: Sudaneseonline Biggest Loser Author: النصرى أمين Date: 06-19-2012, 10:35 AM Parent: #1331
يواصل خالد فى رسالته:-
بالنسبة للغداء جبت صدور فراخ مشوية مع خبز اسمر + تفاحة وده اظنو غداء كارب جدا وبالله عليك اعفيني من العشاء لاني بالجدا ماحا اقدر اكل تاني لكن ممكن اكل جزرة تانية بعدين بعد ما اجي من الصالة
بشكل عام انا عمري ماحصل عملت رجيم وفلسفتي في الاكل هي اكل اي حاجة بس ماتاكل كتير ووزني دايما بكون حوالي 80 كجم اسي الزيادة دي ماعارفها جات متين وكيف ذاتو برضو من ملاحظاتي انو اي زول بقول لي انت ماسمين وعندي اخوي اطول مني ويتشاف اسمن مني اليوم داك وزنا سوا طلع هو 80 وانا 86 ! ودي فعلا حاجة غريبة ماعارف سببها شنو التقل الفي الميزان ده , غايتو لو ضبحوني والله اخت لحم خت ههههههههه
سلام للجميع و ترحيب خاص بالأخ خالد. أمسك في نصايح مريم دي كويس يا خالد... كتر من الموية بقدر الإمكان و برضه زيد عدد وجباتك، الأكل الما منتظم مضر جدا بصورة عامة. خلي عندك تلاتة وجبات رئيسية و تلاتة أربعة تصبيرات. التركيز على الخضارات و الفواكه مهم جدا هي طبعا ما بتنقص الوزن لكن بتوفر مكونات مهمة لجسمك و ميزتها إنها بتحتوي على سعرات معقولة و بتملا مكان ممكن يتملي بعدد مضر من السعرات لو أكلت حاجة تانية زي العيش أو الرز مثلا. بالنسبة للفواكه الموز بالذات سعراته كتيرة نسبيا... موزة واحدة في اليوم كفاية جدا. الأيام دي على سفر و بكتفي بالقراية في معظم الأحيان لكن معاك بالتشجيع. حأحاول أرجع ليكم بشوية صور إن شاء الله.
Post: #1334 Title: Re: Sudaneseonline Biggest Loser Author: النصرى أمين Date: 06-20-2012, 10:36 AM Parent: #1333
الظاهر الزول حيدى البوست زى ٤٠ ثانية فى اليوم بدلا عن الساعات الطويلة الكنا بنقعدها فيهو ... المهم لازم ارفع التقرير اليومى بتاعى لانو دى الطريقة الوحيدة لتسجيل النشاط
اتريضت امس الثلاثاء لمدة نصف ساعة حرقت فيهم ٤١٣ كالوريز...
Post: #1335 Title: Re: Sudaneseonline Biggest Loser Author: مريم بنت الحسين Date: 06-20-2012, 12:07 PM Parent: #1334
اولاً، مبروك لحكومتنا الرشيقة تخرجها من the biggest loser...!
امس اتريضته نص ساعة... كويسه برضها ما كعبة... الليلة ناوية برضه على نص ساعة... ولو ربنا هداني وعملته لي نص ساعة Power 90، بكون برضه تمام....
الاكل انتظم والحمدلله.... الجوطه وقفت.... اصلا انا لما يكون في تفاح في البيت، بنتظم كويس...
خالد، ما تعمل تقشّف شديييييييييد، وصدور مشويه وكده.. عشان ما تضايق روحك... خفف بسيط في الكمية... وزيد الخضار، حتلقى نفسك ما تعبان في محافظتك في الاكل
العوض، منتظرين الصور...
برجع بعدين... كالعادة مزنووووووووووووء.... الsupervisor رسل لي شكله تانية في الemail... غايته ما بعرف اعمل شنو.. اتقطّع!
Post: #1336 Title: Re: Sudaneseonline Biggest Loser Author: مريم بنت الحسين Date: 06-21-2012, 04:13 PM Parent: #1335
I'm officially .. في الحفرة
Post: #1337 Title: Re: Sudaneseonline Biggest Loser Author: مريم بنت الحسين Date: 06-26-2012, 03:20 PM Parent: #1336
الكفاح بالكفاح يذكر، ويييييييييين للناس؟
رغم انه زوووووول عبّرني مافي، I am happy to report أني طلعت من الحفرة براااااااي، امس.... جريت نص ساعة معتبرة، لما اتكيفت من نفسي، الوزن ثابت ثبات دولارنا ان شاء الله! لكن لاول مره في حياتي أنا مبسوطة انه ما فارق معاي كتير... وخيله ثابت، إيه يعني!
السلام عليكم اخي النصري ارجو ان تكون بخير وصحة جيدة
شكرا لكل من سال عني وانا الحمد لله نجحت في الخروج من حفرة البرنامج الغذائي وثبات الوزن وعملت برنامج غذائي متوازن جدا وغير مرهق مش كده وبس وكمان فعليا كده المستوى المعيشي بتاعي ارتفع بشكل هائل وملحوظ جدا سبحان الذي جعل الرجيم فيه تغذية لي بدل حياة البؤس الكنت عايشها ديك هههههههه
شكرا اخي العوض على فكرة متابعة الوحدات الحرارية وهي فعلا حاجة مفيدة شديد حاليا بعمل في تجربة تطبيق رياضي لمستوى فقدان الوزن ... يعني مثلا لو عايز انقص كيلو كل خمسة يوم المفروض احرق كم وحدة حرارية في اليوم باعتبار اني باكل 1500 وحدة حرارية يوميا ؟؟ اديني معادلة وليك علي اطبقها ليك بي حذافيرها في الايام الجاية دي
وشكرا يا النصري على وصفة العلف بالشوفان بالحليب ياخي دي اكلة ممتعة بشكل اصلو ماعادي ههههههههه
وياخوانا لو قلت ليكم انو النظام الغذائي بتاع الرجيم بالنسبة لي افضل واكثر قيمة غذائية واكثر لذة ودايما بكون شبعان اكترمن لمن ما اكون عامل رجيم بتصدقوني ؟؟
Quote: نسيت اقول اني نقصت 2 كيلو خلال عشرة ايام واكتشفت انو النقيصة مكلفة جدا لاني محتاج اشتري ملابس جديدة بالكامل ههههههه
تحياتي
Post: #1341 Title: Re: Sudaneseonline Biggest Loser Author: مريم بنت الحسين Date: 06-27-2012, 09:57 PM Parent: #1340
يا خالد، ألف ألف مبروك الاتنين كيلو... وثورة ثورة حتى النصر.... نصيحة، ما تشتري ملابس كتير... حاول مشّي حالك لحدي ما تصل لوزنك العايزه... اشتري ليك بنطلون واحد جديد احتفل بيه، واستمر البس القدام مع حزام... على الاقل الناس يلاحظوا ويعلقوا ليك
الليلة اشتريت بنطلون جينز size اصغر من مقاسي العادي... واتكيفته جداً لما لقيته مظبوط ورهيب كمان! كنت حأشتري منّه لونين، خاصة انه سعره حلو شديد... لكن قررت ما اشتريه وانتظر لحدي ما امشي المره الجايه اكون نقصته زيادة، واختار مقاس اقل...
النصري الايام دي هتافات ساي بكون نقص.... شايفاه حايم من بوست لبوست!
Post: #1342 Title: Re: Sudaneseonline Biggest Loser Author: مريم بنت الحسين Date: 07-09-2012, 04:27 PM Parent: #1341
اها يا اخوانا... القصص والاخبار شنو....
انا غايته مستمره... اول امس وصلت لهدفي الثاني (yaaaay me).... وحددت الهدف التالي وهو ناقص 5 كيلو.... المجموع الكلي للنقصته معاكم هنا هو 13 كيلو... بالله صفقه كبيره...
النصري انت غاتس وين!
ابتهال وامير وحمد محمد الحاج وخالد (distance learning)... وين انتو؟
نجاة... شايفااااك في البوستات المجاوره...
حاجه سمارت... اظهري!
Post: #1343 Title: Re: Sudaneseonline Biggest Loser Author: النصرى أمين Date: 07-13-2012, 04:18 AM Parent: #1342
والله مشتاقين عديل كده ....
Post: #1344 Title: Re: Sudaneseonline Biggest Loser Author: النصرى أمين Date: 07-21-2012, 07:00 AM Parent: #1343
رفعناه من الصفحة التاسعة واخر متداخل كان انا
Post: #1345 Title: Re: Sudaneseonline Biggest Loser Author: النصرى أمين Date: 07-21-2012, 07:10 AM Parent: #1344
قبلما نخش فى الغريق لازم انوه لحاجة مهمة جدا ,,,
البوست ده بالرغم من كان قابع فى قاع البورد فى الاسابيع الماضية الا ان عدد المطالعات يثبت ان هناك كثير من القراء يتابعونه من غير الاعضاء اخر مرة لاحظت عدد النقرات كاان فى حدود ال 20 الف دلوقت 21344 بزيادة اكثر من الف ومايتين نقرة ليست لدى فيهم نقرة واحدة......
ياريت الناس الدخلو البوست ده فى الاسابيع الماضية لو اتصلو بالايميل
طيب نبدا من ويييين
من وييييييييين
من وييييييييين
ايوة الانتفاضة قامت ...
Post: #1346 Title: Re: Sudaneseonline Biggest Loser Author: مريم بنت الحسين Date: 07-21-2012, 10:27 AM Parent: #1345
النصري اللمين... تدخل تكتب مشتاقين وتمشي دي مداخلة دي؟...
اها، الاخبار شنو... كيف الامور ماشه...
انا وصلت زي ما قلت لهدفي التاني.. الرياضة بدت امبارح، كنت شغاله في الفترة الفاتت بصورة متذبذبة... لكن ما قاعده اقعد اسبوع كامل بدون رياضة... الاكل مظبوط... ما وقفته ولا يوم... بتحصل الجوطه... لكن قاعده اعوّضها..
الهادى ...وينك يا معلم ... بطاقتك انتهت....عليك تجديد الاشتراك ...او عشرة مداخلات ماكنات
------------------
وصلتنى رسالة من خالد الامارات
Quote: سلامات ياحبيبنا طالما انك رفعت البوست نديك تقرير على السريع كده
انا لسة مواصل في البرنامج واضفت رفع وزن كمان لبرنامج الجري اليومي ووصلت للجري بسرعة عشرة كيلو لمدة نصف ساعة والمشي السريع بسرعة سبعة كيلو لمدة نصف ساعة وتمارين شد جسم ورفع اثقال لمدة ساعة
بحرق يوميا تقريبا الف سعر حراري
نقصت خمسة كيلو حتى الان من بداية البرنامج مع نهاية الاسبوع الجايي حا اكون حققت التارقت حقي وبقيت في وزن 78 كجم لكن ناوي اواصل لغاية نهاية رمضان وانقص اتنين كيلو كمان لاني ماشي اجازة السودان وماناوي اتحفظ على الاطلاق في موضوع الاكل
هههههههه
تحياتي وامنياتي بالصحة والعافية للجميع
خالد غالي
ايوووووووة من زمان غاشينا بانك داير تنقص وزن من اجل انقاص الوزن,,, الظاهر الحكاية كلها داير تمشى السودان وتفتش عروس ...... القصة وضحت يا معلم ...... داير تتقدم لاهل العروس وشايل الدراهم من جهة وعضلات تبش من جهة....... البت تشوف القوام الرفيع تامن وتقع فى حبالك وماتعرف انه راسمالك بوست وشوال بتاع علف
اذيكم يا شباب؟ الاخبار؟؟ اليوم أمي (ربنا يديها العافية) قالت ان العوض (كتر خيره و بارك الله فيه) وصلها و شال الأمانة. اما أحوال الرياضة فنقول خلوها مستورة. عندي حالة نعاس مستعصية. لو اتصلحت في الايام الجاية ح أبدا. و عندي موضوع مفروض أخد فيه قرار. و ح اجيكم بالخبر قريب ان شاء الله
السلام عليكم يا جماعة والله مشتاقين ليكم. الليلة آخر يوم لي في الإجازة دي في السودان و بكرة ماشين على السعودية إن شاء الله. طبعا مافي انتظام في أي حاجة لا رياضة لا برنامج غذائي لكن رغم كدا الأمور ماشة تمام و الحمد لله و عندي إحساس قوي إني ما زدت وزن. و دا راجع لأنه رغم عدم الانتظام عامل حسابي في الأكل إلى حد ما و بتحرك بالمواصلات أحيانا. بالنسبة لقروش المايقوما فالمبلغ الاتجمع حوالي 245 دولار و 100 جنيه (أو 100,000 جنيه حسب البرمجة الزول شغال بيها) كلها على بعض عملت 1,600 جنيه (1,600,000 جنيه). زي ما قلت ليكم قبل كدا حنركز على ناس المايقوما و نخت اعتبار لحالات أخرى. غايته أنا اجتهدت و أرجو إني أكون وفقت في تقسيم القروش. في حالة علاج أديتها 300 جنيه و حالة أم مطلقة تقوم برعاية أطفال اديتها 300 جنيه و 1,000 جنيه أديتها لخالتي توصلها لناس المايقوما ودا غالبا حيكون بعد رمضان و الفكرة إنها أصلا معاها مجموعة من السيدات بجمعوا قروش و حاجات عينية و بدل ما يودوا قروش بشوفوا الاحتياج شنو و بشتروه يعني مرات بودوا لبن و مرات حفاضات و كدا. بالنسبة للحالة الذكرتها نجاة للأسف ما اتوفقت في توصيل حاجة ليها حاولت الاتصال بالأخت نجلاء و ما اتمكنت و اتصلت بالتلفون الكانت خاتاه بتاع الزول نفسه و جاني زول تاني سألته من نور الدين وطلع دا ما هو برضه كان في محاولة للتنسيق مع شقيق نجاة و نجلاء لكن ما حالفها النجاح. التحويل بتاعك وصل يا النصري و اتشرفت بمقابلة أم سمارت لاستلام مساهمتها و طبعا بقية الناس حيكونوا رسلوا قروشهم مباشرة دعواتنا للجميع أن يبارك الله في صدقتهم و ينفع بها و يتلقاها بيمينه و يظلنا بها جميعا في ظله يوم لا ظل إلا ظله و يعوضنا بها في الآخرة أجرا كثيرا و نزلا في الفردوس الأعلى و في الدنيا رزقا حلالا كثيرا طيبا مباركا و بركة تليق بمنه و كرمه نراها في صحتنا و عافيتنا و صحة أهلنا و أولادنا و عافيتهم و توفيقا من عنده. حأتابع بالقراية على الأقل قدر الإمكان فما تقطعوا أخباركم و شايف في البوست التاني بتاع سمارت في مساهمين جدد مرحب بيهم و تهانينا للأخ خالد بتحقيق هدفه كمان. حأصل كندا بعد أقل من أسبوعين بإذن الله و أوزن و أشوف بعدها يحصل شنو.
Post: #1352 Title: Re: Sudaneseonline Biggest Loser Author: النصرى أمين Date: 07-22-2012, 08:33 AM Parent: #1351
وصلتنى رسالة من خالد لكن للاسف ما قادر افتح الايميل فى الكمبيوتر الان (قريت الرسالة فى الجوال) بكره ان شاء الله حانقل الرسالة
Post: #1354 Title: Re: Sudaneseonline Biggest Loser Author: مريم بنت الحسين Date: 07-22-2012, 10:45 AM Parent: #1353
يا النصري سجّل لينا راوية ولنا دي طوالي... وخليك ديموقراطي.. غباشي صحي غيّاظ.. لكن ما تمرقه لينا.. نقعد نضحك في شنو تاني... محمد الحاج انا بديه ليكم لكزة every now and then....
بالنسبة للقروش بتاعتي، انا وصيت الوالدة لما مشت السودان، لكن ما للمايقوما لانها قالت لي القروش الكاش قد ما تصل الاطفال واحسن تمشي حاجات عينية... زي فكرة خالتك يا العوض... والدتي مريضة شويه عشان كده خليت الفكرة ووصيتها توصليهم لواحدة شابة زوجها اتوفى عنها فجأة وبترعى أطفال صغار... ان شاء الله ألقى قنوات اخرى أرسل لأطفال المايقوما مباشرة... ما تتصوروا انا حزينة كيف اني ما اتمكنته في الحاجه دي
أخونا خالد، والله ما شاء الله عليك.. ربنا يوفقك والله وتستمتع بإجازة سعيدة مع الأهل...
ناس التسجيلات الجديدة مرحب بيكم...
اخونا الطيب، أحلى مافي البوست الدعم المعنوي الخرافي البنحس بيه من خلاله... انا بالجد لو ما سمارت لكزت النصري كنت بديت افقد توازني... في ثبات في الوزن لكن في نفس الوقت ما نقصان...
انا متاكد كل اعضاء البورد وبدون استثناء دخلو البوست مرة واحدة على الاقل من باب الفضول لمعرفة مايجرى... الاغلبية ماعندها اهتمام بصحتها...ماعندها رغبة انها تتحرك وتتريض وتحافظ على جسمها ..... الاغلبية ما دايرا تغير نمط حياتها من قعاد ورقاد ....تلفزيون وانترنت .... الكثيرين لم يجرو دمهم منذ سنوات طويلة (انا كنت منهم حتى ظهور هذا البوست) الاغلبية العظمى لا تستطيع ان تستغنى عن السكر.... الجميع لا يستطيع ان يعيش بدون رغيف عصيدة او قراصة..... هذه السلوكيات الغلط تستفحل فى رمضان وتصل مستويات خطيرة ومدمرة.... عن نفسى ..كنت اسوا سودانى على وجه الارض فى نظامه الغذائى .... كل يوم لازم اشرب شاى بلبن بسكر طن مع بسكويت.. امشى البقالة واشترى الرغيف الابيض الايطالى..... اكل كى اف سى...مكدونالد وسندوتشات تيم هورتون.... اكل دهون وزيوت فى الملاح ... ومرات كتيرة باكل طحنية بالسمنة بقشدة اللبن...
ده كله اتغير اليوم وبعد 10 شهور فقط من ونسة البوست وتفاعل الاصدقاء اعضاء البوست .....
بالرغم من وجودى هنا فى المنبر لاكثر من 8 سنوات الا ان هذا البوست غير تماما طريقة حياتى فى وقت يعتبر حرج جدا فى حياة الانسان وهو يقتحم عالم الخمسينيات من عمره....
اخى الطيب لو كل سودانى اهتم بصحته وراقب اكله والتزم بنمط حياة صحى لنهضت الامه...ربما كان السودانيين فى الداخل يعانون من ضغوط طاحنة لكن ما عذرالذين فى الخارج؟؟؟
رمضان كريم يا جماعة لسة مشغول وقبل ما انوم عايز اقترح عليكم نعمل دورة رمضانية انا عائد من اصابة و كنت ممنوع من مزاولة الرياضة لاكتر من شهر ده غير نوبة الاحباط الغير متوقعة الحصلت لي الاسبوع القبل الفات النصري و مريم .... حأكون لطيف معاكم خلال الشهر الكريم , بس انتو كمان اتصلحوا معاي لكن مافي اي فرقة بيجاي و الله , رمضان لاعب معاي ضاغط حأكون لطيف معاكم خلال الشهر الكريم ,بس انتو اتصلحوا معاي كمان الوضع حرج بيجاي و مافي اي فرقة بيجاي و الله , رمضان لاعب معاي ضاغط لكن قبل ما ابدا معاكم برنامج اللطافة حارد على البوست بتاع سمارت بيجاي مرحب بخالد و راوية و لنا شايف سمارت و مريم بقوا عاملين فيها سوبرفايزرات (حاكو حاكو) ولدي ابن النخيل حيخرط طلبتكم من الاعضاء الجدد ودي فرصة للعبد لله ليحقق نجاح كمدرب كما حققه من قبل كلاعب لايشق له غبار سلام لحدي ما اجيكم برد ما قبل اللطافة
اتخيل لى كده ....انى قبل كم يوم و انا بقرا فى البوست ده لقيت النصري قال انه ما بيقدر يرد من تلفون ???? صحى الكلام ده يا النصري ???
يا اخى انا شمتاااااانة....ما بتسمع الكلام نقول شنو
ولدنا.غباتشي..اتفقنا على الدورة الرمضانية...خت الشروط و القواعد و نشوف
مريم...عندى احساس ان النصري ح يجينا بمصيبة
Post: #1366 Title: Re: Sudaneseonline Biggest Loser Author: ابن النخيل Date: 07-24-2012, 02:01 AM Parent: #1365
سلامات بطعم الحلو مر والابرى.....رمضان كريم و تصومو وتفطرو على خير باذن الله الواحد الاحد..... اها يا مريم رمضان برنامجو شنو؟؟؟ نعاين للسكريات ونبكى والله كيف؟؟؟
تحياتى
Post: #1367 Title: Re: Sudaneseonline Biggest Loser Author: مريم بنت الحسين Date: 07-24-2012, 05:24 AM Parent: #1366
Quote: مريم...عندى احساس ان النصري ح يجينا بمصيبة
عندي نففففففس الاحساس يا سمارت
ابن النخيل... basically yes ... ما تحرم نفسك خاااااااااالص بس ما تشربه بعد الفطور طوالي... ابدأ بالسنة (بلح ومويه) وبعداك تنتظر شوية، تجي للشوربة... كتر الخضار والبروتين.. خد شوية carbs عشان الطاقة... (التحية للصديقة سوما على الtips، الحقوق ليها).. بعداك انتظر مسافة .. وتعال اشرب حلو مر.. وممكن قطعة صغيرونة بتاعت حلو... الرياضة مهمة جداً... احنا عاملين برنامج جري بعد الفطور لمدة نص ساعة... ممكن بعده تاني ترجع تاكل ليك حاجه... ما تنسى شراب الموية الكتير..
مريم انا اساساً جوة اللعب و دايما بعتبر نفسي لسة intern لكن برضو الـ C.V بتاعتي ما شاء الله عمرانة الدورة الرمضانية دي بمثابة دورة تنشيطية للعبد لله
بالنسبة للاحباط ... ما عندو دخل بالوزن ...
الاحباط بسبب ان الـ Health Centre الفي مدينتنا حيقفل و كارين ماشة مدينة تانية (زوجها لقى شغل هناك + الـ Landlord رفض يجدد ليها الايجار) انا للان محبط لحظات الوداع كانت مؤثرة .... زكرتني زمان ايام المدرسة لما ينقلوا استاذ محبوب الناس كلها بتدبرس .... المهم قعدنا نحلحل في بعض ساكت (يا حليلِك و يا حليلك)
انا فقدت اكبر داعم لي مشواري دا مع انها قالت انت تاني ما محتاج لي حاجة Now you know how to do it
ايام ما كنت واقف من التمارين زدت شوية لكنها كانت متوقعة لانو اكلي اتغير من فترة الدايت و بقى فيهو شوية بروتين و كاربوهيدرات حارجع ليكم لموضوع الدورة الرمضانية بعد شوية
النصري ورينا الحاصل شنو؟ رميت الميزان عشان بقيت رشيق و تاني ما حتحتاج ليه و للا رميت طوبتة الموضوع من اساسووو ؟
حيتم تقسيم المتسابقين الى ٤ مجموعات (من ٦ و ٧ رمضان لحدي ١٣ و ١٤ رمضان) و حتتعمل تصفيات داخلية في المجموعات يصعد منها الاتنين الاوائل لكل مجوعة لدوري التمانية
دوري التمانية ( ١٥و ١٦ رمضان لحدي ٢٢ و ٢٣ رمضان) حتكون مبارياته بطريقة المقص (مثلاً اول المجموعة الاولى ضد تاني المجوعة الرابعة) و هكذا .... و حنعمل قرعة عشان نحدد مين حيلاقي مين (القرعة دي ممكن اي واحد من عيال حضراتكم يسحبها بالنيابة عن اللجنة المنظمة)
الفائزين حيصعدوا لدوري الاربعة (من ٢٣ لحدي نهاية رمضان) و اللي حيكون دوري من دورة واحدة بمعنى الناس كلها حتتسابق مع بعضها و صاحب اكبر خسارة حيكون البطل
الناس الطارو من دوري التمانية حيكون عندهم دوري اسمو دوري المغلوبين و حيكون موازي لدوري الاربعة الاصلي و بنفس الطريقة
الناس الطاروا من قولة تيت في المجوعات (الطيِّشة ) حينضموا مع المبتدئين
جدول دوري المبتئين كالاتي:
الاسبوع الاول (من ٦ و ٧ رمضان لحدي ١٣ و ١٤ رمضان) التلاتة متسابقين حيلعبو و يصعد احسن اتنين للانضمام الى الاربعة الطاروا من قولة تيت
الاسبوع التاني ( ١٥و ١٦ رمضان لحدي ٢٢ و ٢٣ رمضان) ال 6 متسابقين حيلعبوا ضد بعض في دوري من دورة واحدة و يصعد منهم احسن اربعة لدوري الاربعة
الاسبوع التالت ( لحدي نهاية رمضان) دوري الاربعة حيكون بنفس طريقة دوري الاربعة في دوري المحترفين و دوري المغلوبين
في انتظار تعليقاتكم فيما يختص بالحذف او الاضافة و التعديل بالنسبة لما كتب اعلاه
كدي يا النصري اشرح لينا بس الحاصل شنو؟؟ مالك؟ عاوزين تفاصيل القرار!!! قررت ما ح توزن تاني؟ ام قررت انك عاوز ترجع لأيام الجاهلية تاني؟ ام قررت انك عاوز بس تحافظ علي وزنك و ما عاوز تنزل زياده؟؟ و مهما كانت تفاصيل القرار، عاوزين نعرف السبب شنو؟؟؟
ا اخوانا اى زول بصل لقناعات مختلفة فى فترات مختلفة من حياته قناعاتى اليوم تختلف تماما عن قناعات 2002 وكل يوم العمر ماش وتجارب الحياة بتصقل فى معدن الانسان الى الافضل والاحسن
ما داير اتفلسف لكنى وصلت لقناعة ان الامر ليست محاولات هنا وهناك لانقاص الوزن والتخلص من الارطال الزايدة
The board is extremely slow. To be continued......
Thisreply via my new Samsung phone
Excuse my typos
Post: #1383 Title: Re: Sudaneseonline Biggest Loser Author: النصرى أمين Date: 07-25-2012, 06:05 AM Parent: #1382
لموضوع ليست مراقبة الميزان بلهفة كل مرة نطلع فيه وليس ان ملابسى اصبحت اكبر منى
الموضوع ليس الوصول للوزن المثالى والمحافظ عليه
الموضوع اكبر من كده بكتير
الموضوع هو حياتنا وكينونتا فى الدنيا دى كيف نعيشها وكيف نستمتع بها
Post: #1384 Title: Re: Sudaneseonline Biggest Loser Author: النصرى أمين Date: 07-25-2012, 06:06 AM Parent: #1383
لقد قررت ان اتوقف عن اللهث وراء ارطال اخسرها كل يوم او كل اسبوع قررت ان ارمى الميزان فى الزبالة
قررت ان لا اهتم كم هو وزنى اليوم وماذا اريده ان يكون
تركت كل هذا الاشياء خلفى
لا تهمنى فى شئ
Post: #1385 Title: Re: Sudaneseonline Biggest Loser Author: النصرى أمين Date: 07-25-2012, 06:12 AM Parent: #1384
قررت ان اعيش حياتى كما ينبغى لى ان اعيشها بوعى وفهم ودراية هذه التجربة هنا معكم اخوتى واخواتى اعتبرها من اهم التجارب فى حياتى وربما كان لها الاثر الفعال فى ما تبقى من عمر...
وصلت لقناعة ان اتوقف عن مطاردة الميزان وشريط القياس...
ساتركهم(الميزان وشريط) هم يبحثون عنى ولا يجدونى لاننى مشغول بالمشى والتريض .... مشغول بالتجول بين الاسواق باحثا عن الوجبة المثالية...
مشغول بان اعيش حياة صحية سليمة معافاة .....
Post: #1386 Title: Re: Sudaneseonline Biggest Loser Author: مريم بنت الحسين Date: 07-25-2012, 08:09 AM Parent: #1385
يعني الفكرة اعتماد نظام صحي بدون التفكير في الوزن وما إلى ذلك... كلام حلو، واتمنى انه تمشي فيه... ما عايزه احبطك، لكن الزول لو ما كان عنده نقطة مرجعية يرحع ليها عشان يقارن، صعب يحافظ.. حتكون الحاجات عايمه كده... طيب البخليك تقوم تاخد ليك جريه شنو؟ البخليك تعرف انه وزنك في حدود المعقول... بلاش ديل، الحيخليك تعرف انه محيط الخصر بتاعك ضمن الحد المعقول الما بحدد بأمراض القلب (حمانا واياكم الله)... اذا انت حاسي انك بتقدر تدير حياتك بدون reference point ترجع ليها وتقارن وضعك، امشي في الطريقة الجديدة دي...
سؤال، حسي مما اتخذته القرار ده، هل انت ماشي في الدرب صاح؟
______________________ غايته احنا مما فاتنا يونس شلبي، ما ضقنا عافية...
نصري I have been there, I have done that لأسف This is a luxury that you can Not afford. الكلام ده تقولوا لما تصل الوزن المثالي لطولك و عمرك. و تنتظم في الرياضة اليومية لمدة 6 شهور او سنة من غير انقطاع. بعد ما تثبت قدرتك علي العيش بصورة سليمة و ان المحافظة علي صحتك بالرياضة اليومية و الأكل الممفيد بقي جزء من حياتك بعدهاممكن احنا Extend the leash شويه. الان؟؟؟ ما اظن. اسمع كلام مريم ده كويس و اقرأه مرة و اتنين. علي العموم احنا ما ورانا حاجه. امشي جرب و شوف الحاصل. احنا قاعدين هنا. نشجع بعض و نونس بعض. Good luck
اخيراً فهمتك يا النصري .... انت كنت ماشي كويس و عملت حاجات كويسة في الفترة الفاتت أي نعم و بكل صراحة ما شفناك حققت حاجة من الاهداف الكنت بتختها لي روحك لكن على الاقل كنت ماشي على درب المحاولة و كان من الممكن شديد تصل الى ابعد من الدايرو يللا بالمنطق كدة و بدون زعل (انا بتكلم بصراحة) عندي ليك سؤال اللي هوانك ما حققت اي حاجة من اهدافك لما كنت في قمة حماسك و في عز اهتمامك بوزنك ولياقتك و هل حتقدر تحقق حاجة من خلال نظريتك الجديدة دي؟
بس عندي كلمة احب أقولها .... بالنسبة لموضوع اللاستمتاع بالحياة و كدة .... احنا مشكلتنا (الناس الوزنها ما مستقر) كنا متبعين نظام غذائي غلط و عشوائي دهون كتيرة , عيش (خبز) كتير , سكريات , كاربوهيدرات خرافية , اكل بدون مواعيد و بدون نظرية (اي كمية) عشان النظام المخرمج الفوق دا الواحد بقى لو داير يعمل ريجيم و للا ينظم اكلوا الناس طوالي بينطوا و يقولوا ليهو يا زول مالك بتعذب روحك كدة ؟
غايتو وصيتي ليك يا النصري ما حتختلف من كلام مريم و اسمارت .... اذا انت حاسي انك في وضع يسمح ليك بكدا و الله go ahead and show us your achievement then
مريم .... كلامي الفوق لو كان الناس تامين و لامين (زي ما بقولوا) لكن شكلو ما حيتطبق بحزافيرو الفوق دي عشان كدا خلينا نبدا انا و انتي و اسمارت و ما تيسر نتنافس لحدي نهاية رمضان بالتحديد يوم ٢٧ و كل اسبوع نوزن .... اتفقنا؟
يا اخوانا معليش ماقدرت اوصل فكرتى بصورة واضحة..البورد كان بطئ جدا طوال صباح امس الثلاثاء ......
بطبيعى عملى لدى زمن خرافى للتفكير ...ساعات وساعات ولااجد شئ افعله سوى التفكير .... فكرت فى يونس شلبى وبول الذى لم احكى عنه كثيرا ودينزل واشنطون صاحبى السيراليونى .... فكرت انا بعمل فى شنو !!! ولشنو!! ولمتين!!! الهدف شنو!!! وبعد داك حيحصل شنو!!!!
وغيرها من الاسئلة الاكثر تعقيدا (تدخل احيانا فى حتات من نحن وماذا نريد من هذه الدنيا)
الحاجة الوصلت ليها انى داير ابقى better person زى ما بقولو هنا فى الاعلام الغربى......
بصراحة ما داير ابقى زى يونس شلبى الذى خسر مئات الارطال ثم عاد فكسبها من جديد لان الظروف حوله اتغيرت ... ما داير ابقى زى بول الذى خسر اكثر من نصف وزنه ثم عاد ليسترجعها كاملة غير ناقصة لان زوجته اخدت منه البيت وفكته عكس الهواء....
ماداير اخسر وزن بسبب انى قصدت اخسر وزن ....
داير اخسر وزن لان النقصان كان نتيجة جانبية لحياة سليمة......
الرغبة دى بدات عندى صغيرة وبدات تكبر كل يوم لغاية ما وصلت مرحلة ادركها جيدة ....مرحلة مريت بيها فى تجارب اخرى وعندما استحكم الدماغ عزمت عليها بنية صافية وارادة حديدية ..وفى كل المرات السابقة لم اخزل نفسى ......وحققت بتلك الارادة والتصميم اهدافى بدرجة التفوق....
قبل هذا البوست كنت اسوأ انسان على وجه الارض من حيث العادات الغذائية بالرغم من رب العاملين اكرمنى ببيان خالى من الامراض الشائعة جدا وسط ابناء جيلى (من سكرى وضغط وضعف نظر الخ) بالرغم من المنحة الربانية دى الا انى كنت abuse نفسى واعاملها معاملة "جلدا ما جلدك جر فيهو الشوك"
اليوم انا شخص مختلف تماما ...... واثق من نفسى .... لا اخاف من الحفر لا يرهبنى الميزان ......
باختصار (بعد التطويل الممل ده) اننى التزمت مع نفسى اننى لن اعود للنصرى بتاع ما قبل سبتمبر 2011 وانا متاكد انو الالتزام ده حتكون نتائجه الجانبية نقصان فى الوزن وجسم معافى......
ده ما معناه انى خلاص اتلحست من البوست ومن دعكم ومساندتكم.... ما معناه انى فصلت عيشتى .... ما معناه اننى ما حاكون جزء من اى برامج مشتركه مع بعض ....
i gotta to work , i am running late
Post: #1392 Title: Re: Sudaneseonline Biggest Loser Author: النصرى أمين Date: 07-26-2012, 05:57 AM Parent: #1391
نواصل تفسير نظرية فيثاغورس .... الوضع الجديد مستدام ...غير محكوم بنتائج وقياسات ....
لو تتزكرو انى قبل حوالى شهر او اكثر كتبت اننى لم اتريض لمدة اسبوع او اكثر وبرغم ذلك اشعر بالرضا عن النفس ... بالامارة نجاة قالت لى ده هو المطلوب....
المطلوب ان تكون راض عن نفسك دائما ..لاتؤنبها بسبب الاخفاقات ... لا تحزن اذا وقعت فى حفرة ..... ولا تياس اذا لم ترى النتائج فورا وفى الحال ....
فى الختام كلمة اخيرة... تاكدت تماما بايمانى بقضيتى وذلك عندما التزمت قبل رمضان ان اشرب موية فقط طوال الشهر ....لا عصير صناعى ولا عصير طبيعى .... اليوم وباكتمال اليوم السادس لم اشرب اى عصير...لم اتناول اى سكر ... شرابى طوال اليوم موية زرقاء وشاى بلبن بدون سكر ... من منكم يستطيع ان يقضى رمضان بدون عصائر.... هذا فقط دليل من طرف الدولاب يورى العزيمة والاصرار التى اتمتع بهما .....
Post: #1393 Title: Re: Sudaneseonline Biggest Loser Author: النصرى أمين Date: 07-26-2012, 06:08 AM Parent: #1392
so now what is the deal
انا معاكم فى اى شئ تعملو وحاظل حارس البوست ده يوميا ,,,
بالنسبة لحكاية الانسحاب فى مقدمة الهجمة فهى بصراحة كانت دراما لشد الانتباه و توتير المستمعين ..... اى نعم انا فى قرارة نفسى قررت ما اساسكس فى الميزان ودايره هو هو اليسكنى لكن ده ما بمنع انى اشارك فى برامج جماعية ..... وبالمناسبة البنطلون مقاس 42 الفرحان بيهو بقى رسميا اوسع منى اظننى الان فى محيط ال 40 او حتى ال 38
بالنسبة للميزان لم اوزن نفسى منذ اسابيع طويلة وما حاسمح للميزان انو يلعب باعصابى ....يفرحنى مرات ويحبطنى مرات تانية ...... انا لا احتاج للميزان لاننى ملتزم مع نفسى (ومعكم) اعمل الحاجة الصاح ...... ولمن ابتعد من الحاجة الغلط بكون متوقع النتائج تكون صاح ....صاح؟
Post: #1394 Title: Re: Sudaneseonline Biggest Loser Author: النصرى أمين Date: 07-26-2012, 06:10 AM Parent: #1393
بعدين تغيير صورة البروفايل ليهو علاقة بالموضوع .. شلت الصورة التى ابدو فيها وكانى مكرك (crack) ووضعت صورة جديدة متفائلة اظهر فيها وانا مبتسم للدنيا
Post: #1395 Title: Re: Sudaneseonline Biggest Loser Author: النصرى أمين Date: 07-26-2012, 06:12 AM Parent: #1394
ياخالد ..شكرا جزيلا على الرسالة وعلى الاهتمام فكرت انزلها هنا لكن اترددت لغاية ما القى الضو الاخضر.... لو مافى ضو اخضر ...حارد ليك فى الايميل
السلام عليكم ورمضان كريم وإنشاء الله تصوموا وتفطروا على خير وربنا يبلغكم أشهر عديدة من رمضان ويمتعكم وذويكم بالصحة والعافية.
والله مشتاقين شديد!!
الواحد طول منكم شديد وبقى ما فاهم أي حاجة!
يا النصري كيف صحتك ... أنسى الموضوع ده لي فترة ويمكن التركيز الزائد ده وصلك لي مرحلة تفكر فيه بي طريقة مختلفة .. المهم في الموضوع إنو تنتبه لصحتك.
مريوم وسمارت انتو غايتو لحدي هسع لو ما وصلتو للوزن المثالي تكونوا بتبرمجوا بينا ساكت! وبعدين شايف غباشي الحنين ده جاي وكمان بي مسابقة رمضانية!!
أسمعوا خلونا ندخل مرحلة جديدة .. نحن عايزين نشوف صور قبل مع الأوزان والمقاسات وبعديها صور بعد مع الأوزان والمقاييس ! ما ممكن البرنامج مستمر سنة ومافي زول قال خلاص وصلت .. عشان كدة النصري ليه حق يتخارج من ونستكم دي! أو خلونا ننتقل للفيسبوك التواصل ممكن يكون أحسن يعني تعملو جروب تدوه نفس الاسم ونتواصل لأنو اتخيل لي الفيس بوك أحسن
غباشي انت لازم صور فيديو لأنو فكيتها فينا خالص :)
أنا يا جماعة في رمضان ده ما معاكم ولا عندي علاقة بيكم لأني حأمتع نفسي بالأكل والعصائر والحلويات وبعد رمضان لنا شأن آخر... وحأكون كضاب لو قلت حأعمل حاجة .. المدام في إجازة يعني متفرغة تماما لتجهيز أكلات رمضانية يسيل لها اللعاب.. يا جماعة والله اتفضلوا معانا الليلة الإفطار بتاعنا طيور محشية مجهزة بالفرن مع لحمة مشوحة وشوربة عدس طبعا دي غير الفطائر والعصير حلو مر وأبري (والله أنا جعان ياخي) !! الرياضة الوحيدة هي صلاة التراويح والقيام ويمكن شوية مشي!
تحياتي أمير
Post: #1397 Title: Re: Sudaneseonline Biggest Loser Author: مريم بنت الحسين Date: 07-26-2012, 11:02 AM Parent: #1396
Quote: بالنسبة لحكاية الانسحاب فى مقدمة الهجمة فهى بصراحة كانت دراما لشد الانتباه و توتير المستمعين .....
نجحته شديد خالص... ، انا والله زعلته منّك عديل كده... لكن سماح بعد شرحته النطرية..
بعدين يرضيك كده، تهجمنا لما انا وغباشي نكون متفقين!!
امير تنظير... والله انت آخر زول يتكلم عن الprogress، بالله شغال زي يا الياي... تنزل ليك كيلويين وترجع تاني تزيدهم... عن نفسي، نقصصصصته، بس ما وصلته للوزن العايزاه... انا نقصته ياخ 13 كيلو خلال السنة الفاتت دي، ونزلت three dress sizes.. واي زول يلاقيني بتخلع... الانجاز التاني اني بقيت منتظمة إلى حد ما في الرياضة... يعني ما في اسبوع بمر من غير ما اجري لي تلاته مرّات...وزني فيه ثبات الفترة دي، ودي الفترة البتخلي الزول محتاج للبوست ده اكتر من اي وقت مضى... ململتك بتاعت نمشي الفيسبوك دي انا قااااادره افهمها.. انا كل ما انوي انقص وزن، اقوم بدل استخدم ادواتي الموجوده، طوالي بفتش لي حلول جديدة ... سواء رياضية او من ناحية أكل... وافضل مهووسه بيها، واني حأبدأ انقص وزن اول ما اشتري الالة الرياضية الفلانيه او اشتري الاكله دي البتخلي الزول يشبع سريع.. ومنها برضه حبوب واي شي ممكن يوفر لي حل سريع.... اول ما اشتريها، (بهوش) فيها يومين وبعداك بفتح للموضوع..
سمارت صاحبتي بدت كحكم، يا دوبها دخلت في برنامج الوزن ده ليها شهرين...
غباشي، موافقة على الخطّة... خلينا نقيس مره واحده يوم 27 رمضان...
يا اخوانا نسمي الدورة الرياضية دي باسم صاحبتي سمارت، عايزه تتدرب لمارثون في شهر 12، وهدفها تجري 6 كيلو في نص ساعة.. لو موافقين، عايزين ندعمها... انا بعد شوية حأجري الجريه بتاعتي، رغم اني مشغولة وجاييني ناس فاطرين معاي... لكن اعتقد اني بستحق نص ساعة لي روحي...
مريوم صحبتى...شفتى امير و الحركات.???هو ما سمعنا بيه نقص فتفوته. شكرا يا اختلا على الدعم...انا فعلا (مفروض) اقرر اذا ح اجرى فى الماراثون. مصيبى من ال 26 ميل (الماراثون كله) حوالى 6 ميل مفروض اجريهم فى حوالى ساعة. يعنى سرعتى مفروضي تبقى 6 ميل فى الساعة و اقدر اجرى ساعة كاملة. فى يوم السبت الجاى من الصباااح ح اطلع الشارع (احم احم ...يا ريت لو مظهارات فى الخرطوم). ح اطلع الشارع اشوف لياقتى بعد انقصاع حوالى سنين من الجرى كيف. و بجيكم بالتقرير
النصري و الله حركتك دى بس تنظير منك. لكن كويس ما بطال. المهم انك تجدع البناطلين الكبيرة مع الميزان. عشان ما شويه شويه تبقي بتلبسها و ترجع لمربع زيرو
غباشي يا ولدى.....مستعدين انا و مريوم. ناس (جدعتا الميزان) و ناس(زوجتى اجزت عشان تطبخ لى) دي خليهم فى ضلالهم.
امير ....يا امير.....وينك? يا اخى انا و مريم دى عدنا بيبيهات معتمدين علينا و اصلا اوزاننا ما فروض تنزل شديد او سريع...على راحتنا slowlly but surley
نسيت يا جماعة اشكر العوض على تحمله المشاق و الذهاب لامى لاخد نصيبى. شكرا يا العوض....و ياريت لو كنت فى السودان كنت حاولت لقيت الاولاد و امهم.
Quote: فى يوم السبت الجاى من الصباااح ح اطلع الشارع (احم احم ...يا ريت لو مظهارات فى الخرطوم). ح اطلع الشارع اشوف لياقتى بعد انقصاع حوالى سنين من الجرى كيف
انتو الشهر عندكم تموز ولا شنو !! صباح شنو الحتطلعي تجري!
إنشاء الله ربنا يحفظ ليكم عيالكم انتي ومريوم ويغطي عليهم وعليكم ..
النصري بيني وبينك كدة انت مقضي رمضان ده موية !! على مين يا عم!
غباشي قضي رمضان ده عبادة بدل ما تجري وتعمل مسابقات وتشغل البنات عن ذكر الله!
تحياتي ونتلاقى تاني
Post: #1400 Title: Re: Sudaneseonline Biggest Loser Author: مريم بنت الحسين Date: 07-29-2012, 10:18 PM Parent: #1399
امير، انت رمضان ده بقاك مسكين كده مالك! اتخيلتك تجي تدينا موشّح انا وسمارت ردا على الهجوم!!!
الرياضة منتظمة والاكل ماشي تمام... بس مشكلتي انه في ثبات في الوزن :(...
Quote: غباشي قضي رمضان ده عبادة بدل ما تجري وتعمل مسابقات وتشغل البنات عن ذكر الله!
ايه رأيك لحدي الان ما مشيت الجيم .... بعدين ما قلنا بادين برنامج لطافة و كدة في رمضان
عندي برنامج معين في رمضان بالنسبة للاكل ... أما بالنسبة للرياضة فما عندي وقت حالياً عشان امشي
عندنا برد شديد الايام دي
يا أمير ... مشي اتمرن ... التراويح براها ما بتحلك من الخرمجة و الدفس البتعمل فيهو دا
عايز اقول ليك ما تخش معاي في حتة صور و اثباتات لاني حأحبطك .... أوكي
Go contestants
Post: #1402 Title: Re: Sudaneseonline Biggest Loser Author: مازن فيصل هلال Date: 07-30-2012, 07:01 AM Parent: #1401
Quote: أما بالنسبة للرياضة فما عندي وقت حالياً عشان امشي
اخوكم نقص لحدي دلوقت 3.5 كيلو من ما بدأ رمضان ... عارفين السر شنو <<<<< نصف ساعة في الجيم و ربع ساعة مشي حتي لو في مكان مغلق >>>>> و دا كلو قبل ساعة من اذان المغرب أسالو مجرررررب ( :
Post: #1403 Title: Re: Sudaneseonline Biggest Loser Author: النصرى أمين Date: 07-31-2012, 08:29 AM Parent: #1402
لكل المتشككين والمشككين ..اهو ده اليوم 11 يوم مرت فى رمضان وانا ملتزم بتعهدى مع نفسى ومعكم ....الشراب موية زرقاء وشاى بلبن بدون سكر ....
منو فيكم البقدر يصوم رمضان بدون عصائر؟ لا حلومر..لا عصير ليمون...لا عصير طبيعى ... لا ابرى .... نوثنغ .....
منو؟
منو؟
عشان نوريكم الاراده حديد.. والتغيير كامل وشامل....
الصيام عندنا صعب جدا ..اليوم طويل ..والسخانة تلحم .... ومقاومة العصاير صعبة جدا جدا جدا ..... لكن على مين ؟
Post: #1404 Title: Re: Sudaneseonline Biggest Loser Author: النصرى أمين Date: 07-31-2012, 08:32 AM Parent: #1403
نسيت اقول فى المداخلة السابقة.....
وجع الكتافين والضهر ده من شنو ؟
من جا رمضان عندى شد عضلى فى منتصف الضهر .... والرقبة معذبانى عذاب قيورة .... والكتافين ينتحو .....
ما عارف الحاصل شنو !!!!!
ده السبب الخلانى اقلل القعاد فى الكمبيوتر ...
Post: #1405 Title: Re: Sudaneseonline Biggest Loser Author: مريم بنت الحسين Date: 07-31-2012, 02:54 PM Parent: #1404
والله تمام... واثقين منك يا النصري
بالنسبة لوجع الظهر، علاقتك كيف مع الشمس؟ انا اي مشكلة في العضلات على طول بقول نقص فيتامين دال... لانه عذبني عذاب شديد الشتاء الفات ده...
غباشي... انا شغاله رياضة على خفيف وبلعب مع الاولاد كتير... ومنتبهه لأكلي... امس كان عيدميلاد محمود ولدي، 50% من الكيكه رسلتها مع اصحابه، وطبعا اتأكل تقريبا 40% منها، وحسي فضل زي 10%... حتى لو انهرت وأكلتها بتكون حمّى خفيفه، محمود شايفاه الصباح صحى اكل منها حبة... غايته فضلت شويه، الله كريم
مازن، ألف مبروك النقصان، وان شاء الله تقدر تواصل... اي حركة مع اكل متوازن بتخلي الزول ينزل ... ما شاء الله مبروك.... بس اعمل حسابك الرياضة مع الصيام صعبة لانه الزول بعطش، انت طبعا عاملها حركة كويسه انها قبل الفطور... ورينا الامور بتمشي معاك كيف
السلام عليكم يا جماعة رجعنا بالسلامة الحمد لله و كل الأمور تمام التمام. وزنت تاني يوم بعد الرجعة و الخساير خفيفة جدا الحمد لله... زدت لي سبعة تمنية أرطال. إن شاء الله لو ربنا سهل بعد رمضان الواحد يشوف موضوعها. بصراحة مع اليوم الطويل هنا صعب الزول ينظم ليه برنامج رياضة و الأكل ذاته تنظيمه صعب لأنه محتاجين فترة أمورنا تنتظم و نرجع للروتين. لكن بالجد الزيادة دي ما تعتبر كتيرة لأني في الإجازة دي ارتكبت لي جرايم عديل كدا رغم إني كنت بحاول أعمل حسابي في الكميات لكن ما كنت متشدد. لازم أوفي بوعدي و أجيب ليكم شوية صور. شلت معاي كمرتين واحدة عادية و التانية بتاعت فيديو كنت بستخدمها بصورة رئيسية للتصوير العادي للأسف لمن وصلت هنا فتحت الشنطة بتاعتها لقيت الكاميرا مافيشة... ربنا يعوض إن شاء الله. والله زعلان على الصور الفيها أكتر من زعلي عليها في عضمها. في انتظار أخباركم يا جماعة و كيف أموركم كلها ماشة و يا النصري معليش والله قريت طلب الخدرة الناشفة متأخر جدا لو كنت قريته في وقت مناسب كنت حأجيبها ليك مع إني ما عارف بجيبوها من وين لكن كنت بلقى حل.
Post: #1407 Title: Re: Sudaneseonline Biggest Loser Author: مريم بنت الحسين Date: 08-08-2012, 08:24 PM Parent: #1406
ألف حمدلله على السلامة يا العوض، والجاتك في مالك وفي السبعة باوند سامحتك... وفعلا سبعة باوند ولا شي، ان شاء الله لقيت الاهل طيبين وشديدين وان شاء الله استمتعتوا بالاجازة... وفي انتظار ما تبقى من الصور
غايته انا قاعده اجابد بي جاي وبي جاي بين القراية ورمضان والبيت، لكن الحمدلله الثبات حاصل... الليلة على شرف عودتك، اتريضته 38 دقيقة... غايته الاكل في فترة كده جوطه سما واطة، لكن الحمدلله اني متحركة شديد مع الاولاد، بلعب معاهم كتير ... عندنا لعبة بتاعت wii كلها نطيت وجري... جميلة جداً... بلعبها كتير مع محمود.. منها وقت اقضيه معاهم، ومنها رياضة... لولا كده، كان واطاتي اصبحت... الثبات حاصل، وكسر ده في جبر ده..
دي اللعبة...
غايته يا العوض، البوست ده قطع راسنا، رجّعنا لوضعنا الزمان...
سلام يا المشاركين في الدورة الرمضانية من سكان نصف الكرة الشمالي و كل عام و انتم وبخير Just a wee note to say that today is 25th of Ramadan in New Zealand Ramadan in your place precedes ours by one day So expect me to weigh-in in two days chao
سلام يا جماعة دي شوية صور. قلت أبدا بصورة متعلقة بالرياضة ونمط الحياة الصحيزز. في باريس عندهم نظام جميل لاستخدام العجلاتز في محطات زي الفي الصورة دي تأجر منها العجلة و ممكن تدفع بكرت أو كاش أو يكون عندك اشتراك شهري و تاخد العجلة تقضي بيها مشاويرك وتركنها في أقرب محطة إيجار. طبعا المحطات منتشرة جدا و تكاد تكون موجودة في أي شارع.
صورة العجلة من قريب.
صورة مجموعة العجلات و مكنة الدفع في النص.
صورتين لبرج آيفيل أخدتهم أثناء رحلة نهرية.
Post: #1410 Title: Re: Sudaneseonline Biggest Loser Author: مريم بنت الحسين Date: 08-15-2012, 07:49 AM Parent: #1408
غباشي.... You are on!
انا طبعا مستمره وقاعده اعمل رياضتي بانتظام... لكن ياخ ما نخلي الوزن يوم العيد، موش احسن!
It sounds good Mariam I agree, let's do it on Eid day كل سنة و انتي طيبة يا أم محمود انا شغال معاكم بدون رياضة تزكر لكن زابط الاكل (مع انو كان في عزومات) مشيت الجيم مرتين الاسبوع ده كالعادة مزنووووووووووووق و لازم اسلم الـ First draft مع نهاية الشهر ده دعواتكم يا جماعة حمد لله على السلامة يا العوض
Post: #1413 Title: Re: Sudaneseonline Biggest Loser Author: حمد فتح الرحمن Date: 08-15-2012, 06:32 PM Parent: #1412
سلام يا شباب والله من بداية رمضان ما شفتا بوستيكم اللا الليلة حمدا لله على السلامة يا العوض وان شاء الله تكون الاجازة ممتعة
اخوكم الحمد لله محتفظ على الوزن الجديد 82 كيلو لي اكتر من تلاتة شهور واعتقد مع طولي الوزن دا اكتر من مناسب وكمان الحمد لله ماف كرش ورفارف جانبية :) . طبعا يا شباب انامن اول يوم هدفي انزل تلاتة اربعة كيلو والحمد لله نزلتا حوالي سبعة كيلو والمفروض اقرض على كدا بالجد يا النصري مع اني ما نتا بتداخل في البوست كتير لكن برجع بقرا الفاتني مداخلة مداخلة واستفدتا منو ومن تحديات ونصائح الشباب كتير وانا متفق معاك انو مسالة الاكل والرياضة تبقى اسلوب حياة اكتر من تحدي مؤقت تكون شاغل بيه نفسك اليوم كلو لكن الحاجة دي بعد ما تبدا على الاقل في تحقيق نتائج مرضية زي ما قالو الشباب . حكاية عدم العصاير في رمضان بتاعة النصري دي ذكرتني يا غباشي قريبنا عبد الناصر لما قرر يخلي السجائر جا قاعد في العزابة ويحسب لي نفسو اها لي ساعة ما دخنتا لي ساعتين وللااا سجارة اها مرا نص اليوم كلو ولسه صامد تاني يوم كانت سجارتو قصبة .
Post: #1414 Title: Re: Sudaneseonline Biggest Loser Author: مريم بنت الحسين Date: 08-15-2012, 10:23 PM Parent: #1413
يا سلاااااااااااااااام يا العوض... والله الناس ديل بفكروا في حاجات لزيزة بشكل!
منتظرين المزيد من الصور...
ألو، ألو، سمارت؟
حمد... والله الثبات ده غايظني بشكل.. لي قريب الشهر ثابته... لما شكيت في ميزاني... المهم اني مستمرة وبتريض... الله يستر بس!
الله يسلمكم وشكرا ليكم يا غباشي وسمارت وحمد ومريم. شجعتوني أنزل صور زيادة. المرة دي حأبدا أنزل صور من مسجد باريس الكبير (Grande Mosquée de Paris). والمسجد دا بنته فرنسا لرد جميل المسلمين من المستعمرات الفرنسية الشاركوا في الحرب العالمية الأولى ومات منهم أكتر من مية ألف. المسجد من معالم باريس البتستحق الزيارة ومبني على الطراز الأندلسي المغربي البحمل النظرة الإسلامية للكون البتكامل فيها الجمال الطبيعي من إبداع الخالق المتمثل في الحدائق والمياه مع المنتج الإنساني المتمثل في المباني. حأنزل الصور في مجموعات و حأبدا بالصور الخارجية وصور المئذنة أو المنارة.
Post: #1416 Title: Re: Sudaneseonline Biggest Loser Author: مريم بنت الحسين Date: 08-17-2012, 10:13 AM Parent: #1415
شوف العرفان ده يا العوض... احنا جيشنا السوداني المشى حارب في فلسطين ليوم الليله مافي حكومة قالت ليه شكراً... ولا كرّمتهم ولا جايبه سيرتهم زاتو!
Quote: من منكم يستطيع ان يقضى رمضان بدون عصائر.... هذا فقط دليل من طرف الدولاب يورى العزيمة والاصرار التى اتمتع بهما .....
ايوة اناااااااااا (و اعوذ بالله من كلمة انا)
Quote: منو فيكم البقدر يصوم رمضان بدون عصائر؟ لا حلومر..لا عصير ليمون...لا عصير طبيعى ... لا ابرى .... نوثنغ .....
منو؟
منو؟
عشان نوريكم الاراده حديد.. والتغيير كامل وشامل....
و انا اقول الصداع الماسكني كم يوم ده من شنو ؟؟ اتاريك يا النصري هريتنا بي حكاية عدم العصير في رمضان يا النصري انا من بعد رمضان 2009 ما شربت عصير اها رايك شنو احبتطك مش لكن برضو خطوة ممتازة منك و عقبال ما توصل لمرحلة الارادة الفولاذية حقتنا
Quote: حكاية عدم العصاير في رمضان بتاعة النصري دي ذكرتني يا غباشي قريبنا عبد الناصر لما قرر يخلي السجائر جا قاعد في العزابة ويحسب لي نفسو اها لي ساعة ما دخنتا لي ساعتين وللااا سجارة اها مرا نص اليوم كلو ولسه صامد تاني يوم كانت سجارتو قصبة .
سلامات يا قرابة و كل سنة و انت طيب .... هاها هاها واحد صاحبنا قرر يبطل التدخين بطريقة قطعها من راسو ... قرر كل يوم يشتري سيجارة لي صاحبو وصاحبو يدخنها قدامو .... الموضوع استمر يومين بعديها طوالي قال لصاحبو : فِك النفس :)
و الله يا غباشي كنت ناويه ادخل اتماسخ علي النصري بموضوع عدم العصير ده. . يا النصري يا أخي انا بكون في خلال العشر سنوات الفاتت دي شربتا لي كبايتين عصير بس. بكون مشيت لي ناس و أصروا أني اشرب قمتا شربتا ربع كباية. و كل المرات دي بتعمل كبايتين. :)
العوض الصور جميلة. واصل عليك الله. انا بجهز لزيارة السودان الايام دي. و عندنا فرصة نقيف في تركيا. لسه بنفكر. ربنا يهون.
Post: #1419 Title: Re: Sudaneseonline Biggest Loser Author: مريم بنت الحسين Date: 08-18-2012, 10:14 AM Parent: #1418
ألحقوني النجدة رسمي وشعبي
عملته لي حلاة بسكويت منين... ما حصل... مقداريييييين، ملوا ليهم جردل... وأنا بعز المنين جداً! يعني معزة كده مااااا بعرف اوصفها كيف.... وبس! انا عارفه انه ما في حل لي، إلا يكمل... الله يكمّله بالسلامة بس..!
سلام يا ناس الليلة كان اخر يوم في رمضان (يوم 29) و عيدنا بكرة (اقل من تمانية ساعات) ان شاء الله ... كل سنة و انتو طيبين (صمنا بعديكم و حنعيد قبالكم) وزنت الليلة حسب الاتفاق المعدل مع مريم و لقيت الفرق من يوم 6 رمضان لحدي الليلة kg 3.1 YESSSSSSSSSSSS What a wicked loss ! What a remarkable month Mates, looking forward to see your output Keep it up chao
Post: #1421 Title: Re: Sudaneseonline Biggest Loser Author: مريم بنت الحسين Date: 08-18-2012, 12:32 PM Parent: #1420
غباشي.... تعال اديك من المنين حقنا ده... (وش حاسد حساده شديده، وشاعر انه 24 ساعة ما حتكفي عشان تغيير الوزن الثابت بعد قياس الليلة الصباح!)
كل عام وأنتم بخير يا جماعة. مشيتو وين؟ خطتي إني حأركلس باقي شهر تمنية دا إن شاء الله وأبدا الرياضة مع بداية سبتمبر. حأوزن بداية الشهر لو ربنا سهل و أخت هدف المحافظة على وزن بين 170-175 رطل كحد أعلى. ما متأكد لكن اتخيل لي وزني هسع حوالي 180 رطل.
Post: #1423 Title: Re: Sudaneseonline Biggest Loser Author: Nagat Sid Ahmed Elshiekh Date: 08-23-2012, 00:11 AM Parent: #1422
كل سنة و انتو طيبين .......... أفتقدكم جميعا ... كيف أخبار الارطال والكيلوهات والكاروهات ...... خبيز ناعم ، حلاوة ، حلو مر ، حلاوة مولد دا كلو موجود عندنا وما قصرنا فيهو ...... العوض البركة الجيت طيب .... نواصل .... وعندنا ليكم قصص كتيرة.
Post: #1424 Title: Re: Sudaneseonline Biggest Loser Author: Sahar Ahmed Date: 08-23-2012, 08:52 AM Parent: #1423
Salam, Can i join please?
Post: #1425 Title: Re: Sudaneseonline Biggest Loser Author: مريم بنت الحسين Date: 08-23-2012, 02:50 PM Parent: #1424
انا ياخوانا خايفه من شماته غباشي فيني، عشان كده لابده.... انا زدته كييييييييييييييلو في رمضان ده، ولو ما كنت زوله محترمه وملتزمه بي الرياضة كان حسي جبته الفقدته كله راجع... رغم بعدي عن العصير إلا اني ما كنت قادره اتحكم في كمية الاكل... خاصة انه بعمل حاجات كتيره... ده غير اني الوقت ده كله مأجزه، وعندي شغاله.. اها ده كله ساهم وبصورة فعالة في انه الزياده تحصل، لكن الرياضة خففت الازمة
العوض... الركلسه دي اختاااااها، اسمع كلامي... وشهر تمانية لسه بدري عليه... تاني فيه اسبوع....
نجاة... حبابك والله... قلت لي انشرحتي في الخبايز... غايته انا عملته خبايز كتير، لكن لحسن الحظ ما بحبها... بس مشكلتي المنين.. وهدا قرّب ينتهي...
مرحب مرحب بي سحر... اتفضلي طوالي.. البوست صحي حق النصري، لكن احنا زاتنا بنرحّب... احكي لينا قصتك، وورينا هدفك شنو... وعايزه تنقصي كم، وطريقتك كيف....
يا اخوانا البوست ده ما يرجع.... انا من يوم الليله حأجي اكتب فيه يومي.... عندي موضوع عن الصيام واثره في المساعده على خسارة الوزن، ما صيامنا الاسلامي، لكن صيام اسمه intermittent fasting، وهو من الطرق الجديدة في المساعدة على نقصان الوزن، وبغير كتير من المفاهيم....
I finally got my password retrieved !!!! May I join too?
Post: #1429 Title: Re: Sudaneseonline Biggest Loser Author: مريم بنت الحسين Date: 08-23-2012, 06:01 PM Parent: #1428
اوووووووووووه النصري وصل... :).... اها، معانا ولا مع الخيّانه؟
سحر... قصتك مخيفة والله ... كدي احكيها لينا بالتفصيل... عملتي شنو عشان تنقصي ما شاء الله 33 كيلو... وما عملتي شنو وزيدتي 20 كيلو! هم كيلو ولا باوند... الناس المسجلين جديد دايما بنلخبطهم احنا....
هالة... ياااااااااااااي... انا فرحانه جداً إنك رجعتي... اها احكي لينا، وصلتي وين... هالة متابعانا من زمان يا جماعة,... وحسب ما سمعته كده، فهي ماشه تمام ;)....
مرحب بالأختين سحر وهالة وبالتوفيق إن شاء الله.يا مريم لسع موضوع الأرطال و الكيلوهات دا قاعد يلخبطك الظاهر سحر قالت 33 و20 رطل يعني 15 و9 كيلو. عندي صور داير أنزلها لكن الظاهر في مشكلة في تحميل الصور ليها كم يوم لمن تتحل حأواصل إن شاء الله.
Post: #1434 Title: Re: Sudaneseonline Biggest Loser Author: hala guta Date: 08-24-2012, 11:41 AM Parent: #1432
شكرا" يا جماعة على الترحيب الحار و زي ما مريم قالت انا متابعه البوست ده من DAY 1 لحدى ما وصل الصفحة ال 18. قريت كل المداخلات واحدة واحدة. تابعت قصص يونس شلبى و كيلوهات غباشى الراقصة و طحنية محمد و كنت بانتظر نتايج وزن مريم ونجاة بفارغ الصبر. ريبورتات العوض خلتنى انزل كالورى كاونت و ابدأ احسب my daily intake as well.
باختصار البوست ده كان اكبر دافع لى لخسارة 16 كيلو من شهر نوفمبر.
I will be back with details, but till then I am waiting for the official approval :)
Post: #1435 Title: Re: Sudaneseonline Biggest Loser Author: مريم بنت الحسين Date: 08-24-2012, 02:35 PM Parent: #1434
واااااااااااو يا هالة، رفعتي لي معنوياتي عشان اواصل... انا مسافرة سفرية صغيرة كده، وقبيل بعد قريت كلامك ده ستفته الحبل بتاع النط وجزمة الجري بتوعي... وعملته خطة طواريء لإدارة الازمات لما يكون الاكل مكرّب والخيارات صعبة... واول شي حأعمله اول ما اصل هو اني حأشتري كيلو تفاح..
و الله يا مريم السفريات دى الكنترول فيها صعب خلاص لانه معظم الحاجات ما فى يدك. انا جيت قبل يومين من اجازة اسبوعين فى تركيا. كل الرجيم بتاعى اتلخبط. انا من فترة موقفة كل dairy products و ده ساعدنى كتير فى معركتنى مع الوزن. لكن الاكل الرئيسى فى تركيا كان الأ######## و دى نقطة ضعفى الاساسية. لكن كنت بامشى كتير و باعمل سمارت جويسس فى الاكل مع شراب كميات من الموية. حاولت قدر الامكان ما استعمل مواصلات و امشى معظم مشاويرى. الحمدلله ما زدت ولا جرام رغم الخرمجة الشديدة....
كل سنه طيبين بالمناسبه
يا جماعه زول يصحى لبنا التصرى دة عشان ينظر فى الطلبات D:
والاخا سحر برضو مرحب بيها يسعدنى ان اقبل عضويتكم بيننا بس على شرط تتحالفو معاى ضد مريم واسمارت وغباشى وتنضمو للحركة التصحيحية الوطنية ....
----
نخش فى الجد دى صورة قديمة لى من ايام الجاهلية (اكثر من 10 سنوات)
دى صورة حديثة قبل ايام <>
والله اكبر ولله الحمد
Post: #1438 Title: Re: Sudaneseonline Biggest Loser Author: مريم بنت الحسين Date: 08-26-2012, 07:56 PM Parent: #1437
ازيكم يا شباب معليش ما قدرته ابر بي وعدي اني اكتب كل يوم، بتي كانت عيانه وكنت مشغوله بيها... ما قدرته اتريض طبعا خلال اليومين الفاتو، لكن محافظة في اكلي كويس جدا...
بعد ده ممكن ارجع للرياضة واجي اكتب ليكم عن الموضوع الناقاكم بيه لي كم يوم ده....
Go losers!
Post: #1439 Title: Re: Sudaneseonline Biggest Loser Author: Sahar Ahmed Date: 08-27-2012, 03:16 AM Parent: #1437
"When people suck the life out of you, wouldn't it be nice if they took some fat too?". Mltosha from facebook but i liked it.
Alnasri Great job ma sha Allah. You look like totaly different person. Keep the good work.
عيد مبارك وكل سنة والجميع بخير ومرحب بالقادمين الجدد
النصري ما شاء الله يو لووك فيري سيكسي :) والله لكن ده تطور مبالغة من محمد أب كرش لي دنزل واشنطن دي نقلة مبالغة .. هسع مريم وسمارت (وأنا كمان!) بتكون جاتهم نفسيات .. تقول لي غباشي! يمشي كل شوية كاتب لينا 1.5 4.3 هو شنو ده!! Keep it up buddy.
رمضان مشى وعملنا جرد حساب والنتيجة (ما تضحكي يا مريم!) زدت أربعة كيلو من يوم 6 يوليو لي 25أغسطس!! إنشاء الله بكرة الصباح دغش راجع تمارين تاني والمرة دي نصري ويل بي ماي مينتور!
برجع ليكم بالجديد إنشاء الله
تحياتي
Post: #1441 Title: Re: Sudaneseonline Biggest Loser Author: مريم بنت الحسين Date: 08-27-2012, 08:46 PM Parent: #1440
هههههههههههههههههههههههههههههه، يا امير انا لما اقرا اسمك ساي بضحك.... غايته بالغته في دينزل دي... قلت لي اربعة كيلو، ما رصل يعني... عاد شيل شيلتك، سمارت ما حتريحك... اصلا الشماته فيك تخصصها.... حأرسل ليها انبهها.... عاد ما لاقيت لي زول يدخل برنامج بتاع تنقيص وزن، يطلع زايد اكتر مما بدا...
مبروك الصفحة التسعتاشر وحنسميها صفحة البلابل هالة وسحر وخالد.....
---------- يا امير ...المدرسة بتاعتى وهى مدرسة حداثية تعتمد على عملية البناء التفكيكى اكثر جدوى من مدرسة مساسكة الميزان ومراقبته... المدرسة بتاعتى تعتمد على اعادة صياغة الانسان (ما عارف استمديت النظرية دى وين)
المبدا هو ان يعمل الانسان على اعادة تقييم حياته ..هو عايش ليه ولشنو....
الموضوع معقد وانا حسى جارى على الشغل (فضل لى 3 دقائق على الخروج من البيت))
سلام يا اسياد الحوش القدام والجوداد...... مرحب الاخوات هالة وسحر والاخ خالد وكل من مر على البوست دا.. أكيد فى زيادة بعد رمضان ودى متوقعة بالنسبة لشخصى الضعيف هههه...... بكرة ح يكون أول يوم من شهر كامل ح أمشى الجم ...... الحقيقة والمشكلة ما فى رمضان ، سافرتة لمدة شهر لشغل فى ولاية غير و دا السبب ماعافة اى مكان غير السكن و مكان الشغل..... الحمد لله خلصنا الفترة المحددة ورجعنا سالمين وزيادة كمان...... انتهى الشهر وقفلنا الصفحة وح نبداء التقارير الجديدة ... دمتم ونواصل....
Post: #1444 Title: Re: Sudaneseonline Biggest Loser Author: Sahar Ahmed Date: 08-28-2012, 02:23 AM Parent: #1443
أكل الرجيم ما ممكن يكون طعمو كويس. لكن الحاجة الكويسةبنتعود على الطعام الكعب بعد شوية.كمان الاحساس بالجوع مهم عشان المعدة تصغر لزم تكون ما ملانة. نحن قوم إذا أكلنا لا نشبع.معلش بس دي الحقيقة المرة
Post: #1445 Title: Re: Sudaneseonline Biggest Loser Author: Sahar Ahmed Date: 08-28-2012, 03:40 AM Parent: #1444
Quote: المدرسة بتاعتى تعتمد على اعادة صياغة الانسان (ما عارف استمديت النظرية دى وين)
شكلك عايز تفكها فينا يا النصري!! وبعدين يعني انت الميزان ده ما فضل ليك إلا تشيلوا في جيبك يعني عشان ربنا وفقك نقصت ليك كم كيلو كدة وقلنا دنزل عملتها لينا نظريات .. أصبر علي لحدي ما أنقص الأربعة كيلو بتاعت رمضان دي بنزل صوري عشان أعمل ليك نفسيات!
مريوم أنا كنت مسافر تلاتة أسابيع إجازة صيفية وأحلى حاجة في السفر الأكل برة البيت وطبعا الواحد ما بكون فاضي يقعد يركز على نوع محدد ولا كنت عايز أركز فكانت إجازة من كل شيء .. المهم إنو خلاص رجعت وبديت تاني كمان أسبوعين تلاتة نرجع للصفر ونواصل!
وين ابتهال كديسة المطعم!؟
تحياتي للجميع
أمير
Post: #1447 Title: Re: Sudaneseonline Biggest Loser Author: مريم بنت الحسين Date: 08-28-2012, 07:37 PM Parent: #1446
ازيكم يا لوزرس...
موضوع الصيام الكتبته عنه فوق ده بنسف افكارنا بتاعت الاكل وجبات منتظمة... الطريقة دي بتقول انه it is ok to skip a meal or two واثناء الصيام ده، الواحد ممكن يشرب موية او شاي اخضر... المدة الrecommended للصيام ده هي 24 ساعة... بعدها الواحد ياخد وجبة بسيطة جدا... واليوم بتاع الصيام ده مفروض مره في الاسبوع... المؤيدين للنوع ده من انواع الdiets بقولوا انه ايه المانع انه الناس تجوع، وانه احنا اجسمنا مصممه انها تتحمل فترة طويلة من غير اكل، وهم بشجعوا على السيام ده لانه بعلم الانسان كيف يتواءم مع احساس الجوعوكيف يعرفه، لانه معرفة الاحساس في حد ذاته بتخلي الواحد يعرف يتواءم معاه في الايام المافيها صيام... النوع ده بعتمد برضه على الcalorie count ... وفي مواقع كتيره بتحسب ليك عدد الcalories المقترحة لباقي الايام حسب عمرك ووزنك...
بالمناسبة، من المعلومات المفيدة اللقيتها وانا بقرا عن النوع ده انه افضل وقت للرياضة هو على الجوع، يعني اول ما نصحى الصباح... ولو احنا بناكل اكبر وجبة لينا في اليوم مثلا بالعصر، فقبل الوجبة دي نعمل الرياضة، وبعداك نجي ناكل...
برجع تاني
Post: #1448 Title: Re: Sudaneseonline Biggest Loser Author: مريم بنت الحسين Date: 08-30-2012, 11:51 AM Parent: #1447
غايته يا لوزرس حالتكم صعبة!
حنعمل وزن للمشتركين يوم 15 سبتمبر، كل زول يجي يكتب نتيجته، عشان نعرف إحنا وين وماشين علي وين.
مروتى كلها شات بوست تانى ماشى حريق على قولة اليمانى صاحب البقالة فى نيويورك,,,,
والله العظيم عندى كمية من القصص (الليها علاقة بالموضوع) مبالغ فيها ,,,,,
سحر ..مبروك الكيبورد العربى .....
هالة قوته .....داير تلفون محمد ودعبدالقادر الجاك النصرى فى سنجة ... الناس ديل اهلنا(مع انو النصرى مختلف) ...ايام جميلة قضيتها فى سنجة سنة 80 فى ضيافة الاعمام حسين و عبدالقادر ,,,,,,
____ وين ابن النخيل ؟ الظاهر عليه رفع راية الاستسلام ..... ما قلنا ليكم الحكاية ما حكاية ميزان وارطال نفقدها هنا وهناك
الحكاية نمط بتاع حياة متكامل يلازم الانسان طيلة حياته.. حسى تفتكرو العوض بقدر يعيش حياته كلها يحسب فى الكالوريز فى كل وجبة. دى كانت مرحلة وانتهت بالنجاح ...اها وبعد داك؟
يا اخوانا اسمعو كلامى ...القصة اكبر من ميزان وارطال ,,,
انا من ما وصلت للقناعة دى بقيت فى حالة طمانينة ....مافى حفر...مافى نفسيات ,,,, واثق من نفسى انى بعمل الحاجة الصاح بصرف النظر عن النتائج ....
لاول مرة فى حياتى انوم فى الواطـــة الليل كله (اكثر من 8 ساعات) السبب ...قبل حوالى اسبوع رفعت بمساعدة البائع عربة حمولتها اكثر من 3 الف رطل عشان نشبكها مع التريلا .. الضحية كان الضهر.... امبارح ضرب زبون عنده شغل بتاع كاربيت ...انا الدنـــــى مشيت اشتغلته وقبضت الكاش ... جيت بالليل الضهر حالته كانت متاخرة جدا جدا جدا الحل الوحيد امامى ان انوم فى الواطـــــــة ...وقد كان والان اشعر بتحسن كبير ....
Post: #1451 Title: Re: Sudaneseonline Biggest Loser Author: مريم بنت الحسين Date: 09-10-2012, 07:14 PM Parent: #1450
غايته مشغوله لما ما قادره اتنفس.... لكن قلت اجي اكاويكم...
نقصت اتنين كيلو.... بي ايدي وشديدي.... وبي سلّم بيت ناس اهلي، بطلع وبنزل ورا بتّي ستين مره في اليوم....
Quote: يا اخوانا اسمعو كلامى ...القصة اكبر من ميزان وارطال ,,,
انا من ما وصلت للقناعة دى بقيت فى حالة طمانينة ....مافى حفر...مافى نفسيات ,,,, واثق من نفسى انى بعمل الحاجة الصاح بصرف النظر عن النتائج ....
حزب النصرى ، أنا وصلتة للقناعة دى ولى شهرين ما شفتة ميزان بعينى دى ... تسلموا ومتابعين الى حين إشعار اخر فى التقلبات النفسية.. مريوم ما شاء الله عليك..
اليوم احتفل بمرور عام كامل على الحدث الاكبر الذى غير مسار حياتى....
سنة كاملة مررت فيها بكل انواع " الحفر" الا ان وصلت الى بر الامان..
الف مبروك الكيلوين يا مريم ...الظاهر باقى الجماعة رفعو الراية البيضاء واستسلمو للواقع المرير ...... غايتو اسمارت ما بتكوم واقعة فى حفرة ... بتكون واقعه فى خندق عديل .....
الحمد لله الامور ماشة تمام (لكن ببط) متوقف عن السكر تماما ... ممتنع عن كل انواع الحلويات والفطاير والخبايز ( ماعدا تجاوزات فى السمبكسة التى تجيد سهير عملها بالاضافة الى انها سريعة والزمن مافى الايام دى ....
مازلت انوم فى الواطـــة بسبب الام الضهر الناتجة عن رفع ترلة الهوت دوق ..وبالمناسبة المشروع ماشى كويس ومازلت فى مرحلة الحصول على الرخصة الصحية من البلدية......
يا نجاة اهم قوانين الحزب الايمان الكامل باهدافه والطمانينة وعدم الشعور بالذنب عند حدود تجاوزات ..... و طبعا اهم شء الوثوق بالنفس .........
ومشيناها خطى
Post: #1454 Title: Re: Sudaneseonline Biggest Loser Author: مريم بنت الحسين Date: 09-15-2012, 04:34 AM Parent: #1453
ازيكم يا شباب النصري، ألف سلامة على الظهر، وان شاء الله تكون حاسي بتحسّن، رقاد الواطة مفيد جدا، بس حار والله... الله يعينك.... اخبار المشروع شنو؟ ادينا نبذه عنّه، وشنو الفكرة الفيهو وعايز تحقق شنو؟ انا عندي ولع بالأكل (كما يبدو بصورة واضحة!)...
الليلة حأبدأ برنامج جديد، حاسه انه روتيني القديم بقى ما ماشي معاي كويس ومجال اللخبطة فيه بقى مفتوح، عشان كده قررت اعمل برنامج جديد عشان اكون مهتمه اتابع نفسي فيه ... البرنامج بعتمد بشكل اساسي على تقليل الكربوهيدرات بصورة أساسية.. وبالذات الخبز والرز.. القصة ببساطة اني حأحدد اربعة ايام في الاسبوع هم البتبع فيهم برنامجي ده، وتلاته ايام بكونوا عاديات بالنظام القديم... مع اعتماد طريقة جديدة في تقليل كمية الاكل...
يعني مثلا، السبت والاثنين والاربعاء والجمعة، ديل الايام الفيهم برنامج تقليل الكربوهيدرات... الصباح بشرب الشاي بتاعي مع ساندوتش كالعادة، باقي اليوم كله مافي خبز ولا رز ولا غيره... الاكل كله بعداك خضار وفواكه وبروتين... طبعا مع الاستمرار في شرب الشاي الاخضر والموية بكميات كويسه... مافي ايضا سكريات من اي نوع في الايام دي...
ايام الاحد والثلاثاء والخميس هي الايام العادية... موش معناها نجوط الشغلانيه، لكن ممكن اكل خبز .. طريقتي الجديدة في تقليل كميات الاكل هي اكل تفاحة مباشرة قبل الاكل العادي... ومعاها كباية موية، ده بخلي الكمية الباكلها اقل من العادة...
الرياضة محتاجه معنويات، وانا معنوياتي تحت الارض... لكن بحاول اطلع من الحالة دي، وانتظم في الرياضة، عندي تقرير مهم مفروض اسلمه يوم الاتنين، ولحدي الان ما كتبته فيه ولا حرف، يمكن بعد انتهي من همه اقدر ارجع للجري....
الليلة يوم الوزن زي ما قلنا، كل واحد يجي يقول لينا وضعه كيف، ناقص زايد والحاصل شنو...
امير، انفجرته ولا لسه؟
سمارت، خلاص iPhone5 طلع، تعالي راجعه كفاك كده...
النصري ونجاة، اخباركم شنو في ثورة التغيير بتاعتكم!
العوض، وييييييييييين الفاتح من سبتمبر؟ ووين باقي الصور؟
Post: #1455 Title: Re: Sudaneseonline Biggest Loser Author: مريم بنت الحسين Date: 09-15-2012, 04:37 AM Parent: #1454
Quote: النصري ونجاة، اخباركم شنو في ثورة التغيير بتاعتكم!
مريوم سلام ،، غايتو ماشين فى السكة بس الخرمجة أكتر من الانضباط ... بنحاول نتوازن ونوزن وماقادرين ...... شكلها الأجازة الطويلة بالنسبة لى كانت ذى شهرين والجوطة ح تاخد شهرين تانى بعد ذلك نرجع ذى ما كنة أول ... سلام للجميع ولنا عودة.
Post: #1457 Title: Re: Sudaneseonline Biggest Loser Author: مريم بنت الحسين Date: 09-16-2012, 04:51 AM Parent: #1456
اليوم الأول من الطريقة الجديدة مشى بنجاح... والحمدلله الحاجه دي رفعت لي معنوياتي شديد... الكربوهيدرات الوحيدة الاكلتها اليوم كله كانت الصباح مع الشاي، باقي اليوم اكلته بس من غير خبز او رز... الغدا كان دجاج مشوي مع سلطة.. بالليل الجماعة جابوا ساندوتشات من برّه، صمدته وما اكلته منها... وقت الشاي، شربته شاي من غير اي حاجه... الليلة حأرجع عادي.. مع التركيز على أكل التفاح عشان اعمل حساب الكمية... اعتقد برضه جسمي محتاج للتغيير ده عشان يقدر يواصل نقصان....
الرياضة احتمال كبير بعد بكره ارجع ليها، خاصة اني محتاجه ليها نفسياً، المعنويات تتأرجح طالع نازل!
نجاة، والله الواحد بمر بفترات زي دي، اهم شي النية... لكن برضه اعملي حسابك، لانه الزول لو زاد شديد ممكن ييأس...
Go Losers
Post: #1458 Title: Re: Sudaneseonline Biggest Loser Author: مريم بنت الحسين Date: 09-18-2012, 04:32 AM Parent: #1457
ازيكم تاني
اليوم التاني من الدايت مشى تمام، طبعا اليوم التاني اكل عادي مع مراعاة الكمية، فعلا نجحته في الحاجه دي، اليوم التالت يعني يوم الاتنين، مشى بامتياز برضه، الكربوهيدرات بالصباح بس مع الشاي، وباقي اليوم من غير... كنت لما اجوع اكل لي قطعة فاكهة او ممكن اكل من غير خبز... الليلة يوم عادي... الرياضة مافي، الشي الوحيد البعمله اني بمسح بالبشكير، ايوه، المسح حق السودان داااااك...
for the next little while i promise to be here on a daily bases
Post: #1461 Title: Re: Sudaneseonline Biggest Loser Author: النصرى أمين Date: 10-02-2012, 04:15 AM Parent: #1460
وعلى الوعد.....
----
البرنامج الشغال بيهو مافيهو غلو ..... بلا مشقة ....
مازلت بعيد كل البعد عن السكر بكل اشكاله ..... اشرب فى اليوم حوالى كوبين تلاته من القهوة والشاى .....
توقفت تماما وبنسبة 100% من fast food
مشكلتى الكبرى (ومن قولة تيت) هى الخضروات ...استهلاكى منها ضعيف جدا ....
معظم اكلى بالرغيف الاحمر (whole wheat) نادر جدا اكل رغيف ابيض الا لمن اصطكا.....
الفول مازال وجبتى المفضلة ........
استهلاكى من العلف انخفض بصورة كبيرة .... بالنسبة للرياضة ...وهى اكبر نكسة ...متوقف منذ فترة طويلة ....كل مرة القى لى عذر ....اخر عذر انو الضهر لم يسترد عافيته بعد ..وبالمناسبة لازلت انوم على الارض منذ اكتر من شهر ...الغريب اتعودت على الرقدة وبقيت انوم وكانى ارقد على مرتبه من الحرير.....
سبب اذية الضهر انى رفعت ترلة بتاعت عربية هوت دوق عشان اشبكها فى اللورى .....
بالنسبة لا سئلتك يا مريم بخصوص العربية دى ,,حاجاوب عليها بمداخلة منفصلة لكن باختصار داير الشغلانه دى تكون نقاطة ....
وين يا جماعة مختفين؟ طبعا كلام مريم بقى صاح أثناء أغسطس قلت حأبدا في بداية سبتمبر وسبتمبر جا ومشا ولسع ما بديت. عزائي الوحيد إني اشتركت لي في كلاس بتاع رياضة اسمه (Functional Training for Weight Loss) مرتين في الأسبوع كل مرة ساعة ومنتظم فيه. حأنتظم قريبا في الرياضة إن شاء الله. الأكل تقريبا رجعت آكل عادي بس عامل حسابي في الكميات إلى حد ما. الضغط الحمد لله مازال منتظم.
سلامات يا جماعة....اها كنا واقفين وين...طبعا انا كنت فى السودان...امضيت تلاتة اسابيع...الوالدة اول ماشافتنى قالت لى مالك ضعيف كدة؟؟ عيان؟؟ طبعا انا اتكيفت كيف شديد...لمان وقعت ليها الحاصل قالت لى الضعفة سوتك شين...على اى حال بصراحة كدة رجعت بى كيلو زيادة...لكن الان الحمدلله الامور استقامت على نصابها....السكر انا موقفو نهائى زى اخونا النصرى..باكل كميات مهولة من السلطة .. الرغيف برضو واقف منو شبه نهائى دايما فى العشا بعمل خلطة بتاعة رز شوية مع سلطة كمية وشوية من طبيخ اليوم...
الرياضة ما منتظمة...لكن بقت عندنا مشكلة بتاعت ملابس...واشان ماضامن نفسى اى هدوم جديدة بقيت اشتريها بين المنزلتين....
اخونا العوض فى بيناتنا حساب...لك عندى 50 دولار سوف انسق معاك انشالله
اها المداخلة دى قلنا نقد بيها عين الشيطان
تحياتى ليكم بدون فرزش
Post: #1464 Title: Re: Sudaneseonline Biggest Loser Author: النصرى أمين Date: 10-04-2012, 04:54 AM Parent: #1463
يوم حزين فقدت نضارتى الشمسيه التى كلفتنى 400 دولار
نفسيات عديل من الزعل مشيت محل بتزا واشتريت 2 اسلايس بالجبنه ولو لقيت كباية سمن كنت شربتها
يا مريم الحاصل شنو؟ من يوم الوفاة ما سمعنا منك شئ!!!!
================
المذهب النصرى اثبت نجاحه بشدة,,,
هذه الايام سهير سافرت السودان للاطمئنان على والدتها ,,, فضلت انا هنا لرعاية الاولاد .... شغال فى شغلى عادى ,,, بجى البيت ..بطبخ ..وبغسل العدة ,,وبغسل الهدوم وبكويها ,, وبنضف .... بعمل الحاجات دى كلها وكمان معاها التهاب فى الاذنين STRESS مبالغ فيهو ,,,,, بالرغم من ده كله محافظتى على نمط الحياة الجديد يسير بصورة طيبة ما بشرب سكر نهائئ ما باكل بسكويت مع الشاى خالص .. ما باكل جنك فووود بالمرة ... محارب كل انواع الحلويات والفطاير.... هل فقدت وزن ؟؟؟؟؟ I DONT KNOW AND I DONT CARE اساسا ما بطلع فى الميزان وما شغال بيهو ... انا بعمل فى الحاجة الصاح غير ذلك لا يهم ....
انه نمط حياة وليست مرحلة تنتهى بانتهاء مراسيم الحفل
مش زى ناس العوض وغباشى ....فورة اندروس ....لو بتعرفو الاندروس تبقى مشكلة
اوكى اول ضحايا الثوره التصحيحيه للبوست هو المياه الغازيه (بيبسى وكولا وغيرها) انا ما قادر اصدق انى جسمى خالى تماما منها طوال عمرى كنت لا استغنى عن البيبسى لا يمر يوم الا وعبوة 2 لتر تقضى نحبها على يدى
الخرمة كانت اقوى من خرمة الكوكايين والمقاومه كانت صفر دلوقت اكث من سنه لم اقترب منها وان كان احيانا اشعر بالحنين وانو علبه صغيره لن تاثر
يا جماعة تحية كبيرة للنصري و هو بيتحدى كل الصعاب و بيتريض. و الله يا النصري انجاز يا اخى.
....انا قلت ليك ما تشتغل بالسرعة....اصلا ما مهمة. لكن الجري بيبدا من 5 ميل فى الساعة و فى ناس بيقولوا 5.5 كمان.
عشان قاومت الأكل.. 
لحدي ما بقوا كريمي ... وبعداك بي كيس الحلو عملتهم كده... 
.....
)...
[/IMG]....لاويقه موش... لكن والله الاحساس بالانجاز جميل جداً، وبخلي الزول يفتخر بي نفسه.. واحساس الذنب مافي، يعني ما بحس اني عملته جريمة.. والميزان قاعد ينقص والحمدلله... 
و لسة ما عارف موقعي وين بالنسبة لي توني 
.
