السنة دي البرد هجم علينا بدري قبل المواعيد . درجة الحرارة الليله في أوسلو وصلت ماينص 10 وشايف القناة التانية داقة جرس قالوا السنة دي حيكون في برد قياسي وفي شح في الكهرباء يعني موعودين بي فواتير مولعه نار في الجو البارد دا وأستضافوا خبير نظر كتيرما خلا حاجة حتي الشبابيك والابواب قال يبدلوها بي واحده حديثة تمنع تسرب البرد. لكن ثيرموستاتك دا ما جاب سيرتو.
فاتورة شهر عشرة جاتني ما يعادل 350 دولار امريكي رغم إنو كان أدفأ من الشهر دا يعني ان شاء الله الواحد الشهر دا موعود بي كم ماعارف!!
نخش في الموضوع ممكن تورينا الثيرموستات دا بتوصل وين ومع ياتو أجهزة وبالمناسبة التدفئه عندكم بي شنو لأنو هنا بي راديتر كهرباء ما موية هل نظامك دا بنفع معانا؟
نصيحة من هنا ليك إنت والوليدات أكلو كويس وأتغتو كويس عوجة ما بتجيكم والبتجيك في دولاراتك سامحتك.
تحياتي للأولاد والمدام وكل سنة وإنتو طيبين
Post: #5 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: Adil Hamza Date: 11-25-2010, 07:57 PM Parent: #4
سلام يا النصرى ما فهمت التوفير ده حا يحصل كيف هل تعرف السبب و ما هو الفرق بين النوعين
Quote: سلام يا النصرى ما فهمت التوفير ده حا يحصل كيف هل تعرف السبب و ما هو الفرق بين النوعين
Salamat Nasri Salamat Adil i think the benefits come from the (programmable feature), which is gonna let you schedule the temperature every single day, as the video shows
نحن عندنا هنا نظام التدفئة عن طريق ال فيرناس furnace وهو يشتغل بالغاز الطبيعى والغرض منه تسخين الماء و بث هواء ساخن لمواسير مخصوصة للتدفئة..
بشتغل كيف؟
الله اعلم
غايتو الا يجينا صنايعى يشرح الحتة ......
حسب فهمى للشغلانه ...اذا حصل انك عرقت فى البيت بسبب السخانه فده معناها 10 دولارات راحت مع العرق داك ..... كل مرة تعرق فانك تخسر عشرة كنجالات ....
الثيرموستات القديم متحجر وغير مطاوع ....اذا ختيتو فى 80 فهرنهايت حيقعد فى 80 فهرنهايت... الثيرموستات الجديد زى الجوال الذكى ممكن تبرمجه
كدى بجيك راجع ... مواعيد الوردية قربت
Post: #9 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-26-2010, 02:06 PM Parent: #8
نواصل..
السبب الخلانى يا اسامة اتشجع فى تغيير الثيرموستات القديم انو بالليل خالص درجة الحرارة عندنا بتنخفض والثيرموستات ############ بكون واقف فى محله والبيت ببقى زى التلاجة..
ومرات بعمل احتياطى واضعه فى درجة عالية عالية ..بالليل الواحد يصحى من السخانة ويلقى نفسه عرقان فى العرق الساعة 3 صباحا ... وزى ما قلت ليك اى عرق تعرقه فى البيت معناه انو السخان شغال بالخسارة ... والدولارات تضيع ..
التعديل بسبب انو كلمتى المفضلة (البلييد) منع استخدامها واستبدالها ب ############
Post: #10 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-26-2010, 07:36 PM Parent: #9
سلام عادل فعلا زى ما قال الاخ اشرف انو السبب الرئيسى وراء التوفير هو البرمجة....
لكن برضو فى عوامل تانية ... مثلا انا دلوقت عاملو على 23 درجة القراءة فى العداد تقول ان درجة حرارة المنزل 23.2 والسخان ماشغال فى اللحظة دى .... شوية شوية درجة الحرارة فى البيت حتبدا تنزل (لانه السخان ماشغال) لمن تصل ل 23 درجة السخان ما حيبدا يشتغل ..اكرر ما حيبدا يشتغل حينتظر شوية لغاية ما درجة الحرارة تنزل اكتر شوية على افتراض انو درجة الحرارة البقراها الترموستات ما بالضرورة تعنى ان البيت بارد ويجب تشغيل السخان ......بعد ان تنزل الحرارة لمثلا 21 الترموستات حيطلب من السخان يشتغل ...الزمن الاضافى ده يعتبر توفير ... فى حالة الترموستات العادى ..عندما يقرا 23 درجة طوالى حيشغل السخان فى الوقت انو البيت كان ممكن ينتظر شوية ....
فى حالة البرد القارص ممكن الزول يثبت الترموستات على درجة معينة بالضغط على زر Hold ...فى المثال اعلاه لو درجة الحرارة وصلت 23 الثرموستات طوالى حيطلب من السخان يشتغل ...
فائدة تانية ..القراءة الديجتال سليمة ودقيقة ..الترموستات الجديد يقرا درجة الحرارة بكسر من العشرة مثل 23.2 او 23.5 او 23.9 ودى حالة تنعدم فى القديم
Post: #11 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: احمد محمد بشير Date: 11-26-2010, 07:59 PM Parent: #10
يا جماعة و الله البرد في منطقتنا شديد السنة دي غايتو اول مرة تبرد كده في شهر 11 طيب لو جاء شهر يناير وفبراير الحيحصل شنو؟!
انا غايتو يا النصري مشغل التدفئة حقت الأرضية, وحقت الكهرباء تحت الشبابيك, ومشغل عيون البوتجاز الأربعة ولابس سيوتر.
درجة الحرارة حاليا في المؤشر خارج النافذة 19 تحت الصفر.
في شهر فبراير بتنزل لحدي 35 تحت الصفر. بس في نوفمبر الحالي!, أصلا ما كان بتصل للمستويات دي. طبعا الشمس فارقناها من شهر 10.
الله يستر السنة دي.
Post: #12 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-26-2010, 08:04 PM Parent: #11
شكرا يا اشرف على الفيديوهات المفيدة جاييك يا احمد بشير لانو قصتك بايظة شديد
Post: #13 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: احمد محمد بشير Date: 11-26-2010, 08:05 PM Parent: #11
نظام السيرموستات ده ما عندنا يا النصري. التدفئة عندنا بالكهرباء ونظام التشغيل ضغط علي الازرار.
قبيل الصباح دقست ومشيت محل الدوام كداري رجلي أصلا ما كنت حاسي بيها في السكة إلا بعد ما وصلت الدوام بي ساعة كده حتن حسيت إني عندي رجلين.
غايتو تاني التوبة.
Post: #14 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: عبد الخالق امن الله Date: 11-26-2010, 08:19 PM Parent: #13
والله يا شباب السنة دي البرد غايتو محمر عينو شديد مع انو قالو ما عارف احتباس حراري ما عارف شنو
Post: #15 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-26-2010, 08:23 PM Parent: #14
DRI-WEAR® Thermal Microfleece Pant 35 دولار كندى .... ده يا احمد تلبسه تحت البنطلون ..يخليك تعرق عرق ....
تلقى روحك قاعد فى البيت زى الزول التحت ده
Post: #16 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: عبد الخالق امن الله Date: 11-26-2010, 08:30 PM Parent: #14
الاخ نصري وبقية الشباب
كنت عايز اوضح ليكم حاجة
انو الديجتال تيرموستات اذا عايز توصلو مكان القديم لازم تغير
التوصيلا في الجهاز نفسو
لان القديم توصيلتو بتختلف
Post: #17 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-27-2010, 11:41 PM Parent: #16
سلام عبدالخالق
Quote: انو الديجتال تيرموستات اذا عايز توصلو مكان القديم لازم تغير
التوصيلا في الجهاز نفسو
لان القديم توصيلتو بتختلف
انواع الديجتال التى تباع لدينا فى محلات مثل Canadian tire Home depot Rona home hardware
معظمها بتشتغل مع معظم انواع الدفايات Furnace ...
اعتقد ان السيستم واحد فى كل دولة ...فالبشتغل فى كندا ما اظنه حيشتغل فى النرويج مثلا ده اذا افترضنا انو الجهاز الكندى يباع هناك ......
بالنسبة لينا لو الواحد مشى المحلات دى ممكن يشيل ثيرموستات ديجتال وهو مغمض لانو النظام واحد ونادر جدا تكون المواصفات مختلفة ...
بوست جميل و خفيف الظل جسم الانسان بيفقد حرارة من السطح الخارجي (مساحة السطح الخارجي للانسان) و لازم الاجهزة الداخلية للجسم تفرز حرارة مساوية للحرارة التي يتم فقدها و اي اختلال يشعر الانسان اما بسخانة او برودة كذلك المنازل او البيوت تفقد حرارة في الشتاء و عشان كدة لازم تكون كمية الحرارة ال بتطلع من اجهزة التدفئة مساوية للحرارة التي يفقدها المنزل او البيت في الساعة ... ولا احب ان ادخل في معادلات كمية الحرارة التي تفقدها البيوت تعتمد علي درجة الحرارة الخارجية التي قد تصل الي 50 تحت الصفر عشان كدة الثيرموستات بيلعب دور مهم في حفظ المعادلة بين الطقس المعتدل في البيت و الصرف الكهربي حاجة تانية مهمة هي انو برمجة الثيرموستات تختلف من بيت لاخر مثال اسرة يذهب اغلب افرادها للعمل و الاطفال للمدارس يعني البيت فاضي من الساعة 7:30 صباحاً و حتي 3:30 بعد الظهر من الاثنين الي الجمعة الانسب في هذه الحالة برمجة الثيرموستات علي ان لا يعمل بكثافة خلال هذة الفترة لانة خسارة مادية قد تصل الي مئات الدولارات في السنة حسب حجم البيت و اذا كان صاحب البيت عاقل و مُدَبِر يبرمج الثيرموستات لكي يعمل بكثافة بعد الساعة 2:00 ظهراً عشان عند العودة من العمل يكون اليد دافيء و تكون هناك برمجة خاصة بيومي السبت و الاحد
كنت اتمني انو يكون عندي وقت اكتب اكثر لكن الرغبة اكيدة و الوقت ممحوق
لك عزيزي النصري و لضيوفك بالبوست (البردانين) كل الود
Quote: الإتزان الحرارى لجسم الإنسان يحتاج الإنسان للحفاظ على درجة حرارة ثابتة لأنسجة الجسم تبلغ 3ْ7 م، ويمثل التغير فى هذه الحرارة ببضع درجات خطرًا يهدد صحته، بل حياته. ومن أجل الحفاظ على درجة الحرارة هذه فى الحدود الملائمة لحياة الإنسان يتمتع الإنسان بجهاز معقد لتنظيم درجة حرارة جسمه يقوم بتحديد درجة حرارة الأجزاء المختلفة للجسم ، وإتخاذ الإجراءات الملائمة لتعديلها بما يكفل الحفاظ على الصحة والحياة. فجسم الإنسان يقوم بتوليد الحرارة عن طريق حرق المواد الغذائية داخله، لتوليد للطاقة التى يحتاجها الجسم البشرى للقيام بوظائفه الحيوية، وحتى لا تؤدى هذه الحرارة إلى إرتفاع درجة حرارة الجسم، يعمد الجسم إلى التخلص منها فى الحالات الطبيعية وفى حالة زيادة درجة حرارة الجو، بينما يحاول الحفاظ عليها من التسرب فى حالة إنخفاض درجة الحرارة المحيطة بالجسم. والجسم يكتسب الحرارة ويفقدها بطرق عديدة، فاذا تساوت كمية الحرارة المكتسبة مع المفقودة كان الجسم فى حالة (اتزان حرارى) أما إذا زادت إحداهما على الأخرى تتزايد الضغوط على جهاز التنظيم الحرارى للحفاظ على درجة حرارة ملائمة ويزداد الشعور بعدم الراحة الحرارية . وهناك عدة متغيرات تؤثر فى الاتزان الحرارى للجسم وبالتالى شعوره بالراحة:
هناك كلام كثير و هناك زمن قليل ... العندهم زمن ممكن يبحتو و يفيدونا و النصري بَحَات و بيعرف مصادر المعلومات ... و نحن بانتظاره
Post: #21 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: عبد الخالق امن الله Date: 11-28-2010, 02:48 PM
نصري والخوة الاعزاء
نحنا في اوربا الغربية لدينا انواع كثيرة من الاجهزة وانظمة مختلفة
عشان كدا انا قلت لازم تعرف كيفيت التوصيل
اما لو في كندا نوع واحد دا موضوع بيكون ساهل
تخريمة يا نصري طالما انت في كندا كنت عايز استقسر
منكم انا في الحقيقة متخصص في مجال التدفئة ولدي خبرة في هذا المجال في اوربا
وعندي فكرة الي الرحال لي بلدكم دا بس كنت عايز اعرق اذا في فرص للعمل
وشكرا
Post: #22 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: ناصر فراج Date: 11-28-2010, 03:06 PM Parent: #4
اسامة البلال سلام ياعزيز 200 دولار بس الله يكون فى عونك انتة شغال بنظام تشغل الدفاية خمسة دقائق وتبطل ولا شنوء ياخى نحنا نص حطب والنص التانى كهرباء ما اقل من 600 دولار بشيل حالك مع ناس لارفيك الله يكفينا شر جليد السنة دى.
Quote: 200 دولار بس الله يكون فى عونك انتة شغال بنظام تشغل الدفاية خمسة دقائق وتبطل ولا شنوء ياخى نحنا نص حطب والنص التانى كهرباء ما اقل من 600 دولار بشيل حالك مع ناس لارفيك الله يكفينا شر جليد السنة دى.
كلو شئ يا ناصر ولا شيل الحال مع ناس لارفك الأمراء. إنت عارف أنا خلطت كنت في البداية ناوي أكتبها كرونات لكن تاني تذكرت إنو أخونا النصري ما حينقش لي موضوع الكرونات فحصلت اللخبطة. حقيقة فاتورة شهر أكتوبر جاتني 2000 كرونة رغم إنو شهر أكتوبر ماكان بارد شديد وما إستهلكناكهرباء كتير فربنا يستر من الجاي.
تحياتي للأسرة وعبرك لناس لارفك
Post: #24 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-28-2010, 11:16 PM Parent: #23
يا حامد خلى الاستهبال
Quote: العندهم زمن ممكن يبحتو و يفيدونا و النصري بَحَات و بيعرف مصادر المعلومات ... و نحن بانتظاره
يا اخونا حامد ده مهندس ميكانيكى ومجاله تصميم اجهزة الدفايات الصناعية الضخمة...
قال فى انتظارى قال ....
زول يقدر يفرتك السخان ويركبه من جديد ويقول ليك النصرى منتظرنك .....
النصرى يخربه كان بفهم فى الحاجات دى ...
Post: #25 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-29-2010, 04:50 AM Parent: #24
سلام عبدالخالق فى حكاية الشغل انا عندى قناعة خاصة احتمال كتيرين هنا ما مقتنعين بيها .....
الشغل هنا كندا "هبطرش" بالمصطلح السودانى وعلى قفا من يشيل على قولة اخوانا المصريين ...
الشرط الوحيد ليهو انك تكون تجيد ما تدعى انك تجيده وانك صنايعى ماهر وحريف عندك خبرة عملية وعرفة ودراية حقيقية بتفاصيل وخصائص الوظيفة ......
على حسب علمى ان تخصصات فى مجال التبريد مرغوبة ومطلوبة فالبلد شتاءها قارص و صيفها يلحم ....شركات التبريد والتسخين كتيرة جدا جدا تحاول سد الطلب الشديد ...... انا متاكد انهم لا يمانعون فى تعيين اى شخص يمكنه قيادة عربة الشركة والذهاب لصيانه سخان او مكيف الزبائن ......
يمكنك ان تتصفح مواقع بعض الشركات هنا ومراسلتهم فالكثيرون منهم لا يمانعون فى استيراد العمالة المدربة من الخارج ...
الخيار التانى ان تحضر بنفسك وتشوف سوق العمل ...
واذا احتجت لمساعدة اكثر يمكنك الاتصال بى ..
وبالتوفيق
Post: #26 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-29-2010, 04:53 AM Parent: #25
اسامة وناصر اتكلمو لينا بالعربى
كورولا شنو؟
Post: #27 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: عبد الخالق امن الله Date: 11-29-2010, 07:19 PM Parent: #26
تشكر كتير اخي النصري
علي المعلومات والنصايح
وانشاء الله سوف احضر الي كندا في اجازة الصيف ونعملة مقارنة بين الوضع هنا وهناك
وانشاء الله نتشرف بي لقاؤكم
Post: #28 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: أسامة عبد الجليل Date: 11-29-2010, 07:36 PM Parent: #27
شكرا يا النصري
تعرف الثيرموستات بتاعنا ديجتال لكن برضو الصرف كثير
Quote: عندما ترحل من البيت او الشقة يمكنك استبدال الجديد بالقديم فى خمسة دقائق...
الجديد ده، ما تخليهو ليهم يا النصري اخوي الله يرضى عليك.
ناس عشرة تحت الصفر ديل كايسين للهِيّت مالُن؟ بطاطين في بلدهم مافي؟...
Post: #30 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-29-2010, 08:45 PM Parent: #29
معليش يا الهادى والله ما قصدت افطك...
Quote: والله يا النصري طقتنا صقيعة أخير منها الشعلقة في دفارات الحاج يوسف .. ياخي الواحد جوة العربية بكدكد عديل من البرد لا حول الله ده شنو ده هو ؟؟
اوع تقول لى البرد ده فى حائل!!!
ولا جيت معانا بجاى ..
الزول المستهبل داك ان شاء استرديت حقوقك منو!!!
ولا انا بهلوس برة من راسى ...
Post: #31 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: ناصر فراج Date: 11-30-2010, 01:19 AM Parent: #30
النصرى يا عزيز واللة انا كت قاصد كلامى عربى بس الا عاد اسامة البلال هو العلوقو بالكورلات والكرونات لكن يالنصرى الشى الجبتوء داء مع ناس 70 سنتميتر اقلاها ديل ما بسوى شى لكن اسامة الفاتورة مجرساهو ساى لمن نخبلتك فى العملة من شى كورلات وشى كرونات يدك العافية
Post: #32 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: حسين نوباتيا Date: 11-30-2010, 07:31 AM Parent: #31
مشكور يا النصري بوست مفيد جدا..
اشرف الحلبي دا يا اخوانا كان في east cost
ما يدينا طلة انا عندي اكبر tool box في الحلة اليشوفوا يقول بصنع عربات
بفتحوا اتفرج فيهو واقفلوا و لو حصل اي خلل بجوني ناس الـvanنات يشختو الـdebit card لمن تجيهو وتجيني حمة..
Post: #33 Title: Re: 30 دولار يمكنك تقليل تكلفة تدفئة مكان سكنك(يوجد شتاء فظيع) Author: النصرى أمين Date: 11-30-2010, 04:50 PM Parent: #32
سلام اسامة
Quote: شوف لينا حلول أخرى
خايفك تبقى زول صاحبنا... كان ساكن فى شقة فواتيرها كلها مدفوعة ضمن الايجار(تدفئة..كهرباء .ماء الخ)